المشاركة الأصلية كتبت بواسطة Abo Layla (المشاركة 1935576)

اولا كل الشكر للذين قامو بشرح العملية و خاصة ملك البرمجة ابو لامع


المسألة في غاية البساطة .. تستطيع دمج عشرات البرامج في برنامج واحد .. كيف ؟؟؟؟؟؟


أولا . بنحضر دفتر فاضي و قلم و يفضل قلم حبر فاتورة مش كرت لانك ما راح تلحق كتابة

ثانيا . بتغربل الاصوات و الايقاعات و الكيتات اللي ما بتلزمك و بتمسحها من خلال الضغط على Media - Erase- SDD Korg و بتفتح السيت تاعك و بتمسح اللي ما بلزم و لازم تكون مسجله على الدفتر بالترتيب و بالرقم

ثالثا . بتعمل باك اب للنسخة اللي عندك بعد الغربلة

رابعا . بتنزل اول سيت من اللي بدك تدمجه و بتسمع كل شي فيو و بتسجل ع الدفتر شو بدك منه

مثال .. عجبك صوت في بريفرانس متل العود .. بتطلع على مكونات صوت بريفراس من أصوات و راح تكون مثلا عود 1 عود 2 في User 1 و رقمه 112 و عود 2 في User 2 و رقمه 23

بدون كل هذه الملاحظات لكل صوت و بتكتب انه هاي الاصوات لسيت كذا .. بعد الانتهاء بتروح ل سيت تاني و بتفتحله سجل متل اللي قبله .. و على هذا الغرار حتى النهاية .. بالنسبة للايقاعات نفس العملية لكن بدك تدون رقم الايقاع و في اي يوزر او فيفرت و شو الكتات اللي معه مع مراعات كل مكونات الايقاعات من انترو و فل ان و اند و شو كتاتهم ..

بعد الانتهاء من كل هذه العمليات بتروح للسيت تاعك الاول اللي عملته باك اب و بتنزله .. و بتعمل قرْأة للسيتات الجديدة من خلال تصفحها في ميديا لكن ما بتنزل السيت .. انت بفتح السيت و بتطول من خلاله الاصوات في فويس و الكتات المناسبة حسب ما سجلت في الدفتر .. الله يعينكم هذه العملية مرهقة لكن احسن شي لهدا الشغل