[ الفصل الثاني ]


طلعت من العمل و أنا هلكان من التعب ، كنت مرتاح في الإجازة بس يوم واحد يقدر يرجع هالتعب حتى لو ما تحركت من المكتب ، و رئيسي سمح أستأذن الظاهر كانت محاولة منه إنه يعتذر لأنه قطع إجازتي ، أنا أحمد ربي أن رئيسي مو من النوع غير المتسامح الي يكرف كراف..
وصلت البيت وقفت سيارتي في موقفها الخاص ، و دخلت البيت و صعدت لغرفتي مباشرة ، كنت مستغرب إني ما صادفت أحد في طريقي ، بس راح كل استغرابي لما فتحت الباب ..
: الوليد وصل ..
كانت أختي الصغيرة غلا ، و كان معاها التوأم بيان و ليان ، أنا كنت أريد أنام لكن الظاهر أني ما راح أقدر ، بصراحة أنا ما كنت معصب أو مستغرب من وجودهم ، أنا كنت فرحان إني راح أقعد معاهم شوي ..

بيان : شلونك الوليد ؟
الوليد : الحمد لله ، كيفكم انتم ؟
ليان : كل صحة وعافية ، الوليد إحنا ملينا من جو هالبيت ، و أعتقد إنك أكثر واحد متأزم منه ..
بيان : إيه الوليد خلينا نطلع مع بعض من دون ما أحد يحس فينا ، نتمشى ونستانس شوي و إنت راح ترتاح هناك أكثر ..

الوليد : بس إنتوا بالطريقة هذي ما راح ترتاحون ، و راح تتعاقبون ..
بيان : إنت أخونا ، و هذا من حقنا و حقك ..
الوليد : أوكيه ، أنا ما عندي مانع ، و بصراحة أنا كنت موافق من البداية بس أخاف تتحسفون بعدين إنكم طلعتوا معي ..
غلا : أكيد ، لا ..

ناظرت غلا ، و أنا أبتسم هالكلام ما توقعته منها بالذات ، لأنها صغيرة و توقعت إنها راح تخاف من العقاب ، بس الظاهر أنا ما قدرت أفهم خواتي ..
ليان : شفت حتى غلا موافقة ، و ما مانعت أبد ..
الوليد : اوكيه ، يلا روحوا تجهزوا ..

أكيد راح تستغربون كلامنا ، لكن هذه الحقيقة و من الصعب إن نتقبلها ، أنا مو مستعد أشرح و أفسر ، يمكن ما أحب أفكر في هالموضوع ألحين و أكدر نفسي ، مثل ما يقولون كل شي بوقته حلو ، و في الوقت المناسب راح تفهمون ..


سألت بعد ما شغلت السيارة و مشينا ..
الوليد : وين تبون تروحون ، ما قلتولي ؟
غلا : أبي أروح الملاهي ..
الوليد : و هذي ما تركت هالسالفة ، كل مرة تبي تروح الملاهي ..
بيان : اللي يسمع يقول أنك تطاوعها و توديها كل مرة ..
الوليد : و أنا قلت شي عاد ، تبون تروحون قولوا ، آمري آنسة بيان ..
بيان : لا شكرًا ، المرة القادمة أفضل ، بصراحة مالي خلق ..
الوليد : عجل وين تبون ؟
ليان : شرايكم ، أنروح المول ، أحلى ..
بيان : ايه كذا أنا موافقة ..
الوليد : و أنا موافق ، بس لا تفرفرون راسي بالدوارة ، كم مكان و خلاص ..
ليان : أوكيه ..

تمشينا في المول بصراحة البنات ما تعبوني و التزموا كلامي و ما وجعوا راسي مثل ما قلت لهم ، بس هذا ما منعهم يتسوقوا ..
ليان : الوليد بلييز ، خلنا نروح ناكل في واحد من المقاهي ، في واحد جديد فاتحينه و أنا نفسي من زمان أجربه ..
بيان : ايه الوليد خلنا نروح ، أنا جعت و كمان غلا ..
غمزت بعونها لغلا فقالت : ايه ايه ، كثير جوعانه أبي أكل ..
خلوني ابتسم غصب عني و قلت : أوكيه يلا ..

ما لحقت أكمل إلا دق جوالي ، رفعته و إبتسمت لما شفت الشاشة تنور باسم (( توأم روحي)) ..
رفعت السماعة و قلت : هلا و الله ..
.. : هلا فيك ..
الوليد : شخبارك ؟ من زمان عنك ..
.. : الحمد لله ، مشاغل الدنيا
كان صوته حزين كان فيه رنة غريبة ، ما طمنتني ، أكيد إنه إتصل علي عشان يهدي نفسه كعادته ، على قولته يرتاح إذا سمح صوتي حتى لو ما فضفض..
قلت بخوف : فارس صج شفيك ؟
فارس : الحمد لله ، بخير ..
الوليد : فارس تخبي علي ..
فارس : لا ، يالوليد مستحيل أخبي عليك ، بس قلبي ما يطاوعني أقول ..
الوليد : إنت بس فضفض لي ، و راح ترتاح صدقني ..
فارس : تهقى ..
الوليد : أكيد ..
سمعته ياخذ نفس عميق بعدين قال ..
: البندري راحت ..
الوليد : راحت وين ؟
فارس : راحت ، يعني راحت ..
الوليد : تقصد ..
فارس : ايه ..
الوليد : متى صار هالكلام ؟
فارس : ليلة البارحة ..
الوليد : الله يرحمها ، متى العزا ؟
فارس : بعد نص ساعة راح يبدي ، بس ليش ؟
الوليد : ليه ليش ؟ أكيد راح أحضر أعزي و خواتي راح يكونون معاي ..
فارس : مشكور يالوليد ، ما تقصر ..
الوليد : ما بيننا هالكلام يا فارس ..

سكرت عن فارس بعد مادلاني المكان ، و قلت للبنات ..
: يلا راح نطلع ألحين ..


الوليد فيصل [ ... ] 24سنة
فارس خالد [ ... ] 26سنة
بيان فيصل [ ... ] 19 سنة
ليان فيصل [ ... ] 19 سنة
غلا فيصل [ ... ] 9 سنين

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ


صعدنا السيارة ، وحرك الوليد ، كنت أبي أعرف شو قال فارس للوليد عشان يغير رايه و يخلينا نطلع من المول و يغير مزاجه فقلت له بطريقة غير مباشرة: الوليد ، شفيك ؟ ليش غيرت رايك ، توك كنت موافق؟
الوليد : ما فيني شي بيان ، ، بس فارس إتصل علي من شوي ..
وصلت للي أبغاه ..
ليان : و هو شو يبي ؟
الوليد : هو ما يبي شي ، إحنا راح نروح نعزيهم ..
بيان : نعزيهم ! على منو ؟ منو مات ؟
الوليد : خطيبته لفارس ..
بيان : البندري !
سكت أنا أبلع صدمتي ، أما ليان قالت و هي تنغزني : هي ما هي خطيبته فسخوا الخطبة ، يعني ما ظل شي رسمي بينهم ..
قال الوليد بنفس طريقة النغز لكن بدون ما يحس عكس ليان : مهما يكون تظل بنت عمه ، و الكل يدري أنه فسخ الخطبة غصبًا عنه و أنه كان ينتظرها تشفى و راح يخطبها من جديد ..
حاولت ليان تخفف علي من دون ما يحس الوليد فقالت : الله يرحمها ، الظاهر ما كان له نصيب معها ..
الوليد : الظاهر هذا الصج ..

سكت من دون ما أقول شي أو أتعب نفسي بالتفكير ، ظليت أسمع لسوالف خواني لين ما و صلنا ..
نزلنا من السيارة على صوت الوليد : لما يخلص العزا اطلعوا ، و انتبهوا لغلا شكلها تعبت ..
ناظرنا غلا اللي كان مبين عليها التعب ..
ليان : أوكيه ..
دخلنا داخل البيت المخصص للحريم ، أما الوليد راح لعزا الرجال ، كان المكان زحمة و ممتليء تقريبًا ، سلمت على أهل البندري وحده وحده ، كانوا أهلها يبكون الظاهر لسه الصدمة مأثرة فيهم ، ظليت أسلم لين شفت وحدة مألوفة بالنسبة لي كانت جالسة في منتصف أهل البندري ، مما يدل على أنها من أهلها القريبن ، اللي شدني لها وجهها المألوف ، اللي كان فيه بعض أثار الدموع ، لمن وصلت لها و جنبي خواتي قلنا لها : عظم الله أجرش ..
.. : أجرنا و أجركم ..

بعد ما سمعت صوتها عرفتها فقلت على طول : ريهام !
ريهام : ايوه ريهام ، من معي ؟ إسمحيلي ما عرفتش ..
بيان : مسموحة حبيبتي ، أنا بيان ، و أختي ليان ، و الصغيرة غلا ..
ليان : بنات خالة فارس ..
يعني لازم تذكريني ، يا ليان ..
ريهام : إيه تذكرتكم ، كيفكم ؟ شو أخباركم ؟ ليش قطعتونا ؟
قلت لها بحزن صادق : كلن إنشغل بهمه ..
ميلت ريهام رأسها بحزن و قالت : صادقه ..
بعدها التفتت بسرعة تقرص خدود غلا ..
ريهام : كيفج يا حلوة ؟
قالت غلا بخجل غريب علينا : كويسة ..
ريهام : ما شاء الله كبرت كثير ..

استأذنا من ريهام و رحنا جلسنا ، و غرقت في أفكاري ..

أنا في عزا البندري ، البندري اللي تعلق فيها فارس و نقدر نقول إنه يحبها ، رغم إنه فضلها علي ، عمري ما تمنيت إنها تموت أو يصير لها شي ، و لما صابها السرطان ما فرحت بهالشي ، حزنت لها و لحال فارس اللي فسخ خطبته معها غصبًا عنه و وعدها إنه راح ياخذها بعد ما تشفى ، لكن الله ما كتب ..

يمكن في البداية كرهتها لكن لما عرفتها غصبًا عني حبيتها ..

أنا مو مخطوبة أو مكتوبة له مثل ما تتوقعون ، و لا كان كلام حريم ، لا ..
و مستحيل أتعلق في شخص لمجرد وسامته أو شكله أنا مو بهاذي التفاهة ، فارس ولد خالتي و رابي معانا نعرفه معرفة شخصية ..
لما كنا صغار كان فارس يحب يستقوي علي و يتحكم فيني ، كان يتعامل مع كل أخواني بشكل طبيعي أما أنا يحب يتحكم بكل صغيرة و كبيرة تخصني ، أما ليان كان يعاملها معاملة طبيعية ، و كل ما اشتكيت لهم منه قالوا : هذا فارس ما نقدر نقول شي ..
كنت دائمًا أسأل نفسي عن سبب تصرفاته معاي ، و كلام أهلي ، لكن ما جتني الجرأة أصرح بتساؤلاتي ، كنت في البداية أكرهه ، لكن اكتشفت مشاعري تجاهه و بأسوء طريقة لما بلغوني إن خطب بنت عمه إلي هي البندري ، و لما إكتشفت مشاعري إتجاهه حاولت أنساه لكن ما قدرت هو إمتلك مشاعري مثل ما امتلكني و تحكم فيني و أنا صغيرة ، و حطم مشاعري من دون ما يحس ..

يمكن تتسائلون شو كانت البندري بالنسبة إله هي كانت صديقة طفولته إلي حبها لما كبر بعكسي ...

لا تتوقعون إن فضل علي البندري بسبب إنها أجمل مني لا هو يعرفنا من كنا صغار ، و يعرف كيف كنا في صغرنا ، البندري معروفة بإنها كثير ناعمة ، كان جمالها ناعم أما أنا جمالي صارخ ، كل شي فيني يصرخ بالجمال عكس البندري إلي كانت تصرخ بالنعومة ..

لما قابلت البندري و حبيتها ، منعت نفسي إني أفكر بفارس أو بمشاعري إلي اكتشفتها تجاهه ، وعدت نفسي أن أول من يخطبني و يكون مناسب لي راح أوافق ، و أنهي مشاعري تجاه فارس ، حتى لما مرضت البندري و شخصوها بالسرطان و فصخوا الخطبة ما سمحت لنفسي أتعلق فيه و أخلف بوعدي ، لأن البندري لسه عايشة و ما راح أسمح لنفسي إني أخونها و لأني كنت أدري ان فارس لسه متعلق فيها و أنه فسخ الخطبة غصبًا عنه ، و أن أول ما تشفى كان راح يرجع يخطبها ..

لكن بعد ما ماتت البندري هل لي حق إني أفكر بفارس مرة ثانية و أخلف بوعدي ،حتى لو كان فيه إحتمال إن يظل على ذكرى البندري الله يرحمها ، أم أظل على الوعد ..


نهاية الفصل الثاني

.
.

قعدت أسمع الوليد و هو يحكي معي بالموبايل اللي صار معه مع بيان ..
تفاجأت و بقوة من الحزن اللي داخل الوليد يمكن اللي قاله شي بسيط بالنسبة له ، لكن بالنسبة لنا صعب ، الوليد داخله حزن كبير على أمه و عمره ما فضفض لأحد حتى أنا اللي أعتبر أقرب واحد له ، مع إنه دائمًا تجينا تساؤلات عن هذا الموضوع لكن عمرنا ما سألنا الوليد لأن مثل ما قالت بيان عمره ما فضفض لنا و يوم صرح بشي من اللي داخله انفجر كذا و كان انفجاره من نصيب بيان اللي أول مرة تجرأت تسأله و ما اتوقع إنها راح تتجرأ مرة ثانية ..

قلت له : الوليد أهدأ شوي ..
الوليد : فارس إنت ما سمعتها كانت من الممكن إنها تهين أمي و لو ما كانت راح توصفها بالمختلة أو المجنونة كان راح اتقول إنها مو موجودة ، هي شو عرفها عشان تحكم ، ليش ما يحترمونها لكونها أمي على الأقل أنا أحترم أمهم لإنها أمهم مع إنها ما أظهرت ملامح من الود تجاهي ..

كلام الوليد سكتني و استحيت منه أم بيان و ليان خالتي و أنا أقرب لهم بس ما أقرب للوليد لكن تعرفت عليه بعد ما خالتي تزوجت أبوه و صرنا كثير قراب لبعض ، و لما كبرنا صداقتنا كبرت معانا ..
و ما كان من عادة الوليد يفضفض لنا عن حياته في البيت لأنها خالتي و أم لخواته ، فيكون في موقف محرج و هاذي اول مرة يصرح لي عن شي يتعلق بخالتي ..

فارس : معك حق الوليد بيان يمكن كانت راح اتقولها ، لكن دور لها عالعذر هي ما كانت راح اتقولها بمعنى الإساءة لك أو لأمك إنما كانت تريدك تريح نفسك و تفضفض لها ، تبي تكون قريبة منك لأنها تحسك مو بالقرب المطلوب منها ، و تبي تساعدك في نفس الوقت ، كانت تبي توضح لك إنها حاسة فيك و إنت تشوفهم عايشين مع امهم حياة طبيعية إما إنت لا ..

حسيته اقتنع فسكت شوي بعدين قال : صح أنا أدري بيان كثير تحبني و عمرها ما فكرت تضرني و انا ادري إنها ما تقصد شي و هي أقرب خواتي لي ، بس انا إنسان لي طاقة ما تحملت .. هي ما تدري شلون أمي عايشة منعزلة لو ما أنا شان محد إهتم فيها ، ما يدرون هي حية و لا ميتة ، تكسر الخاطر احس ودي اعمل شي لها بس ما ني قادر ، على الأقل أقدر إني أحافظ على كرامتها في البيت هذا أقل شي أسويه ..

فارس : هذا من حقك اكيد ..
سكت شوي بعدين قلت : الوليد تبيني أجيك ..
الوليد : لا فارس انا محتاج أقعد لحالي ، و ما أظن وجودك الحين بجيب شي أي يودي ..
فارس: اوكيه ، مع السلامة ..
الوليد : مع السلامة ..

ما أن سكرت حتى راح فكري للوليد .. الوليد حياته لا تطاق و ما ادري كيف يستحمل أمه عايشة معه و ماكأنها عايشة شعور صعب ..
تذكرت محاولة بيان إنها تتكلم مع الوليد كانت محاولة متهورة بس كان لازم أحد يبدأ بها عشان نتقرب من الوليد ، بس اللي كانت بيان خايفة منه صار أكيد متأزمة الحين و حالتها حالة الله يعينها ..

سمعت جرس الباب يدق غريبة ، منو جاي فهالوقت ..!
ما كان في أحد قاعد في مثل هالوقت أغلب الناس عندها إجازة و ما أحد إتعود على القعدة من وقت لين ألحين ..
فتحت الباب أشوف مين من دون ما أرد على الجرس ، أطلع أنا احسن ..
كانت حرمة متغطية مبين عليها بنت صغيرة ، سمعتها تقول : السلام عليكم فارس ..
فارس : و عليكم السلام .. أسف ما عرفتك ..
.. : معك حق ما تعرفني ، أنا ســـــــــديم بنت عمتك ..
قلت لها متفاجأ : سديم .. !
دخلت داخل و هي اتقول : ايه ..
فارس : مع مين جاية ..؟
سديم : مع تاكسي ..
فارس بهدوء: و ليش جاية مع تاكسي حضرتك ..؟
فارس بهدوء مثله عشان لا تصعب الموقف : لأن الموضوع لأبي أقوله لا أبوي و لا أخوي راح يسمحولي أتكلم فيه ..
هزيت راسي مع إن موضوع جيتها بالتاكسي ما عجبتني بس أنا من عشان أدخل و أتحكم فيها مهما كان أنا بس ولد عمها و مالي حق عليها ..
سديم بتردد : خالي صاحي ..
فارس : لا لسه نايم ، بس شلون عرفتي إنا إحنا في البيت ..
سديم : سمعت من أمي إنكم ماخذين إجازة ..

هزيت راسي و دخلتها داخل البيت فما أن دخلت حتى قالت : بروح لريماس ..
شفتها و هي تصعد و أنا مستغرب من زيارتها ، سديم الكل يعرف إنها منعزلة من سالفة طلاقها ، و إنها ما تقبلت وضعها ، غريبة جاية بيتنا خلني أصحي أبوي و هو يقولي بعدين إذا ما كانت خصوصيات ..
فصعدت أنا بعد ، بس رحت لجناح أبوي و أمي و طقيت الباب كم مرة لين لين قعد أبوي و طلع لي و هو يقول : صباح الخير يا ولدي خير شصار ..؟ مو من العادة تصحينا ..
حسيت إني قليل ذوق لكن قلت : صباح الخير يبه ، أسف بس سديم بنت عمتي جت قبل شوي شكلها تبي تكلمك في موضوع ، قبل شوي راحت لغرفة ريماس ..
خالد : سديم .. خير إن شاء الله ببدل و بنزل اشوف شو صار ..

شفت أبوي يرجع يدخل و أنا مستغرب من هالزيارة ، بس ما أخذت في بالي كثير ، طلعت من البيت أرفه عن نفسي و أنسى أمر هالزيارة شوي ..

خالد ( أبو فارس ) [ ... ] 47 سنة

.
.

نفذت خطتي و جيت بيت خالي خالد أقرب واحد لي ، و اللي أحس إني راح أشرح له موقفي أحسن من أي أحد ثاني ..
المشكلة ألحين إني لازم اخبره بمرض أحمد اللي كان سر بطلب من أحمد نفسه ، من كان صغير ما كان يحب نظرات الناس المشفقة لما كانوا يعرفوا إنه مصاب بهالمرض عشان كذا خبينا هالأمر المهم عن أهلنا و لأن أحمد كان راح يزعل منا ، و هذا شي ما كنا نريده ..

طقيت باب غرفة ريماس سمعتها اتقول : أدخل ..
معناها صاحية ، فتحت الباب و دخلت كانت ريماس قاعدة تقرأ كتاب و ما تعبت نفسها و التفتت أما أنا ما قلت شي نفسي أشوف ردة فعلها ، و لما طول سكوتي التفتت و هي تقول : فارس شو ..
حسيتها انصدمت لما شافتني ..
ريماس : ســ ــد يــ ـ م ..
قامت على طول تناظر شكلها كيف كان شعرها مربوط أي شي و لابسة بيجاما طالعة حلوة عليها ، قامت من مكانها و سلمت علي : شلونج سديم .. ؟
سديم : الحمد لله ، أسفة جيت في وقت غير مناسب للزيارة ..
ريماس : لا البيت بيتش تعالي في أي وقت ..
استحيت منها إني داخلة عليها غرفتها فقلت أبرر : كان فارس تحت في الصالة ..
فهمت علي و قالت : اوه لا عادي اعتبري غرفتي غرفتش و احسن جيتي في هالوقت عشان لو جيتي مرة ثانية يمديني أستقبلك بالبيجاما بدون ما أستحي ..
سديم : حلوة الفكرة ، بصراحة ريماس أنا جيت أكلم خالي في موضوع بس قال فارس إنه بعده ما صحا ..
ريماس : اوكيه خلينا ننزل ..

نزلت معها تحت ما أشوف إلا خالي ينزل و هو يقول : سديم عندنا تو ما نور البيت ..
سديم : النور نوركم ..
سلمت عليه و سلم علي ، جلسنا كل واحد في كنبة ، بدأ خالي الكلام و قال : قالي فارس إنك تبغيني في موضوع و أنا متأكد إن الموضوع ضروري و إلا شان ما جيتي بمثل هالوقت ..
بدت دموعي تنزل لما تذكرت الموضوع فقال خالي : تعالي معي ..
مشيت معه و تركنا ريماس اللي فهمت إنا نحتاج خصوصية أكبر ، دخلني خالي غرفة عرفت اول ما دخلتها إنها مكتب خالي بس كان فيها مكان مخصص للجلسة فجلسنا فيه و قال خالي : تكلمي يا بنتي و لا تستحي أنا بحسبة أبوش ..
سديم : الله الشاهد يا خالي إني أعدك مثل ابوي ، عشان كذا إنت أول واحد جيته ..
خالي : قولي يا بنيتي شو فيه ..؟
سديم : أحمد يا خالي قرر قرار ما قدرت أغيره و أبوي و أمي موافقين و أنا ما أقدر أغير قراره فعشان كذا جيت هنا لحالي ..
خالي : و شو هالقرار اللي يخليش تبيكين ..؟
سديم : أحمد راح يسافر ..
خالي : ليش يسافر ..؟
سديم : يسافر يدرس برة ..
خالي : و شو فيها لو درس ..؟ و هو راجع إن شاء الله و هو رايح عشان مستقبله و أحمد ما شاء الله عليه شاطر ..
سديم و دموعها ما وقفت: المصيبة أنك ما تدري يا خالي أحمد مريض ..مريض ..
حسيت خالي إنصدم : مــ ـريـ ـض بشو ..؟
سديم : صـــرع يا خالي .. صـــــــرع ..

قلتها بقوة و كأني أرمي هالحمل من ع كاهلي ، أنا مسحيل أترك أحمد يسافر لو صار له شي هناك ما راح أقدر أتحمل ..
طالعت خالي و اللي بعده ما أفاق من الصدمة : صـــــرع .. عنده صرع مرة وحدة ..
سديم بصراخ: أحمد و من هو صغير كان مريض بالصرع ، صرع جزئي معقد نوباته الحمد لله الدوا يحدها ، لكنها ما تمنع إتجيه من حين لأخر عشان هيك ما أقدر أخليه يسافر ، فهمت علي يا خالي ، أنا خايفة .. خايفة إني أفقد أحمد هناك ..

بعدها ما حسيت بروحي إلا أنفجر بصياح أكثر من قبل ، أما خالي كان بعده ما فاق من الصدمة حسيت أن الخبر نزل عليه مثل الصاعقة ..
خالي : شلون أحمد عنده هالمرض .. ؟ و ليش ما قالنا ..؟
سديم بصياح: خالي لا تخليه يسافر ، خالي قوله لا تسافر ..

قام خالي من مكانه و ضمني لصدره و أنا تشبثت فيه و أنا لسه أصيح أما هو حاول يهديني و هو يقول : ما عليه يا بنتي .. ما عليه ، انا بحلها ..
.
.
ما ني قادرة أوقف عن التفكير في الموضوع اللي بتقوله سديم لأبوي ..
يا ترى شو هو ..؟ و ليش تصيح ..؟ أكيد شي خطير لدرجة إنها تصيح ، و أبوي ياخذها لمكتبه و يقفله لخصوصية أكبر ..

مسكت الموبايل و اتصلت ع بيان ع طول ..
ردت علي بصوت غير طبيعي لكني ما ركزت في الموضوع : هلا ريماس ..
ريماس : هلا و غلا بيونه احزري منو عندنا في البيت ..
بيان بنفس الصوت السابق : منو ..؟
ريماس : بنت عمتي سديم ، و عندها موضوع خطير جت عشان موضوع خطير تقوله لأبوي و كانت
تصيح ، و راحوا مكتب أبوي عشان لا احد يقاطعهم أو يسمعهم ، تتوقعين شو الموضوع ..؟
أبي أعرف ما ني راح أرتاح إلا لما أعرف الموضوع ..

بيان : صج ملقوفة ، لادخلين نفسش بالغصب يمكن خصوصيات ..
ريماس و هي مبوزة : شكلي بسوي كذا ، بس صدقيني ما ني قادرة ..ما أسمع إلا مرة وحدة بيان تنفجر بالصياح ، أنا إنتبهت إن صوتها متغير بس ما علقت :بيان اهدي .. شو فيش تصيحين ..؟
بيان و هي تشهق : ولله ما قصدت ..
ريماس : شوي شوي و فهميني الموضوع ..
سمعتها تصرخ : الوليد ..
انقبض قلبي و قلت بسرعة : شو فيه الوليد ..؟
بيان و هي تشهق : الوليد يا ريماس زعلان مني ..
ارتحت شوي إنه ما فيه شي بس بعد ما هانت علي : ليش زعل منش ..؟
بيان : أنا ما كنت أدري إنه راح يزعل ، كنت أكلمه عادي بس بعدين زعل ..
ريماس : قولي لي بالضيط اللي صار ..

بدت بيان أتقول اللي صار و أنا مع كل كلمة انصدم ، بس حاولت أهدي بيان : بيان هو ما يقصد شي يمكن يزعل منك بس مو للأبد ، بعدين من حقه يزعل حتى لو كنتي ما تقصدين بكلامش الإساءة بس ما راح يرضى ع أمه ينقال عنها هالكلام ، مهما كان يا بيان الأم شي عظيم محد يرضى أحد يتكلم عن أمه ، و إنت لما سألتيه عن أمك ما قال عنها شي سيء رغم كل شي تسويه فيه ، و إنه من حقه لو قال ..

بيان : أدري إني غلطانة بس ما توقعت الوليد يعصب علي في يوم بمثل هالطريقة ، أنا كنت بس أبيه يفضفض لي ..
ريماس : بس إنت لازم تعطيه وقت مبين إنه متحسس من موضوع أمه و إنها قاعدة لحالها والمفروض لما يجي تعتذريله حتى لو ما زعل منش أو ما كلمش ..
بيان : و هذا اللي بسويه ..
ريماس : أنا اللحين اخليش أبوي يناديني ..
بيان : أوكيه باي و شكرًا لك .
ريماس : ما يحتاج تشكريني هذا واجب ، مع السلامة ..

مسكين الوليد منو كان يتوقع إنه متحسس من وضع أمه ..!
بصراحة من حقه يزعل هي عايشة و ما كأنها عايشة و هو رضى بهالشي و بالمعاملة اللي يلقاها في البيت لدرجة إنه مدح خالتي بس مستحيل يرضى إن أحد يهين أمه ..
ما أدري شلون الوليد يقدر يتحمل العيشة بهالطريقة الواحد عنده صبر و يمكن في يوم هالصبر يوصل عند حده ..

مشيت و أنا أسمع أبوي يناديني ، ودخلت له المكتب ، شفته هو و سديم كل واحد جالس في كنبة و واضح أثار البكي ع سديم لكنها هدت ..
قلت : نعم يبه ..
خالد : وين راح فارس كان قبل شويه هنا ..؟
ريماس : ما أدري يبه ما شفته الظاهر خرج ..
خالد : أتصلي فيه قولي له أبوي يبيك ..
ريماس : إن شاء الله يبه ..
مشيت و فضولي يزيد إني أعرف الموضوع حتى أخذت موبايلي و دقيت ع فارس ..
فارس : هلا ولله ريماس ، شو صار عشان ادقيلي ..؟
ريماس : هلا فارس ، أبوي يبيك و الظاهر خلص الموضوع اللي مع سديم و يبي يقوله لك ..
فارس : و شو الأوضاع عندك ..؟
ريماس : قصدك تبي موجز الأنباء ..
فارس : إيه هذا هو ..
ريماس : نطلعكم بأخر الأخبار اليوم الأوضاع مستقرة الإبنة العمة سديم الموقرة حزينة جدًا و واضح عليها أثار البكاء ، أما والدنا العزيز فيبدو حزينًا في حين و غاضبًا في حين أخر لكن ليس من سديم ، و هذه نهاية موجز الأنباء اليوم ، شكرًا جزيلاً لكم و نتمنى لكم يومًا سعيدًا ..
فارس : أوكيه خلاص أنا جاي الله يعين و ما يكون الموضوع سيء ..
ريماس : لما يخبرك أبوي لا تنسى تخبرني ..
فارس : أدخلي معنا و اسمعي ، أنا في الطريق باي ..
ريماس : مع السلامة ..

دخلت المكتب عند أبوي و الأوضاع مثل ما هي ..
خالد : كلمتيه ..
ريماس : ايه هو في الطريق ..
جلست معهم دلالة ع إني راح أظل ما شفت أي ردة فعل معناها ما عارض ..

جلسنا ننتظر فارس ، كنت متوترة و أنا ما أعرف الموضوع فلي يعرفونه راح يكونون متوترين أكثر مني ..
بعد ربع ساعة تقريبًا جانا فارس ما كان خايف أو متوتر من الموضوع اللي راح يقوله أبوي لكنه كان مستغرب شو هالموضوع اللي عند سديم الخطير لهدرجة .. أنا متأكدة إن هذا اللي يدور في عقل فارس ..

بدأ ابوي الكلام ..
خالد : فارس اتصل في أحمد ايجي عندنا قول إني أريده و لا تعلمه إن سديم عندنا ..

أحمد .. علامات الإستغراب كانت واضحة ع وجههي و أكثر منها صدمة أحمد الشخص اللي يعتبر لغز بالنسبة لي و اعتقد بالنسبة لغيري بعد و الموضوع هذا يخصه ، و شو هالموضوع اللي يكون حول أحمد ..؟
أحمد رغم إني أعتبره لغز لكنه لغز حلو تفكر فيه و تحاول تحل رغم صعوبة هالشي .. اتزانه ، طريقة تفكيره ، تصرفاته تعتبر غريبة لواحد بمثل سنه و عمري ما فهمته و أتوقع هذا الشي يحس به الجميع إتجاه أحمد ، حتى فارس اللي إتصل فيه و هو مستغرب مثلي .. مانتبهت لفارس و هو يكلمه ..
أفكاري كانت تاخذني و تجيبني ..
.
.
ما توقعت إن سديم راح تعارض لهدرجة ، بصراحة توقعت إنها تزعل بس مو لهدرجة و كانت صدمتي أكبر لما بينت لي إن المفروض إني ما أتقبل ..
نادرًا ما أحب أحد يتكلم معي بهالموضوع ، عشان كذا خبيت مرضي عن أهلي كنت أتذكر نظرات الصدمة و الإشفاق من الدكاترة اللي أشرفوا على حالتي في البداية ، و أهلي لما عرفو إني مصاب بالصرع فما أبي هالنظرات تجيني من بقية أهلي ..

أنا كنت جاد في كلامي مع سديم مستحيل أفوت هالسفرة ، كان إقناع أبوي و أمي صعب لكني قدرت أقنعهم بطريقتي ، و سديم في المستقبل راح تقتنع إن اللي أسويه هو الصح ..

كلمني أبوي من شوي و قالي عن إتصال سديم له .. قلت إني خبرتها و طمنته إنها في حالة صدمة و راح تتعود مع الأيام ..

كنت أتمشى بالسيارة أريح نفسي لما دق علي فارس ، استغربت في البداية علاقتي مع فار كويسة و أحس بإهتمامه تجاهي و فضوله أحيانًا ، بس عمري ما بينت له إني أدري بشو هو يفكر ، و فارق السن بيننا ما خلى علاقتنا قوية مع إن شخصية فارس تعجبني بس السبب الأكبر هو إن فيه بعض الحواجز بيننا أنا بنيتها ، فضوله أحيانًا يوترني و أخاف يصارحني باللي يفكر فيه و أنا بدوري أعترف له بمرضي ..

أحمد : هلا ولله ..
فارس : هلا أحمد ، كيفك ..؟ شخبارك ..؟ من زمان عنك ..
أحمد : الحمد لله بخير ، كيفك أنت ..؟
فارس : بخير ، أحمد إنت وين ..؟
أحمد : في السيارة بس ما عندي وجهة محددة ..
فارس : ممكن تجي عندنا الحين ..
أحمد : دقايق و أكون عندك ..

سكرت من فارس ، و ما تعبت نفسي في التفكير لاحق دقايق و أعرف ..

وصلت البيت نزلت من السيارة و دقيت الجرس ، فتحلي فارس ودخلني البيت من دون ولا كلمة بس لاحظت إنه أحيانًا يناظنري نظرات تعجب و حيرة و استغراب ، بس ما اهتميت لنظراته طنشت ..
مشينا و وصلني مكتب خالي اللي أعرفه و سبق أن دخلته من قبل ، ما أن دخلت حتى شفت خالي في وجهي ، اللي وقف شوي و ناظرني نظرات غريبة ما اعتدتها منه ، اتقدمت اسلم عليه ما حسيت إلا إنه يضمني إلى صدره ، استغربت من حركته بس ما مانعت ظلينا نص دقيقة ع هالحال ، فالتفت شفت فارس و جنبه وحدة أتوقع إنها إخته اللي تكون بنت خالي ريماس ، كانوا هم بعد مستغربين من حركة خالي اللي تركني أخيرًا و أشر لي أجلس فجلس الجميع ، أما أنا ما بينت لخالي إني مستغرب من حركته ، كنت خايف أنه يكون عرف شي بس حاولت استبعد هالشي ، لكن خالي فاجأني لما قال ..
خالي : تعالي سديم ..

درت نظراتي من خالي الحزين لسديم الخايفة و اللي كانت ترتجف و مختبأة خلف المكتب ، كان واضح أثار البكي عليها بس ما اهتميت و نظرت لها نظرات نارية حسيت عيوني تطلع شرار كأنها أشعة ليزر لو النظرات تحرق شان سديم من زمان ميتة ..
لما شافتني سديم و شافت نظاراتي خافت بس ما بتعدت و وقفت قريب من خالي ، لاحظت النظرات المتعجبة من هالحال بس ظليت أنظر هالنظرات لسديم بدون ما أهتم للكل ..
كان خالي يحاول يهديني ، لكني ما إنتبهت له و كان تفكيري كله يدور حوالين سديم و اللي قالته ، قلت ببرود عكس البراكين اللي داخلي و أنا دائمًا أحب أتصرف بهدوء في مثل هالمواقف أحب أتبع الحديث اللي يقول : ((ليس الشديد بالصرعة إنما الشديد من يملك نفسه عند الغضب )) . .
أحس بالضعف لما تشوف الناس عصبيتي و غضبي ، لو شافوني و أنا معصب راح يعتقدون إني ضعيف و ما أتحمل هالمواقف فقلت بهدوء بدون ما اهتم لخالي و محاولاته لتهديتي : شو قالت لكم ..؟
قالي حالي و هو يحاول يخليني بهالهدوء و ما يتغير حالي : قالت اللي مفروض نعرفه من زمان يا أحمد ..
أحمد : بس هذا شي يخصني و أنا اللي أقرره مش هي ، حتى لو كانت أكبر مني ..
سديم و هي ترجف : أنا بس كنت ..
قاطعتها بهدوء : كنت خايفة ..! ليه تخافين يا سديم ..؟ كنت مو مهتمة بأحد تاركتنا لحالنا لما كنا محتاجين لك و نبغاك معنا تشاركينا في كل شي ، الحين هذا قرار يخصني قررتي تدخلين و تظهرين إهتمامك و حبك لنا ..

شفت علامات الصدمة على وجوه الكل و خصوصًا سديم و علامات الصدمة على هالوضع ع وجوه فارس و أخته ..
سديم : ايه ممكن اخطأت لما إبتعدت عنكم بس كنت أحاول أتهرب من الواقع ، ما تذكر الكلام اللي قلته لي اليوم تقدرين تتهربين من الواقع و تعملي مثل المرة اللي قبل بس أنا قررت إني ما أهرب و اواجه هالمشكلة و الاقي حل لها ..

أحمد بهدوء عكس كلام سديم : و هذا هو الحل اللي تبغينه إنك تتحديني يا سديم ..
سديم : ما كان لي خيار محد إهتم لرايي ..
أحمد : لأنك عودتينا من سنتين يا سديم ، سنتين كاملين إن مالك راي ، و كل شي مو مهم عندك فكيف تبينا ناخذ رايك هالمرة ..
شفت سديم تتقرب مني و تجلس جنبي و تعلقت فيني ، أما أنا ما أديت أي ردة فعل ، أما هي قالت : أعذرني يا
احمد إنت عقلك أكبر مني ، أرجوك لا تروح .. لا تتركني ..
تجاهلت كلامها و ناظرت الجميع كان فارس مصدوم و في نفس الوقت يحاول يفهم الموضوع ، أما ريماس اخته كانت متغشية لكن غشيتها ما كانت سميكة بإعتبار إنها في البيت أو إنها ما تدري لكن واضح لي أنها تبكي ما ادري ليه ، أما خالي كان يطالعنا و هو حزين ..
أحمد : خالي أنا مش ممكن أغير رايي ..
فارس : قولنا إيه الموضوع أول ..
احمد : مابي أحد يعرف يا خالي كفاية انت عرفت ..
خالي : بس من حقي إني أعرف و من حقهم ، و لو واحد خبا عنك خبر مثل هذا ما كان راح يعجبك ..

حسيت إن مالي خيار و أن خالي راح يقولهم في النهاية فالأحسن أخطو هالخطوة بنفسي و مثل ما أبي ، ما راح يفيدني ما أقول مدام خالي يعرف ، و إذا عرفوا الحين ممكن تكون هذي خطوة تساعدني ..

عندها ابتسمت ابتسامة فاجئت الكل و قمت من مكاني و قلت بهدوء : أنا راح أقولهم ..
شفت علامات الصدمة على وجه سديم و تعجب خالي من تغير موقفي بهالسرعة ..
بس كل اللي سواه إنه هز راسه إشارة إني أبدي في الكلام : هو الموضوع بسيط و ما يحتاج كل هالزعل و المناحة و المشكلة اللي سوتها سديم ..

كان صعب علي إني اعترف بمرضي و أقوله رغم إني ما بعترف به للجميع بس فارس و اخته ، لكن صعب الواحد يكون بهالجرأة ، خطر لي إني أنكر و أقول إن سديم بس خايفة إني اسافر و أتركها ، بس ما ارضاها ع نفسي إني أكذب الكذب ذنب عظيم و مضرته أعظم و خصوصًا إذا عرف الكل إني كذاب و إني كذبت فقررت اعترف فكملت كلامي عقب هالصمت القصير و قلت بكل صراحة : صعب على ع الواحد يعترف بشي حاول ينكره طول حياته ، و ما يعترف به و يتجاهله و يخفيه عن الجميع ، أنا ما كذبت لمن قلت ان السبب بسيط ، بسيط بالنسبة لي لكن صعب على غيري و الأصعب تقبله ..

سكت شوي بعدين كملت : بقول لكم و تقدروا تقولوا للكل ، بعد هاللحظة أنا ما عاد يهمني ..
كملت : أتذكر إني لما كنت طفل صغير إني كنت منعزل و كان لي عالمي الخاص ، لأن حياتي عشان تكون مستقرة كان لازم أداوم ع أودية أتناولها كل يوم ، كنت أعاني أحيانًا من نوبات طويلة و كثيرة .. نوبات صــــــــرع ..
سمعت شهقتين جو روى بعض لكني ما إهتميت ، شهقة من فارس و شهقة من ريماس ..
أعرف الأمر صار عادي كثير من الناس يعانون من هالمرض و عايشين بشكل طبيعي ، لكن مهما يكون أول مرة تعرف فيها هالخبر راح تكون صدمة و راح تخف مع الأيام ، عكس سديم اللي للحين تعاني من الخوف من مرضي لأن أحيانًا تجيني النوبات و هي خايفة من هالشي و مش راضية تتعود ..

فارس : بس شلون ..؟ شلون ما كنا ندري ..؟ شلون قدرت تخبي عنا هالمرض و ما حسينا ..؟ و ليش ..؟
أحمد : لاني مع إني كنت صغير لكني لاحظت نظرات اللي تختلف لما يعرفون إني مصاب بهالمرض فما كنت أبي نظرات الشفقة تلاحقني في كل مكان ، شي صعب تحمله فقررت أخبي هالأمر ، و بناءً ع حالتي فأمي و أبوي ما كانوا يرفضوا لي أي طلب فوافقوا ..
و كملت : أما إنتم فما ركزتم في الموضوع ، لما كنت صغير ما كنت أجي عندكم كثير و إذا جيت شوي و اطلع و الكل تعود ع عالشي فما صار يفرق لين كبرت ..

فاجأني صوت ريماس اللي قالت من دون ما تنتبه لنفسها : لكن ليه بعد هالوقت تقولنا ..؟ و ليه سديم جت بيتنا مع إنها تعرف عن مرضك من زمان ..؟ و إلا كنتوا مخبين عنها بعد و الحين قلتوا لها ..

ابتسمت ع فكرة إنا نخبي عن سديم و قلت : مستحيل إنخبي عن سديم حتى لو أردت هالشي مستحيل الأدوية ما تنفع دايم فما تعطي مفعول أو إني أنسى أشرب الدوا فتجيني النوبات ، شو تتوقعون يكون الوضع و سديم معي في البيت و أكبر مني .. !
فارس : عجل ليش اليوم بالذات ..؟
أحمد : لأن جا الوقت اللي أبني فيه مستقبلي جت اللحظة اللي بنيت عليها حياتي و أنا أدرس هالكتب ، عشان محد يكون عنده عذر يرفضني ..
سديم : أحمد يبي يسافر للخارج .. يتغرب ..
شهقت دليل على بدء نوبة جديدة من الصياح : و أنا ما بيه يروح .. تفهمون يعني كيف يروح و يتركنا ..! يروح و هو مريض و النوبات ما زالت تجيه من حين لأخر شي صعب إني أخليه يروح .. شيء صعب ..

أحمد : بس يا سديم أنا كنت أبني حياتي على هالشي و هذا من حقي مثل أي شخص غيري ..
فارس : بس أحمد إحنا ما نقدر نخليك تروح و إنت تدري ..
ريماس بطريقة غريبة : أنتم خايفين عليه و كيف راح يكون لحاله هناك بس ..؟!
سديم : أكيد هذا اللي خايفين منه ..

ريماس : عجل ليش ما أحد يروح معه ..؟

استغربت من هالأقتراح ليه أحد يروح معي ! بس كالعادة ما بينت ..
قال خالي اللي كان ساكت طول الوقت : هذا هي يا ريماس الحل لهالمشكلة ..

قالت سديم فجأءة : و أنا اللي بروح معه ..
خالي : بس يا سديم الحياة صعبة هناك مو مثل هنا ، عايشة بين ناس غرب و أهلك بعيدين عنك ، كثير ناس ما يقدروا يتحملوا ..
سديم بعزم مفاجأ : مو مهم يا خالي .. المهم أروح مع أحمد و ما يتركني و أظل معه ..

يمكن تقولوا كلامهم يؤثر و يدل على كبر مكانتي عندهم ، بس أنا ما باليت ما حسيت شي مهم سديم راحت معي لو لا شي عادي ..
اللي ضايقني خوفهم الكبير علي سفرة دراسة عادية خايفيين علي منها ، إذا بهالشي البسيط خايفين كيف لو صار شي أعظم ..!
كبف باعيش بحياتي و خوفهم يلاحقني من مكان لمكان ..!
أنا من حقي اعيش مثل غيري من غير خوف و رعب ، أدري مرضي شوي صعب بس ما يأثر على الحياة ، و أكيد صعب عليهم يتقبلوا مرضي بهالسرعة و ما يخافوا بس لازم يجي يوم يتركوني لحالي ..
و الظاهر إني بعاني و أنا أحاول أثبت لهم إني ما أحتاج لمساعدة أحد ..
أنا ربيت نفسي بنفسي و الكل تعجبه تصرفاتي و اخلاقي و طبايعي ، و ما أحتجت لأحد طول حياتي ..
مع إني أعلم إن هالشي راح يكون صعب لكني بحاول بكل جهدي إني أثبت لهم إني أحسن واحد يعتني بنفسه و بتشوفون هاليوم قريب لأن أنا أحمد أن قررت شي لازم أنفذه و لو بموتي ..

.
.

نهاية الفصل الرابع ..

[ الفصل الخامس ]
صحيت من النوم و صليت الفجر ، و تسبحت و بدلت ملابسي و طلعت من غرفتي و أنا مستانسة ..
باقي يومين ع الجامعة .. باقي شو و أطير من الوناسة ، ضحكت بصوت عالي مو مهتمة لأحد ، أحس براحة طبيعية لما أضحك و أكون مستانسة من قلبي ..
دخلت على أمي في المطبخ و حبيت راسها و قلت لها : صباح الخير ..
أمي : صباح النور ، شو فيش .. ؟؟ تضحين بصوت عالي ..!!
ضحكت و قلت : سمعتيني يمه ..!!
أمي و هي مبتسمة : إيه سمعتش ، غريبة مستانسة من الصبح ..
رديت عليها و أنا مبتسمة : لأن باقي يومين ع الجامعة ..
امي : أن شاء الله هالفرحة دوم مو يوم ..
قلت : إن شاء الله ..
أمي متعودة ع ضحكي لما أكون مستانسة ، هي بس مستغربة من فرحي من الصبح لأنه شي غريب مع إني تعودت ع قعدة الصبح حتى لو ما داومت ، بس شي طبيعي إنه أحيانًا أحس بالتعب و النعاس فما أستانس أما اليوم شي غريب ..
أدري بتقولون الضحك من دون سبب قلة أدب ، بس هاذي عادة عندي لا إرداية ، و ما هي سيئة و ليها سبب كمان و هو إني مستانسة ..
قلت : يمه متي بيجون ..؟؟ أبي أبدي أكل جوعانة ..
أمي : كأنها أول مرة ، مو كل يوم نفس الموضوع ، شوي و بجوا ..
قمت من مكاني ماني قادر استحمل أقعد هيك أنتظر ، فقلت لأمي : اذا جوا نادوني ..
أمي ما ردت ، أما انا مشيت لفوق و رحت لغرفتي ، ع طول أخذت الموبايل و أنا أفكر أدق لو ما أدق ..
ما أدري شفيني ..!! لازم ما تصير عادة عندي لازم هو يدق علي ..
مسكته و دقيت ع أحلام صديقة الطفولة و بنت العم حتى إنها سجلت في نفس قسمي في الجامعة بس عشان تصير معي ..
أحلام : الووو ..
صرخت : أحلاموووه ..
صرخت هي بالمثل : روعوه صميتي أذني ..
روعة بصوت عالي : سوري حبيبتي بس قلت يمكن تكلميني و توش قاعدة من النوم فقلت أقعدش ..
أحلام : خلاص قعدت .. قعدت ..
روعة : احلاموه .. أنا مستانسة ياليت لو الجامعة تبدي اليوم ..
احلام : ألحين إنتي صدق تحبين الجامعة ..!! الناس تبي الإجازة و الراحة ، و انتي تبين الجامعة و الكراف و التعب ..
روعة : هذا لأنش ما تدرين شو يصير هناك ، راح يصير و ناسة ..
أحلام : وشو عرفش ..؟؟
روعة : سمعت أشياء كثيرة عنها .. اممم تدرين مشتهية أدق عليه أتسلى ..
أحلام : لا .. لا تدقين له .. خليه هو يدق لش أحسن ، بعدش على خطتش ..؟؟
روعة بصوت غريب : أكيد و مستحيل ما أنفذها ..
أحلام : بس أنا أبي أسالك سؤال ، ليش هذا بالذات ..؟؟
روعة : صدقيني أحلام لو كنت أقدر اقولش شان قلت لش بس ما أقدر ..
أحلام : أوكيه بطوفها لش هالمرة ، بس مرة ثانية ما راح أسمح ، احنا ما في اسرار بيننا ..
روعة : أفكورس حبيبتي .. افكورس ، سوري راح أطر أروح .. فأمان الله ..
أحلام : في أمان الكريم ..
طلعت من الغرفة بسرعة و نزلت تحت ، أكيد بدوا ..
شفتهم كلهم قاعدين ع الطاولة ياكلون ، قلت بصوت عالي متعمدة أخلعهم : ليش ما ناديتوني ..؟؟
و هم فعلًا أنصدموا بس مو مثل ما أريد ، و بعدين تجاهلوني ..
مشيت و بست راس أبوي و قلت له : صباح الخير ..
أبوي : صباح الخير يا بنيتي ..
قلت لإخواني : صباح الخير ..
ردوا : صباح النور ..
و قلت بهدوء : ليش ما ناديتوني ..؟؟
أمي : حسبتش بتنزلين من نفسش ..
روعة : انا قلت لش ناديني ..!!
أمي بلا مبالاة : ما سمعتش ..
انقهرت بس سكت و جلست باكل ، و كانوا إخواني ريان و رائد مستانسين من قهري فابتسموا لي ابتسامة غياظ دون ما يقولوا شي ، فانقهرت زيادة ..
يقهروني لما يتعاونوا علي قمت من مكاني و قلت : الحمد لله ..
أمي بستغراب : شفيش يا بنتي ..؟؟ ما كلتي شي ، يا دوب بديتي ..
قلت و أنا أنغز ريان و رائد : انسدت نفسي ..
مشيت و أنا أعمل نفسي معصبة لين ابتعدت عنهم ، ابتسمت أكيد ألحين بيتلومون و بيجون ايراضوني ، و أنا ما برضى بسهولة ، بطلب منهم طلبات تعجيزية ..
متى بس يجي ريان من شغله .. !! عشان أذله ذل ..
مسكت ضحكتي بصعوبة عشان لا أحد يسمعني ..
رجعت لغرفتي الحبيية و انسدحت على سريري ، مع إني ما أحب أنام في مثل هالوقت و أفضل اجلس ، لكن حاسة روحي تعبانة ، خلني أريح شوي ..

روعة حمد [ ... ] 19 سنة
أحلام راشد [ ... ] 19 سنة
ريان حمد [ ... ] 25 سنة
رائد حمد [ ... ] 12 سنة
أبو ريان (( حمد )) [ ... ] 50 سنة
أم ريان (( سميرة )) { سورية } [ ... ] 48 سنة
.
.
أنا كثير متوترة مع إني راح أخطو هالخطوة برضاي و هو قراري أساسًا ، لكني ما أقدر غير إني أتوتر ..
أبوي و أمي وافقوا إني اروح مع أحمد أصلًا إستانسوا إني راح أخرج من وحدتي لما أروح معه ، وحسين إنهم اطمنوا ع أحمد كذا و راح كل توترهم و خوفهم من هالسفرة ، لكن واضح إنهم زعلانين إنهم راح يفارقونا ، أما أحمد ما قال شي عن هالموضوع حسيته مو مهتم ، أنا المهم عندي إنه ما عارض أروح معه ..
ما أدري عن أهلنا و قرايبنا إن كانوا يعرفون عن هالسفرة لكن عاجلًا أو أجلًا راح يعرفون ..
أبوي و أمي وصلونا للمطار ، أبوي أخذ إجازة بس عشان يوصلنا و يقعد معنا شوي يودعنا ..
كنت أمشي مع أحمد نازلين من الطيارة ، كان ركوب الطيارة شي عادي و ما اختلف ، و أحمد طول الوقت ساكت و أنا ما أستغرب هالشي منه ..
اللي استغربته الناس العرب اللي معنا في الطيارة قبل ما ينزلون ع طول فصخوا الحجاب كأنهم فصخوا الدين معاه و خلعوه ، صحيح إني ما خليت العباية لكني ما خلعت حجابي و لبست ثياب طويلة و واسعة و محتشمة و مو ملفتة و كل ثيابي من هالنوع ..

كان المطار زحمة شوي و فيه من مختلف الأجناس ما عجبني شكل الناس اللي هناك بس ما باليت ..
كنت أمشي كنت أمشي مع أحمد و أنا ماسكة يده عشان لا أضيع منه ، و هو كان طول الوقت ساكت لين خلصنا كل الإجراءات ..

قلت له : الحين شو راح نعمل ..؟؟
أحمد : راح ناخذ تاكسي أنا حجزت لنا شقة في عمارة قريبة من الجامعة ..

مشيت معه من دون أي كلمة ثانية ، أنا و أحمد كنا تعبانين من القعدة في الطيارة فكان كل اللي نبيه نوصل للشقة و ناكل لنا أي شي و ننام ..

كان حال الأمريكان في المطار مثل حالنا تقريبًا ، مجتمعة شلة تكاسي خارج المطار (( هذا اللي أتوقعه أنه يصير هناك )) ..
اختار أحمد واحد منهم و ركبنا معه ، لين وصلنا لعند العمارة ، كانت المباني لفي هالحي عالية ما كان حي سكني هادي كان مختلف من النوع اللي طول الوقت إزعاج ..
دخلنا العمارة بعد ما أحمد أعطى راعي التاكسي أجرته و معها إكرامية محترمة ..
شفنا رجال أمريكي قعد أحمد يتكلم معه بالإنجليزي أو مثل ما يقولون إنجلش ، عاد أنا ما فهمت شي ، قلت لكم مو فالحة في الدراسة .. بس ما همني كلام راعي العمارة ..

قلت لأحمد بعد ما خلص كلامه معه : في أي طابق ..؟؟
أحمد : الخامس ..
سديم : مبين كبيرة العمارة كم طابق فيها ..؟؟
احمد : ما سألت راح تعرفين لما تركبين المصعد ..
سديم : و بعد فيها مصعد ..!!

رحنا للمصعد اللي يتكلم عنه أحمد و ارضيت فضولي لما شفت فيه 10 طوابق .. وصلنا للطابق الخامس وطلعنا من المصعد ..

ما كنت أعرف رقم الغرفة فسألت : شو رقم الغرفة ..؟؟
أحمد : رقم [ ... ] ..

بعد شوية جهد لقيناها ، دخلنا و اتفحصنا الشقة ما كانت بذيك الدرجة من الفخامة ، و كانت مناسة لنا ، شكل أحمد عطاهم المواصفات :
- غرفتين نوم .
- صالة .
- مطبخ .
- حمامين .

بس كانت مريحة كثير و تشرح الصدر ، بس ما كانت تغني عن بيتنا ..
أنا ما كنت جوعانة فتركت أحمد و رحت نمت و هو طلع لأقرب سوبر ماركت ، يشتري لنا أغراض للشقة ، و أنا كنت مهلكة من التعب و ما في شدة أروح معه ..
أحمد خاف إني أظل لحالي من أول يوم بس طمنته إني راح أخلي الباب مقفول و ما راح أفتحه لأحد ، لأن أحمد عنده مفتاحه ..

فنمت من دون ما أفكر باللي ينتظرنا و كيف باعيش هنا متغربة ..
.
.
الشغل راحة للنفس .. هذي فكرتي عنه اللي عمري ما صارحت أحد بهالفكرة ، أنا أشتغل بشركة العايلة اللي كلنا مشتركين فيها : أبوي ، عمي ، زوج عمتي ، و ولادهم .. بيشتغلوا فيها أو هم حاليًا يشتغلون فيها ..
و أنا أكثر واحد يعتمدوا عليه لإني أكثر واحد يحب شغله ، فعشان هيك أنا تقريبًا مدير هالشركة ..

دخلت علي سكرتيري دلال اللي أثق فيها و أحترمها كثير ، و هي الوحيدة اللي أقدر أخرج معها عن نطاق الرسمية شوي مو كثير ..

دلال : أستاذ بدر صاحب شركة [ ... ] إتصل قبل شوي ..
بدر : شو يبي ..؟؟
دلال : يتكلم عن الشراكة في مشروع [ ... ] اللي ألغيتها معه ، يبي يجدد العقد لكن بشروط جديدة ..
بدر : قوليله شكرًا ، لقينا شركة ثانية تشاركنا في هالمشروع و وقعنا العقد معهم ، خل يبحث عن شركة ثانية يشتغل معها ..
دلال : أوكيه أستاذ ..
شفت دلال تطلع من المكتب و أنا أبي أضحك في خاطري ، هذا الرجال اللي ظل يتفاخر بشركته و يقول ما راح نلقى أحسن منها ، و إن إحنا محظوظين إنه قبل يشتغل معانا ، و بعدين رفضناه لكثرة شروطه الغير معقولة ، جاي يبي يجدد العقد و بشروط جديدة بس عشان لا نرفضه..

شفت موبايلي الخاص يدق و كانت ريهام : هلا و غلا ريهام ..
ريهام : هلا بدر ، شلون الشغل معاك ..؟؟
بدر : كويس ، كيفك إنت ..؟؟
ريهام : الحمد لله ، بدر أبوي مغلق موبايله ، بغيت أستأذن منه أعزم بنات للبيت ..
بدر : منو هم ..؟؟
ريهام : ريماس بنت عمي و بنتين يقربوا إلها بنات خالتها ..
بدر : مدام بنت عمي اوكيه ، بس راح يظلوا لمتى ..؟؟
ريهام : ما أدري ، بس تقدر تجي للبيت راح يقعدوا في مجلس الضيوف ..
بدر : طيب مع السلامة ..
ريهام : مع السلامة ..

سكرت الموبايل و أنا أقول في خاطري ريهام تغيرت كثير ..
للأحسن طبعًا و أتوقع سبب هالتغير بنات عمي ، الحمدلله الله سخرهم لها يخففون عنها ، لولاهم ما كانت أفاقت من صدمة وفاة البندري الله يرحمها ، البنات غيروا فيها الكثير ..
طلعت شوي من مكتبي بجيب شوية أوراق ، بغيت أتحرك و أقوم من ع المكتب شوي ..
شفت مكتب دلال فاضي اكيد راحت تعمل حاجة ضرورية ..
لكن اللي صدمني إني أشوفها مع سكرتيرة ثانية للشركة و كانوا يسلفون و السكرتيرة تقول لدلال : الحمد لله إن رئيسي حبوب مو مثلك كتلة جليد ما يحس ، الشي الزين الوحيد فيه إن شكله حلو ..
دلال : حرام عليش هو كثير طيب و حبوب بعد ، بس ما يحب اللعب في الشغل ..
..: بس ليه كذا .. ما يضحك و لا يبتسم ..!؟
دلال : سمعت إنه اخته توفت من وقت مو بعيد..
..: الله يرحمها ، يعني عشان كذا هو كئيب ..
دلال : يمكن بس أحس طبيعته كذا ..
تخطيتهم من دون ما يحسوا فيني ..
لهالدرجة أنا بارد عشان ما يكون عندهم موضوع غيري يتكلمون فيه ، بس أنا أدري إني هادي بزيادة عن اللزوم ، بس أنا تعودت ع كذا ، و ظروفي ما ساعدت أني أكون شخص فرفوشي ..
أخذت الأوراق اللي أبغيها و رجعت المكتب و شفت دلال و أظهرت إلها إني ما سمعت شي ، و ما أظن تعاملي معها راح يختلف من اليوم أو أبين لها إني سمعت كلامها ، هي ما قالت عني أي شي غلط عشان احاسبها ..
ما طلعت من شغلي إلا في نهاية الدوام ، و لما رجعت البيت بصدفة سمعت شوية كلام من اللي يقولوه البنات لما مريت ع مجلس الضيوف ، كان الموضوع مهم و نفسي أسمعه كامل ، لكني ما ظليت في مكاني أتسمع مشيت و لا كأني سمعت شي لأنه ما يجوز لي أتسمع لكلامهم ..
خلني أسأل ريهام بعدين هي بنفسها بتقولي ..

دلال [ ... ] 26 سنة
.
.
كنت طول الوقت أفكر بالوليد ، ماني قادرة أطلعه من بالي و لا سالفة من اللي يتكلمون عنها همتني ، ما عدا هذي السالفة ، أول ما بدت ريماس تتكلم قلت : عيدي .. عيدي ما سمعت ..
ريماس : أعيد و اني بعدني ما أبدي ..
بيان : سمعتش تقولين سديم ..
ريهام : وش دخل سديم في السالفة ..!!
ليان : مين سديم ..؟؟
ريماس : بنت عمتي ..
ريهام : و شو فيها سديم ..؟؟
بيان : يعني عرفتي شو هي تبي من أبوك ..!!
ريماس : قعدت معهم و عرفت كل شي ..
بيان : ياللي ما تستحين مو أنا قتلك أتركيهم لحالهم تقومين تدخلين نفسك بالغصب ، يمكن ما يبغوك لكن إستحوا منك ..
ريماس : لو كانوا ما يبغوني شان قالوا من دون ما يستحوا ، ما في حيا في مثل هالأمور ..
ليان : زين قولوا لنا عن الموضوع ما فهمنا شي ..
ريهام : قولي لنا بالتفصيل الملل ..
بيان : قصدها من طق طق للسلام عليكم ..

بدت ريماس تحكي لنا كل شي واحنا نسمع ، مثل ما قالت ريهام بالتفصيل الممل لين وصلت للمقطع اللي عرفوا فيه إن أحمد بيسافر ..
قالت ريهام : ما شاء الله عليه أحمد ، لسه شاطر و بيدرس في الخارج ، شخصيته لحد الحين ما تغيرت ، أتذكره لما كنا صغار كنت أحب ألعب معاه ..
ريماس : مثل ما كان ما تغير ..
ليان : يعني كيف كانت شخصيته ..؟؟
ريهام و هي مبتسمة : عاد هذا شي ما راح تفهميه لو ما التقيتيه ..
عند هالنقطة إشتغل فضولي أتخيل كيف راح تكون شخصيته ، إلا ريماس تقول : زين ، ما كملت كلامي ..
ليان : و هو في تكملة بعد .. !!
ريماس : يب .. و الباقي أقوى ما في الموضوع ..

حكت لنا كل الكلام اللي دار بينهم واحنا مصدومين ..
ريهام بصدمة : ما صدق .. ما صدق أحمد ..
ليان : شلون واحد بهالعمر يتحمل هالشي ..!!

أما أنا جتني حالة مختلفة خلتني أصرخ بشكل لا أرادي : شلون تقولينها بهالبساطة يا ريماس .. مو من حقك .. مو من حقك ..
ريماس بصدمة و ارتباك من صراخي الغير متوقع : شو لمو من حقي ..؟؟
بيان : هو ما كان يبي حتى أهله يعرفون ، ليش تخبرينا ..؟؟ شو كان راح يضرك لو سكرت فمك ..؟؟ شو كان راح يضرك لو حفظتي هالسر ..؟؟ ع الأقل لو انتشرت السالفة ما تكون منك ..
ريماس بصدمة أكبر : بس هو قال إنه نقدر نخبر أي أحد ، و بعدين أبوي خبر عمي فقلت عادي لو عرفتوا ..
بيان : شي عن شي يفرق .. محد يرضاها لنفسه يحس بالنقص ، ما تذكرين شو كان يقول ..!! ما يحب نظرات الشفقة ..!! ما يحبها ..!! شو تبينه يعمل لما يرجع و يشوف كل الناس عرفت بأمر مرضه ، هذا شي من خصوصياته ..

تركتهم و طلعت من الغرفة ، و اتوجهت لأول غرفة موجودة قدامي و اتأكدت إن ما فيها أحد و سكرت الباب ..
ما أدري إذا ريماس زعلت مني أو لا .. ما أدري البنات شو يقولون عني .. هل ليان منحرجة من تصرفي .. بس كان من المستحيل أسكت مستحيل ..

أخر موقف لي مع الوليد غير أشياء كثيرة في داخلي ..
أنا ما زلت حزينة لموقف الوليد اللي ما زال زعلان مني في داخله لكنه ما يبين ، كل ما كنت أحاول أعتذر منه و أبدأ أفتح الموضوع يسكره و ما يعطيني مجال ، كأنه يقول لي لا تذكريني بذاك اليوم ..
يمكن قصد ريماس طيب لمن قالت لنا ، لكن بكلامها هذا يمكن كسرت شخص أخر و هو أحمد ، مثل لما كان مقصدي طيب و هو إني حاولت أخفف عن الوليد لكني بكلامي حطمته و دمرته من دون ما أقصد ..
الحين عرفت احساسهم .. صعب إحساس النقص ، و صعب تحسس غيرك بالنقص مهما كان السبب .. هذا ما يجوز .. ما يجوز ..
مستحيل أثق بريماس مرة ثانية مو بعيدة تكون قالت سالفة الوليد لأحد ثاني حتى لو كان مقصدها طيب ، مستحيل أسمح أن الوليد يظهر لهم بمظهر الضعيف ..
راح أخفي كل شي في داخلي حتى ما أكسر حد ، راح أعتذر لها من دون ما ابين لها موقفي الجديد منها ..
مسحت دموعي اللي توي أحس إنها نزلت ، و رجعت إلهم مقررة إني أعتذر لريماس ..
.
.
قبل شوي راحوا البنات من عندي بعد ما تغدوا معي غدا متأخر ، لأن و لا وحدة منهم تغدت في بيتها ، فمستحيل يروحوا من عندي من دون ما أغديهم حتى لو ما كان وقت غدا ..

استغربت اليوم كثير من موقف بيان .. غريبة شخصية بيان .. غريبة تفكر بأمور ما تخطر بعقل إنسان ..
لسه اتذكر ذيك المرة لما فكرت فيني بخصوص أغراض الجامعة ، و محد ذكر لي هالموضوع غيرها ..
بصراحة بيان كان معها حق في كلامها ، ممكن كان من الأفضل إن ريماس ما تقول لنا ، لكن في نفس الوقت ريماس ما غلطت لما قالت لنا ..
فما كنت أدري أوقف مع من ، كل اللي سويته إني ظليت متصنمة في مكاني من الموقف ، لو ما رجعت بيان و اعتذرت من ريماس شان أنا و ليان ما درينا شلون نتصرف عشان نهدي ريماس اللي بكت و كان حالها عجيب من بعد ما طلعت عنها بيان ، و ما كنت راح أقدر أحزر شو اللي يدور في داخلها ..
لكن لما رجعت بيان واعتذرت هدت كثير ، و بيان ما رجعت عن موقفها كل اللي سوته إنها اعتذرت إنها رفعت صوتها ع ريماس و كلمتها بهالطريقة ، و وعدتها إنها ما تكررها ..
أما ريماس تقبلت اعتذارها برحابة صدر ، مع إنها ما زالت مصدومة من اللي صار ، لكن صداقتهم القوية شفعت لبيان عند ريماس فرجعوا مثل ما كانوا ..

و أنا في طريقي لغرفتي انتبهت لنور غرفة بدر ، الظاهر رجع من دون ما أحس فيه ، أما أبوي ما أظن يرجع الأن كالعادة ..
طقيت الباب و سمعته يقول : ادخل ..
دخلت ببتسامة و قلت بستهبال : هلا و غلا بأخوي الغالي ..
بدر و هو يكمل التمثيلية ، و كان قاعد ع مكتبه الصغير يشتغل ببعض الأوراق : هلا بحبيبتي رهومة ..
توسعت ابتسامتي و قلت له : هااا .. ما مليت من الشغل ..
بدر : و ليش أمل ..؟؟
ريهام : يعني طول اليوم تشتغل في الشركة و في البيت بعد ، قلت بمكن تبي ترفه عن نفسك شوي ..

ما شفته إلا ترك الأوراق و لف بكبره لي و قال : اوكيه .. خلينا نسولف .. اممم استانستي بجية البنات اليوم ..
ابتسمت من تجاوبه معي و قلت : ايه كثير استانست ، البنات كثير طيبين ..
سكت شوي حسيته يفكر بموضوع بعدين قال : لما دخلت البيت سمعت بعض الكلام كنتوا تقولونه ، ما كان قصدي أسمع كان من خارج إرادتي ، فكان في سالفة شدتني ، بس ما حبيت أتسمع فقلت أسألش عنها ..
ريهام بفضول : و شو هي ..؟؟
بدر : سمعت وحدة تحكي عن أولاد عمتي نورة أحمد و سديم ..!!
اووه هذي السالفة : هذي السالفة طويلة عريضة بقولك إياها إسمع ..

سكت مرة وحدة عن الكلام لما تذكرت اللي صار اليوم و كلام بيان ..
هل من الممكن إن أنا أضر أحمد ..!!
أحمد صديق الطفولة اللي كنت استمتع باللعب معاه أكثر من الثانيين ، و كنت دايم اغايظ البندري و فارس لما يقولون إنهم يحبوا بعض أقولها إن أنا و أحمد نحب بعض غياظًا لهم بس و كان أحمد يشاركني في هالتمثيلية عشان بس لا يزعلني ، أقوم أكسره جدام بدر ..

بدر باستغراب : شو فيش ..؟؟ ليش سكتي ..؟؟
ريهام : ااآه بـ ـدر ما أقدر أقولك ، إذا تبي تعرف السالفة أسأل أبوي مو من حقي أقولك ..
أكيد راح يخاف من هالموضوع لكني ما أقدر أقول له ، خل يسأل أبوي و خلهم ينجازوا ..
صادقة بيان خلهم يعرفوا من غيري بدل ما يعرفوا مني ..
رجعت أسولف مع بدر و أحاول أكون طبيعية ، و بدر تجاهل الموضوع و خلاه لوقت ثاني ..
.
.
رجعت الشقة و أنا حامل أكياس الأغراض اللي اشتريتهم من أقرب سوبر ماركت ..
كانت الشقة هادية ، سديم نامت مثل ما قالت و أنا بعد تعبان و لا في نفسي آكل ، و ما أظن سديم راح تاكل لو صحيتها ، فحطيت الأكل في المطبخ و حطيت كل شي في مكانه ..

ااآه .. يا يني صداع بس المشكلة إني ما بي أنام ، دخلت الغرفة الفاضية و الثانية احتلتها سديم ..
بسبة هالصداع ما راح أقدر أعمل أي شي ..
حطيت راسي ع المخدة و انسدحت ع السرير ، لكني ما قدرت أنام ..
هالصداع جايني بسبب كثرة التفكير باللي راح يصير و باللي صار اليوم و اللي قبله ..

كرهت فرحة أمي و أبوي لما عرفوا إن سديم بتروح معاي ..
كأنهم ما كانوا واثقين فيني بس ما حبوا يبينوا لي هالشي ..
ليه إقترحتي هالإقتراح يا سديم ..!! مدام إنت من أول يوم نمتي و تركتيني لحالي ، و إنت طول الوقت تقولين راح تهتمين فيني ، و في النهاية تركتيني..
ليتني ما عرفت بخوفهم .. بخوف أمي و أبوي و كل أهلي علي ، طلعت مو بس سديم اللي تخاف علي و ما تحملت فكرة مرضي حتى الأن ، حتى أمي و أبوي ..
في هاللحظة زاد إصراري على اللي كنت أخطط له ..
زاد إصراري إني أخلي الكل يعرفوا منهو أحمد ، و لازم أعمل شي يغير طريقة تفكيرهم ..
ما راح أستعجل وراي سنين أعيشها هنا لوحدي و الفكرة راح تجيني من نفسها ..
و قتها راح يشوفون منهو أحمد اللي كانوا يخافون عليه ، و خصوصًا إنتي يا سديم راح تعرفي قريب منهو أحمد و إنه ما يحتاج لأحد ..

عند هالفكرة غرقت في نوم عميق أهرب من الصداع الفظيع ..
.
.
نهاية الفصل الخامس

[ الفصل السادس ]


.. / بيانووه دقايق و اخلص انتظريني ..
بيان / زين بسرعة ..

ما أدري ليه هي مستعجلة كلها جامعة ، أنا مو متحمسة لروحة الجامعة مثل الكل ، ما أدري ليه يمكن لأني ما أعرف أحد هناك ..
نزلت تحت و شفت بيان تنتظرني في الصالة ..
ليان / أمي ما قعدت ..!!

بيان / قعدت و رجعت نامت ..
ليان / و هم راحوا ..؟؟
بيان / ايه ، ما أدري ليه يحبون يروحوا من وقت يعني مو لهدرجة ..
ليان / أحسهم يحبون كذا ..

مشيت معها للسيارة السواق الخاص اللي طلبناه من أبوي ..
طول حياتنا تقريبًا كان أبوي يسألنا إذا تبغون سواق و كنا نقول لا السواق مضاره أكثر من فوائده و طول الوقت راح نحتاج أحد يركب معنا و ما أدري إيه ، و مرة وحدة صرنا نبيه و أبوي مستحيل يرفض ..
اللي يضحكني ينقال عنا بنات عز و ما عندنا سواق ، يمكن طلبنها هالمرة لأنه مستحيل نركب الباص للجامعة لأنه من غير الممكن ابوي أو أخوي يودونا ..

ركبنا السيارة و أخذنا طريقنا للجامعة ، كنا أنا و بيان ساكتين ، مو من عادتي أنا أبدأ الكلام ، و أصلًا ما أحسها حلوة نتكلم و السواق موجود ، حتى لو كان هندي وما راح يفهم شو نقول ..
أتذكر سوء التفاهم اللي حصل بين بيان و ريماس ، كلام بيان كان حلو .. حلو كثير ، ليتني كنت بقوتها أقول رايي بقوة و من دون ما أخجل ، مع إني توأم بيان لكني ما أشبهها في التصرفات ، فرق السما عن الأرض ..
وصلنا الجامعة و نزلنا من السيارة ، و دخلنا الجامعة بعد ما تأكدوا منا ، كانت الجامعة كبيرة و فيها أقسام كثيرة ..

تملكني الخوف ، ما أحب الأماكن لمثل كذا .. زحمة ، و مافي أحد أعرفه ..
مشيت ورا بيان و أنا ساكتة و أشوفها تاخذ موبايلها ..

بيان / هلا و لله ..
.. / ...
بيان / ايه و صلت ، و ينك انتي ..؟؟
.. / ...
بيان / أوكيه خلاص ، دقايق و أجيك ..

ليان / مين تكلمين ..؟؟
بيان / هاي ريهام ، راح أروح لها ..
قمت بروح معها إلا أسمعها تقول / مو لازم تجين ، تتعرفين ع بنات من قسمك أحسن ..

مشت و تركتني ..
هي ما قالت لي شي غلط ، بس أنا شخصيتي ضعيفة و ماني إجتماعية أبدًا ، السبب الوحيد في صداقاتي القديمة هو بيان ..
هي اللي إجتماعية و الكل يحبها ، و أنا كنت أظل أتخبى وراها و أكون توأم بيان و بس ، اللي ما أحد يتعرف علي إلا بعد ما يتعرف ع بيان ..
ما أتوقعت في يوم إني راح أتعرف ع بنات وحدي و أكون صداقات و بيان بعيدة عني ..
أنا مو مثل ريهام .. ريهام شخصيتها حلوة و تعرف تتعامل مع الناس و تكون صداقات ، أما أنا مو من السهولة إني أكون صداقات و أخطي هالخطوة لوحدي ..
فأنا أحتاج لبيان أكثر منها ..
مشيت بقسم من أقسام الجامعة و اللي هو قسمي في هذي الجامعة في عند كل قسم كانوا بنات هالفسم يتجمعون عنده ..
كنت أطالع البنات ، كانوا متكشخين كثير أول يوم في الجامعة لزوم الإستعراض ..
كنت أمشي بينهم بثقة تعلمتها من بيان ، شفت بعض البنات يبتسمون لي ، فابتسمت لهم ابتسامة واثقة مع إني مرتبكة في داخلي ..
أدري إني حلوة كثير و معجبهم شكلي و ملابسي عشان كذا يبتسمون مو عشان شخصيتي ، فعشان كذا ما راح أصادق بنات من هالنوع ما أدري إن كانت أخلاقهم كويسة ..
انتبهت لبنت وجهها حلو كثير كأنها قمر ، عيونها ما كانت عادية كانت ملونة بلون أخضر لامع يلمع بوضوح لو ناظرتي في عيونها ، و كان شعرها اشقر شقار فاتح شوي ، كان وجهها جميل اول مرة أشوف وحدة بهذا الجمال ، تخليك غصب تتأملين فيها و تسمين عليها و ع جمالها النادر ..
كانت تتكلم مع بنت ثانية ، لمن إنتبهت لي ابتسمت لي ابتسامة حلوة حسيت فيها بشي غريب ابتسامة شقية توحي بشوي من شخصيتها ، لا تفهموني غلط ابتسامتها كانت عادية و ما تنوي فيها شي سيء لكن ملامحها تبين هالشي ..
ابتسمت للبنت و مشيت ما ادري وين أروح ، وقفت في مكاني حايرة ، ما أحب اوقف لحالي و ما تعودت ع هالشي كنت دايم مع بيان ..
شفت البنت اللي شفتها من شوي تتقدم لي و تقول و هي تستهبل / أهلين .. شلونج ..؟؟ شخبارج ..؟؟ حلوة الجامعة ..؟؟
ابتسمت لها و قلت و أنا اشوف البنية اللي جنبها تجي و توقف معنا / بخير الحمدلله ، و الجامعة حلوة بس مخيفة ..
.. / ما تعرفين أحد في الجامعة ..!!
ليان / أعرف كثير بس مو من هالقسم ..

قالت البنية الثانية اللي كان جمالها لا يعلى عليه يعني كثير حلوة ، لكن مو بمثل جمال الاولى / تقدرين تجين معنا ..
ابتسمت / بس أخاف تتضايقون مني ..
الأولى / لا عادي ، حلو نصير ثلاثة معانا وحدة ثانية مليت من هذي ..
الثانية / ما حد طقك ع يدك و قالك تجين معي ..
الأولى / كلامك صحيح ، خلاص بروح معها و انتي اتركينا لوحدنا ..
الثانية / لا حبييتي أنا قلت لها تجي معنا قبلك ، معناها تجي معي أنا ..
ابتسمت و قلت أهدي الوضع مع إنه مبين إنه كلامهم كله مزح / خلاص خل نروح كلنا مع بعض ..
الأولى / يلا الظاهر مو مكتوب لي أفتك منها ..
الثانية / إلا أنا اللي بفتك منك و من سوالفك البايخة ..
الأولى / الحين أنا سوالفي بايخة .. ما تذكرين شو أول سؤال سألتيني اياه أول ما شفتيني ..!! شو فطرتي اليوم ..!!
الثانية /عادي هذا لأني تورطت اليوم ما أدري شو أفطر ، فقلت أسألك شو فطرتي ..
الأولى / قولي بس ما عندك سالفة ، و تبين بس تتكلمين حتى لو سوالف بايخة ..
ليان / بنات خلاص .. اممم صحيح ما تعارفنا ..
الأولى / هههه .. قعدنا نهدر فوق راسك و انتِ حتى ما تعرفينا ..
ليان / لا عادي بس ما قلتوا شو إسمائكم ..؟؟
الثانية / أنا أحلام [ ... ] ..
الأولى / روعة [ ... ] ..
ليان / بنات عم .. !! دخلتوا نفس القسم عشان تظلوا مع بعض و لا صدفة ..
أحلام / لا احنا مخططين من الثانوية ..
روعة / ايه رغم إن سوالفها بايخة لكن ما أقدر أستغني عنها ..
ليان / أنا اختي رغم إنها أختي ما تريد تدخل نفس قسمي ..
احلام / طيب ليش إنتِ ما دخلت معها ..
ليان / لأنها داخلة فنون ، و أنا ما أعرف للرسم و للأشياء الفنية مثلها ..
روعة بستغراب / شلون أختك تدخل معك و هي أكبر منك ..
ليان بابتسامة / لا إختي التوأم ..
روعة و أحلام بنفس الوقت / الله حلو ..
ليان / ايه حلو ..
احلام / خلونا نمشي شوفي البنات راحوا لذيك القاعة ..

ابتسمت و انا أمشي معهم ، هالبنات مبين عليهم كثير طيبين ، ما كنت أدري إني لو تكلمت مع أي وحدة راح تقبل بصداقتي بسهولة ، بس ما أتوقع أحد يرفض صديق جديد ..
إن شاء الله يكونوا البنات حبوني مثل ما أنا حبيتهم ..
هذي راح تكون البداية عشان اعتمد ع نفسي ، و ما أظل ضعيفة الشخصية و و مختبئة خلف بيان ..
.
.
بعد ما تركت ليان رحت لقسم الفنون اللي في الجامعة ..
قعدت أدور ريهام ، وين هي ..!!
لين ما لقيتها كانت واقفة بمكان بعيد شوي عن الناس ..
مشيت لها و هي ما حست فيني ، كانت تناظر جهة ثانية ..
قلت لها / شلونج ريهام ..؟؟
اتفاجأت مني و قالت بسرعة / هلا بيان كيفج ..؟؟
بيان / أنا الحين قاعدة أسألك ..
ريهام / أنا الحمد لله بخير ..
بيان / عجبتك الجامعة ..
ريهام / ايه ، بس ما تحسين البنات كثير كاشخين اليوم ..
بيان / لزوم الإستعراض مال أول يوم ، بس انت بعد كاشخة ..
ريهام / ايه استانست اليوم أول يوم فبتكشخ حالي حالك ..
بيان / هو ليه انتِ جاية من وقت ..؟؟
ريهام / السواق اللي طلبته من أبويه لسه ما وصل ، فطريت أروح مع بدر ..
بيان / شكله نفس أبوي و أخوي يحبون يداومون من وقت ..
ريهام / ايه بدر كثير يحب شغله ، إلا وين ليان ..؟؟
بيان / تركتها في قسمها ..
ريهام / مسكينة لحالها ، أنا لو ما أنتي معي شان ما أدري شلون أتصرف ..
بيان / بالعكس حلو تتعرفين ع ناس جدد تقدرين تصادقين أي وحدة بسهولة ..
ريهام / لا لا أنتِ لا تتعرفين ع وحدة جديدة ، خليك معي ، شكلي حسدت نفسي ..
بيان / اصلًا أنا مستحيل اتركك و إذا صادقت وحدة جديدة راح أعرفك عليها ..
قعدت أسولف مع ريهام لين رحنا القاعة ، أنا أكثير ارتاح الها و مستانسة إنها معي أكثر من ما هي تتصور ..
بس أحس غريبة إن ليان ما هي معي ، شي غريب ..

.
.
أتمشى في أحد المنتزهات العامة ، مع إني تعودت عليها صار لي عمر و أنا اروح إلها ، بس عمري ما راح أمل منها ..
مع إني أحس غريب هالمرة رايح لحالي مع أني لو أطلب من أي أحد من هالأنجليز أو حتى الخدم أو العرب ما راح يرفضون يجون معي ..
أحس بجو خاص لمن أجي هنا و أستعيد ذكريات الأيام اللي كنت ألعب فيها هنا و هناك ..
لكن أغلب هالذكريات كانت مع الخدم أو المرافقين اللي كانوا يجيبوني لهذا المكان ..
لكن عمري ما زعلت من هالشي ، لأني ما تعودت ع شي غيره ، حياتي كانت من البداية كذا وش اللي تغير اللحين ..

رجعت لفلتي الكبيرة اللي في احد الأحياء الراقية ..
الفلة ما في احد يعيش فيها غيري مع الخدم ، كل الخدم اللي يشتغلون عندي أمريكين ..

أول ما دخلت الفلة شفت رئيس الخدم جاني بعد ما عرف بقدومي ..

(( الكلام بالإنجليزي لكن سيتم ترجمته فورًا إلى العربي لمزيد من الراحة في الكتابة ))

.. / سيد سامي مرحبًا بقدومك ، هل تريد أن أطلب منهم أن يجهزوا لك شيئًا تأكله ؟؟
سامي / لا يا جورج ، لست جائعًًا يمكنك الذهاب لتنهي بقية أعمالك ..

مشيت و تركت جورج اللي مو مستغرب من عدم شهيتي ..
أنا ما أكل كثير و ما في شي يفتح نفسي عشان أكل ، و خصوصًا إني أكل لحالي عادةً ..

طرى ع بالي شادو رحت لغرفته و دخلتها ..
كان قاعد ياكل و لسه ما بدى نظامه اليومي ، لما شافني جاني و هو ينبح ، رغم العز اللي عايش فيه يظل الكلب يحب يلعب ، مع إنه تعود ع الهدوء و النظام من يوم ولادته ..
شادو مو كبير في العمر ، و مو من وقت طويل اشتريته ، ما أدري جاني شعور إني أبي كلب و وقع إختياري ع شادو ، اللي اشتريته من أيام قليلة بعد ولادته ..
سمعت صوت طق للباب ، كانت ليندا مربية شادو ، اللي دخلت و قالت لما شافتني ..

ليندا / سيدي يجب ان أبدأ نظام شادو اليومي الأن ، و سأبدأ بحمامه إن كنت تسمح ..
سامي / خذيه ليندا لن أعطلك ..

طلعت من الغرفة و رحت لغرفتي ، أكبر و أجمل و أفخم و أرقى غرفة في هالفلة و كل ما تتصورونه ، رغم كثر الغرف فيها..
أدري إن حياتي مرفهة أكثر من اللازم ..
أنا سعودي عايش في امريكا منذ ولادتي , و عندي جنسية أمريكية ..
أبوي و أمي أغنية فوق ما أحد يقدر يتصور ثروتهم كبيرة جدًا ، و هم متفقين إنهم يعيشون هني من أول ما أتجوزوا ، و أنا ما كنت من إهتماماتهم ، فكانوا مسجليني في مدارس داخلية لكن كان لي غرفة خاصة أحسن من كل الغرف في المدرسة ..
و كانوا مستخدمين معي النظام الأمريكي إني في سن 18 سنة أقدر أطلع من البيت ، و هم إشتروا لي هالفلة في بداية الأمر لكن أنا اللي أصرف عليها ، فأنا غني مثل أبوي و راتبي يوصل للملايين و يمكن أكثر ، ما أذكر تحديدًا .. لكن حياتي فاضية ..
و كمان أنا ما أعرف الصديق الحقيقي من صديق المصالح ، تعودت ع هالشي من صغري فما صرت أثق بأحد يبي صداقتي ..
و بهالطريقة كانت حياتي و لسه ما تغيرت ، و الكم يوم أو السبوع اللي كنت أقضيهم مع أبوي و أمي سابقًًا ما تفرق معاي ..
أصلًا هم في كل الأحوال مشغوليين عني ، و ما كنت أحس إنهم موجودين ..
ليتني أقدر أعمل شي يغير حياتي و يخليها مهمة ..

سامي فهد [ ... ] 26 سنة

.
.

طلعت من الجامعة من بعد ما انتهي الدوام و أنا مستانسة ، بعد ما تعرفت ع ليان ..
ما أدري ليه جذبتني هالبنت ، من شكلها مبين عليها طيبة و شخصيتها حلوة بس هادية ..
غريبة أنا و أحلام و معانا بنت هادية ، أكيد راح يوجعها راسها منا ، لكن احنا استانسنا معها ..

شفت موبايلي يدق باسم " العلة "..

رديت بدلع / الووو ..

ما يطاوعني قلبي أكلمه لكن ما أقدر أتركه ، إلا لما أنفذ اللي براسي ..

رد علي / هلا بحبيبتي و عمري و حياتي ..
روعة / نصور تراني أستحي ..
ناصر / أموت ع اللي يستحون ..
روعة / عاد أنا مقدر ع هالكلام ..
ناصر / لا ترى هذا الصدق .. انت حبيبتي و إن شاء الله زوجة المستقبل ..
روعة و هي تتنهد / اااآه .. بس متى يجي ذاك اليوم ..
ناصر / إن شاء الله قريب الريم .. و لله أنا ما عاد أقدر ع فراقك ..
روعة / و أنا بعد حبيبي ..
ناصر / لا أنا اللحين ما أقدر أستحمل يا حلوها منك ..

قعدت أسولف معاه ، كلامه كله غزل فيني ، و من أقوله كلمة أحسه يذوب ..
و أنا أضحك عليه في داخلي ، خصوصًا لمن يناديني الريم ، عاد أنا شكلي يناسبه الريم ..
ابتسمت أبتسامتي المعهودة اللي دائمًا يقولوا لي إن ابتسامتي تحمل الكثير من المعاني المختلفة ..
كلن يفسرها ع كيفه ، لكن ابتسامتي هذي غير مو ابتسامة بريئة ، ابتسامة تحمل الكثير ..

.
.

رجعت البيت و أنا نفسي أفقع ضحك ع ناصر و ع حبه لحبيبته المزعومة ..
ويييه لما يكلمها شي ثاني عاد يذوووب ، نفسي أشوف من هذي اللي يكلمها ، اللي بمجرد ما يسمع صوتها ينقلب حاله ، و تعمل به هذا كله ..
مبين إن هالبنت كثير حلوة ، عشان كذا تعلق فيها ناصر ..

دخلت للبيت و ما شفت غير كـــادي جالسة تشاهد في التلفزيون ..
لما شافتني قالت / اوووه جيت .. كيفك ..؟؟
قلت / بخير ..
كادي / وش فيك كنت تضحك و لما شفتني انقلب وجهك .. ؟؟ ليكون فيِِ شكلي شي ..
قلت / لا اتطمني ما فيكِ شي ، وين امي و أبوي ..؟؟
كادي / أمي في المطبخ تحط الغذا و أبوي صعد فوق يبدل ملابسه ..
سألت / و انتِ ليش ما تساعدين أمي حضرتك مخليتها لحالها ..
كادي / عموري أنا تعبانة مابي أشتغل ..
عامر / و كأن أمي ما تتعب و مع هذا تشتغل ..
كادي / خلاص أكيد الحين خلصت شغلها ، و بعدين عندها الخدامة ..
عامر / تدرين إنه احنا ما نحب أكل الخدم ..
كادي / الغدا جاهز هي بس تحطه ..

سكت عنها و لا قلت شي كادي دلوعة و مستحيل أمي تطلب مساعدتها ، حتى لو كانت محتاجتها ..
صعدت فوق و بدلت ملابسي و رجعت نزلت ، شفت كادي مو في مكانها ، معانها أكيد أمي حطت الغدا ..
رحت لغرفة الطعام و شفت كلهم مجتمعين سلمت ع أمي و أبوي و قلت / كيفكم ..؟؟
الكل / الحمد لله ..
و جلست و سميت و بديت أكل ..

عامر سعد [ ... ] 26 سنة
كادي سعد [ ... ] 15 سنة
أبو عامر (( سعد )) [ ... ] 46 سنة
أم عامر (( هيفا )) [ ... ] 41 سنة

.
.

رجعت البيت بعد هالتمشية مع كم واحد من أخوياي ، كنت أبي أتأخر أكثر بس ما قدرت ..
شفت العائلة الكريمة كلها مجتمعة ، ما عدا أمي ..
سلمت ع أبوي و ع خالتي ، و جلست جنب غلا ..
و بدأ أبوي الكلام بعد الصمت اللي حل عليهم فجأة بدخولي / اليوم عادةً تجي من وقت أكثر ..
الوليد / كان عندي مشوار خلصته و جيت لكم ..
و سكت .. شفت بيان تناظرني بنظرات إعتذار و هي كل ما تشوفني تناظرني بهالنظرات ، من بعد ذاك الموقف ، لكن أنا كالعادة طنشتها ..
أنا مو زعلان منها ، بس ما بيها تستصغر الموضوع اللي يخص أمي ، عشان تعرف إن أمي أهم عندي من أي شي ..
أبوي / نسيت اسألكم عن الجامعة حلوة ، تعودتوا عليها و ع أقسامكم ..
ليان / ايه يبه حلوة كثير ..

سولوفوا سوالف كثيرة خواتي مع أبوي ، اما أنا كنت ساكت ، أنا أنزعج كثير لما أقعد معهم لوجود أبوي و خالتي ، مع إنه أبوي لكن علاقتنا ما هي قوية ، أما خالتي فكان واضح إنها منزعجة من وجودي ، و ملتزمة الصمت ، و ما تناظرني أبدًا ..
عكس لما ما أكون موجود تحب تتكلم مع الجميع ..
نفسي أصعد فوق و أتركهم لحالهم ، هذي عايلتي لكن ما أحس بالإنتماء لها ، حتى خواتي رغم إني أحبهم كثير لكن علاقتي معهم مو لذيك الدرجة ، و الحين اتوترت مع بيان اللي كانت أقرب وحدة لي منهم ..
قمت من مكاني فجأة و قلت / اسمحولي بروح أنام ، أنا تعبان شوي ..
سكت الكل ما أحد علق ، أصلًا كلهم كلامهم قليل لمن أكون موجود ..

صعدت فوق و رحت لغرفة أمي أسلم عليها ، فتحت الباب و ناظرت و شفتها نايمة فخرجت من الغرفة و اتفاجأت ببيان واقفة عند الباب و هي تقول / الوليد ..
الوليد / اآه .. بيان ..
بيان / هههه ... خالتي قاعدة .. ؟؟
الوليد باستغراب / لا نايمة ..
بيان / خسارة كنت أبي أسلم عليها ..
ابتسمت لبيان و هي ابتسمت لي بدورها ، لكن ابتسامة متوترة ..
الوليد / تعالي ..

أخذتها لغرفتي و دخلتها معي و قعدنا و قلت لها / بيان أنا ما كان قصدي أصرخ عليك أو أي شي ثاني ، لكني ما كنت أبيك تتكلمي ع أمي و بس ..
بيان / و أنا الوليد أعدك إني ما أعيدها أبدًا ..
و بتردد / و أنا أبي أكلم خالتي ، أتعرف عليها ..
ضحكت ع كلمتها في داخلي " تكلمها " بس قلت / بس هذا رح يضايق أمك ..
بيان / الوليد هذي أمك و أنا ما عمري شفتها طول الوقت بغرفتها ، و من حقي اعرف أم أخوي ..
الوليد / بس أوعديني بيان إنك ما تأذينها ، و لا تزعجينها ، و تحترمينها ..
بيان / راح أعتبرها بمثابة أمي الثانية ..
توسعت ابتسامتي و قلت / تأكدي يا بيان إنك إن حبيتي أمي هي كمان راح تحبك ، حتى لو ما بينت لك ، أمي طول عمرها قلبها طيب و تحب الكل ، و أنا أكثر واحد يعرفها ..

ابتسمت لي بيان و أنا أفكر بالأيام القادمة ..
هل فعلًا بيان راح توفي بوعدها ..؟؟
هل راح تحب أمي و تعاملها كويس ..؟؟
ما أدري ليه خايف ع أمي ، أتخيل لو صار لي شي منو راح يظلها ..!!
بس الله عز و جل معانا ، و يمكن سخر لها بيان ..

أم البنات (( ابتسام )) [ ... ] 38سنة
أبو الوليد (( فيصل )) [ ... ] 46 سنة
.
.

نهاية الفصل السادس

[ الفصل السابع ]

مر أسبوع ع أول يوم في الجامعة ..
كانت الأيام ماشية عادي ، ما عدا إني ما أشوف بيان إلا قليل حتى في البريك تكون في مقهى ثاني ..
بس أجمل شي فالأيام اللي قضيتهم في الجامعة روعة و أحلام .. كثير حبيتهم ، ما أقدر أقول غير إني ما أقدر أستغني عنهم ، لولاهم ما كنت راح كيف أتصرف في الجامعة ..
و كل يوم أنعجب في شخصيات البنات أكثر و أكثر ، خصوصًا روعة عندها شخصية مميزة غصب تخليك تحبينها بس مشكلتها متهورة ، عندها تهور كبير ..
كنا للتو داخلين للجامعة من البوابة أنا و بيان اللي قالت لي / ليان صديقاتك طيبين معك ..؟؟
ليان / أكثر من ما تتصورين ..
بيان / طيب مين هم ..؟؟
ليان / بنتين من قسمي اتعرفت عليهم في أول يوم ..
بيان / ليش ما تعرفيني عليهم مدام ريهام لسه ما وصلت ..

ما أدري ليه وقتها جاني شعور غريب ..!!
خفت لو تعرفوا ع بيان يحبونها أكثر مني ، لأن شخصية بيان مرحة و فرفوشية ، و هم من النوع الفرفوشي فأكيد راح يحبونها اكثر مني ، أصلًا ما في مجال مفارنة بينا .. بين بيان و بيني أنا ليان الهادية ..

تعوذت من إبيلس و قلت / ايه عادي ..

خذيتها لجزء من الجامعة ، و اللي يعتبر قسمنا و اللي دائمًا بنات قسمي يجتمعون فيه ..
رحت للجهة اللي دائمًا ننتظر بعض عندها ..
بس لحظتها تفاجأت بشي أبدًا ما خطر ع بالي ..
دائمًا كنت أسمع عنه في الجامعات بس ما توقعت اشوفه بهالسرعة ..
و مع مين ..!! مع روعة صديقتي ..!!

كانوا روعة و أحلام واقفين في نفس الزاوية اللي نوقف عادةً عندها ، لكن كان فيه شخصيات ما
إتوقعت وجودها ، أقدر أطلق عليها " شخصيات دخيلة " ..
بالأحرى كانوا بنتين وحدة ظلت مختبئة في الخلف تنتظر صاحبتها اللي تتكلم مع روعة ..
أما أحلام فكانت منسحبة لوحدها في الزواية ، و مستمعة للحديث فقط ، و اللي ما كان ينسمع من المسافة اللي كنا واقفين عندها ..
كانوا البنتين " الدخيلتين " مخيفتين ، أقدر اقولكم إنهم " بويات " ، و كان شكلهم يثير الرعب في النفس ، أقدر اقولكم إن شكلهم كان قبيح بطريقة فظيعة ، تنفر منهم لما تشوفهم ، و أعتقد فهمتوا الباقي ..

و كانت اللي تكلم روعة تفصلها بنظراتها ، كانت نظرات مقززة تخليك تخجل لما تناظرك فيها ..
أما الغريب إن روعة ما عملت شي ، و تكلمها عادي ..
و البنت " الدخيلة " عملت شي خلاني أكتشف شي أرعبني ..
هالبنتين كانوا " شــــــاذات " ..
لأنها بعد ما انهت كلامها باست روعة ع خدها بطريقة مقززة ، أنا نفسي ما أقدر أعبر عن اللي شفته بنظراتها ..
و غمزت لروعة بطريقة مقرفة و مشت مشيتها المسترجلة أو " العربجية " ..
و كل هذا صار قدام عيني أنا و بيان ، و أنا كنت منقرفة بدرجة ما تتصورونها ..
لكن اللي استغربته تصرف روعة ، و اللي اكتفت بابتسامة غريبة ، مو ابتسامتها المعتادة ..
سمعت بيان تقول و هي منقرفة مثلي ، و يمكن أكثر بعد / قرف .. قرف ، وصلت بهم الوقاحة يعملوا غرامياتهم قدامنا ، و بدون خجل .. بدون خجل أو حياء ..
و قالت جملة ترددت ع مسامعي بوضوح /
هــــالأشكـــــــــال مــــا تستــــــاهـــــــــــل تعيـــــــش .. مــــا تستـــــاهــــــل الحيــــــــاة ..
هــــالأشكـــــــــال مــــا تستــــــاهـــــــــــل تعيـــــــش .. مــــا تستـــــاهــــــل الحيــــــــاة ..

و مشت عني ونست الموضوع اللي جايين عشانه ، و تركتني متصنمة في مكاني ..
لو عرفت بيان إن البنتين اللي كانوا واقفين مع هالشاذتين هم صديقاتي شو راح يكون موقفها ..!!
بل الأهم شو موقفي من اللي شفته ..!!
هل أترك روعة و أحلام ، و أتعرف ع أصدقاء ثانيين ..
بس أنا ما صدقت تعرفت ع روعة و أحلام ، أقوم أتركهم ..!!
و هم صديقاتي ، و الصديق الحقيقي ينصح صديقه ، مو يتركه ..

رحت لهم و هم انتبهولي ، حسيتهم ما يدرون أني شفت اللي صار بينهم و بين الشاذتين ..
أنا ما اهتميت للي صار قبل شوي ، أنا أنقرفت منهم و من حقيقة وجودهم و بس ، مع إن هالشي صار منتشر عندنا مثل المرض المعدي اللي ماله شفاء ، و اللي شفته شي عادي و الكل صار يعمله قدام الناس بدون حياء أو خجل ..

لكن اللي صدمني أن روعة و أحلام يوقفوا مع هالبنتين و يكلموهم عادي ، من دون ما يوقفوهم عند حدهم ..

روعة / شلونك ليان ..؟؟
ليان ببرود / الحمد لله ..
أحلام باستغراب / وش فيه وجهك مخطوف ..؟؟
ليان / من اللي شفته قبل شوي ..
روعة بلا مبالاة / و شنهو اللي شفتيه ..؟؟
ليان بنرفزة / تستغبين روعة .. !! كيف سمحتي لنفسك تكلمين هالأشكال ..!!
روعة ببرود / عادي ليان إنتِ بنفسك قلتِ كلمتها ، ما عملت شي حرام أنا ..
ليان / بس هالأشكال ما ينفع لها غير العين الحمرا ، إن سكتي لها راح تتمادى ..
روعة / خلها تتمادى بتفكيرها كيفها ، المهم أنا ما راح أسمح لها تتمادى بتصرفاتها معي ، بعدين هاي أول مرة أكلمها ، يعني عااادي ، و بطريقة أو بأخرى راح تعرف إني مو من النوع اللي تحسبه ..
ليان / تقصدين شــــاذة .. هم راح يعرفوا هالشي عاجلًا أم أجلًا ، لكن يا روعة نظرة الناس لك لما تشوفك واقفة معهم ، تظنين إنهم ما راح يظنونك مثلها ، و خصوصًا إنك سكتي عن حركتها القذرة ، و اللي من الواضح إنه ما كان قصدها بريء ..
روعة / ليان أنا متعودة ع هالأشكال من المدرسة حتى لو كانوا بشكل أخف ، أنا أعرف أتعامل معهم ، و بعدين الناس مرة وحدة راح تتكلم لكن من نفسها راح تعرف إني مو من هالنوع ، لأن اللي صار كان مرة وحدة و مو أكثر من مرة ..

ما كان عندي شي ثاني أقوله لها ، مع إني غير مقتنعة تمامًا باللي قالته لكني سكت ..
مهما كان ما أقدر أغيرها بليلة و ضحاها ، هذا يبغاله وقت ..

.
.

رجعت لقسمي و أنا متحسفة إني رحت مع ليان ، هالموقف عكر علي مزاجي كثير ، و هالأشكال ما تستاهل أعكر مزاجي عشانها ..
هم مجرد قـــذارة .. قــــذارة المجتمـــــع ..
الناس تستحي تذكر هالأصناف من المجتمع و تخجل منهم ، و هم ما يخجلوا من اللي يعملوه ، و يعملوه بلا خجل أو حياء ..
هالأشكال هم وصلوا مجتمعنا للانحطـــاط ، هم اللي وصلوا مجتمعنا للحضيـــــــض ..
خلونا نخاف ندخل جامعة بلادنا و نفضل نروح للغرب ..
هالشي اعطاهم اعتقاد خاطىء إن الغرب أحسن مننا ..
أساسًا الغرب هم أساس هالأشياء ، كلها جاتنا منهم ، حتى بنات المتوسط صاروا يعملوا هالأشياء بسببهم هم ..
زفرض بضيق لما مر ع بالي ذكرى لما باستها ، قرف .. قرف .. مقزز ..
حسيت بالاشمئزاز ، حسيت إني أبي أرجع الكل اللي في معدتي ، مع إنه معدتي فاضية ..

ما أقول غير الله يهديهم و يحمينا من شرهم ..
لأن هالأفعال خارج الدين ، و من أفعال الأقوام البائدة ..
و كأن الزمن يتكرر ، و أفعالهم المنكرة ترجع ..
و هذا الشي مو خارج الدين و حسب ، هو خارج الفطـــرة الإنسانيــــة ..
شفت ريهام مقبلة علي و لمن وصلت لي سألتني / شخبارك بيان ..؟؟ شفيك ..؟؟
بيان ببرود / و لا شي ..

راح أتجاهل الموضوع و الله يعيني ع الأيام الجاية ، أنا ما أتحمل هالشي أبدًا ، و بسهولة أنقرف ، و ما أقدر امسك نفسي ، ما أستغرب لو شفت هالشي مرة ثانية أنهال ع البنت ضرب و طق ..
شلون و أنا شفت هالشي بس و أنا منقرفة كذا ، شلون لو شفت شي أعظم ، مو مثل ما يقولون " ما خفي كان أعظم " ..
و الله يعيني ع الأيام الجاية ..

.
.

اليوم راح يكون عادي و ممل كالعادة ، ما في أي شي حلو في حياتي كله مكرر ..
جهزت نفسي و نزلت للفطور الصباحي ، اللي دائمًا اكله لوحدي ، لكن أحيانًا أمر الخدم ياكلوا معي ، و هم يطيعوني في كل شي ..

نزلت تحت و أنا أحس بضيقة ما ادري سببها ..
شفت ليندا مجهزة شادو ، و أخذته تعمله نزهته اليومية ..
ولله إني ساعات أرحمها لليندا ، شادو دائمًا يتعبها ، و من صباحة الله ، المشكلة إن شادو يحب يتنزه كثير في الصباح و في أي وقت ، كل شي ع حسب رغبته ، و ليندا لازم تطيعه ..
ليندا / صباح الخير سيدي ..
سامي / صباح الخير ..
و مشيت عنها بعد ما ربت ع راس شادو ، عادةً أحب أتكلم معها و مع غيرها بس اليوم ما لي نفس لأي شي ، حتى للأكل ، لكن باكل لأني أدري إني راح أندم إن ما أكلت ..
نزلت بالمصعد اسرع لي ، و ع طول ع غرفة الطعام ..
كان الفطور جاهز ، بس ما كان في أحد ، و أنا أبدًا اليوم ما لي مزاج أكل لحالي ، فضغطت ع جهاز الأستدعاء الخاص برئيس الخدم " جورج " ، و اللي بسرعة حظر و هو يقول / صباح الخير سيد سامي ، أوامرك ..
سامي / صباح النور يا جورج كُل معي ، فانا لا أحب أن أكل وحدي ..
جورج : حسنًا يا سيدي ..

و جلس ياكل من دون ما يناقشني كالعادة ..
شخصية جورج بسيطة جدًا ، أهم شي عنده عَمله ..
و أنا ما أحب أتدخل في حياة الخدم الخاصة إلا لما هم يتكلموا لي عنها ، و كل اللي أعرفه عن حياة جورج إنه مطلق ، و عياله مع أمهم ، و إنه بعد تجربته الأولى الفاشلة في الزواج ما يفكر يتزوج مرة ثانية ، و عياله نادرًا ما يشوفهم ، و هو مقرر يكرس حياته للشغل و بس ..
و أغلب الخدم قصتهم شبيهة بقصة جورج ، فضلوا العمل ع أي شي ثاني ، و دايم يحمدوا ربهم إنهم يعملوا عندي ..
لا تقللوا من شأن وظفيتهم كونهم خدم ، الراتب اللي ياخذوه ، و الأكل بالمجان و الإقامة في هالفلة الفخمة ، كأنهم في فندق خمس نجوم ، و يمكن ست بعد ..
الفرق الوحيد إنهم يشتغلوا ، لكن لخدمة شخص واحد فقط ..
فجأة سمعت رنين التليفون ..
قام جورج بسرعة من مكانه و أخذ السماعة بسرعة ، و كان هذا التليفون الخاص بغرفة الطعام ..
جورج / مرحبًا ، هذا منزل السيد سامي [ ... ] ، معك جورح رئيس الخدم ..
.. / ...
جورج / اووه حسنًا سيدي ، أتريد مني أن أبلغه ، أو أن تتحدث معه .. ؟؟
.. / ...
جورج / إذن وداعًا سيدي ، أتمنى لك يومًا سعيدًا ..

قلت له بفضول لما رجع و جلس / حسنًا ماذا هنالك يا جورج ..؟؟
جورج بقلق / إنهما السيد و السيدة ، إنهما يودان زيارتك يا سيدي ، لكنهما لم يحددا وقت الزيارة ، فقط قال والدك أنهما سيزورانك في هذا الأسبوع ..

جورج يدري إني أتوتر كثير لمن يزوروني ، بس أنا ما قلت شي و لا علقت ، بس قلت بعد صمت قصير / جورج .. ألا تظن أن جيسكا قد وضعت كثيرًا من الملح و الفلفل في البيض ..
جورج بصراحة / اووه سيدي ربما ، لكنه يعجبني ، إنه لذيذ هكذا ..

أمي و أبوي زياراتهم قليلة لنا جدًا بس مو معدومة ..
و رغم كل شي كإهمالهم لي ما أكذبكم و أقولكم إني أضايق من زيارتهم ..
لا .. زيارتهم تخليني أستانس بعض الأحيان ، حتى لو ما كانوا مهتمين فيني ..
راح أنتظر هالزيارة ، و اكتشف اللي ناوينه منها ، و اللي هو يا خير يا شر ..
أنا مو متفاجأ بس مستغرب من زيارتهم هالمرة ..
يمكن أتظاهر بعدم اللامبالاة لكن زيارتهم توترني ، و تفرحني أكثر ..

.
.

افففف ملل رهيب ..ما عندي شي أعمله ، ابوي و أخوي في العمل و أمي نايمة ..
أصلًا أنا ما عندي سالفة ما أساهر في الليل ، و بعد لأن شو .. لأن السهر يظهر التجاعيد في البشرة ..
خل التجاعيد تظهر أعمل لي عملية تجميل شد هنا و شد هناك و انتهى الموضوع ، كأن لم يكن ..
خلاص أنا مقررة الليلة بساهر بلا تجاعيد بلا خرابيط ..
اووه متى تبدي المدرسة بس ، مع إني ما أصدق إن أنا " كادي " أقول هالكلام ، لكن فعلًا المدرسة ممتعة ..

مدام إني فاضية خل أغير تسريحة شعري ، مع إني واثقة إنها راح تطلع حلوة علي ، لأني أنا كادي مو حيا الله ، و لأن كل شي حلو علي أسأسًا ، و يطلعني أحلى ما يكون ..
عملت شعري كيرلي من زمان ما عملته كذا ، مع إنه كثير حلو علي ، لكن أنا من زمان ما خرجت من البيت ، و إذا خرجت كنت أخلي شعري ع طبيعته اللي حتى هي تطلعني حلوة ..
انتهيت و طلعت أهبل ما شاء الله ، قمر .. قمر و لا أروع ، كالعادة ما في مثلي أبدًا ..
أدري إنه في بنات كثير حلوين ، لكن ما في وحدة عندها نص الجمال اللي عندي ..
صدقوني أنا أحلى وحدة بدفعتنا ، و البنات الحلوين كلهم فيهم عيوب ما عداي أنا (( هذا بنظرها ، مع إنها فعلًا أجمل وحدة بالدفعة )) ..

اوووه لو أهلي يسمحوا لي أطلع كان من زمان طالعة ..
سمعت نغمة موبايلي و كانت صديقتي " عبير " ..
رديت وقلت بصوتي الحلو / الووو ..
عبير / هلا و غلا كدووي ..
كادي / أهلين عبورة ، شلونك ..؟؟ من زمان عنك ..
عبير / الحمد لله ،أنا بخير بس ناقصني شوفتك ..
كادي بغرور / أكيد حبيبتي ، منو ما يبغى يشوفني ..؟؟
عبير بشوية تطنيش / ايه كادي عشان هالموضوع أريد أكلمك ، أبي أعزمك ع عرس اختي رغد ..
كادي بفرحة / ما شاء الله رغد راح تعرس ، مبرووك ..
عبير / الله يبارك فيك ، ما تصدقين قد ايش هي متوترة ..
كادي / التوتر شي طبيعي في هالفترة ، ما عدا لي انا ما أتوقع إني أكون متوترة ، لأني واثقة من نفسي ..
عبير / يعني أعتبر هذا تأكيد لحضورك ..
كادي / ايه أكيد حبيبتي راح أحضر ، من زمان خاطري أروح عرس ، و كمان مو من الذوق أرفض الدعوة ..
عبير / أوكيه راح أرسل لك مسج فيه العنوان و التاريخ وكل شي ، و العرس ما يحتاج بطاقات ..
كادي / أوكيه سي يو ..
عبير / سي يو تو ..
رجعت أطالع في المراية و أنا اسمي ع نفسي ، ما شاء الله طالعة أجنن ، و أكيد راح أكون أحلى وحدة في العرس ، حتى أحلى عن رغد ..
راح أقول لأبوي و أخوي يودوني السوق ، لازم أتقضى للعرس ، أنا كادي لازم ألبس أرقى الملابس ، مع إني أدري لو أروح العرس بخيشة راح أطلع أجمل ما يكون ..
عبير [ ... ] 15 سنة
.
.
كنا جالسين في الصالة ، جلسة أخوية معتبرة قدام التلفزيون ، كلنا نتابع فلم .. فلم أكشن و مغامرات ، كان حلو بالنسبة لي ، لكن أخواني عاجبهم و بقوة ..
كنت أتابع بس أسرح مني و مناك ، حتى هالشي كان مبين علي ..
لكن قطع أفكاري صوت ريان / روعة يستحسن تجلسي في مكان ثاني ، الظاهر بعض المقاطع في هالفلم تقطع تركيزك في التفكير ..
رائد بهبالة / لا .. لا إنت غلطت المفروض تقول : روعة يستحسن تودي أفكارك لمكان ثاني ، لإنها تقطع تركيزك في مشاهدة الفلم ..

مشيت عنهم بلا اكتراث ، و أنا أسمع رائد / شفيها كله سرحانة ..!!
صعدت غرفتي و ع طول لموبايلي ، اللي كان محطوط ع السايلنت ، لأنه وجع راسي من كثر الإتصالات و المسجات اللي تجيني من ناصر ..
فتحت بعض المسجات و اللي تقول /
" الريم حبيبتي ولله ما كان قصدي "
" سامحيني الريم ، ما راح أعيدها ، أدري إن قلبك كبير و راح تتطوفينها لي "
" أنا أسف الريم ، بس بليييز أرجوك ردي ، بس خليني أشرح لك "

ابتسمت و أنا أشوف المزيد من المسجات ، و اللي بنفس معنى المسجات اللي قبلها ..
أنا حطيت موبايلي سايلنت من اليوم الصباح ، و عاملة حالي زعلانة ، و ما فتحت موبايلي إلا اللحين ، مع إن السبب اللي خلاني أعمل حالي زعلانة كلها دقايق و نسيته ..
ولله حالة حتى ما أدري إن كان شي بسيط أو كبير ..
مابي تاخذون فكرة سيئة عني أكثر من ما أخذتوا ، فراح أقولكم أنا مو لعابة أبدًا ، و ناصر أول واحد أكلمه ، أما الأسباب اللي تخليني أكلمه أفضل أحفظها لنفسي ..

خطر ع بالي اللي صار اليوم مع ذيك البوية ، و اللي قالت إن اسمها " خُلُود " بس تفضل نسميها " خالد " ..
ما عجبتني البنت بس الفضول ذبحني و خلاني أكلمها ، و أسكت لها ع نظراتها المقززة لي ، و اللي كانت تتفحص جسمي بدقة ..
كنت أبي أعرف شو راح تقول لي ، كان كلامها عادي جدًا ظلت تعرفني ع نفسها و راحت ..
موقف ليان من الموضوع كان أيضًا عادي جدًا ، و أتوقعه من أي أحد غيري ..
مشكلتهم ما يدرون إني سكت عن هالبنت بمزاجي ، مو لشي ثاني ، و لو حاولت تتمادى بسهولة أقدر أوقفها ..

مسكت الموبايل ، واتصلت ع أحلام صديقتي الصدوقة ، و ملجئي الوحيد لما أضايق ..
روعة / هالوو ..
أحلام / هاي روعة ..
روعة / السلام عليكم ..
أحلام / و عليكم السلام ، أشوفك قلبتي أول شي هالو بعدين السلام عليكم ، و بعدين غريبة تسلمين ، راح تتسجل في التاريخ ..
روعة / أكيد حبيبتي كل شي أسويه أنا يتسجل في التاريخ ، هم بس يتمنوا ..
احلام / ما أقدر أنا ع الغرور ..
روعة / يحق لي مو ..
أحلام / إلا يحق لك و نص ، مو انت روعة الجميلة ، كل البنات ينهبلون عليك ، و يتمنون نظرة منك ، لو إنك مو بنت عمي و أعرفك من زمان كان انهبلت لمن أشوفك ..
روعة : هذا شي أكيد ، و الدليل خالد ..
أحلام باستغراب / و منو هذا خالد ..؟؟ مو انت قلتِ إنه بس واحد ..
روعة / لا إنت راح بالك بعيد ، هاااي خلود ..
أحلام / اآه .. ذيك البنت ، مع إنه ما ينقال عنها بنت ، هذا تشويه لهذي الكلمة ..
روعة / تدرين ع هالموضوع ناصر كل شوي يدق علي يظني زعلانة ..
أحلام / ولله إني أرحمه هالناصر ، اللي الله بلاه فيك ..
روعة بنبرة غريبة ما انتبهت لها أحلام / بالعكس يستاهل كل اللي يجيه ، هو السبب محد قاله يعمل هيك ، و المفروض إنت أول وحدة توافقيني ..
أحلام / و هو شو عمل عشان تزعلين عليه لهالدرجة ..!! و ترى أنا أكيد معك ، ما أقصد شي بكلامي..
روعة بترقيع بارع ع اللي قالته / هو بس كان مطنشني الفترة اللي فاتت ، و حضرته لما فضا قال يبي يكلمني ..
أحلام / ولله إنك فاضية .. تدرين عاد ، أنا لما أتذكر المسكينة ليان اليوم ساعات افقع ضحك ، و ساعات أرحم حالها ، ما تعرفنا عدل ، و لله أحس أحيانًا الله ابتلاها فينا أكثر من ناصر حتى ، مع إنه احنا نحبها و مستحيل نضرها ..
روعة بحزن / صدق احنا ما ورانا إلا البلاء ، إحنا بلوة ع الكل ، ليان ما تعرفنا كويس ، و تظن قلوبنا طاهرة مثلها ، بحركات خلود القذرة انقرفت ، و هي ما شافت شي ، شلون لو تدري عنا ..!!
أحلام / ما أقدر أقول غير الله يعينها ..
روعة / مع إني مقتنعة إن ليان راح تضرها صداقتنا ، لكن راح أساعدها ، و ما راح أعلمها ع هالأشياء اللي نسويها ، خلها ما تدري أحسن ..

فكرت فيها صحيح احنا بلاء ما فينا شي زين ، ما فينا الطيبة اللي عند ليان ، و قلوبنا حاقدة .. تحقد بسهولة و تنتقم ..
ما عندي عيب أو حرام المهم أوصل للي أبيه ..
ما عدت أعرف الصح من الغلط ..

.
.

كل واحد في البيت مشغول بشي ، و كل واحد حابس نفسه بغرفته ..
ما عداي أنا أنتظر الوليد ، اللي بعده ما جا ..
أبي أتعرف ع خالتي ، صحيح صعبة أنا عايشة 19 سنة مع خالتي في نفس البيت ، و عمري ما شفتها ، و لا عمري فكرت أتعرف عليها ، مع علمي بوجودها ، و لا عمري فكرت أراعي هالمسكينة اللي انظلمت في حياتها كثير ..
كنت أحب أساعد الناس ، و ما فكرت أساعد أم الوليد بهالشي البسيط ، و هو إني أراعيها ..
كنت أساعد الناس البعيدة و اترك القريبة ..
و هذا خطأ كبير ..
مو هم يقولون " الأقربون أولى بالمعروف " ..
أنا راح أساعدها و أساعد الوليد ، و أساعد نفسي بعد ، كلنا في وقت واحد ..

شفت ساعتي و أنا أزفر بضيق ، الوليد تأخر علي ..
دقيت ع موبايله و قلت / هلا الوليد ، وينك ..؟؟
قالي برسمية ، و عرفت من طريقته و سرعته في الكلام إن معاه أحد / أسف ، ما راح أقدر أجي ، اعذريني ..
بيان / أوكيه ، مع السلامة ..

و سكرت و أنا مضايقة ، بعد كل هالحماس و التخطيط ما راح أقدر أتعرف ع خالتي ..

صعدت فوق ، و وقفت عند باب غرفة خالتي ، الغرفة اللي كان الكل متجاهل وجودها ما عدا الوليد ، و اللي عمر ما أحد دخلها منا غير الوليد ..
هااي خالتي و من حقي أعرفها ، ليش ما اخطي هالخطوة لوحدي ..!!
أنا ما أحتاج الوليد في هالشي خلني أجرب ..
و هو راح يفرح لما يعرف رغبتي الجدية بمقابلة أمه ..
مديتا يدي لمقبض الباب و مسكته ، كنت متوترة فعَديت ..

1
2
3

و ضغطت عليه عشان أدخل ، لكن كانت صدمتي لمن شفته مقفـــــول ..
مقفـــــــــــــــــــــــــــــــــــول ..!!
هل خالتي هي اللي مقفلة الباب ، لو الوليد هو اللي مقفله ..

لمن استوعبت الموقف و أفقت من صدمتي رحت لغرفة الخدامة ، ودخلتها ..
وقعدت أنادي / سيتــي .. سيتــــي ..
انتبهت لي و قالت / يس ماما ..
بيان / مين قفل الباب مال غرفة ماما أم الوليد ..؟؟
سيتي / هذي ماما ابتسام تقول إذا في ودي أكل لها ، راح تجيب لي مفتاح ، غيره لا ..
طعنــــــــــــــة .. !!
طعـــــــــنة في الصميـــــــــــم ..!!
حسيت إن أنا و الوليد انطعنا في الظهر ، و من مين من أمي ..!!
أمي أخذت الفتاح ..!!
ليش ..!! ليش ما في قلبها رحمة ع هالمرة المسكينة ..!!
و ليش أخذته اللحين بالذات ..!!
لا يكون عرفت باللي مخططينه أنا و الوليد ..
بس كيف راح تعرف إحنا كنا لحالنا .. !! و محد غيرنا يعرف بهالشي .. !!

.
.
أنتظر أمي المحتشرة تبيني أوصلها لبيت وحدة من صديقاتها / ريماس مو كأنها طولت ..
ريماس / فارس هي مو رايحة تتمشى ، هي رايحة لناس فلازم تهتم بشكلها ..
فارس / أوكيه قلنا بتتزين ، زين ليش هالتطويل ..؟؟ صار لي نص ساعة أنتظر ..
ريماس / و انت وش عرفك كيف الوحدة تتزين .. ناس ياخذوا ساعتين كاملين بس عشان يعملوا شعرهم ، و انت بس نص ساعة مو قادر تنتظر ..
فارس / خلاص ما نا قايل شي ، عن تاكليني ..

ثواني و نزلت أمي و هي تلبس عباتها ، ما كانت متزينة ، كانت لابسة أسود ، فاستغربت بس ما علقت ..
أمي / هااا .. إن شاء الله ما تأخرت ..
ابتسمت غصب عني و قلت / لا يمه إنت ما تأخرتِ ، انتِ تعتبرين مخلصة بسرعة ، غيرك ياخذوا ساعتين و هم بس يعملوا شعرهم ..
أمي باستغراب / و انت ايش عرفك ..!! لا يكون ما خذ لك وحدة من ورانا ..
فارس / الله يسامحك يمه ، يمكن اسويها بعد خمس سنين ، هذا إذا تزوجت أساسًا ..
أمي بصدمة / خمس سنين ..!! ما تتزوج ..
فارس / يمه خلنا نروح السيارة أول ، بعدين نكمل كلامنا ..
مشت معي بهدوء و طلعنا من البيت و تركنا ريماس ، اللي كانت مجرد مستمعة لحديثنا ، و لمن ركبنا السيارة و مشينا قالت / بس يا ولدي العمر يمشي و ما ظل فيه كثير ، ليش ما تتزوج و تفرحني بشوفة عيالك ..
فارس / الله يطول بعمرك يمه ، بس مو حلوة مني أتزوج اللحين ..
أمي / بس انت مردك تتزوج اللحين لو بعدين ، و عمك و أبوك ما راح يمانعوا ، هذا من حقك ..
فارس / يمه مثل ما قلتي مردي أتزوج ، و ذاك الوقت أنا بفسي بقول لك تخطبين لي ..

سكتنا شوي و بعدين قلت / يمه ليه لابسة أسود ..؟؟
أمي / ايه هذي حرمة أعرفها ، بنتها ترملت ، مات جوزها الله يرحمه قبل ما يدخل عليها ، و أنا رايحة أزورهم أعزيهم ..
فارس / الله يعوضها و يبدلها بغيره إن شاء الله ..
أمي / ما أظن أمها تقول إنها معارضة فكرة الزواج بعده ، الظاهر كانت تحب زوجها ..

لحظتها سكت لين ما وصلنا البيت ، و نزلت أمي من السيارة ..
و مشيت ..
شفتي أمي الناس إذا ماتوا اللي يحبوهم ، ما عاد يفكروا بغيرهم ..
لو فكرت بغير البندري كزوجة لي ، ما راح اعتبر وفي للبندري ..
راح أعتبر خاين لذكراها ، و خاين لحبنا ..
شلون أنا أحبها من صغري و تبيني أتزوج غيرها ، و ذيك البنت توفى زوجها و ما تبي تتزوج بعده و هي ما تعرفه إلا لمدة قصيرة ..
ناظرت الميدالية اللي معلقنها في السيارة اللي كانت للبندري ..
لا تتوقعون إنها هي عطتني إياها بجراءة ، عشان تبين لي حبها ..
لا البندري كانت اكبر من هذا الشي ..
حبنا لبعض كان حب عفيف و طاهر ، ما يتخلله أي شي ما يرضي الله ..
هذي كانت هديتها لي في عيد ميلادي ، اعطتني اياها لما كنا صغار ، و أنا ما اعتبرتها هدية عادية كغيرها من الهدايا اللي عطوني اياها في ذاك الوقت ..
أنا مستحيل أنسى البندري و عمر ي ما راح أحب وحدة غيرها ..
و إن تزوجت هذا راح يكون عشان أرضي أمي و بس ..

أم فارس (( نجلا )) 45 سنة

.
.

قاعدة في المطبخ أطبخ العشا لي و لأحمد ..
عاملة معكرونة راح ياكل صوابعه و راها ..
اممم .. يا حلوها هالمعكرونة ، حطيت صحنين لي و لأحمد و حطيتهم في الصالة ، و وديت شوية اشياء نحتاجها ..
و رحت أنادي أحمد اللي قاعد يدرس في غرفته ..
بس تفاجأت لمن شفته نايم و حاط الكتاب جنبه ، رحت له ركض و هزيته / أحمد .. أحمد ..

انتبه لي أحمد ، فتنفست الصعداء و قلت / الحمد لله ..
قالي أحمد بسخرية / شنو سديم ظنيتي النوبة جتني ، اطمني أخذت حبوبي ..
سديم / أحمد عاد خلاص ، من حقي أخاف عليك ..

أحمد / عاد خافي ع شي يسوى مو واحد نايم ع سريره ، شكلك عمرك ما غفيتي و انتِ تذاكرين ..
سديم / عاد أحمد بلا مسخرة ، عاد انت انت تدري قلبي ما يتحمل..
أحمد / أوكيه خلاص مشيناها لك ..
سديم / يلا عاد تعال عملت لك معكرونة راح تاكل صوابعك وراها ..
أحمد / بصراحة أشك ..
سديم / لا تشك و لا شي ، راح تكون أحلى ما تذوقته ، و راح تنعجب بمواهبي في الطبخ ، و راح دايمًا تطلب مني أعمل لك ، و أنا أقولك أحمد لا مابي أنا تعبانة ما لي خلق ..

و ظليت كذا أهدر ع راسه ، أحاول أنسيه حركتي ..
أدري إنه يتحسس من خوفي عليه ..
بس مو ذنبي هذا أخوي الوحيد ..
أحبه أكثر من ما يمكن لأحد يتصور ..
و طبيعي أخاف عليه ..
مو ذنبي إني أحبه و أخاف اخسره ..
و إلا أنا غلطانة ..

.
.
نهاية الفصل السابع ..

[ الفصل التاسع ]


وصلت اليوم للمكتب ، و اللي شفته أمس أبدًا ما غاب عن بالي ..
شفتها جالسة تشتغل ببعض الأوراق قلت / السلام عليكم ..
دلال / و عليكم السلام ..

دخلت المكتب و فتحت الشنطة بسرعة و قعدت أدور ع دبوس دلال ، اللي لقيته أمس فيها ..
أووه لقيته ..
طلعت و توجهت لمكتب دلال اللي لسه قاعدة تشتغل ع الأوراق ، و اللي انتبهت إنها نفسها الأوراق اللي عطيتها لها أمس و قلت لها تنهيها ، و تسلمها لي اليوم ..
هي ما انتبهت لي لأنها كانت منشغلة.. و هذا كان أحسن لي ..

تقربت و حطيت الدبوس بهدوء ع المكتب ، لكن هذا ما منع يتكون صوت ..

شفتها ترفع رأسها لي و علامات الاستغراب و الصدمة واضحة عليها ، مع إنها كانت متنقبة ، و كانت نظراتها تنتقل بيني و بين الدبوس اللي ع الطاولة ..
أما أنا تصرفت ببرود بدون ما أظهر أي ردة فعل ، و رجعت لمكتبي ، من دون ما أهتم لها..

لكن في الحقيقة كنت عكس ما أظهرت لدلال ، كان في داخلي راحة كبيرة إنها مو من هالنوع ..

.
.

جالسة في البريك مع بنات جديدين علي ..
كانوا طيبين و يحاولون يصادقوني من زمان ، بس أنا كنت أتعذر لهم بطريقة غير مباشرة ، لأني كنت أبي أكون مع بيان ..
لكن في ذا الوقت كل شي اختلف ..

اليوم ما رديت ع اتصالاتها ، و وقفت في مكان غير اللي متعودين ننتظر بعضنا عنده ، و حاولت أتجنبها قدر الإمكان ..
طول وفتي كنت مع دول البنات ، و اللي كانوا مستانسين من تغيري ..
مع إني أستلطفهم لكنهم مو مثل بيان ، و ما يجوون شي عندها ، لكن هذا عشان أبين لها إني أقدر أكون صداقات مع غيرها ، و إن كثيرين يتمنون صداقتي ..
و ع طاري بيان شفتها متوجهة لي بعد ما لقتني ، و لمن وصلت قالت / ريهام أبي أكلمك في موضوع ..

ما حبيت أرفض و أفشلها قدام البنات ، مهما يكون هذي بيان ، فقلت / اسمحوا لي ..
و مشيت معها و أنا أسمع إجابات البنات المتفرقة ، و اللي كلها تشتمل ع الموافقة ..

وصلنا لجهة بعيدة عن الطاولة لكنت جالسة فيها مع البنات فقالت بيان / ريهام شو صار فيك ..؟؟ ليش ما تردين ع تلفوناتي ..؟؟ ليش تتجنبيني ..؟؟
ريهام / فكري شو سويتي و راح تعرفي الإجابة ..
بيان / بس ريهام لحظتها كنت متوترة ..
ريهام / و أنا شو ذنبي تكلميني بهالطريقة ..!!
بيان / طيب أنا أسفه ، ريهام اعذريني ، و لك وعد مني إني ما راح أعيدها.. صدقيني ..
ريهام / و شو يضمن لي ..؟؟
شفت الصدمة تتملك ملامح بيان و هي تقول / و يعني شو يضمن لي ..؟؟
ريهام / إذا تبيني أسامحك اضمني لي إنك ما راح تعيدينها ..

و مشيت عنها و تركتها و الصدمة تتملكها ..
مهما يكون أنا ريهام بنت ياسر ، و محد يدوس لي ع طرف ، و الكل يفترض يحترمني ..
مهما يكون أنا ما راح أتخلى عن كرامتي و عزة نفسي ..
و اللي تمنعني أرافق وحدة تكلمني بهالأسلوب ..
حتى لو كانت مضايقة ..
حتى لو كانت بيان ..
الكرامة و عزة النفس أول ، ما في صداقة تجي من دون إحترام متبادل ..

.
.

أمشي بين البنات بسرعة ..
شو سالفته هذا ..!!

ناصر طول الوقت يتصل و يرسل مسجات ، و أنا منبهته لا يتصل لي وقت الجامعة ..
قال أيش ..!!
" ما أقدر أمسك نفسي ، أبي أتمتع بسماع صوتك الحلو "
عساه الصمخ إن شاء الله عشان لا يسمع صوتي أبد ..
أستغفر الله .. لاا لاا هذا الدعوة عليه حلال ..

كنت متأكدة إنه ما راح يوقف عن الإتصال إلا لما أرد عليه فحطيته ع الصامت ..

و في طريقي للحمام (( الله يكرمكم )) اللي كنت متوجهة له ، عشان أكلم ناصر ، أبيه يوقف عن اتصالاته و مسجاته ..

شفت خلود تمشي لي بمشيتها العربجية و قالت لي بصوتها اللي تخشنه / أهلين روعة كيفك ..؟؟

مشيت عنها حتى بدون ما أهتم حتى إني أشوف ردة فعلها ..

مو لأني مستعجلة ، أو خايفة من الكلام اللي يمكن ينقال عني لما يشوفوني معها ، لااا .. مو كل مرة راح أعطيها وجه ، و إن عطيتها هذا راح يكون ع حسب المزاج ..

وصلت للحمام (( الله يكرمكم )) و دخلته ، و اتصلت ع ناصر ، و اللي رد ع طول و كأنه ما صدق ..
و قلت بدون ما أعطيه مجال يفتح فمه بكلمة / ناصر إنسى وحدة إسمها الريم ..

.
.
استأذنت من شغلي بس عشان أقابلها في وقت ما في أحد يكون معنا و يسمع كلامنا ..

دخلت البيت بهدوء و أنا أفكر شو أقولها ..
أنا سكت عن الموضوع كثير و مستحيل أسكت أكثر ..
شفتها جالسة في الصالة و تتابع التلفزيون برواقه ، و ما انتبهت لي قلت أنبها / السلام عليكم ..

خالتي ابتسام ببرود بعد ما انتبهت لي و لفت وجها تناظرني / و عليكم السلام ..

إذا تكلمت ببرود معناها مضايقة إستانست الصراحة إنها مضايقة ، فحاولت أضايقها و أنرفزها أكثر ..
فجلست ع وحدة من الكنبات اللي جنبها ، و قعدت بطريقة تدل ع إن الواحد مآخذ راحته بزيادة ، و عملت حركة عمري ما عملتها و هو إني رفعت رجايلي ع الطاولة ، بس عشان أضايقها و أنرفزها ..

فقالت بصوت مبين فيه الضيق / هلا الوليد ، ليش جاي بمثل هالوقت ..؟؟
الوليد / ما في شي ، بس كنت أبي أجلس معك ..
ابتسام / و هذا أنت جلست .. بعدين و شو ..؟؟
الوليد بسخرية / أوه تبين تعرفين شنو بعدين ..!! ليش إنت ما تعرفين ..؟؟
ابتسام / لا ما أعرف ، ليش إنت ما تقولي ..؟؟
الوليد بجدية / جاي أكلمك بموضوع غرفة أمي ..
قالت و الابتسامة شقت وجها شق بشكل لا إرادي / بس هذا الموضوع ، إيه قول شو كنت تبي تقول ..؟؟
الوليد ببرود / أبيك تفتحينها ..
ابتسام بهدوء / لا الوليد ، إذا فتحت الباب بناتي راح يتعرفوا عليها و يحبونها ، و هني بتجيني المشاكل ، و طول الوقت راح يحنون يبونها تطلع من غرفتها ، يظنون إن أنا السبب ما يدرون إن السبب هو أبوك ..
الوليد بلا مبالاة / و شو المطلوب مني ..؟؟
ابتسام / إنك تطلع من البيت معها ..
الوليد / ودي اليوم قبل بكرة ، بس إنت عارفة أكثر مني إن أبوي ما راح يوافق ..
ابتسام بمكر / مو لازم يوافق ..
الوليد / و شلون هذي تصير ..؟؟
ابتسام / يعني إطلع من البيت و خذها من غير علمه ..
الوليد / بس هذا شي مستحيل ..
ابتسام / بس أنا عندي فكرة ..
الوليد / و شو هي ..؟؟
ابتسام / هو قال لي إنه الأسبوع الجاي بيسافر ، و إنت تقدر تاخذها خلال هالأسبوع من دون ما يدري ، و اختفي و من دون ما أحد يدري عن مكانك ..

ما قدرت أمسك نفسي و ضحكت بصوت عالي بشكل لا إرادي ..

ابتسام باستغراب / في شي يضحك في كلامي .. !!

الوليد بابتسامة بعد ما انتهت نوبة الضحك بس لسه أثارها بادية ع وجهه / لا أبدًا ، و أنا موافق ع كلامك ..
ابتسام بفرحة / يعني اتفقنا ..

مسكت إيدها و مسكت ايدي ، و سلمنا ع بعض ع شكل رجال الأعمال عند عقد الصفقات و قلت / اتفقنا ..

و تعالى صوت ضحكاتنا اللي صدى في أرجاء البيت ، كانت ضحكات مجنونة ع هالحال اللي وصلنا له ، و لوين وصل تفكيرنا .. !! لا أنا و لا هي عاجبنا اللي يصير ، و اللي بنسويه ، بس هذا أحسن شي لي و لها ..

علاقتي بمرة أبوي ابتسام علاقة فريدة و غريبة في نفس الوقت ..
ما أكرهها و لا تكرهني ..!!
ما أحبها و لا تحبني ..!!
استلطفها و تستلطفني ..!!
و في نفس الوقت كل واحد منا يبي يتخلص من الثاني اليوم قبل بكرة ..

يمكن لو ما كانت مرة الأبو ..
يمكن لو ما كنت ولد الزوج ..

لو ما راح تنفعني ، لكن يمكن لو ..

كان حياتنا تغيرت ، و يمكن كنت راح أحبها و تحبني ..
كنت راح أعزها و تعزني ..
يمكن كانت علاقتي قوية معها ..

.
.

كنت نايم في جناحي الكبير ، و ما كنت أحس بشي ..
لكن فجأة تسلل إلى مسامعي صوت طق قوي للباب ..
يا ربيي شو هذاا ..!! كم الساعة أللحين ..؟؟
ناظرت الساعة الفاخرة المعلقة في الجدار و شفتها الثانية في نص الليل ..
ليش يقعدوني في هالوقت ..!! و ليش هم يقعدوني أساسًا عادةً اقعد بالمنبه ..

قمت من السرير بكسل شديد و بتملل ، و فتحت الباب و أنا أتثاوب لا إرادي ، و وجهت نظري لجورج الواقف عند الباب و قلت / ماذا هنالك يا جورج لتوقظني بمثل هذا الوقت ..؟؟
جورج بقليل من الحرج / أسف يا سيدي لكنهما السيد و السيدة ..
سامي / ماذا بهما ..؟؟
جورج / لقد وصلا الآن ..
بققت عيوني بصدمة / الآن ..!!
جورج / أجل يا سيدي لقد وصلا الآن ، ماذا تريد منا أن نفعل ..؟؟
سامي / هل الغرف جاهزة ..؟؟
جورج / أجل سيدي ..
سامي بلا مبالاة / إذن خذوهما لإحداها فليختارا منها ما يشاءان..
جورج باستغراب / أولا تريد أن ترحب بهما ..
سامي / لا لاا خذوهما فقط ، و أنا سأعود لنومي ..

و سكرت الباب بوجهه بدون ما أنتظر رده ، و رحت لسريري أغط في نوم عميق ..

.
.

بعد أسبوع من الأحداث ..
"""""""""""""""""""""

دخلت قسمي في الجامعة و أنا أدور ع ريهام ..
الأسبوع اللي راح كان صعب ، حزت بخاطري حركة ريهام معي ، بس ما أقدر أقول شي ..
أنا الغلطانة و المفروض أراضيها ..

و الحمد لله لقيت الشي اللي بيردنا مثل قبل ، مدري وين عقلي كان و شلون ما عرفت أتصرف ..

بس اللي سويناه كان حرااام ، مو الرسول ( ص ) قال / (( لايحل لمسلم أن يهجر أخاه فوق ثلاث ليال .. ))
ريهام زعلت مني ، و أنا انصدمت من تصرفها و كانت ردة فعلي الصمت ..
لكن كان يفترض إن أنا أتحرك و أتأسف ، مدام أنا غلطت عليها ..

عشان كذا ريهام زعلت مني ، لأني ما أحسسها بقربها مني ما أحسسها بقيمتها ، أحسسها إنها رخيصة عندي بعكس الواقع ..
كل اللي قالته من حقها ، تبي صديقة حقيقة تحترمها ..
تبي صديقة لين زعلت زعلتها عادية ..

صحيح في ناس مثلي لمن يضايقون يرمون كلام جارح ، بس هم في حالة لا وعي ، أما أنا كنت في حالة وعي تام ..

شفتها واقفة لحالها ، صديقاتها الجدد لسه ما وصوا ، و هذا اللي أنا أبيه ..

بيان / ريهام ممكن كلمة ..
ريهام / تفضلي ما راح أمنعك ..
بيان بترجي / ريهام أعذريني ، صدقيني ما راح أرجعها ، و راح أعمل لك كل اللي تبينه بس ارضي عني ..
ريهام بشك / قد كلمتك ..
بيان بتأكيد/ قدها و قدود ..
ريهام بتفكير و تساؤل/ كل اللي أبيه .. أي شيء ..
بيان / كل اللي تبينه أي شي يخطر ع بالك ..
ريهام / اهاا شنو كان الموضوع اللي شاغل بالك ذاك اليوم ..؟؟
بيان / إلا ذا السؤال يا ريهام ، هي كانت مشاكل عائلية ..
ريهام / و المشاكل العائلية ليان ما تدري عنها ، و بعدين لو كنت صديقتك من جد كنت راح تخبريني ..
بيان و الدموع تجمعت في عيونها / أنا آسفة ريهام ، أنا جربت مرة و قلت لحد بس ندمت ، و ما بي أقول ، مو لأني خايفة منك ، لا بس الموضوع ما يخصني ..

كان واضح ع ريهام إنها أشفقت ع حالي ، لكنها ظلت تناظرني نظرات غريبة / اممم طيب الموضوع ما يخصك ، نمشيها لك ، و يا خبر اليوم بفلوس بكرة ببلاش ..
بيان / يعني سامحتيني ..
ريهام بإصرار / ما راح أسامحك إلا لما تكونين قد كلمتك ..
بيان / طيب شو اللي تبينه و أنا أنفذه ..
ريهام بخبث / أبيك تقبلين بأخوي بدر لما يخطبك ..
بيان بصدمة و بتلعثم / يــ يــ خـ طبـــ نــي ..
ريهام بابتسامة / أيه ، صحيح هو ما يدري للحين ، لكن هو ما يرفض لي طلب ، و أكيد بيوافق ..
بيان بمحاولة إيجاد مهرب / بس أختك ..
ريهام بحزن / صحيح ما يهون علي يعرس بدر و هي مو موجودة ، بس لازم نبدأ نفرح خصوصًا بدر و أبوي محتاجين يفرحوا ، و أنا أشوف إن هذا الوقت المناسب ، مع إنه حتى لحد الحين ما مضت سنة ع وفاتها ، لكن العمر يمشي و بدر مو صغير ..
و كملت بفرح / و بدر راح يعزك كثير و إنت بشخصيتك راح تخلينه يخرج من هدوءه و بتفرحينه ، و هو راح يعطيك شوي من الهدوء اللي عنده ..

أنا أتزوج ...!!
و مين بدر ..!!
ما قدرت أتكلم و أقول أي شي ، إكتفيت بالصمت و هز راسي ..

.
.

افففف .. زحمة .. زحمة .. متى بخلص ..!!
المشكلة مرة عطشانة ، و ما أقدر أستنا لين تخف هالزحمة ..!!

استانست لمن جا دوري ، و طلبت منها تجيب لي غرشة ماي ، عااد ما يسد العطش إلا الماي ..
فتحت الغرشة مستانسة و أنا أمشي ، أبي أشرب من العطش ما أقدر أنتظر ..
ما أحس إلا صادمة في وحدة من دون ما أنتبه ، فقعدت أحاول ما أكب عليها الماي ..
و الحمد لله .. الله ستر ، فقلت قبل ما أطالعها / آسفة ما انتبهت لك ..

رفعت راسي للبنت و أنا أسمع صوتها الخشن / لا ما صار شي يا حلوة ..

انصدمت .. ما توقعت أشوفها بشكلها المقزز قدامي ، فقلت بتلعثم / أأنــ ــا ..
البنت / أدري ما تعرفيني ، بس أنا أعرفك إنت صديقة روعة ، اممم ليان ع ما أذكر ..
ليان بارتباك / أيه أنا ..
البنت بابتسامة مقززة / و أنا خلود بس أفضل تناديني خالد ..
قلت بخوف لا أرادي / تشرفت بمعرفتك ..
البنت / الشرف لي أنا يا حلوة ، المهم أبيك تعرفين ليه روعة صارت تتجنبني ، و ما عادت معي نفس أول ، و حاولي تقنعيها ترجع لي ..
قلت بخوف / بس أنا ما أدري عن شي ، و ما أدري ليش تركتك ، و بعد هي ما تسمع لكلامي ..
البنت / مو مهم يا حلوة ، المهم تعرفين ، و إلا بتشوفين شي ما بيسرك ..

انتفضت برعب و هي تبتعد عني ..

شو تبي مني هذي ..!!
شو أعمل قولوا لي ..!!

رجعت مكاني و أنا لسه مرتعبة عند روعة و أحلام ..
أحلام / هااا إشتريتي ..؟؟
بيان / إيه ..

شفت غرشة الماي بيدي و اللي نسيتها ، و نسيت عطشي من كثر خوفي من هالخالد ..

.
.

طلعت من غرفتي بملل ، اليوم راح أقابل أمي و أبوي لأول مرة من جوا ..
مع إنه مر أسبوع ع جيتهم لكني ما شفتهم ..

ذاك اليوم لمن وعيت من النوم قال لي جورج طلعوا يباتون في فندق ، ما يبون استقبال مثل هذا ، يقولون يبون استقبال من ولدهم اللي هم جايين و متعنين له ، مو استقبال من الخدم ..

ما أدري من وين يجيبوا هالأفكار ، إلا أنا ولدهم و بس ..
يعني شو صار لو ناموا من دون ما أستقبلهم ..!!
يعني من زود ما هم كانوا يهتمون فيني يبوني أعاملهم بالمثل ..!!

طلعت من الفلة ،و شغلت سيارتي متوجه للفندق ، رغم غناي الشديد لكني ما أحب أحد يسوق لي السيارة ..

دخلت الفندق و أنا متوتر من هذا اللقاء ، دائمًا لقائهم يوترني ..

كان الفندق من أفخم و أرقى الفنادق ، مثل ما هو متوقع ، كل الأثاث اللي فيه يدل ع الذوق و الفخامة ..

وصلت للاستقبال و تكلمت مع موظف الاستقبال ، و اللي خلص قبل لحظات من زبون قبلي / المعذرة ..

توجه لي و قال بأدب و احترام زايد عن اللازم ، لأنه مبين من شكلي شخص مهم / نعم يا سيدي تفضل ..
سامي / هل يمكنني أن أسأل عن غرفة السيد و السيدة [ ... ] ..
الموظف / و من تكون حضرتك ..؟؟
سامي / ابنهما سامي [ ... ] ..
الموظف / أوه نعم لقد أخبراني عنك ، لكن أعذرني سيدي ..
سامي / ماذا هناك ..؟؟
الموظف / لقد خرجا قبل قليل و طلبا مني أن أخبرك بأن لا تنتظرهما ..
سامي / شكرًا لك ..
الموظف / أنا في الخدمة ..


ما إنصدمت من اللي صار ، هذا شي معتاد حتى لمن أنا أقرر أزورهم و أعطيهم علم مسبق بالموعد كان يحصل لي نفس الشي ، مثل هالمرة ، حددت معهم الموعد و حصل لي هالموقف مرة ثانية ..

فلا تستغربون ..!!
طول الأسبوع و هم هني ما قابلتهم ، مع إنهم قالوا إنهم جايين هالزيارة ع شاني ..

رجعت فلتي و أنا ملان كالعادة ، شخصيتي صارت ملانة من كل شي ..

.
.

كنت جالسة في السيارة مع عامر اللي قال / متى بيخلص العرس ..؟؟
كادي / ما أدري ، أنا بدق لك تجي لي ..
عامر / بس لا تطولين ..
كادي / إن شاء الله ..

و سكت لين وصلنا القاعة ، و اللي كانت من القاعات الفخمة ..
رحت و دخلتها و أن أشوف عامر يمشي بالسيارة ..

كنت في الغرفة الخارجية اللي تسبق دخول القاعة ..
فصخت عبايتي و شيلتي ، و حطيتهم في المكان المخصص لهم ..

كانت الغرفة فاضيه و ما في غيري فيها ، أصلًا أنا مو جاية من وقت ، و هو مو لازم المهم أسلم ع عبير و رغد و أهلهم ..

دخلت للقاعة الكبيرة اللي كل الناس متجمعين فيها ، و شفت بعضهم يتلفتون و يناظروني بانبهار ، و البعض منهم ينبه اللي ما انتبه لدخولي ، و كلهم نفس ردة الفعل ..

كنت كأني أميرة من عالم الخيال ..
مشيت بين الحضور بشموخ و غرور أنثى معتزة بجمالها الأخاذ ، بدون ما أهتم لنظرتهم ..
الحمد لله إني قارية ع نفسي ، و إلا كنت أكيد انحسدت ، أساسًا أمي منبهتني ما أطلع مكان حتى لو للمدرسة ، و إلا أنا قارية ع نفسي ..

أخذت الموبايل أتصل ع عبير و وجودي لسه مسبب ضجة بين الحضور ..
سمعت بعض الناس تسمي و تسبح الرحمن ع إبداعه في تصويره ، و البعض يسأل بنت مين ..؟؟
بس أنا ما إهتميت و قلت لعبير اللي ردت ع الاتصال للتو / الووو عبير أنا في القاعة ..
عبير بفرحة / أخيرًا وصلتي ، حسبت إنك ما راح تجي ، يله شوية و نزف رغد ، ما تبين تجين تسلمين عليها قبل الزفة ..
كادي / إلا جاية ، وينكم انتم ..؟؟
دلتني ع المكان فرحت لهم ،و فتحت باب غرفة العروس و قلت / السلام عليكم ..

طالعني كل من في الغرفة مبهورين و هم يردوا / و عليكم السلام ..

و اللي كانوا رغد و عبير و أمهم ..
رحت أسلم ع أم رغد أول شي / هلا كيفك يا خالة ..؟؟
أم رغد و هي لسه مبهورة و منصدمة من جمالي / أأه الحمد لله ..
و سلمت ع البنات و أنا أقول بدون منافقة / ما شاء الله طالعين تهبلون ..
عبير / إذا احنا نهبل عجل إنت شو ..!!
رغد بصون مبين فيه الخوف و الاستعداد للبكاء / لا يكون شافوك ، أكيد أللحين أنا راح أطلع و لا شي بنظرهم ..

أنا كنت أعرف و أدري إن اللي قالته ما كان عن حسد أو حقد و إنما عن خوف فقلت لها بطيبة / لا أنت ما شاء الله عليك تجننين و إذا تصرفت بثقة الكل راح ينهبلون أكثر ، حاولي تكون تصرفاتك حلوة و ابتسمي لهم راح تطلعين و لا أروع ..
عبير بصوت متحشرج / تتوقعين ..
كادي / أكيد لا تخافين ..
مسكتني عبير و طلعتني من الغرفة و هي تقول / لا تاخذين ع كلامها هي ما تقصد شي ..
كادي / أدري إنها ما تقصد شي ، هي بس خايفة إنها ما تطلع حلوة ..
عبير / بس صدق كادي أكيد أخذتي الأنظار هناك ، راح نطلع و لا شي بالنسبة لك ..
كادي / عااادي دائمًا تصير لي نفس السالفة في كل مكان المفروض الناس اتعودوا ..
عبير / و لله و هالغرور ، لو أنا عندي نص جمالك شان جتني سكتة قلبية ..
كادي باستغراب / ليش عاد ..؟؟
عبير / راح أظل أنبهر من جمالي في كل مرة أطالع نفسي في المرايا ..
كادي بغرور / أكيد حبيبتي ، أصلًا اللي محليني هو إن أنا كادي ، لأن الجمال مو كل شي ، الثقة بالنفس لها تأثير كبير ..
عبير / ما ألومك لو تكبرتي ، بس صدق شلون تتحملين كل هالنظرات اللي تنصب عليك ، عاد كل دول الناس يدققون فيك و يفصلونك تفصيل ..
كادي ببرود / اتعودت فصار شي عااادي ..
عبير / عاد قهر حلوة و مغرورة و واثقة من نفسها و كل شي عندك عااادي ، اففف .. يالله النصيب ..
كادي / عاد لا تصيرين حساسة بزيادة ، أنا أقدر أتكبر ع الكل إلا أنت ..
عبير / واااضح ..
كادي بضحكة ناعمة / خلاااص شكلك بتطقيني عين ..
عبير / لا أنا عيني باردة ما أحسد ..
كادي / يله بس مو كأنك نسيتي الزفة اللي بتبتدي بعد شوي ..
عبير / أوه نسيت يله خل نلحق عليها ..

مشيت معها و أنا متعودة ع كلام الناس و نظراتهم ..
حتى عبير صديقتي لأحس أحيانًا إنها تحسدني ع جمالي ، لكن دائمًا أطرد هالأفكار من بالي ، لأني أعرف عبير كويس ..
هي دائمًا تفرح لي و تحبني ، و مو معاناته إنها تمدحني دائمًا و تمدح جمالي إنها تحسدني الجمال مو كل شي ..

مثلًا عبير ما في مثل طيبة قلبها ، مع إنه فيها عيوب مثل كل البشر ، و اللي أنا منهم و أعترف بعيوبي ، رغم إن الناس ما تشوفها و ما تهتم إلا بالعيوب الخارجية الشكلية و ما يهمهم شي ثاني ..

ليت البعض ينظر لداخلي قبل ما ينظر لشكلي الجميل ..!!
ليتهم يحبوني لنفسي مو لشكلي ..!!
مع إنه حلم مستحيل يتحقق ، بس يحق لي أحلم ..!!

.
.

أبي أطلع شوي أتمشى ، مدري الناس شلون تستحمل قعده البيت ..!!

بدلت ملابسي و قعدت أمشط شعري و أنا أناظر في المرايا بقهر ، لو بس أقدر أغير هالعيون .. افف يقهروا ..
عيوني لونها أخضر لامع مثل عيون أمي ، مع إن كثير من الناس يعجبهم لون عيوني لكني ما أحبها ، بس دائمًا أحمد ربي إنه بس عيوني لمن أشوف خواني ..

أنا عيوني صحيح خضر ، لكن شعري أسود طبيعي و لله الحمد ، لكن أختي روعة عيونها خضر و شعرها أشقر ذاك الشقار الفاتح ، و رائد عيونه بنية صحيح مثل أبوي لكن شعره أشقر بنفس الشقار ..

مو باقي إلا يجي لنا أخ نسخة من أبوي في الشعر و العواين ، عشان تكمل المجموعة ..!!

ضحكت بسخرية بداخلي ، أكره ما علي أحد يتمقل في عوايني ، فبصير كأني أجنبي أو سوري مثل أمي ..
بهالشي ، و هذي هي المشكلة أحس إن العواين الخضر تخليني شرا الأجانب ..

أنا أفتخر بأمي و نسبها ، بس تتخيلون " ولد السورية " مسخرة الصراحة لو ينادوني كذا ..!!
مع إنه لو حصل راح أفتخر
طلعت من البيت ة استغربت لمن لمن لمحت روعة واقفة في الخارج في الحديقة ، لكنها كانت مقابلتني بظهرها من بعيد ، و مو منتبهة لي فقعدت أنادي بهدوء / روعة .. روعة ..

شفتها ما انتبهت فمشيت لها بهدوء للطرف الثاني من الحديقة ، لكنها ظلت تناظر في الجهة الثانية و تعمل شي ما انتبهت له ..

التفتت لي لمن وصلت لها و قالت / اوه ريان من متى إنت هنا ..
ريان / كنت أنادي عليك لكنك ما سمعتيني ..!!
روعة / اوه الظاهر استغرقت في أفكاري ..
ريان / ليش طالعة بهالوقت ..؟؟
روعة / أبي أغير جو شوي ..
ريان / إذا تبين اقدر أخذك معي أمشيك للمكان اللي تبينه ..
روعة بابتسامة / لا شكرًا ..
ريان / ترى الخدامات مو متوفرة دائمًا فأحسن لك تغتنمي الفرصة ..
روعة / أعذرني بس ما لي خلق ..
ريان / ع راحتك ، بس ما تشمين ريحة دخان ..؟؟ كأن أحد يدخن ..
روعة بكذب بارع / أكيد هذا ولد الجيران يحب دائمَا يدخن ، فيطلع برا عشان لا أحد يدري عنه ..
ريان / و إنت شلون عرفتي ..؟؟
روعة / دائمًا اشوفه إذا طلعت من الجامعة ..
و كملت ببرائة مصطنعة / لا يكون تشك فيني إني أدخن ..
ريان بمزح / يمكن ليش لا ..؟؟
روعة / عاد أنا شكلي يناسب وحدة تدخن ..!!
قلت و أنا أتأملها / بصراحة لا أبدًا ما يناسب ، أوكيه أنا رايح تامرين ع شي ..
روعة / بس أبي أسألك وين أمي و أبوي ..؟؟ ما قالوا لي وين رايحين ..!!
ريان بابتسامة / أكيد رايحين يتمشون مع بعض يجددون الأيام الخوالي ..
روعة / هههههههه الله يقطع سوالفك ، إلا رائد وينه ..؟؟
ريان / تلاقينه مع واحد من خوياه ، يله مع السلامة ..
روعة / في أمان الله ..

و مشيت عنها متوجه لسيارتي و أنا كثير مرتاح ..
الكلام مع روعة يوسع الصدر و يفرحك غصب ، حتى لو تكون حامل هموم الدنيا ..

.
.

قلت و أنا فاتحة الثلاجة / أحمد خلنا نروح السوبر ماركت ، الثلاجة شوي و تفضا ..
احمد / ما تقدرين تصبرين لبعدين ..
سديم / يله عاد أحمد خلنا نروح أللحين قبل ما يسكروا ..
أحمد / أوكيه خلاص أنا جاهز أجهزي و بعدين نروح ..
سديم / دقايق بس ..

تجهزت و رحنا للسوبر الماركت الأقرب لنا ، و اللي تعودنا نروح له ..

قلت لأحمد و إحنا ندخل / أنت جيب العربة و ألحقني ..

ابتسم أحمد ابتسامة هادية ، و راح جاب العربة و هو يجرها ، و لحقني بين الممرات ، لمن أوقف يوقف ، و لمن أمشي يمشي ، و لمن أحط شي في العربة يسكت و لا يعلق ..

لين قلت / تبي شي و إلا خلاص ..
أحمد بابتسامة / لا ما بي شي ، اتأكدتي ما نسيتي شي ..
سديم بتأكيد / لا ما نسيت ..

و وصلنا عند الكاشير ، و كان قبلنا عائلتين ، وقتها شهقت شهقة قوية و قلت لأحمد / نسيت ..!!
أحمد / و شو ..؟؟
سديم / الشامبو اللي متعودة أشتري منه ، نسيت أجيبه ..
أحمد / تقدرين تروحين و أنا بنتظرك هنا ..

هزيت راسي و تركته و رحت للمكان اللي فيه أنواع الشامبوهات ، و قعدت أدور النوع اللي أبيه ..

هذا السوبر ماركت يبيع منتجات للعرب ، و أكيد الشامبو موجود هنا ، لأن السوبر ماركت أساسًا مخصص للعرب ..
لين لقيته .. جيت بمسكه ما أحس إلا شخص ثاني يشده مني ، فتمسكت به و شديته أكثر لين طاح مني طيحة لها صدى انتشر في المكان ..

طالعت الناس اللي حولي بحرج ، و جيت بنزل بشيل العلبة ، إلا أشوف الشخص اللي كان يشدها مني منحني ياخذ العلبة و يوقف مرة ثانية ، و هو يقول بالعربي / تفضلي اختي ..

شهقت بصوت عالي بصدمة لمن وقع بصري ع هذا الشخص ، و تراجعت لا إرادي ع ورا ، و هو طالعني مندهش و مستغرب مني ، بس أنا ظليت أرجع ع ورا بسرعة بشكل لا إرادي ، و قلت بهمس ما سمعه غيري / ســ عـــ ود .. هــ ذا ســ عـــ ود .. !!

لين انتبهت ع نفسي و لفيت للجهة الثانية ، و رحت أركض بسرعة لين وصلت لأحمد اللي خلص محاسبة و بس ينتظرني أجيب الشامبو ..

ركضت له و قلت و أنا ألهث / أحمد خلنا نطلع بسرعة ..
أحمد بصدمة / وش فيك سديم ..؟؟ وش صار ..؟؟
سديم بصوت واضح فيه البكاء / أحمد خلنا نطلع بسرعة ..

مشى معي مستغرب من حالي ، و طلعنا بسرعة من السوبر ماركت و أنا طول الوقت أبكي ..
و أحمد ما تجرأ يسألني ، و أنا ما توقعت منه يسألني أساسًا ، لأنه مو من طبعه ..

وصلت للشقة و ع طول قفلت ع نفسي في الغرفة ..

سعود رجع و راح ترجع معه ألامي .. !!
رجع و راح يرجع معه بكائي و أنيني في الليل ..!!
رجع طليقي و راح ترجع معه تعاستي ..!!


.
.


كنا راجعين البيت و كل وحدة حاملة همها و صدمتها اللي انصدمت فيها اليوم ، لكن ما كنا نتوقع إن راح نلقى صدمة أكبر منها في البيت ..

قالت لنا أمي إن الوليد أخذ أمه و طلع من البيت في غيابنا ..

بيان بصدمة / بس يمه كيف و المفتاح كان معك ..؟؟
أمي بكذب / عطيته إياه عشان يدخل لها و يشوفها بس ، ما كنت أظن إنه راح ياخذها و يطلع من البيت ..
ليان / بس شو راح أبوي يسوي ..؟؟
ابتسام / ما أدري الله يستر ، شكله مخطط ع الموضوع ، واختار الوقت المناسب ، لما يكون أبوكم مو موجود ..

و تركتنا و احنا ننازع صدمتنا ، و صعدت فوق ..
كانت متوترة بس ما كانت خايفة أو حزينة من طلعته ..

كانت بيان تبكي بصوت عالي حتى غلا بكيت معها ..

قلت لها ببرود / ليش تبكين أللحين ..؟؟

بيان / شلون ما ابكي و الوليد طلع من البيت ..!! و الله بس يدري متى يرجع ..
ليان / اللي يسمع يقول هو سوا شي خطير غير افتك منا ، هو أساسًا ما شاف منا عير الشر ..
بيان / شكلك مستانسة ع روحته ، أصلًا إنت ما كنت تحبين الوليد مثل ما انا أحبه ، ما كنت تعرفين شي عنه و عن حياته ، دائمًا عازلة نفسك ..

سكت عنها و مشيت ، هي ما تدري عن شي ..
أنا أحب الوليد مثل ما هي تحبه ، هذا أخوي مهما كان ..

مو ذنبي إني ما أعرف أعبر عن شعوري ..!!
مو ذنبي إذا هو يرتاح لبيان فيصارحها بكل شي ، و أنا يغبي عني ..!!

حسيت كأن أحد يقولي / بس إنت كنت تقدري تتقربين منه و تسألينه ، مو لازم هو يصارحك..!!

لكن هذي ما هي طبيعتي و مستحيل تكون طبيعتي ..
مستحيل أقول لأحد خبرني بشي هو ما يبي يخبرني عنه ..

لكن رغم هذا أنا اعرف بكل اللي يصير بهالبيت ..!!

صعدت فوق و رحت لغرفة أمي و شفتها مجهزة شنطة ، و تحط فيها ثياب و بعض الأغراض ..

ليان / يمه ليش هالشنطة ..
ابتسام / البيت ما فيه رجال ، و لين جية أبوكم ممكن نطلع من البيت في أي و قت ..
ليان / و وين راح نروح ..؟؟
ابتسام / ما أدري ، بس جهزي لك شنطة و إنت و خواتك لضرورة ..

راح نطلع من البيت بعد ، الله يستر من اللي جاي ..
يا ربيي متى يجي أبوي ..
و ينقذنا من الورطة اللي طحنا فيها ..!!

.
.


نهاية الفصل ..
توقعاتكم ..

[ الفصل العاشر ]

رجعت الشقة بعد ما خلصت محاضراتي في الجامعة لليوم ..
و حالة سديم من الأمس مخوفتني ، من أمس و هي حابسة نفسها في الغرفة ..

طقيت باب غرفتها أبي أشوف حالتها ، إلا أسمعها تقول / ميـــن ..؟؟
قلت لها / أنا أحمد ، إلا لو كنتِ تتوقعين أحد ثاني ..
سديم بهدوء / أدخل ..

دخلت و أنا أناظرها .. كانت جالسة ع السرير و متلحفة بالبطانية و لابسة بيجاما و الشعر تاركته من دون شي ..
كان واضح عليها الحزن ..

أنا ما تعودت إن سديم تكون كذا ، هي اليوم حتى ما فطرت معي ، مع إنها مو ملزومة و أنا ما احتاجها ، لكن مو من عادتها ..

جلست جنبها ع السرير ، و هي ما قالت و لا كلمة و قلت / سديم كيفك اليوم ..؟؟
سديم بحزن / الحمد لله ..
أحمد ببطء / إذا ما تبين تقولين لي عن اللي صار أمس ع راحتك ، لكن ..
قاطعتني سديم و هي تتعلق فيني و ترتجف ، لكن ما كانت تبكي كانت ترتجف من الخوف و قالت / أحمد أنا شفته هناك ..
أحمد بتعجب / مين ..؟؟
سديم / ميــــن ..!! تسأل ميـــن ..!! أكيد سعود ..!!
أحمد باستغراب / سعـــــود ..
سديم / أيه سعود ما تصدقني ..!! أنا شفت سعود طليقي ..!! أمس في السوبر ماركت ..
أحمد / و هو شافك ..؟؟
سديم / شافني ، بس ما أدري عرفني لو لا ، بس أنا خايفة .. خايفة ..
أحمد / خايفة منه سديم ..!! لا تخافي مدام أنا معك ، سعود ما يستاهل تخافين منه ، و تسوين كل هذا عشانه ..
سديم / بس لو حاول يضرني ..
أحمد / ما يقدر و أنا معك ، خليك شامخة و قوية ، منو هذا سعود عشان يهزك ..!! غير شخص تافه و حقير ضيع جوهرة من يده ..
سديم بابتسامة / أنا جوهرة ..
أحمد / أيه سديم ، إنتِ جوهرة ، و لازم لو شفتيه مرة ثانية ما تخافين منه ، و تبينين أنه و لا شي في حياتك و إنه ما أثر فيك ، مجرد صفحة و طويتيها ..
سديم بخوف / توعدني أحمد أنك ما راح تخليه يضرني ..
أحمد / أوعدك ..

ضميتها لصدري و أنا أفكر بكمية الخوف اللي تحمله سديم ، لشخص حقير مثل سعود ، ضيع جوهرة نادرة مثل سديم ..
أنا ما أقول كذا لانها أختي و بس ، لاا لأن فعلًا أختي ما في مثلها ..

أتمنى لو سعود طلقها بهدوء و انتهى الموضوع ، كاان زيـــن ..
بس هو ظلمها و بهدلها و في النهاية طلقها ..
أتمنى إنه يندم و يحسر ع اللي سواه في أختي ..

دعيت بسري إن الله ينتقم لنا منه ..
و يجازيه ع اللي سواه ..

.
.

امشي بهدوء في المنتزه الجديد ، اللي حبيت أشوفه ، و لأول مرة أروح منتزه مع " مـــــأرك " ..

مــارك واحد من الزملاء السابقين في الدراسة ، و اللي ما قدرت أقطع علاقتي معه ..
سبحان الله بعض الناس ما تحب تفارقهم ، و هو يعني بصراحة أقرب واحد لي من زملائي ..

قال سامي بهدوء لمايك و هم يتمشوا في المنتزه ، و يمارسوا رياضة المشي ، و كان تنفسه عميق من التعب / لقد تعبت يا مارك ، ألم تتعب أنت ..؟؟
مارك ببهجة / لا أبدًا أشعر بنشاطٍ ينتابني هذا اليوم ، لما لا تذهب أنت لتستريح ..!! تبدو متعبًا ..
سامي / ااه .. لا بأس ، لست متعبًا لتلك الدرجة ..

و تابعت مشيي و حاولت أتنفس بهدوء و بانتظام ، من دون ما أسرع في المشي ..
أكيد التعب اللي أحس فيه لأني ما كلت شي اليوم ، رغم إني ما أحس بالجوع ..

ظليت أمشي و أكابر ع تعبي ، رغم إني مرة تعبان من الشغل و غيره ، و المشي زاد علي فوق تعبي أكثر ..
و إلا توه مارك يحس في و يقول / أنا أسف سامي .. أعذرني ، واضح أنك متعب هل تريد أن نستريح قليلًا ثم نتابع ..

قلت له بزهق و أنا أمشي عنه و ابتعد / لاا .. لا كمل مشيك ، أنا عائد لمنزلي لن أعطلك ..
مارك / ألن تحزن مني ..؟؟
سامي و هو يبتعد / لا أبدًا ..

اففف .. مستحيل أطاوع مارك مرة ثانية ، هذا الناقص ، صار لينا ساعات نمشي و ما تعب ، و المشكلة إنه مسجل في صالة رياضية ، ولله إنه فاضي ، يعاني إن الواحد يمارس رياضة ، و وحدة بعد ، مو يهلك نفسه و أكثر من رياضة ..

ركبت سيارتي و بسرعة للفلة ..
و صلت الفلة و دخلتها ، و كالعادة شفت جورج يستقبلني ، لكني حسيت إنه في شي غير طبيعي من ملامح وجهه ، فقلت / ماذا هنالك يا جورج ..؟؟

طرى ع بالي كم مرة سألت هالسؤال لجورج ، و كل مرة أسمع نفس الإجابة ..!!

جورج / لقد وصلا اليوم ..
قلت و أنا اعرف الإجابة من قبل / من هما ..؟؟
جورج / السيد و السيدة ..
سامي و أنا اسخر في داخلي / إذًا.. أين هما ..؟؟
جورج / لقد اختارا لهما جناحًا يبيتان فيه ..

مشيت عنه و صعدت لجناحي أنا بعد ، و تسبحت و بدلت ملابسي ، و رجعت أسأل جورج في أي جناح هم ، علمني الجناح و رحت له ..

و فكرت بكل شي قبل ما أخطو هالخطوة ، و بعدين طقيت الباب ..
سمعت صوت أمي الناعم ، و اللي ما يدل ع كبر سنها، و هي تقول بالعربي / تفضل ..

أتوقع الشي الوحيد الزين اللي عملوه أمي و أبوي ، إنهم علموني اللغة العربية بكل لهجاتها ..

فتحت الباب و دخلت ، و أنا أطالع أمي و أبوي اللي ما يبين عليهم الكبر أبدًا ..
سلمت عليهم بالأيادي مثل الأغراب ، لكن هذا شي مو غريب علي لأني متعود عليه من كنت صغير و هم اللي علموني عليه ..

جلست بهدوء من دون ما أحد ينطق بكلمة ، لكن أنا قطعت هالصمت و قلت بسخرية / ما عجبكم الفندق و شفتوه مو قد المقام فقلتم تجون هني ، حتى لو من دون ما يستقبلكم ولدكم ، يستقبلونكم الخدم و بس ..

أبوي و هو متجاهل سخريتي / لا قلنا شكلنا ما بنلقاك فاضي أبدًا ، فقررنا تجيك في أي وقت و خلاص ..
قلت باستهزاء لكن بهمس مسموع / اممم .. ما بتلقوني أبدًا فاضي ، كأنكم أنتم كنتم فاضين ، ما غير تحاولون تقابلوني ، و أنا أتعذر لكم ..

قمت من مكاني ، و قلت و أنا أناظر ساعتي / أوكيه ، أظن هالوقت يكفي ، ضيعت خمس دقايق من وقتي المزدحم بس عشان أقابلكم ، مع السلامة ، وراي شغل لازم أنهيه ..

وطلعت من عندهم و ع وجهي ابتسامة ، ما تطلع إلا لما أقابل أمي و أبوي ..

.
.

جالس في المكتب أشتغل بهدوء في وظيفتي اللي الكل يحسدني عليها ، و اللي توفر لي أحسن راتب ، و خصوصًا إني دارس في الخارج ..

فجـــــأة .. اقتحم أحد المكتب و دخله بدون إذن ، فعرفت ع طول إنه ناصر ، من دون ما أرفع راسي و أناظره ..

انتبهت له يجلس فقلت بهدوء / شو اللي خلى الإستاذ ناصر يتنازل و يجي لمكتبي ..
ناصر / تعجبني لما تكون ذوق " أستاذ ناصر " .. حلو ، بس مو وقت مسخرتك اللحين ..
عامر / زين إنك تدري إني أتمسخر ، و إلا إنت وين و الإستاذ وين ، بس خلصني شتبي ..؟؟
ناصر / ما ني راد عليك ، لأني أبي أقولك شي ..
عامر / أكيد عن حبيبتك اللي تكلمها ، و أنا أقول شكلك مو طبيعي هالأيام ..
ناصر / ايه الموضوع عنها ..

قالي السالفة كاملة ، بلا زيادة و لا نقصان ..

قلت / و هي ما تكلمك و ترد ع اتصالاتك من ذاك الوقت ..
ناصر / أيه ، أنا خايف فعلًا إنها تركتني ..
عامر / محد قالك اتصل عليها و عطلها بمثل هالوقت ..
ناصر / ما قدرت أمنع نفسي ، و بعد شو دراني إنها بتقطعني إن ما سمعت كلامها ..
عامر / حاول وياها يمكن ترضى ، أصلًا أنا مستغرب شلون إنت تحبها ..!!
ناصر / شو قصدك ..؟؟
عامر / قصدي أنها تكلمك ، أكيد كلمت ألف واحد غيرك ..
ناصر بعصبية / لا الريم غييـــر ، إنت ما تعرفها ، لو عرفتها كان ما قلت هذا الكلام عنها ..
عامر / المشكلة إن هالمعرفة ما راح تسرني و لا تسرك ..
ناصر / شو فيك عامر ..!! لا تتبلا ع البنت ، إنت ما تعرف شلون كانت معي في البداية ، ما كنت مثل اللحين ، و أنا متأكد إنها ما كلمت غيري ..
عامر / عااادي ، تقدر تمثل عليك ..
ناصر / ما اتوقع انك راح تقتنع أبدًا ، لو أقعد أحاول من اليوم لبكرة ، مع أني متأكد أنها ما كلمت أي أحد ، لكن حتى لو كلمت رغم كل شي باخذها ، ما بتخلى عنها ، و بعدين راح أسنعها بطريقتي ..

سكت عنه ، و حسيت إن هالبنت مو سهلة ..
ناصر يعرف آلاف قبلها ، و عمره ما تعلق في وحدة غيرها ..
أكيد في شي يميزها لدرجة من حبه القوي لها ما يبي يتركها ..
ما أقول إلا الله يستر منها ..

مع إنه ناصر كان له ماضي مظلم ، و ياما ظلم ناااس ، لكني ما أتمنى له غير الخير ..

.
.

جالس في الشقة اللي استأجرتها و حجزتها من أسبوع ..
ما كانت الشقة كبيرة ، كانت حلوة و تكفيني أنا و أمي اللي كنت جالس معها في الصالة ..

لو ما طلعتها أنا من الغرفة كان ظلت محبوسة فيها ، و ما تطلع منها ، الظاهر تعودت ع الحبسة ..

ما أدري شلون طاوعت نفسي ، و طلعت من البيت لوحدي ..!!

كان المفروض أخذ معي خدامة لأني راح أحتاجها ، و أمي راج تحتاجها أكثر مني ..

دقيت بالموبايل ع خالتي ابتسام اللي قالت / الووو ميــــن ..؟؟

أكيد راح تستغرب إني كلمتها ، و ما تدري أنه عندي رقم موبايلها ..
قلت / هلا ..
قالت باستغراب / الوليد ..!! هذا إنت ..!!
الوليد / إيه أنا ..
ابتسام / صار ليكم شي ..
الوليد / لا أبدًا بس محتاجين منك شي ..
ابتسام / قول .. بنفذه إذا أقدر ..
الوليد / أبي وحدة من الخدامات اللي عندك ..
ابتسام / أي وحدة ..؟؟
الوليد / ذيك اللي تهتم في أمي ..
ابتسام / قصدك سيتي ، إيه ما عليه ، بس ليه تبيها ..؟؟
الوليد / و هذا يبغى له سؤال ..!! أكيد أبيها تخدمني و تخدم أمي ..
ابتسام / بس كيف راح تاخذها ..
الوليد / إنت أرسليها لي بره البيت ، من دون ما أحد ينتبه ، و أنا باخذها ..
ابتسام / و شو أقول للبنات بعد ما تاخذها ..؟؟
الوليد / قولي إنها هربت ، و خلاص ..
ابتسام / طيب إنت فين اللحين ..؟؟
الوليد / ليه تسألي ..؟؟
ابتسام / عشان لا صار ت حالة ضرورية ، و أبوك مو موجود ..
الوليد / تقدري تحفظي هذا الرقم عندك ، و تتصلي عليه عند الضرورة ..
ابتسام / بس ما تحس إنه قعدتنا في البيت من دون رجال مو زينة ..
الوليد / و ليه تفكرتي بهالشي اللحين ، و ما فكرتي فيه من قبل ..!!
ابتسام / ما جا ع بالي ..
الوليد / أقعدوا في البيت ، و قفلوا الباب و خلاص ..
ابتسام / يعني نظل في البيت ..
الوليد / ايه و أنا بمر عليكم إذا احتجتوا شي من دون ما أحد يدري ، ما بيضركم تنتظرون أبوي كم يوم ..
و كملت كلامي و قلت / مع السلامة ..

و سكرت في وجهها و زفرت بضيق ، و أرسلت لها مسج ذكرت فيه الموعد اللي بروح أخذ فيه الخدامة ..

و رجعت أشوف أمي كعادتها تطالع في الفراغ ، أما أنا قعدت أطالع التلفزيون ..
اليوم ماخذ إجازة فأقدر أجلس مع أمي طول الوقت ، لكن باقي الأيام ما أقدر أظل ع هالحال ..

.
.

كنت جالسة مع أمي و ملاحظة ع وجهها الضيق من بعد ما خلصت مكالمتها مع خالتي ابتسام ..
قلت لها أبي أعرف سبب ضيقها / يمه وش فيك ..؟؟ شو قالت لك خالتي ..؟؟
أمي / يمه ريماس خالتك اتقول إن أخو البنات طالع من البيت مع أمه ..
قلت متفاجأة / طلع و هم لحالهم ، اللي أعرفه أنا إن أبوهم مسافر من كم يوم ..
أمي / إيه هو مسافر ، و هم ما يدروا كيف يتصرفون ..
ريماس / ما عرفوا وين أخوهم راح ..؟؟
أمي / لا ما يدرون ..
ريماس قالت بعد صمت قصير / يمه أبي أزورهم أشوف البنات ..
أمي / ما عندي مانع ، أنتي قولي لأخوك ، و أنا بتصل في أختي أقولها ..
ريماس / يمه أقدر أروح مع السواق ..
أمي / لاا السواق للجامعة و بس ، روحي قولي لأخوك يوصلك ..
ريماس / إن شاء الله يمه ..

صعدت لغرفة فارس و أنا ادري إنه نايم من جا من الدوام ، فتحت الباب من دون ما أستأذن ، و كان مثل ما توقعت نايـــم ..

تقربت منه و هزيته ع الخفيف ، و قلت له بهدوء / فارس .. فارس ..
فارس / اممم ..
ريماس و بدت تعلي صوتها لكن ظل هادئ / فارس قوم .. فااارس ..
قام فارس و جلس ع السرير بهدوء ، و طالعني و عواينه تقريبًا مسكرين ، و قال بصوت نعسان مبحوح / نعم ريماس ..
ريماس / فارس عاااد وصلني بيت خالتي ..
فارس بنفس الصوت المبحوح / ببدل و أشوفك جاهزة ..
ريماس / إن شاء الله ..

و طلعت من الغرفة بنفس الهدوء ، إذا تعاملت مع فارس بهدوء راح يعمل اللي أبيه ، و من دون اعتراض ..

بدلت و نزلت تحت ، وشفت أمي واقفة تنتظرني أنزل و تقول / اتصلت ع خالتك ما عندها مانع ، وافق أخوك ..؟؟
ريماس / أيه شوي و يجي ..

و فعلَا شوي و جا فارس و سلمنا ع أمي و طلعنا لبيت خالتي ..
و لما وصلنا البيت لمحت سيارة مألوفة ، و متأكدة من صاحبها ..

قلت بسرعة لفارس و أنا أشر ع السيارة اللي كانت تبتعد عنا / مو هذي سيارة الوليد ..
فارس بعد ما ناظرها / إيه هي ..
ريماس / غريبة ..!!
فارس / و شو الغريب ..؟؟
ريماس / سوري فارس ، ما عندي وقت أقولك السالفة ، تقدر تسال أمي لما ترجع ..
فارس / و هي فيها سالفة بعد ..!!
ريماس / إيه ، و بسبب هالسالفة جيت بيت خالتي ..
فارس / طيب راح أسأل أمي ، تقدري تنزلي ..
ريماس / فمان الله ..
فارس / فمان الكريم ..


و نزلت داخل و أنا أحس بخوف ..
و في نفس الوقت أحس بخيبة أمل إنه ما لحقنا ع الوليد قبل ما يروح ..
لكن هل البنات يدرون بمجيئه ..؟؟ و ليه هو جا أساسًا ..؟؟
دخلت و أنا مقررة إني ما أقولهم ، لأني بهالخبر راح أحرق أعصابهم ع الفاضي ..


.
.

من أمس ما طلعت من غرفتي ، ما لي خلق أحد ..
لا لبيان ، و لا لأمي ، حتى ما لي خلق غلا و تساألاتها عن الوليد ..

يا ليت الوليد أخذني معاه قبل ما يروح ، و ع هالفكرة دق موبايلي و اللي كانت روعة ..
استانست إنها اتصلت تبي تسأل عني بعد ما غبت عن الجامعة اليوم ..

رديت / الوو ..
سمعت صوت روعة ، و معها أحلام اللي فاجأني سماع صوتها هي بعد ، و قالوا في نفس الوقت / الووو ليونه ..
عرفت أنهم حاطين سبيكر فضحكت و قلت / هلا .. وين أنتم قاعدين ..؟؟
أحلام / في بيتي ..
ليان / ليش ما عزمتوني أجي معكم ..؟؟
روعة / كان ودنا بس إنتي ما جيتي الجامعة اليوم ، قلنا نكلمك ..
ليان / غير خلتيني أتحسر إني مو معكم ..
أحلام / مرة ثانية إن شاء ..
روعة / صحيح ليه غايبة ..؟؟
ليان / مشكلة صارت في البيت فمالنا خلق انا و أختي نداوم ..
احلام / طيب بتجي بكرة ..
ليان / ما أدري يمكن .. أقول روعة في موضوع ضروري أبي أقوله لك لما أجي الجامعة ، ما يصير اقوله في التليفون ..
أحلام / زين إنك نبهتيني عشان إذا بتقوليه أروح بكرامتي بدل ما تطردوني ، عشان لا أتفشل ..
ليان / ههههههههه .. بس هو عادي الموضوع تعرفينه ، بس يخص روعة ..
أحلام / يعيني عادي أسمعه..
ليان / إيه عادي ..

في هاللحظة دخلت بيان الغرفة و هي تقول بهدوء ، بعد ما شافتني اكلم في التليفون / ريماس بنت خالتي تحت ، انزلي نقعد معاها ..
ليان و أنا أبعد السماعة / أوكيه دقايق بس ..
و رجعت السماعة و قلت / بنات سوري لازم أسكر ، بنت خالتي زارتنا ، بروح بجلس معاها..
روعة و أحلام / مع السلامة ..
ليان / في حفظ الله ..

و نزلت تحت الحق بيان اللي نزلت قبلي ..
كانوا الكل متجمعين في الصالة ، حتى غلا اللي للحين نعاني من سكوتها و هدوئها من طلع الوليد ..
قلت / السلام عليكم ..
ردوا السلام ، و تقربت من ريماس و قلت / كيفك ريماس ..؟؟ أخبارك ..؟؟
ريماس / الحمد لله بخير..
أمي لريماس / ليه نجلا ما جت ..؟؟
ريماس / ما قدرت تجي ، مرة ثانية إن شاء الله ..

سولفنا شوي و بعدين قالت بيان لريماس بهمس وصل لمسامعي/ خلينا نطلع فوق أحسن ..

عطتها ريماس نظرة و هي تأشر ع أمي ..
كان أمي تقول و هي عارفة وش يبون / تقدروا تروحوا فوق ، أنا ما عندي مانع ..
بيان و هي تطالع ريماس / شفتي ..

و ع طول سحبتها لفوق ع غرفتها ، و أنا تبعتهم بهدوء ..
دخلنا غرفة بيان و جلسنا ..

قالت بيان بحزن / عرفتي الوليد طلع من البيت ..؟؟
ريماس بألم حاولت تخفيه / أيه أنا أسفة ع اللي صار ..
ليان / ليه تتأسفين بعد ..؟؟
بيان / يا خبلة قصدها إنها متعاطفة معانا ..
ليان و هي تبتعد عنهم و تقول بضيق / افففف منكم .. تبون تقلبونها مناحة غصب ..
بيان بغضب / انتين أبدًا ما في شي ينفع معك ، ما عندك إحساس أبد ، باردة مرة مثل الثلج ..
ليان / عجل تبني أتأثر مرة بكل شي مثلك ..
والتفت ع ريماس و قلت / أسفة ريماس ، بس انتون تنرفزون ، مسوين من الحبة قبة ، كأنه صارت مصيبة ، المفروض تفرحون للوليد لأنه نال حريته و راحته أخيرًا ، و لاا انتم تبون ترتاحون و هو يظل يعاني ..

سكتت ريماس و ما قالت شي ..
أما بيان قالت / الكلام معاك ضايع ..
ليان / قولي انت ما تبين تتقبلين الحقيقة الواضحة مثل الشمس ، و كون حياة الوليد بعيد عنا أحسن له ، و إلا شرايك ريماس ..
ريماس بارتباك / أنــ ـــ ـا ..
ليان / أيه ، مو كلامي صحيح ..
ريماس بارتباك / أنا ما لي خص في الموضوع ، خلوه بينكم إنتم ..
بيان / خلونا نسكر الموضوع أحسن ..
ليان / مصيرك تعرفين إنه معاي حق ..
بيان بنرفزه / قلت سكري الموضوع ، لا تقهريني أكثر من ما أنا مقهورة ..
ريماس / بنات خلاص , وش فيكم حولتوا الموضوع خناق ..؟؟
بيان / أساليها هي ..
ليان / خلاص أنا بسكر فمي ، و بخلي الأيام تقنعك ..
ريماس / غيروا الموضوع خلاص ، عمري ما توقعت الاقيكم تتخانقون بهالشكل ..
ليان ببرود / لا تستغربي شي ، كل شي في هالحياة يصير ، حتى اللي ما نتوقعه ..
بيان / و الدليل طلعة الوليد اللي محد توقعها ..
ريماس / ردينا ع نفس الموضوع ..
بيان بقهر / غصب عني مقهــــورة .. ليش طلع من دون ما يخبرني ..؟؟ طول الوقت أمس و أنا أفكر ليش سوى كذا ..

سكت أنا بقهر مكبوت أحاول أكتمه ..
اما ريماس قالت / اعذريه ، هو كان محتاج يخطو هالخطوة ، يحتاج يتحرر منكم و من القيود اللي مقيدينه بها ، يضمن لنفسه يعيش بسعادة مع أمه و يحافظ ع كرامته و كرامتها ، اللي بنظره ما احترمتوها ، ما تشوفين إن هالشي من حقه ..
بيان و غضبها هدأ لدقايق / أدري إنه من حقه .. أدري ، بس مو قادرة أتقبل ..
ريماس بتمني / ما عليه ، بيرجع إن شاء الله بيرجع ..
بيان و الغضب رجع لها / يرجع .. إيه يرجع ، بس ليه ما خبرني من البداية ، مو أنا بيان أخته و صديقته ..!! لو خبرني كل شي يهون ، يخبرني أنا بس أو ياخذني معه ، ليه ما أخذني معه ..؟؟ مو مهم الثانين ، المهم أنا ..


وصل الغضب عندي لدرجة لا تحتمل .. ، كم سكت و سكت ع أنانيتها ، و كتمت غضبي ع أنانيتها لكن غضبي وصل لدرجة ما له حدود ..

من دون ما أحس انفجرت فيها و قلت بصراخ قوي ، خلاهم يرجفون و يجفلون ، حسيت كل المكان اهتز من صرختي / بـــــــــــس ..


وصلت حدي سكت ع أنانيتها كثير ..

شو كان متوقع من وحدة مثلها تظن كل شي حولها ..
يمكن بيان طيبة لكنها أنانية ، إيه أنانية شوي ..

و شو أساسًا أتوقع من وحدة عايشة في هالبيت ، أكيــد بتطلع أنانية ..

أمي و عدم إهتمامها بأم الوليد و الوليد نفسه ، بس بسبب كونها الزوجة الثانية و أم الوليد الزوجة الأولى و الوليد ولدها ، و غيرتها منهم ، و كونها ما أنجبت ولد مثلها ، فرضيت بالظلم اللي يصير لها ..
مو هذي تعتبر انانية ..!!

أبوي اللي همه كل شغله و حياته و احنا أخر اهتماماته ، و لا حتى زوجته و ولده ، كل اللي يهمه يعيش مرتاح ..

مو هذي تعتبر أنانية ..!!

الوليد و خروجه من البيت ، من دون ما يهمتم لمشاعرنا ، و كوننا لحالنا في البيت ، ما اهتم إلا بسعادته هو و أمه ، و طلع من البيت من دون ما يتهم فينا و بشعورنا ..
رغم أنه تصرفه متوقع بسبب عدم أهتمامنا فيه .. لكن ..

مو هذي تعتبر أنانية ..
أخيرًا بيان و حبها إن كل شي يدور حولها ، و تظهر نفسها بمظهر المظلومة و الطيبة و الناس ظالمين ، و هي تعتبر الصح و هم الغلط ..
رغم إنه بيان فعلًا طيبة و تفكيرها رائع ، و هذا ما لا يختلف عليه أثنين ، لكن فيها نوع من أنانية و خصوصًا ع الوليد ، ما احس فيه إلا انا ، و دائمًا يكون سبب غضبي و قهري منها ، و تعاملي المختلف معاها ، لكونها تتمنى يظل الوليد معاها حتى لو كان تعيس ..

مو هذي تعتبر أنانية ..!!

و أنا الوحيدة اللي احس فيها لأني توأمها ، مهما كان أعرف شو تشعر ، و إن كانت زعلانة أو فرحانة ، و حتى إن صار لها موقف و أنا مو معها أحس فيها .. شي بديهي أنا توأمها ، لكنها ما تعرفني مثل ما أنا أعرفها ، هي كتاب مفتوح قدامي ، أما انا لاا .. تعتبرني سر غامض حتى مع كوني أختها دائمًا ألاحظ إستغرابها مني أحيانًا ..

المشكلة في بيان أنها ما يهمها تجرح أحد لو لا بكلامها ، جرحتني من قبل و جرحت الكثيرين ، بدون لا تنتبه لتأثير كلامها ع غيرها ، كل اللي يهمها تنفس عن غضبها ..

و بالنسبة لي هذا نوع من الأنانية ..
و بهالطريقة دائمًا أكتشف ببيان إنها ما تعرفني رغم إني توأمها ، لأنها لما تجرحني بكلامها تطلق علي " باردة " أو " عديمة مشاعر " ، ما كأني توأمها و المفروض تفهم شخصيتي ..

الله يستر ما تطلع غلا أنانية مثل هالعائلة ..
لكن الحمد لله إنها عازلة نفسها عنهم ..


.
.

دخلت البيت بهدوء ، و أنا لحد اللحين أفكر بكلام أختي و اللي يدور حول الوليد ..
ماني قادر أفهم او أوصل للموضع اللي تعنيه ..

ما لي خيار إلا أسأل أمي و هذا اللي بيصير ..
شفتها جالسة في الصالة كالعادة ..

سألتها / ما جا أبوي ..؟؟
أمي / لا لسه بعده ..؟؟
فارس / يمه أبي أسألك ..؟؟
أمي / عن اللي يصير في بيت خالتك ، أكيد ريماس لمحت إنه فيه شي ..
فارس / هي ما كانت تبي تقول لكنها قالت لي ، بعد ما شافت سيارة الوليد توها رايحة من بيت خالتي ..
أمي باستغراب / عند بيت ابتسام ..!!
فارس و هو مستغرب من تصرفاتهم حول الموضوع الطبيعي / أيه يمه ..
أمي / ليش هو متى رجع ..؟؟
فارس / يمه ما راح تفهميني السالفة ..!!
أمي / ااه .. أيه ، خالتك خبرتني إنه الوليد طلع من البيت ، من دون ما يحسوا ، و أخذ أمه معاه أثناء سفر أبوه ..
فارس بصدمة / طلع من البيت ..
أمي / إيه يمه ، و هم ما عندهم خبر عنه لين اللحين ..
فارس / طيب ليش طلع ..؟؟
أمي / ما أدري يمه ، علمي علمك ..

الوليد طلع من البيت ..!!
طيب ليش ما خبرني ..!!
ليش ما عاااد يكلمني مثل قبل و يسأل عن أخباري ..!!

.
.

كنت قاعدة مع ريماس أتكلم عن الوليد و ليان معانا ..
و قلت بغضب و بلا تفكير بعد جملة ريماس ، اللي ذكرتني إنه راح و ما أدري إذا بيرجع لو لا ..
و خلتني ارجع لعصبيتي / يرجع .. إيه يرجع ، بس ليه ما خبرني من البداية ، مو أنا بيان أخته و صديقته ..!! لو خبرني كل شي يهون ، يخبرني أنا بس أو ياخذني معه ، ليه ما أخذني معه ..؟؟ مو مهم الثانين ، المهم أنا ..

لكن انصدمت لمن سمعت صرخة ليان اللي أبدًا ما توقعتها / بـــــــــس ..


صرخة هزتني و ما توقعتها و خصوصًا من ليان ، كانت طول الوقت ساكتة و مقابلتنا بظهرها و متكتفة ..
فقلت بغضب متجمع / ليش تصارخين هااا ..؟؟ هذي الحقيقة لو الوليد كان بياخذ أحد ثاني كان أخذني أنا ، أصلًا إنت شي عااادي في حياته ، المشكلة إنك مو قادرة تتقبلين الحقيقة ، إلا لما تشوفينها بعيونك ..

كانت ليان بترد علي إلا ريماس تقول / بنات خلاص سكتوا هذا و انتوا خوات تتخانقوا بهالطريقة ، و الموضوع أساسًا ما يستاهل كل اللي تسوونه ..

سكت عنها ، و أنا لسه منقهرة من ليان و تصرفاتها ، و من الضغط النفسي .. خطبة ريهام لي لأخوها ، و اللي لسه ما حددت قراري فيها ، حاولت ما أفكر في الموضوع قدر الإمكان خصوصًا في هالوقت ، و مشكلة الوليد اللي طلعت لي ،و إن كان بيرجع البيت ..

أما ليان قالت بعد صمت قصير و ببرود / خلاص أنا أعترف .. الوليد يحبك أكثر مني ، استانستي ، لكن هو تركك من دون ما يهتم فيك ..
و كملت بهمس وصل لمسامعي / من زود المحبة ..


جيت برد إلا ريماس تقول بغضب / بنات رجعتوا ..
بيان بقهر / سمعتيها وش تقول ..
ريماس / خلي عقلك أكبر منها و سكتي ..


سكت بعد هالجملة ، و أنا ما أدري شفيني أنا و ليان ع بعض ، من عرفنا بطلعة الوليد من البيت و كل وحدة تغلط ع الثانية ، تبي تقهرها و تحزنها ..

الناس وقت الشدة يتعاونوا و يتماسكوا ، و يصيروا يد وحدة ، و احنا توائم و نتخانق كأنا اعداء ..

المشكلة ما ني قادر افهم ليان و اللي رجعت لبرودها ، أما أنا ظليت منقهرة ، و ريماس جلست تفكر متنهدة ..

ما في غيري أنا منقهرة و حارقة أعصابي ..
بس محد فيهم يحس بالنار اللي تسعر بجوفي ، يمكن لهالسبب أغلط ع ليان ، عشان أطلع شوي من اللي فيني ، و أساسًا ليان طول عمرها كذا ، اللي يهينها تتعامل معاه ببرود ، أنا بس اللي متغيرة ..


قطع صمتنا المشحون صراخ شخص انتشر صوت صراخه في أرجاء البيت ..
شخص تمنينا مجيئه بس ما توقعناها هاليوم ..
لكن صراخه ما كان عادي كانت فيه عصبية الدنيا ..

قامت كل وحدة فينا تتلفت ع الثانية بصدمة ..
لين كل وحدة فينا ركضت تنزل تعرف سبب هالصراخ المفاجئ ..


وقفت أنا مع ليان مدهوشين ، أما ريماس لحقتنا بعد ما جابت شيلتها و تغطت ..
و قعدنا نناظرهم من فوق الدرج و هو لسه يصرخ ..

و من شدة صراخة حطينا أيادينا ع أذانا ..

ارتجفت بخوف في مكاني ، عكس ليان اللي نزلت تحدت بهدؤها ، و لا كأن شي صاير ..

و تقدمت و تقربت منهم و قالت له ببرود / الحمد لله ع السلامة ..

.
.

نهاية الفصل العاشر ..

لكل شيء حكاية ..
تكون مثيرة للاهتمام حينًا ، و مثيرة للضجر حينًا أخر ..
قد تحب سماعها أو تكرهها ..
بعضها حقيقي و بعضها الأخر كاذب ..
من الممكن أن تثيرك حكايات مختلف المخلوقات فكيف بالإنسان أعظم الكائنات ..
و الذي شرفه الله على غيره من الخلق ..
يمكنني القول لمن يمسك هذا الدفتر بيده أنه حوا حكايتي ..
حكايتي التي عشتها بتفاصيلها و أحداثها ..
لا فكرة لي عن انطباعكم عنها ..
قد تُكذب أو تُصدق ..
قد تقابل بالاحترام و الحفاوة ، أو بالاحتقار و السخرية ..
كل ما يمكنني قوله أنها حكايتي أنا ..
لا أعلم من سيقع هذا الدفتر بيده في النهاية لكن أرجو منه أن يحترمه ..
فهو يجسد حياتي إلى أن يشاء الله ..
أنا هنـــاء [ ... ] ..