|
الجزء العاشر عفرا ...... دخلت مثل كل مره ... همجية .... وغاليه وياها لكن برقة ... في هالممر الطويل يمشون ... عفرا: ويه هلكت ... من زمان ما ييت هني ولا سويت رياضه غاليه: هههههه تستهبلين عفرا: هههه والله ريولنا عورتنا من كثر ما نمشي غاليه: تبين الصراحه هو صح تعب بس نستفيد في نفس الوقت عفرا: من شووووووه تستفيدين ...... الله يخليج روحج منقرضه غاليه: سخيفه ما تظحكين هههههههه ودخلن المكتب بدون لا احم ولا دستور ... ولا حتى دقّن الباب ..... عفرا: خالييييييييييييييييييييييييييييييي لف بالكرسي صوبهن ...... يوم شافهن ارتسمت ع ويهه ابتسامة ..... انشرح ويهه ... حس ان في شي مميز اليوم ... يوسف: هلا والله ..... عفرا ( تجدمت ووصلت عند خالها وحبت راسه ) : شحااالك خالي حبيبي ؟ يوسف: انا بخير الحمدلله . انتي شحالج ؟ غاليه: عمي شحالك ؟ شخبارك ؟ يوسف: هلا والله بـ غاليتي انا ...... عفرا: لا لا لحظة بدينا .. جيه ادلّع غاليه يعني وانا لا ؟ مسرع ما نسيتني يوسف: افا والله ... حد ينسى روحه ؟ انتي روحي غاليه: وانا ؟ يوسف: انتي قلبي عفرا: ههههههه يعني انا اغلى ... لان الروح اغلى من القلب غاليه: هاهاه ما تظحكين ويا ويهج يوسف: شحالكن ؟ وينكن ما شايفنكن من زمان عفرا: والله خالي شوه نسوي ؟ الجامعة وبلاويها يوسف: شوه تبين فالجامعة ؟ يلسي عندي هني فالبيت واللي تبينه بيوصل لج عفرا: لاااا جيه ؟ انا ما قلت لك محتايه شي .. لكن جامعة وبنات وسوالف جيه يعني نقضي وقتنا غاليه: الشهادة تنفع عمي فالمستقبل يوسف: شوه تبون بها الشهادة ..... والله تعالن عندي هني البيت .. وأأثث لكن حجرتين فوق .. ع ذوقكن اختارن أي حجرتين تبون .... وتيلسون عندي عفرا: خالي يوم بيطردوني من الجامعة بفكر في عرضك المغري الصراحه غاليه: هههههه انتي ما وراج شغل وافقي من الحين .... بلا توفل بلا خرابيط عفرا: اسكتي انزين .... لا تذكريني بالمأساة يوسف: انزين .... سيرن ريحن الحين فوق .. في حجرة من الحجر ..... و انا عندي كم شغله اخلصها في نص ساعة او ساعة بالكثير ... وافضى لكن اليوم بطوله ... عفرا: خلاص عيل ... عقب ساعه نحن عندك هني ... غاليه: ما يخصنا لو ما كنت مخلص يوسف: ههههه افا عليكن والله اهد عقبها كل شي واجابلكن عفرا: خلاص عيل ... يالله غاليه غاليه: يالله طلعن عفرا وغاليه .. وسارن فوق .. وهن يرمسن عن هالبيت اللي من متى ما داخلينه .... عفرا: بل هالتحفة لين الحين هني غاليه: ههههه الله اكبر قولي ما شاء الله عن اطيح وتنكسر الحين عفرا: هههههه غيّر الاثاث غاليه: هيه غيره .... بس حلو ما شاء الله عفرا: الحين لو تسألينه ... بيقولج خشب اصلي من الهند ما ادري من وين ... وايد متفيج الصراحه خالي يوسف غاليه: وايد يهتم في هالبيت عفرا: يا ريت لو معرّس بعد غاليه: انا قلت الحين بنيي بنشوف حرمه فالبيت ماخذنها بالسر ههههههه عفرا: ههههه فلم هندي ! غاليه: جااايز .. كل شي جايز في هالعايلة ..... عفرا: هيه والله .. شفتي مروانو الدب غاليه: ههههه ويه عفاري كيف قطعج عفرا: يوم اقولج غاليه: انا كانت فيه ظحكه بس مسكت عمريه عفرا: مالت عليج بدال ما ادافعين عني غاليه: احمد ريل اختج ما قصّر ههههههه عفرا: انتي سخيفه اصلاً ... جدام احمد وطارق وهزاع وابويه عادي عندج ..... بس جدام الباقين لا ! غاليه: يعني عفاري احمد وطارق دايماً اييون يوم انا هناك .. وبعدين ما آخذ واعطي وياهم وايد .. وابوج شرات ابويه ... وهزاع انزين بايعينها .... لكن بعد استحي منه .. اما الصراحه عيال خالج لا اسمحي لي عفرا ( تقلدها ) .. عيال خالج ... اللي يقول مب عيال عمج ! غاليه: أي حجرة الحين نيلس فيها عفرا: انتي في حجرة وانا في حجرة .... غاليه: لا والله ! .. حلفي ؟ شوه اسوي ايلس في حجرة ما ادري كم مساحتها روحي ؟ عفرا: ههههه نستغل الفرصه فاضي هالبيييييييييت غاليه: ههه لا تستهبلين ... عفرا: تعالي ندخل هالحجرة .... غاليه: دخلي أي حجرة الحين وفكيني دخلت عفرا وغاليه الحجرة ..... عفرا: برقد انا غاليه: يالله عن العبط ..... عفرا: شوه تبيني اسوي ؟ غاليه: يلسي ويايه عفرا: اجابلج ؟ مصدقه عمرج ويهج حلو .. مليت منج امس واليوم بطوله ويايه غاليه: هههههه مالت عليج والله .. بتشوفين .... عفرا: ههههه اسولف عقب ما ظحكن .. وسولفن .. وخلصن ..... شافن ان في حد راقد ..... ماتن من الزياغ .... تيبسن في مكانهن ...... وبسرعه ظهرن برع وصكن الباب .... عفرا: شفتي غلّوي ؟ غاليه: شفت شفت .... وياريتني ما شفت عفرا: منوه هذا ؟ غاليه: شدراني ... ونحن مالت علينا ما لقينا غيرها يعني ندخلها ! عفرا: لحظة .. تذكرين هالحجرة ؟ غاليه: شوه اذكر فيها ؟ عفرا: هالحجرة .... عموه سارة الله يرحمها كانت تيلس فيها .... تحيدين غاليه :اووه انتي وايد متفيجه .. عفرا: غلّوي تذكري .... يوم كنا نحتشر ليش ان واحد من عيال خالي سيف الله يرحمه ..... كان له حجرة في هالبيت غاليه: هيه اذكر .... لحظة .. اكبرهم شوه اسمه ؟ عفرا: عمر غاليه: هيه ... هذا هو بنفسه .. هذا كانت له حجرة في هالبيت .... عفرا + غاليه : ليكووووووووون غاليه: اويه الحين شوه نسوي؟ عفرا: شوه نسوي يعني ؟ غاليه: اييييييه وين سايرة ؟ عفرا: بسير اشوف لي حجرة ثانية ايلس فيها غاليه: ط هاي والله عفرا: غلّوي مب تسوين لي حركات الحين ..... امشي نسير نريّح في أي حجرة من الحجر .... عمر ...... جنه كان صوت بنات ! ... هذا مستحيل يكون كمال .... ولا حد من الخدم .. اصلاً ما يتجرأون يدخلون هني بدون ما يدقون الباب .. معقولة دقّوه و انا ما سمعت ..... بس صوت بنات وكل اللي فالبيت هني رياييل .... منوه ياي ؟ نش عمر من مكانه ..... سار وفتح الباب ... طل طله ..... ما في حد ! ..... ظهر ومشى ... وطل من فوق ... يشوف في حد تحت ؟ ما في حد ... عمر ... برد ارقد .... احسن لي .... ما اعتقد في حد ... انا كنت اتخيل ..... او حد من الخدم وانا ما ميزت الصوت !! في صالة بو هزاع ... عبدالعزيز: عمّوه يالله قومي سوي لي ام هزاع: قلت لك عقب ..... اصبر عبدالعزيز: لا الحين ابااااه سلامه: انته ايه .... مب تتأمّر ع اميه عبدالعزيز ( اطالعها بنظرة ) : ما رمستج انتي حصه: ههههههه سكتي عنه ... آمنة: هذا شوه يبا منج امايه ؟ عذيجه: يبا كريم كراميل ...... سلامة: جيه رمضان عبدالعزيز: عموه شوفيها هي تحط عليه الحين سلامة: ههههههه ويه زيغتني سيد عبدالعزيز عبدالعزيز: قومي سيري بيتكم يا بوي .. بسج من كم يوم يالسه هني ؟ سلامة: بيت ابويه عبدالعزيز: بيت عمتيه حصه: سلااااامه بس ... سكتي عنه سلامه: هههه يظحك يوم يرد ... ام هزاع: انزين اصبر .. عقب شويه بسير وبسوي لك عبدالعزيز: لا الحين ... عمر بيي ياخذني وانتي بعدج ام هزاع: انا بقوله ما ايي الحين عبدالعزيز: ما بيسمع رمستج .. نشي آمنة: عبدالعزيز قم تعال ويايه المطبخ انا بسوي لك عبدالعزيز: قولي والله ؟ آمنة: شوه اجذب عليك يعني ؟ عبدالعزيز: تعرفين تسوين ؟ حصه: قومي امون بيي وياج ... بنسوي .. عاد هو بياكل ياكل ما بياكل مشكلته شمسه: عبدالعزيز وين سالم ؟ عبدالعزيز: رقد فالميلس شمسه: ويه .... راقد هناك ؟! عبدالعزيز: هيه شوه فيها ؟ شمسه: وجيه ما تقولي ؟ نشت شمسه بسرعه من مكانها سارت صوب الميلس تشوف ولدها ..... سلامة: امايه ...... راسي يعورني ام هزاع: خذي لج حبّة بندول ..... سلامة: خذت .. كم آخذ عبدالعزيز: سيري العيادة سلامة: محد طلب رايك عبدالعزيز: ههههه والله تظحكين معرسه وما ادري شوه ... وبتييب ياهل سلامة: ما يخصك قلت لك ام هزاع: يالله يا سلامة بلاج اليوم عليه خليه سلامة: قاهر بي اليوم عبدالعزيز: ليش؟ سلامة: سر اتصل في اخوك ايي يشلك عبدالعزيز: مب ع كيفج بيت عمتيه سلامة: قلت لك بيت ابويه عبدالعزيز: عموه شوفيها ام هزاع: قم قم انته قم سر ويا آمنة وحصه المطبخ قم عبدالعزيز: الحين انا ريال تطرشيني المطبخ وهاي يالسه ؟ سلامة: هههههه الله يخليك لا تظحكني ريال اونه ام هزاع: قم حبيبي والله فديتك انا يا عبدالعزيز سر شوف آمنة وحصه فالمطبخ يسون لك الكريم كرميل بس يوز عن سلامة هاي ما فينا ع حشرتها عبدالعزيز: ههههه ويييييه قالوا لها ....... مب لـ شي بسير المطبخ بس عسب خاطر عموووه حبيبتيه سلامة: احسن بعد .. تفج عنا شويه .... ثاني يالس مثل كل مره فالظلام ...... يالس ع شبريته وصاك ع روحه الباب .. وحاط اللاب توب في حضنه .. ثاني روحه بنفسه عنده موقع يديره ... موقع تصاميم وفلاشات وخربطات وتقنيات الكمبيوتر اللي ما تخلّص .... يدخل هالبرنامج ينزل هذاك يتعبث في هذا ويخرب هذاك .... استوى شخص معروف فالنت .... بس بـ الاسم المستعار اللي اختاره لـ نفسه (T H A) يالس ومندمج في اللي يشتغل عليه ..... برنامج يديد خاص بالـ ماسنجر نزله ويالس يجرب فيه ويدخل هني ويطلع هناك .... دخل عيه زايد زايد: ما شبعت ؟ ثاني ( وهو بعده مندمج ): شوه بغيت ؟ زايد: ثاني بند هاللاب توب شويه وابغي ارمسك ثاني: شوه تبا ؟ زايد: بنده حس ثاني ان الموضوع شويه يعني مب وايد جاد ...... بند اللاب توب احتراماً لـ زايد ويلس يطالعه .... ثاني: بندته شوه بغيت ؟ زايد: ثاني عايبنك الوضع ثاني: أي وضع ؟ زايد: بيت عمي يوسف ..... وعيال عمي سيف الله يرحمه ثاني: هو الصراحه مب عايبني بس شوه تبانا نسوي ؟ زايد: لازم نسوي شي .... وضع عمر مب عايبني ثاني: بس والله ان ما شي مثل عيال عمي سيف .. ما شاء الله يوم تيلس وياهم والله تنسى كل شي عندك ... زايد: تو الناس ! توك تدري ثاني: لا ادري من زمان ... لكن يعني اضافات اضافات هههههههه زايد: وهالشي اللي يقهر .... عمي يوسف مفضّل بدر ع الكل ثاني: افففف يا هالبدر والله انه يقهر بخقته جنه محد دارس برع غيره زايد: لا تنسى اكيد بيتخقق دامه من قوم وقوم ع قولته ثاني: شوه قصده يعني ؟ خقته عليه وعلى ابوه لا ينسى ان امه تستوي عمتنا .... يعني بغا والا ما بغا فيه عرج منا ... وععععع مالت ... ويقهرني يوم يلبس بدل ويرفع هالشعر .. يلوع بالجبد.. زايد: ههههه تغار ليش انه احلى عنك ثاني: اتخسي الا هو والله ..... اونه شوه ؟ احلى عني ... حبيبي انا ما يهمني اللي يسويه ... وانا ما تهمني المظاهر زايد: هيه اشووووووفك واااايد ثاني: ههههههه ما تهمني المظاهر جدامه طبعاً ... بس مظهري الشخصي ... احم احم اوف كورس لازم اهتم فيه زايد: انزين انا ساير تبا شي ؟ ثاني: وين بتسير زايد: بيت عمي يوسف ثاني: ليش في اجتماع مغلق بعد ؟ زايد: لا ..... عمر هناك واتصل بي وقالي ايي نتعشى هناك وياه ثاني: شي جميل ..... الله وياك .. عمران .... يالس في حجرته يذاكر .... راشد ما يهون عليه يطلع للحين ومحد فالبيت ويا عمران غير فريد ..... وبعد ما يقدر يسير ييلس وياه ويخرب عليه مذاكرته ..... قال احسن شي يسويه ......... انه يسير يرقد ... وبالفعل سار حجرته و تسبح وبدل ورقد ..... وصل سعيد البيت .. استغرب .. معقوله رقود ! لا وايد من وقت ! .. مستحيل .. صعد فوق .. دخل اول شي حجرة عمر وعبدالعزيز ........ محد ! دخل حجرة مروان وعمران ... شاف عمران يذاكر سعيد: عمران عمران ( لف صوبه ): هلا سعيد سعيد: وين الباقين ؟ عمران :محد فالبيت غيري وغير راشد .. سعيد: ووين راشد ؟ عمران :ما ادري عنه والله الا من ساعه بس يا هني سألني احتاي شي ؟ قلت له لا ... وسار عني ولا شفته سعيد: اها .... وانته خلصت ؟ عمران: باجي لي آخر شي وبخلص هالكتاب سعيد ( ابتسم ): ييب عاد نسبة ترفع الراس عمران: بدعواتكم سعيد: الله يوفقك وظهر سعيد وسار صوب حجرته وحجرة راشد ... ما حب يزعج اخوه يوم شافه مهيّأ الحجرة للرقاد .... فما فتح الليت ولا سوى حركة تزعجة .. راشد: الحمدلله ع السلامة سعيد: انته ما راقد ! راشد: لا توني مخلص سبوح وجيه ... واوني برقد سعيد: اها ... عيل انته ما طالع من البيت راشد: ما تفيجت .... وعمران بروحه هني سعيد: عمران ريال بييلس يذاكر راشد ( ابتسم ): ما يهون عليه بعد .. كلنا برع البيت وهو روحه هني .. سعيد: هههه اوه اوه الاخ المثالي ... لاعب دور عمر اليوم راشد: الله يخليك .. لا ما ابا العب دور عمر .. وايد صعب .. ( حب يستهبل ) وفالاخير ما بقيم اللعبة بعد سعيد: ههههههه شوه هالاستهبال العجيب .... والله من الصبح ما سمعت استهبالاتكم راشد: طبعاً ... بديناااااااااا بالطلعات والسيرات والييات اشوفها كثرت كثرت .... وباجر بتنسانا بعد سعيد: حشى فـ ذمتك جان سويتها ونسيتكم ؟ راشد: ما يندرى ...... الحرمة تغيّر سعيد: عاد جان بتغيرني ع هلي .. والله تيلس في بيت اهلها ولا تيي هني راشد: هههه بل عليك من الحين تبا تيلسها في بيت اهلها وهي اصلا هناك .. حليلها ما تهنت سعيد: هيه عيل هي تيي وتنسيني اخواني ...... شوه هالرمسة ؟ راشد: من باب المزاح يا اخي .... لا تخف ... بتكون شرات اختنا ان شاء الله .. وبهذه المناسبة ... طبعاً انا انقل اغراضي ... سعيد: وين تنقلهم ؟ راشد: اممممم ما ادري ... الحجرة الي تحت سعيد: وليش ان شاء الله ؟ راشد: خير ؟ ... استاذ سعيد بتعرّس انته سعيد: لااااا .. سوينا الترتيبات .... الله يسلمك .. الحجرة اللي تحت بـ ممرها الطويل .. وحمامها الخاص .. ومساحتها الشاسعة انا باخذها .. لين الله يفرجها راشد: يعني انته اللي بتنتقل سعيد: هيه راشد: يسسسس .. سعيد: وبلاك وايد مستانس ؟ راشد: هاهاها ... تدري ما اصبر عن مناقرة اخواني ... ما كنت ابا اسير مكان ثاني بس جاملتك ههههه والا منوه يصبر عن استهبال مروان ودلع عبدالعزيز ونصايح عمر و تطوّع عمران من يصبحون كل واحد وميزته سعيد: هههههه الله ياخذ عدوك .... وانا مب فالحسبه هاااااا .. خلاص برع راشد: لا لا افا عليك.... ما بتسير بعيد متى ما زعلت ويا الحرمة تعال هني فوق شبريتك فالحفظ والصون ههههههه في بيت يوسف ... حان وقت العشاء ... يوسف: الله ياخذ عدوج يا عفاري ع هالسوالف ههههههه عفرا: والله يدي صدق يوسف: شوه تبيني انزين اسوي ؟ عفرا: عرّس خلنا نفرح فيك غاليه: عفرا بس خلاص هههه عفرا: مب ناوين تعشّونا ؟ يوسف: بلى ..... بس نتريا عيال خوالج ... انصدمت عفرا ........ عيال خوالي ! ... أي خوال ؟! وغاليه منصدمه اكثر عنها ....... انفتح الباب .... زايد: السلام عليكم ... يوسف: وعليكم السلام .. ارتاحت غاليه يوم شافت اخوها .. اشوه عمها كان يقصد اخوها اكيد .... والا لو حد ثاني .. عادي تصيح ! .. وعفرا رغم انها تخاف شوي من زايد الا انها هي الثانية ارتاحت نفسياً .. يالله زايد معقولة .. نمشّيها .. زايد: اوه غاليه هني غاليه: شفت عاد زايد: شحالج عفرا ؟ عفرا: الحمدلله بخير ...... زايد: ليكون كلتوا عني ؟ يوسف: لا لا افا ناكل عنك وعن عمر ... شوه هالكلام ؟ زايد: ههه فيك الخير عمي ..... مب جنه في اسم غلط يابوا طاريه في هالمجلس ! .... عمر: السلام عليكم ..... 3 منصدمين .... عفرا ... تبا حد يخشها يسوي أي شي .. بس ولا انها تيلس تجابل عمر .. غاليه ... لصقت في زايد ...... انخشّت وراه ... عمر .. ما يدري ان في بنات بيكونن على هالمائدة .. ما يعرف هل يجدم زيادة والا يرد من وين ما يا ... يوسف: تعال عمر .... عمر: هاه ؟ زايد حس بارتباك عمر .. وانه مب متعود ان عفرا او غاليه ييلسن وياه ... هو من كم سنة ما شايفنهن وآخر مره شافهن في هالبيت ... والحين عقب كم سنة بعد يرد يجمعهم هالبيت .. زايد ( ابتسم) : عمر تعال يلس عمر نزّل راسه وتجدم ويلس حذال عمه ... يوسف .... ع يساره عفرا ... وع يمينه .. عمر وحذال عمر زايد .. وعقب زايد غاليه ... اللي مرتاحه الحين غاليه .. وهذا اهم شي بالنسبة لها .. اخوها موجود يعني في شي من الخوف راح ... اما اللي مول رايحه فيها عفرا .. صح انها قوية في مواقف وفي مواقف ويها يستوي شرات الطماط .. يوسف: يالله بسم الله ... بدو ياكلون وكل واحد صاخ .. ولا يرمس ... الوحيد اللي شوي الوضع بالنسبة له عادي هو زايد ... زايد: غاليه تبيني احط لج من هذا ؟ وغاليه ما ترد ... لف زايد صوبها وشافها كيف لاصقه فيه .... وشاف ويها اللي تحس شوي والدم بينفجر منه .. ما استغرب هالأمر ع اخته لانه يعرفها ويعرف بـ خجلها الزايد ... حط لها فالصحن ع ذوقه و جدّمه لها ... اما عفرا ما تبا تنحط فالموقف اللي فيه غاليه .... فـ روحها شلّت صحنها وحطت الله تباه في صحنها .. وعلى ما زايد لف صوبها عسب يساعدها ... شافها مخلصه ... وعيبته انها تغلبت ع الوضع مب شرات اخته !.... هذا وهي وراه مندسه .. لو كانت مجابلة عمر شرات عفرا عيل شوه بتقول ؟ يوسف: غاليه بلاج ؟ وغاليه ما ترد .. يوسف: شوه فيها غاليه يا زايد ؟ زايد: عمي ما فيها شي .... يوسف: ما تاكل زايد: لا ... تاكل ما عليك .... اكلها شرات العصافير هاي عفرا: ما عليك خالي .... تعرف غاليه وايد تحب تدّلع ... يوسف: عمر شوه استوى ع عرس اخوك ؟ انصدم عمر .... تمنّى لو بس هالمرة .... بس هالمرة وع هالمائدة عمه يسكت ... ولا يجرّح فيه جدام بنت عمته و بنت عمه .... زايد تدارك الموضوع .... زايد: عمي ... ثاني يسلم عليك ... يوسف: الله لا يسلمه من ولد ... عفرا غصباً عنها رفعت راسها و ظحكت بعفوية .... عمر يوم شاف ان اللي يالسين يظحكون هو ابتسم ع رمسة عمه ..... زايد :ههههه لا ادّعي عليه حليله يوسف: متى بيودر البلوى اللي عنده ؟ زايد: يقول تكنلوجيا وتقنية حديثة يوسف: حديثة في عينه ... الا دمار والله دمار .. زايد: ما عليه ... روحه بيمل من النت واللي فيه .. وبيعرف انه كان غلط يوسف: وعلى ما يمل من النت .... جد نحن في قبورنا عمر: بسم الله عليك عمي .... فال الله ولا فالك .... يكفينا طاري الموت .. الكل سكت يوم عمر رمس ..... طلعت منه الرمسة مرة وحده ... كل حد حاس باحساسه .. وعمه سكت مب عسب ان امه اللي متوفيه ... عسب ان ابو عمر اللي هو اخوه هو اللي متوفي .. مروان وهزاع .. هياته ..... عالآخر ..... وعقب ما شبعوا ردوا بيت بو هزاع .... شمسه ردت بيتها وحصه ظاهره الحين بترد البيت .... مروان: ليكون بتباتين هني بعد ؟ هزاع: يالله يالله ردي بيت ريلج يالله سلامة: والله لو ببات كيفي مروان: ههههه والله لو انا بدال طارق .... والله ما خليتج هالكثر تباتين بيت اهلج سلامة: ما تخربون ريلي عليه .... مروان: نحن نخرّب ريلج عليج ؟! ريلج روحه والله .. اصلاً يروم لكن حليله ما يبا يزعلج اونه قاصه عليه احمد: ههههه الحين شوه تبون بها الحرمة كيفها آمنة نازلة من فوق لابسه عباتها وشيلتها .. مروان: شوفي تعلمي من اختج ..... حصه: يالله مع السلامة ام هزاع: بتسيرين روحج؟ حصه: هيه امايه ... يايه بسيارتيه .. عبدالعزيز: حصه باجر مري عليه طلعيني احمد: هيه تشتغل عندك عبدالعزيز: هههههه والله ابا اطلع حصه: ههههه باجر ما اقدر يوم ثاني شوف يناسبك وبظهرك ان شاء الله .. يالله ريلي روحه فالبيت فمان الله ام هزاع: سيري فديتج بحفظ الله .. احمد: سلمي على علي حصه: يبلغ .. فمان الله مروان: اتصلي في طارق يالله سلامة:هههههه انته ابا اعرف جيه منقهر ؟ احمد: ياخي عرّس وتحكم في حرمتك مروان: هو بـ ودّي لكن الميزانية ما تسمح للأسف عرس سعيد جريب هزاع: ههههههه لا تظحكني اونك بتعرس مروان: لييييييش مب مازر عينك ههههه احمد: انته وياه بس وايد تظحكون هههه آمنة: يالله احمد .. مروان: قم قم .. يالله سر ام هزاع: انا ابا اعرف انتي ظاهره عنيدة ع منوه يا بنيه ؟ باتي هني ... شكلج وايد تعبان آمنة: امايه ما فيني شي ... برد البيت برقد وبرتاح .... مروان: يالله عزوز نسير البيت عبدالعزيز: عمر بيي ياخذني مروان: وشحقه العباله ؟ عبدالعزيز: هو قال مروان: قم نسير وانا بتصل به بقول ما اييك عبدالعزيز: جيه تخرّب عليه ؟ مروان: وانته ان شاء الله لين متى ناوي تيلس ؟ ام هزاع: خله ما يخصك فيه عبدالعزيز: الى ان يشاء الله الكل ظحك غصباً عنه .. وخصوصاً مروان ... وييييه اليوم مفتقد عمران والله .. هههههه احمد: امون متأكده ما فيج شي ؟ آمنة: ليش ؟ عندك شك ؟ احمد: ما ادري .... اخاف يستوي بج شرات آخر مره .. وفجأة تطيحين علينا آمنة: لا تطمن .. ههه مسيطرة ع الوضع احمد: اكيد ؟ آمنة: بلاك ؟ خلاص قلت لك ... واذا تعبت زيادة بقولك انزين احمد: ليش ما تميتي بيت هلج ؟ آمنة: ليش ؟ تبا الفكه احمد: لا بس اسأل آمنة: انته كنت بتخليني ؟ احمد: هو الصراحه ما كنت بخليج .... لكن اذا تعبانه وايد هيه ... هناك عند امج ترتاحين اكثر آمنة :وانته شدراك ارتاح اكثر هناك احمد: معرووووووووفات بنات بو هزاع ... ما ترتاحن وتدلعن ع الآخر الا عند أمكن آمنة: هيه فديتها والله امايه قلبها طيب وحنونه عسب جيه نحس بالارتياح يوم نسير صوبها أحمد: نعم نعم ....... آمنة: شوه نعم نعم ؟ احمد: بلاج ... يعني اوافقج الرأي ... آمنة: انزين الحين اسكت شويه برقد انا لين ما نوصل احمد: انزين نزلي السّيت ع ورا .. احسن نرد لـ بيت بو هزاع .... طارق وعفرا وصلوا نفس الوقت ... عفرا: وين وين ؟ ليكون الحين بتسيرون ؟ طارق: هيه ... شوفي الساعه كم .. بس عفرا: لا تموا شوي انا ما يلست سولفت ... بسولف طارق: ههه ليش يوعانه سوالف ؟ وين كنتي سايرة ؟ عفرا: بيت خالي يوسف طارق: هههههه بيت المغامرات ع قولت احمد عفرا: ههههه هيه طارق: شحاله ؟ عفرا: الحمدلله .. يسلم عليكم طارق: الله يسلمه ... عفرا: الله يخليكم لا تسيرون طارق: اصلا اختج اليوم انا منقهر منها ..... شكلها تبا تبات هني عفرا: ههههه مب شي يديد طارق: لا آسف .... ما بخليها اليوم .. عفرا: ايواااااا وعصب طارق طارق وهو ماشي ظحك ع رمسة عفرا ..... طارق: سيري الله يخليج سوي لي درب عفرا: اصلا جنه الا محد هني .... ما اشوف سيايير الباقين طارق: سيري شوفي فتحت عفرا باب الصاله .... عفرا: تعال قلت لك ما في حد .. سلامة: منوه هذا ؟ عفرا: لا تخافين ريلج .... هزاع: واخيراً ما بغيت طارق: ليش؟ هزاع: ياخي شل حرمتك لوعت بجبودنا بدلعها الماصخ ... شلها وروحوا بيتكم ولا اتونا الا عقب سنة طارق: هههههه بس عاد ها ... ما ارضى عليها سلامة: يا ويهك هزاعو ومنوه يالس وياك من الصبح .. وامايه وابويه ساروا يرقدون ! هزاع: سوالفج بايخه سلامة: مالت عليك مب منك من اللي ييلس وياك عفرا: ههههههه حطوا عليه هزاع: انتي قولي شوه سويتوا هناك عفرا: انته صدق تعال جيه ما خبرتني ان عمر ولد خالك هناك ؟ سلامه: وهو مب ولد خالج ؟ طارق: متبيرة منهم ههههه عفرا: لحظة خلوني اتفاهم هزاع: والله انا ما كنت ادري ... عمر مب كل ما يخطي خطوة يقولي وين ساير ووين راد عسب اخبرج عفرا: يلسنا ع الطاولة ... واونه بنبدأ ناكل .. ويقول خالي اتريوا عيال خالكم.. هني تيبست .. دخل زايد عقب وارتحت سلامة: وايد عليج طارق: حليلج يا عفرا هههههه هزاع: الحين بالله عليج اونج تخافين من زايد عفرا: لا لحظة .... وشوي الا وينزل عمر ولد خالي سيف الله يرحمه ..... وخلاص هني صدق متنا انا وغالية سلامة: ويييييه غاليه اكيد تغيرت هزاع: ما صاحت هههههه عفرا: هههههه غاليه كانت محتميه بأخوها وانا حليلي اللي خالي ما هيئني نفسيا .... يالسه ومجابلة عمر .. بس سويت عمريه عادية .... غاليه ويها غدا شرا الطماط ... كانت بتصيح بس يودت عمرها هزاع: هههههه تتأدبن عسب مره ثانيه ما يفضلكن علينا عفرا: احم احم تغار طارق: يالله سلامة سلامة: يالله مع السلامه هزاع: الى لقاء قريب ... ظهروا طارق وسلامة سايرين بيتهم ... وعفرا يلست شويه ويا هزاع كل واحد يقول سالفة من سوالفه ... ومستمتعين بوقتهم ... في صالة الشباب .... راشد اللي رقد ..... وعمران رقد ... عبدالعزيز رقد .. عمر .. ظهر من الحجرة ... عقب ما تأكد ان عبدالعزيز رقد .. بند كل شي .. و ظهر العديات من عينه ... ولبس نظارته .. ونزل تحت ... شاف سعيد ومروان يالسين ... عمر: ما شاء الله واعين سعيد: نترياك عمر: شوه فيكم ؟ مروان: سعيد يبا ياخذ رايك في موضوع .. ومن الصبح اقوله يقولي عنه ... ومب طايع عمر: ههههه يالله قول يا سعيد عسب تبرّد فواد مروان .. مروان: هيه والله ابا اعرف ..... سعيد: قررنا يكون العرس نهاية 5 مروان: مب جنّه بسرعه سعيد: لا ... ظنكم بسرعه ؟ هي يناسبها عمر: هو كيفكم بسرعه مب بسرعه .... وكيفكم كيف بتزهبون لكن ... سعيد: شوه ؟ عمر: عمران ثانوية عامة ... نسيت ؟ مروان: اوه صدق ناسي ان عمران ثانوية عامة .... سعيد: انا ما نسيت عمر : ما نسيت وبتسوي عرسك نهاية 5 ؟ مروان: بتكون بداية امتحانات عمران .. سعيد: عمران ريّال ... شوه يبا به العرس ؟ بعدين انا اللي بعرّس سكت عمر ... شوه بيرد ع اخوه يوم يرد عليه بهالطريقة ؟ .... لكن مروان رمس .... مروان: سعيد ... انته كيف يعني بتستانس وبتسوي وعمران ثانوية عامة ؟ كيف بنفرح وعمران ثانوية عامه ... البيت بيرتبش اكيد .. ونحن لازم نهيّأ له الجو المناسب للمذاكرة ... وبعدين لا تنسى عمران اخوك ... من حقه يفرح باول اخو بيعرس بيننا ... صخ سعيد ... مروان : والله هذا رايي يعني .. ( ومسك الجهاز وتم يجلب فالقنوات ) .. وانته وحرمتك كيفكم .. نش سعيد من مكانه وسار فوق ... عمر: مروان كنت تقدر تقول له هذا كله بس بأسلوب اخف مروان: تدري شوه .. انصدمت يوم رد عليك هالرد ( وابتسم ) ... انا هالأسلوب ظهر مني ليش انه رد علينا جيه .. مب لان العرس ما يناسب ... لكن بعد لو تفكر فيها عمر .. نحن بنتم نحاتي عمران وكيف حالته بتكون ... حتى لو تحط في بالك انه عادي عنده .. وانه ما يهتم وايد ... بس في شي في قلبه ... بيقوله .... كيف اخوك ما فكّر فيك .... وبيتغاضى عن كونه ولد او بنت ما يهمه العرس ! ابتسم عمر ... وتم يطالع مروان واي قناة بيحط ... سعيد: انزين ابا ارمسج عن موعد العرس ... بدور: خلّصنا منه سعيد: لا اصبري .. بغيّر اليوم بدور: ليكون بتجدمه ؟ سعيد: لا .. بأخره بدور: وليش ان شاء الله ؟ سعيد: عمران اخويه بيبدأ امتحاناته شهر 5 وفي سته بيخلص .. كيف انا عرّس في هالفترة ! بدور: سعيد رمسنا في هالسالفه .. وقلنا عمران ريال ما يهمه عرس الحريم ! ... وهو اللي بيعرس والا انته سعيد: حتى ولو بدور: شوه حتى ولو ؟ سعيد: بدور فهميني ... انا قلت لج ... انا عندي اول شي اخواني ... عندي 5 اخوان بهتم بـ مشاعر كل واحد فيهم قبل ما اعرس وعقب ما اعرس بعد .. بدور: وانا ؟ سعيد: انا ما قلت عنج انتي شي ... لكن ... لو تفكرين فيها .. بيتنا بيكون ربشه .. وسيرات وييات .. وشغل وجيه .... الجو ما بيكون مناسب لـ عمران انه يذاكر بدور: اللي يقول عاد اخوك بيذاكر .... سعيد: بيذاكر والا ! .. كيفه ... لكن انا ما بسوي شي يخلي في قلبه شي عليه ... بدور: انزين واذا بتأجله متى بتخليه ؟ سعيد: نهاية سته وبداية سبعة بدور: سعيد ! سعيد: شوه ؟ مب وايد بعيد .. شهر اخرناه بدور: انته تدري لو فهد عرف اني اجلته أكثر شوه بيسوي ! انا ما ابا احرج نفسي معاه .. سعيد نحن ما عندنا هالكثر تأخير ! سعيد: مثل ما فهد اخوج ... عمران اخويه ... بدور: افففف سعيد: يالله عاد اقل عن شهر بعد ... وفهد انا برمسه جان تبين ... ع قولتج ما تبين تحرجين عمرج وياه بدور: لا خلاص ... انا روحي برمسه .. وبقوله .. سعيد: يعني موافقة بدور: شوه نسوي بعد سعيد: لا .. شكلج مب راضيه .. انا ما احب اسوي شي وفي شخص مب راضي عليه بدور: يوم تعرف اني مب راضيه جيه تسويه ؟ سعيد: بدوووووور يالله عاد .. والله انزين شسوي ... مهما يكون اخويه بدرو: انزين خلاص قلنا لك سعيد: من قلبج ...... بدور: هيه ... سعيد ( ابتسم ): انزين شوه تسوين الحين ؟ بدور: ما شي .. كنت برقد سعيد: عيل تصبحين ع خير بدور: وانته شوه تسوي ؟ سعيد: كنت يالس تحت ويا اخواني مروان وعمر .. وصعدت ارمسج بدور: اها ...... سعيد: يالله عيل ما بطوّل عليج .. تصبحين ع خير بدور: وانته من اهله .. بسك سهر انته بعد .. وسر ارقد سعيد: ههههه ان شاء الله .. فمان الله ... اليوم الثاني ..... آمنة يالسه روحها في قسمها فوق ... سمعت صوت التيلفون يرن ... سارت وردت ... آمنة: هلا امايه عذيجة: شحالج ؟ شخبارج ؟ آمنة: الحمدلله .. انتوا شحالكم ؟ عذيجة: الحمدلله بخير .... احمد سار الدوام ؟ آمنة: افففففف لا تتخبرين يا امايه والله كل فاديييي عذيجة: جيه عاد ؟ آمنة: تدري به احمد وع قولته بقدم استقالتيه ... واليوم يالله بالغصب لين نش ... وعقب تم يحن ع راسي اونه انتي تعبانه فـ انا ما بداوم عذيجة: ويه فدييييته .. وانتي ليكون صدق تعبانه ؟ آمنة: لا امايه لا تعبانه ولا شي .... عذيجة: آمنة مب عليه .. ادري بج ما تقولين انج تعبانه لين تطيحين آمنة: ههههه لا امايه والله ما فيني شي هذا احمد يخرّف عذيجة: انزين عيل بخليج الحين ... بتصل في سلامة اتخبرها عن حالها آمنة: غريبة ما يتكم الصبح ؟ عذيجة: لا ما يتنا .. بس الا ريلها يا تريّق ويايه وسار آمنة: هيييييه .. خلاص عيل .. بسير انا اكمّل رقادي .. عذيجة: سيري .. واذا بغيتي أي شي اتصلي بي .. آمنة: ان شاء الله .. فمان الله عذيجة: الله يحفظج حبيبتيه .. دخلت آمنة بترقد ..... عقب ما بندت عن امها .... وعقب ما احمد طلع روحها لين سار الدوام ... تقولون ياهل ويقولون له سير المدرسة ..... ! رن مبايلها ...... آمنة: الو احمد: امون آمنة: شوه ؟ احمد: ملل آمنة: احمد صل ع النبي توك ساير الدوام احمد: ههههههه اللهم صلي وسلم عليه .... تعالي بس لو تيين تشوفين الملفات اللي عندي .. متى بخلصهن ؟ ما ادري ! آمنة: هذا دواه اللي يأجّل احمد: تدرين بي اني ما أأجّل شغلي لو شوه يستوي .. صح اني وايد ارمس واقول ما بداوم لكن شغلي ما يتأجل صح ؟ آمنة ( ابتسمت ): صح ..... احمد: ايواااا جيه كوني صادقه آمنة: احلف عاد ! احمد: هههه انزين آمنة: خير ؟ احمد: شوفي السده الثانية فالكبت ... بتشوفين اوراق .. آمنة: اوراق شوه ؟ احمد: اوراق مكتوب عليها اسم عيسى اخويه آمنة: انزين احمد: ظهريها الله يخليج واتصلي تحت خل حد يصعد ويوديهن له آمنة: عيسى تحت ؟ احمد: هيه ... يتريا الاوراق آمنة: انزين عيل .... بندت آمنة عن احمد ... وسارت دوّرت الاوراق طبعا السده فوق تحت احمد جالبنها .... هالسده بس اللي آمنة معطيه تصريح حق احمد ان يسوي فيها كل هالخربطان .. اوراق واقلام واغراض وووو ... فتحتها وياها اكتئاب .... ادوّر في هذا كله ! بس الحمدلله الورقه كانت فوق .. وبسهولة حصلتها ..... اتصلت تحت محد رد عليها وتمت تتصل وتتصل محد يرد .... واتصلت فالمطبخ عسب حد من الخدم يرد ... لكن لا حياة لمن تنادي ..... ظهرت برع يمكن حد من الخدم ياي فوق ينظف لكن ما في حد ! ..... وين ساروا ؟! ردت اتصلت في احمد ... آمنة: احمد محد يرد عليه احمد: وينهم ؟ آمنة: شدراني .... اتصلت تحت ما في حد يرد عليه .. واتصلت المطبخ محد يرد ! احمد: عيسى يالس يتريا تحت آمنة: انا شسوي ؟ احمد: نزلي عطيه الارواق آمنة: شوووووووه ؟ انا روحي انزل تحت .... وعيسى روحه يالس تحت .. واعطيه الاوراق ؟ احمد: شوه فيها ؟ آمنة: لا آسفه احمد: امون يالله عاد جيه عيسى شوه بيسوي بج آمنة: احمد تعرفني اني استحي .. ما اقدر احمد: ترا بقوله يصعد هو فوق آمنة: يالسخييييييف بايخ ... عن الحركات احمد: هههه شسوي بج يالله نزلي حرام والله يتريا الاوراق آمنة: افففففف احمد: يالله امونه .. نزلي آمنة: ما يقدر يتريا لين ما انته تيي ؟ احمد: الحين يباهن الصبح انا برد الظهر ..... آمنة: والله انك يا احمد ........ هالحركة تدري بي انقهر منها وتسويها أحمد: مب بايدي والله مب بايدي .. تبيني ايي البيت يعني واصعد فوق وانزل الاوراق حق عيسى وعقب ارد الدوام .... وين استوت ؟ آمنة: انزين خلاص ..... بنزل اعطيه الاوراق ... وامري لله احمد: عقب اتصلي عسب اطمن ما متّي هههههه آمنة: ما يظحك سخيف انزين أحمد: هههه ما عليه مقبولة منج .... يالله سيري بندت آمنة عن احمد و شلّت الاوراق ونزلت تحت .... شافت عيسى يالس .. وعيسى روحه يوم يشوفها يستحي .. لان يدري بها حرمة اخوه تستحي منه ... وما تنزل جدامه هو واخوانه الا لو احمد كان يالس .... تكون عاديه اما لو هو مب هني تستحي ... آمنة: تفضل الاوراق عيسى: شكراً .. وشل الاوراق وع طول ظهر .... وردت هي صعدت فوق ... رن مبايلها ... احمد: ها شوه استوى ؟ آمنة: يعني شوه استوى ؟ احمد: عطيتيه الاوراق ؟ آمنة: هيه احمد: وشوه تسوين الحين ؟ آمنة: شوه اسوي يعني ؟ ابا ارقد احمد: حلفيييي .. حرااااام آمنة: شوه ؟ احمد: فيني رقاد هههههه آمنة: هههه انته والله متفيج يالله يالله بند احمد: مع السلامه آمنة: فمان الله .... جربت الامتحانات ...... وصدق بس لعب ! عمر ضاغط ع عمران .... كان وايد مخلنه ع راحته الفترة اللي طافت ... صح انه كان يذاكر لكن كان يطلع بعد ! ...... وعمر كان مخلنه ع راحته مروان واقف جدّام التسريحة ..... و يعدّل سفرته ....... وعمران ماسك الكتاب في ايد والمبايل في ايد ..... عمران: بتظهر ؟ مروان: هيه عمران: ويا منوه ؟ مروان: ويا هزاع طبعاً عمران: وهو انته عندك غيره ! مروان: ذاكر انته ذاكر وخل المبايل ع صوب .... عمران: هذا احمد مروان: احمد والا غيره .. هذا احمد بعد ما وراه مذاكرة ..... عمران: خلّص مروان: هيييييييه خلص .... وهو ولا يعرف ولا حرف من الكتاب وسمعوا صوت الباب ...... انفتح .. مروان: تعال تعال الله يخليك جابل اخوك اللي ما يذاكر راشد: عمران ما خلصت ؟ مروان: وين بيخلص وهو مجابل احمدو ماله عمران: حتى المبايل وربعي يبون يمنعوني منهم راشد: ما نمنعك بس ذاكر مروان: انصحه انصحه ... خل اييب نسبه ويدرس في مكان محترم والا مصيره بيكون فالجبال ويا القروب الجهادي راشد: عمران بلى الخربطان اللي تسويه عمران: هذا يقص علييييييييك والله مروان ( وهو طالع ) : اوكيه انا اقص عليك ....... خلاص راشد لا تصدق ...... يالله جااااو نزل مروان تحت .... شاف عمر يالس وعبدالعزيز منسدح وحاط راسه ع ريل عمر ..... مروان: ما شاء الله جو رومانسي عبدالعزيز ( وهو حاط ريل ع ريل ) : وين بتسير ؟ مروان: عشتوووووووو ...... حرمتيه وانا ما ادري! عبدالعزيز: ههااااااي حلوة عمر :وين بتسير؟ مروان: يا الللللللله وانا اقول عزوز ظاهر ع منوه عبدالعزيز: مب كان احسن تجاوبني انا مروان: لا ما كان احسن عبدالعزيز: عيل يالله جاوب عمّور مروان: بظهر ويا هزاع ..... شي يديد عبدالعزيز: لا جديم وبايخ مروان: احسن لان محد طلب رايك عمر: لا اله الا الله بلاكم انتوا اليوم ؟ مروان: والله قول حق اللي منسدح وحاط راسه ع ريلك ... وحاط ريل ع ريل عبدالعزيز: عمر يحبني ..... وبعدين انا ما قلت شي غلط عمر ( ظرب عبدالعزيز بالخفيف ع راسه ) : بس اسكت انته مروان: ههااااااااي دليل الحب عبدالعزيز: عادي ما يعور ...... مروان: سر سر حلّق الله يخليك ...... قص هالشعر ... عبدالعزيز: تغاااااااار مروان: من ؟ عبدالعزيز: شعري مروان: من زينه ..... عمر: عبدالعزيز هالمرة يوم بتسير قصره زيادة عبدالعزيز: ليييييش؟ جيه احلى عمر: وايد طويل ! عبدالعزيز: ما اباه قصير انته تباني اقصه فوق الاذن ..... انا بقصه لين تحت اذني ... وبطلوه من ورا الله يخليك عمر: سو اللي تباه عبدالعزيز: حبيبي والله اخويه ادري بك ...... يعيبك شكلي الحلو ...... لاني اشبهك عمر: هههههه بس اسكت يالواثق ... وقم عني بسير اشوف عمران عبدالعزيز: لا والله ؟ وجيه ان شاء الله ؟ هو صغير ؟ عمر: بسير اشوفه يبا شي ما شيات عبدالعزيز: ليش بشكار انته عنده ؟ عمر: يا سلام ! عبدالعزيز: والله ما نشيت انزين عمر: احلف انته بس ! عبدالعزيز: والله حلفت ...... عمر: عبدالعزيز قم عبدالعزيز: والله حلفت اني ما انش ...... واشوفك تقومني غصب عن ريلك ..... بزعل وبتشوف بعد عمر: شوه هالغيره شوه هالحقد ! عبدالعزيز: مب حقد بس وايد ادلعهم هالايام ...... وخاصة عمران ... عمر: انزين هو ثانوية عامة ...... انته الا اجازة ..... تطلع وتدخل ع كيفك بعد عبدالعزيز: كيفكم والله ... حتى طلعت الثاني ولا قلت لي ولا سويت أي شي عمر: طلعت الثاني مب الاول ... مستواك مثل ما هو ما تحسّن عبدالعزيز: اوكيه احسن من ولا شي عمر: بعد تهدد ! عبدالعزيز: والله كيفك انا قلت لك ... ما بخوز يعني ما بخووووووووز دخل فريد نفس الوقت ... وهو شال صينية العشا مالت عمران ..... عبدالعزيز: هذو فريد بيودي العشا فريد: انته شوه فيك ؟ليش وايد ترمس ؟ عبدالعزيز: ما فيني شي .... فريد: انته تزعل عمر ؟ عبدالعزيز: انااااااا ؟ انا ما زعلته والله هو اللي مزعلني فريد: انا ما اصدقك انته ...... عبدالعزيز: شكراً استاذ فريد ع التدخل عمر: هههههههه فريد ود العشا فوق حق عمران وشوفه جان يبا شي ... هند في محاولة اقناع لأمها انها تسير الجامعة ... لكن !! هند: انزين بسير ... بسجل جواهر: وابوج ؟ هند: ابويه ما بيدري جواهر: اتخبلتي انتي ! هند: الله يخليج امايه مب حالة ... يعني نسبتي عالية .. ومدرسة خاصة .. ابا اكمل دراستيه جواهر: قالج ابوج تبين في أي دولة برع سيري ... بس فالبلاد ! هند: انزين انا ما ابا برع ... برع في وين مثلاً ؟ جواهر: قالج عند عمج ... في كندا ... هند: اوهوووووو كل ما قلت لكم قلتوا عند عمي ... مستحيل ... جواهر: كيفج عيل هند: انزين انتي قولي له ... جواهر: والله هو بيي وقولي له ... نفس الوقت دخل بدر ... بدر: هااااااي جواهر: اهلا ... بدر: شوه فيكم ؟ هند: ما فينا شي جواهر: قولي حق بدر يمكن يقنع ابوج بدر: شوه السالفه هند: بدر ما بيقوله بدر: انزين قولي يمكن اقدر اساعد جواهر: تباك تقول حق ابوك انها تدرس فالجامعة بدر: درسي منوه ميودنج ؟ جواهر: تبا هني ... مب برع ... وابوك مستحيل يوافق ... بدر: هنووووووود والله انج متفيجه ... يا بابا درسي برع وفكي عمرج ... هند: ما ابا برع .. ربيعاتي كلهن هني ... بدر: ربيعاتج بيكرفن كراف ... وبيدرسن ... وبيخلصن .... وعقب شهاداتهن تعتبر ولا شــــي .. هند: انزين عادي ثرني يالسه في البيت .. و يلستيه ما منها فايدة ... بسير الجامعة .. وبدرس روحي وبعد نفس الحالة بتكون شهادتيه ع قولتكم ولا شي .. انا راضيه بدر: والله تبين سيري قنعي ابوج روحج ... لاني انا بعد ما اباج تدرسين هني ونش بدر سار فوق ... هند: افففففف يقهر يقهر يقهر ... اول مره اشوف اخو يقول حق اخته لا درسي برع ... غيرك يتمنى اخته تقول ما ابا ادرس برع ... اففف جواهر: ابوج ويعرف مستقبلج وين بيكون احسن ... هند: والحين شوه كان مصيري ؟ يالسه فالبيت ... جواهر: يبا يستانس فيج ويفتخر فيج يوم بتدرسين برع هند: خل يفتخر في بدر اللي درس في امريكا ... خلاص ... مب مهم انا يفتخر فيني ... سكتت جواهر عن بنتها ولا ردت عليها ... لانها تدري لو كملت وياها ... هند بتفتح سوالف وسوالف وانتوا وانتوا وانتوا ... وبدر وبدر وبدر ... فـ تسكت احسن ... ********* |
الجزء الـ 11 عفرا: خلاص ...... خلاااااااااص خلاااااااااااص سلامة: شوه خلاصه ؟ عفرا: ما بسير الجامعة آمنة: شوه تخبلتي ؟ عفرا: لا .... بس بتخبل لو كملت في هالجامعة .. والله مليت خلاص سلامة: كملي انزين ..... عفرا: بس خلاص .. ما اقدر ما اقدر آمنة: وبتيلسين في البيت شوه بتسوين ؟ ام هزاع: بتنظف وبتخف وبتسوي عفرا: والله عندج بشاكيرج ام هزاع: بسفر البشاجير انا وبخليج انتي تسوين هذا كله عفرا: هيه خدامه انا ام هزاع: يوم انج بتيلسين فالبيت لا شغلة ولا مشغلة هيه عفرا: انزين شكراً ونشت عفرا من مكانها وهي ضايجة واصل حدها .. صعدت فوق وسارت حجرتها وصكت ع عمرها الباب ... سلامة: امايه هاي من صدقها ؟ ام هزاع: والله سمعتوها ..... من يومين الحين ما تسير الجامعة اونه خلاص ما بسير ولا بطبها هالجامعة آمنة: وابويه ؟ ام هزاع: ابوج ما يدري .... آمنة: اونه ام هزاع: هيه ما يدري والله سلامة: وهزاع ؟ ام هزاع: هزاع بعد ما يدري .... انا قايلة له عفرا تعبانه ما تداوم آمنة: والله كيفها سلامة: شوه كيفها ؟ آمنة: يعني بتاخذ الشهادة بتبروزها وبتحطها .... شغل ما بتشتغل سلامة: بس الشهادة سلاح آمنة: عفاري مب مال دراسة سلامة: يعني شوه بتيوزينها ؟ آمنة: بييها النصيب ...... في بيت حصه .... عقب ما خلصت حصة .... نظفت نظفت الطاولة .... وغسلت كل شي ... عقب العشا ... سارت حجرتها ... لقت علي ريلها .. يالس ويقرا جريدة .... حصه: بعدك واعي علي: تو الناس ،، باجر بعد ما عندي دوام حصه: اها علي: حصوه شرايج باجر تغيبين حصه: وليش اغيب ؟ علي: ما ادري بس جيه .... حصه: ما اقدر عليّه تصحيح علي: فري الاوراق ع أي حد حصه: هيه مدرسة ابويه هههههه علي: جان زييييين حصه: علي .... علي: هلا حصه: انته من زمان ما مريت بيت ابويه علي: ادري حصه: وليش ؟ علي: مب بكيفي ... تدرين ان الفترة الاخيرة كنت وايد مشغول حصه: هيه ادري ... علي: خلاص ولا تزعلين .. باجر ان شاء الله بمرهم وبسلم عليهم حصه: انا بخلص دوامي تقريباً 10 علي: 10 وتتفلسفين عليه تقولين ما ترومين تغيبين حصه: ههههه ما اروم انزين بصلّح علي: خلاص 10 تخلصين .. انا بمر عليج حصه: وسيارتيه ؟ علي: بلاها ؟ حصه: شوه اسوي ؟ كيف اتصرف ؟ علي: شوه شوه تسوين ؟ حصه: مب الصبح بسير بـ سيارتيه علي: هيه صددق ... عيل تدرين ... وعيني الصبح بوصلج ..... وبسير اخلص كم شغلة وبرد عليج الساعه 10 حصه: ما تبا ترقد ... رقاد النهار ع قولت احمد علي: ههههه لا ما ابا ارقد رقاد النهار ... خليته حق احمد حصه: خلاص عيل ... خل ارقد الحين ... عسب الصبح انش ... علي: بقرا هالمقالة ... وبنخمد ... في بيت شمسه ... شمسه وريلها يالسين يشوفون التلفزيون .... وسالم منسدح يلعب بالـ PSP بو سالم: سالم بسك لعب ... قم سر ارقد سالم: اجاااااااااازة ... نحن في اجازة سعيدة ومفيده للاطفال بو سالم: مفيدة بالـ PSP والسهر سالم: قلت سعيدة بعد ... شمسه: بو لسان .. اسمع كلام ابوك وبسك لعب بو سالم: اوه صدق ... ذكرتيني .... باجر عزيمة في بيت عمتيه سالم: الللللللله عجييييييييب بو سالم ( مستغرب) : اول مره تبدي اهتمامك يعني شمسه: هههههههه يتحسب عمتك يعني امايه سالم: عيل وين بو سالم: عمتيه اخت ابويه يا ذكي سالم: اوهوووووووووو ما نبا شمسه: وجيه ما خبرتني قبل بو سالم: نسيت والله ... اليوم العصر اتصلوا بي وقالوا لي سالم: طبعا انا ما بيي بسير بيت يدي بو سالم: طبعا مب ع كيفك .... قم الحين سر ارقد عسب تنش الصبح من وقت سالم: اففففف ما ابا .... بو سالم: اتأفف من اليوم لين باجر .... بتسير صوبهم يعني بتسير سالم: انزين انا ما ابا بو سالم :وليش ان شاء الله سالم: ما ادري كيف هناك ما يستوي اسوي أي شي شمسه: سو اللي تباه محد بيقولك شي .. بو سالم: ونش سر ارقد الحين ........ لانك بتنش من وقت الصبح ... ما نبا نكون آخر ناس هناك آمنة عقب ما يا احمد وراها ...... وسارت بيتها .... آمنة: احمد عفاري اختيه اونه بتودر الجامعة احمد: احسن لها .... آمنة: لا والله ! احمد: هيه ... شوه تبا بها الجامعة ؟ آمنة: ونعم الراي والله .. احمد: ليش تبا تودرها ؟ آمنة: تقول ما تقدر تعدّي التوفل ... احمد: يا هالتوفل والله انه سهل وما يباله آمنة : كل حد وقدراته احمد: صح ... بس عفاري زينه ما شاء الله ... جيه يالسه للحين ويا التوفل ؟ آمنة: ما ادري بها ... بعد ... انا قلت حق قوم امايه .. انه خلوها ما تبا خلاص ... بس هم يقولون لا وشهادة وسلاح .. وووو احمد: بييها نصيبها وبتسير .. جيه تيلس تكرف في هالجامعة آمنة: قلت شرات رمستك احمد: عيل وين المشكلة ؟ آمنة: ابويه وهزاع ما يدرون ... احمد: عمي ما اعتقد بيقول شي ... بس هزاع بيتناحس عليها آمنة: الله يعين ... احمد: بس حرام والله تضغطون عليها ... آمنة: انا ما يخصني ووالله قلت لهم بييها النصيب ولا تدرس شوه يعني ... عندها الثانوية خلاص احمد: اصلا انتوا ما تشتغلون ليش تدرسون ؟ آمنة: خييييييير ... ما نشتغل ! .... منوه اللي ما يخلينا ؟ احمد: لا يعني اقول ابدي رايي آمنة: لا تبدي رايك يوم انك انته فارض هالشي احمد: ههههههه خيبة امون .... الحين شي ناقصنج ؟ آمنة: لا الحمدلله احمد: خلاص عيل جيه تشتغلين ... عندج بيتج عيالج اهتمي فيهم عندج ريل شرات القمر ... اهتمي فيه آمنة: انزين وايد لا تصدق عمرك احمد: افااااااااااااااا آمنة: ههههههه اذا انته قمر عيل انا شوه احمد: لا لا .... انتي القمر اصلا يوم يشوفج يستحي من جمالج آمنة: شكراً شكراً احمد: بس لا تصدقين .... بنتي بتيي احلى عنج آمنة: عادي طالعه ع امها احمد: ماخذه من جمال ابوها آمنة: بنشووووووف أحمد: ســـنرى عفرا يالسه ترمس .. غاليه فالموبايل .. غاليه: انزين عفاري ما يستوي ... حاولي عفرا: ما ابا ... ما بحاول .. خلاص والله تعبت غاليه: الحين يالسه فالبيت شوه تسوين ؟ عفرا: ما شي ... غاليه: انزين نقلي اوراقج جامعة ثانية عفرا: ما فلحت هني بفلح مكان ثاني ... كل مكان توفل غاليه: جامعة الشارجة في تخصص ما فيه توفل عفرا: اعلام .. ما فيه توفل ... ومستحيل يخلوني ادرس اعلام .... تدري اللي عندنا يتحسبون الاعلام كله انج تطلعين فالتلفزيون غاليه: عفاري بس حرام عفرا: خلاص انا اتخذت قراري .. وما بتراجع ... ولا بسير الجامعة غاليه: هاي مب حاله عفرا: والله صدع اييني يوم اذكرها ... غاليه: ومستقبلج ؟ عفرا: أي مستقبل ؟ الله يخليج كل خواتي عرّسن ولا وحده فيهن تشتغل الا حصه ... لانها مدرسة انجليزي ... ولو بعد الله رزقها بـ عيال .. يمكن تودّر شغلها .. غاليه: امج شوه قالت ؟ عفرا: امايه انا مب معطتنها المجال ... بس تقول سيري حاولي غاليه: ابوج ؟ عفرا: ابويه وهزاع للحين ما يدرون انفتح باب حجرة عفرا .. فجأة عفرا: غاليه عقب برمسج ... غاليه: اوكيه مع السلامه هزاع: شوه تسوين ؟ عفرا: ما شي ... كنت ارمس غاليه وبندت ... خير ؟ في شي ؟ هزاع: صدق اللي سمعته عفرا: شوه سمعت ؟ هزاع: امايه تقول ما تبين تسيرين الجامعة خلاص !! عفرا: هيه هزاع: شوه هيه ؟ عفرا: انته سألتني وانا جاوبت .. صدق اللي سمعته والا ؟ اقولك هيه هزاع: شوه انتي تخبلتي ؟ عفرا: ليش ؟ وبـ شوه بتفيدني الشهادة الجامعية ؟ هزاع: عفاري حرام عليج كملي عفرا: جيه انا بديت عسب اكمّل ؟ ترا جني بعدني ولا دخلت الجامعة ولا درست هزاع: حاولي .... ذاكري عفرا: تعبت خلاص ..... هزاع: بتيلسين فالبيت شوه تسوين ؟ عفرا: هو لازم اسوي شي عسب ايلس فالبيت ؟ هزاع: عيل تيلسين لا شغلة ولا مشغلة عفرا: ثرني بعد يوم باخذ الشهادة من الجامعة بيلس فالبيت لا شغلة ولا مشغلة هزاع: ع الاقل في شهادة في ايدج عفرا: هو هو ما سويت شي ولا ضفت شي يديد ... عندي شهادة والا بيلس فالبيت ... وخلاص .. هزاع: والله انتي شكلج ينيتي ويلستي عفرا: بين زيادة لو سرت هالجامعة هزاع: انزين تبين جامعة ثانية ؟ عفرا: لا ما ابا ولا جامعة ولا خربطان .... بيلس فالبيت خلاص ... في بيت الشباب ... راشد وسعيد وعبدالعزيز يالسين فالصاله ....... وسوالف ... عبدالعزيز: الحين يعني عمران بيخلص الامتحانات ..... وع طول عرسك ؟ سعيد: انته شرايك ؟ عبدالعزيز: ما باقي شي راشد: ليش شوه عندك ؟ عبدالعزيز: عمّور ما وداني افصّل لي كندورة يديدة .. راشد: ما عندك؟ عبدالعزيز: بلى ... لكن لازم يعني يديدة .... عرس اخونا نتخقق سعيد ( ابتسم) : فهد اخو العروس بيفرك هناك عبدالعزيز: هيييييييييييه ... هو يقدر بس .. لو يروم عليه ما بيروم ع عمّووور راشد: الحين منوه ياب طاري عمر ؟ عبدالعزيز: هذو سعيد يقول بيفرني .... سعيد: قلت انته ما قلت عمر عبدالعزيز: انزين ما يروم ... بنكون احلى منه طبعاً راشد: بنشوووووف عبدالعزيز: شوووووووف .. بعدين انته جيه تدافع عن اخو العروس ... دافع عنا نحن اخوانك سعيد: ههههههه خيبه وين يالسين في حرب نحن راشد: ههه صدق عمره الحبيب ... سعيد: عمران رقد ؟ راشد: باجر آخر امتحان امتحان ... عبدالعزيز: افففف ... الله يعين ... بيرتفع نصيبه من الدلع ... خلال الايام اليايه .. برع فالحوي ... عمر توه واصل .... ومروان دخل وياه ... نزل عمر من الموتر .. واتريا لين مروان ينزل .... وهزاع كان نازل بعد .. عمر: هلا بالشيوخ مروان اطالع وراه ... يشوف في حد واقف !! ... وهزاع سوى نفس الحركة ... مروان: ترمسنا نحن ؟ عمر : ليش شاكين في عماركم انكم مب شيوخ ؟ هزاع: انا الصراحه لا ما اشك في عمريه ... انا شيخ ... بس يعني تواضعا مني ما احب الناس يقولون لي شيخ عمر: هههههههه الله ع التواضع مروان : انزين ... وما مناسبة تلقيبنا بالشيوخ يعني ؟ عمر: ما شي ... بس ما تبوني ازقركم الشيوخ كيفكم هزاع: لالا ... انا ازقرني اخوك كيفك انته وياه تنيازون اسحب عنه المميزات مروان: ههاااااااي ... حبيبي اول مره حد يزقرك بالشيخ ؟ انا كل حد يشوفني يتحسبني شيخ هزاع: قم قم انته بس وايد مصدق عمرك مروان: شاب وسييييييم جيه ما تباني اصدق عمريه هزاع ( وهو يرمس عمر) : اخوك مغتر بعمره ع الفاضي عمر: ادري به .. ههههههه مروان: فذمتك ما يليق ع ليه اكون ولد شيوخ عمر: ومنوه قال انك مب ولد شيوخ ... مروان: احم احم ... والله يعلني فدى هالويه هذا دام اللسان ينقط عسل رن مبايل عمر ... عمر: الو مرحبا هزاع: يعني اليوم ابات هني انا ! مروان: ما وراك شي وباجر اجازة يا اخيييي هزاع: ادنو مني لا تدعني يا اخييييي مروان: ياللي مطلع روحي يا اخييييي هزاع: شوه ؟! مروان: ههههههههههه هزاع: خربت النشيدة مروان: شريط عمران هزاع: حلوة الاناشيد اللي فيه مروان: نعم نعم ... متى سيأتي اليوم واهدي نشيدة زوجتي لمن تستحق هزاع: عاشوووووووووووووووو هلا واللللللللللله مروان: اهلييييييييين نسير داااااااااخل هزاع : وين بترقدنيييييييييي مروان: شوف بما ان عمران يمتحن .. وانته اليوم راز ويهك بيتنا هزاع: شوووووه ؟ مب جنك انته اللي عازمني ! مروان: عزمتك بس الناس يقولون لا ما عليه مره ثانية خلها وقت ثاني وانته ما شي قلت يالله ياي .. هزاع: اخ بس اخ لو كنت اعرف انك بتظهر جذه دنيييء كنت بسير بيتنا مروان: لا تتلفظ بألفاظ تخدش الحيااااااء لو سمحت وفي بيتنا بعد هزاع: قم بس قم مروان: هههههههه اونه زعل ... طوف طوف الله يخليك جدامي ... بنرقد فالصاله ... اصلا انا ما يايبنك عسب نرقد .. واذا مب عايبنك عندك الميلس واذا بالمرة مب عايبنك ... عندك جدام باب الحوي عمر: ان شاء الله زايد: شخبار عبدالعزيز ... من زمان ما ندري عنه عمر: اكيد يالس داخل يترياني زايد: جيه انته توك راد البيت ؟ عمر: هيه .. زايد: اها ... سلم عليه وايد وسلم ع اخوانك عمر: ان شاء الله الله يسلمك ... شحال عمي زايد: الحمدلله بخير .. عمر: وثاني وينه ؟ زايد: طبعاً بدون ما تسأل يالس ومجابل اللاب توب ماله عمر: هههههه أي شي ينهزب ولا ع البال زايد: هيه والله .. امايه شكثر تهزبه ... وابويه بعد ... لكن يقدر ع امايه يقص عليها ... ايي من فوق يحط راسه ع ريلها وغصب تلعب بشعره .. وانتهت القصة عمر: هههههه قاص عليها حليلها زايد: فار مخها ... وهي حليلها ما تقدر تزعل دلوعها عمر: هههههه حليله ثاني زايد: يالله عيل بخليك الحين ... عمر: يالله .. سلم سلم ... زايد: الله يسلمك ... ظهر زايد من حجرته ... ونزل تحت شويه ... شاف ثاني يالس ... زايد: اوه اوه اوه .. ثاني يالس اليوم تحت ... ثاني: تعبت من اليلسه فوق وشوي الا يشوف اللاب توب ع الطاولة واوراق وكاكاو وحالات ثاني زايد: اهااااااا ،، قول جيه .. وانا اتحسب نازل روحك من دون ولدك ثاني: فدييييييييت لابي والله زايد: لو اخترب شوه بتسوي ؟ ثاني: الله يخليك لا تدعي عليه والله زايد: ما دعيت بس قلت تخيل ثاني: بمرررض زايد: خيبه لو قالوا لك امك فالمستشفى طايحه مريضه ما بطيح مريض ... تقولي بتمرض عسب لاب توب ثاني: فدييييييت امايه جيه ادعي عليها بسم الله عليها زايد: ما دعيت بلاك انته قابضني لا تدعي ولا تدعي ثاني: لا يعني فذكر ان الذكرى تنفع المسلمين زايد: والله ؟! زين بعد تعرف ان الذكرى تنفع المؤمنين لا حلو ثاني: هيه بس ما احب حد يذكرني انا ههههههههه زايد: الحمدلله روحك عقيت عمرك في دوامة الاسئلة ثاني: وطلعت عمريه وخلاص ... تعال تعال حط جنل 2 بيحطون فلم يلس وشوفه وانا بيلس اكمل شغلي في صالة الشباب ... هزاع ومروان اليوم مسوين جو .. ان راشد عايبتنه السالفه ويالس وياهم ... وعمر وعبدالعزيز ... راشد: هههههههههه حلوة حلوة هزاع: حليله عمران عنده امتحان باجر مروان: ليش حليله ... والله كلنا عانينا اللي يعانيه هزاع: خيبه شوه هالاجرام ... عمر: قوله .. مول مب حاس في اخوه ... وهو لازم يكون اكثر شي وياه كل يوم طايح لي طلعة وهياته في مكان مروان: والله مب بكيفي اهيت .. هذا هزاع معلمني ع الهياته هزاع: مالت عليك انته اللي تتصل بي عبدالعزيز: عاشو اظاربووووووووا هزاع: هيه عاد انته استانس الحين مروان: يباها من الله .. عسب انحبس فالبيت وياه هزاع: ههههههههه مخطط ومرتبنها صح مروان: يا حبيبي يوم بتزعل دق راسك فالطوفه بعد ... بظهر ويا الربع انا راشد: ههههههههههههه اويه قوية عمر: هههههه خيانات عبدالعزيز: بل عليييييييك جامل ربيعك انزين وولد عمتك هزاع: صدق مالت عليك عيل ... اظهر وياهم ... ولا بسأل عنك ... بيي ورا عبدالعزيز وبنظهر عبدالعزيز: قول والله ... عيل الله يخليكم اظاربوا راشد: ههههههههه بس بس سكتوا ما اروم اظحك مروان: انته كله ما تروم تظحك عمر: يالله بسكم سهر سيروا ارقدوا مروان: والله انتوا رازين ويوهكم عندنا .... نحن بنرقد هني عمر: ليش ؟ سيروا رقدوا فالحجرة ... مروان: لا لا .. عمران الصبح بينش وما ادري شوه ... ما نبا نلعوزه راشد: الحين انتوا بتلعوزون عمران ! .... شوه هالذكاء ؟ عبدالعزيز: هيه بيلعوزون اخويه بيتمون يرمسون لين ما يرقدون خل ينسدحون هني فالصاله احسن بوايد مروان: بس بس انته محد طلب رايك .. تباها من الله ترقد ويانا ... عبدالعزيز: هــــــه ! منوه قاص عليكم ... بسير ارقد ويا اخويه والله ... متفيج انا ايلس وياكم وسار عبدالعزيز ورا عمر ... ع الدري ... التقطوا بـ سعيد سعيد: وين؟ بترقدون ؟ عمر: هيه بسنا سهر ... وهذا ( وظرب عبدالعزيز ع راسه ) متعود وايد ع السهر هالايام عبدالعزيز: آي ... والله اتعلم من الكبار عمر: لا والله ! سعيد: هههههههه وراشد ومروان ؟ عمر: تحت ويا هزاع ... شكلهم بيرقدون فالصاله سعيد: بسير عيل ايلس وياهم شويه وعقب بسير ارقد عمر: يوم بتسير ترقد شويه عطهم كم كلمة عسب يرقدون سعيد: هذا لووووووووووووو سمعوا كلامي عبدالعزيز ( نقع من الظحك ) : هههههههههههههههههههههه اتخيل سعيد: هههههههه بلاك تخبلت تظحك جذه ؟ عمر: هههههه هذا خبله عبدالعزيز: اتخيل سعيد يحرج عليهم اونه ههههههههه والله مروان وهزاع وراشد بينقعون من الظحك في ويهه ولا بيعبرونه ههههههه سعيد: ههههه وايد مستهزئ فيه ... ما عليه عبدالعزيز: هههههه انزين ما يليق عليك عمر: انزين خلاص هههه السالفة ما تظحك بس اسكت عن ينش عمران ع الحشرة ... سر سر الحجرة بنرقد ... يالله تصبح ع خير سعيد سعيد: وانته من اهله في حجرة عمر وعبدالعزيز .... عمر واقف جدام التسريحه يظهر عدساته ... وعبدالعزيز ع الشبرية عبدالعزيز: عمّور عمر: شوه ؟ عبدالعزيز: متى بتعرس ؟ عمر: يوم انته بتعرس عبدالعزيز: لا لا لا انا ما بعرّس بتم يالس هني ع قلبك عمر: انا بعرس بجابل حرمتيه وعيالي ما يخصني فيك عقب .. كل واحد مسؤول عن نفسه عبدالعزيز: شوه شوه شوه ؟ نعم عمر: هههههههههههههه عبدالعزيز: والله اتخسي .. مب ع كيفك .. عمر: شوه مب ع كيفي ههههه عيل ع كيف منوه عبدالعزيز: شوف هم وايد الاخوان اللي يقولون حق اخوهم ييب ولد وسمه ع اسامينا .. بس طبعا انا غير .. ما تسمي ولدك ع اسمي عمر: ليش ؟ عبدالعزيز: انا عبدالعزيز واحد بس فالعايلة ما ابا حد ثاني ياخذ اسمي وبعد يخربه عمر: اصلا عمر يقولون له بو عبدالعزيز عبدالعزيز: وعبدالعزيز يقولون له بو سعود عمر: ويقولون له بعد بو عمر ... عبدالعزيز: انا بسمي ولديه عمر ... عيل عمر: توك تقول ما بعرس عبدالعزيز: غيرت رايي يوم انته بتعرس انا بعد بعرس عمر: اقولك ارقد ارقد الله يخليك ههههههههه سوالفك بايخه عبدالعزيز: باجر ودني عند عموه عمر: تبا الصبح بوديك ... عبدالعزيز: جيه ما عندك دوام ؟ عمر: باجر بداوم متأخر شويه كم ساعه وبرد .. تبا بنسير نتريق عندها وعقب بردك عبدالعزيز: جيه تردني خلني هناك يوم بترد من الدوام مر عليه الله يخليييييك عمور عمر: لهالدرجة مشتاق لهم ؟ عبدالعزيز: مشتاق حق النحسة والله عمر: عبدالعزيييييييييييييييز عبدالعزيز: خلاص خلاص آسف ... نسيت ام هزاع يالسه فالصاله .. ووياها عفرا ... وآمنة .. آمنة: امايه وين هزاع ؟ ما رد للحين ام هزاع: قال بيبات عند عيال خاله عفرا: اووووونه .. عيل جيه ما قلتي لي .. اقول حق غالية تيي هني ام هزاع: والله هو قبل شوي متصل بي ومخبرني ... اتصلي فيها الحين قولي لها عفرا: شوه امايه تتطنزين ... الحين غاليه تيي هني ! ام هزاع: انتي تقولين آمنة: انا بسير الحجرة شويه بنسدح عفرا: وانتي وين ريلج مستويه سلامه اليوم يالسه لين هالحزة ما عبّرت آمنة ونشت من مكانها وسارت داخل ... بكل هدوء .. عفرا: ط هاي والله سوت لي طاف ام هزاع: شكلها الا بتبات هني اليوم عفرا: يعني معقوله احمد بيمر عليها الحين ؟ اصلا وايد متاخر الوقت واول مره يتأخر وامون يالسه ولا ع البال ما اتصلت به ! ام هزاع: وانتي شلللللج عفرا: قهرتني جيه ما ردت عليه ام هزاع: تستاهلين عفرا: ما عليه والله ما عليه ... كل ما اقول شي .. قفطيني وبعد تستانسين يوم يحطون عليه ام هزاع: روحج تييبين الرمسة حق عمرج عفرا: متى عرس ولد اخوج ؟ ام هزاع: شهر 7 عفرا: وييييييييييييه جرييييييييييييب ام هزاع: من متى انا قايلة لكم ؟! عفرا: انا نسيت ام هزاع: والله ما قلتي لي عسب اذكرج ! عفرا: باجر بقول حق غاليه نسير نشتري قطع ام هزاع: هيه وغاليه فاضيه شراتج الحين عفرا: شوه فاضيه شراتي ؟ ام هزاع: غاليه وراها جامعة .. عفرا: انزين وخير ؟ ام هزاع: انزين انتي يلسي فالبيت بس لا شغلة ولا مشغلة عفرا: والله مب بكيفي هديت الجامعة انزين .. بسير ارقد احسن لي .. ام هزاع: احسن بعد ... انا بسير حجرتيه صعدت عفرا فوق ... دخلت حجرتها وصكت الباب ... بدلت ثيابها ولبست بجامتها ... انسدحت ع الشبرية .. وحطت ايدها تحت راسها .. تعبت خلاص .. من تعليقات امها ... دايما تقول لها .. الجامعة والجامعة انزين خلاص ما تباها ما فلحت فيها .. ليش تضيع بعد سنوات واتعب نفسيتها زياده ... تعبت من مقارنتها هي شخصيا بـ غاليه .. هي تعرف ان هالنوع من المقارنات تخليها تكره الطرف الثاني .. وهي ما تبا هالشي وخصوصا ان غاليه بنت خالها وربيعتها الروح بالروح ... امايه من صوب وهزاع ساعات بعد يستهبل عليه .. مروان للحين ما يدري والا جان قطعني ... افففف الله يعيني والله ... رن مبايلها .. شلته وبدون ما تشوف الرقم ... عفرا: الو احمد: عفرا .. انصدمت عفرا .. احمد من وين ظهر لي .. نزلت المبايل .. وشافت الرقم ... لا والله رقمه ! اكيد يايب الرقم من عند آمنة اكيد ... احمد: عفراااااااااااااااااااااااااااااااااااااااااا عفرا: هلا هلا وياك ... احمد: عفرا بسرعه نزلي عفرا: بسم الله شوه مستوي احمد: سيري الحجرة اللي تحت امون هناك .. ساعديها وييبيها برع انا دقيقتين وبوصل عند الباب.. عفرا: ليش شوه السالفه احمد: ايهيييييييي عفرا ظهرتي اخس عن ناعموه اختيه عفرا: خلاص خلاص نازله ... احمد: لبسي عباتج وشيلتج انتي بعد بسرعه عفرا: نازله يالله باي .. لبست عفرا عباتها وشيلتها بسرعه .. وهي مرتبكة ولا تدري شوه السالفه .. نست انها لابسه بجامة .. نزلت تحت وسارت الحجرة .. وشافت آمنة اختها .. ساعدتها وظهرن برع .. وفعلاً احمد كان برع .. يتريا .. نزل بسرعه من الموتر ... وساعد آمنة .. احمد: تعالي عفرا ركبي ... ركبت آمنة جدام .. وعفرا ورا .. عاد عفرا شكلها صدق ميته من الزياغ ... واحمد متوتر ... يسوق .. عين ع الشارع وعين ع آمنة ... لين وصلوا المستشفى .. قال حق عفرا تساعد آمنة .. وهو سار داخل طلب كرسي متحرك .. وصل الكرسي .. وآمنة يلست عليه .. ودوها ... عفرا .. واحمد رواحهم برع ... عفرا: شوه السالفه ؟ احمد: شكلهم بيولدونها الحين عفرا: الحين ؟ ! احمد ( تنهد ) : هيه عفرا: كيف ؟ بعدها ... فالثامن احمد: شدراني انا عاد ؟! عفرا: اويه جيه ما خبرتني! احمد: وانا كنت ادري ؟! ... سيري الله يخليج عفرا داخل شوفيها عفرا: انااااااااا ؟! احمد: عيل حرمتيه ... اووووه اقصد حرمتيه داخل سيري ... عفرا: والله انته ريلها جيه ما تسير ! احمد: وين تبيني اسير ؟! ... سيري عفرا: انا اخاف احمد: ط هاي ... انا عيل جيه يايبنج ؟ عفرا: والله ما قلت لي انك بتوهقني احمد: لا والله ! في بيت الشباب .. تموا مروان و هزاع .. وراشد عيبته اليلسه ويلس وياهم وشكله بيرقد عندهم بعد .. مروان: شخبارها ام الدويس من زمان ما ندري عنها هزاع: تسلم عليك مروان: ههااااااي لا تظحكني .. اونه تسلم عليه ... هاي لو اموت جدامها ما بتسلم عليه ولا بتحضر جنازتيه ... هزاع: ههههههه حرام عليك عاد مب لهالرجة هي مجرمة مروان: اذا عفرا مب مجرمة عيل منووووه المجرمة ؟ هزاع: ههههههههههه ايه والله بس ترا ما ارضى مروان: اونه اونه هزاع: هيه صح تعال ... عفاري ودرت الجامعة مروان ( فز من مكانه ويلس عدل) : اونه ! هزاع: والله مروان: ليش ؟ هزاع: تقول توفل وما اقدر عليه وما ادري شوه ومليت مروان: وانتوا شوه قلتوا لها ؟ هزاع: ما قلنا لها شي مروان: لا والله ! هزاع: يعني شوه نسوي ؟ هي تبا ... انا رمستها ما اقتنعت وكل يوم خواتي يرمسونها تقول ما تبا تكمل خلاص مروان: والله هاي ام الدويس صدق عليها حركات ... خل تكمل الحين هزاع: تقول لازم اييب التوفل ... وهي ما تروم عليه مروان: هالزّلمة ! ....... ظهرت كسلانة والله ما تنفع هزاع: لااااااااا حرام عليك ... عفاري شاطرة ما شاء الله بس ما ادري شوه سالفتها ويا التوفل مروان: والله انتوا وهي خبايل ... هزاع: ايه انته .. جنك حطيت علينا مروان: عادي عادي هزاع خذها بروح رياضيه هزاع: ان شاء الله في المستشفى .. استوت الساعه 3 .. عفرا تعبت ... ظهرت من غرفة الانتظار اللي داخل ... وسارت برع يلست ع الكراسي ... شافها احمد .. ويا صوبها ... احمد: بعدها ؟ عفرا: هيه ... احمد: الله يعين عفرا: امون دايما جذه الله يهديها ... ما ترمس الا يوم خلاص احمد: اففففف ويوم اهزبها تعصب عفرا: هي اتصلت بك قالت لك انها تعبانه ؟ احمد: هيه .. انا كنت ويا عيسى اخويه ... اتصلت بي وقالت انها تعبانه عفرا: سخيفه .. ولا قالت لنا ... احمد: جذه تسوي هالحركات دوم عفرا: شوه تتوقع ولد والا بنت ؟ احمد: والله متفيجه ... سيري شوفيها .. تعالي طمنيني عفرا: ما يخصني .. والله اخاف .. احمد: صدق ما تنفعين ... عفرا: جيه ما وعيت امايه ... احمد: انا لو كنت اعرف انج انتي جذه جبانه جان ما يبتج ... في اشيا لسانج طويل ... و في اشيا ثانية .. خليني ساكت عفرا: حرام عليك احمد: انزين دخلي الله يخليج ... عفرا: بسير هناك عند الباب وبسأل السستر احمد: اذا ع جيه انا بسير انتي ليش بعد ؟ عفرا: لا لا .. ولو ما نبا نتعبك سارت عفرا .. وابتسم احمد غصباً عنه ... والله عفرا سوالف ... انا وين وهي وين ! في بيت .. ام احمد ... احمد اتصل بـ ناعمة وخبرها .. وناعمه يالسه فالصاله تحاتي آمنة .. ورملة .. بس لان اجازة .. معانده ويالسه .. والا هي مدوخة وفيها رقاد .. دخل عيسى البيت ... ناعمه ( عينها ع الساعة ) : الحين حد يرد البيت عيسى: كنت ويا ربعي .. رملة ( وهي مغمضة عينها وحاطه راسها ع ريل ناعمه ) : طبعا هم يطلعون ونحن فالبيت .. عيسى: وانتي جيه ما راقده ؟ رملة: كيفي .. اجازة .. ناعمه: رملة نشي نشي بسرعه سيري الحجرة ... يالله رملة: اوهووو ناعمه: نشي يالله محد متفيج يوديج عقب .. قومي عيسى: وانتي جيه ما راقده ؟ ناعمه: احمد اتصل بي وقال ان حرمته فالمستشفى رملة: احمد وآمنة كل يوم فالمستشفى عيسى: الله ياخذ عدوج بدال ما تدعين لهم رملة: الله يسهل عليهم عيسى: ههههههههه شوه يخصه رملة: اوه ما ادري بس جيه قلت ناعمه: آمنة جنه بتربي الليلة .. عيسى مبهت وفاتح عيونه ... و رملة فزت من مكانها ... رملة: قولي والله ناعمه: والله رملة: وليش ما قلتي لي ؟ عيسى: الحين هو روحه وياها .. رملة: لا اكيد خواتها كلهن وياه ناعمه: لا والله .. حليله احمد روحه ويا عفرا اخت آمنة بس .. والله يعين آمنة رملة: اوييييييييييييه عيسى: انا بسير حجرتيه .. يوم بيتصل احمد خبروني .. رملة: عيل الحين ما برقد ناعمه: قومي سيري رقدي انا قلت لج رملة: ما بسير .. اجازة انزين .. مب مدارس عادييييي ناعمه: كيفج والله رملة: انزين كيفي ناعمه: قومي عن ريلي رملة: فيه رقاد ناعمه: شوفوا انتوا ! عيسى: انا ما بشلج عقب رملة: لا تشلني عيسى: كيفج رقدي هني رملة: ياخي انته وياها وبعدين وياكم ناعمه: لا نشي ظربينا بعد رملة: تتوقعون آمنة شوه بتييب ولد والا بنيه ؟ ظحكوا عيسى وناعمه غصبا عنهم ... رملة تدخلهم في سالفة وتظهرهم من سالفة ثانية ... هند ... ما ياها رقاد .. تمت منسدحه ع شبريتها وتقرا دفترها .. هالدفتر تعودت عليه ... فيه ذكريات عجيبة .. وما زالت تكتب فيه ... وترد تقراه في يوم من الايام .. وتذكر اللي كتبته .. فيه سوالف ... فيه مواقف .. فيه اشيا ما تخطر ع البال ... يومياتها .. اللي يوم بدت تكتبها كانت نوعاً ما حلوة .. لكن الحين .. كل اللي ينكتب في هالدفتر .. صح انه اكثر شي يطغى عليه الحزن .. لكن تحس انه يرد الروح من يراني ... يقول بـ أن حياتي حياة ملوك .. قد عاشوا في راحة .. و غمرتهم السعادة .. و استلهموا من رفاهية الحياة ،، نورهم ولكن ،، لا يعلمون ان حياتي .. كلها مأساة ادفع ثمنها طوال عمري .. ابتسمت هند عقب ما وقف قلمها عند آخر كلمة .. و نزلت القلم .. وبندت الدفتر ... وحطت راسها ع مخدتها ... وغمضت عيونها ... احمد : الله اكبر الله اكبر ... الله اكبر الله اكبر .. اشهد ان لا اله الا الله .. اشهد ان لا اله الا الله .. اشهد ان محمدا رسول الله .. في اذن صغيرة ... وايد صغيرة .. كان صوت احمد والاذان يسري فيها ... عقب ما ابصرت النور .. وطلعت ع الدنيا .. آمنة .. يابت بنيه ... و هي بخير .. وعفرا عندها ... اما احمد فـ حمد ربه ان الله رزقه بنيه .. المهم ان صحتها زينه ... وان آمنة بخير .. ظهرت عفرا .. عفرا: قايلة انا بقرصهاااا احمد: يا ويلج لو دقيتي بنتي عفرا: فديت هالويه المنتفخ احمد: ط والله .. وتحط عليها ... عفرا: ههههههه وع احمد بنتك خسفة احمد: تفدين هالويه وام هالويه بعد .. قومي قومي عني عفرا: هههههه منوه قدك استويت ابو احمد: هيه ببركاتج .. وما شاء الله عليج ما في اشجع منج .. بنصح سلامة تييبج يوم بتيي عفرا: هههههههه فذمتك ما ساعدتك يعني واقفة هني انا من الصبح ... وما هديت امون فديت اختيه انا .. هاي الصعلوقه عيل تبهدل اختيييييه احمد: هيه والله في هاي صدقتي .. فديت حرمتيه اللي تعبت وآخر شي يابت هاي عفرا: هههههه حبيبتيه والله .. يالله شوه بتسمونها ؟ احمد: ما ادري ... خل امون تنش بالسلامة .. عاد ما بكون طماع .. بنختار لها اسم عفرا: صدق ما تعرفون انها بنيه ؟ احمد: والله ما نعرف انها بنيه .. ( وابتسم ) بس امون كانت تبا بنيه .. اكيد مستانسة الحين عفرا: حبيبتيه اختييه والله .. احمد: اتصلي بشري امج بسرعه عفرا: الحين ؟! بيأذن الفير احمد: الحين هزاع بيقوم وبيدورج وبيقول وينها هاي ؟ وبيوعي كل اللي فالبيت ... بيقول عفرا شردت عفرا: هههههههه لا والله احلف ؟! احمد: هههههه اتصلي يالله اتصلي عفرا: حرام رقود احمد: رقود هااااااا .. والله ما اخلي حد يرقد اليوم ... يت السستر وشلت البنيه الصغيرة ... وبدا احمد بالاتصالات والمسجات .. قال حق عفرا تتصل في امها .. شمسة: نش يالله سالم: انزيييييييين شمسة: قم صل ورد ارقد سالم: انزين انتي سيري وانا بنش شمسة: قم الحييييييين سالم: يا ربي شوه هالام شمسة: الله ياخذ العدو .. قم يا سالم بهدلتني .. ابوك بيرد من المسيد وانته بعدك راقد ولا صليت سالم: انزين .. شمسة: نش والا ببند عنك المكيف سالم: لا لا ..... ونش سالم ..... شمسة: نش بسير اشوف مبايلي .. يرن .. بسم الله .. وسارت شمسة تشوف مبايلها .. شمسة: الو عفرا: شمووووووس شمسة: بسم الله الرحمن الرحيم .. عفاري شوه مستوي ؟ عفرا: أمون ربببببت شمسة: متى ؟ عفرا: توها الحين شمسة: انتي وين ؟ عفرا: فالمستشفى .. شمسة: قوم امايه وياج ؟ عفرا: لا .. انا واحمد بس هني وياها شمسة: شوووه ؟ عفرا: هيه والله .. مال بسرعه بسرعه يينا شمسة: ط هاي عفرا: يا هبله .. الواحد اول شي يسأل شوه يابت شمسة: صدق شوه يابت ؟ .... ندري ان ولد هي قالت عفرا: لا بنيه شمسة: حلفي عفرا: والله ... شمسة: عفاري عفرا: ههههههه صدق انزين شمسة: يالله الحمدلله ع سلامتها .. وقوم امايه درو؟ عفرا: هيه اتصلت بها خبرتها انا ... شمسة: هي بخير ؟ عفرا: الحمدلله .. شمسة: خلاص عيل .. دامها بخير ... نحن بنرقد .. وباجر بنييها عفرا: ههههههه ونعم الاخت .. لا والعوده بعد شمسة: ههههه شوه تبيني اسوي يعني ؟ الحين الفير ايي المستشفى عفرا: لا لا .. رقدي رقدي شمسة: ثرني اقولج عفرا: اوكيه بخليج الحين شمسة: انزين .. طمنينا لو استوى أي شي ثاني عفرا: بسم الله ع اختيه شمسة: لا سمح الله يعني .. عفرا: اوكيه شمسة: يالله بسير اشوف سالم ... للحين راقد ولا مصلي عفرا: ونعم التربية شمسة: جب انزين .. كنت اوعيه وانتي اتصلتي .. عفرا: هههه عيل مع السلامه .. جابلي وحشج المفترس شمسة: فمان الله ... نش هزاع ع صوت المبايل ... ووياه مروان .. كل واحد فيهم لو مثّل لو أي مخرج يشوفهم بيقول بنفعون حق فلم رعب ... وراشد فوقهم .. هزاع: الو احمد: نش بسررررعه نش هزاع: منوه ؟ احمد: يا ويهك حد ما يعرف صوت الكناري هذا هزاع: احمد انته وايد متفيج ... تشوف الساعه كم الحين احمد: ههههه هيه اشوف .. نش بسرعه نش هزاع: شوه تبا فيه ؟ احمد( حب يلعب بأعصابه ): سير شوف عفرا اختك وينها ؟ في حجرتها ؟ هزاع: ليش؟ احمد: انا اشك انها هناك ! هزاع ( صح صح شويه ): احمد شوه السالفه ؟ انا مب فالبيت وين عفاري ؟ احمد: ونعم الاخ هزاع: لا توتر لي اعصابي .. احمد قووول عفرا وين ؟ مروان وراشد .. من طريقة هزاع .. هم بعد وياه صحصحوا ... لان هزاع كان يرمس بلهجة حادة .. احمد: فالمستشفى هزاع: شوووووووووه ؟ شوه مستوي ؟ احمد: بسم الله خلاص .. بقولك .. قم يا فالح .. احم احم حرمتيه يابت بنيه .. هزاع: فذمتك ؟ امون ربت احمد: يقولون .. هزاع: احمد مب متفيج والله لعبت بأعصابي بما فيه الكفاية احمد: ههههه والله والله امون ربت ويابت بنيه .. هزاع: بالبركة .. تستاهل تستاهل .. احمد: الله يبارج في حياتك هزاع: وشخبار امون الحين ؟ احمد: الحمدلله تمام هزاع: وعفاري وامايه والشلة كلهم اكيد وياك احمد: لا لا .. بس عفرا ويايه .. يعني اسمح لنا .. شلينا اختكم من البيت .. دون محد يدري .. ويبناها المستشفى .. هني هزاع: انته وعفاري بسسسس ! احمد: شفت عاد حظي النحس .. هزاع: ههههههه شفت .. احمد: يالله ببند عنك ببشر هلي .. متصل فيك انته اول واحد ما عندي سالفة صح هزاع: غلط احمد: هههه فمان الله هزاع: مع السلامه ... سلم ع امون بند احمد عن هزاع ... مروان: شوه السالفه ؟ هزاع: امون يابت بنيه .. راشد : مبرووووووك مبرووووووك هزاع: الله يبارك في حياتك .. مروان: تصبحون ع خير .. ورد مروان اللحاف ع ويهه و رد رقد .. وهزاع نفس الشي .. وراشد قال يوم ان هالاثنين اللي كل يوم طايحين هناك .. ويعرفون امون هاي جيه سووا وباعوها ورقدوا هو ليش واعي ؟! ... ورقد هو الثاني ناعمه هي الثانية كانت ع وشك انها ترقد ... بس كانت تتريا الاتصال .. وفعلا رن مبايلها واخيرا احمد: باركييييي ليييي نعّوووووووم ناعمه :بشر احمد: بنيه بنيه حلوووووة قمر ع امها والله ناعمه : هههه تستاهل تستاهل .. مبروك .. وشحال آمنة ؟ احمد: الحمدلله بخييير .. ناعمه:سلم عليها وايد .. احمد: تدرين للحين ما شفتها .. ناعمه: حليلها .. شفت البنيه نسيتها هااااا احمد: لا لا والله .. مب جذه .. بس ما يهون عليه اشوفها وهي تعبانه جذه ... عقب بسير لها ناعمه: خوش ابووووو والله هههههه احمد: بشري اللي فالبيت .. ناعمه: ان شاء الله ... يالله مع السلامه بسير ارقد سهرتوني وايد احمد: هههه السموحه والله ناعمه: مسموح الغالي .. كم احمد نحن عندنا .. بند احمد عن ناعمه ويت عفرا صوبه .. عفرا: احمد احمد: هلا عفرا: متى ناوي ان شاء الله تطلق سراحي وتردني البيت ؟ احمد: هههههه آسف والله آسف .. عفرا: فيه رقاااااااد احمد: بس اطمن ع حرمتيه وانهم ودوها الغرفة الخاصة اللي حاجزنها وبوديج عفرا: يعني يبالنا ساعه جيه .. احمد ( ابتسم ): ما ادري .. ما جربت من قبل ! عسب احسب عفرا: انا بسير اشوف امون عيل ... انته مب ناوي تسير لها احمد: لا مب الحين .. عقب .. سيري شوفيها و طمنيني الصبح ... في حجرة عمر وعبدالعزيز .. عمر سار الدوام ... عبدالعزيز نش .. وتغسل ... وظهر من الحجرة ... شاف عمران توه واصل ... عمران: توك ناش ؟ عبدالعزيز: هيه عمران: والله تعال برويك شي عبدالعزيز : شوه؟ عمران: تعال انته ... عبدالعزيز مب متفيج يطرح اسئلة زيادة فـ سار ويا عمران ... نزلوا تحت ... يوم شاف الاشكال .. نقع من الظحك .. عمران: هههههه اسكت فضحتنا عبدالعزيز:ههههههه هذيل والله ميانين قال لهم عمر سيروا رقدوا فالحجرة ما طاعوا عمران: ههههه حليلهم عبدالعزيز: انته اليوم كان آخر يوم .. عمران: واخيييييرا افتكيت .. عبدالعزيز: زيين .. بنشوف النسبة ... عمران: لا تتوقعون اكثر من 60 عبدالعزيز: واااااايد عليك .. واااااايد عمران: هههه انا انسان مب فاضي عبدالعزيز: صح صح صح .. مروان: عمرانووووو متفيج حق تنظيم القاعدة وبس نقع عبدالعزيز من الظحك .. مروان مب راقد .. واعي بس اكيد مب متفيج ينش الحين .. عمران أرقد انته ارقد مروان: وجيه تحشون فينا من الصبح عمران: اقولك ثرك وااااايد متفيج والله مروان: هزاااااااااع هزااااااااع قم .. هزااااع قم اختك آمنة يابت بنيه عبدالعزيز ( فتح عيونه ): قوووووول والله ايه لا تجذب ع الريال مروان: والله ما اجذب عبدالعزيز: جذاب انته مروان: اقولك ما اجذب عبدالعزيز: وشدراك توك ناش ؟ مروان: احمد اتصل الفير وقال حق هزاع نش هزاع .. هزاع: اوه صدق .. ذكرتوني .. وبعد عبدالعزيز ظحك .. عبدالعزيز: راشد بعد انته قم .. راشد: انا قايم من زمان عمران: ودام انكم قايمين جيه ما تنشون ؟ هزاع: تعلمت عدم التفيج من اخوانك عبدالعزيز: اليوم بتسيرون عند آمنة فالمستشفى ؟ مروان شوه بتسيرون ؟ جيه هي حفلة ! هزاع: هيه تعالوا صدق .. بسير البيت انا بتكشخ بسير عند اختيه عبدالعزيز: متى بترد البيت ؟ هزاع: ما ادري عبدالعزيز: وييييه يعني ما بيكون في حد في بيتكم ... ملل ... راشد: وانته ليش ؟ عبدالعزيز: يعني ما بسير بيت قوم عموه ... بقول حق عمر يظهرني اليوم مروان: عمر مب متفيج ...... ما باجي شي ع عرس سعيد ... راشد: صدق انتوا فصلتوا ؟ مروان: لا .. القطو العود فصّل ؟ راشد: ههههههههههه سعيد اكيد عمران: عن الغلط ع اخويه مروان: بس بس انته هزاع: تدرون شوه اكتشفت ؟ مروان: شوه ؟ هزاع: ان نحن وايد مسوين طاف حق بدر ! مروان: لا والله ؟ اكتشاف عظيم انزين وعقب ؟ هزاع: هههههه لا يعني .. اكيد هو بيي العرس .. شي اكيد طبعا .. مروان: مالت عليه انزين كمل هزاع: فـ بيفركم كلكم هناك عبدالعزيز: في عينه ! كلهم ظحكوا ع طريقة عبدالعزيز .. قال في عينه من الخاطر .. محد يرتاح له هـ البدر .. محد *********** |
الجزء الـ 12 في المستشفى ... رملة ... وناعمه .. وامهم .. وام هزاع .. و حصه .. وشمسه ... واحمد ... ام هزاع: بس ابا اعرف كيف ييتوا ولا قلتوا لي ؟ احمد: خلاص عمتيه .. ربت وخلصت .. وانتهت السالفه .. وبترد امون الرشيقه الحيين ... وانتي بعدج ع سالفة من سنة يدي ام احمد: يا ولد .. استح ظحكن حصة وشمسه ع رمسة ام احمد .. احمد: شوفي تخلينهن يظحكن عليه .. ام احمد: لانك ما تسكت احمد: بعد تقولين لي ما اسكت .. امايه استويت ابو الحين مب بس معرس .. ناعمه: شوه بتسمونها ؟ رملة: ما يباله سؤال .. رملة .. احمد: بكل ثقة .. ( وقلدها ) رملة ! .... لا تصدقين عمرج وايد آمنة: هههه انا ما يخصني ... بكيفكم .. انا بغيت البنيه ... والحين خلاص عندي اياها شمسه: عيل سموها قماشة آمنة: لا عاد قلت بكيفكم بس مب جيه رملة: هههههههه اتخيل قماشة .. قموووووش احمد: هههه ودج انتي بنتي جيه اسميها عسب من تصبحين لين تمسين وتحشرينا قموش وقموش نفس الوقت ... دخلت سلامة .. سلامة: السلام عليكم .. الكل : وعليكم السلام .. سلامة: مبروك ما ياج يالدبه ... جيه تنقعين خيانة .. مب قلنا نفس الوقت .. آمنة: ههههه شسوي ... مب بايدي احمد: يالله انا استأذن .. امون لو بغيتي شي اتصلي ع مبايلي .. آمنة: ان شاء الله .. سلامة: شخبارج علومج ؟ آمنة: الحمدلله .. شمسه: يابت البنيه قبلج سلامة: اشوفها .. انتي يبتي الولد ... وهي يابت البنيه .. الحين ولدي والا بنتي بيكونون جداااام حصه: ههههه لا تخافين عند امايه اللي منج ما يكون جديم ابداً ام هزاع: صلوا ع النبي .. اذكروا الله ... المهم الصحه .. ام احمد ( ابتسمت ) : عيال آخر زمن .. يغارون من ادناة شي رملة: طبعا يوم انتي تدلعين ناعمه .. طبعا بغار حصه: هههههه رملة متعقدة شكلها ناعمه: لا متعقدة ولا شي .. بس فيها غيرة زيادة عن اللزوم تبا كل شي حقها رملة: من حقي .. اسمي رملة .. وبجمالي وغروري خبلة .. نقعن من الظحك اللي يالسات .. سلامة: منوه مألف لج هالشي الجميييييييل عنج ؟ آمنة: في غيره ... ناعمه: احمد قاص عليها آمنة: ريلي ما يقص ع حد .. صدقه خبله بجمالها وغرورها بعد شوه رملة: احم احم سعيد .. ويا بدور .. سعيد: ما باجي شي .. بدور: فهد يقول بس خلاص ... لازم ما اشوفك سعيد: نعم ؟! وليش ان شاء الله ؟! بدور: هههههه عندنا نحن جذه سعيد: شوه هالتخاريف بدرو: ولا انا ابا اشوفك بعد سعيد: بعد ! بدور: هههه عسب طبعا عقب اكون غير سعيد: انزين بس باجي كم يوم للعرس بدور: ما باجي شي ... سعيد: يعني طردة من الحين بدور: يالله عااااااد سعيد ما قلت لك من اليوم ... من باجر سعيد: واايد عليج .. بدور: ههههههه سعيد: انزين انا الحين لازم اسير بدرو: وين تو الناس سعيد: بسير .. اخلص شغلي .. وبمر البيت .. بشوف آخر الترتيبات .. ويا عمر اخويه بدور: اها سعيد: هيه صح .. الحجرة اللي بنيلس ثر فيها باب حق برع ... يعني تدخلين منه وتطلعين منه .. القسم بكبره حقها .. ممر وحجرة عوده .. وحمام .. الحجرة تنقسم قسمين حجرة وجيه مثل صالة صغيرة .. وبحط باب فاصل من بداية الممر .. انه خلاص نحن نستقل بالقسم بدور: اها .. انزين سعيد: ما تبين تشوفينها ؟ بدور: لا مش مهم الحين .. بس زين فيها باب روحها حق برع .. عن اخوانك سعيد: كيف يعني ؟ بدور: لا يعني .. كله شباب فالبيت .. فـ انا ما ابا التقي بهم ع الطالعة والنازلة سعيد ( ابتسم ): استحملي شوي .. لين ان شاء الله اقدر اوفر لج السكن المطلوب بدور: خلاص يا سعيد .. عادي عندي ... سعيد: يالله انا ساير ... بغيتي شي ؟ بدور: لا مشكور .. سعيد: العفو .. مع السلامه بدور: فمان الله .. الله يحفظك ... وديمة راده من برع .. وفي ايدها خرايط .. شافت سعيد تفشلت .. سلمت ع السريع وسارت داخل .. دخلت عقبها بدور .. بدور: شوه السالفه ؟ وديمة: اففففف ولا تهنيت .. امج ما تخلي الواحد يتهنى ... بدور: ليش وينها امايه ؟ ودخلت ام فهد .. ام فهد: الله يغربل ابليسج من بنيه وديمة: والله ما سويت شي بدور: شوه السالفه ؟ ام فهد: كسرت لي ركبي .. ما خلت محل ما دخلته .. وعقب هذا كله .. تقول ما لقت شي عيبها بدور: عيل انا اشوف في ايدها وايد خرايط وديمة: فستاااااني .. والاكسسوارات ... ما لقيت لي نعال .. ولا خلتني اسير الصالون اسوي بروفا بدور : عروووووس عروووووس الاخت .. تبين بعد بروفا تسوين ؟ وديمة: هيه ... من زمان ما سايرة متمكيجة عند الحرمة ... بشوف ميكبها تطور والا نفس ما هو بدر: صدق متفيجه ام فهد: شفتي عاد ! وديمة: بسير ويا الخدامة . بخلي السايق يودينا ام فهد: انتي طبي برع البيت وبتشوفين وديمة: بسير بسير ... ام فهد: قولي هالرمسة حق فهد وديمة: فهد ما يخصه .. ام فهد: هذو ياي قولي له ما يخصك .. فهد كان يمشي ياي من برع وبيخل الصاله ... من شافته وديمة .. شلت اغراضها بسرعه وسارت فوق ... بدور: توها تقول ما يخصه .. ام فهد: هيه تقدر هي تسوي شي بدون فهد .. فهد: السلام عليكم ام فهد: هلا وعليكم السلام فهد: رديتوا ... ام فهد: بسنا يا بوك .. كم والا كم بندور .. ريلي عورتني .. واختك ما تعبت فهد: وينها عيل ما اشوفها ؟ بدور: سارت فوق .. تبدل ثيابها .. فهد: اها .. وينه سعيد سار ؟ بدور: هيه قال عنده كم شغله لازم يخلصها .. مرت الايام بسرعه .. ناس يتريون النتايج ... وناس مرتبشين بـ عرس سعيد ... وناس منقهرين لان امهم تقول ما يسيرون العرس كانت آمنة .. منقهره من الخاطر ... واحمد يظحك عليها كل ما يشوفها .. يقول احسن ما بتخسرني اونه ! .... عفرا يالسه وتظحك .. وام هزاع يالسه تسبح البنيه الصغيرة .. و احمد يالس ع صوب .. وآمنة تتحرطم ... وهزاع توه واصل .. آمنة: امايه انزين محد بيحط في باله ام هزاع: بلى .. بيقولون هاي وين يايه .. وتوها مربية ... وما ادري شوه .. بتصيبج عين يا حرمة آمنة: الحين منوه بينتبه عليه ام هزاع: يوم الواحد بيحسدج ما بيقولج ثرني بصيبج بعين الحين هزاع: هالبيييت كله صريخ صريخ صريييييييخ عفرا: هههههه اختك تبا تسير عرس ولد خالك هزاع: خل تسير احمد: انته ايه اسكت .. هزاع: ليش انته مب مخلنها ؟ احمد: حشى عليه .. ما يخصني .. هاي اختك جدامك اسألها جان انا مب مخلنها آمنة: اصلا انته تباها من الله امايه تقولي لا تسيرين وما تخليني احمد:ههههه الحين انتي وامج انا شدخلني .. ما يخصني عفرا: حليلج يا امون آمنة: بسير .. ام هزاع: بشوفج كيف بطبين العرس عفرا: استمتعي بـ جمال العرس يوم كل الحريم بييون هني هزاع: بعد بييون هني ؟ عفرا: طبعا انته تنش من صباح الله خير تطلع من البيت هزاع: انا بطلع من البيت ... وابويه ؟ ام هزاع: ابوك يدري وبيطلع روحه .. هزاع: وين نسير ؟ عفرا: كيفكم والله ام هزاع: شلي البنيه يا آمنة وديها داخل .. آمنة :ييبيها .. شلت آمنة بنتها وسارت داخل .... عفرا: هزاع شوه الاجواء في بيت خالي سيف ؟ هزاع: عادي ... اصلا يتريون نتايج عمران .. ام هزاع: ويه فديت عمران والله .. ما ظهرت النتيجه ؟ هزاع: اليوم قالوا ... وقلت لهم خبروني .. ما ادري للحين محد بلغني عفرا: شاكه انا ان مروان افندي مهتم .. مسوي طاف حق الكل احمد: هالبنيه بس حاطه ع عيال خالها ام هزاع: انا لله وانا اليه راجعون .. هاي يبالها طراق حلو .. يعدلها ويعدل رمستها عن عيال خالها عفرا: الله يسامحك يا احمد احمد: هههههههه ما يخصني ما قلت شي .. بسير عند حرمتيه ... وسار احمد صوب آمنة .. احمد: فديت هالويه .. يا حلوة انتي يا حلوة آمنة: احمد ابا اسييييييير احمد: وين ؟ آمنة: بسير العرس احمد: امج تقول لا .. آمنة: اففففف احمد: صدق امون توج مربية .. بعد تسيرين العرس ؟ آمنة: كم يوم الحين ... احمد: كيفج والله هاي امج سيري تفاهمي وياها .. انا عادي عندي آمنة: امايه ما بطيع احمد: انزين انتي بتسيرين العرس والبنيه ؟ آمنة: بوديها ويايه احمد: لا والله حلفييييييي ... آمنة: شوه فيها ؟ احمد: بذبحج امون .. بتين بنتي تتصمخ ... آمنة: عادي عادي ويا الخدامه بخليها في الحجرة احمد: كيف يهون عليج يالحرامية .. آمنة: هههههه ثرها بتكون ويايه يعني جدام عيوني .. عيل شوه تباني اسوي فيها اخليها وياك ؟ يوم ما بيكون عندي مخ بسوي الحركة احمد: يا ويهج انا ابوها آمنة: ما قلنا شي .. بس تخيل اخليها وياك ... والله ما سويتها .. فديت روحها اخاف عليها احمد: ط هاي والله ! آمنة: شوووووه احمد: مالت عليج انزين آمنة: ههههه شوووووه احمد: الحين انا ابوها تقولين جيه ؟ جيه بوش والا شارون ؟ آمنة: ايه لا تقول هالاسامي اللي تخوف جدام بنتي .. اخااااااف تعقدها من الحين احمد: هي اسمها ميثا .. ميثا احمد آمنة: امها منوه ؟ احمد: اقولج ميثا احمد .. مب ميثا آمنة .. بس سكتي .. غاليه .. رفعت السماعه .. واتصلت .. رد هزاع .. هزاع: الو غاليه: الو السلام عليكم .. هزاع: وعليكم السلام غاليه: عفرا موجوده ؟ هزاع: هيه .. ( عفااااااااااااري تعالييييييي ) غاليه ؟ غاليه: نعم ؟ هزاع: قولي حق زايد وثاني اليوم السهرة في بيت خالي سيف غاليه: ان شاء الله عفرا: ييب ييب .. شوه تبا فالبنيه ؟ هزاع: ما ابا شي خذي عفرا: الو غاليه: الووووو .. وينج انتي ؟ عفرا: موجوده .. غاليه: يبتي فستانج ؟ عفرا: لاااااا متى بتسيرين ؟ بيي وياج غاليه: الحين ادور حد يودينا عفرا: هزاع اكيد بيقول ما بودييييييكن لان والله بسير ويا عيال خالي سيف ويا قوم مروان وما ادري شوه غاليه: انا ما ابا السايق يودينا عفرا: امممممم غاليه: يقنع زايد عفرا: لااااااا الله يخليج كله ولا زايد غاليه: ليش ؟ عفرا: استحي منه .. صح انه عادي واحسن بوايد من أي حد ثاني بس بعد غاليه: امايه وامج مب متفيجات اييون ويانا عفرا: بشوف حصوه غاليه: حصه ما بتيي وانا قلت لج ... عفرا: بسألها .. غاليه: انزين انا بسير اسال زايد لانه املنا الوحيد عفرا: اوكييييييييييه مع السلامه غاليه: فمان الله جواهر : هنّود .. سيري جربي الفستان هند: يعني لازم لازم لازم اسير العرس ؟ جواهر: هيه لازم .. عرس ولد خالج هند: انزين شوه هي المفاجأة اللي ابويه قالي عنها ؟ جواهر: بتعرفينها عقب شويه هند: قولي جواهر: ما بخربها .. يالله سيري جربيه وتعالي خبريني هند: اوكييييه نشت هند .. بتسير فوق .. وصلت نص الدرب وع الدري .. سمعت صوت ... هالصوت يوم تسمعه صح انه ما تسلم من تعليقات صاحبة الصوت .. لكن بعد تسوي لها جو والله .. رد بسرعه .. هند: جدتييييييييييييييي يدوه غريسة: جدتي بعد شوه ؟ وين وين اميه ؟ بنت عرب انتي هند: شحالج وشخبارج وعلومج وشوه مسويه يدوه غريسه: انا بخير يوم كنت هناك في بيتي .. بس من يابني ابوج هني ما اظن اكون بخير وياكم هند كتمت ظحكتها جواهر: افا عليج عموه .. لا تقولين جذه .. بنحطج في عيونا .. بو بدر: امايه حجرتج هذي . وهذا بابها .. يدوه غريسه: زين بعد .. احسن .. ما خليتوني فوق عسب اطيح اتكسر ع هالدري اموت وتفتكون مني جواهر: ميري ودي اغراض يدوه داخل .. يدوه غريسه: جيه ميري تشل الاغراض ؟ عندي ولد طول وعرض هند فتحت عيونها ع الاخير ما عندها هاليده ولد في هالبيت غير ابويه .. ليكون تبا ابويه يشل شنطها ... هههههههههههههههههههههههههه والله انج قوية بو بدر: امايه .. هالكثر خدم خل يخدمونج .. عيل جيه ادفع لهم كل شهر .. وسار داخل ... جواهر: عن اذنكم .. هند: يدوه اساعدج ؟ يدوه غريسه: لا لا .. ما ابا حد يساعدني .. يوم بطيح عقب فروني في دار العجزة بعد ولا تسألون عني هند: فديتج انتي لا تقولين جذه .. بحطج في عيوني والله ... دخل بدر .. بدر: اغراض ... بعد بتسافرون ؟ بل عليكم وين بتسيرون بعد ؟! هند: احم احم .. بدر ( وتأشر له ع يدته ) بدر من شاف اللي جدامه .. يود راسه .. بدر: انتي هنييييييييي .. منوه يابج ؟ يدوه غريسه: مالت ع ذا الويه .. اللي من يشوف يدته يقول لها هالرمسة .. انته ايه انا يدتك يالهرم بدر: اوه سوري .. شخبارج يدتيه علومج ؟ يدوه غريسه: مثل حالك اللي ما يسر بدر: ومنوه قالج حالي ما يسر ؟ يدوه غريسه: مبين من ويهك ... خل اسير حجرتيه ابرك لي .. سارت يدوه فطيم حجرتها ومن بندت الباب .. نقعت هند من الظحك وبدر ويهه يقول جنه الا ملك الموت جدامه .. بدر: منوه يايبنها ؟ هند: ابويه بدر: وليش ؟ هند: شكلها بتسكن هني خلاص بدر: الله يعيييينا هند: احسن تونسني شويه بدر ( اطالع اخته ): حلفي انتي عاد هند: هههههههه مول مول مول ما قطعتك بدر: وهذا اللي بيخليني اهج من هالبيت ... ما استحمل مستحييييييل هند: استح ع ويهك يدتك هاي بدر: يدتيه ع عيني وراسي .. لكن تدري بها بتتدخل في كل صغيرة وكبيرة .. هند: بتخليكم تمشون على الصراط المستقييييم واهم شي آآآآآآآآه بفتك من السفرات كلها .. يوم ما ابا اسير .. بقول حق ابويه اني بيلس هني فالبلاد ويا يدوووووه بدر: يلسي جابليها روحج ... عاد انا الحين بسافر كل مكان هند: هههههههههه لهالدرجة يعني واييهم صوت من داخل .. يدوه غريسه: بسكم من هالظحك الماااصخ .. عيب عليكم بدر: شفتي .. حتى الظحك استوى ممنوع .. يلسي يلسي جابليها ع قولتج .. عسب تخرفين شراتها .. وشل بدر بعمره وسار فوق .. اما هند فـ يلست وهي تظحك صدق من الخاطر .. في بيت الشباب .. ظهر من الحجرة بسرعه .. وركظ بينزل تحت .. شافه في ويهه حضنه .. عمر: مبرووووك عليك النجاح عمران: الله يبارك في حياتك مروان: اونه نجحححت ؟! انا قلت ما طرشوا لي مسج يعني رسبت راشد: هههههه الل هياخذ العدو .. عمران: احسن عن غيري مروان: أي غيييير ؟ اكسل واحد فينا انته عبدالعزيز: طبعا الحين تدلع زيادة عمران: طبعا طبعا .. عبدالعزيز: بس طبعا مب ع عمّور .. دور لك أي اخو ثاني عمر: هههههههه والله انته مروان: حقووووووود وغيووور عبدالعزيز: كيفي اخويه .. دخل سعيد .. مروان: البشاااااارة سعيد .. كم تعطيني ؟ سعيد: شوه ؟ مروان: اول شي قول كم تعطيني ؟ سعيد: ادفع لك جيمة النعال اللي بتاخذه مروان: بس !! وايد عليك سعيد: هههههه عيل شوه تبا ؟ روحي مفلّس مروان: يالله ما عليه بناخذ لنا نعال من انطونيو .. دامك انته بتدفع راشد: هههههه مجرم عمر: بتبشره والا عمران :انا اللي لازم اطلب اصلا سعيد: قولووووووووا عبدالعزيز: عمران نجح الحمدللللللله الحمدلللللللله سعيد: والله صدق ؟ مبرووووووك عمران .. تستاهل عمران: الله يبارك في حياتك .. مروان: عمران لك مني رسالة الكترونية الى تنظيم القاعدة .. متخرج بشهادة ثانوية بعد شوه يبون عمر: بديييييييت بديييييت انته مروان: ما قلت شي .. هديه بسيطة يعني .. والهدية العودة ان شاء الله عقب راشد: وشوه بتكون ان شاء الله ؟ مروان : تذكرة للسفر الى كهوف ومغارات افغانستان للتدرب على القتال عبدالعزيز: هههههه ناوي ع عمرك مروان ( مروان وهي يشوف نظرات عمر): بسير ابشر هزاع هههههه ما يخصني ما قلت شي عمر: عمران اتصل في عموه وبشرها عمران: آآآآه هيه والله واخيرا الحين الواحد يقدر يستانس صدق .. ناجح وعرس اخويه يا سلام الفرحة فرحتين .. وتموا يسولفون .. وابتسم سعيد .. كان بيحرم عمران من هالفرحة .. وما كان يدري بالشعور اللي يحمله عمران اتجاهه .. مستانس بعرس اخوه ونجاحه ... صدق منوه قدّه ... في بيت ام احمد ... رملة: آمنة متى بترد البيت ؟ ناعمه: ما ادري رملة: خل ترد البيت عيسى: انا هذا احمد قاص عليه ولا سار ويايه اظهر لي السيارة اليديدة رملة: شوه بتظهر عيسى: رنج طال عمرج رملة: رنج!.. عيسى: هيه مب عايبتنج ؟ رملة: لا لا .. حلوة الرنج عيسى: ما خذت رايج اصلا .. ويت ام احمد .. ام احمد: احمد ما اتصل ؟ ناعمه : لا ام احمد: رملة ... سيري تزهبي بنسير بيت خالتج رملة: قولي والله عيسى: في الشاااااارجه طبعا ام احمد: هيه طبعا وانته بتودينا طبعا ... ناعمه ما بتيين ؟ ناعمه: ما ادري ام احمد : جان بتيين يالله قومي تزهبي عيسى: امايه سيرن ويا السايق ام احمد: وانته جيه ما تودينا عيسى: وجيه السايق نعطيه معاش .. سيروا وياه .. ام احمد: صدق ما تنفعون ناعمه: هيه احسن ويا السايق .. عسب ما تاكل فوادنا ... يالله خلصن ويالله خلصن رملة: انا بسييييير اتزهب بااااااااي عيسى: ولازم هم اييونا مب انتن تسيرن ام احمد: ليش ان شاء الله ؟ زيارة الاقارب بعد لازم ومب لازم وبالدّور عيسى: لا بس حرمت اخونا مربية يعني هم لازم اييون ام احمد: هم يو .. وخلصوا عيسى: مب لازم تسيرن ام احمد: عيسى اذكر الله خلاص ما اباك انته تودينا .. بنسير ويا السايق وسارت ام احمد داخل ناعمه : ههههههه بلاك جذه مستوي عيسى: اتريا احمد قالي بييب صور ميثاااني ناعمه: تتريا احمد .. عيل ابشرك ما بييك الا نص الليل .. عيسى: بحشره وبتصل فيه ناعمه: بنشوف .. تبا احمد يودر حرمته وبنته وايي عندك انته عسب صور عيسى: قال بيي يبدل وجيه وبيسير بو هزاع ... يالس فالصاله ويزقر .. نزلت عفرا من فوق .. عفرا: آمنة في الحجرة ابويه شوه بغيت فيها ؟ بو هزاع: قولي لها خل تييب البنيه شويه ... سارت عفرا دقت الباب .. فجت لها آمنة ... عفرا: ما تسمعين انتي ابويه يزقرج من الصبح آمنة: شوه ؟ عفرا: يقولج ييبي ميثا صوبه آمنة: راقده عفرا: شليها ووديها ... آمنة: انزين .. احمد: خير خير بنتي راقده آمنة: اسكت الله ياخذ عدوك ابويه يباها عفرا: هههههههه ييبيها بسرعه انا بسير ... أحمد: انا بوديها .. شل احمد بنته و وداها صوب عمه .. وآمنة طبعا وراه تخاف وايد ع بنتها ... بو هزاع: بسم الله ... الله يحفظها .. احمد: عمي ماخذه من جمالي صح بو هزاع: حلوة شرات امها آمنة: ههههههههههههه الجواب ياك احمد: افا جذه تقول عني بو هزاع: خل تاخذ اخلاقك ... وتاخذ جمال امها آمنة: شوه قصدك ابويه ! احمد: يعني انا خلوق اكثر عنج بو هزاع: هييييييه ودك انته تكون شرا اخلاق بنتي احمد: بعد مره قفطتني ... بو هزاع: اسكت عسب ما اقفطك ع قولتك آمنة: ههههه احسن .. احمد: ما عليه يا امون آمنة: شوه بتسوي ... في بيت ابويه وتهددني بعد بو هزاع: يهال يهال يالسين جدامي ... بس سكتوا صيحتوا البنيه .. شفتوا احمد: السموحه السموحه الشيخه ميثا السموحه .. آمنة: لا هي توها لانها ناشه ... وتخاف من الاصوات العالية .. نزلت عفرا من فوق .. عفرا: فديتها كيف تصيح .. خبلتوها ... ودخلت حصه .. حصه: فديت هالصوت .. والله احمد: بعد بعد تفدوا بنتي زياده ... آمنة: ييبها ابويه .. بو هزاع: تعالي شليها احمد: غريبة سلامة من يومين ما يت عفرا : تبا تسوي شرات حركة أمون احمد: هههههه بقول حق طارق ايي يشلج انتي عفرا: يالله يالله مينونه انا اسير ويا سلامة ما شي شغل حصه: ههههه سيري حليلها اتم روحها ؟ عفرا: والله خل تقولكم كلكم وسيروا وياها انا ما بيي .. عاد سلااااااامة الله يعينكم عليها .. امون كانت روحها وعادي .. اما سلامة .. احمد: يالله انا بسير البيت .. آمنة: عقب تعال هني احمد: بشوف .. بسير عيسى يباني .. بيظهر له موتر يديد عفرا: اخوك كل يوم سيااارة احمد: عندنا بيزات .. حصه: ههههههههه عفرا: نحن ما عندنا تصدق احمد: هههه شوه نسوي يبا يتخقق آمنة: شوه بيظهر ؟ احمد :ما ادري والله شوه حاط في باله ... بسير الحين وياه الوكالة .. بنشوف يالله سلام في بيت يوسف ... يوسف: وشخبارك بعد ؟ عمر: الحمدلله .. بخير يوسف: من زمان ما ييت صوبي عمر: مشغول يوسف: يقولون عرس اخوك جريب .. عمر: هيه يوسف: نصبتوا الخيم حق عرس الرياييل ؟ عمر: لا بعدنا يوسف: حجزتوا ؟ عمر: باجر انا بسير وبشوف .. يوسف: خلاص لا تسير .. وخل الخيم عليه ... والليتات اللي بتحطها ع البيت عليه ... و بقولهم يحطون بعد ليتات ع بيت عذيجة .. ( ومد ايده خذ ظرف من ع الطاوله ) ... وهذا عطه حق اخوك... عمر: عمي .. سعيد مب محتاي هذا كله .. ونحن سوينا ميزانيتنا .. والحمدلله كل شي متيسر يوسف: عمر .. يوم اقولك سو الشي سوه .. ولا تناقشني وايد .. انا قلت لك بسوي هذا كله وهالظرف عطه اخوك خلاص عمر: بس عمي يوسف: قلت لك لا تناقشني ... عمر : عمي اذا بتعتبر هذا كله شفقة علينا فـ نحن ما نباه يوسف: مثل ما هو اخوك .. فهو ولد اخويه ... وآخر مره اقولك لا تناقشني .. ومشى يوسف عن عمر .. ارتسمت ابتسامة ع ويه عمر .. يالله خير .. عمه اول مره يعترف بواحد من اخوان عمر .. عمر: انزين مب ناوي تعشيني عندك ؟ يوسف: ومنوه قال اني بخليك تسير البيت بدون عشا ؟ عمر: بس ع شرط ما اتأخر والحين يحطونه يوسف: والسفرة زاهبة .. ويالله تعال ها انا ذا كما انا ... لم تتغير حالي .. ففي كل يوم اتطلع الى فجر آتي ... يخرجني مما انا فيه .. كنت وسأبقى انا .. سجينة هذا البيت .. وحيدة فيه .. فـ متى يأتي يوم وابصر فيه معنى السعادة والراحة ... بندت هند دفترها ع صريخ تحت ... فتحت باب حجرتها ... ومشت صوب الدري تشوف شوه سالفة الصريخ ؟ وقفت فوق وتطالع ... نقعت من الظحك ع الموقف اللي تشوفه ... يدوه غريسه: انته اصلا شوه لابس ... بدر: لا حول ولا قوة الا بالله الحين كيف افهمها ... يدوه غريسه: ارمس بصوت عالي خلني اسمعك بدر: يدووووه لابس بنطلون و قميص شوه فيها ؟ يدوه غريسه: بنطلون وقميص !! والله واختربتوا يا عيال اليوم بدر كان لابس جينز .. وقميص هاينك و شال جكيت جينز في ايده .. يدوه غريسه: جاكيت بعد ... من زود البرد هني بدر: حركة حركة .. لوك يديد يدوه غريسه: شوه لوك ؟ احيد لوك يعني شوف بالانجليزي نقع بدر من الظحك .. يدته مطوره والله زين !! ... يدوه غريسه: يالهرم وتظحك عليه بعد بدر: لا حشى ما اظحك عليج .. اظحك ع عمريه ... والله زين يدتيه تعرف انجليزي يدوه غريسه: من كثر ما سفروني هالسفرات برع .. بدر: يحليلج والله يدوه غريسه: حلك حلول انزين بدر: افا .. شوه قلت انا الحين يدوه غريسه: سر سر بدل والبس لي كندورة وغترة وعقال وكون ريال بدر: واااااااااات ؟ البس كندورة وغترة وعقال ... جيه وين ساير انا ؟ يدوه غريسه: شدراني عنك .. بدر: ساير اتعشى ويا ربعي في مطعم ليش البس كندورة وغترة ولا بعد عقال ... عزيمة والا عرس ؟! يدوه غريسه: وانته بس تلبس يوم العزايم والاعراس بدر: طبعا .. ومن زمان ما ساير لا عزيمة ولا عرس .. يدوه غريسه: مالت عليك .. قم بسرعه قم .. سر بدل فوق .. هند ناقعه من الظحك ... بدر ( رفع راسه وشاف فوق ): هيه شعليج انتي ظحكي يدوه غريسه: منوه هاي ؟ هندووووو نزلي هني بسرعه نزلي .. يالسه فوق تظحك بس .. هالظحك الماصخ اللي ما ادانيه بدر: نزلي قالوا لج نزلت هند تحت وهي كاتمة ظحكتها .. يدوه غريسه: شوفي اخوج شوه لابس هند: بدر شوه لابس انته ... لا لا لا .. سر بسرعه بدل مب حلوة الناس يشوفونك بهاللبس بدر ( فاتح عيونه ع الاخير) : هندووووووووووو يدوه غريسه : شوف حتى هند تقول ... زين في وحده عاقلة في هالبيت ... يالله سر بدل بدر: تقص عليج انا كل يوم البس جذه عادي ... هند: ههههههه سر بدل قالوا لك بدر: اقول انا وايد تأخرت ع ربيعي فمان الله .. وسار بدر ... يدوه غريسه: ولا عبّر وسار .. هند: يدوه مب اول مره يلبس بدر هاللبس وكل الشباب الحين يلبسون يدوه غريسه: هالشباب ما عندهم سالفة هند: انزين بتشوفين فستاني مال عرس سعيد يدوه غريسه: ويه .. منوه سعيد بعد ؟ هند: ولد خالي سيف من قالت هند ... خالي سيف ... سرحت يدوه فطيم ... هند: يدوووه بلاج ؟ يدوه غريسه: ما فيني شي .. تذكرت سيف خالج الله يرحمه هند: الله يرحمه .. ( ابتسمت ) ... ما اذكر أي شي منه ولا من حرمته .. الا يوم كنا نسير بيت خالي يوسف يدوه غريسه: الله يسامحك يا يوسف هند: ليش ؟ شوه مستوي ؟ يدوه غريسه: ما مستوي شي .. بس سيري يبي بشوفه الفستان .. هند: خلاص غيرت رايي مب متفيجه اسير فوق يدوه غريسه:احسن يلسي هني ... ويايه هند: افا عليج ما طلبتي هند مب لانها مب متفيجه ما سارت تييب الفستان .. بس خافت يدتها تسوي بها شرات اللي سوته في بدر .. فـ قالت اقصر الشر وما افشّل عمريه وما بسير اييب الفستان .. اليوم المنتظر ... تقريبا يعني .. مب الكل يترياه .. لكن من زمان ما استوى عندهم عرس ولد ... اصلا اولمره ولد يعرس في هالعايلة ... آخر عرس كان عرس ابو هالولد ... ! عبدالعزيز يالس فالصاله .. ويا راشد .. راشد: يبتوا كنادريكم ؟ عبدالعزيز: هيه راشد: انته وعمور نفس الشي ؟ عبدالعزيز: اكييييد راشد: وين عمر ؟ عبدالعزيز: اظني فوق ويا سعيد .. في حجرة سعيد وراشد .. عمر فعلاً يالس ويا سعيد .. عمر: خذ هالظرف سعيد: شوه هذا ؟ عمر: خذه .. سعيد ( مد ايده وفتح الظرف ): عمر شوه هذا ؟ مب محتاي هذا كله ... عندي والله عندي ... ومب محتاي عمر: محد يرد الهدية سعيد: هديتك وصلتني .. والله ما اباه هذا .. اصلا المبلغ وااااايد شوه بسوي فيه ؟ عمر ( أبتسم ): هاي مب هديتي ... الليتات وخيم الرياييل .. و هالظرف من عمي يوسف .. بهت سعيد ولا رمس .. عمي يوسف ؟ ! ... كيف ؟ ومتى ؟ وكيف اصلا لان قلبه و سوى هذا كله حق عرس سعيد ... سعيد: صدق ؟ عمر : هيه سعيد: بشفقة منه والا من قلبه عمر: سعيد ما حبيت اسمع هالرمسة منك انته بالذات .. انته الوحيد اللي تعرف الموضوع بينا وبين عمي يوسف كيف ماشي ... وتعرف سبب الخلاف بالضبط شوه ... وتعرف كل شي .. سعيد: وعسب جيه اقولك هل هو شفقة والا عمر: مب شفقة .. هذا عمك يا سعيد .. عمك سعيد ( ابتسم ): زين يوم تذكر ان سيف عنده ولد ثاني غير عمر .. الحمدلله نعمه اعتبرها هاي.. عمر وسعيد وهم فالحجرة سمعوا حشرة برع ... طلوا من الدريشة ... شافوا الكل متخبل ... مروان وهزاع ... قالوا اليوم بايعينها يعني بايعينها عنبو مب عرس هذا هدووووووء .. ومحد يتحرك.. مروان حاط حربية في سيارته واييولون الربع مروان + عبدالعزيز و احمد اللي توه واصل عقب ما انطرد هو و طارق وصالح وسالم .. صالح: خبايل والله ... ههههه طارق: الله يعينا اليوم عيل مروان: عاش عاش احمد احمد: يقولك الشياب وايد يرمسون مروان: هيه والله صالح: منوه تقصد احمد: كل واحد يعرف عمره ... للأسف ما يبت ولد .. اشركه فالميدان اييب لي 300 الف طارق: تبنى سالم وطرشه احمد: هااااااا .. لا عيل ما ابا .. تبون انا بعطيكم 300 الف .. سالم: تتمنى صالح: ياك الرد منه هو روحه ههههههه راشد: ههههه هالانسان اليوم بيخبلني شرات يوم الملجة .. سالم: لا تيلس حذالي ما بتتخبل مروان :ما تروم عليه وفريد توه واصل مروان: فريد ... حي دور فريد: ما ابا احمد: ههههههه قفطك مروان: دومه فريد: وين سعيد؟ مروان: سر يا بوي .. ولدك فوق عند اخوه الثاني صالح: حرام عليك هههههههه هزاع توه واصل وتخبل وياهم ... وزايد وثاني وراه دخلوا .. هزاع: عاشووووووووووو ثاني: اللهم لك الحمد مروان: ياخي شايفنا ميانين ثاني :لا عقّاااااال زايد: السلام عليكم الكل: وعليكم السلام عبدالعزيز: زايد يالله زايد: لا لا انا اكتفي بالمتابعه فقط .. وين عمر ؟ راشد: عمر داخل ... سير هناك افتح الباب .. اصعد الدري سير يمين .. امش لين آخر شي الحجرة اللي ع اليسار دق الباب وادخلها زايد: احلف عاد راشد: هههههه والله زايد: ليش روحه داخل ؟ راشد: لا يالس ويا سعيد ( وتوه عمر ويا سعيد ظاهرين ) .. خلاص لا اتعب روحك يو لين عندك عمر: ما شاء الله ما شاء الله صالح: شحالك عمر ؟ عمر: تمام انتوا شحالكم ؟ طارق: نسأل عنكم احمد: هلااااااا المعرس شخبارك سعيد: ههههه مثل اخبارك احمد: هييييييه تبا بنيه شرات بنتي الحلوة سعيد: ههه شوه دخّل هذا في هذاك احمد: ثرك انته تقول شرات اخباري اخباري انا معرس وعندي بنيه طارق: هاها احمد ثرك وايد متفيج مروان: دومه متفيج هزاع: ياخي عرس عرس عرس عمر: اول مره ! هزاع: في هالبيت هيه .. واول شاب ظريف يعرس من العايلة ... عقبه منوه بنسوي قرعه مروان: لا تسوي . طبعا انا راشد: انا قبلك .. صالح: اظاربوا الاخوان ههههه عمر: لا اترييوا شويه الميزانية ما تسمح ههههههه مروان: مثل ما سويت حق سعيد تسوي لنا بعد شوه سعيد: وييييييه ع الغيرة اشتغلت .. وانا بعدنيييييي ما تهنيت كلهم ظحكوا ع سعيد واخوانه ... تشوفهم تحس ان صدق كل واحد قلبه ع الثاني .. الله يحفظهم في بيت ام هزاع ... هناك الربشة .. لان كل البنات هناك ... زاقرين راعيات الصالون هنتين .. ويزهبونهن كلهن ... عفرا: امون ما بتيين الحين ؟ آمنة: اسكتي عني شويه وبصيح .. ام هزاع: الساعه 7 بتكونن فالقاعه خلصتن والا لا بتكونن هناك الساعه 7 عفرا: يعني 5 نخلص والا 6 ام هزاع: يكون احسن سلامة: ايه انا اول وحده خل يخلصوني ... تعبانه شمسه: والله ما ادري سالم الحين شوه بيسوي ام هزاع: هم وين ساروا ؟ عفرا: هزاع قال بيت خالي غاليه: هيه زايد وثاني بعد ساروا هناك ام هزاع: وين امج انتي ؟ غاليه : فالبيت قالت بتسير القاعه ع طول من هناك .. يالسه ويا ابويه حصه: ابوج مدللينه .. ابويه انا حليله اللي محد يدري عنه .. شمسه: حصوه علي بعد سار هناك ؟ حصه: علي لا فالبيت شمسه: آمنة احمد هناك ؟ عفرا: اقولج هزاع هناك شمسه: هزاع الحين تلقينه ما ادري شوه يخربط ويا مروان .. ابا واحد عاقل آمنة: هيه احمد هناك شمسه: اتصلي به لان صالح ما يرد عليه قولي له ... سالم شل كندورته واغراضه والا ؟ آمنة: بتصل به بقول خل صالح يتصل بج شمسة: يكون احسن بعد .. ام هزاع: سلامة اميه سيري هناك يلسي لين ما يزقرونج آمنة: الحين سلامة التعبانه عادي تيي العرس وانا لااااااا ام هزاع: انتي سكتي .. سكتي بس حصه: أمون صدق ما بتيين ؟ آمنة: امايه ما خلتني اطلع من البيت هالايام .. ولا مسويه شي ولا شيات .. ام هزاع: اقولج سيري بنتج تصيح سيري ... سارت آمنة وهي تتحرطم .. منقهره .. مرتفع ضغطها .. كلهن بيسيرن الا هي .. وتشوف عاد فساتين وميكب .. نقطة ضعفها الميكب .. وحلوااااات وما تسير ؟ مشكلة هااااااااي .. ومصيبة في حقها ... بفستانها الاحمر اللي فيه شغل ذهبي طالع عليها كل شي حلو ... فستان + ميكب نزلت تحت ... طبعا ابوها واخوها للحين ما سايرين .. وامها ما مخلصه .. وهي بس حاطه ميكب ... وتتريا يسوون شعرها .. يدوه غريسه :بسم الله الرحمن الرحيم .. شوه هالاصباغ بو بدر : اقول انا ساير ... بدر: اترياااني بو بدر: عندك موترك تعال روحك بو بدر ... شرد ما يبا يسمع تعليقات امه .. و بدر قاله اترياني عسب هو الثاني يسير لكن ابوه ودره .. هند: فذمتج يدوه مب حلو ؟ ( وعطست ) بدر: حاطين لج صبغ زيادة ع خشمج هند: ايييييه لا تعلق ... تزجمت عسب جيه بدر: ههههههه راكب عليج خشمج احمر وبتلبسين احمر هند: انزين ما عليه علق انته بس علق بدر: شوه حياتج انتي .. كله احمر وذهبي هند: متى الحين ؟ بدر: امسات شاريه بدلة حمرا وفيها شغل ذهبي هند: هذيج بدله ... فستان اول مره افصل هاللون يدوه غريسه: انتوا عيال حمد والله مخبلي بي بدر ( بصوت واطي ) : الحين نحن اللي مخبلين بج والا انتي من اول ما ييتي هند: اسكت يدوه غريسه: شوه فيكم تتصاصرون ؟ هند: ما فينا شي .. انا بسير اشوف امايه خلصت عسب اخلص انا بعد سارت هند وهدت بدر ويا يدتها .. وعاد تحرطمت عليه لين قال بس ... وهند وهي سايرة ظحكت دخلت حجرة امها اللي تتزهب فيها جواهر: هلا هنوده .. خلصتي هند: ميكب هيه ... خل تسوي لي شعري جواهر: يالله خلصت تعالي ... اخوج سار ؟ هند :لأا بس بابا سار .. بدر يالس برع هههه ويا يدوه جواهر: خل يتأدب مثل ما طفر بي بالدخون ... هند: حليله اشفق عليه من يوم يت يدوه هني جواهر: تعالي انتي يلسي خل تخلصج عقب اشفقي ع بدر .. فالخيمة .. من يوم ما عرفنا الدين والعزوبية تركناها ما نجهل مع الجاهلين يوم الحقيقة عرفناها مروان: يعني نحن جاهلين الحين ؟ راشد: هههههههه كل واحد يعرف عمره مروان: هو يقول هذا اللي حاطينه عمران: يوم بتعرف الدين ما بتكون جاهل مروان: يعني انا كافر الحين ! تنقى ترقى بذات الدين تربت يداك ويداها تعقل توكل وخذها الحين وعلّي بعالي فضاها بو زايد : احسن واحد فيكم سعيد .. مع ان في اثنين اكبر عنه زايد ( بصوت واطي ) : بدينا .. اللي ينخاف منه عمر: هيه والله تأمل تغزل بطرف العين قمة معاني حياها تصور تدور مثلها وين ما ظني تلقى شراها احمد: هالمقطع اهداء حق حرمتيه .. طبعا مابلقى شراها طارق: اهداء حق سلامة بعد علي: ههههههه خبال صالح: شفت عاد احمد: محد قالكم لا تمدحون حريمكم ... مب ببيزات ببلاش علي: هذا كل شي عنده فلووووس هههه رشوا الورود والرياحين عنبر ومسك بسماها واقروا عليه سورة ياسين رب الفلق سورة طه ثاني : اقروا اقروا عليه عن يحسدوني مروان: من زينك عمران: هههه فالويه حليله بارك يا ربي على الاثنين فرحة تعالى صداها صلي ع خير النبيين خير من هو وطاها مروان: اللهم صلي على محمد .. شوفوا منوه وصل .. اقروا ع عماركم الحين ... قبل ما ايي الينّي العود هزاع: يالله عليييه ثاني: مب متفيج انا له اليوم .. ورايه عرس ... مروان :شوفوا انا هالانسان ما ينزل لي من هني .. فلا يجرب صوبي .. بطوله وعرضه .. وشحمه ولحمه .. بدر دخل القاعه ... وابوه جدامه ... طبعا النظرات اللي الكل متعود عليها من بدر .. نظرات التكبر والغرور .. وساعات تحسها نظرات احتقار .. سعيد كان بيجدم وبيسير يسلم ع ريل خالته ... لكن عمر مسكه ... وعمه قاله هو معرس الناس تيي تسلم عليه مب هو اللي يسير .. تجدم بدر شوي شوي من الشلة .. بدر: هلا زايد: اهلين بدر: شحالكم؟ زايد: بخير .. بدر: ما شاء الله .. الخيمة لا باس فيها .. زينه انقهر مروان .. روحه مرتفع ضغطه مثل ما يقول وهذا بعد توه داخل ويطنز ! مروان: على قدنا .. كل حد و مقامه بدر: اوه مروان .. شخبارك ؟ مروان: اسلم عليك بدر: الله يسلمك .. وينك من زمان ما شايفنك .. جيه ما تيي بيت خالي يوسف ؟ السؤال عبيط ... وكل اللي سمعوه صدق صدق صدق معصبين ع بدر ... لكن رد مروان لـ بدر .. اقوى .. مروان: لا لا .. خلينا زيارة القصور حقك .. بدر: اها .. تخرجت والا بعدك من عيال الجامعات ؟ مروان: لا بعدني ... فالجامعة راشد: مروان نسير هناك بدر: راشد .. شخبارك انته ؟ راشد: الحمدلله بدر: وانته وين الحين ؟ راشد سوى اكبر طاف حق بدر ولا عبّره ومشى عنه .. راشد ما يحب يحتك فيه ابدا ولا يرد ع اسئلته ... ومروان وثاني وهزاع كاتمين ظحكتهم .. ومروان يقول في خاطره صدق انك ولد سيف يا راشد ... زين سويت به ... صالح ( بصوت واطي ): شباب هدوا اللعب يا عبدالعزيز ... ووياه سالم .. عبدالعزيز: عمر .. عمر: شوه عبدالعزيز: شرايك فيني عمر ( سوى حركة اوكيه بايده ) : انته جيه اليوم عبدالعزيز: اعجبك يا بو عزوووووز عمر: وين فريد ؟ عبدالعزيز: هناك ما يقدر يتحرك عمر: ليش ؟ عبدالعزيزز: لابس ختم نقعوا من الظحك اللي واقفين وياه ... سالم: يالله نسير بدر: اوه اوه اوه ... عمر هذا اخوك الصغير؟ عبدالعزيز: انته منوه ؟ بدر: انا منوه ؟ سالم: لا هذاك ... يعني منوه واقف هني ما نعرفه غيرك ؟ طارق: سالم .. سالم: شوه ؟ طارق: اسكت بدر: وهذا ولد منوه ؟ سالم: ولد صالح .. بدر: منوه بعد صالح .. صالح ( ابتسم ): هلا انا هني بدر: اها .. عمر ما جاوبتني عبدالعزيز: هيه انا اخوه الصغير ... بدر: هيييه .. يعني انته اللي كل ما سرنا العزيمة بيت خالي يوسف .. عمر يكون مستعيل عسب يرد البيت عشانك .. عبدالعزيز : هيه وعندك أي مانع ؟ بدر: لا لا .. ما عندي لا مانع ولا خليفة .. سالم: هههههههه مال اوووووووووول .. مانع وخليفة .. اونه .. الناس اطوروا يقولون .. لا مانع ولا عتيبة .. اقول عبدالعزيز يالله يالله نسير .. هذا وايد يرمس عبدالعزيز : هيه والله صدقك .. نسير .. جاو سالم: يا صاحب الظل الطويل هني عاد الشباب خلاص ما قدروا نقعوا من الظحك صدق ... وصالح وطارق متفشلين يبون يغطون ع الموضوع .. وعمر وزايد وياهم اما احمد وباقي الشباب كلهم مب رايمين يقبضون عمارهم ... ونفس الوقت رن مبايل احمد ... فالقاعه ... عفرا: يا سلام .. والله حلو ذوقها ... غاليه: مسويه كل شي بنفسجي ... عيناوي عفرا: اللون حلو .. غاليه كوشتها حلوة سلامة: ايه انتن الهنتين بتمن تتمدحن في القاعه الحين وذوق العروس عفرا: صدق .. نسير نيلس الحين عقب شويه بيظهرونها حصه: هذيج اللي هناك اخت العروس .. غاليه: مبين عليها هادية وطيبة .. وحبوبة .. وفي طرف ثاني .. رن مبايل وديمة ... وديمة: الحين ؟ ... خلاص اوكيه ... برتب كل شي .. سارت وديمة وعطت السيدي حق راعية الديجي... خفوا نور القاعه شويه .. وركزوا الاضاءة ع مكان واحد لا اله الا الله ع النبي صلى الله ألـف بـسم الله عـلـيـهـا أقـبـلـت نــور العيان صـفـق الـعالـم و غـنّى لـيلـة عـن الـف عيد عــروســنا هـلّت و طـلـت كـ أنـهــا بدر و بان يالله كم نقول في وصف العروسة وكم نعيد لا اله الا الله ع النبي صلى الله يــا قمر امضي لحالك لـلأسف مـا لك مكان خبّـي نــورك يــا قـمـر مـا ظنّه اللّـيـلة يفيد جاتنا ست الحسن كلّــه جـاتـنـا بـدر الزمان سبحان من صورها سبحانه الهادي المجيد لا اله الا الله ع النبي صلى الله لا عـذارى ولا بـنـات الـغـيـد و لا حــور حـســـان ولا بحور الشعر توصف حسنها في بيت القصيد ريـحــة الــريــحــان فــاحــت مــع ورد الأقحوان و الــكــــلام مــن فــمــهــا انــغــام و نــشـــيــد لا اله الا الله ع النبي صلى الله شـوفوا طـرحتـهـا عـليـها مثل تاج الصولجان كنّــها الفرحة تنــادي يــا عريس الـيـوم عـيـد نـادت المـحبوب و قالت يا عريس اظهر و بان من هو قدك في اختيارك يالله افرح يا عريس غاليه: حلوة شمسه: ما شاء الله عليها .. عفرا: لا تتمدحون لان هي عروس اكيد بتكون حلوة حصه: حشى يا عفاري .. جنّه الا كنتي تحبينه وهي خذته عنج عفرا: اتخسي اناااااااااااااااا .. والله يالله يالله سلامة: ههههه قولي جملة مفيدة .. غاليه: زين سويتي فيها يا حصه .. والله حاطه ع البنيه حط عفرا: بس انا مب مرتاحه لها حصه: الحمدلله لا بيكون عندها لا ام ريل ولا اخت ريل ... ولا بتاخذ اخوج ولا ولدج ولا حتى ريلج يا عفاري عفرا: هيه قصوره بعد ريلي ياخذ عليه .. شمسه: ما بياخذ عليج بس سكتي عسب نشوف الناس عدل عفرا: هذا شوه يخصه في هذاك .. شسمة: ما تخلينا نركز ... عفرا: ركزي حبيبتيه ركزي .. في مكان ثاني .. لا قاعة الحريم .. ولا خيمة الرياييل .. احمد يالس فالسيارة روحه .. ويتريا ... وصلت آمنة .. احمد: خلصتي ؟ آمنة :هيه .. الحين هاي حاله .. الساعه 10 و نص اسير عرس اونه احمد: ههههه امون والله تظحكين .. آمنة: شسوي ... لو امايه تدري والله تذبحني احمد: اشوف شلي الغشوة .. نشوف ميكبج .. آمنة : شوووووف .. قول رايك احمد: لا لا ... الصراحه فن .. احمر بعد .. آمنة: الفستان كان من اختيارك .. احمد: انزين بس شوفي والله لو امايه اتصلت وقالت ان البنيه تصيح .. ما شي واحد اثنين .. بتصل بج وع طول تظهرين آمنة: لا رقدتها انا .. احمد :بنتنا بعدها ما كملت شهر .. بيبي يا هبلة .. بتنش أي وقت آمنة: انزين بس اسكت ما له داعي هالالفاظ احمد: ههههه فاتج في خيمة الرياييل آمنة: شوه استوى ؟ احمد: يقولج السفير ريل خالتج وولده وصلوا آمنة: انزين .. شي طبيعي يعني احمد: لا اله الا الله مستويه عفرا اختج اليوم خليني اكمل آمنة: اوكيه سكتنا يالله كمل احمد: طبعا تعرفين نظرات ولد خالتج آمنة: ما شايفتنه من زمان لكن هزاع وايد يرمس عن تكبره وغروره .. احمد: هذا هو .. المهم دخل.. ويا عاد صوبنا وتم يتفلسف فوق راس مروان وراشد .. عاد راشد سوى له اكبر طاف .. ونحن كاتمين ظحكتنا آمنة: هههههههه انزين احمد: ويو عبدالعزيز و سالم .. ويعطونه كم كلمة جيه حلوة .. اقولج هني ما قدرنا انفجرنا .. نقعنا من الظحك آمنة: اويه في ويهه ؟! احمد: هههههه للأسف الشديد هيه ... عاد انا ما رمت امسك عمريه والله ظحكت من الخاطر .. وصالح وطارق يقولون بس عيب وسكتوا .. والله ما رمنا آمنة: عسب جيه يوم اتصلت بك كنت تظحك احمد: ههههههه هيه ... توه كان مستوي الموقف فررررررش في خيمة الرياييل ... خفت الزحمة وايد بعد مب شويه ... تموا الشباب بس .. بدون سعيد اللي قال بيسير البيت .. بيتسبح وبيبدل من اول ويديد وبيكشخ وعقب بيتصل بهم انه ساير القاعه .. وبو هزاع و بو زايد وبو بدر .. كانوا واقفين ويا اللي تم من الرياييل اما الشباب .. فـ يلسوا ع الطاولة بيتعشون .. حظ بدر اللي بالنسبة لصالح و طارق تعيس .. نه ييلس ويا مروان .. و سالم .. و ثاني وهزاع و راشد ع نفس الطاولة بدر: منوه فيكم ثانوية عامة ؟ وتخرج الحين ؟ عمران ( رفع راسه ): انا بدر: اها .. وكم كانت نسبتك ؟ عمران: 75 بدر: بس ؟ ... يالله زين .. عمران: تسدني النسبة .. مدام اني ما ابا ادرس في امريكا ... وبدرس في أي جامعة في البلاد صح ؟ بدر: ها ؟ .. هيه .. صح ... تسدك الـ 75 سالم: مروااااااااان حط لي .. مروان: شوه تبا .. من أي طبق عبدالعزيز: طبق اونه مروان: طبق كناية عن كثرة الطبقات راشد: ما يخصه ... مروان: فريد ما تباني احط لك شي فريد واقف شوي بعيد ... وابتسم .. يوم مروان رمس ... اليوم حاطين عليه .. المسكين .. هزاع: ههههههه مروان تستهبل ... مروان: هههه ياخي الختم عجيب عليه سالم: حط لي هذا .. وهذا وهذا .. مروان: ما شاء الله ما شاء الله صالح: مب تحسدون ولديه .. مروان: ولدك ما ينحسد امه ترقيه كل يوم قبل ما يظهر تخاف يرد لها ولسانه مقصوص من طوله هزاع: هههههههه لو تسمعك شمسه بس عمران: فريد ما تبا شي ؟ زايد: شلكم فالريال خلوه ع راحته مروان: عصب عصب زايد: بخبر عليكم عمر الحين هههه مروان: لا والله !! عمران: هههههههه عاد ما لقيت غير عمر راشد: لاعبين عليه لعب .. عمر: لاااااا .. احلف راشد: اوه انته هني عمر: لا هناك مروان: والله وقمت تنكت عبدالعزيز: ايه مب ع اخويه ها ..انا قلت لكم زايد: ههههههه الله ياخذ العدو .. ثاني: اقول مب ناوين انتوا تخلصون عسب نسير زايد: ليش مستعيل عمر: مستعيل يبا يسير عند الألب هههههه ثاني: ههههه بس لا تفضحونا .. راشد: هزاع وين سار ريل اختك ؟ هزاع: أي واحد ؟ راشد: احمد هزاع: ما ادري به والله سالم: يمي يمي عبدالعزيز: اول مره ؟ سالم: طبق مفحم عبدالعزيز: هكونا متاتاااااااا سالم: طبئ ديداااااااان بالمايونيييييييز والصراصير المأرمشة يمي يميييييييي عبدالعزيز: هتااااااكل صوابعك وراه سالم: وشوية فيران محشية بالكاتجااااااب بدر ( رد صحنه ع ورا ) : الحمدلله نش بدر من مكانه .. وكل اللي يالسين يظحكون من الخاطر ... صدق صدق صدق عبدالعزيز وسالم هم اللي ينفعون حق بدر ... مروينه نجوم الظهر اليوم دخلت ... القاعه ... بهيبتها اللي معروفه عنها في هالعايلة .. اللون الاحمر مخلنها تحلا اكثر واكثر .. غاليه: عفاري شوفي منوه وصل عفرا: اوه اوه .. لا لا ما اصدق شمسه: هاي مب هند بنت خالوه ؟ سلامة: هيه وهذي خالوه وراها ... هند ( تهمس حق امها ): امايه ما اعرف حد جواهر: تعالي ويايه .. وصخّي هند: وايد يطالعون جواهر: هنّود اقولج سكتي ... هند من زمان ... من زمااااان صدق ما سايرة اعراس ... متعودة ع حفلات بسيطة وعزايم هذا بعد اذا دق في راسها تسير ويا امها ... وهي نادراً ما تسير .. ام هزاع: هلا والله جواهر: شخبارج عذيجة علومج ؟ ام هزاع: انا بخير ... وينج عنبو ما عندج اخت انتي ؟ جواهر: شسوي والله انتي اكثر وحده تدري بظروفي ام هزاع : بدينا بالاعذار جواهر: هههه عاد سامحيني والله ام هزاع: في عرس الغالي ولد الغالي ما اقدر اقولج شي .. ( ابتسمت ) ... مرحبا هند شخبارج هند: الحمدلله .. شخبارج خالوه ؟ علومج ؟ ام هزاع: الحمدلله .. هند: خالوه الله يخليج فكيني وايد يطالعون جواهر: هند ما قلت لج سكتي هند: امايه ما احب جذه ! ام هزاع: سيري صوب البنات هناك .. هند: وديني صوبهن بلييييز ام هزاع: تعالي ويايه .. جواهر: تعالي سلمي هند: والله مب مسلمه ع حد .. مستحيل .. استحي ام هزاع: خلي البنيه يا جواهر .. يوم روحها بتحس ان عادي بتنش تسلم .. ودت ام هزاع هند صوب البنات .. ام هزاع: يالله يلسي هني صوبهن انا بسير .. هند ( ابتسمت ): السلام عليكم .. شحالكن ؟ سلامة: هلا مرحبا بج ... غاليه: شحالج هند ؟ هند: الحمدلله .. ويييييييه من زمان ما شايفتنكن وظحكت هند ظحكة رقيقة .. خلت بنات خالها وخالتها ينصدمن منها ... كانوا حاسين ان هالفترة الطويلة اللي ما شافوها فيها يمكن كبر راسها وترفع خشمها عليهن .. بس طلعت غير .. ووايد غير بعد .. عفرا :اوه اطالعو هنااااااااك حصه: هلا والله ! شمسه: هاي مب جنها اللي امها ما خلتها تيي العرس ؟ ! .. وريلها كان مستانس هند: منوه هاي ؟ عفرا: آمنة اختيه هند: هيه .. هاي اللي ربت قبل فترة غاليه: هيه ... هاي هي .. هند: ما شاء الله عليها . ما يبين انها مربية قبل فترة .. منافستني ولابسه احمر آمنة من عند الباب عاد ... ويا الفستان الاحمر ... والشعر المفتوح .. وقاصّه قصتها بعد الحبيبة .. يعني طالعه حلوة .. بمعنى الكلمة .. هي من دون شي حلوة .. ويوم تكشخ روحها فالبيت حلوة .. بعد تكشخ فالصالون ! ... ام هزاع: الله يغربل ابليسج من بنيه آمنة: امايه مب هني عاد ام هزاع: انتي منوه يايبنج ؟ آمنة: منوه يعني ؟ دريول ابويه ؟ ام هزاع: حلفي راكبة ويا السياق جذه .. بعد ! آمنة: اقصد ... ريلي ريلي يعني منوه بييبني ام زايد: ههههههه واخيرا ييتي ها آمنة: ييت .. بس خالوه قولي حق امايه .. فضحتني ولا جني معرسه وعندي بنيه ام هزاع: وين وديتي بنتج ؟ آمنة: عند عمتيه ام هزاع: مقسى قلبج آمنة: خيبه قوية ! ام هزاع: كيف ودرتيها عند عمتج ؟ آمنة: احمد ما طاع اييبها قلت له بحطيها في الحجرة ويا الخدامه ما طاع ام هزاع: وهذا احمد كيف طاوعج ويابج آمنة: ما يقدر ع زعلي طبعا ام هزاع: اصبري انتي اصبري ... ما عليه حسابج بعدين انتي وفوقج ريلج بعد آمنة: خلاص عيل عقب سوي اللي تبينه فيني ... الحين خليني اسلم ع العرب .. فضيحه ام هزاع :سيري .. سيري هند: وشخباركن وشوه مسوين ؟ غاليه: تمام .. انتي شحالج ؟ هند: الحمدلله .. ليش ما اتون صوبنا ؟ عفرا: انتي جيه ما تيين ؟ هند: يا ريت لو اقدر والله .. بس انتوا عادي اتون .. جيه ما اتون حصه: تدرون شوه في خاطريه ؟ غاليه: شوه ؟ حصه: خاطريه آكل الكيكه .. مشتهيتنها .. يبين عليها طازجة عفرا: يعني بالله عليج بييبون كيكه معفنه وبيحطونها ! حصه: عفاري عن الاستهبال اقصد انها تشهي عفرا: هههههه انزين فهمنا .. اتريي لين ما ولد خالج المصون ايي ويقص الكيكة هو وحرمته وعقب كليها ويت آمنة صوب خواتها .. شسمه: ههه امون الله ياخذ عدوج كيف ييتي ؟ آمنة: ييت ييت .. بس سكتوا عني غاليه: ههههه وسويتي اللي بغيتيه آمنة: ايه والله بصيح سلامة: ليش ؟ آمنة: تدرون شوه في خاطريه عفرا: لا تقولين تبين الكيكه آمنة: أي كيكه ؟ عفرا: هاي بعد أي كيكه آمنة: الله حلوة .. شكلها يشهّي .. شمسه: لا اله الا الله ... ذكروا ربكن والله يا خوفي الكيكة تطييييح آمنة: ما شاء الله .. بس خاطريه في شي ثاني حصه: قولي انزين شوه ؟ آمنة :ابا اعرس مره ثانية .. ( وسوت عمرها حزينة ) نقعت هند واللي وياها من الظحك آمنة: اويه منوه هاي ايه فشلتوني الله ياخذ عدوكن هند: لا تخافين ههههه مب غريبة ... بنت خالتج آمنة: انتي هنننننننند هند ( مستغربه من اندهاش آمنة ): هيه آمنة: اها .. شحالج شخبارج ؟ هند: الحمدلله تمام مر الوقت .. الناس بدوا يخفون فالقاعه .. لين ما يت الفرصة وان يالله سعيد بيدخل .. عاد آمنة ما تهنت كلها ساعه او ساعه ونص لكن قالت احسن من لا شي .. أنشد يا راع الصوت احلى الاغاني قـولــوا قـصايد حب وزفوا التهاني لـيـل الـفـرح زان لـ زيـن الــعرسان كـل الـفرح لأجـلـه واحلى الاماني نادوا بعالي الصوت قولوا له يا رب تـجعـل كـل أيـامــه سـعـادة و حب حــل السعد فـيـنـا و الـحـزن ولّــى و مـعـرس تـرا اليوم احلـى واحلى يــا عــريـس يا مزيون لك الوله زود لك الــكرم و الجود واحلى المعاني ايـد بـ ايد نـقـول ألــفـيــن مــبـروك كـل الاهل والصحب والناس يهنون يالله عسى تكمل فــرحتك يا غالي وتصبح ليالي العمـر احلى الليالي مـيّل عــلــيــهــم يــا هــوا عــليهم واجعل فرحهم كل ساعه و ثواني دخل سعيد وهو عاد مووووول .. منزل راسه .. دخل وياه بو زايد بس وبو هزاع ما طاع يدخل .. وفهد اخو العروس .. غاليه: فديت ابويه محلاة ويهه والله هند: هذا خالي عفرا: هيه ... ابو غاليه وزايد وثاني هند: والله نسيت اشكال الكل .. ( وابتسمت ) آمنة ( وهي تاكل ): هذا خالي الوسيم شسمه: هههه ما بتسيرن نسلم عليه حصه: خليه يطلع يسير لين الباب وبنسير ظربة وحده كلنا .. شمسه: خلاص عيل يوم بتسيرن خبروني آمنة: بسرعه احمد بيتصل الحين بيقولي يالله .. بنتي حبيبتيه تولهت عليها عفرا: بس بس سكتي يالسه تاكل هني وبنتي حبيبتيه وبنتي حبيبتيه .. في بيت ام احمد .. رملة مخبلة ببنت احمد .. ما مخلتنها ترقد .. كل ما سوت حركة شويه وصرتها بمبايل عيسى .. ع كل حركة ودقه .. ام احمد: انتي يا بنيه .. يوزي عنها خلي البنيه ترقد عيسى: رملة بس عاد خبلتيها .. ناعمه :خل احمد وآمنة يوصلون بخبرهم رملة: اوهوووووو .. خلوني استمتع بجمالها عيسى: استمتعي بس لا تلعوزينها رملة: الللله حلوة الحركة شوفوها تظحك ناعمه :الحين بتصيح .. رملة ( صرخت ) : جييييييه وحش جدامها هني نقزت ميثا بنت احمد .. وبدت الصياح .. ام احمد :الله ياخذ ابليسج يا رملة .. زين جيه زيغتي البنيه رملة :ما يخصني هي ع ادناة شي تصيح ناعمه :صرختي وجريب منها ما تبينها تصيح بعد عيسى: فديت الويه كيف تصيح ... مالت عليج يا رملوه رملة: خيبة هذا كله عسبها عيسى: هيه طبعا انتي ما تحسين بصوتج النشاز واللي يفجر طبلة الاذن رملة: هيييييه بلى .. انا لو اسير برنامج نجوم ما ادري شوه يسمونه ع طول بيتوجوني المركز الاول عيسى: هيه بيتوجونج المركز الاول لانه صمخ جايسنهم ناعمه: حبيبتيه .. بس .. رملة: فديتج انا .. يا حلوة ام احمد: عقب ما صيحتيها يايه يا حلوة .. رملة: حلوة بعد شوه تحمد ربها امدحها ناعمه: ما تباج تمدحينها بس كوني بعيد عنها هي بتسكت رملة: اوهووو بسير اشوف التلفزيون عيسى: ما اطولين ع الصوت ... بتنقز بعد وبتصيح زيادة رملة: لا والله .. حطوا قطن في اذنها .. عيسى: قطن في عينج رملة: احسن .. خلص العرس .. لكن الفرحة ما تخلص ...... ان شاء الله ايامهم كلها فرحة وسعادة .. واعياد .. *********** |
الجزء الـ 13 الصبح ... عقب ما طلعت الشمس ... عفرا نزلت تحت .. ما شافت لا امها ولا ابوها ! ولا حتى هزاع .. غريبة ! ... وجنّه الا سلامة كانت بايته هني فالليل .. وين سارت ؟ مسكت سماعة التيلفون واتصلت في هزاع عفرا : الو هزاع: هلا عفاري عفرا: وينك ؟ هزاع: فالمستشفى عفرا: اكيد سلامة هزاع: هيه .. عفرا: اخبارها ؟ هزاع: فالولاده عفرا: شوووووووووووه ؟! .. والله مصخرة خواتك هزاع: وانتي من خواتي وانتي بعد وياهن مصخره والحين انا ببند عنج عفرا: هههههه قبل ما تصك عني .. قولي امايه وياكم ؟ هزاع: هيه امايه وابويه وشمسه وحصه .. عفرا: ما باجي غيري وغير امون ونفس الوقت دخلت آمنة عفرا: هذي امون يت هني هزاع: خلاص عيل جابليها ويلسي ... عفرا: طمنونا عليها هزاع: ان شاء الله .. مع السلامه عفرا: ماي هيييييرت وذ يو برو بند هزاع عن عفرا .. وعاد عفرا بدت بالسوالف ويا آمنة .. عفرا: انتي جيه رديتي بيتج ؟ آمنة: بس بعد شكثر اتم ؟ عفرا: بس زين سويتي لان سلامة بتربي بتيي ما عندنا حجر تشحنكن كلكن آمنة: هاهاها .. والله لو كنت ابا كنت بتم ... وبنقل اغراضي حجرتيه فوق عفرا: يالله يالله وريلج يصعد وينزل فوق آمنة: كيفج عاد عفرا: سيري سيري ... وايد مصدقه عمرج .. ودخل احمد .. احمد: السلام عليكم .. عفرا: وعليكم السلام .. مرحبا النسيب احمد: مرحبتين .. لا شغلة ولا مشغلة .. بس يالسه فالبيت عفرا: شوه نسوي بعد ... انته مب جنّه لازم تكون فالدوام الحين احمد: اجازة مودي حرمتيه وبنتي المستشفى عفرا: صدق قاص عليهم اجازة عسب بس ساعه بتودي بنتك التطعيم وبترد آمنة: احمد سر الدوام احمد: ما بسيييير .. عفرا: هههه بايعنها احمد: تعالي تعالي ما عندج شغل .. تعالي تريقي .. امون تعالي آمنة: انا ما ابا عفرا: شوه يايب احمد: براتا ... سيري ييبي جبن وعسل .. ومربى .. وقشطة .. والا ما عندكم ؟ اطلبي من الدكان عفرا: ههههههه لا عندنا بس انته لا تستعيل دقايق وبييب .. الصراحه شهيتني احمد: يالله عيل بسرعه ... سارت عفرا بتييب ما لذ وطاب عسب ياكلونه هي واحمد ويا البراتا ... آمنة: احمد قم سير الدوام احمد: انتي مدوخه سيري رقدي .. قلت لج خذت اجازة يوم كامل خلاص آمنة: انته وايد تلعب احمد: هاها تلعبين ويايه آمنة: افففففف صاحت ... انا فيه رقاد احمد: ييبيها هني بأكلها براتا آمنة: قم انته زين وايد متفيج .. بسير ارقدها داخل احمد: ايه وين تسيرين داخل يلسي .. اختج الحين بتيي آمنة: والله وانا ايلس مجابلتنكم احمد: رقدي هني ... انسدحي ع الكرسي آمنة: ما شي شغل احمد: امون بلاج اليوم .. آمنة: فيه رقاد والله احمد: ثرني اقولج انسدحي هني .. آمنة: ابا ارقد ع شبرية مريحه احمد: ما عليج بسير كارفور اشتري لج هالفراش اللي تنخشين داخله .. عسب أي مكان ياج رقاد بطليه هالفراش وانسدحي داخله .. آمنة: هيه وبرقد بنتك داخله ويايه احمد: هيييييييه ... عسب تموت وتختنق آمنة: عيل تبا تخنقني انا ؟ احمد: انا ما ابا اخنقج روحج تبين تخنقين عمرج ... رن مبايل عفرا .. آمنة: شوف منوه متصل ؟ احمد: لا والله حلفي ! آمنة :ييب انزين المبايل ( وعطاها احمد ) ... هذا هزاع ... الو هلا هزاع هزاع: مبروك عليييييييييييييييييييكم .. آمنة: بشر .. بنيه حلوة شرات بنتي الحلوة هزاع: هههههههههههههههههههههههههه آمنة: بلاك تظحك .. شوه يعني بنتي مب حلوة هزاع: ههههه لا والله .. اصلا حد يقدر يقول عن بنتج مب حلوة .. اقص لسانه انا .. بس سلامة يابت ولد آمنة ( منصدمه ): ولد !.... هزاع: هيه والله ولد آمنة: كيف عيل قايلين لها بنيه ! هزاع: شدراني فيهم .. هو يمكن لانهم شافوه انه وايد حليو قالوا انه بنيه آمنة: هاها .. تنكت حضرتك هزاع: ههههههه والله ما شاء الله عليه .. ما انكت .. ظهر حليو الهرم آمنة: حرام عليك فديته .. ليكون احلى من بنتي ما برضى هزاع :قلت لج محد يتحدى بنتج فالجمال خلاص صخي آمنة: سلم عليهم كلهم .. وانا فالبيت يالله ردوا هزاع: شوه تسوون ؟ آمنة: انا يالسه.. واحمد وعفاري اونه بيتريقون هزاع: شوه يتريقون ؟ آمنة: براتا وجبن وخرابيط هزاع: اللللله حلفي ... ابا آمنة: تعال شاركهم هزاع: قولي لهم يتريوني .. بخلص من هني وياينكم عفرا: بشريييي آمنة: يابت ولد احمد: مال مصخرة والله .. مب قلتوا بنيه ؟ عفرا: ما ادري عنهم احمد: وهاي اختج حاشرتني سلامة قالوا لها بنيه انا ابا بنيه وحرام وما ادري شوه من حنتها هي يابت بنيه وسلامة يابت ولد .. عفرا: هههههه حليلها سلامة .. بو هزاع: شوه بتسميه يا طارق؟ شمسه: هههههه طارق الحين ما يبا الولد .. بس يفكر في سلامة حصه: يلس يا طارق طارق: لا بس .. شوه خلاص حصه: قول جملة مفيدة ههههه طارق: عمي انته شوه تبانا نسميه ؟ بو هزاع: الراي رايك وراي حرمتك ... حصه: سلامة كانت تبا بنيه ... وبدلعها ووو واختارت لها اسم .. اخترب كل شي .. بو هزاع: لا تقولين جذه يا حصه ... ما اخترب شي .. وبنيه وولد ... الحمدلله بس يوصلون بخير حصه: السموحه ابويه ... شمسه ( بغت تغير الموضوع) : اقول يالله عاد شوه بتسمونه .. طارق قول .. طارق: ما ادري والله ( وابتسم ) .. اظاربنا ع خوله وسارة وعليا .. والحين لا خولة ولا سارة ولا عليا وصلت ام هزاع .. ام هزاع: انتوا بعدكم واقفين .. طارق: عمتيه .. شحالها سلامة ؟ ام هزاع: سلامة بخير الحمدلله ... شوه ناوين تسمونه ؟ طارق: ما ادري والله ... انا يوم شفت انه ولد .. قلت سيف ام هزاع: لا الكل انصدم .. ام هزاع: سيف لا ... انا قايلة محد يسمي سيف قبل عيال سيف رواحهم .. ومحد يسمي سيف قبل عمر ... طارق ( ابتسم ) : خلاص .. سيف لا .. اسم ثاني شمسه: سمّوه عامر .. حلو اسم عامر طارق: حلو ... شرايج عمتيه ؟ ام هزاع: كيفكم .. كل الاسامي حلوة .. والياهل ايي و اسمه معاه ... طارق: شرايك عمي ؟ بو هزاع: حلو اسم عامر طارق: حصه شرايج ؟ حصه: كيفكم ... انا لازم اسير البيت الحين .. فمان الله ام هزاع: ما بتتريين يودون اختج حجرتها حصه: لا ما اقدر .. علي فالبيت روحه .. بسير .. وسارت حصه ... وتموا الباقين يتريون سلامة ... في بيت السفير ... هند يالسه ويا يدتها غريسه فالصاله ... وامها يالسه ع صوب وتتصفح المجلة ... هند: انزين شرايج نسير كندا نسكن عند عمي يدوه غريسة: كندا ! ... عند بطي .. مب سايرة هند: ليش؟ يدوه غريسه : خبلة انا اسير عند بطّاي .. خبلة ما فيه مخ هند: هههههه ليش انزين ؟ يدوه غريسه: بطي وين ... ونحن وين .. بطي في عالم ثاني .. ما يدري عن أي حد هند ( وهي تطالع صوب امها ) : هيه يوم اقولهم يدوه غريسه: تقولين حق منوه ؟ هند: ما شي ... يدوه غريسه: خبلة انتي يا بنيه ؟ هند: ههههه لا لا .. بس ما شي يدوه غريسه: جواهر جواهر: هلا عمتيه يدوه غريسه: شحال عذيجه اختج جواهر: الحمدلله .. بخير يدوه غريسه: ما تنشاف جواهر: بنتها ربت وهي فالمستشفى يدوه غريسه: أي وحده فيهن ؟ جواهر: سلامة .. يدوه غريسه: هاي آخر وحده عرست ؟ جواهر: هيه .. يدوه غريسه: هيه ما شاء الله ... وحصه للحين ما حملت ؟! جواهر ( صكت المجله ): لا ... اسمحوا لي بسير حجرتيه .. في طرف ثاني ... حصه دخلت شقتها .. شافت علي يالس فالصاله ... حصه: السلام عليكم علي: وعليكم السلام .. وسارت حجرتها .. مب من عوايد حصه انها اول ما تدخل تسلم وتسير الحجرة ع طول .. لازم تسلم وتيلس شويه .. او انها تسأل علي ع الاقل شوه سويت .. او ليش ما ظهرت اليوم ... نش علي وسار هو الثاني وراها ... علي: حصه شوه فيج ؟ حصه: ما فيني شي .. علي: سلامة اختج شحالها ؟ حصه: الحمدلله علي ( ابتسم ): شوه يابت ؟ حصه: ولد علي: الله يحفظه لهم ان شاء الله هني حصه ما قدرت .. ونزلت دموعها ... غصباً عنها .. علي: شوه فيج ؟ حصه: قلت لك ما فيني شي علي: كيف ما فيج شي وانتي تصيحين .. واكتفت حصه بالسكوت .. علي ( تنهد ): حصه انا ادري شوه فيج حصه: علي .. انا خلاص تعبت .. كل حد قام يسأل ... كل حد قام يقول بلاها حصه .. شوه سالفتها ؟ علي: وانتي فيج شي ؟ حصه: ما ادري علي: نحن سرنا وسوينا فحوصات صح ؟ حصه: صح علي: قالوا الحمدلله لا انا ولا انتي فينا شي ... فـ ليش تصيحين حصه: الناس ما يفهمون هالشي ... علي: لا يفهمون .. مب لازم يفهمون .. حصه: كيف مب لازم يفهمون .. كيف ؟ المعاير في كل مكان .. كل وحده من تتصل في امايه .. اول سؤال حصه ما حملت ... آمنة اختيه عقبي معرسه .. وحملت وربت .. سلامة اصغر وحده فينا معرسه .. حملت وربت اليوم .. علي: حصه انا شكيت لج ؟ حصه: لا علي: عيل جيه تهتمين للناس حصه: حتى لو الناس ما يعايرون .. انا ادري شوه نظرة اهلك لي علي: اهلي ما يخصهم حصه: كيف ما يخصهم ؟ كل ام تبا تشوف عيال ولدها .. صح والا علي: صح .. لكن كل ام بعد تبا سعادة ولدها .. فـ يوم امايه تشوفني انا مرتاح في حياتي ويا حرمتيه .. هي بترتاح حصه: علي انته مب فاهمني علي: فاهمنج والله فاهمنج .. بس انتي مستويه حساسه زيادة عن اللزوم حصه: كم مر ع زواجنا ؟ علي: استغفر الله .. لو ان شاء الله 10 سنوات .. وبعده ما عندنا عيال خله برايه هني صاحت حصه زيادة ... وعلي واقف ما يدري شوه يسوي .. حاس فيها .. حاس باحساسها .. هو بعد يتمنى يكون عنده ياهل .. ويضمه لـ صدره ويلعبه .. لكن حكمة الله .. وهو ما يقدر يعترض ع قضاء الله وقدره .. في بيت الشباب ... عبدالعزيز: آآآآآآه بطنيييي .. بطنيييي راشد: عبدالعزيز تأدب عبدالعزيز: لا استطيع ان اقاوم مروان: تقاوم شوووه عبدالعزيز: الجوووووع عمران نازل من فوق .. عمران: بطونا عورتنا يالله وين الغدا ؟ مروان: بلاهم الاخوان اليوم عمران: ليش منوه يوعان غيري؟ راشد : دايما عنتر اخو بلال ... ما تفرقون عن بعض في هالشي دايما يواعه مروان: انته وعبدالعزيز عبدالعزيز: هو يقلدني عمران: لااا احلف .. اقلدك فاليوع .. سبحان الله مروان: ههه مصدق عمره الاخ جنه مكتشف شي عظيم .. وعمران سرقه منه راشد: الآن وعلى ضفاف الانهااااااااار مروان: يعيس سعيد اجمل ايام عمره عبدالعزيز: يحلم هو مروان: شوه يحلم ؟ عبدالعزيز: يعيش احلى ايام عمره بدونا عمران: هو عايشنها .. بدون احلام راشد: يعنا يا بوي مروان: ههههههه عادوك الاخوان راشد: فرييييييييييييييييييييد مروان: بابا فريييييييييييييييد عمر نازل من فوق .. عمر : بلاكم تصرخون ؟ مروان: اخوانك يواعه ... يبون غدا عمر: الحين بيحطه فريد مروان: وينج يا عموه .. والله اشتقت حق طباخج عمران: هيه والله انا بعد راشد: ما يتنا من زمان .. مروان: انشغلت بعرس سعيد .. وحريم وخربطان عمر: اتصلوا بها ... خل تيي اليوم عبدالعزيز: وجيه نحن ما نسير لها ؟ مروان: لا اليوم .. اممممم مشغولة بتكون .. سلامة بنتها ربت عبدالعزيز: اوووونه .. المبزاااااايه عمر: عبدالعزيز عبدالعزيز: اوووه عمور انا متعود عليهن عادي .. مروان قول شوه يابت ؟ مروان: ولد يشبهني .. لانه يقولون حليو عبدالعزيز: ههااااااااي بنسير يوم واحد نشوف ولدها عيل .. وصل فريد راشد: من العام زاقرينك عمران: فرييييد انا يوعاااان فريد: الحين بييب الغدا مروان: بابا فريد .. فريد: شوه مروان: شخبارك فريد: انا زعلان عمران: ليش ان شاء الله ؟ فريد: سعيد مب موجود اليوم راشد: اووووونه .. عداااااال عمر: ههههه ما عليه بيرد عقب كم يوم .. عبدالعزيز: يالله حطوا الغداااااااا مروان مسك مبايله ودق الرقم .. مروان: هلا عذّوج شخبارج عذيجه : اهلين المعرس مروان: هههههه انا الحين مب معرس .. سعيد المعرس عذيجة: شوه تبا ؟ مروان: عموه مشتهي طباااخج عمر: مروان يالسخيف متصل في عموه وتوك تقول انها مشغولة مروان: نلعب في اعصابها بلاك هههههه راشد: تستهبل عليها عمران :قولها عمران بعد يبا ياكل من طباخج عذيجة: انا اليوم مب فالبيت .. عفرا اليوم فالبيت مروان: اسمي عيل ام الدويس حرقت الاكل عذيجة: جيه هي تعرف تطبخ عسب بعد يحترق الاكل مروان: لا بس مشرفه مشرفه ع الخدم عذيجة: شخباركم انتوا ؟ وشحال اخوانك ؟ مروان: الحمدلله كلنا بخير عذيجه: سعيد ما اتصل بكم ؟ مروان: فينا نحن لا .. بس في عمر اكيد ( وشاف صوب عمر .. وعمر ابتسم دليل ع انه كلام مروان صح ) عذيجة: فديت روحه والله .. مروان: تفديني انااااااا عذيجة: الواحد يوم بيتفدى دون ما حد يقوله بيتفدى ... انته تجبرني اتفداك مروان :افااااااا عذيجة: هههههه مروان: انزين شوه سميتوا ولد الخقاقه ؟ عذيجة: ما ادري يقولون هني عامر مروان: قولي حق طارق سمّه مروااااان عذيجة: مب من الله تباهم يسمونه مروان .. امسات تقول محد يسمي ولده ع اسمي لان اسمي غالي وما ادري شوه وخربطان .. اكيد قالوا لك حليو الله يحفظه مروان: ههههههه هااا عذوج طلعتي مب هينه ... عيوز مطوره عذيجة: عيز حيلك يا مروانو .. بند بند .. مب فاضيه حق سوالفك البايخه مروان: هههههه ببند لان فريد توه حط الغدا بسير اتغدا يوعان عذيجة: وقول حق فريدو .. عموه بتييك .. اذا شافت شي خربان ومخربط شرات كل مره يا ويلك آخر مره انا علمته كل شي .. مروان: افا عليج ... بقوله .. عاد هو من الصبح يحط عليه انا حليلي عذيجة: زين يسوي فيك مروان: هههههه الله يسامحج .. يالله مع السلامه عذيجة: الله يحفظكم .. سلم ع اخوانك كلهم سالم: يا ابيييييييي يا ابيييييييي صالح: نعم يا ولدي سالم: اين امي ؟ صالح: امك فالمستشفى .. خالتك سلامة يابت ولد سالم: يسسس والله احبها ... اموووت في خالوه سلامة صالح: ويه ويه ويه من وين نزل هالحب كله ؟ سالم: ياخي يابت ولد ... صالح : انزين ويعني ؟ سالم: استوى عندي ولد خااااااااله .. احم احم زين زين خل اييبون اولاد عسب ما اسير عند عيال عمي وعمتيه النحوس صالح: سالم .. كم مره قايل لك لا ترمس جذه عن عيال عمك وعمتك سالم: ياخي انزين ما احبهم وايد صالح: لا تحبهم ولا ترمس عنهم جذه ... انزل انزل .. يالله سالم: الى اللقاااااااء يا ابييييييييييي نزل سالم وسار داخل ... شاف آمنة و عفرا يالسين بس ... سالم: السلامُ عليكم آمنة: وعليكم السلام ورحمة الله وبركاته سالم: كيف حالكن يا خالاتي العزيزات آمنة: هههههه بخير والحمدلله عفرا: اف وصل الحشرة سالم: خالوه عفاري بلاج تتحرطمين عفرا: لا ما بلاني شي سالم: شكلج مب مستانسه عفرا: لا حشى .. انا مب مستانسه ؟ منوه قال .. .سالم ولد صالح ياي بيتنا ما تباني استانس سالم: هيه اتحسبت بعد عفرا: صدق عمره آمنة: وين ابوك ؟ سالم: ابي لقد ذهب لـ يسلم على جدتيه التي انا ما احب اسير بيتهم هناك وايد آمنة: بدا بدا الحين سالم: لا لا خلاص بسكت ... وين بنتج ؟ آمنة: هذي بنتي سالم: خلاص بنكنسلها الحين آمنة: هيه قصورك انته تكنسلها اونه سالم: خالوه سلامة غلبتج يابت ولد ولد ولد ... آمنة: وخير يعني ؟ عفرا: ولد عسب يظهر عفريت شراتك .. ثرنا ناقصين عفاريت نحن .. انته وعزوز مب مكفينا .. سلامة تكمل السلسلة سالم: ما شاء الله علينا عفرا: اللهم لا حسد آمنة: هههههههه سالم: وين عمي احمد ؟ آمنة: سار البيت .. وبيرد عقب سالم: خل ايي بنيلس وياه آمنة: يا سلام! سالم: هيه ما بجابل حريم انا وسار سالم جابل التلفزيون و حط ام بي سي 3 ... ويلس عاد يطالع ... وآمنة وعفرا يالسات يسولفن في بيت السفير .. بدر طبعاً توه ناش .. لانه امس طول الليل سهران ... ظهر من حجرته ما شاف حد فالصاله اللي فوق ... وطل تحت .. ما كان في حد غير يدته فـ ما بغى ينزل روحه .. سار صوب حجرة هند .. دق الباب .. هند: ادخل بدر: شوه تسوين ؟ هند: يالسه بدر: غريبة ما يالسه تحت ويا يدتج المصون هند: عقب بسير بدر: شوه كان العرس الغجري هند: أي عرس ؟ بدر: عرس ولد خالج هند: ليش تقول عنه غجري بدر: لانه كان بايخ هند: بالعكس كان وايد حلو بدر: حلو بالنسبه لج انتي ... اما بالنسبة لي انا من اتعس الاعراس اللي حضرتها ... خيمة الصراحه ما تسوى .. و اكل رخيص هند: مب كل شي لازم يكون هاي هاي عسب يناسبك .. اهم شي انك تشوف هلك .. اللي من زمان ما شايفنهم بدر: الله والاهل .. الصراحه يعني .. كلهم دون المستوى هند ( فتحت عيونها ع الاخير ): انته ليش تنظر للناس من منظورك الشخصي بدر: عيل من وين تبيني اشوفهم ؟؟ من منظورهم هم الشخصي هند: ليش تقول عن هلك جذه ؟ بدر: لانهم جذه ... هند: بالعكس انا وايد استانست امس .. وايد وايد .. شفت البنات ... بدر: وخير شوفيهن .. اكيد طبعا انتي وامايه كنتن ارقى هنتين فالعرس هند: بالعكس .. هن ما يقلن عنا فالجمال بدر: بالسلف متكشخين هند :انته ايه .. احترم .. ثر اللي كانوا فالعرس كلهم هلك .. بدر: انا منقهر هند: من ؟ بدر: من قلة ادبهم امس ! هند: ليش ؟ كانوا قليلين ادب! .. جيه انته ساير عرس والا ساير تظارب بدر: كل ما قلت كلمة ردوا عليه بـ عشر ... هند: بدر بدون مجاملات يعني .. اسمح لي .. بس انته تنرفز الواحد برمستك .. بدر: انا ما اقول غير الصدق هند: انته تقول الصدق لكن مغلف بغلاف التكبر والغرور ... و الحقد ع هلك بدر: انا احقد عليهم ؟ ليش ان شاء الله ما شايف خير شراتهم هند: استغفر الله العلي العظيم بدر: والا عيالهم الصغار ... عمر اللي كل ما سرنا بيت خالي يوسف .. يقول بسير بسير بسير تأخرت اخويه الصغير ... طلع تحفه هند: منوه عمر ؟ بدر: ولد خالي سيف .. اللي توفى هند: الله يرحمه .. وشوه سوى بك اخوه الصغير ؟ بدر: قليل ادب هو والثاني ما ادري شوه اسمه ولد ريل بنت خالتج هند: مستحيل يسوون بك شي مدام انته ما تعرضت لهم بدر: انا ... جيه شوه شايفتني ؟ياهل احط راسي براس يهال هند: ما ادري عنك بدر: لوعوا جبدي الصراحه خصوصا ع العشا .. اونه ديدان وصراصير و ما ادري شوه يخربطون هند: هههههههههه وانته من جيه منقهر بدر: هيه .. جيه يالسين في ديزني ؟ هكونا متاتا وتيمون وبومبا ! نقعت هند من الظحك ... بدر: هيه ظحكي مب انتي اللي ملوعين جبدج هند: ههههه انته تظحك والله .. صدق صدق ظهرت ياهل ... وانا اتحسب شي الحين بدر: وهذا مب شي بالنسبه لج ؟ ما الومج .. حبيبتيه من الادب والاتيكيت .. يصخون .. نحن كبار يالسين جدامهم هند: وليش هالرسميات عادي .. بدر: عادي عندج مب عندي هند: انته وايد مكبر السالفه ... بسير ايلس ويا يدوه بدر: سيري سيري عند يدتج غريسه .. هند: ع الاقل احسن من كل اللي فالبيت .. لو انها تحط عليه .. بس مهتمه فيني ... وسارت هند بدر ( يقلد هند ): تهتم فيني .. افففف وايد فاضيه .. في مكان ثاني .. بلد ثاني .. بعيد عن كل هالاجواء اللي نصها حلوة ونصها مرتبكة .. ونصها ولا ندري عنها ... سعيد و بدور .. في الفندق .. سعيد ( ياكل آيس كريم) : شوفي يايب لج هالخريطة بدور : وشوه اسوي فيها ؟ سعيد: عسب يوم نسير الجزر ما نضيع بدور: بعد جزر ؟ سعيد: ما كانت الرحلة حلوة ؟ بدور: هيه .. بس بعد ما ابا اسير سعيد: لييييييش؟ فيج شي! .. مريضه ؟ بدور: لا لا .. بس عقب يومين الطيارة ... انا ما سرت اشتري أي شي حق اختيه وامايه سعيد: اهاااا .. يعني هاليومين تبين كله اسواق .. ما نطلع بدرو: اذا ممكن سعيد: خلاص عيل .. نكنسل هالرحلة .. مع ان يمدحونها بدور : جيه بس هاي أول وآخر سفرة نسافرها ؟ جدامنا وقت سعيد: انزين .. مثل ما تبين ... بدور: متى بتوديني السوق ؟ سعيد: متى تبين ؟ بدور: الحين بسير اتزهب وننزل السوق .. سعيد: خلاص مثل ما تبين .. يالله سيري .. سارت بدور تتزهب ... وسعيد مسك مبايله .. سعيد: الوووو راشد: سعّوووووووووووووود سعيد: هههههه الناس يسلمون راشد: انته اللي متصل سعيد: خلاص .. السلام عليكم ورحمة الله وبركاته راشد: وعليكم السلااااام .. مستوي لي عمران .. ما احيدك ساير شهر العسل العمرة سعيد: ههههههه عن الاستهبال .. شخباركم ؟ راشد: تماما والله .. نسأل عن حالك سعيد: انا بخير الحمدلله راشد: وشحال المدااااام سعيد: الحمدلله راشد: والله ولك وحشة يا سعيد سعيد: والله انتوا بعد .. تولهت عليكم راشد: وجيه ما تتصل سعيد: اتصل في عمر .. راشد: بس عمر .. سعيد: عيل تباني اتصل فيكم واحد واحد راشد: يا ويهك انا رفيق الدرب سعيد: ههههههه شوه رفيق دربه ؟ راشد: كنت ارقد وياك في حجرة وحده سعيد: ههههههههه شوه نسوي راشد: سعيد انا يوعان سوالف ... يالله متى بترد سعيد: يومين وبكون عندكم راشد: يا سلاااااام .. سعيد: عاد اذا وصلت وانتوا محد فالبيت .. يا وييييييلكم راشد: افا عليك .. ما بخليهم يظهرون من البيت .. بحبسهم سعيد: ههههه جان رمست ع مروان راشد: مب ع كيفه سعيد: لا لا خلاص غيرت راييي .. اخاف تظاربون بسبتي راشد: ههه ما عليك مروان مستوي بيتوتي هالايام سعيد: غريبه .. ليش؟ وين هزاع ؟ راشد: مشغول ويا خواته عسب جذه سعيد: اها ... حليله عيل مروان .. ملان راشد: خله يتأدب كم يوم .. فـ انته تقول بتيي عقب يومين .. يعني زين مروان بعده بيكون بيتوتي سعيد: ههههههه زين عيل خل نلحق عليه .. وشخبار عبدالعزيز وعمران ؟ راشد: الحمدلله .. حبيبي تعال استلم مكانتك في هالبيت سعيد: ليش عاد ؟ راشد: والله عمر .. الشغل اللي انته كنت تسويه .. مخلني انا اسويه .. وانا اكتفي بهذا القدر من الاعمال الشاقه خلال الايام التي مضت سعيد: ههههههههههههههههههه حلوة ... عيل ما برد راشد: لا الله يخليك .. رد سعيد: ان شاء الله .. جريب قلت لك راشد: توصلون بالسلامة وتم سعيد يرمس راشد ... صدق اشتاق حقه .. وحق سوالفه .. واشتاق حق باجي اخوانه بعد في بيت ام احمد ... رملة: اففففف ملل هالبيت .. ام احمد: انتي دومج ملانه رملة: الناس يطلعون .. اجازة يسافرووووون ناعمه: سافري حد ماسكنج رملة: كيف بسير ويا قوم عمي ... امايه ما خلتني ناعمه: عسب تخبلينهم ام احمد: هيه انا يوم بخرف بطرشج ويا عمج روحج رملة: وشوه فيها ؟ مب بس عمي سافر ... عمي وعموه يعني عادي ... كلهم ساروا الا انا ناعمه: نحن اذا سرنا عيسى او احمد لازم يكونون ويانا ... وعيسى واحمد مب فاظين رملة: اوهوووووو .. انا من زمان ما سافرت ام احمد: وجيه تسافرين ؟ خلج فالبيت .. محلاها رملة: حرررررر ناعمه: اقول رملو انتي وايد ترمسين .. انزين رملة: بسير اقول حق احمد يوديني ام احمد: احمد مب فاضي حقج .. عنده حرمه وبنيه ... بيجابلهن رملة: والله عيل اخو عود ع الفاضي .. بسير اقوله ناعمه: قولي له اخو عود ع الفاضي .. وبنشوف كيف بيوديج احمد كان منسدح في حجرته .. سمع صوت دقة الباب .. طبعا معروفة الدقة ومميزة ... احمد: دخليييييي رملة: احمد احمد: نعم ؟ رملة: احمد ملل احمد: شوه تبيني اسوي ؟ رملة: الله يخليك طلعنيييييييي احمد: وين اوديج ؟ رملة: أي مكان .. احمد: والله امون قالت لي امر الجمعية اشتري اغراض حق البيبي ... بتين ؟ رملة: هيه احسن من ولا شي احمد: خلاص عيل .. سيري تزهبي وتعالي خبريني رملة: مب تسير عني احمد: ما بسير لين ما انتي تيين تقولين لي انج خلصتي .. يالله سيري في شقة ع قدهم .. حصه ... منسدحه ع الشبرية في حجرتها ... يا علي .. علي: حصه .. حصه: هلا علي: وبعدين ؟ حصه: شوه علي: يالله نشي .. حصه: شوه تبا ؟ علي: نسير بيت ابوج ؟ من زمان ما سايرين حصه: ما ابا اسير هناك علي: عيل تدرين .. دامج جذه يعني ... شرايج نطلع ونغير جو حصه: مالي نفس علي: حصووووه عن الحركات يالله عاد نشي .. حصه ( نشت ويلست ): وين تبا تسير ؟ علي: أي مكان حصه: انا مووووول مزاجي مب اوكيه علي: اوكيه والا مب اوكيه ... نشي يالله .. حصه: ما بتمر ع امك اليوم علي: اممم .. لا ( ابتسم ) ... اليوم ما بسير صوبها .. حصه: بتزعل علي: ما بتزعل .. بقول لها اني كنت مشغول .. وما قدرت اييها .. ورن مبايل حصه .. حصه: هاي امايه تتصل علي: ردي عليها حصه: ما ابا ارد .. علي: ليش عاد ... حصه لا تسوين بروحج جذه .. والله ما يسوى عليج حصه: انا نفسيتي تعبانه علي: ولا شي يسوى ويستاهل .. حصه: ومب متفيجه اطلع بعد علي: لا اله الا الله ... اقولج نشي بسرعه تزهبي .. عندج ربع ساعه وتكونين مخلصه .. بيلس فالصاله اترياج ... في بيت بو زايد ... مدام انه ما نزل تغدا يوم الكل موجود .. فلازم يتريون وما يشلون الغدا .. لان حضرته توه نازل ويبتغدا ثاني توه نازل .. ثاني: ويه خلصتوا ! ام زايد: تو الناس ثاني: شوه السالفه ؟ بلاكم ؟ زايد: ما فينا شي ثاني: محد يبا ياكل ويايه ؟ ام زايد: سر تغدا غاليه يالسه تتغدا بعدها ... وسار ثاني ... غاليه: الحمدلله ثاني: غاليه لا تنشين غاليه: ليش ؟ ثاني: تمي يالسه الله يخليج ... اخاف ابويه ايي ويشوفني يالس روحي ويحط عليه غاليه: تستاهل ثاني: عاد لا تستوين نحسه .. وبالفعل عقب ما بو زايد غسل ايده ورجع ... ويلس فالصاله ... مسك الجريدة ... بو زايد: مرحبا استاذ ثاني ثاني: مرحبتين .. شحالك ابويه ؟ بو زايد: انا بخييير .. يوم اني اشوفك تحت ثاني ( بصوت واطي ): احم احم بدينا ام زايد: سعيد ما اطمنتوا عليه ؟ بو زايد: ما ادري .. زايد يسير ويرد عليهم ويرمس عمر زايد: هو بخير .. وبيرد جريب ان شاء الله ام زايد: الله يحفظه يا رب .. بو زايد: ان شاء الله بس .. يتمون مثل ما هم ... ام زايد: كيف يعني ؟ بو زايد: هالحرمه تتقبل بس تعيش في هالحجرة بصالتها الصغيرة .. لين اقنع يوسف ... اما يفتح للولد شقة .. او يبني له ملحق .. لين يقدر ع البيت زايد: عمي يوسف مستحيل يقتنع بو زايد: انا بحاول وياه .. لان مستحيل أي وحده ترضى تعيش جذه في بيت كله شباب زايد: عمر قدها .. وبيقدر يوازي الامور .. بو زايد: عمر .. عمر هذا والله ما اقدر شوه اقول والا شوه اقول عنه .. ريال صدق ... ام زايد: ما شاء الله عليهم ... عيال سيف كلهم الله يحفظهم .. ادب واخلاق ثاني: بدينا نمدح بو زايد: هيه .. بدينا نمدح احسن عن بعض الناس غاليه :ههههههه يبتها حق عمرك زايد: ههههه ملقووووووف ثاني: عادي .. شوه يعني .. بو زايد: جان ما نيوزك يا ثاني يمكن تعقل شويه ثاني يوم خلص ابوه رمسته هاي .. غص .. ام زايد: عطيه ماي يا غاليه ... وغاليه ناقعه من الظحك ما تروم تنش .. وزايد بعد يظحك .. ونشت ام زايد بسرعه وسارت شربت ثاني الماي .. ام زايد: الله ينطب ابليسج يا غاليه .. اقولج اسقيييه غاليه: ههههههههه ما اقدر .. والله بو زايد: محد قاله ... ام زايد: بغا يموت ثاني: يبون يذبحوني شفتي امايه زايد: هههههه عاد انته تباها من الله .. امايه تحط علينا بسبتك ثاني: شوفيهم حتى ما يقولون لي سلامات وما تشوف شر بو زايد: لا والله ؟ غاليه: ليش الاخ مسوي حااادث ؟ ام زايد: ودريها الرمسة الماصخه هاي يا غاليه ... لا تقولين جذه عن اخوج غاليه: ما قلت شي ... والله هو يبانا اونه نقول الحمدلله ع السلامة .. ما تشووووووف شر يا حبيبي يا اخويه ثاني: هيه اطنزي مب انتي اللي بغيتي تموتين ام زايد: بسم الله عليك زايد: هيه ادلع زيادة الحين ادلع طبعا تم ثاني يدلع ع امه ... وحمد ربه تغيرت السالفه .... والا الرمسة اللي قالها ابوه قوية في حقه ! ... في حجرة عمر وعبدالعزيز ... عبدالعزيز منسدح ع الشبرية .. عبدالعزيز: آآآآآآآآي بطني عمر: لا حول ولا قوة الا بالله .. لا يوم كنت يوعان ولا يوم كلت وشبعت ؟ عبدالعزيز: كلت وايد عمر: محد قالك عبدالعزيز: انته قلت لي عبدالعزيز كل وعبدالعزيز كل عمر: بس مب جذه تاكل عبدالعزيز: انزين بسألك عمر: تفضل .. عبدالعزيز: يوم سعيييييد وحرمته بيردون وبييون البيت .. بييلسون ويانا ياكلون ؟ عمر: لا طبعا عبدالعزيز: صدق ؟! عمر: هيه يعني اتمصخر وياك .. تخيل تيلس ويانا نحن .. حرمه وحده بس بين 6 شباب عبدالعزيز: هاي عيل ما بنشوفها خير شر .. عمر: وشوه تبا فيها ؟ عبدالعزيز: ما ابا منها شي طبعا .. عمر: عيل خلاص .. عبدالعزيز: انزييييييين ليكون يوم انته بتعرس بعد جيه بتسوي ؟ عمر: هيه .. انا ما ايلس حرمتيه بين شباب عبدالعزيز: يالللله انا باكل وياكم لو جيه سويتوا عمر: ههههه وين تاكل ويانا ؟ استح ع ويهك عبدالعزيز: مب ع كيييفك .. عيل لو سعيد جيه بيسوي وانته بعد جذه .. انا اجابل راشد ومروان وعمران ! عمر: اخوانك عبدالعزيز: يالللللللله .. ما ابا عمر: كيفك .. سو اللي يريحك عبدالعزيز: اللي يريحني اني آكل وياكم .. وبعد تعال .. سعيد خذ الحجرة اللي تحت .. ليكون تبا تفرني انا ويا راشد فالحجرة .. هااااااااااا وانته تاخذ هالحجرة عمر: عبدالعزيز ... بس سندرت راسييييي عبدالعزيز: ثرك انته جيه عمر: ما بعرس لين انته تعرس جيه اوكيه ؟ عبدالعزيز: هيه وايد اوكيه عمر: والحين ممكن يعني تسكت برقد شويه عبدالعزيز: انا ما فيني رقاد عمر: والمطلوب ؟ عبدالعزيز: تيلس ويايه عمر: هيه .. ثره ما شي شغل ... بس انته تقولي ارقد ارقد .. تقولي يلس ايلس .. اطلع اطلع ... عبدالعزيز: العطف على الصغيييييير عمر: ما يخصه .. وجان بترمس ع العطف .. انته اعطف عليه وخلني ارقد عبدالعزيز: هههه خلاص عيل برقد وياك الحين عمر: احسن بعد ... عسب عقب يوم انا انش ما تيي ترقد في بيت بو هزاع .. احمد توه نازل من السيارة .. احمد: يالله انا ياي سوي لي درب آمنة: تعال ما في حد غيري انا وعفرا وشمسه وسالم احمد: لا والله ابد ما في حد ... انزين سوي لي درب آمنة: يالله تعال .. رملة: ايييه وين يايبنيييي احمد: نزلي نزلي ... عيل ليكون تبيني اردج البيت .. وعقب ايي هني رملة: هيه طبعا احمد: لا حبيبته ... ما اقدر .. مشتاق انا حق بنتي رملة: لا والله ! احمد: ههههه نزلي يالله ما في حد .. ومشى احمد لين الصاله .. ومشت وراه رملة ... وصل احمد: هود هود آمنة: هدا احمد: كيفكوووون اخوات زوجتي العزيزة عفرا: بخير .. ونسلم عليك شمسه: وانا اشوف بيتنا منور .. اثاري الحلوة وياك عفرا: اوه انا هاي ما شايفتنها من زمااااان احمد: رملة بلاج عادي عادي .. وسار احمد يلس ورملة لاصقه فيه مستحيه اونها ... آمنة: هههههه ط اونه رملة تستحي ... احمد: اول مره ما يليق صح شمسه: ههههههه حرام عليكم سالم ( ياي من الصاله الثانية ) : امااااااااااااااااايه احمد: وصل ... سالم: اوه انته هني احمد: لا هناك سالم: اوكييييييييه احمد: هههههه امون قلتي لهم عن سالفة هذا وعبدالعزيز فالعرس آمنة: ههه لا احمد: شمسه والله زين ان صالح ما ذبحنا فالعرس شمسه: ليش ؟ احمد: صالح ما قالج عن اللي سواه ولدج ؟ سالم: ما سويييييت شي احمد: ابد ما سويت شي شمسه: ما ياب لي طاري .. قول شوه مسوي ؟ اكيد فشلكم سالم: انا ما افشل حددددد عفرا: انته ابد ما تفشل حد .. سالم: عموه عفاري بلاج عليه احمد: والله بهدلوا بدر عفرا: بدر ولد السفييييير .. قول والله احمد: بلاج تحمستي عفرا: يا خي ما ادانيييييييييه والله ولا احبه شمسه: هو ميت فيج عفرا: مالت عليه آمنة: بس اخته وايد كانت غير صح احمد: امون صبي لي شاي عفرا: هيه انصدمت منها ... كانت كول شراتنا .. اما هو من كلام هزاع عنه احسه به خقاق سالم: وااايد والله مب شويه ... كان خاطريه اعطيه كففف شمسه: ايه ايه انته .. بس خلاص سالم: اونه شوه ع العشا كنا ناكل ... قلنا ديدان .. وصراصير مقرمشة ... وفيران حق السويت اونه لاعت جبده ... ونش ....الحين ريال تلوع جبده ! احمد كان توه حاط الاستكانه عند ثمه وبيشرب ... رد نزل الاستكانه وتم يظحك .. وعفرا بعد ما قصرت لا هي ولا آمنة .. ورملة تشوف الوضع ! ... هذيل مب احسن منا ... هذيل اخس منا فالخبال ! .. وشمسه ما تدري تظحك والا تهزب ولدها .. ******* |
الجزء الـ 14 في بيت السفير ..... يوم الجمعة ... الساعه 9 الصبح ... يت دقت الباب ... هند ( بصوت ثجيل ): منوووه ؟ ميري: هندو قومي هند: شوه تبين ؟ ميري: ماما تحت يبغا انتي هند: امايه ؟! ميري: لا .. ماما كبير ... هند: ايهييييي .. انزين الحين بنش ... سيري انتي ... نشت هند .. تغسلت .. ونزلت تحت بكشتها ولا لفت شعرها بعد ... هند: صباح الخير .. يدوه غريسه: الناس يصبحون بالخير ويقولون السلام عليكم هند: السلام عليج ... صباح الخير .. يدوه غريسه: وعليكم السلام .. صباح النور ... عنبو كل هذا رقاد هند ( يت ويلست ): شوه نسوي يدوه امس سهرانين يدوه غريسه: اعوذ بالله من هالشكل اللي يالس جدامي هند: لييييييش؟ شوه فيني ؟ مب حلوة ! يدوه غريسه : الناس يسحون كششهم ويبدلون ثيابهم ... شوه هاللبس اللي لابستنه انتي يا بنيه ... شوه هذا رااااص ع جسمج ... رياييل في فالبيييت .. هند: يدوه هاي بجامة .. وبعدين أي رياييل موجودين ؟ وين ؟ ما في حد غير ابويه واخويه يدوه غريسه: انزين استحي ع ويهج عيييب يا بنيه عيييييب هند: محاااااارمي عادي يشوفوني جذه .. اصلا متعودين عليه انا جذه ... يعني مب اول مره ! يدوه غريسه: وكشتج هاي ... عنبوج ما قدرتي تسحينها قبل ما تنزلين هند ( حطت راسها ): يدوووه توني نااااشه ... ولا تزعلين الحين بسير فوق بتسبح ومره وحده بنزل وانا مرتبة انزين يدوه غريسه: وابوج واخوج ؟ هند: ابويه شكله محد ... يدوه غريسه: حتى يوم الجمعه محد! هند: اقصد يعني هو يتزهب من الصبح .. ويطلع ويسير المسيد وعقب يرد البيت .. يدوه غريسه: واخوج ؟ هند: اخويه اكيد راقد .. يدوه غريسه: سيري وعّيه .. .بسرعه سيري وعّيه .. هند :ان شاء الله سارت هند فوق ... لكن ما سارت توعي بدر ... سارت روحها تسبح وتسحي شعرها .. وبدر بينش روحه .. وهو ما يحب حد يوعيه هالحزه .. لان بالنسبه له الساعه 9 الصبح الفير الا لو كان عنده هو روحه شغل فـ ينش .. نزل عبدالعزيز من فوق ... شنط .. واغراض .. عبدالعزيز: ابا ريوووووووووق عمر : يلس فريد الحين بيزهب السفرة عبدالعزيز: ليش شنط وجيه سعيد: لاني انا وصلت .. ظهر سعيد من الممر .. فتح الباب اللي ركبوه مؤقت عسب يفصل بين قسمه و الصاله .. عبدالعزيز: اوووووه سعيييييييد ونش بسرعه وسار صوب اخوه عبدالعزيز: متى وصلت؟ سعيد: الفير عبدالعزيز: وليش محد قومني ؟! ومنوه يابك ؟! سعيد: هههههه عمر يابني عبدالعزيز: اونه صدق ؟ عمر: ليش في امكانية ان نجذب ! عبدالعزيز: كيف سرت وانا ما حسيت .. سعيد: افف وينهم خل ينشون بسرررعه .. انا ما رقدت غير ساعتين عبدالعزيز: وانته الحين تترياهم؟! هذيل ما بينشون الحين .. عقب نص ساعه او ساعه بينشون سعيد: مب ع كيفهم عمر: سر وعهم ... صعد سعيد فوق ... دخل حجرة راشد الحين نقول لان .. استقر بالحجرة روحه .. وسعيد ظهر منها ... سعيد: راشد ... رااشد قم .. راشد( بصوت ثجيل): شوه ؟ سعيد: رااااااشد قم بسك رقاااااد فتح راشد عين وحده و العين الثانية مصكره .. سعيد: قم راشد فتح عينه عدل .. وتم يفركها ... راشد: سعيييييييييييييد وعفد ع اخوه سعيد: ههههههه راشد قلت لك قم .. يعني قم من الرقاد مب قم واعفد عليه راشد: سعّود متى وصلت ؟ سعيد: الفير راشد: منوه يابك ؟ سعيد: طبعا اخي العزيز عمر راشد: جيه ما قلتوا لنا ؟ سعيد: انا ما قلت لك عقب يومين ! راشد: انا اتحسب اليوم فالليل بتوصل سعيد: والله ّ احلف عاد بكيفك هو ! راشد: ويا ويهك سعّود .. والله محلو سعيد: ههههه انته اللي ويا ويهك نش بس عاد .. نبا نيلس وياكم شويه راشد: افا عليك انته بس .. ما طلبت .. سعيد: يالله قم .. بسير اقوّم عمران ومروان .. وظهر سعيد من حجرة راشد .. وسار صوب حجرة عمران ومروان .. دخل شاف عمران واقف جدام التسريحه .. يتعدّل .. من شاف سعيد .. انصدم سعيد: هههههه بسم الله بلاكم كل واحد يوم يشوفني جنه الا بقرة شايفة حريجة عمران: سعيييييييد شحالك ؟ شخبارك ؟ علومك ؟ سعيد: انا الحمدلله بخير ... انتوا شحالكم ؟ عمران :نحن بخير دام انك رديت والله ... ولك وحشه .. سعيد: انتوا بعد .. والله اني تولهت عليكم مروان ( فاتح عين ومغمض الثانية): انا اشوف عيون قطااااااو سعيد: يالسخيييييييف مروان: ولد فريييييييييد رديييييييت من السفر ! ... متى ؟ سعيد: ولد فريد في عينك ههههههه مروان: حبيت راس ابوك سعيد: ههههه مروان عاد بسك طنازة نش مروان: هههههه شخبارك يالمعرس علومك سعيد: انا بخير .. يوم بشوفكم نازلين تحت .. مروان: خشمك بس من بعيد عمران: نش قالوا لك مروان: سعيد لولا عيونك الخضر جان عرفوا انك اخو عمران ... و كنت بتروح فيها هناك سعيد: هههه الله ياخذ عدوك بعدك انته ع هالسوالف عمران: يا خوفي باجر يزخونه هو صدق مروان: انا ما يشكون فيني .. لاني عايش حياتي بكل بساطة سعيد: هههههه بسكم عاد .. يالله نشوا .. وظهر عنهم سعيد وسار تحت .. عبدالعزيز: اشك انهم نشوا سعيد: ههههه لا نشوا عمر: اكيد انصدموا سعيد: هيه ... ومروان ما خلا فيني شي عمر: ههههه معروف سعيد: انزين انا بسير شويه عند المدام .. وبرد .. مب تتريقون عني .. سار سعيد قسمه ... ودخل حجرته .. سعيد: خلصتي بدور: راسي بينفجر سعيد: قلت لج رقدي وريحي ويوم بتنشين رتبي الشنط بدور: ما احب جذه .. عالاقل خلصت شنطة وحده وباجي هنتين .. غير الشنط اللي فالبيت هناك بعد بييبهم آآآآه سعيد: هههههه بلاج .. ما يسوى عليج .. بدور: لو تدري بالتعب اللي بتعبه والله ما بتقول جذه ... سعيد: ولا يهمج برتب وياج .. وبنخلص ان شاء الله .. بساعدج بدور: الحين خل اخلص الباقي اللي هني سعيد: خليهن حق عقب .. انا الحين بسير اقول حق فريد يزهب الريوق وبييبه بدور: أي ريوق الله يخليك .. انا الحين برقد سعيد ( يشوف الساعه ) : الحين بترقدين بدور: والله اني تعبااانه تعباااانه ... سعيد: يعني بترقدين بدور: هيه .. انته رقدت ساعتين .. انا ما رقدت ولا ساعه سعيد: ههههه بتحسديني ع هالساعتين بدور: لا طبعا .. ما بحسدك عليهن .. ان شاء الله بس جسمك ارتاح عقب رقاد الساعتين سعيد: الحمدلله .. قلت لج رقدي لج ساعتين ما طعتي بدور: الرقاد المتقطع ... ما ادانيه ... يتعب اكثر والله سعيد: خلاص عيل .. انتي اللي ما بغيتي بدور: انزين الحين .. انته مب قلت بتسير عند اخوانك سعيد: طرده هاي ! بدور: ههههه لا مب جذه .. بس سر .. لاني ابا ارقد .. ببند الليت .. سعيد: انا بسير اتريق وياهم .. وبيلس لين وقت الصلاة .. وبنظهر كلنا ويا بعض وبنسير المسيد.. بدور: انزين وين مفتاح الباب اللي يودي ع برع سعيد: انا قافل الباب هذاك .. والمفتاح هني فالسده .. وباب الممر فيه مفتاحين .. واحد عندي والثاني عندج .. بدور: هيه .. سعيد: خلاص عيل .. يالله انا ساير .. بدور: قبل ما تسير المسيد .. اقفل باب الممر بعد سعيد ( ابتسم): ان شاء الله .. ( وسار صوب الباب ) .... يالله ع قولت مروان تظهرين ع خير بدور: شوه بعد تظهرين ع خير ؟! سعيد: مب فالليل نقول تصبحون ع خير ... بدور: انزين سعيد: واذا الحين رقدتي بتنشين الظهر .. هو يقول تظهر ع خير بدور: شي جميييييل سعيد: هههههه يالله رقدي وسار سعيد بند الليت .. وصك باب الممر .. ويلس ويا اخوانه فالصاله .. في بيت بو هزاع ... شمسه + سلامة ... اول الواصلات ... عفرا ( نازلة من فوق ): امايه وين هزاع ؟ عذيجة: هزاع فالميلس ... عفرا: خيبة من الحين .. انزين محد وصل عذيجة: ما ادري به شمسه: غريبه حصه للحين ما وصلت سلامة: اتصلي في امون سأليها وين واصله ؟ شمسه: انزين عفرا: سلامة وين عمرمر سلامة: قلت لكم ما ادلعونه جذه عفرا: قومي زين سلامة: بتشوفين ... والله .. ييبي ولد والا بنيه بخرب اساميهم من اول يوم عفرا: انزييين يووووووووم بييب عيال عقب خربي اساميهم عذيجة: لا اله الا الله .. ذكروا الله .. توها الناس مخلصه الصلاة .. عفرا: انزين ويييينه ؟ سلامة: فالحجرة راقد .. وسارت عفرا ماشيه للحجرة ... سلامة: والله يا عفاري ان نش صااح يا ويلج عفرا: سيرييييييي عذيجة: عفرا . خلي الولد راقد سلامة: عفاري مب متفيجه انا الحين .. ابا آكل عفرا: هههههههه خيبه .. بده الغدا سلامة : لو نش الحين ما بيخليني آكل عذيجة: يا ربي منكن ... بسير اشوف الغدا انا شمسة: الو .. هلا آمون آمنة: مرحبا شمسة شخبارج شمسة: الحمدلله بخير .. وينكم ؟ آمنة: يايين شمسة: اتصلتي في حصه ؟ آمنة: لا ... ليش اتصل بها ؟ شمسة: ما ادري آمنة: تستهبلييين شموس ! شمسة: هههه لا .. بس للحين ما يت .. آمنة: اونه ! ... غريبه .. حصه دايما تكون اول وحده شمسة: ثرني عسب جذه مستغربه .. آمنة: انزين انا بتصل بها الحين وبشوفها وين شمسة: يالله انزين .. احمد: آمنة راس البنيه آمنة: حاطه ايدي احمد: انا وايد اخاف يوم راسها صوب الباب ... ييبي راسها هالصوب آمنة: ماسكتنها احمد: لا ييبيه هالصوب .. آمنة: يبناه ... احمد: هيه جيه اوكيه ... اشوف القمر اجرب آمنة: انزين تغزل في بنتك لين اتصل في حصه شويه احمد: ليش بلاها حصه ؟ آمنة: ما ادري شمسه تقول للحين ما يت احمد: علي بعد من زمان ما شايفينه .. آمنة: دوامه مخربط وايد وايد وايد احمد: جمارك .. عسب جذه .. آمنة: زين ان حصه روحها تسوق والا بتتبهدل احمد: ليش تتبهدل ؟ ... آمنة: بالله عليك وين يروم يحط لها سايق ؟ وين بترقده ان شاء الله ؟ فالشقة وياهم !.... هي ما تتجرأ تييب خدامه حقها لانها في شقة احمد: اصلا ما يحتاجون لا سايق ولا خدامه آمنة: انا قلت لو يعني ما تسوق احمد: سايق قوم ابوج آمنة: بس بعد .. .. هاي ما ترد ... احمد: يمكن الحرمة مشغولة .. شوه تبون بها آمنة: اوووه اختنا .. مشتاقين لها ... احمد: يمكن طالعه ويا ريلها .. اليوم .. ما تبا تجابل ويوهكن ملت منكن آمنة: يالله عاد .. تخيل صدق؟! ملت منا اونه .. وظاهره ويا ريلها .. أحمد: ما استبعد آمنة: ههههههه ايه لا تخرف ع كيفك احمد: انا خليت احتمالات يعني آمنة: بس تدري اصلا حصه من يوم ما ربت سلامة ما يت هني احمد: اونه ! آمنة: والله احمد: لا اذا جذه صدق غريبه يعني آمنة: عسب جذه اقولك نحن مستغربين احمد: وانتن كيف ما سألتن عن اختكن !! يومين ما شايفينها لا لا مستحيل آمنة: والله نحن قلنا يمكن ريلها هاليومين مب دوام .. عسب جذه احمد: لا والله ! آمنة: شوووه احمد: ما شي .. اتصلي اتصلي فيها ... آمنة :يالسه اتصل من الصبح ما ترد ... دخل علي .. عقب ما رد من صلاة الجمعة .. شاف حصه يالسه ... علي: حصووووه حصه: هلا ... الناس تدخل تقول السلام عليكم علي: وعليكم السلاااام ... انتي هني ! حصه: هيه هني علي ( يشوف الساعه): اليوم الجمعة ... ما سرتي بيت ابوج حصه: علي علي: هلا ... حصه: انا قررت .. نسافر برع علي ( منصدم) : شوووه ؟! حصه: ادري انك مستغرب .. وادري اني كنت السبب فالبداية .. وقبل سنة .. يوم قلت لي .. خذت الموضوع بحساسية ... لكن يمكن سبحان الله علي: حصه .. مب لازم تسيرين برع .. مب لازم تتخلين عن قرارج قبل سنة ... عسبي انا ... انا عادي عندي والله عادي ... حصه: انته تقول عادي ... بس انا ادري ان لو مهما قلت .. ما تقدر تخفي شعورك .. انك تكون ابو علي ( سار ويلس مجابل حصه) : شوفي انا لو كنت مفكر اني ماخذنج عسب عيال ... جان عقب السنة طلقتج ولا خليتج ع ذمتيه سنتين ونص ! حصه: بس بعد .. انته عقب السنة .. حاولت توديني برع عسب اليهال علي: بس الحين تغير الوضع ... انا عادي عندي ... وانا يوم قلت لج عقب السنة ... فكرت فيج انتي .. حصه: انزين وانا الحين غيرت رايي علي: تبين تسافرين وين ؟ حصه: أي بلد ... انته ادرى يوم انك قررت قبل سنة نسافر برع ..اكيد كنت حاط في بالك مكان معين علي: كنت حاط في بالي المانيا حصه: ومنوه قالك عن المانيا علي: بلد مطورة .. و منها سياحة ومنها علاج .. هاللي كان في بالي حصه: خلاص عيل .. احجز لنا تذكرتين حق المانيا علي: حصه متأكدة من قرارج هذا حصه: هالمرة هيه ... علي: خبرتي هلج ؟ حصه: محد يدري غيرك علي: حصه لا تكدرين خاطرج عسب هالسالفه ... والله لو عشاني انا اقولج للمرة المليون عادي حصه: علي خلاص قلت لك ... علي ( تنهد): انزين ودوامج حصه: باخذ اجازة .. واذا ما عطوني بفنش علي: بتفنشين ! حصه: هيه ... وبعدين الحين نحن اجازة وجدامنا شهرين بطولهن .. تقريبا علي: شوفي دام انج تبين تسافرين برع .. حصه هالسفرة بالذات تعني انج تبتعدين عن هلج .. يمكن نتم اسبوعين ... شهر ... شهرين .. اللي هو .. نحن سايرين ما ندري شوه بيستوي حصه: ادري علي: انتي بتقدرين على هذا كله حصه: بحاول علي: انزين الحن ما بتسيرين بيت ابوج ؟ حصه: انته وين بتسير ؟ علي: انا كنت ناوي ايي البيت آخذ اوراق واسير بيت ابوج اتغدا هناك .. والعصر شوي اشتغل ع الاوراق حصه: عيل يالله نسير الحين .. آمنة اختيه اتصلت بي كم مرة ... وانا ما رديت عليها علي: تخلينهم يحاتونج .. حليلهم يالله نشي .. في الميلس .. هزاع حاشر الدنيا ع مروان .. ومروان يرمسه وحاط المبايل ع الاسبيكر هزاع: بتشوف والله .. جيه ما قلت لي مروان: شدراني انا روحي اليوم الصبح اشوفه جدامي .. قلت اعوذ بالله عيال فريد حتى فالحلم يطلعون ... عقب شفت ان لا والله هو سعيد بشحمه ولحمه عمران: هههههه حليله فريد هزاع: وليش ما قلتوا لي ايي اتغدا وياكم يوم انكم ما بتون مروان: ياخي وين بترز ويهك ... نحن اخوان نبا نتغدا ويا اخونا سعيد: هههههه حرام عليك مروان .. هزاع: سعيييد اسمع صوتك سعيد: شحالك هزاع هزاع: انا بخير ... بس اخوك يبا يذبحني ... يقهرني في تصرفاته سعيد: ما عاش اللي يقهرك مروان: ادّعي ع اخوك يا سعيييييييد .. هزاع انته تهدم البيوت خليت اخويه يدعي عليه عبدالعزيز: هزاع العصر مروا ورايه بيي بيتكم هزاع: خل اخوك اييبك مروان: انا مب فاضي هزاع: انته اصلا متى كنت فاضي عسب الحين تفضى .. ويالله بصكر عنك ... بسير اتغدا ويا رياييل خواتي مروان: سلم عليهم ... فمان الله ... راشد: فرييييييييييييييييييييد يالله فريد ( يايب الصحون ): صبر صبر مروان: شوف اليوم سعيد هني لازم انته تشتغل بسرعه عبدالعزيز: فرييييييد يوعاااااااااان انا فريد: انته كل يوم تقول تبغي اكل كل يوم عمر: هههههه معروفين عمران و عبدالعزيز .. عمران: انزين نيوع بسرعه مروان: وشحالك يالمعرس سعيد: الحمدلله ... انتوا شحالكم ... وشوه استوى يوم انا محد .. ليكون فاتني شي ! عمر: ما يفوتك غير خبال مروان ... و استهباله ... وساعات راشد راشد: افا والله يا عمر .. هذا وانا اللي حليلي ساعدتك في غياب سعيد عبدالعزيز: ههههههه غياب اونه راشد: عيل شوه يقولون .. اتحفنا ... مروان: بسم الله توكلنا على الله ... عمران: شوه بتذبح لك ذبيحة ... مروان: لا بنحرها عبدالعزيز: ما يظحك ما يظحك مروان: محد قالك اظحك عمر: سموا بالرحمن وكلوا .. وبسكم هالكثر هذره سعيد: سولفوا .. لاني بسير ارقد عقب الغدا عمران: هيه والله يمدحونه الرقاد عقب الغدا راشد: توك ناش بعد ترقد! سعيد: والله ما راقد غير ساعتين راشد: لا انا اقصد عمران عمران: العتب ع الكسل ... راشد: سعيد شوه الجو هناك ؟ سعيد: والله كان روعه ... وايد حلو مروان: خلاص عيل انا وهزاع بنسافر هالسنة ... عمر: وين بتسيرون ان شاء الله راشد: حدهم الهند مروان: بنسير لبنااااااان ... ههههههه والله لو عموه تسمعني الحين .. بتذبحنا ... يوم بشوفها بقول لها بنسير لبنان ههههه سعيد: اووووووه عموه .. ما اتصلت بها ولا رمستها .. عمر: قلت لك الفير بتنسى سعيد: هيه والله عمر: ما عليه ارقد وارتاح وعقب اتصل بها ... سعيد: لا .. بمر عليها ... عقب المغرب او العشا .. بسير لها .. عمر: احسن بعد عبدالعزيز: بيي وياااااااك عمر: لو سمحت عبدالعزيز عبدالعزيز: الله يخليك ما سايرين من زمان .. عمر: بنسير بيت عمي عقب .. عبدالعزيز: شوه نسوي ! عمر: بنسير عند زايد ... تبا تعال ما تبا يلس فالبيت .. بس بيت قوم عموه لا ... ما بوديك ... راشد: عمر بيي وياك انا .. عمران: وانا اتم روحي فالبيت مروان: ليش تخاااااف عمران: لا اخااااااف راشد: من عاشر القوم 18 سنة مروان: حبهم ... وما يقدر يفترق عنهم رملة .. الشيخة رملة ... بالزور وبالغصب فاتحه عينها ... رملة: والله فيه رقااااااااد ام احمد: محد قالج امس تسهرييين رملة: انزين ما ابا غدااااا ام احمد: مب ع كيفج .. امراض الدنيا بتييج .. ناعمه: امس ويا منوه سهرانه ؟ رملة: ويا عيسى ... ناعمه: جذابة صدقيني .. تلقين روحها يلست .. عيسى ما يخصه رملة: انزين شرايج امايه اسير ارقد الحين شويه ... ام احمد: انزين وعقب؟ رملة: وعقب وعوني وبتغدى والله ام احمد: انتي شرايج تتغدين قبل عقب تسيرين ترقدين .. رملة: افففففف ناعمه: ههههه اونه بتقصين ع امايه .. تستاهلين ودخل عيسى .. عيسى: وانا داخل سمعت اسمي .. شوه السالفه ؟ رملة: خيييييبة .. من متى انا قلت اسمك انته توك داخل وسمعته ام احمد: قل اعوذ برب الفلق .. ذكري ربج عيسى: زين تتأدبين .. يعني انتي كنتي تحشين فيه ناعمه: رمله تقول مسهرنها امس ... ههههههه عيسى: اناااااا .. حشى عليه .. جذابه تقص عليكم .. هي روحها سهرانه محد قالها تسهر اصلا رملة: انته كنت حاط فلم عيسى: كنت حاط فلم مب عسب انتي تسهرين انزين ام احمد: انزين بس سكتوا اذكروا الله ... عيسى: وين وين الغدا .. هاي رملة المخرفة سيري رقدي جيه واعية الحين رملة: امايه ما خلتني ارقد ام احمد: قلت لج تغدي وعقب سيري رقدي .. رملة: ان شااااااء الله ام احمد: ناعمه زهبوا السفرة ؟ ناعمه: هيه امايه .. يالله ام احمد : يالله بسم الله ... عيسى يالله ابويه سر تغدا .. رملة نشي رملة: انزيييييين وساروا كلهم بيتغدون .. عيسى: مره ثانية يوم بتسهرين لا تقولين عيسى قال رملة: انته حطيت الفلم عيسى: ما حطيته حقج ام احمد: بس يا اميه .. عيسى اسكت عنها خلها تاكل لها لقمتين .. وفعلاً ... كلت رملة .. مثل ما قالت اسمها .. لقمتين بالضبط .. رملة: الحمدلله .. خلاص كلت اللقمتين ( ونشت من مكانها بسرعه وركظت سايرة فوق ) ام احمد: رملة ... رملة ردي مكااااانج بسرعه ... تعالي ... الله يغربل ابليسج من بنيه ناعمه: ههههههه جيه قلتي لقمتين ام احمد: شدراني فيها .. عيسى: ههههه جان خليتيهن .. 10 ام احمد: تطنز .. انته اللي مسهرنها عيسى: قلت لج والله ما خليت الفلم حقها .. ناعمه: هاي رملة تستهبل عيسى: مره ثانية يوم بتسيرون ترقدون خلوها تسير وياكم .. ناعمه: كانت يالسه ويا احمد ... وآمنة عيسى: انا يوم ييت .. آمنة كانت محد .. و احمد كان توه ناش بيسير ام احمد: جيه ما خليتها هي تسير بعد عيسى: شدراني انا .. انها بتتبلى عليه .. برويها خل مره ثانية ايلس وتيلس ويايه ام احمد: انته روحك لا تسهر عسب هي ما تسهر ناعمه: هههههه عيسى: الله ياخذ عدوج يا رملة ... كل اللي فالبيت ينهزبون بسبتج علي دخل الميلس .. علي: السلام عليكم صالح: هلااااااا بو حسن ... شخبارك ؟ علومك علي: الحمدلله بخير .. انتوا شحالكم شخباركم ؟ احمد: نسأل عنك علي: مبروك ما ياك بو عامر طارق: الله يبارك في حياتك .. علي: شحالك عمي بو هزاع: الحمدلله بخير يوم شفناك علي: اسمح لي والله هزاع: شحالك علي علي: الحمدلله انته شحالك ؟ هزاع: تمام والله بو هزاع: اقرب علي: بسم الله ... احمد: شحالك ويا الدوام طارق: غرييييييييييبة ... احمد يسأل عن الدوام !! احمد: هههه جيه شوه شايفني ؟! هزاع: اول مره تطري الدوام .. بدون ما تطري الاستقاله صالح: لا لا الحين عنده بنيه يأمن مستقبلها ... ههههه علي: ههههه حليلك يا احمد قطعوك احمد: شفت عاد ... بو هزاع: روحك مسوي بعمرك جذه .. احمد: انزين شوه نسوي ... والله تعبنا من الدوامات ... نشة الصبح بس اتّعب الواحد بو هزاع: ولو ما داومت من وين بتكد ع بيتك ؟! طارق: عمي احمد ما يقصد ... هو يتغشمر بو هزاع :يا خوفي من كثر ما تقول بستقيل وبستقيل .. صدق عقب تستقيل صالح: اخاف يفنشونه مب هو يستقيل بروحه احمد: هههههه بس عاد علي: ما خليتوا شي فيه ههههه في صالة بيت بو هزاع ... الخوات .. ويا سالم .. وام هزاع يتغدون .. آمنة: انا اتصل فيج جيه ما تردين ! حصه: مبايلي كان فالحجرة .. وما تفيجت عقب اتصل بج عفرا: مرحباااااا ماما سلامة سلامة (شوي وبتصيح): وايد يصييييح عفرا: امون مساعه سلامة تهددني تقولي لا تسيرين توعين ولديه ... ابا آكل هههههه ام هزاع: من كثر ما تحنون ع هالصغاريه ... والله اخاف يصيبهم شي آمنة: الحمدلله ارقّي بنتي كل ما ايي هني .. اخاف عليها من الحسد شمسة: يالله ... سالم: خالوه سلامة سلامة: هلا حبيبي سالم: طبعا ولدج بيلعب ويايه يوم بيكبر عفرا: طبعا لا سالم: ليش ؟! عفرا: وين يلعب وياك ... ما يكفينا وحشين فالعايلة بعد وحدش ثالث يكون سلامة: جب انتي ولدي مب وحش عفرا: مب وحش !! ... بنشوف ... عودي عمرج ع الدفاشة الله يخليج ... يا خوفي باجر من يسوي شي تصيحين ... شمسة: تدربي مثلي عفرا: ههههه تدربي ع سالم شليه كم يوم بيتكم آمنة: ههههه اتخيل ام هزاع: بس بس الناس يسمون بالرحمن وياكلون .. وهذيل .. الا حاطين ع هالصغاريه من يوم يابوهم آمنة: فديت بنتييي انا ... انا وابوها معلمينها ع الادب ... وان يوم نتغدا هي ترقد سلامة: لا والله ! .. بتج العيوز آمنة: في عينج عيوز سالم: عقب يوم نقوووووول يقولون من وين متعلمين !.... منكم نتعلم شمسة: بس انته اسكت بو هزاع: صدقه الولد .. ما غلط ... عفرا: عاد امايه كله ولا سالم ... ما يصدق يمسك علينا هه حصه: الحمدلله ... نشت حصه .. سارت غسلت ايدها .. ويست فالصاله الثانية ... صاحت بنت آمنة ... آمنة :لاااااااااا سلامة: تستاهلين ... اونه بنتج مؤدبة صح سالم: الحمدلله الذي اطعمنااااااا عفرا: زين والله سالم: خالوووووه عفاري عفرا: شوووووه شمسة: ههههه طلعتي حق ولديه قرووون بس عاد خليه في حاله عفرا: ولدج يظهر لنا نحن كلنا قرووووون ولا يظهر له هو سالم: الحمدلله لاني مب تيس ههاهاهاها شمسة: سااااالم ... الله ياخذ عدوك بس اسكت .. قم سر غسل ايدك ام هزاع: انتن ترمسن جذه جدام الولد .. كيف ما تبونه يرمس شراتكن فالصاله الثانية حصه: جان كملتي غداج .. انا كنت بشلها ... آمنة: لا عادي .. الحمدلله .. ع قولت احمد اونه زين تسوي فيج يوم تاكلين عسب تضعفين حصه: اكثر من جيه بعد ضعف مب حلو ! آمنة: ههه يبا يغايظ ما يعرف شوه يقول ... مره امتني مره اضعفي عاد اللي يقول بعطي سخافاته أي اهمية ! حصه: اها آمنة: بلاج حصه حصه: ما فيني شي .. آمنة: انتي مب ع بعضج اليوم .. و من يومين ما شايفينج .. حصه: آمنة آمنة: هلا حصه: بقولج شي بس الله يخليج ... لا تييبين طاري حق امايه الحين آمنة: شوه فيج حصه ؟ حصه: اول شي اوعديني ما تقولين حق امايه آمنة: ما بقولها ... بس قولي حبيبتيه ... روعتيني عليج حصه: انا قررت اني اسافر ويا علي آمنة ( مستغربه): انزين وشوه فيها ؟ سافري .. غيري جو .. الحين اجازة حصه: بسافر اتعالج آمنة ( فاتحه عيونها ع الاخير): تتعالجين ؟ ليييش ؟ شوه فيج ؟ حصه: ما فيني شي ... بس تحسين انه شي عادي اني بكمل 3 سنوات من عرست وانا للحين ما حملت آمنة ( تنهدت): حصه حبيبتيه .. انتي مب قلتي سرتي انتي وعلي وسويتوا فحوصات حصه: هيه آمنة: ومب قلتي ان ما ظهر شي .. والحمدلله حصه: هيه آمنة: عيل خلاص .. لا تكونين وسواسية .. حصه: أمون انتي وسلامة عرستن عقبي ... واصغر مني .. وما شاء الله الحين كل وحده فيكن عندها ياهل .. وشمسة معرسه بعد قبلي وعندها ولد .. آمنة: ما ادري شقولج والله ... انزين قولي .. علي شوه رايه ؟ حصه: علي يقولي عادي .. ويقولي انا ما خذتج عسب اليهال ... بس انا اعرف في داخله شوه آمنة: استخيري ربج .. وسوي اللي يريحج ... في بيت السفير ... العصر .... بدر يالس في الصاله اللي فوق ... يت هند ... هند: امممم بدر بدر: شوه ؟ هند: شوه تسوي ؟ بدر: ما شي... اطالع فلم .. هند: فلم الحين ! بدر : انتي شوه تشوفين ؟! هند: انزين وسكتت هند .. وسكت بدر .. هند: بدر بدر: شوووه ؟ هند: بتوديني الجامعة بدر ( صد صوبها): أي جامعة ؟ هند: ابا اسير الجامعة بدر: أي جامعة هند: جامعة زايد بدر: وليش ان شاء الله ؟ هند: ابا اشوف ربيعاتي بدر: ومتى بتسيرين ومتى بتردين ؟ هند: ودني الساعه 10 ... و عقب أي وقت متى ما بغيت تعال ورايه ... بدر: لا والله ! هند: الله يخليك بدر: سيري ويا السايق انا مب فاضي هند: بدر بلييييييز ... امايه ما بتخليني اصلا اسير الجامعة ... لا ويا السايق ولا وياك .. ولا ابويه بيخليني ... بدر: عيل جيه تسيرين ؟ هند: قلت لك ابا اشوف ربيعاتي بدر: ربيعاتج خل اييون هني البيت ... محد بيقول شي هند: ما ابا .. انا ابا اسير اشوف الجامعة بعد ... وبعدين وايد بنات هناك ومب كلهن عندي ارقامهن بدر: وكيف بتسيرين هند: اوهوووو بدر قلت لك انته بتوديني بدر: انا اقصد كيف يعني بتسيرين وانا بوديج ... من غير ما تقولين حق امايه ! هند: بقول لها انك تبا تظهرني و عقب انته ودني الجامعة ومر عليه ... بـ جيه بكون ظهرت وياك ورديت وياك بدر: لا والللللللللله ! ... خووووووش خوووووش ... وتبيني انا اتورط ويا بلاويج ! هند: بدر أي بلاوي الله يخليك ؟ ... الا هي الجامعة.. الله يخليك .. بليز بليز بليز بدر .. ودني .. انا ملانه .. والله ملانه .. كارهه عيشتي جذه بدر: قلنا لج هند ( قاطعته ): قلنا لج سيري كندا وسكني عند عمي ... و ادرسي هناك .. وانا قلت لكم ما ابااااا ... والا هي زيارة بسير الجامعة يوم واحد بس ... كم ساعه تنعد ع الاصابع بدر: اشوفج خذتي من طولة لسان غريسه .. مرابعتنها هالايام هند: اولاً اللي ترمس عنها يدتنا ... ثانيا شوه بعد طولة لسان ! ... وثالثا .. انا يالسه ارمس عادي ما قليت ادبي بدر: ويعني الحين انا اوديج ! هند: لو سمحت يعني بدر: انزين يا هندو نوديج ... بس الساعه 9 وتردين البيت 11 هند: بل وايد من وقت بدر: كيفج عاد هند: اوكيه مب مشكلة ... يدوه غريسه : هند .. هندوووووو .. هندو وصمخ تعالي ابوج يزقرج ... بدر: هه! سيري ... يالسه تزقر .. هند: ههههههه بسير اشوفها شوه تبا .. ونزلت هند تحت .. هند: هلا يدوه ... شوه بغيتي ! يدوه غريسه: ما تسمعيني من الصبح ازقرج ! هند: لا والله توني سمعت يدوه غريسه: سيري ابوج يباج هند: ابويه ؟ جيه هو هني ! يدوه غريسه: جيه هو لحق يطلع بعد ! هند: غريبه ابويه فالبيت للحين ! يدوه غريسه: سيري انزين سيري ... وسارت هند صوب حجرة ابوها ... دقت الباب ودخلت .. هند: ممكن ادخل جواهر: تعالي هنّوده بو بدر: مرحبا بهنودتيه والله هند: اهلين بالغالي ... يقولون تزقرني جواهر: تعالي يلسي .. بو بدر: شخبارج ؟ هند: الحمدلله ... جواهر: انا بسير بيلس ويا عمتيه شويه بو بدر: صكي الباب وراج جواهر .. جواهر: ان شاء الله ... وسارت جواهر ... هند: شوه السالفه ؟ بو بدر: هند ما تبين تكملين الجامعة ؟ هند ياها اكتئاب يوم سمعت سؤال ابوها .. الحين بيفتح لها محضر من محاضر اجتماعاته اللي ما تخلص بخصوص الجامعة ... وكندا .. واخوه اللي هو عمها ... وشهادة برع .. وجامعة البلاد ! هند: لا.. انا مرتاحه جذه فالبيت .. بو بدر: ليش حبيبتيه ؟ انتي مجموعج كان وايد ممتاز ... و شاطرة .. ليش ما تكملين ؟ هند: بابا .. انته تعرف رايي فالموضوع .. بو بدر: جامعات البلاد ما بتفيدج هند: كل ربيعاتي يدرسن فالبلاد الا هنتين بو بدر: شفتي هند: شوه شفت ؟ بو بدر: يعني هنتين من ربيعاتج يدرسن برع .. هند: كيفهن بو بدر: عقب قارني بين شهادة اللي درسن هني ... وبين اللي درست برع هند: ما يهمني ... كيفهن .. انا عليه من نفسي بو بدر: انزين .. حبيبتيه هنّوده .. تعرفين بو سعيد ؟ هند: منوه بو سعيد ؟ بو بدر: اللي كان ويانا .. في بلجيكا هند: امممم اللي مره يا ويانا وتعشى ويانا فالمطعم ! .. بو بدر: هيه .. هند: ما اعرفه عدل ... يعني مب شرات بو فهد .. وبو حارب .. بو بدر: المهم تذكرينه هند: هيه اذكره .. شوه فيه ؟ بو بدر: خطبج حق ولده عبيد سكتت هند .. اففف هاي مصيبه ثانية حلّت عليه .. انا ابا افتك الحين من المصايب اللي انا فيها .. بعد هذا وقته ايون ويخطبون ! ... بو بدر: شرايج فيه ؟ هند: راييي في منوه ؟ بو بدر: في عبيد هند: شدراني فيه ! بو بدر: مستحيل ما تذكرينه يوم بدر ركب الخيل يوم آخر مره سافرنا ... هو كان ويا بدر .. وهو ربيع بدر اظن بعد هند: اهااا .. بو بدر: فكري فالموضوع .. وقولي لي .. بس ما ابا اسباب غير مقنعه شرات اللي قبله ... هند: ليش اسبابي ما كانت مقنعه من قبل! بو بدر: لا طبعا .. مب كلها ... هنّوده عمري انتي تردين الرياييل ساعات والاسباب مش مقنعه بالنسبة لي ... بس انا ما ابا اغصبج ع شي .. وعبي ما يتفوت ... بيعيشج مثل ما كنتي عايشه هني واحسن .. ريال ومقتدر .. و بيعيشج في نعيم هند: بدر يدري ! بو بدر: هيه .. ليش ؟ هند: بس جذه .. بو بدر: انزين فكري عدل ... هند ( ابتسمت ) : ان شاء الله ابويه .. نشت هند وظهرت من عند ابوها .. صعدت فوق .. هند: بدر جيه ما قلت لي ؟ بدر: عن ؟ هند: عن عبيد ربيعك ؟ بدر: ابويه قالج ؟ هند: هيه بدر: شوه رايج ؟ هند: رايي في شوه ؟ بدر: فالموضوع طبعاً .. جيه في عندنا بنيه ثانية في هالبيت غيرج ! هند: انته تعرف اني ما بوافق عليه جيه ما قلت له قبل ما اييون ! بدر: شدراني انا ! ... وكيف اقوله اختيه ما تباك قبل ما اييون .. وبعدين تعالي جيه ترفضينه اصلا ومن الاساس ! هند: انا يوم بفكر اطلع من البيت ... بطلع بسير بيت ثاني ارتاح فيه .. بدر: ليش .. انتي مب مرتاحه في بيت ابوج ! هند: أي بيت ابو ؟ اللي في دبي ؟ والا اللي في لبنان ! والا اللي في تركيا ؟ والا اللي في المانيا ؟ حدد بدر: انتي مخرفة والله ! هند: انا بخرف لو طلعت من هني وسرت عند واحد .. بعد يسافر ويسير ويرد .. انا ابا ارتاح استقر مب كل يومين يالله زهبي الشنطة بنسافر ! بدر: لو بنت غيرج بتوافق بدون أي تفكير .. هند: لو بنت غيري .. مب انا بدر: و الله كيفج .. سوي اللي تبينه .. وعندج ابويه سيري ظاربيه مب تيين عندي انا .. لسانج شطوله عليه ! عجيب والله ! ويت امهم ... جواهر: بلاكم ؟ شوه فيكم ؟ بدر: سألي بنتج هند: انا بسير حجرتيه ... و سارت هند ... جواهر: بدر .. شوه فيكم ؟ شوه فيها اختك ؟ بدر: تدرين عن عبيد اكيد جواهر: وشوه فيه عبيد ؟ بدر: بنتج تقول ما اباه .. ويايه تظاربني انا .. والله ما تباه تقول حق ابويه ... ما تروم عليه يايه عندي انا جواهر: وجذه تصارخون ! بدر: هي والله صرخت قبل ! جواهر: انته الاكبر .. انته الاعقل بدر: قولي لها هي هالرمسة .. اكبر لازم تحترم .. انا ساير بطلع ويا ربعي .. فمان الله .. ونش بدر ونزل تحت ... وسارت جواهر صوب حجرة بنتها ... جواهر: هنّود .. شوه فيج اميه ؟ هند: ما فيه شي جواهر: بدر يقول انج تظاربينه ... هند: بدر يوم انا اكون اللي ارمسه اظاربه يوم حد ثاني لا ... عسل ما شاء الله ينقط من ثم اللي يرمسهم جواهر: هند .. شوه هالرمسة البايخه ... اخوج العود هذا هند: اخويه العود ما اختلفنا.. بالعكس .. لازم يحس فيني .. يتقبل مني أي شي .. جواهر: بس مب بهالطريقه يا اميه ترمسينه ... هذو ظهر من البيت الحين .. هند: اتصلي به بتلقينه ويا ربعه يعني وين بيسير جواهر: مب زين يظهر من البيت معصب هند: اميه الله يخليج .. كل شي بدر بدر بدر ... خلاص فكوني من هالبدر .. ( وبدت تصيح ) يعني ما يستوي نقوله كلمة وحده الا وظاربتيني ... ما اقدر افتح ثمي جدام بدر او اقوله شي ؟ جواهر: بلاج تصيحين ؟ ما قلنا شي .. ولا هي اول مره تظاربين فيها ويا بدر ... ولا ان بدر ماسك له خيزرانه ويركظ وراج ... وهو دايما يظحك ويتغشمر وياج !! .. بس انتي شوه فيج اليوم ؟ هند: ما فيني شي .. بس ابا ايلس روحي ... جواهر: حبيبتيه هنّوده بلاج ؟ هند: ما فيني شي .. وسيري اتصلي في بدر شوفيه وينه ؟ و خليني انا روحي نشت جواهر وظهرت من الحجرة .. هند ... اصلا ليش يالسه اصيح ؟ ليش عصبت ع بدر ! .. ما ادري والله ما ادري .. احس بضيج .. احس اني مخنوقة .. حاسه ان كل يوم يمر اخس عن الثاني ... كرهت عيشتي وكرهت العيشه في هالبيت .. ************ |
| الساعة الآن 09:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية