|
بقول القصة وقولوا رأيكم بالموضوع
اليوم بقول لكم قصة وحدة من البنات بس هذي القصه انا متأكده انها حاصله في كل بيت فيه بنت في سن الزواج و اخوانا الشباب ما حسو لا فينا ولا في خواتهم و كل ام حاسه ببناتها بس احساسهم مايغير شي بالموضوع مابي أطول عليكم بدخل بالقصه على طول ام عبير اتصلت عليها حرمه تخطب لولدها خالد و تمدح فيه و تمجده كأنه أحسن ولد في العالم وتسئل عن عبير تقول : والله يا ام عبير يقولون بنتك عبير حلوه صدق؟؟ ام عبير ترد :الحمدالله بنتي جميله و مايعيبها شي :) ام خالد : عساها طويله ؟ عساها بيضاء؟ شعرها ناعم ؟ كيف جسمها بالله وصفيها لي ام عبير تحاول تجامل وتمسك اعصابها ام خالد : ها يا ام عبير متى يناسبكم نجي نشوف البنت !! ام عبير: والله يا ام خالد عبير تفضل ان الولد يجي وبعد مانسئل عنه هو يشوفها ام خالد : وشوووووووو من جدك اصلا البنت مالها راي الشور شور اهلها وانا لازم اشوف الي ولدي بياخذها يناسبكم باتسر؟؟ ام عبير برد لك بكرا تنتهي المكالمه وتنادي الأم بنتها وتقولها ها وش رايك موافقه عبير : على ايش؟ الأم :على الولد عبير : لا شفته ولا عرفت عنه شي وشلون اوافق الأم :خلاص بواعد اهله وشوفيهم عبير : وش ابي بأهله باخذه هو ولا اهله و بعدين فكينا من سالفة الأهل احنا اتفقنا اي موضوع يكون بينا وبين الولد على طول انا ماابي اعرض نفسي على الحريم انا انسانه مو ناقه مميزه جايين يشترون و البيع ل أعلى سوم كم مره دخلت على حرمه و حرمه يجووون ساحبين خواتهم و بناتهم وقهوه وشاهي و معجنات وحلا وكركره والفرجه بلاش وبعدها يروحون ولا نعرف ردهم خلاص انا مليت انا انسانه عندي كرامه و مشاعر و احاسيس مابي هذا الوضع يمه خلاص الأم مصر على انهم يجوون وش تسوي تبي الستر لبنتها !! عبير تستسلم زي العاده بعد ماقالت لها امها جهزي لبسك مانبي لا بنطلون زي اول مره يمكن كان هو السبب ولا تنوره قصيره زي ثاني مره و شعرك لاتخلينه كيرلي هذولي يحبون الناعم و دهني بفكس خلي لونك يفتح تراهم يحبون البياض !!! عبير جوابها !!لاتعليق تاخذ عبير جوالها وتكلم صاحبتها ساره و تطلب منها لبس يناسب اصحاب المعالي لأن ملابسها ماتتوافق مع المقاييس العالميه للأم السعوديه و يعلنون حالة استنفار في البيت لأستقبال الضيوف الموعودين الأطفال يرسلونهم لخوالهم و صياني الحلا و الموالح تتجهز و البخور يتولع و يجون الضيوف و تستقبلهم الأم طبعا ام الولد و توابعها اختها بنتها بنت خالتها اللي يجي ماهي الفرجه بلاش بعد السوالف و القهاوي تدخل عبير و العيون تراقب داخله وهي كأنها تقول شوفوني عساني عاجبتكم عساني مطابقه للمواصفات و المقاييس !! تطلع و يطلعون وراها من ذلك منزل الذي احتفاء بهم وكرمهم وعرض لهم سلعه من سلعه والابن ينتظر هاه عساهم جازتلكم (( و ((اه بس يامخفه لو بتشتري سياره انت اول من يحددها يمر يوم يومين ثلاث اربع ولاحولك احد محد دق ولاحد اتصل وبنت تقول خلاص ميئوس منهم وتمر الاشهر والبحث جاري مابين بيوت خلق الله مافيه بيت ماطقوه ولافيه عائله ماشوفوا منها والابن في انتظار و البحث جاري و المشاعر مالها حساب عندهم البنت تبدا توسوس وش فيني انا شينه؟ طيب الكل يقول عني حلوه؟ ياربيه معقوله اعنس؟ معقوله محد يبيني!! طيب ليه ما ردو !! ويبقى السبب مجهول و عبير خاطرها مكسور مين يواسيها !! امها الي ضايق صدرها اكثر منها على كسرة خاطر بنتها ولا الخطيب المجهول !!الي يمكن حتى هو مايدري ان اهله جايين يشوفون له طبعا محد رح يواسيها صديقاتها مثلها ماهما سعوديات بعد و النظام ماشي عليهم يعني لا تشكيلي واشكيلك ولا تبكيلي و ابكيلك ولا صاحبتها اللبنانيه عشان تضحك عليها و تقولها لك شو هالتخلف .............. يا ناس حرام عليكم الله و رسوله ما قالو كذا ليه أجازو النظره الشرعيه لأن الولد نظرته غير عن امه مره حريم رايحين يشوفون وحده لولدهم و والولد هو الي موديهم لمى شافه الأبو عند الباب سلم عليه و دخله واعجب بأسلوبه وقاله بنادي لك بنتي و شافها وشافته طلعو اهله من بيت البنت وهم يقولون البنت ما تصلح شينه الولد قال الا تصلح و انا شفتها و اعجبتني و تزوجو و انسترو مايستفاد من الحكي هذا كلو و القصه ياناس احنا بنات حمايل ولنا نسايب وعايشين ونتنفس اسئلو عنا وبتجيكم مواصفاتنا بعدين يجي هو وشووله تجون انا باخذكم واالا باخذ ولدكم ياعالم متى تحسون بهالوضع تراه جدا مزري ومدمر نفسيا وغير لائق اخلاقيا لا ومصيبه بعضهم يشوفونك شهر 5 ويستكون يجي شهر 12 يدقون يقولون نبغها محلات وهي محلا 3 ايام مهله بعدها معاد يلتفتون لك وهي جماد ياناس حسووووا ليش مانعالج هاالمشكله لو كل بنت ترفض ان الأهل يجون و تشرط ان الولد بس الي يشوفها رح يتغير الوضع التعارف بين الأهل يتم ان شاءالله اذا تمت موافقة البنت و الولد وشافو بعض كل وحده لازم تفكر في غيرها اخوك اذا جاء يخطب حاولي تفتحين مخ اهلك الي يبغاك يجي يشوفك هذا الجاد والي شاريك وشاري اخلاقك ونسبك واذا شافك ولد كملت وصارت لمظهرك ولو ماصار شئ فخلاص القرار صدر من صاحب الشان مو من 3 الوكلاء الي يجون وانت ياعريس الغفله ليه ما تقرر بنفسك كم وحده ووحده راحت عليك وكان ممكن تسعدك و تسعدها و تعجبك و تعجبها بس ذوق خالتك ولا امك ما كان نفس ذوقك انت الي بتتزوج ولا اهل البيت ؟ |
ليه أجازو النظره الشرعيه لأن الولد نظرته غير عن امه
اعجبتني هذه العبارة لانها صحيحة مئة بالمئة...نظرة صاحب الرجل للمراة غير نظرة المراة اوالام لهذا كماتقدمتى اختى كلامك حسيت فيه بكل عبارة كتبتيها..ببلدي يختلف الوضع حتى لو كانت الخطبة تتم بين النساء الا ان صاحب الشان يكون سابقهم في رؤيته للبنت ولو من بعيد يعني لايقدمون الى ذلك المنزل الا بعد ان يكون ابنهم قد اخذ ولو صورة عامة...كما تذخل فيها معايير اخرى...ناهيك ن كانت هناك رابط بينهم هنا الراي يكون معروف وواضح. ارجو ان تتقبلي مروري اختى وليس عساي ان اقول الا يهدينا ويخلينا نفكر قبل نخطي اي خطوة ليس في الزواج فقط بل في كل شئ لانه احيانا تهورنا وعاداتنا البالية قد تودي بنا لظلم اناس قد نجهل حتى اننا اذيناهم وهنا المصيبة الكبرى. شكرا على الطرح المميز. |
شكرا اختي المرآة على مرورك واتمنى ان نفكر بالاخلاق قبل الجمال فالجمال جمال الروح والجمال الخارجي يفقد بهجته مع مرور الزمن لكن الخلق الكريم يبقى ولايتغير
|
صراحة ما ادري عنكم بس هون بالمغرب ما في نقاب بس حجاب حتى لو اللبس فضفاض والحجاب وفي تعامل بالشغل بين الذكر و الانثى فما بعرف يعني بس الليب قدر قوله النظرة الشرعية ليش الله اجازها مشان يكون لهم الحق يختارون بعض مو امه ما اعجبها معناتها ما راح اعجبه عن جد غريبة هذولا الناس الله يعين بس
تحياتي |
شكرا اختي الطيبة على مرورك
|
انا معك انها ظاهره منتشره في الخليج بصفه عامه
لكن للاسف انتي اختي عممتي ان كل السعوديات حالهم كذا وانا اقلك يا اختي اني سعوديه وبنت قبيله معروفه ولله الحمد في قبيلتي منتشره النظره الشرعيه واتزوجت عن طريق النظره فحبيت انوه يالسعوديات لا تسيؤ الا مجتمعكم بالتعميم تقبلي مروري |
]مراحب.. ظاهرة موجودة بكل مكان..ومحد ماكلها غير البنت..انا معاج بكلامج.. الريال هو الي بياخذها مو اهله..فلازم اهو الي يشووفها..ولو بشوفها احد من اهله امه ولا اخته..تيب العايلة كلها ليش..الي بط جبدي صج.. يوم قلتي انهم يييون عقب مادري جم شهر يقولون نبيها..لا تو الناس والله..في النهاية الجمال جمال الرووح..مو الشكل..يسلموووو |
موضوع شيق ادام الله عزك
من وجهة نظري ان الاهل يكون دورهم في امر واحد الي هو العيله الي راح يتزوج منها ابنهم هل هي من ثوبهم ولا لالالالالالا كمان البنت نفس الشيءهل العائله مناسبه . اذا كانت العيله مناسبه يأتي دور الابن والبنت هنا عن طريق الاهل الام او الاب يطلب الفتاة لابنه اذا كان هناك موافقه مبدئيه من الطرفين الله لا يهينه يتفضل لوحده يجي يشرب فنجال قهوه وكاسة شاي يستقبله ابو البنت او اخوها يتحدث معه يشوف امكاناته العقليه والفكريه وتوجهاته ومستوى تفكيره وتكون البنت موجوده جالسه ولا مانع انها تتبادل الحديث معه ويمكن زياره اخرى لانه الزياره الاولى غالبا ما تكون للتعارف ويكون فيه احراجات وخجل والذي منه يا جماعه هذي حياة وعمر لازم يكون فيه تفاهم واتفاق بين الطرفين يعني البنت كمان ليها وجهة نظر احيانا شكله ما يعجبها تختصرها من النظره الاولى يعني النظره مو بس للشاب كمان للبنت حتى هي ليها نفس وليها عواطف وتقرر على ضوءها وانا متاكد ان كل بنت تبي تنستر وتنضب ببيت زوجها واكيد قرارها هي الي راح تتحمل تبعاته وتكون المسؤليه على عاتقهم وهم الي مسؤلين عنه لانه الرضى اتى من الطرفين الاهل يكون دورهم الارشاد والتوجيه ومباركة الزواج فقط اشكرك ع الطرح المميز دمتي برعاية الله |
اختي نوف بنت نايف انا مااختلف معك عن النظرة الشرعية انا اقول الخاطب هو اللي يجي يشوف البنت والبنت تشوفهاليه يجيب اهله كلهم هذا اللي انا اقصده اما بالنسبه للنظرة فيه ناس يتقبلونها وفيه ناس لا انا ابوي الله يطول بعمره لو قاله زوجي وقت الخطبة انه بيشوفني كان غسل شراعه وطرده بعد اختي بنت الكويت مشكورة على مرورك الجميل اخي المجنون كلامك صحيح والرؤية لها اثر كبير في التهيئة النفسية لقبول الشخص للاخر من عدمه لقول الرسول عليه الصلاة والسلام (أحرى ان يؤدم بينهما) |
عزيزتي المشكله مو بألروحه والجيه اساس المشكله هو طغيان العادات
والتقاليد الأجتماعيه عليناوتجاهل بعض من امورنا الدينيه اضربلك مثلا 1- بعض الناس ما يؤمن بأشوفه الشرعيه قبل الزواج ؟؟؟؟ 2-انه البنت لولدعمها وما تاخد غيره وشكرا لك لطرحك هذا الموضوع وتقبلي مروري |
عشان كذا تجوز النظرة الشرعية ونظرة الرجل تخلف عن نظرة امه او اهله ... امه وش تبي تبغى منكان ملكة جمال اذا هذي مواصفاتها مارح تلقي بسهوله ...اما هو اذا شافها اهم شئ انها وحده تدخل القلب والباقي مو مهم .. وبعدين انا معك هذي عادات وتقاليد اغلب السعودين مو كلهما .. ويسلمووووووو على الموضوع ياقلبي |
اقتباس:
اختي مشاعر مبعثرة صحيح ان فيه ناس لازال لايقتنع بالنظرة الشرعية لكن اقل من اول لانه اصبح هناك وعي باهمية النظرة الشرعية ومدى تقبل الشخص للطرف الاخر من عدمه من خلال النظرة اما بالنسبة انه البنت لولد عمها الان ايضا صار مو شي الزامي عند الناس لان لاالان اصبح الشاب يتزوج من خارج القبيلة وحتى البنت كذلك رغم انه اول انه مثل ماذكرتي البنت لولد عمها او انه الزواج لايتعدى حدود القبيلة مشكورة على مرورك |
والله انك صادقه واحيانا يكون الولد مو ذاك الزود
|
اقتباس:
مشكورة على المرور دمتي برعاية الله وحفظه |
السلام عليكم
اسمحيلى اقول وجهه نظرى فى الموضوع ؟ اسف فى اللفظ لو بايخ (ما وصفتيه هذا لايفعله شخص الا اذا كان رايح يشترى سلعه) انا عارف ان الوصف قاسى لكن هذه هى الحقيقه ..لان الطريقه التى تحدثتى عنها تجعل المرأه عباره عن سلعه تباع وتشترى وليست انسان له شعور واحاسيس تلك المرأه التى كرمها الله نجعلها نحن سلعه............. نفسى اعرف لو كانت هذه عادات ليه العادات ديما تصير على المراه يعنى مثلا لماذا لا تذهب ام العروس الى بيت العريس وتأخذ صديقاتها ليتفرجوا على العريس ؟؟؟؟ الخلاصه ............ان من يريد ان يختار انسانه تشاركه حياته وتتقاسم احلامه وتكون عونه ومشجعه يجب ان يختارها بنفسه لانه اذا فشل فى الاختيار وفعلته امه بدلا منه فقد فشل فى قرار الزواج نفسه فكيف سينجح فى الزواج نفسه بعد ذلك .........واسف على الاطاله. |
اقتباس:
تسلمين على مرورك المتميز دمتي بحفظ الله ورعايته |
اقتباس:
كلامك صحيح ولازال الناس ماشين على هذه الطريقة وهم لما تروح الام وكل العايلة تكون فقط النظرة من ناحية الشكل الخارجي اهم شي تكون جميلة والجمال زائل لكن اللي بيبقى جمال الروح اللي مايتغير ابدا لكن من يفهم! شاكرة لك مرورك |
| الساعة الآن 03:54 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية