|
هم قصة لا تشترى للكاتبة وردة بلادي
السلام عليكم .. هذه روايةهم قصة لا تشترى للكاتبة المبدعة وردة بلادي ... طلبتها الاخت فهوده 18 **** ||::.. هُــم قِـصّـةٌ لا تـُـشـتـرى ..::|| توقفت عن الكتابة لبـرهة أتأمل في نفسي ومن حولي رأيته ،، يحمل كتاباً في يده ،، رفع رأسه ،، ابتسم أنزلت رأسي لـ أرى ما كتبته رفعته مرة أخرى فوجئت بـ عدم وجوده ولكن ! هنالك شيء قد تُرك مكانه تملّك الفضول نفسي ،، لِمَ ترك الكتاب هناك ؟ لِمَ تركه و رحل ؟ في لحظة ،، وجدت ساقاي تقودانني إلى المكان الذي تُرك فيه الكتاب كان الغلاف أبيضاً صافياً ،، لم يفدني في معرفة محتوى ما بيدي فتحت الكتاب .. فـ وجدت في وسط الكتاب قد كُتِب هُــم قِــصّـةٌ لا تُـشْـتَـرَى التوقيع :: عـُ م ــر سـ ي ـف ************ الجزء الأوّل الساعة 4 العصر .. في بيت نوعاً ما هادي هالوقت حجرة في الزاوية ... انفتح الباب شوي شوي ... مشى .. لين وصل عند الشبرية .. ومغطي ويهه بالورقة ... ورقة تحس انها غليظة ... يعني مش أي ورقة ...... عمر : هيه هيه .. لا تسوي لي هالحركات ... شوه عندك ؟ عبدالعزيز : احم احم عمر : الشهادة ؟ عبدالعزيز: عمّور بسرعة تنسى !! عمر: لا انا للحين اذكر انك امس قلت لي ... اليوم بيعطونكم الشهادات فالمدرسة .. عبدالعزيز : انزين عمر: اشوف ييب .. عبدالعزيز : لا لا .. اول شي البس نظارتك الطبية .. اخاف تشوف الارقام بالجلب عمر: ههههههه لا لا .. لا تخاف ..لابس عدساتي .. عبدالعزيز : هيه .. اذا جذه اوكيه .. عمر: والا يعني مش واثق في قدراتك ... والا مسود ويوهنا ؟؟ عبدالعزيز : افا !! .. انا اسوّد ويهك ؟ جد مره سويتها ؟ عمر: لا .. ابداً ما سويتها .. محشوم محشوم يا بو سعود عبدالعزيز: هاهاهاها .. والحين شرايك ؟ عمر: اصبر .... وتم يدقق فالوقة .. ويتفحصها ... و يمسح ايده .. ويسوي حركات ... عبدالعزيز : عمّور شوه تسوي ؟ عمر: اتأكد ... يمكن ماسح شي ... عبدالعزيز : ايييييييييييه والله جيه شوه شايفني ؟؟ حبيبي انا واثق من نفسي انزين .. ييب ييب.. اخوان ع الفاضي عمر: هههههه مبروك .. بس يعني .. كنت تقدر تييب اكثر .. عبدالعزيز : هيه .. بس صفنا شاطر .. شـ سوي ؟ عمر: يعني اللي يايبين اكثر احسن منك ؟ عبدالعزيز : عمّوووووور والله لا تحط عليه الحين .. روحي مستانس .. يالله ما كنت اتوقع هالترتيب ... قلت الحين وين فاريني انا اما الرابع او الخامس .. يالله زين الثالث بعد .. عمر: انزين .. خلاص .. عبدالعزيز : راضي ؟! عمر ( ابتسم ) : هيه راضي .. عبدالعزيز( عفد ع عمر ) : يا احلى اخووو فالدنيا .. عمر: ههههههه .. انزين قم الحين .. بتذبح اخوك ... عبدالعزيز : يالله انا ساير ... عمر: وين ؟ وين ؟ عبدالعزيز : ابا اسير بيت عمّوه .. عمر: منوه بيوديك ؟ عبدالعزيز : تعال صدق .. اففففففف عمّور الله يخليك قم ودني عمر: عبدالعزيز والله اني تعبان .. توني راد من الدوام عبدالعزيز : دقيقه بس عمر: شوه دقيقته ؟؟ ربع ساعه من هني لـ هناك .. عبدالعزيز : انزين وشوه يعني ؟؟ عمر: سر شوف حد غيري .. عبدالعزيز : سعيد ويا راشد .. وفوقهم مروان تدري بهم ما بيودوني عمر: قول حق مروان ... عمر يقولك ودني .... عبدالعزيز : واذا قال ما بوديك عمر: انته تدري لو قلت له عمر .. بيوديك ... فـ سر .. ولا تضيع الوقت ... عبدالعزيز : انزين انزين .... بسير ... بس اذا ما وداني بتوديني .. عمر: ان شاء الله سر انته الحين ...... ظهر عبدالعزيز ... متجه صوب حجرة مروان وعمران ... طبعاً .. مثل كل مره ... هالوقت .. الصوت يكون في هالحجرة عالي ... بس مش صوت أي شي .. صوت قرآن .... ومنوه اللي يقرا ؟؟ عمران ............. دق الباب .. ودخل .. عبدالعزيز : السلام عليكم ورحمة الله وبركاته مروان: لحظه .. ( ولف صوب عبدالعزيز ) .. شوه ؟ عبدالعزيز: لالا كملوا ... وعقب بقولك شوه ابا ... مروان: يالله عمران آخر الآية ... اقراها ... عمران: ان الله سميع عليم .. مروان: خلاص عمران: ييب مصحفي ... وشوف الاخ شوه يبا ؟ مروان : خذ .... يا اخ شوه تبا ؟ عبدالعزيز: ابا اسير بيت عمّوه مروان: يعني؟ عبدالعزيز: يعني ودني ... مروان: سر شوف حد غيري عبدالعزيز: عمّور يقولك ودني مروان: انا عندي شغل عبدالعزيز: شوه شغله ؟ وانته ساير نزلني مروان: طريجي مب صوب بيت عمّوه عبدالعزيز: مروااااااااااان مروان: افففف .. .شوه تبا ؟ يا ريت لو في حد كبرك هناك ..... ورن مبايله نفس الوقت ... مروان: الو .. هلا والله .. هلا بالغاليه .. هلا بـ حبيبتيه عبدالعزيز: استغفر الله ... شوف عمران يغازل جدامك .. لازم تعلمه يكون شراتك يوم انك مجابلنه 24 ساعه في هالحجرة .. عمران: هههههه دومه يسوي بي هالحركات .. وآخر شي تظهر .. عمّوه مروان: انزيييييييين .. ان شاء الله .. ان شاء الله .. يالله مع السلامه عبدالعزيز: شوه تبا ؟ مروان: سر عمتك عند الباب .. عبدالعزيز: عند الباب شوه تسوي ؟ مروان: سر افتحه .... فريد ما ادري وينه ... عمران: انا بسير افتح الباب .. عبدالعزيز: انا بسير انا .... مروان: سيروا انا بكشخ وبنزل .... نزل عمران ووياه عبدالعزيز تحت .... ظهروا برع .. وفتحوا الباب .... عذيجة: حشى حشى حشى .. شوه هذا انتوا مب اوادم فالبيت .... عبدالعزيز :هلا والله هلا بـ عمتيه حبيبتيه ... عذيجه :داخل داخل سلّم عليه .. ودخلوا داخل .. سار عبدالعزيز صوب عمته وحب راسها ... عمران: شحالج عمّوه عذيجة: الحمدلله .. جيه تخيسوني عند الباب ؟ عبدالعزيز: ما كنّا ندري انج برع عذيجه: عنبوه ما تسمعون الجرس ... ما تسمعون تيلفون البيت يرن .. عبدالعزيز :لا عمران: كنا فوق .. عذيجة: فوق شوه تسوون ؟ عبدالعزيز: مثل كل مره .. كل واحد في حجرته .. عذيجة: وهذا فريدو وين ؟ عمران: ما ادري والله وينه ...... عذيجة: يا الله يا انّ دمي فاير عليه ... مخيسني برع ... ويوم اييكم هني ... مخربط المطبخ فوق تحت .. عبدالعزيز: عاد عمّوه فريد والله زين منه يطبخ وينظف ويسوي كل شي .. بعد يرتب !! عذيجة: هيه والله .. سر سر ييب لي ماي .. عبدالعزيز: ان شااااااااااء الله ... وسار عبدالعزيز .. اييب ماي حق عمته ... وتوهم سعيد .. وراشد نازلين من فوق .. راشد: اونه اونه .. ط منوه ياي .. عذيجة : نزلوا اكسل اثنين .. سعيد: هههه حرام عليج عمّوه شكلج مغلطة عذيجة: هييييييه صدق .. رشّود .. ومروان المعرس هالاثنين ... اكسل اثنين راشد: افاااااااا .. جي تحطين عليه عاد .. عمران: بسير اكمّل حفظي .. عذيجة: سر فديتك سر ... محد ينفع غيرك وغير عمّور في هالبيت .. سعيد: بعد نسيتيني عذيجة: وسعوّد وياكم .. الا مروان و رشّود وعزّوز هالثلاث ما منهم فايده .. راشد: ليش تشوهين صورتيه جدّام الصغاريه ؟ عذيجة : منوه صغاريه ؟ جان ع عمران هو اعقل عنك عمران: ههههه روحك رمست .. محد قالك .. راشد: هالعمه كارهه تشوف رقعة ويهي .. ع الدري .. مروان: منوه ياي ؟ عمران: تستهبل .. مب جنه عمّوه رمستك مروان: هيه بس لزوم الاستعباط .. عمران: انزين انزل سلّم عليها مروان: يمكن ما ابا .. عمران: والله كيفك ..... قم عن دربي بسير احفظ احسن لي مروان: بعد تحفظ شوه ؟ عمران: احفظ اللي سمعتني اياه بعد شوه ؟ مروان: بعد تحفظ ؟ ما تعبت ؟ عمران :قول ما شاء الله مروان: ماشاء الله .. وتبارك الرحمن .. ولا اله الا الله .. والله اكبر .. وسر عني .. وصل عبدالعزيز ... عبدالعزيز: وهذا الماي وصل .. عذيجة: مشكوور فديتك .. نتعب في عرسك راشد: الكبار يالسين .. تقول حق اصغر واحد نتعب في عرسك .! عبدالعزيز: و الله وانته جيه تغار ؟ راشد : ط هذا ... سر زييييين يالقطو عبدالعزيز : تغااااار عيوني احلى من عيونك .. راشد: اسكت اسكت الله يخليك سعيد: ههههههه عزّوز .. وين عمر؟ عبدالعزيز: راقد ... سعيد: اونه ومواعدني بيوديني .. راشد: وين ؟ سعيد: ما يخصك .. عذيجه: يوم اقول في كل شي يدخل ... مروان: مرحبا مرحبا .. حياالله عذّوووج عذيجة: هه .. وصل أصل القلة ادب راشد: ههههههه والله وحطّت عليه .. عسب مره ثانيه ما تشبهيني به .. مروان: شحالج ؟ عذيجه: الحمدلله انته شحالك يالمعرس ؟؟ مروان: بخيير والحمدلله ... هههههه عذيجة: جيه ما تمر صوبنا ؟ مروان: والله مشاغل الدنيا ... عذيجة: ووين ساير ؟ مروان: هزاع ما خبّرج ؟ عذيجه: ما شفته .. مروان: بنسير مواعدين غراشيب عذيجه: سر سر .. الله وياك .. مروان: ههههههههههه اونه عصبت بعد ها .. تعرف تعصّب عذيجه: فكني الله يخليك .. وسر يالله سر .. توكّل .. سر عن غراشيبك .. لا يطيرن منك انته وهزاع .. سر .. مروان: هيه والله .. يالله فمان الله .. سعيد: عبدالعزيز سر وع عمر عبدالعزيز:توه راقد ... عذيجه: انا بسير اوعّيه ... عمر .. 27سنة .. يشتغل في دبي انترنت سيتي .. اكبر اخوانه .. اعتمادهم كله عليه .. كون انه اكبر واحد ... ابوه وامه توفّوا في حادث سيارة ... كان عمر عبدالعزيز سنتين تقريباً .. يعني تحمل المسؤولية وهو صغير ... صغير وايد ...ودّر دراسته .. وسار اشتغل .. وعقب كمل مسائي ... مهتم في اخوانه وما مقصر عليهم في شي ... سعيد .. 24 سنة .. هو الثاني ... بغا يودّر دراسته ويتحمل المسؤولية ويا عمر .. لكن عمر ما وافق ... وقاله تكمل دراستك .. وعقب تشتغل ... وفعلاً .. كمل سعيد دراسته .. والحين يشتغل .. هادي نوعاً ما .. حبّوب .. يحب يسولف ويا اهل البيت .. اما برّع .. مب اجتماعي ذاك الزود .. رغم ان راشد اصغر منه .. لكن يحس انه جريب منه ... يعني لو ما لقى عمر جدامه .. ما يتردد ويسير عند راشد ... ويغض النظر عن كون راشد اصغر منه ... عيونه خضر ... فـ ما يداني حد يعلق عليهن .. او ان يربط جماله كله بعيونه الخضر ... راشد .. 22 سنة .. يدرس فالجامعة .. سوالف وظحك ... لازم اذا يلس في مكان .. يجلبه ظحك .. وخاصة لو كان ويا مروان ... لازم هالاثنين .. يكملون حلقة الكوميديا في هالبيت .... كل شي عنده عادي .. وتيكت ايزي .. ولا تعور راسك .!. مروان .. 20 سنة .. سنة ثانية فالجامعة ... شرات طبع راشد ... و بما ان سعيد ياخذ راي راشد ... مروان ياخذ راي عمران ... هو الثاني ... صح ان عمران اصغر منه .. بس يحس انه اللي يقوله عين الصواب ... مثل ما قلنا طبعه شرات طبع راشد ... لكن مروان ظارب الرقم القياسي فالتعليق .. والتخسيس .. عمران .. 17 سنة .. ثانوية عامة .. مطوع .. مش متشدد.. لكن الصح صح .. والخطأ خطأ .. والحلال حلال .. والحرام حرام .. في بعض الاشيا اللي ع قولته اختلف فيها العلماء .. يتغاضى عنها ... لكن في اشيا .. صريحه .. ونص قرآني او نص الحديث .. يكونون واضحين في تبيان الحكم ... مستحيل يطوفها لأخوانه ... و مروان دوم يعلق عليه ... لكن عمر يوم يكون موجود فـ محد يقدر يقوله شي ... واللي يقول .. يلقى اللي ما يعيبه .... عبدالعزيز .. 11 سنة .. اصغر اخوانه ... اجرب واحد له عمر .. عمر بالنسبه لـ عبدالعزيز .. مش بس اخوه .. اخوه وامه وابوه .. واهله وطوايفه كلهم ... ما يحب يزعله .. ولا يحب يكدر بخاطره .. ويجلب الدنيا فوق تحت اذا حد زعل عمر .. رغم صغر سنه .. الا انه انسان يفهم بسرعه.. يوم توفّوا امه وابوه .. عمته خذته عندها .. وربته .. لين كمل 4 سنوات وشوي بيكمل 5 سنوات ... عمر ما طاع .. الا انه يرد عبدالعزيز .. البيت ... بين اخوانه يتربّى .. وانتقال عبدالعزيز لـ بيته بين اخوانه كان شي سهل لانهم ما ودروه ولا دقيقة ... وخصوصا عمر كان يسير عنده يوميا .. يشوفه ... و عقبها تكفّل به .. خذ اجازة من الدوام .. شهرين .. وعقب هالشهرين كان عبدالعزيز لازم يسير المدرسة .. فـ هني ارتاح عمر .. لانه عبدالعزيز بيسير المدرسة .. يعني ما بيتم فالبيت روحه .. عسب يحس بالملل .. او يشتاق انه يرد بيت عمته .... فـ عسب جذه .. علاقة عبدالعزيز بـ بيت عمته علاقة قوية ... ويعتبر اللي هناك خواته بعد ... خصوصاً عفرا .. عيونه هو الثاني خضرا ... لكن الحساسية اللي عند سعيد هو ما عنده ... مطنّش الكل ... عذيجة ... عمة هالشباب الطيب كلهم .. اسبوعياً .. لازم تمر صوبهم ... ولو انها ساعات ما تيي يوم الاربعا والخميس .. وعبدالعزيز يسير لهم لاااااازم ... الا انها تحاول قدر المستطاع انها تزورهم .. عسب تشوف عيال اخوها شوه محتاجين .. وتسوي لهم ... فريد مطفر بها ... يشتغل في بيت اخوها من يوم عمر كان صغير .. لكن كان بس يوصلهم ساعات .. ويطبخ لهم ... اما عن التنظيف ما يسويه .. لكن يوم توفّى راعي البيت وحرمته .. اضطرّوا يسفرون الخدّامتين .. لان كل اللي فالبيت شباب .. ولا بنيه فالبيت ... و لان الميزانية اللي حطها عمر ما تسمح ... وهو ما يرضى ياخذ أي فلس .. مش من تعبه ..او من تعب ابوه ....... في بيت ثاني .. بيت بو هزاع .. هزاع نزل من فوق .. شاف اخته اللي ع قولتهم ما صدقت تحمل وكل يوم طايحه هني عندهم .. من الصبح لين المسا .. عكس باجي خواته .. والمصيبه يوم يكون نهاية الاسبوع .. لانها تيي يوم الخميس .. وترد يوم الجمعه .. يعني تبات !! هاي تعتبر مصيبه في حق اخوانها .. هزاع + عفرا وغير هذا كله .. الحين بيشرفن .. مس حصه .. والبرنسيسه شمسه .. والكشّيخه آمنه .. باجي الخوات .. لان اليوم الجمعه .. سلامه المبزايه كانت يالسه فالصاله .. هزاع: انتي ما سرتي بيتج ؟؟ سلامه: والله ما يالسه ع جبدك .. انته واختك هزاع: اختيييييييييييييييييييييييه هزاع صرخ .. صرخه .. محترمه .. خلت عفرا اخته ع قولت سلامه .. تنزل بسرعه .. عفرا: بسم الله .. شوه استوى ؟ هزاع: ما شي عفرا: انتي ما سرتي بيتج ؟ سلامه: بلاكم عليه .. انتي وهو .. ما سرتي بيتج وما سرتي بيتج عفرا: متى بتربّين سلامة: ما يخصكم هزاع: شوه ما يخصنا لازم نعرف عسب نشوف متى بتفكّينا ... سلامة: يا ويهك .. عفرا: الحين لو امايه هني بتقول سكتوا عنها .. خلوها .. لا اتعبونها هزاع: خيبه لا اتعبونها مره وحده .. ما ادري جنه قلنا لها تعالي شلينا عفرا: ثر شوف .. يوم الواحد يكون متعود عالدلع .. مشكله هزاع: هيه والله سلامه: يا ربي كيف يغارون .. هزاع: باجر حرمتيه بتي .. فلو سمحتي ما نستحمل يكون في عنصر زياده في بيتنا سلامه: والله البيت .. بيت ابويه .. كيفي بيي أي وقت .. اما انته سر دور لك بيت ثاني .. حقك وحق حرمتك .. هزاع: ط منوه يرمس ... حبيبتيه .. هذا طرّوووووووق اذا ما يعرف يوديج بيته .. والا اذا ما يدله .. ثر عادي نحن فالخدمه بنوديج .. نفرج عليه .. سلامه: اسكت اسكت .. عورت راسي عفرا: ههههههههههه ونفس الوقت .. دخلت البرنسيسه .. شمسه ... ويا ولدها سالم .. شمسه: السلام عليكم .. الكل : وعليكم السلام .. شمسه: شحالج سلاّمي ؟ سلامة: الحمدلله .. انتي شحالج ؟؟ شخبارج ؟ شمسه :انا بخير .. شحالكم يا الربع هزاع: مثل حالج .. شمسه: امون ما وصلت ؟ عفرا: لا شمسه: اونها بتيي من وقت سلامه: امون لين ما تتكشخ .. وتلبس .. و تحط وتشل .. يبالها ساعتين بعد زياده .. هزاع: ما يخصج في اختيه .. خليها تكشخ ع كيفها شمسه ( اطالعت هزاع بنظرة استغراب): اونه .. من وين نزل الحب ؟؟ هزاع: والله اختيه كيفي بحبها ع كيفي .. شمسه: بسم الله .. انزين عن تاكلنا .. ما قلنا شي .. عفّاري شحالج ؟ عفرا: تو الناس .. صباح الخير هزاع: دوم ناسينج عفرا هيه والله شمسة: هههههه يالله عاد انزين ما شفتج يالسه .. عفرا: الحمدلله بخير .. هزاع: سلّوم .. تعال بعطيك اللعبه اللي بغيتني هذاك اليوم اشتريها لك نش سالم ووياه خاله هزاع .. ساروا فوق .. وانفتح باب الصاله .. ودخلت مس .. حصه .. حصه: هاي عفرا: هايين .. وصلت مس حصه حصه: كييييفكوووون شمسة: بخير دامج بخير فديتج حصه: ها سلّوم ؟؟ شحالج ؟ سلامه: الحمدلله عفرا: هيه دام انها هني فالحمدلله .. بتكون في خير ونعمه سلامه: بلاكم انتوا اليوم ؟ شوه فيكم ؟ شمسه: هههههه جيه اول مره يحطون عليج ؟؟ كل مره .. انتي راقده هني ؟ عفرا: عيل وين بترقد .. سلامه: يا الللللللللللله حصه: ههه خيبه عفّاري شوي شوي انزين سلامة: من الصبح هي وهذاك ... كرهوني عيشتيه ونزل هزاع من فوق ... شمسه: لو امايه هني جان زين سوت بكم ... هزاع: اصلاً امايه كله تدافع عنها .. حصه + شمسه + سلامه + عفرا :: هيييييييييييييييييييييييييييييه حصه: مره مره .. شمسه: مب جنك غلطت .. غلطه مطبعيه عفرا: اعتقد انا بعد .... سلامه: الحين بيقول لج سقط سهوا شرات كل مره هزاع: هههههه خييييييييبه كلتنيييييي سلامه: لانك تجذب وايد .. هزاع: يا ويهج انا اخوج العود سلامه: حتى ولو ..اونه تدافع عني كل مره .. ما ادري منوه اللي ماخذ قلبها وروحها وكل شي .. انته واختك ما في غيركم عفرا: بسم الله .. والله كثر ما امايه ادلعج انتي وهزاع محد يدلع في هالبيت هزاع: وكثر ما ابويه يدلع حصوه وعفاري و أمون محد مدلّع شمسه: حليلي انا بنت البطة السوده سلامه: انتي بعد ... ابويه ويا امايه يدلعونج شمسه: والله مب كثركم عفرا : لانج العوده اونه يعني سلامه: لكن هزاع امايه مدلعتنه ع الآخر شمسه: ههههه سلامه قلبج متروس عليه .. الحين طلعي حرتج فيه سلامه: هيه والله .. من امس حاطين عليه وع ريلي .. هزاع: من زينه هالطارق .. ذبحتينا وياه سلامه: احسن منكم .. عالاقل يتصل فيه كل 10 دقايق ويسأل هزاع: انتي يالسه ع جبودنا ومجابلتنا تبينا نتصل فيج ونسأل عن حالج ؟ خبايل نحن .. ووصلت الكشيخه آمنه .. اللي هي الثانيه حامل بعد ..لكن هالشي ما يخليها تخف ع نفسها وما تكشخ .. آمنه: مرحبا هزاع: هلا بالطش والرش .. شمسه: يعني شمعنى امون ترحبون فيها ونحن لا ؟ عفرا: شحالج أمون ؟ آمنة: الحمدلله حبيبتيه .. انتي شحالج ؟ عفرا: تمام التمام هزاع: لان امون فاهمتنا انزيييين .. شحالج آمنه: الحمدلله .. انته شحالك ؟ هزاع: شرات حال ريلج آمنه: ويه فدييييييته حصه: استحي ع ويهج آمنه: اسكتي انزين .. والله انه تعبان ومريض ( وسوت عمرها تصيح) هزاع: بلاه ؟ آمنه: مريض .. فيه حمى هزاع: ليكون ما يا ؟ آمنه: لا .. يا .. يعني منوه بييبني .. هزاع: عيل وينه ؟ آمنه: فالميلس .. هزاع: بسير اشوفه حصه: ريلج تعبان ومتكشخه آمنه: يعني شوه تبيني اسوي ؟؟ حصه: لبسي اسود آمنه: اسكتي انزيييييين .. والله حرام عليج .. جيه توفى بسم الله عليه .. هزاع: ما عليج منهن امون .. يغارن منج الحين .. لانج احلى منهن دوم شمسه : وين امايه ؟ عفرا: يعني وين ؟ سارت بيت عيال اخوها هزاع: الحين مروان بيي صدق ذكرتوني خل استعيل .. بسير اشوف ريل اختيه ( قالها وهو يغايظ خواته ) نش هزاع وسار ع قولته يشوف ريل اخته .. اما عفرا نشت فتحت التلفزيون ... ويلست تبتدل فالقنوات .. لانها تعرف الحين الاخوات بيبدون يرمسون عن الماركات وآخر الموضه .. وهي ما تحب هالسوالف وايد .... وايد .... عايلة بو هزاع .. العوده .. شمسه .. عندها ولد واحد واسمه سالم عمره 7 سنوات ... مس حصه ... معرسه من فترة .. وما عندها عيال .. الكشيخه آمنه .. اللي حامل هي الثانيه .. اقرب وحده حق اخوها واختها عفرا .. يقولون لها كل شي .. يرتاحون يوم يفضفضون لها .. وهي طبعا تعطيهم انسب الحلول .. هزاع ....... ايي عقب شمسه وحصه وآمنة .. الولد الوحيد .... وهو وايد ويا ولد خاله مروان.. طلعاته روحاته ويييّاته كلها ويا مروان .... يحب السوالف .. دوم منكد ع سلامه اخته ... ويسولف ويا عفرا لانها الوحيده اللي وياه فالبيت ... اما لو بغا شي ... او كانت السالفه جد .. وطاح في مصيبة .... يرمس آمنة ... يحس ان هالاخت تفهمه ع طول .... سلامه .. المبزايه .. دلوعه .. وايد .. لانها اصغر وحده معرسه .. وحامل ويا آمنه .. مثل ما قلنا طول ايام الاسبوع في بيت ابوها .. ويوم الخميس تبات هناك وترجع يوم الجمعه .. وبما ان اهلها مدلعينها .. فـ ريلها طارق .. مخلنها ع كفوف الراحه وهو الثاني مدلعنها بزياده بعد !! عفرا .. تدرس في فالجامعه ... هالانسانه تحس ان ع قولتها حقها ضايع .. كل شي عندها ملل ... ما في حد كبرها بالمره فالبيت ... لكن ... رغم هذا كله ... هزاع مسولها جو ... واقرب وحده لها .. غاليه بنت عمها ... واللي يحب يغايظ بها يوم يشوفها ... مروان ولد خالها .. لكن هي ما تتجرأ ترد عليه وايد ... يعني يوم يدق في راسها ترد ... لكن مب دوم ... فـ تلقاها فرصة اطلع حرتها في عبدالعزيز .. اللي هو الثاني ... وايد ويا عفرا ... يلعب ويسّولف وياها ... تحس انه شرات اخوها الصغير ... وهو تقريبا كل اسبوع اييهم .. لو عمته ما سارت لهم ... علاقة بيت بو هزاع ... مب علاقة قوية ويا بيت بو عمر .... صح امهم تستوي عمتهم ... وهم يستوون عيال خالهم ... لكن ما يعرفونهم .... الا فالاعياد والمناسبات .... الا فردين اثنين بس .. من عايلة سيف اللي يعرفونهم .. وشرات اخوهم هزاع ... مروان .. وعبدالعزيز ... هم الاثنين بس اللي يسيرون ويردون عليهم ... عكس الباجين كلهم .... في بيت بو زايد غاليه يالسه في حجرتها .. تخلص البرزنتيشن مالها اللي لازم تعرضه باجر .. عاد كله ولا مذاكرتها .. كله ولا دراستها .. كله ولا جامعتها .... سمعت صوت الباب .. زايد: غاليه غاليه: هلا زايد: شوه تسوين ؟ غاليه: يالسه اشتغل ع البرزنتيشن زايد: هدي هذا انتي الحين ... غاليه: شوه تبا ؟ زايد: اباج تيين ويايه غاليه: وين ؟ زايد: تعالي ويايه فالصاله .. عندي حسابات وجمع وطرح وقسمه ورياضيات غاليه: يعني ضروري الحين ؟ زايد: هيه هيه ... ابا اخلص الاوراق واوديهم البنك .. غاليه: زايد .. انزين ازقر ثاني .. زايد: ثاني تعرفينه .. يخرب كل شي.. غاليه: لا ما بيخرب .. لو تهدده ما بيخرب .. زايد: انتي متى بتخلصين ؟ غاليه: امممم .. انزين شويه بخلص آخر سلايد ع السريع .. وبنزل وياك .. زايد: خلاص ما لنا غير ثاني .. نعتمد عليه لين انتي تخلصين .. ظهر زايد من حجرة غاليه ... ورد من وين ما يا ....... دخل حجرة ثانية .... شاف الحبيب يالس ع النت .. زايد: ثاني ثاني: شوه ؟ زايد: تعال اباك شويه ثاني: شوه تبا ؟ زايد: اباااااك ثاني: شوه تبا فيني؟ زايد: تعال ساعدني فالحساب لاني لازم عقب ساعتين بالكثير او ثلاث ساعات اسير البنك ثاني : سر عند غاليه زايد: لو غاليه كانت فاضيه جان ما ييت صوبك اصلاً .. لكن غاليه عندها برزنتيشن ولازم تخلصه .. والا انا ما بييك انته اللي ما تنفع ثاني ( عفس ويهه ): يعني لازم الحين ؟ زايد: انته شوه يالس تسوي ؟ ثاني: ما شي .. زايد: ادري ما عندك غير هالمنتديات ... والمسن .. ثاني: لازم لازم يا اخي .. نتواصل ويا العالم الخارجي ... لازم يكون في اتصال حضاري .. نحتك بـ حضارتهم ويحتكون بـ حضارتنا .. نعلمهم ويعلمونا زايد: امحق حضارة وامحق تعليم تتعلمه منهم .. ثاني: هاهاها .. بلاك عصّبت يا اخي زايد: ولا شي ... قم بس قم .. ثاني: انزيييييين .. انته انزل بلحقك زايد: بتلحقني عقب متى ؟ ثاني: والله .. بس اخلّي لاب توبي الحبيب ع الـ Sleep واييك طيران .. زايد: اترياك تحت .... ثاني: ان شااااااء الله ... نزل زايد .. تحت ... وبدا بالحساب ... روحه .. لين ما ايي ثاني .... لانه الاوراق لازم يوديها البنك اليوم .. مثل ما ذكر .... زايد .. اكبر ولد فالبيت ... يشتغل في المطار .. اعتماد ابوه الكلّي عليه .. لان ثاني اخوه الصغير وع قولتهم ما ينفع .. او يسوي الشغله بـ الذل.. عمره 27 سنة .. وقت الجد جد ... ووقت المزح مزح عنده .... ثاني .. 22 سنة .. حياته كمبيوتر .. لاب توب ... انترنت .. قولوا له هندسة .. وايرات .. Cd .. برامج .. مواقع .. بس كل هذا عالكمبيوتر بيسويه وهو مغمض ... اما شي ثاني .. لا تزقرونه لانه ما بيعبّر !! وهذا كله صوب .. ولاب توبه صوب .. لو اخترب شي واحد فيه .. والا لو صاب لاب توبه شي .. او علّق .. يجلب الدنيا فوق راس اللي فالبيت .. يعني يوم يكون معصب .. اعرفوا ان لاب توبه مريض .. وساعات لو كان مودنه ينزلون فيه شي يديد .. والا شي .. يكون مزاجي .. وييلس وياك .. ويسولف .. طبيعي .. لان حبيب قلبه " اللاب توب " فارنه فالمحل .. لزوم الترتيب ... بس عقب يوم يرده البيت .. ما تشوف رقعة ويهه غاليه .. بنت وسط ولدين .. مخبلين بها ... كله ولا دراستها ... كله ولا مذاكرتها .. كله ولا جامعتها مثل ما ذكرنا .. اهم شي عندها كيف تنجح بتقدير امتياز .... قريبة من عفرا بنت عمتها .. تحس انها شرات اختها .... والبيت الوحيد اللي تسير له ومن دون أي مناسبه حتى .. بيت عمها بو هزاع .. وبنات عمها معتبرتنهن خواتها .... وخلوا في بالكم عدل هالمعلومة ... غاليه انسانة خجولة جدا جدا جدا جدا .....إلخ = ) نزل ثاني من فوق .... شاف زايد .. غرقان بالحسابات .... ثاني: شوي شوي ... عالآلة .. كسرتها زايد: تعال انته تعال ثاني: شوه ؟ زايد: شوف هالاوراق ... راجعهن ثاني: خيييييبه .. كل هالاوراق؟ زايد: هيه ثاني: زايد .. وايد هذيل زايد: مب وايد ثاني: انزين .... وعقب؟ زايد: بس خلاص ... ثاني: بس اراجعهن وخلاص! زايد: اوهووووو .. ثاني وبعدين وياك ؟! اشتغل وانته ساكت .. ثاني: خلاص خلاص .. بسكت .... ونزلت غاليه نفس الوقت .. غاليه : ها ... بشروا .. خلصتوا ؟ ثاني: هييييييه خلصنا .. تو الناس جيه يايه ؟ غاليه: والله صدق ؟! زايد: عن الاستعباط ... لا ما خلصنا ثاني: خلاص .. غاليه يت .. انا بسير هي بتسوي بدالي زايد: ماااا شي ... غاليه يت .. تتقاسم انته وياها الاوراق .. ثاني: تعالي تعالي .. غاليه: شوه ؟ ثاني ( اونه قسم الاوراق ): راجعي هالحسابات ... غاليه: يالله عاد ..... عطيتني كل الاوراق ... وانته الا بس ورقتين ثاني: وين ورقتين ؟ غاليه: بما معنى ... يعني اقل عني بـ وايد زايد: لا اله الا الله .!. انتوا الحين بتذلوني لانكم تساعدوني غاليه: والله مب انا .. بس شوفه يعني هو خذ اقل بـ وايد عني .. عطاني تقريباً كل الاوراق ثاني: راجعي وانتي ساكته زايد: خليه ....... انتي راجعي هالاوراق .. وبس ... اما انته خلص هالشغل وعقب بتشوف ثاني: والله انا عندي شغل عقب .. زايد: انزين ... انزين .. شغل النت ... ثاني: وحبيب ألبي زايد: يعله ثاني ( قطع عليه): والله ان دعيت ع لاب توبي ... لأفر الاوراق هاي الحين ... واسير .. ولا تشوفون رقعة ويهي اليوم بـ طوله ... غاليه : خيبه .. ولا اذا حرمتك هاي ... بتسوي هذا كله ... ثاني: كيفي عاد انا .. حرمتي والا لاب توبي زايد: انزين انزين .. اسكت .. في بيت الشباب ... عبدالعزيز : انزين انا ابا راشد: الحين حق شوه ؟ عبدالعزيز: شوه بعد حق شوه ؟؟ .. ابا ألعب .. راشد: قول حق عمور عقب .. عذيجة: شوه بغيت ؟ بخلي هزاع يسير يشتري لك أياه عبدالعزيز: ما ابا خلاص .. راشد: زعل ! عبدالعزيز: ما زعلت ... راشد: شوه تبا انزين قول ... عبدالعزيز: ولا شي .. عمران: يبا PSP راشد: والله وانا قلت شي الحين .. عندك بلاي ستيشن ... ون وتو .. وما ادري شوه .. عبدالعزيز: انزين خلاص .. قلت لك ما ابا .... ونش من مكانه عذيجة: وين ساير؟ عبدالعزيز: بسير الحجرة .. شويه ... وركظ سار .... راشد: عموه عذيجة: شوه بغيت؟ راشد: الله يخليج .. طلبتج ... عذيجه :شوه .. راشد: انزين قولي تم .. عذيجه : لا ما اقول تم .. انته ومروانو الثاني .. تطلبون طلبات صعبة .. عمران: هاااا .. كله ولا عمتيه تلعوزونها بطلباتكم راشد: لو سمحت ... الرجاء عدم التدخل عذيجة: حشى .. بلاك انته اليوم ؟ راشد: ما شي عذيجه :ماكل كل اللي فالبيت بـ قشورهم ! ونفس الوقت .. دخل سعيد .. ووياه عمر .. راشد: شرفوا ... عذيجة: يالله نحط العشا ... راشد: هيييييييه والله .. كنت بطلب منج هالطلب .. عمران: ههههه ما همه .. غير بطنه سعيد: هيه والله انا بعد يوعان عذيجة: سيروا انزين .. غسلوا ايدكم .. لين ازهب السماط .... وزقروا عبدالعزيز .. عمر: وينه ؟ عمران: فوق .. سعيد: غريبة ما يالس وياكم ... عمران: راشد زعله ... وسار فوق ... راشد: انا ما يخصني .. ما قلت له شي .... عمر صعد ع طول فوق ... وسار صوب حجرته وحجرة عبدالعزيز ... دخل .... عبدالعزيز: هلا بالطيب الغالي .. عمر( ارتسمت ع ويهه ابتسامة): اهلين .. عبدالعزيز: خلصتوا شغلكم ؟ عمر: خل شغلنا ع صوب ... انته ليش يالس هني روحك ؟ عبدالعزيز: ما شي .. عمر: عبدالعزيز .. مب عليه .. عبدالعزيز: بلاك ما فيه شي .. عمر: شوه قالك راشد ؟ عبدالعزيز : راشد؟ شوه قالي؟ ما قالي شي ... عادي يالسين من الصبح تحت .. عمر: عبدالعزيييييييييييز عبدالعزيز: شوووووه عمر: تجذب عليه ... ووصل عمران ... عمران: عموه تقولكم نزلوا ... زهبت السماط عمر: نازلين .. ( وصد صوب عبدالعزيز) ما بتقول ؟ عبدالعزيز: شوه اقول؟ عمران: انا بقولك ... قال يبا PSP وراشد .. قاله عندك وايد اشيا غير الـ PSP هذا عبدالعزيز: ما ابااااااا عمران: يالله عاد عزوز .. ما كان يقصد عبدالعزيز: والله عادي عندي .. ولا زعلت .. بلاكم انتوا .. قوموا قوموا .. انا يوعان بسير اتعشى نزل عبدالعزيز تحت .. قبل عمر .. وعمران ... عمران: وانته ما تبا عشا ؟ عمر ( تنهد): بلى ... الحين بنزل وياك... عمران: تفضل عمر: شكرا ً *********** |
الجزء الثّاني مثل كل يوم الصبح ...... كـ العادة .... مروان متأخر ... فالصاله .. عمر + سعيد + راشد + عمران ... وتوه عبدالعزيز نازل .. عبدالعزيز: صباح الخير .. تأخرت ! عمر ( ابتسم ) : صباح النور .. تعال .. عبدالعزيز: الحمدلله مروان بعده ما نزل عمران: مب شي يديد .. دومه مروان آخر واحد ... سعيد: خيبه مب رقاد ... راشد: بسير ازقره .. ونش راشد بيزقر مروان .. ركب الدري من وصل فوق .. الا مروان توه ظاهر من الحجرة .. راشد: صباح الخير .. مروان: صباح الورد .. والياسمين .. والجوري .. والاحساس المرهف .. والشعور الراقي راشد: ايه ايه .. شوه مدوّخ انته للحين ؟ مروان: لا ... انا اصحى منك راشد: باين ! مروان: شوه كلهم نزلوا؟ راشد: تستهبل .. مروان: لا استعبط .. قم راشد: دومك متأخر ! مروان: خليت الشطارة .. حقكم .. ناموا بكير واصحوا بكير وشوفوا الصحة كيف بتصير راشد ( حب ايده ورا وجدام): الحمدلله والشكر مروان: على ان عندكم اخو شراتي ... هاهاها ونزلوا هم الاثنين ..... مروان ( سحب الكرسي ) :تفضلوا تفضلوا .. كلوا .. تريقوا ... تتريوني ؟؟ انزين ليش؟ عبدالعزيز: وايد لا تصدق عمرك .. عمران: ههههههه نحن تونا نازلين كلنا .. مروان: انزين جاملوني سعيد: الله يخليك .. استاذ مروان .. مره ثانية .. كون اسرع من جذه عمر: دومك متأخر .. ولين ما تخلص ريوقك .. عمران حصته الاولى تكون باديه مروان: اللي يقول .. عمران وااااااااايد مهتم بالدراسه عمران: هيه عيل شوه ... مهتم انا .. مروان: باااااين ... الله يخليك .. زين يوم قاموا يحذفون دروس الجهاد .. عمر: مرواااااااان مروان: اوه نسيت .. انتوا تخافون من الكاميرات اللي فالبيت ...... سعيد: أي كاميرات ؟ مروان: ما ادري .. دومكم تسكتونا يوم نرمس في هالامور .. ما ادري شاكّين ان عمران متورط في احداث سبتمبر .. عمران :هاهاها ما يظحك ..انزين ... عمر: مروان وبعدين وياك .. راشد: يالله مع السلامه .. نشوفكم .. الساعه 3 .. ونش راشد بيسير .. انفتح باب الصالة ... مروان: فرييييييييييد محد فاهمني غير فريد فريد: انته كله متأخر ... دوووووم متأخر مروان: مالت عليك .. انته بعد قمت تعايرني متأخر ومتأخر .. فريد: هيه انته وايد وايد وايد ترقد مروان: ما يخصك .. اللي يقول ابوك شاري لي الشبريه .. والا ساكن في شقة ايجار ويدفع ايجارها ! سعيد: ههههههه فريد شحالك اليوم فريد: الحمدلله ... عبدالعزيز: يالله عمّور ... قم وصلني عمر: يالله نسير .. فريد لا تنسى اليوم عموه بطرش الغدا .. مروان: ياك الموت يا تارك الصلاة ... تستاهل يا فريدو .. تحط عليه ها ..انزين .. جان ما يت العمه وأدّبتك .. فريد: ما في مشكلة .. مروان: هاللي بيطلعني عن طوري .. يحط عليه .. ويوم احط عليه يرد عليه بكل برود سعيد: هههههه شوه يخصك فيه ؟ عمر: مروان .. قم قم وصل عمران عمران: هيه والله ..قم .. بتاخر ع الحصة الأولى مروان: قم .. سد نفسي هالفريد ع الصبح .. عمر: الحين .. بتسير وبتاكل ويا هزاع فالجامعه ... وبتتريق وياه .. وكلاسك مب هالوقت ... فلا اتم تحط ع الريال حليله .. وتقول ان سد نفسك عبدالعزيز: صادوووووه عمران: جكّوووووه .. قم قم يا اخي .. هههههه .. ما شفت فـ حياتي انسان ينهزب هالكثر ع الصبح شراتك .. في بيت بو هزاع ... عفرا يالسه فالصاله ... ظهرت سلامة من حجرتها اللي ترقد فيها عقب ما انتقلت بيت ابوها .. سلامة: عفّاري ؟! عفرا: شوه ؟ سلامة: ما سرتي الجامعة للحين ؟ عفرا: الدريول محد سلامة: وين سار ؟ عفرا: أمّون اتصلت وقالت ان ريلها تعبان .. وما عندها حد يوديها المستشفى .. سلامة:اونه ! عفرا: والله .. عقب امايه خذته وسارت .. نشيت الصبح ما لقيتهم .. اتصلت بـ امايه وقالت لي جذه.. سلامة: انزين .. وهزاع وين ؟ عفرا: فوق .. سلامة: سيري وياه .. عفرا: هزاع ما ادري متى دوامه .. ومستحيل ينش الحين .. ويوديني سلامة: يعني ما بتسيرين ؟ عفرا: والله ما ادري شسوي ! سلامة: بتصل في طارق ايي يوديج عفرا: هييييييه خبله انا ..اركب ويا طارق .. سلامة: ايه بلاج مينونة .. بتصل به .. بقوله ايي يويدج وانا بيي وياج .. عفرا: وعقب؟ سلامة: عقب يردني البيت عفرا: خييييييييبه .. تييبين الريال من ما ادري وين .. وتوصلوني الجامعة ويردج هني وعقب يسير دوامه .. لا والله ما سويتها .. خلاص مب لازم اسير اليوم سلامة: ط هااي .. ! وتوه هزاع نازل من فوق .. سلامة: هذو شرّف .. هزاع: اف اف اف ... الناس يسمعون اصوات كناري ع الصبح .. وانا اسمع صوت ........ عفرا: هههههههههههه حلوة حلوة سلامة: حلوة في عينج انتي وياه .. هزاع: ط هاااااااي .. ايه انتي .. ليكون نسيتي عمرج ... ثرني اكبر منج .. عفرا: ويه ويه ويه .. عصب عصب .. هزاع: كوني خوش حرمه في بيت ابويه سلامة: انزين انزين .. لا تتفلسف وايد .. هزاع: بلاكن انزين .. رقية وسبيجة ع الصبح مجابلات بعض ! سلامة: سر ود اختك جامعتها هزاع: نعم ؟؟ اظن عندنا سايق وخدامة كل يوم يودونها واييبونها .. جيه عاد هالمرة ؟ عفرا: امايه شلت السايق وسارت هزاع: وين سارت ع الصبح ؟ عفرا: سارت تودي آمنة المستشفى هزاع: أمون بلاها ؟ عفرا: ريلها تعبان وايد .. وقالت ما عندها حد يوديها المستشفى .. وهو ما يقدر يسوق .. هزاع: اونه ! سلامة: شوه يعني نتبلى ع اختنا هزاع: عيل بسير المستشفى عفرا: اييييه انا اقولك ودني الجامعة وانته تقول .. بتسير عند امون ؟ هزاع: نشي انزين ... قومي .. بوصلج وعقب بسير المستشفى .. ويسمعون صوت هرن برع ... هزاع: يالله بسرعه مروان وصل .. عفرا ( منصدمه ) : مروان بيوديك ؟ هزاع: هيه .. هو قالي بيمر عليه .. وبنسير الجامعة رباعه عفرا: لا خلاص عيل .. سر .. مب لازم اداوم سلامة: قومي قومي سيري الجامعة .. قومي بلا دلع ... عفرا: اووه مب متفيجه حق مروان ع الصبح هزاع: هو اللي مب متفيج .. صباح الله خير .. يتناقر وياج .. عفرا: خلاص ما بسير قلت هزاع: نشي نشي .. ما عندنا بنات ييلسن فالبيت .. ويهدن الجامعه سلامة: ههههههه قومي قومي الله يخليج .. سيري وياه .. عفرا: اوهوووووو .. انزين .. ظهرت عفرا ويا هزاع اخوها .... وهزاع سبقها ... وسار ركب السيارة .... مروان: لازم تأخرنا يعني ! هزاع: اسكت اسكت ... اللي يقول دوامنا الحين بيبدا .... باجي 3 ساعات .. عفرا ( ركبت) : السلام عليكم .. مروان: اوه ام الدويس عفرا .... هاللي مب متفيج ع الصبح اونه يتناقر ... وصبح بـ ويهي بـ أم الدويس ... حرمتك ام الدويس وامها انزين ..... مالت .. مروان:شوه يايبنها هاي ؟ هزاع: الدريول .. ساير ويا امايه .. مروان: وين ؟ هزاع: انته شوه يخصك ؟ مروان: اوه عمتيه .. لازم اعرف وين تسير وين ترد هزاع: ط هذااااا مروان: ههههه اسكت اسكت .. ما ابا اسمع صوتك ... بلاج ام الدويس هاديه اليوم ؟ عفرا: شوه تبا مروان ( يقلدها): شوه تبا ,,,,, سكتي سكتي .. صوتج النشاز اخترق طبلة اذني وطرها .. عفرا: شكراً مروان: عفواً ... هزاع: مروان يالله وصلها الجامعه .. مروان: هيه دريول يدكم انا ... هزاع: الحين شوه ياب طاري اليد .. اللي ما ادري من متى مودّع الدنيا وانا ما شايفنه بعد مروان: هاهاها .. حلوة .. عفرا: ممكن توصلوني الجامعة .. بسرعه مروان: اونه تشرط بعد ! عفرا: انتوا شوه يعني بتوصلوني الجامعة بالذل ... مروان ( لف ورا) : هذا كم ( ويأشر بايده ) هزاع: شوه تستهبل عليها مروان: اختك تشوف عدل ؟ عفرا: ليش شوه شايفني ؟ مروان: شايفنج بقرة .. ما تشوفين .. عفرا: شوووووووووووه مروان: قابضتني من الصبح .. وصلوني ... ووصلوني وبتوصلوني .. جيه كم واحد يسوق ؟ والا شوه قالوا لج عني ؟ عفرا ( بصوت واطي) : مالتـ ! هزاع: مروان .. يالله سوق .. والا الحين نزلني .. بسير بـ سيارتيه مروان: انزين انزين .. اف يايبين ام الدويس اليوم غربلتنا ... فالطرف الثاني ..... سعيد توه واصل الدوام ... انترنت سيتي .. وعاد المكان .. عود .. ولين ما يوصل مكتبه ... ستميت الف شخص لازم يسلم عليهم كلهم .. سعيد: هلا .. شحالك ؟ ........... اف ما بغينا نوصل ورن مبايله .. سعيد: الو .. هلا راشد .. راشد: توك واصل ؟ سعيد: هيه .. راشد: انا ياي صوبكم سعيد: شوه تبا هني ؟ راشد: ياي اسلم ! سعيد: لا والله ! راشد: ههههههه .. ياي بس جيه .. زيارة سعيد: وجامعتك ! راشد: كل الاساتذة .. محد ... باقي بس كلاس واحد ... الساعه 1 بيبدأ لين 2 .. ما بحضر هالساعة ... سعيد: راشد .. لا اتم تلعب .. ما باجي شي وبتتخرج .. راشد: ما العب والله ما العب .. لكن ما عندي شغل .. و ما ابا ارد البيت .. ما في حد سعيد: خلاص انزين .. تعال راشد: خلاص .. انا وصلت سعيد: احلف عاد ! راشد: هههههه اقص عليك .. مسافة الطريج .. 5 دقايق واكون عندك سعيد:حيّاك .. راشد: عمّور عندك ؟ لاني مب متفيج يعطيني محاظرة .. جدام خلق الله سعيد: ههههههههه لا لا مب عندي .. بس بوديك عنده بسوي له مفاجأه راشد: احلى مفاجأه ههههههه يفرني من الدريشه سعيد: يالله انزين تعال .. وببند عنك .. اخلص شويه شغلي .. في مكان ثاني ... عمر كان يعابل ملفاته وشغله والكمبيوتر اللي جدامه ......... رن مبايله ... عمر: الو .. هلا محمد احمد: انته وين ؟ عمر: في المكتب .. احمد: تعال صوبي شويه عمر: شوه تبا ؟ احمد: تعال بنسير نتريق وبنرد عمر: ما ابا .. توني متريٌّق احمد: يالله عاد عمر ... عمر: بفكر فالموضوع ... احمد: انته ما تمل من الشغل ... عمر: هههههههه ياخي تونا يايين الدوام .. ما لحقت أمل احمد: انته لو طول عمرك تكرف عادي عندك عمر: الله اكبر عليك ... احمد: الحين شوه ؟ عمر: دقيقه وياينك ... احمد: ايوااااااااا .. جيه انته اوكيه عمر: لحظه لحظه .. تعال انته الحين مشتط ومتصل فيني .. جيه انته ما ييت عندي المكتب احمد: انا اكبر منك .. وما بييك .. يالله بسرعه تعاااااااااااال عمر: يا ويهك هههههههه احمد: قلت لك اكبر منك عمر: قم زييين هههههههه احمد : تعال تعال قولي سوالف عزوز اخوك عمر: جيه شوه تحيد اخويه ؟ احمد: ايهييييي .. ما احيده شي بس انته تعال عمر: انزين يالله مع السلامه بند عمر عن احمد ......... و نش من مكانه بيسير صوبه ..... حط الملفات ع صوب .. و ظهر من مكتبه .. وطلع يمشي ساير صوب ربيعه ..... في المستشفى ... قسم الرجال ... آمنة يالسه فـ صوب وامها فـ صوب ... وريلها رقدوه ..... ام هزاع: ما يندرى ... عفرا نشت وسارت الجامعه والا آمنة: تعالي صدق .. عفاري منوه بيوديها انتي خذتي السايق وييتيني .. ام هزاع: قلت خل تسير ويا هزاع .. يوصلها آمنة: الحين تلقين اظاربوا وادافنوا ام هزاع: عادي يسويها هزاع ويا عفاري .. وسلامة حليلها هناك تصدّع منهم آمنة: هههه بتنش لهم عاد .. بتظهر من حجرتها ام هزاع: هي اصلاً تنش من وقت .. تتريق ويايه آمنة: هيه زين بعد ....... ام هزاع: لان ريلها يخطف علينا الصبح .. يسلم ويسير دوامه آمنة: اونه .. متفيج .. اكيد سلامه شارطه عليه ام هزاع: وين حليله .. الا هو يحاتيها .. واونه يتوله عليها .. آمنة: هههههه صدق انها قاصه عليه أم هزاع: يالله عيل .. انا برد البيت الحين .. آمنة: السايق موجود ؟ ام هزاع: هيه برع وقفته .. قلت له يترياني آمنة: خلاص .. عيل .. ام هزاع: لان سلامه روحها فالبيت .. بسير اشوفها بعد .. احمد: آمنة آمنة: هلا .. احمد: سيري ويا امج البيت .. آمنة: وين اسير ؟ احمد: يلستج ما منها فايدة .. سيري آمنة: لا ما بسير ام هزاع: صدقه الريال .. يالسه هني ع الفاضي .. قومي نرد البيت .. ريحي شويه .. عقب ردّي العصر آمنة: ما ابا .. احمد: والله يلستج هني اتعبج ... آمنة: لا عادي .. انا مرتاحه ... ام هزاع: عنيده .. احمد: توج تدرين عمتيه .. بناتج كلهن عنيدات ... ونفس الوقت سمعوا صوت الباب .. مروان: هود هود هزاع: وين داخل ميلس ؟ مروان: اختك مب هني ؟ هزاع: اوه نسيت ... ام هزاع: وييييييه .. عيل عفاري ما سارت الجامعه اليوم مروان: اففففففف .. عمّوه .. يايين تونا لا تييبين طاري بنتج هاي ... عالصبح هزاع: هلاااا بو شهاب .... احمد: اهلين .. هزاع: شوه صحتك ؟؟ شوه اخبارك ؟ احمد: الحمدلله ... بخير مروان: شحالك احمد .. شخبارك ؟ احمد: الحمدلله تمام .. انتوا شحالكم ؟ مروان: الحمدلله .. يسرك حالنا هزاع: شوه ياك ؟؟ احمد: والله ما شي .. حمى وان شاء الله تروح .. هزاع: ان شاء الله .. ام هزاع: انتوا قولوا .. هزاع وصلت عفرا الجامعه ؟ مروان: لا اله الا الله .. جنه الا بنتها بتييب .. الدكتوراه والماجستير وما ادري شوه .. آمنة: ههههه هيه شطّار نحن مروان: اوه شحالج آمنة ... آمنة: الحمدلله .. انته شحالك ؟؟ وشحال اخوانك ؟ مروان: الحمدلله آمنة: و شحال عبدالعزيز .. من زمان مب شايفتنه .. ولا خطف صوب بيت ابويه يوم نحن هناك مروان: والله الحين يتغلّى ع عمر اونه عاد نجح .. وطلع الثاني ما ادري الثالث ..مالت عليه ام هزاع: مالت عليك انته مروان: افا .. احمد: ههههههههه حطت عليك .. ام هزاع: جيه يقول عن ولديه مالت عليه مروان: يعني عزوز ولدج .. وانا ؟ ام هزاع: كلكم عيالي .. بس عزوز غير .. هزاع: يعني ما ترضين عليه .. ام هزاع: اكيد ... هزاع: يعني شراتي ام هزاع :لا طبعا مروان: ههههه تستاااااااااهل .. والله تستااااااااهل ام هزاع: انتوا الحين بتقولون والا كيف؟ هزاع : شوه نقول ؟ ام هزاع: عفرا وديتوها الجامعه ؟ مروان :هيه وديناااها ودينااااااهااااا .. بس فكينا من صدعة بنتج .. لا يوم هي موجوده انا مرتاح.. ولا يوم هي محد .................. احمد: الله يعينك على ما بلاك مروان: هيه والله .. الله بلاني ببنت عمه .. ولاااااااااااااا كل بنات العمّات هزاع: اقولك انته شوه تخربط مروان: شدراني .. عاد انته طوفها ...... احمد: ههههه .. والله متفيجين .. مروان: يالله هزاع نسير .. هزاع: يالله ... ما تشوف شر يا بو شهاب احمد: الشر ما اييك مشكورين ع الييّه والله مروان: افا ... ثر كله ولا آمنة تزعل علينا عقب .. والا انته بعد تزعل علينا .. عقب ولدكم يطلع مبوّز .. احمد: ههههه لا ما بيطلع مبوّز ... تسلم والله مروان: الله يسلمك .. هزاع: يالله فمان الله ... فالجامعة .... عفرا ويا غاليه يالسات فالكافتيريا ... غالية: انتي اليوم جيه تأخرتي عفرا: سكتييييييي .. نزلت تحت اوني بيي الجامعة من وقت .. مثل ما اتفقنا .. غاليه: انزين عفرا: امايه شالّه السايق وظاهره .. غاليه: عموه جيه شالّه السايق ؟؟ وين طالعه من صباح الله خير عفرا: امون اتصلت وريلها تعبان وما ادري شوه .. وساروا يودونه المستشفى .. غاليه: حليييلها امون ... عفرا: والله منها .. امس كانت في بيتنا .. وريلها تعبان كان .. حتى تم راقد من اول ما يا فالميلس لين ما قالت يالله نرد البيت .... غاليه: وجيه انزين ما باتت عندكم يوم السالفه جذه عفرا: قالت لها امايه ... بس تدرين بـ امون ما تحب وما ادري شوه يوم ريلها موجود .. وتقول في بيتي وتاخذ راحتها هناك اكثر .. وحركات وسوالف غاليه: تصدقين عاد .. متولهه ع خواتج والله ... من فترة ما شايفتنهن .. متى بييون عندكم ؟ عفرا: سلامه في بيتنا طبعاً .. امون يمكن تشل اغراضها تيي بيتنا .. وشمّوس وحصوه.. والله يمكن اليوم اييّن لان امون وسلامه هني .. فلازم يكملن الشلة .. غاليه: بشوف ان شاء الله .. عقب العصر امركم عفرا: وليش هالعباله .. ردي ويايه البيت وفكي عمرج ... غاليه: ومنوه بيردج؟؟ عفرا: انا الصبح هزاع ومروان يابوني غاليه :يالله يالله .. تبيني اركب ويا هزاع ومروان ؟ عفرا: وشوه يعني واحد ولد عمتج .. وواحد ولد عمج ... غاليه: قولي بعد هزاع .. بقول اوجكيه .... اما مروان ! عفرا: انتي بقولج شايفه شيفة هاللي اسمه مروان ؟ غاليه: وييييييييييييييييييييييه من زماااااان ... يوم كنا صغار ... اما الحين لا والله ما شايفه شيفته عفرا: حلفي ؟ غاليه: شوه اول مره ؟ تدرين اني ما ايلس وياهم مستحيل عفرا: اللي يقول انا عاد ايلس ... انا اللهم مروان .. وعزوز غاليه: عزوز خليه ع صوب .. شايفتنه وشابعه منه .. ما اعتبره منهم .. عفرا: هيه والله حتى انا .. كل يوم مطيح عندنا غاليه: اتصلي به اليوم خل اييي بعد بالمره اشوفه .. تولهت ع سوالفه عفرا: بقول حق اميه تتصل به .. لاني لو اتصلت .. بيصدق عمره .... غاليه: واخوانه .. ولا اعرف رقعة ويوهم عفرا: ولا انا غير مروانو غاليه: الحمدلله .. لا مروانو .. ولا عمرانو ... ولا راشد .. وو بعد منوه ؟ عفرا: سعيد وعمر ... غاليه: انتي جابلي مروان روحج .... ههههههه عفرا: جب انزين ... افففف كيف يعكر مزاجي غاليه: هههههههههه زين يسوي بج ... عفرا: مالت عليج انزين غاليه: انزي انا ما بيي وياج لو هو مر وراج عفرا: قلت لج انا الصبح هو وهزاع يابوني .. غاليه: ويمكن الحين اييون ... عفرا: انزين وايد لا ترمسين .. انا قلت .. هم يابوني الصبح ... ما اعتقد السايق لين العصر بيكون فالمستشفى ... بتصل بشوف منوه بيي ... غاليه: انزين اذا ما كان هناك .. بتصل البيت .. بخلي سايقنا يمر وعقب يودينا بيتكم عفرا: هيه اوكيه........... ثاني في محل الكمبيوترات ... ويرمس الريال ... ثاني: نزلت البرنامج ؟ .......: هيه كل شي تمام .... ثاني: وسويت فورمات ؟ ........: سويت فورمات .. ورديت نزلت لك كل البرامج .. بالاضافه للبرنامج اللي طلبته ثاني: شكراً ... ........: عفواً .. ودفع له ثاني وشل لاب توبه وظهر .... طلع من المحل .. و ركب سيارته .... رن مبايله ... ثاني: الو .. هلا زايد .. زايد: وين انته ؟؟ ثاني: ساير اييب لاب توبي زايد: ما داومت فالجامعه ؟ ثاني: اليوم ما داومت ... زايد: ليش؟ ثاني: اجازة زايد: تجذب ! ثاني: هههههههه ما اجذب ... زايد: ثانيييييييي ثاني: ههههههههه والله انزين .. اجازة .. ما ادري شوه عندهم .. عطونا اجازة اليوم .. الا اللي عنده شغل يداوم ويخلصه .. انا شغلي اقدر اخلصه فالبيت زايد: يعني فاضي .... ثاني: شوه تبا ؟ زايد: انا ما ابا منك شي ... سر ابويه يباك في مكتبه ثاني: الله يخلييييييك يا زايد اعفني من هالمهمه زايد: سر قول حق ابوك هالرمسه ... ثاني: لا اله الا الله .... زايد .... والله توني يايب لاب توبي وابا اشوف البرنامج اللي نزلوا لي اياه ... زايد: زين يسوي فيك ابويه... عسب تتأدب .. وتهد مجابلة اللاب توب شويه ثاني: اوهوووووووو ... زاااااايد.. زايد: لا تصارخ .. ثاني: الله يخليك .. رمسه زايد: ما يخصني .. وسير له .. ثاني: تدري ان ابويه بيكرفني كراف .. زايد: ثاني انته وايد تتحرطم .. انزين .. اتصل في ابويه .. وشوفه شوه يبا ؟؟ ثاني: خلاص اوكيه اوكيه .. زايدك يالله مع السلامه ثاني: فمان الله ...... وصل راشد صوب سعيد ... وسار ع طول مكتبه اللي حافظنه ... الشبه بينهم مش كبير ولا شويه .. لكن ينعرف انهم اخوان ... فـ شوه تبون النتيجه تكون غير ....................! سارة: مرحبا سعيد ... سعيد: هلا بغيتي شي ؟ سارة: بس بغيتك تشوف هالاوراق .. سعيد: ان شاء الله ... بسير دقيقة وبرد اشوفهن .. سارة: خلاص عيل .. اخليهن عندك .. و عقب امر آخذهن منك .. مب تتأخر شرات الاوراق اللي طافت سعيد: ههههه لا ان شاء الله بخلصهن سارة: ما تخليهن عندك يومين .. سعيد: قلت لج ان شاء الله .. أي اوامر ثانية ؟ سارة: لا بس اذا ما مريتك .. طرشهن ويا أي حد .. سعيد: هيه .. اوكيه ما عليه .. راشد: يالله .. سارة: هذا اخوك ... سعيد: هيه ... سارة: يشبهك ... خلاص انا سايرة .. سعيد: اوكيه .. عقب ما سارت سارة .... راشد ( يقلدها) : مرحبا سعيد ... هذا اخوك ! سعيد: اسكت اسكت فضحتنا .. راشد: هي شلها تسأل ؟ سعيد: يعني اول مره تعرف ان في بنات ملقوفات ؟ راشد: لا .. بس عاد مب جذه سعيد: بس مب كل البنات اللي هني شراتها .. راشد: يعني تقصد شرات منوه ؟ سعيد: شرات سارة .. راشد: منوه سارة ؟ سعيد: هاي اللي توها كانت هني راشد: لااااااا انا اقصد ... منوه تقصد باللي مب ملقوفة .. نفس الوقت .. اندق باب مكتب سعيد مره ثانية ... بدور: آسفة ع الازعاج .. سعيد: لا حياج الله .. راشد...... لاحظ صوت سعيد كيف تغير ... ولاحظ مدى حدة صوت البنيه اللي ترمس .. فـ يلس ع صوب .. حط ايده ع خده ... بدور: خلاص عقب بمر .. سعيد: شوه بغيتي ؟؟ عادي والله .. بدور: ما بغيت شي ... سعيد: لا والله عادي .. بدور: الاوراق اللي عطيتك اياهن امس خلصتهن ؟ سعيد: هيه .. خلصتهن ... بدور: خلاص عقب بيي آخذهن منك .. سعيد: روحي بييبهن مكتبج ... بدور: شكرا سعيد: عفوا ... حياج الله .. وسارت بدور ... وتم راشد .. يهز ريله ... راشد: لا بالله خوش خوش .. سعيد: ها ؟ راشد: ايييييييه .. وين سرت .. سعيد: وياك وياك .. بلاك ؟ راشد: الحين هذيج حليلها يابت لك الاوراق من يومين تقول وما خلصتهن لها .. وهاي امس معطتنك الاوراق .. وخلصتهن لها ! سعيد: منوه هذيج ؟ راشد: هاي اللي اسمها سارة ... سعيد: ومنوه هاي ؟ راشد: ما ادري ... هاي ام العدسات الخضر .. شراتك .. سعيد: شوه ؟ رشّود ! راشد: هههه ما قلنا شي ... انزين يعني ما قلت شي خيالي .. صدق عيونك خضر .. سعيد: شكرا على الاطراء راشد: عفواً ... سعيد: ممكن الحين تنش .. ونسير عند عمّور .. راشد: يالله انزين .. مشوا سعيد .. وراشد سايرين صوب عمر اخوهم ... لكن الحظ شاء انهم يلتقون به في دربهم .. عمر ( يطالع اخوه راشد مستغرب ) : انته منوه يايبنك هني راشد ( بابتسامة عريضة ): ياي اباك تعزمني ع الريوق عمر: لا والله جد .. ما عندك كلاسات .. ما وراك جامعة ؟ راشد: لا ... جدامي جامعة سعيد: بلا استهبال عمر: راشد راشد: لا لا ما عندي شي .. عندي كلاس واحد بس .. من الساعة 2 لين 3 مب متفيج احضر هالساعه الوحده عمر: راشد .. انته وايد تلعب .. ما باجي لك شي وبتتخرج لا تخرب ع عمرك راشد: ايهيييي علينا .. بدينا بالمحاظرات ... والله عمّور ما عندي شي ما عندي شي .. وهالساعه ما بتأثر .. بنقل المحاظرة من سالم ربيعي .. سعيد: خلاص اسكت اسكت .. اففف صدق انك حشرة .. راشد: اخوك مب راضي .. خلاص بسير انا .. سعيد: تعال وين ساير؟ راشد: بسير خلاص .. عمر ( ظرب بالملف ع جتف راشد ): بلا حركات بايخه ... تعال بريقك .. راشد: احم احم .. وانا اقول اخويه طيب سعيد: صدق انك حركات .. عمر: بعدين تعال .. انته مب قبل شوي متريق .. ريوق فريد ؟ راشد: الحين ريوق فريدو تسميه ريوق ؟؟ عمر: يالله عاد عنك راشد: انا شاك الصراحه .. اما فريد ابونا ونحن ما ندري .. او عزوز ولد فريد .. وانتوا ماخذين مربين ولد الريال .. ومخلينه بشكار عندكم .........! في بيت بو هزاع .. سلامة يالسه ,, توها ظاهرة من الحجرة ... مرة وحده انفتح باب الصالة .. حطت ايدها ع قلبها .. سلامة: بسم الله الرحمن الرحيم .. زيغتني ..! طارق: اوه سوري .. ليكون ولدي صابه شي سلامة: لا والله ...! طارق: ههههه لا لا .. اقصد يعني امه صابها شي .. سلامة: لا ما صابها شي الا شوي تروّعت طارق: سلامتها من التروّيع ... سلامة: ياي من وقت وايد .. طارق: بس تعبت من الشغل ... بقدم استقالتيه سلامة: ههههههه مستوي احمد ريل أمّون اختيه .. طارق: عاد احمد لا تييبين طاري الدوام جدامه .. الود وده صدق يستقيل ع قولته سلامة: اسكت حليله .. فالمستشفى طارق: منوه ؟ سلامة: احمد طارق: ريل آمنة اختج ؟ سلامة: هيه .. بلاك ؟ طارق: ليش؟ ومتى ؟ سلامة: اليوم الصبح امون اختيه اتصلت في امايه وقالت لها تيي ويا السايق تسير المستشفى .. ان ريلها تعبان حيل وما يقدر يسوق .. طارق: وييييييه .. ما يستاهل والله .. أي مستشفى ؟ سلامة: راشد وعععع طارق: وع والا وعّين .. اتصلي بأختج والا امج اسألي شوه السالفه .. سلامة: اتصلت ع مبايل امايه .. مغلق وامون بعد .. ما يلقط .. طارق: ما شي ارسال اكيد .. سلامة: اكيد .. طارق: اتصلي الحين شوفي ... ورفعت سلامة مبايلها .. واتصلت في امها .. وهالمرة رن عندها المبايل .. سلامة: الو .. هلا امايه ... ام هزاع: اهلين ... شحالج ؟ سلامة: الحمدلله بخير .. انتي شحالج ؟؟ وشحال امون وريلها ؟ ام هزاع: الحمدلله .. احمد رقدوه فالمستشفى .. سلامة: اونه ! ام هزاع: هيه والله .. سلامة: ما يشوف شر .. ام هزاع: الشر ما اييج .. سلامة: والحين انتي وين ؟ ام هزاع: راده البيت ... الحين جريب بوصل .. سلامة: أي غرفة انزين ؟ واي قسم ؟ ام هزاع: ما ادري يا بوج ... اتصلي في ىمنة وتأكدي سلامة: امون ما ترد ... مبايلها مغلق ما شي ارسال .. ام هزاع :اتصلي في هزاع يدري سلامة: انزين .. بخليج الحين .... ام هزاع: انا جريب بوصل سلامة: اترياج ... فمان الله ام هزاع: مع السلامة سلامة: تقول اتصلي في هزاع يدري هو أي قسم واي غرفة طارق: خلاص وانا ساير بتصل في هزاع اسأله سلامة: بتسير الحين ؟ طارق: هيه .... سلامة: انزين ... ورد تغدّى هني .. طارق: هيه ان شاء الله برد هني اتغدّى سلامة: الله يحفظك ... في بيت راقي ... بديكوره .. بحديقته .. بأثاثه داخل .. وكالعادة ... يالسه ما عندها شي ... فاضيه .. لابسه بجامة مثل كل مره ... و رافعه شعرها فوق .. وتبدل في هالقنوات ... رن التيلفون ... هند: مرحبا خوله: مرحبتين ... هند: هلا وغلا والله .. شخبارج ؟ علومج ؟ خوله: الحمدلله بخير ... انتي شحالج ؟ شخبارج ؟ هند: الحمدلله .. وينج يالقاطعه خوله: والله شسوي ... الجامعة ماخذه كل وقتي هند: اونه اونه عاد ... لا تتعذرين لي بالجامعة خوله: هههههههه شوه يعني اقص عليج ؟ هند: شحال البنات ؟ وشخبارهن ؟ خوله: الحمدلله كلنا تمام نسأل عنج هند: حبيبتيييييه والله خوله: هالاسبوع وين ؟ هند: افففففف اسكتي ... ثيابي ما ظهرتهن من الشنطة ... خوله: ههههه يوم اقولج انتي لازم اصلا ابداً ما تظهرين ثيابج من الشنطة ... ع طول فالشنطة هند: هيه والله .. خوله: خذي بنصيحتيه هند: بس لا تصدقين ما بسوي هالشي دايماً .. الا يوم نكون مسافرين من جريب .. ورادين وعقب يومين سفره .. ثانية خوله: منوه قدج ! هند: شوه منوه قدي ... انتي ادرى وحده باللي فيني خوله ( ابتسمت ): حاسه فيج هند: الله يعييين خوله: انزين بخليج الحين .. هند: ويييييين خوله: عندي كلاس ... عقب ربع ساعه لازم اسير هند: اها .. خلاص سلمي ع كل البنات ... خوله: الله يسلمج يبلغ ... ردت حالة الملل اللي فيها ... عقب ما بندت عنها ربيعتها خوله .... دخلت امها .. ام بدر : السلام عليكم هند: وعليييييكم السلام ... ويه ويه ويه ما نرووووووووم من وين يايه .. الصبح الحين ! ... متكشخه هالكثر ام بدر: خيبه .. كل هذا .. بالعه راديو انتي ؟ هند: قولي قولي بسرعه امايه من وين يايه ؟ ام بدر: سرت عند حرمت خلفان شويه هند: هيييييييه .. وانا اقول .. طبعا لازم يوم تسيرين هناك الكشخه تكون اكثر .. طبعا طبعا حتى لو بتسيرين 5 دقايق ام بدر: بس انتي بس .. سكتي ... ما ابا اسمع حسج هند: حرام عليج .. ما قلت شي انا .. ام بدر: انزين عن الهذرة .. وين ميري هند: ما ادري ام بدر: اتصلي بهم المطبخ .. وقولي لهم .. يزهبون الغدا اخوج الحين بيرد هند: وابويه ؟ ام بدر: بيتأخر .. لين العصر هند: ان شاء الله ام بدر: بسرعه عن يوصل اخوج وما يلقى الغدا ... هند: غريبة بدر بيتغدى اليوم فالبيت ! ام بدر: متصل بي .. اونه امايه دخليج بتغدى اليوم فالبيت هند: ههههههه دخليج بعد ... جيه انتي طاردتنه ! ... والا محرمة عليه اكل البيت ام بدر: ههههه شدراني فيه .. قلت له ان شاء الله فديتك .. قال بسرعه انا فالدرب .. هند: بس ما اعتقد مخلصين الغدا الحين ؟! ام بدر: بلى انا اتصلت فالطباخ ... بس انتي اتصلي في ميري تيي تزهب السفره هند: ان شاء الله .. سيري انتي بس فوق ... وانا بسوي كل شي .. ثركم حاطيني مسؤولة الخدم في هالبيت ... جواهر ... ام بدر .. اخت عذيجة .. عندها بدر و هند ... ماخذه سفير .. فعسب جيه .. سفرات ريلها وايد .. وطلعاته .. وهي بعد تحب تطلع .. تسير وترد .. ميالس حريم .. عزايم حريم .. ووووو .. يعني مشغولة اغلب الاوقات ... هند ... بنيه حلوة .. ورقيقة .. رغم انها فرفوشه .. وتحب الظحك والسوالف .. الا ان جو بيتهم والافراد اللي تعيش وياهم .. ما يساعدها ... الا يوم تشوف ابوها .. وهي نادراً ما تشوفه .. تسولف وتظحك وياه .. او امها .. اللي بعد نادراً ما تشوفها ... اما اخوها بدر .. ما تحب تسمع سوالفه وايد .. الا لو كانت سوالف شباب و حركات ومغامرات .. اما انها تفضفض له .. فـ هالشي مستحيل .. لان بدر مب فاضي هو الثاني حقها .. بكل اختصار .. هي في عالم .. واللي عايشين وياها في عالم ثاني ... بغت تكمل دراستها في جامعة من الجامعات الحكومية ويا ربيعاتها .. لكن كانت اوامر ابوها .. انها تكمل برع في أي دولة اجنبية .. يكون احسن بالنسبه له ! ... هي ما بغت اولا تبتعد اكثر عن ربيعاتها ... ثانيا انها تبتعد عن بلادها زيادة .. كفاية انها كل اسبوعين مسافره .. بحكم شغل ابوها .. هالدور هي تدرس برع ! ... بتتخبل .. وبما انها ما وافقت ع برع ... فـ مصيرها البيت .. لان ابوها مستحيل يخليها تدرس هني .. يحس انها بتتخرج بشهادة ولا شي ! عذيجه : هلا اميه حصه: امايه انتي وين ؟ عذيجه: انا الحين توني داخله البيت .. حصه: ليش وين كنتي ؟ عذيجه: ويا امون اختج .. حصه: هيه صدق قالت لي سلّوم .... شحال ريل امون الحين ؟ عذيجه: الحمدلله بخير .. حصه: وردت بيتها ؟ عذيجه: وين حليلها ... رقدوه ريلها حصه: اونه .... ما يستاهل عذيجه: شوه نسوي بعد .. حصه: انزين انا اليوم بيي غالغدا عندكم عذيجه: حياج .. انا كنت ناويه اتصل بج وبشمسه اختج اقولكن تعالن عندنا حصه: خلاص انا بتصل في شموس وبقول لها .. عذيجه: خلاص عيل .. اكدي عليها حصه: ان شاء الله ... وامون انزين ردت وياج ؟ عذيجه: لا حصه: خلاص وانا بتصل بها .. وانا يايه عندكم .. بمر عليها فالمستشفى .. وبنيي رباعه عذيجه: خلاص عيل .. حصه: مع السلامه ********** |
الجزء الثّالث في بيت .... الشباب .... وصل غدا عمتهم .. وهم للحين ما وصلوا ... وعبدالعزيز تزهب بيسير ويا سايق عمته .. عبدالعزيز : عمر وينك ؟ عمر: انا هني جريب عبدالعزيز : انا بسير بيت قوم عموه .. عمر: من الحين ! عبدالعزيز : هيه ابا اسير عالغدا هناك .. عمر: انا بوديك العصر .. لا تسير الحين .. عبدالعزيز: عمّوووووور ابا اسير عمر: منوه بيوديك اصلاً ؟ عبدالعزيز: سايق قوم عموه .. توه يايب غدانا .. اقصد غداكم .. انا بسير وياه عمر: انزين بند بند عبدالعزيز: عمّووووووور اقولك بسير .. الريال تحت يتريا عمر: انزين بند انا تحت ... انزل .... عبدالعزيز: مع السلامه ... وبسرعة نش عبدالعزيز .. ونزل تحت ... وتوه عمر فاتح باب الصاله ... عبدالعزيز: يالله بسييييير عمر: هالكثر اكل عمّوه مطرشه حق منوه ؟ تم تغدا هني عقب بوديك سعيد: اللي يقول عاد ... ما ادري عزوز شوه بياكل .. والا بياكل نص الجدور عبدالعزيز: انا ادري !! عمّوووووور بسير والله حرام عليك عمر: انزين ما يلسنا وياك ..... عبدالعزيز: برد من وقت عقب عمر: انته اذا سرت بيت قوم عمّوه مستحيل ترد من وقت عبدالعزيز: بحاول والله .. بس يالله خلني اسير عاد .. اصلاً عموه اتصلت قالت تعال الكل بيكون هناك سعيد: الله عالكل .... كله بنات .. عبدالعزيز: اوكيه بنات ... بنات عمتيه خواتي سعيد: اقولك عمر خله يسير يفكنا من حشرته عمر: سر سر ... عبدالعزيز: مع السلاااااااااامه راشد: وين وين عبدالعزيز : رشود قم زييييين .. بسير راشد: على وين انزين يالقطو ؟ عبدالعزيز: قوووووووووووووم عمر: راشد قم خله يسير .. بيسير بيت عمّوه راشد: سر سر .. حشى مب عمّتك .. أمـ عمر ( قطع عليه ): راااااااشد سعيد: عبدالعزيز سيييير .. ظهر عبدالعزيز وسار ولا انتبه اصلاً لرمسة راشد .. لانه كان مرتبش ... يبا يظهر وبس ... وكان في نفس الوقت يلبس نعاله ... عمر: تخبلت ؟ راشد: بالغلط عمر: لو سمحت مره ثانية ... حاسب ع اخطاءك .. راشد: آسفين .. والله بالغلط انزين عمر: حتى ولو .... وصعد عمر فوق ... سعيد: مالت عليك .. راشد: اقولك بالغلط بلاكم ؟ سعيد: تدري شوه كنت بتسوي ؟ كنت صدق بتجلب البيت راشد: هيه ادري .. سعيد: ويوم تدري جيه قلت .. راشد: اولاً انا ما قلت .. انا بغيت اقول .. ثانياً .. ما كنت ادري توني دريت .. ثالثاً .. ما قلت وانتهت السالفه .. وهو ما انتبه .. وفكوني من صدعتكم .. سعيد: ههههههههههههه انزين خلاص سر سر .. راشد: عفانا الله .. اليوم صدق انهزبت عدل ع ايد عمّور سعيد: هيه والله فالدوام وهني .. راشد: لو مروان درا .. وييه بيسوي عرس .. بيقول زين راشد ويايه منهزب اليوم سعيد: الحين بيردون ....... فرييييييييد راشد: يزهب الغدا سعيد: زين بغيت اقوله انا بعد .. راشد: بسير ابدّل الحق عالغدا .. وعقب اخمده رقاد ... سعيد: ما قلت شي يديد !! .... شمسه: وين عفاري ؟ سلامه: اتصلت بها ... قالت خلاص بتيي ويا سايق خالي عبيد شمسه: جان قلتي لها خل غاليه تنزل سلامه: هيه قالت ان غاليه بتيي هني عالغدا شمسه: وحصه وين ؟ سلامه: بتمر ع أمون وبتيي شمسه: امايه ؟ سلامه: تزهب الغدا ... شمسه: بسير اشوفها سلامه: شمّوس .... صالح وين ؟ شمسه: قال بيتغدا بيت ابوه سلامه: وسالم ؟ شمسه: وياه سلامه: خل اتصل في طارق اشوفه وين ؟ شمسه: بيي هني يتغدا ؟ سلامه: هيه .. شمسه: وهزاع وين ؟ سلامه: ما ادري عنه .. للحين ما وصل من الجامعه ... شمسه: بسير اشوف امايه ...... نفس الوقت دخلت آمنة ووياها حصه ... حصه: السلام عليكم .. سلامه: وعليكم السلام .... حصه: شحالج سلّوم ؟ سلامه: الحمدلله بخير .. انتي شحالج ؟ حصه: الحمدلله شمسه: تستاهلين سلامة احمد يا آمنة آمنة: الله يسلمج سلامه: شحاله الحين ؟ آمنة: الحمدلله بخير .. شمسة: شوه قالوا له ؟ آمنة: ما شي ... بس يرقد عندهم يومين .. وعقب بيشوفون جان بيظهرونه والا ؟ سلامة: طارق ياكم المستشفى ؟ حصه: هيه نحن ظاهرين .. هو توه كان واصل سلامة: عيل بيتأخر حصه: I don`t think so .... لان نحن ظهرنا وسرنا بيت أمون .. وعقب يينا .... سلامة: هييييييه ... آمنة: فيه رقاااااااد سلامة: تغدي وسيري حطي راسج رقدي ... في بيت بو زايد ... بو زايد: وين ثاني ؟ ام زايد: اكيد فوق ... بو زايد: اسمي بهدلني اليوم ... هني ابتسم زايد ابتسامة عريضة غصباً عنه ... بو زايد: جيه تظحك ؟ زايد: ما ظحكت ... بسير اشوف ثاني ... ونش زايد سار فوق صوب حجرة اخوه ... دق الباب ودخل ... شاف واحد متربع ع شبريته .. واللاب توب جدامه .. زايد: ها يقولون بيضت الويه اليوم ثاني ( مندمج): شوه ؟ زايد: يقولون بيضت الويه اليوم ... ثاني: متى ؟ زايد: بند هاللي جدامك وبتعرف عن شوه ارمس ثاني( رفع راسه ): شوه ؟ زايد: شوه سويت ويا ابويه اليوم ؟ ثاني: اسكت الله يخليييييييييييك .. بهدلني سر هني وسر هناك .. وييب هذا وود هذاك .. تقول حمّالي والا مندوب .. زايد: هههههههه زين زين .. حركت عضلاتك شويه ثاني: الله يسامحك والله كله منك .. زايد: والله انته ابد يعني ما تنفع ؟! كله معتمد عالغير ثاني: انااااااااااا ! زايد: لا انا ... ثاني: اليوم سرت يبت لاب توبي انزين ... روحي اعتمدت ع عمريه ما اعتمدت ع غيري زايد: بس بس .. أي شي متعلق طبعاً بللاب توب مالك وكمبيوترك ... طبعاً انته بتسويه روحك .. ثاني: عيل اخليكم انتوا تدمرون لي الدنيا زايد: وانته مب مدمر الدنيا علينا ثاني: والله محد يقولكم اعتمدوا عليه .... اعتمدوا ع عماركم زايد: قم قم انزين انزل تحت ... يلس ويانا ثاني: انا مشغول .. وبعدين مساعه يلست ويا ابويه وامايه .. وابوك ما قصّر قطعني زايد: انزين قم الحين .. ثاني: مب متفيج .. انته وغلّوي .. تسدون زايد: غاليه محد .. ثاني: وين سارت ؟ زايد: بيت عمّوه عذيجه ثاني: ويييييييييه مال اول عمّوه عذيجه زايد: نعم ؟ ثاني: اقصد يعني من زمان مب شايفينها زايد: انزين مال اول في عينك .. قول ما شايفنها انته .. مب نحن ... ثاني: اوهوووووووو .. بنبدأ بمحاظرة يوميه زايد: لا .. ما بنبدأ لاني مب متفيج الحين ... وانته عود وتعرف مصلحتك .. ثاني: شكرا شكرا يا شيخ زايد ... زايد: عفواً .. بسير انا ثاني :يا شيخ يا شيخ .. زايد: نعم ثاني ( حب يغايظ زايد ): ما حكم الجلوس على النت واللاب توب ... في اوقات كثيرة ... اذا كان النت واللاب توب .. اغلى شيء يمكله هذا الانسان .... زايد: حكمه حرام ... كونه يضيع وقت الانسان ... و يضيع عليه الفترة اللي يقدر ييلس وياها مع اهله بعد .. ومجابلة اللي يسوى واللي ما يسوى فيه .. وفيه المنكر اكثر من الفايده ... وكونه ينسي الانسان هذا اهله وعمته بعد .. فـ حرام ... ثاني : بل ! لف زايد بيظهر من الحجرة .. وظحك ع اخوه .... هو سأله عسب يغايظ اونه .. لكن زايد زين سوّى فيه وعطاه اجابة .. عجيبه ...........! في بيت بو هزاع ... مروان: هزااااااااااااااااااااع .. انزل هزاع: مب نازل .. انزل انته تغدّا هني مروان: ما ابا .. هزاع: مب بكيفك مروان: ياخي ابا اتغدا في بيتنا هزاع: اليوم تغدا هني .... والغدا اللي في بيتكم في بيتنا مروان: ابا اتغدا ويا اخواني هزاع: عداااااال مروان: الله ياخذ ابليسك يا هزاع .. انزل هزاع: ما ابا اقولك .. انزل تغدا هني مروان: انزل من موتريه .. انزل بسرعه ... هزاع: ولد خالي شارنها حقك .. مروان: قم قم ... ولد خالك هذا اخويه .. انزل والله مصدع برد البيت هزاع: يا ويهك انزين انزل تغدا هني ... عقب ريح شويه وعقب سر البيت مروان: ما ابا .. برد البيت ... هزاع: انززززززززل فعلاً نزل مروان .. وهزاع استانس .. لكن مروان نزل وسار صوب هزاع وفتح الباب ... مروان :انزل بسرعه .. هزاع: هههههههه انا استانست قلت نزلت ... غيرت رايك مروان: ما بغيره انزل ... هزاع: انزين انته ما عندك شي مروان: الله ياخذ العدو .. ذكرتني .. بـ عمران .. ما مريت عليه اليوم .. كله منك هزاع: حد ينسى اخوه ههههههههههههههه ونعم الاخ مروان: كله منك .. انزززززززززل .. بسير هزاع: انزين عقب تعال هني مروان: انزين يصير خير .... نفس الوقت .. وصلن غاليه وعفرا ... ودخلن داخل .... غاليه: السلام عليكم .. سلامه: غلّووووووووي غاليه: مرحبا سلامه عفرا: ايييييه بلاج عفدتي عالبنيه .. سلامه: من زمان ما شايفتنها ... عفرا: لهالدرجه مشتاقين لها يعني .. حصه: والله اكثر بعد ... شحالج غاليه ؟ غاليه: الحمدلله تمام شحالكن انتن شمسة: يسرج حالنا غاليه: سلامات آمنة آمنة: الله يسلمج عفرا: اوه امون انتي متعورة فيج شي ؟ آمنة:بسم الله عليه عفرا: عيل جيه هاي تقولج سلامات .. سلامة: يا هبلة مب جنج الصبح كنتي هني ... وهم فالمستشفى .. ومروان وهزاع وصّلوج الجامعة .. عفرا: اففففف لا تذكريني بالرحلة المعفنة هاي شمسة: أي رحلة ؟ حصه: عفاري سرتي رحلة وما قلتي لنا عفرا: أي رحلة ... اقصد ان هزاع ومروان ودوني الجامعة .. خل اسير ابدّل .. غالية تعالي غاليه: يايه ......... عمر كان نازل من فوق .... عمر: وين مروان ؟ سعيد: للحين ما وصل ... عمر: وعمران ؟ سعيد: نفس الحاله ..... نفس الوقت .. دخل عمران وهو معصب .... سعيد: الناس يسلمون عمران: السلام عليكم .... ( ,صعد فوق ) سعيد: بلاه هذا ؟ عمر: ما اشوف مروان دخل ... سعيد: وانا ما اشوف سيارة مروان اصلاً ... عمر: بسير اسأل عمران عنه سعيد: شاب ضو عمران عمر: ما عليه .... وصعد عمر مره ثانيه فوق .. وسار صوب حجرة مروان وعمران ... دق الباب .. ودخل .. عمر: وين مروان ؟ عمران: لا تييب طاريه ... عمر: ليش؟ عمران: جذه ... عمر: شوه استوى بينكم بعد ؟ عمران: ما استوى شي.... عمر: عمران .. انا ارمسك عدل .. عمران: صدق انزين .. ما استوى شي عمر: عيل جيه انته معصب عليه ؟ عمران: روحي جذه معصب شويه وبهدى ... عمر: انزين ... انزل تحت بنتغدا .. عمران: ما ابا غدا .. عمر: ليش؟ عمران: ما مشتهي شي .... ما ابا شي ... عمر: اقولهم اييبون لك الغدا فوق ... عمران: لا .. بس تسوي خير .. لو تقول حق فريد اييب لي كاس ماي .. عمر ( ابتسم ): شكلك باذل مجهود كبير اليوم .. عمران: طبعاً ... دام ان اخوك ناسني وما مر عليه اليوم .... طبعاً ببذل مجهود كبير في اني امشي من المدرسة روحي وارد البيت ........... نفس الوقت دخل الفيلسوف اللي لازم واكيد لاقي له حجة من الحجج .... مروان ظرب ع يبهته اول ما شاف عمران .. منسدح عالشبرية ... ويبين عليه التعب ..... مروان: اخي العزيز ... سعيد: شوه السالفه ؟ ما فاتني شي ؟ عمر: اخي العزيز .. ومخلنه يمشي في هالحر مروان: اقسم لك ... لقد نسيتك عمران: قم عني ... لاني والله واصل حدي منك .. مروان: لا لا ... شوه هالرمسه ... يالله عاد عمران .. عمران: قم قم .. مروان: والله نسيت والله العظيم هزاع نسّاني .. وصلته بيتهم وبهدلني انزل وانزل .. عمران: طبعاً .. هذاك هزاع مب عمران .. مروان: سبحان الله كيف عرفت ؟؟ اجابة صحيحه .. عمر: مروان ... بسك استهبال مروان: انزين والله نسيت .. سعيد: اها .. الحين فهمت السالفه ... مروان ناسنك فالمدرسة وما مر عليك... مروان: صباح الخير .. ومن هول المصيبة ... والداهية ... عمران زعلان الحين .. عمران: لانك مب انته اللي ماشي فالشمس كل هالدرب .. طبعاً .. سهل بالنسبه لك .. مروان: اصلا انا بغيت اعودك ع الشدة ... والتحمل والصبر سعيد: ههههههههه وين يالسين نحن ؟؟ عمران: شوف مروانو .. لا اتم تستهبل عليه زياده .. مروان: انا اعرف كيف اخليك ترضى .. عمر: يالله راضه ... مروان: بسيطه ... رسالة الكترونية .. الى تنظيم القاعدة .. واقولهم اخويه يبا يكون شريك وياكم .. وتنتهي المسألة .. ويفرح عمـ وما يحس الا بقوطي الكلينكس ع ويهه .... عاد من منوه ؟؟ اكيد عمر ... كتم سعيد ظحكته .... وعمران تم يطالع مروان كيف مبهت ... شكله صدق يظحك ... وعمر اطالعه بنظرة كأنه يقوله .... ما ينفع وياك ... الا ان نفرك بـ شي عسب تصطلب !!!!! في بيت بو هزاع ... عاد الحشرة هناك اليوم كلها ... لان عبدالعزيز عندهم ... شمسة: وينك انته ما تيينا ؟ عبدالعزيز : والله انا ايي .. انتي ما تيين .. آمنة: في ذمتك يا عزوز متى آخر مره ياي ؟ عبدالعزيز: والله قبل اسبوعين .. وحصه كانت هذاك اليوم هني حصه: صح .. عبدالعزيز :شفتي .. آمنة: وايد عليك .. عبدالعزيز :انزين شسوي والله ان عمر ما يخليني وايد ايي هني .. يقول كفاية عموه تيي .. انته بعد جيه تسير ؟؟ آمنة: وحضرة جنابه هالعمر .. جيه روحه ما ايي هني عبدالعزيز: اخويه خجول حصة: الله عليك .. وع اخوك ... عبدالعزيز: احم احم حصه: يبت الشهادة ؟ عبدالعزيز : من زماااااااااااااااااااان حصة: وشوه درجاتك ؟ عبدالعزيز: تمام التمام ... آمنة ( بدت تستهبل عليه ) : ما يبتها اوقع لك ......... عبدالعزيز: اخويه وقعها آمنة: أي اخو فيهم ؟ عبدالعزيز: اكيد عمر ... آمنة :انا بسير ارقد فوق ... وسارت آمنة .... ترقد فوق ... حصة: حليلها أمون ... عبدالعزيز: وين عفاري ؟ سلامة: فوق في حجرتها .. عبدالعزيز: سيروا ازقروها سلامة: لا والله .... احلف ! عبدالعزيز: هيه انتي سيري .. سلامة: هيه .... بشكارتك انا ... شمسة: سر روحك عبدالعزيز: ما تنفعن حق ولا شي حصة: هههههه ط هذا انتوا .. وايد مصدق عمرك .. يالله سر سر .... انا بسير ارقد عبدالعزيز: مس حصة .. حصة: yes ? عبدالعزيز: ولا شي خلاص ... حصة: وايد لا تستهبل .. عبدالعزيز: شكراً ... حصة: عفواً ..... بسير ارقد انا .. عبدالعزيز : لا والله ... وانا ياي عند منوه ؟! حصة: ما ادري .. عبدالعزيز: تدرون شوه ... انا بعد فيه رقاد ... بسير ارقد ويا عموه في حجرتها .. شمسة: ههههههه صدق انك .. عبدالعزيز: والله راد تعبان من المدرسة ... شمسة : سر انزين .. قم سر ... امايه يمكن بعدها ما غفت عينها .... سر الحين عن تلعوزها عقب .. راشد .. غاط في نوم عميق مثل ما يقولون ..... سعيد فتح باب الحجرة شوي شوي .. وظهر برع ..... شاف من فوق ... عمر يالس فالصاله ومروان منسدح ع صوب .... نزل تحت ... سعيد: مروان قم سر الحجرة ارقد .. مروان: أي حجرة ... أي حجرة .... جيه اخوك مخلّلنا حجرة .. عمر: هههههههههه والله تظحك سعيد: ليش ؟ شوه استوى بعد ؟! مروان: ما شي يديد سعيد: عيل ع السالفه الجديمة مروان: ثره اخوك ... الغبار جيه يطلع منه .. ما ينسى السالفه .. حتى لو كانت مال مليون سنة .. عمر: انزين هو ما قالك لا تدخل الحجرة مروان: ماسك لي المصحف ويقرا بصوت عالي .. وين اييك رقاد في هالجو عمر: بالعكس والله .. كفاية الآيات اللي تسمعها .. تحس ترد الروح ... مروان: بس بصوت عمران .. له عمر: حرام عليك سعيد: حدّك عاد ... صوت عمران ما شاء الله عليه ..يوم يرتّل ... مروان: ما شاء الله .. تبارك الرحمن .. عمر: تطنّز ؟! مروان: لا اوالله .. ما اطنز .. سعيد: عمر عقب صلاة العصر بنسير .. عمر: وين ! سعيد: بنسير البنك ... مروان: ويه ويه ويه .. اسمع طاري بنوك انا ... شوه السالفه ..؟ سعيد: ما يخصك ..... مروان: افااااااااااا سعيد: ههههه اخو واخو يتفاهمون .. شدخّلك انته .. عمر شوه قلت ؟ عمر: ما عليه .. اسمح لي .. اليوم ما اقدر سعيد: ليش؟ شوه عندك ؟ عمر: بسير بيت عمي يوسف ... من قال عمر .. عمي يوسف .... مروان .. بند عيونه ولف الصوب الثاني كأنه ولا سمع شي .. وسعيد ... تساند عالكرسي .. ومسك الجهاز .. وتم يبدل فالقنوات ... اما عمر يوم شاف ردة فعل اخوانه ... اللي متعوّد عليها .... نش من مكانه وسار فوق ... عمران: هلا احمد .. احمد: اهلين عمران: شحالك ؟ احمد: تمام ... انته شحالك ؟ شخبارك ؟ عمران: والله ما شي الحال .. احمد : شحال اخوانك؟ عمران: كلهم بخير وعافية .. احمد: ها .. شوه تسوي ؟ عمران: ما شي .. يالس احفظ اللي عليه ... انته ؟ احمد: انا خلصت .. عمران: زين زين .. احمد: متى بتظهر ؟ عمران: متى انته ناوي ؟ احمد: شوف اليوم .. في درس عقب صلاة المغرب ... لين العشا تقريباً .. عمران: عليه ... بنحضره احمد: امتحان باجر ؟! عمران: بشل كتابي ويايه المسيد ... بسمّع عند الشيخ .. وعقب بتم اراجع شويه كم وجه من حفظي الجديم .. وبرد اذاكر ... لين صلاة المغرب .. احمد: يكفّيك الوقت .. عمران ( ابتسم ): اللهم بارك لي في وقتي .. احمد: آمين .. عيل بتصل فالشيخ .. واقوله .. نحن الحين يايين .. عقب يكفينا الوقت .. حق المذاكرة .. نحن اول اثنين بنسمّع ... عمران: تم .. احمد: امر عليك ؟ عمران: امممممم .. هيه تعال انته .. لان فريد .. ما ادري يمكن غايص يغسل جدور عمتيه احمد: هههههه حليله هالفريد عمران: شوه نسوي .. احمد: خلاص عيل ... 5 دقايق واكون عندك .. عمران: بسير اتمسّح عيل واتزهّب.. مع السلامه غاليه: عفاري .. والله تعب عفرا: مب تعب ولا شي .. غاليه: مى بخلص البروجكت مالي عفرا: ذبحتيني .. ويا هالبروجكت مالج غاليه: هيه حبيبتيه عيل .. عفرا: يالله بسرعه اتصلي في زايد اخوج غاليه: ما بيوافق عفرا: اتصلي انتي اتصلي .. غاليه: انزين .. بتشوفين .. مسكت غاليه مبايلها واتصلت في زايد اخوها .... من بعيد ... تسمع عفرا الصوت ... تنقز ... لان صوته غليظ وحاد ... وغاليه معليه عالصوت عالأخير .. عسب بس عفرا تسمع .. وطبعاً .. كان الجواب .. لا .. ما شي طلعه انتي وبنت عمتج رواحكن ........... برطمت عفرا ويلست عاد .. وبندت غاليه .. عفرا: اففففففففففففف غاليه :قلت لج عفرا: يقهههههههههر وزارة الداخليه غاليه: هههههه خيرها في غيرها .. عفرا: انزين لو قلتي له امون بتيي ويانا غاليه: شوه تستهبلين .. آمنة ما بتيي ... ريلها تعبان ( وسارت وقفت حذال الدريشه ) .. وهي روحها تعبانه .. وهذي حصه اختج سارت الميلس عند ريلها .. وشمسة مب مال هالسوالف .. وسلامه تلقينها مجابلة ريلها هي الثانية بعد .. عفرا: افففففففف خواتي مأرفات بعد غاليه: حرام عليج عفرا: جان قلتي له عزوز بيي ويانا غاليه: تبينه ايي من البيت .. ويفلعني بأي شي يشوفه جدامه عفرا: هههههههههه بلاه عزوز حليله غاليه: ما بلاه شي ... بس تعرفين انه روحه خبله عفرا: ادري به .. طالع ع اخوه غاليه: أي واحد فيهم ؟ عفرا: في غيره .. مروان غاليه: ياااااااااااااااالله خاطريه اعرف شوه مسوي بج هالمروان .. عسب تكرهينه هالكثر عفرا: ما مسوي شي ابداً ما مسوي شي .. برييييييييء .. وطفل وديع غاليه: هههههههههه حلوة الجملة الاخيره عفرا: اوه ما علينا من مروان .. الحين .. كملي سوالف الجامعه .. وتمن غاليه وعفرا يكملن سوالفهن .. دام ان الموضوع تم رفضه من قبل وزارة الداخلية .. زايد .. في المستشفى .. احمد مبند عيونه .. مب راقد .. لكنه تعبان .. ويحس بكسل ... رن مبايله .. احمد: الو رملة : ليش ما قلت لي انك فالمستشفى .. وليش ما قلت لهم يخبروني .. وجيه ما قلت حق آمنة تقولي .... وكيف اصلا ترقد فالمستشفى وما تقولي .. وليش امايه يوم يت صوبك ما قلت لها تييبني ... وليش ناعموه الدبه يوم رمستك .. انته ما سألت عني ! احمد: اصحبنا واصبح الملك لله ... رملة :الحين العصر .. احمد: امسينااااااااا وامسى الملك .. وكل شي لله رملة: ما يستوي جيه تقول احمد: انزين يوم بيكون ع كيف ابوج عقب ما بقول جيه رملة: ويقولون انه مريض ..... مب مريض انته ! احمد: لا مب مريض .. ويوم مب مريض جيه اتصلتي ؟ رملة: بس جيه ... حركات احمد: انزين الزبدة رملة: وينك ؟ احمد: فالحديقة العب رملة: احمممممد .. احمد: شوووووه ؟ رملة .. والله راسي يعورني .. بينفجر .. تعبان حدّي رملة: اويه سلامات .. والله ما تشوف شر .. ما كنت ادري احمد: والحين دريتي رملة: اويييييه يصيح احمد: شوه يصيح ؟ رملة: احمد انته صدق تعبان ؟ احمد: رملة حبيبتيه انتي ... ممكن تبندين الحين .. يوم بنش بتصل بج رملة: قول والله ؟ احمد: ان شاء الله اذا ما نسيت .. رملة: خلاص عيل .. مع السلامة احمد: فمان الله .. بندت رملة عن احمد اخوها العود .. وتمت يالسه فالصاله .. ناعمه ( ظاهرة من حجرتها ) : رملة .. رملة: خييير ! ناعمه : اعوذ بالله .. رملة: شوه تبين ؟ ناعمه :لا بعد تعالي ظربيني رملة: جيه ما قلتي لي ان احمد فالمستشفى ؟ ناعمه: وانتي ما تدرين ؟ رملة: شدراني ؟ ييت .. وتغديت .. وخلصت .. ومحد قالي .. ناعمه: عيل كيف دريتي الحين رملة: عيسى قبل شويه قايل لي ناعمه: خلاص المهم الحين دريتي رملة: بسير ارقد ناعمه: احسن والله .. تسوين خير .. والا اقول تعالي تعالي رملة: شوه ؟ ناعمه: محد اتصل بي ؟ رملة: لا ناعمه: خلاص سيري .. رملة: يعني لو حد اتصل بج ما بزقرج .. والله العظيم وايد تتفلسفين ناعمه :اقولج سيري سيري فكيني من شرج .. رملة .. اخت احمد الصغيرة .. عمرها 10 سنوات .. متعلقة نوعاً ما في احمد ... مب بس في احمد في كل اخوانها اللي وياها فالبيت .. يعني عيسى وناعمه بعد ... مخبلة كل اللي في البيت ... فضولية .. و تحب اذا قالت شي يستوي .. غصب طيب ! ناعمه .. تيي قبل رملة .. عمرها 22 سنة .. بنت حبوبه .. وما يخصها في حد .. صح فالبيت شوي تكون هه .. بس برع البيت ... لا الكل يعرفها بهدوئها واخلاقها ... عيسى .. اخو احمد اللي للحين ما عرّس ... اكبر من ناعمه بسنتين يعني 24 سنة ....بما انه آمنة حرمت اخوه وياهم فالبيت .. فالهدوء يطغى ع شخصيته .... الا لو احمد او خواته كانوا في نفس المكان .. لان آمنة تستحي منه .. وهو يستحي ياخذ ويعطي وياها مباشرة ... في فريج هادي وراقي .. في بيت .. اللي يشوفه من برع .. يقول قصر .. ولا كل القصور ... تصميمه مميز ... يبين عليه ان مش أي مهندس .. كان في ايده تصميم البيت ............ 3 سيايير .. موقفه فالقاراج .... وكل سيارة احلى من الثانية ... انفتح باب الصاله ... ويوم ينفتح تقول جنه باب احد الافلام مفتوح ...... ! ... ديكور البيت من داخل راقي .. تصميمه راقي ... دقاته راقيه ... الدري شطوله .... وعقب ينقسم لـ دريين ... واحد يودي صوب الحجر والممرات .. والثاني يودي صوب صالتين مفتوحات ع بعض .. غير الصالات اللي تحت ... ومفتوحات كلها ع بعض بعد .................... صعد فوق ... وسار ع الدري اللي يودي صوب الحجر والممرات .. سار اول ممر .. مشى ومشى ومشى .. ودق الباب اللي ايي في ويهه ع طول ..... بصوت غليظ .. وحاد ..... وجاف ... .............: ادخل عمر: هلا عمي يوسف ..... واحد كبير فالسن .. يبين عليه من ملامح ويهه ... وفي ايده خيزرانته .. اللي مرسوم عليه خطوط واشكال ... تقولون داخلين بيت .. من البيوت اللي يصورون فيها الافلام .. والشخصية اللي جدامنا ... هيبتها .. وصوتها .. و نظراتها ... جنها شخصيه تمثل دور الراس العود فالفلم !! .... يوسف: مرحبا عمر .. اقرب عمر: شحالك .. ؟ يوسف: بخير الحمدلله .. انته شحالك ؟ عمر: الحمدلله يوسف: شوه مسوي في دوامك؟ عمر: ماشي الحال .. يوسف: وينك ؟؟ من زمان ما ييت صوبي ؟ عمر : اسمح لي الغالي .. بس كنت مشغول شويه .. يوسف: في شوه مشغول ؟ لا بيت .. ولا حرمه ولا عيال عمر ( ابتسم ) : نسيت عمي ؟؟ ... ورايه مسؤولية بيت كامل ... واخوا ......................... وقبل ما يكمل عمر .. دق عمه يوسف بايده ع الطاوله بالقو ... يوسف: بس خلاص اسكت ... عمر: عمي .. يوسف: قلت لك ما ابا اسمع شي .. ( ووقف من مكانه ) .. هالاخوان اللي ترمس عنهم كل ما تييني .. ما كبروا ؟؟ مب لازم كل واحد فيهم يعتمد ع نفسه .. مب لازم كل واحد فيهم يشوف نفسه بنفسه شويه .. عسب انته ترتاح من المسؤولية ( وفتح باب الكبت ) .. انا ما ادري لين متى بيعتمدون عليك .. عمر: هم بعدهم صغار يوسف: اصغر منك بكم يعني ؟؟ ... سعيد عود .. وراشد عود .. اكيد هذا مروان ... الزفت .. هو اللي مبهدلنك .. والا عمران هالصايع الثاني .. عمر: الله يخليك عمي ... اخواني مب جذه .. يوسف: هه .. ترمس وواثق فيهم وايد ... عمر: اكيد .... لانهم تربوا ع ايد ابويه الله يرحمه وامايه يوسف: مثل ما ابوك ... طاع شور حرمته .. وبعّدكم عني ... ما الوم عياله بعد اذا ما يسألون عني .. عمر: عمي .. مب انا كل ما تييني فرصة اييك .. مب اتصل بك .. يوسف: انته خلك ع صوب .. انا اقصد اخوانك .. عمر: اخواني مب مقصرين ... اخواني يبون اييونك ... يبون يزورونك .. انته ما تعطيهم الفرصة .. يوسف: ما ابا اشوف رقعة ويه ولا واحد فيهم ... يذكروني بامك .. عمر: امايه ما كان فيها شي .. يوسف: اسكت .. امك هي اللي دمرت هالعايله .. عمر: امايه .. ما سوت شي .. بس لانها كان خايفة ع ابويه .. وكانت خايفة ع المشاكل اللي كانت تستوي .. بعدتنا نحن .. وكانت تترجى ابويه ما يدّخل بينكم .. يوسف: انزين وبعد شوه تباها تسوي اكثر عن جيه ؟ عمر: انتوا كنتوا فاهمينها غلط ... يوسف: هي اصلاً .. كانت تجرج ابوك .. عسب ياخذ نصيبه .. عمر: ابويه كان محتاج .. وقتها .. وانتوا قلتوا له اعتمد ع نفسك .. وصل حدّه .. ويا عندك وطلبك .. يوسف: كان يقدر يدبّر روحه .. عمر: ليش يدبّر ويتسلف من هذا وهذاك .. ونصيبه موجود ؟ يوسف: يعتمد ع نفسه ... عمر ( شكله تعب ): خلاص .. انزين ... بند هالسالفه .. لان دوم النقاش فيها لا يودي ولا اييب .. يوسف: وشحال هالمفعوص .. اللي اسمه ... شوه اسمه ؟؟ شوه اسمه يا ربي ... آخر اخوانك .. عمر ( بصوت حاد ): عبدالعزيز .. يوسف: هذا هو .. عزوز ... اللي قاص عليك ... ومبهدل عيشتك .. ومخلنك ما تشوف غيره .. عمر ( عصب) : عمي ممكن تقولي شوه تباني فيه ... يوسف: مصروف الشهر .. عمر: يزاك الله خير .. شي ثاني ؟ يوسف: ما شي .. بس شوي .. فكنا من اخوانك .. اللي كل ما ييتني .. اخواني واخواني .. ودير بالك ع عمرك .. عمر: ان شاء الله .. فمان الله .. ظهر عمر من حجرة عمه .. شاف كمال ..... خادم عمه عند الباب .... حط كمال ايده ع جتف عمر .. وابتسم في ويهه .. وكانه يقوله ما عليه ... رد عمر الابتسامه .. ومشى ..... وفي قلبه قهر فظيع مثل كل مره .. وهالمره اكثر .. لان عمه طرا عبد العزيز ... طلع من الفلة بكبرها .. ركب سيارته .. مسك مبايله .. عبدالعزيز : هلا عموووووووور عمر: شبعت والا بعدك ؟ عبدالعزيز: ليش ؟ عمر: بسرعه تزهّب انا ياي عبدالعزيز: بعده عمر: عبدالعزيز .. ما فيه عقب ايي وراك بسرعه عبدالعزيز : بخلي سايق قوم عموه يردني عمر: عبدالعزيز ... قلت لك تزهب انا ياي الحين عبدالعزيز: انزين انزين خلاص ... يوسف .. اخو عذيجة .. اكبر اخوانه .. عم الشباب .. يوسف معروف عنه انسان جاد وحازم في اتخاذ القرارات ... لكن خذ موقف من اخوه الله يرحمه وحرمت اخوه خاصة .. يوم ياه وقال له ان يبا نصيبه لانه رهن بيته للبنك .. لكن يوسف انصدم بتصرف اخوه هذا .. ورفض ان يعطيه اي شي .. وقال لازم يعتمد ع نفسه مثل ما ورّط عمره .. يظهر عمره من هالمشكلة ويحلها .. ماكان يدري ان القدر .. ووفاة اخوه بتكون فجأة .. هو وحرمته مره وحده .. ندم لان كان زعلان من اخوه يوم توفّى ... وحط اللوم كله وشبب المشكلة حرمت اخوه .. مع ان كان لها تقدير واحترام من يوسف بشكل كبير .. لكن ما يدري ليش تغيرت نظرته عقب المشكلة .. في بيت الشباب ... مروان .. وسعيد .. مازالوا يالسين فالصاله ... وانضم لهم راشد ... مروان: عمران سار ولا رد راشد: شوه تبا به ؟ مروان: شوه ؟؟ شوه ابا به ؟؟ طفل فالثامنة عشر من عمره .. لازم ندير بالنا عليه سعيد: ههههههه الله يخليك مروان لا تتفلسف راشد: ما في حد يحط باله عليك انته مروان: انا ليش؟ راشد: انته اللي ينخاف منك .. وعليك مروان: اوه اوه اوه .. تتحسبوني مشترك ويا تنظيم القاعده سعيد: انته والله يوم واحد بتروح في ستين الف داهية .. من تنظيم القاعده مالك ... وعمر زين بيسوي بك مروان: ستين الف .. والا واحد وستين الف هاهاها راشد: هههههه لا تستخف ع دمك زياده .. الله يخليك مروان: شسوي يوم الله خلقني انسان مرح .. وفرح سعيد: الله .. ما شاء الله .. درر .. درر مروان: ذكرتني .. بـ حكايات عالمية .. تذكرون هالرسوم سعيد: صدق انك غباااااااااااااااار .. مروان: افففففففف .. وين عزوز راشد: الحين شبع من الكل ... قام يدور عبدالعزيز سعيد: عبدالعزيز .. ساير بيت عموه .. مروان: اوه اوه .. عيل جالب عليهم البيت هناك .. راشد: سر عدله هاهاهاها مروان: سخيف ما يظحك .. راشد: جب انزين .. هههههه والله ان محد سخيف غيرك مروان: ههههههه انزين جيه تقلدني اونه دمك خفيف راشد: بسم الله عليه .. من سخافاتك اللي لا تعد ولا تحصى !! .... بدر ... عقب ما شبع .. غاليه نازله من فوق ... انها بتسير .... بيتهم .... وزايد كان ياي وراها .... غاليه: يالله سلامه مع السلامه .. سلامه: مع السلامة .. نشوفج مره ثانيه ان شاء الله .. غاليه: ان شاء الله .... مع السلامه عبدالعزيز .. عبدالعزيز: منوه ياي وراج ؟ غاليه: زايد اخويه عبدالعزيز: سلمي عليه غاليه: ههههههههه الله يسلمك عفرا: عداااااال .. عن يطيح نصّك .. عبدالعزيز: اسكتي انتي اسكتي ... عذيجة : عبدالعزيييييز .. عبدالعزيز: انزين شوفيها .. بنتج روحها ترمس عقب تقولين لي انا .. عفرا: وشوفي ... تقولين ولدي مؤدب وولدي مؤدب .. وكيف يرد عليه ؟ نزل هزاع من فوق .. هزاع: شوه هالحشرة كلها ؟؟ غاليه: فمان الله .. وطلعت .. عبدالعزيز: زاغت البنيه من ويهك .. ههههههههههاااااي هزاع: اسكت اانته اسكت .. مبهدل خلق الله كلهم عبدالعزيز: عموه شوفي بعد ولدج هذا يحط عليه عذيجه: لا اله الا الله .. بس خلاص كلهم صخوا .. وسمعوا صوت الهرن .. برع .. عبدالعزيز: وصل اخي العزيز .. شمسة: الحين بتسير ؟ عبدالعزيز: يس شمسة: جيه عاد ؟ ما تعشيت ويانا ... عبدالعزيز: اوامر السلطات العليا .. شمسة: عمر والا سعيد والا مروان ؟ عبدالعزيز: هيييييييييييييييييييه .. ما شي شغل اسمع رمسة مروان حصه: اخوك العود .. عبدالعزيز: عود ع عمره .. مشكلته .. آخر اثنين اسمع رمستهم مروان و راشد .. يالله بسير .. مع السلامة .. ونش عبدالعزيز .. ظهر بيسير ... شاف عمر .. نازل من السيارة .. وواقف ويا ...... زايد .. عبدالعزيز: ويحشرني انا تعال وتعال .. زايد: هههههه شحالك عبدالعزيز عبدالعزيز: تمام .. انته شحالك ؟ زايد: الحمدلله .. يسرّك حالي.. وينك من زمان مب مبيّن ؟ تولّهنا عليك .. عبدالعزيز: كله يقولون وينك ووينك ؟ يوم هالكثر مشتاقين لي ليش ما اتّون بيتنا تشوفوني .. زايد: بعده لسانك طويل ههههههه ما شاء الله عليك عبدالعزيز: وين غلّوي ؟ عمر: ما شبعت انته ؟ عبدالعزيز: اصبر بقولها شي وينها ؟ زايد: فالموتر .. وسار عبدالعزيز صوب سيارة زايد .. ودق الجامه ع غاليه ... عبدالعزيز: غلّوي ... غاليه: خير ؟ عبدالعزيز : بقولج شي والله .. قولي بتسوينه غاليه: اول شي اشوف شوه هو الشي ؟ عبدالعزيز :الله يخليج غاليه: انزين قوووووول شوه؟؟ اذا قدرت بسوّيه .. عبدالعزيز: شرايج باجر انا وانتي وعفاري النحسة .. نطلع .. غاليه: ههاااااااااي سبقتك عفاري عبدالعزيز: شوه سبقتني ؟ غاليه: اليوم كنا بنسويها عبدالعزيز: متى؟ غاليه: يوم كنت راقد عبدالعزيز: يا سلاااااااام .. والله خاينات .. بتسيرن بدوني .. انا كنت راقد غاليه :لا لا .. كنا بنوعّيك والله .. عبدالعزيز: انزين وجيه ما وعّيتوني ؟ غاليه: لان وزارة الداخلية .. رفضت عبدالعزيز: منوه وزارة الداخليه ؟ غاليه: زايد .... عبدالعزيز: ههههههههه حلوة هاي وزارة الداخلية .. منوه مسمّنه ؟ غاليه: عفاري عبدالعزيز: خطيرة طلعت النحسة بعد غاليه: ايه ما ارضى عليها لا تقول عنها نحسة عبدالعزيز: هيه نحسة .. شفتي من نحاستها زايد ما خلّانا بعد غاليه: والله هي ما يخصها .... هذو زايد واقف جدامك سر عنده .. و رمسه ونفس الوقت زايد يا وركب السيارة .. زايد: يالله سر مساعه مستعيل .. عبدالعزيز: بسير بسير .. كله منك زايد: انا شوه سويت ؟ غاليه: عزوز مب وقته يالله سر بسرعه اخوك بيسير عبدالعزيز: خوّافه .. غاليه: ما اخاف عبدالعزيز: عيل جيه ما تبيني اقول غاليه: قول شو يعني ؟ زايد: شوه السالفه ؟ غاليه: اونه عسب انك ما وافقت نطلع اليوم .. زايد ( ابتسم) : اختيه ما تخاف يا سيد عبدالعزيز .. لاني واثق فيها عبدالعزيز: اونه اونه ما نروم .. عمر: عبدالعزيييييز عبدالعزيز: ياي .. يالله مع السلامه .. سي يو غلّوي غاليه ( ابتسمت): مع السلامه ... تحرك .. زايد .. وسار عبدالعزيز ركب .. وحرّك عمر .. عبدالعزيز: الحين جيه ييت ورايه من وقت .. عمر: بسّك .. شوه من الظهر هني عبدالعزيز: انزين وشوه يعني ... بيت عمتيه عمر: ما شفناك اليوم بطوله عبدالعزيز: اصلاً انته كنت طالع .. عمر ( عقد حياته ): شدراك ؟ عبدالعزيز: لان مستحيل تكون فالبيت وتيي ورايه هالوقت ..... عمر: انزين ... وفيها شي لو طلعت ؟؟ والا لازم استأذن منك ؟ عبدالعزيز: لا بس يعني ... وين كنت ساير؟ عمر: كان عندي شغل ... وتم عبدالعزيز يلعب في السيارة .. ويبطّل السده ويردها وما ادري شوه ... لين يت عينه ع شي فالسدّه .. عبدالعزيز: اها عرفت وين كنت ساير.. عمر: وين ؟ عبدالعزيز: عند عمي يوسف .. وبسرعه صد عمر صوبه ........ وصك السدّه .. عمر: مره ثانية .. ما تفتح شي قبل ما تستأذن .. ولا تدخّل في امور الكباريه .. عبدالعزيز: انا ما ادّخلت في امور الكباريه .. وبعدين انا كبير .... و ما قلت شي غلط .. كنت عند عمي يوسف .. عمر: خلاص اسكت .. عبدالعزيز: انزين قول هيه ... والا لا ؟ عمر: مب لازم تعرف عبدالعزيز: انزين قول ... عمر: افففففف اسكت عني عبدالعزيز: قول هيه والا لا .. عمر: هيه .. خلاص ارتحت ؟ عبدالعزيز ( لف ويهه الصوب الثاني وتم يطّالع برّع ) : شحاله ؟ عمر ( ابتسم) : بخير عبدالعزيز: ليش ما وديتني ؟؟ خاطريه اشوفه .. ما شايفنّه في حياتي ... اختفت الابتسامه من ع ويه عمر ... وهو يسمع نبرة صوت اخوه .. كان يتخللها الحزن .. فعلاً .. عمر ( تنهّد ) : جريب ان شاء الله .. جريب بتشوفه .. **************** |
الجزء الرّابع في دبي .. انترنت .. سيتي تحديداً ..................... مكتب السيد عمر سيف .......... الباب كان مفتوح .... دخلت ... دون ما ادق الباب ... بدور : اقول .. خلصت الملف اللي عطيتك قبل ساعة ؟ عمر ر فع راسه ... عمر : لو سمحتي.. ممكن تردين .. تدقين الباب .. وتردين مره ثانية تدخلين .. انصدمت ............... بدور .. بدور: شوه ؟ نعم ؟ عمر :ممكن تردّين برع .. تدقين الباب .. عقب تدخلين .. بدور: ترمسني انا ؟ عمر ( ابتسم) : في حد غيرج ؟ بان الغيظ ع ويها .. ردت طلعت ... ورضّت الباب .... وعمر بعده مبتسم .. وكمل شغله ... لكن سمع صوت حد يدق الباب .. ساره: لو سمحت استاذ عمر ... خلصت الملف اللي عطيتك اياه قبل يومين .. عمر: اكيد ( فتح السده ) ... تفضلي .. ساره: شكراً .. طلعت سارة برع ... من طلعت ... ظحكت ..... شكلها حضرت المهزلة .. عسب جيه .. ظحكت !! راشد ... ويا ربيعه ... طالعين السينما .... عوض : مب جنه نحن مصخناها راشد: ليش؟ عوض: يالله نرد الحين راشد: ابا اشرب لي شي عوض: ما باجي شي عالكلاس راشد: نص ساعة كاملة عوض: انزين .. وتبا بعد تيلس تشرب شي اونه راشد: منوه قالك بيلس ؟؟ باخذ لي وبنسير عوض: لا اذا على جذه .. اوكيه .. في وقت .. راشد: يوم اقول انك وايد تتفلسف شرات مروان عوض: هه .. مروان اخوك يتمنى يقول نص الدرر اللي اقولها راشد: ط هذااااا .. وايد مغتر بعمرك ... اقولك .. ثره والله مروان لو تسمعه يوم يرمس جد يعقّك هناك بعد عوض: ما اصدّق راشد: لا تصدق ... واثق في اخويه .. ما يحتاي انته تصدق او تجّذب عوض: ههه بلاك عصبت راشد: ما عصبت ولا شي .. عوض: شحال عبدالعزيز اخوك ؟ راشد: تمام عوض: وينه ما نشوفه ؟ راشد: ع قولته اللي يباني .. ايي لين البيت عندي عوض: مصدق عمره راشد: هههههههه كل حد يسأل وين عبدالعزيز ووين عبدالعزيز .... عوض: وانته تنقهر ! راشد: بالعكس ليش انقهر .... اخويه ومحبوب عند الناس ... عوض: صدق صدق واثق من اخوانك انته راشد: هههههه ياخي بلاك عليه وع اخواني .. كيفنا .. الثقه بين بعضنا مزروعه من زمان ... يا مدمر البيوت عوض: ههههههههه ما فتحت بيت بعدك عسب ادمره انا بعد راشد: بيتي هو البيت اللي فيه اخواني عوض: ياعيني .. يا عيني راشد: يا قلبي .. ممكن الحين نسير بسرعه .. عوض: هيه والله يالله ... واحد .. يدور .. هني هناك .. نظارته الشمسية في ايد .. والاوراق في الايد الثانية .. ثاني ..... يحوم في هالشركة اللي مغربلنه بها ابوه ... وساير راد ساير راد ... شوه السالفه ؟؟ هو روحه ما يدري شوه السالفه !! ثاني: الله ياخذ عدوك يا زايد زايد: نعم سمعت اسمي افتر ثاني يشوف وراه ........ ما صدّق شاف زايد ... زايد: نعم شوه ؟ اول مره تشوفني ؟ ثاني: اقولك .. شكراً على مجيئك .. واهلاً وسهلاً .. وخذ هالاوراق زايد: وين ؟؟ وين ؟؟ ثاني :ما يخصني بسير انا ... زايد: وين بتسير ؟ ثاني: بييب لاب توبي .. زايد: وانته كل يوم مودّي هاللاب توب ؟ ثاني: من كثر ما تحنّون .. اخترب ما ادري شوه استوى به زايد: اخترب !! ابركها من ساعة .. بس لحظة .. انته روحك خبير كمبيوترات .. جيه بعد تعابل .. واتّعب عمرك .. وتوديه محل يصلحونه لك ؟ ثاني: والله ما ادري شوه عوقه .. أي شي حاولت وياه ما فهمت ... تبهدلت ولا عرفت شوه فيه ؟ زايد: اها ...... والحين ؟ ثاني: بسير اييبه وانته جابل ابويه زايد: انزين شوه اسوي ؟ ثاني : ما ادري .... قال سر عند ما ادري منوه ... وييب ما ادري شوه زايد: وانته ما شي بس تحوط من الصبح ولا فاهم أي شي ! ثاني: تدري بي ما احب هالاشيا سر وييب .. وتعال وحط ... اوراق وملفات وخرابيط .. تبون شي ع الكمبيوتر بسويه لكم على طول زايد: اقول .. سر سر .. جابل لابت توبك واسكت ثاني: آه ذكرتني مع السلامه .......... فمان الله ... اشوفك ع خير .. زايد: تصبح ع خير ثاني: تو الناس ... توها الساعه 1 الظهر زايد: ثرنا بنرد البيت وما بنشوفك ابد .. يالس في حجرتك ... ويا اللاب توب ... ثاني: اوه صدق نسيت .. اوكيه .. وانته من اهل الخير .... باي ابتسم زايد .. ابتسامة عريضة على تصرفات اخوه .... ثاني واللاب توب .. والحياة مستمرة .. دخل ... بدون ما يدق الباب .. لا وبعد يتحرطم ... سعيد: اففف شوه هذا .. عمر ...... رفع راسه ... ابتسم ... عمر: اخ سعيد سعيد ( من دون نفس) : نعم ؟ عمر: ممكن لو سمحت ترد من مكان ما ييت سعيد: شوووووووه ؟ عمر: اقصد .. لا .. ههههه يعني تنش .. وتسير تدق الباب وعقب تدخل .. سعيد: يعني لازم هالرسميات عمر: مكان شغل هني سعيد: انزين .. نحن اخوان .. واسطه واسطه عمر: وما شي واسطات .. قم سعيد: عمر .. مب لازم عمر: لا .. لازم قم .. بسرعه .. سعيد: ان شاء الله ما طلبت ع هالخشم ... نش سعيد من مكانه .. و دق الباب ... سعيد: لو سمحت ممكن ادخل ؟ عمر : الحين حياك الله ... هههههه شوه تشرب ؟ سعيد: ما ابا شي .. بس خلني اتحرطم ع كيفي عمر: لا والله سعيد: والله عمر .. ما اقدر آخذ راحتيه الا عندك عمر: تفضل تحرطم سعيد: قاهريني الشباب اللي هني عمر: ليش؟ سعيد: يعني ... ما ادري احس انهم ما يحترمون البنات ... ويتعمّدون يحرجونهن ... عمر( وهو مندمج ويا الكمبيوتر ): ليش ؟ سعيد: ما ادري احس تافهين والله .. مب الكل .. بس الاغلبية عمر: ما في حد يتعمّد يحرج حد .. او يقوله شي من دون سبب سعيد: لا تعرف .... البنات اللي هني .. يعني اعتبرهن شرات خواتك يا اخي .. ولا تحرجهن .. هاللي ما عنده سالفة اصلاً يحط راسه بـ راس البنيه .. عمر + سعيد: بقولك ليش .. سعيد: قول عمر: لا انته كمل سعيد: لا قول قول والله حلفتك تقول عمر: وجيه تحلف؟ سعيد: انا حاط فبالي اقولك سالفه عمر: وانا بعد ... سعيد: عيل قول انته قبل عمر: لا هي ما اعتبرها مهمه .. لكن كأني اضرب لك مثال مثل ما يقولون سعيد: انا بعد السالفه مب ذاك الزود .... وكأنها مثال .. قول .. يالله عسب انا اقولك عمر: هههههه انزين ... شوف يا اخي .... توها وحده يت من الموظّفات .. دخلت عليه .. لا سلام ولا كلام .. ولا احم ولا دستور ... وتسألني عن ملف هي يايبتنه لي من ساعه .... جان اقولها ردي ودقي الباب وعقب دخلي سعيد: اها .. عسب جيه قلت لي انا بعد .. عمر: هيه ... نحن هني في مكان شغل .. مب ربيعي واخويه !! ... لازم يكون في ادب .. في اصول .. في حدود .... صح والا ؟ سعيد ( بحماس ) : صح ...... عمر : وبس هاي هي سالفتي ... انته شوه سالفتك سعيد: قبل ما اقول سالفتي ... منوه اللي تهزّأت ع ايدك ؟؟ فضيحة ... عمر: مب فضيحه .. بعدين انا قلت لها بأسلوب هادي سعيد: لا اقصد فضيحة في حقها هي .. وبعدين انته اصلاً اسلوبك هادي .... وبارد شوي .. لكن هالبنيه حليلها ... قفطه .. لان وااااااو عمر سيف يهزّأ موظفة من الموظفات ... شي عجيب غريب ... عمر: لا .. بس لازم في حدود .. سعيد: صح ..انزين منوه قول ؟؟ شاك انها سارة الحشرة عمر: ههههههه لا لا .. مب سارة .. سارة حليلها يت عقب اللي تهزّأت ع قولتك .. ودقت الباب .. و ورمست بأدب سعيد: غريبة ..... عيل منوه هاي ؟ عمر: بدور .. سعيد ... من سمع طاري بدور .. نزل ريله اللي كان حاطنها ع الريل الثانية .. وفتح عيونه ع الأخير .... عمر ... مستغرب ... عمر: شوه فيك ؟ سعيد: هزّأت ... منوه ؟ عمر: بدور .. سعيد: ما اعتقد انها كانت ... آسف ع هالكلمة .. لكن ما اعتقد انها كانت قليلة ادب بزيادة عسب تهزّأها عمر !! عمر: سعيد... بلاك ؟؟ شوه فيك ؟؟ اصلاً .. بدور انته تعرف اسلوبها ... وكيف هو ؟؟ انا ما ابا ارمس عنها ... لكن هي دخلت عليه فعلاً بطريقة انا ما احبها ......... وعقب بعد يوم ظهرت رضّت الباب !! هذا مب اسلوب موظفة وبنيه تتعامل فيه ويا شاب .. صح والا ؟ سعيد: بس حتى ولو ... يعني ما ادري يا عمر ... عمر: ليش هالاهتمام الزايد ؟ سعيد: لا مب اهتمام ولا شي ....... لكن ... عمر: لا تقول ... شي .. بس قول السالفه اللي كنت بتقولي اياها ... سعيد: ما شي سالفة ....... بس كنت ياي اقولك عمر: شوه ؟ سعيد: آسف عمر والله .. لكن .. ياي اقولك ان بدور كانت تصيح .. وما ادري منوه من الشباب احرجها .. وهي خبّرت المدير ......... عمر: وجيه تصيح ؟ الواحد يوم بيسوي الغلط ما بيصيح سعيد: هي بنيه عاد ... وتعرف البنات يوم ينحرجن ويدق في راسهن يصيحن .. ما في شي يسكتهن .. عمر: والله كيفها .. سعيد: الحين شوه بتسوي ؟ عمر: شوه اسوي ؟؟ وفي شوه ؟ سعيد: في بدور عمر: شوه تباني اسوي فيها ؟ سعيد: اقولك خبرت المدير عمر: عادي .... سعيد: بيزقرك المدير اكيد ... عمر انته تعرف بدور منوه ... وبنت منوه عمر: ما يهمني .. اللي يحترمني احترمه ... اما غير جيه .. آسف ... وبعدين سعيد ... هذا مب كلام تقوله لي .. اونه تعرف بدور منوه وبنت منوه ؟ ....... سعيد نزل راسه .. عمر: انا ما سويت شي غلط عسب اخاف منه ... انته تعرف منوه عمر ؟؟ منوه اخوك عمر .. وتعرف انه ما يغلط في حق حد ابداً ... الا اذا كان الوضع خارج عن ارادته .. صح والا .. تعرف هالشي والا ؟؟ سعيد ( رفع راسه وابتسم ) : صح .. هيه ... اكيد اعرف .. نسير نشوف مروان شويه ... و شوه استوى عليه .... لانه حليله .. ههههههه ... سيارته تبنجرت عليه في نص الطريج .... مروان: الحين شوه نسوي ؟ عمران: والله موترك .. انته شوف لك حل مروان: الاسبير ورا ... عمران انزل بدله عمران: نععععععععم ؟؟؟ شوه ؟؟ مروان: شوه انا بوصلك .. يعني بتعب عقب انته اتعب الحين عمران: ما يخصني ... روحك انزل وبدّل مروان: صدق ما تنفع عمران: خل شوي الشمس تظرب في راسك عسب تحس بالتعب والحر مثل هذيج المره مروان: مجرم .. صدق انك ارهابي عمران لي الشرف والفخر مروان: خل عمر يسمعك عمران: عمر لو يسمعك انته زين بيسوي فيك .. مب فيه انا مروان: افففف وايد ترمس .. نزل مروان من السيارة .. و رفع اكمام الكندورة .. وحط عقاله فالسيارة .. ولف الغترة .. كأنه ساير الغوص !! عمران: مروان اصورك فيديو ؟ مروان: صوّر انته وشوف عمران: بصوّر وعقب بوزعه بلوتوث مروان : المطاوعه بعد يعرفون بلوتوث ! عمران: شوه قصدك ؟ مروان: ما ادري ..انته تفهمها ع الطاير هههههه عمران: مالت عليك .. والله لا تخليني اتصل الحين في احمد ايي ورايه وانته اتم هني روحك مروان: ويه ويه .. زيغتني يعني !! .. اتصل .. عمران: ما تهون عليّه .. مروان: سبحااااان الله .. ما اهون عليك والا بيقفطك وما بيي عمران: والله لا .. احمد حليله يوم اقوله شي يسوّيه مروان: ثره بادي قارد عمران: بادي قارد في عينك ... يوم الواحد يحترم ربيعه سويتوه بادي قارد وما ادري شوه مروان: عيل متفيج .. والله لو هزاع يتصل بي الحين يقولي تعال ما سرت عمران: لانك ما تعرف اصول الصداقة .. ولا ازيدك بعد .. ما تعرف اصول احترام الاقارب مروان: اقارب والا اهل واصدقاء هاهاهاها عمران: هههه اقول مروانو .. فكني يالله .. مروان: هيه .. روحك يالس مستانس .. اسكت لين ما اخلّص .. عمران: بتصل في عمر جانه جريب وطالع من الدوام ايي ورايه مروان: اتصل .. جان عبّرك عمران: هو ما عبّرني بتصل في سعيد مروان: جيه ما تقول بتصل في راشد ها ؟ عمران: لا راشد فيه شويّة نحاسة شراتك ...... مروان: مالت عليك .. اسكت اسكت .. محّد نحس غيرك وغير بنت عمتك عمران: أي بنت عمّه ؟ مروان: أي بنت عمه بعد ؟؟ في غيرها عذّوووج عمران: هههههه سخيف ايه استح ع ويهك .. عمتك انزين .. وبعدين عمتيه ما شاء الله عليها تبارك الرحمن ... يايبه درزن بنات وولد واحد ... شدراني أي وحده فيهن تقصد مروان: هيه تعال ... توك تعطيني محاظرة عن الاقارب .. سر سر تفلسف ع حد غيري .. ما يعرف أي بنت عمه اقصد !! .. كلهن معرسات الا النحسة عفرووو .. ما ادري منوه بياخذها هاي من نحاستها ... سكت مروان .. وما علّق عمران .... لازم يحط عالاوادم ويعلّق .. اسمي يحصلون من وراه اجر ....يوم يرمس عنهم .. بدر .. دخل الصاله .. ما في حد .. صعد فوق .. شاف اخته يالسه فوق وتبدل في هالقنوات ... يا ويلس .. هند: الناس يسلمون بدر: كل يوم اشوفج بعد اسلم عليج ! هند: والله انته ياي من برع ! بدر: وعليكم السلام .. هند: زهبت شنطتك ؟ بدر: لا طبعاً هند: متى بتزهبها بدر: منوه قال اني بسير وياكم ؟ هند: اونه قول والله ؟ بدر: والله .. هند: وليش ان شاء الله ؟ بدر: ما في خاطريه اسافر .. هالمرة هند: حرام عليك بدر: شوه حرام عليه ؟ هند: اذا انته ما بتيي .. عيل يعني انا اظهر بروحي ... ويا امايه .. وامايه اذا تفيجت لي بدر: سيري غيري جو هند: توني من يومين مغيره جو ما ابا اسير .. بدر: والله كيفج .. قولي حق ابويه .. هند: انا ما كنت اعرف انك انته بتم هني بدر: انا بتم هني .. لكن ما بجابلج ... هند: الله يخليك قول انته حق ابويه بدر: ما بيخليج ... بيقول عند منوه بتمين ؟ هند: اقنع امايه انها تيلس بدر: انتي اقنعيها هند: انا لو قلت لها .. تقول ان ابوج روحه بيسير .. وما ادري شوه ... واصلا انتي ما عندج ولا شي .. فـ ليش ما تيين ؟ بدر: انزين سيريييي هند: اقولك والله ما ابا .. ملل .. بدر: الحين لو تدرسين برع مب احسن ؟ هند: لا طبعاً .. اولا انا لايعة جبدي بروحي من برع .. بعد اتم برع .. وروووووحي طبعا ادرس هناك .. بدر: كان بيخليج ابويه تدرسين في كندا .. وسكني عند عمي هند: هييييييه ما شي شغل ... ابداً ما شي شغل .. اونه اسكن عند عمي .. في كندا .. مينونه انا ؟ بدر: وليش مينونه ؟ بالعكس كندا حلوة ... منها دراسة ومنها سياحة هند: لا لا لا شكراً على اقتراحك الجميييييييييل .. الحين نحن كنا في سالفة اني ما ابا اسافر هالمرة بدر: انزين بس يومين بيسيرون وبيردون هند: وعسب جيه انا ما احب .. راسي يعورني من الطيارة خلاص بدر: خلاص .. بقول حق ابويه انج ما بتسيرين .. واني بجابلج هاليومين وامري لله هند: شكراً .. اخووووويه حبيبي والله انك نعم الاخو بدر: نعم الاخو يوم جيه ... ويوم اقولج .. هندو نسير هني وهناك تقولين لا ! هند: لو تقولي نسير أي مكان هني .. جان قلت لك انزين .. بس انته تبا توديني برع البلاد ... انا اقولك لايعه جبدي من السفر بدر: اقولج بوديج احوطج وبشتري لي كم غرض وبرد هند: وليش العبالة ... تبا شي اطلب من النت وبيوصلك .... يالله الحين لا تذلني .. بدر: انا طالع تبين شي ؟ هند: توك راد ! بدر: هيه بس جيه .. كنت جريب قلت بمر اسلم عليج هند: هه ... ووايد سلمت يوم دخلت بدر: والله اني متفيج يالس وياج .. رديتي ع سالفة جديمة ! .. خلاص يا بابا ... صدق انج اماراتية ... وايد تحبين تطولين السالفه وتتحرطمين هند: هه .. سر سر الله يخليك .. وافتخر اني اماراتية .. احم فالمستشفى .... احمد ريل آمنة اليوم بيظهرونه .. حالته تحسّنت والحمدلله .. احمد: انا اتصلت في عيسى اخويه قلت له .. اييب السيارة آمنة: وكيف بييب ؟ احمد: عادي هو وربيعه بييون .. وعقب هو بيسير ويا ربيعه آمنة: وجيه تسوي هالحركات ؟؟ احمد: أي حركات .. آمنة: احمد خل السايق يسوق .. وخلاص .. احمد: تدرين فيه ما احب اركب ويا سايق !! آمنة: انته تعبان احمد: مب تعبان آمنة: بلى تعبان وتوك بعد ظاهر من المستشفى .. احمد: روحج قلتيها .. توك ظاهر .. يعني لو تعبان .. ما بيظهروني .. آمنة: و الحين .. والله عيب اخوك اييب السيارة لين هني ! احمد: وليش عيب ... ما فيها شي ! آمنة: لا والله .. استحي .. يعني في سايق جيه بعد اخوك احمد: انتي همّج .. اني ما اسوق .. وبس .. صح آمنة: دون ما تسألني .... لازم ما تسوق .. روحك لازم تعرف احمد: خلاص انزين .. خلاص .. ما بسوق .. بخلّي عيسى هو اللي يردنا انزين ؟ سكتت .. آمنة .. ولا ردّت عليه .. احمد : بلاج ؟ آمنة: ما شي .. احمد: الحين انا شوه قلت ؟ آمنة: ما قلت شي !! احمد: امون بلاج ؟ آمنة: يعني انته تدري اني مستحيل اركب ويا عيسى .. ليش تحرجني ؟ احمد: ما بتركبين وياه روحج انا وياج ... بلاج انتي ؟ آمنة: حتى ولو ... انته تدري بطبعي .. احمد: امون بلاج اليوم ؟؟ بسم الله شوه مستوي فيج ؟ آمنة: ما شي .. انا برد ويا السايق .. وانته كيفك ... شوف أي حد يردّك احمد: استغفر الله العلي العظييييييم .. صبر ايّووووووب .. وتمت .. آمنة ساكته .. ولا تعلّق ... واحمد تم ساكت .. و تم يظهّر الاغراض .. ويحطهم فالشنطة .. نشّت آمنة .. خذت من ايده الاغراض .. وروحها قامت ترتّب .. ولا قالت شي .. واحمد اكتفى بأنه .. يسير وييلس ع طرف الشبريه ويعابل مبايله .... نفس الوقت .. والصمت حل ع المكان .. سمعوا صوت الباب ... وانفتح ... هزاع: اهلاً .. اهلاً .. اهلاً .. شكراً ع الترحيب الحار .. احمد: هههههه مرحبا .. حياك الله .. هزاع: شحالك .. بو شهاب ؟ احمد: الحمدلله هزاع: شحالج ام شهاب ؟ آمنة: زينه هزاع: افا ؟؟؟ زينه وبس !! .. بلاج ؟ آمنة: ما شي ... احمد: هذو هزاع يا .. خلاص بنسير وياه ما ردّت عليه آمنة ولا عبّرته .. هزاع: ههههههههه خيبه اكبر طاف في حقك .. ولأوّل مره .. احمد: شدراني فيها اختك هزاع: أمّون شوه فيج ؟ آمنة: ما شي احمد: خلها عنك الحين .. قول انته جيه ياي ؟ هزاع: استح ع ويهك انزين احمد: هههههههههههه لا والله مب قصدي .. بس يعني منوه قالك تيي هالوقت غريبه ! هزاع: امايه ما ادري وين كانت تبا تسير اونه وصّلني .. قلت لها وين السايق ؟قالت انه يايب امون هني .. قلت لها .. انا بسير اييب امون وريلها وبخلّي السايق يوديج انتي احمد: ويييييييييه .. ليش عاد كل هالعباله جان خليت السايق وانته وديت عمتيه هزاع: هاها .. مينون انا .. والا راسي مخبوق .. تباني اودي امايه .. عسب صدق اتخبّل .. . ادّخلني في سكه واظهرني من سكة احمد: ههههههه والله انّك .. هزاع: يالله يالله .. وين شنطتك ؟؟ احمد: شوه وين شنطتيه روحي بشلها هزاع: والله ما شليت شي .. انا اللي شليت عنك .. يالله بسرعه .. امون يالله آمنة: خلصت .. خذ .. هزاع: بل عليج .. يوم تبوزين .. بعد مول تكونين ..... احمد: يالله نسير .. في .. دبي .. انترنت .. سيتي .. مر أحمد ع عمر قبل ما يظهر .. أحمد: عمر عمر: هلا أحمد أحمد: خلّصت شغلك ؟ عمر ( وهو يلبس نظارته الطبية ) : هيه .. والحين بسير .. بغيت شي ؟ أحمد: مب انا اللي اباك .. عمر: عيل منوه ؟ أحمد: المسؤول .. عمر ( تنهّد ) : ان شاء الله أحمد: ثر بدور عنده عمر: هيه ادري .. أحمد : يالله عيل سر .. وبنطلع رباعه عقب عمر: لا عادي سر انته .. انا يمكن اتأخر أحمد: عادي .. كل يوم اترياك واطلع وياك .. ما عليه عمر: محمد والله عادي سر البيت أحمد: ما بسير .. لين ما تخلّص ونطلع رباعه يالله بسرعه سر عند المدير ظهر عمر ووياه أحمد .. سايرين عند المسؤول مالهم ... وفي دربهم .. شافوا سعيد ياي صوبهم .. عمر: سعيد رد البيت .. وانا عقب بيي سعيد: شوه ما خلّصت ؟ عمر : لا خلّصت .. بس بسير عند المسؤول شويه وبرد سعيد: المسؤول ليـ سكت سعيد .. تذكّر سالفة اليوم الصبح .. سالفة عمر ويا بدور ... سعيد: اها اوكيه خلاص .. بترياك عمر: سر اقولك .. سعيد: بتريّاك .. شوه فيها ؟ عمر: لا سر .. ومر ع عبدالعزيز .. اخاف اتأخّر عليه .. ويحاتي .. سعيد: اها .. اوكيه خلاص .. بس يوم بتطلع من عنده اتصل بي عمر: ان شاء الله يالله سر .. عبدالعزيز .. بيتم يحاتي سعيد: ان شاء الله .. سار سعيد .. ومشوا محمد و عمر صوب المسؤول ..... دق عمر الباب .. ودخل ... شاف بدور يالسه .. ويوم دخل تطالعه بنظرة .. ما عرف يفسّرها ولا يبا يعرف بعد .....! ..............: هلا عمر .. عمر: اهلين .. شحالك ؟ ........: تمام .. شحالك انته ؟؟ عمر: الحمدلله ........: علومك ؟ عساك بخير ؟ عمر: علومي طيبه .. الحمدلله .. .........: ان شاء الله دوم عمر: وياك ان شاء الله ..........: تفضّل تفضّل يلس .. جيه واقف .. عمر يلس .. ........: انته تدري ليش زاقرنّك انا ؟ عمر: هيه ........: يعني تدري اللي سويته غلط ؟ عمر نحن يالسين في مكان شغل .. واول مره واتفاجئت يوم عرفت انك انته تصرّف هالتصرف .. اتوقّعها من أي حد .. لكن ما اتوقّعها منك !! .. عمر: لحظة .. اسمح لي الغالي .. لكن .. انته ما سألتني كيف استوت السالفه ؟ ........: انا عرفتها من بدور عمر: مب لازم تسمعني انا بعد ؟! .......: صح .. انزين سمّعنا عمر: اظن تعرف السالفه .. بس انا بقولك شي .. هي دخلت عليه .. بدون لا احم ولا دستور .. ولا دقت الباب .. ولا سلّمت ... وقالت خلّصت الملفّات ؟؟ اظن اخويه يعني مب حلوة .. لا في حقّي ولا في حقها .. يعني هني مكان شغل .. مثل ما هي تضايقت .. واصلاً انا ما قلت لها شي .. انا بعد تضايقت ,, للمكان احترامه .. بدور: انته قلت لي اياها بطريقة ... وقحة ... انصدم عمر .. لكن آثار الصدمة .. بدّلها بسرعه ... بعلامات اللامبالاة .. عمر ( ما عبّرها وكمل كلامه ) : شوف .. اذا انا غلطت فـ آسف .. واذا حد غلط في حقي فـ الله يسامحه .. ممكن اسير الحين .. لان اخويه الصغير يترياني اييبه من المدرسة .. ............ ( ابتسم) : خلاص يا عمر .. تقدر تتوكّل .. انقهرت بدور .. ما سووّا به شي !! .. ما قدروا ياخذون حقّي من هالعمر اللي شايف نفسه .. بدور: بس؟؟ هاللي قدرت عليه ؟؟ ...........: اختيه بدور ... انا ما عيبتني طريقة كلامج هني .. وجدامي .. فما بالج بالسالفه اللي استوت .. اشك ان عمر هو اللي غلطان ................ وسوّا لها اكبر طاف .. وتم يعابل الكمبيوتر اللي جدامه ... انقهرت بدور زياده .. وظهرت من المكتب ...... اما عمر .. فـ سار صوب أحمد .. أحمد: ها ؟؟ شوه استوى ؟ عمر: ما شي .. أحمد: ما شي .. وبدور ظهرت وراك .. ومعصبة عمر: ظهرت ؟ أحمد: هيه .. عمر: ما انتبهت .. والله أحمد: انزين شوه سوّى بك عمر: ظربني أحمد: لا والله ؟؟ هههههههه ما كنت اعرف ان دمّك خفيف عمر: هههههههه يعني شوه سوّى ولا شي .. بلاكم انتوا؟ أحمد: منوه تقصد بـ انتوا ؟ عمر: انته وسعيد أحمد: هييييييييييييييه عمر: يالله يالله .. والله الحين عبدالعزيز مبهدل سعيد .. أحمد: جيه عاد عمر: وين عمر ؟؟ وليش هو ما يا ورايه .. وشوه السالفه .. واسئلة ما لها نهاية أحمد: ههههه الله يعينه سعيد الحين عيل .. فالبيت .. اقصد . .بيت الشباب محد فالبيت .. غير ..... راشد + فريد .......! راشد: فرييييييييييييد ..فريييييييييييييييييييييييييد .. وين سار هذا .. ( فتح باب الصاله ) فريييييييييد ووصل فريد .. فريد: شوه ؟ راشد: ما في حد وصل قبلي ؟ فريد: لا راشد: وينهم ؟ فريد: ما ادري ! راشد: خلاص .. سير فريد: احط غدا ؟ راشد: لا لا .. بترياهم ... سار فريد .. وظهّر راشد مبايله من جيبة .. ودق الرقم وارسال .. راشد: وين هذيلا ؟؟ الو .. هلا عمر عمر: اهلين .. راشد: وينك انته ؟ عمر: انا ياي ... ليش ؟؟ تغدّوا لا تتريوني راشد: شوه نتغدا الله يهداك .. ويا منوه اتغدّا ؟؟ فريد ؟؟ والا الينّي .. اختار عاد عمر: ليش ؟ محّد وصل للحين ؟ راشد: لا عمر: مروان وعمران ما وصلوا ؟ راشد: لا ما وصلوا .. عمر: غريبه هم اوّل اثنين يوصلون راشد: ما ادري والله .. عمر: وسعيد وعبدالعزيز ؟ راشد: اقولك محد واصل عمر: يالله يالله مع السلامه .. وبند عمر المبايل ....... راشد : معلوووووووووم .. شوه يبا فيني .. عرف ان عزوز للحين مب واصل ! .. حبيب قلبه .. بيفكّر في الباقين ! ... خل اتصل في مروان اشوفه وين .. اتصل راشد في مروان ...... مروان: هلا راشد راشد: اهلين .. وينك ؟ مروان: يايين الحين راشد: عمران وياك ؟ مروان: هيه ليش؟ راشد: ما شي بس اسأل .. وين واصل؟ مروان: الحين جريب .. شوه تبا ؟ راشد: ما ابا شي .. لكن محد فالبيت .. مروان: شوه تخاااااف هههههههااااااي راشد: ههااااااي في عينك ما يظحك .. وفي عينك الثانية بعد ما اخاف مروان: عين وحده ما يظحك والعين الثانية ما اخاف ! ... كيف يعني ؟ راشد: هههههه مروان لا تستهبل انزين مروان: هههه انزين انته قلت .. راشد: يالله بسرعه مروان: شوه السالفه .. والله جد راشد: ما شي .. بس محد للحين واصل .. مروان: وين واصل؟ راشد: اوهووووووو مروان مروان: والله انزين .. مب فاهم عليك راشد: محد فيكم واصل البيت .. انا وفريد رواحنا فالبيت مروان: اها .. انته وباباتنا بس فالبيت .. وين الباقين ؟ راشد: ما ادري .. بس رمّست عمر .. وقال انه ياي .. وانه سعيد ظهر قبله .. وبيمر ع عبدالعزيز .. مروان: وسعيد بعد ما وصل ؟ راشد: لا .. القطو مع القطو .. مروان: هيه والله .. ميمعين قطاوة نحن .. راشد: يالله يالله تعال .. مروان: والله جريب ... 5 دقايق او اقل واكون عندك راشد: خلاص عيل .. يالله مع السلامه مروان: فمان الله .. حب راس بابا فريد راشد: في خشمك انزين .. وبند راشد عن مروان .. مروان: ههااااااي عمران: شوه فيه ؟ مروان: حديث الكبار .. لا يتدخّل فيه الصغار !! عمران: في ويهك ! مروان: هه !! تم راشد .. يحوس فالبيت .. صدق البيت كئيب .. لكن الحين كئيب اكثر .. اخوانه ولا واحد فيهم موجود .. عالأقل وااحد بس .. واااااحد .. يكون موجود .. بيكون البيت غير .. اما كلهم محد !! .. سار بدل كندورته .. ولبس جلابيته .. ونزل تحت .. ولا واحد فيهم وصل ... فتح التلفزيون .. يبدّل فالقنوات .. حط الجهاز ع صوب ... شاف جريدة ع الطاولة .. فتحها .. وتم يقراها ... دخل احمد البيت ... امه يالسه فالصاله ... ام احمد : سلامات .. نور البيت احمد: منور بوجودج الغاليه ام احمد: شحالك الحين ؟ شخبارك ؟ عساك بخير احمد: الحمدلله آمنة: السلام عليج عموه ام احمد: مرحبا فديتج .. شخبارج؟ آمنة: الحمدلله .. انتي شحالج؟ ام احمد:الحمدلله .. احمد: اسمحي لي امايه .. بسير فوق انا .. ام احمد: مسموح فديتك .. قم سر .. قومي آمنة حبيبتيه سيري وراه آمنة: ان شاء الله سارت آمنة ويا احمد فوق ... لين بدّل بسرعه .. وانسدح مره ثانية ع الشبرية ... سمعوا حشرة ... والحشرة معروفة مالت منوه ؟! ....... احمد يوم سمع .. غطى ويهه باللحاف .. آمنة ظحكت ... وظهرت برع الحجرة .... آمنة: بس سكتي رملة: وينه وينه وينه ؟ بسرعه قولي آمنة: الله يخليج رملة دخيييييلج والله .. سيري الحين تحت وعقب تعالي رملة: ما بسير .. وينه ؟ما شايفتنه من يومين .. مرقد فالمستشفى آمنة: انزين ما عليه .. الحين بس .. سيري تحت اول ما ينش .. بتصل تحت وتعالي رملة: رااااااااااااااااااقد ! آمنة: هيه رملة: حشى يومين راقد فالمستشفى ... بسه آمنة: يا ربييييي شسوي الحين رملة: لا تسوين شي .. اصلا انتوا توكم واصلين متى لحق يرقد ؟ آمنة : رملة حبيبتيه انتي ... والله ان احمد تعبان ... عسب جيه رقد رملة: وايد يعني تعبان ؟! آمنة: يقولون ... رملة: يالله بسامحه عيل ... لين المغرب .. والا لا لين العصر .. آمنة: ان شااااء الله عموه رملة .. بس انتي سيري الحين سارت رملة تحت .. وردت آمنه في حجرتها ... حمدت ربها ان رملة اقتنعت بسرعه .. انفتح الباب .. مروان: تنترارارارا ... وصل مروان .. بديع سالف العصر والأوان راشد: حياه الله .. عمران ( دز مروان دزّه ) : قممممممم تعبان بسير فوق مروان: خييييييييبه .. بلاك ياخي .. اتريا انزين عمران: مب متفيج حق سخافاتك مروان: ما بك يا اخيّ عمران ( وهو ماشي ) : لا شي يا اخي مروان: أأنت متأكد عمران: نعم متأكّد .. كما انني متأكّد بأنك من اكبر المغفّلين في هذا المنزل .. راشد: ههااااااي والله حلوة .. مروان: اسكت ما يظحك راشد: ظحكني انا .. مروان: اصلاً ظحكتك غير معترف فيها راشد: جيه جامعة مروان: لا كلية .. راشد: انزين .. اقول مروان: قول ؟ راشد: ممكن تسير فوق .. وتفكني من صدعتك مروان: توك ما مداك .. قبل شويه متصل تقول وينك والبيت ملل بدونك راشد: اخرط اخرط مروان: فذمتك ما اتصلت راشد: بلى اتصلت .. لكن سألتك وينكم .. ما قلت ملل بدونك مروان: هو انته بغيت تقول لكن استحيت .. راشد: فرييييييييييييييييد مروان: نعم نعم .. قام يزقر ابوه .. راشد: ههههههه تدري امسات اقول حق عمر وسعيد والله شاك اما فريد ابونا صدق او انه عزوز ولد فريد ونحن ماخذين ولد الريال مروان: هههههههههههه حلوة حلوة .. انا اقول يمكن الثانية راشد: لو الثانية .. سعيد عيل بعد ولد فريد مروان: جيه ؟ راشد: عسب عيونهم مروان: ههههه يمكن فريدو ماخذ له وحده اجنية .. عقب ياب منها سعيد وعزوز .. وعقب شرد منها .. ويا هني عندنا يبحث عن لقمة العيش .. نقع راشد من الظحك ... ومروان ويّاه .. ومكملين سوالف .. وخرابيط .. وتخاريف .................! انفتح باب الصاله ..... فصخ نظارته الشمسية ... عمر: بعدهم ما وصلوا ؟ مروان: بسم الله الرحمن الرحيم .. راشد: منوه ؟ عمر: سعيد وعبدالعزيز ؟ راشد: لا بعدهم .... عمر: استغفر الله العلي العظيم .. مروان: ليش شوه السالفه ؟ عمر: أي شي اتصل في سعيد ما يرد عليه .. راشد: لحظه انا بتصل به .. و مسك راشد مبايله .. واتصل في سعيد ... رن .. ورن .. ورن .. ورن .. ورن .. ورن .. وروحه بنّد .. وسعيد ما يرد .. راشد: ما رد عليه .. عمر: وين سايرين مروان: يمكن اممممم سعيد متأخّر عسب سار اييب عبدالعزيز .. عمر: وين .. لو انا كنت ساير بسرعه بوصل .. مروان: لا اخويه يحافظ على القانون ولا يخرقه .. راشد: شوه يخصه هذا الحين ؟ مروان: يسوق 80 ما ادري 60 عسب ما يزخّه الرادار هاهاهاها راشد: لا والله !! مروان: او يمكن ساير بيت عمتيه عمر: بيت عمّوه ليش؟ مروان: يمكن عبدالعزيز .. النّحس .. قاله يسير هناك .. عمر: مروان .. ممكن تكرمنا بسكوتك .. مروان : ان شاء الله .. صخ مروان .. لان صدق عمر كان متوتّر .. وقاله اسكت .. بطريقة .. تبيّن مليون بالـ 100 ان عمر مب على بعضه اليوم .. والحين خصوصاً .. في بيت بو زايد ... غاليه في حجرتها .. ما حست الا وبباب حجرتها يتبطّل .... بالقو ثاني: اوه سوري .. آسفين غاليه : نعم ؟؟ خير استاذ ثاني ؟ ثاني: غلّوي ... غاليه: هلا ثاني: طلبتج .. غاليه: شوه بغيت ؟ ثاني: لاب توبج دقيقة غاليه: مب مكفنّك لاب توبين .. وكمبيوتر بعد تبا لاب توبي ؟ ثاني: الله يخليج غاليه: ابا اعرف شوه تسوي انته ؟ شوه تسوي ؟ ثاني: لاب توب واحد كله برامج .. ما اقدر انزّل أي شي فيه .. والثاني وديته المحل .. غاليه: والكمبيوتر ثاني: انا ابا شي من لاب توبج .. ما اباه من الكمبيوتر غاليه: خذه بتحصله فالشنطه هناك ثاني: مشكووووووووووورة .. برد لج اياها غاليه: ياما سمعناها .. ثاني: كله مره وحده .. يوم بتعرسين .. مره وحده غاليه :اخاف حتى يوم اعرّس والا انته تعرّس بتم مجابل اللاب توب عالكوشة ثاني: اصلاً تدرين .. الحياة صعبة .. ومريرة .. بلا لاب توب غاليه: لا والله !! توني ادري .. ووصل زايد هالوقت .. ثاني: نعم .. انظري .. مثل أخاك تماماً .. حياته خاليه باليه .. بلا لاب توب زايد: الحمدلله والشكر ... ثاني: على ؟؟ ادري على انه عطاكم اخو شراتي .. زايد: هيه والله ثاني: that’s nice راضين عليه اليوم الحبايب زايد: لا والله !! .. جيه ومتى زعلنا منك ؟ ثاني: لا بس يعني .. كل مره احصل هزبة محترمة عسب حبيب قلبي زايد: تدري .. مب فاضين نحن .. وورانا مشاغل ثانية . .اللي علينا سويناه .. ثاني: اها .. اوكيه .. غلّوي .. جابلي .. زايد .. لين ما اخلّص وظهر ثاني من الحجرة .. زايد: طبعاً كالعادة .. غاليه: طبعاً .. زايد: الله يهديه .... انتي شوه تسوين ؟ غاليه: ما شي .. يالسه كنت اقرا هالكتاب .. زايد: حلو .. غاليه: زايد .. زايد: هلا غاليه: امممم .. خلنا اليوم نظهر زايد: وين تظهرين ؟ غاليه: بسير ويا عفّاري بنت عمّوه وويا عزّوز .. زايد: انا قايل من قبل .. طلعه رواحكن ما شي غاليه: زايد الله يخليك .. والله .. يعني .. عفّاري تقل من زمان ما ظاهرين ويا بعض زايد: وليش تظهرن محتايات شي ؟ غاليه :انزين بس ساعتين .. الله يخليك .. عبدالعزيز ويانا .. وعبدالعزيز يعني زين ياهل .. زايد: لا والله ؟؟ روحج تقولين ياهل غاليه: انزين .. يعني .. ما في امل زايد: اممممم .. غلّوي والله ما احب اكسر بخاطرج .. جيه هالكثر تترجّين غاليه: شسوي انزين ؟؟ انته دومك ويا اشغال ابويه وشغلك .. وثاني ابد مب فاضي حقنا .. شسوّي ؟؟ ما عندي حد .. اللهم عفّاري .. وانا من متى بعد ما شايفتنها !! .. الا امسات يوم سرت تغديت بيتهم .. زايد: يعني ما يكفيج ؟ غاليه: لا .. والله ما يكفيني زايد: خلاص .. انزين .. سيري وياها .. غاليه :احلف ؟ زايد: الحين اقولج سيري .. تقولين لي احلف غاليه :لا خلاص لا تحلف .. واذا كان حلم اللي انا فيه .. فما ابا انش منه زايد: هههه لهالدرجة .... ! غاليه: تدري والله عفاري غاليه ع قلبي .. حليلها من متى تترجاني .. زايد: انزين بشرط قلنا غاليه: شوه ؟ زايد: تسيرين .. كيفج متى تطلعين عاد .. بس عقب صلاة المغرب ع طول .. تكونين فالبيت .. ابا ارد من المسيد القاج هني غاليه: اوكيه ما طلبت .. ولو ان عفاري بتقولين طلعه وبالذل بعد .. بس اوكيه بقنعها زايد: هاي عفرا بعد .. تشرّط غاليه: ههههههههه فديت روحها والله بتستانس في بيت الشباب .. نزل عمران من فوق .. عمران: يالله وين الغدا ؟ مروان: خلّصت عمران :شوه تشوف ؟ مروان: ما خلّصت عمران: لا اتم تستهبل انزين مروان: بلاك انته قابضني لا تستهبل ولا تستهبل راشد: انتوا ايه .. وايد حشره مروان: وانته بعد ... قبل شويه متصل تعالوا وتعالوا راشد: هههههه ذليتني عاد عمران: راشد فاتك شكل مروان.. راشد: ليش؟ عمران: يقولك نزل صلّح البنجر .. مروان: هاهاها ما يظحك راشد: هههههههه وليش ما تجيّك قبل ما تركب مروان: والله التواير صاحية .. امسات مغيرنهن .. بس تدري ما ادري شاك يعني وحده معجبة فيني .. وسوّت فيه هالحركة .. عسب يعني تلفت انتباهي راشد: جيه شوه قالوا لك ؟ عمران: تقول مال مسلسلات اختربت عليه السيارة .. وفي حد بيساعده راشد: احيد هالحركة الريال يسويها مب الحرمة عمران: هههههه اللي معجبة فيه .. يمكن تطلع وحده تسير الجيم وايد ههههههه .. عمر: انتوا بس هاللي تعرفونه ؟؟ ظحك وسوالف وعشمرة وشالين بطونكم فوق رووسكم ؟ افففففف شوه هالمصخرة ؟ ونش عمر ظهر برع ... مروان: بللللللللللل .. قفطونا عمران: بلاه معصب ؟ راشد: سعيد وعزوز للحين ما يو .. وهو يحاتيهم مروان: قول يحاتي عزوز انزين راشد: حرام عليك .. صح يحاتي عزوز بس بعد اكيد يحاتي سعيد .. يعني الاثنين عمران: جيه وينهم ؟ راشد: شدراني ؟؟ عمران: مروان وينهم ؟ مروان ( نش من مكانه وصرّخ ) : شدراني انته بعد .. افففففف في هالبيت كله صريخ صريخ صريخ .. عسب منوه ؟ عسب ولد فريدوووووو عمران ( منصدم) : منوه ولد فريد راشد: ههههههههههههههههههههههههههههههه عزوز مروان ( صرّخ ): وانته بعد ما يظحك راشد (فره بالجريده ): جب انزين ههههههه مروان: ههه شرايكم يليق عليه دور الشرير عمران: هاهاهاها .. الله يخليك .. لا تعيدها .. مت من الزياغ .. مروان( صرّخ ) : عمران .. بس خلاص .. عمران: اسكت لا .. حشرتنا .. لا تصدق عمرك .. راشد: بلاك ياخي بسم الله هههههه مروان ( وقف ويطالع عمره فالمنظرة ): يعني ما يليق عليه عمران: لا طبعاً .. مروان: خلاص من اليوم ورايح بستوي جدّي ( ومسك الخيزرانه ) .. وكلمتيه هي اللي تمشي .. واللي يعاندني ما يلوم الا نفسه .. وشخط الخيزرانه ع ريل عمران .... انصدم عمران .. وراشد نقع من الظحك ... مروان: اوه سوري بالغلط .. عمران: ط هذا .. اييييييييييييييييه انته راشد: ههههههههههه غبي مثلك ما شفت في حياتي عمران: والله سخيف مروان: هد اعصابك .. هد اعصابك .. بالغلط قلنا لك .. بالغلط .. والله بالغلط برّع ... عمر ع اعصابه ... يحس انه خلاص .... يبا يطلّع حرّته في أي حد .. يعني لو حد ايي الحين يرمسه .. بيشوف شي ما يسره .. وبيسمع رمسه .. ما يتوقعها من عمر ... وبطريقة .. تخليه يضايج .. ويكره الساعه اللي يا فيها صوب عمر ..... نفس الوقت .. دخلت سيارة .............. بركنت .. انفتح الباب الأول الباب الثاني .. نزلوا اللي فيها... عمر: سعيد الله يهداك .. وينكم انتوا ؟ سعيد : انته هني ؟ عمر: هيه انا هني .. وين كنتوا ؟ وايد تأخرتوا .. سعيد: الشارع كان زحمة .. انا ييت من جدّام عمر: الله يهداك بس .. والمبايل ما ترد عليه .. سعيد : اوه مبايلي لحظه ( ظهر المبايل من جيبه ) .. والله سوري حاطنه ع السايلنت .. وبدون هزاز وفي جيبي وما حسيت به دخل الصاله ... ودخلوا وراه .. عبدالعزيز :انا يوعااااااااااااااااااااااااااااااااااااااااااااااا اااااان مروان: وصل اللي عسبه حصّلنا هزبة .. عمر ( ابتسم ): عبدالعزيز .. سر فوق تغسّل وبدّل ثيابك وانزل .. يالله .. عبدالعزيز: يوعان اقولك يوعان عمر: والسفره ما زهبت .. لين ما تخلص بيكون كل شي زاهب عمران: هيه والله .. انا بعد يوعان يالله عاد .. راشد: اهلا وسهلا استاذ .. سعيد سعيد: ومرحباً بك .. استاذ راشد .... مروان: عقب عقب .. يا اساتذة اللغة العربية .. كملوا سوالفكم .. عمران: فريييييييييييييييد تعال حط السفرة ... ******** |
أكمل بعد الاختبارات بإذن الله .. قراءة ممتعـــــة .. |
الجزء الخامس في البيت العود .. اقصد .. القصر .. بيت يوسف .. تحس البيت من برع يدل ع انه بيت يضم كذا عايلة .. تحس ان النور يشع منه .. بس تدخل داخل ... بالرغم من ان فيه نور .... بس يتخللك شعور انه مظلم .. رغم ستايل البيت والأثاث الملوّن اللي يدل ع حسن الاختيار .. بس بعد يتخللك شعور بالوحدة ........! دخل عمر ... سار مثل كل مره فوق .. دق الباب .. ما سمع أي صوت .. يأذن له بأنه يدخل .. وصل كمال ... اللي ملازم عمهم يوسف من يوم وهو صغير .. والحين قام يخدمه .. عمر: كمال وين عمي ؟ كمال: بابا يوسف .. في المكتب .. تحت عمر: اها اوكيه .. نزل عمر تحت .. وسار صوب المكتب مثل ما قاله كمال .. دق الباب .. يوسف: تعال .. عمر: شحالك عمي ؟ يوسف: هلا عمر .. شحالك انته ؟ عمر: انا بخير .. يوسف: شوه الدوام وياك؟ عمر: الحمدلله .. يوسف: اليوم العشا عندي .. عمر ( استغرب) : شوه؟ يوسف: بلاك ؟ عمر : لا لا .. ما فيني شي .. يوسف: شكلك ما عيبتك الرمسة اللي قلتها .. عمر: عمي ابا ارد البيت .. اشوف جان اخواني تعشوا والا ؟ اشوف جان يبون شي ؟ يوسف : انته وبعدين وياك ؟؟ وبعدين ؟ ما بتفكنا من هالاخوان ؟ ما بتخليهم شوي يحسون بالمسؤوليه وما يعتمدون عليك .. كله انته انته انته ؟ عمر: وانا شوه مسوي لهم ؟؟ يوسف : هذا كله وبعد شوه تسوي؟ ما باقي غير تيوزهم وتصرف عليهم وع حريمهم وعيالهم بعد.. عمر: عمي .. كل واحد فيهم معتمد ع نفسه .. سعيد يشتغل .. راشد باقي له آخر سنة وبيخلص .. ومروان .. عقب سنتين .. و عمران لاحق ع الجامعة .. بس باقي عبدالعزيز .. يوسف: شوف .. لا اتم اصفّف لي هذيل الحين .. بتتعشّا عندي اليوم يعني بتتعشّى عمر سكت ... وتنهّد ... يوسف: سر الحجرة جان بتسير .. وبدّل ثيابك .. جان تبا .. وسو اللي تباه .. لين ايي وقت العشا .. ويوصل بدر والباقين عقب شويه .. نش عمر من مكانه .. ظهر من عند عمه .. ساير فعلاً الحجرة ... صعد الدري .. ومشى فالممر .. ودخل حجرة من الحجر .. رغم انه كان مكتئب .. انه اليوم ما بيرد البيت حق العشا .. لكن يوم فتح باب الحجرة .. ابتسم .. الحجرة هاي ... حجرة عمر روحه ... فيها اغراضه يوم كان صغير .. فيها العابه .. فيها وايد اشيا تذكره بنفسه يوم كان صغير .. وتذكره بـ أمّه وأبوه .. عمر ..... هاي حاله الحين ؟؟ اتم هني يالس لين العشا .. عيل متى برد البيت ؟ ابا ارد اسير اشوف عبدالعزيز .. ابا اشوف خلص واجباته والا ؟ تعشّى والا ؟ يمكن يكون راقد الحين بعد ! .. فالطرف الثاني ... ظهر من الحجرة .. سار حجرة سعيد وراشد .. دق الباب ودخل .. شاف سعيد يالس ع اللاب توب .. وراشد مستلقي ع قولته .. ويقرا كتاب من كتب سعيد .. سعيد: شوه بغيت ؟ عبدالعزيز: خلّصت واجباتي راشد: انزين وشوه نسوي نحن ؟ عبدالعزيز ( طنش راشد ): سعيد .. سعيد: هلا عبدالعزيز: وين عمر؟ سعيد: عمر سار شويه عنده شغل وبيرد راشد: طبعاً .. يبا عمر .. عبدالعزيز: بلاك انته ؟ راشد: ما بلاي شي .. عبدالعزيز: احسن .. وظهر عنهم .. سار يلس تحت .. عدّل مكانه بما معنى ... جدّم الكرسي وحطّاه بالضبط مجابل التلفزيون .. وجدّم الطاولة .. وحطاها جدام الكرسي .. و ياب الجهاز .. و تربّع ع الكرسي وحط في حضنه المكسّرات .. وبدا بالسهرة .. التي ما قبل النّوم .. لين يرد اخوه !.... عفرا يالسه فالصاله .. ويا سلامه ... وريلها ... عاد مقطعه سلامه .. و طارق طبعاً اوف كورس يدافع عنها .. ومرّات اذا شاف التعليق عيبه هو يكمّل عليه ...! عفرا: جان زين لو تييب بنيه شراتي .. جان والله تبوس ايدك ورا وجدّام .. ولا تفكّر بعد انك تييب ياهل غيره .. طارق: هههههههه الله ع الوثوق .. والثقه بالنفس سلامه: ودّج انتي بنتي تشبهج عفرا: هه حبيبتيه .. والله ما تعرفين عقب شوه تسوين .. ما بتظهرينها جدام الناس تخافين عن يحسدونها .. سلامه: قومي زين طارق: هههههه سيري الله يخليج .. كملي بروجكتاتج .. سيري عفرا: اففففف ارف جيه تذكرني بالجامعه ؟ طارق: والله دراستكم سهله عفرا: سهله حق واحد مثلك !! مب حقّي .......... طارق: شوه الحين اللي صعب فيها ؟ عفرا: والله يا أنّه التوفل ظهّر ديني ودين اجداد اجدادي طارق: تبيني امتحن عنج ؟ عفرا: شوه تتمصخر ؟ ياريت لو يستوي جان من زمان طرّشت حصوه اختيه والا طرّشت أحمد ريل أمون طارق: افا يعني ما تبيني انا اسير امتحن عنج ؟ عفرا: لا انا واثقه .. ان حصوه بتييبه وأحمد ياريت لو احمد يعطيني مخّه .. طارق: عسب عقب تقولين .. بقدّم استقالتيه عفرا: هههه لا لا بمتحن بس توفل وبرد له المخ مره ثانية سلامة: ذاكري وبتييبينه عفرا: انتي ايه لا ترمسين جذه جدام امايه تتحسبني انا الهبله اللي ما اييبه سلامة: انزين صدق هبله عفرا :جب انزين .. والله انه هو صعب والنجاح فيه بالحظ طارق: انتي بأي حق تقولين حق حرمتيه جب ! عفرا: اوهووووو .. يابوي شلها وسر بيتكم مب كفاية تيي تبات كل ويك اند ومرات اطوّل بعد ع كيفها ! طارق: هههههه الله ياخذ العدو .. نفس الوقت .. هزّاع نازل من فوق .. كاشخ .. عفرا: الله الله الله .. ع وين ؟ هزاع: ع حمر عين طارق: مال أوّل هزاع: عدال يا بو مال الحين سلامة: وين بتسير ؟ هزاع: يا بوي شوه يخصكم انتوا ؟ ووصلت امهم .. وابوهم بعد .. عفرا: هلا والله بالطش والرش .. هلا والله بالغالي .. هزاع: مثل ماي الورد في الغرش هاهاهاها بو هزاع: صدق ما تستحي عفرا ( ناقعه من الظحك ) : هههااااااااااااي قالوا له طارق: ههههههههه يبتها روحك حق عمرك .. هزاع: افا ... جذه تقفطني يا بو هزاع .. جذه جدام عفرو .. وسلامه المبزّاية .. وطرّوق اللي فار حرمته عندنا ولا يدري عن دارها ولا هواها ... ولا شوه تسوي وشوه ما تسوي بو هزاع: قم عني والله ان ريحتك فايحه طارق: ههههههههههه قم قم الله يخليك ما تعرف تقردن سلامه: يستاهل اللي اييّه هزاع: ويوهكم مش ويوه عطور ماركات انتوا ام هزاع: انته وين ساير؟ هزاع: بسير .. تبين شي ام هزاع: الله لا قال ... ولا اييب اليوم اللي انا ابا منك انته ومروانو المعرس وراشد بو لسان أي شي هزاع: خيبه بعد من زمان صفّفت لي عيال اخوها ام هزاع: فديت ويوهم والله هزاع: توج تحطين ع مروان و راشد .. ام هزاع: الا مروان وراشد انا قلت ... ما قلت عمر وسعيد وعمران وعزوز هزاع: يابوا طاري القطو .. ام هزاع: قطو حرمتك .. فديت ويهه ولدي الصغير .. يعلّي ما اخلى من شوفته بو هزاع: وين ساير انته ؟ طارق: رد عليه .. هزاع: عند خالي .. عفرا: أي خال ؟ هزاع: عندي اثنين .. واحد ما ادانيه .. والثاني ممشّين وياه الحال ام هزاع : صدق ما تستحي سلامه :هههههه عاد في ويه اختهم تقول عفرا: منوه اللي ما ادّانيه .. حرام اثنينتهم طيبين ام هزاع: صدق ما تستحون انتوا طارق: ههههه محد يعطيهم ويه هزاع: بسير عند خالي يوسف عفرا: قول والله ؟ ودني وياك والله من زمان ما سايره هزاع: وين تيين ؟ قايل حق عيال اخته الثانية .. وعيال اخوانه اييون عفرا: اففففففف طارق: هههههه جيه ما زقرنا نحن ؟؟ نبا نتعشّى فالقصر عن خاطرنا هزاع: يقولك يمكن يوزّع الحلال اليوم ... ما بغااااااا .. مكوّد عنده قوم بو ألف وألوف .. خل نسير بسرعه نلحق ع نصيبنا .. وظهر هزاع بسرعه من الصاله .. وسلامه وطارق وعفرا يظحكون عليه .. الا عذيجه اعتفس ويهّا .. يوم طرى هزاع الحلال ... ما في حد دمّر العايله غير هالحلال اللي عند اخوها يوسف ! عمر ....... غفت عينه شويه ... ورد نش .... اطالع الساعه ... عمر .... ويه الساعه 10 ... هذيل بعدهم ما تعشّوا ؟ ولا سوّوا شي ؟ محّد يا وعّاني ؟ مسك مبايله .. سعيد: هلا عمر عمر: اهلين سعيد: وينك انته ؟ عمر: انا هني سعيد: هني وين ؟ عمر: في حد حذالك ؟ سعيد: لحظة شويه راشد ( يشوف بنص عين ) : وين وين ؟ مروان: اسرار .. اسرار ابتسم سعيد ... وسار عنهم الصاله الثانية .. سعيد: شوه بغيت ؟ عمر: خلاص ؟ سعيد: هيه يلست بعيد عنهم .. وين انته ؟ عمر: بيت عمي يوسف سعيد: من متى انته هناك ؟ عمر: من اول ما طلعت من البيت ... سعيد: ولين الحييييييين ؟ عمر: هيه .. سعيد: بسّك رد البيت ... عبدالعزيز يترياك عمر: احلف سعيد: والله .. عمر: ما رقد للحين ؟ سعيد: لا عمر: يا ربييييي شـ سوي سعيد: بس انزين انته من متى عنده .. تعال خل يسير يرقد عبدالعزيز باجر وراه دوام عمر: عمي مب طايع .. قالي ايلس واتعشى وياه سعيد: انزين .. وللحين ما تعشيت ؟ عمر: لا .. بعدهم سعيد: والله كيفك انا قلت لك .. عبدالعزيز كان يالس فالصاله .. نش سار اييب له كاس ماي وشكله هذو رد ... عمر: حاولوا وياه يرقد سعيد: تعرف انه مستحيل .. ما بيرقد الا يوم يشوفك عمر: انزين شـ سوي سعيد ! سعيد ( تنهد) : انزين .. بحاول وياه .. يمكن طاع .. بس انته بعد حاول ترد عمر: ان شاء الله .. الحين بنزل بسير اشوفهم ... سعيد: يالله عيل فمان الله عمر: مع السلامه بند سعيد عن عمر ... وتضايق عمر وايد .... يبا يرد البيت !! ... سمع صوت الباب ... عمر: هلا .. منوه ؟ انتفح الباب .. ابتسامة ... عمر ( رد الابتسامه ): هلا زايد زايد: شحالك ؟ عمر: الحمدلله تمام .. انته شحالك ؟ زايد: الحمدلله ... محبوس اليوم ؟ عمر: شوه نسوي ؟ اوامر عمك زايد: هههههه حليلك يا عمر .. وشخبارك بعد ؟ عمر: الحمدلله زايد: مب زاهب حق العشا ؟ ليكون ما بتنزل عمر: لا يا بويه .. شوه ما انزل ؟ ابا انزل واخلص واسير البيت بسرعه زايد: هيه ... ورد ابتسم زايد ... يدري ان عمه يوسف .. ما يداني يشوف عيال عمه اللي هم اخوان عمر .. ولا يداني طاريهم ... فـ عسب ما يجرح عمر ما سأله بعد عن اخوانه في هالبيت .... عمر: وين ثاني ؟ يا والا بعده ويا اللاب توب ولا يودره زايد: جيه هو يقدر يقول حق عمي يوسف لا ! ... عمر: عجييييييييب !! ههههههههه زايد: هههه والله ... اتصل فيه ع طول تزهّب مع اني قلت له .. بسير قبلك اونه لا والله ما تطلع قبلي .... ياي وياك عمر: وسيارته وين ؟ زايد: لا ... سيارته فالبيت .. لكن يا ويايه عسب ما ينهزب من عمي يوسف اذا شافني انا قبله هني مثل كل مره !! عمر: ههههههه والله ان ثاني سوالف .. في حد ياي غيركم ؟ زايد: لا ... بعدهم ... عمر: عيل خلني اتلبّس بسرعه .. وانزل تحت .. واتعشى واسيييييييييير .. زايد: يالله اترياك تحت ... ظهر .. زايد من حجرة عمر ... ومشى في هالممر الطوييييييييييل .. ونزل تحت ... شاف ثاني .. يالس .. وويّاه .. عمه يوسف .. اللي مثل كل مره يهزبه !. زايد ( ابتسم ): انتوا بعدكم ؟ ثاني: عمك مب طايع يهدني يوسف: الا انته تستاهل اكثر بعد ثاني: هذا كله واكثر ! يوسف: هيه .. صدق ما تستحي ... ثاني: بل .. قوية زايد: ههههههه حليلك يوسف: عيل ما تيي الا يوم ازقرك ؟ ثاني: عمي مشغوووووول مشغوووووول يوسف: في شوه مشغول ؟ ما تقولي في شوه مشغول ؟ عندك حرمة والا عيال مشغول فيهم؟ زايد: عمي ما دريت ... ثاني متزّوج من زماااااان ثاني: يالخرّييييييط يوسف: احلف ؟ زايد: يمكن بعد شدرانا ... ماخذ وحده فالنت .. وما يقول لنا يوسف: يخسي الا هو .. هاللي ناقص بعد .. اييب لنا وحده بنت شوارع ثاني: عمي .. عمي .. بلاك اشتطيت ... شوه بنت شوارع .. بسم الله ... عاد انا ثاني اسوي جذه ! .. والله ما سويتها .. ولا معرّس ولا شي .. وبعدين مب كل اللي يدخلن النت بنات شوارع .. والله في بنات ناس محترمات ... وما عليهن من حد ... يوسف: بس بس انزين .. طب هالسالفه .. لا بركتن فالنت .. ولا فاللي اخترعه يوم انه يسوي بك جذه .. ثاني: هيه انا بعد اقول احسن .. طبّيناها ... ونفس الوقت دخل عليهم واحد ... مشتط ! هزاع: السلام عليكم .. يوسف: وعليكم السلام والرحمة زايد: هلا هزاع .. شحالك ؟ ربك الا بخير هزاع: الحمدلله تمام ... ( ويلس حذال ثاني وبصوت واطي ) بديتوا ثاني: في شوه ؟ هزاع: في توزيع الحلال ؟ ثاني ( مستغرب) :أي حلال ! هزاع: عيل عمك جيه زاقرنا ؟ ظحك ثاني من الخاطر ... وهزاع مبتسم ابتسامة مصطنعة .. هذا محّد يقدر يتغشمر وياه يفضح الواحد .. وينك يا مروان اللي صدق فاهمني .... يوسف: انته ما شي ... لا سلام ولا كلام .. وييت ع طول تصاصر .. هزاع: خالي حرام عليك .. وين ؟ والله اني سلمت اول ما دخلت يوسف: وايد عليك .... انا بسير شويه المكتب ... وبرد .. سار يوسف المكتب ماله ... وهزاع استلم ثاني ... هزاع: انته محد يقول جدامك شي ؟ ثاني: هههههههه ظحكتني انزين .. ما يا على بالي اللي تفكر فيه هزاع: هيه طبعا .. وكيف بيي ع بالك .. وانته اصلا ما نشوفك الا فالمناسبات ثاني: لا حول الله حتى انته هزاع: لا ... حتى انا ثاني: هههه بلاك ياخي هزاع: لا اله الا الله .. يالله وينهم ؟ زايد: منوه ؟ هزاع: وين ... عمر .. و ( عفس ويهه ) .. بدر .... وقمر ليلة 14 ثاني: هههههههههههههههه حلوة حلوة هزاع: هههههه عيبتك ثاني: وايد زايد: وانتوا ما عندكم غير انكم تطنزون ع هالبدر يوم نتيمع ؟ ثاني: والله هو روحه هزاع: خقاق وشايف عمره ثاني: ع شوه ما ادري .. هزاع: هيه والله ... ثاني : بخاطريه ادوسه في بطنه هزاع: والله لو مب خالي يوسف .. جان دست في بطنه ... و ظهره بعد .. زايد: خيبه خيبه ثاني: صدق بعد شوه ؟ هزاع: آخ بس اخ .... لو عمي يخلي مروان بس يطب هالبيت .. والله جان مروان علم هالبدر الادب وكيف انه ما يتخقق ..... عمر كان نازل من فوق .. زايد: خلاص صكّوا هالسالفه لو سمحتوا .. هزاع: هلااااااااااا عمر عمر: اهلين .... شحالك ؟ هزاع: الحمدلله بخير ثاني :شحالك عمر ؟ عمر: الحمدلله تمام .. انته شحالك ؟ شخبارك ؟ ما تنشاف ثاني: الحمدلله .. بخير وعافية .. والله في هالدنيا شوه نسوي زايد ( مد ايده وخذ المجلة): الا قول انك يالس 24 ساعة ع اللي بالي بالك .. هزاع: قول النت وفك عمرك ... بعد اللي بالي بالك جيه ؟ عمر:ههههههه الاخ بغا يحترم اخوه .. وما يفشله انته جيه ترمس ؟ هزاع: حركات شباب ثاني: الله عليك يا الشيبة ! رن التيلفون ... شلّه مروان .. مروان: الو .. غاليه: الو .. السلام عليكم مروان: عليكم السلام غاليه: عبدالعزيز موجود مروان: منوه يباه ؟ غاليه: ها ؟ ونزّلت السماعة ع طول .. غاليه .. ابيه هذا منوه فيهم ؟؟ شوه اقوله الحين .. استحي اقوله انا غاليه ... وااااابويه شوه اسوي ؟؟ شوه اسوي ؟؟ شوه هالورطة ؟ مروان: الوووووووو غاليه: مع السلامه .. وبندت غاليه ! مروان ......... مب جنه بندوا في ويهي !! .. صدق ما يستحون .. منوه هاي ؟ شوه تبا في عزوز ؟ بعد ! ... بنات يتصلن به ! ... غريبه ...! مروان: عبدالعزييييييييييييز .. عزوووووووووز غاليه :اويه شوه اسوي ؟ ما لي غير اني اتصل في عفاري .. ودقت الرقم .. واتصلت .. غاليه: الو .. عفرا : نعم ؟ غاليه: عفاري عفرا: شوه ؟ غاليه: خيبه شوه هالصوت عفرا: تعبانة فيه رقاد هلكانه .. غاليه: هلكانه والا زعلانه ؟ عفرا: الاثنين غاليه: حرام عليج عفاري والله ما كان قصدي عفرا: يالله بالزور قنعتي اخوج النحس عسب الطلعه .. بعد تخربين علينا غاليه: ما عليه ... والله مره ثانية ... خليها باجر والا اللي عقبه عفرا: ونحن شوه ورانا غير التأجيل ؟ شوه تبين الحين ؟ غاليه: هيه صدق .. عفاري عفرا: شوه اسمعج ؟ خلص اسمي وانتي تقولين عفاري عفاري غاليه: اتصلت في عزوز عفرا: انزين وخير يا طير غاليه: اتصلت ع بيتهم عفرا: انزين غاليه :شوه انزين ؟ اقولج اتصلت .. بغيت اقوله عن سالفة الطلعة .. شل واحد عفرا: طبعا بيشل واحد عيل تبين وحده تشل ؟ هم ما عندهم بنات ! غاليه: يا غبية ... عفاري والله لا تستهبلين عفرا: والله انتي تستهبليييييييين غاااااليه فيه رقااااااد غاليه: عفاري .. اتصلت ع البيت شل واحد قلت ابا عبدالعزيز قالي منوه ؟ بندت في ويهه عفرا: شوووووووووووووه ؟؟ لييييييييييش ؟ غالية: خفت عفرا: من شوه خفتي يا ويييييهج غاليه: عفاري خفت والله واستحيت ... تعرفيني .. انا عفرا: مالت علييييج غاليه: عفاري لا تهزبيني والله بصيح .. عفرا: انزين ومنوه اللي رد ؟ غاليه: شدراني عفرا: انزين والحين شوه المطلوب غاليه: الله يخليج .. اتصلي وقولي له انتي .. انا ما بتصل مره ثانية عفرا: انتي وايد متفيجه ! غاليه :الله يخليج عفاري عفرا: مب لازم غاليه :لا حرام ... عفرا: اوهوووووو ... انزين انزين خلاص بتصل فيه الحين ... غاليه :اتصلي ع البيت .. ما فيه .. والله يزخون الولد .. يقولون منوه هاي عفرا: بعد ! غاليه :لا تذليني عاد عفاري عفرا: انزين خلاص .. يالله مع السلامه غاليه: مع السلامة .. بندت عفرا عن غاليه .. واتصلت ع بيت خالها ...... بو عمر ..... مروان: منوه هاي ؟ عبدالعزيز: شدراني ؟ مروان: ما تعرف هالرقم ؟ عبدالعزيز: لا مروان: وحده اتصلت تباك عبدالعزيز : تباني انا ! مروان: لا تباني انا عبدالعزيز: هيه ما استبعد مروان: عزوز .. لا تستهبل هالكثر منوه هاي ؟ عبدالعزيز: والله ما ادري بلاك انته ! مروان: يعني ما تدري ! عبدالعزيز: يمكن وحده من بنات عموه ... ورن التيلفون .. مروان: تعال رد .... عبدالعزيز: وليش انته ما ترد ؟ مروان: رد اقولك .. عبدالعزيز: الو عفرا: عبدالعزيز ؟ عبدالعزيز: نعم ؟ عفرا: شحالك ؟ عبدالعزيز ( يرمس مروان ) : شفت شوه قلت لك .....( يرد يرمس عفرا ) يالنحسه ... جيه اتصلتي مساعه وصكيتي في ويه مروان ؟ نقعت عفرا من الظحك ع رمسة عبدالعزيز .... ير مروان السماعة .. مروان: الو عفرا ( سكتت ) مروان: ام الدويس ردي عفرا ( ساكته) مروان: ما عليه بتشوفين .. وين بتسيرين عني ! اتريي انتي بس وتمت تظحك من الخاطر ....... ورد عبدالعزيز يرمسها عبدالعزيز: صدق انج نحسه جيه ما تردين عليه ؟ عفرا: هههههههه نحسة اللي بياخذها اخوك انزين عبدالعزيز: يا ويهج والله .. يالس مسوي ويايه تحقيق عفرا: اولاً اخوك مسوله راس اونه عاد ... خل يشوف عمره قبل .. ثانياً مب انا اللي اتصلت هاي غالية عبدالعزيز: وغلّوي جيه تبند في ويه مروان ؟ عفرا: شدراني ... اقصد ما تدري بها غاليه تستحي ... لكن يستاهل اخوك يتأدّب .. عبدالعزيز: لا والله ! عفرا: اسمع اسمع انته .. شوف .. زايد اليوم عطانا تصريح ان نطلع بس عقب صلاة المغرب نكون فالبيت عبدالعزيز: تو الناس ! لا بعدها الساعه 2 الظهر اتريي شويه عفرا: هههههههه .. والله انا ما يخصني انا روحي توني ادري .. غاليه ما خبرتني .. ان الوزارة الداخلية عطتها تصريح ... عبدالعزيز: والحين يايه تبشريني انتي ؟ عفرا: احمد ربك يايه اقولك انزين .. هاي غاليه حشرتني .. اتصلي واتصلي عبدالعزيز: انزين نطلع باجر عفرا: هيه هي قالت اما باجر او اللي عقبه ... عبدالعزيز: خلاص عيل اتفقن وخبريني عفرا: ان شاء الله ..... عبدالعزيز: يالله فمان الله عبدالعزيز: خلاص ارتحت مروان: هاي ام الدويس هي اللي اتصلت ؟ عبدالعزيز: لا مب عفاري اللي اتصلت ... مروان: عيل منوه ؟ عبدالعزيز: اللي توها كانت هيه عفاري مروان: اقصد اللي مساعه اتصلت عبدالعزيز: قصدك اللي صكت في ويهك هههههههههههه مروان: ما يظحك ... وبعدين تصك في ويه الواحد من قلة الادب ... والتربية .. منوه كانت ؟ عبدالعزيز: غلّوي ..... مروان: أي غلّوي ؟ أي خرابيط منوه هاي بعد ؟ عبدالعزيز: بلاك ؟ غلّوي بنت عمي مروان: أي واحد فيهم ؟ عبدالعزيز: شوه انته تستهبل ؟ مروان: لا والله صدق عبدالعزيز: اخت زايد وثاني مروان: هييييييييييييييييييييييه عبدالعزيز: زين يوم دريت .. الحين ممكن اسير مروان: سر ارقد عبدالعزيز: عمر وصل ؟ مروان: لا .... عبدالعزيز: مع السلامة .. سار عبدالعزيز .. فوق .. لكن .. ما يندرى شوه بيسوي .. اما مروان قعد يكمل ويجلب فالقنوات .. في بيت يوسف .. الوقت تأخر .. الساعه 11 ... بعدهم ... مب متعشيّن ! عمر: الوقت وايد تأخر ثاني: شوه وراك ؟ عطا زايد ... ثاني النظرة العجيبة انه يسكت ! ... يوم ما يدري بـ عمر وما يدري ان وراه اخوانه .. واخوه عبدالعزيز فالبيت .. وناسي هالشي فـ خل يسكت ! ... عمر مسك مبايله ... واتصل .. عمر: الو سعيد: هلا عمر .. عمر: شحالك ؟ سعيد: الحمدلله ... انته بعدك ؟ عمر: هيه سعيد: ما تعشيييييت ؟ عمر: لا سعيد: خيبه مب عشا هذا عمر: شوه اسوي ؟ انته قولي سعيد: هلا عمر: كلكم فالبيت ؟ سعيد: هيه .. عمر: مروان موجود ؟ سعيد: هيه عمر: وراشد ؟ سعيد: مجابلني عمر: وين عبدالعزيز ؟ سعيد: امم والله ما ادري .. مساعه كان فالصاله .. حاولنا وياه يسير يرقد .. ما طاع .. عمر: يا الله .... والحين ؟ سعيد: ما ادري به عمر: الله يخليك يا سعيد ... سر شوفه .. رقد والا ؟ شوفه شوه يسوي ؟ سعيد: وجيه انته ما تتصل به ؟ عمر: سعيد .. تدري به بيزعل عليه لو درى انا وين ولين هالحزة بعد متأخر .. وبيتم يقول ويقول ويقول ... انا ما فيه اسمع رمسة منه سعيد: انزين .. عمر: قم سر شوفه ... سعيد: خلاص بشوفه وبرد اتصل بك ... عمر: يالله اترياك ... بند سعيد عن عمر وسار بيشوف عبدالعزيز ... راشد: هذا عمر ؟ سعيد: هيه راشد: وينه ؟ سعيد: مب لازم تدري .. راشد: اووووووووووووووونه اسرار .. قول قول وين ساير ما بخبر حد ... سعيد: هههههه راشد عن الحركات انزين .. ادري شوه قصدك راشد: ههااااااااي اونه اخونا العود قام احم احم سعيد: ايه يا قليل الادب .. صدق فارط ... آخر واحد تفكر انه يسوي هالحركات هو عمر انزين .. انزين هو ما ينزل مستواه راشد: ادري ادري بسم الله بلاك كلتنا ؟ كنا نتغشمر ياخي سعيد: غشمرتك ثجيلة هالمره في حق اخووك العود راشد: قصدك ولد فريد ظحك سعيد غصباً عنه ..... ما يدري راشد ومروان متى بيخفون من هالغشمرة الزايدة اللي فيهم شويه ... سعيد: عمران عمران: شوه ؟ سعيد: وين عبدالعزيز ؟ عمران: ما ادري .. سعيد: وانته شوه تسوي ؟ عمران ( مستغرب ) : شوه اسوي يعني ؟! راشد ( ظهر من الحجرة ): يقولك في حظر تجول الحين عمران: والله ؟! مروان ( صاعد فوق ) : انا سمعت حظر تجول وين ؟ عمران: هني فالبيت مروان: والله ؟؟ عيل بسرعه اعمال الشغب يا عمران .. سر ييب المتفجرات .. عمران: في عينك سعيد: والله لو عمر يسمعك ههههههه راشد: جان زين سوى بك .. مروان: انتوا تعالوا صدق ... وين عمر ؟ وايد تأخّر ! سعيد: الساعه توها 11 مروان: بالنسبة لـ عمر وايد متأخر الصراحه .. سعيد: زين الله هادنكم اليوم انته واخوك يالسين فالبيت مروان: والله مب من شي ... هزاع .. ساير عند القوات المسلحة .. تعالوااااااااا صدق عرفت وين عمر سعيد: مدام عرفت خلاص اسكت مروان: عشنا وشفنا ... قاموا يسكتونا القطاوة سعيد: قطاوة في عينك .. وين عزوز ؟ عمران: اظن فالحجرة .. سار سعيد صوب الحجرة .. دق الباب .. ودخل ... شاف عبدالعزيز .. يالس ع السبرية وماسك كتاب في ايده ... سعيد: شوه تسوي ؟ عبدالعزيز: اذاكر سعيد: هالحزة ؟ عبدالعزيز: شوه اسوي ؟ .. ما عندي اخو يذاكر لي العصر .. سعيد .... بل قوية .... لو عمر يسمع هالرمسة بيتقطع .... سعيد: يالله عاد انته كبرت شوه تبا به الاخو يذاكر وياك ؟ .. زين اعتمد ع نفسك .. عبدالعزيز: وهالشي اللي يالس اسويه سعيد: بس معقوله .. عبدالعزيز .. راد من المدرسة وما مذاكر الا توه الحين ! ... مستحيل ! سكت عبدالعزيز ... سعيد: عبدالعزيز ... حط الكتاب ... وحط راسك وارقد .. عبدالعزيز: تدري اني ما بسوي هالشي لين ما يرد عمر .. ليش تقولي ؟ سعيد: عمر شويه بيتأخر عبدالعزيز: يعني كم بيتأخر ؟ سعيد: ما ادري عبدالعزيز: بترياه سعيد: وليش تترياه ؟شوه تبا منه ؟ انا بسوي لك اياه عبدالعزيز: ابا اشوفه ... تقدر تسوي لي هالشي ؟ سكت سعيد .. هذا يفر عليه قنابل .. ويقفطه .. بس كلامه صح ! ... انزين الحين شوه هالورطه ؟ شوه يسوي به ؟ وعمر روحه مب في حاله ويا هالعم ! .... جسد هناك .. وقلب هني ! ... في بيت يوسف .. الوقت يمر .. ويمر .. والساعه قرّبت .. الـ 12 ... عمر ع اعصابه .. الكل ملاحظ ... هزاع حتى اللي كان يتغشمر ما قام يرمس .. ولا ثاني يرمس .. وزايد يشوفه .. ومقهور من داخله ... يبا يقوله لو انا منك بسير ولا بعبّر أي حد .. حتى لو كان عمي .. لكن ما يقدر بعد ! .. عمر : والله مب حاله ! .. ونش من مكانه ساير المكتب .. دق الباب ودخل ... يوسف: هلا عمر .. عمر: عمي برد البيت .. يوسف: شوه عندك فالبيت انته ؟ عمر: عمي .. اخواني فالبيت.. اخويه الصغير فالبيت .. والله حرام عليك .. انا ما ابا اكسر كلامك .. لكن انته تطلب مني اسوي اشيا مستحيله .. يوسف: واخوانك شوه يبون ؟ شوه يبون فيك ؟؟ ما يستحون ع ويوهم ؟ رياييل بلحاهم وللحين هم يعتمدون عليك عمر: اخواني معتمدين ع عمارهم كم مره اقولك ؟؟ .. لكن عندي اخو صغير .. عندي اخو صغير.. يوسف: وهالاخو الصغير شوه يبا بك انته ؟ ما عنده اخوان غيرك ؟ عمر: عبدالعزيز متعلق فيه انا اكثر شي .. وما يرقد ولا يطيع يسوي شي الا يوم يشوفني يوسف: جيه امه ! ... جان عمه عطته كل هالحب والحنان قبل ما تودّع .. لا بركتن فيها من حرمه .. لا يوم هي حية .. ولا ميته نحن مرتاحين ! .. مبلشتنا مبلشتنا .. انصدم عمر ... رمسة طلعت عن امه ... جدامه ... وامه متوفيه .. انزين بيحترمه عمه على عينه وعلى راسه ولو مهما كانت امه مسويه فيه .. وهي اصلا ما مسويه .. لكن عالاقل كان يقول بعد عقبها هالرمسه الله يرحمها !! .... لكن عمه يقول لا بركتن فيها ! ... عيونه استوت حمر ... ايده قامت ترتجف ... عمر: قسماً بالله .. والله لو مب عمي ... وقايل هالرمسة .. جان شفت شوه سويت بك .. لكنك عمي .. واحترمك .. وغير هالشي ... ما اسمح لاي مخلوق كان .. انه يسيء لـ اميه ... سواء كانت حيه .. والا ميته الله يرحمها .. وظهر عمر من المكتب ... ثاني: ولّعت بينهم .. هزاع: تبون الصراحه عمي وايد ممصخنها ... زايد: هزاع خلاص اسكت هزاع: لين متى بنسكت لين متى ؟؟ حرام والله حرام الله ما يرضى .. كل ما ايي عمر يعكر مزاجه كل ما ايي .. وغير هذا كله هالمره اكيد قاله رمسة قوية .. خلت عمر يسير فوق فالحجرة .. زايد: يعني شوه تبانا نسوي ؟ هزاع: نحن لو صدق رياييل جان سرنا قلنا له اللي تسويه غلط .. والله اسير اقوله ثاني: هزاع يلس واقصر الشر هزاع: عمي يوسف هو الشر بعينه ... لا اقصره ولا اطوله .. ونش هزاع من مكانه ساير صوب عمه ... لحقه ثاني عن يتهور .. وزايد سار فوق صوب عمر ... يوسف: خير يا ولد عذيجه ... نعم داخل حرب ؟ هزاع: عمي ... مهما يكون عمر ولد اخوك بعد .. يوسف: والله ؟ توني ادري .. تعال علمني .. مالت عليكم من رياييل .. هذاك يرفع حسّه عليه بسبه السباله امه .. ليش اني قلت لا بركتن فيها .. و انته داخل عليه جنك داخل حرب .. انصدم هزاع ... وانصدم ثاني ... والاثنين ردوا من مكان ما يو ... هزاع .. ظرب بايده ع الطاولة بالقو ... هزاع: قلت لك .. ما في أي احترام .. ما نلوم عمر يوم يسوي جيه والله ما الومه .. ثاني: هزاع .. انته سمعت اللي انا سمعته ؟ هزاع: يا ريتني ما سمعته ... ثاني : انزين وين اذكروا محاسن موتاكم ؟! هزاع: هو خل يذكر محاسن الاحياء عسب يذكر محاسن الاموات .................! فوق ... زايد واقف عند الباب .. يدخل ما يدخل ؟ يدخل ما يدخل ؟ قرر .. ودق الباب .. ودخل .. عمر ( صاد الصوب الثاني ): هلا زايد .. زايد: عمر عمر: حطوا العشا ؟ زايد: لا بعدهم عمر: اها ... زايد: عمر لا تزعل من رمسة عمي .. عمر ( صد صوبه مبتسم ): وليش ازعل منه ؟ ... عمي .. وع عيني وع راسي .. وفي مكانة ابويه .. ليش ازعل ؟ يوم يقول عن أميه الله يرحمها ,, لا بركتن فيها ( خانته الدمعة ونزلت .. سالت ع خشمه مسحها ع طول ) اصلا انا ما ازعل من عمي ... حتى لو يقول عن اميه أي شي ... ادري به يكرها ... شوه بسوي انا ؟! تقطع قلب زايد وهو يشوف عمر جيه .. تقطع قلبه وهو يشوفه كيف يرمس ويسمع شوه قال خاله يوسف ... تقطع قلبه يوم شاف الدمعة تنزل ويمسحها عمر بسرعه .............. في بيت ثاني .. آمنة: باجر انا عندي موعد احمد: قولي والله ؟ آمنة: والله احمد: متى ؟ آمنة: الصبح احمد: اول الصبح ؟ آمنة: هيه .. الساعه 7:30 أحمد: يسسسسسس آمنة: بسم الله بلاك ؟ أحمد: ما بداوم يعني باجر آمنة: هههههههههههههه تدري بشوه تذكرني ؟ احمد: بـ شوه ؟ آمنة: يوم يقولون حق عيال المدارس .. باجر الصبح عندكم موعد .. او باجر الصبح في شي بيستوي .. ويستانسوووون .. عسب ما يسيرون المدرسة احمد: والله اني مب متفيج .. بستقيل آمنة: استقيل حبيبي استقيل ... عسب ولدك يعيش في فقر احمد: بلللللل .. ع طول ع ولدي حبيبي حطته .... وانتي ؟؟ بتعيشين في عز .. منوه بيعطيج تشترين هالكثر ميكب ماركات ؟ آمنة: ابويه ما بيقصر احمد: خلاص عيل ... ولدج بعد خل ابوج يصرف عليه آمنة: وانته؟ احمد: بخلي اميه تصرف عليه هاهاهاها آمنة: آسفة جداً .. انا ابويه هو اللي يايبني هو اللي يصرف عليه .. انته ولدك انته يايبنه انته تصرف عليه .. احمد: صدق ما تستحين ولا جنه ولدج انتي بعد ؟ آمنة: ولدي ع عيني وراسي .. ولكن كل راع مسؤول عن رعيته احمد: اقول رقدي رقدي .. والا صدق باجر ما بوديج .. آمنة: وين ؟ احمد: الموعد مالج آمنة: عادي بتصل في هزاع بسأله دوامه متى ؟ اذا متأخر بيي يوديني .. ولو ما كان متأخر والله لو اقوله بيي يوديني احمد: اقولج .. آمنة: هلا .. احمد: مب جنج مصختيها ؟ ... مره ابوج ومره اخوج .. رقدي لأعطيج ع ويهج الحين .. اعلمج كيف مره ثانية يوم في ريال مسؤول عنج تقولين ابويه واخويه آمنة: هههههههههههههه والله انته قلت أحمد: انا شوه قلت حشى عليه ... آمنة: شدراني عنك احمد: ههههه والله انج مخرفه .. آمنة: طالعه على بو عيالي احمد: شكراً على الاطراء ... الجو متكهرب شويه .. الساعه 12:30 ... لكن محد يرمس ولا حد يقول شي .. الكل يالس .. وصل اللي عشانه متاخرين لين هالحزه ... بدر: السلام عليكم .. سوري سوري سوري سوري .. ( وتجدم وسار صوب خاله ) I’m sorry خالي يوسف .. يوسف: وينك انته ؟ بدر: كنت مواعد الربع .. وعقب رديت البيت .. تزهبت بسرعه ورديت هني .. والدرب زحمة .. آسف جداً .. ( وحب خاله ع راسه ) يوسف: فديتك والله .. عادي عادي .. هزاع .. وثاني ... اما هذا او هذاك .. بيكون موت هالانسان اللي اسمه بدر ع ايده ! ... زايد: شحالك بدر .. بدر: هلا زايد الخير .. اخبارك ؟ زايد :الحمدلله ... بدر: شحالك عمر .. والنظره الخاصة اللي تطلع من بدر .. يوم يطالع عمر ... ما يدرون جيه بدر يشوف عمر بهالطريقه .. مستغربين .. مع ان عمهم والا خالهم مدلّع بدر اكثر من عمر .. وهالشي معروف ! ... عمر ( ابتسم ) : هلا بدر ... انا بخير الحمدلله .. انته شحالك ؟ ثاني ( يصاصر هزاع ) : والله لأسوي فيه حركه يكره حياته عقبها هزاع: شوه ؟ ثاني: شوف ... ( ونش من مكانه ) يالله شباب ع العشا ... ترا وايد تاخرنا .. وورانا مسؤوليات ... بدر: اوه آسف اخرتكم وايد ؟ ثاني: هيه واااااااااااااااااايد زايد ( يبا يدارك ... اخوه بيفضحهم ويبا يسوي مشكله ثانيه ؟ ) : تفضلوا .. نسير .. يوسف: يالله .. تجدم الكل .. وآخر اثنين ... هزاع وثاني .. وهم ناقعين من الظحك ع بدر .. بدر: شحالكم شباب ؟ شخباركم ؟ زايد: الحمدلله .. انته شحالك ؟؟ وشحال دراستك ؟ بدر: تمام ... زايد: شوه الحين ؟ كم سنة باجي لك ؟ بدر: ما باجي شي ع نهاية السنة بتخرج .. زايد: ما شاء الله يوسف: كفو ... كفو يا ولد جواهر .. هذا هو الولد اللي يرفع اسم العايلة فوق .. بـ شهادة من امريكا .. نظرات من هزاع وثاني .... نظرات قهر وغيض ... من زينه الحين يرفع راس العايلة .. الحمدلله والشكر ! ... يا شين من اختاروا عسب يرفع راس العايله اونه ! ... هزاع: احم احم .. خالي .. ترا لو بترمس عن اللي يرفع راس العايلة ما في حد قد عمر رافع راس العايلة فوق .. وفوق .. ما رد يوسف .. بدر ( اطالع صوب عمر ) : عمر بلاك اليوم ؟ عمر ( ابتسم ) : ما فيني شي ؟ بدر: هادي وايد هزاع: عمر طول عمره هادي ... لكن العتب ع اللي نشوفه بس في هالمناسبات ... عسب جيه ما يعرف هذا شوه شخصيته وهذا شوه ؟ يوسف: هزاع مب جنك وايد ترمس اليوم ؟ هزاع: اقول الصدق بدر: السموحه ولد خالتيه ... هزاع: مسموح .. بدر: هيه صدق .. عمر شحال اخوانك ؟ عمر.. كان رافع القفشة .. يشرب شوربة .. رد نزلها ..... عمر: الحمدلله بخير .. ( ورد يكمل الشوربه ) انصدم الكل ... صدق انه انسان نذل ! ... وطول عمره بيتم نذل .. يدري ان خاله ما يداني اخوان عمر ... جيه يسأله وجدام الكل ؟؟ .... صدق حركات حقيرة عليه !! .... هزاع فار دمه ..و ثاني اكثر .. وزايد رغم انه دوم يدافع ويقول .. لكن هالمره صدق ختم ووقع ع الورقة اللي تقول .. بدر انسان تافه .. ونذل بحركاته وكلامه كله .......! هزاع: خالي .. يوسف: شوه ؟ هزاع: احمد ريل آمنة اختيه .. من كم يوم كان فالمستشفى ... يوسف: سلامات ... بلاه ؟ هزاع: كان فيه حمّى ... بدر: ليش ياهل ؟ هزاع: ليش ؟ قالوا لك بس اليهال اللي اتيهم حمّى ؟ والا عيال السفير ما يمرضون شرات المواطنين ؟ انصدم الكل من رد هزاع بعد .... كل واحد يعق كلمة اكبر ع الثاني ... بلاهم اليوم ؟ عمر: الحمدلله ... زايد: ما كلت عمر: الحمدلله شبعت .. نش عمر .. وسار غسل ايده ... و رد يلس فالصاله ... وهو عينه ع الساعه .. لكن ما يقدر يتحرك ولا يسوي شي احتراماً لـ عمّه .... في بيت السفير .... هند يالسه في حجرتها روحها ... ملت ظهرت برع ... وقفت فوق وتطالع تحت .. شافت باب الصاله ينفتح ... ع طول بسرعه بسرعه نزلت تحت ... هند: مرحبا بالغالي هلا والله ( ولوت عليه ) بو بدر: اهلين هنودتي ... شخبارج ؟ هند: الحمدلله بخير .. انته شحالك ؟ بو بدر: انا تمام هند: خيبة ... قالوا بترد المغرب وراد هالحزه ! بو بدر: شسوي .. شغل هند: شغل شغل شغل .. هيه تعودنا ع هالجملة بو بدر: زهبتي شنطتج ؟ هند ( بارتباك ): اممم .. هو تبا الصراحه يعني بو بدر: هيه .. هند: الصراحه الصراحه بو بدر: الزبدة ! هند: بابا بدر ما بيي .. وياكم .. فـ انا ليش اتم ايي بو بدر: بدر ريال ... وكيفه .. هند: انا بعد اله يخليك بو بدر: تعرفين رايي في هالموضوع من قبل ... يلسة فالبيت روحج ما شي هند: انزين مب روحي بدر بيكون ويايه ،، وبعدين الا هم يومين بو بدر: هاليومين بدر ما بيجابلج فيهن هند: بلى هو قال والله ... بو بدر : وانتي عاد صدقتي بدر ؟ هند: لا خله يحلف جدامك انه ما بيظهر وايد من البيت .. وانه بييلس ويايه ... وبعدين حتى لو ما يلس .. ثرني يالسه فالبيت روحي كل يوم بو بدر: انزين وين بدر الحين ؟ هند: ما ادري .. بو بدر: يوم بيي واذا انتي بعدج واعيه وهو واعي .. قولي له ايي وبرمسه .. هند: ان شاااااء الله سار بو بدر حجرته ... وهند تمت يالسه فالصاله ... صدق ما تنفع يا بدر .. هاللي اونه بيرمس ابويه عني ... بس يا ويله لو غير رايه والا قال حق ابويه انه بيسافر وياهم ... او والله بيسير أي بلاد ثانية .. او ان يقول ما يخصني فيها وشلوها وياكم ... والله لأبهدله .. ولا اختار له أي شي ثاني ع ذوقي .... في بيت الشباب .. عمران ومروان ... فالحجرة .. وراشد وياهم .. وظحك وسوالف ... مروان: هيه .. انزين شوف اللي بيوصلك عمران: هههه يوم انته تعلق محد يقولك شي .. يوم انا تهدد مروان: انته محتاجني ... عمران: مالت عليك وع اللي يحتاجك مروان: يعني انته هاهاهاهاها راشد: ههههه صدق سخيف عمران: توك تدري انه سخيف راشد: لا ادري من زمان .. لكن كان عندي امل انه يعني يعتدل عمران: مروان عمّور وين ؟ راشد: هيه صدق وين ؟ مروان: مب لازم تعرفون راشد: قول عن السخافه مروان: وليش تبا تدري؟ راشد: بس جيه .. عمران: قول عاد لا تذلنا .. مروان: ساير بيت عمكم يوسف عمران: عمنا مب عمك ؟ مروان: انا عندي عم واحد بس .. عمي بو زايد عمران: لا تستهبل راشد: من زينه هالعم ترمسون عنه بعد ... لا تعكرون مزاجي مروان: عفانا الله .. في عم صدق مثله ؟ عمران: كيف يعني ؟ مروان: يعني ما يداني عيال اخوه ؟؟ في حد مثله ؟ ولا يداني يشوف رقعة ويوهم .. عمران: اصلاً عمي كارهنا عسب امايه الله يرحمها راشد: والله لو يدوّر فالعالم كله وحده شرات امايه .. قسماً بالله ما يلقى مروان: خل يسير يعرّس قبل ويشوف حرمته كيف بتكون عقب يشوف امايه كيف كانت وشوه سوت؟ راشد: الله ياخذ ابليس ... مروان: اقول قوموا سيروا رقدوا احسن والله بـ وايد .. عمران: هيه والله ......... في الصاله ... سعيد ما يقدر يسير يرقد ... والسيد عبدالعزيز يالس ومجابل التلفزيون .. و ياكل مكسرات .. ولا يقدر يرمسه بعد .... بسرعه بسرعه .... عقب الحبس .... عقب ما تعكّر مزاجه ... يسوق بسرعه وطوف الـ 120 !! مبايله يرن ...... عمر ( من دون ما يشوف الرقم ): الو زايد: عمر خف السرعه .... خف السرعة ... عمر وهو يخف السرعة .... عمر: هلا زايد .. زايد: شوه تخبلت ؟ عمر: شوه ؟ زايد: ليش تسرع ؟؟ بتلحق .. ما بيطير منك لا البيت .. ولا اخوانك بيطيرون عمر: استغفر الله .. زايد: اتعوذ من الشيطان .. وخف السرعه .. لا تسرع ... واول ما توصل اتصل بي .. عمر: وصلت .. زايد: احلف عمر: والله زايد: الله يهديك .. خلاص .. سلم ع اخوانك عمر: الله يسلمك ... وقف عمر السيارة .. وبسرعه نزل ... وبخطوات سريعة ... فتح باب الصاله ... عمر: السلام عليكم .. سعيد: وعليكم السلام ... عبدالعزيز ( صد صوب عمر .. ) : الحمدلله ع السلامه ... وحط المكسرات ع صوب ... وصعد فوق ... سعيد: ما عليه .. هو مضايج شويه .. وبيرد عادي عمر: شسوي .. انزين قولوا لي شسوي ؟ اقسم عمريه نصين .. حقكم وحق عمي ؟ وصعد هو الثاني فوق ... شاف ان عبدالعزيز توه ظاهر من الحمام ... ومفرش ضروسه .. وخلاص في وضع الاستعداد للنوم .. عمر: عبدالعزيز .. عبدالعزيز: شوه ؟ عمر: شوفني عبدالعزيز: ابا ارقد .. عمر: برمسك شويه عبدالعزيز: باجر ورايه مدرسة ... ما ابا اسهر زيادة .. عسب الصبح العوز اخويه العود .. وما انش من وقت ! الكلام اللي قاله عبدالعزيز ... حز في خاطر عمر ... عمر ( بند الليت .. ): تصبح ع خير ... وظهر من الحجرة ... اما عبدالعزيز ... فدموعه نزلت .... حتى ما قال آسف .. حتى ما قال ليش متأخر .. حتى ما قالي شي .. وانا من الصبح اترياه ... *********** |
الجزء السّادس عفرا .. ناشه الصبح ... مب متفيجه حق أي شي .. وهزاع يتفلسف عليها بعد ! .. يعني صدق أرف .. عذيجه: اصبحنا واصبح الملك لله ... بسكم شوه هالحشرة ع الصبح .. عفرا: قولي حق ولدج والله عذيجه: بسك يا هزاع هزاع: والله بنتج ناشه .. وماده البوز شبرين .. عفرا: مب متفيجه صدق حق سخافاتك... عذيجه: انته امس متى رديت البيت ؟ هزاع: الساعه 2 عفرا: بل مب عزيمة .. تعال صدق قولي .. شوه سويتوا ؟ هزاع: اففففففففف لا تذكريني عفرا: ليش؟ هزاع: ولد خالتج الدب عذيجه: لا تقول عن الولد جذه هزاع: والله انه خقاق ورافع خشمه ع ما ادري شوه ... عذيجه: بس انزين بس هزاع: سخيف وايد كان سخيف .. يسأل عمر جدام خالي .. اونه شحال اخوانك .. يدري بـ خالي بس والله انه حقير عذيجه: هزاع بس عاد .. اسكت .. هزاع: امايه تعالي بغيتج شويه عذيجه: شوه بغيت بعد ؟ هزاع: والله بغيتج .. عفرا: يلسوا يلسوا .. يا بو الاسرار انته يلس بعد .. هذي غاليه يت .. بسير انا .. فمان الله .. ظهرت عفرا .... وسارت ويا غاليه الجامعة .. عذيجة: يالله قول شوه بغيت ؟ هزاع: خالي يوسف عذيجه: شوه فيه ؟ هزاع: امايه والله ما يستوي .. الله ما يرضى بـ جيه .. عذيجه: شوه استوى قولي.. عقيت قلبي .. هزاع: كل ما نسير .. لازم عمر يضايج من رمسته .. ويعق عليه رمسة والله لو حد ثاني اقل شي يسويه يطلع من البيت بكبره .. بس عمر ما يسويها عذيجه: شوه تباني اسوي ابويه .. هذا خالك راسه يابس ... هزاع: بس امس .. عق رمسة كبيرة والله كبيرة كلنا عصبنا عذيجه: شوه قال ؟ هزاع: ما ادري تاخرنا وايد .. وعمر سار له المكتب يرمسه ... وعق ع عمر رمسة القلب يتقطع بسبتها .. عذيجه: هزاع .. قولي شوه قال الله يخليك لا توتر لي اعصابي هزاع: قال لا بركتن في امك في ويه عمر .. ويوم انا سرت صوبه .. قالي والله انكم مب راياييل اونه .. وان هذاك يعصب عسب امه السباله .. وانته داخله عليه جنك داخل حرب .. والله امايه هاللي خالي يسويه لو جبل ما بيتحمل رمسته... ام الولد متوفيه ... حرام عليه ... وثاني يقول اذكروا محاسن موتاكم .. خالي ما يذكر محاسن الاحياء عسب يذكر محاسن الموتى .. والله هذا عمر سكت .. لكن والله لو مروان والا غيره .. جان خالي امس اما فالعناية .. او تحت التراب .. عذيجه: اسكت لا تقول جذه .. بس خلاص .. ويا ويلك جان قلت حق مروان أي شي استوى امس .. تدري شوه يعني يا ويلك .. هزاع: انا مب مينون اقول حق مروان .. بعدني ما وصلت فيني الدناءة ان اقوله قالوا عن امك جذه .. لو بدر ولد اختج قولي يمكن كان يقول عادي .. اما انا هزاع ولدج ما اسويها ... انصدمت عذيجه .. وتمت ساكته ... شوه تقول والا شوه تقول ؟ حسبي الله ونعم الوكيل عبدالعزيز ... نش الصبح .. ع غير عادته ... هادي .. نزل تحت .. تريق بسرعه .. ويلس ع صوب لين ما يخلص عمر ريوقه ... وعقب سار ركب السيارة .. وتم ساكت بعد ... لين وصل المدرسة نزل من السيارة .. ولا علّق .. واكتفى بالصمت .... وعمر ما حاول انه يرمسه حتى .. او انه يقول له أي شي ... ويعاتبه ع حركاته هاي لانه مب ذنبه ......! في دبي انترنت سيتي سعيد ... يالس ع المكتب ... لا شغله ولا مشغله ع قولتهم ... ملّوا ... دبي انترنت سيتي تكرف الواحد كراف ! نش وسار صوب مكتب اخوه ... عمر: هلا سعيد .. سعيد: عمر عمر: شوه ؟ سعيد: بغيتك في موضوع عمر: موضوع شوه ؟ سعيد: موضوع خاص فيني عمر ( هد كل شي في ايده ) : تفضل سعيد: والا اقول خلاص .. بعدين عمر: سعيد ارمس قول سعيد: لا والله .. اصلاً الموضوع ما ينقال في هالمكان ... لازم فالبيت عمر: ويوم تدري ان لازم فالبيت .. شوه اللي خلّاك تيي الحين تقول ؟ سعيد: ما ادري .. احس ان فالبيت ما شي مجال عمر: خلاص عيل .. لك منّي عقب الغدا وقتي لك .. سعيد: وعبدالعزيز ؟ عمر: بلاه ؟ سعيد: زعلان منك ؟ عمر ( تنهد): هيه سعيد: عمر انته تبا الصراحه مدلعنه وايد عمر: سعيد ... عبدالعزيز بعده صغير .. انولد .. ويوم كمل سنتين ابويه وامايه توفّوا.. وعاش عند عمتيه .. سنتين غير ... يعني فاقد للحنان ... ( ابتسم) عالاقل نحن لحقنا عليهم .. صح ان عيونا ما امتلت بشوفتهم لكن بعد .. ما نبا نكون انانيين .. ونفكر في عبدالعزيز .. اللي ابد ما لحق ع أي شي ! سعيد: صح ... لكن .. ما ادري والله شوه اقولك .. هو ساعات يزعل ع اشيا .. انا اقول انه غلطان فيها بس يوم ايي افكر .. اقول هو صغير وما يدري في هالسوالف ... يمكن عمران لو زعل انا ما الومه فما بالك عبدالعزيز عمر: الله يعينا عليه اليوم ... يا يعبّرنا او بيتم زعلان سعيد: لا تخاف .. هو روحه تلقاه الحين زعلان ... ليش انه زعلك .. عفرا ناقعة من الظحك ... وغاليه ميتة من الزياغ ... غاليه: ايه انتي .. صدق انج متفيجه عفرا: هههههههه غاليه: والله محد يقولج شي ... انا اعصابي متوترة وهاي باااااارده عفرا: والله يعني شوه تبيني اسوي بج ؟ غاليه: بنت عمه عالفاضي عفرا: هيه لو عالفاضي ما بتتصلين بي نص الليل عسب انقذج غاليه: يا عيني يا عيني اي تنقذين أي خرابيط الا انتي دمرتي الدنيا عفرا: والله ما يخصني هو السخيف غاليه: وبعد تقول عنه سخيف ! عفرا: سخيف هو واخوه بعد غاليه: ط هاي ! عفرا: هيه عيل عزوز يسميني النحسه ... ومروانو الله ياخذ ابليسه .. مسمني ام الدويس ... غاليه: الحين عبدالعزيز كل دقيقة ساير راد علينا .. واصغر منه تقولين له عزوز .. اما مروانو .. استحي ع ويهج عاد ... مب حلوة عفرا: اووووووه .. قومي زين ... انتي بس لو تشوفينه غاليه: وين اشوفه ؟؟ لا اشوفه ولا يشوفني عفرا: خاطريه اشوف عمر .. غاليه: أي عمر بعد ؟ عفرا: عمر اخو عبدالعزيز العود .. ولد عمج غاليه: هيه شفته هذاك اليوم بس من بعيد عفرا: قولي والله ؟؟ وين غاليه: والله .. في بيتكم بعد وين عفرا: متى ؟؟؟ هذا ما يطب بيتنا ابد ! غاليه: بلى ... يوم انا وعبدالعزيز يينا بيتكم ... ونحن طالعين ... عمر كان ياي ورا عبدالعزيز عفرا: اوووووه ... جذه عاد ما اقدر اشوفه .. هو ايي وراه احياناًً .. لكن ما الحق اشوفه .. اصلاً ظلام .. وما يبين .. ويكون فالسيارة ... يتصل في عزوز ان يطلع له برع .. ولا ينزل عفانا الله يسلم والا شي ! غاليه: ليش ينزل يسلم بعد .. دام عموه اذا هم ما يوها هي سارت لهم .. عفرا: هيه والله .. في هاي صدقتي ... سلامة ... في بيت ريلها ... اللي هو بيت ابوه .. في قسمها روحها ... واقفة عند الدريشة .. وتطّالع برّع ... ما وعت الا بـ صرخة ... سلامة: بسم الله .. طارق: هاهاها زغتي ؟ سلامة: ايه انته .. والله عن الحركات البايخه هاي .. كم مره قايلة لك لا تزيغني بهالطريقة طارق ( عق عمره ع الكرسي ): آسف والله آسف .. شسوي فيج .. افففف وايد رقيقة سلامة: عيل تباني اكون شراتك يالدفش طارق: افاااااا ... سلاااااااااااامة تقول حق طارق دفش ! سلامة: هيه دفش .. لانك مب اول مره تسويها فيني ! طارق: خلاص قلنا آسفين .. سلامة: انزين قول طارق: هلا سلامة: جيه راد من وقت اليوم ؟ طارق: ما شي .. خلصت شغلي .. ولقيت عمريه فاضي.. قلت ارد البيت .. ما يستوي بعد سلامة اتم روحها يالسه .. فالبيت .. سلامة: والله ؟! طارق: ههههه بلاج انتي اليوم ؟ سلامة: ما فيه شي طارق: سلامة .. بقولج شي سلامة: شوه ؟ طارق: بس لا تزعلين مني .... سلامة: شوه ؟ طارق: ولا شي سلامة: لا والله !؟ طارق: هههههههه بلاج .. صدق ما ابا شي .. غير انج .. ادقين ع اللي فالصاله .. تقولين لهم اييبون الغدا هني .. انا وانتي رواحنا بنتغدا سلامة: وليش ان شاء الله ؟ طارق: بس جيه .. داق في راسي اتغدا انا وانتي رواحنا .. لازم نجابلهم 24 ساعة سلامة: تجابل منوه .. جيه غرب ؟ هم هلك طارق: ما ابا ... بسرعة دقي وقولي لهم اييبون الغدا هني سلامة: عسب يقولون سلامة .. هي اللي مخربة ولدنا .. وما تخليه يتغدا ويانا طارق: بلا حركات تدرين انهم ما يقولون سلامة: يمكن يعني .! طارق: اقولج .. قومي قلت لج سيري دقي عليهم ... والله اني تعبان سلامي .. ابا ابدل واشوف الغدا زاهب هني سلامة: ان شاء الله .. ان شاء الله .. سر انته بدّل وبتلقى كل شي هني .. في بيت الشباب .. وصلوا من الدوامات .... باجي بس مروان ينزل من فوق .. ويبدأون الغدا .... وبالفعل نزل مروان ... مروان :شكراً شكراً ... كلكم تتريوني راشد: بسم الله .. فريد: هذا مروان كله يتأخر .. مروان: بابا فريد .. بعد خذ خذ الملاس اظربني ع راسي راشد: هههههاااااااي .. الصراحه يبالك سعيد: فريد وين السلطة مالتيه ؟ فريد: الحين بييب ... عمران: اقول وين عبدالعزيز ؟ اول شي الكل لاحظ ان عمر ما قال بسم الله ..لان اصلاً ما بدا فالأكل .... ويوم عمران طرا عبدالعزيز .... عمر نش من مكانه وصعد فوق .... سعيد: الله يستر .. مروان: شوه السالفه ؟ راشد: ما شي سالفة كملوا كملوا .. حركات يهال مروان: اذا السالفه فيها عبدالعزيز فـ بصدق ان حركات يهال وبكمل غداي راشد: هيه فيها عزوز مروان: خل يولي زين عمران: و حد قالك تهتم اصلاً ؟ مروان: كل كل انته .. دح سعيد: بسم الله شوي شوي ! فوق ... عمر: عبدالعزيز ارمسك انا ... عبدالعزيز: نعم ؟ عمر: قم انزل وتغدّا عبدالعزيز: مب مشتهي عمر: هد الكتاب اللي في ايدك وقم سر تغدّا عبدالعزيز: باجر عليه امتحان .... وصعب .. ابا اذاكر له من الحين عمر: لاحق ع الامتحان .. نش قم انزل تحت واتغدا عبدالعزيز: قلت .. ما ابا عمر: عبدالعزيز ...... مب متعود منك هالاسلوب ... فلا تستخدمه ويايه سكت عبدالعزيز .. ولا رد ع عمر ... عمر: قم عبدالعزيز: اوهوووووووو جيه غصب الواحد ياكل .. ياخي ما ابا آكل .. ما ابا .. خلني بروحي .. عمر ( صرّخ ): بس جب عبدالعزيز: لا تصرّخ عليه ... انزين ... انته الغلطان مب انا هالمرة .. يالس اترياك لين نص الليل بارحة .. ولا حتى قلت بتصل فيه .. بسأله شحاله .. طالع من العصر ... لو انا كنت ساير بيت عموه .. جان هزبتني وقلت لي .. انا ما شايفنك من اول ما راد من المدرسه ... وييت ورايه بروحك ... ورديتني البيت .. اما انته امس ما فكرت فيني .. ساير بيت عمي .. ويالس لين ما ادري متى .. ويوم ازعل منك تعصب عليه بعد !! عمر ( منصدم ): عبدالعزيز عبدالعزيز ( قطع عليه ): خلاص لا ترمسني .. وتم يصيح عبدالعزيز هني تحت .... سعيد: لا ... كبرت المشكلة .. ( ونش بسرعه من مكانه ) عمران: الله يعين .. ( وهو الثاني نش ) راشد: بسير اطمش وارد مروان: وانا شوه ميلسني هني ؟! صعدوا كلهم فوق ... عمر: عبدالعزيز اسمعني .. بسألك سؤال عبدالعزيز: ما ابا اسمع شي .. وجان بتسألني من وين دريت انك كنت بيت عمي امس .. سمعت قوم مروان يرمسون ... وبعدين هو جيه ما يدانينا ؟ جيه نحن شوه سوينا له ؟ امايه شوه فيها عسب هو يكرهنا لان نحن عيالها ...! انصدم عمر ... هذا يالس يقول كلام كبير ....! .... مروان .. عض ع شفايفه .. ويقول في قلبه ... الله ياخذ ابليسك يا عزوز .. رحنا وطي .. راشد ... احم احم ... يا ساتر يا رب ! ... عمران ... انفضحنا ! عمر ( صد صوب اخوانه ) : تعالوا اباكم .. وودرهم وتجدّم ... ساروا وراه .. ومروان وراشد .. زاهبين للهزبة المحترمة من عمر ....! اكيد هزبة عقب رمسة عبدالعزيز .... في بيت بو أحمد ... فالصالة .. احمد + عيسى + ناعمه ....... يالسين .. ووياهم رملة ... احمد: كم كم انتهت المباراة عيسى: 2 واحد احمد: زين وايد عليهم ناعمه: احمد وين آمنة ؟ احمد: فوق رملة: اسير ازقرها احمد: لا شكراً .. رملة: ليش حرام خل تنزل تيلس ويانا احمد: انتي شدخلج ؟ رملة: ملانه الحرمة احمد: هي قالت لج ؟! رملة: لا .. بس انا ادري ناعمه: هيه ما شاء الله عليج انتي كل شي تعرفين رملة: انزين يمكن فيها شي .. استوى بها شي ... تعبت ناعمه: الله ياخذ العدو ... لا تفاولين ع الحرمة عيسى: ههههه اطاعو احمد انتوا .. الله ع النظرات بس احمد: انتي ايه .. سكتي ويلسي مكانج... رمسي عن عمرج وبس .. رملة: والله كيفك .. انا يعني قلت احتمالات احمد صدق زاغ عقب رمسة رملة ... نش من مكانه وسار فوق ... ناعمه: ههههههه الله ياخذ ابليسج .. زيغتيه .. رملة: خل يسوي رجيم .. الدب عيسى: هههههههه خل بس تسمعج آمنة .. والا يسمعج احمد ... زين بيسوي بج رملة: هو مصدق عمره انه رشيق .. ووسيم عيسى: هههههه الله يعين بس الله يعين فوق .. احمد دخل الحجرة ... شاف آمنة يالسه وماسكه في ايدها كتاب .. تنهد وسار يلس آمنة ( رفعت راسها ): شوه فيك ؟ احمد: ما شي آمنة: وين الربع عيل ؟ احمد: تحت آمنة: غريبة .. ما كملت اليلسه احمد: غريبة انتي ما نزلتي تحت آمنة: كنت بخلص هالصفحة وبنزل احمد: الله ياخذ عدوج يا رملة آمنة: بسم الله شوه السالفه ؟ احمد: تدرين شوه بقولج شي بس لا تظحكين آمنة: ههههههههه قول احمد: من الحين انتي تظحكين ! آمنة: قول قول خلاص بسكت احمد: رملة السخيفه قالت اونه ليش ما نزلت آمنة .. يمكن فيها شي ... تعبت والا شي .. الصراحه خوفتني وييت اشوفج آمنة: هههههههههههههههه احمد: قلت لج بدون ظحك ! آمنة: لا والله ... بس هههههههه .. يعني انته الحين ياهل تصدق رمسة رملة احمد: امون والله خوفتنييييييييي آمنة: ههههههه قم قم الله يخليك .. احمد : وين ؟ آمنة: ننزل تحت احمد: هييييييه تبينهم يظحكون عليه آمنة: يالله عاد عن الحركات احمد: انتي مب قلتي مساعه بتسيرين بيت ابوج ؟ آمنة: هيه ... بس بعده في وقت أحمد: مب لازم تيلسين ويا الربع ع قولتج ... يلستي مساعه ويا امايه خلاص هذا كفاية .. نشي يالله تلبسي وتزهبي بنسير بيت ابوج .. آمنة: من الحين ! احمد: انتي لين تتزهبين وتكشخين .. وتهتمين ع قولتج بجمالج يبالج ساعتين يالله آمنة: علق علق .. ودك انته بحرمة حلوة شراتي احمد: ههههههه يا هبلة عيل انتي حرمة منوه الحين ؟ لا تصدقين عمرج .. سرتي فوق نزلتي تحت احمدي ربج ان عندج ريل وسيم شراتي آمنة: لا انا اقصد يعني لو فكرت يعني في وحده غيري والله ما تلقى احلى مني احمد: هيه ادريييي والله ادري .. انا من زمان معترف بهالشي ... يالله نشيييييي آمنة: هههه انزين في بيت بو هزاع .. فالصاله .. عفرا اليوم ع قولت عبدالعزيز صدق انها نحسه ! ... ابوها يقول ما شي طلعة من البيت اليوم ! .. وهي اللي متفقه ويا غاليه وعبدالعزيز انهم يظهرون ! .. عفرا: الله يخليك .. بو هزاع: ما شي عفرا:انزين شوه السبب؟ عذيجه: يا ربي هالبنيه شكثر تحن .. دخلت نفس الوقت ... حصه اختها .. حصة: السلام عليكم عذيجه: وعليج السلام .. حصة: شحالج اميه شخبارج؟ عذيجه :الحمدلله .. انتي شحالج ؟ حصه: تمام .. ابويه علومك ؟ بو هزاع: طيبه .. وانتي ؟ حصه: انا الحمدلله .. عفرا: ابويه يالله قول بو هزاع: شوه اقول حصه: بلاج ؟؟ جنج قطوة بيتوتية .. عفرا: اسكتي انتي بو هزاع: شفتي ليش ما اخليج عفرا :اونه عاد .. عسب اني رديت عليها جذه بو هزاع: تردين انتي ع الكل جذه مب بس ع حصه عفرا: خلاص انزين .. افففففف حصة: شوه تبين انزين ؟ عذيجة: تبا تطلع ويا غاليه وعبدالعزيز اونه حصة: وين بتسيرين ؟ عفرا: اماراتس مول حصة: هييييييييه .. هيه صدق والله انا بعد ابا اسير السوق عفرا: الله يخليك ابويه هذي حصه بعد بتيي ويايه بو هزاع: وحصه ع كيفها تقول بتسير ؟.. ما وراها ريل تشاوره حصه: ههههههههه ابويه عادي .. علي ما بيقول شي ! بو هزاع: والله ؟ حصه: هيه والله .. عقب شويه بتصل فيه بقول اني بسير وياهم .. عاد جان انته طعت تخلي اللي يشاورونك عفرا: بيخلي بيخلي عذيجه: وعبدالعزيز .. مشاور اخوانه بيسير؟ عفرا: الله والاخوان عاد امايه عذيجه: جب .. انتي جب .. ما تغلطين ع عيال خالج .. انزين عفرا: خيبه ما قلت شي .. عذيجه: خل يسمعج بس عبدالعزيز ترمسين عن عمر اخوه عفرا: حشى عليه ما يبت طاري عمر اصلاً عذيجه: صدق نحسه ع قولته عفرا: بل ! كانه اجتماع مغلق ... ويترأسه عمر .. وحذاله سعيد .. والباقين منتشرين .. عمر: انا ما ياي اعاتبكم ... ولا اني اهزبكم .. انا بقولكم كلمة وحده بس ... سرتوا فوق نزلتوا تحت .. الانسان اللي اسمه يوسف يستوي عمكم .. وبحسبة ابوكم .. ومب من الأصول انك ترمس عن شخص وتشوه صورته وانته ما شايفنه .. صح والا ؟! نحن ما تربينا ع هالشي الكل ساكت .... عمر: انا اسأل .. جاوبوني صح والا ؟ مروان: لا .. عمر: نعم ؟ مروان: لا غلط كلامك .. عمر: ممكن توضح لي شوه الغلط ؟ سعيد: مروان .. عمر: سعيد خله يرمس .. مروان: نحن صح تربينا ع انّا ما نطعن الشخص في ظهره .. ونشوه صورته .. لو مب شايفينه ... لكن يوم الشخص روحه ما يبا يشوفنا .. ولا حتى يبا يتواصل ويانا بأي طريقة ... ومب لـ شي .. عسب ام الشخص هذا .. تعرف شوه يعني ام ... سكت الكل .. مروان: ما تقدر تقول .. ما الومك .. لو انا كنت بسكت بعد .. لان لو مهما رمست عن الام ما بوفيها لا حقها ولا قدرها .. فـ انته يا عمر .. يالس بس تقولنا نحن .. وعمي وعمي وعمي .. وين هالعم ؟؟ يدري عنا ؟؟ يسأل عنا ؟؟ يسأل عنك انته وبس .. يرمسك انته وبس ! .. نحن بعد من حقنا يا عمر ان نحن نشل في قلوبنا ولو كره بسيط اتجاه هالانسان عمر: مروان .. الكره ثره شي كبير.. مروان: واللي يسويه عمنا ... مب كبير ؟؟ عم بالاسم وبس .. عمر: بس هو له اسبابه مروان: ونحن لنا اسبابنا يوم بنرمس عنه .. وبعدين امس .. نحن ما كنا قاصدين ان نرمس عنه جدام عبدالعزيز ... نحن كنا فالحجرة وصاكين الباب .. عبدالعزيز مر وسمع الرمسه .. بعد تبانا نكون حذرين يوم بتطلع أي رمسة منا ؟؟ هاي مب عيشة ! .. كل شي نسويه عسب هالعم كل شي .. لكن هو ..للحين ما سوى لنا شي واحد بس ! ... ونش مروان من مكانه .. الباقين اكتفوا بالسكوت ... عمر: انا ادري اني غلطان .. والله ادري .. وادري يمكن عمي يكون غلطان .. لكن هذا مب معناته ان نقلل من شانه واحترامه ! .. مهما يكون عمنا .. دمه يسري في عروقنا .. راشد منزّل راسه طول الجلسه .. وعمران .. ساكت .. وسعيد كأنه في دوامه ما يعرف شوه يقول والا شوه يسوي ؟ عمر: وانا آسف .. لو غلطت في حقكم دون ما ادري .... آسف .. نش عمر من مكانه ... وهد اخوانه رواحهم ... صعد فوق .. دخل الحجرة .. شاف عبدالعزيز .. منسدح ع الشبرية .. تقرّب منه ... شاف دموعه تنزل .. تقطّع قلب عمر ع شكل اخوه الصغير ... يلس حذاله .... عمر: عبدالعزيز .. حبيبي .. آسف عبدالعزيز : مب لازم تقول آسف عمر: ليش؟ الغلطان ما يقول آسف ؟ عبدالعزيز: انته اكبر مني عمر: وحتى لو ! ... الكبار حتى يغلطون .. عبدالعزيز: خلاص .. هدني روحي الحين .. تقرب من عبدالعزيز زيادة .. عمر: عبدالعزيز .. انا ما شايفنك من امس ... ولا مرمسنك .. اشتقت لك والله .. هني نش عبدالعزيز .. وحط راسه في حضن عمر ... ابتسم عمر .. ومد ايده يمسح ع راس اخوه .. عمر: آسف والله آسف .. بس لا تصيح بهالطريقة ... عبدالعزيز: جيه امس ما اتصلت فيه ... ما كنت بيلس اتريا هالكثر عمر: يعني كنت تقدر ترقد وانا مب موجود عبدالعزيز: لا .. بس كنت بتم فالحجرة .. وبترياك .. وما بزعل منك .. لكن انته ما اتصلت عمر: وانته زعلان لاني ما اتصلت فيك؟ عبدالعزيز: هيه ... وما قلت لي انك ساير بيت عمي .. انزين قولي .. ما بسوي شي .. وما بزعل .. بس الحين يوم انته ما تقولي .. احس تحب عمي اكثر مني .. وتسوي حق عمي أي شي يباه .. اما انا مطنشني .... ونسيتني .. عمر: لا تقول جذه ... انته غلاتك غير ... في حد ينسى روحه ؟ عبدالعزيز: لا عمر: عيل كيف تباني انساك ؟؟ وانته روحي وعمريه كله .. عبدالعزيز: اسكت خلاص عمر: ههههه وللحين تسكتني ؟ عبدالعزيز: هيه .. عمر: خلاص انزين .. يعني الحين الصياح يبرد ع خاطرك شويه ؟ عبدالعزيز : هيه عمر: خلاص عيل .. صيح .. واشبع صياح دام السالفه جيه .. ورن مبايل عبدالعزيز نفس الوقت ... عمر: مبايلك يرن .. عبدالعزيز: ما ابا ارد عليه .. عمر: حرام يمكن حد يباك ... عبدالعزيز: منوه يعني ؟ عمر: شوف .. عبدالعزيز: ما ابا ارد خلاص اسكت عني عمر: هههههههه خلاص خلاص انزين ... لا ترد .. وكمّل صياحك .. عفرا.... هذا وينه هالكثر اتصل به .. ولا يرد .... افففففف .. انا مليت .. والله ما بفوت الطلعه هالمره عسب عزوز ... كيفه مشكلته عقب يقول ما زقرتوني .... واتصلت في غاليه عفرا: غاليه غاليه: شوه ؟ عفرا: اتصلت في عبدالعزيز وايد .. ولا يرد غاليه: يعني شوه نسوي الحين ؟ عفرا: شوه نسوي يعني ؟؟ كيفه والله غاليه: حرام عليج ... عفرا: والله هو روحه ما يبا ايي غاليه: يالجذابة توج تقولين ما يرد عليج عفرا: لو يبا جان رد عليه غاليه: يمكن انزين امممممم حاط مبايله في مكان ... وهو في مكان ثاني .. . عفرا: آسفه ما بتصل بعد !! غاليه : يالله عاد عفاري الله يخليج اتصلي .. عفرا: ما يخصني والله انتي اتصلي يالله بسرعه لاني مخلصه بس باجي البس عباتي حصوه تتريانا تحت يالله .. مع السلامه .. بندت عفرا .. وتوهقت غاليه ... تتصل ! .. عسب يستوي بها نفس هذاك اليوم .... لا صدق هي بتتصل ع مبايله ... يعني عادي هو بيرد ... تشجعت غاليه .. واتصلت في عبدالعزيز ع مبايله ... عبدالعزيز هدا شوي ,, وعمر تم يرمسه ,, ويغير السالفه ,, عسب يغير من نفسيته ,, عمر : عبدالعزيز ... عبدالعزيز: شوه ؟ عمر: ما تبا تتغدّا ؟ عبدالعزيز: لا .. عمر: قم كل لك لقمتين .. عبدالعزيز: ما ابا شي .. عمر: عشان خاطريه نش عبدالعزيز: عمر والله .. الله يخليك ما ابا شي .. ابا ارقد .. عمر: مبايلك يرن ... عبدالعزيز: افففف حشروني عمر: رد عليهم وفك عمرك .. وبعدين انا ما قايل لك .. ايام المدارس وفالبيت .. المبايل ما له داعي ؟ عبدالعزيز: والله اني امس ترييتك تتصل .. فشليته من الكبت وحطيته هني حذالي وعقب فالسده ... اصلاً انته تدري بي ما استخدمه الا يوم اطلع .. او ابا اتصل بك ... عمر ( أبتسم ): انزين رد ع اللي متصل عبدالعزيز: هاي غلّوي ..... ( و رد ) الو غاليه: الحمدلله الحمدلله عبدالعزيز: بسم الله عليج غاليه: قلبي طاح عبدالعزيز: بلاج ؟ بسم الله غاليه: اصبر خلني اتنفس عبدالعزيز: ايه انتي .. .شوه فيج ؟ غاليه: واي قلبي .. قلت الحين حد ثاني بيرد عليه عبدالعزيز: يعني منوه بيرد عليج ؟؟ هذا مبايلي غاليه: ما ادري .. آخر مره حد من اخوانك رد عليه عبدالعزيز: هيه صدق هذاك اليوم .. انتي جيه تبندين في ويه مروان ؟ غاليه: منوه مروان ؟ عبدالعزيز: ايه بلاج ؟ اخويه غاليه: هيه هيه ... مروان صدق ... دوم عفرا ترمس عنه عبدالعزيز: وبعدين هذاك اليوم انتي اتصلتي ع البيت غاليه: اووووووه هيه صدق ... عبدالعزيز: انزين شوه تبين ؟ غاليه: هيه صدق ما علينا .. خلاص .. الحين .. انا وعفرا وحصه بنطلع بتيي ويانا عبدالعزيز: وين ؟ غاليه: امارات مول عبدالعزيز: لحظة بسأل عمر اخويه عبدالعزيز: عمّور ... بنات عموه بيسيرن امارات مول .. عادي اسير ؟ عمر: لا طبعاً عبدالعزيز: ليييييييش ؟ عمر: انته من امس زعلان .. ولا معبرني .. بعد اليوم تبا تطلع ؟! عبدالعزيز: والله اسأل روحك عمر: قول لهن لا .. عبدالعزيز: الله يخليك .. عمر: انته قولهن لا .. انا بطلعك عبدالعزيز: احلف ؟ عمر: ان شاء الله .. هيه .. يالله عبدالعزيز: اوكيه ( ورد يرمس غاليه ) .. غلّوي ما بيي غاليه: ليييييش؟ عبدالعزيز: عمّور قال لا غاليه: يعني ما بتيي ؟؟ والله بيفوتك عبدالعزيز: والله انتن .. تختارن يوم ما يناسبني غاليه: بسم الله عليييييييييك .... ههههههههه ... شوه نسوي انزين ؟؟ عفاري زعلانه عليه من امس عبدالعزيز: هاي النحسه جيه جذه تسوي غاليه: ما ارضى عليها ! عبدالعزيز: اوه نسينا انج محامي الدفاع خلاص آسفين غاليه: يعني ما بتيي ؟؟ خلاص ؟ عبدالعزيز: لا .. غاليه: خلاص عيل .. يالله مع السلامه ونشوفك قريب عبدالعزيز: ان شاء الله عمر: تزهب .. بسير اشوف سعيد شوي وبرد عبدالعزيز: ليش ؟بلاه سعيد ؟ عمر: ما فيه شي .. بس يباني في موضوع عبدالعزيز: انزين.. وين بنسير ؟ عمر: مكان .... عبدالعزيز: كيف جيه الحين ؟ عمر: شوه كيف جيه ؟ عبدالعزيز: ما اعرف شوه البس .. لازم اعرف وين بنسير عمر: البس أي شي .. تباه ... ولا تطول .. يالله في حجرة سعيد .. و راشد .. راشد: بلاك ياخي انته اليوم ؟ سعيد: ما فيني شي .. راشد: لا بلى فيك شي .. سعيد: راشد فكني انته الحين راشد: بلاك مب ع بعضك ! سعيد: ما فيني شي قلت لك ! راد: سعيد .. عليه انا ! سعيد ( سكت شويه ) .... : يلس الحين بتعرف السالفه نفس الوقت .. سمعوا دق الباب .. ودخل عمر .. عمر: ها سعيد ... شوه السالفه ؟ والا تبا راشد يظهر برع راشد: بلللللللل .. عمر !! ما احيدك جذه يعني تعطي كاش فالويه عمر: ههههههههههه اتغشمر بلاك راشد: قوية الصراحه ههههههه عمر: يا ويهك ههههه راشد: هو اصلا يباني ايلس .. هو قال عمر: متأكد ! راشد: ونص عمر: صح سعيد سعيد ( ابتسم ): هيه عمر: انزين شوه فيك ؟ ( وصك الباب .. ويا يلس ) راشد: سعيد يالله ارمس شوه فيك ؟؟ ياخي ذليتنا سعيد: انزين .. بقول لكم ... انا ابا ........... ابا اعرس راشد فاج عيونه ع الاخير ..... وعمر ابتسم ابتسامة عريضة .. راشد: خير ؟ عمر: واخيرا ما بغيت سعيد: عمر .. لازم انته قبل عمر: انا قايل لك .. ما اعرس لين ما كلكم تعرسون .. راشد: يعني بتتريا .. عزوز بعد عمر: يمكن .. شدراك راشد: عيل ابشر محد يباك عمر: ههههه شكراً سعيد: هيه .. والله تحلم اللي تاخذ اخويه .. وين تلقى شراته راشد: اونه يعني سعّود تبا تعرس عمر: منوه سعيدة الحظ ؟ راشد: الحين انتوا من صدقكم عمر: وليش نجذب سعيد: وحده تعرفها انته عمر: انا اعرفها ! سعيد: هيه عمر: والله ما اعرف سعيد: توقع راشد: انا اعرفها ؟ سعيد: لا انته ما تعرفها .. يمكن شايفنها مره والا مرتين عمر: ما احيد عمريه اعرف بنات ! سعيد: يعني تتعامل وياها .. مش دايما عمر: والله ما اذكر يا سعيد .. قول .. سعيد: بدور .. انفتح الباب ... عبدالعزيز: عمر انته هني ؟ عمر: انا شوه قايل لك ؟ عبدالعزيز: اوه آسف .. رد عبدالعزيز .. صك الباب .. ودق مره ثانية .. راشد: لا تتفضل عمر: يالله عاد .. هاا كله ولا عبدالعزيز عبدالعزيز: يالله عمر انا خلصت عمر: سعيد عقب نتفاهم ع السالفه .. بنسير عند عموه عبدالعزيز: عموه روحها متصله تقول هي بتيينا الحين عمر: هيه ؟ عبدالعزيز: هيه عمر: عيل ما يستوي نحن نطلع عبدالعزيز:يالله يالله .. والله ما يخصني عمر: عيب كيف نطلع وهي بتيي عبدالعزيز: كلهم هني ... ما يخصني عمر: يوم ثاني انزين عبدالعزيز: ما ابا الحين تنش راشد: والله لو انا منك لأعطيه كف ع ويهه يفتر راسه بالكف عمر: هييييي هيييييييي شوه كف ما كف سعيد: هههههه ييت ع الوتر الحساس عبدالعزيز: عمر قم .. عمر: ياي ... سر انته خذ السويج وشغل الموتر .. انا الحين بنزل ظهر عبدالعزيز .. وسار يسوي مثل ما قاله عمر .. عمر: سعيد.. بودي عبدالعزيز .. وانا راد .. بمر بيت قوم عموه بتصل بك .. كون هناك سعيد: وليش نسير بيت عموه ؟ عمر: ما بتقول لها السالفه ؟ سعيد: هيه اكيد ... بس استحي اسير لها البيت واقولها راشد: اووووووووونه .. يستحييييييييي سعيد: راشد اسكت اسكت عمر:ههههههه شوه تستحي .. سعيد: يوم هي بتيي هني عندنا بقول لها راشد: عموه بتيي اليوم وعمر محد ,,, سعيد: يوم ثاني ,, عمر: مب حلوة .. نترياها لين ما هي تيي .. نحن نباها .. نحن لازم نسير صوبها .. وبعدين ما بيستوي بنا شي .. منها زيارة .. ومنها نقول لها السالفه سعيد: يعني انته تشوف جذه ؟ عمر: هيه سعيد: خلاص .. شورك وهداية الله .. يوم بتخلص .. اتصل بي وبيي هناك .. عمر: يالله مع السلامه راشد: ما تعزمون ؟ عمر: على ؟ راشد: على الطلعة العجيبة ؟ عمر: حياك راشد: لا مشكور .. تو الناس عمر: والله .. صدق راشد: لا شوه اتغشمر وياك .. برقد انا .. فيه رقاااااااااااااااااد .. بخمده الحين سعيد: عيل جيه تتفلسف ؟ راشد: كنت ابا اشوف بيقول لي شرات ما يقول حق عزوز والا ابتسم عمر .. وظهر من الحجرة ... في بيت بو هزاع .. آمنة .. وريلها أحمد .. سلامة .. وطارق .. وهزاع يالسين فالصاله .. ويا عذيجة امهم .. وسالم وشمسة وياهم .. يعني كل الشعب ! آمنة: عيل حصوه وعفاري سارن مول الامارات .. والله بيشوفن سالم: هيه والله هزاع: جيه يعني ؟ آمنة: كنت بسير وياهن سالم: هيه والله أحمد: وين بتسيرين ؟ آمنة: مول الامارات سالم: هيه والله طارق: اسكت انته هههههه سلامة: يستهبل الحين سالم: صدق بعد شوه ... نبا نسير احمد: لا شكرا استريحوا مكانج آمنة: ليش عاد ؟ احمد: بس جيه مب لازم تسيرين هزاع: اقولك مب ع اختيه ها احمد: اقولك .. حرمتيه ها سالم: مب ع خالتيييه هزاع: ط هذاااااااااااااا .. لا تقلد طارق: خلاص خلاص .. ما سارت الحرمة عسب تسوون هالربشة كلها سلامة: جيه تسيرين شوه عندج ؟ شمسة: حواطه وهياته آمنة: هياته اونه .... طالعة ويا خواتي .. سالم: : نغير جو ملينا احمد: احسن يوم ما سرتي عذيجة: جان ودوا سالم وايد زين سالم: هيه انتي جيه ما قلتي لهم يدوه عذيجة: نسيت .. انك بتيي هني .. لو كنت ادري كنت بقولهم يودونك احمد: خل يودون سالم .. لكن امون لا هزاع: بلاااااك على اختيه احمد: ههههههههه انته بلاك اليوم ؟ مستوي لنا شرات العظم فالبلعوم .. هزاع: بتظحك لو قلت لك احمد: شوه ؟ هزاع: تذكر يوم فالمستشفى .. امون ما ادري عسب شوه كانت زعلانه منك احمد: هيه اذكر .. سالفة جديمة هزاع: انزين .. انا ما دافعت عنها هذاك اليوم .. فعسب جيه اوني عاد الحين .. ادافع عنها عسب ما تذلني يوم بحتاجها في يوم من الايام طارق: هههههه بل من الحين يأمن مستقبله سلامة: متفيج لانه هزاع: اسكتي انتي اسكتي طارق: ها .. ها .. هزاع .. شوه جلبت ع حرمتيه اشوفك ! شمسة: هزاع دومه جالب ع سلامة هزاع: بلاك انته بعد طارق: شوه بلاي ؟ عذيجه: هذا اليوم مضيع عفاري .. طايح في سلامه سلامة: هو دومه حاط دوبه ودوبي هزاع: آآآآآآآآه .. يا عفاري .. والله برويها جيه ما قالت لي طارق: ذليتوا البنيه ع هالطلعه احمد: محد يقول بطلع في هالبيت الكل وراه عذيجة: يسلم لي ثمك والله .. في هاي صدقت .. استحن انتن حريم معرسات .. كل وحده بطنها جدامها .. وين تبغن تسيرن ؟ الا هالسناتر الخايسة هزاع: رمست رمست عيوزتنا فديتج والله عذيجة: حق جذه بس فالح ..انته والثاني المعرس احمد: منوه معرس ؟ حد بيعرس وما تخبروني .. جذه امون ! آمنة: شدراني .. والله روحي ما ادري ! هزاع: هههههه امايه قصدها مروان شمسة: ههه من زمان ما شايفينه سلامة: هههه مروان الحين معرس ! طارق: من زمان ما شايفينه سالم: بلاكم ما شايفينه من زمان ... سيرو بيتهم وشوفوه ... عذيجه: انا الاسبوع اللي طاف ما سرت لهم .. هزاع: جيه تسيرين هم خل اييون عذيجة: جب ما يخصك في عيال اخويه اقولك انا ها هزاع: خيييييبه ما قلت شي .. قلت بس جيه هم ما اييون ؟ خل هم اييون عذيجة: تدري بهم ما اييون يستحون هزاع: من شوه يستحون الحين ؟ آمنة: انا بس اعرف شكل عزوز .. ومروان .. اما الباقين .. ابد ما اعرفهم عذيجة: احسن .. هزاع: عبدالعزيز يشبه سعيد .. وعمر ياخذ منهم بعد لكن عيونه مش خضر شرات هالقطاو عذيجة: قطوة حرمتك .. وعيالك قطاو .. يالهرم ما ترمس عن عيال اخويه جذه سلامة: هههههههه امايه بلاج عذيجة: هذا ها .. هالكثر يطري عيال اخويه .. هزاع: هههههه ما قلنا شي انزين احمد: تغليهم اكثر عنكم عذيجة: انته بعد اسكت .. تبا تسوي مشاكل الحين .. ظحك احمد .. والكل ظحك وياه ع رمسة عذيجة ام هزاع .... فالسيارة .. عبدالعزيز: وين الحين بتوديني ؟ عمر: مول الامارات .. عبدالعزيز: عمور الله يخليك .. ابا اشتري لي أي شي حلو عمر: وليش ان شاء الله ؟ عبدالعزيز: شوف ترا للحين ما رضيت عليك عمر: بل ! عبدالعزيز: كيفك والله .. عمر: ادري شوه تبا تشتري الحين عبدالعزيز: هيه ابا الـPSP والبلاي ستيشن اليديد عمر: عاد ما يستوي شيئين مره وحده عبدالعزيز: كيفك عمر: ما اقدر .. عبدالعزيز: اوهووو عمور عاد ... الله يخليك .. عمر: انزين شوف .. اشتر شي واحد منهم الحين .. والثاني الشهر الياي .. عبدالعزيز: جيه الشهر الياي .. عمي معطنك بيزات .. عمر: وانته شدراك ! عبدالعزيز: اقصد بيزات المصروف مالنا .. عمر: قلتها روحك المصروف مالنا .. يعني ما بخسره كله عليك .. عبدالعزيز: خيبه عمور .. يعطيك 10,000 ما ادري 15,000 كل شهر عمر: انا ما قايل لك ما تفتح هالظرف ابداً يوم تشوفه فالحجرة .. عبدالعزيز: ما فاتحنه ولا مره عمر: وشدراك بالمبلغ ؟ عبدالعزيز: انته هذاك اليوم .. قلت عمر: متى ؟ عبدالعزيز: والله قلت حق سعيد .. عمر: وانته تسمعنا ؟ عبدالعزيز: بلاك عمور كنت وياكم فالحجرة .. عمر: انزين .. بس ما اقدر .. عبدالعزيز: ما احيدك زطي عمر: انا زطي الحين ؟! عبدالعزيز: لالا .. والله ما اقصد .. بس يعني .. اشتر لي عمر: عبدالعزيز .. سعيد اليوم مخبرني يبا يعرس .. يعني لازم اقتصد زياده عسب يكون كل شي تمام .. واوفر لـ سعيد كل شي يباه .. مصاريف الزواج مب سهله ! عبدالعزيز: اوووووونه .. بيعرس عمر: ما ابا اسمع السالفه طالعه هني والا هناك .. عبدالعزيز: ان شااااااء الله .. عمر: ويالله انزل .. واول شي تتغدا عبدالعزيز: انزين ان شاء الله ... عفرا: حصوه يالله حصه: اصبري الله ياخذ العدو محد أيي وياج مكان غاليه: خذي راحتج حبيبتيه .. حصه: قولي حق بنت عمتج غاليه: بس بسرعه .. لان زايد زين بيسوي بي حصه: ط هاي الثانية بعد غاليه: ههههه شوه اسوي انزين ... حكم قرقوش .. علينا عفرا: في هاي صدقتي غاليه: بس بس .. ما صدقت قلت شي عن اخواني عفرا: أي اخوان ؟ جيه عندج اخوان انتي ؟ غاليه :ايه يالسخيفه بسم الله عليهم عفرا: راس مالج .. زايد .. والا ثاني مب فالحسبة غاليه: هههههههههه ( رن مبايلها ) .. جبنا سيرة الاط جانا ينط عفرا: شوه يبا ؟ مب من الله متصل ردي عليه وبتشوفين .. غاليه: الو .. هلا ثاني ثاني: شحالج ؟ غاليه: الحمدلله تمام .. ثاني: وينج ؟ غاليه: ظاهرة ويا بنات عموه ثاني: وينكن ؟ غاليه: مول الامارات ثاني: غلوي مري هناك عيل خذي لي مومري غاليه: شدراني انته كيف تبا ؟ ثاني: انا بدليج أي محل .. وانتي سيري له .. وعطي التيلفون حق واحد اسمه عبدالسلام .. وانا برمسه .. غاليه: ما شاء الله .. حتى في مول الامارات متعرف ع البياعين ثاني: ههههه لازم أأمن مستقبلي في كل مكان .. غاليه: انزين اذا شي وقت بسير ثاني: ليش ان شاء الله ؟ جيه شوه عندكن غاليه: ولا شي .. بس تدري زايد قايل لي ما اتأخر ثاني: الحيييييين المومري هو اللي بيأخرج ..! غاليه: لا بس يعني اقول يمكن ثاني: عادي عادي .. انا بقول حق زايد اني انا طرشتج محل تشتري لي شي انا احتايه .. غاليه: خلاص اوكيه .. ثاني: طااااااانكس .. غاليه: مع السلامه .. عفرا: غلوي نسير نحن ... يوعانه انا ابا آكل حصه :الحين وقت غدا ؟ عفرا: عيل شوه تشوفين ؟ حصه: الساعه 5 الحين .. ما باجي شي عالمغرب يعني عشا عفرا: عشا .. والا غدا .. انا يوعانه وبسير آكل غاليه: انزين نتريا حصه حصه: لا ما عليه .. سيرن .. وانا يوم بخلص بتصل فيكن .. وبشوفكن وين .. عفرا: هيه اوكيه .. خلاص عيل .. في بيت الشباب .. حجرة مروان .. وعمران .. عمران: مروان .. مروان: شوه ؟ عمران: شوه فيك اليوم ما ظهرت من البيت مروان: مب متفيج .. عمران: مريض؟ مروان: لا عادي ...... الحين الزجام تسميه مرض ؟ عمران :لا والله ! مروان: الزجام جيه شرات الضيوف .. ايينا ويسير عمران: لا والله احلف عاد انته .. قول والله مروان: لا لا لا .. لا يجوز يا مطوعنا .. احلف بعد ! عمران: ههههه اسكت اسكت .. كنت ساكت احسن بوايد مروان: محد قالك تكلمني عمران: ملل شوه نسوي مروان: سر جابل اللي برع عمران: عمر وعبدالعزيز .. ظهروا .. وراشد ما ادري جنه الا راقد .. وسعيد .. طلع مروان: وين ساروا عمر وعزوز ؟ عمران: ما ادري والله مروان: وسعيد ؟ عمران: ما ادري مروان: عيل شوه تدري ؟ عمران: ادري انك انته هني مروان: شكراً .. عمران: عفواً .. مروان مروان: شوه تبااااااااااااااااااااااااااااااااااااااااا عمران: بسم الله مروان: شوه تبا ؟ ما اقدر ارمس وايد عمران: قم نطلع .. مروان: انته .. تشوف حالتيه والا ؟ عمران: توك تقول الزجام شرات الضيف .. ومتعودين عليه مروان: لا لا تعبان انا الحين عمران: الحين بس ؟ مروان: هيه الحين بس ... وعقب بستوي شرات الحصان .. وبظهر ويا هزاع عمران: اخو ع الفاضي مروان: اذا تبا تطلع ويانا عقب عمران: انا ابا الحين ... مروان: الحين فيه رقاد .. عمران: ارقد ارقدانزين .. فكنا خلاص ما نبا شي .. مروان :احسن .. سر سو التفجيرات مالك جهزهم .. عمران: اقول .. اكرمنا بسكوتك .. وارقد ... في بيت السفير .. هند من الملل الفظيع اللي فيها .. نشت وسارت صوب حجرة اخوها .. فتحت الباب ... شافت انه راقد ... هند: بدر وهو ولا حاس بالدنيا هند: بدر قم بدر: شوه ؟ هند: قم ملانه بدر: شوه تبين ؟ هند: بدر قووووووووووم بدر ( خوز اللحاف عن ويهه ): خير ؟ آنسة هند هند: قم .. ملانه بدر: والله ! هند: والله بدر: الساعه كم ؟ هند: الساعة الحين 4 ونص بدر: قومي قومي واله انج فاضيه ... خليني ارقد هند: الله يخليك بدر قم .. ملانه بدر: وشوه تبيني اسوي ؟ هند: نطلع بدر: سيري خذي وحده من الخدامات ... والسايق وسيري هند: وين اسير؟ بدر: أي مكان تبين تسيرين هند: شوه تطنز .. نش نش ... انا يالسه هني فالبلاد وفي هاليومين عسب بس انته تهتم فيني بدر: خيييييييير؟ ! بعدين اليوم زحمة ... مب حلو نطلع هند: قم والا بتصل في ابويه الحين بدر: لا اونها بعد تهدد هند: قم بسرعه .. بطلع بدر: والله متفيجه شوه ميلسنج هني .. قالوا لج سافري وياهم هند: افففف ذليتني ع يلستيه هني فالبلاد .. يا اخي ما ابا ما اباااااا ... يالله قم بدر: شوه نسوي .. يوم الله رزقنا بـ اخت شراتج حنانة .. جان امايه يايبتني انا بس .. والله ما بعور راسي ولا هم بيعورون راسي هند: جان انا مب اختك اصلا كنت بتصيح النهار وبتبات الليل سهران تفكر في وحده حلوة وطيبة شراتي تكون اختك بدر: ما عندي سالفة هند: ما عندك سالفة يوم انك ما تباني اكون اختك بدر: اقولج .. سيري برع... و بندي الباب وراج .. هند: قلت لك ظهرني بدر: ثرني اقولج سيري برع .. بنش بسير اتسبح وببدل هند: اها .. اذا جيه .... اوكيه انا بعد بسير في مول الامارات .. صوب المطاعم .. عمر وعبدالعزيز .. عبدالعزيز .. طلب وجبه من ماكدونالدز .. وسار يلس ع طاولة من الطاولات .. وعمر سار وياه ... عمر: تاكل كل اللي طلبته عبدالعزيز: انزين ... وانته جيه ما طلبت لك ؟ عمر: ما اشتهي عبدالعزيز: ليش انته ما تاكل وانا آكل ؟ عمر: ههههههه عبدالعزيز .. وايد تسأل اليوم عبدالعزيز: ما باكل .. لين تسير تطلب لك .. عمر: ما ابا عبدالعزيز: ما باكل عيل عمر: عبدالعزيز .. كل بسرعه خل نسير نسوّق شويه ونرد البيت .. عندي شغل ويا سعيد .. عبدالعزيز: اووووووه .. عمور .. كله سعيد وسعيد وسعيد .. الحين .. وعمي يوسف .. انا ولا شي عمر: لا تصرخ .. نحن فالسنتر .. هد عبدالعزيز السندويجه .. ونظف ايده .. ومد ايده خذ مبايله .. وتم يعابل فيه ويلعب به .. عمر: عبدالعزيز كل .. عبدالعزيز: ما ابا عمر: عبدالعزيز .. بلاك مستوي جذه هالايام .. ما اقدر اقول لك كلمة .. عبدالعزيز: لانك انته اللي متغير مب انا ! عمر: انا في شوه تغيرت ؟ عبدالعزيز: وايد تسير عند عمي واتم عنده لين ما ادري الساعه كم .. وما تقولي انك بتتأخر واتم اترياك .. وغير جيه .. حتى اليوم اللي اونك بتراضيني .. تقولين سعيد يباني .. انته وسعيد دومكم تطلعون وكله تقول شغل شغل شغل .. عمر ( تنهد) : عبدالعزيز .. شوف .. انا عندي 4 اخوان غيرك .. انته مب اخويه الوحيد .. وهم يحسدونك ويعاتبوني دوم .. ليش اني مدلعنك انته اكثر واحد .. ويقولون عمر ما يرفض أي طلب لـ عبدالعزيز .. وعن سالفة تأخرت في بيت عمي خلاص انتهت وانا اعتذرت منك .. لا اتم تفتحها كل دقيقة وتذكرني فيها .. عبدالعزيز: احس اهتمامك قل عمر: يمكن اهتمامي قل صح .. لكن .. والله اني ما نسيتك .. عندي اشغال اكثر واكبر .. انته ما عدت عبدالعزيز الصغير اللي كل شي يسوي له اياه عمر ..انته الحين ريال وتقدر تعتمد ع نفسك .. عبدالعزيز: صح .. لكن ... تشوف فالمسلسلات يوم الأبو .. كله يسافر كله شغل شغل شغل عمر: شدخل هذا في هذا ؟ عبدالعزيز: كيف شوه دخله ؟ ... وانته ابويه والحين تسوي شرات المسلسلات ! سكت عمر .... ما قدر يفتح ثمه عقب اللي قاله عبدالعزيز ... الأبو .. كلمة كبيرة .. وتهز عمر من داخل هز يوم يسمعها ... وعبدالعزيز الحين .. يقول عمر ابوه ...! ... عمر ما يقدر ومستحيل بالنسبه له ان يوصل لـ مستوى ابوه في يوم من الايام .. رد فيه الزمن لـ ورى .. وتذكر ابوه وامه .. تذكر يوم ابوه مره تاخر والسبه عمه يوسف بعد .. كان في بيت عمه يوسف وعمر يترياه فالبيت .. --------------- أم عمر: افففف واخيرا رقد عقب ما ظهر لي قرون .. ( << طبعاً هذا مروان ) وانتوا شوه ميلسنكم للحين ؟ راشد: برقد ويا سعيد ... ام عمر: انزين يالله قوموا .. عمر: ما نبا .. ام عمر : عمر حبيبي سر ارقد ... عمر: ما ابا .. ام عمر:سعيد قم سر ارقد عسب اخوك ينش وياك سعيد: انزين ( <<< مؤدب من يوم هو صغير) ام عمر: عمر ابوك بيتأخر .. عمر: عادي ... ام عمر: باجر وراك مدرسه ! عمر: جيه يتأخر هو ؟ ام عمر: ساير عند عمك يوسف .. عمر: اوهووووو .. كله عمي يوسف ... من متى الحين هو يسير عنده .. كل يوم كل يوم كل يوم وانفتح باب الصاله .. ودخل ابوه .. بو عمر: السلام عليكم .. ام عمر: عليكم السلام .. هذو ابوك وصل .. شفته يالله قم بو عمر: شوه السالفه ؟ ام عمر: مب طايع يرقد .. الا يوم يشوفك بو عمر: عمر .. عمر: شوه ؟ من طريقة عمر .. حس ابوه انه مضايج .. تجدم صوبه .. ويلس بنفس مستواه بو عمر: شو فيك ؟ عمر: ما فيني شي راشد: زعلان زعلان بو عمر ( ابتسم ) : راشد سر ارقد انته وسعيد .. راشد: وعمر ؟ بو عمر: الحين بيي وراكم .. سيروا ... عمر: انا بسير ارقد .. بو عمر: عمر حبيبي .. آسف لاني اتأخرت اليوم .. ووعد باجر بطوله وياكم بتم .. خلاص .. ! ---------------------- عبدالعزيز: عمر .. عمر .. عمووووووووووووووووور عمر: ها .. وياك .. عبدالعزيز: ويايه وسرحان .. آسف والله آسف .. عمر: ع شوه ؟ عبدالعزيز ( نزل راسه ) : ذكرتك في ابونا عمر ( ابتسم ): تدري ان حركة امس استوت ويايه وويا ابويه الله يرحمه عبدالعزيز: كيف كيف ؟ عمر: ابويه كان متأخر مره .. عند عمي يوسف وانا ترييته .. وتأخر .. حسيت باحساسك امس .. حسيت كيف كان شعورك .. وكيف كنت متضايج .. انا اللي آسف .. عبدالعزيز: هيه ؟ عمر: هيه والله .. فعسب جيه يوم قلت اني انا ابوك .. تذكرت ابويه الله يرحمه .. عبدالعزيز: مروان وايد يشبه ابونا صح ؟ عمر: هيه .. عبدالعزيز: ونحن امنا ؟! عمر: يقولون عبدالعزيز: يا سلام .. يعني امايه كانت وحده فنانه وحلوة عمر: عندك شك في الموضوع ؟ عبدالعزيز: لا طبعاً .. دام انا ولدها ... ههههههه عمر: هههههه كل انته بس كل .. وايد واثق من عمرك .. *********** |
الجزء السّابع لابس نظارة طبية .. و الحجرة ظلام .. وع المكتب ماله .. فاتح اللاب توب جدامه .. و حذاله بيبسي .. و جميع انواع الكاكاو .. وما تشتهي نفسك من الكاكاو .. نور يدخل الحجرة فجأه .. وهالنور يزعجه ... لان 1 ) دليل ع ان حد فتح الباب 2 ) يضايقه ويقطع عليه حبل افكاره .. زايد ( فتح الليت ) : ما شاء الله .. السلام عليكم ثاني: وعليكم السلام .. جيه فتحت الليت ! زايد: بسم الله وين يالس انته ؟ الحجرة جذه ظلام .. ثاني: انا جيه احب ايلس زايد: انزين ... غاليه ردت ؟ ثاني: لا زايد: اها ثاني: انا قلت لها تمر ع محل هناك .. وتشتري لي شي انا اباه زايد: انته لا تخدم الناس .. وتخلي الناس يخدمونك ثاني: اختيه اختيييه .. كيفي زايد: انزين اسمع ثاني: شوه ؟ زايد: امايه تباك تحت ثاني: شوه تبا ؟ زايد: تبا تشوف جمالك .. ووسامتك اللي من الصبح ما شايفتنها ثاني: انا مشغول الحين زايد: والله كيفك انا قلت لك .. ثاني: زايد .. عندك رقم عمر ؟ زايد: هيه .. ثاني: عطني اياه .. زايد: ليش؟ ثاني: بس جذه .. يمكن احتاجه في يوم من الايام .. زايد: رقمه ******* ويالله انزل تحت .. فاتح لي بقالة بعد ثاني: هههههه تعال ما تبا زايد ( مد ايده وخذ سنكرز) : يالله قم ثاني: ياي وراك .. اذهب ونحن من خلفك زايد: وايد سمعناها .. وولا مره شفناها ثاني: ههههههه لا والله .. 5 دقايق وبنزل .. الحين .. صوب المطاعم .. عمر .. نش سار يطلب له شي خفيف من السلطات .. عسب خاطر عبدالعزيز بس .. لانه حشره عبدالعزيز كان يالس روحه ع الطاولة .. لمح هنتين .. يعرفهن .. عبدالعزيز: يالنحسه .. عفرا: سمعت النحسه ! غاليه: شاكه في عمرج ؟ عفرا: محد يقول النحسه غير عزوز غاليه: ههههههههه بلاج يا امي .. اشتقتي له ؟ ما يا ويانا للأسف اخوه ما خلاه عفرا: صدقيني والله عبدالعزيز ( ناقع من الظحك ): غلوي .. غاليه .. صدت ورا .. عفرا: شوه قلت لج .. عفريت من عفاريت القرن .. وسارن صوبه .. غاليه: انته هني عبدالعزيز: لا هناك عفرا: شوه يايبنك ؟ قلنا أمن الدولة .. بعد ما خلوك .. عبدالعزيز: جب جب .. كيفي .. وبعدين مب جنج غلطتي ع اخويه عفرا: يجبك انزين .. غاليه: ايه عيب ... جدام الناس عفرا: قولي حق هذا الياهل عبدالعزيز: دام ياهل لا تحطين راسج براسي غاليه: هههههه ما ترومين عليه .. عفرا: طبعاً اخو السخيف مروانو عبدالعزيز: ههههه بلاج تتحرطمين بزياده اليوم غاليه: ما عليه ما عليه .. عفاري يوعانه عسب جيه عبدالعزيز: حد ميودنج كلي عفرا: ما شي طاولات عبدالعزيز: يلسي هني .. كلي غاليه: هيه والله نيلس هني .. مب متفيجه اوقف واتريا .. حطت عفرا صينيتها .. وغاليه بعد وياها حطت صينيتها .. و يلست .. وعفرا يلست .. لكن تحرطيمها ما خلص .. وترمس وترمس ... عبدالعزيز: بس صخي عفرا: انته اكبر كائن بشري خاين عرفته البشرية عبدالعزيز: ليش؟ عفرا: لانك ياي هني وتستهبل .. تقول لنا ما بتيي غاليه: تعال صدق ويا منوه ياي ؟ ؟ عفرا: ويا منوه ياي يعني ؟ تلقين يا مروان يايبنه .. وفارنه هني وساير ما ادري وين .. او يا أمن الدولة .. قص عليه ويابه هني سكته بهالطلعه بس روحه سار يحوط .. وترمس عفرا .. وما لقت أي استجابه .. ولا تفاعل .. عفرا: بلاكم صخيتوا ؟ بس من رفعت راسها .. وشافت اللي حط صينيته .. انصدمت ...........! عفرا ( نزلت ايدها .. وبصوت واطي ) : الله ياخذ عدوك يا عزوز عمر ( بعده واقف .. ومستغرب ): السلام عليكم.. عبدالعزيز: عليكم السلام .. هلا والله عمر بعده مستغرب ....... غاليه منصدمة ومنزلة راسها ومستحيل ترفعه لو شوه ما يستوي .. وعفرا يالسه وميته من الزياغ .. ومنصدمه هي الثانية .. عمر: في شي ؟ عبدالعزيز: لا ما في شي .. عمر اطالع صوب عبدالعزيز .. ونظراته كلها تساؤلات .. هو 1 من الـ 2 اما عبدالعزيز مسوي مصيبه .. و تفلسف ع هالبنات .. او ان في شي وعمر زي الاطرش فالزفة ! فأشر له بايده كانه يقول منوه ؟ عبدالعزيز: فذمتك ما عرفتهن ؟ عمر: منوه ؟ عبدالعزيز: حد ما يعرف هالويوه النيرة .. والسمحه .. والجميله عمر .. انصدم .. هذا قام يألف شوي .. فيوزاته ظربت .. عطاه نظرة .. عبدالعزيز فاهمنها ان لا تكمل استهبال وجاوبني .. عبدالعزيز: احم احم .. حد ما يعرف اهله المهم اعرفك ع غاليه بنت عمي .. و عفرا النحسه بنت عموه عذيجة .. غاليه تمنت الارض تنشق نصين .. وتبلعها ولا انها تنحط في هالموقف .. وعفرا تتحلف حق عبدالعزيز ع هالموقف البايخ السخيف .. وعمر منصدم وفي نفس الوقت هو الثاني يتحلف حق عبدالعزيز .. لكن مب كثر عفرا .. عمر: انا بسير ايلس هناك .. يوم بتخلص .. خبرني .. عبدالعزيز: وين بتسير ما شي مكان .. تعال عمر ما عبر عبدالعزيز .. وشل الصينية .. وسار .. عفرا: والله .. والله والله .. وقسما بالله .. بتشوف شي ما شفته عبدالعزيز: ههههههههههههه اشكالكن الصراااااااااحه فنننننن عفرا: صدق سخافه عبدالعزيز: بلاج ؟ يعني روحج قلتي ان عمور يايبني عفرا: هذا عمر ؟ عبدالعزيز: شوه تستهبلين يعني منوه ؟ عفرا: شدراني انا ما اعرف ولا واحد من اخوانك .. اللهم مروان .. عبدالعزيز: مشكلتج عفرا: بتشوف انزين . والله بتشوف عبدالعزيز: مب زين تحلفين هالكثر .. عفرا: انزين بتشوف .. غاليه نشي نسير .. انفجرت غاليه هني .. تصيح من الخاطر .. انصدم عبدالعزيز .. وانصدمت عفرا في نفس الوقت ... عمر : الو .. هلا سعيد سعيد: اهلين عمر عمر: وينك ؟ سعيد: ظاهر .. عمر: انزين اقولك .. نحن الحين بنخلص .. عبدالعزيز .. غديته .. وبنسير بيت عموه سعيد: الحين ؟ عمر: هيه .. ما بنسير السوق .. يوم ثاني بويه السوق سعيد: اخافه يحتشر عليك .. عمر: لا ما عليه .. بقنعه .. وبقوله بوديك بيت عموه .. يعني بيقتنع وهو مغمض سعيد: خلاص عيل .. انا ساير هناك .. انته رمست عموه ؟ عمر: لا .. بتصل بها الحين بقول لها ان نحن يايين .. سعيد: خلاص عيل .. يالله مع السلامه .. في وافي ... منوه هني ؟ هند وبدر .. بما ان هند بس ملانه ... والمهم تطلع مب مهم وين المكان اللي بتظهره .. فـ بدر في نظره ان وافي احسن .. بدر: يالله اشتريها هند: هاللون احلى والا هذاك بدر: الاحمر هند: احمر ! بدر: سألتيني وقلت لج رايي هند: خلاص عيل ... بناخذ برايك .. بدر: أي قميص بتاخذين عليها ؟ هند: ما ادري .. اذا اخترنا احمر .. اممم القميص يكون احمر وعليه شغل ذهبي بدر: ع كيفج اخترتي وخلصتي ؟ هند: هههه لاني شفت القميص هناك بدر: هيييه .. قولي جيه .. هند: يالله باخذ هاي سارت هند وخذت القميص .. وساروا بيحاسبون ... بدر: استريحي هند: عندي انزين .. ابويه معطني قبل ما يسافر وروحي عندي بدر: انزين .. خليهم حق وقت ثاني هند: كيفك يعني تبا تخسر .. خسّر بدر: هيه ابا اخسّر هند: كيفك .. دفع بدر ... وظهر ويا هند برع المحل ... بدر: يالله وين الحين ؟ هند: بتعشى طبعا بدر: قلتي حق ميري انج ما بتتعشين فالبيت ؟ هند: هيييييييه قلت لها ... جنّه الا هي مربتني بدر: انزين صح هند: اتخسي انزين بدر: ههههههه بلاج عصبتي هند: هي صح طيبة .. ووايد معبرتني .. بس الصراحه مزودتنها جني ياهل .. تسألني كلتي تبين شي ما تبين ؟ شوه تبين الغدا شوه تبين العشا ... وما ادري شوه .. بدر: احمدي ربج غيرج يتمنى اللي انتي فيه هند: الله لا يبلي حد شراتي بدر: شووووووووه ؟ هند: ما شي .. مرة وحده وقف بدر ... هند: بلاك وقفت ... بدر: اوووووه شت هند: قايلة لك لا تقولي هالكلمة السخيفة جدامي بدر: لفي ورا ... هند: شوه ؟! بدر: صدي ورا بسرعه هند: شوه السالفه بدر: هندو صدي وراااا وامشي سيده وانجبي لفت هند ورا ولا تدري اصلا شوه السالفه ... وقفت شوي بعيد .. وصدت تشوف اخوها .. شافته واقف ويا شلة شباب .. عرفت انهم ربعه .. رد بدر عقب ما سلم ع ربعه ... بدر: بسرعه نسير البيت .. هند: والعشا ؟ بدر: بلا عشا بلا خرابيط .. هند: ع راحتك .. طلعوا من السنتر ... وركبوا السيارة ... بدر: عسب جيه يوم اقولج ما ابا اظهرج في هاليوم .. هند: وشوه فيها كل الناس ظاهرين بدر: كل الناس ظاهرين .. صح .. بس مب كل الناس مظهرين خواتهم هند: وانته ما سويت شي غلط ... انته ويا اختك ... بدر: بس اسكتي .. لو تنحطين في هالموقف المحرج اللي انحطيت فيه هند: مب موقف محرج بدر: عندج انتي مب محرج هند: طبعاً .. وبعدين هم اثنين اللي سلمت عليهم .. واحد منهم ثره شافني يوم كنا في لندن صح والا ؟ ووياك وويا ابويه بدر: لندن غير ! هند: في شوه غير ؟ يعني برع عادي يشوفوني ... وفالبلاد لا ؟ بدر: برع البلاد شي و فالبلاد شي ثاني .. وبعدين اللي ترمسين عنه هو خالد ... وخالد عادي انا اثق فيه .. واعرف هو منوه .. لكن غيره لا هند: مش مشكلتيه تثق فيه والا ما تثق فيه .. المهم انا .. انا اثق في منوه ... وتعال بقولك .. انا اصلا ما ارضى انهم يشوفوني ... كنت تقدر تقولي سيري ربعي جدامي بدون ما تقولي انجبي فالسنتر ! بدر: انتي مب فاهمه .. مب فاهمه اللي ابا اوصلج اياه هند: بلى فاهمه .. وفاهمه انك ما ظاهر ويا حد غريب ... والا حرام عليه وحلال ع غيري بدر: شوه قصدج هند: انته تعرف قصدي عدل ... يوم انكم تظهرون ويا البنات ... عادي تسيريون وتردون ... حد يشوفكم عادي ... بس حد يشوف خواتكم وهن محترمات عمارهن لا بدر: هندو سكتي الله يخليج .. راسي يعورني منج ... انزين .. انا غلطان يوم وافقت اني اظهرج هند: انا الغلطانه اللي قلت لك اصلا ظهرني عمران كان يالس فالحجرة .. و وياه مروان اللي شبه مدوخ .. وخلاص عيونه ما يروم يبطلها .. عمران: يعني لازم تظهر ويا هزاع ؟ مروان ( مغمض عينه) : ياخي انته ليش محتر ؟ عمران: لاني يوم قلت لك نظهر قلت بتريا هزاع مروان: هيه بتريا هزاع عمران: وهزاع نقع فيك خيانه وللحين ما اتصل .. مروان: ما بخسر شي ثرني فالبيت .. عمران: انزين انته جيه ما تتصل فيه ؟ مروان: هو يباني هو يتصل بي .. مب كل مره انا اتصل .. عمران: اونه بعد يتغلون ع بعض .. وسمعوا دق الباب .. كان فريد .. ووراه راشد .. عمران: اوه فريد .. شحالك فريد: بخير راشد: فريد يبت كندورتيه ؟ فريد: هيه .. راشد: حطها فالحجرة .. فريد: مروان .. شوه فيك ؟ مروان: آآآه بابا فريد.. انا تعبان مريض .. فريد: شوه فيك ؟ عمران: هههههه فيه زجام فريد: زكام ... عادي مروان: عادي في عينك يالهرم .. اقولك تعبان تقولي عادي فريد: عشان انته كله .. برع برع .. مع هزاع .. مروان: وانته شلك ؟ فريد: عيل ما تقولي .. تعبان .. مروان: صدق صدقت عمرك .. قم قم .. مفتقد عيالك .. عزوز وسعيد .. ياي تظهر حرتك فينا راشد: هههههههه بلاك انته عمران: ههههههه مدوخ الحين .. ما يعرف شوه يقول راشد: بلاك ؟ عمران: تعبان .. وطايح جذه من الصبح .. يتريا اتصال الشيخ هزاع .. عسب يظهر راشد: يعني لازم ؟ مروان: لا اله الا الله .. بلاكم انتوا ؟ كيفي راشد: انزين كيفك محد قال شي مروان: واضح ان محد قال شي ... لا انته قلت .. ولا اخوك راشد: ابويه انا بسير الحين .. ولا يخصني في أي حد عمران: وين بتسير ؟ مروان: شل شل اخوك وياك .. يخاف يتم روحه فالبيت عمران: لا اخاف ولا شي .. ولا ابا اطلع اصلاً مروان: مساعه تقول ظهرني ظهرني عمران: هذاك كان مساعه .. مب الحين !! .. الحين غيرت رايي بتم يالس فالبيت ابرك لي .. مروان: انا بعد اقول احسن .. في بيت بو هزاع .. آمنة .. و احمد .. وسلامة .. بس يالسين .. وطارق والباجين .. ظهروا .. أحمد: امون تبين شي ؟ آمنة: وين بتسير ؟ أحمد: بسير شويه عند الربع وبرد آمنة: لا لا لا أحمد ( مستغرب ): شوه لا لا لا ؟ آمنة: اقصد .. لا تسير الحين .. أحمد: ليش ؟ عيل متى اسير ؟ آمنة: اتريا الحين بيحطون العشا .. وتعشا وعقب ردني البيت وسير وين ما تبا تسير أحمد ( يشوف الساعه ): بتردين البيت الحين ؟ آمنة: هيه ... تعبانه بسير ارقد ... سلامة: بعده .. تو الناس آمنة: لا لا .. سلامة: انزين رقدي هني .. وعقب يوم بيرد بيوعونج وسيري .. او باتي هني احمد ( يطالع سلامة بطرف عينه ): أبلة سلامة سلامة: ههههههههههه شوه ؟ أحمد: لا تخربين عليه حرمتيه بعد .. تعلمينها تبات هني سلامة: هههه ليش شوه فيها ؟ .. خل تبات بيت ابوها احمد :لا لا لا .. ما عندنا حريم يباتن برع بيوتهن آمنة: اصلاً انته روحك تدري اني ما احب ابات برع البيت .. احمد: صح ... ادري .. بس يمكن سبحان الله .. تأثر أختج عليج وتقنعج آمنة: لا .. ما تقدر .. سلامة: حبيبتيه .. كيفج كيفج .. انا ما يخصني أحمد: انزين والحين شوه ؟ آمنة: اما انك تيلس وتتريا العشا وعقب تردني البيت .. او ان الحين وانته ظاهر .. ايي وياك وتنزلني البيت احمد: وما تتعشين ! آمنة: باكل أي شي .. احمد: لا لا .. عيل يلسي هني تعشي احسن بوايد .. اتأكد انج كلتي لج شي آمنة: جيه بيتكم ما يطبخون ؟ ... ترا بيتعشون وبيتصلون فوق .. اذا ابا عشا والا .. أحمد: لا هني احسن ... بتأكد انج كلتي وعقب بسير .. سلامة: اونه اونه ما نروم آمنة: حشى ... يالحسد .. انته ايه اميه .. مب مكفنج ريلج .. ولا امايه وابويه ؟! وحصه وشمسه ؟ كلهم يدلعونج سلامة: تف تف تف .. عين الحسود .. احمد: هههههه بلاكن تتناقرن .. جنكن ديج وديايه .. آمنة: شكراً ع التشبيه .. سلامة: طبعاً امون الديج .. ههههههه احمد: هههه عن الغلط ع حرمتيه ... نفس الوقت دخلت .. عفرا .. عفرا: السلام عليكم سلامة: عليكم السلام .. آمنة: اهلاً وسهلاً .. سلامة: بسم الله بلاج جيه تقولينها ؟ جنه الا ماكلين حلالها احمد: تدرين يوم امون تظرب فيوزاتها .. وما تدري شوه تسوي .. أي حد يكون طالع تبا تطلع وياه .. واذا ما خبرها .. عاد تستانس زياده لانها بتظارب وياه آمنة: احلف عاد .. احمد: شدراني عنج سلامة: انتي بلاج صاخه ؟ عفرا: شوه تبيني اقولج ؟ سلامة: وين حصوه ؟ عفرا: الحين يايه .. سلامة: بلاج ؟ عفرا: ما فيني شي .. ووصلت حصه .. حصة: هااااااااي آمنة: والا هالثانية تتحسب نحن بناتها فالمدرسة .. حصة: انتي بعد بلاج ؟ ماده البوز شبرين ( تقصد آمنة) أحمد: جيه ما وديتوا حرمتيه ؟ حصه: وين نوديها ؟ احمد: ما ادري وين سايرات .. ما وديتوها زعلانه منكن الحين حصه: والله هي ما قالت لنا احمد: من دون ما تقول لكن لازم تتصلن بها وتقولن لها .. وتمرن وراها بعد سلامة: هههههههههه يايبينها وناسينها حصه: آسفين يالكشيخة .. آسفين .. أحمد: ما تقبل اعتذاركم .. حصه: يوم ما تقبل .. والله انته ريلها .. شلها وودها أي مكان تبا تسيره احمد: بلللللل فالويه سلامة: هههههه الله يغربل العدو بلاكم انتوا اليوم ؟ بسم الله ههههههه حصه: عفاري اتصلتي في غاليه ؟ عفرا: لا .. بسير الحين فوق وبتصل .. نشت عفرا .. وسارت فوق .. والباقين استغربوا من هدوء عفرا .. وادبها هالمره .. الا حصه اللي كانت تدري بالسالفه .. وعقب تموا يسولفون عادي ... في شقة صالح وشمسة .. من اول ما راد ... وهو يلعب بلاي ستيشن للحين ... شمسة: بند بس خلاص سالم: وين ابويه ؟ شمسة: الحين ياي سالم: ياب لي عشا ؟ شمسة: لا سالم ( ودّر القير): قولي والله ؟! شمسة: ليش وايد يوعان ؟ سالم: هيه شمسة: قلت لك بسوي لك عشا قلت ما تبا .. وتبا من برع سالم: هيه ابا من برع .. واذا ما يايب والله خل يرد يشتري لي .. وايي عقب البيت شمسة: هيه يشتغل عندك سالم ( رد يلعب ): هيه ... انا ولده لازم يخدمني شمسة: صدق ما تستحي ... ووصل صالح .... صالح: السلام عليكم شمسة: وعليكم السلام ورحمة الله صالح: بلاه البيت هادي سالم: جيه في حد عسب يكون حشرة يعني صالح: بو لسان شخبارك ؟ سالم: يبت لي عشا صالح: هيه ... تعال كل سالم: عيل ليش تقصين عليه شمسة: بغيتك تودر هاللي في ايدك .. وتنش تعصب وتبند سام: اووووووونه بعد تعرف تقص ع الواحد صالح: قم انزين تعشا يالله .. شمسة قومي سيري ييبي السماط ... بنتعشى سالم: شوه يايب لي ؟ صالح: مشاوي .. قم لا تسأل وايد .. سالم: لحظة شويه صالح: انا بسير الحجرة ببدل وبرد ... ابا اشوفك مبند كل شي ... ولامنه سالم: ان شااااااء الله فالك طيب يا بو سالم .. صالح: ما سرتوا بيت ابوج شمسة: مب متفيجه اليوم سالم: هيه صدق تأديبا لكم لانكم ما وديتوني بيت يدي اليوم بخلص العشا وبرد العب بعد شمسة: يوم بيكون ع كيفك عقب صالح: تأديبا لك انته ... لانك وايد اطّول لسانك ... البلاي ستيشن ما بتشوفه اسبوع وسار صالح ... سالم: شوه شوه ما يخصني شمسة: محد قالك تقول جذه ... سالم: انزين صدق شمسة: عيل تحمل ما ياك ... كيفك .. سالم: اففففف شوه هالحاله شمسة: وقم الحين ..... عن ايي ويشوفك ما مبند ويقول لك ما تشوفه شهر والا سنة كاملة .. سالم: لا لا .. ببند سالم يعرف لو ابوه قال شي يسويه .. رغم ان سالم لسانه طويل .. ويرد ... وجذه ... لكن يخاف من ابوه يوم يشد عليه ... في بيت بو زايد ... غاليه .. من صدقها جلبتها مناحه فالسنتر .. وتمت تصيح ... ع حركة عبدالعزيز .. هي حساسه .. وخجولة .. وما تداني تنحط في هالمواقف .. اللي تتفشل منها .. وخصوصاً انها ما توقعت في يوم تنحط في هالموقف .. ويا ولد عمها ... فيوم حصل الموقف .. وهي صاحت .. تم عبدالعزيز يعتذر ويعتذر وهي ولا معبرتنه ... وعفرا تهديها .. وتقول لها حصل خير .. وهي ولا .... الا عقب عفرا اتصلت في حصه وقالت لها تيي بسرعه .. لانهم يبون يردون البيت .... ردت البيت .. دخلت الحمام وتسبحت .. وظهرت .. ونفسيتها هدت شويه .... سمعت دق الباب ... غاليه: هلا .. ثاني: غلوي انتي رديتي ؟ غاليه: يعني شوه تشوف ؟ ثاني: شوه فيج ؟ مريضه ؟ من خشمها المحمر ... وعيونها الحمرا .. بين على غاليه ان فيها شــــــــــــــي .. غاليه: هيه مزجمة .. ثاني: احيد الزجام فالخشم مب فالعين غاليه: اووووه .. ثاني شوه تبا ؟ ثاني: وين اللي بتتصل وبتييب لي الميموري ؟ غاليه: ما كان شي وقت ثاني: هالكثر تحوطتن .. وتقولين ما شي وقت ؟ غاليه: الله يخليك يا ثاني .. الله يخليك .. مالي خلق حق أي شي ثاني: بلاج انتي ؟ غاليه: ما فيني شي .. بس لو تظهر برع وتبند الباب وراك .. ثاني: شوه فيج ؟ غاليه: اقولك ما فيني شي .. بس خلني روحي ثاني: غلوي انتي صايحه ؟ غاليه: ثاني الله يخليك .. والله اسكت عني واظهر برع ... نفس الوقت .. ردت غاليه تصيح ... وانصدم ثاني !! شوه فيها اخته ؟ شوه استوى بها ؟ وبعد نفس الوقت .. وصل زايد .. زايد ( منصدم ): شوه السالفه ؟ ثاني .. ثاني: والله .. والله ان ما يخصني .. يايه من برع وهي ما ادري بلاها ... وكل ما سألتها شوه فيج ؟ تقولي اظهر برع ... زايد: خلاص عيل اظهر برع .. ثاني: لا والله ؟ زايد: ثاني قم تعال بنسير برع .. نش ثاني ظهر .. وظهر وراه زايد .. وبند الباب .. زايد يعرف غاليه حساسه .. وما تتحمل .. ومدام انها قالت اظهروا برع .. يعني مب متحمله أي شي في هالوقت .. وما حب زايد يضغط عليها .. والا يتم يسألها شوه فيج ؟ فودرها وظهر ويا ثاني فالسيارة .. عمر: حركة بايخة تدري والا ؟ عبدالعزيز: والله ما كان قصدي .. ولا حطيت في بالي عمر: مب عيب عليك الحين ؟ مب عيب ؟ عبدالعزيز: عمور عمر: اسكت عبدالعزيز: الله يخليك .. والله ان ما خطر ع بالي ابداً انها تصيح عمر: انا تفشلت اصلاً يوم دريت ان وحده فيهن بنت عموه والثانية بنت عمي عبدالعزيز: انزين والله هن يو صوب المطاعم وما شي مكان زحمة .. قلت ايلسن ع الطاولة ويايه عمر: لكن تقدر تتصل بي انا وتقول ويايه بنت عموه وبنت عمي .. عسب انا ما ايي صوبكم .. او تقدر تقول لهن ان اخويه عمر يايبني .. عسب ما تحطهن في هالموقف .. عبدالعزيز: وييييييه سالفه عمر: لا مب سالفة ... اللي استوى قبل شويه هي السالفه ... عبدالعزيز: غاليه رقيقة عمر: ويوم تدري بها رقيقة .. ليش جذه تسوي فيها ؟ عبدالعزيز: اقولك ما حطيت فبالي انها تصيح عمر: توك تقول انها رقيقة .. والحين تقول ما حطيت فبالك انها تصيح ! عبدالعزيز: اقصد يعني ادري انها رقيقة .. بس عاد مب لدرجة انها تصيح .. وبعدين جيه صاحت ؟ والله قهرت بي .. عمر: لا والله !! عبدالعزيز: ههههههه والله .. النحسه ما سوت شي عمر: بعد رديت للألفاظ !! عبدالعزيز: انزين هي نحسه عمر: اقولك .. اسكت .. لاني صدق معصب عليك .. وما امزح وياك عبدالعزيز: عمر عمر: قلت لك اسكت عبدالعزيز: عمور .. عمر: عبدالعزيز .. وبعدين وياك ! عبدالعزيز: مب نازل بيت قوم عموه .. الا يوم تقول انك راضي عمر: عيل تم فالسيارة .. عبدالعزيز: احسن .. عمر: قم انزل عبدالعزيز: ما بنزل عمر: بتعفن هني عبدالعزيز: احسن عمر: كيفك والله عبدالعزيز: انزين عمر: مشكلتك انته اللي بتتعب .. فمان الله عبدالعزيز: باي نزل عمر ولا عبر عبدالعزيز .. اللي يلس فالسيارة ولا طاع ينزل .. عناداً بس ليش ان عمر مب راضي عليه .. وع الحركة اللي سواها ... وسار عمر ع طول صوب الميلس .. شاف سعيد يالس ويترياه .. عمر دخل وتنهد .. ويلس .. سعيد: بلاك ؟ عمر: ما فيني شي سعيد: وين عبدالعزيز؟ عمر: فـ السيارة سعيد: وجيه ما نزل ؟ عمر: خله سعيد: شوه السالفه ؟ عمر: ما شي عقب بخبرك .. وين عموه ؟ سعيد: الحين يايه .. بغت تدخلني الصالة .. قلت لها والله ما دخلت الصاله .. عمر: في حد جيه هناك ؟ سعيد: ما ادري .. بس تدري .. انا ادري من مروان ان بناتها من دون أي سابق انذار .. ايون هني .. واكيد فالصاله ييلسن .. استحي عمر: زين سويت عيل .. ودخلت عمتهم .. عذيجة: مرحبا مرحبا .. تو ما نور البيت .. فديتكم والله عمر: هلا عموه عذيجة: فديت هالويه .. وينك من زمان ؟ عمر: موجود عذيجة: شحالك ؟؟ شخبارك ؟ عمر: الحمدلله . .انتي شحالج ؟ عذيجة: الحمدلله .. بخير دامك بخير يالغالي عمر: الحمدلله عذيجة: عيل وين عبدالعزيز ؟ عمر: فالسيارة عذيجة: ويه ...! جييييه ؟ عمر: خليه عنج عموه والله اني مب فاضي حق دلعه .. عذيجة: لا شوه ؟ ولديه يتم يالس فالسيارة .. شوه سويت به يا عمر ؟ عمر: والله ما سويت به شي .. هو روحه بس جذه بمزاجه عذيجة: قول والله عمر: ههه والله .. خليه عنج عندنا سالفة اهم من عبدالعزيز عذيجة: خير فديتكم .. رمسوا .. محتايين شي ؟ عمر: لا لا .. عذيجة: والله .. جانكم محتايين قولوا عمر: عموه الله يهداج .. شوي شوي .. والله مب محتايين شي .. ولو محتايين ما بنسير عند غريب وعمتنا موجوده عذيجة: حبيبي انته والله ... انزين شوه فيك ؟ عمر: انا ما فيني شي .. السالفة تخص سعيد عذيجة: وانا اشوفه ساكت ..قول ارمس شوه فيك ؟؟ سعيد فديتك في صالة بو هزاع ... سلامة سارت بيتها .. وحصة سارت بيتها .. وآمنة بعدها يالسه .. هاي اللي كانت تعبانه وتبا تسير !! ... وعفرا يالسه وياها .. عفرا الحين ما تدري شوه تسوي .. تتحوط فالصاله .. وكل دقيقة ماسكة لها شي .. وتسولف في نفس الوقت ويا آمنة .. آمنة: قري يلسي مكان واحد راسي دار !! عفرا: وين امايه ؟ آمنة: سارت عفرا: وين ؟ آمنة: فالميلس عفرا: شوه تسوي ؟ آمنة: عيال عمي يايين عفرا: أي عم ؟ آمنة: عمي سيف .. عفرا: اونه .. مروان اكيد ليش يستهبل وساير فالميلس ؟ آمنة: ما اعتقد مروان .. مساعه سمعتها تقول سعيد .. وبعد واحد قبل شويه يا عفرا: اذا مب مروان ... وسعيد اللي ياي !! عيل منوه ؟ آمنة: ما ادري شوفي السيارة اللي برع .. عفرا: ما ادري بـ سياييرهم ... آمنة: اوه .. انتي وايد ترمسين عفرا: قومي نسير برع آمنة: شوه نسوي ؟ عفرا : الجو حلو .. بنمشي آمنة: مب متفيجة عفرا: قومي يا كسلانة .. هالياهل اللي بتييبينه بيكون كسلان .. آمنة: بسم الله ع ولديه عفرا: عيل نشي .. آمنة : انزين عفرا: وين احمد ؟ يوم انتي جيه تعبانة جيه ما رديتي البيت ؟ ىمنة :قلت له .. ما طاع .. اونه بسير شويه عند ربيعي .. وبرد وعقب بردج البيت .. عفرا: والله حاله جان ردج ! آمنة: اونه بتمين روحج فالبيت .. ويمكن يستوي شي بسم الله .. واونه اني عنيدة .. ما بطيع طبعاً واحد من اخوانه يوديني حتى لو اخته ويايه .. فخلاني هني .. عفرا: سالفة سالفه .. ظهرت عفرا ووياها آمنة برع .. وهن يتمشن .. سمعت عفرا صوت اللي ينرفزها ! ! .. واليوم صدق معصبه عليه ! آمنة: اويه هذا عبدالعزيز عفرا: السخيف آمنة: بلاج عليه ؟ هههههه من زمان ما شايفتنه نسير صوبه وسارت آمنة صوب عبدالعزيز .. آمنة: شحالك ؟ عبدالعزيز: تمام .. انتي شحالج ؟ آمنة: الحمدلله .. ويوم انك هني .. جيه ما نزلت ؟ عبدالعزيز: مب متفيج عفرا: اهلاً استاذ عبدالعزيز: عفروه النحسة عفرا: حرمتك النحسة يالسخيف .. بعد لك ويه ترمس ؟ عبدالعزيز: قولي انتي .. شحال غلوي ؟ عفرا: تو الناس تسأل عنها .. جيه ما اتصلت بها ؟ عبدالعزيز: مينونه اتصل فيها ؟ ما فيه تعصب عليه آمنة: شوه السالفه ؟ عفرا: اسألي ولد خالج عبدالعزيز: والله ان عمور عصب عليه وهزبني هزااااااااب .. في حياتي ما سمعته منه .. عفرا: تتأدب عبدالعزيز: وآخر شي خلاني فالموتر ولا عبرني بعد .. اول مره ! عفرا: ان شاء الله دوم عبدالعزيز: يالنحسة كله منج عفرا: محد قالك .. تتصرف هالتصرف الغبي آمنة: شوه السالفه ؟ قولواااااااااا مروان .. ظهر من الحمام .. وما قدر يمشي .. تساند شويه ع اليدار .. وتم يتنفس بصعوبة .. عقبها .. يالله قدر يمشي لين شبريته .. ولا حس بعمره .. الا وهو طايح ع الشبريه .. وتم يكح .. ويكح .. ويكح .. دخل عمران .. عمران: مروان شوه فيك ؟ مروان: ما فيني شي .. عمران: شوه ما فيك شي ؟ مروان: عمران الله يخليك .. بس قم عني .. احس اني بردان .. عمران: بردان والجو حر .. مروان: بند المكيف وكل شي .. بند عمران: ما فاتح شي مروان: عمرااااان عمران: والله ان لا المكيف ولا المروحة فاتحنهم انا ... انته شكلك مريض صدق ! مروان: قم عني .. بس خلني .. لا ادقني .. احس جسمي متكسر .. عمران: لاااا .. انته صدق تعبان .. وظهر عمران من الحجرة .. سار صوب حجرة سعيد وراشد .. دق الباب ودخل .. ما شاف راشد .. شاف من فوق .. انه راشد يالس تحت فالصاله .. و تم يزقره ,, راشد .. يالس ع اللاب توب .. ولا يعبر .. يستهبل والا يستعبط !! نزل عمران تحت ... عمران : راااااشد انا ازقرك راشد ( ببرود ) : شوه ؟ عمران: من الصبح ازقرك .... راشد: ما سمعتك .. كنت حاط السماعات عمران: راشد :: مروان مريض وايد راشد: خله عنك والله انه يستهبل .. مريض ويبا يظهر ويا هزاع اصلاً الوقت تأخر عمران: ما بيظهر ويا هزاع ولا شي .. و والله انه مريض .. دخلت لقيته منسدح ع الفراش شرات الميت بسم الله .. ويقولي لا ادقني .. لاني احس عمريه متكسر وبرداااااااان راشد: عمران في ذمتك ؟ مب متفيج حق حركاتكم عمران: والله العظيم ... فز راشد من مكانه بسرعه .. وسار هو وعمران فوق صوب مروان .. فتحوا الباب ودخلوا ... راشد : مروان قم نش بوديك المستشفى ,, مروان: انته اللي قوم عني راشد: قم حرارتك وايد مرتفعه !! عمران: مروان لا اتم تعاند شرا اليهال .. نش راشد :أصلا مب ع كيفه مروان: راشد الله يخليك والله مب رايم راشد: ولانك مب رايم لازم تسير .. قم مروان: أي عيادة مفتوحه هالحزه ؟ راشد: انا مينون اوديك عيادة وحالتك جذه .. اصلاً بوديك اقولك المستشفى عمران: قم مروان: انتوا الاثنين هدوني راشد: والله تنش الحين .. والله ,, حلفتك ,, وغلات عمران ( قطه عليه ) : اييييييييييه هالحلف ما يجوز راشد: بسم الله رمس المطوع الحين عمران: شوه ؟ وغلات ما وغلات ما يجوز والله هالحلف راشد: انزين قم قم .. جانك تحب امايه وابويه قم عمران: ط هذا ! راشد: اقولك انته اسكت عني الحين ,, ابا اقومه انا عمران: تقومه وتكفر راشد: اعوذ بالله مع رمسة المطاوعة اللي يوم تيي جذه مخبقه عمران: مخبقة في شوه الحين اقول ؟ اخويه العود لو مب العود جان عرفت كيف ارد عليك !! عقب محاولات .. وترجي ان مروان ينش .. بالغصب نش وسار ويا راشد وعمران المستشفى ,, في بيت السفير .. هند اول ما وصلت البيت .. سارت حجرتها .. ولا ردت نزلت ... واي شي الخدامة تتصل في حجرتها ما ترد .. ويت تدق باب حجرتها وحاشرة الدنيا .. عاد كله ولا هند عند ميري هند: ميريييييييي قلت لج ما ابا شي ميري: انتي ما في اكل .. ما في عشا هند: ولا ابا شلت هند مبايلها ... وتمت تتصل ... وتتصل ... لكن محد يرد عليها .. وردت اتصلت ع الرقم الثاني ... بس بعد محد يرد عليها .. فرت مبايلها ... وانسدحت ع شبريتها ... رن مبايلها ... فزت وردت ع المتصل هند: الو بو بدر: مرحبتين هنوده هند ( ابتسمت ): بابا وينكم الحين ؟ بو بدر: نحن الحين في الفندق هند: وين اميه ؟ بو بدر: امج فالحجرة .. شوه فيج ؟ هند: ما فيه شي .. بس تولهت عليكم واتصلت بو بدر: قلت لج تعالي ويانا .. ما طعتي هند: باجر بتردون ان شاء الله .. الا هم يومين بو بدر: وشخبارج ؟ هند:الحمدلله بو بدر: وين بدر ؟ هند: امممم ما ادري بس يمكن في حجرته ... بو بدر: اها .. ما تبين شي من هني هند: طبعا أي شي حلو بو بدر: هههه أي شي حلو صعبه هاي ... ونحن تبين الصراحه ما نزلنا السوق ابداً .. بس ان شاء الله باجر الصح بنش من وقت .. وبنزل اشتري لج شي حلو .. قبل موعد الطيارة هند: لا لا خلاص عادي بو بدر: افااا كم هنوده عندكم هند: وحده ... وحظها ردي بو بدر: هالرمسة اللي تعكر مزاج الواحد هند ( ابتسمت ): انزين بابا .. بخليك الحين . سلم ع اميه .. و تردون بالسلامة بو بدر: الله يسلمج حبيبتيه .. بندت هند عن ابوها ... سمعت صوت التيلفون مال الصالة .. نزلت من شبريتها بسرعه ولبست النعال .. وركظت برع هند: الو ،، مرحبا ام هزاع: السلام عليكم ورحمة الله هند: هلا وعليكم السلام ام هزاع: هند هند ( مستغربة ): هلا ام هزاع: شحالج اميه ؟ شخبارج ؟ هند: بخير الحمدلله ام هزاع: وين امج ؟ هند: اميه مسافرة مب فالبلاد ام هزاع: شوووووووه ؟ كيف تسافر وانا ما عندي خبر ؟! هند: منوه انتي ؟ ام هزاع: منوه انا ؟! ما عرفتيني ؟ هند: لا ام هزاع: ما الومكم يا عيال جواهر .. انا خالتج .. هند: خالوه عذييييييييييجة ام هزاع: هيه خالوه عذيجة .. عنبوه لا سلام ولا سؤال .. ما تقولون عندكم خاله هند: فديتج خالوه شحالج ؟ شخبارج ؟ ام هزاع: تو الناس هند: والله السموحه خالوه ما عرفتج ام هزاع: مسموحه حبيبتيه ... انا بخير الحمدلله هند: شوه مسوين ؟ ام هزاع: الحمدلله .... امج بعد وين سايرة ؟ ما خبرتني هند: سايرة ويا ابويه سويسرا يومين باجر بترد ام هزاع: هيه ما شاء الله ... وانتي جيه ما سايرة ؟ غريبة هند: انا وبدر تمينا هني ام هزاع: انتي وبدر بس ؟! هند: هيه ام هزاع: كيف يخلونج روحج فالبيييييت ويسيرون عنج ؟ هند: خالوه اقولج بدر ويايه ام هزاع: تقصين عليه انتي ؟! بدر وين يدري عن حد .. وييييين هند: ههههه ما عليه باجر بييون ام هزاع: انزين جان ييتي عندي هني .. هند ( ابتسمت ): جان زين .. ام هزاع: هاي امج ... خل ترد بس ... هند: بغيتيها ضروري ؟ ام هزاع: لا ما عليه ... دام انها بتيي باجر .. خلاص بتصل بها باجر ... هند: خالوه جيه ما تييونا ام هزاع: انتوا ليش ما اتوني ؟ انا خالتكم هند: انا لو اقدر جان والله ييتكم ... بس تعرفين .. ممنوع اسير بيوت بدون اميه ... واذا برع اميه او بدر .. او ميري تكون ويايه ام هزاع: الحين بيت خالتج استوى بيت غريب ؟ هند: خالوه تدرين انتي قوانين البيت عندنا .. والله لا تلوميني ام هزاع: ادري والله ادري حبيبتيه وما الومج ..... بس ما عليه امج بتوصل بقولها تمر صوبي وانتي تعالي وياها هند: والله صدق ؟ ام هزاع: هيه اكيد .. وبعدين جني الا من 3 شهور ما شايفتنكم هند: فديتج والله .. جان زيييييييين لو يخلوني ايي صوبكم ... والله ما اسير برع البلاد ابد .. بسكن عندج فالبيت ام هزاع: ههههههه حياج ... والله احطج في عيوني هند: تسلمين ام هزاع: انزين حبيبتيه بخليج الحين .. لاني مشغولة شويه هند: ما عليه ام هزاع: يالله .. الله يحفظج .. هند: مع السلامه هند ... عقب ما بندت عن خالتها .. يلست تفكر .. صدق متولهه عليها من الخاطر ... ما شايفتنها من 3 شهور مثل ما قالت عذيجة ... وغير هذا ما تذكر اشكال بنات خالتها ولا بنت خالها غاليه ! ... لان آخر مره عذيجة هي اللي يايه بيت جواهر قبل 3 شهور ...... وما في بينهن غير التيلفون .... من هذاك اليوم في بيت أم هزاع ,, عفرا وآمنة .. واقفات عند موتر عمر .. ويسولفن ويا عبدالعزيز ... انفتح باب الميلس ,, وظهروا عمر وسعيد ,, وعمتهم عذيجة ,, من انفتح عفرا ا شي رظت سارت داخل .. اما آمنة ,, جنه العيد !! ,, عادي !! آمنة: صدق خبله عبدالعزيز: يوم اقولكم .. ما تصدقون آمنة: ههههه عاد انته ما تصدق تسمع رمسة جذه عن عفاري ,, شكلهم بالغصب كل واحد فيهم يدز الثاني عسب يوصلون عند الموتر ,, هاي حال سعيد وعمر ,, لان آمنة واقفة ,, والـ مأساة اللي حلت عليهم يوم آمنة قالت ,, آمنة: شحالكم عيال خالي ؟ سعيد ( من بعيد ): الحمدلله .. يالله انا بسير ,, مع السلامة ,, وسار ... وعمر هو اللي توهق ,, الحين بيركب السيارة .. وآمنة بعدها واقفة .. وعمته لازم بعد ترمس شويه وتاخرهم ,, هاي حالة العيايز ,, يا ربيييييييي شوه هالوهقه ! عمر: يالله عموه .. نحن سايرين ,, تآمريني ع شي ؟ ام هزاع: لا فديتك ,, مشكور .. ما ابا غير سلامتك حبيبي عمر ( وويهه أحمر ): الله يسلمج ام هزاع: انته جيه ما نزلت ؟ عبدالعزيز: انا ؟ ام هزاع: هيه في حد غيرك ؟ عبدالعزيز: عمر ما خلاني انزل عمر ,, صد صوب عبدالعزيز ,, وكأنه يقوله صدق الجذب والخريط عندك مستوي هالايام ببيزة !! أم هزاع: ههههههه جذبت عاد .. لو تقول هالرمسة عن مروان .. جان صدقت اما عن عمر ما اصدق آمنة :يخرط وايد ههه نفس الوقت رن مبايل عمر ,, اول شي كان مرتبك .. عقبها رد طبيعي .. عمر: يالله مع السلامه .. عبدالعزيز: الى اللقاء أمون .. سلمي ع خطيبتي آمنة: ان شاء الله ههههه عذيجة: درب السلامة .. شوي شوي .. وحرك عمر ظهر من البيت .. شل مبايله بسرعه ورد اتصل ,. عمر: الو هلا عمران عمران: هلا عمر عمر: الحين وينكم ؟ عمران: تونا واصلين المستشفى عمر: وشوه حالته ؟ عمران: اقولك تونا واصلين عمر: أي مستشفى ؟ عمران: راشد عمر: انا ياي ... عمران: وين بتيي ؟ عمر: بيي المستشفى ,, عمران: وليش تيي ( ويروا عنه المبايل ) راشد: الو .. عمر: راشد ؟ راشد: نعم ؟ عمر: شحاله مروان الحين ؟ راشد: تونا واصلين المستشفى .. وبعدين سمعت انك تبا تيي .. ليش ؟ عمر: راشد مروان تعبان انتوا تقولون راشد: انزين تعبان .. انا وعمران وياه .. جيه انته بعد تيي .. وما ادري شوه .. واذا انته ييت سعيد بعد بيي وعبدالعزيز وياكم .. شوه بتستفيدون ؟ عمر: يا راشد تدري بي ما اقدر .. حد فيكم فالمستشفى وانا مب وياه ! راشد: عمر الله يهديك .. مروان مب ياهل .. ولا نحن يهال .. انا وعمرنا نسد خلاص .. عمر: وصلتوا ؟ راشد: هيه ياخذون حرارته وجذه الحين .. عمر: انزين ,, اول ما تدخلون عند الدكتور خبرني .. ويوم بتطلعون بعد اتصل بي راشد: ان شاء الله ,, عمر: دير بالك ع مروان ,, راشد: ان شاء الله .. يالله عمر بخليك .. عمر: خلاص عيل راشد: مع السلامه بند عمر عن راشد .. وع طول يستقبل اسئلة عبدالعزيز .. عبدالعزيز: منوه تعبان ؟ وفالمستشفى ؟ عمر: مروان عبدالعزيز: اونه عمر: شوه اونه ؟ عبدالعزيز: اول مره مروان يمرض جيه وايد عمر :والله !! عبدالعزيز: هيه .. من كثر ما يطلع ويا هزاع عمر: عبدالعزيز .. الله يخليك .. اليوم ما ادري رمستك كلها مستويه بايخه .. ما ادري يعني قمت ترمس جذه .. دون ما تحسب للرمسة اللي بتقولها حساب .. صخ عبدالعزيز ,, احسن .. عن يسمع رمسة اكبر عن هاي !! في بيت ام هزاع ,, ام هزاع الثانية تتلقى الأسئلة من عفرا .. عفرا: انزين وجيه يايين ؟ ام هزاع: يرمسوني في موضوع عفرا: موضوع شوه ؟ ام هزاع: ولد خالج يبا يخطب آمنة: زين زين ,, وهو ياي يقولج انه اختار والا تختارين له ؟ ,,, لو انتي تختارين اختاري عفاري عفرا: اتخسي يالله يالله ام هزاع: خسى قدرج .. يا عفرو آمنة: ههههههههه ام هزاع: تتمنين واحد من عيال اخويه انزين عفرا: ما اتمنى والله ام هزاع: تحبين تراب ريولهم عفرا: خيبه .. عاد هني صدق اتخسي .. لا اتمنى ولا يتمنون ام هزاع: هذا وهو ما مختارنج ..لو مختارنج عيل شوه بتسوين ؟ عفرا: اصلاً ما اباه .. ام هزاع: وجيه ان شاء الله ؟ شوه فيج زود عنهم ؟ عفرا: ما شي .. بس ما ابا عيال اخوانج ام هزاع: قومي جلبي ويهج قومي آمنة: هههههه انزين خلاص .. الحين ما يا يخطب عفاري عفرا: احسن .. آمنة: صخي بس ام هزاع: هاي وين تعرف تصخ .. وتسكت ,, وين ؟ الا يوم تسمع لها هزبة حلوة .. عفرا: ابويه لا هزبة حلوة ولا شيات .. بسير ارقد انا .. ام هزاع: احسن .. ونفس الوقت .. يرن مبايل آمنة ان احمد وصل .. احمد: هود هود آمنة: هدا عفرا: خل ياخذ اخت احمد آمنة: الحين جيه تحطين ع خوات ريلي عفرا: والله ما حطيت عليهن .. يعني اقول اقتراح احمد: بلاها اختيه ؟ عفرا: ياي لها خطيب ام هزاع: انتي مب قلتي بتسيرين ترقدين .. سيري سيري .. وانتي ساكته احمد: خطيب الجمعه هاهاها عفرا :ههههههه والله متفيج احمد: اختيه مخطوبة عفرا: حق منوه ولد عمك الاشعث الاغبر آمنة: هاااااا ... قمتي تغلطين أحمد: هيه والله صدقج عفرا: وشهد شاهد من اهله ام هزاع: عيب عليكم عفرا: والله صدق بعد شوه ؟ ,, خل تتصل بي بس ناعموه .. والله لأقول لها لا توافقين احمد: جيه هي تشاورج بعد ؟ عفرا: هيه ما تدري احمد: ما شاء الله اوقاف اوقاف عفرا: ههههه شوه يخصه الاوقاف احمد :لا محاكم دبي .. المستشار خليفه المحرزي معاكم عفرا: ههههههه لا انا احسن آمنة: الحين صدق ما رديتوا ع قوم عمكم ؟ أحمد: والله انا قلت لهم اني مب موافق آمنة: ليش؟ انا اشوفه انه زين احمد: وايد يحب يتحكم .. ووايد يحب يمشي رايه .. ما ينفع حق ناعمه فديت روح اختيه انا عفرا: هيه هيه صدق .. صح ,, انا اوافقك الرأي احمد: شكراً عفرا: عفواً ,, كل يوم تعال آمنة: اقول احمد مب جنك مصختها شويه ؟ أحمد: والله حاس فيج بس يعني سرت عند الربع شويه آمنة: انزين والحين ؟ أحمد: اختج يالسه تسولف آمنة: قم بسرعه .. احمد: يالله نسير ,, عفرا: الى اللقاء يا القعقاع احمد: مع السلامة زمرده رن مبايل .. مروان ,, وهو ابداً ,, مب طايق نفسه ,, بعد يرد ع المبايل ,, كانوا فالسيارة وكان المتصل هزاع ,, رد عليه عمران ,, عمران: الو ,, هزاع: اووووووووونه .. عمران يرد ع مبايل مروان ,, وين مروان عنك عمران: هههههههه موجود هزاع: شحالك ؟ شخبارك ؟ عمران: الحمدلله ,, انته شحالك ؟عساك الا بخير هزاع: الحمدلله تمام .. عيل وين مروان ؟ عمران: والله شوه اقولك والا شوه اقولك ؟ هزا: شوه السالفه ؟ راشد: عمران لا اتم تستهبل ع الولد ,, يتم يحاتي عمران: هههههه خلني شوي ازيغه كله منه مخبل اخويه بعد يظهر وياه ,, هزاع: بسم الله شوه السالفه ؟ عمران: مروان مريض هزاع: مريض شوه فيه ؟ ,, لا تقولي زجام لان الزجام شي عادي متعودين عليه عمران: هههههه سبحان الله نفس تفكير مروان .. هزاع: زجام فيه ؟ عمران: لا ,, يا ريت لو ع الزجام بس .. زجام وكحة وحمى وما ادري شوه هزاع: احلف ؟ عمران :والله هزاع: ودوه المستشفى عمران: وعيل نحن وين الحين ؟ هزاع: فالمستشفى ؟ عمران: لا رادين الحين البيت هزاع: عمران صدق والله .. لا تتمصخر عمران: والله صدق ارمسك .. رادين الحين البيت .. وهو تعبان ,, هزاع: وجيه ما اتصلتوا بي ؟ عمران: ما يباله ,, جيه عزيمة هي ؟ هزاع: عمران بلاك جذه مستوي ؟ تعلمت من مروان ؟ عمران: هههههههه انته اللي بلاك ؟ شسوي فيك ؟ هزاع: الحين يعني رادين البيت ؟ عمران: كم مرة تسأل هزاع: خلاص عيل ,, سلم عليه ,, وقوله سلامات وما تشوف شر .. انا بمرّه باجر ان شاء الله عمران: حياك الله هزاع: فمان الله ,,, في بيت الشباب ,, عمر يالس فالصاله يتريا اخوانه ,,, سعيد فوق في حجرته ,, عبدالعزيز يالس ويبدل فالقنوات ,, عمر: عبدالعزيز سر ارقد عبدالعزيز: ما فيه رقاد الحين عمر: باجر وراك نشه حق صلاة الجمعة عبدالعزيز: انزين انته بتوعيني عمر: الحين شوه يالس تسوي ؟ عبدالعزيز: ما شي ,, شل عمر بعمره ,, ولبس نعاله ,, وفتح باب الصالة ,, وظهر ,,, الجو كان شبه بارد ,, فـ عمر ضم كفين ايد في بعض ونفخ فيهم ,,, وهو يتمشى في الحوي ,, ما حس الا وحد مسكه من ورا ,, او بالاحرى حاضننه ,, عبدالعزيز : برد برد برد عمر: شوه مظهرنك ؟ عبدالعزيز: ملل داخل يا بوي عمر : مب توك كنت تشوف التلفزيون مسرع ما مليت عبدالعزيز: كنت اقص عليك ,,, بس كنت يالس ,,, اتريا شراتك عمر: تتريا شوه ؟ عبدالعزيز: اتريا اخواني ,, والا تتحسبهم بس اخوانك ؟! عمر : هييييييه ,, لا ما اتحسبتهم بس اخواني ,, ادري انهم اخوانك بعد ,, عبدالعزيز: بررررررررد عمر: وشوه تباني اسوي بك ؟ محد قالك تظهر برع ,, سر داخل عبدالعزيز: لا لا خلاص ,, ما ابا ,,, استوى حر عمر: صدق ان عليك حركات !! عبدالعزيز: عمّور عمر: شوه ؟ عبدالعزيز: ليش ما عندنا اخت ؟ عمر: شوه ؟ عبدالعزيز: ليش امايه ما يابت لنا اخت ,, عمر: ليش ؟ محتاي شي انته الحين ؟ عبدالعزيز: لا ,, عمر: عيل جيه تسأل ؟ عبدالعزيز: بس جيه عمر: متأكد ؟ عبدالعزيز: جان زين لو كان عندنا اخت ,,, كشخه ,, كل يوم بظارب وياها عمر: جيه يالسين في حلبة مصارعه ؟ عبدالعزيز: لا ,, بس جذه البنات يقهرن ,, والله شرات عفرا النحسة ,, بس اذا اخت شرات غلّوي وييييييه جان ع كل دقة بتصيح عمر: عبدالعزيز عبدالعزيز: شوه ؟ عمر: ممكن ما تكسر حاجز الاحترام اللي بينك وبين بنات عمك وعمتك ؟ عبدالعزيز: ليش ؟ وانا شوه سويت ؟ عمر: يعني ما تلاحظ ان ألفاظك ما تناسب سن بنات فالجامعة ,, او حريم معرسات ؟ عبدالعزيز: انا ما اقول شي حق أي وحده ,, الا عفرا اقولها النحسه عمر: انزين ,, وهالـ عفرا مب تارسه عينك ؟ عبدالعزيز: لا مب جذه ,, بس عفاري عادي عمر: حتى لو عادي ,,, انا ما اباهم يقولون عقب ,, عبدالعزيز ولد سيف .. قليل أدب عبدالعزيز: اتخسي والله اتخسي يقولون عني جذه ,, زين بسوي فيهم عمر ( مبطل عيونه , هذا بلاه ؟ ) : شوه شوه ؟ بلاك اليوم كله تبا تظارب ؟ عبدالعزيز: والله لو سمعت حد يقول عني جذه ,, بيشوف شوه بسوي فيه ,, ما شي عمي وخالي بعدين عمر: يوم انته ما بتحترمهم ,, هم بعد ما بيحترمونك عبدالعزيز:والله اني احترمهم ,, عمر: وتقول النحسه ! عبدالعزيز: اقولك هاي بس عفاااااااري اقولها جذه عمر: انزين ,, لا تقولها بعد مره خلاص ,, من عقب اليوم تزقرها عفرا ,, ما تقول نحسه وما ادري شوه ! عبدالعزيز: انزين عفاري عادي عندها .... تعرف اني ما اقصد شي .. بس جيه سوالف عمر: عبدالعزيز انته الحين تقول عادي .... بس باجر بيكون مب عادي ... لو هي عندها عادي .. حد ثاني مب عادي عنده ... صح والا ؟ عبدالعزيز: ما ادري .... عمر: لازم تعرف ان هـ الشي غلط .... وانك لازم ما تسويه ,, ولا تقوله عبدالعزيز: انزين خلاص خلاص ,, ما بقولها النحسه بعد مره عمر: انا ما اباك ما تقولها جذه وخلاص ,, انا اباك تقتنع ان اللي تسويه غلط ,, عبدالعزيز: انزين اقتنعت ,, عمر: اكيد ؟ عبدالعزيز: هيه اكيد ,, وصلوا ,, وصلوا ,, راشد ... وعمران .. ومروان ........ وقفت السيارة ,, ونزلوا اول اثنين ,, وعقبهم مروان ........ نش عمر وسار صوبهم ووياه عبدالعزيز .... عبدالعزيز: الحمدلله ع السلامة ,, بو الشباب .... مروان ما رد عليه .... ومشى ساير داخل ..... وعمران ساعده ... عمر: شوه قالوا له ؟ راشد: ما شي حمى .. وزجام وخربطان .... وبس عمر: وشحاله الحين ؟ راشد: شفته روحك عمر: انزين ندخل داخل راشد: يالله ,, أحمد ,, وآمنة ,, واصلين البيت ,, ع قولت آمنة احمد اليوم بالع راديو ولا يسكت ! وهي تعبانة حدها ,, ومب متفيجه ,, احمد: انزين اسهري ويايه ,, ما فيني رقاد! آمنة: اووووه احمد ,, وبعدين ,, والله ما اقدر ,, تعبااااانه ابا ارقد احمد: افففف وانا اسهر روحي ؟! آمنة: كيفك ,,, انزل تحت اشهر وياهم أحمد: ويا منوه ؟ آمنة: عيسى والا ناعمه ,,, ثرهم ما عندهم شغله وكل يوم سهرانين ع فلم ,, أحمد :اناااااااا اسهر ويا ناعموه والا عيسوه ؟! يالله .. لا قولي بعد رملة آمنة: اوه صدق رملة نسيتها ههههههههه احمد: قومي ين آمنة: ليش عاد ؟ بلاهم ؟ أحمد: ما شي شغل ,, ويا افلامهم البايخه السخيفه آمنة: الله عاد ,, وافلامك انته شوه ؟ أحمد: ما احب اشوف وياهم افلام ,, ان ناعموه تخاف ع قولتها ,, وع أي دقة ,, تنقز بسم الله ,, وعيسى يتم مندمج وسااااااكت ,, عفانا الله حتى التعابير ما تبين ع ويهه حزين والا فرحان والا زايغ ! ورملة وايد ترمس وايد وايد وايد .. آمنة: وانته شوه تبا بهم ؟ الا تسهر وتشوف الفلم وترد احمد: عيل اسهر روحي احسن ,, لان وجودهم وعدمهم واحد آمنة: خلاص عيل اسهر روحك أحمد: يعني ما كسرت خاطرج آمنة: انا بقولك ,, انا ما كاسرة خاطرك ؟ احمد اقولك تعبانه خلني ارقد أحمد: هيه والله كاسره خاطريه آمنة: عيل اسكت احمد: انزين يقولون المشي اوكيه نص الليل نسير نمشي آمنة: اقولك ممكن تظهر برع الحجرة ,, وتنزل بعد تحت ما اتم هني فوق ,, وتطلع برع ,, وتشل اغراضك كلها ,, بتمشي ,, بتسير البحر ,, بتسير البر ,, بتسير أي مكان سر ,, بس خلني انا روحي احمد: متأكدة ؟ آمنة: هيه أحمد: عادي اسير يعني ؟ آمنة: سير أحمد: بسير ويا ربعي ,,, ببات فالبر ! آمنة: سير ولا ترد الا عقب يومين أحمد : بل ! آمنة: احممممممممد أحمد :ههههههه ايه صخّي ,, بيسمعون صوتج اللي تحت بتروعينهم آمنة: شسوي فيك ؟ حس فيني خلني ارقد احمد : خلاص حسينا فيج ,, امرنا لله ,, ما بنسهر اليوم ,, بنرقد جنه دياي آمنة: احسن ,, احمد: هييييييييه فكرة ,, انتي تعبانه ؟ آمنة ( تنهدت ) : تو الناس احمد: عيل باجر ما بداوم ,, بقول حق المدير حرمتيه تعبانه ,, ما اقدر اهدها روحها ,, وحالتها خطيرة آمنة: قوله ان حرمتيه توفت ,, وغيب شهر انزين ,, تصبح ع خير ,, وقف احمد مبهت ,, مب جنها عقت كم كلمة كبيرة في حقه وسكتته ! في مكان ثاني ,, في ناس يسوون قرعة ,, سلامة وطارق ,, كاتبين اسماء فالأوراق ويسوون قرعة ,, سلامة: يالله اسحب .. طارق: وانتي جيه ما تسحبين قبلي ؟ سلامة: اسحب انته اسحب ,, طارق: انزين ,, يا رب يظهر سارة يا رب سلامة: اسحب يالله طارق: انزين ,, بسم الله ,, ( وسحب ) سلامة: شووووه ؟ طارق: خوووولة ,,, هاهاهاهاها سلامة: لاااااااااااا طارق: فديت امايه اللي تبا خولة .... سلامة: انا ما ابا خولة .. ! طارق: مشكلتج ... قلنا بنسوي القرعة وبنشوف ... سلامة: انزين بعد باجي ... طارق: مرتين باجي .. يالله انتي الحين سحبي سلامة .. ردت يمعت الاوراق ,, و فرتها ... وسحبت ورقة من الاوراق .... طارق: شوه ؟ سلامة: فدييييتني ظهر عليا .... والله وعرفت اسحب .. طارق: انزين انزين .. لا تفرحين وايد ... يالله ردي ربعي الورقة ,, وخلطي الاوراق عدل ,, وانا بسحب آخر مره سلامة: وتكون انته سحبت مرتييين ,, وانا مره طارق: والله انتي توج ساحبه سلامة: حتى ولو .... طارق: ليكون تغشين ؟ سلامة: في شوه اغش ؟ جيه لعبة !! طارق: ما ادري عنج .. يمكن كاتبه بس خولة وعليا خولة وعليا ... وما كاتبة سارة سلامة: طاااااااارق .. انته اللي كتبت الاسماء مب اناااااا طارق: اوه صدق نسيت ههههههههه بسم الله بلاج انزين لا تصرخين .. سلامة: اسحب انزين انته ... طارق: بسم الله الرحمن الرحيم .. يالله سارة تطلع .. سلامة: يالله افتحها ... طارق ( نقع من الظحك ) : هههههههههههههههههههه سلامة: بلاك طارق: سبحان الله ما دريت ان دعائي مستجاب جذه بسرعه ... سلامة ( ويها انجلب) : ليش؟ طارق :سارة سارة ,, بنت طارق ظهرت واخيراً سلامة: مستانس بعد طارق : اما امرج عجيييييييب هههههه انزين انا ابا سارة سلامة: انزين الحين 3 اسماء مختلفة ... طارق: لا لا آخر اسم هو اللي يفوز سلامة: لا والله !! طارق: هههههه سلامة: ههههه شوه تستهبل ؟ طارق: هيه بعد شوه ... آخر اسم هو اللي نسميه سلامة: يالله يالله ... لا تقص عليه الحين ... احمد ربك وافقت ع القرعة طارق: انزين والحل ؟ سلامة: امممم طارق :انا بقولج .. بنخلي امايه تسحب وبنشوف شوه بيطلع سلامة: وليش امايه ما تسحب طارق: بالله عليج الحين يعني بتسيرين بيت ابوج عسب امج تسحب وبتردين ,,, صدق مخ .. قومي يالله قومي ... بسير اخلي امايه تسحب .. سلامة: انا ما بيي ... بس طارق والله ما تغش طارق: هههههه اذا ما تثقين تعالي سلامة: أثق ... عسب جيه ما بيي ... ما فيه ... طارق: انزين ........ بسير بسرعه اخليها تسحب ... وبرجع سلامة: طاااارق مثل ما قلت لك طارق: هههه انزين يا بنت الحلال .. ان شاء الله .. عفرا ..... ما ياها رقاد .... تجلب يمين ويسار .... لين قررت .. بتتصل ... مسكت مبايلها واتصلت ...... آخر محاولة .... ان شاء الله ترد عليها .... غاليه منسدحه ع الشبريه ومتلحفه ... رن مبايلها .. شافت اللي متصل .. افففف يا عفاري .... جيه تتصلين هالكثر ... ما ابا ارمس حد .. بس ما تهونين عليه .... الوقت متأخر .. واتصلتي بي بعد الحين .. يا ربي ... عفرا ... ردي يا غاليه .. ردي ... الله يخليج ... ردي وريحيني ... غاليه: الو عفرا: غااااااااااااااااااااااااااااااااااااااااليه غاليه: الو ... عفاري جيه تصارخين ؟ عفرا: يا ويهج وينج انتي ؟ غاليه: فالبيت عفرا: ادري فالبيت ... من متى اتصل جيه ما تردين ؟ غاليه: ما كنت اقدر ارد عفرا: غاليه فديتج والله ,,, بلاج ؟ للحين مضايجه من اللي استوى ؟ عادي ,, يعني ما تدرين بـ عزوز وحركاته غاليه: لا عادي عفرا: اكيد ؟ غاليه: هيه عفرا: لا تقصين عليه ,, ادري بج انا ,, غاليه: عفاري الحركه اللي سواها كانت وايد بايخه مب شويه عفرا: ادري والله ادري ... بس يعني شوه نسوي .. تدرين به هو ,, عادي عنده غاليه: بس تفشلت عفرا: ما عليج انتي .. يقولج اخوه هزبه غاليه: أي اخو ؟ عفرا: أي اخو بعد ؟ عمر اللي شفناه غاليه: قولي والله ؟ عفرا: والله غاليه: وانتي شدراج ؟ عفرا: يو بيتنا عقب غاليه: عقب متى ؟ عفرا: مب نحن ردينا البيت ,,, غاليه: انزين عفرا: هم لحقونا .. غاليه: ليش ؟ عفرا: ما ادري شوه سالفتهم ,,, يبون امايه .. بس عبدالعزيز كان يالس فالموتر .. يوم ظهرنا انا وامون نتمشى .. شفناه ورمسته وهزبته قالي ان اخوه هزبه ولاول مره فالتاريخ غاليه: حراااااام عفرا: توج تقولين ... حركته بايخه غاليه: بايخه بس ... ما يهون عليه ينهزب عفرا: قومي انتي زييييييييييين صدق فاضيه ... انتي اللي ترفعين الضغط مب عزوز غاليه: هههههه حليله عفرا: والله وخليتيني احاتيج من يوم ردينا غاليه: سوري والله ... بس صدق ما كنت اقدر ارد عفرا: ادري بج كملتي مناحتج فالبيت غاليه: اسكتي والله ... قلبي يتنافض يوم اذكر السالفة ... عفرا: مب منج .. من جمال ولد عمج الجذّااااااااب غاليه: عفاري يالسخيفه ,.. انا ما شفت ولا شي منه .... انا يوم وصل نزلت راسي ولا رفعته عفرا : عليناااااااااااا غاليه: ايه ويا ويهج عفرا: ههههههههه اتمصخر وياج .. عن تصيحين بعد مره ... غاليه: غشمرتج ثجييييييلة نفس الوقت ... حد دق الباب ع غاليه ... غاليه: ادخل ... كان زايد غاليه: عفاري بشوفج باجر ان شاء الله فالجامعة .............. ان شاء الله بطرش .... يالله مع السلامه ... بندت غاليه عن عفرا ... ويلست واعتدلت ..... غاليه: هلا زايد .. تعال حياك ... زايد: ما رقدتي ؟ غاليه: كنت ع وشك اني ارقد ... بس عفاري اتصلت بي وتميت ارمسها شويه ... زايد: اها ..... اكيد اتصلت تطمن عليج ماتت غاليه من الزياغ .... ليكون درى؟ انزين شوه بيسوي ؟ تدري به زايد عصبي . وما يحب هالحركات ..... بس هو عادي عنده هزاع ... يعني لازم يكون عادي عنده عيال عمي بعد ... انزين شافني فالسنتر .. يعني متحجبة مثل ما يشوفوني الباقين .... لا هو يثق اني انا اصلاً ما اظهر جدامهم عسب جيه يعني يدري اني ما ايلس ويا هزاع في مكان واحد .. اوهوووووووو يا ربيييييييييي زايد: غاليه .. وين سرحتي ؟ غاليه: وياك ... وياك .. زايد: شخبارج ؟ غاليه: الحمدلله بخير .. زايد: الحمدلله ... شوه استوى في مول الامارات ؟ هني صدق عاد غاليه تيبست ... زايد: غاليه بلاج كل ما سألتج سؤال تصخّين .. في شي ؟ غاليه: لا ما في شي زايد: متأكدة ؟ غاليه: هيه زايد: عيل جيه كنتي تصيحين مساعه غاليه: انا ؟ زايد: هيه !! غاليه: ما فيني شي زايد: بلى فيج شي ... حتى ما نزلتي تتعشين ويانا .. اول مره تسوينها انج تكونين فالبيت وما تتعشين ويانا ...... ووصل ثاني ,,, ثاني: غلّوي اخيتي حبيبتي .... شبعتي من الصياح زايد: شكراً على حضورك ! ثاني: عفوا هههههههه شوه فيكم ؟ اجتماع مغلق مسوين ؟ زايد: لا مفتوح ثاني: ههههههههههه دمك خفيف اليووم وايد زايد: ييت وخربت علينا ثاني: شوه كنت تسألها ... انا بعيد ... غاليه جيه ما نزلتي ع العشا زايد: وشدراك بالسؤال ؟ ثاني: انته وايد تحب التجمعات العائلية فـ أكيد هذا كان السؤال ما شي غيره .. غاليه: كنت تعبانه زايد: من الصياح غاليه: زايد شوه تبا ؟ زايد: بلاج غاليه ؟ شوه فيج ؟ غاليه: ما فيني شي اقولك .. ثاني: بل ! زايد: عيل جيه كنتي تصيحين ؟ ثاني: تلقى عفرا ما ادري شوه يسمونها ... ما ادري شوه مسويه فيها .... وغاليه صاحت ,, وادري ان شي بايخ .. ولا يستاهل ..... بس غاليه حساسه زايد :جيه انته كنت وياهن ؟ ثاني: لا ... بس اعرف زايد: ما شاء الله تحلل شخصيات ؟ ثاني: هيييييييه ... ما تدري ... زايد: من كثر ما ترابع اللي فالنت ثاني: يا ع الوتر .... خلاص خلاص ... تصبحون ع خير ... بسير ارقد زايد: متأكد ؟ ثاني: لا شويه بيلس ع النت .... لازم نسلم وندوع شويه ياخي زايد: سر سر انزين قم سر .. سار ثاني ,, وابتسم زايد ع خبال اخوه .... ورد يشوف غاليه ... زايد: ع العموم .... كسرتي خاطريه مساعه يوم صحتي ( وابتسم ) ومره ثانية مسكي عمرج عاد .... روعتينا عليج .. مب ع الدقه تصيحين ! غاليه ( ردت الابتسامه) : آسفة والله زايد: لا عادي ... كم غاليه عندنا ... الا هي وحده وفالعايلة كلها غاليه: هههههه شكراً زايد: عفواً ... صدق عمي يوسف يباج انتي وعفرا غاليه: نحن قايلين بنمر صوبه يوم واحد زايد: سيرن ,, والا بيظهر حرتكن فينا نحن الشباب ,,, غاليه: ما نهون عليه يهزبنا زايد: هيييييييه .. شي اكيد ... غاليه: فديته والله من متى ما شايفتنه زايد: سيرن سيرن صوبه غاليه: ان شاء الله زايد: يالله عيل ... عقب ما اطمنا عليج .... بسير ارقد انا غاليه: السموحه زايد زايد: لا عادي .. وانتي رقدي بعد ....... غاليه: ان شاء الله ... تصبح ع خير زايد: وانتي من اهله ******** |
الجزء الثّامن بالباجر .... الصبح يالسين تحت يتريقون ... لكن مب متعودين ع ان واحد فيهم ما يكون موجود .... مروان كان تعبان وما نزل ..... و سعيد وراشد بعدهم ما مخلصين .. انفتح باب الصاله ,, هزاع: السلام عليكم والرحمه عمر: هلا .. وعليكم السلام .. عمران: هلا والله هزاع: شحالكم ؟ عمر: الحمدلله بخير ... انته شحالك ؟ هزاع: الحمدلله .. وين مروان ؟ شحاله الحين ؟ عمران: الحمدلله هزاع: ما اشوفه نزل عبدالعزيز: اووووونه اول مره هزاع ايي بيتنا الصبح من وقت هزاع: هيه ,, ياي اشوفك ,, اشتقت لك عبدالعزيز: ادري يعني انك ما تقدر تستغنى عني ... بس شوه نسوي ظروف الدراسه هزاع: هههه بتصدق عمرك عاد انته الحين .... عمر: ههههه ... هزاع جان تبا مروان .. هو فوق .. سير له هزاع: هيه بسير اشوفه ,, صعد هزاع الدري .... وشاف راشد في ويهه ... راشد: هلا والللللللللللله ... اهلاً وسهلاً بمن زارنا ... فالصباح المشرق هزاع: ههههه شوه شوه ؟! عيد اللي قلته راشد: ما اعيد خلاص .. سمعت سمعت ... ما سمعت كيفك هزاع: هههههههه والله صدقه مروان يوم يقول عنكم راشد: هههههه مروان ! ,, من كثر ما يقول عنا .... الله جعل كيده في نحره هزاع: بل ! ..خيبه ولا جنّه اخوك حرام عليك تقول عنه جذه راشد: اوووووه والله يالس اخربط شسوي امس انا مودنه المستشفى ... ومنوه ويايه ؟ المطوع عمران ... عاد اقتبست منه شوي من رمسته المخبقة هزاع: هههههه وانا اقوووووووول بلاه الاخ ... عمران رمسته مب مخبقه بس انتوا ما تعرفون متى تستخدمون هالجمل راشد: اقول اخ هزاع .... كمّل دربك فوق ولف يمين ... اول باب ع اليسار ادخله بتشوف ربيعك منسدح هناك ... انا ورايه دوام .. مع السلامه هزاع: هههه فمان الله صعد هزاع فوق .... وسار صوب حجرة مروان وعمران ....... بدون ما يدق الباب او أي شي .. دخل الحجرة بارده .. و ظلام .. طبعاً فراش متبهدل .. والحجرة فوق تحت ... والشبرية الثانية .. بعد ما عليها حد !! لكن عليها ستين الف لحاف ... يلس ع الكرسي ... ظهر مروان من الحمام ... هزاع ( ابتسم ) : صباح الخير مروان رغم التعب اللي واضح جداً ع ويهه .. ورغم انه ما يقدر يمشي .. والا لازم يمسك شي عسب يتحرك .. مروان ( رد الابتسامة ) : صباح النور .. ومشى لين وصل الشبرية .. وانسدح ورد غطى عمره باللحافات كلها ... هزاع: عنبوه .. مروان بتختنق مروان: وايد برد هزاع: هي الحجرة بارده بس مب لهالدرجه مروان: ما ادري ! هزاع: شحالك الحين ؟ مروان: الحمدلله هزاع : ما بتسير الجامعة ؟ مروان: ما اقدر .. اتحرك من مكاني هزاع: بسم الله بلاكم ؟ امسات ريل أمون واليوم انته مروان: حاسدينا ,, هزاع: ههههههه حتى وانته تعبان مروان: انته ما سرت ؟ هزاع: لا توني تزهبت فالبيت ,, وييتك هني على طول مروان: سير .. بتتأخر هزاع: عادي طاف .. اول ساعة ما بحضرها .. مروان: لا .. سير عسب تكتب لي المحاظرة هزاع: ما يقول عسب مستقبلك عسب ما ادري شوه . يقول عسب تكتب لي المحاظرة! مروان: هههههههه انزين صدق هزاع: انزين بسير الحين ... وسمعوا صوت الباب ... هزاع: منوه هالمؤدب ؟ ودخل فريد مروان: وصل وصل ... هزاع: حليله مهتم فيك وايد مروان: فريد نزل الصينية تحت فريد: انته لازم تاكل مروان: اقولك نزلها تحت .. ما ابا ولاشي .. هزاع: مروان ..شوه هالحركات ... كل ياخي مب زين فريد: انته قول له مروان: فريد ما ابا قلت لك ... فريد: انا بخبر عليك مروان: عاد خفت ,, والله روحي مب متفيج هزاع: انزين حطها هني ... وخلاص سير حط فريد الصينية .. وظهر برع .... هزاع: حرام عليك هزأته مروان: مب متفيج .. وانا قلت حق عمران لا يسوون هالحركات ما ابا ولا شي انا هزاع: انزين هو يخاف عليكم والله مروان: تعبان والله تعبان يا هزاع ,, ما ادري كيف صرخت عليه هزاع: انزين خلاص بخليك الحين ترتاح .. انا بسير الجامعة . حط مبايلك حذالك .. ويوم اتصل رد عليه ... طمني مب تخليني احاتي .. وحاول تتريق مروان: ان شاء الله ... هزاع: يالله مع السلامه ما رد مروان .. مجرد ان هزاع ظهر .. غمض مروان عينه و رقد .. من التعب .. يحس انه خلاص كسلان .. وخمول .. وكله يبا يرقد آمنة ,, واحمد ,, فالسيارة ,, آمنة: قلت لك بسير ويا سايق قوم ابويه أحمد: انا المسؤول عنج وانا لازم اللي اوديج آمنة: انته لازم توديني عسب انك لازم توديني والا عسب ما تسير الدوام ؟ احمد: تبين الصراحه الاثنين ... آمنة: سلامة بتييب بنيه احمد: والله ؟ زيييييين ,, عيل لقينا خطيبة حق ولدنا آمنة: افففف انا ابا بنيه ما ابا ولد احمد: وانا ابا ولد ما ابا بنيه آمنة: انزين بس خلاص لا تعور راسي ,, ما ادري ولد والا بنيه ,, احمد: احسن يوم ما تدرين .. آمنة: بلاهم البنات ؟ احمد: يتني عقدة من رملوه آمنة: هههههههه حليلها ورن مبايل احمد ,, وكان المتصل اخوه عيسى ..... احمد: هلا عيسى عيسى: وينك ؟ احمد: يعني في وين مثلاً ؟ انته شوه رايك ؟ عيسى: ههههه ادري انك فالدوام بس استهبل احمد: غلط .. مب فالدوام عيسى: عيل وينك ؟ احمد: مودّي حرمتيه المستشفى عيسى: هييييييه ... انزين اقولك احمد: هلا عيسى: دام انك مودي حرمتك المستشفى عقب لا تسير الدوام تعال ويايه احمد: وين ؟ عيسى: بسير الوكالة احمد: ليش؟ بظهر سيارة يديدة ؟ عيسى: احم احم احمد: اووووووووووونه .... ومن وين لك ؟ عيسى: ههههههه شوه من وين لي ؟ استح ع ويهك احمد: عيسوه بسرعه اعترف عيسى: انته حرمتك وياك الحين ؟ احمد: هيه عيسى :صدق ما تستحي جذه عيل تقولي جدامها احمد: اونه اونه ,, مب جنه انته اللي ما تستحي ترمسني انا اخوك العود ,, ومعرّس ,, و الحين ولد والا بنيه بيوني يا رب يا رب ولد .. المهم يعني بو عيال ,, بهالطريقه ,, عيسى: خيبه خيبه خيبه ههههههه بس اسكت احمد: انزين يالله وصلنا ,, ببند عنك عيسى: انزين لا تنسى تعال ويايه عقب ,, احمد: ان شاء الله ,, بس بخلص وبرد آمنة البيت وعقب بتصل بك وبنتفق عيسى اوكيه , ,يالله فمان الله احمد: مع السلامه بند احمد عن عيسى ,, آمنة: شبعت تعليق ؟ احمد: هيه شبعت ,, صد احمد صوب آمنة ,, وهو يظحك ,, ع اخوه ,, بس سرعان ما تغيرت ملامحه واستوى ع ويهه علامات تعجب ! احمد: امون بلاج ؟ آمنة: بلاي ؟ ما فيني شي احمد: امون ويهج غادي اصفر ,, آمنة: عادي ما فيني شي ,, من الصبح ترمسني احمد: بس رديت ع المبايل ورمست عيسى وبندت شكلج تغير آمنة: ما فيّه شي ,, احمد: متاكدة آمنة: احمد احمد: هلا ! في بيت يوسف ,, دخلت ,, شافت كمال ,, عذيجة: كمال وين يوسف ؟ كمال: فالغرفة ,, عذيجة: انزين سر برع الفله وما تيي لين ما انا ادق عليك ,, من تيلفون البيت ,, كمال: ان شاء الله ,, ظهر كمال ,, و فصخت عذيجة عباتها وحطت برقعها ,, ولفت شيلتها عدل ومشت في ممر طويييييييييل ,, وصلت لين باب ,, دقته ودخلت .. يوسف: هلا والله ... ام هزاع: السلام عليكم ... شحالك يوسف ؟ يوسف: وعليكم السلام .... بخير الحمدلله .. انتي شحالج ؟ ام هزاع: الحمدلله يوسف: علومج ؟ ام هزاع: طيبه ,, الحمدلله ... انته شحالك ؟ وشخبارك ؟ يوسف: انا الحمدلله بخير .... زين يوم فكرتي تيين هني .. ام هزاع : شوه نسوي ؟ مشغولين بالدنيا .. يزسف: اشغال الدنيا ما تخلص ام هزاع: لازم نضغط ع عمارنا .... عسب نسعد عيالنا يوسف: عذيجه ام هزاع: هلا يوسف: محتايه شي ؟ ام هزاع: لا ... يوسف: صدق والله ام هزاع: مب محتايه ,, بو هزاع ما مقصّر عليه ... ولو فرضاً احتجت ما بسير عند غريب ... انته اخويه ... وبيي عندك يوسف: ثرني من الحين اقولج ... لو دريت انج سايره عند غريب ومب يايه عندي .. بزعل منج ام هزاع: والله مب محتايه شي ... والله لا اييب الزعل بينا ... ما ندري متى الله ياخذ امانته منّا ونزعل بعد ع آخر عمرنا ! يوسف: عيل في شي انتي يايه اليوم ....... مب من الله عذيجه تيي بيتي ام هزاع: هيه في شي يوسف: شوه في ؟ شوه مستوي ؟ ام هزاع: ولد اخوك .. يوسف: أي اخو ؟ ومنوه فيهم ؟ ام هزاع: اخوانك اثنين ... واحد الله يرحمه والثاني الله يحفظه ,, ما اعتقد اللي عايش عياله يبون منك شي وابوهم موجود يوسف: بلاه عمر ؟ ام هزاع: واثق انه بيكون عمر اللي برمس عنه ؟ يوسف: ما في غيره ! ام هزاع: في غيره ..... عمر عنده 5 اخوان غيره يوسف: عذيجه ... انتي تدرين والكل يدري ... ان انا بالنسبه لي عمر الوحيد اللي اعترف فيه وهو ولد سيف الوحيد .... سيف ما ياب عيال غير عمر ام هزاع: وسعيد ؟ وراشد ؟ ومروان ؟ وعمران ؟ وعبدالعزيز؟ يوسف: بس بس بس ,, لا تعددين لي اسمائهم ... ما ابا اسمعها .. وخصوصاً آخر واحد ام هزاع: ليش ؟شوه مسوين لك ؟ شوه ذنبهم ؟ يوسف: كفاية ان امهم سوت لي وايد اشيا ام هزاع: امهم ما سوت شي غلط ..... وبعدين اخوك روحه يعرف مصلحته ,, ويوم انته كنت بتساعد اخوك ما فيها شي يوسف: فيها شي ... يوم ان حرمه تمشّي اخويه ... تقوله يمين يمين يسار يسار ام هزاع: هني انته تعاتب اخوك .... ما تعاتب حرمته ! يوسف: لا اعاتبها هي ... هي لو بنت ناس ومحترمه ومتربية ... جان ما خربت بين اخوان ام هزاع: بس بس يا يوسف ... حرام عليك ... هذيل اموات ... ترحم عليهم يوسف: اترحم ع منوه ؟ ع اللي ما تتسمى ام هزاع: لا اله الا الله محمد رسول الله ... انته ليش جذه ؟ خلاص انسى ... انسى اللي استوى يوسف: ما اقدر انسى ... ما اقدر انسى يا عذيجه ام هزاع: اخوك وحرمته توفّوا من 9 سنوات ,, الحين عيالهم كبروا .. استووا شباب يعتمد عليهم يوسف ( وظحكة استهزاء ) : ههههههه ... ظحكتيني والله ... منوه يعتمد ع هالسيابيل ؟ عمر من متى ما يايني .... ويوم ايي مبايله ما يسكت دقيقة وحده .. اخوانه يتصلون به ... أي رياييل الله يخليج .. كسروا ظهر الولد من كثر ما يسوي لهم ام هزاع: اخوهم العود .. يوسف: اخوهم العود .. صح اخوهم العود .. اخوهم العود متفيج يوم انه ودّر دراسته وسار اشتغل عسبهم ام هزاع: عمر كان يبا يعتمد ع نفسه ما كان يبا بعتمد ع غيره يوسف: وانا شوه مب عمه ؟ انا كنت اعطيه مبلغ كل مره كان يرفضه ... كل مره ... لين انتي سرتي رمستيه وقنعتيه ياخذ مني المبلغ كل شهر ام هزاع: هو حس انك تذله ! يوسف: انا اذل عمر ؟هههه سبحان الله ... انا يوسف اذل عمر .. عذيجه تدرين بغلاة عمر في قلبي .. انتي تدرين بهالشي عدل .... كيف بذل ولديه ؟ اللي كان يلعب في هالبيت ... وله حجرة بعد هني ؟ ام هزاع: يوسف .. الرمسه اللي استوت من 9 سنوات كانت وايد كبيرة ... عمر كان فاهم وواعي .. انته ما خليت ولا شي في امه .. ولا حتى في ابوه ... لكن عقب ... بكل سهولة سامحت ابوه .. بس عقب شوه ؟ في نفس اليوم اللي توفى فيه انته سامحته .. لكن امه ما سامحتها ... واصريت ع اتهامها .. وانته تدري بـ عيال سيف .. حبهم لـ امهم ما يوصف .. كانت ضامتنهم ويا بعض في حلقة وحده .. تربيهم احسن تربية .. مثل ما هي تبا يوسف: طبعاً مثل ما هي تبا ... عسب جذه اول واحد اللي هو عمر بس الوحيد المحترم .. الباقين مالت عليهم وع اشكالهم وع اللي يابتهم سكتت عذيجه .. لو مهما بترمس ويا يوسف بيتم يسب حرمت اخوه .... وبيزيد وبيزيد ... وهي ما تقدر تتحمل الفاظه في حق حرمت اخوه المتوفيه واللي كانت فعلاً حرمه سنعه حافظت ع بيتها وريلها اللي هو اخوهم ,, وربت عيالها احسن تربية .... ام هزاع: انزين طب هالسالفه .. اباك في سالفة ثانية يوسف: قولي ام هزاع: سعيد ولد سيف يبا يعرّس يوسف: بياخذ وحده من الشارع بعد ؟ ام هزاع: انا لله وانا اليه راجعون ... يوسف وبعدين وياك ؟ بس خلاص عاد يوسف: انتي تقولين ام هزاع: قلت لك بيعرس .... البنيه بنت ناس ومحترمه .. انا سألت عنها .. يوسف: من وين عرفها ؟ ام هزاع: تشتغل وياه يوسف: مستواه ام هزاع: يوسف يوسف: اقولج ,, عذيجه لا تصارخين بدون سبب ام هزاع: انته تطلع الواحد عن طوره يوسف: انزين هاللي اسمه سعيد يبا يعرس .. انا شسوي ؟ ام هزاع: انته عمه العود ... بنسير نخطب حق الولد يوسف: انا ما يخصني ... ام هزاع: حرام عليك يا يوسف .... يوسف: قولي حق عبيد ايي وياج ام هزاع: الحين انا اقولك انته العود ... عمه العود ... تعال ويانا بنخطب حق الولد .. تقولي اودي عبيد ؟ يزاك الله خير يا يوسف .. مشكور وما قصرت .. انا بسير بيتي اطالع ريلي وعيالي جريب بيردون من دواماتهم ابرك ... ظهرت عذيجه من عند اخوها ... حاولت بس ما قدرت .. يوسف عنيد وهي تعرف انه عنيد .. وتعرف ان ما بيطيع يسير وياهم ... بس قالت بتحاول ... وما بتخسر شي .. لكن كان المتوقع ... ثاني نازل من فوق .... ام زايد كانت يالسه تحت .. يوم شافته ع طول عينها يت ع الساعه .... ام زايد: انته ما مداوم ؟ ثاني: لا ام زايد: وليش ان شاء الله ؟ ثاني: ما كان لي نفس اداوم ام زايد: لا والله ! ثاني: امااااااااايه حرام عليج ... وسار صوبها ... مثل كل مره يدلع عليها .. ويلس حذالها وحط راسه ع ريلها ... ام زايد: طفرتنا يا ثاني والله انك طفرتنا ثاني: انا ؟ ليش ؟ ام زايد: بسك من هالنت هالكثر ... كثر ما تيلس ع النت ... ما نشوفك ثاني: الحين شفتيني ام زايد: وايد عليك ثاني: انا انسان يعني عندي اكتشافات واختراعات ام زايد: تبا تقص ع منوه انته ؟ ثاني: هههههههه اونه خطييييرة ما ينقص عليج ام زايد: ثاني خف من هالنت ,,, الله يخليك خف ... بسك هالكثر .. ترا ابوك يوم بعد بيوصل حده تدري به ثاني : امايه جيه انا شوه مسوي ؟ وانا مب صغير اعرف مصلحتيه ام زايد: حتى ولو ... انا قلت لك وانته سمعتني ثاني: انزين .. ان شاء الله .. خلاص ام زايد: انزين ... وان شاء الله ,, وما نشوف أي شي يتغير ... كل شي على حاله ثاني: غاليه متى بتخلص دوامها اليوم ؟ ام زايد: الساعة 12 ثاني: بسسسس ... 12 .. قاصه ع عمرها هاي ام زايد: والله جدولها جذه ,, شوه تبا في غاليه ؟ ثاني: ما شي .. سكت ثاني .. لو رمس وقال شوه يبا بيحصل له محاظرة ثانية ... لانه هو اصلاً يبا لاب توب غاليه ... ولو امه عرفت ! ... فالمستشفى ....... آمنة ( مبتسمه ) : Thank you ظهرت السستر من عندها .... وانتقلت نظرات آمنة لـ أحمد اللي واقف ع صوب ... أحمد: يوم تدرين انج تعبانه .. ليش ما قلتي من قبل ؟ آمنة: تعب خفيف وقلت بيروح أحمد: وشفتي هالتعب الخفيف لين وين وصلج ؟ آمنة: احمد عادي ما فيها شي .... أحمد: شوه ما فيها شي ؟ آمنة: عادي مب اول وحده اتعب أحمد: آمنة الله يخليج ... اضغطي ع عمرج ساعات .. و تخلي عن عنادج آمنة: انزين خلاص ... آسفه سكت احمد وما رد ع آمنة ... آمنة: اتصلت في امايه ؟ أحمد: هيه آمنة: ليش اتصلت بها ؟ الحين بتم تحاتي احمد: يعني شوه تبيني اسوي ؟ ما اقولها ! ما اتصل بها ؟ تبين الناس كلهم يتمون يحاتونج ؟ آمنة: بلاك احمد ما قلت شي أحمد: اوووووه آمنة بس خلاص سكتي آمنة: شوه فيك ؟ احمد: اففففف ... ما فيني شي .. انا بسير البيت .. تبين شي ؟ انصدمت آمنة.... الحين هي تعبانه وحالتها حاله ... هذا يقولها بسير البيت ؟ .... آمنة ( بلهجة حاده ) : الله وياك ظهر احمد من عند آمنة ساير البيت مثل ما قال .. شمسه .... في بيتها ..... يالسه فالصاله ..... دخل عليها سالم ولدها ... شمسه : هلا حبيبي ... يالله يا الشاطر .. سر حجرتك بدل ثيابك وتعال سالم: انزين وسار سالم يبدل ثيابه ودخل وراه ابوه .. بو سالم: السلام عليكم شمسه: وعليكم السلام بو سالم: يوعاااااااااااااااان شمسه: مستوي سالم اليوم هههههههه بوسالم: هيه والله .. انتقلت عدوة ولدج حقنا ... شمسه: ههههه انزين .. لين ما تبدلون بحط الغدا بو سالم :بسرعه بسرعه شمسه: انزين .. اقول بو سالم: هلا شمسه: بتغدا وعقب بسير المستشفى بو سالم: خير ان شاء الله ؟ شمسه: آمنة اختيه فالمستشفى بو سالم: عسى ما شر ؟ شمسه: لا .. ما فيها شي ... بس تعبانه شويه بو سالم: سلامات ما تشوف شر شمسه: الشر ما اييك بوسالم: خلاص ما عليه ... حطي الغدا وبنتغدا ويا بعض .. وعقب سيري .. انا بذاكر ويا سالم شمسه: خلاص عيل ... يالله بسرعه سيروا بدلوا عسب الغدا ما يبرد سالم ظهر من حجرته ..... سالم: يالله انا يوعاااااااان شمسه: انزين انزين ,, لين ما ابوك ايي انا بحط الغدا سالم: اوهووو شوه هذا شمسه: ليش ما ماكل شي فالمدرسة سالم: وييييييييه ماكل من الساعه 10 .. الحين الساعه 1 شمسه: انزين بو لسان ... يلس قلت لك اتريا ابوك في مكان بارد ..... وظلام ..... انفتح الباب .... عمر: مروان ... مروان قم ومروان بعده راقد ... عمر: مروان .. نش .. بسك رقاد ... مروان .. من تحت اللحاف . يطلع صوته .. مروان: الساعه كم ؟ عمر: الساعه 1 الحين مروان: انته منوه ؟ عمر: انا عمر ..... قم يالله تغدا مروان: عمر والله مب قادر .. عمر: انزين قم ع الاقل تغدى وعقب خذ دواك ورد ارقد مروان: ما ابا .. ما اشتهي آكل أي شي عمر: مروان يالله عاد ومروان مب معبّر عمر .. عمر يدري ان مروان يوم مب متفيج يعني صدق مب متفيج .. ولا بينش .. خلاه يرقد شوي وقال عقب بيرد يقومه .... نزل عمر الصاله ... البيت فاضي .. بعدهم اخوانه ما ردّوا ... لكن هو استأذن وطلع من وقت من الدوام ... وقال حق سعيد يمر ورا عبدالعزيز ... وراشد يمر ورا عمران .... انفتح باب الصاله ..... عذيجة: عمر ! .... انته هني عمر: هلا عموه .. شحالج ؟ عذيجه: الحمدلله بخير ... انته شحالك ؟ عمر: الحمدلله عذيجه: انته ما ساير الدوام ؟ عمر: بلى سرت ورديت من وقت .. عذيجه: وليش ظهرت من وقت ؟ عمر: ياي اطمن ع مروان عذيجه: هيه فديييت روحه قالي هزاع انه مريض .. جيه ما تخبرني وانته امس كنت عندي ؟ عمر: ما عليه عموه شوية تعب وبيروح عذيجه: وينه هو الحين ؟ عمر: فوق عذيجه: بسير اشوفه .. وعقب برد احط الغدا .. وعقب الغدا ان شاء الله بسير المستشفى عمر: خير ان شاء الله ؟ عذيجة: آمنة بنتي ريلها متصل يقول ان هي فالمستشفى .. عمر: تستاهلون سلامتها عذيجه: الله يسلمك .. وسارت عذيجة فوق ... دخلت حجرة مروان وعمران ... تجدمت وصلت صوب مروان ... حطت ايدها ع راسه ... شافت ان حرارته صدق مرتفعه .. مروان ... فتح عينه ... عذيجه: فديتك والله ... ما يليق عليك تكون مريض ... مروان ابتسم ... شاف عمته .. وحس بايدها يوم حطتها ع راسه .. كأن أمه اللي يايه تطمن عليه .. مب عمته .. عذيجه: مروان حبيبي الحين بييب لك الغدا فوق قم تغدا شويه مروان: عمّوه توه عمر يايني .. قلت له ما اشتهي آكل عذيجه: مب ع كيفك .. روحك مريض .. عالاقل لقمتين مروان: والله اني ما اقدر عذيجه: ما عليه عشان خاطريه ... مروان: تعبان عذيجه: اقولك عشان خاطريه سكت مروان عذيجه: بعدين الحجرة وايد بارده مروان: عمران فاتح المكيف وساير .. عذيجه: الله ياخذ ابليسه ان شاء الله ... مروان: اول مره تدعين ع عمران عذيجه: لا تفرح دعيت ع ابليسه مب عليه مروان ابتسم .... وعقب الابتسامه رد مره ثانية غمّض عينه .... ع الغدا .... صح انهم متعودين ان امهم ما تكون موجوده ... لكن للحين يحسون بالملل يوم تسير.. عفرا: بنخلص وبنسير لها .. بو هزاع: منوه بيوديج ؟ عفرا: بتصل اول شي في غاليه ... اذا قالت بتيي بنسير ويا السايق مالهم ... او صدق سلامه و شمسه الحين بييون بو هزاع: خلاص انتي شوفي منوه بيوديج وخبريني مب تسيرين جذه عفرا: ان شاء الله دخل هزاع هزاع: السلام عليكم عفرا + بو هزاع: وعليكم السلام هزاع: شوه هذا ؟ ( ويفصخ نظارته الشمسيه ) ليش المائدة اليوم فاضيه عفرا: كل هذا وتقول فاضيه هزاع: يالدبة ما اقصد الاكل .. اقصد وين امايه ؟ والا سلامه المبزايه ما يتنا اليوم ؟ غريبه ! اكيد طابخين لها اكل حلو في بيت ريلها عفرا: ههههههه لا لا يقولك اليوم طارق يمكن مظهرنها تتغدا برع هزاع: ويا كرشتها ... عاد بتتدلع ع طارق آي و آي لو صدق مظهرنها ... بتخليه يكره عيشته عفرا: ههههههه صدقك والله بو هزاع: شبعتوا تعليق ع اختكم ؟ هزاع: ويه ويه ... عصب الـ Big Boos بو هزاع: بسك رمسة زايدة وكلام فاضي ... تعال كل هزاع: انا ما آكل من دون امايه عفرا: تدل طريج المستشفى امك هناك سر عندها وتغدا عندها هزاع ( منصدم ): مستشفى ؟ عند منوه ؟ ليش ؟ بو هزاع: بلاك ابويه ؟ بلاك ؟ جذه ترمس بسرعه بسم الله جنّه حد يركظ وراك هزاع: مروان فيه شي ؟ عفرا: مروان شدخله ؟ هزاع: مروان تعبان حرارته واصله 40 واليوم ما مداوم عفرا: اونه هذا بعد يمرض ؟ بو هزاع: عفاري ... شوه هالرمسه ؟ عفرا: لا ابويه ما اقصد شي .... بس ما يليق عليه يكون مريض هزاع: اوووه الحين منوه فالمستشفى خبروني بو هزاع: آمنة اختك هناك هزاع: بلاها ؟ ربّت ؟ عفرا: لااا شوه ؟ اسم الله ع اختيه تربي الحين تباها تييب ولد ناقص بعد .. هي تعبانه شوي وخلاص بو هزاع: تعال كل انته الحين وعقب اسأل هالكثر هزاع: انا بتصل في امايه ... السالفه فيها ان وحده من خوات هزاع فالمستشفى ... وهزاع كله ولا خواته .. وخصوصاً آمنة عاد ... تضايق يوم عرف انها فالمستشفى ... عذيجة: هلا فديتك هزاع: امايه وين انتي ؟ وشحال امون ؟ عذيجه: أنا في بيت خالك سيف ... وآمنة فالمستشفى هزاع: خالي سيف ! شوه تسوين هناك ؟ انا قالوا لي انج فالمستشفى عذيجه: يايه اشوف مروان فديت روحه .. مريض هزاع: هييييييه ... وشحاله الحين ؟ عذيجه: على ما هو الحال ... بس الحمدلله هزاع: الحمدلله ... ومتى بتسيرين عند امون ؟ ومنوه بيوديج ؟ عذيجه: انا خذت السايق وظهرت ... والسايق هني ويايه في بيت اخويه ... وهو بيوديني عقب هزاع: اها .. انزين عذيجه: تغديتوا؟ هزاع: انا توني واصل .. عفاري وابويه يتغدون عذيجه: خواتك ما وصلن ؟ هزاع: لا ما شفت ولا وحده منهن عذيجه: عيل اكيد فالطريج هزاع: انزين عيل امايه .. بخليج الحين سلمي عليهم عذيجه: الله يسلمك ... مع السلامه فالمستشفى ..... اولى الحاضرات والواصلات ... حصه: السلام عليكم آمنة: هلا ... وعليكم السلام .. حصه: ها الكشيخة .... يقولون تعبانه آمنة: هههههه الحمدلله ... بس تدرين المستشفيات يحبون يكبرون السالفه حصه: حرام عليج امون ويهج غادي اصفر آمنة: يعني حامل ... وفالشهور الاخيرة لازم حصه: ما عليه ما عليه ... وين احمد عيل ؟ غريبة نفس الوقت دخل احمد ... احمد: أوه آسف ... حصه: لا تعال حياك ..... احمد.. تفشل لانه دخل وما دق الباب .... ناسي ان حد من خواتها اكيد بتكون هني بهالوقت.. حصه: تستاهل سلامة آمنة أحمد: الله يسلمج ... آمنة ما رمست .... احمد ما رمس ... حصه مستغربة ! ... احمد ما علّق هالمره مب من عوايده ! بس قالت اكيد خايف ع حرمته والا شي .. مب دايماً الانسان لازم يظحك ! احمد: وين اخلي الاغراض آمنة: حطهم هناك ... وعقب بشوفهم ... حصه: بسير اتصل في شمسه بشوفها وين آمنة: وين سايرة ؟ هني اتصلي حصه: لا هني ما شي ارسال .... آمنة: أها حصه: دقايق وراجعه وظهرت حصه من الحجرة ..... أحمد: شحالج الحين ؟ آمنة: الحمدلله أحمد: يبت لج كل اللي تبينه آمنة: شكراً آمنة ترد ع أحمد وهي صاده عنه الصوب الثاني .. او تلهي عمرها بأي شي ثاني .. وهو يطالعها ويرمس .... وحاس انه هيه خلاص اسكت وما اباك ترمس الحين .. لاني للحين منقهره من حركتك مساعه .. ردت حصه حصه: شمّوس يايه فالطريج آمنة: امايه اتصلتي بها ؟ حصه: هيه امايه في بيت خالي سيف آمنة: اكيد سايرة تتغدا عندهم اليوم حصه: تقول ولد اخوها تعبان آمنة :أي واحد فيهم ؟ ليكون عبدالعزيز ؟ حصه: لا وانتي الصادقه .... مروان آمنة: حليله ما يستاهل ... سلامات حصه: تقول حمى وزجام وما ادري شوه أحمد: فايح هالايام حصه: وايد أحمد: خصوصاً الصغاريه عاد .. نحن الكبار نتحمل .. هم حليلهم حصه: هيه والله .... امون لا تربون في هالجو الحين متروس فيروسات آمنة: اللي الله كاتبنه بيستوي أحمد: يالله انا اترخص الحين بغيتوا شي ؟ آمنة: شكراً وظهر احمد من عندهن ..... حصه: بلاج آمنة في شي ؟ آمنة: ما فيني شي حصه: لا اكيد في شي بينج وبين احمد آمنة: عادي حصه: ادري انها مسائل شخصية وانا ما يخصني فيها ... لكن ليكون المشكلة اللي بينج وبينه هي سبب رقادج فالمستشفى آمنة: لا جيه شوه ؟ ما يخصه احمد .... ولا استوى شي اصلاً ... الصبح هو يايبني المستشفى وسوالف وغشمرة وظحك ... بس كنت تعبانه واقاوم ..... ويوم وصلنا هني ما قدرت ..... وقلت له اني ما اروم زقر السستر وجيه ودخلوني ورقدوني ... حصه: اها .. الحمدلله .. ( وابتسمت ) ترا اهم شي صحتج وصحة البيبي آمنة ( ردت الابتسامه ) :مشكوره حبيبتيه انفتح الباب .. هزاع: اختيه حبيبتييييييييييه آمنة : هلا هزاع هزاع: فديتج والله .. شوه استوى عليج ( وتجدم وحب راسها ) سلامات آمنة: الله يسلمك حصه: عفانا الله ما في السلام عليكم هزاع: بس ما اقدر .. قلبي يعورني ... اختيه هني مرقده حصه: ط هذا انتوا عفرا: شحالج امون آمنة: هلا حبيبتيه بخير الحمدلله انتي شحالج ؟ عفرا: الحمدلله شمسه: سلامات سلامات آمنة :الله يسلمج هزاع: شوفن انتن الثلاثه ما ترمسن وااااااايد وياها واقولكن من الحين ودخلت سلامه ..... سلامة: تهديد صريح انا اسمع هزاع: وانتي الرابعه سلامة: ما تشوفين شر حبيبتيه آمنة: الشر ما اييج هزاع: عقبالج شمسة: حرااااام عليك هزااااااع هزاع: لا اقصد يعني عقبال ما يرقدونج وتربين سلامة: والله انك سخيف هزاع: ههههههه والله اني ما قصدت والله .... قصدت انج ترقدين وتربين والله حصه: انزين .. خلاص مصدقين بس لا تحلف هالكثر هزاع: اختج مب مصدقه ... انتي روحج من دون دعا وتدلعين علينا .. بعد ندعي عليج وتطيحين علينا ما فينا سلامة: هيه امون تقدر لها اما انا لا هزاع: انتي عندج ريلج خل يدلعج حصه: وحتى امون عندها ريلها .... شمسة: والا امون غير ؟ عفرا: طبعا غير هزاع: ولو ان عفاري يعني ساعات وايد بقره ع قولت مروان وما تفهم بس هالمره يابتها عفرا: مالت علييييك .. بقرة حرمتك شسمه: ههههههه هذا اليوم ما ادري مستوي مينون عفرا: مضيع مروان من امس سلامة: ليش ؟ وينه مروان ؟ عفرا: مريييييييض ... عاد صدق او لا تصدق هزاع: ايه عفاري بس خلاص .... عاد كله ولا مروان عفرا: هيه لازم ظلّك ... سلامة: طبجته هزاع( يقلد سلامة ) : طبجته .. استخدمي الفاظ راقية الله يخليج .. شرات ذوقج الراقي آمنة: هههههه بس عاد هزاع .. قطعتها سلماة: لازم ... ثرني مب آمنة عسب يسكت عني .. وتموا يرمسون ... ويرمسون ..... وهزاع طايح طيحه في سلامة اللي حليلها تباه يروح عسب تفتك من صدعة الراس ... سالم: والله انته غلط تعلمنيييييي بو سالم: سالم اكتب اللي انا اقوله سالم: انزين غلط بو سالم: مب غلط سالم: واذا قالت المس غلط بو سالم: يااااااا الله .. مب غلط اقولك سالم: ابووووويه بو سالم: سالم والله انك عورت راسي ... اكتب خلصني سالم: انزين بكتب ... لكن اذا المس قالت غلط بو سالم: قول لها ابويه قالي سالم: بتقول انته ليش ما حليت روحك بو سالم: لا اله الا الله سالم: انزين بتوديني بيت يدي عقب ؟ بو سالم: يصير خير سالم: هنقي سنقي برنقي .. حدد موقعك .. بتوديني والا ! بو سالم: اصلا ما في حد هناك سالم: ما عليه .. بسير ايلس هناك احلى بو سالم: انزين خلص عسب اوديك سالم: صدق بتوديني ؟ بو سالم: سالم .. والله صدق اني مصدع ولا متفيج حق أي شي .. راسي يعورني وابا ارقد انا رن مبايله نفس الوقت ...... بو سالم: الو شمسه: هلا صالح بو سالم: بعدج هناك ؟ شمسه: توني واصله .. شوه تسوون ؟ بو سالم: ولدج لعوزني والله شمسه: شوه يسوي؟ بو سالم: اقوله شرق يقولي غرب .. اقوله يمين يقولي يسار ... سالم : اقوله فوق يقول تحت ههههه اطالع صالح ولده بـ نظره ...... هذا صدق مينون شوي ! وشمسه سمعته وظحكت .. بو سالم: ع منوه طالع ما ادري شمسه: ههههه شوه قصدك بو سالم: ما ادري عنج شمسه: جان وديته بيت ابويه ... بيذاكر ويا احمد ريل اختيه ههههه بو سالم: والله لو صدق جان وديته وافتكيت من صدعته شمسه: انزين انا عقب شويه برجع .. انته عصب عليه واهزبه خل يكمل نص واجباته ع الاقل بو سالم: ان شاء الله .... كم شسمه عندنا سالم: وحده ... تطلع الصبح وتغيب فالليل عاد هني صالح نقع من الظحك ع ولده ... هالجملة بين فترة والثانية .. يقولنها حق شمسة .. في بيت بو هزاع .. والحين سالم يقولها في بيت الشباب .... عقب ما سارت عنهم عمتهم ..... يحسون بالنقص ... واحد منهم مريض ... ومب متعودين ان واحد منهم ما يكون موجود .... يالسين يعني صدق ملانين .... راشد يسولف ويسكت .. عبدالعزيز يسوي حركة اما ينهزب عليها . او يظحكون عليها ويسكتون ... عمران طايح من صوب ويعلق ع اخوانه راشد وعبدالعزيز اذا تفيج ... وسعيد يعلق بتعليقات بسيطة ع الوضع ...... اما عمر مكتفي بابتسامة مرتسمه ع ويهه طول ما هم يالسين ..... عبدالعزيز: افففف .. ملل راشد: سر ذاكر اذا ملل عبدالعزيز: اقولك ملل .. تقولي اسير اذاكر وععععع عمران: ويييييييه والله ورايه ثانوية عااااامه راشد: من الحين لازم تذاكر انته بعد عمران: كله مب محسوب سعيد: مب محسوب مب معناته ما تذاكر راشد: لازم تحضّر وما ادري شوه سعيد: الحين ذاكر شوي شوي عسب عقب يكون سهل عليك راشد: زين منك عديت نص السنة عمران :هاها ما يظحك ... عمر: ليش تحبطونه من الحين ... ان شاء الله بينجح وبييب نسبة ترفع الراس راشد: من عمران اشك الصراحه ابتسم عمر كـ عادته ونش من مكانه ... وسار فوق دخل حجرة عمران ومروان ..... عمر: مروان .... خلاص بس عاد ... مروان: الساعه كم عمر: 7 وشي سكت مروان ... وما فتح عينه للحين عمر: مصختها اليوم مروان: الحين بنش عمر: خذت دواك ؟ مروان: هيه خذت ... عمر: يالله قم مروان: انزين .. عمر: بسير اقول حق فريد اييب لك العشا هني فوق ظهر عمر من الحجرة ... وسار حجرته هو وعبدالعزيز .... دخل حجرته ... و يلس ع طرف الشبرية .. كان يالس سرحان .... يفكر ... ويتامل في نفس الوقت ... يذكر يوم كان يتعب .... شرا ما تعب مروان ... منوه كان يداريه ؟ منوه كان يطل عليه كل دقيقة ؟ منوه كان يشوفه ؟ ارتسمت ع ويهه ابتسامه .. امه .... كانت تييه كل ليله وتشوفه .. ساعات كانت ترقد عنده .... وساعات كثيرة كانت تيلس عنده طول النهار ... كيف لا ؟ وهو عمر ..... عمر اللي طول الفترة اللي عاشت فيها امه .. كان مدلّع وع كفوف الراحه ... ما شايل هم أي شي ... وفجأة يكتب رب العالمين ان امه ويا ابوه يروحون عنه .. ويشوف نفسه ضايع بين 5 اخوان هو حس انه مسؤول عنهم ... رغم ان عمر كان صغير يوم امه دارته وسوت كل اللي سوته ... بس متأكد ان مروان ع كبر سنه مثل ما يقولون ... لان بو العشرين سنة يعتبر كبير وخلاص .. لكن لو كانت امه عايشه كانت بتتخبل لو تشوف ولدها جذه ... وعسب جيه عمر ما يبا مروان يحس بهالشي .. ويحس انه مشتاق حق حد يدلعه شرا ما امهم كانت تسوي ... قطع حبل افكارة ... المشاغب .. اكيد ما في غيره عبدالعزيز ... عبدالعزيز : طق طق طق .. من عند الباب انا الواوي شوه تبي ؟ ابي عمر وييييييينه عمر: هههههههه شوه تبا في عمر ؟ عبدالعزيز: آآآآه اخويه كيفي اشتقت له عمر: يالعيار في هالكم دقيقة اشتقت لي عبدالعزيز: هيه والله شفت عاد عمر: شي جميل عبدالعزيز: آآآآه يا ريت لو انا المريض عمر( مستغرب): انته صاحي ! عبدالعزيز: هيه والله كشخه ... تخيل يعني جيه شوه شعور مروان ... كل حد يدلعه عمر: اللي يقول .... ابداً انته الدلع ما يدل طريجك عبدالعزيز: عاد خاصة يوم انته تداريه .. يا سلاااااااام عمر:هههههه انته حالف تكرفني طول عمري وياك ... وتغار بعد يوم اشوف حد غيرك عبدالعزيز: طبعاً .. ومروان بعدين كبير انزين .. لازم ما تدلعه هالكثر عمر: انا ما دلعته انا اقوم بدوري كـ اخوه العود عبدالعزيز: هيه واخوه العود اييب العشا .. كل دقيقة يسير عنده .. ويشوفه وووو عمر: يااا الله يالغيرة وما تسوي عند هالانسان عبدالعزيز: ع العموم اصلاً مو حباً فيك يعني .. بس اقولك هالرمسة لان مروان يعني عود عيب تدلعه هالكثر ..... عمر: لااااا احلف عبدالعزيز: هيه عمر: ههههههههه فذمتك مو حباً فيني احلف جدامي اشوف عبدالعزيز: المشكلة ما اروم اقول لا ما احبك .. والله مشكلة الحب عمر: ههههههههههههه الله ياخذ العدو .. وتم عبدالعزيز يقول اشيا .... كلها نابعة من الغيرة اللي عنده ليش ان عمر مدلع مروان مثل ما يقول .... وعمر يظحك عليه .. وع تفكيره .. حل الليل .... طبعا رمسة الليل تحلى عند هالهنتين ... عفرا: ابا اعرف شوه استوى ... غاليه: يالله ع اللقافه عفرا: لان هزاع امس قال حق امايه شوه استوى فالعزيمة مالتهم ... وامايه اليوم سارت عند خالي يوسف ما ادري ليش غاليه: كيفهم ... بيتفاهمون عفرا: اوووه .. انتي وايد رقاد .. غاليه: هههههه يعني عفاري .. شوه تبيني اسوي . ما كنت وياهم عسب اقولج اللي استوى عفرا: سألي اخوانج غاليه: شووووووه ؟! عفرا: هيه اخوانج عادي غاليه: مينونه انتي .. انا غاليه اسأل زايد شوه سويتوا في بيت عمي يوسف .. لا بعد كلهم شباب ... شدخلني عفرا: عن السخااااااافه ما ادري يعني عن شوه بتسألين عادي غاليه: لا حبيبتيه آسفة .. تبين روحج اسألي عفرا: اوكيه .. لا تسألين زايد .. اسألي ثاني .. ثاني عادي بيقول غاليه: ما ابا ما ابا .. عفرا: يا ويهج غاليه: ما ابا اعرض نفسي لمواقف محرجه عفرا: وشوه المحرج بالله عليج ؟! غاليه: اسال اخواني شوه سووا في عزيمة فيها كله شباب عفرا: الله ياخذ العدو . هبله انتي هبله .. منوه الشباب ؟ هزاعو .. وعمر وبدر يقولون غاليه: اونه بدر ولد عموه جواهر كان هناك بعد ؟ عفرا: هيه يعني اول مره تدرين ان يوم خالي يوسف يعزم .. لازم السيد يكون هناك غاليه: هيه والله عفرا: يوم اقول انج رقاد غاليه: هههههههه وانا شدراني .. شوه يخصني .. كان هناك والا لا .. مشكلته والله مب مشكلتي .. وتمت عفرا تحط ع غاليه .. اللي تعتبرها رقااااااد ع قولتها ... ما تدري باللي يستوي حولها ... رد البيت من وقت .. ما له خلق ربعه .. ولا متفيج حق سوالف اهله اللي يالسين تحت .. حتى ما له نفس يتعشى .. تعبان .. وملان في نفس الوقت .. بدل ثيابه وفتح التلفزيون .. تم يجلب في هالقنوات ولا شاف شي .. او بالاحرى هو يبدّل ومب منتبه ع ولا شي ... حط الجهاز ع صوب .. ومسك مبايله .. اتصل اول مره..... محد يرد .... ثاني مره .. بعد محد يرد ... اكيد راقده ! .. بس معقولة المبايل ما وعّاها ؟! رد اتصل ثالث مره ... آمنة ( بصوت تعبان .. ونعسان ) : الو احمد: امون انتي راقده ؟ آمنة: هلا احمد .. هيه كنت راقده احمد: خلاص عيل بخليج .. تصبحين ع خير .. آمنة: وانته من اهله ... وبند عنها .. مب من عوايدها ترد عليه بهالطريقة .... بس هو كن متوقع هالرد عقب ما صرخ عليها فالمستشفى .... بس ما كان قصده ! فالطرف الثاني ..... هي مب قصدها شي ... بس كانت تعبانه ... ومب متفيجه ترمس حد .. لكن احمد ما يهون عليها !! دقايق ورن مبايله ... احمد: الو .. هلا امون آمنة: اهلين احمد احمد: شوه فيج ؟ بغيتي شي ؟ آمنة: لا .. ما ابا شي احمد: عيل جيه متصله ؟ آمنة: انته متصل احمد: ما ابا شي بس بغيت اطمن عليج آمنة : انا بخير الحمدلله ( وتنهّدت ) .. وين انته الحين ؟ احمد: فالبيت آمنة: غريبة راد من وقت احمد: مب متفيج حق أي شي آمنة: تعشيت ؟ احمد :لا .... آمنة: ليش ؟ احمد: ما ابا آمنة: ما بتتعشى الحين ... ونص الليل بتنش يوعان ... محد بيسير لك المطبخ .. او بييب لك أي شي لين فوق احمد: ما ابا .. مب مشتهي آمنة: احمد لا تعاند اليوم ..... سر تعشى ... انا محد عسب تدلع عليه وتقولي ننزل تحت تييب لك شي تاكله احمد: ما بدلّع اليوم .. ولا بطلب من حد ... واذا يعت .. بقنع عمريه اني صايم آمنة: احلف ؟ احمد: امون آمنة:هلا احمد: آسف اليوم ما كان قصدي ... آمنة: عادي احمد: لا صدق ... انا يوم شفت شكلج وكيف استويتي .. توترت اعصابي وقلت اللي قلته .. كنت وايد زايغ آمنة: ادري ..... فـ عسب جيه اقولك عادي احمد: امون آمنة: هلا احمد: ملل آمنة: انزل تحت احمد: ما ابا ..... ناعموه و رملة يالسات ويا امايه وعيسى قبل شوي راد .. آمنة: زين .. يعني كلهم ما شاء الله هني .. سر ايلس وياهم وسولف واسمع سوالفهم ما بتمل احمد: افففف .. متى بتردين ؟ آمنة: وين ارد ؟ احمد: متى بيرخصونج ؟ آمنة: ما ادري احمد: يعني مطوله ؟ آمنة: هالسؤال .. عسب انك مشتاق حقي صدق .. والا لانك ملان وتبا تيلس ويا حد ؟ احمد: الاثنين آمنة: الله يسامحك احمد: هههههههههه امون عن العيارة .. تدرين ليش سألتج انزين .. وبعدين تعالي صدق .. تظهرين من المستشفى بالسلامة ع طول البيت .. ما شي بيت ابويه وبيت يدي من الحين اقولج آمنة: خل اظهر انا قبل احمد: لا ان شاء الله بتظهرين جريب آمنة: انزين ...... وبعدين ؟ احمد: ملاااااااان آمنة: شوه تباني اسوي .. انا روحي ملانه احمد: انزين قولي حق الدكتورة تظهرج ع مسؤوليتج آمنة: جيه ما قلت لها ؟ احمد: حلفي انتي بس قلتي لها ؟ آمنة: هيه والله احمد: ط هاااي .. وليش ان شاء الله ؟ شوه وراج ؟ آمنة: بسم الله .. احمد توك تقولي قولي لها احمد: اتمصخر ... لا لا .. تمي هناك .. صحتج اهم شي آمنة: والله انته ما عرفنا لك احمد: امون والله ان عرفت انج ظاهره ع مسؤوليتج يا ويلج آمنة: انزين انزين ما بظهر ..... بس انته يلس ملان روحك احمد: عادي .. ان شاء الله اتم طول عمريه ملان .. بس مب تظهرين وانتي تعبانه آمنة: ان شاء الله .. احمد: انزين عيل الحين بخليج ... ترقدين آمنة: جيه انته بترقد ؟ أحمد: شكلي جيه .. من الملل آمنة: خلاص عيل .. احمد: حطي مبايلج عند راسج ... آمنة :انته اللي حط مبايلك عند راسك ... احمد: انا حاطنه آمنة: انزين احمد: يالله تصبحين ع خير آمنة: وانته من اهله .... بند احمد عن آمنة ... وابتسم ... والله آمنة لو يلف الدنيا كلها ما حصّل شراتها ... طيبة وحبوبه .. تسوي اللي احمد يباه دون ما يقول لها .. لانها تحس هو شوه يبا .. ما فهمته غلط وعرفت ان مساعه خوفاً عليها صرّخ لا ارادي .. لو وحده ثانية جان سوّت حفلة ! .. تم يالس ملان ع قولته .. و ويجلّب يمين ويسار يبا يرقد ...... سمع صوت الباب ... احمد: تفضل ناعمه: اووووونه احمد رااااااااقد ! تعالي يا آمنة وشوفي ريلج ... الطفل البريء رملة: له له له .. ( وتشوف الساعة ) وااايد من وقت الصراحه أحمد: هههههه ... شوه بغيتن ؟ ناعمة: ليش ما نزلت تحت ؟ أحمد: ما لي خلق .. امايه رقدت ؟ رملة : له وين ترقد الحين ؟ احمد: وليش ما ترقد الحين ؟ رملة: جيه ديايه ! احمد: انزين بس سكتي ،، وعيسى وين ؟ ناعمه: يالس ويانا احمد: زين زين ناعمه( صدّت ورا ) : شكراً .. وهذو عشاك وصل رملة : بعد مدلعينه احمد: عشا ! ..... انا ما قلت حق حد اييب لي عشا ناعمه: انته مب متعشي احمد:وشدراكم ؟ رملة: بعد شدرانا ؟ احمد: منوه خبركم ؟ رملة: يعني منوه خبرنا ؟ ناعمه : ههههههه توها آمنة متصله فيني وقالت لي اييب لك العشا فوق رملة: والله قاصين علينا ... احمد ( ابتسم) : انا اقول .... محد بيفتكر ..... غيرها ناعمه: حرام عليك .. انزين انته ما قلت لنا ... والله اني اتحسبك متعشي احمد: ما عليه ناعمه: احمد ... والله حرام .. رملة: ط هاي .. لا لا صيحي صيحي احمد: ههههه بلاج يا بنت الحلال قلت لج ما عليه .......... عادي .. وانا قلت لها اصلا مب مشتهي .. لكن امون واعرفها تسوي اللي في راسها .. وانتي آنسة رملة .. ابا اعرف جيه يايه هني فوق رملة: آآآآآآه يايه اشوف اخويه يالس روحه حليله .. حرمته محد احمد: شكراً ... اونج عاد وايد تحاتين هالاخو انتي رملة: لازم لازم مب حرمته بتييب بنيه قمر شراتي احمد: ودج انتي بنتي تشبهج اونه ... تشبه امها لو ما تشبهها بفرها فالزبالة رملة: اويه حرااااااام ناعمه: رملة بس بس ... خلاااص سكتي .. يالله نزلي تحت يالله .. احمد أي اوامر ثانية ؟ احمد: شلي اختج ... و برع وصكي الباب وراج ناعمه: شوووووووه ؟ حشى فالويه ... هذا يزاي اييب لك العشا لين فوق رملة: قلت لج ما ينعطى ويه احمد: هههههه اسولف ناعمه: متى بيرخصونها ؟ احمد: ما ادري ... انتوا سرتوا لها ؟ ناعمه: تبا الصراحه لا .. انا اتصلت فيها الظهر ... وجريب المغرب .. امايه و باسمه بس سارن .. احمد: وانتي جيه ما سرتي ؟ ناعمه: كنت مشغولة رملة: انا انا ابا اسييييير احمد: انزييييين ان شاء الله ابلة رملة ... ناعمه: خلاص انا بنزل تحت .. تصبح ع خير يا اخي العزيز .. بتخلص العشا اتصل تحت بيي اشل الصينية احمد: ان شاء الله .......... *********** |
الجزء التّاسع مروان ........ تشافى .. وقام بالسلامة ... ورد مثل ما كان ... وعبدالعزيز كل مره يذكره (تذكر يوم كنت طايح ع الفراش ! ) عمران ..... امتحاناته قرّبت ... يعني لازم يشد الهمة ... آمنة .... ظهرت من المستشفى .. واحمد مستاااااااانس ... واخيراً شي من الملل اللي صابه خلال الايام اللي آمنة راقده فيها فالمستشفى بيروح ... عفرا .. بعدها تعاني ويا التوفل ! غاليه .. خلصت برنامج الردينس ... وهي الحين فالجنرال ..... ثاني ...... بعده مجابل النت .. و زايد متبهدل وياه .. يباه شوي يحس بالمسؤولية ... ويهيئة لليوم اللي يعتمد فيه ع نفسه .. سعيد....... منوه قده ! .. اليوم ملجته ..... = ) يا اليوم المنتظر بالنسبة لـ سعيد ... ملجته ع بدور .. كاشخين .. ولابسين .. و كل واحد يقول الزود عندي .. الـ 6 اخوان ... لكن هالمرة سعيد ظارب الرقم القياسي ... ومروان يقوله مب لـ شي ولا تصدق عمرك ... بس لانك معرس خليتك تكون احلى عني ... سعيد: يااااااا الله .. يالله يا رااشد اتأخرنا راشد ( وهو يحط العقال ع راسه ) :اصبر اصبر ... سعيد: اففففف انا بسير اشوف الباقين ... ظهر سعيد من الحجرة ... وسار صوب حجرة مروان وعمران ..... سعيد: عمران بعدك ؟ عمران ( وهو يعدّل سفرته ) : خلصت خلصت .. سعيد: بسرعه انزل تحت .. وظهر من حجرة اخوانه سار صوب حجرة عمر وعبدالعزيز .... سعيد: انتوا بعدكم ! عبدالعزيز: اصبر .... عمر بيعصمني سعيد: يا اللللللللله ! عمر: بلاك مستعيل ... شوي شوي ... سعيد: عمر تأخرنا عمر: ما تاخرنا ولا شي ... سعيد: اتصلت في عمي عبيد ؟ عمر: هيه اتصلت به .... وهم يايين فالطريج سعيد: وهزاع ؟ ورياييل خواته ؟ عمر: كلهم يايين ... سعيد: وينهم عيل ؟ وسمع صوت الهرنات ..... عمر: اكيد هم .. وصلوا ... انزل تحت عندهم وانا نازل وراك ... عبدالعزيز: يالله عمّوووور عمر: عبدالعزيز .. مستوي متفيج اليوم يعني ما تعرف تتعصم عبدالعزيز: كيفي ..... اباك انته تعصمني اليوم عمر: صدق انك حركات عبدالعزيز: بسرعه اول واحد دخل ... هزاع ... مروان .. فالاستقبال بـ كشخته .. وغترته وعقاله .. هزاع: مرحبااااااااااا مروان: اهلاً وسهلاً احمد: لا لا شوه هالجمال يا بو عمران مروان: منوه بو عمران ؟ احمد :انته .. مروان: مينون انا اسمي ولديه عمران .. عقب امريكا تلف الدنيا كلها تدور عليه هزاع: ههههههههههههه سخيف ... مروان: فريد تحت ؟ هزاع: شدراني .. مروان: ههههههههههه هزاع: جيه تظحك ؟ مروان: والله مساعه سعيد يترجاه ايي ملجته .. هزاع: اونه ؟ مروان: هيه والله .. يقوله تعال احضر .. ما طاع هزاع: والله زين .. حليله فريد مروان: والله لو كنت حاظر هزاع: اكيد قطعتوه انتوا بالتعليقات مروان: اونه راشد بنلبسه البشت هزاع: صدق انكم مروان: ههههههههه اتخيله ... هزاع: ابويه .. فريد يبين عليه مواطن .. بس انته لبسه غترة وعقال مروان: هيه الهرم .. يفصل كنادير ختم والله .. حق الاعياد .. والمناسبات .. نقع هزاع من الظحك . ومروان وياه .. ونفس الوقت .. دخل عمهم عبيد مروان .. فز من مكانه بسرعه ... وسار حب راس عمه ... مروان: شحالك عمي ؟ بو زايد: هلا .. مرحبا بك يا ولد سيف ... شحالك انته؟ مروان: الحمدلله .. طيب بو زايد: وينك ما تخطف صوبنا ابد ؟ مروان: مشاغل ثاني: مشاغل والا بس فالح تهيت انته وهزاع فالسناتر مروان: ط منوه يرمس .. اقول .. خلني ساكت يا بو النت ثاني: ههههههه الله ياخذ عدوك ... لازم يعني تفضح مروان: هههه وحده بـ وحده سعيد كان نازل من فوق .... سعيد: السلام عليكم ( وتجدم من عمه وحب راسه ) ... شحالك عمي بو زايد: الحمدلله .. هلا والله بـ معرسنا احمد: قصيت الشريط يا سعيد ... الحين بتخلي كل هالعزابية يعرسون ... مروان ير هزاع الصاله الثانية ... اونه لان الصالة الاولى ما فيها مكان ...... وثاني وياهم ... هالثلاثة لو تواجدوا في مكان واحد ... ينجلب المكان فوق تحت !! مروان: قول انته هزاع: شقول ؟ ثاني: شوه عندكم مروان: خبرتوا السفييييييير ريل عمتنا .. وولدها ؟ هزاع: ما ادري ثاني: ابويه جنّه اتصل فيه وقاله مروان: بييون ؟ ثاني: ما ادري .. بس ما اعتقد بعد مروان: احسن ... لاني مب متفيج .... هزاع: هيه والله مروان: انته تعال وين ابوك؟ هزاع: ابويه قال بيلتقي ويانا هناك .. بيتريانا مروان: جيه هو يدل البيت ؟ هزاع: اظن هيه ... يوم ساروا يخطبون ثر دلّه .. فالطرف الثاني ... طارق: انته وديتها بيت ابوها ؟ احمد: هيه .. انته وديت حرمتك هناك بعد ؟ طارق: سلامة من امس هناك ... بايته اصلا احمد: والله قاصه عليك هالسلامه طارق: ههههههه شوه نسوي صالح: انتوا الاثنين شوه سالفتكم ؟ احمد: ما ندخل شياب عندهم عيال كبار صالح : نعم ! طارق: هههه الله ياخذ عدوك احمد: ياخي يكسر خاطريه وولده صالح: ليش ان شاء الله ؟ احمد: ولدك ما شاء الله .. ماخذ طولة اللسان من خالاته و عيال خال خالاته صالح: يا سلام ع الجملة المركبة ! زايد سار فوق .. يشوف بلاهم اتأخروا الاخوان ؟ ظهر في ويهه راشد .. راشد: هلاااا بو سلطان زايد:اهلين .. وينكم انتوا ؟ راشد: كلكم تحت ؟ زايد: هيه بس باجي انته واخوانك راشد: احلف ؟ زايد: والله .. راشد: يالفظيحه عيل خل انزل بسرعه وسار عنه .. وهو اتجه الى حجرة من الحجر .... وقبل ما يدق الباب .. الباب روحه انفتح .. عمران: زااااااايد زايد: هيه زايد ... وينكم انتوا عمران: يالله خلصت .... وظهروا عمر وعبدالعزيز من حجرتهم نفس الوقت زايد: ما بغيتوا ؟ عمر: آسفين والله .. عبدالعزيز أخرني عبدالعزيز: هيه الحييييين حطوا عليه انا حليلي زايد: وايد تاخرتوا .. كلهم تحت .. الله يهديكم عبدالعزيز: الله يهدي الجميع يالله يالله نسير .. ظحكوا عمر ... وزايد ... وعمران ع طريقة رد عبدالعزيز .. ونزلوا وراه ..... في الطرف الثاني ...... الحريم ... والبنات ... في بيت ام هزاع ...... اصلاً .. ما في غير بناتها و حرمت اخوها وبنتها ... اهم عناصر العايلة في هالليلة .... ام هزاع: لا ... اليوم بيملجون فالبيت ... وبتكون ملجة رياييل بس ... ام زايد: هيه ما شاء الله ... بالبركة .. الله يوفقهم .. خبرتوا جواهر ؟ ام هزاع: جواهر مسافرة يقولون .. ما ادري بها والله ردت ما ردت .. حصه: وين سارت ؟ ام هزاع: ما ادري والله .. نسيت شمسه: اكيد هي وريلها وعيالها ام هزاع: لا اتصلت البيت ... هند شلت عفرا: اوووونه .. هاي من متى ما شايفينها غاليه: هيه والله .. من زماااااااااااااااااان عفرا: ترا يقولج عيال السفير يوم يرفعون خشومهم غير بعد ام هزاع: بس انتي بس .. اسكتي انطبي ... هند مب جذه ام زايد: لا والله انا اشهد هالبنيه ... والله مظلومة هناك ام هزاع: هيه والله وانا ارمسها قلبي تقطع عليها .. عفرا: ابوها سفير وموفر لها كل شي .. حتىناسيه ان عندها اهل ... بعد حليلها ! غاليه: عفاري بلاااااااج بسم الله آمنة: اقول اقول ... متى العرس ؟ ام هزاع: صلي ع النبي .. اذكري ربج يا بنيه ... قولي بسم الله عفرا: بل ... ليش هذا كله عسب هالسؤال ؟ ام هزاع: سايرين يملجون الحين .... تقولين متى العرس ؟ حصه: يعني مثلاً اليوم بتغير رايها وبتقول لا ؟ عفرا: هيييييه ودها هي آمنة: هاااا .. عفاري قمنا ندافع عفرا: لا ادافع ولا شي .. بس اقول الصدق ... ام هزاع: بس سكتي انتي وياها ... ما تقدرن تقبضن ألسنتكن دقيقة وحده .. كونن شرات غاليه سلامه: يا عيني يا عيني يمدحون غاليه غاليه: هههههه عسب تعرفوني فديتني عفرا: ابا اشوفها شمسه: منوه ؟ عفرا: هاي حرمت ولد خالكن سلامه: هاي ..... عندها اسم عفرا: شدراني باسمها آمنة: صدق تعالوا شوه اسمها ؟ ام زايد: ههههههه حاطات ع البنيه من الصبح وما تدرن شوه اسمها ؟ عفرا: من الحمااس عموه نسينا اسمها غاليه: لا صدق صدق شوه اسمها ؟ شمسه: اسمها بدور .... عفرا: بدر البدور .. ام هزاع : ما تعرفين تسكتين يا بنيه ؟ لازم يعني تعلقين ؟ عفرا: يا ربيييييي .. ما قلت شي ... شاكه والله انج تحبين عيال اخوج اكثر عنا ... ويمكن تحبين حريمهم بعد اكثر عنا ام هزاع: ما يخصج في عيال اخويه تسمعين حصه: هههههههههه حشا .. عفاري بس خلاص سكتي شمسه: والله حاله ام زايد: بلاج يا عذيجه ما قالت شي ام هزاع: بلى .. ادري بها هاي الحسوده عفرا: خيييييييبه .. حسوده مره وحده ... والله بتشوفين جان ما طلعت اكشخ عن حرمت ولد اخوج .... ام هزاع: الحمدلله خلاص سار الولد عرس ما بيشوف صوبج الحين .. عنده حرمته عفرا ( سوت عمرها ترجّع ) : وع وع وع ... ومنوه قال اني ميته عليهم غاليه: هههههه بس بس والله ما اقدر .. بطني يعورني آمنة: عفاري بس خلاص سكتيييي ههههه سلامة: الله يعين والله .. زين ما بتسكن ويانا فالبيت والا جان امايه وعفاري كل يوم دفان ام زايد: هههه سكتي يا بنيه لا تعورين قلب امج عفرا: والله هي روحها مغتره بـ عيال اخوها وااااااااااايد ام هزاع: والله يا عفروووووووه ان ما سكتّي بييج شي ما يسرّج عفرا: خلاص خلاص .. سكتنا فالطرف الثاني ...... فهد: وقعي هني بدور: وين ؟ فهد: شلّي هالغشوة شويه ووقعي هني بدور: ان شاء الله ... وقّعت بدور ..... ونزل فهد اخوها تحت ... ووياه المطوّع ... وسارت هي عاد حجرتها ...... وديمة: عاشو عاشو .. مبروووووووك حبيبتيه .. بدور: الله يبارج في حياتج عقبالج وديمه: هههههه خليني بعدني صغيرة فدييييتني والله بدور: وين امايه؟ وديمة: اكيد تحت .. الاخبار كلها تحت ... بدور: مت من الزيااااغ وديمة: اكيد بتموتين من الزياغ دام وراج اخو شرات فهّود ... واخيراً يا بدووور بتفتكين منه بدور: حشى .. بلاج ؟ اللي يقول عدوج مب اخوج ! وديمة: هو طيب ... بس ساعات يخوّف الصراحه ... بدور: ما يخوف ولا شي ... بس انتي ما تعرفين كيف تتعاملين وياه وديمة: جيه راع الدكان ههههههه بس بس الله يخليج .. ملجتي وتخبلتي بدور: الحمدلله والشكر ...... في الميلس ... الكل قام ويبارك حق سعيد .... وكلهم مستانسين .... عسب فرحة سعيد ... وخصوصاً عمر ... يحس عمره ابو وفرحان بـ زواج ولده .... ظهروا برّع .. البوفيه ... و عاد الشلة انقسمت .. سعيد يلس ويا فهد ع طاولة وحده ... اما الباقين .. فترتبوا كالترتيب التالي ....... عمر وعبدالعزيز وعمران وثاني وزايد واحمد ع طاولة وحده ..... مروان و هزاع وراشد وطارق وسالم ع طاولة وحده ...... عمهم عبيد ( بو زايد ) و بو هزاع وصالح ع طاولة وحده .... لا احمد سلم من تعليقات عبدالعزيز ... وولا ثاني سلم من لسان احمد ! .... عبدالعزيز: هذا هذا هذا ... ثاني: منوه انا ؟ عبدالعزيز : هيه انته ثاني: هههههه انته بلاك حاط عليه من الصبح ؟ عبدالعزيز: انا من زمان ما شايفنك ثاني: وجيه ما تيي بيتنا احمد: مشغوووول مشغووووول ثاني: هههه الله ياخذ العدو عمران: آآآآه انا انسان احتاج لـ طاقة احمد: ثانوية عامة صح ؟ عمران: هيه احمد: الله يعينك زايد: شد حيلك ... ثاني: بيّض الويه شراتي ..... زايد: احم احم .... ثاني: والله بيضت ويوهكم فالثانوية بعد شوه زايد: انزين انا ما قلت شي عمر: ههههه متعقد ثاني من كثر ما يحطون عليه ثاني: هيه والله عبدالعزيز: هو بس لو يودّر هالمطاوعة وييلس يذاكر والله بينجح عمران: اخ عبدالعزيز محد طلب رايك ثاني: ههههه والله انه يرمس شرات يدي احمد: هههههه شيبه هذا عمر: عبدالعزيز بس اسكت وكل عبدالعزيز: ياخي عمّور خلنا نستانس ملجة اخونا احمد: هههه خله يستانس وفي مكان جريب بعد ... عاد هناك صدق تحطييييييم .. مروان وهزاع في مكان واحد ! وسالم وياهم ... يا سلام شي ولا كل الاشياء ..... مروان: انته بس لو كنت ظاهر ع امك سالم: منوه انا ؟ مروان: هيه والله سالم: ليش ؟ بلاه ابويه مروان: حد ياب طاري ابوك ! سالم: انته قلت ..... مروان: قلت لو كنت ظاهر ع امك .... ما يبت طاري ابوك سالم: لو كنت ظاهر ع امك ...... يعني انا الحين ظاهر ع ابوي راشد ( ناقع من الظحك ) : ههههههه بس بس ما اقدر اظحك هههههه هزاع: هههههه ما بتروم عليه اسكت عنه راشد: والله لو ايي بيتنا هذا يومياً شيييي مروان: لا شكراً ما نباه ايي بيتنا سالم: انا ما بيي اصلا راشد: هههههههههه هو و عبدالعزيز بيجلبون البيت فوق تحت ... هزاع: ملعب يسوون البيت مروان: طارق طارق: هلا مروان: كل كل .. عليك بالعافية .... لا تنسى تدعي لنا راشد: ههههههه جيه صايم ويالس يفطر طارق: ههههههه اسأل اخوك مروان: شحال سلامه المبزايه ؟ طارق: هاااااااا ... لا تييب طاريها ثرها مرتاحه هالكم يوم انته كنت تعبان مروان: احلف ! ..... بيشوفن .. ما صدقن طحت مريض .. باجر ياي اتغدا صوبكم هزاع: افاااا عليك والله حياك راشد: بس هاللي فالح فيه ....... عفرا وغاليه ... سارن فوق ...... في حجرة عفرا .. هروباً من مناقشات ام هزاع ... عسب عيال اخوها ! غاليه: ههههه حرام عليج انتي اللي تبدأين انزين عفرا :اف اف اف .. ذبحتنا والله بـ عيال اخوها غاليه: اوه عيال اخوها .. كيفها ... تحبهم عفرا: تحبهم ما قلنا شي عاد مب جييييه غاليه: بدت الغيرة عفرا: و من شوه اغاار الله يخلي ابويه والله فديت روحه والله يخلي خالي يوسف غاليه: صدق تعاليييي .. زايد هاك اليوم قالي ان عمي يوسف يسأل عنا عفرا: من زمان ما سايرين صوبه غاليه :شرايج نسير له باجر .. يوم الجمعة عفرا: عادي عندي غاليه: خلاص عيل بنسير حق العشا عفرا: تعالي بيتنا حق الغدا عيل غاليه: انزين بقول حق امايه عفرا: بيكون فاضي ! غاليه: حتى لو كان مشغول ..... بيفضّي عمره عشانا عفرا: الله ع الواثقه غاليه: لازم ... من حقي عفرا: خلاص عيل بقول حق امايه غاليه: عموه ما بتقول شي عفرا: اونه من باب الاستئذان عسب ما تذلني بعيال اخوها اونه يوم يظهرون مكان يستأذنون غاليه: فذمتج ؟ عفرا: ههههه لا لا اطنز بس ... غاليه: ههههه سخييييييفه عفرا: سبحان الله .. كلهم بعد اولاد ... غاليه: احسن لهم . تخيلي لو كان عندهم اخت عفرا: بتضيع بينهم ! شكلها غلط بيت كله شباب وبنيه وحده بس غاليه: شوه قصدج يعني ؟ هذي انا فديتني بنيه عفرا: بنيه وحده بس بين ولدين ... مب بنيه وحده وبين ست شباب ... وعندج اخو شرات عزوز والثاني مروان غاليه: هههه حليله عبدالعزيز بالباجر ....... الصبح .. جواهر يالسه فالصاله .. وترتب ظفورها .. نزلت هند من فوق .. هند: صباااااح الخير ام بدر: صباح النور ... هند: وين ابويه وبدر ؟ ام بدر: ابوج توه من شويه ظاهر ساير المسيد ... وبدر سبقه هند: زين بعد ما رقد عن صلاة اليمعه اليوم ام بدر: لااااا انا وعيته هند: زين زين والله في تطور ام بدر: هنووده هند: خلاص خلاص بنسكت ما فينا تحشرين الدنيا علينا عسب حبيب القلب .. ام بدر: زين يوم تعرفين وسارت هند تقربت من امها .. وحطت راسها ع ريلها .. ام بدر: شوه فيج ؟ هند: ما فيني شي .. بس اشتقت لج .. سرتي عني يومين ام بدر: خيييييبة من هاك اليوم لليوم ذليتيني ع هاليومين هند: لو كنت يايه وياكم جان احسن ام بدر: ليش؟ شوه استوى ؟ هند: ها ؟ لا ما استوى شي ... شوه بيستوي يعني ؟ ام بدر: ما ادري .. بدر سوى بج شي ؟ هند: بدر ؟ له شوه يعني بيسوي .. اصلا هو يقدر يسوي شي ... ام بدر: ولو اني مب مصدقتنج .. وشاكه ان رمستج صدق لكن بنمشيها لج فزت مره وحده من مكانها وصرخت هند: امااااااااايه يوم انتي مسافرة خالوه عذيجة اتصلت ... ام بدر: ويييييه عذيجة ما درت اني بسافر هالمرة .. ويه ويه ويه بتاكلني الحين هند: هيه والله اتصلت هني ورمستها والله كان كششششخه ... الله يخليج امايه نسير صوبهم ام بدر: بتصل بها بشوف ... هند: هيه يالله اتصلي .. بنسير لهم .. والله ام بدر: انزين انزين .. بلاج متخبلة هند: تدرين ما شايفتنها من 3 شهور .. ام بدر: حاسبه بعد هند: والله تدرين مب انا اللي حاسبه .. هي اللي قالت لي ام بدر: منوه عذيجة ؟ ههههههه هند: هههه هيه .. حليلها متولهه عليه فديت روحها والله خالوه ... ام بدر: قومي بسير اتصل بها .. بتهزبني الحين ... طبعاً يوم الجمعة الغذا يكون في بيت بو هزاع .. يعني كل الخوات يلتمّن .... بدون أي عزيمة ولا شي .. مروان قايل بيي .. فـ عبدالعزيز بعد رز بـ فيسه .... وعمر صرّح له .. لان هو يبا يظهر روحه ... وما فيه ع حشرة عبدالعزيز .. زين يت منه روحه وسار بيت عمتهم ... سعيد لاهي بـ حرمته عقب ما ملج .... محد فالبيت غير راشد وعمران ....... راشد الفاضي ..... وعمران اللي يذاكر .... لان ما باجي شي ع الامتحانات اذا في افراد زيادة فـ ينقسمون .... الرياييل فالميلس .. والحريم فالصاله .... عسب كلا الطرفين ياخذون راحتهم .... واذا عبدالعزيز موجود ... مكانه محفوظ ... ييلس حذال بو هزاع ..... عبدالعزيز: بسير اغسل ايدي ..... نش عبدالعزيز سار يغسل ايده ... احمد: سالم سر يلس حذال عمي بسرعه سالم: هيييه .. تباه يعصب احمد: هههه يلس يلس بنخسس فيه مروان: يلس عسب تحصل رمسة حلوة منه ههههه عاد سالم عناد سار يلس ...... ويبا يخسس في عبدالعزيز .... ظهر عبدالعزيز عبدالعزيز: اللي يالس مكاني يقوم بسرعه سالم ( يطالع صوب طارق) : سمعته ؟ طارق: ههههه لا اتم تستهبل هالكثر صالح: الله ياخذ ابليسك يا احمد تسوي مشاكل انته ههههههه احمد: يلس المكان هذا كله فاضي عبدالعزيز: اللي يالس مكاني يقووووووووم سالم: يدي اطالعه بو هزاع: انته تدري ان هذا مكانه سالم: انا الحين يلست مروان: يلس أي مكان الحين عبدالعزيز: ما ابا ... بيلس مكاني ... مروان: حركاااااااات طارق: سالم نش خل الولد ييلس مكانه سالم: ما ابا صالح: سالم بسرعه قم من مكان الولد عبدالعزيز: قم قم صدقت عمرك انته بعد سالم ( وهو ينش ): انا بنش بس عسب خاطر عمي احمد احمد: هههههه هذا والله اكبر خرّيط عرفته البشرية طارق: هههه اسكت ... عن نبتلي بواحد شراته صالح: ودكم انتوا واحد شرا ولدييييه بو هزاع: هذا اللي يبا ينتحر يقول ابا واحد شرات سالم سالم: بسم الله الرحمن الرحيم .. عبدالعزيز: نفتتح ؟ هزاع: لوعة جبد ! احمد: ما تعودت انته هههههههه سالم: جراد مشوي ... مع شوية كريمة من مصارين الصراصير .. عبدالعزيز: مع شوية فيران محشية بكريمة الديدااااااااان الكل ظحك من الخاطر ع سالم وعبدالعزيز .... بس عادي .... متعودين .... من كثر شطانته وطولة لسانه ... اقصد هم هالاثنين ... صوب الحريم ... مثل كل مره عفرا حاشرة الدنيا .... محد ينش يرتب السفره غيرها وع قولتها خواتها كل وحده وجرشتها تيي وتيلس جنها اميرة ..... عفرا: انزين والله ما بتربون ...... بتشوفن سلامة: يعني شوه بتسوين هالكثر تهددين ؟ آمنة: هههههه خيبة عفاري .... عن تدعين ع عيالنا ... عفرا: والله ما تنفعن .... انتن جذه في بيت رياييلكن ؟ شمسة: بسم الله عليه .. عندي شقة روحي .... منوه بيشتغل غيري حصه: انا بعد الحمدلله غاليه: ههههه خلاص عفرا هدّي اللعب عفرا: ادري امون ممكن تشتغل بعد في قسمها اللي في بيت ابو ريلها اما سلامه ما ادري عنها والله جنها تخلي اما الخدامه والا طارق ينظف لها سلامة: مالت عليج يا ويهج ودخلت ام هزاع ..... ووراها هزاع هزاع: هود هود .. عفرا: هود هود حق منوه تسوي انته بعد آمنة ( وتشوف صوب غاليه ): وهاي شوه يالسه جدامج عفرا: اوه نسيتها هزاع: خلاص بعد ما في شي ؟ حصه: بعد شوه تبون ؟ شمسه: لا خلاص سر تغدّا ام هزاع: شوف جان انتوا تبون شي ... هزاع: لا خلاص ما نبا .... مع السلامه عفرا: غاليه لا تاكلين وايد سلامة: هههههه صدق ما تستحين غاليه: هههه ما عليه برويج ام هزاع: يالله بالستر ... انتي يا بنيه فضيحه .. كلي فديتج كلي عفرا: لا والله هي بروحها تعرف ليش ......... شمسه: بس سكتي عفاري خلي البنيه تاكل آمنة: وين بتسيرين ؟ عفرا: ما شاء الله والله محد فاهمني غير امون آمنة: ادري عن حركاتج عسب جذه عفرا: بنسير مكان حلوووووووو ام هزاع: وين بتسيرين بعد ؟ غاليه: ما قلتي لها ؟ عفرا: نسيت حصه: تخطط وعقب تيي تستأذن عفرا: بنسير عند خالي يوسف سلامة: ليش ان شاء الله ؟ غاليه: بنمر نسلم عليه شمسه: اونهن عاااااد أم هزاع: انزين كلن الحين .... انتن بتسيرين عقب .... ليش ما تسيرن منهضم كل شي ... في بيت الشباب ... ما في حد .. غير راشد وعمران .. وفريد .... فريد ياب الغدا وحطه .... ما في حد .... راشد بيموت من الملل .... وما يهون عليه يطلع من البيت لان عمران بيتم روحه .... صعد فوق ..... راشد: يالله عمران تعال تغدا عمران: انزين راشد: يالله انزل الحين وعقب رد كمل المذاكره عمران: آآآآآآآه نزل عمران ويا راشد .... شاف ان محد هني .... عمران: وينهم ؟ راشد: كلهم طالعين عمران: وين ساروا ؟ انا اللي ادري عنه مروان ساير بيت عموه بس راشد: وعبدالعزيز وياه ..... سعيد ظاهر ويا حرمته اعتقد ..... و عمر ما ادري والله وين ! عمران: يعني انته اللي تميت جان سرت بعد راشد: وين اسير ؟ عمران :أي مكان راشد : وانته ان شاء الله ليش تباني اظهر ؟ عمران: لا .. بس يعني عسب تكمل السلسلة راشد: هههههه شوه سلسلته .. اثر المذاكرة عمران: هيه والله راشد: شوه اول يوم ؟ عمران: في شي غير التاريخ راشد: لا زين عيل .. تزيد من ثقافتك الحربية هههه عمران: والله اول الايام كنت احضّر احس سهل الحين يوم اراجع اما ع آخر الايام مول راشد: ذاكر التقاويم بتنجح عمران: هيه قص عليه راشد: والله .. عيل متفيج تذاكر هذا كله ....... ذاكر التقاويم ... وخل نماذج عمران: ولو ما نجحت راشد: من كم التاريخ ؟ 100 .... بتييب اقل شي 60 بعد شوه تبا ؟ تستوي لنا نابليون بونبرت وتييب 100 اونك عمران :هههههههه ويا هالنابليون ...... الله ياخذه راشد: خذه من زمااااااان ههههههه عمران: فكه منه ... عقب ما تغدا ..... حس انه تعبان ...... كل هالمره من الخاطر صدق ..... عمر .. خلص وصعد فوق حجرته اللي اعتاد عليها ..... بين اغراضه وألعابه وكل شي يذكره بطفولته .. دخل الحجرة وعق عمره ع الشبرية ...... رجعت ذاكرته لـ ورا شويه .... هالبيت له ذكريات حلوة ...... وذكريات مرّة ..... يوم ان كان البيت العود اللي نجتمع فيه كل جمعة .... الكل كان ايي هني .. رياييل وشباب و حريم وبنات ... كلنا كنّا نيي هني ابويه يوم العصر بيرقد ايي ي رقد في هالحجرة ... امايه يوم نيي هني وابويه يظهر ولين فالليل وهي تكون تعبانه ... تيي هني في هالحجرة .. تريّح عمرها .. شاف صوب الالعاب .... وابتسم ..... هاي الالعاب دايماً كانوا يظاربون ويايه ليش ان نا عندي العاب اكثر عن الكل .... هههههه .... وساعات المناقشة تكون على موضوع ليش انا بالذات والوحيد اللي عندي حجرة في هالبيت العود ..... ايام حلوة ... يت عقبها ايام مرّة ... خلتني اكره هالبيت ...... يوسف: وانا شوه تببني اسوي ؟ بو عمر: يوسف خلاص جسّم الحلال ... يوسف: لا والله ؟! بو عمر: اقولك انا محتاي البيزات .. محتايهن يوسف: كم تبا بعطيك بو عمر: ابا نصيبي كله يوسف: نصيبك كله ؟ جيه شوه بتسوي به ؟ بو عمر: يا اخي انا بسوي اللي بسويه ... يوسف: سيف .. شوه عندك ؟ في أي ورطة عقيت عمرك ؟ بو عمر: ما شي ... بس انا ابا البيزات يوسف: قولي انزين ليش ؟ بو عمر: انا رهنت بيتي للبنك ... و خذت البيزات و فشلت في كل شي .. خلاص ارتحت يوسف ( انصدم ): سيف انته رهنت بيتك للبنك ؟ ليش ؟ بو عمر: ما ادري يوسف: بيتك .. ترهنه ؟ كيف ؟ متى ؟ وليش ؟ ونحن وين ما ندري ! بو عمر: خلاص استوى اللي استوى يوسف: والحين تبا عسب ترد للبنك بو عمر: اكيد .... بيتي .. عيالي .. حرمتيه .. .بيتشتّتون يا يوسف بدون البيت يوسف: خل البنك ياخذ عنك البيت ..... تعال اسكن عندي بو عمر: شووووووه ؟ ايي اسكن عندك ؟ ليش؟ يوسف: تيي تسكن عندي ... وترد من اول ويديد من الصفر ... وتبني بيت يديد بـ اللي بتيمعه بو عمر: يوووسف ..... تباني اعطي بيتي للبنك خلاص ؟ ما يستوي ... يوسف: عندك حل ثاني ؟ بو عمر: نصيبي ... نصيبي من ورث ابويه يكفيني .... بيسدد الدين اللي عليه .. و اقدر ادخل في شي ثاني بعد لو ابا .. يوسف: جيه انته كم تتحسب نصيبك ؟ بو عمر: شوه كم اتحسب ؟ يوسف ........... هالخير كله ... وتقولي كم بيطلع لي من الورث ؟ يوسف: هالخير كله انا سويته .... بو عمر: سويته ببيزاتنا يوسف: ما تحسب انته وعذيجة وسيف وخولة ... كم مخسّر ع كل واحد يوم عرّس ؟ كم وكم خسّرت يوم بنيتوا بيوتكم ؟ كم سويت لكم ولعيالكم بو عمر: الحين بتيلس تمن علينا انك سويت وسويت يوسف: انته تقول بو عمر: انا اقولك ابا انصيبي يوسف: آسف .... ما لك عندي شي بو عمر: يوسف ! يوسف: تصرّف ريال معرس وعندك عيال تصرف مثل ما دخلت عمرك في هالورطة اطلع منها ... بو عمر: يوسف بيتي بينهدم يوسف: قلت لك هالبيت العود تحت امرك وامر عيالك بو عمر: حرمتيه ما بتوافق نيي هني .... يوسف: وليش ان شاء الله ؟ بو عمر: حرمتيه ادري بها .... ما بترضى تيي تعيش في بيت ثاني ... تبا بيت روحها يوسف: لحظة لحظة .... ليكون هي قالت لك تيي وتطلب نصيبك مني بو عمر: انا شاورتها وهي قالت لي اوكيه ... يوسف: اهااااا ... قول جذه .......... عيل اسمع ... نصيب ما شي ... تبا انته وحرمتك تييون تسكنون هني حياكم ..... ما تبون ... كيفكم تصرّفوا بو عمر: آخر كلام عندك ؟ يوسف: آخر كلام بو عمر: يزاك الله خير ..... وايي منك اكثر ... بس اسمعني .. انا مب داخل هالبيت مره ثانية .. لا انا ولا حرمتيه ... ولا حتى عيالي ... نش بو عمر بيظهر .... فتح الباب .. شاف عمر ولده في ويهه ..... بو عمر ( بعصبية ) : يالله عمر نسير ... هالموقف الاول الي حصل بيت عمه وبين ابوه ..... ولا يمكن ينساه ..... هالموقف بين هالشخصين غيّر مجرى حياتهم بكبره ..... وللأسف كان التغيير للأسوء في بيت بو احمد ... ام احمد يالسه فالصاله .. ورملة وياها تحل واجباتها ... رملة: انزين قولي حق ناعمه توديني ... بسوي الوسيلة ام احمد: ناعمه ويا شوه بتوديج ؟ رملة: اوهوو امايه ام احمد: ويا شوه بتوديج انزين رملة: هي والسايق ام احمد: انزين هي اكيد الحين مشغولة وما بتوديج اتريي حد من اخوانج رملة: بسير روحي ويا السايق والخدامة ام احمد: والله لو جربتيها يا رملة ... ما تلومين الا نفسج رملة: اماااااايه ام احمد: ما شي امايه وخرابيط .. انا قلت لج وانتي سمعتيني رملة: الحين يعني لين ايي المغرب وعقب العشا ... وما ادري شوه .. وعقب ما الحق اسوي الوسيلة ام احمد: ليش ما قلتي من قبل رملة: نسيييييييت نفس الوقت دخل عيسى ... عيسى: حشى هالبيت ما فيه صوت غير صوت رملة الحشرة رملة: هذو عيسى يالله قولي له .. ام احمد: قلت لج عقب رملة: انزين قولي له ... عن عقب يسييييير عيسى: شوه تبيييين ؟ بس بدون صريخ رملة: ابا اسير المكتبة اسوي لي وسيلة .. عيسى: وقته الحين ؟ رملة : شفتي شوه قلت لج ؟ ام احمد: الله يخليك يا عيسى .. ودها .. فكني من حشرتها عيسى: انزين بعده مب فاتحين ... اتريي شويه .. الساعه توها 4 ونص الساعه 5 يفتحون اليوم اليمعه رملة: لا حوووووووول عيسى: قلت لج ما بظهر من البيت الا الساعه 5 تبين اوكيه ما تبين .. كيفج عاد ... العصر ..... الميلس في بيت بو هزاع .... ملجئ مب ميلس صالح طايح من صوب ...... طارق من صوب ... واحمد من صوب ... هزاع ومروان يالسين ع صوب ويرمسون بصوت واطي ... عبدالعزيز وسالم يلعبون بلاي ستيشن لكن موطّين ع الصوت كامل ... ولا يرمسون .. رن مبايل احمد مره ... ومرتين .... لكن لا حياة لمن تنادي .... المرة الثالثه ... شل الغترة من ع ويهه ... وكانت رنة مسج ... فتح المسج عبدالعزيز: ط شكله انتوا ههههههههههه هزاع: غرقانين فالرقاد .. مروان: ما يرقدون في بيوتهم ما يحصلون رقاد ههههه سالم: عبدالعزيز يالله العب احمد ما عبّرهم لانه صدق فيه رقاد ... نش من مكانه لف الغترة تقولون سمّاج وظهر برع .. اللي برع ناقعين من الظحك ........ طبعاً غاليه وياهن بس ما ترمس ...... ولا تبدي رايها شرات باقي بنات عمتها ..... آمنة: حشى مب رقاد ... ولا واحد فيكم يرد أحمد ( يثاوب ): شوه تبين ؟ فيج شي ؟ آمنة: لا ما فيني شي احمد: صدق والله آمنة: والله ما فيني شي ... بس بغينا نطّمن عنبوه والله ولا واحد يرد احمد: جان زقرتوا واحد من هالعزابية آمنة: منوه مروان وهزاع ؟ احمد: هيه آمنة: ما يردون .... احمد: وهالصغاريه آمنة: ما يعبرون احمد: وعمتيه وين ؟ آمنة: امايه روحها سارت ترقد عفرا: احمممممد الله يخليك بصورك آمنة: عفاري تأدبي ... ياويلج لو صورتي عفرا: الله يخليج .... بزيّغ ولدج بـ شكل ابوه يوم بيبصر ع الدنيا أحمد ( ابتسم ): ييبي بصوّر لج طارق شكله يزيّغ زيادة وهو دب بعد سلامه: لو سمحتوا ما يخصكم في ريلي ..... احمد: ههههه عيل كيف رضيتي يصوروني ؟ سلامة: والله ما يخصني .. حرمتك خل تدافع عنك شمسه: احمد .. صالح راقد بعد ؟ احمد: هيه شمسه: وسالم ؟ احمد: ما ادري والله ... يلعبون بلاي ستيشن ما ادري شوه يسوون عفرا: سر سر كمّل رقادك ... وعّت الريال من الرقاد ظهروا نفس الوقت مروان ووياه هزاع من داخل .... مروان: انا سمعت صوت وعععععع يلوّع بالجبد آمنة: شحالك مروان مروان: هلااااااااا بنت عمتيه .... الحمدلله بخير .. انتي شحالج ؟ آمنة: ههههه الحمدلله هزاع: عفاري وين بتسيرين عقب ؟ عفرا: مكان مروان ( يقلدها ): مكان .... ندري ان مكان .... بس وين ؟ عفرا: انا استأذنت من اميه وابويه مروان: يالله بسرعه قولي لا تتفلسفين .......... احمد: شوه تبا بها انته الحين ؟ مروان: ابا اعرف وين بتسير ؟ عفرا: ياخي ما يخصك سلامة: مروان شحالك ؟ مروان: اووووووووه المبزاية هنيييييي .... شحاالج شخبارج ؟ ما وصل ولدج الخقاق حصه: هههه بل قوية مروان: مس حصة .. how are you حصة: Fine مروان: فاين والا مسافي هههاهاهاهااااااي هزاع: يا سخيف ما يخصه هههههه مروان: ههههههه يخصه هذا كلينكس وهذاك محارم ورقية آمنة: ههههههههه أحمد: ههههه صدق فاضين ... حصه: هههه جنه ما بتعرس وبتييب عيال اصبر جان ما درست عيالك و بهدلتهم مروان: انتي بعد ضامنه انه ما يقاعدونج لين ما انا اعرس واييب عيال حصه: ههههههه الله ياخذ العدو ... قول ما شاء الله مروان: ما شاء الله على شووووه .. بسكن قومن ... تنحنحن من ع الكرسي ..... خلن اخريجات اليداد يمسكون اماكنكن حصه: ويييييه بسم الله عليه توني يدييييييده مروان: انتي تعالي صدق .. ريلج ليش ما ياي ؟ حصه: عنده شغل .... مروان: هاااااااا .. عنده شغل والا ؟ حصه: والا اونه ..... ههههه هالحركات انته وربيعك تسوونها مب رياييلنا احمد: هيه والله قولي لهم هزاع: شفت كله منك حطوا علينا مروان: ايييييه وانته اونك عاد مهتم .... وديمة ... كانت يالسه فالصالة روحها وتجلّب في هالقنوات .... لا شغلة ولا مشغلة .... دخل فهد ... واول ما دخل هي نشّت اونها بتسير فوق .... فهد: تعالي وين رايحه ؟ وديمة: بسير حجرتيه فهد: وين بدور ؟ وديمة: فالميلس ويا سعيد فهد: وانتي ما عندج شي تسوينه ؟ وديمة: كنت سايرة اذاكر فهد: تو الناس سكتت وديمة ... فهد: امتحان شوه عندج باجر ؟ وديمة: دين .. فهد: وبتخلصين ؟ وديمة: هيه فهد: زين ... سيري ذاكري .. بدون ما تعلّق وديمة صعدت فوق ... افففففف هالفهد شكثر يخوفني ... مع ان رمسته عادية بس تخوف ... تحسين في نبرة صوته الشك عفانا الله .. ما تدرين شوه يبا ؟ بس بدور تعرف كيف تتصرف وياه .. انا النحسة ما اعرف .. يا ريت لو اتعلم منها ... والله انه لا ارادي تييني الرجفة يوم اشوفه ... ويرمسني ... الله يعيني عقب ما تسير بدور .. ونفس الوقت وصلت بدور .. اللي كانت مارة فوق وشافت وديمة .. بدور: اوه اوه .. يالسه فالصاله اللي فوق اليوم .. غريبة احيدني ودرتج تحت مثل كل مره يالسه تجلبين فالقنوات ... وديمة: ودرتيني .. يعني خلاص يلست وخلصت بدور: وجيه ماده البوز شبرين ؟ وديمة: اخوج يا وخرب عليه بدور: ههههههههههه والله انج سخيفه ادري ان ما يخصه ولا قالج شي ... وروحج من الزياغ صعدتي فوق وديمة: لا والله قالي سيري ذاكري بدور: خلصتي ؟ وديمة: باجي لي وحدتين بدور: وحدتين ويالسه ! وديمة: اوووووه والله تعبت ومليت .. حسوا فيني بدور: انزين سيري ذاكري ما يمدي لج الوقت ! وديمة: بلى ...... بيمديني ... بدور: والله كيفج ... روحج اسهري عقب وذاكري ... والصبح صيحي وقولي ما مخلصه وديمة: لا لا .. الدين سهل ... بدور: كيفج والله انا قلت لج وديمة: سعيد سار ؟ بدور: هيه وديمة: ما بغا بدور: وانتي ليش؟ شوه يخصج فيه ؟ وديمة: يلس وايد هالمره ...... وانتي ما قصرتي يلستي بعد ... ملل كان بدور: عندج مذاكرة .. جان ضيعتي وقتج فيها وديمة: آآآآآه متى بخلص وبفتك وبعرس بدور: تبين نيوزج اخو سعيد وديمة: قومي قومي .. سيرييييي بدور: هههههههه بلاج ؟ وديمة: ما فيني شي ... شكراً على اقتراحاتج آنسة بدور ... اقصد سيدة بدور الحين معرسه انتي بدور: مالت علييييج قومي قومي سيري ذاكري انا اقول ابرك لج وديمة: انا بعد اقول اسير اذاكر احسن بوايد ************* |
الجزء العاشر عفرا ...... دخلت مثل كل مره ... همجية .... وغاليه وياها لكن برقة ... في هالممر الطويل يمشون ... عفرا: ويه هلكت ... من زمان ما ييت هني ولا سويت رياضه غاليه: هههههه تستهبلين عفرا: هههه والله ريولنا عورتنا من كثر ما نمشي غاليه: تبين الصراحه هو صح تعب بس نستفيد في نفس الوقت عفرا: من شووووووه تستفيدين ...... الله يخليج روحج منقرضه غاليه: سخيفه ما تظحكين هههههههه ودخلن المكتب بدون لا احم ولا دستور ... ولا حتى دقّن الباب ..... عفرا: خالييييييييييييييييييييييييييييييي لف بالكرسي صوبهن ...... يوم شافهن ارتسمت ع ويهه ابتسامة ..... انشرح ويهه ... حس ان في شي مميز اليوم ... يوسف: هلا والله ..... عفرا ( تجدمت ووصلت عند خالها وحبت راسه ) : شحااالك خالي حبيبي ؟ يوسف: انا بخير الحمدلله . انتي شحالج ؟ غاليه: عمي شحالك ؟ شخبارك ؟ يوسف: هلا والله بـ غاليتي انا ...... عفرا: لا لا لحظة بدينا .. جيه ادلّع غاليه يعني وانا لا ؟ مسرع ما نسيتني يوسف: افا والله ... حد ينسى روحه ؟ انتي روحي غاليه: وانا ؟ يوسف: انتي قلبي عفرا: ههههههه يعني انا اغلى ... لان الروح اغلى من القلب غاليه: هاهاه ما تظحكين ويا ويهج يوسف: شحالكن ؟ وينكن ما شايفنكن من زمان عفرا: والله خالي شوه نسوي ؟ الجامعة وبلاويها يوسف: شوه تبين فالجامعة ؟ يلسي عندي هني فالبيت واللي تبينه بيوصل لج عفرا: لاااا جيه ؟ انا ما قلت لك محتايه شي .. لكن جامعة وبنات وسوالف جيه يعني نقضي وقتنا غاليه: الشهادة تنفع عمي فالمستقبل يوسف: شوه تبون بها الشهادة ..... والله تعالن عندي هني البيت .. وأأثث لكن حجرتين فوق .. ع ذوقكن اختارن أي حجرتين تبون .... وتيلسون عندي عفرا: خالي يوم بيطردوني من الجامعة بفكر في عرضك المغري الصراحه غاليه: هههههه انتي ما وراج شغل وافقي من الحين .... بلا توفل بلا خرابيط عفرا: اسكتي انزين .... لا تذكريني بالمأساة يوسف: انزين .... سيرن ريحن الحين فوق .. في حجرة من الحجر ..... و انا عندي كم شغله اخلصها في نص ساعة او ساعة بالكثير ... وافضى لكن اليوم بطوله ... عفرا: خلاص عيل ... عقب ساعه نحن عندك هني ... غاليه: ما يخصنا لو ما كنت مخلص يوسف: ههههه افا عليكن والله اهد عقبها كل شي واجابلكن عفرا: خلاص عيل ... يالله غاليه غاليه: يالله طلعن عفرا وغاليه .. وسارن فوق .. وهن يرمسن عن هالبيت اللي من متى ما داخلينه .... عفرا: بل هالتحفة لين الحين هني غاليه: ههههه الله اكبر قولي ما شاء الله عن اطيح وتنكسر الحين عفرا: هههههه غيّر الاثاث غاليه: هيه غيره .... بس حلو ما شاء الله عفرا: الحين لو تسألينه ... بيقولج خشب اصلي من الهند ما ادري من وين ... وايد متفيج الصراحه خالي يوسف غاليه: وايد يهتم في هالبيت عفرا: يا ريت لو معرّس بعد غاليه: انا قلت الحين بنيي بنشوف حرمه فالبيت ماخذنها بالسر ههههههه عفرا: ههههه فلم هندي ! غاليه: جااايز .. كل شي جايز في هالعايلة ..... عفرا: هيه والله .. شفتي مروانو الدب غاليه: ههههه ويه عفاري كيف قطعج عفرا: يوم اقولج غاليه: انا كانت فيه ظحكه بس مسكت عمريه عفرا: مالت عليج بدال ما ادافعين عني غاليه: احمد ريل اختج ما قصّر ههههههه عفرا: انتي سخيفه اصلاً ... جدام احمد وطارق وهزاع وابويه عادي عندج ..... بس جدام الباقين لا ! غاليه: يعني عفاري احمد وطارق دايماً اييون يوم انا هناك .. وبعدين ما آخذ واعطي وياهم وايد .. وابوج شرات ابويه ... وهزاع انزين بايعينها .... لكن بعد استحي منه .. اما الصراحه عيال خالج لا اسمحي لي عفرا ( تقلدها ) .. عيال خالج ... اللي يقول مب عيال عمج ! غاليه: أي حجرة الحين نيلس فيها عفرا: انتي في حجرة وانا في حجرة .... غاليه: لا والله ! .. حلفي ؟ شوه اسوي ايلس في حجرة ما ادري كم مساحتها روحي ؟ عفرا: ههههه نستغل الفرصه فاضي هالبيييييييييت غاليه: ههه لا تستهبلين ... عفرا: تعالي ندخل هالحجرة .... غاليه: دخلي أي حجرة الحين وفكيني دخلت عفرا وغاليه الحجرة ..... عفرا: برقد انا غاليه: يالله عن العبط ..... عفرا: شوه تبيني اسوي ؟ غاليه: يلسي ويايه عفرا: اجابلج ؟ مصدقه عمرج ويهج حلو .. مليت منج امس واليوم بطوله ويايه غاليه: هههههه مالت عليج والله .. بتشوفين .... عفرا: ههههه اسولف عقب ما ظحكن .. وسولفن .. وخلصن ..... شافن ان في حد راقد ..... ماتن من الزياغ .... تيبسن في مكانهن ...... وبسرعه ظهرن برع وصكن الباب .... عفرا: شفتي غلّوي ؟ غاليه: شفت شفت .... وياريتني ما شفت عفرا: منوه هذا ؟ غاليه: شدراني ... ونحن مالت علينا ما لقينا غيرها يعني ندخلها ! عفرا: لحظة .. تذكرين هالحجرة ؟ غاليه: شوه اذكر فيها ؟ عفرا: هالحجرة .... عموه سارة الله يرحمها كانت تيلس فيها .... تحيدين غاليه :اووه انتي وايد متفيجه .. عفرا: غلّوي تذكري .... يوم كنا نحتشر ليش ان واحد من عيال خالي سيف الله يرحمه ..... كان له حجرة في هالبيت غاليه: هيه اذكر .... لحظة .. اكبرهم شوه اسمه ؟ عفرا: عمر غاليه: هيه ... هذا هو بنفسه .. هذا كانت له حجرة في هالبيت .... عفرا + غاليه : ليكووووووووون غاليه: اويه الحين شوه نسوي؟ عفرا: شوه نسوي يعني ؟ غاليه: اييييييه وين سايرة ؟ عفرا: بسير اشوف لي حجرة ثانية ايلس فيها غاليه: ط هاي والله عفرا: غلّوي مب تسوين لي حركات الحين ..... امشي نسير نريّح في أي حجرة من الحجر .... عمر ...... جنه كان صوت بنات ! ... هذا مستحيل يكون كمال .... ولا حد من الخدم .. اصلاً ما يتجرأون يدخلون هني بدون ما يدقون الباب .. معقولة دقّوه و انا ما سمعت ..... بس صوت بنات وكل اللي فالبيت هني رياييل .... منوه ياي ؟ نش عمر من مكانه ..... سار وفتح الباب ... طل طله ..... ما في حد ! ..... ظهر ومشى ... وطل من فوق ... يشوف في حد تحت ؟ ما في حد ... عمر ... برد ارقد .... احسن لي .... ما اعتقد في حد ... انا كنت اتخيل ..... او حد من الخدم وانا ما ميزت الصوت !! في صالة بو هزاع ... عبدالعزيز: عمّوه يالله قومي سوي لي ام هزاع: قلت لك عقب ..... اصبر عبدالعزيز: لا الحين ابااااه سلامه: انته ايه .... مب تتأمّر ع اميه عبدالعزيز ( اطالعها بنظرة ) : ما رمستج انتي حصه: ههههههه سكتي عنه ... آمنة: هذا شوه يبا منج امايه ؟ عذيجه: يبا كريم كراميل ...... سلامة: جيه رمضان عبدالعزيز: عموه شوفيها هي تحط عليه الحين سلامة: ههههههه ويه زيغتني سيد عبدالعزيز عبدالعزيز: قومي سيري بيتكم يا بوي .. بسج من كم يوم يالسه هني ؟ سلامة: بيت ابويه عبدالعزيز: بيت عمتيه حصه: سلااااامه بس ... سكتي عنه سلامه: هههه يظحك يوم يرد ... ام هزاع: انزين اصبر .. عقب شويه بسير وبسوي لك عبدالعزيز: لا الحين ... عمر بيي ياخذني وانتي بعدج ام هزاع: انا بقوله ما ايي الحين عبدالعزيز: ما بيسمع رمستج .. نشي آمنة: عبدالعزيز قم تعال ويايه المطبخ انا بسوي لك عبدالعزيز: قولي والله ؟ آمنة: شوه اجذب عليك يعني ؟ عبدالعزيز: تعرفين تسوين ؟ حصه: قومي امون بيي وياج ... بنسوي .. عاد هو بياكل ياكل ما بياكل مشكلته شمسه: عبدالعزيز وين سالم ؟ عبدالعزيز: رقد فالميلس شمسه: ويه .... راقد هناك ؟! عبدالعزيز: هيه شوه فيها ؟ شمسه: وجيه ما تقولي ؟ نشت شمسه بسرعه من مكانها سارت صوب الميلس تشوف ولدها ..... سلامة: امايه ...... راسي يعورني ام هزاع: خذي لج حبّة بندول ..... سلامة: خذت .. كم آخذ عبدالعزيز: سيري العيادة سلامة: محد طلب رايك عبدالعزيز: ههههه والله تظحكين معرسه وما ادري شوه ... وبتييب ياهل سلامة: ما يخصك قلت لك ام هزاع: يالله يا سلامة بلاج اليوم عليه خليه سلامة: قاهر بي اليوم عبدالعزيز: ليش؟ سلامة: سر اتصل في اخوك ايي يشلك عبدالعزيز: مب ع كيفج بيت عمتيه سلامة: قلت لك بيت ابويه عبدالعزيز: عموه شوفيها ام هزاع: قم قم انته قم سر ويا آمنة وحصه المطبخ قم عبدالعزيز: الحين انا ريال تطرشيني المطبخ وهاي يالسه ؟ سلامة: هههههه الله يخليك لا تظحكني ريال اونه ام هزاع: قم حبيبي والله فديتك انا يا عبدالعزيز سر شوف آمنة وحصه فالمطبخ يسون لك الكريم كرميل بس يوز عن سلامة هاي ما فينا ع حشرتها عبدالعزيز: ههههه ويييييه قالوا لها ....... مب لـ شي بسير المطبخ بس عسب خاطر عموووه حبيبتيه سلامة: احسن بعد .. تفج عنا شويه .... ثاني يالس مثل كل مره فالظلام ...... يالس ع شبريته وصاك ع روحه الباب .. وحاط اللاب توب في حضنه .. ثاني روحه بنفسه عنده موقع يديره ... موقع تصاميم وفلاشات وخربطات وتقنيات الكمبيوتر اللي ما تخلّص .... يدخل هالبرنامج ينزل هذاك يتعبث في هذا ويخرب هذاك .... استوى شخص معروف فالنت .... بس بـ الاسم المستعار اللي اختاره لـ نفسه (T H A) يالس ومندمج في اللي يشتغل عليه ..... برنامج يديد خاص بالـ ماسنجر نزله ويالس يجرب فيه ويدخل هني ويطلع هناك .... دخل عيه زايد زايد: ما شبعت ؟ ثاني ( وهو بعده مندمج ): شوه بغيت ؟ زايد: ثاني بند هاللاب توب شويه وابغي ارمسك ثاني: شوه تبا ؟ زايد: بنده حس ثاني ان الموضوع شويه يعني مب وايد جاد ...... بند اللاب توب احتراماً لـ زايد ويلس يطالعه .... ثاني: بندته شوه بغيت ؟ زايد: ثاني عايبنك الوضع ثاني: أي وضع ؟ زايد: بيت عمي يوسف ..... وعيال عمي سيف الله يرحمه ثاني: هو الصراحه مب عايبني بس شوه تبانا نسوي ؟ زايد: لازم نسوي شي .... وضع عمر مب عايبني ثاني: بس والله ان ما شي مثل عيال عمي سيف .. ما شاء الله يوم تيلس وياهم والله تنسى كل شي عندك ... زايد: تو الناس ! توك تدري ثاني: لا ادري من زمان ... لكن يعني اضافات اضافات هههههههه زايد: وهالشي اللي يقهر .... عمي يوسف مفضّل بدر ع الكل ثاني: افففف يا هالبدر والله انه يقهر بخقته جنه محد دارس برع غيره زايد: لا تنسى اكيد بيتخقق دامه من قوم وقوم ع قولته ثاني: شوه قصده يعني ؟ خقته عليه وعلى ابوه لا ينسى ان امه تستوي عمتنا .... يعني بغا والا ما بغا فيه عرج منا ... وععععع مالت ... ويقهرني يوم يلبس بدل ويرفع هالشعر .. يلوع بالجبد.. زايد: ههههه تغار ليش انه احلى عنك ثاني: اتخسي الا هو والله ..... اونه شوه ؟ احلى عني ... حبيبي انا ما يهمني اللي يسويه ... وانا ما تهمني المظاهر زايد: هيه اشووووووفك واااايد ثاني: ههههههه ما تهمني المظاهر جدامه طبعاً ... بس مظهري الشخصي ... احم احم اوف كورس لازم اهتم فيه زايد: انزين انا ساير تبا شي ؟ ثاني: وين بتسير زايد: بيت عمي يوسف ثاني: ليش في اجتماع مغلق بعد ؟ زايد: لا ..... عمر هناك واتصل بي وقالي ايي نتعشى هناك وياه ثاني: شي جميل ..... الله وياك .. عمران .... يالس في حجرته يذاكر .... راشد ما يهون عليه يطلع للحين ومحد فالبيت ويا عمران غير فريد ..... وبعد ما يقدر يسير ييلس وياه ويخرب عليه مذاكرته ..... قال احسن شي يسويه ......... انه يسير يرقد ... وبالفعل سار حجرته و تسبح وبدل ورقد ..... وصل سعيد البيت .. استغرب .. معقوله رقود ! لا وايد من وقت ! .. مستحيل .. صعد فوق .. دخل اول شي حجرة عمر وعبدالعزيز ........ محد ! دخل حجرة مروان وعمران ... شاف عمران يذاكر سعيد: عمران عمران ( لف صوبه ): هلا سعيد سعيد: وين الباقين ؟ عمران :محد فالبيت غيري وغير راشد .. سعيد: ووين راشد ؟ عمران :ما ادري عنه والله الا من ساعه بس يا هني سألني احتاي شي ؟ قلت له لا ... وسار عني ولا شفته سعيد: اها .... وانته خلصت ؟ عمران: باجي لي آخر شي وبخلص هالكتاب سعيد ( ابتسم ): ييب عاد نسبة ترفع الراس عمران: بدعواتكم سعيد: الله يوفقك وظهر سعيد وسار صوب حجرته وحجرة راشد ... ما حب يزعج اخوه يوم شافه مهيّأ الحجرة للرقاد .... فما فتح الليت ولا سوى حركة تزعجة .. راشد: الحمدلله ع السلامة سعيد: انته ما راقد ! راشد: لا توني مخلص سبوح وجيه ... واوني برقد سعيد: اها ... عيل انته ما طالع من البيت راشد: ما تفيجت .... وعمران بروحه هني سعيد: عمران ريال بييلس يذاكر راشد ( ابتسم ): ما يهون عليه بعد .. كلنا برع البيت وهو روحه هني .. سعيد: هههه اوه اوه الاخ المثالي ... لاعب دور عمر اليوم راشد: الله يخليك .. لا ما ابا العب دور عمر .. وايد صعب .. ( حب يستهبل ) وفالاخير ما بقيم اللعبة بعد سعيد: ههههههه شوه هالاستهبال العجيب .... والله من الصبح ما سمعت استهبالاتكم راشد: طبعاً ... بديناااااااااا بالطلعات والسيرات والييات اشوفها كثرت كثرت .... وباجر بتنسانا بعد سعيد: حشى فـ ذمتك جان سويتها ونسيتكم ؟ راشد: ما يندرى ...... الحرمة تغيّر سعيد: عاد جان بتغيرني ع هلي .. والله تيلس في بيت اهلها ولا تيي هني راشد: هههه بل عليك من الحين تبا تيلسها في بيت اهلها وهي اصلا هناك .. حليلها ما تهنت سعيد: هيه عيل هي تيي وتنسيني اخواني ...... شوه هالرمسة ؟ راشد: من باب المزاح يا اخي .... لا تخف ... بتكون شرات اختنا ان شاء الله .. وبهذه المناسبة ... طبعاً انا انقل اغراضي ... سعيد: وين تنقلهم ؟ راشد: اممممم ما ادري ... الحجرة الي تحت سعيد: وليش ان شاء الله ؟ راشد: خير ؟ ... استاذ سعيد بتعرّس انته سعيد: لااااا .. سوينا الترتيبات .... الله يسلمك .. الحجرة اللي تحت بـ ممرها الطويل .. وحمامها الخاص .. ومساحتها الشاسعة انا باخذها .. لين الله يفرجها راشد: يعني انته اللي بتنتقل سعيد: هيه راشد: يسسسس .. سعيد: وبلاك وايد مستانس ؟ راشد: هاهاها ... تدري ما اصبر عن مناقرة اخواني ... ما كنت ابا اسير مكان ثاني بس جاملتك ههههه والا منوه يصبر عن استهبال مروان ودلع عبدالعزيز ونصايح عمر و تطوّع عمران من يصبحون كل واحد وميزته سعيد: هههههه الله ياخذ عدوك .... وانا مب فالحسبه هاااااا .. خلاص برع راشد: لا لا افا عليك.... ما بتسير بعيد متى ما زعلت ويا الحرمة تعال هني فوق شبريتك فالحفظ والصون ههههههه في بيت يوسف ... حان وقت العشاء ... يوسف: الله ياخذ عدوج يا عفاري ع هالسوالف ههههههه عفرا: والله يدي صدق يوسف: شوه تبيني انزين اسوي ؟ عفرا: عرّس خلنا نفرح فيك غاليه: عفرا بس خلاص هههه عفرا: مب ناوين تعشّونا ؟ يوسف: بلى ..... بس نتريا عيال خوالج ... انصدمت عفرا ........ عيال خوالي ! ... أي خوال ؟! وغاليه منصدمه اكثر عنها ....... انفتح الباب .... زايد: السلام عليكم ... يوسف: وعليكم السلام .. ارتاحت غاليه يوم شافت اخوها .. اشوه عمها كان يقصد اخوها اكيد .... والا لو حد ثاني .. عادي تصيح ! .. وعفرا رغم انها تخاف شوي من زايد الا انها هي الثانية ارتاحت نفسياً .. يالله زايد معقولة .. نمشّيها .. زايد: اوه غاليه هني غاليه: شفت عاد زايد: شحالج عفرا ؟ عفرا: الحمدلله بخير ...... زايد: ليكون كلتوا عني ؟ يوسف: لا لا افا ناكل عنك وعن عمر ... شوه هالكلام ؟ زايد: ههه فيك الخير عمي ..... مب جنه في اسم غلط يابوا طاريه في هالمجلس ! .... عمر: السلام عليكم ..... 3 منصدمين .... عفرا ... تبا حد يخشها يسوي أي شي .. بس ولا انها تيلس تجابل عمر .. غاليه ... لصقت في زايد ...... انخشّت وراه ... عمر .. ما يدري ان في بنات بيكونن على هالمائدة .. ما يعرف هل يجدم زيادة والا يرد من وين ما يا ... يوسف: تعال عمر .... عمر: هاه ؟ زايد حس بارتباك عمر .. وانه مب متعود ان عفرا او غاليه ييلسن وياه ... هو من كم سنة ما شايفنهن وآخر مره شافهن في هالبيت ... والحين عقب كم سنة بعد يرد يجمعهم هالبيت .. زايد ( ابتسم) : عمر تعال يلس عمر نزّل راسه وتجدم ويلس حذال عمه ... يوسف .... ع يساره عفرا ... وع يمينه .. عمر وحذال عمر زايد .. وعقب زايد غاليه ... اللي مرتاحه الحين غاليه .. وهذا اهم شي بالنسبة لها .. اخوها موجود يعني في شي من الخوف راح ... اما اللي مول رايحه فيها عفرا .. صح انها قوية في مواقف وفي مواقف ويها يستوي شرات الطماط .. يوسف: يالله بسم الله ... بدو ياكلون وكل واحد صاخ .. ولا يرمس ... الوحيد اللي شوي الوضع بالنسبة له عادي هو زايد ... زايد: غاليه تبيني احط لج من هذا ؟ وغاليه ما ترد ... لف زايد صوبها وشافها كيف لاصقه فيه .... وشاف ويها اللي تحس شوي والدم بينفجر منه .. ما استغرب هالأمر ع اخته لانه يعرفها ويعرف بـ خجلها الزايد ... حط لها فالصحن ع ذوقه و جدّمه لها ... اما عفرا ما تبا تنحط فالموقف اللي فيه غاليه .... فـ روحها شلّت صحنها وحطت الله تباه في صحنها .. وعلى ما زايد لف صوبها عسب يساعدها ... شافها مخلصه ... وعيبته انها تغلبت ع الوضع مب شرات اخته !.... هذا وهي وراه مندسه .. لو كانت مجابلة عمر شرات عفرا عيل شوه بتقول ؟ يوسف: غاليه بلاج ؟ وغاليه ما ترد .. يوسف: شوه فيها غاليه يا زايد ؟ زايد: عمي ما فيها شي .... يوسف: ما تاكل زايد: لا ... تاكل ما عليك .... اكلها شرات العصافير هاي عفرا: ما عليك خالي .... تعرف غاليه وايد تحب تدّلع ... يوسف: عمر شوه استوى ع عرس اخوك ؟ انصدم عمر .... تمنّى لو بس هالمرة .... بس هالمرة وع هالمائدة عمه يسكت ... ولا يجرّح فيه جدام بنت عمته و بنت عمه .... زايد تدارك الموضوع .... زايد: عمي ... ثاني يسلم عليك ... يوسف: الله لا يسلمه من ولد ... عفرا غصباً عنها رفعت راسها و ظحكت بعفوية .... عمر يوم شاف ان اللي يالسين يظحكون هو ابتسم ع رمسة عمه ..... زايد :ههههه لا ادّعي عليه حليله يوسف: متى بيودر البلوى اللي عنده ؟ زايد: يقول تكنلوجيا وتقنية حديثة يوسف: حديثة في عينه ... الا دمار والله دمار .. زايد: ما عليه ... روحه بيمل من النت واللي فيه .. وبيعرف انه كان غلط يوسف: وعلى ما يمل من النت .... جد نحن في قبورنا عمر: بسم الله عليك عمي .... فال الله ولا فالك .... يكفينا طاري الموت .. الكل سكت يوم عمر رمس ..... طلعت منه الرمسة مرة وحده ... كل حد حاس باحساسه .. وعمه سكت مب عسب ان امه اللي متوفيه ... عسب ان ابو عمر اللي هو اخوه هو اللي متوفي .. مروان وهزاع .. هياته ..... عالآخر ..... وعقب ما شبعوا ردوا بيت بو هزاع .... شمسه ردت بيتها وحصه ظاهره الحين بترد البيت .... مروان: ليكون بتباتين هني بعد ؟ هزاع: يالله يالله ردي بيت ريلج يالله سلامة: والله لو ببات كيفي مروان: ههههه والله لو انا بدال طارق .... والله ما خليتج هالكثر تباتين بيت اهلج سلامة: ما تخربون ريلي عليه .... مروان: نحن نخرّب ريلج عليج ؟! ريلج روحه والله .. اصلاً يروم لكن حليله ما يبا يزعلج اونه قاصه عليه احمد: ههههه الحين شوه تبون بها الحرمة كيفها آمنة نازلة من فوق لابسه عباتها وشيلتها .. مروان: شوفي تعلمي من اختج ..... حصه: يالله مع السلامة ام هزاع: بتسيرين روحج؟ حصه: هيه امايه ... يايه بسيارتيه .. عبدالعزيز: حصه باجر مري عليه طلعيني احمد: هيه تشتغل عندك عبدالعزيز: هههههه والله ابا اطلع حصه: ههههه باجر ما اقدر يوم ثاني شوف يناسبك وبظهرك ان شاء الله .. يالله ريلي روحه فالبيت فمان الله ام هزاع: سيري فديتج بحفظ الله .. احمد: سلمي على علي حصه: يبلغ .. فمان الله مروان: اتصلي في طارق يالله سلامة:هههههه انته ابا اعرف جيه منقهر ؟ احمد: ياخي عرّس وتحكم في حرمتك مروان: هو بـ ودّي لكن الميزانية ما تسمح للأسف عرس سعيد جريب هزاع: ههههههه لا تظحكني اونك بتعرس مروان: لييييييش مب مازر عينك ههههه احمد: انته وياه بس وايد تظحكون هههه آمنة: يالله احمد .. مروان: قم قم .. يالله سر ام هزاع: انا ابا اعرف انتي ظاهره عنيدة ع منوه يا بنيه ؟ باتي هني ... شكلج وايد تعبان آمنة: امايه ما فيني شي ... برد البيت برقد وبرتاح .... مروان: يالله عزوز نسير البيت عبدالعزيز: عمر بيي ياخذني مروان: وشحقه العباله ؟ عبدالعزيز: هو قال مروان: قم نسير وانا بتصل به بقول ما اييك عبدالعزيز: جيه تخرّب عليه ؟ مروان: وانته ان شاء الله لين متى ناوي تيلس ؟ ام هزاع: خله ما يخصك فيه عبدالعزيز: الى ان يشاء الله الكل ظحك غصباً عنه .. وخصوصاً مروان ... وييييه اليوم مفتقد عمران والله .. هههههه احمد: امون متأكده ما فيج شي ؟ آمنة: ليش ؟ عندك شك ؟ احمد: ما ادري .... اخاف يستوي بج شرات آخر مره .. وفجأة تطيحين علينا آمنة: لا تطمن .. ههه مسيطرة ع الوضع احمد: اكيد ؟ آمنة: بلاك ؟ خلاص قلت لك ... واذا تعبت زيادة بقولك انزين احمد: ليش ما تميتي بيت هلج ؟ آمنة: ليش ؟ تبا الفكه احمد: لا بس اسأل آمنة: انته كنت بتخليني ؟ احمد: هو الصراحه ما كنت بخليج .... لكن اذا تعبانه وايد هيه ... هناك عند امج ترتاحين اكثر آمنة :وانته شدراك ارتاح اكثر هناك احمد: معرووووووووفات بنات بو هزاع ... ما ترتاحن وتدلعن ع الآخر الا عند أمكن آمنة: هيه فديتها والله امايه قلبها طيب وحنونه عسب جيه نحس بالارتياح يوم نسير صوبها أحمد: نعم نعم ....... آمنة: شوه نعم نعم ؟ احمد: بلاج ... يعني اوافقج الرأي ... آمنة: انزين الحين اسكت شويه برقد انا لين ما نوصل احمد: انزين نزلي السّيت ع ورا .. احسن نرد لـ بيت بو هزاع .... طارق وعفرا وصلوا نفس الوقت ... عفرا: وين وين ؟ ليكون الحين بتسيرون ؟ طارق: هيه ... شوفي الساعه كم .. بس عفرا: لا تموا شوي انا ما يلست سولفت ... بسولف طارق: ههه ليش يوعانه سوالف ؟ وين كنتي سايرة ؟ عفرا: بيت خالي يوسف طارق: هههههه بيت المغامرات ع قولت احمد عفرا: ههههه هيه طارق: شحاله ؟ عفرا: الحمدلله .. يسلم عليكم طارق: الله يسلمه ... عفرا: الله يخليكم لا تسيرون طارق: اصلا اختج اليوم انا منقهر منها ..... شكلها تبا تبات هني عفرا: ههههه مب شي يديد طارق: لا آسف .... ما بخليها اليوم .. عفرا: ايواااااا وعصب طارق طارق وهو ماشي ظحك ع رمسة عفرا ..... طارق: سيري الله يخليج سوي لي درب عفرا: اصلا جنه الا محد هني .... ما اشوف سيايير الباقين طارق: سيري شوفي فتحت عفرا باب الصاله .... عفرا: تعال قلت لك ما في حد .. سلامة: منوه هذا ؟ عفرا: لا تخافين ريلج .... هزاع: واخيراً ما بغيت طارق: ليش؟ هزاع: ياخي شل حرمتك لوعت بجبودنا بدلعها الماصخ ... شلها وروحوا بيتكم ولا اتونا الا عقب سنة طارق: هههههه بس عاد ها ... ما ارضى عليها سلامة: يا ويهك هزاعو ومنوه يالس وياك من الصبح .. وامايه وابويه ساروا يرقدون ! هزاع: سوالفج بايخه سلامة: مالت عليك مب منك من اللي ييلس وياك عفرا: ههههههه حطوا عليه هزاع: انتي قولي شوه سويتوا هناك عفرا: انته صدق تعال جيه ما خبرتني ان عمر ولد خالك هناك ؟ سلامه: وهو مب ولد خالج ؟ طارق: متبيرة منهم ههههه عفرا: لحظة خلوني اتفاهم هزاع: والله انا ما كنت ادري ... عمر مب كل ما يخطي خطوة يقولي وين ساير ووين راد عسب اخبرج عفرا: يلسنا ع الطاولة ... واونه بنبدأ ناكل .. ويقول خالي اتريوا عيال خالكم.. هني تيبست .. دخل زايد عقب وارتحت سلامة: وايد عليج طارق: حليلج يا عفرا هههههه هزاع: الحين بالله عليج اونج تخافين من زايد عفرا: لا لحظة .... وشوي الا وينزل عمر ولد خالي سيف الله يرحمه ..... وخلاص هني صدق متنا انا وغالية سلامة: ويييييه غاليه اكيد تغيرت هزاع: ما صاحت هههههه عفرا: هههههه غاليه كانت محتميه بأخوها وانا حليلي اللي خالي ما هيئني نفسيا .... يالسه ومجابلة عمر .. بس سويت عمريه عادية .... غاليه ويها غدا شرا الطماط ... كانت بتصيح بس يودت عمرها هزاع: هههههه تتأدبن عسب مره ثانيه ما يفضلكن علينا عفرا: احم احم تغار طارق: يالله سلامة سلامة: يالله مع السلامه هزاع: الى لقاء قريب ... ظهروا طارق وسلامة سايرين بيتهم ... وعفرا يلست شويه ويا هزاع كل واحد يقول سالفة من سوالفه ... ومستمتعين بوقتهم ... في صالة الشباب .... راشد اللي رقد ..... وعمران رقد ... عبدالعزيز رقد .. عمر .. ظهر من الحجرة ... عقب ما تأكد ان عبدالعزيز رقد .. بند كل شي .. و ظهر العديات من عينه ... ولبس نظارته .. ونزل تحت ... شاف سعيد ومروان يالسين ... عمر: ما شاء الله واعين سعيد: نترياك عمر: شوه فيكم ؟ مروان: سعيد يبا ياخذ رايك في موضوع .. ومن الصبح اقوله يقولي عنه ... ومب طايع عمر: ههههه يالله قول يا سعيد عسب تبرّد فواد مروان .. مروان: هيه والله ابا اعرف ..... سعيد: قررنا يكون العرس نهاية 5 مروان: مب جنّه بسرعه سعيد: لا ... ظنكم بسرعه ؟ هي يناسبها عمر: هو كيفكم بسرعه مب بسرعه .... وكيفكم كيف بتزهبون لكن ... سعيد: شوه ؟ عمر: عمران ثانوية عامة ... نسيت ؟ مروان: اوه صدق ناسي ان عمران ثانوية عامة .... سعيد: انا ما نسيت عمر : ما نسيت وبتسوي عرسك نهاية 5 ؟ مروان: بتكون بداية امتحانات عمران .. سعيد: عمران ريّال ... شوه يبا به العرس ؟ بعدين انا اللي بعرّس سكت عمر ... شوه بيرد ع اخوه يوم يرد عليه بهالطريقة ؟ .... لكن مروان رمس .... مروان: سعيد ... انته كيف يعني بتستانس وبتسوي وعمران ثانوية عامة ؟ كيف بنفرح وعمران ثانوية عامه ... البيت بيرتبش اكيد .. ونحن لازم نهيّأ له الجو المناسب للمذاكرة ... وبعدين لا تنسى عمران اخوك ... من حقه يفرح باول اخو بيعرس بيننا ... صخ سعيد ... مروان : والله هذا رايي يعني .. ( ومسك الجهاز وتم يجلب فالقنوات ) .. وانته وحرمتك كيفكم .. نش سعيد من مكانه وسار فوق ... عمر: مروان كنت تقدر تقول له هذا كله بس بأسلوب اخف مروان: تدري شوه .. انصدمت يوم رد عليك هالرد ( وابتسم ) ... انا هالأسلوب ظهر مني ليش انه رد علينا جيه .. مب لان العرس ما يناسب ... لكن بعد لو تفكر فيها عمر .. نحن بنتم نحاتي عمران وكيف حالته بتكون ... حتى لو تحط في بالك انه عادي عنده .. وانه ما يهتم وايد ... بس في شي في قلبه ... بيقوله .... كيف اخوك ما فكّر فيك .... وبيتغاضى عن كونه ولد او بنت ما يهمه العرس ! ابتسم عمر ... وتم يطالع مروان واي قناة بيحط ... سعيد: انزين ابا ارمسج عن موعد العرس ... بدور: خلّصنا منه سعيد: لا اصبري .. بغيّر اليوم بدور: ليكون بتجدمه ؟ سعيد: لا .. بأخره بدور: وليش ان شاء الله ؟ سعيد: عمران اخويه بيبدأ امتحاناته شهر 5 وفي سته بيخلص .. كيف انا عرّس في هالفترة ! بدور: سعيد رمسنا في هالسالفه .. وقلنا عمران ريال ما يهمه عرس الحريم ! ... وهو اللي بيعرس والا انته سعيد: حتى ولو بدور: شوه حتى ولو ؟ سعيد: بدور فهميني ... انا قلت لج ... انا عندي اول شي اخواني ... عندي 5 اخوان بهتم بـ مشاعر كل واحد فيهم قبل ما اعرس وعقب ما اعرس بعد .. بدور: وانا ؟ سعيد: انا ما قلت عنج انتي شي ... لكن ... لو تفكرين فيها .. بيتنا بيكون ربشه .. وسيرات وييات .. وشغل وجيه .... الجو ما بيكون مناسب لـ عمران انه يذاكر بدور: اللي يقول عاد اخوك بيذاكر .... سعيد: بيذاكر والا ! .. كيفه ... لكن انا ما بسوي شي يخلي في قلبه شي عليه ... بدور: انزين واذا بتأجله متى بتخليه ؟ سعيد: نهاية سته وبداية سبعة بدور: سعيد ! سعيد: شوه ؟ مب وايد بعيد .. شهر اخرناه بدور: انته تدري لو فهد عرف اني اجلته أكثر شوه بيسوي ! انا ما ابا احرج نفسي معاه .. سعيد نحن ما عندنا هالكثر تأخير ! سعيد: مثل ما فهد اخوج ... عمران اخويه ... بدور: افففف سعيد: يالله عاد اقل عن شهر بعد ... وفهد انا برمسه جان تبين ... ع قولتج ما تبين تحرجين عمرج وياه بدور: لا خلاص ... انا روحي برمسه .. وبقوله .. سعيد: يعني موافقة بدور: شوه نسوي بعد سعيد: لا .. شكلج مب راضيه .. انا ما احب اسوي شي وفي شخص مب راضي عليه بدور: يوم تعرف اني مب راضيه جيه تسويه ؟ سعيد: بدوووووور يالله عاد .. والله انزين شسوي ... مهما يكون اخويه بدرو: انزين خلاص قلنا لك سعيد: من قلبج ...... بدور: هيه ... سعيد ( ابتسم ): انزين شوه تسوين الحين ؟ بدور: ما شي .. كنت برقد سعيد: عيل تصبحين ع خير بدور: وانته شوه تسوي ؟ سعيد: كنت يالس تحت ويا اخواني مروان وعمر .. وصعدت ارمسج بدور: اها ...... سعيد: يالله عيل ما بطوّل عليج .. تصبحين ع خير بدور: وانته من اهله .. بسك سهر انته بعد .. وسر ارقد سعيد: ههههه ان شاء الله .. فمان الله ... اليوم الثاني ..... آمنة يالسه روحها في قسمها فوق ... سمعت صوت التيلفون يرن ... سارت وردت ... آمنة: هلا امايه عذيجة: شحالج ؟ شخبارج ؟ آمنة: الحمدلله .. انتوا شحالكم ؟ عذيجة: الحمدلله بخير .... احمد سار الدوام ؟ آمنة: افففففف لا تتخبرين يا امايه والله كل فاديييي عذيجة: جيه عاد ؟ آمنة: تدري به احمد وع قولته بقدم استقالتيه ... واليوم يالله بالغصب لين نش ... وعقب تم يحن ع راسي اونه انتي تعبانه فـ انا ما بداوم عذيجة: ويه فدييييته .. وانتي ليكون صدق تعبانه ؟ آمنة: لا امايه لا تعبانه ولا شي .... عذيجة: آمنة مب عليه .. ادري بج ما تقولين انج تعبانه لين تطيحين آمنة: ههههه لا امايه والله ما فيني شي هذا احمد يخرّف عذيجة: انزين عيل بخليج الحين ... بتصل في سلامة اتخبرها عن حالها آمنة: غريبة ما يتكم الصبح ؟ عذيجة: لا ما يتنا .. بس الا ريلها يا تريّق ويايه وسار آمنة: هيييييه .. خلاص عيل .. بسير انا اكمّل رقادي .. عذيجة: سيري .. واذا بغيتي أي شي اتصلي بي .. آمنة: ان شاء الله .. فمان الله عذيجة: الله يحفظج حبيبتيه .. دخلت آمنة بترقد ..... عقب ما بندت عن امها .... وعقب ما احمد طلع روحها لين سار الدوام ... تقولون ياهل ويقولون له سير المدرسة ..... ! رن مبايلها ...... آمنة: الو احمد: امون آمنة: شوه ؟ احمد: ملل آمنة: احمد صل ع النبي توك ساير الدوام احمد: ههههههه اللهم صلي وسلم عليه .... تعالي بس لو تيين تشوفين الملفات اللي عندي .. متى بخلصهن ؟ ما ادري ! آمنة: هذا دواه اللي يأجّل احمد: تدرين بي اني ما أأجّل شغلي لو شوه يستوي .. صح اني وايد ارمس واقول ما بداوم لكن شغلي ما يتأجل صح ؟ آمنة ( ابتسمت ): صح ..... احمد: ايواااا جيه كوني صادقه آمنة: احلف عاد ! احمد: هههه انزين آمنة: خير ؟ احمد: شوفي السده الثانية فالكبت ... بتشوفين اوراق .. آمنة: اوراق شوه ؟ احمد: اوراق مكتوب عليها اسم عيسى اخويه آمنة: انزين احمد: ظهريها الله يخليج واتصلي تحت خل حد يصعد ويوديهن له آمنة: عيسى تحت ؟ احمد: هيه ... يتريا الاوراق آمنة: انزين عيل .... بندت آمنة عن احمد ... وسارت دوّرت الاوراق طبعا السده فوق تحت احمد جالبنها .... هالسده بس اللي آمنة معطيه تصريح حق احمد ان يسوي فيها كل هالخربطان .. اوراق واقلام واغراض وووو ... فتحتها وياها اكتئاب .... ادوّر في هذا كله ! بس الحمدلله الورقه كانت فوق .. وبسهولة حصلتها ..... اتصلت تحت محد رد عليها وتمت تتصل وتتصل محد يرد .... واتصلت فالمطبخ عسب حد من الخدم يرد ... لكن لا حياة لمن تنادي ..... ظهرت برع يمكن حد من الخدم ياي فوق ينظف لكن ما في حد ! ..... وين ساروا ؟! ردت اتصلت في احمد ... آمنة: احمد محد يرد عليه احمد: وينهم ؟ آمنة: شدراني .... اتصلت تحت ما في حد يرد عليه .. واتصلت المطبخ محد يرد ! احمد: عيسى يالس يتريا تحت آمنة: انا شسوي ؟ احمد: نزلي عطيه الارواق آمنة: شوووووووه ؟ انا روحي انزل تحت .... وعيسى روحه يالس تحت .. واعطيه الاوراق ؟ احمد: شوه فيها ؟ آمنة: لا آسفه احمد: امون يالله عاد جيه عيسى شوه بيسوي بج آمنة: احمد تعرفني اني استحي .. ما اقدر احمد: ترا بقوله يصعد هو فوق آمنة: يالسخييييييف بايخ ... عن الحركات احمد: هههه شسوي بج يالله نزلي حرام والله يتريا الاوراق آمنة: افففففف احمد: يالله امونه .. نزلي آمنة: ما يقدر يتريا لين ما انته تيي ؟ احمد: الحين يباهن الصبح انا برد الظهر ..... آمنة: والله انك يا احمد ........ هالحركة تدري بي انقهر منها وتسويها أحمد: مب بايدي والله مب بايدي .. تبيني ايي البيت يعني واصعد فوق وانزل الاوراق حق عيسى وعقب ارد الدوام .... وين استوت ؟ آمنة: انزين خلاص ..... بنزل اعطيه الاوراق ... وامري لله احمد: عقب اتصلي عسب اطمن ما متّي هههههه آمنة: ما يظحك سخيف انزين أحمد: هههه ما عليه مقبولة منج .... يالله سيري بندت آمنة عن احمد و شلّت الاوراق ونزلت تحت .... شافت عيسى يالس .. وعيسى روحه يوم يشوفها يستحي .. لان يدري بها حرمة اخوه تستحي منه ... وما تنزل جدامه هو واخوانه الا لو احمد كان يالس .... تكون عاديه اما لو هو مب هني تستحي ... آمنة: تفضل الاوراق عيسى: شكراً .. وشل الاوراق وع طول ظهر .... وردت هي صعدت فوق ... رن مبايلها ... احمد: ها شوه استوى ؟ آمنة: يعني شوه استوى ؟ احمد: عطيتيه الاوراق ؟ آمنة: هيه احمد: وشوه تسوين الحين ؟ آمنة: شوه اسوي يعني ؟ ابا ارقد احمد: حلفيييي .. حرااااام آمنة: شوه ؟ احمد: فيني رقاد هههههه آمنة: هههه انته والله متفيج يالله يالله بند احمد: مع السلامه آمنة: فمان الله .... جربت الامتحانات ...... وصدق بس لعب ! عمر ضاغط ع عمران .... كان وايد مخلنه ع راحته الفترة اللي طافت ... صح انه كان يذاكر لكن كان يطلع بعد ! ...... وعمر كان مخلنه ع راحته مروان واقف جدّام التسريحة ..... و يعدّل سفرته ....... وعمران ماسك الكتاب في ايد والمبايل في ايد ..... عمران: بتظهر ؟ مروان: هيه عمران: ويا منوه ؟ مروان: ويا هزاع طبعاً عمران: وهو انته عندك غيره ! مروان: ذاكر انته ذاكر وخل المبايل ع صوب .... عمران: هذا احمد مروان: احمد والا غيره .. هذا احمد بعد ما وراه مذاكرة ..... عمران: خلّص مروان: هيييييييه خلص .... وهو ولا يعرف ولا حرف من الكتاب وسمعوا صوت الباب ...... انفتح .. مروان: تعال تعال الله يخليك جابل اخوك اللي ما يذاكر راشد: عمران ما خلصت ؟ مروان: وين بيخلص وهو مجابل احمدو ماله عمران: حتى المبايل وربعي يبون يمنعوني منهم راشد: ما نمنعك بس ذاكر مروان: انصحه انصحه ... خل اييب نسبه ويدرس في مكان محترم والا مصيره بيكون فالجبال ويا القروب الجهادي راشد: عمران بلى الخربطان اللي تسويه عمران: هذا يقص علييييييييك والله مروان ( وهو طالع ) : اوكيه انا اقص عليك ....... خلاص راشد لا تصدق ...... يالله جااااو نزل مروان تحت .... شاف عمر يالس وعبدالعزيز منسدح وحاط راسه ع ريل عمر ..... مروان: ما شاء الله جو رومانسي عبدالعزيز ( وهو حاط ريل ع ريل ) : وين بتسير ؟ مروان: عشتوووووووو ...... حرمتيه وانا ما ادري! عبدالعزيز: ههااااااي حلوة عمر :وين بتسير؟ مروان: يا الللللللله وانا اقول عزوز ظاهر ع منوه عبدالعزيز: مب كان احسن تجاوبني انا مروان: لا ما كان احسن عبدالعزيز: عيل يالله جاوب عمّور مروان: بظهر ويا هزاع ..... شي يديد عبدالعزيز: لا جديم وبايخ مروان: احسن لان محد طلب رايك عمر: لا اله الا الله بلاكم انتوا اليوم ؟ مروان: والله قول حق اللي منسدح وحاط راسه ع ريلك ... وحاط ريل ع ريل عبدالعزيز: عمر يحبني ..... وبعدين انا ما قلت شي غلط عمر ( ظرب عبدالعزيز بالخفيف ع راسه ) : بس اسكت انته مروان: ههااااااااي دليل الحب عبدالعزيز: عادي ما يعور ...... مروان: سر سر حلّق الله يخليك ...... قص هالشعر ... عبدالعزيز: تغاااااااار مروان: من ؟ عبدالعزيز: شعري مروان: من زينه ..... عمر: عبدالعزيز هالمرة يوم بتسير قصره زيادة عبدالعزيز: ليييييش؟ جيه احلى عمر: وايد طويل ! عبدالعزيز: ما اباه قصير انته تباني اقصه فوق الاذن ..... انا بقصه لين تحت اذني ... وبطلوه من ورا الله يخليك عمر: سو اللي تباه عبدالعزيز: حبيبي والله اخويه ادري بك ...... يعيبك شكلي الحلو ...... لاني اشبهك عمر: هههههه بس اسكت يالواثق ... وقم عني بسير اشوف عمران عبدالعزيز: لا والله ؟ وجيه ان شاء الله ؟ هو صغير ؟ عمر: بسير اشوفه يبا شي ما شيات عبدالعزيز: ليش بشكار انته عنده ؟ عمر: يا سلام ! عبدالعزيز: والله ما نشيت انزين عمر: احلف انته بس ! عبدالعزيز: والله حلفت ...... عمر: عبدالعزيز قم عبدالعزيز: والله حلفت اني ما انش ...... واشوفك تقومني غصب عن ريلك ..... بزعل وبتشوف بعد عمر: شوه هالغيره شوه هالحقد ! عبدالعزيز: مب حقد بس وايد ادلعهم هالايام ...... وخاصة عمران ... عمر: انزين هو ثانوية عامة ...... انته الا اجازة ..... تطلع وتدخل ع كيفك بعد عبدالعزيز: كيفكم والله ... حتى طلعت الثاني ولا قلت لي ولا سويت أي شي عمر: طلعت الثاني مب الاول ... مستواك مثل ما هو ما تحسّن عبدالعزيز: اوكيه احسن من ولا شي عمر: بعد تهدد ! عبدالعزيز: والله كيفك انا قلت لك ... ما بخوز يعني ما بخووووووووز دخل فريد نفس الوقت ... وهو شال صينية العشا مالت عمران ..... عبدالعزيز: هذو فريد بيودي العشا فريد: انته شوه فيك ؟ليش وايد ترمس ؟ عبدالعزيز: ما فيني شي .... فريد: انته تزعل عمر ؟ عبدالعزيز: انااااااا ؟ انا ما زعلته والله هو اللي مزعلني فريد: انا ما اصدقك انته ...... عبدالعزيز: شكراً استاذ فريد ع التدخل عمر: هههههههه فريد ود العشا فوق حق عمران وشوفه جان يبا شي ... هند في محاولة اقناع لأمها انها تسير الجامعة ... لكن !! هند: انزين بسير ... بسجل جواهر: وابوج ؟ هند: ابويه ما بيدري جواهر: اتخبلتي انتي ! هند: الله يخليج امايه مب حالة ... يعني نسبتي عالية .. ومدرسة خاصة .. ابا اكمل دراستيه جواهر: قالج ابوج تبين في أي دولة برع سيري ... بس فالبلاد ! هند: انزين انا ما ابا برع ... برع في وين مثلاً ؟ جواهر: قالج عند عمج ... في كندا ... هند: اوهوووووو كل ما قلت لكم قلتوا عند عمي ... مستحيل ... جواهر: كيفج عيل هند: انزين انتي قولي له ... جواهر: والله هو بيي وقولي له ... نفس الوقت دخل بدر ... بدر: هااااااي جواهر: اهلا ... بدر: شوه فيكم ؟ هند: ما فينا شي جواهر: قولي حق بدر يمكن يقنع ابوج بدر: شوه السالفه هند: بدر ما بيقوله بدر: انزين قولي يمكن اقدر اساعد جواهر: تباك تقول حق ابوك انها تدرس فالجامعة بدر: درسي منوه ميودنج ؟ جواهر: تبا هني ... مب برع ... وابوك مستحيل يوافق ... بدر: هنووووووود والله انج متفيجه ... يا بابا درسي برع وفكي عمرج ... هند: ما ابا برع .. ربيعاتي كلهن هني ... بدر: ربيعاتج بيكرفن كراف ... وبيدرسن ... وبيخلصن .... وعقب شهاداتهن تعتبر ولا شــــي .. هند: انزين عادي ثرني يالسه في البيت .. و يلستيه ما منها فايدة ... بسير الجامعة .. وبدرس روحي وبعد نفس الحالة بتكون شهادتيه ع قولتكم ولا شي .. انا راضيه بدر: والله تبين سيري قنعي ابوج روحج ... لاني انا بعد ما اباج تدرسين هني ونش بدر سار فوق ... هند: افففففف يقهر يقهر يقهر ... اول مره اشوف اخو يقول حق اخته لا درسي برع ... غيرك يتمنى اخته تقول ما ابا ادرس برع ... اففف جواهر: ابوج ويعرف مستقبلج وين بيكون احسن ... هند: والحين شوه كان مصيري ؟ يالسه فالبيت ... جواهر: يبا يستانس فيج ويفتخر فيج يوم بتدرسين برع هند: خل يفتخر في بدر اللي درس في امريكا ... خلاص ... مب مهم انا يفتخر فيني ... سكتت جواهر عن بنتها ولا ردت عليها ... لانها تدري لو كملت وياها ... هند بتفتح سوالف وسوالف وانتوا وانتوا وانتوا ... وبدر وبدر وبدر ... فـ تسكت احسن ... ********* |
الجزء الـ 11 عفرا: خلاص ...... خلاااااااااص خلاااااااااااص سلامة: شوه خلاصه ؟ عفرا: ما بسير الجامعة آمنة: شوه تخبلتي ؟ عفرا: لا .... بس بتخبل لو كملت في هالجامعة .. والله مليت خلاص سلامة: كملي انزين ..... عفرا: بس خلاص .. ما اقدر ما اقدر آمنة: وبتيلسين في البيت شوه بتسوين ؟ ام هزاع: بتنظف وبتخف وبتسوي عفرا: والله عندج بشاكيرج ام هزاع: بسفر البشاجير انا وبخليج انتي تسوين هذا كله عفرا: هيه خدامه انا ام هزاع: يوم انج بتيلسين فالبيت لا شغلة ولا مشغلة هيه عفرا: انزين شكراً ونشت عفرا من مكانها وهي ضايجة واصل حدها .. صعدت فوق وسارت حجرتها وصكت ع عمرها الباب ... سلامة: امايه هاي من صدقها ؟ ام هزاع: والله سمعتوها ..... من يومين الحين ما تسير الجامعة اونه خلاص ما بسير ولا بطبها هالجامعة آمنة: وابويه ؟ ام هزاع: ابوج ما يدري .... آمنة: اونه ام هزاع: هيه ما يدري والله سلامة: وهزاع ؟ ام هزاع: هزاع بعد ما يدري .... انا قايلة له عفرا تعبانه ما تداوم آمنة: والله كيفها سلامة: شوه كيفها ؟ آمنة: يعني بتاخذ الشهادة بتبروزها وبتحطها .... شغل ما بتشتغل سلامة: بس الشهادة سلاح آمنة: عفاري مب مال دراسة سلامة: يعني شوه بتيوزينها ؟ آمنة: بييها النصيب ...... في بيت حصه .... عقب ما خلصت حصة .... نظفت نظفت الطاولة .... وغسلت كل شي ... عقب العشا ... سارت حجرتها ... لقت علي ريلها .. يالس ويقرا جريدة .... حصه: بعدك واعي علي: تو الناس ،، باجر بعد ما عندي دوام حصه: اها علي: حصوه شرايج باجر تغيبين حصه: وليش اغيب ؟ علي: ما ادري بس جيه .... حصه: ما اقدر عليّه تصحيح علي: فري الاوراق ع أي حد حصه: هيه مدرسة ابويه هههههه علي: جان زييييين حصه: علي .... علي: هلا حصه: انته من زمان ما مريت بيت ابويه علي: ادري حصه: وليش ؟ علي: مب بكيفي ... تدرين ان الفترة الاخيرة كنت وايد مشغول حصه: هيه ادري ... علي: خلاص ولا تزعلين .. باجر ان شاء الله بمرهم وبسلم عليهم حصه: انا بخلص دوامي تقريباً 10 علي: 10 وتتفلسفين عليه تقولين ما ترومين تغيبين حصه: ههههه ما اروم انزين بصلّح علي: خلاص 10 تخلصين .. انا بمر عليج حصه: وسيارتيه ؟ علي: بلاها ؟ حصه: شوه اسوي ؟ كيف اتصرف ؟ علي: شوه شوه تسوين ؟ حصه: مب الصبح بسير بـ سيارتيه علي: هيه صددق ... عيل تدرين ... وعيني الصبح بوصلج ..... وبسير اخلص كم شغلة وبرد عليج الساعه 10 حصه: ما تبا ترقد ... رقاد النهار ع قولت احمد علي: ههههه لا ما ابا ارقد رقاد النهار ... خليته حق احمد حصه: خلاص عيل ... خل ارقد الحين ... عسب الصبح انش ... علي: بقرا هالمقالة ... وبنخمد ... في بيت شمسه ... شمسه وريلها يالسين يشوفون التلفزيون .... وسالم منسدح يلعب بالـ PSP بو سالم: سالم بسك لعب ... قم سر ارقد سالم: اجاااااااااازة ... نحن في اجازة سعيدة ومفيده للاطفال بو سالم: مفيدة بالـ PSP والسهر سالم: قلت سعيدة بعد ... شمسه: بو لسان .. اسمع كلام ابوك وبسك لعب بو سالم: اوه صدق ... ذكرتيني .... باجر عزيمة في بيت عمتيه سالم: الللللللله عجييييييييب بو سالم ( مستغرب) : اول مره تبدي اهتمامك يعني شمسه: هههههههه يتحسب عمتك يعني امايه سالم: عيل وين بو سالم: عمتيه اخت ابويه يا ذكي سالم: اوهوووووووووو ما نبا شمسه: وجيه ما خبرتني قبل بو سالم: نسيت والله ... اليوم العصر اتصلوا بي وقالوا لي سالم: طبعا انا ما بيي بسير بيت يدي بو سالم: طبعا مب ع كيفك .... قم الحين سر ارقد عسب تنش الصبح من وقت سالم: اففففف ما ابا .... بو سالم: اتأفف من اليوم لين باجر .... بتسير صوبهم يعني بتسير سالم: انزين انا ما ابا بو سالم :وليش ان شاء الله سالم: ما ادري كيف هناك ما يستوي اسوي أي شي شمسه: سو اللي تباه محد بيقولك شي .. بو سالم: ونش سر ارقد الحين ........ لانك بتنش من وقت الصبح ... ما نبا نكون آخر ناس هناك آمنة عقب ما يا احمد وراها ...... وسارت بيتها .... آمنة: احمد عفاري اختيه اونه بتودر الجامعة احمد: احسن لها .... آمنة: لا والله ! احمد: هيه ... شوه تبا بها الجامعة ؟ آمنة: ونعم الراي والله .. احمد: ليش تبا تودرها ؟ آمنة: تقول ما تقدر تعدّي التوفل ... احمد: يا هالتوفل والله انه سهل وما يباله آمنة : كل حد وقدراته احمد: صح ... بس عفاري زينه ما شاء الله ... جيه يالسه للحين ويا التوفل ؟ آمنة: ما ادري بها ... بعد ... انا قلت حق قوم امايه .. انه خلوها ما تبا خلاص ... بس هم يقولون لا وشهادة وسلاح .. وووو احمد: بييها نصيبها وبتسير .. جيه تيلس تكرف في هالجامعة آمنة: قلت شرات رمستك احمد: عيل وين المشكلة ؟ آمنة: ابويه وهزاع ما يدرون ... احمد: عمي ما اعتقد بيقول شي ... بس هزاع بيتناحس عليها آمنة: الله يعين ... احمد: بس حرام والله تضغطون عليها ... آمنة: انا ما يخصني ووالله قلت لهم بييها النصيب ولا تدرس شوه يعني ... عندها الثانوية خلاص احمد: اصلا انتوا ما تشتغلون ليش تدرسون ؟ آمنة: خييييييير ... ما نشتغل ! .... منوه اللي ما يخلينا ؟ احمد: لا يعني اقول ابدي رايي آمنة: لا تبدي رايك يوم انك انته فارض هالشي احمد: ههههههه خيبة امون .... الحين شي ناقصنج ؟ آمنة: لا الحمدلله احمد: خلاص عيل جيه تشتغلين ... عندج بيتج عيالج اهتمي فيهم عندج ريل شرات القمر ... اهتمي فيه آمنة: انزين وايد لا تصدق عمرك احمد: افااااااااااااااا آمنة: ههههههه اذا انته قمر عيل انا شوه احمد: لا لا .... انتي القمر اصلا يوم يشوفج يستحي من جمالج آمنة: شكراً شكراً احمد: بس لا تصدقين .... بنتي بتيي احلى عنج آمنة: عادي طالعه ع امها احمد: ماخذه من جمال ابوها آمنة: بنشووووووف أحمد: ســـنرى عفرا يالسه ترمس .. غاليه فالموبايل .. غاليه: انزين عفاري ما يستوي ... حاولي عفرا: ما ابا ... ما بحاول .. خلاص والله تعبت غاليه: الحين يالسه فالبيت شوه تسوين ؟ عفرا: ما شي ... غاليه: انزين نقلي اوراقج جامعة ثانية عفرا: ما فلحت هني بفلح مكان ثاني ... كل مكان توفل غاليه: جامعة الشارجة في تخصص ما فيه توفل عفرا: اعلام .. ما فيه توفل ... ومستحيل يخلوني ادرس اعلام .... تدري اللي عندنا يتحسبون الاعلام كله انج تطلعين فالتلفزيون غاليه: عفاري بس حرام عفرا: خلاص انا اتخذت قراري .. وما بتراجع ... ولا بسير الجامعة غاليه: هاي مب حاله عفرا: والله صدع اييني يوم اذكرها ... غاليه: ومستقبلج ؟ عفرا: أي مستقبل ؟ الله يخليج كل خواتي عرّسن ولا وحده فيهن تشتغل الا حصه ... لانها مدرسة انجليزي ... ولو بعد الله رزقها بـ عيال .. يمكن تودّر شغلها .. غاليه: امج شوه قالت ؟ عفرا: امايه انا مب معطتنها المجال ... بس تقول سيري حاولي غاليه: ابوج ؟ عفرا: ابويه وهزاع للحين ما يدرون انفتح باب حجرة عفرا .. فجأة عفرا: غاليه عقب برمسج ... غاليه: اوكيه مع السلامه هزاع: شوه تسوين ؟ عفرا: ما شي ... كنت ارمس غاليه وبندت ... خير ؟ في شي ؟ هزاع: صدق اللي سمعته عفرا: شوه سمعت ؟ هزاع: امايه تقول ما تبين تسيرين الجامعة خلاص !! عفرا: هيه هزاع: شوه هيه ؟ عفرا: انته سألتني وانا جاوبت .. صدق اللي سمعته والا ؟ اقولك هيه هزاع: شوه انتي تخبلتي ؟ عفرا: ليش ؟ وبـ شوه بتفيدني الشهادة الجامعية ؟ هزاع: عفاري حرام عليج كملي عفرا: جيه انا بديت عسب اكمّل ؟ ترا جني بعدني ولا دخلت الجامعة ولا درست هزاع: حاولي .... ذاكري عفرا: تعبت خلاص ..... هزاع: بتيلسين فالبيت شوه تسوين ؟ عفرا: هو لازم اسوي شي عسب ايلس فالبيت ؟ هزاع: عيل تيلسين لا شغلة ولا مشغلة عفرا: ثرني بعد يوم باخذ الشهادة من الجامعة بيلس فالبيت لا شغلة ولا مشغلة هزاع: ع الاقل في شهادة في ايدج عفرا: هو هو ما سويت شي ولا ضفت شي يديد ... عندي شهادة والا بيلس فالبيت ... وخلاص .. هزاع: والله انتي شكلج ينيتي ويلستي عفرا: بين زيادة لو سرت هالجامعة هزاع: انزين تبين جامعة ثانية ؟ عفرا: لا ما ابا ولا جامعة ولا خربطان .... بيلس فالبيت خلاص ... في بيت الشباب ... راشد وسعيد وعبدالعزيز يالسين فالصاله ....... وسوالف ... عبدالعزيز: الحين يعني عمران بيخلص الامتحانات ..... وع طول عرسك ؟ سعيد: انته شرايك ؟ عبدالعزيز: ما باقي شي راشد: ليش شوه عندك ؟ عبدالعزيز: عمّور ما وداني افصّل لي كندورة يديدة .. راشد: ما عندك؟ عبدالعزيز: بلى ... لكن لازم يعني يديدة .... عرس اخونا نتخقق سعيد ( ابتسم) : فهد اخو العروس بيفرك هناك عبدالعزيز: هيييييييييييه ... هو يقدر بس .. لو يروم عليه ما بيروم ع عمّووور راشد: الحين منوه ياب طاري عمر ؟ عبدالعزيز: هذو سعيد يقول بيفرني .... سعيد: قلت انته ما قلت عمر عبدالعزيز: انزين ما يروم ... بنكون احلى منه طبعاً راشد: بنشوووووف عبدالعزيز: شوووووووف .. بعدين انته جيه تدافع عن اخو العروس ... دافع عنا نحن اخوانك سعيد: ههههههه خيبه وين يالسين في حرب نحن راشد: ههه صدق عمره الحبيب ... سعيد: عمران رقد ؟ راشد: باجر آخر امتحان امتحان ... عبدالعزيز: افففف ... الله يعين ... بيرتفع نصيبه من الدلع ... خلال الايام اليايه .. برع فالحوي ... عمر توه واصل .... ومروان دخل وياه ... نزل عمر من الموتر .. واتريا لين مروان ينزل .... وهزاع كان نازل بعد .. عمر: هلا بالشيوخ مروان اطالع وراه ... يشوف في حد واقف !! ... وهزاع سوى نفس الحركة ... مروان: ترمسنا نحن ؟ عمر : ليش شاكين في عماركم انكم مب شيوخ ؟ هزاع: انا الصراحه لا ما اشك في عمريه ... انا شيخ ... بس يعني تواضعا مني ما احب الناس يقولون لي شيخ عمر: هههههههه الله ع التواضع مروان : انزين ... وما مناسبة تلقيبنا بالشيوخ يعني ؟ عمر: ما شي ... بس ما تبوني ازقركم الشيوخ كيفكم هزاع: لالا ... انا ازقرني اخوك كيفك انته وياه تنيازون اسحب عنه المميزات مروان: ههاااااااي ... حبيبي اول مره حد يزقرك بالشيخ ؟ انا كل حد يشوفني يتحسبني شيخ هزاع: قم قم انته بس وايد مصدق عمرك مروان: شاب وسييييييم جيه ما تباني اصدق عمريه هزاع ( وهو يرمس عمر) : اخوك مغتر بعمره ع الفاضي عمر: ادري به .. ههههههه مروان: فذمتك ما يليق ع ليه اكون ولد شيوخ عمر: ومنوه قال انك مب ولد شيوخ ... مروان: احم احم ... والله يعلني فدى هالويه هذا دام اللسان ينقط عسل رن مبايل عمر ... عمر: الو مرحبا هزاع: يعني اليوم ابات هني انا ! مروان: ما وراك شي وباجر اجازة يا اخيييي هزاع: ادنو مني لا تدعني يا اخييييي مروان: ياللي مطلع روحي يا اخييييي هزاع: شوه ؟! مروان: ههههههههههه هزاع: خربت النشيدة مروان: شريط عمران هزاع: حلوة الاناشيد اللي فيه مروان: نعم نعم ... متى سيأتي اليوم واهدي نشيدة زوجتي لمن تستحق هزاع: عاشوووووووووووووووو هلا واللللللللللله مروان: اهلييييييييين نسير داااااااااخل هزاع : وين بترقدنيييييييييي مروان: شوف بما ان عمران يمتحن .. وانته اليوم راز ويهك بيتنا هزاع: شوووووه ؟ مب جنك انته اللي عازمني ! مروان: عزمتك بس الناس يقولون لا ما عليه مره ثانية خلها وقت ثاني وانته ما شي قلت يالله ياي .. هزاع: اخ بس اخ لو كنت اعرف انك بتظهر جذه دنيييء كنت بسير بيتنا مروان: لا تتلفظ بألفاظ تخدش الحيااااااء لو سمحت وفي بيتنا بعد هزاع: قم بس قم مروان: هههههههه اونه زعل ... طوف طوف الله يخليك جدامي ... بنرقد فالصاله ... اصلا انا ما يايبنك عسب نرقد .. واذا مب عايبنك عندك الميلس واذا بالمرة مب عايبنك ... عندك جدام باب الحوي عمر: ان شاء الله زايد: شخبار عبدالعزيز ... من زمان ما ندري عنه عمر: اكيد يالس داخل يترياني زايد: جيه انته توك راد البيت ؟ عمر: هيه .. زايد: اها ... سلم عليه وايد وسلم ع اخوانك عمر: ان شاء الله الله يسلمك ... شحال عمي زايد: الحمدلله بخير .. عمر: وثاني وينه ؟ زايد: طبعاً بدون ما تسأل يالس ومجابل اللاب توب ماله عمر: هههههه أي شي ينهزب ولا ع البال زايد: هيه والله .. امايه شكثر تهزبه ... وابويه بعد ... لكن يقدر ع امايه يقص عليها ... ايي من فوق يحط راسه ع ريلها وغصب تلعب بشعره .. وانتهت القصة عمر: هههههه قاص عليها حليلها زايد: فار مخها ... وهي حليلها ما تقدر تزعل دلوعها عمر: هههههه حليله ثاني زايد: يالله عيل بخليك الحين ... عمر: يالله .. سلم سلم ... زايد: الله يسلمك ... ظهر زايد من حجرته ... ونزل تحت شويه ... شاف ثاني يالس ... زايد: اوه اوه اوه .. ثاني يالس اليوم تحت ... ثاني: تعبت من اليلسه فوق وشوي الا يشوف اللاب توب ع الطاولة واوراق وكاكاو وحالات ثاني زايد: اهااااااا ،، قول جيه .. وانا اتحسب نازل روحك من دون ولدك ثاني: فدييييييييت لابي والله زايد: لو اخترب شوه بتسوي ؟ ثاني: الله يخليك لا تدعي عليه والله زايد: ما دعيت بس قلت تخيل ثاني: بمرررض زايد: خيبه لو قالوا لك امك فالمستشفى طايحه مريضه ما بطيح مريض ... تقولي بتمرض عسب لاب توب ثاني: فدييييييت امايه جيه ادعي عليها بسم الله عليها زايد: ما دعيت بلاك انته قابضني لا تدعي ولا تدعي ثاني: لا يعني فذكر ان الذكرى تنفع المسلمين زايد: والله ؟! زين بعد تعرف ان الذكرى تنفع المؤمنين لا حلو ثاني: هيه بس ما احب حد يذكرني انا ههههههههه زايد: الحمدلله روحك عقيت عمرك في دوامة الاسئلة ثاني: وطلعت عمريه وخلاص ... تعال تعال حط جنل 2 بيحطون فلم يلس وشوفه وانا بيلس اكمل شغلي في صالة الشباب ... هزاع ومروان اليوم مسوين جو .. ان راشد عايبتنه السالفه ويالس وياهم ... وعمر وعبدالعزيز ... راشد: هههههههههه حلوة حلوة هزاع: حليله عمران عنده امتحان باجر مروان: ليش حليله ... والله كلنا عانينا اللي يعانيه هزاع: خيبه شوه هالاجرام ... عمر: قوله .. مول مب حاس في اخوه ... وهو لازم يكون اكثر شي وياه كل يوم طايح لي طلعة وهياته في مكان مروان: والله مب بكيفي اهيت .. هذا هزاع معلمني ع الهياته هزاع: مالت عليك انته اللي تتصل بي عبدالعزيز: عاشو اظاربووووووووا هزاع: هيه عاد انته استانس الحين مروان: يباها من الله .. عسب انحبس فالبيت وياه هزاع: ههههههههه مخطط ومرتبنها صح مروان: يا حبيبي يوم بتزعل دق راسك فالطوفه بعد ... بظهر ويا الربع انا راشد: ههههههههههههه اويه قوية عمر: هههههه خيانات عبدالعزيز: بل عليييييييك جامل ربيعك انزين وولد عمتك هزاع: صدق مالت عليك عيل ... اظهر وياهم ... ولا بسأل عنك ... بيي ورا عبدالعزيز وبنظهر عبدالعزيز: قول والله ... عيل الله يخليكم اظاربوا راشد: ههههههههه بس بس سكتوا ما اروم اظحك مروان: انته كله ما تروم تظحك عمر: يالله بسكم سهر سيروا ارقدوا مروان: والله انتوا رازين ويوهكم عندنا .... نحن بنرقد هني عمر: ليش ؟ سيروا رقدوا فالحجرة ... مروان: لا لا .. عمران الصبح بينش وما ادري شوه ... ما نبا نلعوزه راشد: الحين انتوا بتلعوزون عمران ! .... شوه هالذكاء ؟ عبدالعزيز: هيه بيلعوزون اخويه بيتمون يرمسون لين ما يرقدون خل ينسدحون هني فالصاله احسن بوايد مروان: بس بس انته محد طلب رايك .. تباها من الله ترقد ويانا ... عبدالعزيز: هــــــه ! منوه قاص عليكم ... بسير ارقد ويا اخويه والله ... متفيج انا ايلس وياكم وسار عبدالعزيز ورا عمر ... ع الدري ... التقطوا بـ سعيد سعيد: وين؟ بترقدون ؟ عمر: هيه بسنا سهر ... وهذا ( وظرب عبدالعزيز ع راسه ) متعود وايد ع السهر هالايام عبدالعزيز: آي ... والله اتعلم من الكبار عمر: لا والله ! سعيد: هههههههه وراشد ومروان ؟ عمر: تحت ويا هزاع ... شكلهم بيرقدون فالصاله سعيد: بسير عيل ايلس وياهم شويه وعقب بسير ارقد عمر: يوم بتسير ترقد شويه عطهم كم كلمة عسب يرقدون سعيد: هذا لووووووووووووو سمعوا كلامي عبدالعزيز ( نقع من الظحك ) : هههههههههههههههههههههه اتخيل سعيد: هههههههه بلاك تخبلت تظحك جذه ؟ عمر: هههههه هذا خبله عبدالعزيز: اتخيل سعيد يحرج عليهم اونه ههههههههه والله مروان وهزاع وراشد بينقعون من الظحك في ويهه ولا بيعبرونه ههههههه سعيد: ههههه وايد مستهزئ فيه ... ما عليه عبدالعزيز: هههههه انزين ما يليق عليك عمر: انزين خلاص هههه السالفة ما تظحك بس اسكت عن ينش عمران ع الحشرة ... سر سر الحجرة بنرقد ... يالله تصبح ع خير سعيد سعيد: وانته من اهله في حجرة عمر وعبدالعزيز .... عمر واقف جدام التسريحه يظهر عدساته ... وعبدالعزيز ع الشبرية عبدالعزيز: عمّور عمر: شوه ؟ عبدالعزيز: متى بتعرس ؟ عمر: يوم انته بتعرس عبدالعزيز: لا لا لا انا ما بعرّس بتم يالس هني ع قلبك عمر: انا بعرس بجابل حرمتيه وعيالي ما يخصني فيك عقب .. كل واحد مسؤول عن نفسه عبدالعزيز: شوه شوه شوه ؟ نعم عمر: هههههههههههههه عبدالعزيز: والله اتخسي .. مب ع كيفك .. عمر: شوه مب ع كيفي ههههه عيل ع كيف منوه عبدالعزيز: شوف هم وايد الاخوان اللي يقولون حق اخوهم ييب ولد وسمه ع اسامينا .. بس طبعا انا غير .. ما تسمي ولدك ع اسمي عمر: ليش ؟ عبدالعزيز: انا عبدالعزيز واحد بس فالعايلة ما ابا حد ثاني ياخذ اسمي وبعد يخربه عمر: اصلا عمر يقولون له بو عبدالعزيز عبدالعزيز: وعبدالعزيز يقولون له بو سعود عمر: ويقولون له بعد بو عمر ... عبدالعزيز: انا بسمي ولديه عمر ... عيل عمر: توك تقول ما بعرس عبدالعزيز: غيرت رايي يوم انته بتعرس انا بعد بعرس عمر: اقولك ارقد ارقد الله يخليك ههههههههه سوالفك بايخه عبدالعزيز: باجر ودني عند عموه عمر: تبا الصبح بوديك ... عبدالعزيز: جيه ما عندك دوام ؟ عمر: باجر بداوم متأخر شويه كم ساعه وبرد .. تبا بنسير نتريق عندها وعقب بردك عبدالعزيز: جيه تردني خلني هناك يوم بترد من الدوام مر عليه الله يخليييييك عمور عمر: لهالدرجة مشتاق لهم ؟ عبدالعزيز: مشتاق حق النحسة والله عمر: عبدالعزيييييييييييييييز عبدالعزيز: خلاص خلاص آسف ... نسيت ام هزاع يالسه فالصاله .. ووياها عفرا ... وآمنة .. آمنة: امايه وين هزاع ؟ ما رد للحين ام هزاع: قال بيبات عند عيال خاله عفرا: اووووونه .. عيل جيه ما قلتي لي .. اقول حق غالية تيي هني ام هزاع: والله هو قبل شوي متصل بي ومخبرني ... اتصلي فيها الحين قولي لها عفرا: شوه امايه تتطنزين ... الحين غاليه تيي هني ! ام هزاع: انتي تقولين آمنة: انا بسير الحجرة شويه بنسدح عفرا: وانتي وين ريلج مستويه سلامه اليوم يالسه لين هالحزة ما عبّرت آمنة ونشت من مكانها وسارت داخل ... بكل هدوء .. عفرا: ط هاي والله سوت لي طاف ام هزاع: شكلها الا بتبات هني اليوم عفرا: يعني معقوله احمد بيمر عليها الحين ؟ اصلا وايد متاخر الوقت واول مره يتأخر وامون يالسه ولا ع البال ما اتصلت به ! ام هزاع: وانتي شلللللج عفرا: قهرتني جيه ما ردت عليه ام هزاع: تستاهلين عفرا: ما عليه والله ما عليه ... كل ما اقول شي .. قفطيني وبعد تستانسين يوم يحطون عليه ام هزاع: روحج تييبين الرمسة حق عمرج عفرا: متى عرس ولد اخوج ؟ ام هزاع: شهر 7 عفرا: وييييييييييييه جرييييييييييييب ام هزاع: من متى انا قايلة لكم ؟! عفرا: انا نسيت ام هزاع: والله ما قلتي لي عسب اذكرج ! عفرا: باجر بقول حق غاليه نسير نشتري قطع ام هزاع: هيه وغاليه فاضيه شراتج الحين عفرا: شوه فاضيه شراتي ؟ ام هزاع: غاليه وراها جامعة .. عفرا: انزين وخير ؟ ام هزاع: انزين انتي يلسي فالبيت بس لا شغلة ولا مشغلة عفرا: والله مب بكيفي هديت الجامعة انزين .. بسير ارقد احسن لي .. ام هزاع: احسن بعد ... انا بسير حجرتيه صعدت عفرا فوق ... دخلت حجرتها وصكت الباب ... بدلت ثيابها ولبست بجامتها ... انسدحت ع الشبرية .. وحطت ايدها تحت راسها .. تعبت خلاص .. من تعليقات امها ... دايما تقول لها .. الجامعة والجامعة انزين خلاص ما تباها ما فلحت فيها .. ليش تضيع بعد سنوات واتعب نفسيتها زياده ... تعبت من مقارنتها هي شخصيا بـ غاليه .. هي تعرف ان هالنوع من المقارنات تخليها تكره الطرف الثاني .. وهي ما تبا هالشي وخصوصا ان غاليه بنت خالها وربيعتها الروح بالروح ... امايه من صوب وهزاع ساعات بعد يستهبل عليه .. مروان للحين ما يدري والا جان قطعني ... افففف الله يعيني والله ... رن مبايلها .. شلته وبدون ما تشوف الرقم ... عفرا: الو احمد: عفرا .. انصدمت عفرا .. احمد من وين ظهر لي .. نزلت المبايل .. وشافت الرقم ... لا والله رقمه ! اكيد يايب الرقم من عند آمنة اكيد ... احمد: عفراااااااااااااااااااااااااااااااااااااااااا عفرا: هلا هلا وياك ... احمد: عفرا بسرعه نزلي عفرا: بسم الله شوه مستوي احمد: سيري الحجرة اللي تحت امون هناك .. ساعديها وييبيها برع انا دقيقتين وبوصل عند الباب.. عفرا: ليش شوه السالفه احمد: ايهيييييييي عفرا ظهرتي اخس عن ناعموه اختيه عفرا: خلاص خلاص نازله ... احمد: لبسي عباتج وشيلتج انتي بعد بسرعه عفرا: نازله يالله باي .. لبست عفرا عباتها وشيلتها بسرعه .. وهي مرتبكة ولا تدري شوه السالفه .. نست انها لابسه بجامة .. نزلت تحت وسارت الحجرة .. وشافت آمنة اختها .. ساعدتها وظهرن برع .. وفعلاً احمد كان برع .. يتريا .. نزل بسرعه من الموتر ... وساعد آمنة .. احمد: تعالي عفرا ركبي ... ركبت آمنة جدام .. وعفرا ورا .. عاد عفرا شكلها صدق ميته من الزياغ ... واحمد متوتر ... يسوق .. عين ع الشارع وعين ع آمنة ... لين وصلوا المستشفى .. قال حق عفرا تساعد آمنة .. وهو سار داخل طلب كرسي متحرك .. وصل الكرسي .. وآمنة يلست عليه .. ودوها ... عفرا .. واحمد رواحهم برع ... عفرا: شوه السالفه ؟ احمد: شكلهم بيولدونها الحين عفرا: الحين ؟ ! احمد ( تنهد ) : هيه عفرا: كيف ؟ بعدها ... فالثامن احمد: شدراني انا عاد ؟! عفرا: اويه جيه ما خبرتني! احمد: وانا كنت ادري ؟! ... سيري الله يخليج عفرا داخل شوفيها عفرا: انااااااااا ؟! احمد: عيل حرمتيه ... اووووه اقصد حرمتيه داخل سيري ... عفرا: والله انته ريلها جيه ما تسير ! احمد: وين تبيني اسير ؟! ... سيري عفرا: انا اخاف احمد: ط هاي ... انا عيل جيه يايبنج ؟ عفرا: والله ما قلت لي انك بتوهقني احمد: لا والله ! في بيت الشباب .. تموا مروان و هزاع .. وراشد عيبته اليلسه ويلس وياهم وشكله بيرقد عندهم بعد .. مروان: شخبارها ام الدويس من زمان ما ندري عنها هزاع: تسلم عليك مروان: ههااااااي لا تظحكني .. اونه تسلم عليه ... هاي لو اموت جدامها ما بتسلم عليه ولا بتحضر جنازتيه ... هزاع: ههههههه حرام عليك عاد مب لهالرجة هي مجرمة مروان: اذا عفرا مب مجرمة عيل منووووه المجرمة ؟ هزاع: ههههههههههه ايه والله بس ترا ما ارضى مروان: اونه اونه هزاع: هيه صح تعال ... عفاري ودرت الجامعة مروان ( فز من مكانه ويلس عدل) : اونه ! هزاع: والله مروان: ليش ؟ هزاع: تقول توفل وما اقدر عليه وما ادري شوه ومليت مروان: وانتوا شوه قلتوا لها ؟ هزاع: ما قلنا لها شي مروان: لا والله ! هزاع: يعني شوه نسوي ؟ هي تبا ... انا رمستها ما اقتنعت وكل يوم خواتي يرمسونها تقول ما تبا تكمل خلاص مروان: والله هاي ام الدويس صدق عليها حركات ... خل تكمل الحين هزاع: تقول لازم اييب التوفل ... وهي ما تروم عليه مروان: هالزّلمة ! ....... ظهرت كسلانة والله ما تنفع هزاع: لااااااااا حرام عليك ... عفاري شاطرة ما شاء الله بس ما ادري شوه سالفتها ويا التوفل مروان: والله انتوا وهي خبايل ... هزاع: ايه انته .. جنك حطيت علينا مروان: عادي عادي هزاع خذها بروح رياضيه هزاع: ان شاء الله في المستشفى .. استوت الساعه 3 .. عفرا تعبت ... ظهرت من غرفة الانتظار اللي داخل ... وسارت برع يلست ع الكراسي ... شافها احمد .. ويا صوبها ... احمد: بعدها ؟ عفرا: هيه ... احمد: الله يعين عفرا: امون دايما جذه الله يهديها ... ما ترمس الا يوم خلاص احمد: اففففف ويوم اهزبها تعصب عفرا: هي اتصلت بك قالت لك انها تعبانه ؟ احمد: هيه .. انا كنت ويا عيسى اخويه ... اتصلت بي وقالت انها تعبانه عفرا: سخيفه .. ولا قالت لنا ... احمد: جذه تسوي هالحركات دوم عفرا: شوه تتوقع ولد والا بنت ؟ احمد: والله متفيجه ... سيري شوفيها .. تعالي طمنيني عفرا: ما يخصني .. والله اخاف .. احمد: صدق ما تنفعين ... عفرا: جيه ما وعيت امايه ... احمد: انا لو كنت اعرف انج انتي جذه جبانه جان ما يبتج ... في اشيا لسانج طويل ... و في اشيا ثانية .. خليني ساكت عفرا: حرام عليك احمد: انزين دخلي الله يخليج ... عفرا: بسير هناك عند الباب وبسأل السستر احمد: اذا ع جيه انا بسير انتي ليش بعد ؟ عفرا: لا لا .. ولو ما نبا نتعبك سارت عفرا .. وابتسم احمد غصباً عنه ... والله عفرا سوالف ... انا وين وهي وين ! في بيت .. ام احمد ... احمد اتصل بـ ناعمة وخبرها .. وناعمه يالسه فالصاله تحاتي آمنة .. ورملة .. بس لان اجازة .. معانده ويالسه .. والا هي مدوخة وفيها رقاد .. دخل عيسى البيت ... ناعمه ( عينها ع الساعة ) : الحين حد يرد البيت عيسى: كنت ويا ربعي .. رملة ( وهي مغمضة عينها وحاطه راسها ع ريل ناعمه ) : طبعا هم يطلعون ونحن فالبيت .. عيسى: وانتي جيه ما راقده ؟ رملة: كيفي .. اجازة .. ناعمه: رملة نشي نشي بسرعه سيري الحجرة ... يالله رملة: اوهووو ناعمه: نشي يالله محد متفيج يوديج عقب .. قومي عيسى: وانتي جيه ما راقده ؟ ناعمه: احمد اتصل بي وقال ان حرمته فالمستشفى رملة: احمد وآمنة كل يوم فالمستشفى عيسى: الله ياخذ عدوج بدال ما تدعين لهم رملة: الله يسهل عليهم عيسى: ههههههههه شوه يخصه رملة: اوه ما ادري بس جيه قلت ناعمه: آمنة جنه بتربي الليلة .. عيسى مبهت وفاتح عيونه ... و رملة فزت من مكانها ... رملة: قولي والله ناعمه: والله رملة: وليش ما قلتي لي ؟ عيسى: الحين هو روحه وياها .. رملة: لا اكيد خواتها كلهن وياه ناعمه: لا والله .. حليله احمد روحه ويا عفرا اخت آمنة بس .. والله يعين آمنة رملة: اوييييييييييييه عيسى: انا بسير حجرتيه .. يوم بيتصل احمد خبروني .. رملة: عيل الحين ما برقد ناعمه: قومي سيري رقدي انا قلت لج رملة: ما بسير .. اجازة انزين .. مب مدارس عادييييي ناعمه: كيفج والله رملة: انزين كيفي ناعمه: قومي عن ريلي رملة: فيه رقاد ناعمه: شوفوا انتوا ! عيسى: انا ما بشلج عقب رملة: لا تشلني عيسى: كيفج رقدي هني رملة: ياخي انته وياها وبعدين وياكم ناعمه: لا نشي ظربينا بعد رملة: تتوقعون آمنة شوه بتييب ولد والا بنيه ؟ ظحكوا عيسى وناعمه غصبا عنهم ... رملة تدخلهم في سالفة وتظهرهم من سالفة ثانية ... هند ... ما ياها رقاد .. تمت منسدحه ع شبريتها وتقرا دفترها .. هالدفتر تعودت عليه ... فيه ذكريات عجيبة .. وما زالت تكتب فيه ... وترد تقراه في يوم من الايام .. وتذكر اللي كتبته .. فيه سوالف ... فيه مواقف .. فيه اشيا ما تخطر ع البال ... يومياتها .. اللي يوم بدت تكتبها كانت نوعاً ما حلوة .. لكن الحين .. كل اللي ينكتب في هالدفتر .. صح انه اكثر شي يطغى عليه الحزن .. لكن تحس انه يرد الروح من يراني ... يقول بـ أن حياتي حياة ملوك .. قد عاشوا في راحة .. و غمرتهم السعادة .. و استلهموا من رفاهية الحياة ،، نورهم ولكن ،، لا يعلمون ان حياتي .. كلها مأساة ادفع ثمنها طوال عمري .. ابتسمت هند عقب ما وقف قلمها عند آخر كلمة .. و نزلت القلم .. وبندت الدفتر ... وحطت راسها ع مخدتها ... وغمضت عيونها ... احمد : الله اكبر الله اكبر ... الله اكبر الله اكبر .. اشهد ان لا اله الا الله .. اشهد ان لا اله الا الله .. اشهد ان محمدا رسول الله .. في اذن صغيرة ... وايد صغيرة .. كان صوت احمد والاذان يسري فيها ... عقب ما ابصرت النور .. وطلعت ع الدنيا .. آمنة .. يابت بنيه ... و هي بخير .. وعفرا عندها ... اما احمد فـ حمد ربه ان الله رزقه بنيه .. المهم ان صحتها زينه ... وان آمنة بخير .. ظهرت عفرا .. عفرا: قايلة انا بقرصهاااا احمد: يا ويلج لو دقيتي بنتي عفرا: فديت هالويه المنتفخ احمد: ط والله .. وتحط عليها ... عفرا: ههههههه وع احمد بنتك خسفة احمد: تفدين هالويه وام هالويه بعد .. قومي قومي عني عفرا: هههههه منوه قدك استويت ابو احمد: هيه ببركاتج .. وما شاء الله عليج ما في اشجع منج .. بنصح سلامة تييبج يوم بتيي عفرا: هههههههه فذمتك ما ساعدتك يعني واقفة هني انا من الصبح ... وما هديت امون فديت اختيه انا .. هاي الصعلوقه عيل تبهدل اختيييييه احمد: هيه والله في هاي صدقتي .. فديت حرمتيه اللي تعبت وآخر شي يابت هاي عفرا: هههههه حبيبتيه والله .. يالله شوه بتسمونها ؟ احمد: ما ادري ... خل امون تنش بالسلامة .. عاد ما بكون طماع .. بنختار لها اسم عفرا: صدق ما تعرفون انها بنيه ؟ احمد: والله ما نعرف انها بنيه .. ( وابتسم ) بس امون كانت تبا بنيه .. اكيد مستانسة الحين عفرا: حبيبتيه اختييه والله .. احمد: اتصلي بشري امج بسرعه عفرا: الحين ؟! بيأذن الفير احمد: الحين هزاع بيقوم وبيدورج وبيقول وينها هاي ؟ وبيوعي كل اللي فالبيت ... بيقول عفرا شردت عفرا: هههههههه لا والله احلف ؟! احمد: هههههه اتصلي يالله اتصلي عفرا: حرام رقود احمد: رقود هااااااا .. والله ما اخلي حد يرقد اليوم ... يت السستر وشلت البنيه الصغيرة ... وبدا احمد بالاتصالات والمسجات .. قال حق عفرا تتصل في امها .. شمسة: نش يالله سالم: انزيييييييين شمسة: قم صل ورد ارقد سالم: انزين انتي سيري وانا بنش شمسة: قم الحييييييين سالم: يا ربي شوه هالام شمسة: الله ياخذ العدو .. قم يا سالم بهدلتني .. ابوك بيرد من المسيد وانته بعدك راقد ولا صليت سالم: انزين .. شمسة: نش والا ببند عنك المكيف سالم: لا لا ..... ونش سالم ..... شمسة: نش بسير اشوف مبايلي .. يرن .. بسم الله .. وسارت شمسة تشوف مبايلها .. شمسة: الو عفرا: شمووووووس شمسة: بسم الله الرحمن الرحيم .. عفاري شوه مستوي ؟ عفرا: أمون ربببببت شمسة: متى ؟ عفرا: توها الحين شمسة: انتي وين ؟ عفرا: فالمستشفى .. شمسة: قوم امايه وياج ؟ عفرا: لا .. انا واحمد بس هني وياها شمسة: شوووه ؟ عفرا: هيه والله .. مال بسرعه بسرعه يينا شمسة: ط هاي عفرا: يا هبله .. الواحد اول شي يسأل شوه يابت شمسة: صدق شوه يابت ؟ .... ندري ان ولد هي قالت عفرا: لا بنيه شمسة: حلفي عفرا: والله ... شمسة: عفاري عفرا: ههههههه صدق انزين شمسة: يالله الحمدلله ع سلامتها .. وقوم امايه درو؟ عفرا: هيه اتصلت بها خبرتها انا ... شمسة: هي بخير ؟ عفرا: الحمدلله .. شمسة: خلاص عيل .. دامها بخير ... نحن بنرقد .. وباجر بنييها عفرا: ههههههه ونعم الاخت .. لا والعوده بعد شمسة: ههههه شوه تبيني اسوي يعني ؟ الحين الفير ايي المستشفى عفرا: لا لا .. رقدي رقدي شمسة: ثرني اقولج عفرا: اوكيه بخليج الحين شمسة: انزين .. طمنينا لو استوى أي شي ثاني عفرا: بسم الله ع اختيه شمسة: لا سمح الله يعني .. عفرا: اوكيه شمسة: يالله بسير اشوف سالم ... للحين راقد ولا مصلي عفرا: ونعم التربية شمسة: جب انزين .. كنت اوعيه وانتي اتصلتي .. عفرا: هههه عيل مع السلامه .. جابلي وحشج المفترس شمسة: فمان الله ... نش هزاع ع صوت المبايل ... ووياه مروان .. كل واحد فيهم لو مثّل لو أي مخرج يشوفهم بيقول بنفعون حق فلم رعب ... وراشد فوقهم .. هزاع: الو احمد: نش بسررررعه نش هزاع: منوه ؟ احمد: يا ويهك حد ما يعرف صوت الكناري هذا هزاع: احمد انته وايد متفيج ... تشوف الساعه كم الحين احمد: ههههه هيه اشوف .. نش بسرعه نش هزاع: شوه تبا فيه ؟ احمد( حب يلعب بأعصابه ): سير شوف عفرا اختك وينها ؟ في حجرتها ؟ هزاع: ليش؟ احمد: انا اشك انها هناك ! هزاع ( صح صح شويه ): احمد شوه السالفه ؟ انا مب فالبيت وين عفاري ؟ احمد: ونعم الاخ هزاع: لا توتر لي اعصابي .. احمد قووول عفرا وين ؟ مروان وراشد .. من طريقة هزاع .. هم بعد وياه صحصحوا ... لان هزاع كان يرمس بلهجة حادة .. احمد: فالمستشفى هزاع: شوووووووووه ؟ شوه مستوي ؟ احمد: بسم الله خلاص .. بقولك .. قم يا فالح .. احم احم حرمتيه يابت بنيه .. هزاع: فذمتك ؟ امون ربت احمد: يقولون .. هزاع: احمد مب متفيج والله لعبت بأعصابي بما فيه الكفاية احمد: ههههه والله والله امون ربت ويابت بنيه .. هزاع: بالبركة .. تستاهل تستاهل .. احمد: الله يبارج في حياتك هزاع: وشخبار امون الحين ؟ احمد: الحمدلله تمام هزاع: وعفاري وامايه والشلة كلهم اكيد وياك احمد: لا لا .. بس عفرا ويايه .. يعني اسمح لنا .. شلينا اختكم من البيت .. دون محد يدري .. ويبناها المستشفى .. هني هزاع: انته وعفاري بسسسس ! احمد: شفت عاد حظي النحس .. هزاع: ههههههه شفت .. احمد: يالله ببند عنك ببشر هلي .. متصل فيك انته اول واحد ما عندي سالفة صح هزاع: غلط احمد: هههه فمان الله هزاع: مع السلامه ... سلم ع امون بند احمد عن هزاع ... مروان: شوه السالفه ؟ هزاع: امون يابت بنيه .. راشد : مبرووووووك مبرووووووك هزاع: الله يبارك في حياتك .. مروان: تصبحون ع خير .. ورد مروان اللحاف ع ويهه و رد رقد .. وهزاع نفس الشي .. وراشد قال يوم ان هالاثنين اللي كل يوم طايحين هناك .. ويعرفون امون هاي جيه سووا وباعوها ورقدوا هو ليش واعي ؟! ... ورقد هو الثاني ناعمه هي الثانية كانت ع وشك انها ترقد ... بس كانت تتريا الاتصال .. وفعلا رن مبايلها واخيرا احمد: باركييييي ليييي نعّوووووووم ناعمه :بشر احمد: بنيه بنيه حلوووووة قمر ع امها والله ناعمه : هههه تستاهل تستاهل .. مبروك .. وشحال آمنة ؟ احمد: الحمدلله بخييير .. ناعمه:سلم عليها وايد .. احمد: تدرين للحين ما شفتها .. ناعمه: حليلها .. شفت البنيه نسيتها هااااا احمد: لا لا والله .. مب جذه .. بس ما يهون عليه اشوفها وهي تعبانه جذه ... عقب بسير لها ناعمه: خوش ابووووو والله هههههه احمد: بشري اللي فالبيت .. ناعمه: ان شاء الله ... يالله مع السلامه بسير ارقد سهرتوني وايد احمد: هههه السموحه والله ناعمه: مسموح الغالي .. كم احمد نحن عندنا .. بند احمد عن ناعمه ويت عفرا صوبه .. عفرا: احمد احمد: هلا عفرا: متى ناوي ان شاء الله تطلق سراحي وتردني البيت ؟ احمد: هههههه آسف والله آسف .. عفرا: فيه رقاااااااد احمد: بس اطمن ع حرمتيه وانهم ودوها الغرفة الخاصة اللي حاجزنها وبوديج عفرا: يعني يبالنا ساعه جيه .. احمد ( ابتسم ): ما ادري .. ما جربت من قبل ! عسب احسب عفرا: انا بسير اشوف امون عيل ... انته مب ناوي تسير لها احمد: لا مب الحين .. عقب .. سيري شوفيها و طمنيني الصبح ... في حجرة عمر وعبدالعزيز .. عمر سار الدوام ... عبدالعزيز نش .. وتغسل ... وظهر من الحجرة ... شاف عمران توه واصل ... عمران: توك ناش ؟ عبدالعزيز: هيه عمران: والله تعال برويك شي عبدالعزيز : شوه؟ عمران: تعال انته ... عبدالعزيز مب متفيج يطرح اسئلة زيادة فـ سار ويا عمران ... نزلوا تحت ... يوم شاف الاشكال .. نقع من الظحك .. عمران: هههههه اسكت فضحتنا عبدالعزيز:ههههههه هذيل والله ميانين قال لهم عمر سيروا رقدوا فالحجرة ما طاعوا عمران: ههههه حليلهم عبدالعزيز: انته اليوم كان آخر يوم .. عمران: واخيييييرا افتكيت .. عبدالعزيز: زيين .. بنشوف النسبة ... عمران: لا تتوقعون اكثر من 60 عبدالعزيز: واااااايد عليك .. واااااايد عمران: هههه انا انسان مب فاضي عبدالعزيز: صح صح صح .. مروان: عمرانووووو متفيج حق تنظيم القاعدة وبس نقع عبدالعزيز من الظحك .. مروان مب راقد .. واعي بس اكيد مب متفيج ينش الحين .. عمران أرقد انته ارقد مروان: وجيه تحشون فينا من الصبح عمران: اقولك ثرك وااااايد متفيج والله مروان: هزاااااااااع هزااااااااع قم .. هزااااع قم اختك آمنة يابت بنيه عبدالعزيز ( فتح عيونه ): قوووووول والله ايه لا تجذب ع الريال مروان: والله ما اجذب عبدالعزيز: جذاب انته مروان: اقولك ما اجذب عبدالعزيز: وشدراك توك ناش ؟ مروان: احمد اتصل الفير وقال حق هزاع نش هزاع .. هزاع: اوه صدق .. ذكرتوني .. وبعد عبدالعزيز ظحك .. عبدالعزيز: راشد بعد انته قم .. راشد: انا قايم من زمان عمران: ودام انكم قايمين جيه ما تنشون ؟ هزاع: تعلمت عدم التفيج من اخوانك عبدالعزيز: اليوم بتسيرون عند آمنة فالمستشفى ؟ مروان شوه بتسيرون ؟ جيه هي حفلة ! هزاع: هيه تعالوا صدق .. بسير البيت انا بتكشخ بسير عند اختيه عبدالعزيز: متى بترد البيت ؟ هزاع: ما ادري عبدالعزيز: وييييه يعني ما بيكون في حد في بيتكم ... ملل ... راشد: وانته ليش ؟ عبدالعزيز: يعني ما بسير بيت قوم عموه ... بقول حق عمر يظهرني اليوم مروان: عمر مب متفيج ...... ما باجي شي ع عرس سعيد ... راشد: صدق انتوا فصلتوا ؟ مروان: لا .. القطو العود فصّل ؟ راشد: ههههههههههه سعيد اكيد عمران: عن الغلط ع اخويه مروان: بس بس انته هزاع: تدرون شوه اكتشفت ؟ مروان: شوه ؟ هزاع: ان نحن وايد مسوين طاف حق بدر ! مروان: لا والله ؟ اكتشاف عظيم انزين وعقب ؟ هزاع: هههههه لا يعني .. اكيد هو بيي العرس .. شي اكيد طبعا .. مروان: مالت عليه انزين كمل هزاع: فـ بيفركم كلكم هناك عبدالعزيز: في عينه ! كلهم ظحكوا ع طريقة عبدالعزيز .. قال في عينه من الخاطر .. محد يرتاح له هـ البدر .. محد *********** |
الجزء الـ 12 في المستشفى ... رملة ... وناعمه .. وامهم .. وام هزاع .. و حصه .. وشمسه ... واحمد ... ام هزاع: بس ابا اعرف كيف ييتوا ولا قلتوا لي ؟ احمد: خلاص عمتيه .. ربت وخلصت .. وانتهت السالفه .. وبترد امون الرشيقه الحيين ... وانتي بعدج ع سالفة من سنة يدي ام احمد: يا ولد .. استح ظحكن حصة وشمسه ع رمسة ام احمد .. احمد: شوفي تخلينهن يظحكن عليه .. ام احمد: لانك ما تسكت احمد: بعد تقولين لي ما اسكت .. امايه استويت ابو الحين مب بس معرس .. ناعمه: شوه بتسمونها ؟ رملة: ما يباله سؤال .. رملة .. احمد: بكل ثقة .. ( وقلدها ) رملة ! .... لا تصدقين عمرج وايد آمنة: هههه انا ما يخصني ... بكيفكم .. انا بغيت البنيه ... والحين خلاص عندي اياها شمسه: عيل سموها قماشة آمنة: لا عاد قلت بكيفكم بس مب جيه رملة: هههههههه اتخيل قماشة .. قموووووش احمد: هههه ودج انتي بنتي جيه اسميها عسب من تصبحين لين تمسين وتحشرينا قموش وقموش نفس الوقت ... دخلت سلامة .. سلامة: السلام عليكم .. الكل : وعليكم السلام .. سلامة: مبروك ما ياج يالدبه ... جيه تنقعين خيانة .. مب قلنا نفس الوقت .. آمنة: ههههه شسوي ... مب بايدي احمد: يالله انا استأذن .. امون لو بغيتي شي اتصلي ع مبايلي .. آمنة: ان شاء الله .. سلامة: شخبارج علومج ؟ آمنة: الحمدلله .. شمسه: يابت البنيه قبلج سلامة: اشوفها .. انتي يبتي الولد ... وهي يابت البنيه .. الحين ولدي والا بنتي بيكونون جداااام حصه: ههههه لا تخافين عند امايه اللي منج ما يكون جديم ابداً ام هزاع: صلوا ع النبي .. اذكروا الله ... المهم الصحه .. ام احمد ( ابتسمت ) : عيال آخر زمن .. يغارون من ادناة شي رملة: طبعا يوم انتي تدلعين ناعمه .. طبعا بغار حصه: هههههه رملة متعقدة شكلها ناعمه: لا متعقدة ولا شي .. بس فيها غيرة زيادة عن اللزوم تبا كل شي حقها رملة: من حقي .. اسمي رملة .. وبجمالي وغروري خبلة .. نقعن من الظحك اللي يالسات .. سلامة: منوه مألف لج هالشي الجميييييييل عنج ؟ آمنة: في غيره ... ناعمه: احمد قاص عليها آمنة: ريلي ما يقص ع حد .. صدقه خبله بجمالها وغرورها بعد شوه رملة: احم احم سعيد .. ويا بدور .. سعيد: ما باجي شي .. بدور: فهد يقول بس خلاص ... لازم ما اشوفك سعيد: نعم ؟! وليش ان شاء الله ؟! بدور: هههههه عندنا نحن جذه سعيد: شوه هالتخاريف بدرو: ولا انا ابا اشوفك بعد سعيد: بعد ! بدور: هههه عسب طبعا عقب اكون غير سعيد: انزين بس باجي كم يوم للعرس بدور: ما باجي شي ... سعيد: يعني طردة من الحين بدور: يالله عااااااد سعيد ما قلت لك من اليوم ... من باجر سعيد: واايد عليج .. بدور: ههههههه سعيد: انزين انا الحين لازم اسير بدرو: وين تو الناس سعيد: بسير .. اخلص شغلي .. وبمر البيت .. بشوف آخر الترتيبات .. ويا عمر اخويه بدور: اها سعيد: هيه صح .. الحجرة اللي بنيلس ثر فيها باب حق برع ... يعني تدخلين منه وتطلعين منه .. القسم بكبره حقها .. ممر وحجرة عوده .. وحمام .. الحجرة تنقسم قسمين حجرة وجيه مثل صالة صغيرة .. وبحط باب فاصل من بداية الممر .. انه خلاص نحن نستقل بالقسم بدور: اها .. انزين سعيد: ما تبين تشوفينها ؟ بدور: لا مش مهم الحين .. بس زين فيها باب روحها حق برع .. عن اخوانك سعيد: كيف يعني ؟ بدور: لا يعني .. كله شباب فالبيت .. فـ انا ما ابا التقي بهم ع الطالعة والنازلة سعيد ( ابتسم ): استحملي شوي .. لين ان شاء الله اقدر اوفر لج السكن المطلوب بدور: خلاص يا سعيد .. عادي عندي ... سعيد: يالله انا ساير ... بغيتي شي ؟ بدور: لا مشكور .. سعيد: العفو .. مع السلامه بدور: فمان الله .. الله يحفظك ... وديمة راده من برع .. وفي ايدها خرايط .. شافت سعيد تفشلت .. سلمت ع السريع وسارت داخل .. دخلت عقبها بدور .. بدور: شوه السالفه ؟ وديمة: اففففف ولا تهنيت .. امج ما تخلي الواحد يتهنى ... بدور: ليش وينها امايه ؟ ودخلت ام فهد .. ام فهد: الله يغربل ابليسج من بنيه وديمة: والله ما سويت شي بدور: شوه السالفه ؟ ام فهد: كسرت لي ركبي .. ما خلت محل ما دخلته .. وعقب هذا كله .. تقول ما لقت شي عيبها بدور: عيل انا اشوف في ايدها وايد خرايط وديمة: فستاااااني .. والاكسسوارات ... ما لقيت لي نعال .. ولا خلتني اسير الصالون اسوي بروفا بدور : عروووووس عروووووس الاخت .. تبين بعد بروفا تسوين ؟ وديمة: هيه ... من زمان ما سايرة متمكيجة عند الحرمة ... بشوف ميكبها تطور والا نفس ما هو بدر: صدق متفيجه ام فهد: شفتي عاد ! وديمة: بسير ويا الخدامة . بخلي السايق يودينا ام فهد: انتي طبي برع البيت وبتشوفين وديمة: بسير بسير ... ام فهد: قولي هالرمسة حق فهد وديمة: فهد ما يخصه .. ام فهد: هذو ياي قولي له ما يخصك .. فهد كان يمشي ياي من برع وبيخل الصاله ... من شافته وديمة .. شلت اغراضها بسرعه وسارت فوق ... بدور: توها تقول ما يخصه .. ام فهد: هيه تقدر هي تسوي شي بدون فهد .. فهد: السلام عليكم ام فهد: هلا وعليكم السلام فهد: رديتوا ... ام فهد: بسنا يا بوك .. كم والا كم بندور .. ريلي عورتني .. واختك ما تعبت فهد: وينها عيل ما اشوفها ؟ بدور: سارت فوق .. تبدل ثيابها .. فهد: اها .. وينه سعيد سار ؟ بدور: هيه قال عنده كم شغله لازم يخلصها .. مرت الايام بسرعه .. ناس يتريون النتايج ... وناس مرتبشين بـ عرس سعيد ... وناس منقهرين لان امهم تقول ما يسيرون العرس كانت آمنة .. منقهره من الخاطر ... واحمد يظحك عليها كل ما يشوفها .. يقول احسن ما بتخسرني اونه ! .... عفرا يالسه وتظحك .. وام هزاع يالسه تسبح البنيه الصغيرة .. و احمد يالس ع صوب .. وآمنة تتحرطم ... وهزاع توه واصل .. آمنة: امايه انزين محد بيحط في باله ام هزاع: بلى .. بيقولون هاي وين يايه .. وتوها مربية ... وما ادري شوه .. بتصيبج عين يا حرمة آمنة: الحين منوه بينتبه عليه ام هزاع: يوم الواحد بيحسدج ما بيقولج ثرني بصيبج بعين الحين هزاع: هالبيييت كله صريخ صريخ صريييييييخ عفرا: هههههه اختك تبا تسير عرس ولد خالك هزاع: خل تسير احمد: انته ايه اسكت .. هزاع: ليش انته مب مخلنها ؟ احمد: حشى عليه .. ما يخصني .. هاي اختك جدامك اسألها جان انا مب مخلنها آمنة: اصلا انته تباها من الله امايه تقولي لا تسيرين وما تخليني احمد:ههههه الحين انتي وامج انا شدخلني .. ما يخصني عفرا: حليلج يا امون آمنة: بسير .. ام هزاع: بشوفج كيف بطبين العرس عفرا: استمتعي بـ جمال العرس يوم كل الحريم بييون هني هزاع: بعد بييون هني ؟ عفرا: طبعا انته تنش من صباح الله خير تطلع من البيت هزاع: انا بطلع من البيت ... وابويه ؟ ام هزاع: ابوك يدري وبيطلع روحه .. هزاع: وين نسير ؟ عفرا: كيفكم والله ام هزاع: شلي البنيه يا آمنة وديها داخل .. آمنة :ييبيها .. شلت آمنة بنتها وسارت داخل .... عفرا: هزاع شوه الاجواء في بيت خالي سيف ؟ هزاع: عادي ... اصلا يتريون نتايج عمران .. ام هزاع: ويه فديت عمران والله .. ما ظهرت النتيجه ؟ هزاع: اليوم قالوا ... وقلت لهم خبروني .. ما ادري للحين محد بلغني عفرا: شاكه انا ان مروان افندي مهتم .. مسوي طاف حق الكل احمد: هالبنيه بس حاطه ع عيال خالها ام هزاع: انا لله وانا اليه راجعون .. هاي يبالها طراق حلو .. يعدلها ويعدل رمستها عن عيال خالها عفرا: الله يسامحك يا احمد احمد: هههههههه ما يخصني ما قلت شي .. بسير عند حرمتيه ... وسار احمد صوب آمنة .. احمد: فديت هالويه .. يا حلوة انتي يا حلوة آمنة: احمد ابا اسييييييير احمد: وين ؟ آمنة: بسير العرس احمد: امج تقول لا .. آمنة: اففففف احمد: صدق امون توج مربية .. بعد تسيرين العرس ؟ آمنة: كم يوم الحين ... احمد: كيفج والله هاي امج سيري تفاهمي وياها .. انا عادي عندي آمنة: امايه ما بطيع احمد: انزين انتي بتسيرين العرس والبنيه ؟ آمنة: بوديها ويايه احمد: لا والله حلفييييييي ... آمنة: شوه فيها ؟ احمد: بذبحج امون .. بتين بنتي تتصمخ ... آمنة: عادي عادي ويا الخدامه بخليها في الحجرة احمد: كيف يهون عليج يالحرامية .. آمنة: هههههه ثرها بتكون ويايه يعني جدام عيوني .. عيل شوه تباني اسوي فيها اخليها وياك ؟ يوم ما بيكون عندي مخ بسوي الحركة احمد: يا ويهج انا ابوها آمنة: ما قلنا شي .. بس تخيل اخليها وياك ... والله ما سويتها .. فديت روحها اخاف عليها احمد: ط هاي والله ! آمنة: شوووووه احمد: مالت عليج انزين آمنة: ههههه شوووووه احمد: الحين انا ابوها تقولين جيه ؟ جيه بوش والا شارون ؟ آمنة: ايه لا تقول هالاسامي اللي تخوف جدام بنتي .. اخااااااف تعقدها من الحين احمد: هي اسمها ميثا .. ميثا احمد آمنة: امها منوه ؟ احمد: اقولج ميثا احمد .. مب ميثا آمنة .. بس سكتي .. غاليه .. رفعت السماعه .. واتصلت .. رد هزاع .. هزاع: الو غاليه: الو السلام عليكم .. هزاع: وعليكم السلام غاليه: عفرا موجوده ؟ هزاع: هيه .. ( عفااااااااااااري تعالييييييي ) غاليه ؟ غاليه: نعم ؟ هزاع: قولي حق زايد وثاني اليوم السهرة في بيت خالي سيف غاليه: ان شاء الله عفرا: ييب ييب .. شوه تبا فالبنيه ؟ هزاع: ما ابا شي خذي عفرا: الو غاليه: الووووو .. وينج انتي ؟ عفرا: موجوده .. غاليه: يبتي فستانج ؟ عفرا: لاااااا متى بتسيرين ؟ بيي وياج غاليه: الحين ادور حد يودينا عفرا: هزاع اكيد بيقول ما بودييييييكن لان والله بسير ويا عيال خالي سيف ويا قوم مروان وما ادري شوه غاليه: انا ما ابا السايق يودينا عفرا: امممممم غاليه: يقنع زايد عفرا: لااااااا الله يخليج كله ولا زايد غاليه: ليش ؟ عفرا: استحي منه .. صح انه عادي واحسن بوايد من أي حد ثاني بس بعد غاليه: امايه وامج مب متفيجات اييون ويانا عفرا: بشوف حصوه غاليه: حصه ما بتيي وانا قلت لج ... عفرا: بسألها .. غاليه: انزين انا بسير اسال زايد لانه املنا الوحيد عفرا: اوكييييييييييه مع السلامه غاليه: فمان الله جواهر : هنّود .. سيري جربي الفستان هند: يعني لازم لازم لازم اسير العرس ؟ جواهر: هيه لازم .. عرس ولد خالج هند: انزين شوه هي المفاجأة اللي ابويه قالي عنها ؟ جواهر: بتعرفينها عقب شويه هند: قولي جواهر: ما بخربها .. يالله سيري جربيه وتعالي خبريني هند: اوكييييه نشت هند .. بتسير فوق .. وصلت نص الدرب وع الدري .. سمعت صوت ... هالصوت يوم تسمعه صح انه ما تسلم من تعليقات صاحبة الصوت .. لكن بعد تسوي لها جو والله .. رد بسرعه .. هند: جدتييييييييييييييي يدوه غريسة: جدتي بعد شوه ؟ وين وين اميه ؟ بنت عرب انتي هند: شحالج وشخبارج وعلومج وشوه مسويه يدوه غريسه: انا بخير يوم كنت هناك في بيتي .. بس من يابني ابوج هني ما اظن اكون بخير وياكم هند كتمت ظحكتها جواهر: افا عليج عموه .. لا تقولين جذه .. بنحطج في عيونا .. بو بدر: امايه حجرتج هذي . وهذا بابها .. يدوه غريسه: زين بعد .. احسن .. ما خليتوني فوق عسب اطيح اتكسر ع هالدري اموت وتفتكون مني جواهر: ميري ودي اغراض يدوه داخل .. يدوه غريسه: جيه ميري تشل الاغراض ؟ عندي ولد طول وعرض هند فتحت عيونها ع الاخير ما عندها هاليده ولد في هالبيت غير ابويه .. ليكون تبا ابويه يشل شنطها ... هههههههههههههههههههههههههه والله انج قوية بو بدر: امايه .. هالكثر خدم خل يخدمونج .. عيل جيه ادفع لهم كل شهر .. وسار داخل ... جواهر: عن اذنكم .. هند: يدوه اساعدج ؟ يدوه غريسه: لا لا .. ما ابا حد يساعدني .. يوم بطيح عقب فروني في دار العجزة بعد ولا تسألون عني هند: فديتج انتي لا تقولين جذه .. بحطج في عيوني والله ... دخل بدر .. بدر: اغراض ... بعد بتسافرون ؟ بل عليكم وين بتسيرون بعد ؟! هند: احم احم .. بدر ( وتأشر له ع يدته ) بدر من شاف اللي جدامه .. يود راسه .. بدر: انتي هنييييييييي .. منوه يابج ؟ يدوه غريسه: مالت ع ذا الويه .. اللي من يشوف يدته يقول لها هالرمسة .. انته ايه انا يدتك يالهرم بدر: اوه سوري .. شخبارج يدتيه علومج ؟ يدوه غريسه: مثل حالك اللي ما يسر بدر: ومنوه قالج حالي ما يسر ؟ يدوه غريسه: مبين من ويهك ... خل اسير حجرتيه ابرك لي .. سارت يدوه فطيم حجرتها ومن بندت الباب .. نقعت هند من الظحك وبدر ويهه يقول جنه الا ملك الموت جدامه .. بدر: منوه يايبنها ؟ هند: ابويه بدر: وليش ؟ هند: شكلها بتسكن هني خلاص بدر: الله يعيييينا هند: احسن تونسني شويه بدر ( اطالع اخته ): حلفي انتي عاد هند: هههههههه مول مول مول ما قطعتك بدر: وهذا اللي بيخليني اهج من هالبيت ... ما استحمل مستحييييييل هند: استح ع ويهك يدتك هاي بدر: يدتيه ع عيني وراسي .. لكن تدري بها بتتدخل في كل صغيرة وكبيرة .. هند: بتخليكم تمشون على الصراط المستقييييم واهم شي آآآآآآآآه بفتك من السفرات كلها .. يوم ما ابا اسير .. بقول حق ابويه اني بيلس هني فالبلاد ويا يدوووووه بدر: يلسي جابليها روحج ... عاد انا الحين بسافر كل مكان هند: هههههههههه لهالدرجة يعني واييهم صوت من داخل .. يدوه غريسه: بسكم من هالظحك الماااصخ .. عيب عليكم بدر: شفتي .. حتى الظحك استوى ممنوع .. يلسي يلسي جابليها ع قولتج .. عسب تخرفين شراتها .. وشل بدر بعمره وسار فوق .. اما هند فـ يلست وهي تظحك صدق من الخاطر .. في بيت الشباب .. ظهر من الحجرة بسرعه .. وركظ بينزل تحت .. شافه في ويهه حضنه .. عمر: مبرووووك عليك النجاح عمران: الله يبارك في حياتك مروان: اونه نجحححت ؟! انا قلت ما طرشوا لي مسج يعني رسبت راشد: هههههه الل هياخذ العدو .. عمران: احسن عن غيري مروان: أي غيييير ؟ اكسل واحد فينا انته عبدالعزيز: طبعا الحين تدلع زيادة عمران: طبعا طبعا .. عبدالعزيز: بس طبعا مب ع عمّور .. دور لك أي اخو ثاني عمر: هههههههه والله انته مروان: حقووووووود وغيووور عبدالعزيز: كيفي اخويه .. دخل سعيد .. مروان: البشاااااارة سعيد .. كم تعطيني ؟ سعيد: شوه ؟ مروان: اول شي قول كم تعطيني ؟ سعيد: ادفع لك جيمة النعال اللي بتاخذه مروان: بس !! وايد عليك سعيد: هههههه عيل شوه تبا ؟ روحي مفلّس مروان: يالله ما عليه بناخذ لنا نعال من انطونيو .. دامك انته بتدفع راشد: هههههه مجرم عمر: بتبشره والا عمران :انا اللي لازم اطلب اصلا سعيد: قولووووووووا عبدالعزيز: عمران نجح الحمدللللللله الحمدلللللللله سعيد: والله صدق ؟ مبرووووووك عمران .. تستاهل عمران: الله يبارك في حياتك .. مروان: عمران لك مني رسالة الكترونية الى تنظيم القاعدة .. متخرج بشهادة ثانوية بعد شوه يبون عمر: بديييييييت بديييييت انته مروان: ما قلت شي .. هديه بسيطة يعني .. والهدية العودة ان شاء الله عقب راشد: وشوه بتكون ان شاء الله ؟ مروان : تذكرة للسفر الى كهوف ومغارات افغانستان للتدرب على القتال عبدالعزيز: هههههه ناوي ع عمرك مروان ( مروان وهي يشوف نظرات عمر): بسير ابشر هزاع هههههه ما يخصني ما قلت شي عمر: عمران اتصل في عموه وبشرها عمران: آآآآه هيه والله واخيرا الحين الواحد يقدر يستانس صدق .. ناجح وعرس اخويه يا سلام الفرحة فرحتين .. وتموا يسولفون .. وابتسم سعيد .. كان بيحرم عمران من هالفرحة .. وما كان يدري بالشعور اللي يحمله عمران اتجاهه .. مستانس بعرس اخوه ونجاحه ... صدق منوه قدّه ... في بيت ام احمد ... رملة: آمنة متى بترد البيت ؟ ناعمه: ما ادري رملة: خل ترد البيت عيسى: انا هذا احمد قاص عليه ولا سار ويايه اظهر لي السيارة اليديدة رملة: شوه بتظهر عيسى: رنج طال عمرج رملة: رنج!.. عيسى: هيه مب عايبتنج ؟ رملة: لا لا .. حلوة الرنج عيسى: ما خذت رايج اصلا .. ويت ام احمد .. ام احمد: احمد ما اتصل ؟ ناعمه : لا ام احمد: رملة ... سيري تزهبي بنسير بيت خالتج رملة: قولي والله عيسى: في الشاااااارجه طبعا ام احمد: هيه طبعا وانته بتودينا طبعا ... ناعمه ما بتيين ؟ ناعمه: ما ادري ام احمد : جان بتيين يالله قومي تزهبي عيسى: امايه سيرن ويا السايق ام احمد: وانته جيه ما تودينا عيسى: وجيه السايق نعطيه معاش .. سيروا وياه .. ام احمد: صدق ما تنفعون ناعمه: هيه احسن ويا السايق .. عسب ما تاكل فوادنا ... يالله خلصن ويالله خلصن رملة: انا بسييييير اتزهب بااااااااي عيسى: ولازم هم اييونا مب انتن تسيرن ام احمد: ليش ان شاء الله ؟ زيارة الاقارب بعد لازم ومب لازم وبالدّور عيسى: لا بس حرمت اخونا مربية يعني هم لازم اييون ام احمد: هم يو .. وخلصوا عيسى: مب لازم تسيرن ام احمد: عيسى اذكر الله خلاص ما اباك انته تودينا .. بنسير ويا السايق وسارت ام احمد داخل ناعمه : ههههههه بلاك جذه مستوي عيسى: اتريا احمد قالي بييب صور ميثاااني ناعمه: تتريا احمد .. عيل ابشرك ما بييك الا نص الليل .. عيسى: بحشره وبتصل فيه ناعمه: بنشوف .. تبا احمد يودر حرمته وبنته وايي عندك انته عسب صور عيسى: قال بيي يبدل وجيه وبيسير بو هزاع ... يالس فالصاله ويزقر .. نزلت عفرا من فوق .. عفرا: آمنة في الحجرة ابويه شوه بغيت فيها ؟ بو هزاع: قولي لها خل تييب البنيه شويه ... سارت عفرا دقت الباب .. فجت لها آمنة ... عفرا: ما تسمعين انتي ابويه يزقرج من الصبح آمنة: شوه ؟ عفرا: يقولج ييبي ميثا صوبه آمنة: راقده عفرا: شليها ووديها ... آمنة: انزين .. احمد: خير خير بنتي راقده آمنة: اسكت الله ياخذ عدوك ابويه يباها عفرا: هههههههه ييبيها بسرعه انا بسير ... أحمد: انا بوديها .. شل احمد بنته و وداها صوب عمه .. وآمنة طبعا وراه تخاف وايد ع بنتها ... بو هزاع: بسم الله ... الله يحفظها .. احمد: عمي ماخذه من جمالي صح بو هزاع: حلوة شرات امها آمنة: ههههههههههههه الجواب ياك احمد: افا جذه تقول عني بو هزاع: خل تاخذ اخلاقك ... وتاخذ جمال امها آمنة: شوه قصدك ابويه ! احمد: يعني انا خلوق اكثر عنج بو هزاع: هييييييه ودك انته تكون شرا اخلاق بنتي احمد: بعد مره قفطتني ... بو هزاع: اسكت عسب ما اقفطك ع قولتك آمنة: ههههه احسن .. احمد: ما عليه يا امون آمنة: شوه بتسوي ... في بيت ابويه وتهددني بعد بو هزاع: يهال يهال يالسين جدامي ... بس سكتوا صيحتوا البنيه .. شفتوا احمد: السموحه السموحه الشيخه ميثا السموحه .. آمنة: لا هي توها لانها ناشه ... وتخاف من الاصوات العالية .. نزلت عفرا من فوق .. عفرا: فديتها كيف تصيح .. خبلتوها ... ودخلت حصه .. حصه: فديت هالصوت .. والله احمد: بعد بعد تفدوا بنتي زياده ... آمنة: ييبها ابويه .. بو هزاع: تعالي شليها احمد: غريبة سلامة من يومين ما يت عفرا : تبا تسوي شرات حركة أمون احمد: هههههه بقول حق طارق ايي يشلج انتي عفرا: يالله يالله مينونه انا اسير ويا سلامة ما شي شغل حصه: ههههه سيري حليلها اتم روحها ؟ عفرا: والله خل تقولكم كلكم وسيروا وياها انا ما بيي .. عاد سلااااااامة الله يعينكم عليها .. امون كانت روحها وعادي .. اما سلامة .. احمد: يالله انا بسير البيت .. آمنة: عقب تعال هني احمد: بشوف .. بسير عيسى يباني .. بيظهر له موتر يديد عفرا: اخوك كل يوم سيااارة احمد: عندنا بيزات .. حصه: ههههههههه عفرا: نحن ما عندنا تصدق احمد: هههه شوه نسوي يبا يتخقق آمنة: شوه بيظهر ؟ احمد :ما ادري والله شوه حاط في باله ... بسير الحين وياه الوكالة .. بنشوف يالله سلام في بيت يوسف ... يوسف: وشخبارك بعد ؟ عمر: الحمدلله .. بخير يوسف: من زمان ما ييت صوبي عمر: مشغول يوسف: يقولون عرس اخوك جريب .. عمر: هيه يوسف: نصبتوا الخيم حق عرس الرياييل ؟ عمر: لا بعدنا يوسف: حجزتوا ؟ عمر: باجر انا بسير وبشوف .. يوسف: خلاص لا تسير .. وخل الخيم عليه ... والليتات اللي بتحطها ع البيت عليه ... و بقولهم يحطون بعد ليتات ع بيت عذيجة .. ( ومد ايده خذ ظرف من ع الطاوله ) ... وهذا عطه حق اخوك... عمر: عمي .. سعيد مب محتاي هذا كله .. ونحن سوينا ميزانيتنا .. والحمدلله كل شي متيسر يوسف: عمر .. يوم اقولك سو الشي سوه .. ولا تناقشني وايد .. انا قلت لك بسوي هذا كله وهالظرف عطه اخوك خلاص عمر: بس عمي يوسف: قلت لك لا تناقشني ... عمر : عمي اذا بتعتبر هذا كله شفقة علينا فـ نحن ما نباه يوسف: مثل ما هو اخوك .. فهو ولد اخويه ... وآخر مره اقولك لا تناقشني .. ومشى يوسف عن عمر .. ارتسمت ابتسامة ع ويه عمر .. يالله خير .. عمه اول مره يعترف بواحد من اخوان عمر .. عمر: انزين مب ناوي تعشيني عندك ؟ يوسف: ومنوه قال اني بخليك تسير البيت بدون عشا ؟ عمر: بس ع شرط ما اتأخر والحين يحطونه يوسف: والسفرة زاهبة .. ويالله تعال ها انا ذا كما انا ... لم تتغير حالي .. ففي كل يوم اتطلع الى فجر آتي ... يخرجني مما انا فيه .. كنت وسأبقى انا .. سجينة هذا البيت .. وحيدة فيه .. فـ متى يأتي يوم وابصر فيه معنى السعادة والراحة ... بندت هند دفترها ع صريخ تحت ... فتحت باب حجرتها ... ومشت صوب الدري تشوف شوه سالفة الصريخ ؟ وقفت فوق وتطالع ... نقعت من الظحك ع الموقف اللي تشوفه ... يدوه غريسه: انته اصلا شوه لابس ... بدر: لا حول ولا قوة الا بالله الحين كيف افهمها ... يدوه غريسه: ارمس بصوت عالي خلني اسمعك بدر: يدووووه لابس بنطلون و قميص شوه فيها ؟ يدوه غريسه: بنطلون وقميص !! والله واختربتوا يا عيال اليوم بدر كان لابس جينز .. وقميص هاينك و شال جكيت جينز في ايده .. يدوه غريسه: جاكيت بعد ... من زود البرد هني بدر: حركة حركة .. لوك يديد يدوه غريسه: شوه لوك ؟ احيد لوك يعني شوف بالانجليزي نقع بدر من الظحك .. يدته مطوره والله زين !! ... يدوه غريسه: يالهرم وتظحك عليه بعد بدر: لا حشى ما اظحك عليج .. اظحك ع عمريه ... والله زين يدتيه تعرف انجليزي يدوه غريسه: من كثر ما سفروني هالسفرات برع .. بدر: يحليلج والله يدوه غريسه: حلك حلول انزين بدر: افا .. شوه قلت انا الحين يدوه غريسه: سر سر بدل والبس لي كندورة وغترة وعقال وكون ريال بدر: واااااااااات ؟ البس كندورة وغترة وعقال ... جيه وين ساير انا ؟ يدوه غريسه: شدراني عنك .. بدر: ساير اتعشى ويا ربعي في مطعم ليش البس كندورة وغترة ولا بعد عقال ... عزيمة والا عرس ؟! يدوه غريسه: وانته بس تلبس يوم العزايم والاعراس بدر: طبعا .. ومن زمان ما ساير لا عزيمة ولا عرس .. يدوه غريسه: مالت عليك .. قم بسرعه قم .. سر بدل فوق .. هند ناقعه من الظحك ... بدر ( رفع راسه وشاف فوق ): هيه شعليج انتي ظحكي يدوه غريسه: منوه هاي ؟ هندووووو نزلي هني بسرعه نزلي .. يالسه فوق تظحك بس .. هالظحك الماصخ اللي ما ادانيه بدر: نزلي قالوا لج نزلت هند تحت وهي كاتمة ظحكتها .. يدوه غريسه: شوفي اخوج شوه لابس هند: بدر شوه لابس انته ... لا لا لا .. سر بسرعه بدل مب حلوة الناس يشوفونك بهاللبس بدر ( فاتح عيونه ع الاخير) : هندووووووووووو يدوه غريسه : شوف حتى هند تقول ... زين في وحده عاقلة في هالبيت ... يالله سر بدل بدر: تقص عليج انا كل يوم البس جذه عادي ... هند: ههههههه سر بدل قالوا لك بدر: اقول انا وايد تأخرت ع ربيعي فمان الله .. وسار بدر ... يدوه غريسه: ولا عبّر وسار .. هند: يدوه مب اول مره يلبس بدر هاللبس وكل الشباب الحين يلبسون يدوه غريسه: هالشباب ما عندهم سالفة هند: انزين بتشوفين فستاني مال عرس سعيد يدوه غريسه: ويه .. منوه سعيد بعد ؟ هند: ولد خالي سيف من قالت هند ... خالي سيف ... سرحت يدوه فطيم ... هند: يدوووه بلاج ؟ يدوه غريسه: ما فيني شي .. تذكرت سيف خالج الله يرحمه هند: الله يرحمه .. ( ابتسمت ) ... ما اذكر أي شي منه ولا من حرمته .. الا يوم كنا نسير بيت خالي يوسف يدوه غريسه: الله يسامحك يا يوسف هند: ليش ؟ شوه مستوي ؟ يدوه غريسه: ما مستوي شي .. بس سيري يبي بشوفه الفستان .. هند: خلاص غيرت رايي مب متفيجه اسير فوق يدوه غريسه:احسن يلسي هني ... ويايه هند: افا عليج ما طلبتي هند مب لانها مب متفيجه ما سارت تييب الفستان .. بس خافت يدتها تسوي بها شرات اللي سوته في بدر .. فـ قالت اقصر الشر وما افشّل عمريه وما بسير اييب الفستان .. اليوم المنتظر ... تقريبا يعني .. مب الكل يترياه .. لكن من زمان ما استوى عندهم عرس ولد ... اصلا اولمره ولد يعرس في هالعايلة ... آخر عرس كان عرس ابو هالولد ... ! عبدالعزيز يالس فالصاله .. ويا راشد .. راشد: يبتوا كنادريكم ؟ عبدالعزيز: هيه راشد: انته وعمور نفس الشي ؟ عبدالعزيز: اكييييد راشد: وين عمر ؟ عبدالعزيز: اظني فوق ويا سعيد .. في حجرة سعيد وراشد .. عمر فعلاً يالس ويا سعيد .. عمر: خذ هالظرف سعيد: شوه هذا ؟ عمر: خذه .. سعيد ( مد ايده وفتح الظرف ): عمر شوه هذا ؟ مب محتاي هذا كله ... عندي والله عندي ... ومب محتاي عمر: محد يرد الهدية سعيد: هديتك وصلتني .. والله ما اباه هذا .. اصلا المبلغ وااااايد شوه بسوي فيه ؟ عمر ( أبتسم ): هاي مب هديتي ... الليتات وخيم الرياييل .. و هالظرف من عمي يوسف .. بهت سعيد ولا رمس .. عمي يوسف ؟ ! ... كيف ؟ ومتى ؟ وكيف اصلا لان قلبه و سوى هذا كله حق عرس سعيد ... سعيد: صدق ؟ عمر : هيه سعيد: بشفقة منه والا من قلبه عمر: سعيد ما حبيت اسمع هالرمسة منك انته بالذات .. انته الوحيد اللي تعرف الموضوع بينا وبين عمي يوسف كيف ماشي ... وتعرف سبب الخلاف بالضبط شوه ... وتعرف كل شي .. سعيد: وعسب جيه اقولك هل هو شفقة والا عمر: مب شفقة .. هذا عمك يا سعيد .. عمك سعيد ( ابتسم ): زين يوم تذكر ان سيف عنده ولد ثاني غير عمر .. الحمدلله نعمه اعتبرها هاي.. عمر وسعيد وهم فالحجرة سمعوا حشرة برع ... طلوا من الدريشة ... شافوا الكل متخبل ... مروان وهزاع ... قالوا اليوم بايعينها يعني بايعينها عنبو مب عرس هذا هدووووووء .. ومحد يتحرك.. مروان حاط حربية في سيارته واييولون الربع مروان + عبدالعزيز و احمد اللي توه واصل عقب ما انطرد هو و طارق وصالح وسالم .. صالح: خبايل والله ... ههههه طارق: الله يعينا اليوم عيل مروان: عاش عاش احمد احمد: يقولك الشياب وايد يرمسون مروان: هيه والله صالح: منوه تقصد احمد: كل واحد يعرف عمره ... للأسف ما يبت ولد .. اشركه فالميدان اييب لي 300 الف طارق: تبنى سالم وطرشه احمد: هااااااا .. لا عيل ما ابا .. تبون انا بعطيكم 300 الف .. سالم: تتمنى صالح: ياك الرد منه هو روحه ههههههه راشد: ههههه هالانسان اليوم بيخبلني شرات يوم الملجة .. سالم: لا تيلس حذالي ما بتتخبل مروان :ما تروم عليه وفريد توه واصل مروان: فريد ... حي دور فريد: ما ابا احمد: ههههههه قفطك مروان: دومه فريد: وين سعيد؟ مروان: سر يا بوي .. ولدك فوق عند اخوه الثاني صالح: حرام عليك هههههههه هزاع توه واصل وتخبل وياهم ... وزايد وثاني وراه دخلوا .. هزاع: عاشووووووووووو ثاني: اللهم لك الحمد مروان: ياخي شايفنا ميانين ثاني :لا عقّاااااال زايد: السلام عليكم الكل: وعليكم السلام عبدالعزيز: زايد يالله زايد: لا لا انا اكتفي بالمتابعه فقط .. وين عمر ؟ راشد: عمر داخل ... سير هناك افتح الباب .. اصعد الدري سير يمين .. امش لين آخر شي الحجرة اللي ع اليسار دق الباب وادخلها زايد: احلف عاد راشد: هههههه والله زايد: ليش روحه داخل ؟ راشد: لا يالس ويا سعيد ( وتوه عمر ويا سعيد ظاهرين ) .. خلاص لا اتعب روحك يو لين عندك عمر: ما شاء الله ما شاء الله صالح: شحالك عمر ؟ عمر: تمام انتوا شحالكم ؟ طارق: نسأل عنكم احمد: هلااااااا المعرس شخبارك سعيد: ههههه مثل اخبارك احمد: هييييييه تبا بنيه شرات بنتي الحلوة سعيد: ههه شوه دخّل هذا في هذاك احمد: ثرك انته تقول شرات اخباري اخباري انا معرس وعندي بنيه طارق: هاها احمد ثرك وايد متفيج مروان: دومه متفيج هزاع: ياخي عرس عرس عرس عمر: اول مره ! هزاع: في هالبيت هيه .. واول شاب ظريف يعرس من العايلة ... عقبه منوه بنسوي قرعه مروان: لا تسوي . طبعا انا راشد: انا قبلك .. صالح: اظاربوا الاخوان ههههه عمر: لا اترييوا شويه الميزانية ما تسمح ههههههه مروان: مثل ما سويت حق سعيد تسوي لنا بعد شوه سعيد: وييييييه ع الغيرة اشتغلت .. وانا بعدنيييييي ما تهنيت كلهم ظحكوا ع سعيد واخوانه ... تشوفهم تحس ان صدق كل واحد قلبه ع الثاني .. الله يحفظهم في بيت ام هزاع ... هناك الربشة .. لان كل البنات هناك ... زاقرين راعيات الصالون هنتين .. ويزهبونهن كلهن ... عفرا: امون ما بتيين الحين ؟ آمنة: اسكتي عني شويه وبصيح .. ام هزاع: الساعه 7 بتكونن فالقاعه خلصتن والا لا بتكونن هناك الساعه 7 عفرا: يعني 5 نخلص والا 6 ام هزاع: يكون احسن سلامة: ايه انا اول وحده خل يخلصوني ... تعبانه شمسه: والله ما ادري سالم الحين شوه بيسوي ام هزاع: هم وين ساروا ؟ عفرا: هزاع قال بيت خالي غاليه: هيه زايد وثاني بعد ساروا هناك ام هزاع: وين امج انتي ؟ غاليه : فالبيت قالت بتسير القاعه ع طول من هناك .. يالسه ويا ابويه حصه: ابوج مدللينه .. ابويه انا حليله اللي محد يدري عنه .. شمسه: حصوه علي بعد سار هناك ؟ حصه: علي لا فالبيت شمسه: آمنة احمد هناك ؟ عفرا: اقولج هزاع هناك شمسه: هزاع الحين تلقينه ما ادري شوه يخربط ويا مروان .. ابا واحد عاقل آمنة: هيه احمد هناك شمسه: اتصلي به لان صالح ما يرد عليه قولي له ... سالم شل كندورته واغراضه والا ؟ آمنة: بتصل به بقول خل صالح يتصل بج شمسة: يكون احسن بعد .. ام هزاع: سلامة اميه سيري هناك يلسي لين ما يزقرونج آمنة: الحين سلامة التعبانه عادي تيي العرس وانا لااااااا ام هزاع: انتي سكتي .. سكتي بس حصه: أمون صدق ما بتيين ؟ آمنة: امايه ما خلتني اطلع من البيت هالايام .. ولا مسويه شي ولا شيات .. ام هزاع: اقولج سيري بنتج تصيح سيري ... سارت آمنة وهي تتحرطم .. منقهره .. مرتفع ضغطها .. كلهن بيسيرن الا هي .. وتشوف عاد فساتين وميكب .. نقطة ضعفها الميكب .. وحلوااااات وما تسير ؟ مشكلة هااااااااي .. ومصيبة في حقها ... بفستانها الاحمر اللي فيه شغل ذهبي طالع عليها كل شي حلو ... فستان + ميكب نزلت تحت ... طبعا ابوها واخوها للحين ما سايرين .. وامها ما مخلصه .. وهي بس حاطه ميكب ... وتتريا يسوون شعرها .. يدوه غريسه :بسم الله الرحمن الرحيم .. شوه هالاصباغ بو بدر : اقول انا ساير ... بدر: اترياااني بو بدر: عندك موترك تعال روحك بو بدر ... شرد ما يبا يسمع تعليقات امه .. و بدر قاله اترياني عسب هو الثاني يسير لكن ابوه ودره .. هند: فذمتج يدوه مب حلو ؟ ( وعطست ) بدر: حاطين لج صبغ زيادة ع خشمج هند: ايييييه لا تعلق ... تزجمت عسب جيه بدر: ههههههه راكب عليج خشمج احمر وبتلبسين احمر هند: انزين ما عليه علق انته بس علق بدر: شوه حياتج انتي .. كله احمر وذهبي هند: متى الحين ؟ بدر: امسات شاريه بدلة حمرا وفيها شغل ذهبي هند: هذيج بدله ... فستان اول مره افصل هاللون يدوه غريسه: انتوا عيال حمد والله مخبلي بي بدر ( بصوت واطي ) : الحين نحن اللي مخبلين بج والا انتي من اول ما ييتي هند: اسكت يدوه غريسه: شوه فيكم تتصاصرون ؟ هند: ما فينا شي .. انا بسير اشوف امايه خلصت عسب اخلص انا بعد سارت هند وهدت بدر ويا يدتها .. وعاد تحرطمت عليه لين قال بس ... وهند وهي سايرة ظحكت دخلت حجرة امها اللي تتزهب فيها جواهر: هلا هنوده .. خلصتي هند: ميكب هيه ... خل تسوي لي شعري جواهر: يالله خلصت تعالي ... اخوج سار ؟ هند :لأا بس بابا سار .. بدر يالس برع هههه ويا يدوه جواهر: خل يتأدب مثل ما طفر بي بالدخون ... هند: حليله اشفق عليه من يوم يت يدوه هني جواهر: تعالي انتي يلسي خل تخلصج عقب اشفقي ع بدر .. فالخيمة .. من يوم ما عرفنا الدين والعزوبية تركناها ما نجهل مع الجاهلين يوم الحقيقة عرفناها مروان: يعني نحن جاهلين الحين ؟ راشد: هههههههه كل واحد يعرف عمره مروان: هو يقول هذا اللي حاطينه عمران: يوم بتعرف الدين ما بتكون جاهل مروان: يعني انا كافر الحين ! تنقى ترقى بذات الدين تربت يداك ويداها تعقل توكل وخذها الحين وعلّي بعالي فضاها بو زايد : احسن واحد فيكم سعيد .. مع ان في اثنين اكبر عنه زايد ( بصوت واطي ) : بدينا .. اللي ينخاف منه عمر: هيه والله تأمل تغزل بطرف العين قمة معاني حياها تصور تدور مثلها وين ما ظني تلقى شراها احمد: هالمقطع اهداء حق حرمتيه .. طبعا مابلقى شراها طارق: اهداء حق سلامة بعد علي: ههههههه خبال صالح: شفت عاد احمد: محد قالكم لا تمدحون حريمكم ... مب ببيزات ببلاش علي: هذا كل شي عنده فلووووس هههه رشوا الورود والرياحين عنبر ومسك بسماها واقروا عليه سورة ياسين رب الفلق سورة طه ثاني : اقروا اقروا عليه عن يحسدوني مروان: من زينك عمران: هههه فالويه حليله بارك يا ربي على الاثنين فرحة تعالى صداها صلي ع خير النبيين خير من هو وطاها مروان: اللهم صلي على محمد .. شوفوا منوه وصل .. اقروا ع عماركم الحين ... قبل ما ايي الينّي العود هزاع: يالله عليييه ثاني: مب متفيج انا له اليوم .. ورايه عرس ... مروان :شوفوا انا هالانسان ما ينزل لي من هني .. فلا يجرب صوبي .. بطوله وعرضه .. وشحمه ولحمه .. بدر دخل القاعه ... وابوه جدامه ... طبعا النظرات اللي الكل متعود عليها من بدر .. نظرات التكبر والغرور .. وساعات تحسها نظرات احتقار .. سعيد كان بيجدم وبيسير يسلم ع ريل خالته ... لكن عمر مسكه ... وعمه قاله هو معرس الناس تيي تسلم عليه مب هو اللي يسير .. تجدم بدر شوي شوي من الشلة .. بدر: هلا زايد: اهلين بدر: شحالكم؟ زايد: بخير .. بدر: ما شاء الله .. الخيمة لا باس فيها .. زينه انقهر مروان .. روحه مرتفع ضغطه مثل ما يقول وهذا بعد توه داخل ويطنز ! مروان: على قدنا .. كل حد و مقامه بدر: اوه مروان .. شخبارك ؟ مروان: اسلم عليك بدر: الله يسلمك .. وينك من زمان ما شايفنك .. جيه ما تيي بيت خالي يوسف ؟ السؤال عبيط ... وكل اللي سمعوه صدق صدق صدق معصبين ع بدر ... لكن رد مروان لـ بدر .. اقوى .. مروان: لا لا .. خلينا زيارة القصور حقك .. بدر: اها .. تخرجت والا بعدك من عيال الجامعات ؟ مروان: لا بعدني ... فالجامعة راشد: مروان نسير هناك بدر: راشد .. شخبارك انته ؟ راشد: الحمدلله بدر: وانته وين الحين ؟ راشد سوى اكبر طاف حق بدر ولا عبّره ومشى عنه .. راشد ما يحب يحتك فيه ابدا ولا يرد ع اسئلته ... ومروان وثاني وهزاع كاتمين ظحكتهم .. ومروان يقول في خاطره صدق انك ولد سيف يا راشد ... زين سويت به ... صالح ( بصوت واطي ): شباب هدوا اللعب يا عبدالعزيز ... ووياه سالم .. عبدالعزيز: عمر .. عمر: شوه عبدالعزيز: شرايك فيني عمر ( سوى حركة اوكيه بايده ) : انته جيه اليوم عبدالعزيز: اعجبك يا بو عزوووووز عمر: وين فريد ؟ عبدالعزيز: هناك ما يقدر يتحرك عمر: ليش ؟ عبدالعزيزز: لابس ختم نقعوا من الظحك اللي واقفين وياه ... سالم: يالله نسير بدر: اوه اوه اوه ... عمر هذا اخوك الصغير؟ عبدالعزيز: انته منوه ؟ بدر: انا منوه ؟ سالم: لا هذاك ... يعني منوه واقف هني ما نعرفه غيرك ؟ طارق: سالم .. سالم: شوه ؟ طارق: اسكت بدر: وهذا ولد منوه ؟ سالم: ولد صالح .. بدر: منوه بعد صالح .. صالح ( ابتسم ): هلا انا هني بدر: اها .. عمر ما جاوبتني عبدالعزيز: هيه انا اخوه الصغير ... بدر: هيييه .. يعني انته اللي كل ما سرنا العزيمة بيت خالي يوسف .. عمر يكون مستعيل عسب يرد البيت عشانك .. عبدالعزيز : هيه وعندك أي مانع ؟ بدر: لا لا .. ما عندي لا مانع ولا خليفة .. سالم: هههههههه مال اوووووووووول .. مانع وخليفة .. اونه .. الناس اطوروا يقولون .. لا مانع ولا عتيبة .. اقول عبدالعزيز يالله يالله نسير .. هذا وايد يرمس عبدالعزيز : هيه والله صدقك .. نسير .. جاو سالم: يا صاحب الظل الطويل هني عاد الشباب خلاص ما قدروا نقعوا من الظحك صدق ... وصالح وطارق متفشلين يبون يغطون ع الموضوع .. وعمر وزايد وياهم اما احمد وباقي الشباب كلهم مب رايمين يقبضون عمارهم ... ونفس الوقت رن مبايل احمد ... فالقاعه ... عفرا: يا سلام .. والله حلو ذوقها ... غاليه: مسويه كل شي بنفسجي ... عيناوي عفرا: اللون حلو .. غاليه كوشتها حلوة سلامة: ايه انتن الهنتين بتمن تتمدحن في القاعه الحين وذوق العروس عفرا: صدق .. نسير نيلس الحين عقب شويه بيظهرونها حصه: هذيج اللي هناك اخت العروس .. غاليه: مبين عليها هادية وطيبة .. وحبوبة .. وفي طرف ثاني .. رن مبايل وديمة ... وديمة: الحين ؟ ... خلاص اوكيه ... برتب كل شي .. سارت وديمة وعطت السيدي حق راعية الديجي... خفوا نور القاعه شويه .. وركزوا الاضاءة ع مكان واحد لا اله الا الله ع النبي صلى الله ألـف بـسم الله عـلـيـهـا أقـبـلـت نــور العيان صـفـق الـعالـم و غـنّى لـيلـة عـن الـف عيد عــروســنا هـلّت و طـلـت كـ أنـهــا بدر و بان يالله كم نقول في وصف العروسة وكم نعيد لا اله الا الله ع النبي صلى الله يــا قمر امضي لحالك لـلأسف مـا لك مكان خبّـي نــورك يــا قـمـر مـا ظنّه اللّـيـلة يفيد جاتنا ست الحسن كلّــه جـاتـنـا بـدر الزمان سبحان من صورها سبحانه الهادي المجيد لا اله الا الله ع النبي صلى الله لا عـذارى ولا بـنـات الـغـيـد و لا حــور حـســـان ولا بحور الشعر توصف حسنها في بيت القصيد ريـحــة الــريــحــان فــاحــت مــع ورد الأقحوان و الــكــــلام مــن فــمــهــا انــغــام و نــشـــيــد لا اله الا الله ع النبي صلى الله شـوفوا طـرحتـهـا عـليـها مثل تاج الصولجان كنّــها الفرحة تنــادي يــا عريس الـيـوم عـيـد نـادت المـحبوب و قالت يا عريس اظهر و بان من هو قدك في اختيارك يالله افرح يا عريس غاليه: حلوة شمسه: ما شاء الله عليها .. عفرا: لا تتمدحون لان هي عروس اكيد بتكون حلوة حصه: حشى يا عفاري .. جنّه الا كنتي تحبينه وهي خذته عنج عفرا: اتخسي اناااااااااااااااا .. والله يالله يالله سلامة: ههههه قولي جملة مفيدة .. غاليه: زين سويتي فيها يا حصه .. والله حاطه ع البنيه حط عفرا: بس انا مب مرتاحه لها حصه: الحمدلله لا بيكون عندها لا ام ريل ولا اخت ريل ... ولا بتاخذ اخوج ولا ولدج ولا حتى ريلج يا عفاري عفرا: هيه قصوره بعد ريلي ياخذ عليه .. شمسه: ما بياخذ عليج بس سكتي عسب نشوف الناس عدل عفرا: هذا شوه يخصه في هذاك .. شسمة: ما تخلينا نركز ... عفرا: ركزي حبيبتيه ركزي .. في مكان ثاني .. لا قاعة الحريم .. ولا خيمة الرياييل .. احمد يالس فالسيارة روحه .. ويتريا ... وصلت آمنة .. احمد: خلصتي ؟ آمنة :هيه .. الحين هاي حاله .. الساعه 10 و نص اسير عرس اونه احمد: ههههه امون والله تظحكين .. آمنة: شسوي ... لو امايه تدري والله تذبحني احمد: اشوف شلي الغشوة .. نشوف ميكبج .. آمنة : شوووووف .. قول رايك احمد: لا لا ... الصراحه فن .. احمر بعد .. آمنة: الفستان كان من اختيارك .. احمد: انزين بس شوفي والله لو امايه اتصلت وقالت ان البنيه تصيح .. ما شي واحد اثنين .. بتصل بج وع طول تظهرين آمنة: لا رقدتها انا .. احمد :بنتنا بعدها ما كملت شهر .. بيبي يا هبلة .. بتنش أي وقت آمنة: انزين بس اسكت ما له داعي هالالفاظ احمد: ههههه فاتج في خيمة الرياييل آمنة: شوه استوى ؟ احمد: يقولج السفير ريل خالتج وولده وصلوا آمنة: انزين .. شي طبيعي يعني احمد: لا اله الا الله مستويه عفرا اختج اليوم خليني اكمل آمنة: اوكيه سكتنا يالله كمل احمد: طبعا تعرفين نظرات ولد خالتج آمنة: ما شايفتنه من زمان لكن هزاع وايد يرمس عن تكبره وغروره .. احمد: هذا هو .. المهم دخل.. ويا عاد صوبنا وتم يتفلسف فوق راس مروان وراشد .. عاد راشد سوى له اكبر طاف .. ونحن كاتمين ظحكتنا آمنة: هههههههه انزين احمد: ويو عبدالعزيز و سالم .. ويعطونه كم كلمة جيه حلوة .. اقولج هني ما قدرنا انفجرنا .. نقعنا من الظحك آمنة: اويه في ويهه ؟! احمد: هههههه للأسف الشديد هيه ... عاد انا ما رمت امسك عمريه والله ظحكت من الخاطر .. وصالح وطارق يقولون بس عيب وسكتوا .. والله ما رمنا آمنة: عسب جيه يوم اتصلت بك كنت تظحك احمد: ههههههه هيه ... توه كان مستوي الموقف فررررررش في خيمة الرياييل ... خفت الزحمة وايد بعد مب شويه ... تموا الشباب بس .. بدون سعيد اللي قال بيسير البيت .. بيتسبح وبيبدل من اول ويديد وبيكشخ وعقب بيتصل بهم انه ساير القاعه .. وبو هزاع و بو زايد وبو بدر .. كانوا واقفين ويا اللي تم من الرياييل اما الشباب .. فـ يلسوا ع الطاولة بيتعشون .. حظ بدر اللي بالنسبة لصالح و طارق تعيس .. نه ييلس ويا مروان .. و سالم .. و ثاني وهزاع و راشد ع نفس الطاولة بدر: منوه فيكم ثانوية عامة ؟ وتخرج الحين ؟ عمران ( رفع راسه ): انا بدر: اها .. وكم كانت نسبتك ؟ عمران: 75 بدر: بس ؟ ... يالله زين .. عمران: تسدني النسبة .. مدام اني ما ابا ادرس في امريكا ... وبدرس في أي جامعة في البلاد صح ؟ بدر: ها ؟ .. هيه .. صح ... تسدك الـ 75 سالم: مروااااااااان حط لي .. مروان: شوه تبا .. من أي طبق عبدالعزيز: طبق اونه مروان: طبق كناية عن كثرة الطبقات راشد: ما يخصه ... مروان: فريد ما تباني احط لك شي فريد واقف شوي بعيد ... وابتسم .. يوم مروان رمس ... اليوم حاطين عليه .. المسكين .. هزاع: ههههههه مروان تستهبل ... مروان: هههه ياخي الختم عجيب عليه سالم: حط لي هذا .. وهذا وهذا .. مروان: ما شاء الله ما شاء الله صالح: مب تحسدون ولديه .. مروان: ولدك ما ينحسد امه ترقيه كل يوم قبل ما يظهر تخاف يرد لها ولسانه مقصوص من طوله هزاع: هههههههه لو تسمعك شمسه بس عمران: فريد ما تبا شي ؟ زايد: شلكم فالريال خلوه ع راحته مروان: عصب عصب زايد: بخبر عليكم عمر الحين هههه مروان: لا والله !! عمران: هههههههه عاد ما لقيت غير عمر راشد: لاعبين عليه لعب .. عمر: لاااااا .. احلف راشد: اوه انته هني عمر: لا هناك مروان: والله وقمت تنكت عبدالعزيز: ايه مب ع اخويه ها ..انا قلت لكم زايد: ههههههه الله ياخذ العدو .. ثاني: اقول مب ناوين انتوا تخلصون عسب نسير زايد: ليش مستعيل عمر: مستعيل يبا يسير عند الألب هههههه ثاني: ههههه بس لا تفضحونا .. راشد: هزاع وين سار ريل اختك ؟ هزاع: أي واحد ؟ راشد: احمد هزاع: ما ادري به والله سالم: يمي يمي عبدالعزيز: اول مره ؟ سالم: طبق مفحم عبدالعزيز: هكونا متاتاااااااا سالم: طبئ ديداااااااان بالمايونيييييييز والصراصير المأرمشة يمي يميييييييي عبدالعزيز: هتااااااكل صوابعك وراه سالم: وشوية فيران محشية بالكاتجااااااب بدر ( رد صحنه ع ورا ) : الحمدلله نش بدر من مكانه .. وكل اللي يالسين يظحكون من الخاطر ... صدق صدق صدق عبدالعزيز وسالم هم اللي ينفعون حق بدر ... مروينه نجوم الظهر اليوم دخلت ... القاعه ... بهيبتها اللي معروفه عنها في هالعايلة .. اللون الاحمر مخلنها تحلا اكثر واكثر .. غاليه: عفاري شوفي منوه وصل عفرا: اوه اوه .. لا لا ما اصدق شمسه: هاي مب هند بنت خالوه ؟ سلامة: هيه وهذي خالوه وراها ... هند ( تهمس حق امها ): امايه ما اعرف حد جواهر: تعالي ويايه .. وصخّي هند: وايد يطالعون جواهر: هنّود اقولج سكتي ... هند من زمان ... من زمااااان صدق ما سايرة اعراس ... متعودة ع حفلات بسيطة وعزايم هذا بعد اذا دق في راسها تسير ويا امها ... وهي نادراً ما تسير .. ام هزاع: هلا والله جواهر: شخبارج عذيجة علومج ؟ ام هزاع: انا بخير ... وينج عنبو ما عندج اخت انتي ؟ جواهر: شسوي والله انتي اكثر وحده تدري بظروفي ام هزاع : بدينا بالاعذار جواهر: هههه عاد سامحيني والله ام هزاع: في عرس الغالي ولد الغالي ما اقدر اقولج شي .. ( ابتسمت ) ... مرحبا هند شخبارج هند: الحمدلله .. شخبارج خالوه ؟ علومج ؟ ام هزاع: الحمدلله .. هند: خالوه الله يخليج فكيني وايد يطالعون جواهر: هند ما قلت لج سكتي هند: امايه ما احب جذه ! ام هزاع: سيري صوب البنات هناك .. هند: وديني صوبهن بلييييز ام هزاع: تعالي ويايه .. جواهر: تعالي سلمي هند: والله مب مسلمه ع حد .. مستحيل .. استحي ام هزاع: خلي البنيه يا جواهر .. يوم روحها بتحس ان عادي بتنش تسلم .. ودت ام هزاع هند صوب البنات .. ام هزاع: يالله يلسي هني صوبهن انا بسير .. هند ( ابتسمت ): السلام عليكم .. شحالكن ؟ سلامة: هلا مرحبا بج ... غاليه: شحالج هند ؟ هند: الحمدلله .. ويييييييه من زمان ما شايفتنكن وظحكت هند ظحكة رقيقة .. خلت بنات خالها وخالتها ينصدمن منها ... كانوا حاسين ان هالفترة الطويلة اللي ما شافوها فيها يمكن كبر راسها وترفع خشمها عليهن .. بس طلعت غير .. ووايد غير بعد .. عفرا :اوه اطالعو هنااااااااك حصه: هلا والله ! شمسه: هاي مب جنها اللي امها ما خلتها تيي العرس ؟ ! .. وريلها كان مستانس هند: منوه هاي ؟ عفرا: آمنة اختيه هند: هيه .. هاي اللي ربت قبل فترة غاليه: هيه ... هاي هي .. هند: ما شاء الله عليها . ما يبين انها مربية قبل فترة .. منافستني ولابسه احمر آمنة من عند الباب عاد ... ويا الفستان الاحمر ... والشعر المفتوح .. وقاصّه قصتها بعد الحبيبة .. يعني طالعه حلوة .. بمعنى الكلمة .. هي من دون شي حلوة .. ويوم تكشخ روحها فالبيت حلوة .. بعد تكشخ فالصالون ! ... ام هزاع: الله يغربل ابليسج من بنيه آمنة: امايه مب هني عاد ام هزاع: انتي منوه يايبنج ؟ آمنة: منوه يعني ؟ دريول ابويه ؟ ام هزاع: حلفي راكبة ويا السياق جذه .. بعد ! آمنة: اقصد ... ريلي ريلي يعني منوه بييبني ام زايد: ههههههه واخيرا ييتي ها آمنة: ييت .. بس خالوه قولي حق امايه .. فضحتني ولا جني معرسه وعندي بنيه ام هزاع: وين وديتي بنتج ؟ آمنة: عند عمتيه ام هزاع: مقسى قلبج آمنة: خيبه قوية ! ام هزاع: كيف ودرتيها عند عمتج ؟ آمنة: احمد ما طاع اييبها قلت له بحطيها في الحجرة ويا الخدامه ما طاع ام هزاع: وهذا احمد كيف طاوعج ويابج آمنة: ما يقدر ع زعلي طبعا ام هزاع: اصبري انتي اصبري ... ما عليه حسابج بعدين انتي وفوقج ريلج بعد آمنة: خلاص عيل عقب سوي اللي تبينه فيني ... الحين خليني اسلم ع العرب .. فضيحه ام هزاع :سيري .. سيري هند: وشخباركن وشوه مسوين ؟ غاليه: تمام .. انتي شحالج ؟ هند: الحمدلله .. ليش ما اتون صوبنا ؟ عفرا: انتي جيه ما تيين ؟ هند: يا ريت لو اقدر والله .. بس انتوا عادي اتون .. جيه ما اتون حصه: تدرون شوه في خاطريه ؟ غاليه: شوه ؟ حصه: خاطريه آكل الكيكه .. مشتهيتنها .. يبين عليها طازجة عفرا: يعني بالله عليج بييبون كيكه معفنه وبيحطونها ! حصه: عفاري عن الاستهبال اقصد انها تشهي عفرا: هههههه انزين فهمنا .. اتريي لين ما ولد خالج المصون ايي ويقص الكيكة هو وحرمته وعقب كليها ويت آمنة صوب خواتها .. شسمه: ههه امون الله ياخذ عدوج كيف ييتي ؟ آمنة: ييت ييت .. بس سكتوا عني غاليه: ههههه وسويتي اللي بغيتيه آمنة: ايه والله بصيح سلامة: ليش ؟ آمنة: تدرون شوه في خاطريه عفرا: لا تقولين تبين الكيكه آمنة: أي كيكه ؟ عفرا: هاي بعد أي كيكه آمنة: الله حلوة .. شكلها يشهّي .. شمسه: لا اله الا الله ... ذكروا ربكن والله يا خوفي الكيكة تطييييح آمنة: ما شاء الله .. بس خاطريه في شي ثاني حصه: قولي انزين شوه ؟ آمنة :ابا اعرس مره ثانية .. ( وسوت عمرها حزينة ) نقعت هند واللي وياها من الظحك آمنة: اويه منوه هاي ايه فشلتوني الله ياخذ عدوكن هند: لا تخافين ههههه مب غريبة ... بنت خالتج آمنة: انتي هنننننننند هند ( مستغربه من اندهاش آمنة ): هيه آمنة: اها .. شحالج شخبارج ؟ هند: الحمدلله تمام مر الوقت .. الناس بدوا يخفون فالقاعه .. لين ما يت الفرصة وان يالله سعيد بيدخل .. عاد آمنة ما تهنت كلها ساعه او ساعه ونص لكن قالت احسن من لا شي .. أنشد يا راع الصوت احلى الاغاني قـولــوا قـصايد حب وزفوا التهاني لـيـل الـفـرح زان لـ زيـن الــعرسان كـل الـفرح لأجـلـه واحلى الاماني نادوا بعالي الصوت قولوا له يا رب تـجعـل كـل أيـامــه سـعـادة و حب حــل السعد فـيـنـا و الـحـزن ولّــى و مـعـرس تـرا اليوم احلـى واحلى يــا عــريـس يا مزيون لك الوله زود لك الــكرم و الجود واحلى المعاني ايـد بـ ايد نـقـول ألــفـيــن مــبـروك كـل الاهل والصحب والناس يهنون يالله عسى تكمل فــرحتك يا غالي وتصبح ليالي العمـر احلى الليالي مـيّل عــلــيــهــم يــا هــوا عــليهم واجعل فرحهم كل ساعه و ثواني دخل سعيد وهو عاد مووووول .. منزل راسه .. دخل وياه بو زايد بس وبو هزاع ما طاع يدخل .. وفهد اخو العروس .. غاليه: فديت ابويه محلاة ويهه والله هند: هذا خالي عفرا: هيه ... ابو غاليه وزايد وثاني هند: والله نسيت اشكال الكل .. ( وابتسمت ) آمنة ( وهي تاكل ): هذا خالي الوسيم شسمه: هههه ما بتسيرن نسلم عليه حصه: خليه يطلع يسير لين الباب وبنسير ظربة وحده كلنا .. شمسه: خلاص عيل يوم بتسيرن خبروني آمنة: بسرعه احمد بيتصل الحين بيقولي يالله .. بنتي حبيبتيه تولهت عليها عفرا: بس بس سكتي يالسه تاكل هني وبنتي حبيبتيه وبنتي حبيبتيه .. في بيت ام احمد .. رملة مخبلة ببنت احمد .. ما مخلتنها ترقد .. كل ما سوت حركة شويه وصرتها بمبايل عيسى .. ع كل حركة ودقه .. ام احمد: انتي يا بنيه .. يوزي عنها خلي البنيه ترقد عيسى: رملة بس عاد خبلتيها .. ناعمه :خل احمد وآمنة يوصلون بخبرهم رملة: اوهوووووو .. خلوني استمتع بجمالها عيسى: استمتعي بس لا تلعوزينها رملة: الللله حلوة الحركة شوفوها تظحك ناعمه :الحين بتصيح .. رملة ( صرخت ) : جييييييه وحش جدامها هني نقزت ميثا بنت احمد .. وبدت الصياح .. ام احمد :الله ياخذ ابليسج يا رملة .. زين جيه زيغتي البنيه رملة :ما يخصني هي ع ادناة شي تصيح ناعمه :صرختي وجريب منها ما تبينها تصيح بعد عيسى: فديت الويه كيف تصيح ... مالت عليج يا رملوه رملة: خيبة هذا كله عسبها عيسى: هيه طبعا انتي ما تحسين بصوتج النشاز واللي يفجر طبلة الاذن رملة: هيييييه بلى .. انا لو اسير برنامج نجوم ما ادري شوه يسمونه ع طول بيتوجوني المركز الاول عيسى: هيه بيتوجونج المركز الاول لانه صمخ جايسنهم ناعمه: حبيبتيه .. بس .. رملة: فديتج انا .. يا حلوة ام احمد: عقب ما صيحتيها يايه يا حلوة .. رملة: حلوة بعد شوه تحمد ربها امدحها ناعمه: ما تباج تمدحينها بس كوني بعيد عنها هي بتسكت رملة: اوهووو بسير اشوف التلفزيون عيسى: ما اطولين ع الصوت ... بتنقز بعد وبتصيح زيادة رملة: لا والله .. حطوا قطن في اذنها .. عيسى: قطن في عينج رملة: احسن .. خلص العرس .. لكن الفرحة ما تخلص ...... ان شاء الله ايامهم كلها فرحة وسعادة .. واعياد .. *********** |
الجزء الـ 13 الصبح ... عقب ما طلعت الشمس ... عفرا نزلت تحت .. ما شافت لا امها ولا ابوها ! ولا حتى هزاع .. غريبة ! ... وجنّه الا سلامة كانت بايته هني فالليل .. وين سارت ؟ مسكت سماعة التيلفون واتصلت في هزاع عفرا : الو هزاع: هلا عفاري عفرا: وينك ؟ هزاع: فالمستشفى عفرا: اكيد سلامة هزاع: هيه .. عفرا: اخبارها ؟ هزاع: فالولاده عفرا: شوووووووووووه ؟! .. والله مصخرة خواتك هزاع: وانتي من خواتي وانتي بعد وياهن مصخره والحين انا ببند عنج عفرا: هههههه قبل ما تصك عني .. قولي امايه وياكم ؟ هزاع: هيه امايه وابويه وشمسه وحصه .. عفرا: ما باجي غيري وغير امون ونفس الوقت دخلت آمنة عفرا: هذي امون يت هني هزاع: خلاص عيل جابليها ويلسي ... عفرا: طمنونا عليها هزاع: ان شاء الله .. مع السلامه عفرا: ماي هيييييرت وذ يو برو بند هزاع عن عفرا .. وعاد عفرا بدت بالسوالف ويا آمنة .. عفرا: انتي جيه رديتي بيتج ؟ آمنة: بس بعد شكثر اتم ؟ عفرا: بس زين سويتي لان سلامة بتربي بتيي ما عندنا حجر تشحنكن كلكن آمنة: هاهاها .. والله لو كنت ابا كنت بتم ... وبنقل اغراضي حجرتيه فوق عفرا: يالله يالله وريلج يصعد وينزل فوق آمنة: كيفج عاد عفرا: سيري سيري ... وايد مصدقه عمرج .. ودخل احمد .. احمد: السلام عليكم .. عفرا: وعليكم السلام .. مرحبا النسيب احمد: مرحبتين .. لا شغلة ولا مشغلة .. بس يالسه فالبيت عفرا: شوه نسوي بعد ... انته مب جنّه لازم تكون فالدوام الحين احمد: اجازة مودي حرمتيه وبنتي المستشفى عفرا: صدق قاص عليهم اجازة عسب بس ساعه بتودي بنتك التطعيم وبترد آمنة: احمد سر الدوام احمد: ما بسيييير .. عفرا: هههه بايعنها احمد: تعالي تعالي ما عندج شغل .. تعالي تريقي .. امون تعالي آمنة: انا ما ابا عفرا: شوه يايب احمد: براتا ... سيري ييبي جبن وعسل .. ومربى .. وقشطة .. والا ما عندكم ؟ اطلبي من الدكان عفرا: ههههههه لا عندنا بس انته لا تستعيل دقايق وبييب .. الصراحه شهيتني احمد: يالله عيل بسرعه ... سارت عفرا بتييب ما لذ وطاب عسب ياكلونه هي واحمد ويا البراتا ... آمنة: احمد قم سير الدوام احمد: انتي مدوخه سيري رقدي .. قلت لج خذت اجازة يوم كامل خلاص آمنة: انته وايد تلعب احمد: هاها تلعبين ويايه آمنة: افففففف صاحت ... انا فيه رقاد احمد: ييبيها هني بأكلها براتا آمنة: قم انته زين وايد متفيج .. بسير ارقدها داخل احمد: ايه وين تسيرين داخل يلسي .. اختج الحين بتيي آمنة: والله وانا ايلس مجابلتنكم احمد: رقدي هني ... انسدحي ع الكرسي آمنة: ما شي شغل احمد: امون بلاج اليوم .. آمنة: فيه رقاد والله احمد: ثرني اقولج انسدحي هني .. آمنة: ابا ارقد ع شبرية مريحه احمد: ما عليج بسير كارفور اشتري لج هالفراش اللي تنخشين داخله .. عسب أي مكان ياج رقاد بطليه هالفراش وانسدحي داخله .. آمنة: هيه وبرقد بنتك داخله ويايه احمد: هيييييييه ... عسب تموت وتختنق آمنة: عيل تبا تخنقني انا ؟ احمد: انا ما ابا اخنقج روحج تبين تخنقين عمرج ... رن مبايل عفرا .. آمنة: شوف منوه متصل ؟ احمد: لا والله حلفي ! آمنة :ييب انزين المبايل ( وعطاها احمد ) ... هذا هزاع ... الو هلا هزاع هزاع: مبروك عليييييييييييييييييييكم .. آمنة: بشر .. بنيه حلوة شرات بنتي الحلوة هزاع: هههههههههههههههههههههههههه آمنة: بلاك تظحك .. شوه يعني بنتي مب حلوة هزاع: ههههه لا والله .. اصلا حد يقدر يقول عن بنتج مب حلوة .. اقص لسانه انا .. بس سلامة يابت ولد آمنة ( منصدمه ): ولد !.... هزاع: هيه والله ولد آمنة: كيف عيل قايلين لها بنيه ! هزاع: شدراني فيهم .. هو يمكن لانهم شافوه انه وايد حليو قالوا انه بنيه آمنة: هاها .. تنكت حضرتك هزاع: ههههههه والله ما شاء الله عليه .. ما انكت .. ظهر حليو الهرم آمنة: حرام عليك فديته .. ليكون احلى من بنتي ما برضى هزاع :قلت لج محد يتحدى بنتج فالجمال خلاص صخي آمنة: سلم عليهم كلهم .. وانا فالبيت يالله ردوا هزاع: شوه تسوون ؟ آمنة: انا يالسه.. واحمد وعفاري اونه بيتريقون هزاع: شوه يتريقون ؟ آمنة: براتا وجبن وخرابيط هزاع: اللللله حلفي ... ابا آمنة: تعال شاركهم هزاع: قولي لهم يتريوني .. بخلص من هني وياينكم عفرا: بشريييي آمنة: يابت ولد احمد: مال مصخرة والله .. مب قلتوا بنيه ؟ عفرا: ما ادري عنهم احمد: وهاي اختج حاشرتني سلامة قالوا لها بنيه انا ابا بنيه وحرام وما ادري شوه من حنتها هي يابت بنيه وسلامة يابت ولد .. عفرا: هههههه حليلها سلامة .. بو هزاع: شوه بتسميه يا طارق؟ شمسه: هههههه طارق الحين ما يبا الولد .. بس يفكر في سلامة حصه: يلس يا طارق طارق: لا بس .. شوه خلاص حصه: قول جملة مفيدة ههههه طارق: عمي انته شوه تبانا نسميه ؟ بو هزاع: الراي رايك وراي حرمتك ... حصه: سلامة كانت تبا بنيه ... وبدلعها ووو واختارت لها اسم .. اخترب كل شي .. بو هزاع: لا تقولين جذه يا حصه ... ما اخترب شي .. وبنيه وولد ... الحمدلله بس يوصلون بخير حصه: السموحه ابويه ... شمسه ( بغت تغير الموضوع) : اقول يالله عاد شوه بتسمونه .. طارق قول .. طارق: ما ادري والله ( وابتسم ) .. اظاربنا ع خوله وسارة وعليا .. والحين لا خولة ولا سارة ولا عليا وصلت ام هزاع .. ام هزاع: انتوا بعدكم واقفين .. طارق: عمتيه .. شحالها سلامة ؟ ام هزاع: سلامة بخير الحمدلله ... شوه ناوين تسمونه ؟ طارق: ما ادري والله ... انا يوم شفت انه ولد .. قلت سيف ام هزاع: لا الكل انصدم .. ام هزاع: سيف لا ... انا قايلة محد يسمي سيف قبل عيال سيف رواحهم .. ومحد يسمي سيف قبل عمر ... طارق ( ابتسم ) : خلاص .. سيف لا .. اسم ثاني شمسه: سمّوه عامر .. حلو اسم عامر طارق: حلو ... شرايج عمتيه ؟ ام هزاع: كيفكم .. كل الاسامي حلوة .. والياهل ايي و اسمه معاه ... طارق: شرايك عمي ؟ بو هزاع: حلو اسم عامر طارق: حصه شرايج ؟ حصه: كيفكم ... انا لازم اسير البيت الحين .. فمان الله ام هزاع: ما بتتريين يودون اختج حجرتها حصه: لا ما اقدر .. علي فالبيت روحه .. بسير .. وسارت حصه ... وتموا الباقين يتريون سلامة ... في بيت السفير ... هند يالسه ويا يدتها غريسه فالصاله ... وامها يالسه ع صوب وتتصفح المجلة ... هند: انزين شرايج نسير كندا نسكن عند عمي يدوه غريسة: كندا ! ... عند بطي .. مب سايرة هند: ليش؟ يدوه غريسه : خبلة انا اسير عند بطّاي .. خبلة ما فيه مخ هند: هههههه ليش انزين ؟ يدوه غريسه: بطي وين ... ونحن وين .. بطي في عالم ثاني .. ما يدري عن أي حد هند ( وهي تطالع صوب امها ) : هيه يوم اقولهم يدوه غريسه: تقولين حق منوه ؟ هند: ما شي ... يدوه غريسه: خبلة انتي يا بنيه ؟ هند: ههههه لا لا .. بس ما شي يدوه غريسه: جواهر جواهر: هلا عمتيه يدوه غريسه: شحال عذيجه اختج جواهر: الحمدلله .. بخير يدوه غريسه: ما تنشاف جواهر: بنتها ربت وهي فالمستشفى يدوه غريسه: أي وحده فيهن ؟ جواهر: سلامة .. يدوه غريسه: هاي آخر وحده عرست ؟ جواهر: هيه .. يدوه غريسه: هيه ما شاء الله ... وحصه للحين ما حملت ؟! جواهر ( صكت المجله ): لا ... اسمحوا لي بسير حجرتيه .. في طرف ثاني ... حصه دخلت شقتها .. شافت علي يالس فالصاله ... حصه: السلام عليكم علي: وعليكم السلام .. وسارت حجرتها .. مب من عوايد حصه انها اول ما تدخل تسلم وتسير الحجرة ع طول .. لازم تسلم وتيلس شويه .. او انها تسأل علي ع الاقل شوه سويت .. او ليش ما ظهرت اليوم ... نش علي وسار هو الثاني وراها ... علي: حصه شوه فيج ؟ حصه: ما فيني شي .. علي: سلامة اختج شحالها ؟ حصه: الحمدلله علي ( ابتسم ): شوه يابت ؟ حصه: ولد علي: الله يحفظه لهم ان شاء الله هني حصه ما قدرت .. ونزلت دموعها ... غصباً عنها .. علي: شوه فيج ؟ حصه: قلت لك ما فيني شي علي: كيف ما فيج شي وانتي تصيحين .. واكتفت حصه بالسكوت .. علي ( تنهد ): حصه انا ادري شوه فيج حصه: علي .. انا خلاص تعبت .. كل حد قام يسأل ... كل حد قام يقول بلاها حصه .. شوه سالفتها ؟ علي: وانتي فيج شي ؟ حصه: ما ادري علي: نحن سرنا وسوينا فحوصات صح ؟ حصه: صح علي: قالوا الحمدلله لا انا ولا انتي فينا شي ... فـ ليش تصيحين حصه: الناس ما يفهمون هالشي ... علي: لا يفهمون .. مب لازم يفهمون .. حصه: كيف مب لازم يفهمون .. كيف ؟ المعاير في كل مكان .. كل وحده من تتصل في امايه .. اول سؤال حصه ما حملت ... آمنة اختيه عقبي معرسه .. وحملت وربت .. سلامة اصغر وحده فينا معرسه .. حملت وربت اليوم .. علي: حصه انا شكيت لج ؟ حصه: لا علي: عيل جيه تهتمين للناس حصه: حتى لو الناس ما يعايرون .. انا ادري شوه نظرة اهلك لي علي: اهلي ما يخصهم حصه: كيف ما يخصهم ؟ كل ام تبا تشوف عيال ولدها .. صح والا علي: صح .. لكن كل ام بعد تبا سعادة ولدها .. فـ يوم امايه تشوفني انا مرتاح في حياتي ويا حرمتيه .. هي بترتاح حصه: علي انته مب فاهمني علي: فاهمنج والله فاهمنج .. بس انتي مستويه حساسه زيادة عن اللزوم حصه: كم مر ع زواجنا ؟ علي: استغفر الله .. لو ان شاء الله 10 سنوات .. وبعده ما عندنا عيال خله برايه هني صاحت حصه زيادة ... وعلي واقف ما يدري شوه يسوي .. حاس فيها .. حاس باحساسها .. هو بعد يتمنى يكون عنده ياهل .. ويضمه لـ صدره ويلعبه .. لكن حكمة الله .. وهو ما يقدر يعترض ع قضاء الله وقدره .. في بيت الشباب ... عبدالعزيز: آآآآآآه بطنيييي .. بطنيييي راشد: عبدالعزيز تأدب عبدالعزيز: لا استطيع ان اقاوم مروان: تقاوم شوووه عبدالعزيز: الجوووووع عمران نازل من فوق .. عمران: بطونا عورتنا يالله وين الغدا ؟ مروان: بلاهم الاخوان اليوم عمران: ليش منوه يوعان غيري؟ راشد : دايما عنتر اخو بلال ... ما تفرقون عن بعض في هالشي دايما يواعه مروان: انته وعبدالعزيز عبدالعزيز: هو يقلدني عمران: لااا احلف .. اقلدك فاليوع .. سبحان الله مروان: ههه مصدق عمره الاخ جنه مكتشف شي عظيم .. وعمران سرقه منه راشد: الآن وعلى ضفاف الانهااااااااار مروان: يعيس سعيد اجمل ايام عمره عبدالعزيز: يحلم هو مروان: شوه يحلم ؟ عبدالعزيز: يعيش احلى ايام عمره بدونا عمران: هو عايشنها .. بدون احلام راشد: يعنا يا بوي مروان: ههههههه عادوك الاخوان راشد: فرييييييييييييييييييييد مروان: بابا فريييييييييييييييد عمر نازل من فوق .. عمر : بلاكم تصرخون ؟ مروان: اخوانك يواعه ... يبون غدا عمر: الحين بيحطه فريد مروان: وينج يا عموه .. والله اشتقت حق طباخج عمران: هيه والله انا بعد راشد: ما يتنا من زمان .. مروان: انشغلت بعرس سعيد .. وحريم وخربطان عمر: اتصلوا بها ... خل تيي اليوم عبدالعزيز: وجيه نحن ما نسير لها ؟ مروان: لا اليوم .. اممممم مشغولة بتكون .. سلامة بنتها ربت عبدالعزيز: اوووونه .. المبزاااااايه عمر: عبدالعزيز عبدالعزيز: اوووه عمور انا متعود عليهن عادي .. مروان قول شوه يابت ؟ مروان: ولد يشبهني .. لانه يقولون حليو عبدالعزيز: ههااااااااي بنسير يوم واحد نشوف ولدها عيل .. وصل فريد راشد: من العام زاقرينك عمران: فرييييد انا يوعاااان فريد: الحين بييب الغدا مروان: بابا فريد .. فريد: شوه مروان: شخبارك فريد: انا زعلان عمران: ليش ان شاء الله ؟ فريد: سعيد مب موجود اليوم راشد: اووووونه .. عداااااال عمر: ههههه ما عليه بيرد عقب كم يوم .. عبدالعزيز: يالله حطوا الغداااااااا مروان مسك مبايله ودق الرقم .. مروان: هلا عذّوج شخبارج عذيجه : اهلين المعرس مروان: هههههه انا الحين مب معرس .. سعيد المعرس عذيجة: شوه تبا ؟ مروان: عموه مشتهي طباااخج عمر: مروان يالسخيف متصل في عموه وتوك تقول انها مشغولة مروان: نلعب في اعصابها بلاك هههههه راشد: تستهبل عليها عمران :قولها عمران بعد يبا ياكل من طباخج عذيجة: انا اليوم مب فالبيت .. عفرا اليوم فالبيت مروان: اسمي عيل ام الدويس حرقت الاكل عذيجة: جيه هي تعرف تطبخ عسب بعد يحترق الاكل مروان: لا بس مشرفه مشرفه ع الخدم عذيجة: شخباركم انتوا ؟ وشحال اخوانك ؟ مروان: الحمدلله كلنا بخير عذيجه: سعيد ما اتصل بكم ؟ مروان: فينا نحن لا .. بس في عمر اكيد ( وشاف صوب عمر .. وعمر ابتسم دليل ع انه كلام مروان صح ) عذيجة: فديت روحه والله .. مروان: تفديني انااااااا عذيجة: الواحد يوم بيتفدى دون ما حد يقوله بيتفدى ... انته تجبرني اتفداك مروان :افااااااا عذيجة: هههههه مروان: انزين شوه سميتوا ولد الخقاقه ؟ عذيجة: ما ادري يقولون هني عامر مروان: قولي حق طارق سمّه مروااااان عذيجة: مب من الله تباهم يسمونه مروان .. امسات تقول محد يسمي ولده ع اسمي لان اسمي غالي وما ادري شوه وخربطان .. اكيد قالوا لك حليو الله يحفظه مروان: ههههههه هااا عذوج طلعتي مب هينه ... عيوز مطوره عذيجة: عيز حيلك يا مروانو .. بند بند .. مب فاضيه حق سوالفك البايخه مروان: هههههه ببند لان فريد توه حط الغدا بسير اتغدا يوعان عذيجة: وقول حق فريدو .. عموه بتييك .. اذا شافت شي خربان ومخربط شرات كل مره يا ويلك آخر مره انا علمته كل شي .. مروان: افا عليج ... بقوله .. عاد هو من الصبح يحط عليه انا حليلي عذيجة: زين يسوي فيك مروان: هههههه الله يسامحج .. يالله مع السلامه عذيجة: الله يحفظكم .. سلم ع اخوانك كلهم سالم: يا ابيييييييي يا ابيييييييي صالح: نعم يا ولدي سالم: اين امي ؟ صالح: امك فالمستشفى .. خالتك سلامة يابت ولد سالم: يسسس والله احبها ... اموووت في خالوه سلامة صالح: ويه ويه ويه من وين نزل هالحب كله ؟ سالم: ياخي يابت ولد ... صالح : انزين ويعني ؟ سالم: استوى عندي ولد خااااااااله .. احم احم زين زين خل اييبون اولاد عسب ما اسير عند عيال عمي وعمتيه النحوس صالح: سالم .. كم مره قايل لك لا ترمس جذه عن عيال عمك وعمتك سالم: ياخي انزين ما احبهم وايد صالح: لا تحبهم ولا ترمس عنهم جذه ... انزل انزل .. يالله سالم: الى اللقاااااااء يا ابييييييييييي نزل سالم وسار داخل ... شاف آمنة و عفرا يالسين بس ... سالم: السلامُ عليكم آمنة: وعليكم السلام ورحمة الله وبركاته سالم: كيف حالكن يا خالاتي العزيزات آمنة: هههههه بخير والحمدلله عفرا: اف وصل الحشرة سالم: خالوه عفاري بلاج تتحرطمين عفرا: لا ما بلاني شي سالم: شكلج مب مستانسه عفرا: لا حشى .. انا مب مستانسه ؟ منوه قال .. .سالم ولد صالح ياي بيتنا ما تباني استانس سالم: هيه اتحسبت بعد عفرا: صدق عمره آمنة: وين ابوك ؟ سالم: ابي لقد ذهب لـ يسلم على جدتيه التي انا ما احب اسير بيتهم هناك وايد آمنة: بدا بدا الحين سالم: لا لا خلاص بسكت ... وين بنتج ؟ آمنة: هذي بنتي سالم: خلاص بنكنسلها الحين آمنة: هيه قصورك انته تكنسلها اونه سالم: خالوه سلامة غلبتج يابت ولد ولد ولد ... آمنة: وخير يعني ؟ عفرا: ولد عسب يظهر عفريت شراتك .. ثرنا ناقصين عفاريت نحن .. انته وعزوز مب مكفينا .. سلامة تكمل السلسلة سالم: ما شاء الله علينا عفرا: اللهم لا حسد آمنة: هههههههه سالم: وين عمي احمد ؟ آمنة: سار البيت .. وبيرد عقب سالم: خل ايي بنيلس وياه آمنة: يا سلام! سالم: هيه ما بجابل حريم انا وسار سالم جابل التلفزيون و حط ام بي سي 3 ... ويلس عاد يطالع ... وآمنة وعفرا يالسات يسولفن في بيت السفير .. بدر طبعاً توه ناش .. لانه امس طول الليل سهران ... ظهر من حجرته ما شاف حد فالصاله اللي فوق ... وطل تحت .. ما كان في حد غير يدته فـ ما بغى ينزل روحه .. سار صوب حجرة هند .. دق الباب .. هند: ادخل بدر: شوه تسوين ؟ هند: يالسه بدر: غريبة ما يالسه تحت ويا يدتج المصون هند: عقب بسير بدر: شوه كان العرس الغجري هند: أي عرس ؟ بدر: عرس ولد خالج هند: ليش تقول عنه غجري بدر: لانه كان بايخ هند: بالعكس كان وايد حلو بدر: حلو بالنسبه لج انتي ... اما بالنسبة لي انا من اتعس الاعراس اللي حضرتها ... خيمة الصراحه ما تسوى .. و اكل رخيص هند: مب كل شي لازم يكون هاي هاي عسب يناسبك .. اهم شي انك تشوف هلك .. اللي من زمان ما شايفنهم بدر: الله والاهل .. الصراحه يعني .. كلهم دون المستوى هند ( فتحت عيونها ع الاخير ): انته ليش تنظر للناس من منظورك الشخصي بدر: عيل من وين تبيني اشوفهم ؟؟ من منظورهم هم الشخصي هند: ليش تقول عن هلك جذه ؟ بدر: لانهم جذه ... هند: بالعكس انا وايد استانست امس .. وايد وايد .. شفت البنات ... بدر: وخير شوفيهن .. اكيد طبعا انتي وامايه كنتن ارقى هنتين فالعرس هند: بالعكس .. هن ما يقلن عنا فالجمال بدر: بالسلف متكشخين هند :انته ايه .. احترم .. ثر اللي كانوا فالعرس كلهم هلك .. بدر: انا منقهر هند: من ؟ بدر: من قلة ادبهم امس ! هند: ليش ؟ كانوا قليلين ادب! .. جيه انته ساير عرس والا ساير تظارب بدر: كل ما قلت كلمة ردوا عليه بـ عشر ... هند: بدر بدون مجاملات يعني .. اسمح لي .. بس انته تنرفز الواحد برمستك .. بدر: انا ما اقول غير الصدق هند: انته تقول الصدق لكن مغلف بغلاف التكبر والغرور ... و الحقد ع هلك بدر: انا احقد عليهم ؟ ليش ان شاء الله ما شايف خير شراتهم هند: استغفر الله العلي العظيم بدر: والا عيالهم الصغار ... عمر اللي كل ما سرنا بيت خالي يوسف .. يقول بسير بسير بسير تأخرت اخويه الصغير ... طلع تحفه هند: منوه عمر ؟ بدر: ولد خالي سيف .. اللي توفى هند: الله يرحمه .. وشوه سوى بك اخوه الصغير ؟ بدر: قليل ادب هو والثاني ما ادري شوه اسمه ولد ريل بنت خالتج هند: مستحيل يسوون بك شي مدام انته ما تعرضت لهم بدر: انا ... جيه شوه شايفتني ؟ياهل احط راسي براس يهال هند: ما ادري عنك بدر: لوعوا جبدي الصراحه خصوصا ع العشا .. اونه ديدان وصراصير و ما ادري شوه يخربطون هند: هههههههههه وانته من جيه منقهر بدر: هيه .. جيه يالسين في ديزني ؟ هكونا متاتا وتيمون وبومبا ! نقعت هند من الظحك ... بدر: هيه ظحكي مب انتي اللي ملوعين جبدج هند: ههههه انته تظحك والله .. صدق صدق ظهرت ياهل ... وانا اتحسب شي الحين بدر: وهذا مب شي بالنسبه لج ؟ ما الومج .. حبيبتيه من الادب والاتيكيت .. يصخون .. نحن كبار يالسين جدامهم هند: وليش هالرسميات عادي .. بدر: عادي عندج مب عندي هند: انته وايد مكبر السالفه ... بسير ايلس ويا يدوه بدر: سيري سيري عند يدتج غريسه .. هند: ع الاقل احسن من كل اللي فالبيت .. لو انها تحط عليه .. بس مهتمه فيني ... وسارت هند بدر ( يقلد هند ): تهتم فيني .. افففف وايد فاضيه .. في مكان ثاني .. بلد ثاني .. بعيد عن كل هالاجواء اللي نصها حلوة ونصها مرتبكة .. ونصها ولا ندري عنها ... سعيد و بدور .. في الفندق .. سعيد ( ياكل آيس كريم) : شوفي يايب لج هالخريطة بدور : وشوه اسوي فيها ؟ سعيد: عسب يوم نسير الجزر ما نضيع بدور: بعد جزر ؟ سعيد: ما كانت الرحلة حلوة ؟ بدور: هيه .. بس بعد ما ابا اسير سعيد: لييييييش؟ فيج شي! .. مريضه ؟ بدور: لا لا .. بس عقب يومين الطيارة ... انا ما سرت اشتري أي شي حق اختيه وامايه سعيد: اهاااا .. يعني هاليومين تبين كله اسواق .. ما نطلع بدرو: اذا ممكن سعيد: خلاص عيل .. نكنسل هالرحلة .. مع ان يمدحونها بدور : جيه بس هاي أول وآخر سفرة نسافرها ؟ جدامنا وقت سعيد: انزين .. مثل ما تبين ... بدور: متى بتوديني السوق ؟ سعيد: متى تبين ؟ بدور: الحين بسير اتزهب وننزل السوق .. سعيد: خلاص مثل ما تبين .. يالله سيري .. سارت بدور تتزهب ... وسعيد مسك مبايله .. سعيد: الوووو راشد: سعّوووووووووووووود سعيد: هههههه الناس يسلمون راشد: انته اللي متصل سعيد: خلاص .. السلام عليكم ورحمة الله وبركاته راشد: وعليكم السلااااام .. مستوي لي عمران .. ما احيدك ساير شهر العسل العمرة سعيد: ههههههه عن الاستهبال .. شخباركم ؟ راشد: تماما والله .. نسأل عن حالك سعيد: انا بخير الحمدلله راشد: وشحال المدااااام سعيد: الحمدلله راشد: والله ولك وحشة يا سعيد سعيد: والله انتوا بعد .. تولهت عليكم راشد: وجيه ما تتصل سعيد: اتصل في عمر .. راشد: بس عمر .. سعيد: عيل تباني اتصل فيكم واحد واحد راشد: يا ويهك انا رفيق الدرب سعيد: ههههههه شوه رفيق دربه ؟ راشد: كنت ارقد وياك في حجرة وحده سعيد: ههههههههه شوه نسوي راشد: سعيد انا يوعان سوالف ... يالله متى بترد سعيد: يومين وبكون عندكم راشد: يا سلاااااام .. سعيد: عاد اذا وصلت وانتوا محد فالبيت .. يا وييييييلكم راشد: افا عليك .. ما بخليهم يظهرون من البيت .. بحبسهم سعيد: ههههه جان رمست ع مروان راشد: مب ع كيفه سعيد: لا لا خلاص غيرت راييي .. اخاف تظاربون بسبتي راشد: ههه ما عليك مروان مستوي بيتوتي هالايام سعيد: غريبه .. ليش؟ وين هزاع ؟ راشد: مشغول ويا خواته عسب جذه سعيد: اها ... حليله عيل مروان .. ملان راشد: خله يتأدب كم يوم .. فـ انته تقول بتيي عقب يومين .. يعني زين مروان بعده بيكون بيتوتي سعيد: ههههههه زين عيل خل نلحق عليه .. وشخبار عبدالعزيز وعمران ؟ راشد: الحمدلله .. حبيبي تعال استلم مكانتك في هالبيت سعيد: ليش عاد ؟ راشد: والله عمر .. الشغل اللي انته كنت تسويه .. مخلني انا اسويه .. وانا اكتفي بهذا القدر من الاعمال الشاقه خلال الايام التي مضت سعيد: ههههههههههههههههههه حلوة ... عيل ما برد راشد: لا الله يخليك .. رد سعيد: ان شاء الله .. جريب قلت لك راشد: توصلون بالسلامة وتم سعيد يرمس راشد ... صدق اشتاق حقه .. وحق سوالفه .. واشتاق حق باجي اخوانه بعد في بيت ام احمد ... رملة: اففففف ملل هالبيت .. ام احمد: انتي دومج ملانه رملة: الناس يطلعون .. اجازة يسافرووووون ناعمه: سافري حد ماسكنج رملة: كيف بسير ويا قوم عمي ... امايه ما خلتني ناعمه: عسب تخبلينهم ام احمد: هيه انا يوم بخرف بطرشج ويا عمج روحج رملة: وشوه فيها ؟ مب بس عمي سافر ... عمي وعموه يعني عادي ... كلهم ساروا الا انا ناعمه: نحن اذا سرنا عيسى او احمد لازم يكونون ويانا ... وعيسى واحمد مب فاظين رملة: اوهوووووو .. انا من زمان ما سافرت ام احمد: وجيه تسافرين ؟ خلج فالبيت .. محلاها رملة: حرررررر ناعمه: اقول رملو انتي وايد ترمسين .. انزين رملة: بسير اقول حق احمد يوديني ام احمد: احمد مب فاضي حقج .. عنده حرمه وبنيه ... بيجابلهن رملة: والله عيل اخو عود ع الفاضي .. بسير اقوله ناعمه: قولي له اخو عود ع الفاضي .. وبنشوف كيف بيوديج احمد كان منسدح في حجرته .. سمع صوت دقة الباب .. طبعا معروفة الدقة ومميزة ... احمد: دخليييييي رملة: احمد احمد: نعم ؟ رملة: احمد ملل احمد: شوه تبيني اسوي ؟ رملة: الله يخليك طلعنيييييييي احمد: وين اوديج ؟ رملة: أي مكان .. احمد: والله امون قالت لي امر الجمعية اشتري اغراض حق البيبي ... بتين ؟ رملة: هيه احسن من ولا شي احمد: خلاص عيل .. سيري تزهبي وتعالي خبريني رملة: مب تسير عني احمد: ما بسير لين ما انتي تيين تقولين لي انج خلصتي .. يالله سيري في شقة ع قدهم .. حصه ... منسدحه ع الشبرية في حجرتها ... يا علي .. علي: حصه .. حصه: هلا علي: وبعدين ؟ حصه: شوه علي: يالله نشي .. حصه: شوه تبا ؟ علي: نسير بيت ابوج ؟ من زمان ما سايرين حصه: ما ابا اسير هناك علي: عيل تدرين .. دامج جذه يعني ... شرايج نطلع ونغير جو حصه: مالي نفس علي: حصووووه عن الحركات يالله عاد نشي .. حصه ( نشت ويلست ): وين تبا تسير ؟ علي: أي مكان حصه: انا مووووول مزاجي مب اوكيه علي: اوكيه والا مب اوكيه ... نشي يالله .. حصه: ما بتمر ع امك اليوم علي: اممم .. لا ( ابتسم ) ... اليوم ما بسير صوبها .. حصه: بتزعل علي: ما بتزعل .. بقول لها اني كنت مشغول .. وما قدرت اييها .. ورن مبايل حصه .. حصه: هاي امايه تتصل علي: ردي عليها حصه: ما ابا ارد .. علي: ليش عاد ... حصه لا تسوين بروحج جذه .. والله ما يسوى عليج حصه: انا نفسيتي تعبانه علي: ولا شي يسوى ويستاهل .. حصه: ومب متفيجه اطلع بعد علي: لا اله الا الله ... اقولج نشي بسرعه تزهبي .. عندج ربع ساعه وتكونين مخلصه .. بيلس فالصاله اترياج ... في بيت بو زايد ... مدام انه ما نزل تغدا يوم الكل موجود .. فلازم يتريون وما يشلون الغدا .. لان حضرته توه نازل ويبتغدا ثاني توه نازل .. ثاني: ويه خلصتوا ! ام زايد: تو الناس ثاني: شوه السالفه ؟ بلاكم ؟ زايد: ما فينا شي ثاني: محد يبا ياكل ويايه ؟ ام زايد: سر تغدا غاليه يالسه تتغدا بعدها ... وسار ثاني ... غاليه: الحمدلله ثاني: غاليه لا تنشين غاليه: ليش ؟ ثاني: تمي يالسه الله يخليج ... اخاف ابويه ايي ويشوفني يالس روحي ويحط عليه غاليه: تستاهل ثاني: عاد لا تستوين نحسه .. وبالفعل عقب ما بو زايد غسل ايده ورجع ... ويلس فالصاله ... مسك الجريدة ... بو زايد: مرحبا استاذ ثاني ثاني: مرحبتين .. شحالك ابويه ؟ بو زايد: انا بخييير .. يوم اني اشوفك تحت ثاني ( بصوت واطي ): احم احم بدينا ام زايد: سعيد ما اطمنتوا عليه ؟ بو زايد: ما ادري .. زايد يسير ويرد عليهم ويرمس عمر زايد: هو بخير .. وبيرد جريب ان شاء الله ام زايد: الله يحفظه يا رب .. بو زايد: ان شاء الله بس .. يتمون مثل ما هم ... ام زايد: كيف يعني ؟ بو زايد: هالحرمه تتقبل بس تعيش في هالحجرة بصالتها الصغيرة .. لين اقنع يوسف ... اما يفتح للولد شقة .. او يبني له ملحق .. لين يقدر ع البيت زايد: عمي يوسف مستحيل يقتنع بو زايد: انا بحاول وياه .. لان مستحيل أي وحده ترضى تعيش جذه في بيت كله شباب زايد: عمر قدها .. وبيقدر يوازي الامور .. بو زايد: عمر .. عمر هذا والله ما اقدر شوه اقول والا شوه اقول عنه .. ريال صدق ... ام زايد: ما شاء الله عليهم ... عيال سيف كلهم الله يحفظهم .. ادب واخلاق ثاني: بدينا نمدح بو زايد: هيه .. بدينا نمدح احسن عن بعض الناس غاليه :ههههههه يبتها حق عمرك زايد: ههههه ملقووووووف ثاني: عادي .. شوه يعني .. بو زايد: جان ما نيوزك يا ثاني يمكن تعقل شويه ثاني يوم خلص ابوه رمسته هاي .. غص .. ام زايد: عطيه ماي يا غاليه ... وغاليه ناقعه من الظحك ما تروم تنش .. وزايد بعد يظحك .. ونشت ام زايد بسرعه وسارت شربت ثاني الماي .. ام زايد: الله ينطب ابليسج يا غاليه .. اقولج اسقيييه غاليه: ههههههههه ما اقدر .. والله بو زايد: محد قاله ... ام زايد: بغا يموت ثاني: يبون يذبحوني شفتي امايه زايد: هههههه عاد انته تباها من الله .. امايه تحط علينا بسبتك ثاني: شوفيهم حتى ما يقولون لي سلامات وما تشوف شر بو زايد: لا والله ؟ غاليه: ليش الاخ مسوي حااادث ؟ ام زايد: ودريها الرمسة الماصخه هاي يا غاليه ... لا تقولين جذه عن اخوج غاليه: ما قلت شي ... والله هو يبانا اونه نقول الحمدلله ع السلامة .. ما تشووووووف شر يا حبيبي يا اخويه ثاني: هيه اطنزي مب انتي اللي بغيتي تموتين ام زايد: بسم الله عليك زايد: هيه ادلع زيادة الحين ادلع طبعا تم ثاني يدلع ع امه ... وحمد ربه تغيرت السالفه .... والا الرمسة اللي قالها ابوه قوية في حقه ! ... في حجرة عمر وعبدالعزيز ... عبدالعزيز منسدح ع الشبرية .. عبدالعزيز: آآآآآآآآي بطني عمر: لا حول ولا قوة الا بالله .. لا يوم كنت يوعان ولا يوم كلت وشبعت ؟ عبدالعزيز: كلت وايد عمر: محد قالك عبدالعزيز: انته قلت لي عبدالعزيز كل وعبدالعزيز كل عمر: بس مب جذه تاكل عبدالعزيز: انزين بسألك عمر: تفضل .. عبدالعزيز: يوم سعيييييد وحرمته بيردون وبييون البيت .. بييلسون ويانا ياكلون ؟ عمر: لا طبعا عبدالعزيز: صدق ؟! عمر: هيه يعني اتمصخر وياك .. تخيل تيلس ويانا نحن .. حرمه وحده بس بين 6 شباب عبدالعزيز: هاي عيل ما بنشوفها خير شر .. عمر: وشوه تبا فيها ؟ عبدالعزيز: ما ابا منها شي طبعا .. عمر: عيل خلاص .. عبدالعزيز: انزييييييين ليكون يوم انته بتعرس بعد جيه بتسوي ؟ عمر: هيه .. انا ما ايلس حرمتيه بين شباب عبدالعزيز: يالللله انا باكل وياكم لو جيه سويتوا عمر: ههههه وين تاكل ويانا ؟ استح ع ويهك عبدالعزيز: مب ع كيييفك .. عيل لو سعيد جيه بيسوي وانته بعد جذه .. انا اجابل راشد ومروان وعمران ! عمر: اخوانك عبدالعزيز: يالللللللله .. ما ابا عمر: كيفك .. سو اللي يريحك عبدالعزيز: اللي يريحني اني آكل وياكم .. وبعد تعال .. سعيد خذ الحجرة اللي تحت .. ليكون تبا تفرني انا ويا راشد فالحجرة .. هااااااااااا وانته تاخذ هالحجرة عمر: عبدالعزيز ... بس سندرت راسييييي عبدالعزيز: ثرك انته جيه عمر: ما بعرس لين انته تعرس جيه اوكيه ؟ عبدالعزيز: هيه وايد اوكيه عمر: والحين ممكن يعني تسكت برقد شويه عبدالعزيز: انا ما فيني رقاد عمر: والمطلوب ؟ عبدالعزيز: تيلس ويايه عمر: هيه .. ثره ما شي شغل ... بس انته تقولي ارقد ارقد .. تقولي يلس ايلس .. اطلع اطلع ... عبدالعزيز: العطف على الصغيييييير عمر: ما يخصه .. وجان بترمس ع العطف .. انته اعطف عليه وخلني ارقد عبدالعزيز: هههه خلاص عيل برقد وياك الحين عمر: احسن بعد ... عسب عقب يوم انا انش ما تيي ترقد في بيت بو هزاع .. احمد توه نازل من السيارة .. احمد: يالله انا ياي سوي لي درب آمنة: تعال ما في حد غيري انا وعفرا وشمسه وسالم احمد: لا والله ابد ما في حد ... انزين سوي لي درب آمنة: يالله تعال .. رملة: ايييه وين يايبنيييي احمد: نزلي نزلي ... عيل ليكون تبيني اردج البيت .. وعقب ايي هني رملة: هيه طبعا احمد: لا حبيبته ... ما اقدر .. مشتاق انا حق بنتي رملة: لا والله ! احمد: ههههه نزلي يالله ما في حد .. ومشى احمد لين الصاله .. ومشت وراه رملة ... وصل احمد: هود هود آمنة: هدا احمد: كيفكوووون اخوات زوجتي العزيزة عفرا: بخير .. ونسلم عليك شمسه: وانا اشوف بيتنا منور .. اثاري الحلوة وياك عفرا: اوه انا هاي ما شايفتنها من زمااااان احمد: رملة بلاج عادي عادي .. وسار احمد يلس ورملة لاصقه فيه مستحيه اونها ... آمنة: هههههه ط اونه رملة تستحي ... احمد: اول مره ما يليق صح شمسه: ههههههه حرام عليكم سالم ( ياي من الصاله الثانية ) : امااااااااااااااااايه احمد: وصل ... سالم: اوه انته هني احمد: لا هناك سالم: اوكييييييييه احمد: هههههه امون قلتي لهم عن سالفة هذا وعبدالعزيز فالعرس آمنة: ههه لا احمد: شمسه والله زين ان صالح ما ذبحنا فالعرس شمسه: ليش ؟ احمد: صالح ما قالج عن اللي سواه ولدج ؟ سالم: ما سويييييت شي احمد: ابد ما سويت شي شمسه: ما ياب لي طاري .. قول شوه مسوي ؟ اكيد فشلكم سالم: انا ما افشل حددددد عفرا: انته ابد ما تفشل حد .. سالم: عموه عفاري بلاج عليه احمد: والله بهدلوا بدر عفرا: بدر ولد السفييييير .. قول والله احمد: بلاج تحمستي عفرا: يا خي ما ادانيييييييييه والله ولا احبه شمسه: هو ميت فيج عفرا: مالت عليه آمنة: بس اخته وايد كانت غير صح احمد: امون صبي لي شاي عفرا: هيه انصدمت منها ... كانت كول شراتنا .. اما هو من كلام هزاع عنه احسه به خقاق سالم: وااايد والله مب شويه ... كان خاطريه اعطيه كففف شمسه: ايه ايه انته .. بس خلاص سالم: اونه شوه ع العشا كنا ناكل ... قلنا ديدان .. وصراصير مقرمشة ... وفيران حق السويت اونه لاعت جبده ... ونش ....الحين ريال تلوع جبده ! احمد كان توه حاط الاستكانه عند ثمه وبيشرب ... رد نزل الاستكانه وتم يظحك .. وعفرا بعد ما قصرت لا هي ولا آمنة .. ورملة تشوف الوضع ! ... هذيل مب احسن منا ... هذيل اخس منا فالخبال ! .. وشمسه ما تدري تظحك والا تهزب ولدها .. ******* |
الجزء الـ 14 في بيت السفير ..... يوم الجمعة ... الساعه 9 الصبح ... يت دقت الباب ... هند ( بصوت ثجيل ): منوووه ؟ ميري: هندو قومي هند: شوه تبين ؟ ميري: ماما تحت يبغا انتي هند: امايه ؟! ميري: لا .. ماما كبير ... هند: ايهييييي .. انزين الحين بنش ... سيري انتي ... نشت هند .. تغسلت .. ونزلت تحت بكشتها ولا لفت شعرها بعد ... هند: صباح الخير .. يدوه غريسه: الناس يصبحون بالخير ويقولون السلام عليكم هند: السلام عليج ... صباح الخير .. يدوه غريسه: وعليكم السلام .. صباح النور ... عنبو كل هذا رقاد هند ( يت ويلست ): شوه نسوي يدوه امس سهرانين يدوه غريسه: اعوذ بالله من هالشكل اللي يالس جدامي هند: لييييييش؟ شوه فيني ؟ مب حلوة ! يدوه غريسه : الناس يسحون كششهم ويبدلون ثيابهم ... شوه هاللبس اللي لابستنه انتي يا بنيه ... شوه هذا رااااص ع جسمج ... رياييل في فالبيييت .. هند: يدوه هاي بجامة .. وبعدين أي رياييل موجودين ؟ وين ؟ ما في حد غير ابويه واخويه يدوه غريسه: انزين استحي ع ويهج عيييب يا بنيه عيييييب هند: محاااااارمي عادي يشوفوني جذه .. اصلا متعودين عليه انا جذه ... يعني مب اول مره ! يدوه غريسه: وكشتج هاي ... عنبوج ما قدرتي تسحينها قبل ما تنزلين هند ( حطت راسها ): يدوووه توني نااااشه ... ولا تزعلين الحين بسير فوق بتسبح ومره وحده بنزل وانا مرتبة انزين يدوه غريسه: وابوج واخوج ؟ هند: ابويه شكله محد ... يدوه غريسه: حتى يوم الجمعه محد! هند: اقصد يعني هو يتزهب من الصبح .. ويطلع ويسير المسيد وعقب يرد البيت .. يدوه غريسه: واخوج ؟ هند: اخويه اكيد راقد .. يدوه غريسه: سيري وعّيه .. .بسرعه سيري وعّيه .. هند :ان شاء الله سارت هند فوق ... لكن ما سارت توعي بدر ... سارت روحها تسبح وتسحي شعرها .. وبدر بينش روحه .. وهو ما يحب حد يوعيه هالحزه .. لان بالنسبه له الساعه 9 الصبح الفير الا لو كان عنده هو روحه شغل فـ ينش .. نزل عبدالعزيز من فوق ... شنط .. واغراض .. عبدالعزيز: ابا ريوووووووووق عمر : يلس فريد الحين بيزهب السفرة عبدالعزيز: ليش شنط وجيه سعيد: لاني انا وصلت .. ظهر سعيد من الممر .. فتح الباب اللي ركبوه مؤقت عسب يفصل بين قسمه و الصاله .. عبدالعزيز: اوووووه سعيييييييد ونش بسرعه وسار صوب اخوه عبدالعزيز: متى وصلت؟ سعيد: الفير عبدالعزيز: وليش محد قومني ؟! ومنوه يابك ؟! سعيد: هههههه عمر يابني عبدالعزيز: اونه صدق ؟ عمر: ليش في امكانية ان نجذب ! عبدالعزيز: كيف سرت وانا ما حسيت .. سعيد: افف وينهم خل ينشون بسرررعه .. انا ما رقدت غير ساعتين عبدالعزيز: وانته الحين تترياهم؟! هذيل ما بينشون الحين .. عقب نص ساعه او ساعه بينشون سعيد: مب ع كيفهم عمر: سر وعهم ... صعد سعيد فوق ... دخل حجرة راشد الحين نقول لان .. استقر بالحجرة روحه .. وسعيد ظهر منها ... سعيد: راشد ... رااشد قم .. راشد( بصوت ثجيل): شوه ؟ سعيد: رااااااشد قم بسك رقاااااد فتح راشد عين وحده و العين الثانية مصكره .. سعيد: قم راشد فتح عينه عدل .. وتم يفركها ... راشد: سعيييييييييييييد وعفد ع اخوه سعيد: ههههههه راشد قلت لك قم .. يعني قم من الرقاد مب قم واعفد عليه راشد: سعّود متى وصلت ؟ سعيد: الفير راشد: منوه يابك ؟ سعيد: طبعا اخي العزيز عمر راشد: جيه ما قلتوا لنا ؟ سعيد: انا ما قلت لك عقب يومين ! راشد: انا اتحسب اليوم فالليل بتوصل سعيد: والله ّ احلف عاد بكيفك هو ! راشد: ويا ويهك سعّود .. والله محلو سعيد: ههههه انته اللي ويا ويهك نش بس عاد .. نبا نيلس وياكم شويه راشد: افا عليك انته بس .. ما طلبت .. سعيد: يالله قم .. بسير اقوّم عمران ومروان .. وظهر سعيد من حجرة راشد .. وسار صوب حجرة عمران ومروان .. دخل شاف عمران واقف جدام التسريحه .. يتعدّل .. من شاف سعيد .. انصدم سعيد: هههههه بسم الله بلاكم كل واحد يوم يشوفني جنه الا بقرة شايفة حريجة عمران: سعيييييييد شحالك ؟ شخبارك ؟ علومك ؟ سعيد: انا الحمدلله بخير ... انتوا شحالكم ؟ عمران :نحن بخير دام انك رديت والله ... ولك وحشه .. سعيد: انتوا بعد .. والله اني تولهت عليكم مروان ( فاتح عين ومغمض الثانية): انا اشوف عيون قطااااااو سعيد: يالسخيييييييف مروان: ولد فريييييييييد رديييييييت من السفر ! ... متى ؟ سعيد: ولد فريد في عينك ههههههه مروان: حبيت راس ابوك سعيد: ههههه مروان عاد بسك طنازة نش مروان: هههههه شخبارك يالمعرس علومك سعيد: انا بخير .. يوم بشوفكم نازلين تحت .. مروان: خشمك بس من بعيد عمران: نش قالوا لك مروان: سعيد لولا عيونك الخضر جان عرفوا انك اخو عمران ... و كنت بتروح فيها هناك سعيد: هههه الله ياخذ عدوك بعدك انته ع هالسوالف عمران: يا خوفي باجر يزخونه هو صدق مروان: انا ما يشكون فيني .. لاني عايش حياتي بكل بساطة سعيد: هههههه بسكم عاد .. يالله نشوا .. وظهر عنهم سعيد وسار تحت .. عبدالعزيز: اشك انهم نشوا سعيد: ههههه لا نشوا عمر: اكيد انصدموا سعيد: هيه ... ومروان ما خلا فيني شي عمر: ههههه معروف سعيد: انزين انا بسير شويه عند المدام .. وبرد .. مب تتريقون عني .. سار سعيد قسمه ... ودخل حجرته .. سعيد: خلصتي بدور: راسي بينفجر سعيد: قلت لج رقدي وريحي ويوم بتنشين رتبي الشنط بدور: ما احب جذه .. عالاقل خلصت شنطة وحده وباجي هنتين .. غير الشنط اللي فالبيت هناك بعد بييبهم آآآآه سعيد: هههههه بلاج .. ما يسوى عليج .. بدور: لو تدري بالتعب اللي بتعبه والله ما بتقول جذه ... سعيد: ولا يهمج برتب وياج .. وبنخلص ان شاء الله .. بساعدج بدور: الحين خل اخلص الباقي اللي هني سعيد: خليهن حق عقب .. انا الحين بسير اقول حق فريد يزهب الريوق وبييبه بدور: أي ريوق الله يخليك .. انا الحين برقد سعيد ( يشوف الساعه ) : الحين بترقدين بدور: والله اني تعبااانه تعباااانه ... سعيد: يعني بترقدين بدور: هيه .. انته رقدت ساعتين .. انا ما رقدت ولا ساعه سعيد: ههههه بتحسديني ع هالساعتين بدور: لا طبعا .. ما بحسدك عليهن .. ان شاء الله بس جسمك ارتاح عقب رقاد الساعتين سعيد: الحمدلله .. قلت لج رقدي لج ساعتين ما طعتي بدور: الرقاد المتقطع ... ما ادانيه ... يتعب اكثر والله سعيد: خلاص عيل .. انتي اللي ما بغيتي بدور: انزين الحين .. انته مب قلت بتسير عند اخوانك سعيد: طرده هاي ! بدور: ههههه لا مب جذه .. بس سر .. لاني ابا ارقد .. ببند الليت .. سعيد: انا بسير اتريق وياهم .. وبيلس لين وقت الصلاة .. وبنظهر كلنا ويا بعض وبنسير المسيد.. بدور: انزين وين مفتاح الباب اللي يودي ع برع سعيد: انا قافل الباب هذاك .. والمفتاح هني فالسده .. وباب الممر فيه مفتاحين .. واحد عندي والثاني عندج .. بدور: هيه .. سعيد: خلاص عيل .. يالله انا ساير .. بدور: قبل ما تسير المسيد .. اقفل باب الممر بعد سعيد ( ابتسم): ان شاء الله .. ( وسار صوب الباب ) .... يالله ع قولت مروان تظهرين ع خير بدور: شوه بعد تظهرين ع خير ؟! سعيد: مب فالليل نقول تصبحون ع خير ... بدور: انزين سعيد: واذا الحين رقدتي بتنشين الظهر .. هو يقول تظهر ع خير بدور: شي جميييييل سعيد: هههههه يالله رقدي وسار سعيد بند الليت .. وصك باب الممر .. ويلس ويا اخوانه فالصاله .. في بيت بو هزاع ... شمسه + سلامة ... اول الواصلات ... عفرا ( نازلة من فوق ): امايه وين هزاع ؟ عذيجة: هزاع فالميلس ... عفرا: خيبة من الحين .. انزين محد وصل عذيجة: ما ادري به شمسه: غريبه حصه للحين ما وصلت سلامة: اتصلي في امون سأليها وين واصله ؟ شمسه: انزين عفرا: سلامة وين عمرمر سلامة: قلت لكم ما ادلعونه جذه عفرا: قومي زين سلامة: بتشوفين ... والله .. ييبي ولد والا بنيه بخرب اساميهم من اول يوم عفرا: انزييين يووووووووم بييب عيال عقب خربي اساميهم عذيجة: لا اله الا الله .. ذكروا الله .. توها الناس مخلصه الصلاة .. عفرا: انزين ويييينه ؟ سلامة: فالحجرة راقد .. وسارت عفرا ماشيه للحجرة ... سلامة: والله يا عفاري ان نش صااح يا ويلج عفرا: سيرييييييي عذيجة: عفرا . خلي الولد راقد سلامة: عفاري مب متفيجه انا الحين .. ابا آكل عفرا: هههههههه خيبه .. بده الغدا سلامة : لو نش الحين ما بيخليني آكل عذيجة: يا ربي منكن ... بسير اشوف الغدا انا شمسة: الو .. هلا آمون آمنة: مرحبا شمسة شخبارج شمسة: الحمدلله بخير .. وينكم ؟ آمنة: يايين شمسة: اتصلتي في حصه ؟ آمنة: لا ... ليش اتصل بها ؟ شمسة: ما ادري آمنة: تستهبلييين شموس ! شمسة: هههه لا .. بس للحين ما يت .. آمنة: اونه ! ... غريبه .. حصه دايما تكون اول وحده شمسة: ثرني عسب جذه مستغربه .. آمنة: انزين انا بتصل بها الحين وبشوفها وين شمسة: يالله انزين .. احمد: آمنة راس البنيه آمنة: حاطه ايدي احمد: انا وايد اخاف يوم راسها صوب الباب ... ييبي راسها هالصوب آمنة: ماسكتنها احمد: لا ييبيه هالصوب .. آمنة: يبناه ... احمد: هيه جيه اوكيه ... اشوف القمر اجرب آمنة: انزين تغزل في بنتك لين اتصل في حصه شويه احمد: ليش بلاها حصه ؟ آمنة: ما ادري شمسه تقول للحين ما يت احمد: علي بعد من زمان ما شايفينه .. آمنة: دوامه مخربط وايد وايد وايد احمد: جمارك .. عسب جذه .. آمنة: زين ان حصه روحها تسوق والا بتتبهدل احمد: ليش تتبهدل ؟ ... آمنة: بالله عليك وين يروم يحط لها سايق ؟ وين بترقده ان شاء الله ؟ فالشقة وياهم !.... هي ما تتجرأ تييب خدامه حقها لانها في شقة احمد: اصلا ما يحتاجون لا سايق ولا خدامه آمنة: انا قلت لو يعني ما تسوق احمد: سايق قوم ابوج آمنة: بس بعد .. .. هاي ما ترد ... احمد: يمكن الحرمة مشغولة .. شوه تبون بها آمنة: اوووه اختنا .. مشتاقين لها ... احمد: يمكن طالعه ويا ريلها .. اليوم .. ما تبا تجابل ويوهكن ملت منكن آمنة: يالله عاد .. تخيل صدق؟! ملت منا اونه .. وظاهره ويا ريلها .. أحمد: ما استبعد آمنة: ههههههه ايه لا تخرف ع كيفك احمد: انا خليت احتمالات يعني آمنة: بس تدري اصلا حصه من يوم ما ربت سلامة ما يت هني احمد: اونه ! آمنة: والله احمد: لا اذا جذه صدق غريبه يعني آمنة: عسب جذه اقولك نحن مستغربين احمد: وانتن كيف ما سألتن عن اختكن !! يومين ما شايفينها لا لا مستحيل آمنة: والله نحن قلنا يمكن ريلها هاليومين مب دوام .. عسب جذه احمد: لا والله ! آمنة: شوووه احمد: ما شي .. اتصلي اتصلي فيها ... آمنة :يالسه اتصل من الصبح ما ترد ... دخل علي .. عقب ما رد من صلاة الجمعة .. شاف حصه يالسه ... علي: حصووووه حصه: هلا ... الناس تدخل تقول السلام عليكم علي: وعليكم السلاااام ... انتي هني ! حصه: هيه هني علي ( يشوف الساعه): اليوم الجمعة ... ما سرتي بيت ابوج حصه: علي علي: هلا ... حصه: انا قررت .. نسافر برع علي ( منصدم) : شوووه ؟! حصه: ادري انك مستغرب .. وادري اني كنت السبب فالبداية .. وقبل سنة .. يوم قلت لي .. خذت الموضوع بحساسية ... لكن يمكن سبحان الله علي: حصه .. مب لازم تسيرين برع .. مب لازم تتخلين عن قرارج قبل سنة ... عسبي انا ... انا عادي عندي والله عادي ... حصه: انته تقول عادي ... بس انا ادري ان لو مهما قلت .. ما تقدر تخفي شعورك .. انك تكون ابو علي ( سار ويلس مجابل حصه) : شوفي انا لو كنت مفكر اني ماخذنج عسب عيال ... جان عقب السنة طلقتج ولا خليتج ع ذمتيه سنتين ونص ! حصه: بس بعد .. انته عقب السنة .. حاولت توديني برع عسب اليهال علي: بس الحين تغير الوضع ... انا عادي عندي ... وانا يوم قلت لج عقب السنة ... فكرت فيج انتي .. حصه: انزين وانا الحين غيرت رايي علي: تبين تسافرين وين ؟ حصه: أي بلد ... انته ادرى يوم انك قررت قبل سنة نسافر برع ..اكيد كنت حاط في بالك مكان معين علي: كنت حاط في بالي المانيا حصه: ومنوه قالك عن المانيا علي: بلد مطورة .. و منها سياحة ومنها علاج .. هاللي كان في بالي حصه: خلاص عيل .. احجز لنا تذكرتين حق المانيا علي: حصه متأكدة من قرارج هذا حصه: هالمرة هيه ... علي: خبرتي هلج ؟ حصه: محد يدري غيرك علي: حصه لا تكدرين خاطرج عسب هالسالفه ... والله لو عشاني انا اقولج للمرة المليون عادي حصه: علي خلاص قلت لك ... علي ( تنهد): انزين ودوامج حصه: باخذ اجازة .. واذا ما عطوني بفنش علي: بتفنشين ! حصه: هيه ... وبعدين الحين نحن اجازة وجدامنا شهرين بطولهن .. تقريبا علي: شوفي دام انج تبين تسافرين برع .. حصه هالسفرة بالذات تعني انج تبتعدين عن هلج .. يمكن نتم اسبوعين ... شهر ... شهرين .. اللي هو .. نحن سايرين ما ندري شوه بيستوي حصه: ادري علي: انتي بتقدرين على هذا كله حصه: بحاول علي: انزين الحن ما بتسيرين بيت ابوج ؟ حصه: انته وين بتسير ؟ علي: انا كنت ناوي ايي البيت آخذ اوراق واسير بيت ابوج اتغدا هناك .. والعصر شوي اشتغل ع الاوراق حصه: عيل يالله نسير الحين .. آمنة اختيه اتصلت بي كم مرة ... وانا ما رديت عليها علي: تخلينهم يحاتونج .. حليلهم يالله نشي .. في الميلس .. هزاع حاشر الدنيا ع مروان .. ومروان يرمسه وحاط المبايل ع الاسبيكر هزاع: بتشوف والله .. جيه ما قلت لي مروان: شدراني انا روحي اليوم الصبح اشوفه جدامي .. قلت اعوذ بالله عيال فريد حتى فالحلم يطلعون ... عقب شفت ان لا والله هو سعيد بشحمه ولحمه عمران: هههههه حليله فريد هزاع: وليش ما قلتوا لي ايي اتغدا وياكم يوم انكم ما بتون مروان: ياخي وين بترز ويهك ... نحن اخوان نبا نتغدا ويا اخونا سعيد: هههههه حرام عليك مروان .. هزاع: سعيييد اسمع صوتك سعيد: شحالك هزاع هزاع: انا بخير ... بس اخوك يبا يذبحني ... يقهرني في تصرفاته سعيد: ما عاش اللي يقهرك مروان: ادّعي ع اخوك يا سعيييييييد .. هزاع انته تهدم البيوت خليت اخويه يدعي عليه عبدالعزيز: هزاع العصر مروا ورايه بيي بيتكم هزاع: خل اخوك اييبك مروان: انا مب فاضي هزاع: انته اصلا متى كنت فاضي عسب الحين تفضى .. ويالله بصكر عنك ... بسير اتغدا ويا رياييل خواتي مروان: سلم عليهم ... فمان الله ... راشد: فرييييييييييييييييييييد يالله فريد ( يايب الصحون ): صبر صبر مروان: شوف اليوم سعيد هني لازم انته تشتغل بسرعه عبدالعزيز: فرييييييد يوعاااااااااان انا فريد: انته كل يوم تقول تبغي اكل كل يوم عمر: هههههه معروفين عمران و عبدالعزيز .. عمران: انزين نيوع بسرعه مروان: وشحالك يالمعرس سعيد: الحمدلله ... انتوا شحالكم ... وشوه استوى يوم انا محد .. ليكون فاتني شي ! عمر: ما يفوتك غير خبال مروان ... و استهباله ... وساعات راشد راشد: افا والله يا عمر .. هذا وانا اللي حليلي ساعدتك في غياب سعيد عبدالعزيز: ههههههه غياب اونه راشد: عيل شوه يقولون .. اتحفنا ... مروان: بسم الله توكلنا على الله ... عمران: شوه بتذبح لك ذبيحة ... مروان: لا بنحرها عبدالعزيز: ما يظحك ما يظحك مروان: محد قالك اظحك عمر: سموا بالرحمن وكلوا .. وبسكم هالكثر هذره سعيد: سولفوا .. لاني بسير ارقد عقب الغدا عمران: هيه والله يمدحونه الرقاد عقب الغدا راشد: توك ناش بعد ترقد! سعيد: والله ما راقد غير ساعتين راشد: لا انا اقصد عمران عمران: العتب ع الكسل ... راشد: سعيد شوه الجو هناك ؟ سعيد: والله كان روعه ... وايد حلو مروان: خلاص عيل انا وهزاع بنسافر هالسنة ... عمر: وين بتسيرون ان شاء الله راشد: حدهم الهند مروان: بنسير لبنااااااان ... ههههههه والله لو عموه تسمعني الحين .. بتذبحنا ... يوم بشوفها بقول لها بنسير لبنان ههههه سعيد: اووووووه عموه .. ما اتصلت بها ولا رمستها .. عمر: قلت لك الفير بتنسى سعيد: هيه والله عمر: ما عليه ارقد وارتاح وعقب اتصل بها ... سعيد: لا .. بمر عليها ... عقب المغرب او العشا .. بسير لها .. عمر: احسن بعد عبدالعزيز: بيي وياااااااك عمر: لو سمحت عبدالعزيز عبدالعزيز: الله يخليك ما سايرين من زمان .. عمر: بنسير بيت عمي عقب .. عبدالعزيز: شوه نسوي ! عمر: بنسير عند زايد ... تبا تعال ما تبا يلس فالبيت .. بس بيت قوم عموه لا ... ما بوديك ... راشد: عمر بيي وياك انا .. عمران: وانا اتم روحي فالبيت مروان: ليش تخاااااف عمران: لا اخااااااف راشد: من عاشر القوم 18 سنة مروان: حبهم ... وما يقدر يفترق عنهم رملة .. الشيخة رملة ... بالزور وبالغصب فاتحه عينها ... رملة: والله فيه رقااااااااد ام احمد: محد قالج امس تسهرييين رملة: انزين ما ابا غدااااا ام احمد: مب ع كيفج .. امراض الدنيا بتييج .. ناعمه: امس ويا منوه سهرانه ؟ رملة: ويا عيسى ... ناعمه: جذابة صدقيني .. تلقين روحها يلست .. عيسى ما يخصه رملة: انزين شرايج امايه اسير ارقد الحين شويه ... ام احمد: انزين وعقب؟ رملة: وعقب وعوني وبتغدى والله ام احمد: انتي شرايج تتغدين قبل عقب تسيرين ترقدين .. رملة: افففففف ناعمه: ههههه اونه بتقصين ع امايه .. تستاهلين ودخل عيسى .. عيسى: وانا داخل سمعت اسمي .. شوه السالفه ؟ رملة: خيييييبة .. من متى انا قلت اسمك انته توك داخل وسمعته ام احمد: قل اعوذ برب الفلق .. ذكري ربج عيسى: زين تتأدبين .. يعني انتي كنتي تحشين فيه ناعمه: رمله تقول مسهرنها امس ... ههههههه عيسى: اناااااا .. حشى عليه .. جذابه تقص عليكم .. هي روحها سهرانه محد قالها تسهر اصلا رملة: انته كنت حاط فلم عيسى: كنت حاط فلم مب عسب انتي تسهرين انزين ام احمد: انزين بس سكتوا اذكروا الله ... عيسى: وين وين الغدا .. هاي رملة المخرفة سيري رقدي جيه واعية الحين رملة: امايه ما خلتني ارقد ام احمد: قلت لج تغدي وعقب سيري رقدي .. رملة: ان شااااااء الله ام احمد: ناعمه زهبوا السفرة ؟ ناعمه: هيه امايه .. يالله ام احمد : يالله بسم الله ... عيسى يالله ابويه سر تغدا .. رملة نشي رملة: انزيييييين وساروا كلهم بيتغدون .. عيسى: مره ثانية يوم بتسهرين لا تقولين عيسى قال رملة: انته حطيت الفلم عيسى: ما حطيته حقج ام احمد: بس يا اميه .. عيسى اسكت عنها خلها تاكل لها لقمتين .. وفعلاً ... كلت رملة .. مثل ما قالت اسمها .. لقمتين بالضبط .. رملة: الحمدلله .. خلاص كلت اللقمتين ( ونشت من مكانها بسرعه وركظت سايرة فوق ) ام احمد: رملة ... رملة ردي مكااااانج بسرعه ... تعالي ... الله يغربل ابليسج من بنيه ناعمه: ههههههه جيه قلتي لقمتين ام احمد: شدراني فيها .. عيسى: ههههه جان خليتيهن .. 10 ام احمد: تطنز .. انته اللي مسهرنها عيسى: قلت لج والله ما خليت الفلم حقها .. ناعمه: هاي رملة تستهبل عيسى: مره ثانية يوم بتسيرون ترقدون خلوها تسير وياكم .. ناعمه: كانت يالسه ويا احمد ... وآمنة عيسى: انا يوم ييت .. آمنة كانت محد .. و احمد كان توه ناش بيسير ام احمد: جيه ما خليتها هي تسير بعد عيسى: شدراني انا .. انها بتتبلى عليه .. برويها خل مره ثانية ايلس وتيلس ويايه ام احمد: انته روحك لا تسهر عسب هي ما تسهر ناعمه: هههههه عيسى: الله ياخذ عدوج يا رملة ... كل اللي فالبيت ينهزبون بسبتج علي دخل الميلس .. علي: السلام عليكم صالح: هلااااااا بو حسن ... شخبارك ؟ علومك علي: الحمدلله بخير .. انتوا شحالكم شخباركم ؟ احمد: نسأل عنك علي: مبروك ما ياك بو عامر طارق: الله يبارك في حياتك .. علي: شحالك عمي بو هزاع: الحمدلله بخير يوم شفناك علي: اسمح لي والله هزاع: شحالك علي علي: الحمدلله انته شحالك ؟ هزاع: تمام والله بو هزاع: اقرب علي: بسم الله ... احمد: شحالك ويا الدوام طارق: غرييييييييييبة ... احمد يسأل عن الدوام !! احمد: هههه جيه شوه شايفني ؟! هزاع: اول مره تطري الدوام .. بدون ما تطري الاستقاله صالح: لا لا الحين عنده بنيه يأمن مستقبلها ... ههههه علي: ههههه حليلك يا احمد قطعوك احمد: شفت عاد ... بو هزاع: روحك مسوي بعمرك جذه .. احمد: انزين شوه نسوي ... والله تعبنا من الدوامات ... نشة الصبح بس اتّعب الواحد بو هزاع: ولو ما داومت من وين بتكد ع بيتك ؟! طارق: عمي احمد ما يقصد ... هو يتغشمر بو هزاع :يا خوفي من كثر ما تقول بستقيل وبستقيل .. صدق عقب تستقيل صالح: اخاف يفنشونه مب هو يستقيل بروحه احمد: هههههه بس عاد علي: ما خليتوا شي فيه ههههه في صالة بيت بو هزاع ... الخوات .. ويا سالم .. وام هزاع يتغدون .. آمنة: انا اتصل فيج جيه ما تردين ! حصه: مبايلي كان فالحجرة .. وما تفيجت عقب اتصل بج عفرا: مرحباااااا ماما سلامة سلامة (شوي وبتصيح): وايد يصييييح عفرا: امون مساعه سلامة تهددني تقولي لا تسيرين توعين ولديه ... ابا آكل هههههه ام هزاع: من كثر ما تحنون ع هالصغاريه ... والله اخاف يصيبهم شي آمنة: الحمدلله ارقّي بنتي كل ما ايي هني .. اخاف عليها من الحسد شمسة: يالله ... سالم: خالوه سلامة سلامة: هلا حبيبي سالم: طبعا ولدج بيلعب ويايه يوم بيكبر عفرا: طبعا لا سالم: ليش ؟! عفرا: وين يلعب وياك ... ما يكفينا وحشين فالعايلة بعد وحدش ثالث يكون سلامة: جب انتي ولدي مب وحش عفرا: مب وحش !! ... بنشوف ... عودي عمرج ع الدفاشة الله يخليج ... يا خوفي باجر من يسوي شي تصيحين ... شمسة: تدربي مثلي عفرا: ههههه تدربي ع سالم شليه كم يوم بيتكم آمنة: ههههه اتخيل ام هزاع: بس بس الناس يسمون بالرحمن وياكلون .. وهذيل .. الا حاطين ع هالصغاريه من يوم يابوهم آمنة: فديت بنتييي انا ... انا وابوها معلمينها ع الادب ... وان يوم نتغدا هي ترقد سلامة: لا والله ! .. بتج العيوز آمنة: في عينج عيوز سالم: عقب يوم نقوووووول يقولون من وين متعلمين !.... منكم نتعلم شمسة: بس انته اسكت بو هزاع: صدقه الولد .. ما غلط ... عفرا: عاد امايه كله ولا سالم ... ما يصدق يمسك علينا هه حصه: الحمدلله ... نشت حصه .. سارت غسلت ايدها .. ويست فالصاله الثانية ... صاحت بنت آمنة ... آمنة :لاااااااااا سلامة: تستاهلين ... اونه بنتج مؤدبة صح سالم: الحمدلله الذي اطعمنااااااا عفرا: زين والله سالم: خالوووووه عفاري عفرا: شوووووه شمسة: ههههه طلعتي حق ولديه قرووون بس عاد خليه في حاله عفرا: ولدج يظهر لنا نحن كلنا قرووووون ولا يظهر له هو سالم: الحمدلله لاني مب تيس ههاهاهاها شمسة: سااااالم ... الله ياخذ عدوك بس اسكت .. قم سر غسل ايدك ام هزاع: انتن ترمسن جذه جدام الولد .. كيف ما تبونه يرمس شراتكن فالصاله الثانية حصه: جان كملتي غداج .. انا كنت بشلها ... آمنة: لا عادي .. الحمدلله .. ع قولت احمد اونه زين تسوي فيج يوم تاكلين عسب تضعفين حصه: اكثر من جيه بعد ضعف مب حلو ! آمنة: ههه يبا يغايظ ما يعرف شوه يقول ... مره امتني مره اضعفي عاد اللي يقول بعطي سخافاته أي اهمية ! حصه: اها آمنة: بلاج حصه حصه: ما فيني شي .. آمنة: انتي مب ع بعضج اليوم .. و من يومين ما شايفينج .. حصه: آمنة آمنة: هلا حصه: بقولج شي بس الله يخليج ... لا تييبين طاري حق امايه الحين آمنة: شوه فيج حصه ؟ حصه: اول شي اوعديني ما تقولين حق امايه آمنة: ما بقولها ... بس قولي حبيبتيه ... روعتيني عليج حصه: انا قررت اني اسافر ويا علي آمنة ( مستغربه): انزين وشوه فيها ؟ سافري .. غيري جو .. الحين اجازة حصه: بسافر اتعالج آمنة ( فاتحه عيونها ع الاخير): تتعالجين ؟ ليييش ؟ شوه فيج ؟ حصه: ما فيني شي ... بس تحسين انه شي عادي اني بكمل 3 سنوات من عرست وانا للحين ما حملت آمنة ( تنهدت): حصه حبيبتيه .. انتي مب قلتي سرتي انتي وعلي وسويتوا فحوصات حصه: هيه آمنة: ومب قلتي ان ما ظهر شي .. والحمدلله حصه: هيه آمنة: عيل خلاص .. لا تكونين وسواسية .. حصه: أمون انتي وسلامة عرستن عقبي ... واصغر مني .. وما شاء الله الحين كل وحده فيكن عندها ياهل .. وشمسة معرسه بعد قبلي وعندها ولد .. آمنة: ما ادري شقولج والله ... انزين قولي .. علي شوه رايه ؟ حصه: علي يقولي عادي .. ويقولي انا ما خذتج عسب اليهال ... بس انا اعرف في داخله شوه آمنة: استخيري ربج .. وسوي اللي يريحج ... في بيت السفير ... العصر .... بدر يالس في الصاله اللي فوق ... يت هند ... هند: امممم بدر بدر: شوه ؟ هند: شوه تسوي ؟ بدر: ما شي... اطالع فلم .. هند: فلم الحين ! بدر : انتي شوه تشوفين ؟! هند: انزين وسكتت هند .. وسكت بدر .. هند: بدر بدر: شوووه ؟ هند: بتوديني الجامعة بدر ( صد صوبها): أي جامعة ؟ هند: ابا اسير الجامعة بدر: أي جامعة هند: جامعة زايد بدر: وليش ان شاء الله ؟ هند: ابا اشوف ربيعاتي بدر: ومتى بتسيرين ومتى بتردين ؟ هند: ودني الساعه 10 ... و عقب أي وقت متى ما بغيت تعال ورايه ... بدر: لا والله ! هند: الله يخليك بدر: سيري ويا السايق انا مب فاضي هند: بدر بلييييييز ... امايه ما بتخليني اصلا اسير الجامعة ... لا ويا السايق ولا وياك .. ولا ابويه بيخليني ... بدر: عيل جيه تسيرين ؟ هند: قلت لك ابا اشوف ربيعاتي بدر: ربيعاتج خل اييون هني البيت ... محد بيقول شي هند: ما ابا .. انا ابا اسير اشوف الجامعة بعد ... وبعدين وايد بنات هناك ومب كلهن عندي ارقامهن بدر: وكيف بتسيرين هند: اوهوووو بدر قلت لك انته بتوديني بدر: انا اقصد كيف يعني بتسيرين وانا بوديج ... من غير ما تقولين حق امايه ! هند: بقول لها انك تبا تظهرني و عقب انته ودني الجامعة ومر عليه ... بـ جيه بكون ظهرت وياك ورديت وياك بدر: لا والللللللللله ! ... خووووووش خوووووش ... وتبيني انا اتورط ويا بلاويج ! هند: بدر أي بلاوي الله يخليك ؟ ... الا هي الجامعة.. الله يخليك .. بليز بليز بليز بدر .. ودني .. انا ملانه .. والله ملانه .. كارهه عيشتي جذه بدر: قلنا لج هند ( قاطعته ): قلنا لج سيري كندا وسكني عند عمي ... و ادرسي هناك .. وانا قلت لكم ما ابااااا ... والا هي زيارة بسير الجامعة يوم واحد بس ... كم ساعه تنعد ع الاصابع بدر: اشوفج خذتي من طولة لسان غريسه .. مرابعتنها هالايام هند: اولاً اللي ترمس عنها يدتنا ... ثانيا شوه بعد طولة لسان ! ... وثالثا .. انا يالسه ارمس عادي ما قليت ادبي بدر: ويعني الحين انا اوديج ! هند: لو سمحت يعني بدر: انزين يا هندو نوديج ... بس الساعه 9 وتردين البيت 11 هند: بل وايد من وقت بدر: كيفج عاد هند: اوكيه مب مشكلة ... يدوه غريسه : هند .. هندوووووو .. هندو وصمخ تعالي ابوج يزقرج ... بدر: هه! سيري ... يالسه تزقر .. هند: ههههههه بسير اشوفها شوه تبا .. ونزلت هند تحت .. هند: هلا يدوه ... شوه بغيتي ! يدوه غريسه: ما تسمعيني من الصبح ازقرج ! هند: لا والله توني سمعت يدوه غريسه: سيري ابوج يباج هند: ابويه ؟ جيه هو هني ! يدوه غريسه: جيه هو لحق يطلع بعد ! هند: غريبه ابويه فالبيت للحين ! يدوه غريسه: سيري انزين سيري ... وسارت هند صوب حجرة ابوها ... دقت الباب ودخلت .. هند: ممكن ادخل جواهر: تعالي هنّوده بو بدر: مرحبا بهنودتيه والله هند: اهلين بالغالي ... يقولون تزقرني جواهر: تعالي يلسي .. بو بدر: شخبارج ؟ هند: الحمدلله ... جواهر: انا بسير بيلس ويا عمتيه شويه بو بدر: صكي الباب وراج جواهر .. جواهر: ان شاء الله ... وسارت جواهر ... هند: شوه السالفه ؟ بو بدر: هند ما تبين تكملين الجامعة ؟ هند ياها اكتئاب يوم سمعت سؤال ابوها .. الحين بيفتح لها محضر من محاضر اجتماعاته اللي ما تخلص بخصوص الجامعة ... وكندا .. واخوه اللي هو عمها ... وشهادة برع .. وجامعة البلاد ! هند: لا.. انا مرتاحه جذه فالبيت .. بو بدر: ليش حبيبتيه ؟ انتي مجموعج كان وايد ممتاز ... و شاطرة .. ليش ما تكملين ؟ هند: بابا .. انته تعرف رايي فالموضوع .. بو بدر: جامعات البلاد ما بتفيدج هند: كل ربيعاتي يدرسن فالبلاد الا هنتين بو بدر: شفتي هند: شوه شفت ؟ بو بدر: يعني هنتين من ربيعاتج يدرسن برع .. هند: كيفهن بو بدر: عقب قارني بين شهادة اللي درسن هني ... وبين اللي درست برع هند: ما يهمني ... كيفهن .. انا عليه من نفسي بو بدر: انزين .. حبيبتيه هنّوده .. تعرفين بو سعيد ؟ هند: منوه بو سعيد ؟ بو بدر: اللي كان ويانا .. في بلجيكا هند: امممم اللي مره يا ويانا وتعشى ويانا فالمطعم ! .. بو بدر: هيه .. هند: ما اعرفه عدل ... يعني مب شرات بو فهد .. وبو حارب .. بو بدر: المهم تذكرينه هند: هيه اذكره .. شوه فيه ؟ بو بدر: خطبج حق ولده عبيد سكتت هند .. اففف هاي مصيبه ثانية حلّت عليه .. انا ابا افتك الحين من المصايب اللي انا فيها .. بعد هذا وقته ايون ويخطبون ! ... بو بدر: شرايج فيه ؟ هند: راييي في منوه ؟ بو بدر: في عبيد هند: شدراني فيه ! بو بدر: مستحيل ما تذكرينه يوم بدر ركب الخيل يوم آخر مره سافرنا ... هو كان ويا بدر .. وهو ربيع بدر اظن بعد هند: اهااا .. بو بدر: فكري فالموضوع .. وقولي لي .. بس ما ابا اسباب غير مقنعه شرات اللي قبله ... هند: ليش اسبابي ما كانت مقنعه من قبل! بو بدر: لا طبعا .. مب كلها ... هنّوده عمري انتي تردين الرياييل ساعات والاسباب مش مقنعه بالنسبة لي ... بس انا ما ابا اغصبج ع شي .. وعبي ما يتفوت ... بيعيشج مثل ما كنتي عايشه هني واحسن .. ريال ومقتدر .. و بيعيشج في نعيم هند: بدر يدري ! بو بدر: هيه .. ليش ؟ هند: بس جذه .. بو بدر: انزين فكري عدل ... هند ( ابتسمت ) : ان شاء الله ابويه .. نشت هند وظهرت من عند ابوها .. صعدت فوق .. هند: بدر جيه ما قلت لي ؟ بدر: عن ؟ هند: عن عبيد ربيعك ؟ بدر: ابويه قالج ؟ هند: هيه بدر: شوه رايج ؟ هند: رايي في شوه ؟ بدر: فالموضوع طبعاً .. جيه في عندنا بنيه ثانية في هالبيت غيرج ! هند: انته تعرف اني ما بوافق عليه جيه ما قلت له قبل ما اييون ! بدر: شدراني انا ! ... وكيف اقوله اختيه ما تباك قبل ما اييون .. وبعدين تعالي جيه ترفضينه اصلا ومن الاساس ! هند: انا يوم بفكر اطلع من البيت ... بطلع بسير بيت ثاني ارتاح فيه .. بدر: ليش .. انتي مب مرتاحه في بيت ابوج ! هند: أي بيت ابو ؟ اللي في دبي ؟ والا اللي في لبنان ! والا اللي في تركيا ؟ والا اللي في المانيا ؟ حدد بدر: انتي مخرفة والله ! هند: انا بخرف لو طلعت من هني وسرت عند واحد .. بعد يسافر ويسير ويرد .. انا ابا ارتاح استقر مب كل يومين يالله زهبي الشنطة بنسافر ! بدر: لو بنت غيرج بتوافق بدون أي تفكير .. هند: لو بنت غيري .. مب انا بدر: و الله كيفج .. سوي اللي تبينه .. وعندج ابويه سيري ظاربيه مب تيين عندي انا .. لسانج شطوله عليه ! عجيب والله ! ويت امهم ... جواهر: بلاكم ؟ شوه فيكم ؟ بدر: سألي بنتج هند: انا بسير حجرتيه ... و سارت هند ... جواهر: بدر .. شوه فيكم ؟ شوه فيها اختك ؟ بدر: تدرين عن عبيد اكيد جواهر: وشوه فيه عبيد ؟ بدر: بنتج تقول ما اباه .. ويايه تظاربني انا .. والله ما تباه تقول حق ابويه ... ما تروم عليه يايه عندي انا جواهر: وجذه تصارخون ! بدر: هي والله صرخت قبل ! جواهر: انته الاكبر .. انته الاعقل بدر: قولي لها هي هالرمسة .. اكبر لازم تحترم .. انا ساير بطلع ويا ربعي .. فمان الله .. ونش بدر ونزل تحت ... وسارت جواهر صوب حجرة بنتها ... جواهر: هنّود .. شوه فيج اميه ؟ هند: ما فيه شي جواهر: بدر يقول انج تظاربينه ... هند: بدر يوم انا اكون اللي ارمسه اظاربه يوم حد ثاني لا ... عسل ما شاء الله ينقط من ثم اللي يرمسهم جواهر: هند .. شوه هالرمسة البايخه ... اخوج العود هذا هند: اخويه العود ما اختلفنا.. بالعكس .. لازم يحس فيني .. يتقبل مني أي شي .. جواهر: بس مب بهالطريقه يا اميه ترمسينه ... هذو ظهر من البيت الحين .. هند: اتصلي به بتلقينه ويا ربعه يعني وين بيسير جواهر: مب زين يظهر من البيت معصب هند: اميه الله يخليج .. كل شي بدر بدر بدر ... خلاص فكوني من هالبدر .. ( وبدت تصيح ) يعني ما يستوي نقوله كلمة وحده الا وظاربتيني ... ما اقدر افتح ثمي جدام بدر او اقوله شي ؟ جواهر: بلاج تصيحين ؟ ما قلنا شي .. ولا هي اول مره تظاربين فيها ويا بدر ... ولا ان بدر ماسك له خيزرانه ويركظ وراج ... وهو دايما يظحك ويتغشمر وياج !! .. بس انتي شوه فيج اليوم ؟ هند: ما فيني شي .. بس ابا ايلس روحي ... جواهر: حبيبتيه هنّوده بلاج ؟ هند: ما فيني شي .. وسيري اتصلي في بدر شوفيه وينه ؟ و خليني انا روحي نشت جواهر وظهرت من الحجرة .. هند ... اصلا ليش يالسه اصيح ؟ ليش عصبت ع بدر ! .. ما ادري والله ما ادري .. احس بضيج .. احس اني مخنوقة .. حاسه ان كل يوم يمر اخس عن الثاني ... كرهت عيشتي وكرهت العيشه في هالبيت .. ************ |
الجزء الـ 15 جريب المغرب ... نش سعيد .. من الرقاد ... بدور: زين يوم نشيت روحك ... سعيد: الساعة كم ؟ بدرو: الساعه 5 ونص ما باقي شي ع الصلاة .. يالله قم سعيد: وين بتسيرين انتي تتعدلين؟ بدور: شوه وين بسير؟ بسير اسلم على هلي والا نسيت سعيد: اوه صدق .. خل انش انا بعد بدور: اذا خلصت من وقت .... نطلع الحين ونسير نزلني هناك وعقب رد من المسيد وادخل سلم عليهم سعيد: لا مدام جذه .. انا بخلص بنسير بيت عمتيه قبل بدور: شوه؟ سعيد: نسير بيت عمتيه ... بنزلج وبسير المسيد بصلي وبرد اسلم شويه وبنظهر سايرين بيت هلج بدور: ليش ان شاء الله ؟ انا ابا اسير عند هلي قبل .. ما شايفتنهم سعيد: بدور انتي لو سرتي بيت هلج ما بتيلسين ربع والا نص ساعه ... نسير نسلم ع عمتيه ربع ساعه وبنطلع بدور: وليش ما نسير بيت عمتك باجر سعيد: ما يستوي ... تبين عموه تزعل ؟ بدور: وانا هلي يزعلون عادي ؟! سعيد: فهميني يا بدووور .. عموه بحسبة امايه الله يرحمها .. ما اقدر ما اسير لها اليوم ... وانا ما اتصلت بها بعد .. ما يستوي بدور: انزين خلاص .. سو اللي يريحك ........ في صالة الشباب ... مروان نازل من فوق .. وراشد بعد .. مروان: على وين على وين ؟ راشد: انته اللي على وين ؟ مروان: ويا هزاع بعد في غيره ! راشد: انا بظهر ويا الربع شويه ... مروان : اها راشد: وين عمران ؟ مروان: عمران محد ... ظهر من العصر راشد: ما شاء الله ما صدق عاد هو مروان: شفت عاد ... راشد: تعال صدق انته قلت بتسير تييب كناديرك من الخياط مروان: هيه ..... بمر عقب راشد: انزين ييب كناديري وياك ... ( وعطاه ظرف ) مروان: كم كندورة ؟ راشد: هنتين مروان: مخلصنهن ؟ راشد: هيه اتصلت به انا .. وقالي مخلص مروان: والله لو مب مخلص برويييه راشد: ليش عاد هههههه تقولها بحماس بعد مروان: بظارب وياه ... لانه دوم جذه ... يقول بخلص اليوم الفلاني وما يخلص راشد: لا حليله يخلص ... بس انته وهزاع ما ادري بكم .. جيه ما يخلص كناديركم مروان: هيه ما تدري .. ثرنا نقوله سو لنا مخوّر وركب كرستالات راشد: ههههههههه اتخيل مروان: لا لا يا حبيبي لا تتخيل .. قالوا لك ما ادري منوه راشد: منوه ؟ مروان: شدراني ... خلني اسير الحين .. راشد: ههههه سر سر .. توكل ع الله .. ( فتح الباب ) تفضل يا اخ مروان مروان: شكرا شكرا .. good boy .. استويت ولد فريد راشد: مالت عليك محد يعطيك ويه .. ( وظهر وبند الباب في ويه مروان ) مروان: افا تونا نمدحه .. !! ( وصد وراه ) احم احم .. محد حظر الموقف !! وظهر مروان وراه عقب ما قفط ... عبدالعزيز نازل من فوق ... عبدالعزيز: محّد هني ! .. وين ساروا ... عمراااااااااان عمراااااااااااااان وصعد فوق ... عبدالعزيز: عمرااااااااااااان ( دخل الحجرة ) وين ساروا هذيل .. اكيد عمران ومروان ظهروا ... بسير اشوف راشد ... وسار عبدالعزيز صوب حجرة راشد .. عبدالعزيز: حتى راشد محّد ! ظهر وسار صوب حجرته وحجرة عمر ... عبدالعزيز: عمّوووور عمّووووور قم .. عمر مغمض عينه وحاط ايد وحده ع عيونه عمر: شوه تبا ؟ عبدالعزيز: قم بسك رقاد .. بيأذن الحين عمر: اففففف الصلاة .. جيه ما وعيتني قبل عبدالعزيز: انا روحي توني ناش ... عمر: استغفر الله العظيم .. ونش عمر بسرعه بسرعه .. تغسل وتوضا .. وظهر ... عمر: يالله نسير المسيد .. عبدالعزيز: اصبر بتوضا عمر: وانته ما متوضي بعد عبدالعزيز: عمّور بعده ما مأذن ... شوي شوي عمر: انزين انا بنزل اترياك فالسيارة مب تتأخر .. عبدالعزيز: انزين سر ولاحقنك .. وسار عمر ودخل عبدالعزيز يتوضا ... فالسيارة ... سعيد: بلاج ساكته ؟ بدور: ما فيني شي ... سعيد: شكلج زعلتي بدور: من؟ سعيد: يمكن لاني قلت لج بوديج بيت عمتيه قبل بدور: لا وليش ازعل سعيد: صدق ؟ بدور: يهمك يعني ؟ سعيد: اكيد وسكتت بدور سعيد: يالله عاد بدور: شوه تبا سعيد: ظحكي ... لا اتمين مبوزة جذه بدور: انا مب مبوزة سعيد: انزين بس يبين عليج زعلانه بدور: سعيد خلاص قلت لك مب زعلانه عادي سعيد: والله بس شويه ربع ساعه وبنظهر ... بدور: انزين بنشوف سعيد: صدقيني ... وانتي اتصلي بي بعد بدور: جيه ما بتيلس ويايه ؟ سعيد: لا طبعا بدور: وليش ان شاء الله ؟! سعيد: ع حسب علمي ... وخبرتيه يعني اقصد من رمسة مروان .. ان اليوم الجمعة ... و بنات عمتيه كلهن اييون هني يتغدن .. ويا رياييلهن .. وانا مستحيل ايلس ويا بنات عمتيه في مكان واحد .. للحين ما جربت هالشي بدور: يعني ايلس روحي وياهن سعيد: ليش تخافين ؟ حريم حالهن حالج .. بدور: انزين .. بس ما بتصل بك .. عسب يقولون بعد حرمت ولدهم مستعيله .. روحك يلس شويه واتصل سعيد: لا .. قوم عموه مب من هالنوع ... بس ان شاء الله ولا يهمج .. والحين ممكن تنزلين يالله عقب ما وصلوا بيت بو هزاع .. نزل سعيد .. ونزلت بدور ... دخلوا داخل .. وكان في استقبالهم .. طبعا اللي دوم يوعونه من الرقاد .. احمد ... وعلي وآمنة و حصه ... قربوا بـ سعيد فالميلس ... وبدور دخلت الصاله ... فالصاله .. سلامة وشمسة يالسات .. آمنة: حياج تفضلي شمسة: شحالج بدور؟ شخبارج ؟ بدور: الحمدلله بخير سلامة: شوه مسويه ؟ بدور: الحمدلله آمنة: متى الوصول ما شاء الله بدور: اليوم الفير آمنة: اها ... عذيجة: آمنة تعالي شلّي بنتج ... تصيح .. وهي طالعه شافت بدور ... عذيجة: الله يغربل ابليسكن من بنات .. قولن ان في حد .. شمسة: محد غريب امايه .. بدور حرمت سعيد ولد خالي عذيجة: مرحبا بج حبيبتيه .. شحالج ؟ شخبارج ؟ بدور: الحمدلله بخير ... عذيجة: شوه مسويه ؟ بدور: الحمدلله عذيجة: الحمدلله ع السلامة .. بدور: الله يسلمج .. عفرا ( نازلت من فوق): اففف ويا حشرة عياااالكم ... شلوهم سيروا بيتكم ... ومن شافت اللي يالسه ... وقفت .. تيبست في مكانها ... سلامة كاتمة ظحكتها ... شمسة وحصه وياها .. شوي وكل وحده فيهن بتنفجر من الظحك ... ع عفاري والموقف اللي انحطت فيه .. عذيجة: بلاج وقفتي صنم .. تعالي سلمي ع حرمت ولد خالج عفرا: السلام عليكم .. بدور: عليكم السلام عفرا: الحمدلله ع السلامة بدور: الله يسلمج .. ويلست عفرا ع صوب وهي تتحلف حق خواتها ... عذيجة: سعيد ياي وياج اميه ؟ بدور: هيه حصه: دخل الميلس .. ويا الرياييل عذيجة: بسير اسلم عليه ... ظهرت عذيجة سايرة الميلس ... دخلت .. نش سعيد من مكانه وسار هو صوب عمته وحب راسها وسلم عليها .... عذيجة: الحمدلله ع السلامة فديتك سعيد: الله يسلمج عموه عذيجة: فديت هالويه يعلني ما اخلى منه والله سالم : نغاااار نغاااااار احمد: هههههههه اسكت اسكت عن تييك رمسة حلوة الحين طارق: ما يتأدب ابداً ... علي: هههههه حليله خلوه يعبر عن مشاعره عذيجة: منوه فيه مشاعر ؟ هذا ! ... هذا ولا يحس صالح: افا حطوا ع ولديييييه ههههه احمد: ههههه دومه .. من بونه من يوم انولد مكتوب ع يبهته لسانه طوييييييل سالم: خلاص ما برمس ... بستوي مؤدب عذيجة: اقص ايدي من هني جانك 5 دقايق بس يلست في مكان ولا تحركت ... سالم: كم بتعطيني طارق: ههههههههههههههه سعيد: ما شاء الله عليك ... عذيجة: مظهر لكل اللي في هالبيت قرون سعيد: عندنا واحد شراته عذيجة: ويه جانك تقصد عبدالعزيز فديت روحه والله ولا شي جدام طولت لسان هذا تم سعيد يظحك ع سوالفهم ... صدق سالم مسوي جو في هالبيت .. في بيت ام احمد ... رملة توها ناشه ومخلصة سبوح ... لفّت شعرها بالفوده .. وشلت المشط ونزلت تحت ... رملة: اماااااايه ام احمد: مسا الخير رملة: مسااااء النوووووور ام احمد: شبعتي رقاد خلاص ؟ رملة: هيه شبعت رقاد ام احمد: خل احمد ايي بخبره ... وبتشوفين رملة: ههااااااي وشوه بيسوي فيني ... انتي قلتي كلي لقمتين ام احمد: وانتي ما جذبتي خبر رملة ( وهي تسحي شعرها ) : انتي قلتيييييي انا ما يخصني ام احمد: انزين ما عليه رملة: وين عيسى ؟ ام احمد: محد رملة: ووين ناعمه ؟ ام احمد: ظهرت ويا عيسى رملة: اونه ؟ ام احمد: شوه اونه ؟ رملة: قولي والله ؟ ! ام احمد: والله رملة: وين ساروا ؟ ام احمد: ناعمه جنها الا تبا تشرّى بدل وعيسى وداها رملة: طاعو والله وجيه ما وعوني اطلع وياهم ... ام احمد: انتي كنتي راقده رملة: يوعونيييييي ام احمد: محد قالج ترقدين رملة: يوم يبون يلعوزوني يعرفون يوعوني ... يوم يطلعون يشردون ولا يوعوني والله بيشوفون وفرت المشط ... وحطت ايدها ع ويها ... وصاحت .. ام احمد: ط هاي والله ... استحي ع ويهج تصيحين عسب جذه ! نفس الوقت دخلت آمنة ودخل أحمد وراها ... احمد: من عند باب الحوش وانا اسمع صريخها آمنة: السلام عليكم ام احمد: عليكم السلام احمد: شوه فيها هاي ؟ ام احمد: خل تولي زين آمنة: افاااا رملة تصيح ... ليش ؟ شوه مستوي ؟ احمد ( شل ملة المكسرات وحطها في حضنه وتم ياكل منها ) : اكيد اما ناعمه او عيسى ام احمد: ما تغدت ... وسارت رقدت .. والحين نشت تصيح آمنة: ليش انزين .. شوه فيها عموه ؟ حرام تصيح ام احمد: ناعمه سارت ويا عيسى ... السوق .. والحين نشت تقول جيه ما وعوني وما سرت وما ادري شوه احمد: سخيفه وانا اتحسب عندها سالفة آمنة: حرام علييييكم .. حليلها كيف تصيح .. احمد: قومي هذي ميثاني تظحك عليج آمنة: يوديها عموه انا بسير فوق ببدل وبرد انزل ام احمد: ييبيها .. حبيبتيه .. ابدلها آمنة: هيه اذا ما عليج امارة .. بدليها لبسيها بجامتها احمد: ودي غترتيه وعقالي فوق ... آمنة: ان شاء الله ام احمد: احمد .. ييب البنيه ... احمد: قومي عاد بسج دلع .. ودخلوا ناعمه وعيسى ... احمد: وصلوا وصلوا من حنتج نشيييييي ناعمه: السلام عليكم عيسى: هاي بلاها تصيح احمد: جيه ظهرتوا وما وديتوها ناعمه :والله هي كانت راقده احمد: يعني ما تعرفونها عيسى: عسب مرة ثانية ما تتبلى عليه اونه عيسى مسهرني .. احمد: وانته حاط دوبك ودوبهااااا عيسى: بلاك انته بعد ... سر سر هههههه احمد: اوني يعني عسب بنتي تشووووف هيبتي ناعمه: هيبتك عليها عيسى: مب عليه احمد: بل عليكم خلوها تصدق ان ابوها شديد ام احمد: الحين هاي وين تفهم عيسى: حياتي ... عمري انتي ... قلبي احمد: هيه تغزل فيها تغزل عيسى: كيفي بنت اخويه احمد: ما شي .. النظرة بـ الف عيسى: قم قم .. احمد: مستخسرين الف فيها ! ناعمه: يا قلبي انتي اشتريت لج بدلة رووووعه احمد: اشوفهااااا ناعمه :شوفها عيسى: ماخذتلها تنورة جييينز ههههههه فديتها والله .. بتطلع حلوة عليج يا حلوة انتي احمد: انا ما البس بنتي قصير ... نحن مطاوعة ناعمه: بل .. قالوا مطاوعة اوووووووونه يعني جان بنصدقك يالمطوع ... بس ما قالوا ما تلبسها من الحين !! احمد: نحن مطاوعة بالقو عيسى: لا تشوه صورة المطاوعة انته الحين .. ما عندك شي احمد: هههههه هيه والله مدوخ ... انتي ايه بس عاد مصختيها ... ناعمه: رملة قومي اشتريت لج بدلتين حلوات احمد: ولا بتقوم .. بتشبع صياح عقب بتنش .. وبتتحطم بعد وبتصارخ .. وعقب بتسير ترقد مره ثانية ام احمد: وين ترقد توها ناشه هاي احمد: بترقد ... هييييه ما رقدت وسوت حشرة وصريخ .. بالعقال ع ظهرها .. انا تعبان وابا ارقد عيسى: خييييييييبه عاد بالعقال ... ناعمه: انته صدقته بعد .. احمد: والله تعبان صدق .. بسير ابدل وبرد .. هاي راضوها بأي شي ... خل تنش .. في بيت ام فهد ... بدور يالسه فالصاله ويا وديمة .. وامها ... وديمة: اللللله كشخه ... بدور: ههههههه بلاج يا خبلة وديمة: اباااااا اسافر ام فهد: قولي حق فهد خل يوديج وديمة: هو مب من زين السفر ويا فهد يعني .. لكن ابا اسافر بدور: جانها السالفة جذه .. ومب من زين السفر ويا فهد .. عيل يلسي مكانج ام فهد: هالبنيه ما ادري بها شوه ياينها ع اخوها .. وديمة: اميه فهد غلس ام فهد: بس سكتي لا ترمسين جذه عن اخوج وديمة: والله بعد شوه ؟ ما قلت شي غلط بدور: بس انزين سكتي الله يخليج .. عن تييج رمسة حلوة الحين وديمة: بسافر ويا قوم عمي ام فهد: قولي هالرمسة جدام فهد وديمة: وليش ما تخلوني عمي محرمي بدور: ثرنا نقولج قوليها جدام فهد وديمة: اعرف انه ما بيخلي بس شوه السر ! ... يعني عمي ما فيها شي ام فهد: وعيال عمج؟ وديمة: عاديييييييييي خلود و حمود ونصور شوه يعني بدور: لا والله ! ام فهد: استحي ع ويهج صفيتيهم خلود ونصور وحمود وكاسرة اساميهم رياييل هذيل وديمة: نصور معرس عنده عيال ما بيطالع ويهي انا ... وحمود وخلود ميانين عادي بدور: هههههههه والله صدق صدق انج خبلة وديمة: وبعدين انا مب البنيه الوحيدة ... بنات عمي بعد ... ام فهد: بنات عمج ويا اخوانهن وديمة: وانا ويا عمي سعيد: هود هود ام فهد: هدا الغالي سعيد: شحالج عموه ؟ ام فهد: الحمدلله بخير .. انته شحالك ؟ شخبارك ؟ سعيد: الحمدلله ... تمام ... شحالج وديمة وديمة: الحمدلله بخير بدور: سعيد ... وديمة تقول بتسفرني برع وديمة: لا تجذبييييييين سعيد: ههههههه وين تبين تسيرين ؟ وديمة: بالعقل سعيد .. يعني اقولهم ابا اسافر ويا عمي فيها شي سعيد: عمج وين ساير؟ وديمة: استراليا ... آآآآه يا استراليا .. ابا اسير سعيد: استراليا روووعه بدور: ساير من قبل ؟ سعيد: لا .. بس ربعي سايرين .. ومصورين صور خياليه روعه وديمة: الله حلوووو ام فهد: بسير اييب دلال الجاي والقهوة .. سارت ام فهد .. وتم سعيد و وديمة وبدور فالصاله ... بدور: مينونه انتي من صدقج يعني كنتي بتسيرين وياهم وديمة: هيه والله لو فهد يخلي جان سرت سعيد: وفهد جيه ما يخلي ؟ وديمة: ما ادري بدور: قولي ليش ما يخلي .... وديمة: اسبابه مش مقنعه سعيد: شوه هي اسبابه الحين انزين ؟! بدور: عمي مسافر ويا عياله .. كيف هي تسير وياهم ؟! سعيد: لا اذا جذه .. فهد وياه حق وديمة: مب بس اولااااااد ... بنات بعد والله .. كلهم سايرين سعيد: اممم بدور: غيرت رايك ؟! سعيد: هههههه ما يخصني ... هاي اختج .. وهذاك اخوج .. وامج عندج خل يسمحون لج وتسيرين وديمة: المشكلة انهم ما يسمحون لي سعيد: يالله مره ثانية ان شاء الله بتسيرين ... وديمة: يارييييييييت سعيد: لا تستعيلين ع رزقج ياينج فالسيارة ... عمر وعبدالعزيز ... عمر دخل بسيارته بيت ضخم ... عبدالعزيز اول مره يشوفه ... ومتفاجئ من روعته وضخامته عمر: عبدالعزيز وعبدالعزيز مب منتبه عمر: عبدالعزيييييييز عبدالعزيز: ها ... شوه ؟ عمر: شوه فيك عبدالعزيز: روعه هالبيت ... بيت منوه ؟ عمر: انا بنزل شويه وبرد لك ... عبدالعزيز: بيت منووووووووووه عمر: بيت عمي يوسف عبدالعزيز: بنزل عمر: وين ؟ عبدالعزيز: الله يخليك ... عمر: عبدالعزيز !! عبدالعزيز: بليز والله خاطريه اشوفه عمر: تشوف منوووووه عبدالعزيز: عمي يوسف .. الله يخليك ... الله يخلييييييك عمر: عبدالعزيز ... ما اقدر .. عبدالعزيز: الله يخليك خاطريه اشوفه واسلم عليه عمر: قلت لك لا ... ويلس هني ... بسير وبرد عبدالعزيز: عمّور .. وعمر ما عبّر عبدالعزيز ونزل وبند الباب ... آسف يا عبدالعزيز ... بس والله ما اقدر .. ما ابا احطك في موقف طول عمرك ما بتنسى مرارته وقسوته ... وألمه ... دخل عمر .. وشاف كمال في ويهه عمر: هلا كمال كمال: اهلين عمر: وين عمي ؟ كمال: فالحجرة ... عمر: اوكيه شكرا وسار عمر صوب حجرة عمه ... عمر ( دق الباب ودخل): السلام عليكم يوسف: وعليكم السلام ... هلا عمر عمر: شحالك عمي؟ يوسف: الحمدلله بخير .. انته شحالك؟ عمر: الحمدلله .. يوسف: الحمدلله عمر: محد مر عليك اليوم ؟ يوسف: لا .. منوه يمر عليه في هالبيت ... برع عبدالعزيز .. نزل من السيارة ... وتم يتحوط في الحديقة ... يا الله كششششخه ... والله هني نحط سلة ... وهناك نسوي مرمى ويا الله روعه نلعب ... عوووووده حديقته تنفع ... هذا بلاه ما يعزمنا بيته يوم انه جيه ... والا جان كل اسبوع انا طايح هني ولا سرت بيت قوم عموه .. وسحبت سلّوم ويايه ... صح انه مينون بس كشخه ... بنلعب ... والنحسه وغلّوي ييلسن ويايه هني وكششششخه سوالف .. قطع ع عبدالعزيز صوت ... بالنسبة له نشاز ... ......: ايه انته عبدالعزيز ( صد ورا): نعم .... انا عندي اسم بدر: ما ادري شوه اسمك .. عبدالعزيز: احسن بدر: شوه اسمك ؟ عبدالعزيز: عبدالعزيز .. بدر: اوووه انته اخو عمر .. صح عبدالعزيز: صح بدر: ولد خالي سيف عبدالعزيز: والنعم بدر: وين عمر ؟ عبدالعزيز: داخل بدر: وانته شوه يايبنك هني ؟ عبدالعزيز ( تنهد): ياي ويا اخويه بدر: ما تعرف ان انته غير مرغوب فيك في هالبيت ؟ عبدالعزيز: شوه ؟ بدر: سمعتني طنّش عبدالعزيز بدر ... ومشى عنه بدر: انته ايه ارمسك انا عبدالعزيز ( وهو ماشي ) : وانا ما ابا ارد عليك بدر: سر سر اقولك ... اركب موتر اخوك .. عن يشوفك خالي ويشوتك برع عبدالعزيز: ما يخصك فيه ... بدر: اقولك روووح .. مالت ع هالويه .. صدقه خالي يوم يقول عيال سويرة قليلين ادب .. عبدالعزيز: جب يالسخيف .. بدر يوم سمع رد عبدالعزيز ... سار صوبه ومسكه من كندورته ... بدر: شوه قلت ؟ عبدالعزيز: قلت جب .. وانته سمعت ... هدني بدر: انته ايه انا مب اصغر عيالك ترد عليه بهالطريقة عبدالعزيز: هدني اقولك ... هدني .....: بدر صوت هز المكان .... بدر سمعه صد وراه ... زايد: بدر هدّه .. بدر ( هد عبدالعزيز): علموه الادب عسب يعرف كيف يرد ع اللي اكبر منه ... ثاني: انته قبل تعلم كيف تتعامل ويا اليهال عسب يعرفون كيف يردون عليك زايد: ثاني اسكت بدر: محد احسن عن حد ... كلكم نفس الشي ثاني: الحمدلله ... كل واحد يعرف كيف يخلي الناس يحترمونه بدر: مالت ع هالتربية ... ومشى بدر .. وثاني صدق كان مقهور ومعصب .. وزايد وياه ... لكن ثاني القهر والغيظ مبينين في عيونه عبدالعزيز: مالت عليك انته .. زايد : بس اسكت .. ثاني: جيه خليته يمد ايده عليك ؟ زايد: ثاني ممكن تسكت ؟ ثاني :شوه اسكت ؟ ما شفته كيف رافع ايده عليه ؟ ! عبدالعزيز: جيه ما تقوله هو يسكت .. زايد: ليش ترد عليه بهالطريقة .. ثاني: احسن زين سوى به زايد: ثاني ثاني: لا تسكتني انا ... سر سكت اللي داخل .. عبدالعزيز: كيفي ليش هو يرمسني جذه زايد: عبدالعزيز ... انته ما تعرف بدر وحركاته ! عبدالعزيز: لا ما اعرف .. وخل يحترم نفسه وما يغلط لا عليه ولا ع اخواني ... ولا ع اميه ( ونزلت دموعه هني ) تيبّس زايد في مكانه .. ما عرف شوه يسوي ... عبدالعزيز مشى عنه وسار ركب السيارة .. اما ثاني فدخل داخل ... ثاني: بدر .. بدر: انته ايه بلاك تصرخ عليه من الصبح ثاني: شوف يا بدر .. والله واسمعها مني انا الحين .. ان مره ثانية يبت طاري عيال عمي سيف بسوء .. والا غلطت ع امهم .. بتشوف شي ما يسرك بدر: وانته منوه عسب تهددني ؟ ثاني: سمعتني .. حذرتك الحين .. صدقني .. بتشوف شي ما يسرك ولا يسر الكل بدر: اقولك .. روح روح ما باقي غير اليهال اييون يرفعون صوتهم عليه ثاني: اصلا انا ما اتنزّل اكمل وياك وارمس ... بدر: انته منوه .. والا ولد منوه عسب تقولي هالرمسة ؟ ثاني: شوف ... اذا انته مغتر ان ابوك سفير ... وما ادري شوه فـ هاي مشكلتك ... لكن اللي ترمس عنه وان انا ولد منوه ؟ يستوي خالك ... عيبك والا ما عيبك ... زايد: ثاني .. بدر بس خلاص انتوا مب يهال ... وع صريخهم ... ظهر يوسف ... ووياه عمر ... عمر: شوه فيكم بدر: لا انته بعد تعال وكمل ... ترا قلت كلكم شرا بعض زايد: بدر خلاص .. يوسف: شو سالفتكم ؟ ثاني: انا برد البيت ... وظهر ثاني من داخل ..... عمر ... حس ان السالفه فيها ان .. اول مره يظاربون هالظرابة وبهالصريخ وجذه .. وعبدالعزيز اول مره يكون موجود في هالبيت ... ليكون ؟! وظهر هو الثاني بسرعه ... يوسف: شوه فيكم ؟شوه مستوي ؟ بدر: ولد اخوك قليل ادب يوسف: أي اخو ؟ واي ولد اخو ؟ بدر: عبدالعزيز ولد سيف وتم بدر يسرد القصة كاملة حق خاله .. وزايد منصدم ... مستحيل اللي يسمعه ... بلاه بدر ؟ مينون؟ تخبل ؟ شوه فيه ؟ شوه سالفته ؟ هذا شوه يقول ؟ عمي يكره عيال سيف ... و هذا يقول جذه الكره بيعميه اكثر واكثر ! .... سار عمر صوب السيارة .. وشاف فعلاً ... عبدالعزيز تنزل دموعه ويمسحن .. ومب طايع يقول شي ... عمر: شوه فيك ؟ عبدالعزيز: ما شي عمر: جيه تصيح ؟ عبدالعزيز: ما فيني شي .. عمر: عبدالعزيز ارمس ... ما اتحمّل اكثر .. عبدالعزيز: ممكن توديني عند عمّوه .. قالها عبدالعزيز وصوته كان يرتجف .. حرك عمر السيارة بدون ما يرمس .. وسار بيت عمته ... رن مبايله ... عمر: الو .. زايد: عمر وينكم ؟ عمر: انا ساير بيت عموه .. تعال هناك زايد: وين عبدالعزيز ؟ عمر: ويايه ... زايد: شحاله ؟ عمر: شوه سويتوا به ؟ زايد: ما سوينا شي عمر: زايد .. شوه سويتوا بعبدالعزيز ؟ شوه قلتوا له ؟ زايد: والله ما قلنا له شي بلاك عمر: بدر قاله شي ؟ سكت زايد ولا رد ! ... شوه بيقول حق عمر الحين ! ... يدري بـ عمر .. عمر كل شي عنده ولا ان حد يغلط ع عبدالعزيز .. عمر: فمان الله .. وبند عمر المبايل في ويه زايد ... عمر: عبدالعزيز .. ارمس عبدالعزيز: عمّور اسكت عني عمر شوه استوى ؟ ... بدر شوه سوى بك ؟ عبدالعزيز: ما سوى شي عمر: شوه قال ؟ عبدالعزيز: ما شي .. بس اسكت عني .. ابا عمّوه رد زايد يتصل بس هالمرة في اخوه ... زايد: ثاني وينك ؟ ثاني: شوه تبا ؟ زايد: ثاني تخبلتوا انتوا ثاني: شوف والله واصل حدي ... وخلاص بنفجر .. زايد لا ترمسني عن هاللي اسمه بدر لاني صدق صدق برتكب فيه جريمة .. زايد: انزين اسمع ... سر بيت عموه الحين ثاني: اسير شسوي هناك ؟ زايد: سر بسرعه .. انا ساير هناك ... عمر يقول انه ساير هناك ثاني: عبدالعزيز استوى به شي ؟ زايد: ما ادري شوه السالفه ! ... بس رمست عمر وكان معصب حده ... سر هناك الله يخليك وحاول تهدي من الوضع مب تزيده ثاني: اوكيه اوكيه يالله باي .. في صالة بو هزاع ... عذيجة .... و هزاع .... ومروان .... وسلامة .... وطارق .... وعفرا .... وسالم اللي بيبات هني الليلة .. يالسين ... مروان: سلامة تحبين ايدج ورا وجدام سلامة: على ؟ عفرا: على ان عندج ولد خال شرات مروان سالم: هاهاها .. حلوة مروان: وييييه ام الدويس كيف عرفتي ؟ طارق: هههههه حليلها عفرا وين وام الدويس وين مروان: غريبه ما انتبهت لوجه الشبه الكبير بينهن ؟ عفرا: جيه انته شايف ام الدويس مروان: هيه هذي يالسه جدامي سالم :وين ؟ مروان: هذييي سالم: ويييييين مروان: لا تستهبل هالكثر عفرا: سخيف انزين ام هزاع: عفااااري عفرا: سكتيه هو قبل هزاع: انتوا بديتوا ؟ سالم: لا بديناااااااا مروان :اقولك اقولك تابع تابع الفلم مالك .. واسكت الله يخليك هزاع: انتوا ما تخلون الواحد يتابع شي سالم: سر في حجرتك تابع اللي تباه سلامة: سالم اليوم ارقد ويايه فالحجرة انزين طارق: لا الصراحه انا اخاف عليج منه سالم: بحمييييييها ... وبحمي ربيعي ام هزاع: شوف عاد ... منوه بيحمي منوه سالم: يدووووووه ام هزاع: شوه ؟ سالم: ما شي عفرا: اقول مب ناوي تسير بيتكم ؟ الوقت تأخر مروان: ليش ؟ يمكن ابا ابات هني هزاع: ويييييين بعد نرقدك ؟ طارق: ههههههههههههه اويه ط هذا هههههه هزاع: ما عندنا مكان ... سلامه محتله حجرة ... وسالم بعد اليوم امه وابوه مستغنين عنه سالم: محد يقدر يستغنى عني اصلاً ... نفس الوقت .. دخل عبدالعزيز الصاله .. وعق عمره في حضن عمته وتم يصيح .. صدق يصيح من الخاطر ... ام هزاع: بسم الله الرحمن ... بلاك ؟ شوه فيك ؟ مروان ( انقبض قلبه): عبدالعزيز ... وين عمر ؟ هزاع: شوه السالفه ؟ نش مروان بسرعه وظهر برع ... شاف عمر نازل من السيارة ... عمر: عبدالعزيز وين ؟ مروان: شوه فيكم ؟؟ شوه سالفتكم ؟ شوه مستوي؟ عمر: سو لي درب الله يخليك مروان: تعال ما في حد ... ام هزاع: شوه فييييك ؟ ارمس طارق: ييبوا عطوه ماي الولد .. سلامة: عفرا نشي بسرعه صبي له كاس ماي ... دخلوا عمر ومروان ... ام هزاع: عمر شوه فيه اخوك ؟ عمر يوم شاف اللي جدامه وكيف عبدالعزيز حاط راسه في حضن عمته ويصيح ... ما قدر .. ما قدر يتم واقف من جيه .. صد ورا وظهر من الباب ... سلامة: امايه اقري عليه ... ام هزاع: بسم الله عليك حبيبي شوه ياك ؟ عمر برع .. يحس خلاص الدنيا سوده في عيونه ... يوم شاف عبدالعزيز وهو يصيح .. وعمته حاضنتنه ... حس ان هالمرة فشل ... فشل بدوره كـ اخو عود ... عبدالعزيز حس بـ نقص في حياته .. حس ان في شي فاقدنه في حياته ... وصلوا ثاني وزايد .. زايد: عمر وين عبدالعزيز ؟ ثاني مشى عنهم وسار داخل ... ام هزاع: شوه مستوي .. شوه السالفه ؟حد فيكم يرمس ثاني: كله من بدر هزاع: شوه سوى بعد ؟ طارق: استهدوا بالله يا جماعة .. اذكروا الله ... ثاني: كنا في بيت عمي يوسف يوم دخلنا شفناه ماسك عبدالعزيز من كندورته مروان: فذمتك هزاع: اصلا هذا ما يعرف لا صغير ولا كبير ام هزاع: وعبدالعزيز شوه مودنه بيت يوسف ؟منوه مودنه ؟ ثاني: عمر دخل يسلم ع عمي وبيظهر ... وعبدالعزيز شكله كان يترياه مروان: اصلا هذا يباله منوه اللي يوقفه عند حده ... مصخها ووايد بعد مصخها ... منوه فاكر نفسه.. هزاع: هو ولد سفير اوكيه ما قلنا شي .. بس مب معناته انه يشوف عمره علينا ثاني: اصلا لو هم ما معطينه الفرصة ... جان عرف كيف يتعامل باحترام ويا اللي حوليه ام هزاع: بس سكتوا ... خلااااااص ... صخّوا ... ما ابا اسمع حس ولا واحد فيكم مروان: عموه ... عموه ملينا نحن .. ملينا من غروره وتكبره ! ... بس خلاص ما يسوى علينا .. عمي يوسف كارهنا .. ولا يداني يشوف رقعة ويوهنا .. هذا كله فـ صوب وغرور بدر علينا في صوب ثاني ... هو يعق الرمسه علينا دون ما يوزنها ولا يحسب لها حساب ... بس الله لا يسامح اللي مخلنه يكبر راسه علينا ... الله لا يسامح عمي يوسف .. وظهر مروان من عندهم .... كل واحد يالس حس ان كل شي مخربط ... وكل واحد فيهم ما يعرف شوه يسوي والا كيف يتصرف .. عيال سيف كل واحد فيهم فـ صوب ... عبدالعزيز اللي يصيح ... عمر اللي برع وما يعرف شوه يسوي .. ومروان اللي طلع معصب .. في بيت السفير .. همي قد اعتلى جوانج قلبي ... وحزني قد اشعل نيرانه ... لا اعلم ... ما تخبؤ لي الدنيا من بعد ؟! أهموم اخرى ... تقرع ابواب قلبي ؟ أم افراح تلون حياتي .. وتغير مجراها ؟! مازلت انتظر من يخرجني من الحزن الذي اعيشه وبات يرافقني ... ولا يبتعد عني ... بات جزءاً مني ... لا اعرف كيف اتخلص منه هند كانت تكتب كلمات مبعثرة .. حاسه ان طالعه من قلبها صدق .. عقب اللي استوى اليوم ... ما تدري شوه تسوي ؟! .. وكيف تقنع ابوها هالمره انها ما تبا هاللي اسمه عبيد في بيت الشباب ... عمران وصل ... وسار بدل وخلص ونزل تحت .. دخل راشد .. راشد: السلام عليكم عمران: وعليكم السلام راشد: وين الربع ؟ عمران: ما ادري عنهم راشد: محد هني عمران: محد ظهر سعيد من قسمه ... سعيد: غريبه بس انتوا هني راشد: انا روحي مستغرب سعيد: ههههههه شوه تنكت حضرتك راشد: لا والله صدق عمران: غريبه ان عمر للحين ما رد البيت راشد: هيه والله .. سعيد: ما عليكم الحين بيردون كلهم .. عمران: راشد متعشي؟ راشد: هيه ليش ؟ عمران :انا ما تعشيت راشد: سر شوف فريد جان مسوي شي عمران: فريد الحين راقد .. ويناخر بعد راشد: شوه تبا انزين؟ عمران: ما شي خلاص بطلب من الكافتيريا سعيد: تبا تسير اوديك تشتري لك من مكان عمران: لا لا ... ليش ... خلاص قلت بطلب من الكافتيريا ... دخل عمر ... ووياه عبدالعزيز .. صعد عبدالعزيز ع طول فوق .. عمر: السلام عليكم راشد: عليكم السلام سعيد: شوه فيكم ؟ عمر: ما شي ... مروان ما وصل ؟ عمران: ليش كنتوا متلاقين في مكان ؟ عمر: كنا في بيت عموه ... هو ما وصل ؟ راشد: لا سعيد: عمر عمر: سعيد .. تعبان انا الحين .. بسير احط راسي وبرقد... اسمح لي سعيد حس ان في شي .. من اول ما دخلوا اخوانه عكس الباجين .. عمران وراشد .. اكتشفوا ان في شي غريب وان الوضع مش طبيعي عقب ما عمر قاطع سعيد توه وصعد فوق بيرقد مثل ما يقول ... فوق ... عبدالعزيز من الصياح اللي صاحه حس انه هلكان .. صدق وجسمه يعوره ... وما فيه شده حق أي شي ... مجرد انه وصل الحجرة انسدح ع الشبريه .. عمر: عبدالعزيز عبدالعزيز ( وهو مغمض عينه): ها عمر: شوه استوى في بيت عمي يوسف عبدالعزيز: ما استوى شي عمر: عيل جيه كل هالصياح ! عبدالعزيز: بس جذه عمر: وعقب قلت لي ابا عموه عبدالعزيز: اشتقت حق امايه .. وحسيت اني ابا عموه في هالوقت ... خلاص ابا ارقد ... وصد عبدالعزيز الصوب الثاني عن اخوه .. اما عمر فـ تأكد من صحة الافكار اللي يت فباله ... فعلا عبدالعزيز حس بنقص .. بس ابا اعرف شوه استوى في بيت عمي ؟! بدر شوه سوى به ؟ ليش محد طايع يرمس ... زايد وثاني ما يبون يرمسون ... وعبدالعزيز بعد .. شوه سالفتهم هذيل ! شوه استوى هناك ؟ وذكّر عبدالعزيز في امايه .... في حجرة هزاع ... عفرا دقت الباب ودخلت .. هزاع: هلا عفاري عفرا: هزاع هزاع: شوه ؟ عفرا: عبدالعزيز كسر خاطريه هزاع : وانا بعد ... اول مره اشوفه يصيح وبهالطريقة عفرا: انا دمعت عيني هزاع ( ابتسم): مستويه غاليه اليوم عفرا: ويه لو غاليه حاظرة الموقف جان سوت مناحه هزاع: كله من بدر عفرا: هذا بلاه ؟ ليش جذه يسوي هزاع: شدراني فيه ... شايف عمره علينا عفرا: تعتقد امايه بترمس خالوه جواهر عن اللي استوى اليوم ؟ هزاع: ما اعتقد .. امايه ما تبا تكبّر السالفه عفرا: بس صدق صدق صدق كرهت هاللي اسمه بدر ... هزاع: انا كارهنه من زمان ... بس زين سوى به ثاني عفرا: ليش ثاني شوه سوى ؟ هزاع: يقول انه ما خلّى شي فيه ... وعطاه من الزين ... حتى ان عمر وخالي يوسف ظهروا من الحجرة ع صريخهم عفرا: ويه ويه ويه ... عيل اكيد السالفه كانت اكشن هناك هزاع: هيه والله عفرا: انزين ومروان ؟ هزاع: شوه فيه ؟ عفرا : اتصلت به ؟ رد البيت هزاع: هيه رمسته وقال لي انه راد البيت الحين .. عفرا: الحمدلله والله خفت عليهم هزاع: غريبه .. خفتي ع مروان عفرا: هو صح غلس ويايه ... ويزقرني ام الدويس وعزوز يزقرني النحسه .. لكن والله يتمون عيال خالي ... و انا احترمهم واخاف عليهم شرات ما اخاف عليك هزاع: يا عينييييييييييييي عفرا: بلا سخافه ... هزاع: انزين والحين شوه تبين عفرا: اتصل اطمن ع عبدالعزيز هزاع: انتي روحج جيه ما تتصلين ... احيد عندج رقم مبايله عفرا: اتصلت به ما يرد .. اتصل انته في حد من اخوانه وشوف هزاع: بتصل في عمر عفرا: هيه الله يخليك ... يالله هزاع: انزين بلاج متحمسه اصبري واتصل هزاع في عمر عمر: هلا هزاع هزاع: شحالك عمر ؟ شخبارك ؟ عمر: الحمدلله بخير هزاع: وشحال عبدالعزيز عساه احسن الحين عمر :الحمدلله .. هزاع: وينه ؟ الصراحه ما نقدر نرقد ونحن نذكر شكله وكيف كان يصيح عمر( ابتسم): لا تحاتونه ... هو راقد الحين جدامي هزاع: اها ... خلاص عيل بخليك الحين عمر: مشكور يا هزاع ع السؤال هزاع: لا ولو ... انتوا اخواني والله عمر: يزاك الله خير هزاع: يالله فمان الله عمر: مع السلامه هزاع: خلاص ارتحتي عفرا: وينه ؟ هزاع: يقول انه راقد .. عفرا :ويييه حليييله هزاع: ويوم اطمنتي عليه ع قولتج ... ممكن الحين تفارجين انا تعبان فيه رقاد عفرا: هيه بفارج .. بسير عند سلامه شويه تحت هي وولدها هزاع: صدق تعالي طارق سار ؟ عفرا: هيه سار هزاع: وسالم رقد ؟ عفرا: ههههه من الزيغه رقد هزاع: ههههه اول مره يشوف ربيعه في هالحاله عفرا: هيه والله ... كلنا اول مره نشوف اصلا عبدالعزيز في هالحاله ... هزاع: صكي الباب وراج ظهرت عفرا وسارت عند سلامة ... عقب ما خلصت ويا هزاع سوالف ... وبندت الليت وصحكت الباب وراها .. عسب اخوها يرقد ويرتاح .. عقب اللي استوى ..... *********** |
الجزء الـ 16 مرّت الايام ... والأسابيع ... وتغير الوقت ... واللي امس انولد تغير شكله وكبر .. وما باجي شي والاجازة تخلص ... فـ بهذه المناسبه عيال المدارس اعلنوا الحرب على قومهم ... لانهم ما سافروا هـ السنة ... ومن ضمنهم ... اوف كورس ... عبدالعزيز ... وسالم بو لسان طويل .. في بيت بو هزاع ... خلاص ام هزاع شوي وبتكفخهم ما تبا تسمع حسهم ... شلت دلال الجاي مالها وشردت سارت يلست فالحديقة ... وبعد لحقوها ! ام هزاع: بس فكّونييييييي قوموا عني انتوا الاثنين .. قوموا .. كل واحد يسير عند امه وابوه واخوانه .. ما يخصني فيكم قوموووووا على حشرتها ظهروا الرياييل من الميلس .. احمد وطارق وعلي وصالح .. علي: ياخي زخوا عيالكم .. دوّخوا عمتنا طارق: انا ولدي داخل احمد: انا بنتي داخل صالح: يعني ؟! احمد: يعني يا ريال شل ولدك علي:هههههه بهدلوها المسكينة عموه ام هزاع: انتوا هناك واقفين بسرعه تعالوا شلوهم عني احمد: عموه صبي لي استكانه ام هزاع: اول شي شلوا هذيل عني علي: شوه تبون ؟ طارق: شوه عندكم ع عمتنا! عبدالعزيز: بتخلص الاجازة سالم: وانتوا ما وديتونا مكان عبدالعزيز: و ما سافرنا سالم: ولا حتى طلعنا برع دبي عبدالعزيز: فلازم الحين سالم: تنفذون شروطنا والا صالح: والا شوه ؟ علي: هههههه يا ويهك بعد تهدد اونك سالم: عمي علي والله ملينا احمد: هيه والله عبدالعزيز: انته انته هالسنة ما حمستهم احمد: انا ليش؟ عبدالعزيز: كل مره انته تحمسهم احمد ( وهو يشرب الجاي): انا هالسنة عندي بنيه لا تتحمل اعباء السفر سالم: ديدان في استكانتك ... و صراصير وحشيش بعد احمد: يمي يمي ... طارق: هههههههه تعوّد احمد: ما تلوع جبدي الحين ... تعودت ع طفاستكم علي:هههههههه الله ياخذ العدو سالم: اوهووووووو احمد: جرب غيرها يا حبيبي عبدالعزيز: عموه الله يخليييييييج الله الله الله يخليج ام هزاع: الله لا يخليني قوموا عني سالم: اففف عموه بلاج اليوم مطنشتنا طارق: وين عمتك ؟ سالم: اوووه اقصد يدوه يدوه .. انتي يدتنا لازم تسمعين رمستنا ام هزاع: مالت عليك يوم انا يدتك لازم ما تلعوزني هالكثر سالم: الحين قولي بتودينا والا ... ثرنا وايد ذلينا عمارنا احمد:هههه صالح خذ ولدك علي: عن يفلعونه بالاستكانه صالح: خل يتادب احسن طارق: من طولت لسانه ام هزاع: هذا ابوك انته وانته الثاني اخوك فالبيت رمسه وخل يودونكم طارق: شرايكم صدق في طلعه بريه عبدالعزيز: فديت طارق والله احمد: يمدحونه البر سالم: اذا وديتني باخذ بنتك احمد: ول زيييييييين ... انا مينون ايوّز بنتي حقك علي: هههههههههههه حليله سالم صالح: بلاه ولدي احمد: ما بلاه شييييييي ابداً طارق: هههههه خلونا انزين الحين من زواج الاقارب قولوا رايكم سالم: راينا ان نحن موافقين طارق: صدق والله .. جان تبون ... بنسير البر احمد: بس ع شرط طارق: شوه ؟ احمد: ان نبات صالح: البر صعب حق الصغاريه عيالكم علي: صح وصعب حق الحريم جان بنبات ... صالح: شرايكم نسير العزبة احمد: أي عزبة ؟ ام هزاع: صدق جيه ما تسيرون العزبة سالم: هيه والله اوكييييييه دراجات ياااااااي عبدالعزيز: في حوض ام هزاع: برد الحين محد يسبح عبدالعزيز: عموه نحن في عز الصيف سالم: هاي يدوه فالشتا بالنسبة لها اسكيمو ام هزاع: الله ياخذ ابليسك يالهرم يالس وتطنز عليه طارق: هههه ثرنا بنكنسل السيرة ... لا تلعوز عمتنا سالم: خلاص خلاص بسكت علي: شاوروا حريمكم وان شاء الله خير صالح: نسير عقب باجر ... احمد: وليش عقب باجر ... نسير باجر .. طارق: باجر ! احمد: هيه خل يزهبن الاغراض الليلة ام هزاع: ما يمدي احمد: عموه انتي ما تسوين شي خل البنات يزهبن كل شي .. انا عن نفسي برد البيت اليوم من وقت .. وبخلي آمنة تزهب الاغراض صالح: ما شاورتوهن انزين احمد: مب ع كيفهن .. نحن يوم نقول شي .. هن يقولن ان شاء الله سالم : كفو والله كفو يا بو ميثا ( ويدحه ع ظهره ) نزل احمد استكانة الجاي وتم يكح ... و ام هزاع تمت تهزب سالم اللي شرد بعيد عن احمد وهو يظحك عن ينش ويأدبه ع هالحركة في بيت الشباب ... في قسم سعيد ... سعيد توه راد من الدوام ... سعيد:السلام عليكم .. بدور: وعليكم السلام ... عقب ودني بيت ابويه سعيد: يعني لازم اليوم تسيرين بعد بدور: ليش؟ عندك مانع ؟ سعيد: لا .. بس يعني ... تشوفينها حلوة كل يوم كل يوم تسيرين بيت اهلج ؟ بدور: شوه قصدك ؟ سعيد: يعني اليوم مثلاً لا تسيرين بيت اهلج بدور: وليش ؟ سعيد: اليوم انا بسير ويا عمر عندي شغل شويه بدور: اشغالك ويا عمر ما تخلص ! سعيد: بدور عمر اخويه العود ... عقب عمر انا ايي .. وعمر يعتمد عليه في بعض الاشيا بدور: والله هالشي انا ما يخصني فيه ... سعيد: كيف ما يخصج فيه ! بدور: ما يخصني جان عمر يعتمد عليك في بعض الاشيا والا ... لكن انته مجبور مثل ما تخصص وقت حق اخوانك ... تخصص لي انا وقت وتلبّي طلباتي سعيد: وانا مقصّر معاج بـ شي ؟! بدور: انا ما ارمس عن انك مقصّر ويايه والا سعيد: انتي تقولين بدور: انا الحين قلت لك بسير بيت هلي قلت لي عندي شغل سعيد: خل يطرشون لج السايق بدور: هم مب مكلفين انهم يطرشون لي انا السايق .. دام ان عندي ريل سعيد: بدور بلاج اليوم ؟! بدور: تبا الصراحه ملل هني .. والملل ما استحمله ... وكبت فظيع ... انا ما تعودت ع هالجو سعيد: أي جو ؟ بدور: اني اكون محبوسه في حجرة وحده وصاله صغيرة .. وحمام .. ما اقدر اقضي يومي كله في هالمكان .. وانا طالعه من بيت وفلة شكبرها سعيد: بس انا قلت لج .. شوي شوي لين تتعدل الظروف بدور: أي ظروف ترمس عنها ؟ ! ... انته واخوانك اصلا لازم ما تشتكون .. ما ترمسون يوم ان عندكم عم مثل يوسف سعيد: عمي يوسف ما يخصه فينا ولا نحن لنا خص فيه بدور: اوكيه مثل ما تبا ما يخصه فيكم ولا انتوا لكم خص فيه .. لكن حلال ابوكم الله يرحمه كله عنده صح والا سعيد: انزين ! بدور: هو لازم يعطيكم نصيبكم وكل واحد يشوف عمره ... مب كل وحده بترضى تعيس مثلي في حجرة وصاله ... سعيد: بس نحن ما ناقصنا شي بدور: انتوا مب ناقصنكم شي .. لكن يوم اخوانك باجر بيعرسون ... وين ان شاء الله بيسكنون حريمهم ؟ والا باجر يانا ولد والا بنت ليكون تباني اتم وياهم في حجرة وحده ! .. سعيد: بدورانا مصدّع وابا ارتاح شويه بدور: انته مرتاح ... تسير هناك وترد هني وكل سبل الراحه متاحه لك مثل ما يقولون .. وانا هني بين اربع طوف ... اجابل روحي سعيد: بدور اقولج تعبان ... توني راد من الدوام بدور: وانا يوم ارمس انته تكون دوم تعبان ! .. ويوم تكون ويا اخوانك مب تعبان ! .. سوالف وظحك وغشمرة ؟! سعيد: اووووه وبعدين وياج بدور بدور: يعني حتى الرمسة ما بتخليني ارمسها هني ! سعيد: اوهوووووو اقولج رمسي ع كيفج ومثل ما تبين ... انا بسير ارقد فالصاله .. برع بدور: طبعاً .. ثرني قلت لك .. ما عيبك هني تسير هناك .. ما عيبك هناك تيي هني ... وعادي ومرتاح .. انا اللي مكبوته في هالبيت وبنفجر ... طنّش سعيد بدور ... وظهر من عندها ... فالصاله .. مروان: اوه سعيد تعال تغدا .. سعيد ( ابتسم ): شوه غداكم ؟ عمر: سمج مشواي عمران: فريد وايد تأخر فالغدا .. راشد: هههه ما سرت بيت عموه تتغدا هناك ويا عبدالعزيز عمران: هيه والله شرد وسار هناك الحين متغدين وتلقاهم خامديييييينه ودخل فريد وفي ايده صينية ... مروان: صينية خاصة هاي فريد: هذا مال سعيد سعيد: انا ؟ انا ما طلبت هذا ... شوه مسوي ؟ فريد: دياي عمران: جيه ما تاكل سمج ؟ بيفوتك سمج مشواي سعيد: انا ما طالب هذا ! فريد: بدور قالت لي انا ... يوم في سمج سو حق سعيد دياي .. ويوم في لحم بعد سو دياي .. وكله عيش ابيض .. ما تبا شي ثاني تفشّل سعيد توه يدري ... بدور طالبه هالشي من فريد .. انزين تخبره ويخبره ولا ينحط في هالموقف المحرج ... شل سعيد الصينية من ايد فريد ووداها داخل ... مروان: جان ع جذه .. عزّات كدّينا راشد: والا عموه يوم بتييب غداها بعد خل نقولها الشروط ... مروان: تسوي صينية خاصه حق حرم السيد سعيد عمر: ممكن تاكلون وانتوا ساكتين عمران: هاهاهاها احسن زين سويت فيهم مروان ( يقلد عمران) : زين سويت فيهم ... اسكت اقولك كل جنك مال مجاعة الصومال عمران: ع الاقل احسن ... ما يقفطوني .. وبعدين شلكم فالحرمة... ما تاكل سمج كيفها راشد: انزين برايها .. مروان: مشكلتها هاي ورن مبايل مروان .. مروان :افف هذا هزاع دوماً وابداً مأذّني .. الو شوه تبا نعم ؟ هزاع: بسم الله ... شوه تسوي ؟ مروان: اتغدا هزاع: حلو .... مروان: شوه حلو اول مره ؟ هزاع: لا بس اكيد يعني الاخوان مجتمعون مروان: نعم نعم هزاع: اذاً بلغهم سلامي مروان: مالت عليك متصل عسب تقولي بلغهم سلامي هزاع: ههههههه لا ... اسمع مروان: اسمعك هزاع: باجر ان شاء الله نحن سايرين العزبة ما بتون ؟ مروان: اونه احلف ؟ هزاع: والله ... مروان: العزبة اطورت هزاع: هذا مثل والا قصدك صدق العزبة اطورت ؟! مروان : اسألك اسألك هزاع: هو ع حسب علمي .. ان والله اطورت .. وفيها ما لا عين رأت مروان: ايه ايه ايه .. جنة جنة عزبتكم مب جنها زريبه هوش وبوش هزاع: هههههههههه استغفر الله ... انزين شوه قلت ؟ مروان: انا عن نفسي طبعا سجلوا اسمي هزاع: وعبدالعزيز مسجل اسمه من زمان مروان: منوه بيوديه ان شاء الله ؟ ليكون حاطين في بالكم انا ... ما يخصني انا مسؤول عن نفسي وبس .. هزاع: ثره اخوك مروان: كيفه والله .. ما اتحمل مسؤولية حد .. لا بعد عزوز وراه عمر وييييييي اسرائيل و قنابل عنقودية هزاع: هههههههههه شوه قنابله وشوه اسرائيل جيه ساير تحارب مروان: هيه كل دقيقة يتصل فيه .. ما يخصني ما يخصني .. والله عمر عندكم تفاهموا وياه وخل عزوز روحه يرد البيت ويتفاهم وياه هزاع: يقولك تعال هني واظحك .. رياييل خواتي متفقين الا اليوم يشغلون خواتي .. واونه بنرد البيت من وقت .. وبنخليهن يزهبن الاغراض مروان: ههههههه ما عليه باجر بنظحك عليهم هزاع: ما بتيي اليوم مروان: ما اعتقد دامك تقول باجر بنسير ….متى بتطلعون ؟ هزاع: الصبح ... بيطلعون ع الساعه 10 يكونون هناك ويزهبون حق الغدا مروان: ما شاء الله الحين بعده ظهر وعقب نص ساعه بيأذن العصر .. وانتوا تفكرون في غدا باجر! هزاع: هههههه عندكم انتوا توه غدا ... نحن عندنا يالسين برع تحت ظلال الاشجار.. مروان: يا سلاااااام هزاع: بس ع المغرب او العشا كلهم بيردون بيوتهم مروان: حليلها سلامة بتكرف هزاع: بيحلفون طارق ع المصحف ان يشغّل سلامه ههههههه مروان: بل .. عالمصحف مره وحده ! هزاع: هذا احمد يستهبل مروان: من بونه .. يستهبل هزاع: انزين بخليك عيل انا الحين نلتقي غدا مروان:ان شاء الله .. فمان الله عفرا نازلة من فوق .. آمنة: لا تتصلين سلامة: بلاج امون مستوية مجرمة آمنة: ما يستاهلون عفرا: في منوه بتتصل ؟ حصه: في خالوه جواهر عفرا: يالله يالله ما نباهم اييون عذيجة: بس سكتي انتي عفرا: ما تتصلين بهم آمنة: شفتوا حتى عفاري ما تبا شمسة: بلاكن بسم الله سلامة: امون انتي ما شهدتي الحدث هذيج الليله وجذه مستوية ع قولت عبدالعزيز نحسة عفرا: ما نباااااااااهم عذيجة: انا بتصل مب عسب سواد عيونهم.. انا بتصل بامرهم شمسة: شوه تآمرين عليهم ! آمنة: آمري علينا نحن بناتج عذيجة: جواهر غصبا عنها هالمرة تخلي هند تيي ويانا كلهن منصدمات ! .. هند انزين ليش ؟ شوه سالفة امهن اليوم ويا هند ؟! تباها تيي ويانا ليش ؟! اتصلت عذيجة في جواهر .. ع مبايلها جواهر :الو ... عذيجة: مرحبا جواهر جواهر: هلا عذيجة شحالج شخبارج ؟ عذيجة: الحمدلله ومن صوبج ؟ جواهر: بخير الحمدلله عذيجة: شوه مسويه ؟ جواهر: الحمدلله عذيجة: وينج عنبوه لا حس ولا خبر جواهر: انا موجوده .. لاهيه ويا اشغال الدنيا عذيجة: خلينا نشوفج يختي ... من زمان ما شفناج جواهر: ان شاء الله ولا يهمج امر عليج في يوم ويكون المغرب وتمت عذيجة ترمس اختها ... وترمسها والخوات يالسات ويرمسن عن الموضوع اللي مر عليه كم اسبوع .. وكمل الشهر تقريبا .. نشت آمنة وظهرت برع ... والباقيات كلهن لحقوها ... في جو يطغى عليه الظحك والسوالف .. احمد و علي وعبدالعزيز وسالم يلعبون كرة سلة .. آمنة: منوه ومنوه في فريق ... طارق: احمد وعبدالعزيز .. وسالم وعلي عفرا: انا اشجع احمد وعبدالعزيز آمنة: شجعوا ريلي شجعوه سالم: اماااايه شجعيني احمد: ههههههه لازم روحها من خاطرها تشجعك سالم: امايه شجعيني عسب ما يطنز عليه شمسة: انزين اشجعك طارق: عامر وين ؟ سلامة: راقد داخل ... طارق: بيصيحون اصغاريه مافي حد داخل سلامة: لا تخاف .. امايه داخل .. ونحن هادين باب الصاله مفتوح نسمع الصوت طارق: يالسين هني فالحشرة وين بتسمعون الصوت سلامة: انزين امايه داخل بتزقرنا ... عفرا: الحين شوه هالغش اونكم عاد مدخلين القصار وياكم حصه: ههههه واقصر واحد حاطينه ويا ريلي سالم: خالوه حصه والله بتشوفين .. علي: انته انته يا قزم شوه تهدد حرمتيه بعد صالح: هههههههههه لا بعد يلعب وياك في فريقك علي: بشوتك برع الحين سالم: هيييييه اذا شتني برع مثل ما تقول .. منوه بيلعب وياك عبدالعزيز: يالله صافرة البداية .. عفاري عفرا: وااااااحد اثنين ثلااااااث آمنة: ما يستوي غش علي اطول من احمد بـ 2 سانتيمتر حصه: تف تف تف ما شاء الله بيحسدون ريلي الحين سلامة: هههههه امون لا تستهبلين سالم: ههاااااااااااي واحد صفر ... عاش عاش عمي علييييييي عفرا: واحد صفر ... لصالح فريق بو لسان حصه: ايه اختاري لقب حلو ريلي فالفريق عفرا: شسوي ولد صالح وياهم صالح: عفرا اختاري لقب ثاني بسرعه غيري هاللقب عفرا: هههههه ما يليق عليهم شي ثاني صالح: فريق بو صالح عفرا: شوف تبا فريق بو صويلح ما تبا كيفك شمسة: ط هاي انتوا سلامة: ههههههههههه الحمدلله ريلي ما اشترك طارق: تبينهم يكفخوني .. ههههه اصبري شويه وبتشوفين عبدالعزيز: لا تفرحون هالكثر احمد: بنرويكم الحين علي: يالله يالله آمنة: احمد مباااااايلك يرن احمد: منوه ؟ آمنة: ناعمه اختك احمد: ردي عليها شوفي شوه تبا ؟! آمنة: الو ... هلا رملة: آمنة وين انتوا ؟ آمنة: نحن في بيت ابويه رملة: متى بتردون ؟ آمنة: ليش ... شوه مستوي ؟ رملة: ما مستوي شي ... بس ملل ... آمنة: انزين عقب شوي بنرد .. رملة: اترياكم بسرعه آمنة :ان شاء الله .. بنيي عقب شويه .. رملة: مع السلامه آمنة: فمان الله احمد: شوه تباااا آمنة: هاي رملة .. تقول انها ملانه .. ونرد البيت احمد: خليها زين شمسة: حليلها سلامة: جيه ما تييبينها يوم تيين هني آمنة: قولي حق اخوها احمد: يا بوي العب عدل عبدالعزيز: ساااااالم عن الغش .. علي: وين غش ما غش عفرا: علي لا تغطي عليه ههههههه علي: اسكتي لا تخربين علينا عبدالعزيز: ما يستوي تمسك الكورة هالفترة كلها سالم: ياخي شوووووه ... الا انتوا اثنين ... تتحسب اللاعبين مازرين الملعب .. علي: بس خلاص ستوب .. حصه: ويه حسدتوا ريلي تعب عفرا: حسدناه ع الـ 2 سنتيمتر حصه :هيييييييه سلامة: هههههه حصوه عن الاستهبال احمد :يالله يالله كل واحد يسير بيته يزهب الاغراض .. طارق: ما قلتوا انزين ... قسمتوا هالمرة والا شوه ؟ احمد: المشاوي عليه سالم: حلويات ما حلويات علينا علي: ههههههههه بس هاللي فالح فيه انته .. صالح: شوفوا .. اهم شي المشاوي .. الباقي كله عادي احمد: خلاص عليه انا المشاوي بتكون .. وتموا الربع يتفقون .. ويرمسون منوه بييب جيه ومنوه جيه ومنوه جيه ... جواهر: انزين خلها تسير بو بدر: جواهر كيف اخلي البنيه روحها تسير ؟ جواهر: انا حاسه انها متضايجة .. بو بدر: متضايجة من شوه ؟ جواهر: ما ادري .. بس مب طايقه تسمع ولا كلمة من حد بو بدر: شوه فيها ؟ ليكون مريضة ؟ جواهر: لا لا .. مب مريضة .. اقولك متضايجه بو بدر: خلاص يوم بنسافر الشهر الياي خل تيي جواهر: بتكون بداية الدوامات بو بدر: وجنها الا تداوم عسب ما تيي ّ جواهر: انزين خل سفرة الشهر الياي ... خلها تسير هالمرة بو بدر: ما اقدر جواهر: عشان خاطريه .. حرام اختيه عذيجة اتصلت بروحها تطلب مني اخليها تسير بوبدر: وعذيجة ما تدري اني ما احب بنتي تسير روحها جواهر: تدري ... بس هالمرة اتصلت .. قلت لها ابوها ما بيطيع بس قالت عسب خاطرها بو بدر: عاد بعد عذيجة ... قدرها عالي جواهر: انزين وعسب جذه خل هنّود تسير وياهم بو بدر: متى بيسيرون ؟ جواهر: باجر بو بدر: متى ؟ جواهر: الصبح بو بدر: منوه بيسير ؟ جواهر: كلهم بيسيرون ومحد غريب .. وعذيجة بتكون وياهم هي وريلها بو بدر: بس عذيجة وريلها ؟ جواهر: واخويه عبيد بعد بيسير وحرمته بو بدر: بس يا جواهر جواهر: الله يخليك .. خلها تسير هالمرة ... عشان خاطريه .. هي مضايجه وايد من يلسة البيت .. خل تطلع تغير جو بو بدر: انزين خل بدر يسير وياها جواهر: بدر يعني شوه بيسوي ؟ وبدر تدري به ما بيسير وياهم .. ما يتوالف وياهم بو بدر: بس روحها جواهر: اقولك وياها عذيجة و بو زايد اخويه .. يالله عاد ما ادري ويا منوه بتسير .. ثرهم هلي بو بدر: متى بيردون ؟ جواهر: بيباتون هناك بو بدر: بعععععععد جواهر: ما فيها شي .. شوه يعني ؟! .. عادي بو بدر .. يمكن حوالي 5 دقايق يلس ويطالع في ويه جواهر .. وجواهر من ويها يبين ان يالله يا رب يوافق .. بو بدر ( تنهد ): انزين خل تسير جواهر: صدق ؟! بو بدر: وبلاج انتي مب مصدقه .. ليكون انتي بعد تبين تسيرين ؟ جواهر: انا لا لا ... انا ما بسير الا لو انته ويايه وانته اصلا ما بتسير ... بس خل هنّود تسير بو بدر: انزين خليناها جواهر: بسير اقولها بو بدر: قولي لها تزهب شنطتها .. لان مثل ما تقولين بيباتون جواهر: اكييييييد ... وظهرت جواهر بسرعه من عند بو بدر ... بتسير تبشّر بنتها .. يالسه في الصاله اللي فوق ... تجلب في هالقنوات ... يت امها ... جواهر: هنّود هند ( بدون نفس ولا حتى اطالعت صوب امها): نعم جواهر: ليش يالسه روحج هني هند: بس جذه جواهر: جيه ما نزلتي تحت ؟ هند: كنت تحت .. ويا يدوه .. سارت رقدت وصعدت فوق جواهر: انزين خالتج عذيجة اتصلت وهند ما ردت .. يعني اوكيه اتصلت ! .. كملي ! جواهر: وقالت لي انهم بيسيرون العزبة هند: الله وياهم جواهر: ما بتسيرين وياهم ؟ هند: لا جواهر ( مستغربه): ما تبين تسيرين .. وانا يالسه من الصبح احاول ويا ابوج لين اقتنع وقال خل تسير صدت هند بسرعه صوب امها ... وتمت فاتحه عيونها ع الاخير .. هند: قولي والله جواهر: يعني شوه اجذب ؟ هند: امايه حلفي جواهر: توج تقولين لا ما بسير جيه الحين مشتطة ... يلسي هني روحج .. ونشت جواهر مشت عن بنتها ع الدري هند: اماااااايه والله ردي جواهر :شوه تبين ؟ هند: رديييييي جواهر: مب راده نشت هند من مكانها بسرعه وحضنت امها من ورا ... هند :الله يخليج الله يخليج قولي .. جواهر: ههههه شقول هديني هند: ما بهدج ... قولي صدق بابا وافق اسير وياهم ؟ جواهر: مب توج تقولين ما بسير هند: اماااااايه الله يخليج رمسييييي جواهر: لهالدرجة يعني فرحانه ومستانسة .. لو صدق كان ابوج موافق تسيرين وياهم هند ( هدت امها .. ) : الله يعلم شكثر احبهم .. وشكثر ارتاح يوم اسير لهم .. وينشرح صدري يوم اسمع صوت خالوه عذيجة .. بس ادري بقوانين ابويه ... واني ممنوع اسير لهم .. او اسير وياهم أي مكان .. جواهر ( صدت صوب بنتها .. و ابتسمت): لا هالمرة غير قوانينه .. وخلّاج هند : قولي والله انزين جواهر: يعني لازم احلف هند: هيه جواهر: والله انزين هند وجنه ردت لها الرووووح .. لوت ع امها وحضنتها بالقو .. هند: مب مصدقه مب مصدقه ... جواهر: لا صدقي .. ولمي هالشعر .. فاتحتنه وتدورين فالبيت .. بيحسدونه الخدم هند: قلت لج بقصه ... ما خليتيني آخر مره جواهر: ما تقصينه .. هند: المره اليايه جواهر: الحين بتقصين شعرج والا بتسيرين وياهم العزبة ؟ هند: بسير عقب بقصه جواهر: اختاري هند: جان اختار .. بسير العزبة طبعا .. خل الشعر يطول ويزحف ع الارض واتعب زيادة وانا اغسلة واسحيه .. بس اسير العزبة جواهر: احسن عيل بقولهم كل يوم يودونج ... وكل يوم بقنع ابوج هند: يا ريييييت جان زين جواهر: انزين سيري زهبي شنطتج هند: ليش شنطتيه ؟ جواهر: هم بيسيرون باجر وبيردون اللي عقبه هند: ببات هناك ؟ وياهم ؟ جواهر: هيه هند: الللللللله .. كشخه جواهر: يالله سيري عن تنسين شي هند: ان شاااااء الله .. ومشكوووووورة يا احلى ام ع احلى بشارة .. وركظت هند حجرتها .. مب مصدقه .. مب مصدقه ان ابوها وافق .. اول مره في حياته .. كيف اقتنع ؟ كيف وافق ؟ مب مهم ... المهم الحين انه وافق وان شاء الله ما يغير رايه لين باجر .. في بيت بو زايد .. ام زايد: غاليه اميه .. سيري زهبي وشوفي ثاني شوه يبا يشل وياه رتبي له غاليه :انا ارتب له ؟! بو زايد: وليش هي ترتب له ؟ هو روحه ما يعرف يرتب ؟ ام زايد: سيري شوفيه ع الاقل غاليه: انزين ام زايد: وشوفي زايد بعد غاليه: ان شاء الله صعدت غاليه فوق .. وسارت اول شي حجرة زايد .. زايد: هلا غاليه غاليه: اهلين .. تباني ارتب لك شي ؟ زايد: لا مشكووورة ... خلصت انا .. والا هو يوم واحد غاليه: شدراني .. امايه تقول سيري زهبي شنط اخوانج زايد: ويييييه .. شنط مره وحده ... ههههه غاليه: شفت عاد زايد: لا انا خلصت غاليه: عيل خل نسير ونشوف ثاني زايد: خليه خليه عنج غاليه: امايه بتظاربني عقب زايد: لا تسيرين ولا عندج خبر .. خليه يتأدب ويرتب روحه غاليه: صدقني اقص ايدي من هني .. جان ما شل اللاب توب وياه زايد: لا تقصين ايدج .. اكييييد بيشله غاليه: ما يتوب زايد: ولا بيتوب ... غاليه: دام جذه السالفه ... عيل كيفه .. بسير اشوف روحي اغراضي .. وعقب بنزل تحت .. بقول حق امايه ان هيه مريت عليهم وخلصت كل شي .. وبوهق ثاني زايد: ههههههه اثاريج خطيرة يا غاليه غاليه: كيفه والله .. هو ما يسوي لي ولا شي لوجه الله .. انا بعد ما يخصني فيه زايد: هههههه انزين نسيري خلصي اغراضج في بيت ام احمد ... رملة اللي بتسير وناعمه هي اللي متوهقه ! رملة: حطي لي اشيا اوكيه ناعمه: حطيت حطيت رملة: خيبة هالكثر ثياب ليش ناعمه: ما يخصج انتي .. سيري يلسي برع .. خليني اخلص رملة: ما ابا جاكيت ناعمه: مب ع كيفج رملة: لا تحطين جاكيت ناعمه: رملوه والله لو ما سرتي برع يا ويلج .. رملة: انزين انا ما ابااا .. خيبة 3 جاكيتات بعد ناعمه: ثرني بخبر عليج احمد .. تادبي وع حشرتهم ... يا احمد روحه احمد: بلاكن ناعمه:قول لها تسير برع ... لعوزتني .. اونه لا تحطين جاكيتات فالشنطة احمد: يا هبلة هناك برد رملة: برد اونه في عز الصيف احمد: هيه حبيبتيه برد في عز البر انزين رملة: حتى ولو .. مب لهالدرجه احمد: سيري سيري .. برع ميثا تصيح سيري لعبيها لين امها تخلص شغلها .. رملة: حبيبتيييييه تصييييييح احمد: مب تلعوزينها ... ولا تشلينها ... بس لاعبيها .. ويا ويلج لو صاحت زيادة رملة: ما تصيح ويايه تظحك ( وسارت ) احمد: ادري واخافها تطلع هبلة ع عمتها ناعمه: أي عمه قصدك احمد: في غيرج .. ناعمه :انااااااااا هبله ! احمد: اووه لا لا غلطنا اقصد رمله ... ما ادري شوه ساحرة بنتي من تشوفها تظحك ناعمه: هههههه فديت روحها والله فالصاله .. عيسى : رملة رملة ظحكيها رملة: هيه ارقوز انا عيسى: هههه ظحكيها بصورها رملة: ما يخصني فيها مصختها عيسى: وين سايرة ؟ رملة: ابا اشوف فلم ومن نشت رملة .. ردت ميثا بنت احمد تصيح عيسى: ايه تعالي ... رملة: كيفها عيسى: رملة حرام عليج تصيح .. تعالي رملة: تعبت ابا اشوف فلم ام احمد: الله يغربل عدوج يا رملة جانج خبلتي البنيه وسرتي رملة: ما يخصني .. هي روحها جني مهرج من تشوفني تظحك عيسى: يا ويهج وطلع احمد .. احمد: رملوووووه رملة: شوه احمد: انا شوه قلت لج ام احمد: وحد يوصي رملة ع شي احمد: انزين انزين .. بتشوفين .. ولا بوديج باجر تحلمين رملة : شوه ما توديني ... احمد: بتشوفين عيسى: احسن تستاهلين رملة: بتوديني احمد: ما بوديج رملة: حراام احمد: تصيحين بنتي واوديج رملة: والله روحها .. احمد: انا قلت لج .. يلسي عندها لين امها تنزل آمنة وهي نازلة من فوق ... آمنة: بلاها بنتي تصيح احمد: عمتها الغبية صيحتها .. آمنة: هههههه حرام عليك احمد: والله عيسى: ما تستاهل شي رملة: اوووه الحين بتحطون عليه عسب هاي ام احمد: جيه تخبلينها وتسيرين عنها رملة: هي روحها صاااااحت ... انا باجر بسير المدرسة .. منوه بيجابلها ان شاء الله ؟ والا ليكون ما تبوني اسير المدرسة .. احسن بعد بيلس وياها فالبيت .. ام احمد: هيه عاد انتي تبينها من الله .. عيسى: ما تصدق حد يقولها لا تداومين طالعه ع اخوها احمد: شوه قصدك ؟! ظحكوا كلهم ع احمد .. اللي صدق رملة ماخذه منه هالطبع ... ما بداوم ! ... بقدم استقالتيه ! شمسة: سالم لا تظهر ها الاشيا سالم: شلي لي ثياب السباحه .. بسبح انا فالحوض صالح: محد قايل لهم يغيرون ماي الحوض .. سالم: اكيد مغيرينه .. اكيد اكيد اكيد شمسة: تعالوا صدق .. انتوا بتسيرون وين ؟ صالح: العزبة اللي صوب راس الخيمة شمسة: هاي عزبة الحين .. هاي مزرعة صالح: عزبة شمسة: هاي مزرعة فيها حوض .. وفلة و كل شي ... وين عزبة وفيها كل هالاشيا ! صالح: شدراني انا ما ساير .. والله احمد وطارق هم اللي سايرين ... هم اللي يقولون عزبة شمسة: احمد وطارق مخرفين .. هاي مزرعة صالح: مزرعة والا عزبة المهم سالم: المهم شلي لي ثياب السباحه .. شمسة: انزين خلاص اسكت ذبحتني صالح: هذا شلي له 10 بدل سالم: خيبة .. جيه كم يوم بتباتون صالح: يوم واحد .. لكن انته وياك ما شي امان شمسة: هههههه هيه والله سالم: انا اصلا نادر وجودي صالح: نادر وجودك عسب جذه محد يباك ... شمسة: بو لسان طويل .. سر يالله ارقد .. باجر وراك نشه سالم: ان شااااء الله كم شمسة عندنا ؟ الا هي وحده تشرق الصبح ... وتغيب فالليل .. تصبحون ع خييييييييير في بيت الشباب .... اجتماع مغلق ... وحصريا في الصالة ... واللي يترأسه هالمرة .. عبدالعزيز .. وحاشر الدنيا ع روسهم ... راشد: بس بس بسسسسس ... اسكت عبدالعزيز: ما بسكت ... لين تقولون كلكم ما بتسيرون عمران: انته الحين شوه تبا ؟ عبدالعزيز: ابا اسير مروان: خلاص اسكت انزين بيودونك عبدالعزيز: لا والله .. راشد: منوه اللي يقولك لا تسير ... انته سر وما يخصك فينا عبدالعزيز: والله عمّور يقولي لا تسير .. عمر يالس ع صوب ... ويطالع التلفزيون .. ولا معبّر الاجتماع ... ولا شي ... ما يتخيل يخلي عبدالعزيز يسير ويا قوم عمته يومين .. يعني ما يشوفه يومين !! ... ولا يرقد وياه في حجرة وحده ... مستحيييييييييل ... اكيد وطبعا ما بيوافق يخليه .. مروان: ياخي عمر .. قوله سير وفكنا من صدعته راشد: هيه والله عمران: انته اصلا غبي عبدالعزيز: منوه انا ؟! عمران: هيه ... لو انا منك بتصل في عموه و بخليها تقنع عمر يخليك تسير المزرعة فعلاً طبق عبدالعزيز فكرة عمران .. واتصل .. ولا حد حاس فيه .. وحطه عالاسبيكر اول ما عمته ردت عليه عبدالعزيز: عموه شوفيهم يقولون ما بنسير المزرعة .. وما يخلوني انا بعد ايي وياكم راشد: يالجذااااااااااب عذيجة: منوه هذا اللي يرمس منوه عبدالعزيز: راشد عذيجة: وانته منوه اللي مب مخلنك عبدالعزيز: عمّور عذيجة: و عمران وين ؟ عبدالعزيز: يالس .. كلهم يالسين هني ويايه .. وانا حاطنه ع الاسبيكر عذيجة: سمعوا يا عيال سيف .. والله ان باجر ما شفتكم كلكم زاهبين .. ومخلصين ... ويايين المزرعة وتباتون بعد هناك .. يا ويلكم .. عمران: شووووووووووووه عذيجة: عمراااااااان ثرني اسمعك راشد: عموه انا باجر عندي شغل عذيجة: ما في لا شغل ولا شي .. كلكم اتون ... عبدالعزيز عطني عمر .. عبدالعزيز: لحظة وسار وعطا مبايله حق عمر ... وعمر شكلها عمته يالسه تهزبه من الخاطر ... نش وسار الصاله الثانية ... يتفاهم .. مروان: هههههههه تستاهلون راشد: كله من هالسخيف عبدالعزيز: والله انتوا قلتوا لي الفكرة عمران: يالدب ما كنت اعرف انها بتجبرنا كلنا مروان: وليش ما اتون ؟ شوه فيها ؟ يالسين بس فالبيت راشد: منوه بيسير؟ عبدالعزيز: كلهم عمران: اففففف بند عمر عن عمته ... واتصل ع مبايل سعيد وقاله اييه الصاله الثانية ... ويا سعيد ... سعيد: شوه السالفه ؟ عمر: ما شي .. بس عموه اتصلت سعيد: هيه ! عمر: تقول باجر بيسيرون المزرعة وبيباتون .. فـ كلنا لازم نسير وياها والا بتزعل صدق منا سعيد: اممم والله فكرة حلوة .. بس انا ما اقدر عمر: ليش؟ سعيد: ما اعتقد حرمتيه بتوافق نسير .. هي بعدها ما تعودت ع الكل عمر: اها ... خلاص عيل .. سعيد: انتوا بتسيرون عمر ( تنهد): هيه سعيد: كلكم عمر: هيه ... اوامر عموه ***************** |
الجزء الـ 17 اليوم اللي الاغلب يترياه .... في بيت بو هزاع ... التجمع هناك .. لان بعضهم ما يدلّون .. الاخوان وصلوا ... عمر + راشد + عمران ومروان ... وعبدالعزيز راشد يوم شاف الحشد اللي في حوش بيت عمته ... حط ايده ع ويهه ... راشد لآآآآآآآ عبدالعزيز: ايوااااااا عاشو مروان: كدا الطلعه والا بلاش عمران: بلاكم جلبتوا مصري ؟! عمر: لا حول ولا قوة الا بالله .. مروان: انا لله وانا اليه راجعون الدوام لله .. يالسين في عزا نحن ! ونزل مروان من السيارة ... ووياه عبدالعزيز .. اما عمر وراشد وعمران... كل واحد فيهم يطالع في ويه الثاني راشد: اييك شور عمر :شوه عمران: دق سلف ونرد البيت ... راشد: والا امسك خط بوظبي وودنا هناك بنبات في أي فندق يومين ... وبنغلق مبايلاتنا عمر: اقولكم نزلوا نزلوا ... والا عموه صدق بتروينا العين الحمرا هالمرة راشد: عمر .. شوف هالكثر خلق عمران: وحريييييييم عمر: بنات عموه هذيل راشد: بس نحن مب متعودين عمر: يعني انا اللي متعود عمران: كيف يعني الحين ؟! عمر: اقصروا الشر ونزلوا يالله .. عمران: تعال جيه ننزل ؟ الحين بنسير .. كلهم يركبون سياييرهم عمر ( نزل الجامه ): يالله عبدالعزيز تعال ... راشد: مروان بيركب ويا هزاع ؟ عمران: جنّه ... راشد: هذو ثاني سار ركب وياهم ... بسير انا هناك عيل عمران: سر احسن .. عمر: زايد تعال ويانا جيه بعد تسوق ... زايد: شفت امحق اخو نقع خيانه وسار ويا الربع عمر: هههههه عمي بيسوق روحه راشد: شكله جذه .. يبا ياخذ راحته ويا عيوزته يتغزل فيها ع كيفهم زايد: هههههه لا تحط ع اميه وابويه .. وما بياخذون راحتهم غاليه اختيه وياهم راشد: هههه تعال تعال انزين اركب ويانا عمر: انته ما بتسير هناك ؟! راشد: لا خلاص غيرت رايي عفرا: هزاااااااااع انا بركب وياك مروان: اففف ام الدويس ... سيري ويا أي حد ثاني .. ابوج ما بيسوق ! عفرا: لا .. ابويه وامايه بيسيرون ويا طارق وسلامة مروان: ركبي ويا آمنة واحمد عفرا: ما اباااا مروان: ويا صالح وشمسة عفرا: سالم هناك الحشرة مروان: حصه وعلي عفرا: ياخي بركب ويا اخويه كيفي هزاع: ركبي انزين وايد لا ترمسين .. مروان: هلا والله ... هزاع ( مستغرب ): هلا والله حق منوه ؟! مروان: طالع عند الباب مرسيدس ... 3 بيبان ... وقفت عند الباب ... هزاع : وانا اتحسب انك تقول حق عفاري مروان: الحين حد يقول حق ام الدويس هلا والله .. هذا الواحد يوم يشوف ويهها يقول اعوذ بالله .. مب هلا والله عفرا: هاها ما يظحك .. وانته الواحد يوم يشوف في ويهك يقرا المعوذات كلها مروان: هاها محد قالج اظحكي ... وبعدين لا تقلدين هزاع: بسسس سكتوا .. مب تحشروني ... ثرني بسوي حادث من حشرتكم عفرا: بسم الله مروان: اعوذ بالله من فالك ... انته واختك سيروا تحت الشاحنة انا لام تحافظون عليه ... ورايه اخوان اعينهم عفرا: اسمع اونه عاد مروان: هيه عيل بطالي شراتج يالس فالبيت ... غير الاكل والرقاد ما عندي شي اسويه !؟ هزاع :بس بس بس شوفوا منوه نزل من المرسيدس مروان: هاي منوه ؟ عفرا: اوه .. هند هزاع: منوه هند عفرا ( اتعمدت تقولها جيه ): اخت بدر مروان ويا هزاع انصدموا ! ... خير نعم ؟ بعد بدر ! ... نحن ناقصيييييين ! عفرا: ههههههه ط الويوه انتوا ... لا تخافون بس هي روحها يايه ... مروان: متأكده ام الدويس... ان اخوها النحس واهلها ما يايين هزاع: ههههه ايه عاد عن السخافه .. امها تستوي عمتك مروان: ما نعترف فيها عفرا :اييييييه مروان: ههههه لا لا بس يعني ... هي ما تيينا ولا نعرف شكلها والله .. انزين قولي محد ياي عفرا: انا اللي اعرفه ان بس هي بتيي مروان: اذا هاللي اسمه بدر بيي قولوا لي من الحين برد بيتنا عفرا: جان زين هزاع: تبين مروان يرد وبدر ايي .. والله هذا ويهي جان استحملتوه نص ساعه بس .. عفرا: انا بدون ما ايلس وياه مب مستحملتنه ... خلنا ع مروان احسن مروان: جيه هو ع كيفج .. غصبا عنج بيي .. مب بكيفج .. عفرا: اسكتوا ابا اشوفها ويا منوه بتركب الحين ... عذيجة: تعالي هند حبيبتيه هند: شحالج خالوه عذيجة: الحمدلله بخير .. انتي شحالج ؟ هند: الحمدلله ... وزخت عذيجة ايد هند بكل هدوء وسارت هي وياها ركبوا ويا هزاع ...... احمد: يالله نتحرك صالح: هيه تأخرنا علي: جان ما المشاوي اخترب احمد ( وهي يلبس نظارته الشمسية ): لا لا انا اتأكدت منه طارق: ههههه مسيطر ع الوضع احمد: تمام التمام ... صالح: يالله بسم الله .. احمد سار ركب سيارته ... آمنة: خلصتوا احمد: هيه آمنة: يالله الوقت تأخر .. الحين يوم بنوصل هناك بتحشرونا نحن عسب الغدا احمد: المشكلة ان نحن اللي بنشوي انتوا اللي بتحشرونا هالمرة .. آمنة: احسن احمد: وين بنت خالتج وصلت آمنة: هيه وصلت احمد: وين ركبت ؟ آمنة: هي وامايه ويا هزاع رملة: يالله عااااااد نسير احمد : شوفي بنتي عدل آمنة: رملة ربطي حزامها عدل احمد: ليكون مخلية رملة تربط الحزام آمنة: لا روحي ربطته .. بس تأكدي رملة رملة: كل شي اوكيه احمد: والله اللي يشوف بنتنا في هالكرسي وورا .. يقول انجليييييز آمنة: هههههه هاي رملة ساحرتنها ... مدام بتيلس وبتظحك وياها خلها ورا احسن ... احمد: واذا صاحت فالدرب آمنة: بوقفك والله نص الطريج بنزل اييبها رملة: مب معترفين يعني فيني ... انا بعطيها حق امها احمد: لا حبيبتيه راس مالنا هالبنيه الوحده .. بعد انتي تكسرين لها ضلوعها رملة: عمتها عمتها انا احمد: ما بخليها تقولج عموه رملة: والله بظربها لو ما قالت لي احمد: بنشوف آمنة: هههههه ما عليج منه رملة بخليها تقول عموه غصبا عنها احمد: بعلمها تقولج عموه خبله انزين آمنة: ههههههه حرام عليك رملة: انا قلت لك بظربها تحركوا ربعنا ... متجهين الى المزرعة .. في قسم سعيد .. سعيد ياي من صلاة الظهر ... سعيد: نسير برع .. فريد حاط الغدا بدور: وين برع ؟ سعيد: فالصاله .. بدور: اخوانك ساروا .. سعيد: هيه بدور: انزين ونشت بدور ويا سعيد .. وسارت برع .. سعيد: بس تعالي بشيلتج اخاف فريد مره وحده يدخل ... بدور: قول له لا ايي سعيد: كيف يعني اقوله لا ايي ! ... اخافه يسير فوق ينظف الحجر والا شي .. بدور: مب متفيجه سعيد: ما بتخسرين شي لو حطيتي شيلتج على راسج .. بدور: عيل نيلس في قسمنا احسن سعيد: والا اقول ... خلاص تعالي .. بقفل باب الصاله بدور: هيه جذه اوكيه .. بدور .. طبعا اول مره تدخل صالة الشباب .. واول مره تشبّر هني .. دايما هم يكونون هني .. وهي ما تيلس .. ولا تطلع .. ولا في حياتها يلست في هالصالة .. بدور: حلو لون الصاله سعيد: عمر اخويه مختار اللون ... العيد اللي طاف مغير اللون بدور: منوه ايي هني بعد تغيرون الصبغ سعيد ( رفع راسه وشافها ): رواحنا نيلس هني ... وعمر يحب يغير ويعدل شرات ما كان يسوي ابويه الله يرحمه بدور: اهااااا ... وسكتت .. وسعيد بدا يتغدا .... سعيد: بسم الله بدور: هذيج حجرة منوه ؟ احيد قلت لي حجركم كلها فوق .. سعيد: هذيج حجرة ابويه وامايه الله يرحمهم ... صدق عقب برويج اياها ... بدور: عيل بتغدى بسرعه ابا اشوفها سعيد: ههههه ما يسوى عليج بدور: هيه واباك توديني فوق بعد وابا اشوف البيت .. سعيد: خلاص عيل ولا يهمج .. خلصي غداج وبرويج البيت بكبره بدور: عط فريد اجازة يومين .. خل يطلع من البيت بعد بالمرة سعيد: شوه شوه ؟ وين يسير ؟! بدور: أي مكان سعيد: مستحيل بدور: وليش مستحيل سعيد: لو انا قلت له هو ما بيظهر اصلا بدور: ليش؟ حد ما يبا الاجازة سعيد: فريد اصلا كل ايامه اجازة .. صح ان يطبخ ويغسل وينظف ويسوي كل شي ... بس يحس ان هو واحد من العايلة بدور: عن يورثكم بعد باجر سعيد: بدون ما يورث حقه محفوظ .. بدور: هيه اشوفه سعيد: يستاهل والله يستاهل .. يعني تخيلي في حد بيتم كل هالسنوات يخدم في بيت شخص واحد بدور: محد قاله .. يسير عند اخوانه وهله وحرمته وعياله سعيد: فريد ما معرس بدور: اهااااا .. عسب جذه ما يحن عليكم بسير وبسير سعيد: هو عندنا من يوم عمر صغير .. بدور: ما شاء الله شوّب عيل سعيد: كان هو السايق ... وكان يهتم فالزراعة بس ...... لكن يوم ابويه وامايه توفّوا ... عمر سفّر الخدامات .. و فريد قاله ان هو بيهتم في كل شي .. والحين تعودنا عليه بدور: بش شوّب ما تلاحظ سعيد: هو من ناحية شوّب كلنا شوّبنا هههههه بس فريد مخلص .. ما بنلقى شراته في المزرعة ... الشعب وصلوا .. ويزهبون حق الغدا اهم شي بالنسبة لهم الحين ... ودام ان الرياييل رواحهم متأخرين وهم رواهم اللي بيشوون اصلا .. فما يقدرون يظهرون حرتهم في حريمهم .. لان هن ما لهن دخل .. عذيجة: عفرا يا عفرا عفرا ظهرت من الفلة عفرا: نعم امايه عذيجة: غسلوا الخضرا عفرا: خضرا وين خضرا ؟! احمد: تعالي خذي ... عفرا :الللله طازج احمد: توهم مظهرينه من قاع الارض عفرا: قاع الارض بعد كيف ! احمد: انتي يودي يودي ... مب فالحة في ولا شي لا عربي ولا انجليزي توووفل عفرا: الحمدلله والشكر ... اصلا اول مره ادري في للأرض قااااع .. سر سر تفلسف ع حرمتك مب عليه انزين احمد: هههههه يودي انزين طوفيها لنا .. وسارت عفرا داخل ... شمسة: الللله حلو عفرا: ع قولت احمد .. توه مظهرينه من قاع الارض حصه: قاع الارض بعد كيف؟ عفرا: اسألي حرمته آمنة: أي شي يقوله ريلي صح حصه: سيري سيري انتي وياه تفلسفوا ع بعض قاع الارض اونه عفرا: هههههههههه .. وغصب يبا يظهرني انا الغلطانه غاليه: هذا يباله غسيل عفرا: وجيه انا يايبتنه ان شاء الله .. بسير اغسله غاليه: بيي وياج هند: انا بيي وياكن .. شمسة: ايه سلامة .. قومي شلي ولدج سلامة: هذا الحين وقت مرضاعته آمنة: انتي وايد معودتنه ع المرضاعة سلامة: شسوي فيه آمنة: عطيه بسكوت سلامة: لااااااااا بعده صغيييييييييير حبيبي آمنة: والله عادي ... احمد يعطي البنيه كل شي سلامة: احمد مينووووون آمنة: يا ويهج كيف تقولين عنه مينون سلامة: والله كيفه مشكلته هو وبنته حصه: اصلا سلامة تحط ولدها عند امايه .. امايه تعطيه كل شي .. جنّه العيد .. بس هي تتفلسف شمسة: تخاف سلامة: هيه والله اخاف برع صوب الشوي .. احمد: صالح زخ ولدك بيحترق سالم: ما بحترق ما بحترق طارق: يا ولد سالم: أي ولد طارق: انته عيل شوه ؟ علي: مصدق عمره الاخ عبدالعزيز: يالله خلصوووووا يوعان عمر: حبيبي انته مب فالبيت مروان: احم احم ثر اخواني بسرعه ايّوعون ... احمد: من تقصد باخوانك مروان: اقصدُ عبدالعزيز وعمران .. فـ خلصوا الغدا بسرعه .. ما فينا قنبلة هني هناك ... مره وحده اطيح علينا عمر: مرواااااااان هزاع: ههههه سخيف لازم تحصل هزبة دايما ع سوالفك هاي مروان: انزين بناخذ براي الجميع عمر: لا شكرا ما يحتاي عمران :خذ خذ براي الكل ... واول وحده عموه مروان: لا عاد يا حبيبي تقص ع منوه .. اقول حق عموه عسب اطيح فيني انا راشد: محد انزين قالك ترمس ثاني: انا بسير اطالع صوب الحوض .. سالم: بيي وياااك عبدالعزيز: انا بعد بيي .. احمد: الله يعينك عيل علي: انا بسير وياهم اخاف يطيحون والا شي احمد: فروا سالم فالحوض ما نباه سالم: عقب دوّر حد ياخذ بنتك كلهم نقعوا من الظحك ع رمسة سالم .. عطى احمد كاش فالويه ! ... اصلا منوه قال ان احمد يباك حق بنته ! . مصدق عمره الاخ داخل .. عفرا تغسل الخضرا .. و غاليه وهند واقفات صوب الدريشه ويشوفن اللي برع .. هند: ههههههه اطاعي شوه يسوي فيها غاليه: هههههه صدق عموه متبهدلة وياهم عفرا: اكيد مروانو غاليه: نحن ما نعرفهم ... انا بس اعرف ان هذاك اللي هناك عمر .. لا صدق تعالي .. مروان اعرفه ... ( وتمت تدور ) لا مب هو وهو اصلا مب هني .. وهزاع بعد مب موجود عفرا: قومي قومي .. انا بقولج .. غاليه: تعالي يا فيلسوفة هند: تعرفينهم ؟ عفرا: هيه ... شوفن ... هذاك اللي يالس هناك زايد غاليه: عفاري لا تستهبلين .. عفرا: هههههههه انتي تعرفين ... بس هند ما تعرف سكتي هند: انزين زايد اخو غاليه العود غاليه: هيه فديت اخويه هند: انزين كملي .. عفرا: هذاك اللي حذاله صالح ريل شمسه اختيه غاليه: واللي واقف يشوي احمد ريل آمنة .. عفرا: اللي لابس كاب ... طارق ريل سلامة هند: ما شاء الله غاليه: عفاري الاثنين اللي واقفين هناك ع صوب عفرا: واحد منهم راشد ... والثاني عمران ... عيال خالي سيف .. عاد منوه راشد ومنوه عمران ما ادري ... بس عمران الاصغر هاللي اعرفه ... هند: منوه اللي توه ياي .. كاشخ وايد .. يتحسب عمره ياي سنتر عفرا: ههههههههههه أي واحد غاليه: ههههههه هذا ثاني اخويه .. هند: اويه عفرا: عادي حبيبتيه خذي راحتج غاليه: واللي وياه علي ريل حصه هند: وهاللي يالس روحه عفرا: هاللي الولد الصغير سار حذاله ؟ هند: لا اول شي .. الولد اللي هناك يلعوز خالوه منوه ههههه غاليه: هذا المشاغب سالم ولد شمسة ... اخت عفاري هند :اها يعني عفاري خالته عفرا: هيه للأسف الشديد هند: هههههه انزين .. واللي يالسين هناك الولد العود والصغير عفرا: هذا عمر .. ولد خالي سيف ... و اللي يا ولصق فيه عبدالعزيز اخوه هند .. اها يعني هذا عمر اللي يرمس عنه بدر .. وهذا عبدالعزيز اخوه الصغير اللي كل ما ساروا بيت خالي يوسف .. يقول بدر يظهر عسبه .. يبين ان كل واحد فيهم متعلق فالثاني ... وما يقدر يكمل يومه بدون ما يشوفه او ييلس وياه .. مروان: هووووووووووود هووووووود عفرا: صوت الغراب وصل مروان ( وقف مكانه ): البنات هنا هزاع: قالوا لك ييب الخضرا مروان: من عند ؟ هزاع: عفاري مروان: ام الدويس .. انا اشوف 3 الحين عفرا: فصل لك نظارة يوم انك ما تشوفني مروان: هييييه هذي ام الدويس .. من صوتها اللي يلوع بالجبد .. تعرفها عفرا: تتمنى مروان: ما شي شغل هزاع: لا اله الا الله مروان: محمدا رسول الله .. حي على الجهاد .. وين عمران هزاع: هههههه تبا الحين يهزبونك مروان: منوه غاسل الخضرا فيكن عفرا: طبعا انا مروان: اذا انتي .. عيل يبالنا مجهر نشوف فيه نظافة الخضرا .. ونظافة ايييييدج عفرا: الحمدلله ... من يوم يومي نظيفة ... خليت الوصخ حق غيري هزاع: انتي ... وين الخضرا ... ما بنخلص من ظرايبكم عفرا: خذ مروان: سووا السلطة عفرا: شوووووووه بعد ! مروان: عموه قالت عفرا: ما قالت لي انا هزاع: مروان عن الخريط امايه قالت ييبوا برع هي بتقص .. هي وحرمت خالي مروان: وهن شوه خانتهن .. يقصن والله عفرا :يايبينا نشتغل نحن !؟ مروان :لا تيلسين بس تسمعين السوالف وتحشين في خلق الله وكيكيكيكي تظحكين عفرا: انا مب متفيجه حقك الحين ... ولا اباك تودي انت هالخضرا .. روحي بوديها هزاع: زين تسوين سيري وديها ... وانته يالله نسير ... مروان:مع السلامة ام الدويس ... نلتقي مع بروين حبيب وسار مروان ويا هزاع ... غاليه: عفاري .. خيبة بسج هالكثر .. حشى ما خليتي فيه شي عفرا: جيه هو قصّر ؟ غاليه: لا هو قصّر ولا انتي قصّرتي هند ( واقفه شبه مصدومه): هذا منوه عفرا: هذا مرواااااااااان ولد خالج .. مالت عليه افففف يقهرنييييييييي غاليه: واللي وياه كان اخوها هزاع هند: انتوا من السيارة تحطون ع بعض .. بس ما حطيت فبالي يعني بتكملون هني عادي عفرا: هو يقهرني .. انا استحي جدام اخوانه ... غاليه: احسن عسب ما تردين عليه عفرا: ومنوه قالج ما برد عليه .. برويج فيه .. بس خل يحط عليه .. والله برد عليه جدام الكل غاليه: عفاري عيب عفرا: مشكلته والله ... هو ام الدويس واخوه النحسه .. ما يندرى الباقين شوه بيسموني بعد وسارت عفرا الصاله عند خواتها وهي شبه معصبه ع مروان .. وفالمطبخ ... نقعت هند من الظحك ... غاليه: ههههههه بلاج تظحكين هند: ظحكتني عفاري .. وظحكني هاللي اسمه مروان .. غاليه: عادي عادي بتتعودين هند: هههههه لا اذا لين باجر بيتمون جذه ... على الله اليلسه بتحلو غاليه: اقولها لا تردين عليه ... طنشيه هند: هو تبين الصراحه .. لو انا منها بعد ما بسكت .. بس الحمدلله ما انحطيت فالموقف غاليه: انتن جريئااااااات انا مستحيييييييل هند: ههههه نسير نشوفها حليلها زعلت برّع ... بو هزاع وبو زايد صوب النخل يالسين ومبسطين ع الآخر ... و فارشين لهم الحصران هناك ... وصلوا عبدالعزيز وسالم .. سالم: والله يلستكم عجيبة .. بو هزاع: الحين انت ييت بتستوي بايخه عبدالعزيز: ويووووووو قفطوه ههههه بو زايد: ههههه عاد الحين بيتمون يغايظون بعض سالم: لا لا اصلا بنسير عنكم بو زايد: جيه عاد ؟ سالم: بنسير هناك ... انا امايه تزقرني .. بو هزاع: ولازم وياك القلص مالك ... عبدالعزيز سالم: طبعا .. لانهم طالبينه ويايه عبدالعزيزز: مع السلامة ... بنشوفكم هناك عقب وساروا عبدالعزيز وسالم بو زايد: مظلوم هالولد بو هزاع: منوه ؟ بو زايد: عبدالعزيز بو هزاع: ما نقدر نقول شي بو زايد: انا لو بايدي .. والله جان خذته يوم هو صغير .. وخليته ما يحس بالنقص .. وان امه وابوه ما بيشوفهم ... بو هزاع: هو لو يوسف بس يلين قلبه .. ولا واحد من عيال سيف الله يرحمه بيحس بالنقص بو زايد: يوسف ... لو تييب يـبـل بيلين قلبه ع حال هالشباب .. بدون ام ولا ابو في بيت رواحهم ساكنين ... ولا عندهم خوات .. ولا يلين قلب يوسف بو هزاع: بس انته اخوه لازم ترمسه بو زايد: ما بيني وبين يوسف كلام ... بو هزاع: بس مب زين جذه يا بو زايد .. مهما يكون هذا اخوك بعد بو زايد: اخويه .. يوم بيعترف في عيال اخونا .. عقب بسير له بو هزاع: بس بعد يا بو زايد .. والله مب زين جذه .. عيالكم يتربون ع الكره والزعل شراتكم بو زايد: انا ما اكرهه ... بس انا ابا اعرف شوه سالفته ويا عيال سيف .. شوه سالفته بالضبط ؟ سالفة جديمة ومستويه بينه وبين سيف ... حتى امهم اللي هي حرمت سيف ما يخصها فالسالفه ... هو يكره عيال اخوه عسب امهم اونه ... والله بليّا أي تفكير يتصرف يوسف بو هزاع: الفلوس والبيزات مب كل شي فالدنيا .. تتفرقون عسب كم ريال بو زايد: انا ما ابا شي منه ... حلال عليه .. نصيبي والله حلال عليييه ... حتى عذيجة ... انا ادري بتقول حلال عليه نصيبها ... وحتى جواهر .. بس يعطي نصيب سيف حق عيال سيف ... بو هزاع شوفهم كيف عايشين ... نحن باللي نقدر نساعدهم ... بس شوف الحين واحد منهم عرّس يالس في نفس البيت .. ما يستوي والله ما يستوي .. هم 6 شباب ما شاء الله .. واحد ورا الثاني بيعرسون وين بيسكنون ؟! بو هزاع: بس بعد يا بو زايد انته تحل المشكلة مش تعقدها بو زايد: انا ما عقدت شي .. بس انا ما اقدر اسير اشوف يوسف ... ويتم يقولي انته بعد سو شرات ما سوى سيف .. والا قلت له كلمة هني والا هناك ... يقولي محد احسن عن حد .. كلكم طمعانين ! .. بو هزاع: بس يا بو زايد بو زايد: بو هزاع الله يخليك .. غير لي هالطاري ... وايد اتضايق والله يوم اسمع عن يوسف وسوالفه .. بو هزاع: خلاص انزين ... نغير السالفه .. وتموا بو هزاع وبو زايد يرمسون في سوالف ثانية .. وبندوا سالفة يوسف اللي تضيق الصدر ... صوب الشباب .. اللي يالسين ع صوب .. واحمد اوشك ع انه يخلص الشوي ... عسب يتغدون .. عذيجة: عفرااااااااا .. يا عفراااااااا طارق: شوه تبين بها تزقرينها ؟ عذيجة: خل تييب السماط ... طارق: سلااااااااامة .. سلاااااااامة مروان: لا لا .. بوزع بارد فالفريج انا باجر مب اليوم .. اليوم ببات هني هزاع: هههههههه ما تفوت شي .. طارق: هههههه قوله .. دافع عن اختك .... مب اختك ! هزاع: انا ما ادافع الا عن امون حبيبة قلبي والله احمد: ايه ايه .. شوه عيني عينك تتغزل في حرمتيه هزاع: ياخي اختيه احمد: ياخي حرمتيه ... هلا والله .. صباح الخير هزاع: صباح النور ... اختييييييه قبل ما تكون حرمتك مروان: بسسسس .. خمووووووووووش راشد: ههههه جلبتوه فلم هندي ثاني: هههههه متفيجييييييين احمد: ياخي يغازل حرمتيه هزاع: ياخي قلت لك اختيييييييه و طلعن الحريم والبنات من داخل ... عذيجة: ما بغيتن صالح: شمسة .. ييبن السماط .. فرشوه يالله شمسة: هذي آمنة يايبتنه هزاع: قلت لكم فديت اختيه والله .. محد ينفع غيرها علي: هاااا شوه قصدك هزاع: ما شي .. ولكن الحق يقال آمنة: شوه سالفتكم انتوا ؟ هزاع: ريلج يقول لا تتفدى حرمتيه .. اقوله اختيه احمد: امون ترضين يعني آمنة: بـ شوه ؟ احمد: ان هذا يتفدى وانا ساكت عنه آمنة: والله الصراحه ما ارضى .. بس بعد ما ارضى ع هزاع .. اخويه احمد: ط هاي والله سالم: واااااااااااااااااااااااا سكتوووووووووووووه سالم وعبدالعزيز كانوا يايين من بعيد .. راشد: هههه وصل المدمر احمد: شمسة ظهروا لقب المدمر ع ولدج شمسة: يليق عليه .. سالم: عفانا الله دافعي عنييييي شمسة: مدمر يعني قوي وشجاع مروان: ههه يالسين في اسبيس تون نحن عفرا: امايه افرش سماطين عذيجة: هيه احسن مروان: ام الصوت اللي يلوع بالجبد ... اقول حق عموه الحين شوه قلتي لي داخل المطبخ عفرا: شوه يعني قووووول احمد: انتوا بعد بديتوا عبدالعزيز: انا ادري هاي عفاري النحسة .. اكيد غلطت ع اخويه عمر: عبدالعزيز احمد: مب اول مره خله ع راحته مروان: ههههههههه ايوا ايوا .. عاش عمر .. بس صدقه عزوز نحسة والله .. ما يلست وياها .. وعرفت انها نحسة .. وام الدويس بعد صدق عفرا: حرمتك اللي بتاخذها ام الدويس انزين عذيجة: اصلا مروان ويا عفاري .. شرا بعض .. تقولون فار وقطو .. عبدالعزيز: توم آند جيري مروان: انا جيري طبعا ذكي ... لان عفاري غبية عمران: عموه يوعااااااااان عبدالعزيز: هيه والله انا بعد .. آآآآآآي يطني يعورني مروان: هههههههه قلت لكم .. عندنا اثنين بسرعه اييوعوووون زايد: يالله عاد عبدالعزيز هههههه عمر: هههه بدا التمثيل راشد: هذا لو يدخل مدرسة تمثيل انا اقول بيفلح عبدالعزيز: عمران شوفه يحثني على الفساد هني مره وحده تنقع عفرا من الظحك ... صدق صدق تظحك من الخاطر .. والباقين يظحكون مب بس ع عبدالعزيز .. ع ظحكة عفرا .. اللي طلعت منها لا ارادي ... عذيجة: صدق خبايل ام زايد: ههههه غاليه ييبي الصحون من داخل غاليه: ههههه ان شاء الله امايه عمر: يالله عبدالعزيز قم اغسل ايدك ... سار عمر .. ووراه عبدالعزيز .. وراشد وعمران ... علي ( ابتسم ) : الله يحفظكم مروان: ما اكتمل الطابور .. اصبروا انا بعد بسير احمد: ههههههه طابور الصباح مروان: بنحيي العلم هناك سالم: جيه كشخه امايه تييب كله اولاد ... يا سلاااااام شسمة: هيه عسب اتخبل آمنة: واخوهم العود سالم ... بعد هزاع : صدق صدق دمار شامل بيستوي هههههه عفرا: عقب ما تييبينهم بيتنا .. بيدمرونه عذيجة: عقب ما تطب بيتنا بعد .. الا لو هي روحها بتيي سالم: بتستغنون عني ؟ عذيجة: هيه .. ما نباك .. سالم: ما عليه ولد خالوه سلامة ما بيخليكم سلامة: ولدي مرتاح بليّاك حبيبي طارق: ههههه كسرتوا خاطره احمد: هههه هذا ما ينكسر خاطره اصلا سالم: انزيييييييين .. جنه باجر ما بتيي بنتك تركظ ورايه تباني آخذها ولا بصد صوبها بعد احمد: الله ياخذ ابليسك .. هههههههههه آمنة: مالت عليك .. بنتي جيه تركظ وراك عسب بعد ما تصد صوبها سالم: بتشوفييييييين عفرا: بنتهم بتكون خبلة يوم بتصد صوبك انته ههههههه زايد: وايد واثق الاخ هههه سالم: انا قلت لكم الحين ثاني: تهديد صريح .. سجلوا اللي قاله احمد: بسجل يوم واحد .. ويوم بيكبرون بسمعه اياه .. عسب يستحي شويه .. بسمعه حرمته وصلوا الشياب ويلسوا .. وسالم اول واحد يلس بعد .. الحريم في صوب .. والشياب فالنص وعقب الشباب .. بو زايد: يالله .. سموا بالرحمن آمنة: ادعوا حق ريلي .. هو اللي شاوي مروان: الله يرزقه الزوجة الصالحه يا رب آمنة: ايييييييه مرواااااااان بو هزاع: آمنة ! آمنة: يدعي ع ريلي ابويه بو زايد: هههههه لا لا .. اصلا احمد ما يقدر اييب وحده ع راس بنتي آمنة: فديت هالويه والله .. تسمع احمد احمد: انا بس سمعت دعاء مروان العجيب آمنة: ط والله هزاع: تباها من الله .. خذ وحده ع راس اختيه وبتشوف احمد: يعني شوه بتسوي الشرع حلل 4 بو زايد: 4 مب ع بنتنا آمنة: ودك انته والله .. خذ لك وحده شوفها بتتحملك والا احمد: بسم الله بلاني شزيني طارق: مداح نفسه علي: يبا له ......... احمد: والله ما يباله ولا شي .. بس كفاية عنده وحده شرات امون .. الله يخلي حرمتييييييه ام بنتي ان شااااء الله آمنة: هيه جذه اباك سلامة: هههههه كلتيه بقشوره شمسة: جان خلوها بتسير هناك تعصره عصار حصه: بتجتله عبدالعزيز: بلاكم سكَتّوا ؟ علي: غريبة سالم ما رمس اليوم مروان: سالم .. قول موالك اليومي ع الاكل شمسة: لااااا مروان: قول قول شمسة: يا ويلك سالم: هو يقولي اقول عبدالعزيز: لازم افتتاحية .. هزاع: افتتح انته عبدالعزيز: احم احم .. هكونااااا متاتا سالم: صراصير مأرمشة مع الرز ... بصلصة ديدان مخلوطة بالحشرااااااات .. يمي يمي .. عذيجة: الله ياخذ ابليس ... شوه هالولد اللي مظهرتنه انتييييييي وتمت ام هزاع تهزب سالم وفوقه امه وابوه بعد ... والباقين ما شي الا يظحكووووون .. واللي صدق صدق ظحكت هالمرة .. هند .. تذكرت كلام بدر .. عسب جذه تلوع جبده .. اها الحين فهمت قصده يوم قال صراصير وديدان هذيك المره .. يوم كان العرس .. هههههههههه اسميه هذا سوالف عفرا: ابا سمج سلامة: استغفر الله كيف تاكلونه آمنة: اصلا انتي ما تعرفين شي فالأكل احمد: عفرا خلص السمج عفرا: اونه .. ما شاء الله عليكم عمر: خذ عطها هذا مروان: اخويه بكبره تنازل عن سمجته حقج بعد شوه تبين عبدالعزيز: ايه النحسة ما خليتي اخويه ياكل احمد: فشلتينا عفرا عفرا ( بسرعه ترمس ) : ما ابا ما ابا خلاص .. هزاع: عمر كل ما تبا .. عمر: لا والله صدق انا ما ابا .. عطها عذيجة: كل فديت روحك .. هاي المنقرضة تاكل دياي اصلا .. بعد سمج تبا ! عنبوه بتلوع جبدها .. عمر: عموه ما ابا ... عمي عطها بو هزاع: خلاص خذيه غاليه ( تصاصر عفرا ): فشلتينا عفرا: ما كنت اعرف ان السمج خلص الله ياخذ عدوهم لحفووووه غاليه: وخذتي مال الولد عفرا: اسكتي ما بقدر ارفع راسي الحين ومره وحده قطع عليهم صوت .. مروان: لا يتناجى اثنااااااااااان آمنة: منوه اللي يتناجى مروان: اختج .. واللي وياها ثاني: لو سمحت يعني لا تطري اختيه ترا ويها الحين بينفجر من المستحى مروان: اوكيه ... بنت عمي ... وبنت عمتيه .. شوه عندكن عفرا: مب لازم تعرف زايد: هههههه شوه تبا انته فيهن ؟ كل هزاع: يبا يثبت وجوده في هذا المجلس راشد: ما ملاحظين انكم وايد ترمسون .. كلوا عمران :الحمدلله عذيجة: وين وين ؟ ما كلت عمران: الحمدلله شبعت بو زايد: عمران ما كلت .... كمّل غداك عمران ( ابتسم ): لا والله صدق شبعت عمي سالم: ومن الصبح حاشر الدنيا وين الغدا ووين الغدا احمد: هههههه بتنهزب عقب شويه ... عذيجة: هذا ما يباله هزبة محترمة .. يبا له ظرب وشوي شوي .. واحد ورا الثاني يقوم من ع السفرة .. في بيت ام احمد ... رن تيلفون البيت .. شله عيسى عيسى: الو السلام عليكم رملة: وعليكم السلاااااااام .. خيييييير سيد عيسى يعني انا سرت ما تتصلون تسألون عني احمد: والله روحج ييتي .. جيه هم يتصلون مفتكين منج اصلا عيسى: ههههههههه من وين طلعتي انتي رملة: من بطن امي .. عيسى: هاهاها ما يظحك رملة: وين امايه عيسى: راقده رملة: عفانا الله عفانا الله ... لهالدرجة يعني عيسى: مفتكين من حشرتج رملة: هه بس رمسة .. ادري ان البيت ملل من دوني اصلا عيسى: جييييييه منوه تتحسبين عمرج حبيبتيه رملة: رملة .. بنت رااااااشد حبيبي عيسى: انزين يا رملة راشد .. الحين شوه تبين رملة: ما ابا شي .. مالت عليكم ما تتصلووووون عيسى: يالسه تسبنا هالكثر وبعد تبانا نتصل رملة: هيه عيل شوه عيسى: انزين وبعدين رملة: ماشي .. ما تستاهلون اتصل فيكم عيسى: احسن رملة: مع السلامة عيسى: وين احمد رملة: ما ادري وينه .. ويوم تباه روحك اتصل به باي وبندت رملة عيسى: ط والله بندت في ويهي ناعمه ( توها يايه ): هااااااا .. ترمس منوه .. وبندت في ويهك بعد ... عيسى: بلاج انتي بعد ناعمه: انته تقول بندت في ويهي عيسى: هاي رملة ناعمه: هههه بندت في ويهك ! عيسى: شفتي عاد .. الله ياخذ عدوها .. باي وبندت في ويهي ... وسبتنا شكثر ناعمه: ع شوه بعد محتشرة عيسى: اونه ما تتصلون فيه ناعمه: مب جنها توها الصبح طالعه من البيت ! عيسى: شدراني فيها .. بس تبين الصراحه ملل صدق بدونها فالبيت .. وتعودنا ع ميثو بنت احمد بعد ... وحشرة .. بيتنا مستوي هادي ناعمه: جان قلت لها ملل بدونج عيسى: هييييه عسب تصدق عمرها .. وتاخذ راحتها بعد سبنا اكثر .. بتقولي ( وقلد صوتها) .... يوم ان ملل جيه ما تتصلون .. واحسن وتستاهلون وعرفوا جيمتيه ناعمه :ههههههه حافظ موالها عيسى: هالبنيه ع منوه لسانها طالع طويل ما ادري ناعمه: هيه والله محد فينا شراتها كان عيسى: يا خوفي بنت احمد بعد تظهر شراتها .. بمط شعري ناعمه: ههههه لا لا .. احمد بيسطرها كم من طراق لو جذه ترد علينا شرات رملوه .. عيسى: هه ... ما تدرين .. هاي مدام رملة عمتها الله يعين -------------------------------------------------------------------------------- فالصاله ... مروان: هوود هوووود عفرا: وصل صوت الغراب هزاع: اقول بنسير صوب الخيول ما بتون ؟ عفرا: اونه قول والله رملة: اللللللله انا بييييييي مروان: يالله قومي تعالي هزاع: عفاري ما يباله حلف بعد شمسة: منوه ومنوه بيسير ؟ مروان: انا وهزاع وعمران وراشد .. و ثاني وعبدالعزيز طبعا وسالم .. عفرا: انا بييي مروان :يالله ... عيل عفرا: غالية يالله تعالي غاليه :لا لا ما بيي ووصل عبدالعزيز عبدالعزيز: يالله منوه بيي هزاع: اللي بتيي تنش يالله حصه: علي وين ؟ عبدالعزيز: يالس برع .. حصه :شوه يسوي ؟ مروان: بديناااااااااا بالاسئلة .. وينه وشوه يسوي وشوه ياكل وكيف يالس ومنسدح والا متربع حصه: ههههه يالله عاد ما سألت هالاسئلة العبيطة هزاع :لو نخليكن بتسألن جذه عفرا : يالله غاليه .. هند بتيين هند: هيه بيي عبدالعزيز: هاي بتيي هزاع: منوه ؟ عبدالعزيز: تراب رملة: هيه بيي .. ليش مب عايبنك ! عبدالعزيز: لا مب عايبنيييييييييي رملة: مشكلتك عفرا: غاليه نشي غاليه :لا ما بيي انا عبدالعزيز: غلّوي تعالييييييي برويج الخييييييل .. غاليه ( ابتسمت) : وقت ثاني عبدالعزيز ( سار صوبها ) يالله يالله نشي ( ومط ايدها) عن السخافة ... عفرا: ايه كسرت ايدها عبدالعزيز: هي تتدلع .. يالله نسير .. طلعوا برع .. الشلة .. وبيسيرون صوب الخيل ... صوب الحوض .. احمد: باجر الصبح بنسبح فالحوض آمنة: ما مغيرين الماي احمد: بلى مغيرينه بس كانوا صابين فيه كلور زيادة بيحرق عيونا آمنة: اها .. احمد: وين رملة ؟ آمنة: هناك فالفلة هديتها احمد: بتخبلهم آمنة: ههههه حليلها يالسه .. احمد: هي وعبدالعزيز وسالم اسمي يقرضون بعض فالرمسة... متنا عليهم من الظحك آمنة: عاد كل واحد فيهم لسانه شطوله احمد: و وين بنتي ؟ آمنة: قلت حق شمسة تشوفها احمد: امون تخيلي اعقج في هالحوض آمنة: اونه .. جنك تقدر احمد: اقدر آمنة: ما تقدر احمد: ولو عقيتج آمنة: بخبر عليك ابويه .. وخالي واخويه وعيال خوالي بعد احمد: بل ! .. قوية آمنة: هيه عيل تعقني فالحوض تذبحني .. احمد: هههههههه ما بذبحج .. انا قلت بذبحج ؟! آمنة: هيه قلت بتعقني فالحوض احمد: انزين . بعقج فالحوض مب اذبحج آمنة: وعقب بيعرفون انك انتي عقيتني احمد: ما بيعرفون .. بقولهم كنا نتمشى وزلقت ريلها وطاحت آمنة: شوووووووووه .. يالمجرم .. اثاريك مخطط يعني صدق تبا تعقني احمد: هههههههه بلاج خبلة اليوم انتي ... قلت لج تخيلي آمنة: هذا كله وخيال احمد: ترا المبدعين يعني اللي شراتي احم احم خيالهم واسع آمنة: هيه ويخططون كيف يعقون حريمهم فالحوض .. ويجتلونهن .. وعقب يقولون زلقت ريلها نقع احمد من الظحك ع آمنة .. صوب الخيول .. سالم: آآآآآآه الكساندرااااااااا راشد: ههههههههههههههههه الكساندرا اونه عبدالعزيز: وانته ادوااااااارد عفرا: هههههه اتخيل .. مروان آرثر .. مروان: مالت عليج ما لقيتي غيره .. انا احلى منه هزاع: هههه اصلا ما في غيره فالرسوم بعد .. منوه تبا ؟ مروان: ام عيون خضر شرات سعيد وعبدالعزيز .. صوفيا عفرا صدت صوب هند ع طول ... لان فالعايلة الكريمة .. محد غير سعيد وعبدالعزيز و هند اللي عيونهم خضر .. هند اطالعت مروان ... واكتفت بالابتسامة .. سالم :ها ها ها قفطووووووووه عبدالعزيز :وتراب ميري يليق عليها .. اسم بشكارة ههههههههههه عمران: هههههههه عبدالعزيز عن السخافة .. رملة: قوله والله عمران :قلت له رملة: هذا اخوكم ليش جذه .. وهالثاني وياه سالم: منوه انا ؟ انا اسمي سااااااالم ولد صااااااالح رملة: وايد عليك مروان ( يصاصر هزاع ) : هالخقاقه منوه يايبنها هزاع: عمتك مروان: اخت بدر بعد شوه تبا منها هزاع: ما سوت شي .. انته جيه تبا تنرفزها مروان: بس تدري .. احس من طريقتها وجذه .. احس انها غير عنه هزاع: ما يخصك فيها خلها في حالها عفرا: احم احم .. لا يتناجى اثناااااااااااااااان وتحرك الخيل .. ياي صوبهم طبعا في حد يقوده .. وراكب فوقه .. يوم رفعوا روسهم .. الوسيم ع قولت مروان .. ثاني ... ثاني: شرايكم فيني غاليه: ثانيييي لا تييبه هني ثاني: حلوووو غاليه :قم لا تيييييييييييبه هزاع: هههههه لا تييبه .. عبدالعزيز: ايه عادي تصيح .. لا تييبه ما فينا رملة: الللللله انا ابا اركب سالم: انا سأمتطي هذا الخيل .. مروان: سالم انته اركب الصغير سالم: ما اباااااا شيييييبة هزاع: ما تركب واحد عود .. لانك بطيح ما فينا مروان: سالم حلو والله حلو .. سالم: ابا العود مروان: ما شي عود .. انته وعبدالعزيز تبون هالصغار .. ما تبون ردوا بسرعه وسار كل واحد فيهم يختار له خيل .. و عفرا وغاليه الخوافة واقفات ع صوب .. وهند وياهن .. هند فتحت الباب .. ودخلت .. وقامت تمسح ع ظهر الخيل .. وتمسح ع شعره .. وفوق راسه .. وعفرا وغاليه مبطلات عيونهن .. هاي كيييييف تجرأت ودخلت ... هند: حلووووووو عبدالعزيز: تعلمن ثاني: هيه والله سالم: هييييييهااااااااااا عفرا: هند بيرفسج هند: ما بيرفس غاليه: طلعييييييي هند: ههههه بلاكن .. عادي عفرا: هند والله مب زين ظهري.. امايه بتحشرنا لو استوى شي هند : ههههه خلاص بظهر .. بس كشخه .. من زمان ما راكبة خيل غاليه: جيه راكبة من قبل هند: هيه عفرا: نحن يوم صغار اما الحين مستحيل نخاف هند: انا لين العام ركبت .. يوم سافرنا .. عبدالعزيز: هييييييه وانا اقول شوه السالفه سالم: هيهاااااااااااااا انطلق عفرا: رسوم رسوم نحن يالسين سالم: خالوه عفاري تعالي ركبي ورايه عفرا: ناقصه عقل انا والا مخي مخبوق اركب وراك غاليه: ههههههه حليله يعرض عليج عرض مغري عفرا: مغري بالنسبة لج انتي .... اللي ما يبا عمره يركب ورا سالم مروان ( وهو ع الخيل): يالله بنتسابق رملة: ابا اررررركب عمران : تعالي بركبج وياي هزاع: راشد ومروان وعمران .. يالله نسابق سالم :انا وياكم مروان: مالك شيبه ههههههه عفرا: مروان عن السخافة لا تخبله .. ينزل الحين ويركب العود مروان: خلاص خلاص .. عبدالعزيز: يالله ... هزاع: يالله عمران تعال عفرا: وياه بنت الناس وين اييكم مروان: ثاني يالغشاش .. خذت انشط خيل ثاني: ههههه محد قالكم ترمسون وتسولفون .. هههه راشد: يالله ... عمران: انتوا سيروا .. وانا بلحقكم شوي شوي .. سالم: ييب الشلة الكريمة وياك عمران: منوه الشلة الكريمة ؟ عبدالعزيز: البنات .. اصطفوا كلهم حذال بعض .. سالم: انا بعد عبدالعزيز: انا انا .. سالم: انا قلت قبل هند: خلاااااص لا تظاربون انا بعد مروان: عدّي يالله هند: مستعديييييين الكل: هيه ... هند: 1 2 3 سالم: هيييييييييهااااااااااااااااااااااااااااااااااااااا اااااااا وبدوا عاد السباق مالهم .. واللي تم عمران .. اللي مركب رملة وياه .. والبنات .. عمران: ههههه شوفوا سالم تم آخر واحد .. عفرا: الحين بيحتشر عمران ( صد صوب البنات وابتسم ): يالله بنات .. رملة: ودني هناك عمران :انزين سايرين .. بس شوي شوي .. ما اقدر بسرعه .. انتي ويايه رملة: عادي عمران: ههههههه انزين ع شوه مستعيله بنوصل ويشوفون احمد وآمنة من بعيد ... احمد ( يصرخ ): انتوا كلكم هنييي .. وين اختييييييه ؟ عفرا: فريناها احمد: هيييييييييه جنكم الا تقدرون آمنة: منوه عيل توه بيعقني فالحوض احمد: ههههههه ذليتينا امون ... جريمة ع قولتج وسحبناها رملة: انا هنييييييي احمد: رملوووووووه .. وين راكبة ويا الريال رملة: شوه شوه كيفي .. عمران :هههه اخوج مب راضي نزلي رملة: ياللللله ما بنزل آمنة: اللله احمد حلووووو احمد: يعني عفرا: اركب وركبها هند: ههههه حليلها خاطرها تركب آمنة: هيه والله .. احمد الله يخليك احمد: قومي يا بوي .. تخبلتي انتي اركبج خيل اونه آمنة: ما فيها شي احمد: مستحيل ... آمنة: الله يخليك احمد: دوري حد ثاني آمنة: يعني عادي اركب ويا هزاع احمد: اركبي انتي بس وشوفي .. غاليه: حلييلج امووووون آمنة: لا تعرسون .. ترا الرياييل بس يتحكمون فالحريم احمد: نعم ! عمران: احم احمد: اثنين ضدج عفرا: انا ويا اختيييه رملة: هيه هيه صح صدقها امون عفرا: 3 ضد اثنين احمد :رملة ما تنحسب .. رملة نص عفرا: انزين 2 ونص ضدكم احمد: ما يستوييييييي عفرا: غاليه وهند ويانا هند :لا ما يخصني بعدني ما جربت .. يوم بجرب بشوف بوقف في صف منوه عمران: ههههههه جلبتوها حرب .. كنا فالخيل .. شوه يابكم للرياييل والحريم ... احمد: هيه والله هالحريم يخرطن وايد آمنة: خير ؟! وتموا يظحكون ع احمد وآمنة اللي بدوا يتناقرون ... حصه و علي كانوا يتحوطون فالمزرعة ... علي: وشوه قالت ؟ حصه: قالت ان ما له داعي علي: انا بعد قلت لج .. ما له داعي حصه: انا مصره هالمره علي: بس انا ادري انه من ورا خاطرج حصه: تيي اوقات للواحد لازم يتنازل عن الاشيا اللي يحبها .. ويضحي بها .. عسب يحقق حلم من احلامه علي: بس انا متأكد ان هلج ما بيوافقون حصه: ادري .. وعسب جذه .. ما اباهم يعرفون علي: شووووه ؟ حصه: انا بسافر بدون ما اخبرهم علي: كيف ؟! حصه تخبلتي عاد مب لهالدرجة حصه: ما اقدر اقولهم علي: كيف ما تقدرين تقولين لهم .. حصه هذا سفر مب يوم ويومين .. كيف ما بتودعينهم وتستسمحين منهم ! حصه: علي .. موقفي وايد صعب بيكون جدامهم علي: ع الاقل قبله بيوم حصه: قبله بيوم بقولهم .. علي: حصه مب مضطره انج تسوين هالشي حصه: علي انا محتاجه حد يساعدني مب يحبطني علي: خلاص انزين مثل ما تبين ... يوم بنرد البيت .. بنسير السوق نشتري لنا بدل شتوية حصه: انزين علي ( ابتسم) : خلاص عاد .. يايين هني نستانس حصه ( ابتسمت): وانا مستانسة علي: متأكده ؟ حصه: هيه .. وناسه وياهم علي: لاحظتي عيال خالج سيف حصه: ما شاء الله عليهم .. كلهم ويا بعض ... وانا اتحسبت كلهم شرات مروان .. بس ما شاء الله عليهم هاديييين علي: ههه مب متعودين ع الهجوم البريطاني اللي تسوونه حصه: ههههه اشوفهم انا .. وعفاري تفشلت ع الغدا يوم ان هذا شوه اسمه علي: عمر حصه: هيه .. عطاها سمجته علي: تدرين هذا عمر .. بس مجرد اني يلست وياه هالوقت .. ومن قبل كنت يعني اشوفهم واسلم عليهم .. بس صدق ريال والنعم فيه .. شخصيته وايد حلوة حصه: ما شاء الله عليه .. كفاية انه هو اللي مهتم في بيت وعايلة تتكون من 6 شباب ... الله يحفظه في طرف ثاني .. زايد وعمر ... عمر: زايد قولي زايد: شوه اقولك ؟ سالفة استوت وراحت وخلصت عمر: بس انا ابا اعرف زايد: مب لازم عمر: لا .. لازم .. ابا اعرف ... زايد لو كنت شايف عبدالعزيز وهو راقد فالليل .. دمعته ع خده .. مع انه كان يرمس عادي .. بس انا حاس فيه .. واعرف انه كان وايد وايد مضايج زايد: ادري .. ادري انه كان وايد مضايج .. بس مب لازم نفتح السالفة مره ثانية عمر: زايد انا اعرف ان السالفه فيها بدر .. وانا للحين ما التقيت ويا عمي .. يعني السالفه بالنسبة لعمي ما انتهت زايد: ادري وعمي بيرمسك فالموضوع .. وبيقولك يمكن كلام يجرح .. بس انته لا تعبّر .. سو طاف عمر: انا من يومي وانا مسوي طاف .. لشتايم عمي .. وكلامه اللي يجرح .. زايد: تم على ما انته عليه ... لانك لو رمست بتتعب عمر: انزين قولي زايد: ما شي .. بس بدر قال كم كلمة رفعت ضغط عبدالعزيز .. وعبدالعزيز رد عليه .. وبدر مد ايده عمر ( منصدم) : ظربه ! زايد: اهدى عمر: قولي ظربه زايد: لا .. بس يوم دخلنا كان ماسكنه من كندورته عمر: فذمتك يا زايد زايد: عمر انا يالس اقولك .. بس ادري انك مب خبله بتسير حق بدر وبترد له الصاع صاعين عمر: طبعا ما بسوي هالشي .. تدري ليش؟ زايد : ليش عمر: لاني للحين ساكت عن بدر .. وبتم ساكت .. بس بيي يوم .. وبرد له هذا كله .. انا صح اني هادي مثل ما تقولون .. وما يخصني في حد ... بس مب معناته ان يتعدى حدوده .. ويمد ايده ع اخواني .. عمر يوم كان يرمس .. كان صدق معصب .. وزايد يشوف الشرر يظهر من عيونه يوم يرمس .. اول مره يشوف عمر جذه معصب .... كأنه يبا يوصل له .. ان اللي هو فيه .. هدوء ما قبل العاصفه ... بدور .... كانت يالسه فالبيت روحها ... ظهرت من قسمها مدام .. ان محد فالبيت .. وسارت الحجرة اللي صدق عيبتها .... فتحت الليت ... تمت تطالع الاثاث .. راقي ... ولا غبار عليه .. معناته يوميا ينظفون هالحجرة .. في صورة متوسطة الحجم معلقه ... صورة عمها ( سيف ) .. عمتها ( سارة ) ... وعيالهم عمر وسعيد .. راشد ومروان .. عمران وعبدالعزيز .. عبدالعزيز كان توه مولود وهو ع ريل امه .. الصورة حلوة وعفوية ... كل شي فالحجرة .. راقي ... وحسب ما قالها سعيد ان الاثاث هو نفسه آخر أثاث غيره ابوه فالحجرة .. يعني جديم .. لكن يبين عليه ان توه ... امس يايبينه وحاطينه فالحجرة .. هالحجرة راقية .. وعودة .. وبحمامها العود بعد .. يعني لو نقارن هالحجرة .. بحجرتيه اللي انا يالسه فيها الحين ... تساوي الحجرة هذيج ... وتزيد مساحتها وتوصل لآخر الصاله اللي عندي .. يعني مب خسرانه شي لو قررت آخذ هالحجرة ... ع الاقل اوسع .. واشرح .. واكبر حجرة فالبيت.. ولها بعد ممرها الخاص .. مره وحده حست ان في حد فتح الباب .. صدت ورا .. انصدمت من اللي شافته .. و قلبها ارتجف .. لكن الشخص .. يوم شافها .... رد وبند الباب بسرعه ... ماتت بدور من الزياغ ... ظهرت بسرعه من الحجرة .. حتى خلت الليت والباب مفتوح .. وسارت قسمها بسرعه وقفلت البيبان ويلست هناك .. بس حست بخوف .. مسكت مبايلها .. بدور: الو .. سعيد: هلا بدور بدور: سعيد وينك ؟ سعيد: انا ياي الحين .. ليش؟ بدور: لا .. ما شي بس اسأل سعيد: ليش فيج شي ؟ بدور: لا ما فيني شي سعيد: اكيد ؟! بدور: هيه سعيد: ع العموم انا جريب .. 5 دقايق بالكثير .. وبكون عندج بدور: انزين .. يالله مع السلامة .. سعيد: فمان الله .. استغرب سعيد من اتصال بدور ... هي تدري هو وين ساير ... وانه عقب شويه بيرد .. شوه سالفتها متصله ؟ يمكن متصله جذه .. وتستخبر انا وين .. عادي !.... ليش مكبر السالفه ! في المزرعة ... ربعنا .. عقب ما اذن المغرب ... وخلصوا .. واذن العشا .. وخلصوا .. وتعشوا ... ويلسوا برع .. بدوا يلعبون ... عاد شوه بيلعبون ؟ عبدالعزيز: بنلعب فواكه ... سالم: مب حلوووووة عبدالعزيز: حلوة .. وزينه سالم: بس انا وانته ؟ عبدالعزيز: منوه بيلعب ؟ عفرا: شوه بتلعبون ؟ غاليه :انا بلعب عبدالعزيز: بنلعب فواكة ... نبا اوراااااااق وقلامه راشد: لازم يعني تخيسون عبدالعزيز: ما بنخيس بنلعب سالم: منوه يايب دفتر وقلامه هني بالله عليك الحين ... جيه مدرسة آمنة: ههههه مول ما قطعته سالم: هو يقول قلامه واوراق هند: انا يايبه عبدالعزيز: عيل شوه تترييين ... يا توأمنا ع قولت مروان .. سيري ييبي هند: هههههه انزين سارت هند داخل .. ودورت في شنطتها دفترها .. والقلامه اللي يايبتنها .. ومشت سايرة برع .. بو زايد: هنّوده هند: هلا خالي بو زايد: ييبي لي كاس ماي الله يخليج هند:ان شاء الله .. سارت هند المطبخ ... وتوهقت .. دورت هني هناك ... ما لقت الكاسات .. ولا تعرف مكانهن ... هي تعودت تشرب من الكرتون اللي فالفريزر .. فتحت الفريزر .. الكرتون فاضي ......... فجأة حست ان في حد دخل .. ارتبكت .. صدت ورا وسوت عمرها .. تدور .. دخل راشد .. وظهر كاس ماي من ما تدري أي كرتون ووين محطوط وشرب .. صد ورا بيطلع .. شافته هند .. عق الكاس فالزبالة ... هند: اقول راشد ( صد ورا): هلا هند: اممم سكتت هند راشد: شوه بغيتي ؟ تبين شي ؟ هند: ابا كاس ماي ... راشد ( استغرب) : وفتح الفريززر .. وظهر كاس وعطاها .. هند ( باستغراب ) : من وين لقيته ؟ راشد ( بعده مستغرب): فالفريزر هند: انا توني دورت وما لقيت راشد ( ابتسم ): بلى توني فتحت كرتون يديد هند: شكرا .. راشد: عفوا وشهقت هند شهقه ... زاغ راشد من شهقتها بلاها هاي ؟! هند: دفترييييييي راشد: شوه ؟ هند: دفتري حرام .. راشد: وانا قلت شي الحين هند: لانه مب ماالك .. راشد: زيغتيني .. قلت شي استوى .. الا هو دفتر هند: هالدفتر غالي ... تدري شوه يعني غالي راشد: غالييييييي .. من وين شارتنه .. المانيا .. والا بلجيكا .. والا امريكا ... تتخققين علينا بدفتر الحين هند رفعت راسها وانقهرت من اسلوب راشد .. اللي يستفز هند: انا ما اقصد غالي بالثمن .. غالي بالمحتوى .. ولو سمحت مره ثانية لا ترمسني بهالاسلوب.. ندم راشد ع اللي قاله .. هو فهم هند غلط .. اتحسب انها تقصد ان الدفتر غالي بالثمن مثل ما قالت .. ما كان يعرف شوه سالفة الدفتر ... وشوه غلاته عند هند .. نزل راشد راسه .. وشاف صورة .. طايحه ع الارض .. صورة بنوتة صغيرة .. وكيوت .. حلوة ... شوه يابها هني ؟ اكيد طاحت من دفتر هند .. خذ الصورة .. وحطها في جيبة .. وقال انه بيعطيها عقب .. وبيعتذر منها ... ظهر برع ... شاف الحبايب مندمجين .. سالم: لا تغش عبدالعزيز: شوه اغش ؟ اصلا قول انته شوه اخترت ؟ سالم: برتقااااااال عبدالعزيز: انزين كل واحد يقول شوه اختار عسب نعرف انكم ما تخربطوا .. انا موز طارق: مانجو مروان: عدال عدال سلامة: ههههههه محد يحط ع ريلي مروان: بس بس انتي .. شوه اخترتي ؟ سلامة: كيوي مروان: اوووووونه .. ام الدويس شوه ؟ عفرا: انته شوه ؟ مروان: تفاح عفرا: انا اخترت تفاااااح مروان: قوميييييي انتي غيري .. انا ما بغير عفرا: انته غير مروان: قلت لج ما بغير .. هزاع: اوووووه بتظاربون ع فواكه الحيييين عبدالعزيز: واحد منكم يغير عمران: انا اخترت كمثرة محد اختار ؟ عبدالعزيز: حد مختار كمثرة ؟ آمنة: انا تووووت زايد: احمد شوه اخترت ؟ احمد: سلطة فواكه صالح: ههههه عن المصخرة ... احمد: صدق .. شسوي وايد ما شاء الله .. زايد: ههههههه حلوة حلوة منك ثاني: انا اخترت .. banana بالانجليزي كتبت هزاع: بديتوا تستهبلون عبدالعزيز: راشد ما بتلعب ؟ راشد: لا بشوفكم بس عبدالعزيز: تراب .. شوه اخترتي ؟ رملة: اخترت كرز سالم: كرز اونه رملة: عيل شوه اختار مروان: خلاص خلاص بيبدأون اليهال الظرابة عبدالعزيز: محد بعد بيلعب ؟ ثاني: لا يالله فهمهم اللعبة عبدالعزيز: شوفوا .. بنربع الاوراق وبنخلطهن .. عقب كل واحد يسحب اربع اوراق .. ومثلا انا ببدأ الورقة اللي ما ابيها اعطيها حق سالم .. سالم: وانا اذا ما اباها .. بعقها ع عمي احمد: أي عم ؟ سالم: انته ! احمد: انا ! سالم: ابو حرمتيه احمد: ههههههه مالت عليك عبدالعزيز: المهم لين ما تكوّن مجموعة عندك .. مثلا الاربع اوراق كلهن مكتوب عليهن تفاح .. اول ما تكوّن المجموعة وتكون كاملة .. اسحب قفشة .. سالم: ولازم تكونون مركزين .. اول ما يسحب هالشخص قفشة .. انتوا كلكم تسحبون.. عبدالعزيز: وبيتم واحد ما عنده قفشه سالم: بيطلع برع اللعبة .. وان شاء الله تكون تراب اول وحده رملة: ان شاء الله انته اول واحد آمنة: هههههه يالله انزين مروان: وايد يتفلسفون ياللللللللللللله بدوا يلعبون .. اللي اشترك فاللعبة .. من الشباب .... مروان .. عمران .. زايد .. ثاني .. هزاع .. من الشياب والعيايز ( اللي معرسين ) .. احمد + آمنة .. طارق .. علي .. من البنات .. عفرا وهند من اليهال .. عبدالعزيز .. وسالم .. ورملة بدوا اللعبة .. وكل واحد فيهم خاش اوراقه عن اللي حذاله عن الغش .. سحب ثاني قفشه .. والكل سحب وراه .. وتم زايد .. ثاني: افا ... عمران: ههههههههههه اخوان واحد فايز والثاني خسراااااان مروان: يالله برع برع غاليه: حليله اخويه من اول دور ظهر زايد: ههههههه ما عليه بنشوف .. الدور الثاني انته بتظهر عمر: هههههه طلعت من اول دور زايد: اخوانك محتلين اللعبة مروان: هاهاها انا King اللعبة هزاع: لا تمدح هالكثر .. بنشوف الحين .. عبدالعزيز: ظهروا فاكهة من الفواكه .. مروان: ظهروا التفاح مال عفرا اللي ما خلتني اغيره عفرا: عادي شوه يعني عبدالعزيز: خلاص بنظهر الموز مالي .. وكملوا واحمد وآمنة من بداية اللعبة يظحكون .. هند سحبت قفشة .. والكل سحب وراها .. الا علي ما حصّل .. حصه: ظهرتوا ريلي غش غش غش مروان: سياسة الخاسرين عمران: هههههههه حليلك يا علي علي: هههه ما شاء الله عليكم .. هجوم مسوين .. حصه: ما يستوي مروان: اقولج لا تحتشرين هالكثر .. سالم: يالله يالله .. وردوا مره ثانية .. ظهروا فاكهة من الفواكه .. و ربعوا الاوراق و سحبوا ... غاليه: ههههههه رملة خشيهن عنه رملة: هو يشوووووف احمد: انا ما اشوف يالله عاد .. بيني وبينج آمنة ونقعت آمنة من الظحك عفرا: صدقوني احمد وامون يغشوووون احمد: شوه نغش ؟ عفرا: احلف انك ما تغش ! احمد :شوه احلف هند: ما يستوي آمنة: شوه ما يستوي ! مروان: لا بعد ييبن المصحف حلفوه عفرا: جيه امون تظحك احمد: حرام يعني حرمتيه تكون مستانسة رملة: احمممد تغش من اوراقي احمد: اقولج آمنة يالسه بيننا يا ويهج كيف بغش سالم : بينقووووووووووووووووووو (وسحب كم قفشة وياه ) رملة: ما يستوي ما ينحسب الدور عفرا: سالم شووووه سحبت كل القفش سالم: عسب تتأدبون وايد ترمسون هند: ردهن سالم: الحين منوه بياخذ؟ عبدالعزيز: تعال بقولك ( وصاصر سالم في اذنه ) سالم: احم احم .. توصلنا انا وعزوز عبدالعزيز: عبدالعزيز لو سمحت سالم: المهم .. الى اني انا بوزع ع كيفي هزاع: قول الجملة عدل عقب تفلسف آمنة: ما يستوي .. علي: ههههههه عن الحركات .. احمد: ههههه ادري بك شوه تبا تسوي ووزع سالم القفش ع اللي ما حصلوا وع كيفه .. ما عطى تراب ع قولته سالم: تراااااااب برع برع عبدالعزيز: يالله برع .. احمد: ايييييه مب ع اختيه رملة: ما يستوييييييي غش عفرا: يالله عن الحركات .. ما يستوي صدق هند: يبون يظهرون كل البنات .. ويخلون الشباب بس ثاني: ههههه سالم رد القفش بنرد نلعب الدور مره ثانية عبدالعزيز: ما نعيد ما نعيد ثاني: مب ع كيفك يالله وسمعوا صوت ام هزاع .. تزقر سلامة .. طارق: سيري يمكن الولد يصيح سلامة: مب تظهرون ريلي .. برد الحين مروان: عاد يوم بنظهره بنقولج عمر: ههه تستأذنون ... زايد: بلاك راشد هادي مستوي راشد ( ابتسم): لا ما فيني شي .. بس يالس اطالعهم كيف يلعبون سالم: ما ابا بنانا عبدالعزيز: جيه ع كيفك .. ما تباها عطها حق احمد يالله رملة: يا سلام ... احم احم غاليه: ههههههه لا تقولين شوه عندج رملة: ما قلت غاليه: ولا تلمحين بعد عبدالعزيز: غلّوي ما يستوي تغششينها هالكثر غاليه: حشى عليه ما غششتهااااا عفرا: يالله طوفوا الورقة .. هند: اصبري .. هاج عفرا: بوهق هزاع ... هزاع: هههاااااااااااااااااي وعقب الظحكة العجيبة ... سحب هزاع قفشة ... وهند اللي ما لحقت عفرا: افاااااااااااا .. خليتيني روحي رملة: انا وياج لا تخافين ... عفرا: هههههه حلوة احمد: حرمتيه مب مازرة عينج عفرا: امون غشاشه انته وياها تغشون آمنة: ع قولت مروان سياسة الخاسرين .. عفرا: هه ... اصلا اكبر غشاش فاللعبة مروان مروان: نعم نعم ؟ شوووووه عفرا: هيه ... مروان: متى غشيت ان شاء الله ! عفرا: انا اشوفك انته وهزاع تغشون من الصبح .. و احمد وآمنة بعد يغشون .. وسالم وعبدالعزيز ما ادري عنهم عبدالعزيز: انا ما غشيييييييت عفرا: بلى تساعدون بعض هند: صح صح صح هزاع: يالله عاد ... الحين ليش ان اللي ظهرت بنيه قمتن اونه تقولون عنا غشاشين هند: انا ما يخصني ... احمد: بس بس هدوا طارق: بسم الله بلاكم جلبتوها حرب مروان: هاي اللي ما تعرف تلعب .. تقول ان نحن غشينا .. شمسة: بس خلاص .. صخوا صالح: يالله ما شي لعب .. فروا هالاوراق كلها فالزبالة احمد: شوووووووووه ! ... صالح: هههههه هيه تظاربون سالم: اللي يظارب هو اللي ما يلعب ... يالله خالوه عفاري برع عفرا: اصلا بظهر وما بكمل وياكم مروان: احسن عمران: لا حول الله ... خلاص كملوا .. عفرأ: مب لاعبة وياكم .. غشاشين مروان: احسن يوم ما بتلعبين .. اصلا تعرفين انج بتظهرين فالدور اللي عقبه .. قلتي انسحب بكرامتيه .. عفرا: هاها .. ما تظحك اولا .. ثانيا .. يوم ان اللي يلعبون ويايه كلهم غشاشين اكيد بظهر فالدور اللي عقب .. وانتوا كنتوا ناوين تسوون هالشي ثاني: حوووووووووووووووووه ... بس خلاص غاليه: عسب لعبة ! مروان: اصلا انا عادي عندي .. وكول ما احط راسي براس يهال عمر: مروان خلاص مروان: لا تغرك هاي جذه ترمس .. بس رمسة .. تبا تكسر بخاطر اللي يالسين وتظهرني انا الغلطان هزاع: انا ما اقولك اسكت بسسسس .. برقعك الحين بالكرتون هذا مروان :ارقع اختك هزاع: ايه انتي عفاري بتكملين والا ؟! عفرا: لا .. هزاع: خلاص يالله ردوا الاوراق وطلعوا فاكهتين .. هند وعفرا برع طارق: اقولكم ... انا بعد بطلع سلامة: حسدتوا ريليييييي آمنة: بلاج انتي واختج رياييلكن يظهرون وانتن ما شي الا حسدتوا وحسدتوا .. احمد: ع شوه بنحسدهم بالله ! علي: هههههههه عن الغلط سالم: ع الـ 2 سانتيمتر .. نقعت عفرا من الظحك لا ارادي ... ردينا مره ثانية ! ... ذالين علي ع هالـ 2 سانتيمتر .. احمد :امون قومي سيري اطالعي البنيه آمنة: خلها راقده احمد: لا والله ! ولو كانت واعية آمنة: عند امايه ... شمسة: والله حاله .. اييبون عيال ويفرونهم ع اميييييييه آمنة: بس انتي بس .. عفرا: نعتذر عن استقبال أي طفل من صوبج شمسه ... ربيهم في شقتج روحج شمسة: وليش ان شاء الله هزاع: ييبي اوادم لا تييبين وحوش عقب بنربيهم لج سالم: مب جنّيييييي انا ياااااااالس مروان: ههههههه حطيتوا ع الريال عبدالعزيز: احم احم .. اذا كنتوا تبونه يظهر عليه .. ييبوه عند عمّور اخويه بيربيه راشد: بعد واحد شراتك انته ! .. لا شكرا .. هند: هههه ييبوه صوبنا ما عندنا يهال .. هزاع : عسب يظهر خقاق صدق .. مروان: ورافع خشمه ثاني: ومصدق عمره زيادة عن اللزوم الكل صخ يوم خلصوا هزاع + مروان + ثاني ..... عطوا هند فالصميم ... وايد حطوا عليها ... وزيادة عن اللزوم .. نشت هند وسارت داخل .... آمنة: ايه والله عيب عليكم .. هزاع: آسف آسف آسف والله ما قصدت زايد: كيف جذه تقولون جدام البنيه ؟ هي شوه سوت بكم ؟ مروان: نحن كنا نقصد اخوها ما كنا نقصدها هي عمر: لا والله !... كيف يعني كنت تقصد اخوها وتجرحها بهالرمسة مروان: طلعت منا عفويا عمر: مره ثانية .. حاسب ع اللي بتقوله .. قبل ما يظهر منك عفوي مروان: بلاك ياخي كلتنا بقشورنا .. قلنا لك ما كنا نقصد عمر: انتوا دايما ما تقصدون .. لكن عقب شوه ؟ عقب ما تجرحون اللي يالس ثاني: آسف والله ما ادري كيف قلت جذه عبدالعزيز: بس بس حصل خيييييييير .. سالم: انا بسير اييبها الحين .. شمسة: يلس مكانك يلس .. سالم: لا لا ما ارضى انا ... لازم اسير اييبها .. يمكن سبحان الله باجر تسفرني وياها .. احمد: ط هذا بـ شوه يفكر ههههههههههه عمران: صدق متفيج هههه اللي يالسين ظحكوا ع سالم .. ورمسته .. وهو نش ووياه عبدالعزيز .. ساروا داخل ... عبدالعزيز: عموه وين هند ؟ سالم: اين ابنة السفير بو هزاع: ايه يا ولد اصطلب سالم: ما قلت شي انزين بو زايد: ههههههه ليش تبونها ؟ عبدالعزيز: وينها ؟ نبا منها شي ضروري بسرعه عذيجة: فالحجرة الثانية هناك وساروا عبدالعزيز وسالم ... دقوا الباب .. ودخلوا .. عبدالعزيز: اويييييه زعلانه سالم: لا لا هذا الكلام لا يجوز هند ( صدت صوبهم وابتسمت): شوه يايبنكم يا مشاغبين عبدالعزيز: ليش نشيتي ؟ سالم: تعالي بنلعب لعبة ثانية .. هند: كنت بييكم الحين عبدالعزيز: صدق ؟ سالم: يعني ما زعلتي ؟ هند: من شوه ازعل ! ... جيه ياهل عبدالعزيز: احيييييج والله يا بنت عمتييييييه ع هالروح الرياضية سالم: هيييييه ماااااان .. وتساب هند: ههههههه وين يالسين نحن ! سالم: عيل جيه نشيتي ؟ هند: يايه اييب لكم شي حلو .. عبدالعزيز: مثل ؟ هند: شرايكم في هذا وظهرت من شنطتها ... خريطة .. متروسه حلويات .. مصاص ... شتى الانواع ... سالم: يهال نحن ؟! عبدالعزيز: ييبي بنستهبل عليهم سالم: عيل خلني اختار لي واحد حلو ... ييب عبدالعزيز: انا ابا هذا سالم: وانا هذا هند: هههه ودوه حق اللي برع .. عبدالعزيز: تعالي انزين .. سالم: يالله قومي .. هند: لا انا برقد .. تعبت من اليلسة برع .. عفرا( دخلت الحجرة): يالله برع بنرقد عبدالعزيز: ليش دخلتوا ؟ عفرا: ما شي كل حد نش .. اول شي اخوانك نشوا .. وعقب امايه قالت يالله دخلوا ... وابويه بعد سالم: يعني ساروا يرقدون ؟ عفرا: هيه غاليه: سالم وعبدالعزيز .. سيروا سالم امك تباك .. وعبدالعزيز اخوك وعموه يبونك .. سالم: مع السلااااااامة .. عبدالعزيز: تصبحن ع خير ... قسموا الحجر .. ع ان بو زايد و بو هزاع يرقدون في حجرة .. ووياهم صالح وطارق .. وعلي .. وحجرة ام زايد .. وام هزاع ... وسلامة وولدها .. وشمسة .. وحجرة .. عفرا .. وغاليه .. وهند .. وآمنة وبنتها .. ورملة .. وتموا الشباب محتشرين .. زايد: سيروا رقدوا ويا ابويه انزين هزاع: مستحييييييييل ارقد في مكان فيه ابويه ... ثاني: وانا بعد ما استحمل نخير ابويه مروان: اذا انتوا عيالهم ما تستحملون نحن عيل شوه ... انا عادي يعني متعود ع نخير عمران عمران: في عيييييينك احمد :ههههه ترقدون في حجرة وحده مروان: للأسف الشديد ثاني: اونه عمران: ليش ؟ مب عايبنك زايد: طبعا لا .. لانه لو هو ... كيف بياخذ راحته ع النت ثاني: ذكرتوني بلاب توبي .. عبدالعزيز: وين بنرقد ؟ ( وحط راسه ع ريل عمر ) عمر: نش نش .. نسير نرقد راشد: شوفوا .. ما في غير ان نرقد فالميلس .. بتون تعالوا .. ما بتون كيفكم .. وسار راشد .. ولحقه سالم .. زايد: يالله نشوا .. مروان: جنه لاجئين افغانستان عمر: بعد ! مروان: شوف شوف .. ما طريت عمران والله وظحكوا كلهم .. وساروا الميلس .. هزاع: ط هذا والله .. سالم: شوه ؟ احمد: احم احم .. انا حتى عندي سالم: سرقته من خالوه آمنة احمد: احلف ماخذ مال حرمتيه سالم: هي ما تباه .. راقده فوق الشبرية .. شوه تبا في هذا عبدالعزيز: الله انا ابااااااااااااااا زايد: عمر ارقد فوق الشبرية .. عبدالعزيز: والا اقول خلاص .. برقد حذال اخويه احمد: وين بترقد روحه ما شي مكان عبدالعزيز: كيفه والله مشكلته راشد: لو اتم تقوله من اليوم لين باجر .. ما بيسمع رمستك عمر: لا انا برقد تحت .. لان عبدالعزيز بيرقد حذالي .. ما يستوي الاثنين فوق .. ثاني ارقد فوق ثاني: منوه قدييي عمر تنازل لي عن شبريتيه عمر: هههههه حلال عليك سالم: انا عندي شبريتيه الخاصة عمران: انا يايب لي فراش .. زايد: يالله رقدوا وهدوء .. كل واحد فيهم رتب مكانه .. وفراشه .. وبيرقد .. هزاع وثاني ومروان .. رقدوا فوق كل واحد فيهم ع شبرية .. و احمد وسالم .. عندهم شبريتهم المتحركة ع قولتهم .. و عمر وعبدالعزيز وزايد رقدوا ع الارض .. لكن وين بيرقدون والحشرة سالم وياهم اللي يهذرب .. واحمد ومروان وراشد وثاني وهزاع اللي يعلقون .. والباقين يظحكون .. ************* |
الجزء الـ 18 الصبح .. في بيت السفير .. يدوه غريسه: الله ينطب ابليس البشكارة هاي ... يايبتلي اونها ريوق ... هذا ريوق الحين هذا ريوق ......... بدر واقف فوق ... ويطالع يدته كيف تتحرطم تحت .. نزل وفي ايده مجلة ... وتم يتصفحها .. يدوه غريسه: عنبوه ... نازل من فوق قول السلام عليكم بدر: ليش اسلّم ؟ مب كل يوم جنّي اشوفج ؟ يدوه غريسه: الله ياخذ ابليسك ... انا يدتك يالهرم بدر: انزين خلاص ... السلام عليج يدوه غريسه: وعليك السلام .. ما نباه هالسلام .. مالت عليك .. بالغصب الواحد يسلّم في هالبيت بدر: ما سلمنا هزبتينا .. سلمنا هزبتينا ... ما عرفنا لج .. شوه نسوي لج يعني ؟! يدوه غريسه: الله لا اييب اليوم اللي انا احتايك فيه .. والا ابا من جداك شي بدر: الحمدلله .. زين بعد يدوه غريسه: انا ما ابا اسبّك الحين ولا اقولك شي .. ما ابا اييب كلام وصخ ع لساني بدر ... بعد بتسبّين ! ... ولا تفكرين فالموضوع بعد ! ... جنّج من الصبح يالسه تمدحين .. ثرج من تصبحين لين تمسين وانتي تسبين كل اللي فالبيت ... والله حاله .. مشكلة هالعيوز ... يدوه غريسه: وين هند .. ما اتصلتوا بها بدر: وليش نتصل ؟ يدوه غريسه: عنبوكم ما صدقتوا سارت عنكم ؟ بدر: والله هي اللي تبا تسير يدوه غريسه: وانته جيه ما سرت ؟ بدر: انا ما انزل مستواي واسير ويا ناس قحط يدوه غريسه: ويهك القحط بدر: شوووووه ؟ يدوه غريسه: هيه ويهك القحط . عنبوك استح ع ويهك خيّل .. كيف تقول عن هلك . خالتك وخالك قحط ؟! بدر: انا ما اقصد خالتيه .... وخالي انا اقصد عيالهم يدوه غريسه: وجيه قحط ؟ بدر: ما ادري .. يوم بتيلسين وياهم بتعرفين هم ليش قحط يدوه غريسه: والله محد قحط غيرك بدر: اوكيه شكراً يدوه غريسه: قم قم .. قم سر صب لي حليب بدر: انا اصب لج حليب ! يدوه غريسه: وليش ما تصب لي ان شاء الله ! .. بدر: ازقري الخدامه والله تصب لج .. هاللي ناقص بعد ونش بدر من مكانه وسار فوق .. ويدوه غريسه ردت تتحرطم .. صدق انه قحط !! .. سعيد: بقول حق فريد اييب الريوق بدور: وين؟ هني بيدخل ؟! سعيد: هيه .. انتي لابسه شيلتج بدور: لا بسير داخل .. خل يحطه وعقب بظهر سعيد: بدور بدور ( بارتباك ): هلا سعيد: شوه السالفه ؟ بدور: أي سالفة ؟ سعيد: انا من يوم رديت امس ... وانتي ما تبين لا تشوفين فريد .. ولا ان يدخل هني الفلة وانتي موجودة بدور: لا عادي .. ما فيني شي ... بس جذه سعيد: متأكده ؟! بدور: يا اخي ما يحرم لي ... جيه يدخل الفلة وانا موجوده سعيد: انتي بشيلتج ... بدور: حتى ولو سعيد: قبل كان عادي .. الحين ليش لا ؟ بدور: ها ! سعيد: بدور مستوي شي ! بدور .. يا ربي الحين شقول له .. اذا قلت له جذه .. بيقول انا الغلطانة ... وليش طالعه اصلا وهو مب موجود وليش واسئلة وتحقيق ما له اول ولا تالي .. وانا مب ناقصة ... سعيد: بدور ارمسج انا بدور: بقولك بس ع شرط سعيد: قولي الحين بدور: لا اول شي توعدني سعيد: شوه ؟ بدور: تسمعني لين ما اخلص سعيد: شوه مستوي ؟ رمسي ! بدور: امس نسيت مبايلي هني فالصاله ... سعيد: انزين بدور: وظهرت اييبه ... دخل عليه فريد انصدم سعيد .. سعيد: انتي شوه تقولين ؟! بدور: اصبر .. اسمعني .. سعيد: شوه اسمع بعد ؟ بدور: اسمع اسمع ... سعيد: قولي شوووه خلصيني بدور: بس ... انا من شفته ركظت حجرتيه وقفلت البيبان ... ويلست اترياك سعيد: يعني هو ما طلع يوم شافج ؟ بدور: لا .. سعيد ( شهق ): وقف ولا ظهر ؟! بدور: هيه .. سعيد: وانتي بليّا شيلة ! بدور: قلت بييب مبايلي وبرد فما له داعي للشيـ سعيد ( قطع عليها ): انتي غبية والا تتغابين ... كيف تظهرين بدون شيلة هني .. وفي ريال فالبيت .. اصلا جيه ظهرتي من هني بدور: قلت لك نسيت مبايلي برع سعيد: مره ثانية .. يوم انا محد ما اطبين برع القسم ... ان شاء الله شوه ما يكون اللي ناستنه برع بدور: وليش تصرخ عليه انا يعني سعيد: عيل تبيني اصرخ ع منوه ان شاء الله ! .. البشكارة اللي ظاهره جدام فريد والا انتي حرمتيه ؟! بدور: والله هو ما كان له حق يدخل الفلة يوم انته مب هني سعيد: هو يدخل ينظف ويسوي ... انته جيه تظهرين من القسم بدور: هو ليش يتم واقف .. جان صدق مخلص ع قولتكم ... ظهر من الفلة يوم شافني .. مب خلاني انا اربع وايي الحجرة هني ... سكت سعيد وسكتت بدور ... بدور: ما تباني اييب لك ريوق سعيد: لا .. انسدت نفسي بدور: ما تسوى السالفه .. سعيد صد صوب بدور واطالعها بنظرة .. خلتها صدق تخاف منه هالمرة .. كان معصب .. و شكله مب مشتهي أي شي .. لا ياكل ولا يرمس .. ولا حتى يناقش في أي موضوع ... في المزرعة .. من هذربان امس .. و ظحك امس .. وسوالف امس .. ونكت امس .. وتعليقات امس .. طبعا لا احمد .. ولا سالم .. ولا عمران .. ولا مروان .. ولا هزاع .. ولا ثاني .. بينشون هالحزّه .. الا الباجين اللي مب متعودين ع المكان .. فـ بينشون بسرعه شرات راشد .. وعمر .. وزايد .. وعبدالعزيز اللي عمر قومه غصبا عنه ... اما الباقين .. فـ ناشين .. بس آمنة ويا بنتها .. وسلامة ويا ولدها ويالسات فالصاله .. والباقين برع ... عذيجة: طارق تبا حليب طارق: هيه عموه صبي لي زايد: عموه انا بعد ابا ام زايد: زايد وين ثاني ؟ زايد: راقد .. ام زايد: هالولد ما يشبع رقاد .. لا فالبيت ولا هني عفرا: جيه بس ثاني اللي راقد .. كلهم راقدين عذيجة: عبدالعزيز .. عبدالعزييييييييز عمر ( حرك جتف اخوه ): قم غاليه: حرااااااام راقد عبدالعزيز كان حاط راسه ع جتف عمر وراقد ... صدق من الخاطر فيه رقاد .. بو زايد: يوم فيه رقاد .. جيه موعينه ؟ راشد: هههههه عمر موعنه علي: حليله اطاعوه والله مدوخ عمر: خل يتأدب قلت له امس ارقد ارقد .. ولا يرقد بو هزاع: ارحم حاله يا عمر عمر: لا خله ... لو رقد الحين .. فالليل ما بيرقد بعد ... راشد: عبدالعزيز اشرب لك كوب حليب بينشطك عفرا: اوه صدق نحن اونه مسوين نسكافيه .. بسير اييبه غاليه: بيي وياج عذيجة: عفرا وين هند ؟ عفرا: داخل .. ويا أمون وسلامة فالصاله .. آمنة: يعني الاسبوع الياي بعد في سفرة هند: هيه ... بس انا ما ابا اسير سلامة: وين بيسافر ابوج ؟ هند: ما ادري .. تركيا .. يمكن آمنة: سيري .. تركيا حلوة سلامة: هيه سامعه عنها حلوة هند: هي حلوة ... بس بالنسبة لي عادية استوت ... آمنة: وين لو انا منج جان سافرت هند: ههههه تتبادلين الاداور .. سافري وياهم بس خليني ابات في بيت خالوه عذيجة آمنة: ههههههه لا لا ما اقدر .. ريلي وبنتي وين اخليهم هند: وديهم وياج سلامة: لو ع امون تباها من الله ... هند: والله لو تكونون مكاني بتملّن ... سفر .. وكل يوم برع البلاد ... تلوع جبدج .. حتى ان ما يكون عندج ربيعات ثابتات .. تحسين انهم في داخلهم يقولون عنج خقاقه .. او انج شايفه عمرج ... مثل ما استوى امس ... انا ما زعلت من رمستهم .. بالعكس .. توقعتها .. لان الكل يتحسبني خقاقه ... ورافعة خشمي ... بس انا عن نفسي .. والله لو بايدي .. جان ما سافرت ولا بلاد من هالبلدان .. و لو كانت شغلة ابويه عادية فالبلاد افضل لي من انه يكون سفير و كل يوم والثاني ساحبة شنطتيه ورايه ... ومسافرة برع البلاد .. سكتت هند .. ما ردت لا آمنة ولا سلامة عليها .. حسّت صدق ان هند شاله في قلبها هم .. هند: هههه وايد رمست عطشت .. بسير اييب ماي .. آمنة: حليلها .. سلامة: وين عفاري تيي تسمعها آمنة: ههه لو عفاري سمعتها .. جان قالت لها احمدي ربج .. احمدي ربج سلامة: لانها خبله عسب جذه .. آمنة: منوه الخبلة ؟! سلامة: عفاري .. يا رب اييها واحد يادبها آمنة: حرام علييييج سلامة: تستاهل .. عيل حاطين عليه انا حليلي هالكثر .. هي واخوها آمنة: اللي يقول عديلتج ... مب اختج ... سلامة: هيه تتمنى عفاري .. واحد شرات ريلي آمنة: هههههههه حشى .. ما يسوى عليها .. لا تيوزينها ولا تختارين لها .. بييها نصيبها .. روحها ظهر سالم من الحجرة ... آمنة: صباح الخير سالم: وينهم ؟ سلامة: اصبحنا واصبح الملك لله آمنة: برع كلهم برع .. احمد ما نش ؟ سالم: لا .. راقد آمنة: انا عيل بسير برع سلامة: بتودين بنتج ؟ آمنة: هيه .. سلامة: امون حرام عليج آمنة: ملحفتنها عدل .. الجو حلو ... بوديها ... سالم: ييبي انا بشلها سلامة: بيعقها صدقينيييييييي لا تعطينه في ايده سالم: خالوه سلامة اعرف اشلها والله آمنة: ما عليه انا وياه .. يالله تعال نرد عند ربعنا اللي برع ... عفرا: منوه يبا كابتشينوووووووو حصه: صبي كوب حق عبدالعزيز عسب يتنشط سالم : انا انا ابا صبي لي غاليه: نشيت ... سالم: هيه نشيت ... هنقي سنقي برنقي حدد موقعك ... يا عبدالعزيز ... بلاك مدوخ ؟ عبدالعزيز: هذا عمر موعني من وقت ... سالم: محد قالك ترقد حذال اخوك آمنة: ييبها سالم بو زايد: كيف معطيه البنيه في ايد هذا .. سالم: افا يدي عبيد مب واثق فيني بو هزاع: انته محد يثق فيك ... سالم: ما عليه لو عقيتها .. خطيبتي فالمستقبل .. بتكبر وبتنسى آمنة: لا تعقها ولا تكبر وتنسى ييبها .. سالم: ما ابا ما ابا حصه: سالم حرام عليك لا تلعوزها شسمة: ييبها عندي سالم: ما اباااااا عبدالعزيز: اصلا هي بتحبني انا يوم بتكبر .. انته محد بيصد صوبك سالم: بنشوووووووف .. صالح: عطها حق امها بتعقها حصه: ما يسمع الرمسة صالح: ساااالم سالم: ما بعقها والله ما بعقها راشد: ييبها عندي .. سالم: هااااااا .. حطيت عينك عليها راشد: شوه اسوي فيها ؟ اربيها ... ييبها زايد: ههههه والله انك حركات عبدالعزيز: راشد لا تشلها وتحبها ... عقب تكبر .. تكون حرمتيه .. وانته شالنها وبايسنها يوم صغيرة عمر: استح ع ويهك ! سالم: اوه تصدقون ما فكرت في هذا .. اييييه محد يشلها عيل .. للأسف عموه عفاري بتكون خالتيه انا وخالة حرمتيه من الصوبييييين نقعوا من الظحك ع رمسة عبدالعزيز وسالم ... عبدالعزيز وسالم .. ما شاء الله عليهم وع تفكيرهم اللي يفوق سنهم .... في بيت يوسف .. يالس روحه في حجرته .. يذكر ... اللي دار بينه وبين اخوانه .. هذاك اليوم .. طبعا جواهر ما حظرت الجلسة .. لانها كانت مسافرة ... سيف .. وعبيد .. وعذيجة .. يوسف: اذا انتوا تطالبوني بنصيبكم عندكم المحاكم عذيجة: مب نحن اللي ندخل المحاكم يا يوسف يوسف: عيل ما لكم حق عندي بو زايد: لنا حق .. كيف ما لنا بس نحن ما نبا حقنا ... حلال عليك .. لكن حق سيف عطه اياه .. اخوك متوهق يا يوسف لازم تساعده يوسف: قلت له عنده بيتي .. ايي يسكن عندي سيف: يوسف انته شوه تقول .. لو انا رضيت حرمتيه ما بترضى .. بيت شكبره عندها .. تيي تسكن هني .. ما بترتاح يوسف: وليش ما ترتاح .. انا 24 في حجرتيه هني .. والخدم تارسين الفلة ... والحجر وايد تتنقى .. وكل واحد من عيالك له حجرة .. عادي عذيجة: يوسف أي حرمة ما بترضى .. هي لها بيتها سيف: يوسف افهمني .. قدر موقفي ... يوسف: قلت لك ما عندي ولا شي لك سيف: آخر كلام عندك ؟ سيف: انا من قبل قلتها .. ورديت في رايي .. والحين آخر مره اسألك .. هذا آخر كلام عندك ؟ يوسف: هيه سيف: عيل ... شوف .. لا انا ولا حرمتيه .. ولا حتى عيالي يطبون هالبيت مره ثانية .. لو كنا بنبات ع رصيف الشارع ما ييناك هني وظهر سيف من عندهم بو زايد: سيف يا سيف عذيجة: يوسف شوه سويت ؟ يوسف:انا ما سويت شي .. وبعيدن استحوا ع ويوهكم انا اخوكم العود ربيتكم وتعبت عشانكم .. والحين كل واحد من صوب .. يرمسني وكأني اصغر عياله .. ونش يوسف وسار داخل هو الثاني .... عذيجة: شوه نسوي ؟ بو زايد: ما ادري عذيجة: ما في غير نرمس جواهر بو زايد: الا جواهر وريلها ... انا بشوف ... وبحاول اوفر له المبلغ عذيجة: كم بتوفر ؟ وكم بتقدر تيمع ؟ بو زايد: بشوف عاد ... روحي ما ادري عذيجة: انا برمس بو هزاع بو زايد: لا .. لا ترمسينه .. خلي السالفة بينا رواحنا الحين .. عذيجة: كيف ؟ ع الاقل بيساعد بو زايد: استغفر الله .. والله ما ادري شقولج ... سوّد ويوهنا يوسف .. ما يبا يساعد اخوه عذيجة: هو كله حاط في باله ان سارة حرمت سيف هي اللي اونه مترسه راس سيف ايي يطلب نصيبه بو زايد: من حقها الحرمة .. ما تبا تخسر بيتها عذيجة: عاد منوه بيفهم يوسف هالشي ! ومره وحده يدقون الباب ... يوسف: تعال كمال كمال: اييب الريوق؟ يوسف: ييبه .. بسم الله ونش يوسف سار يغسل ايده .. عسب يسير يتريق فالمزرعة .. كلهم نشوا .. واحمد من امس ناوي ينش الصبح .. ويسير يسبّح فالحوض .. وفعلاً سوى اللي في راسه ... والكل تخبّل وياه .. صوب الحوض .. رملة: حراااااام .. ابا اسبّح آمنة: احمد خلها تسبح احمد: يا ويلها لو دخلت الماي .. رملة: افففففف سالم: وه وه وه .. تراااااااب ما خلوج تسبحين شمسة: سالم .. لا تسير صوب الغزير صالح: والله هالولد يباله ظرب عفرا: انته ابوه .. صالح: هههههه عاد ما صدقتي انتي انا قلت جذه .. سالم لا تسير هذاك الصوب شمسة: اففففف يا ربييي .. خبلني زايد: ها عبدالعزيز .. تنشطت الحين ؟ عبدالعزيز: هيه والله .. جان من الصبح قمتوا ويبتوني الحوووووووض عمر: عاد انته ما تصدق .. مروان: ايه دبوووووو سلامة: لقب منوه هذا بعد ... شمسة: يديد فالقايمة مروان: منوه غيرها ام الدويس .. دبه ونحسه .. وخسفة عفرا: ودك انته .. حرمتك الخسفة مروان: يعلج تفدينها عفرا: اتخسي الا هي مروان: هيه مضيعه عموه ترمسين جذه .. وتحطين ع حرمتيه .. عفرا: والله جدامها حتى بقول .. هند: ايه سالم لا ترش ماي .. سالم: اننا نتسبح .. هزاع: ماتت اللغة الام .. مروان: لغتنا العربية تستغييييييييث فهل من مغيييييث احمد: انتوا بس الله يخليكم اطالعوا ثاني وعلي .. ثاني: شوه فيناااااااااااااا مروان: مصدقين عمارهم .. السباحين الماهرين .. سيروا الاولمبيات بعد علي: ههههه جان سرنا بنغلبهم كلهم حصه: بعد بتحسدون ريليييييي مروان: اففففف بدينا .. عبدالعزيز: اقول بنسوي سباق يالله سالم: يالله يالله .. ظهروا كلهم من الحوض .. واصطفوا ... عبدالعزيز .. سالم .. احمد .. مروان .. ثاني .. هزاع .. علي .. طارق وعمر وزايد وصالح يالسين يطالعونهم .. والحريم والبنات .. كل وحده فيهن تشجع حد .. هند: انا انا بعد مروان: الاخت متخصصه .. كل ما سوينا سباق هي تعد عايبتنها السالفة هند: ههههههه لا مب جذه .. بس دام اني ما بشترك وياكم .. فـ بعد لكم .. رملة: لا لا انا .. الله يخليج هند: هههه انزين يالله عدّي عبدالعزيز: يالله تراب بتغش عمران : في شوه بتغش البنيه يعني ؟ راشد: الا هو 1 2 3 سالم: لا لا ما نباها علي: ع كيفكم جنه احمد: انته وهو .. ايييييه .. اصطلبوا .. ثركم وايد حاطين ع اختيه من امس .. تأدبوا احسن لكم مروان: اشتغلوا محامين الدفاااااااااع ههااااااااي صالح: صباح الخير ... توك تدري ان اختك ويانا هني عفرا: يتأدبون .. من امس حاطين ع البنيه صدق هزاع: والله اخوها ساااااكت احمد: ثرني رمست الحين طارق: ع قولت صالح صباح الخير مروان: قصدك ظهر الخير الحين بيأذن .. ياللللللللله عدي عبدالعزيز: تعالوا صدق ... انا كيف نسيت عمر: شوه نسيت ؟ عبدالعزيز: هاي تراب تستوي عمة بنت امون واحمد .. وع وع وع .. يعني عمت حرمتيه المستقبلية سالم: اوييييييه انا بعد نسيت زايد: هههههههههههه صدق انكم حركاااااااااااااااااااات آمنة: انته وهو .. بنتي ما بتاخذكم عبدالعزيز: هي الخسرانه عمران: رملة عدي عدي رملة: واااااااااااااااحد .. اثنيييييييييييييييييين عبدالعزيز: صبري صبري .. رملة: شوه ؟ عبدالعزيز: باخذ نفس رملة: سخيف ... خربت عليه طارق: خلوا البنيه تعد .. رملة: 1 2 3 وتسابقوا ... وهم فالسباق .. مروان ير ريل سالم .. وسالم ير ريل احمد .. واحمد ير ريل عبدالعزيز .. وعبدالعزيز عفد ع علي .. و اللي فاز طارق ... حصه: ويه ويه .... ذبحوووووووه ذبحوووووووووه آمنة: اييييييييييييييه ريلي ... راشد: اخوانييييييييي عفرا: ههاااااااااااااااااااااااااااااي ... غرقوا كلهم سالم ( ظهر ) : غشاشيييييين ... انته كله منك مروان: هههههههههههههههههههه رملة: احسن تتادبون عبدالعزيز: احمد جيه غرقتنييييييييييييي احمد: والله ربيعك هكونا متاتا ... ير ريلي ... تبا تغلبني عيل مروان : لحظة لحظة .... وسار صوب طارق ... وحط ايده ع راسه .. وتم يقرا !! عمران: هههههه مروان عن الاستهبال طارق: هههههههه عن الاستعباط قم عني ... هند: هههههه جنه فيه ينّي .. عمر: مروان هد الريال عاد زايد: ط شكل طارق هههههههه مروان: اطالعوا شكل حرمت طارق قبل سلامة .. صدق عايشه الموقف ... ان حسدوا ريلها .... عسب انه فاز ... طارق: هههه يالسخيف حرمتيه رقيقة ... ما تتحمل يعني ان يصيبني مكروه سلامة: هيه والله ... سالم: واااااااااااااااااااااااء اونه استاذ لغة عربية ثاني: اصلا انا كنت بفوز .. بس انتوا غشيتوا عبدالعزيز: هذا احمد ير ريلييييي احمد: ذليتني يا اخيييييي .. عمر: عبدالعزيز يالله خلاص .. عبدالعزيز: ليش؟ عمر: بس قلت لك عبدالعزيز: عمّور بس شويه الله يخليك .. زايد: عمر خلّه كلهم يسبحون عمر: لا .. بسّه .. ما فيه يمرض علي عقب بعد عبدالعزيز: الله احلى شي .. عقب بدلعني شرات ما دلعت مروانووو مروان: هـــه ع هالكم يوم اللي مرضنا فيه حسدونا بعد ثاني: انتوا بلاكم ؟ من اول ما يينا وانتوا حسد وحسد ... مروان: خوات هزاع .. علمونا هزاع: احم ... حد طراني عفرا: قالوا خوات هزاع .. بس الحمدلله انا بعدني ما معرسه ... يعني ما طريتوني .. لاني مب خبلة وكل دقيقة حسدوا وحسدوا ( ورن مبايلها ) ... هيه هني .. انزين الحين بقولها ......... هند امايه تقول تعالي تباج زايد: عفرا وين غاليه اختيه ؟ عفرا: فالفلة اكيد .. عند الشياب ... ثرها عيوز ثاني: لو سمحتي ... عن الغلط ع اختيه عفرا: السموحه السموحه نسيت انك هني مروان: اوووووونه عاد ثاني .. اوووووونه عمر: راشد وين ساير ؟ راشد: الحين بيي ... فالدرب لين الفلة .. هند تمشي بتسير تشوف خالتها شوه تبا .... وسمعت حد يزقرها ووقفت .. صدت ورا .. وشافته .... وصل لين عندها الحين ما يعرف كيف يبدأ ... هند تمت تطالعه وساكته ... وهو بعد ساكت .. هند: نعم .. راشد: اممم .. لا .. بس .. بغيت اقولج هند: هيه ؟! راشد: اممم .. عن شي هند: وشوه هو هالشي ؟ راشد: امس يوم حطيت عليج فالمطبخ ما كان له داعي ... وادري اني غلطان .. وانا روحي ما ادري ليش قلت لج هالرمسة فـ انا آسف .. واسمحي لي .. هند تمت تطالعه شوي .. وراشد قااافط ومنزل راسه .... هند( ابتسمت ): مسموح .. وحصل خير .. رفع راشد راسه .. مب مصدق .. هو كان مستعد لاي كلمة تجرحه اكثر من هند .. ولا توقع ان ردة فعلها بتكون جذه ... كلها ادب واخلاق ... ومبتسمه ... راشد: صدق؟ مب ماخذه في خاطرج عليه هند: يمكن امس شويه .. بس عادي .. راشد: مشكوووووووورة هند: على ؟ راشد: انج تقبلتي اعتذاري .. هند: العفو .. ابتسم راشد ... ومشت عن هند .. وهند كملت طريجها سايرة عند خالتها ... رن مبايل عمر .... عمر: الو ... هلا سعيد سعيد: اهلين عمر .. شحالك ؟ شخبارك ؟ عمر: الحمدلله بخير .. انته شحالك ؟ سعيد: الحمدلله ... وشحال الربع عمر: الحمدلله كلنا بخير .... سعيد: يالله متى بتردون ؟ عمر: ههههههه شوه مليت سعيد: شكلها يازت لكم اليلسه هناك عمر: تبا الصراحه .. والله حلو وكشخه .. تمنيتك لو ويانا سعيد: يالله المره اليايه ان شاء الله عمر: ان شاء الله ... سعيد: متى بتردون ؟ عمر: ما ادري بعدهم يالسين .. سعيد: انتوا قلتوا يوم واحد عمر: ههههه لا تخاف بنرد اليوم ان شاء الله ... حتى لو هم بغوا ييلسون نحن بنرد .. ما اقدر اصبر يا اخي ما شايفنك من امس سعيد: اونه عن العيارة .... جييييييه عبدالعزيز ! عمر: هههههه سعيد يالسخيف استويت شرا راشد ومروان وعمران يوم يغارون من عبدالعزيز سعيد: لا طبعا انا اعقل عن هالخبايل .. وواثق بغلاتي عندك عمر: يا عيني ع الثقه ههههههه سعيد: وجيه يعني عمر: شوه فيك ؟ سعيد: ما فيني شي .. عمر: سعيد صدق !! انا حاس ان فيك شي سعيد: عمر متضايق شويه عمر: شوه مستوي ؟ سعيد: يوم بترد بخبرك عمر: سعيد .. مستوي شي جايد وعود ؟! سعيد: عمر خلاص قلت لك يوم بترد عمر: انزين .. خلاص ع راحتك سعيد: بخليك الحين .. مع السلامه عمر: اوكيه ...فمان الله صالح : يالله شباب رياييل حريم بنات .. بسكم يلسه هني .. نسير الفلة .. بسكم سبوح شمسة: سالم يالله اظهر .. سالم: هو ما زقرنا عفرا: شوه تباه يقولك ؟ الشيخ سالم ؟ عبدالعزيز: لا لا .. صاحب السمو الشيخ سالم هزاع: هيه مرّه يحلم هو بعد يستوي صاحب السمو اونه احمد: ههههههههه حليله .. صالح: يالله سالم سالم: انته ما زقرتناااااااااااااااااااااا ما حددت نحن من أي فئة .. شباب والا رياييل عبدالعزيز: ونحن لا من الشباب ولا من الرياييل سالم: نحن اطفال .. عفرا: هاهاها .. لا الله يخليكم انتوا الاثنين .. ما اقدر اظحك راشد: انتوا اطفااااال !! ... عمران: هههههههههههه .. الله يرحم اطفال العالم عيل كلهم سالم: هنقي سنقي برنقي .... حدد موقعك .. نحن من أي فئة ؟! مروان: فئة الوحوش الاليفة ... يالله اطلع حصة: علي يالله مروان: لا والله ! حلفي عاد ! سلامة: هههههههههه حلوة حصة: هههههه هيه كل واحد يزقر حرمته ... وكل وحده تزقر ريلها .. مروان: واللي مب معرس آمنة: يختار له في 3 بنات مب معرسات مروان: وع وع وع عفرا: ماااااااالت مروان: عرفتي عمرج عفرا: هــــه .. تتمنى مروان:قالوا لج مينون ! آمنة: بس خلاااااااااااااااااااااااااااااااااااااااااااص .. جملة وسحبناها وبعد مره ثانية ما بنقولها .. بس صخوا مروان: والله اختج هزاع: قالوا لكم بس ونشوا كلهم سايرين صوب الفلة ... يسبحون ... ويتلبسون ... ويصلون و يتغدون .. في بيت السفير ... يدوه غريسه يالسه روحها فالصاله .. يت جواهر ... جواهر: عموه يدوه غريسه: خير جواهر: اقولهم يحطون لج الغدا الحين ؟ يدوه غريسه: وانتوا ما بتتغدون ؟ جواهر: بو بدر الحين ما بيرد .... وبدر محّد ... وانا ما ابا يدوه غريسه: وجيه ان شاء الله ما تبين ؟ جواهر: عموه مب مشتهية اتغدى يدوه غريسه: حليلها الا هند كانت تتغدى ويايه ... وينها متى بترد ؟ جواهر: اليو مان شاء الله يدوه غريسه: متى ؟ جواهر: ما ادري يدوه غريسه: عيل عن شوه تدرين يا حرمة .. بنتج هاي .. ضناج ما تدريبها من يومين جواهر: اختيه عذيجة وياها ... واخويه ... وانا اتصلت بها مساعه ... بس هي شدراها متى بترد ؟ متى ما هم يردون هي بترد يدوه غريسه: مبردج انتي وولدج وريلج فوقكم جواهر: الحين ما قلتي لي تبين الغدا والا ؟ يدوه غريسه: قولي لهم اييبون لي الغدا .. عيل ما تبين تغديني عسب اموت وتفتكون ! جواهر ( تنهّدت): ان شاء الله الحين بسير حجرتيه وبتصل المطبخ اقولهم اييبون لج الغدا لـ هني .. اسمحي لي بسير ارقد شويه .. ونشت جواهر بسرعه سارت حجرتها .. جواهر .. لا اله الا الله ... الله اكبر عليها من عمه ... سايرة لها واقولها ما تبين غدا ؟ وآخر شي تقول بتجتلوني !! ... خل اتصل في بدر اشوفه وينه ... ومسكت مبايلها واتصلت في بدر ... بدر: هلا بـ القلب جواهر: عن الطفاسة بدر: اتغزل في اميه حرام ؟ جواهر: وينك ؟ بدر: انا !! ... ام بدر متصله في بدر تسأله وينه جواهر: ليش حبيبي ؟ وجيه ما اتصل ؟ بدر: ما ادري ... شوه طاري عليج اليوم جواهر: تولهت عليك حرام ؟ بدر: ههااااي حلوة منج .. توج امس فالليل شايفتني جواهر: واااايد عليك بدر: وما تولهتي ع هنّود ؟ جواهر: بلى .. فديت روحها وكيف ما اتوله عليها .. بدر: متى بترد ؟ جواهر: ما ادري ... بدر: وع .. كيف مستحملة اللي وياها يومين جواهر: بدر !! بدر: خلاص خلاص .. بسكت ... خوالي وخالاتي .. وعيالهم وهلك وووو .. شكرأً على هالنسب اللي يشرف .. الحين تبين شي ؟ جواهر: صدق انا اللي ما عندي سالفة متصله بك بدر: لا لا والله خلاص الغاليه .. بنسكت ... جواهر: يالله انزين فمان الله بدر: زعلتي ؟! جواهر: لا لا ... بس بتصل في هنّوده اشوفها متى بترد بدر: عيل خلاص .. مع السلامه ... في بيت ام فهد ... سعيد و بدور ساروا حق الغدا بيت اهل بدور .. فالصاله ... سعيد وبدور يالسين ... سعيد: انتي بتمين هني ؟ بدور: ليش تسأل ؟ شكلك الا تبا ترد سعيد: هيه انا برد البيت .. بدرو: جيه ان شاء الله ؟ سعيد: بسير البيت ارقد شويه ... بدور: الحين بيأذن العصر ... سعيد: ما باقي شي انزين وانا طالع بسير المسيد بصلي وبرد البيت بدور: انزين رد هني وارقد فالميلس سعيد: ما احب ارقد برع البيت .. بدور: عيل وانته مدوّخ بتسوق سعيد: عادي ... واخواني بيردون بدور: اها .. قول جذه .. اخوانك بيردون .. امممم متى ؟ سعيد: ما ادري .. بس العصر او المغرب بيكونون هني بدور: عيل سر توكّل ع الله .. سعيد: ما بتين ؟ بدور: لا سعيد: بسير اقول حق فريد يسوي لهم عشا بعد .. بدور ( تنهدت) : سر .. انا بتم هني سعيد: فمان الله .. بدور: مع السلامه .. وظهر سعيد ساير المسيد وعقب بيسير البيت ... وديمة نازلة من فوق وديمة: وين سار سعيد ؟ بدور: بيرد البيت وديمة : آآآآآه زين .. احسن .. ( وعقت الشيلة ) بدور: ما صدقتي يعني وديمة: لا مب جذه .. بس تدري بي ما احب الف الشيلة وانا آكل .. وبعدين شعري خل يتنفس بدور: الله والشعر اللي يشوفج يقول مول يزحف ع الارض وديمة: جان زين لو يخلوني اقصه بدور: قصيه عسب فهد يقص راسج وديمة: افففف ويا هالـ فهد .. الصراحه يقهر . خل يعرس ويتحكم في حرمته بدور: لا تحشين في اخويه وديمة: اووووووووونه عاد بدور: ودّوم .. بقولج شي وديمة: شوه ؟ بدور: هذاك اليوم ... امس سعيد حوّطني فالفلة بكبرها وديمة: واخيييييييرا .. كلولولولولويييييي بالمبارك بدور: الصراحه ديكور يخبّل .. وديمة: اونه ... وسرتي الحجر كلها بعد ؟ بدور: هيه دخلني كل الحجر .. حتى حجرته اللي كان مشاركنه فيها اخوه قبل ما ياخذني وديمة: اونه هههاااااااااي حلوة .. انزين بس اكيد احلى حجرة حجرتج اللي انتي الحين يالسه فيها بدور: يا ريت ... ويين يا حسرة .. فوق كان في حجرة وايد غاوية وحلوة .. سألته مالت منوه ؟ قال مات عمر وعبدالعزيز اخوه وديمة: عمر اخوه العود ؟ بدور: هيه .. وديمة: انزين بدور: لكن شفت الحجرة اللي تحت .. يا ودّوم .. بس تسد النظرة فيها .. تخبّل تخبّل .. ديكور واثاث وووو كل شي راقي ومن الزيييين وديمة: تحت ؟ بدور: هيه وديمة: جيه ما خذتيها عيل ؟ بدور: حجرة امه وابوه وديمة: هييييييييييييييه بدور: بس ما عليج .. انا حطيتها هني ( واشرت ع مخها) وديمة: شوه قصدج ؟ بدور: يعني اباها وديمة ( فتحت عيونها ع الاخير): تخبلتي انتي مينونه ؟ تبين تقولين حق سعيد انج تاخذين حجرة امه وابوه ؟ بدور: وشوه فيها ؟ وديمة: يا غبية عندج قسم بكبره شوه تبين ؟ بدور: اقولج الحجرة هاي اكبر عن حجرتيه اللي يالسه فيها واكبر عن الصاله اللي جنها صندقه ! وديمة: شكلها وايد عوده بدور: هيه وديمة: بس ما اعتقد سعيد بيوافق بدور: لا حبيبتيه .. بيوافق .. وانا اللي بقنعه وديمة: واذا ما وافق بدور: عاد ذيج الحزة يا حبيبتيه .. يظهرني في بيت بروحي وديمة: بعد رديتي ع سالفة البيت ؟ بدور: وجيه انا نسيتها عسب ارد لها ؟! وديمة: بدور انتي اللي وافقتي تسكنين ويا سعيد في بيت ابوه وويا اخوانه قبل ما ياخذج بدور: لكن مب معناته اني اعيش هناك طول عمريه وديمة: هو قالج يوم ظروفه تتحسن .. بيفكر في هالشي .. وهو فالاساس .. يالس يجاهد عسب يلبي لج كل شي بدور: والله كيفه .. محد قاله ايي ياخذني . يوم انه ما يقدر ع مصاريف حرمه وحده بس .. كيف باجر بيقدر ع مصاريف عيال .. وديمة: انتي شكلج ... مب ناويه ع خير بدور: اقولج .. سكتي ما باقي الا اليهال بعد يدخلون في حياتي وديمة: انتي ييتي رمستيني بدور: ما عندي سالفه وديمة: احسن .. و لفت وديمة عن بدور وتمت تجلب فالقنوات .. اما بدور زخت لها مجلة من المجلات وتمت تصفحها ... هند ... لا ويهي مستحيل .. توني انتبه ... يا ربي .. نسيت احط الكريم ... ابويه بيذبحني .. امايه بتهزبني .. بدر ما بيقصّر بعد ... بس الحين المهم مب بدر .. ابويه لو شافني جذه .. بيحرّم مره ثانية يخليني اطلع وياهم ... هو يالله اقتنع بهالطلعه .. وين وين الكريم ... هذووووووو حصلته .. هند كانت فالحجرة .. وفي هاليومين لهت عن نفسها .. وعن نصايح امها طبعا ... وهي بشرتها من النوع الحساسه .. فاسمرت شويه ... الحين السمارة عادي! .. بتقول لهم الجو وجذه ومزرعه فلازم يعني لونها يتغير وبيرد ... لكن بدا جلدها يتقشّر ... تمت تفرك ايدها وويها وريلها بالكريم .. دخلت عليها غاليه ... غاليه: شوه تسوين ؟ هند ( شوي وبتصيح): جلدي .. جلدييييي غاليه: بلاج ؟ ( ومسكت ايدها ) ... شوه هذا ؟ ليش جذه ؟ هند: فيني حساسيه ... نسيت احط الكريم امس واليوم بعد ... وبدا جلدي البايخ يتقشّر غاليه: اويه هند: يا ويلي من ابويه .. يا ويلي من امايه غاليه: بس ما اعتقد بيتم .. اكيد بيرد مثل ما كان صح هند: هيه اكيد .. لكن يباله يومين ثلاث ... او اكثر غاليه: بس ما عليه .. هند: هو ما عليه .. انا عادي عندي ... لو يتم جذه كم اسبوع عادي .. لكن ابويه الحين شقول له ... بالغصب مقتنع اني ايي وياكم بعد انسى الكريم ... بيجتلني ووصلت عفرا ... عفرا: بسم الله .. شوه تسوّن ؟ غاليه: هند حليلها فيها حساسية وناسية تحط الكريم .. وبدا جلدها يتقشر عفرا: اويه ... بس بيرد صح غاليه: تقول هيه .. بس لو ابوها شافها بيعصب هند: انقذووونييييي عفرا: ويه بسم الله بلاج تصرخين .. هند ( وقفت جدام المنظرة ): كيف اسير اجابل ابويه جذه .. والا امد ايدي اسلم عليها .. اوايهه ! .. اخاشمه ... لااااا عفرا: ههههه هند تظحكييين غاليه: حرام عليج عفااااااري عفرا: والله شوفيها شوه تسوي ... هند: لو تعلمين بالمصيبة التي انا فيها يا اختاه غاليه: هههههه تعلمتي من عزوز وسالم عفرا: ههههههه بس بس ما اقدر .. هند: لا تدرون شوه بسوي .. اول ما بوصل .. بسير حجرتيه .. بقفل الباب .. اوني راقده ... لين باجر غاليه: ولو يو دقوا الباب هند: ما بفتح بقولهم باجر اني كنت مرهقه وراقده عفرا: خيبة ... اصحاب الكهف رقود وانا ما ادري هند: شسوي والله .. لو شافوني جذه بيطيحون فيه طيحه غاليه: هند ما كملتي الجامعة ؟ هند: لا عفرا: ليش ؟ مع ان يبين عليج شاطرة ما شاء الله هند: شاطرة ع الفاضي ... خلصت الثانوية ويبت نسبة .. بس ما كملت عفرا: ليش ؟ هند: لاني ابا اكمل في جامعة من جامعات البلاد .. غاليه: وليش ما كملتي ؟ هند: ابويه يباني اكمل برّع البلاد ... ومصر ... ويفضّل ع قولته لو اكمل في كندا .. عفرا: اونه ووين بتيلسين ان شاء الله في كندا ؟ هند: عمي هناك ... فـ يقولي سيري كملي دراستج هناك ويلسي عند عمج وكل اجازة بقص لج تذكرة تيينا .. سواء كنا في البلاد .. او برع ... بقص لج تذكرة تيينا البلد اللي نحن فيها عفرا: ويييييييييييييييييه سالفة هاي ... غاليه: وليش يعني جامعات البلاد بلاها ؟ هند: ع قولته .. جامعات البلاد شهاداتها .. اونه شهادات ثانوية عامه وما يعترف بها عفرا: لا والله ! . حلفي عاد ! هند ( ابتسمت ): مب انا اللي اقول .. هو اللي يقول .. ولو عليه انا جان والله كملت فالبلاد ... انا ما احب اسافر وايد خلاص مليت ... كل يوم سفر وكل يوم بلاد .. تحسين انج مب مستقرة ولا مرتاحه ... غاليه ( ابتسمت ): كملي حطي الكريم ع ويهج هند: اوه ذكرتيني ... خل اكمّل صدق .. ( وصدت صوب المنظرة مره ثانية )... آآآآه ويهي لاااااا عفرا: هههههههه تخبلت خلاص ... سالم: هدوووووووووووء عندي اقتراح ... ام هزاع: محد يبا يسمع اقتراحك سالم: افااااااا احمد: هههههه وييييييه قفطوه ... سالم: عادي عادي بالرغم من ان جدتي العجوز قفطتني ولكن سأقول الاقتراح ام هزاع: عيز حيل امك وابوك قول آمين صالح: عمووووه قوية .. طارق: هههههه حليلك يا صالح دوم تاكلها ام هزاع: عيل هذا ولد مظهرينه ام زايد: ههه حليله يتغشمر ام هزاع: غشمرته ما نتقبلها سالم: كنت بقول اقترااااح سلامة: قول قول .. سمعنا سالم: شكرا خالوه سلامة ام ربيعي مروان: يالله قول سالم: شرايكم نبات لين باجر بو هزاع: وانا اقول .. شرايكم تنشون بسرعه و كل واحد يلم اغراضه وبنسير عبدالعزيز : لااااا عمييييي بو هزاع: ورانا درب ... عمر: هيه نسير .. مروان: عاد عمر ما صدق زايد: واحد منكم في البيت لازم يرد يطمن عليه مروان: الا قول اشتاق حق القطو .. وابو القطو احمد: منوه القطو ومنوه ابوه ؟ مروان: سعيد وفريد ... علي: ههههه الله ياخذ عدوك ... شمسة: ليش يعني قطاوة ؟ مروان: ثر عيون سعيد شرا عيون عبدالعزيز والقطوة اللي داخل بعد ... فـ يمكن هم عيال فريد .. وفريد حليله مخلينه يشتغل بشكار في بيتنا ام هزاع: مروااااانووووو يالمعرس عن الرمسة الزايدة مروان: يعني عموه تصدقين عيل انتي فريد من يوم عمر صغير وهو في بيتنا ام هزاع: عادي .. امين الريال ومخلص عمران: اصلا لو تقولون بنغير فريد انا ما بوافق عمر: ما ينغيره عسب توافق والا راشد: شوه اونه تغيرونه ! ... احمد: ويه ويه .. لهالردجة هالفريد تحبونه راشد: هههههه والله فنان فريد حليله .. اشتقت له ام هزاع: الحين سيروا بتشوفون البيت فوق تحت ويا بو زايد .. بو زايد: يالله نشوا مروان: وين ثاني ؟ بو زايد: ثاني وهزاع كانوا يرتبون ويايه الاغراض .. الخضرة والفواكة زايد: غرييييبة اول مره علي: حليله ادبوه هالمره .. آمنة: خل اسير عيل اخلي الاغراض فالسيارة احمد: آمنة وين رملة ؟ آمنة: رملة راقده داخل .. احمد: سيري وعيها يالله طارق: سلامة لا تنسين اغراض الولد .. سلامة: ان شاء الله حصه: علي حطيت الاغراض فالسيارة ؟ علي: لا .. ما يبتي شي مروان: اللي يتأخر بنودره حصه: محد قالك اتريانا ههههههه مروان: لا لا ما بنودرج انتي ... بنودر ريلج روحه هني علي: اللي بيخليك تشل حرمتيه .. وانا لا حصه: انا ما اودّر ريلي .. لازم يكون ويايه مروان: عيل تمي هني وياه .. جابلوا بعد وركبوا ناقة من الناقات ... وسووا جولة استكشافية ... فمان الله نقع علي من الظحك ع رمسة حصه ... والكل نش عسب يسير يزهب اغراضه .. ويتحركون رادين كل واحد لـ بيته عيسى: ناعمه .. ناعممه .. ناعمووووووه ناعمه: شوه شوه ؟ عيسى: احمد اتصل يقول رادين ... رتبي حجرة رملة وحجرتهم ناعمه: لا والله ! عيسى: يعني ما تدرين ان آمنة ما تحب البشكارة تسير فوق ترتب حجرتها ... ناعمه: اصلا الحجرة رتبة .. ورملة من يوم سارت والخدامة نظفت الحجرة .. وبعدين جيه كم يوم هم محد ؟ الا امس واليوم الحين بيردون عيسى: والله اشتقت حق ميثانييييييي ناعمه: فديت روحها ... عيسى: الحين رملة بترد وبتم تهذرب فوق روسنا ناعمه: انا بسير اقول حق الخدامة تسوي العشا من الحين عيل عيسى: سيري الله يخليج .. خل تزهب من الحين ما فينا ع حشرة رملة ناعمه: بترد .. بتم تقول يوعانه ويوعانه عيسى: بتستهبل مب يوعانه ناعمه: خل اسير اشغل المكيف مال حجرتها عيسى: بررررد الممر ... ناعمه: بترد بتقول حر عيسى: وامايه الحين راقده ... وين بتخلينها تثلج .. ناعمه: عيل بشغله عقب نص ساعه .. عيسى: اللي يسمعنا يقول رملة الحين راده من السفر .. ناعمه: ههههههه شوه نسوي .. مسويه لنا فلم مكسيكي هالبنيه فالبيت ناعمه: قصدك فلم رعب عيسى: في عينها رعب ... والله مب خوفا منها نسوي اللي تبغيه .. بس لانها حشرة .. ناعمه: هي من ناحية حشرة .. فـ هي حشرة .. عيسى: ناعمه ولد عمي بعد امس رمسني ناعمه: افففف هذا شوه يبا عيسى: انا قلت له .. اونه يمكن غيرت رايها ناعمه: هذا يباله احمد ... مصخها خلاص قلنا ما نباه عيسى ( بدا يستهبل): حليله شوه فيه ؟وافقي عليه ناعمه: ما فيه شي بس دمه ثجيل شويه شويه بسسس عيسى: ههههههههه ما يسوى عليه ناعمه: محد قاله ... الناس يردون يقفطون هذا ابد ولا يحس عيسى: والله انتي واخوج كييفكم ناعمه: طبعا كيفنا ... فالسيارة .... سالم وعبدالعزيز وعمران وزايد ركبوا ويا عمر .. اما الباقين فـ توزعوا ... زايد: عمران وين مقدم اوراقك الحين ؟ عمران: قدمت التقنية بس ما ابا زايد: عيل وين تبا ؟ عمر: يبا الشرطة وانا مستحيل اخليه يسير الشرطة عمران: عمر انزين ليش؟ سالم: اونه تبا تستوي شرطي عبدالعزيز: كشخه صح سالم: هيه والله فننننن زايد: ليش ما تخليه عمر ؟ عمر: كيف يسير الشرطة عمران: كيف يعني اسير ؟ مثل ما كل الشباب سايرين عمر: الشرطة الدورة مالتهم 4 شهور ... عمران:انزين وشوه فيها زايد: عمر خله دام انه يبا ... ونسبته تساعد ... عمران: انا تقنية ما ابا ... عمر: التقنية احسن .. عمران: ما اباها زايد: انزين قدم أي جامعة ثانية عمر: اقوله قدم الشارجه .. الامريكية اللي تبا .. انا بتكفل بمصاريفك يقولي ما ابا عبدالعزيز: منوه قد يقولون لك الامريكية ... وما تبا عمران: انا مب مرتاح للجامعات والكليات ولا ابا اكمل دراسة ابا الشرطة سالم: احمد ربك حد معبرنك بعد عمران: هههههههههه ليش ؟ متعقد الاخ محد يعبره سالم :لا لا انا وحيد امي وابويه ... أي مكان ابا بدرس فيه عبدالعزيز: لا تصدق عمرك ... عادي امك باجر تييب لك اخو والا اخت سالم: حتى ولو .. بكون اكبر واحد ... زايد: هههههه الله ع الوثوق ... سالم: لازم لازم .. دام اني ولد صالح .. عمر: سالم جيه ما تيي بيتنا ؟ سالم: انتوا جيه ما تييون بيت يدي عمر: انته تعال هناك احسن ... عبدالعزيز( يهمس في اذن سالم) : لا لا قوله انته تعال سالم: هيه انته جيه ما تيي عمران: هههههههههههه عبدالعزيز يلقن سالم الكلام زايد: معروفه حركاتهم ومكشوفة ... سالم: صلة الارحام لازم عمر: خلاص يا بوي لا تيي بيتنا ولا شي .. ههه بس لا تقترح اقتراحات ما تستوي في سيارة هزاع .. هند تعودت عليهم ... ففي الرده ام هزاع سارت ركبت وين ريلها ركب وويا سلامة .. اما عفرا وهند ويا هزاع ومروان ... هزاع: اصلا بعدهم ما نزلوا الجداول مروان: اففف مب متفيج ابدا ... اداوم هزاع: ولا انا عفرا: يلسوا فالبيت مروان: هيه شراتج .. وشرات ربيعتج هند: هـــه .. كل واحد يرمس عن عمره ... وشوه يريحه عفرا: هيه والله ... هزاع: عفاري عفرا: شوه ؟ هزاع: شوفي الخضرا اللي حاطينها ورا عفرا: شوه اشوف فيها ؟ مروان: ويييوووو خيسوا موتره ههااااااي هزاع: هيه والله ... اول ما ارد بخلي فريد يغسله حقي مروان: وليش ان شاء الله فريد ؟ يشتغل عند ابوك هو هزاع: والله ولد فريد راكب ويايه مروان: ها ها ها ما يظحك . مشكلتك والله خل سايقكم وبشاكيركم ينظفون لك الموتر هزاع: بل ... خلاص ما نبا فريد يغسلها حقنا مروان: ومنوه قال اصلا ان فريد بيغسلها هند: الحين منوه هذا فريد ؟ عفرا: هذا اللي يشتغل في بيت قوم مروان مروان: والله حليله فريد ... اشتقنا له هند: انا بعد اشتقت حق بشكارتنا ميري هزاع: الناس يشتاقون حق افراد مهمين وهالاثنين !! مروان: مب ع فريد ها هند: هيه والله حليلها ميري .. يوم برد اسمي بتستانس مروان: جيه ما يبتيها وياج ؟ هند: وين اييبها !! ... جيه وين سايرة انا . هو لو ع ابويه قال انها تسير ويايه بس انا ما طعت عفرا: اونه !! .. ليش مروان: الحرس الحرس مالها ... هند: شوه نسوي قوانين ونظم ما لها اول ولا تالي في بيتنا مروان: اخوج جيه ما يا؟ هند: منوه بدر ؟ مروان: عندج اخو غيره ؟ هند: لا .. يا ريت لو عندي اخو غير بدر هزاع: لا الله يخليج .. بس يكفينا بدر مروان: بعد اذا واحد ثاني شرات بدر .. بنتحر انا عفرا: ايه انتوا !! عفرا رمست ع اساس ان مب جنه اخوها وولد خالها حطوا ع اخو هند وهند يالسه بينهم ؟! هند: انا ادري انكم ما تتوالفون وياه ولا هو يتوالف وياكم ... وهو صح انه خقاق .. بس والله طيب .. مروان: وييييين الطيبة ما ادل طريج اخوج ! هزاع: مروان بس بس هند: خله يرمس .. عادي ( وابتسمت) ... ما قال شي .. ولا غلط ع بدر ... بدر هو اللي مسوي في عمره جذه .. بس لو سمحت شوي شوي .. ومب تغلط فالرمسة ... ثرني موجوده ههههه مروان :اميييييه زغت عفرا: غيروا غيروا السالفه ... هزاع: انا بعد اقول احسن كل واحد فيهم راد بيته ... عقب ما استمتعوا بالرحلة ... اللي في ناس اول مره يحضرون مثل هالتجمعات ... ويرمسون هالاشخاص ... وياخذون ويعطون وياهم ... ********** |
الجزء الـ 19 غاليه ... نازله من فوق ... بسرعه بسرعه ... غاليه: امايه جيه ما وعيتوني ؟ ام زايد: وانا شدراني انج ما ناشه ؟ كل يوم تنشين روحج غاليه: نسيت .. اول اسبوع ووايد متخربطة .. بو زايد: انزين تعالي تريقي غاليه: اوه ابويه ( وسارت صوبه وحبت راسه )... صباح الخير بو زايد: صباح النور ... يلسي يلسي غاليه: لا واااايد متأخرة ... يالله ألحق .. فمان الله ام زايد: السايق بيوصل ابوج اليوم غاليه: ليش؟ ام زايد: ابوج سيارته فالوكالة .. غاليه: لاااااااااا مب وقته ... اليوم !! بو زايد: بوصلج ع دربي .. يلست غاليه .. مستحية الحين تقول حق ابوها يالله خلص الريوق ونش .. لاني متأخرة !! ......... زايد: صباح الخير ام زايد: صباح النور فديتك ... غاليه: زايد الله يخليك ... بسرعه بسرعه .. وسحبت ايد زايد .. ام زايد: خلي الولد يتريق يا بنيه غاليه: لا ما عليه بيتريق فالدوام .. فمان الله ... وظهروا برع ... زايد: بلاج بلاج ... غاليه: زايد الله يخليك .. متأخرة ع الدوام . وصلني بسرعه زايد: والسايق ؟ غاليه: ابويه يباه اليوم زايد: هييييييه .. صدق ابويه ما عنده سيارة .. غاليه: بسرعه يالله زايد: انزييييين .. بهدلتيني خربتي سفرتيه وعقالي غاليه: تعدّل فالسيارة يالله زايد: ان شاااااء الله ... طوفي جدامي يالله نازل من فوق .. وشرات كل مره ... متفيج ع الصبح .. وع قولته ثر هذا الاسبوع الاول من الدوام ... فـ عسب جذه .... العقل شي مستخف .. لين ما يستوعب انه الحين لازم يهيأ نفسه لـ انه يحمل معلومات ما تنفعنا عقب فالشغل !! ... هاي نظريته !! مروان: مع اشراقة شمس الصباح ... وزقزقة العصافير .. عمران: اصبحنا واصبح الملك لله ......... مروان: الواحد القهّار راشد: وخيوط الشمس الذهبية مروان: احر التعازي وابرك التبريكات عمران: شوه شوه ؟ عمر: اعوذ بالله من فالك ع الصبح عبدالعزيز: يا غبي ما يقولون ابرك التبريكات مروان: غبية حرمتك واهلها وطوايفها .. ياللي ما تستحي .. تقول حق اخوك العود غبي عمران: ههههه خيبه خيبه .. شوه خليت فيه عبدالعزيز: حرمتيه بنت احمد يعني احمد وآمنة وعموه وعمي وهزاع وخواته وكلهم اغبيا وهاهاهاها مروان: هيه احمد طبعا بيكون غبي لو يوّزك بنته بعد ... عمر: تستاهل .. محد يقوله يقول هالكلام ع الصبح مروان: يا اخي يا عمر ... لقد تبعت التعازي بالتهاني ... عبدالعزيز: هيه تجتل عقب تبارك ... لانك جتلت ... راشد:ههههههه اهبل عسب جذه مروان: آآآآآه .. ما تدرون هذا اول اسبوع دوام عمران ( قطع عليه ): ومخنا بعده مب مستوعب عبدالعزيز: و يباله وقت لين ما يستوعب انه بيشل معلومات زيادة ... راشد: والقهر ان المعلومات ما تنفعنا يوم بنشتغل عقب ... عمر: نظرية مروانية مروان: هاهاهاهاه .... ما شاء الله عليكم .. حافظين الدرس عمران: من كثر ما تعيد الاسطوانه راشد: انا بسير الحين .. عقب اسبوعين امتحاني .. مروان: والسيد عمران طبعا لا شغلة ولا مشغلة .. عبدالعزيز: عمران هني يبا يدرس بيحبسونه 4 شهور ع قولته وعمر مب موافق . عيل انا باجر يوم ابا ادرس برع وفي امريكا شوه بتسوي يا عمر عمر: قم قم .. قم خلني اوصلك اللي بيخليك تدرس في امريكا ... قم مروان: سر ويا بدر ولد خالتك عبدالعزيز: خلت سنين عمره من السعادة والافراح قول آمين راشد: شوه هالدعاء اليديد بعد !!!! عمران: انتوا مخرفين ع الصبح اصلا ... والدليل ان بدر ولد عمتنا مش خالتنا مروان: ههااااي حلوة ... اكيد دعاء تخريفي من تأليفك وتأليف سالم .. عبدالعزيز: طبعا احم احم عمر: ومستانس بعد .. مره ثانية ما تدعي بهالطريقة وبهالدعاء ع أي حد كان .. تسمع ... عمران: حليلك يا عزوز وقفطوك .. عبدالعزيز: عادي متعودين يالله باي ... ظهروا الاخوان من هني ... ومسك عمران مبايله .. عمران: الو .. زايد: هلا عمران .. شحالك .. عمران: بخير الحمدلله .. انته شحالك ؟ وشحال عمي ؟ زايد: الحمدلله كلنا تمام عمران: زايد وينك ؟ زايد: انا ساير الدوام .. ليش في شي ؟ مستوي شي ؟ عمران: لاااا ما مستوي شي زايد: عيل شوه فيك ؟ تبا تسير مكان .. ايي اوديك عمران: لا لا .. مشكوووور يزاك الله خير زايد: والله صدق عمران قول شوه تبا عمران: زايد رمست عمر عن السالفه زايد: أي سالفة ؟ عمران: مب اتفقنا انك تقنع عمر يخليني اسير كلية الشرطة زايد: هيييييييييييييييه .. وانا اقول عمران مب من الله بيتصل بي عمران: ويييه يا زايد .. حرام عليك .. زايد: هههه اتغشمر وياك .. لا والله للحين ما رمسته عمران: ومتى بترمسه ؟ زايد انا سجلت فالكلية زايد: شووووه ؟ كيف سجلت ؟ عمران: سجلت وخلاص وديت اوراقي وسرت .. بس اتريا نتيجة القبول .. ع الاسبوع الياي بتظهر زايد: انزين وشوه بتسوي لو عمر اصر ع رايه عمران: شوف انا سجلت عسب ألحّق ويا هالدفعه وما اضيع ع عمريه .. والنتيحه الاسبوع الياي ... اذا ما وافقوا خلاص .. واذا وافقوا وقبلوني فـ الحمدلله زايد: واذا عمر ما وافق وهم قابلينك ؟ عمران: طبعا ما بسير زايد: وليش ؟ عمران: كيف اسير وعمر مب راضي زايد: عادي .. سر ... انته الحين عود وتعتمد ع عمرك .. شوه كله عمر عمر عمر عمران :لا والله احلف زايد: هيه عمران: زااااااايد ... كيف تباني اسير بدون موافقة عمر ؟ .. مستحيل .. كله ولا عمر .. لو اتم طول عمريه في البيت او اسير اتعس مكان واكره مكان عندي بس عمر يكون راضي عني وموافق اني اسير هالمكان زايد: هههههه اتغشمر وياك .. مب تسويها وتسير من ورا اخوك .. والله بذبحك عمران: اصلا انا ما بسويها ..... زايد: هييييييه كله ولا عمر عمران: زااايد اقولك انا ما بسويها اصلا انا ما اتجرأ زايد: هههههه انزين خلاص برمسه ان شاء الله عمران: متى ؟ زايد: اممم .. اليوم اعتقد اعتقد ... وع حد علمي ان عمر بيسير عند عمي يوسف ... بسير انا بعد وبنتلاقى هناك ان شاء الله ... وبرمسه عمران: انزين ... عاد عقب قولي .. شوه قالك زايد: ان شاء الله .. أي اوامر ثانية عمران: لا مشكووووور وما تقصر يا ولد العم زايد: افا عليك عمران: يالله عيل ما بنشغلك اكثر .. فمان الله زايد: مع السلامه ... بـند عمران عن زايد .. وسمع صريخ برّع .. ظهر من باب الصالة .. سمع صوت حرمة .. وما في حرمة في البيت بكبره الا حرمة سعيد !! ..... تصرخ .. شكلها تهزب حد .. انزين وما في حد فالبيت غير عمران ... لا .... لحظة ... في حد غير عمران ... رد عمران ودخل داخل ... يلس و مسك الجريدة .. يجلّب فيها ... وبعدها بدور ... حط الجريدة ع صوب .. وحط ايده ع راسه .. وبعدها بدور .. بدت حالة التوتر عنده ... تم يهز ريله .. بطريقة سريعه .. وبعدها بدور .. تم ياكل شفايفه .. وبعدها بدور ... نش من مكانه وظهر برع .. عمران ( بصرخه قوية ) : فريد ... في الجهه الثانية ... فريد: عمران يزقرني ومشى فريد ... بدور: اوقف مكانك .. انا بعدني ما خلصت كلامي .. فريد: انتي كله يصرخ علي ... بدور: لا والله ... وبعد !! ورد عمران يزقر ... و بدور مكملة هزابها ... وفريد ما يدري وين يسير ؟ والا وين ايي !! عمران طلع عن طوره ... وخلاص .. وصل حدّه . هاي بلاها تصرخ هالكثر ... !! شوه فيها ؟ لو مهما كان ولو فريد غلطان ما يحتاي تصرخ ساعه عليه ... هزبيه شويه وخلي الريال يسير !! ظهر عمران وسار الصوب الثاني من البيت ... وين بدور واقفه .. وفريد واقف جدامها ما يدري شوه يسوي ! عمران: فريد انا ما ازقرك فريد: هاي ما تخليني بدور: يا سلام وهاي بعد !! عمران: تعال بدور: ما تشوفني واقفه ارمسه ! انصدم عمران ... خير؟ نعم ! ... اصلا هم في حياتهم ما رمسوا ويا حرمة اخوهم اللي هي بدور .. والحين بعد عمران ما رمسها وهي ترد عليه جذه !! ... عمران: نعم ؟ بدور: اظن سمعتني ... انا يالسه ارمسه .. كيف تزقره ... عمران: عفواً .. بس ممكن اعرف شوه مسوي هالكثر تهزبينه ؟ بدور: لا مب ممكن .... صدمة عمران كانت هني اكبر .. لو مروان والا راشد جان ردّوا عليها .. حتى عبدالعزيز .. بس انا لا ما ارد عليها .. لان أي شي يمسها بيكون يمس ريلها اللي هو سعيد ... اللي هو اخويه ... وانا ما ارضى بالاهانة حق اخويه ... عمران: عيل اسمحي لي ... انا الريال الوحيد الموجود هني ... وانا اللي آمر على فريد الحين ... فريد تعال .. انتقلت الصدمة حق بدور هالمرة ... كيف تجرّأ يرد عليها جذه ؟ كيف يرد عليها بكل وقاحة مثل ما هي حاطه في بالها ... وفريد طبعا واوف كورس .. ما بيسمع حق بدور عقب كلام عمران ... ومشى ورا عمران ... في بيت بو هزاع ... عفرا: امايه .. انا بسير اشتغل ام هزاع: سيري هذو الدرب عفرا: امايه صدق ارمس جد .. ام هزاع: وين بتشتغلين ؟ عفرا: أي مكان ... ام هزاع: عيل فرّاشة فالمدرسة عفرا: شووووه ؟ خير ؟ نعم ؟ ام هزاع: نشي اظربيني بعد عفرا: وايد قللتي من شاني ام هزاع: هيه .. انتي قلتي أي مكان ... وانتي شهادتج ثانوية عامة ... وين بياخذونج بالله عليج عفرا: كل مكان يبون ثانوية عامة ام هزاع: بس بس سكتي .. الجامعيين الحين مب لاقين شغل بعد انتي ... عفرا: الجامعيين يشرطون عسب جذه مب لاقين شغل ام هزاع: انزين سيري اشتغلي عفرا: يعني انتي موافقة ام هزاع: انا ما يخصني فيج .. هذا ابوج وهذا اخوج سيري شاوريهم وسوي اللي تبينه عفرا: ليش ما يخصج فيني ... مب بنتج مب امي والا بس ام سلامة انتي ام هزاع: الحين شوه ياب طاري سلامة .. شوه يخصج في اختج .. عفرا: غريبة ما يت ترقد هني ام هزاع: طارق اليوم مب مداوم عفرا: ليييييش ؟ ام هزاع: ولدها عنده موعد فالمستشفى .. بييونا عقب ما يخلصون .. عفرا: وطارق واحمد ما يصدقون عيالهم والا حريمهم عندهم مواعيد فالمستشفى .. ما يداومون ام هزاع: كيفهم ... عيالهم وحريمهم .. وهم ادرى بمصلحتهم ... عفرا: بتصل في أمون بشوفها ام هزاع: راقده الحين اكيد عفرا: وين .. بنتها بتخليها جنّه ... ونشت عفرا .. وسارت صوب تيلفون البيت .. واتصلت في آمنة .. آمنة: الو .. عفرا: وييييييييه .. امايه تعالي سمعي الصوت .. رقاد من الخاطر آمنة: أي رقاد الله يخليج .. مب محصله رقاد عفرا: وينها ميثوه حبييييييبة خالتها آمنة:واعية ... وبس جذه فاتحه عيونها وتطالع يمين ويسار وتصرخ عفرا: فديت رووحها ... حبّيها آمنة: والله يا عفاري مول مب متفيجه ابا اررررقد .. ميته من الرقاد عفرا: انزين رقدي ... فرّيها ع عمتج آمنة: لا لا .. ما اقدر .. اكيد عموه لو ما عندها شي بتسير ترقد حليلها ما ابا اشغلها بـ بنتي عفرا: انزين يوم انها واعية وعادي ومستانسه .. انتي رقدي .. يوم بتصيح ثرج بتسمعين وبتنشين آمنة: لا والله حلفي ... تخيلي عاد عفاري عفرا: ههههههه عادييييي جدا عادي آمنة: هيه وايد عادي .. عفرا: صدق والله آمنة: عفاري بلا استهبال .. تخيلي ارقد وبنتي واعية عفرا: ثر اقولج عاديييييي آمنة: بس بس شكرا ع اقتراحاتج ... عفرا: كيفج والله انتي الخسرانة آمنة: هيه انا الخسرانه .. اذبح بنتي انا الخسرانة عفرا: مشكلتج آمنة: انزين الحين شوه تبين عفرا: ما شي بس متصله ما بتون ع الغدا ؟ آمنة: ما ادري .. ما اعتقد .. عفرا: لييييش آمنة: ما ادري والله يوم احمد بيي بتصل اقولكم عفرا: اتصلي به الحين اسأليه ... آمنة: ليش عسب تحسبون حسابنا عفرا: هو اصلا اليوم امج مسويه حق فريج لانها بطرش حق عيال اخوها بعد .. فـ يعني عادي قلتوا والا ما قلتوا .. حسابكم موجود آمنة: اها خلاص عيل .. اذا فكرنا نيي ع قولتج حسابنا موجود عفرا: يالله عيل جلبي ويهج آمنة: مالت عليج .. انتي اللي جلبيه ... انا برقّد بنتي الحين وبرقد عفرا: تصبحين ع خير .. اقصد تمسين ع خير .. آمنة: سلمي ع امايه عفرا: الله يسلمج .. في المدرسة ... منوه فالمدرسة ؟ لا عبدالعزيز ولا سالم .. ولا حتى رملة .. هذيل هم عيال المدارس .. حصه ... في غرفة المدرسات .. رن مبايلها ... شلته وظهرت برع ... حصه: الو .. هلا علي علي: اهلين .. شحالج ؟ .. حصه: الحمدلله بخير .. انته شحالك ؟ علي: الحمدلله ... خلصتي ؟ حصه: لا وين اخلص ... توها الحصة الثانية علي: عندج حصة الحين ؟ حصه: لا لا ما عندي .. علي: امممم متى بتخلصين ؟ حصه: عندي الحصة الثالثة والرابعه ... علي: ويه يعني امممم عقب ثلاث او اربع ساعات تقريبا .. حصه: يعني علي: انزين .. يوم بتخلصين ردي البيت حصه: ليش؟ علي: خلصتي شغلج بعد جيه اتمين ؟ حصه: امم بس ليش ارد علي: ردي بنسير انا وياج السوق .. حصه: اكيد ملان وتبا تظهر علي: يعني .. شي جيه ... وانا قصيت التذاكر ... حصه جنّه حد صب ع راسها ماي بارد ... سكتت ولا قال شي .. وعلي بعد سكت .. يعرف ام حرمته انصدمت ... علي: حصه معايه ؟ حصه: هيه معاك علي: يوم بتردين بخبرج بكل شي ... حصه: خلاص عيل علي: يالله فمان الله حصه: باي .. بندت حصه عن علي .. ووقفت روحها 10 دقايق برّع .. ترد حالتها الطبيعية ... وويها الطبيعي وعقب دخلت داخل ... راشد راد من الجامعة شويه من وقت .. دخل ما شاف حد فالصاله .. حتى عمران اللي لازم يكون هني مب هني ... دخل ويلس ... طاحت عينه ع الصورة اللي ع الطاولة ... وآثار الصدمه ع ويهه .. اوه .. هالصورة .. منوه يابها هني ؟ وكيف يت هني ؟ ومنوه ظهرها ؟ .... اممممم شكلي نسيتها في مخبى الكندورة من هذاك اليوم ... وفريد قبل ما يغسل الثياب فتش فالمخابي ولقاها .. لكن معقوله !! ... خيبه من هذاك اليوم للحين .. توها تظهر الصورة؟ ... اكيد كانت محطوطه فوق المكتبة ... وفريد نساها هناك وحد نزلها الحين ... خل اشلها قبل ما حد ثاني يشوفها ... وشل راشد الصورة وسار فوق .... يا في ويهه عمران .. اخوه ... عمران: اوه انته هني راشد: هيه عمران: راد من وقت ... راشد: هيه خلصت ... ما شي بس اسير احضّر الحين حق الامتحان اللي عقب اسبوعين .. عمران: وعقبها بتتخرج ان شاء الله راشد: ان شاء الله .. عمران: الله يوفقك راشد: آمين ... وانته عمران: شوه فيني ؟ راشد: مب ناوي تداوم في ولا مكان عمران: خلها ع الله .. لين عمر يوافق راشد: شوف عمر ما بيخليك تسير الشرطة .. فـ لا تخرب ع عمرك عمران: عيل شوه اسوي ؟ راشد: اختار بين التقنية او أي جامعة ثانية .. او سر اشتغل عمران ( تنهد): ما ادري ... بس برد ارمسه مره ثانية .. يمكن يقتنع راشد: والله انا قلت لك .. عمّور مستحيل يقتنع عمران: بنشوف انزين لين الاسبوع الياي ... يمكن يغير رايه .. مصيبة .. لا كارثة .. عند ثاني ... لاب توبه اخترب ... لكن هالمرة اخترب صدق ... ما يقدر يفتحهه .. ما يدري شوه عوقه ... مستحييييييل ... كيف يقدر يعيش بدون لاب توبه .. ! دخل الصاله .. امه يالسه .. زاغت حليلها من شكله .. ام زايد: بسم الله .. ثاني .. شوه فيك ؟ وثاني ما يرد عليها ... ام زايد: ثاني عقيت لي قلبي ارمس قول ثاني ( وهو حزين) : امايه ام زايد: شوه فيك ؟ ارمس ثاني: لاب توبي اخترب ام زايد: ويعله ان شاء الله زود وزود .. روعتني .. عقيت لي قلبي ثاني: امايه والله روحي مضايج واللي فيني كافيني وانتي ادّعين زيادة ... ونش ثاني وسار فوق .. وهو صدق معصب ... في بيت السفير ... هند كانت تعبانه امس ... فـ نشت متأخر هالمرة .. ونزلت تحت بتشوف يدتها .. شافتها يالسه روحها مثل كل مره .. ارتسمت ع ويها ابتسامة يوم شافت يدتها .. ونزلت تحت.. هند: صباح الخير يدوه يدوه غريسه: صباح النور ... عنبوه كل هذا رقاد .. هند: شسوي يدوه والله تعبااااانه راسي يعورني يدوه غريسه: هذا كله الا من السهر هند: ويييين والله امس رقدت من وقت .. حتى ما تعشيت يدوه غريسه: ويه .. وجيه ما تعشيتي ؟ هند: ثرني اقولج تعبانه راسي مصدّع يدوه غريسه: عيل هذا لانج ما تعشيتي .. ابتسمت هند مره ثانية .. ما شاء الله يدتها الا تفهمها وهي طايرة وع هواها اذا مب هذا هذاك واذا مب هذاك هذا ... هند: انزين يابوا لج الريوق تريقتي ؟ والا اسير اييب لج ؟ يدوه غريسه: لا لا .. تريقت انا والحمدلله ... هند: الحمدلله .. يدوه غريسه: انتي ما تبين ريوق ؟ هند: الحين بتصل المطبخ اقولهم يزهبون لي ويطرشونه حقي .. وشلت هند السماعه .. ما في حرارة .. هند: شوه السالفه ؟ يدوه غريسه: فتحي الباب اكيد بتشوفين حد من الخدم زقريهم وقولي لهم نشت هند وسارت صوب الباب .. فتحته ... وتمت تصارخ وتزقر طبعا ميري .. يدوه غريسه: ايييييه اميه حووووه .. قلت لج من ورا الباب بتشوفين حد ما قلت لج ظهري بهاللبس البايخ برع وصارخي بعد هند: عادييي يدوه ما في حد يدوه غريسه: الله يغربل ابليس بتفضحينا يا بنيه ... هند: ولا حد هني عفانا الله ... وردت تشوف التيلفون .. وعقب شافت انهم جالعين الفيشه .. هند: اهاااااا وانا اقول شوه السالفه ( وركبت الفيشه واتصلت )... أليس زهبوا لي الريوق وييبوه انا فالصاله تحت ... يدوه غريسه: هندو هند: هلا يدوه يدوه غريسه: شوه كانت سيرة العزبة هند: قصدج المزرعة يدوه غريسه: شدراني ... وين سرتوا انتوا هند: هيه سرنا المزرعة ... ع هوااااااج يدوه والله ع هواااااج ... يلسة وظحك وسوالف ... كشخه كشخه يدوه غريسه: منوه كان ياي ؟ هند: كللللللللللهم ... واااااااايد كان حلو .. يدوه غريسه: هيه اشوفج رديتي البيت وايد مستانسة .. ومتغيرة .. نفسيتج احسن هند : هيه والله يا يدوه .. ياريت لو كل مره يخلوني اسير يدوه غريسه: وسيري جيه ما تسيرين ؟ هند: ابويه ما يخلي .. هالمره ما ادري كيف اقتنع .. بالغصب .. وانا روحي انصدمت يدوه غريسه: وجيه يعني ؟ عيل هذا اخوج مسود الويه .. احسن منج يسير ويرد كل مكان وهايت هني وهناك !! هند: عاد كله ولا بدر ... عند امايه ويا ابويه ... يدوه غريسه: والله هالبيت واااايد مخربط وايد .. ولا ادري شوه سالفته هند: سالفته ان كل واحد فيهم لاهي بعمره .. وما يخصه فالثاني هاي سالفته يدوه غريسه: وين امج ؟ هند: اكيد طلعت سايرة زياراتها .. قلت لج كل واحد لاهي بعمره يدوه غريسه: هيه والله صدق كلامج ... ما قدرت ترد البيت من وقت مثل ما قالها .. اتريت لين يخلص دوامها .. تستوعب اللي بيتلاقيه يوم بترد واللي بيستوي ... وتتهيأ نفسيا .. وعقب ردت .. دخلت لقته يالس فالصاله ... حصه: السلام عليكم علي: وعليكم السلام والرحمه تجدمت حصه .. ويلست .. علي: قلتي حصتين وبتخلصين وبتردين البيت .. جيه ما رديتي ؟ حصه: قصيت التذاكر ؟ علي: هيه حصه: وين ؟ علي: ألمانيا .. حصه: متى ؟ علي: نهاية الاسبوع رفعت حصه راسها منصدمه من الخاطر .... علي: بلاج ؟ حصه: لا ما شي ... علي: خذي اجازة من الدوام حصه: أي اجازة ؟ ما بيعطوني اجازة انا مدرسه علي: عيل استقيلي ... فنشي حصه: تغديت ؟ علي: لا .. حصه: عيل بسير ابدّل وبرد احط لك الغدا ... علي: يالله عيل اترياج .. نشت حصه .. ودخلت حجرتها .. بمجرد انها فتحت الباب .. وعقت شيلتها ... ما حست بعمرها الا وهي يالسه ع الشبرية وتصيح ... ليش ؟ما تدري ... مب هي اللي طلبت من علي هالشي !! . انزين جيه تصيح الحين ؟! ... سؤال هي روحها ما تدري شوه جوابه .... حشرة وصدعة راس ... وصريخها واصل لين الصاله .. يعني الكل يسمع ... مروان .... يالس وحاط صبعه في اذنه ... وراشد ما معبّر ويالس يقرا الجريدة ... وعمران يالس ولا يعلّق ع أي شي .. وعمر باين عليه متوتر .. وعبدالعزيز يا وقص شريط الصمت ... وهو توه نازل من فوق .. عبدالعزيز: هاي بلاها تصرخ حشرتنا عمر: ما يخصك انته يلس هني .. واتريا الغدا مروان: ما خلصت .. راشد: لا مروان: شوووووه ؟ راشد: لا مروان: شوه تقوووول راشد: عن السخافة وظهر صبوعك من اذنك لأييك كف مروان: نعم نعم ؟ شوه قلت ؟ انته تعطيني انا كف !! راشد: هيه الكف سمعته .. غيره ما سمعت عبدالعزيز: يا ربييييييييي مروان: يا بوي والله طبلة اذني .. طبلي اذني .. الله يرحم اخويه عبدالعزيز: وين الغدا وين الغدااااااااا نبا غدا ... راشد: اترييوا الحين فريد بيخلص وبيزقرنا عبدالعزيز: افففففف عمر: بلاك تتحرطم عبدالعزيز: هاي كسرت الدنيا مروان: تشققات ظهرت في يدار بيتنا من صريخها عمر: مرواااااان مروان: شوه صدق ارمس .. اقول الصدق راشد: ما يخصكم فالحرمة تظارب ويا ريلها كيييييييفها مروان: ولا اسمع له حس هو ... شكله راقد والله عبدالعزيز: اونه .. تخيل هاي تصرخ وسعيد راقد .. ههههههه ويييييييييييييه حليلها عمر: ممكن تسكتون ... مروان: عمران لم تشاركنا الحديث عمران: عمر تعال شويه اباك ... عمر حس ان في شي .. فـ نش وسار ويا عمران .. الصاله الثانية ... مروان: اقص ايدي جان ما اخوك النحس مسوي شي راشد: يعني شوه بيسوي ؟ عبدالعزيز: فاتح الغاز وهادنه راشد: شوه يخصه الحين ؟ عبدالعزيز: يبا يفجر البيت هاهاهاها مروان: في عينك اسكت بس اسكت خلنا نسمع عبدالعزيز: توك تقول حشرة .. مروان: حرمت اخوك حشرة .. انا ابا اسمع عمر وعمران راشد: تحلم .. تقولون نمل ويتفاهمون بـ قرون الاستشعار .. شوه بتسمع يعني ؟ مروان: بنحااااول نلقط سكتوا سكتوا في الصاله الثانية ... عمر: وعقب ؟ عمران: ما شي .. دخلت الصاله .. وفريد ورايه .. سكت عمر ولا قال شي .. عمران: انا اذا غلطان .. فـ أنا آسف ... بس مب حلوة هي تصرخ هالكثر ع سعيد .. وصريخها واصل لـ هني .. عمر ( تنهد): والله ما ادري شقول لك .. انته تشوف انها ما تندمج وياها .. ولا نحن نبا حتى هي تيلس ويانا .. لان كيفها .. هي اختارت انها تلازم قسمها .. وهذا شي يرجع لها ومن حقها .. عمران: صح عمر: فـ عسب جذه .. انا بعد ما اباكم تحتكون فيها ... هي قبل ما تكون حرمة اخويه فـ انا اشتغلت وياها .. واعرف اسلوبها .. هي جذه يا عمران .. عمران: بس عمر انا ما غلطت ... هي ردت عليه بطريقة مش حلوة عمر: صح انته ما غلطت .. بس حاولوا ما تحتكون فيها ولا تدخلون عمران: ولا ارضى تغلط ع فريد هالكثر .. قبل ما هي تيي هني فريد موجود .. قبل ما نحن نيي فريد موجود وانته عارف هالشي .. فريد موجود من ايامك انته عمر: ادري والله ادري .. انا برمس فريد .. وبقوله عمران: بس فريد مب غلطان يا عمر .. انته لك ويه ترمس فريد؟ عمر: الصراحه لا .. فريد يعز عليه .. بس لازم انبهه ان بدور جذه .. فـ يحاول يسوي لها اللي تباه ع اكمل وجه عمران: والله كيفكم .. بس انا حبيت اقولك شوه مستوي .. عمر ( ابتسم ): خلاص انته لا تهتم .. انا بعد برمس سعيد .. وبرد ارمس فريد .. سكت عمران ورد بابتسامة ع عمر ... ع قولت اخوه شوه يقدرون يسوون !! ما نزل يتغدا .. ولا حد شافه .. زايد خلص وصعد فوق عنده ... دق الباب ودخل .. شافه راقد .. زايد: غرييييييبة ثاني رااقد هالحزة .. نعمه من الله الصراحه ثاني: شوه تبا ؟ زايد: اوه مب راقد ثاني: ع وشك زايد: يقولون مريض .. اقصد حبيب الألب مريض ثاني: والله يا زايد صدق صدق مضايج الله يخليك لا تزيدني زايد: بل بل كل هذا عسب اللاب توب .. ثاني: زايد انته تدري شوه يعني ان اللاتب توب يخترب عندي فـ لا اتم تسوي روحك ما تدري زايد: انزين انته خبير كمبيوترات ما عرفت شوه عوقه ؟ ثاني: لا .. زايد: وينه الحين ؟ ثاني: وديته .. يشوفون شوه السالفه زايد: شرات كل مره وبترده ثاني: اقولك ما يستوي افتحه هالمره ما يفتح ابدا .. خير شر .. الله يعين والله زايد: انزين جان سويت له فورمات .. ثاني: من فترة مسوي ... وخزنت كل شي من اول ويديد وسيفت اللي اباه في سيديات .. عسب جيه مستغرب بلاه ما يفتح ؟ زايد: ما عليه الحين بيشوفون شوه فيه وبيردونه لك سالم معافى .. ويلست غاليه .. وهي ماسكه في ايدها كوب شاي ... وتشرب .. غاليه: يقولون لاب توب ثاني فالعناية مريض .. فياليته كان الطبيب المداوي ثاني: هيه اطنزي اطنزي زايد: هههههههه غلّوي احيدج رقيقة .. وهادية بلاج من فترة مستوية حشرة غاليه: شوه نسوي يا خوي .. تعلمت ثاني: من عاشر القوم زايد: أي قوم ثاني: اللي كانوا فالمزرعة غاليه:هيه والله .. هههههه كانت رحلة عجيبة ثاني: زين ما صحتي علينا هناك بعد غاليه: هاها ما يظحك جيه اصيح ثاني: ما ادري .. غريبة اندمجتي وياهم غاليه: لان كلكم ويايه زايد: انزين بس بس .. بتبدأون الحرب ثاني: اختك ما ادري شوه مستويه غاليه: قولوا والله يعني ما يليق عليه زايد: لا يا بنت الحلال يليق .. تمي شرا ما انتي .. ع الاقل احسن عن قبل .. تقولين طماط متحرك ثاني: طماط قواطي غاليه: حرام عليييييكم زايد: هههههه يالله انزين نسير خل ثاني يرقد ثاني: هيه والله خربتوا عليه غاليه: هيه ما عندك شي تسويه الحين غير الرقاد ... زايد: حتى مسوي اضراب ما ياكل ثاني: كيف تبوني آكل ولاب توبي يوعان .. مريض .. غاليه: الله يشفيه .. فمان الله زايد: تمسي ع خير ... وظهروا زايد .. وغاليه من عند ثاني وخلوه روحه . يفكر في لاب توبه .. وكيف بيعيش من دونه ولا يدري بعد المده .. سعيد: قومي تغدي يا حرمة .. بدور: ما ابا سعيد: لا تعاندين .. بدور: تغدا روحك .. سعيد: كيفج بدور: طبعا كيفي .. بيت كجرة ومسكنّني فيه .. وخوانه حولي سعيد: شوفي لا اتمين كل دقيقة تطرين البيت .. انتي رضيتي بهالشي ... واخواني ما أذّوج ولا تعرضوا لج ولا سووا لج أي شي بدور: انته قلت لي لين ما تتحسن ظروفك .. وانا اشوف ظروفك كل يوم تستوي للأسوأ مب للأحسن ... واخوانك انا قلت لك عن اللي سواه اخوك وانته ما سويت شي سعيد: شـ سوي ؟ يعني شوه تبيني اسوي ؟ بدور: لا تسوي شي سعيد: انا قايل لج .. فريد لا تحرجين عليه .. ولا تعصبين ولا تهزبينه .. فريد محد يرضى عليه في هالبيت بدور: حتى يوم رمستك عن هذيج السالفه ما عبرتني .. ولا عطيتني أي اهتمام ... سعيد: أي سالفة ؟ بدور: سالفة فريد .. سعيد: شوه تبيني اسوي ؟ انتي الغلطانة بدور: اصلا انته ما فيك ولا ذرة غيرة .. ولا احساس .. صد سعيد صوب بدور.. واطالعها بنظرة هي روحها حست انها قالت شي كبير في حقه ... ونش وظهر برّع ... عمر نازل من فوق ... وشكله بيظهر من البيت ووياه عبدالعزيز ... مروان: وين بتسيرون ؟ عبدالعزيز: بسير عند عمووووووه راشد: عموه اتصلت وقالت انها يايه فالدرب عبدالعزيز: اوووووونه راشد: والله عمر: عيل عبدالعزيز يلس خلاص عبدالعزيز: اوهوووو ابا اسير انزين عمر: هي يايه وين بتسير .. عبدالعزيز: افففففف عمر : انا عندي مشوار صغير وبرجع مروان: بلاك يا البلبل الحزين عمر: سعيد شوه فيك سعيد: ما شي ... يوم بترد اباك في موضوع عمر: نش ... قم تعال ويايه سعيد: لا خلاص سر وعقب ان شاء الله عمر: قم تعااال ... وظهر عمر و سعيد وياه برع في حديقة البيت ... مروان: قلت لكم عندهم شي عبدالعزيز: انته لازم تقول جدام عمر ان عموه بتيي راشد: والله ما قلت لي من قبل عمران: ويوم عموه بتيي انته جيه تسير مروان: يبا يسير هناك خبال وحشرة ... عبدالعزيز: انا وسالم متفقين نسير مكان خربتوا علينا مروان: اهاااااا عسب جذه .. عمران: جيه السالفه راشد: طبعا من دون استأذان عبدالعزيز: لو قلت حق عمر بيسوي لي سين وجيم .. بستأذن كنت من عموه وسالم بيستأذن من امه وعادي .. مروان: احسن عيل يوم راشد قال .. تتأدبون .. برّع فـ الحديقة ... سعيد: فـ انته رمسه الله يخليك .. انا ما اقدر ارمسه .. عمر: تباني ارمس عمران سعيد: هيه .. اذا عنده أي شي يقولي وانا بحاول احل المشكلة .. اما جذه .. هي تتحسب انكم ضدها خصوصا انها ما تندمج وياكم ولا حتى تيلس ولو انا كنت موجود عمر: ان شاء الله سعيد: انا ما ابا اجرح اخويه .. ولا اقوله شي .. وانا اعرف عمران .. واعرف انه ما يتصرف مني والدرب .. لكن ما اباه ينحط في موقف محرج وياها .. ولا اباها ترمس عنه جذه .. ومن غير أي احساس وجدامي .. انا ما ارضى .. ما استحمل انها ترمس عن واحد منكم بهالطريقة ... عمر ( تنهد): ان شاء الله انا برمسه .. وبقوله .. ما يدّخل لو شوه ما يكون .. بس بعد بطلب منك .. قول لها تخف شويه ع فريد .. فريد ويانا من يوم نحن صغار .. وصح انه كبر الحين .. بس ما نقدر نستغنى عنه .. واظن هو بعد ما يقدر يشتغنى عنا .. سعيد: ادري .. وانا برمسها في هالموضوع .. وانا قايل لها من قبل .. لكن برد اقولها عمر ( ابتسم ): الله يوفقك سعيد: ويوفقك ان شاء الله .. يالله أخّرتك .. سر خلص مشوارك عمر: لا اخرتني ولا شي .. بس بسير امر اسلم ع عمي يوسف .. وزايد قال انه بيي هناك بيرمسني في موضوع سعيد: اها ... سلم ع زايد عمر: الله يسلمك .. يبلغ في بيت ام هزاع .. امهم محّد ... فـ ملانين .. ع مستائين .. والرياييل راقدين فالميلس .. فالحديقة ... شمسة: اكليه اكليه بسكوت سلامة: لا والله .. تبين تذبحينه ... شمسة: شوفي عفاري تأكّل بنت أمون سلامة: عفاري مينونه عفرا: والله امها قالت عادي .. بعدين طازج توه مسوينه .. يذوب ع طول سلامة: ما بجازف ... عفرا: عامر يا عمّور ... فديت هالظحكه انا شمسة: لو كنتي تداومين يا سلامه شوه بتسوين سلامة: ما بسوي شي .. عفرا: طبعا بتعق ولدها في جبودنا .. سلامة: بخليه عند امايه عفرا: خليه عند عمتج سلامة: خبله انا شمسة: وليش ان شاء الله سلامة: لاا اخاف عفرا: صدق ما تستحين . تخافين ع ولدج من عمتج سلامة: لا مب جذه .. اخليه هناك .. وانا دوام وابوه دوام .. عمتيه روحها ويا احفادها الحشرة ما شاء الله شرا سالم .. بيجتلونه حقي شمسة: اقولج بس بس الله يخليج عفرا: سوت قصة وفلم هندي شمسة :الحمدلله ان ما تشتغلين عفرا: هاي امون شوه تسوي داخل شمسة: ترمس فالتيلفون .. ظهرت آمنة من داخل .. عقب ما خلصت .. عفرا: خيبة من تيلفون من عقب الغدا وانتي ترمسين شمسة: ترمسين منوه آمنة: بقولكن شي ... عفرا: قولي اتحفينا .. آمنة: حصه بتسافر نهاية الاسبوع ... شمسة ( منصدمه ): شوه ؟ كيف بتسافر ؟ وليش ؟ سلامه: ودوامها ؟ عفرا: لحظة لحظة .. فهمينا شوه السالفه .. آمنة: حصه شكلها يوم شافت ان كل وحده منا عندها ولد والا بنت .. وهي الوحيده اللي معرسه وللحين ما حملت .. وانا وسلامة عقبها عرسنا وحملنا والحمدلله .. تضايجت وايد ... و قالت حق علي بتسوي اللي يباه .. ان يسافرون برع يتعالجون سلامة: بس اللي اعرفه حصه ما فيها شي .. ولا ريلها آمنة: انا بعد اقولها نفس الرمسة .. شمسة: خل تسير هني فالبلاد ... قبل ما تسير برع ... آمنة: سارت .. وقالوا لها مثل كل مره .. ما في شي .. بس هي ما ادري جيه مصرّه انها تسافر برع ؟! عفرا: حصه تبا تشرد من نظرات اهل ريلها ... وحتى نظرات الحريم اللي يورون امايه آمنة: كنت ارمسها .. وتصيح ... ذابحه روحها ... شمسة: وجيه ما يت هني ؟ آمنة: تقول مضايجه وايد .. سلامة: هي مب مجبورة تسوي هذا كله محد ملزم عليها فـ لا تسويه آمنة: قلت لها والله قلت لها .. بس تقول خلاص علي حجز .. ما تقدر تغير رايها بعد الحين .. ولا تبا تغيره .. وتقول ما اتدري هي روحها شوه يالسه تسوي عفرا: اويييه .. فديت اختيه والله .. سلامة: والحين يعني متى بتسافر؟ آمنة: عقب باجر عفرا: اووونه .. وايد جريب .. وايد بسرعه .. آمنة: ما ادري والله شمسة: وامايه ؟ آمنة: لا .. قالت لا تخبرونها لين باجر .. لان طيارتهم عقب باجر الفير .. باجر بتيي هني .. الصبح بتسير المدرسة ترمّس المديرة وبتمر هني ع طول .. بتقول حق امايه وابويه سلامة: ايه والله حرام آمنة: يعني شوه تبينا نسوي ؟ هي تبا هالشي .. عفرا: وين بتسير ؟ آمنة: ألمانيا .. عفرا: خل توديني وياها مرافقة سلامة: ط هاي نحن وين وهاي وين .. شمسة: الله يعينها .. وأيّسر لها امورها .. ويوفقها في بيت يوسف .. عمر وزايد ... عقب ما سلموا ع عمهم وسولفوا وياه شويه ... استأذنوه انهم بيردون بيوتهم ... وهم يلسوا فالصاله اللي فوق .. يرمسون زايد: انزين خله .. عمر: زايد ما اقدر زايد: عمر لين متى يعني ما بتخليهم يعتمدون ع عمارهم عمر: زايد انته تقول هالرمسة ؟ انا تشوف اخواني مب معتمدين ع عمارهم زايد: لا لا .. مب قصدي جذه .. انا اقصد .. عمران .. خله يسوي اللي يباه .. يعني عطه حرية في اختيار مستقبله عمر: زايد المكان اللي يباه في حجز 4 شهور غير الحجز 4 شهور .. كراف وتعذيب .. زايد: كل الشباب ساروا . مب شرط كلكم تدرسون في جامعات وكليات عسب تتخرجون وتشتغلون في ما ادري وين ... هو يشوف عمره بيفلح في هالمكان .. خله يسير عمر: ما ادري والله شقول لك زايد: خلّه يسير انا متأكد عمران بيقدر يرفع راسكم في هالمجال عمر: شورك ؟ هز راسه زايد بـ أنه هيه .. عمر: خلاص برد البيت وبقوله يسجل زايد ( ابتسم): بيني وبينك .. هو مسجل ونتايج القبول الاسبوع الياي .. عمر ( منصدم ): كيف يسجل وما يخبرني ؟ يعني كان بيسير بدون شوري زايد: لالا لا .. اسمع .. رمسته انا الصبح اليوم .. هو مسجل .. وسار المقابلة .. وكل شي .. قالي اذا هم وافقوا وعمر مصر اني ما اسير بسوي لهم طاف ولا بيسير .. والله جذه قالي .. وانا حبيت العب باعصابه .. قلت له سير عادي مب شرط عمر يوافق .. قال لا مستحيل لو شوه ما يستوي يخالف امرك عمر: تعلم اخواني و تحرضهم عليه زايد: ههههه لا لا والله .. بس حبيت العب بأعصابه وقلت له اصلا لو دريت انك مسوي جذه والله لأذبحك عمر: هههههه بعد ! زايد: هيه عيل .. عمر: عمران ان شاء الله يقبلونه عيل الاسبوع الياي .. ويتوفق .. و راشد عقب اسبوعين امتحانه .. وبتطلع نتايجه .. وبيكون خلص ان شاء الله والله يوفقه .. مروان ما عليه خوف .. وسعيد معرّس وريال يعتمد عليه .. الخوف من عبدالعزيز زايد: ليش ؟ بلاه عبدالعزيز ؟ عمر: زايد انا ناوي اسير الحج زايد: والله ؟ عمر: هيه ... انا سرت سألت عن الحملات وجذه . وبسير ويا احمد ربيعي اللي فالدوام زايد: هيه اعرفه احمد عمر: فـ ما ادري كيف اقول حق عبدالعزيز .. وكيف اسير .. وشوه اسوي .. زايد: ما شاء الله والله زين .. توكل ع الله .. وعبدالعزيز بيفهم وهو عود .. عمر: حتى اتيني ساعات فكرة اني اوديه ويايه زايد: عمر تخبلت ... عبدالعزيز بعده صغير وين بتوديه عمر: ادري وبيتبهدل وما ادري شوه . وماراض الدنيا هناك . وووو .. وانا ما فيّه .. ساير اتعبّد .. ساير أأدي فرض .. مب احاتي عبدالعزيز .. هو قلبي بيكون وياه هني فالبلاد .. لكن ادري ان حوله ناس بيهتمون فيه وبيشوفونه .. زايد: انا اقولك .. سر رمّس عموه وقول لها ع الاقل يعني عسب ما تزعل عمر: اكيد بسوي هالشي زايد: وتوكّل ع الله .. عمر: ان شاء الله ... ورن مبايل عمر ... عمر: الو .. هلا احمد ....... صدق ؟ ... خلاص ان شاء الله باجر اييب لك المبلغ .. ان شاء الله .... هيه زايد ويايه ......... يبلغ ... مشكور .. مشكور .. يالله فمان الله ... زايد: شكله بشّرك بـ شي عمر: هيه يقول انه حجز لي وحجز له وباجر بيودي البيزات .. زايد: يعني خلاص اكيد ان شاء الله عمر: ان شاء الله زايد: الله يوفقك ونش زايد وحضن عمر ... عمر: عقب يوم بيي اليوم ببدأ اوصيك زايد: لا توصّي لا الحين ولا عقب ... سر البيت الحين ... وخبّر اخوانك .. ورتبوا اموركم .. ما باجي شي .. عمر: هالمصيبة . كيف بخبرهم .. الكبار عادي بس عبدالعزيز .. الله يعيني عليه .. زايد: لازم يعرف منك عمر: اكيد بيعرف مني .. بس ابا اخبره قب لما اسافر بيوم او نفس يوم السفر زايد: لا .. عمر حاسب تسوي جذه ... عبدالعزيز وايد متعلق فيك .. ولو سويت به هالحركة .. بيزعل .. وبيضايج وايد .. وما اظني انته تبا تسافر وتضايج بعد وتحاتي انه عبدالعزيز زعلان منك عمر: ادري .. واكيد ما ابا هالشي بس صعب زايد: حاول .. الليل تخبره . وتفهمه عدل .. وترمسه ع اساس انه عود .. والا هي سفرة اسبوعين ... او اقل وان شاء الله بترد له .. عمر: بحاول ان شاء الله .. يالله مع السلامة ... زايد: الله يحفظك .. لا تنسى تخبر عمّوه عمر: برمسها وانا ساير البيت ... حل الليل .. واكيد الصبح بيعقبه .. لكن بالنسبة لـ هالانسانه ... الليل بيتم ملازمنها لين ما ترد ... لأهلها .. وبلادها .. وللي تحبهم ... حصه .. كانت فالسيارة .. عقب ما تقريباً خلصت اللي تحتايه حق السفر .. وبتكمل باجر ... اللي باجي ... بس اكتفت اليوم بهالاغراض والحواطه .. وهي فالاساس تسوي هذا كله من دون نفس ... علي: حصه حصه شوفي حصه: شوه علي: العاب نارية حصه ( ابتسمت ): اول مره علي: لا .. بس كشخه حصه: هيه علي: حصه شوه فيج ؟ حصه: ما فيني شي .. علي: حصه اذا ما تبينا نسافر قولي من الحين .. قبل ما نسير هناك حصه: علي قلت لك خلاص .. انا ابا .. علي: متاكده ؟ حصه: هيه علي: وهلج ؟ حصه: بلاهم ؟ علي: قلتي لهم ؟ حصه: قلت حق خواتي .. وباجر الصبح بمر ع امايه بقول لها .. علي: شوفي باجر الصبح اول شي انا بوديج المدرسة .. عقب بنمر ع هلج وعقب هلي نسلم عليهم حصه: بتوديني بيت ابوك ؟ علي: طبعا حصه: لا .. الله يخليك .. ما ابا اسير هناك علي: ليش ؟ حصه: علي مب لازم اقولك كيف نظراتهم لي ؟ ما استحمل ... وانا ادري اللي بييني من صوبهم... ومتأكده ان قالوا لك اني خربت عليك شغلك ووو .. علي: وانتي ليش تهتمين بكلام الناس حصه: هذيل مب ناس .. هذيل هلك .. علي: هلي .. هلي لو ما يبون راحتي وسعادتي .. انا بعد ما بفكر فيهم وفي رمستهم .. انا أأدي اللي عليّه .. اسير اسلم .. ازورهم وارجع .. حصه: بس انا ما اتحمّل كلامهم ولا انظارهم لي علي: شوفي بقولج .. باجر بنسير نسلم ع امايه .. وانتي لازم تيين ويايه .. وابا اسمع منهم أي كلمة .. تجرحج والا تجرحني .. بيكون لي تصرّف ثاني وياهم .. حصه: وليش تسوي هذا كله .. ليش تحطني وتحط عمرك في موقف محرج .. انا ما بسير وخلاص علي: ما يستوي ما تسيرين .. ذيج الساعه .. بيرمسون عنج اكثر وانا ما ابا هالشي يحصل .. حصه: وهم جنهم الا الحين ابد ما يرمسون .. علي: بس انا ما اباج انتي تستوين شراتهم .. حصه افهميني .. انا ما اباج انتي تكونين غلطانه انتي سوي اللي عليج .. وسكتت حصه وما ردت ع علي .. علي: خلاص اتفقنا ؟ حصه ( تنهدت ): خلاص .. علي ( ابتسم): هيه جيه اباج .. حصه ام قلب طيب .. رملة: اصلا انا ما عندي سالفة العب وياك .. مب لاعبة احمد: هههههههه تعالي ام احمد ( توها ظاهره ): بلاها هاي تتحرطم ؟ ناعمه :ههههههه احمد يلعب وياها ويغش احمد: ما غشيت ناعمه: ههههههه يالله عاد عيني عينك رملة: غشاش .. من بونه احمد: سكتي خلاص ذليتينا ام احمد: استحي ع ويهج تقولين حق اخوج العود غشاش رملة: ما يبت شي من عندي غشاش .. احمد: اوهووووووو هاي الحين شوه يفجها عنا ناعمه: ههههه محد قالك احمد: هيه والله انا اللي ما عندي سالفة رملة: انا الفاضية الله لعبت وياك احمد: وانا المتفيج اللي عبرتج رملة: وانا اللي لا شغلة ولا مشغلة .. يلست وياك احمد: وانا اللي هاد حرمتيه وبنتي وياي مجابلنج رملة: انا الهبلة اللي عطيتك ويه احمد: في هاي صدقتي ناعمه :ههههههههههههههههههههههه ام احمد: شوه هالظحكه بعد ! احمد: هههه تخبلت ناعمه ناعمه: انتوا خبايل والله رملة: اخوج الخبلة ام احمد: لا اله الا الله .. رملة بتسكتين والا شوه رملة: سكتي ولدج احمد: مالت عليج ام احمد: احمد اسكت عنها احمد: خلاص عسب خاطرج رملة: اونك عاد احمد: اقولج ثرج مصختيها ها رملة: بسير ارقد احسن احمد: من الله نباها .. احسن ام احمد: وين عيسى ؟ ناعمه: بعده ما رد ام احمد: احمد بويه وين حرمتك وبنتك ؟ احمد: امون اكيد ترقد ميثاني ام احمد: اها .. زين احمد: بسير ارقد انا بعد ... يالله تصبحون ع خير ام احمد: وانته من اهل الخير ناعمه :سلم ع آمنة احمد ( أبتسم ): الله يسلمج آمنة بعد عناء ومشقة ع قولتها دايما .. بنتها رقدت .. واحمد عقب ما شبع من اللي تحت ... توه تذكر انه اونه ما لاعب بنته لعب الليل .. قبل ما ترقد !! .. مخصص لها اوقات اللعب صبح اذا كان موجود .. وقبل الغدا وعقب الغدا والعصر .. وقبل ما ترقد !! احمد: رقدت ؟ آمنة: هيه احمد: ما لاعبتها آمنة: احمد الله يخليك بلا حركات ولا توعيها احمد: توها راقده ؟ آمنة: هيه .. وانته مساعه لاعبتها قبل ما تنزل خلاص ....... احمد: يعني بسهولة بتنش آمنة: ط هذا .. احمد: خل تنش .. مستويه كسلانه آمنة: احمد عن الحركاااااات .. لا توعّيها احمد: شويه بس شويه آمنة: والله العظيم ان وعيتها ونشت تصيح والله ان ما يخصني فيها .. ولا بشلها ولا بدقها حتى تصرّف انته وياها .. ومع السلامه أحمد : وين سايرة .. آمنة: ما يخصني فيك .. احمد: تعالي .. وسارت آمنة .. ظهرت من احجرة ولا عبّرت احمد احمد: ط هاي والله .. ما عبّرتني .... لو وعيتها حلفت ان ما ترقدها ولا تدقها حتى .. ما فيه ع الحشرة وصدعة الراس .. روحي ابا ارقد .. وين سارت الحين !! .. تستهبل ... ظهر احمد من الحجرة . شاف آمنة يالسه في صالتها الصغيرة .. وتشوف تلفزيون .. احمد: يوم انا اقولج بنسهر .. تقولين فيه رقااااااد آمنة: اليوم مضايجه احمد: افا والله .. حرمتيه مضايجه .. من شوه آمنة: حصه اختيه احمد: بلاها ؟ آمنة: عقب باجر بتسافر احمد: اونه .. مسرع .. خلاص حجزوا ؟ آمنة: هيه احمد: انزين وليش مضايجه انتي ؟ آمنة: رمستني يوم كنت في بيت ابويه .. يا احمد لو تسمعها تقطع القلب .. ترمس وتصيح احمد: والله محد ملزّم عليها ومب شرط تسافر .. هي اللي تبا آمنة: هي عسب ريلها .. واهله اللي تقول ما عندهم غير طاري حصه بلاها ما حملت للحين احمد: امون لا تزعلين بس كل حد يتمنى الخير حق عياله ويتمنى يشوف ذريتهم آمنة: صح احمد .. بس في اسلوب .. يعني الحين مثلاً ... انا لو كنت انا .. وللحين الله ما منعم عليه بـ بنيه .. وهلك كل مره يعايروني .. ويسالوني ويذكروني بهالشي .. ما بضايج ؟ انته روحك كل مره بيزنون ع راسك ما بتضايق احمد: بسير اعرّس عليج شوه اتريا بعد آمنة: لا لا .. احلف انته عاد احمد: ههههههه اتغشمر .. آمنة: سر هذو الدرب احمد: امون بلاج جذه مستويه ما تتقبلين المزااااح آمنة: مزاحك ع قولتك شرات ويهك احمد: يعني حلو .. احم احم آمنة: يعني تبا علي يعرّس ع حصه اختيه احمد: حاشى لله ما قلت هذا الكلام .. بلاج مينونه .. ما قلت جذه .. اتغشمر والله اتغشمر .. اصلا انتي وخواتج .. اللي ياخذ وحده منكن يبوس ايده ورا وجدام . آمنة: اطنّز زيادة اطنز احمد: والله ما اطنز صدق والله آمنة: ما ينعرف لكم .. توه بيعرس عليه .. والحين يبوس ايده ورا وجدام ليش انه خذني .. ويوم كنا فالمزرعه بغا يعقني في الحوض ويجتلني احمد: مالت عليج ط هاي شوه تذكر هههههههههههههههههههه نقع احمد من الظحك وفر ع آمنة مخده .. للحين ذالتنه ع سالفة الحوض والمزرعه ... صدق انها سوالف !! ****** |
الجزء الـ 20 هزاع .. ومروان ... رادين البيت ... عقب الحواطه والهياته ... مروان: انزين والحين هي وين ؟ هزاع: أمون تقول ردت البيت .. بتخلص اغراضها مروان: حرام عليكم لازم توقفون وياها هالوقت هزاع: هي تستهبل .. والله ما له داعي تسافر ... مساعه يوم ارمّس امون مسوين مناحه عالمية مروان: ياخي كيفها الحرمة وريلها متفقين ... ع انهم يسافرون ومتفاهمين .. انتوا لازم توقفون ويا اختكم .. مب انته شارد من صوب .. و سلامة المبزاية ما يايه اليوم بيت ابوك من صوب ... وشمسة بعد ما يايه من صوب ثاني .. الا آمنة اللي يايه ولو عفرا ام الدويس بعد كانت معرسه ما بتيي ولا اطب البيت خير شر هزاع: انا الصراحه ما بغيت اسلم عليها مروان: لا والله .. وبعد تقول جذه اشكره عيني عينك وبكل صراحه اونه هزاع: مروان يعني صدق .. حط نفسك مكاني .. اختيه وبتسافر .. وما ادري كم بتم برّع .. انا مب متعوّد اشوف وحده من خواتي حالتها جذه .. ولا متعوّد اني ما اشوفهن كل اسبوع مروان ( أبتسم): يا عيني ع الحب ... اللي نزل مره وحده هزاع: لا اتم تطنز الحين ارمس جد مروان: ما بطنّز .. بس هزاع .. انته حط نفسك مكانها هالمرة .. هي محتايه لك .. خصوصاً انك اخوها العود .. والوحيد هزاع: كيف تباني اسلم عليها مروان : جذه ( ومد ايده وخاشم هزاع ) هزاع: انته من الصبح ماخذ المسألة طنازة مروان :انته اللي تستهبل .. والله بفلعك الحين بقوطي التيـشو هزاع: ويه ويه .. لا ارجوك ... ولد الاجنبية مروان: ههااااااي .. فديت اميه الله يرحمها .... كل الاجنبيات وبنات وحريم البلاد ما يسوونها والله هزاع ( ابتسم ): الله يرحمها مروان: انزين والحين ؟ هزاع: شوه الحين ؟ نرد البيت .. مروان: حصه الفير بتسافر صح ؟ هزاع: هيه مروان: منوه بيوديهم المطار؟ هزاع: ما ادري والله اظن احمد او صالح او يمكن السايق بعد مروان: والله حاله .. عايلة اجرامية في هالمواقف تستوون .. هزاع: هيه وانته ويانا طبعا .. لانك من العايلة مروان: بسم الله عليه !! .. عفرا فالحجرة .. ويالسه ترمّس غاليه ... عفرا: لو كنتي يايه يا غلّوي .. اسمي والله موقف محزن بالقو غاليه: اويه حليلها حصه .. والله عفرا: امايه شلت البيت ع راسها .. غاليه: وجيه ما قلتي لي كنت بيي اسلم عليها عفرا: روحي مضايجه .. وما ادري كيف سلمت عليها .. بعد اتصل بج انتي .. غاليه: كيف طلعت هالسفرة المفاجأة عفرا: تخيلي ابويه صدق كان زعلان انه توه يدري وطيارتها الفير .. غاليه: وعقب ؟ عفرا: ما شي .. عاد تعرفين ابويه وقلبه طيب .. ما حب بنته تسافر وهو مب راضي عنها .. نش هو روحه وسلم عليها غاليه: حليله ابوووووج طيب عفرا: هيه والله .. غاليه: قهرتني جيه ما خبرتيني عفرا :ثرج ذليتيني ... اقولج روحي مضايجه غاليه: مضايجه ويالسه تسولفين وتظحكين الحين عفرا: يا ويهج يالسه افضفض لج . ما تستحين ... يالله يالله باي غاليه: هههه عفاري عن الحركات اسولف عفرا: اسولف اونه .. وجذه تعطيني فالويه . لازم تراعين شعوري اختيه بتسافر غاليه: انتي اللي ذليتينا اللي يسمع يقول انتي .. لو انتي ما ادري شوه بتسوين عفرا: بسم الله عليه ... يالله بندي ابا ارقد غاليه: الحين ؟ عفرا: والحين جيه الساعه كم تتحسبين .. 12 غاليه :اونه عفرا: شوفي الساعه غاليه: هيه والله .. يالله يالله انا بعد برقد .. عفرا: تصبحين ع خير غاليه: وانتي من اهله ... في بيت الشباب تحديداً .. حجرة راشد ... عمر وراشد .. عمر يالس ع شبرية سعيد الجديمة .. وراشد يالس ع شبريته ومجابل عمر .. عمر: الاسبوع الياي بسافر راشد ( وآثار الصدمه ع ويهه ): شوه ؟ عمر: الاسبوع الياي بسافر راشد: وين بتسير ؟ عمر: الحج راشد: صدق ؟ عمر: هيه راشد: ودني وياك عمر: لا والله ... والبيت ؟ راشد: بلاه ؟ عمر: الحين انا ياي ارمسك انته عن البيت واخوانك وانته تقول بتيي ويايه راشد: اصلا انا امتحاني الاسبوع الياي ما اقدر اسوي أي شي عمر :اللي يقول كنت بخليك تسير هالسنة .. ٍر السنة اليايه ان شاء الله اذا الله قدرنا وقدرك راشد: ان شاء الله عمر: راشد .. راشد: هلا عمر: انته ريال البيت بتكون .. راشد: وسعيد ؟ عمر: انا ما عليه من سعيد .. سعيد عليه من حرمته الحين ... ما عليه منكم انتوا .. انا اكيد بوصيه عليكم وهو اكيد بدون ما اقوله بيكون وياكم .. بس انته تيي عقبي الحين مب سعيد .. راشد ما اوصيك ع اخوانك والبيت .. وفريد راشد: يا عيني توصية خاصة حق فريد عمر: راشد والله ما امزح وياك راشد: آسف خلاص .. والله كمّل عمر: وعبدالعزيز .. انا بخبره وبحاول قد ما اقدر اني اقنعه .. هو سواء اقتنع والا انا بسير .. بس ما اوصيك عليه .. دراسته .. احتياجاته .. وحتى الرقاد فالحجرة .. انته تنقل اغراضك هناك راشد: انا ؟ عمر: هيه .. لاني اعرف انه بيعاند ... وما بيي هو هني .. فـ انته اكبر .. راشد: ان شاء الله عمر: وعمران .. ان شاء الله بتطلع نتيجة قبوله قبل ما انا اسافر .. فـ بطمّن عليه .. وعقب انته تكون ويايه في كل خطوه يخطيها راشد: ان شاء الله عمر: ومروان ما عليه خوف راشد ( ابتسم): مروان يقاسمني المهمه عمر: بس المسؤولية الاكبر عليك طبعا راشد: ان شاء الله ... توكل ع الله .. وسر وانته مرتاح ... انا بكون موجود عمر: انا واثق فيك ... وواثق انك بتكون قد المسؤولية ان شاء الله راشد: افا عليك .. تلميذك يا ولد سيف ابتسم عمر لـ جملة اخوه .. ولد سيف ... كم يفتخر يوم يزقرونه عمر ولد سيف ... والا ولد سيف .. والا يوم يقولون له .. طالع ع ابوك سيف . او ماخذ من ابوك سيف .. الله يرحم سيف .... عمر: انا الحين بسير ارقد راشد: ادري بترد تسمعني هالاسطوانه من اول ويديد وبحفظها لين ما تسير .. عمر: هههههه استحملني راشد: افا عليك يا عمر والله .. انته تآمر .. بس ويا منوه بتسير ؟ عمر: ويا احمد ربيعي فالدوام راشد: متى ؟ عمر: يمكن يوم الاثنين او الثلاثا نظهر من هني راشد: اها .. عمر: يالله تصبح ع خير راشد: وانته من اهل الخير .. ونش عمر ظهر من الحجرة ... وسار حجرته بيرقد .. فتح الباب .. شاف الاخ عبدالعزيز توه مخلص سبوح ويسحّي شعره عمر: انا قايل لك ما تسبح نص الليل عبدالعزيز: برد برد برررد عمر: محد قالك تسبح هالوقت .. عبدالعزيز: شسوي ... وسار عمر انسدح ع الشبرية وتلحف عمر: اسبح من وقت عبدالعزيز: ان شااء الله .. وسار عبدالعزيز نقز ع الشبرية واندس تحت اللحاف .. من البرد عمر: والحين امرض عبدالعزيز: احسن عسب تدلعني عمر: فاضي انا عبدالعزيز: هيه بس فاضي حق اخوانك عمر: يا ويهك اخوانك بعد عبدالعزيز: يتقاسمون معي حبك عمر: ههه الله ع العربي عبدالعزيز: عيل جيه نسير المدرسة ونتعلم .. لهذا السبب عمر: انزين بس ارقد ووايد لا تتفلسف ... عبدالعزيز: عمّور عمر: شوه ؟ عبدالعزيز: في حفلة حق المتفوقين .. واحم احم طبعا انا واحد منهم .. ولازم تكون موجود عمر: متى ؟ عبدالعزيز: الاسبوع الياي عمر ( ارتبك): أي يوم ؟ عبدالعزيز: الاربعا .. عمر: اها ... انزين عبدالعزيز: مب تقول عندك شغل وما بتيي .. وما ادري شوه .. عمر: يصير خير ان شاء الله للأربعا عبدالعزيز: هاي حرمة سعيد ليش جذه عمر اطالع صوب اخوه .. يعني لازم يرمس !! .. من سالفة لين سالفة لازم ينتقل ... عمر: شوه فيها ؟ عبدالعزيز: ما ادري عمر: عبدالعزيز .. ما يخصك فيها .. ولا ترمسها .. ولا تسير صوبها .. عبدالعزيز: اصلا انا من يوم ما يت هني ما مرمسنها عمر: احسن بعد .. ويالله ارقد .. عمر .. كيف افتح وياه الموضوع .. وكيف اقوله اني بسافر .. اففففف بيسوي لي اياها قضية .. وبيزعل ووو .. ويا خوفي ما يقتنع ويقول بيي وياك .... او انه يتم زعلان لين ما اسافر .. من باجر لازم اتفرّغ بس حقه ... لين ايي وقت السفر ... عسب اعوضه لو شوي عن الايام اللي بغيب عنه.. الله يعينييييييي وياه ... سمعوا صوت الجرس .. بين عفسة الشنط والاغراض .. نش وسار فتح الباب ... تفاجئ باللي جدامه ... علي: هلا هزاع ... هزاع: اهلين علي علي ( يشوف ساعته): في شي ؟ مستوي شي ؟ هزاع: لا علي: عيل شوه فيك ؟ وظهر مروان من ورا هزاع ... مروان: ياي يسلم ع اخته فيها شيييي يا حضرة الما ادري شوه علي : ههههه وانته من وين ظهرت مروان: من بطن امايه .. علي: يا السخيف مروان: الحين يعني ما بدّخلنا .. حشى اول مره نييكم .. جذه يكون الاستقبال .. هزاع نرد نرد علي: لا افا عليك والله .. تفضلوا حياكم .. بس يعني للحين منصدم مروان: من شوه منصدم يعني علي: ما ادري .. المهم حياكم .. اقربوا .. مروان: سو لنا درب الله يخليك علي: حصه لبسي شيلتج يوم بتظهرين مروان: يقولون بتسافرون ... ولا تخبرنا .. جذه تطلع خاين .. علي: هههه شوه نسوي ع السريع والله كل شي مروان: جان قلت لنا يمكن يينا وياك .. شفنا المانية جيه شقرا ام عيون زرق حلوة .. بناخذها علي: ههههه مالت عليك بنات البلاد يالسات وانته تقول المانية مروان: سنة الحياة علي :ما يخصه مروان: هزاع لا تستوي مؤدب زياده عن اللزوم علي ( ابتسم): عيال بو هزاع كلهم اليوم جذه .. مادين البوز شبرين هزاع: وين حصه ؟ علي: فالحجرة .. سير لها ... نش هزاع وسار صوب الحجرة .. خذ نفس عميق .. ودق الباب عقبها .. حصه: ادخل .. بس حاسب في شنطة عند الباب مرّه ... انفتح الباب ... حصه: شوي شوي .. هزاع: اوكيه اوكيه .. بل كلتينا مب شنطة وحاطينها عند الباب .. سمعت حصه الصوت .. هدّت اللي في ايدها .... انصدمت ... هذا شوه يايبنه ؟ وهي ما سمعت اصلا علي ريلها يوم رمس وقالها يوم بتظهرين لبسي شيلتج ... فـ تفاجئت بـ هزاع وانه موجود حصه: هزاع !! هزاع: بلاكم انتي وريلج .. يعني شوه ما تبون تستقبلونا حصه: حياك .. اقرب هزاع: تو الناس ... حصه: شسوي .. امممم .. شوف البهدلة اللي انا فيها ... هزاع: هيه اشوفج ... ويلس هزاع ع الكرسي ... هزاع: متى طيارتكم ؟ حصه: عقب ساعه او اقل لازم نكون فالمطار هزاع: اونه حصه: هيه هزاع: منوه بيوديكم ؟ حصه: اعتقد سايق قوم امايه هزاع: اها وسكت هزاع .. هو روحه حاز في نفسه ان اخته تسافر .. ولا يدرون متى بترد .. وهي جملها مختصره .. وتجاوب ع قد السؤال .. متفاجئة بـ وجود اخوها هني ... هزاع: حصه ... حصه: هلا هزاع: انا مب ياي اقولج شرات قوم امايه ... ليش .. وكيف .. ومتى .. وجيه ما قلتي لنا .. انا ياي اقولج .. هناك في بلاد الغرب .. بتعيشين في غربة .. انتي ما تدرين كم يوم والا كم اسبوع او شهر حتى بتمين هناك ... فـ كوني قوية مثل ما اعرفج .. وديري بالج ع علي .. ثره يعز علينا هو بعد ... والله يوفقكم .. ويعطيكم ع قد نيتكم ... ونش هزاع .. حب راس اخته العوده .. هني نزلت دموع حصه ... نزل هزاع بمستواها هزاع: حصه قلت لج كوني قوية .. انتي هني بعدج وتصيحين ... حصه: والله لو بايدي .. جان ما فكرت اسافر هزاع: ما عليه .. الحين خلاص كل شي استوى ... الانسان يحاول .. وان شاء الله خير حصه: انته بعد ما اوصيك ع امايه وابويه وخواتي هزاع: اللي يسمعج يقول انتي اللي كنتي تجابلين هذيل كلهم .. حصه ( ابتسمت غصبا عنها ): يا سخيف هزاع: ههههه يالله قومي خلصي شغلج .. ما باجي شي حصه: خلصت ... هزاع: هيه اشوفج .. من الحين بعد لابسه لي البنطلون والقميص .... وفاله الشعر ... ويالسه حصه: يا ويهك .. قلت مره وحده ... وشعري ما تفيجت له الحين بلفه وبلبس شيلتي وعباتي .. هزاع: لا لا خلج جذه ... ع هالاستايل ولا تلبسين عباه وشيله ماركة ألمانية بتكونين حصه: هيييييه هاللي ناقص ... تبا علي يشغل لي شراعي ووصل علي .. علي: انته شوه سويت هزاع: ما سويت شي ... برييييييء علي: أي بريء أي خرابيط .. قلت لك سر سلم عليها ييت صيحتها هزاع: شوه اسوي .. خواتي رقيقات .. من يسمعون كلمة مني .. يصيحن علي: اوه اوه لا لا .... ما نروم هزاع: هههه ... يالله أي شنطه خلصتوا عسب ننزلها علي: انته وولد خالك والله عليكم حركات .. ما له داعي توصلونا ... السايق بيودينا هزاع: ياخي اختيه كيفي ابا اوصلها .. انته ما تبا سر ويا السايق مالك علي: هههه الله ياخذ العدو .. فالويه بعدها سهرانه ... بعدها يالسه ... تبدّل من قناة لين قناة .. ما عندها شغلة ثانية تسويها .. الوقت تأخر .... لكن عادي !! ... وصل اللي دخوله هالحزه استوى شي عادي وطبيعي ... بدر: انتي للحين واعية ! هند: انته شوه تشوف بدر: غريبة ما رقدتي .. عسب الصبح تنشين تسولفين ويا يدتج هند ( اطالعة صوبه وابتسمت ابتسامة مصطنعه ): لا تحاتي .. بنش ان شاء الله بدر: انتي بلاج جذه مستويه ؟ هند: شوه فيني ؟ بدر: ما ادري كيف مستويه من عقب ما سرتي وياهم المزرعة ورديتي .. شوه علموج قلة الادب هند: ياخي انته اللي بلاك .... انا ارمس جدا عادي .. انته الا داخل وطالع وتسب هلك بدر: فكينا بس الله يخليك .. هلي وهلي هند: سرت فوق نزلت تحت هلك بدر: هلج انتي مب انا هند: مشكلتك هاي يوم انك تبا تتبرى منهم بدر: هندو بليز .. مب متفيج .. فلا تصارخين توعين كل اللي فالبيت الحين هند: انا بعد اقول احسن ... وسكتت هند ... وسكت بدر ... بدر: انا بطلب لي لبس من امريكا .. فالنت تبين شي ؟ هند: لا بدر: ولا شي ؟! هند: اذا يعني مصر .. انته كريم وانا استاهل بدر: يعني مثلا شوه تبين ؟ هند: أي شي ... ع ذوقك بدر: بطلب لج فستان هند: شوووووه ؟ فستان .. من امريكا !! . شوه تستهبل ؟ بدر: انتي قلتي أي شي هند: يالله عليك شوه من المناسبات اللي عندي عسب البس فستان ... والا فساتين امريكا شوه والا شوه تغطي ؟! .. باختصار يعني ... من زييييييينهم بدر: بل .. خليتي في فساتينهم شي بعد هند: هم جذه بدر: خلاص خلاص .. بشوف لج شي حلو .. ع ذوقي الحلو .. هند: الله ع الوثوق بدر: فذمتج .. جد يبت لج شي مب حلو هند: هو الحق ينقال يعني ... بدر ( قطع عليها ): هيه هيه .. لا تخرطين الحين هند: كيييييفك والله انك خسران .. بغيت اقول ان ذوقك حلو وكل اللي يايبنه لي حلو .. بس انته ما تستاهل .. واسير ارقد احسن لي .. بدر: هههههههه خلاص خلاص امدحيني تعالييييي ... هند: شوه تبا فيه رقاد بدر: خلاص عيل سيري رقدي .. انا بعد بسير ارقد هند: تصبح ع خير بدر: وانتي من اهله .. ما قدر يرقد .. وللحين يفكر كيف يخبره ... شاف ان اخوه راقد وتأكد من انه راقد .. نش وظهر برّع .. مر ع حجرة عمران ومروان .. شاف ان عمران راقد . لكن مروان بعده ما رد البيت ... ومر ع حجرة راشد .. شاف ان راشد راقد ... نزل تحت .. ومسك مبايله .. عمر: الو .. مروان وينك ؟ مروان: سلم سلم سلم ... عمر: السلام عليكم ... مروان: وعليكم السلام .. كيف حالكم عمر: وينك ؟ مروان: غمض عينك وافتحها بكون عندك .. لا لا عد لين عشر عمر: مروان بلا استهبال تشوف الساعه كم مروان: والله والله انا عند باب الصاله .. وفعلاً .. مجرد ما صد عمر عند الباب .. شاف مروان دخل ... مروان: شفت شوه قلت لك ... ما شاء الله عليه مهذّب عمر: وينك انته من الصبح ؟ هايت هني وهناك .. ما شبعت حواطه وهياته مروان: كنت هنا فالجوار عمر: مروان .. ما بتم اقول لك كل يوم لا تسهر .. لا تتأخر .. مروان: عمر والله اني سرت اوصل بنت عموه المطار عمر: أي عموه ؟ مروان: هي عمه وحده عندنا .. بعد عندنا غيرها ! عمر: اففففف عن الاستهبال مروان: انزين انزين .. عموه عذيجة .. عمر: سرت ويا هزاع ؟ مروان: هيه .. انا وهزاع .. عمر: ليش سافرت ؟ مروان: ما شي سايرة علاج .. ادعوا لها وريلها .. وبس .. عمر: اها .. الله يردهم بالسلامة .. مروان: آمين .. بعدين انته تعال .. جيه انته سهران للحين ؟ عمر: انا .. ما ياني رقاد مروان: ماذا بك يا اخي .. احيدك من يأذن المغرب انته ع الفراش عمر: هههه عن الطنازة والمبالغة مروان: هههههه صدق بلاك عمر: ما فيني شي .. بس اقولك ما ياني رقاد مروان: على الرغم من ان الكل يحطني في آخر القايمة .. واني مب جريب منك وايد ... وما افهمك بسرعه .. لكن العكس صحيح .. ( وابتسم ) عمر ( أبتسم ): اذا هم ينكرون شعورك هذا .. فـ انا ما انكره .. مروان: قولي عيل شوه فيك عمر: مروان انا الاسبوع الياي بسافر .. مروان: انته بعد!! عموه حليلها كم والا كم بتستحمل .. روحها مضايجه عسب بنتها عمر: لالا .. انا قايل حق عمّوه .. مروان: ووين بتسير عمر: بسير الحج مروان: هيييه .. قول والله ودني وياك عمر: بلاك انته وراشد .. انا الحين روحي ابا اسير .. واوصيكم ع البيت .. وانتوا بعد ورايه مروان: انزين شرايك عيل كلنا نسير جذه ظربة عمر: هيه .. سايرين رحلة نحن مروان: صدق كشخه عمر: يا ويهك اقولك عن الاستهبال مروان: ههههههههه خلاص خلاص .. والله نص الليل يالسين نسخّف عمر: قصدك يالس تسّخف مروان: شكراً اخي الكبير عمر: عفواً اخي الصغير .. يالله ع الفراش مروان: نام بكير ونش بكير وشوف الصحه كيف بتصير عمر: نش اونه .. أي بكير الله يخليك .. راد لي ويه الفير .. مروان: لقد ذكرت لك الاسباب ... والله ميّت من الرقاد ... تصبح ع خير عمر: وانته من اهل الخير .. مروان: ثرني ما خذت كل المعلومات عن سفرة الحج .. فلا تفرح وايد .. باجر بعوّر راسك بالاسئلة عمر: عيل خل نسير نرقد ونريح .. مروان: هيه انا بعد اقول احسن تسير ترقد .. وتتهيّأ نفسيا .. صبح يديد ... وجمعة طيبة .. والناس ينشون من وقت رواحهم .. وفي بعضهم بالغصب .. ومن اللي ينضمون الى قايمة بالغصب هالمرة .. أحمد .. ع قولت آمنة شاب شعر راسها بسبة هالأحمد ... يوم ما ينش الصبح ويلعوزها ... آمنة: احمد قوم واحمد في سابع نومه .. آمنة: احممد قووووووووووووم ولا معبرنها آمنة: بتقووووم والا شوووووه ؟ احمد: شوه آمنة: لا والله .. نش اليوم الجمعة احمد: الساعه كم ؟ آمنة: الساعه 9 ونص احمد: باجي وقت آمنة: شوه باجي ؟ احمد: الساعه 12 قوميني يوم بيخطب بسير آمنة: منوه بيخطب ؟ احمد: اخوج ... يعني منوه بيخطب الامام .. آمنة: ط هذا احمد: قومي قومي عني .. ما منكن فايده يالحريم ... آمنة: شوووووه .. انا الحين من الصبح يالسه اوعيك عسب صلاتك وانته تطنز ع اخويه وعليه .. انا برويك .. ونشت آمنة يابت كاس ماي بااااااااارد من الثلاجه ... ورشته ع ويه احمد .... كانت الحركة مقصوده ومن الخااااااااااطر .... احمد: يااااااااااااااااااااااااااااااا آمنة: هيه هيه سب سب ... احمد: شقول الحين .. آمنة: قول قول .. احمد: الماي بااااااارد آمنة: عيل تحط عليه احمد: الساعه كم ؟ آمنة: ما ادري روحك شوفها احمد: يالله يالدفاشه ... كيف مستويه آمنة: تعلمتها منك ... بتنش نش .. ما تبا تنش لين الخطبه ع قولتك .. ارقد واشبع رقاد ولا برد اوعيك ... وانا الحين بنزل تحت .. وشلت آمنة بنتها بتسير تحت ع قولتها احمد: بنتيييييي .. يييبيييييييي بنتييييييي وبنته تظحك تسمعه هو يصرخ .. احمد: فديييييت هالظحكه والله .. آمنة: احمد قم والله لعوزتني انا بسير .. صدق احمد: وين بتسيرين آمنة: بنزل تحت بيلس ويا عموه شويه احمد: انزين نزلي آمنة: نش انته عسب انزل احمد: انا ناش .. صابه ع ويهي ماي بارد .. وبعد ما تبيني انش آمنة: تتادب محد قالك تلعوزني ... وتحط عليه وع اخويه احمد: تعالي هزاعو جيه ما يعرّس آمنة: هزاعو اصغر عيالك ... سر انته رمسه خل يعرّس .. احمد: برمسه .. وجيه ما ارمسه .. بقوله .. آمنة: انزين الحين نش عقب تفلسف انا بسير تحت .. نشت آمنة ونزلت تحت ... رملة : وييييه حبيبتيه آمنة: تعالي شليها .. بسير اييب الدلال ناعمه ( توها يايه ): يلسي مكانج يبت كل شي .. آمنة: هذا احمد اللي ما ينش ... رملة: مب اول مره ... ييبيها ام احمد: آمنة اختج سافرت ؟ آمنة: هيه عموه .. اليوم الفير .. ام احمد: الله يردها بالسلامة .. آمنة: آمين .. ناعمه: شحال عفرا اختج ؟ آمنة: عفاري الحمدلله تشقح وتنطح ناعمه: وييييه من زمااااان ما رمستها آمنة: يالسه فالبيت لا شغله ولا مشغله .. اتصلي رمسيها رملة: وهذيلاك الاثنين اللي ما ادانيهم تشوفينهم آمنة: ههههه كيف ما اشوفهم واحد ولد اختيه ... والثاني ولد خالي رملة: افففففف وايد كانوا يقهرون ام احمد: وانتي شلج في الصبيان رملة: هذيل مب صبيان امايه .. وحووووووووش والله وحووووش ام احمد: استحي ع ويهج آمنة: ههههه عادي عموه تعودت علينا .. معروفين هالوحوش اللي عندنا رملة: والله جان بعد ميثا استوت وحش شراتهم بظربها ظرب آمنة: ايه ايه وين تبين حبيبتيه ناعمه: تظربين بنت الحرمه رملة: بنت اخويه آمنة: ظربيها جان فيج خير .. انا ما برمس ولا بتحرك .. دواج عند ابوها رملة: عاديييييييييي عيال احمد عاديييييي آمنة: لا والله حلفي ! في بيت الشباب .... عمر وعبدالعزيز .. عقب ما تسبحوا ... ونازلين بيتريقون تحت قبل الصلاة والأذان وروحة المسيد .. طبعا عمر لازم يسوي جولته الاستكشافية .. ويمر ع الحجر يشوف اخوانه نشوا والا ؟ وبما انه متأكد ان مروان راد امس متأخر فـ للحين ما ناش .. وبيلعوزه وايد .. فـ بيسير يشوف راشد قبل .. عبدالعزيز: لا تمر صوب راشد .. هذو راشد يالس تحت عمر: جيكت بعد عبدالعزيز: طبعا ... ما اتعّب اخويه عمر ( ابتسم) :انزين وساروا صوب حجرة عمران ومروان .... عمران: هلا والله عمر: اهلين .. صباح الخير عمران: صباح النور عبدالعزيز: ما شاء الله عليك يا اخويه عمران: أي اخو ؟ عبدالعزيز: انته طبعا عمران: اونك عاد ... غريبة .. جيه ؟ عبدالعزيز: ناش من وقت ما شاء الله عمران: اوف كورس .. عيل شرا بعض الناس اللي اقومهم من الصبح وما ينشون مروان ( وهو بعده مغمض عينه وصاد الصوب الثاني) : انا ناش وايد لا تخرط عمر: اعوذ بالله عمران: من الصبح ع هالحاله .. عبدالعزيز: ويوم انك ناش جيه ما تقوم مروان: كيفيييييي عمر: مروان يالله نش تريق وبنسير المسيد مروان: اوه عمر ( وفز من ع الشبرية .. ويلس عدل ).. يالله بندا الاستجواب .. متى السفر ؟ عمران: أي سفر عبدالعزيز: منوه بيسافر ؟ عمر شوي وبيزغد مروان ... كيف يرمس وعبدالعزيز واقف !! مروان: ما تدرون ؟ عمر بيسافر عمر: مروان مب وقته عمران: وين ؟ عبدالعزيز: لحظة لحظة ... منوه بيسافر؟ مروان: مب قلت لي الفير ؟ عمر: مرواااااااااااان وتم عمر يطالع مروان بنظرات ان افهم يا عبيط ! .... وعققققققققب مروان فهم السالفه ... وعمران صخ .. شكله عرف ان السالفه صدق ... وان مروان جاد وعمر بيسافر .. وعرف ان عبدالعزيز ما عنده خبر !! مروان: بسير اسبح وانزل تحت اتريق .. عمران: والسفر؟ مروان: أي سفر ؟ عمران: انته توك تقول مروان: انا كنت مخرّف ... باي ... عمر: عمران يالله انزل تريق عبدالعزيز: لحظة .. اذا تتحسبوني غبي .. فـ انا مب مثل ما انتوا متوقعين .. بسرعه قولوا شوه السالفه عمر: أي سالفة ؟ مروان: بااااااااي ونش مروان وشل فودته ودخل الحمام .. وخلّى .. عمر ويا المصيبة والمشكلة اللي سواها .. عبدالعزيز: قولوا بسرعه شوه السالفه عمران: انا بسير اتريق ظهر عمران .. ولحقه عبدالعزيز .. لكن عمران نزل تحت يتريق مثل ما قال .. اما عبدالعزيز فـ سار الحجرة .. عمر .. الله ياخذ عدوك يا مروان .. جذه توهقني .. تفتح السالفه جدامه بدون أي مقدمات او أي سابق انذار .. انا افكر كيف اقوله وانته الله يهديك خربت كل شي ... وخليته جذه يدري منكم قبل ما انا اقوله .... الله يعيني الحين .. شوه بقوله... مشى عمر ساير حجرته ... دخل شاف عبدالعزيز يالس .. وقبل ما يرمس والا يقول أي شي عبدالعزيز هو اللي رمس .. عبدالعزيز: شوف ... لا تقولي انك ياي تبرر موقفك .. او تألف قصة وتقولها لي ... بتقول الصدق قول .. ما بتقول لا تقول ... عمر: انزين وعقب ؟ عبدالعزيز: شكلي من اليوم وساير بتعود شوي شوي انك ما تكون في حياتي .. انصدم عمر من رمسة اخوه .. هو يدري ان عبدالعزيز لو سمع بأخبار عمر من برع يفور من داخله .. كونه اخوه الصغير ودلوعه ويرقد وياه في نفس الحجرة ومجابلنه 24 ساعه ... فـ كيف يخبر الغير قبل ما يخبره ؟! بس عمر هالمره عصّب من رمسة عبدالعزيز ... سار ويلس مجابلنه ومسكه من جتوفه بالقو .. عمر: انته اللي شوف ... واسمعني عدل ... لو انته تبا مثل ما تقول تتعود ع عدم وجودي في حياتك ... فـ هذا شي راجع لك انته ... لكن لا تنسى اني انا مستعد اضحي بعمريه كله عشانك انته بالذات .. ولا تنسى اني انا ما اقدر استغنى عنك ... وان محد يقدر ياخذ مكانك في قلبي .. واذا انته مب مهتم في كل اللي انا قلته .. فـ كيفك ... ومشكلتك هاي ... وتقدر تسوي اللي انته تباه ويريحك .. دون ما ترجع لي حتى .. هد عمر عبدالعزيز .. اللي هو الحين انتقلت له صدمة رمسة عمر ... هو ما كان يقصد يجرح اخوه .. اللي عقب ما خلص رمسته .. انسدح ع الشبريه وصد الصوب الثاني .... عبدالعزيز: عمر عمر: نعم ؟ ... انزل تحت سر تريق عبدالعزيز: وانته ؟ عمر: ما يخصك فيه ... لا لا .. قوية هاي في حق عبدالعزيز ومن منوه ؟؟ من عمر ..... عبدالعزيز: عمّور انا آسف عمر: ما قلت شي عسب تعتذر عبدالعزيز: لا قلت .. وغلطت في حقك بعد ... عمر: شي عادي بتعود عليه مع الايام عاد هني خلاص .. عبدالعزيز صدق شوي وبيصيح من رمسة عمر وطريقة رده واسلوبه ... مستحيل يقدر يستحمل هالاسلوب ... عبدالعزيز: عمر قلت لك انا آسف .. لا اتم تذلني ع كلمة طلعت مني وانا معصب عمر: كل شي استوى عادي بالنسبة لك عبدالعزيز: لا والله مب عادي ... وانا ما قصدت هالشي .. وانته تعرف اني ما قصدته .. عمر: شرا ما اطوّل لسانك ع الغير قمت اطوّل لسانك عليه .. عبدالعزيز: لا والله لا .. بروحي بقص لساني جاني اطوله مره ثانية عليه .. افف يا ربي عمّور حرام عليك والله .. آسف ما قصدت اقولك .. عمر: عبدالعزيز انا يوم الاثنين بسافر ... عبدالعزيز: وين ؟ وليش ؟ عمر: بسير الحج ... ونش عمر و جابل عبدالعزيز .... يالسين مجابلين بعض ... وبدا عمر يرمس .. عمر: ما اظن انك بتزعل يوم دريت اني بسير الحج عبدالعزيز: كم بتم ؟ عمر: اسبوعين .. بس ع حسب الزحمة والناس .. انا مب بروحي ساير .. ولا ان الطيارة او الحملة ع حسابي .. متى ما بغيت ارد بالضبط برد ... الحج غير .. عبدالعزيز: يعني عادي تطوّل هز عمر راسه انه هيه .. عبدالعزيز: منوه بيسير وياك ؟ عمر: انا وربيعي احمد عبدالعزيز: يعني ولا حد من اخوانّا بيسير وياك عمر: لا .. عبدالعزيز: كيف جذه ؟ عمر: يعني كيف جذه ؟ عبدالعزيز: روحك تسير عمر: اقولك ويا ربيعي احمد .. عبدالعزيز: انزين و زايد عمر: بلاه زايد ؟ عبدالعزيز: ما بيسير وياك ؟ عمر: يعني الحين يوم هو روحه ما يبا .. انا اجبره ايي .. انا ساير عباده ... اللي يبا ايي عبدالعزيز: انزين انا بيي وياك عمر: وييييييين ؟ عبدالعزيز: الله يخليك عمر: انته تتمصخر .. ساير اودي يهال انا والا اتعبّد عبدالعزيز: انا مب ياهل عمر: انته كبير ... وعود ... لكن مب وقته تسير الحج .. عبدالعزيز: يعني اتم هني ؟ وانته محّد ؟ عمر: هيه ... ما بيصيبك شي عبدالعزيز: انزين موافق بشرط عمر: بعد شروط ! عبدالعزيز: هيه عمر: قول عبدالعزيز: انا ما بسير بيت ولا حد .. ولا تقولي لا انا مب موجود .. ما بسير ابات بيت قوم عموه ... ولا بيت عمي عبيد ... عمر: مب انته كنت تتمنى تبات بيت قوم عموه ؟ عبدالعزيز: لا كنت اتمصخر ... انا ما اقدر ابات برع البيت بدونك .. عمر: وانا ما بكون موجود عبدالعزيز: ما عليه برقد في بيتنا عند اخواني .. احسن عمر: انزين.. ان شاء الله يصير خير لين ما انا اسافر ... تم عبدالعزيز يملي شروطه على عمر .. اللي يقوله ان شاء الله ......... ان شاء الله ... ما يبا الحين عبدالعزيز عقب ما اقتنع .. بعد يخرب عليه السفره ويرد يقول بيي وياك ...... عقب صلاة اليمعه .. في بيت بو هزاع ... ثاني ... للحين مريض ... للحين عنده عزا الريال .... بسم الله وبعيد الشر ... عن الكل ... يالس ولا له خلق حق أي شي .... زايد: ما بتسير بيت عموه ؟ ثاني: ليش اسير ؟ زايد: كلهم هناك ... ثاني: ليش؟ زايد: جذه اليوم الغدا هناك .. ثاني: افففففف زايد: الحين بتيي والا شوه ؟ ثاني: انا العصر لازم امر المحل .. شكلي روحي بيي .. سر وبلحقك زايد: بعده لاب توبك ثاني ( بحزن ): هيه زايد انته والله فاضي ثاني: لو اوراقك ضايعه والا كمبيوتر الدوام في مكتبك مخترب جان سويت شراتي واكثر زايد: لو سويت شراتك من حقي ... لاني يالس استخدمهم في اشيا تنفعني وتنفع غيري ثاني: وجيه انا شوه يالس اسوي ؟ زايد: الله يعلم ثاني: زايد انته آخر واحد يرمس عن اللي اسويه فالنت او ع اللاب توب .. انته تعرف كل صغيره وكبيرة عني ... مب كل اللي يستخدمون اللاب توب بالساعات يستخدمونه فالشر ولا كلهم يستخدمونه فالخير .. في جذه وفيه جذه زايد: وانته من أي نوع ثاني: زايد انته تسألني هالسؤال ؟ زايد: وليش ما اسألك .. ثاني: لانك تدري اني مهتم في البرامج .. و احدث التقنيات ... ولا اهتم في الخرابيط اللي تيي ع بالك زايد ( تنهد): والله ما ادري ثاني: شوه ما تدري؟ زايد: ثاني انا اخوك العود .. ما عندي الا انته وغاليه بس ... لازم بحاتي .. لازم بستهم عليك .. انته تعلقك باللاب توب .. ما ينوصف .. ثاني: بس هذا ما يبرر ولا يفسر استخدامي للاب توب مثل ما انتوا تبون زايد: انا اذا افهم وغاليه اذا تفهم ابويه واميه ما يفهمون .. صدقني .. ابويه لو انه ما يرمس مباشرة .. بس في داخله انا متاكد يفكر .. ويقول هذا شوه يسوي طول الوقت ع اللاب توب .. واي غلطه ضدك ... وحتى لو مب مقصوده او ان حد يبا يوهقك ابويه بيربطها بيلستك ع النت ثاني: يعني شوه تباني اسوي ؟ زايد: خف من يلستك ع النت وع اللاب توب بشكل عام ... حاول تسير تيي .. تنزل تحت اكثر .. يلس نص الليل محد بيقولك شي .. الكل رقود . اما فالنهار حاول تيلس ويانا نحن .. سر بيت عموه بيت عمي يوسف ثاني: تعال تعال ع طاري عمي يوسف زايد: بلاه ؟ ثاني: من زمان ما سرت عنده زايد: لا تستعيل .. يوم الاحد نحن عنده ثاني: بل ! ... ليش ؟ احيد نهاية الاسبوع نحن اذااااااا فكرنا .. نسير له زايد: هذا انته اذا فكرت .. والا انته اصلا بعد ما تفكر لين ما هو يطرش رسايل انذار حقك وحق هزاع ثاني :هههههههههه شوه نسوي يا اخي ... تدري يبالنا نسير نسكن هناك .. عنده .. في هالبيت العود محد يدري عنا ندخل ونطلع زايد: قصدك تيلس ع النت ع كيف كيفك .. ثاني: هيه والله .. زايد: عمر ولد عمي سيف بيسافر الحج ثاني: اوووونه زايد: هيه ثاني: الله كشخه .. زايد: سر وياه ثاني: ههه .. ما تظحك .. والجامعة زايد: وقّف هالكورس ثاني: لا لا ظحكتني انا ابا افتك وانته اونه وقّف .. لا خلني اخلص وعقب ان شاء الله باذن الله بيي يوم وبنسير زايد: انزين انته اخرتني وايد .. انا بسير .. ثاني: سر سر .. انا لاحقنك زايد: مع السلامه ثاني: الله يحفظك ... في بيت السفير ........ جواهر : هند .. هندووووو ... هند ( من فوق ): هلا امايه جواهر: تعالي اباج .. بدر: سيري سيري ... هند: انته متاكد ؟ بدر: طبعاً.. ولا تقولين هالمرة بتيلسين عندي لاني بقول حق ابويه آيم فيري سوري .. شل بنتك وياك هند: ها ها ... شكرًا .. ما بقوله بتم وياك .. يدتيه هني بدر: اسمعوا انتوا هاي هند: هيه حبيبي .. مثل ما انته حاسبنها غلط .. انا حاسبتنها صح .. بدر: سيري انزين بنشوف بيقتنع والا هند: انا هنّوده حبيبته بقنعه وسمعوا صوت امهم مره ثانية .. هند: يااااااااااااااايه ... بدر: عقب بشرينا ... اقصد اتحفينا بالردود الرافضة هند: بتحفك بالردود الموافقة .. اصبر انته بس .. ونزلت هند تحت ... جواهر: سيري ابوج يباج هند: و انتي جيه يالسه هني ؟ جواهر: انتي شوه تبين فيني .. هند: ولا شي جواهر: وين يدتج ؟ هند: دخلت ترقد عقب الغدا جواهر: سيري يالله هند: انزيييييييييييين وسارت هند صوب حجرة ابوها وامها .. ودقت الباب ودخلت .. بو بدر: هلا والله بـ هنّودتيه هند: اهلين وسهلين ويا مرحبتين بو بدر: اوه اوه .. مستويه لبنانية اليوم هند: شوه نسوي بعد جذه الدنيا يا بو بدر .. بو بدر: هههههه بلاج اليوم هنّوده متخبلة هند: ههههه شسوي والله يالسه مجابلة بدر من الصبح .. شوي نتناقر وشوي نسولف بو بدر: انزين هنّوده هند: ادري جيه زاقرني بو بدر: عسب ؟ هند: السفر .. بو بدر: هيه هند: بتم هنيييييي بو بدر: ويا ؟ هند:اذا بدر ما بيجابلني هالمرة .. اكيد يدوه ما بتسافر وياكم بتم وياها الله يخليك ابويه بو بدر: انزين انا كنت اعرف انج بتقولين هالرمسة هند: والحين ؟ بو بدر: شوه الحين ؟ هند: يعني مدام تعرف اني بقول هالرمسة .. بتخليني ؟ بو بدر: هيه هند: صدق ... ههااااااااااي بسير ابشّر بدر بو بدر: تعالي تعالي هند: شوه غيّرت رايك ؟ بو بدر: لا لا .. بس في سالفة ثانية هند: واللي هي ؟ بو بدر: عبيد هند: أي عبيد ؟ بو بدر: نسيتي بعد ؟ هند: أي عبيد اصلا عسب انساه بو بدر: اللي متقدم لج هند: ويييييييييييه هذا للحين ما رديتوا عليه ؟ ما اباه بو بدر: بلى ردينا عليه .. بس رد يتقدم لج مره ثانية هند: ابويه انا ما اباه بو بدر: هند حبيبتيه الريال مبيّن عليه شارنج .. هند: وانا ما اباه .. والله ما اباه ابويه ... انا ابا واحد يقر فالبلاد مب يعيشني ويسفرني بعد ! بو بدر: بس عبيد بيعيشج مثل ما انتي عايشه هني وبعد في عز اكثر هند: انا ما ابا العز بو بدر: يعني بعد اردّه ؟ هند: اصلا هو كيف رد يتقدم لي مره ثانية .. يا اخي ما اباك رديت عليك مره وحده ما اباك . خلاص ... بو بدر: انتي ترمسين عمرج .. هند: لاااااا ارمسك .. ابوووووويه لا تظهرني خبلة غصب بو بدر: ههههه خلاص خلاص .. بقوله ان ما شي نصيب .. هند: هو لازم يدري من اول مره انه ما شي نصيب .. ( ومشت بتظهر من الحجرة ) ... يعني ما نباك خلاص مره وحده قلناها مب 55 مره بو بدر: الحمدلله والشكر صدق تخبلت من يلسة البيت ... ظهرت هند وسارت فوق ... جواهر امها .. و بدر اخوها يالسين فوق كانوا ... هند: وجييييييييه ما قلتي لي ان ابويه بيرمسني ع سالفة هاللي اسمه عبيد جواهر: انا ما يخصني .. هو قال ازقريها وانا برمسها هند: افففففف جواهر: شوه يعني استوى بج متّي بدر: أي عبيد ؟ هند: أي عبيد بعد ؟ ربييييييعك بدر: أي ربيع جواهر: هاللي تقدّم حق هندو آخر مره بدر: انتوا مب رديتوا عليه ؟ هند: ابويه يقول هيه .. لكن الحبيب مصر .. يا اخي ما نباك استح بدر: مدام انه الحبيب جيه ما توافقين جواهر: هههههههه اسألها هند: بدّوووووور مالت عليييييييك ... اتخسي الا هو الحبيب اونه بدر: هههههه انتي قلتي هند: لا تستهبل وتفّور لي دمّي زيادة .. بدر: خلاص خلاص بسكت ... بس حرام تعذبين الحبيب وفلعت هند بدر بقوطي الكلينكس .. جواهر: هنّووووووود .. تأدبي هند: قولي له هو يتأدب بدر: هههههه خلاص هند: والله ارمس الحين عنه وشوف شوه بسوي بدر: عنبوه ولد مب بنيه هند: شسوي عندي اخو واحد طالعه عليه بدر: هـــه تحلمين فالميلس ... أحمد: بلاه ولدك اليوم سالم: بطنيييييييي بموووووت صالح: ما ادري ... من امس ع هالحاله .. طارق: انزين تعال تغدى هزاع: جذاب هذا سالم: خالي هزاع والله والله بطني يعورني هزاع: شوه فيك ؟ بو هزاع : امه وين هزاع: فالصاله بو هزاع: سر سر عند يدوه خل تسوي لك شي تشربه سالم: ما ابا دوا يدوووووه .. يعور البطن زيادة بو هزاع: عيل قر مكانك .. وخل يعورك زيادة طارق: حرااااام حليله هههههه احمد: ثرهم يقولون له خل يسير عند يدته مب طايع سالم: بمووووووت بو هزاع: لا اله الا الله لا تييب طاري الموت هالكثر ... هزاع: عسب بطنه شويه يعوره الحين .. بيموت سالم: هيه لو انته ... صالح: سر شوف امك انزين سالم: ما اقدر امشي ... احمد: قم قم تعال انا بوديك .. ونش احمد .. اونه ساعد سالم يمشي وبيسيرون صوب الصاله .... فالصاله ... عفرا: خرج اثنان من القوم اللي فالميلس آمنة: اكيد احمد يبا شي سلامة: ما اعتقد .. سالم شكله تعبان .. وين شمسة ؟ شمسة ( توها ظاهره من داخل ): هلا انا هني آمنة: ولدج بلاه ؟ شمسة: ما ادري والله .. من امس يقول بطني يعورني ... آمنة: انزين تغطن عدل احمد ياي ... ووصل احمد ... دق باب الصاله ... وقال هود هود .. عفرا: ادخل ادخل ... يعني نشوفك احمد: نورت الصاله اكيد آمنة: طبعاااااا عفرا: وايد لا تخلينه يصدق عمره عذيجة( يايه من داخل ): هلا فديتك شوه بغيت ؟ سلامة: الحين حرمته ما رحبت فيه هالكثر احمد: يالله يا الحسد .. عمتيييييييه سلامة: ههههه ويه ويه آسفين سالم: امايه بمووووووت ... وسار سالم صوب امه وانسدح حذالها وحط راسه ع ريلها وماسك بطنه بايده .. عذيجة: شمسه بلاه الولد ؟ شمسة: ما ادري امايه من امس وهو جذه ... سلامة: ايه عن تعادي عيالنا آمنة: حرام عليج سلامه .. والله انه تعبان عفرا: ما يليق عليه ... احمد: ههههههه ثرني اقول من الصبح .. وهزاع قابضنه جذاب وجذاب ... عذيجة: انا بسير اسوي له دوا احمد : يقول دواج يعور البطن زيادة عذيجة: غصبا عنه يشربه يوم بسويه .... وهم يرمسون ويسولفون ... ويخربطون ... سالم المسكين رقد وهو ع ريل امه ... من التعب والألم اللي فيه .... *********** |
الجزء الـ 21 في ألمانيا ... كم يوم ينعدّون ع الاصابع ... وهي برع البلاد ... ملّت ... تحس ان سفرتها ع الفاضي ... هي تبا كل شي بسرعه بسرعه ... وترد ... قالها ريلها ان السفره يمكن اطوّل ... وهي وافقت .. لكن يوم عاشت الوضع هذا ... ما تباه !! الحين ما تباه !! حصه: اربع ايام من يينا .. سايرين رادين المستشفى ع الفاضي ... ولا بالمواعيد بعد .. علي: عيل انتي شوه تبين ... كيف تبين تتعالجين هني والدرب !! حصه: انا ما فيني شي عسب اتعالج علي: ولا انا فيني شي عسب اتعالج بعد !!.. حصه: يعني ؟ علي: والله ما ادري اسألي عمرج ... حصه: انا ابا ارد البلاد .... علي: لا والله !! .. جيه هي لعبه حصه: ما في فايده من سفرتنا هاي علي: انتي شوه ؟ تبين تدخلين المستشفى اليوم وتطلعين باجر يقولون لج حامل ؟! والا شوه سالفتج بالضبط .. حصه ( انصدمت ): لا ترمس وكأنك تعق اللوم كله عليه .. انا ما يخصني .. هاي حكمة الله ... علي: ونعم بالله .. وراضين فيها من كم سنة ... لكن الحين .. مسافرين وهالسفرة تمّت برضاج ... تقولين لي نرد البلاد ... جيه شوه تتحسبيني ؟ حصه: ما اتحسبك شي .. بس انا مليت علي: وانا مليت اكثر ... حصه كلتي فادي من اول ما وصلنا ... السفرة هاي كانت برضاج هذا اول شي .. ثاني شي قلت لج انا و لين المطار وانا اقولج ... جانج ما تبين .. نرد بيتنا احسن لنا ... وعقب من يوم ما وصلنا وانتي ما ابا وما بسير وكله عناد في عناد ... شوه انا يايب ياهل ويايه ! سفرة منها علاج ومنها نغير جو .. يا حرمة قومي نطلع نغير جو نسير نرد .. كل العالم برع ويا حريمهم يحوطون .. وانتي ابد ما شي ! والله العظيم لوعة جبد ويلس علي فالصاله ... فتح التلفزيون .. وهو معصب .. تم يبدل فالقنوات ... الزفته ع قولته بعد .. اما حصه .. فـ شلّت بعمرها وسارت الحجرة ... في البلاد ..... تحديداً دار الحي .. آمنة: علمها ع الدلع عقب تركب ع راسي انا احمد: خل تركب فوق راسج آمنة: لا والله !! احمد: مب امها ! آمنة: والله تركب راسك انته انا ليش ؟انته ابوها وانته مدلعنها احمد: يا قلبي كيف تظحك ... قولي بابا بدت بنت احمد ترمس شويه ... وتظهر اصوات ... وتقول بابا !! وهالشي اللي قهر آمنة .. آمنة: مالت عليها انا اللي تعبانه عليها تقول بابا ... احمد: ههااااااااااي ... لازم ابوها ... مهتم فيها اكثر من امها المجرمه آمنة: نعم نعم ؟ انا مجرمه احمد: الحين بتقول لنا سالفة الحوض ... آمنة: طبعا احمد: بنسكت عيل .. مال العصر الحجري انتي امون آمنة: اذا انا مال العصر الحجري انته بعد ويايه مال العصر الحجري .. لانك اكبر مني احمد: منوه قال ؟ آمنة: عيل كم عمرك ؟ احمد: عمري انا ؟ مب لازم اقول انتي تعرفين عمريه ... انا اصغر عنج آمنة: هيه انا عمريه 50 وانته 40 احمد: لا لا واااااااايد كبرتينا آمنة: انته تقول .. احمد: انا ما قلت ... صح بابااااااا آمنة: غلط يا حياتي .... احمد: ايوااااااااااااااااا ... هالكلام الحلو ... كوني رومانسية .. آمنة: احلف انته عاد .. قول والله احمد: هههههههه مستويه عصبية هالايام .. آمنة: انا اليوم مب متفيجة ... ورن مبايل آمنة .. احمد: هيه ومتفيجه حق التيلفونات .. خواتها يتصلون ويحشون ... ما عندهم غير الحش .. آمنة: فذمتك متى سمعتني انا وخواتي نحش في حد احمد: لا لا ما احطها فذمتيه آمنة: عيل خلاص .. هاي حصه .......... ألو هلا حصه ... شوه فيج ؟ حصه رمسي بلاج ... انزين شوي شوي عسب افهم شوه السالفه ... احمد يالس ع صوب .. ويسمع آمنة كيف ترمس ... لا اكيد في شي .. وشكلها اختها تصيح ... مأساة مستويه وهي برع البلاد ... في مكان ثاني .. في واحد مريض .. هذا ثاني واحد فالعايلة ما يليق عليه يكون مريض ع قولت .... الكل !! وصل بيت يدته ... عقب ما رد من المستشفى ... عفرا: مرحبا مرحبا شمسة: سر داخل ارقد .. عفرا: ويه ما يليق عليه والله شمسة: حرام عليج عفاريييييي عفرا: هههههه خلاص خلاص ... يليق عليه شمسة: سخيفه عفرا: شوه قالوا ؟ شوه فيه ؟ شوه عوقه شمسة: ما فيه شي ... بس عطوه ادوية وجيه .. انا اللي لايعه جبدي الحين عفرا: خير ؟ انتي وولدج لايعة جبودكم يايين عندنا شمسة: كيفنا ... بيت ابويه عفرا: لا حبيبتيه عرستي فما لج حق خلاص شمسة: قومي زين ... عفرا: هيه شمسة: اقولج بسير ارقدانا ويا ولدي .... صالح يمكن بيتصل قولي له رقود عفرا: نعم ؟ خيييييييير .. انا ارمس صالح شمسة: وجيه ما ترمسينه حبيبتيه ؟ عفرا: وليش ارمسه اصلا شمسة: اقولج قرّي مكانج .. بيتصل ع مبايلي انزين بنش وبرمسه ... باي عفرا: مع السلااااااامه .... سارت شمسة فالحجرة ... وقبل ما ترقد بتعطي ولدها الدوا ... شمسة ( تزقر): عفرااااااا .. عفاري عفرا: شوه ؟ مسرع ما دخلتي ورقدتي عسب تزقريني بعد شمسة: عفاري ييبي ماي شويه بعطيه الدوا عفرا: حبيبي والله ... اول مره اشوفه جذه شمسة: الحين حبيبي عفرا: جيه شوه قالوا لج ... خاله قلبها حجر شمسة: انتي هيه عفرا: مقبولة منج انتي وولدج اللي لايعه جبودكم شمسة: سالم حبيبي قم اشرب الدوا سالم: هاااا شمسة: قم اشرب الدوا سالم: ابا ارقد شمسة: قم اشرب عقب ارقد عفرا: خذي .. اشرب ما فينا بعد يستوي بك شي وانته هني شمسة: بسم الله عليه .. عفرا: في العدو ولا فيك يا سويلم ولد صويلح شمسة: مب جنج مصختيها .. قومي طلعي برع يالله بنرقد نحن عفرا: رقدوا تمسون ع خير ... في بيت الشباب ... تحديداً قسم سعيد ... بدور: رمست عمر عن الحجرة ؟ سعيد: أي حجرة ؟ بدور: الحجرة اللي قلت لك عنها ! سعيد: لا .. ما قلت له للحين بدور: متى بتقوله ؟ سعيد: عمر الحين مشغول .. باجر موعد سفره ... بدور: اها سعيد: عقب ما يرد ان شاء الله بدور: وانا اتم لين ما يرد ! سعيد: خلاص عقب ان شاء الله .. اليوم عمر ما بيعبر ولا واحد فينا كثر عبدالعزيز بدور: لازم حبيب القلب سعيد: اكيد .. عمر كل شي عنده ولا عبدالعزيز بدور: هيه سامعه هالرمسة مليون مره .. سعيد: لازم نعيدها حق كل حد بدور: مب لازم تعيدها حقي مصدقه هالشي وشايفتنه بعيني ... سعيد: انزين انا بسير برع .. بدور: سر الله وياك ... بس عقب بسير بيت هلي سعيد: ان شاء الله .... بدور .. ان شاء الله حتى قالها وكأنه مب مصدق قلت له بسير .. طبعا لازم .. بيجابل السيد عمر لين باجر ... هه ع الاقل بيسافر وبيفكنا ... اوووووووه نسيييييت .. اذا عمر بيفكنا اخوانه ما بيفكونه ... شوه هالأزمه اللي طحت فيها انااااااااا .. يعني اذا مب عمر اخوانه .. افففففف صدق سخافه ... ولوعة جبد .. فوق .. في حجرة عمر وعبدالعزيز ... عبدالعزيز: اييب باجي الاغراض ؟ عمر: اصبر شوي شوي ... اشوف كيف بحط الاغراض بالترتيب .. عبدالعزيز: قلت لك عموه بتيي عقب شويه ... وبترتب كل شي عمر: وانته جيه تتصل بها ؟ عبدالعزيز: والله اني ما اتصلت روحها اتصلت وقالت لي اقولك عمر: صدقتك عبدالعزيز: والله العظيييييييم عمر: انزين لا تحلف هالكثر .. اقولك مصدقنك ويا راشد ووياه سعيد ... عبدالعزيز : حياكم الله حياكم .. اسمحوا لنا .. حجرتنا فوضى يعني بس ما عليه .... لان اخويه بيسافر فـ لازم يعني سعيد: هههههه احلف عاد ... راشد: الساعه كم طيارتكم ؟ عبدالعزيز :العصر راشد: متى لازم تكون فالمطار ؟ عبدالعزيز: الساعه 4 راشد: الاخ هو اللي بيسافر وانا ما ادري !! عمر: ههههههه متحمس راشد: آه بيطلع روحي هالكم يوم سعيد: عبدالعزيز انا برقد وياك فالحجرة عبدالعزيز: ممنوع دخول المتزوجين سعيد: احمد ربك .. عرض مغري عبدالعزيز: هو انا ودي انته والا عمران .. لان مروان و راشد ما أأمن وياهم راشد: صدق ما تستحي .. تبوس ايدك ورا وجدام .. بودر حجرتيه وبيي اجابلك .. عمر: ايييييه مب ع اخويه .. راشد: وانا منوه ؟ ولد اليران سعيد: ولد الزراع راشد: اخاف الا انا ولد فريد وانا ما ادري عبدالعزيز: الحمدلله انك عرفت الحقيقة ... وشرّف مروان ... مروان: ما شاء الله بلاهم الاخوان متيمعين ؟ سعيد: يايين نشوف اخونا .. مروان: يا اخونا باجر السفر ؟ عمر: ان شاء الله راشد: يالله يالله شل الشنطة نزلها تحت مروان: وايد يعني متحمسين ... من الحين تنزلون شنطته تحت عمر: هذا راشد شكله وايد متحمس يبا الفكه راشد: حشى عليه والله لا .. بس سوالف سعيد: ههههههه حليلك يا راشد .. رمستك كلها ضدك راشد: الا قول مروان يجلب الرمسة كلها ضدي عمر: عمران وين ؟ مروان: فالتحفييييظ ... يقولون ربيعك زعلان عبدالعزيز: منوه ؟ مروان: سالم راشد: بلاه المشاغب ؟ مروان: بطنه يعوره ما ادري شوه سالفته عبدالعزيز: خرّيييييط سالم مروان: لا صدق تعبان امه مودتنه بعد اليوم المستشفى . مساعه مرمس هزاع .. يقولي مستوي هادييييييي وهم فالحجرة سمعوا الصوت اللي من يسمعونه في بيتهم .. يرتاحون مروان: سيروا وصلت عبدالعزيز: فديييييييييت اللي وصلت والله سعيد: بسير اسلم عليها وبيبها هني ظهر سعيد من الحجرة وكانت عمته ع الدري ... عذيجة: وينكم انتوا ؟ سعيد: هني عذيجة: مرحبا فديتك ... سعيد: اهلين .. شحالج عموه شخبارج ؟ عذيجة: الحمدلله بخير فديتك .. انته شحالك ؟ علومك ؟ سعيد: تمام عذيجة: وحرمتك شحالها ؟ سعيد: الحمدلله بخير عذيجة: وين اخوانك سعيد: هني فالحجرة .. عذيجة: خلني اسير اشوفهم ... دخلت عذيجة الحجرة .. وسعيد وراها ... عمر ( نش ع طول من مكانه ): هلا عموه .. عبدالعزيز: عمتييه حبييبتيه عذيجة: وينكم انتوا ؟ حشى يا عيال سيف .. الواحد لو ما يسأل عنكم . انتوا بعد ابدا ولا بتفتكرون مروان: مرتاحين بدونكم ومن غير حشرتكم .. عذيجة: استح ع ويهك .. والله سعيد: ههه حليلك يا مروان .. دومك تاكلها راشد: شحالج عموه عذيجة: هلا فديتك انته شحالك .. راشد: الحمدلله مروان: عموه وين ربيعي ؟ عذيجة: تسالني انا عن ربيعك ؟ حشى ما شفته اليوم مروان: افا .. كيف ما تصبحين وتمسين بويه هزاع عذيجة: من زين ويهه والا ويهك الحين الواحد يتصبح بكم سعيد: ههههههه عطتكم من الزين راشد: اصلا انته كثر ما تشوف هزاع .. عموه ولا تدري به عذيجة: هيه والله مروان: محد يقول لها تهيت من بيت لين بيت الا ام مصبح اطلقت الا ام حمدان عرست الا ام منصور يابت ولد الا ام محمد ريلها ظربها عذيجة: مالت عليك .. استح ع ويهك .. انا متى شايفني اهيت فالبيوت ها عمر: ههههههه عموه ما عليج منه يحب يستهبل ... والا انتي والله شيخة كل حريم العالم عبدالعزيز: انزين وربيعي انا وينه ؟ عذيجة: ربيعك ابويه اليوم هو وامه ما ادري بلاهم لايعه جبودهم . مرضى مروان: هيه قالي هزاع . ولا يليق عليهم عمر: حليله سالم .. سار المستشفى مروان: باجر بعد بييكم صالح بيطيح عليكم عذيجة: لا ابويه ما عندي مكان انا بعد .. يسير عند امه مروان: ههاااااااااااااااااااي حلوة والله حلوة .. يالعيوز وقمتي تنكتين عذيجة: عيز حيلك قول آمين مروان: عيز حيل شارون قولي آمين وتموا الشباب يسولفون ويا عمتهم .. لان من مان ما شايفينها ولا سايرين لها .. ولا هي لحقت تيي صوبهم ... أحمد: بس حصه لازم بعد تحس في علي لازم ما تجرح مشاعره آمنة: قلت لها انتي اللي اخترتي هالشي .. أحمد: يعني السموحه أمون لكن الصراحه لو انا بعد من علي بسوي جذه وزياده آمنة: انتوا الرياييل جذه ما يبين في عينكم أحمد: في عينج انزين آمنة: شفت .. شوف الفاظك أحمد: اووووه امون آمنة: والله انته قلت أحمد: لا جد والله ارمس صدق آمنة: شوه اللي جد ؟ في عيني ؟ احمد :لاااااااااااااااا .. اقصد اللي سواه علي في حصه .. يعني خارج عن ارادته آمنة: هو صح اللي تقوله ... بس حصه بعد مضايجه أحمد: والله مضايجه محد قالها تسافر آمنة: انته شرير أحمد: شوه يالسين رسوم نحن تقولين لي شرير ! آمنة: اقولك .. اييك شور أحمد: آمري يا ام ميثا آمنة: بنزل تحت اجابلهم احسن بوايد وشلت آمنة بنتها وظهرت من الحجرة .... أحمد: والله ما تستحين .. انا يالس وارمس ومتحمس واقولج آمري جذه تسوين لي لكن لين أحمد خلص رمسته جد آمنة نازلة تحت هي وبنتها . نش وسار صوب الدري عاد وقف فوق .. عناد .. أحمد ( يصرخ ): أمون تعالي بسرعه آمنة: ما بيي ام احمد: سيري شوفيه شوه يبغي آمنة: عموه والله انه سخيف ويستهبل .. عالفاضي مجابلتنه من الصبح ناعمه : هههههههههه حليله اخويه رملة: احسن يتأدب أحمد: تعالييي ام احمد: انته ايه تعال انزل تحت احمد: منوه انا ؟ أم احمد : لا ابويه أحمد: ابوج فالقبر سيري ظهريه آمنة: شفتي عموه يوم اقولج انه سخيف مستوي ام احمد: ياللي ما تستحي مستوي ما تحشم هالايام .. احمد ( بصوت واطي ): ويه زعلت عيوزتنا يبنا طاري ابوها .. ذكرناها بطفولتها .. خل نسير نراضيها ونزل احمد .. رملة: نعم جيه ياي ؟ توك غالط ع يدي احمد: اسكتي انتي اسكتي ناعمه: عقب ما يحطون ع الواحد اييون يقردنونه احمد: منوه قصدج بـ يغلطون .. شايفتني شوه ؟ ناعمه: انته واخوك رملة: طبعا طبعا ... لا يأبهون لما يقولون آمنة: ههههههههه ذكرتيني بـ سالم ولد اختيه والله ام احمد: شحال خواتج وامج يا آمنة ؟ آمنة: الحمدلله كلهم بخير ناعمه: شحال عفرا ؟ احمد: انا بقولج حال عفرا ... سهر لين نص الليل .. ورقاد الصبح ..واكل وشرب وطلعة ويا غاليه وتتناقر ويا مروان وهزاع وبس فمان الله رملة: والله لو انا منج .. اعطيه كفففففف يحط ع اختيه جذه جدامي احمد: تعطين منوه كف ؟ رملة : لا يعني اقول آمنة: ههههههه بس وايد حطيت ع عفاري هي مب جذه ناعمه: حليلها والله احمد: يا بوي خل تعرّس وتفكنا ام احمد: وانته شلك ؟ شيخصك فالبنيه ... بنت الناس احمد: اخت حرمتييييييه رملة: لين الحين تشوفون هالاثنين اللي كانوا يقهرون احمد: انتي كل ما نيلس تسألين هالسؤال ... هيه هيه كيف ما تبينا نشوفهم آمنة: سالم مريييييييض رملة: احسن .. والا هو اصلا ما يليق عليهم يمرضون احمد: شايفتنهم شوه ؟ عفاريت رملة: عفاريت شويه بعد عليهم ام احمد: انتي يا بنيه بس سكتي ... حاطه ع اهل الحرمه آمنة: ههههه خليها عموه .. هم اصلا لعوزوها وايد يوم المزرعه ناعمه: عاد رملة ما تنسى ابدا وبتاتا أي شي في حقها آمنة: طالعه ع اخوها احمد: الحمدلله ... حقنا ناخذه بايدنا ام احمد: داخل حرب انته احمد: وين ابو الحروب ؟ السيد عيسى رملة: طاااااالع طبعا جيه يقر فالبيت ناعمه: مب جنه امس مظهرنها !! رملة: هيه طبعا تدافعين عنه يوديج ويردج متى ما انتي بغيتي .. اما انا حليلي لين ما اذل عمريه ما يودينييييي عفانا الله .. آمنة: ناكرين للجميل .. احمد: لو حد ناكر للجميل في هالبيت .. فما في غيرج وغير رملة آمنة: بسم الله علينا رملة: لان ما نسكت عن حقنا آمنة: اصلا اخوج ما يبين في عينه ام احمد: بسكم بسكم .. حشرتونا من الصبح وانتوا تتناقرون جنه ديج ودياي رملة: وطبعا الديج العود احمدو احمد: احمدو اصغر عيالج انا رملة: اوه عادي اخويه اخويه ... في بيت بو فهد ... بدور: وجيه السالفه وديمه: تستاهلين بدور: شوه استاهل ؟ وديمة: جيه تحرجين ع الريال .. انتي يوم بعده سعيد مالج عليج وانا اسمع طاري هالفريد تسيرين انتي وتحرجين عليه وتهزبينه بدور: صدق ما تنعطين ويه وديمة: شكرا بدور: عفوا ... ومدت بدور ايدها وخذت مبايلها من ع الطاولة .... وديمة: في منوه تتصلين بدور: في ريلج وديمة: بسم الله عليه .. بعدني ما عرست بدور: عيل سكتي خلاص ... الو هلا سعيد سعيد: اهلين بدور: وينك ؟ سعيد: هني جريب بدور: ياي سعيد: انتي خلصتي بدور: جيه انا شوه عندي عسب ما اخلص ؟ سعيد: انزين اطلعي برع بدور: انته عند الباب ؟ سعيد: هيه .. لين تلبسين عباتج وشيلتج .. وتظهرين بكون عند الباب يالله بدور: مع السلامه ,... وديمة: بتسيرين ؟ بدور: ليش تبيني اتم وديمة: والله كيفج بدور: مستويه سخيفه وديمة: شكرا بدور: بلاج ع شكرا اليوم وديمة: والله روحي ما ادري ... بدور: يالله فمان الله ... وديمة: بوصلج لين برع ... نشت وديمة ويا بدور .. بدور: توج تبين الفكه مني وديمة: انا حشى عليه ؟ جيه شوه قلت لج بدور: ابد سلااامتج ما قلتي لي شي ولا طريتيني وديمة: الللللللله يسلمــ ....... سكتت من شافت اللي واقف حذال سيارة ريل اختها ... وديمة: والا اقولج غيرت رايي .. بدور: لا تعالي وين رايحه وديمة: شكرا فمان الله .. سيري سيري ابويه بيتج .. ودخلت وديمه داخل .... سارت بدور وركبت السيارة ... فهد: حتى اختنا ما نشوفها بدور: ما تكون فالبيت يوم انا ايي فهد: تيين في اوقات مش مناسبة بدور: جيه بكيفي اختار متى اييي !! سعيد ( صد صوبها): عيل بكيف منوه ؟ بدور: انته ادرى فهد: يالله توكلوا ع الله ... سعيد: فمان الله .. سلم سلم فهد: يبلغ .. مع السلامه ... الله يحفظكم ... ساروا سعيد وبدور .... اما فهد دخل داخل ... وشاف وديمة يالسه ... فهد: للحين واعية ؟ وديمة: توها بدور سايرة .. كنت يالسه وياها فهد: والحين ؟ وديمة: بسير ارقد وسارت وديمة فهد: حجرتج فوق .. وديمة: برقد عند امايه الليلة .. دخلت وديمة الحجرة ... ام فهد: سارت اختج ؟ وديمة: هيه ( وسارت انسدحت حذال امها ) ام فهد: وين وين ؟ وديمة: برقد عندج الليلة عندج مانع ؟ ام فهد: لا .. بس شوه فيج ؟ شوه فيها حجرتج ؟ وديمة: حجرتيه ما فيها شي .. وانا ما فيني شي ام فهد: ودّوم متأكده ؟ وديمة: هيه امايه والله ( وابتسمت ) ام فهد: شوه فيج حبيبتيه ؟ وديمة: والله ما فيني شي .. بس برقد هني ام فهد: خلاص ع راحتج وديمة: امايه ام فهد: هلا وديمة: فهد جيه ما يعرس ؟ ام فهد: وانتي شوه تبين به ؟ وديمة: لا بس جذه اسأل ام فهد: كيفه متى ما بغى يقولي وانا ما بقصّر فيه بعد .. وديمة: خطبي له خل يعرّس ام فهد: انتي شلك فيه وديمة: ما يخصني فيه بس نبا نفرح به ام فهد: لا تستوين عيوز وديمة: احس ان في شي ام فهد: بسم الله ع ولديه ما فيه شي ... بس لانه قايل ما بيعرس لين ما خواته يعرسن .. انتي و بدور .. وديمة: اوووووونه يا عيني .. ما يليق ع اخويه هالرومانسية والحنية كلها ... نفس الوقت انفتح الباب ... فهد: ما رقدتوا ؟ ام فهد: الحين بنرقد فهد: وين ترقدين يا ام فهد .. ووديمة اليوم عندج ام فهد: لا حليلها هي بترقد بس انا اسولف وياها فهد: مع اني اشك الصراحه وديمة: وليش تشك ... جيه شوه شايفني فهد: لا ما شي .. اسمحي لنا آنسة وديمة وديمة: مسموح فهد: لاااا .. حلفي ! .. ام فهد: وينك ابويه للحين ؟ فهد: كنت عند الربع شويه .. يالله بخليكم ترقدون وتسولفون .. تصبحون ع خير ام فهد: وانته من اهله .. سعيد: شوه تعشيتي ؟ بدور: معكرونه بالبشميل سعيد: تدرين عاد خاطريه فيها بدور: ما قلت لي والا جان يبت لك مسوين وايد سعيد: لا .. نكرّش نص الليل ناكل بدور: اللي يقول ابد ما مكرّش انته الحين سعيد: الله يخلي فريييييييد بدور( غيرت السالفه ): انزين باجر بسوي لك انا الغدا سعيد: لا .. باجر اظن عموه بطرش لنا غدا بدور: وشوه يعني اطرش ياكلونه اخوانك سعيد: لا لا .. ما افوّت غدا عمووووووه بدور: لا والله ؟ سعيد: صدق والله .. هاللي ما ياكل يوم عموه تطبخ واطرش مينون بدور: انزين انته واخوانك كلوا سعيد: بتشوفين شكلج ما مصدقتني بدور: لا منوه قال ؟ سعيد: من كلامج .. بدور: لا تفسر كل شي ع كيفك سعيد: اوه عمر شكله راد من وقت اليوم بدور: باجر بيسافر صح ؟ سعيد: هيه بدور: الله وياه سعيد: اكيد عسب عبدالعزيز .. ما بيهده اليوم ... واكيد من الصبح وياه بدور: شي معروف .. في بيت الشباب .. في حجرة عمر وعبدالعزيز الاخوان اليوم آوين للفراش من وقت ع قولت مروان ... بما انه عمر بيسافر العصر ............ عمر وعبدالعزيز منسدحين ع الشبرية ... عبدالعزيز : عمّور عمر: هلا عبدالعزيز : قول حق راشد هو ايي يرقد عندي عمر: شمعنى راشد ؟ عبدالعزيز: بس عمر: وليش ما ترقد روحك ؟ تخاف ؟ عبدالعزيز: لا .. بس ابا راشد يرقد عندي عمر: ان شاء الله عبدالعزيز: باجر الساعه كم بتسير ؟ عمر: الساعه 3 اكون فالمطار عبدالعزيز: وايد من وقت عمر: عموه بتطبخ باجر وبتييب لنا الغدا ... عبدالعزيز: انا بيي وياك المطار عمر: ان شاء الله عبدالعزيز: يالله ارقد عسب ما تتعب باجر .. وبحركة عفوية من عبدالعزيز ... خلت عمر يشهق .. مد ايده ومسك ايد اخوه .. وغمض عيونه انه بيرقد .. بمجرد ما سوى عبدالعزيز هالحركة .. عمر حس بقشعريرة في كل جسمه ... عمر: عبدالعزيز عبدالعزيز ( فتح عينه ): شوه عمر: انا ادري انك عود وما بتخذلني صح عبدالعزيز: اكيد عمر: أي شي راشد يقولك تسويه عبدالعزيز: عسب خاطرك ... بسويه عمر: وتسمع رمسة مروان وعمران وسعيد بعد .. ومثل ما قلت لك .. حرمة سعيد ما يخصك فيها عبدالعزيز :اصلا انا مول ما مرمسنها عمر: احسن ... عبدالعزيز: وبعد ؟ عمر: ويوم تبا تسير بيت قوم عموه .. تقول حق واحد من اخوانك ما تسير جذه .. ويا فريد روحك .. عبدالعزيز: ان شاء الله عمر: ونحن اتفقنا انك ما بتسير ولا بيت ترقد فيه لين ما ارد .. فـ انتم ع عالاتفاق وما تقول يوم واحد بشل اغراضي وبسير هناك .. عبدالعزيز: ان شاء الله عمر: واذا بغيت تظهر ويا بنات عموه والا شي تخبر اخوانك عبدالعزيز: انزين عمر: وكون عبدالعزيز اللي اعرفه ( ابتسم ) عبدالعزيز: ان شاء الله ( ابتسم ) .. بس اباك تدعي بدعاء عمر: بدون ما تقول بدعي .. بس قولي شوه هو ؟ عبدالعزيز: ان الله يرحم امايه وابويه .. وان شاء الله اشوفهم فالجنة ... غمض عبدالعزيز عينه .. وهو مب حاس بثقل اللي قاله ... ما حس بـ ان اللي قاله .. يخلي عمر يرجع كم سنة ورا ... ويذكر اغلى اثنين في حياته كلها ... و هالمرّة ما يدري ليش تذكّر هالموقف بالذّات ... ------------ فالمستشفى ... انسمع صوت الباب.. انفتح ... اول شي استغربت من اللي داخل وعقب ارتسمت ع ويها ابتسامة ... عمر: الحمدلله ع السلامه امايه ساره: الله يسلمك حبيبي سيف: هاي امك وشفتها واطمنت عليها ارتحت خلاص عمر: طبعا ساره: جيه ما مداوم انته اليوم ؟ سيف: ما طاع ولدج يداوم ... سارة: جيه ما وديته سيف: اسأليه .. والله لو اخوانه يدرون زين بيسوون سارة: خبرت هلك ؟ سيف: هيه خبرت عذيجة .. و عبيد ويوسف .. سارة: وجواهر ؟ سيف: مسافرة سارة: اصلا انا رمست عذيجة الصبح .. وقلت لها سيف: هههه انا يوم رمستها تقولي بعد ولد سارة: هيه قالت لي .. قلت لها الحمدلله سيف: انا قلت لها الحمدلله ولد بنت اللي ايي من الله حياه الله .. اونه انته اللي ماخذ عني الاولاد كلهم .. انا مصففه بنات وانته صفف الاولاد عمر: امايه شوه سميتوه ؟ سارة: ما سميناه سيف: شوه بتسمينه ؟ سارة: انته شوه تبا ؟ سيف: بندر سارة: نعم ؟ شوه ؟ تسمي ولدي بندر ! سيف: هههههه خلصت الاسماء سارة:والله ما سميته بندر .. بعدين شوه قصدك .. الا خمس اولاد .. يعني خلصت الاسامي ؟ سيف: خلاص خلاص يا ام عمر والله ما نقصد شي .. بنسميه يوسف سارة: حلو اسم يوسف .. ويستاهل يوسف عمر: لا لا لا .. انا بسمييييييييييييييه سيف: شوه تبا ؟ سميناه خلاص عمر: لا ما يخصني انا بختار سارة: خل نسمع انزين عمر: سموه عبدالعزيز سيف: من وين يايب هالاسم عمر: كيفي حلو الاسم عبدالعزيز سارة: اتفاهم انته وابوك سيف: بنسميه يوسف .. عسب عمي يوسف يستانس عمر: لا عبدالعزيز ... احلى .. بعدين .. انا اخوهم العود وانا اللي اختار سيف: يا سلام ؟ وانا ابووووه عمر: انته من يوم سعيد وانته تختار ساره: خلاص بس ... اتفاهموا ع هواكم ... بس لا تصدعوني .. سيروا البيت تفاهموا --------------- يا ريتج يا امايه للحين عايشه .. تشوفين عبدالعزيز كيف كبر ... وكيف استوى .. و يا ريت لو تربّى مثل ما تربينا نحن ع ايدج و ايد ابويه .. الله يرحمكم .. فالصّاله ... مروان: والله لو اقول حق الشرطة انك من اعوان بن لادن ... تفنيش ع طول .. بيسفرونك عمران: وين بيسفروني ... ان شاء الله ... ليكون انته مغلط فالعنوان راشد: مضيع عمر الاخ .. يرمس بكل حماس مروان: ويييييه عمر باجر بيسافر .. الله يعينا ع عبدالعزيز عمران: انا ما بكون موجود .. يعني لا تشيلون همي مروان: قم قم .. بعد نجابلك انته .. راشد مب فاضي .. كفاية عليه انا وعبدالعزيز راشد: نعم نعم ؟ هاللي ناقص بعد مروان: اخوك الصغير راشد: صغير في عينك .. هيه صف كم حبيبي عمران: هههههه اول ابتدائي مروان: لا لا وايد صغرتني ... ثاني ابتدائي انا راشد: يمكن ونحن ما ندري مروان: جابلوا عماركم ما يخصكم فيه راشد: ما بخليكم تسهرون ... وتردون من وقت البيت .. ويوم تطلعون تستأذنون مني عمران: الحمدلله محد انا مححححد مروان: هيه والله الحمدلله عمران: شوه قصدك ؟ مروان: قصدي واضح راشد: شوه مسلسل كويتي نحن يالسين هني ؟ مروان: لا مسلسل مصري راشد: احلف عاد ؟ مروان: والا اقولك انا احيّي الدراما الاماراتية ... ونفس الوقت ظهر سعيد من قسمه .. سعيد: عاش ابو الدراما الاماراتية عمران: تعال تعال اسمع اخوك سعيد: شوه اسمع بعد اتحفونا راشد: ايه اسكتوا والله .. من باجر بتبدأ المآسي عندي سعيد: ليش بسم الله مروان: ويتوالى مسلسل الاحزان سعيد: اييه شوه مستوي ..؟ رمسوا قولوا عمران: ما مستوي شي بس اخوانك يسخّفون لان عمر باجر بيسافر سعيد: هيه والله .. الله يعينا ع عبدالعزيز مروان: تدرون شوه .. تبون شوري ... عمران: لا تشور علينا شكرا مروان: اسكت انته ما يخصك ... اسمعوا .. شلوا عبدالعزيز وقشّه وفروه بيت عموه راشد: اقول اكرمنا بسكوتك عمران: قلت لك لا تشور علينا سعيد: يعني لهالدرجة عبدالعزيز مسوي لكم مأساة حليله راشد: بالعكس انا عادي عندي ... وهو صح انه بيضايج لان عمر محد بس كثر ما بقدر بستوي له عمر مروان: الله يخليك ما يليق عليك تمثّل دور البريء والاخو العود ... وتسوي لنا هالفلم الهندي عمران: تدرون .. شوه تذكرت ؟ مروان: لا تقول .. ولا تتحفنا عمران: ما طلبت رايك راشد: اوهو بس سكتوا سعيد: هههههه حليلك يا راشد من الحين تعاني راشد: انا شكلي مب لازم افكر في عبدالعزيز .. لازم افكر فيكم انتوا مروان: لا لا.. لا تفكر فينا .. بنفتك من عمران بيسير سعيد: متى بتسير عمران ؟ عمران: الاسبوع الياي بسير راشد: انا نتيجة امتحاني الاسبوع الياي .. ادعوا لييي مروان: الله يوفّأك يا ابني عمران: انا مب مستعد احضر افلام مصرية زيادة بسير ارقد سعيد: هههههههه يلس يلس بعدنا .. والله انه من وقت مروان: انته جيه سهران ... حظر تجول بنسوي راشد: حظر تجول اول شي بنطبقه عليك مروان: سر سر ارقد يا سعيد وراك حرمة ودوام وخربطان سعيد: باجر اجااااااااازة مروان: ليش ان شاء الله ؟ سعيد: كيفي .... اخويه بيسافر مروان: واخوك بيسافر متى الفير ؟... العصر بيسافر سعيد: ما اظمن الشوارع الصراحه .. وبعدين عادي جدا يتصلون ويقولون حق عمر لا تعال من وقت .. لان هاي حملة .. ويا مجموعه بيسير .. وبعدين الحج ما تظمن المواعيد اللي يعطونك هي نفسها والا تتغير .. لان ما شاء الله وايد زحمة ... سلامة: طارق طارق: هلا سلامة: شرايك نسافر طارق:وان شاء الله وين تبين تسيرين ؟ سلامة: شوه تطنز؟ طارق: يعني بالله عليج .. هذا اقتراح تقترحينه ؟ ... انا من كم شهر ماخذ اجازة يوم يبتي عامر سلامة: ويييييه من زمان هذا كان طارق: طبعا من زمان بالنسبة لج .. ما اقدر .. ما بيعطوني اجازة سلامة: اونه ّ طارق: والله سلامة: يعني الخطة اختربت طارق: أي خطة ؟ في خطة بعد سلامة: كنا انا وامون اختيه اونه بنقنعكم انتوا رياييلنا .. يعني انته واحمد ... عسب نسافر .. طارق: وطبعا احمد وافق سلامة: ما ادري .. هو ع اساس انا الحين برمسك وامون بترمس احمد الحين بعد طارق: احمد ودّه انزين سلامة: ههههههه عسب جذه ... قلنا السالفه سهله طارق: وين يعني كنتن تبون تسيرن ؟ سلامة: اممممم ألمانيا طارق: ألمانيا شوه فيها ؟ سلامة: هو تبا الصراحه يعني وبدون لف ودوران .. كنا نبا نسير عند حصه اختيه طارق: بسم الله .. وحصه اختج جيه عايشه برع ؟ ثرها بترد سلامة: امون تقول انها مضايجه طارق: ع طاري حصه اختج وريلها .. متى بيردون ؟ سلامة: ما ادري .. وشكلهم بيطولون.. عسب جذه اقترحنا سالفة السفر .. ما ورانا شي طارق: هيه ما وراج شي انتي .. انا اللي عندي شغل الدنيا سلامة: يعني ابدا ما تقدر تاخذ اجازة طارق: لا والله .. ما اقدر .. وانتي تعرفيني لو اقدر ... جان خذت وع طول سرنا ولا رفضت لج طلب .. سلامة: تسلم يا بو عامر طارق ( ابتسم ): الله يسلمج ... فالطرف الثاني .. عاد هني الاستهبال .. قلنا طارق صعب .. بس احمد ما ندري شوه داق في راسه اليوم !! اول مره .. فرصه تييه لين عنده .. عسب شوي يرتاح من الشغل .. لكنه يرفض العرض المغري !! احمد: انا قلت لا يعني لا يعني لا آمنة: انزين ليش ؟ احمد: انتن والله ما تستحن .. حرمة مسافرة ويا ريلها تبا تفتك من ويوهكن .. بعد تلحقونها ؟! آمنة: ط هذا انتوا .. اقوله حصه اختيه يقولي حرمه احمد: يعني حصه اختج شووه ما تقولين لي شوه آمنة: انزين عطني سبب مقنع احمد: لا والف لا آمنة: اقوله سبب مقنع يقولي والف لا احمد: انتي بلاج مستويه ببغاء اليوم .. آمنة: الحييييين انا استويت ببغاء !! .. احمد: هيه ببغاء ومتّو بعد آمنة: اقولك .. صدق محد يطلب منك شي احمد: امون حبيبتيه افهميني .. مب عسب شي .. بنتج اقصد بنتي صغيرة ... ما اقدر .. ولا افكّر ولا يهون عليه اركبها طياييير آمنة: شرايك نسير عيل بالبحر احمد ( يظحك باستهزاء ): هههه تنكتين حضرتج ؟ المانيا ما فيها بحر بحرها مجمّد آمنة: عن الاستهبال احمد: في وحده تقول حق ريلها عن الاستهبال آمنة: لانك تستهبل احمد : بعد !! آمنة: انزين ما ورانا شي احمد: طبعا انتي ما وراج شي .. لكن انا ورايه وجدامي ومن يميني ويساري ميت شي وشي بعد آمنة: اقولك ارقد خلاص .. وانسى سالفة السفرة أحمد: اصلا منوه قالج حطيتها في بالي عسب بعد ما اقدر انساها بصعوبة آمنة: اصلا انته ما سفرتني يوم عرسنا أحمد :اصلا انتي غبار يظهر منج انزين .. يوم عرسنا اونه ... يالعيوز الحين عندج بنيه آمنة: ذليتني ع هالبنيه .. خذها ما اباها احمد: وين اوديها ؟ آمنة: عرس وخل حرمتك تربي بنتك احمد: لااااا ... وهي مب بنتج يعني ؟ لاقطنها من الشارع انا آمنة: اقولك ارقد ارقد احمد: اقولج .. انتي وايد تقولين اليوم اقولك .. لا تقولين لي ولا اقولج .. وو لا حد يقولنا .. في بيت ام هزاع ... هزاع:عفاري بدلي بسرعه عفرا: شويه بس هزاع: بدلي بدلي .. لاااااعت جبدي من هالفلم ... عفرا: ابا اشوفه هزاع: بدلي اقولج .. عذيجة توها ظاهره من داخل ... عذيجة: انتوا بلاكم ؟ سيروا رقدوا .. باجر ما وراكم دوامات هزاع: طبعا نحن عندنا دوامات ... لكن بعض الناس .. ما يدرون وين الله حاطنهم عفرا: هزاع تدري انك مستوي شرات العيايز ؟ هزاع: سمعيها امايه شوه تقول عذيجة: قولي مروان رد البيت هزاع: طبعا عفرا: هو جيه يقدر يحوط والسيد هزاع يالس هني ... عذيجة: عمر متى بيسافر ؟ هزاع: اظن العصر عفرا: الحين خلاص بيسافر يعني ؟ هزاع: هيه بتسيرين وياه ؟ عفرا: يا ريت ودني .. ما بقول لا .. هزاع: آسف ما اودي يهال عفرا: اقولك ود عمرك قبل عقب ودني انا الياهل هزاع: بسير ان شاء الله عذيجة: بس فالحين حق المناقر .... غيره ما يعرفون ... محد والله يفكر في آخرته .. ويفكر في مستقبله ومستقبل اخوانه غير عمر .. فديت روحه عفرا: بدا المديح عذيجة: هيه اقول الصدق عفرا: انزين .. ما قلت شي هزاع: ع قولت مروان .. الله يعينهم ع عبدالعزيز عذيجة: سرت اليوم وقلت حق عمر خل عبدالعزيز ايي عندي عفرا: لااااااا مشكوره ع اقتراحج والله .. شكرا يا ام هزاع .. لو عبدالعزيز يا هني .. سالم 100 % بيي هني .. بيقول اللي بيودي عبدالعزيز الصبح المدرسة بيوديني واللي بيرده بيردني .. وبيقول خالوه عفاري بتذاكر ويايه ... هزاع: هههههههههه زين استوي مدرسة خصوصية .. عفرا: لا شكرا ع الاقتراح والعرض المغري ... لدرجة انه بيغمى عليه من كثر ما هو مغري عذيجة: حشى .. مب لسان . عنبوج من بنيه من نحاستج اصلا عمر ما وافق .. وقال يتم عبدالعزيز عند اخوانه احسن .. وراشد بيجابله عفرا: هيه صدقه احسن له عذيجة: صدقه الولد يوم يقول عنج نحسه عفرا: نحسه نحسه ... بس لا تيمعين عيال الفريج عندنا هزاع: امايه رمستوا حصه ؟ عذيجة: هيه رمستها الصبح انا .. عفرا: هاي حصه خبلة سايرة برع هزاع: حليلها والله ... قال هزاع الجملة .. وهي صدق ظاهره من خاطره .. يعني قلبه ع اخته حصه ... واللي حست بهالشي عفرا .. وامه اللي تمت ترمس وترمس .. وليش سارت واصلا ما كان له داعي .. الرمسة اللي متعودين عليها من يوم حصه سارت .. في بيت بو زايد ... كلهم يالسين فالصاله . عدا ........ لا لحظة توه وصل .... دخل والابتسامة شاقه الثم ... من شافت ام زايد الشنطة اللي في ايده ... ام زايد: الف الصلاة والسلام عليك يا حبيب الله محمد ... كلولولولولولولووللولولووووووييييي زايد: هههههههههههه حلوة حلوة منج امايه ام زايد: ما بغى .. مسوي لنا عزى فالبيت بو زايد: ها .. حبيب القلب رد .. ردت لك الروح ثاني: هيه والله ردت لي الروح يا بو زايد غاليه: ما في أي رضوض ؟ او شروخ ؟ او كسور ثاني: بسم الله ... ان شاء الله اللي يكرهونه بو زايد: يعني نحن ثاني: لا لا ما اقصدك انته ... والله ما قصدتك ابويه زايد: انزين لا تحلف مصدقينك ثاني: ابوك فهمني غلط ام زايد: الحين عاد بيبدأ عنده الحبس الانفرادي فوق ثاني: لا لا ... ما اقدر استغنى عنكم غاليه: بس تعرف الرمسة الحلوة ... اما التطبيق فـ في خبر خير ثاني: اسكتي انتييييييييييي زايد: ابويه عمر ولد عمي سيف باجر بيسافر ثاني: هيه صدق تعال . متى طيارته ؟ زايد: الساعه 4 ... لازم يكون في المطار .. غاليه: انا بسير بيت عموووووه ام زايد: عيل باجر نسير بيت عذيجة ... ثاني: انزين وعقب ؟ ليكون ناوين تسيرن كلكن المطار ام زايد: والله ما ادري ثاني: اونه والله ما ادري !! .. لا حبيبتيه لا الغاليه .. بو زايد: امسك الخيزرانة بعد واظربها ثاني: بلاك يا بو زااااايد اليوم تفهمني غلط غاليه: ههههه لانك ما تعرف ترمس زايد: لا لا امايه ربيعه بيسير وياه .. لا تييون المطار ام زايد: انا عن نفسي عادي ما بسير بس لازم ايي واسلم عليه .. اما عذيجة والله ما ادري بو زايد: عذيجة انا بقول لها ما تسير المطار ... ما بتيي ثاني: هيه ريحتوني غاليه: عيل اكيد بنات عموه كلهن بيكونن هناك .. ثاني: اكيد .. ام زايد: بنات عذيجة من بونهن في بيتها 24 ساعه غاليه: بسير باخذ العلوم الزينه من عفاري ثاني: هه ... هذا انتن يالحريييم غاليه: لو سمحت بعدنا آنسات ثاني: محد يباكن عسب جذه ام زايد: بسم الله ع بناتي والله يتمنووووووون غاليه والا عفاري .. فديتهن بو زايد: انته اللي ولا وحده بترضى فيك والسبّه اللاب توب زايد: ههههههههه ثاني الله يخليك لا تحط روحك في مواقف محرجه ثاني: هيه والله ع قولت مروان مواقف تخدش بالحياء ... بو زايد: وانته مب تتأخر والا تهيت والا تحبس روحك وما تيي تسلم ع ولد عمك ثاني: لا لا ... هذا عمر الغالييي ولد الغالي قال ثاني جملته .. وما حس ان هالجملة تخلي ابوه يذكر اخوه .. سيف اللي صدق محد يقدر ينساه فيهم ... ولا حد يقدر ينسى ابتسامته اللي كانت ملازمته .. واللي ورثها منه الحين عمر .. وعياله كلهم .. دايما مبتسمين .. دايما تلقاهم ايد وحده ... لو منوه ما يكون ما بيقدر يفرّق بينهم !! في ألمانيا .... علي كان راد من برّع ... حصه كانت مضايجه منه يوم صرّخ عليها .. وهو كان متوتر بزيادة . فـ ما حب يكمل وياها وشل بعمره وطلع .. ولا رد الا الحين ... دخل شاف الشقه مرتبة .. وفي عشا من المطعم ومحد داقنه ومحطوط ع الطاولة ... ابتسم .. بنات ام هزاع حتى وهن معصبات يعرفن السنع ... سار صوب الحجرة .. شاف حصه يالسه صوب البلكونه .. علي: حصه .. حصه: ييت ؟! علي: هيه حصه: عشاك محطوط ع الطاولة .. علي: شفته ... وسكتت حصه ... علي: انتي تعشيتي ؟ حصه: الحمدلله علي: يعني هيه ؟ حصه: لا .. علي: عيل جيه قلتي الحمدلله؟ حصه: الانسان لازم يقول الحمدلله ع كل شي ... علي: رمستي خواتج ؟ حصه: هيه علي: رمستي امج ؟ حصه: هيه ... علي: اخبارهم ؟ حصه: الحمدلله علي: يقولون ... سالم ولد اختج مريض .. حصه( فزت من مكانها ): شوه فيه ؟ علي: ما فيه شي بس .. بطنه يعوره .. ومسوي لهم مأساة اونه حصه: منوه قالك؟ علي: رمست احمد انا .. وعقب اتصلت في اخوج هزاع ورمسته .. وكان يالسه حذال سالم ( ابتسم ). .. وتم يلعوزه حليله حصه: فديت روحه .. ما خبروني علي: يمكن ما اعتبروه ضروري .. والا مهم .. والحمدلله ما فيه شي .. حصه: سر تعشّى علي: ما بتيين تتعشين ويايه ؟ حصه: مب مشتهيه علي: حصه آسف . .. ما كنت اقصد مساعه اصرّخ عليج او اقول شي يضايق بج حصه: حصل خير .. علي: نحن ليش يايين هني ؟ حصه: ما ادري علي: منوه اختار ان نيي ؟ حصه: انا .. علي: يعني مب ذنبي ولا اصرّيت عليج صح ؟ حصه: صح .. علي: يعني انا متحمل اللي انتي متحملتنه صح حصه: صح ... علي سير تعشّى .. لا ترمس عن السالفه خلاص علي: لا شوفي ... انا مب مودّر هلي ولا انتي مودره هلج ونحن الاثنين مب مودرين بلادنا عسب نيي هني ونرد ولا جنّه سوينا شي ... حصه: بس انا مضايجه علي: انا بعد مضايج وياج ... انا مضايج .. لانج انتي مضايجه .. ومضايج لانج انتي وانا بعد مودرين البلاد ويايين هني .. العيشه هني ما تسوى .. وادري انها صعبه .. انا والله لو انتي ما شاورتي عليه اني اقص التذاكر ونيي هني جان ما قصيتهن .. ولا حجزت ... انا لو ابا ايي هني جان جبرتج من زمان من يوم شاورتج اول مره .. حصه: انا آسفه لو مضايقتنك .. ومنكده عليك عيشتك هني .. علي: ابلة حصه .. جانج مشتاقة يعني تدرسين انجليزي .. ومشتاقه حق بناتج .. عادي اعتبريني احد تلامذتج .. عطيني كورسات حصه ( ابتسمت ): ليش ما تعرف ترمس انجليزي علي: هيه ودج انتي .. حرمتيه مدرسة انجليزي .. وترمس انجليزي ... وانا مسافر برع ودارس برع .. تبيني ما ارمس انجليزي .. عقب تعايريني حصه: والله كل واحد يثق في نفسه اكيد علي: طبعا وانا اثق في قدراتي حصه: الله ع الوثوق علي( ابتسم ): والحين ما غيرتي رايج ولا تبين تتعشين حصه: والله ما لي نفس علي: شوفي حصه .. شرايج نعقد اتفاق حصه: بخصوص ؟ علي: بخصوص حياتنا ... حصه ( ارتبكت ): كيف يعني علي: شوفي .. نحن يايين هني .. وبنسوي اللي علينا ... وبنسير وبنرد الميتشفى هاي مالتهم مليون مره ... اذا الله راد بيرزقنا بياهل ... واذا لا .. فـ عهدِ علي والله .. دام اني مرتاح وياج .. وانتي ما مقصره ويايه ... وحاطتني في عيونج .. اني ما افكر اودرج او اييب لج وحده تكون لج ضرّه .. لكن بـ مقابل انج تكونين حصه القوية .. حصه المرحه اللي كنت اعرفها .. لاني انا ماماخذنج عسب تمزرين لي البيت عيال ... ولا انكر الجميل ... واييب وحده تعكر مزاج اللي صدق حبتني انا لـ شخصي ولـ ذاتي .... شرايج ؟ ارتاحت حصه عقب رمسة علي ... ردت لها الروح .. صدق يا حظها بـ علي هذا ... الفـيـــر .... ما ياها رقاد .. مثل كل مره ... يالسه تفكّر ... تفكّر في حالها .. في البيئة اللي هي عايشة فيها .. في الناس اللي حوليها .. تتمنّى لو كانت بنت ناس عاديين .. او بنت خالتها عذيجة .. او بنت خالها عبيد .. او حتى يوسف .. يمكن خالها يوسف على كثر العز اللي هو فيه .. كان بيخليها تعيش حياتها مل ما تبا .. ولا كان بيجبرها تعيش حياة الأثرياء ... تذكر يوم كانت صغيرة .. عادي تسير وترد .. وتستانس بالسفرات .. والطلعات .. وحتى بالبدل الفخمة اللي كانت تلبسها .. وبالاشيا الغريبة والاستايلات العجيبة اللي كانت تييبها من برع .. لكن الحين .. تشوف حالها .. تشوف ان هالحياة حلوة بس لو تكون بـ راحة البال .. تبا ترد صغيرة عسب تستانس بهالحياة .. اما يوم كبرت كرهت هالحياة ... قبل .. كانت تشوف اهلها اكثر .. كان في رابط قوي بينها وبين عيال خوالها وخالتها .. تذكر كيف تلعب وياهم .. تسولف وياهم .. اما الحين فـ لا .. هذا كله انعدم .. ابوها حط علامة X على شي اسمه بيت خالي . او بيت خالتي . واللي يخليها تنقهر زيادة .. ان بيت خالها يوسف عادي سيري وتعالي كثر ما تبين .. حتى يمكن لو تقول حق ابوها بتبات هناك بيقول عادي .. اما بيت خالتها وخالها الثاني مستحيل .. هل لان هناك في اولاد .. والا لان يعتبرهم دون المستوى ؟! هل فعلاً ابويه يكره خالتي عذيجة وخالي عبيد ؟ والا انه يخاف عليه انا بنته ؟! ما ادري كيف افسّر والا كيف افكّر في طريقة ابويه .. وطريقة تربيته لي !! يوم يديد .. واحداث يديدة .. والناس مرتبشين .. اقصد بيت الشباب مرتبش .. اخوهم العود اللي بحسبة ابوهم بيسافر .. اول مره بيجربون العيشة بدونه لـ مدة اسبوعين ... في حجرة عمران ومروان .. عمران ناش من الصبح .. ومروان اللي في نظر عمران سخيف ... ناش وما عنده سالفة .. يالس ع الشبرية .. ويرمس هزاع .. مروان: ياخي ما ادري والله ما ادري هزاع: انزين اسأله مروان: انا توني ناش باتصالك البايخ هذا هزاع: مروان قم سر اسأله مروان: هو بعيد عني هزاع: تستهبل حضرتك ؟ مروان: ما تدري ابويه الله يرحمه باني لنا قصر من بيزات اخوه اللي هو عمي يوسف هزاع: هههههههههه وايد متفيج ع الصبح انته مروان: اقولك بنسير المطار ويا عمر .. عقب ع طول بنسير صحارى .. بنتعشى وبندش السينما عقب بنرد البيت هزاع: انته شوه ابا اعرف عمران: خييبة .. عمر بيسافر العصر .. وانته تفكر وين بتسير وشوف بتشوف من الحين مروان: هيه أأمن مستقبلي عمران: يالله وتأمين المستقبل ما ادري ايمّع عسب يعرّس مروان: والله بعرّس من بيزات ابويه المكوده عند عمك عمران: لا اله الا الله هزاع: انته ايييييييه ذليتنا .. ثرني بخبره عليك الحين مروان: خبره والله ما اخاف ولا شي ... ط هذا انتوا هزاع: انزين انزين . اسأل عمران اكيد يدري انزين مروان: عمرانو .. عمر متى بيسير المطار؟ عمران: الساعه 4 مروان: سمعت ؟ هزاع: هيه .. اجلب ويهك الحين محد يعطيك فيس مروان: انته اللي متصل .. هزاع: غلطت يوم اتصلت مروان: صدق ما تستحي عقب ما ساعدتك تقولي جذه هزاع: هههههههه في شوه مساعدني بالله عليك .. الا هو سؤال .. اخوك متى بيسافر وذليتني .. وآخر شي بعد عمران قالي متى مروان: اقولك فمان الله بسير انا اشوف عمر هزاع: مع السلامه في بيت ام هزاع ... دام ان اليوم سفر عمر .... فـ الكل متيمع هني .... ومتغدين هني .. ويتريون متى عمر ايي ويسلم عليهم ... وعقب الشباب يسيرون وياه المطار ... وتوقعوا ان اللي بيي الحين هو عمر واخوانه .. لكن انصدموا باللي ياي .. اقصد يايه ... اول شي ... وطبعاً ... احمد و طارق وهزاع كانوا واقفين برع ... بكل اناقتها .. وبكل ثقة هي وبنتها يمشون .... لين وصلوا حذال الشباب ... جواهر: السلام عليكم هزاع: وعليكم السلام .. هلا خالوه .. ( وسار حب راس خالته ) جواهر: اهلين .. شحالك هزاع ؟ هزاع: الحمدلله بخير ونعمه .. انتي شحالج ؟ جواهر: انا الحمدلله بخير .. والله وكبرت ( وابتسمت ) فقط هزاع ... واحمد كتم ظحكته شوي وبينفجر من الظحك .. وهند مدام انها يلست وياهم لمدة يومين ... فـ تعرفهم يوم شافت احمد هي الثانية كتمت ظحكتها هي الثانية .. جواهر: شحالكم شباب .. احمد: الحمدلله بخير .. جواهر: ما شاء الله .. كبرتوا كل واحد فيكم عنده ولد وبنيه الحين ابتسم طارق لان احمد شوي وبيظحك ع هزاع .. وبيظحك ع عمره بعد عقب هالرمسة ... مشت جواهر ... ومشت هند .. بس صدت ورا تشوفهم كيف يتريون بس متى امها تدخل عسب كل واحد فيهم يظحك .. وخصوصا احمد .. وفعلا اول ما داخلت جواهر وهند وياها الصاله ... احمد قص الشريط وظحك ... طارق: اللي ياخذ العدو ههههه استح ع ويهك احمد: هههههههههههههههه ،، والله والله ... قوية في حقك يا هزاع هزاع: ط هذا .. ومب قوية يوم قال لكم انتوا والله كبرتوا .. وعندكم عيال احمد: هههههه لا مب قوية .. قوية في حقك انته يوم قالت لك كبرت طارق: والله انكم يهال ... وين وين سالم ؟ احمد: ويا ابوه داخل هزاع: ويه الله يعين عبدالعزيز اليوم ... احمد: هيه والله ... طارق: انا انسان جدا حساس ما بيي وياكم المطار .. احمد: لا لا ارجوك .. عن ينجرح احساسك هزاع: ههاااااااااااي .. طالع ع حرمته احمد: قصدك دلع مب جرح احساس طارق: صدق ما تستحي ريال طول وعرض .. وعندي ولللللللللللللللد مب بنيه ولللللللد وتقولي جذه احمد: ذليتنا ع الولد .. شوه يعني .. المره اليايه انتي بنيه وانا ولد طارق: زيادة الخير خيرين هزاع: هيه ييبوا عفاريت وفروهم علينا احمد: فذمتك بنتي عفريته ؟ هزاع: فديتها والله .. بس لانها بنت امون ها .. مب عسب شي طارق: شوه قصدك يعني حرمتيه بلاها ؟ هزاع: ما فيها شي .. بس ولدك ماخذ منها الجمال .. الحمدلله ما خذ منها الدلع احمد: هههههههه بعد ريال ويدلع مشكلة طارق: علقوا علقوا الله بيبليكم .. وانته بيبليك بحرمة وعيال بعد هزاع: آمين .. في الصاله .. جواهر: واي شحلاتها .. هند: طبعا بنت آمنة واحمد شمسة: ههههههه خبلتوها البنيه حفظتكم هند: والله تولهت ع سيرة المزرعه روعه كانت ههههههه سلامة: شرايج نعيدها ؟ هند: يارييييييت آمنة: ما عليج خل بس عمر ولد خالي يسافر .. نحن بنسير المزرعة عفرا: عاد لازم خالوه تيين ويانا جواهر: يا ريت والله حبيبتيه .. عذيجة: ما تقدر تستغنى عن بو بدر هند: لازم لازم .. سفيرها حتى فالمزرعة .. نقعوا من الظحك الخوات ع رمسة هند .. خلاص تعودت عليهم .. واستوى بالنسبة لها عادي تيلس وترمس بكل عفوية جدامهم .. فالميلس .. سالم: والله ما يستوي هزاع: اقولك مب تسوي لنا حشرة صالح: يابوي ودوه .. نحن نبا نرقد احمد: هيه ودوه ودوه هزاع: هيه تبون ترقدون وتفرونه علينا .. ابا اعرف ما عندكم بيوت ترقدون فيها تييون هني صالح: كيفنا بيت عمنا احمد: هيه والله .. هزاع: بيت ابويه طارق: شلوه انزين حرام هزاع: طارق والله هذا وعبدالعزيز مأساة بيسوون فالمطار احمد: ودوه عسب يخفف ع ربيعه هزاع: يبتلش فيهم راشد عقب صالح: وليش راشد ؟ هزاع: هو المسؤول بيكون عن عبدالعزيز في غياب عمر طارق: اهااااااا سالم: خالي هزاع بيي يعني بيي هزاع: ومن الصبح انا يالس اقول ما بوديك جنه يهمك سالم: طبعا لا .. بس انا اقولك بعد بيي صالح: ياك الجواب احمد: ههههههههه بدون يعني ما تعور راسك وده هزاع: بخليه يركب ويا زايد والا أي حد ثاني .. ثاني : اهلا وسهلا سمعت اسمي .. طارق: هلا والله ثاني: اهلين ... كيف الحال احمد: الحمدلله .. اخبارك ؟ ثاني: تمام والله زايد: السلام عليكم الكل: وعليكم السلام هزاع: الكل وصل عدا اصحاب الشأن زايد: توني مرمّس عمر يقول واصلين يالله احمد: يعني نطلع برع صالح: جيه استقبال احمد: ياخي نبا نسلم ونرد نرقد طارق: ايه لا ترقدون ما فيه رقاد احمد: مشكلتك هاي .. ازقر حرمتك وولدك وسووا جو رومانسي برع يلسوا فالحديقة وسولف وياها طارق: حرمتيه مب فاضيه حقي ... خالتها يايه اليوم ثاني: أي خاله ؟ زايد: عموه جواهر ؟ احمد: يقولون هزاع: شفتوا عاد ثاني: اونه .. والله شي جميل .. ووصلوا الشباب .... ومروان مسوي حشرة وصدعة وع قولته مسيرة !! ... الناس حج وهذا مسيرة !! .. وعاد الكل ظهر برع .... شياب وعيايز وبنات وشباب ......... مروان: يالله يالله بنسوي مسيرة ما بتون ؟ زايد: انته وايد متفيج هزاع: مروان شوف يقولون عمتك يايه مروان: اونه وينها ؟ خل اشوفها يقولون انها حلوة هزاع: يا ويهك هذي هناك سر سلم عليها راشد: عمر وقت الطيارة عمر: يالله نسلم ونسير .. نزلوا الشباب وبدوا يسلمون وخصوصا السلام الحار حق عمر لانه بيسير خلاص ... عفرا: ويه وين عبدالعزيز ... هند: ما نزل غاليه: حليله والله عفرا: الله يعينا .. هالكم اسبوع ما ادري كم يوم غاليه: حرام عليج عفرا: ما اقصد شي والله .. كل اللي اقصده ان يعني وايد بيضايج هند: هو من اللي شفته فالمزرعة ان ما يقدر ييلس بدون اخوه غاليه: اكيد آمنة: شوه تقولن ؟ عفرا: نرمس عن عبدالعزيز آمنة: انتي شلي هاي شويه .. بعدل شيلتي سلامة: شمسة ولدج بيسير وياهم ؟ شمسة: ما ادري اعتقد آمنة: ثر احمد قال هم ما بيسيرون المطار سلامة: هيه ؟ شمسة: هيه صالح قالي .. سلامة: وولدج كيف بطرشينه وياهم ؟ آمنة: عاد كلهم سايرين خل يسير حليله شوه بيسوي ... مب لهالدرجة صغير انه يشاغب عفرا: هه .. تبا سالم وعبدالعزيز ما يشاغبون غاليه: عبدالعزيز اكيد بيسير هند:حرام خلوه يسير .. اوه تدرون منوه تذكرت ؟ عفرا: منوه ؟ هند: تراب ع قولت عبدالعزيز وسالم آمنة: ههههههه رملوه فالبيت ... عقب شويه بتتصل بتقول ملانه هند: ههههه اشتقت لها والله ... بو زايد: ما اوصيك يا عمر ع عمرك ... عمر: ان شاء الله عمي .. بو هزاع: دير بالك ع عمرك ... عمر: ان شاء الله .. عاد وصل عمر عند عمته اللي بدت المناحه ... كل شي عندها ولا عمر .. عمر: عموه عاد .. جذه تصيحين عبدالعزيز يشوفج .. عذيجة: انته غالي وولد الغالي مروان: جيه وين ساير ؟ الا هو الحج .. عذيجة: وانته تتحسب الحج لعبة ... والا شي سهل ؟ مروان: والله العيايز لازم يجلبونها مناحه عذيجة: عيز حيلك يالهرم عمران: هههههه حتى وهي تصيح تعطيك فالصميم راشد: عموه يالله سلمي عليه بنسير تأخرنا عمر ( تجدم صوب عمته الثانية .. اللي من سنين ما شايفنها): مع السلامة عموه جواهر: الله يحفظك الغالي .. فمان الله .. زايد: يالله شباب مروان: يالله يالله مسيرة ثاني: هههههه اهبل هذا احمد: فمان الله ... صوروا صوروا هزاع: جيه فلم ؟ بو زايد: وين اخوكم سعيد؟ مروان: بيي المطار .. يالله يالله احمد: مع السلامه فمان الله .. احسن بنفتك من حشرتكم اتأخروا شويه لين المغرب نبا نرقد صالح: هههههههههههههه حلوة هاي طارق: لا تييبون سالم لين المغرب سالم: تتمنوني احمد: ثرك وايد مصدق عمرك سالم: يوم برد بتفاهم وياك ... مع السلااااااااااامه ساروا الشباب متجهين لـ المطار ... في هالحشرة اللي ع السريع استوت لان عمر متأخر .. وفي هالوقت كله ... عبدالعزيز كان يالس فالسيارة ولا نزل ... ولا قال شي .. ولا رمس ويا أي حد من الموجودين ... في بيت السفير ... نزل بدر من فوق ... بدر: غريبة لا امايه ولا هنّود فالبيت ... يدوه غريسه: هلا والله بدر ( صد وراه): انا ؟ يدوه غريسه: هيه انته بدر: غريب ةاول مره .. ع العموم اهليييين وسهليييين بيدتيه يدوه غريسه: مب من زين شيفتك اهلّي بك .. انته وين يا ولد ما تنشاف ولا ندري عن هوا دارك.. بدر: يعني مشتاقة لي وايد يدوه غريسه: لا والله مب مشتاقه .. بس احاتي عن تخترب .. بدر: وين امايه وهند ؟ يدوه غريسه: سايرين بيت خالتك بدر: أي خاله ؟ يدوه غريسه: راس مالك خاله وحده بدر: عذيجة ؟ يدوه غريسه: هيه خالتك عذيجة .. بدر: ليش ؟ ما احيد رمسوا عن عزيمة والا شي .. او هنّود ظهرت السوق الفترة اللي طافت اشترت لها شي يديد لهالمناسبة يدوه غريسه: لا والله يعني أي مكان تسير لازم لبس يديد وما تلبسه غير مره وحده بس ؟ بدر: طبعا .. بنت سفير .. يدوه غريسه: صدق انك ما عندك سالفة بدر: انزين قولي جيه سايرات هناك ؟ يدوه غريسه: ولد خالك بيسافر ؟ بدر: منوه فيهم ؟ يدوه غريسه: سر سر كمل رقادك بدر: والله صدق قولي يدوه غريسه: عمر بدر: اونه .. كيف وانا ما ادري يدوه غريسه: انته عن شوه والا شوه تدري؟ .. بدر: لا والله غريبه يعني ما ادري !! يدوه غريسه: لا مب غريبه .. انته اصلا ما تدري عن شي ونفس الوقت ... دخل السفير ... بو بدر :السلام عليكم يدوه غريسه: وعليكم السلام والرحمه .. بدر: هلا بو بدر: اهلين .. شوه الاخبار ؟ بدر: تمام والله يدوه غريسه: تبا تودي هندو عند اخوك ... ود هذا كندا خل نفتك منه بو بدر: هذا مخلص دراسه .. هذيج اللي ما يدق راسها شي يدوه غريسه: احسن لها فالبيت .. خل اييها نصيبها وتتوكل بدر: ياها ما رضت يدوه غريسه: متى ؟ ما قلتوا لي بو بدر ( تدارك الموضوع .. امه ما تدري ان حفيدتها خطبوها ... وهي رفضت بتسويها مأساة وسالفة ): اقول بدر .. تعال شويه اباك بدر: شوه تبا ؟ بو بدر: اقوكل تعال فالحجرة بدر: يالله انزين سر وانا وراك يدوه غريسه: سر سر انته وابوك ما تنفعون حق شي .. مب جنها قوية في حق السفير !!! فالمطار .. احمد: ما شاء الله ما بغيت توصل عمر: شسوي تشوف شكر يايين ويايه احمد: ما شاء الله تبارك الرحمن مروان: احمد تنفع تكون ربيع عمران عمران: هاهاها ما تظحك احمد: هههههههه مروان عن الحركات .. هذا بدل ما تكون شرات عمر الحين في غيابه .. تعود مروان :لا حبيبي ... راشد اللي مبتلش مب انا .. راشد: هيه انته استانس احمد: الله يخليكم اظاربوا عقب ما نسير .. زايد: عاد احمد ما نوصيك ع ولد عمنا .. احمد: افا عليكم في عيوني والله مروان: اقولك سلم ع الشيطان عمر: استغفر الله ايييييه عمران: ترا يستهبل هزاع: ههههه عقب شويه بتتكفخ ثاني: هههههه ابصم الصراحه .. زايد: سعيد وايد تأخر .. ثاني: اتصلوا به عمر ( عينه ع الساعه ): ما ادري بلاه !! مع اني رمسته قبل ما اظهر .. وقالي بيي المطار مروان: جان سلمت عليه فالبيت .. راشد: لا اكيد بيي .. هزاع: هذو الريال يزقر ... ثاني: الثنائي المرح هادين اليوم ( يقصد عبدالعزيز وسالم ) احمد: يالله نسير .. من قال احمد يالله نسير .. ع اساس ان راع الحملة زقرهم .. الشباب رغم انهم كبار .. ومعتمدين ع نفسهم .. بس اول مره اخوهم اللي متعودين عليه دايما وابدا يكون بمثابة الابو لهم .. فالبيت .. ما بيكون موجود !! زايد: الله يحفظك عمر: زايد اخواني .. زايد: في عيونا ثاني: ادعي لي عمر ( ابتسم): الله يهديك وتودر اللاب توب ثاني : والله ان دعيت لي بهالدعا امايه بتكثر من دعائها لك ليل ونهار هزاع: ادعي لنا نعرّس مروان: هذا همك وبسسسسس هزاع: ياخي ما عندنا شي بعد .. خلاص عمران: يالله فمان الله عمر: عمران ما اوصيك ع دراستك .. والكلية .. عمران : افا عليك .. انته بس دير بالك ع عمرك ... مروان: حبيبي ما توصيني انا ع شي .. انا اللي اوصيك عمر( ابتسم ): انته ما ينخاف عليك ... راشد: تروح وترد بالسلام عمر ( وهو حاضن راشد ويهمس في اذنه ): راشد عبدالعزيز راشد: لا توصيني عليه .. عمر: والبيت بكبره تحت مسؤوليتك راشد: لا تشل هم أي شي .. عمر: هكونا متاتا سالم ( ابتسم ): رد بسرعه .. نبا نسير رحلة ثانية بعد عمر: ان شاء الله .. ( ونزل بمستوى سالم وهمس في اذنه ) ربيعك تحطه في عيونك وانا محد سالم: افا عليك ... نفس الوقت .. وصل اللي يتريونه من الصبح .. سعيد: اسمحوا لي ع التأخير مروان: بسرعه ما شي وقت .. سعيد: يالله تروح وترد بالسلامه يا بو عزوز عمر: الله يسلمك ... احمد: عمر خلصت ؟ عمر: روح ولاحقنك .. ود له الجوازات .. سار احمد .. و عاد كلهم وقفوا ع صوب .. اكيد عمر بيرمس عبدالعزيز الهادي جدا اليوم .. ع صوب وبروحهم .. عمر: يالله يا بو عمر .. عبدالعزيز: تروح وترد بالسلامة .. عمر: الله يسلمك .. ما اوصيك انته عاد ع راشد .. ومروان اللي فالبيت .. وفريد عبدالعزيز: لا توصيني ( أبتسم ) عمر: يالله حبيبي .. عبدالعزيز: اتصل بي كل ليلة .. عمر: ان شاء الله كثر ما اقدر عبدالعزيز: ولا تنسى الدعاء عمر: ما بنساه وتجدم عبدالعزيز وحضن عمر بالقو ... عمر ما يقدر يستحمل هالتصرفات وفي هالوقت خاصة من عبدالعزيز ... نش عمر .... ومشى سار داخل عقب ما ودع الكل .. وخصوصا اخوانه .. والباقين كل واحد فيهم .. سار المكان اللي حاطنه في باله عقب يطلع من المطار ... بمعنى آخر .. كل واحد فيهم في درب .. في بيت ام فهد .. ام فهد: وينه سعيد ؟ بدور: ساير المطار .. اخوه بيسافر وديمة: وانتي بلاج ؟ بدور: شوه سوى فيه عسب اني قلت له بسير بيت هلي وانته ساير نزلني .. وانتي وانتي وانتي وانتي ام فهد: يمكن كان مستعيل بدور: وشوه يعني .. شايف اخوه اليوم الصبح والظهر وقبل ما يظهرون الاخوان كلهم يسيرون المطار بعد شايفنه وديمة: انزين الحين ما استوى شي بدور: رمسة ع الفاظي .. ما ادري منوه مسافر ام فهد: بدور !! بدور: خلاص بسكت .. وديمة: انا بعد اقول احسن بدور: انا ما يمشوني يهال اوكيه وديمة: بسم الله وانا شوه قلت ؟ بدور: ما قلتي شي ابدا .. بسير ارقد في حجرتيه شويه بريّح ام فهد: قومي اميه سيري حجرتج رقدي وهدي اعصابج ... بدور: وعوني ع المغرب .. ام فهد: ان شاء الله وسارت بدور فوق .. حجرتها .. وع قولتها بترقد ام فهد: بلاج انتي ع اختج ؟ وديمة: افف مستويه تقهر وايد تقهر بعد مب شويه ام فهد: خليها ع راحتها وديمة: الله يعين هالراحه وين بتوصلها ام فهد: لا ترمسين جذه عن اختج وديمة: ما برمس ولا بقول شي .. بس هي بتندم آخر شي ع تصرفاتها هاي ام فهد: أي تصرفات ؟ وديمة: ها ؟ لا ولا شي .. انا بعد فيه رقاد ام فهد: سيري رقدي وديمة: بنسدح هني ع الكرسي ... عسب انش بسرعه وبيلس اسولف وياج لين اهلك مول وارقد ام فهد: احسن بعد .. وتمت وديمة تسولف ويا امها .. عقب ما غيرت السالفة .. وبزلة لسان كانت بتستوي مصيبه .. لها ولـ بدور .. دام ان فهد اخوهم ... ********** |
الجزء الـ 22 مر يومين ع سفر عمر .. الاوضاع شرا ما هي ... الا ان عمران سار الكلية .. يعني بيغيب عنهم 4 شهور .. واللي موجود فالبيت .. الحين .. سعيد وحرمته ... راشد .. مروان .. عبدالعزيز وفريد ... عبدالعزيز مثل ما وصاه عمر .. ماشي ع قوانينه .. و وصاياه .. لكن اللي قاهرنه ان عمر خلال هاليومين ما اتصل .. وهالشي اللي خوّف الكل .. مب بس عبدالعزيز .. في بيت السفير .. هند: يدوه والله شوفي مب حلو !! يدوه غريسه: لا لا .. مب غاوي .. والله لوعة جبد هند: كيف انزين تبيني يعني ألبس ؟ يدوه غريسه: لبسي شي ساتر هند: هذا عرس !! يدوه غريسه: انزين وخير يعني عرس !! هند: هو تبين الصراحه .. في حياتي ما لبست كم طويل في عرس .. فكرة حلوة البس هالمرة يدوه غريسه: هيه لبسي لبسي هند: عاد جان امايه خلتني .. بتقول هذا عرس .. وما ادري شوه يدوه غريسه: الا هو عرس بنت ما ادري منوه هند: ما ادري منوه .. هذا سفييير شرات ابويه يدوه غريسه: ويعني ؟ هند: هيه والله ويعني !! عايبتنها هند السالفه .. يوم ان يدتها ويّاها .. ماخذه الحياة ببساطة .. ولا جنها ام سفير !! .. وام كبار شخصيات عايشين فالبلد ... او برع البلد ... هند: انزين شوفي هذا .. شرايج ؟ يدوه غريسه: هيه هذا حلو هند: بس طبعا بدون هاللي ع راسها .. يدوه غريسه: لا شعرج .. بكيفج سويه .. بس لا تفتحينه .. هند: هو ما بفتحه ما بفتحه .. امايه زين بتسوي بي .. يدوه غريسه: زين يوم امج رمست هند: هههههه يدوه بس عاد لا تحطين ع امايه يدوه غريسه: لا احط عليها ولا تحط عليه .. انا بسير ارقد .. هند: تو الناس .. يدوه غريسه: لا فديتج انا مب مال سهر .. وانتي بعد سيري رقدي هند: تصبحين ع خير .. يدوه غريسه: وانتي من اهله .. وسارت يدوه غريسه حليلها ترقد .. عقب ما خلصت سوالف ويا هند .. اللي هن الهنتين مونسات عمارهن في هالبيت العود ... راشد .. عقب ما تأكد من البيبان .. والدرايش ووو كل شي .. وعقب ما اتصل في مروان .. وعطاه هزبة محترمة انه يرد البيت بسرعه .. سار الحجرة ... حجرة عمر وعبدالعزيز .. لكن الحين في هالايام .. راشد وعبدالعزيز ... عبدالعزيز كان توه مخلص سبوح .. ومنسدح ع الشبرية .. راشد: بعدك ما رقدت ؟ عبدالعزيز: توني مسبح ومخلص راشد: لو كل يوم بنتم جذه .. وتسبح نص الليل بتزجم وبتمرض عبدالعزيز: متعوّد راشد: غريبه عمر ما كان يقولك شي عبدالعزيز: يقول ويقول .. بس تعود وتعب راشد ( ابتسم ): يالله ارقد عبدالعزيز : راشد راشد ( انسدح حذال اخوه ويطالع فوق ): هلا عبدالعزيز: عمر وينه ؟ ما يرد عليه يوم اتصل مبايله كله مغلق ... ما اتصل بك ؟ راشد: لا والله ما اتصل بي .. لكن اكيد وايد مشغول ... ومضغوط .. وما يلحق عبدالعزيز: بس يومين بطولهن خيبه !! راشد: اكيد بيتصل جريب ان شاء الله .. عبدالعزيز: ان شاء الله ونفس الوقت انفتح الباب .. مروان: وصلت عبدالعزيز: تو الناس راشد: سر انخمد الحين مروان: اوه اوه اوه .. الزعيم معصب .. ابونا العود آسفين .. بس والله من وقت راشد راشد: مروان انا ما فيه يصيبك شي وعمر مب موجود مروان: بسم الله عليه عبدالعزيز: هههههههه وايد تحب عمرك مروان: هيه شراتك عبدالعزيز: احم احم من حقي مروان: من عيونك الخضر راشد: الحين شوه يخصها عيونه عبدالعزيز: ما عنده سالفه فيه رقاد بس ما يعرف شوه يخربط مروان: هيه والله .. زين سويت يا راشد اتصلت بي .. بسير ارقد عبدالعزيز: ههههه اهبل والله مروان: دواك عندي الصبح .. الحين بخليكم ترقدون مع السلومه تصبحون ع خير راشد: وانته من اهل الخير في حجرتها يالسه ... وتفكر بالرمسة اللي قالها اخوها ... ما تدري ليش هي مب مرتاحه .. ولا تدري ليش ان السالفه كلها ع بعضها مب داخله عقلها ... واصلا عقلها مب راضي يتقبلها ... ولد خالتيه .......! غاليه تقدّم لها ولد خالتها ... وزايد اخوها هو اللي بلغها .. وهالشي اللي خلاها تستغرب اكثر .. ليش مب ابوها ؟ ليش زايد ؟ صح ان زايد اخوها العود .. لكن ابوها اكيد في هالسوالف ما بيولّي زايد المهمة .. الا لو كان في شي .... وخصوصا ان هي بنته الوحيدة ... ليش هو ما قالها ؟ في هالوقت .... ما تقدر الا انها تمسك مبايلها وتتصل في اجرب وحده لها ... هزاع : سيري سيري الله يخليج ... سيري رقدي .. لا تتفلسفين فوق راسي عفرا: ما فيه رقاد هزاع: لازم ما بيكون فيج رقاد ... سهر الليل ورقاد الصبح عفرا: اقول... انته اللي لاتبدا تتفلسف عليه .. هزاع: هاللي فالحة فيه مبايلات .. وتيلفونات .. وبس .. سيري رمسي عفرا: كيفيييييي هزاع: تعالي منوه متصل بج هالحزه ؟ هااااااا عفرا: غاليه غاااااليه .. جيه شوه تتحسبني هزاع: لا ما اتحسبج شي ... نشت عفرا وسارت فوق ... غاليه: شوه تسوين ؟ عفرا: ما شي .. كنت يالسه مجابة هزاع غاليه: عيل خلاص بخليج عفرا: لا لا عادي .. اصلا عقب شويه بيسير ينخمد .. ويالسه من الصح اتناقر وياه .. شكله مروان موصنه عليه غاليه : حرام عليج .. ما شي الا سايرة وراده ع هاللي اسمه مروان عفرا: تصدقين اشتقت لهم من زمان ما شايفتنه لا هو ولا عزوز غاليه: هيه والله انا اشتقت حق عزوز عفرا: انزين آنسة غاليه .. اتصالاتج ما تيي الا نص الليل غاليه: عفاري بخبرج سالفة عفرا: قولي انا في جو هادي وصافي ... منسدحه فالصاله اللي فوق غاليه: سيري حجرتج بالمره عفرا: لا الله يخليج بييني رقاد فيها .. رمسي .. غاليه: تعرفين خالد ولد خالتيه ؟ عفرا: شدراني فيه غاليه: يعني اقصد تعرفين ان عندي ولد خاله اسمه خالد صح عفرا: هيه .. اكتشاف عظيم مكتشتفنه نص الليل ومتصله بي ... غاليه: عفاري والله يخليج اسمعيني عفرا: ثرني اسمعج غاليه: اقولج بندي بندي خلاص عفرا: لا والله قولي .. بلاه ؟ غاليه: خلاص اقولج عفرا: غلّوي بلاج انتي .. كنت اتمصخر غاليه: زايد اخويه يا ورمسني اليوم انه خالد خطبني عفرا ( باستهزاء ): ها ها ؟ غاليه: ط هاي ! عفرا: تجذبين انتي غاليه :والله عفرا: اوووووووووونه .. زييييين زييييين مبروك غلّووووي غاليه: انتي ايه .. ع شوه مبروك ؟ عفرا: انتي توج تقولين خطبوج غاليه: ما وافقت عفرا: وليش ؟ غاليه: ما ادري ... مبدأيا مب متقبلة الفكرة .. فما بالج يوم بيلس افكّر .. ما ادري كيف عفرا: خالي شوه رايه ؟ غاليه: ابويه اصلا ما ادري عنه .. ما رمسني انا مستغربة .. جيه مخلي زايد يرمسني .. وهو ما رمسني ؟ عفرا: يعني خالي ما قالج .. زايد هو اللي قالج عن السالفه غاليه: هيه وشكله ابويه موصنه عفرا: اها ........ تدرين غاليه: شوه ؟ عفرا: انا احس ان السالفه فيها شي .. دامج تقولين ان خالي ما خبرج .. ولا حتى امج خبرتج صح غاليه: محد الا زايد .. هاللي انا احسه بعد عفرا: غلّوي حبيبتيه .. صلي استخارة وتوكلي ع الرحمن .. وشوفي بترتاحين والا غاليه: ان شاء الله عفرا: والحين سيري حطي راسج ورقدي .. لا تفكرين وايد .. و و الله يا ويلج .. لو تميتي تفكرين .. ادري بج يوم تفكرين في شي وتحسين انج ما تعرفين شوه تسوين وضايعه ع الدقه انتي الصياح عندج ببيزة غاليه: يالسخيييييييييفه عفرا: ههههههههه صدق بعد شوووووه غاليه: اقولج سيري سيري رقدي .. احسن بوايد عفرا: هيه انا بعد اقول ان احسن .. وانتي بعد سيري رقدي .. الساعه 5 الفير ... ع رنة المبايل نش .. وهو مدّوخ .. وبعده ما فتح عينه .. 5 الفير منوه متصل ؟ ... الرقم غريب .. طنش ولا رد .. رد يرن مبايله مره ثانية ... مد ايده و رد .. راشد: الو ........: اسمحوا لنا ع الازعاج راشد من سمع الصوت صحصح ... راشد: عممممممممممر وينك ؟ شحالك شخبارك ؟ عمر: الحمدلله بخير .. انتوا شحالكم ؟ راشد: نحن كلنا بخير .. انته وينك ؟ عمر: الحمدلله واصل انا من يومين .. بس ما ادري شوه كانت السالفه ولا استوى اتصل بكم .. راشد: تروّعنا عليك يا ريال عمر: المهم .. شحالكم ؟ كلكم بخير ؟ راشد: الحمدلله عمر: وشحال عبدالعزيز راشد: عبدالعزيز مستوي هادي وايد .. عمر : ما يعرف يكون هادي الا يوم انا محد راشد: يسأل عنك .. حتى اليوم قبل ما يرقد سألني وين عمر ؟ وجيه ما رد .. قلت له ان شاء الله بيتصل يوم بيلقى فرصة .. عمر ( ابتسم): فديته والله راشد: تدري ع كثر ما تحب عبدالعزيز .. لكن اول مره تتفداه جدامنا عمر: ما تفديته جدامك .. انا وين وانته وين ... ولا اشوفك حتى راشد: هههههه شوه حضرتك تنكت .. عمر: ههههه شوه نسوي راشد: شوه الجو عندكم ؟ عمر: بررررررد راشد: صدق ؟ عمر: هيه والله .. راشد: زين يوم عموه قالت لك شل ثياب غليظة عمر: هيه والله .. بس اصلا انا كنت ناوي اشل .. راشد: وشحال احمد ؟ عمر: بخير .. راشد: الساعه كم عندكم ؟ عمر: 4 وربع راشد: اها .. جيه ما راقد عمر: ما شي اليوم قلت بـ أي طريقة بتصل .. حتى لو الفير ان شاء الله .. توني ظاهر مريت ع الصرافة .. و شفت ان يبيع ارقام تيلفون .. واشتريت راشد: واتصلت عمر: عليك نوووور واتصلت راشد: هههه يالله زين زين .. عيل يوم نباك نتصل بك ع هالرقم عمر: هيه .. وباجر ان شاء الله اما انا اتصل .. او اذا انتوا بتتصلون .. راشد: اكييييييد عمر: وين عبدالعزيز الحين ؟ راشد: هذو راقد حذالي عمر: راشد كل شي اوكيه ؟ مب محتايين شي ؟ راشد: كل شي تمام التمام عمر: صدق ؟ راشد: والله صدق عمر: ثر اذا بغيتوا أي شي .. بطاقاتي في السده اللي فالنص .. فالكبت .. المفتاح في الصندوق اللي فالكبت بعد .. واذا ما دليته .. عبدالعزيز يدل كل شي اسأله راشد: ان شاء الله .. عمر: يالله بخليك الحين .. خربت عليك رقادك راشد: لا افا عليك والله .. دير بالك ع عمرك عمر: ان شاء الله .. وانته بعد ما اوصيك راشد: يالله فمان الله ... الله يحفظك صبح يديد ... ويوم يديد ... آمنة: صباح الخير احمد: صباح النور .. احمد توه طبعا ناش ومتزهب حق الدوام بيسير .. فـ يلس يتريق في قسمه فوق .. ويا حرمته وبنته اللي متعوده تنش هالوقت ... تودّع ابوها عقب تيلس نص ساعه وترد ترقد مره ثانية .. احمد: أمون مسكيها خيست الدنيا آمنة: يلسي يا بنيه .. احمد: ميكب هالكثر وين سايرة ؟ آمنة: ميكب اونه .. احم الحمدلله جمال طبيعي احمد ( ابتسم ): الا قولي حاطه بلشر سكتت آمنة ... لازم احمد يعيد هالاسطوانه ساعات الصبح .. وع قولتها توه ناش ويبا يسولف .. وما عنده أي شي .. فـ يرمس عن الميكب .. كون حرمته ام الميييكب .. آمنة: مر ع امك تحت ... يقولون انها تعبانه أحمد: بلاها ؟ آمنة: امس فالليل .. سارت رقدت من وقت .. كانت شوي تعبانه احمد: وجيه ما اتصلتوا بي ؟ كنت بيي اوديها المستشفى .. آمنة: السايق كان هني .. وقلنا بنوديها انا وناعمه .. هي ما طاعت .. وقالت بترقد وبترتاح ما حبينا نضغط عليها احمد: الله يهديج يا امون يعني ما تعرفين امايه آمنة: احمد تعب خفيف والله .. يعني لو تعبانه وايد .. او انا حسيت انها ما تستحمل هالتعب ... ما بوديها وما بلزّم عليها ؟ احمد: انزين خلاص آمنة: انزل انزين وسلم عليها احمد: اكيد .. ما تبين شي ؟ آمنة: لا .. سلامتك احمد: الله يسلمج .. مع السلامه ميثاني ( وباس بنته ) آمنة: شلها ودها الدوام وياك احمد: يبالي آمنة: شوه يبالك ؟ ما صدقت ؟ بيطردونك احمد: لا لا يوم بتكبر شويه عقب بنوديها .. يشوفون جمال بنتي الطبيعي اللي ماخذتنه من امها آمنة :الحمدلله .. نش نش يالله انزل تحت فمان الله .. ونشت آمنة اتصلت المطبخ عسب حد من الخدم ايي يشل الريوق .. واحمد نش بينزل تحت عند امه ... وهو نازل شاف رملة يالسه .. احمد: صباح الخير رملة: صباح الخير والاحساس والطيبة ناعمه: هاللي فالحه فيه ع الصبح احمد: ناعمه وين امايه رملة: فديت روحها راقده .. احمد: تعبانه للحين ؟ ناعمه: لا الحمدلله احسن الحين ... انا الفير مريت عليها وقت الصلاه وكانت الحمدلله احمد: اها .. لو بغت شي والا استوى شي لا سمح الله اتصلي بي ع طول ناعمه: ان شاء الله رملة: احمد بتوصلني ع دربك احمد: وجيه ما تسيرين ويا السايق؟ رملة: ابا اسير وياك اليوم ناعمه: تدلّع .. احمد: نشي يالله رملة: صدق ؟ احمد: هيه نشي .. رملة: الى اللقاء .. ناعمه: فمان الله .. ما ادري وين سايرة مستانسة هالكثر رملة: هيه والله .. ظهروا احمد و رملة من صوب .. وظهر عيسى من حجرته .. ناعمه: تو الناس .. الخلق كلهم ساروا دواماتهم عيسى: انا اجازة اليوم ناعمه: ليش؟ عيسى: بس جذه .. مب متفيج ناعمه: حلو والله عيسى: ليش يعني ناعمه: اقول ثر امايه تعبانه عيسى: جذابة ناعمه: والله .. امس كانت تعبانه . بس الحمدلله اليوم خفت عيسى: وينها الحين ؟ ناعمه: في حجرتها عيسى: بسير لها ناعمه: راقده راقده لا تسير تزعجها عيسى: شوه فيها ؟ ناعمه: ما فيها شي والله .. بس تعب خفيف ... يعني قلت زين لو نشت عقب نقنعها انا وانته نوديها المستشفى .. عيسى: اها ورن تيلفون البيت .. ناعمه: الو.. هلا .......... لا واعية ... ما برقد الحين .. وين اييني الرقاد .... ههههههههه انزين .. ييبيها لين الدري وانا يايه اشلها عيسى: اكيد آمنة ناعمه: هيه تقول اسير اشل بنتها ان هي تعبانه ومدوخه .. وهذيج مب طايعه ترقد عيسى: هيه هيه .. سيري ييبيها امس ما شفتها يوم رديت فالليل كانت راقده .. ناعمه: يالله سايرة ... بريح امها عيسى: قولي لها لا تحاتين .. بنلعبها وبنأكلها وبنلبسها وبنرقدها لج عقب ما نشبع منها وقفت السيارة .. نزلت ... حسّت باحساس غريب ... هالبيت فعلاً جمعهم .. وجمعهم في مناسبات وايد .. من هالبيت كنا ايد وحده ... ومن هالبيت عقبها افترقنا .. السبب .. ما تعرفه !! .. لو تعرفه وتقدر تحل المشكلة ... فـ بتحاول كثر ما تقدر .. بس عسب ع الاقل تحس بالراحه والسعادة .. بين اهلها .... دخلت داخل ... هو كان يالس فالصاله ... هالمره .... هند: خالييييييييييييييييييييييييييييييييييييييييييييييي ييييي وركظت هند صوبه وحضنته بالقوووو .. يوسف: الله مسكنهم في مساكنهم ... هنّود بنت جواهر يايه عندي ... لا هاي يبالها عزيمة وبويفيه وحفلة في قاعه بعد ... هند ( سوت عمرها زعلانه ): تطنز عليه يعني ؟ يوسف: صدق يا بنت جواهر ... عنبوووج وينج انتي ؟ ما تنشافين .. لا انتي ولا امج ولا ابوج ... واخوج ما ايي الا يوم اتصل به .. واقوله تعال اليوم عزيمة .. هند: والله شسوي خالي .. انته تدري ابويه ما يخليني اظهر بدون امايه يوسف: وامج جيه ما تيي ؟ هند: ما ادري بها .. انته اخوها جيه ما تتصل بها وتقول لها تييك يوسف: لسانج طوووول هند: خالييييييييييييييي والله انزين صدق يوسف: انزين تعالي تعالي تريقي هند: وييييييه متريقه انا ويا يدوه يوسف: أي يدوه ؟ هند: يدوه غريسه .. يوسف: والله ؟ هند: هيه .. ثرها ساكنه عندنا الحين ما طاعت تسير عند عمي في كندا يوسف: زين زين والله هند: هيه والله مونستني يوسف: انزين يعني ما يتتريقين ويايه انا ؟ هند: عشان خاطرك بتريق .. يوسلإ: هيه تعالي .. شوي وبتختفين انتي بعد هند: شوه نسوي .. من الهم والغم نضعف يوسف: أي هم واي غم هند: اني ما اشوفك يوسف: يالله ... بدت باللواته هند: ههههههه شوه لواتته يوسف: هههههه انزين تعالي تريقي يالله هند: خالي دريت ان ولد خال سيف .. اللي اسمه عمر سافر ؟ يوسف: هيه اكيد .. كيف عمر يسافر وانا ما ادري هند: اتحسبتك ما تدري ... لاني ما شفتك ييت بيت خالوه عذيجة تسلم عليه .. وما اظني سرت المطار يوسف:لا ما سرت المطار .. وهو روحه مرني وسلم عليه هند: اها .. .زين والله .. روحه يمر يسلم يوسف: يا بنت جواهر ... كله عندي ولا عمر .. هند: ما قلت شي عنه يوسف: عمر متربي عندي ... تربيتي ... بس ساعات وسكت يوسف .. وهند يالسه تترياه يكمل ويرمس هند: شوه ؟ يوسف: ما شي خلاص كملي ريوقج هند: ساعات شوه ؟ يوسف: قلت لج ما شي هنّوده .. هند: اوكيه خلاص .. يالله بسم الله .. وبدت هنوده تتريق ويا خالها اللي ما شايفتنه من زمان ... وتسولف ... وتظهر الاوّلي والتّالي .. في بيت ام هزاع ... سالم .. ساااااااالم .. اللي ما له حس من كم يوم ... اليوم راد ويا سايق قوم يده يو هزاع ... وياي بيت يده ع طول ... ع كيفه ... وامه ما تدري !! عفرا: يعني نحن شوه نسوي شمّوووووووس شمسة: والله لو ازخه .. يا ويله عفرا: هالكثر لا تحلفين الحين سالم: انا قلت لها اممممس عفرا: اسكت اسكت .. امك روحها معصبه عليك سالم: والله اني قلت لها عفرا: بتسكت والا افلعك بقوطي الكلينكس سالم: بسير اررررررررقد انا شمسة: ط الحركات اللي يسويها الحين ... عفرا: يعني انتي مصدقه امايه بتخليه يرقد بدون غدا ... شمسة: شوفي عفاري .. خليه يبدل وفالحجرة في كم بدلة خل يلبس وحده منهن .. و خليه يتغدا ... وعقب يلسي وياه بس شوفي شوه عليه .. وعقب الغدا طرشيه البيت ويا السايق عفرا: اظني امايه يمكن تظهر ... ما بتخلي السايق يوصل ولدج .. شمسة: افففف .. خلاص عيل خليه ييلس يذاكر .. لين ابوه ايي وراه .. صالح الحين زين بيسوي بي عفرا: شمّوس بلاج .. انزين بيت يده شمسة: عفاري ... ما تدري به يظهر حق الواحد قرون ... صالح بيقولي انا الحين جيه تخلينه يسير ويا سايق ابوج عفرا: عادي انا بتبناه اليوم مع ان العيشه مع هذا المخلوق امر مستحيل .. بس يالله شوه نسوي .. لا تحاتينه ... خلي صالح يرد ويرتاح وكل شي ... واذا السايق بعده ما وصل .. خل ابوه اييه عقب ما يرتاح .. جانكم يعني بتشتاقون له .. شمسة: لو عليه انا خلوه عندكم ما اباه .. ابوه بس بيعصب .. ان الظهر ياي صوبكم بدوني او بدون ابوه .. عفرا: خلاص انزين ببند عنج الحين .. شمسة: فمان الله ... نفس الوقت دخلت سلامة .. سلامة: السلام عليكم عفرا : وعليكم السلام .. عمّااااري يا حبيبي سلامة: خذيه شويه ... حر مووووت ... شلت عفرا ولد اختها ... وهي ما صدقت فصخت الشيلة والعباه .... والحبيبة لابسه بجامة ويايه عفرا: انتي ما تتادبين الحين امايه بتيي تهزبج .. سلامة: اوه كنت مب متفيجه ... عفرا: وين طارق ؟ سلامة: ما ادري شوه يعابل في موتره عفرا: خل احط الشيلة ع راسي احتياطا عن يهجم علينا سلامة: شوه فيكم .. اسمع صوتكم لـ هناك عفرا: ولد اختج المصووووون ... سلامة: سالم ؟ عفرا: في غيره ! سلامة: بلاه ؟ عفرا: قايل حق امه من امس ان خل اليوم سايقنا يسير وراه المدرسة ... سلامة: انزين عفرا: و ع اساس انه يرده بيتهم ... بس الحبيب ياي هني .. وامه الحين محتشرة تقول صالح بيرد وبيقول ان هي مدلعتنه وان وان وان .. لان عليه واجبات ومذاكرة ولازم هي تيلس وياه سلامة: هاي شمسة سخيفه تسوي سالفة من لا شي .. ع المذاكرة هو روحه ما شاء الله عليه يعرف يذاكر ... وع المداراة .. يعني هي بداريه اكثر عن امايه؟ ... وبعدين بيت يده عفرا: شدراني فيكن .. وفي رياييلكن وعيالكن في ألـــمــانـيـا ... علي: Thank you .... خذي مد علي ايده وعطا حصه المينيو ... عقب المشكلة اللي استوت .. اتفقوا ان كل واحد فيهم يساعد الثاني .. ع انه يتعايش في هالبلد .. وع انه يخفف عن الثاني مصايب الغربة ... بس عسب يسوون شي في هالسفرة .. وما تكون ع الفاضي ....... علي: شوه تبين ؟ حصه: امممم .. ما ادري علي: جدامج المينيو اختاري حصه: اطلب لي ع كيفك ... علي: ع كيفي ؟! حصه: هيه ع كيفك .. علي: انزين يالله بنشوف كيفي .... واختار علي الاكلات .. ويا الجرسون ... وخذ طلباته ... حصه: بل بل بل .. علي حق منوه هذا كله .. علي: يوعان الصراحه حصه: لانك يوعان مشتهي كل شي .. بس يوم بييبون بتاكل لك لقمتين وبتشبع علي: عادي عادي حصه: كيفك .. بيزاتك زايده علي: هههههههه بلاج تتحرطمين .. خليني ع راحتيه حصه: اوكيه ما اختلفنا .. خلاص نخليك ع راحتك .. بس تصدق انا بعد يوعانه علي: عيل اوكيه اللي طلبته .. بناكله انا وانتي حصه: يالله باكل قد ما اقدر .. علي: هههه عاد مب غصب حصه: لا لا لاني يوعانه .. وسكتوا شويه .. تم علي يعابل مبايله ... حصه: متى الموعد الياي ؟ علي: باجر ان شاء الله الصبح حصه: ان شاء الله علي: وشخبارج ؟ حصه ( ابتسمت ): الحمدلله ... علي: رمستي خواتج اليوم ؟ حصه: لا .. قلت عقب بتصل بهن برمسهن علي: اها ... ( رن مبايله ) ... لحظة علي: الو ... هلا امايه .. الحمدلله بخير ..انتوا شحالكم ؟ شخباركم ؟ الحمدلله بخير .. الحمدلله .. ها ؟ لا لا .. بعدنا .. ان شاء الله .. انزين .. اممممم .. لحظة علي: هاي اميه تبا ترمسج .. حصه تغير ويها من قال لها علي انها امه وتبا ترمسها ... علي: خذي .. وبعدها حصه متردده .. كأنها تقول حق علي .. متأكد انها ما بتجرحني ؟! مدت ايدها .. و خذت المبايل ... حصه: ألو .. السلام عليكم .. بمجرّد انها قالت هالكلمتين .. بس .. عقبها تمت حصه ساكته .. ولا تتكلم ... ولا تقول أي شي ... حصه نزلت ايدها شوي شوي .. وحطت المبايل ع الطاولة ... وهي بعدها ساكته .. علي: بندت ؟! وحصه بعدها ساكته ولا نطقت .. علي: حصه شوه فيج ؟ ومد علي ايده وخذ المبايل ... واللي ع الخط الثاني اللي هي امه .. كانت بعدها ترمس .. سمع علي باقي الرمسة ... وما قدر يكمّل .. علي: نشي نسير .. وحصه بعدها ساكته .. علي: حصه نشي نسير .. حصه: تعشّى وعقب بنسير .. لا تناقشني فالموضوع بليز علي من نبرة صوت حصه .. حس علي باللي فيها .. فـ احترم اللي قالته فعلاً .. ووصل اللي طلبه علي .. وكل لقمتين منه ... وما قدر يكمّل ... وهو يشوف حصه جدامه يالسه .. صاخه .. ولا تقول شي .. ولا حتى تاكل ... في دبي ... عبدالعزيز: والله العظيم ما فيكم خير ولا واحد فيكم راشد: انزين اسمعني عبدلعزيز: ما بسمعك عطني الرقم بسرعه راشد: الحين وقت صلاة العصر محد بيرد عليك عبدالعزيز: اقولك ييب الرقم راشد: وانا قلت لك هو الحين ساير الصلاة عبدالعزيز: راااشد والله لا تتناحس عليه ... ييب الرقم .. راشد: اصبر .. عقب نص ساعه بتصل عبدالعزيز: اففففف تقهرووووون .. وتوه مروان نازل من فوق ... مروان: منوه اللي يقهر ! راشد: مروان اسكت مروان: خيبة .. توني نازل ما مداني اصلا ارمس عسب تسكتوني .. بلاه الاخ معصب ؟ عبدالعزيز: اسكت عني اسكت مروان: شوه فيك انزين راشد عمر اتصل بي الفير مروان :اونه .. له يالخاين عبدالعزيز: هيه انته قلت له خاين عيل انا شوه .. راشد: الله ياخذ العدو ... كنتوا رقود انززين شسوي بكم يعني عبدالعزيز: وعنا .. قولي بس عمر ع الخط بفز من رقادي مروان: هيه والله راشد: والله والله انه هو رمسني بسرعه .. عقب قالي بتصل بك الصبح .. وما اتصل عبدالعزيز: ما اتصل .. انته اتصل بلاك جذه .. ويالس هادي من الصبح راشد: نسييييت مروان: طبعا بتنسى لانك انته مرمسنه وشبعان نحن حليلنا عبدالعزيز: هيه انزين .. عسب جذه .. مستانس راشد ( صد صوب مروان ) : انته اسكت ثرك تييب المشاكل مروان: هههههههه ما يخصني خلاص بسكت راشد: احسن ... عبدالعزيز: اتصل الحين راشد :يا عبدالعزيز والله لعوزتني هو بيتصل .... والحين وقت صلاة لو ما اتصل انا روحي بتصل يوم بيخلص .. عبدالعزيز: خلاص ما ابا مروان: احسن .. وااااااايد احسن .. ( وسار انسدح ومسك الجهاز ) عسب نرتاح شويه ونعيش في سلام ... بكشمس مشرقة كانت حياتي وهج يشعّ في طرقات دربي نور يتخلل جوانج روحي رونق صفاء يلامس قلبي غابت الشمس وما عادت تشرق .... الا لتزداد حرارتها وتزداد قسوتها .... تذيقنا المر والألم .. وتحرق افئدتنا .... فـ أتمنى أن تعود شمسنا بنور المحبة والشوق لتنسينا مرارة ما تجرعناه في غيابها .... عذيجة: بس حق جذه فالحين .. ما عندكن غير هالرياييل تقرضون فيهم عفرا: والله ماخذينهن خل يدفعووووون احمد: انتي عفاري اما تدافعين عنا او ما ترمسين عفرا: هههههههه كل حد يقول رايه بصراحه طارق: صح صح انا وياج احمد: انته صدق راقد .. هاي تحط علينا ما تدافع عنا طارق: عادي ... كيفها رايها ونحترمه احمد: اقولك لا تسوي عمرك مثالي زيادة عن اللزوووم سلامة: لو سمحت ريلي الحين عنده ولد احمد: لا لا .. قولي واللللللله .. توني ادري آمنة: هههه ريلي انا عنده بنيه شمسة: سالم قم ييب شنطتيه سالم: اوهوووووووو عذيجة: هالولد ما ادري متى بيتادب ... وبيتعلم كيف يرد ع اللي اكبر منه عفرا: يا ريت لو اكبر منه وبس .. امه احمد: تدرون هذا يوم بيكبر .. بيطلع جذه ( وسوى حركة اوكيه بايده ) سالم: هاااا يعني موافق احمد: ع شوه؟ نقع طارق من الظحك هني احمد: بسم الله سكنهم في مساكنهم سلامة: هههههههه ايه لا تقول عن ريلي جذه .. بسم الله عليه جيه ينّي آمنة: جيه يظحك ع ريلي عفرا: اوووووووه حشرتونا عذيجة: جنه محد معرس غيرهن احمد: جيه ظحكت قول بسرعه طارق: فذمتك ما فهمت هذا شوه قصده ؟ احمد: منوه ؟ طارق: سالم .. يقول هاااا يعني موافق احمد: على شوه اوافق ؟ سالم: تيوزني بنتك احمد: مالت عليك ... صدقت عمرك شمسة: بلاه ولدي ما تيوزونه بنتكم .. من زينها يعني احمد: افا والله .. شمسة تقول عن بنتيييييييي من زينها عفرا: هههههه حاط ع ولدها ما تباها تحط ع بنتك ؟ طارق: ارضى ع غيري لكن ما ارضى ع نفسي نفس الوقت دخل هزاع .. هزاع: السلام عليكم ... الكل: وعليكم السلام ... عذيجة: انته وينك من الصبح هزاع: ما شي يالس برع عفرا: مسوي جو رومانسي الاخ احمد: ها هزاااع .. ليكون ! هزاع: هههههههههههه عن الحركااااات انزين .. كلن يرى الناس بعين طبعه آمنة: اييييييه شوه جذه تقول حق ريلي عفرا: ايهييييييييي افففف لوعتوا جبدي ... سايرات رادات ريلي وريلي ريلي وريلي .. لوعتوا جبودنا ... عذيجة: هيه والله شمسة: الحمدلله انا مب من ضمن القايمة عفرا: انتي برع .. حصوه لو هني بعد بتكملها عليكم عذيجة: انتوا تعالوا .. ما اتصلت اليوم ؟ آمنة: انا ما اتصلت بي سلامة: ولا انا شمسة: حتى انا عفرا: انا مب محسوبة .. اصلا ما تتصل هزاع: ولا انا رمستها بعد ! عذيجة: ويه بسم الله طارق: يمكن بتتصل عقب ... احمد:انزين انتوا اتصلوا .. شوه هالقحط عفرا: قحط حرمتك احمد: عفرووووووو مب تحطين ع حرمتيه سالم : ط هذا اونه عفرووو هههههههه عفرا : اففف بعد انتوا الحين بتبدون .. حرمتيه وحرمتيه .. انا يا بوي اسير احط راسي ارقد احسن لي هزاع: تحطين راسج ترقدين .. والا مبايلات وتيلفونات عفرا: تعال تعال بعد يلس حذالي فالحجرة شرايك .. ارمس غالية انزيييييين عذيجة: ايه عفاري. . بس صخي .. سيري رقدي .. ولا ترمسين زيادة سلامة: سيري يا بوي ما فينا ع الحشرة عيالنا ينشون هزاع: انتوا شوه ويا عيالكم ؟ ورياييلكم .. بيتنا فندق .. اكل ورقاد ؟! سالم: لا متحف هاها هزاع: اسكت انته ما يظحك سالم: يظحكنيييييييييي هزاع: انزين اظحك .. سالم: ثرني ظحكت عذيجة: بس انتوا الاثنين طارق: مب جنه .. هذا خال هذا هزاع: هذا بايعنها سالم: والله ؟ بكم هاهاها هزاع: اقول شمسه شلي ولدج احسن لج آمنة: ههههه حليله ينكت هزاع: حلّه حلول سلامة: ايه لا تدعي ع الولد جذه هزاع: بس انتي بعد سكتي ... احمد: بلاك ياخي تسكت كل حد اليوم .. هزاع:انا تعبان .. بسير ارقد ... نش هزاع اللي الكل حس انه مب ع بعضه اليوم .. وسار فوق .. ع قولته بيرقد .. في ألــمـانـيـا فالمــســتشــفى ... حصه .. وعلي عقب ما نشوا .. وساروا ركبوا السيارة .. عشب يردون شقتهم .. فالسيارة .. حصه اغمى عليها .. ويابها علي على طول المستشفى اللي يتعالجون فيها .. ورقّدوا حصه .. علي كان واقف برّع الحجرة .. اللي حجزها حق حصه .. ونقلوها فيها ... علي .... يا ربي شوه هالحاله .. شوه هاللي انا فيه ... يوم انا اكون مرتاح هي تكون مضايجه .. ويوم هي تكون مرتاحه .. انا ارتاح اكثر .. لكن ايي شي ويخرب علينا كل هذا .. يا ربي انا شوه سويت .. تحرمني من العيال .. والحين من ابتسامة حرمتيه .. اللي ما لي غيرها ... استغفر الله العظيم .. استغفر الله العظيم ... قطع على علي .. بنيه صغيرة واقفه جدامه .. ..........: excuse me do you speak arabic علي: نعم ! ..........: اووووووه الحمدلله .. انته ترمس عربي ؟ علي ( مستغرب) : هيه ..........: الله يخليك .. انته من الامارات ؟ علي ( بعده مستغرب): هيه ... ..........: عمي والله بصيييييييح .. رد عليه عدل .. جيه جذه ترد ! علي .. مستغرب ... هاي منوه ؟ ومن وين يت !! .. عمي بعد !! .. واقفه جدامه .. وترمسه ما شاء الله عليها بكل جرأة ... شكلها بريء .. لابسة تنورة جنز قصيرة .. وقميص صوف .. وفوقه بعد جاكيت صوف .. طويل شوية .. وهيلاهوب .. وبوت طويل ... وشعرها الطويل .. اللي هادينه مفتوح .. وحاطين لها فراشات صغار فيه .. .........: رد عليه ... انتبه علي عقب ما تمعّن فيها ... وشافها انها صدق شويه وبتصيح مثل ما تقول .. نزل لـ مستواها .. علي: انتي شوه اسمج ؟ ........: حصه .. أسمي حصه .. علي: اسمج حصه ؟ حصه: هيه .. , يزقروني حصيص .. علي ابتسم غصبا عنه عقب ما قالت البنيه يزقروني حصيص .. علي: انزين يا حصه .. وين بابا ؟ حصيص: كنا فالبيت .. عقب امايه سارت ترقد .. وانا يلست ويا ابويه .. ومره وحده امايه صرخت ( وبدت عيونها تحمر ) ويوم سرنا شفناها طايحه فالحجرة .. شلها ابويه ويابها هني .. وانا ييت وياه .. لكن ما ادري وين سار الحين علي: انتي من الامارات ؟ حصيص: هيه .. علي: انزين .. تعالي ويايه بسير اسأل ... شوه اسم ابوج ؟ وتمت حصه الصغيرة .. تسولف ويا علي .. لين وصلوا الرسبشين .. سأل علي عن ابو حصه .. وقالوا له ما يدرون عنه شي !! .. ولا حتى عن امها .. علي ... الحين شقول حق البنيه .. وين اوديها ... ابوها وامها ما يدرون عنهم شي ... اخاف استوى بهم شي بسم الله .. لا لا ان شاء الله .. بس انا متوتر عسب حصه .. والحين هاي البنيه ظهرت لي فجأة بعد .. علي: حصه .. تعالي ويايه الحين .. وابوج بيي ياخذج عقب .. هو مشغول ويا امج .. حصه: انا سمعت هاي شوه قالت .. تتحسبني ما افهم انجليزي ... هاي ما تعرف عن ابويه وامايه شي .. يعني انا ضعت .. ( وبدت تصيح ) علي وقف مصدوم .. لااااا ... هاللي ما كان يباه يستوي .. حصه: انا ضعت خلااااااص .. ( وتصييييح ) .. علي: لا لا .. ما ضعتي حصه: بلى ضعت .. علي: لااااا .. وصاحت حصه الصغيرة زيادة ... علي: حصه حبيبتيه انتي .. اسمعيني .. حصه: انته تقص عليه .. ( وتصيح زيادة ) بيطرشوني الحين صوب الايتام .. ما ابااااا .. بكون فقييرة هناك .. بيلبسوني لبسهم الكجرة .. ما بيمشطون شعري .. ما اباااااا ما اباااااا علي رغم انه مصدوم من حصه الصغيرة .. وكيف تصيح .. وكانت كاسرة خاطره .. لكن يته ظحكة ... ع رمستها .. هاي شوه تخرف .. وشوه تألف ... علي: حصه .. حصه: ما ابا ما ابا .. ما ابااااا علي: سكتي سمعيني حصه: ما ابا ... انته تقص عليه .. انا بستوي كجرة ... ما عندي ام وابو .. علي: لا تقولين جذه .. حصه: لا لا ما ابا .. ما اباااااااا .. ابا ارد الامارات .. ابا اشوف حسن وابا اشوف وليد وابا اشوف علايه .. وابا اشوف جاسم الدب .. علي: منوه هذيل حصه ( وتصيح ): الحين شوه الفايدة تعرفهم .. انا ضعت علي: انزين سمعيني حصه: ما ابا ما ابا .. خلااااااص علي: حصه سمعي بصرخه وحده واخيرة من علي ع البنيه الصغيرة .. صخّت .. و وقفت مبهته جدامه .. مع انها صدق تصيح من الخاطر .. لكن كلامها شي عجيب الصراحه !! ... سكتت ودموعها تنزل ... غطت ويها بايدها .. وقامت تصيح الحين عاد شرا اليهال البريئين ... دار راس علي .. ما كان يقصد يسوي بها جذه .. او انها تصيح بهالطريقة جدامه .. قلبه قبضه ع الحركة اللي سواها فالبنيه .. ما قدر يستحمل شكلها جدامه .. يرها صوبه وحضنها ... علي: حبيبتيه حصه .. حصيص ردي عليه وما ترد .. علي: خلاص انزين .. الحين تعالي بوديج .. ويايه .. وان شاء الله بنلقى امج وابوج .. حصه ( وهي بعدها مغطيه ويها) :صدق ؟ علي: هيه حصه: يعني ما بتوديني عند الشرطي وهو بيوديني المكتب ماله وعقب عند الايتام ؟ علي: لا .. شلت حصه ايدها عن ويها .. عقب ما احمر .. واغدا شرا الطماط .. وابتسمت لـ علي .. اللي شاف الابتسامة اللي ترد الروح من هالبنيه .. وعقب ظهر كلينكس من جيبه .. وعطاها تمسح دموعها ... علي: تعالي ويايه حصه: وين بتوديني ؟ علي: تعالي بنسير عند حصه حصه: منوه حصه ؟ انا هني علي: لا ... ما اقصدج انتي .. حصه: عيل منوه ؟ علي: تعالي ويايه .. وفالدرب بقولج منوه حصه .... بس اول شي .. بنسير مكان .. وبقولهم عنج .. وبقولهم اييون حجرتنا لو ياهم ملف باسم ابوج او امج .. وعقب بنتفق ع شي .. لازم تسوينه .. وعقب بوديج عند حصه انزين حصه: ان شاء الله .. في الامارات .... دبــي ... دار الحي ... في قسم سعيد ... سعيد: بس .. كلتي فادي يا حرمة ... والله العظيم لاعت جبدي بدور: انا اللي لاعت جبدي .... سعيد: انزين شوه اقدر اسوي لج اياه وما سويته للحين قولي بدرو: ابا بيت روحي سعيد: انتي تخبلتي !! .. بيت روحج من وين اييب بدور: من وين تييب ! هه .. هالسؤال انا اللي لازم اسألك اياه مب انته .. وهو لازم محد يسأل الثاني هالسؤال .. سعيد: انزين .. يعني اسلف اذبح عمريه ! ... بدور: لا تذبح عمرك ولا شي .. انا الي اعرفه وكل الناس يعرفونه .. ان انته صاحب حق .. وان ورثك عند عمك .. يوسف انصدم سعيد ... بدور صح انها كانت ترمس من قبل ولازالت ... عن البيت .. وان سعيد باي طريقة يشتري لها بيت خاص فيها ... لكن ما توقع ولا حط في باله ... ان حرمته حاطه في بالها سالفة الورث ... الورث اللي للحين هم ما يرمسون عمهم عشانه ... الورث اللي دمّر عايلتهم ... بكبرها ... سعيد: ورث ! بدور: هيه الورث سعيد: انا ما لي ورث بدور: كيف ما لك ورث ؟ ... مب ابوك متوفي ... وامك .. خذتوا نصيبكم من ورث امكم .. لكن نصيبكم من ورث ابوكم ... ما خذته اللي يساوي اضعاف اضعاف اضعااااااااااااااااف ورث امك سعيد: وانتي حاطه عينج ع ورث ابويه ؟ بدور: انا ما حاطه عيني ع ورث ابوك ... انا يالسه اقولك .. أمّن مستقبلي ومستقبل أي ياهل بيوصل لهالدنيا وانته ابوه .. الواحد ما يعرف مستقبلا شوه بيستوي سعيد: طلبي أي شي .. بس بيت ما اقدر عليه بدور: وليش ما تقدر ليييييش؟ سعيد: لاني ما اقدر وخلاص ... وانا ما بسير عند عمي وبقوله يعطيني نصيبي .. بدور: انزين البيت بنهون عنه بشرط سعيد: شوه هو ؟ بدور: الحجرة اللي برع هناك ... واللي مساحتها تساوي مساحه هالحجرة الكجرة اللي انا فيها والصاله اللي جنها مطبخ تحضيري .. انا اباها سعيد: كله ولا هالحجرة بدور: ليش حبيبي ؟ اتنازل عن البيت وعن هالحجرة بعد ... جيه شوه قالوا لك ؟ ماخذني من الشارع انته .. !! سعيد ( منصدم ): انتي انتي ... بلاج قمتي تعقين خيط وخيط بدور: هيه انا انتي ... واخوانك رقعة ويوهم ما اشوفها .. لا يوم محتايه ولا يوم اني مب محتايه ... انا هم لو يشوفوني برع في مكان ومستوي بي شي الغريب بيساعدني وهم ولا يدرون اني حرمة اخوهم ..... سعيد: انتي اللي ما تطيعين لا تتغدين ولا تتعشين ولا حتى تتريقين وياهم بدور: ولا ابا ... انا سرت بيت عمتك هذاك اليوم . وشفت بس اخوك مروان كيف كان يظحك ويسولف ويا بنات عمتك ... وحتى حريمهم ورياييلهم كلهم ويا بعض ... وانا مب عادّيني من العايلة ... لا البنات .. ولا الاولاد سعيد: وانتي شوه تبين بهم ! بدور: ما ابا منهم شي الحمدلله ... لكن مب من الذوق والادب هذا ... انا الحين استويت حرمت ولدهم ... وهم ما يقدروني ولا يحترموني سعيد: بدور اللي انتي تقولينه كبير .. اخواني وهلي يحترمونج ويحطونج على روسهم بدور: هيه باين ... التيلفون ما يرفعونه يسألون عني ... وانا اللي انته تجبرني .. اظهر اسلم ع عمتك ... واسير بيتها بعد سعيد: استغفر الله العلي العظيم .. انتي بس تأدين الواجب بدور: الواجب يا بو الواجبات ما ينطبق عليه انا وبس .. لازم ينطبق عليه وعليهم سعيد: والحين ؟ بدور: ابا الحجرة اللي برّع .... ولو غيرت رايك وتبا تاخذ لي بيت يكون افضل سعيد: قلت لج بيت ما اقدر بدور: عيل الحجرة سعيد: عمر مب موجود ... عسب اقوله ... خلاص بنتريا لين يرد وبقوله بدور: ما بتريا ولا حتى نص دقيقة سعيد: انتي ليش جذه ؟ بدور: انا ما فيني شي ... لكن عمر باجر بيعرس .. ويبا هو حجرة خاصة له بعد ... فـ انا ما بتريا لين تضيع عليه الحجرة سعيد: شوه قصدج ؟ بدور: قصدي واضح ... عمر 100% بياخذ هالحجرة .. وانا ما ابا افرط فيها .... هذا اذا ما عمك بعد يقوله يسير يسكن فالقصر ماله .. او يبني له بيت كامل ع حسابه ... لان ومثل ما سمعت وعرفت ان عمر الوحيد اللي يسير ويرد صوب عمك سعيد: بس بعد بدور: انته اصلا اخوانك ما فيهم خير سعيد: بدور .. لا ترمسين عن اخواني بهالطريقة بدور: صدق ما فيهم خير .. انا اقول الحق ... جان فيهم خير يالله رونا الحين ... اصلا هم ما يبونك انته تاخذ الحجرة .. الكل يبا عمر ياخذها سعيد: اصلا انا واخواني يا مدام متفاهمين والحمدلله ... وما في فرق لا بيني ولا بين عمر عندهم بدور: هيه واضح ... عمر اللي ضحة بدراسته .. وحياته الشخصية وكل شي عسب يهتم بكم .. ويربي اخوك الصغير ... عمر اللي ما تخطون خطوة الا وتردون له ... انته في حد قبل ما يطلع والا يسوي شي يقولك ! .. عمر اللي عمك يوسف مفضله عليكم كلكم ... والحين حتى يوم سافر وكّل راشد اخوك يهتم فالبيت ... وانته ولا شي ! سعيد: انتي الحين تقولين كل هالرمسة عسب بس هالحجرة ! بدور: ما اقولها عسب بس هالحجرة ... انا ابين لك واقولك لك الصدق ... انته اصلا تدري انهم ما بيوافقون لو قلت لهم عن الحجرة .. لانهم يبونها حق عمر ... كن ما تبا تبين هالشي جدامي انا .. وتهز صورة اخوانك ... جدامي سعيد: انزين يا بدور ... الحين بسير اقولهم .. اني ابا الحجرة .. وبنشوف جان كلامج ظهر صح .. مع اني اثق انهم بيقولون عادي ... والحجرة ثرها مقفله .. وتترتب يوميا بعد ... بدور: سر .. وبنشوف .. شكلك وايد واثق سعيد: هالشي اللي تعلمناه من بعض ان كل واحد يثق فالثاني بدور: انزين يا حبيبي سر .. وبنشوف النتيجة .. وما اكون بدور .. لو ياك الرد اللي في بالي في الصاله راشد سار فوق .. ومروان يالس يطالع التلفزيون .. عبدالعزيز يالس فالصاله و طبعا الحين محد يرمسه لانه شوي وبينفجر في ويوهم .. ظهر سعيد من قسمه .. مروان: هلا بالطيب الغالي سعيد: مروان وين راشد ؟ مروان: راشد فوق .. شوه تبا به ؟ سعيد: اباه شويه ... وبلاه الاخ ؟ مروان: الاخ شويه يعني المود ماله معفن عبدالعزيز: معفن في عينك .. ونش عبدالعزيز وسار فوق هو الثاني ... سعيد: شحال عمران مروان :الحمدلله ... سعيد: ما اتصل بي من يوم سار ... مروان: انا رمسته مرتين يمكن .. وراشد يقول ان مرمسنه هذاك اليوم سعيد: وانا ؟ مروان: شوه فيك انته ؟ شـ زينك شـ حلاتك واقف جدامي سعيد: لا تطنز ... مروان: صدق انزين بلاك ؟ سعيد: ما شي خلاص .. مروان يلس يطالع سعيد مستغرب .. بلاه هذا !! ... وسعيد يلس شويه وعقب نش وسار فوق .. دق باب حجرة عبدالعزيز وعمر ودخل ... شاف عبدالعزيز ويا راشد يالسين فوق الشبرية ... وراشد مبتسم وعبدالعزيز يرمس بحماس .. عبدالعزيز: والله ان راشد هو السخيف .. انا ييت وهو يرمس وياك بعد ولا يزقرني راشد: ههههههههه شسوي انزين عمر: هههههه ثر كله ولا راشد ها عبدالعزيز: كله ولا راشد وانا وين فالزباله عمر: لا لا .. افا .. مكانك والله فالقلب عبدالعزيز( ابتسم) : شحالك ؟ عمر: تو الناس عقب ما طحت فيه طيحه عبدالعزيز: تستاهل عمر: ههههههه مشكور مشكوور .. استاهل انزين عبدالعزيز: عمّوووووور عمر: هههههه ما قلت شي .. انته اللي قلت روحك عبدالعزيز: متى بترد ؟ عمر: انا خلني احج قبل ... بعدنا ... اعتمرت والحمدلله ... وما باقي شي وبنبدأ مناسك الحج ان شاء الله عبدالعزيز: ان شاء الله .. وتم عبدالعزيز يرمس عمر .... وراشد وسعيد يرمسون ... سعيد: فريد نظف الحجرة اللي تحت اليوم ؟ راشد: اعتقد هيه ... سعيد: عند منوه المفتاح .... راشد: عندي .. ليش ؟ سعيد: ييبه اباه ... راشد: الحجرة مفتوحه ... سعيد: لا انا ابا المفتاح .. راشد: ليش تبا المفتاح ؟ الحجرة مفتوحه ... عبدالعزيز: اوهوووو بند راشد: اكيد قطع خلاص عبدالعزيز:افففف راشد: يالله عن خاطرك رمسته شويه .. لا تضغط عليه زيادة يا عبدالعزيز عبدالعزيز: هيه والله صدقك .. خلاص الحمدلله .. مع اني بغيت اسولف وياه اكثر بس ما سولفت! راشد: المرة اليايه ان شاء الله سعيد: راشد ييب المفتاح .. راشد: اقولك الحجرة مفتوحه عبدالعزيز: أي مفتاح ؟ سعيد ( ما عبر عبدالعزيز): انزين انا اباه راشد: شوه تبا به انزين خبرني قولي .... سعيد: ابا آخذ الحجرة اللي تحت حقي .. انصدم راشد .... الحجرة اللي تحت ! .. حجرة امه وابوه ! ... سعيد يباها !! ... راشد: كيف يعني تبا الحجرة حقك ! سعيد: كيف يعني اباها حقي ؟! عبدالعزيز: أي حجرة تبا ؟ سعيد: الحجرة اللي تحت ؟ عبدالعزيز: حجرة امايه وابويه ؟ سعيد: كانت حجرة امايه وابويه والحين محد ييلس فيها وتترتب وتتنظف كل يوم .. انا اباها .. عبدالعزيز: شوووووووووووه ؟ راشد: آسف .. سعيد ما اقدر سعيد: شوه يعني ما تقدر ... عبدالعزيز: ما تاخذ الحجرة راشد: سعيد عندك قسم كامل حقك .. الحجرة شوه تبا بها سعيد: هالحجرة اوسع عبدالعزيز: هالحجرة محد بييلس فيها .. وبتم مثل ما هي راشد: وانته اكيد لو يلست فيها بتغير فيها وايد ووايد ووايد .. ونحن اتفقنا ان محد فينا ييلس فيها واتم الحجرة شرات ما هي سعيد: صح .. لكن الوضع تغير الحين ... ولو سمحت انا مستعيل ييب المفتاح .. نفس الوقت وصل مروان ... مروان : نعم نعم ؟ ما بكم يا اخوان .. قولوا لي لعلي احل الاشكال الذي بينكم .. اكيد هذا الاخ عبدالعزيز هو المتسبب عبدالعزيز: لا حبيبي .. انا ما يخصني ... وتعال حل اشكال اخوك .. اللي يبا الحجرة اللي تحت مروان: أي اخو ؟ عبدالعزيز: سعيد مروان:وانا اتحسبت شي بعد .. شوه تتفلسفون انتوا الاثنين .. يعني هو اصلا يالس تحت وحجرته تحت .. شوه تبون به الحين ؟ عبدالعزيز: يا غبي ... مروان: يا قليل الادب اخوك العود انا عبدالعزيز: اخويه العود ! ... ثر اخويه واخوك العود يبا الحجرة اللي تحت .. ويقصد حجرة امايه وابويه مروان: نعم نعم نعم ؟ سعيد: هيه مروان: لا حبيبي .. السموحه .. سعيد: راشد ييب المفتاح .. راشد: سعيد ما اقدر .. آسف عبدالعزيز: اولا المفتاح مب عند راشد اصلا .. المفتاح عندي .. وانا الوحيد اللي اعرف وين عمر يحطه ... ولا بعطيك اياه لو شوه ما تسوي .. والله ما عطيتك اياه .. ومحد بياخذ الحجرة .. محد مروان: سعيد من قلة الحجر فالبيت .. ما لقيت غير هالحجرة .. عندك قسم كامل تحت امرك.. مب مكفنك وتبا الحجرة بعد ! راشد: سمعتهم .. وانا وياهم .. ما بقدر اعطيك أي شي ... وعمر مب موجود .. عسب اسوي أي شي بدون اذنه ! سعيد: لا والله !! .. حلو حلو ... وانا اللي يالس من الصبح ادافع عنكم عند حرمتيه .. واقولها لا ولا .. وبتشوفين اخواني ما بيقولون لا .. وما يفرقون بيني وبين عمر .. مروان: اها .. اوكيه فهمت السالفه ... انزين سر قول حق حرمتك .. اظن انها ما بترضى ترقد على فراش ميت .. اقصد اموات ... ولا بترضى تحوط وتحوس في حجرة اموات ... ولا بتظهر ثياب الاموات هذيل كلهم .. ولا حتى بتشل اغراضهم كلها وبتعقها برع ... سعيد: مروان الزم حديدك .. مروان: انا لازم حدودي من زمان ... انته اللي تلزم حدودك ... وترد في طلبك هذا .. سعيد: انا ما ياي اشاور صغاريه انا ياي اقول ابا الحجرة ... وانا مب طلّاب اطلب عندكم مروان: بس الحجرة هاي محد بييلس فيها .. ونحن كلنا متفقين ع هالشي .. كيف تباها الحين ؟ وقايلين ان بتبقى شرات ما هي ولا بيتغير فيها أي شي ... سعيد: مثل ما هم ابوك وامك ... وانته ولدهم .. انا بعد ولدهم راشد: ولدهم وتسوي جذه يا سعيد ؟ ... ولدهم وتبا تاخذ الحجرة الحين عقب وفاتهم ! عبدالعزيز: يا ريت امايه وابويه حييّن .. عسب محد فيكم يفكر انه ياخذ الحجرة هاي .. انا ما عندي أي شي يذكرني بهم غير هالحجرة ... يوم ادخلها احس انهم موجودين ويايه ... عكسكم كلكم اللي عشتوا وياهم سمعتوا اصواتهم شفتوا اشكالهم وتتذكرونها .. عداي انا ... والحين حتى هالحجرة تبون تاخذونها مني ... وين عمر خله يرجع بسرعه .. انتوا صدق حقودين وتكرهوني .. ظهر عبدالعزيز من الحجرة ... مروان: يالله شرّف ... خل المشكلة الثانية هاي .. سعيد: انا ما يخصني في شي ... ولو عمر اللي قايل لكم انه يبا الحجرة جان قلتوا له خذها ... تفداك الحجرة وكل اللي فالحجرة راشد: نحن ندري ان عمر ما بيطلب منا هالشي ... لانه هو روحه ما يتخيل عمره يسكن فيها مروان: بقولك .. الحجرة اللي تحت محد بياخذها .. لو ع قص رقبتيه .. وصل هالرمسة حق حرمتك .. ولو رمسة عبدالعزيز ما هزتك من داخلك .. فـ راجع نفسك الله يخليك .. ياللي معلقين عليك لقب الحنون ! .. والحين نسيت الحنيه وكل هالخرابيط ... وظهر مروان هو الثاني من الحجرة ........ سعيد واقف مكانه وراشد يالس مكانه ومنزل راسه ... وسعيد يطالعه .. عقبها هو الثاني ظهر من الحجرة ... في ألمـــانــيا ... حصه الصغيرة .... ويا علي ... في حجرة حصه الكبيرة .. علي: تبين ماي ؟ حصيص: لا ... علي: عصير ؟ حصيص: لا علي: تبين تاكلين شي ؟ حصيص: لا علي مستغرب من حصيص ... من يوم دخلت الحجرة وهي يالسه بكل هدوء ... و بس تشوف حصه ... عكس اليهال اللي في مثل سنها ... ما يتحملون ييلسون في مكان واحد ... و لا يتحركون .. ولا يسوون ازعاج .. ولا يقولون نبا ونبا ونبا .. مع ان شكلها حصيص من اليهال الحركين ماشاء الله ... علي: ليش تشوفينها حصيص: اششش .. خلها راقده علي: هي ما تسمعنا .. حصيص: بلى .. تسمع .. وتدري بكل شي تقوله .. لا تقول جذه عقب يوم بتنش بتزعل علي: منوه قايل لج هالشي ؟ حصيص: ابويه .. يوم امايه تكون راقده من فترة طويلة .. او بالايام .. يقولي انها تسمع كل شي .. ويوم اني اسوي ازعاج هي تتعب زيادة .. علي: وبعد شوه قال لج ؟ حصيص: قالي .. ان أي شي اباه اقوله لها في اذنها هالوقت .. يوم هي راقده .. يخليني اسولف وياها بصوت واطي .. لكن ما يخليني اسوي ازعاج .. علي: وانتي شوه تقولين حق امج يوم تكون جذه ؟ حصيص: اقولها اني احبها .. واني اتريا تييب لي اخو والا اخت ... عسب اكون شرات قوم عهّوده .. وايدين .. وانا الكبيرة .. علي: انتي وحده بس ؟ حصيص: هيه .. انا بنيه وحده بس .. عقب ما امايه يابتني يقولون انها تعبت ولا قدرت تييب غيري علي (ابتسم ): انزين وبعد شوه تقولين حق امج ؟ حصيص: اقولها اني ما اباها تسير عني .. ولا اباها تودرني انا وابويه رواحنا .. لان بدونها ابويه يكون وايد زعلان .. وانا بعد اكون زعلانه .. وازعل اكثر عسب ابويه .. ابتسم علي لـ رمسة حصيص .. رغم صغر سنها لكن كلامها كبير .. وكبير وايد بالنسبة لـ ياهل في مثل سنها .. علي: انزين خبريني .. يوم كنا برع ويوم صحتي .. وقلتي انه بيودونج عند الايتام .. منوه قايل لج هالشي حصيص: نحن دايما في اجازة الصيف .. نيي هني المانيا .. لان امايه تعبانه وايد .. فـ انا فالصيف حافظة الاماكن وكل شي .. وساعات عمي ابو جاسم ايي ويانا .. و حتى عموه .. ومرات خالي ايي .. لكن هالمرة .. يينا ايام المدارس .. محد يا ويانا ... علي: وانتي ما تسيرين المدرسة ؟ حصيص: بلى اسييييير .. كيف ما اسير.. علي: عيل كيف ييتي الحين ؟ حصيص: انا ما اقدر اتم في دبي بدون امايه وابويه .. ولا ابويه يقدر ايي هني بدوني ... امايه ترقد فالمستشفى .. ابويه ما عنده حد يرد وياه البيت هني .. و لا عنده حد ياكل وياه ولا عنده حد يسولف ويرقد وياه .. فـ انا لازم ايي وياه .. ابتسم علي لـ رمستها .. كلامها يثلج الصدر .. مبين عليها مربّاية .. ومش أي تربية بعد .. نشت حصه .. فتحت عينها ... حصيص: اويه .. شفت خليتني ارمس ونشت ( وحطت ايدها ع ثمها ) علي: لا لا .. مب منج نشت .. هي خلاص شبعت رقاد ( وصد صوب حصه حرمته ) .. الحمدلله ع السلامة .. حصه: وين انا ؟ علي: فالمستشفى حصه: شوه استوى ؟ علي حب يغير السالفه ولا تذكرها حصه عسب يتكدر خاطرها .. وخصوصا انها توها نشت علي: حصه .. شوفي هالبنيه الحلوة حصه: منوه هاي ؟ حصيص: انا حصه .. حصه محمد حصه: من وين يت هاي ؟ علي: عقب بخبرج بالسالفه .. ( وصد صوب حصيص) يالله ... شوفي شغلج حصيص: انا عمي علي .. قالي ان انتي بعد اسمج حصه ... شرات اسمي .. قلت له انكم انتوا اللي قلدتوني .. جان يقول لا .. حصته هو كبيرة .. وانا اصغر يعني انا اللي مقلدتنكم ... فـ عقب ظرابة بيني وبينه ... اقتنعت ان انا اللي مقلده .. ( وحاست ثمها ) علي: ههههههه انزين وعقب ؟ حصيص: بس ... اممممم شحالج الحين حصه ( ابتسمت) :الحمدلله حصيص: انتي وايد تشبهين امايه .. حصه: ووينها امج ؟ حصيص: ما ادري ! ( وسوت حركة بجتفها وثمها انها ما تدري ... وبكل براءة ) حصه اطالعت علي واشرت له .. كيف ما تدري ... .. . علي: انا بسير شويه بشوف الرزبشن وبرجع .. حصه انتبهي لها ولا تخلينها تسير برع .. حصيص ما اوصيج ع حصّوتي حصيص: ان شاء الله .. وظهر علي ساير صوب الرسبشن ... يشوف هل دروا عن ابو وام البنيه والا !! وصل .. وسأل الحرمة .. ........: لو سمحت علي: نعم ؟ اقدر اخدمك بـ شي ؟ ........: انته ييت سألت عني .. علي: انته محمد غيث ؟ محمد: هيه نعم علي: يا مرحبا ... وانا علي .. علي حميد محمد: والنعم .. علي: انا ييت سألت عنك .. لان بنتك عندي محمد: صدق ؟ علي: هيه محمد: وينها ؟ علي: فالحجرة عندي محمد ( تنهد من الخاطر ): الحمدلله .. يزاك الله خير .. وانا اتحسبت اني ضيعتها ودرت المستشفى بكبرها ادور عليها .. الحمدلله علي: انا كنت واقف.. وهي ما شاء الله عليها يمكن من شكلي عرفت اني مواطن ومن الامارات فـ يت صوبي و رمستني وقالت لي .. وانا ييت سألت عنك قالوا لي ما وصل لهم خبر انك موجود هني ... فـ خذتها ويايه محمد: اكيد لعوزتك علي: بالعكس .. ونستني محمد: الحمدلله ... الحمدلله انها يت عندك ولا سارت عند غيرك علي: الحمدلله محمد: ممكن بس ايي وياك وآخذها الحين ؟ علي: هيه .. تفضل حياك .. ومشوا محمد وعلي سايرين .. صوب حجرة حصه .. دخل علي ومحمد وقف يترياه برع .. علي: حصيص.. حصيص: نعم ؟ علي: تعالي حصيص: وين بنسير ؟ علي: تعالي انتي .. حصيص: ان شاء الله ووقفت وسارت ورا علي .. ظهروا من الحجرة .. حصيص: ابووووووووويه حبيبييييي محمد ( فتح لها ايده وحضنها) : انتي اللي حبيبتيه .. وين سرتي عني حصيص: انته شليت امايه وسرت عني ما ادري وين .. لحقتك .. بس ما ادري كيف ضيعتك عقب محمد: آسف والله آسف حصيص: ما عليه .. ما ودوني صوب الايتام .. عمي علي ما خلى أي حد يوديني مكان .. ويابني هني محمد: ههههه الحمدلله .. علي: هههه ما شاء الله عليها محمد: يالله اترخص انا الحين حصيص: وين امايه ؟ محمد ( نزل لمستواها): امج تعبانه شويه .. ورقدوها .. بنسير البيت الحين .. وباجر ان شاء الله بييبج حصيص: انزين الله يخليك ودني صوبها شويه .. ما بسوي ازعاج برمسها في اذنها بقولها شي محمد ( شاف الساعه ): لين ما ارد .. واتبدلين ثيابج وارقدج ... يبالي ساعتين حصيص: لا والله .. الله يخليك ما بلعوزك وبسمع الرمسة وبسوي كل هذا روحي يوم برد دون ما تقولي .. بس ودني صوبها محمد: انزين يالله عيل بسرعه ... ( ووقف ) .. يالله اخ علي .. السموحه منك علي: مسموح الغالي محمد: ويزاك الله خير .. ومشكور وما قصرت علي: العفو .. ما سوينا الا الواجب .. حصيص: مع السلامه عمي علي .. علي: مع السلامة .. تم علي واقف .. ويطالع محمد وبنته حصيص .. البنيه يمكن تقريبا عمرها ايي 7 سنوات .. وابوها بعد صغير .. من شكله يبين انه بعده فالعشرينات .. وانه شاب صغير .. رد دخل داخل .. شاف ان حصه ردت غمضت عينها ... شكلها بعدها .. ويبالها وقت لين تنش وتصحصح .... ********** |
الجزء الـ 23 في بيت ام احمد ... عقب الغدا ... رملة: الله يخليك والله ودني عيسى: ما بوديج .. لا تحاولين رملة: انتي جذه جذه زطي عيسى: زطي في ويهج .. اللي بيوديج الحين .. انا لو كنت افكر اني اوديج .. واشاور عمريه الحين ما بوديج .... ومشكلتج رملة: لا الله يخليك عيسى: مشكلتج قلت لج .. دوري لج حد رملة: اوكيه بسير ويا السايق ... عيسى: سيري جان فيج خير شبري عند عتبة الباب ويا السايق والبشكارة رواحكم رملة: اوهووووو لا تودوني انتوا اخواني ولا تخلون الهندي يوديني عيسى: روحج قلتي اخوانج ... الهندي شوه يقرب لج ؟ رملة: دريولنا عيسى: لا والله ؟ حلفي رملة: افففف الحين لا تذلني عيسى: ما ذليت حد .. ولا بودي حد .. رملة: افففف نحاسة عيسى: تأففي من اليوم لين باجر ما شي سيرة ونفس الوقت نزل احمد من فوق ... احمد: شوه عندكم عيسى: ما شي ... بس الآنسة تبا تسير السوق ويا الدريول ع قولتها والبشكارة احمد: نعم نعم ..... ! رملة: والله انا اقترحت يعني ع الآنس ان هو يوديني بس هو رفض احمد: وانتي دامه رفض بتسيرين ويا السايق عيسى: واقولها شوه يقرب لج السايق تقول دريول احمد ( يظحك باستهزاء ): هاهاها .. ما تظحكين آنسة رملة رملة: بلاكم قابضيني آنسة وآنسة .. عيسى: عيل شوه نقولج سيدة رملة: لا .. اسمي رملة احمد: من زين الاسم مفتخرة فيه رملة: من زين اسمك انزين .. انته اللي مسمني .. يعني لو اسمي مب حلو وبايخ يعني ذوقك اللي مب حلو بايخ يابو ميثا احمد: هاي ما في شي افلعها فيه .. لسانها طويل عيسى: ههههههههه جدامك جدامك ... قوطي الكلينكس .. احمد:خسارة فيها هي قوطي الكلينكس رملة: يوم اقولكم زطوط ما تصدقوني ونزلت آمنة وبنتها ... احمد: ييبيها هني سدحيها .. رملة: شوفوا لو محد وداني .. ما برمس ميثا احمد: لا الله يخليج .. جنه الا بنتي ميته عليج وتباج .. وفعلاً .. من آمنة حطت البنيه ع الارض .. وسدحتها وشافت رملة .. قامت ترفع ايدها و تصيح .. ان يا رملة تعالي شليني رملة: يالله ارمس ما بيي احمد: غصبا عن ويهج بتيين رملة: ما بيي والله مشكلتك انته وياها عيسى: هاي الدلوعة ... زحفي لين عندها رملة: تزحف ثعبان .. اللي في مثل عمرها يمشون بعد آمنة: حوووه .. كله ولا بنتي .. لو سمحتي .. بعدها صغيرة .. رملة: والله خل تحبي آمنة: بتحبي ان شاء الله جريب احمد: تعالي شليها بالزين رملة: مب غصب مب غصب .. ما اشتغل عندك وعندها آمنة: حرام عليج رملة .. رملة: اول شي قولي له يوديني عقب آمنة: وين يوديج ؟ رملة: ابا اطلع اسير ... والله مليت آمنة: بيوديج تعالي رملة: تقصين عليه آمنة: احمد بتوديها صح ؟ احمد: لا طبعا مب فاضي عيسى: هههههههه رملة: شفتييييي ... يالله سكتي بنتج انتي وياه آمنة ( نشت وشلت بنتها وحطتها ع ريل رملة ): شليها وسكتيها محد قالج تخلينها تتعلق بج رملة: وانا ما يخصني ريلج بيوديني عقب بشلها .. مب غصب احمد: غصبا عنج تشلينها رملة :والله مب غصب .. وردت رملة وحطتها ع الارض آمنة: ايييييييييه رملة: شوووووووه عيسى: هههههههههه ايه حرام عليكم احمد: شليها رملة: ما بشلها احمد :بفلعج صدق الحين رملة: افلع والله بخبر امايه .. احمد: استحي ع ويهج ريال معرس ... اونه بخبر امايه .. رملة: كيفك والله وظهرت ناعمه ناعمه: بسم الله شوه هالحشرة .. حرام جيه معاقبين هالبنيه .. عيسى: عمتها مب طايعه تشلها ناعمه: تعالي يا قلبي .. انا بشلج وبعدها بنت آمنة واحمد .. مب راضيه .. الا تبا رملة !! .. ناعمه: رملة حرام عليج رملة: ما بشلها ... يظهرني احد اخوانج بشلها ما يظهرني ما بشلها عيسى: والله عسب خاطر ميثا لو ما عندي شغل جان ظهرتج .. عندي شغل رملة: اشغالك ما تظهر الا يوم انا ابا منك شي ويوم ناعموه ناعمه: ناعموه في عينج ... رملة: جيه تقولين لي رملوه عيل آمنة: اوهوووووووو رملة تعالي شليها بس عاد رملة: قولي حق احمد اول شي احمد: تعالي شليها يعلّج بواحد يحبسج فالبيت ليل ونهار تعالييييييي بظهرج نقع عيسى وناعمه وياه من الظحك ع رمسة احمد .. ورملة يت وشلت بنت احمد .. لان احمد اذا قال بسوي يعني خلاص بسوي ... آمنة: ايه احمد .. شوه جذه تقول جدامها .. احمد: ما عليج اونها صغيرة .. بنات هالايام والله يعرفون بكل شي آمنة: ط هذا انتوا ... استح ع ويهك انزين ناعمه: عليج به احمد: انتي سكتي بعد... لا تخليني ايوزج اسماعيلو ... ولد عمج ناعمه: شوووووه .. انا آخذ اسماعييييييل هه .. ما عندي سالفة رملة: بلاه الريال ناعمه: سكتي انتي سكتي . هاللي ناقص بعد اشاور رملة .. عيسى: بلاه انزين جيه رديتوه ؟ احمد: من زينه انته بعد عيسى: والله ما فيه شي .. لا اتم تحط ع الريال .. لكن انتوا تحسون انه ما يناسب بعض الناس .. فـ هذا مب معناته انه فيه شي احمد: هو ما فيه شي .. بس يحب يتحكم شويه ويفرض رايه رملة: احسن اوكيه حق ناعمه ناعمه: اقولج محد طلب رايج آمنة: بلاها ناعمه ... جانها مثقله عليكم يمكن ! . والله انها تنحط ع اليرح يبرى ناعمه: فديت هالثم والله .. سمعوااااااااا عيسى: صدقتي عمرج عاد انتي احمد: وشمعنى يعني ما تقولين انا اللي انحط ع اليرح ويبرى .. فالحه بس تتمديحن في هذيل وبدت مناقر آمنة ويا احمد .. جدام اخوان وخوات احمد .. اللي يظحكون ويعلقون .. وآمنة فالنهاية ترد تمدح احمد .. عن يزعل عليها صدق .. يا حبه حق المديييح !! في بيت السفير .. هند تحاول كثر ما تقدر .. بس لا مجال ... هند: انزين شوه فيها ؟ جواهر: انتي تخبلتي يا بنيه .. ابوج ما بيوافق هند: قولي له خالي يوسف .. بيقولج هيه عادي جواهر: مستحيل وانتي تعرفين ابوج هند: خالي يوسف ما عنده حد .. لا بنات ولا اولاد .. انتوا ابا اعرف شوه تبون مني بالضبط ؟ وين اسير ووين ارد ؟! جواهر: هند ما له داعي نفتح مواضيع انتي تعرفين ردة فعل ابوج فيها .. ولا له داعي ترمسين بهالطريقة .. وصل بدر بدر: بلاكن .. اصواتكن واصله لين برع جواهر: اختك تبا تبات بيت خالك يوسف بدر: خل تبات .. جواهر: هذا انته تقول خل تبات .. ابوك ما بيوافق بدر: هيه صدق ... خلاص عيل هند: طبعا بالنسبة لك انته خلاص عيل بدر: والله انتي تعرفين ردة فعل ابوج .. شوه بتكون جيه تسوين مشاكل وقضايا وصريخ ... سيري قولي له انتي وشوفي شوه بيرد عليج هند: خل امايه تقوله جواهر: انا ما يخصني .. هند: شوم شي يخصني ما يخصج . واذا شي يخص بدر ركظتي شرتي قلتي حق ابويه بدر: لا حبيبتيه .. والله يوم ابا شي من ابويه روحي اسير له ... هند: لازم حبيبه ما بيرفض لك طلب بدر: الحين انا والا انتي اللي ماخذه الاولي والتالي من ابويه جواهر: بس صدعتوني ... سكتوا هند: انزين قولي له .. جواهر: اصلا بقولج .. الاسبوع الياي نحن طايرين .. مع السلامة هند: وين بعد ؟ جواهر: المانيا هند: اوهوووووووو ذبحتونا المانيا والمانيا بدر: واااااااو .. جواهر: بتيي انته ؟ بدر: طبعا .. كيف ما ايي جواهر: يعني هنّوده بدون حشرة ما شي مجال اتمين هني هند: في مجال .. يدوه بتم هني جواهر: لا .. يدتج بتسير صوب عمج .. هند: اوهووووووووو خل اتم هني بتم وياها جواهر: ما بتم .. هي ضاقت شويه هني وبتسير هناك .. لين ما نرد وعقب بترد هني هند:انزين عمي ما بيكون هني فالبلاد بيسافر هو بعد كيف بتسير هناك جواهر: لا ما بيسافر .. بيرد بيتم اسبوعين وعقب بيرد يسافر هند: شوه هالنحااااااسه بدر: توج تدرين انج نحسة هند: شكلرا بدر: قومي قومي لفي هالشعر هند: بسير اقصه جواهر: انتي بس جربي سيري من ورايه الصالون والا زقري راعية الصالون هني وبرويج .. بقرعج بعد هند: ههههه احسن ما بتعب عقب يوم اغسله واسحّيه بدر: قصّيه قصير احلى جواهر: لا تخبلها انته بدر: صدق شوه تبا به الشعر الطويل هند: اول مره يأيدني في شي جواهر: لا يأيدج ولا تايدينه ... بسير آخذ لي غفوة انا شويه .. هند: تمسين ع خير .. نزلت جواهر ... و يلسوا بدر وهند يسولفون ... في بيت بو زايد .. في حجرة غاليه ...... زايد: شوه قلتي ؟ غاليه: تبا الصراحه يا زايد زايد: هيه غاليه: مب موافقة زايد: ليش؟ غاليه: ما ارتحت .. زايد: صليتي استخارة ؟ غاليه: هيه زايد: خلاص عيل .. ان شاء الله خير غاليه: وبعدين ليش ابويه ما رمسني عن الموضوع ؟ زايد: انتي تبين الصراحه ؟ غاليه: هيه .. اكيد زايد: ابويه كان متردد .. وما حب يبين لج تردده .. فـ قالي انا اقولج .. وما يبا يحصص امايه انه بيرفض ولد اختها .. عسب جذه .. غاليه: سبحان الله ( ابتسمت ) ... حسيت انه ابويه مب موافق .. وما ارتحت زايد: يالله الحمدلله ع كل حال ... ان شاء الله يكون نصيبج احسن غاليه: ان شاء الله ووصل ثاني .. ثاني: مبروووووووك غلّوي .. والله وبستوين عروس .. زايد: صباح الخير ... ما وافقت .. السالفه تفركشت .. ثاني :افا .. ليش ؟ كنا بنفتك منج غاليه: يا لسخيف .. مالك غير اخت وحده وتقول تبا تفتك منها ثاني: ولان عندنا اخت وحده عسب جذه زايد: اصلا بدون غاليه البيت يكون ظلام ثاني: اوه اوه اوه .. لا عاد جذه ما نروم . ابدا ما نروم زايد: طبعا يوم اني ايلس وياها واسولف وآخذ واعطي بمل عقب ويا منوه ايلس ؟ ثاني: ويايه زايد: لا نحن خليناك انته متفرغ موليه حق ولدك اللاب توب .. ثاني: هيه والله آآآآآه .. غاليه :الله يعين ... احسه جذه يليق عليه مهندسة كمبيوتر ثاني: جان ىخذ وحده هاكرز وايد اوكيه .. تهكّر ويايه زايد: وان شاء الله عشوه تهكّر انته ثاني: لا والله ما اهكّر ابدا .. بس يعني جذه سوالف يالس اقولكم غاليه: ابا اصدقك ثاني: ايه صدق .. شوه اهكّر ع الناس .. ما احب هالشي زايد: زين بعد والله .. فيك ذمة وضمير ثاني :وشوه تحيدني ان شاء الله زايد: يعني ثاني: يعني شوه ؟ زايد: ما شي خلاص غاليه :بسير ايلس ويا ابويه يالس برع فالحديقة .. ثاني: الا قول .. شحال عمر ؟ زايد: الحمدلله بخير ثاني: متى بيعتمر ؟ زايد: جيه هو ساير يعتمر؟ ثاني: اقصد يبدأ الحج افف تخربطنا زايد: لازم بتخرط ثاني: يالله عاد زايد لا تذلني زايد: جريب ان شاء الله ثاني: ان شاء الله .. وشحال عيال عمي ؟ زايد: الحمدلله ... أليوم بمرهم عقب المغرب ثاني: سلم عليهم زايد: ان شاااء الله .. الله يسلمك .. ما بتيي؟ ثاني: لا لا مشغول انا زايد: ومتى كنت فاضي ثاني: ولا وقت .. يالله فمان الله .. زايد: مع السلامة .. هذا ثاني وهاي عاداته .. ولا يتغير ... لاب توب وحجرة ظلام .. وهذا زايد اللي يحاتي الكل ... ويحاول يسوي اللي الكل يباه .. عسب يكونون مرتاحين .. ومستانسين .. في شقة صالح وشمسة ... فالصالة .. سالم: امايه اليوم بنسير بيت يدي ؟ شمسة: ما ادري سالم: نسيييير شمسة: انته اصلا كل يوم مطيح عندهم سالم: شوه نسوي ما في مكان ثاني نسيره شمسة: انزين نش الحين حل واجباتك سالم: ما عندي شي شمسة: كيف ما عندك شي سالم :ما عندي شي ... ما خذنا شي .... شمسة: ليش؟ سالم: بس المس ما يت اليوم ... شمسة: انزين سر ييب راجع دروسك اللي خذتها امس .. سالم: حافظ حافظ كل شي شمسة: سر ييب انزين سالم: حفظته خلاااااص .. كم مرة اذاكر يعني شمسة: عشر مرات سالم: خييييييييبة.. نيوتن ما ذاكر كثري شمسة: هيه انته عاد تيي صوب نيوتن ... سالم: ليش لا ... شمسة: سر ييب الشنطة .. الحين .. و ظهر صالح من الحجرة ... سالم: هااا هذو ابويه وصل ... انتي الحين ما عندج شي تبيني بس اسير اذاكر شمسة: هيه ما عندي شغلة غيرك ... سالم: ما شاء الله عليه صالح: والله .. الحين بتظهر لنا شغلة غيرك سالم: راس مالكم انا صالح: ليش .. حالفين ما نييب غيرك والا شوه سالم: والله انا شدراني .. حليلي انا الحين عووود واحتاج الى اخو اكبر مني شمسة: بس بس .. الله يخليك لا تبدا تتفلسف علينا صالح: ما باركت حق امك سالم: على شوه بعد ... ابارك لها .. صالح: بتييب اخو اصغر منك سالم ( منصدم): قول والله صالح: يعني انا جذاب سالم: ما ادري والله صالح: صدق ما تستحي سالم: قوووووول والله انزييييييين صالح: ههههه والله سالم: امايه صدق شمسة: هيه .. واخاف عقب التعب كله .. اييب واحد شراتك .. بنتحر .. سالم: عيل انتحري من الحين .. يوهووووووووووو بتييبين اخو حقيييييي شمسة: ع كيفك انته وابوك اخو اونه ... يمكن بنيه .. صالح: بنيه ولد اللي ايي من الله حياه الله سالم: لا لا نبا اخو شمسة: ط هذا .. سالم: شوفي اذا بنيه .. بظربها صالح: لا والله .. شمسة: من الحين .... سالم: كيفج صالح: انته لو بنيه والا ولد ان شاء الله جرب صوبهم وسو حركاتك هاي .. شوف شوه بسوي بك سالم: خيييييبة .. من الحين تدافع عنه ... انا ولدك العود صالح: ولانك العود لازم تكون اعقل .. مب اصغر سالم: بأدبهم صالح: ادب روحك قبل .. عقب ادّب غيرك شمسة: استغفر الله العلي العظيم ... انتوا ادعوا الله يتمم ع خير .. بعده درب جدامه .. وهذيل يظاربون سالم: ياااااارب ياااااااااارب امايه تييب ولد ياااااااا رب جذه تييب 6 اولاد شرات قوم عبدالعزيز نقع صالح من الظحك .... لا عاد هاي قوية .. 6 اولاد .. واكبرهم سالم !!!! في ألمـــانيا .. نزل علي تحت فالرسبشن .. بيحط المفتاح .. وبيسير المستشفى صوب حصه .. علي :Thank you وصد ورا ... يوم صد .. شاف اللي ما فارقت صورتها من يوم شافها .... حصيص: ابوووويه شوف محمد: شوه ؟ حصيص: هذو عمي علي محمد: راع المستشفى ؟ حصيص: هيه .. تخليني اسير اسلم عليه ؟ محمد: يالله سيري ... وانا بيي وياج وساروا محمد وبنته حصيص صوب علي ... حصيص: السلام عليكم ... تذكرني علي ( ابتسم): وكيف ما اذكرج .؟! ( وهو في قلبه يقول اصلا ما نسيتج عسب اتذكرج ) حصيص: والله زيييييين علي: ههههههه جيه شوه تتحسبيني محمد: السلام عليكم علي: هلا مرحبا بو جاسم .. وعليكم السلام محمد: با مرحبا بك .. شحالك ؟ شخبارك ؟ علي: الحمدلله بخير ... يسرك حالي .. العلوم من صوبكم ؟ محمد: الحمدلله تمام ... علي: سايرين ما شاء الله محمد: هيه سايرين المستشفى .. علي: والله ؟ ... انا بعد محمد: زين ... وياك حد ؟ علي: لا روحي ... محمد: يالله عيل .. انا مب ويايه غير حصيص .. نسير رباعه ... شرايك علي: ما عندي أي مشكلة ... وظهروا علي ويا محمد .. وحصيص .. سايرين صوب المستشفى .... حصيص: بابا يوعانه محمد: قلت لج كلي وعقب نزلي حصيص: ما كنت يوعانه الحين يعت ... محمد: انزين بنسير المستشفى وعقب بوديج أي مكان وباخذ لج اللي تبينه حصيص: لا والله الحين يوعانه انا ... ما اقدر محمد: حصيص ! حصيص: الله يخليك .. يوعانه علي: انزين ما عليه نسير مطعم .. و بتاكل هي ونحن بنشرب كوفي والا أي شي .. وعقب بنسير المستشفى محمد: انا والله ما عندي أي اشكالية ... لكن انته .. يمكن تتأخر علي: لا لا .. ما بتأخر ولا شي ... بعده في وقت .. محمد: يالله عيل .. اسميج يا حصيص موهقتني دوم حصيص: آسفه .. علي: ما فيها شي .. انا صدق عادي عندي محمد: يالله عيل نتوكّل .. الجو بارد .. ربعنا محصنين عمارهم بالجاكيتات واللبس الثجيل وطالعين .. يتمشّون في هالجو .. لين يوصلون المستشفى .. بس دام ان حصيص يوعانه غيروا وجهتم .. او ان وهم سايرين ع دربهم ... بيدخلون مطعم من المطاعم .. وصلوا المطعم ودخلوا .. محمد: انا بيلس هناك فالكوفي .. انتي يلسي .. امممم حصيص: انته سر يلس وعقب اختار الطاولة .. استغرب علي .. شوه سالفتهم ؟ محمد: تعال يا علي .. سار علي ويا محمد .. صوب الكوفي .. ويلسوا .. وبمجرد ان محمد اشّر حق حصه ع طاولة .. مجابلتنه بالضبط .. يعني فالمطعم لكن جريبة من قسم الكوفي .. و يقدر يطالع بنته وتكون جدام عينه ... يلست حصه ع الطاولة هذيج .. وياب لها الريال المينيو وطلبت .... علي: بتخليها هناك روحها محمد: عادي .. متعودين .. جدام عيني يالسه .. شوه تشرب ؟ علي: كابتشينو محمد: excuse me ,, 2 capatchino محمد: وشوه الاخبار ؟ علي: الحمدلله محمد: ليش ياي هني ؟ سياحه والا علاج بسم الله ؟ علي: سياحه وعلاج ... محمد: اها ... علي: وانته ؟ محمد: انا علاج ... كل سنة تقريبا انا هني علي: ليش من كم سنة انته تيي هني ؟ محمد: انا من 7 سنوات .. ساير وراد ع ألمانيا انصدم علي .. 7 سنوات .. اف .. وايد الصراحه .. هو بعده ما كمل شهر وكاره حياته ويبا يرد بسرعه ... هذا من 7 سنوات .. علي: ما شاء الله .. محمد : مضطرين .. علي: وحصه بنتك كل سنة تكون وياك .. محمد ( أبتسم ): اكيد .. لان لا انا ولا امها نقدر نستغنى عنها علي: ما يأثر هذا على دراستها ؟ محمد: لا الحمدلله .. بس هالسنة يمكن بداية الصيف ييت هني .. وعقب اضطريت ارد الحين علي: عفواً .. بس .. انته شكلك صغير ... محمد: عمريه 25 سنة ... علي: صغير .. والله محمد: هههههه يالله عرسنا ونحن صغار علي: بس عندك حصه صح ؟ محمد: هيه .. الله يخليها .. علي:اها .. آمين الله يحفظها محمد: وانته؟ علي: انا ما عندي عيال محمد: اوه آسف ... علي: لا عادي .. وعسب جذه انا موجود هني .. محمد: اها يعني تتعالج الحين علي: والله هم قالوا الحمدلله ما في شي .. لكن قلنا ناخذ بالاسباب .. ونيي هني يمكن الله يرزقنا ان شاء الله .. انا معرّس من كم سنة وللحين .. الله ما رزقني محمد: يالله الله يرزقك ان شاء الله ع قد نيتك ... علي: ان شاء الله ... وسكت علي وسكت محمد محمد: سبحان الله .. حد يتريا الله يرزقه .. وحد يقول بسني ما ابا عيال ( وابتسم ) .. وناس اللي رزقهم بولد والا بنت وحده بس .. لكن حرمهم من الراحه ... علي حس في كلام محمد حزن شويه ... يرمس وعينه ع بنته ... علي: عفواً .. بس ممكن اعرف السبب اللي يخليك كل سنة تيي هني .. محمد ( تنهّد ): انا قصتيه طويلة ... علي: وانا ما عندي مانع اسمعها ... لو هالشي ما يضايقك .. او ما تعتبره تدخل في امورك الشخصية .. محمد: لا لا .. انا الحمدلله راضي بقضاء الله وقدره .. وادري ان في ناس يمكن حالتهم اخس واسوء عني بوايد ... علي: قول وانا اسمعك محمد: انا عرّست .. وعمريه 18 سنة ... الوالده اختارت لي ام حصيص .. انها تكون حرمتيه .. وشريكة حياتي .. يوم استوى عمريه 19 سنة .. يتنا حصه ... وامها هي اللي سمّتها ... لكن عقب ما يابتها .. الله يبعده عنك وعن الكل ... والله حتى لـ عدوّي ما اتمناه .. ياها الخبيث ... ومن هذيج السنة وانا اييبها هني تتعالج .. انا اللي حارق يوفي .. انها اصغر مني بـ سنة .. يعني الحين عمرها 24 سنة .. سبحان الله .. حتى يمكن اللي في مثل عمرها للحين مب معرسات .. لكن هي يابت البنيه .. وطاحت ع الفراش من يومها ... تشوفها اسبوع صايحه .. ويمكن اسبوعين طايحه جذه .. ساعات ما تتحمل حد يرمسها لانها تكون مصدعه .. علي: أنا آسف جدا .. لو خليتك تذكر او تقولي كل هذا محمد: لا عادي .. انا اصلا دايما اخواني اييون ويايه .. منها انهم يكونون ويايه ويساعدوني ... ومنها سياحه ... واحيانا ما اييون ... يغيرون وجهتم لـ بلاد ثانية .. وهالمرة انا ييت فالسنة مرتين .. فـ عسب جذه محد ويايه .. ومضايج وايد .. حتى احس ان بنتي ضاقت .. وملت .. لكن الحمدلله ع كل حال علي: وحصه ما اثّر هالشي عليها ؟ محمد: لا الحمدلله .. لاني انا روحي وشخصيا .. يمكن أي حد يشوفني وياها يقول اخوها العود مب ابوها .. وفعلا انا اعاملها ع انها اختيه وبنتي في نفس الوقت .. فـ علمتها ع وايد اشيا والحمدلله ... هي بقناعتها وانها تسمع رمستيه ... فـ مسهله عليه امر تربيتها كون اني انا اكون وياها اكثر من امها .. علي ( ابتسم ): الحمدلله .. الحمدلله ... يمكن الله رزقك بهالبنيه عسب تكون وياك وقت ما حرمتك فالمستشفى محمد: الحمدلله .. وانته ان شاء الله كل شي تمام ؟ علي: الحمدلله .. بس لان المدام متعوده انها تكون ع طول ويا خواتها و اخوها وامها وابوها واهلها .. فـ كانت هاي اول مره تبتعد عنهم .. وعسب جذه هالشي صعب عليه وعليها محمد: ما عليه .. ان شاء الله الله يرزقكم .. وتردون البلاد .. ووالله يحفظكم ولا يبليكم شراتي محمد كان يرمس .. من الخاطر .. ومن قلبه .. هو شاب صغير .. علي انصدم يوم درى ان عمره 25 سنة ... يعني فعلاً صغير ووايد صغير بعد ع انه يتحمل كل هالمسؤولية .. ويعاني لمدة 7 سنوات .. ساير راد ع ألمانيا وفي هالغربة ..... ويا بنته الوحيدة .. في الفندق .. عمر واحمد ربيعه ... يالسين .. احمد: رمستهم ؟ عمر: هيه رمست عبدالعزيز وراشد احمد: زيييين زييين عيل .. رمست حبيب القلب عمر: هههههه هيه احمد: شحاله شخباره ؟ عمر: الحمدلله .. تمام احمد: و اخوانك كلهم بخير؟ عمر: الحمدلله .. احمد: حليله راشد اكيد متوهق وياهم عمر: خل راشد وخل مروان وسعيد وعبدالعزيز بعد احمد: منوه تم بعد ؟ عمر: عمران حليله .. وايد احاتيه احمد: يالله ان شاء الله خير .. هو اختار هالشي واكيد ان شاء الله بيقدر عليه عمر: بس انا ما رمسته ابداً ... راشد قالي انه بخير وانه رمسه احمد: عيل الحمدلله .. يعني اطمنت عليه عمر: لا والله بالي مشغول عليه .. حتى لو راشد مرمسنه لازم انا ارمسه احمد: بقولك .. عمر: هلا احمد: مب جنك معطي كل شي في ايد راشد .. و سعيد ناسنه عمر: سعيد خله ع صوب .. انا ما ابا احمله فوق طاقته .. وهو بعدين عرّس .. يعني عنده مسؤولياته الخاصة احمد: حتى ولو .. خله يتكفل بشي ع الاقل .. كله راشد راشد راشد عمر: لا ما ابا .. وراشد قدها وقدود .. وهو مب بروحه .. مروان وياه .. احمد: انزين خلنا من اخوانك .. عمتك رمستها ؟ عمر: عموه لا ما رمستها للحين ... عقب بتصل بها .. ادري بها بتم توصي وترمسني وايد تخاف عليه .. فـ عسب جذه .. ان شاء الله عقب صلاة العشا برمسها ... احمد: يالله باجر بنبدأ ان شاء الله عمر ( تنهد ): والله لو تدخل داخلي وتشوف شوقي لـ باجر احمد: انا بعد وياك .. عمر: احس انه بيكون وايد كشخه ووايد حلو .. احمد: اكيد .. ان شاء الله .. عمر: نسير الحرم الحين ؟ احمد: الحين عاد ؟! عمر: بتستوي زحمة فضيعه ما تشوف كل العالم هني احمد: انزين مب لازم نصلي فالحرم عمر: لا والله تنكت حضرتك ! احمد: هههههه لا لا .. قم تيدّد يالله بنسير عمر: يالله في بيت الشباب .. راشد وعبدالعزيز يالسين فالصاله .. دخل عليهم فريد .. فريد: عبدالعزيز .. خلاص انته مذاكرة كل شي ؟ عبدالعزيز:هيييييه هيييييييييييييه .... راشد: ههههههه حليله يسألك عبدالعزيز: بهدلني كل يوم يسأل فريد: عمر قالي انا اشوفك كل يوم عبدالعزيز: عمر ما لقى عاد غيرك يوصيه عليه راشد: عبدالعزيييييييز عبدالعزيز: اوكيه خلاص بسكت .. فريد: انا بسير اكمل العشا عبدالعزيز: قلت لك سو فطاير جبن انا اباااااا فريد: انزين وسار فريد .. عبدالعزيز: راشد راشد: هلا عبدالعزيز: سعيد للحين زعلان ؟ راشد: من شوه ؟ عبدالعزيز: منا ؟ راشد ( تنهد): ما ادري والله .. ما رمسته من هاك اليوم عبدالعزيز: انزين .. لو يقولك عطني المفتاح بتعطيه ؟ راشد: طبعا لا عبدالعزيز: اكيد ؟ راشد :اكيد عبدالعزيز: حرمته ليش جذه .. تبا حجرة امايه وابويه .. ما مكفنها القسم كامل حقها راشد: عبدالعزيز .. لا ترمس عنها جذه .. كيفها .. وبعدين انته ما سمعتها ترمس وتقول ابا الحجرة .. انتوا سمعتوا اخوكم يقول عبدالعزيز: انا اعرف ... سعيد ما يقول جذه ولا يقول انه يبا حجرة امايه وابويه بدون محد يقنعه راشد: انته شدراك عبدالعزيز: لو كان يباها .. جان قال قبل ما يعرس وقبل ما تيي حرمته .. راشد: المهم ... بعد... نحن ما ندري هي شوه قالت والا شوه طلبت من سعيد .. نفس الوقت .. انفتح باب قسم سعيد .. وظهر سعيد .. لكن مب روحه .. وياه حرمته ... وهالشي اللي خلى عبدالعزيز وراشد منصدمين + مستغربين ... سعيد: السلام عليكم راشد : عليكم السلام راشد اعتدل في يلسته ... اما عبدالعزيز تم منسدح .... ولف ويهه وتم يطالع التلفزيون سعيد: بعده فريد ما ياب العشا راشد: لا الحين بيخلص وبييب عبدالعزيز: نتريا مروان يوصل سعيد: ووين مروان ؟ عبدالعزيز: بيت قوم عموه سعيد: ومتى بيي ؟ راشد: الحين .. واصل هو .. اتصلت به ... سعيد: شرط يتعشى يعني هني؟ مدامه في بيت عموه خل يتعشى هناك عبدالعزيز: يقولون لك انه ياي .. ما يبا يتعشى هناك ... بيي يتعشى هني .. سعيد: راشد رمست عمر؟ راشد: هذاك اليوم بس .. سعيد: وشحاله ؟ راشد: الحمدلله .. سعيد: وعمران ما رمستوه ؟ راشد: لا عبدالعزيز: انته اخو عمران اتصل به سعيد: انا ما يستوي اتصل به .. هو بس يستوي ... وهو يتصل في الكل الا انا ووصل مروان .. مروان: تراراراتاتاتات .. عند الوقت .. 141 .. الساعه الآن تشير الى الحادية والنصف مساءً .. تصبحون على خير .. عبدالعزيز: اهلا ... وعبدالعزيز تم يستوي حركات حق مروان .. ان احم احم .. ثر حرمت اخوك اليوم ما ادري شوه نازل عليها وظاهره الصاله .. ويا اخونا ... لين مروان انتبه .. مروان ( حاس ثمه ): جيه ما تخبروني !! سعيد: بـ شوه ؟ مروان: لا ولا .. شي .. وين فريد ؟ عبدالعزيز: انته قوله اييب العشا انا يعت مروان: شفته برع .. راشد: عيل جيه تسأل وينه ؟ مروان: بس ابا اتفلسف اونه واسوي عمريه مهتم .. ما عرفت الا اني اسأل عن فريد .. ابو سعيد وعبدالعزيز عبدالعزيز: هيه انا عادي عندي ... ثره من يوم نحن صغار هو هني .. راشد: ما مقصر فيكم وتحطون عليه سعيد: هذا شرا مروان اللي ما فيه خير مروان :لا والله الحمدلله فيه خير وخيري زايد ... يوزع ع العالم ويكفي ويزيد بعد .. عبدالعزيز: لا لا ... ما نروم الله يخليك .. مروان: شوفوا 5 دقايق عندكم وعند ابوكم .. بسير ابدّل وبرد انزل ... ابا اشوف العشا زاهب .. عمران من آخر الدنيا نقل لي عدوى اليوع ... في بيت بو هزاع ... عفرا: لااااااااااااااااااااااااااااا مستحيل وما توعى الا بقوطي الكلينكس ع ويها .. عذيجة: غربلات ابليسج من بنيه ... قولي مبروك قولي ما شاء الله .. ذكري ربج شمسة: يالحسوووووووده عفرا: في عينج احسدج ع شوه .. انج بتييبين واحد شرات ولدج سلوم بعد سالم: تتمنينييييييييييي خالوه عفاري عفرا: لو ببلاش ما خذتك هزاع: ههههههه مستهزئة فيه وايد سلامة: حليله شوه مسوي بج عفرا: ما شي .. بس هالانسان ويا ولد خالج الثاني لا يطاقون عذيجة: فديت طاري الثاني انا .. من يومين مب شايفتنه آمنة: هيه والله اشتقنا له امايه .. ييبيه وياج هني سالم: هيه والله ييبيه شمسة: عسب عفرا تنتحر بعد عذيجة: اقوله ... تعال بات عندي كم يوم ونسنا .. وورحك بتتونس .. مب طايع يقول انا وعدت عمر اني ما اظهر من البيت واتم عند راشد .. وما ببتاب برع البيت عفرا: ما ادري اتفاقيه سايكس بيكو .. حتى اتفاقية سايكس بيكو فجوها وسووا كل شي ع كيفكم وعقوها ورا ظهورهم شمسة: دخلنا درس تاريخ عذيجة: ما يخصج .. كيفه الولد آمنة: انزين خل ايي العصر ويرد فالليل .. ثره مروان ايي بعد عذيجة: والله ما ادري عنه سالم: انزين شرايكم انا اسير هناك عندهم واكون مكان اخوهم العود .. يعني اكمل العدد بس سلامة: لا مشكووووور وما قصرت هزاع: هم عددهم اوكيه واااايد اوكيه .. آمنة: ههههه ما خليتوا فيه شي هزاع: مروان الحين بعد مستوي مؤدب يرجع البيت من وقت عفرا: الله .. كل هذا عسب اخوهم العود محد ... سلامة: منوه الحين متولي زمام الامور هناك عندهم ؟ عذيجة: فديت روحه .. راشد .. حبيبي عفرا: كل حد حبيبها .. الا ابويه ما تقوله حبيبي سالم: ههههههههههههههه ط خالوه عفاري شوه تقول .. اتخيل يدوه تقول حق يدي حبيبي ههاااااااااااااااي نكتة العصر بتكون عذيجة: ما اطفسج من بنيه والله يا عفاري جان ما سكتي والا ما نطقتي برمسه عدله بييج شي ما يسرج ... جدام الصغاريه ترمسين هالرمسة آمنة: ههههههه بلاج امايه عصبتي عفرا: أي صغاريه ؟ سالم .. هذا انا مب عادتنه من الصغارية .. هذا وحش من الوحوش عذيجة: هاي طفسة والله انها طفسة .. يالسه فالبيت تتعلم الطفاسة بس هزاع: ههههههههه حطوا عليج عفاري عفرا: مب اول مره .. تعودنا... يوم تشتاق حق عيال اخوها جذه تسوي فينا نحن عيالها سالم: انتي بلاج ع عيال اخوها عذيجة: هاي يبالها ظرب الحين سلامة: ههههه شكله سالم يبا يسوي مشكلة الحين عسب امايه تعصب ع عفاري سالم: تستاهل .. محد يقولها تحط عليه عفرا: استااااااهل !! .. اوكيه ما عليه .. بتشوف .. اللي بيسوي لك واسطة بعد عند امك وابوك .. عسب ترد من المدرسة تيي هني .. مب من زين شوفتك .. بس اونك تكسر الخاطر ... ولا بتكسر خاطريه عقب اليوم سالم: استخدمي شامبو لا دموع بعد اليوم .. دعاية دعاية تنفعين والله عفرا: بعد تقول انها حامل .. ادبي هذا الله يخليج .. عن يعلم الثاني بعد شراته شمسة: ما يخصج في عيالي .. عفرا: طبعا ما يخصني فيهم .. بس لا تييبينهم هني وتفرينهم علينا شمسة: فذمتج متى ييت وفريت عيالي عليكم هزاع: بسسس سكتوا ... ما ادري اللي يقول هاي عندها درزن .. واللي يسمع الاحفاد ما شاء الله مازرين البيت .. سكتواااااا خلاص .. آمنة: الله يغربل ابليسكم .. وعيتوا بنتي عذيجة: سيري شوفيها ييبيها .. هزاع: سيري بسرعه امون .. تصيح .. نشت آمنة بسرعه .. وسار فالحجرة تييب بنتها اللي نشت ع ازعاجهم وصريخهم .. آمنة: انتي يا حبيبة امممممج .. آسفين وعيناج ... زين ما وعيتي ولد خالو سلامة بعد ... شلت آمنة بنتها ... و نفس الوقت .. شلت مبايلها .. شافت فوق الـ 5 مس كولات ... استغربت ..!! في مبايلها و 5 مس كولات !! .. اكيد احمد .. يوم شافت ظهر مب احمد ... ناعمه ... 3 مس كولات .. وعيسى مس كولين ... غريبة هالاثنين جيه متصلين بها !! ... اتصلت في ناعمه ... مرة .. ومرتين ما ردت .. يت شمسة ... شمسة: فديت روحها ... صاحيه صياح أمون حرام عليج آمنة: شمسة تعالي شليها شويه شمسة: شوه فيج ؟ آمنة: ما ادري ... قلبي قابضني .. ناعمه اخت احمد مسويه لي 3 مس كولات .. وعيسى اخوه مس كولين .. والحين اتصلت في ناعمه مرتين وما ردت ... شمسة: يمكن يبون منج شي ما شيات ... آمنة: ما ادري والله شمسة: انزين واحمد وين ؟ آمنة: احمد نزلني هني وسار يودي اخته رملة .. لانها كانت مضايجه شويه من يلسة البيت .. فـ ظهرها عن خاطرها ... شمسة: انزين ... آمنة: ما ادري حاسه انه فيه شي ... في بيت بو زايد .. غاليه: ابويه باجر بسير بيت عموه عذيجة حق الغدا .. بو زايد: قلتي حق امج ؟ غاليه: هيه قلت لها .. قالت خبري ابوج وجان رخصج سيري بو زايد: خلاص عيل .. سيري .. غاليه: شكراً .. بو زايد: عفوا .. زايد زايد: هلا ابويه .. آمر بو زايد: ما سرت صوب عيال عمك سيف؟ زايد: لا والله .. مع اني اليوم مواعدنهم اني اسير صوبهم .. بس ظهرت لي كم شغلة وما سرت بو زايد: سر لهم ابويه باجر .. وشوف جان محتايين شي .. قولي زايد: ان شاء الله ... بو زايد: وين ثاني ؟ غاليه: راقد بو زايد: غريييبة ثاني راقد ؟ زايد: هيه والله انا بعد استغربت يوم شفته راقد ... بو زايد: شكله تعب غاليه: يمكن لاب توبه اخترب بعد .. زايد: لا .. لو اللاب توب مخترب .. جان شفتيه مسوي لنا عزا فالبيت .. بو زايد: امكم وين ؟ غاليه: عنده فوق .. بو زايد: يوم انه هو راقد .. جيه هي بعد عنده زايد: ما ادري .. غاليه: هذي يت ... بو زايد: رقد دلوعج ام زايد: ما ادري بلاه .. راقد من وقت اليوم غاليه: يرقد من وقت تضايجون يسهر تضايجون ام زايد: مب من عوايده لانه زايد: ان شاء الله دوم جذه ام زايد: ان شاء الله لو انه ما فيه شي وجذه من نفسه بيرقد من وقت هيه .. اما فيه شي لا بو زايد: خليه يرقد احسن له .. اكيد تعب من اليلسه ع العله ام زايد: ما ادري به والله غاليه: امايه .. ابويه قالي عادي اسير باجر بيت عموه عذيجة ام زايد: عيل سيري خلاص ... انا باجر بسير بيت اختيه ع العصر ... تغير ويه غاليه .. بيت اختيييييه ... يعني خالت غاليه ... من زمان امها ما سايرة .. جيه باجر بتسير؟ ... يمكن خالتها زعلت يوم انهم ردوا ولدها !! .. بو زايد: قولي حق اختج ... بو زايد يسلم عليج .. ويقولج ثر نحن بعدنا نبقى اهل ... لو شوه ما يكون زايد: ليش .. بلاه بعد معرسنا الجديم ؟ ام زايد: اصلا هذا كله قسمه ونصيب .. مب بكيفنا .. وهي عادي عندها .. اختيه واعرفها .. وحتى ولدها .. بس لازم بعد اسير صوبها شويه .. اطيب بخاطرها .. ما يستوي رديت عليهم لا .. واقطع عنهم بعد بو زايد: سيري سيري .. زين ما تسوين ... غاليه: انا بسير ارقد بو زايد: ياله كلكم سيروا رقدوا شوه ميلسنكم زايد: يالله عيل تصبحون ع خير ام زايد: زايد فديتك طل ع اخوك الله يخليك زايد: ان شاء الله امايه .. ان شاء الله غاليه: تصبحون ع خير .. بدور: شوه استوى بخصوص الحجرة ؟ سعيد: قلت لج .. هذا قسم كامل تحت امرج ... بدور: انا ابا هذيج الحجرة سعيد: بدور انا تعبان .. وما فيه شده ع النقاش .. الله يخليج .. بدور: انته مرتاح ... سعيد: بلاج انتي .. كل يوم قابضتني مرتاح ومرتاح ... في شوه مرتاح والا في شوه بدور: والله هاي مشكلتك ... لو انته تبا تهتم في اخوانك .. لكن لا تنسى ان انا بعد حرمتك سعيد: انتي في شوه والا في شوه ترمسين .. تدخلين السوالف في بعض بدور: انا الحين ادخل السوالف في بعض والا انته تبا تتهرب سعيد: انا لا اتهرب ولا شي .. لكن قلت لج الحجرة ما ابا انا اسكن فيها بدور: وليش لا ؟ سعيد: كيفي .. ما ابا هذيج الحجرة بدور: عطني سبب مقنع سعيد: ما ابا ارقد ع فراش ميتين .. بدور: رمسة اخوانك هاي .. يا حبيبي .. تقدر تغير الفراش .. هه اونك عاد يبت سبب مقنع منهم سعيد: ما اتخيل عمريه اسكن في حجرة امايه وابويه بدور: لكن تتخيل عمر ياخذ الحجرة صح سعيد: لا اله الا الله .. سايرة وراده ع عمر سايرة وراده عليه بدور: ليش شوه شايفني ؟ ما عندي سالفة الا عمر سعيد: ما ادري عنج بدور: سعيد منوه خبرك .. وقالك تقول ياودر الشغل .. سعيد: شوه هاي بعد منوه خبرني ! بدور: ما ادري اسأل عمرك سعيد: محد قالي .. انا روحي .. ما اباج تشتغلين .. ليش مقصر وياج بشي انا بدور: هو انته مب معيشني شرات ما كنت عايشه في بيت ابويه طبعا ... لكن يالله العيشة مقبولة هني مع بعض التعديلات .... صد سعيد صوب بدور اللي ولا جنها يالسه ترمس او تقول شي .. يجرح سعيد .. ويالسه تكمل وتجلب فالمجلة ... وتتصفحها فـ المستــشفى .. في وين ؟ مب في ألمـــانـيـا .... لا .. في الامارات .. وفي دبي !! صوب الانتظار هزاع: منوه خبركم ؟ عيسى: الشرطة اتصلوا بي .. هزاع: لا حول ولا قوة الا بالله ... عيسى: هزاع ... سر صوب اختك خلها تدخل داخل .. واقفه هناك بدون أي فايده ... هزاع: ان شاء الله .. وسار هزاع صوب آمنة ... احمد سوّى حادث وهو كان راد بيي بيشل آمنة وبيردون بيتهم .. عقب ما ظهّر رملة واستانست .. لكن سبحان الله .. ما كملت وناستها ... وسووّا الحادث ... وللحين محد يظهر يقولهم شوه السالفه !! .. و اللي مستغربين منه .. هي آمنة .. للحين ادّمع وتمسح دموعها .. ما صاحت الصياح اللي متعود عليه أي شخص انه يظهر من أي حرمة يوم يقولون لها ريلها مسوي حادث وفالمستشفى .... هزاع: آمنة .. سيري يلسي داخل آمنة: ما ابا هزاع: مب حلوة واقفه هني ... يعني شوه بتسوين ؟ آمنة: هزاع لو سمحت .. والله مب قادرة .. فـ لا تزيدها انته عليه الحين .. سر عني وخلني ع بكيفي هزاع: انزين خلاص .. بوقف انا وياج آمنة: محّد ظهر يقولنا شوه استوى هزاع: ان شاء الله كل خير ... ظهروا الاطبّا .. والممرضين والممرضّات .. وظهروا سرير من الأسرّة .. ويمشون بسرعه .. عيسى: خير دكتور .. ومحد يرد عليه .. مشى وياهم ... بسرعه .. عيسى: دكتور دكتور .. دكتور: ما في وقت .. عيسى: اخويه اللي مسوي حادث واختيه وياه .. قولي شوه استوى دكتور: بسرعه نقولها لأحد الأسرّة الموجوده فالعناية .. وقف عيسى هني .. ووقف الدكتور شويه جدّام .. عقب ما الباقين مشوا ويا السرير اللي ظهر قبل شويه .... رجع الدكتور صوب عيسى .. الدكتور ( حط ايده ع جتف عيسى ): انته مؤمن بقضاء الله وقدره عيسى: شوه مستوي ... دكتور: اخوك الحمدلله .. حالته احسن ... اما البنيه الصغيرة .. فـ نقلناها للعناية ... رفع عيسى راسه ... وهو يشوف الدكتور ... بنظرات كلها حزن ... و شويه وصدق كأنه بيصيح ! دكتور: انا آسف جدا ... ادعوا لها ... ومشى الدكتور عن عيسى .. ناعمه : شوه قالك ؟ ... عيسى: رملة فالعناية ... بهتت ناعمه ... انربط لسانها ... وعيسى شاف اجرب كرسي .. ويلس عليه ونزل راسه وحط ايده على راسه ... في الحجرة الثانية ... احمد بعده ما فقد لا وعي .. ولا انه دخل في غيبوبة .. وهاللي ساعد ع انه حالته تكون احسن ... رقبته ما يروم يحركها .. فـ لبسوه شي ان يثبتها .. وترد شرات ما كانت .. وريله انكسرت ... رغم انه تعبان .. لكن مقاوم .. ويرمس .. احمد: وين رملة ؟ هزاع: رملة بخير .. انته بس دير بالك ع عمرك ... احمد: وين آمنة ؟ هزاع: آمنة هني .. احمد: وينها ؟ ما شفتها ! هزاع: امون تعالي جربي هالصوب .. آمنة دخلت الحجرة صح .. بس واقفه بعيد .. ولا رمست .. ولا جربت هاك الصوب .. اول مره تشوف ريلها جذه مرقّد ... اول مره .! احمد: امّون تعالي هزاع ( صد صوبها): يالله تعالي وسار هزاع صوبها .. هزاع ( بصوت واطي): انتي ما يالسه تساعدينه ... سيري صوبه .. ادري انه صعب عليج .. بس ضغطي ع عمرج ... و ظهر هزاع برع .. احمد: امّون .. مب ناويه تيين يعني ... آمنة ضغطت ع عمرها مثل ما قالها هزاع ... وتجدمت صوب احمد .. آمنة: هلا .. آمر بو ميثا .. احمد ( ابتسم ): شحالج ؟ آمنة: انا بخير .. دامك انته بخير احمد: وين ميثا ؟ آمنة: فالبيت ... عند امايه .. احمد: امون ... بيتنا نحن ما اوصيج عليه .. وامايه ما اوصيج عليها .. آمنة: احطها في عيوني احمد: ورملة ... شحالها رملة ؟ آمنة: الحمدلله ... احمد: وين عيسى ؟ آمنة: موجود برّع .. وسكت احمد .. غمّض عينه .. آمنة: احمد .. احمد: شوه آمنة: بلاك ؟ احمد: ما شي آمنة: شوه فيك ؟ احمد: ما فيني شي .. بس تعبان هني نزلت دموع آمنة .. صوت احمد كان صدق تعبان .. وهي ابداً ابداً ابداً مب متعوده ع هالشي... احمد ( فتح عينه ): جيه تصيحين انتي الحين .. آمنة: ما اصيح احمد: تسوين لنا فلم هندي هني .. آمنة ( ابتسمت ): ما اصيح .. بس دموعي تنزل احمد ( رد غمض عينه وابتسم ): والله وقمتي تنكتين يا امون .. رد احمد غمض عينه .. وردت آمنة صدق في داخلها .. حزن محد يعلمه غير رب العالمين سبحانه.. لكنها تحاول تساير احمد .. وتنكت وياه .. وتكون ع طبيعتها .. مثل ما هو رغم كل اللي فيه لكنه ينكت .. ويرمس .. حتى ولو صوته تعبان ... في بيت الشباب .... انفتح باب حجرة عبدالعزيز وعمر .. راشد: بسم الله شوه السالفه ؟ مروان داخل ووياه فراشه ... مروان: حاسس بالوحشة عبدالعزيز: حاسس بالوحشة اونه ههههه مروان: والله ملل راشد: وان شاء الله ياي هني عسب هالشي مروان: طبعا عبدالعزيز: هيه والله سوالف راشد: شوه سوالفه .. رقدوا .. باجر وراكم دوام مروان: باجر عندي امتحان انجليزي ... ( وخلص مروان وفرش فراشه وانسدح ) راشد: وطبعا هياته من الصبح ويا هزاع ولا ذاكرت عبدالعزيز: طبعا مروان: لا والله .. اصلا اليوم ما ظهرت ويا هزاع راشد: عيل وين سرت ؟ مروان: سرت شويه ويا ربعي ورديت هزاع ما يا عبدالعزيز: غريبة .. في مثل هذا اليوم يسجل فالتاريخ هالحدث مروان: جييييييه شوه تتحسبوني ... ما عندي غير هزاع... يايبنه وناسنه راشد: والله هالشي المعروف والمتداول يعني مروان: اتصل فيه من الصبح ولا يرد عليه عبدالعزيز: يمكن مشغول ونفس الوقت رن مبايل مروان ... راشد: اكيييييد هزاع مروان: هههههه هيه والله عبدالعزيز: الطيب عند ذكره راشد: عمره طويل مروان: وين هذا مقصّر عمريه انا .. الو ... انته وينك اليووووم ؟ ما ادري وين ظاهر راسك بعد .. عبدالعزيز: راشد رمست عمر ؟ راشد: لا عبدالعزيز: باجر بيبدأون المناسك .. راشد: هيه .. ( ابتسم ) يا ريتني وياه عبدالعزيز: انته بعد تسير ويا عمّوووووور .. لا لا راشد: ههههه ليش عبدالعزيز: انته وعمر .. ما تكونون موجودين .. وانا اتم هني ويا منوه ان شاء الله راشد: ويا مروان عبدالعزيز: نعم ؟ انا ومروان .. ما اتخيل اتم ويا مروان رواحنا راشد: هههه ليش عاد عبدالعزيز: ما ادري بس ما اتخيل راشد: بس يبالنا والله سفرة شرات هاي انا وعمّور يالله اتمنى ونش عبدالعزيز .. وحط راسه ع ريل راشد ... عبدالعزيز: حرام عليكم جذه تسوون فيه .. حس راشد بـ احساس غريب .. اول مره عبدالعزيز يكون جريب وايد من راشد.. وهالشي اللي محد توقعه في يوم من الايام انه يستوي .. واول مره يسوي هالحركة لـ واحد غير عمر .. هو مستحيل يسوي هالحركات .. او انه يجرّب من واحد لهالدرجة غير عمر .... مروان: لا حول ولا قوة الا بالله راشد: شوه مستوي ؟ مروان: احمد ريل آمنة بنت عموه سوى حادث راشد: لا تقول مروان: والله هزاع توه يخبرني عبدالعزيز: اويه حراااااام ... انا من زمان ما شايفنهم مروان: عموه صدق تسأل عنكم .. تقول وينكم ما تسيرون صوبها .. وخصوصا انته ( وهو تقصد عبدالعزيز ) تقولك تعال بيتنا راشد: والحين شحاله ؟ مروان: الحمدلله .. بس مرقّد فالمستشفى .. بس ( وسكت ) راشد: شوه ؟ مروان: اخته الصغيرة راشد: اخت منوه ؟ مروان: اخت احمد .. تحيدها اللي يت ويانا المزرعة عبدالعزيز: منوه تراب ؟ مروان :عن قلة الادب اسمها رملة .. فالعناية .. حليلها .. بهت راشد .. وعبدالعزيز اكثر منه ... ع طول كل واحد فيهم تذك شكل رملة .. وكيف كانت حركات ... وحشرة .. وصريخ .. كانت مرحه وايد .. الحين يقولهم مروان فالعناية ..............! في بيت ام احمد ... مناحه .... منوه مسونها ؟ ام احمد ... ما يقدرون يقصون عليها .. ويقولون لها ان ما في شي .. وبنتها فالعناية ... وولدها مرقّد هناك بعد .... ناعمه: امايه نشي سيري رقدي الحين .. ام احمد: وين وين يبييني الرقاد . وانتوا يايبين لي هالاخبار اللي تطير الرقاد .. وتغث الواحد ناعمه: حبيبتيه امايه .. والله ما يسوى عليج ام احمد: وانتوا جيه ما خبرتوني من قبل ؟ عقب ما سرتوا وخلصتوا الحين رادين تقولون لي ناعمه: كنتي بتيين بتتعبين زيادة ام احمد: واللي يقول اني الحين مب تعبانه .. والله ان يوفي به نااار من داخله .. ناعمه: فديتج انتي الحين نشي رقدي .. وباجر الصبح وعد مني ... لو عيسى ما طاع يوديج انا بوديج ام احمد: وين اييني الرقاد وين ؟ ورملة مب هني ؟ بنت 7 سنين عمرها مرقده في المستشفى وفالعناية بعد ... فديتج يا رملة والله .. ياريتني ما وافقت تسيرين ... وليتني ما خليت احمد يوديج ناعمه ( نزلت دموعها): امايه ذكري ربج .. لا تقولين جذه . قضاء وقدر ام احمد: ونعم بالله .. لكن والله ... ما اييني الرقاد ورملة مب هني ولا احمد .. فديت روحهم .. وكمّلت ام احمد صياحها .. وناعمه يالسه ع صوب ... حاسه ان العبرة خانقتنها .. ما تدري شوه تسوي فوق .. في قسم احمد ... آمنة يالسه فالحجرة .. عقب ما بدّلت بنتها ... ويلستها ع الشبرية ... مسكت ايدها وباستها ... آمنة: هالبوسة من ابوج ... اليوم ما بيكون هني .. يلعبج قبل ما ترقدين .. و يلعوزني انا ويقولي ابا اسهر .. ومره وحده .. صاحت آمنة .. انفجرت .. خلاص .. وصل حدها .. كانت ماسكه عمره من الصبح فالمستشفى .. ويوم ردت بيت ابوها ويا اخوها كانت بعد كاتمه في قلبها .. ونزلت شلت بنتها واغراضها .. وردت ويا اخوها ركبت .. ويت بيتها ... وهي بعد ساكته ... خلاص ما تقدر تتحمل اكثر من جيه .. وبدت ميثا تصيح .. يوم شافت امها تصيح ... وآمنة ما تقدر .. ما تقدر تسوي أي شي .. تحس عمرها منهارة .. ومنتهيه .. اول مره .. بيكون احمد بعيد عنها .. وعن بنتها في هاليوم ... وخصوصا ان بنتها متعوده ان ابوها يلعبها قبل ما ترقد .. وعقبها ترقد ... اليوم شكلها تدوّر وتطالع فالحجرة .. وينه هذا اللي يلعبني كل يوم ! .. وينه اليوم ما يا يلعبني ! في بيت بو هزاع .. بو هزاع: لا حول ولا قوة الا بالله عفرا: رملة كاسرة خاطريه عذيجة: هيه والله فديتها .. ظحكتها بس .. والله انها تنحط ع اليرح يبرى بو هزاع: باجر الصبح انا بسير صوب احمد عذيجة: انا عيل بيي وياك بو هزاع: خلاص نشي رقدي الحين .. وباجر ان شاء الله بنسير .. يالله عفاري رقاد عفرا: ان شاء الله ابويه .. ونشت عفرا تبند الليتات .. رن تيلفون البيت عذيجة: خير اللهم اجعله خير .. الو ... آمنة: امااااايه قالت آمنة بس امايه .. وبدت تصيح .. تصيح من الخاطر ... عذيجة: بسم الله شوه فيج ؟آمنة رمسي شوه فيج ... آمنة: امايه والله مب قادره .. ما اقدر اتحمّل خلاص تعبت عذيجة: شوه فيج انزين .. رمسي .. استغفر الله .. آمنة: امايه .. ما اقدر ارقد .. ما اقدر .. عذيجة: احمد فيه شي ؟ رملة فيها شي ؟قالوا لكم شي ثاني بعد ؟ آمنة: شوه بعد يكون فيهم اكثر .. تدرين شوه يعني ان احمد ما بيكون الليلة فالبيت .. عذيجة: لا اله الا الله .. انا قلت لج .. باتي هني .. وتصيح آمنة .. وتصيح .. عذيجة: امون ذكري ربج .. استهدي بالله .. ذكري الرحمن .. وين بنتج ؟ آمنة: هني طايحه جدامي عذيجة: امون حرام عليج .. اسمعها تصيح .. شليها هدّيها .. اميه حبيبتيه انتي .. ذكري ربج .. واقري ع بنتج ... وحطي راسج ورقدي .. ومن اصبح افلح ان شاء الله .. الحين ريلج ما فيه الا كل خير .. آمنة: ما اقدر .. والله ما اقدر عذيجة: تبيني انا وابوج نيي وراج الحين ؟ وتصيح آمنة .. عذيجة: آمنة .. فديتج .. سكتي بس قطعتي قلبي امايه .. والله روحي مب متحمله اكثر ... زهبي اغراضج انا وابوج الحين بنيي وراج .. آمنة: لا .. امايه لا اتون .. خلاص بسكت ميثا الحين وبحاول ارقدها .. وعقبها انا ارقد .. عذيجة: خلاص اميه ارقدي .. واذا بغيتي أي شي اتصلي آمنة :ان شاء الله ... عذيجة: يالله فمان الله .. ارقدي حبيبتيه .. آمنة: ان شاء الله .. مع السلامة ... بندت آمنة عن امها .. وشلت بنتها .. آمنة: سكتي الله يخليج سكتي ... روحي مب ناقصه حد يزيدني .. ابوج محد اليوم ... عفرا عقب ما سمعت اللي دار بين امها و اختها ..و صوت آمنة اللي كان واصل لين عندها ... صعدت فوق ... وسارت صوب حجرة هزاع ... هزاع: ادخل عفرا: انته راقد هزاع: على وشك عفرا: هزاع قولي الصدق احمد شوه فيه ؟ هزاع: يعني ما سمعتي مساعه ؟ عفرا: لا ابا اسمعه منك انته والصدق هزاع: بس رقبته شويه .. وريله مكسورة .. عفرا: بس ؟ هزاع: هيه .. ليش في شي ثاني انا ما اعرفه عفرا: لا لا .. هزاع: عفاري ! عفرا: والله صدق .. انززين قول ورملة ؟ هزاع: حليلها فالعناية .. عفرا: ما تدري شوه فيها هزاع: الظربة يايتنها في راسها .. عفرا: حليلهاااا هزاع: عفاري في شي ؟ عفرا: لا اقولك هزاع: لا اكيد في .. انتي ما تمرين عليه انصاف الليالي الا في شي .. قولي عفرا: ما شي والله .. بس أمون اتصلت توها وميته من الصياح .. كسرت خاطريه والله هزاع: امون ؟ عفرا: هيه ... هزاع: هي اصلا ساكته .. من الصبح ساكته وهادية ولا صاحت صياح يعني .. بس كانت تنزل دموعها فالمستشفى وتمسحن .. عفرا: ويه توها اتصلت .. وفجرت كل اللي فيها هزاع: منوه رمسها ؟ عفرا: امايه .. هزاع: شكلها ما بترقد اليوم عفرا: اكيد .. عاد كله ولا احمد عند امون .. هزاع: بتصل فيها عفرا: لا لا ... لا تتصل .. حسيت يوم حد يرمسها اكثر تضايج .. وتحزن .. جذه خلها .. تجابل بنتها .. لان بنتها بعد كانت تصيح هزاع: فديت روحها والله .. قلنا لها تمي هني .. عناد بس عناد عفرا: مب عناد .. بس امون تفكر بعد ان اهل احمد رواحهم في حاله .. لا ولدهم العود فالبيت .. ولا بنتهم الصغيرة اللي مسويه لهم جو .. تخيل بعد امون وبنتها اييون هني عندنا .. صدق يعني بيتهم بينجلب ظلام .. هزاع: هو صح .. حتى عيسى اخو احمد .. لو شفتيه يتقطع قلبج .. انا مب متحمل .. وهو حليله .. اخوه واخته عفرا: الله يصبرهم هزاع: آمين عفرا: انا بسير ارقد عيل .. اكيد امون باجر بتييب بنتها من وقت ... تصبح ع خير هزاع: وانتي من اهله ********* |
الجزء الـ 24 اليوم ... المنتظر بالنسبة لـ عمر .. عسب صدق يحس بلذة العبادة اللي ياي عسبها .. هو وربيعه احمد ... اليوم الحجّاج لازم يسيرون مــنى .. ويباتون فيها لين ما تطلع الشمس .. وعقب يظهرون من هناك .. ويسيرون عرفات ... عمر: هذو المخيم مالنا دخلوا احمد وعمر الخيمة ... عمر: شكلنا يينا وايد متأخر ! احمد: اعتقد جيه ! الخيمة كانت ممزورة .. ما فيها مكان تحط ريلك بعد .. وعمر واحمد لازم كانوا اييون من وقت .. احمد: شوه نسوي ؟ عمر: تعال ... عندي الخيمة الصغيرة احمد: هههه خيمة اللاجئين عمر: هههههه بتنفعك الحين هالخيمة انزين احمد: هيه والله .. يالله عيل ظهرها عمر: ما في مكان نركبها فيها احمد: هي كيف ؟ خيمة خيمة .. والا خيمة عادية عمر: لا نص خيمة احمد: هههههه والله انك فاضي تنكت عمر: انته تقووول احمد: يعني اقصد خيمة بر .. والا خيمة ع السريع نركبها عمر: طبعا ع السريع نركبها . خيمة بر متفيج انا اشل هني خيمة بر احمد: قلت يمكن بعد عمر: لا عاد مب لهالدرجة .. احمد: يالله انزين ... مبايلك يرن عمر: لا مبايلك هذا .. احمد: مبايلي !! عمر: شوف وتأكد .. احمد: هاي شنطتك .. عمر: هيه !! احمد: اقولك البس نظارتك احسن بوايد من العدسات عمر نش وسار يجيك في شنطته .. عمر: احمد مبايلك هذا احمد: مبايلي شوه يايبنه في شنطتك ؟ عمر: ما ادري .. يمكن مال بسرعه بسرعه .. شليته وحطيته بالغلط .. احمد: منوه المتصل عمر: صدق انك بليد .. بندو .. تعب اللي متصل احمد: هههههه ييب انزين خلني اجيك .. ( وجيك ) .. هاي الوالده عمر: حليلها اتريت وولا رديت عليها احمد: عاد انا مشغول الحين .. مب وقته حد يتصل بي .. عمر: صدق ان اللي يتصلون فيك ما عندهم سالفه احمد: يعني امايه ما عندها سالفه عمر: الله ياخذ ابليس .. اسكت اسكت .. تعرف زين اني ما قصدت هالشي احمد: هههههههه عمر: خلصت ؟ احمد: لا شوه خلصت .. تعال ابويه ركب ويايه ... عمر: يايبين لك خيمة وتشرط بعد احمد: ط هذا .. بتذلني يعني الحين عمر: ههه لا والله .. افا يا بو شهاب . تفداك الخيمة وراعي الخيمة بعد احمد: تسلم تسلم .. وكملوا احمد وعمر تركيب الخيمة ..... وهم يكملون سوالفهم ويا بعض ... في الامارات دبــي .. دخل مروان الصاله .. شافها فاضيه .. ما فيها حد .. لا لا لحظة في حد .. مروان: السلام عليكم .. بدور: وعليكم السلام ... وصعد مروان ع طول فوق .. مروان .. هاي شوه سالفتها .... امس واليوم .. يالسه فالصاله ...وسمع صوتها واصل لين فوق مروان :افففففف بدت ... وظهر من الحجرة ووقف فوق ... يطالع تحت بدور: قلت لك خمسين مره ... الجاي اللي تسويه لا تحط فيه شكر فريد: عبدالعزيز ... يقول .. يوم اسوي جاي احط فيه شكر بدور: لا والله فريد: هو يقول بدور: يوم انا اطلب منك الجاي .. ما يخصني لا في عبدالعزيز ولا غيره .. تسمع والا فريد: انزين بدور: قول ان شاء الله ... لا تقول انزين .. مروان: فريييييييييييد .. فريد: شووووووووه ؟ .... الحين بيي ... بدور: وين وين ساير؟ فريد: مروان بدور: شل شل الجاي وده غيره بسرعه فريد: هذا كله اصبه في الزبالة ؟ بدور: كيفك .. تصبه تشربه .. علك تندحق كيفك .. مروان: فرييييييييييييييد فريد: استغفر الله العظيم بدور: شوه استغفر الله العظيم ؟ فريد: ما شي ... مروان: فريييييييد فريد: انا لازم اسير اشوف مروان ... بدور:انا طالبتنك قبله .. فريد: بس انا لازم اسير اشوف مروان .. وفعلاً مشى فريد عن بدور .. اللي حاطه دوبها ودوبه .. وكل يوم يتهزّأ والأسباب تكون تافهه وما ترزى ... فريد: شوه تبا انته مروان: لو انا منك .. بقولها هذا الجاي جدامج .. تبينه شربي ما تبينه بالطقاق فريد: عقب سعيد يصرخ عليه انا مروان: كيفه .. مشكلته هو وحرمته ... اففففف فريد: انا بسير اسوي جاي مروان: ما تسوي .... ووالله ما سرت فريد: انته تسوي مشاكل مروان: مشاكل محد مسونها غير حرمت ولدك .. يلس مكانك فريد: مروان انته مشكلة كبيرة مروان: هيه انا مشكلة كبيرة في هالبيت .. ويا انا ويا حرمت ولدك اللي تحت .. هاي .. يلس مكانك هني ... والا بتصل في عموه وبقولها انك ما تنظف عدل ... ومن يومين طباخك يلوع بالجبد فريد: انااااااااا ؟ مروان: هيه .. لسانك طويل عليه انا بس ... كل اللي فالبيت تعاملهم اوكيه .. وانا لسانك طويل عليه .. طول لسانك ع هاللي تحت فريد: سعيد يزعل عقب مروان: بالطقاق .. هو وحرمته .. مروان كان صدق معصب ... وفريد عسب يقصر الشر ... وما يهون عليه يزعل مروان او حد من اخوانه .. فـ سمع رمسة مروان .......... وتم يالس فوق .. في ألمـــانـيـا ... علي: شحالج اليوم حصه: الحمدلله .... متى قالوا بيظهروني ؟ علي: ما ادري والله .. بس مب الحين حصه: ليش مب الحين ؟ ما فيني شي انا علي: ما عليه ... يلسي هني .. وطلعي متى ما هم بيتأكدون ان ما فيج شي حصه: علي علي: هلا حصه: شحال حصه ؟ علي ( ابتسم ): الحمدلله ... بخير .. حصه: امس ظهرت ... وسرت صوب حجرة امها .. وشفتها راقده .. ورديت علي: صدق ؟ حصه: هيه ... عقب ما قلت لي اللي قالك اياه ابوها .. حمدت ربي .. صدق الله يعطي وياخذ .. سبحان الله علي: سبحان الله .. حصه: علي قول وعد علي: تدري بي ما اوعد الا يوم ادري شوه الموضوع.. حصه: لا اوعدني الله يخليك علي: بـ ؟ حصه: اول شي قول وعد علي: اذا اقدر عليه وعد .. اذا ما اقدر اسمحي لي حصه: لا بتقدر ان شاء الله علي: انزين اذا اقدر وعد .. يالله هاتي اشوف حصه: قولي الصدق .. الدكتور شوه قالك ؟ علي: تبين الصدق ؟ حصه: هيه علي: يقول انج بخير .... وان ان شاء الله .. ان شاء الله ... الاوضاع في تحسن . وبتتحسن اكثر بعد حصه: صدق ؟ علي: والله حصه ( ابتسمت ): الحمدلله علي: رمستي قوم امج ؟ حصه: هيه .... علي: للحين ما قلتي لهم انج فالمستشفى ؟ حصه: لا .. علي: زين ما تسوين .. وسكتت حصه .. وتم علي يطالعها .... علي: حصه حصه: هلا علي: انا آسف حصه: علي ؟ علي: انا السبب انج انتي الحين هني حصه: لا تعق اللوم عليك .. ولا على غيرك .. محد السبب .. الله رايد وخلاص علي: انا سمعت امايه شوه قالت لج فالتيلفون ... سكتت حصه .. ونزلت راسها ... علي: شوفي .. انا وعدتج من قبل .. وارد اوعدج الحين يا حصه .. والله والله ان الناس هذيل كلهم والعالم ما يهموني ... دام انج انتي مستانسه .. والحمدلله .. لا امي تهمني ولا ابويه ولا اخواني ولا خواتي ولا هلي وطوايفي كلهم .. انا مرتاح ويا حرمتيه .. هي ما مقصرة ويايه في شي .. خلاص .. انا ما يهمني أي حد ... ما بتيي السالفه ع العيال وبس .... يا ما ناس عندهم عيال .. وهم مب مرتاحين .. واكبر دليل جدامي وجدامج الحين .. محمد وحرمته وبنته .. حصه: ولا انا يهمني حد الا انته ... لكن انا يمكن خذت الامور بحساسية .. وفسرت كلام عموه غلط .. هي من حرقتها ع بعدك عنها يمكن قالت لي هالرمسة .. علي: لا .. لو مهما كانت الاسباب .. مب من حقها تقولج الرمسة كلها اللي قالتها .. ولا من حقها . تتصل بس من البلاد .. وتتعنّى ... عسب تسمعج هالسم .. علي كان يرمس .. وفي خاطره يرد البلاد الحين ويوقف اهله كلهم عند حدهم .. وانهم يعاملون حرمته شرا باجي حريم اخوانه .. وخواته .. ويرد مره ثانية .. مدام هو مرتاح وعادي عنده .. هم شدخلهم ! .. صدق في عوايل .. هي اللي تهدم بيوت عيالها !! في الامارات .. دبـــي ... فـ المستشفى آمنة: شوه قالوا الحين ؟ ناعمه: ما شي ... على ما هو الحال ... آمنة: وين عموه ؟ ناعمه: داخل عندها آمنة: ناعمه مب زين اتم عندها هالكثر .. ناعمه: لا تخافين ع امايه ( ابتسمت .. رغم الويه الحزين )... من يينا وهي يالسه حذالها وتقرا عليها .. آمنة ( ابتسمت ): الحمدلله .. ( ومسكت ايد ناعمه .. وشدت عليها ) ناعمه: شحال احمد؟ آمنة: الحمدلله .... ناعمه: ميثا وين ؟ آمنة: في بيت ابويه .. عند امايه وخواتي ناعمه: فديتها تولهنا عليها من امس .. ما سمعنا حسها آمنة: انا اليوم بطوله ما شفتها .. الصبح وديتها بيت ابويه .. وييت ع طول هني ناعمه: بتصل في عيسى اشوفه وين آمنة: صدق خليه اييب الخريطة .. عموه نستها فالبيت ناعمه: هيه صدق .. زين ذكرتيني .. آمنة: اتصلي بسرعه .. ناعمه: الحين بتصل به .. ورن مبايل آمنة نفس الوقت ... آمنة: ان شاء الله .. ان شاء الله يايه ... ناعمه: منوه ؟ آمنة: احمد .. ناعمه: هو عادي يتحرك ؟ آمنة: لا .. بس تدرين به عنيد وما يسمع الرمسة .. بالغصب يمد ايده ويزخ المبايل ويتصل .. ناعمه: آمنة قولي له .. كفاية رملة ..والحمدلله اصابته هو اخف عنها آمنة: والله قلت له .. ناعمه: سيري انزين شوفيه شوه يبا آمنة: اذا بغيتوا أي شي .. اتصلوا بي ... ناعمه: ان شاء الله .... ونشت آمنة .. ومشت سايرة صوب حجرة .. أحمد ... وهي تمشي .. تشوف ناس وناس ... هذا طايح ريله متعوره .. هذا ايده .. الثاني راسه .. وهذاك حادث فظيع ... تحمد ربها ان يت ع هالشي بس .. والا لو كان شي اكبر .. جان كلهم ما كانت حالتهم تسر .. وكانت بتكون اخس عن جذه .... وصلت ودخلت .. أحمد: امون ؟! آمنة: هلا .. انا هني احمد: شحال رملة ؟ آمنة: الحمدلله احمد: هي شوه فيها ؟ ارتبكت آمنة .... هم للحين ما قايلين حق احمد ان رملة فالعناية ... وكل ما يسألهم .. يقولون انها الحمدلله وبخير .... آمنة: ما فيها شي .. احمد: صدق .. آمنة: رضوض بسيطة و ......... احمد: وشوه ؟ آمنة: وكسر .. هيه كسر احمد: شوه مكسور فيها؟ آمنة: ايدها مكسورة .. احمد: ما فيها شي بعد ؟ آمنة: لا لا .. ما فيها شي .. احمد: عيل جيه ما يتني للحين هني ؟ وينها ؟ ابا اشوفها آمنة: هي مرقدينها هني احمد: مرقدينها ؟!! آمنة: هيه احمد: مب تقولين كسر ورضوض ... هذا ما يباله ترقد هني آمنة: لاا .. هو الدكتور .. قال .. احسن ترقد هني .. كم يوم ... احمد: وين امايه وناعمه ؟ آمنة: عندها الحين .. تدري رملة صغيرة .. وما بتيلس روحها أحمد: اكيد امايه تبات عندها ما توقعت آمنة احمد يقول جذه ... ولا رمست ولا قالت شي .. شوه تقول ؟ فاجأها احمد بهالجملة .. !! .. امه تبات عند رملة هني ؟ وين تبات ؟ ما تدري يا احمد ان رملة فالعناية ... احمد: امون بلاج ساكته آمنة: ها ؟ احمد: وين سرحتي ؟ آمنة: لا ولا مكان .. احمد: منوه لعّب ميثا امس قبل ما ترقد ؟ آمنة ( ابتسمت): ما رقدت .. لين الساعه 3 .. تترياك كانت تيي وتلعبها .. احمد: عودتها ع عادة .. ما توقعت في يوم اني ما بلعبها قبل ما ترقد .. آمنة: ما عليه .. بترد ان شاء الله جريب وبتلعبها .. احمد: ان شاء الله آمنة: شوه رقبتك الحين ؟ احمد: الحمدلله احسن .. آمنة: احمد لا تتحرك وايد .. ولا تحرك رقبتك وايد .. المبايل خله .. نحن هني 24 ساعه .. بس انته خف ع عمرك .. عسب تظهر بسرعه من هني احمد: خلوني ع راحتيه آمنة: يعني الواحد يبا مصلحتك يوم يقولك هالرمسة .. احمد: انا اعرف كيف اداوي عمريه روحي .. ما ابا حد يقولي آمنة: ونحن مب حد .. انا مب حد يا احمد .. احمد: امون الله يخليج .. زقرتج تيلسين ويايه مب تفتحين لي مجضر اجتماع ... آمنة: خلاص بنسكت .. احسن .. وغمّض احمد عيونه .. ويلست آمنة ع الكرسي ... اللي حذال الشبرية .. وتمت ساكته .. وظهرت مبايلها ... واتصلت .. آمنة: ألو .. السلام عليكم عفرا: سااااااااااااااااااااالم خلهاااااااا آمنة: عفاري صمختيني عفرا: هذا سالم الدب آمنة: هذا عندكم ؟ عفرا: هيه .. هو وامه وابوه وخالته وريل خالته آمنة ( ابتسمت ): وين بنتي ؟ عفرا: بنتج تخبلت .. آمنة: ايه كله ولا بنتي عفرا: مستويه لاجئة من لاجئين فلسطين .. امايه اونه بتبدلها .. فصختها .. ولبستها الفانيلة بس وما ادري وين سارت آمنة: لبسوها حرام عليكم ... كم وحده انتوا هناك عفرا: خله خله شمسة تتبناها .. آمنة: هيه في عينج عفرا: هههههه والله من الصبح شمسة تداريها آمنة: ما تستحين بعد تقولين .. انا حاطتنها عندكم .. عفرا: الله يغربل ابليسك ان شاء الله آمنة: شوه سوى بعد ؟ عفرا: عطى بنتج آيس كريم .. وخيست ثيابهااااا آمنة: عفاري انتوا شوه يالسين هناك ... شلوا سالم عنها عفرا: سلامة نشت له آمنة: امه شوه خانتها عفرا: المدام حامل آمنة: ويعني عفرا: شدراني فيها آمنة: طارق وصالح .. خل يفتنون عليه فتنه عفرا: هيه ما لقيتي غيرهم .. انتي بندي .. خلني اشوف شغلي آمنة: بدلوها عفاري .. وسووا لها مرضاعة حليب عفرا: ما يخصج انتي في اكلها ... امايه تأكلها .. يالله مع السلامه آمنة: فمان الله ... احمد: جيه ما يبتيها هني .. كنت ابا اشوفها آمنة: انته قلت لا تييبينها ... وبعدين ما فيه عليها وانا هني احمد: انزين خلاص ردي البيت .. حرام من الصبح مودرتنها آمنة: عند امايه وخواتي عادي ... في بيت بو هزاع .. عفرا: ساااااااااااااالم سالم: هااااااااااااا عفرا: والله لا تخليني اتصل الحين في هزاع سالم: شوه يعني خفت صالح: يلس يا ولد عفرا: وايد عليك ... عصب عليه خل ييلس صالح: ههههههه تعبت عفرا: عيل نحن شوه نقول شمسة: والله نحن اللي شوه نقول .. اللي ويانا 24 ساعه عفرا: والله ولدج مشكلتج سالم: بلعب ويا عامر .. سلامة: سالم ان صاح يا ويلك طارق: يا بوي قر مكان واحد لعوزت الصغارية سالم: ندرب ندرب .. لين امايه تييب لي اخو سلامة: واثق بعد انه اخو سالم: خالوه سلامة .. اذا امايه يابت بنيه .. بنعطيج اياها وعطينا عامر بيكون كبر بلعب وياه سلامة: قم انته قم طارق: ههههههههههه لا لا .. اتحملنا كم شهر صياح اليهال .. وللحين بعد متحملينه .. بعدنا مب مرتاحين .. ونييب حق عمارنا مصيبة ثانية لا شكرا .. وانفتح باب الصاله ... هزاع: تعال .. كلهن متحجبات .. مروان: السلام عليكم الكل: وعليكم السلام طارق: هلا والله .. علومك مروان: الحمدلله تمام .. انتوا علومكم شمسة: وينك مب مبين .. مروان: صدق مبروك شمسة: الله يبارك في حياتك .. عقبالكم انتوا .. ما تعرسون وتييبون عيال مروان: لا انا وهزاع متفقين ما بنعرس هزاع: اقولك انته ما تبا مشكلتك.. كم مره اقولك ما يخصك فيه .. لا ترمس وتقول شي انا ما قايلنه طارق: ههههههه يبا يوهق عمره ويوهق ربيعه وياه مروان: شحالج يا المبزايه سلامة: الحمدلله ... وين عبدالعزيز ؟ مروان: ويايه ياي فالمطبخ هو عفرا: هاللي فالح فيه .. انته اييييييه هدها اقولك ( وهي تقصد سالم ) سالم: اف حشرتينا حشرتينا خالوه عفاري مروان: اوووووه. .ام الصوت النشاز .. ام الدويييييييس شخباااارج عفرا: ابو الدويييييييس انته اللي شحالك مروان: خل عنج عاد ما سمعنا بـ ابو الدويس عفرا: لا لا فيه مروان :هيه نسيت اللي بتاخذينه صدق ابو الدويس سلامة: ههههههه حرام عليك سالم: لا لا اللي بتاخذه بو صوت نشاز طارق: هـــــه .. هذا بدال ما يعدل يخرب بعد مروان: هههههه وين آمنة صالح: فالمستشفى هزاع: بلاك مخرف مروان: اوه والله نسيت .. سالم: حليله والله عمي احمد .. وتراب سلامة: لا تزقر البنيه تراب سالم: نسيت نسيت خلاص .. بسكت .. شمسة: مروان .. شحال اخوك مروان: أي واحد فيهم ؟ شمسة: كلهم .. مروان: الحمدلله بخير طارق: عمران شحاله ؟ مروان: والله تمام صالح: وعمر شحاله ؟ اليوم لازم يباتون في منى مروان: هيه .. ما ادري والله راشد مرمسنه عفرا: وانته ما تقدر تتصل به مروان ( يقلد عفرا) :لا ما اقدر اتصل به .. انتي شووووووه يخصج محد طلب رايج فالموضوع .. بدت السوالف تحلى .. بحضور مروان وهزاع .. من زمان ما سولفوا هالشلة كلها ويا بعض .. ومن زمان ما يلسوا ويا بعض فالمطبخ .. عذيجة: رمسته انته ؟ عبدالعزيز: هيه ..راشد اتصل به وانا رمسته عذيجة: وشحاله ؟ عبدالعزيز: الحمدلله بخير عذيجة: وانته شوه مسوي فالمذاكرة ؟ عبدالعزيز: الحمدلله عذيجة:ما غيرت رايك وتبا تبات هني ؟ عبدالعزيز: لا لا .. عذيجة: وليش تقولها جذه ؟ عبدالعزيز: لا يعني ... بتم عند راشد .. وعمر بيرد جريب ان شاء الله عذيجة: وشحال فريد عبدالعزيز: هههههه اشوفج تولهتي عليه عذيجة: بسم الله عليه عبدالعزيز: ههههههه انتي تسألين عنه .. عذيجة: يعني يوم بسأل عنه بتوله عليه .. صدق انك بايخ .. قم عني قم عبدالعزيز: هههههههه فديت اللي زعلت والله عذيجة: جيه تحيدني ياهل ازعل عبدالعزيز: لا والله .. آسف عمووووه حبيبتيه انتي في صالة بو زايد ... غاليه: امايه سرتي صوب أحمد ريل آمنة ام زايد: ويه حشى عليه .. ليش اسير غاليه: ما سرتي ؟ ام زايد: لا .. بس اتصلت في عذيجة .. سالتها عن اخباره غاليه: حليلها آمنة والله زايد: انا اتصلت في هزاع وسألته غاليه: شوه قالك ؟ زايد: قالي الحمدلله ... بس اخته متعورة وايد .. غاليه: هيه حليلها .. رملة والله ويا ثاني من فوق ... ثاني: بلاكم داقين حزن زايد: ثرك رااااقد ثاني: ليش شوه مستوي ؟ ام زايد: ريل بنت عمتك فالمستشفى ثاني: أي عمه واي بنت عمه واي ريل بنت عمه غاليه: ط هذا انتوا ثاني: صدق ام زايد: عمتك عذيجة ثاني: شوه فيها ؟ زايد: احمد فالمستشفى ثاني: اونه .. بو ميثا ؟ غاليه: هيه ثاني: سلامات ما يشوف شر ... ليش ؟ غاليه: سوى حادث ثاني: ايه صدق ؟ زايد: شوه يالسين نلعب وياك نحن ! ثاني: اويه .. حرااااااام ام زايد: والله ؟ زايد: ههههههه توه يستوعب ثاني: متعور يعني ؟ غاليه: يقولون ثاني: انتوا سرتوا له ؟ زايد: لا للحين ما سرنا ثاني: يوم بتسيرون خبروني غاليه: والله زين بعد .. فكرت ثاني: تأثرت الصراحه زايد :لا لا .. الله يخليك ثاني: ايه شوه شايفيني امايه قولي لهم ام زايد: بلاكم عليه خلوه غاليه: ارتحت !؟ ثاني: طبعا امايه حبيبتيه تدافع عني .. طبعا برتاح زايد: صدقت عمرك انته عاد ثاني: اف يالحساد ... بلاكم انتوا ام زايد: سيروا سيروا رقدوا بلا رمسة زايده ثاني: وين شيبتج ؟ ام زايد: راقد حليله تعبان ثاني: بلاكم كلكم تعبانين ؟ .. عيل انا بعد تعبان ام زايد: انته من شوه تعبان ؟ زايد: من النت طبعا ... ثاني: بسير حجرتيه خلاص احسن لي غاليه: اصلا منوه قالك تنزل نش ثاني وبيسير فوق .. لكن قبل ما يسير كشكش شعر اخته غاليه: ثانيييييييييييييي ثاني: هههههه عسب مره ثانية ما تقولين لي هالرمسة ... غاليه: برويك بتشووووووووف ثاني ( سار فوق بسرعه عن تنش له ): شوه بتسوين يعني ؟ غاليه: بتشووووووف .. ارقد انته بس جان ما دخلت الحجرة وقصيت شعرك هذا بالمقص زايد: هههههههه خيبة .. غاليه ! ام زايد: تخبلتي انتي ؟! ثاني: مستويه دفشة ما ادري كيف ! وتمت غاليه تتحرطم ع ثاني اول مره .... اول مره غاليه تتحرطم هالتحرطيم كله .. واول مره يسمعونها ترمس جذه ... فـ السّعـوديــّـه .. في مِــنـى .. عمر: احمد مرتاح احمد: الحمدلله عمر: ما ادري وين حطيت مبايلي احمد: مساعه مرمس عبدالعزيز وراشد عمر: هيه ما ادري وين حطيته الحين .. احمد: شوفه في مخبا الشنطة من برع عمر: هيه ... هذو احمد: زين .. عمر: بتصل في عمي يوسف احمد: تعال صدق شحاله عمك يوسف؟ عمر: الحمدلله بخير احمد: بعده ؟ عمر( تنهد): بعده احمد: ادعي ادعي وانته ترمي الشيطان عمر: ما يستوي يعني الدعاء الا يوم برمي الشيطان احمد: هههه استهبل ياخي عمر: وايد متفيج انته اليوم احمد : ما ادري تصدق والله ما ادري شوه فيه .. عمر: انا شاك في امرك احمد:هههههه حرام عليك .. ورن مبايل احمد احمد: شوف اميه ما ترضى عليه .. سمعتك تطري ولدها بسوء .. اتصلت عمر:ههههه رد رد عليها احمد: الوووو .. هلا والله بهالصوت عمر: والله ولا جنه ياي الحج ... بايعنها احمد: ياخي اميييه ... حلال اتغزل فيها في أي وقت عمر:هههههه اتغزل انزين احمد: امايه هذا عمر .. يزخني ع كل دقه ........... انا الحين اشتكي عندج عليه .. وانتي تتفدينه.. تسلم عليك عمر: الله يسلمها .. رد عليها السلام احمد: بس عاااااااااااد .. شكثر تتفدين .. ابويه ما تتفدينه كثر ما تفديتي عمر عمر: ههههههههه يالطفس احمد: ههههه ان شاء الله .. ان شاء الله .. لا لا ... ان شاء الله .. سلمي عليهم .. ان شاء الله .. مع السلامة ... ( وبند ) هالامهات والله وايد يوصّن عمر: حليلها .. تخاف عليك احمد: عندها 5 غيري جدامها عمر: ما يستوي بعد .. اصغر ولد مسافر عنها احمد: هيه والله .. مشكله ... عمر: تدري شوه احمد: شوه ؟ عمر: كان خاطريه ايي .. هني .. واييب امايه ويايه سكت احمد .. ولا علق ع رمسة عمر ... حس ان باتصال امه به .. فتح لـ عمر جرح لا يمكن يبرى ... حتى لو عقب مليون سنة .... عمر: كان خاطريه ايي هني .. وهي ويايه .. حتى ابويه .. كنت اباهم يشوفون سعيد وهو معرس ... راشد وبيتخرج .. ومروان بيلحقه بعد .. ( وابتسم ) وانه استوى دمه خفيف زيادة .. يعني لو كنت بحزن .. لازم يظهرك منه .. لانه ما يحب يشوف أي حد زعلان .. و عمران تخرج من الثانوية واختار طريجه بروحه .. وعبدالعزيز .. اللي صدق ما شافوه ولا هو شافهم .. كنت اباهم يشوفون عبدالعزيز كيف كبر .. تغير شكله .. حبوب ع مشاغب احمد: ما عليه يا عمر .. اطلب لهم الرحمة .. وان شاء الله الجنة تكون مكان يجمعكم كلكم من اول ويديد عمر: اتمنى ... والله اتمنى .. ادعي ربي ليل ونهار .. ان شاء الله .. الله يسمع منك .. احمد ( ابتسم): الحين اتصل في ابوك الثاني .. عمك يوسف عمر: هيه صدق ذكرتني في بيت السفير .. هند: يدوه تمي الله يخليج يدوه غريسه :لا لا ... بسير انا صوب بيت غانم هند: مب لازم تسيرين هناك يدوه غريسه :لا .. لازم .. بسير لاعت جبدي من هني بسير اغير جو هند: افا .. لاعت جبدج منا ؟ يدوه غريسه: الحق ينقال .. هيه لاعت جبدي من بيتكم .. لكن منج انتي لا هند: عيل تمي عشاني يدوه غريسه: ما اقدر يا هند ... بسير هناك بغير لي جو ... هند: يدوه ما ابا اسافر انا يدوه غريسه: ولا انا ابا اتم في بيتكم هند: ط والله يدوه غريسه: شوه بعد ط والله ! هند: اقصد .. تمي هني يدوه غريسه: ما ابا ... جان انتي تبين شلي قشج وتعالي ويايه بيت غانم .. بيت عمج وما فيه حد .. وبتكونين ويايه هند: هه .. ما لقيتي غير ابويه يخليني فالبلاد .. في بيت عمي بعد اونه يدوه غريسه: وشوه فيها عمج ويدتج وياج .. هند: يعني ما تدرين بـ قوانين ابويه يدوه غريسه: عاد انتي وابوج وامج واخوج التحفة .. تفاهموا هند: انزين انتي قولي له يدوه غريسه: لا حبيبتيه .. انا ما اترجى حد هند: لا تترجينه ... بس قولي له يدوه غريسه: ما يخصني هند: عيل تعالي ويانا يدوه غريسه: انا ما اروم .. والله ما فيه شدة ع السفر والبرد هناك .. خليني فالبلاد احسن لي .. هند: الله يخليج يدوه يدوه غريسه: والله يا هند اني ما اقدر .. ما اقدر .. وتمت هند تحاول ويا يدتها عسب اما هي تسافر وياهم ... او انها تقنع ابوها ان هند اتم فالبلاد ويا يدتها وفي بيت عمها .. ووصل بدر ... بدر: مرحبا غريسه يدوه غريسه: قولي حق قليل الادب هذا يقول حق ابوج ... نقعت هند من الظحك .. ويلس بدر ع صوب .. مب جنها هزئته .... بطريقة فظيعه ! بدر: شوه تبين بعد .. طلبات هالبنيه ابد ما تخلص يدوه غريسه: ما تبا تسافر وياك .. تبا اتم هني فالبلاد عسب تشتاق لك بدر: والله ؟ عادي بنوديها هناك .. وبنحبسها فالشقة .. و بـ جذه بتشتاق لي يدوه غريسه: تنكت اونك ... بدر: انتي تقولين هند: من زين المانيا يعني بدر: والله من زينها مب من زينها بنسير يعني بنسير هند: انته سير واشبع بدر: بسير .. وانتي بعد بتيين وانتي تظحكين يدوه غريسه: يوم اقولج هالبيت كل حد في وادي .. ومحد يهتم فالثاني بدر: يلسي ويا يدتج .. خذي منها الحكم يدوه غريسه: هيه والله .. تيلس ويايه ع الاقل اقولها شي يفيدها .. والا انته ابد ما تفيد .. لا تهش ولا تنش .. فالح بس ترفع هالشعر .. تقول شاحنه طايفه عليه وميلستنه جذه مول وصابه عليه ديزل بعد .. هني عاد هند ما قدرت صدق صدق انفجرت من الظحك ... وبدر بعد تم يظحك رغم انه مقهور من يدته وشكثر تحط عليه ... وهي ما قصرت فيه .... في بيت ام احمد .. عيسى وناعمه يالسين تحت فالصاله .. عيسى: صوتها واصل لـ هني ناعمه: اكيد امها مشغولة والا شي عيسى: قومي انزين اطالعيها ناعمه: بتريا شويه اذا ما سكتت عقب بصعد عيسى: وين امايه ؟ ناعمه: سارت حجرتها ترقد .. من الصبح وهي يالسه فالمستشفى .. تعبت عيسى: الله يعينا .. ناعمه: هيه والله عيسى: نشي سيري اطالعيها .. ما تسكت البنيه .. ناعمه: انزين انزين صوت ميثا بنت احمد واصل لين تحت ... وبما ان ميثا فاكهة البيت .. فـ ما يقدرون يسمعون صوتها وهي تصيح بهالطريقه .. صعدت ناعمه فوق ... تشوف شوه السالفه ... ناعمه: آمنة ... آمنة آمنة: هلا دخلي .. دخلت ناعمه ... شافت آمنة شاله بنتها وتحوط فالحجرة .. ودموعها تنزل .. ناعمه: بسم الله شوه فيج ؟ آمنة: ما فيني شي .. ناعمه: آمنة .. حرام عليج .. انتي تصيحين تصيحينها وياج آمنة: انا اصيح عسبها ( وصاحت ) ... ابوها معودنها يلعبها قبل ما ترقد .. والحين مب طايعه ترقد ... تحس انه مب موجود ... ناعمه: ما عليه ... آمنة ( صرخت ع بنتها ): بس سكتي ... روحي اللي فيني مكفني ... ناعمه: آمنة حرام عليج .. ييبيها .. ييبيها عنج .. شلت ناعمه بنت اخوها اللي قطعت قلبها بصياحها .. وشكل امها يقطع القلب اكثر .. وآمنة يلست ع طرف الشبرية وتصيح .. ناعمه: استهدي بالرحمن .. ما عليهم الا كل خير ان شاء الله آمنة: من وين ايي الخير عقب هالحادث من وين ناعمه: لا تقولين جذه .. مب زين آمنة: اليوم يسألني عن رملة .. اقوله رملة بخير .. ( وتصيح ) ... باجر يوم بيطلع وبيدري ان رملة فالعناية .. شوه بيستوي عليه .. والا شوه حالة رملة حليلها اللي مرقده فالعناية ... واللي متسبب فالحادث اخوها ناعمه: استغفر الله .. لا تقولين جذه .. احمد بعد اخونا .. ونحن ما نفكر هالتفكير .. هذا قضاء وقدر سواء احمد اللي كان يسوق والا غيره .. الله رايد هالاثنين يكونون ويا بعض ويسوون حادث آمنة: شقوله ... والله ان تفكيري تعب .. ناعمه: انتي اهدي الحين .. ومب زين عليج اللي تسوينه .. ومب زين ع بنتج بعد .. انتي ريحي شويه .. وانا بوديها تحت برقدها وبرد اييبها .. وظهرت ناعمه من الحجرة .. ونزلت تحت عيسى: بلاها ؟ ناعمه : امها منهارة صدق عيسى: ليش .. شوه فيها ؟ ناعمه: تقول ان ميثا ما ترقد متعوده احمد يلعبها قبل ما ترقد .. وان احمد اليوم سألها عن رملة .. وهي ما تعرف شوه تقوله .. عيسى: لا حول ولا قوة الا بالله ناعمه: خذها الله يخليك شلها شويه .. بسير اسوي لها مرضاعة حليب .. عيسى: تعالي حبيبتيه انتي .. وشل عيسى ميثا بنت اخوه .. ووداها برع فالحوش .. يحوطها .. لين ناعمه تخلص ... وميثا شويه تسكت .. وشويه ترد تصيح فوق .. نفس الوقت رن مبايل آمنة .. آمنة ( بصوت يرتجف ): الو .. احمد: الو .. أمون آمنة سمعت صوت احمد .. صاحت زيادة .. احمد: شوه فيج ؟ وآمنة ما ترد عليه .. احمد: أمون شوه فيج ؟ .. انا كنت حاس ان فيج شي ... واتصلت هالحزة .. آمنة: ما فيني شي .. احمد: قولي شوه فيج ؟ آمنة: ما فيني شي .. احمد: وين ميثا ؟ آمنة: عند ناعمه احمد: انزين انتي بلاج ؟ .. شوه فيج تصيحين ؟ آمنة: ما شي .. بس .. مب متعودة ما تكون فالبيت .. احمد: متأكدة ؟ آمنة: هيه احمد: ما في شي ثاني ؟ آمنة: لا احمد: الله يهداج .. كل هالصياح عسب هالسبب .. ان شاء الله كلها كم يوم وبكون وياكم فالبيت آمنة: ان شاء الله احمد: امون لا تسوين بعمرج جذه عاد .. رقدي البنيه ... وتوضي وصلي لج ركعتين واقري المعوذات .. واستعيذي من الشيطان ورقدي .. آمنة: ان شاء الله .. احمد: يالله ما اقدر اطول اكثر .. رقبتي تعورني .. خلي المبايل حذال راسج .. في أي وقت ممكن اتصل آمنة: ان شاء الله ... احمد: يالله عاد بس سكتي .. آمنة: خلاص .. تصبح ع خير .. احمد: مع السلامه ... في ألمــانـيا .. حصة: عنبوووووه والله ان مب رقاد هذا فالمستشفى علي: يعني انتي تبين تعاندين زيادة .. حصه: مب مسألة عناد .. لكن مليت .. لا في شي .. وبعد ما يظهروني من هني علي: لانهم يعرفون انج مب صاحية .. لو ما فيج شي كانوا بيظهرونج حصه: اوكيه انا بظهر ع مسؤوليتي علي: وين وين .. انتي تتحسبين عمرج فالبلاد .. حصه: اففففف بدينا علي: لا ما بدينا .. ولا بندا .. انتي بس سمعي الرمسة .. وكل شي بيمشي اوكيه حصه: خلاص بنيلس وبنسكت علي: احسن .. اطالعت حصه صوب علي ... اللي يوم شاف نظراتها نقع من الظحك علي: هههههههههه والله يا بنات ام هزاع .. عنادكن .. محد يقدر عليه حصه: هذا مب عناد .. انا ارمس واقول الصدق والصح واللي لازم يستوي علي: انزين .. قولي الصدق وقولي الصح وقولي أي شي وكل شي تبينه .. لكن انج تظهرين من هني .. قبل ما يوقع الدكتور انسي حصه: انا برمّس هزاع اخويه يحجز لي .. وارد البلاد علي: هيه يوم بيكون بكيفج عقب رمسيه .. ويوم بيكون بكيفه خل يحجز لج حصه: عيل بكيف منوه علي: صدق ما تستحين .. انا ريلج وياج .. مسؤول عنج تقولين اخوج حصه: هيه .. انته ما تبا تردني البلاد سكت علي واطالع فوق كأنه سرحان .. علي: انا متفائل ... انتي مب متفائلة؟ حصه:انا اللي يستوي بي ما يخليني اتفائل علي: لا تقولين جذه حصه ... الواحد يتفائل ... وبعدين تعالي انا من يوم خذتج .. انتي اللي علمتيني كيف اتفائل ... واشوف الحياة من منظور حلو حصه: لكن الاوضاع تتغير علي: ما تتغير .. قولي نحن اللي نتغير .. وسمعوا صوت الباب .. حصه: منوه ياي ؟ علي: ما ادري ........ حصه: اكيد مب السستر لانها ما دخلت علي: اكيد .. حصه: عيل سر اطالع منوه ... يالس تعيد رمستيه ! علي: ههههههه نسيت والله ... ( ونش ) بسم الله ونش علي ساير يشوف منوه عند الباب . ما يحيد الدكاتره والسسترات .. مؤدبين .. يدقون الباب ويدخلون .. جيه هالمرة ما دخلوا فجأة !! فتح علي الباب .. يوم شاف اللي واقف .. ابتسم وتساند ع الباب .. حصيص( بابتسامة عريضة ): السلام عليكم علي: عليكم السلام ... هلا وغلا .. حصيص: شخباركم علي: الحمدلله بخير ... انتي شحالج ؟ حصيص: الحمدلله ... علي: ويا منوه يايه ؟ حصيص: روحي علي: وين ابوج ؟ حصيص: ابويه .... في حجرة امايه .. يقرا عليها قرآن .. انا مليت ... فـ قلت له اني بيي عندكم ... عاد بالغصب خلاني ... علي: حياج الله ... حصيص: الله يحيييك ... حصه: علي ... منوه عند الباب ؟ علي: ضيوف .. تعالي دخلي داخل .. ودخلت حصيص داخل .. حصيص: السلام عليكم حصه: اهلا .. وعليكم السلام .. شحالج حصيص: الحمدلله بخير حصه: وشحال ماما ؟ حصيص :الحمدلله حصه: حد وياج علي: لا روحها .. يايتنا زيارة ... حصيص: عمي علييييييي.. شكلك ما تباني ايي .. آسفه خربت عليكم .. خلاص بسير علي: ويييييين .. حصيص: بسير صوب امايه وابويه علي: والله ما ظهرتي من الحجرة .. ( ومسك ايدها وهي كانت ماشيه بتسير ).. يا هبلة .. كيف انتي تيين .. وانا اقولج سيري ........ بس اتريا متى تيين عندنا حصيص: صدق ؟ علي: هيه حصه: حصيص تعالي تعالي يلسي حبيبتيه ... ما عليج منه علي: الحين ما عليها مني حصه: هيه .... لانك ما تباها اتم هني علي: حصصصه .. لا تخربين البنيه عليه حصيص: ههههه اظاربوا اظاربوا حصه: هذا عمج .. اللي انتي يايه عشانه وايد يتفلسف علي :انا اللي وايد اتفلسف والا انتي حصه: مشكلة اللي متخرجين من امريكا .. وايد يحبون يتفلسفون علي: مشكلة والله مسّات الانجلش حصيص: اونه .. عموه انتي مس انجليزي حصه: هيه شفتي عاد .. وعمج يايبني هني وهاده بناتي هناك حصيص: اونه أي بنات ؟ علي: قصدها اللي فالمدرسة ( وابتسم ... غير السالفه ) ... انزين قولي شحال جسوم حصه: منوه جسوم ؟ حصيص: ولد عموه .. الدب ... امس مرمستنهم .. هو عاد محد قاله يطلب .. بس ع كيفه .. اونه اشتري لي جيه وجيه وجيه ... انزين انا ما قلت لك شوه تبا ... ولا قلت لك شي فخاطرك نقع علي من الظحك ... وحصه وياه .. علي: انزين حليله خذي له حصيص: ما ابا .. والله ... خل خاله يشتري له علي: منوه خاله ؟ حصيص: ابوووويه .. انا ما يخصني علي: ام لسان حصه: تدري بـ منوه تذكرني علي: بـ سالم حصه: هههههه فديته والله .. بس لا هي ع اخف .. سالم يظهر للواحد قرون علي: عيل منوه ؟ عبدالعزيز حصه: لااااا وين حليله عبد العزيز .. اهدى شويه منها علي: اممممم ما عندنا يهال غيرهم حصه: رملة .. اخت احمد علي: هييييييييييييه ... اللي كانوا يزقرونها تراب فالمزرعه ! حصه: ههههههه هيه ... مشتاقتلها والله علي: يوم المزرعة كان كشخه حصيص: لحظة لحظة انا ما فهمت .. منوه سالم ومنوه رملة ؟ حصه: سالم ولد اختيه علي: ورملة .. تقرب لنا بعد .. وطيوبة شراتج حصيص: اووووووونه انا يعني طيبة ... والله تدري عمي علي ... انته تذكرني بـ عمي عبدالرحمن .. علي: ليش ؟ حصيص: هو جذه طيب .. ويقولي .. انتي حصه يا حلوة .. حصه يا امورة . حصه يا بنوته يوم يزقرني حصه: ما شاء الله عليج .... ********** |
الجزء الـ 25 اليوم الوقوف بعرفة .. ناس ... يتعبدون ... وبدت الامور تصعب عليهم شوي شوي ... وناس في بلدانهم يزهبون حق العيد .. وناس طايحه فالمستشفيات .. وناس يحاتون اهلهم اللي برع او اللي فالمستشفى .. وناس فرحانين ومرتاحين .. همهم بس العيد ... وشوه يلبسون .. لانهم بخير وحصه وعافية ... اللهم اغفر لهم .. وعافهم واعفوا عنهم . واكرم نزلهم .. ووسع مدخلهم ... واغسلهم بالماء والثلج والبرد .. ونقهم من الذنوب والخطايا كما ينقى الثوب الابيض من الدنس ... اللهم وجازهم بالحسنات احسانا .. وبالسيئات عفوا وغفرانا ... اللهم وابدلهم اهلاً خيرا من اهلهم ... وداراً خيرا من دارهم .... نزلت دموعه عقب ما وصل آخر الدعاء ......... وكمّل .. اللهم احفظنا .. اللهم احفظنا ... الله احفظنا .. اللهم وفقنا لما تحبه وترضاه .. اللهم اكتب لنا الخير حيث كان .. اللهم ابعد عنا المكروه ... وابعد عنا الشر ... واصحاب السوء .. اللهم اجعلنا خير صحبه .. وخير رفقة .. وخير اخوة .. اللهم اجمعنا بـ ذوينا في جناتك .. جنات النعيم ... اللهم اغفر لمن اراد لنا الخير .. واحفظه ... اللهم وفقه في كل خطوة ... وكن له معين في كل كربه .. و ابعد عنه الحزن والسقم ... وتم عمر يدعي ويدعي .... وبين كل دعاء ... يوقف شويه وتنزل دموعه ويمسحن .... في بيت الشباب ... بدور كانت يالسه فالصاله ... ما يدرون اخوان سعيد شوه طاري عليها من يوم سالفة الحجرة وهي تيلس فالصاله .. وعادي عندها ... لكن طبعا نظراتها هي اللي تقهرهم .. وخصوصا عبدالعزيز و مروان .. وراشد دايما يرمسهم ويقول لهم ان هم ما يخصهم وكأنها مازالت مب موجوده .. ولا تيلس فالصاله .. وسعيد يتم اخونا ... ولو حتى ان يبا يسكن في حجرة ابوهم وامهم للحين ... لكن هذا ما يخليهم يبتعدون عنه وياخذون منه موقف ..... دخل مروان ... مروان: السلام عليكم ... بدور: وعليكم السلام ... وصعد مروان فوق ... بدّل .. ورد نزل .. لان عقب شويه بيوصلون اخوانه .. وبيحط الفطور .. دخل فريد .. بدور: فريد .. فريد: نعم بدور: سويت اللي قلته فريد: لا بدور: نعم ؟ فريد: شوه .. ماما عذيجه قالت .. هي بتييب الفطور .. انا قلت لها انا بسوي حق بدور دياي .. لانها ما تاكل سمج .. قالت هي بتسوي .... مجبوس دياي وبتييبه بعد بدور: انا قلت لك دياي فالفرن .. ما قت لك ابا مجبوس دياي فريد: هي قالت بتسوي ... انا ما اقدر اقولها سوي في الفرن بدور: يا سخيف انته ساير راد يعني تعاندني انا وبس .. فريد: انا ما اعاند ... انا اسوي اللي ماما عذيجة تقول بدور: انا قلت لك انته فريد:آسف انا ما اقدر بدور:آسف اونه فريد: انا شوه اسوي ... ماما عذيجة قالت بدور ( قطعت عليه ) :ذبحتني ويا ماما عذيجة مالتك .. انا ما يخصني فيها ... انا يوم اقولك انته تسوي شي تسويه .. بدون ما تقولي ماما عذيجة وماما عذيجة ... انا الحين المدام هني .. ما في حد غيري انا ... ماما عذيجة تتأمر في بيتها مب هني ... والله حلوة هاي .. مروان: لا والله مب حلوة .. انصدمت بدور .. وصدت صوب مروان ... بدور: عفواً ترمسني انا ... مروان: هيه ارمسج انتي .. يعني من الصبح يالسه وتصرخين ع هالمسكين .. ساير راد يسمع هزبة محترمة منج .. والحين يوم انا رمست .. اختفى الصوت .. بح بدور: آسفه .. بس ما اسمح لك ترمسني بهالطريقة مروان: ولا انا اسمح لج .. ترمسين فريد بهالطريقة .. او ترمسين عن عمتيه جذه .. بدور: انا في بيت ريلي ... واسوي اللي اباه .. وفريد مجرّد خادم هني .. يسوي اللي انا اقول عنه .. مروان: لا والله ! ... اولا البيت مب بيت ريلج .. البيت بيت ابو ريلج الله يرحمه .. وعمتيه تآمر وتنهي في هالبيت .. في أي وقت تبا .. واي ساعه تختارها هي .. وع الكل ... مب بس ع شخص والثاني لا ... بدور: ثرك زودتها شويه .. مروان: وانتي زودتيها وايد ... انصدمت بدور ... من طريقة رد مروان .. اول مره حد من اخوان ريلها يرمسونها بهالطريقة .. اصلا ما كانوا يرمسونها ابداً .. وسايرين مثل ما قايل لهم عمر .. لا تحتكون وياها .. ولا ترمسونها ... الا لو كانت سوالف عاديه ... وهي كانت عادية بعد .. مب تبا تنرفز الواحد وتقومون عليها وتستوي مشكلة ... بدور ( وقفت وفي عينها نظرة التحدي): اوكيه .. ما عليه يا مروان .. ما عليه .. بتندم انك تجرّات ورمستني بهالطريقة مروان ( يلس وعطى ظهره حق بدور): انا في عمريه ما ندمت ع شي قلته .. مدام اعرف اني صح .. الا لو كان غلط في حق اللي حولي .. وخصوصا اخواني ... والا شي ثاني .. ما اندم عليه زاد قهر بدور .. وزاد غيظها . وسارت قسمها وبندت الباب بالقو ... تحس البيت اهتز بكبره من رضة الباب .. مروان: هــه .. كسريه بعد .. ما يهمنا ... فريد: مروان انته ليش تقولها جيه ؟ مروان: اقول فريد .. والله اني معصب ولا ابا اقولك شي يزعلك .. سر شوف سايق قوم عموه ياب الفطور وزهبه الحين اخواني بيردون .. وعبدالعزيز بينش الحين .. سار فريد يزهب الفطور ... وصعد مروان فوق .. دخل حجرة عبدالعزيز . وفتح الليت .. وبند المكيف ... مروان :عبدالعزيز .. ولا يرد مروان: عبدالعزيز نش عبدالعزيز: شووووه مروان: يالله نش بسك رقاد عبدالعزيز: أذّن ؟ مروان: أي أذان تسأل عنه ؟ عبدالعزيز: المغرب؟ مروان: لا بعده .. عقب شويه بيأذن .. انته صايم ؟ عبدالعزيز ( يلس ع الشبرية .. وبعده مغمض عينه ): هيه .. عمّور امس رمسني وقالي جان اقدر اصوم اليوم ... ابتسم مروان يوم سمع رمسة اخوه ... حتى وعمر هناك يوصيهم .. ويرشدهم للي يرضي رب العالمين .. ويزيد من ميزان حسناتهم .. مروان :انزين نش الحين بيأذن لين تنش وتتغسل .. بيأذن عبدالعزيز: وين راشد ؟ مروان: الحين بيوصل يالله .. عبدالعزيز ( فتح عين وحده ): اقول مروان مروان: هلا عبدالعزيز: رمست عمران ؟ مروان: لا ... ما ادري عنه من كم يوم .. عبدالعزيز: اتصل به .. شوفه شحاله ؟ مروان: ما يستوي اتصل به ... هو بيرد يتصل روحه .. ان شاء الله .. يالله انته نش عبدالعزيز: عموه يت ويابت الفطور ؟ مروان: لا طرشته ويا السايق عبدالعزيز: جيه ما يت ؟ مروان: ما ادري والله .. عبدالعزيز:هي قالت لي ... انها بتيييييي مروان :انزين انته نش الحين ... عقب الفطور انا بسير هناك جان تبا تسير بوديك .. عبدالعزيز: اوكيه بستأذن من راشد قبل .. عقب بيي وياك .. مروان: ابوك راشد مستوي عبدالعزيز: هيه والله مستوي طيب وايد .. مروان: يعني قصدك كان شرير عبدالعزيز: لا والله ما قلت جذه .. بس الحين طيب مستوي بزيادة مروان: هههه انزين نش .. ظهر مروان من الحجرة .. وسار حجرته .. بيشوف مبايله .. شل مبايله .. وبمجرد انه بس صد بيطلع من الحجرة ... فجأة .. ما وعى الا بقبضة ايد ماسكتنه من رقبته ... مروان: نزل ايدك .. سعيد: انته اصلا ما تستحي .... ولا فيك ذرة حيا بعد مروان: سعيد نزل ايدك ... سعيد: ما بنزلها .... يا حيوان .. جذه تسوي .. في غيابي بدال ما تحفظ وتصون حرمت اخوك .. تتجرأ عليها وتسبها ! انصدم مروان .. مروان: انته شوه تخرف؟ سعيد: انا شوه اخرف ؟ انا صدق بخرف يوم اشوف اخواني جذه يعاملوني .. ويعاملون حرمتي مروان: أي شي تقوله حرمتك ما يهمني .. واي شي قالته حقك بعد ما يهمني ... لكن يوم هي ما تحترم نفسها ولا تحترم اهل ريلها ... فـ ما بيكون لها احترام بعد سعيد: بعد تتجرأ عليها جدامي مروان: نزل ايدك اقولك .. ما ابا اسوي شي اندم عليه يا سعيد .. نزل ايدك سعيد: اصلا انا اللي بندم لو صدق الحين ودرتك .. مروان: سعيد ما ابا امد ايدي .. ودرني ... سعيد معصب .. والشرار يظهر من عيونه ..... ومروان بعد معصب .. لكن للحين مسيطر على اعصابه ... لين ادخلت ايد ثالثة .. بينهم ... راشد: سعيد هده .. سعيد: مب هادنه راشد: سعيد هده اقولك .. مروان: هدني .. والا بمد ايدي سعيد: مدها .. مدها عسب اكسرها لك بعد ويا رقبتك هاي راشد: سعيييييييد هده .. خلاص ... وبقوة راشد .. قدر يفجهم عن بعض .. سعيد: شوف يا مروان مروان :انته اللي اسمعني .... مره ثانية بتييك حرمتك وتخرط عليك .. يا ريت تقولها .. قولي جذبه معقوله اصدقها .. مب أي جذبه حي الله تدمر بيوت .. سعيد: مروان اسكت مروان :مب ساكت .. ويكون في علمك .. مب انا مروان اللي تعودت .. اتجرأ ع شي يمس اخواني .. ويسيء لهم ... بس ما اقول غير حساااااافه .. والله حسافة تربية اميه وابويه لك انته .. وتربية عمر بعد .. دام ان حرمه تحركك يمين ويسار ... قم عن ويهي .. وظهر مروان من الحجرة ... يلس راشد ع طرف الشبرية .. وظهر عقب سعيد من الحجرة .. عبدالعزيز كان واقف عند الباب .. وشكله صدق زايغ .. ومصدوم .. شوه السالفه ؟بلاهم اخوانه ؟ اول مره في حياته كلها .. يشوف هالموقف جدامه ومن اخوانه ... رفع راشد راسه شاف شكل عبدالعزيز .. ما حب في هاللحظة بس يخلف وعده لـ عمر بخصوص عبدالعزيز خاصة .. نش من مكانه .. وسار صوب عبدالعزيز .. راشد ( نزل بمستوى عبدالعزيز ): بلاك عبدالعزيز: شوه استوى ؟ ليش سعيد جذه يسوي راشد ( ابتسم ): ثورة غضب ... وبيرد كل شي مثل ما كان ان شاء الله عبدالعزيز: راشد .. لا تطلع من البيت وتخليني روحي هني ... لو انته مب هني عادي سعيد كان يجتل مروان راشد: اششش .. اسكت .. لا تقول هالرمسة مره ثانية .. مهما يكون ... سعيد اخونا .. واكيد هو كان معصب .. لكن ما توصل لانه يجتل مروان عبدالعزيز .. حط راسه ع جتف راشد ... عبدالعزيز: حتى ولو .. راشد والله لو عمر هني .. جان ما استوى هذا كله .. بهالحركة اللي سواها عبدالعزيز .. راشد شويه وبيصيح .. شويه وحاس عمره بينفجر عقب حركة اخوانه .. شويه ويبا يصرخ .. يقول ليش يا سعيد ؟ ما توقعتها منك .. وليش يا مروان ؟ انصدمت منك ... راشد: عبدالعزيز توعدني عبدالعزيز: بـ شوه ؟ راشد: ما تخبر عمر عن أي شي استوى هني .. عبدالعزيز: ان شاء الله ... بس خلهم يصالحون راشد: خل كل شي علي .. بس ما تخبّر عمر عبدالعزيز: انزين راشد: يالله ننزل تحت .. أذن المغرب ..... والناس بدوا يفطرون .. بو هزاع : اللهم انا لك صمنا وعلى رزقك افطرنا وبك آمنا وعليك توكلنا .. ذهب الظمأ وابتلت العروق ... وثبت الاجر ان شاء الله ... سالم : ابا شووووووووووووووربه عذيجة: خذ بو هزاع: عذيجة طرشتي حق عيال اخوج فطورهم ؟ عذيجة: هيه .. طرشت السايق انا .. عفرا: هزاع شمسة اتصلت وقالت ... عقب ما يخلص سالم العشا .. رده البيت لو سمحت لو ما عليك أمارة هزاع: وانا ليش ؟ السايق موجود عفرا: تقول ما يرد ويا السايق .. لانه اكيد بيسير شويه هني وهناك سالم: لا ما بسير عفرا: والله امك قالت ترد ويا هزاع سالم: خالي بسير ويا السايق لا اتعب عمرك عذيجة: ما شي .. خل سايق ابوك اييب سالم: يدووووووه سايقكم هو سايق ابويه عذيجة: هيه مرّه . يدفع له ابوك المعاش سالم ( بصوت واطي ) : زط عفرا: في عينك ! سالم: بل عليج كيف سمعتي عفرا: قبل ما تقول انا اعرف قلة ادبك بو هزاع: بسكم .. توهم الناس فاطرين .. وانتوا ظرابة عفرا: ولد بنتك والله مزعج وايد بو هزاع: خلاص .. هزاع جان ما بتوديه .. انا بوديه عقب الفطور وخلاص هزاع: لا لا .. بوديه سالم: فديت خشمك والله خالي هزاع ... انزل بيتنا عقب بعد شويه .. هزاع: ان شااااااء الله انته بس تآآآآآآآمر امر ورن مبايل هزاع ... هزاع: اوكيه اوكيه .. مع السلامه ( ونش ) عذيجة: وين ؟ هزاع: ها ؟ بسير الحين وبرد عذيجة: وين بتسير ؟ هزاع: هني شويه ... وظهر هزاع برع .. واتصل ع مبايل عفرا .... هزاع: عفاري بدون أي كلمة ... وبدون ما امايه تحس .. نشي وييبي كاس ماي وعصير .. وشوية من الفطور ... عفرا: ليش ؟ هزاع: قلت لج بدون ما امايه تحس وانتي تسألين ليش ! عفرا: اوكيه ... ان شاء الله هزاع: يالله مع السلامة .. مشى هزاع لين وصل الميلس .. دخل ... هزاع: هلا والله مروان: اهلين .. هزاع: صايم؟ فطرت ؟ مروان: الحمدلله ... هزاع: مروان صدق ؟ مروان: هزاع ياينك مصدّع ....... وواصل حدي هزاع :شوه السالفه ؟ شوه مستوي ؟ مروان: ما مستوي شي ! هزاع: قولي شوه مستوي ؟ مروان : ما في شي هزاع: بتصل في راشد ... والله اتصل في راشد لو ما خبرتني ... والا بتصل في سعيد .. مروان: اتصل فيهم .. واحلف لك ما ايلس عندك دقيقة وحده .. بطلع هزاع: شوه فيك انزين ؟ سكت مروان .. هزاع: مروان ارمس قولي شوه فيك ؟؟ وسمعوا صوت الباب .... عفرا: هزااااااع .. حد عندكم هزاع: مروان هني .. ودخلت عفرا .. عفرا: ط والله هزاع: عفرا ممكن تحطين الصينية وتظهرين برع .... حست عفرا انا لا في شي !! .. هزاع يقولها طلعي برع بكل هدوء . ... ومروان ما يعلق عليها ولا يبدي رايه ... ولا قال أي شي .. ينرفز عفرا .........! فـ طلعت برع ... هزاع: قول مروان: اظاربت ويا سعيد هزاع: كيف ؟ وليش ؟ من صدقك انته مروان: هيه .. هزاع: شوه السبب ؟ مروان: السبب حرمته ... هزاع: ليش ؟ شوه السالفه ؟ مروان: هي وغده الصراحه ..... سايرة راده تعصب ع فريد .. انا اليوم وقفتها عند حدها .. ورديت عليها .. ورمسة مني ورمسة منها .... سارت حجرتها ورضت الفلة بكبرها .. وصل سعيد من برع ... ويا ظاربني انا ... هزاع: وراشد ؟ مروان: راشد ... هو اللي فجنا عن بعض .. هزاع: مروان انته ترمس صدق ؟ مروان: هيه هزاع: مستحيل ... انته وسعيد تظاربون ؟! مروان: شفت عاد ! هزاع: لا لا .. انته تقص عليه .. مروان: شوه ألعب وياك انا هزاع: بس .. يعني ... مروان والله محد يصدق ان انتوا في يوم بيتظاربون ظرابة جذه ! قول حق أي حد فالشارع ما يعرفكم اظاربت ويا اخواني ما بيصدقك .. وين انا بعد ؟! مروان: والله .. ان في داخلي غيظ وقهر ... شوي وبنفجر يا هزاع ... والله مقهور . حاس عمريه مخنووووووق مخنووووق عقب اللي استوى ... صخ هزاع .. اول مره مروان تييه هالحاله .. مروان المرح .. اللي دايما يظحك .. دايما يعلّق .. دايما يجلب المكان ظحك وسوالف .. هالمرة يشتكي ! ... ومقهور ! ... في بيت الشباب .. وصل من كان غير متوقع وصوله .... زايد: شكلي ياي في الوقت عبدالعزيز : الصح زايد ( ابتسم): شحالك شخبارك يالقاطع عبدالعزيز: الحمدلله .. بخير زايد: شحالك راشد ؟ راشد: الحمدلله تمام .. انته شحالك ؟حياك تفضل زايد: الحمدلله . عاد سفرتك فيها ما لذ وطاب .. لكن وين ما في حد وياكم !! وين مروان ؟ اطالع عبدالعزيز صوب راشد ... راشد: مروان ... ظهر ويا ربعه ... يفطرون برع زايد: ما شاء الله عليه ..... الواحد ما يحلى له فطوره يوم صايم الا ويا هله راشد: عاد شباب زايد: هيه والله راشد: عيل وين ثاني ؟ ما يا وياك ! زايد: ثاني ... حاله استثنائية تعرف عاد عبدالعزيز: عاد كله ولا ثاني ولاب توبه زايد: هيه والله .. عبدالعزيز: شحال غلّوي ؟ شخبارها ؟ زايد: الحمدلله تمام .. عاد غاليه موصتني الصراحه عبدالعزيز: بـ شوه ؟ زايد: اني ارد البيت واوديك ويايه عبدالعزيز: والله اللي يباني اييني زايد: تدري بغاليه عاد عبدالعزيز :انا ما اطلع من بيتنا ... زايد: يالله عاد عن الحركات .. بيت عموه تدله . اما بيتنا نحن اللي هو بيت عمك ابداً ما تدله عبدالعزيز: لا لا لا .. ما اطلع من بيتنا انا الحين . عمر قالي ما تطلع من البيت زايد: الله علييييييك .. وانته اللي تباه وقاله عمر تسويه .. واللي ما تباه ما تسويه عبدالعزيز: لااااااااااا والله لا زايد: والا ليكون راشد عيل الي ما مخلنك تيي صوبنا ! راشد: حشى عليه .. عندك اياه .. تباه شلّه والله زايد: حلوة هاي تباه شله عبدالعزيز: يبا الفكه راشد زايد: شكله استاء منك عبدالعزيز: اصلا محد يستحملني .. ومحد يفكر يجابلني غير عمر ... راشد ما علّق ولا قال أي شي ... زايد ( شاف ان الجو تكهرب .. ): افا يا بو عمر .. كيف جذه تقول ؟ ما احيدك ناكر للجميل عبدالعزيز: ما قلت الا الصدق زايد: يعني راشد مب مهتم فيك هالايام كلها ؟ ....... ولا مفتكر فيك ؟ منوه يوديك ويردك من المدرسة ؟ منوه يرقد وياك فالحجرة ؟ منوه يذاكر وياك ؟ منوه يوديك أي مكان تباه ؟ منوه يداريك ؟ عبدالعزيز: هو .. بس بعد عمر غير راشد: الحمدلله ... ونش وصعد فوق ... زايد: زين جذه ؟ عبدالعزيز: زايد .. انا ابا عمر يرد بسرعه زايد: بيرد .. ان شاء الله جريب بيرد ... بس انته الحين شوه سويت في راشد ؟ عبدالعزيز: ادري اني غلطان .. وبعتذر منه .. بس ما ادري ليش قلت جذه .. وجان تبا بسير اعتذر منه الحين زايد: لا الحين يلس .. كمل فطورك .. انا بسير صوبه وبحاور اراضيه وافهمه موقفك عبدالعزيز: لا .. بيقول هو بس فالح حق اللسان الطويل .. جيه ما يا يعتذر روحه زايد: ما بيقول جذه .. انته كمل فطورك الحين بيي انا .. وبييب راشد ويايه .. فوق .. في حجرة راشد روحه .. راشد منسدح ع الشبرية .. زايد: رديت حجرتك اشووووووف راشد: ههههه .. اشتقت لها ياخي زايد: اشتقت لها والا مليت من هناك راشد: نفس الشي .. زايد: ما احيدك جذه ولهالدرجة حساس .. تسمع من اليهال وتزعل راشد: لا شوه ... ما زعلت ولا شي .. بس الحمدلله .. شبعت زايد: علينا نحن ؟! .. ما كلت لك غير لقمتين .. راشد: والله اني شبعت زايد: وبعدين وين اكرام الضيف . توني ما مدى لي اقول بسم الله اصحاب البيت نشوا وقالوا الحمدلله راشد: الله ياخذ ابليس .. والله اسمح لي .. عادنك من هل البيت .. نسير نسير بتفطر زايد: لا خلاص انا زعلت راشد: زااااااااااايد زايد: هههههههه شوه تحيدني مروان ؟ راشد ( أبتسم ): لا اخويه ما يزعل زايد: ادري به .. المعرس ع قولت عموه راشد: ههههههه زايد: وعبدالعزيز ؟ راشد: بلاه ؟ زايد: ما زعلت يعني من رمسته ؟ راشد: لا ما زعلت .. عادي عندي .. وادري انه بييني عقب وبيعتذر .. زايد ( ابتسم ): الله يخليكم حق بعض في المستشفى ..... آمنة .. توها واصله ... عقب ما نزلت بنتها بيت امها .. ويت تزور احمد مثل كل مره .. وصلت الحجرة .. دقت الباب و دخلت .. آمنة: السلام عليكم ... شافت عيسى يالس ع الكرسي وهادي ... واحمد صاد عنه الصوب الثاني .. عيسى: انا اترخص آمنة: وين .. يلس عيسى: لا ما عليه .. وظهر عيسى من الحجرة ... آمنة حست ان في شي .. شوه السالفه ؟ آمنة: شحالك احمد .. احمد ( بحده ): مب بخير آمنة: شوه مستوي ؟ أحمد ( صد صوبها): انتوا كيف تتجرأون وتقصون عليه كل المده اللي طافت .. كيف تقولون لي ان رملة بخير وفالبيت .. وكل ما سألتكم عنها وين وين ؟ تقولون لي فالبيت ! .. انا ابا اعرف كيف تخشّون عني هالشي انصعقت آمنة .. هاللي ما كانت متوقعتنه .. انه احمد يدري عن رملة وهو راقد فالمستشفى بعده !! .... آمنة: انـ احمد: بس سكتي .. ما ابا اسمع ولا كلمة منج ... انتي بالذات .. كنت انا اثق في رمستهم ومصدقنهم لانج انتي بعد كنتي تقولين انها بخير .. ما توقعت تجذبين عليه آمنة: كنت مضطرة احمد: وشوه اللي يخليج تضطرين آمنة: وضعك احمد: وضعي ما يخصه في أي شي .. ( تغير ويهه وعيونه احمرت ) ... كيف رملة تكون فالعناية وانتوا ما تخبروني ؟ ليش ما قلتوا لي انا حالتها خطيرة .. ليش ما قلتوا لي ان رملة تأثرت بالحادث واكثر عني ! .. آمنة: كيف اقولك وانته هني ؟ ولو قلت لك شوه الفايده الحين ؟ احمد: طبعا ما يهمكم انتوا .. انتوا مب حاسين باللي فيه انا الحين .... انا اتمنى لو اني مت ولا كان يصيب رملة كل هذا آمنة: بسم الله عليك .. رملة ما عليها شر ان شاء الله .... احمد: كيف ما عليها شر .. وانا مرمس الدكتور روحي .. زقرته وياني لـ هني .. رمسني عن حالتيه وعقب يقولي اختك بعد فالعناية .. ويرمس عنها وانا مصدوم .. آمنة: انزين .. انته الحين هد اعصابك .. ورمـ احمد ( بدا يصرخ): كيف اهدي اعصابي .. كلكم جذابين .. كلكم جذااابين ... انا عندي اخو اثق فيه يدس عني هالشي ؟ اخت ؟ ام ؟ والا الحرمة .. الله يا الحرمة ... يعني تبون تقنعوني الحين انكم خفتوا عليه ؟ ولا شي يبرر اللي سويتوه .. آمنة: وليش تصرخ عليه انا ! .. ( وعيونها دمعت ) احمد افهم موقفي .. انا ما اقدر اقول أي شي يكدرك وانته تدري بهالشي ... وانته تعرف رملة شوه بالنسبة لنا كلنا ... كيف تباني اقولك انها فالعناية .. وانته بعدك ما استويت احسن ! ... سكت احمد يوم شاف آمنة .. وحس انها صدق كانت متوهقه بسالفة رملة .. لكن بعد .. في خاطره يقول ان هالشي ما يبرر اللي سووه .. عقبها نشّت آمنة وظهرت برّع .... عيسى: آمنة ... و شافت آمنة اجرب كرسي لها ويلست عليه تصيح .... سار عيسى صوبها .. عيسى: شوه استوى ؟ آمنة: انا كنت اعرف انه بيحط عليه انا اكثر وحده فيكم ... ويحط اللوم كله عليه انا بعد .. انه ما خبرناه عن رملة ... عيسى: ما عليه .. ما عليه .. استحملي .. تدرين ان احمد الحين مب ع بعضه .. ونفسيته اكيد بتتعب اكثر عقب ما عرف عن رملة .. آمنة :بس انا ما لي ذنب .. يا ربي شوه هالمصيبة .. ما نخلص من وحده تظهر لنا الثانية بعد .. ودّر عيسى آمنة .. وسار صوب احمد ... عيسى: احمد والله مب حاله هاي أحمد: عيسى اللي فيني مكفيني ... والله مب طايق أي حد فيكم اليوم عيسى: حرمتك يالسه برع تصيح .. توها الحرمة يايه ما مداها حتى تيلس تظهر من عندك تصيح .. هي شوه يخصها فاللي استوى ؟ رملة وفالعناية انزين وعقب هي شدخلها تصرخ عليها ؟ ... الناس صيّام .. و مودرين كل شي .. ويايينك وانته تصرخ ع كل واحد يدخل عليك اليوم احمد: محد قال لكم تييوني .. ولا ابا زيارة حد .. ولا اتريا من أي حد أي شي .. عيسى: احمد الله يخليك افهمنا .. نحن مب عاقين رملة جذه ... حرام عليك والله ... يا اخي افهم وضعنا نحن ... انا وناعمه وآمنة شالين بدل الهم 3 هموم ... رملة من صوب .. وانته من صوب .. وامايه بعد من صوب ثاني .. الله يخليك واللي يرحم والديك .. ما استحمل اكثر عن جيه عاد سكت عيسى .. صدق كان مهموم واليوم طلع ولو شي بسيط من الهم اللي شالنه في قلبه .. احمد: وين آمنة ؟ عيسى: يالسه برّع .. احمد: قول لها تيي تيلس هني .. عيسى: ما اظن بتيي .. احمد: سر قولها احمد يقولج تعالي له الحجرة بسرعه .. ظهر عيسى من الحجرة ... وما لقى آمنة !! ... اتصل ع مبايلها .. وهو ما يدري اصلا شوه يالس يسوي !! .... عيسى: ألو ... آمنة انتي وينج ؟ آمنة: انا عند الباب الرئيسي ! عيسى: عند الباب الرئيسي شوه تسوين ؟ آمنة: برد البيت .. عيسى: منوه بيردج ؟ آمنة: هزاع اخويه الحين بيوصل .. عيسى : آمنة احمد يقولج تعالي له الحجرة آمنة: ما بيي .. اسمح لي عيسى .. ما اقدر عيسى ( تفشل): خلاص اوكيه ... فمان الله .. بند عيسى .. ورد صوب احمد ... احمد: وينها ؟ عيسى: ردت البيت ويا اخوها احمد: ط الحركات اللي تسويها عيسى: احمد ما عليه .... انته بعد شديت عليها شويه .. احمد: استغفر الله العلي العظيم عيسى: انته متى بيظهرونك ؟ احمد: انا قلت حق الدكتور باجر بظهر عيسى: وانته الحين ما عليك شر لو ظهرت من هني ؟ احمد: بوقع ع مسؤوليتي .. عيسى: احمد لا تعاند .... مدام الدكتور ما بيظهرك الحين تم ... شوه وراك احمد: لا بطلع ... انا لازم اشوف شوه حالة رملة ؟ ولازم اصرّف عيسى: قضاء وقدر .. احمد: الدكتور يقول انها واعية ... وتحس باللي حولها ... لكن يمكن للحين تحت اثر الصدمه ... وما ترمس .. عيسى: هيه .. هي يمكن تحس .. لانها يوم شافت امايه مسكت ايدها ولا هدتها .. و يمكن من الاوكسجين اللي حاطينه ع ويها بعد .. والاجهزة احمد: يا ريتني ما ظهرتها هذاك اليوم .. ولا وديتها أي مكان عيسى: لا تقول جذه .. هاي حكمة ربك .. ( أبتسم ) مستاااااااااانسة من الخااااااااطر ... ومعصصب من الخاطر .. بدر: الحين انا بدر .. اسير لين المطار وارد .. واونه ما في مكان ... و غيروا لنا الحجز ع كيفهم .. وباجر بنسير هند: هههههههههههه احسن بدر: مالت عليج .. وتظحكين بعد ... مستانسة ! هند: ههههه هيه مستانسة طبعا .... بدر: سيري سيري الله يخليج داخل .. افففففف هند: بددددددر .. بجامتيييييييه المفضلة فالشنطة ... والشنط طرشناها بدر: الحمدلله .. الحمدلله يا رب هند: حراااااااام بدر: تستاهلين هند: اوكيه عادي .. باجر طيارتك المعفنه .. وبنسير هناك .. وبلبسها يوم بنوصل بدر: سيري جنج بنت فقر .. ما عندج غير هالبجامة هند: احب البسها اول يوم اوصل فيه البلاد اللي سايرة لها بدر: ما ادري شوه .. تتفائلين يعني بها هند: وااااااايد ... بدر: الحين يعني كيف اطلع من البيت .. هند: لا تطلع مب لازم يدوه غريسه: رديتوا ! هند: يدوووووووووه ... بعدج ما سرتي بيت عمي ؟ يدوه غريسه: لا والله ما سرت .. بعدني ... بدر: وليش؟ يدوه غريسه: بخبرك انته انا يالسه في بيت ولدي هند: ما عليج منه .. البيت بيتج .. وحياج الله فيه في أي وقت .. بس جيه ما سرتي للحين يدوه غريسه: ما شي ... بس بسير لهم باجر ان شاء الله هند: حبيبتيييييه والله برقد وياج انا .. اليوم بدر: الحين ما اقدر اطللللللللع .. ربعي بيطنزون عليه يدوه غريسه: انتوا جيه ما سرتوا ؟ هند: هههههههههههههههه يقولج ماخذين حجزنا وما ادري معطينه حق منوه... ونحن مغيرينه لنا لين باجر يدوه غريسه: كيف جذه ؟ جيه ع كيفهم بدر: شفتي عاد .. اخ بس اخ .. ابويه انا مستغرب من ابويه ما رمس هند: شوه بيقول يعني يحتشر عليهم ! ... قال لهم وهزبهم وبعدين ما يضر باجر بنسير يدوه غريسه: زيييييين احسن .. زين سووا فيكم بدر: عاد انتي مستانسة يدوه غريسه: وااااااااايد بدر: جابلي بنت ولدج ويلسي يدوه غريسه: بجابلها .. انته روح شوف لك حد تجابله .. متفشل الحين .. متفشّر جدام ربعه بسير وبسير زين سرت .. هند: هههههههههه اقول لو بخليكم ويا بعض ما ادري شوه بيصيبكم يدوه غريسه: هذا شليه وياج يوم بتسيرين فوق تبدلين .. ودسّيه فالحجرة .. وقفلي عليه الباب بعد ما ابا اشوف رقعة ويهه بدر: بدووووون ما هي تشلني وياها .. روحي بسير ابدل يدوه غريسه: سر سر .. لابس لي هاللبس الخايس .. ومستانس ع عمره بدر: مووووووضه .. مووووووووضه يدوه غريسه ( تقلد بدر ): مووووضه .. قم عن ويهي بس قم .. مب فالح الا في هالشي نش بدر وسار فوق .. ووياه هند يبدلون عقب الموقف المحرج اللي تعرضوا له فالمطار ع قولت بدر .. وهند ناقعه من الظحك وبالعكس مستانسة ... يوم واحد ينقص من هالسفرة بالنسبة لها شهر كااااااامل نقص ... في السيارة ... هزاع: بس ما يستوي جذه مروان: انا واحد .. مب ناقص مشاكل .. ولا ناقص عوار راس هزاع :يعني بتم زعلان من اخوك .. ياخي العيد ما باجي عليه شي .. عقب باجر مروان: وانا مب مستعد احصل رمسة جذه هني والا هناك ما تعيبني منه هزاع: مروان .. سعيد طيب ما اعتقد انه بيفشلك انته اخوه .. وبعدين هو يمكن في حالة غضب رمسك بهالطريقة وعصب عليك مروان: ولا شي يبرر اللي سواه هزاع: مروان.. هذا سعيييييد .. سعيد اخوك ... مروان: واخويه يسوي بي جذه عسب حرمه ؟! .. أنا آخر شي كنت اتوقعه ان واحد من اخواني يعرّس وحرمه تحركه يمين يمين ويسار يسار هزاع: سعيد من النوع العاطفي .. وهو حنون مروان: بس يوم عرّس تغيّر .. تغيّر وايد مب شويه بعد ... سعيد له هيبته بيننا .. وله مكانته .. هالمكانه احس انها تهتز .... هزاع: لا .. لا تقول جذه .. سعيد يبقى هو سعيد .. ولو كان غلطان .. اكيد بيي يوم وبيحس فيه انه تغير ع اخوانه .. وانه ما عاد سعيد الاوّلي مروان: بس انا الحين ما بجرب صوبه .. ولا لي خص فيه هزاع: انته جذه تزيد المشكلة .. مروان: انا ما ازيدها .. بالعكس .. هزاع: لا والله لا عكس ولا شي .. انتوا بـ جذه تصعبون الامور ع راشد .. حرام عليكم تم مروان ساكت .. فعلاً .. اكيد ويبصم بالمليون ان راشد وايد مضايق ... هو يحس فيه .. هم الاخوان الـ 6 كل واحد فيهم يحس فالثاني ... وراشد شكثر مضغوط في هالفترة .. وزادوا عليه مشكلة سعيد ومروان ... مصدوم .. مب مصدق اللي سمعه .. زايد: وعقب ؟ راشد: ما شي ... بس انا تميت يالس وسعيد عقبها ظهر .. زايد: وليش هذا كله ؟ راشد: انا روحي ما ادري .. والله اني ما ادري زايد: بس ما اعتقد ان مروان غلط غلطه تخلي سعيد يسوي جذه .. وسعيد ؟! .. يعني صدق مب مصدق ... بالرغم من ان مروان يعني لسانه طويل شوي .. لكنه ما بيغلط ع اخوه ! راشد: انا ما كنت موجود .. وما اعرف مروان شوه سوى عسب سعيد يثور ... زايد: ليكون خبرت عمر ؟ راشد: زايد الله يهديك انا مينون اخبر عمر .... خبله . ناقص عقل زايد: لا مب قصدي .. السموحه منك والله .. لكن قلت يمكن بعد .. مضغوط و استهميت ع اخوانك راشد: من ناحية مضغوط .. فـ مضغوط كثر شعر راسي .. ولا اعرف شوه والا شوه اسوي زايد: انزين يا راشد انا قلت لك .. تبا أي شي اتصل .. احتجت شي اتصل .. بلاكم انتوا الله يهديكم ... كله ضاغطين ع عماركم وبس راشد: الحمدلله ع كل حال زايد: الحمدلله مليون مره .. بس بعد يا راشد .. انا ارد واقولك .. احتجتوا شي .. والا صادفك أي شي وما قدرت عليه قولي اتصل بي راشد: ان شاء الله زايد: الحين .. شوه بتسوي في سالفة مروان وسعيد راشد: ما اقدر اسوي أي شي لين ما يرد مروان .. واسمع منه .. واشوف شوه السالفه بالضبط .. وعقب اسمع من سعيد .. واحاول احل المشكلة بينهم زايد: انزين انا اترخص الحين راشد: وين .. يالس بعدك .. زايد: لا الوقت مشى وانا يالس هني .. لين ما ارد البيت .. وايلس ويا امايه شويه وعمك راشد: لاحق .. زايد: وين ألحق الله يخليك .. جيه ثاني مخلنا نحن نلحق ع شي .. يالس بس فوق في هالحجرة ... ولا يدري عن شي .. وامايه حليلها تضايق يوم ما تشوفنا وياها تحت .. راشد: ههه حليلها عموه زايد: يالله اترخص .. واذا بغيت أي شي . اتصل بي راشد: ان شاء الله .. زايد: خلصتوا كل شي حق العيد ؟ راشد: هيه .. الحمدلله .. بس بسير اييب الكنادير باجر .. كناديري وكنادير عبدالعزيز زايد: مب محتايين شي راشد ( ابتسم ): مشكووووور وما قصرت .. زايد: صدق ؟ راشد: والله صدق .. الحمدلله ... زايد: خلاص عيل .. السموحه .. ووافنا بالاخبار .. راشد: ان شاء الله زايد: يالله فمان الله ... ظهر زايد من الحجرة ووراه راشد .. نزلوا تحت ... عبدالعزيز: شبعتوا ؟ ولا وديتني لا عند عموه ولا عند غلّوي زايد: آآآآآآآآآآآسف .. يا بو سعود .. امسحها فيني .. ان شاء الله باجر ... راشد: لا لا .. باجر بعد شـ حقه ؟ .. عقب باجر العيد ان شاء الله .. وبديك أي مكان تباه .. عبدالعزيز: اوهوووو بعد انحبس فالبيت زايد: حرام عليك راشد . حابسنه فالبيت راشد: انا حابسنك؟! باجر بنسير نييب الكنادير .. وبنمر أي محل تختاره .. بنسير نشتري نعل .. والغتر بعد ... عدالعزيز: يالله كل هذا باجر ؟ راشد: عسب ما تمل ! زايد: هههههه اذا ما بغيت تسير . بس اتصل بي .. بمر عليك وبوديك أي مكان تباه .. سواء بيت والا سنتر او أي مكان عبدالعزيز: لا خلاص ما يهون عليه اخويه يخلص اشغاله روحه .. بونسه فالسيارة راشد ( سوى حركة بايده انه اوكيه ): انته شـــي عبدالعزيز: اوكيه مشكور زايد ع الاعرض المغري .. اعرضه ع سالم زايد: هههههه حليله سالم من فترة مب شايفنه عبدالعزيز: انا بعد .. بس ما عليه عقب باجر بنجابله زايد: ان شاء الله راشد: يقولون احمد فالمستشفى زايد: هيه .. باجر ان شاء اله بيظهر... رمست هزاع انا اليوم .. راشد: ان شاء الله عبدالعزيز: هيه خل نشوف بعد ابو الخطيبة راشد: ميانين انته ويا سالم .. جانكم مصدقين عماركم .. ان احمد بيعطيكم بنته عبدالعزيز: هو يتمنى ! وتموا عبدالعزيز وراشد وزايد يسولفون .. لين انفتح باب قسم سعيد ... سعيد: السلام عليكم زايد: وعلييييييكم السلاااااام والرحمه .. هلا والله سعيد: اهلين .. زايد: شحالك ؟ سعيد: الحمدلله .. انته شحالك ؟ زايد: الحمدلله تمام .. وينك يا ريال مختفي سعيد: والله موجود .. بس لو انتوا مثل ما تمرون ع اللي يالسين هني .. تمرون عليه وتتصلون جان دريتوا ان وين مكاني زايد: هههههه صح العتب علينا .. السموحه منك .. راشد ( عسب ما يفتح مجال للنقاش بين زايد وسعيد ) : خلاص زايد نلتقي عقب باجر ان شاء الله زايد: ان شاء الله .. يالله الوالده تترياني .. فمان الله .. راشد: مع السلامه سعيد: الله وياك .. سلم زايد: يبلغ وظهر زايد ساير بيتهم ... راشد: سعيد سعيد: نعم ؟ راشد: ممكن اعرف شوه استوى بينك وبين مروان سعيد: ليش الاخ ما شرف للحين ؟ ما قالك الموجز ؟ راشد: لا .. ما شفته سعيد: عيل يوم بيرد ... اسمع منه هو .. تصبح ع خير .. ورد سعيد دخل قسمه .. عبدالعزيز: افففف شوه هالحاله اللي مب عايبتني راشد: ولا عايبتني انا ! عبدالعزيز: لاااااازم تصرف راشد: انا بصرف .. بس انته كون بعيد عبدالعزيز: خل مروان يوصل ... راشد: ولين ما يوصل .. نش يالله سر بدّل ثيابك ... عبدالعزي: اوكييييييه راشد: اوكيه ويالس ! عبدالعزيز: تعبان ! راشد: يالله عاد عن الهيازة عبدالعزيز: انزيييييييين ونش عبدالعزيز بالغصب عسب يسير يبدل ثيابه .. ولازم راشد يصعد بعد . لانه يدري بيتم يستهبل ويدور ويحوس فالحجرة يظهر أي شي يتعبث به ... لانه باختصار متفيج يسوي كل هالاشيا لكن انه يبدل ثيابه يوم حد يقوله ... فـ يحس انه شي ياخذ منه وقت واااااااايد ! في بيت ام احمد .. عيسى: سارت ؟! ناعمه: هيه .. شلت اغراضها وقالت انها بتبات اليوم بيت اهلها عيسى: كانت زعلانه يعني والا عادية ناعمه: نص نص .. عيسى: كله من اخوج ناعمه: احمد مضايق .. آمنة لازم شويه تستحمله عيسى: هو صح لازم تستحمله .. بس بعد الانسان له طاقه هي تحس ان كل شي ع راسها الحين ناعمه: ما عليك .. احمد وآمنة يزاعلون ويتراضون .. نفس الوقت .. عيسى: ان شاء الله ناعمه: انته كنت هناك يعني يوم استوت المشكلة عيسى: هيه كنت واقف برع عقب هي ظهرت كسرت خاطريه الصراحه ناعمه: يا ربي اليوم من العصر مب شايفه ميثانييييييي عيسى: فديت روحها . ولا انا .. وحرمت اخوج شلتها بعد وسارت بيت اهلها ناعمه: بتصل بها بقول لها بنمر ع ميثا انتي كيفج بتباتين هناك باتي .. بس بنت اخونا نباها عيسى: شوه تستهبلين ع الحرمه انتي ناعمه: يا ربيييييي ما اقدر استحمل ما اشوفها عيسى: الا هو باجر .. لان احمد وقع ع مسؤوليته انه يطلع من هناك اندهشت ناعمه ! . ... اخوانها دوم يتصرفون ع هواهم وخصوصا احمد ... لكن ما قدرت تعلق لان امها ظهرت نفس الوقت من الحجرة .. ام احمد: بعدكم ما رقدتوا ؟ ناعمه :الحين بنسير ام احمد: ناعمه اتصلتي في حرمة اخوج ؟ وصلت بيت اهلها ؟ ناعمه: هيه رمستها .. مساعه ام احمد: وشحال بنتها ؟ ناعمه :الحمدلله بخير .. ام احمد: انزين تعالي اميه شويه قطري لي في عيني هالدوا ناعمه: ان شاء الله .. ام احمد: عييى ما قالوا لك شي عن رملة ؟ عيسى: الحمدلله احسن اليوم ام احمد: واحمد؟ عيسى: ما عليه شر ان شاء الله .. ام احمد: يالله ناعمه ناعمه: يالله يايه ونشت ناعمه سايرة ويا امها ... وهي تأشر حق عيسى ان لا يرقد بترد ويكملون السوالف !! .. خصوصا سالفة احمد والتوقيع ع مسؤوليته .. في بيت بو هزاع .. سالم بايت اليوم بيت يده .. هالشي اللي يرفع ضغط عفرا لانه ما يسمع الرمسة ... من اول مره.. عفرا: سر سر ارقد عذيجة: سر ارقد في حجرة هزاع هزاع: نعم نعم ؟ يالله يالله آسف ما استقبل زوار سالم: برقد فالميلس والله وايد اوكييييييه يدوه عذيجة: انته بس جرب برع تظهر .. وشوف شوه بسوي بك سالم: والله انتوا ما تبوني عذيجة: عفرا رقديه عندج عفرا: آآآآآآآسفه انا عاد شديدة الاسف في هذا الموضوع سالم :اوهووووو عذيجة: يعني وين يرقد ؟ هزاع: خله يسير يرقد عند امون ... ما في حد وياها سالم: ما برقد وياها ... بنتها حشرة تنش تصيح عفرا: عداااااال ... اللي يقول عاد تنش ع دبيب النمل انته .. سالم: دبيب النحل .. مب النمل عفرا: اللي هو .. نمل نحل كله واحد ... والله انك ترقد شرات اصحاب الكهف ولا تدري بالدنيا هزاع: مب بنتها اللي انته وعبدالعزيز تظاربون عليها .. منوه ياخذها ؟ سالم: لاااا عقب غييييير .. بتكبر ... وبتستوي عاقلة عذيجة: اعقل انته قبل ... عقب خل البنيه تعقل عفرا: لا تغلط ع بنت اختيه انزين سالم: وانا ولد اختج عفرا: بالغلط .. شوه نسوي سالم: بيعوني حق الشيوخ الله يخليكم والله حلو عذيجة: جان زييييين هزاع: لو يستوي جان من زمان اتخذنا هالاجراء ما اترييناك انته تعرض علينا سالم: خيبة ط الحقد والكره .. عذيجة: سر يا سالم الله يخليك ... ارقد ويا آمنة سالم: بس عسب خاطرج بسير هزاع: هيه عسب تنش الصبح .. من وقت .. وتخبص الدنيا سالم: بنش متى ما خالوه آمنة تنش وسار سالم ... صوب الحجرة ... عاد الحين كله ولا آمنة حد يزعج بنتها وهي راقده . خصوصا انها متعودة ابوها يلعبها وابوها الحين مب هني .. يالله بالغصب ترقد .. .. وسالم بو الحركات ناوي يدخل ويسوي حشرة .. لكنه بيهيأ آمنة نفسيا .. قبل فـ دق الباب شوي شوي ... شاف ان ما في استجابة ! رد دقه ... بعد طاف .... عاد ثالث مره .. دقه شويه بالقو ... آمنة: الله ياخذ العدو .. سالم: آسف آسف ... نشت بنتج ؟ اوكيه بلعب وياها آمنة: والله يا سالم ... يا ويلك ... راقده .. بالغصب رقدتها سالم: جيه بالغصب .. اصلا هي يوم بتشوفني روحها بترقد ... آمنة: لا الله يخليك ... خلاص خلها .. سالم: شويه بس خالوه آمنة: انته جيه ياي ؟ سر سر برع يالله .. وردت صكت الباب .. سالم: خالووووه .. فتحي ... ( ولصق ويهه فالباب ورمس بصوت واطي ) ... خالوه آمنة ما في حد يباني ارقد عنده ... كلهم تبرّوا مني .. فتحي برقد عندج .. من نبرة سالم الطفولية ! ... وخصوصا يوم يتقن الدور عدل ... فـ يكسر خاطر الطرف الثاني ... آمنة ( فتحت الباب ): يعني محد يبا يرقدك عنده ؟ سالم: لا آمنة: هزاع وين ؟ سالم: ما ادري فالصاله ... او سار يرقد .. خلاص لو ما تبيني .. بسير ارقد فالصاله ... بس عطيني لحاف ... آمنة : لا خلاص تعال .. بس حبيبي لا تسوي حشرة ...لاني والله بالغصب رقدت ميثا ... وانته تدري انها ما ترقد الا يوم ابوها هني سالم: بنتج بعد تدلع آمنة: طالعه ع امها .. سالم: هيه عسب جذه انا احبها ... آمنة ( ابتسمت ): بيّاع رمسة .. درجة اولى سالم: ههههه لا صدق والله ... انا احبج خالوه آمنة آمنة: انزين صدقتك .. بس ارقد وانته ساكت ... سالم: ان شاء الله ... انسدحت آمنة .. وانسدح سالم .. وفالنص بينهم بنت آمنة ... آمنة: مب ترفس بنتي وانته راقد سالم ( مغمض عينه ): لا ما برفسها .. آمنة: متأكد؟ سالم: هيه آمنة: شوه مسوي في دراستك ؟ سالم: الحمدلله .. زين آمنة: والانجليزي ؟ اوكيه فيه عقب ما سارت خالوه حصه ؟ سالم: هيه ... ابويه وامايه يساعدوني ... وانا شاطر .. آمنة: الله ع الوثوق سالم : خالوه آمنة آمنة: هلا سالم: شحال عمي احمد ؟ آمنة ( تغير ويها ،، وسكتت دقيقتين عقب ردت ): الحمدلله سالم ( وهو شبه مدوخ ووصل حده من الرقاد ): متى بيطلع ؟ آمنة: جريب ان شاء الله سالم: وتراب شحالها ؟ آمنة: رملة حليلها بعدها فالعناية بس الحمدلله سالم: يوم بتطلع ... ان شاء الله ... بنسير المزرعة .. حتى يوم عمي احمد بيطلع ... سكتت آمنة .. سالم ع نياته .. صح لسانه طويل .. وتفكيره يكون في بعض المواقف اكبر من سنه .. لكنه يظل ياهل ... ويقول شرا ما يقولون اليهال .... رن مبايل آمنة نفس الوقت ... آمنة .. من الارتباك .. انها نست تحط مبايلها ع الهزاز او السايلنت ... لانها تخاف بنتها تنش ... مدت ايدها بسرعه وشلت ... آمنة: الو .. احمد: الو .. السلام عليكم .. آمنة: وعليكم السلام .. احمد: شحالج ؟ آمنة: الحمدلله بخير .. شحالك انته ؟ احمد: الحمدلله ... وين ميثا ؟ ما اسمع صوتها آمنة: راقده احمد: زين الحمدلله رقدت من وقت اليوم آمنة: لاني دخلتها الحجرة من وقت .. احمد: اها .. وين ناعمه ؟ آمنة هني ارتبكت زيادة .... لانها ما قايلة حق ريلها انها بتبات بيت اهلها ... وهو روحه مضايج ... فـ الحين زايغه تقوله انها هني وتسمع شي ما يسرها بعد .. ويكمل عليها .. احمد: الو آمنة: هلا وياك احمد: سألتج عن ناعمه انا .. آمنة: انا في بيت ابويه ... احمد: انتي وين ؟ آمنة: انا اليوم شليت اغراضي وييت بيت ابويه احمد: ليش؟ آمنة: بس جذه .. مضايجه شويه .... وقلت ايي هني .. احمد: اها آمنة: ما عصبت ولا قلت لي شي احمد: يعني تبيني اعصب عليج ؟ آمنة: لا لا .. دخيلك ... احمد: انتي تقولين آمنة: لا .. بس استغربت .. احمد ( ابتسم ) : انا اتصلت في ناعمه قبل ما اتصل بج .. وقالت لي انج في بيت ابوج ... آمنة: عيل جيه تسألني عن ناعمه ؟ احمد: بس جذه ... بغيت اشوفج شوه بتقولين .. بتقصين عليه والا آمنة: احمد ... بلاك جذه مستوي ؟ من متى تحيدني اقص عليج ... والا اجذب عليك .. والا ادس عنك أي شي ... انا ما اتحمل هالاسلوب منك ... احمد: لا ... كله ولا تصيحين .. مب تصيحين .. آسف والله آسف ... بس كنت امزح وياج آمنة: لا صدق احمد ... انته اليوم المغرب .. كم كلمة قوية عطيتني اياها .. والحين تقولي يمكن بقص عليك والا بجذب عليك ... ما ابا ثقتك فيه تهتز احمد: يا خبلة امون .. انتي شوه تقولين .. انا ثقتي فيج تهتز ؟! ... تخبلتي انتي .. والله اني اتغشمر والله .. ويعل لساني القص اذا قلت لج مره ثانية تجذبين عليه وانا قاصدنها اوكيه ؟ آمنة: يا بايخ .. تدري اني ما احب اسمع حد يدعي ع عمره وخصوصا انته احمد: انتي تقولين آمنة: حشى عليه ما قلت شي احمد: بلاج تحمستي .. آمنة ( حطت ايدها ع ثمها): اوه ... ميثا راقده ما فيه تنش وتصيح .. وسالم راقد هني فديت روحه ما فيه بعد ميثا تزعجه احمد: اونه سالم راقد وياج ؟ آمنة: هيه .. ع قولته هزاع وعفاري متبرين منه ... ولا يبونه يرقد وياهم احمد: حليله .. آمنة: هيه .. يسأل عنك بعد اليوم احمد: ع الرغم من انه شيطان ... وساعات لا يطاق .. لكني والله مشتاق له .. آمنة: يالله كلها كم يوم وبتطلع ان شاء الله احمد: امون باجر الصبح تردين البيت آمنة: ليش الصبح ؟ ما عندي شي هناك ... وبعدين عقب باجر العيد ... بيلس هني مره وحده .. وبسير بيتكم اسلم وبرد هني احمد: انا اقولج باجر الصبح تردين البيت آمنة: احمد حرام عليك .. الله يخليك ما برد باجر الصبح .. شسوي هناك ! .. والله مضايجه احمد: ما عليه باجر ردي .. الصبح الساعه 10 بالكثير 11 تكونين فالبيت آمنة: خيبة ... حرام عليك .. ليش انزين احمد: بس جذه كيفي آمنة: تونا نمدحك وانك ما عصبت احمد: مب معصب ... ولا شي .. بس ردي البيت .. آمنة: انزين خلها العصر المغرب .. فالليل برد احمد: انا قلت الصبح آمنة: امايه ما بطيع ولا حتى ابويه احمد: قولي لهم ريلي قال ! .. الله .!! ... يعني انا ريلج اقولج ردي البيت آمنة: انزين شوه السبب ؟ احمد: بس جذه .. انا اباج تردين البيت هناك ... آمنة: انزين .. ان شاء الله .. احمد: هيه جذه اباج آمنة: شوه نسوي .. ما فينا بعد .. نحصل هزبة شرات المغرب احمد: انتي شكلج مدوخه .. قلنا لج آسفين كم مره .. سيري سيري رقدي آمنة: لا والله .... مب جذه .. بس تدري رقيقة فديتني احمد: هههههه انزين .. يعني انا الدفش .. آمنة: ما ادري عنك احمد: خلاص .. سيري رقدي ... تصبحين ع خير آمنة: اونه زعلت ! احمد: لا .. لا .. بلاج يهال نحن نزعل .. بس تعبان شويه آمنة: خلاص عيل ... ارقد .. وريح عمرك .. تصبح ع خير احمد: وانتي من اهله ... انتبهي ع ميثا ... وحبيها آمنة: ان شاء الله احمد: فمان الله ... ********* |
الجزء الـ 26 الصبح ... في امارات مول سلامة: عفاري حشرتيني .. شوه تبين ؟ بشتري لج .......... شوه ناقصنج ؟؟ ...... انزين كيفج ... يالله مع السلامه طارق: شوفي هالبدلة حلوة سلامة: بعد حق منوه ؟ طارق: يعني حق منوه ؟ حق ولد اليران سلامة: بسه بدل طارق: عايبتني سلامة: والله وايد اشتريت حق عامر بدل طارق: انزين انا ابا هاي البدلة سلامة: والله كيفك انته اللي بتدفع طارق: هذا هو ... انتي خلصتي ؟ سلامة: هيه ... ما لقيت له شي حلو هني ... طارق: كل هذا ما عيبج ؟ سلامة: لا مب جذه .. يايه آخذ له جوتي حق باجر اول يوم العيد طارق: ولدي انا يلبس جوتي اول يوم العيد ؟ سلامة: عيل شوه تباه يلبس ؟ جوتي حق العصر اقصد طارق: هيه .. اوكيه .. اذا جذه مب مشكلة سلامة: نسير يالله ... انا يايه عسب آخذ لي نعال اونه .. وانته تدخلني محلات اليهال طارق: انتي دخلتي سلامة: والله ما ادري طارق: ههههه بلاج مدوخه سلامة: هيه والله .. نسير انزين دز القاري طارق: حبيبي انته .. سلامة: نسير يا طارق قبل ما يصيح بعد .. ويسوي لي سالفة طارق: انزين يالله امشي انتي واقفة ... سار طارق ودفع ... و سلامة دزت ولدها وسارت وقفت برع المحل ... طارق: يالله سلامة: وين نسير الحين ؟ طارق: أي مكان تبينه .. محلات الدنيا هني سلامة: انا بشتري لي نعال بـ أي سعر يكون .. لاني ما لقيت .. طارق: وانا قلت لج لا تشترين .. اشتري سلامة: قرقش طارق: بقرقش .. بس المهم تلقين شي يعيبج .. ومناسب وما تغيرين رايج .. مب نرد البيت تقولين من حلو سلامة: لا لا ما بقول مب حلو طارق: خلاص عيل يالله .. دخلي أي مكان تبينه .. واختاري أي شي تبينه وبأي سعر في بيت السفير ... بدر: هندو الطيارة الساعه 6 المغرب هند: انزين بدر: مب تتأخرين هند: بدر بدر: هلا هند: يدوه شكها تعبانه شويه بدر: شوه فيها ؟ هند: ما ادري ... بس انا رقدت وياها امس .. وشكلها كانت تعبانه ... قلت يمكن عسب المكيف .. نشيت وخفيت عليه .. ع آخر شي .. وبعدها بدر: هي حرمة عوده لازم بتتعب شويه هنّود هند: ما ادري والله بدر: انزين لا تنسين هند: ان شاء الله .. بدر: صدق هي وينها ؟ هند: منوه ؟ بدر: يدوه ؟ هند: راقده بدر: اوووونه .. العيوز للحين راقده ؟!.. غريبة هند: هاللي مخوفني بدر: ما عليج .. هي والله متكسرة .. بس تقاوم هند: يا دب لا ترمس عنها جذه بدر: والله بعد شوه ؟ هند: انزين .. سر سر الله يخليك زهب اغراضك .. افففف انا مقهورة .. باجر العيد ... الناس تعيد في بلادها ونحن في ألمانيا ! بدر: ههاااااااااي احلى شي ... سلاااااام نش بدر وسار فوق .. وتمت هند يالسه روحها .. لين ظهرت يدتها من داخل .. هند: نشيتي ... يدوه غريسه: الساعه كم ؟ هند: الحين جريب الـ 11 .. يدوه غريسه: وانا راقده للحين .. جيه ما وعيتوني ؟ هند: شفتج راقده .. وما حبيت ازعجج .. قلت اخليج ع راحتج لين ما تنشين روحج يدوه غريسه: وييييه .. وانتوا متى بتسيرون ؟ هند: بعدنا ... المغرب بنسر ان شاء الله يدوه غريسه: انا قلت حق عمج يطرش لي السايق يوديني هند: ليش سايق قوم عمي عاد .. سايقنا موجود .. نحن قبل ما نسير المطار بنوديج هناك يدوه غريسه: خلني ازهب باجي اغراضي .. انتي خلصتي ؟ هند: من امس .. ُرنا طرشنا شناطنا .. بيي وياج ازهب اغراضج اساعدج ونشت هند سارت ويا يدتها .. في ألمانيا .. حصه: والله يا علي والله .. اني اتريا لين المغرب بس .... جان محد ياني وقال اني مرخصه .. بطلع ولا عليه من حد علي: ان شاء الله حصه: جد .. ارمسك صدق علي: جد والا يد حصه: عليييييييي علي: ان شاااااااء الله .. انزييييييين حصه: بس يالس وتقول ان شاء الله .. ان شاء الله علي: عيل شوه اقول ؟... فال الله ولا فالج ! حصه: والله انا المقهورة واللي مرتفع ضغطي وانته وايد بارد علي: انا مب بارد .. انا العبد المأمور هني ... قالوا لي حرمتك بعدها انا اقول ان شاء الله حصه: صار لي اكثر من اسبوعين .. علي: زين .. انا مرتاح فالشقة حصه: علي .!! علي: ههههههه بلاج بلاج حصه: هيه ... شكلك صدق مرتاح بدوني علي: يا ويهج .. ويا هالتفكير المدمر .. انا اقصد يعني ما في حد يحن عليه .. ولا يصيح .. تصيحين صيحي هني روحج ... حصه: لا والله ! علي: هيه والله ! حصه: انزين .. ما عليه علي: ههههههههه انتي دومج معصبه حصه: انته تخليني اعصب ... علي: خلاص آسف حصه: علي .. والله صدق متى بنخلص .. انا مليت هني .. ابا ارد البلاد علي: انا ملان اكثر عنج حصه: علاج خرطي ... ولا نفع في شي .. علي: ما ادري والله ... المهم .. انا اليوم سرت السوق قبل ما اييج .. ( ابتسم) .. خذت لج بدلة ع ذوقي الخطير .. لان باجر العيد ... سكتت حصه ولا ردت ... أي عيد ؟ واي خرابيط ! .. حد يقدر يعيّد وهو مب في بلاده ولا بين اهله العيد مرّه ما له طعم والحال جذه !! .. صياح .. وصريخ .. وما يعرف شوه يسوي ومتوهق وياها ! .. شوه ياها ؟! .. شوه فيها هالمرة ؟! حصيص ( وهي تصيح ): والله مب سايرة محمد: ليش؟ حصيص: ما بسير خلاص ما بسير محمد: انزين قولي لي شوه السبب ؟ حصيص: ما بسير انا قلت ما بسير محمد: انا غلطت في حقج ؟ حصيص: لا محمد: قلتي شي وما سويته ؟ حصيص: لا محمد: عيل جيه ما تبين تسيرين ؟ حصيص: اسير شسوي ؟ ... اكشخ حق منوه والا اسوي شوه ؟ لا عيدية ... ولا يهال ... ولا يدوه ويدي .... البس يديد واسحي شعري كشخه حق منوه محمد : حصيص حبيبتيه ... نحن مب بكيفنا هني حصيص: مب بكيفنا صح وانا ما قلت شي محمد: وبعدين انا قلت لج لا تيين وقلت لج تمي فالبلاد حصيص: كيف اتم هناك وانتوا مب ويايه ؟ امايه من متى الحين فالمستشفى ؟ بسها .. خلاص .. والله مب حلو هني .. انا مليت محمد: بتردين البلاد روحج ؟ حصيص: لا ما برد روحي .. انتوا ويايه برد محمد: نحن بعدنا ما خلصنا العلاج حصيص: شوه هالعلاج اللي ما يخلص ... ( وتصيح زيادة ) .. كلهم هناك .. يتصلون بي ... ويقولون حصوه اشترينا وسوينا وسرنا ... ومستانسين انا هني ما في ويايه ولا حد ... هناك كلهم ويا بعض ... سكت محمد شوه يقدر يسوي ؟ ... بنته ذابحه عمرها من الصياح .. هو مل .. فـ شوه يكون حال بنت صغيرة .. ما في وياها ولا حد ع قولتها ... غير ابوها وامها .. هي تبا يهال تبا تسير ترد تلعب ويا حد !! .. لكن ما في ! نش محمد وخلّى حصيص روحها في صالة شقتهم اللي شارينها هناك .... وهي تعتبر مالتهم .. لانهم كل سنة سايرين ورادين .. محمد ... استغفر العلي العظيم يا ربي .. شسوي فيها ؟ .. انا روحي اللي فيني مكفني .. بعد تزيد عليه بنتي الوحيدة !! ... آآآآه يا ريت .. والله ياريت لو بايدي أي شي ... جان سويته .. قبل ما توصل حالتها جذه ... بس رحمتك ربي عليه وانا في هالظروف ... راشد ... ياي من برع .. عبدالعزيز كان فالصاله ... عبدالعزيز: هاللي بيوديني وياه راشد: سرت شويه ورديت .. تشوفني يبت شي ؟ العصر بنسير ان شاء الله .. ووعد عبدالعزيز: اوكيه .. بنشوف وعدك راشد: وين مروان؟ عبدالعزيز: ما نزل للحين .. وانا ملاااان راشد: بسير اشوفه وارد .. عبدالعزيز: بسرعه ونزله وياك .. سار راشد فوق .. صوب حجرة مروان وعمران .. يشوف مروان للحين جيه ما نش ! ولا نزل تحت ... دق الباب ودخل .. مروان كان توه ظاهر من الحمام .. وينشّف ويهه راشد: صباح الخير مروان: صباح الخير والنور والسرور راشد: ناش متأخر .. ! مروان: كنت تعبان شويه ... راشد: امس متى رديت ؟ مروان: الساعه 2 راشد: رديت تسهر ! مروان: كنت في بيت عموه راشد: حتى ولو مروان: راشد بليز .. الله يخليك .. عندك رمسة اجلها حق عقب .. راسي احسه بينفجر راشد: انزين هالرمسة نأجلها حق عقب ... لكن في رمسة ثانية ما اقدر أأجلها حق عقب مروان :اللي هي راشد: سالفتك ويا سعيد ... مروان: شوه فيها ؟ راشد: مروان انا ابا اعرف شوه استوى بالضبط !.. بينك وبين بدور حرمت سعيد مروان: اللي استوى اني انا هاي بدور ... لو شفتها مره ثانية فالصاله يالسه ... ما تلوم الا نفسها .. هي وريلها راشد: مروان ! مروان: هيه انا ارمس جد راشد: نحن جذه تعلمنا ؟! .. على جذه تربينا ! مروان: نحن متربين والحمدلله .. لكن العتب ع اللي يمشي ورا رمسة الحريم راشد: بس يا مروان سعيد اخوك مروان: حتى لو منوه ما يكون .. انا باجر لو انته بعد تعرّس وحرمتك تكون جذه .. والله لأسمعك وياها سم .. ع الطالعه والنازلة .. راشد: مروان ما احيدك جذه في هالسوالف ... تعق الرمسة .. بدون أي حساب ! مروان: راشد عيل قولي شوه تباني اسوي .. وانا اسمعها .. تغلط ع فريد ... وعموه ... راشد اسمح لي بس صدق صدق صدق حرمت سعيد مب محترمه أي حد في هالبيت راشد: وهاللي قالنا اياه عمر .. عمر ما قالنا ان بدور بتسوي جيه وجيه ... وبطول لسانها في اشيا .. مباشرة .. لكن كان يمهد لنا ان نحن نستعد لهاليوم مروان: لا والله ... لا نستعد ولا غيره ... هي مدام انها هني تحترم عمرها راشد: بس كنت تقدر انته تكتم غيظك يوم ياك سعيد مروان: راشد انته بتخبلني ! .. انا لو كنت ما كاتم غيظي جان شفتني مديت ايدي عليه .. انا ما قلت له أي شي ... ولا رفعت ايدي عليه ... هو اللي رفع ايده .. وهو اللي رمس ولا ادري شوه خربط .... فوق راسي والسبه حرمته راشد: انزين ما عليه .. مروان عسب خاطريه .. سير استسمح منه مروان: انا مب زعلان عسب استسمح منه .. انا عادي عندي راشد: انزين هو زعلان مروان: هو مشكلته كيفه ... راشد: عشان خاطريه مروان: اسمح لي راشد .. والله سعيد وايد تغير .. وانا ما فيه ترد السالفه شرات امس راشد: لا ما بترد ان شاء الله .. بس انته سر له ... انته الاصغر .. عسب خاطر عمر .. ! سكت مروان ولا رد ع راشد ... ويلس ع الكرسي ... راشد: ولا تنسى باجر العيد ... مروان ( تنهد): بسير بسير وامري لله .. وين عمران راشد ( استغرب): شوه ؟ مروان: وينه عمران .. عندي سؤال مهم حقه راشد: اترياه لين يرد واسأله مروان: السؤال ما يقبل التأجيل راشد: شوه هالسؤال المهم اللي ما يقبل التأجيل .. مروان: ابا اسأله .. جان يستوي نقدّم حرمة سعيد اضحية العيد ... والا اقولك بسير اتصل اوقاف دبي .. سلااااام نش مروان بسرعه وظهر من الحجرة .. يدري ان لو تم يالس راشد بيقطعه عسب رمسته هاي ... لكن راشد حليله لين ما استوعب اللي قاله مروان ... تنهد وابتسم ... حتى ومروان معصب فيه روح مرحه .. تغير الجو اللي انته فيه ! في بيت ام احمد ... آمنة .. دخلت وهي شالّه بنتها .... ما شافت أي حد فالصاله ... زقرت الخدامه تسير تييب الاغراض من السيارة ... لانها يايه ويا السايق ... وصعدت فوق ... آمنة: انتي يلسي هني ... لين اعق عباتي وشيلتي .. آمنة كانت ترمّس بنتها اللي ماليه عليها حياتها .... رغم الظروف اللي هي تمر فيها حاليا ... حطت بنتها ع الأرض ونشت بتفصخ عباتها وشيلتها .. ومره وحده بنتها تظحك وتسوي حركات ... وحبت ... آمنة: ماما وين سايرة .. صدت آمنة ورا ... انصدمت .... شوه يايبنه ؟ .. متى ظهر ؟ وكيف ؟ ومنوه ظهره اصلاً ؟! .. هو فالمستشفى كيف وصل هني ! .. آمنة ( منصدمه): أحمد أحمد: عيون ... احمد .. امون لا تصدقين عمرج الرمسة مب حقج .. حق بنتي آمنة ( سارت صوبه ): يا سخيف متى ظهرت ( وظربته ع جتفه ) أحمد: آآآآآآآآآآي .. اموووون يالدفشة آمنة: سوري سوري والله ما كنت اعرف احمد: كل هذا وما تعرفييين ! احمد رقبته بعدها ملفوفة ... وريله وحده بعدها مكسورة ... ويمشي بعكّاز ... آمنة: آسفه والله آسفة .. احمد ( ابتسم ): لا تعتذرين هالكثر ... عادي آمنة: وعسب جذه امس تقولي تردين الصبح .. احمد: هيه اكيد .. عيل ما تستحين انا ياي وانتي محد فالبيت .. تستقبليني آمنة: ما قلت لي انزييييين احمد: مب لازم اقولج .. انتي اللي محد قالج تسيرين بيت ابوج آمنة: والله يا احمد والله كنت مضايجه وواصل حدي احمد: هذا كله عسب انا مب هني .. يالله الدنيا ما تسوى بدوني عندج وعند بنتج آمنة: هيه والله احمد: اييييه انتي ... لا تخليني اصدق عمريه زياده عن اللزوم آمنة: انزين صدق .. شوفها كيف تظحك احمد: هههه حبيبتيه .. عاد اليوم انا بكبري حقج .. ما بنزل تحت ولا بطلع أي مكان .. بس بيلس وياج آمنة: منوه يابك ؟ احمد: عيسى آمنة: ووينهم محد فالبيت ؟ احمد: اظن امايه وناعمه كانوا يايين ويا عيسى المستشفى .. انهم بيسيرون عند رملة .. و عيسى يابني البيت .. آمنة: اها احمد( تنهد): انا لازم اشوف شوه نقدر نسوي في رملة آمنة: انته رمست الدكتور ؟ احمد: هيه .. قبل ما ايي ... سرت عند الدكتور .. ورمسته .. قال حالتها مستقرة ... بس الظربة يايه في راسها .. آمنة: حبيبتيه والله رملة ... اشتقت لها احمد: انا اكثر .. اصلا قبل ما يستوي الحادث .. كانت ترمس ... وتسولف .. عن السفر آمنة: أي سفر ؟ احمد: تقول انها تبا تسافر في أي اجازة جريبة .. آمنة ( ابتسمت ): حليلها احمد: وكانت تظارب ويايه .. لين وصلنا عند الاشارة .. انصدمت يوم شفت هذاك ظهر ... نحن الاشارة عندنا كانت خضرا .. هم حمرا .. كيف ظهر ! آمنة: يالله .. نصيب .. قضاء وقدر .. ان شاء الله بتقوم جريب بالسلامة احمد: ان شاء الله ... في ألمانيا .... محمد يوم سار يلس فالحجرة .. يفكر في حال بنته .. حط راسه .. ع المخده .. من التعب .. وبند عينه .. يسترخي ... انفتح الباب شوي شوي .. فتح محمد عينه ع صوت الباب ... محمد ( قام ويلس ): مرحبا حبيبتيه ... تعالي حصيص : بابا .. محمد: عيون .. وقلب .. وروح بابا انتي .. تعالي بس من خلص محمد جملته هاي .. شاف حصيص في حضنه وتصيح .. اكثر من قبل .. محمد: حصيص حبيبتيه .. جيه تصيحين ؟ والله لو اقدر اسوي أي شي بسويه .. لو تبين عيوني بعطيج اياها ... لو تطلع روحي و اقدر اسوي لج اللي تبينه والله بسويه ... بس مب بايدي شي.. حصيص: ما ابا غير شي واحد محمد: تبين تعيدين فالبلاد .. ما اقدر ... الا بطريقة وحده .. احجز لج .. وتردين البلاد روحج .. وهناك فالمطار عمج بييج .. حبيبتيه .. امج للحين مريضه وتعبانه .. ما اقدر اودرها انا ولا نص دقيقة عسب اردج البلاد ما ادري كم ساعه وارد هني بعد ما ادري كم ساعه .. والله ما اقدر حصيص: ما ابا اعيّد فالبلاد ولا ابا ارد محمد: عيل شوه تبين ؟ قولي .. تبين تظهرين ؟ حصيص: لا محمد: تبين تسيرين مكان ؟ تشترين لج شي ؟ حصيص: لا محمد: عيل شوه تبين ؟ حصيص: ابا اشوف امايه .. وهني صاحت حصيص بزيادة ... حس محمد بـ شعور فضيع يوم سمع هالمره بنته تقوله انها تبا تشوف امها .. طلعت منها بطريقة تقطع القلب وهي تصيح .. حصيص: بابا .... ابا اشوف امايه .. ابا اسولف وياها .. و ابا اقولها وايد اشيا .. محمد ( حط ايده ع راس بنته وحضنها بقوة ) : ان شاء الله .. شوه تبين تقولين لها .. ممكن اعرف؟ حصيص: ابا اقولها .. تنش بسرعه .. لو ما بعيّد فالبلاد ع الاقل هي تكون ويايه .. اشوفها .. وتشوفني .. نطلع ويا بعض .. ابا اقولها .. هالمرة ما ابا لا اخوان ولا خوات بس هي تنش .. لاني دايماً اقولها ابا اخو والا اخت .. الحين ما ابا .. يمكن هي زعلانه مني عسب جذه ... هالمرة وايد تمت راقده فالمستشفى محمد: حبيبتيه .. امج في حياتها ما زعلت منج ولا بتزعل .. حصيص: لا انا حاسه انها زعلانه مني هالمرة .. محمد: انزين وبعد شوه تبين تقولين لها ؟ حصيص ( شلت راسها عن جتف ابوها ومسحت دموعها): اباك توديني السوق ... بشتري حقها وحقي بدل .. نفس الشي ... نبا نطقم يوم بتنش محمد ( أبتسم): ان شاء الله .. من هالعين لين هالعين ... بعد شوه تبين ؟ حصيص: بس .. خيست قميصك محمد: فداج القميص وابو القميص بعد حصيص ( أبتسمت): بتوديني محمد: اكيد .. متى تبين تسيرين ؟ حصيص: الحين محمد: نشي حصيص: صدق ؟ محمد: هيه .. قومي بنسير حصيص ( ردت حضنت ابوها وصاحت ): بابا احببببببك محمد: حصيص .. حبيبتيه .. لا تصيحين .. انتي يوم تصيحين امج وانا نضايج اكثر .. حصيص: اوكيه خلاص ما بصيح .. محمد: يالله اشوف .. مسحي دموعج حصيص ( مسحت دموعها): خلاص .. محمد: يالله نسير .. قومي لبسي جوتيج ... في بيت الشباب .. عقب الغدا ......... راشد سار يحط راسه شويه بياخذ له غفوة .. لان وراه مشاوير ... ومروان بعد سار الحجرة .. عبدالعزيز روحه فالصاله .. انفتح باب قسم سعيد ... صد عبدالعزيز ورا يشوف منوه اللي ظهر ... شاف اللي ظهر وع طول رد يلس مثل ما كان .. بدور: وين فريد ؟ وعبدالعزيز ما رد عليها ... يتحسب ان سعيد ظاهر وياها .. فـ هي تسأله ! بدور: انته !! عبدالعزيز: هلا ترمسيني ؟ بدور: لا ارمّس اليدار .. عاد هني عبدالعزيز صدق ما عبّرها بدور: انته ايه عبدالعزيز: نعم ؟ انتي قلتي ترمسين اليدار .. خل اليدار يرد عليج ..! بدور ( وقفت مكانها .. وجتفت ايدها ): لا والله ! عبدالعزيز: هيه بدور: انته صدق قليل ادب ومب متربّي ... صد عبدالعزيز صوبها وياي يرد عليها .. لكن انفتح باب الصاله .. عذيجة: واي واي واي ... حرررر موت ما شاء الله نش عبدالعزيز من مكانه .. و نظراته اللي تخلي الواحد وخصوصا اذا كان عود ينقهر .. لان ما تدل ع انها نظرات ياهل .. والا واحد عمره فالطعشر ... النظرات تدل ع انه واحد .. يطالعك بكل احتقار عبدالعزيز: شحالج عمّوه عذيجة: الحمدلله بخير فديتك ... انته شحالك ؟ عبدالعزيز: الحمدلله ( وحب راس عمته ) عذيجة: وينك حبيبي ما تيينا .. عبدالعزيز ( ابتسم ): وايد مشتاقه لي يعني ؟ عذيجة: هيه حبيبي .. ولو ما اشتاق لك انته .. اشتاق حق منوه ؟ ما تقولي عبدالعزيز : عمّور عذيجة: ويه فديت هالطاري والله .. عاد عمر خله ع صوب عبدالعزيز: اغااااار انا اغار عذيجة: ههههههه كلكم حبايبي خلاص .. ( وانتبهت ع بدور اللي واقفه وتطالع من فوق لين تحت ) ... هلا والله .. شحالج بدور بكل هدوء .. وبرود ... مشت بدور .. ويلست ع اقرب كرسي .. ومدت ايدها سحبت الجريدة من ع الطاولة .. وعطت ظهرها حقهم .. وعقب هذا كله .. ردّت .. بدور: الحمدلله هالحركة خلت عبدالعزيز ينقهر زيادة و زيادة .. ويفور في داخله ... عذيجة حتى تفشلت .. وتغيّر ويها .. وبغت تغير السالفه .. صدت صوب عبدالعزيز ... شافت انه عبدالعزيز من شكله يبين عليه انه لاحظ الحركة ... وعيال سيف كله ولا عمتهم ... فـ حست بـ أن في شي مستوي .... والجو متكهرب .. وشكله بيشوط بعد الحين .. فـ اداركت الموضوع عذيجة ( ابتسمت): عبدالعزيز وين اخوانك ؟ عبدالعزيز: كل واحد في حجرته عذيجة: ووين فريد ؟ عبدالعزيز: مب هو فتح لج الباب ؟ عذيجة: لا الباب كان مفتوح وانا ييت عبدالعزيز: عيل اكيد فالمطبخ او في حجرته برع عذيجة: نسير عيل نشوف اخوانك .. عقب بشوف فريد .. وشوه مخبّص بعد عبدالعزيز: نسير ... مشت عذيجة سايرة فوق .. وعبدالعزيز وراها .. بدور: والله حاله .. يتحكمون في بيتهم .. وفي بيوت الناس بعد ... وقف عبدالعزيز وصد صوب بدور.... توه ياي يفتح ثمه .. شاف في ايد مسكته ... كانت عمته ... مسكت ايده ... وسوت له حركة كأنه تقوله اسكت ... ولا ترد عليها ... كملوا صعدوا فوق .. سارت عذيجة صوب راشد ... وعبدالعزيز سار صوب مروان ... يالس في هدوء .. ورواءة ع قولته .. واقتحموا عليه الحجرة ... مروان: بسم الله الرحمن الرحيم ( وحط المخدة ع راسه ) ... قصف قصف .. اخوان بن لادن هاجمين عبدالعزيز: والله يا مروان .. مول مول مول مب متفيج .. ولا نص كلمة بعد مروان: عيل شرايك في ربع كلمة عبدالعزيز: مروان عن السخافه مروان :افا يا مروان .. اخوك الياهل الطيطار عزوز يقولك عن السخافه .. ايه انته ما ارضى ع عمريه ها! يالقطو عبدالعزيز: مروان اسمعني مروان: شوه فيك ؟ عبدالعزيز: حرمت اخوك السخيفه .. والله صدق قليلة ادب مروان : انته ايه ! عبدالعزيز: والله قليلة ادب .. مروان: بس انزين اسكت .. عيب عليك عبدالعزيز: مروان ... ردت ع عموه هني فتح مروان عيونه ع الاخير .. مروان: شوه شوه شوه ؟ شوه استوى ؟ عبدالعزيز: الصراحه عقت كم كلمة جارحة ... هاي بلاها شايفه عمرها ... مروان: وانته شوه خانتك ؟ عبدالعزيز: بغيت ارد عليها عموه ما خلتني مروان: زين سوت فيك عبدالعزيز: اوهووووووو . بتخبلني انته ! مروان ( نش من مكانه وسار صوب اخوه ): عبدالعزيز ... خلها تولّي .. ولا تعطيها سالفة ... عبدالعزيز: انا مب معطنها سالفة .. لكن هي مصختها مروان: ما عليه .. خل كل شي عليه .. مدام سعيد زعلان .. وماد البوز شبرين .. خله يمد شبرين زيادة .. عليه .. ولا يزعل من كل اللي فالبيت .. اوكيه ( وابتسم ) عبدالعزيز: انا هالمرة بسكت عنها .. لكن المره اليايه .. خل تقول لي شي .. والا تقول عن عموه .. والله ما اسكت لها .. وظهر عبدالعزيز من الحجرة ... مروان .. هاي شوه تبا بالضبط ؟ شوه سالفتها ؟ امس انا ... واليوم عبدالعزيز ... وراشد لو كان راشد الجديم ... جان بعد راح فيها .. بس راشد انا متأكد انه كاتم في قلبه .. وبيفرغه كله عقب ما يرد عمر .. ويستلم مسؤولياته هني .. والا راشد ما يسكت عن هالسوالف بعد !! ... استغفر الله .. هاي صدق خبله .. خل نسير نشوف عمتنا ... احسن لنا بوايد ... فالسيارة .. غالية: امممم ما ادري جان عفاري هني والا ظهرت زايد: وانتي ما تأكدتي منها وييتي ؟! غاليه: انا قلت لها بييج زايد: انزين ! غاليه: قالت لي يمكن اخساس في سلامة اختها بتظهر زايد: وعفرا ما عندها غير الاخساس ! غاليه: هههههه لا مب جذه .. تقول انها الصبح سارت السوق ولا خبرتها زايد: ليش ما مخلصين اغراض العيد؟ غاليه: مخلصيييين .. عفاري مخلصه من زمان .. لكنها تبا تظهر بس جذه هياته زايد: قولي لها زايد يقولج .. بسج هياته .. وقرّي فالبيت شويه .. ولا تنسين تقولين لها بعد .. ان باجر عقب الغدا ع طول بنسير بيت عمي يوسف غاليه: هههههه ان شاء الله .. يالله فمان الله .. شكرا زايد ( أبتسم ): عفوا .. سارت غاليه داخل ... وزايد طبعا وقف لين تأكد انها دخلت .. ومسك مبايله ودق الرقم زايد: ألو .. عمر: الو .. هلا زايد زايد: ويه ويه .. رايح فيها عاد مول عمر: منتهي زايد: ما تشوف شر .. عمر: الشر ما اييك زايد: شخبارك ؟ شوه مسوي ؟وشحال احمد عمر: الحمدلله .. كلنا بخير .. انتوا شحالكم ؟ وشحال عمامي ؟ وعموه ؟ زايد: الحمدلله تمام عمر: واخواني ؟ زايد ( أرتبك .. تذكر اخوان عمر واللي مستوي بينهم ): الحمدلله تمام .. عمر: زايد كلهم بخير؟ زايد: هيه .. انته بس دير بالك ع روحك .. لان الصراحه صوتك مول مستوي .. مع انك خذت ابرة قبل ما تسير عمر: يالله من كل مكان هني .. و لازم بنمرض زايد: رمست عموه ؟ عمر: لا .. ما اقدر ارمسها وصوتي جذه .. تباها تستهم عليه ؟! .. زايد: و اخوانك ؟ عمر: رمست راشد .. وقلت له لا يزقر عبدالعزيز . لاني ما اباه يسمع صوتي زايد: عيل مسولهم حشرة الحين هناك عمر: خله راشد بيقنعه .. بس انه يسمع صوتي جذه .. بيتم يحاتي .. ادري به زايد: الحين ما ندري منوه يحاتي منوه فيكم انتوا الاثنين عمر( ابتسم): هو يحاتيني .. وانا احاتيه زايد: الله يخليكم حق بعض عمر: آمين .. زايد زايد: هلا .. آمر يالغالي عمر: مر ع عمي يوسف .. وشوفه بيعطيك المصروف والا ؟ .. اذا عطاك .. عطه حق راشد .. واذا ما عطاك خلاص زايد: وليش عمي يوسف ؟ محتايين اخوانك شي ؟؟ انا قايل حق راشد .. أي شي يحتايونه يخبروني عمر: لا لا ... راشد ما قالي شي .. بالعكس سألته وقالي ان في اللي مكفنهم وزود .. لكن قلت زيادة الخير خيرين .. عسب اطمّن بس زايد: عمر صدق ما قالوا يبون شي ما شيات عمر: لا والله ما قالوا .. وبعدين لو قالوا ما بتصل في حد غريب .. بتصل فيك اول واحد .. زايد: عيوني لكم والله عمر: تسلم عيونك .. بس مر ع عمي يوسف مثل ما قلت لك .. ومر لو ما عليك أمارة ع اخواني .. وشوفهم .. ما ادري احس ان في شي مستوي .. صخ زايد .. وصل .. عمر وصل .. احساسه وصل لـ محلّه .. عمر: زايد زايد: هلا وياك عمر: شحال سعيد .. سألها صح .. مباشرة . بدون لف ودروان ... شكله لا بيكشف الموضوع ! زايد: الحمدلله سعيد بخير .. عمر: من 3 ايام تقريبا الحين ابد ما يتصل بي .. ولا يسأل .. وانا اتصل ما يرد ! زايد: اكيد مشغول .. تدري به معرّس ووراه مسؤوليات .. وباجر العيد ... واغراض واسواق عمر :ما ادري والله .. ابا اقوله عن عبدالعزيز زايد: لا تحاتي عبدالعزيز .. عبدالعزيز في عيونا كلنا .. واول واحد راشد ... انته بس دير بالك ع عمرك عمر: ان شاء الله .. زايد: يالله سلم ع احمد عمر: ان شاء الله .. الله يسلمك .. انته بعد بلغ الكل سلامي زايد: ان شاء الله .. بس رمّس عبدالعزيز لانك روحك تدري انه ما بيرقد .. لين ترمسه عمر: ان شاء الله .. برمسه عقب .. عفرا: يا هالويه اسكتي اسكتيييييييييي سلامة: ويهج .. ما تستحين غاليه: اوهوووووو عفاري بس عفرا: والله خاينة سلامة: قلت لج ظاهره ويا ريلييييييي عفرا: ولو .. انا قايلة لكم ملانه .. واي وحده بتظهر توديني سلامة: اقولج ريلي غاليه: استحي ع ويهج عاد عفاري ... خلاص ظهرت وسارت وردت بس عفرا: سيري سيري ولدج يصيح سلامة: من حنتج يالنحسة ع قولت عبدالعزيز .. نش ولدي .. ونشت سلامة ... وفرّت المخدة اللي كانت في حضنها ... ع ويه عفرا .. عفرا: هــه .. بيتنا ويتفلسفون غاليه: يا الله .. انتي ايه انا يايه هني عسب اشهد ظرابتج ويا خواتج ؟ عفرا: خلاص خلاص ... غاليه: وين آمنة .. عفرا: ردت بيت ريلها ... متى ردت ما ادري ؟! مع انها كانت هني امس ورقدت هني .. وسالم بعد كان هني .. كلهم انقرضوا غاليه: اونه سالم كان هني ؟ عفرا: هيه .. اقولج الشعب كلهم كانوا هني ما ادري وين ساروا اختفوا مره وحده ويت سلامة من داخل سلامة: شمسة بعد طلعت ويا ولدها وريلها عفرا: ويعلكن ان شاء الله من خوات غاليه :استغفر الله .. عفاري لا ادّعين سلامة: ما تستحي لانها .. جان سرتي و يا امايه غاليه: عموه وين؟ سلامة: سايرة بيت خالي سيف الله يرحمه عفرا: اناااااااااا عفرا .. اسير بيت خالي سيف غاليه: ط هاي .. ايه انتي .. تحمدين ربج وتبوسين ايدج ورا وجدام يوم بتسيرين هناك عفرا: لا ما اقصد البيت يعني ... انا اقصد اللي فالبيت .. وبعدين انتي ليش وايد متحمسه وتدافعين عنهم غاليه: اوه بيت عمييييي سلامة: هيه علميها علميا الادب عفرا: الحمدلله حبيبتيه .. اييييييييه عمّور سلامة: بدا بدا الحين عفرا: انته ايه .. جنه نشتري الكلينكس ع حساب ابوك سلامة: بل زطية غاليه: فديت روحه ... تعال حبيبي سلامة: توه ناش .. عفرا: توه ناش ويستهبل سلامة: خليه خليه بكييييييفه عفرا: خليه بيفره عقب انتي تنظفين .. والله يوم واحد يوم بيدس الكلينكس في اذنه ما ادري خشمه عقب صيحي سلامة: بسم الله ع ولدي غاليه: صدق مب زين سلامة شليه عنه سلامة: ييب ييب .. عط ماما .. عفاري شلي القوطي عفرا: يالله يالله ما شي ( وشلت القوطي من جدام عامر ولد سلامة) ... سر عند امك يالله سلامة: وين هزاع ؟ عفرا: طالع سلامة: أمون ما يت غريبة ! عفرا: كانت راقده هني يوم نشيت الصبح محد غاليه: باجر ان شاء الله بنتيمع كلنا سلامة: ان شاء الله عفرا: انا اتصل فيها ما ترد سلامة: ما ترد عليج ؟ عفرا: لا .. اتصلت ع مبايلها واتصلت حجرتها ما ترد سلامة: يمكن راقده .. او عند ريلها فالمستشفى غاليه: صدق شحال احمد ورملة اخته ؟ عفرا: على ما هو الحال سلامة: الحمدلله .. رملة بعدها بس حالتها مستقرة .. اما احمد الحمدلله ما عليه شر الا كسر وجذه .. فالسيارة .. سالم: الحين كيف جذه .. يايبيني من بيت يدي .. والحين تقولون ما بتسيرون صالح: تقولك امك انها تعبانه .. وين بتسير شمسة: صالح .. وده حرام .. صالح: وين اوديه ؟ وانتي ؟ شمسة: انا بترياكم فالسيارة .. صالح: كيف بتتريينا فالسيارة سالم: هذا بعده ما وصل .. و يتفلسف علينا ويدلّع .. شمسة ( ابتسمت) : يتغلى ع اخوه سالم: أي يتغلى أي خرابيط .. يخرب علينا الطلعة صالح: خلاص انزين اسكت بوديك الحين بشتري لك نعال حق باجر سالم: انا خاطريه اعرف .. هالعايلة المتألقة هاي ... ع قولت خالوه عفاري .. ليش يعني رياييلها ما يشترون لهم نعل الا قبل العيد بيوم .. بس ابا اعرف صالح: جذه كيفنا ! سالم: ما ادري والله تسوون اشيا غريبة عجيبة شمسة: صالح الله يخليك .. وده هذا صدعني صالح: سالم .. يلس وانته ساكت .. سالم: اوهوووووو ما وديتوني مكان ... ولا تخلوني ارمس .. خلاص ودوني بيت يدي ردوني هناك صالح: الحين نحن يايبينك عسب نردك سالم: هيه ردوني .. شمسة: سالم حبيبي بنخلص الشغل وبنسير هناك انزين سالم: ببات هناك شمسة: يالله عاد .. مبيت ما شي سالم: ببات صالح: باجر العيد ... بتكون من الصبح هناك سالم: حتى ولو .. وبعدين من الحين اقولكم .. ما بسير بيت يدوه الثانية .. صالح: انزين يوم بيكون ع كيفك سالم: اوهوووو كل شي مب ع كيفي ! صالح: هيه كل شي مب ع كيفك .. ويلس وانته ساكت .. لانك بديت تنرفزني بس خلاص .. يلس سالم مكانه .. وتم ساكت .. ابوه صدق بدا يتنرفز .. لان شمسة تعبانه .. وهو ما يحب حد يزعج الثاني يوم يكون تعبان .. لان يتخيل لو هو في مكان هالانسان المريض .. فـ يبا الراحه والهدوء .. وثانيا .. لان سالم يقول ما بيسير بيت يدته الثانية .. يعني بيت ام صالح .. وطبعا هالشي مب بكيفه .. ودايما يقول جذه .. انه ما بيسير !.. هم يالله يشوفونه فالمناسبات بعد يبا يقطع عنهم مول ! ... فالسيارة .. آمنة: قلت لك السايق خل يودينا .. استغفر الله احمد: ياخي ما ابا .. ما ابا السايق يودينا .. انا ظاهر ويا حرمتيه وبنتي السايق يودينا ؟! آمنة: وشوه فيها احمد: حلوة حلوة آمنة: ط هذااااا .. اييييه احمد: ههههه انزين حرمتيه كيفي ابا اتغزل فيها ابا اتغزل في بنتي بدون محد يكون ويانا آمنة: والله مشكلتك انزين احمد: هيه اوكيه ادري انها مشكلتي آمنة: لو الشرطة تشوفك الحين ... بيخالفونك ويا رقبتك احمد: جيه ع كيفهم آمنة: اصلا ما تقدر تطالع لا يمين ولا يسار الا تلف جسمك أحمد: مشكلتي هاي مب مشكلة أي حد ثاني آمنة: انته كل شي مشكلتك أحمد: ما عليج بنستعين بـ عمران ولد خالج .. سار الشرطة الحين آمنة: صدق ما خلص ؟ أحمد: تسأليني انا ؟ امج سايرة راده عندهم آمنة: اعتقد لا .. لانه لو مخلص اما هو أيي صوب بيت ابويه .. او ان امايه تسوي جدور ولا العرس .. وتوديها هناك وتوزع وما ادري شوه أحمد: هيه امج فالحه حق هالاشيا .. آمنة ( بصرخه): أحــــمـــد ومره وحده مسك احمد بريك .. ان في واحد طلع جدامه .. أحمد: يا حيوان .. قالها أحمد وهو معصب صدق ... وحط ايده ع الهرن ولا شلّه آمنة: احمد بس .. أحمد: والله بيشوف .. ووقف احمد السيارة .. في نص الشارع ... وياي بينزل آمنة: وين ؟ أحمد: هذا السخيف آمنة: أحمد الله يخليك .. رد .. حرّك السيارة .. وقفتوا خلق الله كلهم أحمد: يطلع جدامي دون ما يشوف .. آمنة: خلاص .. خذ رقمه اشتكي عليه عقب .. بس لا توقّف الناس كلهم ع شي تافه خلاص ... صد احمد صوب حرمته وبنته يشوفهم .. شاف ان آمنة ماسكه بنتها وحاضنتنها بالقو .. وميثا هني عاد صاحت ... آمنة ( شهقت من الخاطر): بسم الله .. بس ماما حبيبتيه .. وميثا عاد ع الدقه .. الدلوعة .. فـ حطت راسها ع جفت امها وتصيح شويه وتسكت .. حرك أحمد .. شوي .. وعقب وقف ع صوب .. ما قدر يكمل .. آمنة: شو فيك ؟ أحمد: ما فيني شي .. آمنة: احمد متأكد انك بخير ؟ ما في شي يعورك ؟ أحمد: هيه آمنة: اذا ما تقدر بتصل في هزاع او امايه يطرشون السايق .. أحمد: لا لا .. بس شويه وبكمل الطريج .. ما باقي شي بنوصل بيت ابوج سكت أحمد .. حست آمنة ان احمد صدق اضايج عقب الموقف هذا .. آمنة: خلاص ماما حبيبتيه انتي .. أحمد ( شاف بنته وابتسم ): ايه دلوّعة .. كيف تصيحين .. تسكت ميثا شويه .. وترد تصيح شرات دلع اليهال الماصخ .. أحمد: حبيبتيه انتي دلوعة بابا آمنة: ماصخه أحمد: لا تقولين عن بنتي ماصخه آمنة: ماصخه وماصخه بعد ... تشوفها كيف تصيح أحمد ( مد ايده ومسح ع راس بنته): تروّعت آمنة: من الصريخ ... أحمد: آسف آمنة: ع شوه ؟ أحمد: انا كنت لازم انتبه آمنة: ما عليه .. هو كان غلطان بعد ... احمد: كنت بتسبب في مصيبة ثانية ... آمنة: بسم الله عليك وعلينا .. لا تقول جذه أحمد: آمنة .. صدق آسف .. صدت آمنة صوب أحمد .. واطالعته بنظرات أحمد( يطالعها): آسف آمنة: تدري شوه ؟ أحمد: شوه ؟ آمنة: اول مره تقولي آمنة .. يمكن اول يوم من عقب الملجة .. كنت تقولي آمنة .. عقب ع طول أمون .. أمون .. في حياتك ما قلت لي آمنة بعد أحمد ( ابتسم ): وانتي شوه يعيبج اكثر ... آمنة والا أمون آمنة: عادي كله واحد .. بس طبعا يوم انته تزقرني اباك تقولي أمون أحمد: وليش ؟ آمنة: لان كل حد يزقرني أمون ... ويدلعني أمون .. تخيل عاد انته ما تقولي أمون .. بموت .. ما احب .. أحمد: هههههه بسم الله عليج لا تموتين ولا شياته ... بنزقر أمون .. أمونتي .. مونه .. وكل شي .. بس لا تموتين آمنة: ههههههههه احمد بلاك تغبّرنا اليوم .. مونه .. ايام الملجة كنت تقولي مونه أحمد: ويييين ايام الملجة .. والله انج انتي الغبار .. تبيني الحين اطلع فضايحج آمنة :هـــه .. اونه تطلع فضايحي ... شوف فضايحك انته قبل أحمد: شوه فضايحي ان شاء الله ؟ فديتني كنت والله اعق الطير من السما .. ولانج يعني انصدمتي شفتي ان اللي ياينج احلى منج ... فـ قمتي تصبغين ويهج اكثر فترة الملجة ... عسب تكونين احلى مني آمنة: ههااي لا يا حبيبي .. احلى مني اونه .. انا مؤمنة بـ جمالي الطبيعي الحمدلله .. الا انته ما عرفت شوه تسوي يوم شفتني اول مره .. غمّضت مول استويت .. وقت الشوفه .. وعقب ما صدقت .. ثاني يوم ع طول .. متصلين اونه شوه ردكم ! .. عنبوه اصبروا خلونا نتنفس أحمد:ههههههههههه لا اصلا قلنا بتموتين علينا .. ما فينا .. ليلة بطولها خليناج جذه مهووسة ولا تدرين شوه تسوين .. تفكرين في جمالي آمنة: الا انته اللي ما ياك الرقاد يوم شفتني .. وقلت لا يمكن أفرّط فيها .. نحن تأخرنا شويه .. لان تدري ما شاء الله الخطاطيب كانوا وايد .. كل حد يباني حق ولده أحمد: ايييه انتي .. ط هاي والله .. استحي ع ويهج تقولين لي .. يايين خاطبينج كم مره يعني شوه قصدج يالله ؟ جان وافقتي ع واحد منهم وسرتي ... آمنة: هههههه لا لا ... والله ولا واحد فيهم يسواك يا بو ميثا .. عاد انا بعد لهالدرجة يعني ذوقي بيكون بايخ لو اخترت غيرك أحمد: قسمة ونصيب .. يعني تعترفين اني احلى آمنة: احلى من اللي يو .. مب احلى مني أحمد: حبيبتيه .. شبعتي صياح وشلت ميثا راسها عن جتف امها .. وتمت تظحك عاد آمنة: بديتي الحين خلصتي .. أحمد: فديت روحها انا .. آمنة: مدلعنها .. طالعه عليك أحمد: انا لو ادلّع من حقي .. آمنة: ردينا بعد ! أحمد: يالله بسم الله آمنة: احمد متاكد انك تقدر تكمل الطريج احمد ( صد صوبها وابتسم ): هيه .. لا تخافين ... بسم الله وحرّك .. احمد ... في الطيارة .. فالطيارة !! .. هيه .. هند وبدر بيسافرون .. سايرين ألمانيا .. ركبت هند الطيارة .. ويلست ... في مكانها .. وبدر وراها ع طول .. هند: بدر ليش مب حذال بعض؟ بدر: ما ادري شوه سالفتهم هذيل هند: كم رقم تذكرتك بدر: انا مكاني صح .. اشوف تذكرتج انتي ؟ هند: انا بعد مكاني صح .. ومره وحده ... ايي واحد وييلس حذال هند .. وقفت هند لا ارادي .. بدر: بلاج وقفتي ........: اوه .. آسف .. ونش الريال مره ثانية .. كان مزجم وحالته حاله .. وخشمه احممممر .. ولا منتبه منوه يالس ... هند: ما بيلس هني .. بدر: هند يلسي هند: والله مب يالسه .. .........: لا اله الا الله .. وين المضيفة ؟ بدر: يلسي لين ازقر المضيفة هند: ما بيلس ... لا تقولي يلسي .. ..........: انزين انته تقرب لها ؟ بدر: هيه .. .........: خلاص .. انته تعال هني .. مكاني وانا بيلس مكانك .. بدر: اسمح لنا اخويه .........: ولو .. مسموح بالحل الشيخ .. حياك .. وظهر بدر من مكانه .. ويلس مكان الريال .. والريال يلس مكان بدر ... اللي هو ورا هند .. بدر: يالله يلسي .. ردت هند يلست ... بس هني صاحت !... استغرب بدر ! بدر: بلاج ؟ هند: ما شي بدر: شوه فيج ؟ جيه تصيحين ؟ هند: كيف مخلين واحد حذالي ؟ بدر: بلاج انتي خبلة .. تصيحين عسب هالشي .. خلاص غيرنا الاماكن هند: احرجتني انته بدر: شوه احرجتج ؟ يعني الريال واقف و هو يا يلس وكان مب منتبه انج انتي يالسه ... وطلع محشوم وغير مكانه بمكاني هند: حتى ولو .. اصلا انا قلت ما ابا هالسفرة .. احس انها شرات الهم ع قلبي بدر: انزين شوه فيج الحين .. سكتي .. هند نزلت عمرها تحت زيادة .. ونزلت راسها .. وكانت تصيح ..! بدر ( بصوت واطي): هنّود ... بس عاد .. شوه فيج ؟ هند: ما ادري والله ما ادري .. بدر: انتي مضايجه من شي ؟ هند: ما ادري بدر: رمستي امايه وابويه قبل ما نصعد الطيارة ؟ هند: هيه .. بدر: عيل شوه فيج ؟ هند: اقولك ما ادري .. بدر بدر: هلا هند: راسي بينفجر .. بدر: شوه فيج ؟ هند: ما ادري حاسه بصداع .. راسي يدور .. ...........: excuse me do you have any problem بدر: no thankx .. just can I have panadole please ........: Oh .. sure .. just give me one minute بدر: الحين بتييب لج البندول هند ( مسحت دموعها) : شكراً بدر: عفواً يت المضيفة .. وعطتهم البندول ... وكانت الطيارة بتطير ... بدر: اوكيه الحين ؟ هند: الحمدلله ... بدر: ربطي الحزام ربطت هند الحزام .. واول ما طارت الطيارة .. حطت ايدها ع ايد بدر .. ومسكتها بالقو .. بدر: فيج شي ؟ هند: لا بدر: زايغه؟ هند: جيه اول مره اركب طيارة بدر: ما ادري بلاج هالمرة ! هند: انا روحي ما ادري شوه فيّه ! طارت الطيارة .. وبدر متعوّد .. يوم تطير الطيارة .. اما يشوف فلم .. او يتم يسمع اغاني وخربطان .. او اذا كان ابداً مب متفيج .. فـ يحط المخدة ورا راسه ... ويغمّض عينه ... وهالمره كان مب متفيج ابداً .. فـ حط المخده وغمض عينه .. عقب ما اطمن ع اخته .. وما حس الا بـ شي ع جتفه .. في فتح عينه .. شاف راس اخته بدر: هنّود هند ( بتعب): شوه بدر: متأكده ان ما فيج شي ؟ هند: هيه بدر: بترقدين هند: يمكن بدر: تبين نرد البلاد هند: تونا طايرين منها .. ما مدى لنا .. بعدين غريبة انته تسألني هالسؤال بدر: ما ادري .. احس ان نفسيتج تعبانه هالمرة وايد من هالسفرة .. لو تبين .. نوصل هناك نستريح يوم او يومين وبردج البلاد .. وبتم وياج .. وما اظن ابويه يقول لا .. لاني انا بكون وياج هند: شوه طاري عليك هالمرة ؟ بدر: انتي احسج تعبانه اقولج .. فـ نفاد ينفد السفرة .. وعادي عندي .. لو خاطريه فيها ايي عقب يوم امايه وابويه بيردون .. ومتى ما بغيت بسافر .. لكن اذا انتي تعبانه ومالج خاطر .. اهم شي عندي انج انتي تردين شرات قبل .. وتكونين هنّود اللي نعرفها .. ( أبتسم ) .. بس لا تكدرين خاطرج هند (ابتسمت ): مشكور .. بس تسمح لي يعني ما اشل راسي من ع جتفك .. حاسه اني مدّوخه بدر: اسمح ونص بعد .. خذي راحتج .. هند: زين بدلت مكانك .. والا كيف كنت باخذ راحتيه وحد بيدلعني بدر: حطي راسج ع جتف اللي وراج هند: بدر يالبايخ بدر: ههههه اتمصخر اتمصخر .. ههههههه والله جان قصيت لج راسج تسوينها هند: يوم انته عادي عندك ! بدر: لا مب عادي منوه قال ؟ ما صدقتي انتي بعد ! هند: اتخسي انا ما انزل مستواي .. بدر: ادري .. واثق فيج عسب جذه اغايظ بج .. يالله رقدي لانج بتتعبين اكثر لو تميتي جذه .. حست هند ان هالمره بدر غير .. اخوها طيب وحنون .. في بعض المواقف .. لكن ساعات يقهر بها بـ أفكاره ومبادئه .. لكن رغم كل شي .. يخاف عليها وع صحتها .. في مزدلفة أحمد: عمر انته بخير؟ عمر ( بصوت يرتجف) : الحمدلله كان الجو بارد .. وغير البرد هذا ... عمر مزجم .. مب أي زجام .. اشد انواع الزجام .. وحساسية ... خشمه محمر .. وويهه بعد محمر .. وراقد فالخيمة ع الارض ومغطي جسمه كامل باللحاف ويرتجف .. عمر: أحمد تأكدت من عدد الحصى ؟ أحمد: هيه .. كلهن موجودات .. خريطتك هني وخريطتي هني عمر: يزاك الله خير أحمد: وياك .. ورن مبايل عمر .. احمد: اكيد راشد عمر: هيه .. رد عليه عمر .. بس من سمع الصوت صخ ولا رد .. كيف يقدر يرمس الحين .. هالانسان لو سمع صوته .. وكيف مبحوح .. لانه اكيد بيحاتيه .. عبدالعزيز: الو عمر الوووووووو .. رااااااااشد قصيت عليه محد يرد راشد: ييب اشوف ... الو عمر: هلا راشد راشد: عمر؟ عمر: هلا راشد: ما اسمع صوتك عدل عمر: صوتي روحه جذه .. راشد: بلاك ؟ عمر: مزجم راشد: سلامات .. ما تشوف شر عمر: الشر ما اييك راشد: شحالك ؟ عمر: الحمدلله .. عبدالعزيز: ييب خلني ارمسه راشد: اصبر عمر: جيه متصل ؟ راشد: عبدالعزيز حشرني يبا يرمسك عمر: ما تعرفه يعني اذا سمع صوتي جذه شوه بيسوي راشد: عاد عمر شسوي .. والله مب طايع حاشرني .. بترمسه عمر: الحين دامك متصل خلنا نرمسه .. عبدالعزيز: الو عمّور عمر: هلا عبدالعزيز عبدالعزيز: بلاه صوتك ؟ عمر: مزجم شويه عبدالعزيز: شخبارك ؟ عمر: الحمدلله ... انته شحالك ؟ عبدالعزيز: بخير عمر: وشوه تزهبت حق العيد ؟ عبدالعزيز: هيه قبل شويه رديت البيت . كنت ساير ويا راشد عمر: أي لون فصلت؟ عبدالعزيز: بني .. بلاك عمر نسيت انته مفصل لي عمر: اوه صدق .. انزين يبتوا كندورتيه ؟ عبدالعزيز: هيه اكيد عمر ( ابتسم): انزين وشخبارك ؟ عبدالعزيز: الحمدلله ... يالله متى بترد ؟ عمر: ما باجي الا كم يوم .. وين مروان ؟ عبدالعزيز: ما ادري عمر: وسعيد ؟ عبدالعزيز ( بدون نفس): شدراني فيه .. عمر: شوه فيك ؟ عبدالعزيز: ما فيني شي ... عمر: انزين ما رمستوا عمران ؟ عبدالعزيز: راشد اظن رمسه العصر عمر: وشخباره ؟ عبدالعزيز: الحمدلله .. شحال ربيعك احمد ؟ عمر: الحمدلله عبدالعزيز: سلم عليه عمر: الله يسلمك .. بترمسه ؟ عبدالعزيز: عطني اياه خلني شويه اهزبه مخلنك تمرض عمر: استغفر الله المرض بايد رب العالمين عبدالعزيز: انزين عيل بوصيه عليك .. مد عمر ايده حق احمد .. يعطيه المبايل احمد: منوه ؟ عمر: عبدالعزيز .. اونه بيرمسك وبيهزبك ليش اني انا مريض ... وبيوصيك عليه .. ابتسم احمد وخذ المبايل من ايد عمر .. ورمس عبدالعزيز ... احمد يدري ان يوم عبدالعزيز يكون ع الخط يالله بالغصب عمر يهد المبايل .. او يبند الخط ... ويتم يرمسه وايد ويسأله ويستفسر .. اما هالمره لانه صدق تعبان ومب مستحمل .. فـ هو روحه قال حق عبدالعزيز يرمس احمد عسب انه تعبان وما يقدر يكمل ويا اخوه .. في بيت ام احمد .. عقب الموقف الي تعرضوا له آمنة واحمد .. فـ أحمد ما قدر يسير بيت بو هزاع ... وكان مضايج بعده فـ قال حق آمنة انه بينزلها وبيرد البيت .. هي ما طاعت وقالت مدام السالفة جذه .. يردون البيت .. وباجر من الصبح اكيد بيكونون هناك .. لانه العيد .. في قسمهم .. أحمد: رقدت ؟ آمنة: هيه أحمد: غريبة رقدت من وقت اليوم آمنة: شكلها تعبانه .. أحمد: مب محتايه أي شي بعد حق باجر ؟ آمنة: لا خلاص .. خلصت كل شي .. أحمد: اكيد ؟ آمنة: هيه اكيد ... حتى زهبت الاغراض .. احمد: طبعا ميكبج .. واغراضج واغراض بنتج آمنة: ويعني ؟ احمد: يعني انا نسيتيني ! آمنة: لا حشى .. ( وفتحت كبته ) ... شوف كندورتك وسفرتك و عقالك ونعالك ... وبزمك هناك صوب الميكب مالي ... و غيرت لك محفظتك ورتبت اغراضك في محفظة يديده هزاع اخويه ماخذنها لك .. و بعد شوه ؟ أحمد: خلاص خلاص .. بس بعد شوه ؟ يزاج الله يا بنت بو هزاع آمنة: عسب بس تعرف انك ما بتحصل شراتي احمد: ادري والله ادري آمنة: لا قلت يمكن نسيت وسكت احمد شويه .. آمنة: شوه فيك ؟ احمد: احس ان باجر بيكون ثقيل وايد عليه آمنة: ليش؟ احمد: آمنة رملة للحين فالمستشفى ! تغير ويه آمنة .. هالسالفه اللي كل ليلة تنفتح ... والحين بعد باستياء شديد .. احمد يفتحها .. آمنة: احمد .. خلاص ما له داعي تفتح هالموضوع يومياً .. هذا قضاء وقدر أحمد: انا الصبح بسير المستشفى .. جان تبين تعالي والا ما تبين بنزلج بيت ابوج وانا ساير آمنة: لا اكيد بيي وياك .. أحمد: وميثا ؟ آمنة: عادي بنوديها ويانا .. انا بمسكها انته ادخل واطلع ... عقب انا بسير وانا يلسها عندك احمد: خلاص مب مشكلة .. هذا هو احمد من يوم عرف ان رملة فالعناية .. حاس بتأنيب الضمير .. حاس بالذنب .. وانه هو السبب فاللي رملة فيه الحين .... ********* |
الجزء الـ 27 يوم يديد .. وصبح يديد .. وعيد سعيد .. عيدكم مبارك وعساكم من عوّاده .. العيد فرحة ... ولم شمل .. و سعادة .. لكن هالمرة .. وفي هالعيد شخصيات قصتنا كل واحد فيهم عنده مشكلة ... وكل واحد فيهم ما حس احساس العيد في كل مرة .. والسبب المشاكل .. كاشخ آخر كشخة .. وريحة عطره من بعد كيلو تشمها .. ونازل تحت مروان: بابا فريد .. عيدك مبارك فريد: كل عام وانته بخير مروان: شوه مسوي ريوق اليوم ؟ فريد: ما في ريوق مروان: اونه ! فريد: كله فواله في الميلس مروان: بنسير نشوف ... منوه مزهب الفواله هالمرة ؟ فريد: ماما عذيجة امس طرشت مروان: اها .. خلنا عيل نسير نشوف شوه مطرشه عموه .. و بنشوف انته شوه مسوي فريد: سير ... عبدالعزيز هناك ظهر مروان من باب الصاله ومشى لين الميلس .. ودخل مروان: كل عام وانته بخير عبدالعزيز: وانته بخير مروان: وين راشد ؟ عبدالعزيز: راشد الحين بيي .. ووصل راشد نش مروان وسلم ع اخوه وخاشمه راشد: كل عام وانته بخير مروان: وانته بخير وصحه وسلامة عبدالعزيز: متى بنسير بيت قوم عموه ؟ راشد: عقب صلاة الظهر ... يمكن حد يمر ورن مبايل مروان .. مروان: هلااااااا هزاع: عساكم من عواده مروان: كل عام وانته بخير هزاع: وانته بألف خير ... علومك ؟ مروان: تمام .. ومن صوبكم ؟ هزاع: الحمدلله بخير .. وينكم ما ييتوا ! ليكون للحين راقدين .. ما استبعد هالشي منك مروان: لا حبيبي مب راقد .. بس نتريا يمكن في ضيوف بييون هزاع: أي ضيوف الله يخليك .. مروان: انته لازم تيي .. شوف لو ما ييت وتاكل من فوالة بيتنا .. ما اطب بيتكم هزاع: روح زين .. ع كيفك هو ... متفيج انا ايي صوبكم وعقب ارد البيت بعد مروان: كيفك عيل هزاع: انته اللي كيفك .. الغدا في بيتنا .. وخبر سعيد اخوك مروان: ما يخصني والله في حد .. انتوا تبون اتصلوا وخبروا اللي تبونه هزاع: مروان انته للحين ما مرمسنه ؟ مروان: لا هزاع: حرام عليك .. اليوم العيد مروان: اقولك لا تفتح لي الموضوع خلاص .. هزاع: اوكيه كيفك .. والله .. لا تخليني اخبر امايه مروان: خبرها جان فيك خير خبرها ... هزاع: اقولك .. كيفكم والله .. نحن سوينا اللي علينا .. مروان: اوكيه خلاص هزاع: يالله نترياكم ع الغدا .. مروان: اوكيه ... انفتح الباب ...... نشوا كلهم يسلمون ع اللي دخل ... راشد: كل عام وانته بخير .. سعيد: وانته بخير وصحه وسلامة .. عبدالعزيز: ايدك على جيبك .. بسرعه سعيد: وعيديتك محفوظة ( وظهر الـ 500 وعطاها عبدالعزيز) يا دور مروان ... اللي ما تلاقى ويا اخوه .. ابداً .. من يوم الموقف... مروان: عساك من عواده .. سعيد ( رد عليه بدون نفس ) : كل عام وانته بخير ولف سعيد عن مروان .. على طول ... مروان تم واقف مبهّت ... وراشد وعبدالعزيز واقفين ع صوب .. ولا واحد فيهم علّق او قال أي شي ... مروان: انا ساير بيت عموه وظهر على طول .. راشد: سعيد سعيد: هلا راشد: ما توقعتها منك سكت سعيد ولا رد ع راشد .. عبدالعزيز: البيت مستوي كئيب وما ينطاق .. متى يرجع عمر يشوف لنا حل حق هالمأساة صد سعيد صوب عبدالعزيز .. اللي يقول كل شي يباه بثقه .. صدقه هو ما قال شي غلط .. شكله محد بيحل الخلاف بين سعيد ومروان الا عمر ... واصلا لو عمر كان هني .. مستحيل أي واحد فيهم يزعل عن الثاني ... دقيقة وحده ... تصيح صياح من الخاطر ... خلاص ما تقدر ... محد ايي صوبها .. ومحد يرمسها .. وولا حد يقول لها أي شي .. نسيت أقول .. نحن في ألمانيا .. مش في الامارات تحس ان روحها بتطلع ... من كثر الصياح ... دخل ... انصدم من اللي شافه ... ما مداه .. يقول كل عام وانتي بخير ! .. بعد يشوفها تصيح علي: شوه مستوي ؟ وحصه ما ترد .. علي: حصه قولي شوه استوى ؟ حد متصل بج من البلاد ؟ حد فيه شي ؟ شوه سمعتي ؟ وحصه بعدها ما ترد .. علي: حصه رمسي .. قطعتي قلبي .. شوه السالفه .. وبعدها ساكته .. علي: لا حول ولا قوة الا بالله .. ومسك الكرسي وحطه حذال الشبرية .. صوب راس حصه بالضبط ... يلس ... ومد ايده .. مسك ايد حصة اللي كانت مغطية فيه ويها .... واللي انرتست دموع ... وخذ الكلينكس .. و حطاه في ايد حصه ... علي: شوه فيج ؟ وحصه تشهق من كثر الصياح .. جنها ياهل وخذوا منه لعبته ... علي: حصة .. قولي لي شوه مضايقنج حصه ( بصوت متقطع ) : ما في ...... ما في شي .... مضايقني علي: كل هالصياح .. وتقولين ما في شي مضايقنج ؟ حصه: علي علي: هلا ... رمسي ... قولي كل اللي في خاطرج ... حصه: انا .. انا حامل انصعق علي .. وما حس الا براس حصه ع جتفه ... وهي تصيح .. اكثر عن قبل .. تصيح صدق من الخاطر ... علي: حصه ... انتي شوه تقولين ؟ وحصه ما ترد .. علي: حصه ردي عليه حصه: انا حامل علي: منوه قالج ؟ حصه: الدكتور مساعه مر .. وقالي علي: انتي متأكده ؟ حصه: هيه علي: متأكده اكييد ؟ حصه: هيه هو اكّد لي .. وقالي عسب جذه هم خلوني فالمستشفى كل هالمدة علي: حصه .. انا راسي دار .. انتي ترمسين صدق والا شوه حصه: علي انا روحي .. مب مصدقه ... ونفسيتي تعبانه .. احس انهم يقصون عليه .. علي: قومي .. بسير اسأل .. ونشت حصه .. وظهر علي طيران .. ساير يدور في كل المستشفى عن الدكتور المسؤول عن حالتهم .. وقالوا له ان للحين ما داوم .. وعلي ما يقدر يتريا لين ما الدكتور حضرته يشرّف .. سار شاف له أي دكتور ثاني .. و يابه لين الحجرة .. والدكتور مستغرب ... وعلامات تعجب ع ويهه .. حصه: شوه تسوي ؟ علي: لحظة .. وشل الملف مال حصه .. ووداه صوب الدكتور .. وأكّد له ان حصه فعلاً ... حامل .. طار علي ... طار من الفرحة .. وما عرف شوه يسوي ... الا انه يحضن الدكتور اللي واقف جدّامه .. والدكتور شكله كان متفهم .. وعرف علي وحصه ليش موجودين هني .. فـ بارك حق علي .. حصه: شوه قالك ؟ صح اللي قلته ؟ علي واقف عند الباب .. وهز راسه انه هيه .. ان صح كلام حصه .. وان هي حامل ... وردت تصيح من اول ويديد .. نزلت راسها تحت ... و حطت ايدها ع ويها وتصيح بمرارة ... تجدم علي صوبها ... ومسك راسها ... وحبها ع راسها... علي: حصه حبيبتيه مبروك ... حصه ما ردت .. ما تقدر لا ترفع راسها ولا تقدر تتحرك ولا تقدر ترمس ... او تقول أي شي .. يلس علي ع الكرسي ... وهو الثاني ... نزل راسه .. وحط ايده ع ويهه .. علي : الحمدلله ... الحمدلله يا رب ونزلت دموعه ................ بعدنا في ألمانيا .. في احدى الممرات فالمستشفى حصيص: ان شاء الله محمد: وما تسوين ازعاج حصيص: بابااااااااا بس عاد محمد: شوفي كيف تصرخين حصيص: انته طفرتني محمد: ثرني ما بقولج شوه هي المفاجأة حصيص: انته من الصبح قابضني مفاجأة ومفاجأة .. يعني شوه مسوي لي حفلة ؟ محمد: لا احلى من الحفلة حصيص: اصلا منوه قالك ان الحفلة حلوة .... من زين اللي هني يعني .. مسوي الحفلة حق منوه محمد: لسانج هذا يباله قص .. حصيص: خلاص خلاص آسفة محمد: يالله دخلي .. الحجرة حصيص: وين المفاجأة ؟ محمد: داخل المفاجأة يالله دخلي .. ودخلت حصيص ووراها ابوها .. حصيص( بصوت واطي ): وين المفاجأة ؟ محمد: هذي المفاجأة .. وأشّر محمد صوب ام حصيص اللي راقده .. واللي من سمعت اصواتهم ... صدت صوبهم .. حصيص ( بصرخة هزت المستشفى بكبرها): امااااااااااااااااااااااااااااااااااااااااايه سهام: روح وقلب ماماتج انتي وسارت حصيص صوب امها .. وصعدت فوق الشبرية .. وحطت راسها في حضنها ... حصيص: امايه حبيبتيه سهام: انتي اللي حبيبتيه حصيص: امايه وايد رقدتي هالمرة سهام: آسفة ... مب بايدي حصيص: حبيبتيه والله ... احبج .. تدرين شوه يعني كان ملل ومب حلوووووو ... بدونج سهام: فديتج والله حصيص: شخبارج الحين ؟ سهام :الحمدلله حصيص: سمعتي شوه قلت لج يوم كنتي راقده ؟ سهام :اكيد .. سمعت شوه قلتي لي حصيص: وسمعتي يوم رمست عن عمي علي ... وخالوه حصه ؟ سهام ( أبتسمت ) : هيه سهام تدري عن شوه تسولف لها بنتها يوم راقده .. من ريلها ... لانه يقول لها حصيص شوه قالت لها طول الفترة اللي كانت راقده فيها ... محمد( ابتسم) : شحالج اليوم؟ سهام: الحمدلله احسن .. محمد: حصيص .. نزلي الحين .. بس خلي امج ترتاح تتنفس حصيص: والله ما بخليها ... اصلا هي لازم ما تقول انها تعبانه الحين .. من متى ما حضنتني سهام: حبيبتيه والله ( وحبت بنتها ) .. انا كلي لج اليوم وباجر واللي عقبه وعلى طول محمد: انتوا الهنتين مب جنكن مطنشيني حصيص: اونه .. اونه .. والله وقمنا نغار يا حمّود محمد: حصيص ! حصيص: عادي عادي سوالف سهام: هههههه تزقرين ابوج حمّود حصيص: نتمصخر وياه ... نتمصخر ( وردت حطت راسها ع صدر امها ). آه والله اشتقت لج سهام: انا اكثر ... وتمت سهام تمسح ع راس بنتها اللي صدق صدق افتقدت امها الايام اللي طافت .. ومحمد يلس ع الكرسي .... وتم يشوفهن كيف حاضنين بعض .. وخصوصاً حصيص اللي امس كانت تصيح .. ومضايجه وايد ... فـ الله عوضها اليوم .. بقومت امها بالسلامة .. حمد ربه ان روح بنته المرحه ردت لها ... وابتسامتها ردت عقب ما اسودت الدنيا في عينها امس .... الحين نرد الامارات .. تحديداً دبي .. في بيت بو هزاع ... عفرا: حطوا الغدا امايه ام هزاع: اتريي ام زايد: حطيتوا حق الرياييل ؟ ام هزاع: لا والله .. بو هزاع يقول اترييوا احمد بعده ما وصل .. عفرا: وين امون ؟ غاليه: سارت تبدل بنتها فالحجرة عفرا: انا حدي يوعانه .. ابا آكل وابدل غاليه: انزين سيري بدلي الحين عفرا: لا .. لازم عقب الغدا سلامة: انزين حطوا الغدا .. لين احمد ايي .. وانفتح باب الصاله ... سالم: هووووووووووووود ام هزاع: هدا .. غاليه: ههههههه هود اونه .. مب جنكم تهجمون علينا كل مره جذه بدون لا هود ولا هدا ودخل عبدالعزيز .. عبدالعزيز: غلّووووووي غاليه: عبدالعزيييييييز ام زايد: بسم الله بلاج تخبلتي يا بنيه عفرا: روميو وجولييت سالم: قيس وليلى سلامة: خليتوا شي فيهم ؟! عبدالعزيز: شخباااااارج غاليه: الحمدلله انته شحالك ؟ شخبارك .... وينك مب مبين عبدالعزيز: من يومين زايد كان في بيتنا .. وقالي بيوديني صوبكم .. لكن تأخر الوقت ولا يابني غاليه: جان ييت .. تبات عندنا عبدالعزيز: هيه ما شي شغل ... شخبارج عموه ( وهو يقصد ام زايد ) ام زايد: الحمدلله بخير حبيبي سالم: ط هذا بيصدق عمره الحين .. كل حد يمدحه عبدالعزيز: شووووووه تغااااااار سالم: لا ما اغار انا سلامة: وجيه يالدب يوم تشوفني انا ما تقولي جذه عبدالعزيز: سيري سيري .. اقولج انتي اونه ! سلامة: وشوه فيها ! عبدالعزيز: فيها اني انا ما ابا اقولج كيفييييي ام هزاع: سلامة سكتي عن الولد سلامة: جيه كله تدافعين عنه عبدالعزيز: كيفهااااا .. عمتيييييييه سلامة: واميييه عفرا: سلامة سكتي عنه ... الحين بيعطيج لسان هالطول ام زايد: سلامة الله يهداج بلاج حبيبتيه ؟ سلامة: هههههه ما شي عموه بس استهبل عليه سالم: يوعااااااااان وين الغدا ؟ ام هزاع: اصبروا شويه سالم: وين امايه ؟ سلامة: امك فالحجرة .. ووصل هزاع .. هزاع: هود عفرا: هدااااااااا هزاع: بسم الله تقولين عنزة ايّرونها من رقبتها عبدالعزيز: هههههههههههههااااااي حطوا عليج يالنحسة .. عفرا: ما يظحك هزاع: امايه وين الغدا ؟ ام هزاع: بلاكم انتوا اليوم هزاع: يواعه ام هزاع : نتريا احمد هزاع: احمد بيي !؟! ام زايد: ليش ما تبونه ايي ! هزاع: لا مب جذه .. بس قلنا يمكن ما ايي .. لانه تأخر .. عفرا: يودوا بطونكم الحين بيي هزاع: وين خواتي ؟ عفرا: ونحن مب تارسين عينج هزاع: لا طبعا .. عفرا: مب رادّه عليك اليوم عيد سالم: اكيد فالحجرة .... ما شي شغل حابسين عمارهن وسار سالم صوب الحجرة ... سالم: امايه .. شمسة: شوه ؟ سالم: ليش يالسين هني ! شمسة: حطوا الغدا ؟ سالم: لا يتريون عمي أحمد آمنة: لا خل يحطون عمي أحمد بيتأخر يمكن سالم: هاي يدوه تقول .. مب طايعه .. تقول لازم نترياه آمنة: خله يحطون سالم: لا لا .. ما يستوي شمسة: سير قولهم سالم: ابا اشلها .. اليوم ما شليتها شمسة: خل البنيه ساكته سالم: حرام والله ما شليتها ... ووصل عبدالعزيز.... عبدالعزيز: طق طق طق من عند الباب سالم: عبدالعزيز الدب عبدالعزيز: دب محد غيرك .. شحالكم آمنة: ههههه بخير .. انته شحالك ؟ عبدالعزيز: تمام ... شمسسسسة .. يقولون بتييبين ولللللد ما ادري بنيه شمسة: شفت عاد عبدالعزيز: والله ييبيه نحن بنربيه تربية اخويه عمر تعجبج .. الله يخليج آمنة: ههههههه ط هذا سالم: يالله يالله ما صدقنا نحن بعد .. وهذا يقول نباه ونربيه عبدالعزيز: آمنة وين أحمد ؟ يواعه نحن آمنة: انا قلت حق هذا ( وهي تقصد سالم )... خل يحطون الغدا احمد بيتأخر .. سالم: ما يستوي نتغدا بدونه آمنة: ما يستوي عيل كيفكم والله ... تموا بيوعكم عبدالعزيز: انته لا تتفلسف سالم: يعني بتتغدا بدونه عبدالعزيز: عقب يوم بيي .. بيحطون له الغدا سالم: شوفووووووا .. خالوه آمنة شوفيه .. ما يتريا بو ميثا .. خلاص يعني انا باخذ ميثا .. لاني افكر في ابوها .. عبدالعزيز: وايد مصدق عمرك ... آمنة: انته سر الحين شمسة: سالم وايد لا تتفلسف سير قول حق امايه .. يحطون الغدا ... آمنة: شوفوا قومتوا عامر شمسة: سلامة زين بتسوي بكم توها مرقدتنه عبدالعزيز: انا بسير .. فمان الله .. سالم: الى اللقاء .. وشردوا عبدالعزيز وسالم عقب ما حشروا الدنيا ووعوا عامر ولد سلامة ... ويت سلامة احتشرت ع خواتها شويه ... سلامة: تستهبلون انتوا آمنة: يعني ما شفتيهم يوم دخلوا سلامة: انتن يالسات هني ... جان طردتوهم شمسة: ايه سلّوم لا تحشرين الدنيا الحين ... نش الولد خلاص سلامة: توه راقد ... نظام رقاده بتخربونه لي آمنة: ط هاي ... شوه انجليزية الاخت والا فرنسية ! سلامة: انا معلمه ولدي ع النظام آمنة :انزين علميه ع النظام ... سكتي سكتي بتصل في ريلي سلامة: ونحن يواعه نبا ناكل آمنة: سيري كلي ... محد قالج لا تاكلين شمسة: ياللهفار وقطو مستوين اليوم بلاكن ! آمنة: هاي اختج ما ادري مخرفة والله اليوم سلامة: ابا آكل .. وعقب شرايكن نطلع شمسة: تطلعين وين تسيرين ان شاء الله ؟ سلامة: أي مكان .. آمنة: قولي حق طارق يظهرج سلامة: انا اقول كلنا .. نطلع شمسة: انزين تغدوا .. وعقب شوفوا ... آمنة: الو أحمد: هلا امون آمنة: احمد وينك ؟ احمد: انا الحين توني واصل المستشفى آمنة: شوووووه !... عيل من الصبح وينكم ؟ احمد: سرنا بيت خوالي وعمامي .. وعماتي وووو آمنة: هذا كله حواطه احمد: لان نحن اليوم ظهرنا من وقت من البيت .. امايه قالت الا نسير صوبهم قبل وعقب نسير المستشفى آمنة: والله هم لازم كانوا اييون احمد: ثرني اقولج .. نحن ما تريينا حد.. ظهرنا ع طول .. آمنة: جان يو المستشفى احمد: امون تخيلي عاد كل هذيل ايوون . هم اكيد بييون عقب لكن من الحين الظهر لا ابويه خل ييلسون في بيوتهم آمنة: يعني ما بتيي ع الغدا ؟ احمد: وانتوا للحين ما تغديتوا ؟ آمنة: لا ... احمد: ليش ؟ متأخرين وايد آمنة: يتريونك اونه احمد: لا لا .. قولي لهم بتأخر انا .. يمكن ايي العصر .. تغدوا عني آمنة: قلت لهم مب طايعين أحمد: قولي لهم ما بيرد وتوه واصل المستشفى .. اكيد بيتغدون آمنة :انزين احمد: يالله بخليج الحين .. بدخل العناية آمنة: اوكيه .. طمّني عليها .. احمد: ان شاء الله ... فمان الله آمنة: مع السلامة ... سلامة: شوه قال ؟ آمنة: سيري قولي لهم يحطون الغدا .. لان احمد توه واصل المستشفى شمسة: يلسي انا بسير اقولها .. وبساعدهم سلامة: اقول ... اتصلن بـ حصه ؟ آمنة: ولا ندري عنها شمسة: حليلها ... بسير اقول حق امايه عن الغدا .. وبرد اتصل بها .. احمد: ليش ظهرتن ؟ ناعمه ( بارتباك ) : محد داخل احمد: كيف محد داخل ؟! ناعمه: مكانها فاضي احمد: شوه يعني مكانها فاضي؟ ناعمه: ما ادري .. ما ادرييي احمد: سألتي السستر ناعمه: لا احمد: كيف لا ؟ ناعمه ( بخوف ) : احمد ما اقدر اسأل انته سير احمد: ناعمه بلاج ؟ ناعمه: ما ادري .. سير اسأل .. قبل ما امايه توصل .. ناعمه من شافت مكان رملة فاضي ... ماتت من الزيغة .. ولا سارت تسأل السستر شوه السالفه ؟ ووين اختها ؟ ظهرت بكل هدوء .. برع ... وهالشي اللي خوّف احمد بعد وياها ... وسار احمد .. يسأل عيسى: وين احمد ؟ ناعمه: الحين بيي .. لاحظ عيسى الزيغة ع ويه ناعمه .. عيسى: امايه يلسي شويه ام احمد: وين دخلونا صوب رملة عيسى: الحين بندخل بس صبري شويه .. ويلسي هني .. ارتاحي ويلست ام احمد .. وسار عيسى صوب ناعمه عيسى ( بصوت واطي ): شوه السالفه ؟ ناعمه: ما ادري عيسى: وين احمد ؟ ناعمه: عيسى رملة محد داخل .. بهت عيسى ... مصدوم عيسى: كيف يعني محد داخل ؟ ناعمه: مكانها فاضي عيسى: ناعمه ! ناعمه: عيسى والله مب قادرة .. اسكت عني .. روحي ما ادري شوه السالفه ... في مكان ثاني ... وفي حجرة ثانية .... احمد واقف جدام الباب .. يحس عمره ما يقدر يدخل ... وكأنه حد يدزه عسب يفتح الباب ويدخل .. ذكر الرحمن .. و فتح الباب .. دخل داخل .. شاف منسدحه ع الشبرية ... ومغمضة عينها .. ما في أي جهاز عليها .. تجدم صوبها شوي شوي ... ويوم وصل عندها .. تقرّب اكثر وحبها ع راسها .. حست ان حد تقرّب منها .. فتحت عينها ... رملة: .. رملة: منوه انته احمد ( مبتسم .. والدموع في عينه ): ايه انتي .. نسيتينا رملة: احمد ! احمد: هيه عيل شوه تشوفين جدامج رملة: انتوا وين ؟ انا الصبح نشيت .. شفت عمريه هني احمد: نحن هني رملة: انته جيه تصيح ؟ احمد ( مسح دموعه ): ما اصيح .. شوه يصيحني ؟ وردت سكتت رملة .. وبندت عينها احمد: فتحي عينج رملة: تعبانه احمد: شوه فيج ؟ رملة: راسي يعورني .. احمد: وبعد شوه يعورج ؟ رملة: ما احس .. بس راسي يعورني احمد:وايد والا شويه ؟ رملة: وايد وبدت تصيح .. احمد: رملة حبيبتيه .. ان شاء الله بتستوين احسن .. بس لا تصيحين رملة: راسي يعورني احمد: يوم تصيحين يعورج اكثر ؟ رملة: هيه .. والله يعوّر احمد: انزين بزقر لج الدكتور .. بس سكتي رملة: ابا امايه وين امايه احمد: الحين بتيي .. احمد واقف عند اخته ونسى الكل .. عقب ما شافها فتحت عينها ونشت .. وان نقلوها من العناية لـ غرفة خاصة .. يعني رملة تحسنت وحالتها الحين مش خطرة شرات قبل .. مسك مبايله .. واتصل في عيسى اخوه .. اللي من سمع من احمد الخبر .. ع طول طيران يو صوب الحجرة اللي خبرهم عنها احمد ... رملة: ابا امايه احمد: امايه يايه الحين رملة ( ورفعت ايدها ومسكت راسها): راسي يعوّرني احمد: اصبري استحملي بزقر لج الدكتور رملة: وين بتسير .. احمد: بزقر الدكتور رملة: لا تخليني روحي .. احمد: الحين قوم امايه بيون رملة: احمد يعوّر احمد: استغفر الله العظيم .. انزين خليني بزقر لج الدكتور رملة: ما ابا لا تودرني ومدت ايدها رملة .. ومسكت ايد احمد ... وسكتت شويه .. بس دموعها تنزل .. احمد: الحين استوى احسن ؟ رملة: هيه احمد: متأكدة ؟ رملة: هيه .. وتم احمد .. ايد وحده ماسك فيها ايد رملة .. والثانية يمسح ع راسها ... لين وصلت امه واخته .. ووياهن اخوه ... وامه طبعا سوت مناحه .. لازم .. يوم ان بتشوف بنتها نقلوها لمكان احسن .. وناعمه بعد نزلت دموعها .. وعيسى في قلبه وده يصرخ بأعلى صوته .. من شدة فرحته ... في بيت بو هزاع .. فالميلس ... سالم: هذا خيسنا ثاني: ههههه تعالوا انقذوا الولد طارق: قلت لك وده عند امه ما تسمع الرمسة هزاع: يستاهل دومه جذه .. بو هزاع: هذا دوا اللي ما يسمع الرمسة بو زايد: شلوه عنه حليله ياكل زايد: تعال تعال .. مروان: تعال تعال هني عمّووووور عبدالعزيز: عامر تعال وعامر ولد سلامة يحب سالم وعبدالعزيز .. والسبب !! .. ما يدرون ! ... يمكن ساحرينه ! سالم: شلوووووه عني .. سير سير عند ابوك ويرمس عامر ويهذرب .. ولا يدرون شوه يقول .. ويسولف ويا سالم وسالم مطفّر منه .. والسبب الاول والاخير لانه يوعان ... ويبا ياكل عدل .. وحتى من شدة اليوع .. ما قال مواله العجيب ... هكونا متاتا ! لا هو ولا عبدالعزيز .. نسوا من اليوع ... صالح: تعال ( وسار شل ولد طارق) طارق: خله صالح تعال كمل غداك صالح: بس الحمدلله .. شبعت والله مروان: ييبه عندي .. صالح: ههههه ما يباك مروان: تعال يالهرم راشد: حرام عليك زايد: الصغارية ما يدانونك مروان: عيل انته راقد عن الدنيا .. ميثو بنت احمد .. تموت فيه هزاع: ساحرنها انته قبل ما كانت تيي عندك الحين تيي مروان: شوه اسوي انحب والله ... تعال ( ومد ايده مره ثانية حق عامر ) ثاني: ما يدانييييك مب مشتهيك خلاص خله هههههه مروان: تشوفه ما يباني اليوم عبدالعزيز: لان عمي صاحل واقف .. خل ييلس وبتشوف بو زايد: خلوا الولد ياكل طارق: ما يبا ياكل .. يبا شل ولعب الحين راشد: لا لا لحظه بشوفه ايي عندي مروان: ما بيي عندك ولد سلامة المبزايه وسار راشد .. بيشل عامر .. وما طاع سالم: وييووووووووو قفطوه هههههه راشد: ههههه عاد انته مستانس سالم: اصلا ما ايي الا عندي بو زايد: لعوزتوا الولد .. طارق: هو مستانس عبدالعزيز: يتخقق علينا .. سالم: انا الحين بغسل ايدي بيي بشله ع طول بيي عندي بو هزاع: يلس انته يلس كمل غداك زايد: انا انا بجرب حظي .. مروان: تعال جرب .. باب الحظ هزاع: غباااااااار .. مال اول هالبرنامج مروان: والله محد غيرك غبار ما يا ع بالي اصلا هالبرنامج مالك ثاني: وين كانوا يحطونه ؟ هزاع: في عيمان .. مروان: والله ما كان شي شغل ابداً راشد: نحن اللي ما عندنا شغل نشوف هالاشيا عبدالعزيز: ههههههه ط يوم زايد سار له سار عند زايد ثاني: اخويه ينحب من اول نظرة مروان: انزين اخوك مب انته ثاني: ههه نتمدح فيه شويه سالم ( نش) : الحمدلله .. والله الغدا مول مب شي من دون عمي احمد هزاع: عقب ما شبعت سالم: اصلا ما كلت .. انسدت نفسي ... كلهم ظحكوا ع سالم اللي عقب ما شبع تذكر احمد ... وقال هالرمسة ... خوفا منه ع ان احمد اونه لو درى ان سالم تغدا بدونه ... ما ايوزه بنته !! في صلة بيت بو هزاع عفرا: آآآآآه راحه نفسية غاليه: خلاص ارتحتي .. بدلتي عفرا: هيه والله سلامة: يالله قولوا بتسيرون مكان ؟ شمسة: قلنا لج سيري سألي اللي فالميلس سلامة: امون بتيين ؟ آمنة: لا انا ما بيي ام هزاع: ليش ؟ سيري آمنة: مب متفيجه عفرا: حرام عليج ميثا بتيلس هني روحها بتمل آمنة: احمد بيي العصر قال .. ام هزاع: انزين اتصلي به وقولي له آمنة: لا لا .. ما ابا .. اصلا مب متفيجه مب لازم اسير ام زايد: غاليه خبري عيل اخوانج .. وقولي حق زايد ان ثاني ايي وياكم ما يرد البيت عفرا: عاد ما لقيتوا غير ثاني ام زايد: هيه والله ام هزاع: هو جان فيه خير خل يرد البيت .. زين بسوي به .. انا من زمان ما شايفتنه غاليه: عموه سيري له الحين .. وهزبيه ام هزاع: بسير له عيل ما بسير عفرا: بيي وياج ام هزاع: وانتي جيه تيين ؟ عفرا: بس جذه ابا اسير اشهد الموقف .. نظحك شويه . غلّوي تعالي شمسة: امايه خالوه جواهر ما بتسيرين صوبها ؟ ام هزاع: خالوه جواهر طااااارت سلامة: وين بعد ؟ ام هزاع: ألمانيا عفرا: اوه سايرة عند حصوه ام هزاع: والله ما عندها سالفة ام زايد: ما شاء الله عليهم .. الله يحفظهم ظهرت ام هزاع ... ووياها عفرا وغاليه .. ع قولتهن بنسير نظحك شويه ... اما آمنة فـ رن مبايلها وسارت داخل عن الحشرة ... آمنة: الو .. ....... الو .. آمنة: ما اسمع .. الووووووو ... وبند عنها الخط ... آمنة : منوه متصل !؟ غريبة ! ... ورن مبايلها مره ثانية .. آمنة: الو علي: الو .. آمنة آمنة: السلام عليكم .. هيه معاك آمنة علي: شحالكم ؟ شخباركم ؟ آمنة: عفوا منوه وياي ؟ علي: انا علي ... الوووووو تسمعيني ؟ آمنة: هيه هيه .. شحالكم انتوا ؟ شخباركم ؟ علي: الحمدلله بخير آمنة: وشحال حصه ؟ علي: الحمدلله .. آمنة: عيدكم مبارك علي: عساكم من عوادة العيد آمنة: شوه الجو عندكم ؟ علي: جو المانيا معروف ... بررررد وثلج آمنة: هيه زين ما شاء الله ... وين حصه ؟ علي: الله يسلمج حصه فالمستشفى .. آمنة: شوووووه ؟ فالمستشفى ؟ ليش ؟ شوه فيها ؟ علي: ما فيها الا كل خير .. آمنة: علي صدق ؟ بلاها حصه علي: حصه اصلا من زمان فالمستشفى ؟ آمنة: كيف من زمان ؟ ونحن ما ندري ! علي: هي ما كانت بتخبركم عسب ما تحاتونها آمنة: كيف ما نحاتيها ... عقيتوا قلوبنا ... انته الحين وين عندها ؟ علي: لا لا ... انا رديت الشقة ياي اشل شوية اغراض هي تباها .. وبرد لها عقب شويه آمنة: والحين هي شخبارها ؟ شوه قالوا لها ؟ علي: انا متّصل لان هي وصتني اتصل بكم ... لانها ما تقدر آمنة: علي قولي الصدق حصه شوه فيها ؟ علي: والله ان ما فيها الا كل خير .. آمنة: عيل جيه هي ما اتصلت بنا علي: لانها ما تقدر تبلغكم بالخبر آمنة: أي خبر ؟ علي: انها حامل .. آمنة ( بصرخه): صدق ؟ علي: هيه آمنة: قول والله .. علي: والله آمنة: مبروووووووك .... الف الف الف مبروك ... علي: الله يبارج في حياتكم آمنة: تستاهلون والله كل خير علي: تسلمين .. آمنة: وعسب جذه ما تخبرونا ؟ علي: والله ان مساعه خبروها وخبروني ... وهي يمكن من كم اسبوع راقده فالمستشفى .. كانت تعبانه وطفرتني .. بظهر وبظهر .. بس سبحان الله ... وعسى ان تكرهوا شيئا وهو خير لكم آمنة: هيه والله علي: يالله عيل ما ابا اتأخر عليها آمنة: خلاص عيل .. نحن بنتصل بها علي: اوكيه .. سلمي سلمي ... آمنة: الله يسلمكم... ما اوصيك عليها علي: حاطنها في عيوني آمنة: يالله مع السلامه علي: فمان الله ... ونشت آمنة بسرعه وظهرت برع .. آمنة: اماااايه سلامة: بسم الله شمسة: بلاج منهده ؟امايه وعفرا وغاليه .. وعموه ام زايد سارن صوب الميلس .. آمنة: بقولكن خبر .. يسوى اممممم والله لو دفعتوا ملاين الدنيا كلها ما تسوى الخبر سلامة: قصدج الخبر ما يسوى آمنة: لا والهل اخلبر يسوى .. اقولج ملايين الدنيا كلها واكثر شمسة: شوه هو انزين ؟ آمنة: قولوا منوه اتصل بي ؟ سلامة: اووه امون رمسي بسرعه آمنة: هههههه اوكيه .. علي شمسة: منوه علي ؟ آمنة: يعني كم علي عندنا ؟ سلامة: ريل حصه ؟ آمنة: هيه سلامة: وجيه ان شاء الله يتصل بج انتي شمسة: الحين ها مب وقته يتصل فاللي يتصل به .. شوه السالفه؟حصه فيها شي بسم الله ؟! آمنة: حصه حامل سلامة: حلفي ؟ شمسة: امون ثرني هالمرة صدق تعبانه .. ولا فاضيه حق الغشمرة آمنة: وانا ما اتغشمر سلامة: حلفي حلفي انزين آمنة: والله العظيم .. هو اتصل بي وقالي حصه حامل .. وهي اصلا كانت من فترة فالمستشفى ونحن ما ندري .. وكانت وايد مضايجه بس اليوم خبروهم ان جيه جيه جيه السالفه استانسن شمسة وسلامة من الخاطر عسب اختهن .. اللي صدق افتقدوها ... وما سار تعبها ع الفاضي ... الله عوضها ورد رن مبايل آمنة .. آمنة: بس سكتن يالحشرة .. ريلي متصل سلامة: والله سيري رمسيه ... داخل آمنة: الله ياخذ العدو ... ونشت آمنة سارت داخل .. أحمد: شوه هالحشرة .. آمنة: شمسة وسلامة احمد: شمسة وسلامة بس ما شاء الله وهالحشرة كلها آمنة: شفت عاد .. أحمد: انزين شخباركم ؟ آمنة: الحمدلله .. أحمد: وين ميثاني ؟ آمنة: سارت ويا امايه أحمد: وين ؟ آمنة: سارت الميلس .. صوب الشباب والشياب أحمد: هيييييه .. بعدهم الربع هني آمنة: هيه هني .. كلهم شكلهم بيظهرون ما ادري وين بيسيرون أحمد: وين ؟ آمنة: ما ادري والله وين .. وين عموه ؟ أحمد: هني آمنة: انته وين الحين ؟ أحمد: بعدني فالمستشفى آمنة: اهااا ... كلكم هناك ؟ أحمد: هيه .. آمنة: وشحال رملة الحين ؟ أحمد: رملة ظهروها من العناية .. ونقلوها القسم آمنة انصدمت !! ... لا صدق عيد ... صدق عيد سعيد ... الاخبار الحلوة تنهل عليهم اليوم من كل صوب ... أحمد: امون آمنة: احمد صدق ؟ أحمد: هيه والله آمنة: فديييييييييييتها وينها الحين ؟ أحمد: انا ساير صوب الدكتور الحين شويه .. وبرجع البيت عقب ع طول ........ آمنة: وشخبارها ؟ ترمس تسولف وياكم ؟ أحمد: هيه ترمس وعادي .... بس بين فترة وفترة .. تصيح من ويع راسها آمنة: حبيييبتيه والله أحمد: الحين برمس الدكتور ... وياينكم ان شاء الله آمنة: تغديت ؟ أحمد: عيسى مغدنا ... آمنة: هههه حليله أحمد: والله كيفه .. عيدية العيد .. ما عطانا اياها يغدينا آمنة: وانته وين عيديتك ؟ أحمد: أي عيدية آمنة :اقصد انا وين عيديتي ؟ أحمد: أي عيدية ؟ آمنة: شوووه لازم بدون ما اقولك تعطيني أحمد: والله اني نسيت انزين الصبح .. بس ما عليج عيديتج محفوظة آمنة: كم ؟ أحمد: استحي ع ويهج ... ان شاء الله اعطيج نص درهم تنطمين وتسكتين وتاخذين آمنة: شوووووووووه نص درهم ؟! أحمد: ههههههه شسوي فيج آمنة: الحين انا .. قدري نص درهم .. وبنتك عاطنها الف جذه تلعب بهم في ايدها أحمد: والله بنتي من لحمي ودمي عاد آمنة: انا حرمتك أحمد: هههه امون ادري بج بطلعين سوالف غبار الحين ... وحوض وغرقتج آمنة: هيه صدق بعد بغيت تذبحني أحمد: انا وصلت عند الدكتور بدخل عنده ... وعقب وانا ظاهر بتصل فيج طول الدرب تحرطمي علي ع كيفج آمنة: اوكيه .. بتيي هني عقب على طول ؟ أحمد: هيه هيه .. بيي .. ما ييت ولا سلمت ولا شي آمنة: اوكيه عيل ما بخليهم يسيرون .. بنترياك أحمد: اترييوني .. يمكن مكان حلو .. بنطلع وياهم آمنة: اوكيه أحمد: يالله مع السلامة في السيارة ... سعيد: تأخرنا وايد بدور: على ؟ سعيد: انا قلت لج ... نخلص الغدا ونسير على طول ... بدور: وين انزين ؟ سعيد: عند عموه بدور: عند عمتك ؟! سعيد: هيه ... شكلها الرمسة مب عايبتنج بدور: طبعا مب عايبتني ! انصدم سعيد .. لا هاي قوية شويه في حق عمته يعني .... ! سعيد: كيف كيف ؟ بدور: هيه مب عايبتني ولا بسير بيت عمتك سعيد: وليش ان شاء الله ؟ بدور: لاني مش ملزومه والله اقوم بالواجب وازور هلك .. وهم ما يرفعون سماعة التيلفون يسألون عني سعيد: بس هاي عمتيه ... وانتي تعرفين عموووووه شوه يعني بالنسبة لي بدرو: بالنسبة لك انته مش انا .. انا ما يخصني فيك .. تحط اللي تحطه في راسك .. وتحط اللي تحطه تحت نعالك ... ما يخصني سعيد: بدور ! بدور: هيه جد ارمسك .. يا ترد تنزلني بيت ابويه ... او تنزلني البيت .. انا مب يايه وياك .. درب السلامة وسر عند عمتك سعيد: ليش ؟ بدرو: بس جذه .. كيفي ما بسير هناك .. سعيد: بس نحن اللي لازم نسير عند عموه مب هي تيي ! بدور: انته لازم ومجبور تسير لها مش انا .. انا اسمح لي مب سايرة يعني مب سايرة عصب سعيد وسكت ... وبدور ولا هامنها جنه العيد ولا جنها قالت شي يجرح سعيد ... سعيد: ما ادري كم طرف ارضي بدور: انته اللي تييبها حق عمرك سعيد: الواحد يعرّس يرتاح وانا !! بدور: صح .. حتى الوحده اتم في بيت اهلها احسن لها بوايد ... رد سعيد سكت عقب الصدمه الاقوى هاي .... هي لازم تحاول تمتص غضبه ... مب تزيده ! ********* |
الجزء الـ 28 ثاني كان توه ظاهر من الحجرة ... وشاف زايد شكله مستعيل ...... ثاني: زايد زايد زايد: شوه ؟ ثاني: وين بتسير ؟ زايد: طالع عندي شغل ثاني: هاااا من ورانا ! .. زايد: والله صدق فاضي ثاني: ههههه انزين بغيت اسألك زايد: شوه ؟ ثاني: عمر متى بيرد ؟ زايد: خلال هالاسبوع ان شاء الله بيكون هني ... لان خلاص خلصوا كل شي عليهم ثاني: هيه زين ما شاء الله ... يعني هو الحين حجّي عمر زايد: شفت عاد ثاني: وين بتسير انزين ؟ ما بتقول زايد: بسير بيت عمي سيف ثاني :قول والله ؟ زايد: ليش يبالها حلف ؟ ثاني: تصدق عاد انا اليوم ملّان ابا اطلع .. ابا ازور اقاربي زايد: اوه اوه ... شوه الوحي نازل عليك اليوم ؟ والا حبايب قلبك ما داخلين النت والمسن ! ثاني: ههههههههه حلوة حلوة منك حبايب قلبي .. بس لا والله ملّان زايد: وبتزور اقاربك ؟ ثاني: لو ما عندك مانع زايد: يعني تبا تيي ويايه ؟ ثاني: لو ما عندك مانع زايد: اوكيه يالله .. 5 دقايق وبسير عنك ثاني : 5 دقايق برش بس عطر ع كندورتيه ! قول ربع ساعه .. 5 دقايق ألبس و5 دقايق أسحّي شعري و5 دقايق عطورات زايد: لا والله !... والحبيب وين ساير ؟ ... ما عندنا بنات عم يذوبن من جمالك ... استريح ثاني: لا يعني تدري لزوم الكشخه .. شويه زايد: لزوم الكشخه .. دقيقتين ألبس ودقيقة ونص سح شعرك ودقيقة ونص رش عطور .. واذا تأخرت قلت لك بسير عنك .. روحك تعال بموترك ثاني: لا مب متفيج اسوق زايد: عيل بسرعه ... ونزل زايد تحت .. ثاني: دقيقة ونص اسحي شعري !... عيل ما اسحيّه احسن ! دقيقة ونص !... في حد يسحي شعره دقيقة ونص ؟! زايد: ثانييييييييييييييييييي ثرني بسير عنك من سمع ثاني صوت زايد ... سار حجرته بسرعه عسب يشوف كيف بيسحي شعره في دقيقة ونص ... ويسبّح بالعطور دقيقة ونص ! ... في بيت الشباب .. عبدالعزيز وراشد كانوا يالسين فالصاله .. عبدالعزيز: قول والله راشد: يعني انا جذّاب ؟ عبدالعزيز: لااا .. صدق راشد راشد: هههههه هيه والله عبدالعزيز: آآآآآه يعني برد لأحضان اخي العزيز خلاص اسبوع راشد: لا والله ؟! .. اللي يسمعك يقول حابسينك .. ومعذبينك عبدالعزيز: هيه والله راشد: هيه والله بعد يقول ! عبدالعزيز: انته تدري شوه يعني مشتاق له ... شوه يعني بموت من الوله عليه راشد: هيه هيه ادري بس انته هد اعصابك عبدالعزيز: وين مروان ؟ راشد: ظاهر ويا هزاع اعتقد عبدالعزيز: لا تعتقد اكيد ... ووصل فريد .. عبدالعزيز: فريييييييييييييد فريد: شوه ؟ عبدالعزيز: عمّور بيرد هالاسبوووووع فريد: هيه انا كلمته عبدالعزيز: ط والله فريد يدري وانا ما ادري راشد: هههههههه مب هو ابونا عبدالعزيز: جنه الا كلام مروان صدق فريد: راشد وين مفتاح الغرفة ؟ راشد: بتنظفها الحين ؟ فريد: هيه في غبار ... 3 ايام ما نظفت راشد: خذ عبدالعزيز: نظفها عدل فريد: ان شاء الله .... وسار فريد بينظف الحجرة ... فجأة نقزوا كلهم ... فزّوا من مكانهم .. لانهم سمعوا صرخة ... واحد وهو يزقر عبدالعزيز عبدالعزيز: نعم سعيد: انته شوه مسوي ؟ عبدالعزيز: شوه مسوي ؟ سعيد: انته ادرى راشد: شوه السالفه ؟ عبدالعزيز: ما ادري .. سعيد: لا تسوي عمرك غبي وما تفهم ... ولا تلعب دور اليهال الحين راشد: سعيد شوه فيك ؟ فريد: شوه في ؟ عبدالعزيز: انا ما سويت شي سعيد: لا سويت .. وتذكر شوه سويت .. عبدالعزيز: ما اذكر ؟ سعيد: انته شوه قايل حق بدور ؟ عبدالعزيز: ما قلت لها شي .. سعيد: لا قايل عبدالعزيز: شوه قلت لها ؟ انا واثق اني ما قلت لها شي ... جان هي تذكر انا شوه قايل لها .. خل تيي تذكرني سعيد: انته صدق قليل ادب عبدالعزيز: انا مب قليل ادب ... انا متربّي احسن تربية بعد ... جان هي ما ادري شوه خارطة عليك ... خل تيي وتقول هي بروحها انا شوه قلت وشوه سويت ... مب تجرجك انته علينا سعيد: بس جب عبدالعزيز: ما بنجب ولا بسكت .. انا مب غلطان عسب تيي تصرخ عليه انزين سعيد: اسكت اقولك عبدالعزيز: ما بسكت ... راشد: عبدالعزيز بس عبدالعزيز: ما بسكت .. جيه تسكتني انا .. سكته هو وحرمته .. هني حصل ما ليس متوقّع .. رفع سعيد ايده وعطا ذاك الكف المحترم ... حق عبدالعزيز .. وع خدّه اليسار ....... ان راسه افتر الصوب الثاني من قوة الكف ... سعيد: مرّه ثانية يوم اقولك جب .. يعني جب .. فريد: سعيد .. رفع سعيد راسه صوب فريد .. وشاف فريد من فوق لين تحت بكل ما تحمله نظراته معنى الاحتقار ... فريد: انته مينون سعيد ( حط ايده ع ثم فريد): اسكت .. ما ابا اسمع حسك انته الثاني ... انا للحين ما قلت شي بخصوص وقاحتك انته بعد .. رفع عبدالعزيز راسه ... و خده الايسر محمر .. وصبوع سعيد انطبعت عليها ... عبدالعزيز: والله العظيم لو ابويه وامايه هني جان ما قدرت تصفعني ( وبدت تنزل دموعه ) .. الله ياخذك انته وحرمتك فوقك ... سعيد: جب اقولك .. قلة ادب وحيا .. عبدالعزيز: قلة ادب في حرمتك اللي مب متربية ويايبنها هني .. هني الشرار ظهر من عيون سعيد ... لكن قبل ما يقبل ع أي خطوة ثانية .. عبدالعزيز جد وصل الحجرة ... و قفل الباب ع عمره بعد ... سعيد: مالت عليكم من اخوان .. مالت ... وسار سعيد داخل .. اللي يخلي الواحد يمكن ينقهر ... اكثر ... او يفكر اكثر في هالموقف ... ان راشد ما رمس ... ما قال شي .... حتى فريد يوم انتهى كل شي وكل واحد فيهم سار ... صد صوب راشد ... شاف شكله ... وسار ... راشد كان واقف مصدوم صدق ... شوه استوى على اخوانه ؟ بلاهم كل واحد فيهم قام يعق خيط وخيط ع الثاني ؟ ... شوه السالفه ؟ ... او بالأصح لو بيقول الصدق شوه استوى ع اخوهم سعيد ؟ شوه بلاه ؟ ... ليش جذه مستوي ؟؟ .... في ألمانيا .. في الشقة اللي دايما وابداً .. هالانسانه ملازمتنها ... يوم تكون هناك .. بدر: بسير انا الحيييييين جواهر: انزين ود اختك وياك بدر: هي ما تبا تظهر جواهر: انته سألتها وقالت لا بدر: افففففف جواهر: ولا تقل لهما اف بدر: خلاص خلاص .. لا تجلبينها محاظرة دينية ... مطوعة بعد تستوين لنا جواهر: سر اسألها بدر: ابويه وين ؟ جواهر: مشغول بدر: انتي وهو ما بتظهرون جواهر: وحتى لو ظهرنا ... انته سر اسأل اختك .. بدر: مسويه معقده جواهر: لا تقول عنها جذه .. بدر: مع اني ادري انها ما بتيي ويايه ... وبتقفطني .. بس عسب خاطرج يا حبيبة قلبي بسير جواهر :يالله عيل سر وسار بدر صوب حجرة هند ... دق الباب ودخل .. لقاها منسدحه ع الشبرية .. وتقرا كتاب ... بدر: هنّود هند: هلا بدر بدر: شوه تسوين ؟ هند: ما شي ... بس اقرا كتاب بدر: اها ... ما بتيين بظهر انا هند: وين بتسير ؟ بدر: بسير اتمشى .. هند: لا ما لي خاطر اظهر بدر: بلاج مستويه عيوز هند: شوه عيوز! بدر: ما ادري جذه مستويه بارده .. وكله راقده ... ووايد هاديه ! هند: روحي ما ادري شوه فيني ... انا مب مرتاحه من هالسفرة بالمرّه بدر: ليش ؟ شي ناقصنج ؟ هند: لا ما شي ناقصني ... بس ما ادري كيف بدر: انزين بتظهرين ويايه ؟ تغيرين جو هند: ما ابا بدر: يالله عشان خاطريه .. ظهري شمي هوا برع ... تمشّي .. وبيسوي كل شي عادي هند: والله مب متفيجه بدر ... سير بدر: لا لا .. نشي يالله بسرعه .. انا اترياج برع هند: اقولك مب متفيجه بدر: اقولج عسب خاطريه .. ترديني ! سكتت هند بدر: يالله .. هند: انزين .. سير برع اترياني ... لين ما ابدل ثيابي بدر: يالله بترياج فالصاله .. بيلس اسولف ويا امايه شويه هند: امايه هني ؟ بدر: هيه هند: ما بتيي ؟ بدر: لا تقول يمكن ابويه يرد عقب شويه ويمكن يبا يظهرها ويمكن ويمكن .. هند: اها بدر: يالله هندو نشي هند: انزين يالله سير برع عسب انش بدر: اوكيييييه ... وظهر بدر برّع .. عسب هند تبدل بسرعه ... وتسير وياه ... يتمشون ... في ألمانيا .. نفسها .. في ربوعها ... وفي حدايقها .. وشوارعها ... علي: شوفي انش من هني ونسير المستشفى حصه: بعد المستشفى ؟ ! ليش ! علي: مب عندج موعد ؟ حصه: باجر الصبح .. علي: مب اليوم ؟ حصه: لا .. علي: اهااااا حصه: بلاك وايد متحمّس ؟ علي: لا بس اخاف عليج حصه: انا بخير الحمدلله .. علي: حصه بقولج شي .. حصه: شوه ؟ جانه شين .. الله يخليك لا تقولي اياه .. ما ابا صدمات شينه علي: لا لا .. زين .. بلاج مستويه متشائمة حصه: ما ادري والله مريت بظروف ما يعلمها غير ربي .. علي: وانا وياج .. بس مب معناته استوي متشائم حصه: والله ما ادري .. المهم قول شوه هو ؟ علي: سألت الدكتور .. عن حالتج وجذه .. قالي ان آخر موعد اللي تقولين عنه باجر .. وعقبها .. يستوي نرد البلاد حصه: صدق ؟ علي: هيه حصه: يعني عقب ما اسير الموعد باجر .. يستوي نرد البلاد ؟ علي: حسب كلام الدكتور هيه .. وانا حجزت ع الاسبوع الياي ان شاء الله حصه: صدق ؟ علي: بلاج صدق وصدق ... حصه: علي الله يخليك والله الاسبوع الياي يعني بكون فالبلاد علي: ان شاء الله ... حصه: مب مصدقه والله .. بطير من الفرحه .. واخيرا افففف ما بغينا نرد البلاد علي: الحمدلله ع كل حال ... حصه: الحمدلله ... وتموا علي وحصه يسولفون .. حصه صدق مستانسة .. الاخبار الزينه تنهل عليها ... والحمدلله .. في الامارات ... تحديدا دبي .. وع بحر جميرا ... عيسى: والحين ؟ أحمد: ما ادري عيسى: شوه يعني ما تدري؟ أحمد: يعني ما ادري ... انا روحي مب في حاله الحين .. عيسى: يعني هني ما في علاج ؟! أحمد: لا .. وانا قلت بنوديها برع عيسى: برع ؟! احمد: هيه برع عيسى: امايه ما تتحمل لا طيارة ... ولا جو برّع ... يعني لو بنوديها نجابلها هي والا رملة احمد: امايه مب لازم تيي .. عيسى: وناعمه لازم تكون ريبة من امايه احمد: ولا ناعمه لازم تيي عيسى: عيل منوه بيوديها ؟ احمد: انا بوديها عيسى: وانته ليش توديها ؟ انا بوديها أحمد: لا احتمال علاجها يطوّل .. يعني يباله اجازة طويلة من الدوامات .. والغالب .. ان اجازة بدون راتب .. عيسى: ما عليه .. احمد: عيسى انته وراك مستقبل .. وحرمه وبيت .. ومصاريف .. عيسى: ما يخصه .. انا اصلا مب ناوي الحين .. ولا حاط في بالي احمد: انته مب ناوي الحين .. لكن يوم بتنوي .. ما بيكون عندك ولا شي .. عيسى: ما يهمني هذا كله الحين .. المهم رملة تسير برع أحمد: ثرني اقولك انا بسير عيسى: وين بتسير ؟ أحمد: انا اتصلت في علي ريل اخت آمنة .. وخبرته .. قالي علاجهم اوكيه ... وسالت الدكتور قالي ألمانيا فيها كل شي ... عيسى: احمد خلني انا اسير احمد: لا ... قلت لك لا ... فكر في مصاريفك .. عيسى: وانته بعد وراك بيت وحرمه وبنيه .. والا ناوي توديهم وياك ؟! أحمد: مستحيل اركب بنتي طيارة .. في هالسن .. وهالمسافة الطويلة .. والجو هناك ... مول over عيسى: عيل ؟ احمد: انا ورملة رواحنا بنسير عيسى: احمد ! احمد: ما في غير هالحل .. وانا فعلا مضايق .. لو ما وديت رملة .. ولا ردت شرات قبل .. والله ما اسامح عمريه ... ع الحادث اللي سويته عيسى: لا ترد وتعيد في هالرمسة ... احمد هذا قضاء وقدر ... احمد: استغفر الله العظيم عيسى: تعتقد ىمنة بتوافق ع هالشي ؟ .. انته رقدت فالمستشفى يومين .. وهي جلبت علينا كلنا الدنيا .. هالدّور تسافر ؟! احمد: ىمنة حرمتيه .. وانا بقنعها بطريقتيه .. لكن امايه .. عيسى: خل امايه عيه وع ناعمه احمد: الله يعين عيسى: ما عليه.. كله ابتلاء .. واختبار من الله سبحانه .. وان شاء الله كل شي يعدّي ع خير احمد: ان شاء الله في بيت الشباب ... في حجرة عمر وعبدالعزيز ... زايد وثاني وصلوا .. ودروا بالسالفه .. راشد ما قدر يدس عنهم أي شي ... لان تعابير ويهه فضحته ... ما قدر يسيطر ع شعوره .. او احساسه بالاحباط للي وصلوا له اخوانه ... ثاني: يالله عبدالعزيز ما شفناك .. زايد: يتغلى يتغلى اليوم راشد: عبدالعزيز نش بس عاد ... عبدالعزيز: ما ابا .. طلعوا برع ... عبدالعزيز كان داس جسمه وويهه كله تحت اللحاف ولا يبا يرمس حد او يشوف حد .. حتى فريد يا يراضيه ... لكنه طرده .. فـ صوته يوم يرمس يقطع القلب .. لانه صدق يصيح من الخاطر .. ولا يبا يشوف حد ... وعور قلب اخوه راشد .. وعيال عمه .. زايد وثاني ... وخاصة ثاني اللي صدق متأثر .. زايد: بلاك ؟ ثاني: منوه ؟ زايد: انته ثاني: انا بسير تحت .. وظهر ثاني .. ا راشد: عبدالعزيز .. نش زايد وثاني من الصبح بحاولون وياك بس عاد عبدالعزيز: محد قالكم تييون فوق .. سيروا تحت .. هني زايد اشّر حق راشد .. ان هو يظهر من الحجرة .. وبيحاول زايد وياه .. وفعلاً راشد سار .. لان ثاني بعد تحت فالصاله .. راشد ( شل سماعة البيت ودق الرقم ): فريد ييب عصير بسرعه فريد: ان شاء الله وبند ثاني: شوه بتسوون الحين ؟ راشد: ما ادري ثاني: قلبي عورني عليه راشد ( تنهد): بس اتريا عمر ايي .. ابا ارتاح ثاني: ان شاء الله بيرد جريب راشد: ان شاء الله ثاني: مروان وين ؟ راشد: ظاهر ويا هزاع ثاني: متى بيرد ؟ راشد: ما ادري ... ثاني: خل ايي يمكن يقدر يحل المشكلة راشد: مروان حتى من قبل مظارب ويا سعيد ثاني: شوه ؟ راشد: هيه .. ثاني: ولا تصالحوا ؟ راشد: لا .. مروان سار بيسلم ع سعيد يوم العيد .. سعيد رد عليه بدون نفس ... وبس مد ايده .. ثاني: راشد انته بتخبلني ! راشد: والله جد ارمس ثاني: متى استوى هذا كله ؟ وجيه ما خبرتونا .. راشد: يعني شوه تقدرون تسوون ؟ .... سعيد محد يقدر يرمسه .. ولا حد يقدر يقوله شي هالايام ... ما باجي الا انا ثاني: لا اله الا الله .. شوه استوى عليكم ؟ راشد: ما ادري والله ما ادري !... انا متبهدل وياهم كل واحد من صوب .. مروان من صوب وسعيد من صوب .. والحين عبدالعزيز اللي اعتبر مشكلته اكبر مشكله ... راشد في لحظة ضعف تم يشكي حق ثاني الحال .. فوق صوب عبدالعزيز وزايد ... زايد وصل لدرجة انه يترجى عبدالعزيز ... زايد: بتردني يا بو عمر ؟ عبدالعزيز: زايد الله يخليك انزل تحت زايد: افا تطردني ؟ عبدالعزيز: ما اطردك بس ما ابا اشوف حد والله ما ابا اشوف حد زايد: انزين ما يستوي جذه يعني يالس من الصبح هني عبدالعزيز: حتى ما كلف ع عمره يقوله ليش ؟ زايد: منوه ؟ عبدالعزيز: ابا عمر يرد زايد: بيرد بيرد ان شاء الله .. بس منوه تقصد انه ما كلف ع عمره ؟ عبدالعزيز: راشد زايد: عبدالعزيز انته تدري بحالة راشد .. راشد وايد تعبان ومضايج .. وما عيبه اللي سواه سعيد عبدالعزيز: لو مضايج صدق جان زخه جان رد عليه .. مب وقف جذه بدون ما يقول أي شي .. زايد: لانه ما قدر يرد ع اخوه العود ... ولانه كان مصدوم عبدالعزيز: اصلا البيت هذا ولا شي بدون عمر زايد: اوكيه كلامك كله صح .. بس نش ... عبدالعزيز: سير سير وياهم .. زايد: عبدالعزيز عسب خاطريه .. عسب خاطر عمر .. نش سكت عبدالعزيز .... زايد ياب له طاري عمر .. عسب خاطر عمر ... وهالجملة تحمل في قلب عبدالعزيز الكثير .. زايد: يالله شل عبدالعزيز اللحاف من ع ويهه .. واعتدل في يلسته .. عبدالعزيز ( مد ايده وخذ الكلينكس و مسح دموعه ): ها ... شوه تبا تشوف ؟ هذا ( وأشر عبدالعزيز ع خذه اليسار ) سكت زايد .. وبهت .. انربط لسانه ما قدر يقول كلمة وحده عقب ما شاف ويه عبدالعزيز .. دموع ... ع خد وارم .. ومال لونه للبنفسجي .. وعيون منتفخه .. و الويه بكبره احمر .. عبدالعزيز: زايد زايد ( وهو مول واصل حدّه ): شوه ؟ عبدالعزيز: زايد ابا اسير عند عموه ( ونزلت دموعه ) زايد: ليش ؟ عبدالعزيز: ابا اشوفها ... ابا ارقد في حضنها .. تولهت عليها .. زايد: ان شاء الله .. باجر اوديك عبدالعزيز: تدري .. زايد: شوه ؟ عبدالعزيز: تذكرت امايه .. ابا اشوفها .. انا احس ان عمر بيرد وبعد بتستوي مشاكل زيادة .. لكن لو امايه وابويه هني .. ما بيستوي ولا شي من هذا .. عبدالعزيز يرمس وما يدري ان رمسته هاي عوده .. وان الي يقوله يقطع قلب زايد زياده وزياده .. لان هو بعده صغير .. و متحمل فوق طاقته .. واول شي يكسر الخاطر .. انه ما عاش في حضن امه وابوه .. اكثر من كم شهر !! ... عقبها ودروه .. وع مسؤولية عمر ... يعيس عبدالعزيز وما يحس انه بلا ام او ابو .. لكن مهما يحاول الواحد يغطي هالفراغ .. فراغ فراق الوالدين ما بيقدر ... لازم يكون في شي .. يخليه يشتاق لهم .. ويتوله عليهم ويتمنى لو هم حوله الحين .. في بيت بو هزاع ... اليلسه حلوة .. ويا سالم ومروان وهزاع .. وعفرا ... وسلامة ... وعامر ولد سلامة .. سالم: انا انا بشله سلامة: لا ... سالم بتعقّه سالم: ما بعقه والله ... مب اول مره اشله عفرا: ييبوه عندي مروان: ما يبا يسير عند ولا حد هزاع: وده وياك سلامة: وين ؟ مروان: احمدي ربج لو ويديته ويايه سلامة: لا احمد رب يولا شي .. ييب ييب ولدي مروان: صدقيني بيطلع خوش ولد وحليو بتربيتنا سلامة: لااا شكراً.. ييب ولدي .. هزاع: هههههههه حرام عليك تزيغها مروان: اللي يقول بتخليني اشله عسب بعد ازيغها عفرا: ودوه ودوه اكتفاء ذاتي استوى عندنا سلامة: بسم الله ع ولديه والله مشكلتج انتي .. اكتفاء ذاتي اونه هزاع: اللي يسمع يقول اليهال مازرين البيت عفرا: الله يخلي سالم وعزوز مروان: اخويه ما لج خذ فيه .. عفرا: اووووووونه !.. غريبة مروان: وليش غريبة .. اخويه كيفي بدافع عنه سالم: هذا مروان يوم يبا يظارب ويا خالوه عفاري يظهر سالفة بايخه مروان: ويه انا اظارب ويا عفرووووو عفرا: شوه عبد عفرو ؟! مروان: هيه عفرو وام الدويس بعد .. عفرا: حرمتك ام الدويس مروان: ويه فديت ويها سالم: يتفدى بعد يتفدى مروان: كيفي .. حلالي .. بتفدى لين ما اقول بس بعد سلامة: تفدى تفدى يا ولد عمي ... ع كيفك .. هزاع: بتخلينه يصدق عمره زياده مروان: مع اني اقول ان سلامة غبية تكون ساعات سلامة: شوووووووووووووووه مروان: ههههههههههه سوري سوري سلامة: انا غبية ! مروان: سوري والله سوري اتمصخر وياج هههههه سالم: غشمرتك ثجيلة مروان: وانته منوه طلب رايك اصلا عفرا: جيه ما يبت عبدالعزيز وياك ؟ مروان: ما كان يبا ايي يجابل ويهج شراتي عفرا: ط هذا ... مب جنك حاط عليه وايد ... وبعدين احسن .. فكه اللي يقول انا ميته عليه يعني مروان: عيل جيه تسألين عنه عفرا: مجرد سؤال مروان ( يقلد عفرا): مجرد سؤال ... هزاع: بسسس .. صدعتوني مروان: اقول شلّوا ولدكم .. انا بسير بيتنا سالم: عطني اياه مروان: سلامة بعطيه ع مسؤوليتج سالم: ييبه انته سلامة: عطه انا يالسه هني .. مروان: يالله فمان الله هزاع: سلم ع اخوانك ... مروان: الله يسلمك في بيت ام احمد .. ام احمد: ناعمه .. يا ناعمه ناعمه ( يت من الحجرة ) : هلا هلا امايه ام احمد: وين اخوانج ؟ ناعمه: طالعين ... ليش بغيتي شي ؟ ام احمد: اختج ناعمه: بلاها ؟ ام احمد: ما ادري ... بس ما ساروا صوبها ؟ ناعمه: كانوا ويانا امايه ... قبل شويه رادين نحن ! ام احمد: وآمنة وبنتها وين ؟ ناعمه: فوق اعتقد ... ام احمد: رملة متى بتظهر الحين ؟ ناعمه: ما ادري ... احمد وعيسى بيردون بتخبّرهم ام احمد: سيري شوفي ميثا فوق .. ييبيها تحت جانها واعيه ... ما شفناها من الصبح ناعمه: ان شاء الله ... ونشت ناعمه وسارت فوق ... تشوف ميثا بنت اخوها ... وصلت فوق ... شافت ميثا في ويها .. واول ما شافتها ظحكت .. ناعمه: عموه حبيبتيييييه .. وبدت ميثا تهذرب ... بلغتها العجيبة .. ناعمه: وين امج .. هادتنج هني .. آمنة: امها هني هني .. ناعمه: هههههه وينج هادتنها هني ... عن اطيح من ع الدري آمنة: لا سرت اييب لها ثياب ابدلها ... وبعدين تخاف ما تتجرأ تسير صوب الدري ناعمه: اشوفها مخيسة الدنيا آمنة: فتحت الثلاجة .. و شافت العصاير والكاكاو .. صاحت عاد .. تبا ناعمه: هذا اكيد احمد معودنها آمنة: في غيره .. عادات سيئة ناعمه :ههههههه لو يسمعج بيعطيج محاظرة آمنة: ادري به .. بنتي .. وكيفي .. وما ادري شوه .. وبدلعها وهي وحده ناعمه: ما يفكرون .. حتى عيسى شراته .. مدلعنها جذه آمنة: انا ما اباها تتعود جذه .. عقب صعب تودر هالعادات ... ويوم اقوله .. يقولي انتي بعد معودتنها ع عادات سيئة .. شوه ؟ والله البنيه خوافه .. و جبانة ... ناعمه: كيف بعد خوافة وجبانة ... آمنة: اونه تخاف تنزل ع الدري ناعمه: لازم بتخاف .. كيف ما يباها تخاف من الدري يعني آمنة: شفتي انتي اخوج .. يبا البنية شراته عنيده .. و جريئة ع قولته تنزل ع الدري عسب تتكسر ناعمه: اخواني ميانين والله آمنة :ههههه لا لا ما اعتقد عيسى حليله مينون شرات احمد ناعمه: لا .. عيسى في هالاشيا .. بيكون رايه شراتج .. مش شرات احمد الخبلة .. اونه يبا البنية تنزل ع الدري آمنة: لا وشوه .. اونه يوم نفتح الباب ... وهي ورا الباب اول ما تشوف مقبض الباب يتحرك .. تسير بعيد .. هو يقول جبانة ناعمه: لا هذا صدق رايح فيها آمنة: هذو وصل ... احمد السلام عليكم آمنة + ناعمه : وعليكم السلام .. ونزلت ميثا من ع ريل عمتها .. وسارت صوب ابوها .. احمد ( أبتسم ): حياتي ... ناعمه: عيسى رد ؟ احمد: هيه تحت ناعمه: امايه يالسه تحت ؟ احمد: هيه ويا عيسى .. ناعمه: بنزل عيل عند امايه .. انا نسيت هي تبا ميثا صدق احمد: تعالي شليها وديها لها ناعمه: الحين وين بطيع تيي ( وسارت صوب ميثا ) .. تعالي بنسير عند ماما اللي تحت وميثا ما تبا .. حطت راسها ع جتف ابوها ان ما ابا ايي وياج .. وابا ابويه .. ناعمه: شفت ما تبا أحمد: شليها بالغصب وديها تحت .. ناعمه: بتصيح أحمد: عادي شليها بتشوف عيسى بتسكت .. وشلت ناعمه ميثا اللي صاحت .. ونزلت تحت .. آمنة: اصبري بيي وياج ... ونشت آمنة بتييب شيلتها أحمد: امون يلسي اباج آمنة: هلا ؟ احمد: يلسي انتي انزين ... آمنة: يلسنا .. سكت احمد ما عرف كيف يفتح الموضوع ويا آمنة .. اتفقوا هو وعيسى .. ان عيسى يخبر امه واخته .. واحمد بيبلغ حرمته .. عن سالفة رملة .. آمنة: احمد شوه فيك ؟ ارمس أحمد: بغيت ارمسج بخصوص رملة آمنة: شوه فيها رملة ؟ أحمد: الدكتور اليوم روحه ياني الحجرة .. وقالي ان عقب ما اظهر امر عليه المكتب ... آمنة: انزين ؟! احمد: سرت له .. قالي ان الظربة يايه وايد قوية في راس رملة ... وان يمكن حالتها الحين نشوفها عادية ... وفي تحسن ... لكن يوم تكبر .. المخ يتأثر .. وبتقوم تنسى بسرعه .. وووو آمنة ( بدت ملامحها تنقلب للخوف): شوه ؟ احمد :اللي تسمعينه آمنة: يعني شوه ؟ احمد: يعني لا تغرنا حالة رملة .. قال بترد لكم البيت .. بين فترة وفترة بطيح عليكم .. وبتتدوخ .. لان الظربة مأثرة ع راسها .. واعصابها .. آمنة: وبعدين ؟ يعني ما لها علاج ؟ احمد: بلى لها .. بس مب فالبلاد ؟ آمنة: شوه قصدك ؟ احمد: علاجها برع البلاد .. آمنة: انزين نوديها .. لو شوه ما كان الثمن نوديها .. المهم البنيه .. احمد لا تضيع منا رملة احمد: انا هاللي ياي اقوله لج .. آمنة: خلاص احجز .. ونوديها احمد: لكن .. ما يستوي كلنا نسير آمنة: كيف يعني أحمد: انا وعيسى شفنا الموضوع من كل الجوانب .. وافضل شي توصلنا له .. اني انا اللي اكون وياها آمنة: انزين !! ... وشوه المشكلة ؟ أحمد: لكن بدونج وبدون ميثا ... آمنة: كيف يعني بدوني وبدون ميثا ؟ أحمد :انا روحي بسير وياها انصدمت آمنة... هم الاثنين يدرون ان لو واحد فيهم يكون بعيد عن الثاني .. كيف الدنيا تسود في عيونهم ... وكيف الحياة تستوي بليّا طعم ... يدرون ان هالشي صعب .. لو واحد فيهم بس كان راقد فالمستشفى او غايب عن الثاني لمدة يوم واحد ... يحسبونه جنه سنة .. الحين احمد ياي يقول حق آمنة بيسافر .. ولا يعرف شكثر بيتم هناك .. و بدونها ! أحمد: امون آمنة ( رفعت راسها ) : انته اناني .. أحمد: اناني ؟ آمنة ( نشت وصرخت ): هيه اناني .. ليش ما تباني انا وبنتك نكون وياك ؟ ... ليش ما تبانا نسير وياك ونكون قريب منك ؟ انته ما تفكر ... ما تفكر كيف بنتم هني بدونك ؟ أحمد ( هو الثاني بدا يصرخ ): فكرت .. فكرت اول شي في بنتنا .. انتي تدرين كم من الوقت بناخذ في الطيارة لين نوصل هناك ؟ ... تدرين الجو كيف هناك .. تبين تودين البنيه هناك اطيح علينا ! .. نحن سايرين نعالج والا نتعالج رواحنا ! آمنة: البنيه ما بيصيبها شي .. بس انته ما ادري شوه تبا ؟ ما ادري شوه تفكر فيه ؟ أحمد: افكر فيكم آمنة: لو تفكر فينا جان ما تجرأت وقلت لي جذه أحمد: وانا مب من نفسي قلت هالرمسة .. البيت بدون رملة ظلمة .. بعد تبين تحرمين امايه من ميثا . وتيين ويايه ؟! فكري .. فكري في هالشي بعد آمنة: وانته تبا تحرمني انا وبنتك منك احمد: هالشي مب بايدي .. آمنة: انته لو تخاف ع مصاريفنا انا وياها .. فـ بدبرهم .. ابويه ما بيقصر امايه ما بتقصر ... أحمد ( بدا يعصب اكثر): انتي شوه تقولين ! .. انا بودي اختيه علاج ما ادري كم .. بيكسر ظهري كم الف زيادة .. حق بيتي .. حق حرمتيه .. حق بنتي ؟ آمنة: ما ادري.. ما ادري الصراحه ... بس هاللي احس فيه احمد: لا ..لا تحسين بهالشي ... وتأكدي اني لا يمكن في يوم اقصر لا في حقج ولا في حق بنتي آمنة: بس هذا مب حل ولا قرار أحمد: عندج غيره هاتي وما بقول لا ... ونش احمد سار الحجرة .. سارت آمنة وراه وهي واصل حدها صدق ... آمنة: انا ارمسك أحمد: ما عندي غير هالرمسة .. آمنة: كيف يعني ما عندك غير هالرمسة .. أحمد: انا ورملة بنسير .. ومحد ويانا آمنة: وانا ؟ أحمد: انتي شوه فيج ؟ انتي هني معززة مكرمة آمنة: اوكيه ميثا اتم هني .. انا بيي وياك أحمد: امون تخبلتي ؟ كيف بنتج اتم هني بروحها ؟ لا انا ولا انتي وياها !! مينونه انتي ؟! آمنة: مينونه يوم بوافق تسير روحك ... احمد تدري شوه يعني انك تسافر .. وما تدري كم المدة .. ولا تدري عن شي .. احمد: ادري آمنة ( علا صوتها زياده ) : لو تدري جان ما طلبت مني هالطلب ! احمد ( صرخ عليها صرخه ) : لا تصارخين .. قلت لج روحي بسير يعني روحي بسير .. ما ابا نقاش في هالموضوع .. وقفت آمنة مبهته ... منصدمه .. هذا لا يمكن يكون احمد .. احمد يصرخ ع آمنة بهالطريقة ؟ احمد يفرض رايه ع آمنة وهي بعدها مب مقتنعه فيه ؟!... ما حست آمنة عقب هالصرخه الا وهي حاطه راسها ع صدر احمد .. وتصيح ... من الخاطر .. واحمد هو الثاني مصدوم .. قال بيحل المشكلة .. لكن دمّر كل شي ... هو ما يعرف كيف كان بيفتح الموضوع ويا آمنة .. والحين فتحه وخرب كل شي .. لدرجةان آمنة اللي هي كل شي في حياة احمد تصيح الحين ... في حضنه .. رفع احمد ايده .. ومسح ع راسها ... أحمد: أمون حبيبتيه .. آسف .. بس هذا كله غصبا عني .. اكتفت آمنة بأنها تصيح ولا ترد ع احمد .. لانها ما تقدر تقول أي شي ... هي مصدومه .. ومستغربة من احمد .. وهي تدري هو شوه فيه .. وان يسوي هذا كله لانه حاس بالذنب وان هو السبب في اللي رملة فيه الحين .. في ألمانيا محمد: سهام متأكده انج تقدرين تسيرين ؟ سهام: هيه محمد: بس انا شايف غير هذا سهام: محمد عادي ... بس الله يخليك .. لا تحسس حصيص بأن في شي محمد: وعوار راسج ؟ سهام: باخذ من الدوا حبتين زيادة عسب يخفف عليه ... محمد: مب لازم نسير .. وحصيص بتعرف انج تعبانه .. وما بتقول شي سهام: لا انا وعدتها .. وكفاية اني برد المستشفى عقب عالطلعة محمد: خلاص عيل خلصي وبنسير .. بسير اشوف حصيص ... وتوه محمد بيظهر .. وصل حصيص روحها وهي فاله شعرها الخرسان كله ماي .. محمد: ما خلصتي ؟ حصيص: لا ... امايه سحي شعري محمد: ما تعرفين روحج ؟ حصيص: بلى ... واكيد اعرف .. بس ابا ادلع ع اميه سهام ( أبتسمت ): ان شاء الله بس اصبري ... حصيص: يوّد محمد: شوه ؟ حصيص: ابو ه الفاضي نشّف شعريه محمد: هيه مشغلتنا عندج آنسة حصيص حصيص: شوه نسوي ... وخذ محمد الفوده عن حصيص وتم ينشف شعرها ... حصيص: رمست جسوم الدب سهام: اشتريتي له شي ؟ حصيص: لـــــه .. ولا بشتري له سهام: ليش حرام حصيص: ما يستاهل محمد: مستويه مجرمه في حق هالولد حصيص: لا مجرمه ولا شي .. انته عمه اشتر له .. انا ما بشتري له .. ولا شي .. لانه قالي جب محمد: ليش قالج جب ؟ سهام: اكيد قلتي له شي ! حصيص: ما قلت له شي .. بس قهرني قلت له جب وهو رد عليه جب محمد: يعني انتي بديتي حصيص: لا والله هو بدا .. اقولك قهرني مجمد:اوكيه خلاص لا تعصبين هو اللي بادي سهام: ما عليه الحين ونحن طالعين .. بنمر نشتري له شي .. حصيص: بسه اغراض المانيا مكوده عنده بهالهبل بعد شوه يبا محمد: لسانج شويه .. يباله قص سهام :ههههههه .. تعالي يالله .. ويلست سهام ع الارض ... وحصيص وياها .. وبدت تسحي شعر بنتها ... ومحمد يلس ع التسريحه .. ورفع ريله ع الكرسي .. حصيص: امايه هاك اليوم مرينا صوب الصالون وقلت حق بابا .. بدخل وبقص شعريه ما خلاني سهام: شوه تسوين ؟ حصيص: اقص شعري محمد: يالله مسكي بنتج الخبلة .. سهام: خبلة انتي حصيص: ليش ؟ سهام: يا ويلج .. يا حصيص لو سرتي تقصين شعرج من ورايه حصيص: ليش ابويه موافق محمد: ما يخصني .. انا ما قلت لا هيه ولا لا ! حصيص: انزين هو عادي عنده سهام: مب بكيفكم محمد: انا ما يخصني ... ومب عادي عندي . ولا شي .. هي روحها والله بغت تدخل ... بس انا ما خليتها حصيص: انزين بس كنت برتبه سهام: انا يوم بكون وياج برتبه لج روحي .. بوديج حصيص: متى انزين من تحت مب حلو مستوي كجرة محمد: ما تسبحين عدل حصيص: هاهاها .. شوه ما اسبح عدل اونه .. محمد: عيل جيه مجره ع قولتج ؟ حصيص: ما ادري .. سهام: قلت لج روحي بوديج وبقصه لج من تحت حصيص: متى انزين سهام: يوم بنرد البلاد حصيص: وييييييييييه عيل لازم اتريا وااااااااااااااايد حس محمد ان هالجملة الاخيرة اللي قالتها حصيص جرحت حرمته .. هي السبب في وجودهم هني .. وبعدهم عن اهلهم والارض اللي ضمتهم .. وتدري ان بنتها وايد مضايجه .. لكن في نفس الوقت مب بايدها أي شي ..... محمد ( غير السالفه): انزين وين ناوين تسيرون ؟ حصيص: اول شي .. وقبل كل شي ... الكورن فليكس مالي خلص .. يعني ونحن رادين بشتري محمد: اوكيه .. هذا عقب .. الحين وين بتسيرون ؟ حصيص: امممممم أي مكان حلو سهام: نسير الحديقة .. من فترة ما سرت .. ولا يلست هناك .. محمد: الحديقة ... اممممم واليوم ... اوكيه حلو .. حصيص: امايه يالله خلصيني بلاج .. قالت حصيص هالرمسة عق بما شافت ان امها نزلت ايدها فجأة .. ومسكت راسها .. حصيص: امايه شوه فيج ؟ نش محمد من مكانه ويا صوب بنته وحرمته .. محمد: سهام .. فيج شي ؟ سهام: لا ... ما فيه محمد: شكلج بتدوخين .. حصيص: امايه ! محمد: حصيص حبيبتيه ييبي الدوا فالسده بسرعه حصيص: أي سدّه .. محمد: هناك هذيج السده ... وكاس ماي بسرعه .. وسارت حصه بسرعه تييب الدوا وكاس الماي .................. بدر: شرايج في المطعم اللي وديتج له ؟ هند: حلو بدر: بس حلو ؟! هند: هيه حلو .. اكلهم حلو .. بعد شوه تباني اقولك ؟ اتمدح فيهم ! بدر: عفانا الله هند: بلاك ؟ بدر: قولي حلو ... ذوقك روعه يا خوي ... هند: ذوقك معروف بدر: اكييييد هند: بس ساعات يكون بايخ بدر: نعم ؟! هند: هههههههه شوه ؟ يعني كل شي تييبه وتختاره لازم يكون حلو بدر: انا بدر .. اوديج مكان والا أأكلج شي والا اختار لج شي مب حلو ؟! هند: الله ع الوثوووووق بدر: هيه حبيبتيه هند: عيل شفت ذوقك آخر مره .. ما كان حلو بدر: في شوه ؟ هند: في القميص اللي اشتريت لي اياه بدر: فذمتج مب حلو ؟! هند: لـــه بدر: هندووو هند: هههههههه حلو حلو .. عن تموت علينا بدر: انتي روحج تخبلتي يوم شفتيه .. بعد تقولين الحين .. مب حلو ! هند: نتمصخر وياك ... بدر: لا تتمصخرين ويايه ... وتقولين ذوقي مش حلو هند: يا الله شوه يسكته هذا الحين .. بدر: واتريي اييب لج شي بعد ! هند: آسفين آسفييييين يا امير الشباب استاذ بدر آسفين وصلوا هند وبدر الشقة ... ودخلوا .. بدر: ما اقبل أي اعتذار منج .. الا اذا هند: شوه ؟ بدر: ترجيتيني اكثر هند: قم زين وايد متفيج ... وقفت هند في مكانها .. وبدر وياها ... شوه السالفه ؟ ... ليش ؟!.. امهم .. تصيح !! هند ( سارت بسرعه جريب من امها ): امايه شوه فيج ؟ بدر: الغاليه محد يستاهل دموعج بلاج ؟ هند: امايه رمسي .. جواهر: بدر .. بدر: آمري .. جواهر: اتصل واحجز لنا ع اول طيارة .. بدر: وين جواهر: بنرد البلاد بدر: شوه السالفه هند ( بصرخه) : امايه قولي .. شوه فيج؟ جواهر: يدتكم غريسة توفت ... شرا الصاعقة نزل الخبر عليهم ... يدتكم غريسة توفت ؟!.. مب قبل يومين كانوا وياها ؟!.. مب كانوا وياها وسوالف وظحك ؟!.. مودرينها فالبلاد وهي بخير وحصه وعافية ؟!.. شوه السالفة ؟!.. كيف ؟!.. ومتى ؟!.. في بيت الشباب ... عبدالعزيز من التعب رقد ... ون اثر الصفعه .. والا هو يسهر لين الى ما شاء الله .. ولو راشد ما يقوله سر ارقد ويزن على راسه جان كمل سهرته ... نزل راشد من فوق .. زايد: رقد ؟ راشد: هيه ثاني: حليله .. زايد: بس راشد .. لازم توديه المستشفى باجر راشد: هيه بوديه .. اشوف خده ورم بزياده الحين .. ولونه تغير ثاني: حرام عليكم والله راشد: قولي لو بايدي شي جان قدرت اسويه .. انا ما ابا ازيد ع المشاكل بعد زايد: لا .. سكتوا انتوا الحين .. خلوا سعيد يهدا .. وخلوه في حاله .. عمر بيرد واكيد بيحل المشكلة .. راشد: عمر !.. عمر الله يعينه ... يلقاها من وين والا من وين ثاني: صدقك والله ... احس بيرد هلكان زايد: رمستوه ؟ راشد: هيه انا رمسته مساعه .. زايد: وشحاله ؟ راشد: الحمدلله ... ثاني: شحال عمران راشد: عمران حليله .. لا حس ولا خبر .. زايد: ما عليكم هو قدها ان شاء الله ... وبتشوفونه عقب جذه كم شهر بيرد لكم .. ان شاء الله راشد: ان شاء الله نفس الوقت انفتح باب الصاله .. مروان: مرحبا مرحبا .. حيالله عربانا زايد: مرحبتييييين .. مروان: شحالكم ؟ زايد: الحمدلله بخير انته شحالك ؟ مروان: يسرك الحال .. شخبارك ثاني ؟ ثاني: الحمدلله تمااام .. وينك انته ؟ مروان: والله كنت في بيت عموه مجابل هزاع وام الدويس وربعها ... زايد: منوه ام الدويس ؟ مروان: بنت عمتك عفرووووو زايد: حرام عليك مروان: لو كنت ادري انكم هني ... جان سحبت هزاع شرات الأصخله .. امبااااااااع ويبته هني ثاني: ههههههه خل يسمعك بس مروان: عادي عادي هزاع تيكت ايزي زايد: ولان تيكت ايزي جذه تقول من وراه ثاني: وين الصداقه وين الوفاء مروان: اوه تعالوا استوى لنا عمران ... اين الصداقة ... اين حق الاقارب ثاني: هههههه يا ويهك ما يستوي نرمس الا وتعلق مروان: شوه نسوي دنيا والله ... شخباركم بعد ؟ زايد: الحمدلله مروان: راشد بلاك ساكت ؟! شاركنا .. واشركنا راشد: لا ما في شي .. اسمعكم ... مروان: عيل وين عبدالعزيز ؟ زايد: راقد مروان: عبدالعزيز راقد هالحزه ( وشاف الساعه ).. غريبة ! ليش فيه شي ؟ سكتوا !... طبعا مروان بيسأل ... وبيستغرب .. لان متعود ان عبدالعزيز ما يرقد من وقت .. وخصوصا انه اجازة ... مروان: ما الموضوع ثاني: ما في شي .. يعني كان تعبان الريال وسار رقد .. بلاك زايد: مدوّخ كان ع الآخر مروان: اوكيه .. اسمحوا لي بسير ابدّل ثيابي لاني مب متفيج هالكندورة الختم ... وبلبس جلابية وبرد ثاني: حيااااااااك مروان :الله يحييك .. اقول عندنا لاب توبات ونت تبا ؟ ثاني: ههههههه يالسخيف مروان: ههههه عادي عادي .. قول عبر عن شعورك زايد: مب كفاية فالبيت بعد هني ! مروان: خل الريال يستمتع بحياته ثاني: هيه والله .. سمعته ! مروان: عاد انته ما تصدق هههههه وسار مروان فوق وسار حجرتهم .. مال بسرعه بسرعه بدل وبيرد ينزل تحت عسب ييلس ويا عيال عمه ... لكن سالفة ان عبدالعزيز راقد من وقت عسب انه تعبان ما دخلت مزاجه .. فقال بيمر ع اخوه وبيشوفه .. دخل مروان الحجرة .. وتقرب من عبدالعزيز شافه فعلا راقد .. هدّه وظهر .... ما شاف العلامة اللي ع خده ولا شاف خده الوارم .. اللي لونه استوى بنفسجي صدق .. لان عبدالعزيز كان راقد ع الصوب الثاني اللي ما يبين هذا كله ... مروان ( وهو نازل ): مستغرب والله عزوز راقد ثاني: قلنا لك تعبان مروان: هيه مريت عليه الحجرة .. وشفته راقد صخوا كلهم .. مر الحجرة !... اوه .. يعني درى ! بس شكله وايد عادي ! مروان:انزين وشخباركم بعد ؟ هني كل واحد فيهم يقول في خاطره الحمدلله .. تأكدوا ان مروان ما درى عن سالفة الكف .. ولا شاف العلامة .... بس الله يعين لين باجر اكيد بيدري وبيشوف العلامة ع خد اخوه ... الله يعين .. وكملوا زايد وثاني سوالف وراشد شاركهم السوالف عقب التنهيده اللي ظهرت من من الخاطر .. وبدا سوالف عسب مروان ما يشك فالموضوع ... فضيحه يظاربون ويا اخوهم .. وتستوي مشكلة عوده وعيال عمهم هني !!.. بينهم وبين بعض اوكيه ... وعقب يخبرون عيال عمهم بالسالفه اوكيه .. اما ان حد يشهد ظرايبهم ... اللي بدت في الفترة الاخيرة لا!!... آمنة روحها في قسمها ... عقب ما بدلت بنتها ورقدتها .. سارت صالتها ... وفتحت التلفزيون .. خلت ع قناة العفاسي وطولت شوي ع الصوت .. ويلست وصل احمد من تحت ... ويلس .. وتم بس يشوف آمنة ... اللي ما صدت .. ولا قالت شي .. احمد: وبعدين ؟ آمنة: شوه ؟ أحمد: جيه ما نزلتي تتعشين ؟ آمنة: مب مشتهيه أحمد: وحتى قلت لهم اييبون العشا فوق ... رديتي اتصلتي تحت وقلتي حق ناعمه ما اييبون ولا شي آمنة: قلت لك مب مشتهيه .. ما ابا آكل احمد: انزين .. ما تبين تاكلين .. تتصلين في ناعمه تقولين لها .. ولا تتصلين بي انا تقولين لي ؟! سكتت آمنة .. احمد: قولي ... رمسي آمنة : قلت لك ما ابا آكل وبس أحمد: آمنة .. يعني بتمين جذه آمنة: انا اخترت هالشي احمد: انزين انا ارمسج .. لو سمحتي ممكن تلفين ويهج وتشوفيني .. قفطت آمنه .. هي بعد اول مره تسوي بـ أحمد هالحركات ... لافه عنه الصوب الثاني وترمسه ... فـ صدت صوبه .. احمد شاف ويها كيف محمر ... ومنتفخ من الصياح أحمد: شوفي ويهج كيف غادي آمنة: يهمك ؟ أحمد: امون كيف ما يهمني ؟! ... آمنة: انته السبب أحمد ( تنهد): والله لو بايدي أي شي .. جان سويته .. لكن ما بايدي الا هالحل آمنة:انزين .. اوكيه .. لكن انا وبنتك .. احمد: قلت لج الاسباب آمنة: بس الاسباب مش مقنعه أحمد: سبب واحد بس يكفي ... امون ما اقدر آخذج ويايه .. ولا اقدر آخذ ميثا .. البيت بيظلم ع اميه وعيسى وناعمه ... آمنة: بس انا شوه ذنبي ؟ احمد: ذنبج انج حرمتيه آمنة: لا تقول جذه ... احمد: يعني حرمت ولدهم ... وتتحملين أخطاء ريلج آمنة: انته ما غلطت أحمد: غلطت .. واكبر غلطة في حياتي يوم وافقت هاك اليوم اظهر ويا رملة آمنة: بس هذا قضاء وقدر احمد: وانا الحين لازم اتحمل عواقب هالقضاء والقدر .. لاني كنت شرات السبب فيه آمنة: استغفر الله العلي العظيم احمد: آمنة افهميني .. آمنة: انا فاهمتنك .. بس انته شكلك مب راضي تفهمني ! احمد: انا ؟! آمنة: هيه انته احمد: انتي قولي لي .. حل ثاني وبسويه .. بس شوفي .. ان ميثا وامايه يركبن الطيارة مستحيل آمنة: عيل شوه خليت بعد ؟ ما في حل ثاني احمد: امون .... كلها كم يوم وبرد ان شاء الله وويايه رملة .. بس كل ما تأخرنا ينحسب علينا الوقت ... انا ما ابا اظهر رملة واردها البيت تتعب زيادة ... انا ابا اوديها واردها وهي احسن عن قبل آمنة: انزين وين بتسيرون ؟ احمد: المانيا آمنة: وشمعنى ألمانيا ؟ احمد: انا اتصلت في علي ريل اختج حصه .. ورمسته وقلت له السالفه قالي ان ألمانيا علاجهم اوكيه آمنة: وحجزت ؟ احمد: هيه آمنة: متى ؟ احمد: نهاية الاسبوع آمنة ( غمضت عينها): مب جنّه وايد جريب أحمد: أمون لا تسوين بي جذه .. روحي والله مب قادر آمنة: انزين وليش عيسى ما يسير ؟انته وراك مسؤولية حرمه وبنيه احمد: لا ... عيسى ما اباه يسير آمنة: ليش ؟ احمد: ناعمه وامايه يحتاين عيسى اكثر عني آمنة: انته يالس تسد كل البيبان في ويهي احمد: انتي اللي مب راضيه تقتنعين .. آمنة: وشكلي ما بقتنع بعد نشت آمنة وسارت الحجرة .. شكله احمد اللي صدق ما يبا يفتح اي باب جدام آمنة .. ويرضخ لـ للي بتقوله ويقتنع برمستها ........ ********* |
الجزء الـ 29 في بيت بو هزاع ... عذيجة: الو مرحبا ... ما سمعت عذيجة الا صوت صياح من اللي متصل .. وكلمات مش مفهومه .. عذيجة: بسم الله جواهر شوه فيج ؟ جواهر: عذيجة ألحقيني عذيجة: شوه السالفه ؟ جواهر: هند عذيجة: بلاها ؟ جواهر: طاحت عليه .. ومرقده فالمستشفى عذيجة: شوه فيها البنيه ؟ فهميني .. لا تنقطين عليه فالرمسة جواهر: عمتيه توفت .. ويوم درت هند طاحت علينا .. انصدمت عذيجة !! ... عذيجة: غريسة توفت ؟! جواهر: هيه عذيجة: لا اله الا الله محمد رسول الله ... جواهر: شسوي الحين عذيجة: انتي وين ؟ جواهر: في ألمانيا عذيجة: متى بتردون ؟ جواهر: انا وبو بدر الليل بنكون في الامارات .. بس هند الحين مرقده .. ( وتصيح ) ما ادري شسوي عذيجة: فديت روحها ... جواهر: شسوي قولي لي عذيجة: والله ما ادري .... ولدج وينه ؟ وياكم ؟ جواهر: هيه عذيجة: خلاص ... انتي سكتي الحين ... جواهر: وعيالي ؟ عذيجة: جواهر الله يهداج .. عيالج مب صغار لا ولدج ولا بنتج .. ومب اول مره يتمون في بلاد غريبة رواحهم ... انتي ردي الحين ويا ريلج .. وتوكلي ع الله .. وبنتج هناك ما عليها شر ان شاء الله جواهر: ما اقدر والله ما اقدر .. عذيجة: جواهر حبيبتيه .. فديت روحج انتي .. لا تسوين بعمرج جذه .. انتي ردي ويا بو بدر الحين ... وبنتج بتنش ان شاء الله .. وبترد ويا اخوها ع اول طيارة .. جواهر: ان شاء الله عذيجة: سيري الحين فديتج .. لا تصيحين .. انتي الحين لازم تخففين ع بو بدر مب تزيدينه وتصيحين روحج ... عيالج يوم يشوفونج انتي جذه ينحبطون هم اكثر .. سيري الحين زهبي اغراضج .. واول ما توصلين البلاد اتصلي بي جواهر: ان شاء الله ... عذيجة: ولا تكدرين خاطرج ولا روحج .. جواهر :ان شاء الله .. ببند عنج الحين .. عذيجة: ديري بالج ع روحج .. وع بو بدر والعيال .. جواهر: ان شاء الله .. مع السلامه عذيجة: الله يحفظج ... فمان الله ... مدت جواهر ايدها وخذت الكلينكس ومسحت دموعها .. رفعت راسها ... وشافت الويه اللي ع طول كان مبتسم .. و دايما يظحك ... هالمره غير .. الويوه اللي حولها واللي متعوده عليها كلها تغيرت .. بدر: امايه ! جواهر: هلا حبيبي .. سرت عند اختك ؟ بدر: توني راد من عندها جواهر: شحالها الحين ؟ بدر: الحمدلله .. بس بعدها جواهر: ابوك وينه ؟ بدر: كان ياي ورايه .. وسكتت جواهر ... بدر: طيارتكم الليلة ؟ جواهر ( ومره ثانية ردت تدمع ): هيه بدر: امايه .. لا تحاتين هند .. انا وياها سيري وانتي مطمنه هني صاحت جواهر .. ما تدري تلقاها من وين والا من وين .. بنتها طاحت عليهم فجأة .. و السبب هو اللي ما توقعه أي حد فيهم .. ان يدتهم تتوفى ... بدر تجدم صوب امه ... وحضنها .. بدر: امايه حبيبتيه .. لا تزعلين .. كله قضاء وقدر ومكتوب عند رب العالمين .. يمكن هالكلمتين .. ولو انهم ما يسوون شي .. ولا يغيرون أي شي في الحياة .. لكنهم يخففون ع الواحد ولو شي بسيط جدا .. عفرا نازله من فوق .. عفرا: صباح الخير امايه عذيجة: صباح النور .. عفرا: (ما عيبها شكل امها): امايه بلاج ؟ تعبانه ؟ عذيجة: لا مب تعبانه .. بس خالتج اتصلت بي عفرا: انزين ! عذيجة: عمتها ام ريلها توفت عفرا: الله يرحمها عذيجة: آمين عفرا: وهم وين الحين ؟ عذيجة: بعدهم في ألمانيا .. بيردون الليلة ان شاء الله .. لكن تقول هند طاحت عليهم ورقدوها عفرا: هندوووووو عذيجة: هيه والله .. فديتها ... ما استحملت الخبر عفرا: كانت تسولف لنا فالمزرعه عن يدتها قالت انها من يت البيت فيه روح وظحك وسوالف عذيجة: الله يرحمها كانت فنانة والله غريسة .. عفرا: الله يرحمها .. والحين شوه بيسوون ؟ عذيجة: ما شي ... خالتج وريلها بيردون .. وهنّود بتم ويا بدر هناك .. ومتى ما نشت بيردون عفرا: حليلها والله هند ما تستاهل .. بسير اخبّر غاليه عذيجة: انا بتصل في امها بقولها عفرا: اوكيه .. ونشت عفرا سارت تتصل في غاليه تبلغها الخبر ... اللي زعل عفرا شوي .. وخلاها تفكر في بنت خالتها .. وشوه حالتها الحين ؟ الصبح .. في بيت الشباب ... راشد كان ساير صوب فريد المطبخ .... اييب ثلج عسب عبدالعزيز اللي يالس فالصاله .. شرات الطفل البريء .. لان فعلاً اللي سواه اخوه يحز في خاطره ... مروان نازل من فوق .. مروان: صباح الخير ... عبدالعزيز: صباح النور مروان: وين راشد ؟ عبدالعزيز: سار المطبخ الحين بيي .. مروان: هاي دلة شوه ؟ عبدالعزيز: نسكافيه .. مروان: يالله زين .. وسار مروان يصب له كوب .. نسكافيه مروان ( صد صوب عبدالعزيز ) : ما تـ سكت مروان .. توه يلاحظ العلامة .. من امس .. ما شافها توه يشوفها .. وعبدالعزيز يوم شاف نظرات مروان له .. نزل راسه .. ويحاول انه يدس ويهه .. او العلامة .. ورفع ايده وحطها ع خده مروان: شوه هذا ؟ عبدالعزيز: شوه ؟ مروان: شوه هذا اللي ع ويهك ؟ عبدالعزيز: ولا شي مروان: شوه ولا شي ؟! عبدالعزيز: طحت من ع الدري وصل راشد ... راشد: عبدالعزيز خذ حط هذا ع ويهك مروان: راشد بلاه عبدالعزيز ؟ راشد: شوه فيه ؟ مروان: يقول طايح من ع الدري ... شاف راشد صوب عبدالعزيز .... مروان: ليش تشوفه ؟ راشد: لا ما شي مروان: بلاه ؟ راشد: قالك طاح من ع الدري هو قالك عبدالعزيز: بلاك تطالعني ( وهو يقصد مروان) مروان: ولو اني شاك ! عبدالعزيز: شاك في شوه ؟ يعني انا جذاب! مروان: جايز ! راشد: خذ عبدالعزيز حط هالكمادات البارده شل عبدالعزيز ايده ... مروان: لحظة لحظة .. عبدالعزيز: شوه ؟ وتجدم صوب عبدالعزيز .. وتم يطالع خده عدل ... مروان: انته ما طحت من ع الدري راشد: مروان بلاك ؟ مروان: شوه مستوي ؟ راشد: انته اللي شوه مستوي عليك ؟ عبدالعزيز: ما مستوي شي مروان: العلامة هاي مب علامة طيحة ... عبدالعزيز: اوووووه ... فكني انته بعد ( ونش عبدالعزيز بيسير) مروان ( ومسك عبدالعزيز عن يسير) : تعال هني عبدالعزيز: هيه .. انته بعد كمّلها عليه ... ثرني استويت الطوفه العبيطة في هالبيت .. كل من هب ودب يمد ايده عليه .. مد ايدك .. اظربني بعد اظربني راشد: مروان هدّه .. مروان : عبدالعزيز .. انا مروان .. عبدالعزيز: ويعني ( وتجمعت الدموع في عينه ) .. ادري انك مروان .. مروان: انا امد ايدي عليك ؟ جد سويتها ؟ عبدالعزيز: لا .. ما سويتها ... بس عادي تسويها مثل ما سعيد سواها ( ونزلت دموعه ) مروان: سعيد ؟! ( صد صوب راشد ) راشد: مروان هدّه .. خله يسير هد مروان عبدالعزيز .. اللي صعد فوق .. مروان: راشد شوه السالفه ؟ راشد: يلس وبقولك... مروان: اوه راشد ارمس راشد: ثرني اقولك يلس وبقولك مروان: يلسنا قول ... خلصني راشد: امس سعيد عصب ع عبدالعزيز .. وعبدالعزيز رد عليه وصفعه مروان: بس ؟! راشد: ليش تبا شي زيادة بعد مروان: لا والله .. ( وقام يصرخ ) .. هذا منوه فاكر نفسه .. شوه يتحسب عمره .. راشد: مروان هد اعصابك مروان: شوه اهدي اعصابي .. انا بقت فيه اعصاب عسب اهديها بعد ... زودها والله مصخها ... راشد: وين ساير .. مروان: ساير اشوف لنا صرفة وياه .. و اوقفه عند حده راشد: مروان الله يخليك .. اقصر الشر مروان: هو وحرمته الشر بعينه .. راشد: استغفر الله العلي العظيم... عشان خاطريه مروان .. يلس مروان: راشد ... انته كيف تسكت؟ يصفع الولد .. ويورم خده جذه .. وتقولي اهدي اعصابي واقصر الشر بعد راشد: وانا شسوي ؟ شوه بايدي اسويه وما سويته ؟ ... انا تعبت والله تعبت حرام عليكم .. ريحوني .. كل يوم والثاني ظاهرين لنا بمشكلة .. بس عاد .. ولا جنكم اخوان .. ويلس راشد ع صوب عقب ما صرخ ع مروان .. يحس بعمره ما يقدر يتحمل زيادة خلاص .. اما مروان فـ صعد فوق .. وسار صوب حجرة عمر وعبدالعزيز .. مروان تجدم صوب اخوه اللي كان منسدح ع بطنه .. وصاد الصوب الثاني ... مروان: عبدالعزيز عبدالعزيز: شوه ؟ مروان: صد صوبي عبدالعزيز: ما ابا مروان: الله يخليك ... عبدالعزيز ( صد ): شوه ؟ مروان ( ابتسم ): ايه يالدّلوع تصيح عبدالعزيز: ما اصيح مروان: عيل بلاك؟ عبدالعزيز: ما فيني شي .. مروان: صدق قولي شوه فيك عبدالعزيز: ما شي مروان: يعوّرك ؟ عبدالعزيز: شوي مروان: يعل الصبوع اللي تنرفع عليك مره ثانية الكسر عبدالعزيز: لا تدعي عليه مروان: ما ادعي عليه .. ادعي ع اللي بيرفع ايده مره ثانية عليك .. شوف عبدالعزيز: شوه ؟ مروان: والله ... واحلف لك الحين ... ان أي حد ثاني رفع ايده عليك ... او مس شعره منك والله ما يلوم الا نفسه .. عبدالعزيز .. ابتسم .. ومروان رد له الابتسامة .. راشد: عبدالعزيز يالله نش مروان: وين بتسيرون ؟ راشد: بوديه المستشفى مروان: ليش ؟ راشد: ما ادري .. زايغ من الورمة .. بوديه نطمن عليه عبدالعزيز: انا قلت ما ابا اسير مروان: لا عيل اذا جيه السالفه .. نش يالله .. واترييوني بيي وياكم بسير البس راشد: اوكيه .. نترياك فالموتر مروان: عطوني 5 دقايق بس .. وسار مروان يتزهب عسب يسير ويا اخوانه .. فالمستشفى .. رملة: هههه ... آي عيسى: بسم الله .. رملة: راسي يدور .. ناعمه: خلاص رقدي عيسى: خلاص سكتي .. لا ترمسين ولا تظحكين ... رملة: امايه جيه ما يبتوها ؟ عيسى: نحن ظهرنا من البيت .. وامايه كانت راقده .. ناعمه: بتيي العصر ان شاء الله عيسى: بييبها انا روحي العصر .. رملة: انزين ليش محد يرقد عندي ناعمه: حبيبتيه رملة .. امايه روحها فالبيت ... وهي تعبانه .. والا هي جان تقدر بترقد هني .. وانا اشوفها ... ما اقدر ارقد هني .. ونحن كل يوم الصبح عندج .. وما نسير عنج الا يوم ترقدين .. والسستر تييج كل دقيقة تطالعج رملة: انزين ... نفس الوقت .. دخل احمد ... احمد: السلام عليكم عيسى: وعليكم السلام ... ناعمه: شوه استوى ؟ احمد: خلصت كل شي .. عيسى: وخذت التقارير مالتها وكل شي احمد: هيه ونفس الوقت وصلت آمة وبنتها بعد ... ميثا يوم شافت رملة تخبلت .. ورملة بالمثل .. وكانت هاي اول مره ... رملة تشوف فيها ميثا عقب الحادث ... رملة: حبيبتيييييه .. ييبيها .. آمنة: شحالج رمّولة .. اليوم رملة: الحمدلله .. ييبيها بسرعه آمنة: مب زين .. بتلعوزج رملة:الله يخليج ... ييبيها ناعمه: فديت هالويه اللي يظحك عيسى: اتخبلت من شافتها رملة: لازم عمتها احمد: امون شوي شوي .. آمنة: هي عافده ع البنيه .. رملة: خليها والله خليها .. آمنة :انزين اصبري بيلسها حذالج ... وبدت ميثا تسوي حركات .. وتركب فوق رملة .. وما ادري شوه ... عيسى :ايه انتي تعالي ومد عيسى ايده .. يبا يشل ميثا .. وميثا مب طايعه ... وحطت راسها ع ريل رملة ... وصدت الصوب الثاني ... كأنها تقول حق عيسى .. لا اتعب عمرك ما بيي عندك .. ناعمه: هههههه فشلتك عيسى: هيه والله .. ميثا تعالي انا عمي رملة: ههههه ما تبا ما تبا .. آمنة: تعالي هني احمد: أمون شليها بتعور البنيه .. رملة: خلها خلها آمنة: ما تبا .. ما اطيع احمد: ميثا تعالي ... وبعدها ميثا ما تبا .. عيسى: ناعمه يالله نرد البيت .. امايه هناك بروحها ناعمه: هيه صدق احمد: بتردون ؟ عيسى: هيه .. نحن يايين من وقت .. احمد: انزين سو اللي قلت لك عنه عيسى: ان شاء الله .. ناعمه: يالله فمان الله .. آمنة: مع السلامة .. الله يحفظكم .. رملة: وين سايرين ؟ آمنة: امج بروحها فالبيت .. بيسيرون عندها ... ونحن عندج مب مكفينج ؟ ميثا مب مكفتنج ؟ رملة: فديتها والله .. احمد: شحالج الحين ؟ رملة: الحمدلله .. احمد: راسج يعورج ؟ رملة: شوي .. احمد: انزين .. رملة حبيبتيه .. نهاية الاسبوع ... بنسافر رملة: بنسافر ؟ احمد: هيه .. رملة: كلنا ؟ احمد: لا رملة: عيل منوه بيسافر؟ احمد: انا وانتي .. رملة :بس ؟ احمد: هيه رملة: ملل ! انزين آمنة وميثا ليش ما ايون ؟ سكت احمد .. وصد الصوب الثاني .. وآمنة يالسه ... ما يبا يفتح هالموضوع جدام آمنة .. لان من هذاك اليوم ومسبب حساسية بينهم هم الاثنين .. رملة: بلاكم ؟ شوه فيكم ؟ احمد: ما فينا شي .. رملة: ليش بس انا وانته ؟ احمد: لان بنسير بسرعه ... وبنرد بسرعه رملة: انزين حرام نودي ميثا ويانا .. والله احمد: رملة .. خلاص قلت لج .. انا وانتي وبس .. رملة: انزين ليش ؟ احمد ( بصرخه): قلت لج انا وانتي .. خلاص عاد .. سكتي .. آمنة: احمد ! احمد ارتبك وصرخ ع رملة لا ارادي ... والسبب ان آمنة يالسه .. وهو ما يبا يرمس ويا رملة جدامها .. اما رملة .. فـ سكتت ... ونزلت راسها .. آمنة ( بتغير السالفه ): رملة شوفيها شوفيها حرام .. رملة: حبيبتيه هاي .. ( ويت بتشلها) آمنة: لا.. لا تشلينها رملة: ليش ؟.. حرام ابا اشلها آمنة: ما عليه حبيبتيه .. بس لانج تعبانه شويه .. خليها جذه احسن .. تمنظري فيها .. رملة: بس وعد يوم ارد البيت اشلها آمنة: اكيد ان شاء الله .. وبعد بخليها ترقد عندج رملة: حلفي آمنة: ليش اجذب انا ؟ رملة: الله يخليج .. والله مشتاقه لها .. وتمت رملة تلعب ويا ميثا ... وآمنة زقرت احمد يسيرون برع شويه .. آمنة: احمد بلاك ؟ احمد: ما ادري آمنة: تصرخ ع البنيه جذه ؟! وتكسر خاطرها ! احمد: هي نرفزتني آمنة: انته هني ونحن كلنا حولكم وتصرخ عليها .. عيل شوه بتسوي بها يوم بتسيرون هناك ورواحكم ! احمد: أمون ! آمنة: هيه ارمس جد انا .. احمد: ما ادري شوه فيني آمنة: لا .... تدري شوه فيك !... وانا بعد ادري شو فيك .. ونعرف شوه اللي خلاك تصرخ داخل .. احمد: امون غصبا عني آمنة :احمد حاول تكسب رملة وانته هني .. حاول انك تقرب منها اكثر واكثر .. واذا ع السفر انا فكرت في اسبابك .. وشفت اني انا الانانية مب انته .. وموافقة تسير ويا رملة رواحكم .. بس رد احمد الأوّلي الله يخليك .. قبل ما تسير وتودرنا أحمد: صدق ؟ آمنة: هيه أحمد ( أبتسم ): والله يا امون ما تتخيلين .. ان عقب رمستج هاي .. الراحه اللي فيه الحين آمنة ( ردت له الابتسامه): تيينا اوقات لازم نضحي لاجل غيرنا في بيت بو زايد .. في حجرة غاليه ... زايد وثاني يالسين ويا اختهم .. وثاني طبعا ياي ووياه حبيب قلبه اللاب توب ... ومنسدح ع فراش اخته ومتلحف بعد .. غاليه ( منصدمه ): شووووووووه ؟ زايد: وطي صوتج عن امايه تمر وتسمعنا غاليه: انتوا من صدقكم ؟ ثاني: لا نقص عليج غاليه: وكيف انتوا سكتوا؟ زايد: شوه تبينا نسوي ! غاليه: رمسوه قولوا له .. هذا ما ينسكت له .. انا بخبر ابويه زايد: ايييه وين سايرة غاليه: بخبر ابويه ثاني: شوه مينونه ! غاليه: ليش ؟ ثاني: هاي خبلة والله زايد: تبين تخبرين ابويه .. عسب تستوي مشكلة اكبر غاليه: انتوا ما تتحركون ما تسوون شي .. اليوم ظربه باجر بيكسر راسه ثاني: كيفهم اخوان يتفاهمون غاليه: لا والله .. مب ع كيفه يظربه ! زايد: هو بس لو عمر هني ... ما بتستوي هالمشاكل كلها غاليه: وهم يعني بدون عمر ما يقدرون يعيشون ؟! لازم يتأقلمون ... لازم يعرفون كيف يحلون مشاكلهم رواحهم ثاني: ط منوه يرمس ؟!.. وعن منوه ...! غاليه: صدق والله زايد: وانتي الحل برايج انج تخبرين ابويه ؟ غاليه: عمهم .. خل يرمسهم زايد: لا شكرا .. تبين تزيدين الطين بلّه غاليه: بس كاسر خاطريه عبدالعزيز ثاني: ما عليكم بيرد عمر ان شاء الله وبينحل كل شي .. غاليه :وعموه تدري ؟ ثاني :انتي بلااااااااج .. تبين العالم كله يدري غاليه :اووووه .. والله صدق انزين .. يعني ما يستوي جذه ... زايد ( نش ): انا بسير ارقد ثاني ( اطالع الساعه ): واااااااااااااااااااااااااااااااااااااااااااايد من وقت وايد وايد وايد غاليه: شوه فيك ؟ زايد: بسم الله بلاكم ؟ ثاني: لا .. بس يعني ... وايد من وقت .. زايد: تعبان .. مرهق غاليه: وما بترقد فالليل زايد: لا .. ناوي ارقد لين باجر .. لاني صدق احس بكسل فظيع ثاني: من عاير القوم زايد: شوووووه؟ غاليه: هههههههه يا غبي شوه بعد من عاير القوم ؟ ! .. احيدها من عاشر القوم .. ولا يخصه المثل ثاني: اقصد من عاير القوم .. صابه شراتهم .. هو كان يعايرني الحين هو روحه استوى شراتي غاليه: بسم الله ع اخويه يستوي شراتك .. ثاني: وانا مب اخووووج غاليه: اخويه .. انتوا الاثنين اخواني بس في فرق يعني شاسع بينكم ثاني ( فر اخته بالمخده ): مالت عليج ... تحمدين ربج اني اخوج غاليه: ثانيييييي .. لا تخرب الفراش بتعدله عقب زايد: لا تظربها ثاني: خيبة متعاونين عليه غاليه: هههه وين يالسين في حرب ثاني: ما ادري عنكم زايد: ما يخصني فيكم .. بسير ارقد .. لكن لو سمحتوا يعني كونوا عقّال .. مب تنشون ع بعض ولا تخوضون في نقاشات حاده .. ثاني: مفتي الدولة رمس .. سار زايد .. ولا رد ع ثاني .. لانه صدق تعبان .. اما ثاني تم في مكانه .. وع فراش غاليه وماخذ راحته .. وغاليه يالسه تسولف .. وهو مسيّر وياها ... وصلوا البيت .. دخلوا ... فوجئوا بأن الحبايب يالسين في الصاله ... راشد ( بصوت واطي ): مروان ... مروان ( رد ع اخوه ): لا توصي .. اصلا ما لي خلق .. ولا لي نفس حتى اشوفهم .. بسير فوق .. وطاف مروان ولا سلم حتى ولا قال شي .. ودخل عبدالعزيز ... وهو يتحرطم .. عبدالعزيز: راشد شوه هذا الحين .. راشد: خله عبدالعزيز: اوهوووو .. ما اباه بشله راشد: ما تشله .. قالك الدكتور .. تحطه اليوم بطوله ... باجر تشله .. عبدالعزيز: ما ابا راشد: لا تعاند الحين .. عبدالعزيز: انزين شـرايـ انتبه عبدالعزيز للي قاعدين .. فما كمّل كلامه وهو الثاني بعد .. صعد ع طول فوق .. راشد: السلام عليكم .. سعيد: وعليكم السلام .... من وين يايين ؟ راشد: من المستشفى سعيد: ليش ؟ سكت راشد .. وتم يطالع سعيد .. وحرمته ... فـ سعيد نش هني .. وسار فوق .. وراشد تم روحه ويا بدور ... اللي اطالعت صوب راشد .. بنظرة ما ينعرف شوه تفسيرها .. لكن كانت ردة فعل راشد .. من ردود الفعل اللي تخلي بدور تتنرفز .. لانه ابتسم في ويها... وهو الثاني سار فوق ... سار صوب حجرة عمر وعبدالعزيز ... شاف ان الوضع .. متكهرب ... سعيد يالس .. وعبدالعزيز يالس وصاد الصوب الثاني ... راشد: شوه تسوون ؟ سعيد: راشد لو سمحت ممكن تظهر برع عبدالعزيز: راشد تم .. سعيد: راشد سير .. وصد عبدالعزيز صوب راشد .. راشد: بسير اشوف مروان .. واسأله عن عمران .. وعقب برد .. وظهر راشد .. وعبدالعزيز تم يالس يتحلف له .. جذه يعني يتخلى عنه في مثل هالاوقات .. سعيد: عبدالعزيز عبدالعزيز ( قطع عليه ): سعيد ما ابا ارمس وياك ... اطلع برع لو سمحت .. سعيد: انا اطلع برع ؟ عبدالعزيز : هيه سعيد ( حاول يكون متفهم هالمره .. ومشّاها لأخوه ): اوكيه بطلع .. لكن قولي .. شوه استوى عليك ؟ عبدالعزيز: شوه استوى ؟ سعيد: ليش مغطي ويهك ؟ وليش حاطين هالكثر اشيا ع خدك ؟ عبدالعزيز: ما تدري ليش ؟ سعيد: لو ادري جان ما سألت عبدالعزيز: مشكلة يوم تصفع وتنسى .. دارت الدنيا في راس سعيد .. هذا كله من الصفعه ؟ هو ناسنها والله ناسنها .. اصلا هو ما حس هذاك الوقت شوه السالفه .. وهو شوه سوى ؟ مجرد كف .. عسب ان اخوه طول لسانه عليه .. و خلاص .. ما توقع ان نتايجه بتكون جذه .. سعيد: هذا كله من الكف ؟ عبدالعزيز: ليش ؟ نسيت ؟! سعيد: عبدالعزيز .. انا ما كان قصدي عبدالعزيز: هيه .. حتى يوم بغيت تجتل موان ما كان قصدك ؟ انصدم سعيد ... هو صح كلام عبدالعزيز يعور القلب .. ويخلي الواحد يفكر مليون مره باللي سواه .. لكن هو الواقع اللي يعيشه الكل .. سعيد: انزين انـ عبدالعزيز: اسمح لي ما ابا ارمسك الحين ... لاني للحين زعلان .. ونش عبدالعزيز .. وظهر من الحجرة .. وتم سعيد يالس ... روحه .. شكله بيندم ع كل اللي سواه ويا اخوانه ... مروان: لحظة لحظة هزاع ... نعم نعم ؟ فاتحين حضانة نحن ؟ والا ملجأ خيري .. هزاع: ملجئ خيري بعد شوه ؟ مروان: انته اسكت .. ومشها هزاع: هيه اوكيه .. عبدالعزيز: ما في مكان مروان: هالبييييييت العود بغرفه الواسعه وحديقته الخلابة ... وتقول ما شي مكان ؟! عبدالعزيز : هيه ما شي مكان ... وسار عبدالعزيز انسدح ع شبرية عمران .. مروان: لااااا .. قم قم قم عبدالعزيز: بلاااااااك مروان: شبرية اخووووويه .. محد يدقها لين يرد عبدالعزيز: قم زييييين هزاع: مروان لا تستهبل عليه مروان: ياخي احياء التراث هزاع: تراث حرمتك مروان: انته حد سمح لك تغلط يعني هزاع: ههههه بهدلت الولد ... مروان: اصبر اصبر خل نتفاهم هزاع: ههههه مروان بس عاد .. خله يمكن يبا يرقد مروان: شوه يرقد .. توه الظهر هزاع: تعال بيتنا تغدا .. مروان: اقولك اجلب ويهك .. اجلبه ... ما عندك سالفة انته هزاع: صدق مروان: شكراً على العرض ... بسير انا اشوف فريدو شوه مسوي ... اففففف لو سعيد وحرمته بيتغدون ويانا ... هزاع: عن الحركات كون عادي مروان: اصلا ما بتغدا وياهم ... عسب بعد اكون عادي هزاع: مروانووووووو مروان: هزاعووووو .. بند بسير اشوف شوه السالفه انزين هزاع: طمنّا عقب مروان: اوكيه .. يالله فمان الله هزاع: مع السلامه .. مروان: شوه فيك ؟ عبدالعزيز ( مغمض عينه ): ما شي مروان: تعبان ؟ عبدالعزيز: لا .. من شوه اتعب ؟ مروان: شي يعورك؟ عبدالعزيز: مضايق من هاللي حطوه ع خدي مروان: قالك الدكتور باجر شله عبدالعزيز: هاللي قاهرني .. باجر لازم اشله مروان: ما عليه عبدالعزيز: سعيد ياني مساعه فالحجرة مروان: شوه يبا؟ عبدالعزيز: اعتذر لي ... مروان: والله زين .. عبدالعزيز: انا ما قبلت اعتذاره مروان: ليش؟ عبدالعزيز: لاني للحين ما نسيت كيف صفعني .. ولا نسيت كيف قالي قليل ادب ... فـ ما اقدر اسامحه ... سكت مروان .. هو يدري ان زعل عبدالعزيز صعب ورضاه اصعب ... وخصوصا لو من اخوانه كلهم .. عدا عمر .. لو عمر غلطان .. او عبدالعزيز .. فـ عبدالعزيز هو اللي يبادر بالصلح .. لانه ما يقدر ع زعل عمر .. اما لو أي حد ثاني من اخوانه .. فـ بالطقاق ع قولته ! دخل الحجرة .. وهو واصل حده ... بدور: ها ؟ شوه الموضوع ؟ سعيد: أي موضوع ؟ بدور: بلاه اخوك ؟ سعيد يلس وحط ايده ع راسه .. سعيد: راد من المستشفى بدور: ليش ؟ بلاه ؟ سعيد: خده ورم من الكف اللي عطيته اياه بدور ( مستغربه ): شوووه ؟ انته معطنه كف ؟! سعيد: هيه بدور: متى ؟ سعيد: امس بدور: ليش ؟ سعيد: اوووه بدور وايد تسألين .. عطيته كف وخلاص بدور: اكيد طول لسانه .. سعيد: هو نرفزني .. بس لازم ما كنت اتصرف هالتصرف بدور: قليل الادب ينظرب ... رفع سعيد راسه وشاف بدور ... بدور: وانا صادقه سعيد: انزين خلاص ما ابا اسمع أي تعليق ع الموضوع بدور: اوه وانا شدخلني .. والله انته واخوانك تتفاهمون سعيد ما عبر بدور وانسدح ع الشبرية بدور: بترقد ؟ سعيد: هيه بدور: توك ناش ! سعيد: ياني رقاد بدور: والغدا ؟ سعيد: تغدي روحج .. انسدت نفسي بدور: اوكيه ... بكيفك .. بدور ما تحس ان كلماتها شويه دفشه ! .. او بلا أي حساب ! ... تعقها ع سعيد شرات السم ... وتمشي وتهد كل شي وراها ! في ألمانيا فالمستشفى .. كان يمشي مستعيل ... بيسير .. يبا يلحق ... وهي وقفت في النص .. ولا تحركت لكن اكتفت بالصريخ حصيص: بعد بتخليني اضيع ... وقف محمد .. تيبس في مكانه .. هاي بنته شكلها ناويه هالمره وفي هالسفرة بالذات تظهر له قرون .. وتفشله في ألمانيا بكبرها .. بعد ! محمد: بلاج ؟ حصيص: ما اقدر امشي بسرعه محمد: حصيص لا تبهدليني الله يخليج .. امشي حصيص: تعبت محمد: وبعدين ؟ حصيص: هيه والله تعبت .. ممشني من الشقه لين هني .. بسرعه بسرعه .. ساحبني شرات الأصخله .. والله ! محمد: ما تبين تشوفين امج ؟ حصيص: ابا اشوفها ... بس لا تمشيني بسرعه تعبت محمد: اففففف انزين امشي .. حصيص: ليش يعني اليوم مستعيل ؟ محمد: لان امج روحها متصله بي .. وقايله تعال حصيص: يعني فيها شي محمد: بسم الله عليها .. بعيد الشر .. قولي شي يريح يا حصيص مب يغث ! حصيص: انزين امش وانا يايه وراك محمد: ما بضيعين ؟ حصيص: لا ادلها الحجرة .. محمد: انا بسير عنج حصيص: سير سير .. كاشخ بعد اليوم .. بتستانس امايه فيك .. ابتسم محمد .. بنته هاي خبله صدق !.. وكلامها اكبر من سنها .... ابوها ما يبين انه ابوها اصلاً ... وباللبس اللي لابسنه ... جينز .. وقميص هاينك .. غليظ بيج .. ورابط الجاكيت ع رقبته .. ومال بسرعه بسرعه .. لبس الكاب وظهر من الشقة ووياه بنته .. فهو روحه ما انتبه لشكله .. لكن بنته دايما تخليه ينتبه ... لانها وايد تتغزل في كشخة ابوها .. حتى لو هو مب قاصد هالكشخه .. حصيص: باباااااااااااااااااااااااااااااااا ومحمد سار بعيد عنها ولا .. سمعها .. رغم صرختها المعتاده ... والا انه سمع لكن ما عبرها يدري بها .. تحب تأخر الواحد يوم مستعيل !... حصيص: بابا .. تعال اربط جوتيه انفتح الحبل ماله .... ونزلت حصيص تحت تربط جوتيها ... حصيص: يا ربي .. شوه هالابو .. يحب الام اكثر من البنيه .. انزين اربط جوتيه وعقب سير .. مب جنه حد يا ووقف جدامها .. رفعت راسها ... ابتسمت ابتسامة مصطنعه لان اللي واقف جدامها .. كان شكله بوضعيتها هاي .. واحد شرير .. وشوي وبيظربها !! ... واللي خلاها تخاف اكثر ... انه نزل لمستواها .. ماتت من الزياغ من هالحركة ... لكن استغربت يوم نزل لمستواها .. وتم يربط جوتيها .. حصيص: keep it .. I will do it ...........: شوه اسمج ؟ حصيص: اسمي حصيص .. اقصد .. لا .. حصه .. حصه .. وسكتت .. لكن عقب انتبهت .. هذا رمسها عربي .. واماراتي .. يعني من الامارات ... راحه نفسيه .. حصيص: اويه انته من الامارات .. ..... ( ابتسم): هيه يوم شافت الابتسامه تشجعت .. حصيص: انته شوه اسمك ؟ ......: اسمي بدر حصيص: بدر؟ بدر: هيه ... ليش ؟ حصيص: لا بس جذه ... ابا اعرف .. بدر: اللي سار ابوج ؟ حصيص: هيه .. ادري بتقول ما يبين انه ابويه .. شكله صغير وايد صح بدر : ههههه ما شاء الله عليج ... حصيص: كل حد جذه يقول .. بدر: الحين سار وودرج .. تدلين وين الحجرة ؟ حصيص: هيه ادلها .. بس احسن يوم سار ... خله ييلس ويا امايه شويه .. انا بسير صوب عمي علي .. وخالوه حصه وعقب برد عند امايه بدر: عمج بعد هني ؟ حصيص: هيه .. هذو هناك ... لف بدر ورا ... هالشكل مب غريب !! ... مشبه عليه .. ويعرفه ... وسارت حصيص صوب علي ... علي: مرحبا .. حصيص: كيف عرفت اني هني علي: سحر حصيص: صدق ! علي: ههههههه شفت ابوج في دربي .. وقالي انج وراه .. وهو مستعيل .. فـ قلت اكيد بتحوط شويه وعقب بترد صوبكم .. وصّاني اشوفج .. لو هالشي ما يتعبني .. هو اكيد شوي بيتعبني لكن ما عليه حصيص: شوووووه ... انزين .. الله يسامحك .. علي: ههههه لا لا آسفين آنسة حصيص.. حصيص: خلاص ما بيي وياك علي: افا ! ... حصيص: هيه علي: دوري لج حد يعبرج عيل .. جان ما ضعتي وودوج دار الايتام مالج انزين حصيص: ما بضيع ... ادل الحجرة .. وجان ما دليتها .. بدر بيدليني علي: أي بدر ! حصيص: هذا .. شاف علي جدام .. ومشى ورا حصيص .. بدر بعد من وين ظهرته لنا ؟! علي: بدر ! بدر: هلا ! علي: شحالك ؟ بدر: الحمدلله ... علي: ما شاء الله في ألمانيا بدر: لحظة .. امممم انته علي .. امممم علي ( ابتسم) : ريل بنت خالتك بدر: هيييييييييييه ... تذكرتك .. شخبارك ؟ علي: الحمدلله .. شوه العلوم من صوبكم ؟ بدر: تمام .. علي: خير .. عسى ما شر ؟ بدر: لا بس .. اختيه تعبانه ومرقده هني علي: سلامات ما تشوف شر .. بدر: الله يسلمك .. الشر ما اييك ... حصيص :انتوا تعرفون بعض ؟ علي: هيه .. حصيص: سبحان الله علي: شفتي عاد ! حصيص: صدف علي: بس عاد ! بدر: انا استأذن الحين .. علي: فرصة سعيدة .. نشوفك قريب .. سار بدر ... ومشى عن حصيص وعلي .. علي :والحين ؟ حصيص: شوه ؟ علي: منوه عندج غيره ؟ حصيص: محد علي: لا حبيبتيه دوري لج حد يوم انج عطيتيني فالويه .. حصيص: عمي علي ؟! علي: سيري عند السكيوريتي خل يدور ابوج حصيص: انزين بسير علي: يالله اشوف .. ومشت حصيص علي: بذبحج لو سرتي حصيص: انته قلت علي: وانتي ما صدقتي حصيص: انته قلت انزين علي: غيرت رايي ... حصيص: كيفك علي: تعالي تعالي .. بوديج عند حصه شوي تونسينها حصيص: خالوه حصه بعدها ؟ علي: هيه .. حصيص: وشحال البيبي ؟ علي ( ابتسم ): الحمدلله .. حصيص: عيل نسير بسولف وياها ... وعقب بسير عند ابويه علي: يالله عيل .. وساروا علي وحصيص صوب حصه .. يسولفون وياها ويخففون عنها شوي .. عقب ما تأجلت سفرتها .. والسبب انه الدكتور عطاهم نصيحه لوجه الله مثل ما يقولون .. يتريون لين اسبوعين .. لان حالة حصه يبالها وقت .. عسب يثبت حملها ... مب قالوا لها حامل .. اطير ترد البلاد ! في بيت ام هزاع.... دروا ان احمد بيسافر .. وان آمنة الفترة اللي طافت اكيد كانت مب ع بعضها والسبب هالشي ... فالمستور انكشف مثل ما يقولون .... عذيجة: ما ادري شوه ياينهم الناس ع ألمانيا عفرا: الاماراتيين يبون يحتلون ألمانيا ... سلامة: ما شي شغل عفرا: شوه ما شي شغل يحتلونها بعد شوه يبون سالم: الله حلو .. خل يحتلونها عقب نحن بنستوي اسرائيل بنعيش هناك كشخه ثلوج ومطر عذيجة: غربلات ابليسك ... نحن وين واليهود الله ياخذهم وين .. سالم: انا ما قلت انج يهوديه عذيجة: يهودية في عينك هزاع: هههههههه اسكت اسكت .. لا ترمس عفرا: دايما يحب ينهزب طارق: ألمانيا حلوة .. لكن مب احلى عن استراليا هزاع: رمس ابن بطوطه سلامة: الله اكبر عفرا: بدينا .... ما شاء الله عليك .. الله يحفظك ... وعين الحسود فيها عود سلامة: هيه عيل احمد: تعقدت عفرا عفرا: هيه والله .. صالح: احمد متى الحين بتسافر ؟ احمد: نهاية الاسبوع ان شاء الله صالح: ما باقي شي احمد: هيه .. عذيجة: امك شحالها ؟ وهلك ؟ احمد: الحمدلله عموه عذيجة: فديتها رملة .. والله .. حليلها آمنة: وين شمسة ؟ صالح: راقده فالحجرة .. عفرا: وهاي الثانية من يوم حملت ... راقده .. هزاع: اللهم عافنا .. صالح: لو سمحتوا انتوا الاثنين مب ع حرمتيه سالم: مب ع اميه .. هزاع: اسكت انته اسكت سالم: ياخي ادافع عن امي هزاع: ياخي هي اختيه .. قبل ما تكون امك .. سالم: اوكيه عندي اقتراح عذيجة اسكت اسكت طارق: هههههه خليه يرمس عذيجة: بيقول شي يغث خل يسكت احسن له سالم: يدوه بلاج عليييييه عذيجة: ما بلاي شي .. ارمس .. قول شوه عندك ؟ سالم: شرايكم اسير ويا عمي احمد ... عمي احمد ودني احمد: هيه ساير ألعب انا سالم: الله يخليك احمد: يا بوي صالح شل ولدك صالح: وده .. احمد: هيه تبون تفتكون منه تفرونه عليه آمنة: خل يودي بنته قبل عقب يودي عيال الناس سكتوا .... لان اللي رمست . كانت ساكته ساكته ساكته .. ويوم رمست .. عقت قنبله شكبرها!! عذيجة: قلت لكم ما يقول شي زين .. بس يغث .. ع الواحد .. صالح: انته ايه .. سر اطالع امك راقده والا تبا شي .. قم بسرعه ... عذيجة: اسير اشل دلالي واسير الحديقة احسن ... نشت أم هزاع وطلعت برع .. ونش وراها احمد .. وظهر... هزاع: تكهرب الجو ... صالح: لا عاد انته ابد ما خليته يتكهرب زيادة طارق: قصدك شوّطه هزاع: نسير نسير وراه ... ونشوا الرياييل ساروا برع ... سلامة: آمنة .. قوية الصراحه عفرا: يوم انج ما تبينه يسير جيه وافقتي آمنة: غصبا عني سلامة: أمون .. هو ما ساير يلعب .. عفرا: بيودي اخته علاج وبيرد .. آمنة: لو انتي كنتي مكاني .. جان ما قلتي جذه عفرا: والله لو انا مكانج ... اما ارضى بالامر الواقع ... واقتنع انه يخاف ع بنته وحرمته ... وامه عسب جذه ما يقدر يوديهن وياه .. او اني اصر عليه واني انا اسير وياه وبنته .. وانا بسير ايلس وياهم برع احسن لي ... ونشت عفرا هي الثانية وظهرت برع ... آمنة ( نشت آمنة معصبه وصرخت ): ط والله ... كل حد قام يعق عليه خيط وخيط ويسير سلامة: امون بلاج ؟ آمنة: والله حلوة ... انتي بعد شوه عندج ؟ قولي لي .... علميني كيف اتعامل ويا ريلي في هالمواقف .. يا خبيرة سلامة: ايييييه انتي ... شوه خرفتي ! ... يلسي هدّي شويه .. اتحكمي بأعصابج ... بسم الله ... لا اقولج شوه تسوين ولا شوه ما تسوين .. انتي روحج تعرفين كيف تتعاملين وياه مب انا .. والله ! .. وشلت سلامة هي الثانية ولدها وظهرت برع .... آمنة ... يا ربي انا شوه سويت .. والله ما ادري شوه فيني !... استغفر الله العلي العظيم ... آمنة: انتي وقته بعد تصيحين .. صاحت بنت ميثا .. بنت آمنة .. يوم شافت ان كلهم ظهروا وخلوها .. بلاهم هجّوا مره وحده ومحد عبرها شلها ووداها تطالع الطبيعة الخلابة برع وياهم ... يت عذيجة .. ام هزاع: آمنة الله يقطع ابليسج .. البنيه تصيح آمنة: تبا تظهر برع أم هزاع: انزين وديها آمنة: مالي خاطر اسير برع .. ام هزاع: اميه .. آمنة .. جيه جذه تسوين في ريلج آمنة: امايه والله ما قصدت ... وبعدين انا وايد مضايجه .. يعني كلهم لازم يقدرون .. وهم يدرون بحالي ام هزاع: حتى ولو ... .الريال بيسير جريب الحين .. وانتي جذه تكدرين خاطره آمنة: غصبا عني ام هزاع: حاولي تسيطرين ع اعصابج .. آمنة: كثر ما اقدر اسيطر ام هزاع: امون .. هذا احمد ... انتي جذه تعاملين احمد ؟ آمنة: شفتي حتى انتي مب مصدقه .. اقولج غصبا عني ام هزاع: اعتدلي ويا الريال .. عن يسير عنج وهو زعلان آمنة: وهو ما يزعلني ... بتصرفه هذا ؟ ام هزاع: شوفي .. ان ما تأدبتي بخبر عليج ابوج .. آمنة: امايه شوه تتمصخرين .. أم هزاع ( أبتسمت ): اتغشمر وياج ... انتي بدون ما نقولج تعرفين كيف تصرفين ... دون ما ترجعين حق أي حد بعد .... عكس خواتج ... فـ قومي الحين سيري برع وياهم .. وسولفي عادي آمنة: ما بسير .. الحين اسير ؟! .. ما اتخيل ام هزاع: وليش لا ؟ آمنة: هزبت احمد .. وعفاري .. وسلامة فوقهم بعد ام هزاع: هذا كله في هالدقيقتين اللي سرت فيهن المطبخ ! آمنة: شفتي عاد .. ام هزاع: انزين .. انتي ما بتسيرين انا روحي بزقر أحمد آمنة ( فزت من مكانها): شوه تزقرينه ؟ ليش ؟ ام هزاع: اعتذري منه آمنة: شووووووه ؟ اعتذر منه ؟ الحين ؟ ليش ؟ جيه ما بنسير البيت ؟ ... بعتذر له هناك .. ليش هني ام هزاع: لا هني .. والحين .. انتوا بتسيرون متأخر آمنة: بنسير اليوم من وقت عشان خاطرج أم هزاع: ما شي .. قلت لج الحين يعني الحين آمنة: امااااااااايه أم هزاع: جب قلت لج ... يلسي مكانج .. انصدمت آمنة .. بلاها امها من صدقها ؟؟ .... بس كلهم يدرون ان ام هزاع .. ما اداني وحده من بناتها تغلط في حق ريلها .. لو مهما يكون .. وخصوصا آمنة ويا احمد .. لان احمد انسان فريد من نوعه ... وصدق معيش آمنة في نعيم .. بطريقته الحلوة .. في التعامل ويا حرمته ... لكن قبل ما تنش أم هزاع ... انفتح باب الصاله ... احمد ( فتح ايده ) : حبييييبتيه انتي ... تعالي وهو يقصد بنته .. اللي كانت عند ام هزاع .. احمد: عموه بلاج ؟ عذيجة: شوه فيني ؟ احمد: ظاربه بنتي عذيجة: حشى عليه ! احمد: عيل جيه تصيح عذيجة: اسأل حرمتك .. احمد: هههههه اتغشمر وياج .. لو تظربينها تكسرين راسها .. بعد .. ما نقول شي عذيجة: لا ابويه .. لا اظربها ولا اكسر لها راسها .. ولا تقولون لي ولا اقول لكم احمد: ههههه ويه لهالدرجة بنتي تخوف عاد عذيجة: فديت روحها .. فديت هالظحكه والله .... وين الشعب ؟ احمد: الشعب برع .. يلعبون كرة عذيجة: كرة شوه ؟ احمد: كرة طااااااائرة عذيجة: ويه دلالي احمد: لحقي عليهن عيل ... لان سالم الدفش بيكسرهن لج عذيجة: هيه والله .. خلني ألحق ع هالوحش ... احمد: عموه تصيح تباج .. عذيجة: ما تباني ولا شي .. شافت ابوها ... وسارت عذيجة.. وودرت ميثا ... اللي فعلا في حضن ابوها ساكته ... وتم احمد يلعب ويا بنته .. احمد: جيه ما سرتي وياهن ؟ آمنة: وين ؟ احمد: يالسات برع آمنة: ما ابا احمد: ليش ؟ فيج شي ؟ آمنة: لا ما فيني شي ... احمد: صدق ؟ تعبانه ؟ مريضة ؟ آمنة ( مستغربة): لا ... احمد: غريبة امون ما تظهر تيلس برع !. آمنة: احمد انته زعلت ؟ احمد: من شوه ؟ آمنة: من رمستيه ؟ احمد : أي رمسة ؟ آمنة: احمد ! احمد: والله صدق ... ولا حطيت في بالي ولا شي .. آمنة: عيل جيه ظهرت ع طول ؟ احمد: هو سمعت اللي قلتيه .. بس طاف .. وقلت بسير اييب اوراق طارق يباهن مني ... من الموتر .. استغليت الفرصة وظهرت .. ويوم رديت شفتهم كلهم برع آمنة: فذمتك ؟ احمد: هيه والله آمنة: عيل سووا لي سالفة .. وهزبوني ... احمد: افا حرمتيه تنهزب ! آمنة: شفت عاد .. وانا ما قصرت .. هزبت عفاري وسلامة احمد: هههههههه بعد ! آمنة: كله منك أحمد: ما يخصني والله فيكن ... خوات وتنيازن آمنة: عادي 5 دقايق وبسير لهن عادي ولا جنه استوى شي أحمد: قومي الحين سيري آمنة: مب متفيجه أحمد: نشي يالهيزة .. مستويه كسلانة امون آمنة: شوه نسوي عيّزنا احمد: عيزتي ؟ ... عيل زين بنعرس عليج آمنة: تباها من الله انته .. ودك .. والله لأخبر عليك خالي يوسف وخالي عبيد احمد: تهددين منوه انتي ؟ آمنة: اهددك انته احمد: الشرع حلل اربع .. خوالج شدخلهم ؟ آمنة: والله خوالي ... مسؤولين عني احمد: ما تقول ابويه اخويه .. تقول خوالي آمنة: هيه ... ظهري قوي انا وتموا احمد وآمنة يسولفون شويه ... ويصفون الجو بينهم مثل ما يقولون .. يالس فالصاله ... روحه ... مب عايبنه الوضع .. يبا يشل اللي محطوط ع ويهه ... لايعه جبده منه ... لو بايده جان شله .. لكن اخوانه زين بيسوون به .. ومن الملل .... مظهر هالمرة البلاي ستيشن .. ويلعب .. روحه ... وفريد موفر له كل سبل الراحه والرفاهيه .. فريد: بعد تبا شي ؟ عبدالعزيز: لا .. مشكووووور .. بس عصير برتقال طازج الحين سو لي اياه فريد: الحين ؟ عبدالعزيز: هيه والله .. الله يخليك .. فريد حبيبي انته .. سر سو لي اياه الحين .. وباااااااارد اباه يكون فريد: ان شاء الله .. حليله هـ الفريد .. يخدم في هالبيت من يوم عمر صغير .. وتعودوا عليه .. وما يحب يكسر خاطر أي حد فيهم ... يالس في سلام وامان ... لين سمع الصوت .. اللي يرفع ضغط الواحد .. واييب السكري والقلب وكل امراض الدنيا بالنسبة له ولـ مروان خاصة .. لكن طنش .. ولا رد .. بدور: ليش ما ترد ؟ اقولك الحمدلله ع السلامة عبدالعزيز: الله يسلمج بدور: شوه فيك ؟ ولا رد عبدالعزيز .. يعني شوه هالاستهبال !.... بدور :ارمسك ... عبدالعزيز: وانا ما ابا ارد بدور: ليش؟ عبدالعزيز: لاني مب فاضي .. بدور: لا لا ... لا يا عبدالعزيز .. لا تقل ادبك .. واييك شي ثاني .. نش عبدالعزيز .. وبند كل شي .. عبدالعزيز: لا ثاني .. ولا ثالث .. ولا حتى مليون .. انا بسير حجرتيه .. واشبعي انتي بالصاله واللي فيها .... وسار عبدالعزيز فوق .. في دربه شاف مروان .. مروان: وين ساير؟ عبدالعزيز: الحجرة مروان: توك ياي تدور في حجرتنا اشرطة تلعب بهن عبدالعزيز: غيرت رايي .. حرام ؟ ما ابا ألعب ... شاف تحت .. وشاف حرمت اخوه مروان: ما تبا تلعب .. والا عبدالعزيز: تبا الصراحه .. هيه .. ما ابا احتك فيها .. ايلس فالحجرة .. اقرا كتاب .. والا شي احسن بوايد ... انا مب فاضي حق حركاتها .. ولا ابا كف ثاني اييني من سعيد .. وكمل عبدالعزيز طريجه ... ووقف مروان فوق .. ولا انا متفيج حقها الصراحه .. ولا ابا ارد عليها .. او اقولها أي شي .. خل اسير اتلبس و اظهر من هني .. واسير بيت عموه احسن لي .... وسار مروان .. يشوف عبدالعزيز ... مروان: انا بسير بيت قوم عموه ما بتيي ؟ عبدالعزيز: الحين بتسير؟ مروان: هيه عبدالعزيز: بيي بيي مروان: يالله خلص .. انا بسير اتزهب بخلص وبنسير عبدالعزيز: اوكيه .. دقيقة بس .. بتسبح واتلبس مروان: لا حبيبي ... لا تسبح الحين ... انته لو دخلت الحمام ما بتطلع منه الا عقب ساعه عبدالعزيز: لا والله ... 5 دقايق ... بسرعه بسرعه .. مروان: بتتأخر .. وبيستوي المغرب عبدالعزيز: لا لا .. قلت لك .. 5 دقايق .. لا تذلني عاد مروان .. مروان: انزين 5 دقايق بالضبط ... وبنشوف .. ********** |
الجزء الـ 30 صبح يديد ... ونهار يديد .. ويوم يديد ... وكل شي يديد .. لكن ... اليديد هذا .. اما يكون محزن .. او مفرح .. اما تكون بشارة .. او صدمة ... وصل حجرتها .. ودخل ... بدر: صباح الخير هند: صباح النور .. الصوت المعتاد اللي تعود عليه بدر ... من ايام .. وياي من صوب اخته .. هو الصوت الحزين .. ومش بش حزين ... من كثر الصياح .. صوتها رايح .. ومبحوح .. هند: رمست الدكتور ؟ بدر: هيه هند: شوه قال ؟ بدر: قال كم يوم وبطيب ... وخلاص هند: انا ما فيني شي .. بدر: هو ادرى بصحتج هند: بدر ابا ارد ... بدر: ان شاء الله جريب بنرد .... هند ( بدت الدموع ): حرام عليكم ... ما خليتوني اشوفها ... ولا احضر الدفان بدر: مب بايدنا هند: انتوا انانين بدر: هنّود ما له داعي لهالرمسة .. الله يخليج .. روحي اللي فيني مكفني ... وزيادة بعد هند: والله اناني .. اصلا انته من قبل ما ادانيها ومب مهتم .. والحين عادي عندك ؟ بدر: جيه شوه شايفتني ؟ .. مثل ما هي يدتج .. يدتيه بعد هند: يدتك؟! انته مب معترف في أهلك كلهم بدر: اوووهووووو .. بدينا .. بالونان المأرف ع الصبح ... وطول اليوم .. انا شوه يابني من الحين .. اصلا شوه اييبني عندج هند: هيه .. قول جذه من قبل .. اصلا انته ودك تستمتع بحياتك ع قولتك هني ... وانا اللي حابستنك بدر: انتي شوه تألفين .. هندو .. مب رمسة هاي تقولينها حقي انا اخوج .. هند: اخويه ما هامنه الا نفسه بدر: اوكيه .. ما يهمني الا نفسي ... مشكورة ... ويزاج الله خير .. ما قصرتي .... وطبعا كل هالرمسة ... بدت وخلصت .. بصياح هند ... المعتاد .. نش بدر وبيظهر من الحجرة .. شاف وحده في ويهه ... بدر: مرحبا حصه: هلا .. شحالك بدر ؟ بدر: الحمدلله .. بخير حصه: اكيد مستغرب منوه انا ؟ سكت بدر .. وتم يطالعها بنظرات استغراب .. حصه: انا حصه بنت خالتك ... بدر: حياج الله ... حصه: ممكن اشوف هند بدر: هيه .. حياج تفضلي ظهر بدر .. برع .. ويلس ع الكراسي .. يالله زين .. بنت خالته ظهرت هني .. هندو اخته اكيد بتستانس .. تشوفها هني ... والا ع الاقل نفسيتها بترتاح .. ان حد من اهلها ع قولتها وياها !.. بدر يالس .. ويتعبث في مبايله .. ما حس الا بحد ييلس حذاله .. رفع راسه .. شاف الويه اللي يريح النفس والاعصاب .. ويرد الروح .. لكن بالنسبة لـ بدر ما يندرى للحين بدر: مرحبا حصيص: السلام عليكم بدر: وعليكم السلام ... حصيص: ليش يالس روحك ؟ بدر: بس جذه .. حصيص: انته منوه عندك هني ؟ بدر: كيف؟ حصيص: يعني منوه راقد فالمستشفى ؟ بدر: اختيه حصيص: انا ما شايفه اختك بدر: تبين تشوفينها ؟ حصيص: هي حلوة ؟ بدر: هيه حصيص ( اطالعت بدر بنظرة ): هيه اشوف بدر: شوه تشوفين ؟ حصيص: لا لا ولا شي .. بدر: وين هلج ؟ حصيص: هلي في الامارات بدر: لا اقصد .. منوه ياي وياج هني ؟ حصيص: ابويه وامايه بدر: ووينهم عنج ؟ حصيص: ابويه ... يتحوط من دكتور لين دكتور .. وامايه مرقده فالحجرة .. بدر: وانتي جيه يايه هني ..؟ حصيص: كنت عند امايه .. وهي تعبانه .. فـ رقدت .. وعقب انا ظهرت وييت هني .. قلت يمكن اشوف عمي علي بدر: علي يستوي عمج ؟ حصيص: هيه ... بس مب اخو ابويه بدر: كيف يعني ؟ ممكن تفهميني ؟ حصيص: هيه ممكن .. في يوم من الايام .. انا ضعت هني فالمستشفى .. وما لقيت جدامي غير عمي علي .. وساعدني .. عن يودوني دار الايتام واستوي فقيرة ... ومن هذاك اليوم اليوم استوى عمي بدر: هيه .. زين زين .. حصيص: انته بعد ازقرك عمي بدر ؟ بدر: خير ؟! ( مستغرب) حصيص: ازقرك عمي بدر بدر: لا شكرا .. لا تزقريني عمي بدر حصيص: ليش ؟ بدر: انا بعدني صغير حصيص: وشوه يعني .. عادي .. ابويه انا صغير .. عمره 25 ما ادري 26 .. وانا ازقره بابا بدر .. والله مشكلتج ويا ابوج .. محد قاله يعرس واييبج انتي .. وهو في سن صغير !... حصيص: ها شوه قلت ؟ بدر: لا تزقريني عمي حصيص: كيفك .. انته الخسران .. الناس يتمنون اني ازقرهم جذه بدر: لا والله ؟! حصيص: هيه بدر: انا ما اتمنى .. حصيص: ثرني اقولك كيفك ... اقول بدر: شوه ؟ حصيص: انا تأخرت .. ولازم اسير بدر: سيري ... حصيص: شكرا ع الضيافه .. نشوفك جريب .. وسارت حصيص .. بدر .. الحمدلله والشكر .. هاي صدق خبلة .. من وين مظهرينها !... بس اسمي نكته .. لو تدخل عند هندو دقايق ... هندو بتستانس ... داخل في حجرة هند .. فعلاً .. هند يوم شافت حصه ردت لها روحها .. حست ان نفسيتها ارتاحت شويه .. حصه: وشخبارج ؟ هند ( بصوت مبحوح .. ومختلط بالدموع ) : الحمدلله حصه: بس عاد يا هند هند: والله يا حصه ما تدرين شكثر انا مقهورة .. ومضايجه .. ما خلوني اشوفها .. وكنت حاسه .. قلت لهم ما بسافر وياكم .. ويابوني بالغصب .. ( وصاحت ).. وييت هني كان قلبي مقبوض .. والحين يقولون انها توفت .. يعني ما بشوفها بعد .. حصه: ما عليه هند حبيبتيه .. اطلبي لها الرحمه .. هند: الله يرحمها .... بيتنا كان ظلام .. ويت هي نورته لي .. والحين بيرد ظلام .. والله محد حاس فيه ... ولا داري باللي في قلبي .. حصه: حبيبتيه .. انتي الحين هدي اعصابج وريحيها .. وان شاء الله تطيبين جريب .. وتردين البلاد وانا ارد وياج ان شاء الله وسكتت هند شويه .. ومدت ايدها خذت الكلينكس .. حست ان حصه روحها مضايجه يايه هني .. والا بنات خالتها ما يودرون امهن دقيقة وحده ... هند: انتي ليش يايه هني ؟ حصه: علاج هند: ليش؟ حصه: عسب الحمال هند: وخلصتي ؟ حصه:الحمدلله ( ابتسمت ) ... وحامل الحين هند: صدق ؟ حصه: هيه هند: مبروك حصه: الله يبارج في حياتج .. هند: تستاهلين والله يا حصه ... حصه: تسلمين حبيبتيه .. يالله انا طولت هند: وين سايرة ؟ حصه: ريلي .. اكيد بيي .. وبيدورني .. انا مرقديني فالمستشفى .. وامس هو قالي انج انتي واخوج هني .. هند: انتي وريلج بس يايين هني؟ حصه: هيه .. هند: ع الاقل يايه ويا انسان يفهمج .. يهتم فيج .. يخدمج من قلبه حصه: يالله عاد حرام عليج ... عاد بدر اخوج مب اخس .. بس لانه روحه مضايق .. هند: بدر اناني حصه: ما تدرين باللي في قلبه ( حبت تغير السالفه ) ... انزين . تعرفتي ع حصيص ؟ هند: منوه حصيص ؟ حصه : الا اعرفج عليها .. وصدقيني .. يوم بتشوفينها والله بتنسين هموم الدنيا كلها هند: منوه هي ؟ حصه: بمرج وقت ثاني ولو كانت موجوده بييبها صوبج .. اما الحين اسمحي لي .. لازم ارد حجرتيه .. هند: تمي شوي حصه: والله ودي .. لكن علي بيذبحني لو درى اني ظهرت .. ونشت حصه وحبت هند ع خدها حصه: يالله حبيبتيه .. نشوفج جريب هند: الله يخليج لا تقطعيني .. حصه: ان شاء الله ... كل ما احصل فرصة بييج ... وظهرت حصه من الحجرة .. وردت حجرتها ... وحمدت ربها علي بعده .. والا مب متفجيه هي حق محاظراته ع الصبح ... كان راقد ... وفي سابع نومه .. نش ع صوت الكحّه .. عبدالعزيز: راشد اشرب ماي ... خذ بندول وما سمع الرد .. لان الكحه متواصلة ... واللي يكح .. يحاول يكتم كحته كثر ما يقدر .. نش عبدالعزيز .. و يلس ع الشبرية ... وهو مغمض عينه ... عبدالعزيز: وبعدين ؟ ..........: آسف ... ورد يكح .. عبدالعزيز: اييب لك بندول ؟ ......: لا مشكور ... توني ماخذ حبوب الزجام والحساسية .. عبدالعزيز (فتح عين وحده ) : ومن متى انته فيك حساسية ؟ ما سمع أي جواب .... و فتح عيونه الثنتين .. لا لا .. لا يمكن .. لحظة .. خلني استوعب .. وتم عبدالعزيز يفرك عيونه .. يمكن هو صدق راقد ويحلم بعده ...... وفتحهن ع الأخير ... عبدالعزيز: عمّوووووووووووووووووووور وعفد عبدالعزيز عليه .. وعمر ما لحق يرد ولا يقول شي .. لانه للحين يكح .. وعبدالعزيز عفد عليه .. صك ع صدره مول .. والريال شويه وبيختنق ... دخل راشد .. راشد: قووووووووووووووووووم .. بتذبحه .. عبدالعزيز نش عبدالعزيز :انا في حلم والا في علم ... راشد: في علم في علم عبدالعزيز: صدق .. راشد .. رااااشد راشد: هاااا انا هني عبدالعزيز: لا مستحيل راشد: بس عاااااد عبدالعزيز ( يصرخ) : والله انكم حراااااااااااااااااااااااااااميه والله راشد: هههههه .. قوله الحمدلله ع السلامة .. والا أي شي عبدالعزيز: يالمجرم .. سخيف والله سخيف راشد: حرام عليك عبدالعزيز: مب انته السخيف المجرم .. هذا عمر .. راشد: خله يتنفس عبدالعزيز: متى وصلت ؟ راشد: توه قبل ساعه عبدالعزيز: الساعه كم الحين ؟ راشد: 3 الفير عبدالعزيز: منوه يابه ؟ راشد: زايد ... يعني حتى نحن ما ندري .. عمر خلص كحته .. ويلس عاد خذ نفس .. بصوته المبحوح .. واللي مختفي مول .. يالله تسمع بعض الكلمات منه .... عبدالعزيز: حبيبي عمّوووووور .. طيرت الرقاد .. عمر: شحالك ؟ عبدالعزيز: الحمدلله انته شحااالك حبيبي عمر: انا الحمدلله .. ( وركز عمر شويه في ويه اخوه ) شوه هذا ؟ عبدالعزيز: شوه ؟ عمر: هذا ... وأشّر عمر ع خد عبدالعزيز .. سكت راشد .. وبهت ... ناسين والله ناسين ... من فرحته برجعة اخوه .. نسى السالفة هاي .. وكيف بيهيئ عمر لهالشي .! عبدالعزيز: طحت من ع الدري .. المهم هاي مب سالفتنا الحين .. عمر: راشد كاس ماي اللي يخليك .. راشد: ان شاااااء الله .. وسار راشد ظهّر كاس ماي من الثلاجه الصغيرة .. اللي فالصاله اللي فوق ... ويا عطاه حق اخوه ... عبدالعزيز: عمّور والله مب مصدق انك انته هني راشد: تباني اظربك عسب تصدق عبدالعزيز: لا الله يخليك .. راشد ( قطع عليه): خلاص رقدوا الحين ... عبدالعزيز :وين اييني الرقاد ؟ ويييييييين .. مروان يدري ؟ راشد: محد يدري .. كلهم رقود .. رقدوا عاد بتوعونهم .. عبدالعزيز: خلاص انته سير .. راشد: استغنيت عني خلاص عبدالعزيز: باجر بنتفاهم راشد ( أبتسم ): يالله عيل تصبحون ع خير .. وظهر راشد .. و بند الليت وصك الباب وراه ... عبدالعزيز: عمّور والله اني مب مصدق .. رن مبايل عمر .. عمر: الو .. احمد: وصلت؟ عمر: هيه احمد: رايح فيها الاخ صوتك استوى اخس عمر: شسوي .. احمد: اخوانك شافوك ؟ عمر: عبدالعزيز .. وراشد .. بس احمد: زين زين .. عيل عزات رقدت الليلة دام عبدالعزيز شافك الحين عمر: لا برقد .. لاني تعبان احمد: يالله عيل بخليك .. تصبح ع خير عمر: وانته من اهل الخير .. وبند عمر .... عبدالعزيز: اقصّر ع المكيف ؟ عمر: لا عادي .. بس ييب اللحاف الثاني من تحت الشبرية .. عبدالعزيز ان شاء الله .. ولين عبدالعزيز نش ... وظهر اللحاف الثاني ... عمر انسدح ع الشبرية .. وفي مكانه .. اللي من زمان ما رقد عليه ... وتلحف .. وغمض عينه وعبدالعزيز كان وده يسولف .. لكن يوم شاف اخوه وشكله كيف مستوي .. من السفر .. قال ما بيكون اناني .. وبيرقد الحين ومن اصبح افلح .. مع انه يشك انه بيرقد الحين ....! فلحف اخوه باللحاف الثاني بعد .. ورقد حذاله ... عمر ( وهو مغمض): عبدالعزيز عبدالعزيز: هلا .. تبا شي ؟ عمر: آسف تعبان وفيني رقاد .. بنش ان شاء الله عقب .. وبسولف وياك عبدالعزيز: ما عليه .. المهم انته تكون بخير .. ومرتاح .. ارقد الحين ... ومد عمر ايده .. ومسك ايد اخوه الصغير .. اللي افتقده في هالسفرة وايد .. ومحد يدري بالشوق اللي في قلبه .. غير رب العالمين ............ اما عبدالعزيز .. بمجرد ان عمر سوى هالحركة ... الدنيا مب واسعته ... يبا يصرخ .. يبا يقول حق كل الناس .. ان اخوي حبيبي رجع .. ان نصي الثاني رجع .. ان ابويه اللي من اول ما ابصرت النور وهو مهتم فيني رجع ... في واحد ثاني .. نش ع صوت الصياح .. والصريخ ... طارق: بلاه هذا ؟ سلامة: شكله مريض طارق: شوه فيه ؟ سلامة: جسمه حار شويه طارق حليله من صياح ولده .. ما رام .. فنش ويلس ... وهو مغمض عينه .. طارق: قيسي درجة حرارته .. سلامة: ما ادري وين حطيتها طارق: استغفر الله العظيم .. سلامة: قلت بظهر برع .. عسب ما ازعجك .. بس خفت تهزبني طارق( فتح عيونه ): برع ؟ وين برع ؟ سلامة: فالحوش طارق: لا .. زين انج ما ظهرتي .. لاني صدق كنت بهزبج سلامة: شسوي ؟ بتصل في امايه طارق: وامج شوه تسوي سلامة: عيل شسوي ... طارق: امج دكتورة مثلا؟! سلامة: طارق حرام عليك ... بهدلني ولدك ... وشاف طارق صوب حرمته سلامة ... وابتسم ... لانه يدري بها ... سلامة كل شي عندها ولا ولدها .. يوم يصيح .. تحس انها بتصيح وياه .. ودموعها الحين عادي تنزل في أي وقت .. سلامة: مستانس .. طارق: سلامة لو تشوفين شكلج سلامة: شسوي انزين ما تشوفه كيف يصيح .. طارق: عطيتيه أدول ؟ سلامة: هيه عطيته ... طارق: يعني انتي امه ما تدرين شوه فيه ؟ سلامة: ولو ادري يعني بتم يالسه جذه ؟ بشوف حل طارق: ييبيه ... وشل طارق ولده اللي صاح زياده .. وما يبا أي حد غير امه .. وبعد عند امه يصيح طارق: فديته محموم سلامة: قلت لك .. طارق: انتي قلتي شويه سلامة: انزين طارق: قومي قومي سلامة: وين اقوم ؟ طارق: قومي بنسير المستشفى ... سلامة: أي مستشفى ؟ طارق: قومي بوديج الوصل .. طواري ... وجان فيج رقاد .. رقدي انا بودي ولدي سلامة: ودك انته تخيل توديه روحك بدوني طارق: انا ابوه ... سلامة: حتى ولو ... طارق: انزين يالله نشي .. انا ببدل وبسير اشغل الموتر .. سلامة: انزين .. دقايق بس ازهب له شنطته ... طارق: انزين ... في بيت بو زايد ... غاليه طفرانه خلاص .. فيها رقاد .. وواصل حدها .. والأاخ المحترم ما ينش حق الصلاة .. اليوم بعد مول امصخنها ... لا صلاة فالمسيد .. ولا ينش الحين يصلي فالبيت ... غاليه: ثاني قم وثاني ولا معبرنها .. ولا جنه غاليه ترمس .. غاليه: ثانييييييييييي ثاني: ها توه استجاب .. وتوه رد ... عقب كل هالمحاولات غاليه: قم .. ثاني: شوه تبين انتي ؟ غاليه: قم صلااااااة ثاني: أي صلاة ؟ غاليه :أي صلاة ؟ صلاة الظهر ... ثاني: قومي خليني ارقد غاليه: قم بسرعه .. صل الفير ثاني: ليش؟ غاليه: شوه بعد ليش ؟ ثاني: قومي .. فكيني غاليه: ثاني والله حرام عليك .. بسير ارقد .. نش .. امايه اتصلت بي وقالت قومي اخوج ... ثاني: سيري قومي زايد ... غاليه: انته ما يخصك في زايد ... ثاني: قومي غاليه: والله مشكلتك .. صلاتك حق عمرك .. انا بسير ملت غاليه ... وظهرت برع .. ويوم ظهرت .. ظهر زايد في ويها وتروعت غاليه: بسم الله زايد: بلاج ؟ غاليه: روعتني زايد: شوه تسوين انتي هني ؟ غاليه: اوعّي ثاني من الرقاد ... مب طايع ينش زايد: ليش؟ غاليه: شوه ليش انته بعد ؟ ... ما مصلي الفير زايد: يا سلام ؟! غاليه: شفت عاد .. وامايه اتصلت وبلشتني فيه .. ما ادري شكله من امس مواصل ... وما قدر يكمل فرقد .. والحين منهد حيله زايد: سيري رقدي انا بوعيه غاليه: وانته من وين ياي ؟ زايد: كنت ساير المطار .. اييب عمر ولد عمي سيف غاليه: اونه رد من السفر؟ زايد: هيه .. الحمدلله غاليه: يالله .. الحمدلله ع سلامته زايد: الله يسلمج .. غاليه: الحين يا اخي العزيز .. بسير ارقد .. ما اقدر الصراحه والله واصل حدي .. تصرف ويا اخوك زايد: ان شاء الله .. انتي سيري رقدي غاليه ( تثاوب ): تصبح ع خير زايد: وانتي من اهله .. ابتسم زايد .. يوم شاف اخته .. صدق مدوخه من الخاطر .. والحبيب ملعوزنها ولا ينش .. لا بعد حق شوه ؟ .... حق صلاة الفير ! وسار زايد صوب اخوه ... زايد: انته ايه .. نش بسرعه ... ثاني: شوووه شوه تبووووووون .. خلوني ارقد .. زايد: قم صل الفير .. ثاني: مصلي مصلي .. زايد: يالجذاااااب ... وثاني رقد صدق .. لكن زايد له تصرف ثاني ويا هالثاني اللي وياه فالبيت .... وهو يحلم .. وفي سابع نومه .. رغم كل المحاولات والمناورات والمشاورات بعد ... الا انه مستمتع في رقاده .. وعادنه شي حلو .. ومن زمان ما راقد !!.......... ما حس الا بقوالب ثلج ع ويهه ... ! هذا تشبيه بليغ .. للماي اللي انصب ع ويهه .. وفز ثاني من رقاده ... ثاني: الله ياخذ ابليس ... وين نحن ؟ زايد: نحن في بيت عبيد .. ثاني: منوه عبيد ؟! زايد: ابوك يالهرم .. نش صل الفير ثاني: انته منوه ؟ من وين ظهرت لي .. زايد: لا تسأل وايد .. نش صل .. ثاني: ان شاء الله ان شاء الله .. ونش ثاني من فراشه .. سار يتوضا ويصلي ... وع قولت زايد ما ايوون الا بالعين الحمرا ! في ألمانيا .. بدر: امايه قولي لي شسوي ؟ جواهر: لا تسوي شي اميه لا تسوي شي .. بس الله يرضى عليك خفف عن اختك مب تضايق بها بدر :الحين انا اللي اضايق بها ... جواهر: بدر حبيبي .. انته تفهمني ... بدر: لا ما افهم .. انتي تقولين اني انا مضايقنها .. اذا جذه .. خلاص انا بحجز باجر ع اول طيارة .. وابوها خل ايي يجابلها جواهر: بدر .. انا الحين فالعزا .. يوم بخلص بتصل بك .. بخلي ابوك يتصل بك بدر: خليه يتصل في بنته مب فيني انا .. يالله مع السلامة .. وبند بدر .. كان متوتر ع معصب .. ومتنرفز .. وصل الحجرة ودخل .. بدر: السلام عليكم .. هند: وعليكم السلام .. ويلس بدر هالمرة .. دون ما يسأل اخته عن حالها ... ولا يقول لها أي شي .. هند: بدر بدر: شوه ؟ هند: في شي ؟ بدر: شي مثل شوه ؟ هند: ما ادري .. انته مب ع بعضك بدر: لا ما فيني شي .. هند: صدق ؟ بدر: هيه .. هند : انا اتصلت في امايه ما ردت عليه بدر: هي فالعزا هند: للحين العزا ؟ بدر: هيه هند: نحن متى بنرد ؟ بدر: ما ادري .. هند: بدر بلاك جذه ترد عليه بدر: اوووه .. كيف تبيني ارد .. هند: انته شوه فيك ؟ بدر: ما فيه شي قلت لج .. ما فيه شي .. خليني انا في حالي .. انتي اللي شوه فيج ؟ .. مب راضيه تقتنعين ... ولا راضيه ترضين بالأمر الواقع .. اصحي يا هند اصحي .. يدوه غريسه توفت .. وانتي يا ام الايمان .. لازم ترضين بهالشي .. مب تسوين هالحركات كلها ... بهدلتيني يا هند والله بهدلتيني .. ويلس بدر ع صوب .... وهند سكتت .. حست في هالوقت .. انها صدق مصختها ويا اخوها بس غصبا عنها ... هو مهما يكون بعد .. انسان ... بشر .. ومتأثر .. واللي فيه مكفنه ... فـ اكتفت بأن دموعها تنزل ... اما بدر ... رغم كل شي .. هو بس عنده هالأخت الوحيدة ... ويعتبرها اخته واخوه .. واهله كلهم ... لان اخته طيبة وحنونه ... صح انا ساعات تحط عليه ... وتعلق ع تصرفاته .. لكن مهما يكون اخته .. بدر: هنّود حبيبتيه هند: شوه ؟ بدر: انا آسف هند: مب انته اللي لازم تعتذر ... انا لازم اعتذر .. بدر: انا ادري انج زعلانه .. ومضايجه ... لكن مثل ما هي يدتج هي يدتيه بعد .. مهما يكون .. اتذكر يوم كانت تهزبني .. يوم كانت تقرّض بي .. ويوم ويوم .. انا متأثر شراتج هند: وانا شقول ؟ ( نزلت دموعها زياده ) ... انا ما كان لي حد فالبيت غيرها ... من يوم يت .. تغير روتيني .. عندي حد اتريق وياه .. عندي حد اتغدا وياه واتعشا وياه ... عندي حد يسولف ويايه .. ويهتم فيني .. ويخاف ع صحتيه ... عندي حد كان متابعني في كل صغيرة وكبيرة .. وينصحني .. بدر: هنّود .. صح ان في اشيا نحن ما نسويها لج .. لكن نحن بعد هلج .. ونخاف عليج هند: والله يا بدر ... يمكن تتحسبني ابالغ .. لكن والله اني ما حسيت بأني ساكنه ويا ناس في بيت واحد الا يوم يدوه غريسه يت البيت .. وصاحت هند ... وبدر يالس يطالعها .. يدري هم مقصرين في حق اخته .. من ناحية الجلسات العائلية ... اللي هي تحبها ... تحب تيلس ويا عايلتها لكن في بيتهم في بلادهم .. مب برع ! بدر: انزين خلاص اسكتي .. ما احب اشوفج وانتي تصيحين هند: غصبا عني بدر: انتي نشي .. وكوني بصحه وعافية ... ونرد البلاد بسرعه وان شاء الله تلحقين ع آخر يوم عزا هند: بدر بدر: هلا .. آمري هند: بدر اوعدني بدر: لو اقدر ع الوعد .. اوعدج اني اكون قدها وقدود بعد .. قولي .. شوه تبين ؟ هند: قول الصدق ... ما يستوي نرد الحين ؟ بدر: الدكتور رمسني ... وقالي .. يمكن الطيارة تأثر عليها شويه .. لان انتي هالمرة حتى ونحن يايين .. حسيتي بدوخه ... فـ اخاف نرد الحين ويستوي بج شي .. فقال ريحوا كم يوم .. ويوم بنشوف ان ان شاء الله ما فيج شي ... بيرخصونج ويستوي نرد .. هند: انزين وجيه ما يرخصوني الحين ؟ بدر: قلت لج .. انتي تبين راحه .. ولو رخصوج الحين .. انتي بتقولين تبين تردين ع طول .. وهو لازم ترتاحين في الشقة كم يوم وعقب نسافر هند: يعني متى اقدر اطلع ؟ بدر: والله يعتمد عليج .. هند: الله يرحمني برحمته بدر: ان شاء الله بتطلعين جريب .. وبنرد البلاد ... وانتي بصحه وعافية ... وسكتت هند ... بدر: هنّود .. هند: شوه ؟ بدر: بلاج ؟ هند: شوه فيني ؟ بدر: كل ثيابج حمرا ..... حتى وانتي هني راقده لابسة احمر .. شوه حالفة الاخت ؟ هند: اسكت انزين .. انته شاري هالجلابية حقي ... ظحك بدر ... وابتسمت هند .. وتم يظهر سوالف ويعلق ع اخته .. عسب بس يغير لها الجو .. وترد الظحكه ع شفاها ... في مكان ثاني ... في الشقة .. يالس فالصاله روحه .. ويقرا الجرايد اللي جدامه بالانجليزي .. حصيص: بابااااا محمد ( وهو مندمج): شوه حصيص: بابا محمد: شوه ؟ حصيص: شوفني انزين .. محمد: شوه تبين ؟ حصيص ( صرخت): باباااااااا محمد: حصيص ! ونزل الجرايد يشوف بنته .. محمد: شوه هالصريخ ؟! حصيص: ازقرك انزين انا محمد: خلاص قلتي بابا .. قلت لج شوه ؟ ... حصيص: ما ابا .. قولي هلا محمد: بعد !.. حصيص: هيه .. محمد: هلا .. آمري.. عيون بابا حصيص: هيه .. جيه احلى ابتسم محمد غصبا عنه ... ع حركات بنته محمد: شوه تبين ؟ حصيص: بابا عادي توديني اشتري لعبة حق الدب جسّوم ؟ محمد: وليش انتي ما اشتريتي له ؟ حصيص: لا .. محمد: ليش؟ احيدج اشتريتي حق الكل حصيص: الا هو محمد: ليش؟ حصيص: كيفي .. ما ابا اشتري له .. محمد: شوه هالتفرقة بعد ؟! حصيص: والله كيفي .. هو الدب يلعوزني .. فقلت بأدبه ولا بشتري له محمد: وشوه اللي خلاج تغيرين رايج الحين ؟ حصيص: امس يوم رمست عمي .. وهو طبعا رز فيسه .. ورمس وما ادري شوه .. وقال انه اشترى لي هديه .. يوم برد بيعطيني اياها .. ويقول صح اني ما استاهلها لكن ما عليه .. انا بعد قلت له .. اني ما اشتريت له .. ولا هو يستاهل اصلا محمد: ويوم انج ما اشتريتي ولا يستاهل .. ليش بعد الحين بتسيرين تشترين ؟ حصيص: قلت لك .. كيفي .. غيرت رايي .. محمد: انزين ام لسان .. عقب ونحن سايرين عند امج .. بنمر نشتري لج .. حصيص: اوكييييييييه محمد: قولي ان شاء الله حصيص: ان شاااااااااء الله .. وباذنه تعالى محمد: تطنزين عليه ؟! حصيص: لا لا ... والله ما اطنز محمد: اوكيه ما عليه حصيص: ها .. شوف انته تقول اوكيه تعلمني محمد: عيل اقول ان شاء الله ما عليه ؟ ما تركب .. ونقعت حصيص من الظحك .. عيبتها جنه جملة ابوها الاخيرة .. ومحمد بدا يظحك ع ظحكتها .. محمد: ههههه بلاج تخبلتي ؟ حصيص: انته تظحّك محمد: هههه في شوه ؟ حصيص: هههه جيه بس تظحك محمد: انزين بس سكتي ... عيب الظحك حصيص: باباااا محمد: هلااا حصيص: احبك والله محمد: انا بعد احبج والله حصيص: انزين قول محمد: شقول بعد ؟ حصيص: طلعني محمد: وين اوديج ؟ حصيص: أي مكان محمد: والله لو كنت متفيج .. ولي بارض بظهرج .. بس فيه رقاد حصيص .. حصيص: باباااااا محمد: والله العظيم .. ما تبين بابا يرتاح ؟ ونش محمد ساير حجرته .. حصيص: انزين الله يخليك محمد: بظهرج عقب ما انش .. حصيص: الحين محمد: قلت لج عقب ما ارقد .. ساعه بس وبنش بوديج أي مكان تبين حصيص: بظهر روحي محمد: يا ويلج لو شبرتي برع الشقة حصيص: هني تحت .. ادل المكان عدل .. محمد: قلت لج ما تظهرين ... وصل محمد الحجرة .. و بند الليت .. وانسدح ع الشبرية .. حصيص: انا ارمسك محمد: ثرني قلت لج .. برقد ساعه بالكثير وبنش عقب بوديج والله حصيص: لو امايه الحين جان قلت لها .. ان شاء الله .. كم سهام عندي ... سكت محمد .. وفتح عينه .. واطالع صوب بنته ... محمد: حصيص ... انتي تقولين جذه ؟ ... انا قصرت في حقج ؟ قلتي شي وما سويته ؟ .. كل هذا ... وتغارين من امج !....... حصيص: لا محمد: بلى توج تقولينها .. حصيص: ما قصدتها .. والله ما قصدتها اتغشمر وياك محمد: ما تقصدين .. لكن حزت في خاطريه انزين .. يوم انج انتي تقولين جذه .. وتستكثرين ع امج اللي اسويه بها .. عيل الغير شوه يقولون حصيص: بابا والله آسفة .. وما رد محمد ع بنته .... حصيص: بابا .. ومطنشنها .. وغمض عينه.. سارت حصيص صوب ابوها .. محمد: زعلان منج لا ترمسيني .. لا لا ... عاد جذه يرد عليها بهالقسوة .. ما تستحمل حصيص هالمعاملة من ابوها .. حصيص: بابا والله آسفة .. ما قصدت شي .. محمد: انزين ابا ارقد الحين .. عقب بنتفاهم حصيص: بابا بصيح .. محمد: وليش تصيحين ؟ حصيص: بابا والله حرام عليك .. محمد يعرف ان بنته ما تداني هالاسلوب منه .. و يعرف ان مثل تقول .. وانها صدق بتصيح لو هو يرمسها بهالطريقة ... فيوم حس انها وصلت حدها .. فتح عينه .. محمد: شوه حرام عليه ؟ حصيص: بابا آسفة محمد: انزين خلاص حصيص: بابا محمد: خلاص عاد .. حصيص: انته زعلان ؟ محمد ( ابتسم ): حد يزعل من روحه وحبيبة قلبه حصيص: هيه محمد: منوه ؟ حصيص: انته محمد: انا !! حصيص: هيه توك قلت محمد: اتغشمر وياج .. انا مينون لو ازعل منج حصيص: صدق ؟ محمد: هيه حصيص: انزين .. انا بسير الحين وبخليك ترتاح محمد: شرايج عسب ما تملين .. اتيين ترقدين .. حصيص: هيه احسن .. محمد: تعالي رقدي هني .. حصيص: اوكيه .. ورقدت حصيص حذال ابوها .. محمد وحصيص ... علاقتهم ببعض كل يوم تقوى .. بما ان سهام ام حصيص مريضة... واوقات وايد تقضيها فالمستشفى .. لانها تتعب بسرعه .. فهم يكونون رواحهم .. ومحمد يلعب دوم الاب والام في نفس الوقت .. ويا بنته .. لانها صغيرة .. وتحتاج لحنان وحب الاثنين .. وامها كثر ما تقدر تعطيها كل اللي عندها .. وابوها يساعدها في هالشي ... ويبذل كل جهده عسب حصيص ما تحس بالنقص .. او انها اقل عن أي طفل ثاني .. ******** |
الجزء الـ 31 الفير .... فالمستشفى ... طارق كان توه راد من المسيد ... وياي المستشفى ... شاف سلامة حرمته ظاهره من عند الدكتور ... طارق:خلصتي ؟ سلامة ( بحزن ): هيه طارق: شوه فيج ؟ سلامة: ما شي .. نسير نييب الدوا من الصيدلية ... طارق: يالله ... مشوا سلامة و طارق صوب الصيدلية ... اول ما وصلت سلامة هناك .. يلست .. طارق: سلامة ؟! سلامة: طارق الله يخليك .. منهد حيلي .. خذ الوصفة .. وييب الدوا ... طارق: ييبيها انزين .. وعطت سلامة طارق الوصفة .. سار طارق وياب الدوا ... ورد مره ثانية صوبها .. طارق: يالله .. نسير .. نشت سلامة ... ومشت ورا طارق لين وصلوا السيارة .. ركبوا ... طارق ( قبل ما يشغل السيارة ): سلامة فيج شي ؟ سلامة: لا .. طارق: شوه قالج الدكتور ؟ سلامة: ما شي .. بس حمى .. وان شاء الله تروح جريب طارق: انزين بلاج انتي ؟ ... مب ع بعضج ؟ سكتت سكتت سكتت ... وكتمت كتمت كتمت ... الحين فضت ... و نزلت دموعها ... طارق: سلامي !! .. بلاج ؟ سلامة: ما فيني شي .. طارق: شوه ما فيج شي !... تصيحين انتي .. سلامة: مضايجة شويه طارق: تعبانه ؟ سلامة: لا .. طارق: من شوه مضايجه ؟ سلامة: ما ادري .. طارق: انا ادري .. مضايجه ليش انه الولد تعبان سلامة: انته تدري اني ما احب اشوفه تعبان .. ومريض ... طارق: هو ياهل .. يمرض حاله حال اليهال سلامة: احس انه يتعب طارق: لازم بيتعب ... يعني مريض .. بسم الله ما فيه شي انزين .. الا هي حمى .. سلامة: خلاص انزين اسكت عني طارق: يا الله .. الحين يعني ما بتسكتين .. سلامة: انته شلك فيه .. سوق ردني البيت .. طارق: شوفي شوفي .. تصيحين .. الولد يتحرك سلامة: وهو شدراه طارق: يحس في امه ... سلامة: وايد فاضي طارق: صدق انزين .. لا تصيحين ... مب زين ... قولي الحمدلله سلامة: الحمدلله .. يالله شكل سلامة يكسر الخاطر ودموعها تنزل .. وهي تمسحن بالكلينكس .. وولدها على ريلها.. طارق: سلامي بس عاد سلامة: طارق سوق .. طارق: ما اقدر .. انتي جذه ما اقدر احرك سلامة: طارق والله تعبانه .. وواصل حدي .. سوق خل نوصل طارق: انزين .. بتسيرين بيت ابوج ؟ سلامة: الحين شوه يوديني الفير طارق: ما ادري ... يمكن مضايجه ليش اني قلت لج مساعه لا تتصلين بـ أمج .. والا شي سلامة: لا .. عادي .. سير البيت .. طارق: انزين اشوف .. ومد طارق ايده ... حطهن ع راس ولده .. طارق: فديت روحه .. سلامة ( مسحت ع راس ولدها ): والله تعبان .. حاسه فيه طارق: حبيبي .. ما عليه .. بيطيب ان شاء الله جريب .. سلامة: يالله سوق طارق: متأكده يعني .. سلامة: هيه طارق: بس بشرط سلامة: شوه ؟ طارق: وانا اسوق .. سولفي ويايه .. لا اتمين ساكته وتصيحين سلامة: طارق والله صدق فاضي .... طارق: لا صدق ارمس انا جد سلامة: انزين .. سوق طارق: وعد ؟! سلامة: ان شاء الله طارق: يالله بنشوف .. بسم الله ... وشغل طارق السيارة .. وساق .. وبدا يسولف ويا سلامة .. وهي ترد عليه .. بس من نبرة صوتها حزن .. لكنها ما تحب ترد ريلها في طلبه هذا بعد !!.... الصبح ... عفرا نازلة من فوق .. ما تدري تحس ان اليوم فيها نشاط اكثر !!... عفرا: صباح الخير يا غالي بو هزاع: صباح النور .. عفرا: شحالك ؟ بو هزاع: الحمدلله انتي شحالج ؟ عفرا: الحمدلله .. عيل وين امايه عنك ؟ بو هزاع: امج برع .. عفرا:شوه تسوي برع ؟ بو هزاع: تحط الريوق فالحديقة .. عفرا: بعـــــــــــد ! بو هزاع: مليت من داخل البيت .. قلت لها برع نغير جو عفرا: زين ... بو هزاع: وين هزاع بعده راقد ؟ عفرا: اظن بو هزاع: سيري وعيه عفرا: وايد من وقت ! بو هزاع: لا من وقت ولا شياته ... هو بس يحب يسهر الليل ويرقد الصبح عفرا: خله انزين عقب شويه لو ما نش بسير اوعيه بو هزاع: نشي نسير نتريق برع ... عفرا: انزين .. ونش بو هزاع .. ونشت عفرا وراه .. عذيجة: حسبي الله عليهم بو هزاع: شوه فيج ؟ عذيجة: خلت الحليب يفور وايد بو هزاع: منوه ؟ عذيجة: في غيرها .. بو هزاع: والله فاضيه ع الصبح ... خلاص ما عليه عفرا: امايه عذيجة: شوه ؟ عفرا: يمكن نسير بيت خالي يوسف اليوم عذيجة: منوه بيسير ؟ عفرا: انا و هزاع .. وغاليه ... وزايد وثاني عذيجة: خليتي حد بعد ! عفرا: والله ما ادري .. ما بتين انتي ؟ عذيجة: ما ادري بشوف بو هزاع: صدق من زمان ما سرنا صوب يوسف عذيجة: شرايك نسير اليوم ... بو هزاع: ما ادري .. عفرا: هيه تعالوا حليله خالي محد يسير صوبه عذيجة: بنسير بنسير .. عفرا: برد عذيجة: وين برد ! عفرا: والله برد بو هزاع: سيري لبسي جاكيت عفرا: يبالي بو هزاع: قومي نشي عن تمرضين علينا عفرا: ههههه تخاف يعني ...... مب انته اللي بتجابلني امايه .. عذيجة: لا لا .. انا مب فاضيه .. محد يمرض عفرا: افا ! عذيجة: هيه مب فاضيه انا بو هزاع: محد بيجابل بنتي غيري ... عفرا: هيه والله فديتك والله ابويه حبيبي عذيجة: انزين انتوا الحين جيه تفاولون ع عماركم ! .. لا تمرضون ولا تجابلون بعض .. خلاص بو هزاع : ام هزاع عذيجة: هلا بو هزاع: شحالها حصه وريلها الحين ؟ عذيجة: الحمدلله بخير .. بو هزاع: مب قالوا لها حامل .. بعد شوه تتريا جيه ما ترد ؟! عذيجة: ما ادري بهم .. يقولون الطيارة تأثر ويبالها راحه اكثر وجذه بو هزاع: واحمد عذيجة: احمد ريل آمنة ؟ بو هزاع: هيه .. متى بيسافر ؟ عذيجة: باجر ان شاء الله عفرا: هيه اليوم بييون عندنا ع الغدا بو هزاع: عفاري عفرا: هلا ابويه بو هزاع: شرايج تسيرين ويا احمد انصدمت ام هزاع .... ووياها بنتها عفرا .... عفرا: اسير ويا احمد ليش ؟ بو هزاع: هو قايل ما بيودي لا حرمته ولا بنته ... هو واخته الصغيرة رواحهم .. وحصه هناك روحها ... انا ضايج صدري ان بنتي هناك روحها .. كيف هي ... عذيجة: تبا تطرش عفاري !! بو هزاع: هيه .. خل تسير ... تشوف اختها .. تيلس هناك وياها تخف عليها عذيجة: هيه والله .. سيري بعد هند هناك ... بنت خالتج ... روحها هي واخوها عفرا: لا والله ...شوه شايفيني .. ممرضة يعني ! عذيجة: هيه .. لا شغلة ولا مشغلة ... سيري جابليهن هناك بو هزاع: عفاري ... انتي غاليه عليه ... لكن انا وايد احاتي حصه اختج عفرا: اتصلوا في حصوه ورمسوها .. وبترتاح نفسيتكم عذيجة: ثرنا نتصل بو هزاع: يعني ما تبين تسيرين ؟ عفرا: مب اني ما ابا اسير .. بس ما ادري كيف بو هزاع: انزين قولي بتسيرين والا ؟! ... عسب اقول حق احمد يحجز لج وياه .. شمسة منسدحه ع الكرسي في صالتها ... ومغطية عمرها بـ لحاف خفيف .. وسالم توه ياي من المطبخ سالم: كيف حالك يا امي شمسة ( ابتسمت ): بخير .... شوه سويت لك ؟ سالم: كورن فليكس مع الحلييييييب شمسة: قلت لك بسوي لك حليب حار وجيه سالم: لالا ... ما ابا ... انتي بس ارتاحي شمسة: الغدا في بيت يدي بيكون سالم: أي يد ؟ انتي عندج يد ! شمسة: اقصد ... بيت ابويه .. يدك سالم: قولي والله ؟! شمسة: وليش لازم يعني احلف ! سالم: شوه المناسبة ؟! ... شمسة: عمك احمد باجر بيسافر سالم: هو وتراب ! شمسة: سالم حرام عليك .. البنيه حالها ما تسر وانته تعلق عليها سالم: والله امايه ما اقصد جيه ... بس تعودت يعني ... شمسة: لا ... لا تتعود .. سالم: انزين خلاص خلاص ... يعني باجر بيسافرون ؟ شمسة: هيه ... سالم: وخالوه آمنة شمسة: بلاها ؟ سالم: بتبات بيت يدي .. والا بتم في بيتها ؟ شمسة: والله ما ادري ! .. ييب التيلفون خل اتصل فيها سالم: اصبري بخلص عقب شمسة: شوف الحركات اللي يسويها الحين وصل صالح ... توه ناش وياي برع .. سالم: صباح الخييييييير .. بوجه الخييييييير صالح: صباح النور .. سالم: توك نااااااش! صالح: شوه تشوف ؟! سالم: لا يعني غريبة ... امايه ناشه وانته بعدك ... انا انش اشوفكم انتوا الاثنين مرتزين هني صالح: ويهك المرتز .... قول الفاظ عدله ع الصبح سالم: شوف انته تعلمني .. توك قلت ويهك المرتز اطالع صالح صوب شمسة ... و ظحكت شمسة غصبا عنها .. صالح: والله هذا ولدج .. يباله ظرب شمسة: هههههه اظربه سالم: حرام عليج دافعي عني شمسة: من لسانك الطويل .. سالم: انزين شسوي .. اتعلم منكم صالح: وين الحليب وينه ؟ شمسة: انته تبا حليب ؟! سالم: تبا طازج بارد ... والا مسواي ويا نيدو وخرابيط صالح: طبعا حليب حار .. سالم: اصبر بسير احر لك الطازج فالمكروييف صالح: لا والله .. تنكت حضرتك .. شايفني قطو سالم: ههههههه جيه بس القطو يشرب حليب حار ! قطو مطور . هذا عبدالعزيز شمسة: لالا .. انا بسير اسوي ... صالح: ما مسويه سالم: ياخي الحرمة تعبانه .. ما تشوفها طايحه هني .. ومتلحفه .. ومريضة .. وانته تبا حليب شمسة: اسكت انته صالح :لا خلاص ما ابا ... شمسة: دقيقة بسوي .. اصبر صالح: والله ما بغيته .. خلاص ... يلسي .. والله ما تتحركين شمسة: بلاك تحلف هالكثر .. الا هو حليب صالح: ما ابا خلاص ... روحي بنش اسوي شمسة: والله دقايق وبيكون جاهز ... صالح: قلت لج روحي بسويه . خلاص يلسي انتي سالم: هيه زين اخدم نفسك بنفسك نش صالح وهو رايح المطبخ .. ظرب ولده ع راسه ... سالم: آآآآآآآآآي .. شوه من ابو انته وطنش صالح .. متعود ع لسان ولده ... وشمسة ابتسمت ... صح ان سالم لسانه طويل .. ومتبري منه .. ع امه وابوه وغيرهم .. لكن بعد ما توصل لدرجة ان يقل ادبه بزيادة وبوقاحه ع اللي حوله ... لسانه الطويل جريء ... لكنه مش قليل ادب ....... ! نش شاف الحجرة شوي نورت .. لان الصبح ... والشمس طلعت ... لكن اللي كان وياه فالحجرة محد ! ... قام بصعوبة .. لان يحس للحين تعبان ... وجسمه متخدر .. انفتح باب الحجرة ... عبدالعزيز: نشيت ! عمر: الساعه كم ؟ عبدالعزيز: 11 عمر: وين راشد ؟ عبدالعزيز: راشد تحت ... بترد ترقد ؟ عمر: لا .. الحين بنش عبدالعزيز: يالله عيل .. قم .. ونحن تحت نترياك .. بنتريق ويا بعض عمر: انزين ... سير وانا بيي وراك .. نش عمر ودخل الحمام ... اما عبدالعزيز فـ فتح الليت .. و بند المكيف .. وفتح الستارة .. وشويه الدريشة .. عسب الحجرة تتهوا ... وسار تحت راشد: نش ؟ عبدالعزيز: هيه .. راشد: مروان نش ؟ عبدالعزيز: اففففف هيه .. عقب طلعة روح راشد: دومه جذه عبدالعزيز: اقوله قوم في مفاجأة .. يقولي .. اذا مفاجأة من مفاجآت عمران بنزل ! راشد: يستهبل ! عبدالعزيز: تدري به بعد .. بس حليله عمران ... هو ناقصنا راشد: بيرد ان شاء الله .. ما باجي شي وبيخلص .. عبدالعزيز: بنترياه نحن بعد .. شوه ورانا .. راشد: هذو نزل الدب مروان: دب محد غيرك ... سمعتك انزين راشد: هههههه توك ناش مروان: هيه و لأني توني ناش ... فـ انا نشيط .. وبكامل قواي وعقلانيتي عبدالعزيز: الحمدلله .. يوم الواحد يعترف مروان: شخبار خدك عبدالعزيز: اففففف عاد انته لازم تذكرني راشد: عبدالعزيز ... الله يخليك .. مب تنطق بـ ولا كلمة عبدالعزيز: انا ادري .. وعارف هالشي .. لو كنت بقول ... كنت بقول نفس الوقت .. راشد: لا .. الله يخليك .. ما نبا مشاكل مروان: شوه السالفه ؟ خلص مروان جملته .. وشاف اللي نازل من فوق ... انصدم ... من وين طلع ؟!.. مب جنه كان مسافر .. انزين كيف رد ومتى ؟ وهو وين كان .. ولا يدري ! مروان: عمر ! ونش مروان .. سار صوب اخوه ... عمر: مرحبا طبعا عمر رغم انه مريض .. الا ان ابتسامته ملازمتنه ... وشكله الهادي والبريء .. هو نفسه ما تغير ... وهالشي يخلي اللي يشوفه يتخبل .. يخلي الواحد يرتاح نفسيا .. ويخلي الواحد يهدى ... اما اخوانه عقب هالفترة كلها .. ويردون يشوفونه جذه .. كل واحد فيهم يبا يحضنه بقوة .. ولا يودره .. ومنهم مروان .. اللي وقف مصدوم كم ثانية .. وعقبها حضن اخوه مروان: الحمدلله ع السلامة عمر: الله يسلمك عبدالعزيز: ايه شوي شوي ع اخويه ... قم عنه مرييييييييييض مروان: متى رديت ؟ عبدالعزيز :الفير .. قم عنه مروان: منوه يابك ؟ عبدالعزيز: زايد .. قم عننننننه راشد: هههههه موكلين عبدالعزيز المتحدث الرسمي باسم عمر مروان :اسكت انته خلني اتفاهم عمر: خلوني انتوا الحين ... عبدالعزيز: قم عنه اقووووووولك وفج عبدالعزيز مروان عن عمر ... ما يقدر .. هو للحين ما تهنا باخوه وشوفته ويلسته وياه ... ومروان هالكثر اسئلة .. وحاضننه .. انزين فج عنه يا اخي !... هذا كله يدور في راس عبدالعزيز عمر: عبدالعزيز بلاك ؟ عبدالعزيز: تعال تريق ... وكل .. وعقب سولف وياي انا طبعا .. وعقب وياهم مروان: حشى اللي يقول اعداءه مب اخوانه عبدالعزيز: مشكلتك ... مروان: ط هذا انتوا .. وسحب عبدالعزيز عمر من ايده ... ووداه لين الكرسي اللي عمر معتاد ييلس عليه ... ع طاولة الطعام .. وسحب الكرسي ... عبدالعزيز: تفضل راشد: يالله .... ما نروم عمر: عبدالعزيز عن الحركات ... مروان: استحى استحى الرياااااااااااال وتموا يظحكون .. رد عمر .. وردت معاه البسمة في هالبيت ... مره وحده انفتح باب قسم سعيد ... طبعا كلهم صدوا ... وشافوا اللي بيظهر .. هم متوقعين اخوهم .. لكن لا مروان ولا عبدالعزيز يبون يشوفون حرمت اخوهم او ييلسون وياها .. فـ عسب جيه .. بغوا يتأكدون من اللي بيظهر .. لكن كان سعيد روحه ..... سعيد ( شهق ): عمر ! هالمرة مب سعيد اللي تجدم .. عمر بنفسه نش من مكانه .. وسار عند سعيد .. ومد ايده .. اما سعيد .. فـ من صدمته ... مد ايده هو الثاني .. وسحب اخوه صوبه .. سعيد: الحمدلله ع السلامة .. متى ييت ؟ عمر: الله يسلمك ... الفير وبعد سعيد عن عمر شويه ... وتم يطالع ويهه عمر: بلاك ؟ سعيد ( أبتسم ): ما تغيرت عمر ( رد له الابتسامة ): وليش اتغير ؟! سعيد: يا ويهك ... اشتقت لك ... ورد حضن اخوه مره ثانية ... عمر: انا اكثر .. ع الطاولة .. عبدالعزيز يالس ويتأفف ... مروان ( بصوت واطي ): نش له لا .. والا بس عرفت لي انا عبدالعزيز: اسكت ... مب متفيج له الحين راشد: انتوا الاثنين مروان: عمر رد وبنشوف كيف الاوضاع بتسير عبدالعزيز: بخبره عن الحجرة راشد: يا ويلك عبدالعزيز: بخبره وبتشوف .. راشد: انته بس خبره وشوف شوه بسوي بك .. عمر: تعال تريق ويانا سعيد: الصوت مبحوح .. ورايح عمر: الجو متغير علينا .. سعيد: سلامات الغالي ما تشوف شر ... وتجدموا سعيد ويا عمر .. صوب الطاولة ... سعيد: صباح الخير .. الكل : صباح النور .. صح ان ردوا ع سعيد .. لكن وكل واحد لاهي في شي .. ما يبون يطالعونه .. ولا يواجهونه .. او ان عينهم تطيح في عينه .. وهالشي منوه اللي يتجنبه ؟ ... مروان وعبدالعزيز ... اما راشد .. فـ أطالع اخوانه ... وقال في قلبه الله يستر .. في بيت ام احمد ... احمد كان ياي من تحت ... شاف آمنة توها ظاهرة من الحمام .. وشاله بنتها في ايدها ... توها مسبحتنها ... احمد: خلصتي ؟ آمنة: هيه .. توني .. احمد: نعيما حبيبتيه ... ( يقصد بنته ) آمنة: فهمت عاد هي .. احمد: لبسيها البدلة اللي اشتريتها لها آخر مره آمنة: كنت حاطه في بالي .. احمد: عسب بنتي تستوي كيوت .. وعاد بنت احمد .. ما تصدق من تشوف ابوها .. سوالف وخربطان .. ولا حد يدري شوه تقول .. الا بعض الاشارات والكلمات المفهومه .. آمنة: يلسي ......... اوه .. تعالي .. بنش اظربها والله احمد: قومي .. جان فيج خير مدي ايدج آمنة: الحين انا حرمتك جذه تقولي احمد: هههههه شسوي فيج ... يالدفشة تبين تنشين تظربينها تقولين .. آمنة : شوفها لعوزتني انزيييين احمد: برقة برقة ... بنتي مب متعوده ع الدفاشة .. آمنة: طبعا .. طالعه ع امها .. فديت امها والله .. ابتسم احمد ... احمد: امون آمنة: هلا احمد: باجر السفر آمنة ( وهي منزلة راسها): ادري احمد: ابا اطلب منج طلب آمنة: تفضل احمد: امون عاد حرام عليج .. والله .. يعني من يوم قلت لج اني بسافر ويا رملة روحي .. وانتي مب ع بعضج .. آمنة ( تنهدت ): احمد وايد رمسنا في هالموضوع .. احمد: انزين .. وانتي تظحكين ويايه من ورا خاطرج .. وزعلانه .. ومكدره روحج .. يعني ما ادري كيف آمنة: لا انا عاديه احمد: والله مب عادية .. وجان تبيني احلف ع المصحف بعد انج مب عادية ويايه .. بحلف لج آمنة: شوه بعد هاي تحلف ع المصحف ! احمد: انتي تبين هالشي آمنة: ما اباه ولا شي !.. احمد: انزين بطلب منج طلب آمنة: قول احمد: امون ما اباج تسيرين بيت ابوج آمنة: اتم هني ! احمد: عيل جيه انا ما مودرنج انتي وميثا ... ضيج البيت والله ضيج .. امايه حليلها وين بتتحمل فراق رملة وميثا ! آمنة: احمد انا ما احب اتم فالبيت يوم انته محد ! احمد: عشان خاطريه .. عيسى انتي تدرين به .. ما يخصه في حد .. ويستحي منج اكثر من ما انتي تستحين .. ناعمه وامايه وياج آمنة: احمد ! احمد: الله يخليج .. انا اقولج الله يخليج .. آمنة: لا اله الا الله احمد: يعني لو بتسيرين بيت ابوج .. يوم باتي .. وردي هني .. وعقب فترة بعد سيري يوم ثاني آمنة: ليش ان شاء الله ؟ انته كم بتم هناك ! احمد: ما ادري .. وقايل لج من قبل .. سكتت آمنة وما ردت ع احمد .. احمد: ابوج اتصل بي آمنة: اكيد عسب الغدا احمد: لا .. انا ادري بسالفة الغدا .. بس قال لي .. شي ثاني آمنة: شوه ؟ احمد: يباني اودي عفرا اختج ويايه رفعت آمنة راسها مصدومه ... آمنة: عفاري !... ليش؟ احمد: قال عفرا ما عندها شي .. ويالسه فالبيت .. وهم مستهمين ع حصه اختج اللي روحها هناك ... فـ عفرا بتيي ويايه ... وعقب منوه يرد قبل ترد وياه .. آمنة: وشمعنى عفرا وانا لا ؟! احمد: ردينا ! آمنة: احمد .. ميثا ما عليها شر .. بس انته ما ادري شوه فيك ؟ كل الناس يسافرون .. كل الناس يسيرون .. الناس عيالهم ما كملوا شهر ويركبون الطيايير .. انته ليش زايغ ؟! احمد: انتي تدرين ان البنيه تخاف ... وتييها زيغة .. آمنة: عادي كل اليهال جذه احمد: لا مب كل اليهال .. انا احس انه بعدها .. صغيرة .. ما ابا اضحي ببنتي بعد ! آمنة: احمد شوه تقول انته .. الا هي طيارة .. الله يخليك احمد: الله يخليج انتي .. اسمعيني .. وانا قلت لج ... السبب الاقوى ان امايه ... آمنة: انزين عموه نشلها ويانا احمد: امايه حرمة عوده وين تركبينها الطيارة انتي بعد ! آمنة: بليز احمد: بنسير هناك نقول بليز ( وابتسم ) آمنة: صدق فاضي و تقهر .. ترفع ضغطي هالايام .. احمد: ههههههههههه ييبيها ييبيها ... ييبي بنتي آمنة: انته ما تباها متبري منها احمد: انا اتبرى من بنتي ! آمنة: ثرك بتسير عنها وبتخليها هي وامها أحمد: امون حرام عليج حست بنبرة احمد .. بدت تتغير .. لانه هو بروحه مستاء .. فـ ما حبت آمنة تزيد ع ريلها آمنة: خلاص .. انا آسفة احمد: لا تتأسفين وبدا احمد يسولف وآمنة ترد عليه عادي .. عسب يغيرون مجرى الموضوع المأساوي بالنسبة لهم ... الوقت متأخر .... نش .. ما شافها .. ولا شافه ... قام وغسل ويهه .. وظهر الصاله .. طارق: سلامي سلامة: هلا انا هني طارق: وين ؟ سلامة: فالمطبخ تجدم طارق لين مطبخهم الصغير التحضيري ... شاف حرمته يالسه هناك وتدور شي فالكبت طارق: شوه تسوين ؟ سلامة: ارتب الصحون اللي هني طارق: خلصتي ؟ سلامة ( بندت الكبت ونشت ) : هيه طارق: وين عامر ؟ سلامة: عند عموه ... طارق: عند امايه ! سلامة: هيه طارق: متى وديتيه ؟ وكيف نشيتوا وما حسيت سلامة: انته كنت راااااااااقد .. ما خلاني ارقد ... وظهرت برع ... عموه نشت من وقت وايد .. شافتني ... وكنت اصيح .. طارق: بعد ! سلامة: والله ما قدرت !..... طارق: انزين كملي سلامة: بس .. شلته عني وقالت لي اسير ارقد ... لان شكلي وايد تعبان ... ما طعت ... لكن هي حاولت ويايه اقتنعت ... طارق: انزين ! سلامة: ييت .. ورقدت .. ونشيت عقب .. اتصلت هناك عندهم .. قالت لي رقد .. قلت الحمدلله .. ومن التعب رديت رقدت مره ثانية .. والحين توني ناشه .. ييت ادخل الصحون وبسير اييبه طارق: اذا فيج رقاد .. سيري رقدي .. وخليه عندها سلامة: ما اقدر ... كنت تعبانه مساعه وواصل حدي ما قدرت ورقدت .. الحين بعد لو تعبانه ما بسير ارقد .. بسير اييب ولدي طارق: عند امايه انزين هو سلامة: لا ما اقدر اقولك ... والله ما اقدر طارق: انزين سيري ييبيه ... وقبل ما تسير سلامة ... رواحهم يابوه .. وحده من البشاكير شالتنه .. سلامة: فديت روحه ... يا ربي طارق: راقد سلامة: حرام والله حرام .. شوف الدمعة .. في عينه .. طارق: فديته .. شكله نش ويابوه سلامة: خده محمر من الحمى طارق: عطيه الدوا .. سلامة: مب وقته الحين ... طارق ( ابتسم ): لو يشوفه سالم بيتخبل .. ربيعه مريض سلامة: بند بند المكيف طارق: بلاج بسم الله سلامة: فيه حمى وبعد فاتحين المكيف .. بنده طارق: انزيييييين بنبنده .. يا الله كيف هالحرمة وسواسية .. سلامة: حبيبي طارق: خلاص خليه الحين .. تزهبي بنسير بيت ابوج .. حق الغدا سلامة: هيه صدق .. امايه اتصلت أكدت عليه طارق: ما صحتي بعد سلامة: ليش اصيح ! طارق: ما ادري مستويه صياحه هالايام سلامة: طااااااااااارق .. والله حرام عليك .. ظحك طارق ع حرمته .. هو يدري بسبب صياحها بس حب يغايظها ... سلامة صح دلوعة وميزاية .. لكن ما له داعي تصيح ع اشيا تافهه .. والايام اللي طافت صاحت .. بس عسب ولدها مريض .. مب لـ شي !.. عذيجة: احلف ... قول والله ؟ ... قسما بالله يا مروانو .. والله لو تقص عليه .. بتشوف شي ما يسرك .. لا تلعب بأعصابي مروان متصل في عمته .. وصدق صدق صدق لاعب بأعصابها ... هو صادق في كل شي يقوله ... وان عمر رد البلاد .. وجيه .. بس هي مب مصدقه !!.. وعاد مروان وحركاته .. مروان: عذوووووج بلاج يا بوي .. ذليتينا عذيجة: مروان قول الصدق مروان: ثرني اقولج عذيجة: انتي سخيف وبايخ انزين مروان: افااااااا ! .. العيوز سبتني عذيجة: عيز حيلك قول آمين ... لا تتصل مره ثانية مروان: بيت عمتيه كيفي عذيجة: عمتك ما تباك خلاص مروان: حرام عليج ما تشفقين عليه يتيم .. عذيجة: مرواااااااااااااااااااااااااااان مروان: ههههههههههههههههه عذيجة: يالهرم .. كم مره قايله لك ما تقول هالرمسة مروان: شسوي بج .. ما اكسر خاطرج الا جيه عذيجة: انته والله تلعب باعصاب الواحد مروان: مب مصدقتني يعني ؟ .. اصبري مروان: عمر تعال رمس عموه عمر: صوتي جذه كيف بتسمعني راشد: حركات مروان .. تشوف كيف حالته .. وهو قال بيسير صوب عموه مروان: شسوي فيها عمتكم مب مصدقه ... عبدالعزيز: ييب انا برمسها عبدالعزيز: هلا والله بالغلا كله .. عذيجة: انته بعد من وين ظهرت عبدالعزيز: من بطن اميه عذيجة: يا ثجل دمكم اليوم يا عيال سيف ... والله انكم مصاخه عبدالعزيز: ههههههههههههههههه مصاخة اونه .. جيه شوه سوينا ... الا نغازل عمتنا حلال عذيجة: اقولك بند بند .. عبدالعزيز: عموه بلاج عذيجة: بند بسير اشوف البشاكير فالمطبخ ... انتوا الا تلعبون بأعصابي .. عبدالعزيز: ما نلعب عذيجة: وينه انزين جيه ما يرمس ؟ عبدالعزيز: منوه ؟ عذيجة: عمر .. عبدالعزيز: مريض مريض .. عذيجة: قسما بالله والله .. بتشوفون يا عيال سيف .. انتوا بس تعالوا ع الغدا .. عبدالعزيز: ما بنيي .. ما بنيي عذيجة: نفاد انزين .. يالله مع السلامة .. وبندت عذيجة في ويه عبدالعزيز ... عبدالعزيز: افا !. بندت في ويهي راشد: حرام عليكم لعوزتوها مروان: هههههههه هي تعصب بسرعه عبدالعزيز: ايه والله زعلت صدق .. اول مره تقولي نفاد ! مروان: هههههههههههه قوية ! راشد: تظحك بعد مروان: شوه تباني اسوي عمر: عطني التيلفون بتصل بها مروان: خذ خذ اتصل .. يا بوي ما فينا وعطوا عمر التيلفون .. عمر: دق الرقم عبدالعزيز: رقم بيت عمتك ما تعرفه عمر: دقه وانته ساكت ( وبدا يكح ) راشد: صحه صحه مروان: لو عموه جان قالت فديت هالحكه .. وهالعطسه نقعوا من الظحك الاخوان .. ووياهم عمر .. اللي من ظحك بدا يكح زياده .. راشد: سخيييييييييييييف مروان: علييييييييييك عبدالعزيز: ردت ؟! عمر: لا مروان: شكلها زعلت صدق عبدالعزيز: قالت بسير اشوف بشاكيري عمر: رد دق الرقم ... ورد عبدالعزيز ودق الرقم .. فالطرف الثاني ... نازلة من فوق .. محتشرة عفرا: عفانا اللللللللله .. يوم هالبيت المهجوووور ردوا ع التيلفون ( وشلت السماعه ) الو .. من قالت الو . بندوا في ويها .. عفرا: مالت علييييييكم .. تحمدون ربكم شليت السماعه .. صدق ما فيكم مذهب ! ... عبدالعزيز: ما ردت ؟! عمر: لا .. دق بعد مروان: لعبه هي ! راشد: خلاص سارت .. بنسير عقب وبنتفاهم وياها عمر: لا حرام .. عبدالعزيز: شوف آخر مره بدق ... ردت اوكيه ما ردت مشكلتها وحصل عبدالعزيز .. كفخة ع راسه .. عسب رمسته وآخر كلمة قالها عبدالعزيز: اووووه عمور بلاك هاي عموه عادي عمر: رد قول جذه مره ثانية وبتشوف مروان: افاااا عزوز يتكفخ من عمر عمر: اللي يغلط ع عموه يتكفخ عبدالعزيز ( حاس ثمه ): وين حرمت سعيد عسب تكفخها عمر: شوه ؟ كلهم سكتوا !.. عمر لو يسمع الرمسه هاي .. بيسير فوق وبينزل تحت .. وبتقوم الحرب العالمية .. عفرا: يا ويوهكم .. بعد ردوا يتصلون .. شافت عفرا رقم بيت خالها سيف الله يرحمه ... قالت اها .. تتحسب فهمتها وهي طايرة .. وان عبدالعزيز اكيد هو اللي متصل او مروان .. ويبون يلعوزونها وقالت بترويهم ... عفرا: الو .. عمر: الو عفرا ( يوم شافت انهم ردوا عليها): خيييييييير عمر ( في خاطره :: بسم الله ): عموه هني لا لا .. هني عفرا تأكدت عبدالعزيز والا مروان ويستهبلون عليها ... مغيرين صوتهم بعد اونهم اذكيا ! قالت بتبدأ تستهبل مثل ما يستهبل اللي ع الخط الثاني .. والصوت كبير .. شكله مروان ! عفرا: شوه تقول ؟ عمر: وين عموه ؟! عفرا: فالمطبخ عمر: ممكن ارمسها ؟ عفرا: لا والله .. من وين حل عليك الادب !.. انصدم عمر .. هاي شوه تقول !! .. انا ينقال لي من وين حل عليه الادب .....! عمر: عفواً.. عفرا: والله وقمنا نقول عفوا بعد .. ايه مروانو .. تأدب انزين وعن البياخه شوه تبا جيه متصل ؟ عمر: انا مب مروان .. عفرا: ايه والله عن الاستهباااااال افف . ببند في ويهك .. ارمس عدل .. نزل عمر السماعه ... عبدالعزيز: بلاك ؟ عمر: مروان تعال مروان: شوه ؟ عمر: هاي تتحسبني انا مروان .. تعال رمسها .. خل تزقر عموه .. مروان: منوه ؟ عمر :شدراني ! مروان: الو .. عفرا: ها سرت عدلت صوتك ورديت مروان: ام الدويس شخبارج ؟ عفرا: الحمدلله .. يوم ان بعدك ما ييت بيتنا .. انا مرتاحه الحمدلله مروان: اقولج بلا رمسة زايده .. انتي شوه تخرطين ع اخويه عفرا: أي اخو ؟ ( بكل ثقة ) مروان: عمر عفرا: أي عمر ! مروان: يرمسج .. يقولج ابا عموه .. صمخه انتي ما تسمعين ... عفرا: عمر ؟ .. متى رمسني اصلا مروان: ومن الصبح منوه يرمسج ان شاء الله ! عفرا: مب انته كنت ترمسني ومغير صوتك .. تستعبط مروان: استعبط في عينج .. هذا عمر اخوووووويه عفرا ( بخوف ): اخوك مسافر مروان: رد .. رد .. آه يالنحسه ع قولت عزوز .. بعد ما تبين اخونا يرد يعني .. طول العمر يتم هناك .. عفرا: ايه لا تجذب مروان: شوه اجذب ؟! عفرا: صدق كان عمر اخوك ؟ مروان: والله . تتحسبيني اقص عليج يعني !!... فاضي لج انا .. اتصل وين عموه ؟ ثرني بييكم عقب شويه .. بعدني ما تولهت ع صوتج عسب اتصل .... اسمعه سكتت عفرا.. يا ويلي .. هذاك كان عمر .. وانا حل الأدب ... وخير ... ولا تستعبط ولا تستهبل !! ... هلا والله !.. مروان: ام الدويييييييييييييييييس عفرا: هلا مروان ( نقع من الظحك ): ههههههههه والله استويتي مؤدبة .. عفرا: مروان فكني شوه تبا ؟ مروان: ابا عمتيه عفرا: فالمطبخ مروان: سيري قولي لها تيي عفرا: ما بتيي الحين .. مروان: اقولج جلبي ويهج خلاص نحن الحين يايين ... فمان الله وبند مروان .. ولا ردت عفرا بعد عليه .. من الصدمه ! نفس الوقت انفتح باب الصاله .. سالم ( بنغمته المعتاده تقولون مدرسه ! ) : السلام عليكم لكن محد رد عليه .. ويوم شاف ان عفرا سرحانه .. تجدم شوي شوي .. وهي كانت معطتنه ظهرها .. وعفد عليها من ورا عفرا: يالـ .. سالم: لا تسبين لا تسبييييين ما اسمح لج عفرا: يالثور انزين .. يا ويهك .. سالم : الفاظ الفاااااااااااااااظ عفرا: يالسخيف كيف جذه تنقز عليه ؟! سالم: خالتيه كيفي عفرا: كيفك في عينك .. مينون انته سالم: عفانا الله .. نتغشمر عفرا: غشمرتك ثجيلة .. وتوه هزاع نازل من فوق .. هزاع: بلاكم ؟ بسم الله الرحمن الرحيم .. توها الساعه 2 ليش يايين من وقت ؟ سالم: ساعه كم تبانا نيي عيل ؟ .. وين وين الغدا يعنا نحن عفرا: سير بيتكم تغدا سالم: بتغدا في بيت يدي هزاع: بو لسان وين امك ؟ سالم :يايه .. ودخلت شمسة شمسة: السلام عليكم عفرا: عليكم السلام .. ردي ولدج بيتج وتعالي روحج سالم: قوية ! هزاع: ههههههه توه ياي الريال شمسة: بلاج انتي بلاج ؟ عفرا: بعد تبا تييب غيره شمسة: ايه انتي والله انج سخيفه لا تقولين جذه انزين .. هزاع: عصبت شمسة .. شمسة: حركات والله انج حركات عفاري... من نحاستج صدق تعبانه وطول الفترة اللي طافت طايحه انا ... ما تذكرين ربج ... اللي يسمعج يقول عندي درزن وعاقتنهم كلهم في جبدج .. اف الواحد تلوع جبده والله منكم .. شمسة صدق عصبت وسارت داخل ... على طول ... وسالم يلس مؤدب وعفرا اصلا مب ع بعضها اولا عسب طلب ابوها لها وانها تسافر ... ثانيا الموقف اللي انحطت فيه ويا ولد خالها ... طلعت حرتها في شمسة وسالم .. هزاع: قفففففطه سالم: قوية .. هزاع: كله منك انته سالم: ما يخصني ما يخصني ... هاي خالوه عفاري ما ادري بلاها .. هزاع: عفاري عفرا: افف هزاع اسكت عني والله مب متفيجه هزاع: شوه فيج ؟ عفرا: ما ادري هزاع: شوه بعد ما تدرين ؟ ونشت عفرا سارت صوب الحجرة اللي سارت لها اختها .. دقت الباب ودخلت عفرا: شمسة .. شمسة: عفرا تعبانه .. وما لي خلق .. طلعي برع لو سمحتي عفرا: شمسة عاد .. والله آسفة شمسة: لا تعتذرين .. وشكرا عفرا: ايه عن الحركات ... وسارت صوب اختها .. و انسدحت حذالها ع الشبرية شمسة: عفاري والله تعبانه .. سيري برع ما ابا ارمس عن أي شي عفرا: شموس حرام عليج والله .. لو تدرين باللي فيه شمسة: شوه فيج يعني عفرا: شمسه ابويه يقولي سافري ويا احمد .. شمسة: سافري وياه وانا شدخلني عفرا: ايييييه انتي والله حرام عليج .. شموس عاد ما يسوى عليه .. تدرين اني ما اقصدها ... شمسة: عفاري مب اول ولا ثاني ولا عاشر مره بعد انتي جذه تقولين عفرا: شمسة والله اني ما اقصدها بس سالم ولدج شوي ينرفز .. وتطلع الجملة جذه لا ارادي .. سكتت شمسة .. وشافت في ويه عفرا .. اللي شوي وصدق بتصيح .. روحها مب طايقه عمرها .. تزيدها اختها .. شمسة( ابتسمت) : وين بتسافرين ؟ عفرا: ألمانيا شمسة: ليش ؟ عفرا: ابويه يقولي سيري عند حصه اختج دامج يالسه فالبيت شمسة: زين ... عفرا :شوه زينه ؟ شمسة: عفاري لا تخبرين امايه وابويه ... عفرا: شوه مستوي بعد ؟ شمسة: حصه ع اساس ان السبت تكون عندنا وتغير كل شي عفرا: ليش ؟ شمسة: رقدت فالمستشفى عفرا: بعد ! شمسة: قالت ان الحمدلله ما عليها شر .. بس تعب عادي .. وبتم بعد ما ادري كم هناك عفرا: بس وايد طولت شمسة: ما عليه .. الواحد لازم يضحي .. عفرا: يعني رايج اني اسير لها ؟ شمسة: ما ادري ... انتي شوفي عمرج .. امايه شرايها ؟ عفرا: امايه تقول سيري شمسة: وهزاع عفرا: هزاع ما يدري بالسالفة .. نفس الوقت دخلت اختهم سلامة وولدها .. شمسة: حيا الله سلّوم سلامة: شخباركم ؟ شمسة: الحمدلله بخير ... ييبيه سلامة: سكتي .. مريض مدوخني والله انا لين الساعه 7 الصبح فالمستشفى عفرا: لييييييش؟ سلامة: مريض محموم شمسة( شلت ولد اختها): فديته .. سلامة حرارته .. سلامة: شسوي .. عفرا: اكيد صحتي طبعا سلامة: طبعا ... عفرا:هههههه بعد تقول سلامة: والله شسوي .. شوفيه يكسر الخاطر .. شمسة: حبيبي ... كيف جسمه حار .. عفرا: ايه مب زين عليج .. لازم ما تشلينه شمسة: توج مب مهتمه باللي في بطني ولا تبينه .. عفرا: ايييييه شموس عن الحركات شمسة: ههههههه ما يبت شي من عندي انتي قلتي سلامة: صدق شمسه مب زين .. حطيه ع صوب .. من التعب راقد .. عفرا: آمنة يت ؟ سلامة: لا بعدها .. عفرا: بسير اشوف امايه .. ونشت عفرا ظهرت برع سايرة صوب امها .. وبرع فالصاله وهي ماره .. شافت هزاع يعطي محاظرة حق سالم .. اللي بعده ما يتأدب ولا يصطلب ............ في ألمانيا .... في حجرة سهام ... سهام: محمد البنيه وايد مصايجه محمد: وانا شوه بايدي اسوي ؟ سهام: ما ادري .. سنة كاملة طافت عليها .. محمد: انا اتصلت في عبدالرحمن اخويه .. وقلت له بطرش حصيص البلاد سهام: بطرشها روحها ؟ محمد: بوصي المضيفة عليها .. وهناك عبدالرحمن بييها المطار .. واكيد امايه .. بتيي وياه سهام: بس هي ما بطيع محمد: بحاول وياها .. سهام: وايد ظلمناها .. محمد: مب بايدنا هالشي .. نحن مجبورين سهام:انزين انته وياها ردوا البلاد محمد: شوه ؟ سهام: رد وياها البلاد البنيه ما بطيع .. انا رمست امايه .. ع اساس ان اخويه ايي محمد: أي اخو ؟ سهام: اخويه مايد محمد: وكيف مايد ايي وانا ارد ؟ سهام: عسب البنيه يا محمد محمد: انتي اصلا كيف تقولين حق امج اني انا برد ويا حصيص واخوج ايي سهام: محمد .. البنيه بتضيع عليها سنة كاملة.. حرام عليك محمد: وانا شوه بايدي اقولج ؟ .. انا شوه بايدي ؟ ... سهام ( بدت ادمع ): انا السبب .. محمد: سهام ! هني صاحت سهام زيادة سهام: كله مني .. انا السبب .. بنتي بتضيع وانا السبب .. سنة كاملة وهي هني .. سنة كاملة .. لا عيد .. ولا شي .. انا حاسه فيها متضايجه .. ومتكدرة .. وملانه .. وتبا ترد .. بس انا اللي ميودتنها .. مرضي خرب كل شي عليها أثر ع حياتها .. ( وبدت تصرخ ) .. انا السبب .. انا السبب محمد: سهام .. بس .. سهام: محمد .. بنتي .. بنتي بتضيع .. محمد: ما بتضيع .. بنتج ما عليها شر .. سهام: انا اقولك بتضيع .. هي ما تبا اتم هني .. انا السبب .. محمد: سهام بس خلاص .. اهدي اهدي ما بتضيع .. وتجدم محمد صوبها ومسك ايدها ... محمد: اسمعيني ... سهام: محمد .. حصه بنتي .. بنتي وانا اعرفها محمد: اشش .. سكتي .. سمعيني .. بس سمعيني .. هدت سهام شويه ... بس بعدها تصيح .. وتصيح .. محمد: حصيص بنتي مثل ما هي بنتج .. انا افكر في مصلحتها شراتج ... بنتي وانا اعرف مصلحتها .. ما بتضيع البنيه .. سهام: رد وياها .. رد وياها الله يخليك .. متعودة عليك .. الله يخليك .. محمد رد وياها .. انا اخويه بييني .. اخويه بيتم ويايه .. محمد: سهام .. سهام حبيبتيه .. انا بتم .. وحصيص بترد ويا عبدالرحمن اخويه .. سهام: لا .. انته رد وياها ... محمد: انا اقولج شوه بسوي .. انا اعرف مصلحتها .. سهام ( تصيح زيادة): رد .. يلستك ما منها فايدة .. سر وياها .. شوف مستقبل البنيه وين .. الله يخليك .. محمد: ان شاء الله .. سهام: بترد ؟ محمد: ان شاء الله .. محمد كان يرمس .. وهو في داخله شوي وبينفجر خلاص .. يشوف حرمته كيف .. ولين وين وصلت ... لا ارادي نزلت من عينه دمعة ومسحها بسرعه .. مره وحده دخلت حصيص .. حصيص: ابوووووويه .. محمد: هلا .. حبيبتيه .. سكتت حصيص ... امها تصيح .. شوه السالفه ؟ .. وابوها مب عايبنها شكله.. حصيص: امايه بلاج ؟ تجدمت حصيص صوب ابوها وامها .. وهد محمد ايد حرمته ... هني سهام رفعت يدها وغطت ويها وبدت تصيح جنها ياهل ... حصيص: بابا بلاها امايه ؟ شوه فيها ؟ سكت محمد .. واكتفى بأنه ينزل راسه .. ويرفع ايده ويحطهن ع راسه .. ما يقدر يرفع راسه ويشوف بنته وحرمته .. صعدت حصيص فوق الشبرية .. ويلست مجابلة امها ... حصيص: ماما حبيبتيه شوه فيج ؟ تعبانه ؟ ليش تصيحين ؟ وما ترد عليها ... حصيص: ازقر لج الدكتور .. وما في أي استجابة لا من امها ولا من ابوها .. حصيص: امايه جيه تصيحين ؟ .. ( ونزلت دموعها) ... بابا .. امايه ليش تصيح .... رفع محمد راسه .. المنظر .. يصيح صدق ومن الخاطر .. سهام تصيح .. وبنتها جدامها يالسه وتصيح .. يتقطع قلب الواحد يوم يشوف هالشي .. فـ ما بالكم بالزوج والابو في نفس الوقت .. محمد: حصيص حبيبتيه .. امج شويه تعبانه .. نزلي حصيص: انزين ازقر الدكتور .. بابا تعبانه هي تصيح محمد: ان شاء الله تعالي انتي .. حصيص: ما ابا .. سر ازقر الدكتور محمد: بزقره اقولج .. بس انتي نزلي .. تعالي ويايه .. نزلت حصيص ويا ابوها ... ووداها برع .. وهي بعدها تصيح ... محمد نزل لمستوى بنته .. محمد: بس عاد حصيص: قلت لي بتزقر الدكتور محمد: امج تبا ترقد .. وما تقدر راسها يعورها .. الحين نحن طلعنا شويه بتهدى وبترقد .. حصيص: بابا ... محمد: عيونه حصيص: احلف ما فيها شي بعد ؟ محمد: لا حصيص: احلف .. محمد: يعني اقص عليج حصيص( حضنت ابوها): بابا .. حرام والله ... امايه وايد تعبانه .. انته تقص عليه وما تقولي شوه فيها ؟ .. هي تصيح .. تعبانه وايد .. محمد: حبيبتيه حصيص .. امج تعبانه .. وقلت لج تبا ترقد ومصدعه .. نحن طلعنا الحين بترقد .. اكتفت حصيص بالصياح .. ومحمد ما يدري شوه يسوي يحس كل شي ضده .. يحس الظروف كلها انجلبت ضده مره وحده .. حرمته تباه يرد ويا بنته واخوها أيي صوبها .. و هو مرتب ع اساس ان بنته ترد واخوه يستقبلها فالمطار .. وكل شي تخربط .. نفس الوقت .. مر علي .. وشافهم .. علي: السلام عليكم محمد ( نش): هلا .. وعليكم السلام علي: شوه ....... ( سكت فترة ) مستوي ... ؟ محمد: علي الله يخليك .. شل حصيص وياك .. دقايق وبرجع لها حصيص: ما بسير محمد: شويه بس سيري بشوف امج وبرد .. علي: حصيص تعالي حصيص: ما بيي وياك .. ما ابا .. ودني عند امايه محمد: سيري حصيص: ما بسير .. علي ( هو اللي نزل لمستواها ): حبيبتيه .. خالوه حصه مشتاقه لج تقول .. تعالي تباج فالحجرة... حصيص: ما ابا .. ابا امايه علي: انا برجعج .. حصيص: تقصون عليه .. علي: ما نقص عليج .. ( رفع علي راسه يشوف محمد .. وكيف ويهه يدل ع انه مستوي شي ! ) ترديني !! .. البيبي بيزعل منج عقب .. ثرني ما بسميها حصه لو بنيه حصيص: لا تسميها .. علي: حصيص يالله .. حبيبتيه انتي .. تعالي ويايه .. وعد نطلع عقب اوديج الحديقة اللي خاطرج فيها واللي مساعه طريتيها .. سكتت حصيص .. علي: اوعدج حصيص: وامايه ؟ علي: امج ما فيها شي .. وبنرد لها عقب .. حصيص: بابا ..... ما ابا اسير محمد ( بدا يشد عليها ): حصيص قلت لج سيري .. سمعي الرمسة وسيري .. هني صاحت حصيص زيادة .. علي: محمد .. ! محمد: الله يخليك ودها .. مب ناقص صياحها انا الحين .. حس علي ان محمد .. صدق دقه وخلاص .. محد يرمسه .. محد يقرب منه الحين .. فـ مسك ايد حصيص اللي خلاص ما تقدر تقول أي شي .. وسارت وياه .. اما محمد ... فـ شاف اجرب كرسي .. ويلس عليه .. وبدا يصيح هو الثاني .. اول مره يصيح وما يقدر يستحمل ... منظر حرمته .. للحين في خياله وهي تترجاه يرد البلاد .. وهو ما يقدر .. ويت بنته وكملت عليه .. الانسان له طاقه .. حتى لو كان ريال .. بس قلبه يعوره ع حالة حرمته وبنته وحالته هو روحه ... هالبيت ... صح بيتها ... صح لعبت هني .. ركظت هني .. خربت هني ... وسوت كل شي .. بس من فترة مودرتنه وغصبا عنها ... اشتاقت للبيت ولـ أهل البيت ... اشتاقت للمغايظ .. واللعب .. اشتاقت لامها رغم انها تشد عليها .. ولأختها رغم انها تغايظها ساعات كثيرة ولاخوانها رغم انهم يقولون لها ام لسان ولـ حرمت اخوها الطيبة وبنت اخوها اللي هي كل شي بالنسبة لهم كلهم ... دخلت الصاله .. ام احمد: حبيبتييييييه ناعمه: تو ما نور البيت ابتسمت ابتسامة شفافة .. عقبها صاحت .... عيسى: يالله شوه هالصياح ؟! .. ليش ؟! وصدت ورا وحطت راسها في حضن اخوها .. وصاحت زيادة .. ناعمه: رملة حبيبتيه لا تصيحين .. ام احمد: بلاها البنيه ؟ عيسى: ما ادري !.. ناعمه: شي يعورج ؟ عيسى: تعالي تعالي .. و شل عيسى راسها من حضنه ... ووداها ويلسوا جريب من امهم ... وام احمد زقرت دلوعتها الصغيرة .. ورملة سارت صوب امها .. وتصيح .. ام احمد: بس حبيبتيه انتي ... شوه فيج ؟ .. تعبانه ؟ .. رملة: امايه ام احمد: فديتج آمري رملة: ما ابا اسافر برع ام احمد: اميه علاج بتسيرين .. رملة: انا ما فيني شي .. ليش اسير ناعمه ( ابتسمت وحبت تغير جو ): مب انتي كنتي تقولين تبين تسيرين برع وتسافرين الحين بتسافرين رملة: ما ابا اسافر علاج .. ولا ابا اسير روحي ويا احمد عيسى: كم يوم وبتردون رملة: انتوا جيه ما اتون ؟! ام احمد: يا ريت ... والله يا ريت .. بس اخوج مب طايع رملة: بلاه .. احمد مب طايع ولا حد فيكم ايي ويايه عيسى: لان الطيارة تعب رملة: انا ما ابا اسير .. انا تعبت من رقاد المستشفى .. بعد اسافر هناك واسير المستشفى .. ام احمد: انزين ما عليه .. انتي الحين سكتي .. باجر يصير خير ناعمه: خلاص حجزوا التذاكر واحمد ما بيغير رايه عيسى: الحين انتوا لا تسوون لنا مناحه هني .. يالله حطوا الغدا ناعمه: الغدا زاهب عيسى: وينه ما اشوفه ام احمد: نشي رمله ... قومي .. تغدي رملة: ما ابا عيسى: ما تبين الحين بردج المستشفى .. ترقدين هناك ويغدونج رملة: هيه جنه بكيفك ناعمه: بدا اللسان الطويل ام احمد: نشي يالله رملة: ما ابا .. ما ابا آكل عيسى: بتصل في احمد رملة: ما تخوفني ناعمه: ههههههه تقولها شي ترد عليك بعشر ... عيسى: الله يعين احمد هناك ناعمه: لا احمد ما تقدر ترد عليه جذه ... عيسى: هيه شايفتني انا ما ادري شوه رملة: بس سكتوا عورتوا راسي ام احمد: سكتوا سكتوا سيروا بعيد عنها ... ناعمه: ط والله ! عيسى: هاي قاصه علينا ونحن مصدقين رملة: امايه قولي لهم يسكتون راسي يعورني .. عيسى: تهددين منوه انتي ! ام احمد: قالت لك اسكت ! عيسى: شوه ؟! ناعمه: ههههههههه عاد ام احمد بدت تهزب عيسى وناعمه .. وطاحت فيهم ... عسب خاطر رملة .. ولان هي بتسافر برع عسب هالصداع اللي في راسها .. والحين عيسى وناعمه يزيدونها ... ورملة طبعا مستغله هالشي في تقفيط اخوها واختها !........ ********* |
الجزء الـ 32 في بيت ام هزاع ... عقب الغدا .. طبعا اول ما وصلوا عيال سيف .. ووياهم عمر .. ام هزاع طاحت فيهم .. وهزئتهم كلهم بلا استثناء وعمر فوقهم .. انه ياي وما مخبرنها ... وعقب عاد يلست وسالت عن كل شي ... شوه كلت وشوه شربت وكيف الجو .. وشوه سويت وووووو ... وطبعا ما سلموا من تعليقات مروان وسالم وعبدالعزيز .. وشوي هزاع ... صوب الرياييل .. بو زايد: وشحالك يا عمر عمر: الحمدلله بخير .. بو هزاع: الجو هناك كيف كان ؟ عمر: برد مروان: ما تسمعه عمي صوته رايح عبدالعزيز: بس سكتوا عن اخويه خله يرتاح مروان: بدا الحين بدا .. ثاني: شحال عمران طارق: صدق عمران شحاله ؟ ما سامعين عنه من زمان مروان: في الجبال مع اعوانه زايد: بدا بالتسخّف مروان: افا زايد انته جذه تقول .. ما احيدك تستخدم هالألفاظ راشد: الحمدلله يوم تعرف ان محد يستخدم هالالفاظ غيرك مروان: اوه بابا راشد .. خلاص مهمتك خلصت راشد: هيه والله ... ما يخصني في شي .. عمر لو بتسافر مره ثانية .. سالم ( قطع عليه ): وص اني ابات عندكم مروان: اكملت .. ناقصيييييين نحن ! سالم: والله كشخه . بسوي لكم جو مروان: شكرا جزيلا .. نحن رواحنا مسوين جو .. ما نبا حد يسوي لنا بعد عبدالعزيز: والله بتسافر ما بتسافر .. بتخلي سالم ما بتخليه .. بتوصي ما بتوصي راشد: انزين قول الحيييييين .. عبدالعزيز: ريلي ع ريلك .. والله ما خليتك تسير مكان بعد .. وانا هني فالبلاد بو زايد: تعال بيتنا يوم بيسير عبدالعزيز: ما بخليه يسير عسب ايي بيتكم عمر ( ظرب عبدالعزيز ع جتفه ): ارمس عدل بو زايد: عمر حرام عليك .. هههه ما قال شي بو هزاع: وين هزاع مروان: يالس برع هو وصالح واحمد ... ثاني: بسير عندهم سالم: بيي وياك .. بو هزاع: حق الدمار عبدالعزيز: الحين وقت رقاد عمي عبيد يالله قوموا طلعوا برع زايد: هههههه حافظ بعد عبدالعزيز: حان الآن موعد النوم حسب التوقيت المحلي لبيت بو هزاع .. بو هزاع: هيه والله .. نشوا سيروا برع سولفوا وحشروا الدنيا ... بنرقد نحن .. نشوا الشباب وطلعوا برع .. احمد: يو .. صالح: حق الحشرة هزاع: خاطريه ألعب طائرة احمد: قم قم .. ييب الكرة .. انا ابا العب بعد هزاع: ما ادري وينها .. ساااالم سالم: شوه ؟ هزاع: سر ييب الكورة شوفها ورا .. سالم: كورتيييييه هزاع: صالح ولدك زطي صالح: ههههه يحافظ على ممتلكاته في هالبيت مروان: شوه تبون ؟ هزاع: بنلعب كورة طائرة احمد: حد بيلعب عبدالعزيز: انا انا ... زايد بيلعب بعد زايد: ع كيفك !... ما بلعب انا .. راشد: يالله انا بلعب بعد .. ثاني: انا وياكم .. طارق: قسموا الفرق ... نشوا الصغار .. ويا الشباب .. والشياب ( المعرسين ) بيلعبون ... زايد وعمر ما لعبوا ويلسوا ع صوب وصالح وياهم ... تقسمت الفرق .. احمد ... عبدالعزيز ... ثاني ... راشد ... طارق ... هزاع ... مروان ... سالم ... صالح: انا الحكم احمد: اوكيه يالله ... صالح: مب تغشون عبدالعزيز: الفريق الغشاش هناك مروان وسالم وياهم بعد طارق: هههههه هيه والله صدقك سالم: ط عمي طارق ... دافع عنا نحن في فريقك مروان: بنرويكم كيف غشاشين هزاع: يالله يالله ... ثاني: لو سمحتوا شوي شوي .. راشد: ههههه هذيل دفاشه اخاف يكسرون ضلوعنا عبدالعزيز: تعودوا تعودوا .. وبدوا اللعب .. فالصاله .. عفرا: الله يلعبون طايرة آمنة: نسير برع عفرا: قومي صدق .. سلامة ما بتين ؟ سلامة: بيي .. شمسة بتين ؟ شمسة: لا لا .. ما فيني .. بيلس هني عفرا: غلوي نشي غاليه: وين بتيلسن ؟ عفرا: نيلس هناك .. صوب قوم زايد .. سلامة: غاليه عنبوه هالكثر كراسي .. وتسألين وين بتيلسين ! عفرا: ما تدرين بها .. ثره ولد خالج بياكلها سلامة: منوه ؟ عفرا: عمر ... آمنة: وين حليله يالس ما يخصه في حد عفرا: خل احمد يسمعج تقولين حليله آمنة: امشي امشي انتي .. ام هزاع: وين بتسيرن ؟ عفرا: بنسير برع .. بنشوفهم يلعبون ... آمنة ... وعفرا ... وسلامة ... وغاليه ظهرن برع ... ام زايد: حليلها جواهر ام هزاع: ما يندرى بها والله ... ام زايد: شرايج نسير لها العصر ام هزاع: وين بيتها ؟ ام زايد: هيه نسير .. نحن سرنا العزا 3 ايام واليوم الرابع بس ... ام هزاع: شرج نسير ؟ ام زايد: ما عندنا شي نسير .. نواسيها شويه .. ام هزاع: ما ادري هذيل بعد جان بيسيرون عند يوسف والا ام زايد: منوه ؟ ام هزاع: عمر .. وزايد ولدج ما بسير ؟ ام زايد: ما ادري به والله ... ما خبرني ام هزاع: اعتقد بيسيرون ... ام زايد: يوسف يدري ان عمر رد ؟ ام هزاع: اكيد ... تبينه بعد يسوي لنا سالفة .. انا هاي اللي يقصون عليها ام زايد: ههههههه حليلج يا عذيجة .. ام هزاع: افففف والله كل مصايبهم على راسي ... وتمن ام هزاع وام زايد يسولفون .. وعاد سوالف الحريم ما تخلص وسوالف ام هزاع ما تنمل ! برع ... أحمد: عبدالعزييييييييييز عبدالعزيز: ههااااااااااااي 6 6 6 6 مروان: مالت عليكم ما تعرفون تلعبون !.. سلامة: مروااااااان .. مروان: رمست احمد: ههه سبيت ريلها طارق: انتوا يالدببه ثاني: سياسة الخاسرين مروان: خاسرين اونه بعدنا ما خلصنا راشد: يالله يالله .. هزاع: راشد مستانس فايز مروان: طبعا .. حاطين ويانا اقصر واحد سالم: اييييييه انا مب قصير مروان: هيه اشوفك ما شاء الله ... واصل طول النخلة .. آمنة: بديتوا انتوا الحين احمد: ولد خالج .. واخوج .. وولد اختج .. وريل اختج بعد .. سلامة: ريلي ما يغش .. مروان: رمست محامية الدفاع زايد: خلاص خلاص .. لا تلعبون احمد: شوه ما نلعب زايد: تظاربون احمد: ظهروا ظهروا اليهال عبدالعزيز: انا ما بظهر ... عفرا: ظهروا سالم .. ومروان وبتشوفون اللعب كيف بيسير مروان: رمست ام الدويس .. جنها تلعب ويانا عسب تعرف عفرا: انته وهو تتحرطمون سالم: انا ما تحرطمت صالح: لا تتبلين ع ولديه عفرا: حشى عليه ما تبليت عليه سلامة: الحين شوه سالفتكم انتوا ؟ مروان: قولوا قولوا حق المفتية بتشرح لكم احمد: اقولكم مب لاعب آمنة: احسن .. تعال شل هاي تخبلت احمد: هاي مب متخبله عليه الحين .. تشوف مروان .. مروان: فدييييتج انتي عبدالعزيز: لا تتفدى مروان: قم زين ودروا اللعب كلهم عقب التحرطيم وساروا صوب اللي يالسين .. صالح: وين شمسة ؟ عفرا: حرمتك مستوية ما ادري شوه .. ما تظهر فالشمس صالح: هههههه بلاج انتي والله محد يتحرطم كثرج عفرا: هههه انزين صدق ثاني: ابا ماااااي هزاع: عفاري سيري ييبي ماي عفرا: سلامة سيري سلامة: خير ؟! طارق: وحده منكن الحين تسير .. عطشنا سالم: هذي هذي البشكارة يابت آمنة: هههههههه حليلها حافظة .. عقب اللعب ماي مروان: عمر وزايد وراشد بلاكم حاطينكم ع السايلنت زايد: شوه تبا بنا الحين ؟! عبدالعزيز: اخويه صوته رايح ... ما يقدر يرمس .. سالم: راشد تعبان ... تعبان ثاني: واخويه مروان( قطع عليه ): اخوك بعد بلاه احمد: اشتغلوا محامين الدفاع مروان: ميثانيييييييي آمنة: مروان خبلتها .. مروان: هاللي يعرفون قدر الواحد طارق: شوه تقصد ؟ مروان: ولدكم الصياح سالم: وينه ربيعي اليوم ؟ سلامة: حرام عليك مروان .. مرييييييض مروان: ههههه شوه فيه ؟ طارق: حمى صالح: حليله .. مروان: استوى ربيع راشد راشد: هيه .. ما شايفنه من زمان مروان: اكيد سلامة صاحت يوم مرض طارق: لو سمحت .. لا تفشل حرمتيه وتفضحها مروان: ههههههه سلامة والله انج ... سلامة: عادي ما يهمني عمر: زايد بتسير زايد: بيت عمي يوسف؟ عمر: هيه .. زايد: يالله نسير .. عمر: بس بدون ما تقول شي .. ونشوا .. مروان: على وين ؟ ثاني: شاردين ! عمر: عبدالعزيز . بنسير شويه وبنرد مروان: اللللللله اكبر .. اللللللللله اكبر راشد: بلاك ؟ مروان: تذكرت عمران .. احمد: ههههههههههه سخيف والله .. صالح: شلك فالولد الحين ... مروان: ههههه لا كنت بقول .. الحين نحن كلنا يالسين .. تستأذن من عبدالعزيز زايد: عن يسوي لنا سالفة عقب عبدالعزيز: وين بتسيرون ؟ زايد: بنسير وبنرد الحين .. يالله مع السلامة مروان: اكسكيوز مي عفرا: خير ؟ مروان: سكتي عن افضحج الحين .. بمكالمة اليوم يااااااا الله ... شوه اللي ذكر مروان .. شوه السالفه !.. يا ربي لو رمس ... والله بيكون ابيخ موقف في حياتي تعرضت له ... آمنة: خل الاكسكيوز مي حق عفاري مروان: ليش الاخت امها اسبانية هزاع: تركية تركية .. سالم: هيه منوه قدها خالوه عفاري بتسافر ألمانيا .. ما اوصيج لبسي ذاك الجيييينز .. والقميص .. وفلي شعرج عجييييييب عفرا شوي وبتصفع سالم السخيف اللي يرمس جذه جدام الكل ... لكن اللي يالسين مستغربين عفرا بتسافر !... ألمانيا !! ... كان احمد بس آمنة: ههههه الله ياخذ العدو .. سلامة: اتخيل بس .. طارق: عاد احمد ... وعلي .. وفوقكم حصه ما نوصيكم ع عفرا حليلها عفرا: هيه والله ... حليلي انا موديني جني ممرضة هزاع: انتوا تتمصخرون مروان: من صدقكم عفرا بتسافر ؟ عبدالعزيز: النحسة بتسير ألمانيا ونحن بعدنا سلامة: ليش الاخوان ما عندهم خبر؟ صالح: راقدين الاخوان ع عمارهم هزاع: انته من وين عندك خبر ؟ صالح: والله مساعه عمي قال فالميلس .. ع الغدا مروان: متى ؟ ثاني: صح قال ... هزاع: متى قال ؟! راشد: كنا يالسين ع الغدا .. سالم: قلت لكم ودوني وياكم احمد: هيه ناقص انا عفرا: شوه قصدك ؟ احمد: ههههههه لا والله ما اقصدج انتي .. بس يهال ما نبا بعد ... هزاع: كيف وانا ما ادري عفرا: انزين انته موافق ؟ هزاع: لا والله ! مروان: عقب ما خططوا ياخذون راينا عفرا: ما خذت رايك انته ... وشلك انته فيه بعد! مروان: سرتي فوق نزلتي تحت .. ولد خالج ... يوم اقولج شي تسوينه عفرا: لا والله !... جارية من جواريك وانا ما ادري بدت الظرابة بين مروان و عفرا عاد !... وبدت التعليقات ... فالجلسة .. في بيت ام فهد ......... ام فهد: بدور .. بدور: هلا امايه ام فهد: اخو ريلج رد ؟ بدور: هيه وديمة: اونه .. عمر رد ؟! بدور: هيه .. بلاك مب مصدقه حضرتج ! وديمة: لا .. بس ما يبتي طاري بدور: وليش اييب طاري ام فهد: والثاني ما رد ! بدور: لا هذاك بعده في الدورة مالت الشرطة .. وديمة: غريبة عيل ييتوا هني بدور: ساروا بيت عمتهم حق الغدا .. ونحن يينا هني .. وديمة: هيه ... زيييين ... ام فهد: و سعيد وين سار ؟ بدور: ما ادري .. قال عنده كم حايه بيقضيها وبيرد لي ام فهد: انا بسير حجرتيه عيل .. وسارت ام فهد .. ووديمة وبدور يالسات فالصاله رواحهن ... بدور: ودّوم وديمة: شوه ؟ بدور:ما تبين تطلعين وديمة: وين بتسيرين ؟ بدور: أي مكان .. ملل وديمة: تبيني اظهر وياج .. نسير صحارى بدور: صحارى ... وعععع وديمة: وع في عينج والله حلو .. بسير اشتري لي جذه بدلة حلوة بدور: شوه المناسبة ؟ وديمة: ادلع عمريه .. حرام بدور: لا مب حرام .. اوكيه يالله نشي وديمة: اصبري بخبر امايه .. بدور: اوكيه سيري قولي حق امايه .. وديمة: لحظة خذتي موافقة سعيد بدور: سعيد عادي ما بيقول شي .. وديمة: لا خبريه احسن .. بخبر فهد بعد بدور: شرايج بعد تسيرين تاخذين راي البشاكير والزراع والدريول مب احسن وديمة: هو لو بايد فهد جان والله سواها بدور: هالبنيه حاطه دوبها ودوم هالفهد وديمة: لا وانتي الصادقة .. هو حاط دوبه ودوبي .. بدور: انزين قومي قومي قولي حق امايه ... وتلبسي بسرعه .. وديمة: اوكيييييييييييييييييييييه ونشت وديمة ... سارت تقول حق امها انهن بيظهرن .. في ألمانيا .... دخل علي الحجرة ... علي: وينها ؟ حصه: اشش .. اسكت .. علي: وينها ؟ حصه: هذي هناك رقدت .. علي: حليلها ... حصه: شوه السالفه ؟ علي: ما ادري... كنت مار هناك .. وشفتها تصيح .. حصه: وابوها وين ؟ علي: كان وياها ... بس كان شكله مش طبيعي حصه: ليكون استوى بامها شي ؟! علي: لا بسم الله ... بس ما ادري حصه: وين ابوها الحين ؟ علي: ما ادري .. سرت هناك ما شفته حصه: والحين ؟ علي: خليها راقده يوم بيفضى اكيد بيمر يشوفها ... نشت حصيص ... ويلست .. حصه: نشت علي ( بابتسامة ): مرحبا حصيص: وين ابويه ؟ علي: ابوج الحين بيي .. حصيص: امايه شحالها ؟ علي: الحمدلله بخير حصه: حصيص تعالي برويج الصور ... اللي قلت لج عنهن .. ويت حصيص صوب حصه ... وتموا يسولفون وياها عسب ينسون البنيه ... همها ... في مكان ثاني ... محمد: لا .. مايد اسمعني .. انا بطرش حصيص البلاد .. اخويه بيستقبلها .. اما اني انا ارد البلاد مستحيل .......... مب مسألة عناد .. لكني ما برد ........ ما بيكون عليها شر ان شاء الله .... وحصيص فاهمه وعاقلة وحافظة الطيارة عدل ...... بحجز لها ع درجة اولى عسب بعد اطمن اكثر ..... اوكيه خلاص .... سلم .. يبلغ .... مع السلامة بند محمد عن مايد اخو حرمته ... و تنهد ... محمد .... يا ربي شوه هالظروف اللي ما حسبت لها ... تبهدلت والله تبهدلت .... في مكان ثالث بعد .. هند: يالله شوه هالملل بدر: يومين قال وان شاء الله بيخليج ترجعين هند: امايه اتصلت بك اليوم ؟ بدر: هيه هند: ما اتصلت بي بدر: يالله شوه هالغيرة ! هند: ما اغار .. انا ابويه اتصل بي بدر: عيل ما اتصل بي انا ! هند: شفت ! بدر: عادي ... امايه اهم .. هند: لا والله وابويه بدر: خليته يتصل في حبيبته هند: منوه حبيبته ! بدر: انتي .. هند: ما شفت حصه بنت خالوه بعد ؟ بدر: له .. وليش اشوفها هند: ما يتني امس بدر: يمكن انشغلت .. هند: ما ادري بها .. بدر: في بنيه صغيرة .. من الامارات .. ما يت صوبج مول ؟! هند: لا .... هي هني فالمستشفى ؟ بدر: هيه .... هند: بلاها ؟ بدر: ما شي ... بس لسانها طويل .. وتقولين لها كلمة ترد عليج بعشر هند: انته الحين تمدح والا تذم ؟! بدر: طبعا اذم هند: بكل ثقة بعد بدر: انا ما اداني اليهال اللي جذه .. هي صح تونس الواحد يوم يالس روحه .. لكن لسانها طويل .... تذكرني بعيال خالج هند ( ابتسمت): تصدق اشتقت لهم بدر: اشتقتي حق لسانهم هند: بالعكس والله طيبين .. بدر: هه ... ناس ما يعرفون يربون عيالهم هند: بدر بدينا ! بدر: لا بدينا و لا انتهينا .. خليني اسير اييب لج جيز كيك هند: تدري عاد ... والله مشتهيه الجيز كيك اليوم بدر: روحي ما ادري شوه يايني .. ابا آكل كيك هند: بتتأخر بدر: لا دقايق .. بسير ستار بوكس اللي فالمستشفى تحت هند: اوكيه ... وظهر بدر من الحجرة ... و هو يمشي .. لمح الصغيرة اللي كان يرمس عنها من شويه .. بس هالمره .. شافها ووقف مكانه ... ليش ؟ شوه السالفه ؟ .. عاد هو صح ما يداني اليهال قوم بو لسان طويل ... بس حصيص غير .. كل حد يشوفها لو انها تطول لسانها عليه .. لكن ما يرضون يشوفونها حزينة .. سار بدر صوب اللّفت .. وقف هناك .. ويطالع صوبهم .. يا محمد وماسك بايد حصيص صوب اللفت .. نزل بدر عيونه .. محمد: بس وقفي عدل ... اصطلبي .. وحصيص مول .. ميته من الصياح .. وصل اللفت .. ركبوه ... لازم كان ينزل تحت .. لكنه سار فوق .. طابقين ... ومحد ركبه .. لان اللي ضاغط ع الزر اكيد سار لفت ثاني ... محمد... كان ضايج .. وواصل حده .. وبنته تصيح .. وهو مب طايق نفسه .. وبعد اللفت يتحوط بهم .. محمد: اففففف .. نزل راسه .. ويشوف بنته .. اللي حاطه راسه في حضنه وتصيح ... محمد: اشوف رفعي راسج ... وبنته تصيح .. ظهر كلينكس من مخباه .. ومسح فيه ويه بنته ونظفه .. محمد: ييبي الكلينكس اللي في ايدج .. وخذي هذا ......... بس خلاص عاد سكتي .. رفع محمد راسه .. شاف بدر مندمج .. يطالعهم .. ابتسم .. بدر استحي .. ورد الابتسامة .. وصد الصوب الثاني .. حصيص: بـ .. با .. بابا محمد: عيونه حصيص: ابـ ... ابا .. اسيـ .. اسير .. عند .. امـ .. امايه محمد: تونا كنا عندها .. وشفتيها كيف تعبانه ... بنرد البيت .. وعقب بنييها مره ثانية حصيص ( صاحت زيادة ): ما ابا .. ما ابا ارد البيت .. ودنـ .. ودني عندها محمد: حصيص خلاص .. مره وحده قلت لج .. حصيص: انـ .. انته شوه فيك اليوم .. معـ .. معصب عليه .. تقطع قلب محمد ع بنته .. هو ما يقصد .. والله ما يقصد .. غصبا عنه يعامل بنته جذه .. لان امها فعلا تعبانه ... وتفكيرها تعب اليوم بزيادة .. وهو وياها .. والسبه بنتهم .. يفكرون شوه يسوون ويا بنتهم .. وصلوا تحت .. وانفتح الباب .. ظهروا محمد وبنته .. وظهر بدر وراهم ... وتم يدور المنظر جدام بدر مليون مره ويتكرر .. كسرت خاطره حصيص بصياحها ... في بيت يوسف .. يوسف: وشحالك يا عمر ؟ عمر: الحمدلله بخير زايد: عمي يوسف: هلا زايد زايد: مب ناوي تسوي عزيمة والا شي حق عمر يوسف: اكيد ... عمر: لا استغرب يوسف ووياه زايد .. من ردة فعل عمر يوسف: ليش لا ؟ عمر: لا اقصد ... مب وقته الحين .. لا تكلف ع عمرك يوسف: ليش ؟ .. ما بكلف ولا شي .. بالعكس .. بسوي العزيمة .. وبعزم كل العرب هني عمر: عمي ما عليه .. مب الحين .. لا تسويها الحين .. يوسف: ليش يعني ؟ شوه السبب ؟ زايد: خلاص عمي اجلها ما عليه .. اكيد تعبان وما له خلق .. يوسف: عمر .. اتصل في دكتوري ايي يشوفك ؟ عمر: لا لا عمي .. ما له داعي ... يوسف: بس صوتك رايح وشكلك مريض عمر: ما عليه .. بيزول كل هذا ان شاء الله جريب .. وصوتي بيرد .. عقبها ان شاء الله سو اللي تباه .. يوسف: خلاص عيل .. بسير اتصل بـ كمال يزهب لكم الفواله زايد: ما له داعي يوسف: انتوا كله ما له داعي ؟!.. خلوني اتهنى بييتكم .. عمر سافر وولا حد فكر يزورني الا انته يا زايد ويمكن مرتين بس زايد: اسمح لي عمي والله .. يوسف: خلاص عيل بسير اقول حق كمال زايد: ع راحتك .. نش يوسف وسار عنهم .. زايد: عمر شوه فيك ؟ عمر: ما ادري زايد: في شي مضايقنك ؟ عمر: ما ادري .. حاس عمريه مب مرتاح زايد: نسير الحجرة بتريح شويه عمر: لا.. خلني يالس هني .. زايد: اقول حق عمي يتصل بدكتوره ؟ عمر: قلت لا .. زايد: شوه فيك ؟ عمر: ما ابا عمي يسوي العزيمة الحين ... لانه لو سواها بيعزم الكل .. كل الامارت بتيي العزيمة .. وكل حد بيرمس عن العزيمة .. زايد: شي معروف .. وانته تدري بمعارف عمي عمر: الا اخواني .. سكت زايد .. عمر: اجرب الناس له ما بيقول لهم تعالوا .. ما بيعزمهم .. ولباقين ما بيخلي حد ما بيقول له عنه العزيمة .. وانا ما ابا يستوي هالشي .. ويحز في خاطر اخواني زايد: خلاص مثل ما تشوف .. لكن عزيمة عمي بتستوي بتستوي عمر: انا ما اباها تستوي .. زايد: والله ما ادري شقول لك .. عمر: زايد ما تيمعتوا ابد من يوم سرت زايد :لا .. يمكن انا ييت مرتين ع قولت عمي .. وثاني ولا مره لا هو ولا هزاع عمر: وبدر ؟ زايد: بدر مسافر عمر: وين ؟ زايد: ألمانيا .. عسب دوام ريلها .. لكن .. عموه ردت هي وريلها لان يدة عيالها توفت عمر :شوه ! زايد: مثل ما تسمع .. عمر: وسرتوا عزيتوهم ؟ زايد: اكيد .. بس بدر بعده في ألمانيا عمر: ما رد يحضر عزا يدته ؟! زايد: اخته تعبت عليهم .. تذكرها اللي كانت ويانا فالمزرعة قبل ما تسافر عمر :هيه .. اذكرها .. هند كان اسمها زايد: هييييه .. تعبت عليهم .. ودخلوها المستشفى ... وللحين هم هناك .. هي واخوها بدر عمر: الله يشفيها .. الله يعينهم .. زايد: الا اقول عمر: هلا زايد: سعيد اخوك جيه ما يا وياكم بيت عموه ؟ عمر: ما ادري .. قال بيسير بيت اهل حرمته .. وعنده كم شغله زايد: اها .. وشافوا كمال داخل الصاله كمال: تعالوا فالميلس .. زايد :يالله نسير اكيد عمي بيينا الحين .. عمر: كمال اتصلت ع عمي ؟ كمال: هيه زايد: يالله نش .. نشوا عمر وزايد سايرين الميلس .. وعمهم بيلحقهم .. عقب المغرب .. احمد: امون يالله نرد .. سالم: ليييييييش؟ عبدالعزيز: وايد من وقت آمنة: بنسير نزهب شنطة الافندي مروان: الله يعينك يا احمد ع ما بلاك احمد:هههههه أي بلوى قصدك ؟ آمنة: نعم ؟ تقصدون منوه بلوى ؟! مروان: ههههه لا والله ما اقصدج انتي ... اقصد اختج آمنة: أي اخت ؟ عفرا: سخيف مروان: سبحان الله عرفت عمرها هزاع: محد قالج ترمسين .. عبدالعزيز: ثر الواحد يوم يكون نحس يحس بعمره سلامة: خيبة حرام عليكم قطعتوها سالم: مب ع خالتيه هااااا عفرا: واااااايد عليك احمد: بس سكتوا ههههه الله ياخذ العدو .. ما تصدقون تييبون أي شي عسب تطرون عفرا حليلها وتطيحون فيها .. مروان: ياخي تقهر هزاع: يالله .. متى عفاري تعرس .. ومتى مروان يعرس عسب نفتك من حشرتهم عبدالعزيز: حرام والله لو غلوي تمت الحين مروان: هذا ثاني النحس الثاني .. ما يقدر يقر .. اشتاق حق لاب توبه شلهم وسار هزاع ( بصوت واطي): وانته شوه تبا بها ؟ مروان: منوه ؟ هزاع: غاليه ! مروان: انا !! .. ما ابا منها شي .. شوه ابا بها ؟ .. هزاع: توك تحط ع ثاني عسب انه وداها البيت هي وحرمت خالي مروان :يالسخيف قصدي ان ثاني يعني ما عنده سالفة رد من وقت وردهم بس هزاع: علينا مروان: هزاعو عن الحركات الهبلة هاي .. بنت عمي انا ما ارضى عليها هزاع: ههههههه بلاك بسم الله بنت خالي بعد .. بس كنت ابا العب باعصابك مروان: ما يخصه .. عفرا: لا يتناجى اثنان سالم: دون .. 1 2 3 4 5 6 7 .. دون 7 هزاع: كلمة راس بيني وبين ولد خالي انتوا شدخلكم طارق توه ياي .. طارق: السلام عليكم الكل: وعليكم السلام مروان: ها ياي تودع انته بعد طارق: ههههه اودع منوه؟ مروان: قصدي بتسافر وياهم سلامة: لالا ما بيسافر مروان: سر والله انته واحمد .. اللللله قوم بو عيون خضر وشعر اشقر ترس هناك .. ع هواكم اختاروا واتنقوا آمنة: ايه انته مروان .. سلامة: يخرب الرياييل والله احمد: ليش نسير هناك ؟ فيكم عرج ... انتوا رواحكم .. هزاع: عرج شوووووووه ؟ احمد: ما ادري عنكم ..منوه من اجدادكم ماخذ اجنبية مروان: ليش ان شاء الله ؟ .. حد وصلك هالخبر بالغلط احمد: اخوااااانك وبنت عمتك اكبر دليل عبدالعزيز: احمد .. ........! احمد: ههههه صدق .. مروان: لا ابويه ما فينا عرج .... رواحنا حلوين عفرا: هه اتخيل .. واحد من اجدادنا اونه ماخذ اجنبية مروان: اصلا من صوب اهل ابويه اللي هم انتوا .. هزاع: بدا يتفلسف مروان: اسكت خلني اكمل سالم: انزين قول قول .. مروان: انزين اهل ابويه .. ما ادري والله جان فيهم والا !... لكن اهل امايه هيه .. ما اقصد ان فيهم عرج واحد اجدادنا ماخذ اجنبية لكن حلوييييين نحن ما شاء الله عبدالعزيز: صدق قوم حمّود وعبود .. وخلود و برّوك كلهم عيونهم خضر احمد: عيل انتوا يايين لنا العدوى من هناك عفرا: اصلا خالوه ساره روحها كانت عيونها خضر .. وشعرها اشقر الله يرحمها عبدالعزيز: فديت امايه .. ظاهر عليها انا .. يعني كوبي بيست كلهم سكتوا .. مب جنهم يطرون ناس غالين ... يخلون اثنين من اللي يالسين يذكرون مواقف حلوة .. ومواقف تعد من الذكريات الحين ... بالنسبة لهم بعد وفاة ابوهم وامهم .. مروان ( حب يخلي الموضوع يمشي عادي ) : طبعا هذا دليل ع ان نحن حلوين ع اهل امي ... وانتوا اهل ابويه خسف .. طبعا ابويه اللي يرحمه مب وياكم لان لو كان وياكم ما كان يدي بيوافق أيوزه بنته .. صح ام الدويس شافت عفرا صوب مروان .. اللي غمز لها .. يعني فهميها ... وساعديني نخلي الموضوع عادي وعفرا ع الخط وياه .. عفرا: بسم الله علينا .. آل خسف آل .. تتمنى مروان :شوه اتمنى ؟ وحده شرواج ؟ .. الله لا يبلينا سلامة: ههههههه مروان حرام عليك .. عاد مب لهالدرجة عفاري خسفة ! عفرا: اصلا انا مب خسفة والله يتمنى مروان: لا اتمنى ولا تتمنين .. يالله احمد: بديتوا ولا بتخلصون .. امون نشيييي آمنة: يالله انا مخلصه .. ولابسة طارق: يالله سلامة حتى نحن نسير هزاع: وين كلكم سرتوا .. طارق: انا تعبان .. فيه رقاد .. مروان: غريبة المبزايه ما بترقدين هني اليوم سلامة: لا ... ولدي مريض فديت روحه وهني انتوا حشرة ما تخلونه يرقد مروان: اوووووونه اصلا ولدج دلوع سالم: حليله ربيعي صدق مريض اليوم .. ما شفناه مول .. مروان: هاي القمر بس ... ( وهو يقصد بنت احمد ) احمد: ظاهره ع اهل ابوها مروان : هيه صدق اهل امها خسف بعد .. صح صح صدقت آمنة: ودك انته والله .. طالعه ع امها فديت قلبها هزاع:انته ايه مب جنك يالس وتحط علينا .. لو انته اللي عيونك خضر وشعرك اشقر ما ادري شوه بتسوي مروان :بسم الله عليه .. يالله .. هاللي ناقص عبدالعزيز: بلانا يعني نحن !.. طارق: هههه الحين ما شي سالفة ثانية غير العيون الخضر والشعر الاشقر .. احمد: اقولكم انتوا ما تخلصون .. يالله يالله .. بنسير نحن .. كل الشباب وقفوا .. ان احمد بيسير البيت الحين .. فـ بيسلم عليهم .. احمد: يالله فمان الله .. طارق: دير بالك ع عمرك .. احمد: ان شاء الله مروان: يالله بو ميثا .. نشوفك جريب ان شاء الله احمد: ما اوصيك ع بنتي . متعلقه فيك مروان : جيه يايبنيها وناسنها احمد ( ظربه ع جتفه ): يالهرم هههههه تخلي بنات الناس يتعلقون فيك وعقب تودرهن مروان: ههههه حلوة هاي .. لكن والله ان ميثا ( واشر ع عيونه ) في عيوني .. سير وانته مطمن احمد: يالله هزاع ... فمان الله .. ما اوصيك ع حرمتيه وبنتي بعد .. هزاع: سير وانته مطمن عبدالعزيز: لازم توصيني انا ع ميثاااااااا احمد: ههههه انزين لا تزعل .. خلاص ... آمنة كل ما تصيح ميثا او شي وديها صوب عبدالعزيز .. عبدالعزيز: هيه جذه اباك سالم: وانا شووووووه احمد: يااااااا الله الحين كم اقسم بنتي ان شاء الله ! سالم: اصبر بعد احمد: تعد في عينك .. ( وسحب سالم صوبه ) .... مب تلعوز خالتك وبنتها سالم: ان شاااااء الله احمد: سلم ع امك وابوك .. مع اني سلمت مساعه ع صالح .. قال يمكن ما يلحق عليه سالم: ان شاء الله بسلم عليهم .. مروان ( بدا بالحركات ) : احمد .. قلبي معاااااااك احمد:ههههههههه عن الحركات ... وين عموه ؟ سلامة: اظن فالمطبخ احمد: عمي سلمت عليه قبل ما يطلع سالم: نسير نسير عبدالعزيز: هيه يالله احمد: وين وين ؟ مروان: بنيي وياك .. نلعوز عمتنا شويه .. احمد: كله ولا عمتيه مروان: ياخي عمتي انا الحقيقية اخت ابويه .. انته الا حي الله .. ام حرمتك احمد: هههههههه ما يخلون الواحد يتنفس .. آمنة: يالله عفاري حبيبتيه مروان: اوه صدق ام الدويس بعد بتسير عفرا: ما يخصك انته .. آمنة: تروحين وتردين بالسلامة . عفرا: الله يسلمج .. نشت عفرا سلمت ع اختها .. وسار احمد .. ولحقوه آمنة وميثا .... وسالم وعبدالعزيز ومروان و هزاع .. عفرا: طارق انته بعد سير .. كمل القطار طارق: ههه لا .. جيه قالوا لج اهبل سلامة: نسير ؟ عفرا: ايه حرام عليكم وايد من وقت تموا شويه .. تعشوا ويانا طارق: بنسير الولد تعبان عفرا: عادي انزين والله حرام عليكم .. صدق تموا سلامة: اوه صدق انتي بعد بتسيرين .. عفرا: عن الاستهبال توها آمنة مسلمة عليه سلامة: هههههههه طارق: سلامي سلامة: خلاص نتعشا هني ونسير .. طارق: ما تبين من ما ادري وين عشا ؟! سلامة: خلاص خلها باجر او يوم ثاني .. حرام عفاري بتفتدنا .. نتعشا وياها اليوم عفرا: هيه والله ........... فالمطبخ ... لعوزوا ام هزاع وطلعوا روحها ... مروان: شوه هذا عذيجة: هد الجدوووووور .. الله ياخذ العدو .. احمد: عموه يالله نحن سايرين عذيجة: وين تو الناس .. يلسوا تعشوا هني احمد: لا بنسير البيت نتعشى .. امايه تتريانا عذيجة: ويه حليلها سلم عليها .. احمد: الله يسلمج وتجدم احمد سلم ع عمته وحب راسها .. مروان: عموه بس بس لا تذرفين دموع الفراق سالم: يدوه بعد ع الدقه عذيجة: سر حبيبي عسى الله يحفظكم ويردكم بالسلامه يا رب مروان: بللللل حبيبي مره وحده هزاع: هههههه امايه امون تغار تقولين حق ريلها حبيبي عذيجة: الله يغربل ابليسكم حسبت ولديييييي آمنة: امايه ما عليج منهم هذيل مصاخه والله .. عبدالعزيز: عموه يالله نبا عشاااااااااااااااااااااااااااااا آمنة: يالله مع السلامة مروان: ميثاني باااااااي وميثا مستانسة سوت باي حق كل اللي فالمطبخ وسارت هي وامها وابوها ... وتموا الباقين فالمطبخ يلعوزون ام هزاع حليلها ......... سعيد: ههههههه عن الحركات .. سهيل: ياخي خلنا نستانس سعيد: والله فاضي .. انا انسان معرس لا تخربني سهيل: لا لا .. احلف انته بس سعيد: هيه عيل سهيل: انته اصلا الحركات صدقت يعني .. سعيد: ادري بك تتغشمر .. لكن الحين بتبدأ بالتعليقات اكيد سهيل: لا لا ما بعلق واول ما مرت وحده .. سهيل: خييييييبة .. خلص الميكب اللي فالمحلات كله سعيد: شفت قلت لك .. سهيل: شوه اسوي شوه اسوي .. هن والله يخلن الواحد يرمسن عنهن غصب سعيد: امسك لسانك سهيل: تعال صدق .. شحاله اخوك عمر الحين ؟ سعيد: الحمدلله بخير سهيل: يقولون الربع شويه تعبان سعيد: هيه صوته شويه رايح .. ومزجم وجيه .. سهيل :اعراض أي حد يرد من الحج سعيد: هيه .. سهيل: من زمان ما شايف اخوانك سعيد: تدله بيتنا جيه ما تيي .. تشوفهم سهيل: والله مشاغل مشاااااغل يا سعيد ... شوف شوف هناك .. سعيد: شوه استوى ؟ سهيل: ههههههههههههههههه سعيد: ليش تظحك ؟ سهيل: عباتها دخلت فالدري المتحرك سعيد: حرام عليك وتظحك ! سهيل: قم نسير نشوف سعيد: شوه تشووووف ؟ سهيل: ايه توهقت البنيه .. ونش سهيل من مكانه ووياه سعيد .. مشوا صوب البنات ... لكن سبقهم السكيورتي ... وبند الدري .. ......: كله منج .. يالسخيفه .. العباه ما تظهر الحين .. يعني لازم !!!! .....: يريها .......: شووووه ؟!.. خل هذا يظهرها ....: ما يستوي .. ...: الله ياخذج شوه سويتي .. سهيل: يريها ما بتظهر الا جذه .. رفعت البنيه راسها .. وكانت الصدمة ..... سعيد بهت .... مصدوم .. ....: اويه .. سعيد ! سهيل: اويه .. انتي تعرفين اسمه ! سهيل كان يستهبل طبعا + مستغرب ... هاي كيف تعرف سعيد ومن وين ؟ ما يحيدون سعيد راعي حركات ... قفطت وديمة .... وسعيد بعده واقف مصدوم .. لان اللي واقفات جدامه حرمته اخت حرمته ... واللي عباتها فالدري دخلت .. هي بدور .. وبدور آثار الصدمه هي الثانية ع ويها ... سعيد ما رمس ... مجرد انه شاف السكيورتي تجدم بينزل تحت وبير عباة حرمته .. هو نزل بسرعه .. ويرها .. انطرت عباة بدور من تحت .. وهي تفشلت .. سهيل: سعيد ! سعيد ما رد على سهيل ولا قاله ولا شي .. سعيد: طوفن جدامي .. مشت بدور ووديمة وياها بدون ما يقول ولا كلمة .. ومشى سعيد وراهن .. سهيل شكله عرف ان هذيل اهله .. يعني البنات يقربن له .. الله يعيييينهن .. سعيد يوم يعصب بعد غير ! .. الهادي هادي .. والبركان يوم يثور .. دماااااااار .. صالح: شحالج الحين ؟ شمسة: الحمدلله صالح: بتردين البيت .. والا بتسيرين بيت ابوج ؟ .. شمسة: لا برد البيت صالح: اذا بتباتين بيت ابوج عادي شمسة: لا لا .. ما ببتات هناك .. صالح: نمر ع سالم عيل ونرد البيت شمسة: حليله .. من وقت .. ما بيطيع يرد .. صالح: هزاع ما بيطيع يرده عقب ... ومستحيل اخليه يرد ويا سايق بيت ابوج لانج تعرفين ولدج اكثر عني بعد شمسة: هيه ادري به .. صالح: عيل منوه بيرده عقب ؟ شمسة: خله يبات هناك .. ما عليه ... صالح: يبات هناك ؟! شمسة: صالح سو اللي تباه .. بس خلاص .. شمسة تعبت شويه .. وصالح وداها المستشفى .. والحين رادين .. وهي اصلا دايخه وترمس صالح من دون نفس .. خلصت آخر جملة .. وحاطت راسها وغمضت عينها صالح: ردي السيت ورا شمسة: دايخه .. استوت الاشارة حمرا .. ووقف صالح .. وروحه تجدم ومد ايده .. ورد السيت .. بدون ما شمسة تدري باقباله ع هالخطوة فنقزت .. شمسة: بسم الله صالح: سوري سوري والله آسف زيغتج ؟ شمسة: الله ياخذ العدو .. روعتني صالح: ههههه والله آسف .. حطي راسج رقدي .. لين نوصل شمسة: وين بتسير الحين ؟ صالح: بنسير البيت .. خلاص .. خل يبات هناك .. عنده ثياب ؟ شمسة: اكيد هناك عنده ثياب صالح: خلاص عيل شمسة: اتصلت في امك ؟ صالح: لا شمسة: حرام اتصل بها طمنها .. صالح: خل اتصل اول شي في سارة اختيه .. انها اتصلت مساعه وما رديت .. ومس كولات بالهبل منها شمسة: حرام عليك .. تحاتي الحين صالح: الله ينطب ابليس حميدان المشخله .. محد يقوله شي اشمسة: انته خبرته ؟ صالح: اتصل بي مساعه اول واحد .. كان يبا مني شغلة قلت له .. ما دريت ان كلهم هناك وبيخبرهم شمسة: خليتهم يحاتون صالح: هو شسوي به ؟ حشرني .. شمسة: اتصل انزين في سارة طمنها .. وعقب اتصل في عمتيه صالح: ليش بعد لازم يعني كلهم هناك .. وبيدرون شمسة: لا حرام .. اتصل فيها روحها صالح: واسطات بعد شمسة: ما يخصه .. صالح: ههههه اوكيه .. انا بباشر اتصالاتي .. وانتي رقدي لين نوصل في ألمانيا ..... هدت شويه .. لكن مازالت مستمرة فالصياح .. صح مب شرات مساعه ... لكن بعد دموعها تنزل .. بدلت ثيابها ... ولبست بجامة .. لونها اصفر .. عليها صورة دب صغير حلو .. والبنطلون قصير شويه .. وفاله شعرها .. ويلست فالصاله .. تكمل صياحها ... منسدحه ع الكرسي ... وحاطه mbc3 لكن مب منتبهه شوه حاطين وشوه لا .. وشوه يسوون .. لانها يالسه تمسح دموعها كل دقيقة .. ما حست الا براس جذه ايي من فوقها ... كان ابوها .. يا الصاله ... وقف ورا الكرسي .. ووخى يشوف ويه حبيبة قلبه .. محمد: يالله كل هذا صياح ! بس حصيص ما عبرته .. ولا جنه حد يرمسها .. محمد :ارمسج انا وما ردت عليه .. رد ويا جدام الكرسي .. ويلس ع الارض مجابلنها .. وتقرب منها وايد ... ان استوى ويها وويهه مجابلين بعض ... محمد: آسف ما رمست محمد: حصوه حرام عليج .. بسج صياح .. حصيص: تو الناس محمد: شوه ! حصيص: انا من الصبح يالسه روحي .. وانته فالحجرة .. ولا ييت صوبي حتى .. محمد: كنت ارمس خالج حصيص: حتى ولو .. انـ .. انته من الصبح فالمستشفى تـ .. تصرخ عليه ( وتكح من الصياح ) .. ومعصب .. وهني مره ثانية ردت تصيح .. محمد: حبيبتيه انتي .. والله انج روحي .. وحياتي .. كنت ارمس خالج في شغلة ضرورية .. تخص امج .. حصيص: وتقـ تقص عليه .. ما تقولي امايه شـ .. شوه فيها محمد: امج ما عليها شر حصيص: عيل جـ .. جيه كانت تصيح محمد: قلت لج .. والله انها تعبانه وكانت تبا ترتاح حصيص: ويوم قلت لك ردني صوبها ما طـ طعت .. رديتني البيت محمد: ثرج كنتي عندها .. وطلعنا عقب .. ما استفدتي شي ... شفتي النيرس كانت عندها .. وحطت لها المغذي حصيص ( صريخ ع صياح مختلط في بعض ): بابا بلاك انته جيه اليوم .. كارهني وما تحبني ... ما تحب تسمع صوتي .. قامت حصه تصيح اكثر عن قبل .. ومحمد منصدم من رمستها .. انا اكرهج ؟!.. انا اكره بنتي ؟! .. اكره حياتي ؟ اكره روحي وقلبي ؟!... ليش ؟ بمجرد تصرفاتي وياها كم ساعه قبل .. هذا كله فسرته ع اساس كره .. واني ما احبها .. لو كنت اعرف والله ما رمستها ولا نطقت بـ ولا كلمة .. وخليتها تسوي اللي تباه ... لو دريت انها بتفسر اللي سويته كره .. جان ما سويته من الاساس .. جان ما رمستها ما منعتها .. محمد ( مد ايده ومسح ع راس بنته ): حصه حبيبتيه .. انا اكرهج ؟ انا محمد .. ابوج .. انا اكرهج ؟ .. انا اللي يوم اقول انج اختيه الصغيرة مب بنتي ... واتمين تزقريني حمّود .. انا اكرهج ؟! حصيص: انته اليوم .. مـ .. ما ادري .. شو .. شوه فيك محمد: انا تعبان .. حصيص انا تعبان .. والله تعبان .. تعبت من التفكير .. وتعبت من يلستي هني .. انتي تتحسبيني مستانس ؟ .. ييبي ايدج .. وير محمد ايد بنته .. ومسكها .. وحطاها ع قلبه .. دقات قلبه تسرع .. فعلا سريعه .. سحبت حصة ايدها .. محمد: انا مب مرتاح هني .. مثل ما انتي مب مرتاحه .... انا احاتيج انتي من صوب ... وامج من صوب .. اسوي كل شي اقدر عليه .. كثر ما اقدر .. اخليج مستانسة هني .. ادري انج مضايجه ... عمامج خوالج عماتج خالاتج يداتج بعيد عنج .. وادري تبين تردين صوب قوم جاسم و عبدالله والكل .. ادري انج تبين تردين مدرستج .. ويا ربيعاتج .. ويا مدرساتج .. بس انا مب بايدي شي ... انا وامج اليوم وصلنا لحل عسب ترتاحين ونرتاح نحن حتى .. سكتت حصيص وما ردت .. استجمع محمد قواه .. وخذ نفس عميق .. وبدا يرمس .. عسب يقول حق بنته بالخبر .. محمد: انتي بتردين البلاد .. روحج .. وبتسكنين ويا يدوه .. وبتسيرين المدرسة .. وبتردين .. عموه عاشه بتابع وياج دروسج ... وبتيي المدرسة وياج .. بتفهمهم شوه السالفه .. حصيص: وانته وامايه ؟ محمد ( بلع ريجه ): انا وامج بنتم هني .. صخت حصيص... مستحيل .. هو يعرف اللي يقوله مستحيل يستوي ... فـ ليش يقوله ؟ ليش يعور قلبها ؟ ... بس شكلهم صدق ناوين يسوون هالشي .. حصيص: ما ابا محمد: سمعيني .. حصيص: ما ابا اسمع شي محمد: حصيص .. خليني اكمل حصيص ( صرخت ) : لا تكمل .. ما ابا اسمع شي ... انا قلت لك انته تكرهني والله تكرهني .. بابا انا شوه سويت ؟ ....... تبا تردني دبي روحي .. وانته وامايه اتمون هني .. شوه سويت انا ؟ وتواصل صياحها ... ومحمد يالس ما يعرف شوه يسوي .. بنته يالسه تفسر تصرفاته كلها ع اساس انها كره .. محمد: انا ما اكرهج حصيص: بلى ... تكرهني .. تكرهني .. محمد: حصيص حبيبتيه حصيص: قم عني .. ما ابا ارمسك قم .. ابا امايه .. ونشت .. حصيص: ابا امايه .. ما اباك .. محمد: حصيص شوه فيج ؟ حصيص: ما اباك انته .. بسير عند امايه .. وفعلا سارت . مشت .. بتسير . بتظهر من الشقة .. محمد: تعالي ... حصيص: ما ابا ... لحقها محمد .. ويودها من جتوفها ... حصيص: هدني ... ما بتم عندك .. محمد ( بصرخه ): حصيص .. وقفت حصه ... وشافت في عين ابوها .. يلست ع الأرض مكانها .. وكملت صياحها ... بس هالمرة صياحها يقطع القلب اكثر ... وشكلها يكسر الخاطر ... محمد جمد يبا الأرض تنشق وتبلعه ولا يشوف بنته في هالحاله .. هني .. نزلت دموع محمد .. ما قدر يستحمل ... ما قدر يستحمل كل اللي يستوي له .. ير بنته في حضنه ... وتم يمسح على راسها .. محمد: حصيص .. انا منوه ؟ ... وهي ساكته .. محمد: انا منوه ردي عليه .. حصيص: بابا محمد: وفي ابو يكره بنته ؟ ... في اخو يكره اخته ... حصيص: بابا .. انا احبك .. بس انته ما تباني اليوم محمد: ليش ما اباج .. شوه السبب ؟ قولي لي شوه استوى عسب ما اباج ؟ حصيص: تصرخ عليه .. محمد: آسف ... بس غصبا عني حصيص: وما خليتني اسير عند امايه محمد: بعد آسف .. وما كنت اقصد حصيص: وتبا تردني دبي روحي .. ( صاحت زيادة ) انا ملعوزتنك ؟ .. بهدلتك هني ؟ اسوي كل شي تباه مني ... محمد: ما لعوزتيني .. ولا بهدلتيني .. بالعكس .. انا اللي مصبرني على هذا كله انتي .. حصيص: عيل جيه تبا تردني دبي ؟ محمد: عسب ترتاحين .. تسيرين المدرسة وتردين .. سنة كاملة بتروح عليج لو ما رديتي الحين .. حصيص: ما ابا .. خل سنة وسنتين وثلاث بعد تروح عليه .. لكن لا تخليني ارد دبي .. لا تردني .. انا ما ابا ارد روحي .. اذا وياك وويا امايه برد لكن روحي ما برد الله يخليك .. لا تخليني ارد .. ورن مبايل محمد ... شاف الرقم ... محمد: الو .. هلا عبدالرحمن .. عبدالرحمن: شحالك محمد ؟ محمد: الحمدلله عبدالرحمن ( حس ان في شي): شوه فيك ؟ محمد: ما شي عبدالرحمن: شحال حرمتك ؟ وحصيص ؟ محمد: الحمدلله ... عبدالرحمن: وين حصيص؟ محمد: هني .. يالسه حذالي عبدالرحمن: عطني اياها شويه برمسها .. محمد: لحظة ....... حصيص عمي عبدالرحمن يبا يرمسج ... حصيص: ما ابا محمد: مب طايعه .. عبدالرحمن: شوه السالفه ؟ بلاكم ؟ .. محمد: انـ مدت حصيص ايدها كأنها تقول حق ابوها عطني برمس عمي عبدالرحمن ...... محمد: لحظة ... خذت حصيص المبايل عن ابوها .. ونشت سارت الحجرة .. حصيص: عمييييييييي وانفجرت حصيص من الصياح .. عبدالرحمن: حياة عمي انتي .. شوه فيج ؟ بلاج تصيحين ؟ حصيص: عمي ما ابا ارد دبي .. ما ابا ارد دبي عبدالرحمن: شوه فيج انتي ؟ ليش تصيحين ؟ حصيص: بابا يبا يردني دبي روحي .. انا ما ابا ارد .. ما برد روحي عبدالرحمن: تبيني انا اييج لين ألمانيا واردج ؟ تبين ؟ حصيص: لا ما ابا عبدالرحمن: حبيبتيه ... انا بييج لين هناك .. وبردج ويايه ما بتركبين الطيارة روحج حصيص: ما ابا .. اقولك ما ابا ارد دبي عبدالرحمن: تبين اتمين ويا ابوج وامج هناك ؟ حصيص: هيه عبدالرحمن: خلاص انزين .. سكتي .. لا تصيحين حصيص: وابويه معصب عليه اليوم .. عبدالرحمن: ليش معصب ؟ ... ضايقتيه بـ شي ؟ حصيص: لا .. ما سويت شي .. هو معصب عليه .. ويصرخ .. والحين يعتذر ويقولي بتردين دبي .. انا ما ابا ارد ما ابا ارد .. عبدالرحمن: انزين خلاص سكتي ... قلبي انتي .. لا تصيحين .. حصيص: عمي رمسه قوله .. عبدالرحمن: ان شاء الله ... ان شاء الله .. وينه هو ؟ حصيص: برع عبدالرحمن: وانتي وين ؟ حصيص: فالحجرة عبدالرحمن: ودي المبايل حقه .. برمسه .. حصيص: لا تخليه يعصب عليه بعد عبدالرحمن: ان شاء الله .. برمسه عدل .. وبفهمه .. وبقوله انج ما تبين تردين ... بس عطيني اياه ... ودت حصيص المبايل حق ابوها وردت حجرتها .. محمد: هلا عبدالرحمن عبدالرحمن: محمد .. شوه السالفه ؟ البنيه ميته من الصياح .. شوه مسوين بها ؟ محمد: عبدالرحمن ... انا تعبت .. والله تعبت .. وصاح محمد جنه ياهل ... واخوه ع الخط الثاني مصدوم .. شوه مستوي في ألمانيا ؟ .. اخوه يصيح .. وبنته تصيح ... شوه السالفه ؟! عبدالرحمن: محمد ... حرمتك بخير ؟ محمد: عبدالرحمن .. بنتي .. بنتي تقول اني اكرهّا .. بنتي احس انها تعقدت والله تعقدت .. ما ادري شوه فيها اليوم .. مضايجه وواصل حدها .. تفسر كل تصرف وكل كلمة اقولها ع اني اكرها عبدالرحمن: رمستني توها تقولي ما تبا ترد البلاد محمد: وانا شسوي ؟ ... عبدالرحمن: يوم انها ما تبا ترد جيه تخليها ترد .. محمد البنيه متعلقه فيك وايد .. وانته عارف هالشي .. ليش تبا تكسر قلبها وتردها البلاد محمد: امها تباها ترد .. وانا بعد ... سنة كاملة بتضيع عليها يا عبدالرحمن سنة كاملة ... بنتي تعيد السنة لـ شي هي ما لها ذنب فيه عبدالرحمن: خل تضيع عليها 10 سنوات .. بس مب تسوون فيها جذه .. محمد حرام عليك .. خافوا ربكم فيها .. حصيص بعدها صغيرة ما تتحمل .. كفاية انها فالغربة .. خلوها ع راحتها .. متى ما هي بتمل مول وتبا ترد بتقول لك ... وهي ما تقدر ترد البلاد روحها محمد: ما ادري شسوي والله ما ادري عبدالرحمن: محمد اسمعني .. اسكت ... هد اعصابك .. اهدى شويه .. وعقب سير صوب بنتك .. احضنها لاعبها .. اتغشمر وياها .. رد محمد الجديم وياها .. رد محمد اخوها .. ومحمد ابوها .. حاول ترد ثقة بنتك فيك .. وحبها لك .. خلها تحس ان اللي استوى خلاص راح وانك ما كنت تقصد أي شي .. وتم عبدالرحمن يكلم محمد .... ويهديه .. ويقوله كيف يصرف ويا بنته .. صح ان محمد ما يبا أي حد يقوله كيف يتصرف ويا بنته .. بس هالمرة ما يدري يحس نسى كل شي .. نسى شوه يسوي عسب يراضيها او كيف يراضيها !....... في البلاد .. الامارات الحبيبة .. ودبي القريبة .. من العين .. ومحفورة فالقلب .. نزلوا وديمة .. وردوا بيتهم .. سعيد ما نطق بـ ولا كلمة للحين .. دخلوا قسمهم ... يلس سعيد ع طرف الشبرية .. سعيد: تدرين انج حطيتيني في موقف بايخ وسخيف اليوم ؟ بدور: انته اللي حطيتني في موقف بايخ وسخيف .. سعيد: بعد لج عين ترمسين ؟ بدور: هيه .. انا مب غلطانه عسب ما ارمس .. انته الي ماد البوز شبرين فالسيارة .. وزعلان وما ادري بلاك .. وانا احترمت سكوتك لان اختيه كانت ويانا سعيد: وانا احترمتج انتي لان اختج كانت ويانا .. واصلا ما ابا ارمس فالسالفه بدور: وليش فتحتها الحين ؟ سعيد: بدور .. شوه تفسرين طلعتي من بيت ابوج .. وانتي هناك ويا اهلج مودرنج .. واتفاجئ بج انتي حرمتيه في صحارى ؟! بدور: يعني شوه ارتكبت جريمة ؟ ظهرت ويا اختيه .. نشرى نسوق سعيد: بدور .. لا تنرفزيني زيادة .. ظاهره بدون علمي بدور: اتصلت بك مبايل كان مغلق سعيد: على أي رقم ؟ بدور: على رقم 55 سعيد: ما كان في جرج .. ما قدرتي تتصلين ع الرقم الثاني ؟ بدور: قلت اكيد انك فالمسيد وغالق المبايل .. خلاص ما استوى شي .. سعيد: شوه ما استوى شي ؟! شوه ما استوى شي ؟ بدور: يا اخ اذا في حد بيحاسب فـ هي انا .. حطيتني في موقف محرج .. تير عباتي جدام الخلق كلهم ... وتطرها جدام الناس انا بدور امشي بعباه مطرورة .. وغير هذا خلني ساكته احسن عن افتح سوالف وايد ما لها داعي في هالحزه .. بدون أي سابق انذار .. فتحت بدور فعلا السوالف .. والبيت .. والحجرة .. والاخوان .. وووووو وما خلت شي .. وسعيد يرد عليها وهي ترد عليه بعشر بعد !.. فالصاله برع .. مروان: لا اله الا الله .. الواحد ما يرتااااااااااااااااح راشد: اسكت انته مروان: حشى .. دو دو دو دو دو ... ثمها ما تعب ؟ راشد: دو والا اتصالات ( ابتسم ) مروان: والله والله والله سخيييييييييف وبااااااااااايخه منك .. متفيج راشد: ههههههه شوه اسوي بك انته بعد ما يخصك .. كيفهم .. مروان: هو من ناحية كيفهم كيفهم .. لكن صدعونااااااا راشد: والله انته اللي صدعتنا ... مروان: والله لو عرست وظهرت حرمتيه جذه .. بسطرها كم طراق ... وبطرشها بيت ابوها كم يوم تتعلم الادب .. شويه وعقب بردها راشد: مروان .. عن قلة الادب .. ما يخصك انته .. سعيد روحه كيفه مشكلته ويا حرمته .. ودخلوا عمر وعبدالعزيز .. مروان: شرفووووووا عبدالعزيز: ويييييه شوه هالحشرة داخلين بالغلط نحن راشد: بلا استهبال عمر: السلام عليكم مروان: وعليكم السلام يا هلا عبدالعزيز: عنبوه شوه هالحشرة ؟ مروان: حرمت اخوك .. عمر: شوه السالفه ؟ مروان: شدرانا عمر ( شاف صوب راشد ): راشد شوه السالفه ؟ راشد ( فهم قصد عمر .. السؤال عبارة عن سؤالين .. هل انتوا السبب في هالصريخ ؟ ) : لا تخاف .. رواحهم ردوا من برع .. وقاموا يصرخون رواحهم .. عمر: انزين سيروا رقدوا شوه ميلسنكم مروان: شوه نرقد الحين عبدالعزيز: الواحد وين يقدر يرقد الحين ؟ مرواااااان مروان: شوه ؟ عبدالعزيز: هههههههه فاتك ... مروان: شوه ؟ عبدالعزيز: عفرا النحسة صاحت .. مروان: فذمتك ؟ عبدالعزيز: ههههه هيه والله صاحت صياح .. مروان: ليش؟ عبدالعزيز: انها بتسافر .. سلمت عليها سلامة .. وانا سلمت عليها ... صاحت والله صاحت كيف .. بس صدق كسرت خاطريه مروان :ام الدويس بعد تعرف تصيح راشد: لا .. بس انته تعرف تصيح .. بس مروان: وانا ليش اصيح ؟ عمر: يالله عبدالعزيز رقاد عبدالعزيز: ما ابا اررررررقد الحين .. عمر: انزين نش سير بدل .. راشد: بسير ارقد انا .. مدوخ صدق .. مروان: وين ودرتوني روحي ؟ عمر: شوه تخاف ؟ مروان: هههه لا بس ملل .. تعالوا لا عمر: اصبر لا عبدالعزيز: سير لا مروان: هههه يالهرم ( يقصد عبدالعزيز ) .. عمر بعد تعلمت تعلق عمر: علمتونا .. مروان: ردوا بسرعه .. عمر : ان شاء الله ( وخذ مخده وفرها ع ويه مروان ) ظحكوا اخوانه ع الحركة .. رد عمر صدق وردت الظحكة في هالبيت .. في حجرة عمر وعبدالعزيز ... عمر: قلت لك ما تدخل تسبح نص الليل عبدالعزيز: عمور الله يخليك .. مب حلو .. احس عمري قذر عمر: شوه تحس عمرك ؟ عبدالعزيز: ههههه قذر عمر: محد قالك تلعب برع عبدالعزيز: اخ والله مب حلو .. لعبت كورة .. وما ادري شوه عمر: محد قالك ... قبل ما تطلع من هني مسبح .. عبدالعزيز: وييييه قبل ما اطلع .. الظهر عمر: انزين .. مب زين .. الحين فالليل .. تسبح تمرض عبدالعزيز: احسن عسب اكون شراتك عمر: لا تقول جذه مب زين عبدالعزيز: صدق انزين عمر: يالله ادخل بسرعه اسبح .. وتعال تحت عبدالعزيز: انته الحين بتسير عمر: ببدل وبسير .. عبدالعزيز: اقول عمور عمر: شوه ؟ عبدالعزيز: انته و زايد وين سرتوا سوم ظهرتوا من بيت عموه ؟ عمر: كان عندنا شغل عبدالعزيز: سرتوا بيت عمي يوسف صح عمر ( تنهد ): هيه ... عبدالعزيز: شحاله ؟ عمر: الحمدلله .. عبدالعزيز: اها عمر: تعال بخبرك عبدالعزيز: شوه ؟ عمر: هالعلامه اللي ع خدك من شوه ؟ صخ عبدالعزيز .. هو ناسي هالعلامة ... ناسنها بالمرة .. حتى في بيت عمته مروان كان مهيأنهم انها علامة طيحته ع الدري ... عسب جذه ما سالوه من شوه وجذه يوم سار .. عمر توه استفرد بـ عبدالعزيز ولقاها فرصة يسأله .. عمر: بلاك ؟ .. سكت ؟ عبدالعزيز: ها ؟ ما شي .. قلت لك .. اول ما ييت طايح ع الدري عمر: كيف طحت ؟ عبدالعزيز: طحت .. بعد كيف ؟! عمر: انزين قولي كيف ؟.. ما شفت يعني الدري جدامك ؟! والا مب ساكن في نفس البيت تدله الدري ؟ عبدالعزيز: لا ادله .. وشفته عمر: عيل ؟ عبدالعزيز: عمور بلاك ؟ اقولك اني طحت وخلاص عمر: ما ادري ليش احس ان في كلامك شي من الجذب ! عبدالعزيز: لا جذب ولا شي .. بسير اسبح انا .. تبا شي ؟ عمر: يعني شوه ابا من الحمام ؟ عبدالعزيز: ههههههههه لا يعني اونه عمر: بس العلامة مب علامة طيحة ع الدري .. عبدالعزيز: عمور بلاك ؟ .. شوه فيك انته اليوم ؟ .. عمر: عبدالعزيز في شي مستوي وانا ما اعرفه ؟ عبدالعزيز: شي مثل شوه ؟ عمر: ما ادري ! عبدالعزيز: لا ما مستوي شي عمر: حد من اخواني مد ايده عليك ؟ عبدالعزيز ( انصدم .. بس بسرعه غير ملامح ويهه ) : شوووووووه ؟ يمد ايده عليه انا ؟!! .. شوه تخبلت انته .. اونه يظربوني .. حلووووة ... عموه جنه بتهدهم في حالهم لو مدوا ايدهم عليه .... عمر: عيل حد من برع ؟! عبدالعزيز: لا يابوي .. ولا حد من برع .. لو حد من برع ظربني انا بظربه .. هاللي ناقص والله .. بذفنه بعد ... مب الا بظربه عمر: احس ان في شي فالبيت ما ادري عبدالعزيز: بسم الله عليك .. لا في شي ولا شيات .. عمر: فريد بعد ما كان ع بعضه عبدالعزيز: لا فريد كان عادي .. بس تلقاه مصدوم يمكن .. من انك رديت .. حتى نحن انصدمنا .. عمر: حليله عبدالعزيز: انزين عيل بسير اسبح .. عمر: بسرعه عبدالعزيز: اوكيييييييييييييييييه ودخل عبدالعزيز الحمام يسبح .. اما عمر نش يبدل ثيابه وبينزل تحت عند مروان اللي يالس ملان! احمد: يالله امووووون آمنة: خلصت خلصت .. احمد: خليتي كل شي ..؟ آمنة: هيه . هالشنطة شلها وياك فالطيارة احمد: شووووووه ؟.. ما بشلها آمنة: شلهاااا احمد: ما بشلها .. ما يخصني .. ما احب اشل شنطة في ايدي يوم اركب الطيارة .. جني بزنس مان آمنة: صدق فقر احمد: عفواً ! آمنة: هههههه يعني شسوي فيك ..؟ ما تبا تستوي بزنس مان !! .. شل هالشنطة .. حاطه فيها اغراض يمكن تحتايها احمد: ما احتاي شي فالطيارة .. آمنة : يمكن .. اففف احمد لا تعور لي قلبي وشلها احمد: سلامة قلبج .. يا ام ميثا .. وين ميثا ؟ آمنة: تحت عند رملة .. احمد: الحين انا ابوها .. منزلينها عند رملة آمنة: لين بدلت وجهزت وزهبت .. قلت خلني انزلها عند رملة .. حليلها احمد: يالله انزين آمنة: خذ .. احمد: بس هاي فالطيارة ع قولتج ؟ آمنة: هيه .. احمد: وشنطي الباقية وين ؟ .. خيبه امون شنطة قد البقر آمنة: وايد لا ترمس وتستهبل .. احمد: يالله انزين آمنة: يالله ننزل احمد: لا ... ما بسلم عليج جدامهم .. آمنة: اسكت انزين .. سخيف والله قاهرني .. يعني شوه بيستوي لو نيي المطار احمد: ليش تيين ؟ .. والله ما له معنى .. اتعبين البنيه حليلها ... آمنة ( ابتسمت ): زين اختصرت عليه .. لعبتها مساعه .. بتقتنع وبترقد .. الله يعيني عليها الليالي اليايه احمد: طرشيها عند عيسى يلعبها ويردها آمنة: بلا استهبال .. عادات سيئة معلمنها احمد: اقولج وايد فاضيه انتي .. شكلج تبين تأخريني وتطير الطيارة عني آمنة: هيه احسن احمد: يالله فمان الله ام ميثا .. آمنة: دير بالك ع عمرك .. وع رملة ... نزلت دموع آمنة .. هاي ثاني مره تفارق احمد .. بس هالمرة مصيبة ما تدري لين متى ؟! .. احمد: بدينا ! آمنة ( تمسح دموعها ): وما اوصيك ع عفاري اختيه بعد .. وطمنونا بحال رملة وحصه .. احمد: ان شاء الله سكتت آمنة .. احمد: ايه انتي .. هني صدق آمنة صاحت .. وحطت ايدها ع ويها وصاحت .. احمد .. يرها صوبه .. احمد: يا ويهج .. كم اسبوع ورادين ان شاء الله .. بس انتي لا تكدرين خاطرج .. ولا تزعلين .. وديري بالج ع عمرج .. وع ميثا .. وامايه .. والبيت هني .. مودر كل شي في ايدج ورقبتج امانة .. وحبها ع راسها .. احمد:يالله مسحي دموعج ونزلي ...... مسحت آمنة دموعها .. آمنة: انزل لاحقتنك احمد: لا اباج تنزلين ويايه .. آمنة: بنزل الحين .. احمد: امون جنه حاطه بلشر زيادة يوم صحتي آمنة ( ابتسمت) : يالبايخ .. احمد: هههه يالله تعالي ... شل احمد الشنطة .. وسار تحت ووراه آمنة ... رملة: حبيبتييييه انتي .. ام احمد:يالله هذو احمد وصل ناعمه: آآآآآه يا ألبي عيسى: بلاها الاخت ؟ جلبت مصري ناعمه: يالله ما احب جذه .. عيسى ( ابتسم ): سنة الحياة اطالعته ناعمه بنظرة .. خلت عيسى يظحك .. احمد: بلاه الاخ ؟ عيسى: ما شي احمد: يالله امايه .. مع السلامة وبدت المناحه الكبري عقب ما خلص احمد جملته .. صاحت ام احمد .. وىمنة ردت تصيح .. وناعمه صاحت .. ورملة صاحت .. وميثا فوقهم .. عيسى: ههههه بلاج انتي .. حشر مع الناس عيد احمد: امايه بس عاد ام احمد: دير بالك ع عمرك .. وهالله هالله في رملة .. ناعمه: رملوه كوني خوش بنيه .. عيسى: ايه بس لا تصيحون .. راسها يعورها زيادة مب زين عليها فالطيارة رملة: مجرمييين والله مجرمييين .. ولا واحد فيكم بيي ناعمه: ما عليه حبيبتيه .. قلت لج انا ليش ما نقدر نيي .. آمنة: رملة حبيبيتيه يالله مع السلامة رملة ( وهي تصيح ): حرام ليش ما بتين ويانا آمنة ( ابتسمت بدموع مختلطه ): ما عليه حبيبتيه .. مره ثانية .. واذا طولتوا تاكدي بحجز لي ولـ ميثا وبنيي وما عليه من اخوج انزين وحضنتها آمنة .. احمد: يالله مع السلامة .. ظهروا كلهم برع .. يكملون مراسم الودااااااع ... بتوديع احلى اثنين فالبيت .. احمد ورملة .. صدق البيت بيرد كئيب .. بارد .. ملل .. وظلمة .. في ألمانيا ... محمد عقب ما هدى .. وهدت نفسيته .. واعصابه .. وسوى له كاس عصير ليمون بارد ويا نعناع .. شربه .. سار صوب حجرة بنته .. دق الباب .. محد رد .. فتحه .. لقى بنته منسدحه ع الشبرية .. شكلها راقده .. بس مب متلحفه .. سار صوبها ... وير اللحاف من تحتها .. فتحت عيونها .. حصيص: بابا .. محمد: آسف .. كنتي راقده ؟ حصيص: لا .. بس راسي يعورني محمد: اسوي لج شي بارد تشربينه ؟ .. حصيص: لا ما ابا .. محمد: بترقدين ؟ حصيص: بابا .. ابا ارمسك محمد: وانا حتى ابا ارمسج .. حصيص: قول انته محمد: لا انتي قولي .. اللي عندج قبل حصيص: انا آسفة .. ما كان قصدي مساعه اقولك الرمسة كلها هذيج .. انا ادري انك تحبني وما تكرهني ... وانا ادري اني كنت ما ادري كيف وياك .. وزعلتك ... آسفة .. وتجمعت الدموع في عينها .. محمد: شوفي تبيني ارمسج .. لا تردين تصيحين .. حصيص: خلاص ما بصيح ( ومسحت دموعها) محمد: نحن مب اتفقنا ان انا وانتي نكون اخوان .. وبعد اكون انا الابو وانته بنتي .. ونكون ربع في نفس الوقت حصيص: هيه محمد: ومب اتفقنا ان محد يزعل الثاني ؟ .. حصيص: هيه محمد: ومب اتفقنا ان نسوي كثر ما نقدر عسب ماما اتم مستانسة .. صح والا ؟ حصيص: صح محمد: خلاص عيل .. انا آسف لو اليوم صرخت عليج .. وخليتج تصيحين .. وتحسين اني اكرهج .. انا ما كنت اقصد اسوي كل هذا .. انا كنت معصب ومتكدر وزعلان شوي .. عسب امج .. انتي كبيرة ومب صغيرة .. وتعرفين ان امج مريض .. هزت حصيص راسها بأن هيه محمد: نحن لازم ما نخليها تزعل .. وهي تباني انا وياج نرد البلاد .. عسب انتي تسيرين المدرسة حصيص: انا ما بسير بدونها محمد: ولا انا .. فعسب جذه قلت انتي تسيرين .. وعمي عبدالرحمن يستقبلج .. عسب هي ترتاح .. لكن هي تباني انا وياج نسير وخالي مايد ايي عندها هني حصيص: انا ما برد بدون امايه او بدونك ... برد وانتوا الاثنين ويايه محمد: خلاص .. انتي قلتي لي جذه .. وانا احترم هالشي .. فـ ما بخليج تردين .. لا ويا عمي عبدالرحمن .. ولا ويا خالي مايد حصيً: وامايه ؟ محمد: امج انا بفهمها وبقول لها .. اني ما اقدر استغنى انا عن حصيص ولا هي تقدر .. ولا نحن الاثنين نقدر نستغنى عنها حصيص: صدق ؟ محمد: هيه حصيص: بتوافق ؟ محمد: انا بخليها توافق حصيص ( نشت وحضنت ابوها): بابا احبك محمد: وانا اكثر .. والحين .. نشي الله يخليج .. بسوي لج عصير ليمون بارد .. يريح اعصابج .. ومره ثانية ما تصيحين هالكثر حصيص: ان شاء الله .. بس والله تعبانه ما ابا عصير محمد: ولا تعشيتي حصيص: ما ابا عشا ابا ارقد بس .. تعبانه محمد: مب زين حصيص: والله ما اقدر .. بابا الله يخليك محمد: انزين ع الاقل لقمتين حصيص: ما ابا .. راسي يعورني محمد: انزين نشي بعطيج دوا عوار الراس .. يهديج .. وعقب رقدي حصيص: انزين تسمح لي ايي ارقد في حجرتك محمد: اكيد .. حياج .. قومي تعالي ... ونشت حصيص ويا ابوها عقب ما عادت المياه الى مجاريها مثل ما يقولون .. نرد مره ثانية الامارات .. مطار دبي .. أحمد: عاشت عفرا عفرا: بلا حركات .. ما ادري شوه مسويه عسب جذه تقولي هزاع: شوه مسويه ؟ .. عفرا: بلاك بسم الله احمد: ههههههه استهبل استهبل ... من زمان بعد عفد شوه مسويه ؟ ... ما يخصك انزين هزاع: ياخي اختيه .. احمد: ياخي بتسافر ويايه انا المسؤول عنها هزاع: هههههه والله انك حركات عفرا: شدراني يبا يخربك عليه وانا بعدني ما سرت هناك حليلي هزاع: وين امون جيه ما يبتوها ؟! عفرا: هيه والله تونسني احمد: وين يايين نحن تونسني اونه .. خليتها فالبيت ترقد بنتي .. تعرفون ما ابا بنتي تتعب هزاع: انته حركات انزين احمد: هههههه اسكت ادري شوه بتقول اسكت عفرا: وين رملة ؟ احمد: ويا عيسى هناك .. راسها يدور هزاع: حليلها .. احمد: عمي وعمتيه ما قالوا شي ؟ هزاع: قالوا كل شي.. احمد: ههه طبعا حبيبتهم عفرا مسافرة عفرا: هيه والله فديتني هزاع: عديمة احساس .. عفرا: ليش ؟ هزاع: لو وحده ثانية جان تمت تصيح .. لين الحين احمد: ههههه وليش تصيح .. سفر كم اسبوع وبترد ... عفرا: ما كفاك اللي صحته بعد تباني اصيح .. والله ّ .. وبعدين صحت عسب امايه وابويه وخواتي هزاع: انا اخوج يالسخيفه بعد عفرا: يوم بسلم عليك بصيح انزين .. عسب ترتاح .. في صوب ثاني ... عيسى: الحين اوكيه ؟ رملة: هيه شويه عيسى: حطي راسج هني عسب ترتاحين قبل السفر رملة ( حطت راسها ع جتف عيسى ): وين احمد ؟ عيسى: واقف ويا اهل حرمته هناك رملة: متى الطيارة ؟ عيسى: عقب اقل عن ساعه .. رملة: عادي ارقد عيسى: لا لو رقدتي الحين .. راسج بيعورج زيادة رملة: عيسى عيسى: هلا رملة: شوه بيسوون لي هناك ؟ عيسى: والله ما ادري .. الدكتور بيشوفج .. وبيقول عقب شوه بيسوي رملة: بيقصون راسي ؟ عيسى : لا لا منوه قال .. شوه يقصون راسج ! رملة: ما ادري عيسى: منوه قايل لج هالرمسة ؟ رملة: روحي قلتها .. ويا احمد صوبهم .. احمد :يالله طيارتنا .. عيسى: زقروكم ؟ احمد: هيه .. رحلتنا الحين لازم ندخل داخل .. يالله رملة عيسى: احمد شوي شوي عليها لانها حاسه بدوخه احمد:ان شاء الله .. عيسى: يالله فمان الله بو ميثا احمد ( حضن اخوه ): ما اوصيك ع البيت .. امايه وناعمه .. وام ميثا وميثا عيسى:لا توصيني .. انته بس حط عينك ع رملة .. احمد: ان شاء الله .. عيسى: فمان الله احمد: مع السلامة ... ورد احمد صوب هزاع وعفرا ووياه رملة احمد: الله ياخذ عدوك يا هزاع شوه سويت ؟ هزاع ( مبتسم ) : والله روحها صاحت احمد: صدق انك حركات .. عفرا يالله نسير هزاع: بس عاد سكتي .. ما يسوى علينا احمد: انته طلبت منها هزاع: ما يطلبه المشاهدون يالسين نحن احمد: تنكت بعد حضرتك .. يا ويهك صيحت البنيه .. هزاع:ههههههه دور اللي بيردكم احمد: هههه من الحين .. تتمنن علينا .. وتذلنا خلنا نسير وساروا احمد ورملة وعفرا .. داخل عقب ما ودعوا هل دبي .. وودعوا دبي .. وطيارتهم عقب شويه بطير .. في مكان ثاني .. ما ياه رقاد .. مع انه ياي حجرته عسب الرقاد .. بس ما يدري ليش ما رقد !.. نش وفتح كبته بيظهر مبايله الثاني .. وتم يدور بين الاغراض .. شاف ورقة مجلوبة .. جنها صورة !... ظهرها .. بنيه .. شعرها اشقر .. وعيونها خضر .. يا ربي هاي من وين يت ؟!... امممم .. مالت سعيد ؟!.. لا هني صوب اغراضي ما يخصه سعيد .. وسعيد بعدين عرس ومن سنة يدي ما صاعد هني الحجرة ... لحظة .. هاي الصورة ..... --------- هند: دفترييييييي راشد: شوه ؟ هند: دفتري حرام .. راشد: وانا قلت شي الحين !! هند: لانه مب ماالك .. راشد: زيغتيني .. قلت شي استوى .. الا هو دفتر هند: هالدفتر غالي ... تدري شوه يعني غالي راشد: غالييييييي .. من وين شارتنه .. المانيا .. والا بلجيكا .. والا امريكا ... تتخققين علينا بدفتر الحين --------- هيه .. هاي الصورة اللي طاحت من دفتر هند بنت عموه جواهر فالمزرعة .. يا ربي كيف نسيت اردها لها .. بااااااااال .. واللقعه والخيبة بعد .. من متى الحين ... بس تشبهها .. هل هي هاي نفسها هند .......يمكن يوم كانت صغيرة !... بتوهق لو الصورة تمت هني .. لازم اردها لها .. والا لو حد من اخواني شافها .. سين وجيم .. ومن وين لك هالصورة !..... خلني ارقد .. وافكر في طريقة ارد لها الصورة ..... وسار راشد انسدح ع الشبرية .. يفكر في طريقة يرد فيها الصورة .. وفي نفس الوقت .. يذكر المواقف اللي تلاقى فيها ويا هند .. هناك .. وكيف كان شكلها .. وكيف كانت ترمس .. عكس اخوها الخقاق تمام .. وخصوصا يوم اعتذر لها وقبلت اعتذاره بسهولة .. مواقف وذكريات .. تمر في راس راشد .. وميت فكرة وفكرة .. لين ما تعب ورقد .. وهو مب حاس .. *********** |
الجزء الـ 33 يوم يديد ... بكامل نشاطهم الاخوان واعين .. يالسين .. بيتريقون .. مروان: فريد .. وين بيييض عيووون فريد: اصبر اصبر الحين بييب .. مروان: بسرعه عمر: مروان بس عاد مروان: والله يوعان فريد :اول شي .. حليب عمر ... عبدالعزيز ( حاط ايده ع خده): ونحن يعني متى نتريق ؟! فريد من يوم عمر رد .. يجهز له كاس حليب طازج ودافي في نفس الوقت .. وعمر يبا والا ما يبا يشربه ... وهاي اوامر فريد عسب يتحسن بسرعه راشد نازل من فوق .. راشد: صباح الخير مروان: هلا هلا عبدالعزيز: مب جنه انته اول واحد راقد .. والحين آخر واحد ناش راشد: وين والله ما ياني الرقاد مروان: ليش تفكر في الحبيبة ؟ راشد ( انصدم): أي حبيبة ؟ عبدالعزيز: ط ويهه كيف استوى مروان: هههههه ولا حبيبة ولا حبيبة اتغشمر وياك .. بسم الله عليك .. يا اخووووي عمر: يوتر اعصاب الواحد ع الصبح ويخليه يشك في عمره مروان: شوه اسوي موهبة والله .. موهبة من الخالق البارئ عمر: موهبة السخافات عبدالعزيز: هههههههههههه ياخي عمر وايد تعطي مروان فالويه هالايام مروان: هيه والله .. ابتسم عمر .. وراشد قال في قلبه الحمدلله .. لان يوم مروان رمس .. هو باله ع طول سار عند الصورة اللي امس يفكر فيها ... ويفكر كيف يردها ... والا لو صدق مروان عرف ان الصورة عندي بيقطعني ولا بيخلي فيني شي .. وبينشر الخبر في كامل أرجاء دولة الامارات ! عمر: عيل سعيد وين؟ مروان: والله يتريق ويا حرمته عبدالعزيز: تريق وخلللللللص عمر: متى ؟ عبدالعزيز: اوه !! ... وينك انته ؟ ما كنت يالس امس ؟ .. تريق وتعشى وتغدا مسير سنة كاملة .. ولا من ايد حرمته بعد .. هو مب أول مره .. لكن امس الاكل كان دسم شويه نقع مروان من الظحك .. لدرجة انه غص وهو ياكل قطعة خبز ... و راشد يظحك ع مروان .. اما عمر فتوه يستوعب اللي قاله عبدالعزيز.. عمر: انا كم مره قايل لك عبدالعزيز ( قطع عليه ): لا ترمس عن حرمت اخوك بهالطريقة .. والله الواحد .. ما يعرض نفسه لرمسة الناس عمر: لسانك طول شويه . يباله قص .. عبدالعزيز: صح صح .. كلامك .. لساني طول .. من يوم انته سرت .. لازم احافظ ع حقوقي راشد: الله والحقوق ما ادري وين مودرينك نحن ! مروان: الله ياخذ العدو .. حد داعي عليه عمر: من الظحك اللي ما له معنى مروان: اكيد ام الدويس عبدالعزيز: حليلها النحسة كيف صاحت امس ظحكتني والله راشد: البنيه تصيح وهذا يقول ظحكتني عبدالعزيز: ههه انززين ما يليق والله ما يليق ووصل فريد ... . مروان :شكرا شبعنا فريد: خلاص عيل ورد بيظهر مروان: وييييييييييين .. فريد لا تستعبط والله متنا يوع يييييييب عبدالعزيز: اونه بعد .. راشد: متعلم منكم فريد: وين زايد عبدالعزيز: شوه ياب طاري زايد الحين ؟ مروان:متوله عليه الاخ .. في بيتهم سر عمر: شوه تبا به زايد ؟ فريد: بس ابا اشوفه راشد: لا صدق .. متوله عليه ع قولت مروان مروان: قلت لكم حدسي لا يخيب فريد: كل وانته ساكت مروان: ان شاء الله عمي .. ان شاء الله .. ع هالخشم . كم فريد عنا .. الا هو واحد وملوع جبودنا وتموا يسولفون الاخوان .. هذا سار وهذا سوى .. وطبعا جلستهم ما تخلو من تعليقاتهم ع بعض.. البيت ملل صدق وضيج ... بدونها ... صدق يوم تقول بتعرفون قدري يوم واحد .. والحين عرفوه عدل ... هزاع: وصلوا يعني ؟ عذيجة: هيه ... هزاع: منوه رمسها ؟ بو هزاع: انا رمستها هزاع: وشوه الجو عندهم ؟ بو هزاع: اكيد برد هزاع: افففف والله ملل فضيع بو هزاع: الحين ملل يوم عفاري هني حليلها تقولون لها متى تسيرين ونفتك هزاع: هو صح انها تستوغد عليه ساعات .. لكن بعد بو هزاع: لا تقول عن بنتي وغدة هزاع: هههههههه قلنا تستوغد مب وغده بو هزاع: تستهبل عليه يعني ! ... عذيجة: آمنة جيه ما تيي هني تبات لين ير دريلها هزاع: هيييييييييييهاااااااا ... احمد ما ودا آمنة وياه عسب اتم في بيت ابوه هناك ... عند اهله .. وانتوا تبون تييبونها هني بو هزاع: هيه هو قالي جيه ما طاع يوديها عذيجة: احمد حركات بعد بو هزاع: لا صدقه الريال فعلا ... ما تعرفين شوه احساس امه الحين هو ولدها العود وبنتها سايرين علاج برع .. عذيجة: الله يشفيها يا رب وترد بالسلامة .. بو هزاع: ان شاء الله هزاع: وحصوه شخبارها ؟ بو هزاع: للحين ما ساروا المستشفى ... عنبوه توهم واصلين خل يتنفسون .. هزاع: بااال جيه كم ساعة الرحلة ... واصلين من اكثر من 5 ساعات بعد بو هزاع: انزين بيرتاحون ... عقب بيسيرون ما ادري وين .. عذيجة: تعالوا صدق عفاري ويا منوه يالسه ! ..... في ألمانيا .. رملة: يا سلااااااام خطيرة عفرا: هههه عن الحركات رملة: والله كشخه ... عجيييبة .. عفرا: وين عباتي رملة: بتلبسين العباااااااه ! عفرا: هيه عيل شوه ؟ رملة: ليش ؟ عفرا: ليكون تبيني اظهر جيه ! رملة: هيه عادي لابسة طوييييييييل .. عفرا كانت لابسة بنطلون جينز .. من تحت ياي وسيع .. وجوتي رياضة ... و قميص طويل .. بكم قصير .. ألوانه تركواز وبنفسجي وابيض .. وبرتقالي ووردي ... كل هالالوان دارجة في قميصها .. عفرا: انتي والله خبلة !.. وبتخبليني رملة: صدق انزين عفرا: لا حبيبتيه .. كله رياييل ! رملة: رياييل وشوه يعني ؟ مب مواطنين عفرا: لا والله !. يعني بس جدام المواطنين نلبس عبي مرلة: هيه .. عفرا: اقولج .. يالله يالله .. نسير .. انتي بتخربيني رملة: انزين اقول الصدق ههههه عفرا: لا صدق ولا شياته يالله نسير رملة: هههه .... انزين احمد وين ؟ عفرا: اخوج خذ له حجرة ثانية ... رملة: اونه ! عفرا: هيه .. رملة: انا وانتي في حجرة وهو في حجرة ؟! عفرا: هيه رملة: وليش؟ عفرا: لا والله !.. تبينه عيل ييلس ويانا في حجرة وحده ! رملة: هههههههههه لا لا .. اوه نسيت والله هههههه عفرا: ههههه يالساحرة يالله نسير .. رملة: اتصلي عليه .. عفرا: ما اعرف رقمه رملة: كيف ما تعرفين رقمه ؟! عفرا: والله ما اعرف.. رملة: انزين اتصلي ع حجرته عفرا: هيه صدق .. تعالي بتصل ع حجرته .. رملة : يالله سارت عفرا لبست العباه وفوقها جاكيت جينز بعد .. وعقبها سارت ويا رملة .... بيتصلون في احمد .. الا يسمعون صوت الباب ... رملة: حد يدق الباب .. عفرا: لا تفتحين الباب .. او شي شوفي منوه من العين السحرية .. رملة: اوكيه .. سارت رملة وشافت ... رملة: وااااااااااااااو عفرا: شوه السالفه ... وسارت عفرا من الفضول اللي فيها تبا تشوف منوه ؟ .. عفرا: قومي ابا اشوف .. رملة: هههه شوفي .. عفرا: يا ويهج ... رملة: هههه انا ما قلت لج تعالي شوفي .. انتي روحج ييتي .. احمد كان واقف .. لابس قميص هاي نك .. عنابي ... وبنطلون جينز .. وجوتي رياضة بعد عنابي .. ورافع شعره فوق .. وشال في ايده بعد جاكيت غليظ ... عفرا ويا رملة اول مره يشوفونه جذه ... وشكله مل وهو واقف برع !!.. لان رملة مندمجه تشوفه من فوق لين تحت .. وعفرا تظارب وياها + تدور شيلتها .. فـ رد يدق الباب مره ثانية .. رملة: يالله افتح ؟ عفرا: فتحي خلاص .. وفتحت رملة الباب .. احمد: سنة ؟ رملة: يا سلام .. احمد سوى عمره اونه عادي .. لان يدري شوه السالفه وان اول مره يلبس هاللبس جدامهم .. محد شايفنه جذه كاشخ كشخة بلاد اجنبية .. الا حرمته يوم يسافر وياها .. اما الباقين ما حصل لهم الشرف يشوفونه بكشخته هاي .. احمد: وين عفرا ؟ عفرا: انا هني احمد: يا سلااااااااام ! احمد قال يا سلام بطريقة .. خلت عفرا تشك في عمرها .. وتمت تطالع عمرها شوه السالفه ؟ ... رملة: شفت اللي انا شفته صح احمد: هيه .. رملة: اقولها فصخي العباه فصخيها شكلج غلط بالعباه .. نحن هني في المانيا .. تقول لا !.. احمد صد صوب رملة .. واطالعها وكله علامات تعجب واستفهام احمد: ايه ايه ايه .. انتي شوه تخربطين رملة: انته قلت احمد: شوه قلت ؟ رملة: قلت شكلها غلط احمد: انا ما قلت عفرا: ايييييه شوه السالفه ؟ احمد: انا كنت بستهبل عليج .. وبقولج بعد .. لابسة شيلة ملونة .. وجينز فوق العبااااه عفرا: جيه اول مره !... احمد: اقولج كنت بستهبل والله عفرا: عيل اختك تبا تخربني .. اونه فضخي العباه احمد: هيه عسب اردج انتي وياها البلاد .. بلا علاج بلا بطيخ .. رملة: عادي انزين احمد: عادي في عينج .. يالله نسير عفرا: وين البطاقة ؟ رملة: هذي ع الطاولة .. احمد: رملة شلي جاكيتج .. رملة: شليته .. وشلوا البطاقة .. وظهروا برع وصكوا الباب .. ساروا لين اللفت .. ركبوه ونزلوا تحت .. عفرا: تدل المستشفى الحين ؟ احمد: لا ما ادلها عفرا :صدق ؟ احمد: هيه ادلها جيه شوه قالوا لج هزاع ! عفرا: فديت اخويه والله احمد: الحين فديت اخوووووويه ! عفرا: الغربة الغربة تعلم احمد: هههههههه استويتي شاعرة ومرهفة الاحساس يا عفرا عفرا: ما عليه استحملوني .. نسير بنشوف حصه بعد هاي احمد: حليلها حصه رملة: احمد .. احمد: شوه ؟ رملة: المستشفى بعيدة والا جريبة ؟ احمد: انتي وايد ترمسين .. رملة: صدق انزين قول .. عفرا: بنسير مشي والا بسيارة احمد: انتوا الهنتين وايد تسألن .. ووايد دلوعات .. امشن يالله .. جداميييييي ظهروا برع .. الجو بارد .. بارد بارد بارد... ثلج الا مب بارد بعد ... رملة وقفت .. في مكانها ... وحطت ايدها ع اذنها .. احمد: شوه فيج ؟ عفرا: شكله الصداع رد لها .. رملة: اذني تعورني .. احمد: لبسي الجاكيت .. لبسيه .. خذت عفرا الجاكيت عن ايد رملة ولبستها .. واحمد شارك في الامر .. ولبس رملة اول شي .. الفرو مال الاذن .. وعقبها القحفية مالت الجاكيت نفسه .. احمد: الحين ؟ رملة: احسن .. شويه عفرا: نمشي بسرعه .. احمد: ناخذ سيارة ؟ عفرا: وين بنوصل في هالجو بالسيارة .. رملة: خلاص انا زينه .. نسير احمد: متأكدة ؟ رملة: هيه عفرا: رملة حبيبتيه لو تعبانه قولي رملة: لا خلاص عادي ... احمد: خلاص؟ رملة ( أبتسمت ): هيه .. احمد ( رد لها الابتسامة): يالله عيل .. اصلا المستشفى جريبة .. وفالدرب ... وقف احمد .. عفرا: بعد شوه ؟ احمد ( صد صوب عفرا): شوه فيج ؟ عفرا: انته شوه فيك ؟ احمد: هههه شكلج من اول يوم تعقدتي .. عفرا: هيه والله زيغتني اختك .. رملة: خلاص قلت لكم زينه الحين .. لا تذلوني احمد: محد ذلج .. عفرا: انزين ليش وقفت ؟ انا ميته من البرد .. رملة: لانج لابـ حطت عفرا ايدها ع ثم رملة .. هاللي ناقص !.. تشرح لبسها حق اخوها .. اللي هو ريل اختها بعد !.. احمد (أبتسم): تعالوا بناخذ لنا نسكافية .. ندفّى ودخل احمد قبلهن عفرا: انتي يالخبلة رملة: سوري والله .. نسييييت عفرا: رملوه يا ويلج .. لو قلتي هالرمسة مره ثانية جدام اخوج رملة: نسيييت آسفة والله آسفة عفرا: يالله نسير .. ودخلن رملة وعفرا عقب احمد .... في دبي ... سالم: انزين انا بسير بيت يدي ... شمسة: ما في حد هناك سالم: حرام والله .. ملل هني شمسة: قول حق ابوك يوديك سالم: انتي تدرين ابويه ما بيوديني .. شمسة: انزين يلس الحين فكني من الصدعة .. ابوك بيرد من الدوام قوله سالم: بابا بيقول انه بيرقد وما ادري شوه شمسة: خلاص عيل .. سالم: شوه خلاصه ؟ شمسة: سالم الله يخليك فكني .. مب قادرة انا سالم: اووووووه .. والله العظيم مصخرة .. شوه هذا .. من يوم حملتي وانتي ما تعبريني .. كله مب متفيجه مب متفيجة .. وتعبانه ومريضة .. شمسة: انته بلاك ؟ سالم: ما فيني شي ... ونش سالم سار حجرته .. واي شي زقرته امه ما عبر وسار ... ورن مبايلها .. شمسة: الو سلامة: هلا شموس شحالج ؟ شمسة: الحمدلله بخير .. انتي شحالج ؟ سلامة: الحمدلله شمسة: شحال عامر ان شاء الله احسن سلامة: الحمدلله بخير .. انتي شخبارج الحين ؟ .. وشحال البيبي شمسة: الحمدلله سلامة: ما بتسيرين بيت ابويه اليوم ؟ شمسة: ما ادري والله ... انا مب متفيجة وتعبانه .. سلامة: ما بتسيرين تتغدين هناك ؟ شمسة: لا لا .. غدا ما بتغدا ... سلامة: اها ... وين سالم ؟ شمسة: سالم حاشرني يبا يسير هناك .. وعق عليه كم كلمة شرات السم توه وسار سلامة: بو لسان .. لا تلومينه شمسة: لا والله .. هالمرة صدق قال رمسة كبيرة .. سلامة: شوه قال ؟ شمسة: من يوم حملتي مب متفيجة و مريضة وتعبانة وما تعبريني ... سلامة: بدت الغيرة عنده شمسة: شكله الا جذه سلامة: هههههه حسدته عفاري .. قالت هذا الحسد ما يدل طريجه وكله واحد عنده شمسة: وين حليلها عفاري ... بس ما ادري بلاه صدق سلامة: انزين وديه بيت ابويه دامه يبا شمسة: والله يا سلامة راسي يدور مب متفيجه سلامة: انزين تدرين شوه ؟ ... نحن بنتغدا وبنخلص .. وطارق بيرتاح شويه بيرقد .. جريب المغرب بنسير .. نمر عليه ؟ شمسة: بشوف بسأل ابوه .. وبشوفه هو .. شكله بيعاند سلامة: اذا تم يعاندج .. اتصلي بي خبريني انا بتصل وبرمسه ... شمسة: انزين سلامة: يالله بخليج الحين ارتاحي شمسة: اقول سلّوم سلامة: هلا شمسة: اتصلتي في آمنة ؟ سلامة: هيه اتصلت بها ... تقول مدوخه وتبا ترقد .. شمسة: جيه هي سارت المطار ؟ سلامة: لا ما سارت .. احمد ما طاع شمسة: حليلها تم فـ خاطرها عاد .. السفرة .. ويا سيرة المطار .. سلامة: احسن لها والله ... ع قولت امايه نحن بناتها ما نتحمل .. من يستوي برياييلنا شي .. نصيح .. وين امون كانت بتجلب المطار شمسة: لا .. امون ما شاء الله عليها الله يحفظها قوية تستحمل سلامة: خلاص عاد سار الحين شمسة: انزين . خلاص عيل سلامة: يالله مع السلامه .. حاشرة الدنيا .. وشاله البيت على راسها ... غاليه: ثانييييييييي افتح الباب .. وثاني ما معبرنها .. غاليه : ثانيييييييييييييييييييي .. حرام عليك .. طلع ع حشرتها زايد .. وامها يت فوق .. ام زايد: بلاج يا بنيه زايد: شوه السالفه ؟ غاليه: ثاني راقد للحين .. وشكله من امس قافل الباب .. ووشال لاب توبي ام زايد: انزين بينش .. غاليه: امايه ابا شغلة ضرورية .. ام زايد: شغلة ضرورية مثل شوه ؟ غاليه: اباه لاب توبي .. زايد: تعالي انتي غاليه: شوه ؟ زايد: انتي جيه سرتي بدون ما تسلمين ع عفرا بنت عموه سافرت امس ؟ غاليه: رمستها فالتيلفون بس .. ام زايد: هاي اختك سخيفه بعد .. غاليه: امااااايه ! ام زايد: هيه سخيفة ... انا سرت فالليل وسلمت عليها حليلها كانوا عيال عمج هناك .. وخواتها .. حليلها صاحت غاليه: هي بايخه .. ما لها داعي هالسفرة زايد: الحين عسب جذه انتي ما سرتي تسلمين عليها ؟ غاليه: انتوا كلكم تدرون عفاري شوه بالنسبة لي .. ما اتخيل اسلم عليها بتسافر .. سكتوا عني الحين .. ومشت غاليه سارت حجرتها .. اكيد تصيح ! ام زايد: يا ربي من هالبنيه .. الله يعين .. هاللي بياخذها بيردها ثاني يوم زايد: امايه ما ارضى ع اختيه ام زايد: صدق .. من صياحها ... قلبها رهيييف وايد زايد: اختيه رقيقة .. ام زايد: والله ما ادري شسوي وياها .. لو تكون شرات عفرا بنت عمها وايد زين .. شزينها حليلها .. وجريئة ما شاء الله عليها .. ربي يحفظها زايد: ههههههه امايه ما اتخيل .. عفرا ما شاء الله .. جريئة .. وعادي عندها .. هي مب جريئة . بس تصرفاتها بالنسبة لنا جريئة .. لان اختنا وايد خجولة ام زايد: اخاف خجلها يدمر حياتها زايد: لا ان شاء الله ... بسم الله ع اختيه ام زايد: وبسم الله ع اخوك .. دق الباب خل يفتحه هذا بعد .. زايد: انا برويه .. بسبته ظهرت السالفة وصاحت غاليه .. ام زايد: خله ينش .. لان ابوك بيرد الحين .. ولو تخبر عنه ودرى انه راقد لهالحزه والله ليشوف شي ما شافه زايد: احسن يتأدب ام زايد: شوه من قلب عليكم ؟ انتوا اخوان زايد: والله هو جنى على نفسه ام زايد: قومه انزين زايد: ان شاء الله الغاليه .. نزلي تحت .. انا بقومه الحين .. وتم زايد يدق الباب بالقو .. ولا نش ثاني .. وظهر مبايله من جيبه .. قام يدق الباب ويتصل ع جميع مبايلات اخوه .. والرنات تنسمع كل رنة شكل .. لين نش زايد: اللهم مسكنهم في مساكنهم .. الشعر مكشكش ... و الويه منعفس .. والحاله لله .. ثاني ( بعده راقد ): شوه تبون ؟ زايد: نباك .. من زينك ثاني: حاشرين الدنيا عسب جذه تقولون لي ؟ زايد: ثاني .. نش بسرعه .. ثاني: وشوه تشوفني الحين ؟ زايد: شبه ناش ! ثاني: تنكت ع الصبح زايد: صبح في عينك .. شوف الساعه كم ثاني: فيني رقاد زايد: ثاني ابويه راد البيت الحين .. 5 دقايق واشوفك تحت ... والا تدري شوه بسوي ثاني: شوه بتسوي ؟ زايد: بالماي البارد ع ويهك ثاني: زاااااايد زايد ( وياه ع الخط والنغمه ): نــــــــعم ! ثاني: فيني رقاد زايد: لانك سهران امس ثاني: اسوي شغل زايد: شغل شوه ؟ ثاني ( مره وحده نش .. وصحصح ): وين غاليوه ؟ زايد: شوه تبا بها ؟ ثاني: قالت لي اييب لاب توبها الصبح ضروري .. وانا نسيت .. اويه حليلها زايد: تو الناس ثاني: وينها ؟ زايد: في حجرتها .. تصيح ثاني: بعد ليش ؟ زايد: ع بنت عمتك ثاني: ماتت ! زايد: ثاااااااااااني الله ياخذ العدو .. تفاول ع بنت عمتك ثاني: عيل شوه فيها ... انته تقول ! زايد: انا ما قلت .. بنت عمتك سافرت ثاني: وين ؟ زايد: ألمانيا ثاني: يعني قوم عموه سافروا ! زايد: اقولك بنت عمتك بس .. والا كنت بختصر لو عموه مسافرة وبقول قوم عموه ثاني: ويا منوه ؟ زايد: احمد ودا اخته علاج برع .. وعفرا سارت وياهم .. بلاك ؟ امسات مسلمين عليهم ! ثاني: هيه هيه .. تذكرت ... زين زين ... انزين عيل دام انها تصيح .. خلها يوم بتخلص ردوا قوموني ورد ثاني بكل هدوء صك الباب .. ورقد .. ولا جنه زايد واقف برع ! نسير عند غاليه .. اللي صدق مضايجه من الخاطر .. وبدت تدمع ... رن مبايلها وبدون ما تنتبه للي متصل ردت .. غاليه :الو ... .......: الو السلام عليكم غاليه: عليكم السلام ؟ .........: منوه الغاليه ؟ غاليه: هيه وياك غاليه غاليه تحسبت .. اللي ع الخط يقولها .. منوه غاليه ؟ .. يعني يسألها هل اسمها غاليه ؟.... وتوها تستوعب هي شوه قالت !... اويه عطت اسمها حق الريال !...... ........: غاليه ... صخت غاليه .. ما صدق يعني !.... بس احسنت الظن .. يمكن من مكان وطالبينها او شي !.. غاليه: نعم ؟ .......: شحالج ؟ هني تأكدت لا .. هذا واحد من اللي يلعبون .. مالت عليك وع ويهك .. صدق فاضي .. اذا انته فاضي انا مب فاضيه لك ... وروحي مب في حاله غاليه: اخويه انته متصل بالغلط ... السموحه .. مع السلامه وقبل ما يقول أي كلمة .. بندت غاليه في ويهه .. ورد يتصل مرتين .. وثلاث واربع .. وغاليه طنشت السالفة في بيت ام احمد .. رن التيلفون اللي تحت .. عيسى: شلي .. ناعمه: الو آمنة: ناعمه ناعمه: هلا آمنة .. وينج حطوا الغدا ! آمنة: حطوه ؟ ناعمه: هيه آمنة: و عموه وين ؟ ناعمه: الحين بتيي تتغدا آمنة: انزين تغدوا عني ... انا ما ابا غدا ناعمه: ليش ؟ آمنة: مب مشتهيه ناعمه: ليش ؟ فيج شي ؟ آمنة: لا لا .. ما فيني شي .. بس فيني رقاد ناعمه: انزين وين ميثا ؟ آمنة: ميثا هني راقده ناعمه: غريبة لهالحزة راقده ؟ آمنة: امس كانت سهرانه .. ناعمه: اكيد عسب ابوها آمنة: لا لا ... ( ابتسمت) بالعكس احمد ريحني امس ... لانه لعب بنته لين شبعت قبل ما يسير .. ناعمه: عيل شوه فيها ؟ آمنة: بس جذه .. تسولف وتلعب لين رقدت .. ناعمه: انزين بقول حق البشكارة تييب لج الغدا فوق .. آمنة: لا ما ابا .. اقولج برقد ناعمه: صدق آمنة ما فيج شي ؟ آمنة: لا ما فيني .. ناعمه: انزين اذا ميثا نشت ولعوزتج طرشيها تحت آمنة: ان شاء الله .. بس تأكدي عموه تتغدا الله يخليج .. ناعمه: ان شاء الله .. آمنة: يالله فمان الله بندت آمنة عن ناعمه ... ورن مبايلها على طول ... آمنة: الو .. احمد: هلا والله آمنة: اهلين احمد: شحالكم ؟ آمنة: الحمدلله بخير .. انتوا شحالكم ؟ واخبار الجو صوبكم ؟ احمد: الحمدلله .. شحال امايه وعيسى وناعمه ؟ آمنة: كلنا بخي احمد: وميثاني آمنة: الحمدلله تمام احمد: الحمدلله آمنة: وينكم الحين ؟ احمد: الله يسلمج ... الحين سايرين المستشفى آمنة: عفاري ورمله وياك ؟ احمد: هيه .. بس هن جدام وانا ورا آمنة: مخلنهن رواحهن ؟ احمد :لا قلت لهن تجدمن .. انا بسوي اتصالاتي شويه آمنة: وشخبار رملة احمد: الحمدلله .. ظهرنا من الفندق حست بصداع .. بس الحمدلله آمنة: الحمدلله .. احمد: وشوه مسوين ؟ آمنة: تمام .. احمد: بلاج بارده ؟ .. آمنة: فيني رقاد .. احمد: ليكون ما راقده من امس ؟ آمنة: هيه احمد: ليش ميثا لعوزتج ؟ آمنة: لا .. ميثا رقدت الفير احمد: ما شاء الله ! آمنة: مب لـ شي .. بس بنتك كانت نشيطة زيادة عن اللزوم امس .. وما رقدت لين الفير.. احمد: انزين آمنة: وانا ما ياني رقاد لين الحين .. احمد: نحن رقدنا يمكن 6 ساعات ونشينا الحين .. آمنة: حجوزات الفنادق ما لغوها ؟ احمد: لا لا .. ما لغوا شي .. آمنة :شفتوا حصوه اختيه ؟ ... وعلي ؟ احمد :لا.. ما شفنا حد .. مدوخين كنا .. الحين سايرين المستشفى آمنة: انته ما قلت لهم انكم وصلتوا ؟ احمد: لا.. مفاجأة بنسوي لهم ... آمنة: الله .. يا ابو المفاجآت انته احمد: هيه طال عمرج ريلج خطير آمنة: خطير في اشيا.. والاشيا الثانية .. ولا تدري عنها احمد: هههههه حرام عليج .. ذليتيني . شرات سالفة الحوض آمنة: خلاص بنسكت احمد: انزين امون حبيبتيه .. وصلنا المستشفى عقب برمسج .. رقدي لج كم ساعه .. يوم بتشبعين رقاد وبتنشين اتصلي آمنة: ان شاء الله ... ديروا بالكم ع عماركم احمد: ان شاء الله وانتي بعد ما اوصيج .. وحبي ميثا .. آمنة: اوكيه .. مع السلامة .. بند أحمد عن آمنة .. عفرا: وين نسير الحين ؟ احمد: انتي ع كل شي مستعيله شوي شوي .. رملة: وين الحين .. احمد: تعالوا .. ركبوا اللفت .. وضغط احمد الزر ... وساروا فوق .. عفرا: فندق مب مستشفى احمد: تتحسبين عمرج داخله مستشفى راشد والا دبي ؟ عفرا: لا ويلكير .. والامارات في جميرا احمد: بالهول احسن رملة: اييييه بسكم .. صففتوا لنا مستشفيات دبي احمد: هاي عفرا عفرأ: والله اخوج رملة: اففففف بس .. احمد :فشلتونا والله عفرا: هيه والله رملة: ط منوه يرمس !... مشى احمد .. وهو ابرد من ما عنده .. احر ما عند رملة وعفرا .. احمد: يالله دخلوا عفرا: وين يايبنا ؟ احمد:دخلي .. قبل ما يفتحون الباب .. روحه انفتح .. عفرا واقفة .. شويه وبتكفخ .. اما احمد .. او اللي طلع لها ... علي: ويه ويه ويه .. ما نروووم عفرا: سخااااااااااااافة .. علي: افا! ... ما هقيتها منج .. رملة: اوه هذا اللي كان ويانا فالمزرعة علي: هههه شخبارج يا حلوة ؟ رملة ( قفطت ) :الحمدلله .. احمد: ايه انتي صنم .. يالله دخلي .. حصه: علي منوه عند الباب .. يالله هالصوت .. والله من زمان ما سامعتنه .. وغير هذا .. من زمان ما شايفه صاحبة الصوت .. متولهه عليه .. مشتاقه .. علي: ضيوووووف حصه: اكيد حصيص .. احمد: رملة بتدخلين وياهم ؟ علي: لا خل رملة تيي ويانا .. بوديها عند وحده حلوة شراتها .. عفرا دخلي يالله .. ما في حد .. دخلت عفرا .. حصه : عـ صخت .. سكتت .. هي اللي تعرفه احمد واخته بيون .. لكن عفرا من وين ظهرت ؟ اختها من وين ظهرت ؟ ... هاي كيف يت هني ؟ شهقت .. حصه: عفاريييييييي عفرا: حصوه حبيبتييييه .. وسارت عفرا صوب اختها وحضنتها .. عند الباب .. علي: ولدي رااااح احمد: هههه لا لا لا تخاف عاد مب لهالدرجة .. داخل .. حصه جلبتها مناحه .. وعفرا دموعها تنزل ... وبعدهن حاضنين بعض .. عفرا: ايه يالبايخه جيه تصيحين ؟ حصه: انتي السخيفه .. والله سخيفييين .. جيه ما قلتوا لي انج يايه ليش ؟ عفرا: مفاجأة .. حصه: بايخه والله بايخه عفرا: شخبارج ؟ حصه: انا الدنيا الحين مب شالتني من شفتج .. مستانسة .. عفاري ابا اصرخ عفرا: اوه نسيت .. وبعدت عن اختها .. عفرا: شخبار ولي العهد ؟ حصه ( ابتسمت بدموع ): الحمدلله عفرا: ويييييه حصوه متغيره ( ومسحت دموعها) حصه: وانتي بعد محلوه عفرا: لا تخليني اصدق عمريه حصه: حبيبتيه والله .. حصه تعاتب عفرا لش انها يت .. و هي ما عندها خبر !.. هالشي احلى موقف واحلى شي صادفته حصه هني في ألمانيا .. الحين تحس براحه نفسية يوم ان حد من خواتها وياها .. صدقه بو هزاع يوم قال .. وصدق احساسه .. يعرف بناته عدل .. يوم ع الاقل هنتين يكونن ويا بعض ويشدن من أزر بعض .. الامور تسهل .. ويكونن مستانسات .. بدت عفرا تخربط وتسولف .. تحس سوالف مال ميت سنة ما قايلتنها .. وحصه شراتها .. خصوصا ان هن الهنتين .. ما كان عندهن شي فالبلاد .. غير الحواطة .. كل وحده تساند الثانية .. في خططها يوم يبون يظهرون من البيت .. ويسيرون اما يتغدون برع او يتعشون او يسوقون بدون أي مناسبة !... في بيت الشباب ... فالصاله ... عبدالعزيز ظهر يلعب برع .. ع قولته من زمان ما لعبت برع ويا عيال الفريج ... وعمر طبعا يحاتيه .. زين ان اخوه مب من هالنوع .. بس ساعات تظرب فيوزاته ويسير .. وعمر ييلس يحاتي ... والود وده يسير هناك .. وييلس يراقب اخوه بس .. عسب ما يتعور .. ولا يصيبه شي .. لكن طبعا عبدالعزيز ما بيوافق .. وبيشل البيت فوق راسه لو عمر سواها .. فـ عمر كان يالس فالصاله .. روحه .. عقب ما ظهر مروان .. وراشد بعد .. اللي احتكر فالبيت طول الفترة اللي طافت .. قال بيظهر يرفه عن نفسه شويه .... فريد: عمر عمر: هلا فريد فريد: تبي شاي ؟ عمر: هيه .. لو مسوي ييب .. لو ما مسوي مب مشكلة فريد: سويت انا سويت .. عمر: عيل ييبه سار فريد .. وياب صينية الدلال .. ومسوي شاي وقهوة بعد .. فريد: انته ليش روحك ؟ عمر: ما في حد فالبيت .. ويلس فريد ويا عمر .. يونسه عمر: فريد .. فريد: شوه ؟ عمر: في شي مستوي فالبيت وانا ما اعرفه ؟ فريد: كيف ؟ عمر: يعني اخواني .. استوى بهم شي في غيابي ؟ .. اختلفوا تظاربوا ؟ ... شوه مستوي ؟ فريد ( ارتبك ) : لا عمر: فريد قول الصدق فريد: ما في شي عمر: فريييييد فريد: انا بقولك .. بس انته ما تقول فريد قال عمر .. يعني ظني في محله .. عمر: انزين قول .. ووعد ما اقول حق حد انك انته اللي خبرتني فريد: بدور ... تبغي حجرة .. بابا سيف وماما سارة .. صدمة كبيرة !... عمر: كمل فريد: انا ما ادري .. بس سمعت سعيد ... معصب على راشد .. يقوله يبغي مفتاح الحجرة .. لكن عبدالعزيز ما عطا سعيد المفتاح .. عمر: وعقب فريد: بس خلاص .. مروان وعبدالعزيز زعلانين من سعيد عمر: والعلامة اللي ع خد عبدالعزيز فريد: ما ادري !.. فريد عسب يقصر الشر .. ما قال حق عمر سالفة الكف .. ولا يدري شوه سالفة مروان ويا سعيد .. يتحسب ان مروان زعلان من سعيد والسبه .. الحجرة .. او سالفة عبدالعزيز .. نفس الوقت ظهر سعيد من قسمه .. ونش فريد .. وسار برع سعيد: هذا وين سار ؟ عمر: سعيد سعيد: هلا عمر: انته مب مرتاح في قسمك ؟ سعيد: ليش ؟ عمر: ما ادري ! سعيد: لا عادي .. المكان وسيع وعادي .. الحمدلله عمر: وحرمتك ؟ سعيد: بلاها ؟ عمر: مب مرتاحه ؟ سعيد ( تنهد): عادي عمر: شوه عادي ؟ سعيد: يعني عادي عمر: سعيد ناقصنكم شي ؟ سعيد: لا .. عمر: انته تقول الصدق ؟ سعيد : عمر بلاك ؟ عمر: انته تبا حجرة امايه وابويه ؟ سعيد ... وصل له الخبر ... مدام فتح السالفه ... بقوله اللي ناوي عليه سعيد: عمر عمر: شوه ؟ سعيد: حرمتيه مب مرتاحه فالقسم اللي بنيناه لها .. وتقول ضايج صدرها فيه عمر: انزين !... سعيد: قلنا بناخذ حجرة امايه وابويه .. لكن اخوانك ما خلونا عمر: سعيد .. انته تطلب هالطلب ؟ سعيد: وليش ما اطلبه ؟! عمر: سعيد كيف تبا ترقد في حجرة امايه وابويه ؟ سعيد: الحجرة محد مستفيد منها وفاضيه عمر: بس كل شي مكانه .. فراشهم مثل ما هو .. اثاثهم .. اغراضهم .. شيل امايه وعبيها فالكبت .. وثيابها .. كنادير ابويه غتره كل شي يخصه بعده موجود .. نحن اتفقنا ان محد يغير شي ؟ سعيد: عمر لو انته كنت شوه بتسوي ؟ عمر: ما بسوي شي .. هي رضت تعيش ويايه وتدري ان بنعيش في هالقسم .. ويت شافت المكان اللي بتعيش فيه ورضت .. سعيد: الحين ضاق عليها عمر: ليش ؟ عندكم عيال ؟! سكت عمر .. وسكت سعيد .. عمر: آسف .. ما اقصد شي .. سعيد: لا عادي عمر: سعيد .. صدق آسف .. سعيد: قلت لك خلاص عادي ... سكت عمر تفشل .. ياي يعدلها ويمكن خربها وخربطها ودمرها بعد ... هو ما يقصد ... لكن عفويا ظهرت منه .. لا ارادي .. فـ بدا سعيد يسولف وهو عادي .. عسب يوضح لأخوه ان ما في شي مروان: شوف امارات مول بتيي تعال ما بتيي بنزلك هني وخذ لك تكسي ورد البيت هزاع: بدينا بالخيانات مروان: انته تقهر هزاع: انا اقهر !.. انته سخيف مروان: شكرا.. راكب سيارتيه بعد هزاع: يالسخيف بتذلني الحين هههههه مروان: بترووووول بترووووووول هزاع: بنصب لك .. وبعدين انته اللي قلت تعال بنسير في سيارة وحده وبعد بشروط .. اللي هي في سيارتك مروان: وانته ما صدقت ع طول وافقت .. الناس يقولون .. لا ما عليه وما ادري شوه هزاع: هههههه انته والله سخيف والله مروان: هههههه ذكرتني بـ عمران والله هزاع: ليش ؟ مروان: من زمان والله ما رمسته ولا سمعت صوته .. هزاع: اونه تولهت عليه ! مروان: اكيد شوه ما تباني اتوله ع اخويه هزاع: من متى يا حظيييييي مروان: ايه والله صدق هزاااااااع هزاع :شوه فيييك مروان: تولهت ع عمران هزاع: شوه تباني يعني اسوي لك ؟؟ ما باجي شي وبيرد لكم مروان: الله اعلم شوه مسوي من خربطان هناك هزاع: حليله والله عمران .. اصلا يعرف مصلحته وما يسوي شي من اللي في بالك مروان: تعال صدق شحال احمد ؟ واخته ؟ واختك هزاع: الحمدلله .. انا اتصلت بـ عفاري مساعه .. كانت عند حصه اختيه .. فالمستشفى مروان: بعد من زمان سووا زياراتهم هزاع: بنات دبي ! مروان: هيه والله ... هزاع:ههههههه مروان: انزين قول .. وين الحين ؟ ياخي ابا اسير مول الامارات والله هزاع: خلاص انزين .. مول الامارات .. مول الامارات نتوكل ع الله .. بس نرد من وقت اليوم مروان :شوه عندك بعد ؟ هزاع: ما عندي شي .. بس امايه وابويه رواحهم فالبيت ... عفاري محد اليوم لازم ارد مروان: اوه والله استويت حنون هزاع: جييييييه حبيبي ؟ شوه تحيدني مروان:ما احيدك شي يا قلبي هزاع: لا اتم تقردن الحين مروان: هههههه انته قلت وبديت .. مب انا ... في بيت ام هزاع .. عذيجة: شمسة سيري داخل شمسة: لا ما عليه امايه .. ملل داخل .. خليني هني سلامة: انزين انسدحي احسن .. عذيجة: بسم الله ما ادري شوه استوى بنا مره وحده .. عين عين .. سلامة: هههههههههههههههههه عذيجة: بسم الله بلاج تظحكين شمسة: ههههه روحها تعرف عمرها سلامة: ذكرتيني بـ شي عذيجة: شوه ؟ شمسة: بهن رواحهن .. يوم يقولن لا تحسدون ريلي وبتحسدون ريلي سلامة:ههههه هيه والله حتى عفاري ومروان تعقدوا عذيجة: لا صدق .. يعني شمسة طايحه.. انتي ولدج مريض .. آمنة ريلها سافر .. حصه و عفرا سافرن .. كل شي جذه ورا بعض شمسة: شده وتزول سلامة: هيه والله .. ملل بدون عفاري عذيجة: لو ييتن اليوم تشوفن هزاع سلامة: اكيد ملان عذيجة: ميت من الملل مب بس الا ملان شمسة: ههه حليله عذيجة: شوه هذا .. وملل .. وجيه طرشتوا عفاري .. ولا بعد يقول .. هههههه هي صح بقرة لكن كانت مونستنا ... سلامة: حرام عليه .. هزاع كلنا عنده بقر .. هو روحه مب بقر عذيجة: ابوج قال له .. انته الثور اللي ما تقدرها سلامة: هههههههههه يستاهل شمسة: حليله هزاع عذيجة: وين ولدج ؟ شمسة: ما ادري يلعب برع سلامة: حليله كسر خاطريه شمسة: وين .. شوه سوى به ابوه سلامة: حرام عليج شموس عذيجة: مب زين تعاملون الولد جذه شمسة: والله قلت له .. بس تدرون به صالح .. ما يحب تصرفات سالم ساعات .. عذيجة: مب زين ع الولد جذه .. بيتعقد والله بيتعقد وبيغار من اللي ياي سلامة: اقولها ما تسمع الرمسة شمسة:رمسي صالح .. انا ما يخصني .. ما يحب يوم انا اقوله جذه .. يقول ولدي واعرف اربيه ووو .. سلامة: هو صح سالم يقهر ساعات ولسانه يكون طويل .. بس بعد انتوا لازم تعالمونه ع انه كبير شمسة: وانا اعامله جذه .. وابوه يعامله جذه .. بس صالح يوم قلت له عن اللي قاله لي .. كان راد من الدوام معصب ومتنرفز ... وسار عاد طلع حرته في سالم عذيجة: انتوا ابد ما تعرفون تتصرفون .. انا قايله لج انتي خاصة .. تعاملي ويا الولد روحج .. شمسة: وانا شدراني .. هو دخل عادي .. يوم قلت له .. عقب عرفت انه معصب سلامة: انزين خلاص خلاص .. حصل خير في مكان ثاني وكملوا سوالفهم .... لان رواحهم يالسين وشبه ملل عندهم ....... نش ... واخيرا نش ... يبالنا زفة .. مدام المعرس نش ... وكاشخ آخر كشخه بعد ... وقف فوق يشوف منوه يالس تحت ثاني: غالييييه غاليه: شوه ؟ ثاني: وين ابويه ؟ غاليه: محد طلع ... ثاني: اشوه .. طبعا من حسن حظ ثاني ان ابوه محد .... ...>>>>> يخاف بعد ! نزل تحت ويلس .. ثاني: صباح الخير غاليه ( رفعت راسها تشوف الساعه ): مسا النور والسرور ثاني: احم احم .. عادي عادي ... في وايد وقت غاليه: هيه واااااااااايد ثاني: اوه غلوي خلصتي صياحج ؟ تبين لاب توبج الحين ؟ غاليه: سخيييييييف ثاني: ههههه زايد قالي انج تصيحين غاليه :انزين ما يظحك ثاني: اوكيه خلاص .. آسفين .. تبين لاب توبج الحين ؟ غاليه: عقب شوه ؟ ثاني: عقب ما انا رقدت وانتي صحتي غاليه: ثانييييييييييي ثاني: ههههههه خلاص انزين .. صدق صدق هالمره خلاص غاليه: بسير حجرتيه ثاني: لا والله .. والله آسف قلت خلاص .. بلاج غاليه: يالس تستهبل عليه ثاني: اوكيه نغير السالفه .. تبين لاب توبج سيري خذيه في حجرتيه غاليه: خلاص ما اباه ثاني: ليش عاد ! غاليه :خلاص ! ثاني: انزين سيري .. غاليه: الله !.. ما اباه .. الشغلة اللي كنت ابا اللاب عشانه خلاص راحت ما يستوي ثاني: افاااااااا غاليه :هيه كله منك ثاني: يعني ما ينفع الحين تسيرين تسوينها ؟ غاليه: لا .. ثاني: انزين قولي لي .. شوه كنتي تبين يمكن اقدر اسويها غاليه: ما تقدر ثاني: قولي انزين غاليه: كنت ابا ارمس عفاري بنت عموه ع المسن ثاني: وييييييييه اطورنا غاليه: والله !.. عيل نتم شراتك ثاني: لا الحمدلله ( وحب ايده ورا وجدام ) .. من يوم طالع من بطن امي وانا مطور غاليه: هيه واضح ثاني: وين امايه ؟ غاليه: طالعه ثاني: وابويه ؟ غاليه: طالع ثاني: وزايد ؟ غاليه: راقد ثاني: هو يرقد وانا يوعيني من وقت ! غاليه : زين .. الحمدلله خلاص رقدت .. ما تبا غدا ؟ ثاني: لا ما ابا غدا .. بسير اتغدا واتعشا برع غاليه: سر عيل .. قبل ما ايي الليل ثاني: عادي خل ايي .. ثرني بتعشا اقولج وبتغدا برع غاليه: اها ثاني: اوكيه تآمريني ع شي غاليه: لا سلامتك ثاني: الله يسلمج ( ولبس نظارته الشمسية ).... فمان الله .. قام ثاني .. وبيسير ع قولته يتعشا ويتغدا برع .. مشى ثاني لين الباب .. وعقب رد صد مره ثانية صوب اخته ثاني: غاليه غاليه: هلا ثاني: قومي غاليه: شوه تبا ؟ ثاني: قومي سيري تلبسي غاليه: ليش؟ ثاني: تعالي ويايه غاليه: وين ؟ ثاني: ما ادري .. ما حددت لين الحين بس نشي غاليه: لا ما بيي ثاني: قومييييييي غاليه: ما بيي سير روحك ثاني: غاليه! غاليه: صدق والله ما بيي ... ثاني: عطيني سبب مقنع غاليه: بس جذه ... ما ابا اييي ثاني: ما ابا .. ( ورد صوب اخته ) .. عطيني سبب مقنع انج ما تبين تظهرين .. يالسه هني روحج غاليه: عادي والله .. سير ثاني :اقولج سبب مقنع ... لو عفرا والا ما ادري منوه جان سرتي غاليه: تبا الصراحه ثاني: هيه غاليه: وبدون زعل .. ثاني: قولي غاليوه خلصيني .. غاليه: ما ابا اطلع وياك .. شكلي بيكون غلط جني مواعده .... ونزلت غاليه راسها ... واحمرت واخضرت واصفرت .. غدت قوس قزح واشارات مرور وكل شي .. اما ثاني فـ واقف وفاتح ثمه .. هاي شوه تقول .. اعطيها طراق ؟ .. لا لا .. كف !.. انزين شوه الفرق بين الكف والطراق ... بذبحها !... ما فينا بعد .. يا ربيييييييي شوه هالخجل الباااااااايخ .. والتفكير اللي ما له معنى غاليه ( رفعت راسها ويوم شافت شكل ثاني .. نزلته ): لا تطالعني جذه .. ثاني واقف وحاط ايده في وسطه .. ويهز ريله .. ثاني: غاليه ! غاليه: شوه ؟ ثاني: انتي مينونه ؟ والا هبله ؟ والا غبية ؟ والا عبيطة والا شوه بالضبط ؟ غاليه: صدق انزييييين .. لا ترمسيني جذه .. ثاني: لا برمسج .. شوه بعد مواعده ؟! انتي تعرفين شوه يعني هالكلمة ؟! غاليه: هيه .. وعسب جذه قلت لك ما بظهر وياك ثاني :ط الخبلة بتخبلني وياها .. ايه انتي .. انا اخووووووج اخوووووووج من امج وابووووج غاليه: ثانيييييي ثاني: قومي اشوف جدامي بسرعه غاليه: سير ما بيي ثاني :والله والله مب ساير .. لين تنشين تتلبسين وتظهرين ويايه .. صدق تفكير يعني ما ادري شقول عنه غاليه: ثاني حرام عليك ثاني :اقولج قومي قومي .. يالله بسرعه غاليه: مب غصب انزين ثاني ( صرخ ) : اقولج قومي .. قفطت غاليه من الخاطر .. ثااااااااااني اونه يعصب عليها .. وعن تستوي مشكلة .. نشت .. ثاني: بسرعه 5 دقايق وتنزلين .. والا اقول 10 ... ما فينا بعد يمكن 5 دقايق تيلس تصيح فوق .. ثاني شكله اونه معصب ... لكن من داخله .. ناقع من الظحك وفي نفس الوقت مقهور ع تفكير اخته .. قالوا خجولة بس عاد مب لهالدرجة ... !.. خيبة وين وصل تفكيرها !.. حلوة هاي مواعده.. ويا منوه بعد الاخت مواعده ؟ .. ويا اخوها .. هههههههههههه اسميج يا غاليه !.. نكته .. راقده راقده راقده .. من التعب والسهر امس ويا بنتها .... رقدت .. بدون غدا ولا شي .. حتى بنتها نشت .. ولا تدري متى يو شلوها .. لان يوم نشت ... اتصلت تحت وهي مدوخه يو شلوها وهي ولا داريه منوه يا .. اصلا .. ومتى ؟ ولا تذكر أي شي ! .. وتوها ناشه ... يالله يا الصداع .. صدق رقاد الظهر والعصر متواصلين ابد مب شي .. لكن مب من الله نشت .. ع صوت مبايلها آمنة: الو .. هزاع: هلا والله آمنة: اهلين هزاع: راقده ؟ آمنة: كنت راقده .. هزاع: والحين ؟ آمنة: هزاع بلا استهبال .. يعني ارمسك الحين هزاع: هههههه .. شحالج يا ام ميثا ؟ وشحال ميثا آمنة: الحمدلله بخير .. انته شحالك ؟ هزاع: والله تمام .. وشحال بو ميثا هاك الصوب ؟ آمنة :الحمدلله هزاع: غريبة امون راقده للحين ؟! آمنة: تعبانه هزاع: سلامااااااااات .. يعله فيني ولا فيج آمنة: بسم الله عليك .. الا هو صداع .. والحمدلله خف الحين .. هزاع: حبيبتيه والله . انزين جيه ما سرتي بيت ابويه ؟ آمنة: رقدت .. والحين ما شي وقت .. ما له معنى اسير .. هزاع: اها آمنة: وانته وين ؟ هزاع: وين يعني ؟ ويا ولد خالج اهيت واحوس في هالشوارع آمنة ( أبتسمت ع رمسة اخوها ): وين سايرين ؟ هزاع: ولد خالج يبا يسير مول الامارات . آمنة: الحين ! .. هزاع: شفتي عاد ولد خالج مروان: انته ايييه ذليتني وذليتها ولد خالج وولد خالج بنزلك هني آمنة: ههههه عصب هزاع: ولد خالج آمنة: بعد !... هههههه صدق بيسويها وبينزلك هزاع: ههههه وده والله .. خل يجرب وزين بسوي به آمنة :هههههه اسكت انزين اخاف صدق يسويها وتتوهق هزاع: مواصلات دبي ما يقولون شي.. مروان: مواصلات دبي ها .. انزل يالله آمنة :ايه بس عن الخبال ههههه هزاع: ههه خلاص اوكيه .. آمنة: جيه متصل ؟ هزاع: بس اسأل عنج .. آمنة: مشكور .. هزاع: العفو .. وين ميثا ؟ آمنة: تحت عند يدتها وعمتها .. وعمها .. هزاع: اها .. حبّيها آمنة :ان شاء الله هزاع: تآمرينا ع شي ؟ آمنة: سلامتك هزاع: الله يسلمج .. فمان الله بندت آمنة عن هزاع .. اللي عقب ما اتصل ورمسها شويه صحصحت .. ونشت غسلت ويها .. وكل شي .. ونزلت تحت .. ناعمه: هذي امج يت .. تعاليييي ام احمد: ييبيها هني ناعمه: مسا الخير آمنة: مسا النور .. ام احمد: شحالج الحين ؟ ان شاء الله احسن ؟ آمنة: الحمدلله عموه أم احمد: بتسيرين المستشفى ؟ نوديج ؟ آمنة :لا لا .. بس كنت مصدعه شويه .. ورقدت .. الحين الحمدلله احسن ام احمد: ناعمه قومي ييبي الغدا حق حرمت اخوج آمنة: لا ما ابا غدا ام احمد: ما ماكله شي طول اليوم .. توج ناشه آمنة: ما عليه عموه عقب مره وحده بتعشى .. مب مشتهيه شي الحين ناعمه: آمنة شوفي بنتج .. آمنة: لا .. ميثا لا ام احمد: قومي قبضيها .. تخبرين عليها بعد آمنة: هاي بدمر الدنيا الحين ناعمه: دمرت وخلصت .. آمنة: منوه يا شلها ؟ ناعمه :لا والله ؟! ام احمد: كيف بعد منوه يا شلها ؟ آمنة: ههههه والله ما اعرف منوه يا شلها ومتى .. ولا ادري عن شي ناعمه: انا طبعا ... آمنة:والله ولا ادري ناعمه: ههه انا اصلا يوم صعدت .. بنتج يالسه ما تبا تنزل ... آمنة: هيه تخاف ناعمه: هيه .. فـ يوم دخلت استااااانست .. وانتي راقده ولا عندج خبر آمنة: لازم اسير ابدلها ناعمه: عيسى شربها عصير قبل ما يظهر وخيست ثيابها آمنة: يا اللللللله ... مب متفيجه اصعد فوق ناعمه: لا تسيرين فوق .. عندها ثياب وكل شي هني تحت .. آمنة: هيه ؟ ناعمه: هي فالحجرة ... سيري بدليها هناك ام احمد: قومي ناعمه انتي سيري بدليها حرمت اخوج تعبانه آمنة : ههههه لا عموه عادي.. مب تعبانه ولا شي .. روحي بسير ابدلها ... ام احمد: قومي .. سيري يا ناعمه ناعمه: ما تبا .. والله اييبون عيال يفرونهم علينا آمنة: مالت عليج .. تعالي شليها عقب ناعمه: فديت هالويه والله .. روحها بتيي عندي اصلا ما تستغنى عني آمنة: هيه مرّه ناعمه: والله عمتها انا .. ام احمد: ناعمه بلا رمسة زايده ... وقولي اتصلتي في اخوج ؟ ناعمه: اتصلت .. ما يرد آمنة: ليش ؟ ناعمه: ما ادري ام احمد: آمنة انتي رمستي احمد ؟ آمنة: مساعه قبل ما ارقد رمسته ناعمه: من الصبح نتصل ما يرد .. يمكن فالمستشفى .. او ظاهرين ولا يدرون ! آمنة: انا بجرب الحين ام احمد: هيه فديتج اتصلي خلينا نطمن ... آمنة: مغلق ... ام احمد: بسم الله آمنة لا تحاتين عموه .. اكيد انهم فالمستشفى .. وما في ارسال .. لان احمد روحه موصني يكون المبايل ويايه وين ما اسير .. انه كل ما حصل فرصة بيتصل .. ام احمد: الله يحفظهم .. عبدالعزيز: لا لا لا ... مستانس وشاق الثم .. ويحصل هزبه محترمة .. عقب السبوح .. وهو واقف جدام التسريحه يسحي شعره .. عمر: مره ثانية قول لي بطلع بلعب برع عبدالعزيز: عمووووووووور عمر:لا تحاول عبدالعزيز: اففف يعني ما استوى شي .. عمر: كيف ما استوى ؟ يعني صلاة المغرب ما ياي المسيد !.. الحبيب يلعب كورة عبدالعزيز: والله انزين .. نسيت اشوف الساعه عمر: خلاص ما شي عبدالعزيز: حرام عليك والله استانست من الخاطر كشخه كان عمر: وضلوعك متكسرة .. عبدالعزيز: رياضة رياضة عمر: والخد وارم عبدالعزيز: اوهو علينا ذليتني والله عمر: يوم بتقول الصدق عقب ما بذلّك .. عمر شكله حاس ... ان العلامة هاي وراها سالفة طول وعرض !! ... مب راضي يهد السالفه هاي ابدا .. وكل يوم رسالة تذكير يذكّر فيها عبدالعزيز انه جذاب ... وللحين هو مب مقتنع بالسالفه اللي ألفها له اخوه ! عبدالعزيز: وين راشد ومروان ؟ عمر: طالعين عبدالعزيز: بااااااال وللحين ما ردوا ؟! عمر: لا عبدالعزيز: اتصل فيهم قولهم ردوا بسرعه .. عمر: ليش؟ .. بعده وقت عبدالعزيز: شوفوا التفرقة .. يا اللللللله ... غشاش والله غشاش عمر: هههههههه شوه غشاش ..... جيه نلعب عبدالعزيز: يوم انا تعصب عليه .. وهم ما تقول لهم شي عمر: انزين فكني الحين عبدالعزيز: هيييييه يوم هم تتهرب بعد عمر: عبدالعزيز بلاك ؟ عبدالعزيز: شمعنى هم شمعنى ؟ عمر: مب انته تقول دلعني عبدالعزيز: دلعني مب احبسني عمر: ثرني الحين مدلعنك ما اقدر استغنى عنك عسب جذه ما اخليك تطلع الا ويايه .. وصد عمر بيطلع من الحجرة .. وظحك .. عبدالعزيز: هيييييييييييه تقص عليه .. عمر: ما اقص عليك بلاك ! عبدالعزيز: عمور والله انك حركات وساروا الصاله .. يلس عمر .. وعبدالعزيز بعده واقف عمر: الحين انا حركات ! عبدالعزيز: هيه حركات عمر: اوكيه انا حركات بس اسكت حشرتني عبدالعزيز: ما ابا شمعنى انا ! عمر: يلس فريد الحين بييب العشا عبدالعزيز: عشا من الحيييييييييين عمر: هيه .. انا برقد اليوم من وقت عبدالعزيز: ليش مريض ؟ فيك حمى ؟ شوه فيك ؟ سلامات .. ( ويا وحط ايده ع راس اخوه اونه يتأكد مريض والا ! ) عمر ( ظربه ع ايده ): شل ايدك عبدالعزيز: آي عمر: احسن .. عبدالعزيز: قول انزين .. جيه بترقد من وقت ؟ عمر: باجر دوام عبدالعزيز فتح عيونه ع الاخير .. دوام ؟ ليش !.. هو ما تهنى بعده عبدالعزيز: ليش الدوام ؟ عمر: بعد ليش يعني ؟ عبدالعزيز: حرام .. ما شبعت منك عمر: ما شبعت وتوك تبا تكمل لعب برع عبدالعزيز: لا يعني .. عمور والله صدق عن الحركات عمر: هههههه بلاك انته اليوم .. قابضني حركات وحركات عبدالعزيز: لانك جذه .. عمر: اوكيه انا جذه .. خلاص فكني .. شوه تبا عشا ؟ عبدالعزيز: توك تقول فريد مسوي لك عشا ! عمر: هيه مسوي لي انا عبدالعزيز: وانا ؟!... ليكون ما سوى لي فطاير الجبن ؟! عمر: سوى سوى .. انا قلت له سو عبدالعزيز: هيه جيه اباك .. وتوه راشد واصل .. راشد: يوعااااااااااااااااااااااااااااااان عبدالعزيز: الناس تدخل تسلم ... راشد: وعليكم السلام والرحمه عمر: هذو راشد بعد رد راشد: ليش ؟ تبوني في شي ؟ عمر: لا .. سلامتك راشد: الله يسلمك يا بو راشد .. حبيبي انته عبدالعزيز: ايه ايه انته وايد مصدق عمرك .. بو راشد لا وبعد حبيبي ! راشد: اخويه ! عبدالعزيز: يالله يالله ... عمر: ابدوا الحين راشد: اخوك .. ما عليه منه .. وين العشا عبدالعزيز: راد المغرب ويبا عشا عمر :سر بدل .. وانزل وبتلقى فريد حاط العشا .. عبدالعزيز: انته مب ناوي تشتغل ؟ راشد: ادور وظيفة عمر: وين قدمت ؟ راشد: في وايد اماكن عبدالعزيز: الله كشخه .. راشد بيشتغل .. طبعا اول معاش بيشتري لي هدية جيه اد المآم راشد: هيه نشاد عنك انا عبدالعزيز: بدال ما تقول يفداك المعاش كله .. الا هي هدية قوم بو كم الف راشد: لا والله !! .. احلف انته بس عمر: ههههههه خلاص .. ولا تزعل .. يفداك معاشي .. اللي بينزل الشهر الياي .. ويفداك صاحب المعاش بعد .. راشد: يا عيني ع الحب عبدالعزيز: قسما بالله والله ما تعرفون ترمسووووون .. سمعوا سمعوا هني الرمسة العدلة .. فديت روحك وقلبك وعيونك وخشمك راشد: و اذنك وثمك وايدك وريلك وجبدك وكامل أعضاء جسمك .. والى اللقاء بسير ابدل وارد .. فـ لو سمحتوا تغزلوا في بعض بسرعه ... في ألمانيا ... رملة: يالله يالله يالله ما برقد انا ... Sleep اونه .. excuse me I don’t want to sleep today in the hospital احمد عظ ع شفايفه .. مقوات عينها .. الدبه .. يالسه تتفلسف ع الدكتور .. ع كيفها جنه .. فشلته فضحته .. احمد ( بصوت واطي): جب رملة: ما بسكت .. ما ابا ارقد احمد: رملوه يالدبة سكتي انزين .. ابتسم الدكتور .. من جرأة رملة .. الدكتور : ramlah رملة: whate ? الدكتور: you don’t want to sleep in the hospital رملة: surlly no الدكتور: why ? رملة: because I’m tiared and I don’t want to sleep know and from today الدكتور ( أبتسم ): Ok ,, see here this is the pic of your head رملة: So ? احمد: يا ويهج لا تردين جذه عليه الدكتور: It’s ok … keep her talking رملة: شفت قال ما تسكتني .. الدكتور: Ok you need an opration on your head رملة: شوه قال ؟ احمد: يقول لازم نسوي لج عملية في راسج فتحت رملة عيونها ع الاخير .. وشوي وبتصيح الدكتور: no no .. don’t afraid you are a good girl yeah رملة: قود قيرل اونه وعملية ! الدكتور: listen .. It’s an easy opration . and I will do it for you … It’s take from as maybe 1 hour رملة: احمد رمسة احمد: انا رمسته وخلصت .. وعارف اللي بيقوله كله .. رملة: هذا يبا يسوي لي عملية ! احمد: ونحن ليش ياييين يعني !.. رملة: انزين ليش ؟ احمد: رملة شوفي .. عملية بسيطة ان شاء الله .. رملة: ما ابا احمد: شوه ما تبين ؟ رملة: والله ما برقد هني .. كيفك انته احمد: جيه بكيفج يعني ؟ رملة انا قلت لك ما ابا ... ونشت رملة .. ظهرت برع .. واحمد قفط من الخاطر .. وظهر وراها والدكتور بعد ظهر وياه ... انصدموا يوم شافوا ان بعد من زمااااااان دموعها نزلت .. وخرست المكان وغرقته ... احمد: ط هاي والله ! الدكتور: keep her I will talk to her ووقف احمد ع صوب .. والدكتور كان طيب وحنون .. يرمس رملة عادي .. وجنها بنته .. احمد واقف ويقول في خاطره ... ط الاجانب كيف .. ونحن ما عندنا كيف؟ عندنا كف وطراق .. واذا قالوا ما نبا .. غصبا عن ويوهم .. وهذا بالسياسة ماخذنها .. تحوط وتحوس في هالمستشفى ما تم حد ما تعرفت عليه ولا يعرفها .. يعني حتى لو ضاعت يدلون هم وين يودونها .. حصيص: Hi doctor الدكتور : Oh hessa how are you ? big baby حصيص: fine .. and how about you ? الدكتور: hhhhhh …. I’m well حصيص: why she is craying وصل محمد .. محمد :السلام عليكم ... الدكتور: Hi mohammed محمد ( أبتسم ) : how are you ? الدكتور: good ,, and how are you ? and your wife ? محمد: alhamd llah حصيص: هاي ليش تصيح ؟ الدكتور: because she don’t want to do an opreation محمد ( توه انتبه لأحمد .. فـ مد ايده ): شكلك من الامارات ! احمد: هيه محمد: شحالك ؟ احمد:الحمدلله بخير .. طاب حالك .. انته علومك ؟ محمد: تمام الحمدلله .. حصيص: اووووووووونه من الامارات؟ .. هاي بنتك ! احمد ( أبتسم ): لا .. اختيه حصيص: اونه !.. محمد: حصيص عيب ! حصيص: الللله كشخه .. كم بتمون؟ وايد ؟! استغرب احمد بلاها هاي ! ... ومحمد قافط من الخاطر .. بنته حالفة وخالصه انه تفشله دايما .. محمد: ام لسان سكتي عاد الدكتور: hessa come and speack to her حصيص: Ok الـ اوكيه طلعت من حصيص من الخاطر .. لدرجة انها يلست ع الارض متربعه .. وبدت ترمس رملة .. حصيص: شوه اسمج ؟ الدكتور: ask her in english … I want to understand حصيص:Ok .. what is your name ورملة ما ترد .. حصيص: maybe she don’t know English رفعت رملة راسها .. واطالعت حصيص.. رملة: جيه شوه تتحسبين بس انتي تعرفين الدكتور: Oh .. she become angry حصيص: شوه اسمج ؟ وصلت عفرا .. وهي ماشيه يايه صوبهم .. انتبهت ان في ريال .. فـ استحت تجدم زيادة ... ووقفت مكانها .. حصيص: هاي ليش ما ترد ؟ احمد ( أبتسم): ما عليه .. هي مضايجه شويه حصيص: شوه فيها ؟ محمد: خلاص حصيص مب لازم تعرفين كل واحد فالمستشفى شوه فيه ؟ الدكتور: she know all the people here .. I’s 7 years محمد: هههههههه ... yeah استغرب احمد .. 7 سنوات .. خيبة !... وينج يا امون ما تيين تسمعين بتنجلطين .. بسم الله عليج . بسم الله .. حصيص: قولي شوه اسمج ؟ احمد : اسمها رملة حصيص: رملة ! احمد: هيه ... غريب صح ؟ حصيص: هيه احمد: انتي شوه اسمج ؟ حصيص: اسمي حصيص محمد: شوه اسمج حصيص: حصه حصه ... انزين هاي ليش ما ترمس ؟ احمد: زعلانه .. بيسوون لها عملية الدكتور ( شاف ساعته): Ok .. I should go know احمد: thank you محمد: bey حصيص: عملية شوه ؟ احمد: في راسها حصيص: اويه حراااااام .. ليش ؟ احمد: لانها مريضة .. محمد: حصيص مب جنج زدتي الاسئلة .. احمد: هههه خلها عادي محمد: تأخرنا صح ؟ حصيص: انزين خلني شويه محمد: شوه اخليج ؟ نسير .. لين تتعشين .. وترقدين .. حصيص: انزين شويه محمد: قلت لج يالله حصيص: اوكيه .. يالله مع السلامه رملة ... بشوفج باااااااجر احمد: مع السلامه ... حصيص.. نشوفج باجر ... محمد: ههه يالله فمان الله .. واسمحوا لنا احمد: افا عليك .. مسموح الشيخ .. وساروا محمد وبنته ... احمد : يالله نشي يت عفرا صوبهم عفرا: منوه هذيل ؟ احمد( يستهبل): اخو حرمتيه الثانية ..اقصد ضيوف عفرا: لا والله !.. احمد: هههههه ما ادري .. ناس حالهم حالنا عفرا: اويييييه بلاها تصيح ؟ احمد: قال لها الدكتور بيسوي لها عملية .. عفرا ( منصدمه): صدق ؟ احمد: لا العب وياج ووياها عفرا: اويه حراااام احمد: ط هاي .. انتي تزيدينها بعد ! عفرا: لا .. بس .. صدق يعني كيف ؟ احمد: قولي جملة مفيدة ! عفرا: اوه احمد . خلاص انزين ... صيحتوها الحين خل تسكت .. احمد: قومي قومي رملة .. نسير عفرا: حبيبتيه انتي قومي نسير البيت رملة ( وهي تصيح): ما بسوي يعني ما بسوي عفرا: اوكيه لا تسوين بس نشي حبيبتيه رملة: قولي حق هذا احمد: ان شاء الله ما بتسوينها . نشي الحين .. رملة: انته تقص عليه احمد: الحين ما عرفنا لج .. نقولج هيه ... تقولين لا ... نقولج لا تقولين هيه عفرا: احمد حرام عليك .. خف عليها .. احمد: اقول رملة نشي الله يخليج . تعبان وواصل حدي .. قومي في هالجو لين ما نوصل الفندق.. عفرا: يالله نشي حبيبتيه انتي نشت رملة .. عقب محاولات عفرا ... وسايرين البيت ... احمد: استانستي ؟ عفرا: منوه انا ؟ احمد: هيه عفرا: ليش؟ احمد: ويا اختج ؟ عفرا: هيييييه .. سواااااالف .. والله كشخه احمد: ههههه وبلاج تقولينها وانتي متحمسه عفرا: ههههه لاني مستانسة احمد: ان شاء الله دوم عفرا: اتصلت بآمنة ؟ احمد: اوه .. لا .. نسيييييت عفرا: متى ىخر مره اتصلت بها ؟ احمد: يوم كنا فالدرب يايين المستشفى عفرا: حليلها اكيد تحاتي اتصل بها احمد: يوم برد البيت .. عفرا: اوكيه .. احمد: عفرا عفرا: هلا احمد: انتي مرتاحه ؟ عفرا: من ؟ احمد: يعني المكان .. السكن .. الاكل .. عفرا: الحمدلله .. احمد: صدق ؟ عفرا: هيه والله .. ولو شي مب عايبني بخبرك عادي .. ابتسمت عفرا .. واحمد رد لها الابتسامة .. رملة: راشي يعورني احمد: شفتي .. لانج صحتي عفرا: لا ترمسها جذه .. حرام عليك احمد: هي وايد تعاند .. عفرا: ما عليه حبيبتيه الحين بنوصل الغرفة .. وبطلب لج نسكافيه حار .. وان شاء الله تستوين احسن .. ومشوا مكملين طريجهم .. في امارات مول ... غاليه: خاطريه في اكل صيني ثاني: اوكيه .. غاليه: ما بنتأخر ؟ ثاني: عاديييييييي غاليه: هههه بايعنها اليوم .. غاليه .. رقيقة .. وحلوة . ويوم تبتسم تحلو اكثر .. وامارات مول ... ونوعا ما زحمة ... وغاليه تتمشى ويا ثاني .. وثاني ستايل .. وواحد رزه ... ع قولتها مشكوك فالامر شويه !.. وثاني شويه وبيصفعها .. لين قنعها بالغصب تنزل من السيارة حتى ... ساروا صوب المطاعم .. وشافوا ما شاء الله زحمة ... غاليه: زحمة .. ثاني: مول الامارات ع طول زحمة غاليه: خلاص نرد البيت ثاني: غاليه بلاج .. تعشي وبنرد غاليه: اوكيه خلاص ابتسم ثاني .. لأخته ... لان شكلها صدق خايفة وزايغه ومرتبكة من الزحمة .. واللي يفضحها اكثر خدودها المحمرة ... ثاني: من هني تبين ؟ غاليه: هيه ثاني: خلاص طلبي هني .. انا حدي يوعان ويوم ايوع ما لي غير ماكدونالدز غاليه: بتسير ؟ ثاني: محد بياكلج يا ماما... غاليه: اوكيه لا تتأخر ثاني اذا خلصوج سيري شوفي مكان يناسبج ويلسي .. وانا بخلص وبتصل فيج غاليه: لا .. بوقف هني لين تخلص ثاني: اوكيه ع راحتج .. وسار ثاني يطلب له من ماكدونالدز .. غاليه واقفة ... روحها .. رن المبايل .. غاليه: الو ... السلام عليكم زايد: وعليكم السلام .. غاليه: هلا زايد زايد: اهلين .. شحالج ؟ غاليه: الحمدلله زايد: وينكم ؟ غاليه: بنتعشى وبنرد زايد: بتتأخرون ؟ غاليه: لالا .. الحين طالبين و بنتعشى بسرعه وبنرد زايد: انزين عيل غاليه: بغيت شي؟ زايد: لا بس اسأل عنكم غاليه: اوكيه خلاص زايد: فمان الله غاليه: مع السلامة ... بمجرد ان غاليه خلصت وبندت عن اخوها ... تنصدم بـ شي غير متوقع ابداً .. .......... ( عاض ع شفايفه ): الله اكبر ! تلت الله اكبر ظحكة بصوت عالي بس مب من نفس الشخص لا .. من شخص ثاني غاليه واقفة مصدومه .. البيبسي اللي كان في صينية الريال .. كله انصب ع عباتها .. ما تحركت ولا قالت أي كلمة ... الناس اللي واقفين كلهم اصنام وفاتحين ثمهم ويطالعون .... ........ : تعال ساعدنيييييييي .......... ( ناقع من الظحك .. وخلاص ما يقدر) : ههههههه ........: الله يلعن ابليس .. فشلتني .. عقب ما هدى الثاني شويه .. وشاف ان الموضوع يعني يباله تدخل .. ........: انزين اعتذر منها .. سكت .. صخ الريال .. والله ان اللي وياه .. يباله كف .. ع ويهه يسنعه شوي فيه .. غاليه للحين ما تحركت .. ولا سوت شي .. مشكلة يوم تنحط في هالمواقف .. والمشكلة الاكبر ان غاليه هي اللي انحطت فيها .. رفعت راسها شوي شوي .. ما تبا تشوف نظرات الناس .. ولا تبا تشوف شوه يسوون .. بس تبا تشوف منوه السخفاء اللي حطوها في هالموقف وواقفين يظحكون ! مروان ( ابتسامه مصطنعه ): اسمحي لنا اختيه هزاع: اوه غاليه ! القفطة اكبر .... والموقف كبر .. لان اللي واقفين جدامها .. واحد ولد عمتها والثاني ولد عمها ... وافضييييحتااااااااه .. مروان: اوه من الاهل ... عادييييييييي .. و رفع هزاع ايده ودح مروان دحه .. من الاهل عادي !.. اولا جدام الناس ... ثانيا .. ما لقيت الا غاليه .. لو عفاري جااااااااان زييييييييييييييييييين .. غاليه !! ... يا ريال عادي تصيح علينا الحين .. شوه هالورطة ؟! لكن غاليه .. هالمرة ما تدري روحها ولا يدرون عيال عمتها وعمها .. كيف ماسكه عمرها للحين ولا نزلت دموعها .. ومشت عنهم .. مروان: هزاع سر وراها .. هزاع: وين اسير ؟ مروان: سير وراها .. هزاع: ما بسير انا .. عاد ما لقيت الا غاليه انا اسير وراها !.. مروان: يا ويهك .. وفر الصينية ع هزاع .. وسار وراها .. غاليه تمشي ما تدري وين تسير .. تحس الدموع المتجمعة في عينها بتنزل .. بس فضيحه جدام الناس !... وتسمع صوت من ورا يزقرها .. يزقر اسمها .. صدت ورا .. هذا شوه يايبنه !.. مروان تقرب منها .. مروان: غاليه غاليه وقفت وما ترد .. مروان رفع راسه يطالع اللي حوله .. شكلهم صدق غلط !... مروان: غاليه .. ويا منوه يايه ؟ وغاليه ما ترد ... وتسمع صوت ثاني يزقرها من جدام ... بتتخبل خلاص ما تبا تسمع حد ولا تبا تشوف حد ولا تبا تسوي أي شي .. رفعت راسها .. اخوها ثاني .. ثاني: خلصتي ؟ غاليه .. بعدها مستجمعة قواها ... سارت بكل هدوء .. ووقفت ورا اخوها بالضبط .. شرا الياهل اللي يندس ورا امه .. ثاني: شوه السالفه ؟ مسكت ايده بالقو ... ثاني شك فالموضوع بلاها اخته ؟!.. رفع راسه الا يشوف الاخ مروان مجابلنه .. مروان ( ابتسامة عريضة ): هلا والله ثاني: مروان ؟! مروان: هيه شايف ابليس .. ثاني: هههههه شحالك ؟ مروان: الحمدلله بخير .. بصوت يرتجف ... وخفيف غاليه: ثاني .. مب رايمه اوقف .. حاسه بيغمى عليه ليش .. شوه السبب .. صد ورا يشوفها .. دمووووووووع .. والخد احمر زيادة .. والعيون بس لو تغمض الجفون مره وحده بتنزل .. ثاني ( بدهشة ) : شوه فيج ؟ مروان: بلاها ؟ ثاني: غاليه شوه فيج ؟ وهي ما ترد .. بس شكلها مصدومه ع حزينه ع كئيبة ع مندهشة .. ثاني ( فر صينيته ع مروان ): اسمح لي بسير .. هالعشا حقك .. مروان واقف ولا تحرك .. منصدم من الموقف .. يالله لهالدرجة !... ولين مروان تم يفكر .. جد ثاني وغاليه واصلين السيارة .. ************* |
الجزء الـ 34 ناش ... حاس بـ نشاط .. يبا يطلع !!... الصبح ؟ هيه الصبح .. ويبا يطلع .. هيه فيها شي ؟ تتوقعون منوه ؟! سعيد: بدور بدور: هلا سعيد: بدور طلبتج بدور: شوه ؟ سعيد: قولي تم ؟ بدور: ما اقول تم الا يوم اسمع سعيد: بدور بليز بدور: انزين قول شوه تبا ؟ من صباح الله خير ناش .. سعيد: ابا اطلع بدور: اطلع سعيد: بدوووووووور بدور: شوووه ؟ سعيد: ابا اطلع وياج بدور: سعيد تخبلت ... شوف الساعه كم ؟ سعيد: والله بوديج مكان حلو بدور: وين بتوديني ؟ .. ما ابا سعيد: انزين اول شي اعرفي المكان بدور: وين ؟ سعيد: البحر .. بدور: البحر! سعيد: هيه قولي هيه والله كشخه الصبح البحر بدور: انته مينون والله سعيد: اوكيه مينون يالله نشي .. بدور: سعيد والله مب متفيجه سعيد: نشيييي عاد طلبتج الحين .. ترديني بدور: مصر يعني ؟ سعيد: هيه .. بدور: انزين جيه ما تسير ويا اخوانك ؟ سعيد: يوم اقول اخوني تقولين اخوان واخوان .. ويوم اقول انتي تفريني ع الاخوان ؟! بدور: انته تطلب مني في اوقات صعبة .. سعيد: يالله عاد لا تذليني .. بدور:اوكيه .. اصبر لين اتلبس سعيد: شوه تتلبسين بعد ؟ بدور: بنسير البحر انزييييين .. يعني لازم ابدل .. سعيد: انزين يالله .. بسرعه .. لان الجو وايد حلو .. بدور: الله ع الرومانسية سعيد: من بوني رومانسي .. بدور: اجازتك ما خلصت ؟ سعيد لا بعدها .. بدور: متى بتخلص؟ سعيد: الاسبوع الياي ... سعيد سار صوب الدريشة .. وتم واقف يطالع الجو ... صدق كان رهيب .. ووايد حلو .. هادي .. وحتى السما لونها حلو .. نش .. ع الصوت الخفيف والحركة اللي فالحجرة .. عبدالعزيز: عمّور عمر ( صك السده ): آسف .. رد ارقد عبدالعزيز: ليش ناش الحين ؟ عمر: بطلع عبدالعزيز: وين بتسير ؟ عمر: الدوام ... امس قلت لك عبدالعزيز: الحين متأخر .... عمر: بقطع اجازتي وبرد .. عبدالعزيز : اها عمر: خلاص رد ارقد .. ورد عبدالعزيز يرقد .. ظهر عمر من الحجرة .. وسار تحت .. فريد .. توه داخل من باب الصاله .. عمر: صباح الخير فريد فريد: صباح الخير .. تعال كل فطور .. عمر: مسوي لي فطور ؟ فريد: هيه عمر: شدراك اني بنش اليوم من وقت ؟ فريد: انا سمعتك تقول .. بسير باجر دوام ابتسم عمر .. فاتح عيونه ع كل شي فالبيت و مهتم فيه ... عمر: اوكيه .. بتريق الحين .. وسار فريد .. عمر ... نش بيتريق .. شاف الحجرة اللي جدامه .. اشتاق لها ... اشتاق لأهلها .. اشتاق لأصحابها .. يالله .... يتمنى لو هم وياهم الحين .. يشوفون اللي يستوي .. واللي وصلوا له عيالهم .. كل واحد فيهم رفع راسهم بـ شي .. الحمدلله .. وكلنا رفعنا روسهم بأخلاقهم اللي اكتسبناها من تربيتهم لنا .. تجدم وسار داخل الحجرة ... وسار صوب التسريحه .. ابتسم .. هذا عطر امايه المفضل ... كانت تتعطر فيه وقت الاعراس ... او عزايم الحريم .. بو عمر: آآآآه يالريحه ... الله يخليج اتعطري فيه سارة :ليش؟ بو عمر: حلوة ريحته .. سارة: ويعني ؟ بو عمر: اتعطري فيه سارة: ما بتعطر .. بو عمر: ليش؟ سارة: نحن سايرة بيت اخوك مب عرس بو عمر: وشوه يعني ؟ سارة: تحدني ع المنكر ! بو عمر: عادي عادي سارة: لا والله !.. بو عمر: هههه انزين ريحته حلوة سارة: يوم برد البيت ... بتعطر بتسبح به انزين بوعمر: انزين شرايج ما نسير اليوم سارة: ما نسير بيت يوسف؟ بو عمر: هيه .. مب لازم كل جمعة نتغدا عنده .. ونشوفهم كلهم .. يمكن نبا نطلع رواحنا سارة: سيف !... بلا حركات .. بو عمر: هههه انزين صدق سارة: لا .. ما يستوي .. اولا عمر بيزعل .. لان تدري شه يعني يوم الجمعة بالنسبة له .. بو عمر: وثانيا؟ سارة: انا بعد ابا اسير هناك .. ما شايفتنهم من اسبوع ! بو عمر: حشى .. لو انا جان ما تولهتي عليه هالكثر سارة: مشكلتك انك متسرع وتفسر كل شي ع كيفك بو عمر: طالع ع يوسف اخويه سارة: يوسف محشوم بو عمر: افا يا ام عمر!... سارة: ههههه انته تخلي الواحد يقول اشيا ما ادري كيف .. يالله قم نسير .. ظهر عمر من الحجرة .. وسار يتريق عقب ما تذكر امه وابوه .. احلى اثنين كانوا بالنسبة له ومازالوا .. لكن ذكرياتهم مازالت هي اللي تعطر المكان مب هم بنفسهم .. عذيجة: اففففففف هالولد كيف يغربل الواحد .. هزاع: امايه بلاج بلاج ؟ عذيجة: اتصل انزين هزاع: اتصلت اتصلت عذيجة: انته شوه تقص ع منوه هزاع: ههههه والله اتصلت .. عذيجة: قسما بالله ما تنفعون .. سالم: انته جيه تلعوز يدتيه هزاع: اسكت اسكت انته بعد سالم: من صدقي عذيجة: هيه من صدقه هزاع: سلّوم اسكت والا بردك بيتكم الحين سالم: ردني شوه يعني هزاع: والله !.. سالم: هيه ... ملل مستوي بيتكم بدون خالوه عفاري عذيجة: يا ربييييي ... هزاع والله انك ماصخ .. هزاع: امايه والله اتصلت والله .. ما يردووووون عذيجة: قم قم .. والله ما تنفع .. ونشت عذيجة طلعت برع ... هزاع: ط هاي والله سارت .. تعاليييييييييي سالم: شوه بعد ط هاي ! هزاع: جب جب .. امي كيفي سالم: وين احترام الام ؟ هزاع: خليته حقك .. سالم: خالي هزاع هزاع: نعم؟ سالم: طلعنييييييي هزاع: ما شي شغل سالم: الله يخليك هزاع: قم زين سالم: اترجاااااااااك هزاع ( حن قلبه ): وين تبا تسير ؟ سالم: أي مكان .. هزاع: بنسير بتي قوم عبدالعزيز سالم: قول والله ! هزاع: وايد يعني مستانس سالم :انزين قول صدق ؟ هزاع: ليش يعني مب مصدق ؟ سالم: اوهوووووو خاليييييي هزاع: هيه سالم: واااااايد اوكيه .. بلعب كورة وياهم هزاع: ويا منوه ؟ سالم: عبدالعزيز .. يلعب كورة فالفريج ويا ربعنا هزاع: اهااااااا .. وانا اقول مب من الله سالم: لا والله .. مب عسب جذه بعد .. انا ما ساير بيتهم مووووول هزاع: ما سرت من قبل ؟ سالم: ساير بس مب وااااااايد شراتك هزاع: عفانا الله حتى ع سيرة بيت خالنا حاسدينا سالم: اذا بنحسدك .. بنحسدك ع سيرتك بيت خالك يوسف .. مب بيت قوم عبدالعزيز الفقارى هزاع نقع من الظحك غصبا عنه .. هذا سالم صدق بو لسان طويييييييييييييييل !.. ولسانه منطوله يزحف ع الارض بعد !.. سالم: هههههههه بلاك تظحك ؟ هزاع: ههههه اسكت والله اسكت .. لو حد يسمعك يا ويلك .. لو امايه تسمعك زين بتسوي بك سالم: صدق انزين هزاع: انزين اسكت بتصل في مروان .. سالم: اتصل اتصل اسأله .. في بيت الشباب .. فالصاله .. عبدالعزيز: راشد عمر رد ؟ راشد: لا.. جيه وينه ؟ عبدالعزيز: ساير الدوام راشد: اوووه .. ساير الدوام اليوم ؟ عبدالعزيز : هيه قطع اجازته .. راشد: اوكيه اتصل به واسأله اتصل عبدالعزيز في عمر .. لكنه ما رد .. عبدالعزيز: ما يرد راشد: خلاص يلس والحين بيي .. او اول ما يشوف الرقم اكيد بيتصل لانه يدري انك انته عبدالعزيز: هيه راشد: وين مروان ؟ عبدالعزيز: راقد راشد: للحييييييييييين ؟ عبدالعزيز: ما ادري عنه للحين ما نزل .. ولا نش .. والحجرة ظلام .. راشد: معقوله ! عبدالعزيز: اكيد راد متأخر امس .. راشد: جايز .. فوق .. عند مروان .. مب راقد .. واعي من فترة .. لكنه يالس روحه فالحجرة .. ومب متفيج ينش ع قولته .. ويوم رن مبايله وكان هزاع .. رد عليه .. والحين يسولف وياه .. هزاع: انته بلاك اليوم ؟ مروان: ما ادري هزاع: صدق ؟ مروان: هزاع .. هزاع: هلا مروان: تبا الصراحه .. من امس والله مب راقد عدل هزاع: ليش ؟ شوه السالفه ؟ مروان: يالس افكر هزاع: في شوه ؟ مروان: فاللي استوى هزاع: شوه استوى ؟ مروان: اوووه هزاع ركز ويايه هزاع: مركز انا .. مروان: امس مب كنا في مول الامارات هزاع: هيه مروان: وكنا صوب المطاعم هزاع: هيييييييه قصدك سالفة غاليه بنت خالي عبيد ؟ مروان: هيه .. والهل كسرت خاطريه هزاع: اصلا غاليه وايد حساسه وزيادة عن اللزوم مروان: هزاع البنيه كانت ترتجف هزاع: هو صح الموقف يفشل .. لكن والله صدقني .. غاليه انسانه حساسه بدرجة فظيعه جدا جدا مروان: من رمسة عفاري عنها ... وانا اشوفها ساعات يوم ايي بيتكم ... وتكون موجوده .. هي خجولة هزاع: بزياااااااااااااااااااادة مروان: ضميري يأنبني هزاع: على شوه ؟ مروان: ما ادري والله .. لكن احس اني سبت لها مصيبه امس هزاع: هو انك سببت مصيبه فتأكد من هالشي.. لان اكيد تمت تصيح لين اليوم الصبح مروان: قول والله ؟ هزاع: هيه عادي لا تستبعد هالشي .. مروان: حرام والله هزاع: يعني شوه تبا تسوي ؟ مروان: ما لحقت اعتذر لها بعد هزاع: قلت لك مروان: يالسخيف اصلا انته خليت الموقف يكبر اكثر هزاع: انا شوه يخصني ؟ مروان: انته تميت تظحك .. تذكر هزاع اللي استوى .. واللي انقال فالموقف .. ورجع مره ثانية يظحك .. مروان: شفت سخافتك .. ع شوه الحين تظحك ؟ هزاع: ههههههههه تدري جيه ظحكت ؟ مروان: ليش ؟ هزاع: هههههههههههه انته قبل ما تصب عليها البيبسي .. كنت ترمسني عن عمران .. فـ يوم صبيت قلت الله اكبر .. فـ يعني شوه ؟ .. وايد متأثر الحبيب بأخوه !.. مروان :سخيييييييييييييييييف هزاع: هههه والله انزين كل واحد وتفكيره مروان: مالت عليك صدق فاضي هزاع: هههههههههه لوانته كنت بتسوي جذه واكثر بعد .. كنت بتقطني من الخاطر مروان :هزاع انا في موقف محرج والله ويا البنيه هزاع: عادي عادي .. خلاص غاليه شبعت صياح . صياحها يدوم من يوم الموقف .. ويتواصل لليوم الثاني ويخلص خلاص .. تجف دموعها مروان: واله انك فاضي تطنز بعد ! هزاع: يعني شوه تباني اسوي بك .. المهم شوف دام ان مزاجك ع قولتك متعكر ... انا بيي صوبكم مروان: حياك .. هزاع: اول مره تحيي بي مروان: عيل لا تيي هزاع: هههههه مب بكيفك مروان: اقول .. بند بند .. اجلب ويهك .. بسير اشوف اخواني هزاع: اوكيه بجلبه الحين . والعصر يايينكم.. وسالم ويايه مروان: اوكيه يالله فمان الله .. في بيت بو زايد .. زايد سار صوب حجرة ثاني ... زايد: ما شاء الله ناش ثاني ( وهو مجابل اللاب توب): ما راقد اصلا زايد: لا لا .. زييييييييين ما شاء الله ثاني ( صد صوب اخوه .. وابتسم ): شوه تبا؟ زايد: امس متى رديتوا ؟ ثاني: 1 ونص زايد: اها ثاني: ليش؟ زايد: غاليه للحين راقده ثاني ( تذكر امس غاليه صاحت فالسيارة ): اكيد كانت تصيح لين الصبح زايد: ليش ؟ ثاني: ما ادري منوه صب عليها بيبسي من فوق لين تحت عباتها كلها خاست .. هاللي قدرت اسحبه منها .. زايد: وعسب جذه هي صايحه يعني ؟ ثاني: ما تدري بها اختك ؟ ... زايد: دقيت عليها ما تطلع ثاني: اكيد تعبانه .. اقولك صايحه زايد: منوه يعني صب عليها ما دريت ؟ ثاني: ما ادري والله .. هههههههههه زايد: وليش تظحك ؟ ثاني: تذكرت شي زايد: تذكرت شي والا تطنز ؟ ثاني:ههههه لا والله تذكرت شي .. يوم غاليه يايه صوبي .. ظهر جدامي مروان ولد عمي سيف الله يرحمه .. زايد: كانوا هناك ؟ ثاني: هيه زايد: هو ومنوه ؟ ثاني: ما ادري .. بس ما اظن اخوانه .. اكدي هزاع زايد: انزين كمل ثاني: ما شي .. يوم شفت حالتها جذه .. فريت صينية عشاي ع مروان .. زايد: يعني ما تعشيتوا وظهرتوا ؟ ثاني: هيه والله .. لكن مريت اشتريت لي عشا زايد: وهي تصيح ؟ ثاني: مشكلتها اختك .. والله ميت من اليوع .. هي ما طاعت تاكل .. انا مريت اشتريت لي عشا ثاني .. ورديت البيت تعشيت .. هي دخلت حجرتها وقفلت ع عمرها الباب وكملت صياحها .. زايد: محد يسير وياك ثاني: انا شلي ! ... يعني شوه بايدي اسوي ؟ ما تدري بها اختك حساسه .. يعني تخيل اقولها قومي ظهري ويايه تقولي ما بظهر والله شكلي غلط وبيتحسبوني مواعده ؟ قولي شوه ارد عليها هاي !.. ابتسم زايد ابتسامة عريضة .. اختهم فعلا حساسه وزيادة عن اللزوم .. وحليله ثاني طاح فراسه .. اونه اخت مواعده اخوها ...! في ألمانيا .. حصه: يعني مطولين علي: ما عليه حصه .. ان شاء اله هذا كله .. عيارة عن شدة وتزول ان شاء الله حصه:ان شاء الله علي: وبعدين انتي ليش مضايقة ؟... اختج هني .. حصه: هيه والله لو عفاري مب هني جان حالتيه صدق ما ادري كيف بتستوي علي ( أبتسم ): يالله الحمدلله حصه: وينهم ما يو اليوم ؟ علي: احمد قال اليوم ما بييون المستشفى ان ما عندهم شي .. وبيظهرهم شويه حصه: اها يعني ما بييون علي: اعتقد حصه: بسير عند هند عيل علي: انتي شوه بس الا تبين تحوطني حصه:ملل انزييييييين .. علي: انزين شرايج .. آخذ اذن انج تطلعين اليوم .. ونسير ويا قوم احمد حصه ( فزت ): قول والله علي: ههههههه حصه بلاج حصه: قول والله يستوي ؟ علي:هيه وليش ما يستوي حصه: عيل خذ شوه تتريا .. بعد تشاور علي: تبيني عيل اسوي كل شي من وراج .. ومن متى انا ما اشاورج في شي ؟! حصه: هيه سير سير الله يخليك .... علي: وااااايد كول ... عيل بسير انا الحين .. حصه: اترباك بسرعه تعال علي: اوكيه ما بتأخر في جهه ثانية .. عفرا : يالله خلصتي ؟ رملة: هيه ... عفرا: اليوم وايد برد .. وثلوج .. رملة :الثلج خلص والمطر عفرا: بس ع الارض رملة: والله انج بتثلجين ويا هالعباه عفرا: انتي وايد تحبين تخربين الواحد رملة: صدق انزين .. عفرا: ما عليج بلبس جاكيت طويل .. رملة: انزين البسي الجاكيت بدون عباه عفرا: ما احب احس شكلي غلط والله .. رملة: اوكيه كيفج عفرا: وين اخوج ؟ رملة: اتصل قال .. يوم بتخلصون ننزل تحت ... وهو بيينا عفرا: يعني نيلس فالكوفي رملة: والله هو قال عفرا: رملة لو تجذبين يا ويلج رملة: والله ما اجذب هو قال .. عفرا: ولو ظهرتي جذابة رملة: كيفج عاد .. انا قلت لج .. هو قال عادي ... وقال نزلن والله عفرا: انزين يالله طوفي جدامي .. رملة: وين جاكيتي ؟ عفرا: هذو خذيه .. بس لبسي هالبوت الصوف .. رملة: طوييييييييل عفرا: انا لابسه جاكيت طويل وانتي ما تبين ! رملة: انتي بكيفج عفرا: وانتي مب بكيفج يالله يالله ... ولبسي هالقحفية الصوف بعد رملة:ايه والله شكلي يظحك عفرا: لبسيييي عادي شكلج والله كيوت هههههه رملة: تقصين عليه عفرا: ههههههه لا والله حلوة .. ما بلبسج شي تطلعين فيه بايخه يالله .... لبست رملة جاكيتها ... وخلصت ... وظهرت هي وعفرا من الحجرة ... عقب ما شلن البطاقة ... ضغطت رملة ع الزر ... لين ايي اللفت .. عفرا: هذو وصل يالله دخلي .. رملة: انزين .. وركبن اللفت .. لكن ما سار تحت ... لا .. سار فوق ... رملة: وييييه هذا سار فوق .. وقف عن طابق .. وانفتح الباب ما في حد .. رد بند .. وسار بعد فوق .. رملة: افففف عفرا: جنه طالبينه وعقب ساروا .. وبند وصعد رملة: اييييييييييه والله أرف .. عفرا: خييييييبه رملة: تخسيبهم قولي آمين .. سار اللفت الطوابق اللي فوووووووووووووووووووووووووووووق .. يعني آخر الدنيا .. شوي وبيوصلون السما .. انفتح الباب ..... ما في حد .. رملة: يا دببه .. ورد بيبند عفرا: شوه هالمصخرة .. وقبل ما يبند .. شافوا ايد تدخل .. ان تفتح اللفت ... رملة لا ارادي .. كفخت الايد .. عفرا: ايه انتي .. رملة: جيه يحط ايده .. متفيجين نحن نتريا ! لا وبعد ريال !! ... انفتح الباب .. واحد .. طويل .. عريض .. لابس جينز .. وقميص سماوي صوف هاينك .. وفوقه جاكيت طويل بيج .. رملة طاااااااف ولا جنها مسويه شي وعفرا حليلها شويه وبتخش راسها فالأرض ... ركب وما قال شي ... ووقف ع صوب .. بحيث انه معطي ظهره حق عفرا ورملة .. اما رملة فـ كانت واقفه جدام ولا ردت ورا بعد .. صوب الازرار .. ورد اللفت ينزل .. الحين فالنزله بعد نفس الحركة تم يوقف عند الطوابق .. رملة: والله خبايل .. دقت عفرا رملة من ورا .. رملة: شوه ؟ عفرا تأشر لها ان ردي ورا .. وين واقفه انتي !.. ورملة سوت لها طاف ... وقف اللفت عند طابق من الطوابق .. انفتح الباب .. والريال كان صاد ورا .. حليله ومب منتبه رملة بسرعه بسرعه بندت الباب من الازرار اللي جدامها .. نذاله منها ! ويوم صد الريال جد اللفت بند .. نفس الوقت استوت 3 اشيا رملة ظحكت .. الريال صد يطالعها .. عفرا ظربت بايدها ع يبهتها ان طلع صوت شرات التكفيخ .. هني عاد رملة نقعت نقعت نقعت صدق من الظحك ع عفرا .. الريال .. غصبا عنه ابتسم .. خبله هاي صدق ! رملة: هههههههههههههههههههههههه بلاج تكفخين عمرج ... عفرا نيران تغلي في داخلها ... هاي البنيه نسخه مستنسخه من سالم ولد اختها واخس .. سالم حليله لو يسوي هالاشيا يحصل هزبه يصخ ويوقف ع صوب هاي عادي كل شي عندها طاف ... وصل اللفت تحت .. بما ان رملة يالسه تظحك ... وعفرا ما تقدر تجدم ... تجدم الريال .. وضغط الزر ان الباب يتم مفتوح .. ........: يالله نشي .. وصلنا .. رملة: هههههههههههههه شكراً.. نزلت رملة ووراها عفرا ع طول .. ومن حسن حظهم ان احمد كان تحت .. احمد: وينكن ؟ هاي الخبله بلاها تظحك ؟ عفرا: مب تقول خبله !... احمد: ايه انتي بلاج ؟ رملة: هههههههه والله احمد استوى شي يظحك عفرا: الا استوى شي يفظح رملة: هههههه والله يظحك احمد: ايه خبله شوه فيج ؟ عفرا: انا بقولك .. هالاغبيا اللي ساكنين هني .. كل واحد يضغط الزر وما ادري وين يسير .. ونحن سرنا لين الطابق الما ادري كم ونزلنا .. فالنزله وقف اللفت والريال اللي كان بيركب حليله كان صاد ورا .. احمد: انزين عفرا: هاي اختك سوت به حركة نذله .. دقت الزر اللي يبند الباب بسرعه والريال حليله يوم صد جد نزحن نازلين رملة: ههههههههههههه عقب شوه استوى ؟ عفرا: ما استوى شي احمد: ههههههه يالله خبلتوني قولن رملة: عفرا كفخت عمرها عفرا: هاي تسمينها كفخه ؟ هيه والله كفخة ندم ع اني ركبت وياج احمد: ههههههه ايه انتي شوه اسم مسلسل ؟ عفرا: شوه اسم مسلسل ؟ احمد: كفخة ندم .. بطولة حياة الفهد عفرا: متفيييييييييييييييج احمد: ههههه يالله يالله امشن انزين .. بنمر ع علي وحصه بعد عفرا: وين المستشفى ؟ رملة: انا ما بيي المستشفى جان بتسيرون .. سيروا انا بيلس هني اترياكم .. ومشت احمد: يا ويهج تعالي رملة: ما بسير المستشفى احمد: ما بنسير المستشفى .. بنسير الفندق مالهم عفرا: جيه حصه رخصوها ؟ احمد: علي خذ لها اذن ان تظهر .. وعقب ترد .. عفرا: الللله وناسه .. رملة: يالله عيل نسير ... برع وهم يمشون سايرين صوب علي وحصه ... احمد: اقول يعني لو تمشن جدامي يكون احسن رملة: لييييييييش؟ عفرا: احم احم احمد: ههههههههه سيرن رملة: انته مسؤول عنا .. ولازم تمشي حذالنا احمد: والله اول مره ادري بهالمعلومه ... ان المسؤول يمشي ويا اللي وياه عفرا: لا هو اصا يمشي جدامهم ونحن لازم نكون ورا احمد: حلفي بس ؟! عفرا: ههههههه خلاص بنسير جدام رملة: بس ع شرط احمد: شوه تبين بعد ؟ عفرا: ما تسوي شي لوجه الله احمد: هيه والله .. شفتي شكثر نعاني وياها رملة: عندي شرط احمد: قولي خلصينا رملة: ابا آيس كريم احمد: اقولج .. امشي جدام رملة :الله يخليك احمد والله مشتهه آيس كريم احمد: انزين انتي امشي امشي سيري جدام عفرا: هههههه وايد واثقه من نفسها رملة: احمد احمد: اقولج سيري جدااام والا بتسمعين شي ما يسرج رملة: لا شي ما يسرني عقب تعكر مزاجي احمد: هيه بعكر مزاجج مثل ما تعكرين مزاجي سيري عفرا: ههههه طوفي طوفي احمد: بس مب وايد بعيد .. رملة ( وقفت بالضبط جدام احمد ): يعني جذه احمد: بلا استهبال عفرا: ههه اجدمي انا وياج احمد: تقهر بالواحد عقب تجدمت رملة ووياها عفرا .. واحمد ظهر مبايله .. واتصل .. ردوا عليه ... من سمع الصوت .. آآآآآه بيطير بيطير من الفرحه .. الدنيا مب شايلتنه .. احمد: هلا والله بعمريه وغلاي كله .. وقلبي وروحي .. اللي ع الطرف الثاني كانت .. مب آمنة ههههههه .. كانت ميثا بنته .. واول ما ردا عليه هي كانت تقول بابا .. احمد: فديت انا هالصوت .. جنه كنار .. حبيبة قلبي آمنة: لا تتغزل فيها هالكثر .. انته ما تتغزل في امها جذه .. احمد:ههههههه تغارين آمنة: لا ما اغار .. انا واثقة من نفسي وعارفة موقعي يعني من الاعراب احمد: هههههه خليها خليها ترمس .. آمنة: ميثاني .. وين بابا ؟ .. وهذيج ما صدقت يالسه تقول .. بابا .. بابا وبلحن خاص بعد .. احمد :ياربي عليها .. خاطريه اقطعها من البوس .. آمنة: ايه ودري .. احمد: شوه تسوي ؟ آمنة: حاطه ع الاسبيكر انا .. ويالسه فوق الشبرية .. وهي مجابلتني ويا لعبتها .. والمبايل في وسطنا .. يرت المبايل احمد: فداها المبايل فديت روحها آمنة: هيه انته عقب بتشتري لي غيره احمد: عيل يعني منوه ؟ الدريول . ثرني انا شارلج هذا بعد شوه ؟ آمنة: هههههههه السموحه السموحه غلطنا احمد: ههههه .. شخباركم ؟ آمنة: الحمدلله بخير .. انتوا شحالكم ؟ وشوه الجو عندكم ؟ احمد: نحن الحمدلله... والجو برد .. مصاحب بثلوج آمنة: اونه احمد: والله آمنة: وينك انته الحين ؟ احمد: هني .. آمنة: وين هني ؟ احمد: سايرين نتحوط آمنة :اللله .. كشخه احمد: جيه انتي ما تظهرين ؟ آمنة: اظهر وين اسير ؟ احمد: سيري .. طلعي آمنة: ما احب اطلع روحي احمد: ويا خواتج .. ويا ناعمه .. اخوج آمنة: ما اتفيج احمد: سرتي بيت ابوج ؟ آمنة: من يوم سافرتوا ما طبيته احمد: اونه ؟! آمنة: والله احمد: ليش ؟ آمنة: ما في وقت .. احمد: شوه ما في وقت !... آمنة: مب متفيجه اسير هناااك .. ولين ما اكشخ وما ادري شوه احمد: هههه يعني لازم تكشخين ؟ آمنة: هيه عيل احمد: امون بشتري لج صوغة ميكب من هني آمنة: هيه تبا تحسس ويهي احمد: هههههه بشتري لج ماركات آمنة: هيه ماركات ما بقول لا .. لكن تقليد ما ابا .. بعدين اولا عندي كل شي ... من جحال وبلشر وقلوز وكريمات وآيشدو وكل الألوان .. ثانيا انته شدراك شوه بتاخذ لي ؟ احمد: هو من ناحية عندج .. هيه .. ميزانية خاصة من المعاش حق الميكب .. اما شدراني .. فـ هالسؤال ما يباله بعد .. انتي خليتيني اخترب واعرف انواع الميكب .. وهذا حق شوه ؟ وهذا لـ شوه ؟ آمنة: يعني عندك خبرة احمد: كيف ما تين يكون عندي وحرمتيه منوه ؟ أمون آمنة: هههههههههه وتم احمد يسولف ويا آمنة حرمته .. ويسأل عن اخباها واخبار بنته واللي فالبلاد .. ويسولفون في سوالف عادية .. ويعلقون ع بعض .. وكأنهم في نفس البلد .. واحمد يتصل كل شوي في حرمته عسب ما تحس بانه بعيد عنها .. نشت غاليه .. حاسه بصداع ... اكيد بتحس بصداع دامها طول الليل تصيح .. ورقدت ساعة متأخرة .. وبالغصب ومن التعب .. والا جان كملت .. قامت تغسلت ... وسحت شعرها سوته ذيل حصان .. وظهرت برع ... لقت ثاني فالممر .. ثاني: هلا والله غاليه: اهلين ثاني: رقدتي عدل ؟ ابتسمت غاليه .. ورد ثاني ابتسم لها .. ثاني: أي شي دقينا عليج الباب تنشين ... ولا نشيتي .. غاليه: صدق ؟ ثاني: هيه والله .. انا ييت دقيت .. و امايه .. زايد كسر الباب ولا نشيتي .. ابويه وياه بعد غاليه: ابويه صاعد لين هني يوعيني ؟ ثاني: شفتي عاد .. الشيبة صاعد لين فوق يوعيج .. ناس وناس غاليه: فديت روحه والله ثاني: ونحن ؟ غاليه: انتوا شوه ؟ ثاني: تفدينا ع الاقل غاليه: بايخ ثاني: شكرا .. امس اللي ما خليتيني اتعشا غاليه: اوه والله آسفة .. اسمح لي ثاني ثاني: ما عليه مسموحه .. نسمحلج في هالحالات الصعبة غاليه: والله سوري ثاني :هههههه عادي اقولج .. اصلا سرت عقب ماكدونالدز .. خذيت لي وجبه ثانية مما لذ وطاب .. انتي اللي كسرتي خاطريه بدون عشا رديتي وكملتي صياح ورقدتي ما ادري الساعه كم ! غاليه ( بتغير السالفه ): وين ابويه ؟ ثاني: تحت ... سيري وسارت غاليه بسرعه تحت ... متلومه في ابوها اللي صاعد لين فوق يوعيها ولا نشت .. وع الدري دعمت زايد ... ويايه بطيح .. جان ايرها اخوها .. وطاحت في حضنه .. زايد ( تنهد ): روعتيني .. كنتي بطيحين غاليه ( عاضه ع شفايفها ): آسفة .. ثاني ( واقف فوق): يوم التأسف العالمي .. واااااااااو لقطة جميلة .. اصبروا بصور غاليه: ثانيييييييييييييييييييييييييييييييييييييييي زايد ( حط صبعه في اذنه): اذنيييي ! ثاني: هههههههههههههههههههه زايد: غاليه بلاج جذه غاديه ! غاليه: اخوك السخيف ثاني: انا ما قلت بصور منكر .. لقطة عادية .. اخو حاضن اخته غاليه: يالسخيف زايد: انتي ايه بلاج ؟ .. شوه فيج ؟ غاليه: ما تسمعه هو ؟ زايد: هو يقول شي عادي غاليه: عادي بالنسبة لك ؟! زايد هيه عادي ... هو ما بيصور .. بس يحب يغايظ .. لكن عادي ثاني: ما دريت .. والا قلت لك الصبح عن سالفة المواعد مالها غاليه: وين ابويه ؟ بسير عند ابويه ... انتوا متخبلين اليوم .. زايد: ابويه برع فالحوي . يشرب شاي ويا امايه غاليه: بسير لهم زايد: صبري .. غاليه: بسير له زايد .. متلومه فيه صاعد لين فوق زايد: ما عليه .. لاحقه عليه .. متغدي ومخلص ثاني: مزر معدته الشيبه ارتاح زايد: يلسي انتي برمسج .. يلست غاليه ع الدري .. ويلس زايد حذالها ... ويا ثاني من فوق .. ويلس وراهم .. غاليه: شوه بغيت ؟ زايد: غاليه ... تدرين انج خجولة وزيادة عن اللزوم ؟ ثاني: ههههههه مب شي يديد زايد: انته بتيلس ويانا .. تسكت .. ما قلنا لك شاركنا .. روحك رزيت بفيسك وبعد تتفلسف ! .. ثاني :قفطه ! زايد ( كمل): خجلج هذا بيوديج في مصايب ومشاكل مستقبلا .. غاليه .. انتي يوم تقدم لج ولد خالوه ما وافقتي .. هذا مب معناته ان خلاص ... وانتي ما وافقتي مب لـ شي .. اول شي ما وافقتي لانج تستحين .. و انا سمعتج يوم ترمسين عفرا وتقولين لها ... عفرا ما اتخيل اعيش ويا واحد .. وما ادري شوه ومن هالرمسة ... نزلت غاليه راسها وويها احمر .. من الخاطر .. زايد: شوفي .. تشوفين هالحركة .. انتي تسوينها بزيادة .. انا ما ارمسج الا لاني ابا مصلحتج .. وما يا الوقت اني اقولج هذا كله .. الا يوم شفت الخجل عندج زاد .. وخصوصا سالفة امس ... كيف تقولين حق اخوج .. اذا طلعت وياك .. جني بكون مواعده ؟ .. وشكلنا شبهه !!! .. انتي امس بالغصب ظهرتي ويا ثاني .. يوم بتعرسين شوه بتسوين عيل !... ثاني: بتقول له ما بطلع وياك .. بنكون شبهه زايد: هيه ما استبعد هالشي .. بيقولج .. عيل اسمحي لي .. دام جذه .. ليش خذتيني ؟ ردي بيت ابوج!.. انا جد ارمسج .. انا ما اقولج اتخلي عن خجلج الحين .. ومن اليوم .. شوي شوي مع الوقت .. بس سمعي عدل .. ولا اقولج تخلي عن حياءج .. في فرق بين الحياء .. والخجل .. لو شوي خجولة بنقول ما عليه .. لكن انتي خجلج طفح .. ما خليتي أي شي بعد حق الخجولين .. ثاني: هيه والله .. انا لو عندي حرمه شراتج .. بتلوع جبدي زايد: مالت عليك .. تكون عندج وحده شرا ختيه بعد شوه تبا ؟ ثاني: ههههه لا اقصد شرا خجلها .. والا اخلاق ... هيه ابا وحده شراتها اكيييييد .. وحياء .. اما تشبها .. امممم لحظة ( وتم يطالع غاليه اونه كأنه يتفصحها )... هيه هيه تشبها مقبول زايد: ودك انته ثاني: هههههههه انزين ودي .. ثرني قلت لك .. مقبول زايد: شوفي عفرا ما شاء الله عليها .. انتي لو تسوين شي واحد من اللي تسويه .. انا بشكر ربي وبحمده .. هي جريئة .. وجرأتها بـ حدود .. مب بقلة ادب شرا بنات الغير .. ولا بتجاوز الحدود . ما شاء الله عليها ما تسكت عن حقها .. واكثر شي عيبتني يوم سرنا المزرعة .. يعني مروان والا غيره يغلطون عليها والا يقولون شي هي ما فيها .. تدافع عن عمرها .. انا ما اقولج سوي شراتها .. ( ابتسم ) .. هي تنقهر بسرعه وردة فعلها تكون بسرعه .. انتي ع الاقل في المواقف اللي تستاهل ردي .. ولا تسكتين عن حقج .. ثاني: صح صح .. زايد: وسالفة المواعد هاي ثاني: يسير ويرد ع المواعد ههههههه ذليتها زايد: لا هي كلمة عوده .. صدق عوده .. واذا ثاني ما حزت في خاطره .. فـ انا بمجرد انج قلتي توج طفوس وسخفا .. ع حركة ثاني .. وانج بغيتي تطيحين وانا يريتج .. انا حزت في خاطريه .. وشليت في قلبي والله .. زايد يرمس .. ويقول .. وثاني يعلق ويكمل ع رمسته ... وغاليه طول الوقت .. منزله راسها وويها يحمر زيادة وزيادة .. شوي وبتصيح !.. وصلت لـ مرحلتها .. ثاني: وصلت للمرحلة الاخيرة .. بتنفجر الحين .. زايد: غاليه اكبر من ان اخوها العود يرمسها ويقول شي في مصلحتها وهي تصيح .. صح غلّوي؟ ومد زايد ايده ومسح ع شعرها ... ورفع الخصل اللي نازله ع ويها .. وداسه ويها عنه .. وشاف ايدها ترتجف ومسكها بالقو .. عسب توقف .. ثاني: غلوي والله صدق .. لو ما نحبج ما بنقول لج هالرمسة .. يعني نحن اخوانج .. تسمعين منا نحن .. احسن من انج تسمعين من حد غيرنا .. غيرناااااااا غيرناااااااااااا كرر ثاني غيرنا ... عسب غاليه تفهم شوه القصد .. ان زوج المستقبل .. زايد: يالله قومي سيري شوفي ابويه ثاني :انته الحين ظهرها من الصدمه اللي حطيتها فيها زايد: اصلا اختيه وانا اعرفها ما بتزعل من رمستيه .. ( وير راسها وحطه في حضنه ) ... ونزل ايده .. لكن غاليه روحها عقب هالحركة .. يرت ايد اخوها .. غاليه :انا آسفة .. زايد: ما سويتي شي عسب تتأسفين غاليه: انته حزت في خاطرك رمستيه .. أنا آسفة .. انا ادري عمريه خجولة بزيادة .. بس ما ادري شسوي ... وما اعرف كيف اغير هالصفة زايد: بتغيرينها ان شاء الله .. مع الايام بتتغير .. بس انتي حاولي .. ثاني: ابدأي فينا .. زايد: شوه تبدأ فيك ؟ ثاني: ياخي تقهرني ما تتفداني .. هههههههههههه زايد: هههههه انته صدقها يوم تقول عنك سخيف غاليه: وانته لازم تسمع يوم اتفداك زايد :احم انا ادري انها تتفداني ثاني: وانا بعد مب اقل عنك انزين . لكن تفدي جدامي .. تتفداك انته جدامي انا .. وتتفداني جدامك ... يعني الكلام الحلو اللي عني تقوله حقك .. والكلام الحلو اللي عنك تقوله عندي .. جنها شلقة زايد: شلقة حرمتتتتك غاليه: تستاهل .. زايد: يالله نشي سيري عند ابويه غاليه: ان شاء الله .. ثاني: غلوي منوه صب عليج البيبسي امس ؟ لااااااااا .. الله ياخذ عدوك يا ثاني .. خلني ساكته .. وخلني لين الحين روحي ما ادري شسوي .. ارتبكت وبان عليها الارتباك ثاني: قولي قولي ما بناكلج .. الا بيبسي وانصب بالغلط .. غاليه: واحد ثاني: اها .. زايد: انزين حصل خير خلاص .. يالله سيري .. سارت غاليه .. حط ثاني ايده ع خده ويطالع اخته وهي سايرة .. ثاني: آآآآآه مأساة هالبنت زايد: ليش تحرجها ثاني: لا والله !.. احلف انته بس .. انا احرجتها وانته ابدا ما احرجتها زايد: انا اخوها العود ثاني: وانا الصغير .. يالله يالله اسكت بس خلاص زايد: الله ياخذ عدوك .. ( وكفخه ع ريلك ) .. ثاني: آآآآآآآآآآآآآي .. يالدب زايد: يالضعيف ثاني: انا وسيم .. جسمي جسم عارضي ازياء زايد: قم قم .. جسم عارضي ازياء .. لو تقول انا بقول هيه معقولة اما انته ! ثاني: انته هــه .. اصلا كل حد يقول عني اني اوسم واحد فيكم زايد: انزين خلاص اوسم واحد .. اسكت سندرت روسنا ... وايد مصدق عمرك ثاني: من حقي ... وتموا زايد وثاني يتناقرون .. ثاني شكله ناسي النت اليوم .. وعيبته اليلسة ويا زايد .. وزايد ما عنده شي فاضي .. قال يكمل وياه .. من زمان مب يالسين ويا بعض هاليلسة ... بو زايد: غاليه سيري ازقري امج غاليه: بتعصب عليه .. خلها الحين بتيي اكيد بو زايد: خلاص عيل .. دامها بتعصب عليج لا تسيرين غاليه: ما اسير عشاني والا عشانها ؟ بو زايد: بيني وبينج عشانج .. بس لا تقولين لها غاليه: هههههههه ويه والله لو سمعتك .. بتقول هذا انتوا .. ادلعون بناتكم اكثر عن حريمكم بو زايد: منوه قال ؟ اصلا امج الخير والبركة .. لكنها تغار غاليه :تغار منييييييي؟ ! بو زايد: ههههههه انتوا حريم تتفاهمون غاليه: لا لا ابويه ما اقدر عليها انا بو زايد: هههه خلاص عيل صخي .. هذي يايه غاليه: هلا والله بعمريه ما ردت ام زايد .. وشكلها مب طبيعي .. بو زايد: شوه فيج ؟ ام زايد: غاليه قومي اتصلي في آمنة بنت عمتج بو زايد: بلاها بنت عذيجة ؟ ام زايد: ما بلاها شي .. بس والله اني متولهه عليها .. ما ادري يت ع بالي فجأة بو زايد: بسم الله غاليه: اصل بها تبين ترمسينها ؟ ام زايد: هيه والله .. اتصلي .. غاليه: ان شاء الله .. يت غاليه بتتصل في آمنة .. ورن مبايلها .. ( مب جنه نفس الرقم مال هذيج المره ؟!.... شكله هو .. ) بندت غاليه في ويه المتصل .. بدون ما ترد بعد ... واتصل تفي ىمنة ع طول ... آمنة: هلا .. .هلا غاليه غاليه: مرحبا آمنة آمنة: هلا والله .. مرحبتين . شحالج ؟ غاليه: الحمدلله بخير . انتي شحالج ؟ آمنة: الحمدلله غاليه: وشحال ميثا ؟ آمنة: الحمدلله ميثا تمام .. شحال خالي وامج؟ غاليه: الحمدلله كلنا بخير آمنة: الحمدلله .. شوه السالفه ؟ تولهتي عليه .. والا تولهتي ع عفرا .. وانا اذكرج فيها هههههههه غاليه: سكتي يا ىمنة والله لا تطرين عفاري .. صدق صدق متولهه عليها من الخاطر آمنة: جان سرتي وياها تونسينها غاليه: تخيلي عاد ! آمنة: عادي هههههه غاليه: ههههه الله ياخذ عدوج .. لا تفتحين سوالف هني وهناك آمنة: ههههه لا لا خلاص ما بفتح .. غاليه: انزين آمنة .. امايه تبا ترمسج آمنة: عطيني اياها .. وعطت غاليه المبايل حق امها .. وبدت ام زايد بالسوالف وتتخبر عن شخص شخص .. ما تدري ليش حست بوله صوب آمنة .. من زمان ما شايفينها .. من يوم سافر ريلها .. هي بعد اختفت .. سلامة: طاااااارق طارق: ييبيه ييبيه سلامة: طارق لا توديه طارق: انتي بلاج يا حرمة .. وايد وسواسية والله سلامة: لا .. اصبر خلني اخلص ..وبيي وياك طارق: انا ابوه يا .. ما ادري شقول عنج سلامة: ما اقدر ما اقدر .. طارق: شوه ما تقدرين سلامة: ما اتخيل تركبه السيارة .. وانته وهو رواحكم طارق: جان ما تدرين هذاك اليوم هزاع ومروان ودوه وياهم سلامة: برايهم هم اثنين واحد يمسكه والثاني يسوق .. اما انته روحك توديه لا طارق: ريال .. كبر كبر ولدج .. بوديه الا هني الجمعية وبرده سلامة: طارق لا تلعوزني طارق: ما ألعوزج وييبيه .. وير طارق ولده عن حرمته سلامة .. طارق: بوديه .. وانتي ما اتين .. وكملي شغلج .. سلامة: طارق والله ما توديه . حلفت طارق: حلفي وكفري روحج .. لا تعلمين الولد جذه .. يطلع جبان ودلوع .. هذا ولد مب بنيه سلامة: طاااااااااارق طارق ( صرخ عليها): قلت لج ما اتين .. وبوديه .. خلاص ما برجع في كلمتيه .. سمعتي ! وظهر طارق من البيت وهو معصب .. وسلامة شويه وبتصيح . اوكيه خل يعصب عادي عندها .. بتراضيه .. لكن ولدها ! .... في بيت الشباب .... عمر: منور بيتنا اليوم .. عبدالعزيز: لا تقول له جذه يصدق عمره ... سالم: هاهاها .. تغااااااار عبدالعزيز: لا حبيبي اعرف مكانتيه في قلب اخويه راشد: ههههه كل واحد لسانه اطول من الثاني سالم: شوه نسوي .. تعلمنا من الكبار هزاع: اقبضوه الحين .. ما يخصني ها .. نزولا عند طلبه وطلب ربيعه يبته استحملوه الحين عمر: ههههه حليله ما سوى شي سالم: يالله متى بنسير نلعب .. اطلع سالم صوب عبدالعزيز .. وعبدالعزيز حول نظراته لـ عمر .. عمر: لا تطالعني ما بتطلع اليوم عبدالعزيز: عمور الله يخليك .. سالم ياي اليوم .. سالم: ليش مانعينك ؟ راشد: شفت حظك هزاع: نحس عفانا الله من يوم يومه عمر: هههههههه حليله هو ما يخصه .. راشد: محد قال حق بعض الناس .. يتأخرون عن صلاة المغرب ... ولا يسيرون المسيد يصلون عبدالعزيز: انزين داهمنا الوقت عمر: داهمك الوقت خلاص عيل .. تتحمل هزاع: هههه حليله سالم: وانته جيه تخلي الوقت يداهمك عبدالعزيز: هذا حمّود قال بنلعب شوط اضافي نحدد الفايز كنا متعادلين سالم: كم كم ؟ عبدالعزيز: 2 / 2 ... سالم: منوه فاز عقب ؟ عبدالعزيز: فريقنااااااااااا هزاع: اقويا عبدالعزيز: رياضيين طال عمرك سالم: وشوه بتفيدك الرياضة الحين .. اخوك ما بيخليك .. عبدالعزيز: عمور الله يخليك .. عمر: لا تحاول راشد: عمر خلاص خله اليوم عسب خاطر سالم عمر: اصلا الوقت متأخر .. ساعه ونص بيأذن المغرب عبدالعزيز: لا لا في وقت عمر: مب لازم تلعبون فالفريج .. سر ييب البلاي ستيشن ... ألعب هني .. انا بلعب وياكم بعد راشد: يالله وانا بعد جان تبون .. ظهر سعيد من قسمه .. سعيد: ما ادري شوه السالفه .. لكني فاضي .. عادي اشارككم ؟ عمر: حياك ( وابتسم ) سعيد: هلا والله .. شحالك هزاع ؟ هزاع: الحمدلله طاب حالك .. انته شحالك ؟ سعيد: الحمدلله بخير دامك بخير .. اوه هكونا متاتا اخبارك ؟ نقعوا من الظحك اللي يالسين .. حتى سالم روحه .. من زمان ما قايل هالجملة .. سالم: الحمدلله هههههه عمر: يالله عبدالعزيز سر .. وخريطة الخرابيط مالتك ييبها يمكن حد اشتها شي منها .. هزاع: شوه خريطة الخرابيط بعد ؟ عبدالعزيز: حلويات .. وحشرات بالعشرات سالم: اوكيه عيل عليه .. سر سر ييب .. هزاع: حق الدح سالم: والله يوعان ما متغدي راشد: حليله .. تبا فريد ايب لك غدا ؟ .. زاد الغدا عندنا وايد بعد .. عمر: اتصل اتصل المطبخ قول حق فريد اييب سالم: لا لا ما ابا والله سعيد: ما متغدي مب زين سالم: ما اباااااا هزاع: خلوه عنكم .. لو يبا ما بيستحي سالم: صدقه خالي راشد: وين مروان ؟ عبدالعزيز: معتكف فالحجرة هزاع: انا بصعد له .. مروان: لا تصعد لي انا ييت .. وتوه نازل .. مروان: اخباركم ؟ هزاع: الحمدلله .. انته اخبارك ؟ مروان: تمام ( صد صوب سالم وابتسم)... واخيرا شرفت بيتنا سالم: بعد طول عناء .. خالي حبيبي يابني سعيد: هههههه ما يقولون الكلام الحلو الا لو سويت لهم شي هزاع: عادي تيكت ايزي .. سالم اكبر خريط .. سالم: حليلي .. انته ايه نش يالله عبدالعزيز: متعايز .. سالم: يبالك كفخه ثانية .. تنششك .. صخوا .. كلهم صخوا .. كف ثاني ؟!... جدام عمر ؟.. سعيد تغير ويهه .. حتى هالياهل يعرف السالفه ؟... عيل ما باقي يعني الا عمر ؟ ويمكن عمر يدري وما قال شي للحين .. معقولة عمر يدري اني صفعت عبدالعزيز ولا يقول لي شي ؟ لكن عبدالعزيز روحه تدارك الموضوع .. عبدالعزيز: انته روحك سر اركظ ع هالدري .. وشوف بتتفخ ستميت الف كفخه والا سالم: محد قالك تركظ عبدالعزيز: ياخي كيفي كنت مستعيل سالم: ع شوه مثلا مستعيل ! عبدالعزيز: ما يخصك هزاع: بديتوا عبدالعزيز: عادي عادي ... نحن ننياز راشد: ههههه حلوة هاي نحن ننياز .. مروان: يالله سر انته ذليتهم عبدالعزيز: وانته شدراك شوه بنسوي الحين ؟ مروان: كنت واقف فوق .. اطالع شوه تسوون عمر: تراقبنا مروان: نعم نعم للحين مروان وسعيد ما رمسوا بعض من يوم العيد .. وسالم كان قصده الدري .. بس يابها بطريقة كأنه يعرف ان سعيد كفخه .. وهو لا يدري بشي .. سعيد عقب هالحوار .. درا ان عمر ما يدري للحين .. فـ الله يستر .. وعمر عادي .. طبيعي .. ما حس بـ شي .. اما هزاع ومروان وعبدالعزيز وراشد حمدوا ربهم ان عبدالعزيز روحه تدارك الموضوع .. وهاي اصلا مهمة مروان كل مره .. لكن مروان اليوم مب ع بعضه !.. فـ عبدالعزيز تولى المهمة بداله .. شمسة: وين ؟ عذيجة: سار ويا هزاع شمسة: وين انزين ؟ عذيجة: بيت خالج سيف الله يرحمه شمسة: متى ساروا ؟ عذيجة: من شوي شمسة: وليش ما قالي ؟ عذيجة: تسأليني انا !... وبعدين ما ساير مكان .. عند الشباب خله يستانس هناك احسن من طولت لسانه عندج والا عندنا ع الفاضي شمسة: صالح اونه الحين بيمر وراه عذيجة: لا خليه .. هزاع وهو راد البيت بيرده شمسة: امايه الله يخليج .. حبيبتيه .. اتصلي بـ هزاع قولي له يرده البيت ... انا مب متفيجه اتصل .. هزاع بيلعوزني .. وانا فيه رقاد عذيجة: وانتي يوم تعبانه جيه ما اتين هني ؟ شمسة: لا في بيتي احسن لي .. عذيجة: صالح عندج ؟ شمسة: هيه يالس فالصاله .. يعابل اجهزته عذيجة: هيه زين .. لو بغا يطلع . قولي له اييبج صوبنا .. مب زين اتمين روحج فالبيت شمسة: ان شاء الله .. عذيجة: يالله حبيبتيه .. نوم العوافي شمسة: تسلمين الغاليه عذيجة: وهالله هالله في عمرج شمسة: ان شاء الله .. وبندت شمسة عن امها ... وع طول دخل عليها صالح ... صالح: ها اسير ؟ شمسة: لا .. هزاع مظهرنه وياه صالح: وين ؟ شمسة: بيت خالي سيف .. عند عبدالعزيز صالح: وليش ما يقولون ؟ شمسة: هم يقولون ؟ ... ولدك لازم يتصل يقول .. صالح: هذا الولد يسوي كل شي ع هواه شمسة: انته ما بتسير مكان ؟ صالح: لا وين اسير ؟ ... وانتي هني روحج شمسة: انا عادي .. بحط راسي وبرقد ... صالح: لا لا .. شمسة: عادي والله .. صالح اطلع لو تبا تطلع .. صالح: ما ابا شمسة: انزين .. ودني بيت ابويه .. وانته سر المكان اللي تباه صالح: انا اعرف انج ما ترتاحين هناك .. وترتاحين هني اكثر ... فـ خلاص ... ما بطلع ورقدي .. بند الليت ... صالح: انا فالصاله يالس .. لو بغيتي أي شي .. زقريني شمسة: ان شاء الله صالح: يالله تمسين ع خير ... وسار صالح يكمل معابلة اجهزته ... وشمسة حطت راسها ورقدت ... نرد صو طارق وسلامة والمأساة .. رد طارق..لكنه ما سار الملحق ماله ... ولا سار عند حرمته .. سار فلة ابوه .. صوب امه ... ولانه يدري ان حرمته الحين شاله الدنيا ع راسها .. طرش ولده ويا البشكارة ... سلامة: where is sir? .......: with big mam سلامة: Ok .. thank you وسارت الخدامه عقب ما ابتسمت لـ سلامة .. وردت سلامة الابتسامة سلامة: حبيبي وين وداك ابوك ... وولدها مستانس ... وخدوده محمرة من الحر .. سلامة: ويه ط الخدود ... انا يا ربي .. ويوم اقول حق ابوك يزعل ... ونست سلامة طارق وانه زعلان .. وهي تعابل ولدها .. وخدوده الحمر .. آآآآآآع تعتبر ازمه بالنسبة لها .. !!!! ******* |
الجزء الـ 35 حياتهم ماشيه طبيعية رغم الجوالبارد .. والثلوج اللي مغطية المكان ... رغم ان الأرض كلها ماي .. هذا يتمشى .. وهذا يلعب ويا ولده في هالجو .. وهاي طالعه تسوق .. عايشين حياتهم ... اما ربعنا اللي خلاص تعودوا ع هالجو ... موجودين .. فالمستشفى ... عفرا ورملة ... يتحوطن فالمستشفى ... نزولا عند رغبة رملة ... وعفرا سارت وياها ... واحمد عند الدكتور .... عفرا: لا لا مابنسير هناك رملة: حلو تعالي بنستكشف عفرا: هيه عسب اخوج يستكشف رووسنا .. وهن يتمشن .. شافن وحده .. عفرا اول مره تلتقي بها .. ورملة ملتقية بها من قبل ... وهي بدت بالسلام حصيص: السلام عليكم عفرا: هلا وعليكم السلام رملة( شافتها من فوق لين تحت ): اهلا حصيص: شخباركم ؟ عفرا: نحن بخير حصيص: وين سايرين ؟ عفرا مستغربه .. هاي منوه ؟ ولا تسأل بعد بكل جرأة .. حصيص: عادي ايي وياكن ؟ رملة: ليش ؟ .. ما عندج حد تسيرين وياه ؟ حصيص: لا ... امايه مرقده هني .. وابويه يالس وياها .. وانا روحي عفرا ( كسرت خاطرها حصيص): تعالي حبيبتيه .. بنتمشى .. حصيص: وين تبن تسيرين ؟ انا حافظة المستشفى .. رملة: ليش الأخت عايشه هني ؟ حصيص: لا .. ما عايشه هني .. لكن من يوم انولدت وانا ايي هني .. عفرا: رملة خلاص رملة: هي قاهرتني .. وايد حطت عليه .. هذاك اليوم حصيص: ما حطيت عليج .. انتي اللي كنتي تصيحين رملة: وانتي تميتي يالسه تتمنظرين حصيص: شسوي فيج يعني ؟ عفرا: بالهداوة .. بس بس .. حصيص: هي بدت رملة: انتي اللي بديتي ... حصيص: انا يلست ع الارض .. وما صدقت سمعت انج من دبي .. عسب اكون ربيعتج .. بس انتي خقاقه رملة: انا خقاقه ؟!.. والا انتي خقاقه !.. بلبسج هذا !... حصيص: ترمسين عن لبسي ... شوفي عمرج شوه لابسه !.. والله انا هذا ستايلي .. متعوده عليه .. عفرا ناقعه من الظحك .. هالهنتين شكلهن بيجلبن المكان .. لا وبعد ستايل !!... ما شاء الله .. نحن وايد علينا يس ونو .. ويرمسن عن اللبس .. نفس الشي انزين !!.. لا في فرق شويه ! حصيص .. لابسه تنورة قصيرة ... وهيلا هوب صوف ... وبوت طويل .. وقميص هاي نك وفاله شعرها .. اما رملة .. فـ لابسه بنطلون جينز .. وفوقه تنورة قصيرة ..وجوتي رياضه .. ورابطه الجاكيت في وسطها وقميص هاي نك .. ومسويه شعرها ذيل حصان .. عفرا: يا بنات يا بنااااااااااااااات .. خلاص .. بنسوي اتفاق .. حصيص: اختج اطيب عنج .. رملة: هههههههههههههههههه منوه اختيه ؟ حصيص: هاي .. رملة: لا هاي مب اختيه .. اميه تصدقين حصيص: صدق ؟ ما يبين .. هاي صغيرة .. شرات بابا عيل رملة: شوه شرات بابا بعد ! حصيص: ابويه كل حد يشوفه ما يصدق انه ابويه .. يقولون انه اخويه العود .. رملة: والله ! حصيص: هيه .. ( وحبت تغايظ زيادة ) .. ابويه وسيم رملة: وانا اخويه وسيم حصيص: منوه اللي شفته هذاك اليوم ؟ رملة: هيه حصيص: فيه شعر ابيض رملة: مالت عليج .. شعر ابيض دليل ع الجمال حصيص: منوه قص عليج عفرا: بسسسسسسس صخن الهنتين .. عفرا: شوفن .. مدام نحن برع .. رملة: وين برع ؟ عفرا: رملة بلا استهبال .. حصيص: قصدها مدام نحن هني .. مب في دبي عفرا: هيه .. مدام نحن في ألمانيا مب فالبلاد .. لازم نكون ربع .. حصيص: هاي ما ادري شوه تقرب لج ما تبا رملة: انا اسمي رملة حصيص: وانا اسمي حصيص رملة: وايد تدلعين عمرج ؟! حصيص: اففففف انتي بلاج عفرا: يا ربييييييييي .. اذا تميتن جذه .. رملة صدقيني .. بقول حق احمد يرقدج من الحين .. وحصيص ما بنشوفج مره ثانية خير شر حصيص: حرام عليكم والله ... انا روحي ملانه ما عندي حد .. غير ابويه وامايه .. امايه من اول ما يينا وهي راقده هني .. وابويه يوم نيي المستشفى يتم يالس وياها من الصبح لين فالليل .. وانا اتم روحي .. ملل والله ملل .. ما خليت الدكاتره كلهم تعرفت عليهم بس ملل .. ابا ارمس حد من البلاد .. ابا ايلس ويا بنات كبري .. ما صدقت شفت هاي وابا استوي ربيعتها وهي تتخقق عليه .. رملة :انا اسمي رملة حصيص: اوكيه رملة .. عفرا ساكته وتطالع حصيص... حليلها شكلها مكبوته البنيه صدق .. وتبا حد وياها .. وهاي رملة الدفشة .. يالسه تلعوزها .. عفرا: خلاص نتفق من الحين .. حصيص: خلاص ... اذا انتوا ما تبون .. انا بسير عند ابويه .. ما ابا ايلس هني وهاي اتم تحط عليه.. عفرا:رملة بسرعه اعتذري .. رملة: انا اعتذر ! عفرا: هيه وبسرعه قبل ما اخبر احمد .. رملة: هه خبريه ما بعتذر ما غلطت عفرا: بلا غلطتي واعتذري .. والا والله اقول حق احمد ما نرد البيت الا يوم يرقدونج هني رملة: حرام عليج .. عفرأ: كيفج عاد انتي .. رملة: انزين ما غلطت عفرا: قلت لج اعتذري رملة: اوكيه آسفة عفرا: حصيص انتي بعد اعتذري حصيص: انا آسفة عفرا: خلاص .. من الحين .. نعقد اتفاق .. نستوي ربع .. حصيص: اوكيه انا موافقة .. رملة: خلاص .. وانا بعد .. عفرا: وما تحطن ع بعض ولا تعلقن .. ولا تتناقرن رملة: اوكيه .. حصيص: ماشي يا افندم .. وظحكن هن الثلاثة .. حصيص: يالله اوديكم الجولة ؟ عفرا: يالله .. رملة: بس اماكن تخوف ما نبا حصيص: وين اماكن تخوف مثلا العمليات ؟ ... بوديج اماكن حلوة .. وبدت جولتهن .. وطبعا كل دكتور يمر والا كل سستر .. حصيص تسلم عليهم او هم يسلمون ... ما مخلصه حد صدق فالمستشفى الا ومتعرفه عليه .. وهن يتمشن .. شافن علي .. حصيص: هذو عمي علي .. عفرا ( فتحت ثمها): عمي علي ! رملة: هذا مب جنه ريل اختج عفرا: هاللي اعرفه .. حصيص: تعرفونه ؟ عفرا: تعرفين حصه ؟ حصيص: حرمته ؟ عفرا: هيه .. حصيص: هيه وكيف ما اعرف خالوه حصه ...! علي: مرحبا بنات .. عفرا: اهلا حصيص: عمي علي شوف .. علي: ما شاء الله اشوفكن تعرفتن ع بعض .. عفرا: علي هاي بنت اخوك ؟ علي: منوه حصيص ؟ عفرا: هيه علي: لا رملة: هي تقول عمي .. حصيص: عمي من الاحتراااااااام .. علي: هههههه ردت عليكن .. ام لسان .. لا والله اتعرفت عليها حالي حالكن .. واستويت عمها عفرا: هييييييييييه .. علي: والله زين زين .. حصيص: يالله بنكمل جولتنا نحن علي: أي جولة رملة: اونه مسويه لنا جولة فالمستشفى علي: هيه عيل اذا جذه .. بتندلن كل المستشفى .. وبدخلكن كل مكان .. الا غرف العمليات .. حصيص: ما شاء الله عليه علي: ههههههه هيه ما شاء الله عليج .. عفرا: علي حصه ردت هني ؟ علي: هيه .. عفرا: وينها ؟ علي: في نفس الحجرة .. لكن راقده الحين .. حاسه بتعب بسيط عفرا: اصلا كان يبين عليها امس علي: هي اصرت .. قلت بنغير جو وبنيي وياكم .. ندمت الحين والله عفرا: يالله ما عليه .. ان شاء الله ما عليها شر .. علي: يالله اخليكن عاد .. عفرا ما اوصيج عليهن عفرا: اكيييييد حصيص: لازم تقولي انا .. لان انا اللي حافظة كل شي هني علي: اوكيه ما اوصيج انتي عليهن رملة: وين احمد ما شفته ؟ علي: كان عند الدكتور يوم سرت انا هناك .. رملة: امييييه هذا احمد يخوف بلاه اليوم طول الوقت هناك .. عفرا ( غيرت السالفة ): نسير نسير .. يالله مع السلامه علي علي: مع السلامة .. ومشن البنات ... نص الممر .. وقفت رملة .. ومسكت راسها .. حصيص: شوه فيج ؟ عفرا: رملة رد العوار ؟ هزت رملة راسها كأنها تقول هيه .. ويلست ع الارض .. عفرا: قومي بنيلس هناك .. رملة: ما اقدر اتحرك .. يلسن عفرا وحصيص وياها ع الارض .. وتمت عفرا تمسح ع راس رملة وتقرا شوية آيات ... اللي منزلة راسها وماسكتنه بايدها .. تحس شويه وبينفجر .. وحصيص تطالعهم ... حصيص: بسير اييب لها ماي .... سارت حصيص دقيقتين .. وردت في ايدها ماي .. حصيص: شربيها .. عفرا: رملة شربي.. يالله شربت رملة الماي .. وردت لوضعها مره ثانية .. ونزلت راسها .. حصيص: شوه فيها ؟ عفرا ( رفعت راسها وابتسمت ): راسها يعورها حصيص: من شوه ؟ انا هاك اليوم يوم شفتها بعد .. دريت ان يبون يسوون لها عملية .. عفرا: هي .. واخوها اللي ويانا احمد .. مسوين حادث .. حصيص: انزين عفرا: وهي الحادث أثر ع راسها .. وبدا صداع اييها منه .. فـ الحين نحن يينا هني .. عسبها .. عسب تتعالج .. حصيص: اويه حرااااام اكتفت عفرا بالابتسامة .. شوه تقول حق حصيص.. هي روحها قلبها يعورها ع رملة .. اللي ما يدرون شوه حالها !!! .... مر واحد صوبهم .. حصيص: اوه .. الوسيم .. شخبارك .. عضت عفرا ع شفايفها .. لا .. هاي صدق تخبلت .. عاد وانا وياها لازم تسلم ع هذا !.. مب لازم !!. والاخ وقف مكانه .. وكان لابس كاب .. نازل وايد ع عيونه .. رفعه شويه .. وتم يطالع بنظراته اللي يبين عليه ان هو مب أي شي !.. ومب أي حد !.. بدر: عفوا .. بس عندكن مشكلة .. حصيص: هيه عندنا مشكلة .. بنتنا تعبانه .. و مدوخه .. وراسها يعورها وفيها صداع .. ممكن تشلها يا بو عضلات وتحطها ع الكرسي .. عفرا انصدمت صدمتين .. اول صدمه ان حصيص حطتها في ورطة .. بطلبها هذا .. وبأسلوبها! ثاني ورطة .. ان هذا هو الريال نفسه اللي كان وياهم فاللفت .. بدر شكله عرف عفرا .. ورملة .. وحصيص روحها متعرفه عليه من زمان .. لكن ما علق .. بس .. بدر: ازقر لكم الدكتور ؟ حصيص: لا لا .. ما نبا دكتور روحها شارده من الدكتور ... بدر: شاردة من الدكتور؟! حصيص: اقصد يعني ما تبا الدكتور .. بس شلها .. عفرا ( بارتباك ) : لا شكرا .. حصيص: خليه يشلها عفرا: قلت لج لا .. سكت بدر يوم عفرا رمست ... وتم يطالعها .. شكلها كيوت وهي نازلة للأرض عسب خاطر رملة .. ووياها هالبنتين .. الصغار ... حصيص: استاذ بدر لو سمحت بدر: خير ؟ حصيص: لا اتم تطالع هالكثر .. وشل البنيه قلت لك .. قفط بدر من الخاطر .. وعفرا اكثر منه .. هاي صدق خبلة !.. بس اللي يا توه ... انقذ الموقف .. احمد: شوه مستوي ؟ حصيص: اختك .. راسها يعورها احمد: اوه بدر شحالك ؟ بدر ( مستغرب) : الحمدلله بخير .. انته اخبارك ؟ احمد: تمام والله .. بدر: لحظة انته .. امممم احمد ( أبتسم ): احمد .. ريل آمنة بنت خالتك .. وجنه حد صب ع عفرا ماي بارد .. بدر ؟!.. هالاسم ... اللي يحمل بين طياته كل الكبرياء والغرور هذا بدر ؟ .. .اللي يرمسون عنه هزاع ومروان وما يطيقونه خير شر ؟!.. هذا بدر اللي عفرا كرهته وكرهة طاريه قبل ما تشوفه ...؟ .. هذا بدر ؟! وبدر يقول في خاطره .. اكيد... هاي آمنة عيل .. حرمته .. وهاي بنتهم يمكن ؟!.... بس ما يليق! بدر: يا هلا .. احمد( نزل لمستوى رملة ) : رملة .. رملة: خلاص .. استويت زينه حصيص: خلاص راح الصداع ؟ رملة: هيه احمد: متأكده؟ رملة: هيه عفرا: نشي .. رملة: بس ابا ارقد .. عفرا: خلاص احمد نرد الفندق حصيص: حرام بتردون الفندق !! احمد: ما عليه يا حلوة انتي .. بنيي عقب او باجر ان شاء الله .. لان رملة تعبانه حصيص: حليلها .. انزين خلاص .. انا برد صوب ابويه احمد: ادلين الطريج ؟ بدر :ما عليه انا بوديها حصيص: ادله .. ادله والله ادله بدر: انزين ما عليه بيي وياج حصيص: اوكيه .. تونسني ... احمد: يالله فمان الله .. حصيص: مع السلاااااامة .. ساروا بدر وحصيص في صوب .. وعفرا واحمد ورملة .. في صوب .. في بيت ام فهد .. وديمة: انزين والله .. ابا اسير ام فهد: انا ما يخصني .. والله ما فيه يا وديمة ع الطلعة وديمة: امايه الله يخليج ... ما عندي لبس محترم ... ام فهد: عنبوج هالكثر خرابيط مكوده فالكبت وما عندج بعد ! وديمة: امايه ما يستوي .. هي ربيعتيه انا وايد وياها تخيلي عاد اسير العزيمة وانا لابسة كجرة ام فهد: وليش تلبسين كجرة ؟ ... وديمة: كل اللي عندي كجرة ام فهد: اتصلي في اختج جانها تقدر تسير وياج .. عقب ما تشاور ريلها وديمة: لا .. ما ابا اسير ويا بدور ام فهد: ليش؟ وديمة: بدور مشغولة هالايام ... مب فاضية لي ام فهد: عيل انا بعد ما اقدر .. نفس الوقت نزل فهد من فوق .. اول ما شافته وديمة سكتت ... ام فهد: سيري فهد بيوديج .. صخت وديمة.. يعني لازم يفشلونها جدام هالفهد !..... ولازم تستوي ازمه بينها وبين هالفهد .. فهد: وين تبا تسير ؟ ام فهد: تبا تسير تشتري لها بدلة حق عزيمة ربيعتها فهد: أي ربيعة؟ ام فهد: ربيعتها شدراني أي ربيعة بعد ؟ فهد: قالت لج قبل ما تفكر تشتري لها البدلة .. انها بتسير . ام فهد: هيه قالت لي .. وانا اذنت لها .. فهد: اها انزين ( صد صوب اخته )... بلاج ؟ وديمة: ما فيني شي ...... فهد: خلاص قومي تلبسي وبوديج .. وديمة ( فاتحه ثمها): ها ! ام فهد: شوه هاي ها بعد ؟!.... فهد: اقولج نشي تلبسي بوديج .. وين تبين تسيرين ؟ وديمة: أي مكان فهد: كيف يعني أي مكان ؟ اوديج المطعم مثلا بتشترين لج لبس من هناك ؟! ابتسمت وديمة ابتسامة مصطنعه ... اونه يبا ينكت ... ما يليق يا اخي ! فهد: يالله قومي ...... وقرري وين وديمة: انزين .. نشت وديمة وسارت فوق .. يا ربييييييييي.. الله يهديج يا امايه وهقتيني ... انا اطلع ويا فهد رواحنا !... امييييييه .. مأساة والله .. بعيش حالة ... اقصد حالات من الرعب لين ما ارد البيت .. شوه هالورطة .. لو كنت قايلة لها خلاص ما ابا جان واااااايد احسن .. من اني اسير ويا فهد ... انا وهو رواحنا !.. في الملحق .. ملحق طارق وسلامة .. طارق .. يالس فالصاله .. وحاط ريل على ريل .. وماسك الجريده يقراها .. والجريدة وايد جريب من ويهه .. وسلامة يالسه ع صوب وولدها يلعب جدامها ... سلامة: طارق .. ما رد .... سلامة: طارق .. طارق: شوه ؟ سلامة: طارق بلاك ؟ طارق: ما فيني شي سلامة: طارق عن الحركات .. ادري انك زعلان مني .. طارق: والله زين يوم تدرين سلامة: انزين ليش؟ طارق: انتي ادرى سلامة: عسب سالفة امس طارق: يوم تدرين جيه تسألين سلامة: طارق حرام عليك .. انا مب متعودة منك هالاسلوب .. طارق: تعودي عليه سلامة: انزين نزل الجريدة طارق: ما في شي مهم هني عسب اودر الجريدة واتابعه انصدمت سلامة !!... اتعود عليه !... وما في شي مهم ... سكتت .. ما ردت عليه ... وهو ما علق ولا قال شي بعد .. مرت تقريبا 10 دقايق ... ومحد فيهم رمس ... سار عامر عند امه ... وقام يصيح .. شكله يبا يطلع برع ... وامه ما معبرتنه ... ومسوتله اكبر طاف.. لين صاح .. وهي بعدها ما معبرتنه ... وهو صاح زيادة ... نزل طارق الجريدة ... يشوف شوه السالفه .. شاف الام ويا الولد يصيحون ! طارق: سلامة ! سلامة: اسكت لا ترمسني ... شل ولدك وسير ... طارق: بلاج ؟ سلامة ( صرخت ): قلت لك اسكت .. عرف طارق .. انه زودها حبتين عليها .. لان سلامة فعلا مب متعودة ع هالاسلوب منه .. هو لازم كان يعودها من البداية ... او بالاصح من اول ما يابوا هالولد .. كيف هي لازم تعاملة ... وما يخليها ع كل صغيرة وكبيرة تصيح عسبه .. او تخاف عليه .. نش طارق ... سار اتصل بصالة الفيلا ..... قسم قوم امه .. ويت البشكارة .. عطاها عامر .. توديه عند امه .. يلعب هناك ويسكت ... عسب يصفي الماي المعكر اللي هو زاده تعكير ..... سار يلس حذال حرمته ... طارق: سلامة .. ادري انج تضايقتي من اسلوبي ورمستيه ... وادري انج زعلتي .. لكن انا من امس زعلان عيل .. وانتي مب مهتمه سلامة: منوه قالك مب مهتمه ؟ ... انا قلت بتهدى.. وبترد شرات ما كنت ... يوم شفتك استمريت وما تعبر .. رمستك براضيك ترد عليه بهالطريقة .. طارق: انا مب قصدي مب مهتمه تراضيني والا ؟!.... اصلا انا مب ياهل عسب ازعل ع انج ما راضيتيني ... انا زعلان من اسلوبج .. وطريقة تربيتج للولد ... سلامة .. هذا ولد .. انتي معلمتنه ع الخوف ... انا ابوه بطلعه عادي ما فيها شي !..... كمل سنة الولد الحين ... الناس عيالهم اعمارهم 5 شهور و7 شهور يظهرونهم ... انتي تخافين ؟!...... هاي مب طريقة والله مب طريقة.. سلامة ( مسحت دموعها): انته تعرف انا كيف .. مب الا توك ماخذني طارق: اوكيه .. انا اعرف انتي كيف .. اعرف عدل .... انتي حساسه ورقيقة .. ووايد تخافين .. ووايد جبانة .. انا اعرف .. لكن ارد اقولج .. هذا ولد .. مب بنت .. هاي تربية ومسؤولية .. هو بعد بيطلع شراتج .. خواف وجبان .. وحساس ورقيق .. وهذا اكيد غلط .. لانه هو ريال سلامة: الحين هذا كله ليش اني ما خليتك تظهره امس ... وآخر شي شليته غصبا عني وظهرت طارق: هيه بشله غصبا عنج .. لانج انتي غلط .. سلامة: انا غلط ! طارق: هيه غلط . سلامة .. فهميني .. سلامة: انا فاهمتنك طارق: عيل خلاص .. دامج فاهمتني .. تغيرين اسلوبج ويا الولد .. تغيرين طريقة تربيتج له سلامة ( سكتت ونزلت راسها ): ان شاء الله طارق: ان شاء الله من ورا خاطرج ... سلامة: لا طارق ( أبتسم): خلاص عيل .. مسحي دموعج .. ونشت سلامة بتسير .. طارق: وين سايرة .. سلامة: بسير اغسل ويهي طارق: ما بتسيرين بيت ابوج اليوم ؟ سلامة: بلى .. آمنة اختيه بتيي طارق: خلاص عيل .. تزهبي .. وخلصي وبنسير .. في بيت يوسف ... يوسف: عمر عمر: هلا عمي .. يوسف: مب ناوي تعرس؟ عمر كان مبتسم .. ويوم طرا عمه العرس... اختفت الابتسامة ... هالسؤال وراه 100 شي وشي يوسف: اشوفك سكت عمر: لا .. بس يوسف: شوه لا ؟ عمر: شوه مناسبة هالسؤال ؟ يوسف: ما شي .. بس جذه طرى على بالي عمر: لا عمي مب ناوي اعرس الحين يوسف: شوه تتريا بعد ؟ عمر: ما اتريا شي يوسف: لا تخاف .. من المهر والشبكة ومصاريف العرس كلها .. سواء صغيرة والا كبيرة .. كلها عليه عمر: لا عمي .. انا اذا بغيت ونويت اعرس ... هذا كله ما يهمني ... عندي الحمدلله يوسف: انا عمك .. انا اقولك بدفع .. عمر: انزين يوم بنوي ان شاء الله .. يصير خير يوسف: انزين متى ناوي ؟ بلاه عمه اليوم مصر ع هالسؤال !.. شوه فيه ؟! عمر: مب ناوي الحين يوسف: تتريا اخوانك لين يعرسون ؟ وصلنا للمطلوب !...... عمر: اتريا راشد ومروان .. يوسف: انته كله همك هالاخوان ... وما تفكر في عمرك ؟ عمر: عمي لا تفتح هالموضوع يوم انه يكدر خطرك .. ويخليك تعصب يوسف: اصلا انا ما عرفت النكد الا يوم ييوك هالاخوان .. عمر: اخواني .. يوسف: اخوانك .. تربية سارة .. مش تربية سيف عمر: تربية سارة وسيف.. يوسف: لو تربية سيف.. جان ظهروا شراتك .. يعرفون الواجب ويعرفون الاصول .. عمر: عمي انته اللي ما تبا تشوفهم يوسف: هم يوني وانا طردتهم ؟!...... هم جربوا صوب بيتي وانا ما استقبلتهم ؟..... عمر: انته اللي مب معطنهم فرصة يوسف: لا تدافع عنهم يا عمر ... هم غلط وانته تعرف انهم غلط عمر: والله ادري انهم غلط . لكن انته ما تطيقهم يوسف: اكيد ما بطيقهم يوم امهم سارة عمر: سارة امي بعد يوسف: بالاسم .. عمر: دمها في عروقي ... واسمها محفور في قلبي .. لو منوه ما يكون .. حاول ينكر هالشي ما بيقدر يوسف: انزين بس اسكت .. ما ابا اسمه هالطاري .. سكت عمر . يوم انك ما تبا تسمع هالطاري جيه تفتحه من الأساس !..... نفس الوقت وصل زايد ...... زايد: السلام عليكم عمر : وعليكم السلام زايد: شحالك عمي ؟ يوسف: الحمدلله بخير زايد: اخبارك عمر ؟ عمر: الحمدلله يوسف: وين اخوك؟ زايد: ما ادري طلعت من البيت وهو كان مب موجود يوسف: ما يقر يا ع الانترنت ...... او طالع زايد: حياته الشخصية ع قولته يوسف: خل يعرس ويقر .. ابتسم عمر ابتسامة عريضة.. وزايد يأشر له بالحركات .. شوه السالفه؟ .. وليش يظحك ! يوسف: سيروا الصاله .. كمال مسوي حلويات .. وطالب من برع .. زايد: تدري عمي .. مشتهي والله آكل شي حلو يوسف: سيروا عيل وانا لاحقنكم زايد: يالله قم عمر .. ساروا زايد وعمر الصالة .. شافوا طاولة الطعام .. مترووووووسة .. فعلا مما لذ وطاب .. ومن غرائب وعجائب الكاكاو ... زايد: عجييييييب عمر: اول مره ؟ زايد: ههههه من زمان ما ماكل شي جذه .. حلو عمر: اطلب زايد: مب متفيج .. وبعدين عمي خلاص اكتسب خبرة من هالشي ما شاء الله عليه .. عمر: وانته ليش ما تعرس ؟ زايد: تعال صدق .. ليش ظحكت مساعه ؟ عمر: هههههه عمي .. قابضني عرس وعرس .. ومن ناوي !..... زايد: ليش يعني ؟ عمر: ما ادري والله .. شكله ناوي علينا كلنا اليوم زايد: زين ما قالي عمر: بيقولك اصبر .. بجرجه الحين بذكره انه ما قالك زايد: اتأدب عمر: هههه جيه يقولنا نحن وانته لا ؟ زايد: والله عمي يعرفنا واحد واحد .. فـ الاعقل ما يعرس الحين عمر: شوه قصدك نحن خبايل ! زايد: هههههه لا لا محشوم يا بو عبدالعزيز .. عمر: انزين قم نسير ناكل .. عيسى: انا ابا اظهرها ناعمه: تعرف ان امها ما بطيع عيسى: وشوه فيها يعني ؟ ناعمه: صعبه صدق عيسى عيسى: انا ما عليه منها ناعمه: لا والله ! عيسى: احمد قالي تدلع بنتي ... وتسوي لها أي شي تباه ناعمه: وهي قالت لك ابا اطلع ! عيسى: لا .... بس انا حاس فيها .. ناعمه: يالله عاد عن الحركات .... عيسى: والله كيفي بنت اخويه .. وتوها آمنة نازلة من فوق .. وشاله بنتها ناعمه ( بصوت واطي) : هذي يت قولها .. آمنة: وين عموه عيل ؟ ناعمه: راقده .. آمنة: حليلها .. ناعمه: ط البنوته الحلوة كااشخه وحطت بنتها ع الارض .. وعاد بدت المشاغبة .. بالتخريب ..... عيسى: هههه تدلع بعد ناعمه: خقاقه طالعه ع ابوها آمنة: لو سمحتي ناعمه :ههههههه اوه نسينا نسينا ان عنده محامين دفاع هني بعد عيسى: ام ميثا آمنة: نعم عيسى: ممكن يعني اظهّر ميثا ويايه سكتت آمنة .. طلب صعب .. من شخص اصعب ...... والمشكلة والمصيبة انها ما تقدر تقول لا !..... ناعمه: شفت ... ما تبا عيسى: هي ما ردت آمنة: وين تبا توديها ؟ عيسى: أي مكان ... هو الاحتمال الاكثر شعبية .. سنتر من السناتر آمنة: منوه وياك ؟ عيسى ( ابتسم): روحي آمنة: انزين .. اليوم بسير بيت ابويه .. فـ آسفة .. اسمح لي . باجر جان بغيت ؟ عيسى: اوكيه مب مشكلة .. باجر .. بوديها ...... آمنة يالسه تقوله انزين .. واوكيه ... وما عليه .. كل هذا من ورا خاطرها ... ما تباه اصلا يوديها .. بنات ام هزاع !..... معروفات بجبنهن .. ناعمه: غريبة ما قلتي لا آمنة: وليش اقول لا ؟! ناعمه: لا لكن انتي معروفة .. بنتج ما تطلع روحها .. الا لو انتي وياها او ابوها ... ابتسمت آمنة . وتقول في قلبها .. يا ريت لو تدرين باللي في قلبي يا ناعمه ...... عيسى: اوكيه عيل انا استأذن .. ناعمه: وين بتسير ؟ عيسى: بسير ويا ربعي .. قولي حق امايه يوم بتنش ... ناعمه: انزين ... وسار عيسى .. ناعمه: انتي متى بتسيرين بيت ابوج ؟ آمنة: عقب شويه .. سايق ابويه بيي ناعمه: وليش سايق ابوج ؟.... سايقنا موجود آمنة : لا .. يمكن احتجتوه .. بسم الله ناعمه: مب من بعد البيت آمنة: يعني ما تدرين سايقكم .. ما يصدق حد يقوله وصلني .. يطول الدرب ع الفاضي .. ولا عقب ما ادري وين يسير .. ونتم ندوره سنة .. ناعمه: ههههههه في هاي صدقتي ... عيسى وهو فالسيارة ....... ساير ... رن مبايلة ... والرقم من برع .. يعني اكيد احمد .. عيسى: هلا والله بـ ابو ميثا احمد: اهلين .. عيسى: اخباركم ؟ احمد: الحمدلله بخير .. ومن صوبكم ؟ عيسى: تمام والله احمد: امايه شحالها ؟ عيسى: كلنا بخير الحمدلله .. يسرك حالنا .. رملة شخبارها ؟ احمد: الحمدلله .. عيسى: ها .. شوه سويتوا اليوم فالموعد ؟ تنهد احمد .. عيسى عرف ... عقب هالتنهيده اكيد في شي ... يكدّر ... اكيد احمد: الدكتور قال بيسوون لها عملية في راسها .. عيسى: انزين ... شوه وضعها بيكون ؟ وهل بتكون خطيرة ؟ احمد: هو يقول انها مش خطيرة .. بدرجة كبيرة .. لكن العمليه تحدد .. هل راح يقل مستوى استيعابها وذكائها يوم تكبر والا ! عيسى لا اله الا الله .. هي وينها الحين ؟ احمد: في حجرتهم .. عيسى: متى بيرقدونها ؟ احمد: نهاية الاسبوع عيسى:والعملية ؟ احمد: اليوم الثاني على طول .. عيسى: قلت لها ؟ احمد: للحين لا ... بس هي الصداع عندها زاد وايد عيسى: كيف يعني زاد ؟ احمد: يعني عادي ونحن نمشي فالشارع ... تيلس ع الارض وتمسك راسها .. اليوم انا خطفت صوبهم عقب ما خلصت من الدكتور .. شفتهم يالسين ع الارض .. شوه السالفه ؟ .. رملة رد لها الصداع عيسى: انزين لا تخليها روحها .. احمد: ما مخلنها روحها .. وعفرا اخت آمنة .. يزاها الله خير قايمة بالواجب واكثر بعد ... صدق لولاها .. رملة بظهر لي قرون هني .. عيسى: والحين بتقول حق رملة ؟ احمد: اكيد .. انته ما تعرف رملة .. وانها فاهمه في هالاشيا !.. وما تطوفها .. بقص عليها يعني مثلا ؟!...... اصلا الدكتور قال لها بسوي لج عملية .. وصاحت وسوت .. لكن هدّأها عيسى: الحمدلله .. ع كل حال احمد: بس في شي .. ما بيعيب امايه .. عيسى: شوه ؟ احمد: شعرها ما شاء الله طويل .. بيقصونه عيسى: شوووووووه ؟ احمد: هيه .. ( ابتسم ) .. روحي قلبي معورني عليه .. بس قال وايد طويل ما شاء الله .. فـ بيقصونه لها .. عشب العملية .. وعسب بخفون شويه من الضغط على راسها عيسى: بتتخبل رملة .. هي روحها تتخقق علينا بشعرها .. وامايه شراتها .. ما تخليها تقصه احمد: ادري .. بس شسوي ؟ .. حياتها والا شعرها !! ... عيسى: استغفر الله العلي العظيم احمد: بس انا قلت له .. كثر ما يقدرون .. ما يقصون وايد .. عيسى: وجنه الانجليز همهم احمد: بيلس ع راسهم ... عيسى: الله المستعان احمد: خلاص عيل بخليك الحين .. وين انته ؟ عيسى: ظاهر شويه ساير عند الربع احمد: ناعمه وامايه فالبيت ؟ عيسى: هيه وحرمتك بعد وبنتك احمد: قالت بتسير بيت ابوها عيسى: ما شاء الله الاخبار توصل احمد: اكيييييد عيسى: هههههه هيه عقب شويه اظن بتسير احمد: انزين عيل .. سلم سلم عيسى: يبلغ .. وانته بعد .. يالله فمان الله .. بند احمد عن عيسى .. ونش .. بيسير يقول حق اخته ويهيأها ... لان رملة ما تمشي عليها هالسوالف ... والمقصه .... ظهر من حجرته .. وسار صوب الحجرة اللي حاجزنها حق رملة .. واخت حرمته .. اللي هي اكبر من حجرته .. سمع حشرتهم يايه لين برع .. خلاص تعود مب اول مره !.... دق الباب .. رملة: طيييييينق طوووووووووونق .. وصلوا وصلوا عفرا: منوه ؟ رملة: احمد عفرا: اصبري بلبس شيلتيه رملة: بسرعه ما بوقف اخويه ساعه عند الباب .. عفرا:يالله فتحيه .. فتحت رملة الباب ... احمد: هووووود رملة: هههههه تتحسب عمرك فالبلاد .. اقرب حياك .. احمد: شخباركن ؟ رملة: الحمدلله .. عفرا: تسمع صريخ اختك لين وين واصل ؟ احمد: هيه وصريخج انتي وياها عفرا: صدق ؟ احمد: والله عفرا: وافضيحتاه احمد: بسجل عليج هالملاحظات كلها .. بعطيها لسته حق هزاع عفرا: ويه خوفتني احمد: ما تخافين يعني ؟ عفرا: له .. من شوه اخاف ؟ ... هزاعو خل يصلب عمره قبل احمد: هههههه الله ياخذ العدو عفرا: هههههه صدق انزين هو ومروان احمد: انزين خلونا من هزاع ومروان الحين حليلهم غصوا اكيد .. يكحوون رملة: ماذا تريد ؟ احمد: رملة .. رملة :شوه ؟ احمد: نهاية الاسبوع بترقدين فالمستشفى رملة: لييييييييش؟ احمد: شوه قال لج الدكتور ؟ رملة ( باستياء): عسب العملية هز احمد راسه يقول هيه .. عفرا يلست ع صوب ... وما حبت تدخل بينهم .. هو اخوها العود وياي يفهمها ... هي تطمش وبس .. مسك احمد ايد اخته .. ويلس ويلسها حذاله .. وتم يلعب بشعرها .. احمد: انتي عوده صح ؟ ... وتفهمين .. رملة: هيه .. بس احمد .. يخوف احمد: من شوه تخافين ؟ ... بيسوون لج بنج كامل .. ولا بتدرين بالدنيا .. رملة: بس هم بيقصون راسي احمد: يقصون راسج معناتها يفصلونه عن رقبتج ... رملة: اقصد يطرون احمد: عقب بيردون يخيطونه رملة: بس ما بيرد شرات قبل احمد: تدرين لو ما سويتي هالعملية .. بتقل عندج نسبة الذكاء .. رملة: شوه يعني ؟ احمد: يعني بتستوين غبية ... تبين عقب يزقرونج رملة الغبية رملة: لا احمد: خلاص عيل .. رملة: يخوف والله احمد: حبيبتيه ما في شي يخوف .. وانا بكون وياج .. وعفرا بتكون وياج .. من يوم بيدخونج لين تطلعين .. صح عفرا عفرا ( ابتسمت): صح .. رملة: انزين .. برقد بس ع شرط احمد: شوه ؟ رملة: عفرا ترقد ويايه احمد: تشرطين ع البنيه ؟ عفرا: لا لا .. اصلا انا وياها متفقات .. لو رقدوها برقد وياها .. احمد: هي مب صغيرة .. كبيرة وتفهم .. وتقدر ترقد روحها عفرا: احمد عادي والله .. هالشي لا احراج ولا شي .. اصلا لو تميت هني .. ويا منوه اتم ؟ روحي !.... بسير وياها المستشفى .. تونسني واونسها احمد: يعني عن اقتناع روحج بتسيرين ؟ عفرا: هيه .. احمد: اصلا هي بيرقدونها واليوم الثاني ع طول بيدخلونها العمليات .. عفرا: اوكيه ما عليه .. تدري شوه تسوي .. يوم بيرقدونها .. خلاص كنسل الحجز مال هالحجرة احمد: ليش ؟ عفرا: ليش اتم الحجرة تدفع ثمنها ... ومحد فيها ؟ احمد: واغراضكم ؟ .... لا خلي .. انا ادفع .. انتي شعليج يالزطية عفرا: يزاااااااااااي ادور لك الخير احمد: هههههه لا لا .. السموحه .. بس والله عادي .. يعني بينكسر ظهري هالكم يوم اللي بدفع فيهم .. واكيد عقب بتردون هني .. اكيد .. وتموا يسولفون .. في مكان ثاني .. محمد ظاهر من الحمام ... عقب ما غسل ويهه .. و مسك الفوده ... ينش ويهه بها ... حصيص يالسه ع الشبرية ... محمد: شوه اسمها؟ حصيص: رملة محمد: حلو اسم رملة حصيص: شووووووووه؟ محمد: هههههه بلاج ؟ حصيص: انته مب قايل لي .. احلى واروع اسم فالكون هو اسمي محمد: انزين انزين لا تزعلين ... هههههه انا قلت .. حلو اسم رملة .. ما قلت احلى واروع اسم رملة حصيص: هيه والله بزعل محمد: لا تزعلين ولا شي .. وسار برع .. وحصيص وراه .. حصيص: بابا محمد: هلا حصيص: متى بتطلع ماما ؟ محمد: جريب ان شاء الله حصيص: انزين نسير الحديقة اليوم ؟ محمد: اليوم عاد ؟! حصيص: هيه محمد: الحين ليل حصيص: انزين ما عليه محمد: لا ما بوديج حدايق وخرابيط الحين... تبين نتعشى برع حصيص: عشا برع مليت .. اتصل خل اييبون لين الشقة محمد: انزين من وين تبين ؟ حصيص: أي مكان حلو ... بس ابا شي محمد: شوه ؟ حصيص: ابا آيس كريم محمد: في هالجو ؟ حصيص: الله يخليك ..من متى الحين اقولك وانته تقولي لا لا .. الجو الجو محمد: لان الجو فعلا ما يساعد حصيص: ولاني انا فعلا ابا محمد: تطنزين ع رمستيه حصيص: لا والله والله محمد ( ويلس محمد ومسك التيلفون ): انا لو كنت افكر اطلب لج آيس كريم الحين ما بطلب حصيص: لا والله حبيبي ( وعفدت ع ابوها) .. حبيبي انته اطلب لي محمد: انزين قومي عني ههههههه يا الدبة برمس الريال قومي حصيص: اول شي قول بتطلب لي محمد: هيه بس قوميييييي ... رن مبايل محمد .. وحصيص بدون استأذان طبعا !... ركظت وسارت ردت .. حصيص( بلحن ): آآآآآلووووووو عبدالزحمن: هلا والله بهالصوت حصيص: عمي عبدالرحمممممممن عبدالرحمن: هههههه هلا قلب عمي عبدالرحمن حصيص: شخبارك ؟ علومك ؟ عبدالرحمن: الحمدلله نحن بخير انتي شحالج ؟ وشحال ماما وبابا ؟ حصيص: الحمدلله .. يدوه شخبارها والله متولهه عليها وايد وايد وايد عبدالرحمن: يدوه بخير ... وهي بعد متولهه عليج وايد وايد وايد وايد .. 4 مرات انتي قلتي 3 مرات حصيص: انا عيل وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااا عبدالرحمن ( قطع عليها): بس سكتي صمختينا حصيص( مكمله ) : اااااااااااااااااااااااااااااااااااااااااااااااااا ااااااااااااااااااااا عبدالرحمن: حصيص الله ياخذ العدو .. ثرني ببند حصيص: يد ... لا لا لا تبند عبدالرحمن: ههههه شوه هالحركات بعد حصيص: انته تبا تتحدى عبدالرحمن: مينون .. يوم بتحداج انتي .. غلبتينا حصيص: بنت محمد طال عمرك عبدالرحمن: هههه وين ابوج ؟ حصيص: با با .. يتصل في راع المطعم يطلب عشا عبدالرحمن: امج ما رخصوها ؟ حصيص: لا .. للحين عبدالرحمن: متى بيظهرونها حصيص: اخوك يقول جريب محمد: انتي ايه ... ترمسين منوه ؟ حصيص: عمي عبدالرحمن محمد: ييبي .. حصيص: اصبر برمسه اصبر محمد: ييبي اقولج خسرتي الريال .. وير محمد المبايل من عند بنته ... محمد: هلا عبدالرحمن عبدالرحمن: برايها ... يفداها الرصيد كله ... ولو خلص مره ثانية نعبيه محمد: ههههههه خلها زين ... وايد مستويه حركه ومشاغبة عبدالرحمن: حرام عليك محمد: ههه شخباركم ؟ عبدالرحمن: الحمدلله .. انتوا اخباركم ؟ محمد: تمام والله عبدالرحمن: واخبار المدام ؟ محمد: والله تمام ... عبدالرحمن: ما قالوا شي يديد ؟ محمد: لا والله ... الحال على ما هو عبدالرحمن: ما قالوا لكم متى يستوي تردون ؟ محمد:لا عبدالرحمن: يعني سنة ظاعت ع البنيه محمد ( تنهد): هيه عبدالرحمن: يالله ما عليه ... ان شاء الله خير .. محمد: ان شاء الله عبدالرحمن: يالله بخليك الحين ..... سر جابلها اكيد دمرت الدنيا محمد: ههههه لا يالسه تطالع تلفزيون عبدالرحمن: سر لها انزين .. وطمنا محمد: ان شاء الله .. سلم .. مع السلامة بند محمد عن اخوه ... وسار صوب بنته ... يلس حذالها ... محمد: شوه تشوفين حصيص( انسدحت وحطت راسها ع ريل ابوها): ما في شي حلو محمد: شوي شوي بدلي وبتشوفين شي حلو حصيص: بحط هالفلم محمد: انا شوه قايل لج ؟ حصيص: انزين ما في شي والله محمد: وايد قمتي تشوفين افلام اجنبية حصيص: شوه نسوي هالغربة محمد: ام لسان حصيص: انزين صدق ... بعدين انا ما ايلس اشوفها روحي .. انته تكون ويايه .. ويوم قلة الادب ابدل محمد: يوم تعرفين ان قلة ادب حصيص: انزين ما اشوفه والله ما اشوفه وتموا محمد وحصيص شوي يسولفون وشوي يطالعون التلفزيون ... لين المطعم اييب لهم العشا .. فالمستشفى .. صوب هند وبدر .. هند: بدر مليت بدر: الاسبوع الياي بيظهرونج هند: والله ! بدر: هيه هند: منوه قال ؟ بدر: الدكتور .. يعني منوه انا ؟ هند: خاطريه اشوف ابويه .. بدر: ابويه في بلجيكا هند: متى سار ؟ بدر: امس .. هند: وامايه وين ؟ بدر: وياه هند: متى بيردون ؟ بدر: نهاية الاسبوع هند: يعني بيكونون هناك .. يوم بنرد ؟ بدر :ان شاء الله هند: اها بدر: هنّود تدرين منوه شفت اليوم ؟ هند: منوه ؟ بدر: شفت احمد .. ريل منوه .. امممممم ما اذكر .. وحده من بنات خالوه هند: احمد ؟...... لحظة .. احمد .. احمد ... هيه ريل آمنة .. بدر: اعتقد هند: انزين .. هني كان ؟ بدر: هيه .. شفت وياه حرمته جنه وبنته هند: اونه ! بدر: ما ادري .. بس وحده جذه في مثل سنج .. هي شكلها صغيرة البنيه .. وما يليق عليها يكون عندها بنيه ! هند: معقولة ىمنة يايه هني ؟ ليش ؟ بدر: ما ادري والله .. بس البنيه الصغيرة .. راسها كان يعورها ويالسه ع الارض .. اظن يايين حقها هند: حليلها .... بدر: هيه كسرت خاطريه .. هند: باجر بمر ع حصه . وبسألها ... وبشوف بدر: هيه مستغلين الفرصة انتوا الحين .. سايرات رادات ع بعض هند: شوه نسوي من الملل بدر: صدق انكن هل دبي هند: ما يخصه ... أي حد كان بيسوي جذه بدر: بس انتن بزيادة هند: العتب على الملل بدر: يمكن ربيعي ايي هني هند: أي ربيع بدر: ما تعرفينه .. هند: يعني بتودرني وبتجابله بدر: لا لا .. بيي باجر .. بيتم لين نهاية الاسبوع ... 5 ايام .. وعقب بيسير ولاية ثانية .. سياحه هند: اها .. احسن بعد .. جان تبا تسير وياه سير بدر: لا لا .. وايد بيحوط .. انا ما حاط في بالي اسير أي مكان !..... هند: جان تبا ابويه بيطرش لج همجه بدر: ما ابا .. وعندي اللي يكفيني وزيادة .. ولو سمحتي هنّود بلا هالرمسة انزين .. هند: هههههه بلاك زعلت ؟ بدر: لـــــه ازعل ليش ؟ .. ادري بج تحبين تغايظيني .. هند: افففف ملل هني بدر بدر: شوه تبيني اسوي هند: خاصة فالليل .. ما اييني رقاد بدر: عطيني شي اقدر اسويه وبسويه هند: شرايك ترقد هني بدر: لا والله .. حلفيعاد ! هند: صدق ملل .. والله ابا اسولف بدر: انا عندج لين الوقت اللي تبينه .. يوم احس انج تعبانه ومدوخه اسير البيت .. بعد شوه بايدي اسوي رن مبايل هند في هاي اللحظة .. رقم غريب !... ردت ع المتصل ... هند: الو .. مرحبا بو بدر: مرحبتين .. هند: ابوووووووووويه بو بدر: عيون ابوج انتي .. شحالج ؟ هند: الحمدلله بخير .. انته شحالك ؟ واخبارك ؟ بو بدر: انا بخير .. دام حبيبة قلبي بخير .. وبدت تتعافى هند: فرحتني والله باتصالك ... بو بدر: يعل ايامج كلها فرح ان شاء الله هند: وينك انته؟ بو بدر: والله طلع لي شغل مهم ومفاجئ في بلجيكا .. فـ انا وامج الحين في بلجيكا هند: ابويه بو بدر: آمري هند: ابا ارد البلاد بو بدر: جريب ان شاء الله حبيبتيه .. انا بتصل فالدكتور باجر وبشوف اخبارج .. وبشوفه متى بيظهرج هند: مليت بو بدر: بدر وينه عنج ؟ هند: بدر هني بو بدر: انزين .. ما عليه الغاليه .. استحملي .. ما فينا بعد .. نخاف صحتج هند: انا بخير بو بدر: الدكاتر ادرى هند: وشحال امايه ؟ بو بدر: امج الحمدلله بخير هند: وينها ؟ بو بدر: ما ادري والله ترمس منوه فالتيلفون .. شكلها خالتج هند: فديت الطاري والله بو بدر: امج والا خالتج ؟ هند: الهنتين .. تفداهن روحي والله بو بدر: هههههه وانا هند: انا عاد غير بو بدر: لو تسمعج امج بتذبحج هند: ما اهون عليها .. وانته ما بتخليها بو بدر: ويه ويه ويه .. وايد هنّوده واثقه من نفسج هند: ماخذه هالصفة منك بو بدر: هههه قوية عين .. ما ينرام لج ... وتمت هند تسولف ويا ابوها .. وبدر يالس سرحان !.. في عالم ثاني .. محد يدري به .. توه عمر داخل البيت ... ومحمل بالأغراض .. وفريد وراه .. عبدالعزيز: مرحبا اهلا وسهلا .. عمر: السلام عليكم راشد: وعليكم السلام فريد: وين احط ؟ عمر: حطهن ع الطاولة هناك .. أي حد يبا بياخذ وبياكل راشد: شوه هذيل ؟ عبدالعزيز: صناديق تمر راشد: كراتين .. عبدالعزيز: اقصد كراتين .. وسار عبدالعزيز صوب الكراتين ع قولتهم .. وفتح اول واحد عبدالعزيز: وااااااو .. عمر: كاكاو .. من برع يايبينه .. راشد: من وين يايبنه عمر: من عند عمي يوسف .. عبدالعزيز: اونه .. عمي يوسف عنده هذا كله ؟ عمر: طالبنهن من برع عبدالعزيز: والله اوكيه .. راشد: يعني انته كنت في بيت عمي يوسف ؟ عمر: هيه .. وصعد عمر فوق ... عبدالعزيز يلس ع واحد من الكراسي اللي ع الطاولة .. وحط ايده ع خده عبدالعزيز: خاطريه اشوفه راشد: منوه ؟ عبدالعزيز: عمي يوسف راشد: عموه عذيجة تشبهه عبدالعزيز: صدق ؟ راشد: هيه عبدالعزيز: يعني جذه حليو شراتها ؟ راشد: ههههه عندك شك ؟ عبدالعزيز: ما ادري والله ... راشد: بتشوفه جريب ان شاء الله عبدالعزيز: خلاص انزين غير السالفه راشد: ليش ؟ عبدالعزيز: عمر ما يحب يوم ارمس عنه وسمعوا صوت من فوق ... كان عمر يزقر عبدالعزيز ... . عبدالعزيز : يالله مع السلامة حان وقت النوم .. وسار عبدالعزيز فوق .. في دربه شاف مروان .. توه نازل .. مروان: وين ؟ عبدالعزيز: ليل الخير ... توك نازل ؟ الحين الناس يرقدون مروان: بترقدون ؟ عبدالعزيز: هيييييييييه .. تصبح ع خيييير وسار عبدالعزيز .. ونزل مروان تحت ... راشد: اهلا وسهلا مروان: مرحبا بك اخويه راشد: يالطيب حياك الله مروان: شوه هذا ؟ ( وسار صوب الطاولة ) راشد: كاكاو .. مما لذ وطاب من شتى انحاء العالم مروان: منوه يايبنه راشد: عمك يوسف مروان: والله زين .. وتم مروان ياكل .. بس كثر من البسكوت عيبه اكثر .. عن الكاكاو .. نص الليل وكاكاو !.. ما تركب.. راشد: انته وينك من الصبح مروان: موجود راشد: شوه فيك ؟ مروان: ما فيني شي راشد: صدق ؟ مروان: هيه .. ليش شاك فالموضوع ؟ راشد: الصراحه هيه .. مروان: كيفك راشد: مروان والله انك مب طبيعي من امس ! مروان: ما فيني شي والله راشد: تعبان مريض ؟ مروان: ما فيني شي .. بلاكم تبون تمرضون الواحد غصب ؟ راشد: يوعان تبا عشا ؟... فريد بعده واعي مروان: لا .. راشد: الهرم الغذائي مالك بيخترب مروان: ههههه ما يخربه شي .. حط حط أي قناة اوكيه خلنا نشوف راشد: ما بتسير ترقد مروان: ليش انته ناوي ترقد الحين ؟ راشد: الصراحه ما فيه رقاد مروان: هو بنحصل هزبة من عمر .. بس ما عليه .. نفس الوقت رن تيلفون البيت ... مروان: شوه قلت لك .. راشد: ان شاء الله .. انزين .. اوكيه .. ان شاء الله .. مع السلامه مروان: منوه ؟ راشد:توك تقول عمر مروان: ههههههه عمر ؟ راشد: هيه .. مروان: اكيد يقول سيروا رقدوا .. قلت لك توني راشد: هيه .. عبدالعزيز يالس ع راسه .. و حاشر الدنيا شمعنى هم مروان: يتفلسف هالعصقول راشد: شدراني فيه .. تدري شوه مروان: شوه ؟ راشد: متوله ع ثاني ولد عمي عبيد مروان تغير ويهه .. ثاني ؟ ... اففففف ... اخت ثاني بهدلتني الحين .. ما ادري كيف اعتذر لها . ومتلوم فيها .. ولا عارف كيف اوصل لها .. وعفاري محد ! لكن حب يكون عادي .. ويحل المشكلة بدون محد يدري .. وبدون ما يبين حق حد .. فـ سولف ويا اخوه مروان: امس شفته راشد: وين ؟ مروان :في مول الامارات راشد: سرتوا مول الامارات ؟ مروان: هيه انا وهزاع ... راشد: ويا منوه كان ساير ؟ مروان: هو واخته راشد: اها ... وتم راشد يجلب فالقنوات .. يبون يشوفون شي اوكيه وحلو .. يتابعونه .. في صوب ثاني .. غاليه : ههههه والله انج خبلة عفرا: انتي الخبلة يا ويهج .. احمدي ربج اتصلت بج غاليه: والله مشكورة يا عفاري عفرا: العفووووو .. شسوي يوم امس اتصلت بج .. وما رديتي غاليه: هيه شفت المس كول اليوم الصبح عفرا: شوه سالفتج ؟ ديايه ترقدين من وقت ؟ غاليه: استوت لي سالفة عفاري امس عفرا :شوه بعد ؟ .. انتي كل يوم تستوي لج سالفة .. غاليه: والله سالفة تصيح عفاري عفرا: ادري ادري سوالفج البايخه .. ما تسوى كل هذا وانتي تصيحين .. وتسوين غاليه: لا والله تسوى .. عفرا: انزين قولي غاليه: سرت ويا ثاني مول الامارات عفرا: اوكيه اونه ثاني مظهرنج من وين ظاهره الشمس غاليه: حدج عاد .. حليله اخويه عفرا: هههه اوكيه عقب ؟ غاليه: كنت واقفة عند مطعم صيني بطلب لي عشا عفرا: ويه شهيتيني .. كملي غاليه: واحد دعمني .. وصب البيبسي من فوق لين تحت كامل ع عباتي وخست وربيعه يالس وميت من الظحك .. عفرا: ويه .. عمي هذا !... والا ربيعه السخيف !.. اكيد صحتي غاليه :لا والله يودت عمريه .. لكن صحت عقب ما شفت ويهه ... عفرا: ليش ويهه يزيغ ؟ غاليه:لا تستهبلين عفرا: عيل ! غاليه: طلع مروان ولد خالج .. واللي ناقع من الظحك عليه اخوج هزاع .. عفرا: في ذمتج؟ غاليه: والله نقعت عفرا من الظحك غاليه: عفاري يالسخيفه .. بلا ظحك زايد عفرا: هههههههههه تظحكيييين غاليه: عفارييييييي عفرا: وهذيل شوه مودنهم هناك ؟ هياته اكيد امايه ما تدري عنهم غاليه: شدراني فيهم ؟ عفرا: انزين عقب شوه سويتي ؟ غاليه: ما شي ما قدرت ايود عمريه .. مشيت وشفت ثاني جدامي قمت ارتجف قلت له نرد البيت .. ولا تعشيت ولا شي .. ولين الصبح تميت اصيح عفرا: فاضيه غاليه: لو انتي ما بتقولين فاضيه ! عفرا: والله ما بصيح ولا شي .. بشل الصينية وبفرها في ويه مروان هذا وبسير غاليه: انتي قوية عفرا: وانتي شوه يالهيكل غاليه: هيكل في عينج انزين عفرا: ههههه وايد سبيتيني غاليه: وانتي ما قصرتي عفرا: خبري عليهم امايه غاليه: لا اخبرها ولا لي خص والله عفرا: خبري الله يخليج .. بطيح فيهم غاليه: انزين هذا رقمج خلاص ؟ .. اخزنه عندي ؟ عفرا: هيه ... هاي بطاقة يديده .. خزني هالرقم عندج غاليه: اوكيه عفرا: مب جنج مصختيها سيري رقدي غاليه: لا عادي عفرا: لا سيري رقدي .. انا بعد شوي تعبانه . بنسير عقب شويه المستشفى ... فـ برقد شويه غاليه: اوكيه عيل خلاص ... لا تقطعين عفرا: ان شاء الله حبيبتيه .. غاليه: يالله مع السلامه ... عفرا: فمان الله .. بندت غاليه عن عفرا .... ورن مبايلها .. قالت يمكن حد من اخوانها ... فـ ردت عليه ع طول لان اصلا الوقت متأخر بعد .. غاليه: الووووووو .......: هلا والله بـ غاليه غاليه من سمعت الصوت .. بندت .. افففففف شوه هالمصيبة الثانية اللي ظهرت لي ..... هذا من وين بعد طلع لي ........ قاهر بي ... متصل الحين !... شوه يبا !...... شوه سالفته ........! لو عطيته حق زايد بيتصرف بعصبية ولو ثاني ... ثاني ما مجربة وياه هالشي .. اذا اتصل مره ثانية بعطيه حق زايد واللي فيها فيها .. اففففف ********* |
الجزء الـ 36 ناشه من وقت .... حيوية ... هالمرة غير ... غيرت المكان يمكن عسب جذه ارتاحت شويه .. جريب من امها وابوها واخوها واهلها ... بنتها للحين راقده .. ظهرت برع .. فالصاله .... بو هزاع: هلا والله آمنة: صباح الخير يالغالي بو هزاع: صباح النور .. آمنة: شحالك اليوم ؟ بو هزاع: الحمدلله بخير .. دامي اشوف القمر اليوم عندنا آمنة: وين عيل امايه ؟ بو هزاع: امج برع .. يالسه تزهب الفطور ... ويت ام هزاع آمنة: الطيب عند ذكره بو هزاع: يوم امج تكون فالسالفة .. انا اقول الحلوة عند ذكرها آمنة: اوه اوه ما نروووووم ههههههه ام هزاع: يالله بو هزاع يالله آمنة .. آمنة: ما عليه سيروا انتوا وانا بيي ... بتأكد من ميثا بس بو هزاع: انزين تعالي نترياج آمنة: ان شاء الله .... سار بو هزاع .. وام هزاع وياه برع ... يتريقون .. وآمنة سارت طلت ع بنتها .. وردت يلست فالصاله شويه .. هزاع نازل من فوق .. هزاع: صباح الخير آمنة: صباح النور .. والسرور هزاع: كيف حالك يا اختيه العزيزة؟ آمنة: بخير يا اخي العزيز هزاع: هههههه وين احمد يسمعج جان يذبحج آمنة: اخويه كيفي .. محد قاله يسير ويودرني هزاع: شخبارج يا ام ميثا ؟ آمنة: الحمدلله بخير .. هزاع: وينها عيل ميثا ؟ آمنة: راقده هزاع: امون .. اباج تساعدينا .. آمنة: شوه بعد مسوين ؟ وليش قلت تساعدينا مب تساعديني ؟.. اكيد حد ثاني وياك فالسالفه هزاع: هيه .. ههههه حبيبتيه .. والله فاهمتني آمنة: واكيد هالحد مروان هزاع: فاهمتنا والله وهي طايرة آمنة: شوه مسوين ؟ هزاع: ما مسوين شي .. انا بقولج السالفة وانتي احكمي آمنة: قول نسمعك هزاع: كنا في امارات مول من يومين .. وكنا نطلب لنا عشا .. مروان العبيط .. رد ورا .. وصب البيسي ع وحده آمنة: انزين ! هزاع: وهالوحده قولي منوه طلعت آمنة: منوه ؟ هزاع: غاليه بنت خالي عبيد آمنة: اوييييييه .. غلوي ما غيرها !.. هزاع: هيه والله آمنة: ليكون صاحت هزاع: عيل ما صاحت .. هي ما صاحت صاحت .. دمعت يعني بس اكيد صاحت يوم سارت آمنة: انزين يا مسودين الويوه .. شوه تبون الحين ؟ هزاع: مسودين الويوه مره وحده ! آمنة: قول الحين شوه ؟ هزاع: مروان الصراحه تبين الصراحه يعني اول مره اشوفه جذه.. آمنة: شوه فيه بعد ؟! هزاع: متلوم ويبا يعتذر للبنيه .. آمنة: وما لقى غير غاليه ! هزاع: انزين .. هو في حل .. آمنة: واللي هو ؟ هزاع: انتي وصلي الاعتذار حق غاليه آمنة: انااااا ! هزاع: هيه انتي آمنة: آسفة لا تورطوني وياكم .. هزاع: أمون حرام .. والله مروان وايد مضايج آمنة: محد قال لكم .. هزاع: شوه نسوي يعني ؟ آمنة: انزين شوف عندي حل ثاني هزاع: قولي ... آمنة: نهاية الاسبوع غاليه وامها .. بييون هني .. ويمكن امايه بعد تزقرهم كلهم يعني خالي عبيد ويا عياله .. استغلوا الوقت العصر .. و اعتذروا لها هزاع: تخيلي عاد ! آمنة: بذكائكم .. وذكاء سالم وعبدالعزيز ... تقدرون تستغلون الفرص ... هزاع: آخر كلام عندج ؟ آمنة: هيه هزاع: اوكيه خلاص .. تم آمنة: ويه بنتي تصيح .. هزاع: سيري ييبيها بسرعه .. وقامت آمنة بسرعه سايرة تييب بنتها من داخل .. آمنة: ماما حبيبتيه .. من شافت ميثا امها ... فتحت ايدها تقول لها شليني .. ودها آمنة الحمام .. وغسلت ويها .. وسارن فالصاله .. هزاع: فديت الويه المحمر .. اللي عليه خطوط جنه تاير ماشي عليه آمنة: مالت عليك .. تاير ع خدود حرمتك .. هذا مال المخده هزاع: ههههه بل شوه هالحقد .. بعدها حرمتيه ما يت وجذه تقولون عنها آمنة: انته تخلي الواحد جذه يرمس عنها هزاع: ييبيها انزين آمنة: ما تباك توها ناشه هزاع: حبيبتيه تعالي عند خالي ىمنة: ما تباك مب غصب هزاع: تعالي اقولج آمنة: هزاع لا تصيحها حرام عليك توها ناشه هزاع: لو مروان جان سارت له وهي مغمضه آمنة: هيه والله .. ما ادري ساحرنها هزاع: فديت بنت اختيه انا .. ىمنة: بسير اتريق ويا امايه وابويه ما بتي ؟ هزاع: يالله نسير وساروا هزاع وآمنة وميثا يتريقون برع ويا الشياب ....... في بيت الشباب .. عبدالعزيز نش الساعه 10 .. يشوف اخوه للحين راقد !.. مستغرب .. هو قطع الاجازة وبدا يداوم .. ليش ما سار الدوام اليوم ؟ ... عمر كان منسدح ع الشبرية .. وصاد الصوب الثاني ... عبدالعزيز : عمر .. فز عمر .. لكن ما لف ع اخوه .. عمر: صباح الخير عبدالعزيز: صباح النور .. وسكت عمر ... عبدالعزيز: ما سرت الدوام اليوم ؟ عمر: لا عبدالعزيز: شوه فيك ؟ عمر: ما فيه شي .. بس كان فيه رقاد الصبح وما سرت عبدالعزيز: صدق ؟ عمر: هيه .. عبدالعزيز: الحين فيك رقاد ؟ عمر: هيه .. عبدالعزيز: خلاص عيل رد ارقد .. نش عبدالعزيز .. وتغسل وخلص ... وياي بيطلع من الحجرة ... عبدالعزيز: عمّور ما تبا شي ؟ عمر: لا .. بس برقد شويه وبنش .. عبدالعزيز: اوكيه .. وظهر عبدالعزيز من الحجرة .. اول ما طلع .. عمر جلب عمره .. وانسدح ع ظهره .. وبدا يتنفس .. لكن تنفسه متقطع .. اول شي بدا يتنفس بسرعه .. وياخذ كمية اكسجين بسيطة جدا .. وبسرعه ... وعقب بدا ياخذ نفس عميق .. شهيق وزفير .. بطريقة بطيئة جدا ...............! ورفع ايده .. وحطه ع صدره .. صوب اليسار ...............! تحت ... عبدالعزيز فتح باب الصاله ... وتم يزقر فريد .. بجميع الالحان ويسوي حركات ... رايق ع الصبح ... عبدالعزيز: فرييييييييد .. فاااااااريييد .. فردرد .. فيييييييردي .. والله اوكيه اسم فيردي .. فيييردييييي فريد ( وصل): شوه شوه ؟ عبدالعزيز: ابا جاي .. ابا حليب .. ابا بقسم .. ابا بسكوت .. فريد: انزين .. انا جهزت كل شي .. بسير اييب .. عبدالعزيز: اوكييييييه لا تتأخر يوعااااااان فريد: انزين .. انته اليوم قمت من وقت ... عبدالعزيز: شسوي ما فيه رقاد فريد: عمر ما سار دوام اليوم عبدالعزيز: لا .. ما ادري شوه فيه .. فريد: الصبح نش ... ياي تحت .. يلس .. يبت ريوق .. قال خلاص بسير ارقد استغرب عبدالعزيز ... نزل !... وبيسير الدوام !..... ويوم وصل الريوق !.... رد فوق ورقد ....! عبدالعزيز: انزين سر انته الحين ييب ريوقي .. بتخبره يوم بينش .. يمكن تعبان .. رد عبدالعزيز داخل ... و يلس ع الطاولة .. وفتح علبة من العلب اللي يابهن اخوه امس .. وتم ياكل ...... بسكوت .. طازج ... ولذيذ .. شاف باب قسم اخوه ينفتح ... ظهرت حرمت اخوه .. تعكر مزاجه .. ما يواطن هالانسانه .. ولا يبا ييلس وياها في مكان واحد ... لكن .. قال هالمرة بييلس لكن بيسوي اكبر طاف ......... بدور: وين فريد ؟ عبدالعزيز: فالمطبخ ...... بدور: وشوه يسوي فالمطبخ ؟ عبدالعزيز: اييب لي ريوق .. بدور: اييب لك الريوق .. وما نظف الحجرة ؟! عبدالعزيز: أي حجرة ؟! بدور ( بدت تستفز ): هالحجرة .. وأشرت ع حجرة ابوه وامه .. عبدالعزيز: اكيد نظفها ولو ما نظفها .. اكيد بينظفها بدور: هيه .. اكيد بينظفها اليوم .. خاصة اليوم عبدالعزيز: ليش ؟ بدور: لا .. بس جذه اقول .. عبدالعزيز: انزين بدور: اقول عبدالعزيز عبدالعزيز: شوه ؟ بدور: شخبار عمك يوسف ؟ عبدالعزيز: بخير بدور: وانته شدراك ؟ عبدالعزيز: انا ادري انه بخير بدور: انته شايفنه ؟ عبدالعزيز :لا بدور: ليش ؟ عبدالعزيز: انتي تستهبلين !... بدور: عفواً... عبدالعزيز: سكتي عني .. بدو: عسب امك .. عبدالعزيز: قلت لج سكتي عني بدور: هو ليش يكره امك ؟ عبدالعزيز: اقولج .. مصختيها .. بدور: وانته ما تشوف عمرك مصختها ؟ عبدالعزيز: انا ما ابا ارمسج .. ويكون في علمج .. امي الله يرحمها .. اللي هي عمتج ... وعمت طوايفج .. محد يقدر يرمس عنها بشي مب زين .. لانها كانت ملكة بأخلاقها .. وطيبتها .. بدور: عمت طوايفك انته مب طوايفي عبدالعزيز: عمت طوايفي وطوايفج .. بغيتي والا ما بغيتي .. ودقي راسج فالطوفة .. بدور: بديت تقل ادبك عبدالعزيز: وانتي هاللي تبينه .. واقولج من الحين .. ما بسكت لج شرات كل مره وبسوي لج طاف ... واذا بتخبرين ريلج خبريه .. انا بعد بخبر عمر بدور: تهددني بعمر يعني ! عبدالعزيز: هيه اهددج بعمر ... ونفس الوقت دخل فريد ... من شاف بدور وعبدالعزيز ... وفي نفس المكان ... ياب الصينية وحطاها ع الطاولة جدام عبدالعزيز ... ويلس ويا عبدالعزيز ... يدري ان في حرب ستقام .. بينهم .. وحليله ما يدري انها بدت .. لكن هدوا شوي يوم هو وصل .. نشت بدور معصبه .. وسارت داخل .. عبدالعزيز :افففف فريد: انته كلمتها ؟ عبدالعزيز: هيه فريد: ليش تكلمها ؟ عبدالعزيز: هي نرفزتني وهي اللي رمست ... وايد تقهرني فريد:عبدالعزيز .. انته كبير ... عبدالعزيز: انا عود .. هي ياهل فريد :انزين انته لا تكلمها عبدالعزيز: اوه .. فريد خلاص لا ترمسني عنها تلوع جبدي ابا ارجّع من اشوفها او اسمع طاريها .. مروان ...... اففففف شوه هالسخافة ... انزين من وقت ... وايد من وقت .. بلاني هالايام ما ارقد .. خيبة .. ما يسوى عليه هالبيبسي اللي صبيته ... يا ربي يا عفاري .. اول مره احس اني محتاج لج يا ام الدويس .. والله صدقج يوم تقولين .. بتحتاجني فـ يوم ولا بتلقاني .. وينج .. مب مرتاح .. حاس بتأنيب الضمير .. حاس عمريه مذنب .. مرتكب جريمة شنعااااااااء .. آآآآآآآآآآآآآآآآآآآآآآآه .. لحظة .. حلوة هاي شنعاء . اففففف والله فاضي .. ابا اصرخ .. ابا اكفخ حد ... من القهر والغيظ ... سالم: خالوه آمنة .. ييبيها .. هالحلوة .. النظيفة آمنة: شوه شايف بنتي كل يوم وصخه سالم: ههههه لا حلوة اليوم .. توها مسبحه ومسحية شعرها آمنة: خذها هزاع: امون اتصلتي بـ احمد ؟ آمنة: لا امس فالليل بس رمسته شمسة: صدق شحال عفاري .. من زمان ما سألنا عنها هزاع: اتصلي بها شمسة: والله اني انسى سالم: لا على المريض حرج .. اميييه تعبانه هزاع: اوه والله قمت تحفظ آيات بعد سالم: مطوع مطوع استويت هزاع: المطاوعة متبرين من اشكالك آمنة: ههههه حرام عليك تحطم الولد .. شمسة: الا وين سار ابويه ؟ وبو هزاع توه ياي .. سالم: الطيب عند ذكره .. بو هزاع: ييبوا هالحلوة ييبوها.. وروحها ميثا .. نزلت من ع ريل سالم .. وسارت صوب يدها ومستانسة وتظحك ... وتحط ويها في حضنه .. وترفعه .. وتظحك .. سالم:بلاها هالمينونه آمنة: ايه بنتي مب مينونه حرمتك المينونه سالم: ثرها هي حرمتيه بو هزاع: مضيع احمد .. آمنة: هيه بخبره عليك سالم: والله كيفه .. نحن حاطينه امام الامر الواقع شمسة: سالم قوم ييب ماي .. نش سالم وسار صوب التيلفون . اتصل المطبخ وقال حق البشكارة تييب ماي هزاع: بكل بساطة آمنة: الصراحه بااااااار بـ امه بو هزاع: انته ما تستحي امك تقولك ييب ماي وانته تتصل في المطبخ سالم: اختصار اختصار للوقت يدي بو هزاع: اختصار في عينك .. نش بسرعه سالم: خلاص طلبت الماي .. هزاع: قم يالله يدك يآمر عليك آمنة: حليله .. بو هزاع: قم يالله .. سالم: اوكيه بسير اييب .. حق اميه بس بو هزاع: قم قم انزين .. الله لا اييب اليوم اللي نحتايك فيه شمسة: شفت يدك زعل عليك بو هزاع: من زمان زعلان منه سالم: قول والله هزاع: ليش توك تدري ؟ سالم: صدق ؟ آمنة :سر ييب الماي الحين .. رد سالم صوب يده ... ويلس لصق فيه .. بو هزاع: بلاك يا ولد سالم: قول اول شي زعلان مني هزاع: قم قالك خلاص شمسة: هيه زعلان سالم: خلاص والله آسف يدي .. بو هزاع: انزين قم الحين سالم: لا ما بقوم .. والله قول مب زعلان عقب بقوم هزاع: قم ذبحت ابويه سالم: يدي اسد ما يموت .. قول زعلان هزاع: الله اكبر عليك آمنة: هههههه لعوزتوه .. بو هزاع: ليش يهمك؟ سالم: هيه والله بو هزاع: شوف هالحلوة سالم: هيه اشوفها خطيبتيه بو هزاع: شوفها كيف يالسه مؤدبة محترمة .. ما تسوي الحركات اللي انته تسويها سالم: هاي صغيرة والله يوم بتكبر بتستوي عفريته بو هزاع: ميثاني مب عفريته انته العفريت سالم: انزين آسف بو هزاع: انته الحين عود .. عيب كل حد يصرخ عليك من صوب .. سالم: انزين والله آسف بو هزاع: آخر مره ابا اسمع كلمة آسف منك .. لأنك آخر مره بتغلط .. وبتطول لسانك سالم: لا ارادي انزين يوم ارمس بو هزاع: حاول تسيطر ع نفسك .. تمسك لسانك سالم: كيف يعني جيه ؟ ( ومسك لسانه ) بو هزاع :شفت استهبالك .. سالم: لا لا والله خلاص .. اتغشمر وياك بو هزاع: شوف انا للحين زعلان .. سالم: يدي حرام عليك بو هزاع: برضى عليك لكن يوم .. بتغدي ريال .. وتستحي .. وتحترم سالم: انا احترم انزين بو هزاع: تحترم وتنرفز في نفس الوقت سالم: يعني لو ما نرفزت بترضى ؟ بو هزاع: هيه سالم: خلاص عيل .. والله قد ما احاول ما بنرفز عشان خاطرك .. حرام انا اول حفيد لك .. لازم تحبني بو هزاع: ومنوه قالك ما احبك ؟ سالم: انته كله تعصب عليه بو هزاع: في مصلحتك .. سالم: وجيه ما تعصب ع عبدالعزيز؟ بو هزاع: لانه ما يسوي شراتك .. انته بزيادة سالم: خلاص اوكيه آسف .. بو هزاع: توعدني سالم: اوعدك والله .. كثر ما اقدر .. بحاول بحاول بحاول .. ما اسوي شي يزعلك مني بو هزاع: ويا مينون .. مره ثانية ما تقول اني ما احبك .. انزين ...... سالم: حااااااااااااااااااااضر سيدي .. حضن بو هزاع .. سالم .. وعقب قاله يسير اييب الماي حق امه لان البشكارة تأخرت اصلا ... كان الجو هادي .. ومحد رمس .. ومحد تدخل .. او علق ع الموضوع .. وخلوا بو هزاع الابو العود واليد يتفاهم ويا حفيدة الااول .. ومن طلع سالم .. هزاع نقع من الظحك .. طبعا تبعت الظحكه هزبة محترمة من بو هزاع له .. ويا دور هزاع .. واستلمه ابوه .. في ألمانيا ... هند يالسه روحها ... ملت .. صدق ملت .. رقاد المستشفى ملل .. وخصوصا يوم يزيد ... هي اصلا لازم تطلع وتكون فالبلاد من زمان .. ابوها مرمس الدكتور انها ما تطلع ... لين هو يقول .. ويقولون لها ان الدكتور هو اللي ما بيظهرها .. ديري ببنته لو كانت يايه العزا كانت وايد بتتأثر .. ولو كانت يايه عقب بعد بتم حزينه .. ويوم يت سيرة بلجيكا .. قال عقب ما يرد بيقول حق الدكتور يكتب لها اذن خروج .. وانها عادي ترد البلاد .. انفتح باب حجرتها .. ما صدت صوب الباب ولا شي .. تدري ان اخوها بدر هو اللي ياي .. محد ايي هالحزه الا هو .. بس غيرت رايها بسرعه .. وصدت عقب ما سمعت الصوت الجماعي .. وهم .. اقصد وهن .. يقولن .. السلام عليكم .. هند: عفرااااااااااااااااااااااااااااااااااااااااااااااا اااااااااااااااااااااااااااااااااا صرخت هند من الخاطر .. وحصيص حطت ايدها في اذنها .. رملة: الصداع الصداع بيرد لي عقب هالصرخه عفرا: هههههههه شخبارج ؟ هند: الحمدلله بخير .. انتوا شحالكم ؟ شخباركم ؟ عفرا: الحمدلله تمام التمام هند: حبيبتيه والله .. وينكم انتوا ؟ مختفين عفرا: والله ان موجودين هند ( بصوت حزين): دريتوا ان يدوه غريسه توفت عفرا ( تقربت من هند ويلست حذال شبريتها ): هيه .. حبيبتيه هند .. محد يموت ناقص عمر .. رملة: اوهوووووو بتجلبونها مناحه الحين .. الحين فكروا فيه انا حليلي بيسوون لي عملية هند: رمللللللللللللللللله حصيص: لا اله الا الله .. نقولج البنيه بييها صداع رملة: هلا والله ( وغمزت لها ) هند: هههههههه ومنوه الحلوة اللي وياكم ؟ عفرا: ههههههه هاي اسمها حصه .. تعرفنا عليها هني حصيص: احم احم . روحي بعرف بنفسي ... اسمي حصه محمد .. يدلعوني حصيص... عمريه 7 سنوات .. ماركة ألمانية أصلية ... هند: هههه حلوة هاي ماركة ألمانية اصلية حصيص: هيه ... لكن طبعا عروقي ودمي .... دبويه طال عمرج رملة: بس بس حفظنا حشرتينا حصيص: اخت الوسيم ما تدري انزين رملة: تدري تدري حصيص: متى ؟ انا اول مره اشوفها وهي اول مره تشوفني عفرا: ههههههه كل وحده لسانها اطول عن الثاني هند: ههه ما شاء الله عليهن عفرا: بس صخن البنيه تعبانه ... هند: لا خليهن .. حرام عليج .. ما صدقت حد ياني .. عفرا: شخبارج الحين ؟ هند: الحمدلله حصيص: صدق صدق تبون الصراحه رملة: قولي حصيص: هاي احلى عن الوسيم .. عيونها خضر بعد ... يبين عليها خقاقه .. بس ما ادري اول لقاء يعني طيوبة عفرا: ايه مب ع بنت خالتيه حصيص: اونه الوسيم يستوي ولد خالتج ؟ سكتت عفرا ... هند: الوسيم قصدها بدر ؟ رملة: هيه .. اونه وسيم وسيم . مع اني اشوف شكله يعني عادي .. ! شكله خقاق عفرا: ايه انتن .. والله ما تستحن .. هند: خليهن .. ياخذن راحتهن ... هههههههه عفرا: بيمصخونها هند: خليهن .. من زمان ما ظحكت .. عفرا: كيفج عيل تحملي العواقب حصيص: انتن الهنتين ... شوه تحملي العواقب بعد .. محد بيتحمل العواقب غير رملوه حليلها بتسوي عملية رملة: هيه والله ... هند: بلاها رملة شوه فيها ؟ رملة: سوينا حاااااااااااااااادث هند: حادث ! عفرا: سخيفه .. لا تبالغين .. رملة: شوه ما ابالغ ... راسي بيطرونه ... حصيص: عادي عادي ابرة وخيط وبيرد رملة: هيه وايد عادي عندج .. جربي حصيص: ليش حبيبتيه .. لا سويت حادث الحمدلله ولا دق راي في ما ادري أي شارع هند: فهموني السالفه عفرا: احمد ريل آمنة .. وهاي رملة كانوا رادين من السوق وسووا حادث ... هند: انزيييييين حصيص: بلاج ماما .. عادي خلص الحادث رملة: اجلي صياحج حق يوم العملية عفرا: والحين رملة فيها ارتجاج فالمخ رملة: شوووووووه؟ هند ( منصدمه): ارتجاج فالمخ !.... عفرا: هههههههههههه لا لا ... صيغة مبالغة .. لانها خبلة .. ما شي .. بس نسبة الذكاء بتقل عندها يوم بتكبر لو ما سوت العملية .. وهي اصلا بين فترة وفترة اييها صداع هند: سلامات رمّوله والله ما تستاهلين رملة: بقول حق احمد يحجز لي الحجرة اللي حذالج ... فالليل بنيي عندج نسولف حصيص: اللللله قولي والله ؟ ... انا عيل برقد بعد هني عفرا: ط هالهنتين هند: هههههههه والله يظحكن والله عفرا:الا قولي خبايل هند: فديتهن حصيص: ويه تفدوني رملة: متفدتني من قبل .. وتتفداني الحين حصيص: اوكيه عادي الايام يايه وبتتفداني بعد هند: هههههههه خلاص خلاص .. لا تظاربن .. هند ما صدقت شافت عفرا ... فضفضت لها كل شي .. ومستانسة ع رملة وحصيص الثنائي المرح .. عقب ما استون ربع ... صح انهن يتناقرن .. لكن طيوبات ... وكل وحده ما تبا تعترف للثانية انها تحبها وتحب سوالفها .. وما تتخيل كيف بتكون في الغربة بدونها ....... وهن في اعماق اعماق اعماق السوالف .. انفتح الباب .. ودخل الشيخ ...... حصيص: حيالله الوسيييييييييم رملة: حي الرجااااااااب عفرا قافطة من الخاطر ... هالهنتين حالفات يخلونها حليلها في مواقف محرجة .. عفرا ( عدلت يلستها وشيلتها ) : خلاص .. بنسير نحن هند: وين تو الناس ... بدر: ما عليه يلسن .. انا ساير .. حصيص: لا لا ... نحن بنسير ورانا شغل .. بنودي رملة صوب الدكتور .. بنشوف تحاليلها الحبيبة تحوط في هالمستشفى ع كيفها .. رملة: اسكتي انزين .. والله لو انتي حصيص: كم مره اقولج بسم الله عليه رملة: خلاص عيل لا ترمسين عني هند: هههههههه بس بس بدر: يلسن .. انا ظاهر .. وطلع بدر .. عفرا: ما عليه نييج وقت ثاني هند: يلسي خلاص ظهر .. حصيص: هي حليلها شبعانه من ويه الوسيم هند: ههههههه صدقج .. بس يعني من لهالردجة اخويه وسيم .. مسمتنه وسيم ! حصيص: وييييييين .. لو تشوفين مشيته برع .. والا لبسه رملة: هيهوالله فننننن حصيص: بس مب احلى عن ابويه رملة: ولا احلى عن اخويه هند: ههههه اسمييييييكن .. عفرا: يالله هنوده حبيبتيه هند: حرام عليج عفرا يلسي عفرا: والله لو اقدر كنت بيلس .. بس احمد قال تسيرن وتردن بسرعه .. عسب تحاليل رملة .. رملة: الله يخليج قولي لها تيلس عسب ايلس حصيص: يالله يالله ما شي .. اخوج يترياج .. ابتسمت هند عفرا: مع السلامه هند: تعالن لي بعد ... الله يخليكن عفرا: ان شاء الله حصيص : فالج طيب ما طلبتي .. انا مداومه هني عفرا: ههههه حصيص خدمه 24 ساعه هند: صدق ؟ حصيص: هيه والله .. من الصبح لين الليل هند: عيل تعالي لي جيه ما تيين حصيص: اخوج الوسيم ما يعزمني هند: ههههه ما عليج من اخويه انا الحين اعزمج حصيص: ام عيون خضر اخت الوسيم والله انج حلوة .. وطيبة .. اطيب عنه رملة: انا بعد يوم بيرقدون بييج هند: حياكن والله عفرا: مصخوها .. هند: عفاري لا تقطعين عفرا: من عيوني هند: اكيد ؟ عفرا: اكيد .. والله كثر ما اقدر بييج ان شاء الله .. هند: الله يخليج ... تعالي لي كل ما تيين المستشفى .. عفرا: ان شاء الله .. انتي عاد مصيني عليج من دبي هند: منوه ؟ عفرا: امايه هند: فديت خالوه عذيجة والله .. تولهت عليها عفرا: انا روحي متولهه عليهم كلهم رملة: قومي قومي .. انا عيل شقول حليلي حصيص: انا بعد والله رملة: انتي امج وابوج ويااااااج حصيص: قوم جسوم مب ويااااااايه رملة: مب لازم قوم جسوم مالج .. ذبحتينا بـ جسوم حصيص: هو ما ينطاق ساعات .. بس بعد اتوله عليه عفرا: بيجلبنها فلم هندي .. يالله يالله وظهرن البنات .. سارن صوب احمد ... اما بدر فـ كان يالس .. ع الكراسي يقرا مجلة .. يوم ظهرن البنات لاحظهن .. وتم يطالعهن لين سارن .. وعقب خلى المجلة ع صوب .. و سار حجرة اخته ... بدر: مرحبا هند: هلا بدر: سارن ! هند: هيه ... ما طاعن .. رملة عندها تحاليل بدر: رملة منوه بعد ! هند: اخت احمد بدر: منوه اخت احمد ؟ هند: انته يا غبي بدر: عفواً ؟! هند: ههههههههه انته تقول .. حرمت احمد يايه .. تقصد هاي اللي ظهرت ؟ بدر: هيه هند: وبنته أي وحده ؟ بدر: مب حصيص .. حصيص اعرفها .. الثانية هند: هيه .. هاي رملة .. اخت احمد بدر: والثانية ؟ هند: هاي بنت خالتك .. بدر: ثر بنت خالتيه حرمت احمد هند: آمنة بنت خالتك .. هي تستوي حرمت احمد .. وهاي عفرا .. بدر: هاي حرمت منوه ؟ هند: هاي مب معرررررسة .. كبري بدر: اهاااااااااااااااا .. هند: الحين عرفت ؟ بدر: هيه هيه ... وانا شدراني عاد .. هند: حليلها والله عفاري .. طيبة بدر: يبين عليها هند: رمست الدكتور ؟ بدر: قلت لج .. انه الاسبوع الياي .. الدكتور مل مني خلاص هند: ابويه قال بيرمسه بدر: خلاص عيل .. عقب اكيد اما بيتصل فيج .. .او فيه وبخبرني هند: بنتريا الاتصال عيل بدر: انزين قولي هند: شوه ؟ بدر: ليش هم هني ؟ هند: رملة اخت احمد ... واحمد مسوين حادث .. ورملة الحين يايبينها بيسوون لها عملية في راسها بدر: هيه صدق تعالي ... تذكرين سالفة اللفت .. والبنيه اللي فيه هند: أي لفت ؟ بدر: يوم قلت لج من يومين .. عن البنات اللي ركبن اللفت والبنيه اللي قلت انها خبلة هند: هيه هيه بدر: هذيل كانن هند: منوه ؟ بدر: رملة تقولين .. وعفرا بنت خالتي هند: اوه .. بنت خالتك ؟ بدر: هيه ! هند: اول مره تعترف بدر: بلا بياخه هند ! هند: هههههههه انزين .. تذكرت السالفة ... حليلها هاي رملة والله بدر: الله يشفيها هند: وشوه سالفة البنيه الثانية ... بدر: الخبلة الثانية هند: تقول انها ماركة ألمانية أصلية بدر: هاي من 7 سنوات سايرة راده هني .. حافظة ألمانيا والمستشفى شبر شبر هند: ليش ؟ بدر: انا اللي عرفته منها .. ان امها هني مرقدينها مريضة ما ادري شوه بلاها هند: حليلها .. عسب جذه تقول انا كل يوم مداومه فالمستشفى بدر: هيه ... كل ما ايي اشوفها تسلم عليه تقولي الوسيم ... نقعت هند من الظحك .. وبدر تم يقولها بلاج وبلاج ؟.... ولين هدت وقالت له سالفة الوسيم .. وان سمتها ام عيون خضر ... وتحول حوار هند وبدر اليوم .. عن عفرا و رملة .. وحصيص ... محمد .. منصدم .. على .. حزين ... على مكتئب .. على مندهش ... كيف !!... تعب 7 سنوات يعني ... راح ... ولا جنّه سوى شي ؟!..... ولا جنه هي ساير راد ومتغرب هني ... ولا جنه بنته ضاعت عليها سنة ... اوكيه هو خله يولي ... حرمته ... حرمته تعبها وسيرتها وييتها وطيارة خاصة تييبها اوقات ... هذا كله راح !.... بنته .. بنته اللي تتريا متى يردون البلاد وامها تكون بخير ..... هالمرة ترد ... وامها تكون اخس عن كل مره !..... بالدوا اللي وصلوا لانه يكون حل!.... يت بنته عنده .. وهو يالس برع .. حصيص: باباااااااا رفع محمد راسه .. وغير ملامح ويهه كثر ما يقدر يبا يكون طبيعي .. محمد: هلا بابا حصيص: شوه تسوي يالس هني ؟.. الدكتور عند ماما ؟ محمد: هيه .. يالله نسير البيت حصيص: ما بترد تسلم ع ماما قبل ما نسير محمد: خلاص سلمت عليها حصيص: انزين انا بسير اسلم .. محمد: لا ما عليه .. انا قلت لها اني بطلع وبمر عليج وبنرد البيت .. لان ما شي وقت حصيص :حراااااام محمد: يالله ما عليه حصيص .. حصيص: بابا .. امايه فيها شي ؟ محمد: شويه تعبانه حصيص: صدق ؟ محمد: شوفي نحن اتفقنا انج كبيرة .. وما اخش عنج شي صح ؟ حصيص: هيه محمد: خلاص قلت لج شويه تعبانه .. ورقدت .. يعني ما اجذب عليج حصيص: لا محمد: ولا اقص عليج حصيص: لا محمد: يالله عيل نسير البيت ... حصيص: ان شاء الله .. وهذا خشمك حبيناه .. ولا تزعل وتقربت حصيص وحبت ابوها ع خشمه ... ابتسم محمد لـ تصرف بنته ... رغم القهر والغيظ .. والنار اللي في داخله .. لكن بنته شوي شوي .. تقدر تهدي من هالنار ... مب تطفيها ... حصيص: يالله نسير محمد: يالله .. نش محمد ومشى ويا بنته شايرين البيت .. ..... اللي هو شقتهم .. وشقتهم مب بعيدة جريبة .. وفي نفس الفندق اللي ساكنين فيه علي وحصه ... وهم يمشون فالطريج .. حصيص ترتجف .. الجو فعلا بارد حصيص: بابا برررررد وايد محمد: تعالي هني حصيص: وين ؟ وفتح جاكتيه .. محمد: تعالي حصيص اندست تحت جاكيت ابوها .. وهو غطاها به .. محمد: استحملي بنوصل جريب حصيص ( بدت تعطس ): الحمدلله محمد: يرحمج الله حصيص: يهدينا ويهديكم الله .. محمد: بردانه بعدج ؟ حصيص: لا .. احسن عن مساعه محمد: ما تبين تاكلين شي؟ حصيص: لا محمد: من وين تبين تتعشين ؟ حصيص: ولا مكان ..... محمد: ليش ؟! ... حصيص: تعشيت ويا عفرا ورملة محمد: ومنوه دفع ؟ ..... ما ييتي صوبي .. حصيص: اصلا كان عندي بيزات .. وبعديk عفرا حلفت وقالت هي بتدفع عني وعن رملة .. شسوي يعني ...... محمد: انا شوه قايل لج ؟ حصيص: والله هي قالت .. شقول لها بعني ؟ ........ اصلا ما عبرتنا ودفعت محمد: انزين .. حصيص: تعرف بابا محمد: شوه ؟ حصيص: انا احب رملة محمد: زين حصيص: والله صدق احبها هي وعفرا .. مع اني متعرفه عليهن من كم يوم .. بس والله طيوبات ... رملة تتحرطم فوق راسي .. بس احبها محمد: لانج انتي اكيد تتحرطمين فوق راسها حصيص :انا شويه مب وايد شراتها محمد: شويه والا وايد تستحملين .. عيل ما اييج منها حصيص: وهييييييييه صدق ما قلت لج محمد: شوه ؟ حصيص: شفت اخت الوسيم اليوم .. والله حلوة .. عيونها خضر ... حليلها طايحه ع الفراش مريضة محمد:منوه الوسيم ؟ حصيص: بلاك تنسى ؟ بدر هذا الخقاق محمد: لا ترمسين عن الناس جذه حصيص: هو مب خقاق .. بس شكله خقاق .. يعني محمد: انزين .. حصيص: واخته حلوة محمد: اقولج لا ترمسين عن بنات الناس جذه .. خلاص .. حصيص: اوكيه آسفة ... بسكت محمد: زين بعد وصلنا .. وصلوا محمد وحصيص فندقهم .. وساروا شقتهم .. حصيص طبعا ما ل بسرعه بسرعه بدلت .. وسارت يلست فالصاله ... وشافت ابوها يالس بعده بـ ثيابه .. حصيص: بابا ما بدلت محمد: حصيص .. حبيبتيه تعالي حصيص: شوه ؟ محمد: في شي .. بقولج عنه حصيص: انا حسيت ان في شي .. محمد: وما ابا ادسه عنج حصيص: شوه في ؟ محمد: الموضوع بخصوص امج .. حصيص :امايه شوه فيها ؟ محمد: حصيص .. حبيبتيه .. امج تعبانه زيادة اليوم .. حصيص: كنت اعرف محمد: وبيعطونها دوا اقوى .. وعقب بنرد البلاد حصيص: دوا اقوى يعني كيف ؟ .. بتستوي زينه ؟ محمد: هي بتستوي زينه ان شاء الله .. بس بداية بتتعب وايد .. حصيص: با با .. قولي الصدق محمد: يالس اقولج الصدق حصيص: احلف محمد: والله حصيص: كيف يعني دوا اقوى وتتعب .. هي لازم تتسوي زينه على طول محمد: ان شاء الله .. والله يسمع منج .. حصيص: اذا هم يبون يعطونها هالدوا عسب نرد البلاد .. خلاص مب لازم نرد نسكن هني .. وانا عادي بدرس هني .. بس هي اتم هني .. وتكون زينه محمد ( أبتسم .. ومد ايده يلعب بشعر بنته ): لا حبيبتيه .. ما يستوي .. ومب عسب جذه بيعطونها هالدوا .. هي لان الدوا الجديم ما فاد وياها وخلاص حصيص: يعني تعبانه هي الحين ؟ محمد: نفسيتها تعبانه من التفكير حصيص: ادري بها تفكر فيني .. انا بخير بابا .. وانا اقولها اني بخير .. وانا اقولها انك انته مب مقصر.. وانه لا تفكر فيني .. انا عوده الحين ... محمد: هي تدري بهالشي حصيص: هي تدري .. بس ما تسمعه مني .. انته قول لها يمكن تسمع منك .. بابا والله انا بخير محمد: ان شاء الله ... بقولها حصيص: باجر بنسير لها من الصبح ؟ محمد: اكيد ان شاء الله حصيص: خلاص .. انا بقولها .. وانته بعد قولها محمد: انزين .. حصيص: الحين سر بدل ... ولا تزعل انته .. ان شاء الله هي بتستوي بخير ابتسمت حصيص ... ... صدق ان محمد لولا بنته هاي .. جان عايش في جهنم .. ما يدري شوه كان بيسوي .. ما يدري شوه كانت حياته بتكون بدون حصيص .. اخته و صديقته وبنته وحبيبتيه وقلبه وروحه .. يا نهاية الاسبوع .. وبت المفاجآت .... + المواعيد .... + العمليات .... + كل شي .. يعني توقع ما ليس متوقع في نهاية هالاسبوع ........ في بيت ام هزاع .... فالميلس .. كلهم متيمعين .. عدا طارق اللي للحين مب واصل .. وعمر وعبدالعزيز ... سالم: وين اخوكم ؟ زايد: قصدك وين اخوانكم ؟ راشد: ما ادري بو زايد: اتصلوا بهم .. اتصلوا في عمر بو هزاع: هزاع .. اتصل في ريل اختك .. طارق شوفه وين ؟ هزاع: طارق ياي .. بو هزاع: شدراك ؟ .. هزاع: توني ياي من الصاله .. شمسة وىمنة قالن ان سلامة يايه فالطريج .. واكيد طارق هو اللي يايبنها .. بو زايد: مروان بلاك اليوم ؟ ثاني: مروضينه مروان: اونه ط منوه يرمس .. ثاني: ليش حبيبي ؟ مروان: بعد عمريه انته والله ثاني: لا تقردن مروان: استخدم وياك اسلوب النت هههههه ثاني :الله ياخذ عدوك ... لا تخرط هالكثر بو هزاع: هالنت بلاوي والله .. مدمر بيوت بو زايد: هيه والله .. ومثال عندك .. بيتي انا .. بو هزاع: بسم الله عليك بو زايد: ما اشوف ولديه الا فالسنة مره ثاني: ويد مبالغ ! زايد: بتحصل هزبه هههههه هزاع: زروني كل سنة مره سالم: مال اوووووووول زايد: ههه تبا تقنعنا غصب انك كنت مولود ع ايام هالاغنية صالح: ويه لو مولود .. انا وامه عيوز وشيبة هزاع: لا والحين عيل شوه ؟ ثاني: شفت كيف فتحت شتى انواع المواضيع راشد: حليله ثاني هههههه كل ما نيي يطيحون فيه مروان: هههههه محد قاله يطريني ثاني: ابويه طراك مروان: وانته اتحفتنا .. بتعليقك .. سالم: يوعااااااااااااااااااااااااان هزاع: بسير اشوف قوم امايه تأخروا بو هزاع: يتريون طارق اكيد .. بو زازيد: ما عليه ما عليه .. مب مستعيلين نحن .. بس خل اييبون الاكل .. اللي بياكل ياكل .. واللي بيتريا يتريا .. مروان: اصلا لين تييبون .. طارق بيكون هني هزاع: ثرني بقولهن يحطن الغدا الحين .. ظهر هزاع من الميلس .. ولقا طارق في ويهه هزاع: هلا والله .. طارق: اهلين ... هزاع: خل ألحق ع ولدك .. طارق: سر قبل ما تدخل اختك .. لبس هزاع نعاله بسرعه بسرعه .. وركظ صوب اخته .. هزاع: سلّووووووووووم سلامة ( صدت ورا): شوه ؟ هزاع: اصبري اصبري .. سلامة: شوه تبا ؟ هزاع: ييبي عامر سلامة: وين بتوديه ؟ هزاع: وين بوديه يعني الميلس .. سلامة: كلهم وصلوا ؟ هزاع: هيه انتي وريلج آخر سلامة: جذاب هزاع: والللللله بعد شووووه .. ياللي ما تستحين .. انا جذاب ! اخوج العووووووود سلامة: ههههههه سوري سوري .. هزاع: شوه يعني عرستي تتحسبين عمرج اكبر مني سلامة: اوهووووو .. بتذلنا الحين .. آسفين خلاص هزاع: ههه انزين ييبي ولدج ييبيه .. وقولي حق امايه يحطون الغدا حقنا سلامة: انزين .. خذه .. فالصاله .. ميثا تطالع هزاع شال عامر برع .. قامت تصيح .. وتبا تسير .. سلامة: السلام عليكم آمنة: خبلتوا بنتييييييييي سلامة: حبيبتيه بلاها الحلوة تصيح غاليه: فديت روحها .. حرام شمسة: كسرتوا بخاطرها عذيجة: قومي انزين وديها هناك آمنة: محد بيجابلها .. كل واحد همه بطنه .. شمسة: وديها حرام .. يعني كل مره منوه يجابلها آمنة: كل مره ابوها هني عذيجة: وديها عند ابوج قومي آمنة: ابويه روحه يبا يتغدا ام زايد: وديها آمنة حليلها ... بتيلس .. ما شاء الله شكثرهم هناك بيشوفونها غاليه: وديها عند زايد بيشوفوها شمسة: ههه حلوة هاي زايد غاليه: ههههههه هيه والله اخويه حنون ... عادي بيشوفها آمنة: الله ياخذ عدوك يا هزاع جانك خبلتها .. لفت آمنة شيلتها على راسها .. وشلت بنتها وسارت صوب الميلس .. والبشاكير توهن يحطن الغدا حق الرياييل .. يعني نصهم في وضع الاستعداد .. والنص الثاني توهم ناشين .. يعني زحمه ......... دخلت هي .. آمنة: السلام عليكم مروان: هلااااااااااااااااا من سمعت بنت آمنة صوت مروان .. تمت تدوره .. ومروان يوم شافها كيف تدور .. غطى ويهه بالمخده .. آمنة: حرام عليك مروان: ميثانييييييي راشد: مروان لا تخبلها شل مروان المخده .. وشافته ميثا .. تخبلت صدق من الخاطر .. آمنة: وصيه عندك الحين أمانة مروان: حبيبتييييييه تعالي سالم: ميثاني تعالي مروان: قم انته قم هزاع: بس بس لا تظاربون ع بنت اختيه زايد: حليلها ثاني: لعوزتوها آمنة: مروان قم شلها .. مروان: تتأمر بعد آمنة: انته مخبلنها .. راشد: ههههه حليلها كيف متخبلة سالم: هذا مروان ساحرنها صالح: ايه انتي .. تعالي هني مروان: خلاص ما تبا أي حد .. شافتني طارق: تنويم مغناطيسي مسولها .. مروان: فديتني اذبح .. آمنة: تذبح حرمتك مب تذبح بنتي .. تخليها تغازلك من الحين بعد مروان: والله بنتج فارطة .. وطفسة فاره عمرها عليه .. ما فيها رزانه آمنة: بنتي انا مب رزيييييييينه ! مروان: هههههه بتنتحر آمنة الحين .. خلاص خلاص بالغلط بالغلط ثاني: لو سمحت لا تغلط ع بنات عمتيه مروان: اوه اوه اوه .. اصبروا اصبروا .. رمس ثاني ... والله زين زين .. في تطور في مجال التفكير ثاني: ههههههه الله ياخذ عدوك ما نقدر نقول شي جدامك .. آمنة :يالله الحين بيستلمك ثاني: من الصبح مستلمني زايد: يالله انزين .. تعالوا كلوا آمنة: اكلوا بنتي عدل هزاع: انزين .. بنأكلها .. بو زايد: آمنة .. شحاله احمد ؟ آمنة: الحمدلله بخير عمي .. بو زايد: شوه علومه ؟ آمنة: والله الحمدلله مروان: احمد الحين عند قوم بو عيون زرق وشعر اشقر اطالعته آمنة بنظرة .. والكل ظحك .. وعقبها هدت آمنة بنتها ويايه بتظهر من الميلس .. يو في ويها عمر و عبدالعزيز .. آمنة: اوه آسفة ... وردت ورا .. عسب يدخلون .. عاد عمر قااااااااااااافط .. ومستحي .. دخل بسرعه وهو منزل راسه .. اما عبدالعزيز ما صدق .. عبدالعزيز: شخباااااااارج آمنة: الحمدلله عبدالعزيز: وينها خطيبتيه آمنة: عند اخوك عبدالعزيز: افا كيف جذه ؟.... آمنة: شسوي انته تأخرت ههههه عبدالعزيز: ما ايوز والله .. الحين يوم بتكبر وبعرس عليها .. اخواني شاليها وبايسينها .. والله مب شي ! آمنة: ههههه يالطفس ايه انته .. عبدالعزيز: صدق انزين آمنة: ههههه بلا رمسة زايده سير كل انته الحين عبدالعزيز: عقب الغدا بنتفاهم آمنة: ان شاء الله هزاع: يا ولد خل اختيه تسير تتغدا عبدالعزيز: وااااااااااو هكونا متاتا .. سالم: صراصير مأرمشة بالديدان المحشية بكريمة الفيران .. عبدالعزيز: والعناكب المتكسرة ... كانها فستق سالم: مع شوية خنافس ... يبآ طعمها طبعا موال متعودين عليه ... فاللي تلوع جبده تلوع ... محد يقوله ما يتعود ع هالموال الجميل قبل الاكل !.... ويسوي عمره ما يعرف عزوز وسلوم.. سلامة: امايه جيه ما تيين تتغدين ؟ عذيجة: مب مشتهيه الغدا اليوم .. ام زايد: شوه فيج ؟ عذيجة: ما فيني شي .. بس متريقة متأخر .. سلامة: يوم اقولكم الريوق مب مهم عذيجة: هيه مب مهم عسب تدوخين علينا سلامة:هههههه شرات كلام عمتيه ام زايد: صدقها امج حليلها .. الريوق مهم .. انا عندي غاليه شراتج تدوخ لو ما تتريق غاليه: عاد امايه لازم تفضحييييين آمنة: عاد غاليه انتي مفضوحه دون ما تقولين غاليه: هههههه شمسة: امايه رمستوا عفاري وحصه ؟ عذيجة: هزاع يقول رمسهن مساعه وقال بيتصل العصر وبيخليني ارمسهن آمنة: حصه مب جنه مصختها متى بترد ؟ شمسة: تقول الدكتور قال ترقد هناك احسن .. عن تعب الطيارة عذيجة: هالدكاترة بعد وايد يألفون ام زايد: دام جيه السالفة .. عيل خلها .. حليلها ما صدقت تحمل .. تييب واحد بس الحمدلله .. بعد تبونها تعاند .. خلوها .. والله يرزقها ان شاء الله اثنين وثلاث واربع وعشر .. بس يحفظها يا رب شمسة: عشر تبون عفرا تنتحر سلامة: عفرا بنشوفها هي عيالها كيف بيطلعون غاليه: احم احم آمنة: ربيعتها هني غاليه: هههههه ما ارضى عليها سلامة: والله ربيعتج حاطه ع عيالنا غاليه: يعني حليلها وايد يلعوزونها عيالكم شمسة: احس ان واحد باااااارد بياخذ عفاري آمنة: لا عاد هني صدق بتنتحر سلامة: ما يليق عليها ام زايد: الحين ما شي سالفة غير عفرا ! عذيجة: شفتي انتي .. يسيرن ويردن ع بنتي المسكينة سلامة: اووووووووووه اووووووووووه شمسة: وينج يا عفاري ما تيين تسمعين امج آمنة: لا لا هالمره صدق صدق بتنتحر وبتكتب وصية بعد ام زايد: بلاكن تنتحر وتنتحر بسم الله عليها عذيجة: ادلعهن كلهن ولا عايبنهن آمنة: امايه حبيبتيه عاد .. والله مدلعه حصوه وسلامة اكثر شي .. وانا وعفاري وحصوه اللي حقنا ضايع ام زايد: ليش بسم الله ..لأا حقكن ضايع ولا شي .. انتن شيخات والله غاليه: ها .. امايه تنازلت عن دلعها لي .. حقكن .. شوه تبن بعد عذيجة: والل ولا يعيبهن بعد .. لا تتنازلين .. ولا شي .. لو تقصين عمرج 10 قطع ولا يكفيهن شمسة: بسم الله عليج امايه حبيبتيه سلامة: امايه تقردنج عسب الياهل اللي ياي شمسة: في عينج سلّووووووم سلامة: ههههههه عذيجة: الحين ربينا سالم ولسانه هالطول علينا آمنة: حليله والله سالم لسانه مب طويل .. لكن ما يقدر يسيطر عليه عذيجة: اذا هذا العصقول لسانه مب طويل عيل منوه ؟ سلامة: عزوز عذيجة: ما يخصج في ولد اخويه ( وفرت عليها المخده ) غاليه: ههههههه مقولة عفاري حليلها وتمن يظحكن الحريم .. ويكملن سوالف ...... في بيت الشباب .. دام ان الشباب سايرين بيت عمتهم يتغدون .. فـ سعيد وحرمته يتغدون فالصاله اليوم ... بدور: سعيد خبرت عمر ؟ سعيد: عن ؟ بدور: البيت سعيد: لا بدور: متى بتخبره ؟ سعيد: جريب ان شاء الله بدور: سعيد يعني لين متى بتسكتون عن حقكم سعيد: خلاص رمسنا فالموضوع مليون مره بدور: وانا تعبت بعد في هالمليون مره سعيد: اوكيه خلاص انتي قلتي وانا سمعت بدور: متى بترمسه ؟ سعيد: ما ادري بدور: رمسه اليوم سعيد: ان شاء الله بدور: ان شاء الله وما تسوي شي .. سعيد: خلاص قلت لج برمسه .. ان شاء الله .. لا تحنين وايد بدور: انزين عرس ولد خالتيه الاسبوع الياي سعيد: شوه ؟ بدور: عرس ولد خالتيه الاسبوع الياي سعيد: علي ؟ بدور: هيه ... سعيد: وايد جريب !... بدور: بلاك ؟ انا من شهرين مخبرتنك سعيد: نسيت بدور: الحين ذكرتك .. سعيد: من الآخر كم يعني ؟ بدور: انته كريم وانا استاهل سعيد: اصبري ما مفصلة فستان طبعا بدور: طبعا لا .... منوه وداني ؟ سعيد: ليش ما سرتي ويا اختج ؟ بدور: وديمة وايد متفيجة ... تسير تشتري قطعة ومصمم وحاله ... وبعدين انته ريلي سعيد: انزين فذمتج قلتي لي وما وديتج ؟ بدور: المهم يعني ... انا بشتري فستان جاهز سعيد: ولو ما طلع مضبوط عليج ؟ بدور: بقوله يخلصه بسرعه .. وبعطيه زيادة سعيد: اهااااااااا ... تعطينه زيادة بدور: هيه .. والا مستخسر فيني سعيد: لا لا .. تفداج البيزات ... وراعي البيزات بعد شوه تبين ؟ بدور: هيه جيه اوكيه سعيد: افا .. كم بدور عندنا .. سعيد كم حبيبة عنده ؟ بدور: ما ادري والله ! سعيد: شوووه ؟ بدور: انزين وايد لا تقردن سعيد: هههههه الحين اتغزل فيج وحبيبتيه وعمريه وحياتي .. بدور: والله ما يندرى شوه ورا هالكلام ! سعيد: واااايد يحب حرمته تقولين ما يندرى شوه ورا هالكلام ؟ بدور: انزين متى بتوديني ؟ سعيد: امممم متى بتسيرين ؟ بدور: اليوم جان تقدر ... سعيد: امممم اليوم اوكيه .. اليوم .. بس عقب صلاة المغرب بدور: ليش ؟ .. مب العصر ؟ سعيد: العصر بطلع شويه وبرد .. وعقب بوديج .. ادري بج تتأخرين بدور: يعني ما تبا توديني . اوكيه قول بسير ويا السايق سعيد: جربي انتي بس بدور: يعني شوه بتسوي ؟! سعيد: عن الحركات .. قلت لج بوديج ... وعقب المغرب .. ما له داعي تستفزيني بالسايق بدور: ما استفزك بالسايق .. بس طول عمريه اركب وياه سعيد: ويوم خذتيني ما تركبين وياه .. الا لو انا مشغول حدي وما اقدر اسوي لج اللي تبينه بدور: انزين هالمرة ما تقدر سعيد: بلاج مصره ع السايق ؟ .. قلت لج انا بوديج بدور: مب مصره ولا شي .. لكن انته يوم تيي السوق ويايه .. وايد البنات يطالعونك سعيد: والله !...... والبنات من متى ما يطالعون ؟! بدور: لا ... عيونك تلفت سعيد: حتى انتي ! بدور: شوه حتى انا ؟ جيه منوه قايل لك هالرمسة من قبل سعيد: هههههههه اخواني .. مروان وايد يعلق عليه .. ويعلق ويتمصخر عليه اوني مذوب البنات بعيوني بدور: صدقه يوم يقول .. سعيد: ايه يالخبلة .. بلاج بدور: انا خبلة الحين ! سعيد: هههههه والله انج تظحكين .. في حد عنده هالقمر و يشوف بنات غيرج ؟ بدور: هــــــه .. كلام سعيد: حرام عليج بدور تشكين فيني ! بدور: ما اشك فيك .. بس شي متوقع حدوثه سعيد: لا متوقع ولا شي ... عاد ما لقيتي غيري انا !... سعيد الخجول بدور: السكوتي لوتي سعيد: ول !!!!!! قوية! بدور: والله ما يندرى سعيد: اوكيه شرايج اتلثم وانا اتمشى وياج فالسنتر بدور: يا سلاااااام .. عاد عقب صدق بيتمن يطالعنك .. عيونك بس ظاهرات سعيد: عيل هاي جحة بالله عليج .. تقولين بسير ويا السايق عسب والله ان عيونك انته خضر .. هذو عبدالعزيز اخويه بعد عيونه خضر ... بدور: عبدالعزيز صغيييييير ... وانا ما يخصني فيه .. انا يخصني فيك انته ريلي سعيد: اوكيه حبيبتيه .. عليج مني .. وانا اقولج .. ما عندي سالفة لو عطيت هالاشكال سالفة !.. سكتت بدور .. وسعيد تم يطالعها ويظحك ... في بيت ام هزاع .. عمر: هدوها بس لعوزتوها عبدالعزيز: هذا سالم سالم: ههههه كشخه يوم تصرخ صالح: سالم هد البنيه عبدالعزيز: يا ويهك بتصيح زايد: سالم يالمشاغب ثاني: ههههه اكبر طاف والله سالم: ههههه والله حلو يوم تصرخ .. طارق: الحين الا يصيحها سالم: ما تصيح بس تصرخ طارق: يوم بتصيح انته تسكتها سالم :اوكيه عبدالعزيز: اوكيه ومن هناك بيشرد عقب بو هزاع: يالله يالله كلكم برع يالله راشد: طرده ! بو زايد: ههههه مب حقكم حق المشاغبين صالح: هيه والله برع بنرقد شويه وانسدح صالح .. وخذ موقعه ... طارق: ودوا البنيه عند امها زايد: الشياب بيرقدون بو هزاع: افا والله زايد يقول شياب مروان: ومسكووووووا علييييييييييييه زايد: ههههههه عاد انته ما صدقت ثاني: ههههه يوم اقولك ما في حد يمسك عليه هو ... بو زايد: شباب ما اوصيكم .. ثاني ما يطلع من هني اليوم .. بيرد البيت وبيسير ع العفن ماله .. ما تخلونه يرد البيت .. هزاع: افا عليك خالي مروان: ما طلبت الغالي راشد: هههههه بلاكم خدمات اجتماعية خيرية اليوم ثاني: هههه الا قول خدمات دمار رن مبايل هزاع .. وأشر حق مروان .. مروان: لا خدمات دمار ولا شي .. زايد: وين سايرين ؟ هزاع: بنييب لكم الحلو عقب هالاكل عمر: أي حلو أي خرابيط بعد هزاع: صدق كلتوا كاكاو خالي يوسف عبدالعزيز: الله واااااايد حلووووووووو بو زايد: هاللي فالح فيه خالكم وعمكم .. الكل سكت .. يعرفون قصد بو زايد عدل .. وحاسين فيه .. لكن سالم تدارك الموضوع هالمره ! سالم: ايييييييييييييييييييييييه صرخ ع ميثا صرخه .. وهي صرخت عليه .. وكفخته بعد .. لانه وايد وايد لعوزها .. طارق: ههههههههه تستاهل سالم: ايه انتي بظربج راشد: اظربها وشوف .. سالم: حتى انته تدافع عنها زايد: هيه بيدافع عنها ثاني: هاي صغيرة ايه انته يالشيبة سالم: محامين دفاع ما شاء الله شوه حجة كل واحد منكم ؟ راشد: حرمت اخويه المستقبلية سالم :ط هذا انتوا عبدالعزيز: استغفر الله العلي العظيم .. لا حول ولا قوة الا بالله .. اين انت يا عمراااااااااااان يابها عبدالعزيز بطريقة ان ردوا كلهم يظحكون .. وهزاع ومروان استغلوا الفرصة وظهروا برع .. شافوا آمنة .. هزاع: ههههههه سالم لعوز بنتج آمنة: قلت لكم ظهروها مروان: وينها ؟ آمنة: منوه ؟ مروان: بعد منوه يعني ؟ هزاع: بنتج داخل مروان :ايه انتوا عن الاستهباااااااال آمنة: هههه .. فالمطبخ مروان :فالمطبخ شوه تسوي ؟ تغسل المواعين آمنة: ههههههه لااااااا .. تسوي لنا عصير برتقال فرش مروان: ط هاي انتوا هزاع: شوه امون تستهبلين .. زاقرينج عسب شي وانتي مخلتنها تخدمج ! آمنة: يعني شوه تبوني اسوي ؟ كيف اقولها تعالي هني والله ما يت .. مروان: والحين ؟ آمنة: سر لها المطبخ ما فيه حد .. مروان: لا والله جدام البشاكير آمنة: وانته شوه تبا تنفرد بالبنيه روحك ! هزاع: ط هاي ! مروان: يا .. شقول عنج .. آمنة: لا والله .. انتوا الاثنين ما تستاهلون حد يقدم لكم معروف ولا تستاهلون اعرض عليكم خدماتي مروان :امسك عااااااااااد ... عفاري الثانية ... بعدها ما سوت لنا الشي ذلتنا هزاع: هههههه ثره مروان صدق متأزم آمنة: وانا شسوي محد قاله يصب البيبسي مروان: بالغلط والله بالغلط .. يا ناس يا عالم بالغلط آمنة: انزين بالغلط خلاص عيل مروان: ضميري يأنبني آمنة والله آمنة ( كسر خاطرها مروان ): انزين اقولك .. سر المطبخ ما في حد .. البشاكير كلهن سارن ع المغاسل اللي ورا يغسلن الجدور مروان: متأكده ؟ آمنة: هيه والله مروان: ما فيه وحده منهن تسوي لي سالفة .. آمنة: ما بتسوي .. واذا سوت سالفة انا بألف لك سالفة هزاع: روح يا اخي .. ألوبنا معاك مروان :شوه ؟ انته ما بتيي ! هزاع: وانا ليش ايي ! مروان: شوه هالمصخرة ! هزاع :لا يا حبيبي .. ما يخصني في غاليه .... انا جيه اعتذر لها ؟! مروان: كله منك انته ظحكت هزاع: ههههههه ظحكت ع شي ثاني مب عليها .. والله ! مروان: وهقتني وتتخلى عني آمنة: صديقك ما ينفع روح روح عنه مروان: هيه والله هزاع: افا ... اختيه لازم تدافعين عني آمنة: تخليه في اصعب الامور هزاع: لا تدرين بها غاليه لو شافت اثنين بتصيح بعد .. هاي واحد والله يعينك والله يا صابت يا خابت .. آمنة: اقولكم وايد طولتوا .. عادي تكون مخلصة وبترد الحين .. ولو شافتكم بتدخل من ورا مروان: هزاع ما بتيي آخر كلام ؟ هزاع: هيه والله مب ياي سير .... آمنة : شوف آخر فرصة هاي .. عقبها والله تريا عفاري ترد وترتب لك .. انا ما يخصني .. ريلي ما بيخليني مروان: اللي يقول ما ادري شوه قايلين تسوين ! ىمنة: هههههههه لا انا روحي مب متفيجه... مروان: عفاري بتذلنا عقب هزاع: بتفضحك مب الا بتذلك مروان: وع كل دقة بتقولي تذكر ! .. عادي الغبية تسويها آمنة: لا تغلط ع اختيه هزاع: اوهوووو مروان ذليتنا يالله سير فكنا .. سار مروان حليله عقب ما تخلى عنه هزاع ربيعه ... وآمنة اول مره تظحك عليه من الخاطر ... وينج يا عفرا تيين تشوفين ولد خالج .. اللي دوم يعلق عليج .. مكسور الجناح .. وصل المطبخ .. دخل ... غاليه: ميرنا .. انا قلت لج سألي بشكارة قوم عموه عن الكاسات اليداد حق الميلس .. صدت غاليه ورا .. وحاطه ايدها في وسطها ... غاليه: يبتـ صخت ... سكتت .. كاس واحد في ايدها .. مروان .. لا بتعق الكاس الحين .. بتعقه بتعقه .. يا رب ما تعقه يا رب ما تعقه .. بتفظحني لو عقته.. مروان :الله يخليج .. خلي الكاس ع صوب اول شي .. بليييييييز .. خليه ع صوب .. مروان حط مبايله بسرعه ع الكبت اللي حذاله ... وتم يأشر بايده ان اهدي وحطي العصير .. غاليه مستغربة ع منصدمه هذا بلاه ؟.... اولا شوه يايبنه هني .. ثانيا ليش يقولها جذه !.... مروان: غاليه حطيه .. ايدها بدت ترتجف .. مروان: حطيه ع صوب بليز .. حطت غاليه الكاس .. وايدها بدت ترتجف .. تخاف .. مرتبكه .. متروعة .. هذا آخر موقف استوى لي وياه لا يمكن انساه .. شوه يايبنه الحين ؟...... يا ربي .. ليش يعني انا دايما انحط في هالمواقف المحرجة .. مروان: شوفي هن كلمتين ... والله مب مطول غاليه: شوه تبا ؟ ( بصوت يرتجف ) مروان كسرت خاطره غاليه يوم رمست .. صوتها صدق صدق يبين انها زايغه .. بس عسب يهديها .. قال بيرد لأسلوب اللف والدوران شويه .. مروان: قالوا لي مسويه عصير برتقال فرش .. و والله خاطريه فيه .. فـ ممكن يعني غاليه ساكته .. ما ردت .. مروان: ممكن ؟!... ولا ردت .. مروان :اوكيه خلاص .. آسف .. اسمحي لي جان ازعجتج .. يوم بسير البيت .. بقول حق فريد يسوي لي عصير برتقال فرش .. آسف وياي مروان بيظهر من المطبخ .. غاليه.. شوه هالحركات .. بلاني !...... الريال يبا عصير ... شوه فيج يا غاليه .. خبله !.. ما فيها شي .. متحجبة ومتسترة .. ما دخل عليج وانتي بلا شيلة .. حليله يبا عصير .. غاليه: اقول .. مروان .. واخيرا ما بغت ترمس .. سنة لين ما لفيت وصديت عنها وسنة مشيت الخطوة الاولى .. تعبت .. وانا اتحرك هالحركة البطيئة .. وهي توها ترمس .. افففف يالله مب مشكلة يا رب تنجح خطتيه الحين .. مروان: هلا .. غاليه ( بعدها شويه مرتبكه ): تعال خذ العصير .. هذو ع الطاولة .. مروان: لا خلاص اذا ما تبيني اشرب شي من ايدج عادي غاليه :لا عادي .. تفضل مروان: مشكوووووورة يا بنت العم تجدم مروان ... مع ان الصينية ع الطاولة اللي فالنص .. وغاليه واقفة ورا الطاولة ... لكن يوم مروان تجدم .. هي ردت ورا .. لين لصقت فالكبتات اللي وراها ... خذ له مروان كاس .. وشرب منه شويه .. مروان: آآآآآآآه .. لذيييييذ.. ما علقت غاليه .. رفع راسه مروان يطالعها .. مروان ( أبتسم ): تعقدتي من السوائل لهالدرجة ورديتي ورا هالمره مول ... صخت غاليه .. يعني ما ناسي .. يذكر مثل ما انا اذكر !..... مروان: غاليه .. انا آسف .. ما كان قصدي اصب عليج البيبسي .. وافشلج .. اذا تعتبرنيها حركة مقصوده .. ولا عرفت انج بنت عمي الا يوم هزاع طراج .. والله اني ما دريت .. ادري سببت لج أزمة نفس اليوم .. وصحتي صياح عالمي .. بس والله آسف وما كنت اقصد .. غاليه ساكته .......! عاد مروان ما لقى غير غاليه يباها ترد عليه .. مروان: اوكيه الحين ما اباج تقولين لي قبلتي اعتذاري والا .. سامحتيني والا .. لكن الاسبوع الياي .. لو يينا هني ... وانتي ييتي .. لو يابوا لنا عصير برتقال فرش ... بعرف انج انتي مسوتنه .. وبعتبرج رضيتي و ما شاله في خاطرج عليه ... والا ما يابوا يعني للحين زعلانه .. ثرني والله ما احب احط راسي ع المخده وحد زعلان مني .. فـ بليز ساعديني وسامحيني .. لف مروان بيطلع من المطبخ .. مروان: وهيه صح .. مشكوره ع العصير الغاوي .. وظهر .............. غاليه للحين واقفة .. رد مروان مره ثانية ... مروان: سوري نسيت مبايلي .. شل مروان مبايله .. وظهر .. لكن هالمره صدق سار .. اما غاليه فـ وصلت الخدامه .. وقالت بتتمالك اعصابها وعقب بتيلس وبتفهم اللي استوى .. وصبت للشباب في كاسات .. وقالت حق الخدامه تودي العصير .. وهي ودت اللي سوته حق الحريم ......... في ألمانيا .. احمد .. يالس حذال راسها .. احمد: رملة رملة ( دايخه): ها احمد: شحالج ؟ ما ردت احمد: تبين كاكاو ؟ رملة: ها ؟ حصيص: رملة شفتي فلم امس ؟ عفرا: لا تسألونها اسئلة غبية احمد: ههههه دايخه خلاص .. رملة دايخه صدق من الخاطر .. خلاص .. مفعول المخدر .. بدا يدخل مرحلته .. نشوا عنها عفرا واحمد وحصيص وساروا برع .. عقب ما يت السستر .. وهم كانوا يالسين لانها هي طلبت هالشي .. فـ لبوا لها اياه ... عفرا: حليلها حصيص: الحين بيسوون لها العملية .. احمد: تدرون شوه ؟ عفرا: شوه ؟ احمد: بيقصون شعرها الحين .. حصيص + عفرا: هاااااااااااااااااااااااااااا عفرا: احمد من صدقك ؟ احمد: هيه عفرا: احمد ! احمد: هيه والله حصيص: حراااااام ليش ؟ احمد: عسب العملية .. عفرا: انزين .. لين وين ؟ احمد: ما ادري .. بس قلت لهم كثر ما تقدرون لا تقصونه وايد عفرا: حليلها رملة .. حصيص: يعني بيستوي اقصر عن شعريه عفرا: اويييييه كاسرة خاطريه احمد: بس انتن الحين .. روحي ما ادري كيف عفرا: صدق وين مبايلك ؟ احمد: غلقته عفرا: انا بعد احمد: احسن فالبلاد الحين بيحشروني .. عفرا: اعصابي توترت احمد: لا الله يخليج .. ما فينا بعد حصيص: لا لا عادي .. لا تخافون .. ان شاء الله ما عليها شر .. هالبنيه صدق مخففه ع وايد ناس هني .. بكلامها العفوي .. هي ما تدري بكلماتها هاي كيف تثلج صدور اللي حولها ......... حصيص: عفرا عفرا: شوه ؟ حصيص: شرايج نسير عند خالوه حصه اختج عفرا: لحظة بنتريا رملة لين يودونها احمد: خلاص سيرن .. ما بيظهرونها ... من داخل بيودونها العمليات هناك .. عفر: هيه ؟! احمد: هيه ... عفرا: انته بتيلس هني ؟ احمد: هيه ... ويمكن افتح مبايلي .. اتصلي جان احتجتي شي ...... برد عليج .. عفرا: ههههه لو امون تدري احمد ( ابتسم): خلي امون الحين ع صوب عفرا: اوكيه نحن بنسير عند حصه ... ******* |
الجزء الـ 37 ساعه كاملة ... محد طلع لهم ... ساعه كاملة .. وهم يالسين ع اعصابهم .. اللي ساير راد .. اواللي يالس ع صوب وسرحان .. والله مل ... واللي وده يدخل العمليات عندهم ويسأل شوه السالفه . كل واحد فيهم في صوب يالس بعيد عن الثاني .. وكل واحد فيهم في حاله !....... احمد كان صدق صدق ع اعصابه ... اكثر واحد من الموجودين .. واصل حدّه ... ساعه كاملة .. مب جنها وايد ! احمد: افففففف عفرا: جنهم طولوا احمد ساكت وما يرد .. ما يقدر يرمس ... من شكله ... باين ع تعابير ويهه .. وصل محمد... محمد: حصيص .. حصيص يالسه ع صوب .. ورافعه ريلها ع الكرسي .. محمد: حصيص ! حصيص: شوه .. محمد: يالله نسير حصيص: بابا الله يخليك .. خلني لين يظهرونها .. تجدم محمد صوب بنته ونزل لمستواها محمد: بنتأخر .. حصيص: عادي عندي .. بس بليز ابا ايلس اطمن عليها محمد: ما ييتي صوب امج الا كم دقيقة .. حصيص ( تنهدت) : بابا شسوي .. احاتي رملة محمد: بعدها ما ظهروها ؟ حصيص: لا .. محمد: تأخرت وايد حصيص: عسب جيه نحن زايغين محمد (أبتسم): ان شاء الله ما عليها شر .. الحين بتلقين حد ظاهر وبيقولون خلاص حصيص: ان شاء الله .. محمد: انزين عيل انا بسير صوب امج ما بتين ؟ حصيص: لا .... سار محمد اول شي صوب احمد .. محمد: بو شهاب احمد: هلا .. بو جاسم .. اخبارك ؟ محمد: الحمدلله تمام .. انتوا اخباركم؟ واخبار الرضيعة احمد: والله اعصابي توترت .. محد ظهر للحين محمد: لا ان شاء الله ما عليها شر .. بتشوفهم عقب شوي يايينك احمد: ان شاء الله محمد: انته بس يلس واهدى ... احمد (أبتسم): ان شاء الله محمد: يالله .. انا اترخص احمد: يزاك الله خير ... ومشكورين وما قصرتوا ع السؤال والله .. محمد: ولو .. هذا واجب ... وبعدين ما سوينا شي احمد: يلسة بنتك هني من الصبح تسد والله .. انا قلبي داخل .. وبعد هي كاسرة خاطريه محمد: طردتني توها ههههه .. تقولي سر بتم يالسه احمد ( صد صوبها): وين انا اتحسبها بتسيرون الفندق .. محمد: كنت بسير ... لكن هي يالسه .. احمد: لا شلها حرام والله محمد: ما بطيع تيي ادري بها .. وما احب اخليها تحاتي .. خلها يالسه تطمن ع ربيعتها .. وانا ثر ما عندي شغلة .. بسير ايلس عند الحرمة احمد: حليلها محمد: يالله .. طمنونا عاد احمد: ان شاء الله .. محمد: الواحد يشوف مصايب غيره تهون عليه مصيبته .. سكت احمد .. عرف قصد محمد .. علي خبره بـ سالفة حرمته .. وان بيستخدمون الكيماوي حقها خلال الايام اليايه ..... فـ صدق الواحد يشوف مصايب غيره وتهون عليه مصيبته .. لكن مصيبة محمد بالنسبة لـ احمد هي اللي مصيبة بحد ذاتها .. اما رملة ان شاء الله مجرد عملية تخلص . ويزول الخطر ان شاء الله ... وسار محمد ... مدام بنته يالسه هني .. بيسير ييلس عند حرمته .. يخفف عنها شويه .. لان هو يمكن من ساعه ظاهر من عندها .. ويالس يحوط ويحوس في هالمستشفى بين الدكاتره ... وصل الحجرة .. دق الباب ودخل ... محمد: مرحبا سهام: رديت ؟! .. في شي ....! محمد: لا شوه في ؟ سهام: وين حصيص ؟ محمد: برع سهام: محمد في شي ؟ محمد: لا يا بنت الحلال .. ما في شي .. سهام: صدق ؟! محمد: تدرين شوه ؟ سهام: شوه ؟ محمد: اكتشفت ان حصيص ماخذه هالطبع منج .. احلف .. قول والله .. صدق ! .. سهام: يا ربيييييي.. محمد قول انزين في شي ؟ محمد: ههههههه والله والله ما في شي .. بسم الله سهام: عيل جيه ما يت حصيص ؟ محمد: حصيص ابويه عند ربيعتها .. سهام: ظهروها من العمليات ؟ محمد: لا سهام: ويه .. حليلها من زمان وهي داخل محمد: هيه ... وايد تأخرت .. رمست اخوها حالته مول سهام: الله يصبرهم .. محمد: آمين سهام: ليش ما سرتوا البيت انزين ؟ انته قلت انك تعبان .. وحصيص اكيد تعبانه من يلسة برع محمد: بنتج ما طاعت .. تقول بيلس لين يظهرونها .. وبابا والله يخليك وبليز .. ما تهون عليه سهام ( ابتسمت): فديت روحها .. مسنّعه محمد: افا عليج .. تربية محمد سهام: محمد محمد: هلا سهام: اشتقت للبلاد ؟ تنهد محمد تنهيده من الخاطر ... وعقبها رمس .. محمد: اشتقت للبلاد .... وهل البلاد .. وشيخة البلاد .. فوق الضيجة اللي فيها سهام .. ضاجت زيادة يوم سمعت محمد ريلها يطري شيخة البلاد ... شيخة البلاد هاي ... هي امه .. وهو يزقرها دايما شيخة البلاد .. كونه وايد يسافر فـ سمى امه شيخة البلاد ... من الشوق والوله لها وللبلاد .. انتبه محمد لـ حرمته وانها سكتت يوم شافته سرح .. فـ عرف السبب .. وعرف انها تضايجت .. خصوصا يوم طرى امه .. واكيد ان سبب فراقه للبلاد وهله وامه بالذات .. هي ... محمد: بس دام اني هني .. عند شيخة الحريم .. ما يضر .. هي ساده شوي فراغ شيخة البلاد .. رفعت سهام راسها .. وابتسمت ... سهام: ادري اني انا السبب .. واني وايد غيرت روتين حياتك ... محمد: سكتي لا تكملين .. ما ابا اسمع شي .. سهام: محمد صدق محمد: انزين خلاص سكتي .. سهام: انا ادري ان في خاطرك وايد اشيا انته متعود تقولها .. او تبا تقولها لكن ما تقولها عسب ما تجرح مشاعري ! محمد: سهام بليز ... خلاص ودري الرمسة هاي ... سهام: انزين ارمس محمد .. ليش اتم ساكت يوم تيي عندي .. ابداً ما تطري البلاد .. خصوصا في هالسفره محمد: مب جذه السالفه .. بس ليش اطريها ! سهام: انته تبا تقول اشيا ومتعود دايما تسولف لي عن اللي في خاطرك بس هالمرة متغير سكت محمد .. وما رد سهام: ارمس محمد: خلاص قلت لج سهام: والله ترمس محمد: انزين .. بس اول شي تحلفين ان هالشي ما يضايق بج ؟ سهام: بالعكس .. برتاح .. نفسيتي بترتاح .. بطمن انك فرغت اللي في قلبك لي مب لشخص ثاني .. ولا كبتّه في داخلك .. محمد: وتوعديني انج ما تحطين شي في بالج سهام: فاهمتنك .. ولا بحط محمد: وعد ؟! سهام: وعد محمد: متوله ع البلاد .. وع كل بقعة فيها .. متوله ع شيخة البلاد .. ابا اسير في حضنها .. ابا ادفّى بحنانها .. ابا ادلع عليها .. ابا املي عيني بشوفتها .. ولو اني اعرف ان عيني ابداً ما تملى بشوفتها .. ابا اشوف اخواني .. ابا اتخقق عليهم ان امايه تدلعني .. ويتناقرون ويايه .. وخواتي بعد سكت محمد .. سهام: كمل محمد: خاطريه ارد واشوف اليهال .. اسمع كلمة عمي .. وخالي .. ( أبتسم ) .. وجسّوم .. يوم يستهبل عليه ويقولي حمّود .. يقلد امايه .. ابا ارد لليمعات .. نيلس ع سفرة وحده ونتغدا ونتعشا .. واليوم بطوله كلهم يكونون يايين عندنا الفلة .. اشتقت حق سيرات البر وياهم .. ابا اسير ألعوز عوّوش اختيه .. سهام: عاد عاشه اللي ما عندها حد تحط عليه الحين محمد: اكيد .. مضيعتني .. احاتيها ... تيلس ويا منوه الحين ؟ .. يوم نحن هناك .. تيلس ويايه ترمسني .. وتقولي كل شي عنها .. وتيلس وياج انتي .. وتموت في حصيص .. وتهتم فيها .. وعبدالرحمن اخويه بعد .. يوم يهزبني ساعات اذا عصبت ع حصيص والا شي .. حتى لو هي الغلطانه .. بس يقولي محمد شوي شوي ع البنيه .. وتفاهم وياها كأنها محمد يوم كان صغير .. وخل نفسك مكانها .. وغير هذيل كلهم .. افكر في حصيص .. مشتاق لـ حصيص اللي فالبلاد .. يوم تييني تشتكي ع جاسم .. والا تقولي بظهر ويا عمي عبدالرحمن .. والا يوم عاشه تحط عليه وهي تقول كله ولا ابويه .. ويوم تدلع عليه بزيادة ... ويوم ادلعج انتي اكثر تغار .. متوله ع حصيص بنتي .. اللي اول ما ارد من الدوام تبوس راسي .. واظاربها احيانا يوم اشوفها حاطه راسها ع ريل امايه .. واسوي عمريه اغار .. وسكت محمد .. ورفع راسه ... يشوف حرمته .. وابتسم .. محمد: ومتوله ع سهام .. اللي يوم انش اتصبح بابتسامتها ... اللي اخوها دايما يظاربني ويقولي ما تستحي ع ويهك تتغزل فيها جدام الخلق والعالم .. اللي تبخرني كل يوم الصبح .. حتى لو اني ما بطلع من البيت او ما بسير الدوام .. من عود انا مانعنها تقول هالعود من وين شارتنه حق أي حد يسأل عنه وخصوصا خواتي .. عسب ابقى مميز.. اللي ساعات تهزبني يوم انا وحصيص نخرب المكان وندمره يوم العب وياها .. ويوم تشوفني دلعت بنتها بزيادة .. واللي احب اشوفها دوم مميزة عن الكل .. حتى خواتي .. واللي تغار من امها يوم تدلعني .. ردت سهام الابتسامة .. لكن مب ابتسامة بس .. الابتسامة هاي وياها دموع ... نزل محمد راسه .. عرف ان ردت فعلها بتكون هاي .. لكن هو تعمّد يقولها هالرمسة كلها .. اولاً لان هي قالت انه تغير .. وهو يبا يثبت لها ان هذا كله كان في قلبه وما قاله لحد لين اليوم هي بروحها لزمت عليه وقال لها هي .. شوه في قلبه شرا كل مره .. ثانياً .. لانه هو اصلا يبا يقولها هالشي .. يبا يقول اللي في خاطره حق حرمته ... محمد: كنت ادري ان هاي بتكون ردة فعلج .. بس صدقيني .. انا بعدني محمد ما تغيرت ... وما قايل هالرمسة لاي حد غيرج .. سواء كان ريال والا حرمة .. سهام انتي بعدج سهام .. حرمتيه .. ودلوعة محمد .. مثل ما الكل يزقرج .. وبتمين .. سهام: محمد ادري اني مقصرة في وايد اشيا .. وايد وايد وايد اشيا في حقك وحق بنتك محمد: انا وبنتي ما يهمنا أي شي ... والله ما يهمنا الا ان نطمن عليج .. سهام: والحين بكون مقصره اكثر .. يوم قالوا اني بستخدم الكيماوي محمد: ليش مب متفائلة انتي ؟ ... قال الدكتور عقب اسبوعين .. بيتحدد كل شي .. خلي ايمانج بالله قوي سهام: ونعم بالله .. بس انته مب مجبور تدفن حياتك كلها ويايه .. انته ويا حصيص .. محمد جدامك حياة كاملة .. وانته بعدك صغير .. الف وحده تتمناك .. محمد ( قطع عليها): سهام والله ... واحلف لج الحين .. اذا مره ثانية طريتي لي هالموضوع البايخ السخيف .. والله ما تشوفين رقعة ويهي .. رفعت راسها واطالعت صوب محمد بدهشة .. محمد: صدقيني .. اييب بنتج لين عند الباب هني .. وانا اترياها برع ساعة .. وتطلع برد الفندق .. سهام ( بصرخة): لا محمد: ليش لا ؟ سهام: انته تبا تذبحني زيادة ؟ ... ما تباني اشوفك ؟ .... وتييب بنتي ساعة وتسير !. محمد ( علا صوته ): ويوم ان لا .. وما تقدرين ما تشوفيني ... وتشوفين بنتج ساعة وحده بس فاليوم .. ليش تفتحين هالموضوع ؟ .. ليش كل مره تقولين لي هالرمسة من يوم قالوا لج عن الكيماوي ؟ سهام: انا ما ابا اكون انانية محمد: ولا انا اناني ... انا مرتاح جذه .. انا مرتاح .. انا لو مب مرتاح جان ما ترييتج انتي تقولين لي سر عرس .. جان من اول طيحة سرت عرست .. جان هالطيحة هاي ... ويوم انج طولتي هالمره رديت البلاد .. كنت برد البلاد ما بتم هني سهام: انته تضغط ع عمرك محمد: برايني ... كيفي .. انا جذه ابا .. انا لو ما ابا جان ما سويت كل هالاشيا .. انا لو اقدر .. جان شليت المرض عنج .. عله فيني ولا فيج .. والله عله فيني ولا فيج ... لو اقدر الله ياخذ روحي انا وتردين انتي مثل ما كنتي واحسن .. وتربين بنتج .. سهام: بس اسكت صرخت سهام .. وصخ محمد ... محمد: والله يا سهام .. لو اقدر جان سويت شي .. حتى لو السالفة فيها حياتي سهام: محمد الله يخليك اسكت خلاص .. لا تطري الموت .. لا تطريه انه ايي صوبك .. وصوب البنيه.. محمد: محد يموت قاصر عمر .. وهاي ارادة الله .. سهام: بس محمد: حبيبتيه .. انا ما يهمني شي .. انا تهمني صحتج وبس .. انتي تكونين زينه انا بكون اسعد واحد فالعالم ... سكتت سهام .. وسكت محمد .. حس انهم شدوا فالكلام هالمره ويا بعض .. وما يحب يودر حرمته وهي زعلانه ومستاءة .. محمد: انتي بس تستوي بخير وان شاء الله بتستوين ... بس صلي لـ ربج .. وان شاء الله كل شي بيرد مثل ما كان .. ما اوصيج بـ صلاة القيام .. مثل ما انتي كنت توعيني فالبلاد نصلي القيام ويا بعض .. انا ما اوصيج الحين .. انا اذكرج .. وان شاء الله نرد البلاد .. بسوي عرس من اول ويديد .. في احلى قاعة .. وبدفع لج أي جيمة .. عسب بس تكشخين .. وتلبسين الفستان من اول ويديد .. محمد دايما فالبلاد .. ومن يوم خذ حرمته .. دفع جيمة الفستان اللي عيب حرمته واللي فصلته هي ع ذوقها وغيرت فيه .. و عقب هذا كله .. ما خلاها تأجره او انها تبيعه .. لان هو روحه عيبه الفستان .. وخواته حاطات عليه .. وانه انسان فاضي !...... وهو يرد عليهن .. المميز يبقى مميز .. كل الناس مدحوا الفستان .. وكم وحده بغت تأجره بأي سعر ... لكن هو رفض .. وسهام ساعات تتفشل من موقف رفضه .. وتقوله الا هو فستان وخلاص هي مب محتايتنه لكن هو مب طايع .. فـ يوم طراه اليوم .. تذكرت كم ظرابة استوت عسبه .. وخواته يوم يكون موضوع النقاش ( العرس ) والزواج ... يحطن عليه .. ويقولن .. ما مصدق الاخ .. حرمته مفصله فستان ....! فـ ابتسمت غصبا عنها ... ورد محمد ابتسم لها ... في صوب ثاني ... ضايج من الخاطر .. وما شاف جدامه الا انه يرد هالمرة ع حرمته .. احمد: الو آمنة: احمد وييييييييييييينك ؟ احمد: شخباركم ؟ آمنة: نحن بخير .. انتوا شحالكم ؟ ... احمد: الحمدلله آمنة: ليش ما ترد علينا ! شحال رملة عقب العملية ؟ احمد: رملة بعدها فالعمليات انصدمت آمنة .. احمد: امون .. اذا حد حذالج قومي عنه .. ما ابا ارمسج وحد وياج .. آمنة: لحظة .. شمسة: وين سايرة ؟ آمنة: شوفن هاي شويه .. عن تدمر الدنيا .. سالم: اوهووووووووو خالوه كله تفرين بنتج عندنا !! .... تبا الفكه من الحين .. اصبري خل بس اشتغل عقب باخذها .. عذيجة: مالت عليك . مصدق عمرك وايد .. وسارت آمنة ما اهتمت لأي حد كان يرمس .. آمنة: شوه السالفه ؟ احمد: امون بنفجر .. خلاص آمنة: بسم الله عليك .. شوه فيك ؟ احمد: رملة للحين في العمليات .. محد ظهر يقولنا شي آمنة: وانته جيه زايغ .. ان شاء الله ما عليها شر احمد: بس ع الاقل حد يطمنا آمنة: مب انته قلت .. الدكتور قال العملية سهله ان شاء الله .. صح ان فيها خطورة .. لكن الطاقم اللي عندهم قادر يخفف من خطورتها احمد: هيه .. لكن تأخروا آمنة: التأخير شي طبيعي ... بس انته استغل الوقت .. اقرا اذكار .. اقر قرآن وان شاء الله خير احمد: ما اقدر اسوي أي شي والله آمنة: احمد الله يخليك .. لا تروعني ... احمد: وين ميثا ؟ آمنة: برع عند قوم امايه احمد: انتي في بيت ابوج ؟ آمنة: هيه ... وناعمه اتصلت بي .. تقولي اتصل في احمد ما يرد .. واتصل في عيسى يقولي ما يدري عن شي احمد: ناعمه ويا عيسى يتصلون بي ما ارد آمنة: حرام عليك طمنهم احمد: ما اقدر .. اكيد امايه بترمسني وما اعرف كيف اهديها آمنة: انزين رد ع عيسى وطمنه وخل هو يطمنهم احمد: ما اقدر .. انتي اتصلي في ناعمه وطمنيها وخل تقول لهم آمنة: احمد مب حلوة .. بيقولون يرد ع حرمته ونحن لا .. وبعدين بيقولون اكيد في شي .. وهو ما يرد عسب جذه ومعلم حرمته ان تقول لنا ما في شي احمد: يا الله يا امون والله ان ما فيه آمنة: استهدى بالرحمن ... وصل ع النبي احمد: اللهم صلي وسلم عليه آمنة: اتصل بهم .. احمد: امون.. يالله باي ... وقبل ما ترمس آمنة .. صك احمد في ويها من التوتر اللي فيه .. وما عرف شوه اصلا هو يسوي !....... نشوا احمد ووياه عفرا .. وتوه علي واصل .. عند الدكتور .. الدكتور: every thing is ok … she kow sleep mybe after 30 munit she will open her eyes احمد: thank you doctor الدكتور: I know that ypu want to talk with me about your sis I will go and come back soon احمد: OK الدكتور: you can see her after 10 munit .. you can weat for her in her room علي: تستاهل سلامة رملة يا احمد احمد: الله يسلمك عفرا: وينها الحين ؟ احمد: قال الدكتور نسير نترياها في حجرتها ... علي: 10 دقايق اكيد لين ما يخلصون وجذه ... واييبونها الحجرة عفرا: اوكيه انا بسير اشوف حصه اختيه عيل .. وبرد اوكيه احمد: انزين عفرا: 5 دقايق انزين احمد: انزين ... سيري عفرا: الحين الحين بيي .. بس بطمن عليها احمد: بتسيرين والا افرج من الدريشة اللي هناك الحين نقع علي من الظحك ... ووقفت عفرا في مكانها .. وحطت ايدها في وسطها .. عفرا: احلف انته بس ... علي: ههههههههههههه سيري والله بيسويها احمد: ههههه لعوزتينا .. سيري انزين عفرا :انا لعوزتك الحين ؟... اوكيه يزاك الله خير .. هاي يزاتي اني يايه وياك مودره البلاد وهلي .. ومجابلة اختك بعد .. مشكور يا ريل اختيه ايي منك اكثر ... احمد: اييييه عفرا آسف والله .. علي: هههههههه ما عليك منها .. تتغشمر احمد: حليلها والله عفرا علي: سر انته الحين .. ريح شويه .. بييبونها في حجرتها احمد: بسير اطمن الاهل علي: صدق طمنهم .. وقبض احمد مبايله وبدا باتصالاته .. واول شي اتصل في اخوه .. ربعنا فالامارات عندهم ليل .. ووقت الليل كل حد يكون كسلان .. ومب متفيج .. واولهم عبدالعزيز .. اللي راد ويا اخوه راشد .. توه من بيت عمته ... وعمر سار عنده شغل .... ومروان لاحقنهم ... دخل البيت .. وصرخ .. جنه خبله !....... وع قولته الصدى عجيب في هالبيت المهجور !..... هذا اللي مب متفيج ...! بس شاف شخص غريب يالس جدامه .. والشخص اقصد .. انسانه .. بنت .. قافطة من الخاطر بعد ... عبدالعزيز: انتي منوه وجيه يايه بيتنا !.... تدور شيلتها وين .. وين وين وين .. ودخل راشد .. راشد: بلاك يالخبله تصرخ ؟! عبدالعزيز: يوجد دخلاء في منزلنا راشد: بلا سخـ صخ راشد .. لا صدق في دخلاء .. بنت !.. بنت من وين يت في بيتنا !.... لكن هي لقت شيلتها ولبستها .. وسارت قسم سعيد .............. راشد ظهر من البيت مصدوم .. ميت فكرة وفكرت تعيسه كئيبة عبيطة سخيفه توقف القلب يت في باله .. بس بدا يستغفر .. سار راشد ويلس فالحديقة .. ما يقدر يدخل البيت .. اما عبدالعزيز داخل .. الحرب قامت عنده .. بس مب من طرفه .. من طرف شخص ثاني ... بدور: انتوا كيف ما تدقون الجرس قبل ما اتون عبدالعزيز: والله نحن شدرانا .. وبعدين منوه هاي اللي يايبتنها انتي بعد اليوم بدور: هاي اختيه .. وبعدين انا ما تجبرني انته منوه اييب ومنوه لا .. وما يخصك عبدالعزيز: والله اختج تيلسينها في قسمج .. والا فالميلس .. مب فالصاله بدور: ما يخصك وين ايلسها عبدالعزيز: والله عيل كيفج .. تحملي انتي وياها ... ولا بعد مصدقة عمرها بليّا شيلة يالسه .. وين تبين يا بوي انتي وهي بدور: شوف بديت تستفز وتقل ادبك بزيادة .. هذا مب من اختصاصك عبدالعزيز :ما قليت ادبي انا .. وهذا قسمنا بدور: قسم ابوك عبدالعزيز: قسم ابويه واخواني وقسمي غصبا عن ويهج بعد .. وهذا بيتنا .. ونحن كيفنا متى ما ندخل ونطلع وندق الجرس والا .. وانتي واختج ما لكم حق هني .. وهي بعدين جيه يايه بيت متروس شباب ! بدور: صدق امك ما عرفت تربيك عبدالعزيز: امي عرفت تربيني ... عكس امج انتي اللي ما عرفت تربيج .. هني .. تكرر الموقف .. وتكررت المأساة .. وتكرر المشهد ... صفعة يت من بدور حق عبدالعزيز .. عبدالعزيز: شوفي انا مب اصغر عيالج .. وقبل ما بدور ترد عليه .. وقبل ما عبدالعزيز يسوي أي شي .. لانه كان ع وشك انه يمد ايده يوم طلع عن طوره ... بصرخه وحده وقف مكانه .. وهي مشت سايرة قسمها ... عبدالعزيز: والله العظيم قسماً بالله ... لو انته بعد مديت ايدك عليه .. بكسرها لك انته وحرمتك فوقك .. سعيد: جب .. سعيد كان واصل حده .. وعبدالعزيز واصل حده .. وراشد ضايع بينهم .............. سعيد تجدم .. راشد تجدم .. مسك سعيد .. عبدالعزيز: اظرب .. اظرب .. والله عمر يوصل والله اخبره عن كل شي .. وحلفت لك الحين سعيد: روح .. روح يالخايس .. تهدد منوه انته عبدالعزيز: اهددك انته .. راشد: عبدالعزيز روح فوق .. بس اسكت سعيد: هدني راشد هدني عبدالعزيز: والله بتشوف .. جان ما خليتك ترقد ع الرصيف انته وياها اليوم .. سعيد: يا حقير راشد ( صرخ) : عبدالعزيز روح فوووووووق سار عبدالعزيز فوق وقفل ع عمره الباب ... سعيد: راشد هدني اقولك .. راشد: سعيد استهدى بالرحمن .. وخل الشيطان عنك سعيد: هدني انا اقولك هدني .. وفج سعيد عمره من اخوه .. وسار فوق .. وبدت الحرب تشتعل .. سعيد يدق الباب .. عبدالعزيز ما يفتح .. راشد يترجا سعيد ينزل تحت .. وبس خلاص ... راشد: سعيد .. عيب والله عيب .. انته العود سعيد: انا العود ... انا اصلا احترام ما شي في هالبيت .. تقدير ما شي ... كل واحد يقل ادبه عليه من صوب .. واولهم هاللي توه ما ظاهر من البيضه راشد: انزين خلاص باجر تفاهموا .. سعيد: انا الليلة والله مب راقد .. والله لين عمر يشوف لي صرفة ويا قليل الادب هذا .. مب اول مره يقل ادبه .. راشد: سعيد .. سعيد: اسكت عني يا راشد واصله لي لحد هني والله مب قادر .. مروان: صدااااااااااع نصفي .. بدا اثره منذ دخولي اقصد منذ دخولها الى هذا المنزل .. توه واصل .. ما يدري شوه السالفه ... بس يدري ان الحشرة في هالبيت ما تظهر الا من القسم اللي ع يساره هذا .. صعد فوق .. لا لا .. الصوت يجرب .. وهو لازم يبعّد لو كان فالقسم اللي تحت .. وصل .. شاف سعيد ومروان حذال حجرة عمر وعبدالعزيز ... لا اكيد في شي ........ وقف مروان مروان: شوه السالفه ؟ صد راشد ورا .. كأنه يقول حق مروان .. سر حجرتك واقصر الشر انته الثاني .. سعيد: افتح يا جبان .. جبان .. اكره كلمة .. اكره كلمه عند عبدالعزيز .. جبان لها معاني كثيرة عنده .. خواف .. ما يبا يواجه الحقيقة .. وتحسسه انه هو غلطان .. وهو فالأصل مش غلطان !!!!! انفتح الباب .. بدون ما يدري راشد .. وكيف انفلت من ايده سعيد !...... وبدون ما يتهيأ عبدالعزيز للموضوع .. انهال عليه سعيد .. بالظرب وتدخل مروان .. الاخوان كلهم في الدائرة .. ووقف هذا كله ... بقبضة سعيد لـ مروان .. ومن رقبته .. راشد: سعيييييييييييد عبدالعزيز: هذا مينون والله مينوووووون .. مروان: نزل ايدك الموقف صعب ... صعب جدا جدا .. واستوى اصعب واصعب يوم وصل شخص .... كل حد كان متوقع وصوله في أي وقت .. لكن هو الوحيد اللي مب متوقع يوصل .. في هالوقت .. ويشوف هذا كله .. واللي خلاهم ينتبهون له .. صرخته ع سعيد ... عمر: نزل ايدك سعيد: والله ما هديته .. اذبحه هذا اذبحه عمر: سعيد نزل ايدك .. انا اقولك نزل ايدك .. وتدخل عمر ويا اخوانه .. لين سعيد فج مروان .. مروان: والله لو لا الحشيمة جان انا جتلتك هني مب انته سعيد: جب .. يا قليل الادب .. اصلا انته ريال انته !...... انته ريال مروان: ريال وغصبا عن اللي يرضى واللي ما يرضى سعيد: فالح بس ساير راد بيت عمتيه .. وماخذ راحتك وايد ويا بناتها .. استح ع ويهك .. قر في بيتك ويا اخوانك احسن لك مروان: والله العظيم والله اني ما ابا اوصخ لساني ويا لسانك الخايس .. عمر: بس ... بصرخة ردوا صخوا .. عمر: بس خلاص .. استحوا ع ويوهكم .. انتوا اخوان انتوا ؟!.. حتى الاعداء ما يسوون سواياكم.. سعيد: صح صدقت .. حتى الاعداء .. ضبط اخوانك .. ضبطهم .. عن يسودون ويهك عقب هالعمر ... ونعم التربية الفاشلة .. وظهر سعيد عقب ما عق كم كلمة قاسية .. عمر تجدم .. واول شي سواه ... عينه يت ع عبدالعزيز .. اللي بدا يصيح .. عقب اللي استوى .. عبدالعزيز يوم شاف اخوه يتجدم ... حس ان خلاص .. كل حد ضده ....... بلاهم بلاهم الدنيا كلها قايمة عليه !.. هو اللي يدلع ويشرط أي وقت يبا .. ويسوون له أي شي يبا .. ومحد في حياته مد ايده عليه .. اليوم ....... ايي بدر ويمد ايده .. وعقبها سعيد اخوه .. والحين حرمت اخوه .... يحس ان فقد الثقه في كل اللي حوله .. عبدالعزيز: ما باقي غيرك انته بعد .. مد ايدك عليه .. لاني متهيئ لهالشي وما بنصدم منه .. عمر مد ايده وحطاها ع ثم اخوه .. عمر: انا عمر يا غبي ... هني عبدالعزيز حط راسه في حضن اخوه وبدا يصيح .. عمر: طلعوا برع .. ما ابا اشوف حد هني .. برع ظهروا مروان وراشد .. ومروان سار حجرته .. وراشد وراه .. راشد: مروان ابدا ابدا ابدا ما كان له داعي انك ترد عليه مروان: راشد اسكت عني ... واصله عندي لهني راشد: شوه يعني واصله عندك لـ هني ... بتمد ايدك عليه مثل ما مديتها ع سعيد ؟ مروان: راشد .. بلاك ؟ بلاك تدافع عنه ؟ منوه الغلطان فينا ؟ ... لا تتستر عليه .. ولا واحد فينا غلط كثر سعيد .. نحن تربيتنا تشهد لنا .. وهو يقول عن تربية عمر فاشلة ؟ عمر اللي كرس حياته كلها يربينا ويتعب عشانا فاشل ؟... راشد: بس مروان .. نحن نبا نقصر الشر مب نزيده مروان: هو مد ايده عليه .. مب انا .. هو الغلطان .. راشد: استغفر الله العظيم مروان: استغفر الله مليون مره .. انا شكلي بطلع من هالبيت راشد: مروان ! مروان: هيه بطلع .. يوم ان اخويه واقرب الناس لي يرمس عني وعن بنات عمتيه اللي هن بنات عمته .. صدق حقير راشد: مروان اذكر ربك .. والله حرام اللي تسوونه في عمر حراااااااام عليكم كلكم .. انجلب البيت فوق تحت عقب الموقف اللي استوى .. عناد بدور لـ عبدالعزيز .. وصل لان الاخوان الخمسة كلهم يظاربون ... والسادس بعده ما يدري شوه مستوي في اخوانه .... سلامة: حليلها آمنة طارق: ليش شوه فيها ؟ سلامة: كانت مضايجه اليوم طارق: شوه فيها انزين ؟ احمد قالها شي ؟ وصل لها خبر ؟ سلامة: كانت ترمس ريلها واخته فالعمليات .. مره وحده سد الخط في ويها .. ما تدري شوه السالفه ... واي شي تتصل به .. ما يرد .. طارق: احمد حركات سلامة: شراني فيه طارق: بس اكيد كان مشغول والا شي سلامة: لكن يطمنها ... هو يدري كيف امون تتخبل لو يسوي بها هالحركة ! طارق: انتن بنات ام هزاع وسواسيات سلامة: نحن وسواسيات حليلنا .. احمدوا ربكم والله ان نحاتيكم طارق: هههههههه تحاتين ريلج .. وهو يحمد ربه ! سلامة: هيه تحمد ربك .. دور فالدنيا كلها بنات شراتنا .. مدلعين رياييلهن وحاطينهم ع كفوف الراحه طارق: هو في بنات سلامة: طااااااااااارق طارق: هههههههه بلاج كنت اتغشمر سلامة: الغشمرة هاي ثجيلة .. طارق: شوفي الولد تحرك من صرختج سلامة: كله منك .. طارق :انتي السبب سلامة: بس اسكت .. ( وبدت ترمس بصوت واطي) ... خاطريه اطلع طارق: وين تسيرين ؟ سلامة: أي مكان .. خاطريه اسير صوب راك والا حتا طارق: حلفي .. سلامة: والله ... طارق: عادي لو روحج سرتي ؟! سلامة: كيف يعني روحي ؟ طارق: يعني بدون خواتج وامج ؟ سلامة: هيه ... ابا بس ارفّه عن نفسي طارق: صدق ؟ سلامة: بلاك؟ طارق: خلاص .. باجر مودنج انا الفجيرة سلامة: ط هذا ما صدق ! طارق :احمدي ربج عندج ريل شراتي من تقولين شي اقول ان شاء الله وما اكسر بخاطرج .. والا انتي مب ويه هالاشيا ! سلامة: انا مب ويه هالاشيا ! طارق: هيه .. لان توج تقولين عادي اوديج رواحنا .. ومن دريتي انه صدق قلتي ما صدقت وما ادري شوه سلامة: هههههههه اقصد يعني ما شاء الله خدمة سريعة طارق: وانتي ما تستاهلين هالخدمة السريعه سلامة: طاااااارق حراااااام طارق: لا تصارخين الولد بينش سلامة: انزين الله يخليك .. طارق: شوه الله يخليني ؟ سلامة: ودني .. خلاص .. طارق: متى ما بغيت بوديج ومتى ما ما بغيت ما بوديج سلامة: يالله .. بتذلني يعني الحين ؟ طارق: ما بذلج ... ولا شي سلامة: يالله عاد آسفة .. ما كنت اقصد والله انته فهمت غلط طارق :انزين سلامة: انزين شوه ؟ طارق: خلاس سكتي نبا نرقد . الولد بينش سلامة: طارق ! ...... طارق: ههههه خلاص اوكيه .. ما فهمتج غلط ولا شي .. بس حبيت العب بأعصابج .. باجر بنسير صوب الفجيرة .. سلامة: بنبات ؟ طارق: امممم .. اقدر آخذ اجازة اليوم الثاني .. شوفي باجر نسير .. الظهر .. نيلس لين اليوم الثاني ع المغرب نرد شرايج ؟ سلامة: حلو .. بس دوامك ؟ طارق: اقولج باخذ اجازة عقب باجر .. سلامة: خلاص عيل .. طارق: يالله انخمدي ههههههه في ألمانيا ... رملة توها تفتح عينها .. وبدت تصيح .. احمد: الحمدلله ع السلامة عفرا: حبيبتيه جيه تصيحين حصه: فديت روحها .. علي: حليلها .. رملة: يعور عفرا: ما عليه .. شوي وبيخف .. رملة: ما اقدر .. عفرا: انتي اسكتي انزين رملة: ما اقدر .. ( وصرخت) .. ابا امااااااااايه .. راسي يعورني .. بموووووووت ... نشت رملة ويلست ع الشبرية .. من شدة الالم .. ويودت راسها .. احمد: لا تصيحين يزيد الالم حصيص: اويه دم .. حصه: احمد رمست الدكتور ؟ احمد: قال الدم عادي ... حصيص: اويه .. عفرا: بس سكتي لا توترينها زيادة .. حصيص ( دمعت): حرام والله .. وظهرت حصيص برع .. علي: ط الخبلة .. كلهم حوطوا رملة ... يهدونها .. وعلي سار ورا حصيص .. لقاها يالسه ع الكراسي وميته من الصياح .. تقطع قلبه ... لكن هاي بلاها ! علي: شوه فيج ؟ حصيص: والله حرام .. هي صغيرة .. ليش جيه مسوين فيها ؟ وقاصين شعرها .. وعمليه .. والله حرام حرام علي: حبيبتيه .. العملية هاي في مصلحتها .. صح الحين تعورها ... لكن بتنش عقب كم يوم وهي بخير الحمدلله ما فيها أي شي .. حصيص: صدق ؟ علي: هيه حصيص: بس دم علي: الدم عادي .. لانهم طارين راسها .. حصيص: عمي علي بس يعورها .. وردت تصيح حصيص ... علي: ما عليه حبيبتيه .. ووصل محمد .. محمد: شوه فيها ؟ علي ( ابتسم): ربيعتها نشت .. وصاحت وهي بعد صاحت محمد: طلعوها ؟ علي: هيه .. من زمان .. محمد: وشخبارها الحين ؟ علي: الحمدلله .. بس طبعا في ألم .. وهي ياهل محمد: هيه حليلها .. علي: اقولك .. شل بنتك وسيروا الفندق ... باجر ييبها .. حصيص: لا انا بتم علي: اتمين شوه تسوين بعد ؟ ( ولف صوب محمد ) .. ما عليك منها بصرخة وحده قومها .. لانها وايد بتتعب .. محمد: لا توصي ( وصد صوب بنته ) يالله نشي نسير .. حصيص: بابا محمد: قلت لج .. نسير .. نشت حصيص وهي تصيح .. ما تبا تسير تبا اتم عند ربيعتها .. لكن الوقت فعلا تأخر .. ولازم يسيرون عسب يلحقون يرتاحون ويردون ... يشوفون مرضاهم فالمستشفى ... ظهرت حصه .. من عند رملة .. وصلت عند الكرسي يلست .. علي: خير ؟ حصه: والله اصبر ... تعبت علي: شوه تعبتي هالخطوتين ؟!..... حصه: تدري شوه علي: شوه ؟ حصه: حسابي اني حامل من شهرين وشوي علي: انزين حصه: السستر اليوم سألتها تقولي 3 شهور علي: عسب جذه حصه: بس جيه ما قالوا لي من قبل ! علي: يمكن كانوا يبون يتأكدون .. حصه: وانا ما ادري !.... علي: انتي حساباتج كلها غلط حصه: ط هذا ! علي: لو سمحتي سألي المهندسين .. مب مدرسات الانجلش حصه: مصدق عمرك وااااايد علي: ههههههه اكيد من حقي .. دراسة امريكية حصه: ذليتنا ع امريكتك علي: ههههه انا ذليتكم .. بس لو تسمعين ولد خالتج كيف يرمس عن امريكا حصه: تعال انا من يومين ما مريت صوب هند علي: هني الواحد يالله يالله يلحق ع عمره حصه: هيه والله علي: يالله نشي .. حصه: تم عندي شويه بنسولف علي: شوه تسولفين حصه: الله يخليك .. عقب سر الفندق علي: هههههه انزين وليش تترجين هالكثر حصه: عسب اتم علي: بدون ترجي بتم .. بس نص ساعة وبرد .. لان فيه رقاد حصه: اوكيه علي: يالله نشي يالكسلانة .. حصه: نشينا .. في حجرة رملة .. يت السستر ... وعطتها شراب .. وردت داخت شويه .. خف عنها الألم .. عفرا: خف عنج ؟ رملة هزت راسها انه هيه .. بس دموعها بعدها تنزل .. وردت رملة غمضت عينها .. عم الهدوء المكان .... عفرا يالسه ... وحاطه ايدها ع خدها ويالسه .. احمد رفع راسه يطالعها .. احمد: عفرا نقزت عفرا .. ابتسم احمد .. عفرا: بسم الله .. اييييييييه احمد: شوه فيج عفرا: عن السخافة احمد :استحي ع ويهج عفرا: اقصد يعني متعمد الحركة .. افففففف احمد احمد: هههههه والله مب متعمد والله عفرا: شوه احمد: هههههههههههه عفرا :شفت .. وتقول مب متعمد .. احمد: اصبري .. هههه عفرا: بعد اصبري عسب يظحك احمد: والله اني مب متعمد احلف لج .. كنت بسألج سؤال عفرا: شوه ؟ احمد: بترقدين هني عفرا: هيه احمد: عفرا.. اسمحي لي والله عفرا: على شوووه ؟ احمد: ادري متعبينج عفرا: انا شوه قايلة لكم .. يا ربييييي تقهرون احمد: انزين هاي فهمناها .. بس مساعه رديت عليج بطريقة .. والله ما كنت اقصد ... مب من حقي اقولج هالرمسة .. يعني لازم كنت استحي ع ويهي .. بس كنت متوتر شويه عفرا: أي رمسة ؟ احمد: ما ادري شوه قلت لج عفرا: هيييييييه .. بتعقني من الدريشة احمد: مذكرة بعد عفرا: هيه .. جرحت مشاعري احمد: والله آسف عفرا: اتغشمر وياك .. والله عادي .. ادري يعني ما تقدر اصلا .. وادري انك كنت متوتر احمد: اسمحي لنا عفرا: مسموح يالنسيب احمد: خلاص انا بسير عيل اريح وعسب تاخذين راحتج انتي وباجر قبل ما ايي بتصل بج .. عفرا: خلاص اوكيه .. احمد: تصبحين ع خير .. وديري بالج عليها عفرا: ان شاء الله .. احطها في عيوني .. احمد: فمان الله .. وطلع احمد .. ساير الفندق .. وهو ساير .. قال بيتصل في حرمته اللي ما رد عليها ولا قال لها شي .. لكن اكيد الخبر وصل لها ان رملة ظهرت وجذه .. وناسي هو اصلا شوه مسوي .. اتصل .. ما ردت .. قبضه قلبه .. رد اتصل .. مرتين .. وثلاث .. واربع .. خامس اتصال ... ردت .. آمنة: الو احمد: امون آمنة: السلام عليكم احمد: عليكم السلام والرحمة .. وينج ؟ آمنة: فالبيت احمد: أي بيت ؟ آمنة: بيت ابويه احمد: وجيه ما تردين .. آمنة: احمد اسكت عني .. يالسخيف .. وصاحت .. انصدم احمد .. بلاها هاي بعد !...... احمد: امون شوه فيج ؟ آمنة: جيه تبند في ويهي مساعه ؟ ... وتتصل بي اختك وتقولي الاخبار .. احمد: انا صكيت في ويهج ؟ آمنة: هيه احمد: والله اني ما ادري آمنة: لا تستعبط .. وتخليني احاتي من الصبح .. شوف من كم ساعه مصكر عني .. وانا يالسه ع اعصابي .. بالغصب رقدت البنيه .. ويالسه هني اتريا .. وانته ولا ع البال ... ولا جنه في وحده تترياك تطمنها .. ولا انها تسمع الاخبار من برع .. احمد: انزين اوكيه .. خلاص .. اسكتي .. آمنة كانت صدق تصيح .. واحمد متلوم .. كسرت خاطره حرمته .. تصيح .. وصوتها متقطع .. يعني في اسوء حالاتها حرمته الحين .. احمد: امون والله آسف والله ما كنت اقصد ابدا .. آمنة: شوف الساعه كم احمد: ادري ان عندكم شوي وتطلع الشمس والله ادري .. آسف وهي تصيح .. احمد: سكتي عاد .. عورتي قلبي .. لو ادري اني مسوي هالشي جان ما خليتج تتريين للحين .. وانا اتصلت في عيسى ورمست امايه وناعمه وانا حاط في بالي اني مرمسنج .. وانج تدرين آمنة: بس اسكت خلاص احمد: خلاص عاد .. آمنة: شحالها رملة ؟ احمد: رملة بخير .. آمنة: عفاري اختيه وينها ؟ احمد: بترقد عند رملة .. آمنة: انته وين ؟ احمد: راد الفندق الحين آمنة: وصلت ؟ احمد: لا .. بعدني سكتت آمنة .. أحمد: ميثاني رقدت؟ آمنة: هيه .. احمد: وانتي جيه واعية للحين آمنة: اسكت انزين احمد: ههههه امون عااااد آمنة: والله مرتفع ضغطي .. منك احمد: بسم الله عليج وع ضغطج .. وقلت لج آسف وما كنت ادري آمنة: احمد احمد: هلا .. آمري ... آمنة: متى بتردون ؟ احمد: ليش ؟ اشتقتي لي ... والا اشتقتي حق رملة .. والا تخافين اتمين روحج آمنة: احمد صدق ارمسك والله .. ملل ضيج .. قلبي بينفجر ... وايد تميتوا .. ما اقدر .. كل يوم اضغط ع عمريه واقول باجر بيردون .. ما اعرف كيف اتعامل ويا البنيه دونك احمد ( أبتسم): ان شاء الله قريب .. ان شاء الله .. بس انتي اهم شي ما اتعبين عمرج من التفكير .. وما تخلين هالشي يأثر ع بنتنا آمنة: انا روحي تعبانه .. نفسيتي تعبانه احمد: امون حاولي تكونين امون الطبيعية .. ع الاقل ويا اللي حوليج .. وبعدين انا بعد مضايج .. واتريا متى ارد البلاد .. آمنة: خلاص انزين .. غير السالفه احمد: انتي فتحتيها .. آمنة: انزين الحين ما ابا ارمس فيها احمد: اممممم .. انزين .. وين سرتي اليوم ؟ آمنة: ولا مكان .. ما ظهرت احمد: ظهري البنيه خليها تشوف الدنيا آمنة: صدق عيسى اخوك باجر بيظهرها احمد: وين بيوديكم ؟ آمنة: قلت لك بيظهرها انا ما بسير وياه احمد: اووووووووووووووووووووووووووووووونه .. آمنة: بلاك ؟ احمد: اول شي قولي حد بيسير وياه ؟ اكيد ناعمه .. آمنة: لا قالي بس انا .. ويا ميثا احمد: ههههه قص عليج يعني آمنة: تدري بي ما اخلي حد يظهرها احمد: وهاللي مستغرب منه انا .. اونه تخافين .. وتخلين هزاع ومروان لانهم اثنين .. يكونون .. بس عيسى وروحه وياها اول مره الصراحه آمنة: هو قالي وانا استحيت وتفشلت لانه روحه رمسني .. ما ابا اطرشها احمد: اوكيه لو ما تبين خلاص .. قولي له لا آمنة: استحي احمد: اذا انتي مب مرتاحه ومب مطمنه وبتمين توسوسين .. لا اطرشينها آمنة: خلاص قلت له ان شاء الله ومر عليها .. وانا استحي اتصل به اصلا احمد: خلاص اوكيه انا بتصل به وبقوله لا توديها امها بتم تحاتيها آمنة: لااااااااااااا احمد: شوه لا ؟ .... عادي والله آمنة: لا لا لا تبا تفشلني ويا اخووووك أحمد: عادي والله مب فشلة .. هو يدري اصلا واكيد مستغرب كيف وافقتي آمنة: لالا خلاص خله برايه احمد: والله كيفج .. بس مب تتصلين باجر تصيحين بنتي وما ادري شوه .. انا اقولج آمنة: بصيح في حضن ابويه وامايه أحمد: ط الدلع والله .. هاي اللي مدلعه وانا هني والله اكرف آمنة: روحك اخترت حق عمرك .. وما طعت توديني .. احمد: هيه والله .. آمنة: اوكيه اقص تذكرة واييك ع اول طيارة احمد: لا مشكوووورة واستريحي مكانج .. وباجر تردين بيتج .. انتي وبنتج .. لانج من يومين بيت ابوج .. عيسى يوم بيرد البنيه ردي وياه البيت آمنة: لا.. اصلا روحي ناويه ارد ويا هزاع اخويه .. برد البيت هناك .. وبخلي عيسى يرد ميثا هناك البيت بعد مره وحده احمد: اها .. اوكيه وتموا احمد وآمنة يسولفون .. واحمد راد البيت .. وآمنة طايحه حذال بنتها .. من الملل ... ****** |
الجزء الـ 38 الأمور تخربطت .. والكل تبهدل عقب السالفه .. اللي مصدق مصدق .. واللي بعده تحت تأثير الصدمه .. منوه كان يتوقع ان الاخوان اللي كل واحد فيهم كرس حياته لسعادة الثاني .. ايي اليوم ويدافنون فيه .. وكل واحد يعلق ع تربية الثاني .. مع ان ايد وحده ربتهم .. وفكر واحد مشّاهم .. بدت التربية بأمهم وابوهم .. وكملها عقب وفاتهم اخوهم العود .. واليوم ينصدم بالشي اللي ما توقعه في حياته .. ولا حط له حساب .. لان كان يعتقد ان تربيتهم ما بتخليهم يوصلون لهالحد .. وكان غلطان في هالشي .. يمكن بعد هو مب غلطان .. لكن الشخص اللي ما تهيأ له من قبل .. يدخل في حياتهم ويدمرها .. هو سبب المشاكل هاي كلها ... عمر نازل من تحت .. يشوف برع سعيد شال شنط استغرب .. وشوي قلبه يوقف .... دخل فريد نفس الوقت .. عمر: فريد .. هاي اغراض منوه ؟ فريد: سعيد يقول مال بدور عمر: كيف ؟ فريد: بتسير بيت ابوها سكت عمر .. بدت المشكلة تتفاقم يعني .... لكن هو بعده .. منصدم .. والموقف اللي امس استوى يدور في باله .. ما رمس عبدالعزيز ولا قاله شي .. الا انه قاله ارقد وارتاح .. وحاط في باله ان الصبح بيتفاهم وياه .. صعد فوق .. شاف عبدالعزيز توه ظاهر من الحمام .. نفس المكان .. ونفس العلامة ردت .. لكن ع اخف .. عمر: عبدالعزيز عبدالعزيز: شوه ؟ عمر: ما تبا ترمس الحين ؟ عبدالعزيز: شوه اقول ؟ عمر: انا ما بخليك تنزل تحت لين تقولي شوه استوى امس ؟ وشوه مستوي يوم كنت مسافر .. لاني من يوم رديت وانا حاس ان في شي ... عبدالعزيز: انا ما يخصني .. خلني روحي عمر: قولي شوه استوى .. عبدالعزيز: سر خل مروان وراشد يقولون لك .. عمر: انا ابا اسمع منك .. عبدالعزيز: انا ما ابا اقول عمر تجدم ... ومسك عبدالعزيز من ايده .. ويلسة ع الشبرية .. وهو يلس مجابلنه .. عمر: شوف .. انا ابا اعرف السالفة .. ومنك انته بالذات .. لانك لو ما قلت لي الحين السالفه .. وتتهرب من هالشي .. يعني انته الغلطان .. وانته السبب في كل اللي استوى امس ... وبتصرف وياك تصرف ثاني عبدالعزيز: شوه يعني بتسوي ؟ .. بتظرب ؟ .. انا اقولك عادي عندي .. متوقع هالشي عمر ما عيبه رد عبدالعزيز .. ليش ؟ .. شوه مستوي به ؟ .. ليش من يوم ما عمر رد من السفر واخوه يقول ظرب ظرب ظرب .. عمر: انا منوه ؟ عبدالعزيز .. عرف الاسلوب اللي يستخدمه وياه اخوه الحين .. عمر: رد عليه عبدالعزيز: انته عمر .. عمر: عمر شوه بالنسبة لك ؟ عبدالعزيز: انته روحك تعرف عمر: قول عبدالعزيز: اخويه عمر: وبعد ؟ عبدالعزيز: عمر ليش جذه ترمسني ؟ عمر: لانك انته داس عني وايد اشيا .. مب اتفقنا انك تقولي كل شي وانا اقولك كل شي ؟ ... مب اتفقنا محد يدس عن الثاني أي شي ؟ ... عبدالعزيز: هيه عمر: وليش انته الحين خاش عني ؟ ..... قولي ... عبدالعزيز: اقولك شوه استوى امس ؟ والا شوه استوى من يوم سافرت ؟ عمر: قولي كل شي ... بدا عبدالعزيز يرمس .. ويرمس .. ويرمس .. من اول ما سافر عمر .. لين امس .. يرمس و ما يدري ان كل كلمة يقولها .. اخوه يحس ان روحه بتطلع .. ما يدري ان كل اللي يقوله .. اخوه مصدوم منه .. ما يدري ان عمر شوه بيسوي عقب ما يعرف بـ هذا كله ........... في ألمانيا ..... عفرا .. ناشه .. وبكامل نشاطها .. نشاط مصاحب بألم .. رقبتها كانت تعورها .. لان طول الليل .. رقدت وهي يالسه ع الكرسي ما حست بعمرها وحاطه راسها ع الشبرية .. وين راس رملة .. رملة للحين راقده .. وعفرا ما انتبهت عليها بعد وايد .. قالت بتسير تمر ع هند شويه .. وبترد صوب رملة عقب ربع ساعه بتشوفها .. وهي للحين شكلها دايخه من الخاطر .. لانها راقده ولا حاسه بـ شي .. ظهرت ... سارت صوب هند ... دقت الباب .. ودخلت شوي شوي .. شافت هند واعية عفرا: صباح الخير .. هند: هلا وغلا .. صباح النور .. عفرا: شحالج اليوم ؟ هند: الحمدلله بخير .. عفرا: قلت بمر وبجرب حظي يمكن راقده ... آي هند: بلاج ؟ عفرا: رقبتي تعورني .. هند: راقده غلط .. عفرا: راقده وانا يالسه ع الكرسي هند: ورملة شخبارها ؟ عفرا: الحمدلله .. للحين راقده هند: حليلها عفرا: هيه والله كسرت خاطريه امس وهي تصيح هند: فديت روحها .. كنت ابا اظهر ايي صوبكم .. لكن بدر ما ادر بلاه امس معاند ولا خلاني عفرا....... يتفلسف حضرته .. صدقهم يوم يقول عنه هزاع ومروان ... هند: ملل فظيع عفرا: شوفي التلفزيون هند: تصدقين من يومين ما فاتحتنه عفرا: هناك حصيص ويا رملة .. كانن 24 ساعه فاتحينه ... افتح لج اياه ؟ هند: فتحي جان خاطرج تفتحينه .. عفرا: مب خاطريه لكن بسير الحين هند: وين تو الناس عفرا( نشت تشغل التلفزيون ) : بسير اشوف رملة شويه .. ما اقدر اهدها اكثر عن دقيقتين بعد روحها ... وهي امس توها الا ظاهره من العمليات هند: عفرا .... من صوت هند .. اللي يدل ع الصدمه .. عفرا هدت كل شي .. وصدت صوبها .. بسم الله بلاها هاي !..... بلاهم يزيغونها من امس .. مره ريل اختها والحين هاااااي !... عفرا: بسم الله هند: عفاري شوه هذا ؟ عفرا: شوه فيج ؟ هند: دم عفرا .. انصدمت .. دم وييييييييين ؟ عفرا: وين ؟ هند: شيلتج كلها دم .. من ورا .. عفرا فصخت الشيلة .. هيييييييييييهاااااااا ... مب بس الا شيلتها .. رقبتها كلها دم .. وشعرها اللي لافتنه بعد خايس دم .. بدون ما ترمس بسرعه لفت شيلتها مال خرابيط بعد .. وهو متروعة .. وبتظهر من الحجرة .. ظهر في ويها .. انسان ما كانت تتمنى يظهر لها .. لكن هي مستعيله .. وشكلها كانت شويه وبتصيح صدق .. فـ ما عبرت وبسرعه مشت .. بدر: شوه السالفه ؟ هند شكلها هي الثانية متروعة .. بدر شك فالموضوع ! بدر: هنّود بلاج ؟ شوه مستوي ؟ هند: انته بعد خست ..... بدر يوم يشوف قميصه الابيض .. عليه بقع .. خفيفه حمرا .. بدر: ايهيييييي شوه هذا بعد هند: دم بدر .. فاتح ثمه ...... شوه ؟ !!!!!!! صوب عفرا .. عفرا ظهرت بسرعه وسارت صوب رملة .. دخلت الحجرة .. ميته من الزياغ .. دم من وين ؟ .... اكديمن رملة .. انا رقدت حذالها فالليل .. وانا الغبية ما اشوف قبل ما اظهر .. بس مشتعيلة اظهر واسير واحوط .... الله ياخذ ابليسج يا عفاري .. الله ياخذ ابليسج .. محد يوصيج ع شي .... لكن يوم وصلت .. كانت كم ممرضة عندها ... ويغيرولها ربطة الراس .. وهي كانت دايخه بعدها .. وكانت تتألم شويه .. .......: every thing is ok … and this blood something normal after the opraition هدت عفرا شويه عقب ما رمست الممرضة وقالت لها هالرمسة .. يعني الدم عادي .. عقب هالعملية .. وخصوصا انها عملية وفالراس .. لكن الحين هي شوه تسوي ؟ ..... ردت نست رملة .. وفكرت في عمرها .. شيلتها خايسة .. رقبتها خايسة .. عادي احمد يدخل عليها في أي وقت ... عادي الدكتور ايي .. توها الحبيبه تشم ريحة الدم .. اللي تعتبره خايس ع قولتها .. وما تقدر تيلس وهي جذه ... وشعرها ورقبتها شوه تسوي ؟؟؟؟؟؟ .. وهي ع اساس ان اليوم ترد البيت تييب لها ثياب واي شي تحتاجه .. وترد مره ثانية المستشفى.. زخت المبايل اتصلت في احمد .. الحبيب ما يرد يا ربييييييي شوه هالحاله .. وقته ما يرد !! ... اكيد راقد .. بس نش .. نش الله يخليك نش انا في ورطة !!! عقب ما يأست .. من احمد وانه ما يرد .. يت في بالها ميت فكرة وفكرة .. وين تسير وين ترد .. ونست ان اختها فالمستشفى هني ... ومتفشلة تسير عند هند مره ثانية .. هاي هند مب غاليه !! ... نست كل شي .. وهاي عفرا يوم تستعيل .. واستقرت ع فكرة .. انها تنزل وترد الفندق وتبدل .. وتشل لها ثياب مره وحده وترد .. وشوه يعني ؟ الدنيا نهار وكل الناس الحين برع .. وامان .. في مواطنين .. ومش كل الاجانب خياس !!!!!!... والفندق مب من بعده ... جريب ... ظهرت من حجرة رملة عقب ما وصت الممرضة عليها .. وركبت اللفت .. وهي قافطة من الخاطر.. شيلتها خايسة صدق دم ... ولايعة جبدها من شعرها .. ورقبتها .. اول ما وصلت تحت .. ألتقت .. بـ حصيص .. وابوها .. وحصيص الفضيحه والحشرة .. حصيص: صباااااح الخييييييييير عفرا ( وهي قافطه ): صباح النور .. محمد حليله نزل راسه وسار .. حصيص: وين سايرة ؟ عفرا: بسير دقايق وبرد .. حصيص حبيبتيه بطلب منج طلب حصيص: هلا .. عفرا :سيري فوق .. ومري ع هند قولي لها خل تسير شويه تشوف رملة .. حصيص: ليش ؟ فيها شي ؟ عفرا: لا ما فيها شي .. حصيص: عيل ؟ عفرا: بس انا لازم ارد الفندق الحين وبسرعه حصيص: شوه فيج ؟ عفرا: ما فيني شي .. بس ضروري لازم اسير اخلص شغلة وارد .. انزين حصيص: ان شاااء الله .. سيري وانتي مطمنه عفرا: يالله بسرعه حصيص: يالله سيري .. سارت عفرا .. وصعدت حصيص فوق .... والحبيبة ع كيفها .. مشت عن ابوها وسايرة .. وطاف .. محمد: انتي وين سايرة ؟ حصيص: بسير عند ام عيون خضر محمد: أي ام عيون خضر أي خرابيط سيري عند امج قبل حصيص: بابا حرام .. البنيه تعبانه .. عفرا قالت بتسير الفندق ضروري .. ووصتني اقول حق ام عيون تسير صوب رملة .. محمد: ومتى ان شاء الله بتين ؟ حصيص: والله والله بس بقولها .. وبرد صوب امايه اسلم عليها .. جيه شوه تتحسبني .. والله ! ام لسان وما تيوز .. محمد سار عنها وهي سارت صوب هند .. دقت الباب .. ودخلت .. لقت بدر في ويها .. حصيص ( بابتسامه عريضة ) : هلا الوسيم بدر: اهلين هند: شخبارج حصيص حبيبتيه ؟ حصيص: انا بخير الحمدلله .. لكن امانة ووصوني اوصلها .. عفرا تقول سيري صوب رملة لانها بترد الفندق عندها شي ضروري ولازم تخلصه .. هند: انتي شفتيها ؟ حصيص: هيه كانت سايرة تحت هند: حد وياها ؟ حصيص: لــــه .. كانت روحها وزايغة وما ادري بلاها هند: اويه .. بدر: وين كانت تحت ؟ حصيص: سااااااارت الحين .. يالله قومي شوفي رملة .. باباتي بيعصب عليه .. انا بسير اسلم ع امايه وبرد بسرعه هند: بدر الله يخليك .. سر ورا عفرا .. اكيد فيها شي بدر: كيف ترد الفندق روحها ؟ هند: البنيه الحين ما ادري بلاها .. متعورة ما ادري شوه فيها .. سر وراها بدر: انزين .. حصيص: يالله نشي هند: قايمة الحين .. يالله .. بدر طمني عليها بدر: ان شاء الله ... ظهرن هند وحصيص سايرات صوب رملة ... وبدر نزل تحت بسرعه .. كان مستعيل ... اول مره بدر يستعيل عسب شي .. دومه يكون بدر اللي وايد يهتم كيف الناس يشوفونه انسان رايق .. ومرتاح .. ويمشي وكله عزة نفس ... عفرا لانها كانت مرتبكة .. وما تبا الانظار تيي صوبها .. قالت بتمشي عادي .. وما بتستعيل وايد .. يا ربي .. شوه هالحظ .. ما لقيت الا ارقد حذال راسها انا بعد .. والله لو هزاع يدري بي .. والا احمد اني راده الفندق روحي .. بيجتلوني .. بس احمد اهون عن هزاع .. احمد ما له حق عليه .. انزين ط انا الغبية .. حصوه اختيه فالمستشفى .. وانا جيه ما سرت عندها .. ط الغبااااااااااااااء.. مره وحده .. وقفت مكانها .. في وسط الناس .. عقب ما سمعت الصوت ... بدر: وقفي صدت عفرا ورا .. تشوف بدر .. هذا شوه يايبنه بعد .. انا نااااااااااقصه !.... عفرا ( بارتباك): شوه تبا ؟ بدر: وين سايرة روحج ؟ عفرا: الفندق بدر: كيف تنزلين روحج مجرد ما عفرا تشوف بدر تييها زيغة .. بعد ترمسه !... ولا هالمره فاتح وياها محضر تحقيق !! .. صدق صدق من داخلها ميته .. بدر: امشي جدامي عفرا: وين ؟ بدر: مب بتسيرين الفندق عفرا: هيه بدر: امشي عفرا: روحي بسير .. بدر: اقولج امشي .. عفرا: لا .. ما له داعي تيي .. سر في دربك .. بدر: انا ساير الفندق بعد عفرا: سر انزين روحك .. بدر: انتي مينونه ؟ بدر شكله شوي عصب .... وعفرا انصدمت هذا بلاه يرمسني بهالاسلوب .. وانتي مينونه !.. بدر: كيف تمشين في هالبلاد روحج ؟ ... عفرا: عادي بدر: لا مب عادي .. عفرا: انته شوه تبا ؟ بدر: ما ابا شي .. بس امشي ويايه الفندق .. عفرا: ما ابا اسير وياك بدر: انتي شوه ما تفهمين ؟ عفرا: انته بلاك ؟؟ ما لك حق عليه .. ما ابا اسير وياك بدر: شوه هالرمسة بعد ؟ .. لك حق وما لك حق ... وما ابا .. جيه هو ع كيفج .. امشي جدامي نسير الفندق .. اصلا انتي كيف تجرأتي ونزلتي روحج .. ما تعرفين انه بنات العرب المسنعات ما ينزلن روحن ويتمشن فالشارع ؟!.... صدمه .. لا هالمره صاعقة .. هذا شوه يقول ؟ .. جيه هي شوه مسويه ؟ .. عفرا ... ينقال لها هالرمسة ؟ .. عفرا تربية عذيجة ... وبو هزاع .. عفرا روحها مرتبكة .. وزايغة ... عقب هالرمسة .. حست ان خلاص .. بتنفجر .. وفعلا انفجرت .. ما قدرت تسيطر ع نفسها زيادة .. ونزلت دموعها .. جدام كل هالناس .. هذا يقولها جذه !.. صح انهم ما يفهمون لكن كفاية هي تفهم .... بدر واقف مصدوم .. جنه زاد وشد وياها شويه .. رن مبايلها نفس الوقت .. وما قدرت تشوف الرقم .. لكن سمعت الصوت .. احمد: عفرا !... باستغراب ودهشة .. احمد يطالع عفرا .. هاي شوه تسوي هني ؟..... وهذا اللي وراها اللي اسمه بدر شوه يايبنه وراها ....! عفرا .. شافت صوب احمد .. وكثر ما قدرت ضغطت ع عمرها .. وصوتها يرتجف .. عفرا ( مسحت دموعها) : احمد ابا ارد الفندق احمد: شوه فيج ؟ عفرا: ابا ارد الفندق الحين .. احمد: رملة فيها شي ؟ عفرا: لا .. ردني الفندق الحين .. احمد ( اطالع صوب بدر وطنش ) : تعالي .. بدر واقف مستغرب .. واحمد في داخله يغلي .. حس ان بدر فالموضوع .. وبدر يوم يكون فالموضوع .. معناته ان في شي يجرح .. لان بدر الشباب ما سلموا منه ... بنيه بتسلم منه؟ ... اتصل احمد في علي اللي كان ساير المستشفى ... وقاله يسير يطالع اخته .. لان عفرا ما يدري بلاها... مب عفرا اللي يعرفها .. واول مره يشوفها جذه ... ودموعها ع خدها ... نرد البلاد .. مسوين عرس ... اقصد مسوي عرس .. وشاركه الثاني بعد .... هزاع: ويالله يالله عاشوووووووو سالم: ريوس ريوس .. عذيجة: ريوس عليك موتر قول آمين انته وهو سالم: ميانين ندعي ع عمارنا آمنة يالسه ناقعة من الظحك وشمسة وياها .. خبايل . سالم وهزاع ما يدرون بلاهم اليوم .. عرس ودق وشالين الدنيا فوق روسهم ... واللي مخلنهم ياخذون راحتهم زيادة .. ان بو هزاع محد .. سالم: يدوه عرس عرس .. عذيجة: عرس منوه ؟ابوك ؟ شمسة: بسم الله ع ابوه عذيجة: والله ولدج يدق شمسة: ولدج انتي العود يدق هزاع: خلاص اوكيه لا تظاربون .. عرس ابويه انا عذيجة: هه .. وتقول العود شفتي العقل هزاع: كيف ترضينها ع بنتج عيل وما ترضينها ع عمرج آمنة: هههههههه هزاع بتنفلع الحين هزاع: هههههه افكر فالموضوع انا شمسة: ايه سالم بس سالم: عرس انزين آمنة: عرس منوه ؟ سالم: عرس هزاع هزاع: اقولك لا تتبلى عليه شمسة :الحين يوم حد يقول لك بتعرس ... يتبلى عليك عذيجة: هيه يتبلى عليه .. هالتفكير عنده وعند ولد خاله هزاع: شمعنى يوم تطرين عمر وعزوز وراشد وسعيد وعمرانوووووو تقولين عيال اخويه ومروان حليله قاصتنه من شجرة العايلة هاي وتقولين ولد خالك عذيجة: ثرك انته ومروان خبايل آمنة: هههههه لازم ما تسأل هالسؤال سالم: اصلا اصلا يدوه ما تحب حد عذيجة: حبتك القراده شمسة: ههههههه تستاهل ما اييك وايد ترمس .. آمنة: امايه وين سلامة ؟ عذيجة: ما ادري بها شمسة: ما رمستوها هزاع: غريبة ما شرفت اليوم سالم: تلقونها الحين .. تنظف بشرة ولدها ... الوقاية من الشمس عذيجة: انا يوم اقولكم لسانه طويل هزاع: ندري انزين بس شوه نسوي سالم:انزين ما قلت شي .. انا اقول الصدق آمنة: بخبرها يوم بتيي سالم: عادي خبريها .. اصلا خالوه سلامة ما تزعل مني .. لان اسمها شرا اسمي .. ولان ولدها ربيعي .. شمسة: وايد واثق من نفسك عذيجة: زارعين الثقة في نفسه حتى على تصرفاته الغبية .. سوالف وتعليقات وظحك .. هذا كله يستوي يوم اليمعات .. وسالم دايما يكون المحور ... لان لسانه متبري منه .... في بيت بو زايد .. بو زايد: زايد زايد: هلا ابويه بو زايد: بتمر اليوم بيت عمك سيف ؟ زايد: هيه بمر .. اليوم عندي شغلة ويا عمر .. بسير وياه بو زايد: انزين عط هذا حق عمر زايد: ان شاء الله وعطا بو زايد ولده ... ظرف .. يبين انه مبلغ .. لكن حق شوه ما يدري .. وهو ما يحب يسأل ابوه ليش ؟ ... ام زايد توها ظاهره من داخل ... ام زايد: وين غاليه ؟ زايد: ما نزلت بعدها ام زايد : هاي بعد متعلمه .. شرا ثاني زايد: بسم الله ع اختيه ... من ثاني ام زايد: ثاني اخوك بعد زايد: بس غاليه غير بو زايد: اكيد غير ام زايد: انتوا الاثنين من تيلسون في مكان .. لازم تحطون ع ثاني المسكين زايد: ههههههههههههههه ام زايد: جيه تظحك بو زايد: فذمتج الحين ثاني المسكين .. والا انا وزايد زايد: هيه والله بو زايد: ع كثر ما نجابلج ... انا وزايد .. ما تخافين علينا شرا ما تخافين ع ثاني وتحاتينه زايد: عادتنه من العقال .. وعاده ثاني خبله ام زايد: انتوا رمستكم ماصخه .. انا بنش عنكم بسير بو زايد :وين بتسيرين زايد: ههههههههه زعلت ام زايد: ياهل انا ازعل ياهل زايد: خلاص السموح يا ام زايد السموحه ام زايد: بسير اشوف غاليه جيه ما نزلت .. وبشوف ثاني بعد بو زايد: ما تروم .. لااااازم ... ثاني .. ام زايد: هيه ما اروم لازم ثاني ... زايد: ههههههههه ظرابتكم كل يوم ع ثاني وتموا بو زايد .. وزايد يسولفون .. وام زايد سارت فوق تشوف ثاني وغاليه ... وهي صاعده شافت غاليه نازلة .. ام زايد: وينج انتي ؟ غاليه: هني ام زايد: وين هني .. جيه ما تنزلين ؟ غاليه: نازلة الحين .. وين سايرة انتي ؟ ام زايد: بسير اشوف ثاني ... غاليه: وين ابويه ؟ ام زايد: ابوج و زايد فالصاله .. كملت ام زايد طريجها .. ونزلت غاليه تحت .. بس شافت زايد .. غاليه: وين ابويه عيل ؟ زايد: سار والحين بيرد غاليه: اها زايد: غاليه بتين اليوم بيت عمي يوسف غاليه: بتسير ؟ زايد: هيه غاليه: روحك ؟ زايد: يمكن عمر ولد عمي ايي غاليه: لا ما ابا حد يكون هناك .. زايد: عمر عادي .. وبعدين عمي يوسف مضايق وايد منج .. انج ما تسيرين غاليه: انزين تدري .. بقول حق بنات عموه اين ويايه زايد: ما بيييون والحين لا تذلين عمي ع هالطلب غاليه: انزين ما ابا اكون روحي زايد: اوكيه انا وانتي وثاني بنسير .. بنكون اثنين وياج غاليه: زاااااايد زايد: قومي تزهبي الحين وبنسير .. خلاص ... تنهدت غاليه .. يا ربي .. بدوا اخوانها يظهرونها ويودونها ويردونها .. ويغصبونها ع اشيا ... هم في بالهم ان بها بتستوي شويه جريئة اكثر .. رن مبايلها .. شلته .. تشوف الرقم .. فتحت ثمها .. اسم هزاع .. من وين ؟ .. هي اصلا ما عندها رقم هزاع ولا تعرفه .. هالدور بعد رقمه ومخزن في مبايلها واسمه !... ارتبكت .. وبان عليها .. زايد: شوه فيج ؟ غاليه: ما شي .. زايد: بلاج ما تردين ؟ غاليه: رقم غريب .. ليش ارد .. زايد: اها .. في مكان ثاني .. ناش .. لكن ما يبا يظهر برع الحين .. يبا شويه يرتاح وعقب يظهر .. ما يبا يسمع محاظرات ع قولته ... وهالمحاظرات لازم ما تنعطى له هو .. لازم يقولونها شخص ثاني .. رن مبايلة .. رد بدون ما يشوف الرقم .. ..........: الو .. سكت مروان .. شوه هالصوت !.... من وين اصلا ظهر .. اول مره يرمس حد صوته جذه !..... نزل المبايل يشوف الرقم .. رقم غريب !...... رد مره ثانية رفعه .. وحطاه صوب اذنه ... ........: غاليه جيه ما تردين ؟ بهت مروان .... خير ؟ .. غاليه !.... انا احلم .... شوه السالفه .. ........: من كم يوم انتي ما تردين عليه .. ومسويه لي طاف ... صك مروان في ويه اللي يرمس ... معقولة !.... غاليه ؟ ... وجيه ما تردين .. انزين هذا مبايلي ... وجيك المبايل ... اول شي فتح ع الاسامي والارقام .... غير ... فتح ع المسجات .. بس يطالع الاسامي .. غير ... هذا مب مبايلي .. هذا مبايل غاليه يعني ؟!..... ليكون امس فالمطبخ تخربطت المبايلات .. هيه صدق انا حطيت مبايلي ع الطاولة .. وما دريت أي مبايل شليت .. يعني هي عندها شرا مبايلي .. وانا ما دريت وشليت مبايلها !..... اكيد الحين تصيح .. بس منوه هذا اللي متصل ؟... خطيبها ؟ .. مستحيل .. لو انخطبت بندري نحن .. وبعدين خطيبها وترمسه .. ما اعتقد عمي يخلي .. الا عقب الملجة .. شوه السالفه الحين !..... في حجرة ثانية .. عمر .. عقب ما عبدالعزيز خلص رمسته .. قاله عمر ينزل تحت .. بدون ما يسمع أي اعتراضات .. وفعلا نزل عبدالعزيز تحت .. عمر مصدوم .. ومكتئب في نفس الوقت .. صدق اللي سمعه .. يعني ظنه في محله .. كانت في مشكلة مستويه .. وكان في سر ورا علامة عبدالعزيز اللي كانت ع خدّه .. وسالفة امس .. كانت مب من حق سعيد يسوي باخوانه جذه .. بلاه اخوه مستوي عصبي ؟ ... سعيد اللي يعتبره عمر ذراعه اليمين .. جذه مستوي .. وفي غيابه لازم يحط اخوانه في عيونه .. وهو دايسنهم بريله !... وخصوصا مروان وعبدالعزيز ... ليش يا سعيد .... ما توقعت هذا كله منـ ......... وقف تفكير عمر .. لان التعب رد له .. العوار رد له .. رفع ايده .. وحطاها ع صدره .. جهة اليسار .. يا ربيييي ألم فظيع .. ما اقدر اتحمل .. استغفر الله .. يا الللللله .. وتم يجلب ع الشبرية من شدة الالم .. نفس الوقت سمع صوت الباب .. لا .. مب وقته .. لا تدخلون .. يا ربيييي .. يا رب دخل ... تجدم .. راشد: عمر شوه فيك ؟ عمر ( وهو راص ع ضروسه ): بند الباب .. راشد: بلاك ؟ عمر: بند الباب .. واقفله .. ومثل ما طلب عمر .. نفذ راشد .. وهو مصدوم اخوه بلاه .. عمر: راشد راشد: عمر شوه فيك ؟ شوه بلاك ؟ شي يعورك .. عمر: ييب دوايه ... و كاس ماي بارد .. راشد: وين ؟ عمر: فالكبت الدوا تحت ثيابي .. عمر كان يرمس وتحس في رمسته انه ضاغط ع عمره .. وراشد مصدوم اول مره يشوف عمر جذه .. شوه فيه ؟ شوه السالفه ؟ ياب الدوا .. وياب الماي ... العرق يتصبب من اخوه ... مع ان المكيف شغّال .. والجو اوكيه .. ما يدري شوه السالفه ... 5 دقايق يلسهم راشد حذال اخوه .. لين خف شويه .. ونزل ايده .. لكنه طايح ع الشبرية ... ومغمض عينه راشد: عمر عمر ( فتح عينه ) راشد: شوه فيك ؟ عمر: انته شوه تبا ؟ راشد: انته شوه فيك قبل ؟ عمر: راشد .. انا سمعت من عبدالعزيز كل شي راشد: خلنا من عبدالعزيز عمر: شوه تبا انته ؟ راشد: انته شوه فيك ؟ شاف عمر انه ما شي مجال يدس عن راشد .. اللي مصر يدري عمر شوه فيه .. عقب ما شافه في اسوء حالاته ويتألم عمر: راشد .. راشد: قول .. شوه فيك ؟ عمر: بقولك .. بس تحلف لي ما تقول حق حد .. حس راشد من كلام اخوه ان في شي عود .. يعني عمر داس عنهم شي .. عن الكل حتى عن سعيد اللي هو اجرب واحد له من اخوانه .. وعبدالعزيز بعد !!.. من رمسته عرف ان هو اول واحد بيدري عن السالفه .. راشد: قول عمر: احلف راشد: والله ما بخبر حد ... بس انته ارمس عمر: تعب خفيف .. اييني فترة ويروح .. ولازم آخذ الدوا .. راشد: تعب خفيف .. هذا كله وتسميه تعب خفيف ؟ .. من شوه ؟ عمر ( ارتبك ): قلت لك تعب راشد: انزين شوه سببه عمر: القلب انصدم راشد .. القلب !! .. شوه قصده بالقلب ؟ .. راشد: شوه قصدك بالقلب ؟ عمر: راشد خلاص راشد: قولي عمر: فيّه القلب راشد ( منصدم ): عمر ..... عمر: راشد انته حلفت ما تقول حق حد راشد: فيك القلب ؟! عمر: راشد .. اسكت .. خلاص راشد: عمر كيف .. سكت راشد .. وهو اللي الحين بدا يتنفس بصعوبة .. يحس ان الدنيا اسودت في عينه .. رفع ايده .. ومسك راسه بايده .. يحس ان يبل ع راسه عقب الرمسة اللي سمعها .. وعمر متوقع ردة فعل أي اخو من اخوانه لو دروا بالموضوع هذا .. وهذو راشد اولهم .. عمر : راشد اسمعني راشد: عمر ما اقدر ... عمر: اسمع .. الموضوع بيني وبينك .. محد يدري به .. راشد: عمر .. ما اقدر .. كيف فيك القلب ؟ .. ما تقول لنا ؟ عمر: ما اعتبره شي مهم راشد: كيف مب مهم .. تقولي تعب خفيف ومب مهم .. عمر انته تعرف شوه يعني القلب .. تعرف شوه يعني هالمرض والا ؟ .. عمر انته خبله ؟ مينون ؟ .. فيك هالمرض وضاغط ع عمرك زيادة .. نفاد ينفد الكل ان شاء الله ( ونزلت دموعه ومسحن ) ... بس انته كيف مب مهتم في عمرك .. ليش ؟ .. تدري بدونك ظعنا نحن .. في اسبوعين ظعنا وشوف لين وين وصلنا .. سكت عمر .. وما رد ع راشد .. عمر الثاني مصدوم .. اول مره يشوف راشد دموعه تنزل اول مره.. هو متعود ع ظحكتهم .. متعود ع تعليقاتهم .. من امس .. الكل يصيح .. الكل يصرخ .. وهالمرة راشد صدق اقتبس دور عمر .. لانه يالس يصرخ ع عمر .. راشد: انته اناني عمر: انا اناني ؟ راشد: هيه اناني .. مستوي اناني .. في حق نفسك .. مهتم فالكل .. وصحتك ناسنها عمر: انا بخير راشد: انته تقول بخير .. كلام .. انا شفتك قبل شويه .. كيف كنت .. جنك سمجه ميته مظهرينها من البحر .. عمر: راشد .. الله يخليك .. ما ابا حد يدري بالموضوع راشد: مب قبل ما انته توعدني تهتم في عمرك عمر: انا مهتم في عمريه .. آخذ دوايه راشد: وتوك ناسنه عمر: نسيته من اللي استوى .. نسيت كل شي .. انا اخواني يظاربون ؟ .. وكل واحد فيهم يبا يجتل الثاني ؟ .. راشد جيه ما خبرتني بهذا كله يوم رديت ؟ .. ليش ما خبرتني ؟ .... انا منصدم شوه مستوي .. راشد: ما ادري عمر: كيف ما تدري .. و انته تيي تحاسبني انا .. راشد: انا احاسبك ع شي بيدمرنا كلنا عمر: انته ليش مب متفائل راشد: ما قدرت اتحمل المسؤولية .. ما قدرت انفذ وعدي لك عمر: لا تقول جذه .. بالعكس .. عبدالعزيز صار يعتمد ع نفسه اكثر .. انته ليش مستوي متشائم راشد: الدنيا علمتني ان أي حد قريب من قلبي .. يسير في لمح البصر عمر ( تجمعت في عينه الدموع .. وابتسم نفس الوقت ): ايه انته .. لا تقول جذه .. تفائل .. نحن تربية سيف وسارة .. الابتسامه ما تفارقنا .. والتفائل يلازمنا .. وكل شي بيتصلح .. اوعدك ... نش راشد .. وحضن اخوه .. يحس ان عقب اللي سمعه وعرفه .. يبا حضن دافي .. شرا اخوه .. وعمر عقب رمسة راشد .. تذكر امه وابوه .. وحس ان هو اللي مب قد المسؤولية .. و ان اللي يستوي الحين اكبر دليل ع هالشي .. ومثل ما قال راشد .. ظاهريا .. يقدر ينكر هالشي .. لكن داخليا .. فعلا .. أي حد قريب من القلب .. تحسه يغيب في لمح البصر .. وتبقى له مجرد ذكرى في القلب ..... في ألمانيا ... خلصت صياحها .. وتوها بتظهر .. وبتسير .. عقب ما تسبحت ع السريع لان حست بحرارة فظيعة تظهر من جسمها عقب اللي استوى .. وانها ما تقدر تظهر وهي جيه .. يايه بتلف شعرها بسرعه وبتظهر .. لان ريل اختها برع .. رن مبايلها .. بدون ما تشوف الرقم ردت.. عفرا: الو حصه: عفاري وينج ؟ عفرا: هلا حصه ... حصه: انتي وين ؟ عفرا: فالفندق حصه: بلاج شوه فيج ؟ عفرا: ما فيني شي .. حصه: احمد متصل في علي يقول عفرا مب ع بعضها وجذه .. هني ردن نزلن دموعها .. حصه: عفاري حبيبتيه شوه فيج ؟ عفرا: ولد خالتج الزفت حصه: منوه ؟ عفرا: هاللي ما يتسمّى .. حصه: بدر ؟ يوم سمعت عفرا اسمه .. صوتها بدا يرتجف .. وتصيح .. حصه: عفاري قولي شوه سوّى بج ؟ عفرا: والله انه سخيف حصه: انزين قولي شوه استوى ؟ .. وليش رديتي البيت ؟ عفرا: وانا راده الفندق هو وقفني في نص الدرب .. ويقولي انتي مينونه ووين تبين .. وجيه نازله روحج .. وبنات العرب المسنعات ما يتمشن فالشوارع رواحهن .. شوه يقصد يعني انا مب متربية ومب مسنّعه .. حصه: عفاري حبيبتيه اهدي .. انزين ما عليج منه .. خله يولي عفرا: شوه يتحسب عمره .. خل يسير يحاسب اخته .. هو ما له حق عليه .. وانا اعرف اللي اسويه صح والا غلط .. حصه: انزين انتي الحين لا تصيحين .. بس خلاص سكتي .. عفرا: مقهورة والله مقهورة .. انا هزاع اخويه اللي اخويه ما قايل لي هالرمسة .. احمد ريل اختيه كل يوم سايرة راده وياه .. ما قالي جذه .. هذا الحين ايي يقولي جذه .. اللي اول مره اشوفه في حياتي .. واول مره يرمسني .. حصه: انزين خلاص عفاري والله قطعتي قلبي .. سكتي ... ريحي شويه فالفندق الحين وعقب تعالي .. بس سكتي وسكتت عفرا .... حصه: يالله ببند عنج ... ويلسي شويه ارتاحي عقب تعالي انزين عفرا: انزين حصه: يالله مع السلامه بندت حصه عن عفرا .. وعفرا مسحت دموعها .. ونشت ... لفت شعرها .. و لبست شيلتها .. وعباتها ... وظهرت برع ... شافت احمد يحوط في هالممر ساير راد ساير راد .. احمد: خلصتي ؟ عفرا: هيه .. آسفة أخرتك احمد: لا عادي ... بس المهم تكونين اوكيه ومرتاحه عفرا: الحمدلله احمد: يالله يا عفرا .. ما يليق عليج الصياح عفرا ( وهي تمسح دموعها): لا تصيحني انته بعد احمد: لا لا .. لا تصيحين ولا شي .. والله محد يستاهل دموعكن يا بنات ام هزاع ... بس مجرد سؤالين .. قبل ما نسير ممكن عفرا: اسأل احمد: ليش رديتي الفندق ؟ عفرا: وانا مب حاسه رقدت حذال رملة .. وحطيت راسي حذال راسها .. ويوم نشيت شيلتي وشعري كله خاس بالدمان احمد: رملة لليوم تنزف ؟ عفرا: هيه وقالت الممرضة انه عادي .. لان العملية في الراس ... احمد: انزين وشوه سالفة بدر ؟ عفرا: بلاه ؟ احمد: ليش كان يلحقج ؟ عفرا: ما شي واحد يبا يتفلسف عليه ... وما يدري كيف احمد: ليش صحتي عيل ؟ عفرا: ما شي .. سبب تافه احمد: لا والله .. سبب تافه يصيح عفرا ؟ ..... انا اول مره في حياتي اشوفج تصيحين .. عفرا: هيه مستانس يعني احمد: عفرا خذي الامور بجديه .. ع شوه استانس ؟ .. اني اشوفج تصيحين !... جيه شوه .. هذا لو عدوج شايفنج كيف صحتي جان كسرتي خاطره عفرا: عاد مب لهالدرجة احمد: عفرا ما ابا السالفة توصل .. لمستوى انتي ما بتحبينه ولا انا ولا حتى غيرج عفرا: بلاك ؟ شوه تبا تسوي احمد: اذا انتي ما قلتي .. بسير عند بدر روحه بقوله شوه السالفه ؟ وجيه صحتي ؟ .. عفرا: لا .. احمد: بلاج زايغة ؟ عفرا: مب زايغة احمد: عفرا انا واثق فيج .. واعرفج عدل .. لكن ابا اعرف جيه صحتي .. انا حاس وشاك ان بدر فالموضوع .. وبدر يوم يكون فالموضوع السالفة تكون قوية شويه .. وعسب جذه انتي صحتي عفرا: هيه هو فالموضوع احمد: شوه سوى بج ؟ عفرا: ما سوى شي احمد: عفراااااااا ! عفرا: والله انزين ما سوى شي .. بس قالي جملة جرحتني .. احمد: شوه قالج ؟ عفرا: احمد خلاص احمد: قولي انزين عفرا: قالي ان بنات العرب المسنعات ما ينزلن الشارع رواحهن .. ( وتجمعت الدموع في عينها) .. احمد والله والله اني نزلت وانا ما ادري ولا حاسه بعمريه .. انا استعيلت ونزلت روحي .. يوم شفت الدم جذه مخيسني .. ما دريت شوه اسوي .. وحتى اتصلت بك وانته ما رديت عليه .. انا ادري اني غلطانه .. لكن مب معناته اني نزلت يعني انا مب مسنعه ولا متربية .. سكت احمد .. يوم شاف عفرا حليلها وكيف شكلها .. اول مره يشوفها جذه ... احمد: تدرين لو انتي نهدج في اتعس واخيس بلاد ... بنهدج فيها ونحن مغمضين .. عفرا نحن واثقين من تربيتج ونعرف انتي منوه .. فـ لا تلومين انسان شكّاك .. وانتي ما عليج منه ... والله والله انه ما يستاهل تصيحين وتسوين هذا كله عسب رمسة هذا اللي اسمه بدر .. سوي له اكبر طاف .. وانا برويج فيه عفرا: انا ما ابا مشاكل .. لكن انا يايه وياك .. انته مسؤول عني .. انته تحاسبني احمد: ولا انا لي حق احاسبج عفرا: ما ابا أي حد يتحكم فيه ... ولا ابا كل حد يدخل فاللي اسويه ... وعندي اختيه هني .. وتشوفني احمد: خلاص عيل .. يوم ان اختج هني وتشوفج .. ما عليج من أي حد ... ومدام انتي تقولين اني انا هني ومسؤول عنج .. فـ بتشوفين شوه بسوي عفرا: احمد ما ابا مشاكل احمد: وانا مب راعي مشاكل ... بس دام اني مثل ما تقولين مسؤول عنج .. بدر ما يخصه فيج .. ولا يخصه ان شاء الله يشوفج في ديسكو هني ما يخصه فيج .. وانتي لا تنزلين هالدموع عسب انسان تافه .. مسحي دموعج .. واذا بعدج تعبانه وما تقدرين تسيرين .. فـ ما عليه تمي فالفندق .. ومتى ما بغيتي بييج وبوديج المستشفى عفرا: لا عادي احمد: صدق والله عفرا: لا .. ابا اسير اشوف رملة واطمن عليها .. هديتها جذه ورديت احمد: اقولج عادي والله .. رملة ما شاء الله كل حد عندها الحين عفرا: لا ما عليه .. بسير احمد: متأكده ان ما فيج شي عفرا: هيه احمد: يالله نسير .. ومشت عفرا ويا احمد عقب الصياح اللي صاحته .. وعقب اللي استوى كله ... |
الجزء الـ 39 الايام تطوف ... والمشاكل تزيد .. عين ما صلت ع النبي ... ع قولت بعض الناس .... الاخوان بعده الجو متكهرب عندهم ... واللي برع بعده الجو متكهرب عندهم ... والمشكلة العوده اللي من سنين ما لها حل ...... عناد يوسف ... في بيت ام احمد .... ام احمد: ناعمه ناعمه: هلا امايه ام احمد: حرمت اخوج ما نزلت اليوم ناعمه: لا ما نزلت ام احمد: سيري حبيبتيه شوفيها .. ناعمه: ان شاء الله ام احمد: وميثا وين ؟ ناعمه: ويا امها فوق بعد ... بسير الحين بشوفها .. ام احمد: شوفيها وقولي لها تنزل ... ولو فيها شي خل يصعدون لها الغدا فوق لو تعبانه وما تروم ناعمه: ان شاء الله امايه .. نشت ناعمه وسارت فوق .. شافت الصاله فاضية .. ما فيها حد .. وشكلها ميثا ما طلعت ودمرتها بعد ... دقت باب الحجرة ودخلت .. هيييييها هني اللعب .. ميثا مدمرة الدنيا .. والحين بعد صاعده فوق امها وامها راقده .. ومن شافت ناعمه بدت تدلع وتظحك .. وتدس ويها واونها يتنخش عن عمتها .. ناعمه: آمنة آمنة: ها ناعمه: شوه فيج ؟ آمنة: ما فيني شي ناعمه: جيه ما نزلتي .. سهرانه امس ؟ ما ردت آمنة .. تجدمت ناعمه .. ناعمه: آمنة بلاج ؟ آمنة: ما فيني شي .. ناعمه: شكلج مب طبيعي .. مدت ناعمه ايدها ... حطتها ع راس آمنة .. وسحبتها بسرعه ... ناعمه: آمنة جسمج ضووووو آمنة: ناعمه شلي هاي عني .. مب مستحمله عمريه ناعمه: مريضة انتي آمنة: تعبانه ناعمه: قومي بنسير المستشفى آمنة: لا ما ابا ... برقد شويه وبرتاح ناعمه: ما يستوي ... جسمج حاااااار ضو اقولج آمنة: شلي هاي ناعمه: تعالي انتي .. آمنة: نزليها تحت عندكم ناعمه: وانتي ؟ آمنة: بس برتاح شويه واذا شفت عمريه بعدني بقولج ناعمه: صدق ؟ آمنة: هيه .. ناعمه: انزين خذي حبتين بندول آمنة: خذت 4 ناعمه: مينووونه انتي آمنة: مب وقت محاسبة .. ناعمه: انزين خلاص ... بس اتصلي اول ما تنشين ... وانا كل شوي بصعد بشوفج ما ردت آمنة ع ناعمه لانها صدق كانت تعبانه .. وتحس ان الرمسة اللي تطلع منها بعد اتعبها زيادة .. يعني يوم بترمس يباله طاقة .... تحت عيسى: وين ناعمه ؟ ام احمد: صعدت فوق عند آمنة عيسى: ما شفنا ميثا اليوم ام احمد: ما ادري بلاها .. لا حرمت اخوك نزلت ولا نزلت بنتها عيسى: يمكن فيهن شي ام احمد: الله لا قال .. ووصلت ناعمه ام احمد: وين آمنة ناعمه: آمنة تعبانه فيها حمى ام احمد: تعبانه فيها حمى !.... وجيه ما قلتي لها تلبس تودونها العيادة المستشفى ناعمه: تقول برقد شويه لانها تعبانه .. وبتنش لو بعدها تعبانه .. بتتصل تخبرني عيسى: قولي لها انزين انا بوديكن لو ما بتسير ويا السايق ناعمه: مب عن جذه .. هي ما تبا تسير الحين تعبانه ام احمد: استغفر الله العظيم .. شوه استوى بها الحرمة ناعمه: ما عليه نتغدا الحين .. وعقب الغدا بصعد بشوفها .. اذا تعبانه بعدها .. بقومها غصب وبنسير ... في بيت الشباب ... مروان: قم ابا احط ام بي سي عبدالعزيز: اوكيه انا ابا ون مروان: ابا ام بي سي 3 عبدالعزيز: تستهبل مروان: قم .. عبدالعزيز: مرواااااااااااااااااااااااااااااان مروان: هههههههههه عبدالعزيز: حط حط ون مروان: ابا 3 عبدالعزيز: حط ون ون ون راشد نازل من فوق ... راشد: شوه فيكم عبدالعزيز: مروان حط ون مروان: ابا 3 نش عبدالعزيز .. وعفد ع مروان من ورا .. مروان: ههههههههه ايه قم عني راشد: بلاكم ؟ مروان: هههه قول حق اخوك ينزل .. يتحسبني ما ادري شوه عبدالعزيز: ناقة مروان: ناقة حرمتك عبدالعزيز: يعني بنت احمد مروان: احمد مينون ايوزك انته والا سالم بنته .. عبدالعزيز: يحمد ربه مروان: انزين قم عني راشد: عبدالعزيز يلس عبدالعزيز: خل يحط ون مروان: حطيت .. حطييييييييييت قم .. عبدالعزيز: عسب تتأدب ومره ثانية ما تسوي بي جذه .. ام بي سي 3 اونه ياهل مروان: كيفيييييييي رن مبايل مروان ... نفس الرقم ....... ..........: غاليه نفس الصوت ... ونفس الاسم .. بند مروان في ويهه مروان: ياكثر اللي يتصلون بالغلط اليووووووم .. راشد: عبدالعزيز وين عمر ؟ عبدالعزيز: هذو ياااااا عمر: ما شاء الله يالسين عصّاري هني راشد: تدرون شوه .. عبدالعزيز: لا ما ندري شوه ؟ راشد: ههههه نسير نيلس فالحديقة برع عبدالعزيز: هيه والله نسير .. مروان: توك تبا ون عبدالعزيز: كيفي غيرت رايي .. عمر: نسير عيل برع .. راشد: مروان يالله نش مروان: سيروا لاحقنكم .. عمر: سعيد ما ظهر ؟ عبدالعزيز: اففففف عمر: عبدالعزيز ! عبدالعزيز: ما يخصني ولا رمست .. عفانا الله حتى الاف نتحاسب عليها .. بسير اقول حق فريد اييب أي شي بسكوت وكيك في فالمطبخ برع .. ويسوي لي جاي .. وظهر عبدالعزيز .... راشد: سعيد طلع عمر: وين سار ؟ راشد: ما ادري .. بس طلع مساعه من فوق شفته مروان: حاتوا عماركم ابويه لا تحاتون سعيد عمر: انزين نش نسير برع مروان: والله سيروا وانا بييي .. الحين ... راشد: وراك شي مروان: وراي والا جدامي راشد: لا اسفل مروان: لا فوق .. ظرف مكان .. راشد: ههههههه لا تسخف بزيادة مروان: انته بديييييييييت راشد: وانته ما صدقت مروان: من زمان ما تسخفت راشد: تعال برع تسخف عيل .. مروان: ياينك يالله سيييييييييير سار راشد .. ومروان تم يالس فالصاله روحه .. قبض المبايل ... وبدا يكتب ... في طرف ثاني ... غاليه يالسه في حجرتها ... هالمبايل ما تقدر تهده دقيقة وحده .. لو طاح في ايد حد من اخوانها بتستوي مصيبة بالنسبة لها .. كيف الحين ترد مبايلها .. وترجع هالمبايل .. والا هو كيف بيتصرف ؟... اخافه يسوي شي واندم عليه انا عقب ....... اهتز المبايل في ايدها فزت .. كان مسج .. ما تدري شوه اللي خلاها تفتح المسج .. نست انه مب مبايلها .. شافت الرقم .. هذا رقمها ............ ----------- ادري ان مبايلي عندج ... اليوم المغرب بكون في بيت عموه ... جان تقدرين تدبرين روحج وتيين ... اسلمج امانتج وآخذ امانتي ... واذا زايغة من حد .. انا حافظ جدول بيت عموه ... اليوم محد بيكون هناك .. الا هزاع ... انا عقب المغرب ع طول بكون فالميلس ... طرشي مبايلي وبطرش مبايلج .... -------------- غاليه ارتبكت ... هذا شوه يقول ؟ .... كيف يعني اطرش مبايله ويا منوه ؟ ... والا كيف اسلمه اياه ... لا بعد مرتب كل شي ... اففف شوه هالحاله ... بس لازم ارد له مبايله وآخذ مبايلي .. من كم يوم ما مرمسه عفاري ... والله يعين شوه السالفه ... وبعد مطرش مسج من مبايلي .. انزين كيف اطرش له المبايل الحين ....... في الطرف الثاني .. مروان يالس .. ويشوف المبايل .. نظيف مرتب ... اوكيه حتى مبايلي نظيف بس هذا انظف .. ايدد .. اخسس فيها وما ارده .. ههههههههه صدق بطلع نذل .. بغير الارقام بس ... ههههه بتموت عليه ما فيه ... ووصل مسج .. -------- السموحه بس كيف اطرش لك المبايل ويا منوه ؟ والا كيف اسلمك اياه ؟ ... ---------- مروان ظحك من الخاطر ... يوم قرا المسج .. هاي اجبن انسانه شافها في حياته كلها ... جباااااانه وخجولة بدرجة فضيعه .. لو عفاري جان قالت الله ياخذ ابليسك والله يلعن ابليسك ... واخساسا فيك .. وفتشت فالمبايل ودمرته وردت ع كل المتصلين .. وخسرتني الرصيد .. هاي كيف مستويه ربيعة عفرا ما ادري !..... فرق بين السما والارض ..... يا ربييييييي .. كيف طرشت له المسج انا ... كيف طرشت له مسج من رقم غير رقمي .. انزين هذا رقمه .. عيل هو كيف تجرأ وطرش من رقمي .. اففففف ما ادري شوه فيني ... هذا شكله يبا يوهقني الحين ... ------------- بسيطة .. تعالي الميلس .. دقي الباب 3 مرات .. انا بفتحه .. باخذ مبايلي .. وخذي مبايلج ... والمسافر راح .... ------------- غاليه يالسه فاتحه ثمها .. مسج سخيف الصراحه .. وما برد عليه .. بكيفه ومشكلته ... بس مبايلي باخذه باخذه واليوم .. هــــــه الصوب الثاني .. مروان تريا ما ردت .. عرف انها ما بترد .. اكيد ما بترد .. وخاطره يشوف شكلها كيف عقب ما قرت المسج السخيف ماله .. والمشكلة ان هو روحه يعرف انه سخيف !..... فـ شل المبايل وحطه في جيبه .. وسار برع عند اخوانه ... مروان: من الفرحة .. عبدالعزيز: غبااااااااااار غباااااااااااار راشد: هههه وانته بلاك من الفرحة ومستانس مروان: الصراحه من زمان ما خسست في حد واليوم خسست عبدالعزيز: في منوه ؟ وشوه سويت ؟ مروان: ما يخصك .. في وحده عمر: بعد اشكره عيني عينك تقول وحده مب واحد مروان: هههههههههه اتغشمر وياكم .. بس خل تكتمل مسألة التخسيس وسوف اعلن عنها راشد: بكل ثقة وعزة نفس يرمس بعد مروان: طال عمرك .. انا مروان ولد سييييييف عمر: مدام كلكم متيمعين ... مروان: نعم .. افتح الاجتماع .. انا من الصبح حاس انك تبا تقول شي .. لكن ما تقدر عمر ( ابتسم): مب نحن قايلين .. ان لو حد فينا كان في مصيبة والا شي .. نحاول كثر ما نقدر .. نخفف عنه .. ونكون له عون في مصيبته مروان: نحن ما قلناها لفظاً .... عمر: مروان .. جد ارمس مروان : انا بعد جد ارمس .. فعلا نحن ما قلناها لفظاً.. راشد: لكن كلنا نعرف ان هالشي كل واحد فينا قاله في نفسه مروان: اكيد عمر: انزين .. وكيف قبل كم يوم كل واحد فيكم يبا يجتل الثاني .. عبدالعزيز: رد لي ويهي مثل ما كان .. بلا كدمات وظربات وصفعات .. رده مثل ما كان .. ولا صفعة يت عليه ... عقب برد انا عبدالعزيز الجديم مروان: رد نزل ايد اخوك عني ... اللي مرتين رفعها عليه .. واول مره في حياته .. وعقب برد مروان .. راشد: عبدالعزيز .. ومروان .. هالحقد ابدا ما بيفيدكم عمر: نحن جذه تعلمنا .. نحقد ع بعض ونكره بعض ؟ مروان: هو اصلا كارهنا .. وما يبانا عبدالعزيز: وحرمته العقربة هي السبب عمر: لو مهما يكون سعيد اخونا ... وعبدالعزيز بلا هالالفاظ .. عبدالعزيز ( يلس وبدا يلعب باللي جدامه ): اصلا انا ما توقعت فيوم سعيد جذه يستوي عصبي .. سعيد دومه حنون وطيب .. لكن اول واحد يظربني من اخواني هو .. صدمه عمر: ما كان مسيطر ع اعصابه .. عبدالعزيز: عمر انته ترضاها لي ؟ .... حد يظربني ؟..... انا توقعتك بتعصب .. صد راشد صوب عمر .. عبدالعزيز المشكلة ما يدري بالغليان اللي في عمر يوم يسمع ( صفعة ) .. ( ظربة ) ... ( طراق )... وكل هالاشيا يت لعبدالعزيز .. ما يدري ان عمر وده يمسك اللي ظربه ويعطيه الكف المحترم اللي ياه مرتين .. لكن مهما يكون سعيد اخوه وبدور تظل حرمت اخوه .. وعبدالعزيز بعد اخوه .. عمر للحين مسيطر ع اعصابه عسب ما تنطلق بهمجيه صوب سعيد ... راشد: سعيد تصرف بسرعه عبدالعزيز: وحرمته بعد بسرعه .. والله والله لو مب انته وسعيد دخلتوا جان رديت لها الصفعه عمر: هذا اللي انا علمتك اياه عبدالعزيز: ليش تحاسبني انا ؟ ... عمر انا انظربت .. وع ايد حرمه .. وهالحرمه تستوي حرمت اخويه .. انا انته اللي اعتبرك اخويه .. وابويه .. واميه .. ما مديت ايدك عليه .. وسعيد مسحناها فاليدار والارض بعد وقلنا ما عليه .. اما هي ما لها حق ... وهالعلامه ( واشر بصبعه ع خده ) ... في عمري وحياتي ما بنساها .. والله ما بنساها مروان: تقدر تقنعني انا .. والا لو بنرمس ونقول الصدق .. بتتخيل انك قنعتني وانا بمثل عليك دور اني اقتنعت .. وبنسى ظاهريا .. لكن داخليا بتم اذكر كل شي استوى .. لكن الحين .. اقنع وحاول بس تغير هالشي ظاهريا لعبدالعزيز .. ما بتقدر .. راشد: انته لازم تحاول تهدي المسألة مب تزيدها مروان: انتوا تتحسبوني مستانس من اللي مستوي .. تتحسبوني حاقد ع سعيد ؟ ... سعيد مهما يكون اخونا مثل ما قلتوا .. وبيتم .. وانا اقولها الحين جدامكم .. سعيد حاله حالكم .. لو يبا روحي .. والله والله انها رخيصة .. وتفداه .. لكن يرد سعيد الجديم .. سعيد اللي نعرفه .. مب سعيد اللي تمشيه حرمه .. واسمحوا لي .. عندي شغله ضرورية ويا هزاع لازم اخلصها اليوم .. فمان الله .. ونش مروان عن اخوانه ... عبدالعزيز: انا بعد احب سعيد .. تركز نظر عمر وراشد ع عبدالعزيز يوم يرمس عبدالعزيز: لا تطالعوني جذه .. والله اني احبه .. ولو يبا أي شي بعد بسوي له .. هو ظربني انا صح زعلت .. لكن عادي .. يمكن انا طولت لساني صدق عليه وما كان لازم اطول لساني ... واللي ريحني ان يا اعتذر عقب .. لكن هالمره حرمته تظربني ... وهو بعد ايي وراها ويظربني .. عمر: هو كان معصب وبس عبدالعزيز: لو ايي يعتذر بقبل اعتذاره .. اما لو بيتم جذه يطلع ويدخل جنه فندق .. فـ انا ما بسامحه راشد: بيرد سعيد الجديم ان شاء الله .. بيرد سعيد الجديم .. عبدالعزيز: جان زين وصل فريد فريد: عبدالعزيز .. ما تلعب كورة ؟ عبدالعزيز: بتلعب ويايه ؟ فريد: هيه .. عبدالعزيز: يالله نسير .. ساروا فريد وعبدالعزيز يلعبون كورة .. راشد: عمر لا تكدر خاطر عمر ( تنهد ) : مب زايغ من مروان وعبدالعزيز ... وكلامهم ريحني .. لكن سعيد .. ما ادري شوه مستوي عليه .. ما يعبر .. لكني ناوي اليوم ارمسه .. راشد: خل الموضوع انا ابدأ وياه وانته تيي عقب تكمل عمر: بس انا الليلة برمسه .. وبقوله يرد حرمته بعد .. لانه ابدا مش حلوة انها ردت بيت اهلها .. وعموه للحين ما تدري راشد: وهاللي مخوفني .. لو عموه تدري .. اخاف المشكلة تكبر عمر: وانا ما ابا هالشي يستوي .. عمر وراشد .. في دوامه ما يدرون كيف يظهرون منها .. والا كيف يوقفونها .. الدوامة هاي تدور تدور ويالسه تخربط الامور ... كل ما تدور ... وهم يبون يوقفونها الحين .. ويقولون لها ستوب .. في حجرته .. ملان .. ما يدري شوه يسوي .. صدقج يوم كنتي تقولين ما بتعرفون جيمتيه الا يوم اودركم ... ملل بدونج والله ملل ... مسك مبايله .. واتصل بها ... ما قبض الخط ؟. رد اتصل مره ثانية ... في النص الثاني من الكرة الأرضية .. رملة .. ردت صحتها احسن .. ونشت وصاحت وسوت عسب شعرها .. لكن عفرا هدتها وقالت لها .. وعد هي روحها توديها الصالون وتعدل لها شعرها وترتبه .. ولو تبا تهتم فيه بعد .. ويرد يطول .. هو بروحه بطبيعته شعر رملة ما شاء الله روحه يطول وبسرعه .. لكن عسب تخف عنها .. لكن منوه الحين يخف عن عفرا .. في مكان بعيد عن اهلها ... يالسه .. على غير عادتها .. مستويه هادية وما ترمس ... كانت في حجرة اختها ... رن مبايلها ... شافت الاسم والرقم .. ابتسمت .. ونشت سارت حذال الدريشه .. عفرا: الو .. هزاع: هلا والله بهالصوووووووووووووووت عفرا: اهلين هزاع: شحالج ؟ عفرا: الحمدلله بخير .. انتوا شحالكم ؟ هزاع: انا الصراحه ارتحت يوم سمعت الصوت هذا عفرا: بلاك شوه ياينك ؟ هزاع: عفاري ... والله يعني لا تصدقين عمرج .. وكاني ما قلت لج هالرمسة عفرا: شوه السالفه ؟ هزاع: متوله عليج يالسخيفه .. ملل والله ملل .. أرق نفسي صابني وانتي محد ... يا بوي ردوا بس عاد خلاص ... عفرا: عسب تحسون شويه هزاع: شوه نحس ... بعد اكثر عن جذه .. خلاص حسينا .. والله حسينا .. عفرا: شخبار امايه وابويه ؟ هزاع: الحمدلله كلنا بخير .. بس لو تشوفين حالتنا عفرا: أي حاله بعد هزاع: امايه تصيح من صوب ... وابويه حزين من صوب ... غاليه تصيح ليل ونهار .. انا ما اطلع من البيت .. مروان ملازم بيتهم عفرا: عاد آخر اثنين جذبت فيهم هزاع: ههههههههه صدق عفرا: عن الخرط ... دمعة وحده ما تنزل من عيونكم عشاني .. هزاع: وليش نصيحج بسم الله عفرا: شفت قلت لك .. وما تقدرون ما تسيرون السناتر والمولات .. بتموتون هزاع: هههههههههه ظلمتينا عاد .. والله من يومين ما سايرين عفرا: شي عندكم عسب جذه ما سايرين مكان من يومين هزاع: ولد خالج في ورطة عفرا: ورطة شوه ؟ هزاع: والله لو انتي هني بتحلينها في دقيقة ... المشكلة انج برع عفرا: شوه عندكم انزين هزاع:خلاص بتنحل عفرا: قم زين .. اقوله شوه عندكم يقولي بتنحل هزاع: اقولج جلبي ويهج خسرتيني .. عفرا: والله انته متصل هزاع: خلاص انزين وانتي ما صدقتي عفرا: سلم ع امايه وابويه وامون وشموس هزاع: وميثا وعامر وطارق وسلامة وسالم ومروان وعبدالعزيز وغاليه عفرا: كلهم كلهم ... يالله مع السلامه هزاع: فمان الله ......... حصه: منوه ؟ عفرا: هزاع حصه: حليله متوله عليج عفرا: يخرط .. اونه ما ظاهرين ما سايرين المولات عسب انتي محد .. جنهم يعبرون هو وولد خاله يوم بيسيرون مكان حصه: هههههههههههه حليلهم عفرا: والله ان عندهم شي عسب جذه ما ظاهرين ولا سايرين مكان .. سمعوا صوت الباب .. علي: هود هود حصه: هدا علي: كيفكون صبايا حصه: الحمدلله بخير علي: اوه اوه الويه منور اليوم حصه: تقصدني انا والا عفاري ؟ علي: طبعا عفرا حصه: شوووووووووووووووه علي: ههههههههه لا اصلا انتي كل يوم ويهج ما شاء الله منور .. بس اختج مرت في ازمات فالايام التي انقضت فعسب جذه يعني الحمدلله اليوم منوره ويه عفرا: افففف لا تذكروني بالازمات علي: انتي تدرين في شوه غلطتي ؟ عفرا: انا ما غلطت في شي علي: اصبري سمعيني عفرا: قول علي: انتي غلطتي .. يوم صحتي .. والله ما يستاهل هذا .. وخل يقول اللي يقوله .. جان رديتي عليه كلن يرى الناس بعين طبعه حصه: اصلا هذا ما ينبلع .. انا من قبل ما دانيه والحين اكثر علي: ليش حبيبتيه ناويه تحبينه بعد ! حصه: علييييييي علي: ههههههه اتغشمر والله اتغشمر حصه: انا اقصد يعني ما في ألفة ومحبة بينا وبينه شرات عيال خالي سيف وخالي عبيد علي: احسن الحمدلله .. ولو اتموتين تحت ريله بعد ما بيكون فيه الفة ومحبة .. حصه: ليش اموت بسم الله عفرا: محد يموت تحت ريله ولا حد يموت تحت ايده .. والله هو ما يدري عنا .. فالبلاد .. لا ايي هني برع البلاد يتفلسف علينا .. انا اول مره اشوف رقعة ويهه ... اللي ما يتشاهد علي: عاد حرام عليج .. ما يتشاهد .. هو جميل .. ووسيم عفرا: طل في عينه .. وسيم وجميل ع عمره .. مشكلته والله .. اقولكم لا ترمسون عنده .. ضغطي يرتفع علي: لا لا ابويه لا يرتفع ولا شي ... خلينا جذه حلوين يالسين نسولف مرتاحين .. عفرا: تدرون .. بسير اشوف رملة .. علي: حصيص عندها عفرا: مدمرة الدنيا عيل علي: هههههه لا ما تروم .. احمد بعد هناك .. عفرا : والله اني متلومه في احمد ... علي: عادي عادي ... اصلا انا واحمد هني اعتبرينا اخوانج .. والله ما بينا شي .. بس هو شوي خاف عليج يوم صحتي .. يعني عفرا اول مره فالتاريخ حصه: وآخر مره ان شاء الله .. مره ثانية بتصيح ع شي يرزى عفرا: ع شوه مثلا حصه: فستان عرسج .. طلع مب اوكيه .. طويل والا قصير عفرا: والله فاضية .. مع السلامة وظهرت عفرا من الحجرة .. وحصه وعلي يظحكون عليها .. ماشيه في دربها سايرة صوب رملة .. سمعت حد يزقر اسمها ... وقفت في مكانها .. صدت ورا .. اففففففففففففففففففففففف من الخاطر قالتها في قلبها .. سوت أكبر طاف .. ومشت .. لكن هو مصر .. يزقرها وبطريقته شكلها لازم وغصبا عن ويها بعد توقف !.... يوم سمعت ... ( وقفي بالزين ) زاغت ووقفت ... بدر: انتي بخبرج عفرا: انا اللي بخبرك ... انته شوه تبا فيني ؟ .. شوه تبا ؟ .. صح انك ولد خالتيه .. لكن انا ما اعرفك ولا تعرفني .. عمري ما التقيت فيك ولا رمستك ولا انته بعد رمستني .. الحين ياي برع البلاد تتحكم فيه ؟ ..... بدر: حد قالج من قبل ان لسانج طويل .. انصدمت عفرا .. بعد !........ عفرا: تدري اني اصلا لازم ما ارمسك .. ولا اعبرك .. واسوي لك اكبر طاف .. لانك انسان تافه .. ويايه عفرا بتمشي .. وبدر عصب من الخاطر .. وفوّل عليها .. بدر: والله لو ما وقفتي والله بتشوفين شي عمرج ما شفتيه في حياتج كلها .. هني خلاص .. ما قدرت .. ردت لحالتها الجديمة .. تحس ان بدر يتعمد يسوي بها جذه !.. انزين ليش ؟ هي شوه سوت به ؟ ..... نزلن دموعها .. عفرا: انته شوه تبا ؟ ... يا اخي فكني ... فكنيييي .. ما ابا ارمسك .. ما ابا آخذ واعطي وياك ... انفتح باب اللفت .. ظهر .. يوم شاف الاثنين اللي واقفين جدامه ... عقد حياته .... لكنه ما رمس بدر ولا قاله شي .. علي: عفرا طوفي جدامي .. وفعلاً مشت عفرا وياه .. وساروا صوب حجرة رملة .. عفرا مستويه رقيقة حساسه .. يمكن هي ع طبيعتها وما تغيرت .. لكن كلام بدر يجرح .. وهي ما تدري جيه يرمسها .. وجيه يتعرض لها .. شوه يبا فيها الحين ؟ ... وبدر يمكن ما يقصد لكن طريقته جذه .. اسلوبه جذه .. وهو يشوفه عادي .. ويشوف عفرا تافهه يوم تصيح ع رمسته !... دخلوا حجرة رملة .. احمد: هههههه لا لا مب جذه .. علي: السلام عليكم احمد: هلاااا .. وعليكم السلام حصيص: شحالكم شخباركم وينكم انتوا رملة: هاي الحشرة طلعوها برع حصيص: احمدي ربج يالسه عندج انزين .. لو وحده ثانية جان ما جابلتج .. احمد: بدن هالهنتين وشاف احمد عفرا ... ما رمست .. ما قالت شي .. هي مستويه هاديه صح .. لكن هالمره حس ان فيها شي .. من ويها .. والدموع اللي تمسحن .. وشغلتها ع انها ترد بسرعه لحالتها الطبيعية.. احمد: عفرا شوه فيج ؟ا يمجرد هالسؤال .. انفجرت عفرا تصيح ... علي + حصيص + رملة .. واحمد فوقهم .. فاتحين ثمهم ... عفرا صاحت فالمره الاولى صح .. لكن ما صاحت جدامهم .. وهالمره جدامهم .. وبهالطريقة .. موقف صعب بالنسبة لهم كلهم ... عفرا المرحه تصيح جذه !........ حصيص: اويه .. عفرا ليش تصيحين ؟... علي: الله ياخذ عدوك يا بدر احمد: بدر شوه يخصه ؟ علي: ما ادري شوه السالفه .. لكن انا كنت ياي هني ... وعفرا ظهرت قبلي ... ومن ظهرت من اللفت شفته هو واقف وياها ... وهي كانت تصيح .. احمد: هالبدر يباله منوه يوقفه عند حده .. ونش احمد .. علي: وين وين .. ( ومسك احمد ) احمد: علي هدني .. هدني علي: وين ساير انته تخبلت عفرا: وين بتسير احمد: اصلا هذا ما يراعي شعور لا صغير ولا كبير .. ولا يحترم لا صغير بعد ولا كبير ... هذا الواحد لازم يوقفه عند حده عسب يعرف ان الناس مب اقل عنه ... عفرا ( نشت تصارخ ) : انا ناقصه .. انا ناقصه بعد .. تسير تظارب وياه ويوديك في ستين الف داهية .. والا يدمر حياتك .. فكوني عاد بس خلاص ... والله حرام عليكم .. وظهرت من الحجرة ... علي: استغفر ربك واذكره .. صل ع النبي احمد :اللهم صلي وسلم عليه علي: شوف لين وين وصلنا .. عفرا تعبت من تصرفاته .. ما تبا تسوي مشكلة ثانية احمد:هي اصلا ما امسويه المشكلة .. المشكلة بحد ذاتها هذا اللي اسمه بدر .. علي: احمد بس خلاص ... والله شفت حالة البنيه ..... حصيص سيري شوفيها وين سارت .. نشت حصيص وهي زايغة بعد من علي واحمد .. وظهرت سارت تشوف وين عفرا .. اول ما طلعت من الباب .. شافت عفرا يالسه مجابلتنها ع كراسي موجوده برع ... سارت حصيص صوبها .. ويلست حذالها .. حصيص: تدرين شوه .. ما ردت عفرا ... حصيص: ادري ما بتردين عليه .. بس انا برمس .. ماما علمتني .. ان انا غاليه .. ومش رخيصة .. شرا الكرستال اللي يلمع جذه حلوووو شكله يكون .. والتحف الزجاج .. فالغالي بسرعه يتأثر .. ويوم اصيح تقولي .. الحين انته تروين الناس انج انكسرتي ... لان دموعج تنزل .. وتشبه دموعي بالكرستال يوم يتكسر ويستوي جذه صغار صغار .. تقول عقب الناس ما يعبرونج .. ويحسون انج ضعيفة .. ويدوسونج بريولهم .. فـ انتي حاولي انج ما تصيحين جدامهم عسب تبقين كرستاله غاليه .. ما تتأثر بسرعه وتنكسر بسرعه .. عفرا ما ردت .... وحصيص كملت رمستها ... حصيص: اما بابا يقولي .. اني غاليه ودموعي غاليه ومحد يستاهلها .. وساعات يقولي .. دموعي شرا اللولو .. المحفوظ فالصدف .. اوفرها حق شي يستاهل .. مب افتح الصدفه وانزل الدموع في أي وقت .. بـ جيه انا بخسر اللولو هذا ... وعفرا بعد ما ردت .. حصيص: والله حبيبتيه لا تصيحين .. انا احبج .. ما احب اشوفج تصيحين .. حصيص ترمس .. ما تدري ان رمستها وابتسامتها تثلج الصدر .. لو اللي واقف جدامها نار وبركان في داخله .. لكنه هالبركان يأجل ثورته عسب كلام حصيص .... في البلاد ... الخطه B ... تعليق هزاع على مروان .. عقب ما مروان خبره بالسالفة .... رد مره ثانية يظحك وفتحوا السالفه من اول ويديد ويوم كنا فالمول ويوم انصب البيبسي ... مروان يقول ان هزاع السبب .. ولان غاليه ما تضايقت من البيبسي تضايقت من ظحكة هزاع اللي فشلتها .. وهزاع يقول .. ما يخصه .. لانه هو اصلا ما ظح ع غاليه .. البيبسي هو ظحك ع مروان يوم صب البيبسي وعقب قال الله اكبر ... وع قولته تذكر عمران حليله اللي ما يدرون وين ارضه ووين سماه .. وعقب سالفة تبديل المبايلات .. وعربون اعتذار .. مروان شاري لـ غاليه ميدالية بحرف الـ G كلها كرستالات .. معلقنها ع مبايل غاليه .. وهزاع يقوله مستوي رومانسي ورقيق .. ومروان يقوله انته ما تعرف شوه معنات ان الواحد يكون مهذب !... مش مؤدب .. مهذب ... هزاع: الحين يعني متى بتنفذون الخطة B مروان: من نحاستك يا خوفي ما تيي .. هزاع: اصلا انته مصدق عمرك انها بتيي .. ما لقيت غير غاليه تباها تيي .. مروان: بتيي .. عسب مبايلها هذا بتيي هزاع: شوه معلق عليه بعد .. مروان: ما يخصك هزاع: انته في حياتك ما علقت شي جذه ع مبايلك والا عطيتني انا هديه مروان: اولا يوم بعرف انك تستاهل عقب بعطيك هزاع: ههههههه يالخاين مروان: ثانيا .. هاي مب هديه .. هذا عسب سخافتك يوم ظحكت ع البنيه .. هزاع: بعد رد يقول السبب انا مروان: هيه انته وبتم انته هزاع: استغفر الله العظيم .. مب بيبسي وانصب عليها مروان: هيه والله .. هزاع: حسد حسد مروان: ما يخصه .. تعال بقولك هزاع: شوه ؟ مروان: غاليه مخطوبة ؟ هزاع: لــــه مروان: وليش جذه تقولها ؟ هزاع: لا يعني ما دريت والله انها مخطوبه هالفترة مروان: انزين بسألك سؤال هزاع: تفضل مروان: وايد لا تصدق عمرك هزاع: ههههه قول انزين .. مروان: لو حد خطب عفاري اختك .. بتخلونها ترمسه فترة الخطوبة هزاع: احلف انته بس مروان: شوه ؟ هزاع: ونحن منوه خلينا ترمس هاللي ياي فترة الخطوبة عسب بعد نخلي عفاري مروان :يعني ما تخلونها ؟ هزاع: طبعا لا .. يوم بيملج عليها عقب خل يرمسها مروان: وتتوقع عمي عبيد شراتكم يعني ... بيخلي بنته جذه هزاع: انته بلاك مينون .. اكيد .. واصلا غاليه تستحي وايد ... فترة الملجة والعرس يمكن يالله تطلع منها كلمة وترمس الريال بعد تباها فترة الخطوبة عسب تموت مروان: وليش تموت هزاع: تعال انته جيه وايد مهتم في سالفة خطوبة .. وترمس الريال فترة الخطوبة .. وعرس وما ادري شوه !...... مروان: ها ؟ .. لا ولا شي .. بس جذه اسأل رن مبايل هزاع هزاع: امون حبيبتيه متصله مروان: قوللها وينج .. جيه سرتي بيتج .. اشتقت حق ميثاني هزاع: آلووووووووو آمنة: شحالك هزاع هزاع: الحمدلله بخير آمنة: وين انته ؟ هزاع: موجود هنا آمنة: طالع ؟ هزاع: لا لا فالبيت انا .. آمنة: حد حذالك ؟ حس هزاع ان آمنة ما تبا حد يمسع الرمسة .. هزاع: هيه انزين .. ونش يرمس اونه اللي ع الخط .. وهو من هناك يرمس عمره .. مروان عرف الحركة .. متعود ع هزاع وعارفنه عدل .. فما حب يدخل هو الثاني .. ظهر هزاع من الميلس .. وتم مروان يالس روحه ... ومروان حمد ربه ان آمنة اتصلت .. وغيرت السالفه وما اصر هزاع يعرف شوه السالفه ... عاد مهما يكون ما بقول حق هزاع سالفة انا مب متاكد منها .. لكن حسب كلامه ان هذا مب خطيبها يعني .......... رفع المبايل .. اللي هو فالاصل مبايل غاليه .. وتم يشوف حرف الـ G ... بتفره في ويهي والله هههههه فاضي انا بعد .. مدلع مبايلها وما ادري شوه .. رن مبايل غاليه اللي في ايد مروان .. مروان هالمره يوم شاف الرقم صدق تنرفز .. هذا منوه ؟ يبا يعرف منوه ؟ يلس مروان تقريبا 10 دقايق روحه ... محد ياه لا هزاع ولا عمته ... ولا حد .. طاف مسوين له بالقو ... غريبة !! ..... وينهم .... نش .. وفتح باب الميلس .. شاف في ويهه .. وحده واقفة بعباتها وشيلتها .. وهي تفاجأت يوم انفتح الباب ... مروان: هلا .. غاليه : اهــ ... اهلـ.... اهلين اقربي .. غاليه :لا .. بس .. بس ابـ .. ابا مبايلي مروان: مبايلج ع الطاولة .. هذا شوه قصده يعني ع الطاولة ؟ ... ليكون يباني انا ادخل واشل مبايلي .. ورن مبايل غاليه وهو ع الطاولة .. مروان صدق شويه بيمسكه وبيفره ع اليدار .. لان وصل حده من اللي يتصل .. و هو اصلا زايغ ع غاليه .. بنت عمه لازم بيخاف عليها .. هو يعرف انها مب مال هالحركات .. ويعرف انه لا يمكن تسوي هالحركات .. بس عسب يطمن لان تفكيره بدا يوديه ل بعيد .. وعسب يسوي المسألة .. دخل داخل .. ويلس .. وهي انصدمت من الحركة .. هذا معناته ان ييبي مبايلي .. وشرفي خذي مبايلج روحج .. مروان: تعالي شلي مبايلج اللي ما يسكت ... انصدمت غاليه وانقهرت في نفس الوقت .. هذا شوه قصده ؟... وبعدين هو اللي شل مبايلي مب انا اللي شليت مبايله .. دخلت .. وسارت صوب مبايلها .. اللي ع الطاولة ... شلته .. وحطت مبايل مروان ع الطاولة .. مروان: غاليه وقفت غاليه في مكانها .. بعد شوه !.... يا ربيييي .. الله يعيني والله في هالورطة اللي طحت فيها .. مروان: ممكن سؤال غاليه: شوه ؟ مروان: منوه يتصل بج هالكثر .. غاليه: منوه ؟ مروان: ما ادري ... رقم غريب .. واول مره بدون ما ادري رديت عليه كان واحد .. انصعقت غاليه واحد ..... من وين ؟ ... منوه يقصد بـ واحد .. غاليه: ما .. ما ادري مروان: متاكده اطالعت غاليه صوب مروان .. وشوي بتصيح .. يعني هي الحين في مرحلتها ما قبل الاخيرة .. لكن مروان مصر الا يعرف منوه هذا ... وليش يتصل ... مروان: ردي غاليه: ما ادري مروان: ييبي مبايلج .. غاليه: شوه.. .شوه تـ... تبا مروان: ييبي مبايلج عطيني اياه .. عطت غاليه مبايلها حق مروان من الخوف ... وظهر مروان الرقم .. ورد المبايل حق غاليه .. مروان: هذا رقم منوه غاليه: ما ادري مروان: كيف ما تدرين غاليه: ما .. ما ادري منوه مروان: ليش يتصل غاليه: ما ادري مروان: انته كله ما تدرين !........ بس هو يدري غاليه: شوه .... قصدك ؟ مروان: هو يعرف ان اسمج غاليه غاليه: ما ادري مروان: لا توترين اعصابي زيادة .. قولي منوه هذا غاليه: شدراني منوه ... ما ادري منوه .. والله ما اعرفه .. وانفجرت غاليه تصيح .. ويلست ع اقرب كرسي .. ما تقدر توقف .. ما تقدر ترفع راسها ما تقدر تشوف مروان .. مروان: ليش تصيحين .. غاليه: انته شوه تبا فيني الحين مروان: ما ابا شي .. غاليه انتي بنت عمي .. اخاف عليج شرا ما اخاف ع خواتي لو كان عندي خوات .. بس ابا اعرف هذا منوه ؟ ... كيف انتي ما تعرفينه وهو يعرف اسمج !! غاليه: هذا واحد مروان ... لا حلفي ... عاد .. اول مره سبحان الله اكتشاف عظيم .. توني ادري ان واحد .. !! مروان: من وين تعرفينه غاليه: اقولك والله ما اعرفه مروان: كيف هو يعرفج ؟ غاليه: بالغلط اتصل مره ... وقالي الغاليه ... وانا الغبية قلت له هيه وياك غاليه ... مروان .. اسميج يا بنت عمي جبانه .. انزين قولي بالغلط .. وانتي مصدقه عمرج يعني تقولين اسمي غاليه .. اسمها غلط صدق .. نتصل الو الغاليه .. هلا والله الغاليه ههههههه ... والله متفيج انا .. البنيه تصيح وانا يالس .. مروان: وجيه ما خبرتي اخوانج ؟ ... سكتت غاليه .. شوه هالسؤال الغبي يا مروان .. حد يقول حق غاليه جذه ..... ما لقيت غير غاليه ... تخبر اخوانها عن هالشي . مصيبة تعتبرها ... كارثة هاي ... وما تدري شوه بيكون ردة فعل اخوانها .. مروان: المهم طنشيه غاليه: مطنشه .. وما ارد مروان: من متى يتصل ؟ غاليه: من اكثر من اسبوعين .. رن المبايل نفس الوقت .. وكان نفس الرقم .. مروان متنرفز منه وخاطره يصفعه تصفيع بعد ... هذا شوه يبا ؟ .. ما صدق يعني البنيه قالت اسمها بالغلط .. خلاص انزين .. مروان: ممكن لو سمحتي زاغت غاليه هذا شوه بيسوي ... لا مب ممكن طبعا .. لا توهقني في ورطة ثانية .. مسك مروان مبايل غاليه .. وخذ الرقم بس ... ورده حقها .. مروان: اسمحي لنا يا بنت العم .. جان ازعجناج .. بس هذا مره ثانية ما بيتصل بج ... والسموحه جان صيحناج بعد ..... وظهر مروان من الميلس .. وخلى غاليه روحها ... اللي نشت مسحت دموعها وغسلت ويها .. وسارت في فلة عمتها ... سعيد: بس بدور ما يستوي تطلعين من البيت جذه وتهدينه بدور: انا ما لي رمسة وياك انته سعيد: عيل ويا منوه ؟ بدور: تباني ارد البيت .. سعيد: لازم تردين بدور: ابا بيت روحي سعيد: بيت روحج من وين ؟ بدور: كيفك تصرف .. انا اللي لازم اسألك مب انته .. سعيد: بدور والله ما ايّوز هالكلام .. بدور: اقولك انا تعبانه .. وابا ارقد .. مع السلامه وصكت التيلفون .. سعيد ... شوه هالحركات البايخه .. شوه هالمصخرة اللي انا فيها .. افففففففف نش سعيد .. شل مبايله وبوكه .. وظهر من البيت .. فريد: سعيد سعيد: شوه ؟ فريد: ما بتتعشى فالبيت؟ سعيد: لا شكرا .. ومشى سعيد عن فريد ... ورد وقف مره ثانية .. ع صوت شخص ثاني كان يزقره .. عمر: سعيد سعيد: نعم ؟ عمر: مستعيل بتسير مكان ؟ سعيد: لا مب مستعيل .. شوه تبا ؟ عمر: ابا ايلس وياك وارمسك .. سعيد: يالله قول ... عمر: تعال نيلس فالحديقة .. وتجدم عمر قبل سعيد .. وسار الحديقة .. وعقب سار سعيد وراه ... عمر: وينك انته من يومين محد يشوفك ؟ سعيد: ليش يهمكم وجودي في هالبيت ؟ عمر: اكيد يهمنا سعيد: ما اعتقد عمر: سعيد ليش جذه مستوي ؟... وين سعيد الجديم .. الحيوي .. اللي روحه ايي يسأل عنا سعيد: لاني دلعكم بزيادة .. اخوانك تبطروا ع راسي عمر: ما تبطروا ولا شي .. بس سوء تفاهم حصل بينكم سعيد: سوء تفاهم ؟... عبدالعزيز يقل ادبه عليه سوء تفاهم .. مرون يرفع ايده عليه سوء تفاهم عمر: انته بعد رفعت ايدك ع عبدالعزيز .. وحرمتك رفعت ايدها عليه .. لكن مروان ما رفع ايده عليك .. صح والا سعيد: ما كان ناقص غير هذا بعد عمر: انته ليش ما تحاول تقرب منهم شرات قبل .. سعيد: ليش هم ما يردون يعتذرون لي ... عمر: انته الاكبر سعيد: انا الاكبر المفروض هم يعتذرون لي .. عمر: ما عليه انزين سعيد: شوه ما عليه عمر: تردني الحين يا سعيد .. اطلب منك طلب تردني سعيد: ما اردك .. لكن كل واحد فينا لازم يعرف حدوده ... عمر: يعني ما بترمسهم ؟ سعيد: انا بكون عادي وطبيعي .. ومثل ما انا ... بس قولهم هم .. يخفون من لعب اليهال شويه ونش سعيد وسار عن عمر .. يا الله ... كل واحد فيهم اعند عن الثاني .. حتى عبدالعزيز الياهل يعاند .. شوه اسوي فيهم هذييييل .. شوه اسوي بهم ... رملة: ههههه خبلة هاي عفرا: وانتي بعد ما تقصرين وياه حصيص: والله مشكلته محد يقوله يعلق عليه رملة: ذكرتيني بـ سالم وعبدالعزيز حصيص: منوه هذيل بعد ؟ رملة: اللي قلت لج من قبل .. واحد ولد اخت عفرا والثاني ولد خالها عفرا: ويه الحين هالاثنين اكيد مدمرين الدنيا هناك حصيص: هذيل اللي يزقرونج تراب ؟ رملة: مالت عليهم حصيص: هههههههه عاندينهم شرات ما اسوي في جسوم بيتأدبون رملة: هي طلعة وحده بس طلعتها وياهم .. عفرا: سيرة المزرعة كانت كشخه حصيص: خاطريه ارد البلاد .. اسير البر رملة: هيه والله ... حصيص: قحط هني رملة: بالقو ... عفرا: انا بسير اطالع حصه اختيه وبرد ... حصيص: بتسيرين روحج ؟ عفرا: ليش ؟! حصيص: بيي وياج عفرا: لا تمي هني حصيص: لا ما عليه بيي وياج عفرا: تمي عند رملة حصيص: رملة بخير بيي وياج عفرا: بلاج ؟ حصيص: ما شي .. عفرا: وليش تبين تيين ؟ حصيص: بس جذه .. اوه حرام عفرا ( وقفت ): انتن الهنتني بسرعه قولن شوه السالفه ؟ حصيص: أي سالفة ؟ عفرا: ليش تبين تيين ويايه ؟ رملة: تونسج فالدرب عفرا: بسرعه سكتن حصيص ورملة .. وتمن يطالعن في ويوه بعض ... وعفرا تطالعهن عفرا: رمسن حصيص: تبين الصراحه وما بتزعلين ؟ رملة: ايه انتي .. حصيص: والله ما يخصني عفرا: شوه السالفه ؟ رملة: اوامر من أحمد انج ما تطلعين برع روحج .. وان لازم حصيص تكون وياج او انا اذا قدرت .. عفرا: لا والله ! حصيص: والله هو قالنا عفرا: انا بسير روحي .. ومب ياهل .. واذا وحده منكن يت ورايه يا ويلها .. رملة: عفرا احمد قال لنا ما نهدج روحج برع عفرا: قلت لكن انا مب ياهل ... وانتي يا حصيص والله لو ييتي ورايه ... بتشوفين شي ما شفتيه حصيص: والله كيفج .. لا بيي وراج ولا شي .. ولا لي خص رملة: انزين خليها تسير وياج سوت عفرا طاف وسارت برع ... صكت الباب وراها .. واول ما لفت ورا .. شافت جدامها واحد .. احمد: على وين ؟ عفرا: بسير عند حصه احمد: يالله نسير وقفت عفرا وتمت تطالع احمد .. احمد: ماذا ؟ عفرا: ليش بتيي ويايه ؟ ... ما له داعي روحي بسير احمد: ما عليه .. انا ابا اوصلج عفرا: ما له داعي احمد: لا تعاندين .... سارت عفرا .. ويلست ع الكراسي .. عفرا: وهاي يلسه انزين وما بسير مكان خلاص ... افففففف يا بنات ام هزاع يوم يعاندن .. سار احمد ويلس ع الكرسي اللي مجابل عفرا .... احمد: عفرا .. حصه اختج بترد البلاد تفاجأت عفرا بهالخبر اللي بدون لا احم ولا دستور ولا أي مقدمات قاله احمد .. عفرا: متى ؟ احمد: باجر المسا طيارتهم عفرا: صدق ؟ احمد: هيه .. وانتي بتردين وياهم عفرا: ارد وياهم ؟! احمد: هيه عفرا: لا ما برد احمد: ليش ؟ عفرا: انا يايه وياك .. برد وياك .. احمد: مش شرط عفرا: احمد حرام .. رملة بتضايج .. احمد: عادي ... ما عليج من رملة انتي عفرا: انزين انا ما ابا ارد احمد: وتذكرتج ؟ عفرا: ثرني برد وياك .. والتذكرة عادي .. احمد: والله ما ادري ... عفرا: انا ادري جيه تباني ارد احمد: ليش ؟ عفرا: لان بدر بدا يغايظني وايد احمد: هذا احد الاسباب عفرا: والسبب الثاني ؟ احمد: لانج انتي وايد تعبتي .. انتي اصلا لازم تكونين فالبلاد .. وابوج خلاج تيين ويايه عسب اختج .. وانتي من اول ما يايه وانتي مجابلة رملة عفرا: رملة شرات اختيه .. والله عادي .. بالعكس انا مستانسه ومرتاحه احمد: وبدر عفرا: يولي .. احمد: شوفي لا تعتقدين اني اشك فيج لا سمح الله والا شي .. عسب جذه ما اخليج تسيرين وتردين روحج الحين عفرا: عيل ليش موصي البنات عليه ؟ احمد: لاني ما اباج تلتقين ببدر روحج .. عفرا بدر يمكن انتي اول مره تشوفينه هني .. واول مره ترمسينه .... لكن انا اعرفه من قبل .. بدر كلماته تجرح .. يعق الرمسة دون ما يوزنها .. الشباب متضايقين منه .. وين بعد انتي البنيه عفرا: انا ما عليه منه احمد: وما اباج تكونين روحج .. عسب ما يستغل الفرصة .. وكل مره يعكر لج مزاجج .. عفرا: هالمرة ما بعبره وبسوي له طاف احمد: كثر ما تقولين بطنش وبطنش .. لكن هو ينرفز وانا ادري عفرا: عيل شسوي احمد: طنشيه ... اوكيه .. لكن سيرة ورده فالمستشفى روحج لا ... دايما خلي حد ايي وياج .. عسب ما يلقى فرصة يعق عليج الرمسة .. عفرا: اسلوبه زفت احمد: ادري .. بس انتي كثر ما تقدرين حاولي تتجنبينه .. عفرا: انزين احمد: والحين بتسيرين عند حصه اختج ؟ عفرا: هيه .. احمد: ممكن ايي وياج عفرا: تفضل .. احمد: شكرا .. هههههه وسار احمد ويا عفرا .. صوب حصه اختها .. ومثل ما قال .. عسب بدر ما يلقى فرصة يستغل فيها وجود عفرا روحها .... ******** |
الجزء الـ 40 علي: خليها عنج حصه: خفيفة علي: والله حصوه بتنظربين حصه: حلوة هاي بنظرب .. يديده علي: هيه يديده .. وبتستوي جديمة من اليوم ورايح لو تميتي ع هالحركات حصه: والله خفيفة ما فيها شي .. شلها وشوف علي: اوكيه خفيفة خليها ما عليه ... حصه: عفاري اختيه خلاص ما بتيي علي: احمد قال لا .. وانتي رمستيها .. بعد حصه: هيه قالت لي .. تبا اتم ويا رملة حليلها علي: بس احمد يقول بيردون الاسبوع الياي احتمال حصه: صدق ؟ علي: هيه حصه: يعني ما بيطولون علي: لا لا ... لان العملية خلاص .. صح انها ما برت .. لكن فترة اسبوعين تكفيها يوقف الدم .. والخياطة طبعا مب في اسبويع نولا حتى شهر بتبرى .. في صوب ثاني ... محمد: ويهج منور .. سهام ( ابتسمت): تطنز محمد: لا والله .. ما شاء الله عليج .. صدق منوّر .. سهام: وين حصيص ؟ محمد :الحين يايه ورايه حصيص: طق طق طق من عند الباب .. انا حصيص محمد: المشاغبة حصيص: طالعة على ابويه سهام: هههههه تعالي .. حياتي حصيص: شخبااااااارج .. علوووووومج سهام :الحمدلله بخير .. دام بنتي حبيبتيه بخير حصيص: ويه ويه ويه .. والله اليوم امايه محلوة .. سهام: شوه سالفتكم اليوم ؟ حصيص: ليش حد قالج من قبل ؟ سهام: ابوج حصيص: هيه عاد ابويه يوم يطالعج انتي .. ينسى حريم الكون كلهن محمد: يالطفسة وانا متى تذكرت حريم الكون عسب انساهن اليوم سهام: ههههههه خلاص خلاص لا تظاربون محمد: هاي بنتج والله راعية مشاكل حصيص: امايه تعرفين ام عيون خضر سهام:اممممم خليني اذكر اسمها حصيص: نسيتي اسمها ؟ سهام: امممم لا .. لحظة .. هند حصيص: هيييييه هند .. سهام: بلاها .. حصيص: متولهه عليها سهام: وليش ما تزورينها محمد: احيدج تفرين المستشفى فر .. تسيرين غرب وتردين شرق .. حصيص: لا تدرون .. هذا اخوها الوسيم .. الحين ما بسميه وسيم .. بسميه الخقاق محمد: عيب عليج .. ريال كبر ابوج حصيص: هو كبرك محمد: لا انا اكبر منه بسنة .. حصيص: وايد عليك انزين محمد: صدق ما تستحين سهام: هههههههه انته معلمنها محمد: انا معلمنها تقولي وايد عليك ! سهام: انزين خلها تكمل الحين محمد: كملي .. امج مستانسة بسوالفج حصيص: فديتها والله ... انزين يلعوز عفاري سهام: كيف يعني يلعوزها ؟ حصيص: كله يوم يشوفها روحها فالممر .. يلعوزها ويقولها اشيا تزعلها وهي حليلها تصيح محمد: اصلا هذا من شكله يبين عليه ما ادري كيف .. سهام: محمد لا ترمس عن الناس جذه محمد: لا بس صدق .. انا حسيت ان في شي من تصرفات ونظرات احمد له .. حصيص: هيه حليلها وايد صاحت هذاك اليوم محمد: وانتي ما تدخلين حصيص: انا ما يخصني .. محمد: هيه .. تادبي حصيص: بابا بلااااااك والله ما يخصني ولا سويت شي سهام: خلاص انزين ... عيب ترمسين ابوج جذه .. يوم يقولج شي تقولين ان شاء الله حصيص: ان شاء الله في مكان ثاني بعد .. حزينة صدق ومن الخاطر .. وما تدري شوه السبب .. واخوها حس انها ردت لحالتها الجديمة .. بدر: الاسبوع الياي رادين البلاد هند: زين بدر: بلاج مب مستانسة ؟ هند: بلى بدر: انا اشوف العكس هند: عفرا ما مرتني من هذاك اليوم بدر: وانتي شوه تبين بها ؟ هند: انا ما صدقت اشوف حد ويايه هني بدر: والله اللي ما يباك لا تصيح تباه هند: بس انته حتى ما قلت لي شوه فيها ؟ بدر: ما فيها شي .. هند: ولا حتى حصيص مرتني بدر: CNN .. هند: انا فيه رقاد بدر: رقدي ... نفس الوقت .. سمعوا صوت الباب .. حصيص: السلام عليكم هند: هلا وعليكم السلام .. والرحمه بدر: مرحبا ام لسان حصيص: هلا الخقاق اقصد الوسيم اطالعها بدر بنظرة .. حصيص زاغت من نظرته .. هند: حصيص حبيبتيه .. حصيص: شوه ؟ هند: وين عفرا؟ حصيص: قبل ما اقولج وين عفرا يايه انا اصلا موصيني اقولج شي وعقب انتي اسأليني بدر: وكالة CNN حصيص: الحمدلله ع الاقل كل حد يحبني بدر: شوه قصدج ؟ حصيص: ما شي .. هند: قولي شوه فيج ؟ حصيص: انا ما فيه شي .. بس خالوه حصة حرمت عمي علي .. هي وعمي علي الليلة بيردون البلاد هند: صدق ؟ حصيص: هيه .. ويالله بسرعه أسأليني شوه سؤالج ؟ هند: عفرا جيه ما تيي هني ؟ حصيص: ليش اخوج ما قالج شوه سوى بها ؟ هند ( اطالعت صوب اخوها) : جيه شوه مستوي بدر: انتي ايه مب تظهرين عني اشاعات الحين من طريقة بدر .. حصيص زاغت .. حصيص: اقولكم انا بسير مع السلامه وظهرت حصيص من الحجرة .. لكن ما لحقت تسير أي مكان . لان بدر ظهر وراها ع طول بدر: انتي ايه ام لسان وقفي .. وتعالي هني حصيص ( بخوف ): شوه تبا ؟ بدر: شوه قصدج بالرمسة اللي قلتيها ؟ حصيص: أي رمسة ؟ بدر : تقولين حق ( قلد حصيص) ام عيون خضر اخوج ما خبرج عن عفرا حصيص: هيه جيه ما خبرتها بدر: عن شوه ؟ حصيص: انك وايد تغايظها وانك تقهر بها وتزعلها وتصيحها بدر: انا !! حصيص: عيل منوه يدي ! بدر: لا تقلين ادبج حصيص: آسفة بدر: وينها هي الحين ؟ حصيص: شدراني ؟ بدر: حصيص ! ام لسان ! حصيص: والله ما اعرف وينها .. انا سلمت ع امايه وسرت صوب خالوه حصه وقالت لي ايي صوب هند واقولها جذه وبس بدر: وهي جيه صاحت حصيص: منوه ؟ بدر: عفرا حصيص: ما ادري بدر: قولي حصيص: تقول انك انته وايد تلعوزها وتتعمد تفشلها وتجرحها برمستك .. بدر: هي قالت جذه ؟ حصيص: هيه هي قالت .. واحمد وايد معصب بدر: ليش معصب ؟ حصيص: لان عفرا يايه هني وياه .. يعني هو مسؤول عنها بدر: انا ولد خالتها واجرب لها منه هو اللي ما ادري شوه يقرب لها حصيص: ريل اختها بدر: ويعني حصيص: يعني جيه انته ما يبتها وياك ... وهو يابها .. والله اللي اييبها هو اللي يكون مسؤول عنها .. بدر: جنج مصختيها .. حصيص: لا خلاص .. بسير انا .. بدر: سيري حصيص: ما تباني اوصل شي حق حد بدر: شكرا وكالة CNN حصيص: عفوا .... يا خقاق وسارت حصيص بسرعه عن تنجرح هي الحين برمسة بدر .. وهي ماشية دعمت لها واحد حصيص: آسفه آسفه آسفه احمد: عادي عادي عادي حصيص: اوه .. عمي احمد احمد: من وين يايه ؟ حصيص: من عند الخقاق احمد: منوه بعد خقاق ؟ ... لقب يديد حصيص: هذا اللي كان لقبه الوسيم احمد: قصدج بدر ؟ حصيص: هيه احمد: شوه فيه بعد ؟ حصيص: ما شي .. بس انا سرت اقول حق اخته عن خالوه حصه احمد: وانتي لازم يعني ! حصيص: والله هي قالت لي احمد: ههههههه انزين حصيص: عمي احمد صدق انتوا بتسيرون الاسبوع الياي بعد ؟ احمد: منوه قالج ؟ حصيص: انا سمعت ... احمد: من منوه ؟ حصيص: سمعت وخلاص احمد: يمكن حصيص: حظكم .. احمد: انتوا متى بتسيرون ؟ حصيص: ما ادري .. امايه متى بتطيب احمد: ان شاء الله جريب حصيص: ان شاء الله .. بس عمي احمد احمد: آمري .. حصيص: الله يخليكم يوم بتردون عطوني ارقامكم بتصل بكم برمسكم .. و انتوا اتصلوا بي .. والله ملل بيستوي .. احمد: تبيني اردج البلاد ويانا حصيص: لا .. ما برد احمد: ليش ؟ حصيص: ما بودر امايه وابويه رواحهم هني احمد: تدرين شوه حصيص: شوه ؟ احمد: ان شاء الله بنتي تكبر .. وتستوي شراتج حصيص: انته عندك بنيه ؟ احمد: هيه .. توج تدرين حصيص: هيه والله توني ادري احمد: بنيه حلوة شراتج حصيص: شوه اسمها ؟ احمد: ميثا حصيص: الله حلو اسم ميثا .. كم عمرها ؟ احمد: بعدها صغيرة .. سنة وشوي حصيص: الله حلووووو احمد: تبين تشوفينها ؟ حصيص: وين ؟ احمد: اصبري وظهر احمد بوكه من جيبه .. وفتحه .. وروى حصيص صورة بنته .. حصيص: بنوته كتكوووووته حبيبتيه .. حلوة احمد: هههههه طالعة ع امها .. حصيص: امها حلوة ؟ احمد: هيه حصيص: هيه صدق امها تستوي اخت عفاري وخالوه حصه احمد: هيه .. بس بيني وبينج احلى عنهن لا تخبرينهن حصيص:هههههههه انزين ابا اشوفها احمد: هو انا ما اروي حد صورة حرمتيه حصيص: يالله عاد انا بنيه مب ولد احمد: قصورج بعد ولد وتسألين عن صورة حرمتيه حصيص: انزين انا الحين بنيه ابا اشوفها احمد: شوفيها .. وظهر صورة آمنة من ورا صورته .. حصيص: الللللله حلوة احمد: احم احم حصيص: وايد حاطه ميكب احمد: لا لا.. هذا ميكب خفيف حصيص: شوه خفيف ! احمد: والله ما حاطه شي غير قلوز .. وجحال .. وشوية بلشر حصيص فاتحه ثمها من ألمانيا للامارات .. احمد نقع من الظحك .. عرف ليش هي مستغربه ومنصدمه .. لانه يعرف اسامي الاشيا ... احمد: هههههه بلاج ؟ حصيص: ابويه وايد عليه يعرف الروج ويقوله ديرم يوم يطنز احمد: لا حبيبتيه خبرة .. لان حرمتيه تحب شي اسمه ميكب .. حصيص: واقولك انها حاطه ميكب احمد: والله حاطه خفيف .. هي حلوة بدون الميكب حصيص: عيل جيه تحط ؟ احمد: بعد .. تحب الميكب .. حصيص: بس والله حلوة احمد: ادري ادري خلاص ييبي الصورة وير الصورة عن حصيص .. حصيص: عمي احمد ليش حاط صورة حرمتك فالبوك .. بيسرقونها احمد: منوه بيسرقها .. اقص ايده حصيص: حد القصاص هذا فالسعودية مب هني احمد: لسانج !! حصيص: والله انزين صدق .. انزين لو ضاع البوك احمد: انا ما اشل صورتها اصلا .. بس لان هني وايد مشتاق لها .. فـ شليت صورتها فالبوك حصيص: هيييييييييه احمد: انزين الحين ما بتسيرين صوب ابوج ؟ حصيص: لا بيي وياكم .. احمد: انا بسير عند رملة حصيص: هيه بيي وياك .. ومشن احمد وحصيص وعاد حصيص وسوالفها اللي ما تخلص وتظحك .. واحمد ممشي وياها ثاني: وين انزين ؟ ام زايد: ما ادري ما ادري دور ..... ثاني: وجدته ام زايد: زين عيل يالله انزل ثاني: اوجكييييييه مام نزلت ام زايد تحت ووراها ثاني .. المتفيج اليوم .. ثاني: من متى هالمكسرات هني ؟ ام زايد: امس ثاني: انا اقول .. ما تشترون شي في هالبيت ام زايد: جديه انته تنزل تحت عسب تاكل ثاني: انا انسان بزنس زايد ( نازل من فوق): امايه وين ابويه ؟ ام زايد: طلع ثاني: وين بتسيرون ؟ زايد: ولا مكان وين بنسير ؟ ثاني :ما ادري كاشخ .. غاليه ( يايه من برع ): خللللللصت ثاني: انتي شوه تسوين من الصبح ؟ ام زايد: حطيتيها فالثلاجه ؟ غاليه :هيه زايد: شوه مسويه ؟ غاليه: شي تحبه ثاني: جيز كيك غاليه: هههههه هيه ثاني: حلفي غاليه: يبالها حلف ثاني: والله احبج غلوي . تعرفين باللي في خاطريه زايد: لا تصدق عمرك .. انا طالب منها امس ثاني: بعد طلبات ام زايد: اظاربوا الحين ثاني: لا نظارب ولا شي .. انا اصلا معروف ولد البطة السوده في هالبيت غاليه: محد يقولك تحبس عمرك فالحجرة 24 ساعه زايد: وايد لا تتفلسف ام زايد: وين البشكارة غاليه: هناك ام زايد: بسير اقولها تسوي بسكوت .. ابوج بيي عقب وقال اباه اليوم ثاني: قايل انتي تسوينه ام زايد: والله انا ما فيه .. خل هي تسوي وهو شدراه ثاني: بخبر عليج ام زايد: ما في حد يخبر عليك انته ( وسارت ) ثاني: والله عطتني فالويه زايد: تستاهل غاليه: اقول ثاني: شوه تبين غاليه: ما بطلب منك زايد: ما عليج منه .. قولي شوه تبين ؟ غاليه: ابا اسير بيت عمي يوسف اليوم زايد: واخيرا ً.... ثاني: هيه والله من زمان انا ما ساير له .. زين بيسوي بي بيقطعني غاليه: بس بدون محد يكون هناك زايد: اليوم محد بيكون هناك .. على ما اعتقد .. غاليه: احسن .. ثاني: متى بتسيرون ؟ غاليه: نسير من وقت .. عسب نرد من وقت زايد: شوه عندج ؟ غاليه: ولا شي .. بس فيه رقاد من الحين زايد: خلاص عيل سيري تزهبي ويالله بنسير ثاني: لا اترييوا زايد: شوه عندك ؟ ثاني: اسوي داونلود حق البرنامج زايد: والله فاضي وانا قلت شي الحين ثاني: اوكيه لاص بهد اللاب توب والنت جذه مفتوحين .. زايد: اصلا ومنوه قالك ان بنترياك .. كيفك بتيي نش .. والا يلس مكانك ثاني: بيييييييي ... بيييييييي غاليه: تعقد ثاني هههههه ثاني: من اخوج المعقد غاليه: ما يخصك في اخويه ... ثاني: اقولج قومي قومي .. عني خلني اسير اكشخ زايد: ثاني ما بترياك اقولك من الحين .. بسرعه تخلص ثاني: انزيييييييييين في بيت ام هزاع .... آمنة .. ردت بيت ابوها ... لان فيها حمّى .. وتعبانه ... كانت طايحه ع الشبرية .. رن مبايلها .. آمنة: الو احمد: هلا والله آمنة: السلام عيكم احمد: وعليكم السلام ... شحالج ؟ آمنة: الحمدلله بخير .. انته شحالك ؟ احمد: الحمدلله ... اصبري خلينا نتحاسب آمنة: على .. احمد: انتي جيه ما تقولين لي انج في بيت ابوج ... آمنة: منوه قالك ؟ احمد: ناعمه اختيه وبالغلط آمنة: وشوه قالت لك بعد ؟ احمد: ما قالت شي .. لكن انا حاس ان في شي .. بلاج؟ آمنة: ما فيني شي .. احمد: امون مب عليه آمنة: انزين ما فيني شي احمد: احلفي آمنة: وانته ع كل شي احلف لك احمد: احلفي انزين آمنة: ما بحلف احمد: يعني في شي آمنة: تعب بسيط أحمد: امون قولي شوه فيج .. الله ياخذ عدوج يا ناعمه .. ما قدرتي تدسين عنه .. هاليومين اني رديت بيت ابويه .. لو قلت له ان فيه حمى بيحاتي الحين ... وبيحشرني بالاتصالات ... بس ما في مجال اقص عليه .. بيقص راسي يوم بيرد .. اقوله وامري لله .. احمد: قولي .. آمنة: حمى احمد: فيج حمى ؟ آمنة: هيه احمد: من شوه ؟ آمنة: ما ادري .. الجو شويه متغير احمد: وتعبانه وايد ؟ آمنة :لا الحمدلله الحين احسن احمد: شخبارج الحين ؟ آمنة: الحمدلله احمد: وميثا اخبارها ؟ آمنة: الحمدلله احمد: ما فيها شي ؟ آمنة: لا الحمدلله احمد: سرتي العيادة او المستشفى آمنة: هيه هزاع اخويه وداني احمد: وشوه قالوا لج ؟ آمنة: ما شي ... بس ادوية وان شاء الله بطيب .. احمد: وجيه ما خبرتيني .. تخليني ادري من برع .. آمنة: ادري بك بتم تحاتي وتسوي .. انا هني فالبلاد .. كلهم حولي .. والله عادي ... وتعب خفيف احمد: امون انا ادري بج انتي .. يوم الموضوع يكون صحتج ما تهتمين وايد آمنة: لا هالمرة عند امايه وهي مهتمه احمد: الله يخليج . لا تخليني احاتي زيادة آمنة: احمد لا تحاتي والله .. عادي .. احمد: انزين بخليج الحين ترتاحين.. وبتصل بج عقب ساعتين او ثلاث آمنة: بديت الحين احمد: ما يخصج فيه .. انا كيفي متى بتصل ... آمنة: اوكيه خلا لا تعصب احمد: مب معصب ... بس تعرفيني عدل آمنة: هيه اوكيه .. عسب تطمن ... خلاص خذ راحتك حتى لو كل 5 دقايق بتتصل اتصل احمد: هيه جيه اباج .. سلمي ع الكل آمنة: الله يسلمك احمد: فمان الله آمنة: مع السلامه .. الله يحفظك .. بند احمد عن آمنة .. وسمعت آمنة صوت الباب .... آمنة: تعال بو هزاع: يقولون بنتي تعبانه نشت آمنة ويلست .. واعتدلت .. ىمنة: هلا ابويه بو هزاع: خلج خلج والله ترقدين .. آمنة: لا عادي بو هزاع: شحالج الحين ؟ آمنة: الحمدلله احسن .. بو هزاع: اشوف ومد ايده حطها ع راس بنته ... بو هزاع: افف .. ابويه ليش ما تهتمين في صحتج .. آمنة: ابويه الجو متغير عسب جذه مرضت بو هزاع: تاخذين الادوية آمنة: هيه بو هزاع: خلاص تمي هني لين احمد يرد آمنة: لا .. بطيب ان شاء الله في يومين وبرد بو هزاع: تكسرين كلامي .. طلب هذا اطلبه منج آمنة: فديتك ابويه ... والله كلامك على راسي وعيني .. وع هالخشم بو هزاع: يسلم لي هالخشم .. آمنة ( أبتسمت ): بس تدري عموه روحها هناك .. بنتها برع البلاد وولدها .. فـ تضايق يوم ما تشوفني ولا تشوف ميثا بعد بو هزاع: هيه حليلها أمنة: عسب جذه لازم ارد بو هزاع: خلاص بس متى ما صحتج تستوي زينه وشويه احسن آمنة: ان شاء الله بو هزاع: يالله حبيبتيه .. انا بسير تبين شي ؟ آمنة: سلامتك الغالي بو هزاع: أي شي تبين خبريني آمنة: ان شاء الله .. ونش بو هزاع حب بنته ع راسها وظهر برع ... ووصل هزاع نفس الوقت .. هزاع: اختييييييي آمنة: هلا هزاع: شخبارج اليوم ؟ آمنة: الحمدلله هزاع: الحمدلله والله احاتيج من امس .. كحتج كانت مش طبيعية آمنة: كان ينسمع ؟ هزاع: انا كنت يالسه فالصاله اشوف فلم .. آمنة: اويه اكيد عيل عسب جيه ابويه ياني توه هزاع: انزعج من الصوت يعني ؟ آمنة: هيه حليله هزاع: لا لا عاد من لهالدرجة ما يوصل لحجرتهم آمنة: والله ما ادري .. انزين وين ميثا ؟ هزاع: ويا امايه برع آمنة: وين برع ؟ هزاع : شدراني فالحديقة .. عند البشاجير .. عند ما ادري أي ياره .. المهم ويا يدتها آمنة: بتلعوز امايه الحين هزاع: كيفها هي ويدتها ينيازون .. آمنة: اخباره ربيعك ؟ هزاع: منوه مروان ؟ آمنة: هيه هزاع: تدرين اني مضايق آمنة: ليش ؟ شوه فيك ؟ هزاع: مضايق عسب عيال خالي سيف آمنة: بلاهم ؟ احيد ان اخوهم العود هني .. عمر .. فـ يعني كل شي ماشي تمام هزاع: صح كلامج . عمر هني كل شي كان ماشي تمام.. سافر اسبوعين كل شي ادمر آمنة: بسم الله شوه السالفه ؟ هزاع: سعيد اللي معرس ىمنة: ماخذ بدور هزاع: هيه آمنة: بلاه ؟ هزاع: متغير وايد .. وايد وايد متغير نحن ويانا عادي يوم يشوفني هو سعيد وما تغير .. اللهم اني ما اشوفه كثر ما كنت اشوفه قبل آمنة: انزين ..... هزاع: يوم عمر كان مسافر الحج .. اظارب ويا اخوانه يبا ياخذ حجرة ابوه وامه آمنة: حجرة خالي سيف وحرمته ؟ هزاع: هيه تخيلي .. عاد مروان وعبدالعزيز نشوا عليه .. وكلمه من هذا وكلمة من هذاك .. واظاربوا آمنة: اويه .. هزاع: ومن فترة بعد مظارب وياهم عسب سالفة بعد آمنة: معقوله ؟! هزاع: والسبب في هذا كله حرمته آمنة: حرمته شلها ؟ هزاع: هي سبب المشاكل كلها .. هي اللي تحن ع سعيد وتقوله جذه وجذه وجذه آمنة: وانته شدراك ؟ هزاع: مروان يقول آمنة: لا تحطون في ذمتكم .. يمكن سعيد روحه يقول هزاع: مستحيل .. سعيد اصلا كان لو اخوانه يبون روحه يقول فداهم .. الحين مروان يقول كارهنا عفانا الله ولا يسأل عنا وخصوصا مروان وعبدالعزيز آمنة: وعمر وينه ؟ هزاع: عمر ضايع بينهم .. آمنة: انزين خبر امايه هزاع: لا انتي مينونه ؟... لو امايه درت والله بتنجلب الدنيا اكثر ىمنة: بس ما يستوي جذه .. يتمون مظاربين هزاع: المشكلة اللي مستويه واللي بتفضحهم بعد ان حرمت اخوهم شلت اغراضها وسارت بيت اهلها آمنة: هاي خبلة ! هزاع: المدام تبا بيت كامل تحت تصرفها آمنة: تخبلت هاي .. نحن الحين من متى معرسين ولا وحده عندها بيت .. من وين اييب الولد ؟! هزاع: ع حسب كلام مروان .. شكلها الا تبا تعيد السالفه الجديمة .. وتبا سعيد ياخذ نصيبه من خالي يوسف .. انصدمت آمنة .. صدق خبلة ... ولو سوتها وسعيد مشى وراها .. والله لتنرد السالفة الجديمة من اول ويديد .. وما يندرى هالمرة شوه بيستوي بعد .... هم ما صدقوا السالفة الجديمة صكروا عليها رغم ان خوالها مظاربين للحين عسبها .. وخالها الثالث الله خذ امانته .. بعد ترد هاي وتفتحها وتدمر العايلة من اول ويديد ............! طارق: وين وين سلامة: يبا يسير برع الحين طارق: ما في برع ويلس عامر عند الباب وقام يصيح .. سلامة: انته معودنه الحين انته توديه برع طارق: تعالي انزين ويايه بنسير نيلس فالحديقة سلامة: مب متفيجه طارق: متى تفيجتي عسب الحين تتفيجين .. سلامة: انزين انته سر وياه وانا يايه طارق:نشي الحين ويايه سلامة: في حد ؟ طارق: ما في حد ... واليوم محد بيي .... سلامة: لاني ما بلبس شيلة صلاة .. بلبس سكارف طارق: لبسي .. يالله نسير .. ونشت سلامة .. وطارق وياها .. شل ولده وساروا صوب الحديقة .. يلسوا هناك .. سلامة: ما تحس بهوا بارد طارق: نسيم نسيم سلامة: بر والا بحر طارق: بر سلامة: ما احيدك مسكنني ع البحر طارق ( اطالع صوبها وابتسم ) سلامة: ليش تظحك ؟ طارق: ما اظحك ولا شي سلامة: بلى طارق: لا والله ما فيني شي .. سلامة: لا لا تحطه ع الارض كله حشرات طارق: خل يستوي ريال سلامة: ريال بحشرات تقرصه والا ياكلهن طارق: ههههههه لا لا سلامة: شله يا طاااااارق طارق: هههههه شليناه .. شليناه .. سلامة: شو فوا شوفوا بدا يعاند بدا عامر يصيح .. لانه شلوه من ع الارض طارق: ط والله يظرب سلامة: هذا محد غير سالم معلمنهم طارق: من زمان ما شايفين ميثا بنت آمنة سلامة: انته اتصلت في احمد ؟ طارق: انتي ترمسين اختج سلامة: لكن انته لازم تتصل في ربيعك طارق: امس مرمسنه .. سلامة: شوه قال ؟ طارق: ما شي .. كلهم بخير سلامة: انا عفاري اختيه اتصل بها ما ترد عليه .. سألت عنها ؟ طارق: هيه .. يقول بخير كلهم بخير .. يمكن هي ناسية المبايل والا شي سلامة: ما ادري بها والله طارق: من متى ما ترد عليج ؟ سلامة: اليوم .. طارق: بس اليوم ؟ سلامة: هيه طارق: وانا اتحسب من يومين ثلاث سلامة: لا شوه تباني اموت طارق: بسم الله عليج .. جيه تموتين عسب ما رمستي اختج ؟ سلامة: هيه والله ... تخيل ما ارمسها طارق: عادي .. سلامة: لا والله مب عادي ... طارق: شوفي يعني انا وايد عادي سلامة: انته مشكلتك طارق: هههه شوه مشكلتي سلامة: مشكلتك ما ترمس اخوانك خواتك وما ادري منوه طارق: انزين بلاج معصبه هههههه سلامة: انته تقهر وبعد تظحك عليه طارق: ما اظحك عليج اظحك ع عمريه سلامة: ليش ؟ طارق: لان مشكلتي سلامة: فاضييييييييي .. والله مستوي احمد اليوم طارق: ههههه زين .. ساد الفراغ سلامة: الحين بتحسدنا .. انا وخواتي طارق ( أبتسم): الله يخليكن حق بعض سالم: انني قااااااااااااااااااادم ام هزاع: بس بس يا سالم .. خالتك داخل راقده تعبانه هزاع: شوف لو صاحت .. بتنظرب سالم: ليش ؟ هزاع: لا تصيحها سالم: ليش ؟ هزاع: استهبل زيادة ... وانا قلت لك .. والله حلفت الحين لو صاحت بتنظرب شمسة: هد البنيه .. سالم: ألاعبها ام هزاع: تلعوزها هزاع: بتير شعرك ام هزاع: انته جيه ما ساير الحلاق ؟ سالم: اطول اطول شعري شمسة: مستخف هزاع: بوديك الحلاق المغرب سالم: ما ابااااااااااااااااااااااااااااا .. هزاع: مب ع كيفك سالم: ابويه راضي .. ام هزاع: مطول لسانك سالم: انزين والله جذه شكلي احلى ونش سالم سار وقف جدام المنظرة اللي حذال الباب .. ويشوف شعره واونه ويعدله .. ويرتبه سالم: يدوه .. وين يدي ؟ ام هزاع: راقد سالم: راقد الحين ؟ ام هزاع: بينش حق صلاة المغرب عقب سالم: ملل انزين شمسة: شوه تبا انته ؟ سالم: يعني خالوه آمنة تعبانه مريضة شوه فيها ؟ ام هزاع: حمى ؟ سالم: جيه ياهل تييها حمى شمسة: جيه بس اليهال تييهم حمى ؟ سالم: هيه هزاع: انزين .. لو تييك انته زين ام هزاع: الله ينطب ابليسك يا هزاع .. لا ادعي ع الولد هزاع: هو يسأل ويقول اشيا غبيه يعني شمسة: هههههه هو فاضي هزاع: واااااايد سالم: انزين جيه ما عادت بنتها ام هزاع: لا عاد هذا اللي عدلها .. وليش تعاديها تمرض بعض هي حليلها سالم: تعالي تعالي وبدت سالم ميثا تصارخ لان سالم رد يلعوزها شمسة: خلها يا ساااااااالم سالم: هههههه حلو يوم تصارخ ام هزاع: امها تعبانه حرام عليك هزاع: انا قلت لك بتصيح بظربك .. سالم: شوفي عندي هذاااااا كان في ايد سالم كاكاو يايبنه من الصينية اللي كانت محطوطه ع الطاولة .. وميثا سارت عنده تباها .. سالم: يالله يالله قومي .. ام هزاع: شوفوا شوه يسوي فيها الحين سالم: ما بعطيج يالله قومي شمسة: تعالي حبيبتيه .. تعالي عند خالوه هزاع: ميثاني تعالي .. سالم: قومي .. بصرخه من سالم السخيف ... يلست ميثا ع الارض وقامت تصيح .. هزاع: والله بتشوف .. ونش له هزاع .. لكن قبل ما يوصل له .. نش سالم ركظ برع وهو يظحك ... هزاع: يالهرم شمسة: هذا وايد سخيف ام هزاع: تعالي عند يدوه تعالي .. انا بعطيج زعلت .. ويوم تزعل .. ما تباهم .. تبا امها .. او .. ابوها .. فقط .. لا غير ... ام هزاع: يالله الحين سكتوها .. تبا امها .. شمسة: آمنة تعبانه .. هزاع: ولدج صيحها انتي تسكتينها .. نفس الوقت سمعوا صوت .. آمنة تزقر .. ام هزاع: هذي امها نشت ودوها .. شمسة: ودها هزاع هزاع: هيه ولدج يصيحها وانتي طايحه هني .. وانا اوديها شمسة: ههههههه ودها الحين لا تذلنا .. نش هزاع شل ميثا وداها صوب امها .. دق الباب وفتحه ... آمنة: ييبها ... حبيتيه ط الدموع هزاع: هذا سالم صيحها آمنة: حرام عليكم هزاع: والله ان سالم صيحها آمنة: تعالي عند ماما .. دفنت ميثا راسها في حضن امها .. هزاع: ههههه ط الدلوعة آمنة: مصيحينها هزاع: بتعادينها آمنة: انتوا ما فيكم خير هزاع: نحن ما فينا خير !..... الله يسامحج .. من الصبح انا وامايه وابويه بعد ماسكينها آمنة: ابويه وين ؟ هزاع: سار يرقد الشيبة وقته آمنة: وامايه ؟ هزاع: يالسه ويا شمسة فالصاله آمنة: شمسة هني هزاع: وانا من الصبح شوه يالس اقولج .. سالم مصيحنها آمنة: اتحسب سالم روحه ياي .. هزاع: لا شمسة هني آمنة: وصالح ؟ هزاع: ما ادري وين سار .. يمكن المغرب يرد هني آمنة: انته بتطلع ؟ هزاع: ما ادري مروان ما اتصل بي للحين .. شكله بيي هني وما بنسير مكان آمنة: هيه اتصل به قوله ايي هني .. هزاع: ليش ؟ آمنة: هذا سالم ما بيخلي ميثا .. وانا تعبانه .. خل مروان ايي يأدبه .. ويشل هاي عني هزاع: شوه ريلج يعطيه معاش آمنة: هزاع والله تعبانه هزاع: هههه انزين بتصل به .. بيي عقب شويه .. ورن مبايل هزاع .. هزاع: الطيب عند ذكره مروان: تحشون فينيييي هزاع: ما نحش فيك مروان: اعترفوا .. بسرعه شوه كنتوا تقولون .. ومنوه وياك ؟ هزاع: انا وامون اختيه .. تقولك امون تعال بيتنا الحين مروان: ليش ؟ هزاع: تمسك بنتها مروان: جيه بيبي ستر وانا ما ادري هزاع: ههههههههههههههههه مروان :بعد رديت ظحكت هزاع: ههههه قم زين ذليتني ما اظحك يعني مروان: ههههه لا ظحكك يوديني في ستين ألف داهيه هزاع: انته الحين تعال انزين آمنة تباك مروان: شوه تبا بي اختك .. ما يخصني فيها هزاع: هههه عسب بنتها مروان: وينها هي ؟ هزاع: ىمنة تعبانه فيها حمى مروان: اونه ؟ هزاع: والله مروان: سلامات ما تشوف شر هزاع: الله يسلمك مروان: ليكون عادت بنتها هزاع: لا لا... الحمدلله مروان: اها هزاع: يالله وينك ؟ نفس الوقت سمعوا صوت هرنات وحشرة .. جنه مسيرة هزاع: هذا انته ؟ مروان: هيه مسوين مسيرة حق ميثاني ييبها يالله هزاع: بس انزين ابويه راقد مروان: اويه .. الحين بينش بيعصب علينا هزاع: بس انزين لا ادق مروان: خلاص وقفت يالله سو لي درب هزاع: اوكيه لين ما تيي .. يالله فمان الله ... آمنة: وصل ؟ هزاع: ما تسمعين مسوي مسيرة آمنة: شلها هزاع: يالله تعالي وميثا مب طايعه هزاع: ما تبا .. آمنة: شلها شلها هزاع: بتصيح آمنة: ودها عند مروان بتسكت .. شل هزاع .... ميثا بالغصب .. وصاحت بعد .. وسار الصاله .. هزاع: سويت لك درب روحك مروان: هيه انته ما تنفع هزاع: هذو مروانيييييييي .... سيري عند مروان .. مروان: تعالي حبيبة ألبيييي سالم: تعالي عندي مروان ( ظرب سالم ع ايده ): هدها بسرعه .. ظارب البنيه ويبا يشلها وسارت ميثا عند مروان .. سالم: ط السخيفه مروان: محد غيرك سخيف .. يا سخيف .. جيه تلعوزها سالم: ما لعوزتها هي تدلع هزاع: لا تجذب .. صرخت عليها مروان: ميثاني ظربيه .. ظربيه سالم: اذا ظربت بظربها شمسة: انته بس جرب مروان: بدوسك في بطنك سالم: خييييييييبه ام هزاع: تخيبك .. قم عن البنيه سالم: يدوه وايد تدعين عليه مروان: لانك ما تتأدب ... شمسة: عطه كف مروان: تعطيني تصريح سالم: هييييييه .. صدقت انته عاد هزاع: قم قم من هنييييي سالم: ما بقوم .. والله خلاص بيلس مؤدب مروان: ولو لعوزتها سالم: اظربني مروان: بكفك بعد ام هزاع: مروان اخوانك جيه ما يو ؟ مروان: ما ادري عنهم والله .. عمر طلع .. وعبدالعزيز فالبيت .. وراشد ما ادري وينه ام هزاع: وسعيد ؟ مروان: ما ادري عنه شمسة: صدق شحالها حرمت اخوك ؟ مروان ( بصوت واطي): يعلها من وقبل ما يكمل .. داس هزاع ع ريله مروان: بخير .. بخير الحمدلله هزاع: اقول شرايكم نطلع ام هزاع: هه سمعوا هذا .. ما يقدر يقر فالبيت دقيقة هزاع: ههههههه بنطلع ميثا .. تستانس سالم: انا بيي وياكم مروان: ممنوع اصطحاب الاطفال سالم: وميثا ؟ مروان: الا لحاملي البطاقات الخاصة شمسة: ههههه وين سايرين عرس ؟ مروان: لا ملجة سالم: سخيييييييييييف مروان: شراتك يالسخيف ! ما تستحي ع ويهك سالم: هههههه انزين ما يظحك مروان: وانا ما جبرتك تظحك هزاع: ههههه انزين قولوا بتسيرون ؟ مروان: والله انا عادي عندي ام هزاع: انته كل شي عادي عندك مروان: هيه .. حتى لو تقولين لي بيوزك اليوم عادي عندي ام هزاع: والله صدق ؟ ... مروان: هههههههه ما صدقت ام هزاع: انا اقول انته وهزاع ما منكم فايده هزاع: استغفر الله .. انا كم مره اقول ما يخصكم فينيييييي .. لا ادخلوني في اموركم .. لا توهقني يا اخ ويااااك مروان: هههههه من زينك .. منوه يباك انته الحين سالم: مب ع خالي هااااااااا مروان: من زينك وزين خالك فوقك شمسة: هههه يالله هزاع ومروان خذوا خوات .. عرسكم في يوم واحد مروان: آسف .. انا شيخ .. ما يكون عرسي ويا مطازي في يوم واحد هزاع: مطارزي في عييينك .. امايه تسمعين ولد اخوج ام هزاع: ثرني قلت لكم . ما منكم فايده سالم: اقول .. اجلوا العرس .. نطلع يالله .. شمسة: وين بتسيرون ؟ مروان: ما ندري ... وولدج ما بنوديه بدون مشاورة ابوه ما فينا سالم: لا لا شوه .. والله بيي مروان: احلف ع كيفك .. هزاع: اتصل في ابوك اسأله سالم: فالموتر بسأله مروان: موتر اونه . الحين اتصل .. شمسة: ما يخصني .. خلوه يتصل ويشاوره مروان: امش امش .. بس اذا قال لا بردك سالم: ما بيقول شمسة: اذا قال بيردونك سالم: انزين انزين ام هزاع: دام انه عبدالعزيز فالبيت مروا عليه حليله مروان :لاااااااااااا هزاع: شوه لا ؟ شمسة: حرام عليك مروان مروان: عبدالعزيز يباله تصريح وموافقة من السلطات العليا شمسة: انزين ما عليه . اطلعوا .. واتصل به قوله يخبر عمر اخوك ام هزاع: انته حرامي مروان :حرامي مره وحده ام هزاع: هيه .. مر ع اخوك حليله مروان: افففففف .. هزاع: شوف بنتصل نحن في عمر ونحن طالعين مروان: لا الله يخليك .. عمر بيسوي سين وجيم .. انا مب متفيج شمسة: لا تبا هو ولا انته .. عيل شوه تبا ؟ مروان: اقولكم .. نسير ... وبتصل به بقوله اذا تبا اقنع عمر بسرعه سالم: اوكيه ربيعي بيي ام هزاع: عسب تدمرون الدنيا .. سالم: هييييييلا هووووووووب .. وين كابي شمسة: هذو هناك .. ام هزاع: بدلوا البنيه هاي عقب ودوها مروان: بعد تبديييييييييل هزاع: من ساعه ىمنة مبدلتنها .. نظيفة .. مروان: ثيابها اوكيه .. حلوة .. شمسة: يا ويلكم من آمنة ما قلتوا لها بتودون بنتها مروان: هي خلها أمانة عندنا .. يعني كيفنا وين نوديها شمسة: ايه قولوا لها قبل هزاع: يا بوي نحن مب فاضين .. امش امش مروان ام هزاع: هذيل خبايل شمسة: سيروا قولوا لها انزين . سالم سر خبر خالوه آمنة سالم: ما يخصني ..بيودروني مروان: جوتيها وين ؟ هزاع: هذو هذو .. هناك .. مروان: ييبه ياله نسير وظهروا ... هزاع ومروان شال ميثا .. وسالم .. بدون لا يخبرون آمنة ولا شي .. وسووا اكبر طاف !..... وام هزاع وشمسة .. قالن كيفهم والله .. يتفاهمون وياها يوم بيردون .... في بيت يوسف ... طايح في ثاني هزااااااااااااب .. وغاليه ناقعه من الظحك .. وزايد مبتسم .. متعود ع المحاظرات هاي .. يوسف: ما تنفع والله العظيم ابداً..... ثاني: عمي يعني شوه تباني اسوي ؟ يوسف: لا تسوي شي .. بس يلس وجابل هالكمبيوتر ليل ونهار غاليه: عمي حرمته حرمته زايد: لا ابويه يقوله ولده .. يوسف: منوه حرمته وولده ؟ غاليه: اللاب توب .. يوسف: حرمته وولده وهله وطوايفه كلهم .. ثاني: الدنيااااااا يوسف: الدنيا بلاها ثاني: ما شي سكت ثاني .. يعرف لو يتفلسف ... عمه بيحط عليه زيادة .. وكل شي يجلبه ضده . فـ يسكت احسن له .. انفتح الباب ... دخل كمال ... دخل الشخص الثاني .... ثاني: هلا والله نش ثاني وسار لين عند عمر ... عمر: شوه السالفه ثاني ( بصوت واطي): عمك مقطعني عمر: ههههه مب شي يديد ثاني: لا والله هالمرة حاط عليه حط .. فشلني جدام .. غاليه عمر: اختك هني ؟ ثاني: هيه عمر: عيل انا بسلم وبظهر ثاني: وين بتسير .. يلس يلس .. ما صدقت انته وصلت تنقذني عمر: فشلة ثاني .. ما احب .. ثاني: يا بوي عن الحركاااات عمر: هههه شوه حركاته ثاني: لو زايد بتساعده عمر: انا ادري ان عمي ما يحط ع زايد وما يقدر لان زايد ماشي سيده ثاني: شوه قصدك انا العوي عمر: محشووووم .. والله ما قصدت جذه ثاني: هههه اتغشمر وياك بس تعال يوسف: وينكم واقفين عند الباب .. اقربوا .. اقرب يا عمر عمر: هلا عمي شحالك ... يوسف: الحمدلله بخير .. انته شحالك ؟ ... علومك ؟ عمر: الحمدلله تمام ( ولف صوب زايد ) شحالك زايد زايد: الحمدلله ... يسرك حالي .. عمر تفشل يوم شاف غاليه وكيف احمرت .. هو من اول مره شافها هني في بيت عمه وكيف كانت ترتجف وزايغه .. قال ما بيدخل البيت وهاي فيه .. بس هو الحين ما يدري ان غاليه موجوده.. غاليه .. الارتباك باين عليها .. وايدها ترتجف ... يعني الحاله في طور التطور !!!!!! زايد .. انتبه لـ عمر كيف تفشل .. وشاف اخته .. ابتسم .. ومد ايده مسك ايدها عسب توقف الارتجاف ... يوسف: يلس عمر اقرب .. عمر: ها .. يوسف: اقولك يلس .. ويلس عمر وهو منزل راسه ولا رفعه .. ثاني .. توه ينتبه .. فـ حب يغير الجو ويخليه ماشي .. لو جذه اخته بتم صدق عاد بيتوهق ويا عمه ... بيرد يفشله .. سار ويلس حذال عمر .. ثاني ( بصوت واطي): عمر يالله ارمس عمر: شقول ؟ ثاني: أي شي .. الل هيخليك قبل ما يبدأ فيني .. يوسف: انته شوه عندك ؟ ثاني: منوه انا ؟ يوسف: هيه ... لان عمر تدري به ما يسوي هالحركات ثاني: لا ما عندي شي بس اكلم عمر .. اسأله عن حال عبدالعزيز اخـو صخ ثاني .. شوه يالس يقول .. وقته !...... وقته يذكر حد من اخوانه جدام عمه .. والله نسيت .. نسيت .. يعل لساني القص .. نسيييييييييييت .. الله يعين .. الله يعين ... يوسف: منوه العصقول ... العيون .. والانظار .. بدت مرحلة التبادل من شخص لـ ثاني .. اقصد لـ آخر ... زايد: اممم .. اقول .. غاليه انا سمعت امايه مساعه ترمس عن حصه ... رفعت غاليه راسها .. وقته انته تسألني !..... روحي مب في حاله .. غمز لها زايد .. وعطاها نظرة .. ان رمسي .. وثاني يقول في قلبه .. يا رب .. يا رب غاليه تعرف تصرف .. غاليه: ما ادري زايد: بلى قبل ما نطلع .. يوسف: عمر بلاك ساكت ؟ رد ع عمر !.... شكله لا مصر .. يعني بيرمس عنهم ... فـ لازم عمر يتصرف .. اوكيه .. عيال عمه .. وهزاع ولد عمته متعود انهم يحضرون هالجليات الجارحه .. لكن بنيه .. نو ويييي .. ولا بعد بنت عمه .. مستحيل .. ما يبا ينزل من مستواه ومستوى اخوانه جدام أي حد ... عمر: عمي ممكن اسير الحجرة يوسف: ليش بلاك ؟ عمر: بس فيني صداع خفيف يوسف: بترقد يعني ؟ عمر: بحاول .. يوسف: اقول حق كمال يطلب لك الدكتور عمر: لا برقد .. وبرتاح وان شاء الله استوي اوكيه يوسف: خلاص بقوله اييب لك حبتين بندول فوق زايد: بنش وياك .. عمر: لا عادي زايد: ما عليه يوسف: قم وده فوق .. قم يا زايد نش زايد ويا عمر وساروا فوق .. يوسف: غاليه بلاج ؟ غاليه: ما فيني شي عمي يوسف: من تشوفين عمر جيه تستوين غاليه: لا انا عاديه يوسف: مرتين الحين ملتقية به وانتي جذه .. ايدج ترتجف ... وتحمرين .. هذا مب غريب ... ولد عمج ثاني: غاليه تستحي يوسف: من شوه بالله تستحي ثاني: يعني عمي اول مره .. دايما هي جذه ومن كل حد .. حتى هزاع اللي 24 ساعه في بيتهم هي تستحي منه .. اقصد يعني يوم عفرا كانت هني يوسف: صدق .. عفرا متى بترد ؟ ثاني: ما ادري هالسؤال موجه لـ غاليه يوسف: طبعا لغالية انته وين تدري عن الدنيا غاليه: هههههه ما ادري عمي .. بس قريب ان شاء الله .. بتصل بها اليوم وبتاكد وعقب بخبرك يوسف: على خير ان شاء الله ... وحصه ؟ غاليه: حصه يمكن الليلة ترجع يوسف: كيف الليلة ترجع وما مخبريني .. غاليه: ما ادري .. يوسف: عذيجة وايد مستويه حركات بعد .. ونش يوسف سار عن عيال اخوه ثاني: سويتي مشكلة غاليه: شدراني .. ثاني: وانتي كله ما تدرين غاليه: اوووه والله انا قلت لكم .. لو في حد هناك ما بيي ثاني :ونحن شدرانا ان عمر حاط في باله ايي اليوم غاليه: وانا بعد شدراني ان عموه ما خبرت عمي يوسف ثاني: كله منج لو استوى شي غاليه: اسكت انزين ... لا تخوفني الحين ثاني: قومي نتمشى فالحديقة غاليه: ما في حد ثاني: لا يعني منوه بعد يكون هني ...... بعدج ما عرستي عسب غريب يدخل فالعايلة غاليه: ثاني يالسخييييييييييف ثاني: هههههههه لا تصارخين بزقر لج عمر غاليه: والله بتشوف .. ونش ثاني يظحك ع اخته .. اللي نشت وراه .. بيسيرون الحديقة .. لكن وهي معصبه عليه من الخاطر ... فوق ... زايد: صدق تعبان ؟ عمر: مصدع زايد: من شوه ؟ عمر: تعب خفيف.. رن مبايل عمر نفس الوقت ... عمر: اكيد متصل يبا شي زايد ( ابتسم ): عبدالعزيز ؟ عمر: في حد غيره .. الو عبدالعزيز: عمور الله يخليك والله والله والله عمر: هالكثر حلف ليش ؟ عبدالعزيز: انزين والله صدق عمر: قول شوه قبل عقب احلف عبدالعزيز: بظهر من البيت عمر: وين بتسير ؟ ... ويا منوه ؟ عبدالعزيز: وين بسير ما ادري ... ويا منوه ؟ ويا مروان .. عمر: وين انزين عبدالعزيز: ما ادري والله بس قالي بسرعه .. تقنع عمر في دقيقتين عمر: وين بتسيرون انزين عبدالعزيز: ما ادري والله ما ادريييييي عمر: انته ومروان بس ؟.... مستغرب انا عبدالعزيز: لا لا .. انا ومروان وهزاع وميثا بنت آمنة عمر: يعني لو قلت لك لا تسير جنك بتسمع رمستيه عبدالعزيز: عمور حرام عليك .. خلصت الدقيقتين يالله قول اوكيه عمر: سير سير .. عبدالعزيز: من خاطرك .. ما فينا يستوي شي .. ننجلب .. نسير تحت شاحنه عمر: اسكت .. عبدالعزيز: آسف .. عمر :يالله .. مع السلامه عبدالعزيز: عمر لو مب راضي ما بسير عمر: خلاص سير قلت لك عبدالعزيز: صدق والله عمر: وين راشد ؟ عبدالعزيز: في حجرته عمر: سر قوله وعقب اظهر عبدالعزيز: انزين انته يعني راضي صدق ؟ . لو مب راضي ما بسير ... عمر: خلاص قلت لك سير . عبدالعزيز: قول انك راضي عمر: راضي عبدالعزيز: انزين آسف عمر: خلاص .. لا تعتذر .. وبسرعه اتصل به عن يهدك .. يسويها عبدالعزيز: اوكيييييه يالله بااااااااااااي بند عبدالعزيز بسرعه عن عمر .. واتصل في مروان .. مروان: هذا عبدالعزيز .. سالم: رد عليه قوله تاخرت دقيقة مب يايين وراك مروان: هيه بنزلك انته فالشارع مب اخويه سالم: ط هذا ومن متى تحبه مروان: هههههههه مينون ولد اختك هزاع: من يومه مروان: شوه بعد من متى تحبه سالم: هيه دايما تحط عليه مروان: يعني احط عليه .. يعني ما احبه ! ..... سالم: هيه مروان: عيل انته كل حد يحط عليك كل حد ما يحبك سالم: انا غير مروان: لييش ؟ ولد السلطان وانا ما ادري سالم: لا وانته الصادق .. اسم ابويه صالح .. مب سلطان ... ههاااااااي 1/0 مروان: اسكت اسكت هزاع: ردوا ع الولللللللللللللللللد مروان: الله ينطب ابليسك .. نستني من نحاستك ظاهر ع خالتك .. ورد مروان ع عبدالعزيز عقب ما خبله سالم .. ونساه مبايله وانه يرن ... في ألمانيا ... رملة اليوم .. شكلها تبا تسوي شي .. ما يخطر ع البال .... وتبا تكمل سفرتها .. الى ان يشاء الله مثل ما يقولون .. عفرا معصبه عليها من الخاطر .. لكن شوه تسوي في غضون هالظروف ... مدام رملة وياها حصيص الخبلة .. اكيد هي بتتخبل زيادة .. حنت .. وسوت ع راس عفرا .. انها تطلع تتمشى برع فالممرات .. وعفرا طبعا ما وافقت .. لكن سون اكبر طاف هي وحصيص وظهرن .. وعفرا اضطرت تظهر وراهن .. لان ما شي الا هالحل .. عفرا: خل احمد ايي رملة: احمد وين ساير ؟ عفرا: ما ادري بس الحين بيي حصيص: اووووه خل ايي ريل الحلوة رملة: شوه هاللقب بعد ! حصيص: لا ريل الحلوة مب حلو .. امممم .. ريل ملكة الجمال ... عفرا: انتي شوه تخربطين حصيص: شفت اختج عفرا: أي اخت ؟ حصيص: آمنة اسمها ؟ .. رملة: هيه .. حرمت اخويه حصيص: هييييييه ... حرمت عمي احمد عفرا: وين ؟ حصيص: لا تخافين .. فالصورة .. رواني صورتها رملة: اونه ! عفرا: احمد رواج صورة امون اختيه ! حصيص: هيييييييه وجيه مستغربات رملة: اللي احيده احمد ما يروي صورة حرمته حق أي حد عفرا: واللي انا احيده .. احمد مستحيل يشل صور حرمته .. فـ وين شفتيها ؟ حصيص: لا لا ... كان حاطنها في بوكه ورواني اياها رملة: شرايج فيها حلوة صح ؟ حصيص: هيييييه .. احلى عن عفاري والله عفرا: مالت عليج ويلسن البنات ع الكراسي .. حصيص: ههههههه انزين الحق ينقاااااال ... هي مب احلى عنج بواااااايد ... بس احلى عنج عفرا: اوكيه .. شكرا ع الراي السديد حصيص: عفرا كل يوم تعالي عفرا: مب جنكن مصختوها الحين حصيص: لا والله .. شوي بعد رملة: انتي ما بتسيرين عند امج ؟ حصيص: هيه صدق بتون ويايه عندها ؟ ... انا دايما ايي عندكم وازوكم انتوا مول ما زرتوا امايه عفرا: تبينا نحن نسير عند امج حصيص: وليش ان شاء الله ما تسيرين ! ...... عفرا: لا مب لـ شي .. بس نحن نستحي رملة: عادي عادي بنتعرف عليها عفرا: ط هاي ... رملة: حصيص حصيص: هلاااااااااااااااا رملة: امج ليش راقده هني ؟ حصيص: فيها السرطااااااااان عفرا حست بقشعريرة تسري في كامل جسمها يوم سمعت رمسة حصيص ....... رملة: ما لها علاج ؟ حصيص: ما ادري ... بس من يوم انا شفت النووووور بعيوني ... ونحن سايرين رادين ألمانيا .. سايرين رادين .. لاعت جبدي .. رملة: يعني من سبع سنوات حصيص: الحين اكثر بعد رملة: جذابه حصيص: شوه اتمصخر وياج انا .. اقولج لاعت جبدي منها والله رملة: انتي وابوج وامج بس اتون ؟ حصيص: مرات .. عمي عبدالرحمن ايي .. وعموه عاشه .. وساعات عمامي الباقين وعماتي .. وخالي مايد .. يوووووم يبون ألمانيا .. والا هم يسيرون بلاد ثانية .. لانهم رواحهم ملوا منها .. رملة: ما تملين حصيص: ما امل اونه ... اصيح من الملل بعد رملة: وعععععع مب شي حصيص: ابدا والله مب شي .. انا يوم امايه ان شاء الله بتشافى .. ورديت البلاد لو يعطوني مليون يقولون لي سيري ألمانيا والله ما اييها .. ما ابا اشوفها خلااااااص .. الا لو انتوا ييتوا عقب بيي رملة: ههههههه ما شي شغل نيي بعد .. جذه رواحنا ملل لو حد ويانا عيسى وناعمه وشلة المزرعة حلو يا محمد .. بس وقف بعيد .. وزقر بنته ... حصيص: اوهوووو بنسير عفرا: هيه احسن عسب هاي اردها الحجرة ... حصيص: باجر اشوفكم الصبح ان شاء الله عفرا: ان شاء الله رملة: مع السلامه حلمي فيني حصيص: هههههه انزين .. فالج طيب .. وسارت حصيص صوب ابوها ... محمد: ما شبعتي حصيص: الصراحه لا محمد: ولا بتشبعين حصيص: بابا محمد: عيونه حصيص: ماما متى بتطلع ؟ سكت محمد ... روحه مب في حاله .. اليوم يحس اما اللي سواه في هالسبع سنين .. سار .. ذهب مع الريح مثل ما يقولون .. او ان بيهون عليه تعب سبع سنوات ولو كانوا عشر وعشرين بعد مب مشكلة عنده .. بس المهم ايي هاليوم .. حصيص: بلاك سكت ؟ محمد: بتطلع جريب ان شاء الله حصيص: هي شخبارها الحين ؟ محمد: الحمدلله بخير حصيص: ابا عشا محمد: من وين ؟ حصيص: ماكدونالدز .. محمد: غريبة حصيص: ليش عسب اني قلت لك ما احبه ؟ محمد: هيه .. حصيص: لا .. لانك وايد اكلتني هذيج الفترة منه وانا مليت .. فـ الحين اشتقت له .. محمد: ههههههه حلوة هاي اشتقت له .. حصيص: هيه والله محمد: اوكيه .. ان شاء الله ... بنسير الحين ونشتري لج ماكدونالدز .. مشوا محمد وحصيص .. شويه ووصلوا ماكدونالدز .. المطاعم في دربهم وبعض المحلات في دربهم وفندقهم جريب .. عن المستشفى ... دخلوه ... محمد: يلسي هناك شويه .. لين اخلص .. لان زحمة .. حصيص: اوكيه .. سارت حصيص ويلست ع احد الكراسي ... وسار محمد يطلب .. وقف فالطابور .. حصيص يالسه روحها ... يا ويلس ع الطاولة اللي مجابلتنها ... شلة من الشلل الكريهه بالنسبة لها خاصة .. وكريهه بالنسبة للاماراتيين وبعض الناس في بعض الدول عامة .... ووحده في مثل سن حصيص تخاف من هالاشكال .. كانت حاطه ريل ع ريل .. يوم شافتهم نزلت ريلها .. ويلست عدل .. هي تطالعهم .. متروعة منهم .. مب لانها تبا تطالعهم .. ومب لان من زينهم !...... لكن واحد منهم انتبه انها وايد كانت تطالع .. ومركزه عليهم ... غمز لها .. واشر لها تيي .. ماتت حصيص.. بلعت ريجها .. وحولت نظرتها لـ للطوابير اللي واقفة هناك وتطلب .. وشهقت من الخاطر يوم شافت ان ابوها ما يبين ... شوي وبتصيح .. وهذا ما يشل عينه عنها .. تخاف تنش .. وهي ما تشوف ابوها فـ يلاحظون هالشي .. ومثل ما مخوفنها ابوها يسرقونها .. وتخاف تيلس .. و ايي هذا صوبها .. فـ حصيص الحين ضايعه .. ولا تعرف شوه تسوي ... النظرات مستمرة .. وحصيص كثر ما تقدر تجنبها .. 5 دقايق مرت وهي ع هالحال .. خلاص وصل حدها الدموع في عينها .. بس تغمضهن والدموع تنزل ... بمجرد ان اللي يالس يطالعها شافته يقول حق ربيعه يقوم عسب هو يطلع يعني بيتحرك .. نشت بسرعه من مكانها ... وسارت صوب اللي يطلبون ... وقفت هناك ع صوب جنها قطوة ميته .......... هي ما ملاحظة اللي واقف جدامها .. لكن هو لاحظها .. ......... : اوه .. CNN هني ... صدفه سبحان الله ... اكيد عرفتوه ... وحصيص عرفته .. رغم اسلوبه الغلج .. ورغم ثقل دمه لكنها يوم شافته ورمسها .. شهقت .. ولصقت فيه .. وصاحت .. بدر مستغرب .. شوه السالفه ؟... بلاهن هالبنات اللي هني .. من رمست وحده صاحت .. كل ما رمست وحده فيهن صاحت !...... شوه هالدلع الفظيييييييييييييييييييييييع !!!!!! لكن شكل حصيص كان صدق يكسر الخاطر .. شكلها كان مثل اللي يكبت يكبت .. ويفجر كل شي مره وحده بصياح متقطع .. وتنفس صعب ... بدر: بلاج .. شوه فيج ؟ وحصيص ما ترمس .. طنش بدر الطلبية .. ومسك ايدها وسار يلس ع طاولة من الطاولات .. ويلس حصيص وياه .. بدر: زعلتي من رمستيه ؟ حصيص: لا بدر: عيل شوه فيج ؟ حصيص: هذاك اللي هناك بدر: منوه ؟ حصيص: الريال اللي هناك بدر: انا مب فاهم عليج حصيص: هذاك السخيف .. يغمز لي ويقولي تعالي قوية ...... بنت في مثل سن حصيص تقول هالرمسة .. بدر: أي واحد سكتت حصيص بدر ( راص ع ضروسه ): قولي أي واحد ؟ وينه ؟ حصيص ( علا صوتها ): خلاص خله يولي .. ادري بك معصب .. ما ابا تستوي مشكلة .. لكن انا والله ما سويت شي .. صخ بدر .. شكل حصيص يكسر بالخاطر .. واللي ساير واللي راد يشوفها ... حصيص: ابا ابويه .. وينه ؟ .. ودني عند بابا .. وهي بعدها تصيح ... بدر في داخله نار ونفس الوقت .. منكسر قلبه ع حصيص.. اول مره يشوفها في هالحاله .. اول مره يشوف ام لسان تصيح جذه .. بدر: بس سكتي حصيص: ابا ابويه .. بدر: الحين بيي .. شربي هالماي .. حصيص: ما ابا بدر: عشان خاطريه .. شربي شويه .. عسب نفسيتج تهدا .. مد بدر ايده وعطى حصيص غرشة ماي .. خذتها وشربت منها شويه وحطتها ع الطاولة .... واقف شوي بعيد . يدور بعينه .. وينها ؟ وينها ؟ ... وين اختفت .. توها هني .. انا هادنها هني وساير ... هذي ... هناك .. الحمدلله .. مشى محمد صوبهم .. محمد: حصيص .. من سمعت حصيص الصوت .. بدت ترتجف .. بدر يطالعها ويطالع ابوها ... ومحمد واقف مستغرب .. محمد: شوه فيج ؟ جيه تصيحين ؟ حصيص: بابا ونشت حصيص وحضنت ابوها وصاحت .. محمد ما رمس .. مجرد انه اطالع بدر من فوق لين تحت .. ومسك ايد بنته .. ومشوا .. شوه السالفه ؟ .. وشوه الموضوع ... ؟ فالمستشفى ... عفرا: ساروا يعني ؟ احمد: شكلهم جذه .. مبايلاتهم مغلقه رملة: حظهم احمد: ليش مستعيلة ؟ .. الاسبوع الياي .. ان شاء الله رملة: صدق ؟ احمد: هيه الدكتور قال .. ان نقدر نرد ... لكن ترقدين فالمستشفى هناك رملة: هيه والله ما رقدت احمد: جيه ع كيفج رملة: ما برقد عفرا: من الحين تعاند وين يوم بنوصل احمد: مب ع كيفها اصلا .. انا ما بمشي ع رمسة يهال .. رملة: بخبر عيسى والله احمد: اقولج ما تخوفيني بعيسى وناعمه وامايه وما ادري منوه عفرا: ههههههه يهال تظاربون انتوا ..... رن مبايل احمد .. احمد: جبنا سيرة الأط جانا ينط رملة: عيسى ؟ احمد: هيه رملة: ييب برمسه .. وردت رملة ع عيسى ... رملة: الو عيسى: هلا والله بهالصوت .. هلا وغلا رملة: اهلييين عيسى: شحالج ؟ رملة: الحمدلله بخير عيسى: وشحال راسج ؟ رملة: الحمدلله .. عيسى: وبلاج تقولينها جذه ؟ رملة: انا بخير .. بس شعري مب بخير عيسى ( ابتسم): ما عليه .. بيرد يطول ان شاء الله رملة: انا قلت لكم .. والله بسير اقصه فالصالون عيسى: اوكيه .. ان شاء الله ردي بالسلامة وقصيه .. رملة: خسي ارد البلاد ويا هالشعر عيسى: عيل ؟ رملة: بسير هني صالون عيسى: خبله ! رملة: كيفكم احمد: ييبي انتي ييبي .. الو عيسى: هلا احمد احمد: شحالكم ؟ عيسى: بخير الحمدلله .. انتوا اخباركم ؟ احمد: تمام والله .. عيسى: شحال حرمتك وبنتك ؟ احمد: الحين انته فالبلاد ... وحرمتيه وبنتي في البلاد .. وانته ياي تسألني انا عنهن ؟ عيسى: هههههه والله هي سايرة بيت ابوها ... اشتقنا حق ميثاني احمد: ما ادري والله ... انا عصبت عليها مساعه عيسى: ط هذا ! احمد: والله يعني سايرة بيت اهلها وما مخبرتني .. اوكيه .. نطوفها .. بس مريضة وما تقول عيسى: ما تباك تستهم عليها احمد: هي تدري بي .. وتدري بطبعي عيسى: يالله ما عليه ما عليهن شر ان شاء الله .. بس انته لا تنكد ع الحرمه احمد: يوم برد الفندق بتصل بها عيسى: اخبار رملة ؟ احمد: الحمدلله .. انته قولي اخبار امايه و ناعمه ؟ عيسى: الحمدلله .. كلنا بخير احمد: الحمدلله رملة: عفرا شرايج باجر الصبح نسير عند ام حصيص عفرا :لاااااااا رملة: ليش ؟ .. وبلاج جيه تقولينها ؟ عفرا: ما ابا اشوفها رملة: ليش ؟ .. احس انها طيبه عفرا: احس اذا شفتها ما ادري بصيح ... تكسر بخاطريه حصيص رملة: هيه والله .. من سبع سنوات تقول عفرا: الله يعينها ويعين امها وياها رملة: آمين .. احمد: يالله انا اترخص عفرا: وين تو الناس احمد: تتمصخرين رملة: يالله يالله سر .. نحن تعبانين .. نبا نرقد .. ونسولف احمد: ترقدين والا تسولفين رملة: الاثنين احمد: عفرا رشيها بكف تتخدر .. ولا خلينها تسهر عفرا: هههههه ولا يهمك رملة: ط هالاثنين احمد: باجر من الصبح انا هني رملة: ما تقدر .. بتتصل قبل ما تيي احمد: الساعه 6 بيي رملة: عيل جيه تسير بعد تم هني .. يوم انك الساعه 6 بتيي احمد: لا بسير ارمس حرمتيه وعقب برقد شويه وبيي عفرا: ايوا ايوااااااااااااااااااااااااااا رملة: هييييييه .. قول جيه السالفه ... احمد: هههههه ما صدقن عفرا: اقول .. خلاص عيل سير .. رملة: سلم عليها احمد :هههههههه الله يسلمكن .. فمان الله رملة: الله يحفظك يا اخوي .. واتصالا هاتفيا هنيئا عفرا: هههههه حلوة هاي اتصالا هنيئا .. وظهر احمد ساير الفندق عقب ما اطمن ع اخته ... وتأكد ان اخته وعفرا بخير .. وهو يظحك ع خبالهن .. ولقافتهن .. في صوب ثاني ... خلصت صياح .. بدلت ثيابها .. وطلعت برع .. فالصاله .. شافت ابوها يالس .. حصيص: السلام عليكم .. محمد: خلصتي صياح سكتت حصيص .. محمد: شوه استوى هناك ؟ حصيص: وين ؟ محمد: جيه صحتي يوم سرت اطلب ؟ حصيص: بس جذه محمد ( بصوت حاد ): حصيص حصيص: شوه ؟ محمد: بدر سوى بج شي ؟ حصيص: لا .... محمد: عيل جيه صحتي وهو كان يالس وياج ؟ حصيص: بس كنت زايغة انته محد .. و لقيته هو اجرب شي سرت صوبه محمد: حصيص قولي الصدق .. حصيص: بابا شوه فيك ؟ محمد: شوفي ... يايه تتعشين .. ادري .. ما بعكر لج مزاجج .. لكن انا مزاجي متعكر .. ابا اعرف شوه استوى حصيص: ما شي محمد: حصيص قولي حصيص: بابا بلاك ؟ محمد: انتي بلاج ؟ .. حبيبتيه حصيص .. بابا قولي لي .. شوه استوى بج ؟ انا ابا افهم السالفه ... يعني ما يستوي انتي بنتي تصيحين وحد غريب وياج .. وانا ما ادري شوه السالفه .. تشوفينها عدله ؟ .. سكتت حصيص محمد: ردي حصيص: بابا بقولك .. بس والله انا ما يخصني محمد: قولي .. حصيص: انته بتعصب محمد: ما بعصب حصيص: بلى محمد: قولي يالله وخلصيني حصيص: انته الحين عصبت .. ونزلت دموعها حصيص: وين يوم بتسمع .. محمد: لا تصيحين حصيص: انته تخوف محمد: انا محمد .. ابوج .. حصيص :ادري .. بس معصب عليه محمد: انزين لا تطالعين في عيني ورمسي حصيص: ما اقدر .. محمد قرب من بنته ومسح ع راسها .. ومسح دموعها محمد: يالله قولي .. قولي حبيبتيه شوه فيج ؟ حصيص: انا كنت يالسه روحي عالطاولة وانته تأخرت عليه محمد: انزين .. كملي حصيص: واحد من شلة سخيفه محمد: شوه قصدج بـ شلة سخيفة حصيص: من هالاجانب الخياس .. اللي ما احبهم .. محمد فهم قصدها وعرف بنته عدل محمد: شوه سوى ؟ سكتت محمد: قولي حصيص: بابا محمد: قولي ... رمسي حصيص: غمز لي وقالي تعالي .. بس والله انا ما يخصني .. ما سويت شي .. حتى ما ظحكت وياهم لا ابتسمت .. كنت يالسه روحي ... ارتاح محمد .. ارتاح نفسيا .. بتفكير بنته هذا .. وبخوفها من هالشي البسيط .. يعني هي بخير .. وتربيتها ماشيه صح .. رباها ع الادب والاخلاق .. ع الرزانه .. ويشوف نتايج تربيته الحين جدام عيونه .. محمد: وبدر جيه كان هناك ؟ حصيص: هو يوم نش الريال .. انا زغت وسرت وقفت ع صوب .. وصدفة بدر يا جدامي .. فـ كنت زايغة وحسيت ان ما في حد بيساعدني غيره محمد: وليش زايغه تقولين لي ؟ حصيص: ما ادري .. اخاف تظربني محمد: جد ظربتج من قبل ؟ حصيص: لا .. بس هالمرة خفت .. ما ادري ليش محمد: حبيبتيه ... انته حصه بنت محمد .. انتي مربايه ع هالايد .. انا واثق منج ومن تربيتي لج .. لا تخافين ... مره ثانية وقولي لي اللي في قلبج ... ليش تبين تخربين علاقتيه بج ؟ حصيص: انا ما قصدت والله .. لكني خفت .. انك تزعل محمد: بزعل يوم بعرف ان بنتي .. حبيبتيه .. تسير تشتكي عند حد ثاني .. وما تيي تقولي انا حصيص: بابا والله اني دورتك وما لقيتك .. محمد: انزين .. خلاص .. حصل خير ( وباسها على راسها) .. والحين تعالي تعشي حصيص: احس نفسي انسدت محمد: جذه صدق بزعل منج .... حصيص: لا .. محمد: خلاص عيل ... تعالي تعشي .. حصيص: ان شاء الله محمد: سيري غسلي ايدج .. وويهج وتعالي حصيص: ان شاء الله .. وسارت حصيص غسلت ايدها وويها وردت صوب ابوها ... اللي زهب لها كل شي .. حصيص: بابا محمد: هلا حصيص: قوم عمي علي وصلوا ؟ محمد: والله ما ادري .. اتصلت به مغلق .. اكيد بعدهم فالطيارة حصيص: بس هم من زمان سايرين محمد: ما تدرين .. بالظروف حصيص: ملل بدونهم .. الحين منوه بيدلعني محمد: مب مكفنج انا حصيص: بلى .. لكن هو بعد كان يدلعني وخالوه حصه .. الحين انته وعمي احمد بس محمد: وامج حصيص: امايه عاد ع صوووووووب فديت روحها .. وتموا حصيص ومحمد يسولفون عقب سوء التفاهم اللي استوى بينهم ...... ******* |
الجزء الـ 41 معصبة .. لكنها مدوخه .. ويايبه وياها اللحاف لين برع .. ومتلحفه به .. وقواطي الكلينكس حذالها .. منسدحه وتترياهم ... عذيجة: سيري رقدي شمسة: هذيل تاخروا وايد عذيجة: انتي بترقدين هني ؟ شمسة: هيه .. صالح قال يوم ان ولدج بعده ما واصل .. انتي وياه رقدوا هناك .. عذيجة: وجيه عاد .. جان رديتي يوم بغيتي ؟ شمسة: ما طاع .. اونه مثل ما وافقتي انه يروح .. تتريينه لين ايي .. وهو تعبان بيسير يرقد عذيجة: اطاع انتوا الحين .. آمنة: انتوا كيف تخلونهم يشلون ميثا دون ما اعرف شمسة: والله قلنا لهم عذيجة: قلنا لهم خبروا امها .. قالوا مب لازم .. آمنة: مب لازم اونه .. خل ايون برويهم عذيجة: انتي روحج ما فيج شده آمنة: ولان ما فيه شدة .. وتعبانه محد حاس عذيجة: استغفر الله العظيم شمسة: أمون حبيبتيه .. سيري رقدي والله بيردون والحين بييبونها انا روحي بييبها لج لين الحجرة آمنة: ما ابا .. بتريا .. لين اييبونها .. خبلة انا ارقد وبنتي مب موجوده .. عذيجة: عيل كيفج .. يلسي هني وترييهم .. آمنة: بيلس . عذيجة: يالله يا العناد يوم يركب راسكم .. رن مبايل آمنة في هالوقت المتأخر ... طبعا ما في غيره ... آمنة: الو .. احمد: يالله يالدفاشة نص الليل آمنة: عندكم الفير .. احمد: ههههه هيه .. آمنة: شحالك احمد: الحمدلله .. انتي شحالج ؟ آمنة: مب بخير احمد: افا .. حرمتيه مب بخير .. شكلج زعلانه آمنة: هزاع ومروان .. الله ياخذ عدوهم ويعلهم بحريم هم الاثنين .. شالين ميثا وطالعين من البيت من العصر احمد: شووووووه ؟ آمنة: والله ولا قايلين لي .. واتصل بهم ما يردون .. احمد: امون ليكون استوى شي ؟ .. هني زاغت آمنة .. ما يت في بالها افكار سوده ... لكن احمد خوفها ... وهي ناسيه عمرها .. ويالسه ترمس احمد جذه .. احمد برع البلاد .. ترمسه جذه يسوي شي تندم عليه عقب !... احمد: الوووووو .. أمووووووون آمنة: هلا وياك احمد: وينهم ما ردوا للحين آمنة: ما ادري .. بس اكيد بيردون ان شاء الله عقب شويه احمد: اتصلي اتصلي بهم .. آمنة: اتصل احمد: والله وترتي لي اعصابي .. آمنة: لا .. لا تحاتي .. بييون الحين ان شاء الله احمد: ببند عنج واتصلي الحين .. آمنة: ان شاء الله احمد: بسرعه آمنة: ان شاء الله .. ان شاء الله .. احمد: مع السلامه .. بندت آمنة عن احمد .. آمنة: والله يا ويلي الحين شمسة: ليش ؟ آمنة: ما ادري كيف قلت له ان هزاع ومروان ماخذين ميثا وظاهرين شمسة: الله يهديج ىمنة: ما يردون الحييييين شمسة: اسمع صوت سيارة آمنة: افففف وصلوا .. البلاد حلوة .. وريحتها حلوة ... وباهلها تحلى اكثر واكثر ..... نزلت من السيارة .. مروان: مسيرة مسيرة سالم: طييييييط طييييييييييييييييييييييييييييييط هزاع: ايه بس علي: ههههههه خبايل مروان: كيفنا يا اخي مستانسين ببنت عمتنا سالم: مستانسين بخالتنا علي: كيفكم والله ما يخصني لو عمي ظهر معصب هزاع: كيفهم سالم ومروان هم الي ياكلونها علي: حصه يالله سيري بسرعه هزاع: وين عبدالعزيز ؟ مروان: يالس فالموتر مجابل خطيبته .. احسن عن غيره يخطب ويودر سالم: هههه الا قول يهزبونه مروان: والله مشكلته انا برد البيت متى ما ابا .. هو مشكلته سالم: امايه الحين بتكفخني علي: انته للحين .. حصه يالله مروان: يالله ابويه سيري سلمي بسرعه .. وردي هزاع: باتوا هنييييييي علي: لا الله يخليك ما تقترح هالاقتراح .. ما نقدر هزاع: ليش عاد ؟ علي: مستحيل .. تعرف قوانيني .. انا مب احمد ولا طارق ولا صالح سالم: شوه قصدك .. شوه قصدك يعني علي: ههه ما اقصد شي بو لسان .. عبدالعزيز: تعالوا شلوها هاي .. هزاع: ييبها .. بوديها عند امها .. اللي فجرت مبايلاتنا .. سالم: ما بتون داخل ؟ علي: انا ما اقدر ... قول حق خالتك بسرعه مروان: انا بوصلكم علي: لا والله .. عادي باخذ سيارة حصه هذي موقفه .. مروان: لا والله ما سقتها .. علي: ليش تحلف مروان: بوصلكم ع دربي علي: وين ع دربك .. وين نحن ووين انتوا مروان: لو كنتوا فالمريخ .. والله اوصلكم .. انا بوصلكم مره وحده جيه تنزلون شنطكم من الموتر .. علي: يا ريال والله ما له داعي .. عادي اقدر اسوق .. مروان: ما شي .. نسيت السواقه انته عبدالعزيز: مرواااااان مروان :شوه ؟ عبدالعزيز: عمور بيذبحني مروان :احسن علي: ههههه حرام عليك مروان: عاد انته صدقت ... ما لقيت الا عمر يذبح عزوووووز عند باب الصاله .. دخلت اول شي سالم سالم: عندي لكم مفاجأة آمنة : وييييييين بنتييييييييي سالم: بسم الله الرحمن الرحيم .. دخل هزاع ... هزاع: مرحبا آمنة: لا اهلا ولا وسهلا هزاع: افا .. ىمنة: والله انكم سخفاء .. وتستهبلون .. وما تستحوون بعد هزاع: بلاج انتي آمنة: مودين البنـ صخت ىمنة يوم شافت اللي دخلت .. سكتت .. وشمسة اطالعت ويه آمنة .. قامت يلست . وهي الثانية بهتت .. حصه: شوه ما تبون تستقبلوني .. نشت شمسة قبل لان ىمنة بعدها مصدومه + تعبانه .. شمسة: حصوووووووه .. سالم: يقولون حصه حصه .. حرمه حااااامل .. هزاع: طفس والله طفس حصه: هههههه للحين ع عوايده شمسة: حبيبتيه والللللله سالم: شوفوا الحين اليهال اللي في بطونهم يتفاهمون ... ايه انته بتستوي ربيع هذا .. شوفه شوفه .. ونشت آمنة آمنة: لحمدلله ع السلامه .. حصه: الله يسلمج .. سلام آمنة لـ حصه .. كان غير عاد .. ىمنة حذنت اختها من الخاطر .. سالم: لااااااااااااا ... عفصتيه .. خالوه آمنة قوميييييييييييييييي ىمنة: اسكت انته .. حصه: حبيبتيه اموووون ىمنة: انتي اللي حبيبتيه والله .. هزاع: امااااااايه عذيجة توها واصله .. عذيجة: والله عيب عليكم .. تصرخون جذه .. ابوكم راقد .. لو ينش لكم الحين ما يخصني انا سالم: يدووووووو ه عذيجة وانته اولهم .. جب بس اسكت .. هزاع: امايه ما شفتي شي ؟ عذيجة: شوه اشوف ويهك ؟ ... هزاع: قفطه ... سالم: هههههههههه حصه: امايه شحالج انصدمت ام هزاع .. هي لانها متعوده ان بناتها هني .. ووايد وع بعض .. والحين بعد هزاع و سالم لعوزوها .. فـ ما انتبهت .. سارت عذيجة وحضنت بنتها .. وصاحت .. وعاد حصه ما صدقت .. وصاحت هي الثانية .. عذيجة: فديت روحج اميه انتي حصه: انتي اللي حبيبتيه وقلبي عذيجة: الحمدلله ع السلامة حصه: الله يسلمج عذيجة: ومبرووووك عليج .. والله يسهل عليج يا رب ويتمم بخير حصه: الله يبارج في حياتج .. وان شاء الله يتربى ع ايدج وبعدت عذيجة عن حصه شويه .. وهي ماسكه راس حصه بين ايدها .. بدت تطالع ويها .. وردت حضنتها مره ثانية .. عذيجة: كيف ما ادري انج بتردين حصه: قالوا لي ما تخبرينهم .. سالم: سوااالف ولدج وولد اخوج شمسة: الحمدلله ع السلامه حصوه والله اتولهنا عليج آمنة: فديت روح اختيه انا عذيجة: وين ريلج ؟ حصه: برع .. يتريا آمنة: وين بتسيرون ؟ سالم : بيسيرون البيت بعد وين شمسة: بو لسان اسكت هزاع: علي مب طايع يبات هني ... شمسة: وشحال عفاري ؟ حصه: الحمدلله .. قلت لها ردي ويايه . ما طالعت .. قالت مثل ما سرت ويا احمد برد وياه .. ورملة حليلها روحها آمنة: صدق شخبارها عقب العملية ؟ حصه: جيه احمد ما قال لج آمنة: بلى .. بس انتي هناك .. واكيد تعرفين اكثر .. وشفتي يعني حصه: الحمدلله تطمنوا .. هي بخير عذيجة: الحمدلله .. حصه: يالله بسير انا .. باجر ان شاء الله بييكم لو علي طاع عذيجة: وينه هذا اهزبه انا شويه .. آمنة: حرام عليج امايه توه واصل الريال شمسة: كل حد يرتاح في بيته .. سالم: وانا ارتاح في بيت يدي هزاع: امون اودي بنتج داخل ؟ آمنة: هيه ودها انا الحين بيي .. حصه: سيرن رقدن والله اسمحن لي .. شمسة: شوه نسمح لج ... يالبايخه آمنة: سلامة بتحشر الدنيا علينا باجر عيل حصه: صدق وينها ؟ غريبة مب هني شمسة: ما يت اليوم .. حصه: خلاص نشوفكن باجر ان شاء الله وظهرت حصه برع .. شافت ان علي ومروان وعبدالعزيز فالسيارة .. وعذيجة تهزب كل اللي فالسيارة مروان: عموه خلاص خلاص .. والله عمر معصب .. بنسير البيت عذيجة: انزين محد قالك .. .نزلوا باتوا هني عبدالعزيز: مؤسسة خيرية مروان: قصدك ملجأ ايتام عذيجة: في عينك مروان: هههههه انتي تقولين حصه: ما بتسير بسيارتيه ؟ مروان: لا ركبييييي يالله يالله تشرط بعد عذيجة: لا صدق .. خل مروان يوصلكم .. مب زين علي: والله قلت له بسوق انا وعادي مب طايع ويحلف هالكثر مروان: مب ع كيفك قلت لك عبدالعزيز: يالله حصه ركبي .. حصه: ان شاء الله وركبت حصه عذيجة: شوي شوي .. مروان: يه وين سايرين نقحص نحن عذيجة: قصورك هالوقت تقحص بعد .. وحصه امايه شوي شوي مروان: كله شوي شوي عندها ما في شي سريع علي: ههههههه بتنهزب الحين عبدالعزيز: مرواااااااان يالله مروان: والله صدق عموه عمر معصب عذيجة: يالله توكلوا ع الله .. وباجر كلكم تعالوا ع الغدا هني مروان: ان شاء الله .. ان شاء الله يالله مع السلامه .. دخلت عذيجة داخل .. ومروان سار يوصل علي و حصه .. وعقب بيردون البيت .. وهم عارفين ان في محاظرة .. تترياهم ... في حجرة آمنة راقده فيها .. وشمسة .. وسالم .. وميثا ... ميثا راقده .. سالم يهزبونه عسب يرقد .. وشمسة ع وشك .. وىمنة وياها .. بس يسولفن سالم: امايه شمسة: شووووووه سالم: امايه آمنة: يا ولد .. سالم والله ان نشت ميثا بنش اكفخك انته شمسة: سالم صدقني بتصل في ابوك الحين .. سالم: لا لا خلاص برقد شمسة: انزين وعقب سالم: شوفن انتن ترمسن عادي ىمنة: مطول لسانه شمسة: بنش انا اظربك الحين سالم: خلاص والله خلاص برقد برقد شمسة: ارمس انته الحين وبتشوف سالم: قلت برقد شمسة: قلت لك ما ابا اسمع صوتك آمنة: بس خلاص سكتي ... لا تصارخين عليه حليله شمسة: يلعوز الواحد .. خليه عنج صخ سالم .. امه صدق معصبه عليه ... ولو رمس ... بتنش له صدق .. وهو ما يبا هالشي يستوي طبعا .. رن مبايل آمنة ... آمنة: اتصل .. شمسة: منوه احمد ؟ آمنة: هيه ........ ألو احمد ( بصوت رقااااااد ): الو آمنة: شوه راقد ؟ احمد: لا بعدني ما رقدت آمنة: ليش ؟ .. احمد: ردوا قوم اخوج ؟ آمنة: هيه من زمان احمد: وميثاني وين ؟ آمنة: راقده احمد: فديت روحها آمنة: تدري وين كانوا سايرين ؟ احمد: وين ؟ آمنة: اييبون حصه اختيه وريلها من المطار .. احمد: هيه صددددق ... وصلوا بالسلامه آمنة: هيه الحمدلله احمد: يالله تستاهلون سلامتهم آمنة: الله يسلمك .. احمد: انتوا ما تدرون انهم بيردون ؟ آمنة: لا .. ولا انته يبت لي طاري ! احمد: والله انا ما حطيت في بالي . اتحسب تدرون .. آمنة: لا والله محد مخبرنا .. حركات هزاع ومروان اكيد احمد: ما ادري والله آمنة: شوه تسوي احمد: والله تعبان . فيه رقاد ىمنة :انزين ارقد .. وراك نشه احمد: بغيت اطمن عليج وع ميثا آمنة: نحن بخير احمد: شحالج الحين ؟ .. ان شاء الله احسن ؟ .. خفت الحمى عنج آمنة: يعني احسن .. الحمدلله احمد: اسمع اصوات وين انتي ؟ آمنة: بيت ابويه .. شمسة اختيه وسالم هني .. راقدين ويايه احمد: هيييييه .... آمنة: انته منوه وياك ؟ احمد: يعني منوه ويايه ولا حد آمنة: عفاري رقدت عند رملة ؟ احمد: هيه ... امون انا صدق الحين برقد وانا ارمسج آمنة: انزين سر ارقد احمد: خلاص ارمسج باجر ان شاء الله .. آمنة: ان شاء الله احمد: سلمي سلمي ... آمنة :الله يسلمك ... احمد: مع السلامه آمنة: فمان الله ... الله يحفظك .. في بيت الشباب .... دخلوا .. شوي شوي .. اول شي مروان دخل ... ووراه عبدالعزيز ... اللي دزه ... دزه محترمة مروان: يا ويييييييهك عبدالعزيز: آسف آسف .. مروان: ما تشووووف عبدالعزيز: قلت لك آسف .... ومره وحده انفتح الليت .. مروان: من أشعل الانوار .. وانزل المطار .. وزين الجبال عبدالعزيز ( ابتسامة مصطنعه): شوف هناك مروان: اوه عمر .. انته واعي عمر: ليش ارقد ؟ ... وايد من وقت عبدالعزيز: لا مب من وقت .. يالله نسير نرقد .. عمر: وين وين .. اقولك من وقت مروان: يالله نيلس عيل نطالع .. قلم والا شي .. عبدالعزيز: انا بسير ارقد .. صعد عبدالعزيز فوق .. بسرعه ... ومروان وعمر تموا تحت ... عمر: مروان شوه هالحركات مروان: انزين والله والله .. وصلنا حصه بنت عموه وريلها ... توهم رادين من السفر عمر: انته من العصر طالع من البيت مروان: سرت بيت عموه ... وعقب هزاع قال نظهر ونطلع اليهال ويانا .. ونحن رادين ما كان شي وقت .. فـ لازم كنا نسير المطار نييب حصه وريلها عمر: انزين ع الاقل اتصل مروان: ادري بك بتعصب عسب جذه ما اتصلت عمر: وهاليهال وياكم مروان: ما في وقت نرد البيت .. عمر: شوف الساعه كم مروان: خلاص يا عمر ردينا .. وصلنا بالسلامه ... عمر: انته مب اول مره تسوي هالحركة عسب جذه انا معصب مروان: انزين شرايك بسير ارقد الحين .. والصبح عطني محاظرة .. وخطبة الجمعة بطولها عمر: والله ! مروان: هههههههه انزين شسوي فيك .. عمر: سر سر ارقد مروان: الصبح نتفاهم عمر: انزين مروان: تصبح ع خير .. عمر: وانته من اهله بند عمر الليت وصعد فوق .. ومروان سبقه .. دخل الحجرة .. شاف عبدالعزيز مبدل .. ومنسدح اونه بيرقد .. عمر: الغلطان يقول عبدالعزيز( كمل): آسف .. بس والله مب انا الغلطان .. مروان هو اللي تأخر عمر: كنت تقدر تقوله يردك البيت وعقب يسير يحوط عبدالعزيز: هو يقول انه بيتأخر ع حصه بنت عموه عمر: انزين ارقد الحين عبدالعزيز: زعلان عمر: لا عبدالعزيز: صدق ؟ عمر: ليش يهمك عبدالعزيز: عمر لا تسوي بي جذه عمر: انا أذنت لك انك تطلع ... لكن ما قلت لك انته تسوي بي جذه .. انا راد البيت من وقت .. قلت حرام لاني العصر ظهرت وخليتك روحك .. فـ هو بعد مروان بيرده من وقت .. بيلس وياه عبدالعزيز: والله آسف انزين .. عمر: انزين وين سرتوا ؟ عبدالعزيز: وين حوطنا مروان في هالشوارع عمر: طول الوقت في الشوارع انتوا ! عبدالعزيز :ههههه لا لا .. ودانا ابن بطوطه .. وتعشينا وجذه وعقب ردينا عمر: ابن بطوطه ... اها .. عسب جذه متأخرين عبدالعزيز: هيه .. عمر: منوه كان وياكم ؟ عبدالعزيز: انا ومروان وهزاع .. وسالم وميثا بنت آمنة عمر: البنوته الصغيرة عبدالعزيز: هيه عمر: مودينها انتوا رواحكم !... محد وياكم ! عبدالعزيز: هيييييييييييييه عادي عادي .. لا تخاف .. مروان وهزاع قايمين بالواجب عمر: والله انتوا خبايل عبدالعزيز: ههههههه شوه نسوي وتم عمر يسولف ويا عبدالعزيز شويه.. صح الوقت متأخر .. لكن طول اليوم ما شافوا بعد ولا يلسوا ويا بعض .. فما يستوي يرقدون دون ما كل واحد فيهم يخبر الثاني عن اللي سواه فالوقت اللي كان كل واحد فيهم في صوب .. في مكان ثاني ... الوقت متأخر شويه !.. وحس مروان انه متفيج .. وداق في راسه بعد .. شل مبايله ودق الرقم .. مروان: الو ... ..........: مرحبا .. مروان: لو سمحت انته متصل ع رقم الاهل ...........: انا ؟ مروان: هيه ...........: لا والله ! مروان: هيه والله ! ............: كم الرقم انزين ؟ مروان: الرقم .####### ........: انا ما متصل مروان: عيل من وين يا الرقم ؟ .........: والله ما ادري عنكم .. شوفوا خواتكم قبل منوه يرمسون لا تعقون ع عيال الناس وتوهقونهم مروان: صدق انك قليل ادب ! ........: اقولك الزم حدودك .. مروان : انته اللي الزم حدودك .. واعرف منوه ترمس .........: منوه يعني ؟ مروان: شيخ ولد شيخ ..........: ع عمرك والله مروان: ع عمريه وعليك وع طوايفك بعد .. ..........: احترم نفسك مروان: اقولك لا تقعد تصارخ .. كل ما قلت لك شي .. واسمعني .. اذا شفت رقمك مره ثانية ع شاشة صاحبته ... ما تلوم الا نفسك .......: يالله يالله مروان: انته اللي يالله يالله ... واجلب ويهك بعد .. وبند مروان في ويهه قبل ما يرمس الريال .... اشوفك مره ثانية تتصل بها ... والا حسيت انك بعدك تتصل بها والله لأرويك نجوم الليل في عز الظهر .. وغاليه كل شي يبين ع ويها .. كتاب مفتوح .. مجرد اني اطالع في ويها بعرف اذا بعده يتصل والا ... ويا انا يا انته !... الصبح ... ناش من وقت .. نزل تحت .. ما في حد .. اكيد انه ناش من وقت .. لكنه ما يدري ان الحبايب امس اصلا راقدين من وقت .. ظهر برع فالحديقة .. شاف واحد منهم يالس .. فـ سار صوبه .. راشد: صباح الخير سعيد ( أبتسم): صباح النور راشد: ناش من وقت سعيد: ما ادري .. شبعت رقاد راشد: روحك يالس ! سعيد: يعني منوه تبا ييلس ويايه راشد: افا .. ونحن سعيد: كل واحد فيهم لاهي بنفسه .. او الاصح .. كلكم صوب وانا في صوب راشد: ليش جذه تقول سعيد: اقول الصدق راشد: سعيد والله ان نحن مثل ما نحن ما تغيرنا لكن انته تغيرت سعيد: تقدر تقنع واحد غيري برمستك راشد: وانته ليش لا ؟ ... مب انته سعيد .. سعيد: بلى .. انا سعيد .. وانته راشد .. وبعدهم عمر ومروان وعبدالعزيز .. نفسنا ما تغيرنا .. لكن الظروف تغيرت سكت راشد .. ما رد ع اخوه .. شوه بيقول ؟ .... سعيد للحين ما نسى الموقف اللي استوى بينه وبين اخوانه .. رغم ان الكل نساه او بالاصح طوفوه وقالوا يالله ما عليه الا هو .... راشد: انزين شرايك نسير مكان اليوم سعيد: وين ؟ راشد: أي مكان سعيد: سناتر ما ابا راشد: اوكيه .. سناتر لا .. اختار ع كيفك سعيد: صدق تعال شوه المناسبة راشد: احمد ربك اعزمك بعد سعيد: من الحين راشد: ههههههه لالا .. بس بغيت اطلع وياك .. من زمان ما طلعنا ويا بعض سعيد: اممممم وين يعني ؟ راشد: أي مكان اقولك سعيد: تبا ع العشا يعني ؟ راشد: أي وقت تحبه بعد سعيد: خلاص اوكيه .. العصر بنطلع راشد: خلاص عيل عقب الصلاة .. بنرد من المسيد او مره وحده نسير المسيد ويا بعض ومن هناك نسير المكان اللي تختاره سعيد: خلاص عيل .. رن مبايل سعيد .. نفس الوقت ... سعيد: عن اذنك .. دقيقة راشد: خذ راحتك .. و توه فريد واصل .. راشد: فرييييييد فريد: كيف الحال ؟ راشد: انا تمام التمام فريد: تبا حليب ؟ .. والا جاي ؟ راشد: اكيد حليب نسكافيه بعد فريد: بصب لك راشد: غدا اليوم انته مسونه والا عموه بطرش ؟ فريد: انا انا بسوي سعيد: والله يا فهد .. مب بايدي شي .. يعني اختك معانده ع شي تدري ان ما له حل فهد: ما عليه انزين .. سعيد: متى ناويه ترد البيت ؟ فهد: انته تعال اليوم الحين .. و بنيلس ويا بعض ان شاء الله سعيد: فهد انا ادري ان هالشي مضايج عمتيه .. وانا يوم اشوفها وهي ترحب بي وبنتها زعلانه عني والله اتضايج زيادة .. استحي والله استحي اطالع في ويها فهد: بلاك يا سعيد .. والله عادي .. وامايه قلبها كبير .. لا تحط في بالك انها زعلانه منك والا شي سعيد: مهما تقول .. تبقى بدور بنتها واكيد تزعل يوم تشوف بنتها جذه .. بس انا والله مب قاصد أي شي .. فهد: يا ربييي .. الحين انته مرنا اليوم البيت .. وان شاء الله كل شي بينحل .. سعيد: خلاص .. متى بتكون فالبيت ؟ فهد: قلت لك تعال تغدى عندنا سعيد: مستحيييل .. والله ما كلت في بيتكم لين ما تنحل المشكلة فهد: ط هذا ... انته بلاك جذه مستوي .. سعيد: والله وحلفت فهد: استغفر الله .. يا ريال شوه هالحركات والله ... غدا غدا اكل نعمة الله .. اكرام الضيف سعيد: ما ابا .. فهد ( تنهد): انزين خلاص .. تعال العصر .. لان المغرب بسير صوب عمي سعيد: خلاص تم .. وانا ما ابا اعطلك عن شغلك فهد: والله ما تعطلني ولا شي .. بس قلت تيينا الظهر نيلس ويا بعض نسولف ع راحتنا وناكل ع راحتنا .. انته تحلف وتسوي سعيد: خلاص العصر مناسب عيل فهد: يالله عيل .. ببند عنك الحين امايه تباني .. و اسمح لنا الشيخ سعيد: مسموح والله مسموح ... انته اللي اسمح لنا فهد: مسموح بالحل يالغالي .. فمان الله سعيد: الله يحفظك ... فهد: هلا .. روح فهد ام فهد: وينك انته ؟ فهد: كنت ارمس نسيبج ام فهد: سعيد ؟ فهد: هيه .. في حد غيره .. ودوم بنتج ما اظن حد يباها ام فهد: فهد ما احب اسمع منك هالرمسة .. فهد: هههههه والله ما قصدت شي .. بس يعني اقصد ان وديمه صغيرة ام فهد: انزين شحال سعيد فهد: الحمدلله بخير .. يلسم عليج ام فهد: الله يسلمه .. والله اني متولهه عليه .. وع طلاته علينا فهد: قلت له اليوم يمرنا البيت ... ام فهد: صدق ؟ فهد: هيه .. بس عاد هو حركات .. قلت له الظهر .. حل انه ما ياكل شي في بيتنا .. الا يوم تنحل المشكلة بينه وبين بدور ام فهد: لا اله الا الله .. اختك والله اختك عنيده .. تعبت وانا ارمسها .. اقولها يا اميه .. رمسيه تفاهمي وياه رواحكم يمكن المشكلة تنحل تقول تحملت وايد وما اقدر .. الحين انتوا تدخلوا فهد: بناتج ام فهد .. دلوعات شوي بعد .. اسمحي لي بس هذا الصدق ام فهد: ادري يا فهد .. لو ان سعيد غلطان .. انا ادري ان بدور بعد اكيد غلطت في حقه والا شي فهد: انا ما ابا اضغط عليها .. وللحين ما رمستها عدل .. ومخلنها ع راحتها بس بسمع من سعيد .. وعقب بتصرف ام فهد: لا تجرحها يا فهد فهد: ما بجرحها .. ولا بقول لها شي .. بس الحق والصح يمشي ام فهد: الله يعين .. في الصاله .. وديمة :وين تبيني احط ؟ بدور: حطي مكان محترم وديمة: تبين قناة الشارجة بدور: شوه تطنزين ! وديمة: لا ما اطنز .. بس امايه يوم تقولي حطي شي زين .. احط لها الشارجة تسكت .. بدور: انا مب امايه وديمة: اوووووه انزين قولي وين تبين بدور: ما ابا مكان وديمة: انتي بلاج شوه فيج ؟ .. رمستج كلها متخربطه هالايام بدور: انا حياتي كلها تخربطت وديمة ( صدت صوب اختها): رمستي سعيد ؟ بدور: من هذاك اليوم لا وديمة: حرام عليج بدور: خل يحس وديمة: والله انه ما يستاهل .. سعيد طيب بدور: وانتي جذه تدافعين عنه ؟ وديمة: ادافع عن الحق بدور: شوفي المشكلة استوت بسبتج لا تقعدين تتفلسفين عليه الحين نشت وديمة وصرخت ع اختها .. وديمة: شوفي قلت لج ميت مره بعد انا ما يخصني .. ولو عندج شي بينج وبين ريلج تتفاهمون عليه رواحكم .. وانا ما قلت جل وديني هناك .. انتي بروحج قلتي ننزل هناك وانتي وسعيد بتردوني البيت عقب .. وانا ما ادري ان هاي الصاله الشباب يدخلونها ويطلعون منها متى ما بغوا .. من حقهم وصالتهم .. انتي اللي لازم كنتي ما تيلسيني هناك وتيلسيني في مكان ضامنه انه محد بيدخله .. مب الحين تيين تقولين انا السبب ... وهدت وديمة اختها وصعدت فوق .. بدور: سيري زين .. والله ما باقي غيرج بعد تصارخين عليه .. وحده ثانية بعد ناشه من وقت .. ويالسه في الصالة .. تشرب لها نسكافيه سوته روحها بايدها .. تحس ان فيها نشاط .. تبا تسوي شي تبا تشتغل .. فـ يوم نشت .. نظفت صالتها الصغيرة ... ورتبتها .. ونظفت الغبار اللي تراكم فيها .. وعقب سوت لها نسكافيه ويت يلست .. رن تيلفون البيت .. حصه: الو سلامة: حصوووووووه .. حصه: ههههه مرحبا حبيبة قلبي سلامة: الحمدلله ع السلامة حصه: الله يسلمج سلامة: والله يبالج كف حصه: يالدبه اختج العوده انا سلامة: كيف توصلين امس وانا ما ادري الا توني حصه: منوه خبرج ؟ سلامة: امايه .. اتصلت بي وقالت نسير ع الغدا مسويه مليمة على شرفج حصه: حليلها .. سلامة: انزين لا تغيرين السالفة كيف ما قلتي لي حصه: والله انا حطيت في بالي انج بتكونين بيت ابويه .. ما دريت ان اول مره فالتاريخ سلامة ما ترقد بيت ابويه نهاية الاسبوع سلامة: بايخه منج حصه: ههههه .. قولي شحال عمّور سلامة :الحمدلله بخير حصه: والله اني متولهه علييييييه حبيبي سلامة: كبر كبر الحين .. انتي وينج حصه: شسوي والله .. سلامة: يالله الحمدلله ع سلامتج حصه: الله يسلمج يا رب سلامة: وشحال علي ؟ حصه :الحمدلله بخير .. سلامة: يالله ما بطول عليج.. ادري بج تعبانه ويمكن كنتي راقده حصه: وين راقده .. وبعدين انتي متصله البيت .. يعني راقده فالصاله انا ! سلامة: ما ادري عنج من التعب يمكن تسوينها حصه: هو صح تعبانه بس ما اسويها سلامة: صدق شحال البيبي حصه: الحمدلله سلامة: الحمدلله .. حصه: وين بتسيرين الحين بيت ابويه ؟ سلامة :لا مب الحين .. عقب الظهر ان شاء الله .. وانتي ؟ حصه: علي بعده راقد .. ومستحيل اوعيه .. يوم بيقوم روحه بنزهب وبنيي ان شاء الله سلامة: خلاص عيل .. نشوفج عقب ان شاء الله حصه: ان شاء الله سلامة: يالله مع السلامه حبيبتيه حصه: مع السلامه طارق: منوه هاي حصه ؟ سلامة: هيه .. طارق: ع طول بعد اتصلتي بها من الصبح سلامة: مقهورة ما قايلين لي آخر من يعلم طارق: هههه حسدوج مروان وهزاع ... من كثر ما تباتين هناك اونه تدرين بالعلوم كلها سلامة: وحتى هذيل برويهم ظاهرين امس وما قالوا لي طارق: نعم ؟ خير ؟ شوووووه ؟ سلامة: بلاك ؟ طارق: ليش معترضه ع طلعتهم امس ! سلامة: مروان وهزاع وعزوز وسالم وميثا بنت امون طالعين اونه جيه ما مودين ولديه طارق: سلامة عن الحركات .. انتي ما تخلينهم يدقونه بعد يطلعونه !..... خل عنج عاد سلامة: ولو .. لازم كانوا يقولون لي .. هذا هزاع الدب .. ولا جنه خاله طارق: حرام عليج . ناكره للجميل استويتي سلامة: برويه اليوم .. طارق: انتي شكلج تبين تسوين مشكلة سلامة: لا مشكلة ولا شي .. بس عسب يتادب طارق: هههههههه تبين تاخذين بثارج يوم يحط عليج سلامة: شي جيه طارق: ههههههه والله مب هينه .. بس لا تكونين ناكرة للجميل سلامة: ناكره للجميل ولا مب ناكرة للجميل .. بطلع حرتيه فيه طارق: بيقول امس سايرة فجيرة سلامة: هو ما يدري طارق: ويين من زمان واصل لهم الخبر الحين سلامة: فجيرة من الصبح لين الليل .. ورديت .. وبعدين كيفي ... طارق: انتي قلتي حق امج ؟ سلامة: لا طارق: غريبة سلامة: يوم سايرة ما قلت لها بتخوفني .. ولدج وولدج .. قلت يوم برد .. ويوم رديت نسييييييت السالفة وانا من يومين مب سايرة لهم طارق: عيل ما يدري هزاع سلامة: احسن وتموا سلامه وطارق يسولفون .. الوقت عندهم جريب العصر .. احمد للحين ما وصل ..... ما يا اليوم ابداً .. وهو دايما يكون موجود فالمستشفى ع الساعه 12 او 1 الظهر ... واييب وياه غدا .. مدلع البنات ... رملة: وينه اليوم ؟ عفرا: ما ادري والله رملة: يعني ما بناكل غدا اليوم عفرا: والله قلت لج تبين بييبون لج من المستشفى رملة: ما بااااااااااكل من المستشفى ما باكل اكلهم ما بذوقه عفرا: ليش انزين ؟... ما جربتي انتي رملة: وع استغفر الله ... عفرا: اكلهم صحي رملة: ما ابا عفرا: عيل كيفج تريي اخوج لين ايي رملة: بترياه .. عفرا: اكيد راقد من التعب ولا يدري بعمره رملة: اكيييييييد تعبااااااااان لانه امس سهرااااااااان يرمس حرمته عفرا: هههههههههه انتي شلج فيه ... كيفه الريال رملة: ونحن يهزبنا عفرا: الله يعينك يا احمد .. اليوم رملة بتذلك بتفضحك فالمستشفى بكبرها سمعوا صوت الباب ... رملة: هذو اكيييييد وصل ... تعااااااال تعاااااااال عفرا: ههههههههه هبلة والله دخل .... اقصد دخلت .. كانت وحده مب واحد ... ولا احمد ... هند: السلام عليكم عفرا: هلا وعليكم السلام .. رملة: هلا والله بالقاطعه هند: شحالكن ؟ عفرا: الحمدلله بخير .. قربي هند ( ابتسمت): شكرا رملة: وينج انتي ؟ هند: انا والا انتن ؟ اطالعت عفرا رملة .. ورملة اطالعت عفرا ... انتن ... صدقها البنيه .... نحن اللي ما قمنا نسير ونرد عليها ... وحصيص بعد يالله بالصدفه تشوفها هند .. هند: ليش ما قمتن تين عندي ؟ عفرا: والله مشغولين .. ولا نطلع من هني بعد هند: في شوه مشغولة ؟ ... ثرج يالسه هني رملة: ما نطلع من هني .. ما نتمشى فالممرات شرات قبل والله هند: ليش؟ رملة: بس جذه .. واحمد اخويه هزبنا ع حركة حواطتنا في المستشفى هند: اخويه بدر مسوي بكن شي ؟ صخن عفرا ورملة .. يعني تعرف ؟ .. معقوله ؟ .. من وين درت ؟ .. بدر مخبرنها !.. يسويها ويفتخر انه مسوي هذا كله بعفرا !..... رملة: انتي شدراج ؟ هند: يعني اللي اقوله صح رملة: منوه قالج ؟ هند: اول شي قولن لي .. عفرا: لا .. ما سوى شي رملة: ليش تدسين عنها عفرأ: رملة !...... رملة: هيه ليش تخشين وما تقولين وتتسترين عليه هند: عفاري مسوي بج شي ؟ عفرا: انا قلت لا رملة: جذابة .... عفرا: رملة ان ما سكتي الحين صدقيني .. احمد بيوصل وبخبره رملة: خبريه ما يهمني ولا اخاف من احمد .. لاني ما بسوي شي غلط عفرا: بس سكتي هند: فهموني .. شوه السالفه رملة: هيه اخوج ملعوزنا هند: ملعوزنكن ؟ .... كيف يعني ؟ رملة: هو مب ملعوز الكل بس ملعوز عفاري هند: عفرا رمسي بدر شوه مسوي بج ؟ .. عفرا: ولا شي رملة: ما بترمس ... انا بقولج ... عفرأ: انا احسن لي اطلع من هني ... واتريا احمد برع .. ودواج عندي عقب ... ونشت عفرا ظهرت ... و هند ورملة يالسات هند: رملة قولي شوه مستوي رملة: زعلت هند ما عليج منها براضيها .. بس قولي رملة: هند اخوج وايد لعوز عفاري كل ما يشوفها فالممرت يجرحها ويقول لها رمسة تزعلها ويحط عليها جدام كل خلق الله .. هند: بدر ! رملة: هيه بدر .. واحمد موصنا بعد عفرا ما تطلع برع روحها .. لازم يكون وياها حد منا .. عسب جذه عفرا ما قامت تطلع الا لو احتاجت شي ضروري ومحد كان موجود هند: ليش هذا كله ؟ رملة: اقولج اخوج زودها شويه .. واحمد ما عيبه .. فـ اصدر هالقوانين كلها في حق عفرا .. انها ما تطلع الا ويا حد ... تتمشى فالممرات روحها ممنوع .. تشبر برع روحها ممنوع .. حتى اذا بغت ترد الفندق والا تبا شي في السوق عاد هني احمد شخصيا لازم يكون وياها .. هند: هي شوه استوى بها هذاك اليوم ؟ رملة: متى ؟ هند: اول يوم عمليه .. كانت متعورة ؟ رملة: لا .. انا اللي عرفته .. حليلها من التعب رقدت حذالي .. وحاطه راسها هني .. وانا اول الايام كنت انزف .. وهي خاست بدمي هند: يعني هي بخير رملة: هيه الحمدلله بخير وما فيها شي .. هند: انزين يا رمّوله ... مشكووووورة لانج قلتي لي الصدق رملة: بس لا تقولين حق اخوج شي .. خلاص نحن مفتكين منه من كم يوم هند: بسير اتفاهم ويا عفرا وبرد لج .. رملة: بسرعه لا تخلوني روحي .. هند: ان شاء الله من هالعين لهالعين برع .. احمد: ليش يالسه هني روحج ؟ عفرا: لا بس جذه احمد: عفرا في شي ؟ عفرا: لا والله ما في شي احمد: اكيد ؟ عفرا: هيه احمد: عيل وين رملة ؟ عفرا: داخل احمد: جيه ما ظهرت وياج ؟ ومن بعيد هند يايه .. بس وقفت مكانها يوم شافت ان واحد واقف ويا عفرا ... احمد: هاي بنت خالتج ؟ عفرا: هيه احمد: شكلها تبا تيي عندج .. خلاص انا بسير الحجرة .. ويوم بتخلصين وياها تعالي .. عفرا: ان شاء الله ومشى احمد عن عفرا ... فـ يوم شافت هند ان عفرا روحها سارت صوبها ... هند: عفاري عفرا: هند ما عليج من اللي قالته رملة كله .. والله ما عليج منها هند: انا لو ما عليه منها ... جان شفتكن ييتوني .. شرات قبل .. بدون ما انا اييكن ... كنتن تيلسن عندي فالحجرة بالساعات .. شوه استوى عليكن مره وحده ما قمتن تين .. الا حصيص يالله بالصدفه بعد فيها الخير تدخل وتسلم وتطلع ع طول من تشوف بدر .. عفرا: هذيل يهال .. مخرفات هالهنتين هند: انا ما يخصني فيهن الحين .... انا عليه منج انتي ... جيه ما قلتي لي ان بدر اخويه مسوي بج هذا كله ؟ عفرا: ما له داعي .. وعادي خلاص .. سالفة و سارت هند: سالفة وسارت .. واللي الحين انتي فيه ؟ عفرا: بلاني انا ! هند: ريل اختج ما مخلنج ع راحتج والسّبه بدر عفرا: لا .. لا تقولين عن احمد جذه .. والله عادي .. صح احمد قالي .. لا تطلعين روحج ولا تسيرين روحج بس والله عادي ... هند: يتحكم فيج عفرا: شوه ؟ . يتحكم فيه ؟!..... منوه قالج ؟ .. احمد ما يتحكم في حرمته فالبلاد بيتحكم فيه انا !.... بالعكس هاي نصايح .. انا اقدر آخذ بها .. وخذيت بها ... واقدر اسوي له طاف وما بسوي له لان كل اللي يقوله في مصلحتيه .. لا تعتقدين ان احمد يوم بيقولج لا تسيرين لا تيين .. ان شاء الله لو يقولج بعد يلسي فالفندق ولا تطلعين خير شر .. تأكدي انه ما بيقوله بأسلوب غلج ولا بيفرض هالشي عليج .. بيقلوله باسلوب انتي تقولين عقب ان شاء الله ع طول .. هند: بس بعد عفرا: خلاص انا تعودت ع هـ الشي .. وعادي بالنسبة لي هند: جيه ما تقولين لي ان بدر ملعوزنج انزين عفرا: يمكن سوء تفاهم .. والا شي .. بس ما ابا التقي به مره ثانية .. اسمحي لي ... هند: سوء تفاهم .. وتقولين ما تبين تلتقين به .. أي سوء تفاهم هذا !.... هاي مشكلة عفرا: هنّود والله عادي بلاج انتي ... نشت هند بدون ما تقول حق عفرا .. ومشت عنها عفرا: هند ... هند تعالي ... بس هند ما ردت عليها ... وسارت عنها ... ردت عفرا الحجرة .. احمد: انزين انزييييييييييييين خلاص فكيني رملة: ما يبت لنا غدا بعد اليوم احمد: ما لحقت اسير اشتري رملة: انا يوعانه احمد: من وين تبين ؟ رملة:أي مكان حلو احمد: عفرا انتي من وين تبين ؟ عفرا: عادي ما تفرق احمد: يعني ع ذوقي رملة: هيه ع ذوقك .. يالله بيأذن العصر وانا للحين ما تغديت احمد: ان شاء الله آنسة رملة .. رملة: بنتمشى فالممر عقب احمد: تمشن ... يالله انا ساير .. وظهر احمد عنهن .. رملة: يالله نسير عفرا: لازم يعني ؟ رملة: مليت والله عفرا: بس شويه وبنرد رملة: ان شاء الله يالله عفرا: وين نعالج ؟ رملة: هذو هني تحت الشبرية عفرا: يالله لبسيه رملة: شعري عفن والله .. متى بغسله .. عفرا: ما ادري احمد يوم بيرد بنسأله متى تقدرين تغسلينه عسب العملية رملة: انا برمس الدكتور بقوله ابا اغسله عفرا: ع كيفج هو رملة: هيه توها عفرا يايه تفتح الباب ... بتظهر من الحجرة ... ووراها رملة .. اول ما فتحت الباب .. طاحت حصيص في حضنها .. والدموع بحر .. بحر .. عفرا منصدمه .. رملة مستغربه ... شوه السالفه ؟ عفرا: بلاج ؟ حصه حبيبتيه شوه فيج ؟ وحصيص ما تقدر ترمس رملة: اويه شوه فيها ؟ عفرا: حد زعلج ؟ حد ظاربج ؟ .. رملة: عطيها ماي ... عفرا: حصيص رمسي .. شوه فيج ؟ عورتي قلبي .. رملة: قولي عفرا ( نزلت لمستواها ): حصه رمسي .. امج فيها شي ؟ بالغصب ظهرت من عفرا .. ( امج فيها شي ) .. وتتمنى عفرا تسمع عكس الجواب اللي في بالها حصيص: ما ... ماما عفرا ( قلبها قابضنها ): شوه فيها ؟ حصيص: ماما .. استـ .. استوت بخير وبنرد البلاد خلاص بعد ما بنيي هني وحطت حصيص راسها ع جتف عفرا .. وكملت صياحها وبزياده .. نزلت دموع عفرا .. ورملة وياها .. رملة: يا غبية ( وظربت حصيص ع راسها ودموعها هي الثانية تنزل ).... هذا شي يصيح الحين عفرا: مبرووووووك حبيبتيه تستاهلون سلامتها رملة: منوه قالج ؟ حصيص: بابا .. عفرا: وين ابوج الحين ؟ حصيص: عندها ... في حجرة ثانية .. الدموع هناك ... ولا شي بالنسبة لدموع حصيص .. ولا شي بالنسبة لدموع عفرا .. ولا شي بالنسبة لـ دموع رملة ... سهام مغرقه الحجرة دموع ... هي ومحمد .. وياها .. هي حاطه راسها بين ريلها .. وتصيح ..... وهو حاط ايده على راسه .. ومنزل راسه .. ودموعه تنزل .. مسح دموعه بايده ... محمد: الحمدلله لك يا رب ... الحمدلله .. ونش سار برع ... ظهر مبايله من جيبه .. واتصل .. عبدالرحمن:مرحبا ... محمد: عبدالرحمن محمد صدق كان رايح فيها .. وصوته متغير وينعرف انه يصيح .. عبدالرحمن: شوه فيك ؟ محمد: عبدالرحمن .. سهام قالوا لها ما تحتاج الكيماوي .. وانها تشافت من السرطان .. عبدالرحمن: لحظة لحظة .. خلني افهم .. عيد عيد اللي قلته محمد: تعب سبع سنوات .. خلاص .. خلص .. عبدالرحمن: تستاهل سلامتها يا محمد ... تستاهل سلامتها ... والله يبعد عنكم كل سوء عقب اليوم ان شاء الله محمد: ما اقدر اطول ... ببند عنك عبدالرحمن: برمسك عقب شويه .. محمد: مع السلامه عبدالرحمن: فمان الله .. بند محمد عن اخوه لانه ما يقدر يكمل . ما يقدر يرمس . الفرحة مب واسعته ... يلس ع الكراسي اللي برع ... لانه مب رايم .............. اوقات الانسان يوم يفكر في نفسه .. ويحمد ربه ع كل شي .. ويرضى بقضاء الله وقدره .. الله ما يضيع تعبه .. سبحان الله .. اذا هو مب ناسي ربه .. ومؤمن به وبحكمته ... فـ الله ما ينساه .. طول السنوات اللي تعباها محمد .. وضحى بأشيا وايد عسب بس حرمته تتشافى ... اليوم الله حقق له رغبته واستجاب لدعاء سبع سنوات .. ابتلاء ... بدعاء محمد وحرمته حصلوا جبال من الحسنات ... والأجر .. واليوم يستجيب الله لدعائهم ... ******** |
الجزء الـ 42 الساعه 5 العصر .. العزيمة مسوينها عسب اللي رادين من السفر .. واللي رادين من السفر .. ما يو .. للحين .. الناس تغدوا عنهم .. عذيجة: قلت لها .. آمنة: انزين صدقها دام ريلها للحين راقد هي كيف يعني تقومه حرام تعبان من السفر شمسة: هي روحها اظني رقدت .. سلامة: انا رمستها الصبح .. وقلت لها اني بييكم عقب شويه شمسة: اللي فالميلس اظني رقود عذيجة: حتى عيال سيف ما يو آمنة: امايه خبرتي حرمت عمي ؟ عذيجة: هيه قلت لها .. قالت بتمرنا العصر ... لان ما خبرتها من قبل عن الغدا شمسة: انا بتصل في صالح بشوفهم شوه يسوون سلامة: اتصلي سألي عن طارق بعد .. واتصلت شمسة في صالح ... شمسة: الو صالح: هلا شمسة: شوه تسوون ؟ صالح: ما شي ... كل واحد طايح في صوب شمسة: سالم شوه يسوي ؟ صالح: امس سهران اكيد .. فيه رقاد من الخاطر شمسة: احسن خل يرقد .. صالح: انتي شوه تسوين ؟ شمسة: ما شي بس يالسه .. سلامة تقول طارق شوه يسوي صالح: هههههههه شمسة: جيه تظحك ؟ صالح: طارق فر الغترة والعقال .. ورقد من زمااااااان شمسة: وابويه ؟ صالح: راقد شمسة: هزاع شوه يسوي ؟ صالح: شمّوس كلهم راقدين والله واللي مب راقد ع وشك انه يرقد شمسة: انزين خلاص .. انته بترقد بعد ؟ صالح: شوه ايلسني عيل ؟ شمسة: يالله عيل مع السلامه سلامة: مفتقدين احمد .. آمنة: هيه والله ... فديته شمسة: استحي ع ويهج آمنة: كيفي ريلي عذيجة: متى بيردون ؟ آمنة: ما ادري .. قال بيخبرني اليوم .. شمسة: عفاري شخبارها من زمان ما رمستها عذيجة: الحمدلله .. اليوم الصبح رمستها سلامة: واخت احمد شحالها ؟ آمنة: بخير سلامة: صدق شوه سوت عسب شعرها ؟ آمنة: ما شي .. احمد يقول عصبت عليه وهزأته من الخاطر سلامة: حليييييلها آمنة: وعفاري هدتها وقالت لها اونه بتوديها الصالون ويتعدله حقها وجيه .. واقتنعت شمسة: بس شعرها ما شاء الله حلو .. آمنة: هيه تتخقق كانت عليهم اللي فالبيت .. شعري وشعري .. عذيجة: الله يشفيها يا رب شمسة: آمين .. في بيت ام احمد .. ام احمد: اتصلت بهم انته ؟ عيسى : هيه احمد كان ساير المستشفى ناعمه: اشتقت حق ميثاني عيسى: شحال امها ؟ ناعمه: الحمدلله عيسى: متى بيردون ؟ ام احمد: خلوا الحرمة ترتاح في بيت اهلها عيسى: نبا بنتنا انزين ام احمد: لا والله .. يعني اطرش لكم بنتها واتم هناك روحها عيسى: هي كيفها ام احمد: قول حق احمد هالرمسة عيسى: بقوله ام احمد: مب تقوله الريال برع البلاد ... تسوي مشاكل بينه وبين حرمته عيسى: ههههههههه توج انتي تقولين ام احمد: ما قلت انا عيسى: هههههه والله قلتي ناعمه: انزين وانته مب لازم الحين تلعوزها وتقول بقول اللي قالته .. هي غلطت عيسى: خلاص ما يخصني .. انا انفذ اللي ينقال لي ام احمد: انته وايد سخيف عيسى: افا ... ام احمد تقولي انا سخيف ام احمد : هيه لانك سخيف .. انا بسير حجرتيه .. باخذ لي غفوة شويه عيسى: ليكون زعلتي ام احمد :ازعل من شوه !....... عيسى: قلنا يمكن بعد .. متعلمة من رمله ام احمد: فديتها رملة .. وفديت الطاري والله وسارت ام احمد داخل .... عيسى: اتصلي في آمنة قولي لها متى بترد البيت ناعمه: وانته شوه تبا بها ؟ عيسى: ابا ميثا .. ناعمه: بتصل بها بسألها متى بترد عيسى: قولي لها تييب ميثا ع الاقل .. وفالليل انا مستعد اردها هناك بيت ابوها ناعمه: بلاك انته خبلة !..... تبا آمنة تركب وياك .. آمنة يوم احمد وياك فالسيارة ما تركب .. عيسى: اوكيه ترد ويا السايق ناعمه: ما بيخلونها اهلها . دام ان عندها اخو وابو عيسى: يا سلام .. وسايقهم عادي ! ناعمه: والله كل حد وسايقه عيسى: ط هاي .. هي انزين ساكنه ويانا .. وهي ساعات عادي تركب ويا سايقنا ناعمه: للضرورة القصوى عيسى: ناعموه بفلعج بقوطي الكلينكس ناعمه: نعم نعم .. عيسى: ههههه انتي تقهرين .. اقولج شرق تقولين لي غرب ناعمه: انته والله اللي تقهر .. تقول اشيا مستحيلة عيسى: اقول ناعمه ناعمه: شوه ؟ عيسى: تدرين اني اشتقت حق رملة ناعمه: هيه والله .. انا بعد عيسى: احمد ما اتصل .. ولا طمنا ولا قال شي ناعمه: ما قال متى بيرد ؟ عيسى: لا .... ونفس الوقت رن مبايل عيسى عيسى: طيب طيب والله طيب وولد حلال ... الو ... هلا والله احمد: اهلين .. شحالكم ؟ عيسى: الحمدلله بخير انتوا شحالكم ؟ احمد: الحمدلله تمام والله عيسى: اخبار رملة ؟ احمد: الحمدلله عيسى: وينك يا ريال من متى اتصل بك احمد: كنت مشغول شويه .. وما لحقت ارد ع ولا حد عيسى: يعني تبا تقنعني ما رديت ع ناس غيري بعد احمد: شوه قصدك ؟ لا تلف وادور عيسى: ههههههه اقصد ام ميثا احمد: لا والله .. ما رديت عليها عيسى: ليش .. خيبه في شوه مشغول .. احمد: صدقت يعني اني مشغول ؟ عيسى: هيه دامك ما رديت ع ام ميثا بعد احمد: الحمدلله عيل عيسى: متى بتردون ؟ احمد: يوم الاربعا عيسى: عقب باجر احمد: يس عيسى: والله حلو حلو .. ورملة شوه قالوا عنها ؟ احمد: ما شي .. خلاص .. بس عندها مراجعه عقب سنة .. عيسى: يالله زين الحمدلله .. احمد: شحال امايه وناعمه ؟ عيسى :الحمدلله احمد: وينهم ؟ عيسى: ناعمه هني مجابلتني وامايه سارت ترقد شويه احمد: مب محتايين شي ما تبون شي ؟ عيسى: نحن لازم نسألكم هالاسئلة احمد: لا صدق عيسى ؟ ... مب ناقصنكم شي ؟ عيسى: لا والله .. شوه يعني بيكون ناقصنا احمد: أي شي تبون قولوا .. بحول من حسابي لـ حسابك عيسى: ط هذا .. والله ما نبا الا سلامتكم .. انتوا مب ناقصنكم شي ؟ احمد: لا .. الحمدلله .. عيسى: الحمدلله .. اقول احمد احمد: هلا عيسى: متى بترد حرمتك البيت ؟ احمد: ليش ؟ عيسى: يا بوي اشتقت حق ميثا احمد: ما ادري والله .. بس هي اظن تعبانه للحين .. مريضة عيسى: للحين ؟ احمد: هيه .. عيسى: وناعمه ما تقول احمد: ما تسألون عنها عيسى: لا والله .. بس ما ادري انا ... انا ما يخصني .. بس اكيد ناعمه وامايه يدرون احمد: عيسى .. قول حق ناعمه تتصل بها .. ما اباها تقول عنكم شي عقب .. عيسى: احمد ناعمه اكيد تتصل اقولك بس انا ما ادري احمد: ما عليه .. وامون ما تقول ولا في حياتها قالت عنكم شي .. لكن بعد .. عيسى: ان شاء الله .. ان شاء الله .. فالك طيب .. احمد: هذي تتصل بي ... برمسكم عقب ... ان شاء الله عيسى: سلم سلم احمد: ان شاء الله يبلغ .. فمان الله .. احمد: الو آمنة: السلام عليكم احمد: عليكم السلام .. هلا والله آمنة: شحالكم؟ احمد: الحمدلله ... انتوا اخباركم؟ آمنة: تمام احمد: اخبار ميثا ؟ آمنة: الحمدلله احمد: وينها ؟ آمنة: برع عند قوم امايه احمد: وانتي وين ؟ آمنة: يالسه فالحجرة ... احمد: شوه تسوين آمنة: ارمسك احمد: اوه اوه اوه .. قمنا انكت .. آمنة: شوه تحيدني .. منكده عليك حياتك احمد: هههههههههههه ما قلت ىمنة: بلى احمد: ههههههه والله ما قلت ... متى قلت آمنة: توك احمد: استغفر الله .. لا تقولين شي انا ما قلته آمنة: مب تقولون تعرفين تنكتين احمد: انزين مدح هذا آمنة: مدح والا تطنيز احمد: حرام عليج .. فاهمتني غلط .. مشكلتج انج طول عمرج فاهمتني غلط آمنة: انا الحين فاهمتنك غلط !.......... انا ! احمد: هههههههههه امون بلاج انتي ... شوه مستوي بج آمنة: خلاص ما فيه شي .. احمد: ط هاي .. زعلتي ؟! آمنة: ليش يهمك احمد: هو ما يهمني .. بس من باب المجاملة آمنة: اوكيه شكرا .. يزاك الله خير احمد: عفوا ... احمد من زمان ما لاعب بأعصاب آمنة .. وهالمرة متفيج عاد يلعب باعصابها ويغايظ بها ... احمد: بلاج سكتي آمنة: ما عندي شي اقوله .. احمد: غريبة ... كل مره تعورين راسي بسوالفج آمنة: اقولك .. انا ما عندي سالفة يالسه ارمسك .. مع السلامة احمد: هههههه وين ويييييييين ايه آمنة: شوه تبا احمد: بلاج ؟ آمنة: ما فيه شي .. احمد: مستويه عصبية .. تعالي تعلمي من هني قوم بو عيون زرق وشعر اشقر ع قولت ولد خالج .. و قبل ما يكمل احمد رمسته ... تفاجئ بحركة آمنة .. انها بندت في ويهه .. نقع من الظحك .. واي شي يتصل ما ترد عليه .. حاول كذا مره ... وييييه .. صدق عصبت .. ههههههههه ... فديت اللي تعصب انا .. غبية يوم تصدقني اقولها هالسوالف ... تعرف اني اغايظ بها بس بعد تزعل وتحب تحرق أعصابها ع الفاضي ... ههههه انا المتفيج ألعوزها .. احمد: هلا والله حصيص: اهلين احمد: على وين سايرة يا حلوة حصيص: ما تدري .. احمد: بـ شوه ؟ حصيص: خلاص بنرد البلااااااد احمد: صدق ؟ حصيص: هيييييييه احمد: ومتى بتردون مره ثانية ؟ ..... حصيص: ما بنرد بعد سكت احمد .. ما يدري بالسالفة .. ولا حصل له الشرف .. فـ عسب جذه يطرح هالاسئلة ع حصيص اللي كانت عادي وكووووووول .. حصيص: عمي احمد ... ماماتي خلاااااااص تشافت ... فتح احمد عيونه ع الآخر .. حصيص: ادري منصدم .. بس غريبة ما تدري ... احمد: انتي جد ترمسين ؟ حصيص: هيه .. احمد: صدق صدق ؟ حصيص: هيه احمد: منوه قالج ؟ حصيص: الدكتور يا وقالها امس احمد: خلاص يعني ؟ حصيص: هيه والله .. بلاك احمد: تستاهلين سلامتها حصيص: الله يسلمك .. انزين قول متى رحلتكم ؟ يمكن نحن نكون وياكم احمد: نحن يوم الاربعا حصيص: وياناااااااااااااااااا احمد: صدق ؟ حصيص: هيه والله .. اللللللللللللله حلووووووووووووو بنكون ويا بعض احمد: ههههه يالله زين .. نودع بعض في مطار دبي مره وحده بعد حصيص: ليش نودع بعض ؟ احمد: ليش بتين ويانا بيتنا ؟ ... حياج والله حصيص: لا اقصد يعني .. ما بتتصلون بي ؟ احمد: افا عليج ومنوه قال ؟ حصيص: عيل جيه تقول نودع ؟ احمد: اقصد يعني .. ما بنشوف بعض شرات الايام اللي طافت .. هالكثر صح ؟ ... الا في اوقات محدده حصيص: لا حراااااااام احمد: تدرين .. يوم واحد لو ابوج عادي عنده .. بمر عليج وبظهرج انتي و ميثا بنتي حصيص: البنوته الحلوة ؟ احمد: ههههه هيه حصيص: اللللللله حلو .. اوكيه والله .. ورملة بعد احمد: انا ناسي رملة بعد حصيص: وييييييين لو تسمعك هههههههه بتذبحك .. احمد: ادري .. عسب جذه لا تخبرينها .. بدر : مرحبا .. احمد كان نازل بمستوى حصيص .. فـ يوم سمع صوت بدر ... و رفع راشه وشافه ... وقف ... احمد ( بابتسامة): اهلا بدر: شحالكم ؟ احمد: الحمدلله .. حصيص: بخيييير يابتها حصيص بطريقة .. ان ما لها نفس .. ولا متفيجة حق بدر بدر: CNN حصيص: خير بدر: بلاج تردين عليه جذه حصيص: والله كيفي .. اللي مب مهتم في اخباري .. ما بهتم في اخباره حصيص حاطه في بالها .. دام ان الكل درى بسالفة امها وانها تشافت .. وهي روحها سارت وقالت حق هند .. يعني اكيد بدر يدري .. بس ما كلف ع عمره يقول لها مبروك .. او تستاهلين سلامة امج .. او شي من هذا القبيل .. ووقعت وختمت ع بدر انه خقاق خلاص .. يوم انها شافت ما في أي ردة فعل تدل ع انه فرحان من صوبه بسلامة امها ... حصيص: اوهووووو ... اقول .. انا والله مب فاضية .. بسير اشوف امايه .. ويايه حصيص تمشي .. بدر ( مسكها من ايدها ): ايه انتي .. اصغر عيالج انا حصيص ( منصدمه): بلاك انته ؟ هدني عورتني احمد: بدر هد البنيه !....... بدر: هاي وايد شايفه عمرها حصيص: انا اللي شايفة عمريه والا انته بدر: انا وايد ساكت عنج حصيص: وانا بعد .. هدني احمد: بدر هدها .. بدر: نعم ؟ خير ؟ احمد: هد البنيه بدر: لك أي صلة قرابة بها ؟ احمد ( مستغرب من جرأته .. غلطان ويرمس): ليش لازم اكون اقرب لها عسب ادافع عنها والا شي ؟ بدر ( هد حصيص): هيه .. لانك مستوي محامي دفاع عن الكل احمد: شوه قصدك ؟ بدر: ما ادري اسأل نفسك .. احمد: انته صاحي بدر: واصحى منك بعد .. احمد: بلا هالالفاظ .. خلنا محترمين بعض .. ومحترمين المكان اللي نحن فيه .. ومحترمين صلة القرابة ع قولتك .. اللي بيننا بدر: انا محترم كل هذا من زمان .. لكن انته هني .. وفي هالمكان .. نسيت هذا كله احمد: ليش ؟ بدر مني شي .. غلط في حقك ؟ بدر: ليش انته ما تدري ؟ احمد: لا والله ما ادري .. خبرني بدر: لا تطنز احمد: والله ما ادري .. ولو ادري ما بسألك بدر: شوف .. بقولك شي واحد ... انته سرت تحت نزلت فوق .. ابقى انا اقرب لها منك احمد: انته ترمس عن شوه بدر معصب ع احمد .. من اللي سمعه .. ومن اللي يشوفه .. شوه معناته احمد مانع عفرا ؟... هو منوه عسب يمنعها ؟ ... وهو شوه يقرب لها ؟ .... هو منوه عسب يتحكم فيها ؟ ... والا شوه فاكر نفسه ... عفرا ورملة كانن مارات .. وهند وياهن .. شافوا بدر واحمد وومن الاصوات والاشكال .. وتعابير الويوه .. يو صوبهم .. بدر: انته تعرف قصدي عدل احمد: لا ما اعرف .. ولا ترمس بالالغاز بدر: ارمس عن هاي .. ( واشر ع عفرا ) احمد: بلاها ( وقلد بدر ) هاي بدر: هي بنت خالتيه انا .. وانا اقرب لها منك احمد: وانا ما نكرت هالشي ! بدر: اصلا كيف مخلينها تيي وياك هني ؟ .. كيف يخلونها روحها ؟ .. ما يعرفون انه عيب .. احمد: انته يوم ما تدري بظروف عايلتك لا ترمس عنها احسن لك هند: بدر بس .. بدر: اسكتي انتي .. ( وصد صوب احمد ) .. اصلا هالعايلة ما يعرفون شوه يعني عيب .. العيب ناسينه احمد: خلينا معرفة العيب حقك بدر: خلينا !.... ليش ؟ .. انته بعد استويت من العايلة ؟!.... احمد: ليش ؟ .. توك تدري ! بدر: حيالله .. ريل بنت خالتيه .. احمد: لا يمكن مب عايبنك هالشي بعد !... والا مب عايبنك اني ريل بنت خالتك !... جان ييت وقلت انك مب موافق يوم ييت اخطب .. بدر: انا ما يخصني .. في هالعايلة المحترمة احمد: يوم ان ما يخصك في هالعايلة المحترمة ... فـ اقولك والحين ... وجدام الكل .. ما يخصك في هاي ( واشر ع عفرا ) .. ولا تفكر ترمسها في يوم ... والا تقرب منها .. ولو حاولت بعد من وراي .. وانا ما ادري .. بتندم ع هالشي .. صدقني يا بدر .. بتندم .. مشى احمد عن بدر اللي واقف .. والشرار يظهر من عينه .. احمد: بنات بسرعه جدامي .. مشن رملة وعفرا .. وولا وحده فيهن قالت شي .. احمد: وانتي بعد حصيص ( بخوف): انا ؟ احمد: في حد غيرج ؟ .. بسرعه جدامي ... مشت حصيص من الزياغ .. وسارت ورا احمد .... ولا قالت بعد ولا كلمة .. بدر: قلة ادب هند: والله فشلتني .. فضحتني هني .. ومشت هند عن بدر .. سايرة حجرتها .. وصلت .. خذت مبايلها واتصلت .. وبدت دموعها تنزل .. هند: بابا بو بدر: هلا هنوده .. هند ( صرخت ): بابا والله ما بتم هني .. ع اقرب رحلة تحجز لي برد البلاد والله ما تميت .. ولو انته ما حجرت والله اتصل بميري تحجز لي .. والا روحي بحجز بو بدر: هنوده شوه فيج ؟ هند: ما بتم هني اقولك ما بتم بو بدر: بلاج انزين جيه تصيحين ؟ هند: ابا ارد البلاد بو بدر: ان شاء الله .. خلاص بحجز لج انا هند: انته تتحسبني ياهل .. كل مره تقص عليه بو بدر: هنود حبيبتيه .. ما اقص عليج وهالمرة بحجز صدق هند: انا قلت لك .. ما بتحجز بتصل بميري بخليها تحجز لي .. وبخلي ولدك هني روحه .. والله يبا يتم يتم .. مشكلته بو بدر: وين بدر ؟ هند: ما ادري عنه بو بدر: انزين .. انتي بندي الحين بتصل بحجز لكم .. وبتصل في بدر .. بندت هند عن ابوها وانسدحت ع الشبرية وكملت صياحها .. بو بدر: والله ان ولدج هذا يبا يذبح البنيه ويرد جواهر: هند ؟ .. بلاها ؟ بو بدر: ما ادري بها تصيح جواهر: اتصل بها اتصل بو بدر: توني مبند عنها جواهر: جيه ما خليتني ارمسها ؟ بو بدر: بتصل في بدر اشوفه وينه ؟ وجيه تصيح .. جواهر: لا تتصل به الحين بو بدر: ليش ؟ جواهر: انته معصب ادري بك .. كل شي عندك ولا بنتك .. وبتعصب ع بدر .. وهالشي ما يعيبه .. بو بدر: جواهر .. البنيه منتهيه .. انا ما صدقت الحين ترد بخير .. ولدج يباها تطيح مره ثانية جواهر: بدر مستحيل يتمنى هالشي او يباه .. لكن اكيد هي نرفزته بعد .. انا وياهم واعرف اكثر منك .. بدر ما يعصب ولا يقول حق هند شي الا يوم هي تطول لسانها عليه بو بدر: ولو ... هاي كلها مش مبررات تخليه يسوي بها هذا كله جواهر: بو بدر .. الله يخليك .. انا الحين اطلب منك .. لا تتصل في بدر الحين .. خله عقب .. عطه فرصة .. اكيد بدر بيتسامح منها لو غلطان .. بو بدر: بحجز لهم يردون خلاص جواهر: انا قلت لك من قبل بو بدر: قلت بطمن عليها اكثر جواهر: هني .. عندنا .. تكون احسن .. بو بدر :اتمنى ما تنهار يوم بتوصل هني .. وتذكر يدتها لاني ما بستحمل هالشي .. ومشى بو بدر .. سار يلس ع صوب .. وجواهر تشوفه .. من يوم توفت امه ... صح هالشي ما غير من طبيعته .. لكن يبقى الحزن مبين ع ويهه .. وخصوصا يوم طاحت بنته .. وكثر ما يقدر مخلي بنته بعيد عن هالجو .. ويا الوقت ان الحين بنته بترد البلاد .. فـ هو يفكر كيف يخليها الحين ترد هند المرحه .. اللي كانت حاشرة البيت .. واللي كانت محركتنه .. كونها هي الوحيده اللي فالبيت .. وما في حد غيرها .. وبدر اغلب الاوقات برع البيت .. ويشوف ابتسامتها وظحكتها ودلعها عليه يوم ما تشوفه فترة طويلة .. نرد ألمانيا .. مب عند هند .. في حجرة ثانية .. رملة ردت ع شبريتها بكل احترام .. انسدحت في مكانها وتلحفت .. وحطت راسها عدل .. واتادبت .. حصيص يالسه حذال رملة .. وبالاشارات ترمس هي ورملة .. ولا يظهر ولا صوت .. عفرا يالسه صوب الدريشة .. ولا صدت ورا ... احمد منزل راسه وعاقد حياته .. وعينه في مبايله اللي يتعبث به احمد: اففففف حصيص: لا يا غبية عقب ما خلصت جملتها .. حطت ايدها ع ثمها .. ونظرتها توجهت لأحمد .. ورملة بعد وياها شافت صوب احمد ع طول ... نفس الوقت .. سمعن صوت .. فحولن نظراتهن .. وكأنه في حد يالس في هالحجرة ويصيح .. كأنه في حد متأثر زيادة عن اللزوم من اللي استوى .. او انه زايغ من احمد بزيادة !........ رفع احمد راسه ... وشاف صوب عفرا .. احمد: انتي جيه تصيحين الحين ؟ ما ردت عفرا .. اكتفت بانها تسكت .. اما حصيص ورملة فـ ما علقوا ع الموضوع احمد: عفرا ارمسج انا عفرا :شوه ؟ا احمد: ليش تصيحين ؟ ... ما في شي يستاهل عفرا: ادري ان اللي استوى كله بسبتي احمد: لا تحطين اللوم كله عليج .. انتي ما يخصج .. وبعدين انتي ييتي عقب عفرا: هذا اصلا قليل ادب ومب متربي .. وادري انه غلط عليك وايد .. وحتى جدامنا ما احترمك .. ما كنت ابا الأمور توصل بهالدرجة .. ولا كنت اباه يتطاول عليك .. احمد: انا ما تهمني هالاشكال .. عفرا: هو مب ناوي ع خير والله مب ناوي ع خير احمد: ولا انا ناوي ع خير صوبه .. هو ما يخصه فينا .. ونحن ما يخصنا فيه .. وبعدين نحن عقب باجر رادين البلاد .. لا تعورين راسج .. ومحد يستاهل دموعج .. مب ع كل غلط هو يسويه انتي تصيحين !... حصيص: اقول احمد: شوه انتي بعد حصيص: خلاص ما شي .. سكتت حصيص .. احمد حس انه هو معصب ومخلي الكل متوتر في هالحجرة .. احمد: حصه شوه تبين ؟ حصيص: ما شي .. احمد: قولي حصيص: لا خلاص رملة: قولي الحين .. حصيص: ما ابا شي رملة: تبا تسير عند ابوها وامها .. احمد: قومي حبيبتيه بوديج .. ( ابتسم ) رملة وحصيص فاتحات ثمهن ... ممكن اسير عند ابويه واميه ؟! وقومي حبيبتيه ؟!..... قبل شويه شوه تبين انتي بعد !.... واففففف .. ومعصب !... احمد: يالله قومي حصيص: بسير روحي احمد: قومي قلت لج .. من الزياغ نشت حصيص ... وظهرت مع احمد من الحجرة ... احمد: آسف وحصيص ما ردت عليه احمد: بلاج ساكته حصيص ( نقزت حصيص): ما شي .. احمد: لهالدرجة ازيغ يوم اعصب ؟ حصيص: تبا الصراحه يعني ؟ احمد: هيه حصيص: هيه والله وايد تخوف .. وتروع الواحد احمد: شوه اسوي ؟ .. انا نادر جداً ما اعصب .. يمكن عفرا اول مره في حياتها بعد تشوفني معصب .. حصيص: ادري ... احمد: شدراج ؟ حصيص: ما يبين عليك انك تعصب دايما .. بس هالمرة غير احمد: بدر نرفزني حصيص: هذا الخقاق ... يقهر والله .. ما ادري شوه يبا .. امسات امدحه جدام ابويه احمد: ليش ؟ حصيص: ما شي بس استوى شي فالمطعم وما لقيت حد ينقذني غيره احمد: ينقذج مره وحده ! حصيص: هيه والله ... هو تدري طيب .. بس ساعات ما ادري شوه يستوي به احمد: هيه وايد طيب حصيص: لا صدق .. انا اعرف كل اللي هني .. هالخقاق طيب .. بس يلعوز الواحد وألفاظه مش اوكيه .. لو بابا جان عصب عليه .. ما يحب يسمع حد يقول جذه احمد: وانا ما عصبت عليه ؟ حصيص: بلى بس ابوبه اكثر .. ما يداني يسمع حد يقول جذه .. ما يحب حد يغلط ع حد ثاني .. احمد: شوه نسوي ... يوم الكبار يبالهم تربية من اول ويديد حصيص: خلاص وصلنا .. شكرا عمي احمد احمد ( ابتسم): عفوا .. فتحت حصيص الباب ... ظهر ابوها في ويها .. ويوم شافها تساند ع الباب محمد: اهلا وسهلا .. وين كنتي ؟ حصيص: كنت عند عمي احمد وشوف هذو توه موصلني .. دليل احمد: ههههههه محمد: شحالك احمد ؟ احمد: الحمدلله .. اخبارك انته ؟ محمد: تمام .. احمد: يقولون نفس الرحلة محمد: صدق ؟ احمد: ههههه هيه بنتك تقول محمد: انتوا يوم الاربعا ؟ احمد: هيه محمد: هيه صدق نفس الرحلة .. يالله زين .. احمد: متى بتسيرون المطار ؟ حصيص: نسير ويا بعض الله يخليكم والله آخر يوم احمد: انا ما اقولج لا تقولين آخر يوم .. حصيص: هيه والله انزين صدق محمد: ههههههه اقولها بنشوفهم ان شاء الله وبنتزاور احمد: انا بعد قلت لها ما تقتنع حصيص: انزين نسير ويا بعض المطار .. بابا الله يخليك محمد: والله انا ما عندي مانع .. الا جان هم ما يبون احمد: لا نحن عادي .. محمد: صدق ؟ احمد: هيه والله .. افا عليك بو جاسم .. حصيص: يالله يالله .. والله ما سميت اخويه جاسم محمد: ليش ؟ جيه هو بكيفج ؟! حصيص: ما ابا جاسم .. شوه جاسم .. عسب جسوم الدب يفرح وبعدين اسم جاسم مال اول ومب حلو احمد: هههههههه .. تتحكم محمد: وايد مصدقه عمرها .. ع كيفها جنه حصيص: هيه اخويه كيفي احمد: خلاص انا بسير .. محمد: حياك الله احمد: الله يحيييك حصيص: عمي احمد لا تنسى .. احمد: ان شاء الله .. افا عليج محمد: شوه عندج بعد ؟ حصيص: اسرار .. وعطت حصيص ظهرها حق ابوها وسارت داخل .. محمد: ط والله احمد: اكبر طاف في حقك محمد: انا برويها احمد: هههههههه كله ولا حصيص عندنا محمد: هيه وايد محامين دفاع عندها الحين .. مر شخص احمد ما يبا يشوفه خلاااااااااااص .. ما يقدر بعد اطيح عينه في عينه .. بيجتله صدق .. منقهر عليه من الخاطر .. فـ محمد ما يدري شوه السالفه .. واحمد مب منتبه عليه .. محمد: هلا بدر شحالك ؟ يوم سمع احمد طاري بدر .. احمد: انا بسير عيل .. يالله فمان الله .. وسار احمد .. بدر: اهلا محمد: شحالك ؟ بدر: الحمدلله .. انتوا اخباركم ؟ محمد: الحمدلله تمام بدر: اترخص عنك بو حصه .. مشغول انا شويه .. اسمح لي محمد: مسموح حبيبي .. وسار عنه بدر .. دخل محمد داخل .. وحصيص طايحه سوالف ويا امها .. ومحمد كمل وياهن .... في دبي ... علي: انتي كيف ما وعيتيني حصه: قلت ما ابا اخرب عليك .. وادري بك تعبان .. علي: بس عيب والله .. حصه: لا عادي علي: ما احب جذه .. يعني مسوين غدا وقايلين حق الناس .. عسبنا .. ونحن محد حصه: والله عادي .. انا قلت حق امايه علي: تشوفين انتي الساعه كم ؟ حصه: عادييييييييييي اقولك .. يا ربيييي علي: حصه ما احب انحط في هالموقف المحرج ويا هلج حصه: علي ما بعيد 100 مره .. هلي عاديييييي .. وانته مب من يومين وياهم .. والا من شهر ماخذني وبعدك ما تعرف طبايعهم علي: انا اليوم .. خبرت اخوي حميد ان نحن فالبلاد فتحت حصه عينها ع الاخير .... خير ؟ .. نعم !! علي ( اطالع صوب حصه ): شوه ؟ حصه: احلف انته بس علي: والله حصه: يعني هم ما يدرون .. علي: بلى يدرون حصه: توهم علي: لا مساعه يوم نشيت خبرتهم حصه: علي انته تبا تسوي مشكلة ثانية ... وتزيد من المشاكل اللي بيني وبينهم ؟! علي: ما ابا اسوي لا مشكلة ولا شي حصه: عيل شوه تفسر لي تصرفك علي: افسره ع اساس انه تصرف أي ريال .. أي ولد .. هله ما اتصلوا طول الفترة اللي كان فيها برع يعالج حرمته .. اهله ما سألوا ... شحالك ؟ شخبارك ؟ محتاي شي .. اخوج هزاع اللي اعتبره اخويه الصغير يتصل يقول محتايين شي .. هلي انا وين !...... ويوم دروا انج حامل انا خبرتهم .. انا من شيمتيه خبرتهم .. كلمة مبروك ظاهره من القلب ما سمعتها من ولا واحد فيهم .. نفاد ينفد الاهل اللي جذه .. والله ما اباهم ولا بصيح عشانهم حصه: لا تقول جذه ... مهما يكون يظلون هلك .. اذا عشاني .. انا والله عادي عندي .. ان شاء الله طول عمريه ما اشوفهم ولا يتراضون ويايه .. لكن انته ولدهم علي: احترامج من احترامي .. يوم بيحترمونج وبيقدرونج ذيج الساعه .. بيشوفوني وبيشوفون عيالي بعد حصه: انته بلاك جذه مستوي ؟ .. وين علي اللي قلبه ابيض وما يشل أي حقد ع أي انسان كان ؟ ... الحين انته حاقد ع هلك ! ..... علي: حصه والله انا تعبت .. تعبان من تصرفاتهم .. انتي تتحسبيني مب مهتم يوم اشوفهم كيف يعاملونج .. اشوف بيت ابوج وكيف يوم ادخل يحطوني فوق روسهم .. والله استحي .. والله استحي من عمريه .. ان انا هلي مب موجبين حرمتيه شرات ما اهلها موجبيني حصه: لا تقول هالشي .. انته تدري ان بيتنا عادي .. وان طباعهم عاديه .. وان امايه اهم ما عليها كيف تشوف تربية بناتها وعيالها الحين ماشيه في حياتهم ... علي: والله ونعم التربية .. والله العظيم حصه: الحمدلله علي: استغفر الله العظيم ... حصه: يالله انزل الحين علي: تعكر مزاجي .. حصه: لا .. الله يخليك .. الحين نحن مستانسين .. لا تعكر ماجك ولا تعكس مزاجي وادخل وانته مستانس .. خلنا الحين من كل شي علي: منوه هني ؟ حصه: كلهم .. حتى بين عمي عبيد يايين علي: رقود الحين اكيد حصه: لا بينشون ... وبعدين عقب ساعه الاذان .. بيقومون .. علي: يالله انزين نزلي .. ونزلوا علي وحصه .. ساروا داخل .. دخل علي الميلس .. وحصه سارت الصالة .. حصه: السلام عليكم سلامة: هلااااااا ونشت سلامة تسلم ع اختها سلامة: الحمدلله ع السلامة حبيبتيه حصه: الله يسلمج .. ام زايد: شحالج فديتج ؟ شخبارج ؟ الحمدلله ع السلامة حصه: الله يسلمج عموه .. انتي شحالج ؟ ام زايد: بخير وسهاله حصه: هلا والله بـ أم خدود حمر غاليه: ههههههه الحمدلله ع السلامة حصه: الله يسلمج .. وايد ضعفتيييييي ام زايد: جيه تاكل هاي حصه: ويه غلوي وايد والله ضعفتي .. ربيعتج هناك متنت غاليه: فديتها والله .. شحالها ؟ حصه: ههههههه الحمدلله .. بيردون الحين جريب ان شاء الله آمنة: عقب بااااااااجر عذيجة: هيه ؟ آمنة: هيه احمد قالي عذيجة: عفاري ما قالت عيل !! شمسة: عفاري فيها شي .. آمنة: مثل ؟ شمسة: ما ادري .. حاسه ان فيها شي .. مب هي عفاري الجديمة عذيجة: حصه هناك لو في شي بتقول حصه: ما فيها شي ... ووالله قلت لها ردي ويانا .. ما طاعت .. قالت برد ويا احمد عذيجة: خلها صدق كيف ترد وهي سايرة ويا الريال آمنة: احمد عادي عنده .. هي تبا اتم ويا رملة .. غاليه: فديتها ربيعتيه اصيلة .. ام زايد: خلاص خلوا البنيه ع راحتها ... بترد عقب باجر ان شاء الله شمسة: حصوه حصه: هلا شمسة: شخبار البيبي ؟ سلامة: هيه صدق شحاله ؟ حصه: ههههه الحمدلله عذيجة: لا تتعبين عمرج .. رقدي هني ام زايد: هيه اميه رقدي هني .. احسن لج .. حصه: لا عادي .. جيه شوه .. عذيجة: عنيدات والله ما يسمعن الرمسة ... انتي وهاي .. شمسة: انا ما يخصني عذيجة: كيف ما يخصج سلامة: انتن ساكنات في شقة .. فـ وايد بتتعبن شمسة: ليش نتعب ؟ ... والله في لفت .. عذيجة: هيه بعد هاللي ناقص ما شي لفت !...... ودخل عليهم بهجومه الديمقراطي .. عبدالعزيز: مس حصه .. حصه: بسم الله الرحمن هههههههه عذيجة: جذه حد يدخل ع الاوادم عبدالعزيز: شخباركن علومكن .. شوه مسويييين آمنة: دام شفناك اكيد بخير سالم: يعني شوه قصدج ؟ آمنة: هههههههه ما قصدت شي سالم: لا لا قولي عبدالعزيز: قصدها ان لازم تعامل نسيبها بطريقة احسن عن أي حد ثاني آمنة: حشى عليه سلامة: ههههه ينشر اشاعات عبدالعزيز: مب اشاعات اقول الصدق سالم: مب ع كيفك .. انا ولد خالتها عبدالعزيز: والله هاي مشكلتك ولد خالتها ولد خالها غاليه: يظاربون عليها من الحين .. ام زايد: خلاص واحد منكم ياخذ بنت حصه ان شاء الله سالم: خالوه حصه بتييبين بنيه حصه: ما ادري والله .. بنيه ولد ... المهم يوصلون بالسلامة سالم: خلاص انا بفكر .. اذا بنت خالوه حصه طلعت احلى من ميثا باخذ بنت خالوه حصه آمنة: مالت عليك ... تبيع بنتي برخيييييص حصه: ايه حبيبتيه شوه قصدج يعني ؟ .. آمنة: سألي ولد اختج شمسة: هذا راعي مشاكل سلامة: وااااااايد عبدالعزيز: شفتي آمنة يعني انا حليلي .. ما ابيع ميثا .. لو مهما يكون لو ملكة جمال العاااااالم تيي تحب ريلي تقول خذني بفضل بنتج عليها كلهم ظحكوا ع عبدالعزيز ... وع رمسته .. وبدوا هو وسالم يتناقرون .. فالحديقة .. عمر وزايد وثاني وعلي .. ثاني: يمدحونها ألمانيا علي: وايد زايد: ههههههه شكلك بتعيد الزيارة علي: زيارة سياحه هيه بنفكر .. اما علاج ... الله يبعده عنا وعنكم زايد: ليش مب شي ؟! علي: لا ما اقصد جذه .. بس ليش نسير علاج ؟ بسم الله علينا عمر: صدقك والله ثاني: انا بسير عيل سياحه ألمانيا زايد: الناس يقولون استراليا ... ماليزيا ... ثاني: ليش الاخ ساير هالبلدان ؟ زايد: لا بس شايف صور وايد .. من ربعي .. وسامع عنها حلوة علي: استراليا حلوة عمر: انا بعد سمعت انها حلوة ثاني: خلاص عيل بنحول وجهتنا الى استراليا عمر: جيه بتسافر؟ زايد: تدري يوم الواحد يتفلسف عمر: هههههههههه ثاني: هههههه يعني ما يستوي اسير ؟ ... والله لو ابا بسير زايد: خذ الموافقة من ابويه قبل عقب انشر الخبر ثاني: عادييييييييي علي: ههههه بايعنها في الميلس .... صالح .. وطارق رقود .. وبو هزاع طلع .. وهزاع .. ملعوزينه .. او نصحح الجملة .. ملعوزنه.. مروان ... مروان: قم قم قم قم قم قم قم هزاع : شوه ؟ مروان: هزاعو ويا هالويه قم هزاع: شوه تبااااااا مروان: قم اقولك ... من الصبح اوعيك هزاع ( فتح عينه ): انته من متى هني ؟ مروان: من سنة يدي هزاع: شوه تبا مروان: ابا اتمنظر في ويهك الخسف هزاع: هه .. ودك انته مروان: قم انزين هزاع: انزيييييين نش هزاع ويلس ... حليله فيه رقاد .. ومروان مقومنه غصب ... رن مبايل هزاع هزاع: رقم برع مروان: رد انزين هزاع: الو احمد: هلا والله هزاع: اهلين احمد: بلاه صوتك ؟ هزاع: توني ناش من الرقاد احمد: اها ... شحالك ؟ هزاع: الحمدلله بخير .. انته شحالك ؟؟ اخبارك احمد: الحمدلله تمام التمام هزاع: وشحال رملة وعفاري ؟ احمد: الحمدلله بخير هزاع: الحمدلله ... متى بتردون ؟ احمد: عقب باجر هزاع: صدق ؟ احمد: هيه هزاع: زيين زيييييين احمد: اقول هزاع ما بطول عليك .. هزاع: آمر .. احمد: وين آمنة ؟ هزاع: اظن انها في الصاله .. احمد: ليش وين انته ؟ هزاع: فالميلس .. احمد: عندك حد ؟ ضيوف هزاع: لا لا ... بس ابويه اليوم عازم الكل ... عسب حصه وريلها .. احمد: هييييه هزاع: انزين بشوف لك آمنة ... وبرد اتصل بك .. احمد: لا بس شوفها .. يمكن مبايلها مب عندها هزاع: ان شاء الله بقولها احمد: يالله مع السلامه .. سلم سلم هزاع: ان شاء الله وانته بعد بند هزاع عن احمد .. وظهر برع .. مروان: هذووووووو نش ثاني: مرحباااااااااا .. مساء الخير هزاع ( أبتسم ): مساء النور .. من متى هني ؟ عمر: من زمان زايد: بس محد وجبنا ونش .. يستقبلنا هزاع: محد قالكم اتون متأخر .. وعقب الغدا مروان: هيه .. ما تعرفون ان هالبيت لو ترسوا كروشهم يرقدون عقب ع طول علي: هههههههه مب جنك حطيت عليهم هزاع: مصدق عمره الاخ .. حبيبي انته واحد منا وفينا مروان :بسم الله عليه اكون منكم وفيكم .. انا ابويه ما يخصني فيكم .. انا لا انتمي لهذه العائلة ثاني: لا والله ؟ .. عيل لاي عايلة تنتمي مروان: اقصد .. بلى .. انتمي لهالعايلة ... وللأسف لا لا مب للأسف .. اشبه واحد من هالعايلة ... لكن اخلاق واتيكيت ما ماخذ من هالعايلة هزاع: من أي عايلة عيل ماخذ ان شاء الله مروان: طال عمرك .. عايلة مصبح حمد ابتسم هزاع ولا علق ع رمسة مروان .. لان عايلة مصبح حمد .. هي عايلة امه ... سارة .. اللي هي حرمت خال هزاع .. سيف اللي توفى في حادث هو وحرمته .. علي: يالله ما نروم ... ثاني: وانا اشهد زايد: بس بعد ها .. لا تصدق عمرك مروان: ياخي هني ما يعرفون شي اسمه هدوء .. سكون عمر: كيف بتتعلمون الهدوء والسكون منهم ع قولتك .. يوم انكم 24 ساعه هني وحشرة .. انتوا الحشرة مب هم مروان :اصبر انته بس خل ترد ام الدويس والله والله تيي هني وتشوفها شوه تسوي وكيف تصرخ .. عقب بتعرف اني صادق علي: حليلها عفرا الحين برع شوه تبا بها زايد: هههههه لازم يدخل حد ثاني ثاني: انا هني مروان: ثاني ثالث رابع خامس ثاني: هاهاها .. ما يظحك ودك تسمي اكبر عيالك ثاني مروان: ما عندي سالفة فالصاله ... هزاع .. دق الباب .. هزاع: هود هود ... سووا لي درب ام زايد: هدا الغالي هزاع: شحالج عموه ام زايد: الحمدلله بخير .. انته شحالك ؟ هزاع: تمام .. شحالج غاليه غاليه: الحمدلله هزاع: وين آمنة؟ سالم: خالتي في الغرفة هزاع: انتوا جيه هني يالسين ؟ عبدالعزيز: نستمع الى سوالف العيايز عذجية: الحين نحن من الصبح مجابلين ويوهكم .. تقول عنا عيايز سلامة: هههههههههه عصبت امايه عليك عبدالعزيز: لا لا ما اقصدج لا انتي ولا عموه .. اقصد بناتج شمسة: ليش شوه شايفنا ؟ سالم: شوه شايف اميه وخالاتي ؟ حصه: يعني غاليه اللي طلعت منها بس عبدالعزيز: بل عليكم !..... حسد هزاع: ههههههه عقب اظاربوا وين أمون ؟ سلامة: فالحجرة قلنا لك هزاع: وين ولدج ؟ سلامة: راقد داخل .. وامون توها موديه بنتها سار هزاع .. الحجرة .. آمنة :اششش هزاع : امون وين مبايلج ؟ آمنة: هذو هني هزاع: شوفي كم مس كول آمنة: اوه خل يولي هزاع: احمد متصل بي يقول وينها اختك ما ترد آمنة: في ذمتك ؟ هزاع: والله آمنة: السخيف هزاع ( مستغرب): ليش ؟ آمنة: لا ما شي هزاع: مستوي شي ؟ آمنة: لا بس مساعه كان يستهبل عليه ويغايظ بي .. قلت برويه ولا برد عليه لين فالليل .. والحين يتصل بك ويفضحني هزاع: ما فضحج بس قال اختك ما ترد ... استهم عليج آمنة: لا هو قاصد هالحركة عسب يحرجني بها هزاع: والله كيفج انتي وهو .. انا اللي عليه سويته وخبرتج ... تردين ما تردين كيفكم والله آمنة: بخليه جذه عسب يتادب وما يغايظ بي مره ثانية هزاع ( حب ايده ورا وجدام ): الحمدلله والشكر .. يهال في بيت الشباب .. راشد يالس فالصاله ... روحه .. يوم رد اخوانه كانوا سايرين بيت عمتهم وهو كان شبه تعبان .. ومب متفيج فـ ما سار ..... دخل سعيد .. سعيد: السلام عليكم راشد: اهلا .. وعليكم السلام سعيد: وين عمر راشد: سايرين بيت عموه .. ليش ؟ سعيد: ابا ارمسه في موضوع ... راشد: موضوع شوه ؟ سعيد: شي بيني وبينه راشد: اوكيه .. خلاص على راحتك .. وظهر سعيد من الفلة .. راشد .. شوه السالفه ؟... هذا شوه يبا من عمر ؟ شكله ما يبشر بخير .. ما ادري ليش احس ان في شي بيستوي الليلة بعد .... وديمة: انتي كيف تطلبين منه هالطلب بدور: كيفه يباني ارد .. هذا شرطي وديمة: من وين ؟ .. من وين اييب ؟ بدور: يصرف .. مدام انه معرس يصرف .. يعرف ان عليه مسؤوليات وديمة: انتي بلاج ما تفهمين ؟ بدور: انتي بلاج ؟ .. انتي ما يخصج في حياتي وديمة: بس حرام عليج .. انتي جذه تبين تخسرينه بدور: ليش ؟ .. يوم الوحده تطلب من ريلها شي من حقها .. تكون بتخسره .. عيل محد بيتم .. كل البنات بيطلقن وديمة: طلاق !..... بدور: هيه انتي تقولين بتخسرينه .. وما بخسره الا في حالة الطلاق .. واظن اني انا ما بخسر شي بعد .. هو الخسران وديمة: انتي ما تفكرين فيه ؟... ما تشوفينه شكثر تعب وهو ساير وراد .. يبا يقنعج ؟ .. وياريت لو تتفاهمين وياه .. ولا مره نزلتي له وسرتي له وقلتي شوه تبا ؟ .. والا تتفاهمين وياه .. الا اليوم .. ويوم نزلتي مليتي عليه شروطج اللي تعرفين انها مستحيله بالنسبة له بدور: مب مستحيلة .. ليش مستحيلة ؟ .. خل يسير عند عمه وديمة: أي عم فيهم ؟ .. بدور: عمه .. بو القصور .. والجاه والمال .. وديمة: انتي خبلة والله خبلة .. انتي تدرين الخلاف اللي بينهم بدور: كيفهم انا ما يخصني .. انا ابا حقي وبس وديمة: خل ريلج قبل يحصل ع حقه من عمه عقب انتي حصلي عليه بدور: ومنوه قال اني ابا الحق هذا من يوسف .. انا اباه من ريلي .. ما يخصني من وين اييب وديمة: وكيف فهد ما قالج شي ؟ ... انا يوم اقول ان فهد اهبل شراتج بدور: وّدوم جنج مصختيها في حقنا نحن اخوانج الكبار .. احترمي نفسك عاد وديمة: انا ما لي رمسة وياج لا انتي ولا فهد ... والله حرام عليكم .. حرام اللي تسوونه .. وظهرت وديمة سارت تحت .. وام فهد كانت يالسه .. روحها .. وديمة: يالسه روحج ام فهد: فهد طلع قبل شويه وديمة: وين سار؟ ام فهد: الولد مضايج وديمة: من شوه بعد مضايج ؟ .. ما عيبته طلبات اخته ولازم كانت تطلب اكثر .. ام فهد: لا والله ... ما عيبته وديمة: والله هاي بنتج وولدج اغبيا .. امايه انتي وياهم فاللي يسوونه ؟ ام فهد: وديمة .. شوه هالرمسة بعد ؟ شوه تقولين انتي وديمة: صدق .. ليش ما ترمسين ؟ ليش ما تقولين انهم غلط ؟... ليش ساكته امايه ؟.. حرام والله حرام سعيد مب مقصر حاط بدور في عيونه ومصكر عليها .. بس هي تطلب فوق طاقته ام فهد: وانا قلت هالرمسة .. وفهد قال هالرمسة وديمة: فهد ! ام فهد: هيه فهد مب راضي باللي سوته بدور وطلبته ... بس يقول حياتها وما اقدر ادخل فيها وديمة: بس هو اخوها العود يقدر ينصحها ام فهد: رمسها وقال لها .. بس يقول انا في حياتي كلها ما ضغطت ع بدور ولا ادخلت في حياتها ... والحين حياتها الشخصيه صعب فهد يبدي رايه ... ويقول لها لا او هيه وديمة: بس امايه سعيد مب مقصر ام فهد: انا ادري ... لكن بدور اللي تطلبه من حقها بعد ... وديمة: الله يعينه والله ام فهد: الله يعينه ويهدي بدور ... في ألمانيا .. احمد: يالله انا ساير .. رملة: مع السلامه احمد: محتايين شي ؟ رملة: لا شكرا .. احمد: عفرا محتايه شي ؟ عفرا: لا مشكور ... احمد: اشوفكن باجر ان شاء الله .. مع السلامه .. وتصبحون ع خير رملة: وانته من اهله .. وظهر احمد ساير الفندق ... عقب ما مضى هاليوم الكئيب .. يعني ما باقي الا يومين وبيردون البلاد .. فـ ليش الانسان يتعمد يترك هالذكرى السخيفه في ذهن الغير ويعكس شي مب زين عن نفسه ... ليش يلفق المشاكل ... ويسويها .. والناس تكرهه !...... ليش ؟ .. رملة: عفرا عفرا: هلا رملة: انتي زعلانه ؟ عفرا: من ؟ رملة: من اللي استوى ؟ عفرا: لا ... ليش ازعل ؟ رملة: ما ادري .. يمكن لان هذا اللي اسمه بدر ... ما زقرج باسمج .. وتم يقول هاي وهاي .. واحمد كلمة بنفس الاسلوب .. وتم يقول هاي .. جنه ما عندج اسم عفرا ابتسمت .. الحين رملة ودرت كل اللي استوى ... وحاطه في ذهنها بس كلمة هاي !.... صدق يهال .. وما يهتمون الا باتفه الاسباب .. والله تظحكين يا رملة عفرا: الحين بالله عليج هديتي كل شي ... وتذكرتي يوم يزقروني هاي بس .. رملة: هيه لو انا يعني بقوله ايه انته جيه ما عندي اسم عفرا: انا مب من هالنوع رملة: غريبة مع ان تبين الصدق يعني عفرا: شوه ؟ رملة: يوم شفتح فالمزرعة قلت هاي لسانها طويل .. والله لا تزعلين لا تزعلين .. بس يعني .. يوم تردين ع ولد اممممم شوه يقرب لج .. عفرا: منوه ؟ رملة: مروان اسمه ؟ عفرا: هيه ... ولد خالي رملة: انزين يوم كان يلعوزج كنتي تردين عليه ... ما تسكتين عن حقج .. وتسكتينه بعد .. هني ليش ما رديتي ع بدر ؟ عفرا: انتي تقارنين بدر بـ مروان رملة: وليش لا ؟ .. بدر اخو هند .. يعني يستوي ولد خالتج .. ومروان تقولين ولد خالج .. نفس الشي عفرا: بدر هذا انا اول مره اشوفه في حياتي تعرفين والا ؟ رملة: صدق !..... عفرا: هيه .. اما مروان متربين وياه نحن .. مروان 24 ساعه في بيتنا .. مروان لو مسوي بي هالحركات يمكن ما بضايج .. اكيد ما بضايج لان مروان يعرف مصلحتيه .. بس هذا ما ادري شوه يبا بي ؟ .. واصلا هو ما يعرفني .. ابدا ما يعرفني .. ومروان مستحيل بعد يسوي بي جذه شرات هذا .. بالعكس .. مروان صح انه يستهبل ويغايظ ويلعوز .. لكنه شرات اخويه .. ويوم وقت الجد جد .. لكن بأسلوب لبق رملة: عيل هذا شوه يبا ؟ عفرا: ما ادري رملة: انزين بدر هو الغلطان .. انتي جيه زعلانه من احمد اخويه ؟ عفرا: انا زعلانه من احمد ! رملة: هيه عفرا: حشى عليه رملة: بلى ... عفرا: والله مب زعلانه رملة: انتي من الصبح مبوزه في ويهه عفرا: والله مب زعلانه .. انا مفتشلة منه .. هو انحط في هالموقف والسبه انا .. رملة: لا انتي ما يخصج .. اصلا نحن كنا محد .. يوم وصلنا سمعنا اصواتهم عفرا :الله يعدي هاليومين ع خير .. في مكان ثاني ... وفي حجرة ثانية .. شكله حاس انه اليوم مصخها .. او انه ما له داعي كان يرمس بهالطريقة .. ويسوي هالمشكلة .. اصلا ليش رمس ما يدري !.... هو اصلا جيه مهتم في عفرا .. نفاد .. مشكلتها .. ما يدري ليش استوت المشكلة .. وكيف بداها !..... هند: رمست ابويه ؟ بدر: هيه ... عقب باجر بنرد وسكتت هند ... بدر: هنّود انا آسف هند: على ؟ بدر: ما ادري هند: اذا تطري اللي اليوم استوى فـ مب انا اللي لازم تعتذر له بدر: انا اصلا ما ادري جيه تظاربت وعليت صوتي .. ولا ادري شوه السالفه !.... والله ما ادري ولا حاس بعمريه هند: بدر .. وايد تطاولت ع الريال وايد مب شويه بدر: هو نرفزني .. هند: حتى ولو .. انا احيدك يوم حد جذه يقولك .. والا يرمسك .. انته ما ترد عليه وتسوي له اكبر طاف .. ياريتك اليوم بعد سويت طاف بدر: هو قهرني يوم يلس يدافع عن وحده وحده ... هند: انته بديت .. بدر: هو قهر بي اقووووولج هند: انزين يدافعن عنهن .. هو مسؤول عنهن بدر: يعني هو اجرب لعفرا مني ؟ هند: وانته شلك في عفرا ! بدر: لا يعني اقصد .. هي بنت خالتيه .. هو ليش يدخل ؟ هند: في شوه ؟ بدر: اقولج الصدق هند: قول بدر: انا هذاك اليوم رمست CNN هند: حصيص ؟ بدر: هيه .. في غيرها ام المشاكل هند: حرام عليك بدر: كله منها استوت المشكلة .. هند: لا تقول عنها جذه .. حليلها هالبنيه .. والله فرحت لها من القلب .. يوم امها تشافت بدر: تشافت من شوه ؟ هند: امها فيها السرطان ما تدري ؟ بدر: بلى هند: وتشافت خلاص بدر: صدق ؟ هند: هيه بدر: لحظة .. لحظة .. هند: شوه فيك ؟ بدر: امها تشافت ؟ هند: هيه اقولك .. سكت بدر .. وتذكر الجملة اللي حس فيها غرابه يوم قالتها حصيص وعقب قلت ادبه ( بالنسبة له ) عليه ... يوم قالت انها مب فاضيه .. بدر: اهاااااااااا .. عسب جذه .. هند: شوه ؟ بدر: المشكلة استوت عسب هالسالفة هند: كيف ما فهمت بدر: انا سلمت ع احمد .. وسلمت عليها .. ردت عليه بطريقة يوم سألتها عن السبب .. قالت لي .. اللي ما يهتم في اخباري ما بهتم في اخباره ... هند: انته ما تدري ؟.. ما باركت لها !.... بدر: له .. والله ما ادري هند: اكيد عيل تضايجت وعسب جذه عاملتك بهالطريقة بدر: CNN مسويه لها راس بعد هند: والله ما الومها .. يوم انها تراكظ هي وابوها 7 سنوات عسب امها بس .. وصلت للكيماوي .. وسبحان الله .. الاسبوع اللي طاف كان آخر فحص وخلاص بيبدأون الكيماوي هالاسبوع .. ويوم ظهرت النتيجة .. ما فيها ولا شي بدر: سبحان الله هند: لا تطنز بدر: شووووووه والله ما اطنز .. اسبح الرحمن بلاج انتي هند: اتحسب بعد بدر: اففففف سبب تافه والله هند: خلاص سر اعتذر لهم بدر: شوووووووه ؟ .. انا بدر اعتذر ؟ هند: وشوه فيها ! بدر: مستحيل .. وتعرفين هالشي هند: بس انته غلطان بدر: يقصون رقبتيه .. ويفصلونها ع جسمي .. وما اعتذر .. وحق منوه حق احمد هذا ! هند: وعفاري ؟ بدر: عفرا خليها ع صوب .. اوكيه غلط في حقها ... وهي ما يخصها ولا قالت لي شي .. اما هذاك ما اعتذر له لو شوه ما يكون هند: لا تعتذر له خلاص .. بس لا تحتك فيه بدر: اصلا ما بسلم يوم بمر عسب بعد احتك به هند: افففففف بتخبلني بدر: لا اخبلج ولا شي ..بسير الفندق انا تبين شي ؟ هند: لا بدر: ابويه يمكن يتصل بج .. خلي مبايلج حذالج .. هند: هو اتصل بك ؟ بدر: هيه هند: شوه قالك ؟ بدر: سالني عنج .. وقالي ان هو حجز لنا عسب نرد البلاد .. هند: اها بدر: ليش ؟ هند :لا بس اسأل بدر: يالله تبين شي ؟ هند: لا .. شكرا بدر: عفوا .. مع السلامه وظهر بدر .. ساير الفندق ... عقب ما رمس اخته .. صح ان لسانه طويل .. وخقاق وشايف نفسه .. يعترف لاخته بخطئه ... لكن مستحيل يعترف للشخص نفسه اللي غلط في حقه !...... في مكان شبه بارد .. عقب ما بدل وخلص .. مسك مبايله ... واتصل .. هاي بلاها ما ترد ؟... وترت لي اعصابي اكثر من ما هي متوتره .... شوه هالحركات البايخه .. رمست اخوها وقال انها بخير ... وانها موجوده .. وينها عيل ما ترد !....... اتصل البيت .. شمسة: سلامه شلي التيلفون .. سلامة: ماسكه ولدييييي شمسة: وشوه يعني شلي حصه: انا بنش سلامة: خلاص خلاص .. نشيت .. الو احمد: السلام عليكم سلامة: عليكم السلام احمد: شحالكم ؟ سلامة: الحمدلله بخير .. منوه ؟ احمد ( يطنز) : مب مطورين ما عندكم كاشف ! سلامة: منوه انته ؟ احمد: انا احمد سلامة: أي احمد احمد: الله !..... كم احمد يني عندكم ؟ ما احيدكن يا بنات ام هزاع وااااااايد معجبات بشخصيتي وسميتوا عيالكن ع اسمي !..... وانتي خصوصا اللي يبتي ولد سلامة:اويه احمد .. يو ميثا احمد: يا دي الميثا لازم اسمها مقترن باسمي عسب يعرفوني هههههه سلامة: هههههه شحالك ؟ احمد: الحمدلله بخير .. انتوا شحالكم ؟ سلامة :الحمدلله والله تمام احمد: وشحال .. طارق وعامر ؟ سلامة: الحمدلله احمد: والبقية ؟ سلامة: ههههه كلنا بخير .. انتوا شحالكم ؟ وشحال عفاري ورملة اختك ؟ احمد: الحمدلله والله تمام سلامة: الحمدلله احمد: انزين ممكن ارمس حرمتيه المصون ؟ سلامة: حرمتك والله فالحجرة احمد: شوه تسوي ؟ سلامة: تبدل بنتك ... سكت احمد .. تبدل بنتي ؟... يعني هالسبب اللي يخليها ما ترد عليه ....... انزين انا من الصبح اتصل .. يعني من الصبح هي تبدلها !.... سلامة: ما اتصلت بها ؟ احمد ( ما حب يبين ان في شي ): لا .. قلت بتصل البيت .. بسلم ع عمتيه سلامة: عمتك فالمطبخ الحين .. ولين ما تيي الصراحه بتخسر زيادة احمد: خلاص عيل بتصل وقت ثاني سلامة: بخليها تيي .. وعقب بنتصل وترمسك .. احمد: لا خلاص .. روحي بتصل وقت ثاني ان شاء الله سلامة: اوكيه احمد: يالله يا ام عامر .. سلمي ع بو عامر وع الكل سلامة: الله يسلمك .. انته بعد سلم احمد: يبلغ .. فمان الله .. بند احمد عن سلامة وهو في داخله .. شوي وبينفجر .. روحي مضايج من بدر اليوم .. ومضايج لان عفرا حليلها اللي استوت عليها السالفة وهي ما يخصها ولا تدري شوه السالفه .. والحين حرمته ما ترد عليه وهو نقع مبايلها من كثر ما يتصل .... سالم: ودونا انزين طارق: وين ؟ سالم: سكي دبي هزاع: مينون في هالجو تسير سكي دبي ؟ ثاني: احلى شي مروان: حر .. وبرد .. ومرض طارق: هيه والله مروان: وانته تعال عندك خال .. هذو يالس هناك .. هزاع: انا ما يخصني متبري منه سالم: ط والله ! ثاني: ههههههه حليله طارق: حرام عليك هههههه مروان: اوكيه .. عندك ابو .. وهذو يالس هناك صالح: ودوا ولديه ودوه عن خاطره هزاع: وانته جيه ما توديه صالح :انا مشغول سالم: في شووووووووه !..... كل يوم مشغول مشغول مشغول صالح: هيه ثرني ما عندي شي غيرك ... في واحد ثاني ياي الحين خلاص ثاني: كنسلوك سالم: ما يرومون .. انا اكبر واحد .. مروان: مصدق عمره هزاع: وايد طارق: يا خوفي يكفخهم يوم بيوون سالم :لا .. العود حنون مروان: لا لا .. ما نروم ثاني: ههههه الله ع الحنون .. هزاع: هذاك اليوم ابويه هزأه ولا يتأدب طارق: متى؟ هزاع: انته ما كنت موجود صالح: وانا ؟ هزاع: هههههه ولا انته ثاني: مستلمينه عيل سالم: هيه والله .. زعل الشيبة مروان: ايه انته لا تقول حق عمي شيبة .. ابوك الشيبة صالح: شلك الحين في ابوه ؟ مروان: ليش يغلط ! سالم: ياخي يدي ثاني: يده الولد صدق طارق: انته لا تكبر راسه تدافع عنه مروان: يدافع عنه اونه يعني يغايظ بي ثاني: ههههههه جيه يهال سالم: محد فاهمني غير ثاني اصلا مروان: هيه محد فاهمنك غيره . ما شاء الله سالم: وغير عمي احمد مروان: صدق منوه بييب احمد من المطار؟ هزاع: انا بسير اييب عفاري .. واظن هو اخوه بيي يوديه مروان: ليش يعد هالمنكر كله طارق: أي منكر ! مروان: واحد يسير اييبهم كلهم .. ولو جذه .. انته تسير .. عسب عفاري اختك .. واحمد مره وحده ترده هزاع: والله ما ادري بقوله وبشوف مروان: يوم اقولكم .. ما عندكم اتيكييييييت ثاني: تتمنى مروان: ما اتمنى اتيكيت هالعايلة صالح: بلاها عايلتنا ؟ مروان: عايلتنا بعد استوت .. مب عايلتكم .. عايلة بو هزاع هزاع: ودك والله مروان: ما شي شغل سالم: تتمنى تكون شراتنا مروان: هيه عاد تصدق .. شراتك انته بالذات سالم: هااااااا .. شفت شوه قلت لك مروان: مالت عليك .. وكلهم ظحكوا ع سالم .. اللي حليله مروان اليوم مقطعنه بالتعليق .. من فترة ما يالسين هاليلسة الحلوة وسوالف وظحك ... ******** |
الجزء الـ 43 في بيت الشباب ... عبدالعزيز وراشد فالصاله الاولى .. وعمر وسعيد فالصاله الثانية ... وعبدالعزيز كوبي بيست مروان .. الا يبا يسمع شوه السالفه !..... وشوه الموضوع ......! راشد: ما بتتأدب لين تنهزب عبدالعزيز: ابا اعرف شوه يقولون راشد: العلوم بتييك عبدالعزيز: هاها ظحكتني من منوه ؟ من عمر ؟ .. مستحيل .. تتحسبه مروان راشد: بس بتعرف الموضوع .. عبدالعزيز: يا ريت راشد: انزين ولو ما عرفته مب لازم عبدالعزيز: انته بلاك مستوي باااااااارد راشد: مب بارد .. بس ما ادخل في امور غيري ... واعور راسي عبدالعزيز: انزين تتوقع شوه يبا منه ؟ راشد: ما ادري عبدالعزيز: انته جيه ما ييت بيت عموه ؟ راشد: ما كنت متفيج عبدالعزيز: سألوا عنك راشد: منوه كان هناك ؟ عبدالعزيز: كلهم راشد: ثاني كان ياي ؟ عبدالعزيز: هيييه .. ياي وما ادري شوه ياينه نحن ردينا البيت .. وهم بعدهم هناك .. ما سار يجابل لاب توبه راشد: هههههه متوله عليكم عبدالعزيز: اصلا نحن ردينا من وقت ... راشد: ليش ؟ عبدالعزيز: ثر سعيد اتصل في عمر وقاله تعال اباك ضروري وما ادري شوه راشد: انزين جان تميت ... ورديت عقب ويا مروان عبدالعزيز: عمر ما خلاني .. قال خلاص نرد البيت راشد: احسن لكم .... اففف عبدالعزيز: شوه فيك ؟ راشد: تعبت وانا اسير فوق وارد .. عبدالعزيز: وليش تسير وترد ؟ راشد: مره يبت الاوراق .. وعقب الللاب توب .. وعقب الجراجة والفايل .. والحين بعد نسيت ورقة فوق عبدالعزيز: وين انزين انا بسير اييب .. راشد: بتسير ؟ عبدالعزيز: هيه راشد: افتح الكبت الوسطاني ... يمكن تلقاها جدامك ع .. بالانجليزي مكتوب عليها .. اول شي اسمي عبدالعزيز: راشد سيييييييف سلطان وسار عبدالعزيز فوق يدور ورقة اخوه اللي يباها ...... دخل الحجرة ... وسار صوب الكبت .. عبدالعزيز: افتح يا سمسم ابوابك .. وينها وينها وينها راشد سيف سلطان وينك .. وين ورقتك .. اين انتي يا ورقة راشد .. هذه هي لقد وجدتها .. شل عبدالعزيز الورقة .. وطاحت عينه ع شي ثاني .. فـ وقف .. مد ايده .. خذ الشي .. كانت صورة .. هاي منوه !..... الصورة شكلها جديمة .. عيونها خضر بعد شرات عيوني .. تشبهنا والله !... اويه ليكون راشد معرس وعنده بنيه .. لا لا .. ما يسويها .. بس الصورة جديمة .. منوه هاي ؟ منوه ؟ ما احيد في بنيه في عايلتنا عيونها خضر !.... ولا احيد في حد معرس عنده بنيه ... هيه احمد .. بس ميثا عيونها مب خضر ... يعني هاي من صوب قوم امايه ؟ .. من عايلة امايه يمكن !........ شل عبدالعزيز الورقة .. ونزل تحت .. وشل الصورة وياه ... عبدالعزيز: راااااااشد راشد: لقيت الورقة ؟ عبدالعزيز: هيه .. ولقيت شي ثاني راشد: شوه ؟ عبدالعزيز: منوه هاي ؟ وحط الصورة جدام ويه اخوه .. راشد فاتح ثمه .. ناسي سالفة الصورة ... مب انه ناسي مول .. لكنه يفكر في طريقة يرد لها الصورة .. وما كان يبا حد من اخوانه يشوفها ... راشد ( سحب الصورة ): وانته شلك تفتش في الاغراض عبدالعزيز: ما فتشت ... شفتها جدامي راشد: مره ثانية .. ما تاخذ شي مب لك عبدالعزيز: ما خذت .. بس شفت وكانت جدامي .. سكت راشد .. عبدالعزيز: منوه هاي ؟ راشد ... يا ربي شوه اقوله الحين .. انا روحي مب متأكد اذا هاي صورتها والا .. الله ياخذ العدو .. لو صعدت خمسين مره ورديت احسن لي من اني انحط في هالموقف المحرج ..وويا عبدالعزيز بعد مب ويا حد ثاني !...... عبدالعزيز: بنتك ؟ راشد ( فتح عيونه ): بنتيييي ! عبدالعزيز: هيه بنيه صغيرة .. ما احيد عندنا فالعايلة وحده عيونها خضر .. وصغيرة راشد: بلى في عبدالعزيز: يعني هاي من العايلة .. راشد: شوه تبا انته الحين ؟ عبدالعزيز: ابا اعرف منوه هاي ؟ راشد: وحده وخلاص لا اتم ترمس زيادة .. من اسلوب راشد .. عبدالعزيز صخ .. لـ ينش راشد ويكفخه ... في الصاله الثانية .. الحوار والنقاش فالموضوع بدا يشتد .. من الطرفين .. سعيد: انا ما اطلب شي مب من حقي عمر: سعيد لو بايدي جان سويت لك اللي تباه .. سعيد: وهو بايدك عمر: كيف يعني بايدي ؟ ... والله ان اللي فالبنك وفي رصيدي مب مالي وبس .. انا دفعت من نصيبي حق عرسك .. وحق الحج ... و ما باجي شي .. وانته خسرت بيزاتك تقريبا كلها في العرس .. وفي أثاث القسم سعيد: يعني انا مالي شي عندك الحين ؟ عمر: لك .. بس ما يكفي تبني بيت .. والا تاخذ شقة .. سعيد: قصدك كل اللي عندك مالك عمر: ما قلت مالي .. انا اقولك انا بعد خسرت بيزاتي ... اللي عندي .. مال راشد ومروان .. وراشد ومروان .. يالس اخصم انا من نصيبهم عسب مواترهم .. وعمران بعد بيزاته بتنقص شوي شوي .. وبيرد جريب ويبا موتر .. الوحيد اللي للحين ما دقيت ولا شي من نصيبه هو عبدالعزيز سعيد: الحين .. تبا تفهمني ان البيزات الباقية والنصيب الاكبر لعبدالعزيز ؟ عمر: هذا هو الحق .. انا ما يالس اقول شي من عندي .. كل واحد له حساب وكتاب ... وعبدالعزيز بعده صغير .. وما دق بيزاته سعيد: والحين ؟ عمر: اقولك اللي تطلبه صعب .. انا كثر ما قدرت .. قسمت لك الصاله .. اللي كانت مفتوحه ع بعض .. 3 صالات ع بعض .. 2 كبار ووحده صغيرة .. عطيتك اكبر وحده .. وقلت لك تصرف فيها مثل ما تبا ... سعيد: حتى هذا تبون تاخذونه مني ؟ عيل وين اسكن الحرمة يعني ؟ عمر: ما نباه ناخذه منك .. بس يالس اقولك .. وانته مب طايع .. تقول الا اما تبني .. او تاخذ لها شقة .. من وييييين ؟ من ويييييييين ؟! سعيد: عيل ابا الحجرة الماستر.. عمر: أي حجرة ماستر ؟ عادي عندك تسكن حرمتك فوق ؟ .. وين نسير نحن ؟ سعيد: ما اقصد فوق عمر: عيل ؟ سعيد: الحجرة اللي تحت صخ عمر وتم يطالع سعيد .. هذا يطلب المستحيل .. وكأنه يطلب من عمر ... انه يشل كل ما تبقى من ريحة امه وابوه ويفره جذه ... في أي مكان .... ومع الايام .. يندثر !..... عمر: نعم ؟ سعيد: عمر عيل ما في حل ثاني ... يعني ابسط الحلول انا يالس اعطيك عمر: انته تدري شوه تطلب مني سعيد: ما اطلب شي .. باجر لو مروان والا راشد .. عرسوا وين بيسكنون ؟ .. وين بيسكنون حريمهم فوق ؟ عمر: لا سعيد: عيل ؟ عمر: كل واحد فيهم يصرف .. ويبني له برع سعيد: هاااااا .. مروان وراشد ملحق برع .. وانا ذاليني ع هالقسم اللي داخل .. و بعد مستخسرين فيني الحجرة اللي اطلبها عمر: مب مسالة ذل ولا مسألة مستخسرين .. سعيد كيف تطلب انته هالطلب ؟ . كيف ؟ سعيد: مثل ما اخوانك يطلبون عمر: اخواني ما طلبوا مني اشل لاغراض اميه وابويه وافرهم في أي مكان !...... ولا قالوا لي يبون يرقدون ع فراش اموات سعيد: ذبحتونا .. كل ما قلت لكم شي قلتوا اموات ! كلمة قوية ... تطلع من سعيد .. وتتوجه اقوى لـ عمر .. اللي يالس مبهت جدام اخوه ... مبهت وفي نفس الوقت .. يبا الارض تنشق وتبلعه ولا انه يسمع هالرمسة من سعيد !..... عمر: سعيد انته تقول جذه ... انته تقول هالرمسة .. عيل اسمعني .. حرمتك تبا ترد .. حياها الله .. قسمها تحت امرها .. وبتم معززه مكرمة .. ما تبا ترد .. وتبا بيت .. او شقة .. او حجرة الاموات اللي تقول عنها .. فـ اسمح لي .. لا انته ولا هي ... لكم مكان بيننا ... ونش عمر عن اخوه ... اللي هو الثاني نش ودخل قسمه ورض الباب رضه محترمة .. توه داخل البيت ... مروان: انا سمعت صوت رضه .. اما او اما عبدالعزيز: شوه اما الاولى ؟ مروان: ان حرمت اخوك ردت عبدالعزيز: واما الثانية مروان: حرمت اخوك ردت عبدالعزيز: سخيف مروان: لا تقولون لي ان اللي اقوله صح ... قولوا غلط راشد: ط هذا ! مروان: ياخي حشرة انزين كنا مرتاحين .. راشد: اسكت لاييك شي ما يعيبك الحين مروان: انزين أي اما صح ؟ عبدالعزيز: ولا اما فيهم مروان: عيل عمران رد وفجر البيت ! راشد: حليله عمران عبدالعزيز: اخوك رض الباب مروان: أي اخو ؟ .. انته ولا جنك مسوي شي .. وراشد وياك .. عمر ما اعتقد عمران محد .. اها الاستنتاج عبدالعزيز: اخوك سعيد تعلم من حرمته مروان: اهاااااااااااااااااا راشد: والله انتوا الاثنين ما بتتأدبون لين اييكم شي تندمون عليه مروان: ليش شوه استوى بعد ؟ نش راشد وسار فوق .... مروان: شوه استوى ؟ عبدالعزيز: ما ادري مروان :انته شوه يالس هني عيل ؟ عبدالعزيز: عمر كان يالس ويا سعيد رموان شهق شهقه .. جنه بيموت عبدالعزيز: بسم الله الرحمن الرحيم مروان: عمر وسعيد عبدالعزيز: اول مره ! مروان :لا ... بس اكيد استوى شي .. عبدالعزيز: هو من ناحية استوى شي فـ استوت اشياء بعد مب شي مروان: وانته شوه ميلسنك ؟ عبدالعزيز: شوه تباني اسوي ؟ مروان :سر عند عمر الحجرة وشوف شوه السالفة وتعال قولي عبدالعزيز: ما بستعيل عقب شويه بيزقرني وبيقولي رقاااااااااد مروان: وعقب طبعا بترقد عبدالعزيز: عيل شسوي مروان: وانا اتم يالس لين باجر اذا شفتك والا عسب تقولي السالفة عبدالعزيز: وليش ما تشوفني مروان: سبحان الله يمكن ما تنش .. يمكن تموت عبدالعزيز: ط هذا .. ادعي ع عمرك لا تدعي عليه مروان: سر سر انزين الحين عبدالعزيز: ما بسير .. وانا قلت لك مروان: ما منك فايده عبدالعزيز: عادي مروان: انزين قول .. عن شوه كانوا يرمسون اكيد سمعتهم عبدالعزيز: يالله ياللقافة .... مروان: لا تتفلسف عليه الحين وقول عبدالعزيز: ما ادري ... حاولت اسمع ما سمعت مروان: عليه ! عبدالعزيز: والله العظيم .. ما سمعت شي ... بس آخر شي يوم الصريخ ورضة الباب سمعت مروان: بعد !.... صريخ ! عبدالعزيز: عيل كيف ينرض الباب بدون صريخ مروان: والله ان انته واخوك زي الاطرش فالزفة عبدالعزيز: لا تغلط ع عمور .. مروان: ما اقصد عمر .. اقصد انته وراشد عبدالعزيز: هيه اتحسب بعد مروان: مستانس يعني من عمرك .. يا اطرش ! سار مروان فوق .. وعبدالعزيز توه يستوعب ان مروان غلط في حقه !.. صباح الخير ..... في بيت بو زايد ... غاليه: قولي والله ؟ عفرا: والله غاليه: وانتي ما سويتي شي ؟ عفرا: لا غاليه: فديتج يا عفاري .. والله تعانين انتي هناك عفرا: اعاني وبس .. لو افتك من الاخ المحترم بكون بخير غاليه: بس ما احيدج عفاري ضعيفة بهالدرجة تصيحين ! عفرا: والله يا غاليه لا تلوميني انتي يمكن كنتي بتذبحين عمرج بعد غاليه: انا اكيد .. لان من شخصيتي ... عفرا: ما يخصه غاليه: والحين شوه بتسوين ؟ عفرا: شوه بسوي يعني .. ولا شي ..بفتك من ويهه عقب باجر طيارتنا غاليه: اليوم كانت عزيمة قوم حصه اختج ؟ عفرا: هيه خبرتني امايه .. غاليه: انا يوم تردين ببات عندج فالبيت عفرا: هه .. لا ترمسين الله يخليج ... وايد ترمسين ولا تسوين شي .. اونه تباتين غاليه: ههههههه هو يعني ما ببات بس يعني اقولج عسب ترتفع معنوياتج عفرا: جيه ما تباتين انزين والله عندي وايد سوالف غاليه: انا بعد عفرا: ما بخلصها في يوم واحد غاليه: كم يوم تبيني ابات ان شاء الله ! عفرا: والله باتي ما عندج شي غاليه: هيه فاضية انا عفرا: اكيد غاليه: قومي زين عفرا: انتي تعالي .. جيه الاسبوع اللي طاف .. أي شي اتصل فيج ما تردين غاليه: متى ؟ عفرا: بالاربعا والخميس ... غاليه: هيه .. امممم بقولج السالفة يوم بتردين .. عفرا: بعد في سالفة ؟ غاليه: هيه ... عفرا: قولي قولي شوه ؟ غاليه: والله طويلة وايد السالفة ... ولا بتفهمينها .. وجها لوجه احلى بتكون عفرا:بعد !... يعني حلوة غاليه: لااااا ... بااااايخه عفرا: ههههه انتي تقولين غاليه: يعني اقولج ... يوم بقولج وانتي جدامي بتدخلين في جو الموضوع .. بتصيحين بعد عفرا: بسم الله .. وليش اصيح غاليه: السالفة تصيح عفرا: انا متأكده ان السالفة ما ترزى ولا تسوى ..بس انتي ما ادري مرابعة الصياح والدموع غاليه :شراتج هالايام عفرأ: سخيييييييفة .. انا ما اصيح ع اسباب تافهه غاليه: ههههههه ويه عصبت .. انزين ولا انا عفرا:انتي لو بدر هذا يقولج شحالج بتموتين في مكانج غاليه: لا يقولي ولا اقوله ... سدي هالسالفة خلاص عفرا: انتي رمستي غاليه: انزين والحين اقولج غيريها كملن عفرا وغاليه سوالفهن .. لانهن من زمان ما كلمن بعض ... رن مبايله .. واخيرا !... هو معصب .. لكن مب ذاك الزود ... وهو ما معصب عليها .. لكنه منقهر ومعصب من سالفة بدر .. يعني الحين ما في حد يطلع حرته فيه غيرها !...... احمد: اهلا وسهلا من طريقته .. ومن لهجته ... يعني هالمكالمة ما بتعدي ع خير احمد: الو آمنة: هلا احمد: الساعه كم عندكم ؟ آمنة: ليش ؟ احمد: سألتج سؤال آمنة: 2 ... احمد: نحن عندنا الفير .. آمنة: ادري .. كنت راقد ؟ احمد: لا والله ما كنت راقد .. كيف ارقد .. وانا ما ادري ولا شي عن حرمتيه ... اللي مسويه لي طاف يوم كامل آمنة: آسفة احمد: آسفة !.... بس آسفة !..... شوه اسوي فيها آسفة هاي آمنة: انزين انته بلاك معصب ؟ احمد: بعد تسأليني بلاني معصب ! آمنة: الحين منوه لازم يعصب انا والا انته ؟ احمد: وليش حضرتج تعصبين ان شاء الله ؟! آمنة: انته نرفزتني برمستك ... وتغايظ بي احمد: امون لا تكونين ياهل ! آمنة: انا الحين ياهل ؟ ... اوكيه لو ياهل انته بعد ياهل شراتي احمد :شوه ؟ آمنة: مب انته الحين زعلان ليش اني ما رديت عليك .. وحده بوحده احمد: شوه انا ارمس ياهل صدق يعني !..... آمنة: بلاك قابضني ياهل وياهل ؟ احمد ( بصرخه ): امون وترتي لي اعصابي صخت .. ما رمست .. ولا ردت عليه .. ولا علقت ع رمسته ... احمد: استغفر الله العظيم .. آمنة: اسمح لي ع الازعاج .. فمان الله .. احمد: والله لو بندتي .. ما ادري شوه بيستوي .. لاني صدق معصب .. آمنة: ويوم انك معصب جيه ترمسني ؟ .. جيه رديت عليه ؟ احمد: رديت عليج لانج انتي خليتيني اعصب زيادة بأسلوبج .. وطريقتج آمنة: وانته ما تشوف عمرك غلطت يعني ؟ احمد: انا كنت اتمصخر .. آمنة: تعرف اني ما احب هالنوع من المصخرة ... احمد: يعني تصدقين اني هني اخونج ؟... والا اني العب من وراج .. اوكيه دام هاي طريقة تفكيرج .. وهاي نظرتج لي .. وثقتج بي مهزوزة .. فـ انا آسف .. واسمحي لي .. مع السلامة .. وبند احمد ... بند وخلى ىمنة في صدمه .. شوه السالفه اصلا ؟!.. انزين ليش ؟... من غشمرة .. انجلبت صدق ؟!...... توه يقول اتمصخر .. جلبها صدق ؟ .. وجلبها ثقة و نظرة .. الحين عقب سنة وشوي من زواجهم ايي ويقول ثقة ونظرة !...... منوه يصدق ان احمد يقول حق ىمنة هالرمسة ؟..... احمد وآمنة ؟!..... شي غريب فعلاً..... في مكان ثاني .. شي غريب بعد .. استوى ... شي غريب ... وفي نفس الوقت .. معورنه قلبه عليها ... محمد: حصيص حصيص: شوه؟ محمد: قومي تعشي حصيص: بابا ما ابا محمد: لازم تتعشين عسب تاخذين الدوا .. حصيص: ما ابا والله بلاعيمي تعورني محمد: انزين ما يستوي اقولج .. انا سرت الصيدلية اللي تحت وخذت لج دوا .. قومي .. ويايب لج اكل ايطالي بعد حصيص نشت ويلست ع الشبرية .. ونبرتها كأنها وحده شوي وبتصيح واستائت .. حصيص: بابا ا ابا اقولك .. والله ما اقدر .. محمد: عشان خاطريه حصيص: يا ربي .. محمد: شوفي الحين الفير .. ما باقي شي بتطلع الشمس وبنسير صوب امج ... ما بيكون فيج شدة حصيص: خلني تعبانه انا ... ما بسير مكان محمد: انزين قومي شربي هالدوا حصيص: ما اقدر بلاعيمي تعورني محمد: شوفي الفير .. وما ماكله شي.. ويايب لج اكل .. وما تبين .. دوا عاد ما اقدر ما اعطيج .. حصيص: انزين وين الماي ؟ محمد: هذو .. يالله شربي .. شربت حصيص الدوا ... وردت رقدت ع طول ... محمد حط ايده ع راسها ... فيها حمى .. وقته .. نطلع من شي .. وايينا شي ثاني .. بس الحمدلله ع كل حال .. الحمدلله .... حصيص: بابا محمد: عيونه حصيص: بابا .. سر ارقد محمد: ما عليه حصيص: بتتعب وانته يالس هني محمد: ما بتعب ... عادي ... انتي ما عليج مني بس رقدي وارتاحي حصيص: انا بكون بخير محمد: انزين رقدي خلاص ... حصيص: امايه تدري ؟ محمد: لا حصيص: الل هيخليك لا تخبرها . بتزعل .. محمد: ان شاء الله حصيص: وبعد لا تكنسل سفرتنا محمد: أي سفرة ؟ حصيص: باجر .. لا تقول مريضة وما شدة ع السفر ... عادي والله محمد: ان شاء الله بطيبين لين باجر وبيكون لج شدة ع السفر حصيص: ان شاء الله محمد: رقدي الحين .. حصيص: بلاعيمي تعورني محمد: ما عليه رقدي وما بتحسين فيها .. وبتنسين العوار سالم: امايه صالح: شوه تبا بها ؟ سالم: ابا حليب دافي صالح: قم .. سر انته روحك المطبخ .. وود لها الحليب سالم: الحليب هناك اصلا شمسة: شوه تبا ؟ سالم: امايه ابا حليب دافي شمسة: خذ سالم: حبيبتيه تعرفين شوه احب شمسة: ادري بك .. كورن فليكس وحليب دافي .. هذا ريوقك البايخ سالم: والله صحي شمسة: الناس يشربون حليب .. ياكلون بيض .. خبز ... زيتون .. لبنة سالم: ما احب ما احب صالح: اليوم بنسير بيت ابويه سالم: لا شمسة: اسكت صالح: يدتك روحها متصله تقول ما ياييني من زمان شمسة: حليلها عموه صالح: اصلا هي تحاتيج انتي شمسة: قلت لك لا تزيغهم .. وبعدين من متى انا الحمدلله تحسنت صالح: هي الحين تدرين شوه .. يبالنا نسير لها يوميا نخطف عليها نسلم وعقب نرد ... سالم: وييييييييه سالفة صالح: تبا والا ما تبا ... بتسير سالم: ملل والله ملل هناك شمسة: هيه يوم تسير هناك جنك ذبابة ميته سالم: هذا تشبيه الحين تقولين لي انا ذبابة ميته شمسة: هيه تيلس ع صوب ولا جنك سالم اللي في بيت ابويه صالح: ليش ما تلعب وياهم سالم: ما يعرفون يلعبون صالح: شوه يعني محترف الاخ ؟ ... وولا حد من عيال عمامك وعماتك يعرفون ! سالم: انا ما احب ... شمسة: شوه ما تحب ؟ سالم: يلعبون بلاي ستيشن طول الوقت .. والبنات يلعبن فالحوي صالح: انزين عيل شوه تبا ؟ سالم: ملل .. الناس يلعبون بلاي ستيشن .. ويلعبون كرة قدم .. كرة طائرة .. وبعدين كلهم يهال ! شمسة: وايد مصدق عمرك سالم: مب جذه والله .. يعني قوم خليفة و حمد وهذيل محد يجرب صوبهم .. اونهم كبار .. مع انهم كبر خالي هزاع ... ما ييلسون ويانا وكله يعصبون مب حلو جذه .. وقوم خالي هزاع واحمد وطارق يلعبون ويانا انا وعبدالعزيز عادي شمسة: انزين الحين موضوعنا مب هذا سالم: بلى هذا ... صالح: اصلا كل حد يقولي ولدك هادي شمسة: ما اييون يشوفونه بيت ابويه وشوه يسوي !..... بو لسان .. حتى ع يده ويدته لسانه طويل سالم: لانهم غير شمسة: بس انزين اسكت هاللي ما يباه سالم .. بيت يده الثاني ... يحس ان غريب بينهم ... وان عندهم تفرقة من حيث الاعمار .. اما بيت يده بو هزاع .. فهالاشيا اللي تستوي هناك .. ما تستوي هني .. ولا حد يسويها وكلهم واحد .. خالاته عادي وياه ويلعق عليهن ساعات ... هناك ما يتجرأ يسوي هالشي في عماته .. هني رياييل خالاته يلعوزهم ويرد عيهم بس في حدود وخاله وايد كول وياه .. هناك عمامه ما يقدر يفتح ثمه جدامهم .. في بيت بو هزاع ... هزاع نازل من فوق ... هزاع: صباح الخير .. سلامة: صباح النور هزاع: انتي راقده هني ؟ سلامة: لا سرت بيتي هزاع: يايه من وقت ! سلامة: ما شي ..بس قلت حق طارق ينزلني هني قبل ما يسير الدوام هزاع: والله هالطارق فاضي سلامة: لازم يفضي عمره عسبي .. لو ما فضى عمره عشاني عيل بيفضي عمره عشان منوه ؟ هزاع: امون ما نشت ؟ سلامة: لا .. راقده للحين .. هزاع: وامايه وابويه ؟ سلامة: ابويه طلع .. امايه فالمطبخ .. تييب الريوق هزاع: عامر وين ؟ سلامة: راقد .. هزاع: وين؟ سلامة: رقدته في الحجرة هني تحت .. انته وين ساير ؟ هزاع: سلوّم تدرين سلامة: شوه ؟ هزاع: انتي مب ويه حد يوديج وياه بس خاطريه اتريق برع سلامة: صدق ما تستحي مالت عليك هزاع: ههههه قومي والله بنسير سلامة: مالت عليك .. ما ابا .. هزاع: يالله عاد سلامة: قلت لك ما ابا.. ما بيي هزاع: ط هاي ياهل انتي تزعلين سلامة: هيه شراتك هزاع: يا الله .. الحين لا تذليني .. يالله نشي سلامة: شوه مب عايبنك ريوق البيت ؟ هزاع: اقولج ما ادري شوه يايني .. أبا اتريق برع .. بوديج ستار بوكس سلامة: تبا .. طارق .. يذبحني هزاع: شوه يذبحج .. بوديج ستار بوكس في مكان ما فيه حد والله ما فيه حد سلامة: ما ابا اخاف هزاع: ط الجبانة .. قومييييييييي سلامة: انته تبا تدمر حياتي هزاع: والله بفلعج بقوطي الكلينكس .. لو عفاري ما بتصدق سلامة: هذيج عفاري هزاع: وامون كم مره قايل لها بس للأسف ما يكون في فرصة ع قولتها والا والله عادي بتيي سلامة: امون بعد غير عني هزاع: وانتي شوه مصدقه عمرج طاووس ! سلامة: من حقي هزاع: لا تتخققين يالله قومي سلامة: وولدي ؟ هزاع: امون هني .. وامايه هني .. وبشكارتين بعد هني سلامة: انزين بتصل في طارق هزاع: اوهوووو سلامة: هيه كيف تباني اطلع بدون شوره ! هزاع: يالله انزين بسرعه .. انا بسير فوق اتلبس .. ويوم بنزل ابا اشوفج لابسه عباتج سلامة: اويه .. لا خلاص ما بيي هزاع: ليش ؟ سلامة: ما تشوفني لابسة بجامة .. ويايبه جلابية مب اوكيه حق هالاماكن ... و عباه مصكرة هزاع: دام العباه مصكره عادي ... لبسيها فوق هالبجامه سلامة: البس بجامة واظهر هزاع: فذمتج ما جد سويتيها !... سلامة: بلى .. بس للضرورة هزاع: تدرين انج تعورين الراس وما عندج سالفة .. والله بذبحج الحين سلامة: هههههههه انزين يالله سر .. بس لو استوى شي لا سمح الله .. ذنبي في رقبتك هزاع: في رقبة ريلج والله انا ليش سلامة: وشدخله ريلي ؟ هزاع: والله هو جيه ما يقولج بدلي يوم تيين هني .. سلامة: الصبح عادي .. لو الظهر والا العصر بيقولي بدلي .. اصلا انا ما بيي جذه .. بس لاني اونه يايه هني الصبح .. واكيد برقد .. فـ ما قالي شي هزاع: اقص ايدي لو يدري انج يايه جذه سلامة: يا ويهك شوه قصدك ؟ ... والله انه يدري هزاع: انزين لا تحلفين هالكثر يالله نشي سلامة:انزين شيلتيه مب حلوة هزاع: خذي من شيل عفاري .. واذا العباه خذي من عبي عفاري .. ولبس بعد من لبس عفاري .. وبس .. ووالله لو نزلت وشفتك مب لابسه .. ويالسه للحين .. بنزل العقال ويايه لانج اخرتيني .. سلامة: والله مب ميته ايي وياك هزاع: مب ميته والا ميته .. بتيين وغصبا عنج .. وبسرعه وسار هزاع فوق ... وسلامة تظحك عليه .. لعبت باعصابه شويه مثل ما هو يسوي .... ! ننتقل لـ ألمانيا ... ماخذين راحتهن وايد وايد وايد وايد ..... بما ان اليوم الخير في ألمانيا .. وطيارتهم بتكون الفير .. يعني الصبح بيكونون في ربوع الامارات.. وبما ان عفرا وعدت رملة انها تسير وتوديها الصالون .. وتقص لها شعرها بطريقة مرتبة .... عقب ما خربوا لها اياه فالمستشفى .. ع قولتها .. فـ هي فعلا بتنفذ الوعد .. لبست رملة .. ولبست هي .. والجو شوي بارد برع .. بس مب مصاحب بـ ثلوج او امطار .. رملة لابسة جينز وتنورة قصيرة .. الطرف الاول اطول عن الثاني .. يعني يايه بطريقة مايلة .. ولابسه قميص غليظ ... وجاكيت فوقه ... عفرا لابسة قميص هاينك ... بيج .. وبنطلون .. وتنورة قصيرة زيتية ... ولابسة عباه مصكرة .. وجاكيت قصير مش غليظ .. لان ما شي لا مطر ولا ثلج ... عفرا: رملة شليتي كابج ؟ رملة: هيه هذو عفرا: الصوفي الغليظ رملة: هيه هيه ... هذا هو عفرا :يالله نسير .. رملة: ما قلنا حق احمد عفرا: اتصلت به ما يرد رملة: تدلين انتي ؟ عفرا: انا شفت صالون هذاك اليوم فالسنتر الجريب اللي هني رملة: يقصون حلو ؟ عفرا: والله متفيجه بعد صالون ... ع الاقل بيقصونه بطريقة مرتبة اكثر رملة: انزين يالله ظهرن عفرا ورملة سايرات الصالون .. نزلن من اللفت .. وطلعن برع المستشفى .. عقب ما عفرا خذت اذن من الدكتور .. شلوا الربطة اللي ع راس رملة .. يعني الخياطة واضحه .. فـ لازم تلبس الكاب الصوف .. عسب تحمي اليرح من برودة الجو عندهم .. وهالشي لازم تسويه حتى فالبلاد .. لين ما الجرح يبرى اكثر واكثر ... وصلن المركز اللي رمست عنه عفرا .. لانه كان جريب ..... والناس تتحوط .. ونشيطين .. لان وقت الصبح .. والناس توهم واعين .. وفي نشاط .. دخلت المركز .. رملة: افصخ قفازي الحين عفرا: مب حاسه انه برد ؟ رملة: لا .. عفرا: فصخيه .. وييبيه بحطه فالشنطة .. عن تضيعينه رملة: اوكيه كانت في نفس المكان .. رخصوها . فـ اخوها يايبنها يريقها ... بدر ( رفع راسه ): يوم اقولج تقهر بي هند: منوه ؟ بدر: بنت خالتج هند: وينها ؟ بدر: هذي هناك هند: بسير لها بدر: سيري .... ما في حد وياها .. شكلها يايه روحها هي والياهل اللي وياها نشت هند وسارت صوب عفرا ... هند: مرحبا عفرا: هلا .. رملة: انتي هني ! هند: هيه ... وانتن هني ! عفرا : ههههههه يايات الصالون هند: أي صالون ؟ عفرا: ما ادري ... انا شفت واحد فالزاوية .. هند: شوه تبن تسون ؟ عفرا: رملة بتقص شعرها وبترتبه هند: اها .. انزين في صالون هني جريب فالدرب .. احلى عن هذا عفرا: ليش هذا مب شي ؟ هند: ما ادري .. بس ما مجربتنه .. انا مجربه هذاك رملة: نسير هذاك عيل عفرا: سكتي ما في حد ويانا هند: يايات رواحكن ؟ عفرأ: خذت لها اذن ساعة وبنرد .. عسب جذه ما في وقت .. رملة: وما مخبرين احمد بيجتلنا هند: اوكيه اذا تبن بيي وياكن عفرا: انتي روحج ؟ هند: لا طبعا بدر ويايه بدر ؟... بعد بدر !..... نحن ما بنفتك منه يطلع لنا بعد مره !...... بعد تتكرر المأساة ....... شكلهم حالفين الا بدر يلتقي بهم لآخر يوم يكونون فيه في ألمانيا ... بعد ..... عفرا: لا عادي ... بنسير رواحنا هند:وين رواحكن ؟ عفرا: ما له داعي صدق هند: يالله عاد ... عن الحركات ..... بدر ما بياكلج صخت عفرا .. ادري ما بياكلني ..بس بيقهر بي ... وانا اللي ابا آكله واشرب من دمه بعد ع الحركات اللي يسويها ويايه هند: بوديكن عفرا: هند صدق والله ما له داعي .. بنسير رواحنا هند :قلت لج لا .... انا بكون وياكن بعدين .. وسارت هند تزقر بدر رملة: بلاج زايغة ؟ عفرا: تدرين لو احمد يشوفنا شوه بيسوي ؟ رملة: ما عليج ما بيعرف .. احمد الحين تلقينه راقد نحن وايد من وقت ناشين عفرا: الله يعين رملة: خل يقول شي هذا بعد زين بسوي به عفرا: منوه؟ رملة: بدر .... عفرا: اقولج ما يخصج فيه ... بنمشي في حالنا .. هو ما يستحي لو مشى ويانا بعد رملة: اخته ويانا ما بيقدر يسوي شي ... عفرا: ها ها ها .. ظحكتيني .. بدر ما يرده شي رملة: بس هي بعد ما بتسكت عنه لو سوى شي .. بترد عليه .. يت هند ... وبدر وراها ... هند: يالله بنات .. رملة: اقتنع الوسيم ع قولت حصيص هند ( أبتسمت ): بدون اقناع .. قال ان شاء الله .. يالله مشن البنات جدام .. وبدر ورا .. ولا رمس .. ولا قال أي كلمة .. وعفرا بعد .. ما رمست .. وحتى وهم سايرين .. ما تتجرأ تطالع ورا .. تخاف عن اطيح عينها في عينه وما تبا هالشي .. ولا حتى كانت ترمس .. رملة كانت ترمس فالدرب ... وهند ترد عليها .. وتسولف وياها ... في دبي ..... في ستار بوكس ... في UP TOWN سلامة: يا ويوهكم هني زحمة !.. مروان: اقولج انتي يالمبزايه وايد ترمسين سلامة: والله طارق لو يدري بيعصب هزاع: وانتي ما خبرتيه ؟ سلامة: بلى .. بس ما يدري اب تاون ... هزاع: سلامة والله مب زحمة ... بنيلسج هناك فالزاوية مروان: انته ما عليك منها .. سلامة: شوه ما عليه مني مروان: ههههههه انزين خلاص نحن وياج .. محد بياكلج هزاع: هاي بس تحب تدلع .. سلامة: ليش يبتوني انتوا الاثنين .. عسب تحطون عليه مروان: خلاص خلاص هزاع . اسكت عنها .. سلامة .. انا روحي بيلسج في مكان اوكيه تعالي .. مشى مروان وسلامة وراه .. وعقب هزاع .... في زاوية صدق بعيده وما في حد ... يلس مروان ... مروان: اوكيه المكان ؟ سلامة: هيه مروان: بلاج الحين زعلانه سلامة: مب زعلانه هزاع: خلاص اسمحي لنا .. مروان: نستميحك عذرا .. سلامة: عقب ما حطيتوا عليه مروان: والله آسفيييييين .. وعسب ترضين بعد ريوقج عليه انزين سلامة: جيه شووووووه مروان: والله العظيم .. اريقج ع حسابي .. هزاع: وانا ؟ مروان: انته معروف زطي هزاع: هههههه يالسخيف مروان: اوكيه اطلب انته الحين .. اختاروا .. وطلبوا .. ويتريون لين اييهم .. هزاع: لو انا منك جان زين سويت به مروان: خله زين .. انا مب فاضي حق سوالف اليهال سلامة: انتوا بعد تظاربون ويا ربعكم ! مروان: ما نظارب .. بس يوم الواحد يقل ادبه بزيادة هزاع: هو يقهر والله يقهر مروان: ثر اقولك .. خله يولي سلامة: تدرون من زمان ما سرنا عند خالي يوسف .. من زمااااااان من زماااااااان بعد مروان: ليش نحن متى سرنا عسب الحين نسير سلامة: اوه .. قفطت سلامة من الخاطر .. حست انها قالت شي غلط في حق مروان .. وصخت .. مروان ظحك وهزاع وياه ... خلاص شي عادي استوى بالنسبة له .. يعني يقولون خالي يوسف وسرنا له وما ادري شوه .. وهو ما يبا يشوفهم ولا يبا يلتقي بهم .. ولا يزورهم ولا يزورونه .. مروان: خذي راحتج عادي هزاع: بيسوى عزيمة ع شرف استاز بدر مروان: ليش بعد بيسوي له عزيمة ؟ هزاع: يمكن .... لا .. اكيد مروان: الله يعينكم سلامة: ليش يعني تكرهونه هذا بدر ؟ مروان: والله يا سلامة لو تيلسين وياه .. دقيقة وحده بس .. بتقولين فمان الله بسير بيتنا سلامة: لهالدرجة؟ هزاع: واكثر ... ينرفز الواحد مروان: جنه ما في سفير فالدولة غير ابوه ! سلامة: بس اخته مب جذه مروان: هيه شفناها فالمزرعة كيف كانت سلامة: وايد طيوبة وحبوبه .. وكول وعادي مروان: هذا شكله مصدق عمره زيادة عن اللزوم هزاع: شايف عمره كل يوم يسافر يتحسب ما عندنا نسافر ! سلامة: مب جذه .. يمكن هو شخصيته يعني وايد واثق من عمره مروان: هاي مب ثقة .. هذا غرور .... سلامة: وشعرفك انته ؟ مروان: شوه شعرفني ؟ هزاع: شوفي ... في فرق بين اللي واثق من نفسه والمغرور سلامة: اونكم عاد انتوا مروان: هيه عيل .. نحن واثقين من عمارنا بعد .. لكن هو ثقة مصاحبة بغرور سللامة: ههههه حلوة هاي مصاحبة بغرور مروان: صدق والله هزاع تدرين شوه يسوي يوم نكون بيت خالي يوسف سلامة: شوه ؟ هزاع: هذاك اليوم نحن نترياه ... قولي لين الساعه 12 يمكن .. دخل الاخ اسمحوا لي كنت عند ربعي ورديت البيت تسبحت وييت .. سلامة: ههههههههههههههه مروان: مالت عليه .. والله ما يحترم سلامة: خلاص لا ترمسون عنه مروان :يالله اطيحين يا سلامة في لسانه وشوفي كيف بتستوين سلامة: لا اطيح في لسانه ولا يطيح في لساني ... هزاع: هيه خل يقول هو بس شي ... وبيشوف اتريا الدقه انا عليه مروان: انا بعد .. سلامة: ط هذيل .. ابويه تتريون الدقة عليه ... مب تستوي مشكلة بيني وبينه وعقب اتون تدافنون مروان: والله يوم سعدي يوم بعطيه كف محترم هزاع: ههههههه ثاني ثاني ولد خالي عبيد ... يوم ترمسين عنه جدامه ويه شوه يسوي مروان: ههههه عاد ثاني صدق يكرهه هزاع: ما استبعد انه ينظرب يوم واحد ع ايده مروان: خل يزقرني يوم بيظربه بساعده سلامة: يااا الله كيف مجرمين ! هزاع: هو مخلي الناس يكرهونه مروان: وما يدانون يشوفون رقعة ويهه سلامة: خلاص فضوها سيرة ... لا ترمسون عن الولد ********* |
الجزء الـ 44 يالس ..... يتريا في الحجرة .... ما في حد ... جنه هو المريض وراقد فالحجرة .. مب جنه اخته المريضة ... اللي يالس يترياها ف الحجرة .. لانها وباختصار ما يدري وين سايرة !...... دخلن ... كل وحده فيهن تدز الثانية ... لاحظ .. رد ورا شويه .. وحط ريل على ريل وايده ع خده ... رملة ( أبتسامة مصطنعه ): السلام عليكم احمد: اهلاً وسهلاً... وعليكم السلام عفرا: انته من متى هني ؟ احمد: والله صار لي نص ساعه رملة: بل ... وايد ! احمد: وين كنتن ؟ عفرا: وديت رملة الصالون ... انا اتصلت بك وما رديت عليه ... قلت بستغل الوقت .. ووديتها الصالون ارتب لها شعرها سكت احمد .. وتم يطالع في ويه رملة .. وعفرا ... رملة ميته من الزياغ .. عفرا ولا جنها مسويه شي ... تقريا مرت دقيقتين ع الحال ... احمد ( أبتسم ): نعيما .. عفرا: الله ينعم عليك رملة مب مستوعبة .. كانت تتريا صرخة .. وكف بعد .. لان شكل احمد ما كان يبشر بخير .. ومره وحده انجلب ... شكله .. وحاله ... احمد: اشوف رملة: شرايك احمد: انتي شوه مسويه ! رملة: والله احمدوا ربكم .. ما قصيته زيادة عفرا: ما سويت شي انا ..... برضاها .. وبعدين رتبته .. والله ما دقوه فوق .. الا اني غيرت لها القصه احمد: بس انا اشوف شي قصير وشي طويل عفرا: اكيد بيطلع قصير ... رملة: احمد لا تحبطني .. قول حلو احمد: كيف هالقصه كيف ؟ عفرا: شوف الطبقة اللي فوق اقصر عن اللي تحت .. شعرها طبقتين احمد: ومنوه مبتكر هالقصه !.... عفرا: والله هند بنت خالوه قالت حق الحرمة تقص لها جذه .. احمد: انتن سايرات ويا هند عفرا: هيه احمد: هند بس ... عفرا: واخوها احمد: اها رملة: بس اتخسي ولا رام يقول أي شي عفرا ( غيرت السالفه ): احمد .. امون اتصلت بك ؟ احمد: هيه ... ليش ؟ عفرا: رمستها ؟ احمد: ليش ؟ عفرا: لانها اتصلت فيني ... وسالتني عنك !... مستغربة ... احمد: وليش تستغربين ؟ عفرا: هي دايما تتصل بي وتسأل عنك .. لكن مب بهالاصرار اللي اليوم كانت عليه ... رملة: شكله راقد وناسي هو بعد ولا يدري بمبايله .. وهي حليلها زاغت عليه عفرا: ما يندرى والله احمد: شوه ما يندرى ؟ ... شوه قصدج ؟ عفرا: مب قصدي شي احمد: لا ترمسين بالالغاز قولييييي عفرا: هههههه وبلاك متحمس رملة: شي يخص حرمته ما تبينه يتحمس ! احمد: قولي شوه قصدج ؟ عفرا: قصدي ناسي .. وما تدري بمبايلك .. والا عمدا تزيغ اختيه احمد: الثانية عفرا: ط هذا ... اونك عاد احمد: كيفي رملة: من صدقك يعني الثانية !...... ومتعمد تزيغها ؟ احمد: هيه من صدقي عمدا .. بس مب متعمد ازيغها .. ما قلت لها زيغي عليه عفرا: الله !..... كيف جذه بعد ؟ احمد: هيه ما قلت لها زيغي عليه ... هي تدري عدل جيه ما ارد عليها رملة: حرااااااام ... يعني عمدا ما ترد احمد: هيه عفرا: وبكل فخر يعترف ..... ليش انزين احمد: مسائل شخصية عفرا: لا والله !.... احمد: هههههههه هيه رملة: مسائل شخصية يوم بتكون في البلاد ادلع وتغلى عليها مب انته برع البلاد .. تلعب بأعصابها احمد: كل واحد يتحمل خطأه عفرا: لا والله يعني اختيه غلطت وانته ابد الغلط ما يدل طريجك احمد: ههههههههههههه شوه هاي بعد الغلط ما يدل طريجك .. يديدة الصراحه منج في حقي عفرا: اقصد يعني .. والله اكيد انته غلطت عسب جذه هي غلطت احمد: والله انا الريال عفرا: عشتو .. وخير يعني رملة: ثر الرياييل وايد مصدقين عمارهم يبون يذلون الحريم ذل احمد: ط هالهنتين ههههههههه .. رملة: دفاعاً عن حقوق المرأة .. ونحن في بلد أجنبي ... يعني وايد يدافعون عن المرأة .. عفرا: ههههههه وين وين دخلت هاي احمد: اقولج ما تصدق .. رملة: هيه كيفي احمد: انزين يا بنات ... عندي لكن شور رملة: شوه ؟ احمد: مدام ان هذا آخر يوم لنا في ألمانيا رملة: فكه عفرأ: خليه يكمل .. احمد: انا مرتب جدول عجيب رملة: وهو كالتالي احمد: بوديكن اسواق ألمانيا رملة: وين هاي بعد ؟ احمد: في دبي عفرا: ههههههههههههههههههههههههه احمد: يعني وين بالله عليج رملة: انا اتحسب اسم السوق .. أسواق ألمانيا احمد: يعني هني مراكزهم .. سناترهم .. رملة: شوه الفرق بين السناتر والمراكز احمد: رملوه روحي مب متفيج .. لا تصدعيني رملة: مب متفيج وبتظهرنا ما نبا هالطلعة اللي بالذل عفرا: بل !...... ناكرة للجميل .. وبعدين متى ذلج احمد: قوليلها !.... ما تطيق مني كلمة .. الا حولتها ذل .. رملة: اوكيه خلاص .. بس ع شرط احمد: واللي هو رملة: ما بلبس الكاب احمد: طبعا الشرط مرفوض رملة: الله يخليكم عفرا: مستحيل .. ما بتخسرين شي لو لبستيه رملة: لا بلبس .. بس مب الصوف .. بلبس الكاب العادي احمد: لا تحاولين .. بتيين تلبسين الصوف .. ما تبين .. يلسي مكانج احسن .. بودي عفرا تشرى أي شي تباه رملة: اوهوووووووووووووو احمد: قلت لج عفرا: لا تخربين ع عمرج رملة: انزين خلاص احمد: اصلا مب بكيفج .. بتلبسينه غصبا عنج رملة انزين قلت خلااااااااص احمد: يالله عيل ... بتزهبن ؟ رملة: بعد شوه نزهب ! احمد: نسير يعني ؟ رملة: هيه احمد: عفرا ما تبين شي فالفندق او هني ؟ عفرا: لا .. نسير .. احمد: يالله .. بس لين العشا خلاص .. لين ما نرد المستشفى الدكتور بيشوف رملة آخر مره .. و نرد الفندق نرتب أغراضنا .. وعقب اللي يلحق يلحق .. ياخذ له غفوة .. وع طول المطار .. وساروا احمد وعفرا ورملة .. يتسوقون قبل السفر ... في البلاد .. في دبي ... في بيت الشباب ... دخل الحجرة ... وتنهد .. مثل ما تعود كل مره يشوفها مثل ما هي ... ما يتغير فيها شي .. كيف تباني يا سعيد اعطيك هالحجرة كيف ؟ ... كيف تباني اغير كل شي فيها ؟ .. كيف تبا هالاغراض اظهرهم من هني ؟ ... هالكنادير .. هالعبي ... هالعطورات .. هالاغراض كلها قطع عليه حبل افكاره... شخص حس انه واقف وراه .. صد ورا عبدالعزيز: شوه تسوي ؟ عمر: ما شي عبدالعزيز: عمر عمر: هلا عبدالعزيز: يوم بتعرس .. بتاخذ هالحجرة ؟ عمر .. انا ؟ .. آخذ هالحجرة !.... تخبلت يا عبدالعزيز .. انا لو اعيس في نص هالحجرة ... ما بفكر آخذ هاي .. ولا بفكر اظهر كل هالاغراض منها .. عمر: ليش السؤال ؟ عبدالعزيز: ما ادري.. احس هالحجرة بتكون من نصيبك عمر: من نصيب ولا حد .. الحجرة بتم مثل ما هي عبدالعزيز: متأكد عمر: مدام انا حي محد بياخذها عبدالعزيز: ليش سعيد جذه يسوي ؟ عمر: سعيد مضغوط عبدالعزيز: ما في شي يخليه يسويه جذه .. لو مهما كان الضغط عمر: انته ما تدري بظروفه عبدالعزيز: انا ادري كله من حرمته عمر: كم مره قلت لك لا ترمس عن حرمت اخوك بهالطريقة .. مهما يكون هي حرمت اخوك .. واي شي تقوله .. جنك تقوله في حق اخوك ... عبدالعزيز: هي اللي تحدنا ع هالشي عمر: هي ما تحدك .. انته تقدر تتحكم في نفسك .. تقدر تسيطر ع اعصابك عبدالعزيز: هي تخلي الواحد يفور من داخله برمستها عمر: حتى ولو .. نحن نقدر نكسبها بكلامها الحلو .. والطيب صح ؟ عبدالعزيز: انته معلمني جذه عمر: وما اشوفك اطبق هالشي عبدالعزيز: ناس ينفع معاها .. وناس لا عمر: كل الناس تنفع معاهم الكلمة الطيبة عبدالعزيز: حتى بدر ؟ عمر: شوه ياب طاري بدر الحين ؟ عبدالعزيز: ما ادري تذكرته هالخقاق الثاني عمر: شفت كيف انك تلقب الناس بألقاب هم ما يحبونها .. لو حد يقولك جذه شوه بيكون موقفك؟ عبدالعزيز: ثرهم يقولون لي بو لسان .. عمر: ما تنقهر ؟ عبدالعزيز: لا لاني صدق بو لسان عمر ( أبتسم ): ما ينرام لك عبدالعزيز: انزين بطلب منك طلب .. قول تم عمر: اذا اقدر عليه عبدالعزيز: ان شاء الله بتقدر عليه عمر: قوله وبنشوف ... عبدالعزيز: تشوف هالمنز عمر: بلاه ؟ عبدالعزيز: مب مالي ؟ عمر: هيه عبدالعزيز: انزين وتشوف هالصورة اللي فيها كلنا عمر: هيه عبدالعزيز: يوم بكبر وانته يعني ( حاس ثمه ) ... ان شاء الله بتعرس .. عمر: ههههه وليش جذه تقولها عبدالعزيز: ما نبا ندخل في سالفة ثانية الحين عمر: هههه انزين .. شوه السالفه؟ عبدالعزيز: اباهم عمر: شوه تبا بهم ؟ عبدالعزيز: اباهم .. اباهم يكونون في حجرتيه عمر: وليش ما يكونون في مكانهم عبدالعزيز: احس ان الحجرة حد بياخذها .. عمر: قلت لك محد بياخذها ... عبدالعزيز: بس انا احس عمر: لا تحس .. عبدالعزيز : لا حول الله عمر: خلاص حس .. بس انا قلت لك بعد .. مدام اني حي محد بياخذها عبدالعزيز: عمر توعدني عمر: بـ شوه ؟ عبدالعزيز: اتم انته عمر مثل ما انته ... عقب ما تعرس عمر: بلاك اليوم تطري العرس ؟ عبدالعزيز: ما ادري .. احس ان وايد اشيا بتتغير خلال فترة بسيطة ... وخلال الايام اللي بتيي كلام عبدالعزيز صح .. الاشيا تتغير خلال فترة بسيطة .. وشكلها حالهم بتتغير .. بس ما يدرون هل للاسوء اكثر .. او للأحسن ... وقطع عليهم رمستهم .. مروان اللي ياي من هناك متحمس عمر يطالعه من فوق لين تحت مروان: وين كنت ؟ .. كنت ويا هزاع ... وين سرتوا ؟ .. ستار بوكس نتريق .. يمكن السؤال الزيادة اليوم بعد .. ليش ؟ ما شي ريوق فالبيت ؟ .. عزموني ع الريوق .. وقلت ما بفوت عبدالعزيز: منوه عزمك ؟ عزموني يعني مب هزاع بس مروان: والله ! عمر: انته فتحت السالفة انته تكملها مروان: هزاع وسلامة عبدالعزيز ( نقز من مكانه ) : اونه سلامة كانت وياكم مروان سار وانسدح ع الشبرية .. مروان: هيه عبدالعزيز: ليش ما وديتني ؟ مروان: كنت راقد عبدالعزيز: جان وعيتني مروان: بس عاد .. سرنا وردينا .. بنرجّع اللي تريقناه الحين .. عمر: طفس ! مروان: ههههههههه عبدالعزيز: وليش يعزمونك وانا لا ؟.. برويها عمر: لا والله ! عبدالعزيز: هيه عيل مروان: اونه عزموني .. اتصلوا بي وسرنا هناك .. سلامة حطينا عليه وزعلت ... عسب ترضى بس قلت الريوق ع جسابي .. قصوا عليه عمر: تستاهل .. مروان: يالله عادي .. فدى راس عيالي فالمستقبل عبدالعزيز: بااااال .. من الحين مروان: هيه نؤمن المستقبل عبدالعزيز: فريد يقول عموه بتييب اليوم الغدا مروان: احسن .. عمر: يعني فريد مرتاح مروان: خل يرتاح ويتهنى .. ويا رب اليوم عموه تيي .. وتطيح فيه بعد عبدالعزيز: حليله فريد عمر: والله لو من دون فريد ما ادري كيف بتعيشون انتوا عبدالعزيز: هيه والله عمر ( اطالع صوب مروان ): انته شوه تسوي ؟ مروان :اسكت عبدالعزيز: ط هذا مروان: وقسما بالله .. لو تييبون عطور الدنيا كلها واعواد الكون كله .. والله ولا ريحة تسوى هالريحة .. مروان كان منسدح ع الشبرية .. وفي حوار عبدالعزيز وعمر .. دفن راسه فالمخده .. هالريحة اللي لا يمكن فعلا تسوى أي ريحة .. حلوة غيرها ....... آمنة: بيخبلني والله بيتخبلني سلامة: شوه السالفه انزين ؟ جيه ما يرد ؟ آمنة: يتغلى سلامة: لا اظاربتوا ؟ آمنة: والله هو يقهر ... غلطان ويزعل سلامة: بس امون هو برع البلاد آمنة: ولانه برع البلاد يقولي عيون خضر وزرق وحمر وشعر اشقر وبرتقالي 1 سلامة: اكيد يتغشمر وياج .. صدقتي يعني احمد راعي هالسوالف ! آمنة: ما صدقت .. بس الوحده تنقهر يوم ريلها يرمس عن هالأشكال سلامة: يالله ما احيدج جذه تشكين في عمرج آمنة: والله يا سلامه ان هالسفرة انا روحي لايعه جبدي منها ... سلامة: هو شوه يقول عيل .. آمنة: هو المسؤول .. هو اللي رفض ان نسير وياه .. سلامة: اكيد له وجهة نظر .. آمنة: الحين كيف ارد البيت انا سلامة: ليش تردين تمي هني آمنة: برد بسير انظف المكان .. ارتبه .. سلامة: قولي حق هزاع يوديج .. آمنة: بسير العصر سلامة: خلاص عقب الغدا سيري .. ودخلت ام هزاع .. عذيجة: وه وه .. يالحر ... استغفر الله .. اللهم اجرنا من نار جهنم هزاع نازل من فوق .. هزاع: اسمع جهنم سلامة: امك حرانة هزاع: فديت امايه انا عذيجة: مروان كان وياكم ؟ هزاع : هيه عذيجة: جيه ما يا وياكم ؟ هزاع: ثر يا ويانا عذيجة: اقصد ما نزل هني هزاع: قال بيسير يتغدا ويا اخوانه عذيجة: انزين قم انته ودني بيتهم هزاع: وين اوديييييييييج ! عذيجة: ودني بيت اخويه هزاع: الحين ! .. عذيجة: هيه .. بلاج تقولها جذه هزاع: الحين الظهر سلامة: سيري عقب الغدا عذيجة: لا بسير اتغدا وياهم آمنة: انتي يعني مسويه الغدا حق بيتهم اليوم ؟ عذيجة: هيه هزاع: امايه خلي السايق يوديج عذيجة: صدق ما تستحي ... ما تنفع ونشت ام هزاع سارت داخل سلامة: ههههههه فرت عليك كم كلمة هزاع: لاني مب متفيج .. لو سرت الحين .. بتغدا هناك .. عقب الغدا بنتكاسل كل واحد بيطيح من صوب .. ع العشا برد البيت آمنة: وييييه كل هذا يسوي بكم الغدا هزاع: هيه .. جيه ريلج ما يرقد عقب الغدا آمنة: الحين شلك في ريلي هزاع: ههههههههه بس جذه .. سلامة: ثر ما عنده سالفة .... لكن خل يعرس .. هزاع: ما يخصج في حرمتيه آمنة: من الحييييين هزاع: بعلمها بس تحترم امون سلامة: ط هذا .. الحمدلله يعني تعترف انها بتكون قليلة ادب وانته تعلمها تحترم امون بس ! هزاع: لااااااااااااااااااااااااااااااااااااااااااااااااا اااااا آمنة: ههههه هزاع عدل جملتك عدلها سلامة: غير قابلة للتعديل هزاع: في عينج ما تقولين عنها قليلة ادب سلامة: الحمدلله والشكر ... روحك قلت انزين هزاع:انا ما قلت انتي فسرتي رمستيه غلط طلعت ام هزاع من داخل ... عذيجة: انا بسير ويا السايق .. ابوكم بيرد قولوا حق البشكارة .. تزهب السفرة هزاع: ما تبيني اوديج ؟ عذيجه: الله لا يحوجني في يوم لا لك ولا لمروان هزاع: امايه كم مره قايل لج ما تطريني ويا ولد اخووووووووووج آمنة: اساميكم مقترنة ببعض خلاص هههههه سلامة: ويه هاي تخبلت ... تباج امايه عذيجة: خل تسير عند امها ... صاحت ميثا ... يدتها ما عبرتها وسوت لها طاف آمنة:امايه حرام عليج عذيجة: انزين شسوي فيها.. هزاع:وديها وياج وديها آمنة:لا لا هزاع: خل توديها والله بيجابلونها هناك عذيجة ( شلتها): بوديها آمنة:لاااااااا عذيجة: ما بتاخر.. الا هو غدا ورادين وظهرت ام هزاع ... آمنة: ما شلت لها شي ... قولوا لها تتريا بسير ازهب شنطتها بسرعه هزاع: لا ما بتسير لين ما يودون الجدور فالموتر سلامة: انزين سيري بسرعه قبل ما يخلصون آمنة: يا ويلكم لو ساروا ..هزاع انته بتودي الشنطة هزاع: فاضي انا اسير بيت خالي سيف عسب شنطة ميثا سلامة: سيري انزيييييييييييين .. سارت آمنة عقب شريخ اختها ... في بيت بو زايد .. زايد: وين بتسير ؟ ثاني: ما ادري زايد: كيف يعني ما تدري ؟ ثاني: ما ادري حواطه .. طلعه زايد: شوه فيك انته اليوم ؟ ثاني: ما فيني شي ليش ؟ زايد: ما ادري .. مب طبيعي ثاني: بسم الله عليك اخويه .. ما فيني شي زايد: متأكد ثاني: طبعا متأكد .. يالله فمان الله .. ظهر ثاني من البيت .. وركب سيارته ... ثاني .. يالله يعني زايد لاحظ عليه .. استغفر الله .. انزين بلاني ؟ .. انا للحين مب متأكد ... اصلا كيف سمحت لنفسي اسوي هالشي ؟ .. كيف تجرأت وخذت المبايل ؟ وفتشت فيه ؟ .. بس دايما تكون عاقه مبايلها .. ولو آخذه حتى جدامها ما تقولي شي .. ثاني مضايج .. وفعلا هو اليوم مش طبيعي ولا على بعضه ... وهذا كله بسبب موقف حصل اليوم الصبح ... يوم هو وغاليه كانوا يالسين يسولفون تحت فالصاله ... سارت غاليه شويه برع .. مد ثاني وخذ مبايل اخته .. يشوف مسجات حلوة .. ويطرش حق عمره .. قرا المسج اللي مكتوب فيه .... بسيطة .. تعالي الميلس .. دقي الباب 3 مرات .. انا بفتحه .. باخذ مبايلي .. وخذي مبايلج ... والمسافر راح .... وعقبها .. رن مبايل غاليه وكان رقم غريب .. فـ رد ع الرقم وهو مب حاس وسمع صوت واحد ... بند في ويهه .. وتم يالس في مكانه يفكر .. شوه السالفه ؟... وكيف جذه !..... ومنوه هذا ؟ .... في ألمانيا نشت من الرقاد ... تحس جسمها كسلان .. ومب متفيجة حق أي شي ... تشوف الساعه .. جريب المغرب... نفس الوقت .. دخل هو عليها الحجرة .. محمد .. بابتسامة ترد الروح ... لو شوه ما يكون فيك وتشوف هالابتسامة تحس ان الهم اللي ع قلبك يخف .. محمد: مسا الخير ما ردت عليه .. وردت غمضت عينها ... تقرب منها ويلس ع الشبرية حذالها .. وبدا يمسح ع شعرها ... محمد: باباتي .. شخبارج الحين ؟ ردت فتحت عينها شوي شوي .. محمد: دبوه قومي .. بسج رقاد عاد .. من امس وانتي راقده حصيص: جسمي يعورني محمد: يعله فيني ولا فيج .. شوه تحسين الحين ؟ حصيص: راسي يعورني محمد: بيخف ان شاء الله حصيص: ما سرت المستشفى ؟ محمد ( تنهد): لا حصيص :ليش ؟ محمد: ما اقدر اسير واهدج هني حصيص: ماما تحاتي عيل اكيد محمد: اتصلت بها ... وقلت لها .. انج تعبانه شويه حصيص: ليش قلت لها ؟ .. بتحاتي زيادة محمد: لا تخافين .. قلت لها تعبها خفيف ... حصيص: انزين وردت بترقد محمد: مب جنج مصختيها .. يالله يالله قومي حصيص: اقوم شسوي ؟ محمد: تيلسين ويايه .. مليت روحي حصيص: اتصل دبي رمسهم محمد: خيبه .. طول الوقت ايلس ارمسهم .. ما شي شغل !... روحي ما ادري كم وصلت الفاتورة ... حصيص: فدا راسي محمد: هههههه ام لسان حتى وانتي مريضة حصيص: رمست عمي عبدالرحمن ؟ محمد: هيه حصيص: قلت له اني تعبانه ؟ محمد: قلت له .. وقلت له لا يخبر حد .. يقول أجلوا السفر حصيص( فتحت عيونها بسرعه ): لا ... الا السفر انا بخير .. محمد: شوفي ... انا طالب لج عشا ... الحين بيوصل ... كلي .. وبنسير المستشفى عند امج .. لاني بمر عند الدكتور مزهب اوراقها وباخذهن .. وعقب بنرد وهي بترد البيت حصيص: صدق ؟ محمد: هيه .. لان الطيارة فالليل حصيص: يعني ماما اليوم بترد البيت ؟ محمد: هيه .. ان شاء الله حصيص: اوكيه انا زينه محمد: زينه .. لكن لا تتوقعين .. اني اخليج تحوطين ع كيفج .. وتسيرين وتردين ما ادري وين .. حتى فالمطار .. خصوصا ان رحلتنا ويا رحلة القروب الثاني حصيص: منوه القروب الثاني ؟ محمد: قوم احمد حصيص: اوكيه بيلس في الطيارة حذالهم محمد: حسب الارقام ... ولا تفكرين بهالشي .. ولا تبهدليني هناك حصيص: الله يخليك محمد: قلت لج .. لا تبهدليني ... بالارقام بنيلس حصيص : انزين خلاص .. سمعوا صوت الباب .. محمد: اكيد العشا .. يالله نشي حصيص: ما ابا آكل محمد: لا .. لازم تاكلين .. عسب اعطيج الدوا .. عطيتج مساعه دون ما تاكلين والحين مب زين بطنج خالي حصيص: انزين مب غصب الاكل محمد: اليوم غصب .. نشي يالله بسرعه .. لين ما ارد ابا اشوفج يالسه فالصاله ... سار محمد اييب عشا بنته .. وهي نشت تتغسل وبتسير الصاله مثل ما قال لها ابوها .. لان يوم تمرض .. يكون صارم في قراراته وفاللي يقوله .. يعني لا تحاول تعاند .. لا تسمع شي ما يسرها ويخليها طول اليوم زعلانه ... فالسوق .. غرقانين فالسوق ... وهو غرقان وياهم ... رملة: والله احمد هذا حلو حق ميثا احمد: فقرتيني انتي .. كل شي يبتيه قلتي ميثا رملة: والله حلو احمد: خذت لها وايد اشيا رملة: انزين حلو احمد: حطيه انزين حطيه وفكيني .. رملة: شوه خذت حق آمنة؟ احمد: مب شغلج رملة: شوه انزين ؟ احمد: قلت ما يخصج .. واحد يشتري اغراض حق حرمته ... شوه هالفضول رملة: يمكن شاري لها اشيا يعني حلوة واااااايد .. عيبتنا نحن نباها .. بشتري حق ناعمه احمد ( يقلدها): بشتري حق ناعمه ... لا ابا حرمتيه تكون مميزة .. ما ابا حد يكون شراتها ... وبعدين جنج الا تدفعين بشتري حق ناعمه ... كله من بيزاتي رملة: يالزط احمد: اللي بتاخذينه رملة: فديته احمد ( كفخها ع ظهرها): استحي ع ويهج شويه وخيلي رملة: آآآآآآآآآآآآي .. انتوا تعلمونا انزييين احمد: يا ويهج لا تصارخين .. والا اييج كف الحين ع راسج رملة: اظرب اظرب .. والله لو ظربت ما بتوصل الاغراض دبي .. وبتضطر تيلس بعد سنة كاملة انزين .. عسب بس انك ظربتي ورديت مره فتحت يرحي ... احمد: مالت عليج .. احمدي ربج يايبنج اعالجج .. والا جان غديتي خبلة يوم تكبرين تخرفين رملة: محد قالك تسوي حادث .. احمد: انتي اللي قلتي طلعني طلعني يالنحسة .. من نحاستج ومن ثرثرتج سويت الحادث رملة: بس ما قلت لك سو فيه كل هالمصايب احمد: وانتي ابد ما سويتي ؟ ... كسر فالريل والايد والعمود الفقري بعد شوه خليتي ! رملة: انته معرس .. خلاص .. انا حليلي اللي ورايه مستقبل ... خلني اسير لا .. انته وايد ترمس ومشت رملة عن احمد .. عقب ما عطته ظهرها .. وفاله هالشعر ولابسة الكاب .... اطالعها احمد بنظرات .. والله هاي زينه ... كل ما قلت لها شي .. قالت لي عرس !..... وريل .. ما تستحي .. مقوات عينها والله !...... ياهل بعد وترمس جذه !... في صوب ثاني .. تطالع البدل ... صوب التنانير القصيرة .. هالتنورة عايبتنها ... والا تلقى مقاسها .. كانت تدور وتدور .. اللون اللي تباه ما شي .. مقاسها .. وكل ما اختارت شي .. اما تلقى مقاسها وما تلقى مقاس ربيعتها او العكس .. لين شافت تنورة ثانية ... نفس الشي تقريبا .. تجدمت صوبها ... نفس الوقت كان في واحد ثاني مجدم .. صوب التنورة نفسها .... رفعت راسها .. بعد !............ لا .. اوكيه اليوم الصبح شفته .. لكن اخته كانت ويانا .. تمت تطالع يمين ويسار ... اخته وينها ؟... ليش مب وياه ... ما ابا انفرد فيه روحي ... بدر: اول مره ؟ سكتت عفرا .. وما ردت عليه .. بدر: اقصد يعني اول مره تشوفيني ؟ عفرا : لا قالتها بسرعه بسرعه .. ويت بتمشي عنه بدر: تعالي تعالي ... نفس الوقت .. مر شخص .. بدر يوم يشوفه ويلتقي به .. يبدأ تنرفزه.. ومن داخله يفور ... احمد ( مبتسم ): مرحبا بدر ( بدون نفس): اهلا ً ومشى بدر ساير احمد: تعالي عفرا شوه تبين ؟ عفرا: ما ابا شي احمد: شكلج كنتي تبين شي .. وهو خرب عليج عفرا: كنت ابا اشوف هالتنورة ... احمد: تعالي شوفي وتنقي .. انا بوقف هني جريب .. عفرا: انتوا خلصتوا ؟ احمد: هيه عفرا: يالله عيل نسير احمد: قلتي بتشوفين التنورة عفرا: لا عادي خلاص احمد: والله عادي .. سيري شوفيها .. نحن هني بنتريا ... عفرا: عادي نسير احمد: اقولج تسوقي ع كيفج .. انا هني .. عفرا: انزين سارت عفرا .. وكان سهل انها تلقى هالمرة .. المقاسات .. وتنورتين لها ولـ غاليه .. وردت صوب احمد احمد: خذتي ؟ عفرا: هيه .. يالله نسير .. وين رملة ؟ احمد: رملة فقرتني .. ما خلت ميثا ما خلت ناعمه ما خلت عيسى .. ما خلت ام عيسى عفرا: هههههههه حليلها احمد: كل ما دخلنا محل تشتري ع كيفها ! عفرا: حليلها .. احمد: اقول عفرا عفرا: هلا احمد: ثر أي شي في خاطرج خذيه ... ولا تهتمين فالدفع عفرا: لا عندي اللي يكفيني وزيادة احمد: والله صدق .. أي شي تبين خذي .. واذا خلص اللي عندج لا تهتمين عفرا : احمد والله عندي .. اصلا انته اللي عطيتني وحلفت ان ابويه مطرشنه ع حسابك احمد: هيه والله ابوج مطرش والله عفرا: انزين .. للحين ما خذت منهم الا شوي .. لان اصلا انا يوم يايه ابويه معطني مبلغ .. مبالغ فيه شويه احمد: هيه لازم دلوعته عفرا: احم احم .. اللهم لا حسد ... الحين برد .. اكيد سلامه وأمون محتلات مكاني بس برد انا اليوووووووم احمد: ههههههه خيبه !.. من الحين تهددين عفرا: هيه اكيد احمد: ما يخصج في حرمتيه .. اقولج من الحين .. عفرا: مب جنك مظارب وياها احمد: شوه هالاشاعات ؟ عفرا: انته قلت ؟ احمد: انا ما قلت عفرا: بلى قلت احمد: قلت لج سوء تفاهم ما قلت مظاربين ...! .. يالله يا الحساد .. عفرا: هههههههه ع شوه نحسد .. من زينها احمد: لا لا لا .. عاد جذه مصختوها انتي ورملة .. عفرا: خلاص خلاص بنسكت .. رملة: بلاها بلاها رملة اسمع اسمها احمد: ما بلاها شي .. جنها البخت ع قولت ناس رملة: منوه ؟ احمد: ما يخصج مب لازم كل شي تعرفين سكتت عفرا .. وفي داخلها كاتبة ظحكتها ع احمد .. صدق قطعوه هي ورملة اليوم .. وهو يقول محد يقولكن شي .. والا يفضفض لكن عفانا الله ..... صدق يهال !.. وفي صوب ثاني .. واقف وهو صدق يبا يزغده .. يبا يذبحه .. كيف يظحك .. وكيف يرد عليها .. ماخذ راحته ع الآخر .. ومسوي عمره ما ادري شوه عليه !...... قطع عليه صوت اخته هند: بدر بدر: هلا ... خلصتي ؟ هند: هيه بدر: شرايج في هالتنورة ؟ هند: حلوة بدر: بس حلوة ؟! هند: ادري ما تحب حد يقلل من جمال و حلاوة ذوقك .. مب لازم امدح حلو والله وروعه ومب مصدقه ! بدر ( يطالعها من فوق لين تحت ): خلصتي ؟ هند: هههههههههه خلاص وااااايد حلوة .. بدر: مالت عليج ... ما تستاهلينها خلاص بردها هند: لا لا ليش تردها ؟ ... خلها .. بدر: واثقه الاخت هند: وليش ما اثق .. مب انته بتدفع بدر: ووين بيزاتج ؟ هند: مب لازم ادقهن .. ووياي اخويه حبيبي بدر ( يشوف اللي في ايد هند ): يعني هاي نغزة اني بدفع جيمة كل اللي في ايدج ؟ هند: انته شوه رايك ؟ بدر: ما اصرف عليج هند: ولد سفير ع الفاضي .. ما تدفع ؟! بدر: انتي بعد بنت سفير هند: بس يعني انته ولد .. عيب يعني بدر: اقولج .. امشي امشي .. جدامي .. انا مكتوب عليه الشقا وياج انتي ... اصرف عليج وادلعج هند: راس مالك انا بس بدر :هيه والله ومشوا هند وبدر سايرين يدفعون .. والقروب الي بدر كان يشوفهم ومنقهر من اللي وياهم .. ساروا من فترة .. لان هند قطعت عليه .. وهم كانوا مخلصين ويدفعون .. ساعات قليلة .. بس تجمعهم .. وعقبها بيفترقون وكل واحد فيهم بيرد لـ حياته الطبيعية .. في هالساعات البسيطة .. محد يدري .. بيسوي شي يخرب كل الايام الحلوة اللي مروا فيها .. والا بيستوي شي بيرد المياه الى مجاريها عقب الغلطات اللي ارتكبوها في حق ناس غير .. والا شوه والا شوه بيستوي ؟ ... محد يدري ....! في بيت الشباب ... عقب الغدا الحلو في راي الكل ... لان عمتهم اليوم طابخة .. يالسين يشربون جاي ... روتينهم اليومي .... عبدالعزيز: تعالي هني مروان: خلها ما تباك البنيه عبدالعزيز: ايه انتي ... يا ويهج مروان: ويهك انته لا تلعوز البنيه .. بتصيح الحين عمر: عبدالعزيز خلها في حالها عبدالعزيز: انزين شوفها كيف تقهر .. ما تطيع تسير عند حد من الصبح عند مروان عذيجة: اذا صاحت انته تسكتها انا ما يخصني عبدالعزيز: والله اللي متعلقه فيه يسكتها مروان: بكفخك مب اسكتها عبدالعزيز: عمر شوفه عمر: صدقه .. عذيجة: بتخيسك مروان مروان: عادي خله تخيسني راشد: بعد .. مطورين نشرب جاي مروان: هييييييييه عيل تربية عموه عذيجة: تربية عموه تشرب جاي ؟ مروان: هههههههه عيل منوه معلمنها ؟ عذيجة: ما ادري اسأل عمرك .. وابوها مروان: حليله احمد بنخطف بنته لين ما يرد عذيجة: باجر بيرد جيه بعد تخطف بنته مروان: اوكيه ... ما بنردها الا يوم بيدفع لنا .. عبدالعزيز: هيه احسن .. عسب نعطي البيزات حق مرت سعيد عل وعسى ترضى وترد البيت ... بكلماته هاي .. حول كل الانظار له .. عذيجة: شوه قلت ؟ مروان: احم احم ... انا ما يخصني .. انا برع الموضوع ... هذا كملها بعد .... راشد بدا يتهرب .. وما يبا يشوف نظرات عمته .. عبدالعزيز .. عاض ع شفايفه واكيد مصيبة وكارثة بتصيبه عقب اللي قاله .. و عمر منزل راسه .. ما يعرف شوه يقول والا شوه؟ عذيجة: بلاكم صخيتوا ؟ مروان: شوه تبين العيوز شوه تبين ؟ عذيجة: شوه سالفة حرمت اخوكم ؟ مروان: ما عندها سالفة عذيجة :شوه ؟ مروان: اقصد يعني ما في سالفة .. ما شي سالفة عذيجة: ما شي سالفة .. ومن طراها عبدالعزيز صخيتوا ؟ انا جني سمعت شي ما يسر مروان: مثل عذيجة: مروان والله ما لي خلق غشمرتك الثجيلة مروان: انزين شوه تبين تعرفين قولي والله بقولج انا عذيجة: وين سعيد ؟ مروان: ما ادري عذيجة: مروان ! مروان: والله ما ادري عذيجة: وين حرمته ؟ مروان: ع حد علمي في بيت اهلها عذيجة: ليش ؟ سكت مروان عاد ليش .. هالكلمة الصغيرة في هالسؤال البسيط جدا جدا جدا .. اجابته جدا صعبة .. فـ حول المكرفون حق حد ثاني عذيجة: قولوا مروان: عاد ليش .. خل هم يخبرونج .. والله انا رمست وايد عذيجة: عمر عمر: هلا عموه عذيجة: ارمس عمر: تعالي برمسج فالصاله الثانية .. نشت ام هزاع ورا عمر .. بدون ما تعارض او أي شي ... مروان: يا ويهك عبدالعزيز: والله نسيت انها ما تدري راشد: حاول تسيطر ع عمرك شويه عبدالعزيز: ايهيييييي علينا والله ان ما ادري كيف قلت جدامها مروان: ع العموم جذه والا جذه كانت بتدري راشد: بس عمر توهق الحين وياها مروان: وبعدين بقولك ... عموه جيه والا جيه كانت بتدري دام ان حرمت اخوك متناحسة وما تبا ترد البيت .. وتبا بيت روحها .. تتحسب الرمسة ما بتوصل حق عموه عبدالعزيز: زين يعني سويت انا ؟ مروان: هيه .. راشد: لا والله ؟! مروان: والله العظيم .. خلها تدري من عندنا . . احسن من باجر تدري من الغرب والله لتشرشحكم واحد ورا الثاني راشد: الله يعين عمر عبدالعزيز: انزين انتوا جان رمستوا هو ما بيضطر يسير يرمسها هناك مروان: ميثاني حووووووووووبيييييييي والثانية تدلع عليه عاد ... تم مروان يلعب ويا بنت آمنة .. وراشد وعبدالعزيز مجابلين بعض ... في الصالة الثانية .. عذيجة: وعقب ؟ عمر: شلت اغراضها وطلعت عذيجة: جيه .. جدامكم .. وسعيد ما قال شي عمر: شوه يقول ؟ عذيجة: شوه هو سوء التفاهم ؟ عمر: عموه سوء تفاهم بينها وبين عبدالعزيز عذيجة: هذا طفل انزين عمر: اوكيه ما اقولج ان عبدالعزيز مب غلطان .. هو غلطان .. عذيجة: غلطان يعتذر لها وانتهت المسألة . جيه تشل اغراضها وتسير ؟ .. شوه هالمذهب ؟ .. عيب والله عيب الحرمة تشل اغراضها وتسير بيت اهلها بسبّة ياهل عمر: كل حد وطريقة تفكيره عذيجة: والحين .. متى ناويه ترجع ؟ عمر: تقول ما تبا ترجع هالاجابة كانت بالنسبة لها صاعقة بعد اكبر .. ما بترجع ؟ .. كيف ؟ عمر في داخله وبينه بين نفسه ... يبا يكون صريح ويا عمته .. ما يبا يلف ويدور عليها .. هو ما عنده غيرها .. وما يقدر يقص عليها والا يدس عنها أي شي ودام الحين عرفت السالفة فـ قال بيقول لها كل شي بصراحه ... عذيجة: انته شوه تقول ؟ عمر: عموه تبا بيت روحها .. مب عايبنها هالقسم .. من وين ؟ والله من وين ؟ ... لو عندي حق بيت والله ما ببخل ع سعيد .. بس ما عندي .. كل واحد فينا يشتغل .. لكن مروان بعده يدرس في الجامعة .. وعبدالعزيز بعده وعمران بعد ... اللي آخذه من عمي يوسف يتقسم علينا كلنا .. سعيد ياخذ بيزاته وما يخصني فيه .. راشد قايل لي ميزانيته تكون عندي احسن .. لانه ما يحتاجها الحين ... ومروان ظهر له موتر .. فـ ميزانيته تقل .. عمران وعبدالعزيز ما اقدر ادق أي شي من بيزاتهم ما ابا اظلمهم .. اما انا فـ ميزانيتي دااااون .. والله ان ضاغط ع عمريه بس عسب مصاريف البيت .. من ييب وشل وحط وسير وتعال .. من وين اييب حق بيت من وين ؟ .. سكت عمر .. اول مره يرمس بهالطريقة .. واول مره يقول كل اللي في قلبه دفعة وحده .. واول مره جدام عمته يشتكي .. هو روحه ما يدري كيف رمس جيه .. وعقب ما خلص .. نزل راسه .. وحط ايده ورا راسه .. شرات الندمان .. او الواحد اللي شايل هم ويا الوقت اللي يشاركه فيه شخص ثاني .. و يشل عنه ولو شي بسيط .. وحتى لو ما شل عنه ... المهم ان فضفض وقال للشخص الثاني اللي في قلبه .. ********** |
الجزء الـ 45 في ألمانيا محمد: وايد متأخرين حصيص: اصلا انتوا ادري بكم تبون تأخرونا عسب ما نسافر ... احلوّت لكم اليلسة هني سهام: خلاص ... شل هالشنطة محمد: خلصتيها ؟ سهام: هيه محمد: انتي ما نسيتي شي فالمستشفى ؟ سهام: محمد كم مره تسالني هالسؤال ؟ محمد: ابا اتاكد سهام: لا .. ما نسيت محمد: اوكيه خلاص آسف سهام: يالله عاد عن الدلع حصيص: الحين بابا لا اتم تدلع .. يوم بنرد البلاد تدلع ع كيفك محمد: الله ... الواحد يغلط ما تبونه يعتذر يعني ؟ سهام: خلاص ... اعتذر حبيبي .. اعتذر خذ راحتك بعد .. هني احمر ويه محمد واخضر واصفر ... سهام ما كان قصدها تتغزل فيه .. في رمستها العادية .. قالت حبيبي .. وحصيص كاتمة ظحكتها ... حصيص: اقول يعني ممكن نسير المطار بسرعه .. نش محمد وشل الشنطة ولا قال ولا كلمة ... وسار برع .. هني عاد انفجرت حصيص تظحك .. وامها معصبه عليها سهام: صدق انج حركات حصيص: ههههههههههههههههههه سهام: بس عاد ... حصيص: شفتي ويهه كيف استوى ؟ سهام: انتي خليتيه جذه يستوي حصيص: والله مب انا .. انا من بوني اسمع ابويه كلام حلو .. سهام: شوه قصدج ؟ حصيص: ما ادري ... يعني ماما حبيبي وجدامي قوية سهام: انا ما كنت اقصدها حصيص: عيل شوه ؟ سهام: يعني جذه قلتها ... انتي ابد ما تقولين له ؟ حصيص: اقولج انا بنته سهام: يا سلام ؟!...... وانا حرمته حصيص: والله محد قالج من قبل ما تسمعينه كلام حلو سهام: انا ما اسمعه كلام حلو ؟ ... حصيص: هذا اللي باين من ردة فعله سهام: لا حبيبتيه انتي .. انا اقوله حبيبي وعمري وحياتي .. حصيص: هههههههههههههههههههه سهام: بعد تظحكين ! حصيص: مامااااااااااا .. انتي تظحكين اليوم سهام: الا انتي طفسة حصيص: الحين انا طفسة ! سهام: شوه قصدج يعني ؟ حصيص: مب قصدي شي خلاص .. نسير .. لفي لي شعري سهام: تعالي هني وسارت حصيص صوب امها .. حصيص: لااااااا .. لفيه كامل سهام: لا حطيه جذه الحين .. ذيل حصان .. احلى ع هاللبس حصيص: رايج يعني ؟ سهام: هيه .. وين دواج ؟ حصيص: ما ادري .. سهام: ليكون حطوه في الشنطة .. ومحمد رد محمد: دواها هني في هالشنطة سهام: ييبه خلني اعطيها اياه .. حصيص: فالمطار فالمطار سهام: ما شي فالمطار .. قلت لج هني .. حصيص ( شافت صوب ابوها ): انته موصنها ! محمد: ما قلت لها شي .. بس هاي امج وردت لج مب انتي تبين هالشي حصيص: هيه بس مب تصرخ عليه وتجبرني سهام: انتوا الاثنين بسكم حش فيه عيني عينك محمد: ما يخصني بنتج ! سهام: وانته وياها حصيص: ويووووووو قفطوه ههههههه محمد: زين جذه الحين .. حصيص: والله مثل ما تحرج عليه تحرج عليك محمد: والله ! ... اصغر عيالج انا حصيص: انا ما قلت جذه سهام: بسكم عاد جنكم يهال محمد: انتي تصارخين عليه جدام البنيه سهام: لا حبيبي ما صرخت عليك هني رد محمد يطالع حرمته بنظرات ... اللي ابتسمت له .. يعني هالمره متعمده وحصيص ما قدرت تيود عمرها .. حكت في ويهه .. وسهام عمداً قالت عسب تثبت لـ حصيص ان اللي تقوله صح .. وانها تدلع محمد كل وقت .. يعني حرام وحده تقول حق ريلها حبيبي ! محمد: سهام .... سهام: هلا محمد ( يطالعها بنظرات ) : عن الحركات انزين ... يالله نسير .. اكيد نزلوا الشنط ودخلوها السيارة اللي بتودينا الحين وظهر محمد قبل حرمته وبنته .. حصيص: هههههه عذبتيه سهام: هههههه انتي حركات صدق حصيص: ما يقدر الريال سهام: ايه يالسخيفه لا ترمسين جذه عن ابوج هههه حصيص: انزين .. قبل ما يقول ما برد البلاد .. اخافه تعيبه اليلسة هني سهام: جيه هو يقدر حصيص: الله يخليج لا تتحدينه ... ثره بيسويها سهام: اوكيه الحين ما بتحداه هني .. بس فالبلاد .. هيه حصيص: فالبلاد جتلوا بعض بعد كيفكم .. يالله نسير .. لبسن حصيص وسهام جاكيتاتهن .. ولبست سهام شيلتها .. وظهرن سايرات المطار ويا محمد .. عقب ما عافن ألمانيا باللي فيها .. عقب سبع سنوات بالنسبة لهم كانت عذاب .. وتعب وارهاق بمعنى الكلمة .. منوه يتحمل .. فعلاً منوه يتحمل ؟ .. بس سبحان الله يوم الواحد يصبر على ما بلاه ربه .. يرزقه ربه من حيث لا يحتسب .. وهذا كان نصيب محمد وسهام .. في المطار .. ربعنا مدام وياهم احمد .. فـ اول ناس وع الموعد تماماً .. يكونون فالمكان ... رملة: يايين وايد من وقت .. جنه مب مصدقين احمد: هيه مب مصدقين عفرا: تعب يلسة المطار احمد: والطيارة اتعب رملة: عادي نغير اماكنا ؟ احمد: لا طبعا مب عادي رملة: انزين قوم حصيص ما يو ! عفرا: اكيد بييون الحين .. ع قولتج يايين من وقت احمد: انا انسان مواضب ومنظم رملة: وايد لا تمدح عمرك الله يخليك احمد: اقولج .. قولي حق اخوج عيسى يدفع لج جيمة الشحن اللي شاحنه فيه الشنطة انزين رملة: بقوله والله بيدفع .. احمد: انزين اصبري جان ما سويتها فيج عفرا: يالله .. والله جنكم يهال احمد: هاي تقهر ثر برمستها رملة: ما اقهر بس مصدق عمرك زيادة عن اللزوم احمد: وانتي شوه حارنج ؟ رملة: ابا ايلس حذال عفرا وحصيص .. احمد: يالله يالله ما شي عفرا: خبلة انا ايلس حذالكن انتن بس .. عسب اتخبل صدق نفس الوقت رن مبايل احمد رملة: اقولك سر سر رد ع حرمتك احمد: ما برد عفرا: حرام والله .. تدري انها متبهدله الحين احمد: ادري عفرا: رد عليها انزين .. لا تذلها هالكثر احمد: يعني ارد ؟ عفرا: والله كيفك .. بس يعني انا اقول رد رملة: اونك عاد بتسمع رمستها احمد: كيفي ....... خلاص ما برد ... في البلاد .. يالسه روحها في قسمها ضغطها مرتفع .. بس تترياه يوصل عسب تكفخه .. وتعطيه كم طراق تسنعه فيه .. لانه وايد قاهرنها بهالتصرفات .. قالت بتتصل في اخوها ... يشوف بنتها متى بييبونها لانها ردت بيت ريلها .. وما تدري عن بنتها .. آمنة: الو هزاع: هلا وغلا بهالصوت آمنة: هزاع وينكم ؟ هزاع يايين آمنة: وين واصلين ؟ هزاع: جريب .. آمنة: رمست عفرا ؟ هزاع: لا .. رمست احمد انا رمست احمد !..... يعني احمد يرد عليهم .. ولا يرد عليها .......... هزاع: الووووووو آمنة: هلا وياك ... وين كانوا ؟ ما قالك ؟ هزاع: فالمطار آمنة: يعني رحلتهم الحين هزاع: عقب ساعه تقريبا آمنة: اها .. هزاع: انزين نحن جريب بنوصل خل حد ايي يشل ميثا برع آمنة: ادخلوا انزين الميلس هزاع: مستحيل مروان ويايه .. واصلا حتى لو مب ويايه .. مستحيل انا ادخل .. وتدرين بي آمنة :انزين ع راحتكم هزاع: انزين آمنة: امايه وياكم ؟ هزاع: لا نزلناها البيت .. تقول بتسير تشوف حجرة عفرا وما ادري شوه .. آمنة: اها .. هزاع: يالله امون بخليج الحين آمنة :انزين .. انا بعد اصلا مشغولة هزاع: خلاص عيل .. آمنة: مع السلامة آمنة .. ما عليه يا احمد .. ما عليه . جذه تسوي فيني .. أي حد يتصل بك ترد عليه .. ويوم انا اتصل ما ترد .. ومسوي لي اكبر طاف .. شكلك صدق لقيت لك وحده من قوم بو عيون خضر وشعر اشقر . تلتعن هي وامّن يابتها .. استغفر الله العظيم .. استغفر الله .. استغفرالله .. وسمعت صوت الباب آمنة: هلا ادخل ناعمه: مرحبا آمنة: اهلا ناعمه: خلصتي ما شاء الله آمنة: هيه خلصت .. الحين بس بدخل اسبح .. ناعمه: اها .. متى بييبون ميثاني ؟ آمنة: الحين جريب واصلين .. بس خلي البشكارة يوم بيوصلون تسير تييبها ناعمه: خلهم يدخلون آمنة: لا اخويه وولد خالي مستحيل يدخلون ناعمه: ليش .. بيقرب بهم عيسى فالميلس آمنة: والله مستحيل ... ناعمه: خلاص .. بشوف يمكن عيسى يقدر يقنعهم .. وهو برع بيشوفهم يوم بيوصلون وبييب ميثا آمنة: ع راحتكم والله ناعمه: يالله ما بخرب عليج .. آمنة: بس ناعمه الله يخليج . قولي حق الخدامه .. تورّي لي ضو .. عسب ادخن القسم ناعمه: ان شااااااء الله من عيوني وسارت ناعمه تحت .. في بيت ام هزاع عذيجة: اميه حصه .. حصه: هلا امايه عذيجة: اميه سيري داخل ين ايي ريلج .. حصه: ما عليه خليني هني عذيجة: هو وين ساير ؟ حصه: بيت ابوه عذيجة: وانتي جذه ما سرتي ؟ حصه ( أرتبكت ): بس جذه عذيجة: حصه .. انا امج واعرفج عدل .. انتي بنتي .. وانا ادري انج دايما تزورينهم ... بس من يوم ييتي ما جد سرتي لهم حصه: وانا توني يايه .. من يومين عذيجة: ولانه من يومين .. وريلج اليوم ساير صوبهم .. انا شاكه ان في شي تنهدت حصه .... عذيجة: قولي اميه شوه فيج ؟ حصه: امايه .. علي قالي ما تسيرين صوبهم .. عذيجة: ليش ؟ حصه: انتي تعرفين ان رمستهم ما ترحم عذيجة: وانا شوه قلت لج ؟ حصه: والله قلت له .. قلت له انا ما يخصني فيهم . بس بسير اسلم وارد .. ما طاع عذيجة: بس جذه اكثر انتي تسببين مشاكل بينج وبينهم .. حصه: هو يقولي خلاص ما اباج تشوفينهم ولا يشوفونج عذيجة: استغفر الله العظيم .. شوه هالمشاكل اللي تنحذف علينا من كل صوب جذه ! حصه: لا تستهمين امايه .. هو كيفه ... عذيجة: انا بسير اشوف هاي رتبت حجرة عفرا عدل حصه: قومي شوفيها .. وخليني انا يالسه هني ... لين علي ايي ... عذيجة: دقايق بس وبرد لج في بيت يوسف .. ناش توه .. يحس ان راسه شويه وبينفجر .. هو يوم طلع من البيت .. ما كان يدري اصلا وين يبا يسير والا عند منوه .. شاف عمره ساير بيت عمه .. وهو ما يدري .. دخل حتى ولا سار صوب عمه .. لان كان عنده ناس .. فـ سار ع طول فوق .. ودخل أي حجرة ورقد .... انفتح باب الحجرة .. عمر: اوه .. ثاني هني ثاني ( أبتسم ): هلا عمر: حياك الله ثاني: اسمح لي .. ياي حجرتك عمر: لا والله عادي .. تفداك الحجرة وراعي الحجرة بعد ثاني: تسلم والله عمر: غريبة روحك هني ؟ ثاني: ظهرت العصر من البيت .. وشفت عمريه متوله ع عمي يوسف فـ ييت هني عمر: وشفته ؟ ثاني: لا ما شفته ... كان عنده ضيوف .. عمر: ساروا ثاني: خلاص بنزل اسلم عليه وبرد البيت عمر: يالله عيل انا ساير ثاني :يمكن كنت تبا تيلس هني وخربت عليك عمر: والله ما ابا شي .. بس ييت شراتك سلمت وساير ... يالله فمان الله .. ثاني: مع السلامه .. سلم ع اخوانك .. وظهر عمر من الحجرة .. ويا في ويهه عمه عمر: ياي فوق يوسف :اشوف ثاني ... كمال يقول انه هني عمر: هيه في حجرتيه يوسف: وانته وين ساير ؟ عمر: برد البيت .. الوقت بيتاخر لين ما ارد يوسف: بيتأخر ؟ عمر ( فهم قصد عمه ... وخاف عن يفتح سالفة اخوانه فـ اختصر الموضوع ): يالله مع السلامه .. وسار عمر دخل يوسف الحجرة .. يوسف: ثاني ثاني: هلا عمي هلا وهو توه ظاهر من الحمام ثاني:اسمح لي ايدي كلها ماي يوسف: مسموح . يقولي كمال انك من العصر هني ثاني: هيه ... شفت عمريه متوله عليك قلت امرك يوسف: ثاني ثاني: هلا عمي يوسف: فيك شي ؟ ثاني :لا يوسف: حاس ان فيك شي .. مب من عوايدك تيي هالوقت وروحك .. وترقد بعد ثاني: قلت لك متوله عليك يوسف: وجيه ما ييتني الميلس عيل ؟ ثاني: كان عندك ضيوف .. فـ ما بغيت ايي واخرب عليك يوسف: عيال بن عبيد .. وحمدان .. جيه ما ييت تسلم عليهم ع الاقل ثاني: ما دريت .. وصعدت ع طول هني يوسف: انزين تعبان من شي ؟ ثاني: لا يوسلإ: تباني اتصل في الدكتور اييك هني ؟ ثاني: لا عمي... والله ما له داعي .. برد البيت انا اصلا .. امايه اكيد تحاتيني انا غالق مبايلي بعد يوسف: بترد ما بتتعشى هني ؟ ثاني: والله ما اقدر .. ومب مشتهي .. اسمح لي الغالي يوسف: مسموح ثاني: وآسف ... يوسف: على شوه ثاني: ازعجتكم والا شي يوسف: البيت بيتك يا ولد عبيد أي وقت تدخل وتظهر متى ما تبا .. دون لا رقيب ولا حسيب ثاني: تسلم والله عمي تسلم يوسف: بتسير يعني ؟ ثاني: هيه .. مع السلامه يوسف: فمان الله .. ظهر ثاني من بيت عمه ... وركب سيارته بيسير البيت ... ومن فتح مبايله .. المسجات انهلت عليه ... ورن مبايله على طول .. ثاني: الو ... هلا زايد زايد: السلام عليكم ثاني: وعليكم السلام والرحمه زايد: وينك انته ؟ ثاني: هني زايد: وين هني ؟ .. من الصبح اتصل بك ما ترد . مبايلك كله يعطيني مغلق ثاني: بيت عمي يوسف زايد: عمي يوسف ؟... شوه مودنك هناك ؟ ثاني: ما شي ييت اسلم عليه زايد: من متى ساير تسلم عليه ! ثاني: ظهرت من البيت العصر وع طول ييت هني .. زايد: صدق ؟ ثاني: بلاك ؟ تجذبني ! زايد: لا بس مشتغرب ثاني: لا تستغرب ولا شي ..هيه ييت زايد: وللحين انته عنده ؟ ثاني: توني طالع زايد: ثاني متأكد ؟ ثاني: زااااااااايد .. بلاك انته زايد: انته اللي بلاك طالع من البيت العصر وغالق مبايلك .. والحين اتصل بك ترد عليه تقولي من العصر كنت عند عمي يوسف .. ياخي نحن بالغصب نودي صوبه يوم عمي يتصل يقول ييبوه ! ثاني: انزين الحين ييت وخلاص زايد: الحين ياي البيت ؟ ... والا بتسير مكان ؟ ثاني: ياي البيت زايد: خلاص عيل .. ثاني: يالله فمان الله .. بند ثاني عن زايد .. هو روحه مب متفيج .. ولا يبا يرد البيت بعد .. لكن مجبور .. يحس ما يدري كيف حاله استوت عقب الموقف .. يحس ان في غلط فالموضوع .. اكيد في غلط .. اكيييييد في الصوب الثاني .. غاليه نازله من فوق .. غاليه: اقول وين ثاني ؟ ام زايد: توج تسألين عنه ؟ غاليه: ليش شوه السالفه ؟ انا توني سرت حجرته ما لقيته غريبه ام زايد: هو طالع من العصر زايد: ساير عند عمي يوسف غاليه تمت تطالع زايد ينظرات استغراب زايد: بلاج ؟ غاليه: ساير عند عمي يوسف ! زايد: هيه ام زايد: ليش ؟ .. شوه يبا به يوسف ؟ زايد: ما يبا فيه شي .. هو روحه ساير صوبه غاليه: ليش ؟ ام زايد: محتاي شي ؟ زايد: والله يقول مريت اسلم عليه ام زايد: من العصر ؟! زايد: هيه غاليه: مب من عوايده زايد: ع العموم هو الحين ياي .. وبنفهم منه السالفه ام زايد: سالفة شوه بعد ؟ زايد: مب انتن تسألن عنه وليش ساير وما ادري شوه ؟ بيي وسأليه ام زايد: بسير اشوف ابوكم .. اكيد بيسألني عن ثاني .. نشت ام زايد عقب ما سمعت صوت بو زايد... ياي من الحجرة .. غاليه: زايد شوه السالفه ؟ زايد: سالفة شوه ؟ غاليه: ثاني زايد: ما ادري والله .. انا روحي مستغرب غاليه: اكيد في شي ... ثاني يودر البيت .. وحجرته واللاب توب ويسير عند عمي يوسف ! زايد: ما ادري بلاه غاليه: خل يرد وبنسأله زايد: سأليه انتي انا بسير ارقد غاليه :الحييييييييين ؟ زايد: وايد من وقت صح ؟ ههههههه غاليه: هيه زايد: ما ادري حاس بتعب شويه .. ارقد من وقت احسن غاليه: اوكيه تصبح ع خير زايد: وانتي من اهله .. استجوبي ثاني اليوم غاليه: اوكيه .. بتولي مهمتك ابتسم زايد وسار فوق يرقد مصل ما يقول لانه تعبان شويه ... في بيت ام هزاع.... سالم: خالتييييييييييي .. خالتيييييييييييي حصه: نعم نعم ؟ سالم: خالوه حصه .. هناك كيف عشتي في ألمانيا حصه: كيف يعني كيف عشت ! سالم: ما ادري ملل شمسة: عفاري ونستها سالم: لا من البداية كيف عشتي حصه: ياربي يا اسئلة هالولد شمسة: جاوبيه وخليه يرتاح حصه: ههههههههه سؤاله غبي انزين سالم: الله يسامحج انا سؤالي غبي الحين حصه: انزين حبيبي .. اممممم عشت بعد كيف عشت سالم: انزين اول ما سرتي رقدتي فالمستشفى ؟ حصه: لا .. سرت اول شي بس سويت فحوصات شمسة: ما رقدتي ع طول ؟ حصه: لا .. وين تبيني اموت شمسة: بسم الله عليج سالم: بعيد الشر عنج يا خالتييييييييييي حصه: ههههههه والله .. صدق رقاد المستشفى ارف عاد خصوصا هناك ما في حد علي بس ساير راد ساير راد شمسة: حليله حصه: هيه والله .. الصراحه علي وايد تعب .. ويايه .. حتى اول اسبوعين تقريبا اظاربت وياه سالم: بل !..... حتى هناك تظاربون حصه: ومتى شايفنا نظارب سالم :اقصد يعني برع محد يظارب شمسة: ليش انزين ؟ حصه: كنت وايد مستاءة .. ملل وارف... بس كل يوم فحوصات وفحوصات .. وعقب رقدوني فالمستشفى .. فترة طويلة .. لين يوم العيد .. خبروني اني حامل سالم: واااااااااو .. قصة رائعة حصه: ههههههه شمسة بلاه ولدج اليوم جالب فصحه شمسة: ما ادري شوه شايف بيت يدته هناك سالم: شوه شفت يعني ؟؟ عيال اخو ريلج وعيال خواته حاطين لي سبيس تون .. وام بي سي ثري ... والله يهال حصه: انته وايد مكبر عمرك سالم: خالوه حصه تخيلي يعني 24 ساعه سبيس تون ملل .. والا بلاي ستيشن ويظاربون بعد شمسة: جيه ما تندمج وياهم سالم: من زينهم شمسة: والله يا سالم .. بتتكفخ سالم: انزين انتي قلتي ! شمسة: انا شوه قلت ! حصه: تتبلى ع اختيه سالم: لا والله هي سألت وانا جاوبت شمسة: ابوك لو يسمعك زين بيسوي فيك .. عقب يوم بيعصب عليك .. ازعل وسر يلس فالحجرة ولا تطلع منها سالم: كل واحد حر في اختياره ... وانا ما يعيبني هناك اسير والله !..... ونش سالم سار الحجرة ... شمسة: ط والله ! حصه: شمسه ضغطي عليه شويه ! شمسة: ما ضغطت عليه ولا شي حصه: احرجتيه شمسة: ما ينحرج .. عيل تشوفينه شوه يقول حصه: يمكن هو ما يرتاح حق اهل ابوه شمسة: ما يرتاح .. لكن غصبا عنه يسير ... والله تعبت وياه افهمه بالزين ما يطيع لين ابوه اييه بالشين حصه: حرام تسوون فيه جذه شمسة: والله هو روحه مسوي بعمره جذه حصه :الله يعينكم وسمعوا صوت ياي من برع .. صالح: هوووود هوووووود شمسة: هداااااااا صالح: السلام عليكم شمسة: وعليكم السلام صالح: شحالج حصه ؟ حصه: الحمدلله بخير ... انته شحالك بو سالم ؟ صالح: الحمدلله تمام .. يالله شمسة نسير ؟ شمسة: هيه صالح: وين سالم ؟ شمسة: سار شكله يرقد داخل صالح: سيري وعيه .. شمسة: ان شاء الله صالح: عيل وين عموه ؟ ,عمي ؟ حصه: عمك في حجرته ... وعمتك فوق في حجرة عفاري صالح:اوووووه بنتها الصغيرة بتوصل اليوم لازم ادلعها وترتب لها الحجرة شمسة :اكيد ما يباله حصه: بس جدام عفاري حليلها ما تبين هالشي هههههه شمسة: اسمي تنقهر عفاري ... بتشوفين اول ما بتوصل بتظارب حصه: ادري بها صالح: يالله شمسة شمسة: يالله سر وانا يايه وراك ... رن مبايل حصه .. حصه: الو علي: السلام عليكم حصه: وعليكم السلام .. هلا علي: انتي في بيت ابوج ؟ حصه: هيه .. يعني وين بسير ؟ .. انته نزلتني هني .. علي: انزين .. عادي ترقدين هناك اليوم ؟ حصه: ليش ؟ شوه السالفه ؟ علي: لا ما في شي حصه: علي !...... علي: دوامي ليل اليوم حصه: انزين وخير يعني ؟ ... تيي توصلني البيت وعقب تسير دوامك علي: لا خليج هناك احسن .. انا توني طالع من عند قوم امايه حصه ( تشوف الساعه ) : توك ؟! علي: هيه حصه: انزين برد ويا هزاع علي: قلت لج تمي هناك حصه: ما اقدر اتم هني .. علي: ما عندج ثياب ؟ حصه: بلى في فالحجرة ولو ما شي ... بلبس جلابية من جلاليب عفاري حاليا او بجامه علي: خلاص عيل حصه: بس ليش ما تباني ارد البيت ؟ علي: والله مب لـ شي .. بس اخاف تتعبين ومحد فالبيت ... اول مره بودرج وانتي في هالحاله روحج فالبيت لو رديتج حصه: علي ! علي: هيه .. صدق ارمسج حصه: انزين هزاع اقولك بيردني علي: انا اقولج ما اباج اتمين فالبيت روحج حصه: وكيف جذه ساير بيت ابوك .. وما طالع الا الحين .. ولا اتصلت تسأل ؟! علي: آسف .. والله آسف .. بس انشغلت شويه حصه: كل هذا انشغلت ؟ علي: حصه ... بلاج في شي ؟ حصه: لا .. بس مضايجة وما ابا اتم هني ابا ارد البيت علي: البيت ما شي قلت لج انا حصه: علي ما ارتاح انا جذه وانته تدري بي ... انا ما ارقد بيت ابويه الا للضرورة علي: وهاي تعتبر ضرورة حصه: بس انا ما فيني شي .. واقدر ارد البيت علي: وانا ريلج واقولج لا تردين البيت .. حصه: انته الحين وين ؟ علي: جريب البيت .. بسبح وببدل وبسير الدوام حصه: كنت تقدر تمر ورايه علي: يا ربي يا حصه خلاص افهميني .. حصه: خلاص اوكيه اوكيه علي: ما تبين شي ؟ حصه: لا .. بدبر روحي هني علي: يالله عيل مع السلامه بند حصه عن علي.. تبا تعرف شوه استوى في بيت ابوه ؟ .. ليش علي توه طالع من هناك .. وفكرة ان ريلها يباها ترقد بيت ابوها عسب انه يحاتي مب داخله مخها ... في ألمانيا .. اقصد فالمطار .. لا لا ... هالمرة نحن فالطيارة .. احمد: رملة قرّي رملة: قلت لك خل حصيص تيلس هني ويانا احمد: بس صخي رملة: احس راسي بيعورني عفرا: حطي راسج هني .. احمد: خلي هالمخده ورا راسج في صوب ثاني .. حصيص: ما ابا ما ابا محمد: بتنظربين حصيص: قلت لكم ما بيلس هني محمد: بس خلاص .. قرّي مكان واحد .. وخذي هالحبة قلت لج .. عن ادوخين علينا يوم بطير الطيارة .. كان محمد شويه شديد .. ويا حصيص .. اللي صخت .. سهام: محمد محمد: شوه ؟ اطالعته سهام بنظرة ... هو فهم قصدها .. محمد: لا تطالعيني جذه .. انتي تشوفين كيف تعاند سهام: حصيص ماما .. خذي الحبه عسب ما تدوخين حصيص: ييبي الماي سهام: خذي بلعت حصيص الحبه .. وشربت الماي وصخت بعد ... سهام: لازم تخلينه يعصب عليج ؟ حصيص: هو مستوي عصبي سهام: هو ما مستوي عصبي .. انتي تخلينه يتنرفز حصيص: يوم انتي فالمستشفى .. كان عادي ويايه .. يوم ظهرتي بدا يعصب عليه اطالعها محمد .. اها فهم قصدها .. بدت مشكلات حصيص .. وساعات تيي هالحالات حق سهام بعد .. وهي حاسه فيها الحين ... في حالات يغارن من بعض .. ليش محمد يمكن يمكن يمكن يتهيأ لهن انه يدلع الثانية اكثر !... محمد : يعني قصدج الحين انا تغيرت حصيص: انته ادرى محمد: جاوبي حصيص: ما برد عليك انته تعرف الجواب ولفت صوب امها وحطت راسها ع جتفها ... محمد: حصيص ارمسج حصيص: بابا شوه تبا الحين ؟ سهام: ردي عليه عدل حصيص: هو عصب عليه ويباني اسكت .. الحين يرد يقولي رمسي محمد: خلاص ما ابا منج شي ... شكراً .. اوكيه !..... لف محمد عن بنته ... هي حست انه زعل .. ومستحيل هي ترتاح لو ابوها زعل عليها ... حصيص: بابا محمد: ما برد عليج سهام: محمد ! محمد: كيفي حصيص: شفت يوم اقولك محمد: انتي تغارين عسب امج !.... عيل انا ما اغار يوم تحطين راسج ع جتفها وانا مسوتلي طاف...! حصيص: انته معصب محمد: معصب انتي تدرين ليش .. غلطانه صح ؟ حصيص: خلاص انزين خذت الحبه محمد: عقب شوه ؟ ... يوم امج قالت لج ... مب يوم انا قلت لج سهام: يا ربي عليكم انتوا الاثثنين .. بس عاد مب يهال حصيص: خلاص انا آسفة .. محمد: وانا بعد سهام: يعني تراضيتوا حصيص: هيه محمد: بس ما تعيدينها حصيص: ما بعيدها اصلا تدري ليش ؟ محمد: ليش ؟ حصيص: لاني ما برد اركب الطيارة بيي ألمانيا المعفنة .. لان ماماتي استوت بخيييييييييير ابتسم محمد لـ رمسة بنته ... . ما مصدقه .. فعلا مب مصدقه ان خلاص ما بتشوف ألمانيا .. وتبا ترد البلاد في اسرع وقت ..... ولا تفكر بعد ترد ألمانيا .. لا علاج ولا سياحة .... علاقة محمد ببنته علاقة ابو ببنته وعلاقة اخو بأخته .. فارق السن اللي بينهم .. بالنسبة لأبو وبنته مب وايد .. وحتى فارق السن بينها وبين امها .. فـ هم يتعاملون وياها كانها بنتهم واختهم الصغيرة في نفس الوقت .... وحاسين فيها عدل .. وشوه شعورها الحين راده البلاد .. عقب الكرف اللي كرفوه في ألمانيا والسيرا توالييات .. انحرمت من وايد اشيا بسبب مرض امها .. بس كثر ما يقدرون كانوا يوفرون لها كل شي.. والحين بيعوضونها نقص امها خلال 7 سنوات .. ان شاء الله .... عفرا: رملة انتي بخير ... ع صوت عفرا وع سؤالها .. احمد الي كان حاط راسه ع المخده اللي وراه ومغمض عينه .. فتح عينه ... احمد: شوه فيها ؟ رملة: احمد راسي يعورني ... وبدت تصيح .. عفرا: حبيبتيه انتي احمد: وين بالضبط ؟ رملة: كله يعورني .. احس انه بينفجر ... عفرا: الدوا مالها وين ؟ احمد: مب وقت دواها ... كيف اعطيها ؟ عفرا: عطها مسكن .. احمد: وين الشنطة .. عفرا :فوق خليتها انته .. نش احمد من مكانه .. ونزل الشنطة من فوق ... وتم يدور ويدور بين الادويا ... عن المسكن احمد: ما شي عفرا: كيف ما شي ! احمد: شكلي نسيته عفرا: كيف نسيته ؟!..... احمد: والله ما ادري عفرا: اسألهم جان عندهم ... وسار احمد .. يسأل عن المسكن .. نفس الوقت ... حصيص اللي ما تقر ... وتبا تسير الحمام ... وابوها نش وياها حصيص: اويه انتوا هني محمد: امشي حصيص: بلاها عفرا مضايجه ع مستحيه .. هاي حصيص لازم تفشل الكل جدام ابوها .. لو امها ما عليه .. اما ابوها فضيحه يعني .. حصيص: بلاها رملة تصيييييييح عفرا: راسها يعورها .. ووصل احمد .. احمد: خذي عطيها عفرا: وين الماي احمد: هذو محمد: شوه فيها ؟ احمد: بدا الألم عندها محمد: عطها دواها احمد: لازم تاخذه بانتظام .. وما يستوي اعطيها الحين .. عطيتها مسكن محمد: خل ترد الكرسي ع ورا ... وتحط المخده احسن ترتاح حصيص: اويه حليلها حراااااام محمد: يالله ما عليها شر ان شاء الله احمد ( أبتسم): ليكون ساحبتنك بنتك من هناك ويايبتنك عسب رملة ! حصيص: لا لا .. كنا سايرين الحمام محمد: ما تقر احمد: هاي نفس الشي .. تحركت ونقزت وهي في مكانها لين حست بالألم .. محمد: ما عليه ان شاء الله بطيب حصيص: قلت لكم بيلس هني حذالها .. كانت تباني محمد: اقولج طوفي طوفي جدامي .. احمد: ههههههه واثقة محمد: واااااايد .. يالله نسير .. ومشوا محمد وبنته ... احمد: رملة الحين احسن ؟ ما ردت عفرا: خلها يوم بتحس انها بخير بتنش روحها احمد: فيه رقاااااااااد عفرا: ارقد احمد: بنوصل بسير البيت ع طول وبرقد عفرا: منوه الحين بيي ياخذنا من المطار احمد: اخويه عفرا: هاها .. تتمصخر ! احمد: ليش ؟ عفرا: باخذ لي تكسي برد البيت احمد: افا عفرا بنت بو هزاع تركب تاكسي عفرا: للضرورة هييييه احمد: انا شاك في عيسى اخويه عفرا: شوه ؟ احمد: ما ادري هل فيه مرض معدي والا شي عفرا: ط هذا ! احمد: آمنة مستحيل تركب وياه لو شوه ما يستوي ... ع قولتج للضرورة القصوى تركب وياه ويالله بالغصب .. لو بايدها بترد بتكسي ع قولتج عفرا: والله نحن ما نركب ويا ناس غرب احمد: والتكسي شوه ولد عمكم ! عفرا: ههههه لا بس يعني غير احمد: قصدج هندي عادي عفرا: مب جذه .. بس ما له معنى ... خل هزاع ايي ويوديكم انتوا البيت وانا يوديني البيت وخلاص احمد: شرايكم نرد .. وما نخبرهم ونسير نحجز لنا فندق .. عسب امون تتادب شويه عفرا: لا والله !..... روحك أدبها انا برد بيتنا ابا ارقد ع شبريتيه احمد: يعني .. قصدج ما كنتي مرتاحه طول السفرة عفرا: مب قصدي جذه .. بس الواحد ما يرتاح الا في بيته احمد: هيه والله صدقتي عفرا: متولهه ع ميثاني وعماري موووووووت احمد: عيل انا شقول .. بنتيييي عفرا: انا خالتها احمد: يالله حي الله خاله عفرا: اخت الام تعرف شوه يعني اخت الام احمد: يا شقول عنج .. هههههههه انا ابوها تعرفين شوه يعني ابوها عفرا: ويه سر سر خل آمنة تعطيك ويه يوم بترد الحين ... معاقب الحرمة ولا ترد عليها احمد: بتعطيني ويه .. عفرا: بنشوف .. بسألك في أول لقاء يجمعنا بك في بيت ابويه احمد: ههههههه شوه تهددين عفرا: ما اهدد .. احمد: تتحدين عفرا: ولا اتحدى .. بس انته تقول .. والله صدقني امون مفوله عليك وبتشوف احمد: هي بس من تشوفني تنسى كل شي عفرا: وااااااااااااااااايد واثق من نفسك احمد: اكيييييييييد وتموا عفرا واحمد يسولفون .. لانهم جريب وبيوصلون ... ورملة شوي تعبت عليهم ... ثاني دخل البيت .. وسار بدل ثيابه ... اليوم بطوله ما يلس ع النت .. فـ لازم يعوض .. سمع صوت الباب ... ما رد .. غاليه ( فتحت الباب شوي شوي ) : ادخل والا ما ادخل ؟ ثاني: دخلي غاليه: شخبارك ؟ ثاني: بخير غاليه: وين كنت ؟ ثاني: بيت عمي يوسف غاليه: غريبة .. ثاني: ليش ؟ غاليه: اول مره .. ثاني: وكل مره ان شاء الله بتستوي غاليه: تطور ثاني: الحمدلله .. فـ الزين مطور مب فالشين غاليه: اها وسكتت غاليه .. وتمت تطالع فالحجرة .. اما ثاني فـ كان مندمج فاللاب توب .. وعقب رفع راسه وتم يطالع اخته شوه تسوي .. وشوه سالفة الهدوء ... ثاني: انتي متى بترقدين ؟ غاليه: ما فيه رقاد الحين ثاني: ووين زايد ؟ غاليه: راقد ثاني: ماخذه مكانه فالحراسة اليوم ؟ غاليه: حراسة شوه ؟ ثاني: حراسة البيت .. وتشوفين منوه طالع ومنوه ياي .. غاليه: لا .. بس ما فيه رقاد ثاني: ليش ما فيج رقاد ؟ غاليه: ما فيه رقاد .. ليش السؤال ؟ ثاني: لا .. بس اسأل .. تتريين شي والا عندج شي عسب ما تسيرين ترقدين ؟ غاليه: لا وسكتت غاليه .. وسكت ثاني غاليه: فيك شي ؟ ثاني: لا .. غاليه: عيل بسير ارقد انا .. شكلك مضايج ومب متفيج ما رد ثاني ع غاليه .. وهي استغربت من شدته وحدته هالمره ..... شوه سالفته ما يالس فالبيت .. وساير عند عمي يوسف ... والحين راد بعد الكل رقود .. يقولي يالسه حارس !... ويرمسني بكل جفاء ......! دخلت غاليه حجرتها .. وانسدحت ع شبريتها .. ومسكت مبايلها .... نفس الوقت تفاجئت باقتحام ع حجرتها .. ثاني: شوه تسوين ؟ غاليه: ما شي ! .... برقد .. ثاني: توه ما فيج رقاد .. غاليه: انته بلاك وبدون أي مقدمات ... سحب ثاني المبايل من ايدها ... ثاني: ترمسين منوه هالوقت ؟ غاليه: ما ارمس حد ثاني: عيل جيه قابضة المبايل غاليه: بس جذه وحط ثاني المبايل قريب من اذنه .. ثاني: ولا شي ... وتتصلين ويعطيج مغلق غاليه: ثاني بلاك ؟ ... شوف الرقم .. كنت اتصل في عفرا بنت عموه .. بترد الليلة من السفر .. نزل ثاني المبايل ويشوف الرقم .. والاسم .. غاليه: ثاني بلاك ؟ .. شوه سالفتك اليوم ؟ ثاني: خذي غاليه: شوه فيك ؟ عطا ثاني حق غاليه ظهره .. وسار بيظهر من الحجرة .. غاليه: ثاني تصرفاتك هاي تدل ع انك تشك فيني !..... وقف ثاني في مكانه غاليه: رد عليه .. رد ثاني وصد صوب اخته ثاني: يوم الوحده تمسك مبايلها هالحزه .. ونص الليل .. تطلع عنها ميت رمسة ورمسة .. فـ تيلفونات انصاف الليالي ما ابا .. سواء كانت عفرا والا غيرها .. اول مره .. اول مره في حياة غاليه كلها ... حد يقول لها هالرمسة ... لا من جريب ولا من بعيد جد انجرحت هالجرح ... من أي شخص ... واليوم حد من اخوانها الاثنين بس ... واحد منهم ايي ويقولها جذه ... وكانه يصب عليها ماي حار يحرق اليلد ويصلخه بعد مب ماي بارد !........ انترسن عيون غاليه دموع ... غاليه في مواقف بسيطة ... ما تستحمل .. الحين في هالموقف ... بعد مول ما تقدر ... ثاني عق هالرمسة ... وتم واقف .. يبا يطالع شوه ردت فعل غاليه بتكون ... الشيطان خلاص لاعب بمخه ... يعني شكل غاليه هذا ... كان متوقعنه ... لكن هو حاط في باله انه عنده دليل ع خيانة اخته يمكن !!! ... غاليه: ثاني بصرخه وحده من غاليه ... خلت ثاني .. يمكن ينقهر شويه اكثر ... ثاني: انا مب اصغر عيالج تصارخين عليه غاليه: اطلع برع ... اطلع برع ما ابا اشوفك ثاني: انا طالع طالع .. بس اللي قلته حطيه في راسج ... عدل ... ويمكن نحن عطيناج الثقة الزايدة .. وانتي قمتي تستغلين هالشي .. غاليه: انا في عمريه وحياتي ما فكرت في هالشي ... ولا افكر حتى .. انته كيف تقولي هالرمسة ؟ .. كيف تشك فيني ؟ ... هني صاحت غاليه .. وع اصواتهم الشبه عاليه .. ظهر زايد من حجرته ... زايد: شوه السالفه ؟ ظهر ثاني من حجرة غاليه .. وسار حجرته ... زايد: غاليه شوه السالفه ؟ غاليه: برع ما ابا اشوف حد فيكم .. برع .. زايد: غاليه .. بلاج ؟ غاليه: برع .. ما ابا اشوووووفكم ونشت طردت زايد طردة محترمة .. ولاول مره بعد في حياتها .. و قفلت ع عمرها الباب .. زايد مستغرب ع منصدم .. شوه السالفه .. شوه فيها اخته ؟ وثاني بكل برود تصرف وظهر من الحجرة .... فـ طبيعي اول شي بيسويه الحين .. بيسير عند اخوه .. فتح الباب بقوة .. زايد: ممكن تفهمني شوه مسوي ؟ ثاني: انا شوه مسوي ؟ .. والا اختك ؟ زايد: شوه السالفه ؟ ثاني :ليش ما خبرتك ؟ زايد: ثاني لا تلعب باعصابي اليوم البيت منجلب فوق تحت والسبه انته ثاني :انا ! .... ليش ؟ جيه شوه قالوا لك عني .. زايد: انته طالع .. وما راد الا الحين .. والحين غاليه تصيح .. وطردتني من الحجرة ثاني: انا يودت عمريه .. والا لو واحد غيري جان رفع ايده عليها زايد: ليش ؟.. شوه السالفه ؟ ثاني: سر عندها خل تخبرك زايد: ثاني ارمس اعصابي ما عادت تتحمل ثاني: هي طبعا ما تقدر ترمس ... اختك يا استاذ .. واللي معطينها الثقة الزايدة .. وبس ما عندكم غير ثاني وثاني وين ساير ورين راد .. اختك تبا تسود ويوهنا .. سر فتش مبايلها وبتعرف قصدي سكت ثاني .. وزايد واقف هالمره هو جنه حد صب عليه ماي ثلج .. جمده في مكانه زايد: انته شوه تقول ؟ ثاني: اقول الصدق .. ويوم ياي انصحها .. تقولي ما فكرت ولا افكر .. انتي مسويه الشي طبعا ما تفكرين ولا بتفكرين زايد: ثاني .. انته اكيد مينون ثاني :انا مينون .. لو خليتها تتحلى بالثقة الزايدة اكثر عقب اليوم .. انا مينون لو اني اصدقها عقب اليوم .... شوف اختك يا زايد عن تودي العايلة كلها في جهنم .. انزين ورد ثاني يطالع الشاشه جدامه .. ولا معبر زايد اللي في حالة صدمه وذهول .... شرفوا .. ونوروا ... دبي .. بوصولهم اول ما وصلت داخل .. تمددت ... محمد: ايه حصيص اصطلبي حصيص: آآآآآآآآآآآه فديت هالريحة محمد: أي ريحة ؟ سهام ( نزلت تعدل تنورة بنتها): كناية .. كناية .. تشبيه .. حصيص: ريحة دبي طبعا ... وفديت اهلها بعد محمد: والله الام وبنتها قامن يتفلسفن حصيص: بابا يالله نبا نسيييييييييييير محمد: اصبري بييب الشنط ... حصيص: بسير بشوف قوم رملة .. سهام: تعالي هني لكن شرات كل مره .. اكبر طاف ولا جنّه حد يرمسها ... حصيص: رملووووووووه عفرا: وصلت حصيص: شخباركم .. الحمدلله ع السلامة احمد ( مبتسم ): الله يسلمج حصيص: بلاها تعبانه ؟ عفرا: هيه ... شويه رملة: وين بتسيرين ؟ حصيص: بسير سوق الحرة بتيين عفرا: انتي خذي شنطج قبل عقب سيري المكان اللي بتسيرينه احمد: شوه تبن من هناك ؟ حصيص: حلويات بعد شوه احمد ( هز راسه بايجاب ) : شي جميل حصيص: حر .. فصخت حصيص الجاكيت الجينز اللي لابستنه ... وربطته في خاصرتها .. و لابسه تحته قميص بكم قصير ... عفرا: ماما نحن في دبي مب في ألمانيا حصيص: ويعني ! رملة: متى بتسيرون ؟ حصيص: ما ادري ... بابا ايمّع الشنط .. صوب ابوها ... اللي يمع الشنط وخلص ... ووقف هو وحرمته صوب الحين .. لين ما تشرف بنتهم المصون .. سمع محمد صوت ... واحد يزقره ... صد ورا ... يا الله ... يا الله ... يالله يالدنيا كيف تفرقك عن احبابك وما تشوفهم كل هالمده شي كئيب الصراحه ... والحين ترد وتشوفهم عقب هالفترة الطويلة كلها ... تجدم عبدالرحمن ... ومد ايده .. محمد ما اكتفى بانه يمد ايده وبس .. سحب اخوه صوبه ... عبدالرحمن ( خذ نفس ) : الحمدلله ع السلامه يا بو حصه محمد: الله يسلمك عبدالرحمن: نورت البلاد محمد: منوره باهلها عبدالرحمن: الحمدلله ع السلامه حرمت اخويه سهام :الله يسلمك ... عبدالرحمن: وين قلبي ؟ محمد ( اشر ع قلب اخوه): هذو عبدالرحمن: يالحركات .. تدري شوه اقصد .. محمد: هههههه هذي هناك .. نفس الوقت سمعت حصيص صوت ابوها ... ولا صدت ورا وبدت تتحرطم رملة: ابوج يزقرج حصيص: ما بصد ما بصد بسوي عمريه ما سمعت عفرا: يالسخيفه احمد: هههههه بيزعل عليج عقب حصيص: والله انزين خلنا نرتاح شويه نسولف وياكم عفرا: سيري حصيص: خليه خليه شويه عفرا: ط هاي ..... احمد: بايعتنها وبتنهزب عقب ... رملة: سيري جنه يو وراكم من سمعت ان حد ياي .. صدت ورا على طول .. بدون تردد ولا تحرطيم .. هيه كانت تترياه ... ع احر من الجمر ... كم شهر الحين كملوا ولا شافته ؟!... كم ؟ .. وايد بالنسبة لها ... ودرت حصيص شلتها الالمانية ... ( نسبة الى المكان اللي تعرفت عليهم فيه ) ... وركظت صوبه على طول ... حصيص: عمي عبدالرحمن عبدالرحمن: حياته وعمره وقلبه ... لوت حصيص ع عمها بالقو ... الي هو من صوبه ... نزل لمستواها .. عسب يوايهها ... ويلوي عليها .... عبدالرحمن: فديت روحج .. حصيص ( صاحت ): عمي والله تولهت عليك .. عبدالرحمن: فديت هالويه اللي يصيح محمد ( تنهد): يااااااااا الله يا عبدالرحمن ... صيحت بنتي عبدالرحمن: يعلني فدا هالدموع كلهن والله حصيص: اسكت عبدالرحمن: بل .. تسكتيني يا بنت محمد محمد: يوم ما تعرف شوه تقول وتعبر عن مشاعرها تسكت الطرف الثاني عبدالرحمن: ايييه انتي .. يالله قومي ابا اشوف ويهج حصيص: ما ابا عبدالرحمن: يعني ما اشوف ويهج اليوم؟ محمد: سهام ما تبين كرسي شي ؟ سهام: لا ... انا بخير محمد: متأكده سهام ( ابتسمت): هيه .. متاكده محمد ( رد لها الابتسامه): يالله عيل .. عبدالرحمن: هاي كل شنطكم ؟ محمد: هيه عبدالرحمن: يالله نسير ... امايه بتموت كانت تبا تيي .. انا شردت عنهم وييت محمد: هاي تبا سوق الحرة عبدالرحمن :ادري شوه تبا .. وهذو كل شي اشتريت لها في هالخريطة ... يالله عاد نشي يالدلوعة نشت حصيص وويها كله دموع سهام: خذي مشي ويهج ... محمد: يالله عاد يا عبدالرحمن سكتها عبدالرحمن: شوه اسوي بنتك معجبة فيه وايد حصيص: لا تصدق عمرك وايد ... انته اللي ميت عليه اكثر .. حتى في هالواقف لسانها طويل .... ما يفوتها شي ... ولا تسكت عن حقها ... وكلهم ظحكوا ع رسمتها .... وعبدالرحمن متعود عليها .. الا ميت من الشوق ع سوالفها وحركاتها ... حتى لو ان ضحية تعليقاتها هو ... في صوب ثاني ... كان السلام .... شبه رسمي ... ودموع هند هي اللي حولته لـ هالمسمى .... والا هو فالاساس رسمي ... بو بدر: بس حبيبتيه ... بدر: اقولج فالبيت خلصي دموعج .. بعد شوه خليتي يوم بتشوفين امج اطالعه بو بدر بنظرة ... ظحك بدر ... يدري ابوه ما يرضى ع هند ابدا ابدا .. وكم مره سبق واتصل فيه وهم في المانيا يوم هند بس تتصل وتشتكي حق ابوها من بدر وحركاته ... ومغايظته ... اتصال واحد يصلب بدر من اول ويديد ... رملة: حصيص تصيح .. وهند تصيح .. احمد: وانتي بعد سوي مناحه .. رملة :انا ابويه مب متفيجة .. برد البيت .. بسير ارقد ع طول احمد: امج جيه بتقصر .. بتسوي مناحه .. عفرا: هذو هزاع وصل .. رملة: صيحي انتي بعد عفرا: ما بصيح ... الدب وياه ظحك احمد يوم شاف هزاع ... وعفرا يوم قالت دب .. لانها تقصد مروان .... مروان: هلا والله احمد: اهلييييييين هزاع: الحمدلله ع السلامة ... احمد: الله يسلمك هزاع: الحمدلله ع السلامه رملة رملة: الله يسلمك .. مروان: شحالج الحين ؟ رملة: الحمدلله .. احمد: يالله ما يليق عليج الدلع احمد يقصد رملة ... ومروان رد عليه .. مروان: ولا يليق ع اللي وياك الهدوء .. اطالعته عفرا بنظرة .. خلت مروان يظحك ... احمد: وصلنا الحين وصلنااااااااااا مروان: بلاها انزين .. ليكون قصيتوا لسانها هناك عفرا: لا .. لا تستانس وايد .. مروان :اوه الحمدلله .. بنت عمتيه ما قصوا لسانج الطويل شويه عفرا: قالوا خل الدكتور مروان يقصه حقج احسن هو اخبر مروان: والله ما احيد عمريه دارس طب هزاع: بسكم عاد جدام الناس هالكثر مروان: انزين نسير نسير ... اختك هاي بتعكر مزاجي الحين عفرا: ما قلت لك والله تعال ويانا رملة: احمد الله يخليك بسير سوق الحرة احمد: وهالشنط هالكثر رملة: الله يخليك عفرا: انا بيي وياج ... هزاع: خلاص نسير نحن .. عفاري بتسير وياها .. انته شكلك تعبان احمد: لا ما عليه بسير وياهن .. انتوا تجدموا وسيروا السيارة مروان: اقولكم لا تتعازمون .. انا بسير وياهن .. انته لو سرت عقب ما تدل الموتر وين .. هزاع: خلاص خلاص انا بسير مروان: يا اخي مب عزيمة .. خلاص انا بسير احمد: اقولكم .. انا مب متفيج بسير عيل السيارة مروان: اقولكم... انتوا ناس فاضين .. يالله سيروا هزاع: خلاص مروان بيسير ويا عفاري ورملة ... انا واحمد بنجدم عنكم مروان: الله !.... ومن الصبح نحن شوه نقول !.... ظحك احمد .. اقولكم واقولكم ... ويعيدون الرمسة مليون مره وهي نفسها ... ساروا احمد وهزاع السيارة ... ومروان وعفرا ورملة ساروا سوق الحرة .. يشرون حلوياااااااات .. احلى شي ع قولت رملة في سوق الحرة ... بس حلوياتهم ... عفرا: منوه في بيتنا ؟ مروان: محد .. يعني تشوفين الساعه كم ؟ عفرأ: احلف ! مروان: والله ... منوه يعني تبينه يكون ؟ عفرأ: برويهن باجر والله بيشوفن .. مروان: يا خبلة .. يعني آمنة اختج ريلها راد من السفر ... سلامة طارق ما خلاها ترقد هني .. تعالي شمسه وحصه جنهن في بيتكم عفرا: ما عليه ما عليه مروان: لا تهددين هالكثر ... الحين ... يالله خلصي .. عفرا: انته وايد تتفلسف عسب جذه انا ما اعرف اشتري .. مروان: يالله ما ادري شوه تختارين عقد ألماس ... رفعت عفرا راسها تطالع مروان .. مروان: خير ؟ عفرا: معجبه مروان: شووووووكرننننننن ظحكت عفرا ع مروان ومروان ظحك وياها ... من زمان ما تناقروا .. ولا حطوا ع بعض ... لكن سرعان ع قولتهم ما تلاشت ظحكة عفرا ... يوم شافت الويه اللي ورا مروان .... مروان انتبه .. لـ شكل عفرا وكيف تغير .. وكيف نزلت راسها بسرعه وسوت عمرها بتكمل شرا .. فطبيعي بيصد ورا وبيشوف شوه اللي خلى عفرا جيه تسوي ... رملة ( بصوت واطي ): الله يعين مروان ( في خاطره ): اهلاً ... اهلاً .. بدر: مروان ؟! انته هني ! مروان: هيه .. انا هني بدر: شحالك ؟ مروان: الحمدلله بخير ... انته شحالك ؟ بدر: تمام مروان: الحمدلله ع السلامه بدر: الله يسلمك .. عندك حد ياي من السفر ؟ بدر قال هالجملة .. وعينه ع عفرا .. اللي ميته ... تخاف عن يسوي حركات ألمانيا الحين وجدام مروان .. ومروان مب احمد عسب يسكت عنه نفس الوقت .. او انه يكتفي بالتهديد اللفظي فقط .... تدعي في داخلها .. ان بس هالمره بدر يكون مش بدر اللي عرفته ... تدعي ان بدر يصطلب جدام مروان ... مروان: هيه بنت عموه عذيجة .. بدر: بنت خالوه عذيجة .. انته تيي تاخذها من المطار ؟ .... لا .. هني عاد سؤال في داخله ميت سؤال واستفسار ... سؤال خلى مروان يوقف وقفه عدله .. وخلى عفرا قلبها يرتجف ... ورملة ما تدري شوه تسوي ؟ بس يت في بالها فكرة وع السريع ... مسكت راسها ... عفرا: رملة بلاج ؟ رملة: راسي .. الصداع ... عفرا: مروان مروان: هلا عفرا: البنيه راسها يعورها خلاص نسير .. بدر: سلامتها ما تشوف شر .. مروان: اسمح لنا ... بنسير الحين ... بدر: مسموح ... سلم مروان: الله يسلمك مروان وبدر كانوا يرمسون .. كل واحد فيهم يالغصب يرد ع الثاني .. فالسيارة ... احمد: جنهم تأخروا ! هزاع:الحين بييون .. احمد: اكيد رملة هزاع: هههههه حليلها ... اقول احمد احمد: هلا هزاع: انته وآمنة مزاعلين احمد: ليش ؟ هزاع: هي اليوم ع اساس انها لازم تكون وايد مستانسة ... لكن انا شفت العكس احمد: وليش ما يكون حد من بيتكم مضايقنها ؟ هزاع: ما اعتقد جان سوت اكبر طاف احمد: لا ما امزعلنها ولا شي هزاع: اها احمد: هي اشتكت لك ؟ هزاع: شوه تتمصخر ! احمد: ليش ؟ هزاع: امون ولا مره في حياتها حتى لو سوء تفاهم كبير وياك او ... مشكلة عوده ما يت اشتكت لا عند ابويه ولا امايه ولا انا ولا حتى خواتي .. معروفه اصلا امون بهالشي احمد: فديت حرمتيه والله ... اللي تعرف الاصول هزاع: فديت اللي باخذها والله بنت الاصول احمد: وينها ما شفنا منها شعره هزاع: وليش تشوف منها شعرها بعد ...... الله ! احمد: هههههههه لا اقصد .. يعني ما شفناها ... ولا ندري وين هوا دارها هزاع: هيه اتحسبت بعد احمد: مالت عليك عندي البدر بكبره اطالع حرمتك ما عندي سالفة هزاع: ياخي ليش هالغيرة احمد: والله محد يغار غيركم من حرمتيه هزاع: نحن اللي ما عندنا سالفة .... ووصلوا الثلاثي اللي كانوا سايرين سوق الحرة ... وركبوا السيارة وحرك هزاع ... كل واحد فيهم يبا بس يوصل البيت ويحط راسه ويرقد ..... في بيت الشباب ... راشد: انته مال اول عبدالعزيز: العب العب ... عمر: منوه شارلك ؟ عبدالعزيز: فريد عمر: من وين ؟ عبدالعزيز: من وين بعد ؟ الجمعية راشد: اونه عاد راقي بعد من الجمعية .. وفريد على شوره عبدالعزيز: كان ساير وقلت له ييب لي شي حلو .. ياب لي اونووووو عمر: مروان ما رد للحين راشد: اكيد عبدالعزيز: مروان اظن انه ساير المطار عمر: ليش بعد ؟ عبدالعزيز: احمد ريل آمنة بنت عموه واخته تراب والنحسه بيردون اليوم راشد: اهاااااااااا عبدالعزيز: والله تدرون تولهت ع منوه ؟ راشد: منوه بعد ! عبدالعزيز: عمران عمر ( أبتسم ): بيرد جريب ان شاء الله عبدالعزيز: متوله عليه من الخااااااااطر راشد: ان شاء الله ما يكون مسوي شي جيه والا جذاك .. عمر: لا عمران مش من هالنوع .. عبدالعزيز: يعني كيف جيه وجذاك ؟ عمر: مب لازم تعرف خلاص عبدالعزيز: بل كله يقفطوني في هالبيت ! عمر: لان اللي يدخل عصه في شي ما يخصه يتقفط .. رفع عبدالعزيز راسه يطالع عمر بنظرة .. وراشد ظحك ع نظرته ... قفطه صدق !... ويعترف بعد ..! دخلت هي قبل ... يالسين فالصاله يتريون .. من شافوها كلهم وقفوا .. ام احمد: تعالي فديتج تعالي سارت رملة صوب امها ... وسلمت عليها .. ام احمد عاد دموع !....... وناعمه وياها .... ام احمد: فديت روحج رملة: امايه راسي راسي ناعمه: شحالج رملة ؟ رملة: الحمدلله عيسى: ايه يالالمانية .. شخبارج ؟ رملة ( اطالعت صوب احمد ): شفت شفت .. بدت التعليقات احمد: هههههه السلام عليكم ام احمد: وعليكم السلام احمد ( تجدم صوب امه وحب راسها ): شحالج الغاليه ؟ ام احمد: بخير دام انتوا رديتوا بالسلامة وبخير ناعمه : شحالك احمد ؟ احمد: تمام .. انتي شحالج ؟ ... ضعفتيييييي عيسى: هالدبه وين ضعيفة الحين احمد: هههه شحالك ... عيسى: الحمدلله .. تمام .. انته شخبارك ؟ احمد: بخير ... ناعمه: رملوه قصة شعرج رهيبة .. رملة: الله يخلي عفرا ... انا بسير ارقد راسي يعورني .. وسوت رملة طاف .. وسارت ترقد ع قولتها ... ولا جنه حد يترياها من الصبح .. عيسى: صدق ما عندنا سالفة ناعمه هههههه ام احمد: جيه قاصين شعرها ؟! عيسى: احم احم احمد: امايه لازم كانوا يقصون شعرها .. عسب العملية عيسى: خلاص الحين ... انتهت السالفة احمد: وين حلالي ناعمه: سخيف احمد: قلت شي غلط ! ام احمد: فوق ... احمد: ما نازله !.... تقف في استقبالي ! ناعمه: والله ما يندرى شوه مسوي عسب تتعاقب هالعقاب .. احمد: هههه ووين بنتي ؟ عيسى: فوق بعد ... احمد: اسمحوا لي ما اقدر ايود عمريه زيادة .. بسير اشوفهن .. ام احمد: سر سر .. احمد : ويمكن ما انزل بعد ... يعني تصبحون ع خير ام احمد: وانته من اهله عيسى: حب بنتك احمد: ليش ما حبيتها اليوم ؟ عيسى: لا ما شفتها اليوم .. احمد: ان شاء الله سار احمد فوق ... ما في حد حتى فالصاله يستقبله !....... بل !! .. الله يعين .. سار الحجرة ... دخل فجأه .. بدون ما يدق الباب ولا شي ... شاف حرمته يالسه ع الكرسي .. وماسكه في ايدها مجله ... وبنته مجابلتنها يالسه ع الارض وتلعب بألعابها .. انتبهن هن الاثنين .. ان حد دخل الحجرة .. آمنة مجرد انه رفعت راسها شافت اللي داخل .. وردت نزلته ولا جنه حد دخل .. ولا جنه ياي من السفر .. ولا جنه هو مصدق عمره بزيادة ويتوقع ان بياخذونه بالاحضان ........... قفطه !... اما بنته تطالعه باستغراب ... هذا من وين بعد يا ؟ .... اختفى من حياتي ... الحين بعد رد ظهر مره ثانية !.. كيف جيه ؟! احمد .. عفانا الله ولا وحده منهن يت صوبي ... قلبهن مسود .. ومستوي حجر .. وانا اللي مصدق عمريه وياي من تحت .. متحمس .. قفطه قوية الصراحه .. الله ياخذ عدوك يا احمد يوم انك مزعل القلب العود .. والقلب الصغير تعلم شراتها .. زعلان مزعلين امه ... احمد: انزين انا راد من السفر .. حليله احمد ... محد معبرنه ... لين روحه رمس ... آمنة: الحمدلله ع السلامة ... رد يسكت !..... هههههههه ..... وقف احمد شوي وبيشل حرمته وبنته وبيعقهم من البلكونه ... مبردهن !.... الريال متحمس .. ومسوي طاف حق كل العالم ... وياي هني .. والحمدلله ع السلامه بس !! ... تجدم صوب بنته ... احمد: ايه انتي .. تعالي عندي ميثا : بابا احمد: هيه حياة بابا ... وشلها .. وتم يبوسها ... وهي بعدها مستغربه .... هالويه وين سار وين رد ؟ ... شوه سالفته ؟ ليش اختفى ؟ احمد: وماما بلاها زعلانه هني عاد .. آمنة ما قدرت تيود عمرها .. نزلت دموعها ومسحتهن .. هالشي اللي ما يحبه احمد .. ان حرمته تصيح ... وخصوصا .. يوم يكون هو السبب ... تجدم صوبها وحب راسها .. احمد: آسف .. ما ردت عليه احمد: يالله عاد أمون والله اني آسف .. آمنة: جان يبت ام عيون خضر وياك احمد ( أبتسم ): وانا اقدر ابدل ام عيون بـ ام الميكب اللي عندي آمنة: سخيف احمد: هههههه والله صدق .. اقدر ابدلج انتي بثانية ؟ .. ما عندي سالفة الصراحه آمنة: منوه يابكم ؟ احمد: اخوج هزاع آمنة: واتصل بك هالكثر ما ترد احمد: كنت اتغلى آمنة: تتغلى ومخلني هني احاتيك احمد: آسف .. آسف آسف .. 3 مرات مب كفاية !.... آمنة: لا طبعا ما تكفي احمد: عيل شوه يرضيج ؟ آمنة: بفكر لين باجر أحمد: لين ما تفكرين ... انا بيلس العب ويا حبيبة قلبي آمنة: ما تباك البنيه احمد: شوه ما تباني آمنة: شوفها كيف تطالع باستغراب نفس الوقت مدت ميثا ايدها ان تقول حق امها شليني عنه .. احمد: يالعفريته انا ابوج آمنة: ما شايفتنك من زمان .. ما تباك احمد: يالسباله انا احمد بابا .. وظرب احمد بنته ظربة خفيفة على راسها .. فـ صاحت ميثا آمنة: احممممد احمد: جيه ما تباني آمنة: حرام عليك ... صيحتها احمد: تعالي آمنة ( عقب ما حطت بنتها راسها ع جتفها ): عقب ما ظربتها احمد: انتي الخسرانه .. آمنة: والله مب خسرانه شي .. عند امها احمد: محلوة امون آمنة: دومي حلوة احمد: انا مبيض ؟ آمنة: لا مسود احمد: ههههههه منقهره الحين .. استويت احلى منج آمنة: ولا فالاحلام احمد: هه .. اصلا هو انا محلو اكثر عنج بس انتي ما تبين تعترفين آمنة: انزين محلو اكثر عني .. حق عمرك مب حقي .. يالله قم احمد: وين اقوم ؟ آمنة: سير تسبح .. وعقب تعال سولف احمد: هيه والله فالطيارة المعفنة هاي آمنة: الحين الطيارة بعد معفنه استوت ! احمد: تعب تعب .. آمنة: انزين سير احمد ( حب بنته ) : وانتي برويج يوم بطلع نش احمد يسبح .. وعقب بيطلع وبيسولف وبيسولف اكيد .. لان في داخله سوالف وااااااااااايد يبا يقولها حق آمنة .. ******** |
الجزء الـ 46 برجعة كل اللي كانوا برع ... البلاد .. وبانحلال كل العقد والمشاكل .. عدا مشكلتين المشكلة الاولى .... غاليه اللي من هذاك اليوم ملازمة حجرتها اكثر من انها تطلع برع ... استوت انطوائية زيادة عن قبل ... كانوا يبون يجحلونها وعماها ثاني ... يمكن وقت الغدا او العشا تكون وياهم .. وفترة العصر شويه .. سارت بيت عمتها مره وحده بس من يوم ردت عفرا .. وقالت حق عفرا عن اللي استوى بينها وبين ثاني .. وعفرا تدري ان غاليه تتعرض لمواقف بسيطة وترجع خطوة لـ ورا .. يعني تستوي انطوائية زيادة .. هالدور بعد يتهمها اخوها .. رجعت خطوات وخطوات لـ ورا .. مش بس خطوة وحده .... هالوقت عقب الغدا مثل كل يوم .. روتين يومي استوى بالنسبة لها ... يالسه في حجرتها .. دخل عليها اخوها ... زايد: يالسه غاليه: هيه زايد: شوه تسوين ؟ غاليه: ما شي ... زايد: غاليه غاليه: هلا زايد: لين متى بتمين جذه ؟ غاليه: شوه فيني ؟ زايد: ما ملاحظة عمرج ؟ ... كنا نتوقع بتخلين عنج هالانطوائية اللي فيج والخجل اللي بلا حدود .. الحين رديتي شرات قبل واخس .. غاليه : انا هاي شخصيتي زايد: بس هذا مش لصالحج غاليه: زايد شوه تباني اسوي ؟ ... ( وتجمعت الدموع في عيونها ) .. شوه تباني اسوي يوم اجرب الناس لي .. اتهمني .. زايد: ثاني ما اتهمج غاليه: كيف ما اتهمني ؟ ... اصلا الرمسة اللي قالها كان لازم ما يقولها .. عيب والله عيب زايد: ثاني كان زايغ عليج غاليه: شوه زايغ عليه أي ويعق رمسة جذه عليه ؟!...... اصلا هو بلا دليل .. ولا شي زايد: يقول ان شاف مسجاتج .. و نفس الوقت حد اتصل وكان واحد .. وقال اسمج ! غاليه انصدمت ... رجعت بذاكرتها ... منوه هذا ؟!... اللي مبهدلني !.... ومسوي هالشوشرة كلها بيني وبين اخواني .. تذكرت سالفة هالانسان الوقح اللي يتصل بها بس من فترة قطع خلاص .. وتذكرت مسجات مروان .. غاليه: الاتصالات .. من واحد ما اعرفه والله ما اعرفه زايد: عيل كيف يعرف اسمج ؟ غاليه: اتصل قال الغاليه .. قلت هيه وياك غاليه .. والله انه مب قصدي ... ولا في بالي يوم كنت ارمسه ومن هذاك اليوم يتصل .. زايد: وليش ما خبرتينا غاليه: ما اهتميت للموضوع .. وقلت ان واحد ما يفتهم ومن الشباب الطايش ولا قمت ارد عليه .. زايد: وهو بعد يطرش المسجات ؟ سكتت غاليه هني ... زايد: ليش سكتي ما ردت زايد: غاليه اذا في شي .... الحين قولي لي ... انا اليوم رايق .. ولا بسوي شي .. لكن دام اني اخوج العود لازم اعرف .. انا وايد زايغ من السالفه غاليه: لا مب هو زايد: عيل منوه ؟ غاليه: مروان انصدم زايد .. مروان !..... معقوله !..... زايد: مروان ولد عمي سيف ؟ غاليه: هيه زايد: وشوه يبا ؟ ومن وين يعرف رقمج ؟ .. وكيف ؟ غاليه ... شوه اقوله الحين .. مستحيل اقوله ان هو اللي صب عليه البيبسي مستحيل .. وانا الغبية ليش ما مسحت مسجاته .. زايد: رمسي .. غاليه: مره في بيت عموه .. تبادلنا المبايلات بالغلط ... هو خذ مبايلي وانا خذت مبايله .. وعقب اكتشفت يوم رديت البيت .. فـ هو يوم درا ان هذا مش مبايله طرش مسج من مبايلي ع مبايله اللي كان عندي .. وقالي اني اسير بيت عموه عسب استلم مبالي وآخذ مبايله زايد: وعقب ؟ غاليه: بس هاي هي السالفه .. وجان مب متأكد .. خذ اتصل .. والا اتصل من مبايلك فيه .. والله يا زايد ما في شي ثاني ... هاي هي السالفه كلها .. مسك زايد مبايل اخته .. واتصل في مروان .. في صوب ثاني ... يالس تحت ويا اخوانه .. يوم رن مبايله ...استغرب من الرقم .. هالرقم مب مخزن عنده .. لكن هو حافظنه .. حافظنه ولا ناسنه من يوم الموقف .. شل مبايله وطلع برع .... مروان: الو زايد: هلا والله انصدم مروان .. هذا من وين طلع لي !...... لكن بأسلوبه اللي يبين للطرف الثاني ان هو كول .. مروان: اهلين .. شحالك زايد ؟ زايد: الحمدلله بخير .. انته شحالك مروان: الحمدلله زايد: ما شاء الله عرفتني مروان: وهل يخفى القمر .. زايد: اكيد من الرقم مروان: لا الرقم غريب .. زايد: يعني ما تدري هذا رقم منوه ؟ مروان: لا ... زايد: رقم اللي تبادلت وياها مبايلاتكم ... من طريقة زايد ... عرف مروان ان اكيد في شي ... وان غاليه قالت حق اخوانها عن سالفة تبادل المبايلات مروان: هيه هيييييييه تذكرت .. ياخي ما ادري يا انا يا اختك .. واحد منا كان مستعيل وشل مبايل الثاني .. زايد: واطرش مسجات بعد مروان: عيل شوه تباني اسوي عسب ارد مبايلي ؟ .. زايد: خلاص حصل خير مروان: ويييييييه من زمان حاصل خير .. شوه اللي خلاك تتصل الحين زايد: ما شي .. بس شفت الرقم في مبايل غاليه واستغربت مروان: اها .. اوكيه ما عليه .. استسمح منها مره ثانية زايد: ليش انته ما استسمحت منها ؟ مروان: بلى بس بعد مره عادي زايد: ان شاء الله مروان: وسلم عليها زايد: هههه ان شاء الله .. مروان: وقول لها آسفين زايد: بس عاد مصختها مروان: ههههه زايد: شحال اخوانك ؟ مروان: الحمدلله تمام زايد: يالله عيل بخليك الحين مروان: اوكيه خسرت البنيه .. زايد: هههههه عادي مروان: هههههه فمان الله ... بند زايد عن مروان .. واطالع غاليه زايد: انزين انتي جيه تصيحين ؟ غاليه: حتى انته شرات ثاني ؟ زايد: انا ؟ غاليه: بلاكم قمتوا تشكون فيني !.... والله يا زايد ما استحمل هالاسلوب منكم زايد: تنقص رقبتيه لو فكرت اني اشك فيج .. غاليه انتي اختي ... انا صح ان الله رزقني بأخت وحده .. لكن والله انج تسوين بنات العالم كلهن ... انا ما اشك فيج .. ولو ع اتصالي بمروان الحين وتعتبرينه شك ... انا اتصلت عسب اقطع الشك باليقين .. ويكون عندي انا دليل عسب اثبت لـ ثاني ان هو الغلطان ... نفس الوقت وصل مسج ع مبايل غاليه زايد: خذي جيكي غاليه: ما ابا انته جيك زايد: جيكي غاليه: زايد ما بجيك ... انته جيكه وع اصرار غاليه ... جيك زايد المسج ... وابتسم يوم قراه .... زايد: هذا مروان غاليه: ليش مطرش مسج ع مبايلي ؟ زايد: مطرش رصيد ... 30 درهم غاليه: ليش؟ زايد: وانا ارمسه قالي خسرت اختك وبند بسرعه والحين طرش رصيد ... سكتت غاليه ما تبا تعلق ع رمسة اخوها .. زايد : مروان صاحب روح مرحه وفكاهيه .. هالشي اعتبره عادي انه مطرش الحين رصيد ... انتي بس لا تكدرين خاطرج ... وانا برمس ثاني وبفهمه الموضوع... بس انتي لا تمصخينها زيادة ... وتاخذين الامور بحساسية اكثر من اللازم .. ظهر زايد عن اخته ... وخلاها روحها فالحجرة .. عقب ما فهم منها السالفه اللي سوت ازمه في بيتهم خلال الايام اللي طافت ... في بيت الشباب .. راشد: عمر شوه استوى ع سالفة سعيد ؟ مروان: جيه سعيد موجود فالبيت ؟ راشد: ليش تتحسبه طلع ؟ مروان: اصلا وجوده وعدمه .. غادي واحد .. عمر: ما ادري احس انا غلطان في حقه مروان: اصلا هو الغلطان .. لو ياخذ نصيبه من عمي يوسف .. ولو يبيع نصيبه فالبيت هذا حتى ما بيوصل جيمة بيت ع كيف كيف ست الحسن عمر: مروان لا ترمس جذه عن اخوك وحرمته مروان: اللي يقول هو ابد الحين مب مقطعنه وياها عمر: مروان ! راشد: مروان بلاك انته ؟ مروان: انا اصلا بسير حجرتيه .. عبدالعزيز: كل يوم هالنقاش ... وآخر شي .. ينتهي بـ جملة ... احسن لي اسير حجرتيه ... ......: بلاكم ؟ ... صوتكم واصل لين برع ... للحين ع نفس العاده ما تغيرتوا ؟ كلهم يالسين مبهتين .. هذا من وين يا ؟ .. من وين طلع ؟ .. كان يمشي برع ياي الصاله .. ومحد منتبه له .. و دخل الصاله .. بعد مب منتبهين .. لين رمس .. عبدالعزيز اول واحد نش وسار صوبه وحضنه ... عبدالعزيز: عمرااااااااااااااااااااااااااااااااااااااان والله انك اخويه حبيبي عمران: كنت شاك في انك تحبني راشد: الحمدلله ع السلامة عمران: الله يسلمك ... عمر: نور البيت عمران: منور بوجودكم اطالع عمران صوب مروان اللي واقف .. ولا قال أي شي .. عكس اخوانه كلهم .. عمران: شوه مب عايبنك يعني ؟ مروان: انا قلت مجموعة بن لادن زخوك .. غبت هالفترة كلها .. عمران: ههههههه بايخ مروان: شراتك .. وتجدم صوبه ... وخاشم اخوه .. ولوى عليه .. يالله شكثر مشتاق له .. خصوصا انهم يشاركون بعض الحجرة ... يعني سوالفهم ويا بعض ... قلوبهم ع بعض اكثر ... عمران: شخباركم ؟ راشد: الحمدلله عمر: شحال الدورة وياك ؟ عمران: والله تمام .. افتكينا عبدالعزيز: بسير ازقر فريد عمران: اول واحد سلمت عليه هو فريد اصلا مروان: طبعا الابو العوووود عمران: هههه اكيد عمر: يعني خلاص ؟ عمران :هيه عمر: وشوه وضعك الحين بيكون ؟ عمران: دوام عادي مروان: والله عمران قام يداوم عمران: هيه عسب اصرف عليك مروان: مالت عليك ... انزين راشد: انته مب توك بتسير ترقد مروان: ما اقدر من شفت اعوان بن لادن عمران: سخيف انزين .. انا بسير اسبح .. وارتاح شويه وبنزل لكم عقب عبدالعزيز: احسن لك عمران: الا اقول وين سعيد ؟ عمر: طالع .. يوم بيرد بنقوله انك وصلت مروان:اقولك انته مب قلت بتسير تسبح سير اسبح وعقب رد عمران: اوكيه خلاص صعد عمران فوق ... يالله كيف مشتاق للبيت ... وكيف مشتاق لاخوانه .. مشتاق لسوالفهم .. وظحكهم .. مشتاق لتعليقاتهم .. حتى عمته ... مشتاق لعمته .. وولد عمته .. وعيال عمه . رغم انه مب وايد وياهم .. بس مشتاق لهم كلهم .. عفرا: هزااااااااااااااااااااااااااااااااااااااااااااع هزاع: يت الحشرة .... عذيجة: يا بنيه جيه تصارخين عفرا: متى بتسير عند خالي يوسف هزاع: ما ادري .. ليش ؟ عفرا: ابا اسير ... عذيجة: هيه صدق سيري له ... انتي ما سرتي له من يوم السفر .. رن تيلفون البيت .. رد هزاع ... هزاع: فدييييييييتج انتي كانت اللي متصله آمنة ومخليه بنتها تسولف ... آمنة: الو هزاع: هلا آمنة: شحالكم ؟ هزاع: الحمدلله .. انتوا اخباركم ؟ آمنة: بخير الحمدلله ... اقول هزاع: هلا آمنة: متى بتسير بيت خالي يوسف ؟ هزاع: شوه السالفه ؟ آمنة: شوه ؟ هزاع: بلاكن اليوم ؟ آمنة: ليش في حد يبا يسير ؟ هزاع: عفرا تقول تبا تسير آمنة: متى بتسير عفاري ؟ هزاع: ما ادري كانت تسألني ... آمنة: اوكيه ... خلاص عيل انا الحين بتلبس .. وخل عفاري تتلبس .. هزاع: احمد ما بيي ؟ آمنة: بلى .. بس يقول ما بسير روحي بدون هزاع هزاع: ليش بادي قارد هزاع ! آمنة: ههههههه ...لا بي ريلي يستحي هزاع: يستحي من شوه الحين آمنة: شدراني فيه .. بس المهم يقول ما يبا ييلس ويا خالي يوسف روحه ... ما يعرف كيف يسولف وياه ع قولته .. هزاع: اوكيه ... خلصي انتي ... وتعالوا هني بنسير ويا بعض ... آمنة: خلاص عيل قول حق عفاري .. هزاع: ان شاء الله .. بند هزاع عن آمنة ....... عفرا: منوه كانت هاي ؟ هزاع: امون عفرا :بتسير بيت خالي ؟ هزاع: هيه تقول تبا تسير عفرا: متى ؟ هزاع: الحين ... قومي تلبسي عفرا: الحين الحين ؟ هزاع: لا الحين بعدين عفرا: سخييييييييييييييييييييف هزاع: هيه ما عندي سالفة شراتج عذيجة: يا ربي يا ربي انتوا ايييييييه مب يهال .. استحوا ع ويوهكم عفرا: بتصل في غلّوي بشوفها بتيي هزاع: قولي لها احمد ويانا عن تصيح يوم تشوفه عفرا: هههههههه لا احمد عادي .... متعودة عليه ... هزاع: يالله عيل نشي ... عفرا: مب متفيجة هزاع: مب متفيجه عيل يلسي مكانج ... لان لو احمد وصل بطلع وياهم .. وعاد شوفي اللي بيوديج عقب عفرا: دريول ابويه موجود عذيجة: دريول ابوج ... شله ابوج وظهر ... عفرا: وين سار ؟ عذيجة: شدراني عنه هزاع: نشي بسرعه ولا تتفلسفين نشت عفرا سارت تتصل في غاليه ... ومره وحده بتزهب عسب تسير بيت خالها يوسف .. سعيد توه واصل ... وعمر توه ظاهر .... مر سعيد ولا سلم .. عمر: نسين حتى السلام ... وقف سعيد في مكانه .. وصد صوب عمر .. سعيد: السلام عليكم .. عمر: وعليكم السلام ... وياي سعيد بيسير لكن عمر رمس عمر: عمران وصل .. سلمت عليه ؟ سعيد: لا عمر: انزين سر سلم عليه ... هو فالحجرة فوق . سعيد: بسير عقب ... عمر: وليش مب الحين ؟! سعيد: بس جذه ... تعبان وفيه رقاد ... برتاح وعقب بسير ... يالله فمان الله .... وسار سعيد عن اخوه .. اللي يالس يعيش حالات الصدمة ويا اسلوب سعيد اللي تغير 180 درجة .. سعيد الخلوق ... اللي ينحب بسرعه .. يتغير جذه ؟!.. وع منوه ؟ ... اخوانه .. وخصوصا اخوه اللي اكبر منه اللي له احترامه وهيبته فالبيت هذا بكبره .. وفالعايلة بكبرها ... الله يا الدنيا ......... عمر .. اتمنى لو اني كنت ويا امايه وابويه .. ومب عايش للحين عسب اشوف تصرفاتك هاي يا سعيد .. قلبك تحول حجر .. حتى الحجر يمكن يرد يلين .. لكن انته تغيرت وايد .. وايد .. والله يعين سعيد ... استغفر الله العظيم .. بلاني ... شوه فيني ؟ ... شوه سالفتيه ؟ .... ليش جذه اعاملهم ؟ ... معقوله انا سعيد ؟... اخوهم العود جذه استوي ؟!... فارض على نفسي الوحده غصب .. انزين ليش ؟... ليش ما اسير ايلس وياهم ... وااسولف .. واظحك شرات قبل ؟ ... شوه اللي يمنعني ؟ .. شوه ؟ .. في حجرة مروان وعمران ... عمران على وشك انه يرقد ... ومروان بعد .. لكن طبعا ما بيرقدون الا بـ شوية سوالف قبل ما تغمض عيونهم .. عمران: ما شفت سعيد مروان: ليش وايد متوله عليه ؟ عمران: كيف ما تباني اتوله عليه ؟! مروان: انزين ارقد انته ارقد ... والمغرب سر بيت عموه عمران: فديت هالطاري والله مروان: انا بسير عقب المغرب بتيي ؟ عمران: هيه بيي وياك .. بخبر عمر .. ابا اظهر لي ليسن ... وموتر مروان: لا والله خوش .. حتى اليهال قاموا يتشرطون عمران: هههههههه قم زين يهال ... انا الحين ريال اشتغل مروان: وقاموا يتفلسفون ... عمران: اقولك .. اسكت برقد مروان: زين عبدالعزيز ما يا يتفلسف هني عمران: حليله مروان: وع وع وع عمران: علي ؟ مروان: كان البيت أرف عمران: اكيد لاني ما كنت موجود مروان: لا لان عمر سافر الحج هههههههه عمران: هيه صدق .. عمر سافر ... كيف عشتوا عقب مروان: وايد لا تستهبل .. يا اخي .. ارقد ارقد تم عمران يظحك ... ومروان وياه ... السوالف يايه .. شوي شوي يايه ........ بس خل يرتاح عمران ... ومروان عقب بيفجر طاقته كلها .. راشد: وين بتسير؟ عبدالعزيز: بلعب برع راشد: قلت حق عمر ؟ عبدالعزيز: هيه راشد: قلت والا لا ؟ عبدالعزيز: قلت له والله قلت له .. راشد اتصل به الحين جدامي عبدالعزيز: يا ربييييي راشد: هيه عسب اتأكد ما فيه عقب ع الحشرة .. ظهر عبدالعزيز مبايله ... واتصل في عمر .. عبدالعزيز: الو عمّور عمر: هلا عبدالعزيز: عمّور راشد ما يخليني اطلع عمر: احسن عبدالعزيز: ط والله ... انا قلت لك عمر: انزين جيه ما يخليك ؟ عبدالعزيز: يقول اني ما قايل لك عمر: قوله عمر خلاني .. عبدالعزيز: عمر يقولك .. انه موافق عمر: بس شوف ... قبل صلاة المغرب بربع ساعه تكون فالبيت .. عبدالعزيز: بااااال ربع ساعه ! عمر: هيه ... تسبح بسرعه .. وتزهب وتسير المسيد عبدالعزيز: جيه انته ما بتكون هني ؟ عمر: لا انا يمكن ايي عقب عبدالعزيز: انزين وانته بعد ما تتأخر ... قبل صلاة العشا تكون فالبيت عمر: احلف ! عبدالعزيز: هيه جيه بس انا .. عمر: ان شاااااء الله عبدالعزيز: يعني اسير الحين ؟ عمر: هيه بس مثل ما قلت لك عبدالعزيز: انزين عمر: وألبس جوتي مب تييني عقب ريلك متقطعه ... عبدالعزيز: انزين عمر: خل فريد يوديك عبدالعزيز: عمّور ما ابا فريد .. روحي بسير الملعب جريب عمر: قلت لك خل فريد يوديك عبدالعزيز: عمّور والله جريب .. عمر: شوف .. فريد ما بيوديك ما فيه طلعة ... ولا تعور لي راسي .. انا ظاهر من البيت روحي تعبان ... عبدالعزيز: اوكيه خلاص ... يالله مع السلامة عمر: فمان الله ... بند عمر عن عبدالعزيز .. ما يدري شوه فيه ... حاس انه مضايج .. وانه عبدالعزيز تضايج من اسلوبه بعد ... وعادي يسوي اكبر طاف في عدم وجود عمر ويسير روحه ... ويستوي به شي لا سمح الله .. وعقب يندم عمر لانه رمسه بهالطريقة . فـ اتصل في راشد اخوه ع طول عمر: الو راشد: هلا عمر عمر: راشد وين عبدالعزيز؟ راشد: توه صعد فوق ... اظن بيلبس جوتيه .. انته وافقت انه يطلع ؟ عمر: هيه ... بس سر قول حق فريد يوديه راشد: انته قلت له ؟ عمر: هيه .. بس عصبت عليه ... واخافه يعاندني راشد: انته وين ساير الحين ؟ عمر: بيت عمي يوسف راشد: انزين .. لا تحاتي بخلي فريد يوديه .. او روحي بوديه بعد عمر: احسن ... راشد: خلاص عيل ... عمر: يالله مع السلامه ... غاليه ... عقب اتصال عفرا وتهديداتها اللانهائية لـ غاليه ... عسب تزهب وتيي ويا اخوها زايد بيت عمها يوسف ... تزهبت غاليه .. ولبست عباتها وشيلتها ... ويالسه تتريا اخوها ينزل من فوق .. عسب يسيرون ... يالسه البنيه تتريا اخوها ....ظهر ابوها من الحجرة ... بو زايد: ويه ويه ويه ... الصاله منوره اليوم غاليه ( أبتسمت): البيت بكبره منور بوجودك بو زايد: وينج انتي ؟ ما تنزلين من فترة ... طلقتي الصاله ؟ غاليه: ههههه حلوة طلقت .. بس كنت تعبانه شويه بو زايد: تعبانه !...... انا اسأل امج واخوانج يقولون بخير .. والمغرب تنزلين اتأكد انج بخير غاليه: كنت ارقد .... شويه عقب الغدا بو زايد: غاليه حبيبتيه غاليه: هلا ابويه بو زايد: فيج شي ؟ غاليه :لا بو زايد: مضايجه من شي ؟ ... حد ضايقج ؟ غاليه ( بارتباك ): لا ابويه .. ما فيني شي ... ولو فيني شي ما بسير عند حد ثاني عندي انته وامايه بيي اشتكي لكم ... ما عندي غيركم بو زايد: اخوانج قالوا لج شي ؟ غاليه: لا ... اخواني من متى قالوا لي عسب الحين يقولون .. عقب ما خلصت غاليه جملتها هاي حست ينغزة في صدرها ... متى قالوا لي ؟ عسب يقولون لي الحين !....... صدقج يا غاليه ... بس هالمره انتي يالسه تقصين ع روحج ... اخوج اللي ما توقعتيه في يوم يشك فيج ... اليوم ايي يتهمج .. بو زايد: انزين حبيبتيه انا ساير تبين شي ؟ غاليه: لا سلامتك الغالي بو زايد: الا اقول انتي وين سايرة ؟ غاليه: عند الغالي الثاني .. بو زايد: افا في حد ثاني يساوي غلاتي عندج ! غاليه: يالله ما اعرف منوه اجدم فيكم بو زايد: عجيييييب !..... خلنا خلنا نعرف عيل منوه هذا ... بعد ينافسني في بنتي !... لا بعد ما تدري منوه تجدم ع ابوها ... مخلنها تحتار غاليه: هههههههه كنتوا ثلاثة ... واحد راح .. الله يرحمه واثنين تموا .. واحد كل يوم جدامي ... والثاني يوم اسير احس اني بطير من الفرح واستانس بو زايد: اها .. قصدج عمج ؟ غاليه: هيه عمي يوسف بو زايد: انزين سيري له غاليه: ما تباني اسلم عليه ؟! بو زايد: كيفج .. بتسلمين سلمي ... يالله انا رايح ... فمان الله حزت في خاطرها رمسة ابوها ... يا الله يالدنيا ... هالفلوس تفرق ناس وتجمع ناس ... اخوان يتفارقون والسبه البيزات ... الله لا اييب اليوم اللي نستوي نحن فيه جذه ويا اخوانا .. والله يرد الاخوان لـ بعض ان شاء الله ... وهي يالسه بروحها ... عقب ما سار عنها ابوها .. نزل اخوها ... وكانت تتوقع انه ثاني .. فـ بدون ما تنتبه للي نازل ... وصدت تحت تشل شنطتها .. غاليه: يالله وا... صخت غاليه ... هي ما شايفتنه ولا تبا تشوفه عقب الموقف .... غاليه انسانه انطوائية ... وخجولة .. ويوم حد يتهمها باتهام شرات هذا ... هالصفات تبان في شخصيتها اكثر واكثر .. ثاني: ليش سكتي ؟ ما ردت عليه غاليه ... ويلست وصدت عنه الصوب الثاني ... الله يعلم شوه حالها الحين .. والا شوه موقفها ... ثاني: غاليه غاليه: ثاني بليز ... لو سمحت ... لا ادقني .. ولا ترمسني ثاني: بل كل هذا حقد في قلبج عليه .. غاليه: انا ما احقد وانته تعرفني ... وخصوصا ع اخواني ... وانته تدري بي عدل ( ونزلت دمعتها ) ... ان انتوا خاصة اخواني .. شالتنكم في عيوني ... مب معناته هذا اني معطتنكم مطلق الحرية وابويه بعده عايش والله يطول في عمره تييون تتحكمون فيني .. وتتهموني ... ثاني: ومنوه قالج ان تحكمنا فيج غاليه: ثاني تتحسب اللي سويته شي بسيط ؟ نزل زايد نفس الوقت ... زايد: شوه السالفه ؟ غاليه: انا قلت لك مب نازلة ولا بسير وياك ... لكنك اصريت وشوه نتيجة اصرارك .. ونشت بتسير فوق .. مسكها زايد من ايدها ع الدري ... غاليه: زايد هدني ... والله احس نفسيتي تعبانه ... ما اقدر اتحمل .. زايد: يعني هالمشكلة اللي بينكم ما بتنحل ابداً ؟ ثاني: انا ياي احلها ........ غاليه: هدني زايد ... بسير حجرتيه زايد: ياي يستسمح منج انزين .. يالله اختيه حبيبتيه ما احيد قلبج حجر هني حطت غاليه ... راسها ع جتف اخوها ... ثاني: غاليه والله آسف وما كنت اقصد .. أي اخو يشوف هالمسجات في مبايل اخته ... وشاف ارقام غريبة .. بيلعب الشيطان في مخه زايد: الا غاليه ... ثاني ( ابتسم ): الا غاليه ... والله يعل لساني القص جان مره ثانية قلت لج شي شرات هذا زايد: يالله عاد غاليه .. غاليه: انا الحين تعبانه زايد: وبتمين جذه .. لو الحين ما جابلتيه ... بتمين مثل ما انتي ما تقدرين تطالعينه في ويهه يا ثاني من الصوب الثاني .. عسب يجابل اخته ثاني: والله آسف .. آسف آسف آسف .. ومليون آسف .. وهاي حبه ع راسج ... وحبها ع راسها ... زايد: اقولك .. لا تتغزل في اختيه اتم تتمدحها هالكثر ثاني: اختيه انا بعد زايد: محد يدلعها كثري ثاني: الله !..... شكلكم تعاونتوا عليه ... وانا حليلي طلعتوني منها .. زايد: اقول وايد عطيناك ويه ... يالله غاليه نسير غاليه: ما ابا اسير خلاص زايد: جنه بكيفج .. قومي قومي . يالله طوفي جدامي .. سحب اخته من ايدها .. ومشى بها لين الباب .. زايد: فمان الله يا بش مهندس ثاني ( أبتسم ): مع السلامه ... تم ثاني واقف ع الدري ويشوف اخوه واخته .. يالله كيف فكر هالتفكير الخايس ما يدري !.... كيف سمح لنفسه انه يتهم اخته جذه بدون دليل .. ما يدري .. في بيت ام احمد ... رملة: ناااااااااااااااااعمه .. ناعمه: شووووووووه ؟ رملة: ابا آيس كريم ناعمه: اقولج سيري انتي تزهبي ... عيسى الحين بيخلص رملة: ما بسير الحين ناعمه: مب بكيفج .. بسرعه نشي ... لان باقي ساعه ع الموعد رملة: خيبة .. ساعة وتبوني اسير من الحين .. ناعمه: لين تسبحين وتتلبسين وتسحين شعرج ... بطوف الساعه رملة: اسحي شعري !... جيه فيني شعر ناعمه: ليش قرعه الأخت الحين ؟ رملة: والله اخوج خرب راسي ناعمه: اخويه وداج عالجج .. ناكرة للجميل .. رملة: انزين انا برقد ... ووعيني عقب ... ناعمه: رملوه نشي بسرعه رملة: مب متفيجه الحين .... ناعمه: قومييييييييييييي وظهر عيسى من الحجرة .... عيسى: انتي بعدج مب مخلصه ! ناعمه: اونه باجي وايد ع الموعد عيسى: ط والله ! ناعمه: قولها رملة: لا يقولي سمعت بما فيه الكفاية عيسى: لا والله حلفي ... قومي بسرعه ناعمه: انتي ما تتأدبين الا بـ احمد رملة: احمد محد .. محد لا تحاولين .. عيسى : اصبري انتي .... فالسيارة ... احمد: يا بوي وين يايبينا ... مناطق محظورة ... ما سمع أي تعليق . فـ يوم صد ... شاف النظرات ... احمد: آسفين آسفين غلطنا آمنة: شوه مناطق محظورة بعد! احمد: اقصد يعني ... كبار الشخصيات ... آمنة: هيه لازم أحمد: هذا عيسى متصل ... اكيد عسب الموعد ... الو عيسى: السلام عليكم احمد: وعليكم السلام عيسى: احمد انته وين ؟ احمد: قلت لك بسير بيت خال حرمتيه عيسى: رملة تقول ما تبا تسير الموعد الحين ... بحط ع الاسبيكر وانته ارمس احمد: ههههههه صدق فاضي عيسى: هههههه ياخي والله مب متفيج حقها ... احمد: صرخ عليها صرخه وبتسير عيسى: انته صرخ عليها ... يالله حطيته احمد: رملووووووووه رملة: شووووووه احمد: تلبستي وخلصتي ؟ رملة: لاا احمد: شوه تترييين؟ رملة: باجي وايد ع الموعد شوه تبون تودوني من الحين اعفن هناك احمد: لا ما باجي وايد ... وسيري الحين .. لين تتلبسين وتخلصين يبالج انتي ساعه .. رملة: انته الحين برع البيت شوه تبا بي احمد: رملة قلت لج سيري .. لا تخليني ارد البيت صدق .. واوديج بروحي ... وو الله لأقول حق الدكتور يرقدج فالمستشفى رملة: وييييييييييه خلاص استويت زينه احمد: بدق راسج فاليدار من اول ويديد وعقب بتستوي احسن واحسن بعد ... سيري يالله رملة من خوفها من رمسة احمد عادي يسويها تدري به .. خبله شراتها .. نشت بسرعه احمد: سمعتي عيسى: ههههههه خلاص سارت احمد: انته ما تقدر تقول لها جذه يعني عيسى: الصراحه لا .. اجرام يمشي في دمك وعروقك ..... تدق راسها فاليدار احمد: صدق انا المتفيج اللي اسمعك يالله يالله باي عيسى: هههههههه مع السلامه احمد: والله متفيجين آمنة: بلاهم ؟ احمد: اونه اهزب رملة ما تبا تسير المستشفى آمنة: يالله كيف تعاند هالبنيه احمد: يبالها ظرب آمنة: لانكم تعاملونها بـ عناد هي تعاندكم اكثر احمد: نحن الحين نعاملها بـ عناد ؟ .. جنها ما تسببت بعاهه مستديمة حقي ....... آمنة: بسم الله عليك شوه عاهته ! احمد: هالعلامة هاي اللي ع ايدي آمنة: الحين هاي العلامة الصغيره تقول عنها عاهه .. وانته شوه سويت فيها احمد: لو ما وديتها علاج ... وتمت غبية لين تكبر وايد احسن آمنة: يالله يالاجرام .. اقولك .. انزل انزل ... هذا هو البيت .. احمد: هذا بيت الحين ! آمنة: عيل شوه تشوفه ؟ احمد: قصر ... آمنة: انزل انزين احمد: وين انزل هني ... نمشي داخل قرن ولا نوصل ... خل يفتحون الباب آمنة: فتحوه احمد: خلاص بنسير لين داخل .. ما شاء الله ... ما شاء الله آمنة: يا اللله ... من متى ما يايه هالبييييت ... احمد: مثل ما هو ... لكن مع تطورات حديثه احمد وآمنة بما انهم ما طبوا هالبيت من زمان .. ولا يدرون عنه .. فـ شي طبيعي يستغربون من جماله من اول ويديد ... ببعض التطورات ع قولت احمد ... اللي هي التغيرات الحديثه اللي في البيت .. اللي زادته جمال .. وحلاه ... هزاع: يالله نزلوا احمد: انته متأكد ان هذا مب قصر الشيخ ؟ .. قصر خالك ! هزاع: هههههههه لا تستعبط يا ريال انزل احمد: نازلين شوه ورانا ... كان قصر الشيخ بيستقبلونا ... كان قصر خالك خير وبركة ... نزلوا كلهم .. ودخلوا داخل ... احمد: اقول انتوا يعني صدق صدق متأكدين .. مب مغلطين فالعنوان ! عفرا: ههههههه آمنة امسكي ريلج مب مصدق احمد: اوه صديقة السفر عفرا: هيه والله تولهت ع ألمانيا أحمد: واللي في ألمانيا ! عفرا: لااااااااا ما تولهت عليهم احمد يابها بنغزة ... وعفرا فهمت عدل منوه يقصد .. فـ ردت عليه بشكل سريع وهو ظحك عليها .. ومره وحده وصل اللي مش متوقعين وصوله ... هزاع: هلا والله .. نحن ناقصين يعني !.... عفرا: ليش تطريهم ! احمد: لو كنت اعرف ان لو اطريهم يوصلون .. جان ما طريتهم بالمرة ... خير شر .. جان طريت المليون بداله ..! وصل يوسف ......... نفس الوقت ... آمنة: اقول بسكم حش .. هذو خالي وصل .. بـ وقوف احمد وعفرا و هزاع استاند باي ... يشوفون اللي داخل .. آمنة سوت لهم طاف وسارت تسلم ع خالها .. يوسف: هلا .. هلا والله .. تو ما نور البيت ... وكل ركن فالبيت ... آمنة: اهلين خالي .. شحالك ؟ يوسف: الحمدلله بخير .. انتي شحالج ؟ يالحلوة شخبارج ؟ آمنة: بخير ( ابتسمت ) ... للحين تزقرني الحلوة يوسف: اكيد .. واحلويتي زيادة بعد ما شاء الله آمنة: هيه ويبت لك بنتي اللي تشبهني يوسف: ما شاء الله ما شاء الله .. تبارك الرحمن ... ما شاء الله آمنة: حلوة شراتي صح يوسف: ما شاء الله عليها .. تعالي .. الشخصية يديدة .... يديدة وايد ع ميثا ... لانها اول مره تشوفه ... هو شايفنها يوم صغيرة .. ومره وحده بس ....... ومن هذاك اليوم آمنة ما يت ... واحمد ما كان ويا آمنة يوم يت .. فـ هو تاريخ زيارته لـ هالبيت .. يرجع لـ أيام قبل .... الايام الحلوة .. فـ بما ان ميثا ما شايفه هالويه .. وتشوفه اول مره ... وملامحه جاده شويه ... وهيبته تخوف .. فـ ردة فعلها شوه بتكون ؟!....... انها تبوز وتمد البوز شبريييييييييين ونص بعد ... وتبدا مناحتها .. هزاع ( يرمس احمد ) : اويه ايه بنتك فشلتنا .. عفرا: ههههههه خالي يوسف .. ما عليه .. تتحسب البنيه شايفه حد من الافلام يوسف: يالله يا عفرا شبهتيني بالافلام عفرا: لا لا .. خلاص محشوم يالغالي والله .. يوسف: الا بنت آمنة طالعه عليها .. دلوعة شويه آمنة: ويه انا حليلي ما كنت جذه دلوعة .. خالي هاي سلامة الدلوعة احمد: تعالي عند بابا ... تعالي .. وسارت عند ابوها .. يوسف: شوفوا كيف تدلع ع ابوها احمد ( ابتسم): لازم طال عمرك .. راس مالي هالبنيه ... يوسف: شحال شغلك يا احمد احمد: تمام ... الحمدلله يوسف: بنيت بيتك والا بعدك ؟ احمد: لا بعدني ... يوسف: ليش؟ احمد: مب محتاي بيت الحين ... عندي قسم كامل ... فوق .. ( رد ابتسم) ومعيش بنتكم في نعيم .. ومب مقصر عليها .. بس هي لو تأشر والا بس بطرف عينها تعطيني نظرة انها تبا بيت ... أبنيلها ع القمر بيت بعد مب ع الارض هزاع: ما نروم ما نروم يوسف: بدر شحالك ؟ بدر ( تنهد): الحمدلله .... يوسف: بلاك؟ بدر: ما شي يوسف: ليش ما يبت هند وياك؟ بدر: احسن يوم ما يبتها .. الجو مغبر اليوم ...... اللي فاهمين بدر .. فاهمينه عدل .. واللي مب فاهمينه شرات يوسف اللي واثق به ثقة عمياء ... وشرات آمنة اللي ع نياتها وما احتكت ببدر للحين ... فـ ما يدرون شوه قصده بالجو المغبر .. اما احمد وهزاع وعفرا فـ فهموه عدل .. واللي تفشل بينهم هزاع .. صدق تفشل ومن الخاطر .. لان احمد لو صح التعبير عقب هالسنوات كلها اول مره ايي هني .... وهو بالنسبة لـ بدر ريل بنت خالته .. يعني لازم يكون الاحترام بينهم اكبر ... لكن بدر ما احترم لا البعيد ولا القريب .. واحمد لاحظ هالشي ع هزاع .. فـ مد ايده وحطها ع ريل هزاع .. احمد ( بصوت واطي): ما عليه يا النسيب ... الكلام التافه ما يهمني .. صد هزاع صوب احمد .. لقاه يبتسم له ... وغمز له .... بردة فعل احمد هاي خلت هزاع يرتاح شويه ... فعلاً كلام تافه .. وصل عمر .. اللي يعتبر ولد صاحب هالبيت ... واي شي يسويه عمر حتى لو بدون استئذان فـ محد يقوله شي ... وهالضوء الاخضر اللي معطنه يوسف حق عمر ... يقصر بدر .. ويخليه يغتاظ اكثر واكثر .. رغم ان بدر يساوي عمر فالدلع عند يوسف..... لكن يتم عمر غير ... عمر: السلام عليكم والرحمة الكل: وعليكم السلام يوسف: هلا بالشيخ .. عمر ( أبتسم): هلا بـ أبو الشيخ .. يوسف: شحالك ؟ عمر: الحمدلله .. انته شحالك؟ يوسف: تمام .. يالله يمعتكم هاي والله مخلتني مستانس اليوم عمر: ان شاء الله دوم .. شحالك بدر؟ بدر: الحمدلله .. كمال: تفضلوا .. يوسف: يالله قوموا عفرا: وين ؟ يوسف: السفرة زهبت .. هزاع ( بصوت واطي ): سفرة ما لذ وطاب ... احمد: اخاف يسفرنا الحين .. بنتنا ما عبرته آمنة: ايه انتوا لا تصاصرون .. لان خالي يوسف من يوم اعرفه ما يحب المصاصر يوسف: بلاكم ؟ آمنة ( دحت ريلها ع ظهره ): شوه قلت لكم هزاع: ما نقول شي .. يايين .. بس آمنة تقول من زمان ما يايه هني و الحين نست وين تسير يوسف: هيه ما الومها اطالعت آمنة اخوها اللي يحط عليها اللوم الحين .. والسبب في هالتصاصر هو وريلها ..... ساروا ... كلهم ع طاولة ما لذ وطاب ع قولت هزاع ... يوسف: يالله يا عمر عمر: عمي بغيت ارمسك في موضوع ... يوسف: شوه بغيت ؟ عمر: لا تتروع ... كله خير ان شاء الله ع الطاولة ... النظرات زادت .. وهي بدت ترتبك .. واحمد ملاحظ لانه شهد هالمواقف .. لكن الباقين ع وشك انهم يلاحظون ... لين ما يا المنقذ الثاني بالنسبة لهالبيت ... زايد: السلام عليكم الكل: وعليكم السلام والرحمه هزاع: هلا والله ... هلا سالم: كل هذا حقي ؟ عفرا: بسم الله .. سكنهم في مساكنهم من وين طلعت ! .. سالم: من بطن اميييييييي هزاع: زايد اقرب زايد: ههههه شوه نازل عليك اليوم ؟ هزاع: ما شي .. شوه يايبنك ؟ زايد: اللي يايبنك ! هزاع: هههههه تعرف تنكت بعد ! آمنة: غاليه تعالي يلسي .... بـ ويها الاحمر ... والخجل اللي ع طول بان عليها لان بدر موجود وهو الشخص الوحيد الغريب .. واللي بتستحي منه بزيادة في هالجلسة ... سارت صوب عفرا وآمنة ... وسحبت كرسي ويلست حذالهن ... احمد: وين ثاني جيه ما يا ؟ زايد: مشغول هزاع: بزنس بزنس الريال سالم: خلوه ع راحته ... احمد: زايد منوه قص عليك وقالك ييب هذا زايد: ههههه عموه اتصلت بي .. قالت كلكم ييتوا هني ... وهذا توه ياي وكاسر خاطرها ... مريت عليه ... سالم: هيه والله فديت يدوه اللي تحاتي وحدتي عفرا: عدال يا وحيد انته هزاع: يعني ثاني الحين مجابل النت زايد: كالعادة احمد: يا خوفي بس يهرب هذا ما ادري شوه يسوي فالنت زايد: هههههه ما استبعد تصدق هزاع: هههههه حرام عليكم في الطرف الثاني يوسف: عمر محتاي شي ؟ .. بغيت شي ؟ عمر: لا .. مب محتاي شي يوسف: بيزات ؟ عمر: لا والله .. السالفه ابد مش سالفة بيزات يوسف: عيل شوه فيك ؟ .. قول عمر: عمي .. انا ناوي اعرّس انصدم يوسف واستغرب ... يالله من متى يتريا عمر يقول هالشي .. من متى ؟ .... واخيراً .. ما بغا .. أمر مفاجئ بالنسبة له ... لكن لازم قبل ما تكتمل فرحته ... يستفسر عن بعض الاشياء اللي يمكن تصدمه اكثر واكثر ... وعمر متهيأ لأي صدمة تهز شي في داخله .. ولو بسيط من اسئلة عمه .. يوسف: ليش ناوي تعرّس؟ عمر: مب انتوا تبوني اعرّس؟ ... يوسف: بلى .. بس فجأة تيي وتخبرني ؟! عمر: هيه .. يوسف: خبرت عذيجة؟ عمر: لا .. محد يدري غيرك يوسف: يا ولد سيف ع شوه ناوي ؟ عمر ( رفع راسه ): عمي ... ييت اشاورك .. ووالله ما اقدم ع خطوة وحده فالموضوع الا بموافقتك ... وموافقة عمي عبيد وعموه عذيجة ... يوسف: ومنوه هي ؟ عمر: منوه ؟ يوسف: البينه اللي اخترتها ؟ عمر: ما اخترت يوسف: عيل كيف تبا تعرّس؟ عمر: بقول حق عموه تدور لي ... يوسف: اها .. يعني ما اخترت ؟! عمر: لا .. ومن وين اختار ؟ انته اكثر واحد يعرفني ... انا مش من النوع اللي اطالع البنات ... ولا في يوم فكرت ان يوم بيي هاليوم وبقرر ... بختار ع كيفي .. انا اميه تختار لي .. امي عذيجة .. يوسف: كفو والله يا ولد سيف ... عمر: يعني موافق .. يوسف: وكيف ما اوافق .. ومب عذيجة اللي بتختار لك العروس .. انا بختارها لك .. وهي موجوده عمر : ع هواكم اللي تشوفونها مناسبة يوسف: ما تبا تعرف منوه ؟ ... عمر: واثق في اختياركم يوسف: اسألك ما تبا تعرف منوه ؟ عمر: منوه ؟ يوسف: عفرا ... بنت عذيجة ... اندق الباب ... وانفتح الباب ... زايد: السلام عليكم .. عن اذنكم .. عمر بغيتك بسرعة ... عمر حس من اسلوب زايد ان في شي ... فـ نش بسرعه من مكانه .. عمر: شوه السالفه ؟ زايد: عمر .. سعيد برع ويبا يدخل ... عمر: سعيد ؟ ... اخويه ؟ زايد: هيه .. وانته تعرف عمي لو شافه شوه بيسوي ... سير قوله .. انا ما اقدر ظهر عمر برع .... وشاف هزاع واقف ويا سعيد .... واحمد واقف بعد ع صوب ... وبدر واقف متفرج... هزاع: انزين انته قولي وانا بقوله سعيد: هزاع جيه ياهل ! .. عمر: سعيد شوه يايبنك ؟ سعيد: ياي اشوف عمي ... حرام ؟ عمر: شوه تبا به ؟ سعيد: ياي ارمسه عمر: في شوه ؟ سعيد: في موضوع ... عمر: شوه تبا به؟ سعيد: ابا نصيبي ... انصدم .. عمر ... لا ... السالفه هاي تنفتح بعد مره لا ... والمصيبة ان اخوه يبا يفتحها ... اخوه اللي عمه كارهنه وكاره كل اخوانه .. عسب سالفة النصيب .. ايي يفتح السالفة من اول ويديد ... ما صدقوا السالفة بندت ... والناس عايشة ع ذكريات حلوة .. ومره في نفس الوقت .. لكن ما بتكون مرارتها لو انفتحت السالفة مره ثانية .. لان موت امه وابوه بندوا السالفه غصب .. هالمرة ما يبا تنعاد المأساة بموت حد ... وتتبند السالفه .. أو تستوي مصيبة اكبر .. عمر: سعيد انته خبلة ؟ سعيد: لا مب خبلة .. انته كل يوم تيي هني محد يقولك شي صح ؟ عمر: سعيد انته تعرف وضعي انا كيف ! سعيد: انا وضعي شرات وضعك ما اختلف عنك بشي ... عمر: اللي تباه انا بسويه لك سعيد: ما ابا منكم شي ... ما ابا من أي حد .. بس ابا نصيبي عمر: سعيد الله يخليك .. لا تفتح سالفة جديمة ... سعيد: السالفة مفتوحه من زمان .. الكتاب مفتوح من زمان ... لكن اللي يبا يلهف كل شي .. يبند الكتاب .. صح .. ردود سعيد كانت ثجيلة ع عمر ... لكن عمر مستحملنها ... وزايد وهزاع مكتفين بانهم يوقفون ويسمعون فقط .... واحمد وياهم ... واللي واقف عند الباب العود بابتسامة خبث .... شكله مستانس من اللي يستوي آمنة: استغفر الله العظيم ... عفرا: يا رب خالي يوسف ما يطلع يا رب .. واللي ما تستحمل هالمواقف .. غاليه ... نزلت دموعها .. محد يقدر يمعنها .... لان صدق الموقف يخلي الحجر يصيح ..... اخوان .. عقب اكثر من عشرين سنة عاشوا فيها ويا بعض ع الحلوة والمرة ... تساعدوا .. تعاونوا .. عسب يكملون بنية بيتهم .. ع الحب .. والصدق والاخلاص ... الواحد فيهم اذا قال آه الثاني يقول فيني ولا فيك ... الواحد فيهم لو قال أتمنى .. قالوا غالي والطلب رخيص .. الواحد فيهم لو يطلب عيون الثاني .. جان لقاهم كلهم تحت ريله ... الواحد منهم لو يته مصيبة .. كلهم شدوا ع ايد بعض وقالوا نحن لها ... اليوم وعقب هذا كله .. المسلسل يتكرر من اول ويديد ... وظرابة الاخوان تتكرر من اول ويديد .. والمشكلة اللي فرقت بين هالعايلة العودة .. وتسببت في رحيل شخصين غالين ع قلوب كل اللي فالعايلة .. تتكرر اليوم .. وفي نفس البيت ... القلب يتقطع في هالمواقف .... والعين غصبا عنا مايها ينزل ع الخد ... الواحد ما يقدر يقول غير الله يعين .. وما يقدر الا يدعي ربّه ... ويتعوذ من همزات الشيطان في هالمواقف ................. ******** |
الجزء الـ47 عمران: مروانووووووو مروان: عمرانوووووووو عمران: مروانييييييي مروان: عمرانييييييي عمران: مروان مروان: هلا حبيبي عمران: يالسخيف يوم انته تزقرني عمرانو ارد عليك مروان: محد قالك ما يكون عندك شخصية ! عمران: في عينك ما عندي شخصية اونه مروان: هيييييييييه عمران: انزين .. رغم ان يعني ما يهمني رايك .. ولكن من باب المجاملة ... أي سيارة تنصحني فيها ؟ مروان: بيكب بو دبّه .. عبدالعزيز وراشد كانوا متواجدين في الحدث لكن ما تدخلوا في النقاش ... الا بعد ما قال مروان جملته الاخيرة .. نقعوا من الظحك ... راشد: أي موتر هذا ! عبدالعزيز: هذا موتر صانعينه بس حق مروان هههههههه مروان: ههههههه صانعينه ومخترعينه بس حق عمرانووووو مب انا عمران: صدق محد ياخذ رايك ... مروان: مصدق عمرك الحين بتاخذ لك موتر انته ؟ عمران: ليش حبيبي ؟ ... من جيبك ؟ مروان: لا جيبي ولا شي .. انا جيبي مفلس ما عندي حق سيايير ... عمران: عيل ما يخصك عبدالعزيز: من نصيبه .. مروان: أي نصيب أي خرابيط ... اللي عمي يوسف مخزننه عنده حق اليوم الاسود اللي يا وراح والا اللي اخوك يبا ياخذه ! راشد: مروان لا ترمس جذه ... مروان: صدق ... انتوا ليش ما ترمسون بواقعية عمران: ليش ؟ بلاه سعيد ؟ عبدالعزيز: يبا يشتري بيت عمران: حق منوه؟ مروان: حقك تصدق .... يقول اخويه راد حرام .... لازم نسوي له حفلة استقبال في فلة يديده عمران: مروان عن الغشمرة الثجيلة قول مروان: قلت اللي عندي عبدالعزيز: يعني بيت حق منوه بعد انته ؟ حقه وحق حرمته راشد: ممكن تسكتون انتوا الاثنين مروان: سكتنا عبدالعزيز: سكتنا ... في مكان ثاني ... وين كانت المأساة والمشكلة مشتعلة .... يالس فالحجرة ... يشوف ايده جدام عينه ..... نزلت دموعه عليها ... زايد: عمر لا تسوي بروحك جذه عمر: ما كنت اتمنى ايي هاليوم زايد: سويت هالشي غصبا عنك ... عمر: البيت .. اللي انبنى ع الحب .. والألفة ... مثل ما كنا نقول دايماً.. اهتز ساسه .. البيت اللي عشنا فيه وتربينا مع بعض ع الحلوة والمره .. اهتز ساسه .. صدقني مهما تحاول تكون شرا راعي البيت الاصلي ما بتقدر .... ( ونزلت دموعه مره ثانية ومسحن ) ... ( ابتسم ) ... اللي يظحك فالموضوع .. ان اللي اقتبس شخصية راعي البيت .. اليوم هو اللي يهدم البيت بكبره .. شفت كيف انك ما تقدر تكون شرا راعي البيت .. زايد حاولت .. حاولت باللي اقدر عليه .. اليوم انهدم كل شي ع ايدي ... يبون روحي الحين ... بعطيهم اياها .. والله ما ترخص ع سعيد روحي .. والله ... بس لا يرد يفتح موضوع يهدم هالبيت من اول ويديد ... لا يرد يهدم هالبيت .. لا يرد يفتح باب بوفاة اغلى شخصين عندي انصك الباب .. يبا رصيدي فالبنك ياخذه ... يبا رصيد اخوانه ياخذه .. والله ما يرخص عليه ... بس لا ايي هني .... ما اتحمل اشوف حد من اخواني ينهان وجدامي .. والله يتقطع قلبي يا زايد .... عسب جذه ما بغيته يدخل .. اعرف عمي يوسف عادي يرفسه رفسة جلاب برع البيت وجدام الكل .. وانا ما اتحمل هالاهانه ... تمنيت بس لو الزمن يرجع لـ ورا والله ماخذ روحي وياهم عسب ما اشوف هاليوم ... ( رد ابتسم مره ثانية ودموعه تنزل ) ... اليوم تأكدت اني فاشل ... فشلت في اني اقتدي بأبويه ... واسوي اللي كان يسويه .. فشلت وبجدارة ... بس خلص كل اللي قاله وبدون مقاطعه من زايد اللي كان الوحيد وياه فالحجرة ... صاح .. بـ صوت مسموع ... هالصوت خلّى دموع زايد تنزل ع حال ولد عمه ... اللي اول مره يشوفه في هالحاله .... يــا من تحـلّ بـ ذكــره عــقد النوائــب و الــشدائد يــا من اليه المــشتــكى و اليه امــر الخلق عائد إني دعــوتك و الهموم جــيوشــها قــلبي تـطارد فرّج بـ حولك كــربتي يـــا مــن له حــسن العوائد انت الـرقيب على العباد وانت في الملكوت واحد انــت العليـم بـ ما بليت بــه و انــت عــليه شـاهد الجو شوي متكهرب .. ومحد له خلق الثاني عقب اللي استوى ... بدر: بلاكم ؟ داقين حزن ! محد يعرف يستغل هالمواقف في شي يخلي الواحد يفور اكثر واكثر غيره ... الكل صد صوبه .. يطالعه ... آمنة: ليش ولد خالتيه ... عيبك اللي استوى ؟ بدر: شي عادي .. ومتوقع من ناس دون المستوى .. لحظة .. لا تفهموني غلط .. ما اقصد عمر بن سيف .. اقصد اخوه من الدرجة الواطية .. اللي ياي يطالب عمه بنصيبه .. محد علق ع اللي قاله .. غاليه كانت يالسه ونشت سارت ... وسالم سار وراها .. سالم:غاليه غاليه: هلا سالم: وين بتسيرين ؟ غاليه: بسير الحجرة فوق سالم: بيي وياج غاليه: احسن بعد سالم: ما ابا ايلس ويا بدر .. احس بتستوي مشكلة ثانية تنهدت غاليه .. هاللي شكله بيحصل .. فـ عسب جذه نشت غاليه: زين .. تعال عيل ويايه سالم: عادي جذه تصعدين بدون ما تستأذنين .. وفي حجرة منوه بتيلسين ؟ غاليه ( أبتسمت رغم ويها الشاحب بعد الصياح ): كل الحجر فاضية .. وما فيها حد .. نختار اللي نباها ونيلس فيها .. سالم: والله صدق عيشة شيوخ ابتسامة غاليه ردت عقب رمسة سالم .. ياهل .. مهما يقول مهما يسوي .. ولو يطول لسانه ويتفلسف بيتم ياهل .... نرد للمكان اللي بتشتعل فيه الحرب من يديد .. بدر: انا اقول الصدق هزاع: الصدق انك تسكت ولا ترمس الحين لان محد مستحمل ثجل دمك بدر: اوه اوه ... هزاع رمس .. يالله قول انته شوه عندك ؟ هزاع: ما عندي شي اقوله حقك بدر: استاذ احمد ممكن تشاركنا يعني ؟ احمد يالس حذال هزاع وبنته مجابلتنه وهو كان يطالع بنته وهي تلعب ... فـ يوم بدر رمس .. رفع راسه وابتسم ... احمد: لا بدر .. ما عندي شي اشاركك فيه بدر: والآنسة .. عفرا عفرا: انا اقول .. لو تشغل نفسك بنفسك يكون احسن .. وقبل ما تشوف عيوب الغير تشوف عيوبك اللي من ساسك لين راسك يكون احسن وايد ... ولو تلتزم الصمت في هالميلس يكون احسن واحسن واحسن بوايد بعد ... رد قوي ... لـ شخص قوي ... بدر: قوية ما شاء الله .. لسانج هني طويل .. وفي ألمانيا موكلة محامين دفاع عنج عفرا: ما كنت ابا ارد عليك هناك .. بكيفي بدر: طبعا .. لانج تعرفين انا منوه وانتي منوه ؟ عفرا: هيه .. صح كلامك .. لاني اعرف اني ما انزل مستواي بمستواك بدر: قصدج مستواكم اللي ما يشرف ... اقصد .. مستوى العايلة اللي ناسبتوها وابتلشتوا بها .. والحين عيال سارة يبون يجتلون عمي يوسف وهو حي .. طفح الكيل .. طفح الكيل ... ونش هزاع .. ومسكه احمد .. بدر: وفر وفر طاقاتك حبيبي .. انا ساير الحين ... عندي 100 شغلة وشغلة ... سر جان فيك خير حل المشكلة اللي استوت .. مب ياي اونك تبا تفجرها فيني الحين احمد: بدر الله يخليك اقصر الشر وروح هزاع: والله العظيم محد بيجتل هالعايلة بكبرها بالحيا غيرك بدر: وانا شلي فيكم .. دربي غير عن دربكم هزاع: تفو ع التربية الخايسة اللي تربيت عليها بدر: ألزم حدودك .. تربيتي اذا مش عاجبتنك فهي تربية خالتك .. يا دون التربية انته هزاع: وكلامك قبل شويه عن سارة .. اللي تستوي عمتك وعمة طوايفك كلهم .. فـ هي مربية عيالها احسن تربية لكن انته ما تعرف لا تحترم ميت ولا حي بدر: شفت تربيتها بعيني قبل شوي .. في اممم لحظة اقدر اشبهها بـ حلبة مصارعه .. واللي يظحك ان اثنين من اللي تربوا ع ايدها اثبتوا لي ان تربيتها 100 % صح ... سلم ع عيال خالك يوم بتشوفهم .. وقولهم .. تشرفنا بنعم النسب ... اللي هو نسب امهم .. سلام هزاع: احمد هدني احمد: انته خبلة هزاع: خبلة لو ما جتلت هذا اليوم احمد: شوه تجتل وما تجتل .. نحن بكف ع الويه مب مستحملين بعد جتل 1 هزاع: هذا محد بيصيحه حتى الكافر ما بيصيحه لو مات ... آمنة:استغفر الله العظيم ... هزاع والله عيب عليكم .. عقيتوا جبودنا هزاع: مالت عليه ... مالت عليه .. من ولد خالة .. آمنة: هزاع قلت خلاص ... بس خلاص ... سير شوف الريال فوق شوه استوى عليه بدل يلستك الفاضية هني .. بس من واحد رمس قمتوا عليه .. ما يستوي تمسكون اعصابكم .... اللي الكل مستغرب منه اكثر واكثر اوكثر ..... ان يوسف ما طلع ... من يوم زايد دخل وزقر عمر وسحبه من عند عمه ... يوسف بند الباب ورا عمر ... وما يبا حد يدخل عليه .. الا كمال ... اللي تعود عليه يوميا يشوفه ... سلامة: وجيه ما خبروني ؟! عذيجة: احسن يوم ما قالوا لج سلامة: ليش عاد ؟ عذيجة: بس جذه ... انا حاسه ان اليوم بيستوي شي حصه: ليش متشائمة عذيجة: والله ما ادري حاسه بضيج روحي .. نشت ام هزاع وظهرت برع ... شمسة: بلاها امايه ؟ سلامة: تقول انها مضايجة اليوم حصه: امون شوه مودنها عند خالي يوسف اليوم ؟ شمسة: تقول من زمان ما سايرين عيب واحمد يبا يسير عنده .... سلامة: انزين جان خبرت كنا بنسير وياها حصه: عاد آمنة لين تتمكيج وتتكشخ سنة بعد متى تلحق تتصل سلامة: شمسة انتي جيه ما اتصلتي شمسة: انا ما ادري والله ... سلامة: عيل كيف طرستي ولدج شمسة: ويا زايد ولد خالي عبيد سلامة: بعد زايد ساير حصه: الشباب ضارين يسيرون بين فترة وفترة عنده سلامة: لا هالمرة في شي ع قولت امايه شمسة: شوه يعني بيوزعون الورث حصه: ههههههه حتى انتي شمسة: ههههه تعلمت من هزاع .. اقلده سلامة: صدقوني شمسة: سلامي حبيبتيه .. امون وعفاري بغن يسيرن واحمد وهزاع ودوهن ... وسالم يوم يينا هني ما في حد ... وعرف انهم سايرين تخبل قال ابا اسير انا بعد ... امايه اتصلت في زايد .. قال انه هو بيسير وغاليه وياه ... قالت له مر ع سالم وخلاص سلامة: بعد غاليه سايرة حصه: بيت عمها يا ماما سلامة: لا لا في شي شمسة: اقول وين ولدج ؟ سلامة: راقد حصه: مشتهيه سلامة: لا تقولين ... فطاير ما ادري شوه وخرابيط حصه: ههههههه هيه سلامة: امايه مب متفيجة تسوي لج حصه: بتسوي سلامة: قلت لج وجربي حصه: اوكيه بتصل المطبخ وبقول حق الخدامة تسوي شمسة: قولي لها سوي كمية حق العشا مره وحده سلامة: انزين باباتي وينه ؟ شمسة: ابويه يوم يينا كان طالع حصه: يالله ملل والله هني سلامة: ملل لا امون ولا عفاري ولا سالم ولا هزاع هني شمسة: شوه يسوون هالكثر بسهم خل يردون سلامة: الا هو غدا حصه: حبيبتيه الحين جولة فالقصر ياخذون شمسة: ههههههه جان ما ميثا دمرت الدنيا سلامة: قولي سالم مب ميثا شمسة: لا .... سالم يخاف من خالي يوسف ... ما يتجرأ يتحرك خطوة وحده جدامه حصه: ين في حد يخاف منه ... بيريح عفاري من الصريخ ... في بيت الشباب .... عبدالعزيز: افففففففف ملل عمران: وين عمر عيل ؟ عبدالعزيز: مواعدني اونه بيسير شويه وبيرجع .. عقب المغرب بنسير بيت عموه عمران: الحين الوقت ما يساعد حق بيت قوم عموه عبدالعزيز: ادري عمران: جان سرت ويا مروان ... عبدالعزيز: مروان قال انه ما بيسير هناك .. هزاع محد عمران: وراشد ؟ عبدالعزيز: ما طرى ع بالي ... عمران: عيل خلاص يلس هني وتريا عمر عبدالعزيز: ادري به بيرد الحين وبيقول ما بنسير عمران: زين بعد يوم تدري عسب ما تحشر الدنيا عبدالعزيز: انزين انا ابا اسييييييير ... والله ما شايفنهم من زمان عمران: مب جنه امسات سايرين يوم انا رديت عبدالعزيز: وييييييين من زمان هذا بعد نفس الوقت ........... دخل عمر البيت ... عمر: السلام عليكم .. عمران: وعليكم السلام والرحمة .. صعد عمر فوق ... وعبدالعزيز حط ايده ع خده عبدالعزيز: شوه قلت لك ... عمران: اكيد تعبان والا شي .. حتى شوفه ما يلس ... ولا سأل عن الباجين .. عبدالعزيز: بسير اشوفه .. عمران: قوله ينزل بنقول حق فريد يحط العشا ... شكلهم اخوانك ما بييون عبدالعزيز: اوكييييييييه نش عبدالعزيز وصعد فوق .. سار الحجرة ع طول ... ودخل ... شاف اخوه منسدح ع الشبرية .. حاط ايده ع عينه .. عبدالعزيز: عمر عمر: هلا ... رغم اللي فيه .. ورغم اللي استوى .. ورغم ورغم ورغم ... الا انه يحاول ويجاهد .. ما يعكر هالشي صفو البيت .. وكثر ما يقدر يكون طبيعي ... عبدالعزيز: ما تبا تتعشا ؟ عمر: لا عبدالعزيز: ما وديتني بيت قوم عموه عمر: يوم ثاني عبدالعزيز: بلاك عمّور ؟ فيك شي ؟ عمر: لا ما فيني شي عبدالعزيز: انته مريض ؟ عمر: هيه مزجم ... عبدالعزيز: بترقد الحين ؟ عمر: يمكن سار عبدالعزيز وانسدح حذال اخوه عمر: سير تعشا عبدالعزيز: ليش انته ما تتعشا .. انا بعد ما بتعشا .. عمر: عبدالعزيز لا تعاند ... عبدالعزيز: ما اعاند ... بس زايغ عليك عمر: من شوه تخاف عليه ! عبدالعزيز: انته هالايام وايد تفكر .. وانا اعرف .. واشوفك .. لا تقولي عيب تسمّع وعيب ما ادري شوه .. انا وياك في نفس الحجرة .. اشوفك يوم اتم واعي لين الفير ... انا بعد اكون واعي ... واتريا متى ترقد عسب ارقد ... عمر : وليش اتم واعي ؟ عبدالعزيز: ما اقدر ارقد .. وابويه واعي عمر ( ابتسم ): عبدالعزيز ... مهما بسوي لك .. وبسوي حق اخوانك .. مستحيل اوصل للي كان يسويه ابونا عبدالعزيز: انته ليش دايما جذه تقول ؟ ... بالعكس .. الناس يحسدونا ان عندنا اخو شراتك .. انا في عمريه ما شايف لا امايه ولا ابويه ولا اذكرهم .. امايه بعد بالمرة .. اما ابويه فـ يالس اشوفه جدامي الحين ... مهتم فيني .. ومهتم في دراستيه ... مهتم في صحتي .. يمكن لو ابويه روحه ما كان بيدلعني وبيداريني كثرك .. فـ انته علمتني دايما اقول الحمدلله .. انا الحين اقولك .. صح ان الله خذ امايه وابويه عني .. وانحرمت منهم .. الحمدلله ... لكن عوضني بأخو ابو كل حد يتمناه... كلام عبدالعزيز كان بالنسبة لـ عمر فالصميم .. تمركزت فكرة ( فاشل ) في داخل عمر عقب موقف سعيد .... ورجع تذكر الموقف ع طول .. ========== عمر: اقولك سير .. سعيد: ما بسير الا يوم اشوفه .. عمر: سعيد لا تخليني اندم سعيد: تندم ع شوه ؟ .. هو صح بتندم لو انا دخلت .. لاني باخذ نصيبي عمر ( صرخ ): سعيد لا تفتح باب بالغصب لين سديناه سعيد: محد قالكم تسدونه ... قبل لا تسدونه ردوا الحقوق حق اصحابها عمر: سعيد افهم .. هني ما تقدر تدخل .. بدمر هالعايلة بكبرها لو دخلت ... بترد تكرر مأساة نحن مب قادرين نستحمل نتايجها من اول ويديد سعيد: مأساة .. واللي انا عايش فيه مب مأساة ؟ عمر: قلت لك .. بعطيك رصيدي فالبنك كله ... وبعطيك نصيب اخوانك .. بس لا تدخل سعيد: وانا قلت لك ما ابا منك شي .. عمر: سعيد ... رد البيت سعيد: مب راد ... الا يوم ادخل عمر: بس خلاص عاد سعيد: انته جيه تصرخ كل هالصريخ وحارق اعصابك الحين ؟ عمر: سعيد اقولك بدمر بيت بكبره .. سعيد: بيت منوه ؟ .. يوسف .. اخو سيف ... اللي نهب نصيب اخوه كامل .. وما ارتاح الا يوم توفى اخوه وحرمته في حادث سيارة ... وعياله تيتموا .. ونصيب هالعيال اللي هم نحن بعد نهبه يوسف .. هني كانت اللي مش متوقع .. ان يرفع عمر ايده ع سعيد ... سعيد: عمر .. تمد ايدك عليه !.. عمر واقف مصدوم .. كلهم واقفين مصدومين ... سعيد: اسمعني ... لو تحاول تكون سيف .. في حياتك ما بتكون .. لو تميت الدهر كله تحاول تكون جزء من سيف .. ما بتكون ... سمعت ... وانته فاشل .. فاشل .. فاشل ========= قطع عليه حبل افكاره .. مب عبدالعزيز .. لا ... دقة الباب .. عمران: ط والله هالاثنين ... راقدين ... نشوا فريد زهب العشا عمر: نزلوا تعشوا عبدالعزيز: عمران شوفه ما يبا يتعشا عمران: شوه فيك عمر ؟ عمر: ما فيني شي .. بس نزلوا تعشوا .. مروان وراشد ردوا؟ عمران: مروان هيه .. راشد لا عمر: خلاص نزلوا تعشوا .. وخلوني انا عمران: يالله عبدالعزيز ... فالمستشفى ... خلصوا كل شي .. بعد عناء ع قولت رملة ... شوه هالفحوصات اللي ما تخلص ... لو كانوا يشرحون جثه جان خلصوا وهذيل ما يخلصون ... رملة: حشى حشى حشى عيسى: اسكتي يوم بنوصل السيارة .. طلعي حرتج رملة: مب فحوصات ... عيسى: شوه قلت رملة: لا تحاول تستوي احمد الحين .. ما يليق عليك تعصب تعطي الواحد فالويه .. ما تعطيه فرصة يعبر عن مشاعره ... حليله عيسى !.. رملة: اوه لا ... عيسى وقف .. يشوف اللي يستوي جدامه .... رملة: ههههههه يالخبلة .... ويييينج حصيص: انتي الخبلة وينج رملة: شوه يايبنج هني ؟ حصيص: ماماتي عندها موعد ... انتي ليش يايه ؟ رملة: انا روحي عندي موعد حصيص: وين عفرا وعمي احمد .. رملة: هيه ما شي شغل .. اييب كل هذيل ويايه يوم ايي ! حصيص: عيل ويا منوه يايه ؟ رملة: ويا عيسى .. اخويه حصيص: شحالك ؟ عيسى ( باستغراب): بخير حصيص ( بصوت واطي ): اخوج بلاه فيه رقاد ؟ نقعت رملة من الظحك ... وحصيص وياها .... لين سمعت حصيص اسمها ... رملة: ابوج يزقرج حصيص: اكيد خلصوا ... نشوفج جريب رملة: ان شاء الله .. حصيص: باي .. رملة: مع السلامه وسارت حصيص حصيص: باباااا محمد: هلا ... من زمان بعد سرتي وتعرفتي وخلصتي سهام: انا شوه قايلة لج حصيص: ما تعرفت والله .. هاي رملة محمد: أي رملة؟ حصيص: نسيتهم ؟ ... ربع ألمانيا محمد: لا والله ما نسيت .. شوه يايبنها ؟ حصيص: عندها موعد محمد: منوه كان وياها ؟ حصيص: تقول عيسى اخوها .. يعني ويه يديد محمد: ويه يديد تعرفتي عليه ؟ حصيص: لا رقاد سهام: شوه ؟ محمد: ههههههه سخيفه حصيص .. عيب ترمسين عن الناس جذه حصيص: هههههه انزين صدق هو يعني جذه رقاد ... محمد: انزين نسير اخاف هالمطعم بكيفه لغى الحجز .. شافنا متاخرين حصيص: مب بكيفه والله .. سهام: هيه انتي وابوج تبون تمشون الدنيا ع كيفكم .. حصيص: طبعا ... اصلا انا وابويه .. كل حد يشوفنا يوقفون لنا وقفة احترام سهام: ما ادري علم الدولة ... طوفوا طوفوا نسير ... مب جنه هزأتهم سهام ... وقفطتهم من كثر ما واثقين في عمارهم هالاثنين !....... في بيت أم احمد .. آمنة واحمد عقب ما ردوا من بيت يوسف .. آمنة كانت ناويه تسير بيت ابوها ... لكن عقب اللي استوى واللي شافته .. قالت حق احمد يردها البيت .... لان ما لها نفس تشوف أي حد ... في قسمهم .. آمنة يالسه سرحانه ... واحمد يلعب ويا بنته احمد: امون ..... ما ترد أحمد: اموووووووووون آمنة: هلا .. هلا احمد: أي هلا .. أي مرحبا .. أي حي الله الشيوخ آمنة: رقدت ؟ احمد: لا تلعب آمنة : مندمجه في شوه ؟ احمد( ابتسم ): تبا تركب المربعات ع بعض آمنة: تتخيل شوه بيستوي اليوم ؟ احمد: وين ؟ آمنة: في بيتهم احمد: بيت منوه؟ آمنة: بيت خالي سيف احمد ( تنهد ): والله ما يندرى ... آمنة: حرام .. والله ما توقعت ايي يوم واشوف هالاخوان جذه احمد: الدنيا تدور آمنة: تدري ... قصة امايه واخوانها .. وخالي سيف خصوصا تتكرر الحين بنفس الطريقة أحمد: منوه يوسف ومنوه سيف ؟ آمنة: عمر يوسف ... وسعيد سيف احمد: صدقيني .. عمر مستحيل يكون يوسف .. عمر يوسف في طيبته .. لكن مب في جبروته آمنة: بس ما خلّى اخوه يدخل اليوم .. احمد: لانه خايف عليه .. يدري ان خالج يوسف بيكون له راي ثاني .. وردة فعل صريحه آمنة: جان خلاه .. يمكن سبحان الله .. الله يهديه احمد: مستحيل .. وسعيد ياي يطالب بالنصيب .. مب ياي يسلم ع عمه او شي من هذا آمنة: حتى ولو احمد: آمنة افهمي آمنة: بس احمد شوف لين وين وصلوا احمد: اخوان ما ردهم بيتراضون آمنة: ان شاء الله فجأة بنتهم صاحت .. احمد يطالعها باستغراب وآمنة شراته ... آمنة: شوه سويت بها احمد: يالس جدامج ما سويت شي .. اسولف وياج آمنة: عيل جيه تصيح احمد: الدلوعه ما عرفت تركب صاحت آمنة: انته مدلعنها احمد: هههه تعالي روح بابا .. لا اتعبين روحج انا بركب عنج وركب احمد حق بنته المكعبات .. وحط مكعب في ايدها ... ومسك ايدها وركبه وياها .. وصفق لها .. عاد هني ودموعها ع خدها سكتت وظحكت .. احمد: ههههه والله متفيجه آمنة: شل عنها الألعاب بسها احمد: آآآآه .. خلي بنتي تلعب كيفها آمنة: هيه عقب مب ابوها اللي بيشله ... امها احمد: عيل حق شوه امها موجوده فالبيت آمنة: هيه بشكارة حقها وحق ابوها احمد: ولهذا تزوجتك آمنة: الحين انا بشكارة ! احمد: هههههههه لا لا .. انا ما قلت ها .. عقب تزعلين وتسوين لنا سوالف .. انتي روحج قلتي آمنة: انته تقول احمد: حشى عليه امون ما قلت .. آمنة: ساعات اقول امايه احسن تدري .. واييني احساس ان لا .. لا تدري .. انته شوه رايك ؟ احمد: بسم الله الرحمن الرحيم .. انتي بعد رديتي ! آمنة: ما اقدر انسى ! احمد: رايي ان عفرا وهزاع الحين مخبرينها وخالصين .. لكن توقع احمد كان في غير محلّه .. هزاع وعفرا يوم ردوا البيت اتفقوا انهم ما يقولون حق امهم أي شي .. ولا اييبون لها طاري .. وسالم وياهم .. سلامة: ايه عفاري ... ولدي يشوفج عفرا :يعني شسوي فيه سلامة: خاله مجرمة .. سالم: يوم اقولكم ... وديه وديه عند عماته وديه حصه: هههههههه بدال ما يصلح ذات البين .. شمسة: هذا فاسد وين يصلح حصه: هزاع وين ؟ سالم: سار يرقد ... مل منكم شمسة: والله كل حد ملان منك سالم: هه .. اصلا انا الوحيد مسوي جو هني ... عفرا: والله محد فاضي غيرك انته .. انا بسير ارقد سلامة: بلاكم؟ شوه مأكلينكم في بيت خالي يوسف .. ييتوا سيده رقدتوا وامون سارت بيتها ترقد ! محد يدري شوه مستوي في بيت يوسف ... غير عفرا وهزاع وسالم .. عسب جذه محد حاس بالألم اللي يعتصر كل اللي شهدوا الموقف ... في بيت .. دايما يسوده الهدوء ... ودايما هالانسانه .. تكون يالسه روحها فالصاله اللي فوق .. الا فترة بسيطة بس . يت فيها يدتها وسكنت وياهم في هالبيت .. عرفت شوه يعني استقرار ... لكن عقب ما توفت .. ردت للروتين اللي كانت عايشة عليه قبل ما تتواجد يدتها في بيتهم ... صعدت امها .. شافتها يالسه وفي ايدها دفترها اللي تعودوا يشوفونه في ايدها اغلب الاوقات .. جواهر: هنّود هند: هلا امايه جواهر: تعشيتي ؟ هند: لا جواهر: ليش ما يابوا لج العشا ؟ هند: بلى .. بس ما تعشيت جواهر: ليش ؟ هند: مب مشتهيه جواهر: الحين تبين تاكلين ؟ اتصل المطبخ اييبون لج شي ؟ هند: لالا .. لو بغيت .. جان روحي اتصلت جواهر: بدر ما وصل ؟ هند: لا ... شوفي الساعه كم جواهر: اشوفها هند: هالحزه بالنسبة لـ بدر من وقت .. جواهر: هيه والله صدقج .. هند: هيه فاهمتنه انا هالانسان عدل نفس الوقت .. انسمعت صوت خطوات تحت ... هند: معقولة بدر ؟ جواهر: ما ادري .. وانسمع الصوت .. يزقرون هند .. هند: اوه هذا ابويه جواهر: يالله بسير استعيلهم اييبون العشا هند: اكيد متعشي برع جواهر: حتى ولو ... لاززم احط له هني بعد هند: وايد اتعبين عمرج جواهر: تدرين به ابوج .. لو متعشي برع .. يرد البيت بعد لازم ياكل الخفايف اللي مسوينها .. هند: قواعد عجيبة في هالبيت جواهر: قومي سيري شوفيه شوه يبغي .. هند: ان شاء الله .. بلهيه شويه لين تخلصين .. نزلت هند قبل امها تحت ... بسرعه وسارت صوب حجرة ابوها .. هند: ادخل بو بدر: دخلي ... هلا والله بهنّوده هند: اهلين .. بو بدر: شحالج اليوم ؟ هند: الحمدلله بخير .. انته شحالج ؟ ... بو بدر: تمام .. يوم اني اشوف هالقمر جدامي .. ومبتسم هند: عيل دوم ببتسم لك بو بدر: يا ريت والله ... هند: خير الغالي ... شوه بغيت ؟ بو بدر: خير ان شاء الله خير .. تدرين وين كنت ؟ هند: ما ادري بالضبط .. لكن اعتقد اجتماع بو بدر: هيه كنت في اجتماع .. وعقبها طلعت ويا بو حمدان اتعشى وياه برع .. هند: انزين بو بدر: هو عزمني .. هند: انزين بو بدر: وكان يباني في موضوع هند: خير ؟ بو بدر: بو حمدان .. يبا يخطبج حق ولده .. هند: ابويه بعد ردينا ع طاري العرس ؟! بو بدر: شوه هو اللي بعد ردينا ! هند: ما ابا بو بدر: ليش ؟ هند: بس جذه ما ابا بو بدر: بلاه الريال ؟ ... هند: ما بلاه شي .. ولا شفته ولا عرفته بعد .. لكن ما ابا العرس انا بو بدر: عيل شوه تبين انتي ؟ ... ابا اعرف شوه تبين ؟ .. الجامعة ورفضتيها قلنا ما عليه ... عمج هناك في كندا موفر لج سكن وجامعة أي حد فالعالم يتمنى يتخرج منه وانتي رفضتي .. سفرات وعيشه أي حد يتمنى يعيشها بعد ما تبين .. وزواج بعد ما تبين !......... تبين تيلسين هني لين يبيض شعر راسج !... قوية في حق هند .. ومن منوه ؟ .. من اكثر واحد يدلعها .. ابوها ... هند دلوعة ابوها وحبيبته اليوم تنهزب وولا جد قبل استوى هالشي ع ايد ابوها .. اكتفت بالسكوت ... وانها تشل بعمرها وتطلع من الحجرة .. قبل ما تقول شي والا تسويه وتندم عليه .. جواهر: هنّود وين سايرة ؟ ما عبرت امها وصعدت فوق .... ووصل الأمير .. جواهر: اهلاً وسهلاً بدر: هلا والله بالغاليه .. ام الغالي جواهر: متعشي ؟ بدر: الحمدلله ... لكن ما يخالف لو يعني كلينا شوي من الحلو اللي حاطينه جواهر: اتريا ابوك بدر: ابويه عادي عنده انتوا ليش تصعبون المسائل !....... مال اول تريا ابوك جواهر: شكراً... بدر: لا تقولين زعلتي .. عيل عيال اخوج ما طلعوا ع غريب جواهر: عيال اخويه شدخلهم ؟ بدر: اوه نسيت اعزمكم ع المسرحية اللي استوت اليوم جواهر: أي مسرحية بدر: في بيت خالي يوسف جواهر: كنت عند يوسف؟ بدر: كنت من زمان .. ظهرت سرت ويا ربعي .. جواهر: ليش ؟ العادة لو يوسف زقركم .. تتعشون عنده ترد عقبها البيت بدر: وانا لحقت اتعشا عنده ! جواهر: ليش شوه مستوي ؟ بدر: ما ادري ... عيال اخوج ادافنوا ... جدام كل الحضور ... وتعاركوا ... جواهر: أي اخو ؟ بدر: سيف جواهر ( باستغراب): عيال سيف ! بدر: لا تنصدمين لا تنصدمين .. انا ما انصدمت عادي .. شي متوقع جواهر: بدر ارمس عدل بدر: انزين ارمس عدل جواهر: ليش ادافنوا واظاربوا ؟ ومنوه ومنوه ؟ بدر: امايه مب متفيج اقول القصة جواهر: بدر ارمس ... لا تفوّر لي اعصابي بدر: انزين انزين .. لا تعصبين .. طبعا تدرين محد يدخل من عيال اخوج بيت خالي يوسف غير عمر العود .. هذا اللي توه معرس وطالع من البيضه سعيد . ياي واونه يطالب بنصيبه ... وما ادري شوه .. جواهر :سعيد ! بدر: هيه .. شريف مكه .. والله كنت اتحسب احسن واحد فيهم .. طلع خرطي ولا شي جواهر: وشوه يبا به نصيبه ؟ بدر: والله اللي فهمته يبا بيت .. بس ليش وشوه السالفه بالضبط ما ادري بعد !...... حشرة حشرة عفانا الله ما يعرفون النظام .. كلهم ويا بعض يرمسون .. ما في واحد يرمس الثاني يسمعه عقب يرد عليه ... ناس تافهين جواهر: والله محد غيرك تافه .... جواهر كانت شبه مصدومه باللي يقوله ولدها ... و هو يوم يقول كلمة بس في حق اهلها شوه تسوي فيه ... هالدور بعد كلماااااات مب بس كلمة ... سوت له طاف وسارت عنه لان فكرها كله الحين في عيال اخوها .... نش بدر عقب امه ... وسار فوق ... مر صوب حجرة اخته بدر: هنّود ادخل هند: ادخل بدر: شوه تسوين ؟ هند: ما شي ... بدر: بترقدين ؟ هند: تستهبل ارقد الحين ! بدر: عيل بيلس اسولف وياج هند: تفضل بدر: اقول شحال بنت خالتج .. هند: منوه عفاري ؟ بدر: هيه هند: ما ادري عنها ... من يوم يينا ما رمستها بدر: شرايج فيها ؟ هند: رايي في عفرا ! بدر: هيه هند: بلاها يعني ؟ بدر: انا اسألج عن رايج فيها هند: عفرا طيوبة وحبوبة ... وجريئة بدر: صح جريئة هند: بدر ليش تسأل ؟ بدر: هندو هند: هلا بدر: لو قلت لج .. بغيتها هند: شوه يعني بغيتها ؟ .. فسّر اكثر لان كلامك معقد بالنسبة لي بدر: يعني لو فكرت فيها كـ زوجة فالمستقبل .. تنفع ؟ هند .. اطالعت اخوها باستغراب وصدمه .. بدر: لا تشوفيني جذه ويا عيونج .. تزيغين نص الليل اكثر هند: بدر ترمس جد ؟ بدر: وشوه فيها ؟ ... مب بنت خالتيه ! هند: ما تعتبرها من الطبقة دون المستوى ع قولتك ! بدر: لا لا لا ... اصبري .. فهمتي غلط .. مب كلهم دون المستوى .. ولو هي دون المستوى ... انا بعلمها كيف تعيش عقب في طبقة الراقين واللي مستواهم فوق المستوى بعد هند: انته متاكد من اختيارك بدر: انا متأكد .. بس ابا حد يأكد لي اكثر هالشي هند: خبرت اميه ؟ بدر: امايه توها سامعه سالفة عن عيال اخوها تغثها .. يعني الوقت مب مناسب .. قلت بخبرها باجر هند: خبرها وشوف بدر: بخبرها هند:انزين .. ابويه خبرك ؟ بدر: عن؟ هند: اللي اسمه حمدان بدر: منوه حمدان ! هند: ولد بو حمدان بدر: هنّود لا تستعبطين هند: والله شدراني انا روحي ما ادري !... بدر: عيل شوه تبين به ؟ بلاه ؟ هند: يقولون خاطبني بدر: والله زيييييييين عرسي وعرسج عيل في نفس اليوم هند: هاهاها ما يظحك بدر: يعني انتي ما بتقولين لي رايج في عفرا ؟ هند: والله عفرا خوش بنيه .. خلوقة .. ومؤدبة .. وحلوة بعد بدر: وجريئة هند: ليش حاط ع جريئة ؟! بدر: ما حاط ولا شي .. هي فعلاً جريئة .. لو مب جريئة جان ما رمستني .. صح؟ سكتت هند .. وردت تطالع اخوها بنفس النظرات بدر: يا ويهج اقولج لا تطالعيني جذه .. تزيغين هند: هه .. عيوني احلى عن عيونك .. بدر: تتمنين هند: والله انته تتمناهن ... تعق البنات بها بدر: ههههههه صدق ما تستحين .. توني ياي اقولج بعرّس تقولين لي بنات بعد ! هند: انته الحين ترمس جد بدر: شوه تتحسبيني اتمصخر وياج ! هند: والله ما يندرى شوه تحت راسك يا بدر بدر: لا اتعبين عمرج بالتفكير ... تحت راسي مخده بسير ارقد هند: هاهاه ما تظحك بدر: ههههههه سيري حطي لنا فلم محترم بنيي نتابعه وياج فالصاله .. سار بدر عن اخته وخلاها يالسه روحها تفكر في رمسته !.... وفكرته الغريبة بالنسبه لها .... ! في بيت يوسف ... دخلت ... وهي متروعة ... الوقت مش مناسب .. لكن الاتصال اللي ياها خلاها تيي هالحزه ... دخلت الحجرة .. . عذيجة: يوسف شوه مستوي ؟ يوسف: الناس تسلم عذيجة: السلام عليكم ... يوسف: وعليكم السلام عذيجة: شوه مستوي والله انك روعتني متصل بس هالحزه تقولي ضروري تيين يوسف: يلسي ... عذيجة: يلست .. شوه السالفه ؟ يوسف: اذكري ربج يا حرمة .. استهدي بالرحمن وبقولج عذيجة: لا اله الا الله .. يوسف: اول شي عيالج قالوا لج شوه استوى في بيتي اليوم اكيد عذيجة ( باستغراب) : شوه استوى ؟ يوسف: ما قالوا لج ؟ عذيجة: لا والله ... ما ادري .. شوه مستوي ؟ يوسف: ولد اخوج الهرم عذيجة: أي واحد فيهم ؟ أي اخو واي ولد اخو ؟ يوسف: ولد سيف عذيجة ( منصدمه) : عمر ! يوسف: انتي تعرفيني عدل ... مستحيل اقول عن عمر جذه عذيجة: عيل منوه ؟ يوسف: سعيد كانت صدمة عذيجة اكبر هالمرة .. عذيجة: سعيد بلاه ؟ يوسف: ياي هني .. ويهدد ويتوعد .. عذيجة: ياك هني البيت ؟ يوسف: هيه .. بس ما طلعت ... مب لـ شي لاني ما ابا اشوف شيفته .. ولان عمر سبقني وطلع برع ومنعه يدخل البيت عذيجة: يوسف انته شوه تقول ؟ يوسف: اللي تسمعينه ... صدق تربية سويرة الخايسة بانت الحين عذيجة: يوسف فهمني عدل .. سعيد ليش ياي ؟ يوسف: ما ادري .. بس استنتجت انه ياي يطالب بنصيبه عذيجة: سعيد ما غيره ! يوسف: هيه ... مب مصدقه ؟ ... صدقي يا عذيجة .. انا قلت لكم .. وبتم اقولكم .. عيال سارة دم امهم في عروقهم .. مستحيل لو مهما يكون الحقد اللي يشلونه في قلوبهم يودرونه بسهولة عذيجة: يوسف حرام عليك يوسف: حرام عليكم انتوا ... حرام عليكم انتوا اللي تسوونه .. انا ما ابا يتقربون مني .. ولا ابا اشوفهم .. وكان لي حق في كل اللي سويته عذيجة: اكيد فهمت الموضوع غلط ! يوسف: ما فهمته غلط ولا شي .. ولا اطلعيني عن طوري وتبدأين تدافعين عنه عذيجة: يمكن هو في أزمة يوسف: أزمة ما اييني البيت . ويصرخ .. يحترم نفسه .. ويعرف مستواه عقب ايي .. عذيجة: يوسف هذا ولد اخوك ... عيال اخوك يا يوسف .. شوه مستواه ! يوسف: ما عندي عيال اخو .. عيال عبيد .. وعيالج .... وعمر بس من سيف عذيجة: وتقول حقد .. لازم الواحد بيحقد يوم يشوف عمه جذه يفرّق .. يوسف: انا عاد كيفي .. والكف اللي عمر عطاه حق اخوه .. بيصلبه عقب اليوم ... سكتت عذيجة .. مصدومه اكثر واكثر ... ما تعرف شوه تقول حق يوسف .. مهما ترمسه ومهما يسولفون في هالموضوه ويتناقشون .. يوسف ما بيغير نظرته .. تمت تفكر في عيال اخوها ... يوسف: ع العموم انا ما زاقرنج عسب هالسالفه التافهه .. عذيجة: ليش في شي بعد؟ يوسف: عمر عذيجة: شوه فيه عمر؟ يوسف: قبل ما تستوي هالبلبلة كلها ... كان يالس وياي فالمكتب عذيجة: شوه يبا ؟ يوسف: عذيجة بلاج ؟ عذيجة: يوسف والله مب قادرة استحمل ... تدري انته اللي قلته شوه يعني ؟ ... ما اقدر اسمع مصايب زيادة يوسف: وليش شاكه ان اللي بقولج الحين مصيبه ... عذيجة: تقولي الاخوان مظاربين ... هاي مصيبة تعتبر يوسف: خلي عنج هالسالفه التافهه قلت لج ... اللي بقولج الحين شي يفرح عذيجة: ياريت .. قول يوسف: عمر يبا يعرّس ... عذيجة: عمر !..... ما قايل لي يوسف: قالي بغيتك انته اول واحد تدري وبخبر عموه عقب .. لكن انا قلت له روحي بخبرها عذيجة: ويباني ادور له الحين ! والا حاط عينه ع وحده بعد ! يوسف: عمر مب من النوع اللي يشوف .. وليش تدورين له ... والعروس موجوده ... عذيجة: منوه قصدك ؟ يوسف: عفرا ........ ******* |
الجزء الـ48 تخربطت الأمور وتعقدت ... عقب كل المفاجآت اللي حصلت في العايلة .. مروان كان ظاهر من حجرته .. بينزل تحت .... لكن قال بيشوف راشد قبل .... دخل الحجرة .. شاف ان ما فيها حد ... لكن اوراق منثرة ع الارض .. وع الشبرية .. وفي كل مكان... وشاف ع الشبرية وبين كل هذا ... صورة البنيه اللي عبدالعزيز من قبل شافها ... واللي راشد نسى يردها لـ صاحبة الصورة ... مروان ... منوه هاي !... فجأة ... انسحبت الصورة من ايده ... صد مروان ورا .. شاف راشد ... لكن شكله مش طبيعي ... مروان: منوه هاي ؟ راشد: انته بعد ياي تسأل ؟ ... شوه الطوفة العبيطة انا في هالبيت ... كل من هب ودب يدخل الحجرة ويفتش في الاغراض !.. بصريخ راشد .. مروان واقف فاتح ثمه ... شوه السالفه ؟!... اصبحنا واصبح الملك لله .. راشد: لو سمحت برّع .. مروان: برّع ... برّع !... وظهر مروان من الحجرة .. وسار تحت .. عمر .. وعمران ... يالسين .. مروان: شوه مستوي ؟ نفس الوقت نزل راشد ... وفر الصورة في حضن عمر .. راشد: هاي هي الصورة .. ولا تتهمون الانسان زور .. ولا تظهرون اشاعات .. ممكن أي قلب ضعيف يصدقها .. وظهر من البيت ... نش عمر وشل وياه الصورة وسار فوق .. مروان: الله !.... شوه السالفه ؟ عمران: صباح الخير مروان: أي خير أي خرابيط ... قصدك صباح المشاكل عمران: هيه والله مروان: انا اعتقد يعني اعتقد ان السالفه .. فيها اتهام لـ راشد ! عمران: وايد عليك مروان: انزين قولي شوه السالفه عسب يكون شويه عليه عمران: سير شوف حجرة راشد كيف قبل مروان: شفتها عمران: متى؟ مروان: توني ياي من فوق .. حتى تهزأت عمران: ليكون دخلت مروان: دخلت .. وراشد دخل ورايه وهزأني اقولك عمران: سعيد مسوي هذا كله مروان ( عقد حياته ): بعد سعيد ! عمران: ليش في شي ثاني ! مروان: انا قلت .. راشد مب مينون يسوي كل هذا عمران: ليش سعيد مينون ؟ مروان: توك تدري ؟! وسار يلس ع الطاولة صب له حليب عمران: خل عمر يسمعك تقول عن سعيد مينون مروان: ما يهمني عمران: بس سعيد مب من حقّه مروان: شوه سوى ؟ عمران: ساير يبا ما ادري شوه من الحجرة .. وجالبنها فوق وتحت مثل ما شفتها .. وآخر شي لقى هالصورة اللي ياي راشد فرها ع عمر توه مروان: صورة البنيه الصغيرة ؟ عمران: هيه .. شفتها ؟ مروان: هيه عيونها خضر شرات القطو العود .. عمران: سخيف ! مروان: والله شرا عيون سعيد روحه .. انزين كمّل عمران: ما شي نزلنا ع الصريخ اللي استوى فالصاله مروان: صريخ منوه ؟ عمران: راشد وسعيد .. مروان: ليش ؟ عمران: ما ادري .. سعيد يقول هاي نهاية التربية الشريفة وما ادري شوه يألف .. واتهم راشد ان راعي سوالف وحركات .. والدليل الصورة اللي فالحجرة .. مروان: ويوم اقولك مينون تقولي ... خل عمر يسمعك عمران: انزين عمر سكت راشد ما سكت سعيد .. مول مول مول ما رمّس سعيد ... اصلا سعيد قاله لا تدخل مروان: خبلة ... عمران: تبا تسوي مشكلة ثانية ؟ مروان: ليش هاي هي المشكلة الثانية فالبيت ؟ .. هاي المشكلة الالف اللي يسببها سعيد فالبيت عمران: شوه مستوي ؟ ... مروان: وين ؟ .. انته كنت موجود تسألني انا شوه مستوي ؟ عمران: اقصد في غيابي احس وايد اشيا مستويه مروان: انا بقولك .. وباختصار سعيد ظارب عبدالعزيز وحرمته بعد تجرأت ومدت ايدها ع عبدالعزيز .. ورافع صوته ع فريد ... وبعد ما كفاه هذا .. مد ايده عليه ... ورفع صوته ع راشد وعمر .. ما باقي غيرك انته ... تهيئ نفسيا يعني من الحين .. لـ ظرابة سعيد وياك .. لانه مستوي خبلة وتافه واسبابه سخيفه !... عمران يالس وحاط ايده ع خده ويسمع مروان شوه يقول ... كل هذا يستوي وهو آخر من يعلم !.. الحين عرف شوه سالفة هدوء عمر .. وانه ما رد ع سعيد .. انفتح باب الصاله .. عذيجة: السلام عليكم مروان: مرحبا .. هلا والله هلا .. هلا بالطش والرش .. عذيجة: وين اخوانك ؟ مروان: واحد يالس جدامج عمران: شحالج عموه ؟ عذيجة: الحمدلله حبيبي .. انته شحالك ؟ عمران: بخير مروان: شمعنى قلتي حق عمران حبيبي عذيجة: انته وايد متفيج مروان: هيه متفيج ... اسمع اللي ينقال لغيري ولا جد مره في حياتج قلتيه حقي عذيجة: وين الباقين ؟ عمران: راشد توه ظاهر مروان: وعمر وعبدالعزيز فالحجرة عذيجة: وسعيد ؟ مروان: سعيد ما ينحسب من هالبيت .. صدت عذيجة صوب مروان .. تطالعه .. وهو ولا جنّه قال شي .. مد ايده يشرب الحليب .. نزل عبدالعزيز من فوق عبدالعزيز: اوه اوه .. حبيبتيه هنيييييي عذيجة ( ابتسمت في ويهه) : صباح الخير عبدالعزيز: صباح النور والسرور عذيجة: كسلان ناش متأخر عبدالعزيز: راقد متأخر عذيجة: شوه مسهرنك مروان: سواااااااالف ما يشبعون سوالف هو واخوه عبدالعزيز: اللهم لا حسد عمران: هههه حتى انا ومروان مروان: صح صح حتى انا وعمران .. عذيجة: وين عمر ؟ عبدالعزيز: فوق فالحجرة ... ازقره عذيجة: لا لا .. لا تزقره انا بصعد له عبدالعزيز: ويه فضيحه الحجرة فوق تحت .. عذيجة: عادي .. خلها ... شوه فيها فوق تحت عبدالعزيز: لحظة خلني اذكر ... اممم البروش طايح ع الشبرية لاني توني مسحي شعري .. الكتب ع الطاولة اللي فالزاوية .. بس مروان: وايد عليك .. قلت فوضى فوضى الحين عبدالعزيز: الحمدلله نحن نظااااف ومنظمين عذيجة: قوموا تجاتلوا الحين مروان: لا تكفييييييين يا عمتيه .. الله كشخه .. رمسة سعودية عمران: هههههههه نتايج السهر عذيجة: بسير اشوف عمر .. ما ابا حد ايي .. صعدت عذيجة فوق ... مروان: حتى العيايز عندهم اسرار ... عبدالعزيز: اقول شوه مستوي ؟ حتى انا عمر طردني من الحجرة عمران: لا عيل صدق بيستوي شي اليوم مروان: يستوي والا ما يستوي .. انا ابويه واااااااااحد مفكر اتعشا برع ويا هزاع عبدالعزيز: بااااااااااااال .. الناس ما متريقين ولا متغدين للحين وهذا يفكر في عشا برع مروان: الواحد لازم يضمن مستقبله عمران: ههههههه صدقها عموه يوم تقول عنك متفيج ... فوق في حجرة عمر .. عذيجة: شحالك ؟ عمر: الحمدلله بخير ... انتي شحالج عموه ؟ عذيجة: انا بكون بخير يوم برد اشوفكم اخوان .. متصافين ع قلب واحد .. عمر من يوم دخلت عمته عرف انها درت بالموضوع ... ويحاول يتجنب انه يشوف في عينها .. عذيجة: عمر لا تستحي مني .. ولا تنزل راسك .. عمر: عموه انا ادري اني غلطان عذيجة: ما عليه ... الحين خلاص اللي راح راح .. عمر: لازم ما كنت امد ايدي عليه .. عذيجة: اقولك اللي راح راح ... انا ما يايه ألومك اليوم عمر: سعيد اثبت ان تربيتي فشلت عذيجة: تربيتك فشلت ؟ ليش؟ ... عمر ليش ترمس جذه؟ ... مب انته نسخة من سيف؟ .. مب تربيتك تربية سيف؟ عمر: مستحيل في يوم اكون سيف عذيجة: ليش حبيبي ؟ .. ليش تقول جذه ؟ انته سيف وبتم سيف ... عمر: بس .. عذيجة ( قطعت عليه ) : بس نحن في اليوم .. اعتذرت له ؟ عمر: سعيد الحين ما بيقبل اعتذاري .. عذيجة: متى ناوي تعتذر له ؟ عمر: يوم بيهدى عقب كم يوم .. عذيجة: أتمنى بس الشيطان ما يلقى له مدخل ثاني بينكم عمر: انا آسف ... بدا بيتنا يسبب المشاكل للعايلة عذيجة: لا تقول جذه .. هالبيت بيت اخونا بعد .. وانتوا عيال اخويه .. يوم ما بهتم فيكم ولا بداريكم شرات عيالي .. اخلي الغريب يتشمت فينا ؟ !..... عمر: الغريب يظحك الحين عقب ما درى بسالفتنا عذيجة: خله يشبع ظحك .. ويرد يصيح عقب يوم يشوف ان كل شي رد طبيعي .. سكت عمر .. ما يقدر يكمل رمسته ويا عمته بخصوص موضوع سعيد .. حاس ان المشكلة هاي شرات الهم استوت ع قلبه .. عذيجة: انزين انا ما يايه الومك ع اللي سويته .. يايه ارمسك في موضوع ثاني عمر: شوه؟ عذيجة: يقولون ساير تخطب من عند يوسف وانا آخر من يعلم ... عمر: انا ما خطبت .. بس شاورته .. وهو اختار لي ! عذيجة ( ابتسمت): منوه اختار لك ؟ عمر: ما قالج ؟ عذيجة: بلى قالي .. عمر: عموه .. مب وقت السالفة هاي الحين عذيجة: بلى وقتها .. لان يوسف يباها تكون في هالوقت عمر ( تنهد): قالج عنها ؟ عذيجة: هيه عمر: شرايج ؟ عذيجة: انا بحصل احسن عن ولد اخويه حق بنتي ؟ عمر: عموه مب لاني ولد اخوج تقولين جذه .. وتوافقين .. شاوري البنيه .. وابوها .. وانا بنفسي لازم اخبر عمي عبيد .. عن يزعل عني عقب ... عذيجة: ابوها موافق .. خبرته امس .. رغم ان حالي ما كان يسر عقب ما سمعت سالفتك ويا سعيد .. لكن يمكن هالفرحة .. تخلي المشكلة تنحل .. ويلين قلب اخوك .. عمر: ان شاء الله ... بس ما ابا يستوي شي الحين .. لين تشاورون البنيه صدق .. ظروفي انتوا تدرون بها .. عذيجة: والسكن ادري عنه .. ويوسف قال تسير تسكن عنده في الفلة عمر: لا انا ما بهد البيت .. عذيجة: المهم هالشي تتفاهمون عليه عقب انته وياها .. عمر ( أبتسم): عموه الله يخليج .. خل توافق هي قبل .. لكن تقولين لها عن السكن وعن كل شي .. عذيجة: بنتي تدري عنكم كل شي عمر: حتى ولو .. تفهمينها كل شي .. وتمشين وياها خطوة خطوة .. لاني ما ابا اظلم أي وحده كانت .. حتى لو غريبة .. واذا ما استوىنصيب ... لا تكدرين خاطرج .. لانج بتمين عمتيه .. ومعزتج ما بتتغير .. ردت عذيجة الابتسامة حق عمر .. عذيجة: وراشد يقولون ظهر من البيت عمر: اظارب ويا سعيد ... توه عذيجة: بعد ! .. عمر: عموه .. سعيد صدق مستوي عصبي .. ويعق خيط وخيط وهو مب حاس عذيجة: ليش ؟ عمر: شاف صورة في حجرة راشد واتهمه باتهامات ... انا متاكد من ان راشد بريء منها عذيجة: مثل ؟ سكت عمر عذيجة: قول عمر: يقول ان راشد راعي سوالف وحركات وبنات .. وان هاي نتيجة تربيتي عذيجة: وين الصورة ؟ عمر: هاي هي تمت عذيجة تطالع الصورة ... عذيجة: هاي ... ( سكتت) عمر: تعرفينها ؟ عذيجة: هاي هند .. بنت جواهر .. عمر: عموه جواهر ؟ عذيجة: هيه .. شوه ياب الصورة هني ؟ عمر: ما ادري .. كانت عند راشد .... عذيجة: راشد من وين يايبنها ؟ عمر: ما ادري .. ما لحقت اسأله والا استفسر منه أي شي .. لانه ظهر .. بس الله يخليج عموه دامج عرفتي بالصورة .. لا تقولين حق حد لين راشد ايي وافهم منه السالفه وسمعوا صوت دقة الباب .. عمر: ادخل انفتح الباب ودخل .. عذيجة: هلا والله .. فديتك روعتنا عليك راشد: شحالج عموه ؟ عذيجة: الحمدلله بخير .. انته شحالك شخبارك ؟ وين سرت راشد: الحمدلله .. ولا مكان .. بس خذيت لفة ورديت عذيجة: لازم تسوي هالحركات الصبيانية اطالع راشد صوب عمر كأنه يسأله .. عموه درت !.... وعمر هز راسه بالايجاب .. راشد: غصبا عني عذيجة: مره ثانية .. تحكم باعصابك راشد: ان شاء الله عمر: راشد شوه ياب الصورة عندك ؟ عذيجة: مب هاي هند بنت جواهر ؟ راشد: هيه ... هند عمر: من وين يبت الصورة ؟ راشد: من المزرعة عذيجة: أي مزرعة؟ راشد: يوم سرنا المزرعة العام .. الصورة طاحت منها .. ونسيت اردها لها .. لكن والله اني ناوي اردها لها واعتذر لها بعد ..بس مب قادر اوصل لها عمر: لكن ما يحق لك تحتفظ بالصورة هاي راشد: عمر اقولك والله ناوي اردها لها بس كيف ما ادري عذيجة :اوكيه خلاص .. لا تفتحون موضوع يخليكم تتناقشون بدون فايدة راشد: انا ياي ارمسكم عن موضوع ثاني عذيجة: شوه ؟ راشد: انا ناوي اعرّس عمر اطالع اخوه مستغرب .. وعذيجة تطالع الاثنين .. عذيجة: انتوا متفقين والا شوه ؟ راشد: ليش ؟ .. عمر ناوي يعرّس ؟ عذيجة: هيه راشد: بياخذ منوه ؟ عمر: انته بتاخذ منوه؟ عذيجة: انته حاط في بالك وحده يا راشد ؟ راشد: هيه .. بس حلفت ما اقول .. الا يوم عمر يقول منوه اختار ؟ عذيجة: عمر ما اختار .. عمر اخترنا له .. راشد قلبه بدا يدق .. يخاف اختيار عمته لعمر .. يكون هو بحد ذاته اختياره ... عذيجة: من العايلة يا راشد والا ؟ راشد: هيه من العايلة عمر: قول ... راشد: قلت انته تقول قبل عذيجة: اختاروا له بنتي عفرا راشد ( تنهد): الحمدلله عذيجة: غير عن اختيارك ؟ راشد: هيه عمر: انته منوه حاط في بالك ؟ راشد: صاحبة الصورة .. سكتت عذيجة .. وما قالت شي .. وعمر وياها .. راشد: ادري اختياري صعب .. وفارق الطبقة اللي هي تنتمي لها ... وانا انتمي لها غير .. عذيجة: اسكت .. ما ابا اسمعك مول تنزل مستواك .. هي بنت خالتك .. من لحمك ودمك .. ما في فرق بينك وبينها .. راشد: يعني موافقة انتي عموه ؟ عذيجة: انا رايي مش مهم .. رايهم اهم راشد: بس رايج يهمني انا ولدج عذيجة ( أبتسمت): انته لو تسير أي مكان .. كل بنت تتمناك .. انا برمس جواهر وبقولها عمر: عيل انا موضوعي يتاجل عذيجة: يا ربي ع هالولد... ليش تبا تاجله عمر: عموه تدرين اني ما بخليكم تدفعون ولا فلس في موضوعي او موضوع راشد .. راشد: خلاص موضوعي انا اللي يتأجل .. عمر: لا انا عذيجة: لا انته ولا هو .. خلاص سكتوا .. اثنينتكم ان شاء الله افرح فيكم في نفس اليوم يا رب .. ابتسم راشد .. وابتسم عمر .. يالله دعوات عمتهم كم تسوى بالنسبة لهم .. يوم يسمعونها .. هموم الدنيا تخوز عنهم .. غاليه: انزين وعقب ثاني: دقي كنترول دليت غاليه: لو اخترب بعد مره ؟ ثاني: ما بيخترب دقي .. غاليه: دقيت .. ثاني: سوي ريستارت .. وخلي اللاب توب يرتاح شويه وعقب ردي افتحيه غاليه: ليش يعني اخترب ؟ ثاني: وايد فايلات فيه وبرامج غاليه: انته بعد لاب توبك فيه ... واكثر عني ... ليش ما اخترب ثاني: الله اكبر .. غاليه: هههههههه عيوني مب حارة ثاني: مب حارة الحين بيخترب .. والله انا بين فترة وفترة اسوي له فورمات .. و ما اخزن فيه خرابيط غاليه: لاب توبي ما فيه خرابيط فيه بروجكتات غنية المعلومات ثاني: هيه وايد غنية اشوف .. انزين حذفي مال العام واللي قبله غاليه: لا لا .... خله احتاجهم ساعات ثاني: والله كيفج .. بس ريحيه .. غاليه: اوكيه شجراً ... اخي .. ثاني: عفواً اختي .. ودخل عليهم زايد .. زايد: شوه تسوون ؟ غاليه: ما شي .. بس نطلب المساعدة من المهندس ثاني ثاني: شكرا شكرا غاليه: زايد زايد: هلا غاليه: شوه استوى ع عيال عمي سيف ؟ ثاني: صدق اللي سمعته ؟ زايد: من منوه سمعت ؟ ثاني: امايه كانت ترمس ابويه .. زايد: ما استوى عليهم شي .. ثاني: غريبة غاليه ما صحتي ! غاليه: بلى صحت ثاني: انا قلت بعد زايد: ثاني عمر اتصل بي وقال العصر بيمر هني .. عاد ودر حبيب قلبك شويه وانزل شوف الريال ثاني: اكييييييييد .. عسب عمر انا اسوي أي شي وكل شي زايد: يالله من وين نزل الحب ؟ ثاني: من زمان احبه والله غاليه: امايه يوم بتشوفك تحت .. بتقول عيل كل يوم خل عمر يمرنا عسب تنزل ثاني: والله كيفكم .. تبوني انزل قولوا له كل يوم ايي زايد: هو فاضي شراتك ما عنده شغله ثاني: هيه خل يبتعد شويه عن البيت لين تهدى الامور .. ويمرنا هني زايد: انزين اليوم انته اقترح عليه هالاقتراح الجميل غاليه: انا شكلي عيل بسير بيت قوم عموه زايد: منوه بيوديج؟ غاليه: بخلي السايق ويا الخدامة يودوني .. زايد: خلاص عيل .. عقب اذا كنت فاضي انا بمر عليج غاليه: اوكيه ... بتصل بك .. ثاني: والله هذيل كل واحد فيهم ع كيفه يطلع ويدخل غاليه: ليش لازم استأذن منك ؟ نسيت ما قلت لي قبل ثاني: استأذني من ابوج وامج مب مني زايد: ابوها وامها ما بيقولون لها لا .. لو سارت بيت عمتها ... عمتهااااااااااااااااا ثاني: احم احم .. خلاص سيري .. اقول يالله مع السلامه عندي شغل ثاني قال رمسته لانه يدري زايد بيفتح له محضر احتماع مثل كل مره ومحاظرة طول وعرض .. يحتج .. وعقب يرد كل شي فوق راسه ... حليله ثاني ... في بيت بو هزاع .. عفرا: انته ايه خلها .. سالم: هي مستانسة آمنة: عفاري امايه ما قالت متى بترد؟ عفرا: لا احمد: سالم اذا صاحت .. سالم ( قطع عليه): بنظرب .. ادري .. انزين كشخه يوم تصيح .. شكلها حلو .. آمنة: هيه امك عقب خل تسكتها شمسة: انا شدخلني احمد: ابوك خل يسكتها صالح: ليش ادخل ابوه فالموضوع احمد: والله ولدك يبا يصيحها سالم: عمها عمها فالمستقبل سكتها شوه خانتك احمد: هههههه بعد رد .. عفرا: اقولكم ما بيهدها لين تصيح احمد: ثره يقول ابوه بيسكتها آمنة: سلامة ما يت سالم: خل تيي عسب نلعوز عمّور شويه آمنة: هيه جنك الا تتجرأ تسوي جذه حق ولد سلامة .. والله لتلعن صيرك صالح: هههههه يعني بنتكم حليلها ماكلتنها احمد: خل تاكلها .. لانه هو بياكل ظرب سالم: عمي احمد شكلك صدق تبا تظربني اليوم احمد: هههه هيه ايدي تحجني سمعوا صوت ابوهم من داخل .. آمنة: عفرا ابويه يزقرج .. وتوه هزاع نازل من فوق .. وعفرا سايرة بيت ابوها هزاع: السلام عليكم الكل: وعليكم السلام شمسة: لا تقول من الصبح راقد وتوك نازل هزاع: ليش يالبرنسيسة عندج مانع ؟ سالم: لا عندها سالم هزاع: دمك ثجيل سالم: ما سرت بعيد صالح: بس اسكت يا ولد احمد: يعني اليوم عمتيه محد ما بتغدونا ! آمنة: نتريا سلامة وحصه هزاع: جيه وين امايه ؟ شمسة: سارت بيت خالي سيف هزاع: ليش ما خبرتني ! شمسة: والله ما ندري .. انته وعفاري فالبيت تدرون شوه السالفه ... في حجرة .. بو هزاع ... عفرا يوم سارت حق ابوها كان مظهر صورهم يوم هم صغار ... وعاد اندمجت وياه .. ويلست معاه ع الارض تطالع الصور عفرا: شوفوا هزااااااعوووووو .. ههههه بو هزاع: شوفي شمسه عفرا: ويه طبق الاصل سالم ... بس ع شكل بنات بو هزاع: ههههه حلوة هاي ع شكل بنات عفرا: الله ياخذ العدو ... مروانوا الدب النحس كيف حليو .. مالت عليه بو هزاع: بل عليج خليتي شي فالريال بعد! عفرا: والله هو دايما يطنز عليه .. بو هزاع: انتي بنيه .. اعقلي عفرا: يوم هو بيعقل انا بعقل بعد بو هزاع: باجر بتعرسين عفرا: يصير خير لين باجر .. هذا بو عيون خضر بعد حليو .. بو هزاع: اصلا عيال سيف كلهم حلوين عفرا: هيه ادري بهم .. ما شاء الله عليهم بو هزاع: انزين خلينا من الصور الحين عفرا: آمر الغالي .. بو هزاع: تدرين انج اصغر بناتي .. ودلوعتي عفرا: هيه وامايه ساعات تغار مني بو هزاع: وايد واثقه عفرا: احم هههههههه بو هزاع: ههههه انزين عفرا: انزين وعقب هالمقدمة ... بو هزاع: وكل بناتي معرسات وباجي انتي عفرا: انا وفيّة بو هزاع ( ابتسم ): لا عرسي وبتكونين بعدج وفية ان شاء الله عفرا: اللي يقول الحين مره يا هو وانا ما وافقت ... لا تييب طاري اللي ساروا .. كلهم كانوا كجرة بو هزاع: انزين في حد ياي هالمرة بعد عفرا: اهااااااا قول جذه من قبل يا بو هزاع بو هزاع: يالله الحين قلت عفرا: انته تدري انه ينفعني ؟ بو هزاع: انا في حياتي ما فرضت ع ولا وحده من خواتج أي واحد من رياييلهن .. وحتى انتي ... ما فرضت عليج أي واحد ... عفرا: منوه هو بو هزاع: توقعي عفرا: شوه اتوقع ؟ اعرفه ؟ بو هزاع: هيه عفرا: انزين جرب لي شويه ؟ بو هزاع: يقرب لنا ... بدت عفرا وحركاتها ويا ابوها ... يوم قال لها ابوها ان يقرب لنا .. غطت عينها بايدها .. عفرا: جريب وايد والا بعيد ؟ ... بو هزاع: جريب وايد .. عفرا: جريب وايد ما اقدر اتوقع ... بو هزاع: في بالج منوه ؟ عفرا: ما ادري .. كلهم نفس الشي .. بو هزاع: وهاللي في بالج بتوافقين عليه... عفرا: اقولك كلهم في بالي .. شدراني منوه هذا المتفيج اللي ياي بعد بو هزاع: الحين ياي يعرس تقولين متفيج .. متفيج خاطبنج عفرا: ثرني اقولك متفيج .. بو هزاع: انزين قولي عفرا: اممممم .. انزين بقول حروف وانته قول هيه والا لا .. بو هزاع: كلمات متقاطعه عفرا: انته تبا هالشي بو هزاع: انزين قولي عفرا: فيه حرف الميم ؟ بو هزاع: هيه .. عفرا: راء ؟ بو هزاع: هيه شلت ايدها عن عيونها بسرعه عفرا: لا تقول مروان بنتحر .. بو هزاع: ههههههه ليش ؟ عفرا: ابويه تتمصخر بو هزاع: استحي ع ويهج عفرا: والله ما بغيته .. لو اموت لو يعطيني مهر بس مهر 10 ملايين ما بغيته بو هزاع: مروان خوش ريال عفرا: ما اباه .. والله يوزوه غاليه يوزوه حد ثاني بو هزاع: شمعنى غاليه يعني ! عفرا: لا اقصد يعني لا توهقوني انا وياه .. انا ومروان والله ما يليق بو هزاع: انزين لا تصارخين هالكثر .. مب مروان عفرا: عيل منوه ؟ ما في حد بعد ! بو هزاع: عمر اخو مروان .. هني كانت صدمة عفرا اكبر .. نشت وقفت وفتحت عيونها ع الاخير بو هزاع: شرايج ؟ عفرا: طبعا لا بو هزاع: وليش ؟ عفرا: ابويه انا مب خبلة آخذ عمر بو هزاع: ليش هو خبلة ! عفرا: لا بس عمر ما يناسبني .. بو هزاع: اختيار خالج يوسف عفرا: وخالي يوسف شدخله ؟ بو هزاع: عمر سار عند يوسف وقاله يبا يعرّس ... عفرا: متى عمر بعد مداه ؟ امس مظارب ويا اخوانه بو هزاع: ما يخصج في مشاكله ويا اخوانه عفرا: انزين خالي يوسف شدخله فالموضوع ؟ بو هزاع: يوم عمر قال حق يوسف انه بيعرس وبيقول حق امج تدور له عروس .. يوسف قال لا يدورون ولا شي .. ياخذج انتي .. عفرا: وانا ما ابا .. بو هزاع: عاد شوفي ما تبين ... اقنعي يوسف... ويوم بتقنعينه بعدم موافقتج .. تعالي قنعيني انا عقبه وقنعي امج .. لان عمر ما فيه شي عسب ينرد عفرا: يوم انكم تبونه جيه تاخذون رايي بو هزاع: قلت بتكونين عاقله .. انا صح كنت وياج يوم رديتي اللي قبله .. لانهم فعلا ما يناسبونج .. لكن عمر وين بتلقين شراته ! عفرا: بس ابويه بو هزاع ( قطع عليها): النقاش ويايه انا في هالموضوع خلّص .. ناقشي امج وخالج .. تنهدت عفرا ... وطلعت من الحجرة ... شمسة: عفاري تعالي تغدي عفرا: ما ابا .. وصعدت فوق ... آمنة: يالدبة تعالي غاليه هني حصه: هي ليش كانت عند ابويه ؟ هزاع: اكيد هزبها احمد: ابوك يهزب عفرا !.... ما تركب هزاع: عيل ليش زعلانه ! علي: يمكن البنيه شبعانه ما تبا تاكل ..توها متريقه .. طلعتوا عنها اشاعات احمد: ههههههه يغارون .. لان ابوهم يدلعها اكثر يبون الحين يخربون ويظهرون اشاعات سالم: يدوه ما ردت ؟ حصه: لا ما ردت غاليه: عموه وين سايرة ؟ آمنة: عند عيال اخوها هزاع: بتصل في مروان بشوف اذا امايه بتتأخر عندهم والا صالح: في وحده منكن يا بنات بو هزاع سألت عن ابوها وجيه ما ظهر يتغدا شمسة: اويييييييه نسيناه احمد: مب منكن هزاع: عفانا الله اول مره تاكلن .. ما يأكلونكن في بيوت رياييلكن سالم: ههااااااااي حلوة .. قحط حصه: انا معذورة .. حامل وتعبانه شمسة: عيل انا بعد آمنة: شوه يعني وهقتوني انا ! احمد: لو سمحتوا ما يخصكم في حرمتيه ها هزاع: هيه ما يخصكم في امون شمسة: وايد عليك حصه: سلامة ما يت آمنة: اتصلت قالت ما بتيي .. يمكن تيي العصر والا المغرب سالم: خالوه آمنة بنتج تصيح آمنة: بنتي ما تصحي وراقده احمد: امون قومي شوفي البنيه صدق آمنة: ما تصيح هذي الحجرة .. وانا فاتحه الباب .. هذا وايد يجذب صالح: برد اكرر السؤال .. قومن زقرن ابوكن علي: هههههه قلبه ع عمه صالح: طبعا .. مب اول نسيب فالعايلة علي: وانا الثاني احمد:رقم ثلاثة احم احم هزاع: مستانسين يعني بالارقام .. ما عندنا بيوت شعبية سالم: عندنا شقق مفروشة هزاع: انته بعد برع احمد: برع اونه .. جيه وين يالسين .. هزاع: في بيتنا احمد: اصتح ع ويهك انزين هههههه شمسة: ابويه شكله ما يبا يتغدى سالم: اول مره اتغدى في بيت يدي وهالازعاج كله .. افففففف انتوا وايد ترمسون يدي ويدوه زين يسوون فيكم علي: هيه محدهم عسب يأدبونك انته ويقصون لسانك الطويل في بيت السفير .. بدر يالس فالصاله .. ووياه هند .. وتوه امهم وصلت ويلست .. بدر: الله الله شوه هالزين .. هند: اميه دومها جذه حلوة .. بس العتب ع اللي ما ييلسون فالبيت .. ويشوفون جمالها جواهر: بسكم انتوا الاثنين من الرمسة الماصخة .. هنّوده ابوج يقول .. ما رديتي عليه هند: بخصوص؟ جواهر: اللي رمسج عنه امس هند: ما ابا جواهر: شوه يعني ما تبين ! هند: يعني ما اباه جواهر: والله سيري قولي له روحج هند: شكله هالحمدان مب أي كلام .. ابويه الا غصب يباني اوافق .. امس عصب عليه جواهر: لان الريال ما ينرد .. هند: اقولكم انا ابا استقرااااااار .. بدر: جيه هو عيل شوه بيسوي بج هند: ما ابا اركب كل يوم طيارة .. ولا ابا كل يوم في بلد بدر: احمدي ربج بيسفرج بعد هند: لا يسفرني ولا اسفره يتم عند هله وانا بعدني عند هلي جواهر: انزين وايد لا تتحرطمين هني .. قولي حق ابوج هالرمسة .. هند: انا ما بقوله انتي حرمته قولي له جواهر: والله انتي بنته .. والريل حقج مب حقي هند: انا ما اباه انزين جواهر: ثرني اقولج قولي له بدر: شوه هالعايلة يوم اقول عنها جواهر: انته بعد اسكت ... ثرك تبا تاخذ وحده منا .. بدر: هالوحده اقولج بعلمها كيف كون برنسيسة جواهر: وايد واثق .. خل يوافقون عليك قبل بدر: ليش عندج شك ما يوافقون عليه جواهر: ليش انته عندك شك انهم يوافقون عليك ع طول ... بدر: لا .. جواهر: انا هيه ... بدر: يخسون جواهر: خسى قدرك ... هند: هههههههههه قالوا له ... بدر: يتمنون واحد شراتي جواهر: والله بنت اختيه مب طايحه ... وما لها حظ .. تترياك انته بس متى تسير تعطف عليها ... بدر: انزين انزين ... متى بترمسينهم جواهر: والله انته وابوك لازم تسيرون بدر: وييييييه بعد من الحين اسير ؟... فالتيلفون سلام وعليكم السلام بغينا بنتكم حق ولدنا ... ومتى العرس هند: صدق انك واااااايد واااااايد واثق من نفسك بدر: شي طبيعي جواهر :انزين يوم بتعرف الاصول تعال قولي بدر: انزين رمسيهم صدق امايه جواهر: ابوك لازم يتصل ويرمسهم بدر: وابويه متى بيتصل ؟ جواهر: قال اذا خلص اليوم .. بيتصل البيت .. وبيقولك تزهب بتسيرون بيت عذيجة بدر: وانتوا رمستوهم ان اليوم بنيي ! جواهر: خل ابوك يخلص شغله ويرمسني .. عقب بتصل في عذيجة اخبرها ... هند: والله بدر بعد يبا يعرّس بدر: ليش مب تارس عينج ! جواهر: انا مستغربه ... كيف حطيت عينك ع عفرا ! بدر :ليش ... بنت اختج مب من مستواي يعني جواهر: انته اللي مب من مستواها بدر: بلىىىىى ... تتمنون جواهر: اقولك اسكت .. عن اقول حق ابوك ما يسير ولا يخطب لك أي وحده من طرفنا .. تفهم والا .. نشت جواهر وسارت عنهم .. بدر يرفع ضغطها يوم يرمس عن اهلها ....... لا والمشكلة يبا يخطب بنت اختها ! مرت 5 ايام ع السوالف اللي استوت كلها ... فجأة ... بيت بو هزاع انتشرت خطبة عمر لـ عفرا .. واخوان عمر دروا بالسالفة .. عاد شوه يفج مروانو عبدالعزيز عن عمر وعفرا في نفس الوقت ... ويعايرون اخوهم باختياره بس بطريقة طبعا مرحه !..... بيت بو زايد ... عبيد درا بـ سالفة الخطبة .. ومستانس من الخاطر ... هذا عمر الغالي .. كيف ما بيستانسون عشانه .... لكن عفرا للحين ما ردت بالموافقة .. يعني السالفة بعدها قيد الانشاء ... في بيت بو هزاع .. بو هزاع: ان شاء الله .. الله يكتب اللي فيه الخير ان شاء الله .. بو بدر: يالله .. نترخص نحن الحين بو هزاع: وين سايرين تو الناس .. بو بدر: لا ما عليه .. ورانا كم شغلة لازم نخلصها بعد بو هزاع: خلاص عيل .. حياكم الله بو بدر: الله يحييك ويبقيك .. مشى بو هزاع ويا بو بدر .. وبدر اللي شويه وبينفجر .. لين الباب .. ودعهم ورد دخل داخل .. شاف الصاله .. مجلوبة ... مسرحية كوميدية ... بو هزاع: وصلت لهم الخبر على طول .. هزاع يالس .. مؤدب .. ولا جنّه مسوي شي .. بو هزاع: عذيجة تعالي اباج ... سارت ام هزاع ويا بو هزاع داخل .. ورد الظحك فالصاله .. آمنة: بس انزين هزاع: تعرفون شوه يعني ويهه كان شويه وينفجر .. والله ههههههه سالم: فاتنيييييييي شمسة: شوه قلتوا له هزاع: شوفي ابويه بس ههههه سلامة: شوه قاله قول بسرعه حصه: عاد هزاع لين ما يخلص ظحكه هزاع: والله انزين يظحك ههههههه حصه: قول الحين هزاع: اونه .. عمر ولد سيف تقدم حق عفرا قبل بدر .. ووين تييبين بدر تقولين بقرة شايفة حريجة والا صابين عليها ماي بااااااااااااااااااااااااارد ثلج آمنة: وشوه رد ابوه ؟ هزاع: قال والله عمر خوش ولد .. وتم يتمدح في عمر .. بس عقبها قال .. رديتوا عليهم ؟ حصه: انزين ! هزاع: ابويه قاله لا ما ردينا .. وبعدها البنيه تفكر .. جان يقوله خلاص عيل .. اللي فيه الخير وما ادري شوه .. وخل البنيه تصلي استخارة ع الاثنين ... سالم: اونه السفير بعد يعرف صلاة الاستخارة شمسة: ايه انته يا ولد سالم: صدق انزين اول مره اعرف سلامة: يالله عفاري تبين منوه ؟ عفرا: انتوا ناس فاضين هزاع: والله انتي الفاضية اصلا ما شي أي مقارنة بين الاثنين .. احمدي ربج عمر بن سيف متقدم لج عفرا: ليش ؟ ما احيد عمريه طايحه في جبودكم .. تيوزوني بو القواعد هزاع: شوه بعد بو القواعد ؟ عفرا: هيه الحياة كلها عنده قواعد .. تمشي ع قاعده قاعده هزاع: ليش عشتي وياه حضرتج ؟ عفرا: لا .. بس اشوف هالشي ع اخوانه .. ما بنسوي جذه لان عمر قايل جذه جذه جذه .. نسوي جذه لانه عمر قال جذه جذه جذه سلامة: عفاري والله ما بتلقين احسن عن عمر عفرا: ما اباه .. شمسة: انتي الخسرانه عفرا: بخسر اكثر لو وافقت عليه هزاع: تبين منوه عيل ؟ بدر ! نبرة هزاع كانت استفزازية نوعاً ما ... فـ عفرا ما حبت اطول الموضوع ونشت سارت حجرتها ... حصه: حرام عليكم ضغطوا عليها شويه هزاع: خليها انتي عنج .. تدلع هاي .. آمنة: يمكن صدق ما تباه هزاع: مب بكيفها اصلا ... امايه وابويه ما بيخلونها حصه: وليش هو غصب ! هزاع: هيه في موضوع عفاري غصب .. لانها لو ما وافقت ع عمر .. بتضطر توافق ع بدر سلامة: مب شرط هزاع: بلى شرط .. عند بدر شرط .. صدقوني .. الله يعين الحرب القايمة الحين في بيتهم ... في بيت الشباب .. عبدالعزيز: يعني انتوا متخيلين ! عمران :شوه ؟ عبدالعزيز: عمر ياخذ عفرا ! راشد: وانته ليش ؟ عبدالعزيز: ياخي هاي نحسة ما تليق عليه راشد: اصطلب .. شكلك تبا تنهزب اكثر وأكثر عمران: ضارين هو واخوه انهم ينهزبون كل يوم مروان: انزين يعني الحين ام الدويس بتسكن هني ؟ راشد: استح ع ويهك مروان: بعدها ما استوت حرمت اخونا .. ع سنة الله ورسوله عبدالعزيز: آخر وحده كنت اتوقعها هي عفرا .. بتتناحس عليه ... وبتخرب عمر عليه عمران: انته وياه .. وين تبون مروان: نبا بيتنا راشد: انا اللي سمعته انه عمي يوسف مقترح ان عمر يسكن عنده عبدالعزيز ( منصدم): نعم نعم ؟ مروان: شوه نعم نعم ؟ الريال يوم بيعرس بعد انته لا تفكر تلصق فيه .. عبدالعزيز: كفاية اني بتنازل عن الحجرة .. بعد يبونه يسير يسكن ويا عمي يوسف ؟ عمران: أي مكان ييلس الله يوفقه عبدالعزيز: لا والله .. مب ع كيفه أي مكان يسكن مروان: انته شوه تبا به ؟ عبدالعزيز: يا اخي اخووووويه مروان: يا اخي بيعرّس راشد: انا وعمران ومروان بنتم لك مروان: انا سمعت شي ثاني بعد ! راشد ( بطرف عينه يطالع مروان ): اكرمنا بسكوتك مروان: هههههههه يعني صح ؟ راشد: اسكت اسكت .. مب تظهر اشاعات ما شي استوى عبدالعزيز: بعد شوووووووه ! راشد: بعد ولا شي عمران: والله هالبيت ... فيه من الاسرار ما يكفي مروان: نعم نعم ... اقول دارس لغة عربية الاخ والا ساير الشرطة شاك انا فالموضوع عمران: انته تعال منوه مسمنك مروان ؟! مروان: والله ما ادري .. اللي مسمنك عمران راشد: مروان ابويه مسمنه وعمران امايه مروان: يالله وايد يعني شايفينا نحب بعض مسمينا اسامي متشابه تماماً عمران: باختلاف حرف واحد مروان: ع قولته باختلاف حرف واحد راشد: عمران ومروان وعمر نفس الشي عبدالعزيز: احم احم انا اخويه مسمني مروان: راشد عموه عذيجة مسمتنه ... حليلها كان متفائلة بـ هزاع خير .. لكن ما ادري منوه قص عليها وقالها سمي هزاع عمران: هههههههه حرام عليك .. مروان: هههههه والله هزاعو اسمه الدب لايق عليه عبدالعزيز: سعيد منوه مسمّنه ؟ راشد: عمي يوسف .. مروان: وايد عليه ... اشوفه سعيد بدا يتناحس علينا ... مب منه من اللي اختار له الاسم عمران: لا ترمس جذه عنه مروان: الله يعين .. للحين ادافعون عنه .. ابويه سعيد مال اول رااااااااااح عبدالعزيز: صدقوني بيرد سعيد الجديم مروان: على ضمانتك !.... بيرد يعطيك كف شرا اللي عطاك قبل وعقب بتصدق انه ما بيرد دام هالحرمة ع ذمته راشد: ط هذا ! عبدالعزيز: دخييييلك .. طاري كفوف وطراقات ومصارعه حرة بعد لا تييب .. تعقدت انا .. عمران: هيييييييهأ يالدنيا .. عبدالعزيز المدلل على كفوف الراحه ينظرب من سعيد وحرمته عبدالعزيز: شفت عاد .. دنيا غلط !..... في حين الاخوان يكملون سوالفهم ... ويرمسون عن اخوانكم الكبار .. كان في حرب .. قايمة على اخوهم العود .. وهم ما يدرون ! في بيت السفير بدر: وقسما بالله والله .. انه ما يستاهلها هند: انزين انته ليش محتر بدر: وانتي مبردج فالسالفه هاي ! جواهر: عمر خوش ريّال هند: هيه انا يوم كنت وياهم فالمزرعة اذكره بدر: حلفن انتن الهنتين جواهر: احترم نفسك بدر: والله اشوفج وايد تدافعين عن ولد اخوج جواهر: يعني شوه تباني اسوي ؟ بدر: اقولج ساير اخطب .. يقولي الشيبه .. بنتي مخطوبة ... منوه ؟ عمر .. يا سلام !..... هند: يا مدام ... يعني شوه تباه يقولك جواهر: انته ما منك فايده .. انا سايرة عنكم .. وسارت جواهر .. بدر: ط والله .. عادي عندها هند: يعني شوه تباها تسوي ؟ بدر: ما اباها تسوي شي هند: يعني تصيح مثلا بدر: ليش تصيح عليه ؟ .. بس ما عليه .. لانه ولد اخوها تدافع عنه هند: يا اخي طبعا بدافع عنه بدر: انا ولدها يا بقرة هند: بقرة حرمتك .. بدر: هنّود لا اطلعيني عن طوري هند: والله انته تسب .. يعني ساير تخطب قالوا البنيه مخطوبة .. لكن يصير خير .. بعده ما استوى شي انزين اصبر .. يعني يا تكون من نصيب عمر او من نصيبك بدر: انا ادري انها حركة نذاله .. ادري هند: وهو شدراه انك تبا عفرا عسب يسير يخطبها قبلك ! بدر: حبيبتيه انتي ما تعرفين عمر .. هذا عمر .. يتهيأ للناس انه هادي .. لكن هو من تحت لين تحت سوالفه هند ( بصوت واطي ): كلن يرى الناس بعين طبعه بدر: شوه تقولين ؟ هند: انا اقول .. انته ليش معكر مزاجك ومسوي هالحشرة كلها ... يلس واهدى .. يا خبر اليوم بفلوس بكره ببلاش ... بدر: لو ببيزات الدنيا بشتريه هالخبر .. بس يفرحني ويكسر عمر هند: يالله يالاجرام بدر: مش اجرام .. الاجرام في دم ولد خالج واخوانه هند: اوكيه انزين .. هو مجرم .. واخوانه مجرمين .. ومن عايلة مجرمة درجة اولى .. انته بس اهدى بدر: وهاي اللي اسمها عفرا .. لو وافقت ع عمر بيكون لي تصرف ثاني وياها هند: شوه تبا في بنت الناس بتكون ع ذمة ريال بدر: مالت عليها وع اللي بتختاره عاد عقب هند: يا الله .. شوه يفكنا من صدعته هذا الحين .. فعلاً .. كلام هند في محلّه .. شوه يفكنا من صدعة بدر الحين عقب ما عرف ان ألد عدو له اللي هو عمر سيف ... خطب البنت اللي يباها بدر !! ******** |
الجزء الـ49 متردد يتصل والا لا ... من يوم الموقف اللي حصل بينهم وهي ما شافه ولا رمّسه .. توه ياي بيتصل ... لكن يقطع عليه واحد من اللي ساكن وياهم في البيت ... عمر: هلا فريد فريد: سعيد شل شنطه .. طلع من البيت عمر ( وقف فجأة ): متى ؟ فريد: اليوم الصبح عمر: ليش ما وعيتني ؟ فريد: انا قلت انته تدري عمر: ادري ويالس جذه يا فريد !..... ليش انته ما منعته ؟ فريد: قلت له .. وين بتسير .. قال انته ما تدخّل .. عمر: كيف ما تدخّل يعني ؟ فريد: انا ما ادري ... بس انته اتصل فيه .. قوله يرد البيت عمر: انزين سير انته شوف عبدالعزيز جانه قام والا .. والباقين وانا بشوف سالفة سعيد .. سار فريد .. وعمر مسك مبايله واتصل في سعيد .. لكن لا حياة لمن تنادي .. ما يرد عليه فريد .. في مكان ثاني ... يالسه في حجرتها ... ملّت .. صدق ملّت .. ما تدري شوه سالفتها روحها .. ما تدري شوه تسوي .. ما تدري عند منوه تسير تشتكي .. الرقاد ما اييها من يوم قالوا لها عن السالفتين .. سمعت صوت الباب .. عفرا: ادخل آمنة: انتي واعية ؟ عفرا: أمون!..... انتي راقده هني امس ؟ آمنة: لا .. توني يايه عفرا: هالوقت ؟ آمنة: هيه ... عفرا: روحج؟ وين بنتج ؟ آمنة: تحت عفرا: امايه واعية ؟ آمنة: هيه امايه فالمطبخ .. عفرا: ميثا عيل عند منوه ؟ آمنة: ابوها عفرا: جيه ما مداوم احمد ؟ آمنة: له .. ما تدرين مؤسسة ابوه .. ع كيفه متى يسير ومتى لا عفرا : حلوة هاي آمنة: انتي شوه موعنج ؟ عفرا: ما شي .. جيه انا راقده عسب اقوم بعد ! آمنة: ليش ما رقدتي ؟ عفرا: لا تخليني افتح ثمي الحين .. خليني ساكته آمنة: اذا ع جيه .. خلاص عيل .. نزلي تحت احمد شاري ريوق . قالي اذا اختج واعية خل تنزل تتريق ويانا .. عفرا: يالله نازله وراج .. بس ببدل وبلبس شيلتيه .. نزلت ىمنة قبل عفرا .. احمد: واعية ؟ آمنة: هيه احمد: وينها عيل ؟ آمنة: يايه الحين .. احمد: انتي ما تنفعين .. حرمه ع الفاضي آمنة: لا والله !..... هذا كله عسب اني ما ابا آكل احمد: هيه ادري بج متنتي .. وتبين الحين تردين ضعيفة آمنة: هه .. الحمدلله اعرف عمريه عارضة ازياء اصلاً احمد: ههههههههه وايد واثقة آمنة: هيه عيل .. احمد: عيل انا جسمي مال كمال أجسام آمنة: وععععع ياخذون أبار مصدقين عمارهم احمد: لا انا طبيعي من الله سبحان الله .. الله خالني جميل آمنة: تدري انك وايد متفيج ع الصبح .. وانسدحت آمنة ع الكرسي .. وتوها عفرا نازله احمد: بس هاللي فالحة فيه شوفي اختج نشيطة .. صديقة السّفر عفرا: صباح الخير احمد: صباح النور .. عفرا: مرحبا حبيبة ألبي انتي احمد: دلعيها دلعيها زيادة عفرا: انته مدلعنها بما فيه الكفاية آمنة: عفاري يلسي شوفيها انا بسير ارقد عفرا: هيه يايبيني بشكارة حق عيالكم احمد: لا بس حق بنتي عفرا: لا والله ! احمد: ههههههه آمنة: شوه خانتج عقب كم يوم بتودعينا عفرا: جب انتي لا تييبين هالسيرة الحين .. روحي مزاجي متعكر احمد: افا تقولين جب حق حرمتيه عفرا: والله هي تتفلسف احمد: انزين جد برمسج عفرا عفرا :شوه ؟ احمد: بسم الله كلتينا .. ما بنرمسج جذه عيل عفرا: والله مب حاسين باللي فيه .. انا بنفجر من القهر والغيظ .. انتوا ليش ما تحسّون ؟ آمنة: حبيبتيه انتي روحج مسويه في عمرج جذه .. محد قالج احمد: انزين ليش ؟ والله ما في منه اللي متقدم لج عفرا: هيه واحد معقد والثاني خقاق احمد: عن بدر عاد قولي اللي تقولينه ما بقولج شي .. اما عمر حرام عليج .. ما في منه عفرا: هيه وايد احمد: جد والله ارمس .. يعني الحين ارمسج ع اساس انج اختيه .. والله يا عفرا عمر انسان خلوق ومحترم .. اللي تاخذه تحمد ربها وتبوس ايدها ورا وجدام .. كل واحد هالايام يتمنى واحد شرا عمر اخلاق وادب واحترام وتقدير حق بنته والا اخته .. يندر وجود شراته صدقيني عفرا: بس هو معقّد .. كل شي عنده بالقوانين احمد: منوه قالج منوه قاص عليج ؟ عفرأ: محد .. بس انا اشوف روحي آمنة: حبيبتيه اذا ع عزوز .. طبعا يعني اخوه .. يوم الواحد بيي يربّي بيحط قوانين وقواعد وأسس بعد كيف يربي عياله .. فـ ما بالج بـ عمر مربي 5 ما شاء الله قولي الحين سعيد وراشد كبار ... اما مروان وعمران وعبدالعزيز ع ايده متربين احمد: بس شوفي تربيته .. يعني بعد الواحد يشوف تأثير عاداته ع الغير .. ما شاء الله عليه عفرا: والله ما ادري احمد: والله انتي كيفج .. بس لو انا يعني .. اتمنى عمر كان ياي حق اختيه والله ما رديته .. وقلت له باجر الملجة بعد عفرا: هيه انته تبا تفتك من اختك احمد: والله مب مسألة افتك ومن هالسوالف .. مسألة اني انا بشتري ريّال .. كفو .. حق اختيه عفرا: اصلا لا تعورون رووسكم وراسي .. ابويه ما بيرد عمر آمنة: وبدر ؟ عفرا: بدر هذا منوه يباه اصلا .. دام ان خالي يوسف اختار لي انا عمر ! ... آمنة: الله يعين .. جان ما يطلع كلام هزاع صح عفرا: جيه شوه قال هزاع ؟ نفس الوقت دخلت عذيجة .. عذيجة: اعوذ بالله من هالحر .. احمد: تعالي تعالي الغاليه تريقي ريحي فالبراد .. وشلج فالبحر واهواله عذيجة: قول حق عمك هالرمسة احمد: عمي شدخله بعد ؟ آمنة: حليله ابويه محد طالع عذيجة: وعسب جذه .. يوم يطلع من البيت .. اففففف اتبهدل انا احمد: هاااا .. ما ترومين تصبرين عنه عذيجة: اسكت انته اسكت آمنة: هههه تستاهل احمد: عادي كل شي من عمتيه حلو عفرا: سياسة اللي يتقفطون عذيجة: من وين طالعة الشمس عفرو تحت يالسه عفرا ( حاست ثمها ) : شوه يعني ما تبيني ايلس تحت ؟ عذيجة: لا والله .. محد قال .. بس انتي حابسة روحج فوق آمنة: ما قدرت تصبر عن ميثا .. نزلت احمد: عروس عروس الحين محد يزعلها .. عذيجة: أي عروس .. العرايس عاقلات .. مب شرا هاي ... عفرا: شفتي جيه ما انزل عذيجة: والله روحج الخسرانه جانج ما تبين عمر عفرا: خلاص انزين خلاص .. بغيت والا ما بغيت بتيوزوني اياه .. ليش اتعب عمريه عذيجة: يعني موافقة ؟ عفرا: يعني وايد رايكم يهمني ؟ عذيجة: والله يا عفرا ما بتلقين شراته عمر .. تربيتي .. وتربية سيف وساره عفرا ( تنهدت ): خلاص انزين .. انتوا تعرفون مصلحتيه اكثر عذيجة: حبيبتيه والله عفاري عروس بتغدين .. هني عفرا حست باشتياق حق امها .. من زمان ما ادلعت عليها .... سارت يلست حذالها .. وحطت راسها ع جتفها .. عذيجة: فديتج والله آمنة: ويه ويه ما نروم .. اليوم التفدي والحب كله حق عفاري احمد: انتي ليش ؟ آمنة: انته ليش ؟ امايه احمد: ام تدلع بنتها بتعرس .. انتي شلك يالعيوز آمنة: شيبة محد غيرك عذيجة: امون عيب عليج احمد: هيه قولي لها عموه .. كل مره تعايرني اونه هي احلى مني آمنة: انزين اقول الصدق عذيجة: الريال بأخلاقه مب بجماله أحمد: احم احم .. بعد جميل واخلاق وين تحصلين شراتي آمنة: هذي عفاري حصلت عفرا: الحين جيه ادخليني انا بينج وبين ريلج .. احمد: ثرها ما تعرف تدافع عن نفسها .. تدخّل أي حد اونها عاد تييب دليل عذيجة: تعالي حبيبتيه .. احمد: تعالي ميثاني تعالي بريقج آمنة: اقول شوفوا بنتي انا برقد شويه .. غمضت آمنة عينها .. اونه بترقد .. لكن وين .. واحمد وعفرا وعذيجة يسولفون وسالفة تير سالفة مثل ما يقولون .. وهي شويه تسولف وشويه تغمض عينها اونها بترقد .. في شقة حصه وعلي علي: شحالج الحين ؟ حصه: الحمدلله احسن .. ما سرت الدوام علي: كيف اسير وانتي جذه ؟ حصه: قلت لك والله عادي .. كنت بتصل في امايه تطرش لي السايق علي: لا لا ... حصه: او انته توديني قبل ما تسير الدوام علي: بتم احاتيج حصه ( ابتسمت ): يالله الحين لو ما مسافرة برع جان اداوم علي: ط هاي والله انج فاضية حصه: صدق اشتقت حق التدريس علي: قدمي اوراقج مره ثانية حصه: وين بحصّل شغل الحين ! علي: لو الله رايد .. بتحصلين ..... اذا الله كاتب لج الخير حصه: ان شاء الله خير علي: ما بنسيرين بيت امج ؟ حصه: يوم انك يالس ويايه هني .. ليش بعد اسير ؟ و عم الصمت بين علي وحصه لـ ثواني حصه: علي علي: هلا حصه: متى بتوديني بيت هلك ؟ علي كان يتعبث في مبايله .. وكمل ولا جنه حصه تساله سؤال بالنسبة لها مهم .. علي: وليش تبين تسيرين هناك ؟ حصه: من زمان ما سايرة .. من يوم رديت من السفر .. خيبة ! علي: مب لازم تسيرين حصه: كيف يعني مب لازم اسير ؟ وعلي لاهي باللي في ايده .. حصه: علي ارمسك علي: شوه تبين ؟ حصه: اقولك مب سايرة بيت ابوك من يوم رديت من السفر علي: شوه تبين فيهم ؟ حصه: علي رد عليه بطريقة احسن علي ( حط المبايل ع صوب ): انتي ييبي موضوع احسن من هذا حصه: انا يايبه طاري هلك علي: وانا قايلج لا تييبين طاريهم .. بالطقاق .. انا اللي ولدهم اقولج انتي حرمتيه لا تسيرين عندهم .. خلاص حصه: لا مب خلاص .. علي: حصه لا تطولين السالفة بليز يعني حصه: مب مسألة اطولها .. لكن انا ابا اعرف انته شوه سالفتك وياهم .. انا الحين مش لازم حرمت ولدهم وع قولتك بالطقاق .. اما انته ولدهم .. ليش ما تسير عندهم ؟ وبعدين انا بربّي عقب كم شهر بأي ويه اجابلهم؟ وانا طول التسع شهور ما سايرة صوبهم ؟ علي: اللي يبا يشوف ولدي والا بنتي .. ايي هني يشوفه .. انا مب يايب تحفة اعرضها ع الكل حصه: شوه شوه ؟ ما فهمت لهجتك ! علي: اقصد ان اللي يبا من طرف هلي .. انا .. يشوف عيالي ايي هني يشوفهم .. انا مش مستعد اسمع عيالي سم مثل ما سمّعت امهم حصه:شوه قصدك بالسّم ؟ علي: حصه تبين كثر ما تقدرين تخشين ع هلي .. انا ولدهم ما استحمل اسمعهم كيف يحطون عليج .. ليش ان بس تأخرتي فالحمال .. وحتى الحين عقب ما حملتي مب تارسة عينهم شوه يبون ما ادري .. والله ما ادري .. انا انجرح من رمستهم .. وادري انج تنجرحين حصه: انا قايلة لك ... انا اسوي الواجب وما يخصني في شي علي: بس للانسان طاقة يستحمل .. ومهما يكون انتي حرمتيه ام عيالي ما ابا اجرحج اكثر حصه: اقولك انا ما عليه من رمستهم .. بس اسلّم عليهم واظهر .. ع الاقل سلام ... علي: وانا اقولج مش شرط .. هالسلام هم بعد ما يبونه حصه: علي افهمني ... الله يخليك .. ما ابا اعيّش عيالي او بالاصح هاللي بيي .. لاني ما ادري هل اييب غيره والا .. او هل هو يوصل بالسلامة .. علي: لا تقولين جذه حصه: انا اقول الصدق .. ما ابغي اعيشه بين هلي بس .. اباه يعرف هله .. شوف سالم ولد شمسة اختيه .. رغم انه ما يداني اهل ابوه .. وما يحب يسير صوبهم لكن صالح يجبره وحتى شمسة تجبره يسير .. علي: حصه اانتي افهميني .. انا ما ابا اكسرج جدام هاللي بيي .. يشوف كيف يرمسون امه من طرف اهل ابوه بطريقة انا استحي منها ... وتقلل من شانج حصه: والحين ؟ علي: انا مدام راضي انج ما تسيرين صوبهم .. فـ سوي اللي يرضيني الله يرضى عليج ... حصه: اوكيه خلاص .. ومره ثانية .. كان الصمت يعم المكان .. لين قطع عليهم صوت التيلفون .. وسار علي رد ع التيلفون .. علي: الو .. السلام عليكم سلامة: وعليكم السلام والرحمه .. شحالك علي ؟ علي: الحمدلله .. يسرج حالي .. انتي شحالج ؟ وشحال بو عامر ؟ سلامة: الحمدلله بخير .. علي: الحمدلله سلامة: حصه موجوده ؟ علي: هيه .. لحظة شويه بزقرها لج .. وسار زقرها ... علي: حصه اختج سلامة ع الخط .. حصه: يالله يايه .. سارت حصه فالصاله ترمس سلامة .. وعلي فتح التيلفزيون .. ويلس يطالع .. حصه: ويعني الحين ؟ سلامة: ما ادري والله حصه: خلاص يوم انها تبا عمر ع قولتها خلاص سلامة: وبدر ؟ حصه: بلاه ؟ سلامة: انا زابغة ع عفاري من رمسة هزاع حصه: أي رمسة ؟ شوه قال هزاع بعد ؟ سلامة: قال ان بدر ما بيعيبه اذا عفاري اختارت عمر حصه: مشكلته والله جيه هو بالغصب نيوزه بنتنا ! سلامة: عاد ما تعرفين ولد السفير حصه: وبعدين بدر انا انصدمت يوم تقدم حق عفاري .. فالسفر عق عليها كم كلمة شرات السم سلامة: ليش شوه مستوي ؟ حصه: هو قايل لها بنات العرب والمحترمات وما ادري شوه .. وكل ما كان يشوفها يعق عليها رمسة جنه الا عفاري مب متربية وقليلة ادب .. سلامة: قولي والله ! حصه: والله .. والحين يوم يرد البلاد يتقدم لها !... احس انه انتقام لا غير سلامة: خيبة لهالدرجة يعني ؟ بيسويها هالنحيس ؟ حصه: والله ما استبعد عنه .. انا مب مرتاحه للي اسمه بدر .. ولا تستخير عليه وتضيع وقتها .. خل تاخذ عمر وتفك عمرها .. سلامة: والله ما ادري حصه : اصلا اهم شي راي ابويه وامايه .. وهزاع ما ظنّي بيوافق ع بدر .. مستحيل سلامة: من عاشر المستحيلات بعد .. هزاع رافض فكرة ان عفرا تاخذ بدر .. بوجود عمر بعد حصه: خلاص عيل سلامة: انزين اقولج .. ما بتسيرين بيت ابويه اليوم ؟ حصه: ما ادري .. ليش ؟ سلامة: بس اسأل حصه: انتي بتسيرين ؟ سلامة: عقب يمكن امر حصه: خلاص عيل .. بشوف انا .. يمكن مريت هناك بعد .. سلامة: اوكيه بخليج الحين . ريلج ما مداوم بعد اليوم حصه: يقول ما يقدر يسير ويخليني فالبيت تعبانه سلامة: ليش بلاج حصوه ؟ حصه: nothing at all شوية تعب بسيط .. تذكري روحج كيف كنتي وبس سلامة: ويه لا تذكريني حصه: ههههه خلاص عيل سلامة: اوكيه بخليج الحين .. وديري بالج ع عمرج حصه: ان شاء الله .. مع السلامه حبيبتيه .. مروان: عاد انته ابداً ما تغلط هزاع: مب شراتك .. وبعد يمدح الاخ .. انا مب من اهلكم مب من اهلكم احمد ربك يا بوي مروان: هيه انا من اهل امايه هزاع: ههههههه قوم زين مروان: هههههه بلاك ياخي ... انزين قولي هزاع: شوه ؟ مروان: متى عرس اختك ؟ هزاع ( اطالع مروان بطرف عينه ): شوه تتمصخر مروان: هههههه لا ما اتمصخر هزاع: يوم اخوك بيعرس هي بتعرس مروان: والله انتوا ما رديتوا علينا ... اختك مصدقه عمرها مأخرة اخويه للحين .. هزاع: والله ولد عمتك النحس مروان: منوه انته ! الحمدلله اعترفت هزاع: بسم الله عليه ... بدر مروان :بلاه ؟ هزاع انتبه .. ان طرى بدر وان ياي يقول حق مروان ان بدر تقدّم حق عفرا .. وتذكر ان مروان واخوانه ما يدرون ! مروان: بلاك سكت شوه فيه بدر ؟ هزاع: ما شي مروان: هزاعو ... هذا بدر ما تيي من وراه الا المصايب قولي شوه السالفه هزاع: بقولك .. بس ع شرط مروان: شروط بعد عنده هزاع: هيه مروان: انزين قول هزاع: اول شي الشرط مروان: انزين قول اول شي الشرط هزاع: عمر ما يدري بالموضوع مروان: يعني في شي هزاع: ما قبلت الشرط مروان: اوكيه .. ارمس وفكني هزاع: بدر تقدّم حق عفرا مروان: نعم نعم نعم ؟!! شوووووووه هزاع: مثل ما سمعت مروان: وهالنحيس يعني ما تقدّم حق اختك النحسة الثانية .. الا يوم اخويه تقدم لها ! هزاع: ايه انته .. بلاك .. استح ع ويهك .. انا يالس انزين مروان: والله انه سخيف يا ربي ... انا بس اسمع طاريه ضغطي يرتفع هالدور بعد يبا يتسبب في تعاسة اخويه .. هزاع: بسم الله ع اخوك .. انزين انته جيه معصب مروان: هزاع يعني تشوف السالفة ما يحتاي اني اعصب ؟ هزاع: له مروان: هيه .. انتوا عادي عندكم .. ولد سفير متقدم حق بنتكم .. طبعا بتفضلونه ع ولد الفقارى.. هزاع: ط هذا انتوا .. والله ارشّك بكف الحين يطير ويهك هناك مروان: اقولك غير السالفه .. غيرها هزاع: مروان بلاك .. والله تقهر مروان: انتوا اللي تقهرون .. يوم تدرون ان هالنحيس يباها اختك .. جيه ما قلتوا حق اخويه من قبل !... اثاري هذا متقدم وعمر من متى يترياكم تردون هزاع: وعمر جيه يتريانا نرد عليه ! مروان: والله ما كنا ندري ان الدب ياي متقدم حق اختك .. وعسب جذه رافضين اخويه .. جان من قبل قلتوا هزاع: انته اييييييييييه .. مروان: بلاك لا تصرخ انته بعد .. هزاع: انته والله مينون .. بالله عليك ومنوه قالك وافقنا ع بدر مروان: عيل شوه سالفتكم ! هزاع: نحن رافضين بدر و موافقين ع عمر مروان: فذمتك تبا تقص عليه الحين هزاع: مروان والله العظيم صدق .. اصلا ابويه موافق ع عمر .. وانته اللي فذمتك تبا امايه ترد عمر وتوافق ع بدر ! ... وبعدين خالي يوسف هو اللي اختار عمر حق عفرا مروان: خالك هذا النحس الثاني الحين بيتناحس يوم بيدري ان بدر تقدم حق عفرا .. وبيوافق ع اللي رافع اسم العايلة فوق ودارس في امريكا .. شوه يبا في واحد مكرّس حياته كلها عسب يسعد اخوانه ... شكلنا طول عمرنا بنعيش تحت رحمة بدر ... متى ما بيرحمنا بيخلينا نعيش مثل ما نبا .. وما بيخرب علينا .. سكت هزاع ولا رد ع مروان .. صدق هـ البدر ازمة .... غاليه: هلا والله هلا .. تو ما نوّر البيييييييييييت عفرا: قاصه عليه يايبتني هني غاليه: هيه حبيبتيه عيل ... كل مره انا ايي عفرا: بيتكم ما في حد ممل غاليه: ههههه يعني منوه تبين يكون موجود !... عفرا: ناس خلق غاليه: هههه حلوة هاي .. انزين قولي وين بتيلسين .. فالميلس والا الحجرة .. او الصالة ؟ عفرا: كيفج أي مكان عادي غاليه: زايد محّد .. و ثاني فوق ولا بينزل ... ولو نزل عادي عندج عفاري صح عفرا: مالت عليج .. استحي ع ويهج غاليه: ههههههه انزين انتي عادي ما شاء الله عليج ما تستحين عفرا: انزين عادي .. جيه بياكلني يعني !.. خلينا هني فالصاله ... دام ان وزارة الداخلية محد وبو اللاب توب يالس فوق غاليه: خلاص عيل ... وشخبارج يا عفاري عفرا: الحمدلله والله .. غاليه: ما سرتي صوب عمي يوسف ؟ عفرا: من يوم السالفة ما سرت غاليه: ليش عاد ؟ .. حليله .. ما سوى شي عفرا: ما ادري ما خطر ع بالي اسير له .. غاليه: ليكون بس زعلانه منه عسب السالفه ؟ عفرا: فالبداية هيه كنت زعلانه .. الحين لا ... عادي .. شسوي ... غاليه: زايد يقول ... اصلا عفرا ما بتحصل شرات عمر عفرا: ط هاي واخوها .. ويوم انه معجب في عمر لهالدرجة .. وعمر ربيعه جيه ما خلاه يتقدم لج انتي غاليه: ط الطفسة .. يا سخيفه .. عفرا: انا اقول الصدق غاليه: صدق في عينج .. ارمسي عدل .. اول مره اشوف وحده واحد متقدم لها تعرضه ع الغير عفرا: مستغنية عنه غاليه: اقولج فضيها سيرة مثل ما يقولون .. سولفي عن شي ثاني .. عفرا: ثاني والا زايد غاليه: هاها دمج خفيف وايد .. لا غاليه عفرا: ههههههههههههه انتي اللي دمج ثجيل .. وتمن غاليه وعفرا يسولفن .. ساير راد فالصاله .. والتوتر باين عليه ... يعني من الصبح اول ما ناش وهو يتصل .. لكن محد يرد عليه !..... لو كان مغلق بيقول انه بخير لانه قدر يغلق المبايل .. او لو انه يصك في ويهه بعد بيقول انه بخير وقدر يبند في ويهي .. هذا كله اهون من انه ما يرد .. والحين المشكلة انه يرن يرن وولا حد يرد عليه ... يا اخوه الصغير .. ومن فوق واقف يرمسه عبدالعزيز: عمّور عمر: شوه ؟ عبدالعزيز : بسير بيت عموه عمر: شوه عندك هناك ؟ عبدالعزيز: ما شي .. بس من يومين مب ساير صوبهم عمر: منوه بيوديك ؟ عبدالعزيز: انته عمر: انا مواعد زايد اظهر وياه عبدالعزيز: يعني زايد احسن مني ؟ عمر: انزل تحت ارمس ما اقدر اصرّخ .. ظهر عمران من الحجرة ... عمران: عبدالعزيز عبدالعزيز: شوه ؟ عمران: وين عمر ؟ عبدالعزيز: هذو تحت .. بس مب تسير ترمسه قبلي انا بسير ... وسار عبدالعزيز قبل عمران تحت .. ونفس الوقت ظهر راشد بعد من الحجرة .. راشد: شوه محد يقدر يرقد في هالبيت ؟ عمران: جيه كنت راقد ؟ راشد: لا كنت ألعب عمران: اها .. صدقت الثانية راشد: وين مروان؟ عمران: طلع ويا هزاع راشد: غريبة ما رقد ! عمران: ومن متى مروان يرقد ؟ يالله هالفترة اللي طافت لان عمر وانا مش موجودين راقد يمكن فالبيت راشد: هيه والله صدقك عمران: شفت .. انا خابص هالمروان وعارفنه راشد: وين عبدالعزيز ؟ توه هني كان .. اسمع صوته عمران: نزل تحت عند عمر .. تحت عمر: قلت لك لا عبدالعزيز: انزين انته بتطلع .. ايلس اجابل منوه ؟ عمر: اخوانك فالبيت .. وانا برد بسرعه عبدالعزيز: افففف عمر: لا تتأفف عبدالعزيز ( تنهد ) عمر: ولا تتنهد عبدالعزيز: عيل شوه يسوي الريال يوم يكون ملان عمر: ليش ما سرت ويا مروان ؟ عبدالعزيز: جيه مروان قالي انه بيسير عسب اسير وياه عمر: عبدالعزيز .. الله يخليك اسكت شويه عبدالعزيز: يا ربيييييييي اطالع عمر اخوه بنظرة ... عبدالعزيز: لا تتأفف .. لا تتنهد .. حتى يا ربي ما يستوي نقول !.. هني ظحك عمر غصبا عنه ... عمر: يا ويهك .. لسانك شطوله عبدالعزيز ( ابتسم ): الحين ايلس اجابلك يعني ؟ عمر: ليش مب شبعان مني ؟ عبدالعزيز: لا .. بس اعوّد عمريه ع انك ما بتكون موجود راشد ( قطع عليهم): وين ما بيكون موجود ؟ عمر: بكيفه .. يالس ع جبودكم عبدالعزيز: انا ادري .. عفرا الحين بطلع حرتها فيه .. حرة 10 سنوات عمران: خيبه .. جيه شوه مسوي فيها حليلها ... كابته الحرمة من 10 سنوات راشد: ههههه ما تدري بـ مروان وعزوز . .. كيف يلعوزون خلق الله عبدالعزيز: جيه ميانين عمر: لو سمحتوا ما ارضى ع اللي خاطبنها عبدالعزيز: وييييييه وييييييه ما نروم .. راشد: ههههههه شوه اللي خلاك ترمس .. طحت في لسانه عمر: ههههه عاد هو ما يصدق عبدالعزيز: بقولها صلّي ركعتين شكر .. وكل يوم قيام الليل هذا بس عسب ان اخويه خطبج .. ويوم بتاخذينه صدق .. صلي كل الفروض والسنن والنوافل بعد .. وكل يوم 10 ركعات شكر عمران: هههه خيبه بتذلها انته عمر: قولها وشوف شوه بسوي فيك عبدالعزيز: يالله ما اقدر .. بيبدأ اخويه العود يهزأني من اليوم ورايح عسب عفرووووووو عمر: استح ع ويهك راشد: ههههههه ع الاقل راع شعور اخوك ولا تقول جذه .. عبدالعزيز: لساني ما اقدر ايوده .. خلاص تعودت عليها .. واني اعلق جذه عمر: لا حبيبي يود لسانك الحين راشد: ههههههه والله عمر طايح فيك طيحة يا عزوز عمران: ههههه يستاهل ورن مبايل عمر .. عمر: هلا زايد زايد: اهلا بييييك ع قولت اخوانا المصريين والا السوريين ما ادري أي جنسية عمر: هههههه شلك تدخل في لهجات الغير .. وايد عليك الاماراتي زايد: هههههه هيه والله .. عمر: وينك ؟ زايد: عند الباب .. يالله تعال عمر: يالله ياي ... دقيقة بس .. زايد: اوكيه .. عبدالعزيز: بتسير ؟ عمر: هيه .. شويه وبرد .. اذا في حد بيوديك .. اتصل بي عبدالعزيز: انزين انته وزايد وصلوني عمر: قلت لك ما نقدر عندنا شغل ... راشد شوف جان قدرت توديه بيت قوم عموه راشد: اوكيه ... عمر: مع السلامه وظهر عمر عبدالعزيز: شوه هالنحاسه عمران: تطلب منه في اوقات بالنسبة له مش اوكيه عبدالعزيز: يعني متى اطلب منه واسير ؟ الحين العصر عمران: جان قلت له من قبل ما بيتفق ويا زايد عبدالعزيز: هيه وايد راشد: انزين خلاص .. سر تلبس انا بوديك عبدالعزيز: صدق ؟ راشد: هيه قوم عمران: مستوي عمر هالايام عبدالعزيز: ويه ما تدري به .. راشد من يوم عمور سافر الحج وهو جذه راشد: سير والا بغير رايي عبدالعزيز: لا لا .. يالله سرت الحين .. في بيت السفير ... جواهر: ان شاء الله .. خلاص حبيبتيه .. يالله فمان الله .. سلمي ع البنات ... الله يحفظج .. بدر: شوه تبا ؟ جواهر: نعم ؟ بدر: جيه متصله خالوه شوه تبا ؟ جواهر: لا تخاف مب عسب سالفتك .. بدر: عيل ؟ جواهر: سالفة ثانية هند: يالله الواحد كيف يدخل عصه في شي ما يخصه جواهر: هيه والله صدقج بدر: انتي سكتي جواهر: بدر مستوي حنّان هالايام .. بلاك ؟ بدر: بنت اختج خلتني جذه جواهر: والله !... زين .. الحمدلله غيرتك بدر: غيرتني .. والحين توافق ع حد غيري جواهر: حد رد عليك ان مب موافقين عليك انته ؟ بدر: لا .. لكن انا ادري نحاسة ولد اخوج بعد هند: والله محد نحس غيرك بدر: ما يخصج تدافعين عنه هالكثر ليش ؟ هند: بسم الله .. ما يخصني انزين .. خلاص سكتنا بدر: يكون احسن بعد .. ونزل بدر تحت .. بيظهر من البيت ... جواهر: يا الله يا هالولد .. ما ادري كيف مستوي هند: نحيس جواهر: لا تقولين عن اخوج جذه هند: والله انزين مب بالغصب البنيه توافق عليك جواهر: انتي ما رديتي ع ابوج هند: بخصوص ؟ جواهر: بخصوص حمدان هند: يالله انا يوم اسمع هالاسم اتنرفز .. جواهر: ليش ؟ .. اسمه حلو هند: ههههههه شوه امايه تنكتين .. جواهر: هههههه والله انتي واخوج بتخبلوني هند: والله انتي حبيبتيه معوره راسج ويا الموضوع .. جواهر: وابوج ؟ هند: ابويه ما عليج منه .. ما بيوزني غصب جواهر: يا خوفي يسويها آخر شي يا هنّود .. لانج وايد تعاندينه هالايام هند: ما اعاند ولا شي .. امايه انتي افهميني .. انا ابا استقر ... يعني يوم بتفكرون تيوزوني .. ابا واحد موته وحياته الامارات .. ويكره شي اسمه سفر ... جواهر: عاد جذه بتملين هند: والله ما بمل ولا شي .. انا يمكن حافظه المناطق اللي فالبلدان الثانية .. اكثر من الامارات جواهر: انزين وحمدان هند: بعد رديتي تطرينه ! جواهر: وابوج يوم يسأل هند: انا قلت له ما اباه ... وهو يدري عدل جواهر: الله يهديج يا هنّود هند: الله يهدي بدر ويايه .. في بيت بو هزاع .. سالم: وين خالوه عفاري ؟ آمنة: سارت بيت خالي عبيد سالم: اونه .. عروس لازم ما تطلع شمسة: والله لو تسمعك زين بتسوي بك سالم: عادي عاديييييي خالوه عفاري عاديييييي سلامة: هيه عادي ... الحين عادي لانها محد سالم: انزين ملل .. وين يدوه ؟ آمنة: امايه برع ويا احمد وطارق .. و اليهال سالم: بسير عندهم .. وظهر سالم سلامة: الحين بينهزب شمسة: احسن عسب يتأدب .. آمنة: هههههه حليله سلامة: صدق عفاري جيه سايرة بيت خالي عبيد ؟ آمنة: غاليه اتصلت قالت خل عفاري تييها هناك هي دايما تيي هني .. وعفاري وافقت وسارت .. عسب تغير جو شويه شمسة: أمون انتي من متى هني ؟ آمنة: الصبح سلامة: منوه يابج ؟ آمنة: الله !.... ريلي .. سلامة: جيه ما مداوم ؟ آمنة: لا .. شمسة: مؤسسة ابوه آمنة: هههههه والله اني قلت حق امايه الصبح نفس الرمسة .. ما ادري عفاري .. بكيفه يغيب شمسة: وايد يغيب هالايام آمنة: اونه كيفي .. يوم بيفنشوني ... انا بييب من أي مكان بصرف عليج وع بنتج انتي ليش تحاتين ! سلامة: لا اكيد عنده رصيد اجازات آمنة: شوه عنده رصيد اجازات !.... غايب فترة طويلة يوم سافر شمسة: ما يندرى بهم والله هالرياييل آمنة: يقول بيغيرون المدير .. والمكان مب ع بعضه .. نستغل الفرصة نغيب سلامة: اها خل يقول جذه من قبل شمسة: حد فيكن رمّس حصوه ؟ سلامة: هيه انا شمسة: بتيي ؟ سلامة: قالت بشوف .. حتى حصه اليوم ريلها ما ساير الدوام .. آمنة: متفقين يعني ؟ سلامة: تقول هي تعبانه شويه .. وريلها يوم شافها جذه .. قال ما بيسير الدوام .. شمسة: يالله عكفوف الراحه حصوه الحين آمنة: ليش حبيبتيه لا تحسدين اختيه .. انتي مب ع كفوف الراحه شمسة: هههههه بلى .. الحمدلله فالسيارة .. عمر: زايد احلف زايد: ههههه انته تخبلت ؟ عمر: لا ما احب اسوي شي شرات هذا زايد: ط هذا انتوا ... ايه انته .. بلاك عمر: انا امس يوم يلست افكر .. قلت يمكن تكون حاطنها في بالك لان انته تسير عندهم اكثر .. زايد: وانا شوه يوديني عندهم ؟ عمر: تودي وترد اختك زايد: لا لا .. والله ما حاط ولا وحده في بالي .. مب بس الا عفرا .. ولا وحده .. عمر: احلف زايد: حلفت .. عمر: لا احلف الحين عسب اتأكد زايد: والله والله .. اييب المصحف بعد ؟ عمر: لا جذه كفاية .. ريحتني زايد: هههههه مستوي شرات اخوانك عمر: هاااااا .. بلاهم اخواني !.. زايد: ما فيهم ش يما فيهم شي .. عمر: هيه اتحسبت بعد .. زايد: اقول شحال سعيد اخوك ؟ عمر: اسكت .. بهدلني زايد: ليش شوه بعد استوى ؟ عمر: شل اغراضه وظهر من البيت .. واي شي اتصل به ما يرد عليه زايد: فذمتك ؟ عمر: هيه والله ... لا ليلي ليل .. ولا نهاري نهار .. زايغ عليه زايد: ما اعتقد سعيد صغير يعرف مصلحته .. وهو ريال معرّس بعد عمر: لكن زايد انته تعرف اخواني شوه بالنسبة لي زايد : اعرف بس لين متى ؟ ... لين متى يا عمر ؟ انته الحين خاطب .. وباجر بتملج واللي عقبه بتعرس .. لين متى بتم ورا اخوانك ؟ .. يعني مهما يكون لازم جزء من وقتك تخصصه لبيتك وحرمتك وتنسى اخوانك شويه عمر: انسى اخواني مستحيل .. اما ارتب وقتيه اوكيه ... وعموه تعرف بموضوعي .. زايد: حتى لو تعرف يا عمر .. انته بعد ريال تعرف الأصول عمر: وتعتقد اني بظلمها ويايه ؟ .. ان شاء الله لا .. زايد: ان شاء الله .. واكيد ما بتظلمها .. عمر: وين ساير الحين ؟ زايد: الحين يا ولد العم .. انزل بيتنا شويه عمر: ليش يايبني بيتكم ؟ زايد: شوه من متى ما داخل بيتنا ؟ عمر: ما اذكر زايد: دامك ما تذكر .. عقاب اليوم تتعشى عندنا عمر: لا لا .. سورييييي نو ويييي زايد: ليش شوه عندك فالبيت ؟ .. امايه من متى خاطرها تشوفك طاب هالبيت عمر: عموه ع عيني وع راسي .. لكن اخواني فالبيت زاشد: بعد رد يقول اخواني .. يا بوي اخوانك رياييل بلحاهم ما عليهم شر ... وعبدالعزيز مب مساعه اتصل بك وقال راشد بيوديه بيت عموه ؟ عمر: هيه زايد: خلاص عيل اسكت .. تتعشا عندنا اليوم عمر: اوكيه خلاص .. خلاص بس لا تعصب زايد: ع قولت عمي يوسف ما اييون الا بالعين الحمرا عمر: هههههه ... بس اصبر تذكرت .. عمران روحه فالبيت زايد: عمران بيظهر ويا ربعه اذا مل .. والا ويا راشد بيدبر روحه ما عليك منه .. يالله انزل .. عمر: سو لي درب زايد: ما في حد .. غاليه مساعه سمعتها تقول حق امايه انها بتسير بيت عموه عمر: متاكد زايد: هيه انزل .. نزل عمر ونزل زايد .. ومشوا لين الصالة .. دخل زايد قبل ... زايد: اوه ... آسف غاليه: تعال ما في حد .. عفاري محتشمة .. زايد: لا ما عليه بنسير الميلس .. عمر ويايه .. صم بكم ... عمي لا .. استوت عفرا .. من سمعت طاري عمر .... زايد: شحالج عفرا؟ عفرا: الحمدلله .. زايد: اسمحوا لي .. وظهر زايد ... عمر: ووايد واثق من نفسك زايد: هههههه والله هي قالت مساعه حق امايه انها بتسير .. ما توقعت ان احم احم خطيبتك تكون هني .. عمر: يالطفس .. وظرب عمر زايد ع جتفه .. وتم زايد يظحك .. غاليه: عفاري .. خطيبج عفرا: يالسخيفه غاليه: تعالي شوفيه انتي ما شايفتنه من زمان عفرا: يالله شوه هاللقافة اللي حلت عليج مره وحده .. ومن فوق يسمعون الاحم احم والهود هود غاليه: تعال .. ثاني: احم احم غاليه: صوتك خلص .. ثاني: شحالج عفرا ؟ عفرا :الحمدلله بخير .. انته شحالك ؟ ثاني: تمام .. غاليه: ثاني ما تبا لاب توب عفرا بعد ؟ ثاني: ليش ؟مستغنية عنه هي ؟ عفرا: لا بس مفرور فالبيت ... جان تباه ثاني :هههههه لا بنت عمتيه عندي بدال اللاب توب الواحد اثنين .. وكمبيوتر عفرا: هيه اشوفك ما شاء الله .. متربع ع العرش .. ما تنزل من فوق ثاني :هههههه عيبتني متربع ع العرش غاليه: ههههه ثاني تبا عصير ؟ ثاني: هيه .. غاليه: عمر فالميلس ثاني: عمر ولد عمي سيف ؟ غاليه: هيه ... ثاني: زايد وين ؟ غاليه: وياه .. توهم واصلين ثاني: خلاص عيل .. قولي لهم اييبون العصير فالميلس .. بسير هناك انا ... غاليه: اوكيه .. وصل سلامنا للي فالميلس .. اطالع ثاني غاليه بنظرة .. غريبة اخته اول مره تكون بهالجرأة ...! يتوقع هالتصرف من عفرا اما اخته لا !... شكلهن تبادلن الشخصيات هالمره .. واول ما طلع ثاني .. عفرا حشرت الدنيا فوق راس غاليه ... اللي بدت تغايظ عفرا هالايام .. شكلها تنتقم لان عفرا مب بايدها شي في هالسالفة ... في بيت السفير .. بو بدر : رمستج اليوم ؟ جواهر: هيه .. بو بدر: بس جواهر .. حمدان .. لا يقارن بـ راشد .. ولد اخوج .. جواهر: عيالك .. وكيفك .. بنتك توافق عليه ما توافق .. انته تختار لها نصيبها وين ما تبا .. ان شاء الله ولد سفير شرات ولدك .. لكن .. مش معناته انك تحط ع عيال اخويه .. بو بدر: بلاج ؟ جواهر: بلاني ان .. ولدك تعلم يعاير .. انا ما اقصد انك انته تعاير .. انا فاهمه نظرتك ... انته ما تبا تعيش عيالك في مستوى اقل من مستواهم الحين ... بو بدر: وعسب جذه انتي معصبه ؟ كل ابو يتمنى لـ عياله عيشه احسن من اللي عايشين فيها جواهر: ثرني اقولك .. مش شرط توافق ع ولد اخويه .. يوّز بنتك حمدان .. اللي متقدم لها .. لكن مهما يكون عيال اخويه .. هم عيالي بعد .. وانا كفاية ما قمت بدوري صوبهم كـ عمه لهم .. من يوم ابوهم وامهم متوفين .. وهم يوم يشوفوني يحطوني فوق روسهم .. بو بدر: وين سايرة ؟ جواهر: بسير ازقر لك بنتك .. تتفاهم وياها .. وظهرت جواهر من الحجرة .. هي شويه مضايقه من رمسة بدر هالايام .. وفرغت كل هذا في ريلها بو عيالها .. شافت بنتها يالسه فالصاله اللي تحت .. لابسة بجامتها .. ويالسه .. جواهر: هند هند: هلا امايه .. جواهر: شوه تسوين ؟ هند: ما شي .. جواهر: سيري ابوج يباج ... هند: ان شاء الله ... بسير الحين ... وظهر بو بدر نفس الوقت .. بو بدر: وين العشا ؟ جواهر: الحين بقولهم يحطون العشا .. وسارت .. هند حست ان الجو شوي متكهرب .. امها مش طبيعية .. وابوها بعد مش طبيعي .. والدليل انه اليوم بيتعشى فالبيت .. ويلس فالصاله .. ومسك المجلة .. اللي طايحه جدامه .. هند: احم احم بو بدر: شوه تبين ؟ هند: ما شي .. بو بدر: وين بدر ؟ هند: ما ادري.. ظهر من البيت .. بو بدر: ما رديتي عليه بخصوص حمدان .. هند ( زاغت ) : افكر بو بدر: من متى تفكرين ؟ الريال يتريا ! هند: خلاص دامه مستعيل .. قوله ما شي نصيب .. بو بدر: كيف يعني ما شي نصيب ؟ هند: يعني .. ما شي نصيب .. الزواج قسمة ونصيب .. بو بدر: اها .. يعني بكيفكم تمشون حياتكم ؟ هند: كيف ؟ بو بدر: يعني اقصد .. انتي بالذات يا هنّود .. انا وايد علمتج ع اني اقولج هيه هيه هيه .. لا ابداً ما قلت لج هند: بابا شوه تقصد ؟ بو بدر: بابا انا اقصد .. ان ما بتلقين احسن عن حمدان .. عبيد ورديتيه .. والريال شارنج .. وقبله بعد رديتي ورديتي .. والحين حمدان نفس الشي ! هند ما تعرف شوه تقول حق ابوها .. ولا تبا تقوله منطقها .. لانها تعرف ان ابوها .. مستحيل يقتنع بمنطقها هي .. اللي بالنسبة له رجعي !... واللي انقذها من هالموقف .. امها .. اللي قالت .. تعالوا تعشّوا ... لان الطاولة زهبت .. نفس الوقت دخل .. بدر .. بدر: مرحبا بو بدر: اهلاً... يييت ع الوقت .. العشا زاهب .. يالله سار بو بدر قبلهم .. واطالع بدر صوب اخته .. بنظرات استغراب وكانه يسالها شوه السالفه ؟ .. ابويه يتعشى فالبيت اليوم !.... وهي ردت عليه بحركة تقوله ما تدري ! بو بدر: تعالوا بدر: يايين .. الهدوء كان سيد المكان .. لين قطعه بدر .. بدر: امايه جيه ما تاكلين ؟ جواهر: ما ابا .. انتوا تاكلون .. بس الحمدلله بدر: مب عايبنج العشا ؟ والله بسير اطلب لج الحين من أي مكان تبين .. بو بدر: بدر ! بدر: هلا بو بدر: كل وانته ساكت بدر: ان شاء الله بو بدر هنّود جيه ما تاكلين ؟ هند: آكل .. ربع ساعة مرّت .. واللي يالسين ع الطاولة .. كلهم ساكتين .. لين خلص بو بدر ونش .. بو بدر: الحمدلله ... وسار .. من اختفى عن نظرهم .. بدر وهند ع طول وجهوا انظارهم لـ أمهم ... بدر: شوه السالفه ؟ هند: امايه شوه فيج ؟ ... جواهر: ما فيني شي ... خلصوا عشاكم ... وسكتوا .. ويسمعون صوت .. ابوهم يزقر هند بدر: طلع اسمج هند: الله يعين .. امايه السالفة تخص حمدان جواهر: ما ادري سيري .. هند: انا اقولج ما اباه جواهر: هندو فكيني انتي بعد الحين .. سيري شوفي ابوج .. حاست هند ثمها وسارت صوب ابوها ... هند: هلا ابويه بو بدر: تعالي هند: ييت ... بو بدر: يلسي بلاج واقفة ؟ هند: آمر بو بدر: مب من حقي ادس عليج هالشي .. فـ انا مضطر اخبرج هند: شوه ؟ بو بدر: حمدان وما رديتي عليه انج تبينه والا هند: قلت لك .. افكر بو بدر: يعني في امل تردين انج موافقة !؟ هند: كل شي قسمة ونصيب .. واذا حمدان من نصيبي بوافق عليه .. بو بدر: انزين .. يعني اذا خبرتج بهالشي .. ما بيغير الواقع .. ولا بيغير أي شي هند: شوه ؟ بو بدر: في واحد ثاني متقدم لج اليوم هند .. افف ما افتكيت من حمدان .. ايي واحد ثاني .. شوه هالارف .. شوه هالفظاعة اللي فيهم .. يابوبي ما اباكم .. ما ابا عيال سفرا .. وعيال وزرا وشيووووووووخ .. بو بدر: ما تبين تعرفين منوه ؟ هند: انا ما عرفت ولا حد من اللي تقدم لي قبل عسب اعرف هذا بعد بوبدر: كيف يعني ؟ هند: اقصد ما اعرف اللي يتقدمون لي .. بس اشوف صورهم بو بدر: لا ... هذا انتي شايفتنه هند: في سفرة من السفرات قصدك ؟ بو بدر: ما بطول عليج ... وبختصر لج الموضوع .. راشد ولد خالج سيف تقدم لج اليوم .. هند .. وجنّه حد صب عليها ماي باااااااااااااااارد .. راشد !.. مب مهم الاسم .. ولا مهم تعرف شكله .. لكن ولد خالي سيف كانت كفاية الجملة هاي انها تنزل شرا الصاعقة عليها .. بو بدر ( نش من مكانه ): خبر عادي ... ما اعتبره مهم .. ولا تنسين .. هو لا يقارن بـ حمدان .. فـ فكري في حمدان عدل .. هند: اقدر اسير حجرتيه الحين ؟ بو بدر: تفضلي نشت هند .. وسارت فوق ع طول .. ولا مرت صوب امها ولا اخوها بعد .. ****** |
الجزء الـ50 عقب المشاكل .. والاحداث اللي استوت مره وحده ... ومحد كان يتوقعها ... اليوم .. يوم يديد .. وصبح يديد .. ويمكن يكون فيه احداث يديده بعد !..... منوه يدري شوه تدس الايام .. والا شوه تخبّي له !..... عفرا: لااااااااااااااااااااااااااااااااااااااااااااااااا اااااااااااااااااااااااااااا عذيجة: ويعل الصمخ يجيس العدو .. بصرختها .. اللي هزت البيت .. وامها دعت ع العدو .. وهذا كله ليش ؟ عسب زوج المستقبل مثل ما مسمينه خواتها .. اليوم بيي ... وبيحددون كل شي !... عفرا: ما ابا ما ابا ما ابا سلامة: والله يا عفاري يبالج صورة ههههه عذيجة: استحي ع ويهج يا بنيه عفرا: والله انه استهبال بالقو بعد عذيجة: شوه استهباله ؟ هزاع: عاد مب من جمااااالج الزايد هو بيي اليوم عفرا: مالت عليك .. انا اختك تدافع عنه ! هزاع: هو ولد خالي سلامة: ايه لا تصارخين ولدي يخاف عفرا: وانتي بعد محد قالج تيين بيتنا من صباح الله خير ! سلامة: ما يخصج عذيجة: حشرتونيييي عفرا: ليش ايي انزين ! عذيجة: انتي ما تعرفين الاصول عفرا: هو شايفني هزاع: شايفنج من زمان .. يمكن الحين اخسفيتي في نظره ! عفرا: يالسخيييييييف يا هزااااع هزاع : هههه انتي بلاج ؟ ... لا تصارخين قالت لج سلامه ولدها بعد بيصيح ما فينا سلامة: هيه والله عذيجة: خالج بيي وياه عفرا: أي خال ؟ عذيجة: الاثنين عفرا: لا والله !.. يوم اقولكم استهبال ! عذيجة: محد اهبل غيرج .. قومي قومي عني بسير انا .. وظهرت ام هزاع .. سلامة: آخر شي بتنهزبين عدل .. عفرا: جني للحين ما انهزبت هزاع: عفاري كم مره انهزبتي من يوم خطبج عمر ؟ عفرا: والله وايد ! سلامة: انتوا تعالوا رديتوا ع بدر ؟ هزاع: ههههههههههههههههههههههه سلامة: جيه تظحك ؟! عفرا: اصلا منوه قاله ايي عسب نرد عليه سلامة: فذمتكم ما رديتوا عليه ؟ هزاع: بلى ... امايه اتصلت خبرت امه .. اللي هي خالتيه !... سلامة: شوه كانت ردة فعلهم ؟! .... في بيت يوسف ... عمر ( تنهد): ان شاء الله يوسف: الساعه 7 بالضبط تكون هناك عمر: تباني امر عليك ؟ يوسف: لا ما عليه .. السايق بييبني .. عمر عمر: هلا عمي يوسف: اخوانك بييون ؟ سكت عمر .. ما يدري !.. فعلاً هو ما يدري بالجواب .. بيييون ما بييون ما يدري !... هو ما تجرّأ يسألهم والسبه عمه .... عمه واخوانه .. في مكان واحد .. ما يستوي !... يوسف: قول ؟ عمر: ما ادري .. يوسف: بييون والا عمر: عمي والله ما ادري .. يوسف: انزين خلاص .. سر الحين خلص شغلك .. محتاي شي ؟ عمر: لا .. بس برد البيت الحين .. ارتب حق الليلة يوسف: اوكيه .. توكل ع الله عمر: انته ما تباني اوديك مكان والا شي ؟ يوسف: لا .. حلّاقي بيوصل الحين .. عمر ( ابتسم ): ما نروم عليك .. يوسف: مب ابو المعرس عمر: اكيد .. يوسف: لازم عيل اكون كشخه بعد عمر: دومك كشخه يوسف: وانا اقول انته طالع ع منوه عمر: هههههه لو رمسنا فالكشخه ما بنخلص ... فـ خلني اسير اخلص شغلي يوسف ( أبتسم ): توكل .. الله يحفظك .. وسار عمر .. ثاني: ونحن ليش نسير ؟ زايد: كيف ما تبا تسير ؟ ثاني: كيف نحن نسير واخوانه ؟ زايد: ما عليك من اخوانه انته .. ثاني: كيف ما عليه يا زايد !... زايد: عندك راي ثاني ؟ ثاني: هيه زايد: شوه ؟ ثاني: شوف .. نحن الشباب .. بنسير يا بيت عمي سيف .. او هني بيتنا زايد: ومنوه الشباب اللي ترمس عنهم ؟ ثاني: نحن .. انا وعيال عمي سيف .. وهزاع جان يبا يحضر والا ما يحضر كيفه .. يشرّف عندنا زايد: خلاص اوكيه ... ثاني: احسن بعد .. عسب عمي يوسف زايد: اصلا عمر مساعه مرمسني .. يقول انه للحين ما سألهم بييون والا ! .. ما يدري كيف يسألهم ثاني: خلاص انا عيل بلحق اتصل بهم واقول لهم اقتراحي .. عسب عمر يوم يسير يسألهم ما يتفشل ولا يجرحهم ... يكون عندهم الجواب زايد: اوكيه .. ثاني: غلّوي وين ؟ زايد: غاليه شكلها بتسير هناك ثاني: لازم ربيعتها زايد: اكيد ... ثاني: امااااااااايه حوبيييييي ام زايد: شوه ؟ ثاني: بخري كندورتيه زايد: توك تقول بتقر فالبيت ثاني :يعني الشباب بييون ما تباني اكشخ ! ام زايد: جيه انتوا ما بتسيرون بيت عمتكم ؟ ثاني: امايه .. نحن الشباب بنتيمع هني زايد: ع كيفك شاورتهم ثاني: ادري بهم ما يردون طلب للشيخ ثاني زايد: واااااايد واثق ام زايد: ليش اميه ما بتسيرون هناك ؟؟ بيزعلون عليكم .. عقب ثاني: امايه تدرين ان عمي يوسف بيكون هناك .. وهو ما يطيق عيال عمي سيف .. عدا عمر .. تبين تستوي مشكلة اليوم ام زايد: ابوك قال عن هالموضوع ثاني: وشوه كان رايه ؟ ام زايد: ما يدري .. هو روحه كان يبا يهوّن ولا يسير لانه من يوم توفّى سيف الله يرحمه وهو ما شايف يوسف زايد: لا .. شوه ما يسير .. عاد ابدا مش حلوة ام زايد: قلت له .. يالله اقتنع ... ثاني: اقولكم .. والله انتوا سيروا .. ونحن هني بنتم احسن .. ام زايد: اتصلت في عيال عمك ؟ ثاني: الحين بتصل بهم وبخبرهم .. وبتصل بعد في هزاع ام زايد: ويه خطوبة اخته كيف تباه ايي ثاني: بقوله هو عاد كيفه ... بييه حياه زايد: امايه بتسيرين ويا ابويه والا ويايه ؟ ثاني: لا لا ويا ابويه شوه .. خلهم شويه يجعون ايام الشباب ام زايد: الله ياخذ ابليسك يا ثاني ثاني: هههههههه فديت القلب انا يوم يدلع ام زايد: ما اطفسك ثاني: هههههه ما قلنا شي .. زايد: انا بسير ازهب اغراضي ثاني: معرس .. معرس ام زايد: ان شاء الله جريب اشوفه هو معرس يا رب .. وانته وياه ثاني: انا عرست من زمان زايد: ما تدرين به .. ماخذ وحده من النت ام زايد: ما استبعد هالشي عنه هذا نقع زايد من الظحك اما ثاني تم يطالعه بنظرات .. يعني لازم تسوي مشكلة !... لازم !... احمد: كيف جذه هزاع ! .. هزاع: والله هذا اللي حصل احمد: واخوانه ؟ هزاع: رمست مروان قال انه هو اصلا ما يبا يحضر .. احمد: والله حرام عليكم هزاع: لا تحسسني بتأنيب الضمير .. انا ما يخصني احمد: اوكيه متى بييون ؟ هزاع: ع المغرب انتوا طبعا تكونون هني احمد: اوكيه ... خلاص عيل تم هزاع: وييب اختيه العوده بسرعه احمد: انا ما ماخذ اختك العوده .. ماخذ اختك رقم 3 هزاع: هههههههه تستعبط احمد: ههههه اختك العوده عند صالح .. هزاع: هيه صدق خلني اتصل في شموس بعد احمد: يعني الحين تبا تقنعني ان اول ناس متصل بهم انته هو انا .. وحرمتيه هزاع: هيه والله .. احمد: انزين لا تحلف هزاع: لوسمحت .. كشخ بنتك مب تييبها جذه احمد: والله ما ادري منوه ياي يخطب .. ما ادري يملج ع قولتك الحين هزاع: عمر ولد سيف احمد: والنعم .. بس عمر ولد سيف شايف كشة بنتي .. وشايف شيفتها ومتعود عليها هزاع: ههههههه الله ياخذ العدو احمد: هههه يالله بند بند .. خل اسير اشوف حرمتيه .. هزاع:اوكيه سلم عليها .. مع السلامة .. بند احمد عن هزاع .. و نزل تحت .. رملة: قلبي انا .. حياتي انا ... عمري انا احمد: وفديتج انا ام احمد: اللهم لك الحمد والشكر آمنة: هههههههه الابو ويا العمه ناعمه: رايحين فيها احمد: في منوه تحشون ناعمه: فيك طبعا رملة: اوف كورس احمد: شحال راسج رملة: بخيييييييييييير .. احمد احمد احمد: هلا هلا رملة: يقولون خطوبة عفرا اليوم .. ودنييييييي احمد: هيه ما شي شغغغغغغغل ههااااي آمنة: ههههه خلها تيي والله عادي .. نحن اصلا بنيلس داخل .. احمد: يالله يالله .. كفاية سالم .. بعد رملة وسالم آمنة: لا شطانة سالم لا تقارن بشطانة سالم وعبدالعزيز رملة: مالت ما تقارني بهذيل ناعمه: خيبة شوه هالحقد ام احمد: حقوده ع منوه طالعه رملة:هم علموني ع الحقد والكره احمد: بل علييييييج ! آمنة: رمست هزاع احمد: هيه .. يقول .. ان اليوم بيمجلون آمنة: شوووووووه ! احمد: والله اخوج يقول .. ان خالج يوسف اتصل وقال مره وحده يملجون .. دام ان عفرا حضرتها .. قايلة ما ابا ملجة ولا ابا ولا ابا .. من الحين .. وبكيفها آمنة: وعفاري قايلة حق منوه ؟ احمد: حق امج .. وامج رمست يوسف .. ويوسف اتصل في عفرا ورمسها وهي قالت له ملجة ما تبا .. يعني حفلة آمنة: ط والله ! رملة: انزين كيفها البنيه ما تبا تسوي حفلة ناعمه: حليلها عفاري احمد: احسن احسن عن الخساير .. آمنة: اللي يقول انته بتدفع احمد: هيه والله .. يمكن العروس ما تخسر كثر ما انتي بتخسرين.. بتييبين لي لدونا ما ادري ليندا خليفة ما ادري أي وحده فيهن .. وبتييبين حق الشعر ما ادري منوه .. وفستان ما ادري بكم نقعوا من الظحك ع احمد .. آمنة روحها ظحكت يوم صففهن كلهن .. حافظ الاسامي بعد ! نازل من فوق .. و مشتل .. مروان : وعليك سعيد .. وعليك مبارك .. ولا اله الا الله عبدالعزيز: عاشو عاشو .. عمران: ههههههه خبايل راشد: عبدالعزيز وين عمر ؟ عبدالعزيز: المعرس خرج من البيت .. راشد: متى ؟ عبدالعزيز: من زماااااان .. الحين بيرد بعد .. انفتح باب الصاله وفعلا عمر كان .. مروان .. الحركات .. صفّر .. تصفيرة اعجاب .. مروان: واو .. شكلك ازقرت .. معرس بالقو عبدالعزيز: بعد بعد .. سايرين الحلاق راشد: جيه اول مره ! عمر: عن الحركات عمران: استحى استحى المعرس عمر ( ابتسم ): انته بعد وياهم عمران: شوه نسوي .. فرحانين .. عمر: الله يديم عليكم ... عبدالعزيز: آمييييييييييييين .. متى العرس ؟ عمر: يوم انته بتحدد عبدالعزيز: الاسبوع الياي مروان: ياخي وايد مصدق عمرك .. عمر: انزين بسألكم مروان: تفضل يا بعد ابوي انته وطوايفي عمر: ههههههه مروان عن الحركات .. الله يخليك .. مروان: هههههه ندلعك معرس ... عمر: خل الدلع حق وقت ثاني عمران: انزين قول ... عمر: بتون اليوم بيت عموه ويايه ؟ كل واحد فيهم قام يطالع في ويه الثاني .. راشد: هو الصراحه يعني .. عمران: نحن كنا ناوين نيي مروان: بس حسينا ان المسألة .. راشد: ما بتكون ممتعه حقنا مروان: بديت تخربط راشد: ههههه ما عرفت شـ قول .. عبدالعزيز: باختصار شديد يعني عمران: لا عمر: ليش ؟ مروان: نيي شوه نسوي .. انته وبتسير تخطب .. نحن وين نيي ! عمر: اليوم ملجة مش خطوبة راشد: كيف ملجة ؟ كانت خطوبة ! عمر: حولوها ملجة .. مروان: خطوبة والا ملجة .. وجودنا ما له معنى .. عمران: فقررنا يعني مروان: نسير بيت عمي عبيد ونجابل ثاني ونسوي جو هناك احسن بوايد من كلام الشياب عمر: منوه قصدك بالشياب مروان: اقصد يعني المعرسين .. وانته طبعا بتنتقل الى قافلتهم راشد: ههههههه حليلك يا عمر عمر: صدق ما بتون ؟ عمران: هيه والله .. بس عقب بنزفك للبيت لا تحاتي راشد: عمر رمست سعيد ؟ عمر ( تنهد ): ما يرد عليه عبدالعزيز: احسن عمر: عبدالعزيز ! عبدالعزيز: اوكيه بعدني ما سبيته ولا قلت شي عنه بعد .. ولا بقول عمر: يكون احسن مروان: هو يدري .. اكيد يدري .. عمر: انا طرشت له مسج عمران: انا رمسته كلهم وجهوا انظارهم لـ عمران ... عمران: شوه فيكم ؟ راشد: رد عليك ؟ عمران: هيه رد عليه .. مروان: غريبه !.. عمران: لا غريبة ولا شي عمر: هو بخير؟ عمران: هيه عمر: وينه ؟ عمران: يقول خذ له شقة .. عمر: ومن وين يدفع ؟ مروان: اكيد راتبه راشد: ما اعتقد انك انته بعد ما اطرش له ع حسابه عمر: حرمته ردت له ؟ عمران: لا .. للحين .. مروان: تبا قصر شيوخ عمر: مروان ممكن شوي يعني مروان: اوكيه خلاص بنسكت عمر: ودرا عن اليوم ؟ عمران: ما طرى لي أي شي .. انا قلت له قال مبروك ... وبس عمر ( تنهد ): مش مهم يقول مبروك او ما يقول .. المهم انه بخير .. انا ساير الحجرة ارتب كم شغلة .. وسار عمر .. فوق .. عبدالعزيز: يالله كيف طاري هالسعيد استوى اييب الاكتئاب للي فالبيت عمران :حرام عليكم .. مهما يكون اخوكم راشد: والله ع عينا وع راسنا .. مروان: وع خشمنا بعد ... لكن لو بس يرد سعيد اللي نعرفه عمران: بيرد ان شاء الله .. بيرد .. مروان: وايد متفائل الاخ عمران: الواحد لازم يكون متفائل مروان: ان الحمدلله نحمده ونستعينه عبدالعزيز: هههههههه من زمان ما حاطين ع عمران عمران: جيه حبيبي .. ارقوز جدامك .. عبدالعزيز: لا مهرج عمران: هاها ما يظحك مروان: لو سمحت حقوق الطبع راشد: انتوا الحين بتسيرون بيت عمي عبيد ؟ مروان: يعني وين تبا تسير ؟ بيت عموه عذيجة عشان تقوم الحرب ويا عمك عبدالعزيز: والله خاطريه اسير عمران: حاذر ثم حاذر ثم حاذر مروان: من انك تقول حق عمر هالرمسة .. ما نبا يزعل ولا يكدر خاطره عبدالعزيز: انزين خل عمي ما ايي مروان: عمي لو ما يا عمر بيحط في خاطره اكثر عبدالعزيز: يعني يهمه عمي يوسف اكثر منا ؟ راشد: مب عن جذه .. لكن نحن يوم بيرد بنسوي له جو .. وبنبين له ان عادي عندنا.. اما عمي يوسف بيطلع ميت عيب وعيب في عمر ... عمران: وعادي يحط علينا نحن ويعق اللوم علينا ان نحن سبب عدم حضوره مروان: فـ جيه .. نخلي اخونا يستانس ويسير .. ويوم بيرد بنفرحه زيادة ... ولا جنّه شي مستوي .. فالعرس ان شاء الله بنطلع حرتنا عبدالعزيز: يا خوفي بس العرس بعد نفس الشي .. ايي عمي يوسف ونحن ما نسير ! مروان: لا عاد لـ هني ويسمح لنا .. بنسير العرس .. يبا والا ما يبا .. عمران: تخيلوا نلتقي به فالعرس .. وعادي يكون عنده وما ادري شوه راشد: ع قولت مروان واااااااايد متفائل مروان: يوم اقولكم .. وايد يعني متمحس يبا يلقي فينا خطبة اصلاح ذات البين عمران: ليش لا ! مروان: انزين شرايك انته تسير صوبه .. ويوم بتصلح اللي بينك وبينه ... عقب اصلح اللي بينا وبينه عبدالعزيز: انتوا اصلحوا اللي بينكم وبين اخوكم قبل .. عقب تفائلوا صدقه عبدالعزيز .. اصلحوا اللي بينكم وبين اخوكم عقب تفائلوا .. في بيت السفير .. هند: قولي والله جواهر :والله هند: متى ردوا عليج ؟ جواهر: من يومين هند: وما قلتي حق بدر ولا ابويه ؟ جواهر: ابوج هيه .. اما بدر لا هند: يا مصيبتاه جواهر: وليش يا مصيبتاه ؟ هند: بدر لو يدري بيجلب البيت جواهر: خل يجلبه فوق راس ابوه هند: امايه بلاج ع ابويه ! جواهر: ما بلاني شي .. هند: الحين كيف يعني ؟ جواهر: والله مثل ما الناس ما اييون تحت عينكم ... انتوا بعد ما اتون تحت عينهم هند: شوه قصدج ؟ جواهر: قصدي واضح .. ابوج واخوج لو رافعين خشومهم ع الناس .. يتحملون اللي اييهم هند: بس ابويه مب شرات بدر جواهر: بدر ماخذ هالصفة من ابوج .. يالله عاد مثل ما يرفضون الناس الناس يقدرون يرفضونهم هم بعد .. مب ليش انهم سفرا خلاص محد يقدر يرفض لهم طلب هند: الحين شوه قصدج ؟ وضحي اكثر جواهر: اقصد ان مثل ما يرفضون راشد .. عمه راشد تقدر ترفضهم هند: قصدج راشد ولد خالي سيف ؟ جواهر: هيه .. ابوج ما قالج عنه ؟ هند: بلى .. بس انا ما رديت عليه موافقة والا ! جواهر: وتبين تردين بعد ؟ .. عسب يطعنج بكلام شرات السم .. هندو لا تفكرين في راشد .. خلج ع حمدان احسن بوايد من انج تاكلين سم من ورا ابوج واخوج هند: ليش ؟ هاي حياتي .. انا اختار جواهر: انتي متى اخترتي شي عسب الحين تختارين هند: بس امايه .. انا ما اباه حمدان ما اباه جواهر: قولي حق ابوج هالرمسة هند: انتي بعد اميه جواهر: انا ما يخصني .. انا في هالمواضيع ما لي يد .. خصوصا ان السالفة فيها هلي .. انا لو كنت اعرف ان عذيجة بتتصل وبتطلب هالطلب والله كنت قبل ما تتصل انا بتصل فيها وبقول لها لا تطلبين مني اقول حق بو بدر .. لا تييون تخطبين بنتي هند: ليش انزين !... ليش ابا اعرف السبب جواهر: هنّود .. اللي يوج كلهم ع قولت ابوج راشد لا يقارن بهم .. راشد وين وهذيل وين !... ابوج يبا يعيشج في نفس الطبقة اللي انتي عايشة فيها الحين نفس المستوى هند: ثره خذج انتي من طبقة اقل لو هذا رايج بعد !... انتي وحده منهم وفيهم جواهر: انا في نظره .. حرمه .. ورفع من مستواي .. هند: امايه ... حتى هلج مب دون المستوى مثل ما يقولون جواهر: يخسون هم اذا ذون المستوى والا مش دون المستوى ... الواحد باخلاقه ... بأدبه .. انا مب قصدي شي .. لكن هلي ما يخصكم فيهم هند: كيف ما يخصنا مب هم هلي بعد ! جواهر: انتوا تعتبرون عندكم اهل من طرف واحد وبس .. من طرف ابوج سكتت هند وتنهدت .. ليش انزين !... ليش هذا كله ؟ .. بلاهم هذيل ؟ شوه سالفتهم .؟ بس همهم الطبقات .. والمستويات .. والارتقاء ع قولتهم !... وصل بدر ... بدر: امايه صدق اللي سمعته ؟ جواهر: شوه سمعت ؟ .. بدر: هاللي اسمه راشد متقدم حق هندو ؟ هند: اسمه راشد فعلاً... ليش بعد تقول هاللي اسمه ! بدر: حلو حلو .. بدا الدفاع جواهر: خبرك ابوك ؟ بدر: هيه خبرني .. جواهر: شرايك ؟ بدر: طبعا مب موافق هند: هاي حياتي بدر: سكتي انتي سكتي ... انتي متى عرفتي تعيشين في هالمجتمع عسب تعيشين الحين هند: مثل ما انا ما ادخلت في حياتك ... انته ما لك حق تدخل في حياتي بدر: لا والله !.. حلفي .. لي حق وغصبا عنج بعد يوم انج تبين تدمرينها .. بعدين تعالي بخبرج .. ليكون موافقة حضرتج ؟ هند: وليش ما اوافق عليه ؟ .. يوم اني بستخير ربي .. وبيكون كل شي اوكيه بدر: اوكيه في عينج عمى بعينج بعد جواهر: بدر ! بدر: انتي سمعي بنتج شوه تقول .. تبا تاخذ واحد ما ادري من طالع لنا بعد جواهر: ممكن ما تقل ادبك .. لو سمحت يعني ! صخ بدر .. وصخت هند وياه .. جواهر: صدق قلة ادب .. انا يالسة هني احترموني .. وانته .. يا ولد السفير .. مش بس انته تقدر ترفض الناس .. ابوك ما خبرك انهم رفضوك انته بعد ؟ .. وما قالك ان ملجة عمر ع عفرا اليوم !... هاي كانت اكبر صاعقة يتلقاها بدر اليوم .. حلّ الليل .. ويا الوقت .. اقصد .. اوشك ع انه ايي .. في حجرة عفرا .. سمعوا صوت الباب .. آمنة: ادخل .. سلامة: السلام عليكم غاليه: وعليكم اسلام سلامة: عفانا الله ردن السلام آمنة: وعليكم السلام .. مشغولين سلامة: خيبة !.. غاليه: ههههههه لا تلومينها .. اختج تخلي اللي ما يعصب .. يعصب اليوم .. سلامة: بلاها اختيه اسم الله عليها .. جنها البخت اليوم .. امون شوه تسوين فيها ؟ آمنة: اصبري انتي .. سلامة: عفاري ما تعرفين تحطين روحج غاليه: قاصين لسانها ما ترمس اليوم .. آمنة: ما ييتي تشوفينها مساعه .. جنها جيكره عفرا : جيكره مرت ريلج يالدبه آمنة: هههههههه مرحت ريلي هيه جيكره طبعا .. هذا اذا فكر ياخذ عليه .. عفرا: وايد متحمسين سلامة: نبا يستوي عندنا عرس عفرا: والله وانا شلي تبلشوني !.. يوزوا غلوي غاليه: ما يخصج فيه عفرا: عيل هزاعو .. والا اقول .. بالمره كل وحده تيوّز ريلها ... وسووا عرس جماعي بعد آمنة: سكتي بخش الآي لينر الحين في عينج عفرا: هيه ترومين .. وبعدين وايد مصدقه عمرج ... لا هو بيشوفني ولا انا بشوفه .. جيه تحطين لي هالكثر ! آمنة: يمكن سبحان الله .. قال ابا اشوفها عفرا: شكتي مقهوره عليه والله ما توقعته جذه سلامة: ليش شوه سوى ؟ غاليه: ههههههههههههههههههه عفرا: هيه ظحكي انتي شعليج ! سلامة: شوه مستوييييييييييي! آمنة: ما قاولا لج اليوم ملجة مب خطوية .. سلامة: بلى ادري .. عفرا: ما تشوفينها كاشخة سلامة: والله قلت يمكن يدخل والا شي .. والا حد ايي عفرا: قاهرني غاليه: قاهرنج عسب بيملج ! عفرا: هيه والله سلامة: ثرج انتي قلتي ما ابا حفلة ولا شي .. وكل يوم تحشرينا .. اكيد وصل له الخبر وقال بختصر الطريج عفرا: الله يسامح عمي يوسف آمنة: ليش ؟ عفرا: هو اكيد اللي اقترح هالاقتراح .. لانه اتصل بي من يومين .. ورمسته .. وقلت له كل شي انا الغبية بعد .. واليوم متصل في امايه يقول لها دام بنتج ما تبا حفلة ملجة وخربطان .. اليوم خل يملجون ... آمنة: ههههههههه احمد يقول احسن عن المخاسير ... بتييبين لي ليندا خليفة ومادونا اونه .. هههههه سلامة: ههههه بعد !.. عارفنهن غاليه: عموه جواهر ما يت ! عفرا: ولا بتيي ... عقب ما رفضنا ولدها آمنة: حليله بدر عفرا: حله حلول انصاف الليالي بعد آمنة: خيبة يالمجرمة عفرا: والله هو المجرم .. سلامة: عفاري شاكه انه مسوي لج شي عفرا: جيه خلاني ارتاح في ألمانيا .. ما اقدر اتنصخ .. سلامة: اظاربتي وياه ؟ غاليه: خبرج عتيج ىمنة: الاخت متكافخة وياه بعد عفرا: هاها .. ما يظحك.. لو كنت اقدر كنت بسويها .. لكن للأسف كنت اخاف منه وما ابا اسوي مشكلة في بلاد غرب سلامة: يالله لهالدرجة ! عفرا: واكثر بعد .. أمون خذي العلوم من رملة .. آمنة: يبالي والله .. احمد ما قالي كل شي .. يقول خل يولي .. وخل يولي ... غاليه: آمنة يالله خلصيها .. بيوصلون الحين عفرا: خل يوصلون نفس الوقت .. سمعوا صوت هرنات صدق شاله البقعه عفرا: لا تقولين وصلوا ! سلامة: توج تقولين عادي !.. عفرا: يا مصيبتيييييييييه وسارن سلامة وغاليه يشوفن من دريشة عفرا تحت .. منوه ياي !.... شافوا سيارة صالح .. واحمد راكب سيارته .. وعلي توه واصل .. سلامة: امون لحقي ع ريلج آمنة: بلاه ؟ غاليه: ههههههههه تعالن شوفن سالم انتوا سلامة: امون احمد راكب موتره ويهرن غاليه: حصه مخبلينها وياه وشمسة .. حليلهن .. عفرا: اشوى الحمدلله .. خل يطلعون عيالهم خبايل ... بيصمخن من الصوت غاليه : هههههه حليلهن والله .. آمنة: احمد تحت عيل ميثا وين ؟ سلامة: يمكن عند امايه آمنة: انتي وين ولدج ؟ عفرا: صدق عمّور وين ؟ سلامة: عند ابوه .. عفرا: آمنة خلصيني .. ما فيه يوصلون .. وانا بعدني .. سلامة: بدت تتوله الحبيبة .. عفرا: لا وله ولا شي .. اللي يقول عاد .. كل يوم اشوف اخوانه اللي بعيش وياهم ( وسوت عمرها تصيح ) .. يا انا يا هم .. بنتف شعر راسي آمنة: يا سخيفه لا تتحركييييييين عفرا: خلصينيييييييييييي سلامة: ههههههههههههه خبايل غاليه: ههههه حليلج عفاري .. عروس وتنهزبين .. عفرا: هالخوات ما يحسّن والله .. الا انا الهبلة اللي كرفت كراف في اعراسكن آمنة: يالله يالله .. كنتي يهالو .. وبعدين ودج ما تكرفين كراف عفرا: ليش حبيبتيه .. ما احيد ريلج خصص لي مهر .. وقال هذا حق عفرا .. لانه بتكرف كراف سلامة: انتي الحين غصب ميوزينج .. بعد تبا ما ادري شوه غاليه: تعالن صدق ... شبكة ما شبكة ! عفرا: ما ابا ما ابا شي .. بس خلني اوقع وخل يسر بيتهم وانتهت المسألة سلامة: صدق ما سألت امايه عفرا: ما ابااااااااااا آمنة: سكتي غاليه: والله كل شي بيبان يوم بييون .. عاد اترييوا الحين .. يوم بيوصلون بتوصل لكم الاخبار ... سلامة: ونحن يالسين نتريا .. في بيت بو زايد ... ثاني: هلااااااااا .. شحالكم ؟ راشد: تمام .. انته شحالك ؟ ثاني: بخير والله عمران: مول ما تنشاف ثاني: موجود والله .. ( شاف عبدالعزيز ) هلا هلا ... هلا والله .. نور بيتنا اليوم عبدالعزيز: ادري .. ان بوجودي مروان: لا تقوله جذه بيصدق عمره .. ثاني: ههههههه يحق له عبدالعزيز: فديت خشمك يا ثاني والله ... محد فاهمني غيرك راشد: اول مره فالتااااااااااااريييييييييخ مروان: عبدالعزيز يتفدى حد غير عمر ثاني: هههههه يالله يالحسد عمران: هههههه الحين بتتخقق علينا يا ثاني ثاني: لا والله حشى .. بس انتوا ما تعرفون كيف تتعاملون وياه راشد: انا عرفت يوم سار عمر الحج .. والا يوم رد عقب .. باعني عبدالعزيز برخييييص عبدالعزيز: طبعا عمّور ياي .. شوه ايلسني عندك بعد ؟ ثاني: رمستوا هزاع ؟ مروان: قالي يمكن عقب يمر ... عمران: زايد وين ؟ سار ؟ ثاني: هيه هو وابويه وامايه .. كلهم ساروا .. راشد: انته جيه ما سرت ! ثاني: اسير شسوي .. بيملجون ويردون .. عبدالعزيز: الا نحن بس اللي انحرمنا من ملجة اخونا ثاني ( ابتسم ): معوّض فالعرس يا بو عمّور .. وعد مني لك .. لأرزف وأيول ع هواك .. طال عمرك مروان ( اطالعه بنظرات ): من وين حل عليك هالحب الشديد ثاني :ههههههه يا اخي انته الا اطلع فيني شي شين !... والله اني احبه .. عمران: ههههه يغار منك ما يعرف شوه يسوي ثاني: الظاهر جذه راشد: صدقوني مضيّع هزاع مروان: هيه والله .. جان ما اخبله واقوله تعال ولا يحضر ولا شي من هناك عبدالعزيز: عادي لو ما حضر .. ثرنا نحن بعد هني .. يالسين .. حليلنا وما حاضرين ملجة اخونا مروان: نحن مجبورين .. ثاني: سعيد ما رد عليكم ؟ مروان: يقولون ان الاخ عمران مرمسنه عمران :يالله ... ذليتوني .. ثاني: درى ان اليوم عمر بيملج ؟ عمران: انا قلت له خطوبة .. ما قلت له ملجة !... لان روحي ما كنت ادري مروان: اللي يقول عاد يهمه راشد: مروان ..! مروان: اوكيه خلاص نغير السالفه عن يستوي شي ثاني :انا بعد اقول احسن .. وتموا الشباب يسولفون .. ويظحكون .. ويقرضون ببعض .. ويحلّون الجو .. حق عمارهم .. زايد: والله ما اروم .. ههههههههه عمر: يالسخيف بلى استهبال نحن عند الباب زايد: هههههه انته شفت شكلك فالمنظرة ! عمر: بلاكم كلكم حاطين عليه !.. اسمي اليوم قطعوني فالبيت بعد زايد: ياخي محلو .. والله محلو .. عمر: شوه قصدك كل يوم اجلح املح زايد: محشوم محشوم يا بو عزوز .. ههههه عمر: انزين لا تظحك .. زايد: تدري شوه مغير شكلك عمر: شوه ؟ زايد: لحيتك عمر: خففتها اكثر زايد: هاللي مغير شكلك .. والله يخلي الكندورة البنيه عمر: مفصلنها من جريب .. قلت بلبسها .. زايد: طلعت خطير يا ولد عمي عمر: يعني اوكيه ! زايد: هههههه هيه ... عمر: انته بلاك تظحك زاااااايد زايد: هههه عمر والله لا تلومني اول مره اشوفك جذه متحمس .. عمر: شسوي ما اباهم يقولون عني بارد وما ادري شوه .. شرات ما الكل ماخذ عني هالفكرة .. خصوصا بيت عموه .. زايد: انته مخلي روحك جذه عمر: انا ما مخلي روحي جذه .. لكن لانهم مب عايشين وياي فالبيت ... وبعدين كلهن بنات .. الا هزاع بس الوحيد اللي يعرفني انا كيف .. زايد: اوكيه شكلنا تأخرنا خل ندخل .. عمر: اوكيه .. بس شل ويايه الله يخليك الاغراض لو سمحت يعني زايد: شوه اغراضه ؟ فتح عمر باب السيارة اللي ورا .. زايد: عمر شوه هذا كله ! عمر: فاجئني عمي يوسف يوم قالي الملجة اليوم .. ع السريع سرت زهبت هاللي تشوفه زايد: شوه موكب موكب ! عمر: يعني مب شي ! زايد: شوه مب شي !.. انا اقصد وايد عمر: شدراني انا عاد اشتريت هذيل وييت زايد: شوه داخل هذا ؟ عمر: هذا لا تنزله .. عقب بنزله روحي .. زايد: وهالطقوم والخرابيط ؟ عمر: هيه هذيل نزلهم كلهم ... زايد: تدري شوه .. شرايك عقب ما يحددون وكل شي .. تنزل هذا كله عمر: رايك جذه يعني ؟ زايد: هيه عمر: عقب الملجة ؟ زايد: هيه .. عمر: عقب شويه الملّيج بيوصل... خل ندخل عيل .. زايد: يالله .. ودخلوا داخل .. كان في استقبالهم هزاع .. هزاع: هلا والله .. زايد: اهلين .. شحالك هزاع: الحمدلله انته شخبارك ؟ زايد: تمام هزاع: شحالك عمر؟ عمر: الحمدلله ( بتوتر ) ... متأخرين صح ؟ هزاع: هههه لا عادي .. دخلوا .. زايد: منوه هني ؟ هزاع: ابوك طبعا وابويه .. عمر: خالي يوسف ما وصل ؟ هزاع: فالدرب .. ابويه كلمه زايد: : يعني تقريبا كلهم هني .. هزاع: هيه ورياييل خواتي .. زايد: يالله عيل ندخل عمر: بسم الله ... دخلوا .. هزاع .. وعمر .. وزايد ... عمر: السلام عليكم الكل: وعليكم السلام .. مروا عمر وزايد وسلموا ع كل اللي داخل .. وصل عمر لين سالم سالم: ويه ويه ويييييييييه .. ما نروووووووووووم .. ما نروووووم .. والله طلعت خطير !.. سالم .. يالس بين احمد وطارق.. واحمد وطارق يوم يسمعون تعليقاته اللي تطلع بدون أي سابق انذار .. طبيعي يظحكون .. وما يقدرون يمسكون عمارهم ... عمر ( خاشمه ) : الله يسامحك وتجدم عمر عن سالم .. وسلم ع احمد احمد: ههه ما عليك منه .. عمر: فشلتوني احمد: افا !... السموحه منك .. هههههه ولدنا لسانه طويل .. نفس الوقت .. دخل واحد .. في ايده عصاه مزخرفة ومنحوته .. وشكلها مش أي عصاه ... و بهيبته .. وصوته الحاد سلم يوسف: السلام عليكم الكل: وعليكم السلام .. هزاع ( يصاصر احمد ): يالله وقفوا فالطابور ... بسرعه احمد: هههه الله ياخذ عدوك .. تجدم بو هزاع وسلم عليه .. عقبها كان عبيد .. عبيد بو زايد .. اخو يوسف .. اللي ما شايف يوسف من يوم وفاة اخوهم الثالث .. والصغير .. سيف ... عبيد: شحالك يوسف يوسف: الحمدلله ... انته شحالك ... يا عبيد عبيد: بخير الحمدلله يوسف: ما تقول عندي اخو امر عليه عبيد: مب وقتها هالرمسة يوسف: ما عليه ... نأجل الرمسة في هالموضوع يوم نخلص من موضوع عمر .. وكمل طابور السلام لين وصل آخر شخص اللي كان عمر ... وعقبها يلس حذال عمه يوسف ... وبدت عاد الجلسة .. فالصاله ... آمنة من كثر ما قهرتها عفرا من شدة برودها ... طردتهن كلهن من الحجرة ... وقالت بتستلمها عدل .. فـ كلهن يالسات تحت فالصاله .. وآمنة وعفرا فوق .. ام زايد: قومي غاليه اميه .. سيري شوفي اللي فالمطبخ شويه غاليه: ان شاء الله امايه سلامة: اصبري بيي وياج غاليه .. حصه وشمسة شوفن عامر شويه ... شمسة: ان شاء الله ام زايد: عذيجة عذيجة: هلا فديتج . . ام زايد: جواهر ما يت ! عذيجة: والله ما ادري بها .. يمكن زعلت لان ردينا ولدها ام زايد: والله الزواج قسمة ونصيب .. ليش تزعل ؟ عذيجة: ما تدرين بها جواهر بعد !.. بس الله يعين وان شاء الله ما تكسر قلب الولد ام زايد: أي ولد ؟ عذيجة: راشد ام زايد: ما ردت عليج للحين .. جانهم موافقين عليه والا ؟ عذيجة: لا والله انا الا امسات مرمستنها ام زايد: والله ما بتلقى احسن من راشد حق بنتها .. اصلا عيال سيف ما شاء الله عليهم عذيجة: ما يستوي نقول لها هالرمسة .. خصوصا انا . بتقول تدافع عن عيال اخوها .. والله اني قلت لها اسألي عن الولد برع بعد .. ام زايد: بس هو ولد اخوها بعد عذيجة: لكن جواهر ما تعرفهم كثري ام زايد: في هاي صدقتي .. انتي والله استويتي لهم ام واكثر بعد عذيجة: عيال اخويه ما لي بد منهم شمسة: حصوه شوفي عامر شوه يسوي حصه: ايه انته .. شمسة: لا تصرخين عليه يصيح بسرعه عذيجة: عامر تعال عند يدوه حصه: امايه شليه ما فيني .. عذيجة: عيل ميثا وين ؟ شمسة: عند امها فوق ... حصه: وينهن هذيل من الصبح .. خيبه مب تعدّيل عذيجة: اللي يقول عفرا الحين تبا تظهر جدامهم ... نفس الوقت .. انفتح الباب ... ودخل هزاع شمسة: يا ويهك تنحنح قبل هزاع: نسيت نسيت .. هود هود عذيجة: تو الناس ام زايد: حليله كلتن الولد .. ما في حد ... تعال فديتك تعال حياك .. هدا هزاع: ليش تتفلسفن حصه: ههههههه يبون يزيغونك هزاع: وين العروس ؟ شمسة: فوق حصه: ليش بتوقع ؟ هزاع: هيه .. يالله .... عذيجة: سر لها فوق ... شكلهن مطولات .. هزاع: لا ابويه مستعيلين نحن .. بنسير بيت خالي عبيد .. وسار هزاع فوق .. دق باب حجرة عفرا .. هزاع: عفاري اموووووون .. فتحن الباب .. بسرعه .. آمنة: يالله يايه افتح لك .. هزاع: بسرعه والله بتأخر ع الرياييل آمنة: يالله ما فيك صبر هزاع: بعد لين 3 قبل ما يبدا هزاع العد .. آمنة فتحت الباب .. آمنة: خير ؟ هزاع: خيبة من متى انتن هني !... آمنة: لا بلى خلصنا هزاع: عيل وين عفاري خل توقع آمنة: يالله ادخل ... دخل هزاع .. وشاف عفرا واقفة .. لابسة بدلة .. تنورة وقميص .. لكن البدلة شكلها غريب نوعا ما ... قصة التنورة غريبة وحركة القميص غريبة .. ألوان البدلة يايه عليها حلوة ... فوشي وبني وآمنة لاعبة فيها لعب بالميكب .. وفاله الشعر وحاطه كليب صغير ورا لامه فيه شويه من شعرها ... هزاع: ما اصدق عفرا: يالسخيف شايفني كل يوم يالسه ارقوز جدامك هزاع: هههههههه لا لا .. بس اول مره هالحزه تتعدلين جذه .. كل مره ببجامتج ويالسه تحت فاله الكشه والا رافعتنها فوق .. آمنة: ههههههه هذا كلام تقوله حق العروس اليوم هزاع: حطي عدسات بعد آمنة: قلت لها ما طاعت عفرا: ط هذيل انتوا ... عدسات ليش ! هزاع: مطقمه ويا المعرس آمنة: ليش أي لون لابس ؟ فوشي ؟ هزاع: ههههههه لااااااااا .. بني لابس آمنة: ويه ما نرووووم عيل هزاع: يالله عفاري وقعي هني .. تعرفين توقعين ؟ عفرا: لا ما اعرف آمنة: بصمي عيل عفرا: يالسخفا وايد متفيجين .. هزاع: هههههههه يالله وقعي انزين عفرا: وين القلم ؟ عطني قلم هزاع: خذي عفرا: بسم الله آمنة: هزاع شل ميثا هزاع: وين اشلها ماسك الدفتر انا الحين عفرا واقفة .. وماسكه القلم .. للحين ما وقعت هزاع: وقعي بلاج عفرا: اخاف آمنة: الله يغربل العدو يا عفاري بلاج وقعيييييييي عفرا: ما ابا هزاع: بفر ويهج الحين بكف .. وقعي عفرا: اييييه اخاف .. ويه لو وقعت خلاص يعني بكون معرسه آمنة: ههههههه خبله والله ... عيل شوه بتكونين عفرا: ما ابا لو قالي طالق عقب بكون مطلقة هزاع: الله ياخذ ابو الافكار السوده هاي .. وقعيييييييييي آمنة ناقعه من الظحك .. ع عفرا .. وما قدرت .. يلست ع طرف الشبرية وتظحك .. وبنتها تشوفها باستغراب !! وهزاع بين معصب وبعد اخته تظحكه ... توها ما موقعه خلت عمرها مطلقه !.... ومدت ايدها وقعت .. هزاع: يا هالويه .. شوه هاي مب مال عرس والله عفرا: قلت لكم من قبل آمنة: يالله مبروك عفاري ... هزاع ( تجدم وحب راس اخته ): يالله بالبركة .. عفرا :الله يبارك في حياتك .. آمنة: مبروك حبيبتيه .. مبروك تستاهلين كل خير .. هزاع: يالله يالله نزلن تحت ... ييبي بنتج ملكة الجمال .. تجدم هزاع .. وميثا تصفق .. ووراه آمنة وعفرا ... آمنة: كلولولووووووووووييييييي هزاع: هههههه شوفي هاي كيف تصفق آمنة: مستانسة حصه: وقعت ؟ هزاع: هيه وقعت عفرا ( تصاصر آمنة ): يوم اقولكم مب توقيع .. خيبه كلهم يتريون التوقيع وبس .. جنه الا حياتي وحبل المشنقة كله متعلق بالتوقيع هذا آمنة: هههههه والله اول مره اشوف عروس لسانها شطوله يوم بتملج عفرا: سكتي زين أي عروس أي خرابيط كلهن نشن .. يسلمن ع عفرا .. حصه: مبروك عفرا .. عفرا: الله يبارج في حياتج شمسة: بالبركة .. عفرا: الله يبارج في حياتج .. عذيجة: مبروك حبيبتيه ... وبدت المناحه .. صاحت عذيجة .. وام زايد وراها .. وعفرا دمعت .. آمنة: امايه لا تخربين ميكبها هزاع: هللوا ما ادري يببوا .. قولوا شي .. شوه هالرقاد .. آمنة: جيه جهاد !! ههههه حصه: الف الصلاة والسلام عليك يا حبيب الله محمد .. كلولولووووووووويييييي هزاع: ايوا جذه العرس .. آمنة اودي بنتج ويايه ؟ آمنة: لا لا وين توديها شمسة: ما في حد غريب .. خل يوديها .. هزاع: انته لا تطالعني ( يقصد عامر) ما بوديك خل ربيعك ايي يوديك شمسة: سالم ما اشيطن ؟ هزاع: يروم هو جنّه !... خالي يوسف يالس حصه: هههههه مصطلب ... وتوه هزاع بيفتح الباب .. الا البشاكير يايين .. هزاع: شوه السالفه ؟ طقوم مزينه بورود .. وبطريقة حلوة .. وشرايط .. وصندوق مندوس صغير ... هزاع: منوه يايب هذيل ؟ سالم: عمر .. شمسة ( اطالعت صوب عفرا ): ويه ما نرووووووم ... بعد ! سالم: شوف يقولك عمر .. هاي الشبكة .. وهاي الطقوم .. والمهر وبيزات الزهبة كله في هالصندوق .. وهالظرف عطه حق العروس ... ومحد يبطله غيرها .. هزاع: يا سلام !... وشوي الا البشاكير بعد سايرين ورادين مره ثانية ... سالم: شوه هذا بعد ؟ أليس : this is for afra from baba yosuf هزاع: يا عينييييييييييييييي شمسة: بنت شيوخ معرسه .. ووصلن غاليه وسلامة .. غاليه: فاتنا شي ؟ هزاع: فاتتكن وايد اشيا تفشلت غالية يوم شافت هزاع .. ويوم رد عليها .. هزاع :آسف آسف آسف .. انا ساير خذوا راحتكن وظهر هزاع سلامة: وقعت ؟ حصه: ما تشوفين الاغراض بعد ما توقع واييبون لها كل هذا سلامة: ما شاء الله . يالله مبروك عفاري غاليه: مبروك حبيبتيه .. عفرا: الله يبارك في حياتكن غاليه: قمر ما شاء الله عليج والله .. آمنة: احم احم حصه: ع ايد خبيرة التجميل آمنة حرم السيد احمد آمنة: هههههه لازم احمد شمسة: يالكشيخه ... سيري ودوا بنتج آمنة: عادي .. خل يوديها .. فالميلس .. احمد: عاد ما نوصيك .. حط عفرا في عيونك عمر: ان شاء الله عقب ما خلص عمر السلام والتهاني والتبريكات ع قولت سالم .. تنهد تنهيده من الخاطر .. لكن محد لاحظه غير زايد .. فـ دقه ع جتفه زايد: بلاك .. ريلاكس ريلاكس .. عمر: كنت اتمنى اخواني يكونون هني زايد ( أبتسم ): ما عليك .. الحين بس نخلص .. ونسير بيتنا نكمل السهرة عمر: لا شوه .. بنرد البيت زايد: اسكت اسكت الحين .. عمر: معرس تسكتني ! زايد: اسكتك عيل شوه !.. ما ترمس اليوم .. ع كيفنا نمشيك عمر: هههه حلوة هاي ... يوسف: يالله عيل اسمحوا لي بسير بو هزاع: وين تو الناس يوسف: لا بمر داخل اشوف البنات واسلم عليهن .. وابارك حق العروس .. وعقب بسير البيت بو هزاع: هزاع عيل وصل خالك هزاع: ان شاء الله .. وساروا هزاع ويوسف الصاله داخل ... عذيجة كانت طالعة... يوسف: هلا عذيجة: هلا والله يوسف .. شحالك ؟ يوسف: الحمدلله .. بخير .. انتي شحالج ؟ عذيجة: الحمدلله .. يوسف: وين البنيات ؟ عذيجة: داخل والله .. ادخل ادخل ما في حد غريب .. هزاع سو درب حق خالك ... هزاع: هود هود .. فالميلس .. سالم: يالله نسير احمد: وين تبا تسير ؟ سالم: بيت يدي عبييييد طارق :شوه تسوي هناك ؟ سالم: كلهم هناك صالح: قر مكانك بنسير البيت الحين احمد: هههه ياك الجواب من ابوك سالم: ابويه والله حرام صالح: من قبل جيه ما سرت .. مرتز هني سالم: جنك كنت بتوديني صالح: يوم تعرف اني ما بوديك .. خلاص عيل ... سالم: اف شوه هذا .. حرام والله احمد: يا غبي خذه بالسياسة .. الناس يوم يبون شي .. يقردنون .. سالم: الحين انا مب متفيج اقردن احمد: عيل يلس مكانك مثل ما قالك علي: حليلك يا سالم سالم: عمي علي انته ودني علي: لا ابويه ما اتحمل المسؤولية .. الا جان ابوك وافق .. بوديك .. غيره ما شي طارق :سالم تعشى .. و عقب سر البيت ارقد .. باجر اكيد كلهم بييون هني .. سالم: ما اقدر اكيد حماس عندهم هناك احمد: هيه فاتحين فرقة الحين .. سالم: هيه والله ... نفس الوقت . انفتح باب الميلس .. تفاجئ الكل باللي دخل .. وعمر من شافه .. وقف من مكانه .. يالله .... كم يوم مر وهو ما شايفنه ؟... والله جنهم سنين .. كل يوم يحسبه 10 سنين .. مب متعود ع هالشي ابدا .. مش متعود سعيد ( عقب ما خذ نفس ): السلام عليكم الكل: وعليكم السلام .. تجدم سعيد .. وبدا يسلم عليهم .. لين وصل عند عمر اللي واقف مبهت .. سعيد ( مد ايده ): مبروك .. عمر : الله يبارج في حياتك .. وير عمر اخوه سعيد في حضنه .. سعيد ... كان في شي في داخله .. يقوله هذا اخوك .. هذا عمر .. اخوك العود .. اللي ضحى بكل شي عشانك وعشان اخوانه .. لكن الغرور والكبرياء اللي انزرع في داخله الفترة الاخيرة ... خلاه يشوف الدنيا سوده .. وشرات الغمامة ع عيونه .. فـ بعّد عن اخوه .. وكمل سلامه .. عمر حس بتأنيب الضمير .. بعده شال في خاطره ع اخوه .. لكن الحمدلله يوم يا .. الحمدلله يوم شفته .. الحمدلله ... عذيجة: مبروك حبيبي عمر: الله يبارج في حياتج .. مبروك عليج انتي بعد عذيجة: الله يباك في حياتك .. فديتك والله سعيد: يالله انا ساير زايد: توك ياي سعيد: ما عليه .. بس مشغول .. عذيجة: يلس بتتعشى .. سعيد: ما عليه عموه .. وقت ثاني اييج ان شاء الله .. والله ما اقدر اتأخر .. في بيت عبيد .. بو زايد ... مروان: ما تلقيتوا اتصال ؟ راشد: قلنا لك ملجوا خلاص مروان:انزين خل اييون.. عمران: وين اييون نرد البيت خلاص عبدالعزيز: هيه نرد ... نسير بيت عموه .. عمي يوسف ما طلع ؟ مروان: هزاع قالي ان بعده عبدالعزيز: اففففف راشد: بلاك متحرقص يلس ثاني: يالله بسم الله تعالوا تعشوا مروان: هيه والله اني يوعاااااان من االخاطر ثاني: هههههه تعال عيل .. راشد: يالله تعشوا وبنسير عبدالعزيز: ما ابا راشد: عبدالعزيز لا تعاند ثاني: تعال بو عمّور تعال تعشى .. الحين بييون عمران: لا تخلي عمر يزعل في اول يوم له عبدالعزيز: والله انزين ابا اسير هناك مروان: يا ولد بلاش دلع .. تعال تعشى بسرعه ثاني: ط هذا .. نحن نجحلها وهو يعميها مروان: منوه ؟ تجحل ومنوه تعمي ؟ في صالون نحن عمران: هههههه بلا استهبال .. والله محد متفيج كثرك مروان: هيه والله متفيج ليش ما اتفيج .. هذاك وملج .. نحن شوه مستفيدين والا شوه خسرانين عبدالعزيز: انا بس خسران راشد: شوه بتخسر بسم الله مروان :الحين بيألف معلقه هالطول في عمر ... معلقه رثاء ثاني: ههههههههههههههههه كيف يعني معلقه رثاء !.. مروان: ما ادري عاد فهموها .. راشد: فريد روحه فالبيت ثاني: جان يبتوه عمران: ما بغى مروان: مسوله راس بعد فريد .. يشاورونه بتيي والا لا راشد: وانته شلك مروان: يالقطو تعال كل عبدالعزيز: ما ابا مروان: سأقتلع عينيك الملونتين .. عمران: خيييييييبه تخيب العدو .. محد قالك تقنعه .. لا تقتلع ولا شي .. انته بس كل ثاني: ههههههههههه والله تظحكون راشد: ههههه هذا عمر بيقتلع عينه اليوم مروان: عين منوه عيني ؟ راشد: هيه مروان: والله انا ليش ؟ خل يقتلع عين اخوه اللي وياه فالحجرة .. عبدالعزيز: تباها من الله .. تحلم يقتلع عيني ثاني: بلاكم جلبتوا عربي فصحه مروان: نحن ما تدري . اجدادنا كتاب ونقاد .. وادباء راد: بدا بالتفلسف مروان: هههههههه هاي آثار اليوع ثاني: كل كل عيل الله يخليك .. عمران: مروان كل وانته ساكت مروان: انزين تعالوا تعشوا .. ثاني طالب هالكثر عشى .. وقايل حق اللي فالبيت يسوون ثاني: لا تصدق عمرك .. ما طلبت شي ولا قلت شي .. امايه وابويه مزهبين كل شي قبل ما يروحون مروان :انا قلت ... ثاني مب ويه اكرام الضيف ثاني: شووووووووووه ! نقعوا من الظحك كلهم ... مروان مسوي لهم جو ... وهم مسيرين وياه .. وحليله ثاني هو دايما يكون مصيدة مروان ... مرت تقريبا ساعه عقب العشا .. في البيتين .. عفرا ما طاعت عمر ايي يلبسها أي شي !... ولا هو طاع حتى يدخل .. من الطرفين كان الرفض .. فـ انتهت الليلة .. بأن لا هذا يدخل يشوفها .. ولا هي تسير تشوفه !... مدام المعاريس رواحهم ما يبون .. محد يقدر يجبرهم .. فـ بجيه .. كل حد يسير بيته ويتوكل .. وتنتهي الليلة ... اقصد العزيمة .. لـ هني الاخوان الشباب .. شافوا ان اخوهم تأخر شويه عليهم .. وما يا .. فـ قالوا بيسيرون البيت ... وهناك اييهم ويباركون له .... وفعلاً .. ردوا البيت .. وعمر وصل .. مروان يالس ع طاولة الطعام .. وعمران مجابلنه ... وعبدالعزيز و راشد فالصاله .. اول ما دخل عمر .. مروان بدا يدق ... وعمران تحمس وياه عمران: وعليك سعيد .. وعليك مبارك .. مروان: وعليك مروان .. وعليك عمران عمر: ههههههههههه عمران: مبرووووووووووك عمر: الله يبارك في حياتك فريد: مبروك مبروك .. مروان: مبروك يا عشق الامارات مبروك عمر: خيبه عشق الامارات مره وحده هههههه مروان: كفاية انك عشق هالبيت عمر: تسلم .. الله يبارك في حياتك .. ( صد صوب عبدالعزيز ) ما بتبارك لي عبدالعزيز ( سار صوبه وحضنه ) مبروك ... عمر: الله يبارج في حياتك ... راشد: مبرووووووك مبروووووووك عمر: الله يبارك في حياتك .. الفال لك ان شاء الله مروان: بعد نتريا راشد ! راشد: ليش لا .. تترياني غصبا عنك بعد مروان: بيزات عمر بتخلص عيل ... بسرعه فريد: مبروك .. مبروك عمر عمر: الله يبارج في حياتك .. عقبالك مروان: ط والله حتى فريد عقبالك فريد: انا لا لا مروان: اصلا منوه يباك انته الحين .. يالشيبة فريد: كل حد .. حتى مواطنة تباني مروان: هههههه اسمعوا انتوا هذا عبدالعزيز: هههههههه حاط عينه ع مواطنه بعد !.. يالهرم .. والله انك هرم .. كلهم ظحكوا ع عبدالعزيز .. عمران :اقولكم انا صدق صدق فيه رقاد .. اسمحوا لي يعني مروان: انا وياك .. مسموحين اكيد .. فريد :يالله يالله رقاد رقاد مروان: يالله ابوكم يقول رقاد رقاد .. بيظربنا الحين راشد: ههههههه عمر ما يصدق يسمعكم تقولون رواحكم سيروا رقدوا عمر: ههههه زين وفروا عليه الليلة .. مروان: رووووووح يا عميييييييي معرس اليوم .. محد يقدر يرفض لك طلب عمر: ههههههههه مروان والله انك حركات .. مروان: فالحركة البركة ... فريد: سير ارقد .. سير مروان :ان شاء الله عمي .. ان شاء الله عمران: بدا يألف ها .. ويخرف .. سيروا رقدوا احسن لكم .. راشد: يالله ما بتسيرون عمر :بلى .. بند عمر الليتات اللي تحت .. وتاكد من البيبان وكل شي .. عقبد ما ظهر فريد وصعد فوق ويا اخوانه .. كل واحد فيهم دخل حجرته .. دخل عمر حجرته .. وبدل ثيابه .. وانسدح حذال اخوه ... عبدالعزيز: سالم كان وياكم ؟ عمر: هيه عبدالعزيز: منوه بعد يا ؟ عمر: كلهم .. عبدالعزيز: عموه عذيجة شحالها ؟ عمر: بخير وتسلم عليك .. تدري عبدالعزيز: شوه ؟ عمر: سعيد يا هناك عبدالعزيز: صدق ؟ عمر: هيه .. عبدالعزيز: كيف درا ؟ عمر: عمران مخبرنه ... وعقب عموه قالت لي ان هي رمسته وقنعته ايي عبدالعزيز: وكان عادي وياك ؟ عمر: يعني .. مب وايد .. حسيت انه للحين زعلان عبدالعزيز: شفتها ؟ عمر: منوه ؟ عبدالعزيز ( ابتسم ) :العروس عمر ( ابتسم ) : لا عبدالعزيز: ليش ؟ عمر: هي شكلها ما كانت تبا .. وانا بعد ما بغيت عبدالعزيز: ليش ؟ اليوم ملجة مب خطوبة عمر: حتى ولو اول يوووووم عبدالعزيز: عفرا عاديييييي عمر: ما عليه مع الايام .. ان شاء الله بتعود وبتتعود .. اليوم بس خلنا ع المبايل ... عبدالعزيز: اهاااااااااااااااا ... قول جذه من قبل ... يعني اسير ارقد عند راشد عمر: هههههه لا ... جيه شوه .. لو برمس ما بخليك تسمع ... عبدالعزيز: خلاص عيل برقد عمر: ايواااااا ... تسوي خير عبدالعزيز ( ابتسم ): تصبح ع خير عمر: وانته من اهل الخير .... في بيت بو هزاع ... يالله هالكشخه و هالحشرة وهالصبغ و هالخرابيط كلها والله ما له معنى قلت لهم .. لا بشوفه ولا بيشوفني .. بس يستاهلون قفطهم هو بعد ... هه .... جني عملة نادرة الوجود وبيعرضونها ع ما ادري منوه .. والا جني تحفة .. خل يحطوني فالمتحف بعد يسوون عرض ... اووووووه شوه يالسه اخربط خلص كل شي خلاص .. وهالميكب وشليناه .. و هالبجامة ولبسناها .. وهالشعر فليناه .. آآآآآآآه اشتقت لك يا شبريتي ... اول مره احس اني برقد عدل عقب السالفة .. لان كل شي انتهى .. لكن استويت حرم الأخ عمر سيف .... نشت عفرا ... سارت تشل مبايلها من ع التسريحة .. شافت الظرف .... عفرا .. اوه هالظرف اللي سالم يابه .. خل اشوف شوه فيه .. بس برد خلني اسير انخش تحت اللحاف واشوف شوه فيه .. وفعلاً سارت عفرا ... يلست ع الشبرية ... وتلحفت .. وفتحت الظرف .. عيونها اتفتحن ويا الظرف ... خيبة .... هذا شوه يتحسب !... لاني بنت عمته يشتريني جذه .. ويدفع !.. صندوق شكبره مترسنه ويايبنه ... بالمهر والزهبة .. بعد جيه يايب هالظرف ... هذا يبا يقول يعني اني مش اقل عن بدر .. والا يبا يبين لي انه غني شوه سالفته !.. عفرا تضايقت نوعاً ما من الظرف ... لان فيه بيزات بعد .. وحولت السالفة وفسرت تصرف عمر هذا ع انها هي ما شايفه خير !.... وشافت ورقة فالظرف .. مدت ايدها ظهرتها وقرتها ... السلام عليكم .. شحالج بنت عمتيه ؟ ... شخبارج ؟ مبروك عليج .. وان شاء الله اقدر اسعدج في حياتج .. ما بطوّل عليج .. بس هالبيزات بيزات الشبكة .. قلت يمكن اللي اشتريته ما يعيبج والا شي .. فـ هذيل تقدرين تشترين فيهم اللي يعيبج .. وبيزات المهر والزهبة فالصندوق .. اذا ما كفوج .. وعد .. تقولين لي انهم ما كفوج عسب ازيدج .. تصبحين ع خير .. يا العروس ... عقب ما قرت عفرا الرسالة ... ارتاحت نوعاً ما .. هو يمكن مش قصده .. وما توقع هالشي بيجرحني ... انا يمكن فهمته غلط ... وفسرت تصرفاته غلط ... مره وحده تسمع صوت المسج ... فزت من مكانها ... عفرا: اكيد غاليه الدبة .. فتحت عفرا المسج ... انصدمت اكثر بالمسج .. اللي مكتوب فيه رقدتي؟ .. آسف ع الازعاج .. عمر هذا بدا يطرش مسجااااااات ... يا ويلي .. انا مب متعودة اسولف فالمسجات جذه الا ويا غلّوي .. ارد عليه !... ما ارد !.. ارد .. ما ارد !.. يالله عفرا عن السخافة ... الحين هو ريلج .. حلالج .. تستهبلين عليه وتذلينه عسب المسجات .... الا هو مسسسسسسج .. في بيت الشباب ... عمر حاط مبايله ع السايلنت عسب ما يزعج عبدالعزيز .. اللي تأكد انه رقد .. وعقب بدا يطرش المسجات .. فـ انتبه ع مبايله وان وصله مسج .. لا ما رقدت .. وانته شكلك مب راقد بعد !... عمر قرا المسج .. وابتسم .. وصلت لج الامانة ؟ ------ هيه وصلت .. مشكور .. بس تعبت عمرك .. ما كان له داعي هذا كله ------ افا عليج بس ... تعبكم راحة .. وهذا حقج .. ان شاء الله بس ما اكون مقصّر ----- لا لا .. ما مقصّر ولا شي .. مشكور .. وتسلم .. ----- العفو ... والله يسلمج .. ما بطوّل عليج .. ادري تعبانه وبترقدين ... وبيأذن الفير جريب .. فـ اسمحي لي .. لكن باجر بمركم البيت .. اذا سمحتي .. اذا وافقتي بيي .. واذا بعدج ما تبين تشوفيني .. فـ على راحتج .. = ) واااااااااااااااا فضيحتاه .. هذا درى اني ما ابا اشوفه .. شوه هالفشيلة والله .. من اول يوم اتفشل جدامه .. اكيد سالم والا هزاع الله يساااااااامحهم .. الحين شوه ارد عليه ؟ .. هيه لا !! اويه بصيح المسج يفشّل ... هاي ما ردت عليه !.. بلاها علقت .. يمكن ما تباني امرها .. لكن لازم ارمسها في هالموضوع .. انا صدق متلوّم .. كيف نسيت اخبرها !... وكيف نسيت اخبرهم !... استغفر الله العظيم ... احس عمريه قصيت عليهم .. قصيت ع اجرب الناس لي .. وانتبه ع مبايله البيت بيتك ... وحياك الله .. تيي أي وقت .. بـ هالمسج .. اختتم عمر الرسايل المتناقلة .. وطرش حق عفرا .. خلاص عيل .. رقدي عدل .. وارتاحي وباجر ان شاء الله نشوفج .. تصبحين ع خير .. ******** |
الجزء الـ 51 صبح يديد بالنسبة لهم ... لان شي يديد استوى في حياتهم .. شي يمكن يغير من حياتهم شويه .. ولازم يتعودون عليه ... ناشين كلهم من وقت ... بـ أوامر من عمر .. لان ع قولته مصخوها .. وهم يرقدون لين وقت متأخر ... يالسين ع الطاولة ... عمر وعبدالعزيز .. وعمران .. عمر: مروان ما نش .. مروان ( توه نازل): انا نشيت نشيييييييت عمر: صباح الخير مروان: صباح النور عمران: ما تلاحظون شي غريب ؟ مروان: بلا استهبال عمران: هههههه شدراك انه عنك ؟ مروان:ادري بك .. ما تستهبل الا عليه عمران: هههه فديتني .. عمر: من كثر ما يحبك مروان: هيه بلى يحبنيييييي عبدالعزيز: هههه حليلك يا عمران .. دوم فاهمنك مروان غلط عمران: هيه والله مروان: شوه هو الشي الغريب ؟ عمران: توك تقول ما تبا تعرف مروان: لا الحين ابا اعرف ... ونزل راشد ... راشد: صباح الخير عمر: صباح النور والسرور عمران: ان مروان نزل قبل راشد ... واول مره مروان ما يكون آخر واحد مروان: ما قلت لك ان عني عمران: ههههه والله كل واحد يعرف عمره راشد: فيه رقااااااد عبدالعزيز: آخر واحد نااااش راشد: ذلوني الحين ... اول مره .. دايما مروان يكون في هالموقع من الاعراب مروان: الحمدلله .. مروان اصطلب الحين راشد: وايد عليك اول مره عمر: يالله راشد ... سم وكل مروان: اويه ... سم !! عمران: تفكيرك غبيييييي مروان: ههههههههه اتغشمر اتغشمر عبدالعزيز: سم .. يعني قول بسم الله .. عمران علمه عمران: اعلمه بس ما يتعلم عمر: هلل شوه يعني ؟ مروان: السؤال موجّه لـ عمران عمر: لا عمران يعرف .. مروان: نحن بعد نعرف .. عمر: يالله جاوب مروان: هلل .. لا اله الا الله .. كبر .. الله اكبر .. سبح .. سبحان الله .. استغفر .. استغفر الله .. سم .. في جبد شارون وبوش راشد: هههههههههههههه وايد ترمسون .. وين فريد ؟ .. ما ياب لي جبنتي المفضلة عمران: والله هالفريد وايد مدلعنكم راشد: ابو ع الفاضي مروان: هو ابو سعيد وعبدالعزيز ... انته ليش ؟ راشد: يعني مب ابويه ؟ مروان :لا طبعا .. راشد: ليش ! مروان: جذه عمران: لو بالاصح يكون ابو عمر عمر: هو ابونا كلنا مروان: لاااااااااااااااااااااا .. عمران: وصمخ .. بلاك مروان:ابو اللي عيونهم خضر وبس .. عبدالعزيز: يعني ابو هند بنت عموه جواهر بعد .. لان عيونها خضر .. هني عمر كتم ظحكته .. وراشد تم يطالع عبدالعزيز بنظرات .. مروان: عبدالعزيز .. البس نظارة شمسية .. اخاف راشد يصيبك بعين عمران: ههههههه شوه يخصه ؟ مروان: تعكس تعكس النظرة الاجرامية هاي عبدالعزيز: هههههه بسم الله بلاك راشد: لازم تعلقون ع الناس مروان: لازم .. يوم المسألة فيها عموه جواهر وعيالها الجميلين عمر: بس خلاص عبدالعزيز: وفيها ولد عمتنا الجميل جدا والوسيم بدر عمران: بدر ما شرّف امس مروان :الحمدلله يوم ما شرّف راشد: والا جان انته وياه ... دمرتوا الدنيا عبدالعزيز: حلبة مصارعة جلبتوا المكان مروان والله ليش انا ؟ .. العداوة اللي بين بدروثاني اكبر من العداوة اللي بيني وبينه عمر: انتوا ليش جذه ؟ مب زين والله مب زين تشلون في قلوبكم ع الناس مروان: والله الناس يخلونا نضطر نشل في قلوبنا عليهم راشد: بس الواحد كثر ما يقدر لازم يحاول يغير هالصفة فيه مروان: والله ان غصبا عنا .. يعني هاللي اسمه بدر .. لا يطاااااااااااااااااااااااااااااااااااااااق عمران: اوكيه خلاص غيروا مجرى الحديث بلييييييييز مروان: اوه المطاوعة بعد يعرفون بليز كلهم ظحكوا ع مروان وعمران .. وزين انهم رواحهم غيروا مجرى الموضوع .. اللي عمر ما يحب يسمعهم يوم يرمسون عن حد .. وخصوصا حد من اهلهم .. فالمستشفى ... منوه فالمستشفى ؟ !... شمسة .. شمسة: امايه والله اني بخير .. بس اليوم كان عندي موعد ويوم ييت رقدوني عذيجة: انتن ابد ما تسمعن الرمسة شمسة: استغفر الله العظيم عذيجة: وين صالح ؟ شمسة: الحين بييب سالم .. عذيجة: قولي له .. اييب ثياب الولد هني .. وما تعاندين لا انتي ولا هو .. والا والله بخبر عليج ابوج انتي وياه شمسة ( ابتسمت): ان شاء الله .. الحين بتصل به .. عذيجة: رقدي الحين ارتاحي .. وانا بييج عقب شويه شمسة: ان شاء الله .. عذيجة: يالله مع السلامه .. والله يقومج بالسلامة ... بندت شمسة عن امها .. وتنهدت .. عرفت ان بتحصل هزبة محترمة من امها .. عسب جذه عقب ما خلصت كل شي اتصلت .. وعقب ما بندت عن امها اتصلت في صالح ... شمسة: السلام عليكم .. صالح: وعليكم السلام .. هلا .. شمسة: صالح انته وين ؟ صالح: مودي سالم بيت ابوج ... ليش ؟ فيج شي ؟ شمسة: لا ما فيني شي صالح: صدق ؟ ... شمسة: والله ما فيني شي .. بس اتصلت في امايه وخبرتها صالح: هزبتج عني ؟ شمسة: هاللي كنت تباه .. استوى صالح: هههههه ما تييون يا بنات بو هزاع الا بالعين الحمرا شمسة: انزين شليت ثياب حق سالم ؟ صالح: ليش ؟ شمسة: الله يخليك لو ما شال رد البيت وشل .. ان امايه صدق معصبه .. تقول خل سالم يبات عندهم لين اظهر .. بتهزبك لو وديته بدون ثيابه صالح: اصلا روحه شل قبل ما انا اقوله .. شمسة: تأكدت من اللي شالنه صالح: هيه شمسة: وحطيت له زيادة ؟ صالح: هيه .. شمسة: انزين انزل انته هناك .. واسأل امايه جان بتييني ... ييبها وياك .. يمكن السايق ابويه يحتايه او عفاري والا شي .. صالح: ان شاء الله .. تآمريني ع شي ثاني ؟ شمسة: لا مشكور .. في بيت بو هزاع ... عفرا ( فوق واقفة ): اماااايه عذيجة: شوه ؟ عفرا: امايه شوه تسوين ؟ عذيجة: نزلي تحت رمسي .. ونزلت عفرا .. عذيجة: شوه تبين ؟ بسير المستشفى انا عفرا: مستشفى عند منوه ؟ عذيجة: شمسة اختج .. عفرا: شموس فالمستشفى ؟ ليش ؟ عذيجة: تعبانه شويه عفرا: وانتي بتسيرين لها الحين ؟ عذيجة: هيه عيل متى اسير حق البنيه .. اهل ريلها اييونها والا شي .. بسير اودي دلل جاي قهوة عفرا: ع قولت هزاع بتبدا الجلسات الشعبية هزاع: اسمع طاري هزاع انا عذيجة: هيه ما تدري هزاع شيخ .. لازم نطريه فالميالس هزاع: فديت هالويه اللي اليوم يمدحني والله عفرا: كل يوم تمدحك بس اليوم ! عذيجة: بديتوا انتوا ! هزاع: هاي اللي ما تستحي ... سيري والله عند ريلج خل يمدحج عفرا: هزاعوووووو يالسخيييييييف عذيجة: الله اكبر .. استحي ع ويهج يا بنيه لا تصارخين عفرا: اسمعي ولدج قبل شوه يقول .. بسير فوق احسن لي هزاع: لا والله مب احسن .. قولي الا تبين ترمسين غاليه الحين عفرا: هيه .. ابا ارمسها عندك مانع هزاع: لا والله لا مانع ولا عتيبة ع قولت سالم .. انا بس هزاع واحد فالبيت .. عفرا: هه وايد مصدق عمرك .. هزاع: ما عليه يا عفاري ما عليه .. بتحتاييني في يوم من الايام عفرا: الحمدلله ما بحتايك .. ع ذمة ريال انا هزاع: ويه بدينا ندافع عفرا: ليش مب هذا اللي كنتوا تبونه عذيجة: بسكم بسسسسسسكم هزاع: بذكرج انا عقب بعد عذيجة : بتسكت انته والا ( وفرت عليه قوطي الكلينكس ) هزاع: افا .. عفرا: هههههههه ويوووووو ظربوه حليله هههههه عذيجة: انتي سيري فوق سيري هزاع: بنشوووووووف يا عفاري لو تيين تبوسين ريلي ما بسوي لج الشي ... عفرا: بنشووووووف وسارت عفرا فوق ... دخلت حجرتها .. وارتمت ع شبريتها مثل ما يقولون .. ومسكت مبايلها في ايدها .. عفرا: الوووووو غاليه: هلا والله بالعروس عفرا: اهلا وسهلا غاليه: شحالج ؟ عفرا: الحمدلله بخير .. انتي شحالج ؟ غاليه: تمام التمام عفرا: والله صدق ما تستحين غاليه: هههههه جيه عاد ؟ عفرا: ليش ما اتصلتي امس غاليه: عفاري تخيلي !.. هو اتصل بج ؟ عفرا: لا .. طرش لي مسجات .. غاليه: قولي والله عفرا: والله بالمسجات تفاهمنا غاليه: انا قلت هو بيتصل .. وجيه .. فـ عيب يعني عفرا: قومي زين .. صدق انج حركات غاليه: هههههه خلاص لازم نغير روتينا اليومي عفرا : آآآآآآآه لا تذكريني .. غاليه: حلو حلو .. عفرا :تدرين شوه فالظرف ؟ غاليه: شوه ؟ عفرا: بيزات حق الشبكة .. غاليه: مب ياب لج طقوم ! عفرا: اونه يمكن ما يعيبج .. سيري اختاري ع كيفج وخذي لج غاليه: ههههههه حليله .. جدا رومانسي عفرا: هيه وااااااايد غاليه: والدليل انه امس اصر انه يشوف زوجة المستقبل .. شويه وتفز من مكانها .. عفرا: لاااااااااااااااااااااااااااااا يا ويلي .. غاليه: بسم الله الرحمن الرحيم بلاج ؟ عفرا: اليوم بييييييييي غاليه: صدق ؟ .. زين والله زين لا في تطور عفرا: تطور في عينج غاليه: يعني عفاري بلا هالحركات .. خلاص هو ريلج عفرا: ط منوه يرمس انتوا .. سكتي سكتي غاليه: هيه والله .. اخاف ايي اليوم وانحط انا في مكانج عفرا: بيي حبيبتيه عقبي ع طول اصبري انتي بس .. غاليه: ههههههه قومي زين عفرا: غاليه انا في مصيبة غاليه: شوه سالفتج انتي عفرا: شموس اختيه فالمستشفى غاليه: حليلها ليش ؟ عفرا: ما علينا من شمسة الحين .. امايه بتسير لها المستشفى .. وابويه محد .. ووجوده ما بيغير شي .. وهزاع الزفت توني مظاربة وياه .. سبحان اللللللللللللللللللله حظي التعيس .. يقولي بتحتاييني وبتبوسين ريلي ولا بسوي لج شي غاليه: لحظة ما فهمت وليش هذيل كلهم تحتاجينهم ؟ عفرا: غلّوي يعني بيي .. تخيلي روحي اجابله غاليه: وليكون انتي تبين تدخلين حد وياج يراقبج فالميلس عفرا: اخاااااااااااف غاليه: انتي سخيفه عفرا: وانتي اسخف وما تحسين غاليه: ههههههههه عندي فكرة عفرا: قولي غاليه: بقول حق زايد اخويه ايي وياه ههههههههههههه انتي عادي ويا زايد عفرا: مالت عليج ... تبا امن الدولة .. و وزارة الداخلية .. غاليه: ههههههههههههه حلوة عفرا: انتي فاضية تظحكيييييييين غاليه: يعني شوه تبيني اسوي بج ! عفرا: ساعديني غاليه: والله ما عندي شي ولا اعرف شوه اقولج .. عفرا: ههههههههه غاليه: بلاج تظحكين عفرا: تصدقين .. في جملتين .. مرتين كتبهن لي غاليه: وين كتبهن لج ؟ عفرا: جملة فالرسالة اللي فالظرف .. ونفسها فالمسج غاليه: شوه ؟ عفرا: اوكيه ما بطول عليج .. غاليه: وايد يحاتي حليله عفرا: بسمّيه .. ( ما بطوّل عليج .. عمر سيف ) .. توقيع وختم بعد هذا غاليه: هههههه يالسخيفه من اولها ! عفرا: هههه عيل اخوانه يلقبوني ام الدويس والنحسة .. غاليه: الله يعين الحرب اللي بتقوم الحين .. بينج وبينهم ... تحت .. هزاع: الناس اييون المغرب .. العشا مب اول ما قال المؤذن الله اكبر حق صلاة العصر انتوا تعفدون علينا فالبيت سالم: والله امييييييه اللي هي اختك فالمستشفى .. هزاع: اونه ! ودخل صالح صالح: هود هود هزاع: هدا ما في حد صالح: السلام عليكم .. عيل وين الشعب ؟ هزاع:اول ناس انتوا صالح: هههه شوه نسوي هزاع: صدق شموس فالمستشفى ؟ صالح: هيه هزاع: بلاها ؟ صالح: تعبانه شويه هزاع: ما تشوف شر صالح: الشر ما ايييك .. هزاع: انته الحين بتسير لها ؟ صالح: هيه وين عمتيه ؟ ... هزاع: سارت تلبس عباتها .. صالح: بتيي ويايه ؟ هزاع: والله ما ادري .. ه قالت بسير ما ادري شوه اسوي .. وما قالت لي انا انها تبا تسير .. سالم: خالي هزاع هزاع: هلا سالم: وين خالوه عفاري؟ هزاع: فوق خالوه عفاري سالم: وين البلاي ستيشن ؟ هزاع: في حجرتيه .. جان تباه سير خذه .. لكن ما ادق شي ثاني .. سالم: اوكيه بسير اييبه العب هني فالصاله ... وظهرت ام هزاع .. عذيجة: مرحبا فديتك صالح: شحالج عمتيه ؟ عذيجة: الحمدلله بخير .. انتوا شحالكم ؟ صالح: الحمدلله سالم : شحالج يدوه ؟ ( وسار حب راسها ) عذيجة: الحمدلله .. صالح يبت حقه ثياب ؟ سالم: هيه هيه .. انا روحي يبت لي .. حق 10 ايام هزاع: خييييييبه !... 10 ايام جيه تبا ترقد اختيه فالمستشفى ! عذيجة: هذا بكيفه جنه الا هو دكتور .. سالم: خل ترقد هناك ترتاااااااح صالح: هيه انته تباها من الله عسب اتم هني .. انته بس اشّيطن وخل حد يخبرني انك لعوزته .. بشلك انته وقشّك وبفرك بيت ابويه انا .. سالم: لاااااا .. كله ولا بيت ابووووووك .. لو سمحت هزاع: ههههه صدق ما يستحي صالح: ههههه بايعنها وايد عادي ماخذ الموضوع هزاع: اشوفه صالح: عموه يالله بسير بتين ويايه ؟ عذيجة: هيه بيي وياك .. صالح: يالله عيل عذيجة: عفرااااااا .. عفاري من فوق .. عفرا: شوه اماااااااايه عذيجة: انا بسير .. ما في حد فالبيت .. غير سالم .. شوفيه .. واذا تاخرت والا شي ... قولي حق البشاجير يسوون العشا ويزهبونه اكيد خواتج يمكن اييون عقب ... عفرا:ان شاء الله .. بس امايه .. اباج .. عذيجة: شوه تبين بي ؟ هزاع: بدينا بالدلع عفرا: تعالي فوق بقولج شي .. عذيجة: وين ايي يا عفرا انتي تعالي عفرا: امايه الله يخليج انتي صعدي شويه صالح ( ابتسم): سيري لها عموه .. انا بترياج فالموتر ... عذيجة:الله ياخذ عدوج يا عفرا ... وسار صالح برع .. وصعدت عذيجة فوق .. عفرا: امايه عذيجة :شوه تبين ؟ عفرا: عمر بيي اليوم عذيجة: حياه الله عفرا: شوه حياه الله ؟ ... ما في حد فالبيت عذيجة: هزاع هني ! عفرا: هزاع بيظهر ويا مروان اكيد .. ما بيتم عندي ... وبعدين .. انتوا محد شوه اعشّيه ؟ عذيجة: انزين انا بتصل المطبخ وانا سايرة وبقول لهم يسوون عشا ... عفرا: خواتي بييون ؟ عذيجة: ما ادري والله .. بس اكيد بيسيرن المستشفى عفرا: انا ما بمسك عيالهم اقولج .. ما عندي أي استعداد .. ورياييلهم جان بييون ييلسون فالصاله .. هو بييلس فالميلس عذيجة: انزين انزين عفرا: لا تنسين تتصلين المطبخ .. ولا تتأخرين .. واحسن بعد لو رديتي قبل ما هو ايي عذيجة: أي اوامر ثانية ؟ عفرا: لا خلاص .. بس بسرعه ردي عذيجة: ياهل ياهل انا مودره فالبيت عفرا: هيه انا ما اعرف اتفاهم ولا اتصرف .. اول مره .. جيه كم مره معرسه ؟! عذيجة: بس انزين مطول لسانج .. قلت لج انا بتصل المطبخ وبقول لهم شوه يسوون .. بس انتي اول ما يقول المؤذن الله اكبر حق اذان المغرب .. سيري بخري الميلس .. وعطريه .. وتأكدي ان شغل البشاجير عدل .. عفرا: ان شاء الله عذيجة: واتصلي بي اذا بغيتي شي .. واذا احتايوا شي فالمطبخ .. قولي لهم يتصلون فالسايق اييب .. يمكن ابوج بيرد قبل بعد .. عفرا: انزين .. سلمي ع شموس وقولي لها اسمحي لي .. ما بطول عليج .. عمر سيف بيي عذيجة: شوه شوه ؟ عفرا: هههههههه ما شي .. عذيجة: والله انج حركات .. يالله فمان الله .. عفرا: مع السلامه .. غاليه: امااااااااااااايه ام زايد: شوه انا هني غاليه: ماماتي .. ام زايد: هلا غاليه: شمسة بنت عموه عذيجة فالمستشفى ام زايد: ويه بسم الله .. بلاها ؟ غاليه: عفاري تقول تعبانه شويه .. ام زايد: حليلها شمسة .. من يوم حملت وهي تعبانه غاليه: هيه ... حليلها .. بتسيرين لها ؟ ام زايد: عذيجة سارت ؟ غاليه: عفاري قالت لي.. ان هيه عموه بتسير .. ام زايد: عيل خل نسير نحن بعد غاليه: بتسيرين لها ؟ ام زايد: هيه ما بتين .. غاليه: بييج ام زايد: عفرا سارت ؟ غاليه: لا عفرا ما تقدر .. عمر بيمر عليهم البيت ام زايد: اها .. خلاص عيل ... سيري تزهبي .. بشوف اخوانج والا السايق جانه فاضي يودينا .. غاليه: ان شاء الله ... سارت غاليه فوق .. وهي سايرة .. حست حد يمط شعرها .. غاليه: آي آي آآآآآآآآآآآآآآآآي ثاني: بل وايد رقيقة ما يريته بالقو غاليه: ثاني يالدب يعور ( وفتحت شعرها لانه اخترب) ثاني: ما يعور ولا شي انتي رقيقة غاليه: انزين رقيقة جيه تير شعري ثاني: بس جذه غاليه: لا والله ! ثاني: انتي تعالي قاصتنه ؟ غاليه: لا .. ثاني: شكله مقصوص غاليه: مرتبتنه من تحت ... ثاني: يا سلام غاليه: يا مدام .. شوه فيك ؟ ثاني: الود ودج تقصينه غاليه: لا والله ما احب الشعر القصير .. وبعدين تعال ليش مهتم وايد ثاني: انا بعد ما احب الشعر القصير غاليه: يعني ندور لك وحده شعرها طويل .. ثاني: نعم نعم .. اذا فكرتواااااااااا فالمستقبل البعيييييييييييييييييييييد الامد ان شاء الله .. يعني هذا اذا فكرتوا وانا قلت هيه .. في عام 3010 غاليه: شووووووووه ثاني :هههههههه هيه عيل متى تبيني اعرّس ؟ غاليه: 3010 نحن كلنا بنكون ميتين ثاني: شدراج انتي !... ما تشوفين الانجليز .. هذيج اللي عمرها 10 قرون للحين عايشه ! غاليه: هو صح الواحد ما يدري .. بس وايد بالغت 3010 .. حتى لو عشت .. محد يباااااااك شيبة متكسر ريلك والقبر ثاني: ههاااااااي .. حبيبتيه عقب يبوني .. بكون تحفة نادرة .. غاليه: ههههههه وان شاء الله يوم بتاخذك بتحول بيتها الى متحف .. بتحطك انته التحفة الاثرية النادرة .. وبتحط حذالك لاب توباتك .. هههههههههههههههههه ويلست غاليه ع الارض تظحك ثاني: هههههههه بلاج يا خبلة غاليه: ما اقدر اتخيل هههههههه ثاني: والله خبلة مستويه .. قومي من ع الارض ... وظهر زايد .. زايد: شوه تسوون ؟ ثاني: اختك غاديه خبلة زايد: بلاج غاليه غاليه: اخوك يقول بعرس سنة 3000 هههههههه حرمته بتحول بيتهم الى متحف .. لاقتناء الأثريات النادرة زايد: هههههههههههه وايد عيبتج السالفة ... ثاني: انته تشوف !.. الدرجة انها يالسه ع الارض وتظحك غاليه: لا والله .. لو سمعته يرمس بكل ثقة .. وتخيلته يعني في سنة 3000 ع قولته .. يالس ع اللاب توب . . وهو عمره ما ادري كم عشر طعشر قرن زايد: هههههه ما نستبعد عن ثاني ثاني :الله يقدرنا .. زايد: ع شوه الزاوج ؟ ثاني: له له له .. بعيد حبيبي عني .. بعييييييييد .. ع قولت الكويتيين .. اللهم يا كافييييييي غاليه: ما يخصه ثاني: يخصه زايد: الله يعين اللي بتاخذك صدق ... اشفق عليها ثاني: وييييييه جيه تشفق عليها ؟ .. باخذ لي خبيرة كمبيوتر .. تعلمني واعلمها .. بعد انا بعلمها احسن .. اكيد يعني شي طبيعي .. بنات اليوم ما همهن ولا يعرفن شي غير المسن غاليه: شوه تقصد ثاني: ما اقصد شي غاليه: وشباب اليوم .. مب همهم ولا يعرفون الا الهياته فالسناتر .. وتضييع الوقت .. ولا يندلون بيوت اهلهم يزورونهم شويه .. وسارت غاليه حجرتها .. اما زايد نقع من الظحك ع ثاني ... زايد: هههههه تستاهل .. والله روحك تعق عمرك في مشاكل .. وتييب حق عمرك الرمسة ثاني: تدري زايد زايد: نعم يا ثاني ؟ ثاني: اختك لسانها مستوي طويل زايد: بالعكس .. بدت شوي شوي .. تكون جريئة ثاني: جريئة عليه ! زايد: تدرب فيك .. هههههه ثاني: حلوة هاي تدرب فيه .. وعليه .. وليش مب انته ؟ زايد: تدري ما اهون عليها اطول لسانها عليه .. والا تقولي شي .. وتقفطني .. ثاني: والله !.. وانا يعني اهون عليها زايد: هي ما قالت شي غلط .. هي قالت اللي تشوفه جدامها ثاني: اخ بس اخ .. انته وهي ادري بكم تخططون من تحت لين تحت .. متعاونين عليه .. يا ظلّام زايد: بسم الله عليك يا اخويه .. انته ابد مب متعاون علينا .. ماخذ امايه في صفّك ثاني: وانتوا ابويه الـ Big Boss زايد: ابويه بيج بوس يا ويهك 1 ثاني: هههههه عيل منوه زايد: والله محد غيرك بيج بوس في هالبيت .. ثاني: احم احم .. شكرا على المدح يالسه في حجرتها ... ميته من الزياغ ... يمكن قرارها ... يدمّر حياتها .. وما تعتقد انه بيعمرها .. وبيخليها تكون احلى من العيشه اللي عايشتنها .. انفتح باب الحجرة فجأة .. جواهر: انته شوه تبااااااااا ... يا بدر بدر: هديني امايه هديني هند: شوه السالفه ؟ جواهر: بدر صل ع النبي .. بلاك انته بدر: انتي تعالي بخبرج .. كيف ترفضين حمدان ؟ هند: هاي حياتي بدر: شوه يعني حياتج ؟! هند: مثل ما انا ما ادخلت في حياتك انته ما لك حق تدخل في حياتي بدر: حلو حلو .. تبين تدخلين في حياتي بعد ؟ ... انا مش غبي شراتج .. ادوس النعمة بريلي هند: والله محد دايس النعمه بريله غيرك ... وانته ما يخصك فيه بدر: ما يخصني فيج !... هند: هيه ما يخصك فيه .. بدر: كيف ترفضين حمدان وتوافقين ع راشد ؟ هند: انا استخرت بدر: استخرتي في عينج .. انصدمت هند .. قام يتمادى اخوها شويه .. ويطول لسانه بزيادة .. جواهر: بدر بس ... هند: يوم ان استخارتي في عيني .. عيل انته وين استخارتك ؟ انته استخرت يوم اخترت البنيه اللي كنت تباها ؟ .. بدر: انتي ما يخصج فيه هند: ولا انته لك خص فيه .. عندي ابو يمنعني .. وهو بعد ما له حق يمنعني .. الا بسبب مقنع بدر: وانتي ما لج حق ترفضين عيال الكبّاريه اللي تقدموا لج الا لسبب هند: اسبابي واضحه بدر: لا اتمين تكررين رمسة المسلسلات الحين .. وابا اعيش باستقرار .. وابا اعيش فالبلاد وما ابا اسافر وايد .. هند: اذا انته تعتبر رمستيه .. رمسة مسلسلات .. فـ هاي مشكلتك مش مشكلتي بدر: راشد هذا مب من مقامج .. ولا من مستواج هند: بغيت والا ما بغيت ... راشد يستوي ولد خالك .. ودمه في عروقك .. ودمك في عروقه .. وما تقدر تنكر هالشي بدر: اتخسي الا هو .. واتخسي بعد .. لو يصعد فوق وينزل تحت .. ما يوصل لمستواي هند: اصلا انته انسان مغرور .. وشايف عمرك .. ومغتر بأصلك وفصلك .. جنك الوحيد ولد ناس وعز وعيال الناس كلهم تحت نعالك ! بدر: يا حيوانه .. الا هالعايلة ما اباهم يناسبونا ما اباهم .. هند: ليش لان اخوهم خذ اللي خطبتها ؟ بدر: صدق انج دنيئة يا هندو .. برمستج هاي جواهر: بدر بس .. اسكت .. صخ .. استحوا ع ويوهكم .. خيلوا الحيا شي زين ... انا واقفة .. بدر: وانتي تدافعين عنها لانها موافقة ع ولد اخوج .. ولد التافهين ؟!.. محد توقع .. في يوم .. والا في لحظة .. يستوي هذا كله .. وتنتهي هالمسألة ... بصفعة جواهر لـ ولدها .. جواهر: تماديت وايد .. ومحد تافه غيرك ... وهلي تاج فوق راسك .. وراس ابوك بعد .. اطلع برع من هني .. اطلع برع .. بدر: تصفعيني امايه عسبهم ؟! جواهر: وادوسك تحت ريلي .. بعد ... قم عن ويهي يا بدر لاني ما ابا اشوفك .. قم .. فعلاً ظهر بدر من الحجرة .. و وراه جواهر بعد .. اما هند فـ يلست ع الشبرية .. فعلا اللي توقعته استوى .. لكن ما كانت تتوقع ان امها تمد ايدها ع اخوها ... ابداً ما توقعت .. راشد ... نازل من فوق .. راشد: عمران .. عمران: هلا راشد: وين الباقين ؟ عمران: كلهم طلعوا راشد: وين ساروا ؟ عمران: مروان سار ويا هزاع .. وعبدالعزيز وعمر بيت قوم عموه راشد : اونه !.. عمر ساير بيت عموه عمران ( أبتسم ): هيه خلاص اتغير روتينه راشد: يالله .. الله يوفقه عمران: ان شاء الله .. انته وين بتسير ؟ راشد: بطلع ويا عوض ربيعي عمران: اها .. راشد: وانته ؟ عمران: بسير ويا احمد .. راشد: هو بيمرّك ؟ عمران: هيه ... راشد بسألك سؤال راشد: اسأل عمران :انته للحين زعلان من سعيد ؟ راشد ( تنهد ): كنت زعلان .. اما الحين لا .. عمران: اكيد ؟ راشد: هو صح انا وايد تضايقت من رمسته هذاك اليوم .. آخر شي توقعته ان سعيد يتهمني هالتهم الباطلة .. وما عطاني فرصة انا ارمس .. وفر الصورة في حضن عمر .. يعني حركة مش حلوة عمران: بس سعيد يتم اخوانا راشد: طبعا .. ومنوه قال غير هذا ؟ .. سعيد مهما يسوي او أي حد فيكم مهما يسوي .. انا ما بزعل منه طول عمريه .. يمكن نفس الوقت احط في خاطريه .. كم يوم .. وعقبها عادي .. اصلا نحن تعودنا ع انا ما نزعل من بعض عمران: يعني لو سعيد ايي الحين .. عادي بتاخذ الموضوع ؟ .. نفس الوقت .. انفتح باب الصاله ... واقف جدامهم بنظارته الشمسية .. تجدم ودخل ... ويلس .. وفصخ نظارته وعقبها سلم .. سعيد: السلام عليكم .. عمران: هلا وعليكم السلام .. اطالع راشد صوب .. عمران... هذا كان قصده بالسؤال !... يعني يدري انه بيي !.. راشد: اهلاً.. سعيد: شكلك متفاجئ راشد: لا ابداً.. ليش اتفاجئ .. البيت بيتك في أي وقت .. تدخله ... حياك عمران: ولو يا سعيد .. البيت بيتك شرات ما يقول راشد .. سعيد: مبروك عليكم ملجة اخوكم راشد: مب اخوك ؟ سعيد: يقولون ..... المهم .. بس مريت اسلّم.. وقولوا حق عمر .. سعيد للحين مب ناسي حقه اللي كلته .. فمان الله .. رد لبس نظارته وظهر .. راشد: ياي عسب هالكلمتين ؟ عمران: استغفر الله .... انتوا بلاكم ؟ ليش جذه جلبتوا ع بعض مره وحده ؟ راشد: نحن ما جلبنا .. وكلام مروان شكله صح .. كله صح عمران: مروان شال في قلبه ع سعيد راشد: طبعا بيشل .. يوم سعيد ما يعترف بغلطته الحين حسيت بمدى غيظ مروان .. سعيد قام يغلط علينا وهو اللي يبدا .. وعقبها ما يعتذر .. اوكيه ما نبا اعتذاره .. لكن يزيد الطين بلّه ! عمران: وانتوا لازم تحاولون تحلون المشكلة هاي الحين ... بروحكم بدون تدخل عمر ... عمر الحين مب فاضي حقنا خلاص راشد: ولا انا فاضي حق سعيد .. وسعيد حاط ع عمر ... ما ادري ليش ؟ .. عمران: انا حاس ان مستوي بينهم شي راشد: وانا بعد .. عمران: الله يستر .. راشد: ما اقول غير الله يعين عمر .. الله يعينه .. فالمستشفى ... عذيجة: وين خليتي بنتج ؟ آمنة: عند ابوها .. عذيجة: ويه .. كيف عند ابوها ؟ حصه: امايه لازم تقولين حق سلامة هالرمسة مب امون .. امون عادي تعود ريلها يمسك بنتها سلامة: ومنوه قالج حاطه ولدي عند ريلي ؟ عذيجة: وين عيل ؟ سلامة: عند امه ... عمتيه عذيجة: زين والله حصه: ههههه في تطور سلامة: بتهديدات طارق غاليه: هههههه انا استغربت بعد شمسة: ههه و انا قلت مب من الله سلامة بتودر ولدها سلامة: والله قام وايد يهزبني .. يوم اقول لا .. والا ما بحط الولد عند هذا وهذاك .. والا اصيح يوم يمرض .. والا اقوله لا تسوي جذه فيه والا جذاك ام زايد: مب زين جذه يا اميه سلامة: عموه اخاف والله اخاف عذيجة: زين يسوي فيج سلامة: امايه ! عذيجة: هيه ما شي امايه ما امايه .. انتي وايد خوافة وجبانة .. وتعلمين الولد شراتج سلامة: يزاي اني اخاف عليه عذيجة: هذا واحد وانتي جذه .. باجر بييج الثاني والثالث والرابع .. بعد شوه بتسوين ؟ ام زايد: هاي انا وانتي كنا .. مب هذيل .. غاليه: حطن علينا عذيجة: والله صدق .. باجر بتييبين غيره .. آمنة: بتغدي ليل ونهار ... تصيح سلامة .. عذيجة: هيه اثاريها بتسوي الا جذه .. ام زايد: هههه حليلج يا سلامة حصه: امايه عفرا جيه ما يت ؟ عذيجة: عفاري .. ابويه ريلها بيي اليوم آمنة: ما تشوفينا مشردين عيالنا غاليه: ربيعتيه جيه مربية سلامة: هيه مربية .. تربي عيالنا .. شمسة: ههههه اونه دوروا لكم حد يمسكهم من الحين .. عفاري خلاص سلامة: هيه والله حصه: اونه في تطور .. عذيجة: ما ادري شوه بتخبص الحين فالبيت آمنة: لا عفاري تعرف تصرف غاليه: وايد حطيتوا عليها حليلها ام زايد: اول مره انزين .. ما تعرف البنيه عذيجة: تقولي ما اعرف .. يا بنيه شوه ما تعرفين .. اونه امايه انا ما اعرف .. وردي بسرعه .. ما بيلس روحي آمنة :هههههه خبلة .. والا امس تقول حق هزاع .. بوقع وعقب اذا قالي طالق يعني مطلقة .. عذيجة: اعوذ بالله شوه هالفال ! آمنة: مب انا اللي قلت .. هي روحها قالت والله غاليه: عفاري تسهبل والا تستهبل ! شمسة: انصحيها انتي ربيعتها غاليه: وين حليلي ما تسمع رمستيه سلامة: عفاري تفتن ع غاليه فتنه تسكتها غاليه: هههههه هيه والله حصه: ههههه بتخبله وياها سلامة: واحد من الاثنين شمسة: اعرف شوه بتقولين سلامة: هههههه اما عفاري تخبله .. او هو يعدلها عذيجة: ان شاء الله الثانية .. خل يعدلها ويصلبها شويه .. آمنة: لا عفاري ما شاء الله علينا ... مسنعه عذيجة: هيه وايد حصه: ههه حليلها .. في بيت بو هزاع ... مختبصه ... وما تعرف شوه تسوي .. ومن الصبح تفكر شوه تلبس .. وشوه تحط وشوه تسوي ؟ ... شلت مبايلها واتصلت الميلس عفرا: أليس خلصتوا العشا ؟ أليس: YES عفرا : اوكيه .. يوم بقولكن ييبن العشا الميلس .. وزهبيه ورتبيه انزين .. أليس: OK عفرا: ووين المدخن ؟ أليس: know saly will brink it عفرا: اوكيه باي ... بندت عفرا عن أليس الا وسالي الخدامه الثانية .. ادق الباب يايبه المدخن ... خلصت كشختها وتعطرت .. وادخنت ... نزلت تحت .... سالم: ويه ويه ما نروووم .. وين بتسيرين عرس ؟ عفرا: عرس اونه ... شايف وحده تسير عرس بجلابية ؟ سالم: هيه عادي .. تحت العبا .. عفرا: لا حبيبي مب سايرة العرس سالم: وين بتسيرين ؟ عفرا: مسؤول عني حضرتك سالم: هيه محد فالبيت غيري عفرا: هذا من سوء حظي التعيس .. انك انته بس فالبيت سالم: خالوه عفاري .. امايه متى بتظهر ؟ عفرا: والله ما ادري .. جان سألت ابوك سالم: اباها اتم وايد فالمستشفى عفرا: الله ياخذ عدوك يا سالم ادعي ع امك سالم: لااااااااا ما ادعي عليها ... والله ما دعيت .. اقصد يعني عسب اتم هني عندكم عفرا: ونحن زيارتك هاي .. وايد تشرفنا بها .. وما نباها تطول سالم: شكرا .. عفرا: بسير ادخن الميلس سالم: منوووووه بييييي ؟ عفرا: عمر .. سالم: أي عمر بعد ؟ عفرا: عمر سيف ما تعرفه ؟ بلا استهبال سلّوم ! سالم: اهاااااا .. وانا اقووووول .. عمر سيف بعد عفرا: هيه عمر سيف .. سالم: اهاااااا يعني عمر سيف بيي عفرا: سر زين .. اخرتني .. سالم: سيري سيري .. ما تبيني ايلس وياكم عفرا: لا شكرا .. سعدنا بتقديمك خدماتك وعرضها علينا سالم: مجاناً عفرا: عرض مغري لكن شكرا .. تبا تدمر الدنيا بعد .. روحي ما ادري كيف بجابله .. وظهرت عفرا من الصاله .. وسالم يظحك عليها .. اول مره خالته تكون ع قولت هزاع هالوقت كاشخه جذه .. الا دوم ببجامتها ويالسه تحت .. وتظارب وياه .. اليوم بيفتقدون حشرتها لـ بضع ساعات .. سارت عفرا الميلس .. وفتحت الليتات .. شافت كل شي مرتب... بدت ادخّن المكان .. وتحوط فالميلس .. عسب بسرعه تنتشر ريحة العود .. سياسة عفرا !... يايه بتظهر المدخن من الميلس .. اول ما فتحت الباب ... لقت عمر في ويها .. وبحركة عفوية من عفرا .. عضت ع شفايفها وتمت متسمرة جدام الباب .. عمر: آسف .. عفرا: لا انا آسفة ... عمر: ييبي عنج عفرا: لا والله .. ما شليته ... روحي بوديه عمر: وين تودينه ؟ ما عليه حطيه هني الحين .. عفرا: لا ما عليه .. بحطه ع الطاولة .. وردت عفرا داخل .. وحطت المدخن ع الطاولة .. وهي محمرة ومفتشلة من الخاطر .. وما عرفت شوه تسوي .. تمت واقفه .. وعمر واقف عند الباب .. عمر ( ابتسم ) : احم احم ... ما بدخلينا ؟ عفرا: لا .. اقصد .. بلى حياك .. تفضل .. حياك الله .. دخل عمر .. ويلس .. حس ان عفرا شويه مرتبكة .. قال بيبدأ يسولف .. عمر: دخلت .. واعتفسنا .. ونسيت اسلّم .. واسأل عن حالج .. السلام عليكم عفرا: عليكم السلام .. عمر: شحالج ؟ عفرا: الحمدلله بخير .. ومن صوبك ؟ عمر: والله تمام .. عفرا روحها مب متهيئة نفسيا مثل ما يقولون .. اول مره تيلس ويا هالانسان ع انفراد .. ومره وحده في حياتها تعاملت وياه يوم فالمزرعة فقط .. والا هي وين وعمر وين !.... عمر: طرشت ع مبايلج مسج قبل ما اوصل بـ 5 دقايق .. شفتج ما رديتي اتصلت في عموه .. قالت لي ادخل الميلس ع طول وهي بتتصل بج عفرا: هيه .. عمر: هيه !! يعني شفتي المسج ؟ عفرا: هيه .. اقصد لا .. ما شفته .. مبايلي نسيته فالحجرة .. ونزلت تحت انا .. ونفس الوقت سمعوا صوت الباب .. دقة عجيبة !.. سالم: هل من الممكن ان ادخُل ؟ عفرا .. وامصيبتاه سالم ياي .. يكملها الحبيب .. روحي مب ناقصة .. حاسه ويهي بينفجر منه الدم .. عمر: ما بدخلينه ؟ عفرا: هيه نشت عفرا وبطلت الباب .. وهو ما جذب خبر ودخل داخل .. سالم: السلام عليكم .. عمر: هلا وعليكم السلام سالم: هلااااااا النسيب .. شحالك ؟ عمر: ههههه الحمدلله تمام .. انته اخبارك ؟ سالم: الحمدلله بخييييير ... وين عبدالعزيز ؟ عمر: سار بيت عمي عبيد سالم: اونه ! عمر: هيه سالم: جيه ما يبته هني ؟ عمر: هناك طالبينه قبل ... وهو روحه قال بيسير هناك .. سالم: اونه بعد زايد عليه الطلب عمر: ههههههه سالم ( صد صوب خالته ) : خالوه عفاري .. مبايلج حشرنا .. رنته واصله لين تحت .. وامج حشرتنا بعد .. واتصلت 50 مره البيت .. تسأل عنج عفرا: اوكيه .. خلاص شكرا .. سالم: شكرا يعني اطلع ؟ عفرا: لوسمحت !.. سالم: اوكيه .. يالله مع السلامه عمر سيف .. تقفطت عفرا من الخاطر .. محد يقول جدامه شي هذا !... يفضح الواحد عمر .. الحين كيف افتح وياها الموضوع .. يا الله .. رحمتك يا رب .. نفس الوقت رن مبايل عمر .. عمر: عن اذنج دقيقة ... عفرا: ما عليه خذ راحتك .. بس بسير دقيقة وبرد .. عمر ( ابتسم ): اوكيه .. وظهرت عفرا من الميلس .. تحول ويه عمر المبتسم .. الى وجه شاحب مثل ما يقولون .. بظهور عفرا ع طول ... عمر: الو .. زايد: وينك ؟ عمر: هلا زايد زايد: يبت عبدالعزيز وسرت ؟ عمر: ياي اشوف العروس زايد: ويه ويه هههههههه عمر: بديت بالحركات زايد: عيل ما بنطول عليك .. بخليك عمر: لا عادي سارت هي .. زايد: انزين الحين بترد عمر: زايد .. زايد: هلا .. عمر: خلاص عقب برمسك .. زايد: اوكيه مب مشكلة اول ما تظهر من بيت عموه اتصل بي .. او طرش لي مسج .. وانا بتصل بك عمر: ان شاء الله .. زايد: يالله فمان الله .. ردت عفرا الميلس .. وفي ايدها صينية العصير .. عصير فرش .. ومزينين الكاسات بعد ... بالفواكه وحركات .. عفرا: تفضل .. عمر: مشكورة .. عفرا: العفو .. ويلست عفرا ع صوب .. الحين لازم ارمس .. وايد مصختها ... خلاص لازم اتعوّد ع هالجو المتكهرب ... يمكن عيبه الوضع وكل يوم يا ... شسوي عقب !... يا ربي يا عفاري شوه هالورطة اللي ورطتي عمرج فيها .. لا بـ عمر سيف الهادي .. بو القواعد .. والانظمة واللوائح .. ولا بـ بدر .. اللي لو كان هو الحين يالس .. جان دفان انا وهو .. ظرابة .. عمر: احم احم .. انتبهت عفرا لـ عمر .. عمر: في شوه سرحانه ؟ عفرا: ما شي .. عمر: حلوة السلسلة اللي في ايدج .. عفرا: هاي ؟ عمر ( ابتسم ): هيه عفرا: ما تغلى عليك .. عمر: هههههه لا لا .. شوه اسوي بها ؟ عفرا: ما بتلبسها طبعا عمر ( اطالعها عمر بنظرة استغراب ): طبعاً ! عفرا: ممكن مبايلك لو سمحت ؟ عمر: تفضلي .. عفرا: اوكيه بما ان عليها حرف الـ A فـ هو حرفك بالانجليزي بعد عمر ( ابتسم ): حرفي مب A حرفي O عفرا: اوه .. سوري .. كله حاطه في بالي .. عمر .. عفرا .. ان حرف العين نفس الشي .. وبالانجليزي نفس الشي A عمر: هههههه اوكيه ما عليه .. عفرا: عيل ما ينفع .. عمر: ليش شوه كنتي بتسوين ؟ عفرا: هو ع اساس ان حرفك A كنت بعلقها ع مبايلك .. عمر: مستغنية عنها ؟ عفرا: ما اباها اتم في خاطرك .. عمر: مب في خاطريه بس قلت انها حلوة عفرا: انزين .. ما عليه عمر: ذهب ؟ عفرا: هيه .. عمر: اوكيه ما بكسر رمستج ولا بخرب فكرتج .. علقيها عفرا: حرف الـ A عادي ؟ عمر: هيه .. عفرا بدت تظهر جرائتها .. واول طلب جريء طلبته من عمر مبايله .. وعمر مسيّر وياها .. وخلاها ع راحتها وما حسسها انها طلبت شي غريب .. وانها فجأة .. وبسرعه تعودت عليه ... خذت مبايل عمر .. وفصخت السلسلة من ايدها .. عفرا: شوف .. شرايك عمر: ما شاء الله عليج .. ما يت ع بالي هالفكرة عفرا: كنت معلقه وحده ثانية ع مبايلي الجديم .. عمر: حلو .. شكرا .. عفرا ( ابتسمت ) : عفوا .. بيسألونك منوه A ؟ هيه صدق .. نسيت .. اخوك عبدالعزيز A عمر: لا تنسين .. حرمتيه A احمرت عفرا واصفرت واخضرت وغدت اشارات مرور .. وعمر حس انه قال شي خلاها ترجع خطوتين لـ ورا .. فـ حب يلطف الجو .. عمر: انزين ما خبرتيني عفرا: هلا عمر: أي لون تحبين ؟ عفرا: الاصفر .. عمر: ليش ؟ عفرا: ما ادري .. احس لون حلو .. ومنعش .. عمر: اها عفرا: وانته ؟ عمر: احب الازرق عفرا: نصراوي ؟ عمر: ههههههههه لا لا .. ما يخصه فالاندية ... يعني انتي وصلاوية ؟ عفرا: لا ... ما اتابع مباريات ... عمر: شراتي .. عفرا: ما اتابع مباريات ؟ عمر: مش دايما .. يعني ما اذبح روحي .. مثل اغلب الشباب .. عسب مباراة .. وفوز وخسارة .. لا عادي ... عفرا: يعني متفاهمين من هالناحية عمر ( ابتسمت ): الحمدلله .. وتموا يسولفون .. ياخذون ع بعض .. عفرا اول مره تيلس ويا عمر .. لو زايد والا ثاني حتى او مروان .. هذيل متعوده عليهم .... اما عمر يعتبر شخصية يديدة في حياتها ... وتوها تكتشفها .. وعمر نفس الشي .. عفرا شخصية يديده في حياته .. لان وباختصار .. 4 حريم عرفهن عمر في حياته .. حتى انهن مش 4 .... 3 حريم .. الاولى أمه .. وما يقدر ينساها رغم انها ابتعدت عنه كل البعد .. وهي اللي كان متعلق فيها عمر .. وايد .. وايد .. وايد .. والكل يعرف هالشي .. وحتى اللي ما يعرفه .. ملاحظ هالشي وحب عمر لـ امه بعد وفاتها يزيد ويزيد ... الثانية عمته عذيجة .. امه الثانية .. اللي دارته وتخاف ع مصلحته .. حالها من حال امه لكن مهما يكون الام الحقيقية غير .. الثالثة .. عمته ام زايد .. اللي يعتبرها بعد بمثابة الام له .. لكن طبعا مش شرات عمته عذيجة .. الرابعة .. عمته جواهر .. صح انه ما يسير ويرد عليها ابدا .. وهي نفس الشي .. لكن بين فترة وفترة يشتاق لـ شوفتها .. ويتوله عليها .. مهما يكون عمته .. والحين عفرا دخلت حياته .. فجأة .. وما كان متوقع هالشي .. لكن دام انها استوت حلاله .. لازم يتقبل هالشي .. وما يخلي البنيه من الحين تشعر بالنقص .. او لانه انسان بارد .. او غامض .. او كل شي عنده جد في جد .. مثل ما يعرف هو ان اغلب الناس اللي ما يحتكون فيه ياخذون عنه هالفكرة ... لانهم ما تعاملوا وياه .. وهو عمر هادي .. في بيت بو زايد ... تحديداً حجرة ثاني ... روتين ثاني اليومي .. ما يتغير .. لكن اليوم بوجود دخيل عليه .. الحجرة هالمرة .. ليتاتها مفتوحه ... لكن الكاكاو وجميع انواع الحلويات .. ع الطاولة .. ونصهم ع الارض .. ثاني منسدح ع الشبرية ... ولابس نظارته الطبية .. وجدامه اللاب توب .. اما الدخيل .. اللي اسمه عبدالعزيز .. منسدح ع بطنه وع الارض .. وثاني فارش له لحاف تحته عن البرد والا شي .. وما طاع ييلس فوق ع الكرسي والطاولة الخاصة بالكمبيوتر .. ولا بعد ... معطينه لاب توب .. انتقلت العدوى !... عبدالعزيز: ثاني .. ثاني ( وهو مندمج فاللاب ) : شوه ؟ عبدالعزيز: خزنت لعبة وما ادري وين نزلت ! ثاني: ما حددت الفولدر اللي تباه ؟ عبدالعزيز: بلى .. ما ادري شكلي نسيت .. ثاني: اصبر بيي اشوف .. عبدالعزيز: اوكيه .. شاف الكندر حذاله من ضمن الحلويات واشتهاه .. ومد ايده خذ واحد وفتحه وكله .. عبدالعزيز: كمبيوترك هذا يشتغل ؟ ثاني: هيه .. وانا من ساعة شوه اقولك؟ عبدالعزيز: شوه ؟ ثاني: ما قلت لك .. يلس فوق ع الكرسي والطاولة وبخليك تيلس ع الكمبيوتر عبدالعزيز: ما ابا .. اريح يوم جذه منسدح ثاني: ههههه انته شراتي تحب جذه عبدالعزيز: هيه .. ما اداني ايلس .. يوم راشد ييلس ع لاب توبه .. ويخلص شغله ايلس عقب والعب ثاني: ما عندكم كمبيوتر فالبيت ؟ عبدالعزيز: لا .. ثاني: غريبة ! عبدالعزيز: ما نحتايه ! نش ثاني ونزل تحت وانسدح ورد عبدالعزيز انسدح حذاله .. ثاني: وين فولدرك اللي فتحته ؟ عبدالعزيز: ع الديسك توب .. ثاني: شوه اسم اللعبة ؟ عبدالعزيز: ما ادري بس اسمها يبدأ بحرف الـ D ثاني: وكيف تنزل العاب ما تعرفهم ؟ عبدالعزيز: بلى اعرفهم نص الالعاب لكن ما اعرف كل الاسامي .. في اسامي صعبة .. وفي العاب بكيفي اسميهم ثاني: انزين قلت لي ما عندكم كمبيوتر ليش ؟ عبدالعزيز: اقولك ما نحتايه .. راشد ومروان وسعيد كل واحد فيهم عنده لاب توبه يشتغل عليه .. وعمر بعد عنده لاب توب ثاني: وانته وعمران ؟ عبدالعزيز: في شوه نباه ؟ ثاني: مثلا حق المدرسة والا شي !.. عبدالعزيز: هيه نستخدم لاب توب عمر لانه ما يستخدمه ابداً .. ثاني: اها .. انفتح باب الحجرة .. غاليه: الله الله !.. ثاني: اهلاً.. عبدالعزيز: هلا غلّوي .. شخبارج ؟ غاليه: الحمدلله .. انته شحالك ؟ عبدالعزيز: انا تمام .. وينج انتي من الصبح ؟ غاليه: كنت عند شمسة فالمستشفى عبدالعزيز: خيبة من متى ؟!... ما تصدقن وحده منكن ترقد فالمستشفى غاليه: ههههههه شوه يعني وايد مستانسات عبدالعزيز: تعالي شاركينا غاليه: شوه تسوون ؟ عبدالعزيز: انا العب واخوج ما ادري شوه يسوي .. غاليه: ثاني جيه مخلي الولد ع الارض البارده ! ثاني: هو روحه يبا غاليه: يا ويلك من امايه لو يت وشافت جذه عبدالعزيز: عادي والله .. انا ما احب ثاني: قلت له تعال فوق الشبرية بعد .. تكفي .. او لو ما يحب يا هو او انا نيلس ع الكرسي عادي .. ما طاع غاليه: وانته ع شوره ! عبدالعزيز: عيل ع شورج !.. ثاني: ههههههه رد عليج .. نفس الوقت سمعوا صوت امهم .. وزايد ... ام زايد: وينهم هذيل ؟ زايد: اكيد في حجرة ثاني .. ام زايد: السلام عليكم ثاني: هلا والله .. هلا بالغالية .. نورت حجرتيه زايد: هههه هيه والله اول مره اشوف ليتاتها مفتوحه غاليه: لان عبدالعزيز هني ام زايد: هلا والله .. نور البيت بكبره ونش عبدالعزيز سار يسلم ع حرمت عمه اللي بحسبة امه ويحب راسها .. عبدالعزيز: هلا عموه ام زايد: شحالك فديتك ؟ عبدالعزيز: الحمدلله .. ام زايد: ثاني جيه منسدحين ع الارض غاليه: مرقد الولد ع الارض زايد: ومخلنه يجابل اللاب توب وياه ثاني: ايييييه بلاكم ؟ والله انه روحه يبا والله عبدالعزيز: هههههه عموه عادي انا روحي بغيت .. متعود زايد: تبا تقنعني ان عمر يخليك فالبيت جذه تسوي وتيلس ع اللاب توب ؟ عبدالعزيز: هيه والله انسدح ع الشبرية .. وايلس مجابل اللاب توب .. غاليه: بس اليوم شكلك ظربت الرقم القياسي ويا ثاني ثاني: بلاج انتي على ثاني حليله ام زايد: شوه عشيت الولد ؟ زايد: كاكاو صخ ثاني ولا رد .. غاليه: جاوب .. ثاني: نسيت اعشيه ام زايد: الله ياخذ العدو يا ثاني ثاني: اصبري هدي امايه هدي ام زايد: استح ع ويهك .. مخلي الولد بليّا عشا للحين ثاني: في وقت في وقت .. ام زايد: أي وقت أي خرابيط فشلتنا والله فشلتنا .. يا فضيحتيه .. لو عذيجه تدري زين بتسوي بي وبتسوي بك .. عبدالعزيز: ههههههههه خيبة .. عموه عادي .. انا ما بغيت لو كنت ابا جان قلت له وما استحيت .. ثاني: اكلته آيس كريم .. وحلويات وكاكاو .. وشيبس و زايد: هيه هيه .. خرابيط .. بخبر عمر عليك .. بتشوف شوه بيسوي بك غاليه: ولد الناس موته من اليوع ثاني: لا موته ولا شي عبدالعزيز: بلااااااكم ؟ والله عادي .. ورن مبايل عبدالعزيز .. عبدالعزيز: الو .. هلا عمر .......... ان شاء الله .. يالله مع السلامه .. زايد: اكيد واصل ! عبدالعزيز: هيه .. يالله انا بسير .. ام زايد: يلس تعشا .. قوله خل ينزل عبدالعزيز: لا لا . بنسير غاليه: ما يستوي مب متعشي عبدالعزيز: عاديييييي ام زايد: لا لا .. قوله اتصل به عبدالعزيز: عموه والله ما بيطيع ... ولا بينزل .. ثاني: يلس والله تبا عشا من برع الحين بسير اييب لك عبدالعزيز: هههههه ط هذا انتوا .. ما ابا .. جيه شوه .. ولو ابا بقول حق عمر يوديني ام زايد: الله يغربل ابليسك يا ثاني .. والله فضحتنا الولد مب متعشي زايد: هذو عمر وصل عبدالعزيز: يالله مع السلامه ... غاليه: فمان الله .. مرنا بعد .. يوم انا ييت انته سرت عبدالعزيز: انتي سايرة من الصبح غاليه: شسوي .. ما كنت ادري .. زايد: يالله عبدالعزيز عن تتأخر ع عمر ويهزبك .. ام زايد: سلم ع اخوانك اميه ... عبدالعزيز: ان شاء الله .. نزل عبدالعزيز .. ونزل زايد وياه ... شافوا ابوهم داخل الصاله .. بو زايد: هلا هلا والله .. نور البيت اليوم .. عبدالعزيز ( حب راس عمه ): شحالك عمي ؟ بو زايد: الحمدلله .. انته شحالك ؟ عبدالعزيز: تمام .. بو زايد: وين ساير ؟ عبدالعزيز: انا من الصبح هني .. يالس ويا ثاني .. ومحد فالبيت .. انتوا كلكم توكم يايين زايد: هههه ما كنا ندري ان شيخ منور بيتنا اليوم بو زايد: هيه والله .. والا جان ما ظهرت انا من البيت عبدالعزيز ( أبتسم ): ان شاء الله بييكم يوم ثاني .. بو زايد: ان شاء الله .. زايد: شفت عمر برع ؟ بو زايد: هيه أي شي حاولت وياه قال لا بسير وطالع من العصر من البيت وما ادري شوه عبدالعزيز: شفتوا قلت لكم .. ساروا .. زايد وعبدالعزيز صوب عمر اللي في سيارته ... وركب عبدالعزيز .. وزايد سار صوب عمر اللي نزل جامه سيارته يوم شاف زايد .. زايد: هلا والله عمر: مرحبا زايد: شحالك؟ عمر: بخير .. انته شحالك ؟ زايد: تمام ... شوه فيك ؟ عمر: ما شي .. زايد: شكلك مضايق .. اطالع عمر صوب عبدالعزيز ... ورد مره ثانية اطالع زايد .. عمر: بتصل بك عقب .. زايد ( فهم قصد عمر ) : اوكيه .. خلاص عمر: يالله فمان الله .. سلم ع عموه وثاني زايد: الله يسلمك ... يبلغ .. في بيت السفير ... ظهرت هند من حجرتها .. تشوف فالممرات .. ما في حد .. سارت لين الصاله .. ما في حد .. تشوف من فوق اذا في حد تحت !!.. ما في حد .. نزلت تحت .. البيت فاضي .. وهادي .. شافت مقبض الباب يتحرك .. ردت صعدت فوق بسرعه .. لكن الخدامه دخلت .. شلت ما ادري شوه من الصاله .. وظهرت مره ثانية .. وردت نزلت ... سارت صوب حجرة امها وابوها .. خافت تدق الباب .. تدري ان ابوها محد .. لكن ما تدري شوه اللي خلاها ما تدق الباب .. فجت الباب شوي شوي ... جواهر: نعم ؟ هند: ماما انتي هني ؟ جواهر: هلا هنّوده .. تعالي .. دخلت وبندت الباب .. هند: شوه تسوين ؟ جواهر: ما شي .. يالسه اقرا كتاب .. هند: كتاب شوه ؟ جواهر: هي رواية .. مش كتاب معلومات والا شي هند: ابويه ما رد ؟ جواهر: لا .. ما بيرد اليوم هند: يعني امان ؟ جواهر: شوه قصدج بـ امان ؟ هند: امايه زايغة من ردة فعل ابويه .. جواهر ( تنهدت ): تعالي هني اميه .. وسارت هند يلست ع الشبرية حذال امها .. انسدحت .. جواهر: شوفي .. مب لاني ما ابا سعادتج .. او اني ابا اضايقج برمستيه .. لكن قرارج .. باختيارج راشد .. ورفضج حمدان .. يمكن تلقين اعتراضات وايد .. خاصة من صوب ابوج وهله هند: بس امايه .. انا مب بكيفي اخترته ! جواهر: ادري .. قنعي ابوج برمستج هند: ليش ما تكلمينه ؟ جواهر: ما ابا انجرح هند: ابويه ما يستهزئ في هلج جواهر: ادري .. هو ما يقصد .. ولا يحس يمكن انه كان يجرحني .. لكن في الفترة الاخيرة .. ولان بدر قام يزودها شويه .. ويحط ع هلي .. شويه مشاكل قامت تستوي بيني وبين ابوج هند: بس امايه .. انا ما ارتاح للمستوى اللي انا فيه .. والله ما ارتاح .. احسه مستوى وطبقة ما يهمها الا المظاهر .. والشكل الخارجي .. لكن شعور الناس اللي حوليهم ما يهمهم .. احسهم يجاملون .. ويشوفون الناس دون المستوى جواهر: مش كل الناس نفس الشي يا هنّود .. مثل ما الطبقة اللي تحتنا ع قولت اخوج .. فيها الشين والزين .. حتى طبقة ابوج فيها الشين والزين .. والناس مش مستويات . الناس سواسيه هند: والله ما ادري احس عمريه ضايعة جواهر: خلي كل شي لوقته هند: وبدر ؟ جواهر: بلاه ؟ هند: ما اتصلتي به ؟ جواهر: اتصلت به مره وما رد هند: خبرتي ابويه ؟ جواهر: لا .. هند: ما رد البيت للحين جواهر: بيرد .. حتى لو ويه الفير بيرد .. هند: امايه آسفة .. سببت مشكلة بينج وبينه جواهر: انتي ما يخصج .. هو روحه كان من قبل لازم يمكن يفتر ويهه عسب يفهم ان اللي يالس يسويه ويقوله يجرحني .. وهذيل هله .. هند: حبيبتيه امايه .. لا تكدرين خاطرج .. وانا متاكده ان بدر بيي لين عندج وبيعتذر . وبيحب راسج بعد .. ابتسمت جواهر وردت لها الابتسامة هند .. هند: امايه ممكن طلب جواهر: تفضلي حبيبتيه هند: ممكن ارقد عندج اليوم جواهر: ليش ؟ تخافين ؟ هند: لا .. ما اخاف .. بس ابا ارقد الليلة عندج .. ابويه بيرد الصبح ؟ جواهر :لا ما اعتقد يرد الصبح .. اذا يا ع الظهر او العصر .. لو رد من وقت هذا هند: اوكيه برقد عيل جواهر: حياج .. تبين ادلعين عمرج لانج عروس هند: أي عروس أي خرابيط جواهر ( ابتسمت ): ان شاء الله بتكونين عروس وبتستوين .. للي يكون من نصيبج ويسعدج يا رب .. وانتي ترتاحين وياه .. هاي هند .. اليوم كان يومها عصيب مثل ما يقولون .. كان يوم كئيب بالنسبة لها .. يوم ما تقدر تنساه .. احداث اليوم بعد كانت صعبة .. ما تدري شوه بيستوي باجر والا يوه بيكون موقفها .. او هل بتتغير حياتها هاي كلها ... للي هي تختاره وتباه .. او للي هم يبونه ... ******** |
الجزء الـ 52 ..... والأخير في حديقة بيت ام احمد ... رملة وآمنة يالسات فالحديقة ... وميلسين ميثا في القاري الدائري الخاص باليهال .. وملبسينها جوتي .. رملة: حبيبتييييه آمنة: رملة سحبيها هالصوب .. بتسير فالرمل رملة: خل تسير آمنة: لا .. اذا سارت عقب انتي بتغسلين القاري رملة: بخلي البشكارة تغسله آمنة: لا تخلينها تسير .. وخلاص .. رملة: هي ما تسمع الرمسة .. آمنة: انتي اللي ما تسمعين الرمسة .. نشت آمنة روحها سحبت بنتها صوبها وردت يلست .. رملة: حراااااام .. كسرتي خاطرها آمنة: خليها انزين خليها .. وانفتح بااب الحوي .. الكهربائي ... ودخلت ستيشن .. ووقفت ... نزل منها وهو لابس نظارته الشمسية وشال في ايده جرايد ... ويا صوبهن .. احمد: السلام عليكم آمنة: وعليكم السلام رملة: هلا والله احمد: هلا فيج .. ( وصد صوب بنته ) حبيبتييييييييييييه انتي تعالي رملة: وانا اتحسبت حقي حبيبتيه احمد: هههههه شوه ميلسنكن هني رملة: ملل آمنة: رملة ملانه ع قولتها وانا بعد .. يينا هني .. احمد: امايه وين ؟ آمنة: داخل احمد: ناعمه ؟ رملة :ناعموه الدبة طالعه ويا عيسى احمد: وين سايرين ؟ آمنة: حليلها مريضة .. عيسى وداها المستشفى احمد: شوه فيها ؟ آمنة: زجمانه رملة: وانا قلت شي الحين احمد: انتي ام لسان ما في حد يقولج انتي شي .. يوم تعقين عمرج فالمرض رملة: والله انا صغيرة احمد: ناعمه يعني كبرج ! رملة: هيه طبعا مب كبري .. طبعا احمد: اقصد ناعمه يعني من كبرها ! آمنة: هههههه ترتيب الجملة غلط احمد: اشوف هاي خبلتني هههههه آمنة: يالله نسير داخل رملة: حلو هنيييييي احمد: شوه حلو ؟ حررر .. شمس .. تبين حرمتيه وبنتي يسودون ؟ آمنة: نسير حرام عموه بعد روحها داخل .. ما قدرت تظهر هني احمد : امون مسكي الجرايد .. آمنة: رمله شلي الجرايد .. بشل ميثا احمد: عيل ليش اقولج مسكي الجرايد ؟ .. انا بشلها آمنة: اوكيه .. ييب رملة: يالله ما تروم تشل الجرايد وانته شال بنتك .. من متنها الدبة احمد: ما يخصج انتيييييي !.. ان شاء الله تغدي درام ... والا شرا الريشة كيفي .. رملة: كيف يدلعون عيالهم !... ونحن طايحين فينا آمنة: هههههه يالله يا رملة .. شوه هالحقد .. انتي عمتها انزين رملة: عمتها اليوم .. باجر يوم بتكبر بتفرني هناك احمد: وهيه وبعلمها كيف تعطيج من الزين رملة: ويقولون لي انا .. ربوا بنتكم قبل عقب تعالوا عندي احمد: يالـ ... وقبل ما يكمل احمد .. ركظت رملة داخل آمنة: هههههههه حليلها احمد: حليلها اونه .. لسانها يباله قص .. آمنة: انته قلت لها .. احمد: عاد هي بعد ما تصدق .. تجلب الموضوع بكبره آمنة: يالله نسير ... وساروا آمنة واحمد داخل .. في بيت الشباب ... عبدالعزيز: افففف مروان: ذبحتنا وانته تتأفف من الصبح عمران: شوه فيك انزين ؟ راشد: وين عمر ؟ عبدالعزيز: فوق مروان: انزين انته شوه فيك ؟ شوه مشكلتك ؟ عبدالعزيز: ما شي مروان: ما شي عيل لا تتأفف عمران: عمر شوه يسوي ؟ عبدالعزيز: يرمس فالتيلفون راشد: ويا منوه ؟ مروان: اهااااا .. ليكون ويا عفرا وانته حاشر الدنيا ؟ عبدالعزيز: لا .. مب ويا عفرا .. ويعدين لو يرمس عفرا عادي عندي .. جيه شوه .. حرمته .. وبقولك معلومه عمر للحين ما مرمس عفرا فالمبايل مول .. مروان: ما شاء الله الاخبار عند هذا ! عمران: بس انزين سكتوا .. مروان: وانته شوه مخلنك جذه !.. ما تعرف شوه تسوي ؟ عبدالعزيز: لانه من اسبوع تقريبا وهو مضايج .. ولا يرمس .. مروان: شوه فيه ما سألته ؟ عبدالعزيز: اقولك ما يرد عليه عمران: غريبة ! راشد ( اطالع صوب عمران ): عمران قلت له ؟ عمران: عن ؟ راشد: سعيد ؟ عمران: لا .. ما قلت له ... انته قلت له ؟ راشد: لا عبدالعزيز: بلاه بعد سعيد ؟ مروان: عيل ما في غيره .. هو اللي مسبب هالازمة عمران: حرام عليك مروان لا تحط في ذمتك مروان: ما احط ولا شي .. لكن الاكتئاب ما يصيب هالبيت الا يوم سعيد يكون فالسالفه عمران: لا تقول جذه انزين .. سعيد بيتم اخونا .. مروان: اخونا ع عينا وراسنا .. لكن اذا يبا يسبب مشاكل فـ بعيد عنا وصل له هاللي اقولك اياه عبدالعزيز: وقوله عبدالعزيز يقولك .. لو استوى بعمر شي والله بتشوف شوه بيستوي بك انته عمران: بس اسكت انته بعد .. اشوفك وايد قمت تخورها .. سعيد اخوك العود راشد ( حس بنغزة ): عبدالعزيز .. ليش تقول جذه ؟ عبدالعزيز: حبيبي .. عمر امس كان مضايج .. واونه رقد .. ويتحسبني انا راقد .. لكني والله كنت زايغ عليه .. والفير يوم نشيت .. شفته عرقان .. والجو كان عادي .. ويوم سرت للمكيف .. أشوفه ع اعلى رقم !.. استغربت .. والله جنه مسبح وظاهر من الحمام وراقد ع طول .. نش راشد بسرعه .. وسار فوق .. دق الباب ودخل ... شاف عمر يرمس فالمبايل .. احتراماً لأخوه .. وانه ما يبا يدخّل في خصوصياته .. ظهر برع ... ما نزل تحت ... لا سار حجرته .. في حجرة عمر .. عمر: زايد تباني اقص عليهم ؟ تباني اغشهم ؟ زايد: لا غش ولا شي .. لكن عمر مب لازم كنت تقولها .. عمر: كيف ما تباني اقولها ؟!.. ابدأ حياتي بغش ؟ زايد: يا الله .. انته افهمني .. مرضك مب بالمرض المعدي والا شي بسم الله عمر: ولو .. زايد ( تنهد ): استغفر الله .. انزين طرشت لها شي ؟ سرت مره ثانية بيت عموه ؟ رمستها ؟ عمر: لا زايد: ليش ؟ عمر: ما ادري .. معطنها الوقت تفكر زايد: تفكر في شوه ؟ عمر: قلت لها .. لو ما بتقدرين تتقبلين مرضي الحين .. قولي لي .. ولو تبين تنفصلين بعد قولي لي انا .. مب عموه ولا هلج .. وانا بحل المشكلة كلها .. لكن انتي لا ترمسين .. لان قوم عموه بيعقون اللوم عليها زايد : عمر انته مينون ؟ عمر: زايد افهمنييييي .. ما ابا ابدأحياتي ويا البنيه بخداااع وجذب ... هاي بنت عمتيه بعد ... بنت عموه عذيجة .. ما ارضى لا ع عموه ولا بيتها ولا بنتها أي شي مثل هذا ... هذا لو مب انا اللي ماخذ عفرا .. لو أي واحد ماخذنها ما برضى يجذب عليها من البداية .. الاساس بيكون غلط ... الاساس بيكون مهتز ... فيه خلل زايد: خلاص سو اللي يريحك ... بس لازم تتصل بها عمر: ما بتصل .. قلت لها يوم بتقررين روحج اتصلي .. والا طرشي مسج .. ما يهم .. المهم ان ادري بقرارج ... زايد: الله يوفقك ان شاء الله عمر: ان شاء الله .. ويوفقها .. ببند عنك الحين زايد .. لان شكله راشد يباني ... زايد: سلم عليهم عمر: الله يسلمك .. بند عمر عن زايد .. وظهر برع .. شاف تحت .. لقى عمران ومروان .. وعبدالعزيز بس .. وراشد مب مبين .. سار حجرة راشد .. دق الباب ودخل .. عمر (أبتسم): يالس روحك هني راشد ( رد الابتسامة ) : اترياك تخلص .. عمر: كنت ارمس زايد .. راشد: عبدالعزيز يقول انك من اسبوع مب ع بعضك عمر: قلت انا ما بيسكت وبيخبركم .. لو ملاحظ هالشي .. راشد: عمر تعبان ؟ فيك شي ؟ .. اوديك المستشفى عمر: لا .. شو فيك ؟ راشد: صدق .. عمر: والله .... راشد: عمر تدري انا انا الوحيد اللي ادري بمرضك عمر: انته واثنين غيرك راشد: منوه ؟ عمر: زايد .. وعفرا راشد: خبرتهم ؟ عمر: هيه .. لازم كنت اخبرهم .. وخصوصا عفرا راشد: انزين .. عيل شوه فيك ؟ عمر: بس خبرت بنت عموه عقب ما درت بمرضي .. لو تباني انفصل عنها راشد: شووووه ؟ عمر: من حقها .. لو تقرر وتتخذ هالقرار .. راشد: ما بدخل في حياتك .. بس لا ادمرها من البداية عمر: بالعكس ما دمرتها انا .. انا احاول ابنيها واخلي ساسها قوي من البداية .. راشد: الله يسعدك عمر: وانته ويايه راشد: ان شاء الله .. لين عمتك ترد علينا .. عمر: رمستهم عموه ؟ راشد: ويه من زمان ... بس ما ادري احس انهم بيرفضوني عمر: وليش يرفضونك ؟ راشد: مب من مستواهم شرا ما يقول بدر دايما عمر: راشد ... لا تخلي ولا شخص في هالدنيا يقلل من شانك... لو مهما يكون .. راشد: ما اقلل من شاني .. لكن انته تدري بـ بيت عموه جواهر وكيف مكانته فالمجتمع عمر: شوه يعني ؟ راشد: ما ادري .. احس اني اخترت البنت الغلط ... عمر: انته شاك في تربية البنيه ؟ راشد: لا .. من اللي شفته الصراحه لا .. هي وايد غير عن بدر .. غير عن بيئة ابوها عمر: انا هاللي شفته بعد فالمزرعة راشد: يعي تتوقع اختياري صح عمر: انته مب تباها ؟ ... راشد: هيه عمر: خلاص عيل .. لا تستعيل .. اتريا الرد من عموه راشد: وانا هاللي بسويه اليوم عمر: شوه ؟ راشد: عموه اتصلت .. وقالت لي .. أن اليوم بنسير بيتهم .. عموه جواهر اتصلت وقالت تعالوا .. عمر: كيف ما اتصلت بي ... راشد: اتصلت تقول مشغول عمر: يعني انا وياك ؟ راشد: لو ما عندك مانع يا ولي امري عمر: حشى عليه مب ولي امرك في هالمواضيع راشد: عيل منوه ولي امرك ؟ عمر: اكيد عموه خبرت عمي عبيد راشد: اوه نسيت سالفة عمي عبيد .. عمر: معقوله ! راشد: هيه والله .. اسكت عني يا عمر والله ما ادري .. ابا اكنسل الموضوع بكبره ولا ابا اسير عمر: ودر عنك هالوسواس اللي جايسنك من يوم خطبت .. راشد: شوه ألبس ؟ عمر: ههههههه شوه بعد شوه تلبس ؟ .. لو مروان يسمعك بيقولك كوت وكرفته راشد: هههههههه متوقع هالشي .. عمر: كون زقرت ع قولت سالم .. واكشخ شرا اخوك يوم سار ... راشد: هههههه اخاف ازقرت .. وبدر يفرني هناك اليوم .. ابتسم عمر .. هو روحه في داخله وفي نفسه .. يحس بضيج ... بس ما يبا يبين حق اخوه هالشي .. ويبا ترتاح نفسيته لين فالليل .. وان شاء الله ما بيستوي الا كل خير ... في بيت بو هزاع ... ع الغدا .. هزاع: سالم خلص .. عقب الغدا بوديك بيتكم سالم: لييييييش بو هزاع: شمسة ظهرت من المستشفى ؟ عذيجة: اليوم بتظهر بو هزاع: انزين خل تيي هني هزاع: هي اتصلت وقالت ان اييب سالم البيت عقب الغدا بو هزاع: عذيجة اتصلي فيها قولي لها .. تيي هني كم يوم عقب ترد بيتها ... عذيجة: ان شاء الله .. بناتك ما يسمعن الرمسة بو هزاع: انا بتصل في صالح .. لا تعاند .. وقولي لها ابوج يقول .. هزاع: ابلة عفرا عفرا: شوه ؟ هزاع: بلاج ؟ عفرا: شوه فيني ؟ سالم: ما ترمسين .. عفرا: شقول يعني ؟ سالم: عمر سيف من يوم يا بيتنا وانتي ساكته رفعت عفرا راسها اطالعت سالم بنظرة .. هزاع: ليكون شردتيه عفاري .. بو هزاع: بس سكتوا انتوا الاثنين .. عذيجة: اليوم بنسير بيت جواهر هزاع: بيت خالوه جواهر ليش ؟ عذيجة: نخطب حق راشد .. بو هزاع: سووا عرس عمر وراشد في نفس اليوم عفرا و هزاع و سالم .. فاتحين ثمهم . شووووه ؟ خطوبة راشد ؟ بيت خالوه جواهر ؟!... ما عندنا الا بنت وحده ليكون هند ! عفرا: خطوبة راشد ع منوه ؟ عذيجة: يعني خالتج عندها منوه غير هند .. سالم: ههاااااااااااااااااااااااي بتخطبين بدر حق راشد بو هزاع: ايه يا ولد سالم: خلاص بسكت هزاع: راااااااشد وهند !!!!!!! عذيجة: ليش ؟ تباها ؟ هزاع: لا اباها ولا تباني .. بس الصراحه الصراحه يعني ... ما يليق عذيجة: وليش ما يليق ؟.. هزاع: كيف وافقوا عيال السفرا ؟ عذيجة: حبيبي اذا هم عيال سفرا فـ ولد اخويه ولد شيوخ .. سالم: عااااااشت يدوه عفرا: والله انتوا مصخرة عذيجة: استحي ع ويهج .. هزاع: سيروا .. هذا ويهي جان ما ردوكم البيت تصيحون عذيجة: بسم الله .. اعوذ بالله من هالفال .. شوه نصيح وما نصيح بعد ؟ .. انا مرمستنهم من قبل اصلا .. واليوم جواهر قالت تعالوا .. بو بدر قال تعالوا سالم: ايي وياكم ؟ بو هزاع: لا انته استريح هني عذيجة: بو هزاع ما بتيي ؟ بو هزاع: لا .. انتي وعبيد .. وعمر وراشد سيروا .. توكلوا ع الله .. سالم: عمر سيف بعد وياكم عذيجة: انته بخبرك .. شوه قابض الريال عمر سيف وعمر سيف ؟ .. يعني عمر منوه بيكون ؟ سالم: لا يعني .. اكمل اسمه عذيجى: تكمل والا تطنز !.. سالم: والله يعني اسمه عمر سيييييييييف ... ما يبت شي من عندي .. يعني ازقره عمر عذيجة ! عذيجة: بس بس اسكت بو لسان .. هزاع ظحك ع سالم ... وعفرا ابتسمت .. ما بطوّل عليج .. عمر سيف ... ما كلّف ع نفسه يطرش مسج والا يتصل من عقب السالفه .. وبكل ثقة يقول ننفصل ... عقب شوه ؟ ... عسب اسم مطلقة يرتبط باسمي .. استغفر الله .. سلامة: طارق طارق: هلااااا طارق ياب هلا .. بطريقة .. خلت سلامة تشوفه باستغراب .. بكل حماس قال هلا .. سلامة: بسم الله طارق: هههههه بلاج ؟ سلامة: ما ادري .. من مجبوش السمج اللي ماكلنه والا من شوه ! طارق: والله الغدا اليوم كان فنننننن سلامة: الحمدلله .. طارق: الحمدلله ... انتي بلاج ؟ سلامة: شوه فيني ؟ طارق: احس انج يعني جيه جذاك ... سلامة: ما فيني شي .. طارق: لا صدق .. انا عمداً قلت لهم اييبون الغدا هني .. ونتغدا رواحنا سلامة: ليش ؟ طارق: قلت يمكن مضايجة والا شي .. من زمان ما يلسنا رواحنا نتغدا او نتعشى .. فـ خل اليوم اقولهم اييبونه هني سلامة: انا ياهل اضايج عسب هالشي .. ووالله ما طرى ع بالي .. ابداً طارق: صدق سلامة: والله اقولك طارق: عيل شوه فيج ؟ سلامة: ما ادري ... احس ان طارق: كملي .. سلامة: ما ادري .. والله ما ادري طارق: بسم الله شوه فيج سلامي ؟ .. سلامة: ابا اسير بيت ابويه طارق: هم فيهم شي ؟.. هني حد قالج شي ؟ سلامة: لا .. بس ما ادري ليش احس ان اليوم بيستوي شي طارق :بسم الله سلامة: والله صدق طارق طارق: لا توسوسين هالكثر سلامة: ان شاء الله ما يكون فيهم شي .. طارق: انتي رمستي امج اليوم ؟ سلامة: هيه رمستها طارق: كانت عادية ؟ سلامة: هيه .. حتى ان سالم كان حذالها ويصرخ ويسوي .. طارق: خلاص عيل .. ذكري ربج .. واستهدي بالرحمن .. سلامة: استغفر الله .. طارق: كم عمرج ؟ سلامة: شوه بعد كم عمريه ؟ طارق: امممم عقب اسبوع يوم ميلادج سلامة ( أبتسمت ): تصدق اني ناسيه طارق: عدل .. طبعا بتنسين .. سلامة: هههه يوم ميلادك ويايه طارق: بس شوفي الفرق سلامة: اكيد فرق .. طارق: شوه قصدج سلامة: ههههه روحك قلت انا ما ألفت .. طارق: انتي بتدخلين 23 سنة .. سلامة ( بغياظ ): وانته كم ؟ طارق: 30 .. سلامة: ههههههه شيبة طارق: يالياهل .. احمدي ربج خذتج سلامة: نعم ! طارق: يعني اقصد ... انا اكبر منج بـ 7 سنوات .. ادلعج وادللج لو ماخذه واحد كبرج شوه كان بيسوي فيج .. بتستوون فار وقطو .. سلامة: ليش ؟ مش شرط .. احمد وآمنة تقريبا نفس السن طارق: احمد وآمنة غير سلامة: حتى علي وحصه .. علي اكبر من حصة بـ ثلاث سنوات وشمسة وصالح سنة بينهم طارق: يعني انا وانتي اللي وايد .. سلامة: امممم اصبر عفرا وعمر طارق: كم بينهم ؟ سلامة: لحظة خلني اذكر كم عمر ... عمر .. تصدق شراتنا تقريبا طارق: 7 سنوات ؟ سلامة: هيه والله طارق: عقب اسأليها جان عمر دلعها كثر ما دلعتج سلامة: هههههههه لا عاد حرام .. عمر طيب طارق: هيه والله .. عمر الصراحه ريال ... والله عفرا ما بتلقى شراته .... لو تتريا 50 سنة جدام ... سلامة: يالله عاد طارق: والله صدق .. يعني اوكيه في شباب طيبين وحبوبين ويتحملون المسؤولية .. ما اقولج ما في ... بس شرات عمر .. نادر نادر نادر ما تلقين .. سلامة: الله يسعدهم ... ان شاء الله طارق: ان شاء الله في شقة حصة .. حصة: امممم عليا علي: عليا علي .. حلو حلو .. حصه: اسم عليا اصلا حلو علي: اسم علي طبعا احلى حصة: هههههههه اوكيه .. علي: اوكيه اتفقنا ع اسم البنت .. حصة: هيه خلاص عليا .. علي: اذا ولد ؟ حصه: يا ربيييييي .. اقولك خلني اسير اطالع علي: لا لا لا .. انا ما ابا اعرف .. حصة: انزين انا بسير وما بقولك عقب علي: ما ابا .. لو دريتي اكيد بتقولين لي .. وبتحرقص اكثر حصة: ههههه وانته جيه معذب عمرك ... انزين تعرف الحين احسن .. ابا اشرى حق الياهل .. علي: لا حصة: حرام عليك .. اول ياهل علي: وان شاء الله ما يكون آخر واحد بعد .. بس لا حصة ( تنهدت ): بكيفك بس عقب انته بتتوهق والله بتظرب شرق وغرب بتتشرى له .. انا ام يخصني ما بتعب عمريه علي: لا اتعبين عمرج ولا شي .. من عيوني بشتري له أي شي .. سواء ولد والا بنت حصه: انزين بنشوف علي: اوكيه .. ما قلتي لو ولد .. حصة: لو ولد ... بنسميه .. ما ادري .. انته شوه في بالك ؟ علي: انا في بالي اسمين .. خالد و عبدالله حصة: حلو .. الاسمين حلوين علي: على أي اسم نتفق ... حصة: لين ما يوصل .. ان شاء الله الاسم روحه بيوصل وياه علي: ان شاء الله .... بتسيرين بيت ابوج اليوم ؟ حصة: هيه ... من يومين مب سايرة .. امايه بتحشرني الحين علي: انتي الله يهداج ... اقولج سيري هناك .. تقولين لي .. لا احسن لي فالبيت حصة: هيه احسن .. اسير هناك وارد هني .. تعب علي: قلت لج رقدي هناك حصة: من الحين مستغنين عني علي: هههههههههه لا والله ما اقصد جذه .. لكن ما ابا يستوي بج شرات ما استوى لـ شمسة اختج .. وترقدين فالمستشفى .. حصة: بسم الله .. الله لا قال .. وبعدين انا ما فيني شي .. الا الجو ما ادري بلاه ... علي: فايروس هذا .. كل الناس مزجمين حصة: وانا يوم ازجم ادوخ عسب جذه .. احس مب متفيجة علي: يالله الحمدلله .. . حصة: انته بتوديني والا اسير روحي ؟ علي: لا طبعا انا بوديج حصة: والله اني نسيت السواقة .. من يوم ردينا من ألمانيا وانا مب سايقة .. علي: احسن .. كوني شرا خواتج حصة: هـــه .. تحلم .. ما نسيتها وايد .. برد اسوق علي: انا قلت . عنيدة .. حصة: هههههه والله ما فيها شي علي: اوكيه عقب ما تربين بالسلامة... اذا نسيتيها .. سيري تدربي عليها كم يوم .. حصة: لا ان شاء الله ما بنساها بالمرة عاد علي: يالله قومي تزهبي عسب نسير حصة: ان شاء الله ... انته بتيي ويايه ؟ علي: هيه .. ابوج بيهزبني انا اليوم حصه: ههههههه احمد بيطيح فيك علي: بقوله والله بنتك هي اللي قالت لي ما تيي هني .. حصة: شووووووه؟ علي: هههههه مب انتي تعبانه وفالبيت .. كيف اهدج حصة: بس ما قلت لك لا تسير صوب ابويه علي: ما يستوي اسير وانتي بروحج هني حصة: هيه عدل الجملة ... لا تقول هي قالت وانا ما قلت علي: خلااااااص يا ام علياااااا .. خلاااص .. آسفين حصة: ام عليا استويت .. وانا ما ادري عليا بتظهر والا خالد ما ادري عبدالله او شوه ما يكون اسمه او اسمها علي: اللي ايي من الله حياه الله .. بس ايي باسلامة ان شاء الله حصة: ان شاء الله .. شمسة وصالح .. توهم واصلين بيت بو هزاع عقب التهديدات ... نزلوا ودخلوا داخل .. سالم: اميييي هزاع: يالله ما نقدر شمسة: ههه شحالك ؟ سالم:الحمدلله .. انتي شخبارج ؟ شمسة: الحمدلله سالم: وسخبار اخويه اللي ما مخلنج ترتاحين صالح: شراتك .. سبحان الله .. من الحين سالم: هيه والله لازم قدوته اخوه العود هزاع: ونعم القدوة ... شمسة: وين امايه وعفاري وابويه ؟ هزاع: ابويه ظهر .. امايه سايرة بيت خالي سيف من الحين .. شمسة: ليش شوه السالفه ؟ هزاع: بيسيرون يخطبون يقولج بنت السفير حق راشد شمسة: صدق ؟ سالم: شفتي عاد .. آخر شي خذها راشد .. يبا تذاكر سفر ببلاش صالح: والله صدق هزاع؟ هزاع: شوه صدق ؟ تذاكر السفر ؟ صالح: لااااا .. انهم بيخطبون بنت خالتك حق راشد هزاع: والله امايه تقول انا استغربت ... انا وعفاري بعد شمسة: يالله خير ان شاء الله هزاع: أي خير .. صدقيني اليوم .. يوم عالمي يكون صالح: لا تفاول هزاع: انا قلت حق امايه والحين قلت لكم .. وبتشوفووووون شمسة :انته متشائم هزاع: الله يالمتفائلة .. من متى السالفة فيها بدر ولد خالوه جواهر وابوه تكون السالفة اوكيه ! سالم: هيه والله هالخقاق صالح: انته ما يخصك في سوالف الكبار سالم: شوه ؟ اخو عمر سيف ريل خالتيه بيسير لهم هزاع: ههههه والله ولدك سخيف .. مساعه ع الغدا امايه هازبتنه ع سالفة عمر سيف شمسة: ليش ؟ هزاع: ما تسمعينه .. يزقر عمر . عمر سيف شمسة: ليش تزقره عمر سيف صالح: من الاحترام هزاع: هههههه ط الابو بعد صالح: ههههه هيه عيل شوه سالم: والله خالوه عفاري تقوله عمر سيف .. انا بعد اقول .. شمسة: اها .. يعني من حرمته نحن ما يخصنا .. محد قالها تقول جدام هذا صالح: وينها عفرا .. شمسة: صدق وينها عفاري ؟ هزاع: فوق في حجرتها ما ادري شوه تخربط .. شمسة: انا عيل بسير الحجرة صالح: سيري ... بس خلي الباب شويه مفتوح .. هزاع: حليلج يالبرنسيسه هزبوج .. شمسة: هيه والله .. صالح: انا حتى ابوك هزبني هزاع: ههه قال بتصل به وبقوله .. قلت الله يعينك يا صالح صالح: هيه والله .. اقوله ان شاء الله ان شاء الله .. ما عطاني فرصة .. سالم: الريال زايغ ع بنته انزين صالح: عاد انته ما تصدق يقولون تعالوا هني .. هزاع: اقولك وانته ساير بيتكم .. شل ولدك وياك سالم: يالله يالله ما بسيييييير ... صالح: يوم بوديك ما بسألك ولا بستأذن منك سالم: ما بسير .. اميه هني صالح: انا ابوك يالهرم هزاع: ههههه مب معترف فيك .. في بيت ام احمد ... تحت فالصاله ... رملة: قولي حق ناعموه ام احمد: الله ياخذ عدوج يا رملة .. اقولج نامه تعبانه وراقده رملة: يوم انا ارقد هالحزة تهزبيني .. ام احمد: لا اله الا الله رملة: محمد رسول الله .. ام احمد: بزقر لج احمد .. الحين رملة: عادي .. احمد عقب شويه بيظهر بيودي ىمنة بيت ابوها ام احمد: قوميييييي وظهر عيسى من حجرته ... عيسى: بلاكن ! ام احمد: هاي اللي ما تستحي عيسى: بلاها ؟ ام احمد: اقولها سيري ييبي استكانه من المطبخ ما تنش عيسى: قومي رملة: هههاي ... ما بنش عيسى: ط هاي ! رملة: شوه ط هاي ؟ .. يوم انا مريضة محد يعبرني كثر ما معبرين ناعمه عيسى: يا هالويه ومنوه مودنج امسات ألمانيا عسب راسج المخبوق رملة: شفتي يعايروني بعد للحين ولليوم ام احمد: تستاهلين رملة :اوهووووووووو عيسى: جب سكتي .. رملة: شوه جب بعد ! عيسى: جب يعني جب .. سيري بسرعه ييبي الاستكانات .. رملة: بخبر عليك احمد عيسى: لا تهدديني بـ احمد .. انتي هاي اللي يهددونج باحمد مب انا .. قومي .. بصرخة من عيسى نشت رملة .. عيسى: والله ! ام احمد: لا تصرخ عليها عيسى: امايه توج تهددينها روحج ام احمد: تدري برملة وحركاتها عيسى: خل تتادب .. ما تصطلب الا يوم تطرون لها احمد .. احمد باجر بيطلع من البيت .. ام احمد: يعني نخوفها بك الحين عيسى: مب خوف .. خل تحترم .. انا بأدبها من اليوم ورايح ام احمد: عيسى لا تبدأ تسوي مشاكل بعد انته من اليوم .. واحمد نازل من فوق .. احمد: بلاكم ؟ ام احمد: انته بلاك كاشخ .. وظارب لك الغترة والعقال .. والعطر فايح .. واصل للشارع .. ومتسبح بدهن العود .. من خلصت ام احمد رمستها ... نقع عيسى من الظحك .. اول مره .. اول مره من عرّس احمد .. امه تسأله .. وين رايح ؟!.. احمد: افاااااا .. معرّس انا الحين .. عندج عيسى طيحي فيه .. لا بعد عندي بنيه .. عيسى: هيه حبيبي .. مب كل يوم العيد .. فتحت امك عيونها عدل عليك سار احمد ويلس ع ريل عيسى .. عيسى: يالدب ههههههههههه قم عني خنقتني احمد: قول آآآآآآسف .. عيسى: شوه آسف !... قووووووم احمد: بخلي بنتي ما تزقرك عمي عيسى: ألف ويها بطراق والله هههههه احمد: بعد !... مب قايم عيسى: هههههه امايه قولي له يقوم ام احمد: قم عن اخوك .. احمد: خل يقولي آسف ام احمد: شوفوا اليهال !... عيسى: ولدج ياهل سايز مليون X وعقبه لارج احمد: قول آسف عيسى: ههه احمد عن الحركات .. قم عني احمد: جيه ما تقول آسف عيسى: بجرح كرامتيه لو قلت لك آسف احمد: الله !... انا اخوك العود عيسى: اخويه العود على عيني وعلى راسي احمد: قول آسف الغلطان يقول آسف عيسى: انا ما غلطت .. امك قالت لك وين ساير مب انا احمد: كيفك مشكلتك وانته تترس قلبها زيادة ... نفس الوقت دخلت رملة ... وآمنة كانت نازلة من فوق .. وعيسى مب منتبه حق آمنة .. رملة: وتقولين لي انا ياااااهل .. شوفي عيالج عيسى: ههههههههه قم الله ياخذ عدوك .. شوف اليهال قاموا يشمتون فينا .. احمد: ما بقوووووووم .. لين ما تقول آسف آمنة: احمد ! آمنة قالت احمد .. بطريقة مستغربة من تصرف ريلها ... يالس على ريل اخوه !... وين يبااااا !.. ام احمد ظحكت .. ورملة ظحكت وياها .. واحمد يطالعها مبتسم .. اما عيسى متفشل من الخاطر .. آمنة تشوفه جذه .. احمد فشله صدق .. ام احمد: ههههه الله ياخذ عدوكم .. قوموا والله فضحتونا .. رملة: هههه الله ياخذ اباليسكم قولي عيسى ( بصوت واطي ويدز احمد ): قم والله يا احمد .. الله ياخذ ابليسك وابليس طوايفك كلهم .. فشلتني جدام حرمتك احمد: كيفك آمنة: احمد قم عن ريله عورته احمد: قولي له يقول آسف وهني دح عيسى احمد دحه .. أحمد: الله .. يعلك بحرمه يا عيسى اليوم قبل باجر ام احمد: والله ما تستحون رملة: ايوا .. ايوا .. اهزبيهم آمنة: احمد قوم .. احمد: عشان خاطر حرمتيه الحنونة بس قمت .. ولاني بسير الحين .. ام احمد: وين بتسير ؟ رملة: هيه وين بتسير كاشخ !.. احمد: بعد !... يالله سيروا قوموا ناعمه بعد خل تسالني وين ساير ؟ آمنة: هههههه بنسير بيت ابويه عموه احمد: خلاص ارتحتوا دريتوا ... رملة: لا .. لازم عسب تراضينا اطلعنا مكان احمد: آسف آنسة رملة رملة: امايه قولي له ام احمد: وين يوديج انتي بعد آمنة: ما عليج رملة .. يايه السيرات والييات .. عرس عفاري اختيه جريب .. وبنسير وبنرد السوق وايد وكل ما اسير بوديج احمد: يالله يالله .. عندكم السايق .. آمنة: ماخذه السايق انا احمد: اموووووووووووون ! ام احمد: صدقها ماخذه السايق هي تسير ويا السايق ! احمد: والله انا تعبان آمنة: بعده العرس انزين ... الا صدق وين ناعمه ؟ رملة: راقده حضرتها آمنة: حليلها ام احمد: هالكثر انزين جيه كاشخ احمد: اسمي اليوم بيستوي بي شي .. حاطه عليه امايه وايد ام احمد: تبا تصغر عمرك .. بس آمنة بعدها تبين اصغر عنك .. كلهم ظحكوا عليه .. وخصوصا عيسى .. ظهر حرته .. لانه فشله جدام حرمته ... ورملة عاد ما جذبت خبر ... في بيت الشباب ... في حجرة عمر وعبدالعزيز .. عمر: ويعني ؟ عبدالعزيز: ما شي .. عمر: ما بقدر اسير انا جيه عبدالعزيز: ليش ما تقدر ؟ .. جيه يهمك ؟ عمر: عبدالعزيز ! عبدالعزيز: عمر الله يخليك سير عمر: اقولك والله ما بقدر اسير .. ادري انك شال بخاطرك عليه .. عبدالعزيز: لا مب شال عمر: كيف مب شال ؟ ... واللي تسويه الحين ؟ عبدالعزيز: قهر عمر: قهر يعني شال في خاطرك عبدالعزيز: ما يهمك عمر: وكيف ما يهمني !.. ميت مره قايل لك .. ما احبك تستخدم هالاسلوب ويايه عبدالعزيز: يعني انا اللي احب !.. عمّور .. انته اول شي سالفة سعيد هامتنك ... وما عندك الا سعيد وسعيد .. سعيد وين .. وسعيد هني؟ وسعيد هناك !.. وسعيد ابداً مب معبرنك .. وعقب سرت وخطبت وملجت .. ولا حظرت حتى ملجتك .. ملجة اخويه عسب عمي يوسف .. اللي هو ثالث واحد انته مهتم فيه .. وعقبه عفرا تيي .. انته روحك مب ملاحظ ان اهتمامك فيني خف .. انا عادي عندي .. لا تقولي عسب انك عرست .. والله بالعكس فرحت لك .. مع اني استغربت كيف بتاخذ عفرا !.. لكن عقب عادي .. بس احس انك مب ع بعضك هالايام .. ما ادري بلاك .. احس ان في شي انته داسنه عني ! عمر ( تنهد ): ادري اني مقصر في حقك .. والله ادري .. بس كل اللي قلته ما يبرر تصرفاتك .. انته فيك شي ثاني .. سكت عبدالعزيز عمر: شوه فيك ؟ عبدالعزيز: ما شي عمر: عبدالعزيز ... قول . صدقني في شي ثاني .. عبدالعزيز: مب وقته الحين .. سير .. بتتأخر عمر: مب ساير لين ما تقول .. عبدالعزيز: سير عمر: قلت لك مب ساير لين ما تقول .. ارمس عبدالعزيز: صح انك عقب ما تعرّس بتودر البيت وبتطلع ؟ عمر: منوه قالك ؟ عبدالعزيز: محد قالي عمر: قول عبدالعزيز: سمعتك وانته ترمس عمي يوسف... ويقولك تسكن عنده عمر: يوم برد بتفاهم وياك عبدالعزيز: يعني صح عمر: بقولك عقب عبدالعزيز: انا من الحين اقولك ... لو طلعت من البيت .. انا بنساك .. صدقني بنساك .. مثل ما انته تبا تنساني الحين .. عمر: بتنساني !... اذا انته بتنساني بكيفك .. ان مستحيل انساك ... نش عبدالعزيز وظهر من الحجرة .. ونش عمر نزل تحت .. عمر: يالله يا راشد .. راشد: يالله .. مروان: الله وياكم عمران ( داس ع ريل اخوه ): بالتوفيق .. وظهروا راشد وعمر من الصاله .. مروان: بلاااااااااااااااااااااااااااااااااااااااااااااااا اااااااااااك عمران: لا تصاااااارخ مروان: بصرخ وبكسر راسك بعد عمران: ط هذا انتوا ! مروان: جيه تدوس ريلي عمران: لانك سخيف مروان: شراتك عمران :الحمدلله مروان: ونعم بالله عمران: لا اتم تخربط مروان: ما اخربط .. انا انسان جدير بالثقة عمران: ما يخصه مروان: تعال انته وين عزوز ؟ عمران: فوق مروان: تلقاه مظارب ويا عمر الحين .. ويستهبل .. وزعلان .. عادي يا خييييييي عمران: شوه العشا ؟ مروان: بعد تبا عشا الحين ؟ عمران: عيل متى ؟ فيه رقاد مروان: اتريا ... خل يردون اخوانك ... اتصل اتصل المستشفى احجز حجرتين حذال بعض عمران :بسم الله ليش ؟ مروان: سايرين بيت السفييييير .. عمران: ويعني ؟ مروان: يعني بتشوف الحين .. اخوانك بيردون منذلين عمران :لا تقول جذه .. ان شاء الله ما يستوي شي من اللي في بالك مروان: انا بعد اتمنى لكن .. هذا السفيييير عمران: لا عاد .. مب لهالدرجة بتوصل فيهم الدناءة .. بيطردونهم يعني ؟ مروان: عادي .. بيت السفييييير عمران: عموه عذيجة وياهم .. وعمي عبيد بعد .. مروان: ولو .. هذا بييت سفييييير .. السفيييييير عمران: مروان عن الحركات البايخه .. ذبحتنا سفير وسفير .. سفير وسفير .... لاعت جبدي .. مروان: انا لايعة جبدي زياده وانا اقولها عمران: محد قالك .. مروان: انزين بيت سفير .. وبعدين بتشوف بدر الخقاق .. جان ما سار فوق ونزل تحت .. جنه الا ما ادري شوه عمران: والله الواحد مش بجماله ولا بنسبه مروان: شوووووه ؟ اذا مب بنسبه عيل بـ شوه ؟ عمران : اقصد يعني . الاخلاق تغطي ع كل شي .. مروان: في بعض الاوقات عمران: صح كلامك .. لكن ما ادري شقول مروان: انا بقولك .. بدر اصلا رافع خشمه ع الناس .. ومصدق عمره .. ومعطينه الثقة الزايدة بأنه هو احسن عنا .. وكل شي عنده مظاهر .. بس شوف داخل قلبه .. حقد وكره وظلم .. عمران: بس بعد مروان: اقوله ولد السفييييييييييييير يقولي بعد ! عمران :لا اله الا الله .. بعد رد يقول مروان: اربط لساني عسب ما ارمس عمران: يا ريت مروان: تذكر يوم كنت اوصلك المدرسة عمران: سخييييييف ودمك ثجيل .. وما يظحك جان تبا تظحك الحين اللي يالسين وياك مروان: جنون ؟ ويييين عمران: في مخك مروان: طق طق طق من عند الباب .. انا الجني .. شوه تبا ؟ ابا عمران عسب اوديه افغانستان .. عمران فر مروان بمخده .. ع ويهه .. مروان: هههههههه بلاك ؟ خلاص ودرت تطوعك وتدينك والتزامك ؟ عمران: انته تخرب بلد والله مروان: لا ابويه ما يخصني .. لا توهقني في مخططاتكم التفجيرية .. عمران: والله محد بيوهقني غيرك ... مروان :اوه نسيت انك شرطي .. جندي من جنود الدولة عمران: انته انسان فاضي ... مروان: ادري .. ولاني فاضي .. بسير بيت قوم عموه ... عبدالعزييييييييييييييييييييييييييييز عمران: الله يغربل العدو ... يا مروانو مروان: احترم نفسك .. مروانو اونه .. عمرانو .. عمران: سير سير .. عبدالعزيز: شوه تبا ؟ مروان: بسير بيت عموه بتيي ؟ عبدالعزيز: هيه عمران: اتصل في عمر قوله .. مروان: انته ما بتيي ؟ عمران: لا مروان: قم زين تعال .. تيلس هني شوه تسوي ؟ عمران: ما ادري مروان: قم قم عمران: منوه هناك ؟ مروان: كلهم عمران: حتى بنات عموه ؟ مروان: جنه بياكلنك بناتها نش نش .. من زييييينك ... انته جنه ولدهن عمران: ههههههه سخيف مروان مروان: يالله نشوا .. يالله عزووووووز عبدالعزيز: يالله ياي انا .. في بيت السفير .. جواهر . سارت فوق .. وسارت صوب حجرة بنتها .. جواهر: هندو خلصتي ؟ هند: شويه بس جواهر: يالله بيوصلون ... هند: ان شاء الله .. جواهر :انا بنزل تحت هند: ماما جواهر: هلا هند: ابويه وصل ؟ جواهر: هيه ابوج هني هند ( بلعت ريجها): متأكده انه قالج اتصلي بهم وخل ايون ؟ جواهر: هيه هند: ما لاحظتي عليه انه ما ادري كيف ... جواهر: شوه قصدج ؟ هند: امايه لو ابويه يبا يجرحهم والا شي .. من الحين اقولج .. والله اني ما بسامح عمريه اني احط هلي في هالموقف .. لا تذلون الناس جواهر: هنّود حبيبتيه ابوج مب من النوع !... مب وغد لهالدرجة هند ( ودموعها في عينها): ثرني اقولج .. وقسما بالله لو استوى شي من اللي في بالي .. ما بسامح روحي .. وخصوصا ان هالشي يستوي في خالوه عذيجة ما ارضى عليها جواهر: بلاج تصيحين ؟ يوم قال جواهر هالجملة .. فعلا هند نزلت دموعها .. جواهر: حبيبتيه .. هنّود .. لا تاخذين فكرة عن ابوج ولا حتى اخوج .. هم لو ما يخافون ع مصلحتج جان ما قالوا لج يمكن هذا كله .. في مجرد سوء تفاهم يمكن او انهم كانوا متمسكين برايهم .. والحين قومي غسلي ويهج .. يالله .. هم على وصول وانتي خربتي ويهج .. ظهرت جواهر من الحجرة ... هند روحها ما تدري بلاها ... هذا اللي اختارته وهذا اللي كانت تباه .. وابوها يوم قال حق امها انه موافق ... هي من هاليوم ما شافته .. ولا تبا تشوفه .. تخاف تشوفه ويستوي شي .. والا يسمعها شي ... ما تدري شوه السالفه !.. ولا حتى جابلت بدر من هذاك اليوم .. يلست ع شبريتها .. تفكر شوه بيستوي اليوم .. تتمنى ما يستوي اللي في بالها تتمنى .. ان خالتها تيي وما ترجع بخيبة امل .. فظيعة من بيتهم اللي من سنين ما داخلتنه .. شافت مقبض الباب يتحرك ... لكن ما توقعت اللي ياي لها لين الحجرة .. بو بدر: يقولون العروس مضايجه وتصيح .. صاحت هند زيادة يوم قالها ابوها هالرمسة .. وقرب منها ويلس حذالها ع الشبرية .. حطت راسها في حضنه وتصيح .. بو بدر: ليش تصيحين ؟ هند: بابا .. ما ابا اسوي شي بدون رضاك بو بدر: ومنوه قالج اني مب راضي ؟ هند: انته من قبل ما كنت موافق بو بدر: اليوم وافقت .. هند: برضاك والا تبا تسوي شي اندم عليه ... وتبا تكسرهم وتكسرني جدامهم ! بو بدر: هذا كلام تقولينه حقي ؟! هند: لا تلومني والله اني زايغة بو بدر: هنّوده حبيبتيه .. انا يمكن كنت غلطان من قبل ... حسيت ان كل اللي تقدموا لج ورفضتيهم فعلا انتي ما بتتوالمين وياهم .. ليش اهدم حياتج ؟ .. وبعدين انا لو بعطيج حق راشد .. باختيارج انتي .. لكن انا بكون واثق اني عطيتج في ايدي امينة .. في ايد تربت ع ايد سيف .. الله يرحمه ... صاحت هند زيادة .. بو بدر: يالله حبيبتيه قومي غسلي ويهج .. العرب بيوصلون وانتي جذه .. هند:ان شاء الله بو بدر: اووه .. خيستي كندورتيه .. عيبج اللي سويتيه الحين ؟ ... هند: آسفة بو بدر: افا عليج .. تفداج الكندورة .. وراع الكندورة بعد .. هند ( أبتسمت ): منوه قدي .. كندورة سفير تفداني بو بدر: هههههه .. بدينا .. يالله نشي .. هند: ان شاء الله .. نش بو بدر .. وحب بنته على راسها .. وظهر من الحجرة .. هند نوعاً ما نوبة الرعب اللي فيها .. راحت .. بس بعد ما تدري شوه بيستوي يوم بييون .. ! في بيت يوسف .. منوه ساير بيت يوسف !!.... عفرا ... حست انها تبا ترمس خالها .. دامه اختار عمر .. فـ لازم الحين تحاول تحل المشكلة اللي حصلت ... تبا تفهم شخصية عمر اكثر .. ومحد بيفهمها بدون تعليقات بايخة .. الا خالها يوسف .. عفرا: مب انته اخترته لي يوسف: هيه عفرا: خلاص عيل يوسف: انتي منوه يايبنج ؟ عفرا: السايق يوسف: خبرتي امج ؟ عفرا: امايه طالعه يوسف: هيه .. سايرة بيت جواهر صدق .. قالت لي .. استغربت عفرا... اول مره .. خالها يوسف .. يطري سالفة فيها اخوان عمر وما يسيء لهم بكلامه !... المهم عفرا: انزين يالله قول يوسف: شوه تبين تعرفين ؟ عفرا: كل شي .. يوسف: اسألي وبجاوبج .. بس قبل هذا .. انتي خبرتيه انج يايه هني ؟ عفرا ( ارتبكت ): هيه .. اكيد خبرته .. يالله قول يوسف: تربية سيف يا عفرا كيف تسألين عنها عفرا: وسارة يوسف: لا تطرينها عفرا: خالي .. ما يستوي .. يعني هي امه بعد ... ولو كانت عايشه كانت بتكون عمتيه صدق .. يوسف: بس سكتي عفرا: يوم انك ما تدانيها ولا تداني عيالها ... كيف تأمن عليه تعطيني ولدها يوسف: عمر غير عفرا: عمر واخوانه نفس الشي .. وما بينهم فرق .. خالي والله لو تشوفهم يوم يكونون في مكان واحد .. ولا واحد فيهم يتجرأ يسوي شي بدون شور عمر .. وولا واحد فيهم يقدر يرفع صوته عليه يوسف: قصورهم يرفعون صوتهم ع عمر بعد عفرا: مب لـ شي .. تدري ليش ؟ لان تربية سيف اللي تقول عنها واللي تربّى عليها عمر .. خلته يربي اخوانه نفس الشي بالضبط .. يوسف: احس اني لو اشوفهم .. بشوف سارة جدامي عفرا: وليش ما تبا تشوف عموه سارة جدامك ؟ نسيت .. نسيت ان عموه سارة اكثر وحده كانت تزور هالبيت .. نسيت انها اول وحده تكون موجوده في هالبيت وقت الشدة او الفرح او المناسبات والاعياد ؟ .. نسيت انها حرمت اخوك سيف ... الله يرحمه ؟ ... خالي انا مع اني كنت صغيرة .. لكن ما انسى الوقفة اللي وقفتها عموه سارة .. يوم طحت الطيحة القوية .. وقالوا ان فيك القلب .. صخت عفرا .. القلب .. يالله ... بعد هالمرض .. هالمرض اللي ظهر الحين .. وما ادري شسوي وكيف اتصرف ... يوسف: الله يذكرها بالخير .. تغيرت الحالة .. حالة الصدمة انتقلت لـ عفرا .. ورفعت راسها فجأة اول ما قال خالها جملته .. وهو نزل راسه ... عفرا ( ابتسمت ): صدق الله يذكرها بالخير يوسف ( يبا يغير السالفه ): ما قلتي لي عفرا: عن ؟ يوسف: وين قال بيسكنج ؟ عفرا: ما رمسنا في هالموضوع يوسف: انا قلت له .. تييون تسكنون هني .. البيت كبير وما فيه حد .. وبيت سيف كلهم اولاد .. والبيت ع قدهم .. لو سرتي هناك بيكون لج حجرة وحده بس عفرا: لو يكون لي حجرة وحده انا راضية .. أي مكان يباه عادي عندي ما تفرق يوسف: كفو والله يا بنت عذيجة ... صدق اخترت لـ ولدي حرمه سنعة ابتسمت عفرا ... مرضه مش لهالدرجة بيدمر حياتي وحياته عسب ادمّر حياتي قبل ما ابنيها .. واحبطه قبل ما يبدأ حياته ... ليش مكبره الموضوع ؟ ... وليش اعطيه اهمية زيادة عن اللزوم .. المهم انج تسعدينه ويسعدج ... وتقدرين تعوضينه عن المآسي اللي لازمته في حياته .. والله يقدرني ان شاء الله .... في بيت السفير .... وصلوا ربعنا ... وسلموا ... ويلسوا ... بو زايد :والله بعدج يا جواهر .. مثل ما احيدج .. دلوعتنا الصغيرة .. جواهر: تسلم عبيد بو بدر: شوه يا بو زايد ؟ تتحسب اختك عيزت ؟ بو زايد: لا عاد كله ولا جواهر .. بعدها دلوعتنا .. ثرها بو بدر: هههههه والله مدلعنها اكثر بو زايد: هههه اشوف هالشي عذيجة: بس بعدني انا كبيرتهم بو بدر: والنعم فيج يا ام هزاع بو زايد: عاد عذيجة ع صوب ... ما نقدر نقول عنها شي ... عذيجة: ليش ؟ .. شفت جواهر استغنيت عني ؟ بو زايد: حشى .. والحشى عن ألف يمين .. والله انج ع عيني .. وع راسي من فوق .. بو بدر: شحالك عمر ؟ عمر: الحمدلله بخير بو بدر: وانته شحالك يا راشد ؟ راشد: تمام .. الحمدلله .. بو زايد: بدون مقدمات طويلة .. و سوالف جانبية ... نحن يايين نخطب هند .. حق راشد بو بدر: راشد ولدنا ... مثل ما هند بنتنا راشد: مشكور عمي .. جواهر: راشد حبيبي .. خف من هز ريلك شويه ... صد عمر صوب اخوه .. وراشد ع طول وقف هز ريله .. بو بدر: ما سار بعيد .. طالع ع عمته عذيجة: اكيد قصدك جواهر بو بدر: ههه هيه جواهر: عسب جذه قلت حق الولد ما يهز ريله .. ادري انك بتعلق ع هالشي بو بدر: وين تدرس يا راشد ؟ راشد: انا متخرج الحمدلله بو بدر: من وين ؟ راشد: جامعة الشارجة بو بدر: شوه كان تخصصك ؟ راشد: IT .. هندسة كمبيوتر بو بدر: تشتغل الحين ؟ راشد: هيه .. بو بدر: وين ؟ راشد: اشتغل في البلدية .. بو بدر: زين .. أي مبنى ؟ راشد: المبنى الرئيسي .. بو بدر: ما شاء الله ... عمر انته وين تشتغل ؟ عمر: في انترنت سيتي بو بدر: انزين .. مثل ما انتوا عارفين انتوا اتصلتوا بنا من قبل ... وخطبتوا فالتيلفون ... لكن الحين خطوبة رسمية .. بو زايد: ولان البنت ما شايفة الولد .. ولا هو شايفنها ... نحن يينا عسب يشوفون بعض .. بو بدر: من حقكم ... من حقكم ... جواهر قومي زقري هند .. جواهر: ان شاء الله نشت جواهر وسارت تزقر هند .. بو زايد وبو بدر بدوا يسولفون .. عذيجة كانت يالسه وحذالها عمر وعقب راشد .. عذيجة: راشد راشد: هلا عموه عذيجة: بلاك ؟ راشد: ما فيني شي عذيجة: لا تهز ريلك .. جنه انته العروس ! عمر: ههه قولي له .. عذيجة: اذكر ربك .. جنك داخل حرب والا ما ادري وين راشد: زياغ عموه عذيجة: بس لا تهز ريلك راشد: ان شاء الله .. هم الحين موافقين والا ! عذيجة: وايد مستعيل .. راشد: شوه بعد اشوفها وتشوفني ! عذيجة: ما تبا تشوفها ؟ ... راشد: مب لازم تشوفني عذيجة: الله عليكم يا عيال سيف .. تستحون ؟ اخوك اللي ما شاف بنتي جنها الا بتاكله ولا بك انته اللي ما تبا تشوف بنت اختيه عمر : احم احم .. انا سالفتيه خلصت خلاص عذيجة: هيه خلصت .. يوم واحد ييت تشوفها بس بعد عمر: وييييه زعلانه يعني مني ؟ عذيجة: وكيف ما بزعل .. الا بزعل ونص .. عمر: صدق عموه ؟ عذيجة: هيه والله يا عمر سيف ع قولت عفرا عمر: شوه ؟ عذيجة: هههه عفاري مسمتنك عمر سيف .. وسالم الحين ساير راد عمر سيف وعمر سيف عمر ( أبتسم): تسميني شرا ما تبغي .. وتزقرني مثل ما تبا بعد .. بس والله عموه ما كان قصدي ... ما دريت انج بتزعلين .. عذيجة: عفرا ضايقتك بـ شي ؟ عمر: لا حشى .. والله ما قالت لي أي شي ... ما بظلمها .. راشد: عموه بس .. هدّي سالفة عمر الحين ... عذيجة: شوه تبا انته ؟ راشد: بنت السفير عذيجة: هههههه اتريا خل تيي الحين شوفها راشد: والله انكم .. شوه اشوف .. ما اقدر اشوف .. عذيجة: بقولك ... بو بدر ما يداني يشوف حد جذه مرتبك .. يقول ع طول انه جبان .. فـ هذا ما بيكون لـ صالحك .. ويوم بتيي البنيه .. ارفع راسك وشوفها .. مب هي اللي ترفع راسها وتشوفك .. فهمت عمر: اتبع التعليمات عذيجة: شوف منوه يرمس الحين ! عمر: ههههه خلاص بسكت .. ادري ان أي شي بقوله في هالميلس مب لصالحي عذيجة: هيه زين يوم تدري بو بدر: راشد راشد: هلا بو بدر: ما ابا اخليك ع اعصابك .. ولا ابا العب فيها بعد .. لكن نصايح .. اعتبرها من ابو لـ ولده راشد: على عيني وعلى راسي كلامك .. بو بدر: تسلم لي يا ولد سيف ... شوف .. الزواج قسمة ونصيب .. لو كانت بنتي هند من نصيبك .. بتاخذها والله يسعدكم ويوفقكم .. لكن لو كانت مش من نصيبك .. ما اباك تزعل ... ولا تكدر خاطرك .. واباك تكمل حياتك عادي ... راشد: ان شاء الله بو زايد: هند بنتنا .. وراشد ولدنا .. وهالشي ما بيفرق بين عايلتين بو بدر: الحمدلله يوم سمعتها منكم .. لكن لو استوى نصيب يا راشد .. بنتي تحطها في عيونك راشد: ع هالخشم بو زايد: راشد .. هند غاليه .. غاليه وايد عندنا كلنا عذيجة: راشد بعد غالي .. نفس الوقت .. سمعوا صوت جواهر من فوق .. جواهر: بو بدر .. ننزل ؟ بو بدر: نزلي يا جواهر ما في حد غريب ... نزلت هند من فوق .. لابسه جلابية بس مش أي جلابية .. جلابية فخمة .. فخمة بلونها فخمة باللي مركب عليها من كرستالات فخمة باللي لابستنها .. ولابسة شيلة ع طرف الشيلة بعد كله كرستالات .. يلست ع صوب ... وهي منزلة راسها .. بو زايد: وصلت عروستنا ... شحالج هند؟ هند: الحمدلله .. عذيجة: يالله مستحية اليوم .. بو بدر: لا تلومونها .. عمر كان منزل راسه .. ولا رفعه .. اما راشد .. يالله يطالع هند لثواني ويرد يصد صوب ابوها والا عمه عبيد .. والا عمته .. بو بدر: هند هذا راشد .. راشد هاي هند جواهر: ما يعرفون بعض ؟! بو بدر: يمكن ناسين اسامي بعض !... عذيجة: لا لا .. جيه عاد بو زايد: هنّود .. هند: هلا خالي ؟ بو زايد: كملتي الجامعة ؟ من قال بو زايد جيه ... صدت هند صوب ابوها .. بو بدر: لا عندها ثانوية عامة .. بو زايد: ليش ؟ احيدج ما شاء الله عليج شاطره .. بو بدر: كنت اباها تدرس برع .. وما طاعت تدرس برع .. عاندت وعاندتها .. مدام ما تدرس برع ما تدرس داخل الدولة بعد بو زايد: يالله معاقبينها جيه ؟ .. كله ولا هند .. نذرن عليه والله يا هند .. اذا كان راشد من نصيبج ان شاء الله .. اقنعه تدرسين في أي جامعة تبينها .. بعد شوه تبين ؟ .. ابتسمت هند ونزلت راسها .. نفس الوقت .. انفتح باب الصاله .. دخل وهو عاقد حياته .. بدر: مواتر منوه هالكثر برع ؟ قال جملته ورفع راسه .. شاف اصحاب المواتر ع قولته .. وشاف امه وابوه .. واخته بعد ... بدر: ما شاء الله ... نوّر بيتنا .. اول مره اطبّونه ... بو بدر: بدر ... تعال سلم ع خالك وخالتك .. وعيال خالك .. تقرب بدر منهم اكثر .. بدر: خالي .... هلا خالي .. شحالك ؟ وما عطى فرصة لـ بو زايد يرد .. وصد صوب عذيجة .. اللي هي خالته .. بدر: هلا خالتيه .. هلا الغاليه .. شحالج ؟ وشحال بنتج ؟ .. في كلمة بنتج كانت في نغزة قوية حق عذيجة .. بدر: اوه راشد .. هلا معرسنا .. شوه اخبارك ؟ .. ( وصد صوب عمر ) .. اهلاً وسهلاً .. شرفت بيتنا .. ونورته .. مرحبا بأكبر خاين عرفه التاريخ جواهر :بدر .. بدر: خليني ارمس .. من متى وانا ابا اشوفه وما حصل لي الشرف اني اشوفه .. خاين هيه نعم خاين .. شمعنى يوم انا اخترت .. وبغيت البنيه .. سرت انته خذتها .. سرت انته خطبتها ويمكن لانك كنت تدري اني اباها .. وفكرت فيها .. سرت ملجت في نفس اليوم ... انصدم عمر .. هو ما يدري بـ سالفة بدر .. ابدا محد ياب له طاري ان بدر خاطب عفرا ... بو بدر: بدر اصعد فوق .. وما ابا اشوفك هني .. لكن بدر ما اهتم لـ رمسة ابوه.. بدر: وانته .. الثاني .. مصدق عمرك ياي هني .. ياي تاخذ بنت سفير ؟.. ناسي عمرك وشوه مستواك .. ومستواها هي ؟ ... ما انتبهت للفرق فالطبقات ؟ .. جواهر: بدر قالك ابوك اصعد فوق .. بو زايد: افا يا بدر ... تربيت ع هالشي انته ؟ .. ترمس عيال خالك بهالطريقة ؟ وتستهزأ بالناس وتنزل من مستواهم ؟ زايد: هيه .. مثل ما تربّى ولدك .. ع قلة الأدب .. وتجرا يرفع صوته عليه .. نش بو بدر من مكانه .. وبغا يسير حق ولده .. لكن بو زايد زخّه .. بو بدر: اذلف عن ويهي اقولك ما ابا اشوفك .. اصعد فوق قلت لك .. بدر: عادي استوى عندي كل شي .. عادي .. اكبر حرامية ونصابين فالعالم بكبره هذيل .. ( وصد صوب امه ) هذيل عيال اخوج .. ولد اخوج اللي خلاج ترفعين ايدج عليه عقب 25 سنة .. خلاج تهينيني .. وخرب علاقتيه بج .. وانتي ( يقصد هند ) مستانسة وايد وكاشخه ونازلة عسب يشوفج هذا .. والله ما عندج سالفة .. عيال كبارية وحسب ونسب يوج .. ما وافقتي الا ع هذا !.. ولد الفقارى .. ولد سويرة .. عمر: جب .. كلهم صدوا صوب عمر ... عمر: لـ هني وبس .. نحن فقارى .. نحن مش من مستواكم .. نحن اقل من طبقتكم .. نحن قليلين ادب ونحن مب متربين .. لكن لا تييب طاري امي ع لسانك .. قول عنا أي شي .. بس طاري امي لا تييبه .. راشد: اختك عندك .. يوّزها واحد من مستواك ومن طبقتك .. انا مستغني عن هالمصخرة اللي استوت .. لكن احلف لك يا بدر .. وجدام الكل .. والله .. وبرب الكعبة .. لو سمعتك مره ثانية تطري اميه ع لسانك .. لسانك بقصّه لك .. فهمت والا ؟ .... ظهروا راشد وعمر ... بو زايد: استغفر الله العظيم .. حسافة فيك .. حسافة انك ولد اختيه .. والله مب متحسف ع شي ثاني كثر هالشي ... وظهر عذيجة ( و دموعها تنزل ): حسبي الله ونعم الوكيل فيك يا بدر .. حسبي الله ونعم الوكيل .. وظهرت هي الثانية .. جواهر ( وهي تصيح ) : الله ياخذك وافتك منك يا بدر ... الله ياخذك وافتك منك ومن غرورك وتكبرك ع الناس .. انته شوه ؟ انته شوه ؟ هاي تربيتي انا ؟ والا تربيت ابوك ؟ تخرب وتدمر حياة اختك ؟ وتسوي مشكلة بين 3 عوايل .. الله لا يوفقك وين ما سرت .. الله لا يوفقك .. صعدت هند فوق .. وبو بدر يلس ع صوب ما يعرف شوه يسوي .. اول مره يحس ان الدنيا مب شايلتنه .. واول مره ولده يتجرّأ ع الناس بهالطريقة ومب أي ناس .. خاله وخالته وعيال خاله .. وظهر بدر من البيت .... في بيت بو هزاع ... احمد: ههاااااااي تحلم هزاع: ليش احلم ؟ احمد: والله انك تحلم هزاع:هههههه وليش احلم مروان: انا وياك صح يحلم .. ولا وحده بترضى بـ هزاعو الخسف هزاع: مالت عليك ربيعي لازم تساعدني ثاني: هههههه هذا غشاش والله ... حرامي عود هذا مروان: انته اللي ادمر العلاقات بين الربع عمران: ههههه انا ويا ثاني مروان: وشفت بين الاخوان بعد هزاع: يعني يا احمد وايد مغتر بحرمتك آمنة: وبلاها حرمته ؟ مروان: شوفي يحط عليج اخوج احمد: اقوله تحمل تاخذ وحده شرا حرمتيه آمنة: هاي مؤامرة بينك وبين مروان تحطون ع اخويه نقع مروان من الظحك .... واللي وياه طارق :حليلك يا احمد .. مروان: والله يا احمد اسمح لي يعني بس حرمتك ما تنعطى ويه احمد: هيه والله .. ما تنعطى ويوه مب ويه واحد وبس آمنة: احمد ! احمد ( يقلدها ): احمد ... شوه توني ادافع عنج وانتي تدافعين عن اخوج المحترم صالح: بس سكتوا ... حشرتونا سالم: هيه والله ثاني: اوه انا ناسي ان هذيل هني .. طارق: مندمجين فالبلاي ستيشن مروان: وحاطين صالح وعلي المراقبين الرسمييين عليهم صالح: هيه ما يخصني انا .. لو وصلت عموه علي: انا بعد ... احمد: والله كيفكم عيالكم علي: والله ولد صالح .. واخو مروان .. عبدالعزيز: انا اخو عمر مروان: محد عنده اخو غيرك سالم: هيه والله محد عنده 5 اخوان غيره بعد شوه ؟ عمران: الله اكبر هههههههه مروان: اليوم كلهم بيموتون حصه: حرام عاد ... هههه عيونه مب حارة لهالدرجة سلامة: ايه انتوا .. امايه بتيي زين بتسوي فيكم .. قايلة هي لعبوا فالميلس ... ولا ادقون تلفزيون الصاله .. سالم: عادي عادي ببيزات يدي هزاع: هيه يدك يصرف عليك وع ربيعك عبدالعزيز: ياخي جيه ادخلني انا فالسالفه علي: حصة ... ييبي كاس ماي الله يرضى عليج مروان: اصلا بيتكم اليوم منور .. ليش ان ثاني وعمران هني ثاني: زين الحمدلله .. تعترف يعني ان بيتهم كل يوم ظلام لانك انته هني احمد: هههههه حطوا عليك آمنة: وين البنيه ؟ غاليه: هذي عندي .. آمنة: وينج غاليه ؟ غاليه: هني فالصاله الثانية آمنة: تعالي هني سلامة: قاصة ع البنيه مخلتنها تلعب بنتج ؟ آمنة: وانتي عيل شوه !.. ما شاء الله عليج اللي يقول انتي عاد مووول .. احمد: بس خلااااااص ... غاليه الله يخليج .. تعالي هني ييبي عيالنا حصة: هه استحوا ع ويوهكم البنيه من الصبح ماسكة عيالكم وتتأمّرون عليها الحين غاليه: ههه لا والله عادي مستانسة وياهم ... يت غاليه ... ويابت عامر قبل .. وعقب ميثا .. ويلست ع صوب ويا ألعابهم .. مروان: افا بنت عمي ... كي تييبين ولد المبزايه قبل ميثاني احمد: تفرقة عنصرية طارق: والله محد مسوي تفرقة غيركم .. يعني تبونها تهد ولدي عيل ؟ مروان: والله مشكلتكم انته وحرمتك سلامة: شوه مشكلتنا ؟... نعم ؟ خير ؟ مروان: اسمعوا صوتها بس يوم ترمس .. هههههه سلامة: هههه والله انك حركات طارق: حرمتيه دلعها طبيعي مش مصطنع احمد: انا حتى حرمتيه ما شاء الله عليها مروان: ما تادبت انته احمد: لا لا خلاص .. عمران: ههه ليش تخرب بينهم ثاني: قلت لكم هو المدمر مش انا مروان: انته من تحت لين تحت شغلك هزاع: شراتك مروان: انا من تحت لين تحت ! طارق: ونعم الصداقة احمد: صداقة غششش مروان: غش ها .. شفت يا هزاع يشمتون فينا سالم: من زمان صداقتهم هذيل غش عبدالعزيز: ومال مصالح حصه: هههههه حتى اليهال يعلقون عليكم آمنة: صدقهم مروان: صدقهم اونه .. هزاع: انا ومروان اصلا متفاهمين مروان: صح ثاني: هههه الله ع التفاهم عمران: رواحهم يعقون عمارهم في مصيبة .. وعقب يدسون ع غلطتهم مروان: انتي انتي زخي ريلج آمنة: منوه انا ؟ احمد: بلاه ريلها ؟ مروان: متكشخ وما ادري شوه يتحسب عمره ما ادري وين ساير هزاع: معرس معرس .. احمد: من بوني معرس .. آمنة: ريلي شيخ الشباب .. مروان: قصدج شيخ الشياب احمد : هههههه يا ويهك ( وفر عليه مخده ) مروان: جيه تفر عليه ؟ هزاع قم عليه احمد: ههههه تأدب ها .. ونشوا هزاع ومروان اللي ع قولتهم متروس قلبهم ع احمد الغشاش يحط عليهم شويه ويسوي المشكلة وعقب ولا جنه له خص .. واونه بيخنقونه بالمخدات .. آمنة: ويه ريليييييي ريلي ... قومي زخي ولد خالج ( وكفخت سلامة ع ريلها ) سلامة: انا شوه يخصنيييييييي اخوج وولد خالج انتي طارق: ههههه سلامة حوه وين تبين لا تصارخين سلامة: ما تشوفها كفختني غاليه: هههههه حليلج يا سلامة سلامة: والله ! آمنة: ذبحتوا ريلييييييييييييي مروان: خله يموت احمد: انا ليش اموت ؟ خذ وحده واذبحها جانك وايد يعني متشوق لانك تذبح حد ههههه حصة: والله احمد يظحك ولا عليه سالم: هجوووووووم آمنة: هجوم في عينك ( وفرت عليه مخده قبل ما يوصل ) صالح: تعال تعال قر مكانك سالم: عبدالعزيز غشااااااش .. يبت عليه قووول عبدالعزيز: ههههه محد قالك تسير .. سالم: غش رد بسرعه رده عبدالعزيز: ول زيييييين .. والله ما بعيده .. علي: خلاص لعبوا بدون ظرايب .. خلاص سالم محد قالك تسير .. كمل اللعب وبتييب قول .. الحين صالح: انتوا ايه استحوا ع ويوهكم صاحت ميثا نفس الوقت غاليه :اويه صاحت .. مروان وقف .. وما قام يظرب احمد .. مروان: شوه سويتي في ميثاني ؟ غاليه: ما ادري روحها صاحت .. مروان: شوه سويتي فيها ؟ بسرعه اعترفي سلامة:ايه انته وين تبا تصرخ ع البنيه ثاني:لو سمحت اختيه حساسه .. احمرت غاليه ع طول ... هي اصلا صح انها يالسه وياهم .. لكن ما رمست لا مروان ولا عمران اليدد عليها .. حتى علي اللي مش دايما ايي ما رمسته .. هي متعوده اكثر شي ع احمد وطارق .. فـ هم اللي نوعا ما عادي وياهم .. آمنة ( غيرت السالفه ): تعالي حبيبتيه مروان :خليها انا بشلها ... احمد: قم عني يالدب .. ( ودز هزاع ) صدقت عمرك هزاع: عشت الجو .. احمد: اشوفك عمران: ما اصبت ؟ احمد: هههههه بلى اتصل ع الاسعاف آمنة: بسم الله عليك .. صالح: وحده منكن تسير تشوف شمسة لو سمحتن آمنة: راقده شمّوس .. مروان: اونه راقده ... ع هالحشرة ترقد ثاني: زين يوم تعترف مروان: ميثو طالعي هذا .. كرهيه .. ولا تسيرين عنده .. بعلمج كيف تحقدين عليه سلامة: خييييبة مروان: وهاي بعد بعلمج ما تزقرينها خالوه سلامة: قصورها .. اقص لسانها لو ما قالت خالوه احمد: شفتوا يعلم بنتي ع قلة الادب مروان :شوه نسوي .. انا اقولكم ما بيي هني .. بسير عند اهلي الاصليين الحلوين .. ايي عندكم انتوا الخسف .. اتعلم منكم هزاع: مالت عليك محد قالك تيينا .. سلامة: تعالوا عفاري ما ردت للحين ؟ آمنة: لا ... سلامة: بسها خل ترد .. مروان :اتصلي اتصلي فيها قبل ما اتصل في اخويه اخبر عليها احمد: ط هذا مصدق عمره هزاع: ايه ايه انته بعدها هي عندنا ... استريح مكانك .. مروان: هلااااا بو الشباب هزاع: اهلين .. ثاني: صدق انكم .. تحفة مروان: حطنا فالمتحف .. عمران: سخفااااااء .. مروان: الحمدلله ... نحن ناس دمنا خفيف .. ومرحين .. وكل حد يحبنا احمد: مداح نفسه .. مروان: يباله بوسه .. ميثاني حبيني .. وميثا ما جذبت خبر باست مروان .. وكلهم ظحكوا ع حركتها .. هالبنت شوه مسوي فيها مروان ع قولت عبدالعزيز وسالم .. ما يدرون !... روحه .. في سيارته .. ويلف في هالشوارع .. ما يدري وين يسير .. يحس الدنيا ضاقت به .. توقع ان بيستوي شي .. لكن مش هالشي اللي يحرق اليوف اكثر .. ما توقع بدر بيعق كم كلمة قاسيه عليه .. وع اخوه .. وع عمه وعمته بعد .. ولا يحترم وجود ابوه وامه .. ويدمر حياة اخته .. وهذا كله في لحظة بس .. انزين ليش ؟شوه السبب ؟ .. المستوى والطبقات ع قولته لين متى تدوم للناس ؟ .. الواحد لو ما حافظ ع هالنعمه والشي اللي هو فيه .. كل شي بيختفي في غمضة عين ... الله يسامحك يا بدر بس الله يسامحك .. ع كل اللي قلته .. الا انك تتعرض ع امايه الله يرحمها . وتذكرها بالسوء .. الا هالشي ما ارضى عليه .. وما اعطيك فرصة لانك تتعدى حدودك .. في بيت يوسف .. دخل .. وهو روحه مب ع بعضه .. شافها يالسه جدامه .. روحها ... وهي الثانية حليلها .. ما درت ان في حد بيدخل هالبيت جيه .. ويوسف قايل حق كمال ما يدخل الفلة خلاص لان عفرا هني .. وكمال فعلا ما داخل الفلة ... لكن هي تحسبت لأي ظرف طارئ .. وحاطه الشيلة ع راسها .. لكن ما لافتنها عدل .. . يوم شافته .. بهتت .. وبسرعه بسرعه لفت شيلتها عدل .. بدر: اهلاً... عفرا: السلام عليكم بدر: شوه تتحسبين بيت ابوج انتي الثانية .. انصدمت عفرا .. هذا بلاه ؟ داخل عليه بدون لا احم ولا دستور .. وتقرّب منها .. عفرا: شوه تبا ؟ بدر: وافقتي ع عمر ورديتيني ها .. عفرا: كل شي قسمة ونصيب .. بدر: قسمة ونصيب !... تبيني اقول حق عمر عن سوالفج في ألمانيا ؟ عفرا:أي سوالف ؟ بدر: نسيتي ! عفرا: قوله .. جني اخاف منك الحين .. انا واثقة من نفسي بدر: طبعا بتوثقين في نفسج .. لازم .. لانه ما يدري للحين عن سوالفج عفرا :بلاك قابضني سوالفج وسوالفج .. ما ادري شوه مسويه .. بدر: فعلا ما تدرين شوه مسويه .. اكيد بتنسين .. عقب ما خذتي الاستاذ عمر .. عفرا: الله يخليك .. انته قبل سر شوف سوالفك عقب تعال هددني .. وبعدين انا ع ذمة ريال الحين.. ما اسمح لك ترمسني بهالطريقة بدر: ظحكتيني .. ريال اونه .. عفرا: احترم نفسك بدر: انتي اللي احترمي نفسج .. واغدي حرمة سنعة ورمسيني شرا ما بنات العرب يرمسن .. احسن لج .. عفرا: وبعدين وياك .. انته شوه تتحسبني ؟ ... من ألمانيا وانته تقول بنات عرب وبنات عرب .. وانا بنت شوه يعني ؟ .. وايد مستهين بالناس ومقلل من شانهم على شوه ابا اعرف ؟ بدر: ولد سفير ... لو مب عايبنج عفرا: طبعا مب عايبني بدر: مشكلتج يا بنت الفقر .. اللي موافقة ع ولد فقر شراتج .. كنا نبا نعيشج في نعيم .. لكن طلعتي مب ويه نعمه .. ووافقتي ع التافه ولد التافهه عفرا: صدق انك حقير .. بدر: انا حقير يالـ .. وتجدم بدر زيادة .. نشت عفرا من مكانها وابتعدت ... عفرا: والله لو قربت زيادة بتشوف شي ما شفته في حياتك كلها .. والله .. وقبل ما يرد عليها بدر .. او يسوي أي شي .. سمع صوت من وراه .. عمر: انته شوه تسوي هني ؟ بدر: انته اللي شوه تسوي هني ؟ ليكون هذا مقر اجتماعاتك وياها وانا ما ادري عمر: بدر انا سكت عنك هناك .. صدقني .. والله ما بتشوف عمر الجديم عقب شويه لو طولتها ويايه .. صبري نفذ وياك يا بدر .. وسار عمر .. ووقف جدام بدر .. ومسك عفرا من ايدها .. ووقفها وراه بالضبط .. وظهر يوسف .. يوسف: شوه فيكم ؟ شوه هالصريخ ؟ بدر: ولد اخوك اللي يعتبر من حثالة المجتمع عمر: محد غيرك حثالة المجتمع .. وايد مغتر بأصلك وفصلك وحسبك ونسبك .. جنه الا الناس كلهم لا اصل ولا فصل ! بدر: كل واحد يعرف عمره .. عمر: صح كل واحد يعرف عمره .. فـ ليش تقلل من شان الناس ؟ بدر: لانكم جذه .. انا اقول الصدق وبس .. عمر: هذا كله جذب .. لكن انته غرك مستواك فالمجتمع ع قولتك .. بدر: بيغرني ... الحين بيغرني زيادة وزيادة بعد تدري ليش ؟ .. لانك انته غشاش .. وحرامي .. عمر: انا شوه سويت لك ؟ شوه سويت ؟ بدر: انته !... انته اصلا لابس قناع التواضع .. مسوي عمرك هادي وما يخصك في حد .. وماخذ كل حد في صفك .. اولهم خالي يوسف .. كثر ما يفتخر فيني لاني دارس في امريكا .. جدامكم .. لكن من وراكم .. ما عنده سيرة غيرك .. وعقبهم امايه ... اللي امس صفعتني عشانك !.. عشانك انته .. وعقبهم تيي هاي اللي واقفة جدامك .. هالدنيئة .... عمر( بصريخ):بدر بس اسكت ... مب قادر اتحمل تصرفاتك السخيفه البايخة ... بدر:ولا انا بعد اقدر اتحمل تصرفاتك السخيفة.. ويوم اقولك ولد سارة وتربية سارة تعصب ؟ ما قدر عمر يستحمل فعلا جمل بدر ورمسته اللي شرا السجاجين تطعن في صدره .. ورفع ايده .. يوسف: نزل ايدك يا عمر .. نزلها .. نزل عمر ايده في آخر لحظة .. ووقف مجابل بدر .. والشرار يظهر من عينه .. يوسف: تعالوا اثنينتكم مكتبي .. عمر ( وعينه في عين بدر ): اسمح لي عمي .. ما اقدر .. يوسف: عمر ! عمر: الله يخليك .. ( ونزل عينه عنه ) ... ما اقدر الحين .. وبدا صوت عمر يرتجف .. الوحيده اللي تدري شوه فيه الحين عفرا .. الوحيدة اللي عارفه عمر الى أي حد وصل .. والوحيدة اللي حاسة بالآلام مش الالم اللي يحسه عمر الحين ... لكن جدامهم ضغط ع عمره عسب ما ينكشف .. عمر: عفرا طوفي جدامي .. محد رمس فيهم ... عمر: عفرا قلت لج .. امشي ويايه .. ما ردت عفرا عليه .. ولا عارضته ... شلت عباتها اللي كانت حاطتنها ع صوب .. ومشت ورا عمر فعلاً ... في بيت بو زايد ... عذيجة تصيح من صوب وام زايد من صوب .. وبو زايد يالس .. بو زايد اتخذ قرار عقب ما عرف ان الكل هناك في بيت اخته عذيجة .. قال بييب عذيجة بيته .. عسب تهديها ام زايد شويه .. وما تثير أي جدل اذا سارت بيتها ع طول .. عذيجة: يوفي يحترق يا ام زايد ... والله ان يوفي يحترق .. اليتامى شوه ذنبهم بدر يظهر لهم ع آخر عمري انا .. ويدمر كل شي .. ويخرب فرحتيه فيهم واحد ورا الثاني .. ام زايد: بس يا عذيجة بس .. والله قطعتي قلبي عذيجة: عيد عبيد اتصل بهم الله يخليك اتصل بهم .. بو زايد: ما يردون يا حرمة ما يردون .. ووصل زايد .. زايد: السلام عليكم .. بو زايد: وعليكم السلام .. زايد يدري بالسالفة ... لان ابوه اتصل به وخبره يرد البيت بسرعه .. ويحاول يتصل في عمر ... زايد: ما رد عليكم ؟ بو زايد: لا .. رد عليك انته ؟ زايد: لا .. وشاف صوب عمته ... زايد: عموه ما يسوى عليج ... لا تكدرين خاطرج .. والله ان دموعج غاليه .. عذيجة: شقول والا شقول يا زايد .. بدر دمّر الدنيا .. والله ان دمّر الدنيا ... وكسر بخاطر الشباب .. كسر بخاطر عيالي ... زايد: ما عليهم شر ان شاء الله ... عمر ويا راشد .. كبار .. وما ينخاف عليهم .. ام زايد: ما يرد عليك ؟ زايد: لا ... بو زايد: لا راشد ولا عمر بعد ... عذيجة: الله لا يسامح بدر ان شاء الله ... الله لا يسامحه جان استوى بهم شي بو زايد: لا تدعين عليه .. عذيجة: عيل ادعّي ع منوه ؟ قولي ادعّي ع منوه ؟ المشكلة اللي من 10 سنوات تتكرر الحين جدامي .. تتكرر جدامي .. وكأن يوسف يالس يعاير سارة .. وسيف ... بدر ردنا 10 سنوات ورا ... يوسف دمّر العايلة من قبل ورد بدر يدمّرها مره ثانية .. حرام عليكم والله حرام .. اثنين راحوا .. بعد غيرهم يروحون .. روحي بتطلع ... والله احس ان قلبي بيوقف عليه ... كلهم سكتوا .. كلام عذيجة .. ام هزاع صح ... كله اللي تقوله صح ... اثنين راحوا .. والحين اثنين بعد !.. منوه بيستحمل ؟!.... في سيارة عمر ... صدت صوبه .. تشوفه .. ايده بدت ترتجف .. وهو يحاول يضغط عليها .. عسب يوقف الرجفة اللي يته فجأة ... ما تعرف شوه تسوي ؟ .. ما تعرف كيف تصرف ... تتصل في حد الحين ؟..! .. هو روحه ما يرد ع مبايله .. وما تدري وين مبايله اصلا ... والا هي روحها تتصل في اخوها والا ابوها حتى لو امها وخواتها .. لكن ما تتجرأ ... وهو وياها ... عمر: عفرا .. عفرا: شوه ؟ عمر: آسف لاني صرخت عليج عفرا ( تشجعت ): لا ما عليه .. بس عمر لو ما تقدر تكمل الطريج ... وقف السيارة شويه ع صوب ... بتصل في حد ايي ياخذنا .. عمر: لا اقدر عفرا: صدق ؟ صد عمر صوبها ... شاف نظرة الخوف في عيونها ... هو ما كان قصده يخوف عفرا والا انه يجبرها تسوي أي شي .. لكن هو لانه بدر رفع ضغطه وقهره زيادة عن اللزوم وتهجم ع عفرا اللي هي ع ذمة عمر الحين .. فـ كان لازم وهو طالع يشل عفرا كونها حرمته .. ما بيخليها ويا بدر في بيت واحد ... مره وحده سحب ايده .. وحطها ع موضع قلبه .. عفرا: عمر ! عمر: ما فيني شي .. بس موعد دواي طاف .. وناسي اييب الدوا .. عفرا: وين الدوا ؟ عمر: فالبيت .. مسك عمر مبايله واتصل .. عمر: عبدالعزيز عبدالعزيز: شوه ؟ عمر: افتحوا باب البيت .. عبدالعزيز: انا مب فالبيت عمر: عيل انته وين ؟ عبدالعزيز: بيت عموه عمر: كيف تسير وما تخبرني .. عبدالعزيز: ييت ويا مروان عمر: عقب بنتفاهم .. بند عمر في ويه عبدالعزيز .. مب لـ شي .. لانه ما قدر يكمل .. ويرمسه .. واختصر الموضوع يوم قاله عقب بنتفاهم .. لاحظت عفرا عليه .. انه صدق ما يروم .. عفرا: سر البيت .. عمر: ما عليه بوصلج وبمر البيت عقب عفرا: لا .... مر بيتكم .. الحين .. هذو هني هاللفه لف ... عمر: قلت لج ... صخ عمر .... ما قدر يكمّل جملته .. خذ نفس عميق .. وعفرا تشوفه جدامها كيف !! ... لف عمر مره وحده ... ما قدر يستحمل .. ما بيقدر يوصّل عفرا لـ بيتهم ... ولا يمكن يوصل هو بعد .. يعني هم الاثنين ما بيوصلون ... عفرا .. نزلت دمعتها .. يالله شوه فيهم الناس ؟ .. شوه بلاهم ؟ .. شوه سالفتهم ؟ .. ليش القلوب تحولت الى حجر ؟ .. ليش ما في حد يخاف ع حد ؟ .. ليش الواحد يدوس الثاني تحت ريله عشان المستوى والطبقات فالمجتمع ؟ .. ليش الاهل يتفرقون ؟ .. ليش الاخوان تعلى اصواتهم ع بعض ؟ .. وقفت السيارة .. يوم حست انها وقفت .. رفعت راسها .. يالله .. هالبيت من متى ما طبّته .. ولا يته .. من سنين .. تقريبا 10 سنوات وهي ما شايفه هالبيت ولا زايرتنه ... صدت صوب عمر .. شافته حاط راسه ع السكان .. عفرا: عمر انزل اييبه لك ؟ عمر ما رد عليها ... عفرا: وين حاطنه ؟ رفع عمر راسه .. وصد صوب عفرا .. الخوف مبيّن في عينها .. وواضح ع ملامح ويها .. وكل تعابير ويها تبين انها انسانه صدق ميته من الخوف .. لكن تصرّف عمر خلّى عفرا تستغرب اكثر واكثر .. رغم انه يتألم .. ورغم انه تعبان وهلكان .. لكنه ابتسم في ويهها .. عمر ( والابتسامة ع ويهه ) : لا .. روحي بنزل .. عفرا: انته ما تقدر .. عمر: اقدر .. عفرا: عمر الله يخليك عمر ( قطع عليها): آسف .. عفرا: على شوه ؟ رد عمر ساكت .. حاط راسه ع السّكان .. ولاف ويهه صوب عفرا .. مغمّض عينه .. عقب 5 دقايق رد عليها .. عمر: تشوفين هالبيت عفرا: اشوفه .. واعرفه عمر: هذا بيت سيف .. هالبيت .. حاولت قد ما اقدر اخليّه شامخ .. لكن اليوم .. تحطّم .. انهدم عفرا: وانته سيف .. وخليته شامخ .. وعالي عمر ( رد ابتسم ): يا ريت .. كلامج شرا الثلج ع صدري .. لكن للأسف غلط .. اللي تقولينه شي .. والواقع شي ثاني .. عفرا .. قبل ما انزل ابا اعرف جواب سؤال واحد عفرا: عمر .. انزل وعقب رد اسألني عمر: لا .. يمكن ما اشوفج عقب .. انصدمت عفرا .. الكلمات اللي يقولها قويّة ... هو ما يدري بـ وقع هالرمسة ع عفرا ... ما يدري كيف تأثيرها عليها .. عمر: عفرا ... انته بعدج تبيني عقب ما عرفتي عن مرضي ( وسكت شويه ) ...... وعقب ما شفتيني في هالحاله والا ؟ .. قبل ما تقولين لي جوابج .. اتمنى انج فكّرتي في الموضوع عدل .. ولو كان جوابج لا .. ما بزعل منج ولا بسوي شي .. ومب انتي اللي بتقولين حق عموه .. انا بنفسي برمسها .. بس ياريت الموضوع محد يدري عنه .. لان اخواني ما يدرون عنه .. محد يدري عنه غير زايد وراشد .. وانتي .. سكت عمر .. ورد غمّض عينه .. رغم الألم الا انه يكابر .. بس عسب يعرف رد عفرا ورايها .. يمكن ردها يريّح قلبه شويه ... وعرفت عفرا ان سكوته معناته ان الحين فتح لج المجال انج ترمسين .. يعني الحين دورج .. عفرا: عمر .. انا صح اني يوم وافقت عليك .. مش بقناعة .. فتح عمر عينه .. يطالعها .. عفرا ( نزلت راسها ): لكن عقب ما وقّعت ع الورقة .. وعقب ما زرتني فالبيت ... شي في داخلي تحرك .. وقالي يا عفرا .. ثر هلج ما عطوج في ايد أي حد ... هذا عمر .. اللي لين باجر واللي عقبه واللي عقبه ومدى الحياة .. الكل بيتم يقولي كل وحده تتمنّاه .. انا لو من قبل ما اباك .. عقب ما اعترفت لي بمرضك .. بتم متمسكة فيك ......... فتح عمر عيونه ... عفرا: ومستحيل آخذ غيرك .. في لحظة جرأة عفرا .. وصمت عمر .. رفعت عفرا راسها تطالع عمر ... ليش ما رد عليها ؟ ولا تحرك حتى !... شافته يطالعها وابتسامة عريضة ع ويهه ... ابتسامة عريضة تخلي الواحد يرتاح ... يرتاح نفسيا وينسى هموم الدنيا وبلاويها يوم يطالع ويهه .. وعقبها نزل عمر من السيارة ... وسار داخل ... تمت عفرا يالسه فالسيارة روحها ... في بيت يوسف .. يوسف: انا اخترت عفرا حق عمر مش عمر اختار عفرا ...عمر مشى ع شوري مب ع شور أي حد ثاني .. ولو انته تعتقد ان عمر انسان مخادع فـ انته غلطان .. بدر: انا يوسف: بس اسكت .. انته شوه ؟ ... انته دمرت حياة اختك ... وولد خالك .. وبنت خالك .. بلاه راشد ما تباه ياخذ اختك ؟ شوه فيه ؟ شوه ناقصنه .. رفع بدر راسه وعلامات التعجب ع ويهه .. خاله يدافع عن راشد ويكون ضده !... راشد !.. يوسف: لا تشوفني باستغراب ... هيه نعم بلاه راشد ؟ .. مثل ما انته اخترت البنيه اللي تباها .. هو من حقه يختار ... وهو ما سار بعيد .. تقدّم حق بنت عمته .. بدل ما تقرب بالريال وتحيّي به .. تغلط ع امّن يابته .. وطوايفه ؟!.. انا ما افتخرت فيك جدام الكل عسب تطاول عليهم .. وتقل ادبك عليهم وتتكبر عليهم .. انا يوم كنت افتخر بك جدامهم .. كان صدق لك مكانة في قلبي ما يعلمها غير رب العالمين .. ومع ذلك محد سوى اللي انته سويته .. محد تجرأ عليك وغلط عليك .. لاني دلعتك ... وانته كاتم في قلبك عليه وع عمر .. عمر هيه نعم .. ولدي .. ولدي اللي تربّى ع ايدي .. وايد امه وابوه .. وتربيته انعكست ع اخوانه .. من 10 سنين انا ما شايف اخوان عمر .. من 10 سنين ... لكني واثق ان لو الحين اسير لهم .. بيحبون ايدي وريلي .. لانهم يحترموني ويقدروني .. بيحطوني فوق رووسهم .. انا الـ 10 سنين اللي مرت ما اجذب عليك لو قلت لك .. اني اشتقت لهم .. رغم غروري اللي كان شرا الغمام ع عيوني .. الا اني كنت اتمنى ان هم اييوني .. ولو ياييني والله ما كنت بقدر اقولهم ظهروا برع من هالبيت ... والا اني اكسرهم جدامكم .. بالعكس لو هم كانوا ياييني .. كنت بستانس اكثر .. ويوم اني كنت اسبهم والا احط عليهم جدامكم .. تأكد ان اليوم اللي قبله كنت افكر فيهم .. ومن قهري عليهم ليش انهم ما يزوروني ولا يفكرون يقولون اوكيه هذا عمنا .. هو ما ايينا .. نحن بنحاول نكسب وده .. كنت اطلع حرتيه في عمر اليوم الثاني .. كنت اباه يحس .. لكن عمر ضامنهم .. وخوفه عليهم خلاه يمنعهم من انهم يزوروني كان زايغ اني اطرد اخوانه .. وما يبا هو الاهانة لهم ... ما يبا الاهانة لـ بيته .. شرا ما سيف ما كان يبا الاهانة لـ بيته .. تصرف نفس تصرف ابوه .. يوم منع حرمته وعياله كلهم انهم يزوروني .. لاني قلت له ما ابا اشوفهم هني .. لكنه ما قدر يمنع عمر من انه يزورني .. عرفت ليش عمر مكانته غير عنكم كلكم في قلبي ؟ ... عرفت ليش ؟ ... عقب ما خلّص .. يوسف .. كلامه .. اللي تواصل .. بدون انقطاع .. ولا عطى بدر فرصة يرمس ويقول أي شي .. نزلت دمعة بدر .. يمكن بدر شخصية مقتبسة من يوسف .. لكن يوسف عرف غلطته عقب ما راح كل شي ... عقب ما راح اخوه .. وحرمت اخوه .. اما بدر جدامه الحياة طويلة .. ويقدر يصلح كل شي .. يقدر يعيش بين الناس ويحترمهم ويحترمونه .. يقدر يصلح كل اخطاءه .. وما يعتقد يوسف ان الناس اللي بدر غلط في حقهم .. ما بيغفرون له ... اللي سوّاه .. طوّل وهو داخل .. وبدا الخوف يتمكن منها ...تختار .. اما انها تيلس مكانها .. وتترياه اكثر واكثر .. ساعة وساعتين وثلاث ... وتخاف عقب تنصدم وتندم وتلوم عمرها جيه ما نزلت وسارت وراه .. او انها تنزل الحين وتسير تشوفه .. اختارت الاختيار الثاني ... لانها ما قدرت تصبر .. نزلت عفرا من السيارة .. ومشت لين الصاله .. فتحت الباب .. اول ما شافت اللي جدامها .. بهتت ... عفرا: بسم الله الرحمن الرحيم .. وخذت نفس .. لان حست ان في لحظة يوم شافته بيغمى عليها .. عرفته ع طول .. لان الوحيد اللي يسكن في هالبيت ويا الشباب هو .. عفرا: وين عمر ؟ فريد ( ودمعته ع خده ): فوق عفرا: شوه فيك ؟ عمر شوه يسوي فوق ؟ فريد: عمر تعبان ... عمر وايد تعبان .. ( ومسح دموعه ) فجاة حست عفرا بأن حد وراها ... وفريد يشوفه ابتعد عن الباب .. لان ما في مجال الا ان عفرا يدخل .. دخلت عفرا .. وصدت ورا .. سعيد: هلا هلا .. استغربت عفرا .. هذا بلاه ؟ ... شوه فيه ؟ ليش يقول هلا هلا بطريقة اذا عفرا وصفتها بتقول انها وقحة .. سعيد: محد فالبيت طبعا .. عفرا ما ردت .. ولا فريد رد عليه ... سعيد: وانا اقول .. ليش الاخ ماخذ راحته .. عمر نزل من فوق .. سعيد: اوه .. بعد !... الـ Big Boss موجود هني .. وانته بايعنها .. عفرا ( ما قدرت تيود عمرها حاسه ان في تهم تتوجه لها ) : انته شوه تقصد بكلامك هذا ؟ سعيد: ما تدرين للحين ... اطالعي ساعتج وبتعرفين شوه اقصد .. وانا اللي لازم اسألج .. انتي شوه تقصدين بـ وجودج هني .. في بيت ... كله شباب .. وثانيا ما في حد غير الاخ فريد .. وراع البيت عمر .. عمر ( بصرخة): سعيد ....! سعيد: بس بس .. وفّر صريخك يا اخي ع اللي يستاهل .. وين اخوانك ؟ ... قصيت عليهم قلت لهم وين يسيرون ؟ .. عسب تاخذ راحتك ؟ .. في كل كلمة يقولها سعيد .. ألم عمر يزيد .. ويزيد .. ويزيد .. لكن يحس انه ما يقدر يرد عليه .. سعيد: رد عليه ؟ .. اكيد ما عندك جواب .. فريد: انته مينون سعيد ( رفع ايده ويأشر في ويه فريد ): شوف .. لو تجرأت تقول أي كلمة ثانية في حقي .. بدفنك في مكانك وانته حي .. سمعت ؟ ... عمر: سعيد اطلع برع ... سعيد: مب طالع من هالبيت .. البيت بيت ابويه .. ولو حاط في بالك انك بتقص ع الكل وبتاخذ البيت حقك فـ انته غلطان .. البيت هذا بينباع وكل واحد منا بياخذ نصيبه .. عمر: سعيد .. قلت لك اطلع برع .. سعيد: وانا قلت لك ما بطلع برع... صدقها بدور يوم تقول انكم يالسين تلعبون من ورايه .. وما صدقتوا اطلع من البيت .. كل واحد فيكم سار خطب وعرس من صوب .. ولا جني اخوكم .. وين بتسكنون حريمكم ؟ .. ما فكرتوا ؟ اكيد فكرتوا .. كيف يوم انا قلت لكم ابا عسب اعيش حرمتيه قلتوا ما عندنا .. والحين كل واحد فيكم عنده حرمه ... واكيد اكيد اللي اسمه يوسف ويقولون عنه عمي .. موفر لكل واحد فيكم سكن .. وهالبيت تبون تلعبون فيه لعب عفرا: انته شوه تقول ؟ .. انته ليش جذه ؟ .. سعيد: وانتي منوه عسب تحاسبيني ؟ .... سكتي الله يخليج سكتي .. يا ( واطالعها من فوق لين تحت ) يا بنت الناس عفرا: بنت ناس وغصبا عنك .. انته لو كنت ريال صدق ما بترمسني بهالطريقة رفع سعيد ايده .. في ويه عفرا ... وفجأة حس بقبضة قوية .. تمسك ايده ... عمر: لو مره ثانية شفتك ترفع ايدك في ويه أي حد .. وخصوصاً حرمتيه ... بكسرها لك .. تفهم والا لا .... وفر عمر ايد سعيد بعيد .. وعقب ما نزل ايده .. حس ان الدنيا تدور ... حس ان راسه ثجيل .. وريوله مب شايلتنه .. وحس فجأة بقبضة اقوى عن كل مره ... في موضع قلبه .. وصرّخ صرخة هزت البيت بكبره .. من الألم اللي فيه .... فريد: سعييييييد .. بتذبحه .. عمر بيموت عفرا ( وهي تصيح ): عمر .. عمر قوم .. انته ليش تسوي فيه جيه ؟ كفاية اللي هو فيه .. والله حرام عليكم .. هذا اخوك ... اخوك اللي ضحّى بكل شي عشانكم .. تبا تذبحه انته ؟ ... تبا تذبحه عسب تتهنا انته وحرمتك .. سعيد: انتي عفرا ؟ حرمته ؟ عفرا: عيل منوه ؟ ... تتهم اخوك .. وتقول اشيا ما لها أي صحة فالواقع .. تتوقع اخوك اييب وحده البيت في غيابكم .. حرام عليك يا سعيد .. سعيد: انا ما قصدت وبدا عمر ياخذ نفس عميق .. ويشهق .. عفرا: عمر .. عمر شوه فيك ... ( وصدت صوب سعيد ) .. اخووووك فيه القلب .. وانته تبا تذبحه .. شرا الصاعقة نزلت الجملة ع سعيد ... اخوك فيه القلب .. الجملة هاي لها 100 تفسير عند سعيد .. عفرا كأنها قالت اخوك فيه القلب ... ابوك فيه القلب .. امك فيها القلب .. طوايفك كلهم فيهم القلب .. وانته روحك فيك القلب .... مب عمر اللي فيه القلب وبس ..... نفس الوقت دخل راشد .. راشد: عمر .. عمر شوه فيك ؟ ... عمر انا وصلت .. شوه السالفه ؟ ... سعيد فريد .. عمر شوه فيه ؟ في حديقة بو هزاع ... سالم .. وعبدالعزيز وصالح وعلي .. يالسين ع كراسي الحديقة .. علي: عبدالعزيز شوه فيك ؟ عبدالعزيز: ما شي سالم: مضايق مضايق صالح: دام انك تعرف انه مضايق اكيد انته السبب سالم: حشى عليه والله ما يخصني .. علي: حشى عليك والا مب حشى عليك .. شوه مسوي به ؟ سالم: عبدالعزييييييييز جاوب قولهم انا سويت شي ؟ عبدالعزيز: لا صالح: بكل برود ههههه علي: صدق عبدالعزيز شوه فيك ؟ عبدالعزيز: عمّور اخويه صك التيلفون في ويهي سالم: افا ! صالح: ليش ؟ .. يمكن قلت له شي اضايق عبدالعزيز: زعل مني لاني ياي هني وما مخبرنه علي: وانته جيه ما خبرته ؟ عبدالعزيز: ما ادري ليش ما خبرته سالم: كيف يعني ما تدري ؟ عبدالعزيز: والله ما ادري .. مع ان عمران قالي خبره .. بس لان قبل ما يظهر من البيت اظاربت وياه .. فـ قلت ما بخبره علي: بس عمر مول ما يزعل منك صح ؟ عبدالعزيز: هيه سالم: خلاص عيل .. انته جيه مسوي سالفة طول وعرض .. صالح: لانه يخاف ع مشاعر اخوه سالم: والله عادي .. صالح: تعلم منه تعلم كيف ما يجرح اخوانه ... عسب انته تكون شراتهم سالم: يعني ما اجرح مشاعر اخويه اللي بيي صالح: او اختك سالم: لا انا حاس انه ولد علي: اذا ولد .. شوه بتسميه ؟ سالم: انا اقولهم سمّوه فهد .. سموه فهد ما يطيعون علي: من وين مظهر اسم فهد صالح: انا ادري حد من ربعه اكيد سالم: والله لا صالح: انا ابا اسم عبدالعزيز علي: حلو عبدالعزيز سالم: عندنا عبدالعزيز عبدالعزيز ( أبتسم ) : هيه كم تدفعون لي عسب تاخذون اسمي سالم: مليون عبدالعزيز: جنك تقول درهم سالم: ط هذا .. خقاق واحد علي: ههههههه عيييب عبدالعزيز: هههههه خقاق محد غير بدر سالم: هيه والله .. صالح: لا ترمسون عن الريال لا ترمسون عنه عبدالعزيز: هو يخلينا نرمس عنه غصب سالم: هيه والله علي: بلاك ع هيه والله سالم: هيييييييهأ .. يالدنيا ... نفس الوقت ظهروا ثاني .. وعمران من داخل ... ثاني: احسن شي بالنسبة لي انا توشيبا عمران: يعني اوكيه ؟ ثاني: هيه .. مميزاته اوكيه عمران: انت متى بتكون فاضي ؟ ثاني: متى تباني ايي وياك ؟ عمران: باجر .. زين ؟ ثاني: اوكيه .. عمران: أي وقت ؟ ثاني: انا فاضي .. انته اتصل فيه أي وقت تبا وانا بظهر بيي ويراك وبنسير عمران :ان شاء الله ثاني: اخوانك ما ردوا عمران :الله يعين .. ع قولت مروان احجزوا لهم حجر فالمستشفى ثاني: ليش ؟ عمران: اونه بدر ما بيخليهم في حالهم ثاني: لا ما يقدر اصلا يسوي شي .. عموه عذيجة وابويه هناك ما يتجرّأ ... داخل ... احمد: هذيل وينهم ؟ طارق: تأخروا صدق .. اتصلوا في عمتيه مروان: لا راشد ولا عمر يردون .. يمكن بعدهم هزاع: عنبوه .. مروان: بيت سفييييييير آمنة: ههههههه ط مروان انتوا مروان: ههههه والله .. ما ادري شوه مودنه هناك .. سلامة : وين ؟ مروان: يعني حبكت الا ياخذ بنت السفير حصة: هو قايل اباها ؟ ... والا حد اختاره حقها مروان: يعني منوه بيختارها حقه ؟ عقيتوا بس اختكم انتوا في جبد اخويه سلامة: حليلها اختنا .. حصة: ههههه فذمتك خل تسمعك عفاري زين بتسوي آمنة: وين شافها اخوك و قال اباها مروان: منوه عمر ؟؟ ما شااافها ولا شي .. انتوا اخترتوا له ... قصيتوا عليه هزاع: ايه انته بلاك ع اختيه آمنة: اقصد راشد وين شاف هند؟ مروان: من المزرعة اظن من هذيج الايام حصة: يالله .. .الله يسعدهم .. مروان: شوه الله يسعدهم ! هزاع: خل يردون قبل .. انا قلت حق امايه بتردون والله وانتوا منحبطين مروان: انا ما قلت حق اخواني بس قلت حق عمران يحجز غرف فالمستشفى .. احمد: هههههههه عن الحركات طارق: ليش غرف بسم الله مروان :سايرين بيت السفيييييير .. صح ميثاني حصة: ط كيف تدلع هاي بعد طارق: شايفه مروان آمنة:الا ايوزها حقك مروان مروان: آسف .. ما آخذ وحده من انجالكم الكرام .. الخسفين آمنة: بنتي خسسسسسسفة ! هزاع: ههههههه بتنتحر امون الحين سلامة: هههه غلطت احمد: هــه تتمنى وحده شراتها .. تتمنى خشم بطول خشمها .. وشعر كستنائي شرا شعرها ... وعيون عسلية وساع شرا عيونها وثم تقول عصفور .. وخدود ورديه شرا خدودها انته بس مروان: خليت فيها شي .. احمد: بتبات الليل تسهر تكتب معلقات فيها هزاع: وليش ياخذها ... تبلتش بالشيبة عقب آمنة: هيه والله مروان: هههههه حقدت عليه آمنة الحين احمد: هيه كل شي عند حرمتيه ولا انا احم احم او بنتها تغلطون علينا مروان: خلاص خلاص آمنة آسفين ... بنتج حلوة والله حلوة ملكة جمال ما شاء الله آمنة: اونه نحن خسف .. كل هذا وتقول عنا خسف سلامة: ما تشوف يعني جمالنا هزاع: هيه والله احمد: هههههه ما تشوف جمال حرمتيه طارق: حرمتيه انا بعد حصة: علي محد عسب يمدحني .. مروان: اسير ازقره ؟ حصة: هههه لا لا استريح .. آمنة: يعني لا انا حلوة .. ولا سلامة .. ولا شمسة .. ولا عفاري .. ولا حصة .. ولا غاليه ... عيل منوه حلو ؟ .. سر خذ من صوب قوم امك .. وحده عيونها خضر مروان: هيه وماخذين منا العيون الخضر بعد ... يعني عيالكم ماخذين جمالنا آمنة: منوه منوه الحين ؟ .. ولا واحد من عيالنا عيونه خضر مروان: شوه ؟ هند بنت خالتج عيونها مب خضر ؟من وين يايبه العيون الخضر ؟من سعيد اخويه اول واحد فالعايلة عيونه خضر .. اقصد من طرفكم .. وهو يايب العيون الخضر من امايه الله يرحمها ... اللي طالعه ع اهلها احمد: بسم الله .. خلاص خلاص .. اهدى اهدى مروان: والخدود الحمر بعد من صوبنا ماخذينها هزاع: عنك عااااد احمد: مصختها .. تبا تقول ان بنتي خدودها حمر عليك ؟ طارق: ولدي خدوده حمر عليه انا .. مروان: انته دب والدببه لازم خدودهم تغدي حمرا طارق: هههههه الله ياخذ العدو .. سلامة: ايه لا تحط ع ريلي مروان: بس سكتي .. ولدج ظاهر عليه .. سلامة: قالك ابوه انه طالع عليه .. خدوده حمر ع ابوه آمنة: انا خدودي حمرا .. ما طالعه عليك .. انا اكبر منك .. مروان: ماخذتنه من امايه آمنة: امك ما تقرب لي مروان: اوكيه انتي حاله استثنائية بالغلط ... خدودج حمر آمنة: ط هذا ! حصة: وغاليه ع منوه طالعه بعد !.. احمد يالله قول .. صخيت اشوفك مروان: غاليه تستحي عسب جذه خدودها حمر .. تفشلت غاليه من الخاطر .. وويها بكبره غدا احمر مب بس الا خدودها حصة: هههههه الله ياخذ عدوك مروان: قلت لكم شوفوا شوفوا هزاع: بس اسكت ( وهمس في اذن مروان ) يالدب عادي تصيح ... احمد ( غير السالفه ): اصلا بنتي جميلة ع امها .. آمنة: وانا جميلة ع امي مروان: امج عمتيه بعد .. آمنة: هاااااااا ... توك تتبرى منّا ..! مروان: هههههه خيبة كلتيني .. وتموا يظحكون ويكملون سوالف ... فالمستشفى ... وصلوا .. المستشفى ... لكن عمر واصل قبل ... بسيارة الاسعاف .... عفرا ركبت ويا راشد .. لان ما لها خيار ثاني ... راشد يمشي في ممرات المستشفى ... وعفرا وراه .. راشد: لوسمحت ... .......: نعم ؟ راشد: وين القى المريض عمر سيف؟ .......: متى دخل المستشفى ؟ راشد: توهم يايبينه بالاسعاف .......: تعال ويايه .. وسار راشد ورا الدكتور ... صوب الاستقبال .. . ....... : فاطمة الله يخليج بس شوفي اسم مريض توهم يايبينه فالاسعاف .. عمر سيف ....... شكراً... ومشىالدكتور بعد .. وراشد وعفرا وراه .. ركب اللفت .. .......: شوه اسمك ؟ راشد : راشد .. ........: شوه يقرب لك المريض ؟ راشد: اخويه .......: حادث ؟ راشد: لا .. لين وصلوا الطابق اللي قصده الدكتور ظهروا ... مشوا لين حجرة ... درايشها كبيرة وكلها زجاج .. يعني اللي برع يشوفون المريض .. داخل .. يشوفونه راقد .. حوليه الاطبا .. الممرضات .. الممرضين .. وكل انواع الاجهزة عليه .. وخصوصاً اجهزة القلب ... دخل الدكتور داخل ... وقفت عفرا ع صوب .. وغطت ويها بايدها وبدت تصيح ... راشد : ليش تصيحين ؟ .. ( ابتسم ) .. بيقوم ان شاء الله ... بيفتح عينه قريب .. وبيكون بصحة وعافية .. كلمات راشد .. لـ عفرا .. كانت شرا السحابة .. اللي اطوف في صيف حار .. نار .. بمجرد ان ظلها البسيط مر ع انسان .. يحس براحة ولو لمدة ثانية او ثانيتين ... هذا كان شعور عفرا يوم سمعت كلمات راشد ... رغم ان اخوه مرقد .. وما تم جهاز الا وحطوه عليه ... الا ان التفائل مازال ملازم راشد .. وصل .. شخص .. راشد ما يدري هالانسان وين سار ومن وين ياي .... كان فالبيت وياهم .. توه .. لكن تأخر .. سعيد: راشد .. وين عمر ؟ أشر راشد حق سعيد .. كأنه يقول شوف ... شوف بعينك وجدامك ... عمر وين .. 10 دقايق مرت ... والحال على ما هو ... وعقب 10 دقايق ... الممر انمزر .. وما في حد ما درى باللي استوى بعمر ... اخوانه .. وعيال عمه .. وعيال عمته .. ورياييل بنات عمته .. وعمته .. و عمه .. وحرمت عمه .. وبنت عمته آمنة .. بس هي اللي يايه ... مروان: شوه قالوا لكم ؟ راشد: انسداد في الشريان التاجي ... وتلف بالأوعية الدموية .. عمران: شوه يعني ؟ راشد: يعني فيه القلب مروان: من متى ؟ راشد: من زمان مروان: انته تدري من قبل ؟ راشد ( نزل راسه ) : هيه .. عمران: وليش ما قلت لنا ؟ راشد: اوه تحقيق هو والا تحقيق ؟ .. بس فكوني .. بو زايد: يا شباب .. بلاكم؟ هدوا اعصابكم .. مروان ويا راشد كل واحد فيهم لف الصوب الثاني ... وادارك راشد الموضوع .. راشد: ما في شي عمي ما في شي .. في صوب ثاني .. زايد: وين علي ؟ طارق: يلس في بيت عمتيه .. هو وصالح .. يمكن الحريم يحتاين شي .. زايد: ثاني وين ؟ طارق: ثاني بعد وياهم .. لان عبدالعزيز ما يدري للحين .. احمد: زايد شوه استوى ؟ طارق: صدق شوه استوى في بيت خالتك ؟ زايد: بدر .. دخل عليهم و سبهم وشتمهم .. و خرب كل شي .. احمد: قسما بالله هالانسان .. لو ازخه انا واعصره بعد ما بيشفي غليلي .. طارق: احمد مب تزيد النار حطب احمد: والله يا طارق والله .. لولا احترامي لـ حرمتيه و اهلها .. جان علمته الادب جان علمته كيف يحترم كل الناس مش بس اهله ... ويحطهم على راسه .. طارق: استغفر الله احمد: استغفر الله مليون مره بعد ... الواحد يطلع عن طوره ولا يقدر يستحمل .. يعني عايبنك اللي استوى الحين !.. هالشباب مالهم غير هالاخو .. اللي غادي شرات الحمار كرف ليل ونهار عسب يعيش اخوانه .. ايي بدر يدمّر كل شي في لحظة ... زايد: انا مقهور اكثر منك يا احمد .. والله مقهور اكثر منك .. نحن كلنا عطينا حق بدر المجال انه توصل فيه الموصيل لهالدرجة من الدناءة .. السبب الاول والاخير يرجع لنا .. مروان: بس لو ادري شوه استوى في بيت اللي يقولون عنها انها عمتيه .. عمران: راشد ما قالك ؟ مروان: مب طايع يقول .. عمران :يعني تعتقد السالفة تخص بدر ؟ مروان: الا اكيد .. وبس عمر ينش بالسلامة ... والله بيشوف بدر عمران: تتريا لين عمر ينش بالسلامة مروان: ليش مستعيل ع موته عمران: اليوم قبل باجر لو استوى بعمر شي .. مروان ( صد صوب عمران وابتسم ): غديت صدق من عصابة بن لادن .. بجملة مروان اللي فيها نوع من المزح .. واللي ما يتخلى عنها حتى في اصعب المواقف .. واللي تعتبر كارثة ... عمران حط راسه ع جتف اخوه .. وحضنه .. حسوا الاخوان انهم صدق محتاجين لبعض في هالوقت .. حسوا انهم قراب اكثر واكثر من بعض .. المشاكل اللي مروا فيها خلال الفترة الاخيرة ... واللي خلت الظحكة نادر ما تزور بيتهم خلتهم اليوم يجتمعون ... لكن فالقلب شي من الحزن ... وفالقلب شي من القهر ع اخوهم سعيد . سعيد: مروان .. مروان ما رد ع سعيد ... وصد عنه الصوب الثاني .. راشد: مروان .. مب وقت هالحركات .. سعيد: خلّه يا راشد .. خله .. بس بغيت اسأل عن عبدالعزيز .. راشد: صدق وين عبدالعزيز ؟ سؤال في محلّه .. كلهم موجودين .. الكل الا عبدالعزيز ... كيف طاف عن بال ... راشد .. وسعيد .. وعذيجة .. و بو زايد والكل ... بسؤال سعيد وراشد .... وصل راعي السؤال .. اللي يرجع له السؤال ... منوه يابه ؟ عبدالعزيز ( والدموع في عينه ) : ليش ما قلتوا لي ؟ راشد: منوه يابك ؟ عبدالعزيز: ليش ما قلتوا لييييي راشد: انته جيه تصرخ ؟ عبدالعزيز: وينه ؟ راشد: هذو .. وراك لف عبدالعزيز .. وشاف عمر .. اول مره في حياته .. يشوف اخوه في هالحاله ... اجهزة الدنيا عليه .. ما توقع يشوفه في هالحاله ... حتى وهو ياي فالطريج ما توقع يشوفه في هالحاله .. عبدالعزيز ( صد صوب راشد ): دخلني عنده .. راشد: ما يستوي عبدالعزيز: ابا ادخل .. راشد: ما يستوي .. الدكتور مانع هالشي ... تشوف حد داخل ؟ عبدالعزيز: ما يخصني في ولا حد .. انا بدخل سعيد: عبدالعزيز .. اصبر شويه الدكتور بيي وبنشوف شوه يقول عبدالعزيز: ما ابا .. بدخل .. بو زايد ( وصل ): شوه فيكم ؟ .. عبدالعزيز: بدخل راشد: محد داخل ... عبدالعزيز: قلت لك ما يخصني في حد .. ابا الحين ادخل يعني الحين .. ابا ارمسه .. ( وبدا يصرخ ) .. ان شاء ولا واحد فيكم يدخل .. انا بدخل يعني بدخل .. راشد: اسكت .. ولا ترفع صوتك هني .. عبدالعزيز: دخلني .. والله جان ما دخلتني يا راشد روحي بدخل .. مروان: منوه يايبنك ؟ عبدالعزيز: مب مهم منوه يايبني .. و نفس الوقت وصل ثاني .. كلهم يوم شافوا ثاني .. عرفوا منوه ياب عبدالعزيز .. زايد: جيه يبته ؟ ثاني: يوم درى بهدلنا فالبيت .. وصاح وجلب الدنيا .. شحال عمر ؟ زايد: على ما هو الحال .... عبدالعزيز: دخلني .. دخلني .. ( وبدا يظرب راشد ) .. اقولك ابا ادخل .. راشد: اتأدب .. عبدالعزيز: بدخل راشد: نزل ايدك .. محد يقدر يدخل بينهم .. وولا حد يقدر يسوي أي شي .. حتى عمتهم مب مستحمله .. وناستنهم كلهم ويالسه ع صوب وتصيح ... آمنة: عبدالعزيز .. حبيبي تعال عبدالعزيز: راشد بدخل .. ابا ادخل راشد ( مره وحده نزل لمستواه ومسك ايده ): اسمعني ... قلت لك ما يستوي تدخل .. بس اسكت .. واحترم نفسك وانته كبير ولا تسوي حركات اليهال هاي .. لأييك كف هني وانته في مكانك .. بو زايد: راشد .. وقف عبدالعزيز يطالع في عيون راشد .. اللي انترسن دموع .. هو الثاني .. غصبا عنه سوى هالشي .. غصبا عنه .. ما كان يبا عبدالعزيز يوصل هني .. لانه يدري ان بيقطع قلوبهم كلهم .. مرت 5 ثواني تقريباً وهم يطالعون في عيون بعض .. عقبها يلس عبدالعزيز ع الارض .. وحط ايده ع ويهه .. وبدا يصيح بمرارة .. كل الموجودين .. تقطعت قلوبهم عليه .. ودهم الارض تنشق وتبلعهم ولا يشوفون عبدالعزيز وهو جذه .. لانه اكثر واحد متعلق في عمر .. يا احمد .. ونزل لمستوى عبدالعزيز .. احمد: يالله عاد يا بو سعود .. ريال وتصيح .. ما يستوي .. يالله نش .. اخوك بينش ان شاء الله بالسلامة ... وما عليه شر .. ( أبتسم ) عاد اذا جذه بيوّز بنتي سالم .. انته ما تنفع في هالمواقف .. تصيح .. عقب تصيّح بنتي وياك وتكسر بخاطرها .. يالله حبيبي .. قم .. عبدالعزيز ( رفع راسه ): احمد الله يخليك .. بس ابا اشوفه .. ما بسوي شي .. والله بس بشوفه .. من قريب .. هذيل ما بيدخلوني ادري .. بس انا ابا ادخل .. ما بلعوزه ولا بخليه يتألم اكثر .. بس بشوفه .. كلماته شرا الطعنات فالقلب .. تقطعه .. ع البطيء .. لو الواحد قلبه حجر .. بيتفتت هالحجر .. يوم بيسمع عبدالعزيز كيف يصيح ويرمس .. وصل الدكتور .. .......: ما في شي يديد .. الحاله على ما هي .. بجملته هاي سكتهم .. يعني لا تسألون .. زخه احمد ع صوب .. ورمس وياه .. مروان في صوب ثاني .. نزل لمستوى عبدالعزيز وبدا يرمسه .. مروان: يالله نش .. عيب عليك كل حد يطالعك عبدالعزيز: مروان .. مروان افهمني حس فيني مروان: لو اقدر والله بدخلك .. بس ما يستوي .. والله ما يستوي نحن ما دخلنا .. عبدالعزيز: انا بس بدخل .. دقايق بس اشوفه وبطلع والله بطلع .. حتى الدكتور خل يشوف .. وصل اللي ما توقعوا وصوله ... تجدم راشد .. ومسكه زايد .. لان الكل فاقد اعصابه الحين ... مروان: هذا خوزوه عن ويهي .. ما ابا اشوفه راشد: زايد هدني .. زايد: راشد استهدى بالرحمن .. وحط عقلك براسك .. طارق :يا جماعة الخير مب وقته هذا كله الحين والله مب وقته راشد: زايد هدني اقولك .. مروان ( وهو صاد الصوب الثاني بس يأشر ع بدر ) : قم عن ويهي اقولك .. والله قم .. برتكب فيك جريمة هني .. بدر: وين عمر .. عمران: لا تطري اسمه ع لسانك .. لو سمحت راشد: والله يا بدر وانا اقولها لك .. لو استوى بعمر شي .. ما تلوم الا نفسك .. بو زايد: راشد بس .. راشد: شوه بس شوه بس ؟ .. من سنين ونحن كاتمين في قلوبنا .. ناكل زقوم ونقول ما عليه .. ونشرب السم ونحن نظحك .. وبعد نقول ما عليه .. بس خلاص .. راسنا بينفجر .. روحنا بتطلع .. ارتحت الحين يوم شفته هني ؟ .. ارتحت !... خذ بنت خالتك عقب وفاته .. خذها .. يوم بتترمل .. سعيد: لا تقول .. لا تقول جذه .. بيقوم عمر .. بيقوم .. علمنا ع التفائل .. ليش اشوفكم منهارين ؟ .. ليش اشوف كل واحد فيكم من صوب طايح ؟ .. هو ما قال لكم .. الواحد ما ياخذ الا نصيبه فالدنيا ؟... وما قايل لكم .. الابتسامة ما اباها تفارقنا ؟ ... تعاهدنا ع هالشي والا ؟ .. ليش يوم طاح هالطيحة كلكم تنكثون بالوعد ليش ؟ في هاللحظة .. وصل .. بهيبته .. وصل ... كلهم التفوا يشوفونه ... بالدّور .. سلموا عليه .. الا عيال سيف .. واقفين ع صوب .. مروان: تجدموا وسلموا وانتوا ساكتين .. صدوا الاخوان صوب مروان .. مروان ( وهو مصر ) : تجدّموا وسلموا .. وتجدمهم مروان .. ومد ايده حق عمه .. كلهم يطالعون ... شوه بتكون ردة فعل يوسف ؟ .. شوه بتكون ؟ .. الا انه مد ايده .. وعقبه يا راشد وسلم عليه يوسف .. وحتى عمران .. وسعيد بعد ...... الا عبدالعزيز اللي يالس ع الارض .. هالمرة يوسف بنفسه نزل لمستوى عبدالعزيز ...... الكل منصدم .... يوسف: عبدالعزيز عبدالعزيز رفع راسه يشوف منوه صاحب الصوت ؟ .. مروان: عبدالعزيز قم رمس عمي يوسف .. يالله هذا عمي يوسف ؟ .. هذا اللي تمنيت اشوفه طول عمريه ؟ .. هذا اللي احسه يقاسمني حب اخويه عمر ؟... توقعت اشوفه .. بس مب في هالظرف .... يا الله .. جني اشوف سارة جدامي ... سارة نفسها يالسه وتصيح .. نفس اللون ونفس الويه ونفس العيون .... هالعيون بلونها كانت تميّز سارة .. هذا هو عبدالعزيز اللي عمر حاطنه في وسط قلبه ... هذا هو اللي في بعض الاوقات اغار منه ... هذا الصغير .. هذا عبدالعزيز .. دموعك غاليه يا ولد سيف والله ان دموعك غاليه .. يا ولد سارة .. بودّي آخذك في حضني الحين .. لكن في قلبي نار .. ما ادري بتنطفي بقومة اخوك بالسلامة ... والا بندم ندم شديد ع اني ما خذتكم في حضني جدام اخوكم .. جدام عيونه عسب يرتاح فواده ... يوسف: شوه فيك تصيح ؟ عبدالعزيز: ابا ادخل عند عمر احمد: قلت حق الدكتور قال .. ما يستوي .. عبدالعزيز: انتوا ليش ما تفهمون ؟ .. حرام عليكم .. ابا اشوف اخويه .. ابا اشوفه .. ابا اشوف ابويه .. وزاد صياحه .. بازدياد صياحه .. الكل التف صوب الزجاج .. يشوف اللي يحصل داخل .. عمر فتح عيونه فجأة .. وبدا يشهق .. و يتنفس بصعوبة ... وبدا يزوع دم .. ما قدر يستحمل يوقف برع .. دخل عبدالعزيز .. واخوانه كلهم دخلوا .. وعمته دخلت بعد .. وعمه يوسف .. والباقين وافقين برع .................................................. .. ()()()()()()()() أحاسيس ()()()()()()()() رغم الألم الذي يعتصرني .. رغم أنهم حولي ،، اسمع صدى اسمي ( عمر ) ،، واسمع نواحهم لكنني لا أراهم ،، فالسواد قاتم داكن ... التفتت يساراً ،، لأرى اجهزة غريبة ،، تصدر اصواتاً خفيفة .. وسرعان ما انتبهت لـ النور الذي يقترب منّي ... ولفت انتباهي ،، نعم ،، أرى نورها ،، أحس بخطواتها أحس بأنها تقترب مني شيئاً فـ شيئاً أحس بريحها الطيب يفوح منها وبشعرها المنسدل على كتفها فرحتي كبيرة لا توصف ،، بوصفها فـ صورتها مازالت محفورة في قلبي ،، والآن أراها أمامي ثانية وكأنها كانت تنتظر لحظة قدومي هنا كانت تنتظر مجيئي ونومي على هذا السرير يزيد الألم ،، أشعر بدنو أجلي ،، بالرغم من ذلك أحس بسعادة تغمرني لا أدري في لحظة لما انتابني الشعور بالخوف بأن هذه اللحظات السعيدة لن تدوم أريد أن اسألها وهممت بسؤالها عن من اشتاقت عيني لرؤيته .. سألتها :: أين هو ؟ اقتربت مني اكثر وهمست في أذني :: اشش .. نم في هدوء أحس ببرودة فظيعة ،، أحتاج الى من يغطيني ،، أحس بأن اطرافي تتجمد .. صراخهم يزداد طلبت منهم تدفئتي ،، ولكنهم لا يسمعون !! حاولت مراراً ندائهم ،، ولكن نواحهم يزداد ويزداد !! أحس بأن البرد قد تمكن مني ،، أحس بـ رأس أحدهم على صدري ،، ويسيل دمعه عليه أحسست بأن الدمعة قد تجمدت من شدة برودة جسدي ما عدت استطيع الاحتمال والاستمرار .. أنفاسي تتقطع .. مددت يدي لها ،، فانتبهت لي ،، وقالت :: لا تحاول فإنها لا تسمعك علمت حينها بأن لا احد غيرها يسمعني وقادر على مساعدتي فقلت لها :: اطلبي منهم ان يدفؤوني ،، فالبرد يسري في جسدي اقتربت مني ،، اخذتني بين ذراعيها ،، واحتضنتني شعرت بدفئ صدرها ،، نبضات قلبها كانت قريبة مني ،، أسمعها بوضوح ابتسَمَتْ ،، فابتسَمْتُ ،، مازال أنينهم متواصل وقد زاد بوصول احدهم ... نظرت الى التي زادت من نواحهم انسكبت دمعتها فقالت من امددتني بدفئ قلبها :: أهي من تنافسني لتتربع على عرش قلبك معي ؟ اعتلت وجهي ابتسامة عريضة وأجبتها وانا اهز رأسي بالايجاب اجابتني :: نعم الاختيار .. فهي جميلة أجبتها :: مثلك .. فرفعت رأسها ثانية .. ونظرت الى من حولها .. الى ان رأت ورأيت .. من تركته لي لاكون له ابا واما واخا .. فانسكبت دمعتها .. وقالت :: أمانتي هل حافظت عليها ؟ فجأة .. أحسست بقبضة قوية على موضع قلبي ازداد الألم .. احس بأن روحي تنتشل مني ابتعدت عني .. ارى دموعها هي الاخرى بدأت تنسكب .. ببعدها عاد البرد لكي يحول جسدي الى قالب ثلج بدأ العرق يتصبب مني فتحت عيني .. أخذت نفساً عميقا .. به .. رأيتهم جميعاً أمامي .. يبكون أحسست بأطرافي ترتخي .. وبجفوني تغمض ،، باختيارها لا بارادتي سكون عم المكان .. اجتاح الفراغ .. ركد صمت .. هدوء .. اسمع في داخلي صوتٌ يذوي ( هــم قصـة لا تُشترى ) أختفوا من أمامي جميعهم واختفت هي الاخرى عن ناظري وما عدت أرى الا سواداً ،، في سوادٍ ،،،، في سواد .. ()()()()()()()() أحاسيس ()()()()()()()() عبدالعزيز: عمر قم .. عمر الله يخليك نش ،، لا تسوي بي جذه .. افتح عيونك .. ابا اشوفك وانته صاحي ،، ما بسير بيت عموه مره ثانية بدون شورك .. والله ما اطب بيتهم مرة ثانية بدون رضاك بس انته قم .... عمر بسمع رمستك ... بسمع رمسة راشد ومروان وعمران ... حتى سعيد والله بحترمه ولا بطريه بالشين .. بس انته نش ... عمر حتى عمي يوسف بحبه وبحطه فوق راسي .. بس انته افتح عينك .. عمّور ... كلهم صاحوا .. صاحوا ... مروان يلس ع صوب وحط ايده ع ويهه وصاح .. عمران نفس الحاله .. راشد واقف ع صوب .. ويصيح .. سعيد مصدوم ودموعه تنزل ... عفرا : انتوا شوه فيكم ؟ بلاكم تصيحون ؟ هو ما فيه شي .. والله ما فيه شي .. بينش .. بينش ان شاء الله ... مب انا اللي اقولكم هالشي .. انتوا لازم تعرفونه .. انتوا تعرفون عمر قبل ما انا اعرفه .. مروان .. شوه فيك ؟ قولهم شي .. الله يخليك لا تلعب بأعصابي هالمرّة بعد ... ارحم حالي .. ارحموني .. سكتت عفرا .. والتفتت حولهم تشوفهم كلهم .. عفرا: عمر شوه فيك ؟ .. ليش جذه تسوي بهم ؟ ليش جذه تسوي بي ؟ .. قم خل يشوفونك .. ريحهم .. لا تحرق اعصابهم .. ( نزلت دمعتها ) عمر لا تهدني عقب ما تعلقت فيك ... لا تبيعني عقب ما اشتريتك .. لا تدفن حبي لك عقب ما حبيتك .. الله يخليك .. لا تحرق لي فوادي .. لا تكسر شي في داخلي .. لو تميت العمر كله احاول اصلحه ما بيتصلح .. يوسف ضاغط ع عمره .. وع عصاه .. وواقف يسمع رمسة عبدالعزيز !.... عبدالعزيز : عمّور قم .. انته وعدتني انك تكون ابويه .. وابويه راح وامايه راحت والحين انته .. عمّور والله حرام عليك .. عمر قووووم .. اقولك قووووووم ...................... وداعاً هــكــذا الــدنــيــا لـــقــاء ثــم نــفــتــرقُ كـ حال الــشمس قد مالت و راح يلفّها الشفقُ وداعاً لا تــلــم قــلــبــاً طــواه الــهــمّ و الـقلقُ وداعاً لا تــلــم قــلــبـاً اذا مــا ظــل يــحــتـــرقُ ســنبــقى مثــل مــا كــنا لـ درب الخير نستبقُ ســنبــقى مــثــل مــا كــنا زهــوراً زانها العبقُ زهــوراً تــنتــشي أمــلا يــجــدد ريــحها الفـلقُ وداعاً هــكــذا الــدنــيــا لــقــاءٌ ثـــم نـفــتـــرقُ فـ شمس البين قد رحلت كسيفاً وهي تحترقُ تعال يا أخي ،، تعال معي لننظر ونتفكر في حالنا .. تلك الحال التي كانت خير حال .. سعادة ... ومحبة ... وألفة ... وحنان حالنا التي كنّا نُحسد عليها .. تعال نقلب صفحات الماضي .. فالحاضر خال من الصفحات بعد ان ضيعنا انفسنا .. بشهواتنا .. وعناد بعضنا البعض .. فغدونا فريسة لكل وغد ومخادع وفقدنا عزّتنا .. وكرامتنا فارتمينا في احضان التيه والضياع تعال لنعيد الاعياد ونضيء الشموع و ننير الدروب ولن يكون لنا هذا الا اذا عدنا الى طريق الصواب ... ولطالما انتظرنا طويلا ذلك الحلم بعد النهاية بعد مرور 5 سنوات .......................... وأنا في ظلمة أشد من اللّيل لا أحس بمن حولي .. انقطعت أصواتهم أرى نوراً من بعيد .. وكأنهما نجمين قد سطعا في هذه الظلمة .. يقتربان مني .. وباقترابهما يزداد نورهما .. إلى ان اتضحت لي الرؤيا يااااااااه ،، سنوات مضت وشهور سرت .. أيام انتهت .. وساعات انقضت .. ولحظات فاتت .. وانا انتظر رؤيتهما .. سالت دموعي وفاضت .. فشعرت بيد حانية تمسحها .. ويد اخرى ترفع رأسي المطأطئ ينظر الى الأرض .. سيف : ليش تصيح ؟ سارة : لا تصيح حبيبي ،، نحن هني عمر : ليش رحتوا وخليتوني ؟ ليش حملتوني فوق طاقتيه ؟ ليش عقيتوا كل شي ورا ظهوركم ورحتوا عني !! سيف: مش بارادتنا سارة : قضاء وقدر عمر : حاولت أكون سيف .. مثل ما وعدتكم .. لكني فشلت ! سعيد ظهر من البيت وهو زعلان ومب راضي عليه ولا يبا يسامحني !... وراشد مودرنه توني ودموعه ع خدّه !... وعمران ناسنه خلال الفترة الأخيرة !... وعبدالعزيز بدت الغيرة تعميه ،، ومب قادر اعوضه الحنان اللي فاقدنه !... سيف : ومروان؟ عمر : بعد اتريا عسب مروان يأكد لي أني فشلت سارة ( أبتسمت ) : عفريت من صغره .. وماخذ الحياة ببساطة .. ابتسمت لتعليقها وكلماتها ........ سارة: عمر .. انا متأكدة .. وواثقة .. يمكن لو نحن كنا .. ما بنهتم في اخوانك كثر ما انته اهتميت فيهم .. وخفت عليهم .. انته حققت انجاز .. نحن ما حققناه .. ربيت اجيال .. ربيت 5 شباب ... رياييل ... بمعنى الكلمة .. سيف: انا ما خفت عليهم منك .. يوم ودرتكم .. خفت عليك انته منهم .. لكن انته علمتهم ع التفائل .. غرست فيهم الحب .. والوفاء ... عمر ... مهما آذوك .. يتمون اخوانك .. دمك في عروقهم .. ودمهم في عروقك .. ومهما حاول أي حد يشوه صورتك .. او يهز منك شعره وحده ... ما بيقدر .. تدري ليش ؟ لانك انته اكبر من هذا كله .. وقم .. بسك رقاد .. يحاتونك عمر: منوه ؟... ما اشوف غيركم .. وفي هدوء .. استيقظوا .. وابتعدا عني .. وزاد بعدهما .. أحسست بشيء ما يخنقني .. أحس بتيار كهربائي يجري في جسدي ... فجأة فتحت عيني .. فاذا بالدم ينسكب من فمي .. ولا ارى سوى .. رجال .. لا أعرفهم .. في ملابس بيضاء .. تعتلي الابتسامة وجوههم .. ولكن لا ادري ما السبب ......! ومن هم .....! شعرت بالتعب قد أعياني .. وبـ الارهاق قد تجسد فيني .. عدت اغمضت عيني ... فأحسست بصفعات خفيفة على وجهي .... واسمع اسمي ..... " عمر " ... " عمر " . . . . . . . عفرا: عمر .... عمر ... عمر ( انتبه ) : هلا.. عفرا: بلاك سرحان من ساعة وانا ازقرك عمر: آسف ... السموحه ما كنت منتبه .. شوه بغيتي ؟ عفرا: ما ابا منك شي .. بس سرحت عمر: ما في حد يا ! عفرا: ما ادري وينهم ! عمر: وين سارة ؟ عفرا: راقده فوق .. عمر: وين عبدالعزيز ؟ عبدالعزيز ... بالنسبة لي .. لو رحل .. بيكون اصعب يوم في حياتي ومستحيل انساه ... يمكن فقد اميه وابويه ما بيأثرون عليه كثر ما بتأثر بفقده .. حياتي من دونه عدم .. ما بقدر اوصل لهالمرحلة .. ما بلقى حد يلمني بحنانه .. ما بلقى حد يقصر ع عمره ويعطيني .. ما بلقى اخو شراته .. ما بلقى ابو شراته ....! نزل عبدالعزيز تحت ... عفرا: نشت ؟ والا وعيتها ؟ عبدالعزيز: ههههه لا والله روحها نشت .. سمعت صياحها وانا ياي هني عمر ( أبتسم ): شحالك؟ عبدالعزيز : الحمدلله بخير .. انته شحالك يا بو سارة ؟ عمر: الحمدلله .. شوه مسوي بدراستك ؟ عبدالعزيز: تمام التماااااام عمر: شد حيلك عاد .. عبدالعزيز: شاد حيلي .. جيه عمي يوسف مخلني في حالي ؟ وظهر يوسف من داخل .. يوسف: هلا .. هلا .. مرحبا .. وبلاه يوسف ؟ عمر :اهلييييين ههههههه عبدالعزيز: ههههه ما شي ... بس اقول انك ما مقصر ويايه وتلبي لي كل طلباتي عفرا: قول الصدق عبدالعزيز: عمرررررر .. شوف حرمتك عمر: هههههه يوسف: ع العموم جان حشيت من ورايه مسامحنك عبدالعزيز: فديت هالويه والله ... يعلني ما اخلى منه يوسف: هيه انته وسالم .. محد يروم ع تقردينكم عفرا: ههههههه حرام عليكم معلمين خالي التقردين بعد يوسف: هيه والله خبلوني .... عمران ... عن نفسي .. كانت بتكون في حلقة ضايعة في حياتي .. بيكون في نقص في حياتي .. ما اتخيل حياتي بدونه .. ما اتخيل اني كل يوم ما اصبح بابتسامته .. ما اتخيل ان ما في حد ينصحني ويقولي عمران رد البيت من وقت عمران لا تسير هني عمران لا تسير هناك .. ما ادري منوه كنت بشاور عقب رحيله .. صح ان اخواني كبار .. صح انهم بيكونون قراب مني .. لكن عمر غير .. مروان ... امممممم ... كيف يعني يسير ؟ .. كيف يعني ما يكون موجود في حياتي بشكل خاص ؟ .. وحياتنا كلنا بشكل عام .. اول شي راودني يوم شفت ان ايده ارتخت .. ان كيف يروح عنا .. وعبدالعزيز كيف بيعيش .. يمكن تستغربون .. لكن فعلاً .. تفكيري كله كان في عبدالعزيز وعفرا .. فقده صح بيكون صعب علينا .. لكن عبدالعزيز متعلق به .. وعفرا بدت تتعلق به .. فـ كيف يودرهم؟ وعني انا روحي .. ما كنت اتخيل ان عمر ما بيهزبني .. او انه ما يفر ع ويهي المخده يوم احط ع عمران .. او انه ما يهزبني يوم احط ع فريد .. كل الاشيا هاي مرت في بالي .. باختصار شديد ... ما كنت باخذ الحياة بعد وفاته ايزي .. وببساطة ... وبغيّر قاعدتي .... ! مروان وعمران توهم نازلين من فوق ... وبعد يتناقرون ... بعدهم !... بعدهم .....! عمر: خير خير خير ؟ عمران: افف اسكت عني خلاص ( وسار صوب عمر ) شحالكم ؟ عمر: الحمدلله .. شوه فيكم ؟ مروان: عفرااااا .. محد بيساعدني غير عفرا ... عفرا: شوه السالفه ؟ يوسف: امس انتوا راقدين في حجرة وحده ؟ عمران: هيه .. للأسف الشديد مروان: احمد ربك .. ييت آزرتك عمران: تآزرني والا تصدع لي راسي .. هذربااااان هذرباااااااان عمر: شوه سالفتك انته ؟ مروان: منوه انا ؟ عمر: هيه عيل ! عبدالعزيز: انا بقول لكم .. متحرقص .. يبا يعرف رد غاليه عفرا: ما ردوا عليك ؟ مروان: هيه انتي تستهبلين عليه الحين .. انتي تعرفين اخبارها عفرا: هههههه حشى عليه مروان: والله حرام عليكم عمر: الواحد مب يسير يخطب وعقب يومين يردون عليه مروان: بلى .. عيل متى يردون ان شاء الله ؟ يوسف: عفرا عقب كم ردتي ع عمر ؟ عفرا: اممممم اسبوع .. ما ادري اكثر .. ما اذكر والله مروان: ط هاي .. لا تخليني اتخبل ! عمر: هيه تتحسب ساير تلعب هذا زواج مروان: وانا شوه فيني .. تحمد ربها ماخذتني يوسف: لو سمحت ! مروان: اقصد يعني .. عمييييييييي رمسهم الله يخليك يوسف: شوه ارمسهم ؟ مروان: رمس عمي عبيد والله قوله ما رديتوا علينا عمر: مروان اثقل .. بلاك ؟ مروان: انتوا مب حاسين فيه عمران: والله انته اتصل في ثاني واسأله مروان: تستعبط ! عمران: لا استهبل .. مروان: خلاص ما ابا منكم شي عفرا: اصلا منوه قال بنسوي لك ؟ مروان: اوكيييييه ما علييييه ما علييييه ... باجر بتحتاييني عفرا: هههه الله لا قال عمر: ان شاء الله ما بتحتايك .. عمران :هههههه ييبها عبدالعزيز مروان: بلاها هاي ماده البوز شبرين عبدالعزيز: توها ناشه من الرقاد .. فديتها عمران: ييبها عبدالعزيز: ما بطييييييع عمر: لا تلعوزونها يوسف: خلوها الحين .. وعقب اظاربوا عليها مروان: والله متفيجين .. انا وين وهذيل يظاربون ع منوه عفرا: كله ولا بنتي هاااااااا مروان: تحمدين ربج اسمها بعد ساره عمر سيف عمر: عيل شوه تبا يكون اسمها ان شاء الله ؟ عمران: هههههه هذا ترا مخربط .. ومدوخ .. ولا يعرف شوه يقول !... يوسف: وين سعيد ؟ -------------------- قبل ما اقولكم شعوري ... كيف كان لو عمر توفّى يومها .. انا اذّكر .. عقب ما نش من الغيبوبة ... وسرت له المستشفى .. كان الوقت الصّبح .. دخلت عليه .. محد كان عنده ... شافني وابتسم .. عمر: أهلاً .. سعيد ( ابتسمت): وسهلاً .. عمر: نورت الحجرة سعيد: منورة من يوم صاحبها نش وعم الصّمت ... عمر: سعيد .. سعيد: عيونه عمر ( ابتسم): يالله لهالدرجة .. سعيد: واكثر .. والله انك عيوني .. وقلبي .. وروحي .. واخويه .. وابويه بعد .. عمر ( غمّض عيونه وتنهد ): انا ادري اني ما وفيتك حقك .. ويمكن ظلمتك .. ولا قدرت اوفّر لك كل شي سامحني يا سعيد .. انا آسف سعيد: لا تقول جذه .. الله يسامح اللي كانت السبب بطريقة سريعة فتح عمر عيونه ... واطالع صوب سعيد .. سعيد: طلقتها عمر: ليش ؟ سكت سعيد .. عمر: سعيد ليش ؟ .. ليش تطلقها ؟ ... حرمتك ... كيف تطلقها ؟.. وليش اصلا من الاساس ؟ سعيد: عمر ما ابا وحده ما تبا اخواني عمر: وانته وشلك في اخوانك .. وشدخّل حياتك الخاصة باخوانك .. سعيد بدور هي حياتك ومستقبلا بتكون ام عيالك سعيد: ما اباها تكون ام عيالي ... ولا اباها تكون حياتي .. هي اصلا في عمرها ما حبّتني .. وفي عمرها ما فكرت فيني .. من اصبح لين امسي شكاوي .. وع منوه ؟ ع اجرب الناس لي .. انا يمكن كانت الغمامة مغطيه عيوني .. ولاني احبها سويت كل شي تباه ... كل شي .. حتى اني تجرأت عليك وتطاولت ع اخواني .. ورفعت ايدي عليكم .. لكن شوه لقيت بالمقابل ؟... الصد منها .. هي شكلها ماخذتني بس عسب تقول حق الناس خذت فلان ولد فلان .. اسمي بس كان بيعزز من مكانتها بين الناس .. وكانت تتحسب ان عندي كنوز الدنيا كلها .. لان عمي يوسف .. او كانت تباني بس انفّذ اللي تباه بدون ما تسمع مني كلمة لا .. وسكت سعيد .. وما رمس عمر .. سعيد: ما اقص عليك لو اقولك كنت احبها .. واموت فيها بعد .. لكن عقب ما شفتك طحت الطيحة هاي .. وكنت ع فراش الموت ... كرهت حياتي وكرهت اليوم اللي انولدت فيه .. وكرهت اليوم اللي رفعت فيه صوتي عليك .. تذكرت ان كل كلمة قالتها كانت غلط وانا ادري انها غلط .. بس ما ادري ليش كنت اسوي اللي تقوله .. عمر: الانسان يغلط ... ولو الطرف الثاني يحبه صدق .. يعطيه فرصة يصلّح اخطائه ويعدلها سعيد: انا حبيت بصدق .. لكن هي مب قد الحب اللي عطيتها اياه .. كل حد كان يقولي سعيد الطيب .. سعيد الحنون .. سعيد حسّاس .. هي الوحيدة اللي جردتني من هالاحاسيس كلها .. وكانت تقولي انته عديم احساس !... عمر نفسي عافتها .. والله ما اقدر اشوفها .. ما اتخيل عمريه اكمل حياتي وياها .. وعسب ما اظلمها صدق .. وما اكون عديم احساس صدق .. طلقتها خل تشوف حياتها .. وتخليني انا ارتب اوراقي من اول ويديد عمر: دامك مفكّر بهالطريقة .. وانك تحس عمرك بتظلمها .. ما اقدر اقولك شي غير ( وابتسم ) الله يوفقك .. ويوفقها ان شاء الله .. ويسعدك ويسعدها .. ويعطيك ويعطيها بعد ع قد نية كل واحد فيكم .... نزلت دمعة سعيد .. ومسحها بسرعة .. عمر: والله اكره يوم في حياتي ... يوم اشوف دمعة واحد منكم .. احس روحي بتطلع عقب جملة عمر .. سعيد غطى ويهه بايده .. وصاح بصوت .. وما حس الا بايد قريبة منه ... ونش وحضن اخوه .. عمر ( ابتسم ): ايه انته ( ونزلت دمعته هو الثاني ومسحها ) .. لا تستوي لي شرات عبدالعزيز الحين .. بداري منوه فيكم ؟ ... ظحكاتهم اختلطت بدموعهم عقب جملة عمر .. سعيد .... تخيلت اني بلا .. ام .. وبلا .. ابو .. واقدر اتخيل عمريه بلا حرمه .. ولا زواج .. لكن بدون عمر ما اقدر اتخيل عمريه .. بلوم نفسي مليون مره .. وللحين الومها لان كنت احد الاسباب اللي خلت عمر يشوف الموت بعينه .. ما ادري كيف كنت بعيش .. ما ادري كيف كنت بجابل اخواني .. كيف بقدر استحمل نظراتهم !.. بس الحمدلله .. كل شي تصلح ... وعمر لا يزال بييننا .. وابتسامته يوم نشوفها نرتاح .. فعلاً نرتاح .. وما نبا من الدنيا شي عقبها .... سعيد: انا هني عمر ( أبتسم ): مرحبا بو عسكور سعيد: اهلا .. بو سارة .. بلاها الحلوة ؟ مروان: زعلانه زعلانه سعيد: تعالي حبيبتيه عند عمي يوسف: نقولك عرّس وييب شراتها .. سعيد ( أبتسم ): لا .. عرس بعد لا .. مروان: لاااااااااااااا طبعا لااااااااا .. اسمح لي اخويه مب لـ شي .. بس اتريااااااااااا لين ما اعرس واخلص .. وعقب انته سو اللي تباه .. عفرا: وشدراك انها بتوافق عليك مروان: تخيلي ما توافق ؟ عمر: يوم ما بتوافق بعد ما شي تخيلي مروان: بجتل عمران عمران: وانا شلييييييي عبدالعزيز: ههههه اجتل فريد عمر: صدق وين فريد؟ مروان: شوّب شوّب .. والله ما يشوف قام يلبس نظارة ويالله يشوف .. عمران: حليله مروان: ولا بعد .. اللي يقهرني ما يسوي شي .. غير ان يلبّي طلبات عبدالعزيز افندي وسعيد افندي .. سعيد: مب تقول نحن عياله .. مروان: الصراحه .. لا مجال للشك الحين .... كلهم ظحكوا ........ راشد .... ادري ان سعيد .. يلوم عمره ع اللي استوى في عمر .. وادري انه ما بيسامح نفسه لو عمر كان لا سمح الله اليوم مب ويانا .. لكن انا .. كنت بعتبر نفسي احد الاسباب ... لان اول صدمة تلقاها عمر .. وخلته يعتبر نفسه فشل في تحمل مسؤوليتنا كلنا .. مني انا ومن سالفتيه .. لكن الحمدلله .. الواحد ما يقول غير الحمدلله ع كل حال .. وعمر اليوم بيننا .. وكل شي تصلّح ... هند: حووووه ؟ راشد: هلا هند: تسوق وانته سرحان .. بدّعم فينا .. راشد: بسم الله عليج هند: بسم الله عليه .. يوم انك سرحان هيه راشد ( ابتسم ): آسف هند: ما عليه ما عليه .. راشد: يالله وصلنا هند: ما بتنزل يعني راشد: وايد مستعيله هند: لان عفرا وعمر ظاهرين من البيت من وقت وايد من وقت .. رمستها قالت لي انهم هني راشد: عمر مستعيل ع عبدالعزيز هند: حليله ... راشد: وبعدين تعالي .. محد قالج تقولين ابا ابات بيت ابويه .. امس ! هند: يالله ذليتني راشد راشد: اول وآخر مره هند: كنت مشتاقة حق بيتنا راشد: والله ! هند: هيه ... مشتاقه حق شبريتيه ... راشد: بيتج هني استوى ... من سنين هند: انزين خلاص آسفة ولا تزعل وحقك عليه راشد: وتخلين ابوج يرمسني .. اتفشل من ابوج انا .. هند: ليش عادي ؟ راشد: مب لـ شي ... استحي ارد له طلب هند: الللله .. معلومة يديدة .. عيل كل ما ابا منك شي .. وانته تقولي لا.. بقول حق ابويه يرمسك راشد ( اطالعها راشد بنظرة ): جربيها ويايه هند: اماااااايه تهديد راشد: هههههه لا .. ادري بج ما تسوينها وتستغليني بأسوأ الطرق هند: نعم نعم ... سعيد: راشد وصل عمران :خل يحطون الغدا عيل راشد: السلام عليكم عبدالعزيز: اهلاااااااااااااااااااااا عمر: وايد مشتاقين له ؟ عمران :هيه والله هند: مرحبا عفرا: اهلا .. هند: افتقدتوني ادري عبدالعزيز: هيه والله وايد .. جيه سرتوا امس ؟ راشد: اسأل المتحمسة وهي تقول افتقدتوني .. ! عفرا: هههههههااااااي .. والله حلوة .. حلوة .. ع كيفها عمر: وانتي بعد وايد متحمسة اشوفج ! عفرا : اوه آسفة هند: ههههههه راشد: هذا بلاه ؟ عمران: منوه ؟ راشد: مروان سعيد: يبكي على الاطلال مروان: محد يرمسني راشد: شوه فيك ؟ هند: ما ردوا علينا ؟ راشد: انتي بلاج ؟ مسويه عمرج وياهم ؟ هند: اقصد يعني عليه .. حرام هو عايش ويانا لازم يعني نفكر في موضوعه مروان: والله محد فاهمني غيرج يا حرمة اخويه هند: افا عليك انته بس .. انا بتصل بهم وبقول شوه السالفه .. تبون ولدنا والا ما تبونه .. لا تخلونه يحاتي هالكثر .. واذا رفضتوه تراكم ما بتحصلون شراته .. ماه وجاه وجمال .. وانتوا الخسرانين مروان: بتسوينها يعني ؟ هند: اسويها وانا هند حرمت راشد .. اللي اخوه مروان .. ليش ما اسويها ! يلس راشد .. وحط ايده ع خده .. وكلهم ظحكوا ... مــا نســينا يا ضميـري فضلهم و الله عــلينا لــو تــدور بيـن اللّــيالي مــا نـسينا فــضلهم كــم دعــينا ربــنا يبقــي عطــاهم كـم دعينا مــا طمــعنا بـ العــطا حتــى عـطــايانا لــهم كــم بـــكو لمــا بكينا كم حنـــو لــما شــكينا و ان مــرضنا اللّــيل كــله شــاغلــين بــالهم كــم سعو حــتى نكــون لو تحركنا و سعــينا مــا قد تــردّى حــالنا لــو انــسقوه بـ حـالهم كــم نهــلنا مــن عــذوب الحب لمّــا مـا درينا مـرت ايـــام صــعـيـبــه او حــوانــا حــبـهــم حتى التراب اللي حضن اقدامهم لا ما نسينا نعـشقه عـشق المعنّى في هواه و لاجلهم أحمد & آمنة احمد: قولي احب بابا اكثر آمنة: لا قولي ماما ميثا: الحين منوه اقول ؟ احمد: ما بشتري لج ألعاب آمنة: وانا ما بشتري لج احلى البدل ع ذوقي .. ميثا: خلاص احبكم انتوا الاثنين اكثر شي احمد: لا لازم واحد اكثر ميثا: امممممم آمنة: قولي ماما احمد: تحلمين اطلعج العصر اليوم واوديج بيت عمي يوسف ميثا: خلاص خلاص .. احبكم اثنينتكم اكثر .. بس بابا شوية كبر حبة الرمل احبه اكثر آمنة :انزييين ما عليه .. اصبري .. ما عليييه ميثا: ماماااااا آمنة: اصبرييييي يا ميثا احمد: هههههههه حليلج يا امون انكسرت قاعدة الثقة بالنفس اللي عندج ميثا: ماماتييييييييي وسارت ميثا حضنت امها .. وتمت تبوسها ميثا: ماما والله والله احبج آمنة: قومي عنيييييييي احمد: ايييه اغار انا ميثا: ماما والللللله والللله .. احبج .. آمنة: ههههههه انزين خلاص ذبحتيني احمد: عقب وين اسير ادوّر لي حرمة بعد حلوة تخسرني ع الميكب !.... طارق & سلامة سلامة: عاااااااااااااااااااااااااامر عامر: هههههههه ما سويت شي سلامة: ما سويت شي وهذا كله شوه ؟ عامر: بشلهم والله كله بشلهم .. سلامة: اصبر انته ... طااااااااارق عامر: الحين جيه تزقرين ابويه ؟ سلامة: بزقره وبتشوف .. طااااارق طارق: نعم نعم يييت وصلت !... أي دور واصل منوه قالك تلعب بدوني ؟ عامر: توني بادي .. سلامة: ط والله !.. زاقرتنك عسب تلعب ؟ طارق: شوه تبين ؟ سلامة: انا زاقرتنك عسب تهزبه ع اللي مسونه طارق: شوه مسوي ؟ سلامة: مفرفر كل هالسيديات وتقول شوه مسوي عامر: عاديييييي والله عادي بشلهم .. طارق: بيشلهم يقولج سلامة: الله يعيني انا عامر: على ؟ سلامة: عليك ...! طارق: كنتوا تعلقون ع سالم .. الحين شوفي ولدج غدا سالم يوم كبر سلامة: هيه والله ! عامر: سالم ربيعي ما ارضى عليه .. طارق: القدوة المثلى .. ما يرضى عليه ... ! حصة & علي علي: جيه يلبسون الجوتي ؟ عليا : عيل كيف ؟ علي: فتحيه مره ثانية .. عليا: how I don’t know .. علي: كيف ما تعرفين عليا: بابا ما اعرف ... علي: انزين بربط لج اياه وتعلمي عليا: كل يوم تقولي جيه علي: وكل يوم ما تتعلمين .. حصة: خلصتوا ؟ عليا: بابا ما يخلصني .. علي: انا اللي ما اخلصج الحين !.. والا انتي متأخرة ؟ حصة: بتبدأون الحين !.. عليا: بخبر يدي علي: يا سلام !.. حصة: ههههههه الله ياخذ عدوك يا سالم شوه معلّم اليهال علي: هو دمّر الدنيا وخلص وكبر .. الحين معلم الغير .. حصة: هيه والله علي: الا ميثا بنت احمد تعيبني .. ما تسمع رمسته وترد عليه بطريقة .. تفشله ! ... عليا: يالله انزين نسييييير ... بسرعه حصة: مستعيله شوه عندج ؟ علي: تبا تسير هناك .. تشوف ربعها حصة: يالله عيل ... عليا: lets go علي: والله العظيم .. ع قولت سالم .. بنت مس حصة صدق !... شمسة & صالح سالم : مستفعلن فاعلن مستفعلن فعولن افعال مفاعيل ومفاليع صالح: في البحور بعد في مفاليع ؟ سالم: اصلا كل البحور مفلوعة .. واللي حاطين هالمنهج مفاليع صالح: انزين .. يوم بييون هني البيت .. وبيشلونك .. انا ما يخصني .. بقول هالولد انا متبري منه سالم: هههه انزين شوه قلتوا عن سالفة امريكا ؟ صالح: وين تسير امريكا ؟ سالم: انا وعبدالعزيز بنسير صالح: ع كيفكم ! سالم: هيه ع كيفنا عيل ع كيف منوه ؟ شمسة: عباديييييي .. حبيبي قوم عني سالم: بنخلي دياية امه ييلس عندكم ..انا بسير .. اخاف الوباء ينتشر .. واستوي دياية شرات هاللي مظهرينه .. صالح: تعال عبدالله تعال عبدالله: ما ابا سالم ( يقلد اخوه ) : ما ابا ! .. يا ربييي خاطريه ازخه واكسر رقبته .. دلووووووووووووع صالح: اكسر رقبته .. بكسر راسك سالم: والله شوفه كيف يقهر شمسة: انته خلصت مذاكرة ؟ سالم: هيه صالح: هيه .. خلص .. هذا اصلا من زمان مخلص .. سالم: ما شاء الله عليه شاطر .. شمسة: لان امايه اتصلت تقول ما ييتوا ! سالم: هيه صح .. سيروا سيروا .. نزلوني بيت عمي يوسف صالح: هيييهأ .. قبل بيت يدي بو هزاع ويدوه عذيجة .. الحين استوى بيت عمي يوسف ! سالم: اطورنا يا بو سالم اطورنا شوه نسوي ؟ .. كل شعبنا ساروا هناك .. لازم نسير هناك بعد نحن !... ما سامع بالحكمة اللي تقول .. هكونا متاتا .. حكمة نغمها لزيييييييييز بيت بو هزاع بدر: هههههه اصلا ما خلانا نرقد جيه رقدنا ؟ ثاني: يعني انا كنت مسوي حشرة ؟ هزاع: هيه نور الشاشه كان ظارب في عيوني ثاني: عن الخرط عاد زايد: انا بسير البيت وعقب بسير بيت عمي يوسف .. هزاع: ليش ؟ ثاني: قاصين ع اخويه مخلينه يرقد هني هزاع: ما يخصني انا امايه قالت .. بدر: هههههه حليلك يا زايد عذيجة: يا شباب بدر: هلا خالوه هزاع: امايه قبل ما تقولين اللي عندج .. ثره زايد بيرد بيتهم عذيجة: ليش ؟ زايد: عموه بسير البيت اسبح وابدل ثاني: هيه والله انا حتى عذيجة: عيل وصلني في دربك بيت يوسف هزاع: الحين انا اقولها عسب ما تخليهم وتقولهم سيروا ووصلوني ! زايد: هههههه عادي انا اصلا قلت لهم برد البيت اسبح وبسير بيت عمي يوسف .. بدر: عيل دام انه جيه السالفه .. نسير كلنا هزاع: شوركم ؟ عذيجة: هيه هيه .. يالله نشوا عيل .. بدر: بس بسير البيت اسبح وابدل .. عذيجة: جيه ما تييب اغراضك هني .. دام ان ابوك وامك مسافرين ! هزاع: قلت له .. لكن رفض اقتراحي بدر: هههه ما عليه خالوه .. اصلا البيت فاضي ولازم اسير عذيجة: كل عصر مر البيت ... ثاني: انتوا شكلكم مطولين .. يالله انا ساير .. قصــص الــحيـاة كــثيرة ،، و مــشــاهــد للناظرين منــها سـأهـدي حــكمة ،، فـيـهـا مـنـافع قـد تعين ليــسـت الـدّنـيـا مــظـاهـر ،، إنــها خـلــق و ديــن و الجـمال فــي الـمـظاهر ،، يـنتهي لـو بـعـد حين و اجــعل الـقـلـب جـواهر ،، و هـي أعـمـال تـبـيـن و ابني صـرحاً مـن مـفاخر ،، و هـي مـن نورٍ مبين هـل يـا ترى نحن نرى ،، قمرين في هذي السنين هـم أغـلى مـن كـل الورى ،، هـم نـبع حب وحنين هُــم قِـصّـةٌ لا تـُـشـتـرى،، هـم والــدين الـطـيـبين والـبر واجــب مـنـبرا ،، هــو حـقـهـم يــا سـامـعين الشـرع قـد وضـع الاصول ،، و الـناس فـيه عارفين فـ لنمضي في نهج الرسول ،، منهاج صدق ويقين و لــننــشر الــخير نــقول ،، لــلـناس قـولا فيه لين فيــه الــنصيحة للعــقول ،، كــنــز و يهـدى للثمين كــم كــان شــخصٌ حــولـنا ،، و الـيوم عنا راحلين مــن فــينا يــبقى هــا هنا ،، هل فينا قوم خالدين هــي هــكذا اعــمــارنا ،، عـدد و مــحدود السنين فلــنصحــو مــن احــلامنا ،، و لــنجعل العمر معين هــو شاهد على حالنا ،، فــي يوم حشر العالمين و الله نــدعــو ربــنــا ،، لــطـفــاً بــ حال المسلمين انسحبت الخيوط الذّهبية بـ هدوء .. لتترك في سمانا نور وهج يشع برونقه النقي فـ يبهر كل من رأى الأثر الطيب والذكرى الخالدة .. لتنسج قصة من نوع فريد تحكي لنا معنى التضحية والوفاء .. بالرّغم من أن أحداثها قد استمدت من وحي الخيال .. إلاّ أنّ أبطالها قد وجدوا على أرض الواقع ...! تحابوا .. فحفتهم الفرحة .. وتفارقوا .. فانسكبت الدمعة .. ولكن نبقى ويبقون محفورين فالقلوب .. ننقش ذكرنا فالنفوس ... ف _ هُــم قِـصّـةٌ لا تـُـشـتـرى _ :: قد يفقد الانسان شي عزيز على نفسه !! :: وقد يأقلم نفسه ويترجم حياته على عدم وجود شخص ما !! :: قد نسكب الدمعة لـ أمر قد كان صعباً !! :: وقد يتقطع القلب لـ فراق أحدهم !! :: قد نحزن عندما نذكر حلو الايام التي عشناها !! :: وقد نتألم اكثر عندما نذكر مرّها !! ولكن .. لا مهما حاولنا فـ لن نستطيع أن نسدّ فراق ... والدينا ولن نستطيع ان نسدّ فراق اخوتنا .. فـ لا يشعر بـ قدر النّعمة الا فاقدها ...... فـ حافظوا ع نعمكم .. قبل أن تفقدوها .. فلا نعلم ... ما يخفي لنا الزّمن ... النهاية *********** |
|
رووووووووووووووووووووووووووووووووووووووووووووووووووووووووووع ه
|
| الساعة الآن 06:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية