منتديات ليلاس - سندوتشات الدجاج اللذيذة

http://www.uparab.com/files/2VqBY849-uJ7bJfM.jpg

تحضير السندوتشات سهلة

المقادير:
دجاجة مسلوقه في الماء
مخلل خيار مقطع شرائح مدورة
طماط مقطع مكعبات
خس مقطع طولي
جبن مربعات المستخدم في الهمبرغر
مايونيز
بصل مقطع مكعبات صغيرة
ثوم مفروم
توست

الطريقة:
نسلق الدجاجة في الماي مع ملح وفلفل أسود.تقطع الديايه لقطع صغيرة.تقطع حواف التوست و نتخلص منها.

في مقلاة نصب شوية زيت ونخلي البصل والثوم لين ما يحمر، بعدين نخلي الدياي و نخلطه زين و نرش فوقه ملعقة سماق وشوية ملح اذا احتاج الامر وفلفل اسود ..

في وعاء نخلط خلطة الدجاج مع المايونيز.

ناخذ شريحة التوست ونخلي خلطة الدياي بعدين الخس عقب شريحة جبن ثم المخلل والطماطم.

نسخن السندويشات في جهاز التسخين اللي يعطيها خطوط من فوق مثل سندويشات الكافتيريا ..هذا ان وجد للتحمير من فوق .. واذا ما عندنا الجهاز نسخنها في مقلاة البيض بالضغط عليها.. بعدين نقطعها لنصين..وبالعافية