منتديات ليلاس - يعني تقـــدر تعتبرني/ فص في ملحــك وذاااب

يعني فعلاً / ما أنت داري ليه انا اشتــاق الغيـــاب
كان قصدك / جـــاي تســــأل / لازم أنك تسمعـه

في الحقيقه / انا ماملك / للســـؤال أيّــة جـواب
كل ما في الأمر / واحد / غـــــــاب وأشغلني معــه

البلا مو أي / واحــد غاب / واحسب له حسـاب
قلبي / وروحي / وعيني / وعقلي / بالنهــاية أربعــه !!

شفت / يا كثرك / حبيبـي/ آسف / اقصد يا عــــذاب
شفت وش ســــويت فيني/ عـايــشك في معــمـعـه

يعني لازم اعترف لك / واعتـــرف إني مصــاب
والطــريــــق اللي خــــذلني مـــا جبرني اتبـــعـه

وانت لازم كـــــل قصّــه تحت عنـوان الكتــــاب
وكــــل غلــطـــه تــرتكبهــا ذنبــهــا عالمطبـــعه !!

حس ياخي / حس مرّه / حــس مرّه بأحتسـاب
حتى الأعمى لا ظَلمتَــــــه / دلَ كفّــــه مدمــعــه

حس ياخي /خاف ربك /صار ذاك الطفل شاب
من وجــــوعه قـــــام جوعه ياكـله ما يشبعه

اعتبرني شخص عادي قــال من بـاب العتــــاب
كلمـةِ حــــزّة بصدرك / كيـــف تقـــدر تقنــعـــه ؟

من متى والغيــم يشكي للسمــا وقــع الســــراب
لي متى والظيــــم يحــكي للظمـــا عـن مطمـعــه

اعتبرني شخص مـــاهر يمطـر بوجه السحــاب
وجرهــدي البيد تروى من معــاليـــــق اصبعــه

يستبيح اطهر شعوره / كـــان شاعر ثـــم تاب
صار قــاسي / ما يحـرّك شعر راسه زوبعــه

يعني تقـــدر تعتبرني/ فص في ملحــك وذاااب
تنثره / ترميه / كيفك / لكن (اصحــك) تجمعه