|
يا قلبهم
ما احلى اجاباتها ما شاء الله الله يخليكم اياها لمو بس للاسف اصغر عنصر في بيتنا حاليا عمرها 26 بنفع تجاوب ؟؟؟؟؟ :lol: :lol: :lol: |
للأسف ما الى اخوة صغار
|
start22
مرحبتين حبوبة آمين الله يحفظها لنا ويحفظكم لبعض مممممممممم سؤالك صعب بس مو مشكلة لو مافي أصغر منها خلوها تشارك وبنعدها بنت 26شهر ^_^ Z a H e R أهلاً أخوي الله يرزقكم جرب حظك مع أطفال الجيران ^_^ * * شكرًا لمروركما |
وهذا اللقاء الثاني مع بنت عمتي جات أمس عندنا وأخذتها فرصة ^_^ << إجاباتها بالأزرق وتعليقي بالوردي ^_^
السلام عليك ورحمة الله وبركاته وعليكم السلام ورحمة الله وبركاته أهلاً بك معنا في منتدى ليلاس شكرًا لدينا بعض الأسئلة التي نرجو منك الإجابة عليها طيب * عرفـ ـنا / ـينا عن اسمك ؟؟ نور * كم مضى من عمرك ؟؟ إيش يعني .. يعني كم عمرك .. تن 10 * ما هي وظيفتك ؟؟ الرسم <<فهمت السؤال غلط اعذروها ^_^ * ما هو مقر إقامتك ؟؟ في الأرض * من هؤلاء في حياة (نور): صدر الحنان: أمي روح الأمل: الأبلة الهبلة الطفولة: أسامة <<هذا أخوها الصغير وهو نفسه اللي قالت عنه أختي الصداقة: رغد <<صحبتها بالمدرسة المستشار: أمي المشرف الاجتماعي: أبويا سكين الجراح: أسامي <<أختها الثانية مو الكبيرة خخخخخخخخ * صفـ / ـي لنا دواخل (نور) عيدي السؤال .. صفي لنا دواخلك .. داخلي عظام .. أيوا وغيره .. داخلي مافي ولا شي * ما الشخصية الأكثر تأثيرً في حياتك ؟؟ عقلي فاضي * ماذا يعني لك: الحزن: الدموع الألم: حزن الوهم: كيف يعني .. ما أدري الفضاء: السماء النجوم: فضاء التراب: بحر <<صح شطورة البحر قدامه شاطئ والشاطئ رمل والرمل أخو التراب السعادة: الحفلة <<مسيكينة ولا يهمها بنسوي لها حفلة نجاح الحنان: الحب الرقة: كيف يعني .. زي الأناقة العولمة: ما أعرف التطور: الشي يصير حلو * نحن نعلم أن الجميع يحبك ، فمن تحبـ / ـين ؟؟ أحبكم <<فديتها تحبنا كلنا هههههههه * أخيرًا .. كلمة توجهـ ـها / ـينها للقارئين أدعيلهم بالخير <<الله يرزقك الخير يا شيخة شكرًا لك ونرجو لك دوام التوفيق والنجاح شكرًا العفوووووو حبي روحي العبي خلاص خلصنا يا حلوين وهذا اللقاء الثاني وصل انتظروني مع اللقاء الثالث وأنتظر أنا لقاءاتكم مع أطفالكم دامت البسمة مرسومة بشفاهكم هذه أنا/ لمو |
مراااااحب
هذي أنا رجعت تاني ومعي لقاء مع أخوي الصغير .. وزي ما عودتكم اللون الأزرق رده والوردي تعليقي يالله أترككم مع اللقاء السلام عليك ورحمة الله وبركاته وعليكم السلام ورحمة الله وبركاته أهلاً بك معنا في منتدى ليلاس آآآهـ حيتونا وشرفتونا لدينا بعض الأسئلة التي نرجو منك الإجابة عليها طيب .. إيه .. هيا <<يقولها وهو متردد * عرفـ ـنا / ـينا عن اسمك ؟؟ عاشق الهموم << أونه الأخ متطور ما يبغى يقول اسمه عطاكم نكه في المنتديات اللي داخلها * كم مضى من عمرك ؟؟ والله 12 سنة وما أدري كم شهر ويوم <<أما هذي يقولها وهو لاوي بوزه أونه كبير خخخخخخخخ عشان أخواني الكبار مو فيه مسوي فيها أخوكم الكبير * ما هي وظيفتك ؟؟ طالب لسا في الابتدائي <<هههههه بصراحة هنا يتكلم وهو تحسه قرفاااااااااااااان * ما هو مقر إقامتك ؟؟ جدهـ في السعودية .. حي بــ .. أقول خلاص اقطعها من سيرة .. ايش بك بقول لهم أنا وين ساكن .. ما قاصر إلا ذي أحط عنواني ع النت اسكت اسكت خليني أكمل .. طيب * من هؤلاء في حياة ( عاشق الهموم ): صدر الحنان: أمي روح الأمل: أبويا .. من غيره الطفولة: أسامة وأنس بس <<أسامة هو نفس المذكور في اللقاءات السابقة وأنس ولد عمتي الثانية وكل هالإثنين صغار وسنهم قريب من بعض الصداقة: عبدالرحمن و عبدالله وعبدالعزيز <<معدد عيال العيلة الأول أخو أسامة والاثنين الثانين عيال خالي المستشار: ما حد يفكر زيي << يقولها بيأس المسكين حزني على حاله ههههههههههههههه المشرف الاجتماعي: أمي سكين الجراح: أستاذ رضوان .. ول عليه .. أكرهه .. طول الوقت يخاصم ويضرب .. خخخخخخخخ قد ضربك .. إيوا مرة وحدة * صفـ / ـي لنا دواخل (عاشق الهموم) الغضب .. اللاوعي ههههههه يعني تبغيني أقول زي سمية العين الخشم الفم القلب الشرايين <<يقولها وهو يناظر سمية باستصغار ويضحك والمسكينة تقول له إيوا هذا اللي جوتنا يرد عليها>> الأكل والنوم بس دا اللي أفكر فيلوا * ما الشخصية الأكثر تأثيرً في حياتك ؟؟ * ماذا يعني لك: الحزن: شي عفن أكرهه ما أحب أكون حزين الألم: زي الجروح والأشياء اللي تعور الوهم: السراب زي اللي يجي في الصحراء .. يعني الأشياء اللي مو حقيقة اللي تجي من الخيال <<وكمثال يؤكد لكم قوله>> زي لما أدخل الحمام وأحس وحش معايا <<خخخخخخخخ والله ضحكني لما قال كذا وكنت بحارشه بس خفت يضيع الموضوع الرئيسي اللي مسكته عشانه الفضاء: الأشياء خارج كوكب الأرض النجوم: النجوم ديلا المشاهير <<يقولها وهو يحرك يده ويأشر على التلفزيون وبعدين يتراجع ويقول>> النجوم عبارة عن شموس التراب: الرمال السعادة: الأشياء اللي تسعدني وتخليني أفرح .. زي لما يجوا أصحابي الحنان: العطف الرقة: أنا ما أعرف الرقة .. أنا أصلي عفش <<الحمد لله اعترف بلسانه العولمة: والله ما أعرف إيش العولمة أول مرة أسمعها التطور: التطور الذهني والعقلي وتكون واعي للأشياء غير لما تكون مو متطور صغير .. التطور هو الكبر يعني تفهم للأشياء أكثر <<هههههههههههههههه عاد هنا احتاااااااااااس لين ما وصل المعلومة * نحن نعلم أن الجميع يحبك ، فمن تحبـ / ـين ؟؟ أحب .. يقولها وهو متعجب .. هههههههههههه ماما وبابا حبوني بالألعاب حذفوني هههههههههههه * أخيرًا .. كلمة توجهـ ـها / ـينها للقارئين كلمتي هي آآ آآ آآ آآ بس شكرًا لك ونرجو لك دوام التوفيق والنجاح هنا الأخ سكت فصرخت أنا هييييه رد عليا أقول لك نرجو لك دوام التوفيق والنجاح يعني وش تبغيني أقول .. مع السلامة أحسن ولا تسكت .. يالله مع السلامة روح للبلايستيشن شوف لاعبك من أول يستنى وبكذا انتهى لقاءنا مع عاشق الهموم <<ودي أعرف ليه اختار هالإسم>> المهم أشوفكم مع لقاء تاني بإذن الله وشاركوني أنتم المتعة مع صغاركم في أمان الله كانت معكم لمو بنت أبوها من عقر دارها خخخخخخخخخ |
| الساعة الآن 11:05 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية