|
أحلامي تنتظـرك
بسم الله الرحمن الرحيم
الحمد لله الذي علم بالقلم ، علم الإنسان ما لم يعلم ، والصلاة والسلام على نبي الأمم ، سيدنا محمد الأجل الأكرم وعلى آله وصحبه ، ومن تبعهم بإحسان إلى اليوم الأعظم احبتـــي في الله,,, اتيتكم وانــا احمل بين يدي روايتـــي الأولـــي,,والتي تحمل بين طياتهـــا مناظر من الحزن والفرح,,الخير والشـــــر,,,حياةً تحتضن شخصيــات مختلفـــــه,,,لا تدعــــي المثاليـــــه,,لكــل منهـــا جانب خير وجـــانب شـــــر,,, واحداث تسطر لكــم واقع مرير يعيشه جزء من المجتمع ((واقع الحرمـــان)) ايــاً كان نوعــــه لم اكتب هذه الروايــه من مخيلتي فقطـ...ولكن من احداث مرت امـــام عيني,,, رأيتهــــم,,ولــم احتمل السكـــوت.....فقد كتبتها بدلاً من ان احدثهــــا بلسانــــي.. لا اعني ان تكون روايتي واقعيه 100% ولكـــن جزء منهــــا ترجمته من مخيلتــــــي,, ولا اعنـــي ان من احداثها حصــل لـــي...ولكن كنت في الصــــوره واقفه هنـــاكـ حيث السكــوت هو موقفــــي الذي فرض نفسه علــــي,,والظروف هي عذري الذي لا استطيع التحكـــم فيـــه اتمنــــى ان تجد روايتـــي الأولـــــى مكــــانـــاً في عالـــم الروايـــــات الألكترونـــــي المزحــــوم,, قد لا يصل اسلوبي في الروايه الى المستوى المنشود وهذا لأنها تجربتي الاولــــي.. فآمل ان تنال ولو جزء بسيط من إعجابكــــم و ذائقتكــــم الادبيـــــــه,, . . . . X............................X للرَّمْلِ صَمْتٌ وَصَدًى أنِينٌ، تَسَاؤُلٌ، دَمْعٌ مَحْمُولٌ عِبْرَ غَيْمَاتٍ شَاحِبَةٍ شَحِيحَةٍ في زَمَنٍ صَارَ سُكْنَاهُ الَّلازَمَنُ صَارَ بِلا عُنْوَانْ مَخْبُوءًا في المَاوَرَاءِ تِلالٌ... أرْتالُ أوْجَاعْ صَارَتْ المُقْلَةُ تُعَاني الصُّداعْ وَعَمَى الألوانْ سُوَيْدَاءُ القَلْبِ ادْلَهَمَّ سَمَاؤه بُحَّ نَبْضُهُ بَاتَ طوبَةً في رِمْسِ الإنسانْ فأنَّى للأنا... أنْ تدري مَنْ أنا؟ طِفْلٌ أمْ شيْخٌ... لا يَهُمْ رَجُلٌ، امْرَأةٌ... مَا عَادَ يَهُمْ تَمَاهَتْ... تاهَتْ مَلامِحُنا كَشَمْعِ المَتَاحِفِ يَعْلوهَا غُبَارُ النَّسْيَانْ نَسِيجُنَا في مُخْتبراتِ التجْريبِ صَارَتْ مِلحًا أسْوَدَ أيَا عَبَقَ الأرْضِ ما عُدْنَا نَشْتَمُّ رَائِحَتَكَ كلُّ الأعْيُنِ، الأفْئِدَةِ، الأصْوِاتِ تَتَهَافَتُ عَلى نُوتَةِ حَانُوتيٍّ يَبْنِي صَرْحَ الجُّدُرِ مِنْ نَعِيقِ الغِرْبَانْ تَمْتَطِي صَهْوَةَ غَيْمَةٍ حَامِضِيَّةْ تَنْهَمِرُ عَلى بيوتٍ طِينُها إسْفِلتي فأنَّى لَهَا بِرَائِحةِ دُرَّاقٍ، وبُرْتقال وزَعْتَرٍ، شِيحٍ، ومِيرَميَّةْ... أنَّى لهَا عَمْشَقَةُ الياسمينِ مِنْ هُنَاكَ... أثارَ طَائِرٌ بِجَنَاحَيْهِ شَجَنَ الرَّمْل تَطايَرَ تَسَاقَطَ يَتَسَاقَطُ سَيَتَسَاقَطُ حَبَّةً... حَبَّة تَتُوهُ الرِّمَالُ في سَاعَةِ زَمَنٍ في قَرْنٍ صَارَ يُدْعَى الحَادِيَ و العِشْرين فِي... ألفيَّةِ مَدَنيَّةِ التوَحُّشْ. X............................X جرحٌ لا يلتئم وابتسامة تتحدى القدر وجيوب تخبئ لعنات مسروقة ندم وتسامح وأمل بعودة تبشر بلقاء أبدي أحلام مبعثــــره تنتظـــر من يلمهــــا ضحكــــات مسروقـــه..حروف مكتومـــه الــــمً يتجدد....وحزنً يعاند فرحــــهم حرمـــــــــــانً يسيطـــر عالمهــــــم X............................X ))أحـــلامـــي تنتظــــركـ(( #الفصــــل الأول# . . . http://www.masarat.net/masaratalbum/...u3-sor1_19.jpg ###نهــــايـة ابتســـامـة وبــدايــة دمــــوع### عـلى خط الشــرقيــه راجعيــن للريـــاض والفرحه ماليه قلوبهــم... واخيــرآ صارت المزرعه ملك لهــم...بعد محاولات مع مالكها عشان يشترونها,,,, ام نواف جالسه طول الطريق تخطط وش بيسون في المزرعه اذا بدت اجازة عيد الأضحــى وابو نواف يسمعها وهو فرحان لفرح زوجتــه اللي هي كل دنيته,,, ام نواف:واخيرا يابو نواف بنرجع للرياض والله اسبوع عندي كأنه سنه وانا بعيده عن عيالي.. ابو نواف: بس هالاسبوع استفدنا منه وشرينا المزرعه اللي تحلمين فيها,,,من قدك يام نواف كل اجازه اوديك لها.. ام نواف: تسلملي والله يالغالي,,,,بس انا مشتاقه لعيالي,,تتوقع نلاقيهم صاحيين..؟؟ ابو نواف لف على زوجته وهو مشتاق لعياله اكثر منها: اي صاحين الله يهديك...الساعه 5 الفجــر,,الناس نايمه,,, . . . . . صرخــت ام نواف :عبدالعزيييييييييييز,,,الشـــاااحنــــــه,,,,لاااااااااااااا ااااا لف ابو نواف وماقدر يسيطر على السيــاره,,,,ويدخلوون تحت شاحنه كبيره طالعـــه على الخـــطـ..... {{وجـــاءت سكـــرت المـــوت}} . . . . . . الناس ملتمه حول السياره,,,والكل مذهول من الحـادث الشنيع,, ويترحموون على اهل السياره الصغيــره اللي مو واضح منهم شـــي,,, اللي يبكـــي خوف من الموت,,,واللي يحاول يتصل بأمن الطرق والاسعــاف,,, واللي يحاول ينقذ اهل السياره بنفســه,,,,والكل مو مستوعب الموقف,, سبحان الله خلال اقل من خمس دقايق اختفت السياره تحت الشاحنه اللي عاش صاحبهــا وهو الثاني في حال مايعلمه الا رب العبــاد,,, هناك بجنب السياره شخص واقف والدموع مغطيه وجهه,,,, ماقدر يستحمل الكلام اللي جالسه يسمعه من الحرمه اللي قباله,, :ااه آآه ابو نواف تكفى قوم لا تترك عيالي,,انا بمووت منو بيرعاهم,,,الله يخلييكم عيالي نايميين,,,ااه اآآه,,عيالي لا تتركونهم,,الله يوفقك خلك عند عيالي لا تتركهم,,,مدت يدها له مسكـ الرجال يدها وحاول يساعدها لأنها تقريبآ خارج السياره.....ناظر فيها كيف العبايه ملتفه عليها ومو باين منها الا يديها.... تأثر من هالموقف بقوه جلس يصيييح والشهقات تطلع منه غصب وموقادر يمسكهم,,,عرف وش كثر هالدنيا حقيــره ,,, حاول يطلعها من السياره يمكن تعيش,,, . . . وقف ومشى بعييد عن مكان الحادث,,,يبغى يتنفس مو قادر,,,((يالله وش هالدنيا,,,الموت لهالدرجه قريب من الانســان,,,بلحظه وحده تفيض النفس,,,,انا وش اسوي الحيين,,,ماعرف عنهم شي...واكييد كل شي بهالسياره احترق ,,,,,يارب رجيتك ارحم هالاطفال وليين قلوب اهلهم لهــم,,,,,يارب انا مو قد المسؤلييه اللي كلفتني فيها ,,يارب ماعندي ولا معلومه صغيره توصلني لعيالهم,,,ياااارب حطهم بطريقي يااااارب)) . . . وصل الاسعاف وامن الطرق وقامو بالاجراءات اللازمه,,,,,تقدم رجل من الامن وسأل الناس اللي وقفو سياراتهم بجنب الحادث يمكن يكون فيه احد يعرفهــم...بس للأسف الكل مايعرف صاحب هالسياره وصعب عليهم يعرفونها..لأنهـــا بقايــــا سياره . . . . ###مشاهد من الذل والحرمان### http://www.qmraa.net/up/uploads/fca457e660.jpg "من بعـــد العــزاء بشهرين" ام فهد: سجى سجى_عطي مرام اللعبه اللي في يدك! سجى: بس هاذي هديه من خالي لي أنا مو حق ميمي ام فهد: اقولك عطيها ولا مافيه عشا اليوم. سجى بخوف : لا لا خلاص بعطيها بس خلينا نتعشى أنا واخواني لاتحرمينا مثل امس_ ام فهد: أي خليك كذا مطيعه وإلا والله أحرمكم من الأكل اسبوع كامل- سجى ونظرة الإنكسار بعيونها وهي متأكده إنها بتنحرم من الأكل حتى لو مافيه سبب: إن شاالله خالتي ~~~~~~~~~~~~~~~~~~~~~~~~ ""بعد ثلاث سنوات"" نوره: الله يخليك بس هالمره بروح معك طفششت عبير: سووووري ماما تقول بس إنتي وأخوانك تروحون الملاهي وإنتم تجلسون بالبيت_ نوره: طيب وش نسوي انا وسوسو ونواف لحالنا بالبيت عبير: وانا شدخلني روحي لماما واحكي معها_ نوره: ياربيييي ملينا من البيت متى نرجع لبيتنا اففف ردت عليها عبير بكره : احسن إن شاالله تطفشون على طول سكتت نوره تخاف تتهاوش معها بعدين تضربها زوجة عمها مثل كل مره... طلعت لغرفتها مالها الا كراستها ترسم فيها يمكن تنسى الطفش شوي ~~~~~~~~~~~~~~~~~~~~~~~~~~~~~~~~~~~~~~~~~~~ ""بعد سنتين"" نواف: عمي أنا تعبت وانا اروح للمدرسه مشي أبغى سايق البيت يوصلني والله الوقت حر وماينتحمل.. ابوفهد: عسى ماتكلفت بس اقول لايكثر وأحمد ربك تاركك تداوم بالمدرسه واصرف عليك من حلالي بعد... نواف: بس السايق كل يوم يوصل فهد والبنات لمدارسهم ليش ماياخذني معهم ماراح اكلف عليه بشي هو رايح رايح بي وبدوني.. ابوفهد عصب من كثر ماحن عليه ولد اخوه : أتكلم هندي أنا ! قلتلك لا يعني لا_ وأي كلمه زياده راح احرمك من المدرسه بكبرها_فاااهم!! نزل نواف راسه بيأس وطلع من المجلس_ كاره الدنيا ومافيها كل يوم يقطع مسافه كبيره بعز الحر ولاهو قادر يعمل شي يصد فيه ظلم عمه ماله الا الصبــر,,, ~~~~~~~~~~~~~~~~~~~~~~~~~ "بعد ثلاث سنـــوات" : انا الغلطان اللي وثقت فيك وعديتك رجال وخليتك تروح معهم السوق,,,اثاريك رخممممه,,,الرجال يسولف مع اختك ويعطيها الرقــم وانت واقف تتفرج,,, سجــى وهي طايحه على الارض والدم ينزل من فمها: والله ياعمي مو انا اللي كلمته,,,مرام كانت واقفه بجنبه وهو يتكلم,,انا ماسويت شي انا كنت داخل المحل,,والله ماسوويت شي..حراااام عليكم حراام,, ابو فهـــد والشر طالع من عيونه: عمى يعمي عيونكـ...تكذبيني ياكلبــه,,الحين الرجال يقول بنتكم ترقمني وانت تقولين مراام... الرجال يقول انتي ياللي ماتربيتي,,, ام فــهد واقفه وبناتها بجنبهـــا: اي والله ماعاد الا هي ترمي بلاها على بناتي,,,اقول استري على نفسك يابنت سويـــره,,,والله ونعم التربيه...ماقول الا الله يستر على بناتي منكم,, نواف كسرت خاطره اخته كل يوم يظلمونها بشي وهي ماعاد لها حيله تدافع عن نفسهـــا: عمي انا وفهد كنا داخل المحل... وسجى ونوره وعبير كانو معنا الا مرام مارضت تدخل معنا المحل,,هاذا يدل على ان سجى بريئه,, ابو فهــد لف على ولده فهــد يدور عنده رد على كلام نواف اذا صادق ولا لأ :وش تقول يافهـد,, فهــد ناظــر بأمــه وخواتــه وهم في عيونهم نظرات ترجي يسكت ولا يكذب نواف : والله يايبا مدري عنهم انا كنت لاهي داخل المحل وماني متأكد من اللي كانت برا سجى ولا مرام,,, نطت الملقوفه عبيــر وتكلمت بكل ثقه واللي يشوفها ويشوف ثقتها يصدقهــا : يبا اصلا مرام كانت تختارلي وشلون تقولون هي اللي كانت برا المحــل..؟! ابتسمت مرام وامها بنصــر...عبير البزر انقذتهم من ابوهم ومن المشكله كلها...مابقى الا سجى المسكينه كالعاده اتهموها وبكل وقاحه طبعا العم ماقصــر,,,كمل ضربه لها لين اغمى عليها,,,تفل عليها وطلع من الغرفه,,,, نواف ونوره جلسو يصحوون اختهم ونوره ميته من الصياح نواف ماسك نفسه والدموع متحجره بعيونه,,, >>هاذا هو حال الايتام من بعد وفاة اهلهم بالحـــادث<< ~~~~~~~~~~~~~~~~~~~~~~~~~~~~~~~~~ %%ومازال مسلسل الذل والحرمان يزداد مع تقدم السنين ومع كل سنه ينولد ألم جديد ليقتحم حياة الأيتام الثلاثه بكل وحشيـــه%% ~~~~~~~~~~~~~~~~~~~~~~~~~~~~~~~~~~~~ يوم الخميس الساعــه 7 ونص صباحا,,, وتحديدا في غرفة سجى ونوره,,, جالسه على الكنبه ومغمضه عيونها وهي في بدايه نومه مريحه وبعيده عن صوت زوجة عمها المزعج _ صحتها الساعه 7 وهم في اجازه اخر الاسبوع وتبغى تنام مثل العالم,,, وهي مانامت الا بعد صلاة الفجــر..بعد ماانتهت من ترتيب البيت...... __بعد ماصحتها زوجة عمها وطلعت من غرفتهم لفت على اختها النايمه على السرير اللي يتشاركون فيه وحسدتها على النوم وماقدرت تقاوم جو الغرفه البارد وشكل الكنبه المغري,,,جلست تبي تريح رجولها ودخلت بنووووومه مريييحه,,,,,, بس فجــــأه>> . . . . ::ســـجى,,,سجى,,سجى,,,وشفيك ماتردين ياجعلك المرض اللي يسم جسمك,,, ياربي متى افتك منك ومن اخوانكـ العاله على قلبي متى بس,,, ســجى فزت مفزوعه من هالصوت المزعج : هلا خالتي,,,سوري غفيت شوي... ام فهد :ياجعلك تغفين طول عمرك,,يمكن ارتاح من وجهك..,وانا لازم اوقف على راسك عشان تمشين قدامي,,, سجى : يالله صباح خير,,هاذا انا قمت,,,وش تبغيني اسوي,,, ام فهد : كم مررره قلتلك مابغى اصحى من النوم والبيت محووس كذا,,وبعدين يعني معك ماتنفعين ابد..كل شي على راســي,, سجى: ههههه,,الله يهدييك بس,,,اولا انا مانمت الا على وجه الفجر بعد مارتبت البيت كله,,و بقايا سهرتكــم امس ,, ثانيا انا اللي كل شي على راسي,,مو كافي اني مادرس كويس والاختبارات على الابواب.. ام فهد : لاوالله,,اشوف طلع لسانك يابنت سويره,,,لا احسن تعالي واظربيني,,والله طالت وتشمخت مابقى الا انتي تعلميني الشغل,, سجى: انا الحين اعلمك الشغل,,!! انا بس اوضحلك اللي صار,,مو كل شي تقطينه براسي,, ام فهد بعصبيه : اقوووول لا يكثر وقومي رتبي البيت,,والا والله لأتخذ معكـ اسلوب جديد عشان تعرفين تطولين لسانكـ سجى تبغى تسكتها لا تفتحلها محاظره طويله وتصحي اختها نوره من نومها : ان شالله خالتي,,((ياربي متى افارق هالبيت وارتاااح)) طلعت ام فهد من الغرفه وهي مبسوطه,,,اهم شي عندها تنكد عليهم عيشتهم,,عاادي يعيشون عندنها لأنها مستفيده هي وزوجها من هالايتام الراتب وماكلينه والحين يخططون على بيت اهلهم الكبير واللي بيجيب مبلغ ضخم بيعيشهم عشرين سنه قدام,,, نوره رفعت الغطا عن وجهها,,: سوسو وشفيها زوجة عمي معصبه,,والله مانمت من صراخها,, سجى : ماعليك منها,,هاذي تدور اي شي عشان تعصب,,لها يومين ماسوت مشاكل نوره :الله يعيينك,,المشكله شياطينها ماتطلع الا علييك,, تتوقعين تخاف مني!! سجى : هههههههههههههههههههه,,,هاذي حتى الجني يخاف منها تبينها تخاف منك,,لا تنبسطين بكرا تكبرين ويبدا موالها معك,,,عشان انا الكبيره تحط الحره فيني.. نوره : لاااا,,الله لا يقوله,,,بكرا على قولتك يكبر نواف ان شالله وبنطلع لبيتنا.. سجى: اقول لا تأملين نفسك كثيييير,,ماتدرين يمكن عمي يكرفه ويكرهه حياته,,هالناس مايعرفون يرحموون,,, نوره: طيب اذكرك بكرا وقولي نوره ماقالته,,,انا حاسه ان نواف بيوقفهم عند حدهم,,سكوت نواف الدائم وراه شي,,, شكله يعطيهم على جوهم بعدين بيصدمهم بشي كبير,, سجى والامل شبه معدوم بحياتها : الله كريم,,,لو يتحرك خالك بس وياخذنا كان بنرتاح,,بس هو يخاف من عمي.. وخوفه هو اللي مضيع عيال اخته بعيشة الذل هاذي,, نوره: اقول هاذا صراخ زوجة عمي,,روحي لا تقوم القيامه علينا اليوم وتحرمنا من الفطور,,هاذي ماعندها الا هالأكل اذا عصبت احرمتنا منه,,,اشك ان فيها قلب هالانسانه.. .. .. .. .. .. تحت بالصاله,,, ام فهد: ماما عبوره ليش مانمتي للحين,,مو زين السهر لكـ..بعدين تخرب بشرتكـ... عبير: وش اسوي تابعت الفلم وطار النوم مني,,للحين مو قادره انام,,,شكلي بواصل عشان اعدل هالنوم الزفت.. ام فهد: اي ماما لازم تعدلينه عشان تقدرين تركزين زين بالاختبارات,,شوفي بنت عمك نوره تنام بدري وتصحا بدري,, ودرجاتها بالمدرسه احسن من درجاتك.. عبير: ماما عاااااادي,,,اذا جا اخر السنه تكلمين صاحبتك المدرسه اللي تدرسنا,,وترفع درجاتي زي كل مره,,وتضبط الاموور.. ام فهد ضاق صدرها من هالموضوع,,بنتها دايما تحرجها عند معارفها,,كسلانه وماتمشي الا بالدف..: لا ياماما انا مابغاك تتعودين على هالشي,, بكرا تتخرجين وتروحين للجامعه,,قوليلي مين اللي بيساعدك وقتهاا,,, عبير: ياماما انتي تفكريين بوقت مابعد جا,,,لمااا اتخررررج يصيير خيير,,انا لسى بالمتوسطه وانتي تفكرين بالجامعه,, ام فهد: حتى ولو,,,لازم تعودين نفسك على المذاكره والدراسه..لا تصيريين كسلانه,,وتصير بنت سويره احسن منك,,,والله لأمووت بحرتي,, عبير: خليها بنت سويره على قولتك تنجح,,انتي تقدرين تحرمينها من الجامعه وبكل سهووووله,,, ام فهد : هاذا مايبغالها كلاام,,سجى وفلتت من ايدي يوم تدخل خالها واحرج ابوك...بس نوره شغلها عندي.. طبعا كل هالكلام وسجى واقفه تتسمع..لأنها كانت ماره وسمعت طاري اختها نوره ووقفت,,تخاف على اخوانها الصغار نوره ونواف,,ماتبغاهم يعانوون مثلها,,تحاول تطلعهم من المشاكل حتى لو تكون هي الضحيه,,, ((يالله من هالناس,,مادري ليش عايشين..كل حياتهم حقد وحسد,,حتى الصغار صارو مثلهم,,, امووت واعرف امي وش مسويه لهالنسره عشان تكرهها كذا,,,,!!!)) . . . . خلصت تنظيف المطبخ وجهزت الفطور لعمها وزوجته وعيالهم,,,اخذت فطور اخوانها وطلعت ترتاح.. بس ويين الراحه وهاذي ام فهد طالعتلها بكل مكاان,, ام فهد: على وييين ان شالله ماخذه هالاكل وطالعه,,شقالولك فاتحين فندق ببيتنا,,,؟! سجى: ابد سلامتك..جهزت فطوركم وهاذا لاخواني بطلعه بغرفتهم.. ام فهد: ومن متى خوانك ياكلون بالغرفه,,وش هالقرف غرفة نووم قلبتيها غرفة طعام..! سجى: والله من يوم ماطردتينا لا ناكل معكم.. ام فهد: سجى اقصري الشر ولا تطولين لسانك علي,,ترا للحين ماسكه اعصابي..انا قلتلك تاكلون اكلو بالمطبخ مو بغرف البيت.. سجى: بس انا توني منظفه المطبخ وكله ريحة مطهرات..كيف بياكلون فيه,, ام فهد: عمرهم ماكلو,,انا مالي دخل,,بيتي واخاف على نظافته...يالله اشوف نزلي الاكــل.. واخوانك اذا ميتين جوع ينزلون للمطبخ... سجى: صبرا جميل والله المستعان,,ان شالله بناكل بالمطبخ,,اي اوامر ثانيه..!! ام فهد: فارقي عن وجهي..قرفتيني بعيشتي الله يقرفك. . . . . اخذت سجى الاكل وطلعته بالحوش..يهون عليها تاكل بالشمس ولا تخنقهم ريحت المطهرات.. طلعت ونادت اخوانها عشان يفطروون,,, . . . بعد الفطور,,, ابو فهــد: ام فهد انا اليوم عازم ابـو محمد مدير الشركه على العشا,,ابغاكم تبيضون الوجه,, ام فهد : كيف تعزمه بدون ماتعطينا خبر..انت عارف اليوم خميس وانا طالعه لبيت اهلي.. ابو فهد: اللي يسمعك يقول بتطبخين ولا بتشتغلين,,انا عارف ان كل شي على راس بنت اخوي,,بس ابغاك توصينها بالعشا تضبطه زيين,,هي تخاف منك, ام فهد: اقول هاذا ضريبة السكن عندنا,,ولا تبيني اطبخلها هي واخوانها,,,خلها بنت سويره تكرف وش وراها,,راح اقولها,,وانا الساعه تسع بطلع من البيت,, ابو فهد : وبعدين معك انتي..بنت سويره وبنت سويره,,لا تنسيين ان ساره كانت صاحبتك قبل لا تكون زوجة اخوي,,ولا عشان شوية مشاكل نكرتي عشرتها,, ام فهد : الله ياخذ عيالها وراها,,انا ماجتني المشاكل الا من ورا راسها هي واختها الله لايبارك فيهم ولا بالساعه اللي شفتها فيها,, ابو فهد : استغفري ربك المره ميته,,ترحمي عليها بس....الا اقوول وين بنتك مرام,,ماشفتها من امس؟؟ ام فهد: نايمه عند وحده من صحباتها...كلمتني امس واستأذنت,وانا سمحتلها. ابو فهد: انتبهي لبناتك بس,,وخلي عني النوم برا البيت,, ام فهد: خلك بشغلك بناتي وانا اعرف اربيهم...اقوول ماكلمت المحامي عن بيت اخوك...؟! ابو فهد: لا بكلمه بكرا ان شالله,,,عادي البيت محد يقدر ياخذه غيري انا,,نواف صغيير ولا يقدر يفتح فمه بشي.. ام فهد: اي صغير الله يهديك...هاذا باقيله كم سنه ويصير رجال ويقومونه خواته علينا,,, ابو فهد: من هالناحيه لا تخافين...انا بديت احسن علاقاتي معه واتقرب منه واخليه يثق فيني قبل خواته,,, انتي عارفه بيتهم كم يسوى,,!! يسوى 4 ملايين...لانه بحي راقي وله مساحه كبيره,,, ام فهد شرقت بالشاهي : 4 ملايين..من جدك انت,,؟!! وليش مابعته ياحظــي...وش منتظر..؟! بيعه وخلنا نستفيد من هالايتام بشي,,ولا بس نربيهم ببلاش,,هاذا حقنا قبل لا يصير حقهم.. ابو فهد: ههههههه وش ابيعه على كيفك الدعوه هي....لازم توكيل من عيال اخوي كللهم عشان اقدر ابيعه واخذ فلوسه,, الحين هو ورث لهم..وقانونيا مالي اي حق اتصرف فيه,,الا اذا عطوني توكيل,, يالله انا طالع للشركه,,,توصين بشي,,! ام فهد: لا سلامتك,, تعريف عن اهــل هذا البيت:: ابو فهد(خالد),,رجل بالاربعين,,موظف عادي باحد الشركات الخاصه,,طبعا يستلم غير راتبه راتب اخوه الميت اللي مشوه لعياله,,, ام فهد(شيخه)مدرســه,,,تحب الاناقه والكشخه,,,دايما برا البيت,,يافي زياره او بالاسواق وتراكه مسؤلية البيت على راس سجى,, تحمل من الشر والحقد مايساوي هالعالم كله,,,وطبعا كله على الايتام اللي في بيتها,, مرام,,بكرهم... عمرها 22 ملامحها عاديه,,بس تحب تهتم بشكلها كثيير وبمبالغه بعد..يعني ماتطلع الا بمكياج,,,,تدرس بالجامعه تخصص علم نفس,,بنت كافيه خيرها شرها,,ماتتدخل بالبيت ومشاكله الدائمه,,كل حياتها صاحباتها والجامعه وهمومها,,عايشه حياتها بدون خطوط حمرا,,يعني كل شي تبغاه تسويه وبدون علم احد,,,بس مشكلتها ماتعطي بنات عمها وجه ابدآ. فهد: بعد مرام في الترتيب,,عمره 19 عاطل باطل,,تخرج من الثانويه وجلس بالبيت,,عايش في بيت جده ابو امه,,لانه يحب الحريه وهناك محد يسأله عن شي,,طالع داخل بدون استفسارات امه المزعجه بالنسبه له,,طبعا ماطلع من بيتهم الا بعد ماتخرج,,,تقريبا نفس اخته مرام,,كاره البيت ومشاكله, عبير,,,بنت امها مثل ماتقولها امها,,عمرها 14 بالموتوسطه,,دلووعه ومغروره,,ومربيتها امها على كره بنات عمها,,وفعلا ماقصرت فيهم كرهتم حياتهم,,,تشابه امها بكل شي,,حتى الملامح ماخذه منها كثييير,,, سلطان:اخر العنقود عمره 12 بالمتوسطه,,حبوووب وطيييب مع بنات عمه,,على صغر سنه الا انه مايرضى عليهم,,,واذا امه عصبت عليهم تضايق وراح يتأسف منهم,,,والبنات يحبوونه ويهتمون فيه كثيـر,, اما عايلة عمهــم,,, أبــو نواف(عبدالعزيز) متوفي ,,,كان موظف في شركة ارامكو,,بعد ماتوفى الشركه ماقطعت راتبه مشوه لعياله,,بس الظالم عمهم ماكله كله,, ام نواف(ساره) كانت مدرسه مع ام فهد,,وكان صاحبتها من ايام الجامعه,,بس بعد مافقدت ام فهد رحمها انقطعت العلاقه بينهم لان ام فهد تعتقد ان ساره ورا هالدوا اللي اكلت منه,,والصحيح ان صاحبتهم الثانيه هي اللي ارسلت الدوا لها عشان يساعدها للحمل,,, بس صار اللي صار وتلوث الرحم واستأصلوه,, سجى..بكرهم,,عمرها 20 تدرس بالجامعه تخصص حاسب آلي,,,بنت قمة في الجمال والذوق,,,وتحملت المسؤليه وهي صغيره,, حكيمه في قراراتها..ماخذه كثير من شخصية ابوها الهاديه,,وعلى كثر المشاكل اللي تصيرلها الا انها مستحمله وصابره ومنتظره الفرج,, نواف..اخوهم الوحيد,,عمره 17 يدرس بالثانويه,,تخصص علمي,,يقلد اخته سجى بكل شي,,وماخذها قدوه له بالحياه,, ويحترم عمه كثيير على كثر التهزيئات اللي ياخذها منه,,,وكتووم مرا,,لدرجة ان خواته ينقهرووون منه,,,مايبين لاحد شي لو عنده مصايب العالم,,, مايحب يشتكي لاحد,,ودايما يوعد خواته انه بيطلعهم من هالعيشه التعيسه,,,بس بينه وبين نفسه,,لأنه مايضمن الدنيا..ومايبي يأملهم,,, نوره: اخر العنقود..عمرها 14 بنت كيووت وتحب الوناسه واللعب,,بس مالقت الجو المناسب,,محكوره بهالبيت ومكتوم على نفسها,,,تكره بنت عمها عبير وتغار منها,,لان عبير معها بالصف ودايما تعايرها قدام صحباتها,,,بس نوره تقهر عبير بشي واحد...انها اجتماعيه واغلب المدرسه يحبونها,,وهاذا الي قاهر عبير,, باقي ابطال القصه راح نتعرف عليهم خلال الاحداث,,, . . . يوم الخميس في الليــل,,,الساعه 8 العشا,,,سجى بالمطبخ تحووس بهالأكلات والحلويات,,,تبغى تسكر فم عمها وزوجته مالها خلق مشاكلهم,,, نواف يدرس بغرفته,,, ونوره جالسه على التلفزيون وماخذه راحتها لأن زوجة عمها وعيالها برا البيت,,,تمنت سلطان جلس معها عشان تنبسط... سجى تنادي من المطبــخ:: نــــــــوره,,نــــوره,,تعالي ساعديني بدل مانتي جالسه لحالك,, نوره جد طفشت من الجلسه لحالها,,,راحت للمطبخ عند سجى,, نوره: هلا سوسو وش بغيتيني اساعدك فيــه,,,انسي اقرب من الفرن,,اخاااف,,,تبغين تقطيع شي زي كذا حااااظرين للغاليين,, سجـــى: هههههههه,,بالله عليك انتي بكرا اذا تزوجتي وش بتسوين لزوجك,,,بتاكلون من المطعم على طووول.!! نوره: وييينه زوجي,,خلييه يجي والله لو يبيني ادخل راسي بالفرن دخلته,,بس خليه ياخذني من هالبيت.. دخل عمهم عليهـم فجــأه :: عمى يعميك ياقليلة التربية,,وش هالحكي,,بنت بعمرك تبغى الزواج,,جد ان اخوي ماعرف يربيك ياكلبه,, بس انا اللي بربيك من جديد وبقطع لسانك الوصخ,, نوره تخبت ورا اختها,,وترتجف خايفه عمها يضربها,, سجى: خلااص عمي,,امسحها بوجي,,ماعاد تحكي هالكلام,,,لا تعصب انت وراك ضيووف وعالم,,اترك نوره عنك انا بتفاهم معها,,, ابو فهد: اوكي اوكي,,شغلك عندي ,,لا تفكرين بنسى كلامك,,بس تخلص هالعزيمه,,والله والله ماكون ولد ابوي ان ماربيتك.. طلع من المطبخ وعطا سجى اوامر ع السريــع,,, نوره: الحين روح ربي بناتك الهايتات بعدين تعال ربني,,,الله ياخذني ويفكني منكم,, سجــى: اسكتتتتي لا يسمعك ويقوم الدنيا عليك..مجنوونه انتي,,ماتخلصين,,ترا والله ان طحتي بين ايديه مايرحمك ويكون اخر يوم بحياتك.... بعدين تعالي.من متى يطلع منك هالكلام...عييب عليك انتي صغيره على هالكلام,,, نوره: اللي يعييش حياتنا وش تبغينه يقول,,ياربي ديم هالعيشه,,ولا يتمنى المووت,,,ماراح افتك من هالبيت الا اذا تزوجت,,ولا مين اللي بيطلعني منه..!! سجــى:: خلااااص اسكتي,,انا مناديتك تساعديني ولا تفقعين راسي بهذرتك الزايده,,اشتغلي ولا اطلعي من المطبخ,,, . . . . طلعت نوره من المطبخ,,وكالعاده الدموع مارحمتها..وهي عطتها مجال تنزل لما تذكرت امها وابوها,,, صح لما ماتو كانت صغيره بس هي تذكر اشكالهم زيين وحافظتها بعد,,,, ((يالله ليش اخذت امي وابوي مع بعض بوقت واحد,,,احنا وش ذنبنا نعيش بهالوحده والذل والحرمان,, تعبت من هالدنيا تعبت من المشاكل وضيقة الصدر,,يااااارب ارحمنا ياارب افرجها علينا يارب مالنا غيرك بهالدنيا يارب لا تتركهم يظلمونا اكثر,,النفس ماعادت تتحمل,,يارب رجيتك لا ترد دعوتي)) طلعت لغرفتها ترتاح شوي,,,ومرت على غرفة نواف((مشتركه بينه وبين فهد,,بس فهد تركله الغرفه لما طلع من البيت)) وسمعت شهقات مكتومه,,, خــافت وقربت شوي من البـاب,,سمعت نواف يحكي مع نفسه وهو يصيح وكاتم صياحه,, "انا ماتخيلت بيوم من الايام اصحى من النوم ومالاقيكم قدامي,,كنت منتظركم تصحوني للمدرسه,,كنت منتظر المويه اللي ترشينها على وجهي يايمــه,,,كنت منتظر وصايا ابوي لــي,,,ياليتني ماصحيت من النووم,,ياليت مت وقتها,,ياليتني كنت معكم بالسياره,,,اشتقتلكم,,واشتقت لصوتكم,,والله الدنيا يايبا ماتسوى بعدكم,,والله مانقدر نكمل حيانتا من دونكم...تكفوووون ارجعو ولو ساعه,,ابغى اشووفكم ابغى اشوووفكـــم,,,,وكمل صياحه,," فتحت نوره الباب,,ولقت نواف ماسك صورة ابوه ويضمها لصدره,,,,انصدمت اول مره تشوفه يصيح واول مره تشوف ضعفه ماقدرت تمسك نفسها,, وكملتها بالصياح مع اخوهـــا,, نواف خاف من اللي دخل فجــأه,,وتذكر انه ماقفل الباب لأنه اذا بغى يشوف شي من الاشياء اللي محتفظ فيها,,يقفل الباب,,لأنه يكره احد يشوفه بهالحاله,,,, تضااايق مره من دخلت نوره,,طلع بسرعه وتركها بالغرفــه,,,طلع برا البيت يبغى يشم هوا,,حس انه مكتوم,,لما شافت نوره وسمعت كل شي...طلع يمشي ويمشــي,,وهو يفكر بنوره اللي منهاره بالغرفــه,, مايحب يشوف دموع خواته,,ومايحب بعد انهم يشوفون ضعفه,,يبغى يحسسهم بالأمل وانه قادر يتحمل المسؤليــه... مانتبه انه قطع مسافه كبيره وهو يمشــي,,,جد همووم هالدنيا تنسي الانسان حتى نفسه,,, شاف نفسه قريب من بيت واحد من اصحابه,,قال يروحله عشان ينسى اللي صار,,,, . . . . . عند الرجــال,,بعد العشــا,,, ابو محمد : يعطيكم العافيه يابو فهد على هالعشا الطيب... ابو فهد: الله يعافيكـ.....تستاهل اكثر ياطويل العمــر,,,والله انه مو قد المقام,, ابو محمد: لا تقول كذا يابو فهد,,هاذا خير فضيل ولله الحمد. ابو فهد: عن اذنكم ياجماعه,,اروح اجيب الشاهـي وراجع,, الرجال,,,خذ راحتكـ يابو فهد.. ابو محمد يكلم صاحبه سعود: والله ماشالله عليهم طبخهم زيــن,, سعود: والله يابو محمد هاذا ابو فهد معتمد على بنت اخوه اليتيمه بكل شي..انت عارف ان ماعندهم خدم...وزوجته مثل ماسمعت مو راعية شغل,, ابو محمد: ماتدري يمكن اللي سمعته غلط..هو يقولي امس,,تعال شوف طبخ ام فهد يمكن يعجبك,,لا تظلم الحرمه,,يمكن البنت تساعدها بس.. سعود: الله اعلم,,البيوت اسرار,, . . . . بالصاله,,سجى مدده رجولها على الطاوله,,من التعب,,حتى ماتعشت ولا شافت اخوانها,,مافيها شده تطلع فوق,,, ابوفهـد: سجى...وراك متمدده هنا ولا ارسلتي الشاهــي؟؟ سجــى فزت من سمعت صوت عمهــا: هلا عمي,,الشاهي جاهز بس كنت منتظرتك تقولي ارسله,, ابوفهد: دورت اخوك هالزفت ماحصلته,,,يالله عطيني الشاهي تأخرت على الرجال.. سجى طلعت للمطبخ تعطي عمها الشاهــي,,وهي تفكر بنواف,,ماله صوت من المغرب,,, دخل قلبها الخوف عليــه,,,, لما طلع عمها...طلعت ركض لغرفة نواف,,,شافت الباب مفتوح ونوره طايحه على السرير تصيــح,, خاافت سجى وارتجف كله جسمها,,,الشيطان بدت وساوسه,,فكرت ان نواف فيه شي.... ركضت لاختها ورفعتا بقووه وهي تصارخ:: نوره نواف فيه شي,,.!! انطقي قولي وش فيييه نواااف,, نوره تهز راسها بالنفي,,مو قادره تمسك نفسها,,قلبها معورها على نواف والكلام اللي سمعته,,اول مره تشوف نواف بهالحاله,,,, سجى للحين مو فاهمه شي:: نوره ليش تصيحين,,وين نواف ماشفته بالبيت... اخيرآ نوره قدرت تسكت عن الصياح وبدت تقط كلمات سجى مافهمتها: نواف يصيح على صورة ابوي.. انا خفت وطلع نواف يركض ومادري وين راح.... سجــى فاتحه فمها وعيونها ولا هي فاهمه شي من كلامها لأن نص الكلام صياح...:: لحظه لحظه,,, فهميني نواف وييينه,,اكييد مافيه شــي؟؟؟! نوره تهز راسها..: ايه مافيه شي.. ارتاحت سجى وجلست على السرير,,,وشافت صورة لأبوها,,,وفهمت كل السالفه على طول,,, هي عارف ان نواف يقفل على نفسه الغرفه ويناظر باغراض ابوه اللي محتفظ فيهم,,بس ماحبت تقوله شي,,تاركته على راحته,,,, وعرفت ان نوره الملقوفه دخلت عليه بالغرفه,,, وفعلا لما هدت نوره,,حكتلها كل شي,,,,صدق ضنها انصدممت نوره,,الموضوع عادي عند سجــى ماتأثرت ولاشــي,,معقوله تبلد احساسها,,وماعاد يهمها ذكر ابوها وامها,,, نوره: سجى وش فيك ساكته,,عااادي عندك نواف منهار بالغرفه ويصيح,,,واحنا لاهين عنه طول هالفتره ونقول نواف مو متأثر من موت امي وابوي...؟!! سجى: وش تبغيني اسوي يعني,,اصيــح..؟! ماعاد ينفعنا لا صياح ولا شــي...وبعدين انا عارفه ان نواف متـأثر ومو هاين عليه وضعنا,, بس انتي عارفه نواف كتوم ومايحب احد يكلمه عن شي خاص فيه,,وفي مشاعره,,,يتضايق لما يعرف اني حسيت بضيقته,, انا تاركته على راحته,,,,هاذا اللي بيدي اسويه,,, نوره: طيب روحي اتصلي فيه شوفي وين راح..؟! سجــى: اتركيه يروح يطلع يشم هوا,,احسن من الكتمه بهالبيت,,,واذا جت الساعه 12 ومارجع بتصل فيــه.. نوره: ياااقو قلبك ياسجى,,يهون عليك نواف مايتعشى ولا ينام,,وطالع برا البيت وماندري وين داره..؟! سجــى: اقوول نوره لا تكبرين الموضوع,,,نص ساعه وتلاقينه عندكـ,,لا تخافين على نواف,,, نزلو البنات يتعشوون,,قبل لا تجي زوجة عمهم وتنكد عليهم,,, . . . . . . في الكوفي شوب,,,جالس مع ربعه ولا هو حاس فيهــم,,,قرب موعد السفــر للبعثــه وابوه مو راضي يأجلهــا سته شهور زياده,,, مع انه قادر على التأجيل,,بس مايبغى ولده يتأخر في الدراسه.. تركــي: وش السالفه..وليــد جالس معنا ولا هو حاس باللي حوله,,,((يأشر بيده قدام وليد)) ياهووو يابو الشبااب,,ترا فيه 4 نفر جالسين معك,,ياخي عطنا وجه.. وليد انتبه بخويه تركي اللي ياصرخ قدامه : هاا خيير وش تبي,,ياخي الواحد مايعرف يفكر عندك...تدخل برااس الواحد... تركي خاف من عصبية وليد: لا لا سلامتك ولا شي,,بس حبيت انبهكـ اننا طالعين معك,,وانت بعد اللي عازمنا... وليد: وش اسوي يعني,,ادبكلك هنا عشان تنبسط..؟! انا فيني اللي كافيني,,طالع ابغى اشم هوا,, تركي: طيب ياخوي,,شم هوا وتكلـم,,ترا والله ماراح تشرق بالهوا,, ضحكوا الشباب,,الا وليد وليد: هاهاها يااااخفة دمك ياخي,,,اقول لا يكثربس وعطوني حل لمشكلتي.. محمد: والله ياوليد انك مكبر السالفه,,كلها سنتيين وانت متخرج,,ياخي سافر وكمل دراستك واخلص من هالهم,,بدل مانت كل شوي مأجلها,,, وليد: اي مكبرها الله يهديكـ...ياخي انا بالعربــي,مابغـــى اكمممل,,فهمتني...خلاص يكفي بكالوريس وابوي الله يهديه لاازم يكرهنا بالدراسه...والله اغلب الشركات طالبين تخصصنا,,,وفوق هاذا كله اقدر ادير شركه من شركات ابوي,,,وش فايدة الماجستير,,...؟؟!! تركــي: فايدتها ترفع راس ابوكـ...وبعدين لا تنسى انه يبغاك تكمل للدكتوراه بعد.. وليد: ههههههه دكتوراه مره وحد..والله يحلم فيها بس..انا الجامعه وماتحملتها والحين طايح بالمصيبه الثانيه...تبغى مني دكتورااااه...! بدر: اقول احمد ربك جايتك بعثه خاصه غير عن البعثات الثانيه,,,وعلى حساب ابوك بعد..يعني هناك بتفل امهاااا.... تركي: وانت ماهمك الا الوناسه واللعب,,,الناس تاخذ شهادات ومناصب,,,وانت حتى الجامعه مو مكملها,, بدر: اقول خل عنك الشهادات والمناصب,,,ترا الدنيا فانيــه,,, محمد:: والله ونعم الصحبــه,,ههههه,,انت وين بتفلح وهاذا صاحبكـ.. وليد: هههههههه خله والله انك يابدر تعجبنــي,,داخل للدنيا بعرض,,,ماهمك شي..الله يعين ابوك بس.. ونسى وليد سالفة البعثه,,مع استهبال الشباب وضحكهم,,, نجي نعرف عائلــة وليــد اللي هو بطل من ابطال القصـــه,,, ابــو محمد (فيصل) رجل اعمال وعنده مجموعة شركات كبيــره,,,رجال اهم شي عنده المناصب والشهادات العليا,,شخصيته قويه,,وكلمته ماشيه على اهل بيته كلهــم,,ولا احد يقدر يرفضله امر,,, ام محمــد (الجوهـره),,امرأة اعمال مثل زوجهــا..بس اعمالها في المجالات النسائـيه,,وارثه من ابوهــا ثرووه كبيره,,,تاركه تربية اولادها على الخدم,,يعني من صغرهم وهم مع المربيات,,,شخصيتها قويه الا على زوجهــا.. محمد..ولدهم الكبير عمره 28,,,متزوج وعند بنتين (لينا+ديما) يشتغل مع ابوه في الشركه...وعايش في بيت لحاله مع زوجته حنان,,,حنان طبيبة عيون ....ام زوجها تحترمها كثيــر وتعجبها شخصيتها الهاديــه... ريــم... 26 متزوجه وعايشه مع زوجها في الشرقيــه,,,عندها ولد واحد (بندر)ماتزور اهلها الا بالاجازات الكبيره,,لأن عمل زوجها مايسمحلها تطلع للرياض بسهوله,, وليد...عمره 23 متخرج من الجامعه تخصص ادارة اعمال,,ولد كووول وشخصيته مزاجيه....لونه برونزي وطويـل وجسمه رياضي ويحب النيقــر "الاجانب السمر" ودايما يقلد حركاتهم وستايلهم..,,ويحب الاستهبال والوناســه,,يكره رسميات اهل بيته ونظامهم في الحياه,,عشان كذا اغلب اصحابه من الطبقه المتوسطــه...يحس معهم بالراحه....ودايما يسوي مغامرات واكشن حتى في بيتهم..بس انه مايسلم من لسان امه وابوه,,لأنهم ماتعجبهم الاكشن اللي يسويها وليد فيهــم,,وهو قصده يغير من جوهم شوي,,, هنا...20 تدرس بالجامعه تخصصها حاسب الي,,,جميله وعيونها وساع وشعرها بوي..طالعه لخاتها حصه,,ومو كل شي يعجبها,,مغرووره وتحب السيطره,,,واهم شي عندها المظاهـر... دانا...17 تدرس بالثانويه,,,هالبنت فاهيه على طوول,,,وماتستوعب الامور زين,,,ترفع ضغط اللي يكلمها ولا بيسألها عن شي...محد يتحملها بالبيت الا وليد لانه يرحمها,,,,دبدوبه وجمالها متوسطـ...بس احسن مافيها قلبها ابيض وماتحب احد يزعل عليها,,,, خالد...15 اخر العنقود..ودلوع الماما...كل شي يبيه ياخذه,,وحتى ابوه مايقاومه يعني تروح شخصيته قدام خالد...يمشي مع شله فاسده ,,بس من غير علم اهله... . . . . . . . . . جالســه بصالة الأستقبال الرئيسيه بقصرهم وعندها مجموعة حريم زايرينها لأنها مريضه شوي هاليومين,,,وطفشانه من هالحريم طولو زياده عندها وهي تبغى تطلع غرفتها ترتاح,,, ام ســامي: ماتشوفين شــر ياام محمد,,أنا طالعه للبيت وان شالله ازورك مره ثانيه,, ام محمد ارتاحت شوي واخيرا فكروا يروحون: الشر مايجيك ياام سامي,,,ولا تقطعينا من زياراتك,,, اما باقي الحريم ولا فكروا يطلعون عاجبتهم الجلسه بهالبيت,,,, نوف: الا اقول ياام محمد ولدك وليد متى ان شالله بيروح للبعثه,, ام محمد ((بدو بالاستفسارات اللي اكرهها)): والله للحين ماحدد موعد السفره بس ان شالله هالسنه بتبدا دراسته,, نوف: طيب وراكم ماتزوجونه قبل لا يسافر..عشان يلاقي من يهتم فيه بالغربه ويدير باله عليه,, ام محمد بطفش: ولدي متعود على السفرات ومو محتاج احد يهتم فيه,,,وبعدين هاذا زواج..يعني يبغاله وقت على مايتم,, نوف ماعجبها رد ام محمد,,هي فكرت تعرض بنت اختها ((شيخه)) مرام,,,بس شكلهم مو ناويين يزوجون ولدهم.. :الله يوفقه ان شالله بدراسته,,, واخيرا بدو الحريم يروحون ورا بعض الى ان فضى المجلس,,,,طلعت الجوهره غرفتها ترتاح.... دخل وليد البيت...: مساء الخيير على وجيييه الخييير,, ام محمد لفت على ولدها وابتسمت: هلا وغلا بروح امه,,مساء النور,,,غرييبه راجع بدري اليوم.. وليد: افا يالغاليه مااشتقتيلي اجل,,,ارجع للشباب اكرملي.. ام محمد:ههههههههه وش فيك صاير حساس زياده...لا بس مستغربه بالعاده هالوقت البيت فاضي... وليد: اجل وين الفاهيه..هي الوحيده اللي تكره الطلعه من البيت... ام محمد: وليد لا تقول عن اختك كذا....دانا جالسه ع النت كالعاده..ماتحب تجلس ساعه بدونه.. وليد ضاق صدره يكره النت للبنات يخاف على اخته...طبعا من كثر مايكلم بنات على الماسن صار يخاف على اخته لا يصيرلها اللي يصير للبنات اللي يكلمهم : اجل انا طالع لغرفتي...انتي ارتاحي يمه اكيد كان عندك ضيوف كالعاده,, ام محمد: اي والله تعبانه...متى تخلص هالزيارات اللي صارت دوام رسمي لهم..! وليد: اجل يالله تصبحين على خيـــر,, ام محمد: وانت من اهل الخيـــر,, . . . . . . . سجى صارلها نص ساعه تتتصل بنواف ولا يرد عليها,,,خافت عليه((ياليتني سمعت كلام نوره وكلمته اول ماطلع... ياربي وش اسوي الحين..اكلم مين..انا ماعرف ارقام اصحابه...مافيه الا فهد يمكن يساعدني)) جالس بمجلس جده وعنده مجموعة من الشباب وفالينها ولا هامهم شي...اغلبهم عاطلين باطلين ولا وراهم احد يسأل عنهم,,,, دق جواله ..ناظر بالرقم ماعرفه...رد على الجوال>> فهد: الووووو.. سجى خافت وش هالصوت وش فيه شاد حيله بالالووو,,,بس الظاهر هاذي حركات العربجه عندهم..: الو مرحبــا فهــد فتح عيونه على اخرهم وش هالصووت النااعم ..بنت ومتصله الساعه 12 : هلا وغلا مرحبتيييين سجـى استغربت من فهد هالاسلوب الحلو..بالعاده اذا تكلمت معه يرد باسلوب ينرفز,,,بس الظاهر انه ماعرفها لأنها توها تطلع رقم :اهلين فهد انا سجى بنت عمكـ...بغيتك تساعدني...صارلي نص ساعه اتصل بنواف ومايرد علي ولا ادري وينه,, فهــد كشر خاب ضنه فكرها بنت بتشبك معه: اهلين سجى,,والله مادري وينه ولا شفته... سجـى بترجي: فهد الله يجزاك خير انا ماعرف احد غيرك يقدر يساعدني والله خايفه عليه,,,تقدر تشوف احد من اللي يعرفهم نواف وتسأل عنه,, فهد بطفش: ان شالله بسأل وبشوف,,واذا حصلته باتصل فيكـ... سجــى : مشكوور وماتقصر...بتعبك معي تحملني,, فهد ((ياللييييل شكلها ماعندها نيه تقفل الخط)): العفو يالله سكري وبتصل فيك... قفلت سجى الخط وتحس انها مرتاحه شوي,,,اكيد فهد بيساعدها,,يمكن الجلسه ببيت جده غيرته وعملت منه رجال يعرف الواجب... اما فهد اول ماقفلت منه سجى,,,قفل جهازه ورماه بعيد عنه وهو يضحك...مابقى الا سجى تتأمر عليه,,سواق عندها يدور اخوها الهايت.. . . . . . . وهو طالع لغرفته مر من عند غرفة دانا يبغى يطمن عليها,,,طق الباب عليها... على طول فتحت دانا الباب,,,,: اهليييييين وليدووه وينك يالدب من زمان ماشفتك.. وليد: لا ياشيخه,,اصغر عيالك تقولين وليدوه,,,عيب دودو انا اخوك الكبييير,, دانا:عااادي وليد هاذا من باب الميانه,, وليد:هههههه على راسي ميانتك بس لا تزودينها حبتيين...الا تعالي ليش جالسه لحالك بالغرفه,,تقولي امي ماطلعتي من العصر.. دانا: وش اسوي الكل طالع من البيت وامي ضيوفها مايخلصون,,,ناس داخله وناس طالعه,,,قلت اجل ع النت اضيع وقتي.. وليد: على طاري النت..جهازي معلق من الفايروسات,,باخذ جهازك دقايق وبرجعه لك..ممكن ((يبغى يشوف ردت فعلها اذا بتخاف معناته خوفه بمحله,,واذا عادي عندها معناه انه ظالمها)) دانا: ههههه عاادي وليد,,,وبعدين انا ديام اخذ جهازك,,يعني تقدر تاخذ جهازي وبدون علمي بعد,, وليد ارتااح,,بس قال لاز اخذه اخاف تحس اني شاك فيها وتتضايق,, اخذ الجهاز وطلع لغرفته,,, ناظر بالشاشه لقى النوافذ مفتوحه وماقفلت منها شي,,,انبسط يقدر يشوف محادثاتها ويشوف المواقع اللي داخلتها,,,من باب الفضول لا اكثر فتح الماسن وشاف محادثاتها...كلها مع بنتين وشكلها مطوله بالسوالف معهم لأن الكلام كثير,,ماحب يقراه قفل المحادثه.. شوي الا طلعله انو فيه احد اون لاين,,,ناظر بالأيميل واخذه يبغى يقضي الوقت عليها بعدين بيحذف ايميلها اخذ نظره سريعه على المواقع المفتوحه,,لقى اغلبها منتيات ومواقع صور,,,قفل الجهاز ورجعه لاخته,,,بعد مارتاح وتطمن,, . . . . . نوره ناامت من بعد ماتعشت تبغى تصحى بكرا بدري عشان تدرس عندها اختبار يوم السبت,,,وعمها بعد ماراحو الضيوف دخل غرفته ونام اما سجــى النوووم مفارق عيونها واخوها مو بالبيت,,وفهد اتصلت فيه بعد ماتأخر عليها وحصلت جهازه مغلق,,,ضاق صدرها فهمت قصده انه مايبغى يساعدها ومو فاضي لها,,, طلع للغرفه تشوف اي شي يمكن تحصل ارقام اصحاب اخوها ولا شي يدلها عليها...خلااص مو قادره تركز زين...اخوها له 4 ساعات برا البيت وهي لاحول ولا قوه,,والعم لو تحكي معه عاقبها وعاقب اخوها,,, لفت بالغرفه تدور على اي شي,,,لقت الجهاز مرمي على الدرج...ارتاحت شوي يعني اخوها ناسي جواله وهو اكيد عند واحد من اصحابه,, : سجى وشفيك واقفه هنا,,, لفت بسرعه مبسوووطه هاذا نواف: هلاااا نوااف وينك حرام عليك خفت عليك,, نواف: سلامتك...تعرفين اليوم خميس وحبيت اغير جو,,طلعت لبيت سالم,,عارفه اقرب بيت لنا بالحي.. سجــى تضايقت منه..مو راضي يطلع اللي بقلبه لأخته الكبيره والهم والحزن بعيونه الذبلانه من الدموع: الحمدالله مافيك شي,,انا جالسه اتصل بجوالك وخفت لما مارديت علي..لما دخلت الغرفه لقيت جوالك,,ارتحت شوي.. نواف توه ينتبه انه ناسي جواله: اوووه والله توني ادري انه مو معي.. سجى((أكيد ماراح تنتبه وانت بهالحاله)) : مو مشكله..المهم تعال انا بقيتلك من العشا,,تبغى اجهزه لك..؟! نواف: لا مشكوره انا تعشيت عند خويي... سجى: براحتك...اجل يالله نام عشان بكرا تصحى على صلاة الجمعه,,, نواف: ان شالله,,,تصبحين على خير.. سجى وهي طالعه من الغرفــه: وانت من اهل الخير,,, راحت لغرفتها تنام قبل لا تجي زوجة عمها لانها عارفه انها بتنكد عليها بنومتها...بس مبسوطه انهم بيسهرون في بيت جدهم,,, . . . . . . : جلست المحلها بس مو راضيه تعطيني مجال,, ام فهد: والله والله يانوف اذا وليد تزوج مرام لأعطيك اللي تتمنينه,,, ام سعد (الجده): الله يهديكم بس,,,اول مره اشوف ناس تخطب لبنتهم...خافو ربكم مرام مو عاله على ابوها عشان ترمونها على الناس,, ام فهد: والله يايمه هي مو عاله,,بس انا ابغى لبنتي الزين,,هذولا ناس عندهم خير..واذا تزوجت مرام وليد بيجينا الخير كلنا,,, عبير: وانا يما ماتبغيلي الخيير.. الكـــل ناظرها منصدم,,,, ام فهد تفشلت قدام خواتها :عبووره وش هالحكي,,عيب عليك ماما,, عبير بكل وقاحــه: وش فيها هاذا انتي تحرجين على بنتك عند عيال العز...جت علي انا,,ولا ناويه تزوجيني ولد فقــر!! ام فهد انصدمت من وقاحة بنتها وضاق صدرها ولا قدرت ترد عليها,,,هاذا اخرت الدلع بنتها ترد عليها قدام الناس,, ام سعد: عبير استحي على وجهك...في بنت تكلم امها بهالطريقه,,,عيب عليك وانا جدتك..وبعدين انتي توك صغيره على العرس... عبيـــر ومو عاجبها كلام جدتها: والله انا بعد ابغى ولد عز مثل مرام,,عشان اطلع من عيشتنا,,ولا حلال على مرام وحرام علي... نوف: خلاص عبير حبيبتي روحي عند بناتي فوق وانبسطي معهم بدل جلست الحريم الكبار,,, عبيـــر: مابغى..مالي خلق بناتك سوالفهم ممله,,,انا طالعه فوق عند خالي عبدالله,,,ســي يــو الكــل منصدم من اسلوب عبير المنرفز والأكثر صدمه شلون شيخه ماترد عليهـــا,,وتاركتها تحكي على راحتها.. . . . . . . كل ماادفن خيالك ياعنيد,,تمطر الدمعه وينبت من جديد : مرحبـــا,, "miss cute" : مرحبتيين,,ميين..؟! كل ماادفن خيالك ياعنيد,,تمطر الدمعه وينبت من جديد : اخبار الحلويين,,؟! "miss cute" : اول شي انت مين,,ومن وين جبت ايميلي..؟! كل ماادفن خيالك ياعنيد,,تمطر الدمعه وينبت من جديد : والله خمنت الايميل وطلعتيلي,,, "miss cute" : ههههههه..شدعووه خمنته,,,هاذا ايميل مو رقم,, كل ماادفن خيالك ياعنيد,,تمطر الدمعه وينبت من جديد : والله هاذا اللي عندي صدقتي اهلا وسهلا,,ماصدقتي بالطقاق,, "miss cute" : خييييييييير,,,اطر عندك انا تقولي هالكلام...انتبه انت اللي ضايفني مو انا,, كل ماادفن خيالك ياعنيد,,تمطر الدمعه وينبت من جديد :لا حشاك من الطراره...بس بصراحه انا طفشان وودي اسولف معك شوي,, "miss cute" : وش قالولك مسويه ايميل ترفيهي,,.! كل ماادفن خيالك ياعنيد,,تمطر الدمعه وينبت من جديد :ههههههههههه..حلوووه هاذي,,لا ياقلبو لا ترفيهيه ولا شي,,وبعدين انتي ليش معصبه خليك كوول,, "miss cute" : طيب طيب...ماقلتلي وش اسمك انت,,؟! كل ماادفن خيالك ياعنيد,,تمطر الدمعه وينبت من جديد :هههههه توك تستوعبين انو احد يتكلم معك,,,معك وليد,,من الرياض وعمري 23 وبس هاذا اللي عندي,,,يالله عرفيني على نفسكـ... مرام اعجبها اسلوبه وقررت ماتحذفه,,,بس قالت لازم ماتقوله عن نفسها,,مثل ماجاب ايميلها يمكن يجيب معلومات عنها وتبدا المشاكل,, "miss cute" : تشرفنا وليد,,,معكـ منار من الرياض وعمري 20 كل ماادفن خيالك ياعنيد,,تمطر الدمعه وينبت من جديد : عاشت الاسامي والعمر كله وتشرفنا بمعرفتكـ.. "miss cute" : الشرف لي.. كل ماادفن خيالك ياعنيد,,تمطر الدمعه وينبت من جديد :يالله منو انا طالع ويمكن اشبك بعد يومين,,,توصين شي,, "miss cute" : سلامتكـ... كل ماادفن خيالك ياعنيد,,تمطر الدمعه وينبت من جديد :الله يسلمكـ,,,,فمان الله. قفل الماسن وهو يفكر يحذفها لانه مبين من اسلوبها انها ملوله,,,بس قفل جهازه وراح ينام,, . . . . . . طلعت مرام من بيت صاحبتها بعد مانامت عندها ليلة الخميس أتصلت على أمها تشوف رجعو للبيت ولا باقي في بيت جدها :الو مرحبا ماما ام فهد: اهلي ميمي :رجعتو للبيت ولا لسى ام فهد: لا ياماما تونا ماراح نرجع الا بعد صلاة الفجر_ إنتي وينك؟ :طالعه من بيت صاحبتي الحين جايتكم ام فهد: اوكي ننتظرك انتبهي على نفسك قفلت الخط من امها وهي مرتاحه ماتبغى تروح لبيتهم ماتدري ليش ماتحب تجلس مع بنات عمها لحالهم وخاصة سجى . . . . . دخلت بيت جدها ولقت الكل مجتمع بالصاله : هااااي إيفري بودي الكل: وعليكم السلام راحت مرام وباست راس جدتها وسلمت على امها وخالاتها ام سعد: وينك يامرام ماعاد تنشافين ماكنه لك خوال تسألين عنهم مرام توهقت شلون تعتذرلها: والله ياجده تعرفين الأختبارات قربت ولازم الواحد يتخبى ويدرس كويس ام سعد: الله يوفقك بدراستك بس أنتبهي وانا جدتك انتي غاليه علينا وعلى أهلك...وامك وخالتك نوف يبغون يعرضونك على واحد عشان يتزوجك ام فهد ونوف ناظروا امهم بصدمه وشلون تقول لمرام السالفه وهم محرصين عليها ماتحكي لأحد مرام والصدمه بوجها ومو فاهمه شي: أيييييييييش يعرضوني للزواج؟؟ ليش ماخذيني من الشارع!! ام فهد خافت لاتفضحها مرام عند زوجها وخاصه إنه ولد مديره فحبت تسكر الموضوع قبل لايكبر: لا لا ميمي ماعليك من جدتك_ أحنا بس جبنا طاريه فقلت انا ياليت مرام تتزوج مثله نوف ارتاحت لإنها تخاف من مرام لسانها طويل و ماراح ترحمها: اي اي صح بس جبنا طاريه مرام: ومن هاذا اللي تتمنونه لي؟ نوف: هاذا وليد فيصل ال... ولد مدير ابوك بالشركه مرام بقلبها تتمناه في وحده ماتبغا العز بس كبريائها ماخلاها تصرح بشي:آها قلتولي وليد_ أي بس انا ماافكر اتزوج ابغى اعيش شبابي وانبسط الكل ماعجبهم كلام مرام بس فضلو يغيرون الموضوع لسوالف ثانيه مرام : وعلى فكــره أخته دانا اعرفها..احيانا اكلمها ع الماسن,,, نوف انبسطت..يعني فيه شي ثاني بيقربهم لبعض غير علاقتها بأمه : جد والله...ماشالله صحباتك بنات عز واحنا مانعرفهم,,, وليش ماتعزمينها بالبيت عشان نشوفها,,, مرام وهي مالها خلق حركات خالتها..بس تحب تتلزق بالناس الهاي وتقط وجهها عليهم : والله ياخالتي انا ماقد شفتها بحياتي عشان اعزمها,,,, انا بس تعرفت عليها عن طريق المنتدى وصرت احكي معها بالماسن,,,وبس هاذي علاقتي فيها,, الكل نسى سالفة الخطبه وراحو يتكلمون عن اشياء ثانيــه,,,وكملو سهرتهم للفجــــر,,, ~~تعريـــف عن عائلة اهل ام فهــد ~~ ام سعـــد (الجــده ) عندها 3 بنات وولديـــن وزوجها ابو سعــد متوفـــي من فتــره,,, شيخــه اكبر بناتها (ام فهــد) نوف البنت الثانيه في الترتيب متزوجه وعندها 3 بنات (خلود,,,منال,,لما ) سعــد ولدها الكبيـــر...متزوج وعايش باستراليا يشتغل هنــاكـ...وعنده ولد واحد (طلال) مشاعل متزوجه بس ماعندها اطفال,,, عبدالله اخر العنقود وبعمر مرام يدرس بالكليه الامنيه,,, . . . . ودي اكــون اي شخص ثاني اي شخص عابر والتقـــاكـ.. وباسألك وش منك جاني...بالمقابل شاللي جاكـ صحــى على صوت النغمــه ورفع جواله يناظــر بالمتصــل ((يالله انا ليش نسيت اقفل جهازي..)) المتصــل رقم غريب,,,,حاول يتذكر رقم مين ماله خلق ازعاجات اخر الليــــل,,,بس ماعرف الرقم انقطع الاتصال...بس رجع اتصل مره ثانيه... وليــد بصوت كله نوووم : الــــوو المتصــل ساكت ولا رد بأي كلمه,,, وليد فكر انه مارد على المكالمه...ناظر الشاشه,,المكالمه موجوده : الووو ميييين..! ...................سكوووت,, وليــد : الله من الفضاوه,,,طوط طوط طوط,,,قفل الخط واغلق جهازه يبغى ينام زين... رجع ونام ولا كنه صار شــي...لأنه متعود على المكالمات هاذي..بس المشكله انها من ارقام مختلفه والمتصل مايحكي ابد.... . . . . . مرام: آآخ أحس راسي بينفجر من السهر ام فهد : عشان تصدقوني لما أقولكم السهر يمرض عبير: بس أهم شي الواحد ينبسط... ام فهد : وش فيه البيت هادي كذا_! شكل العله سجى وأخوانها خامدين عبير: أحسن ماودي أخرب روقاني سلطان ضاق صدره..مايحب احد يحكي عنهم: أرحمني يالروقان_ أقول أنا طالع انام ورانا صلاة جمعه مرام: وانا بعد بروح ارتااااااح أم فهد: يالله عبير روحي نامي مثل اخوانك ولا ماعندك نيه عبير متمدده على الكنبه: الا بنام وش يسهرني الله يعيني السبت فيه إختبار مدري متى ادرس ام فهد: اجل تصبحون على خير طلعت فوق لغرفتها وودها تعرف سجى وش سوت في العشا _ كانت بتدخل غرفتهم بس غيرت طريقها لغرفتها تبغى تنام عشان تقعد لسجى بدري وتشوف شغلها معها ## القـــاكـــم بالفصـــل الثانــــي بإذن الله ## بإنتظــار ردودكــم وتوقعــــاتكـم اللي راح تكون دافع قوي لــــي http://www.2kraz.com/up/get-3-2009-xjd1lixp.gif |
السلام عليكم ورحمة الله وبركاته
أهلا بكِ أختي حورية في منتدى ليلاس ... منوره المكان ... قصة جميلة ... وأسلوبك رائع ... ولا يبدو عليه بأنه أول مرة من الاتقان ... متشوقه للجزء الياي بفارغ الصبر... قبل الختام عندي سؤال ... سخيف شوي .. لكن الفضول ما يرحم ... اسم سجى ما معناه ؟ :) دمتي بود... |
حياك الله الحوريه كاتبة بين كوكبة كتاب ليلاس أتمنى تلاقي هنا كل اللي تتمنيه من تشجيع و نقد بناء اتمنى لك ايضاً التوفيق وتحقيق اهدافك من خلال طرحك للقصة في ليلاسنا الحر وقفت ذات يومٍ أسيراً لدموع فتاة يتيمة .. وقفت أنظر بعطفٍ إلي ثيابها الممزقة .. وفي يدها دمية قديمة .. دمية نُزعت يديها لتفقد كلمة لعبة وتحل مكانها كلمة دمية بالية .. تتحضنها الفتاة بين ذراعيها وكأنها جديدة .. لتسير في الطرقات وقدميها مثخنة بالجراح الأليمة .. أشعل مرأها الفضول في عواطفي الضعيفة .. فقدمت نحوها ودنوت منها لأرى في عينيها فتاة تائهة .. فقلت بعبرةٍ : لما هذا البؤس على وجهك أيتها الجميلة .. قالت لي ما أنزل دمعي وقطع قلبي فقدت أبواي وأنا طفلة .. ليأخذني رجل رباني بين أولاده خادمة .. خادمة ليس لها حقوق حتىالاتبسامة .. تلك الأبتسامة التي أسرقها في ظلمة الخلوة .. خَشيتَ أن يراني فيبرحني ضرباً حتى يدمي جراحي بقسوته .. يضربني وكأنني ارتكبت ذنباً لا يغتفر في حقه .. أعيش أسيرة الخوف والحزن هؤلاء اليتامى هم أحق الناس بالشفقة , وأولاهم بالحب و الرعاية , حيث فقدوا المعين و تعرضوا للذل المؤلم و الحرمان المهين . لذلك أوصى الله سبحانه و تعالى خيرا باليتامى و أمرنا بالإحسان إليهم , وحسن التصرف معهم , والمحافظة على أموالهم و القيام على تربيتهم , والعناية بتهذيب نفوسهم , حتى يكونوا أفردا نافعين , وأعضاء في المجتمع الصالح أجدر اليتيم بالرعاية و العطف و الشفقة و البر , إنه إنسان صغير حرم من حنان الأب والام و هو في مطلع حياته , إنه طفل لا يصلحه إلا السرور , والمرح و الهدايا و البشاشة و الرحمة فطوبى لمن يعوضه حنان الأب ورقته ورحمته. لقد عني القرآن الكريم بأمر اليتيم أشد عناية مستقصيا أحواله مبينا أحكامه . وجاء في ذلك آيات كثيرة . البيت الذي يكرم اليتيم يكون موضع رحمة ورعاية في التحذير من ظلم اليتيم قيل : يا وصـيا على اليتامى أكولا ****كل مال اليتـــيم أكلا حراما جئت إدا و عن قريب ستفنى **** و الذ رارى تلقى خطوبا جساما و يقول الأنام ظلم أبيــكم ***كابدوه و أنت تصــلى ضراما و أنت و الموت تقسوان عليه ***أيها الناس رحمة بالــــيتامى ولكي مودتي |
اقتباس:
وشكــراً على الاطراء,, ويشرفني متابعتكـ لروايتـــي,, >>اسم سجى معناه: ساجيه,هادئة,ساكنه,سحر((آخر الليل)) :smile: |
ياحيا الله الحورية.. نورتي ليلاس بيتنا الثاني وربي.. ياحياج الله وأبقاج.. نورتينا.. وإن شاء الله إنج ما تلاقين إلا كل شيء يسرج لانه هنا قراء النخبة <<< تراها ماتعني روحها.. وخيتج مسيكينة.. بس خواتي الليلاسيات مايهونون
نبدأ من العنون (أحلامي تنتظرك) حبيته صراحة.. لأن أسماء القصص اللي على شكل أغاني أو قصايد تعل كبدي طال عمرج.. أحسها ناتجة عن فراغ ذهني مستعصي.. أحلامي تنتظرك عنوان كأنه صرخة.. وأعتقد إنها صادرة من سجى.. من المقصود ؟؟؟ هو أحد شخصين: أما وليد ولد أبو محمد.. وأما الشخص اللي كان أخر واحد كلمته أمها قبل تموت.. أدري إن البعض يمكن يستغرب لأأن هذا الشخص ما يعرف عنهم شيء.. بس أنا شبه متاكدة.. لأنه مروره وطريقة صياغة الحدث كانت مقصودة<<< على الأقل أنا فهمتها كذا ثانيا أسلوبج في الكتابة محترف ماشاء الله تبارك الله.. يعني يا أما إنج كنتي تكتبين قبل بس ما قررتي تنشرين.. ويا أما إنج كنتي تقرين وايد وعندج أساسا الموهبة فصار وقت إنج تترجمين هذه القراءات والموهبة في نص خاص فيج ثالثا نجي للفكرة.. ما أقدر أقول جديدة.. وأنا دائما أقول موب مشكلة لو كانت الفكرة مكررة بس المهم أشلون أنتي تعالجينها.. الفكرة الوحدة ممكن تكتبها ألف كاتبة ويكون لكل وحدة معالجتها الخاصة.. وهذا اللي أنتي فعلا نجحتي فيه وبجدارة... يعني مع أن الفكرة موب جديدة بس كأني أقراها لأول مرة والله العظيم.. والسبب هو معالجتج المتميزة للموضوع.. تدرين غلاي الحورية... حكاية ظلم الأيتام تعور قلبي صراحة.. ومخي ما يقدر يتصورها.. أولا عشان ديننا وصى فيهم ومين يعصى وصاة ربي.. الشيء الثاني العادات البدوية اللي أنا أنتمي لها بكل فخر.. واللي ربتنا على تقديس اليتيم وأنه المقدم في كل شيء وأصبح شيء متغلغل فينا.. عشان كذا ما أتصور إنه ممكن حد يقهرهم.. بس كل شيء في الدنيا جايز.. الواحد يظلم أمه وأبوه.. جات على أطفال أيتام رابعا نجي للشخصيات.. ماشاء الله الشخصيات وايد.. فانا بأكتب عن اللي لامسني واللي يهمني منهم سجى.. أكيد هي البطلة.. عجبتني شخصيتها بس ماحبيت إستسلامها.. لأني ما أحب الشخصية الضعيفة.. بس في وضعها هي مجبرة إنها تتاطي عشان أخوانها اللي اصغر منها.. وهذا هو القهر أم فهد.. جبت طاريها عشان أقول الله يحرقها بجاز هي وأبو فهد وبناتهم العلل مرام وعبير.. صدق عايلة ناقصة الله يأخذهم أخذ عزيز مقتدر وليد.. اتوقع إنه هو البطل أو مثل ماقلت قبل.. إنه اللي كان أخر واحد كلمته أم نواف قبل تموت...... المهم وليد: شخصيته ماعجبتني صراحة.. الولد المرفه اللي شايف إنه له حق يلعب على بنات خلق الله.. بس ماحد يقرب صوب محارمه.. مايدري إن من كشف ستر الناس كشفوا الناس ستره.. دانا: عجبتني.. أحب الناس اللي فيهم دعالة.. لأن الدعالة شعار أبدي للطيبة.. يعني مافيه دعلة لا ودبدوبة بعد إلا وتكون تجنن في مرحها وطيبتها ختاما.. غاليتي مشكورة على هالبارت الطويل اللي أحاط بكل الشخصيات بطريقة مميزة لا فيها إيجاز ولا فيها إطناب.. يعني طريقة متوازنة تمام.. لكن يا غلاي.. مثل ما أنتي شايفة: الشخصيات وايد.. فلا تطولين علينا في البارتات.. عشان كل شخصية تاخذ حقها.. وبنفس الوقت ماتفقدين التواصل معنا.. فعلا قصة مميزة وتستحق المتابعة.. وأنا معاج للختام إن شاء الله.. بنت الخالة |
##الفصــل الثـــانــي##
##رمتني أقداار رب الكون على ساحل ألم وأحزااان## . . . . يـــوم الجمعــــه--الساعه 12 الظهــــر... مرام وعبير نايميين....ونواف وابوفهد وسلطان بالمسجــد....ونوره بغرفتهــا تقرا قرآن... ام فهــد كالعــاده واقفه على راس سجى بالمطبخ وتلقي اوامرهــا اليوميــــه...وسجى كتابها على طاولة المطبخ.. اذا شافت ام فهد ابعدت شوي راحت تقرالها كم كلمه,, ام فهــد : اقول سجــى.. سجــى : هلا خــالتـي ام فهــد : انتي الحين صارلك سنتين بالجامعــه...معقوله محد خطبك من ورانا...يعني من بنات الجــامعه,,؟!! سجـــى مستغربه من سؤال زوجة عمها المفاجــئ : لا خالتي..منو بيخطبني في الجامعه...الناس جايه تدرس مو تخطب.. ام فهــد ماعجبها ردها لأنها حاسه ان سجى مستحيل تجلس كذا بدون لا احد يخطبها : معقووله...بس اللي اعرفه ان اغلب البنات في الجامعه ينخطبون,,, سجــى : والله هاذا النصيب,,وكل وحده بيجيها نصيبها سواء في الجامعه ولا في البيت,, ام فهد ((جعل نصيبك مايكون احسن من نصيب بناتي,,,ياخوفي تتزوج قبل مرام...بس انا لكـ ياسجى والله ماراح تتزوجين الا اللي ابغاه)) سجــى تناظر ام فهــد ((اليوم مو طبيعيه...من صحت من النوم وهي بس ماسكتني بالاسأله,,,لايكون احد خاطبني منها,,,ياويل حالي هاذي مايجي منها الا الشـــر....الله يستــر بس)) ام فهــد : كملــي شغلكـ وانا بروح اشوف البنات صحــو ولا لســى,, سجــى : ان شالله خالتـــي.. . . . . طلعت ام فهــد من المطبــخ,,,,راحت سجــى تمسكـ كتابهــا وتقرا فيــه امس راح وقتها وهي تنتظر نواف ولا فتحت كتابها وبكرا الأستاذه بتسألهم كالعاده وهي ماتنتهي مذاكرتها الا قبل وقت المحاظره,,,, مرت ام فهــد من المطبخ وشافت سجى مندمجــه بكتابها,,,,طلع الشر من عيونها ونوتها عليها دخلت المطبخ بكل عصبيـــه وصفقت بايديها : ماشالله ماشالله,,والله تسمعين الكلام زين ياسجــى الحيييين انا اقولك شوفي شغلك تقومين تمسكين بهالكتاااب..؟!! انتي باي لغه تفهميييين..؟! يعني لازم اوقف على رااسكـ... سجــى من الخوف كله طاح الكتاب من يدها : بسم الله الرحمن الرحيم....شسالفه خالتي,,,,؟! انا تقريبا خلصت شغلي بس جالسه انتظر الاكل ينجح...وبدل جلستي كذا قلت اقرا شوي بالكتاب,, ام فهد : سمو منك الناس ان شالله...اقولك مليون مره لا ترادديني بالكلام..فاااهمه,,,ويالله اشوف عطيني الكتاب اللي بيدك.. وانا اعلمك كيف تسمعين الكلام,,, سجــى مدت لها الكتاب وهي خايفه لا تعمل فيه شي...الاختبارات جايه ومافيه وقت تحصل كتاب مشروح زي كتابها : اخذيه خالتي بس الله يوفقك لا ترمينه,,, والله مافيه غير هالكتاب ادرس منه,,, ام فهــد والابتسامه ماليه وجهها : والله مو شغلك اعمل فيه اللي يريحني,,,يالله كملي شغلك.. وطلعت من المطبخ وهي ناويه شر.. سجــى تدعي ربها ان الكتاب مايصير فيه شي,,,البنات هاليومين مايساعدون كل وحده نفسي نفسي,, ومن وين تجيب لها كتاب,,,خلاص كلها 10 ايام والاختبارات تبدأ...غرقت عيونها بالدموع اهم شي دراستها,,,ماتبغى ترسب ولا تتأخر بالدراسه,,تبغى تعتمد على نفسها وتعيش خوانها,, . . . . . ام فهد تطق الباب على مرام,,,, مرام ومو قادره تتكلم من النووم : مييييين؟! ام فهد : انا امك افتحي بسرعه مرام : ماما انا مانمت زين...الله يخلييك خليني اكمل نومتي ام فهد: كمليها بس بغيت اعطيك حاجه...بسرعه افتحي الباب,, قامت مرام من السرير...وفتحت الباب لأمها : وش الحاجه اللي بتعطينياها,,,!! ام فهد دخلت وسكرت الباب وراها عشان ماتسمعها نوره : اخذي الكتاب هاذا واعطيه اي وحده تدرس مع سجى بنفس القسم وبنفس المستوى.. مرام وعلامات التعجب بوجهها : وش عندك توزعين كتب جامعيه,,؟!! ام فهد مالها خلق فهاوة مرام : وش اوزع الله يهدييك,,,هاذا كتاب سجــى اخذته منها لانها ماسمعت كلامي واشتغلت بس طايحتلي مذاكره بهالكتاب,,,ابغى اقهرها,,وصليه لأي وحده معها,,بس انتبهي ماتكون تعرف سجى,,, مرام فهمت على امها...بس ماحبت هالتصرف..هي ماتحب تأذيهم لهالدرجه : ماما انا مالي دخل,,انتي وصليه بطريقتك.. انا ماحب اتدخل بمشاكلكم اللي ماتنتهي,, ام فهد عصبت من بنتها : ترديني يامرام,,,خلاص قلتلك تاخذينه يعني تاخذينه....اهم شي ابغى سجى تشوفه مع وحده من بنات قسمها ولا تقدر تاخذه... مرام : يعني شلون اروح ادور على البنات واقولهم منو تقدر تحرم سجى من كتابها..؟! ام فهــد طفشت من بنتها اللي تعمل نفسها غبيه عشان ماتسوي شي : سوي اللي تبغينه...يالله انا رايحه اصلي.. واتمنى ماتسوين اللي قلتلك علييه,,, طلعت ام فهد من الغرفه,,,,ومرام فتحت الكتاب تشوف اذا هو مهم لسجى او لأ,,, ((يالله هالكتاب كل شي مشروح فييه...واي بنت بتدرس منه مليون بالميه بتحل في الاختبار....وش اسوي الحين فيـــه,,؟!)) جلست تفكــر بطريقه ان الكتاب يرجع لسجــى,,,بس هي ماتعرف صحباتها عشان تعطيهم الكتاب.. خطرت ببالها فكـــره ... بتسوي اعلان في التصوير عن طريق مسؤولة التصوير عشان محد يعرفها على اساس ان الكتاب ضايع واكيد بنات القسم بيوصلونه لسجــى لأن اسمها على الكتاب,,,وبكذا تتخلص منه ومن حنة امها...وبترجعه لسجى.. رجعت مرام تكمل نومتهـــا... . . . . . . . . . . .. .. طلع من غرفته بعد مابدل ملابسه اللي لبسها للصلاة,,,وراح لجناح امـــه,,,,خلاص قرر يكلمها تقنع ابوه ولا بيروح عند اخته بالشرقيه ويترك البيت لهـــم,,, طق باب غرفة امه ينتظر منها رد ..... ام محمد : تفضــــل,, وليد : مساء الخير يمه,, ام محمد نزلت المصحف : مساء النور,,,هلا قلبي تعال وش فيك واقف,, تقدم وليد لعند امــه وباس راسها ...وجلس بجنبها : يمه انا جايك ابغاك تساعديني,,وياليت ماتوعديني مثل كل مره وبعدها تسحبين علي.. ام محمد : امر ياروح امكـ...وبعدين انا ماسحب عليك مثل ماتقول الا اذا شفت اني مو قادره اعملك شي.. وليد : شوفي يمه..انا سفره بهالوقت مابغى,, عجزت وانا احكيلكم...كلمي الوالد خليه يأجلها شوي ماراح ياثر 3 شهور 4 شهور,,,الشهاده وبجيبها له,,بس خليه ياجلها ام محمد عارفه ان هاذا موضوع ولدها : والله ياوليد انت عارف ابوك زين لا انا ولا واحد من هالعايله يقدر يخليه يتراجع عن قراراته وموضوع البعثه منتهي من شهر,,توك الحين تبغى تأجله,,! وليد بيأس : يالله منكم...ليش محد فاهمني بهالبيت,,,انا اكره الوحده مابغى اروح لحالي...انا بس حبيت تكون دراستي بالصيف عشان تكونون معي واذا مو انتم اصحابي يكونون معطلين ويقدرون يسافرون معي,,,,فهمتيني,,.! ام محمد بعجز : حتى ولو,,,لا تامل نفسك ابوك معزم ومخلص موضوعكـ...يعني لا تحط براسكـ انه بيأجل السفــره عشان هالسبب اللي بيكون بنظره سخيف. وليد بعصبيـــه : اجل انا بروح اكلمه,,,واذا ماوافق انا بعمل اللي براسي ولا علي منكم طلع من غرفة امه معصب وهي تناديه ولا رد عليها,,, . . . . . . . . . . . . . . رجــع بو فهــد والعيــال من الصلاة,,,, ابو فهــد : شيــخه...شيخــه,,,,وينها امك هاذي ليش ماترد,, طلعت سجى من المطبخ,,: هلا عمي...خالتي فوق تصلي..بغيت شي..؟! ابو فهــد : ايــه..جهزو الغدا وراكم اليوم باردين,,؟! سجــى: ان شالله دقايق واجهزه لكــم,,, نواف: عمـــي..! ابو فهــد : ها خيير وش عندكـ... نواف : اليوم انا معزوم عندي خالي...واجهته بالمسجد وعزمني على العشا,,,اقدر اروح..؟! ابو فهــد ناظره بعصبيه,,مايبغاهم يحتكون بهالخــال..عشان الورث ((كلن يشوف الناس بعين طبعه)) :لا مافيه عزايم ليلة السبت,,, الناس مدارس يعني اقضب ارضك ولا تفكر تطلع من البيت,, نواف عارف انه بيرفض..بس حب يشوف يمكن يوافق لانه هاليومين معدل اسلوبه معه : طيب انا دارس زين وماعندي بكرا شي وماراح اتاخر الساعه 11 بكون في البيت,, ابو فهــد مسك نفسه مايبغى يعصب اكثر عشان مايخسر نواف وبنفس الوقت مايبغاه يروح لخاله عشان مايغيره عليه : يانواف وانا عمكـ...انا لما اكون في البيت ماحب احد يغيب عنه,,واليوم انا بتعشى هنا وابغاكم تجتمعون كلكم حولي,, نواف وسلطان مستغربين طيبة ابو فهــد..هو بالعاده مايحب عيال اخوه يجلسون معه بنفس السفره نواف : اللي تامر فيه عمي,, . . . . . . . . . . . دخل غرفتــه ولقى ام فهد تصلي,,, لما انتهت من صلاتها,,, ابو فهد : اسمعي ياشيخه من اليوم ورايح ابغى عيال اخوي يكونون معنا بالسفره,,يعني عشانا وغدانا واحد.. ام فهد : عسى ماشر يابو فهد,,حرارتك مرتفعه اليوم...! ابو فهد : اقول لاتزودين على كلامي وسوي اللي اقولك عليه,,,ياام فهد موضوع البيت قرب ينتهي واخاف نواف يعرف عنه ويروح ياخذ خواته ويطلعون من البيت.. ام فهد فهمت قصده : ان شالله الحين بروح اقول لسجى ونوره يتغدون معنا,,,مع اني ماراح اعرف اكل زين وهم مقابلين وجهي.. . . . . . . . . . دخل على ابوه المكتب ونسى يطق الباب من العصبيه اللي فيه.. وليد: السلام عليكم,, ابو محمد رفع راسه وناظر بوليد نظرة قويه خلت وليد يتراجع عن الكلام اللي كان مجهزه من شوي : شسالفه داخل علي بدون استأذان....؟! وليد انتبه على نفســه : اووه اسف يبه كنت متضايق شوي ولقيت الباب مفتوح ودخلت.. ابو محمد : وش عندك جاي...؟! وش اللي مضايقك.؟ وليــد مايدري من وين يبدأ سكت يناظر بأبوه,.. ابو محمد : وش فيك ساكت,,؟ تكلم قولي وش عندك..؟! وليد واخيرا قدر ينطق : امممم حبيت اسألك متى موعد سفرتي..! ابو محمد : ههههههههه....جاي من بعيد وحالتك حاله عشان تسألني هالسؤال,,,.! ان شالله اخر الشهر هاذا...يعني 27 او 28 من هالشهــر,, وليد فتح عيونه للأخر,,يعني مابقى الا اسبوعين بس : يبا بس مافيه وقت انا ماجهزت شي ابو محمد : شغلك كله جاهز وش تجهز يعني..؟! وليد : اي واحد بيسافر لازمه تجهيزات خاصه,,,ولا تبغاني اروح براسي بس,,؟! ابو محمد : يالله جهز وش وراك...,قدامك اسبوعين يمديك تجهز.. وليــد: طيب يبه بطلب منك طلب... ابو محمد : تفضــل.؟! وليد : ابغاك تأجل السفر للصيف,,خلاص مابقى الا شهر ع الصيف,, ابو محمد : انسى هالموضوع...انا ابو محمد اذا قررت شي مااتراجع عنه,,واوراقك كلها خالصه والناس منتظرينك هناك..ماعندي لعب عيال.. وليد كان بيقوله انه بيروح عند اخته بالشرقيه بس لما شاف اصرار ابوه ماحب يدخل نفسه بمشاكل والامر ميئوس منه.. طلع من المكتب وقرر يرضى بالامر الواقع وبيسافر__<<حكم القوي على الضعيف>> . . . . . بعد العصـــر,,,في صالة بيت ابو فهــد,,,كان جالس ابو فهد ومرام وسلطان وسجى ونواف سجــى : عمي...انا ودي اطلع للمكتبــه اليوم...ناقصتني حاجات.. ابو فهد ناظر فيها وكان بيرفض كالعاده...بس تذكر اتفاقه مع زوجته انهم يحسنون علاقتهم مع عيال اخوه : مو مشكله...بس اخذي نواف معكـ ولا تتأخرين...والافضل انك تروحين الحين قبل الليــل,, سجــى كانت متوقعه الرفض بس استغربت لما رضــى...وفزت من مكانها ماتبغاه يتراجع : اوكيه الحين البس وانزل,,,نواف انت انتظرني هنا لفت على مرام : مرام تروحين معنا.. مرام كان بودها تطلع اليوم..بس ماتبغى تروح مع سجــى لوحدهم : لامشكوره روحي انتي..انا مالي حاجه بالسوق سجــى : براحتكـ....يالله عن اذنكــم.. طلع سجــى فوق تلبس عبايتها... ابوفهد طلع محفظته ومد على نواف 1000 ريال : خذ هاذي يانواف وخل اختك تخلص اغراضها,,,واذا ناقصك شي انت ولا نوره قضوه دامك طالع طبعا نواف ومرام فتحو عيونهم منصدمين من الكرم الزايــد اللي نزل فجــأه نواف : مشكور عمي..سجى لو مامعها ماكان قامت بدون لاتطلب منكـ... مرام ماتدري ليش انبسطت لما شافت ابوها يعطيهم فلوس وسمحلهم يطلعون السوق : عادي نواف اخذ الفلوس يمكن ينقصكم شي..وبعدين سجى اكيد بتصرف من مكافئتهــا,, ابو فهد وده انه يرفض ومايخذ الفلوس..بس مرام خربت عليه لما تكلمت : ايه صادقه مرام خذ الفلوس بس..انا مو غريب عشان تردني قام نواف واخذ الفلوس : مشكور عمي نزلت سجــى وكانت لابسه عبايتها...ماتبغى عمها يغير رايه تبغى تطلع على طول...وفعلا مامرت عليهم نادت نواف من بعيد : يالله نواف انا جاهزه قام نواف وقام معاه سلطان... مرام : على وين إن شاءالله,,,.! سلطان : بروح مع نواف هو مايحب يطلع لحاله.. مرام : طيب اخذت الاذن من ابوي.. لف على ابوه وقال : ممكن اروح.. ابو فهد من البدايه ماكان معهم ولا انتبه بسجى لما نزلت ولا فيهم لما وقفوا ..فكره كان مع المحامي اللي بيقابله اليوم بعد صلاة العشا : هاا,,وين تروح,؟! سلطان : بروح مع نواف للسوق ابو فهد ماله خلق هواش ولا كان بيمنعه عشان مايطلبه فلوس : خلاص روح.. لما طلعو كلهم,,,مرام ناظرت بابوها وحاسه ان ابوها متغير خافت لا يكون مريض او فيه شي مرام : اقول بابا,,, ابو فهد : هلا مرام قولي,, مرام : غريبه تعطي سجى 1000 مره وحده وانت تكره تمد عليهم ال50 ريال ابو فهد : وشدعوه معطيها من حلالي..هاذا من حلال ابوهم.. مرام : ايوا عارفه انه مو منك...بس انت كذا من زمان ماتعطيهم الا بالمناسبات الكبيره وكل واحد 500 بس...مو 1000 عشان مكتبه,,,!! ابوها طفش من تحقيقها : انا قررت اتقرب من عيال اخوي,,واترك عداوتي وببدا صفحه جديده معهم.. مرام كانت اذكى من ابوها : الى ان ...؟! ابوها ناظرها مستغرب : الى ان ايــش..! مرام ناظرته بنص عين : الجواب عندك...وشو الهدف اللي تبغى توصله عن طريق علاقتكم الحلوه هاذي..؟! ابو فهد وقف من مكانه : انا طالع لجارنا ابو سالم...ولا يكثر هرجك يابنت..لو انك جالسه في بيت صاحبتك كان مريحتنا... وطلع من البيت وهو ناوي اصلآ يروح لجارهم عشان يدورله واسطه تحل موضوعــه,,لأن جارهم له معارف بشخصيات هامه. اما مرام ماتأثرت برد ابوها لأنها هي بعد لو انها تعيش برا هالبيت كان ارتاحت<<سبحان الله مافيه احد عاجبه وضعــه بهالدنيا>>...ومن كلام ابوها حست انه يخطط لشي..بس ماراح تسكت لازم تعرف...قررت تروح لأمها وتسحب منها بالحكي لأنها عارفه امها اذا طولت معها بالسوالف قالتلها كل شي... . . . . . . . . بعــد ماقرر يجهــز للسفــر...صار يحوس بجناحه ومايدري وش ياخذ معه من اغراضه الخــاصه هو يعرف يجهز لسفرة سياحه مو لسفرة دراسه..<<هاذا طبع وليد يحب يجهز اغراضه بنفسه ويكره تدخل الخدم اتصل بصاحبه تركــي وليــد : الوو...مساء الخير تركــي ومن صوته مبين انــه نايــم : اهليين مساء النـــور وليــد : ويييييين يابو الشباب للحين نايـــم.. تركــي ماله خلق لأحد : خيير وش بغيت..اخلص علي,,,! وليد : اول شي صحصح عشان اعرف اتكلم معكـ....ثاني شي وش هالاسلوب شكل الاخلاق تجاريه اليوم.. تركي : ها قول وش عندك..انا مصحصح واسمعك زين,, ولــيــد : اممممم,,,والله ياتركي انا جالس احوس بغرفتي ومادري وش اخذ معي لبريطانيا,,,قولي وش الاشياء المهمه والله ماني عارف اركــز.. تــركي فز من السرير : انت وش تقول,,,قررت تروح للبعثــه,,?! وليـــد تذكر انه ماكلم وليد ولا قاله عن اللي صار : ايه قررت..هاذا اللي بيدي..كلمت الوالد ومارضى وقفل الموضوع ولا عطاني فرصه اقوله عن اللي بخاطري,, تــركي من الفرحــه طار النوم عنه,,هو يحب وليد ويتمناله الخيــر: خلاص ابو فيصل انا جايك الحين ونروح نجهز مع بعض.. وليد ارتاح واخيرآ احد بيجي ويساعده ويشيل عنه الشغل شوي : اوكي انت خلك وانا اللي بجيك,,بس تجهز بسرعــه.. قفل من تركــي وطلع من الغرفــه...شاف اختــه هنا واقفه في البلكونه اللي عند الصاله وتكلم بالجوال..وقرب منها يبي يخوفهـــا.. هنـــا بصوت واطــي : وش اسوي هاذا اللي اقدر عليــه.. :ـــــــــــــــــــــــــ هنا: والله انا قلتلك بحاول,,,بس مااوعدكـ.. وليد يالله يسمع الكلمه زين...بس خمن ان اللي قاعده تحكي معها تترجاها لشي معين...جاه الفضول انه يسمع,,,قرب اكثـــر لهـــا,, هنا مانتبهت في وليــد : خلاص خلاص لا تحن اكثر من كذا ترى ماحب الحنه كثير,,,بحاول قلتلك بحاول.. وليــد والصدمه بوجهه,,هاذا اسلوب ولد ماكأنها تكلم بنــت...الشك دخل راسه.معقوله هنا الهاديه يطلع منها كل هاذا وتطلع تكلم شباب سحب هنا من ظهرها يبغى ياخذ الجوال,, هنا من الرعبه كلها رمت الجوال وطاح من فوق من الدور الثاني,,طبعا مصير الجوال معروف.....تكسر وليــد وعيونه بتطلع من محلها : معقوله ياهنا معقوله انتي تطلعين كــذا,,.!! هنـــا وقفت ساكته تناظر بوليــد,,منصدمه شلون يسحبها بهالطريقه,, وليــد : انطقي تكلمي...منو هاذا اللي جالسه توعدينه وتتكلمين معه بكل دلــع,, هنا عطته نظره بعدهــا تكلمت : اول شي وش هالاسلوب هاذا....جايني من بعيد وتسحبني بكل وحشيه.. افرض اني من الخوف طحت من فوق,,وش بتسوي ساعتها,,!! وثاني شي يااستاذ وليــد,,انا جالسه احكي مع وحده مو وااااحد,,,واذا انت شايف اسلوبي معاها كأني اكلم واحد.. فهي كذا ماتحب احد يكلمها على انها بنت,,,واذا مو مصدقني عطني جوالك اكلمها منه واسمع بنفسـكـ.... وليــد كان بيعطيها الجوال,,بس تذكر الازعاجات اللي تجيه وتراجع..هو موناقص ازعاجات زياده : خلاص خلاص بحاول اصدقكـ... بس اتمنى ياهنا اللي في بالي يصير صدق..والله اني لأحرمك من كل شي تحبينه وانتي عارفه قصدي زيين,,, هنا مشت من قدامه وبكل ثقــه : سوي اللي يريحكـ..انا واثقه من نفسي زين,,واذا بتخاف على احد خاف على وحده بسن المراهقه مو انـــا,,,, وليــد ضاق صــدره,,هو من زمان ملاحظ عليها كثرت المكالمات ومو اي مكالمات,,,تتخبى لحالها وماتحب احد يسمعها وهي تحكي بالجوال.. واذا دق جوالها وهي مع اهلها ماترد واذا قامت على طول تتصــل,,وهالحركات ملاحظها تزيد عشان كذا صاير يخاف بقووه عليها... بس هنا كل مره تطلع منها وهي معها كل الحق,,وهو الشكاك واللي ماعنده سالفه.. بس شكل الحقيقه عكس كــذا,,, نزل وليــد وطلع من البيت,,,وشاف تركي متصل فيه مرتين وتذكر انه بيمره.. طلع لسيارته وعلى بيت تركـــي,,,, . . . . . وقف السوبر عند مكتبــة جرير...ونزلت سجــى مع نواف وسلطــان,,,, سجــى : يالله ياعيال بسرعه قبل لا تقفل المكتبه,,,ترانا تأخرنا كثير عند الاشاره,, سلطان : لا تخافين حتى لو قفلت بندخل المجمع وبعدها بنرجع للمكتبه,, نواف : اقول اتركو عنكم الهذره الزايده وادخلو,,,تراكم وقفتو السير على السيارات,,, دخلو المكتبــه وكل واحد راح بجهـــه,,,,سجــى تاخذ اغراضها اللي ناقصتها,,ونواف وسلطان يقرون بهالكتب,, وقفت سجــى عند قسم اكسسوارات الكومبيوتر,,,وجلست تختارلها كم قطعه تحتاجه لجهازهــا وبنفس الوقت وقف شاب ,,,وهو بعد واقف عند الرف اللي قبالها,,,, رفعت راسها سجــى عشان تشوف اللي قبالها,,,طاحت عينها على الشاب,,وماقدرت ترفع عيونها منه الولد مملوح وعيونه فيها لمعه حلووه,,,, هو ناظرها بكل احتقار وبعد عنها شوي عشان تمر,,,سجى استحقرت نفسها كيف تناظر الولد بهالطريقه بس وش تسوي ماقدرت تقاوم عيونه,,فيه جاذبيه غريبه,,,حتى ستايله هي تحب هالنوعيه من الشباب الكووول واذا شافتهم فهت بوجيهم .. .. .. وليــد كان لابس جنز رمادي لوويست وتيشريت واسع اسود بكتابات على الظهر باللون الرمادي والابيض... عدت سجــى من مكان ثاني عشان مايفكر انها تبغى تمر من عنــده...ووليد خاب ضنه هو ماسوى هالحركه الا عشان تمر من قريب ويشوف عيونها زيــن لأنه خمن انها مو سعوديــه,,,عشان لون عيونها رمادي على عسلـــي يعني لون غريب ومبين انه مو عدسات لأنها مو لامعه كثيــر.. راحت سجــى بعيد عنه وكملت باقي اغراضهــا,,,وبطريقها تدور على اخوها وسلطان.. .. .. .. اما وليد وقف مكانه يناظرها,,,هو بالعاده البنات اذا شافوه جلسو يمشون وراه ويتنحون بوجــهه...بس هالبنت سحبت عليه وطنشت نظراته,, تـــركي : يابوو الشباب انا رحت ولفيت خمسين لفه بالمكتبه وانت للحين بمكانك ومامعك شي,,.! وليــد ماكان مع تركي او بالاصح ماحس بوجوده,,,,, تركي وقف قبال وجه وليد بالضبط وجلس يأشر بأيده عشان ينتبه فيه وليد,, وليــد حس بشي يتحركه قبال وجهه ورجع ورا لااراديا : بسم الله وش فيك انت جالس تأشر بأيدك.. تركي : والله انت اللي شفيك ساعه اكلمك وانت مفهي,, وليـــد : اسكت شفت بنت والله عمري ماشفت مثل عيونها,,عذاااااااااب,, تــركي يتحمد ربه على العافيــه: اقول لا يكثر وخلص شغلك وخل عنك البنات,, وليــد ماله خلق تــركي,,صاير هاليومين مو جوه ابد : ياخي انت شفيييك...فلها شوي,احسك صاير جدي هاليوميين,, تــركي : اي بصيير جدي..لمتى وحنا بهالحال,,ماورانا الا البنات ومطاردتهم,, وليــد حس ان تركي بيفتحله محاظره ممله كالعاده....مر من قدامه وراح يكمل اغراضه ومنها يشوف البنت ام عيون رماديــه,,, تركي لحقه وهو يتكلم وليد يسوي نفسه مايسمع عشان يسكته,,الناس كلها سمعت كلامه وهاذا للحين مكمل,, ولييد : خلاااص بس ياخي عرفنا انك تبي تعدل من وضعك...اسكت الناس كلها درت.. تركي تلفت لقى مجموعة بنات تناظرهم وتتضحك ..طبعا عجبه الوضع صار يعطيهم ابتسامات ووقف مكانه.. وليد ناظر فيه,,: هههههههههههههههه..وييين اللي كان يلقي محاظره,,اشوفك خربتها,هههههههه طبعا وليد راح بسرعه وترك تركي مكانه مع هالشله,,,وقال فرصه يشوف البنت مره ثانيه,, بس ماحصلها بالمكتبه كلها.... سجى طلعت هي واخوانها بعد ماخلصو اغراضهم,,, . . . . . . احبس دموعي حبيبي من غلاك انت دمعه خايف ابكيك وتطيح ياحبيب الجرح اتعبني عناك في يدينك قلب لكنه جريح بنشدك قد صرت نجم(ن)في سماك او مشيت فـ درب ماهو لي صحيح من عذاب البرد جيت ابغى دفاك واثرك بصادق حنينك لي شحيح واقفين عند الأشـــاره ومشغلين محمد عبــده,,,وكل واحد داخل جو بالأغنيـــه,,, ماعدا سلطــان اللي ماسكت من طلعــو من المكتبـــه....يحاول فيهم يمرون مطعم او كوفي او اي شي ثانـــي بس المهم عنده انه مايرجع البيت الا متأخر وطبعآ ماحصل منهم الا الرفض لأنهم خايفيين من عمهم وزوجــته لا يسوون لهم مشكله,,وكله بيطيح براس سجــى كالعاده,, سجــى تفكــر بالولد اللي شافته بالمكتبــه,,,,شكثر عجبها..بس هي محرم عليها كل شي حتى مجرد التفكيـــر جلست تفكــر بنظراته وبشكلــه وثقلــه,,هاذا هو الشاب اللي تتمناه حبيب لهــا أو بمعنى اصـح هو فارس احلامها بس من سابع المستحيلات انها تحصل واحد مثلــه لأنها متوقعه بلحظه من اللحظات ان عمها يزوجها واحد كبير في السن وتاجر مثل ابـوياسـر اللي كان بيتزوجها لولا ان زوجة ابو ياسر هددته تسحب منه كل شي وكان هاذا رحمه لها من ربي ولاكانت من سنتين متزوجه هالشايب اللي كبــر جدها,, وكان حالها يرثى لــه,,, .. .. .. قطــع تفكيــرها سلطان اللي مسك ايدها وباسهــا,,,,سجى خافت ولفت على سلطان,,, : بسم الله وش فيك تبوس يدي كنك تطر مني شي,,, ناظرها بنظره تكسر الخاطــر: سوسو يهون عليك سلطان حبيبكـ اللي بيتزوجك لا كبر...نفسه بمطعم ولا تمروون,,! سجــى : ههههههههههههههه,,,يافديييت زوجي ياناس...والله ياسلطان مايهون علي..بس انت عارف وش بيصيــر اذا تأخرنا,, سلطان : ولا يهمك انا بقول لأمي او ابوي انو انا اللي مريت المطعم وانتي كنتي رافضه بس انا اصريت,,,ها وش قلتي.. سجــى بتفكيــر ((كذا ولا كذا اليوم زوجة عمي لازم تعمل مشكله معي لأني طلعت وماعطيتها خبــر,,فحرام ازعل سلطان )) : اوكيه بس بلييز لك ربع ساعه لا تتأخر,,وانا بنتظرك بالسياره.. سلطان من الفرحه باس راسه : مشكووووره انا عارف مايهون عليك حبيبك...ولا يهمك عشر دقايق مو ربع ساعه....نواف تنزل معي بالمطعم..؟! نواف :ــــــــــــــــــــــــــــ سجــى : نواف سلطان يكلمكـ سلطان: وش فيه هاذا مايرد,!! سلطان نط قدام ولف وجه نواف له: هيييه انت اكلمك انا نواف : ها وش فيك ..! سلطان : اقولكـ..سجى رضت نوقف عند المطعم تبغى تنزل معي..لأنها بتنتظرنا في السياره.. نواف : لامابغى من المطعم شي,,انا بعد بجلس بالسياره وبنتظرك مع سجى..بس لا تتأخر علينا,, سجى : نواف وش فيك انزل مع سلطان,, نواف : والله مو مشتهي اكل شي,,,ومالي خلق انزل.. سجى حست ان اخوها مو على بعضـــه..وعارفه انه ماراح يحكيلها اللي مضيق خلقه,,,تنهدت تنهيده قويه الكل سمعها,,, .. .. وقفت السياره قبال ماكدونالدز,,, سلطان : خلاص ماراح اكل بالمطعم,,باخذ اكلي معي,, سجـى ونواف يبونها من الله : اوكي,, نزل سلطان وتركهم بالسياره.... سجى تناظر بالسيارات اللي حولهم واللي اغلبهم عند طلبات السيارات,,, لفت انتباهها واحد يأشرلها بجواله ومعه سيارة bmw ..سجى خافت نواف ينتبه فيه وتصير مشكله,,لفت وجهها عنه... وجلست شوي بعدين ناظرت مكانه تبغى تتطمن عشان نواف ولا سلطان يشوفونه,,لأن حركته واضح انها لها.... بس للأسف الشاب للحين يناديها ومافقد الامل,,,سجى ارتفعت حرارة جسمها وخاصة لما شافت السواق يناظر وين ماتناظر سجى,, ((ياويل قلبي اكييد السايق بيحكي لعمي او زوجته..والله لايذبحوني حتى لو مالي ذنب)) سجــى: ابراهيــم,,غير مكان السياره,,هنا بيصير زحمه وماراح نعرف نتحرك.. نواف لف عليها : اي زحمه هاذا باركنق منظم يعني بنقدر نطلع بسهوله,, سجــى توهقت ماتدري كيف تخليهم يغيرون مكان السياره : طيب ليش ماتروحون للمكان اللي هناكـ ""اشرت على مكان بعيد وقريب من الشارع العام"" هناك بنقدر نطلع على طول,,شوف طلبات السيارات زحمه واكيد بيوقفون علينا السير.. نواف اقتنع بعد هو ماله خلق زحمه وهو بروحه طفشان : اوك ابراهيم حرك السياره هناك... واخييراُ غيرو مكان السياره ووقفو بعيد عن الشاب المزعــج,, سجــى ارتاحت ولفت تناظر اذا سيارته قريبه او لا,,ماحصلته,,شكله طلع من المطعم... مامداها تلف وجها,,الا السياره وقفت جنبهم الشاب : ياحلووه انا قلت افتحي البلوتوث ماقلت تعالي اركبي معي بالسياره,,,يعني ماله داعي تغيرين مكان سيارتكـ... صاحب الشاب : انتبه اخوها معها,,,,فجـأه حركت السياره باقوى سرعه.. طبعـــآ انواع علامات التعجب والأستفهام بوجه نواف....ناظر بأختــه اللي حالها الله اعلم به وجهها قالب لونه وحرارته ارتفعت من الخوف,, نواف : سجــى وش فيكـ,,وش يقول هالزباله اللي وقف عندنا..!!! سجــى من الخوف والربكه واللي يشوفها يقول هي الغلطانه سكتت وماردت على اخوها,, نواف واعصابه ماعاد تتحمل اكثــر: سجى تكلمي وش فيكـ....انتي معي والولد توني اشوفه,,.! فهميني السالفه!!! .. .. سجــى نطقت اخيراً : نواف هاذا الولد من وقفنا وهو يأشر بجواله مدري وش قصده,,,لما ضايقني ماحبيت اقولك وتصير مشاكل,, قلت للسايق يغير مكان السياره,,,لأني عارفه انه بينقل الكلام لعمي وزوجته وانت عارف وش بيصير... نواف بضيقه : وليش ماقلتيلي مو انا اخوك...واعرف كيف اتصرف معه...شوفي ياسجى مابغى هالموقف يتكرر مره ثانيه اي شخص يضايقك قوليلي على طول..انا مو بزر عشان تخافين علي... سجــى تبغى تقفل الموضوع : ان شاءلله...بس انت انسى الموضوع...هالشباب ماوراهم الا المغازل...وشي طبيعي اللي صارلي يصير لكل بنت..لا تضيق خلقك.. سكت نواف ومارد عليها...جلس يفكر بالضعف اللي هو فيه خواته مايثقون فيه ولا يحكون له عن اللي يضايقهم.. دخل سلطان السياره وهو شايل اكياس كثيره : لا تقولون اني تأخرت عليكم,,والله اني نشبتلهم عشان يخلوني اول شي,, سجــى : لا ماتأخرت ولا شي...بعدين وش له هالاكياس الكثيره هاذي,, سلطان : هاذا اكل لنا وللي في البيت مرام ونوره وعبير,, نواف : بس انا قلتلك اني مابغى ليش تجيبلي,, سلطان : ياخي وش فيك اذا ماتبغاه الحين اكيد في البيت بتجوع وبتاكله,, سجــى : يالله ابراهيم حرك للبيت بسررعـــه . . . . . نــوره جالسه تحــوس بالغــرفه بعد ماخلصت من المذاكـــره,,,ترتب ملابسها وملابس اختها سجــى.. ولما قربت تنتهـــي من الترتيــب....دخلت عليها عبيـــر عبيـر : وش عندك ترتبين ملابسكم..؟! مو قلتي لماما انك تدرسين..! نوره لفت عليها : اول شي الناس تسلم..ثاني شي انا خلصت مذاكره من العصر,,شفت نفسي فاضيه قلت ارتب الغرفــه.. عبيــر ماعجبها الوضع..ألا تطلع عليها شي عشان تسوي مشاكل لها : اها قلتيلي خلصتي مذاكره,,اجل كيف امداك تخلصين والكتاب وش كبره,, نوره هزت كتوفها : عادي انتي عارفه اني ادرس الموضوع بعد ماتنتهي الحصه...يعني سهل علي اذاكره بوقت قصيــر عبير طفشت منها وطلعت من الغرفـــه,,,تغار من نوره لحد الجنوون .. .. .. ام فهد طالعه من غرفتها وبتنزل تحت,,شافت عبير ماره ومبين انها متضايقه,, ام فهد : عبوره شفيك متضايقه كذا,,! عبير : ومن غيرها قاهرتني بهالدنيا,, الاخت نوره مخلصه الكتاب بعد العصر وانا لسى بأول درس... لا وبعد جالسه ترتب غرفتها,,ابغى اعرف هالانسانه ماتتعب من شي اربع وعشرين ساعه تشتغل.. ام فهــد : ولا يهمك انسيها دروسها اللي حفظتها الحين كلها,,, عبير انبسطت واخيرا لقت احد ينكــد على نوره,,, .. .. .. فتحت ام فهــد الباب على نوره : ماشالله وش هالسناعه اللي نزلت فجــأه عليكـ,,, نوره خافت من هالصوت ((بسم الله وشفيهم اليوم بس ينطون بوجه الواحد فجـأه)) : اهليين خالتي حياكـ.. ام فهــد تفشلت : اقول بدال ماشالله نزلت عليك السناعه اذا خلصتي روحي رتبي غرفة سلطان هي عارفه مرام وعبير مايحبونهم يدخلون الغرفــه مالقت غير غرفة سلطان... نوره: ان شالله هاذا انا خلصت الحين بروح لغرفته.. ام فهــد بتطلع شياطين راسها من هالبنتين..عليهم اسلوب يخلي الواحد يتفشل وهو يكلمهم,,, طلعت من الغرف ووراها نوره,,, نزلــت ام فهـد من الدرج والتفت رجلها فجــأه وطاحت من طولهــا : ااااااااااه,,,رجلــــي اآآآآه,,, عبير لما شافت شكل امها شلون طاحت ماتت من الضحكـ,,,ماقدرت تمسك نفسهــا<<مشكلة اهلهم مازرعوا الرحمه بقلوبهم امــا نوره كانت بتضحـك,,بس لما شافت الحرمه تصارخ كسرت خاطرها وركضت عندها,,, مسكتها نورها وساعدتها على الوقفــه,,, نوره : شوي شوي خالتي لا تمشين عليها عشان ماتالمك اكثــر,,, ام فهــد : عبيير تعالي ساعديني نوره ماتقدر لحالها,,, عبيــر : ههههههههههه ماما شكلك تحفففه تمنيت جوالي معي عشان اصوركـ...ههههههههههه لحظه لحـظه اجيكم,, جت عبير ومسكت ايد امها الثانيــه,, اما أم فهــد انصدمت شلون بنتها تضحكـ عليها وقدام نوره بعـــد,,,, دخلوها غرفتها عبير طلعت على طول : سوري ماما سمعت نغمة جوالي,,, اما نوره وقفت ماتدري وش تسوي لزوجة عمها اللي تتأوه من الألــم,, ام فهــد : وش فيك بعد انتي تناظريني كذا,,,,اكييد شمتانه فيني...اااه ااه نوره : لا حشا وش اتشمت فيكـ..انتي بحسبت امي,,بس انا مو عارفه وش اسوي... ام فهــد : ااه,,روحي ناديلي مرام بسرعــه,, نوره : ان شالله دقايق بس.. .. .. .. نوره تطق على مرام البــاب : مرااام مراااام,, مرام : نعـــــم نوره : تعالي امكـ طاحت من الدرج والحين هي بالغرفــه وتقول نادي مرام,, مرام : اووف طيب قوليلها شوي وجايه,,معي مكالمه الحين,, .. .. .. رجعت نوره لزوجة عمهــا : تقول مرام بعد ماخلص المكالمه بجي,, ام فهــد : اوف من هالبنات ماجتهم المكالمات الا لما طحت,, نوره: طيب تحبين اكمد رجلكـ,,,يمكن يخف الألـــم,,, ام فهـــد من شدة الألــم تبغى اي شي يخففه : يالله كمديها نشوف وش يصير,, راحت نوره وجابت منشفه وحطت عليها مويه دافيه,,وجلست تكمد ساق زوجة عمها,,, ام فهــد حست الالــم بدا يخــف وارتاحت على اللي تسويه نوره,, وبعـــد التدليكـ نامت,,,, .. .. .. .. .. .. .. بعــد المشــوار الطويل اللي اخذ من وقتهـــم اكثــر من 3 ساعات ,,,وقفوا عند كوفي شوب عشان يريحو شوي,,,لأن وراهم ترتيب لأغراض وليـــد,, تــركـي : ياخي وبعدين معــكـ,,,اللي يسمعكـ يقول مو شايف خيــر.. وليــد : ترووك اناشفت بنات كثير..بس هالبنت عيونها تحكي... فيها شي غريب,,تخليكـ تسكت وتناظرها,, تركي : والله اللي يسمع هالتعبير العذب يقول انك جالس معها اكثر من ساعه,,ترا كلها خمس دقايق وليــد : ادري والله,,بس عيونها ماراحت عن بالي,,احس اني اعرفها ونظرتها لــي ماجت من فراغ تركي : واللي يرحم والديك لا تسوي فلم هندي هنا,,تراني مو ناقصك.. وليـــد : ااااه ياقلبــي..ليتني اشوفها مره ثانيــه,, تركي : لا تخاف بتشوف احلى منها بعـد....بعدين انت ضامن ان البنت حلوه,,يمكن بس عيونها الحلوه,, وليـــد : انا ماهمني الجمال كثر ثقل البنت وثقل نظراتها,, تركي : الله,,الحين النظرات فيها ثقل وخفه,,؟! والله ماعندك سالفه وليــد : اسمع,,,بعض الناس تجيك نظراتهم فاهيــه,,يعني فيها فراغ,,,وبعضهــم تجيك ملقوفه يعني تناظر كل شي قدامها والصنف اللي اعشقه هو النظره الثقيلــه..تحس من نظراتهم الثقل والهدووووء تــركي : تصدق حسيت اني جالس مع استاذ علم نفــس.... وليــد : اقول لا يكثر واطلبلنا شي نشربه,,, تــركـي : افا قفلت الاخلاق,, دق جوال وليد وكان المتصــل خــاله خالد .... وليـــد : هلا والله بخويلــد... خالد: وش خويلد..انا خالكـ ياورع...المهم كيفكـ..وكيف الوالده,, وليد : الله والخال..ايوا قلت الوالده...على مااضن انها اختكـ وانت المفروض تروح تسألها عن اخبارها.... خالد : اقوول اقلب وجهكـ...الشرهه على اللي مكلمكـ..... قفل خالد الخطـ...ووليد ضحكـ على خاله اللي بسررعه يتنرفز وليد: ههههههههه ماعنده وقت هالخال على طول قفل بوجهي تركـي: مالومه والا هاذا اسلوب تكلم خالك فيه وليد:ههههههههههههه جاك الثاني..قال ايش قال خالكـ..اقوول نسيت اني اكبــر منه بشهر..هههههه تركــي: اقوول لحد يهايط عندي...وش تشرب,,,, . . . . . . . . . . . . . سجـــى : وين النااس,,,البيت هادي.. سلطان: مليون بالميه امي نايمه,,,ولا بهالوقت دايما تجلس بالصاله,, نواف : انا طالع غرفتي ارتاح ...سجى خلي اغراضي عندك بجي اخذهم الساعه 9.. سجــى : اوكي.....بس تعال لاتنام عشان تتعشى... سلطان : انا بروح اكل....قبل لا يبرد اكلي ..تعالي سوسو معي سجــى : لا انا بطلع اغراضي للغرفه....وعلى طريقي بشوف نوره والبنات طلعت سجــى الغرفــه وحطت اغراضها واستغربت مالقت اختها...خمنت انها عند عبيــر.. راحت لغرفة بنات عمها وطقت الباب... مرام: مييين سجـى: مرام نوره عندكـ مرام : لا جتني قبل نص ساعه ومادري وين راحت.. سجـى : طيب اذا جوعانه ترا جبنا معنا اكل من المطعم لكـ...انزلي واكلي عند سلطان تحت مرام : مشكوره انا اكلت.. .. .. .. هاذا حال مرام مع بنات عمها ماتحبهم يجون عندها بالغرفــه...تفضل يكلمونها من ورا الباب.. راحت سجـى تدور بالغرف ومالقت نوره.....شافت عبير جالسه بالصاله وتكلم بالجوال... سجــى : عبير شفتي نوره.. عبير تهز راسها بالنفـــي,,ومالها خلق تحكي معها....حتى ماقالتلها انها عند امهــا سجــى خافت ((ويين اختفت نوره,,,بروح ادورها بغرفة نواف او سلطان)) مرت من عند غرفة زوجة عمها لمحت نوره جالسه على السرير وزوجة عمها نايمه.....استغربت وش عندها نوره جالسه بهالغرفه,,,!!! دخلت الغرفه ونادت اختها بهمس.. سجــى : نوره,, نوره لفت على سجى وقامت لأختها,, نوره : اهليين..وينكم تأخرتوا كثير سجى اشرت براسها على زوجة عمها : شفيها؟؟ نوره بصوت واطي عشان ماتسمعها: نزلت من الدرج والتفت رجلها وطاحت...شكل رجلها ملتويه مو مكسوره لأنها مانتفخت كثيـــر,,,بعدها ضحكت نوره ضحكة شماته بس بصوت واطي ضربتها سجى على كتفها بخفة: هيي انتي عيب تتشمتين,,,بعدين وين بناتها عنها,, نوره : والله كل وحده مسكت جوالها وطايحتلها بالسوالف,,وتاركين امهم تتوجع هنا سجــى : حرام خلينا ناخذها للمستشفى اخاف كسر..بعدين تتشوه رجلها,, .. .. سجــى راحت تصحيها : خالتــي ....خالتـــي,, صحت ام فهد على صوت سجى الواطــي,,وجلست تتأوه من الالم اللي رجع فجــأه : ااه يارجلي بموووت من الالـــم سجــى : طيب خليني اوديك للمستشفى عشان نشوف وش فيها,,يالله قومي معـــي.. مسكـــوهــا سجــى ونوره وساعدوها تلبس عبايتها,,بعدها نزلت نوره تقول لسلطان يكلم السايق يجهز السياره,,, وطلعت سجى وسلطان وام فهد للمستشفــى,,,, . . . . . . . . . جالــس بمكتـب المحــامـي ومو مصدق الكلام اللي يسمعــــه... ابــو فهــد : ياأستـــاذ محمد انت لازم تحاول مره ثانيــه...مو معقوله كل هالتعب ولا نطلع بنتيجــه,, المحامي بضيقــه : والله يابو فهد انــا عملت كل اللي اقدر عليــه..ومثل مانت شايف الموضوع فوق طاقتــي هاذا قاااانون..عارف يعني ايش قانون..يعني لا انا ولا عشرين مثلي يقدر يمكر عليــه.. ابو فهد وللحين عنده امـــل : مو مشكله انا بطول البال وماراح ايأس من الموضوع محمد الله يعافيكـ حاول لا تجلس كذا وتقولي هالكلام اللي مايودي ولا يجيب...حاول منت خسران شي.. واتعابك راح توصلك بالريال الواحد لاتخاف,, المحامي : ابوفهد انا ماهمني الفلوس,,,وانت عارف من البدايه اني رافض مثل هالقضيه اللي خسرانه من بدايتها..بس عشان خاطر ابوي وصداقتكم قبلت اشتغل فيها,,لاتضغط علي اكثر من كذا... ابو فهد : والنعم فيك وفي ابوك..هاذا العشم فيكم...ياولدي خذ وقتك بمتابعتها انا راح انتظر لو بعد خمس سنين بس اهم شــي نطلع بنتيجه.. المحامي : يصير خير..انا الحين مرتبط مع الشركه اللي اشتغل فيها ومعي موعد مع صاحبها...اذا خلصت شغلي بتصل فيك وبردلك خبر اذا في امكانيه نستمر بالقضيه ولا لأ,,, ابو فهد : مو مشكله اللي يريحكـ....يالله استأذن انـــا,,,وبانتظار اتصالكـ.. .. .. .. .. طلع ابو فهد وهو متضايق..معقوله يطير البيت منه وينكتب بأسم عيال اخوه الثلاثــه.. ((انا لازم القى طريقه احل فيها الموضوع بعيد عن المحاكم والقضايا وهالخرابيط...عيال اخوي وفي بيتي لازم استغفلـهــم واخذ البيت)) . . . . . . . طلعـت من غرفتهــا بعد ماحست بهدوء البيت..((وين اهلي ماسمع صوت لاحد منهــم,,!)) شافت عبير جالسه بالصاله وتشرب عصير وتناظر بالتلفزيون,,, مرام : عبير وين امي والبنات مالهم صوت هنا,,, عبير بلامبالاه : والله مادري بس اتوقع انهم اخذو امي للمستشفــى,, طلعت نوره من غرفتها وقابلت البنات بالصالــه نوره : للحين مارجعو من المستشفــى,,, عبيــر: اتصلي بأختك واسأليها عن ماما لايكون سوت فيها شي بس واستغلت ضعفهــا.. مرام ناظرت بعبير وودها تقتلها..تكره غرور اختها..واصلاً ماتحس باحساس الاخوه تجاهها,, مرام : لا لسى مارجعــوا....نوره كلمي سجى واسأليها عن امي وش سوت,,, نوره: ماعندي جوال من وين اكلمها,,, مرام ماودها تعطيها جوالها عشان سجى ماتعرف رقمها : عبير عطيني جوالك نتصل نسأل عن ماما,, عبير لفت على اختها : وليش ان شالله مو جوالكـ...اسفه انا انتظر مكالمه مهمه مرام : عبير جوالي مقفل مافيه شحن..خلصيني وبلا دلــع,, عبير تأشر بأصبعها بالنفــي وبغرور : نـــو اي كانت.. مرام بطفــش قامت وسحبت الجوال من قدام اختها وخذته بكل عصبيــه : اقول هاتي بس ومدته لنوره : يالله اتصلــي بسجى.. عبيــر تنرفزت من حركة اختها : لا ياشيخه جدار قدامك تاخذين الجوال مني بدون استأذان مرام اكتفت بنظره عطتها اختها عشان تسكت هي مو فاضيه لهالبزر المغرور,, عبير ماقدرت ترد..تخاف تتكلــم وتفشلها اختها بتصرف بايخ من تصرفاتها الغريبه,,,, : الو سجــى...وينكم تأخرتــوا,, : طيب وش سوت خالتي..وش طلع معها : زين الحمدالله..اهم شي ماطلع كســر,,, : اوكي لا تتأخرون,,,,باااي مرام : وش قالتلكـ..؟ نوره : تقول تأخرنا عشان ناخذ اشاعه للساق...بس الحمدالله ماطلع كســـر..تقول التواء بسيط عبير : التواء وامي مكبره الموضوع ورايحه للمستشفى وش عندها... مرام حست بسخافتها هي واختها...كيف يتركون امهم تتألـــم وبنات عمها هم اللي قامو بالواجب.... ماقدرت تتكلم او تقول شي..قامت ودخلت غرفتها وقفلت الباب كالعاده... نوره مستغربه سكوت مرام...تحيرها هالبنت لا تحكي ولا تتهاوش معهم مثل هالحيه وامها..بس الغريب انها عمرها كله ماسولفت معهم او جلست معهم بمكان واحـــد,,,,, عبيــر : انتيي هيييي عطيني الجوال..ولا عاجبك الوضع وحابه تكملي مكالمات,,! نوره حطت الجوال قبالهــا على الطاولــه ودخلت غرفتها بدون لاترد عليهــا,,, عبيــر : الله ياخذك ويريحني من وجهك العفــن,,, . . . . . . . . . . مـــر اسبوعـــين والأحوال ماتغيـــرت...يمكن تحسنت شوي مع العـــم عشان موضوع البيت....وزوجة العـــم ماأثــر فيها وقفت سجى واختها لما طاحت ولا حرك فيها شي...بالعكس تشوف ان هاذا من واجبهم تجاهها...بس اللي عور قلبها اهمال بناتها لهــــا امــا البنات....نوره وسجــى ومرام مقطعين نفسهــم بالمذاكــره,,باقي على اختبارات الجامعه اسبوع اما المدارس باقي عليها اسبوعيــــن,,,,, وعبيــر مكبره المخده وساحبه على ام الدراســـه,,لأنها ضامنه النجـــاح,,,,, .. .. بالجـــامعــه وتحديدا باحد كلاسات طالبات الحاسب.... اميـــره : اقولكـ هاذا كتاب سجــى ... شفيك مو مصدقتنـــي..!؟ هنا : وانا شدخلنــي...من قالها تضيع كتابها..انا اللي لقيته طايح وهو الحين من حقــي... اميــره : هنووو ياقلبي انا اميره مو هندي تلعبين علي..الكتاب كانو معلنين عنه بالكوبي سنتر ليش النصب..؟! هنا : بكيفك لاتصدقين,,,وانتبهي تحكي لسجى عن الكتاب..صدقيني ماراح يصيرلك خيـــر... اميــره : طيب اذا انتي ودك بالكتاب عشانه مشروح وواضح..ليش ماتصورينه وتعطينه صاحبته..والله حرام تحرمين البنت من كتابها.. هنا : نو نو ماراح اصورها..انا احب الاصل ماحب الصــوره,,, اميره يأست من صاحبتها ,, راسها يابس واللي تبغاه تسويه ولا عليها من احد..... جلست تفكر كيف تساعد سجى المسكينه ,,,مستحيل تتخلى عنها لان سجى طيبه معهم ودايما تساعدهم اذا احتاجو شي في الدراســــه.. . . . . . داخل صالة من صالات القصـــر ,,,اللي بأحد احياء الرياض الفخــمه... وليــــد جالس بالصالــه مع اهلــه لأن موعد الرحله اليوم بالليــل,,وضايق صدره واللي يشوفه يقول بيروح للموت مو للدراسه.. محمــد : خلاص ياوليد فلها وربك يحلها..اللي يشوفك يقول هموم الدنيا على راسه.. وليد : يحقلك تقول هالكلام...جالس ومرتاح واهلك حولك..مو انا المسكين اللي بيتغرب عن اهله,, ام محمد مسحت دمعه نزلت من عينها,,,ولدها غالي على قلبها وصعب عليها تفارقه وليــد : انا طالع لغرفتي بنام شـــوي,,,وراي سفر وانا مانام بالطياره... ام محمد : اجلس معنا...لاحق على النوم يمه,, وليد : ماراح اطول ساعتين وبصحى...عن اذنكـــم,,, محمد : يمه وين ابوي تأخر...هو ماقالكم بيتغدا هنـــا... ام محمد : لا ماقال شي...وبعدين ليش ماجبت زوجتك وبناتك معك..اشتقت للصغار.. دانا : اي والله ميته اشوفهم والله من زمان عنهم.. محمد : الظاهر تعرفين عنوان بيتهم يادانا ولا محرمه دخول بيت اخوكـ... دانا : لا شدعوه بس الاختبارات قربت وانت عارف النفسيه لكـ عليها هاليومين.. ام محمد : وين اختك ليش مانزلت تجلس معنا,,؟ دانا ارتبكت..شكل امها ماتدري ان هنا طالعه من بدري : هاا مادري عنها يمكن نايمه,, ام محمد : هالبنت ماعاد اشوفها..الله يستر لاتكون تطلع من وراي وانا منبهتها لا تطلع... . . . . . . سجــــى تحوس بغرفتهـــــا...وتدور وسط الادراج, : يالله وين اختفى هالكتاب,,, نوره وهي تدور مع اختها : انتي متأكده انها رجعته لغرفتكـ... سجــى : يعني وين بتوديه اكيد بترجعه هنا,,,انا بروح اسألها واشوف.. طلعت لغرفة زوجة عمها...وطقت الباب.. ام فهــد : تفضل. سجى فتحت الباب ولقت زوجة عمها تكلم بالجوال..... سجى : خالتي ممكن اسألك عن حاجه,,, ام فهد : يالله نوف اكلمك بعدين.. ها وش عندك..؟ سجى : خالتي ابغى اسألك عن كتابي اللي اخذتيه مني هذاك اليوم.. ام فهــد : اي كتاب انا مااخذت منك شي.. سجــى تحسبها ناسيه قالت اذكرها : يوم كنت بالمطبخ وجيتي واخذتيه مني عشان اشتغل,,, ام فهــد بخبث : اهاا تذكرته اللي اخذته منك يوم الجمعه..بس والله مدري وين قطيته..روحي دوريه بالبيت يمكن تحصلينه والا تعالي..اسألي عنه بالجامعه يمكن ضيعتيه هناكـ....ولا مايسوون اعلانات عندكم عن المفقودات..!! سجــى : اكيد بسأل اذا ماحصلته بالبيت... طلعت سجى وعلى بالها زوجة عمها ناسيه وين حطت الكتاب وجلست تحوس بالبيت لما تعبت...وماله اي أثـــر,,,, . . . . . . . دخل غرفته يبغى ينام كم ساعه عشان يريح...كان سهران امس مع اصحابه واليوم صحى بدري..لأنه من الاساس مانام زين,,, بس وينه ووين النوم وهو يفكــر وش بيسوي اذا راح بريطانيا..وكيف بيعيش لحاله بشقه.. حاول بأبوه يدورله احد يسكن معاه,,بس ابوه رفض يبغاه ينتبه بدروسه ويترك عنه الصداقات,,,, جلس يفكــر ويفكــر الى ان استسلمت عيونه للنــــوم,,,, . . . . . جالسه في كلاسها وضايق صدرها من كلام الأستاذه في المحاظــره... ((الاستاذه : اسمعوا يابنات انا نبهتكــم قبل كذا..والحين بعيد كلامي بس للتذكيــر...اللي ماكتبت معي طوال الترم صدقوني ماراح تقدر تحل ولا كلمه وحده,,واعتقد انكم جربتو اسألتي الترم الماضي ومايحتاج اعيد كلامي كل نهاية فصل,,,وانا متأكده ان مافيه بنت فيكم ماكتبت معي لأن شرحي واضح وبيساعدكم على فهم الماده اكثر من الكتاب)) قطع عليها تفكيــرها زميلتها بالكلاس... اروى : خير سجى وش فيك جالسه لحالك وشايل هموم الدنيا على راسكـ.... سجى : هااا..لا سلامتك مافيني شي,,بس تعرفين الاختبارات قربت وضايق صدري مره,, اروى : شدعوه سجى اللي يسمعك يقول ماتدرسين ابد...الحمدالله احنا كدفعه كامله مستوانا افضل من باقي المستويات,,, سجى : اروى ممكن اسأل عن شي..؟! اروى : اكييد.. سجى : انا صارلي فتره تقريبا اسبوع او اكثر فاقده كتابي تبع مادة يوم السبت,,,وخايفه يجي الاختبار وهو مو عندي... اروى : اجل مو انتي اللي اخذتيه من التصوير,,!! سجى بإستغراب : وش اللي جابه للتصوير,,؟! اروى شافت اعلان الكتاب وفكرت سجى اخذته لما شالو الأعلان : والله انا شفت اعلان قبل فتره عن كتابك ومكتوب اسمكـ.. ولما رجعت اليوم الثاني مالقيت الاعلان وتوقعتك انتي اللي اخذتيــه,, سجــى تحس ان تفكيرها انشل ومو قادره تفهم شي...وشلون كتابها يطير من البيت للجامعه ويسوون عنه اعلان وهي ولا تدري عن الموضوع : طيب انتي متأكده انه اسمي مو وحده غيري,,, اروى : متأكده ونص,,, سجــى : اوكي انا بروح للكوبي سنتر وبتأكد بنفسي,,,, طلعت سجى من الكلاس وصادفت وحده معاها ,, اميره : مرحبا سجــى! سجــى ناظرت بأميره وهي تفكــر ومو معها ابد.... اميره تأشر لسجى : سوسو شفيكـ انا اسلم عليك ليش ماتردين,,!! سجى انتبهت باللي تكلمها : اهلين اميره...كيفكـ..؟! اميره :تمااام,,,شفيك سجى انتي مو على بعضكـ...!! سجى : اميره انتي شفتي الاعلان اللي بالتصوير على كتابي,,!! اميره ارتبكـت,,,شلون عرفت سجى ان كتابها معلنين عنه :هاا..امممم..سجى انا جايتك عشان هالموضوع,, سجى ناظرت بأميره بشكـ...معقوله هي اللي اخذت الكتاب..وبنفس الوقت انبسطت ان شالله كتابها رجعلها,,هي مو ناقصه ترسب بالماده : كتابي عندكـ..؟!! اميره : تعالي نجلس هنا عشان اشرحلك الموضوع كلــه.. جلسو البنات قبال الكلاس لأن عندهم محاظره بعد ربع ساعه.... اميره : سجى كتابك كانو معلنين عنه في التصوير...وجت وحده من صحباتي واتوقع انك تعرفينها زين...هنا ال.. اخذته الكتاب وجلست تتصفحه ودخل مزاجها الشرح والتوضيحات اللي فيه..عطت مسؤلة التصوير مبلغ يعني ترشيها وطلبت منها تشيل الاعلان وتقول ان صاحبة الكتاب خذته,,,وانا صارلي فتره احاول فيها ترجعه لك.بس هي مارضت..وهددتني لو احكيلك شي عن الكتاب.. عشان كذا انا اخذته منها بدون لاتنتبه وصورته لكـ....والله ياسجى اني منحرجه منك على حركة هنا..بس انتي تعرفينها زين وتعرفين اهلها... لو عاندناها ووقفنا بوجهها بترمينا ورى الشمس,, سجــى دمعة عيونها على العجز اللي هي فيه...معقوله فيه ناس الظلم يمشي بعروقهم لهالدرجه..مافي قلوبهم اي رحمه.... مالها الا النسخه اللي جابتها اميره,,هاذا اللي تقدر عليه : ع العموم يااميره مشكوره وماقصرتي انتي مالك ذنب عشان تنحرجين.. بس صدقيني الله ماراح يوفقها على اللي عملته,,ماقول الا حسبي الله ونعم الوكيل.... اميره خافت على صاحبتها هنا من دعوة سجى عليها...مهما سوت بتضل صاحبتها من ايام الطفوله,, اميره : الله يوفقك ويسرلك المذاكره...يالله خلينا ندخل قبل لا توصل الأستاذه,, . . . . . . . . ودي اكــون اي شخص ثاني اي شخص عابر والتقـــاكـ.. وباسألك وش منك جاني...بالمقابل شاللي جاكـ صحى على صوت جواله...وهو ماله خلق يصحى من النوم مانام الا كم ساعه وراسه مصدع,, : الوووو تركــي : مسااء الخيير..اقول يابوالشباب اللي يشوفك يقول ماوراه سفره طويييييييييييله,,, وليــد يتأفف تذكر انه اليوم بيسافــر..ناظر بالساعه باقي بس ساعتين على موعد الرحلــه : اوووه تأخرت يالله تروك انا مايمديني البس واتجهز,, يالله يالله قفل الخط مو فاضيلكـ.. تركي: اعوذ بالله ياخي عدل اسلوبك معي انت ماراح تشوفني لمدة سنتييين..اهون عليك تروح وانا زعلان,, وليد : تركي اختصر وش تبغى.. جد والله انا راحت علي نومه واهلي ماصحوني.. تركي: انا تحت بمجلسكم انتظــرك انا والشباب..بنروح معك المطار.. وليد يخفي شوقه لأصحابه مايقدر على فراقهم وبالذات تركــي : خلاص دقايق واكون عندكم.. قفل من تركي....سمع صوت الباب.. :ميييين ام محمد : انا امك..وليد ابوك يسأل عنك يقول انك تاخرت,, : يالله هاذا انا اتجهز,,, نزلت ام محمد تحت عند بقيت العايله اللي منتظرين وليد عشان يسلمون عليـــه... خمس دقايق الا وليد وراها ولابس ومعاه شنطة اللاب توب... وليــد وهو واقف قريب من الباب : مساء الخير الكل باصوات متفرقه : مساء النور,, ابو محمد : وش عندك واقف تعال اجلس مع اهلك..بعد ربع ساعه بيوصلك محمد للمطار,, وليــد : مايحتاج يوصلني محمد..تركي والشباب بالمجلس ينتظروني,,مابغى اتأخر عليهم.. ام محمد والدموع غطت وجهها : افا ياوليد ماتبغى تسلم على امك قبل لا تطلع.. وليد كان خايف من هالمواقف..يكره الوداع وهالسوالف..يحاول قد ماقدر انه يكابر ومايبين شي لأهله : ولو يالغاليه وانا اقدر.. بس قلت بروح اسلم على الشباب واعطيهم اغراضي وارجعلكــم,, راح عند امه وباس راسه وجلس بجنبها,,, نطت دانا بجنبه وجلست تسحب شعره بقووه <<فاهمه السلام غلط : بشتاقلك ياوجه البومه,, وليد : يابنت قطعتي شعره,,,بومه بوجهكـ...انتي متى بتتعلمين الذوق,, دانا : هههه لما تتعلمه حظرتك راح استفيد منه,, هنا وهي نازله من الدرج : هاااااااي,, ام محمد : انتي وينك من اليوم مختفيه ماشفتك..! هنا : من رجعت من الجامعه وانا نايمه,,,وتوني اصحى الحين...الا صحيح وليد اليوم بتسافر..!! وليد فتح عيونه للأخر معقوله اخته ماتدريي عن موعد سفره: اييه اليوم... هنا وبكل برووود : يالله ياوليد راح نشتاقلكـ.. ابو محمد : يالله خلو الولد يروح لايتأخر على الطياره,,, وليــد وقف وسلــم على ابوه وبعدها على اخوه محمد....وراح لأمه اللي ماعطته فرصه يبوس راسها,,ضمته وهي تبكــي,,,, وليد : يمما خلاص لا تخليني اهون واسحب على ام الدراســه...!! ام محمد : بيفضى البيت من بعدكـ.... ابو محمد : الله اكبر..كلها سنتين وفيهم اجازات,,,وانتي بنهاية الصيف بتكونين عنده,,, وليد تضايق من برود ابوه..معقوله ماهمه غيابه..!! سلم على باقي اخوانه...وطلع من البيت وراح عند اصحابه اللي واقفين ينتظرونه عند سيارة تركــي,,, .. .. .. وليــد : يالله تاخرت خلو السلام لا طلعت للطياره,, تركي : الله يستر من عجلتك...حتى سلام مثل الاوادم ماسلمت,,اعوذ بالله وليــد:ياخي وش تبغى مني انت,,, لاحق على وجيهكــم... وليد متضايق وماحب يضايق ربعه اللي معه...وهم ماقصرو فيه ماسكتوا من الكلام اللي يعور قلبه,,, واقفه قبال السوبر ماركت تنتظــر العامل يطلع الاغراض للسيــــاره.....لفت يمينـــها شافته مار ومعه كيس صغير بيده فز قلبهـــا وابتسمت لـــه....تحس قلبها بيطلع من كثــر مايدق بسرعه,, انتبـــه فيها وابتسم مجاراة لأبتسامتها وهو مستغـــرب!!! مر من قدامهـــا وطلع للسيــــاره... # نهـــــاية الفصــل الثانـــي # |
حوري
حياج الله بليلاس عنوان حلو..وشكل القصه حلوة..والاهم وجود هوب لايت..وبنت خالة نفووس..من المتابعين..ولا ننسى ام لولو طبعا..كل هذا يشدني لقراية القصـه..يسلمو عالبارت..وان شاء الله لي رجعه مع التعليق.. همسة:غيري الستايل من الافتراضي للتجريبي من آخر الصفحة عاليمين..لانه بدون اعلانات:) |
السلام عليكم ....... هلااا اختي حوريه اسلوبج راااائع والشخصيات بعد حلوة .... اكثر شي لفت انتب هي معامله العم لعييال اخوه شلون ربي نزع من قلبه الرحمه خصوصاً انهم يتاما.... ليش يكرهم ؟؟؟؟؟ اهم شي حبيبتي المزرعه... خخخخخ <<<<هذا مال يتاما |
السلام عليكم..
ما شاء الله بداية حلوة..واسلوب احلى..والاحلا من هذا كله..ان بارتين باليوم..وان شاء الله يكون دوم:)..يسلموو حورية ما قصـرتي.. وليـد يمكن من كثـر ما يكلم بنـات..قام يشك بخواته..وانهم نفس الي يكلمهم..ماحبيت..شلون انه ما يبي احد يكلم خواته..واهو عادي يكلم بنـات النـاس..اممم..هل هو الي شاف حادث بو نواف..او لا..شكيت صراحة:)..لقاءه مع سجى..صدفة او بيتكرر..وسفره..شرح يصير فيـه..! عبيـر ودلع امها لهـا..سبب بوقاحتهـا..وعدم احترامهـا للناس..وللمكان الي هي فيـه..بعد..عدم احترام لامهـا..حتى يوم طاحت ما خافت عليهـا..ولا شي..بالعكس قعدت تضحك عليها...ماتبي نورة تاخذ موبايلها ليش..في شي ماتبي احد يشوفه مثلا..! مرام وشلون انها تحب تبتعد عنهم..ولا تحب تختلط فيهـا..مع هذا..ما تحب تأذيهم..وسالفة الرقم..هي بس وخرت الاذى عن نفسهـا..وكانت الضحية سجى..فيها طيبة..بس مادري..احس مالها خلق مشاكل.. فتوخر عنهـم احـسن.. هنـا والي تكلمه..سبحان الله..هو يكلم خوات الناس..يه من يكلم اخـته.. نواف وعدم تعبيره عن مشاعره..وسكوته الدائم..ان شاء الله بعدين يطلع منـه شي.. سجى والعيشة الي عايشتهـا..معاهم..وكأنها خدامة..الله يعينهـا..وان شاء الله تييب اعلى الدرجات..وتقهـر الحيـه..مرت عمهـا.. مرت العم هالمرة طحتي..وبس التواء..ثاني مرة ما تدرين شصير فيج..معاملة بناتج لج..بسبب تربيتج مو اكثـر..والياي الله يسـتر منـه..تدرين حوري..طول البارت..وانا ودي ادخل واذبحهـا..:) بنووتة |
حوريتنا الأمورة... الله يسعدج ويونسج بالعافية.. بارتين طوال ورا بعض الله يعطيج العافية.. ماشاء الله تبارك الله... دوم موب يوم
يعني موب تعلقينا في القصة وعقب مانشوف إلا غبرتج ثايرة واحنا نركض وراج مثل ذاك الفيلم الأميركي يوم الولد هاج.. والعرايس يركضون وراه في الشوارع خخخخخخخ <<< لا تاخذين على خاطرج ترا وخويتج مزوحية المهم ياغلاي.. خلاص عرفنا الشخصيات ودخلنا معهم وحسينا بأحاسيسهم والفضل لأسلوبج الحلو في التعريف فيهم.. الحين ابدي حركي الأحداث..نبي نشوف الأكشن فيه شيء لفت انتباهي في البارت الثاني.. تدرين غلاي أنا عندي لازم لكل حدث يصير نتائج ترتب عليه عقب يعني هنا خذت كتاب سجى.. هل بس خذته عشان تدرس فيه؟؟ ما أتوقع أنه كذا وبس.. او كان الكتاب خذته أي وحدة.. بس إنه هنا أخت وليد هي اللي خذته أكيد لهالشيء علاقة.. وليد الحين سافر.. أشلون وقصة الحب المفترضة مع العيون الرمادية؟؟ ما تلاحظين إن كل بطلات القصص عيونهم رمادية.. وش سر تعلق الكاتبات بهاللون.. مع إن عمري ماشفته على كثر ماسافرت وشفت عيون ملونة.. حوريتي ناطرينج غلاي.. ولازم تأدبين أم فهد وأبو فهد وبنتهم النسرة الصغيرة... باطين كبدي بنت الخالة |
$ الفصــــل الثــــالـــث $
##تكفـــــــــى طلبتكـ يازمن...يكفينـــــــي جرووح## مر اسبـــوعين على حياة الابطـــال وطبعآ الكل حالته النفسية تعبانــه من الاختبارات وهمها الا طلاب الجامعات اللي هاذا اخر اسبوع لهم,, عكس المدارس اللي توهم يبتدون... .. .. لبست وتكشخت..مبسوطه اليوم الثلاثاء اخر اختبار عندها وبترتاح من الجامعه....لفة طرحتها بإهمال لأنها ماتتغطــى,,,طلعت من غرفتها وواجهت امهــا قبالهـــا ام فهد: على وين ان شالله؟؟ مرام : بطلع اشم هوا مع صحباتي,,وش يجلسني بالبيت والكل يدرس ام فهد: طيب ماقلنا شي..بس انتي مااستأذنتي لا مني ولا من ابوكـ....! مرام عوجت فمها : وانتم بالاساس سائلين عنــي...ماعندكم الا سلطان وعبير..ولا انا اروح واجي من الجامعه ولا تسألوني وش سويت.. ام فهـد مالها نفس تتناقش مع بنتها..وطبعا من زود الاهمال اللي فيها تركتها تطلع ولا حتى استأذنت من ابوهــا,,, .. .. .. طلعت مرام برا البيت,,وكانت صاحبتها تنتظـرها عند الباب,, مرام: سوري تأخرت عليكـ... نوف : لا عادي,,,بس لما كلمتك قلتيلي عند الباب,, مرام : ايوا ماما مسكتني تقولي اخذي الاذن ومادري ايش,, نوف : اقول لا يهمونكـ.....أهم شي تنبسطين..يكفي اسبوعين ضغط مرام : من جد...مو حاسين فينا,, نوف : يالله اكبــر روح للمجمع,, تحــركت السياره لاحد المجمعات بالرياض,,,واللي ماكان فيها عوائل كثير عشان الاختبارات مافيها الا شباب وبنات اللي معطل واللي عاطل ماوراه شغل,,,وهاذا هو هدف مرام وصاحبتها,,يبغون يفلونها على قولتهم,,,, . . . . . . حبك وجع بعدو معي حبك حلم هربان من قلب قلبي انسرق وبكيت ع غيابو مطرح ما كنا نحترق صار الجمر بردان والعطر عندو وفى اكثر من صحابو . . . انت لمين انت الي قلبي الك منو الي انت ملك قلبي هواك يللي بحلاك عمري حلي ......... جاالســه تسمع لاليســا وهي مروووقـــه,,,انتهت اختباراتها من امس وتفرغت للبيت ورتبته كله وزوجة عمها مالها صوت اليوم لأنها مالقت شي تنكد عليها فيه من جد كأن البيت جديد وماسكن فيه احد من كثر ماهو مرتب ونظيف .. .. نوره : مايمديني على الروقاااان.....ياهوو انا جالسه ادرس وطي الصوت بلييز سجـى وهي تغني مع اليسا وماتبغى تخرب مزاجها وطت شوي من صوت اللاب توب لأنها جالسه تسمع فيه نوره : سوسو حياتي بليييز روحي لمكان غير الغرفه..وربي مو قادره اركز.. سجى : نو نو...انتي مخلصه الكتاب وجالسه تراجعين..يعني عاادي ماراح يأثر عليك بشي.. نوره : طيب روحي عند نواف..ولا بس علي انااا,, سجى : نواف مادرس زيين..وانتي بسم الله عليك مخلصه,,,وين اروح..!! عند زوجة عمنا,! عشان تنكد علي عيشتي.. نوره : اجل بنام الحين واذا جت الساعه 10 صحيني اراجع...كذا مايمشي الحال ابد سجى : اقول كملي مراجعه وهاذي الاغنية وشلناها,,,شكلي بنزل تحت,,يالله سلاام نوره تبيها من الله : واخيراا...باااي ياعنوني .. .. .. .. .. نزلت سجى تحت ولقت زوجة عمها تحكي بالتلفون... جلست عندها وشغلت التي في ام فهـد ووجها منور وبااين انها مبسوطه من شي : خلاص ياام سعود حياكـ الله بأي وقت..البيت بيتكـ : إن شالله ابشري راح تكون موجوده..وين بتروح يعني,,!! : فماان الكريـــم,, انهت مكالمتها وسجى ساكته ماناظرت فيها حتى....((اقولها عن الخبر واقهرها,,والا اسكت اخاف تحسد بنتي ويطير العريس,,!! والله وجا اليوم اللي اتمناه ومرام بتتزوج ولا مو اي واحد ولد ام سعود بنت العز..)) ام فهد : وش فيك ساكته من جيتي لا سلام ولا شي,,!! سجى ((اللهم طولك ياروح..هاذي ماتتعب من المشاكل..!!)) :هلا خالتي,,لا ولا شي بس دخلت وانتي تكلمين مابغيت اقاطعكـ,,, ام فهد : ايييه...ها وين اختك نوره اكيد جالسه تدرس,,.!! سجــى ((بسم الله على اختي الله يكفيها شر عيونكـ ياوجه البومه)) : ايوا تدرس الله يعينهم باقيلهم 3 ايام وان شالله يرتاحون.. ام فهد : اهاا,,ونواف متى بيخلص..؟!! سجى : نواف ع الاسبوع الجاي بيخلص يوم الثلاثاء. ام فهد : وانتي متى تطلع نتيجتكـ..؟!! سجــى ((وش سالفتها هاذي مع هالاسأله,,!! يالليييييييل شكلي بطول مع تحقيقاتها)): والله كل ماده تنزل بوقت معين ماحددو لنا وقت تنزل فيه..يعني على حسب الاستاذه.. ام فهد : اييه لا تخافين ولا تحاتين النتيجه..مسكيينه مرام تقول اختباراتها هالسنه صعبه.. سجى تبغى تقفل موضوع الدراسه وتنهي اسألتها اللي شكلها مطووله : الله يوفق الجميع الا ماقلتيلي ياخالتي..منتو مسافرين هالسنه..؟!! ام فهد : ليش تسألين ..اكيد تبغين الفكه مني.. سجى : لا شدعوه..بس حبيت اسألك..لأن نواف يقول اذا بيسافرون ماراح نجلس بالبيت مثل كل مره,,بنروح لبيت خالي.. ام فهد : لا ياشييخه..ومن سمحلكم اصلا تقررون,,انسي تروحون لبيت خالكـ,,,هاذا اللي ناقص بعد.. سجى ماحبت تجادلها بهالموضوع,,لأن نواف بيكلم عمه ومتوقعين انه ماراح يرفض هي بس حبت تقهر زوجة عمها انها بتروح غصب عنها : يصير خير خالتي..اذا جا وقت سفركم نتكلم بهالموضوع,, ام فهد : لا ياقلبي ماراح نعيد بالكلام..طلعه من هالبيت مافييه والله طالت وتشمخت سجى ((ههههه..وربي رحمتك,,والله لأروح لو على موتي..خلاص كل شي له حد وصبري وصل حده بنشوف ياام فهد من بيمشي كلمته انا ولا انتي,,هههههه على بالها ماني عارفه بموضوع البيت)) أم فهد : وش فيك تناظريني كــذا,,!! سجــى قامت من مكانها : لا ولا شي..أنــا طالعه للمطبخ..تامريني بشي ام فهد حركت ايدها بمعنى روحي : لا روحي مابغى شي,,, طلعت سجى من الصاله...وام فهد ضلت مكانها تفكــر وش بتعمل بكـرا لأم سعود اللي بتزورهم العصــر..ماراح تقول لسجى وش سبب الزياره عشان ماتفشلها وماتعمل لها الحلويات وهالاشياء..بتقولها زياره عاديه...طلعت ورا سجى للمطبخ تحط عندها خبر تجهز لبكرا أم فهــد : اقول سجى..بكرا بتزورني وحده من صديقاتي ..وهي اول مرا تدخل بيتي.. ابغاك تجهزين للعزيمه..عاد مايحتاج اوصيكـ سجى صار عندها الوضع عاادي...هي اللي تجهزلهم عزايمهم اللي ماتخلص : ان شالله خالتي بس فيه احد غيرها بيجي معها,,.!! ام فهد وهي طالعه من المطبخ : ايوا بتجي معها بنتهاا,,, سجــى((صبرا جميل والله المستعان..بروح افتح النت بشوف وش بسوي لهم.. كل اللي اعرفه سويته لهاا..مو ناقصه بعد مشاكل )) طلعت لغرفتها عشان تشبك على النت.... . . . . . . . . . بريطانيا_لندن: جالس بشقته اللي مكونــه من صاله متوسطــه اثاثها مودرن الجدار لــونه رمادي والارضيه رخام باللون البيج...وفيها جلسه من الطراز الامريكي لونها ابيض وعليها كوشيات باللون البنفسجي والوردي والستاره حرير باللون البنفسجي مع الأبيض والبيج...برسومات على شكل دوائــر وعلى يمين الجلسه بمسافه فيه طاولة طعام تكفي اربع اشخاص باللون الأبيض وجلد على الكراسي باللون الرمادي....ويفتح على الصاله مطبخ صغير...وفيها غرفتين نوم يتوسطهم حمام,,, .. .. طفش من كثر ماجلس قبال التلفزيون ماترك مسلسل ولا فلم الا وتابعه حتى افلام ام بي سي3 تابعها من الفراغ اخذ جهازه اللاب توب وفتحه..يشوف ايميله من زماان عنه اول مافتح الماسن وصله رساله فوريــه من وحده عنده بالايميل.. "miss cute": مرحباا ولييد,,,كيفكـ...؟! أن شالله تكون بخير, مررا قلقت عليكـ من اول ماكلمتني وانت ماشبكت بعدها إن شالله يكون المانع خير,,,,حبيت بس اتطمن عليكـ....وبإنتظاركـ...."منار" وليد: يوووه هاذي للحين موجوده,,,وش تبغى بعد...وانا اذكر اني حذفتها,,هاذي والله النشبه. جا بيحذفها بس تراجع هو الحين بغربه ويبغى من يسولف معه.. وشكل البنت على طول "اون لاين" يعني بيستفيد منها,,,,ارسلها رساله فوريه .. &&وحشتنـــي سواليفـــكـ && : اهليين منار,,انا بخير بس كنت مشغول الايام اللي راحت ع العموم انا بأنتظار اتصالكـ...واذا لكـ وقت محدد تدخلين فيه..ارسليه لي وانا اشبكـ معكـ...ثاانكـس ياعسل على سؤالكـ..... قفل الماسن لانه ماحصل احد اون لاين,,,,, فتح المنتدى اللي هو مسجــل فيـه يشوف وش الجديد فيه....جلس ينتقل من موضوع لموضوع وكلها بالنسبه له مملــــه...لفت انتباهه موضوع في قسم "عذب الكلام" بعنواان ((احتاااجلكـ )) والكاتبه كانت بنت ...فتح على الموضوع >> {(أحتااااااااجلك)} رغم السكوت اللي نبت في ناظري رغم الكلام اللي انسجن في خاطري وابقى معك روح وجسد من المهد حتى اللحد {(احتااااااااجلك)} رغم الدموع الممطره هموم وذكرى مؤلمه رغم القساوه الظاهره وسط الليالي المعتمه حتى ولو طال الأمد ماأنسى ولاأخون العهد وإن خانني وقتي ولقيت طيفك يفارق ناظري وحبك تجاهل خافقي ..بأسابق أنفاسي.. {(وأقووووول)} ماأقوى على الفرقى أبد ???وتدري السبب؟؟؟ {(احتاااااااااااااااااجلك)} >>أعجبــه الكلام مررا ....وحب يــرد على الموضوع لأنه يستحق الردود بنظــره,,, كتب: عزيزتــي *دموع حائره* جميل ماكتبتيه,,,يدل على جمال ذوقكـ ورقة مشاعركـ... أشكــركـ على هاذا الطــرح الرائــع....واتمنــى ان تحصلي على مايحتاجه قلبكـ.... تقبلــي مروري,,,,, waleed طلع من الموضوع وقفل جهازه,,,,بيروح يتمشى شوي برا ويشم هوا. .. .. .. ودي اكــون اي شخص ثاني اي شخص عابر والتقـــاكـ.. وباسألك وش منك جاني...بالمقابل شاللي جاكـ رفع جواله يناظر بالمتصــل.. troook يتصل بك رد على طوول : هلا وغلا...حيالله هالصووت,, تركي: اووو الاخلاق اليوم اوكي...هلا فيك..شخباركـ...؟! وليد : بخير الله يسلمكـ..أنت كيفكـ وشخبار الشباب كلهم..؟! تركـي : اخبارنا تسـركـ....كيف الجو عندكم..اكيد مطر وثلج مو حنا الحر لعب فينا لعب وليد: ههههههههههه ابغى الحر اللي عندك بس افتك من هالوحده اللي تضيق الصدر... تركي : مامداك تطفش ماصارلك اسبوعين من سافرت....المهم كيف دراستك إن شالله ماشيه وليد : لا تسالني عن شي..الا اذا جا وقت الاختبار... تركي : اقوول شد حيلكـ...وان شالله بنحاول ندبر اجازات وبنجيكـ..منها نغير جو ومنها نوسع صدرك.. وليد انبسط ومو مصدق احد بيجيه وبيطلعه من الطفش اللي هو فيه : جد تتكلم...ولا بس وعود على الفاضي..!! تركي : لا جد...بس عسانا نحصل اجازات,,, وليد : واخيرآ مابغيتو تحنون علي..طفشت من الجلسه لحالي,,, تركي : اجل يالله انا الحين طالع للدوام بس قلت اتصل اتطمن عليكـ...توصي على شي.!! وليد : لا سلامتكـ...سلم على الشباب كلهم,,, تركي : يوصل..فمان الله,,,, وليد قفل من تركي وحس انه ارتاح لما سمع صوته ولا بعد بيزورونه بأقرب وقت,,,هالشي بيصبره على الملل اللي هو فيه. طلــع من شقتــه يتمشـــى ويشــم هوى....ونزل للكوفــي شوب اللي بنفس الشــارع. . . . . . . . . . بالمجمــع ولا هامها احد من اللي حولها...الميك اب اوفر والشعر نصه طالع,, اسم ان عليها طرحه,,,وصاحبتها نوف نفس الشي جالسين بصالة المطاعم يشربون كوفــي....لفت انتباهها واحد جالس ومعاه حرمه وبنوته صغيره...اعجبها الولد..من شكله باين انه ولد عز والحرمه اللي معه لابسه نقاب وعبايه على الكتف وكانت تكلم بالجوال....واضح انها يااخته او امه..لأنه مبين انه اصغر منها جلست تناظر فيه لين انتبه فيها...ابتسمت مرام ابتسامة دلــع خلت الولد يفتح فمه ويناظرها خالد((وش عندها هالبنت..جد بنات اخر زمن وجيهم قويه ومايهم احد..الحمدالله على العافيه)) بعد نظره عنها وجلس يلعب البنوته اللي بحضنه. مرام عفست وجهها,,وش فيه ماناظرها ولا حتى ردلها الابتسامه نوف:وش فيك كشرتي فجأه,, مرام : شوفي اللي جالس بالطاوله هاذي...مررا كول صح..؟! نوف: ههههههه شكلك ناويه عليه,,.! مرام : وبقوه بعد..تصدقين لما ابتسمت له صد عني...عاد انا امووت على الثقيل نوف : يمكن مو ثقل يمكن ناقد عليك وماله بهالسوالف مرام : هههههههههههههههه...حلووه ناقد عليك هاذي..حبيبتي الشباب كلهم واحد هاذا يسوي ثقيل الحين خايف من اللي معاه...بس لو كان لوحده كان شفتيه مطيح بجنبنا ماعليك اجيب راسه يعني اجيب راسه نوف : كفووووو والله,,,,قدها يابنت ابووك<<صحبة السوء لفت الحرمه اللي مع الولد تناظر وين مااشرلها...جلست تناظر بمرام ونوف أستحقرتهـم بقووه وتحمدت ربها على نعمة العقل الهنوف : خالد اتركهم عنك..هالبنات مالقو من يربيهم... يارب نسألك الستر بالدنيا والاخره خالد : هههههه شدعوه هاميني...بس حبيت تشوفيهم وتشوفين نقاصة عقلهم يالله بس ماودك نروح اكيد الوالده تحاتينا الهنوف: توكلنا على الله مشت الهنوف قبل اخوها خالد اللي جلس يحاول في بنت اخته تجي معهم..ماتبغى ترجع للبيت.... وقفت الهنوف تناظرهم : ارفعها من الارض..هاذي عنيده وبتمشي اللي براسها خالد رفعها ومر من عند البنات لأنهم جايين بالمقدمه...صرخت مرام تبغى تلفت انتباهه: ياقلبييي ع البنوووته شوفي نوف مررا كيووووت خالد لفت انتباهه الصوت ولف عليهم يناظر مستغرب...!! البنات ضحكو بصوت عالي يبغون يحرجونه قدام الناس...خالد استحقرهم ومشى وين ماكانت اخته واقفه تنتظـره نوف : هااا وين اللي بتجيب راسه,..!! مرام : اقول خليه يفارق..اللي خلقه خلق غيره...شكله مغرور ويبغاله وقت انا مو فاضيه له <<تحاول ترقع موقفها قدام صديقتها لأنها فعلا ماقدرت عليه نوف : اجل يالله نروح نكمل تمشيتنا مليت من الجلســه هنا مرام : اوكي مشيناا .. .. .. طبعا كملو هبالهم ومطاردتهم للشباب وصادفوا صديقاتهم اللي ماشين بنفس طريقهم..ومــــا طلعو الا وهم تقريبا مرقمين ثلاث ارباع الشباب من كثر ماجلسو بالمجمع. . . . . . . . . . دخـــل أبو فهــد للبيت....وماكان احد فيه..باين ان الكل مشغول.... أبــو فهــــد : شيييخه.....شييخه.. نزلت من الدرج بعد ماسمعت صوت زوجها....ماتدري ليش خافت لما سمعت صوته... ام فهد : هلا والله...متى جيت..؟! ابو فهد وهو يجلس : توني واصل الحين...وماشفت احد قدامي...وين العيال..؟! ام فهد ارتبكـت...اكيد بيفقد مرام..لأنه صارله كم يوم وهو مشدد على عياله بالطلعه من البيت : هااه_ايييه...العيال بغرفهم تعرف اختبارات ودراسه.. ابو فهــد: اييه بغرفهم....اجل قومي ناديلي سجى_ ام فهــد بلقافه: ليش وش تبغى فيهاا..؟!! ابو فهــد رفع صوته: اقول قومي ناديها لي ولا يكثر هرجك يامره..! ام فهــد فزت من مكانها: ان شالله_دقايق وتنزلكـ.....طيب اجي معها ولا لأ <<قالت كذا عشان مايفشلها قدام سجى ابو فهــد : لا لاتجيين ولا تشوفك عيني...بكلمها بموضوع خااص...يالله روحي ناديها حمدت ربها انه طردها الحين ولا قدام سجى .. .. طلعت فوق لغرفة البنات...وبدون لا تطق الباب ولا تستأذن فتحته عليهم_ نوره وسجـى فزوا من صوت الباب... نوره : بسم الله الرحمن الرحييم... ام فهـد : سمو منك الناس مجنونه ان شالله.....شايفه قدامك جني انتي..؟!! سجى ((وش عندها هالنشبه_شكلها ناويه شـر)) : هلا خالتي_حياكـ.. ام فهــد لفت لسجى قاهرتها هالانسانــه كل ماجتهم معصبه وناويه على مشكله تسكتها بردها المحترم..ودها تصير مثل اختها الملسونه عشان تبرد قلبها بهواشها: اييه_تعالي انتي عمكـ تحت يبغاكـ انزلي عنده سجــى قفلت جهازها وقامت : ان شالله ام فهــد ودها تقولها تعلمها وش يبغى فيها بعد ماتجي بس تخاف سجى تفشلها<<الفضول بيذبحهاا طلعت ام فهــد للصاله اللي فوق_وسجى نزلت عند عمهـــا تحت .. .. .. ناظــر ببنت اخوه وهي تنزل من الدرج__كيف بيقنعها تسويله توكيل عام هي واخوانها..!! شكلها بتعند وماراح ترضــى_بس اذا مارضت بالطيب بيجبرها بطريقته الخاصــه ابو فهــد : هلا والله ببنتي سجــى,,,تعالي وانا عمكـ ابغاك بموضوع.. سجــى ((سبحااان الله_ الاخلاق اليوم كويســه والنفس راضيــه_لايكون العم مريض ولا شي_الله يستر هالناس ينخاف من طيبهم ومن ظلمهم__الذيب مايهرول عبث)) : هلا فيك عمي جلست سجــى__ وبدا العم بالتمثيـــل بإتقان_بس على ميين....! ابو فهــد : ها ياسجى كيف النتيجه...ان شالله عديتي هالترم..؟! سجــى : ان شالله عمي_بس تونا مابعد نزلوا النتايج.. ابو فهــد مايدري من وين يبدا : لا انتي ماشالله عليكـ..تبيضين الوجه_الله يوفقكـ ان شالله وتتخرجين قريب سجــى للحين مابعد استوعبت هالطيبه النازله على عمها فجــأه : تسلم عمي ابو فهــد : انا بصراحــه ياسجـى ناديتكـ عشان اكلمـك بموضوع يخصك انتي واخوانكـ.... سجــى : تفضل عمي..انا سامعتكـ.. ابو فهــد : وانا عمكـ...الواحد مايضمن الدنيا_وانتي واخوانكـ امانه برقبتــي.. والله يعيني عليها_ عشان كذا ماراح اخليكم تطلعون من هالبيت لو بعد موتي_ الا اذا تزوجتي انتي ونوره ورحتو لبيت ازواجكــم...ونواف انا بتكفل فيه الين امن مستقبله بالكامــل__ سجــى : بعد عمر طويل ان شالله__وبعدين ياعمي احنا مانبغى نطلع من البيت_ انت ولي امرنا من بعد ابوي الله يرحمه ابو فهــد انبسط شوي_بدت تتفاعل معـــه وتصدق التمثيــل: وهاذا اللي ابغاه_انا مادري متى يومي_ عشان كذا ابغى ابيع بيتكم واحط الفلوس بحساباتكم عشان أمن لكــم مستقبلكــم_ العقار الحين طاير وانتم المستفيدين_وفوق هاذا كلــه ماراح تسفيدون من وجود بيتكم شي.... سجــــى خاب ضنها فكــرت ان عمها تغير وصار يفهم بالأمانه__الحين عرفت ليش هالمقدمه الطويله اثاريه يفكــر في البيت: والله ياعمي مثل ماتقول محد يضمن هالدنيا__ ويمكن مايكون بأستطاعتكـ تأمن مستقبل نواف_ عشان كذا انا افضل ان البيت ماينباع ويبقى لنواف اذا تزوج__ يعني ماله داعي تكلف على نفسكـ وتجلس تامن لنواف مستقبلــه_كافي عليك 4 الله يخليهم لكـ.... ابو فهـــد حاول يمسكـ اعصابه لأن كلامها ماعجبه: مو مشكله_ نشوف اذا البيت يستحق البيع ولا لأ__ الحين انا بغى توكيل عام منكم عشان اقدر احل المشاكل اللي بتجي على هالبيت... سجــى ((خييييير__قال توكيل قال__هههه على باله هنديه ومافهم بهالامور ومافيها من النصب والاحتيال__بالأحلاام ياعمي العزيــز)) : طيب ممكن تشرحلي هالمشاكل اللي بتصير على البيت..!! ابو فهـــد وده يقوم ويصفقها وش هالنشبه هاذي مو راضيه تقتنــع((هاذي والله العله_وش برد عليها الحين_!!)) : يابنتي هاذي امور في العقارات وش يفهمكـ انتي__لا توجعين راسكـ على شي انتي ماتعرفينه....انتم بس عطوني توكيل وخلوني انهي هالمشاكل وارتااح... سجـــى : لا عاااادي..لا وجع راس ولا شـــي..بالعكس انا احب اتثقف بهالامور__ تقدر تشرحلــي انا اسمعــكـ.... ابو فهــد خلاااااص نفذ صبره وماعاد يقدر يتحمل هالانســـانه اللي بتجيب يومه بهالاسأله اللي مالها اجابه عنده((انا ويين جبت طاري المشاكل__انا من زمان قايل هالعله ماينفع فيها الا القوه وكسر الخشم عشان تعرف تسأل مره ثاني وتجادلنــي)) : اقوول سجــى__لا تعورين راسي بأسألتـكـ اللي ماتخلص__بالعربي تعطيني وكاله ولاا كييييف..؟!! سجـــى خافت وش بتقوله_لو قالت ايه بينصب عليهم وبياكل ورثهم_وان رفضت ماراح يرحمها لأنه بدا يتنرفز ويعصــب___سكتت وماردت عليه.. ابو فهــد : وش فييك..اكلمك انــا ردي علي..!! سجــى : بصراحه ياعمــي انا مابغى البيت ينباع لأنه فيه ذكرياتنا مع امي وابوي__ تجمعت الدموع بعيونها بس جابت طاريهم حنت لهالأيام وذكرياتها__ الله يخلييك عمي انسى هالموضوع__ وقفت تبغى تطلع بس عمها سحبها وخلاها تجلــس : اقوول بلا افلام هنديه ودموع وخرابيطـ... خلصيني تعطيني التوكيل ولا لأ__ وبيع البيت نتفاهم عليه بعديين.. سجــى : آسفــــه....مااقدر اعطيك توكيــل.. ابو فهــد انصدم من ردهـــا..كيف تقوله لا وهو ماعمره سمع هالكلمه لا منها ولا من عياله: لا ياشيييخه عسى ماتكلفتي بهالكلـمه__اقول انا ابو فهـد ماعاش اللي يقولي لأ...ولا بس عشان عطيتك وجه بالكلام تمردتي علي وطولتي لسانكـ.. سجــى تناظر فيه مفهيه_وش فيه هاذا قلب علي_ماتسوى علي هالكلمه طلعني طويلة لسان : عمي انا ماطولت لساني عليكـ...انت سألتني وانا رديت عليكـ..... لأني ماقدر اعطي اي احد بهالدنيا توكيل عن ورثنا الوحيد من ابوي__ مو كافي الراتب مايجينا منه الا 500 ريال بالشهــر..!! ابو فهــد وقف من مكانه بكــل عصبيه وسحبها من شعرهـــا : اكلــي تبن ياكلبــه__انا عمك تكلميني بهالطريــقه__هاذا اخرت تربيتي لكــم تطولين لسانك علي وتتهميني بسرقتكــم....الا يابنت ال.... ماكله شاربه نايمه على حسابي وفوق هاذا تتهميني بالتقصيــر..ان ماربيتك ماكون ولد ابوي وطاح فيها ضـــرب وسجــى تصارخ تبغى احد ينقذها ويطلعها من ايدين عمها اللي ماترحم__ ام فهد ونوره وعبير نزلوا على صراخ سجـــى نوره : لااااا سجى__ركضت عند عمها تسحب اختها لاتموت بيدينه__ عمي اتركهااا حراااام عليــكـ اترك اختـــي.... ابو فهد ضرب نوره معها : تعالي انتي معها__هاذا اخرت التربيه يابنات سويره.. تطولون لسانكـم على عمكــم.. ام فهـد وبنتها واقفين يتفرجــون وكأن الوضع عاادي عندهــــم ام فهـــد : اييه يابو فهــد_لازم تعيد تربيتهم من جديد_هالبنات مايعرفون يحترمون اللي اكبر منهم ابو فهــد وهو يضــرب بعشوائيه بنات اخوه ونوره تحاول تدفه وتبعده عنها هي واختها بس البنت صغيره ومافيها حيل على هالرجال_ اما سجى من كثر الضرب اللي جاها ضعف جسمها استسلمت للضرب دخلــت مرام البيت... مرام : الســـلـ..................!!! __شافت فيه معركه بالبيت راحت تركض للصاله __ماما شفيهــم..شسالفه وش اللي حصل..؟!! ام فهــد : ولا شي بس ابوك يبغى يربي هالكلاب اللي تمادت علينا مرام خافت لا يذبحهم ابوها_راحت تسحب ابوها منهم وتحاول تهديــه مرام : بابا خلاااص يكفي..حرام عليكـ لا يموتون بين يديكـ وتتوهق فيهـــم...بس يكفــــــي!! ابو فهـــد تعب من كثر ماضربهــم_بس باقي مابرد قلبــه_صارله اكثر من شهور وهو يحاول يحل موضوع البيت_وتجي سجى وبكل سهوله وتقوله لأ ماراح نعطيك توكيـــل_ ابو فهــد وهو يتنفس بصعوبه : شيييخه طلعي هالكلاب فوق_ والحيييين الحيين يلبسون عباياتهم ويجون معي_والا والله ثم والله ان يكون هاذا آخــر يوم بحياتهــم... ام فهــد وبكل برود الدنيا : لييش وين بتاخذهــم ابو فهــد ناضرها بعصبيــــه والشر يطلع من عيونها___ام فهد خافت وراحت تركض للبنات وتحاول تقومهم : يالله انتي ويها قوموا معي ولا تبغوني اشيلكم بعــد__ نوره وهي تصيـــح : الله لا يوفقكــم الله ينزل عليكم مصيبه تهد حيلكــم وتشغلكم بأنفســكم ياللي ماتخافون الله__ان شالله اشوف فيكم يوم وماتلقون من يوقف معكــم__الله ينتقــم منكــم ابو فهـــد وهو يصارخ: شيييخه طلعيهم ولا جيت وترفست ببطنك انتي وياهم...ياللله.. مرام راحت لبنات عمها تساعدهـــم يقومون وخصوصا سجى اللي منهد حيلها وبس تصيـــح وهي كاتمه شهقاتها مرام : يالله سجى قومي قبل لا يجيكم ابوي_نوره ساعدي اختكـ نوره مسكت ايد سجــى وساعدتها توقــف.....وطلعو من الصاله لغرفتهـــم_ملجأهم الوحيـــد اول مادخلو الغرفه_سجى طاحت على السرير وهي تصييح بصوت يقطع القلــب_خلاص ماعاد تقدر تتحمل هالظلــم أكثــر من كـــذا.... نوره قفلت الباب قبل لا تجي زوجة عمها وتطلعهــم_وهي ماتدري وين يبغى يوديهم هالظالــم.. نوره : خلاص سجــى_بس يكفي صيااح_تكفيين ماحب اشوفكـ تصيحين_انتي قوتي بهالدنيا تكفيييين,, سجــى تسمع اختها وتزيد بالصياح وماهي قادره توقــف_كأنه شي كان مكتوم وانفجــر فجــأه_ نوره راحت لأختها وجلست تمسح على شعــرها_وقامت تقرا عليها يمكن تهدا شوي مع كلام الله_ سجــى خلاص ماعاد فيه اي طاقة صبر بهالدنيا تحملها_صبرت بما فيه الكفايــــه ومحتاجه احد ترمي عليه همومهــــا وتخفف عن نفسهـــا_حتى الدموع ملت من عيونها http://farm1.static.flickr.com/124/3...fbda386b9f.jpg شيّ على خــدي يسيل مدري مطر...! مدري بحــــر..! يمكن دموعي بهالقــدر..؟! تبكــي على جرح العمــــر، وابكـــي أنــا موت الصبـــــر، تكتب "دموووعي" كلمتين،،، الحـــــــزن مامنـــه مفـــــــر..؟ رحلــــه طويلـــه والحزن....كسـر مجاديفي خلاآآآص،، كـل المواني تحطمت......تعبت يادنيـــا خلاآآآآص،، أبكــــي جحود "الأوفيــــاء" وأبكــــي طعون "الأصدقـــاء" والمشكلـه لامن طعنت!! مايبكــي الا الابريـــاء... ممكن تخليني بهــدووء..!! (انا أسئـلـكـ أسهل سؤال),,!! ممكن تخليني بهدوووء..!! بنام مره مبتســم....بحس جرحي ملتئم ليـــه الظلـم......ليـــه الظلـم..!! تكفـــــــــى طلبتكـ يازمن..!! ابغى وساده كـ البشر... وسادتــي كلها ألـــم... في جنبها الايمـــن وهـــم,,, وفي جنبها الأيســــر ندم... وأحيان أنـــا بوجودهـــا.....أحسهـــا صارت عـــدم,, ممكـــــن تخليني بهدووء..!! بنــــام مره مبتســــــــم,,, . . . . . . . . . . . . بأحـــد أحيـــاء الرياض القديمــــه.....و وســط بيت متوسط المساحـــه__ في مجلسه الخارجــي اللي أثاثــه من التراث_ جلسه ارضيه باللون العنابي والبيج مع سجاد بيج... جالس يسولــف ويضحــكـ ويقهوي خاله وهو جالس قباله وكأنه اول مره يسولف.... ماسكت من دخل هالبيت اللي من زماان مادخلــــه,,,يحس بالراحه فيــــه.. ابو رائــد :ههههههههه....حسبي الله على عدوك يانواف..بس خلاص الولــد انحــرج نواف : ههههههههههههههههه...احسن خله ينحرج_عشان مايسوي قوي قدامك ويحرجنــي... ها يارائــد موافق تتزوجها ولا لأ...يالله احكي لخالي قصة حبكـــم_لا تستحي هاذا ابوووكـ..ههههههه رائــد أخذ المخده الصغير ورماها على نواف : اقووول خلاااص__اوف منك ماعاد ابغى اتزوج_ من زينها عااد.. نواف: ههههههههههههه..ازين من خشتكـ اللي كنها خشة بعيـر __وين كلامك عن الحب وخرابيطكـ رائــد : ياخي كنت استهبــل عليكـ....ولا انا وجهي وجه حب.. نواف : اجل خلاص بقول لنوره انكـ تكرهها وتقول انها مو من مستوى جمالكـ رائــد : لا لاااا....منو قال هالكلام_حرام عليك تكذب علي وتطلع علي كلاام.. ابو رائــد مبسوط لوناسة ولد اختــه سارا...اللي زارهم بالســر عشان عمه مايدري ويعاقبه_ طبعا بعد ماقالهم انه بيدرس عند واحد من ربعه : خلااص ياعيال_بسكم هوااش_وبعدين رائــد وين بيحصل وحده بجمال نوره_الله يحفظهاا.... رائــد أنحــرج شكل السالفــه أنقلبت جد__ نواف : اووخــص ياخطيير__بديت تخطب وتحجز_والله وكبرت ياورع رائــــد: ورع بوجهكـ....عشانك اكبر مني ب3 سنين كبر راسكـ ابو رائـــد : خلاص انت ويااه__كل كلمه تتهاوشون عليها__ الا اقول نواف...متى بتخلص اختبارات خواتكـ نواف: سجى امس اخر يوم لها__ونوره توها ع الاسبوع الجاي__ليش تســأل..؟!! ابو رائــد : لا بــس...بغيت اخذكم عندي هالصيف_ولو اني متأكد ان عمك ماراح يرضى_بس بحاول معه نواف اول مره يحكي لخاله عن شي مضايقه : على طاري عمــي....انا مره كنت مار من عند الصاله وكان فيها هو وزوجته_سمعتهم يتكلمون عن بيتنا وشكلهم ناويين عليه_يبغون يبيعونه وياخذون فلوسه.. ابو رائـــد : ايييييش__يبيع بيتكــم_ لا والله هزلت__من جده يفكـــر هاذا.. وبعدين تعال بأي صفه يبيع البيت والمحكمه محولته بأسمك انت وخواتكـ نواف : يعني هو مايقدر يتصرف بالبيت....أنا كنت خايف انه يبيعه وياخذ حلالنا_مو كافي الراتب وماكله.... ابو رائــد حقد على ابو فهد وانقهر منه...بس حب يحذر نواف لا يستغله عمه وياخذ حلال هالايتام : لا مايقدر ولا فيه قانون بالدنيا يعطيه الصلاحيه بالتصرف بأملاكم الا بشي واحد بس... نواف بأهتماام : اللي هو.. ابو رائـــد : انكم تعطونه توكيل عاام...بكذا راح يقدر يبيع البيت وياخذ قيمته ولا لكم اي حق فيه.. نواف : بس احنا ماعطيناه توكيل....يعني مايقدر يسوي شي.. ابو رائـــد: ادري..وانا حبيت انبهكـ_انتبه توقع على شي قبل لا تقراه وحتى خواتكـ نفس الشي__ انا ماودي اكرهكـ بعمك بس انت لازم تعرف نواياه زيين عمك مايفكر غير بالفلووس وبس__حتى لو يبيع عياله وبيته.... نواف تنهد بضيقه_هالدنيا كلها مصالح بمصالح_معقوله عمهم الوحيد واللي مالهم غيره بهالدنيا ينصب عليهم ويحتال__جد الناس تغيرت والنفووس تبدلت.... نواف: الله يعين بس__يالله ياخالي انا بطلع للبيت اخاف اتأخر ويفقدونـــي__ بروح اكمل دراستـــي....توصي بشي.. ابو رائــد : سلامتك ياولدي...انتبه لخواتكـ تراك سندهم بهالدنيــا....واترك عنك السلبيه اللي انت فيها ودافع عنهم قد ماتقدر__وحط ببالك زين ترا كل أذيه يتأذون فيها انت المسؤل عنها لأنك رجال.... نواف قام وحب راس خاله: ان شالله تامر امـــر...ولا توصيني على خواتي_يالله فمان الله... طلــع من البيت ورجعتله الضيقـــه__ماوده يطلع من هالبيت وتمنى لو انه عايش عند خاله هو خواته_ارحملهم من العيشه في بيت عمه...بس بيصبر يمكن يجيهم فرج من الله قريب>> عـــائلة ابــو رائــد,, عبدالله (ابو رائـــد) 50 سنـــه يشتغل بشركه خاصـــه ماديته على قده هو وعائلته...طيب ويخاف الله وامله الوحيد ان عيال اخته يعيشون عنده ومستعد يتكلف بكـــل مصاريفــهم..بس اهم شي عنده اخته ترتاح بقبرهــــا,, لطيفه(ام رائــد) 41 سنه بنت عمه وزوجتــه...ربة منزل وملتزمه مره,, نوره بكرهــم 25 سنه متزوجه وساكنه بالشمال ماتجيهم الا بالصيف,, رائــد 14 سنه بس تفكيره اكبر من عمره لأنه دايما بمجالس الرجال,, نوف 10 سنوات وآخر العنقود . . . . . . . . . . . جالس بالكــوفي شــــوب.....هاذا خامس كاس كابتشينو يشربه....طفش من كثر ماهو جالس... ناظر بالناس اللي حولـــه__كلن لاهي بنفسه>>واحد يقرا بكتاب صغير الحجم ومندمج بالقراءه ولا هو حاس باللي حوله>>وواحد جالس يحكي بالموبايل اكثر من ساعه ومره يضحك ومره يعصب>>ووحرمه جالسه تلعب كلبها وكأنها تحكي مع بيبي او انسان>> واللي يناظر واللي سرحاان>> انتبه بواحد وشكله عربي جالس مع بنت مايدري هي عربيه ولا اجنبيه__ ملامح وجهها عربيه بس شقارها يوحي انها اجنبيه والولد جالس يلعب بخصل شعرها وهي تسولف معه بأندماج___ جلس يناظر فيهم من الفراغ والفضول ووده يعرف وش يقولون__ الولد مبين انه يحب هالبنت من نظرات عيونه لها ومن ابتسامته على سوالفها اللي اكييد مو منتبه فيها__شاف البنت تأشر عليـــه..لف الولد وعطى وليــد نظـــره يبغى يشوف وش سالفة اللي يراقبهم__وليد انتبه على نفسه وعلى نظراته لهالطاوله__انحرج ولف عنهم مايبغى المشاكل ((الحمدالله..شفيني انا فهيت بوجيهم..كأني مو شايف خيـــر__ والله لو انه واحد غيره كان جاني وسوالي مشاكل...بس شكله عربي عشان كذا سكت وماهتم..... اقوم من هالمكان افضل ولا بتصير علووم)) طلع من الكوفي شوب.....وقرر يتمشى بهالشارع الى ان يجي وقت محاظرته لانها مابقى عليها الا ساعه بالكثير...... .. .. .. : لو سمحــت__لو سمحـــت..!! وليــد انتبه بالصوت اللي يناديه ولف يشوف ميين....هي نفسها البنت اللي كان يناظرهـــم..وش عندها جاي له __((ياللييييل لا يكون ناوين شر هي وخويهاا)) : نعـــم.!! البنت : مرحبـــاا... وليــد وانواع علامات التعجب بوجهه : مرحبتين... البنت : اممممممم__سوري ع الازعاج_بس بغيت اسـألكـ انت سعودي..؟!! وليــــد أستغرب لهجة البنت نجديه والوجه اجنبي : ايوا سعودي...ليش السؤال..؟!! البنت بأبتسامـــه مدت يدها تصافحه : هلا والله بولد ديرتي__انا ملاك من السعوديـــه... وليد صافحها وهو للحين مستغرب__وش تبغى بالاخير: هلا فيكـ...وانا وليـــد__ بس بصراحه للحين ماني فاهم عليكـ....تبغين مساعده او شي معين..؟!! ملاكـ ابتسمت تجاري تفكيره...شكله مو راعي تعارف : ههههه لا سلامتك لا مساعده ولا شي_ بس شفتك بالكوفي شوب جالس لحالكـ_وشكلك طفشان من الوحده قلت نتعرف على بعض وتنسى الغربه__هههه يعني نسلي بعض بهالغربــه... وليــد واخيراّ فهم عليها البنت ناويه صداقه وهو ماله خلق بنات ومشاكل مع ابوه لأنه متأكد ان ابوه يعرف كل تحركاته هناا : تشرفنا بمعرفتكـ ياملااكـ.... ملاكـ: الشرف لــي انــا__شفت اللي كان معي هاذا صاحبي من الكويت اسمه عادل..بس بصراحه انا مابغى الا عيال ديرتي....ابغى ريحة السعوديه واهلها... وليــد : اها صاحبكـ...((البنت شكلها خرباانه...الله يستر من هالاشكــال)) طيب ممكن سؤال اذا مايضايقكـ...؟!! ملاكـ: لا لاعاادي خذ راحتكـ..وأســأل.. وليـــد : انتي تقولين انك سعودي ..بس معليش ملامحك ابدااّ ماتقول انك عربيه....!!! ملاك : هههههههههه...كنت متوقعه هالسؤال__لأني دايما انسأل هالسؤال_ انا ابوي سعودي ومن الرياض بعد بس ماما اجنبيه من كندا__وهي عايشه هناكـ.... وليــد : أهااا...يعني ابوك عايش معك هنا.. ملاكـ والضيقه بوجهها : لا بابا مو عايش هنا__هو عايش بالرياض وانا ماعمري شفته الا مره وحده وبعدها ماشفته....انا هنا ادرس وبابا يرسلي مصروفي... وليــد حس بضيقتها وندم انه تلقف وسألهاا.: طيب وين امكـ ليش ماتجي معكـ..!! ملاك: ماما متزوجه وعايشه مع زوجها من زماان ماشفتها انا كنت بالرياض من فتره بس بابا ارسلني هنا..عشان اهله مايدرون انه متزوج.... وليـــد ((شكل حياتها مأســاه..أنــا وش لي بوجع الرااس__ب س البنت شكلها نشبه وانا توهقت فيها)) : اوكي ملوكــه...انا مبسوط بمعرفتكـ.. واي خدمه انا جاهـــز اعتبريني مثل اخوكـ...والحين استأذن عندي محااظره ومابغى اتأخر عليهاا... ملاكـ : لاااء...حسافه كان ودي نجلس مع بعض ونسولف... طيب وليد عطني رقمك عشان يكون بينا اتصال__اخاف ماشوفك بعديين.. وليــد مايبغى هالطلب_يعني بتنشبله وبقوووه : اوكـ اخذي كرتي وفيه رقم موبايلي ورقم تيليفون الشقــه... عطاها الكـــرت وطلع لسيارته....شكله تأخر على المحاظـــره وكله من هالبنت__بس شكله ماراح يطفش بعد كذا__هو وده من زمان يكون شله هنا عشان مايجلس لحاله__بس كانت البدايه مع بنت__اكييد عندها اصحاب وبيتعرف عليهــــم . . . . . . . . . دخل نواف البيت وشاف عمه جالس بالصاله وباين التعب بوجهه... خاف انه يسأله من وين جاي..دخل للصاله,,:السلام عليكم... ابو فهــد ماكان منتبه بنواف جالس يفكــر ومو حاس بشي....نواف استغرب سكوت عمه_ بالعاده يستقبل بالتحقيق والاسأله وهالكلام_الحين ولاكلمه نطقها.. أكيد فيه شي__قرب نواف عند عمه وباس راسه وجلس بعيد شوي عنه..... نواف : عمي فيك شي..؟!! ابو فهد انتبه بنواف لما سلم عليه : اييه فيني....انت من وين جاي..؟!! نواف : من بيت واحد من ربعي..كنا نذاكر مع بعض.. ابو فهد : طيب روح ناد خواتك ينزلون وانت بعد معاهــم... نواف بأستغراب : ليش وين بنروح..؟! ابو فهــد : مشوار قريب وبنرجع...يالله لا نتأخر، نواف مايدري وين بيوديهم بس قام عشان ينادي خواته__طلع فوق وهو بالدرج قابل مرام نواف: مرام ممكن تناديلي سجى ونوره..!! مرام تأشر لفوق: اطلعلهم انت..انا مالي دخل نواف ناظرها وهي تنزل باستغراب...((وش اللي مالها دخل_هالبنت غريبه بكل شي)) كمل طريقه لغرفة خواته..وطق الباب عليهم.. نوره: سجى اصحي الباب يطق...اخاف عمي..قومي يالله خلينا نواجهه سجى بعد ماصاحت وطلعت كل اللي بقلبها نامت شوي تبغى ترتاح وصحت على صوت نوره : هااه وش فيه بعد..؟! نوره : سوسو صحصحي معي شوي__اقولك الباب يطق... شوي ويسمعون صوت نواف من ورا الباب: بنات شفيكم..أفتحوا الباب انا نواف.. نوره فزت من مكانه وسجى عدلت جلستها ووجها مورم وعيونها حمرا من الصياح.... دخل نواف: ساعه على ماتفتحين_ناظر ورا نوره وشاف سجى شكلها تعبانه او فيها شي__مشى لعندها : سجى سلامات وش فيكـ_تعبانه..؟؟! سجى لما شافت اخوها رجعتلها نوبة الصياح وهاذي اول مره تنهار كذا..ماتدري ليش ماعاد عندها طاقة تحمل... نوره قفلت الباب_خايفه احد يدخل عليهم.... نوره : نواف عمي ضرب سجى اليوم.. نواف بصدمه لأنه من زمان مامد يده عليها: اييييش..؟! ضربها.!! وليش ان شالله..!! سجى تحاول تكتم شهقاتها وتوقف بكي : نواف عمي يبغانا نعطيه توكيل عشان يبيع البيت...عمي ناوي ياخذ ورثنا... نواف وهو يتذكر كلام خاله لما حذره_عرف ان خاله معه حق__عمه ناوي يسرقهم وبعلمهم بعد... : ماعليك منه اتحداه يجبرنا نعمل توكيل....ليش شايفني سفيه قدامه يوم ياخذني للمحكمه غصب"ن" علي..!! نوره : اي نواف تكفى لاتخليه على كيفه ووقفه عند حده...احنا اذا سكتنا له هو وزوجته بنعيش بالشارع... سجى:نواف لا تسوي مشاكل معه..تراه ظالم وماراح يرحمكـ...وانا مستحيل اشوفه يضربك واسكت.. نوره: ياغبيه اذا سكتله نواف بيتمادى علينا وبياخذ كل شي وحنا صافين ايدينا لا حول ولا قوه سجى : انتي الغبيه__يهون عليك نواف ينضرب_ بالطقاق بالفلوس واللي جاب الفلوس.. نواف ضاق صدره من حاله هو وخواته...والعجز اللي هم فيه : انا بتصرف بس انتم اجلسوا بالغرفه ولا تطلعون منها ابد..حتى لو كسرو عليكم الباب.. سجى : لا ماراح اتركك تواجه عمي لحالك...والله لا يقتلك..هاذا يسويها ومايخاف من احد.. نواف : لا تخافين انا اعرف نقطة ضعفـه.....بنزل تحت وبتفاهم معه__ هو الحين ينتظرني انزلكم معي يقولي ابغاكم بمشوار....ناوي ياخذنا للمحكمه ويستغفلنا...انا الحين نازله سجى كانت بتقوم بس مسكتها نوره: خلاص يابنت اجلسي....نواف بيتفاهم معه.. سجى ناظرت بنواف : نواف الله يخليك لاترفع صوتك بوجهه تراه يكره احد يرفع صوته.... نواف طلع من الغرفه ومارد عليهم..لأنه يفكر وش بيقول لعمه.. . . . . . . . . . . بأحد احياء منطقـــة الريــــاض الراقيــــه....وبقصـــر فخـــم لأبعــد حـــد.. كــل شي فيه يوحي بالفخامه والرقي...واللي حواليه حديقــه واسعـــه يغطيها اللون الأخضـــر بكل مساحتها مع اشجار صغيــره وبحيره صناعيـــه متوسطة الحجـــــم.... جالسه قبال البحيــره على الكرسي وهي تتصفــح مجلتهـــا... لابسه جلابيـــه سودا ورافعه شعرها..على كبر سنها ألا ان وجهها فيه حيويه... أمـــل: سونيـــا مساعدتها اللبنانيه :سونيا" : أي مدام.. أمــل: عطيني جوالي...بشوف سعود ليش تأخر..! سونيــا : ليكــي الموبايل...تأمري ع شي تاني مدام امــل : لا مشكوره....تقدرين تروحين.واذا حتجتلكـ ناديتكـ.... دخلت سونيــا داخــل....واتصلت امل على زوجها سعـــود... .. .. .. .. ام راكان وهي واقفــه عند باب القصـــر__لابسه بلوزه رماديه وتنوره ميدي بنفسجيـــه.. وشعرها بني قصير اقرب للبوي...تحاول تشبب نفسها بقد ماتقدر.. مقهوره من بعد ماطلقها زوجها وشتت عيالها... : تعالي انتي...وين رايحه سونيا : بدي فوت جوا لاشوف شغلي ام راكان : والست امل وينها...؟!! سونيا تأشــر على مكان امل : هونيك بالحديأه.... ام راكان : اوكي....ادخلي داخل يالله سونيا دخلت وهي تخاف من ام راكان....ماترحمها ابــد اذا كانت معصبه.... مشت ام راكان عند امـــل...وهي ناويه تتهاوش معها..فرصتها اخوها سعود مو موجود قربــت منها وماتكلمت..تبغى تسمع وش تقول ومن تكلم.... امــل: لا يحياتي..انت تعرفني زين..مستحيل اتعشى بدونكـ... : لا تحااول..ماراح اسمحلكـ تتعشى برا... : هههههههه...خلاص اجل بفكر اقبل العزيمه او لأ.. : فمان الله...انتبه لنفسكـ...__قفلت الخط__والتفتت وراها لأنها حست بوجود احد أمـــل: ام راكان!! وش فيك واقفه..! ام راكـان وهي ودها تقطع امل بأسنانها من كثر ماتكرها_تقدمت خطوتين وهي واقفه: من كنتي تكلمين ياأمل..؟!! أمل ناظرتها_وش عندها تحقق : وليش هالسؤال ياحصه..أكلم اللي ابغى هاذا شي مايخصكـ ام راكان بنرفزه : اول شي لا تناديني بحصه..انتي تعرفين انا ماحب احد يناديني الا بام راكان... وثاني شي وشلون مايخصني وانتي تكلمين من ورا اخوي..!! امـل: اقول احترمي نفسكـ...وش اللي اكلم من ورا اخوكـ...؟!! اقصري الشر وابعدي عني ياحصصه ام راكان: انتي الكلام ضايع معكـ..بس يجي اخوي بتفاهــم معه...مدري وش هالبلوى اللي ابتلينا فيها.. امـــل سحبت جوالها من الطاوله وهي ساكته..تحب تحقرها وماترد عليها.. لأن هالانسانه لسانها طويل وماراح تسكت ابد.......اتصلت على رقـــم بسرعه.. امل وهي تناظر بحصه: ها حياتـــي وينكـ...؟! : لا لا...ودي اطلع بدري من هنا__مو شرط يكون على وقت العشا.. : قلبــي_ بصراحه اشتقتلكـ...ومايهمني العشــى. ام راكان عيونها بتطلع من مكانها_وش هالوقاحه تكلم وبعد قدامها_ ومن داخل مبسوطه انها بتمسك عليها شي قدام اخوهاا : يالله اجل بنتظركـ بحديقتنا_اذا جيت اتصل فيني__ : مع السلامــــه حطت جوالها على الطاله وهي تبتسم لحصــــه...تبغى تقهرها عشان ماتحكي عن شرفها مره ثانيه حصــه: هههههههه ...انبسطي ياحياتي الحين...بس يجي سعود بتشوفين وش بسوي.. امــل: ههههههههههههههه..مو مشكله انا بنتظر هنا...ابغى اشوف وش بتسوين انتي وسعود!! حصــه: بعد شين وقوة عين...مبسوطه بخرابيطك_ انا اللي اعرف كيف اتعامل معكـ.. على بالك بتركك تلعبين من ورا اخوي..هههه انسي ياقلبي امــل: عساك قويه__سوي اللي يريحكـ.... أمـــل كتم صدرها فجأه وجتها ضيقتها من جديد..حاولت تتعوذ من الشيطان بس الضيقه كل مالها تزيد... حطت يدها على صدرها تنفسها يزيد ودقات قلبها سريعه حاولت تهدى..بس ماقدرت...دموعها تنزل وبدى يطلع صوت بكاها... صدت بوجهها عن حصه ماتبغاها تشوفهـــا...((بسم الله..بسم الله...اعوذ بالله من الشيطان... وينك ياسعود وينكـ..ااه ااااه اعوذ بالله من الشيطان الرجيم....)) حصـــه تناظر مستغربه وش فيها الحرمه بدت تصيح...وقفت خايفـــه حصه مسكت امل من كتفهها : امل..امل....وش فيك ياحرمه..؟!! امـــل جسمها يرجف كله وشهقاتها زادت__غطت وجهها بيدهـــــا وبدت تطلع اللي تحاول تكتمه... حصــــه تحاول تسحب يدها اللي كنها مجمده على وجهها: امل وشفيك...تعوذي من الشيطان.. وش اللي حصلكـ...!! سعود دخل لقصــره وعلى طول توجه للحديقــه..يدري انها تنتظــره هناكـ.. لأنها توها مكلمته.. جاي لعندها وهو مشتاقلها_كلها ساعتين اللي غاب عن البيت بس مايدري ليش مايقدر يبعد عنها.... لما قرب من المكان..شاف اخته حصه ماسكه امل...وزوجته مو واضح منها شي..... خاف وحس ان امل فيها شي.....عجل بخطواته لمكانهــــم... سعـــود : امـــــــل... امـــل رفعت وجهها..كانت تتمناه يكون عندها بدل حصه: سعووووود__رجعت تصيح سعود جلس عند رجولها : امل..تعوذي من الشيطان...اهدي اهدي.. امــــل تهز راسها وهي تحاول تكتم شهقاتها : ماقدر ياسعود ماقدر.... سعود سحب الكرسي وجلس قبالها وحط يده على راسها وبدا يقرا الأيات اللي حافظها ودايما يقراها عليها اذا جتها الضيقــــه..... حصـــه واقفه وهي منصدمه من اللي تشوفه...وش اللي قاعد يصير.. امل وش فيها عشان تصيح كل هالصياح..وسعود كأنه متعود على هالحـــاله..... حصه تفكــر بنيه سيئه في امــل((والله وعرفتي تلعبين صح...لا ومتقنه التمثيل بعد.. هه بس انا لكـ هالمره بعديها..والجايات اكثر..)) سعود ارتاح بعد ماسكتت زوجته..: ها اموله_تدخلين ولا نجلس هنا امـــل بعد ماشربت المويه وهي تتنهد: لا خلنا هنا..داخل انكتم.. سعود: براحتكـ..... مسح على شعرها بحنا :هاا امولتــي للحين عند كلمتك ولا بتهونين من العزيمه... تراها على حساابكـ امــل وهي تبتســم: لا شدعوه..بس مو الحين نجلس هنا شوي وبعدها نطلع كـــل هاذا وحصــه تناظرهم بخيبة امـــل...ماتوقعت انه بيكون اخوها اللي تكلمه... كان ودها تمسك عليها شي عشان تخرب علاقتهم...الغيره بتذبحها من حب اخوها لزوجتـــه سعـــود ناظــر بأختــه: ام راكان حصه انتبهت بأخوها ولفت عليه: هلا سعود... سعود : امـــي وينها ماجت من بيت الجوهره..؟! حصه : لا للحين ماجت..يمكن تتعشا هناكـ....ابو محمد لزم عليها بالعشا.. سعود: حلو..خليها تغير جو..طيب واختكـ الهنوف ماجتكم اليوم..؟! حصـــه بطفش : لا ماجت....وعلى فكــره خالد مشى للشرقيه اليوم..يقول عنده شغل سعود مسكـ زوجته ووقفها عشان يدخلون : بسلامته..اذا اتصل بلغيه يكلمني حصه مشت قبل لا يقومون : ان شالله.. سعود ناظر بزوجتـه بحنان: تقدرين تمشين..!! امل : ايوا اقدر...بس الله يعافيك ابغى اطلع من البيت احس اني مخنوقه سعود: من عيوني...ندخل تلبسين عبايتك ونطلع نتمشــى امــل ناظرت بأعز انسان عرفته بحياتها...تمووت فيه وماتقدر تعيش من دونه.. عايش معها بالرغم من انها ماتنجب..وضحى بحلم انه يكون اب لعيونها : الله لا يحرمني منكـ ياسعود...((بس الحقيقه هو عارف سبب انها ماتنجب... عشان كذا مايفاتحها بالموضوع نهائيــآ...وهاذا اللي قاهر امه واخته)) .... ..... ....... نجـي نعرف عائلة ابو سعــود.... ابو سعــود (محمد)متوفي من كان ولده خالد عمره 6 سنوات...وورثوا منه عياله ثروه كبيره لأنه كان تاجر معروف... ام سعــود : حرمه كبيره في السن ودينه وتخاف الله بس مشكلتها ماتقبلت زوجة ولدها الكبير ودايما تتحرش فيها وتنكد عليها عيشتها لأنها ماتجيب عيال لولدها. الجوهــره (ام محمد,ووليد) بكر امها وابوها متزوجــه من ابو محمد سعــود : (45)ولدهم الكبير رجل اعمــال...شخصيــة تجنن حنوون ومحترم ويخاف الله الكل يحبه ويحترمه له يد في كل المجالات الخيريه... متزوج من (أمل) بس ماعنده عيال وصابر ومحتسب ان هاذا اجر في زوجته المسكينه اللي مالها الا الله ثم هو حصــه (36)(ام راكان) مطلقه من بعد 12 سنه من زواجها لسبب شخصيتها المنرفزه واللي ماقدر زوجها يتحملها لأنها شايفه نفسها على اهله..عندها ولدين وبنتين(راكان--سلطان--ليان وبيان) الهنوف (28)(أم غاليه) بنتهم الصغير ملتزمه وتدرس قرءان في مدرسة تحفيظ متزوجه من واحد نفس شخصيتها وملتزم (دكتور بالجامعه) خالد(23) آخر العنقود..انسان ماشي سيده ماعنده حركات الشباب والهبــل.. يشتغل بشركة عائلتهم كتوم ومحد يعرف وش وراه ولا وش في خاطره.... وجاري البحث عن زوجه له من قبل امه واخته الهنوف..لأن حصه شايله يدها من الموضوع . . . . . . . . . . . دخــل نواف الصاله وماحصــل عمــه فيها((معقوله فقد الامل وراح..؟!)) شاف زوجة عمه طالعه من المطبــخ.. نواف: خالتــي..! ام فهــد: خيـــــر... نواف : وين عمــي..ماشوفه موجود.. ام فهــد : وانت حاسب حساب عمك...صارله ساعه ينتظركــم وانتم ولا على بالكم...شوفه برا ينتظركم بالسياره.. نواف ((هههه لا العم شكله واثق بزياده اننا بنروح معه للمحكمه..)) : اوكي انا طالع ام فهد: وخواتك ليش مانزلوا نواف طلع ومارد عليها.... ام فهـــد: لا والله العيال كبر راسهــم..هاذا اللي خايفه منه.. نواف كبر وبدت تكبر شخصيته علينا..الله يستر بس.. مالي الا ارجع فهد للبيت واخليه يتصرف مع ذا البزر.. نواف شاف عمه بالسياره ويكلم بالجوال وشكله معصب....طق دريشة السياره بخفه عشان ينتبه فيه.. لف ابو فهد وجهه ولقى نواف واقف لحاله.... ابو فهد : يالله اكلمك بعدين..الله يعافيك لا تتأخر... : فمان الله فتح قفل السياره لنواف نواف فتح الباب وجلس وسكره..وناظر بعمه: ها عمي وين بتاخذني,,.؟! ابو فهد بأستهزاء : ماشالله كان جلست بعد شوي...وين خواتك..ليش مانزلو معكـ..؟! نواف هز كتوفه : مايبغون ينزلون.. ابو فهد ناظر بنواف : كيف مايبغون ينزلون..؟! بكيفهم هو..؟!! نواف: اييه بكيفهم..اجل بكيف مييين..؟!! عمي اختصر الموضوع قولي وش المطلوب مني.. ابو فهد عيونه طلعت والضغط ارتفع معه...وش هالاسلوب اللي يكلمه فيه نواف: لا ياشيخ تعال مد يدك علي احسن..لا والله مابقى الا هي...اقوووول انزل وجيب خواتك قبل لا اخلي هالعقال يرقص فوق ظهرك يابزر نواف بأستهزاء: ههههه..آسف عمي...ماراح يصير اللي في بالكـ... ولا تفكر اني نواف الاول البزر اللي مايفهم شي..انا الحين كبرت وانا المسؤل عن خواتي..وبأمكاني اخذهم الحين ونطلع لبيتنا ومحد له كلمه علي..وحط في بالك زين ياعمي... انا ساكت طول هالفتره عشانك انت وحشمه لكـ..ومابيك تصير سالفه بين الناس..اما انها توصل انك تمد يدك على خواتي فلا الى هنا ويوقف الحكي... ابو فهــد يحس انه يحلم وان اللي قدامه مو نواف اللي يعرفه... خلااص بينجن وماعاد فيه طاقة صبر: ايا الخسيس انا عمك تكلمني بهالاسلوب... ياخسارة التريبه فيك وفي خواتك__مسك راسه مو مصدق اللي يسمعه.. معقول نواف يسويها ويطلع لبيتهم.. لا مستحيييييييل هاذا اللي كان خايف منه.. يربي ويتعب ويصرف عليهم عشان يجلسون معهم..وبالاخير يطير كل شي من يديه... نواف: انت اللي بديت..والا احنا محترمينك ومحترمين زوجتك اللي مارحمة خواتي ومعيشتهم بجحيم ومعتبرتهم خدم لها ولبناتها...الحيين خلاااص انا اعطيك خيارين... ياانكـ تنسى موضوع البيت ونبقى عندكــم على طول وتعدلون اسلوب تعاملكم معي ومع خواتي.. والراتب اللي معك حلال عليك.....والا اطلع انا وخواتي وبرفع قضيه اطالب بحلالنا اللي ورثناه من ابوي..!! ابو فهــــد خلااص حس انه بتجيه سكته قلبيه من هالكلام : نوااااف انت انهبلت..!! انا عمكـ عمممك اللي رباك.. بالاخيير تجي وتهددني وتخيرني...انت ماتخاف ربكـ..انا مثل ابوكــ...! نواف : والله انا اخاف ربي....بس انت وزوجتك اللي ماتخافون الله في الايتام اللي اخذتوهــم من صغرهم وحرمتوهم طعم الراحه وعيشتونا في فقر وذل وحاجه...الحين جاي وتقول مانخاف الله..!! ابو فهـــد فتح قفل الباب وهو متوتر ومايدري وش يرد علييه: انزل انزل..خلاص ماعاد ابغى اسمع منك شي انززززل.... نواف وهو يبتســـم بنصــر..عارف ان عمه يحب الفلوس عشان كذا هدده براتب ابوه((25000ريال)) اللي لولا الله ثم هالراتب ماعاش هو وعياله هالعيشه : تامر امــر ياعمــي..بس حبيت اذكركـ.. فكر زين بكلامي تراني جاد وماراح يعوقني شي بأذن الله__ .. .. .. .. نزل من السياره ودخل للبيت وهو مرتاح((واخيرا قدرت اوقف بوجهه الحين خواتي ماراح يتأذون من اليوم ورايح..هههههه بشوف الخاله وش بتسوي اذا قالها عمــي)) طلع فوق لغرفة خواته يطمنهـــم وهو طااير من الفرحــــه...ومطنش هالصوت المزعج اللي يناديه ام فهــد: ياجعلك ماتسمع ابد..ياربي ذا الولد فيه شي..مغير مطنشني ويسوي نفسه مايسمع ابد... مرام نزلت وواجهت نواف واستغربت الابتسامه اللي بوجهه.. ماتدري ليه ابتسمت معه وكأنها مبسوطه لفرحته.....دخلت الصاله وشافت امها تدعي وتتحلطــم مرام : ماما وش فيكـ معصبه وتدعيين..؟!! ام فهــد : هالولد جنني..اناديه ولا يرد علي....والله ان فيه بلا..ياخوفي لا يكون كبر راسه علينا... مرام بابتسامه: اييه صح..وهو طالع اشوفه مبتسم وكأنه مبسوط ام فهد: لا ياشيخه اشوفك انتي المبسوطه... انفتح الباب بعصبيـــه....دخل ابو فهـــد وعلى طول طلع فوق لغرفته..فكره مشوش ومو قادر يركز زين...يبغى يجلس يفكر بالمصيبه الجديده.. ام فهد وقفت وطلعت ورا زوجها..تبغى تعرف وش صار بينه وبين نواف..وخلاه معصب كــذا..! مرام اخذت ريموت التلفزيون وهزت راسها : الحمدالله..جد ناس غريبه وتصرفاتهم اغرب..مشغلين انفسهم على الفاضــــي . . . . . نواف دخل على خواته بعد مافتحوله الباب...وقالهم كل اللي دار بينه وبين عمـــه.... نوره : كفوو والله ياولد ابووي..والله انكـ رجال وهاذا العشم فيـكـ نواف ابتسم لكلام اخته الصغير وهو مبسوط عشانه سوالهم شي ودافع عنهــم.... سجــى ماتدري ليش خايفه من اللي سواه نواف..سكتت تفكـــر.. عمها مايطوفه شي.واكيد بيلقاله شي يوقف في وجيهم وماراح يخليهم يتهنون.... نواف ناظر بأختــــه : سوسو..ماشوفك قلتي شــي..! لا تخافين عمي ماراح يقدر ياذينا..هو كل همه انو مانرفع عليه دعوه ونطالب بحقوقنا..عشان كذا بيسكت وبتريحين راسك منه ومن زوجته سجــى : نواف هاذا عمي..انت ماتعرفه كثــري..والله ان بغى شي ان ياخذه لو على موته نوره : احسن يموت ويريحنا نواف ناظره : لا نوره لا تدعين علي عمكـ..مهما كان يبقى عمي.. والكلام اللي قلته له بس عشان اخوفه..والا انا مستحيل اجرجر عمي بالمحاكم نوره :هههههههه اصلا هو بدا قبلك وكان بجرجرنا بالمحاكم... انت تضحك على نفسكـ..هالبيت مايعتبرونا منهم..فأنت انسى انهم اهلنا.. والله لو عايشين عند خالي كان ارحملنا.... سجــى : الله يستر..قلبي معورني..حاسه انو بيصير شي اليوم نوره: اذكري الله ولا تخوفيني...انا وراي اختبار بكــرا...يالله ممكن تطلعون وتتركوني ادرس.. احس اليوم كله اكشن وبديت انسى اللي درسته... سجــى نست ان اخوانها عندهم اختبار بكرا : ايوه صح..يالله نواف مابقى شي على اذان العشا.. روح اقرالك كم كلمه قبل الصلاه..عشان ترجع وتتعشى وتنام.. نواف وقف: اوكي..بس سجى لا تطلعين من الغرفه..خليك هنا بشوف وش اخرتها مع عمي وزوجته سجى مالها نفس تطلع : ان شالله بجلس مع نوره طلع نواف لغرفتــه وهو نوعا ما مرتاح من اللي سواه...بس خوف سجى خلاه يحاتي وش بيسوي عمه...! . . . . . . . . . بريطانيا__لندن: بعد ماانتهت المحاظره الثقيله اللي كانت 3 ساعات..وكلها ممله لأنها نظــري.... ركب السياره واتصل بامه..مشتاق يسمع صوتها وليد:الووو...مساء الخييير أم محمد:هلا وغلا بالنور كله,,مساء الانوار وليد:هلا فيكـ يالغاليه..كيفكـ..وكيف صحتكـ..؟! أم محمد:بخيير ياقلب امكـ...انت شخبارك وكيف دراستكـ...؟! وليد:والله بخيير..وهاذا انا توني طالع من المحاظره.. قلت اكلمك اسمع هالصوت..مع اني زعلان عليك..لا تكلميني ولا تسألين عني أم محمد: يابعد عمري..والله اني اكلمك ودايما جوالك مقفل.. لو ان ابوك مايطمني عليك ولا كان شفتني من زمان عندكـ... وليد:ههههههه..تعالي والله اني مشتاقلكــم...الا شخبار الاهل عندكـ.. أم محمد:كلهم بخير..هنا انتهت اختباراتها وتنتظر النتيجه.. ودانا للحين باقي تختبر....وهاذي جدتكـ عندي..تسلم عليكـ.. وليد: الله يسلمها..عطينياها بسمع صوتها... أم سعود : ياهلا ومرحبا بالغالي...وينك ياحافظ ماتسأل عن جدتكـ.. ولا تسأل هي حيه ميته..والله مالك حق وليد: هههههههههههه...شوي شوي علي يمه...هلا فيك اكثر ياست الحبااايب.. شلونك وشلون صحتكـ..والله اني منشغل بالدراسه... ام سعود : ابد طيبه الله يسلمكـ...انتبه لدروسك وانا جدتكـ.. واترك عنك الخرابيط اللي مالها داعي وليد :ههههه ابشري طال عمركـ....ماشتقتيلي يمه..ولا ماهميتكـ بعد.. ام سعود: الا والله مشتاقتلك..والله يصبرني على فرقاكـ..والله مااتحمل سنه ماشوفكـ.. وليد : اجل يالله تعالي مع الوالده...وسعي صدركـ..وترا عندنا شيبان شقر ويهبلوون..يصلحولكـ ام سعود : بسم الله علي من الكفاار..اعوذ بالله مابقى الا هي.. وليد: هههههه اجل ناويه الحبيبه على غير الكفار..الله يستر منكـ يمه..شكلك داهيه... ام سعود: هههههه الله يقطع ابليسكـ....وانا وش لي فيهم..عجوز يالله الجنه.... وليــد : ههههههههه الله يطول بعمرك ان شالله...يالله يايمه توصيني شي... ام سعود : سلامت قلبكـ..انتبه لنفسك يمه.. وليد: ان شالله يالغاليه..سلميلي على خوالي كلهم... ام سعود : يوصل ان شالله...يالله فمان الله.. قفــل وليد الخط...انبسط لما سمع صوت امه وجدته..اشتاقلهـــم واشتاق لجمعتهم,,,,كان بيروح للمكتبه بس غير طريقه للشقــه..وده ينام ويرتاح تعب كثير من المحاظره....... . . . . . . . . . . دخــل نــواف غرفتـــه,,,عشـــان يكمــل مذاكره...يحس بصداع فضيـع ومو قادر يركز من كثر التفكــير,, شاف جوالــه على الدرج ويأشر لأنه حاطه ع الصامت,,,رفعــه "رقـــم غريــب....استغرب نواف هالرقـم,, : الـــو,, :ـــــــــــــــــ :الــو مين معـــي..!! :ـــــــــــــــــــــــ :ـــــــــــــــــــــــــ"نواف سكت يبغى يشوف آخــرتهــا مع المتصــل طبعــاً ولا نفس ولا صـــوت,,,قفل نواف الخط وقفل جهـــازه يبغى ينتبه لدروســــه..بس باقــي يفكــر من اللي اتصــل وحس انــه شي مهــم ولازم يعرفـــه..مايدري ليش مو مثل باقي المكالمــــات,, . . . . . . . . . . . . بأبتســـــامه عريــــــــضه : آآه يـــاحلــو صوتـــه فجـــأه انفتــح البــــــــاب... : من كنتـــي تكلمــيـــــــــن....!!! ............................ إن شــاءالله البارت يعجبكــم ومايكون قصيــر :) ولي عوده للرد على تعليقاتكــم حبايبـــي,. # نلقاكــم في الفصـــل الرابع بأذن الله ## |
اقتباس:
الله يحييكـ منوره القصه غلاي... واتمنى تكونين من قراءهــا وهاذا الشي يشرفنــي,, وشكــراً على الكلمـــات الرائعــه.. اقتباس:
الله يحييكـ قلبــي..واسعدنــي تواجدكـ معي ونقدكـ للقصــه راح يكــون داعــم لـــي لا تحرمينــي تواجدكـ معي.. اقتباس:
احب الليل,, وجودكـ الاروع حيـــاتـــي,, لا تحرميني تواجدكــ.. اقتباس:
منوره القصـــه غلاتي والاحلــى هو تواجدكـ معي...ويشرفني قراءتكـ للقصـــه,, |
مساج خير وسكر يا حوريتي.. تدرين غلاي أقرأ البارت ويدي على قلبي.. عندج قدرة مذهلة على إثارة الرعب في قلبي.. تدرين غلاي.. قاعدة اشمشم وأقول هالأسلوب في الكتابة وين مر علي قبل <<< حشا كلب بولسي خخخخخخ... ماشاء الله عليج لأنه احترافج واضح.. وتلاعبج بالأحداث خلاب جد... جد -وأنا وحدة صريحة- أنه الأفكار موب جديدة.. بس أنتي بموهبتج خليتيها جديدة وممتعة ومشوقة.. من زمان ما انفعلت مع شخصيات مثل ما انفعلت مع هالأيتام الله يأخذ عمهم ومرته حية التبن..
لحد الحين سالفة ظلم هالأيتام معورة قلبي... وحتى يوم بغى الله ينصرهم ووقف أخوهم نواف معاهم.. ماهان عليج إلا تعورين قلبي.. اولا بإحساس سجى.. ثم بالاتصالات اللي جات نواف.. اليوم طلعت شخصيات جديدة أخوان أم محمد وأمها وزوجة أخوهم.. أكشن جديد واحداث جديدة... أم راكان المتصابية.. وامل اللي ما تنجب.. والهنوف المتدينة.. وخالد الجديّ.. وسعود الحنون.. تنويع حلو ومثير.. أهنيج عليه.. مازلت أنطر رد على سؤال أدري إنج ماراح تجاوبيني عليه.. لأنه الاحداث هي اللي تجاوب عليه... (أحلامي تنتظرك) من المقصود؟؟ خاطري أفكك صواميل مخج وأعرف.. ناطرينج غلاي.. لا تطولين علينا بنت الخالة |
السلام عليكم..
ما شاء الله 3 بارتات كل واحد يقول الزيـن عندي..ان شاء الله الباقي بنفس المستوى واعلـى..يسلموو عالبارت..ما تقصـرين.. امـل والضيقه الي تييهـا..شنو سببهـا..عبالي..ان زوجها صار فيـه شي..واهي حست:)..بس فرحت بدخلته عليهم..حصة وغيرتها منهـا..ومن حب اخوهـا لهـا..بالرغم من انهـا ما يابت لـه عيـال..تدريـن..مادري ليش احـس ان ملاك ممكن تكون بنـته..طرت وايد مو:)..المهم..ان الله يسـتر عليهـا من حصـه..لانها لو ما مسكت شي عليهـا..بتطلع شي تمسكه غصـب..لو ألفته..المهم تخـرب عليهـم.. مـلاك زواج امهـا..وعدم اهتمام ابوهـا فيهـا..وانه مخليهـا هني..عشان اهلـه ما يعرفون..عنهـا شي..خلاها تدور على احد تكلم لـه..تسلي روحها معـاه..والاهم تتناسى اهلهـا..نفس عادل..والحـين وليد..الي قالتله عن قصتها من اول لقاء..هل تبي تستعطفه..او من كثـر مو هالسالفة مضايقتهـا..الله يعينهـا..ويهديهـا..ياخوفي تكرر السـالفه..مع وليد..واهـي..! نواف زين سوى..سكت سكت..وانفجـر..دامه ممكن يأذي خواته..وبما انه هو المسؤول عنهم..لازم يحميهم..لو من عمهم الي المفروض يكون..عزوتهم وسندهم..بس سكوت العم مو مريحني..كلـش..واكيد انه بدور شي ثاني..المهم ياخذ البيـت.. سجـى مسكينه..لي متى بتم تنطق هذي..اشك ان الخطاب ياييـن لها مو لمرام..مادري ليش..عاد لو كان صج..ودي اشوف ويه ام فهد هع..واتشمت فيهـا:)..احس ان اهي الي كاتبة الشعر ومنزلته بالمنتدى..! مرام اخر زمن..بنات يرقمون شباب..لاحول ولا قوة الا بالله..الله يهديهـا..تستاهل الي صار فيها..وانه ما عطاها ويـه..وحلو بعد فرحهـا لفرحة نواف.. بو رائـد الحمد لله الي طلع عكس الخـال كلـش..وانه واقف معاهم..وان شاء الله يتم واقـف معاهم.. بنووتة |
اقتباس:
اهم شي عجبكـ البـــارت :) وبصراحــه انــا كتبت روايات بس مانزلتها بالمنتديات يعني محتفظه فيها عندي ومافيه احد قراها لا قريب ولا بعيد :) وان شاءالله اذا انتهيت من هالقصه بنزلهـــم,, ومشكوووره ياعمري على هالمدح....وربي وجودك راح يكون دافع قوي لــــي استمري معي :) اقتباس:
لا تحرميني منه :) ............................. ............................. حبايبي قراء الروايــــه.. حبيت اخبركــم ان عندي الاسبوع هاذا اختبارات من اوله لآخره <<آخر سنه بالجامعه :) وعشان كذا مضطره ماانزل شي بهالاسبوع لأن وربي ماعندي وقت واتمنــى تعذرونــــي.... والحين ان شاءالله راح انزل البارت الرابـــــــع لعيونكــم واتمنــى لكــم قراءه ممتعــــــه :) |
# الفصــــــل الـــــرابـــــع #
## ليــــــت الجـــروح تطيب وأرتـــــــــاح من همــــــــي ## http://img105.imageshack.us/img105/9709/33945247qc3.jpg ((الأربعا_12 الظهر)) أم فهد جالسه بالصاله وعلى أعصابها_لأن اللي بيخطبون بنتها بيجون العصر وهي للحين ماجهزت شي_طبعـــاً ماتعـودت تجهز عشــان كذا متوهقــه,, سجى ماطلعت من غرفتها بعد اللي صار أمس مثل ماقالها أخوها بس تنزل تسوي شي تاكله وتدخل وام فهد ماقدرت تكلمها لإن زوجها مانعها ومحذرها إلى أن يلاقي حل للمصيبه اللي هم فيهـــا,, .. .. .. .. دخلوا نوره وعبير للبيت راجعين من المدرسه من بعد الاختبــــار عبير: هااااي مامي ام فهد التفتت على البنات اللي داخلين الصاله : اهلين عبوره___ناظرت نوره___نوره تعالي أبغاك نوره على كثر ماتكرها الا انها تحترمها لكبر سنهاومتحملتهـــا بس مو مثل سجـــى يعني نوره ترد بس ماتقل ادبهـــا_جت وجلست من غير نفس : هلا خالتي عبيــر: يالله مامي انا طالعه انام..ومابغى غدا لحد يصحيني.. أم فهــد بلا مبالاه تأشر بيدها: اوكي روحي ام فهد إرتاحت كانت مفكره إن نوره بتطنشها__بس ماتدري وش بتقولها: نوره أنا اليوم بيزوروني ضيوف أول مره يدخلون البيت_ وماجهزت شي على اساس سجى بتساعدني نوره كانت عارفه وش تبغى منهـــا : بس سوسو تعبانه من بعد أمس أم فهد بترجـــي ولأول مره__توها تعرف قدر هالبنات__: نوره الله يعافيك روحي كلميها تنزل والله أني متوهقه نوره كسرت خاطرها مع انها ماتستاهل_ قامت بتنادي أختها: خلاص بروح اقولها وإن شالله توافق ام فهــد وهي شوي ارتاحت: اي الله يوفقكـ قوليلها لا تتأخر ماعاد عندي وقت..هالضيوف يمكن يجون بأي وقت.. طلعت نوره فوق عشان تكلم سجى_وام فهد قامت تصحي مرام عشان تجهز لإنها حكت معها أمس عن موضوع الخطبه . . . . . . . . . . . بعد ماطلع من الاختبـــار مره خاله واخذه معه للبيـــت..لأنه كلمه بالليل,, بالسيـــاره>> نواف: خالي خلااص الا هنــا ويكفي..انا ماقدر اقل ادبي مع عمي بس انت لازم تتحركـ ابو رائد: ان شالله وانا خالكـ..الحين نرجع للبيت ونتغدا ونشوف حل للمشكله,, نواف: بس شوف محاكم مانبغى....مابي الناس تقول نواف جرجر عمه للمحاكم وهو كبير بالسن ابو رائد وهو يبتسم: ياليت هالعم عرف قيمتكم يانواف نواف: ماعليه ياخالي مصير الايام بتعلمه....بس انا مابي يجيه من شر وأذيه..وراه بيت وعايله, ابو رائــد: الله يحفظـكـ ويخليك لخواتكـ... دق جوال نواف وكان نفس الرقـــم,, نواف: يالليييل من الاتصال متى بيتكلم ويخلصني : الــــوووو,, :ـــــــــــــــــــــ : ياخي اذا تبغى شي تكلم قول انطق بس مو تسمعني صوت الهوا اللي وراكـ... :ـــــــــــــــــــ نواف بطفش قفل الخطـ والتفت لخالـــه: تخيل هالرقم امس دق علي ولا تكلم واليوم نفس الشـــي...احترت معـــه..مادري ليش حاس انه يبي مني شي ابــو رائــد: اكييد..لوما يبي شي مادق نواف: المشكله انه مايتكلم..على الاقل يسلم,, ابــو رائــد:هههههههه,,طلعلك معجبــات واحنا ماندري نواف: اي معجبات ...شايف وجهـــي تقول معجبــــات,, ووصلـــوا عند البيت وكـــان بإستقبـــالهم ام رائــد,,,,,,, . . . . . . . . . . . . . ((في غرفــة البنات)) سجــى : نوره قوليلها اني نايمه ومارضيت اصحى نوره: سوسو سكتيها بكم نوع حلى وتعالي...اهم شي ماتسويلك مشاكل والله لو مانزلتي بتجرم فيكـ هاذي ماعندها مانع تقلب البيت على روسنا سجى: مالي خلق اطالع وجهها..اذا شفتها بنفجر وبسوي مشاكل معها..اللي صارلي امس ماراح عن بالي وكيف تناظرني وتتبسم. نوره: اذكري الله..نواف قال لا تتعرضون لهم ....اليوم بيكلم خالي يجي وياخذنا..اختميها بخير بهالبيت مع انهم مايستاهلوون سجــى: طيب بنزل..بس بشرط...تجين معي نوره: بس انا تعبانه ودي ارتااح من بعد الاختبار سجى: عشاان خاطري نونو....والله طفشاانه وودي احد يسولف معي..اذا ماجيتي بتجلس معي وبسوي شي مايرضيني ولا يرضيها نوره: امري لله..يالله ننزل.... >>نزلوا سجى ونوره للمطبخ عشان يجهزون للضيوف<< .. .. .. .. .. .. ام فهد كانت طالعه من غرفة مرام...ومرام وراها تمشي وهي نص نايمه... ام فهد لما شافت البنات طالعين ماكلمتهم ودخلت غرفتها ماتبغى تتهاوش وتتركهــا سجى وماتساعدها اما مرام ناظرت بالبنات.. مرام: وين رايحيين..؟ نوره: بننزل نجهز لضيوف امك اللي بيجون العصــر.. مرام: اهاا قصدك اللي بيخطبوني سجى لفت ناظرت بمرام: جد والله....مبرووك مرام ماردت عليها ودخلت لغرفة امها.... نوره: جد انها ماتستحي...كان ماقلتيلها مبرووكـ... سجى: ماعليك منها..تعالي ننزل بس .. .. .. .. .. .. .. .. ام فهد: ياخبله كان ماقلتيلهم عشان مايحسدونكـ.... مرام: بالطقاق..انا للحين ماشفت عريس الغفله اللي بيخطبني عشان اخاف من الحسد ام فهــد: مايحتاج تشوفينه يكفي انه ولد عز...الله يستر من عيونهم لا يطيرونه مرام بدت الغيره عندها تشتغل :ماما اهم شي سجى ماتطلع عند الضيوف,, ام فهد: اكييييد هاذي مايبغالها كلام...بس تجهز وتخلص بخليها تطلع لغرفتها... مرام: يالله اجل بروح اخذ شاور وبعدها بطلع للصالون,, ام فهد: مرام الله يخليك لا تكثرين من الميك اب..ابغاك تكونين بسيطه..ترا هالناس مايحبون الا البساطه مرام: لا تخافين..انا ذوقي حلو بالميك اب,,,يالله مامي عن اذنكـ طلعت مرام غرفتها..وام فهد جلست تدعي ان مرام تعجب ام سعود.... اخذت جوالها ودقت على امها... ام فهد : الوو..مسا الخير ام سعد: هلا والله بام فهد مسا النور ام فهد: شخبارك يمه..وشلون صحتكـ...؟ ام سعد: الحمدالله بخيير..هايمه بتجونا اليوم ولا ماعندكم نيه ام فهد: لا والله ماراح نجي....انا مكلمتك عشان اقولك ان ام سعود بتزورنا اليوم..ماودك تجين ام سعد: وش عندها ام سعود..؟! ام فهد: تقول تبغى تشوف مرام...ان شالله تكون من نصيب ولدهاا ام سعد: ياويل حالي..بتزوجين مرام الشايب...؟! ام فهد:هههههههههه اي شايب الله يهديك يمه..ام سعود بتخطب لودها خالد مو سعود.. ام سعد: اييه اشوا ضنيتها بتخطب لسعود..مثل ماسمعت عنده حرمة ماتجيب عيال ام فهد: اي والله الله يعينه ولا بعد يقولون انها مريضه شوي مدري وش علتها..وماتطلع من البيت ام سعد: الله يشفيها....انا مافيني شده اجيكم..بس اذا مشو ضيوفك عطيني الاخبار..بتطمن على مرام. ام فهد: ان شالله...يالله فمان الله ام سعد: فمان الكريــم..... .... قفلت ام فهد الخط من امها....وخطرت ببالها فكـــره,,,, ((والله امي نبهتني على شي ماكنت منتبه له....الحين ليش ماخلي سجى تطلع عند ام سعود عشان تخطبها لولدها سعود مو هو يبي عيال..سجى بتجيبله عيال وبتجيبلنا خيير والله اني غبيه كيف مافكرت بسعود صااحب الشركات والخير..وسجى عاله على قلبي بستفيد منها شوي...الحيين بقولها لازم تطلع عند الضيوف وتجهز نفسها)) طلعت ام فهد من غرفتها ونزلت لسجى عشان تعطيها خبر تتجهز.... . . . . . . . . . . . في بيت سعــود.... في الصـــاله جالســه ام سعود وبنتها الهنوف وخالد أم سعــود: الله يهديـهــا أم محمد ماراح تجي معي نشوف اللي بنخطبهــا الهنوف: الله يهديك انتي يمه...الجوهره قالتلك روحتها ماراح تغير شي..لأنها من الأساس رافضـــه ام سعود: ولو..المفروض تجي مع امهـــا...ولا مالي كلمه عليكــم خالد: ماعليك منهم يالغاليه..لا يضيقون صدركـ..انتي الكل بالكــل.. ام سعود: الله لا يحرمني منكـ ولا من سعود ___ شافت امل نازله من الدرج___ ياارب انك ترزق ولدي سعود بالذريه الصالحــه اللي يرفعون اسمه من بعده.. يارب لا تردلي دعاء يارب ترزقني بشوفت احفادي من خالد وسعود... الهنوف استغربت دعاء امها المفاجيء..لفت شافت امل نازله وهي مبتسمـــه... الهنوف:هلا أموله حيـــاكـ... جت امل كانت لابسه عبايتها وباست راس ام سعود...وجلست امل: كيفك خالد.. خالد: هلا والله بخير الله يسلمكـ...كيف صحتكـ انتي.. امل : بخير الحمدالله...خالد سعود فوق يبغاكـ...يقول اذا شفتيه خليه يطلع للمكتب.. قام خالد يشوف اخوه وش يبغـــى... ام سعود: على وين العزم ان شالله...اشوفك لابســه العبايــه.. امل لفت لأم سعود: ابد خالتي عندي موعد بالمستشفــى..وبنتـظر سعود ينزل ام سعود: اييه..وليش السايق مايوديكـ..وش حقــه تعنين سعود امــل: هو اللي طلب مني يوديني..._لفت للهنوف_ وين الدلوعه مشتاقتلها مرا.. الهنوف: فوق ياعمري من الطفش نامت.. ام سعود: يالله عاد شدي حيلك وجيبلنا لو واحد بس...عشان يملى علي البيت امل تضايقت من هالموضوع اللي كل ماشافتها لازم تحكي فيــه_فضلت تسكت عشان ماتفتح على نفسها مشاكل هي في غنى عنها,, . . . . . . . . . . . دفتها على السريــــر بقووه,,وصرخت بوجههــــا : مو عشان عطلتي ياماما تاخذين راحتـكـ بالطالعه والداخلـــه!! هنـــا والدوع مغطيه وجهها_اول مره احد يصرخ بوجهها كذا: ماما والله العظيم ماطلعت الا الحين.. وربي كنت نايمــه طول الوقت,, ام محمد: اقووول بلا لعب عيال..انــا مو هنديـــه عندكـ عشــــان تضحكين علي بكم دمعه... والله والله ياهنـــا ماكون عايده تربيتكـ من جديد ولا ماكون بنت ابـــوي__اشــرت ع البـــاب__وهالباب ماتطلعين منه الا بأذنـــي فااااهمـــه!! هنـــا: ماما حرام عليكـ والله راح انخنق...مو كافي الاختبارات اللي توني مخلصتها...والله حرام ام محمد: هههههه قالت اختبارات قالت..ماما انا عارفه انك ماتذاكرين..وساكته لكـ طول هالمده ابغاك تصحين...بس شكلي ماعرفت اربيكـ زيـــن..بس مو مشكله الايام قدامي..وراح تعرفيــن وش بأسوي,, ونشوف ياست هنو النتيجه بكرا او بعده بشوف يافالحه وش سويتي بالاختبارات,,!! طلعت من الغرفه وسكرت الباب بقووه,, هنـــا انفجرت ببكاااء من كثر الصدمه..وشلون امها تحرمها من الطلعه وهي اصلا ماتجلس بالبيــت... . . . . . . . . . . جالس بمكتبه الكبير ووجهه شاحب وهموم الدنيا على راسه.. واخوه قباله ينتظره ينطق يقول اي شي خالد: وش فيك ياخوي_وجهك مايبشر بخير!! سعود: آآه ياخالد أصعب شي على الانسان لما يقرر قرار وهو عارف انه ماراح يرتاح من هالقرار خالد: افا ياولد ابوي ماخبرتك ضعيف لهالدرجه_انت إذا قررت شي تنفذه بدون تردد_ سعود وهو ضايع مايدري وش يسوي_ولا اللي يفكر فيه صح ولا لأ: امل ياخالد_امل ماقدر اتخلى عنها خالد ماكان متوقع الموضوع فيه أمل كان مفكره شغل: ومن قالك تخلى عنها_! سعود ناظر لبعيد وكأنه يتذكر شي: انــــا_ خالد وعلامات الاستفهام بوجهه: انت!! وش طرى عليك_ مو انت تحبها وضحيت بكل شي عشانها..! سعود: بس انا ابغى عيال_ماتشوف الشيب بدا يطلع براسي_ بس امل ماراح ترضى بوحده تشاركها.. خالد:والله ياسعود مادري وش اقولك_موضوعك حساس_انت تعرف وش كثر اعز امل_وبنفس الوقت ابغى اشوف عيال أخوي رفــع سعود راســـه يناظر فوق للسمــــاء وهو جالس يسترجع ذكريات ماكان يفكر فيها من الاساس: خالد تذكــر هيفــا بنت خالتــي اللي بأستراليـــا,,!! خالــد فتح عيونــه ع الآخـــر مو مستوعب ان سعود يكون يحبها طول هالفتــره : أيـــه اذكــرها..وفيه احد ينسها اهله سعود: تذكــر لما امي حاولت تزوجني لهــا وانـــا رفضت عشان اكمل دراستــي العليا,,! خالـــد وهو مو مستوعب شي: ايه اذكـــر...بس وش اللي طراها عليــكــ....لا يكون تحبها واحنا ماندري,,!! سعـــود : كم عندهـــا الحيـــن..؟! خالــد: قبل سنه اذكــرهــم 4 ولدين وبنتين,,,مادري اذا جابت احد ثانــي اول لأ...!! سعــود بأبتســـامه : يعنــي لو أمــل تنجب كان انـــا الحيــن اب لأربع اولاد.. خالــد وخاب ضنه فكــر اخوه يحب هيفـــا: الله يرزقكـ ياخوي بالعشره مو بس اربعـــه...بس انــا وش اقدر اســوي..!! سعـــود وهو يناظــر بأخوه بجديــــه: محتاج راي مشوره اي شــي يرسيني على بـــر...ماودي اظلــم امل واتزوج عليها ولا ودي اظلم نفسي واهلي واحرمهم من شوفة عيالــــي...قلي وش اسوي خالــد: طيب حاول تعالج امــــل...الطب تطور ومو معقول مافيه امل خلاص... سعـــود: آآآه ليتها بس تقدر تحمل وتجيب واحد بــس...انــا قلبي يتقطع عليها لما اشوف نظراتها للأطفال خالــد: يعني انت ناوي تتزوج خلاص..!! سعـــود: هاذا اللي محيرني...مادري وش السواة__ناظر بساعته__اوف تأخرت على امولــه الحين تنتظــرني يالله خالد انا بطلع بس انتبه الكلام يطلع لأحد حتـــي الوالده!! خالــد:ههههه ماهقيت ياسعود تقدر تتحمل زعل امــل وانت مو قادر تتأخر عليهــا دقيقه وحده,,, سعـــود: وانت صادق القلب مايشوف غيرها,,,يالله فمان الله نزل سعـــود لزوجته اللي تنتظر تحت مع الضغوط النفسيــه اللي تواجهها من ام زوجهــا بكل كلمه تقولهـا... . . . . . . . . . . . ســـرحــــان ومو مع الناس و الازعـــاج اللي حولـــه...." يارب متى تنفــرج ماعاد اتحمل أكثــر من كذا" : هـــآآآآآآآآآآآي,, وليـــد فز من مكـــــانه من الخوف: بسم الله الرحمن الرحيـــن__لف وراه يبغى يشوف وش هالشخص اللي طلع فجأه__ شاف ملاكـ واقفـــه وبكـــــامل اناقتهـــــا_برمودا جينز رمـــادي وتيشيرت اصفـــر وصندل ابيض_ومسويه شعرها"بنــي" سترييت ومكثره البرونز على وجهها ملاكـ: بسم الله عليكـ وليــد...وش فيك كأنك شايف جني..!! وليــد من الخوف ابتســـم: والله اللي يشوف اسلوبكـ في السلام يطير قلبه..الناس تسلم بشويش مو ناطفه بوجههي مثل الجني ملاكـ وبضحكــه نآآآعمــه مثلها خلت وليد يتقطع قلبه: ههههههههه خلاص واوا ولا يهمكـ من اليوم ورايح اول مااشوفك بهمس مو وارك واقول _توطي صوتها_هـآآآآي...عاد اذا ماسمعتني مشكلتكـ وليـــد: هههههههه اول شي وش واوا هاذي حسستني اني بزر بعربانته...ثاني شي انتي ماعندك حل وسطـ ياصراخ ياصوت نمله,, ملاكـ:ههههههه خلاص مو مشكله ماراح اسلــم خير شير...ع العمووم وينكـ اختفيت ماشفتك الا مره وحده وبعدها ماعاد شفتكـ والله فكرتك ترك لندن وليــــد: آآه ياليتني اقدر اتركها وارتااااح.. ملاكـ: اووو شكل الاخ عاشق من اهل السعوديه...ماتقدر على فراقهـــم وليــد: اي عشق اي خرابيطـ...انا واحد احب اعيش حياتي ومالي بالسوالف... ملاكـ : تعجبني...بس على فكره تصدق انك ماعندك ذووق..! وليــد طارت عيونه بوجهها وش هالميااانه: افاا ليش!! ملاكـ : لا تناظرني كذا المفروض تعزمني مو واقفه على راسك واسولف,, وليـــد: هههههه والله انتي اللي ماعندك سالفه...ماتشوفين المكان فاضي ليش ماجلستي..!! ملاكـ بإحراج : يعني خفت ماتبغى احد يجلس بجنبكـ.. وليد: ههههههههه اقول اجلسي ولا يكثــــر.. جلست ملاكـ بجنبه ولاحظ وليد ان البنت منحرجه واستغرب وش عندها قلبت فجأه... وليد: وش رياك نروح للكوفي اللي بآخر الشارع..! ملاك ناطرت بوجهه من قريب وسرحت...شكله من قريب احلى وعيونه فيها لمعة حلوه...حست قلبها يدق بسرعه ماتدري ليش... وليد يأشر بوجهها : هيييه ملوكه وش فيك مفهيه,,! ملاكـ: هاا..لا ولا شي بس وش كنت تقول..!! وليــد: لااا حالتك صعبه..اقول نبي نروح للكوفي وش رايكـ...!! ملاكـ نزلت راسها حست بإحراج شلون تناظره من قريب وبنفس الوقت تحس انها ماتقدر تكون قريبه من هذا الشخص لأنه غير عن اللي تعرفــهم...مايناظرها مثلهم: اوكي يالله نروح وليد مشى قبلها وهو يفكر وش سالفتها مره تضحك وتسولف وفجأه يقلب لون وجهها__شك بوضع هالبنت وخاصة انه مايعرفهـــا.. ملاك وهي تمشي وراه: وليد لا تسرع انا ماعرف امش مثلك بهالسرعه.. وليد من الطفش كله حب يغير جو ويرجعها مثل اول ماشافها مرجوجه مو ساكته ومنحرجه__ركض بسرعه ولف عليها : يالله ملووكه اذا سبقتك تعزميني على حسابك واذا سبقتيني اعزمكـ__ وراح يكمل ركض ملاك وقفت مفهيه تناظره وشلون شكله مثل البيبي يحب اللعب وكل اللي عندها مسويين ثقل: لحظه لحظه خلينا نصف بالاول عشان مايكون فيه غش.. وليد : مالي دخل محد قالك تفهين يالفاااهيـــه..هههههه ملاك حاولت تلحق عليه وهي تضحك من ركضها_اول مره تركض بهالسرعه_مو قصدها الحساب بس تبغى تلحق على هالمجنون اللي تقريبا قطع الشارع وتركهها ولا همته : وليييد يامجنووون لحظه مو لهالدرجه عاااد..انتظرنيي ولييييييييد وليــد من بعييد وهو يناظرها ويضحكـ: كان فيك خير الحقيني يالفاهيــــه... وبعد الركض والطيحات اللي صرات لملاك جلسوا في الكوفي شوب برا والناس تناظرهم مستغربين ركضهــم ملاكـ وهي يالله تتنفس: حسبي على ابليس وربي مابقى واحد بالشارع ماضحك علي.. وليد وهو متعود على الركض : مشكلتك والله قلتلك ركزي معي واسبقيني بس انتي الله يخلف عليكـ ملاك: اقول اطلب اي شي انا مااقدر اتكلم اكثر من كذا.. وليد: ههههه اوكي.... . . . . . . . . . . دخل بيته وهو متضايق وناوي ينهي الموضوع واللي فيها فيهــــا.. جلس يتلفت يدور على احد يفش خلقه فيه بس ماحصل احد_سمع اصوات ضحك بالمطبخ_ راح لهــم نوره جالسه تلعب بخصل شعرها وتغني.. لك بمد اليد ودي نتصافح ودي ننسى ما مضى ودي نتساآمح ودي ارسم في عيونك من دفا النظره ملامح يكفي جروح الهوى تلمس القلب وتصافح سجـــى : يرحم امكـ على هالصوت بلييز اسكتي...يكفي كرهتيني بالاغنيه نوره : من زيـــ.....__شافت عمها واقف يناظرهم والشر طالع من عيونه__خافت وسكتت سجــى كانت قبال الفرن: وش فيك سكتي_لفت شافت عمها واقف عند الباب_رجعت وناظرت بشغلها ماتبغى تتذكر اللي صار امس ابو فهـــد: وييين اخوووكـــــم...!! نوره: مادري مارجع من المدرســه للحين<<هم عارفين انه في بيت خالهم ابو فهد ناظر بسجــى : هييه انتي ماتدرين وين نواف..!! لفت سجى وناظرته من غير نفس: لا مادري وينه ابو فهــد كان وده يترفس ببطونهـــم_بس ماحب يخرب السالفه ويطلعون من البيت جد...طلع وهو متضايق مايدري وش يسوي.. نوره: يممه منه هذا مدري متى بيخلص..للحين عنده امل سجــى وهي تنظف الصحن : ماعليك منه خليه يحلم..والله لو يقطعني قطعه قطعه ماخليته ياخذ راحته ويسحب كل شي يبيه.. نوره: والله ياخوفي يسوي بنواف شي_انا صرت اتوقع اي شي منهـــــم.. سجــى: الله يستر__يالله نونو خلينا نطلع واخذي هالاكل معكـ تتغدين قبل تجي النسره,, طلعـــوا البنات لغرفـتهم ولحسن حظهم ان مافي احد عارض طريقهم ولا كان صارت مشاكل على هاللقمتين.. . . . . . . . . . . . : هلا حبيبي.. : لا مافيني شي بس توني صاحيه من النوم.. : لا معليش اليوم مااقدر..خلها بعدين : وربي ماقدر...انا عندي مشكله هاليومين مع الوالده,, : خلاص فايز....بحاول واتصل فيكـ : ماراح اتأخر لا تخاف...سي يـــو,, قفلت هنـــا الخط واسترخت على السرسر تفكــر كيف تستغفل امهـــا وتطلع من البيت... ((مافيه الا الفاهيه دانا..هي اللي بتنفعني....)) رفعت جوالها ودقت على اختها دانــــا وصوتهـــا كله نووم : الووو هنــا: دانا حبيبتي تعالي لغرفتي بسرعه ابغاااكـ.. دانـــا وهي ماتقدر تفتح عيونها من كثر التعب: هاااا..وش تقولين..!! هنا بنرفزه : اقوول صحصحي معي..انا هنو تعالي لغرفتي بسرعه.. دانـــا: اوك دقايق__قفلت الخط وكملت نومتهـــا_ هنــا مفكره انهـــا بتجي جلست تنتظرهـــــا... .. .. .. .. .. .. .. لبست عبايتها وهي معصبه..مالها خلق تروح مع امها يشوفون مرام..طبعاً مارضت الا لما حست ان امها زعلت ام محمد: ليتـــا....ليتـــــا,, جت الشغاله تركض خافت من صوت ام محمد: يس مدام ام محمد: اسمعــي انـــا الحين طالعه بروح مشوار ربع ساعه وبرجع انتبهي لهنــا اذا طلعت من غرفتهــا دقي علي على طول...فاهمه الشغاله: اوكي مدام,, طلعت ام محمد لبيت اهلها عشان يروحون بسياره وحده.... .. .. .. .. .. هنــــا ماقدرت تنتظر اكثــر من كذا...((شكل الفاهيه كملت نومتها وانا على بالي انها جد بتجي)) دقت عليها اكثر من مره بس جهازها مغلق,,, دق جوالهـــــا...__يوووه وش اسوي هالحين.. ردت وهي خايفه: الوو :اوك حياتي انا قلتلك بحاول : طيب وش اسوي عطني حل,, : خلاص انت تعال من الباب الخلفي وانــا بحاول اطلعلكـ قفلت الخط وهي مو قادره تصبر اكثــــر من كذا...لبست عبايتها وطرحتها وطلعت من غرفتها تتسحب__شافت الشغالهه متكيه في الصاله اللي قبال جناحها هي واختها ناظرتها الشغاله بنص عين وكأنها شايفه شي غريب...الشغاله الغبيه رفعت الجوال قدام هنا طبعاً هنا ارتفع ضغطها من حركتها وهي اصلا ماتدري انها بتتصل بأمها مشت لها مسرعه واخذت الجوال: لا ياشييخه عسى ماشر..اشوفك ماخذه راحتك هنا الشغاله المسكينه تخاف من كل الموجود بهالبيت..ومن الربكه جابت العيد: مدام يقول لازم يتصل اذا انا شوف انتي يطلع من غرفه.. هنا طلعت عيونها: اييييش...وشو لازم يتصل..ليش وين ماما الشغاله : مدام يطلع يقول ربع ساعه ويرجع...بس هو كلام لااازم يتصل اذا فيه شوف انتي هنـــا :هههههه...لا والله من جدها ماما مسويه حراسه علي...اقوول تعالي معي بس.. نزلت من الدرج براحـــه والشغاله وراها... دقت رقم حافضته مثل اسمها :اقول حبي هاذا انا نازله.. :لا خليك مكانك..انا جايه الشغاله: وين روح..!! هنا: امشي وانتي ساكته... طلعت هنـــا من البيت وكان فيه بإنتظــارها سياره لكزس..يسوقها فلبيني ركبت الشغاله قدام مع السايق...وركبت هي ورا مع صاحب/ة السياره فوز((فايز)): حشى لو اني موديتك المجزره ماتأخرتي هالتأخير<<((فوز بويه(مسترجله) الى حد الجنــون..يعني حاله ميأوس منهــا..كل شي بحياتها مايدل انها بنت...اللبس والشكل والاطباع والصوت وحتى اسمها غيرته بين صحباتها(فايز) كانت لابسه جينز لو ويست اسود وتي شيرت واسع للركبه رمادي وشعرها بويي مو مبقيه منه الا خصل بسيطه ومسويه برونزاج حواجبها عريضه وعيونها صغار بس نظرتها قويه..وصوتها مبحوح وعريض ملامحها حاده مرره,, هنـــا باست صاحبتها او حبيبها بالمعني المعروف بينهم من خدهـــا: ههه سوري حياتي وربي ماكان بيدي شي اعمله فوز تأشر على الشغاله: وهاذي وش جايبها معـكــ...!! هنـــا: طاافكـ ماما مسويه فلم هندي معي..تخيل قايله للشغاله تراقب تحركاتي بالبيت واول ماشافتني الشغاله رفعت الجوال بتتصل...ههههههههه..وربي حسيت اني مشتبهه فوز: يووه ماتوقعت امك من الدقه القديمه.. هنـــا: لا والله مو من الدقه القديمه..بس خالتو الهنوف مسويه داعيه بالعايله..وفتحت عيونهم على شي مايعرفونه فوز تعوج فمها: هاذي خالتكـ اللي سوتلي محاظره بالحفله..وربي اقول هالاشكال المفروض ماتحضر حفلات هنـــا: حيااتي ماعليك منهم خلينا بالمهم..__تأشر على الشغاله__هاذا الشي وين اوديه.. فوز: خليها عندي واعتبروها هربت..وانا بتصرف وقفت السياره عند اوسخ مكــــان تجتمع فيه هالاشكــــال..ونزلوا البنات وضحكهم مالي العماره... . . . . . . . . . . . . . ((العصـــر الساعه 4 ونص)) في بيت ابو فهــد وتحديداً بالصاله الرئيسيه...كل شي بالبيت مرتب وكأنه جديد وام فهد مبسوطه بضيوفها...والابتسامه مافارقت وجهها,, ام فهــ: تو مانور البيت ياام سعود,, ام سعود: البيت منور بأهله....الا وين مرام ماشوفها فيه,, ام فهــد : راح تنزل بعد شوي..ههه تعرفين البنات الله يحفظهم مايجهزون بسرعه.. ام محمد بصوت جهوري اربكـ ام فهد : الا ماقلتيلي ياام فهد بنات ابو نواف ماتزوجوا للحين ام فهد ولقتها فرصه تحرج على سجى عشان سعود: لا والله لسى..مع ان سجى كبيره وراعية بيت الا ان نصيبها ماجاها ونوره توها صغيره على الزواج,, ام محمد: الله يرزقها بالنصيب ويعوضها عن اهلها...بس الله الله فيهم ياام فهد تراهم ايتام من كانوا صغار,, ام فهد وهي تلعب دور الحنون: مايحتاج احد يوصيني عليهم..والله اني شايلتهم بعيونــــي,, الهنــوف: طيب ياخالتي بنتك الثانيه كم عمرها..! ام فهد تقريبا بدت تمل من أسألتهم: عمرها 14 ..انا ماعندي الا هالبنتين الله يحفضهم ام محمد وهي تقط نغزه على ام فهد: ليش وين الباقي...سجى ونوره,,! ام فهد كانت بترد بس قاطعتهم مرام اللي دخلت عليهم: مرحبـــا,, الكل رفع راسه يناظرهـــا كاانت قمه في الاناقــه والدلع...لابسه فستان بنفسجي حرير ضيق لتحت الركبه بسيور كريستال ومسويه شعرها سترييت وبوف خفيف وحاطه ميك اب خفيف ومعطيها شكل كيووت وانيق ام سعود اعجبتها مرام__مشت مرام لأم سعود لأنها خمنت انها الام وباست راسها... وقفت ام محمد والهنوف وسلموا عليها....كل هاذا وام فهد الابتسامه شاقه فمها لأنها شافت ردة فعل ام سعود ومن جانب آخر الهنوف والصدمه بوجهها ((لااااا..مو معقوله هاذي البنت اللي شفتها بالمجمع..ياربيي احنا وش جابنا لهـــم,,)) ناظرت بأمها تبغى تفهمها انها تبغى تحكي معها بس ام سعود فهمت غلط على بالها ان الهنوف اعجبتها البنت...ابتسمت لبنتها ابتسامة رضا الهوف طفح الكيل عندها ماتبغى امها تتكلم وتأكذ الخطبه...اخذت جوالها وكتبت بسرعه فيه ((الجوهره الحقي..هالبنت انا شايفتها بالمجمع مع صاحباتها ومابقى واحد مارقموه تصرفي سوي اي شي)) مدت الجوال لأختهــا: الجوهره اخذي هالمسج لكـ ام محمد ناظرت بالهنوف مستغربـــه: لي انـــا..!! الهنوف بأبتسامه: ههه اي لكـ اخذيه اخذت الجوال وقرت الكلام وفهمت الموضوع__رجعت الجوال لأختها ولفت على ام فهد: اقول ام فهد ام فهد: سمي ام محمد: الله يعافيك ناديلنا سجى واختها نبي نشوفهم,, مرام ناظرت بأمها وهي مستغربه فكرت انهم غيروا رايهم ويبون سجى بدالها.. ام فهد: ان شالله دقايق__قامت ولفت على بنتها عشان تطمنها : مرام تعالي معي,, قامت مرام وامها وطلعوا فوق لفت ام سعود لبناتها وهي مبتسمه: ماقلتلكم البنت حلوه...يارب تكون من نصيبك ياخالد انت تستاهل ام محمد: الا جعلها مو من نصيبه.__بصوت واطي__يمه هالبنت شايفتها مرام بالمجمع تغازل الله يستر على بناتنا ام سعود وهي منصدمه: شلوون..خافوا ربكم لا تظلمون البنت..مو شايفين كيف مستحيه__ناظرت ببنتها__الهنوف متأكده الهنوف: متأكده ونص..حتى اسألي خالد كان معي وكانت تتلزق بخالد وتحاول تشبك معه... ام سعود: لا والله كدينا خير..وليش ماتكلمتي من البدايه.. الهنوف: هاذا انا قلتلكم قبل لا تتقدمون رسمي..اقول خلونا نمشي قلو بناتنا ناخذ هالاشكال الله لا يبلانا ام محمد: جد يمه خلينا نمشي وقوليلهم بنكلمكم بكرا... ام سعود: وهاذا اللي بيصيــر.. .. .. .. .. .. .. في غرفة البنات مرام سانده ظهرها على الباب ومو عاجبها اللي تسمعه.. ام فهد: خلاص يابنت انا خططت وانتهى الموضوع...وشكله بيمشي مثل ماابغى,,ماتشوفينهم سألوا عنها.. مرام بطفش دخلت غرفتها ورمت جزماتها بالارض: لو عارفه هاذا تخطيطك ماطلعتلهم...كان اختصرتي الموضوع وزوجتيها خالد ام فهد: تخسي تاخذ خالد...خالد لك انتي..بس هي ماراح تتزوج الا سعود تجيبله الولد وتجيبلنا الخير,,وانتي عيشي حياتك مرام: اوك اوك..سوو اللي يريحكم انا الحين مشغوله.... ام فهد: ماراح تطلعين لهم مره ثانيه مرام من غير نفس: وش ابغى بوجيهم..خلاص عجبتهم اهلا وسهلا ماعجبتهم يمسكون الباب..مافيه الا ولدهم بالدنيا<<تقول كذا لأنها تحب تكابر وتبين انها مو محتاجه لأحد تعودت على هالطبع من كانت صغيره وخاصةً مع اهلها لأنهم بنظرها مايهتمون فيها ام فهد: اوكي انا بروح للزفت سجى بشوف ليش معنده ماتنزل.. طلعت لغرفة البنات وفتحت الباب كالعاده بقوه : اقول خلصيني وانزلي لا تفشليني عند الناس.. سجى كانت عارفه انها بتجبرها عشان كذا رتبت نفسها ع السريع.. سجى : اوكي بس ماراح اجلس بسلم واطلع,, ام فهد: ومن طلب منك تجلسين..امشي يالله اشوف وبال حركات عداوه قدامهم نوره تبي تقهر زوجة عمها: سوسو حياتي اقري على نفسكـ... سجى : ههههه من عيوني ام فهد عوجت فمها ونزلت وسجى وراها,,, .. .. .. .. .. .. ام فهد: هاذي سجى سجى تقدمت وسلمت عليهم..وكان شكلها عاادي جداً لابسه تنوره رماديه جينز ميدي وبلوزه شيفون بيج بذهبي ورافعه شعرها ومنزله خصل خفيف على جنب... ام سعود: هلا سجى...شخبارك يابنتي.. سجى بكل ادب وذوق وهي مو متعوده تطلع عند الضيوف يمكن هاذي اول مره..كانت منزله راسها وماتناظر بأحد: الحمدالله الهنوف دخلت قلبها هالبنت حست ان فيها انكسار وضعف: شخبار اختك الصغيره سجى وهي تجلس بجنب ام فهد : كويسه ام محمد ماعجبتها شخصية سجى...بس كل ماتذكرت انها يتيمه عذرتها ورحمتها: عساك حصلتي وضيف ياسجى سجى بأبتسامه وهي تناظر ام محمد: لا بدري ع الوظيفه لسى باقي بالجامعه ام محمد تناظر ام فهد بنص عين: وش دعوه ياام فهد تقولين كبيره البنت لسى تدرس ام فهد توهقت : هههه ماشالله البنات من يخلصون الثانوي يكبرون,, قامت سجى : عن اذنكم الكل: اذنك معك,, بعدها قاموا الحريم.. ام سعود: يالله ياام فهد فرصه سعيده تعرفنا عليكم..وخلونا نشوفكم ام فهد: وين بدري خلونا نجلس معكم شوي,, ام محمد: لا والله ورانا اشغال...ع العموم انتظروا منا مكالمه بكرا ان شالله ام فهد: حياكم الله بأي وقت..زارتنا البركه طلعوا الحريم...وطلعت ام فهد بعد ماودعتهم فوق لبنتها تبي تبشرها لأنها حست ان الخطبه بتتم,, . . . . . . . . . . . . . . الدكتوره: والله ياستاذ سعود لو كان فيه امل ولو 10% كان قلتلك... سعود وهو متضايق لأن امل جلست تصيح بعد ماقالتلهم الدكتوره مايحاولون مره ثانيه لأن الامل مفقوود,, : طيب لو نسافر برا ماراح ينفع,, امل وقفت: سعود خلاص خلينا نطلع,, سعود ماحب يضايقها اكثــر وقف معها: اوكي دكتوره راح اتصل فيك بعدين.. الدكتوره: ان شالله... طلعوا سعود وامل برا المستشفى وهم ضايقه فيهم الدنيـــا... امل : خلاص ياسعود انا ماقدر اصير ام...عشان كذا ماراح اظلمك معي..انت ضحيت بما فيه الكفايه لازم تتزوج<<قالتها وهي تشهق بالبكي سعود منصدم من اللي سمعه: اتزووج!! امل ركبت السياره وغطت وجهها بأيديها..وجلست تصيــح ماقدرت تمسك نفسها...ماتتخيل بيوم من الايام ان سعود لغيرها ركب سعود سيارتها ومسك يد زوجته: والله ياامل انك اغلى من يمشي على الارض من بعد امي امل:ـــــــــــــ<<كاتمه شهقاتها سعود ماعاد يقدر يتحمل صياحها حرك سيارته للبيت لأنه لو تكلم اكثر من كذا ماراح تسكت عن البكي,,, . . . . . . . . . . . . جالسه بسيارتها السكاليد اللي واقفه بشارع التحليه عند الكوفي شوب ولابسه لثمه مطلعه نص وجهها...واللي يشوفها يقول بنت بعمر ال20 ماكنها ام وعمرها 36 سنه جاها للفلبيني واخذت الكوفي..واخذت معه الشي المهم بالنسبه لهـــا,, ابتسمت بوجهه..ودقت الرقم بسرعه : الووو الشاب: هلا بهالصوت...فديت الالوو حصه(ام راكــان) بضحكه خفيفه: لا كذا من البدايه ماتحمل.. الشاب: من البدايه ومن النهايه اللي يشوف هالعيون مايقدر يمسك نفسه,, حصه: الا ماقلتلي وش اسمك الشـــاب: بدر,, حصه: عاشت الاسامي بدوري...انـــا حصه,, بدر: عاشت حصوص,, جلسو يسولفون شوي وبعدها قفلوا الخطـ وحركة ام راكان لبيتهــم لأنها خمنت ان امها واخالد راح يكونون بالبيت الحين.. امـــا بدر فجلس يفكــر معقوله هاذي عمرها 36 يعني اكبر منه بـ 10 سنوات.. الشكل يعطي اقل..ضحك شوي وقال بنفسه ((مو مشكله ملينا من البنوتات اللي كل شوي طالعتلنا بعذر اهلي ومادري ايش..هاذي شكلها ماوراها احد وبنت عز وبتعيشنيي)) <<بدر ولد على قد حاله ابوه متوفي وعايش هو واهله على الله ثم على اخوه الكبير اللي حرم نفسه من الزواج عشانهم طبعا بدر يصير صاحب وليــد...بس هو مايدري ان حصه خالة وليـــد,,, . . . . . . . . . . . بعد ماطلع من الكوفي شوب هو وملاك...دق جواله المتصل الوالــــد وليـد: الووو ابو محمد بدون سلام ولا شي: وليد اسمعني..هالحركات انا محذرك منها وقلتلك الف مره اترك عني هبال العيال وانتبه لدروسك وهالبنت اللي تسحبها معك مابغى اشوفها تمشي بجنبك مره ثانيه وليــد طاارت عيونه فكر ان ابوه موجود هنا بلندن: انت هنـــا!! ابو محمد: لاا..ولا تسألني كيف عرفت..انا قلتلك لا تلعب من وراي وتترك الدراسه..كل شي تسويه اعرفه وليــد عرف ان ابوه جد حاط ناس يراقبونه..ضاق صدره مو عشانه يسوي شي غلط..لا لأنه مايحب احد يسيطر عليه لهالدرجه: ان شالله ماراح تشوفني معها<<قال كذا يبي ينهي الموضوع,, ابوه قفل الخط حتى بدون لا يسلم....وليد تعود على هالاسلوب الجاف من ابوه...ناظر بملاك اللي ابعدت عنه عشان ياخذ راحته بالمكالمه..اشرلها بمعنى نكمل طريقنا ملاك مشت بجنبه: اكييد هاذا احد من اهلك بالرياض وليد ناظرها وش عرفها لا يكون سمعتهم: اي هاذا الوالد الله يحفظه ملاك: آمييين...الا وين ناوي تروح الحين..! وليــد: بوصلك لشقتك وبعدها بروح لشقتي عندي بحث لازم اسويه,, ملاك انبسطت شوي شكله بدا يهتم فيها__هي بنيتها ماتبغى حب ولا شي بس تبغى واحد يحسسها انه اخو لهـــا__ وكل اللي تعرفت عليهم فهموها غلط..الا وليد بنظرها... بأبتسامه خفيفه: اوكي,,, قربوا من المكان اللي ملاك ساكنه فيه...ناظرها وليد: هاذا هو الحي ملاك وهي مو معه كأنها تناظر شي ثاني: ايوه,, وليد شافها سرحانه لبرى وناظر وين ماهي تناظر... ملاك نزلت بدون لا تتكلم...نزل وليد معها : وين بتروحين لفت عليه ملاك: امممم...لا بس خلاص هاذي شقتي هنا...يعطيك العافيه تعبتك معي<<ماتبغاه يجي معها للشقه وليد حس انها خايف من شي قرب منها ومسك يدها: امشي اوصلك لباب الشقه ملاك بسرعه:لا لا مايحتاج انا بروح لحالي....تعب عليك تطلع للدور الرابع,, وليد: هههه لاتعب ولا شي انا متعود على المشي__مشى قدامها وهو ماسك يدها__امش بس انا بتطمن انك دخلتي سليمه ملاك ماقدرت تتحمل هالاهتمام نزلت دمعه من عينها ومسحتها بسرعه__مشت معاه وهي خايفه وش بيصير فوق اول ماوصلوا للشقه شافت اللي هي خايفه منه زياد: ماشالله كان تأخرتي شوي بعد.. وليد يناظر بالولد اللي واقف عند باب شقتها_لف على ملاك يدور اجابه على سؤاله ملاك: هاا...اهلين زياد..هههه...انا كنت طالعه اتمشى شوي__ناظرت بوليد وهزت راسها بترجي انه مايفهمها غلط وليد ناظرها بأستحقار: عرفينا!! زيــــاد: انا اعرفك بنفسي..معك زياد من الشرقيه...حبيب ملووكه القديم,, وليد ماعجبه الوضع اذا هاذا قديم اكيد فيه جديد واجد بعد_لف عليها وهو للحين ماسك بيدها__انتبه لنفسه وترك يدها بقوه وناظرها بنظرة استحقار ماقدرت ملاك تتحملها ونزل بعدها.. ملاكـ: وليــــد زيــاد: اوووه ملوكه الحلوه طاحتلها على حبيب جديد...ماشالله عليك عندك اسلوب يطيح شباب السعوديه كلهم تعجبيني شكلك ناويه تنتقمين من كل واحد سعودي عشان تبردين حرتك من ابوك.. ملاك دفته على ورا ودخلت الشقه...طبعا زياد دخل وراها وهو يضحكـ...دايماً يخرب عليها علاقاتها ,, . . . . . . . . . . . . . . . . في القصر الكبيـــر....وتحديدا داخل المجلس الرئيسي ام سعود: الله يعوضك ياخالد بوحده احسن منها.. خالد: طيب انتو بس فهموني وش عيبها ليش رفضتوها فجأه,, الهنوف لفت على امها : اسمحيلي يمه انا بقول لخالد الحقيقه.. ام سعود: لا يالهنوف لا تقطعين نصيب البنت حرام عليكـ...احنا رفضناها وانتهينا ليش نتكلم فيها,! خالد: اووه شكل الموضوع قوي....خلاص يمه لاعاد تخطبيلي انتي ولا الجوهره..انا بكلف الهنوف تخطبلي الهنوف: والله لو تطيعوني نخطبلك سجى..رفعت يديها يااارب تكون هالبنت جد من نصيبك ام محمد بسرعه: بسم الله على اخوي..ماعاد الا هالبنت ياخذها قلو البنات!! الهنوف: ليش وش شفتي عليها..جمال وادب وذوق واخلاق وفوق هاذا يتيمه يعني مربيه نفسها بنفسها ام محمد: ولا تنسين ضعيفة شخصيه بعد,, ام سعود: الله يرزقها بالنصيب الطيب مسكينه والله اني رحمتها.. خالد: ايوه بعد وش فيها..احكولي عنها اكثر,, سعود: وش تبي منها..دامك ماراح تتزوجها,, خالد ناظر بسعود بأبتسامه وكان لها مقصد: ماعليك مني اهم شي اعرف اكثر عن هالبنت دخلت راسي ام محمد: اقوول خلود شيل هالبنت من راسكـ يتيمه وماتبي تتزوج اكيد بتربي اخوانها وتقابلهم,, دخلت امل على اخر كلمه سمعتها من ام محمد ودخلت ببالها فكره انها تتبنى يتيم وتربيه : السلام عليكم الكل بأصوات متفرقه: وعليكم السلام.. ام محمد: حياالله هالقاطعه.. امل بأبتسامه: الله يحييك ياقلبي..والله الفتره اللي راحت كنت تعبانه شوي,, ام محمد راح فكرها لبعيد وابتسمت من قلب: لا تقووولين انكـ حاامل.وماعندي خبر امل ضاق صدرها بقوه هم مالهم الا هالموضوع ردت عليها بأبتسامه: شدعووه..هالخبر لو يصير انتي اول من يعرف ام محمد عرفت انها جابت العيد: الله كريم,,__وقف تبغى تروح__ : يالله عن اذنكم بروح اشوف بيتي وعيالي,, ام سعود: ويين اجلسي شوي معنا لاحقه ع البيت.. ام محمد وهي طالعه: لا والله تأخرت عليهــم,,,يالله مع السلامه بعد ماطلعت ام محمد.....لفت ام سعود على ولدها ها ياسعود بشر وش قالولكم المستشفى بخصوص الحمل,,!! سعود ماحب يتكلم بالموضوع قدام امل_وقف_: انا مشغول الحين اذا رجعت كلمتك بعد ماطلع....ام سعود: اسمعي ياامل انا لقيت لولدي عروس وعن قريب بخطبها لــه امل بصدمه لفت على خالتها: كيييف!! وقفت ام سعود: اللي سمعتيه وياليت ماتسويلنا مشاكل مانبي وجع راس.. امل من الصدمه ماقدرت تتحرك من مكانها...والحقيقه انها اغمى عليها وهي جالسه صرخت الهنوف: امـــــــــــل,,, . . . . . . . . . . رجع نواف للبيت بعد ماتغدا في بيت خاله.. ماحصل احد تحت...دخل للصاله الرئيسيه وشغل التي في وجلس يناظر المسلسل,, ابو فهد دخل من بعده وشاف نواف جالس بالصاله...ابتسم واخيراً انحلت المشكله,, ابو فهــد: اوو ماشالله عمنا نواف مريح هنا واحنا ندور عليه.... نواف لف على الصوت شاف عمه معه اوراق وشكله مبسوط: هلا عمي,, ابو فهد: عمك هاا__رما الاوراق قدامه على الطاوله__هههههه شوف ياروح عمك اقرا اللي مكتوب نواف رفع الاوراق وجلس يقرا فيهـــم وبانت الصدمه بوجهه رفع راسه لعمه : مو معقوول لا مو معقوول انت وش سوييت!!! ابو فهـــد: هههههههههههههههههههه يالله يابابا وريني رجولتك وش تقدر تسوي ههههههههههه نواف وهو يصرخ فقد اعصاابه: حسبي الله عليك....حسبي الله عليييييييك انت ظالم ظاااالــــم,, ابو فهــد: ههههههههههههههههههههههه نزلوا كل اللي فوق على صراخ نواف وضحك ابو فهـــد واولهم سجى ونوره سجى : نواااف وش فيــكــ نواف اول ماشاف خواته انهار وطلع يركض برا البيت وكأنه انجن ونوره ومرام ركضوا ورااه سجى تصرخ وماقدرت تتحمل اللي تشوفه رجوله ماقدرت تتحركـ طاحت على ركبها: نوااااااف وقف نوااف الله يخليك وقف صـــــوت بريك سيــــــــاره وصرااخ نوره ومرام سجــى بصوت عااالـــي ومقهوور : لااااااااااا نواااااااف ابو فهد وام فهد طلعوا برا يشوفون اللي صــــار....سجى قدرت تتحرك وركضت وراهــــــم متمدد على الارض والدم مغطيه ومغطي المكان اللي حولــــه نوره ماسكه اخوها وهي تصرخ ومرام واقفه وماسكه راسها والدمووع مغطيه وجهها سجـــى من هول الموقف ماقدرت تتحمل اللي تشوفه اخوها وحيدها وسندهم بالدنيا راح بغمضة عيـــــن_ اغمى عليهـــــا بجنبه ابو فهـــد ماقدر يتحرك من مكانه..معقوله ولد اخوه مات بسببه....لف على زوجته اللي نفس حالته يفكرون وش بيصير لهم اذا الولد مات مرام وهي تهز ابوهـــا وتصرخ: باااباااا تكفى اصحى اسمعني..بااابااا نواف بيموت بيموووت . . . . . . . . . . . . . . >>نهـــــاية الفصـــل الرابــــــع<< ................................................... عــارفه ان البارت قصيــــر...بس ان شاءالله يعجبكــــم اتمنى لكم قراءه ممتعــه وبإنتظـــار تعليقاتكــــــم القاكم على خيــر بالفصل الخــــــــــامس,, |
البارت جنااااااااااااااااااااان بس وش الايام الي تنزلين فيها البارت
|
ماشاء الله تبارك الله عليج حوريتي.. بارتات متلاحقة.. وأحداث متنوعة.. براحتج يا غلاي في امتحاناتج.. أنتي ماقصرتي ورايتج بيضاء
نجي بارت اليوم.. حريتيني حرة.. ودي ادخل وأنط بحلقج لين تقولين إن الله حق.. هذا شيء تسوينه.. تذبحين اليتيم.. لا وما ادري وش المصيبة اللي عمه سواها.. وش الأوراق اللي نواف شافها قبل الحادث؟؟ سجى المسكينة من وين تلاقيها؟؟ والحين سجى صارت بين 3 خيارات: وليد اللي من الأساس حاسة إنه فيه شيء بيربطه فيها.. سعود اللي يبي عيال.. واللي أقطع يدي لو ماكان هو اللي أخر حد كلمته أم نواف قبل تموت.. وخالد اللي الهنوف تبي تخطب سجى له.. ناطرين البارت الجاي بشوق عشان نشوف أشلون تحلين لنا ذا البلاوي.. بنت الخالة |
السلام عليكم..
يسلمووو عالبارت الحورية..ما تقصـرين..والله يوفقج بامتحاناتج.. مـرام هذي بداية..الي رح يصير لها بعدين..سمعتها اختربت..عند الهنوف..وامهـا..وشي اكيد..ان نفس ان كل من شافها ترقم مارح ياخذهـا..وبيكثر الكلام عليهـا..تستاهـل الي صارلهـا.. سعود محتـار..يبي عيال..ويبي امل..يبي يرضى امل..ويبي يرضى اهله ونفسـه..مهما كان يحبهـا..لكنـه..يتمنى يكون ابـو..اعتقد ان خالد بعد..فكر انهم ياخذون سجى لسعود..اخلاق..وجمال..وصغيره..يعني تقدر تيبله عيـال..واعتقد بعد..ان ام سعود..فكرت بهالشـي..بعد.. امل صدمتين بيوم واحد..مسكيـنه..لا تزعلين نفسج اموول..لو قالتلج مافي امل..والله كاتب تيبين عيال..بتيبيـن..صج قالتله تزوج..بس مو من قلب..ما تخيل ان تشاركهـا وحدة بزوجهـا..شرح تسوي..بتم على ذمته..او انها بتطلب الطلاق..ولو تمت..شلون رح تعـامل سجى.. حصـه الحمد لله والشكـر يارب..ام وعندها عيال..وتكلم..الله يهديها..ولا يبلانا..عيل تبي تمسك شي على امـل..شوفي نفسج قبـل.. فوز&هنا الحمد لله والشكـر..عايشين الدور..ثنتينهم..فوز مادري شالي خلاها جذي..لكن هنا..وشبه اهمال امها..وان امها 24 ساعه برا البيـت..ويبونها تقعد فيـه..صج ان اهتمام امها يى متأخر..لكن احسن من انه ما يي ابدا..وبيي اليوم الي تندم فيه..على انها مشت مع فوز..وباقي الشلة الفاسدة.. نواف لا ان شاء الله ما يكون مـات..عاد خواته بعدين صج صج بعيشون بذل..او ان موته..بحرك الخـال..وانه ياخذ عيال اخـته..قبل لا يصير فيهم الي صار لنواف..بس شاللي خلاه..ينصدم..ويطلع برا مثل المينون..وشالي بالاوراق..اكيد شي كبير..حسبي الله عالعـم.. بنووتة |
اقتباس:
منوره حياتــي.. ومثل ماقلت ماراح انزل هالاسبوع..يمكن ع الخميس الجاي او الجمعه :) اقتباس:
وان شاءالله ماتحتريــن....ولا تستعجليني راح اراضيكـ بالبارت الجاي :) اقتباس:
وتوقعاتكـ فيها شوي من الصحه الظاهر تفكيرك قريب من تفكيري :) |
# الفصــــل الخــــــــــامـــــس #
## واقفً قدام عيني ومقدر اشوفــه ## من كثر عثرات حياتي ومصائبهــــا اتمنــى>> الهــروب إلــى ..........."لا مكــــــان" " " " " " ابو فهـــد ماقدر يتحرك من مكانه..معقوله ولد اخوه مات بسببه....التفت على زوجته اللي نفس حالته يفكرون وش بيصير لهم اذا الولد مات مرام وهي تهز ابوهـــا وتصرخ: باااباااا تكفى اصحى اسمعني..بااابااا نواف بيموت بيموووت .. يمكن هي الوحيده اللي مستوعبه بهالحاله لأن البنتين بحال مايعلمها الا رب العبــــاد.. ابو فهــد شغل سيارته ومرام ونوره رفعوا نواف للسياره وام فهد رفعت سجى ودخلتها للبيــــت لأن كل اللي بالحاره تجمعوا وماقصروا معهم بالمساعده حركــة سيـــارة ابو فهد للمستشفى وكان معه اثنين من جيرانهـــم امـــا البنات الله يرحم حالهم وضعفهم داخل في حاله هستيريه بعد ما قدرت مرام تهديهـــم..لبسوا البنات عباياتهــم وطلعوا مع السايق للمستشفى وام فهد جالسه بالصاله منصدمه من اللي صـــار ومو عارفه وش دار بين زوجها ونواف.. . . . . . . . . . سجى ونوره يركضون في ممرات المستشفى مثل المجانين ومرام تحاول توصلهم وتهديهم بس ماقدرت؛ سجى وهي تشهق بالبكي: نوره صح نواف مامات صح! تكفيين قوليلي انه مامـــاااات نوره تهز راسها وتصيح: لا ماراح يتركنا_ هو امس وعدني يطلعنا لبيتنا_مستحيل مايوفي بوعده ويتركنا__فجأه صرخت صرخه قويه هزت اركان المستشفى من حرقة قلبها على اخوها__لااا ماراح يتركناااا مرام ضمتها وهي تصيح معها كل هاذا وهم يدورون بالممرات_ شافوا عمهم جالس بالأنتظار ومغطي وجهه بايدينه نوره أول ماشافت عمها طاحت تحت قدامه وجلست تضرب في رجوله وهي تصرخ بوجهه: والله لو يصير لنواف شي لأذبحك بنفســــي والله لأقطعك قطعه قطعه ياظاااالم ويااللي ماتخاف الله ابو فهد تنرفز منها هو مو فاضي لهالبزر_رفسها برجله يبعدها عنه_ وصرخ بوجه مرام:ابعديهاا عن وجهي مرام رفعت نوره وجلستها ع الكرسي وجلست تهديها اما سجى المسكينه انهارت بالصياح عند باب غرفة الانعاش وهي تشوف اخوها والاجهزه حواليه ووجه متورم والاطباء في حالة استنفار عنده سجى ترفع راسها لفوق: ياااارب تحفظ اخوي يارب مالي غيره لاتاخذه مني يارب خذ روحي بداله لايروح مثل امي وابوي ويتركنا وحيدات يارب لاترد دعائي يااااارب رحمتك ارحم اخوي وارحم ضعفه وقومه بالسلامه ياااحي ياقيوم أحفظه لي يااارب شافتها موظفة استقبال سعوديه ورحمتها_ مسكتها بايدها ورفعتها عشان تجلس ع الكرسي وجلست تهديها وتخفف عليها بالكلام؛ الموظفه: حبيبتي هدي نفسك إن شاءالله مايصرله شي_تطمني هو مجرد كسور وإن شاءالله بيقوم بالسلامه ويكون أحسن من أول سجى من بين دموعها وهي راميه راسها على صدر الموظفه : والله لو يصيرله شي لأقتل نفسي وارتاااح : : . . . . . . . من جهه ثانيه في المستشفى ساند راسه ع الباب وهو ينتظر الدكتور يطلع من زوجته سعود: الهنوف انا خايف على أمل الهنوف : اذكرالله ياسعود إن شاءالله مايصير إلا الخير سعود بتنهيده قويه: الله يستر فجأه سمعوا صرخه قويييه هزت المكان سعود والهنوف فزوا من مكانهم راحوا لمكان الصوت .. .. .. .. .. .. .. ضامه أختها نوره وتصيح بحرقة قلب من اللي سمعته موقف يلين الصخر كيف عاد قلوب البشر نوره تناظر باللي يتكلم وهي ضامه اختها وش هالدنيــا الحقيره..مارحمتهم اخذت منهم كل شي الدكتور يحاول يهديهم والممرضات ملتمين حولهم سعود راح بسرعه لدكتور وسأله عن البنات والهنوف راحت لهم توقف معهم سعود: دكتور وش فيهم_! الدكتور: أخوهم عمل حادث وصار مقعد سعود ضاق صدره على هالبنتين: طيب وين اهلهم الدكتور: عمهم كان هنا ومن سمع الخبر طلع من المستشفى سعود:وين امهم وابوهم الدكتور هز كتوفه بمعنى انه مايدري سعود راح لأخته:الهنوف خليك معهم وانا بروح اشوف امل وبرجع بشوف وضع اخوهــم الهنوف هزت راسها وهي متقطع قلبها عليهم حالتهم ماتسر لاصاحب ولاعدو مرام جالسه ع الكرسي وضامه رجولها لصدرها وهي تصيح ماتوقعت ابوها مجرم لهالدرجه معقوله فيه أحد يسوي بعيال اخوه هالسواة والادهى من هاذا كله تركهم وطلع بدون لايوقف معهم : : : : : : : : : : : : ام محمد أول مارجعت لبيتها طلعت دايركت لغرفة هنا بتشوف سمعت الكلام ولا طلعت فتحت الباب بقوه جالسه ع السرير وفاتحه اللاب توب وحاطه سماعات بأذنها ولا انتبهت بدخلة امها ام محمد تطمنت وتأكدت انها ماطلعت شوي إلا دانا داخله ورا امها دانا:ماما وش فيك واقفه هنا! ام محمد:ماعليك مني_ إنتي وش جايبك دانا: بشوف هنو وش تبغى مني أذكر ع العصر دقت تبغاني ضروري ام محمد وسعت شوي من المكان: ادخلو واسأليها دانا دخلت عند هنا وصرخت تناديها عشان تسمع: هنووو هنا رفعت راسها على اساس توها تنتبه وهي اصلا منتبهه لامها اول مادخلت_شالت السماعات: نعم ام محمد وقفت برا تبغى تسمعهم بدون لاتشوفها هنا دانا: وش كنتي تبغين لما أتصلتي هنا: بدري_كنت طفشانه وابغاك تسليني بس خلاص ماعاد ابغى شي اطلعي انا مشغوله دانا طلعت: اجل باااي سكرت الباب وراها وماحصلت امها_ ام محمد بس تطمنت ان بنتها ماطلعت مافكرت بالشغاله ولا سألت عنها طلعت لغرفتها ترتاح؛ : : : : : : : : : : : : : جالس يتفرج ع التي في من الطفش_كان منصدم من وقاحة ملاك وكيف كان الولد ينتظرها عند باب الشقه كل ماتذكر الموقف لاعت كبده عليه_حس انها رايحه فيها واستحقر نفسه لأنه عطاها وجه من البدايه دق جواله وهاذي خامس مره تدق عطاها مشغول:اووف هاذي ماتفهم جد انها وسخه ووجهها قوي_اضطر يقفل جواله مع انه منتظر مكالمه من تركي_ الله ياخذها اقرفتني في عيشتي : : : : : : ضاق صدرها لما قفل جواله جلست تصيح مقهوره لإنه فهمها غلط وماعطاها فرصه تشرح له : ليييه ياوليد تسوي فيني كذا خيبت ضني فيك وطلعت مثلهم.. مثل بابا ومثل زياد وناصر ليييييه ياربي انا تعبت من هالحال متى بحصل الشخص اللي تهمه مصلحتي ويخاف علي ويحميني انا ليش كذا ليش حياتي مالها معنى_نفسي عندي عايله مثل باقي الناس_ لو شخص واحد عاادي بس يكون فيه احد يعبرني ويسمعني فجأه دق جوالها_ رفعته مبسوطه فكرته وليد شافت الرقم كشرت ملاك: الوو : اسمعي يابنت لو ماتتركين حركاتك البطاله لأكون متصرف معك تصرف ثاني ملاك بكت لما سمعت صوت ابوها: بابا الله يخليك انا محتاجتلك انا تعباانه كثير : وش اسويلك يعني آخذك بحظني_بلا افلام هنديه وعدلي من وضعك ترا زياد يعطيني تحركاتك أول باول ملاك قاطعته بسرعه :بابا والله هو مضايقني والله مو كفو المسؤوليه : اقوول يابنت الكافره أحمدي ربك فيه أحد يدير باله عليك ولاتكثرين الكلام قفل الخط بوجهها ملاك مسحت دموعها_هاذا مو كفو تبكي عشانه ورمت الجوال لين تكسر قطعه قطعه ووقفت(والله لامشي على رايي واعمل اللي براسي واشوف من بيربح في النهايه يابابا العزيز) طلعت من شقتها ناويه تنفذ اللي براسها؛ : : : : : : : صحت بعد حالة الإغماء اللي جتها_ناظرت يمينها شافت سعود ساند راسه على طرف سريرها مسحت على راسه بحنان سعود حس فيها رفع راسه وابتسم لها : الحمدلله ع السلامه حبيبتي امل:الله يسلمك_مسكت إيده بقوه وهي ترجف_ سعود لاتتركني انا خايفه سعود: جعل الروح تتركني إذا تركتك امل بسرعه:بسم الله عليك لاتقول كذا انا مالي غيرك سعود باس راسها : اموله حبيبتي انا ابغاك تكونين اقوى من كذا ولاتخلين اي كلمه تسبب لك انهيار عصبي أمل دمعة عيونها: سعود انا ودي اقتل ضعفي هاذا بس مااقدر_انا تعبت من حالتي سعود:عشان كذا بغيت افتح معك موضوع وياليت تتقبلين الفكره وماتتضايقين امل بنظرة خوف جا ببالها بيفاتحها بموضوع خطبته: تفضل سعود: لازم تراجعين طبيب نفساني عشان تقدرين تسيطرين على نفسك امل: انااا! سعود:فكري بالموضوع ولاتستعجلين وتأكدي ماراح يعرف إلا انا وانتي بس امل نزلت عيونها ماتوقعت توصل حالتها لهالدرجه وترجع تزور طبيب النفسيه مثل قبل ماتبغى تعيد الاحداث اللي كانت تصيرلها اول...توقعت انها تشافت خلاص بس الظاهر الحاله بترجعلها.. : : : : : : : : : : : : : : ((العشـــاء الساعه 8)) دخلت بيتهــــم وهي تعبااانه من اللي صــــار...راسها مصدع من الصياح شافت امها وابوها جالسيــــن بالصالـــه ومبين على وجيهم الخـــــوف مرام ناظرتهــــم بحقد...وماكأنهم امها وابوهـــــــا ام فهد اول ماشافت مرام فزت من مكانها وجتها تمشي: ماما مرام وش صـــار لا يكون الولد مات!! مرام ناظرت بأبوهــــا وعيونها تدمع ولا نطقت بكلمه وحده... ابو فهد تضايق من نظراتهـــــا ولف وجهه عنهــــــا ام فهد تهز مرام: انطقي يابنت وش فيك ساكته كذا..لا يكون الولد مات...ياويل حالي والله لايروح فيها ابوك مرام ناظرت بأمها وهزت راسهـــا بأسف من اللي تسمعه...مو معقوله مافيهم ذرة رحمــــه مشت وتركت امها تتكلم وتهاوش عليهــا لأنها طنشتهـــــا ((يالله وش هالناس انا وش مصبرني على هالعيشه من زمان.....نفسي اشوف فيهم ذرة رحمه بهالايتام يارب لا تحاسبني على فعايلهــــم)) مرام كرهت هالبيت من كثر الظلم اللي فيه واجهت عبير على الدرج وتوها صاحيه من النوم عبير : مرام وش اللي صار كان فيه صراخ اليوم العصر مرام تناظر اختها الكريهه: لا والله يعني منتي عارفه ايش صار لولد عمك عبير هزت راسها بالنفي: لا وش صار مرام وهي تعدي من جنبها: صار عليه حادث والحين بالمستشفى عبيـــر: بسس..الحمدالله فكرت بابا ولا ماما صارلهم شي مرام انصدمت ولفت على اختها بسرعه: انتي من ايش مخلوقه...اقولك ولد عمك تقولين بسس!! عبير بلا مبالاه : بقلعته هو وخواته,, مرام تفلت بوجهها وطلعت فوق لغرفتها ترتاح من هالناس المتوحشه واللي مافيهم رحمة عبير تنرفزت من حركة اختها مسحت وجهها: عمى يعميك يالحقيــره...والله لاقول لماما .. .. .. .. ام فهــد: وش بنسوي الحين بهالمصيبه ابو فهد مصدع وماله خلق زوجته: انتي لا تدخلين انا بحل المشكله بنفسي...خلاص البيت وبعته ونواف الحين مريض ماراح يقدر يسوي شي ام فهد: طيب اخذت فلوس البيت!! ابو فهد: وش رايك يعني ابيعه ببلاش....الرجال فلوسه جاهزه وبيحولها لحسابي اليوم.. ام فهد: طيب الحين البنات بيرجعون هنا ولا لأ,,!! ابو فهد: قلعتهم رجعوا ولا بالطقاق..المهم انتي روحي وشوفيه عشان محد يشك انو احنا السبب بالحادث ام فهد: لا والله ماروح اخاف يعملون فيني شي,, ابو فهد عصب: بياكلونك مثلاً...اقولك روحي وخلصيني نص ساعه وارجعي,, ام فهد خافت وطلعت من الصاله تتجهز عشان تروحلهم,, . . . . . . . . . . . . . . فتح باب الشقه وهو تقريباً نص نايــــم,, ملاكـ: مرحبــــا,, وليد كشر بوجهها..وش تبي ذي بعد: اهليــــن,, ملاك ابتسمت : مافيه تفضلـــي.. وليــد بكل قسوه : لا آســـف,, ملاكـ تفشلت ورجعت ورا...شكله كرهها من جد: سوري,,طيب ممكن احكي معك بأي مكان ثاني وليــد تأفف منها: يعني معليش ماعندك ذوق مو شايفه كيف شكلي..انا تقريباً نايم,, ملاكـ اصرت على رايها لازم يفهمهــــا_تحجرت الدموع بعيونها: وليد الله يخليك اسمعني بس...انت ماعطيتني فرصه اتكلم وليد بصوت مرتفع شوي : ولا راح اعطيك فرصه...بليز ملاك اطلعي من حياتي انا ماني ناقص مشاكل ووجع راس ملاك هزت راسها: راح اطلع والله راح اطلع بس مو قبل ماتسمع وش ابغى اقول__ناظرت فيه بترجي__الله يخلييكـ.. وليد رحمهـــا لأنه مايحب احد يترجاه كذا: طيب انزلي تحت ابدل ملابس وانزلك.. ملاك مسحت دموعها بيدها وابتسمت: جد..!مره ثانكس..اجل بأنتظرك تحت نزلت بسرعه ووليد وقف مكانه يناظرهـــا((يارب هالبنت وش تبي تطلع بحياتي...لازم اكذب عليها واقولها اني خاطب عشان تبتعد عني)) دخل شقته وبدل ملاسبه ونزل تحت عندهــــا.. ملاكـ جالسه على كرسي الانتظار وتفكر وش بتقوله ومن وين تبدا,,, بس قررت تقوله عن قصة حياتهـــا كلهــــا,, وليــــد: يالله خلينا نروح للمكتبه هاذي_اشر على مكتبه عامه موجود قبال العماره اللي هو فيها__هناك المكان هادي وتقدرين تتكلمين زين ملاك ماعندها مانع لو قال نحكي واحنا واقفين..اهم شي تتكلم وتشرحله وضعها: اوكي يالله نمشي . . . . . . . . . . . نوره وسجى واقفين قدام الدكتور اللي يشرح لهم حالة نواف وهم تقريبا مو فاهمين شي بس اللي عرفوه وطمنهـــم انه فيه امل يرجع يمشي بس علاجه مو هنـــا... الدكتور: عشان كذا انا اقولكم انو فيه مستشفى في لندن عندهم استشاري كبير ومختص بهالحالات سجى ضاقت فيها الدنيــا هي مو قادره على تكاليف العلاج برا وعمهم ماراح يساعدهــــم,, نوره: طيب مين بيتكفل بعلاجه برا!! الدكتور: اكيد اهلكم..المستشفى عليها بس تأمن لكم الحجوزات والترتيبات وانتم عليكم الدفع نوره ناظرت بسجى : وش بنسوي,,! سجى هزت راسها...مابيدها حيله نوره: لا ياسجى مستحيل نترك نواف كذا لازم نتصرف,,, سجى: وش بنسوي يعني...مامعنا حق هالمصاريف كلها وعمك ماراح يكلف نفسه يسوي شي...وخالك انتي ادرى بوضعه نوره: والله لو اطر فلوس من الشارع نواف لاااازم يسافر وبرجع لنا مثل اول__وبدت حالة الصياح والدموع معها سجى تنهدت بقوه تنهيدة اللي عاجز ومافيه يده شي.... طول هالوقت والدكتور يناظر فيهم مستغرب!! الدكتور: لحظه لحظه...الحين الأستاذ سعود مو عمكـــم!! سجى طارت عيونها بالدكتور..وش يقول هاذا : اي سعود.!! احنا ماعندنا عم اسمه سعود,, الدكتور استغرب شلون سعود يقول انه عمهم وهذولا ينكرون,,, سجى: ليش وش فيه سعود هاذا..!! الدكتور: الاستاذ سعود جاني يستفسر عن حالة نواف وقلتله انه يحتاج علاج برا وقال جهزوا كل اوراقه وعطونياها وقال ان تكاليف السفر جاهزه,, نوره وسجى يناظرون ببعض مستغربين ومايدرون سعود هاذا مين ومن وين طلعلهم نوره وهي منبسطه ومو مصدقه: يالله وش كثر رحمة ربي واسعه شوفي كيف ارسلنا عم مانعرفه وساعدنا بضيقتنا سجى تناظر بأختها: هيييه انتي وش تخربطين احنا ماعندنا الا عم واحد__لفت على الدكتور__لو سمحت دكتور ممكن تدلنا عليه!! الدكتور: اكييد...تعالوا معي زوجته منومه هنا واكيد هو موجود عندها... سجى: يالله خلونا نروح لهم ونتفاهم ونعرف وش السالفه,, .. .. .. .. .. .. جالسه تقرا قرءان بغرفتها..سمعت طق الباب امل: تفضل دخل الدكتور : السلام عليكم امل : هلا دكتور وعليكم السلام,, الدكتور: هابشري ان شالله الحين احسن امل استغربت الدكتور مو دكتورها ولا قد شافته: الحمدالله على كل حال الدكتور: بأسألك عن الاستاذ سعود اذا بيجي اليوم ولا لأ,,!! امل : اي ان شاءالله بيجي..ليش تسأل فيه شي؟؟ الدكتور : لا بس فيه ناس يبون يكلمونه بموضوع... امل : مين هالناس.!! الدكتور قال لازم احط عندها خبر عشان تتفاهم مع البنات: فيه بنتين هنا اخوهم مسوي حادث..والأستاذ سعود تكفل بعلاجه ويقول انه عمهم عاد البنات مو مصدقين ويبون يستفسرون منه..اذا تقدرين تفيدينهم دخلتهم الحين هم عند الباب ينتظرون,, امل استغربت من زوجها ليش يسوي كذا: اوكي خلهم يدخلون طلع الدكتور ينادي البنـــات: زوجة الاستاذ سعود داخل تنتظركم... دخلوا البنات بعد ماطقوا: السلام عليكم امــل ناظرتهم : وعليكم السلام..حياكم تفضلــوا,, سجى: الحمدالله على السلامه امل بأبتسامه : الله يسلمكـ حبيبتي..تفضلوا اجلسوا ليش واقفيــن__ناظرت بمساعدتها اللبنانيه__سونيا قدمي القهوه للضيوف سجى: لا ياخاله مشكوره.. امل : لا شدعوه لازم نقوم بالواجب...الا ماقلتولي وش اسماءكم سجى بأبتسامه : انا سجى وهاذي اختي الصغيره نوره امل: عاشت الاسامي...وانـــا امــل وبصراحه انا مادري وش سالفة زوجي سعود معكم وليش تكفل بمصاريف اخوكم سجى: احنا عشان كذا جايين نستفسر..زوجك قايل للدكتور انه عمنا وبصراحه احنا ماعندنا الا عم واحد امــل: يمكن عشان المستشفى يقبلون الفلوس اللي بيدفعها..سعود يحب عمل الخير ومستعد يسوي اي شي عشانه سجى بضيقه: بس احنا مو محتاجين للفلوس<<قالت كذا لأنها ماتحب تبين لأحد انهم محتاجين نوره قاطعتها بسرعه بأندفاع: الا محتاجين عطتها سجى نضره قويه تسكتها...نوره تفشلت بس وش تسوي ماتبي اخوها يضل مقعد على طول امــل حست بضيقة سجى وحبت تهون عليها: سجى حبيبتي اعتبري سعود مثل عمكم..اهم شي اخوك يقوم بالسلامه.. نوره: اي والله لو يصير بأخوي شي ماراح اسكت والله لااخذ حقه من عمي الظالم امل ودها تعرف وين اهلهم ووش قصتهم: معليش ممكن اسألكم سؤال سجى ونوره : تفضلي,, امل: وين امكم وابوكم البنات بانت الضيقه والحزن بعيونهم...ردت عليها سجى وهي منزله راسها ماتبغاها تشوف دموعها: الله يرحمهم... نوره والدموع تنزل من عيونها: لو عايشين ماكان هاذا حالنا.. امـــل تمنت انها ماسألتهم: الله يرحمهــم..انــا آسفه سجى مسحت دموعهـــا وابتسمت بوجه امل عشان ماتضايقها لأنها تعبانه: لا عادي هاذا واقعنا وش بنسوي يعني امــل فكرت تساعدهــم لأنها حبتهم ورحمت حالهم_ابتسمت : طيب وش رايكم نكون صحبات! نوره :نتشرف بمعرفتكـ خالتي سجى سرحت بوجه امـــل ودخلت عالم ثانـــي..تذكرت كلام امهــا لما كانت تقولها انا وانتي صحبات ولازم نكون صادقات مع بعض امـــل استغربت من سجى انها ماردت عليها فكرت انها ماتبي هالشي: ها وش رايك ياسجى سجى انتبهت فيها : هاا في ايش..!! امل ضحكت ضحكه خفيفه: هههه شكلك داخله عالم ثاني وخربنا عليك نوره : ههههه اي ترا سجى تسرح بنص السالفه وتفهي ,, سجى بأبتسامه: حرام عليك لا تقولين عني كذا نوره: لا عادي اصلا خالتي امل صارت صاحبتنا,, سجى: يشرفنا هالشي,, امل : وانــا أكثر...طيب ممكن توعدوني!! نوره وسجى : بأيش! امـــل بأبتسامه: توعدوني وبس,, نوره : نوعدك_لفت على اختها_ وانتي سجى : اوكي وانا بعد امــل : شوفوا هي حاجتين..الاولــى انكم ماتقطعون فيني وتزوروني دامني بالمستشفى وحتى اذا طلعت لازم نشوف بعض والحاجه الثانيه انكم ماتردون ولا فلس يقدمه زوجي لكم.. سجى : الاول مايحتاج نوعدك فيه..بس الثاني على حسب اخوي نواف اذا بيقبل او لأ,, نوره : ماعليك من نواف هاذي مصلحته مو بكيفه يرفض_دمعت عينها_ انا مااتخيل اني اشوف نواف بهالحاله,, سجى مسكت يد اختها: خلاص نوره يكفي دموع_ناظرت بأمل_ بصراحه مادري وش اقول انتم كذا تحرجونا معكم ومانعرف كيف نردلكم الجميل امل بسرعه قاطعتها: لا لا تقولين كذا لا جميل ولا خرابيط..انا احس ان هاذا واجبنا..انتم تدرون اني ماانجب<<قالت هالكلام بصوت حزين وربي يابنات حسيت اني مسؤوله منكــم..ياليت تتقبلون هالشي ولا تتضايقون منه سجى وقفت ومسكت يد امــل ومسحت عليها..رحمتها: واحنا بعد والله حبيناكـ ودخلتي قلوبنـــا.. امــل دمعت عيونهــا ماقدرت تتحمل هالموقف تحس حنان الامومه المكتوم بقلبها بينفجر لهالبنتين: الله يحفظكم ويستر عليكم نوره: يالله خالتي احنا نستأذن بنشوف نواف قبل لا يصحى ومايحصلنا.. سجى: وان شالله بكرا بنمركـ ونسلم عليكـ... امــل ماودها انهم يروجون: فمان الرحمن...وسلمولي على نواف,, البنات : الله يسلمكـ طلعوا البنات من غرفة امــل.. امل انبسطت معهم..ع الاقل يكون عندها احد يونسها اذا راح زوجهـــا . . . . . . . . . . . . . . . : طيب وش المطلوب مني بعد هالقصه الطويلــه!! ملاك عفست وجهها: يعني مارحمت حالي! وليــد: ههههه وش قالولك مرشد اجتماعي....اقولك انا عندي مشاكل يعني مثلك ملاك: وانــا مابي منك الا انك ماتاخذ عني فكره اني راعية حركات وخرابيط.. وليد: وش بيفيدك نضرتي لكـ!! ملاك بطفش: لأني ارتحتلك واعتبرتك مثل اخووي<<شددت على هالكلمه عشان مايفهمها غلط وليد: بس انا قلتلك مابي بينا علاقه ونعتبر انفسنا مانعرف بعض ملاكـ بتردد: بس انا محتاجتلك.. وليــد :ــــــــــــــ<<لف وجهه عنهـــا ملاك: ادري اني مضايقتك وان عليك ضغوط نفسيه..بس والله العضيم مالي احد غيرك يفهمني.. وليــد: انا مقدر ظروفك وانتي لازم تقدرين ظروفي...يعني بالعربي ابوي مانع عني الصداقات ملاك ناضرته مستغربه: يعني انت بعد مثل عقدتي وليد: ليش وش عندك انتي بعد! ملاك باستهزاء: بابا اللي مايدري عن هوى داري..يدق على ويعطيني تعليمات واوامر..آخر شي اليوم هزأني وهددني اني مااطلع مع احد وليد: الابو لازم يخاف على عياله يعني لا تستغربين هالشي...ولا عشان مو متعوده احد يعطيك اوامر ملاك تضايقت: اصلاً هو مو معترف فيني..بس انا خلاص عن قريب بفضح امره عن زوجته واهله كلهم وليد: اعتقد هاذا هو الصح..مو من باب تفضحينه لا بس حطيه عند الامر الواقع وخلي اهله يعرفونك يمكن يكون فيهم الطيب ويوقف معكـ.. ملاك في قلبها شي ودها تقوله بس خايفه وليد يفشلها..ناظرت فيه وكل مابغت تنطق سكتت وليد حس بهالش وقالها يطمنها لأنه بدا يرحمها بعد ماسمع قصتها المأساويه: شكلك تبغين تقولين شي... ملاك بتردد: ايوه وليد: طيب ليش ساكته قولـــي ملاكـ: وليد اذا مالقيت من يوقف معي....بتوقف معي انت ولا بتتركني مثلهم! وليد: وانا وش دخلني بالعايله..يعني بصفتي ايش اوقف معكـ..!! ملاكـ: يعني على الاقل تشرحلهم وضعي..كيف انا عايشه وكيف انا مظلومه,, وليد: صح اني عارف وضعك ومصدقك ومو راضي باللي يصيرلك..بس انا مامعي الحق اتدخل بحياتكـ ملاكـ: خلاص انا آسفه..بس ياليت ماتتخلى عني... وليـــد ناظر فيها (مسكينه هالبنت تحاول تدور على احد يفهمها ويحس باللي تحس فيه..والله لو مكانها كان من زمان منتحر الوحده شينه وخاصةً اذا الاهل موجودين بس بالاسم)) ملاك تأشرله: وين رحت,, وليــد: شوفي ملاكــ انا عارف انك محتاجه لأي احد يوقف معك ويفهمكـ..وانا والله ان ودي اساعدك واكون اخو لكـ بس انتي عارفه ان مابيدي شي اسويه.....واتمنى انك تقدرين هالشي..وانا مستعد اكون معكـ بس مو بنفس المكـــان ملاك مافهمت عليه: كيف مو بنفس المكان!! وليد: اقصد اذا احتجتي اي شي او احتجتي تتكلمين وتفضفضين اتصلي فيني..بس نكون مع بعض بمكان واحد حتى لو عام اعذريني ملاك فهمت قصده...وقفت حست انها زودتها شوي الولد مايبيها وهي ناشبتله: اوك وليد انا عاذرتكـ ومقدره ظروفكـ..أنــا آسفه واوعدك ماراح تشوفني مره ثاني ولا حتى تسمع صوتــي..ومره ثانيه آسفه اني اخذت من وقتك وحرمتك من نومتكـ مشت عنه وهي مكسوره من الداخل...متى بتلقى الشخص اللي يفهمها وليد على انه مايبي قربها الا انه ضاق صدره عليها ماحب يشوفها بهالحال : انـــا اللي آسف,, . . . . . . . . . . : ماشاءالله اخوكــم مرمي بالسرير وبين الحياه والموت وانتي وياها تفرفرون بالمستشفى..شكلكم لقيتوها فرصه سجــى ونوره ناظرو ببعض..من وين طلعتلهم هاذي.. نوره: اقول انتي مالك دخل فينا...بعدين وش اللي جابك هنــــا ام فهد: انطمي انتي..وامسكي لسانك لا اقصه لكـ سجــى بكل هدوء وطولة بال: نعم ياام فهد بغيتي شي ام فهد: جايه اشوف هالمجنون اللي داخل وش صار عليه.. نوره: والله مافيه مجنون بهالعالم الا انتي وزوجكـ سجى لفت على اختها: بس نوره عيب..يكفي كذا نوره انفعلت اكثر: لا تسكتيني والله لااخذ حق نواف منهم المجرمين..والله لأفضحك ياام فهد قدام حريم الحاره واعلمهم بسوالف كلها والله لأخليك تبكين دم على عيالك ام فهد خافت من صراخ نوره : هيييه انتي يالبزر اسكتي ولا جيتك وسكتك سجى مسكت اختها وسحبتها معها لداخل غرفة نواف وسكرت الباب بوجه ام فهد.. ام فهد: عمى يعميها الحقيره....مااحترمتني..الشرهه على اللي جاي يزورهم سعود كان واقف في السيب : بالله عليك هاذي تسميها زياره!! ام فهد كانت منفعله لفت على الرجال اللي رز وجهه معهم: هييه انت وش دخلكـ..وبعدين من انت تحشر عمركـ سعود عارف انها زوجة ابو فهد اللي كانوا بيخطبون بنتهم لخالد لأنه شاف اسم نواف وعرف العايله واكيد انها زوجة عمهم: انـــا سعود الــ.... ام فهد طاارت عيونها وكن احد صفقها بوجهها: هااااه..اآآ اسفه طال عمرك والله ماعرفتكـ سعود ناظرها من فوق لتحت ومشى وتركهـــا ام فهد ضااق صدرهـــا : ياااويلي طاار العريس عليك يامرام طاااااار .. .. .. .. .. : سجى تكفين صدق اللي سمعته سجى تمسح راس اخوها وهي كاتمه نفسها من الصيحه: ياروح سجى لا تخاف كل شي بيرجع مثل اول...وبتمشي على رجولكـ نواف منصدم من الخبر : يعني بصير انسان عاجز عن الحركه وعاله عليكم نوره وهي تصيح<<مستحيل تمسك صيحتها: لا ينواف انا متفاءله انك راح تمشي...وكلنا راح نسافر معك انا وانت وسجى وبتتعالج طول فرة الصيف وان شالله تطيب...تكفى نواف لا تيأس من رحمة ربي نواف: طيب كيف بندبر تكاليف السفر... سجى ونوره يناظرون ببعض..... نواف: كنت عارف ان هالموضوع مستحيل...انا ماني قادر استوعب اني راح اضل كذا على طول__غطى وجهه بيدينه نوره سحبت يدينه: لا يانواف لا تصيح تكفى...موضوع السفر جاهز والتكاليف اندفعت وخلاص نواف ناظرهم مستغرب: مين دفعها!! سجى: واحد يحب عمل الخير الله يجزاه الجنه حلف ان يدفعها..واحنا ماصرينا عليه ووافقنـــا نواف كان بيقول لأ..بس لما تذكر ان خواته بحاجه لرجال بكامل صحته يعينهم على الحياه سكت وماقال شي سجى: نواف ماعليه ان شالله بكرا اذا طبت وكبرت وتوظفت راح ترجعله فلوسه فلس فلس..وانا راح اساعدك يعني خلنا نعتبر هالشي دين علينا..اهم شي صحتكـ نواف: الله يعين,, سجى بتردد: نواف ودي اسألك عن شي!! نواف ناظر بأخته: تفضلي.. سجى: وش اللي صار قبل الحادث!! نواف من تذكر ضاقت فيه الدنيـــا وقلب لون وجهه...مايدري وش يرد عليها وش يقولها..يقول انه ماطلع قد المسؤليه..وماقدر يوقف صح بوجه عمــه,, ولا يقولها انه انسان مغفل وقدر عمه يضحك عليه...تنهد بقوه ونزل راسه وماقدر يتكلم سجى حست ان اللي ببالها طلع جد_رفعت راس اخوها: لا تنزل راسك ياخوي فلوس الدنيا كلها ماتستاهل تنزل راسك عشانها...والبيت بداله الف بيت وصدقني ماراح يضيع حلال ايتام نوره تناظر فيهم مستغربه: انتي وش تقولين!! اي بيت اللي راح_هزت راسها ووقفت_لا لا مستحييل مستحييل يكون بيتنا مستحييييييل سجى مسكت اخته وجلستها: اسكتي ولا تصرخين نواف تعبان ومو ناقصك نواف يحس وده يقتل نفسه ولا يكون ضعيف لهالدرجه: نوره لا تخافين انا بأذن الله راح اكلم الرجال اللي شرا البيت وبقوله ان عمي زور تواقيعنا واستغفلنا والله لو يكلفني هالشي روحي بس ماشوفكم بهالحال,, سجى وهي تهدي الوضع: انتم وش فيكم قلتلكم خلاص سكروا ع الموضع وانــا راح اتصرف وبيتنا بأذن الله راح يرجع وقولوا سجى ماقالت,, نوره باستهزاء وهي مقهوره: هههه وكيف بترجعينه بضعفنا هاذا واستسلامنا بيجينا البيت يركض مثلاً!!! سجى تضايقت من اختها دايماً مستعجله ولا تحسب لأي شي حساب: قلتلك قفلي ع الموضوع.. وخلينا بالمهم نوره: ههه وهو بقى لنا شي مهــم غير ارواحنا..احنا الحين ماعندنا مكان ننام فيه...وين بنروح قوليلي<<بدت نوبة صياحها اللي ماتقدر تمسكها سجى تنرفزت : خلااص خليني افكر زين وارحمينا ماتشوفين اخوك تعبان..! نواف: خليه تطلع اللي بقلبها...وانتي يانوره لا تخافين انا كلمت خالي والحين هو جاي هو وزوجته واذا راحوا روحو معهم ومرو اليت واخذوا كل اغراضكم سجى: بس احنا مانبي نثقل على خالتي ام رائد... نواف: اصلاً هي من عرفت بالسالفه قالت قل للبنات يتجهزون يرجعون معنا نوره ارتاحت لما سمعت هالكلام... سجى : اجل انا الحين بروح اكلم الدكتور عن ترتيبات السفر.. نواف: اوكي انتبهي لنفسكـ... شوي ودخلت عليهم ممرضتين سعوديه وفلبينيه.. السعوديه: السلام عليكم الكل : وعليكم السلام,, الممرضه: ها كيف صحتك نواف نواف : الحمدالله كل شي تمام الممرضه: الحمدالله..طيب الحين بننقلك لجناحك الجديد.. نواف ناظر بخواته: اي جناح..انتم غيرتوا الغرفه! سجى: لا ماقلنالهم شي.. الممرضه: لا تو عمكم سعود طلب نغيرلكم الغرفه لجناح اوسع عشان البنات يكون لهم مكان ... سجى انبسطت ودها ترافق مع اخوها وتهتم فيه بس غرفته ضغيره وبنفس الوقت تضايقت تحس انهم ثقلوا على سعود اللي ماشافوه: اوكي انتم ضبطوا الوضع وانا بروح للدكتور طلعت سجى لدكتور اخوها تسأل عن امور خاصه بالسفر ... ... ... طقت الباب.. الدكتور: تفضل دخلت سجى: السلام عليكم الدكتور: وعليكم السلام سجى تفضلي سعود عرف انها اخت نواف وانها اللي كانت عند زوجته: الحمدالله على سلامت نواف سجى استغربت هالرجال اول مره تشوفه: الله يسلمك عمي سعود ابتسم هاذي اللي امه ناويه تخطبها له وهي كبر بنته لو كان عنده.. سجى انحرجت منه كيف يبتسم بوجهها ماقدرت تجلس : دكتور اذا فضيت ناد علي عشان نتكلم في موضوع السفر والعلاج الدكتور : ارتاحي هاذا احنا نتكلم فيه..هاذا الاستاذ سعود جاي يرتب الامور سجى بإحراج اكثر ماكانت تدري انه هو: اهلين استاذ سعود آسفه ماعرفتك سعود ابتسم: لا عادي يابنتي... انا جاي اشوف الموضوع وكنت ناوي اناديلك هنا عشان تعرفين كيف بتكون طريقة العلاج ومدته ومن هالامور لأنك على حد علمي بتسافرين معه!! سجى : ان شاءالله مافيه غيري انا واختي من اهله عشان كذا مضطرين نسافر سعود: لا تخافين انا راح اكون معكم ببداية الموضوع يعني على اول اسبوع انا وزوجتي اذا تأكد انكم خلاص عرفتوا كل شي وتطمنت عليكم بنرجع للرياض..وانتم ان شاءالله شهر بالكثير وراجعين بعدنا سجى بإحراج وامتنان: والله مو عارفه وش اقولكم كل كلمات الشكر تعجز توفيك حقك.. سعود: لا شكر ولا شي اهم شي نشوف نواف يمشي زي قبل.... سجى سكتت ماتدري وش ترد هالانسان له فضل كبير عليهم...سبحان الله الغريب يحن قلبه لهالايتام وهو مايعرفهم واقرب الناس لهم عمهم اللي معهم ببيت واحد مارحمهم حتى ولا وقف جنبهم لا وهو السبب باللي يصير لهم جد انها دنيا غريبه الدكتور : اول شي حاب اقولكم ان فترة العلاج ماراح تتعدى 50 يوم..واذا نواف تقبل العلاج راح يكون بأذن الله اقل... ضلوا يتكلمون بهالمواضيع وسجى متفهمه لكل شي يقوله الدكتور وهذا اللي زاد اعجاب سعود فيها يحسها رزينه . . . . . . . . . . . . . . : انتـــي مجنونــــه!! وشلون تسوين كذا ياحرمه...وقدام سعوووود ام فهد وهي خايفه من اللي سوته: والله ماعرفته ولا عمري شفته..ياويل قلبي ضيعت عريس بنتي ابو فهد مقهوور من زوجته على اللي عملته: هاذا اللي حصلته منك...كل ماسويت شي خربتيه علي.. ام فهد : تكفى يابو فهد كلم سعود وتأسف منه قول اني ماعرفته تكفى انا ماصدقت يجي لمرام عريس مثل خالد ابو فهد: ههه ماشاءالله عليك..تبغينها بالساهل كذا تنحل...هاذا والله لو اجيبله قبيلتنا كلها ماعطانا وجه احمدي ربك تنازلوا ودخلوا بيتكـ....انا ماراح اسوي شي ولا راح اعتذر عنك...اصلاً مالي وجه اقابله... ام فهد: ياحسرت قلبي عليك يامرام.... مرام نزلت وسمعتهم يتكلمون فيها... مرام وعيونها متورمه من الصياح...راسها مصدع ولا قدرت تنــــام: وش فيكم تتحسرون إن شاءالله حنت قلوبكم على نواف ابو فهد من شاف بنته طلع فوق لغرفته... مرام تناظر بأبوها وهو مار من جنبهــا_بصوت مبحوح: بابا انتبه لنفسك...ترا حوبة الايتام بتجي قويــــه,, ابو فهد مارد عليها ماعنده شي يقوله.... ام فهد عصبت من بنتها: انتي وبعدين معكـ...مسويتلنا الحنونه...ترا ابوك تعبان ومو فاضي لخرابيطك مرام ماردت على امها جلست واخذت الريموت وشغلت التي في ام فهد: هاذي اللي بتجنني...انتي الحين خلينا بمصبتكـ..واتركي عني نواف وخواته,, مرام لفت على امها: اي مصيبه! ام فهد بضيقه : انا اليوم جبت العيد فيك وطيرت عريسك مرام بأستهزاء: هههههههه بس والله فكرت بتعدموني...ان شاءالله يطير ومايرجع.. وبعدين قفلي ع الموضـــوع..انا مابغى اتزووووج افهموا عااد.. ام فهد: لا والله البنت انجنت..لا يكون انتي اللي صارلك حادث وطار عقلك_بعصبيه_انا نهايتي بتجي على يدك يابنت..لا تجننيني مرام: والله ياليت الحادث صارلي ومت وارتحت من هالعيشه...انا طالعه انام ومابغى احد يصحيني اسبوووع كامل,,مابغى اشوف احد طلعت لغرفتها فوق وقابلت اخوها سلطان اللي راح يزور نواف ورجع: وش فيك مرام متضايقه ترا نواف بخير وتوني جاي منه مرام انبسطت: الحمدالله انه بخير ام فهد: تعال انتي هنــا من سمحلك تزوره..بعدين انا كنت هناك وماشفتك وين كنت؟ سلطان: والله كنت عنده وقالبت خاله وزوجة خاله.. ام فهد: ماشاءالله شرفوا الخوال..الحين بيبدون تمثيلهم اللي مايخلص,, سلطان عرف ان امه بتبدا تحقيقها المتعب...طلع قبل لا تتكلم عبير وهي داخله: اقول ماما امها بطفش: قولي عبير: شرايك نروح نتشمت فيهم ام فهد: مالي خلق اليوم خليها بكرا...توني جايه من عندهم وراسي مصدع عبير: براحتكــ . . . . . . . . . . . . ((يوم الخميـــس...الساعه 9 الصبـــاح)) في الجناح الخاص بنواف...غرفه واسعها فيها سرير نواف وقبالها جلسه على شكل حرف L مودرن وبجنبها حمام صغير وقبال الغرفه غرفة البنات اللي نامــوا فيها...فيها سريرين وطاولة تلفزيون... نوره جالسه بالغرفه تذاكر ومقفله الباب عشان الازعاج..طبعا راحت لبيت عمها آخر الليل مع خالها وبدون مايحسون اخذت كل اغراضهم اللي هناك ومابقت ولا حاجه بسيطه وبغرفة نواف.. : يالله عاد نوافوه بلا دلع وخلص فطورك نواف: والله ياسوسو مالي نفس آكل..يكفي كذا سجى بألحاح: مايصير انت تعبان ولازك اكل تعوض الدم اللي خسرته نواف: اوكي راح آكله والله يعيني عليك....الا تعالي بأسألك سجى بأهتمام: اسأل نواف: انا وش بسوي في الاختبارات الباقيـــه ! سجى : لا تخاف خالي يقول انه كلم مدير مدرستكم وقاله عن حالتك والمدير يقول المواد الباقيه يختبرها بداية السنه الجايه..وان شاءالله وقتها تكون كويس نواف ارتاح...وحمد ربه ان الله عوضه بأخت عن عائله كامله... دخلت الممرضه تشوف الملاحظات...ودخل بعدها الدكتور بعد مااستأذن سجى: اهلين دكتور حياك الدكتور: شكراً...الا كيف البطل اليوم نواف بأبتسامه: تماام,,بس ودي اطلع اتمشى بالحديقه اشم شوية هوا الدكتور: لا لا مو من البدايه تمل كذا...وبعدين انت ع الاسبوع الجاي مسافر وبتغير هوا الرياض كله..وش تبي بعد اكثر من كذا....الا على فكره الاستاذ سعود وزوجتـــه جايين يزورونك سجى وقفت بسرعه: وينهــم ليش مادخلوا الدكتور: واقفين برا ينتظروني ادخلهم...عشانكم تتغطون وتتجهزون نواف: مايصير يوقفون برا_ناظر بأخته_سجى روحي دخليهـــم سجى راحت تفتح الباب شافت سعود وزوجته يسولفون شافت بعيونهم الحب اللي عمرها ماشافته بأي زوجين بالدنيــــا...سعود ماسك يد امل ويهمس بأذنها وامل تضحك من كلامه..شافت السعاده اللي تتمناها لها ولأخوانها عيونه ماتناظر شي ثاني....هاذي هي طيور الحب اللي كانت تسمع فيها وماقد شافتها اليوم شافتها بهيئة بشر ماتدري ليش تمنت تكون معهـــم..مو زوجه ولا ام...تمنت تكون بنت لهـــم وتعيش لو ربع السعاده اللي تشوفها قدامهـــــا سعود وامل انتبهوا بسجى اللي واقفه وسرحانه امل بأبتسامه من ورا النقاب: اهلين سوسو... سجى انتبهت باللي تسلم: اهلين خالتي امل..اهلين استاذ سعود..حياكم تفضلوا دخلوا كلهم.. سعود اول من دخل تقدم وسلم على نواف: ماتشوف شر يانواف.. نواف: هلا عمي الشر مايجيكـ دخلت امل ووراها سجـــى.. نوااف طاارت عيونه اول ماشاف امــــل...معقووله تطلع هـــــي!!! وامــــل وقفت مكــــــانها..,,!!!!!! . . . . . . . . ## نهـــــــــــــاية الفصل الخـــــامس ## القاكــــم على خير في الفصل الســـادس |
ماشاء الله عليج حوريتي.. ماشاء الله تبارك الله.. أكثر شيء يعجبني فيج إنه أنتي ما تطولين من البارتات.. وتجيبين بارتات طويلة تشبع الواحد وتعدل مزاجه.. ليت كل الكاتبات مثلج
البارت اليوم مريح ولله الحمد.. أهم شيء تطمنا أنه نواف مامات خلينا نتكلم الحين عن بارت اليوم العم أبو فهد... ترى حوريتي مادخل مخي حكاية أنه يزور توقيعاتهم.. لأنه يا غلاي التوقيع لازم يكون قدام القاضي بعد ما يتأكدون من شخصيات أطراف العقد.. يعني السالفة موب سهلة يروح يزور توقيعاتهم وخصوصا أنهم أيتام.. الأيتام يكون القاضي أكثر حرص على أموالهم.. بل أنه المفترض أنه ماتتحرك شيء من الأملاك الثابتة حتى يبلغ جميع الورثة السن القانوني.. والتصرف يكون في الأموال المنقولة بس... يعني صح ممكن يأكل معاش أبوهم.. بس بيع بيتهم تبي لها تفكير ذي نواف الحمد لله على سلامتك.. بس يا ترى وش سالفتك مع أمل أمل وسعود عجبني أنهم اعتبروا العيال مثل عيالهم... حرام هالأيتام ماشافوا يوم حلو.. ومازلت مصرة إنه سعود هو اللي أمهم وصته عليهم.. ياويلج تخيبيني :flowers2: نورة.. احسن خليج على عمج ومرته.. عيلة الثعابين ذي سجى.. والله وبتروحين لندن عند وليدووه..أتوقع أنه سعود يوصي ولد أخته عليهم عقب ما يرجع هو وأمل وليد.. جاتك سجى وأخوانها الله الله فيهم... ولا تعطي ملاكوه وجه.. أنت ناقص عقد.. كفاية عقدك وعقد هلك مشكووووووووورة يا أحلى حوية... ناطرين البارت الجاي بحماسة.. لا تطولين علينا غلاي بنت الخالة |
سلاااااااااااااااااااااااااااااااااااااااااام
توني اخلص القصة تجننننننننننننن احب اهنيك عليهااااااااااا المهم اني سهرانه عليهااااااااا خخخخ العادة اذا قريت قصة حلووو ما اتركها لا اخلصهااااا كثير بالمجتمع العربي ظلم يصير للايتام واستغرب الواحد يدور الاجر وخاصة من الايتام الاجر عظيم عند الله الله يكفينا شرهمممممم سجى الاخت الكبيرة اللي تتحمل مسئولية اخونها وظلم عمها ومرته ياترى وش مخبيلها المستقبل مرام مع اني ما حبيت تصرفتهاااااا لا اني احس انها بتتغير قلبها ابيض بس مصادقه شله ماالهاهدف لا الفساد امل وسعود هوي ملح القصة يجنون الله يخليهم لبغض والله يرزقهم ياااارب وليد ملاك عندي احساس ان ملاك هي اخت وليد خخخخخخخخ مدري قلبي قالي اول ما اعترفتله حسيت كذااااااااااااا وليد هل رااااح يكحل عينه بشوف سجى مررره ثانيه امل ونواف وش السر الصدمههه امانه لا تطولين علينا تحمست خخخخ الف مليون على القصة وترت ما راااح تندمين انك نزلتيهااااااا عندنا بليلاس اشتكي |
اقتباس:
مشكوووره حيـــاتي ع الأطــراء وبالنسبـــــه لمسألة تزويـــر التواقيـــع فهي للأسف واارده وبكثـــره وخصوصـــا مع برامج التزويــر الحديثـــــه وأنــــا بصــراحه ماابتكرتها من عندي...هالموضوع صــــار للأسف اسعدنـــي تواجدكـ بصــراحه ولا تحرمينـــي منـــه |
اقتباس:
منووره القصه بتــواجدكـ وربي,, وانـــا اكيييد ماراح اندم اني نزلتهــا هنــا..وشرف لــي قراءتكـــم لهـا وبالنسبــــه لتوقعــــاتكـ اعجبتنــــــــي :55: لا تحرمينـــي من تواجدكـ معي |
بجد رواية جميييييييييييييييييييييلة
أنا كمان أتصور إن ملاك أخت وليد ان شاء الله وليد يشوف سجى..أكيد هيشوفها أصلا ..مش سعود ده خاله ! يبقى هيتقابلو هييييييييييييييييييييه...( وناسة على رأيكم) (: في سر في موضوع حمل أمل .. الله يرزقها في انتظار البارت يا لحورية ...شكراااااااا لمجهودك |
اختي الحوريه يسعدني اكون من متابعين قصتس اللي اتابعها باستمرار لجمالها ..
احداث مؤثره وقويه مرت بشخصيات القصة .. سعود والحادث الأول لأبو نواف وامه اتوقع هو اللي مر عليهم .. سجى حبيتها وحبيت رزانتها واحترامها لغيرها واللي تعتبره ام محمد ضعف شخصيه ! نوره حلوه جرئتها وشجاعتها .. شلة ام سعود وام محمد ماهضمتهن بالمره .. وليد اتوقع ملاك اخته وراح تكون بينها وبين خالد علاقه ويمكن تكون نصيبه ! ام فهد وابو فهد مالت عليهم وعلى فهد بعد ! مرام حلو تصرفها وشعورها لعيال عمها وعلى قولة اخواننا المصريين ( الرحمه حلوه ياجدعان ) نواف وامل زوجة سعود ماقدرت اتوقع شعرفهم ببعض هل في يوم ساعدته او تعرفه عن طريق احد من اخوانها مدري ؟؟؟!!!!! تسلمين حوريتنا ومعاتس للنهايه ان شاء الله .... |
مرااحب حوري..سوري عالتأخيـر..وتسلم ايدج ع البارت الرووعه..ما تقصـرين..
بو فهـد حسبي الله عليك..موهامك ولد اخوك..لو مات..هامك بس شصير فيك..مالت عليك..بس اكيد انه بيي اليوم ولي يندم فيـه.. نواف الحمد لله الي مامات..وان شاءالله الله يشافيه..صج صعب انه ياخذ فلوس من احد..لكن خواته محتاجينله..ولا يبي يكون عالة عليهم.. بس امـل..شعرفه فيهـا..او شلون عرفتها من تحت النقاب..! امـل وعقمها..وان الله عوضها بسجى..ونورة..ونواف..الي ما يندرى شسالفتها معاه.. سعود وتفكيره بسجى..هي تقوله عمي..وهو يبي يخطبهـا..لا ان شاء الله..حلو انه دفع لهم..وكان عليهم احن من عمهم..بميزان حسناته ان شاء الله:).. نورة وسجى وامل الي حسوها مثل امهم..وشلون هي حنونه معاهم..نفس الشي سعود..الي بيقعد معاهم هناك ويتطمن عليهم..سبحان الله الغرب احن عليهم..من عمهم.. عبير تبين تشمتين هاا..قولي آمين..يعل يي اليوم لي اتشمت فيج..يارب.. مرام عكس اختها..زين الي تفلت بويهـها..تراها تهبـل..بس لو تخلي سوالف الترقيم البايخة.. بنووتة |
اقتباس:
منوووره القصه ياقلبي والجميـــل هو تواجــــدكــ مشكوره ع التعليقـــــات....لا تحرميني تواجدكــ ..الحوريــــه.. |
اقتباس:
النبع الصافي....منوووره القصــه بتواجدكـ ياقلبي,, وشرف لـــي متابعتكـ لــروايتـــــي وتوقعــــاتكــ عجبتنــــي :) لا تحرمينـــي تواجدكــ ..الحوريـــــه.. |
اقتباس:
منوره ياقلبــــي....وبالعكس ماتأخرتي ولا شي بس اهم شي ماتتركيني بارتاتــي بدون تعليقاتكـ اللي مااستغني عنها وربــي.. ..الحوريــــــه.. |
قـــراء روايتــــي الكـــرام,,
ماحبيت اتأخر عنكم بالبارت الســـادس بدون لا احط عندكــم خبر ان شاءالله راح انزله يوم الاثنيـــن بالليـــل.. اتمنـــىتعذرونــــــي :) ..الحوريـــــــه... |
قصه رااااااااااائعه
بمامعنى الكلمه ماشاء الله لاقوة الا بالله أجدتي الوصف واحساس الشخص بالقهر والخوف على اخوانها تجسدت في شخصية سجى ونواف ونوره ومرام وخوفها على ابناء عمها بعد ماذا ؟؟؟ أم فهد وابوفهد كلاااااااااااب متلبسين بلباااااااس البشر هذا أقل ما أقول عنهم ونسيت عبير أضيفيها اليهم في الايه الكريمه قال تعالى : ( ولاتقربوا مال اليتيم الا بالي هي أحسن ) الله يجزااااااااااك الجنه على طرحك مثل هذي القضايا في المجتمع :) بانتظاااااااااااارك على أحر من الجمر |
اقتباس:
الأروع هو تواجـــدك ياقلبــــي.. ومشكووره على تعليقكـ على الروايــــه...وشرف لي قراءتك لهــــا لا تحرميني تواجدكـ يالغــــلا,,, |
#الفصـــل الســــــادس#
##المهــــم القالي دفى .... واحضنه وانسى همـــــومــــي## http://www.arbsonline.com/upload/uploads/553297fe90.jpg .. }..........محتاجكـ // محتاج اشوف عيونكـ ..........محتاجكـ // محتاج اشـــم هدومكـ محتاج اشوفك ياضوى عيوني // قلبي وروحي عنكـ يسالوني مثلي تبكي لو نسيت......مثلي تسهر لو غفيت وشلون انام الليل // من دونك وشلون اغفى // وانا من دونكـ .......{{ .. ,, " " " " " " " " جلس يتقلب يمين ويسار...مو قادر ينام زين يحس بتأنيب الضمير على اللي سواه بملاك مايدري ليش يحس انه مسؤول منها ومايصير يتركها جلس يتذكر كلامها لــــه وكيف اشتكت من هاذا زيــاد..وكيف هو فهمها غلط ((تخيل ياوليد بابا مكلف زياد بحمايتي ويكون سند لي بهالدنيا وزياد الحقير استغل هالشي لصالحه وجلس ياخذ ثلاث ارباع مصروفي اللي يرسله بابا لـــي..ويهددني اذا ماعطيته يتبلى علي عند بابا وطبعاً ابوي مايصدق علي شي..ويقول لو يمسك زياد عليك شي تبريت منك وخليتك مجهولة النسب....زياد عمره ماسوى معي شي باللي تفكر فيه..اصلاً انــا مستحيل اتساهل بشرفي والله علي شاهد مو معناته اني عايشه لوحدي اصير فلتانه والله ياوليد اني منتبه لنفسي ومااسمح لأحد يدخل شقتي الا زياد النذل يدخل وياخذ فلوس ويطلع متسلط علي وماخذ راحته هو طبعا مايقدر يسويلي شي لأنه يخاف من بابا بس ماكل اللي وراي واللي دونـــــي)) وليــــد: انــا لازم اساعدها حرام اتركها ضايعه كذا لا اخو ولا سند بس ابوي وش اقوله....مافيه الا انتظر الى ان يجون اهلي بيكون الوالد التهى عني وبشوف وش اسوي مع ملاكـ....لازم افكر بطريقة تكون قريبه مني بس من دون علم ابوي اخذ جواله يكلم تركي ياخذ رايه ويشرحله الموضوع كلـــــه,, . . . . . . . . . . . . . : هلا ومرحبـــا...ياحيالله هالصوت ام سعود انحرجت ماتدري كيف بتقولها الخبر: الله يحييك ويبقيكـ.. ام فهد: كيف حالك وكيف البنات عساهم بخير.... ام سعود: كلهم بخير الله يسلمكـ....والله ياام فهد مادري وش اقولكـ...انتم ونعم العايله ام فهد قلبها انقبض وحست ان فيه شي مو زين: الله ينعم عليك ياام سعود...قولي لا تستحين احنا خوات ام سعود : والله كان ودي مرام تكون من نصيب خالد...بس الواحد مايقدر يكون اقوى من الظروف...ومرام بنت عايله ومتربيه وان شالله تلاقي واحد يعزها ويحطها بعيونه ام فهد تحس الدنيا تدور فيها..مو قادره تستوعب الكلام اللي سمعته.. كل احلامها ومخططاتها انهدمت بلحظه وحده ماقدرت تتكلم او تنطق بشي... ام سعود خافت لا يكون صار بالحرمه شي: ام فهد وين رحتي ام فهد مو قادره تتكلم تحجرت الدموع بعيونهـــــا: معك ياام سعود,, ام سعود حست انها انصدمت من الخبر بس وش تسوي لازم تقولها ولا تعلقهم: يالله يام فهد فمان الله ولا تخلين هالخطبه تمنعننا عن بعض خلينا نشوفك ام فهد تقريباً مو في وعيها: ان شاءالله ان شاءالله قفلت ام سعود الخط...وام فهد ماتحركت ولا شي جالسه مثل الصنم ودموعها تنزل مرام توها صاحيه من النوم...نزلت وشافت امها دموعها على خدها وجالسه وكـأنها مصدومه من شي مرام خافت وركضت لأمهــــا جلست تهزها: ماما..وش فيك..نواف صارله شي!! ام فهد انتبهت ببنتها_هزت راسها_: خلاص يامرام كل شي خططته راااح...بغباءي ضيعت كل شي كنت احلم فيه مرام ارتاحت..على طول طرا ببالها العريس اللي على قولة امها طيرته منهــــا.. وقفت مرام: وبس!! لا تزعلين نفسك العريس بداله الف عريس وانا مو مستعجله..ابغى ارتاح شوي الا على فكره حبيت اقولك اني باخذ ملابسي وبروح لبيت جدتي بجلس عندهم كم شهر ام فهد مسحت دموعهـــا ووقفت تحس انها مو قادره تتكلم من الصداع: وش عندك بتروحين مثل فهد وبتجحدين اهلك مرام مااهتمت ولا فكرت تاخذ رايهم: انا قررت وخلاص..وفهد جاي ياخذني بعد شوي..واذا واجهتي ابوي قوليله مالي خلق نقاشات امها طلعت ولا ردت عليهــــا.... مرام ضحكت بأستهزاء: لو اللي بتطلع عبورتهم كان عملوا مناحه بالبيت...انا بديت اشك اني بنتهم عبير جايه من الحديقه: هههههههههههه حلو والله عجبني تفكيرك ناويه تسويين فلم هندي مس مرام مرام مالها خلق المغروره الغبيه اللي قدامهــــا: اقول لمي نفسك وابعدي عن وجهي ترا مو ناقصه سخافتك الزايده عبير بضحكه خفيفه: هههه ولا انــــا...وترا مو جاي هنا لعيونك انا طفشانه وابغى اتابع التي في مرام اخذت الريموت وجلست تقلب بالقنوات عشان ماتتكلم مع اختها ام فهد من فوق الدور الثاني: عبيييير تعالي ابغاك بسرعه عبير وقفت: اوكي مــــام طلعت عبير لأمها.....ومرام بقلبها((اي لازم تقابلها عشان ترتاح نفسياً مو هاذي دلوعة البابا والماما)) دق جوال عبير..طبعاً النغمه عاليه لدرجة ان عبير سمعتها قبل لا تدخل الدور الثاني والنغمه خااصه عبير غيرت طريقها ورجعت تاخذ الجوال قبل لا تتلقف مرام وترد بس للأسف فات الاوان ومرام ردت مرام:ــــــــــــــــ : هلا عبورتي شفيك ساكته.... مرام:ــــــــــــــ<<انصدمت من صوت الولد!! : عبورتي شكلك رديتي بالغلط اكيد اهلك جنبيك يالله بااي قفل الخط على دخلت عبيير,, عبير بصرخه: من سمحلك تردين على جوالي يالملقوفه مرام مصدومه ماتوقعت اختها 14 سنه توها بالمتوسط تعرف لهالحركات وتكلم شباب عبير سحبت الجوال من اختها بقوه وهي ترجف عرفت ان مرام كشفتها : مره ثانيه اتمنى تكونين ذوق وماتتلقفين على جوالات العالم! مرام وقفت معصبه من اختها : انتي انجنيتي!! وشلون تكلمين شباب!! ممكن تقوليلي منو اللي اتصل قبل شوي وجيتي ركض لما سمعتي النغمه..مييييين!؟ عبير ارتبكت وخافت امها لا تسمعهـــم: انتي مالك دخل..وبعدين منو انتي تتحكمين فيني وتنتقدين تصرفاتي شوفي نفسك بالاول بعدين تكلمي.....نص شباب الرياض تكلمينهم وجاي تحاسبيني..من جد شي يضحك مرام ماعرفت كيف ترد على اختها..هي بعد غلطانه وماشيه بالطريق الغلط...سكتت وجلست مكانها تحس انهم بيدخلون بدوامة مصائب حوبة الايتام.. عبير حست بأنتصار لما شافت ملامح اختها تغيرت: اشوفك سكتي ياحلوه...ع العموم انا راح اعدي هالموقف بس مره ثانيه لو اشوفك تردين على جوالي ولا تفتحين مسجاتي والله لاقول لبابا وماما على كل حركاتك <<استقوت مررره,, مرام ناظرت فيها منصدمه كيف ترفع صوتها وتهدد اختها اللي اكبر منها بـ 8 سنين جد وحده مو متربيه_وقفت بوجهها وسحبت الجوال من يدها ورمته بالارض لين تكســـر: وريني وش بتسوين يالغبيه طلعت مرام لغرفتها وتحس الدنيا سودا بوجهها..... عبير صرخة بقوه وهي تصييح مقهوووره: والله والله يامرام لأقول لماما عنك..انتي الغبيه مو انــــا<<ماعندها الا التهديد . . . . . . . . . . . . : لا تضايقين نفسك يالغاليه..وبعدين الزواج قسمه ونصيب..ونصيب خالد مو مع هالبنت ام سعود: بس والله يالهنوف الحرمه سكتت ولا ردت علي..شكل بيصير فيها شي تلاقينها مخبره اهلها ان بنتها انخطبت واكيد بتخاف على سمعة بنتها اذا تكنسلت الخطبه الهنوف: مشكلتها الخطبه ماتمت عشان تنشر الخبر...وبعدين احنا ماقلنا وش شفنا فيها ام سعود بضيقه: الله يرزقها..مادري ليش حاسه بتأنيب الضمير الهنوف: تعوذي من الشيطان...والله قلت ان فيه مصيه ببيتنا داقه علي ومصحيتني من عز نومي واخر شي تقولين عشان ام فهد مادري ايش...خلاص انسي الموضوع وكأننا ماخطبنا وها العائله شيليهم من راسكـ ام سعود: بس انا فكرت باليتيمه اللي عندهم شسمها! الهنوف: تقصدين سجى!! ام سعود: ايييه هاذي..ودي اخطبها لسعود...ودي اشوف عياله قبل موتي الهنوف: جعل عمرك طويل يالغاليه...وبعدين مو عشانها يتيمه خلاص عادي تتزوج واحد كبر ابوها حرام البنت صغير وجميله ويبغالها واحد قريب من عمرها تفهمه ويفهمها....حرام نظلمها ام سعود: وش اسوي ماودي اظلم امل واجيبله وحده تتحكم فيه وتبعده عن امل...صح اني مو راضيه على زواج سعود من امل..بس حرام حتى امل مالها الا الله ثم سعود..لا ابو ولا اخو ولا سند بهالدنيا الهنوف: يابعد عمري يايمه تفكرين بالكل..وامل مسكينه ماتستاهل ان سعود يتزوج عليها خليهم يمكن الله يرزقهم...سعود قرر يسافر الاسبوع الجاي واكيد بيلقولهم دكتور كويس يراجع حالة امل ام سعود رفعت ايديها للسما تدعي ربها: ياالله ياكرييم ترزق سعود بالذريه الصالحه من امل ولا من غيرها يارب لا تحرمه نعمة الأبوه...يارب ارزقني بشوفة عياله,, الهنوف: آمييين .. .. نزلت للصاله متكشخه واللي يشوفها يقول رايحه لحفلـــه حصه: هااااي ام سعود لفت على بنتها مستغربه هالكلمه: وعليكم السلام الهنوف: وش هالزين وش عندك ياام راكان متكشخه على وين ان شاءالله حصه بطفش جلست عشان تنهي تحقيقهم اللي مايخلص بنظرها: اول شي اسمي حصصصه وثاني شي انتي مو امي عشان تحققين معي! الهنوف استغربت وش فيها هاذي مره لا تقولون حصه ومره لا تقولون ام راكان..شكت بوضع اختها: طيب آسفين ياحصه ام سعود: طيب هاذا انا امك واسألك على وين ان شاءالله!! حصه بدون نفس: يعني على وين...بروح اتمشى مثل العالم والناس اليوم خميس والكل طالع..فيها شي يعني! ام سعود استغربت اسلوب بنتها: لا والله..تعالي مدي يدك علي احسن...انتي انهبلتي فيه احد يطلع بهالشكل!! حصه: شدعوه يمه قلبتي السالفه هواش...وبعدين انا من حقي اتكشخ ولا شايفه الشيب طالع من راسي مثلاً!! ام سعود تصفق بيديها على بعض: لا والله انك انهبلتي جد...انتي ماتشوفين عيالك ماتدرين عن هوا دارهم تاركتهم مع هالمربيات ولا ساءله عنهـــم..وجايتني تقولين مافيها شي تتمشين!! طيب تمشي ماقلنا شي بس اخذيهم معك خليهم يغيرون جو بدل ماهم محبوسين مثل القطاوه بالغرفه حصه وقفت شكل السالفه مطوله وهي تأخرت على اللي مواعدته: يمه واللي يعافيك اتركيني ترا نفسيتي تعبانه ومااني ناقصه هم..وعيالي على قولتك لهم ابو يجي يمشيهم الله لا يهينه...انا برتااااح منهم ومن همهم طلعت وتركت ام سعود و الهنوف في حيرتهـــم..حصه بدت تنحرف على آخر عمرهــــــا . . . . . . . . . . . . . . . . سعود اول من دخل تقدم وسلم على نواف: ماتشوف شر يانواف.. نواف: هلا عمي الشر مايجيكـ دخلت امل ووراها سجـــى.. نوااف طاارت عيونه اول ماشاف امــــل...معقووله تطلع هـــــي!!! وامــــل وقفت مكــــــانها..,,!!!!!! .. .. سعود التفت على امــل..يشوف وش السالفه وش سبب صدمة نواف بدخلتهـــا امل بربكــه: الـ...سلام عليكم نواف نزل راسه احتراماً للي قاعد معه واللي لو الله ثم هو ماكان حصل الراحه بهالمستشفى: وعليكم السلام امل ماكانت متوقعه ان نواف هو نفسه الولد اللي صارلهــا معه الموقف اللي مانسته ابد ولا راح عن بالهـــــــا,, تحس بضيقه وخوف مو قادره تجلس معه بنفس المكــــان_التفتت على سجى: وين نوره! سجى حست ان فيه شي بينهم وحتى سعود لاحظ هالشي بس مايدري وش الموضوع.. : نوره تدرس داخل.. امــل ماتبغى تجلس معهــم: اوك انا بدخل عندها...عن اذنكـــم,, سجى راحت وراهــــا.... ناظر سعود بنواف مايدري ليش تنرفز وده يعرف وش الموضوع...نظراتهم لبعض غريبه نواف حس بهالشي بس سكت وش يقول... سعود: اقول نواف..وش صار على باقي المواد اللي ماراح تختبرها... نواف : ان شاءالله راح اختبرها بداية السنه الجايه..خالي كلم المدير وشرحله وضعي.. سعود: طيب يانواف ممكن تقولـي وش سبب الحادث..!! نواف تضايق لما تذكر اللي صار..طول هاليوم يحاول ينسى وهو مو قادر... وش يقول لسعود...يقوله ان عمه هو السبب بمصايبهم كلهــا....فضل يسكت ولا يفضح عمه سعود: اذا مو حاب تحكي براحتكـ...بس تأكد اني موجود معك اذا حاب تحكــــي اي شي يانواف.. _سعود وقف _يالله انا راح امشي بس حبيت اتطمن عليك قبل لا اطلع من المستشفى.. نواف بامتنان حاول يرفع نفسه: ماتقصر ياعمي الله يجزاك خير....وبصراحه جميلك ماراح انساه طول عمري..والله يقدرني على رده سعود رحم هالولد اللي يبغى يعيش عشان خواته....بس للحين بقلبه سالفته مع امل يموت ويعرف السر سعود: اعتبرني مثل ابوك يانواف ولا تقول هالكلام.....يالله فمان الله نواف : فمان الكريم,, طلع سعود ومانادى زوجته لأنها قايله له بتجلس مع البنات وبعدها بترجع لجناحها ...لسى ماقررو لها خروج نواف جلس يفكر باللي دخلت قبل شوي...هو شبه عليها والعيون نفسها وحتى الصوت بس باقي مو متأكد .. .. .. .. .. : والله خايفه احس اني مو دارسه زين..اخاف الاختبار صعب وماقدر احل,, امل بحنان تمسح على راس نوره: لا تخافين ياقلبي ان شالله يتسهل الاختبار,, سجى سرحانه بوجه امـــل كأنهــا تعرفهــــا من زمـــان...اسلوب امل وطريقة تعاملها ماحسست البنات بأنهم غريبات عنهــــا....سجى ماودها ان امل تبعد عنهم ..ماتدري وش سر تعلقها في هالانسانه مو اول ماشافتهــــــا.... امل حست ان سجى فيها شي....طول الوقت سرحانه وتناظرها: شفييها الحلوه سرحانه ومو معنا,,!! سجى انتبهت على نفسها: لا معاكم بس افكر بنواف وبوضعه.. امل ارتبكت من سمعت طاريه : لا ان شالله مايصير الا الخير..ادعيله بصلاتك الله يقومه بالسلامه,, سجى : امين الله يقومه بالسلامـــه,, وقفت: سوري خالتي ماضيفناك... امل: افا ياسوسو مو قلنا ان نكون صاحبات ليش تخلين بينا رسميات..ارتاحي بس انا مابي شي..بس ابي اجلس معكم..وربي احس راحت هالدنيا كلها بصدري لما اشوفكـــم,, سجى ابتسمت..امل تبادلهم نفس الشعور: ياعمري واحنا والله ماندري ليش اذا شفناك نرتاح... امل دمعت عيونها بسرعه هاذا هو الشي اللي تتمناه....يكون فيه احد يحتاج الحنان اللي مكتوم بقلبها .. وبدون ماتحس وقفت ومسكت سجى وضمتها...ضمتها ضمة المحروم من الضنى نوره وسجى تفاجأو من حركة امـــل... سجى رحمتهــا حست انهــا فاقده الاحساس بالامومه__سجى غرقت عيونهــا وتذكرت امهـــا يوم ماتت كانت سجى صغيره مره...هي نفس الشي فاقده حنان الام ومحتاجه لضمة هالحضن من زمـــان محتاجه اللي ترمي بصدره همومها طول هالسنين... همومها وخوفها من هالزمن اللي مارحمها من صغرها... دفنت راسها بصدر امل و ضمتها اكثر ماودها تتركهـــــا محتاجه للدفى...ضمتها وهي كاتمه شهقاتهـــا...ودها تصرخ وتنادي امهـــا>> .. أشتقتلك يافرحة العمر يمه,, ,,أهز اغصان البعد في زماني عانيت يمه طول ليلي وهمه,, ,,في ديرة(ن) فيها زماني عصاني أسري بديرة كل همه بغمه,, ,,شفتي يايمه وين حظي رماني الخوف كدس فالشرايين سمه,, ,,يمه بدونك ضعت همي لفاني سيف الثواني هد صدري بظمه,, ,,سكن عيوني لين نومي نساني المس كفوفك ينزف الجرح دمه,, ,,اشوف دمعك لا يايمه عشاني ثوبك اضمه والمس اطراف كمه,, ,,تحيا بقلبي من شفاهك اماني . . . . . . . . . . . . . . . . . هاذي ثالث حبة منوم اكلتها اليــوم...بس بدون فايده..من كثر الصداع ودها ترمي نفسها من الشباكـ ((ياااارب امووت ياااارب,, انا ماعندي شي بهالدنيــا اعيش عشانـــه لا ام ولا ابو ولا اخوان يارب عشان ايش اعيش....يارب خذ روحي وريحني)) وقفت بجنون وجلست ترمي الاغراض ع الارض وكسرت كل شي قدامهـــا ودها تفرغ الضيقه اللي بصدرهـــا...تحس روحها مخنووقه,, اصعب شي على الانســان انه يعيش وحيد.. سمعت صوت الجرس...وراحت تركض للباب من كثر الضيقه محتاجه احد اي احد بس تفرغ اللي كابته بصدرها فيه وللأسف جت على وليد المسكيـــن... اول مافتحت البــــاب شافته واقف.. وليد انصدم من شكلها كأنها مدمنة مخدرات.. عيونها حمرا ومنتفخه والكحل ناثر على وجهها ملاك اول ماشافته صرخت بوجهه وبجنون: ايوووه يااستاذ وليييد جاي تتشمت فيني!! ادري فيك اناني ماتحب الا نفسك...مبسوط ومرتاح وماعندك شي تسوييه وجاي تتضحك علي وليد واقف بمكانه مصدوم وش تقول هالمجنونه...الحين جاي لها يواسيها ويتأسف من اللي سواه معها وكيف تركهـــا..((بعد استشارة تركي))وتستقبله بهالاسلوب: انتـــي مجنونه...وش تقوليــــن!! ملاك تصفق بأيدهـــا: اييوه مثل دور البريء...وسو نفسك ماتدري عن شي... انت....انت ياوليد الوحيد اللي تمنيت اكون بقربه لو دقيقه وحده وبعدها اموووت عاارف...عمري ماتمنيت اكون قريبه من احد مثلكــ....ابغاك تكون اخر شخص اشوفه بحياتي مابغى لا امي ولا ابوي ابغااااك انت...وعارف هالشي وتركتنـــي وحيده كأنك ناوي تقتل روح تعلقت فيييك وليـــد ارحمني وارحم ضعفي انا محتااجتلك محتااجتلك انت اكثر من اي شخص ثانــــي... ضمته غصبً عنـــه_وصرخت من قلب_ انـــا احببك ياوليد والله احبكـ.. وليد للحين مصدوم ومو مصدق اللي يسمعه البنت قربت تنجــن ماقدر ينطق بشي بعد اللي سمعه...ماتوقع انها تحبه ومتعلقه فيه لهالدرجه ملاك حست براحه بعد ماصرخت بوجه وطلعت كل اللي بقلبها بس فجأه....حست بوضعها غلط وكيف متعلق برقبته وضامته وهو مصنم مكاانه وماتحرك مصدوم منها ملاك بعدت بسرعه عنــه ومسحت دموعها بايدها وهي ترجف : سوري وليــــد يناظرها كيف شكلها ينرحم كأنها بيبي ضايع من اهله الضعف ساكنها ومسيطر عليها : بعد ايش..! بعد مامسحتي فيني الارض....! ملاك دخلت داخل الشقه وجلست ع الكرسي متفشله منه((انا وش سويت انا غبيه هو ماله ذنب باللي انا فيه كيف صرخت بوجهه كذا...ياربيي انا مااسوي شي الا ويطلع غلط والله هاذا من الضياع اللي انا فيه مو قادره اتحكم بتصرفاتـــــي...ياربي لا يكون زعل مني بعد انا ماصدقت اشوفه)) لفت ع الباب شافت متكي عليه وسرحان يناظرها وليد كان يفكر بهالبنت....مايحس باتجاهها اي مشاعر خاصه غير الاحساس بالرحمه لضعفها ووحدتهــــا.... ملاك وقفت ومشت له_مسكت ايده_: ليش واقف ع الباب تفضل ادخل,, وليد يناظرهـــا تصرفاتها غريبه..شك انها ماكله شي مخليها تفقد السيطره: انتي مسويه بنفسك شي ملاك تناظر بنفسها وتدور شي غلط _هزت راسها بالنفي: لا.. وليد: طيب ليش شكلك كذا عيونك مورمه...ومو قادره تسيطرين على نفسكـ...!! ملاك قلب لون وجهها حست بأحراج..جلست تلعب بشعرها: انا آسفه ماكان قصدي اصرخ بوجهك بس كنت متضايقه شوي وليد: ع العموم انا كنت جاي اتطمن عليـكــ..بس الظاهر اني كنت غلطان..عن اذنك ملاك تمسكت فيه اكثر وناظرته بترجي: بليييز وليييد لا تتركني..انا خايفه وليد : خااايفــــه..!! انتي طول عمرك عايشه لوحدك..ماجاك الخوف الا لما عرفتيني!! ملاك: لأني حسيت بالامان لما عرفتك..انا كنت عايشه بضيـــــاع...تكفى وليد خلك معي وربي محتاجتلكــ.. وليد تضايق مايدري وش يسوي : والله ياملاك انا اللي ضايع مو انتي ع العموم دامك طلعتي اللي بصدرك فيني وارتحتي..نامي وريحي راسك شوي من بعد الصراخ وانا بمشي الحين بروح انام واشوفك بكرا.. ملاك ابتستمت وودها تطير من الفرحه مو مصدقه انه رضى يكون معها ومايتركها: جد بشوفك بكــرا!! وليد ابتسم لأبتسامتها_اشر بأيده يعني بــاي ونزل من الدرج_ : ســـي يـــــو,, ملاك دخلت الشقه وسكرت الباب وجلست تضحك بهستيريه وتبكي بنفس الوقت الحين جد ودها تنط من الشباك من الوناسه...ناظرت بعلبة الحبوب واخذتها ورمتها من بعيد من الشبـــاكــ شهقت فجأه....تذكرت وليد اللي نزل خافت يشوف العلبه او تطيح على راسه راحت تركض للشباك تشوف وين راحت العلبه حصلت العلبه مرميه..ووليد مو موجود...شكله مابعد طلع من العماره....قفلت الشباك ورمت نفسها ع الكنبه,, الحين بتناام مرتااااااحــــه ولا راح تهتم بابوها ولا بزيـــــــاد,, . . . . . . . . . . . . . . . . . . بالطريق طالع من المستشفى ويفكر بزوجته امل وش بيكون وضعها بعد ماتطلع من المستشفى....ووش بيسوي مع امه وموضوع هالزواج اللي مطفشته فيه....قرر يغير اتجاهه ويروح لأخته الجوهره منها يسلم عليها ومنها يحاول انها تقنع امه تقفل موضوع الزواج,, دق على اخته يشوف اذا هي موجوده ولا لأ.. : مرحبـــا,, سعود: هلا بام محمد...كيف حالكـ ام محمد: بخير ياخوي الله يسلمكـ....انت وش اخباركـ...واخبار امل سعود: بخير الله يسلمك..وامل طيبه وتسأل عنك ام محمد: ياعمري كان ودي اجيها اليوم بس تعرف اهل ابو محمد عندنا وماقدرت اتركهم سعود: يووه..نسيت وانا كنت ناوي اجيكم...اجل يالله مره ثانيه.. ام محمد استغربت مو من عادة سعود يجيهم وخاصة بيوم الخميس: اكييد عندك شي ولا مو من عوايدك سعود:افا اجل ماتبيني ازوركــم.. ام محمد: لا والله الا الساعه المباركه اللي تجيني فيها..بس حسيت من صوتك ان فيه شي شاغل بالكـ سعود قرر يفاتحها بالموضوع دامها مصره تعرف وش مضايقه: بصراحه بغيت منك مساعده ام محمد: تامر امر ياسعود.. سعود: بغيتك تقنعين امي تنسى موضوع الزواج لأني شايله من راسي نهائياً ام محمد : والله مادري وش اقولك..امي اذا حطيت ببالها شي تسوييه..وعلى فكره ترا البنت اللي مفكرين فيها بنت اخو ابو فهد اللي يشتغل عند زوجي.. سعود انصدم: اي وحده..!! ام محمد: اكييد الكبيره سجى...انت عارف انها يتيمه وبصراحه شخصيتها ضعيفه ومبين مو راعية زواج ومسؤليه..وانا مو مأيده انك تتزوجها سعود مو مصدق اللي يسمعه معقول امه مافي قلبها رحمه تظلم هاليتيمه وتزوجها واحد كبر ابوها!! جلس يتذكرها لما كانوا عند الدكتور وكيف كانت انسانه رزينه وثقيله وقد مسؤلية اخوانها بس بسرعه تذكر انها صغيره وحرام تنظلم: اصلا ولا فكرت اتزوج لا سجى ولا غيرها انا متأمل فيك ياام محمد ابيك تشيلين هالفكره من راسها... ام محمد: ان شاءالله بحاول معها..بس صدقني امي والهنوف معجبتهم سجى بقوه واتوقع ماراح يقتنعون انهم ماياخذونها..سواء لكـ ولا لخـــالد,, سعود عجبته فكرة انه يخطب سجى لخالــــد : يصير خير...يالله فمان الله وسلميلي على ابو محمد والبنات.. ام محمد: الله يسلمك..فمان الكريم,, . . . . . . . . . . . . . . . . . طالع من مجلس صاحبــه وهو يفكــر بكلامــــه.. معقولــه نواف يسويهــا ويرفع عليه قضيــــه ويطالب بالراتب..!! وقف سيارته بجنب الشـــارع...وجلس يفكر بحل ينهي موضوع الورثه ومشاكله من توفى اخوه وهو ماذاق طعم الراحه...من كثر التفكير بأمر عياله ومصيــرهم جانب الخير اللي بأبو فهــد يحاول يصحيه وينبهه باللي قاعد يسويه بعيال اخوه وجانب الشر اللي هو طول هالسنين الغالب يقنع ابو فهد بأن اهم شي بالدنيا سعادته وسعادة عياله اللي عايشين على خير ورث عمهم...طبعــاً ابو فهد مقنع نفسه انه ماله ذنب اخوه يموت ويترك عياله وانه هو ماقصر على الاقل لمهم ببيته وحماهم من الغير...طبعــاً العم مقتنع ان هاذا هو الشي الصح اللي سواه,, خطرت بباله فكره..انه يروح ويزور نواف ويحاول يبرر اللي سواه هو عارف ان نواف قلبه ابيض وماراح يقسى على عمه حرك ابو فهـــد للمستشفـــى,, .. .. .. .. .. .. .. .. في غرفة البنات كانت امل مستمتعه بسوالفهــم وداخله جو معهم,, نوره: ههههههه وربي ياخالتي لو تشوفين سجى كيف حمر وجهها سجى: انتي بس عااد...ماعندك الا هالسالفه تراها من زمااان امل وهي تضحكـ: هههههه بس والله موقفك محرج..لو مكانك ماعاد دخلت هالمجمع ابدااً سجى:ههههه شسوي اذا على المواقف اجل ماعاد اروح للمجمعات نهائي نوره: وانتي خالتي ماكلمتينا عن نفسك..يعني ماتعرفنا عليك كثير امــل تضايقت ووضح عليها هالشي....سرحت لبعييد...وغرقت عيونها بالدموع سجى ونوره يناظرونها...حسوا بضيقتها.. سجى تبغى تغير الموضوع: اقوول وش رايكــم نطلع نتمشى بالحديقه..بعد شوي ربع نواف بيزورونه واكيد مانقدر ناخذ راحتنا بالسوالف امل: لا والله ماقدر خليها مره ثانيــه..ع العموم انا لازم اروح اخاف الدكتور يعصب علي لأني تأخرت..وان شاءالله بكرا اذا طلعت برجع آخر النهار واخذكم للسوق عشان نجهز للسفر نوره: خلوها يوم ثاني ماقدر اروح,, سجى: مو لازم تروحين انا اقضيلك اغراضك..اذا بننتظرك ماراح يمدينا.. امل وقفت: اوكي اشوفك بكرا سوسو_باست البنات وطلعت_ نوره لفت على اختها: اقول سوسو مالاحظتي فيها شي سجى بحيره: الا والله مبين ان ماضيها حزيــن..شفتي كيف تضايقت لما سألتيها نوره بضيقه: ياليتني ماتكلمت..احس بتأنيب الضمير.. سجى مسكت يد اختها وباستها: ياطيووبه انتي..لا تتضايقين ولا شي انتي ماتعرفين عنها شي..._وقفت_انا بروح عند نواف بصحيه عشان ياكل أكله ودواه وانتي راجعي كويس هانت مابقى الا ثلاث ايام وترتاحين... نوره: اووووف اكرره الدراسه... طلعت سجى لأخوهـــا وعلى دخلتهـــا للغرفه الا عمها داخل سجى بقلبها ((بسم الله ))<<صابها خوف منه المسكينه ابو فهد من شاف سجى لف عنها ودخل عند نواف : السلام عليكم نواف توه صاحي شاف عمه وتذكر اللي صار مارد عليه سجى: وعليكم السلام...هايا عمي العزيز وش عندك جاي تكمل اللي سويته ابو فهد ماناظرها: كيفك يانواف الحين..!! نواف ناظره نظره حقد وكره : يهمك تعرف صحتي...!! ابو فهد لف على سجى اللي واقفه وهي الثانيه تناظره بحقد: ممكن تطلعين وتتركينا سجى بدون لا تتكلــم طلعت لأنها مو طايقه تشوف وجهه.. ابو فهد: ادري شكثر شايل علي وانا عمك..بس انت اللي حديتني على هالشي انا ماقد شفت ولد يهدد عمه اللي رباه نواف: والله ياعمي انت اللي حديتني على التهديد..ماشالله معاملتك لخواتي تخلي الواحد يجي ويبوس راسك.... ابو فهد: حتى لو كان مو اسلوب اللي كلمتني فيه..وبعدين خواتك اللي تتكلم عنهم انا مسؤل منهم نواف بعصبيه فقد اعصابه: ماافييه احد مسؤل منهم الا انــــــــااا,, ابو فهد انصدم من نواف صاير مايحترمه ابد ولا يحسب له حساب.. : انت ليش تتكلم معي كذا..الحين جاي اتطمن عليك وترد علي بهالرد!! نواف: ههههه تتطمن علي وانت سبب اللي انـــا فيه..انا مو هذا البزر اللي تضحك عليه بكم كلمه ولا تفكر اني مقعد راح اسكت عن اللي سويته..صدقني انا هالحادث صحاني من اللي كنت فيه وراح تشوف وش راح اسوي ان شاءالله,, ابو فهد ((هاذا اللي ناقصني قام يتفرعن علي ذا البزر)): المهم لا يكثر كلامك على عمك وانت مهما كبرت بتضل بنظري صغير....وانا المسؤوول منك انت وخواتكـ.. وبعدين خواتكـ ليش اخذوا كل اغراضكم....وين ناويين تروحون ان شالله اذا طلعت...! نواف: اكييد ماتدري عن حالتي.....انا مقررين علي علاج برا السعوديه وان شاءالله نهاية الاسبوع بنسافر...وعلى فكره ياليت تعطي سجى مصروفنا عشان تقضي اغراضها هي ونوره.. ابو فهد منصدم: بتسافروون..!!<<خايف من المصاريف.. نواف: مثل ماسمعت.. ابو فهد: ومن وين لك مصاريف السفر والعلاج..!! نواف ضحك:ههههه لا تخاف ياعمي ماراح ناخذ من فلوسنااا اللي عند شي....بس ان شاءالله اذا رجعت راح نتحاسب كويس.. ابو فهد تضايق مايدري هالولد وش ناوي علــي...ووده يعرف من بيتكفل بالعلاج.... طلع من الجناح بدون لاينطق بكلمه وحده..... نواف ماتعود يرفع صوته بوجه احد اكبر منه..لا وعمه اللي المفروض يكون مثل ابوه((اسف ياعمي ماكان ودي اتعامل معك كذا...وادري ابوي لو عايش مارضى بهالشي...بس افعالك تخلي الواحد يفقد سيطرته)) . . . . . . . . . . . . . . جالسه بصالتها الرئيسيه بعد ماطلعوا اهل زوجهـــا : اقول هنا متى بتطلع نتايجكـ..!! هنا تلعب بخصل شعرهـــا: والله مادري على حسب يمكن بكرا او بعده ام محمد: اول ماتطلع تجين وتعلميني فاهــمه..!! هنــا بلا مبالاه : اوكي دانــا نازله من فوق ومعها كتابها تدرس : مـــامـــا ام محمد وهي مندمجه مع البرنامج: هلا دانــا: انا صارلي ساعه ادور على هالغبيه ليتا ومو محصلتهـــا كل الخدم موجودين الا هي ام محمد لفت على دانا بسرعـــه: ايييش..!! وين راحت..!! هنـــا تسوي نفسها لاهيه بالمجله وتلعب بخصل شعرها وهي ميته من الخووف دانـــا: والله ياماما من بدري وانا ادور عليها..ابغاها ترتب غرفتي بس ماحصلتها ام محمد وقفت معصبـــه..شكت بهنــا بس قالت تروح تسأل باقي الخدم تتأكد وتشوف اذا اغراضها موجوده او لأ... بعد ماطلعت ام محمد...لفت دانا على اختها: هنوو تتوقعين هربت من البيت هنــا تسوي نفسها مو مهتمه: بلعنتها وانا وش دخلنــــي.. دانــــا: وانتي الصادقه بلعنتها اهم شي ماتكون سرقت اشياءي بروح اتفقدها<<برييئه هنــا من طلعت اختها راحت فوق لغرفتها تكلم فوز تنبهها تخفي وجود الشغاله... .. .. .. .. .. : انطقي انتي وياها وين راحت ليتـــا...!!! وحده من حبشياتهــم بخوف: والله يامدام ماشفناها..فكرناك مرسلتها لمكان لأنك ماسألتي عنها ام محمد: مفتاح الغرفه معكــم..!! الحبشيه: ايوه معي.. طلعت ام محمد: تعالي معي بسرعه راحوا يشوفون اذا اغراضها موجود او لأ...فكروا انها هربت ام محمد: لا مستحييل..وين اختفت هاذي..اغراضها كلها هنــــا... الحبشيه بخوف: مدام انا بقولك متى اخر مره شفتها ام محمد لفت عليها بعصبيه: انطقي ليش ساكتــــه... الحبشيه: شفتها طالعه مع هنــــا هنــــا ام محمد طلع الشر من عيونهــــا...وشكها كان بمحلــه طلعت من الغرفه بسرعه رايحه لغرفة هنـــــا اول مادخلت الغرفه ماحصلت هنا فيهـــــا سمعت صوت في الحمام قربت منه : اوكي كذا حلو..يالله حبيبي انا بقفل قبل لا تجي ماما.. قفلت الجوال وطلعت من الحمام تتسحب.. هنا: بسم الله ام محمد بعصبيه سحبت الجوال من هنـــا..وبسرعه دقت اخر رقـــم ((نور دنيـــاي)) ام محمد فكرت انه ولد من اسلوب بنتها معه.. : الوو..مامداك تشتاقي ام محمد غرقة عيونهــا ماكانت متخيله بنتها بهالوقاحـــه هاذي تكلم شبــاب من وراهـــا..حست الدنيــا ضاقت بوجهها رجولها ماقدرت تشيلها...طاحت على ركبهـــا وهي ترجف قفلت الخط هنـــا واقفه بصدمـــه..ماكانت متوقعه امها تدخل عليها وهي تكلم صارلها ثلاث سنوات مع حبيبتها فوز ولا مره احد قدر يكشفها هنا نزلت لأمها خافت عليها... : ماما الله يخليك اسمعيني راح احكيلك كل شي.. ام محمد تناظر ببنتهـــا تناظر ضناها اللي تعبت على تربيتهـــا هي واخوانها ماعمرها شافت شي غلط على عيالها الا هالبنت اللي كانت تثق فيها ثقه عميــاء رمت الجوال بعيد على الجدار لين تكسر..ودفت بنتها بعيد.. هنــا وهي تشهق بالبكي: ماما الله يخليك اسمعيني بس.. ام محمد حاولت توقف: امشي قدامي يالفاسقه....انا مالومك على اللي تسوينه الوم نفسي لما وثقت فيكـ..._صرخت بعصبيه_امشي قدامي!! هنا طلعت من الغرفه بخوف وهي تصيح... دانا سمعت صوت امها وطلعت من الغرفــــه : شفيكـــم_شافت هنا تصيح وامها الدموع مغرقه عيونهــــا_ماما شفيك..بابا فيه شي..!! ام محمد ناظرت بدانا اللي كتابها بيدهــــا:ادخلي كملي دراستكـ بسررعه.. دانا خافت من صراخ امها ودخلت غرفتها وقفلت الباب..وجلست تصيح هي الثانيه فكرت ان اهلها فيهم شي ام محمد لبست عبايتها ورمت العبايه على هنا: البسي والحقيني ع السياره بسررعـــه.. هنا تلبس عبايتها وتدعي ان امهـــا ماتسوي شي لفوز وتخرب علاقتها معها<<تحب فوز لدرجة الجنون .. .. .. .. في السياره.. ام محمد : وصفي للسايق مكان الزفت اللي كنتي تحكين معه.. هنــا: ماما اللي كنت احكي معه وحده من صحباتي والله مو ولد ام محمد تناظر ببنتها من جدها هاذي للحين مصره انها ماسوت شي: انا مو هنديه تضحكين علي انا سمعت صوته يابنت... هنــا وهي تصييح: ماما هي صوتها كذا وربي..والحين اتصل فيها وكلميها اسمها فوز ام محمد مستغربه بنتها مصره تستغفلهـــا_بعصبيه: انتي تستهبلين ولا شسالفتك اقولك وصفيله المكان وبلا استهبـــال هنا اخذت جوال امها من الشنطه ودقت الرقم اللي حافظته مثل اسمها.. هنــا: الوو فووز فوز: انتي وش سالفتك تدقين وتسكتين والحين تصيحين..وش صار لايكون الست امكـ درت ان الشغاله عندي هنا: فوز هاذي ماما تبغى تحكي معكـ...مو مصدقه انك بنت..كلميها ام محمد اخذت الجوال بقوه: نعــــم فوز بكل وقاحــه: بشويش فجرتي اذني ام محمد طلعت عيونها هاذا نفس الصوت: انتي هييه احترمي نفسك واعرفي من تكلمين..! فوز تعوج فمهـــا((وبعدين مع ذا العجوز)): والله انتي المتصله مو انـــا...وبعدين وش فيك على هنو ماسكتلها ع الوحده..فكي شوي عن البنت لا تطفش من البيت ام محمد عرفت ان هاذي بنت ومسترجله حست انه ارحم من ان تكون ولد...بس وش الفايده كل خراب في خراب : انتي مالك دخل في بنتـــي...ولو سمحتي ماعاد ابغااك تمشين معها فاااهمه... فوز : اوكي اوكي ذبحتيني انتي وبنتكـ....وعلى فكره تعالوا عند شارع..... واخذوا شغالتكم تراها اذتني ___قفلت الخط____ ام محمد تناظر بالجوال منصدمــــه وش هالوقاحه تقفل الخط بوجههـــــا ناظرت ببنتهــــا: انتي كيف تمشين مع ناس حثاله مثل هاذي!! هنــــا تحس ان حياتها خربت شكل فوز زعلت وعصبت...لأنها اذا عصبت من احد ماتكمل معه الكلام تقفل الخط بوجهه وهاذا اللي سوته مع امــهـــا__سكتت ماردت على امهـــــا__ ام محمد: حسابك عندي اذا رجعت للبيت....اشرف اطلع لشارع..... حركت السياره من البيت والكل على اعصابـــه..هنا خايف من فوز وردة فعلها بعد مكالمة امها وام محمد تفكر وش بتعمل مع بنتها الميؤس من حالتهـــــــــا . . . . . . . . . . . . . . بالسيــــاره طالعه لبيت جدتها بعد مااخذت معها ملابس تكفي شهر كامل,, : فهد ممكن اطلب منك طلب..!! فهد وهو طربان مع ابو نوره ومعلي صوت المسجل: آمريينيي مرام عارفه انه ماراح يوافق بس قالت احاول: ممكن تاخذني للمستشفى ازور نواف!! فهد لف على اخته مستغرب: اوووه من متى هالعلاقه الحلوه مع عيال عمك!! مرام بضيقه: وش اسوي احس بتأنيب الضمير انت عارف ان بابا السبب باللي نواف فيه..!! فهد: والله محد قاله يتهور ويركض مثل المجنون بالشارع.. مرام: وبعدين يعني بتاخذني لهم ولا لأ... فهد يرفع صوت المسجل ويهز راسه بالنفي.... مرام مقهوره من اخوهــــا....عايش بهالدنيا بدون لا يحسب حساب لاحد...تحس انه ضايع دق جوالهـــا...رفعته وناظرت بالمتصل,, ..My loOve... مرام خافت...((هاذا وش يبي داق الحين...يارب فهد ماينتبه)) فهد ناظرها : ليش مارديتي.. مرام: هاذي صاحبتي ماقدر اكلمها بهالازعــــاج,, فهد فز قلبه من سمع طاري البنات...وطى صوت المسجل يتميلح عند اخته: يالله الحين تقدرين تردين.. مرام فكرت اخوها شك..ماتدري انه يمووت ع البنــــات:لا خلاص قطع الاتصال اول ماجي البيت بتصل فيها__تبي تغير الموضوع__ الا اقول انت متى اخر مره شفت بابا..!! فهد هز كتوفه: على مااعتقد الخميس اللي راح.. مرام: جد..!!وطول هالمده ماكلمته!! __رجع جوالها يدق من جديد ونفس المتصل__ مرام ارتبكت الحين مالها حجه ماترد... مرام بصوت واطي: الوو : هلا والله بهالصوت...وش دعوه ساعه على ماتردين! مرام: معليش سارا انا بالسياره مع اخوي اذا رجعت البيت اتصلت فيك.. : اهااا..اجل شكل اتصالي جا بوقت غلط....يالله انا بقفل بس لا تنسين تتصلين ضروووري! مرام تبغاه يقفل الخط لأن اخوها قاط معها بقووه: اوكي اوكي بااي.. قفل الخط وقفلت جوالها معه.. فهد: يالله وصلنا انزلي ولا تتصلين فيني تعال ودي ومادري ايش...عندك عبدالله قوليله يوديك... مرام نزلت وماردت بأي كلمه.... .. .. .. .. .. اول مادخلت بيت خوالهــــا جلست على درج مقدمة الفله و طلعت جوالهـــا واتصلت بنفس الرقم,, مرام: هلا فيصل.. فيصل: هلا فيكـ حياتي...كيفك..!! مرام: كويسه...بس انت اتصلت بوقت غلط..الحييين جالس اسبوعين مااتصلت ولما صار اخوي معي نزلت عليك المحبه واتصلت.. فيصل:هههههههه بشويش يامعصب... انا قلت اتركك ترتاحين مني...مو كان عندك اختبارات!! مرام بطفش: ايوا صح...خلاص فيصل ياليت هالاسبوعين تزيدهم شهر...انا في بيت جدتي وماراح اقدر اكلمك فيصل متعود على اعذارها وتطنيشها له: اووكــي براحتكـ يالغلا... مرام: مشكوره...يالله تامرني بشي! فيصل: سلامتك حياتي... مرام: بااي_قفلت الخط ودخلت...وكان فيه شخص يسمع مكالمتها طول هالوقت وساكت بس مرام مانتبهت فيـــه_ نــايف هز راسه ودخل مجلس الرجال.. . . . . . . . . . . . . . . تحس روحها مخنوقـــه....ووودهـــا تصرخ بصوت عااالي يسألونها عن حياتــهــا وهي نفسها ماتعرفهـــا.... هاذا سبب ضعفها وقلة حيلتها... جلست تصييح بحرقة قلب... دق جوالهــــا ؛؛دنيتـــــــي؛؛ ردت على طول لأنها كانت بتتصل فيـــــه,, بصوت مبحوح :الوو سعود: هلا امولتـــي...شفي صوتكـ..فيك شي! امل: لا بس شوي متضايقه...سعود ابغى اطلع الله يخلييكــ... سعود عوره قلبه كيف تركهـــا وهي تعبانــه: دقايق واجيكـ قفلت الخط وجهزت نفسها قررت تطلع حتى لو ماكتبوا لها خروج .. .. .. .. نوره : ياسخفك سوسو اجلسي معي شوي.. سجى: بروح اقولها نروح بكرا بدري يعني من العصر وبرجع ماراح اتأخر.. نوره: طيب دامك مو متأخره بجي معك.. سجى طلعت وتركت نوره تحــن.. نوره: ياربيييي...وش اسوي الحين ملييت من الدراسه..طلت على غرفة اخوها لقته نايــم دخلت الغرفه ماحبت تزعجه .. .. .. .. : هلا والله بالحلوه سجى تناظر امل بتمعــن: خالتي فيك شي..! امل : لا ياقلب خالتك مافيني شي.. سجى :الا وربي فيك..ليش عيونك متورمه كذا!! امل: لا بس كنت متضايق شوي وانا لما اتضايق احب اصيح يعني افرغ من اللي بقلبي شوي.. سجى مسكت ايدها بحنان: سلامتك من الضيقــه...انا بس مريتك عشان اقولك انو بكرا لو نروح للسوق بدري يكون افضل..تعرفين نوره لازم الواحد يوقف على راسها عشان تراجع...وبعد ابغى امر الصراف اسحب,, امــل: اوكي مو مشكله..بس عطيني رقمك اذا جيت عند الباب ادق عليــكــ بعد ماعطتها الرقــم طلعت سجى واول مافتح البـــاب شافت سعود توه جاي سجى وجهاا قلب احمر من الاحراج...مامداها تتغطى الا هو داخل رجع سعود ورا يعطيها مجال تطلع..سجى مرت من قدامها بسرعه وطلعت دخل سعود عند زوجته: مساء الخيـــــر,, امل: هلا والله مساء النور... سعود: كان عندكـ ضيوف! امل: اي ياحبيلها سجى جايه تقولي عن وقت طلعتنا للسوق بكرا,, سعود((ماشالله عليها..ياويلهم من الله يبون يزوجوني هالقمر..والله حرام هاذي يبغالها واحد بسنها يدلعها ويفهمها)):اهاا...طيب تتوقعين معهم حق التسوق امل: اتوقع لأنها قالت تبي تمر الصراف تسحب..اتوقع عمهم يعطيهــم سعود: طيب والحلوه وش عندها لابس العبايه..نويتي تطلعين! امل بضيقه: اي والله مافيني صبر لبكرا..والله ياسعود احس بخنقه..مابي اجلس لحالي سعود ماحب يضايقها زياده ويجبرها تجلس..وقف:اوكي اجل بروح اكلم الدكتور يطلعك.. . . . . . . . . . . . . . . مايدري اللي سواه صح ولا غلط.. هو حب يوقف معها ويساعدها.. ((والله مادري عنك ياتركي استشرتك وقلت اوقف معها..يمكن على قولتك الله حطها بطريقي لأنها بحاجتي..بس وش معنا انـــاا!!)) قرب جهازه يتصفح النت ويشوف من شابك ع الماسن وده يسولف مع اي احد فجأه سمع ضرب على الباب بقووه...ولييد فز من مكانه مرعوب وراح بسرعه للبــــاب يشوف وش فيـــــه اول مافتح البـــــــــاب طاحت قدامـــــــه.. وليـــد: ملااااااااااكـــ . . . . . . ##نهـــــــــــــاية الفصل الســــــــادس## آسفه على التأخير بس صارت مشكله لجهازي وانمسح كل اللي فيه رجعت اكتب البـــارت من جديد :( بأنتظار تعليقاتكـــم وتوقعـــاتكـــم |
حوريتي... أبطيتي علينا دون قصد.. وابطينا عليج بدون قصد.. والله أني لاهية لشوشتي.. اشتقت لج.. ولأبطالنا...
بارت اليوم هادئ والأحداث ناعمة وشفافة.. بس فيه حدثين وقفت عندهم صراحة نايف وأمل... وش السر اللي بينهم.. ليش ارتبكوا من شوفت بعض.. وين تلاقوا قبل.. تعبت وأنا أعصر مخي بدون فايدة يا غلاي... أنتظرج تحلين لنا اللغز وليد وملاك.. تكفين خلي وليد يجطل ملاك ...يجطلها يعني يعطيها أشكل... هو ناقص بلاوي تجيه ذا الملاك الصايعة ببلاويها.. يعني هو موب مصلح اجتماعي... هي عارفة مشكلتها.. موب وليد اللي بيحلها.. إلا تدخل وليد يمكن يعقد السالفة ويزيد الطين بلة ماشاء الله حوريتي.. بارت طويل وحلو.. لا عاد تطولين علينا الغيبة.. اشتقنا لطلتج الحلوة بنت الخالة |
السلام عليكم..
ما شاء الله عليج حوري..ما مداني اقرى اول كلمه الا خلـص البارت..مو لأنه قصـيـر لا..بس لأني ومن شووقي للقصـه كليت الحروف اكل:)..يسلمووو عالبارت حورية..ما تقصـرين.. امـل ونواف وشالي بينهم..او شالموقف الي صار..والي خلاهم يرتبكون يوم شافو بعـض..نفس الشي ماضيها..والي تضايقت لما سألوها عنه..يوم قلتي ما تعرفه..فاقدة ذاكرتها مثلا..والحالات الي تييها دايما..لها علاقة بهالشي..مثلا ذكرى سيئة تحاول تجنبهـا..الله يعينهـا.. سعـود اهو يبيها لخالد..وخالد يبيها له..بس مثـل ما قال..مو لأنها يتيمة يعطونهـا له..واهو كبر ابوهـا.. وليـد واحساسه بالمسؤولية تجاه ملاك..وبالندم لأنه تركهـا..وسماعه لمشورة تركـي..ليلحين اشك انهم اخـوان..نفس طبع الابو..متشدد..ويراقبهم.. ملاك يؤ..شفيهـا..ليش طاحت..اتوقع السبة زياد..وتعلقها بوليد..لدرجة انها ما تبي اي احد من اهلهـا غيره..لدرجة انها كانت بترووح فيها يوم تركها..هذا واهي توها تعرفه..لكنها حست بالامان معه..الامان الي ما لقته مع ابوهـا..ولا زيـاد..حسبي الله عليـه..مستغفل ابوهـا.. هنـا واخيـرا انكشفت..الحين شرح تسوي..انهم يحبسوها بدارها مو حل..ولا حل انهم ياخذون الموبايل منها..لأن في مليوون طريقة تتواصل فيها مع فوز.. فوز اسلووبها صج مو شي مع ام محمد..تكلم بكـل وقاحة.. حصـه وانحرافها المتأخر..بتندمين يا حصـه.. عبير هذا واهي توهـا..بس ما تنلام..امها ومدلعتها..واختهـا..وتكلم..يمكن اكثـر منهـا بعد.. مـرام والي سمعهـا..شرح يسوي بيستر عليها او لا..وشلون كشفت اختها..بس صج ما تقدر تسوي شي..ثنتينهم ماشيين بنفس الطريج..وثنتينهم يدروون انه غلط..حلو انها طلبت من فهد..يوديها لنواف.. نواف زين سوى معاه..عمه على عيني وراسي..بس يستغلهم..لا والف لا..وهذا الي كان لازم يسويه من اول معاه..لان الطيبة والاحترام ما ينفع مع هالاشكـال.. بنووتة |
اقتباس:
منوووره ياقلبــي....والله ماطولت عليكم الا من جهازي المريــض :( اهم شي البـــارت ارضاكـــــم... وبالنسبه لنايف وامــل مابينهـــم شي وانا ماذكرتهم بالبارت مع بعض :) مشكوره ع التعليقات ولا تحرميني منهــــا |
اقتباس:
حياكـ الله حياتــي..منووره وشكراً على هالاطراء الجميل.... لا تحرميني من تواجدكـ معــــــي :) |
#الفصـــــــل الســـــــــــابع#
#اشـوف الناس بعيوني,,,,,ومن بدهم اشوفك غييير# http://farm1.static.flickr.com/229/4...8714e6c465.jpg . . . . . . . . . . :اسمعـيني ولا تقاطعين كلامييي...انت اساس الغلط والا لو انك منتبهه عليها ماوصلت لهالمرحله ام محمد وهي تمسح دموعهــا: ماتوقعت يطلع منك هالكلام يابو محمد بعد هالعمر كله! ابو محمد يصد عن زوجته وهو معصب لأنه سمع هواش ام محمد لبنتها وعرف الموضوع كله وانصدم ماتوقع وحده من بناته بهالاخلاق...طبعاً اللوم كله على ام محمد... طلع لمكتبه وهو ضايقه فيه الدنيــــا.. ام محمد جلست على الكرسي وقعدت تصيييح...اخر شي تتوقعه ان زوجها وشريك عمرها يشك بتربيتها لبناتهـــا... ((انا يابو محمد ماعرفت اربي...تاركه كل شي ومقابله عيالك وبالاخير اطلع انا المقصره وانت الصح...الله يسامحك بس)) لبست عبايتها وطلعت لبيت امها ترتاح شوي..من كثر الضغط ماعاد تقدر تركـــز دانا طلعت من غرفتها شافت امها لابسه عبايتها والدموع مغطيه وجهها طبعاً دانا ماتدري عن الموضوع لأنها مقفله على نفسها الغرفه خايفه من امهاا دانا ركضت لأمها ومسكت ايدها: ماما حياتي ليش تصيحين..!! ام محمد ناظرت ببنتها البريئه واللي كانت هنا بيوم من الايام بنفس براءتها مسكتها وضمتها: دانا ياقلب امك تكفيين انتبهي لنفسك ولا تتركين صديقات السوء يخربونك ويضيعونك مني دانا قلبها ضعيف وماتتحمل تشوف احد يصيح_جلست تصييح مع امها وهي للحين ماتدري وش صار:ماما انتي اكيد تثقين فيني انا مو اي احد امشي معه..لا تخافين علي ام محمد تركت بنتها ونزلت من الدرج وقبل لا تنزل لفت على دانا : حبيبتي انتبهي للبيت انا بغيب يومين وبرجع..مافيه احد صاحي بهالبيت الا انتي وانتبهي لأخوك خالد نزلت ام محمد ودانا واقفه مكانها ماتدري امها ليش متضايقه راحت تكلم هنا يمكن تلقى عندها جواب لسؤالها طقت الباب اكثر من خمس مرات واخيراً فتحت الباب : نعم! دانا ببراءه وعيونها متورمه: هنوو ليش ماما متضايقه وطلعت من البيت هنا: وانا وش دراني روحي اسأليها قفلت الباب بوجه اختهــــــا دانا تناظر بالباب اللي تسكر بوجهها: شفييهم هالعالم الكل متضايق ومقفل عل نفسه الباب ياربي لا يكون وليد فيه شي راحت تتصل بأخوها تتطمن عليه بس للأسف ماحصلت رد!! .. .. .. .. ماخذه جوال وحده من الخدم وتحاول تتصل بفوز..بس مافيه رد جلست تصييح هي ماصدقت فوز ترضى عليها المره اللي فاتت تجي امها وتخرب كل شي بينهـــم قررت تتصل آخر اتصال واذا ماردت بتروحلها لشقتهـــا جاها الصوت اللي تنتظره من ساعات : الووو هنــا بخوف: هلا قلبي ليش ماترد..! فوز بطفش: تبغيني ارد بعد اللي عملته امكـ..مسويه تخاف عليك وهي مو داريه عنك طول هالمده!! هنــا: والله عارفه ان ماما مالها حق تحكي معك كذا...بس شسوي هي كانت معصبه عشان الشغاله فوز: المهـم انا مو ناقصه مشاكل اهلكـ..من هالحين اقولك حابه تكملين معي بدون مشاكل ووجع راس اهلا وسهلا مو حابه مابغى اشوف منك ولا اتصال هنــا خافت شكل فوز قررت تقطع علاقتهــم بس هي ماتقدر تعشقها بجنون: اهون عليك تتركني! فوز: والله انتي اللي جبتيه لنفسكـ..شوفي هنو اذا حصلتي حل لمشكلتك مع اهلكـ حاكيني اوكـ... __كالعاده قفلت الخطـ__ هنا تضيع كرامتها عند فوز..لأن فوز مسيطره عليها بشكل كبير ماهمها تصرف فوز اهم شي ماتتركهــــا جلست تصييح آخر شي تتوقعه ان فوز تتركهـــا.. .. .. .. .. .. دخل للبيت وسماعات الجوال بأذنه : مااااااااامااااااا....هنوووو..دودييي دانا واخيراً حصلت احد يعبرها سمعت صوت اخوها خالد تحت وراحت له دانا: ماشالله الاخ في الله توه يشرف خالد ناظرها من فوق لتحت: وانتي وش دخلك...اقول وين امي بس دانا ماسكه وصاة امهـــا: ماما راح تغيب يومين عن البيت وانا الحين المسؤوله عليكـ...يالله يابابا اطلع راجع دروسك_مسكته من يده_ خالد المغرور مو متعود على الاوامر ولا من ميين من اخته اللي اكبر منه بسنتين_دفها بقوه ومشى من قدامها يطلع فوق: اقوول لحد يعمل حاله كبير علي ... دانا: وجع ان شالله جد انك مو متربي بس والله لا اتصل بمحمد يتفاهم معك.. . . . . . . . . . . . . . . مايدري اللي سواه صح ولا غلط.. هو حب يوقف معها ويساعدها.. ((والله مادري عنك ياتركي استشرتك وقلت اوقف معها..يمكن على قولتك الله حطها بطريقي لأنها بحاجتي..بس وش معنا انـــاا!!)) قرب جهازه يتصفح النت ويشوف من شابك ع الماسن وده يسولف مع اي احد فجأه سمع ضرب على الباب بقووه...ولييد فز من مكانه مرعوب وراح بسرعه للبــــاب يشوف وش فيـــــه اول مافتح البـــــــــاب طاحت قدامـــــــه.. وليـــد صررخ: ملااااااااااكـــ ملاك ووجها اللي مليان ضربات والدم يطلع من فمهــا...وتتنفس بصعوبـــه : وليد الحقني النذل هاجمني هو واصحابه _جلست تصييييح_وليييد كان بيقتلني تكفى لا تتركنيي وليد منصدم من شكلها كأنها طالعه من حرب رفعها عن الارض وقعدها على الكرسي وراح يجيب شي يمسح الدم اللي مغطي وجهها ملاك وهي تشهق: وليييد انا خااايفه النذل زيااد يبغى يعتدي علي هو وشلته...تكفى قفل الباب كانو يركضون وراي وليد جلس على الطاوله قبالها وجلس يمسح الدم ويناظرها بتمعن يشوف اذا حالتها يبغالها مستشفى او لأ: انا راح اتفاهم مع النذل هاذا واشوفله حل...انتي الحين فيه شي يألمك نروح للمستشفى ملاك تهز راسها بأيوه: ظربني بقووه هو واصحابه انا هربت منهم وطحت على رجولي_مدت رجولها قدام وليد انصدم يوم شاف شكلها كيف مجرووحه بقووه والدم ينزل من كل جهه مسك ايديها: حالتك يبغالها مستشفى قومي معي وهناك راح نشتكي عليه خليهم يتصرفون مع هالحقير ملاك قامت مع وليد اللي حست بامان يوم جته... وليد وهو طالع ومعه ملاك يناظر فيها كيف متمسكه فيه كأنها بيبي مايدري كيف يتصرف معها يحس تفكيره انشل ومو قادر يلاقي حل....حاول اكثر من مره يبعدها عنه..بس ضعفها وحاجتها لــه تجبره يبقى معهـــا عارف وش كثر بتجيه مشاكل من وراها بس هو مجبور يكون بجنبها وخاصة مع وجود المتوحش اللي مايخاف الله زياد... .. .. ملاك رفعت راسها لوليد اللي اطول منها ناظرته معفس وجهه ومتضايق حست انها شي ثقيل عليه هي ومشاكلها نزلت راسها وجلست تصيح بصوت مكتوم ماتدري ليش هالانسان هاذا بالذات اللي تحتاجه اكثر من اهلها كلهم عارفه لو تجلس معه شهر كامل بمكان واحد لحالهم ماراح يأذيها حبته وتعلقت فيه لفتره قصيره من معرفتهم لبعض....تفكر بعيدن وش بتكون مشاعرها له اللي كل يوم تزيد تعلق فيه...ودها تمتلكه لحالها يمكن لأنها افتقدت هالاحساس من انولدت...... . .. وليد ساعد ملاك تطلع للسيـــاره لأنها شبه مكسرهت اول ماطلعت ملاك للسياره_لفت وراها وصرخت بقوووه: ولييييييد انتبــــــــه!! وليد لف يناظر اللي وراه فجأه الا والعصا الكبيييره بوجهه وطااااح ع الارض مغمى عليه من قوة الضربه زيـــــاد صرخ على شلته: يالله بسررررعه قبل لا يشوفنا احد فجأه توزعوا عصابة زيااد اللي واحد منهم هو اللي ضرب وليد.. ملاك نزلت من السياره ومسكت وليد وجلست تصرررخ بقووووه : ولييييييييد لاااا تكفى وليييد اصحى وليييييد الناس التموا عليهم يشوفون وش اللي صار وبأقل من خمس دقايق الا والشرطه موجوده . . . . . . . . . . . . . . ((الجمعــــه الساعـــه 5 العصـــر)) : يووه ياخالتي يكفي هاذا والله ماراح نلبسهم كلهــم امل وهي مبسوطه بالطلعه مع سجى: شدعوه سوسو اللي يسمعك يقول بتجلسين اسبوع واحد.. سجى: الله يهديك احنا معنا ملابس راح ناخذهم بعد..يعني كذا بنكثر امل: ههههه يااقلبي لازم تكشخين انتي بتسافرين مكان جديد عليك يعني المفروض كل شي يكون جديد في جديد سجى: هههههه حلووه جديد في جديد بس الاشكال قديمه يعني ماتجددت امل: وربي انكم احلى من العسل..يالله خلينا نكمل لا نتأخر على نوره كملــواا تسوقهــم وامل الود ودها تاخذ كل السوق لهــــم,,, دق جوال سجى...شافت الرقــم واستغربته :الووو مرام: الو مرحبا سجى سجى عرفت صوت مرام: هلا مرام مرام: كيفك وكيف نواف ونوره سجى من حقدها على عمها وعياله الا هالانسانه ماتقدر تكرهها وتشيل بقلبها عليها ماتدري ليش تحس ان مرام انوجدت بالمكان الغلط: الحمدالله كلنا بخير انتي كيفك.! مرام: انا تمام..طيب اقدر اجي ازوركــم!! سجى: حياك الله بأي وقت بس انا حالياً طالعه للسوق تعرفين نجهز للسفر ماعاد معنا وقت مرام: بتسافروون!! سجى نست ان مرام ماتدري عن شي: ايوه عشان نواف يتعالج مرام انبسطت الا طارت من الفرحه: يعني في امل نواف يمشي! سجى استغربت فرحة مرام: ان شالله...بنجرب الدكتور اللي ذكروه لنا وان شالله الله يكتبله الشفا على يده مرام : طيب متى بترجعين عشان امركم! سجى: بعد المغرب راح اكون هنــــاكـ مرام: اوكي اشوفك ان شالله..يالله مع السلامه سجى: حياك الله..... مع السلامــــه سجى لفت على امل: هاذي مرام بنت عمي...بتزور نواف بعد المغرب... امل: حلو يعني فيه احد من قرايبكم فيه خير! سجى: هههههه هاذي الوحيده اللي كافيه خيرها شرها..بس انا مستغربه من صار لنواف حادث وهي واقفه معنا امل : الله يجزاها خير..يمكن هي طيبه بس انطوائيه سجى : يمكن__اشرت على محل اكسسوارات__خلينا ندخل هاذا امل: اوكي وراحوا يكملون تسوقهـــــــم . . . . . . . . . . . . . . : وش فيك متضايق ومهموم من امس بالليل وحالك مو عاجبني هذا وحبيبة القلب موجوده المفروض النفسيه تتعدل نايف ندم انه قال لعبدالله خال مرام عن مشاعره تجاه مرام وانه ناوي يخطبها اذا تخرج من الكليه: مافيني شي ولا تقلقني بأسألتكـ عبدالله: هاذا جزاي اللي ابغاك ترتاح وتفضفضلي نايف بطفش: شكررااًً اخ عبدالله تراني مو ناقصكـ عبدالله :اجل اقلب وجهك انا كنت ناوي افتحلك قلبي واقولك عن اللي فيه بس انت نفسيتك ماتهيء الواحد يفضفضلك نايف بجد طفش هو ويين وهذا ويين: انت ماسك فضفضلي وافضفضلكـ يالله عن اذنك انا رايح اتمشى برا واشم هو ابرك من مقابل وجهك عبدالله ناظر نايف بصدمه : وش فيه هذا..اخلاقه اليوم تجاريه مو على بعضه وقف عبدالله ودخل داخل بيتهـــم .. .. .. ((نايف ولد عم عبدالله وهو اكبر من عبدالله بسنتين وساكن معهــم فترة دراسته لأن اهله خارج الرياض)) اول ماشافت خالها داخل فزت من مكانه وراحتله مرام: عبدالله عبدالله عبدالله : وبعدين معك...ياختي احترميني شوي وقولي خالي عبدالله.. مرام : يالله عاد تراني اكبر منك بشهر..المهم ممكن طلب! عبدالله راح وجلس ع الكنبه: تفضلي يامس مرام مرام جلست بجنبه: ممكن تاخذني للمستشفى بزور نواف عبدالله ناظرها مستغرب: من نواف!! مرام: يووه نسيت انك مو مع الناس ولا تدري عن شي نواف ولد عمي مسوي حادث والحين بالمستشفى.. عبدالله من سمع اسم عمي فز قلبه تذكر سجى: سلاامته مايشوف شر اكيييد بوديك هاذا مثل اخوك ولازم تزورينه مرام توقعته يرفض لأنه مايحب مشاوير الحريم: جد بتوديني!! عبدالله((اجل تبغيني اقول لا وهاذي فرصه اشوف سجى)): اييه يالله روحي البسي عبايتك مرام خافت تقوله بعد المغرب ويطلع ويسحب عليها: اممم مو الحين بعد المغرب عبدالله: انا وراي شغل اوديك الحين عشان يمديني ارجع مرام : طيب انا كلمت سجى وهي طالعه للسوق تقضي لأخوانها...قالت بترجع بعد المغرب عبدالله الحيين تكنسل كل شغله: اهاا..اوكي ننتظر لبعد المغرب وش ورانا مرام مستغربه : وشغلك..!! عبدالله اخذ ريموت التي في: العمر يخلص والشغل مايخلص مرام هزت كتوفـهـــا((سبحان الله)) . . . . . . . . . . . . . . . . . رفع جسمهه يحاول يقوم..بس كل شي فيه يألمه يحس راسه يدوور: آآخ رااســـي ملاكـ سمعت صوته وفزت من الكرسي اللي جالسه عليه : بسم الله عليك ماتشوف شر وليد يحاول يفتح عيونه مو قادر: وش اللي صار! ملاك رجعتلها نوبة الصياح: الحقير خلص مني وكمل عليك...والله والله ماكون ملاك ان ماخليته يندم على ضربه لكـ وليد بدا يفهــم اللي صار: وين الدكتور ناديه لـــي... ملاك تمسك ايده : ارتاح وليد لا تتحرك الحين بيجي الدكتور..وانا بلغت عن زياد عند الشرطه وهم بيتصرفون معــــه....والله لا يكره اليوم اللي انولد فيه هالنذل انفتح الباب فجأه ودخلوا اثنين طول بعرض لابسين اسود ولهم هيبه واحد منهــم: الحمدالله على السلامه استاذ وليد وليد يحاول يناظرهم زيـــن: الله يسلمكـ.... الاول ناظر بملاك: انتي ملاكـ الـــ......!! ملاك تناظر فيهم بخوف وهي متمسكه بوليد: ايوه : تفضلي معي ملاك تناظر بوليد وتهز راسهـــا.. وليد: ممكن اعرف انتم ميين ووش تبغى منهــــــا!! : انا آسف استاذ وليد هاذي اوامر عمي فيصل الــ..... وليد باستغراب: ابوي! : ايوه طال عمرك والاخت لازم تطلع من هالمكان بأسرع وقت ولا احنا اللي راح نتحمل المسؤليه تقدم الرجال الثاني ومسك ملاك من ايدها وسحبها يطلعها من الغرفه ملاك تناظر بوليد: وليد الله يخليك لا تتركني وليد ناظرها وهو عاجز مايقدر يسوي شي دام ابوه يعرف كل صغيره وكبيره عنه اكيد ماراح يستفيد شي لو وقف بوجهه طلعوا الأمن اللي مكلفهم ابو وليد بمراقبته وحمايته ومعاهم ملاك اللي ماتدري وين بيودونهــــا . . . . : وين بتودوني!! :انتي امشي معنا بهدوء عشان ماتصيرلك مشاكل منتي بقدهــا ملاك تحاول تفلت منه وهي تصييح: مو بكيفكم والله لو اكلم بابا ان يرميك انت وياه ورا الشمس : اقول امشي ولا يكثر_ركبها السياره وهي تحاول تمنعهم بس جسمها الضعيف مايقدر على هالاجسام,, . . . . . . . . . . . . : مرحبـــــاآآ نواف رفع راسه كان يقرا كتاب: مرحبتين..ماشالله كل هاذا تسوق سجى: وش اسوي كله من خالتي امل مارضت اطلع بشوية اغراض نواف خاف لا تكون معها الحين: هي معك! سجى : لا نزلتني وراحت لبيتهــا..ليش تسأل! نواف ارتبك: لا عادي بس قلت مو حلوه توقف برا سجى: يالله كمل قراءتك وانا بروح ادخل الاغراض جوا عند نوره! على طلعت سجى الا والباب يطق نواف: تفضل دخلت مرام ووراها عبدالله مرام: السلام عليكم نواف: هلا وعليكم السلام..حياك مرام مرام: الحمدالله على السلامه نواف ماتشوف شر نواف: الشر مايجيكـ....حياك عبدالله مافيه احد عبدالله تقدم وسلم على نواف: الحمدالله على السلامه واعذرني توني ادري من مرام نواف: الله يسلمك وانت معذور ياخوي سجى سمعت اصواتهم دخلت عليهـم :حيا الله من جانا مرام سلمت على سجى: الله يحيكـ...كيفك سجى سجى شافت عبدالله وارتبكت هي تعرف انه يحبها وهالشي مو مريحها لأنها ماتحب عايلة ام فهد اللي الكل يكرهها الا هالشخص:تمام انتي كيفكـ ناظرت بعبدالله: كيفك عبدالله عبدالله وده يطير من الوناسه مو مصدق انه سمع صوتها : الحمدالله بخير انتي كيفكــ.. سجى انحرجت يوم شافته منحرج ماتدري ليش: تمااام... اخذت القهوه وضيفتهــــم وعبدالله يراقب كل حركات سجى ويحاول يحفظ شكلها لأنه متأكد انه ماراح يشوفهــا لفتره طويله وخاصة انها بتسافر سجى حست بنظراتــه ماقدرت تتحرك...سحبت الكرسي اللي بجنب نواف وجلست : مرام ماتدرين اذا النتائج طلعت ولا لأ مرام : لا كلمت وحده تقولي على السبت بتطلع كل النتايج... عبدالله يبغى يتكلم مع سجى بأي طريقه: لا ان شاءالله تعدون هالترم نواف: اي سجى ماشالله عليها مجتهده ان شالله بتنجح مرام : افاا وانــا يعني مو مجتهده!! نواف يهز كتوفه: ماقد شفتك تدرسين عبدالله: ماشالله وانتي تهايطين عندي انا ادرس وانا مهتمه اثاريك ماعندك سالفه نواف:هههههههه اسف ماكان قصدي احرجك مرام: ههههه لا عادي انا عارفه نفسي مو راعية دراسه طبعـــاً سجى طول هالوقت مستغربه تحول شخصية مرام المفاجأه وطريقة تعاملها معهم وبنفس الوقت مبسوطه تحس ان لهم اهل يهتمون فيهـــم... وقفت مرام: يالله عن اذنكــم لازم اروح الحين جدتي تقول لا تتأخرين عبدالله يناظرها اصلاً امه مادرت انهم بيزورون نواف...كان بيقول اجلسي بس ماله حق وقف معهــا: وانا بعد عندي شغل..يالله معافا ان شالله يانواف نواف: الله يعافيكـ طلع عبدالله ومرام وراه...سجى مشت معهــم بعد ماطلع عبدالله من الغرفه لفت مرام على سجى : سجى ممكن اطلب منكـ طلب سجى: امري! مرام ماسكه ايديها بعض وماتدري وش تقول... سجى تناظرها كيف متردده: وش فيك مرام قولي ليش ساكته مرام: امممم مادري اخاف اضايقك ولا شي سجى مسكت يد مرام: وش دعوه انتي مابعد تكلمتي اصلاً.. مرام: بصراحه انا ودي اسافر معكــم اتطمن على نواف واطلع من المكان اللي انا فيه انتي عارفه من الطفش طلعت من بيتنا..مادري اذا هالشي يضايقك ولا لأ! سجى ماتدري فعلاً وجود مرام معــهم صح ولا غلط...كانت ترمي اللوم على بيت عمها كلهم بس لما تفكر ان هالانسانه مالها ذنب بشي تتراجع مرام لما شافت سجى سكتت حست انها ماتبغاها: ان آسفه ماكنت عارفه اني بضايقك...ماعليه تروحون وترجعون بالسلامه جت بتطلع وانتبهت فيها سجى ومسكتها: ويين ويين...انا ماقلت شي..بالعكس هالشي يفرحني انو تكونين معنا مرام: جد!! سجى بأبتسامه: ايوه وانتي قد جيتي لندن ووجودك معنا افضل احنا مانعرف شي هناك.. مرام انبسطت: مرره شكراً سجى.. سجى: لا تشكريني ولا شي..بس استأذني من اهلك اخاف مايوافقون مرام: ماعلي منهــم...انا من بكرا بجهز اغراضي عشان مااخركــم...وبقول لعبدالله يحجزلي على نفس الرحله اللي انتم فيهــا سجى : اوكــي حاولي تستعجلين على الحجز عشان ماتروح عليكـ الرحله مرام وهي طالعه: ان شالله يالله فمان الله سجى: فمان الله دخلت سجى وهي مسستغربـــه من مرام تحس ان هالتصرفات وراها شي مو لله,, .. .. .. .. .. .. مرام وهي تمشي في الممر مبسووطه ان سجى ماردتها((واخيراً بشوفك ياوليد...كنت اتوقع هالشي مستحييل بس صاار بسهوووله..ههههههه..ونااااااسه)) عبدالله يناظرها: ليش مبسووطه..لهالدرجه تحبين عيال عمكـ مرام تهز راسها : اكيييد عبدالله: على فكره ترا نايف موجود بالبيت مرام عفست وجهها: وش اسويله يعني عبدالله:ههههه علينااا انا عارف انك مبسوطه انه موجود مرام تناظر خالهـــا((ههههه من جده هاذا انا افكر بهالسخيف نايف..اخر شي اسويه بحياتي هههه)) طلعوا من المستشفى وكل واحد سرحان يفكر باللي راح يعملـــــه مرام وكيف بتقابل ولييد اللي تمنت تشوفــــه من تعرفت عليه وعبدالله وكيف تكون سجى من نصيبـــــــه واللي اخته ام فهد وامه رافضينها نهااائيــــــــــاًً . . . . . . . . . . . . . . . >>يوم الاربعـــــــــــاء بداية الاجازه الصيفيــــــــــه<< الســـاعه 4 العصـــــر,, : خلاص يمه يكفي....انا اليوم بريحك من وجهي وبروح لبيتي.. ام سعود: افا ياام محمد يعني انا متضايقه منكـ..والله علي شاهد اني شايله هم عيالك اللي تركتيهم من يوم الجمعه ولا سألتي عنهـــم,, ام محمد: خلاص بروحلهم اليوم ورانــا سفر بنجهز لــه,, ام سعود: اي سفر!! انتم مو رايحين آخر العطله! ام محمد: لا يايمه هالمره بنروح اولها.._دمعت عيونها_اشتقنا لوليـــد وهالولد صارله كم يوم صوته مو عاجبني والله مافيني صبر اجلس لآخر العطله ام سعود: الله يسهل امركــم...اجل كلكم مره وحده انتي وسعود والهنوف بتروح للشرقيه ماقعد احد بهالبيت ام محمد: وخالد وين راح..!! ام سعود: خالد لاهي بشغله....الا تعالي ماشفتي اختك حصه.! ام محمد: لا والله من امس الليل قالت بتروح لحفله صاحبتها وللحين ماشفتها ام سعود: والله حال هالحرمه مو عاجبني...كاثره طلعـــاتهـــا على غير سنع انفتح البــاب ودخلت حصه وهي مبسووطه ع الأخـــــــر :مساااء الخيـــــــر ام سعود تناظر ببنتهـــا هاذي بس تمر تسلم وتختفي وماتدري وين تروح: مسا النور سلامات عسى ماشر من امس مختفيه! حصه تعوج فمها ماتبي احد يخرب وناستهـــا: والله امس تعبنا من الحفله ونمت في بيت صاحبتي ام محمد ومو عاجبها تصرفات اختها: طيب ماوراك عيال وبيت! حصه: بليييز لا تخربون مزاجــــي على هالنهار....عيالي مو في غابه اخاف عليهم ام سعود وقفت تطلع لغرفتهــــا: الله يعين...انتبهي لنفسك بس ولا عيالك ماعليهم خوف حصه: ههههه والله اللي يشوفكم يقول ماسكين لهــم مراهقه ينصحونها ام محمد: حصه لا تجيبين لأمي الضغط والسكر من تصرفاتكـ...اثقلي ولا انتي مو ملاحظه هالشي دق جوا حصــه وكانت النغمه خاااصه بأبتسامه: هلاا سارا :تمااام...انتي كيفكـ : لا انا الحين بالبيت. : اوكي احاول اشوفك اليوم بعيد عن الشله :هههههه اوكي باااي طبعـــاً جت بتسكر الخط حطت على السبيكــر صوت رجال:باااي يابعدهــم >>>صدمـــــــــــه بوجهه ام محمد وحصـــــه<< حصه ارتبكت وحطت ايدها ع الجوال..وقامت بسرعــــه من مكــــــانهـــا ام محمد للحين مو مستوعبه الصوت اللي سمعتـــــه!! معقووووله حصه تسويها وتطلع كـــذاا!! مانتبهت بحصه لما قامــــت...على طول قامت وراهــــــــا تشوف اللي سمعته جد ولا يتهــئء لها .. .. .. حصه قفلت على نفسها البــــاب وبسرعـــه بدلت شريحة جوالهـــا بالشريحــه المعروفه عند اهلهــــا وعملت نفسها طبيعيــــه ام محمد تطق البـــــــاب بقووه: افتحي الباب ياحصه حصه قامت وفتحت البـــــاب: نعـــم! ام محمد: وش اللي سمعتـــه!! وش هالصوت ياحصصصه!! حصه تناظر فيها بأستغراب: اي صووت...انتي وش تحكين عنــــه! ام محمد: لا تستغفليني وعطيني جوالكــ... حصه: الجوهره وش فيك...تعبانــه فيك شي..! ام محمد تحس انهـــا قربت تنتجــن..هي متأكده سمعت صوت رجال : قبل شوي من كنتي تحكين معـــه!! حصه : مع مين...مو تسمعين اقول سارا...ولا انتي وش رايكـ ام محمد: وسارا صوتها صوت رجال بعــــد<<تعقدت من بنتهــــا حصه:ههههههه الظاهر مشكلة بنتك اثرت على مخكـ..اصحي ياام محمد مو كل الناس مثل هنـــا دخلت داخل وتركت ام محمد عند الباب مصدومه...معقوله كلام حصه صح معقووله صارت تتوهـــم طلعت من الغرفه وهي متضايقـــه..تحس انهــا مو قادره تفكـــر لييش اللي قاعد يصيرلهـــا.. قررت ترجع لبيتهــا وتقابل عيالهـــا اللي ماتدري عن احوالهــــــم . . . . . . . . . . : مبروووووووووووك....والله مو مصدقه كنتي خايفه من هالماده سجى وودها تصييح من الفرحــه الماده اللي خايفه منها نجحت فيها: الله يبارك فيكـ وانتي بعد مبرووك عليك النجاح نوره: ههههههههه انا عادي متعوده انجـــــح..بس انتي اهم شي نواف: لا تنبسطين ترا مايحسد المال الا اصحابـــــه نوره: تف تف علي قل اعوذ برب الفلق نواف +سجى:هههههههههههههه سجى: يالله ياحلوه خلينا نشوف التجهيزات لآخر مره اخاف نكون ناسين شي نوره:يوووه ياسوسو انتي مرره دقيقه بزياده..صارلك اسبوع وانتي تجهزيـــن.. تصدقين احس اننا بفندق مو بمستشفى سجى: ههههههههه شنسوي مكانا الوحيــــد نواف: اهم شي البلاي ستيشن لا تنسينـــــه نوره: انت من جد راايق...ويمكن المستشفى يمنعونهــا عنكـ نواف: مو بكيفــهم صح سوسو سجى وهي طالعه للغرفه الثانـــيه: والله مادري...تعالي نونو نوره قامت لأختهـــــا >>الباب يطق<< نواف: تفضـــــل دخلت وهي خايفه يوم سمعت صوته امل بصوت قصيير مره: السلام عليكم نواف : وعليكم السلام_ناظر بالغرفه الثانيه_سجى تعاالي سجى وهي تركض: خيير وش فيك! شافت امل واقفه ومعهــا كيس: هلا خالتي حياكـ دخلت امل وسجى للغرفه..ونواف يفكر وش اللي معهــــا .. .. : كيفكم بنـــات سجى: تماام انتي كيفكـ... امل: والله بخيير.....اخذي سوسو هاذي شوية كتب جبتها لكـ من مكتبة سعود تتسلوا فيها بالطيــــاره بكرا نوره: يوووه مرره كثير والله يبغالها اسبوع عشان تنقرا سجى اخذت الكيس: مشكووره خالتي...يالله للحين عندي امل تجون معنا بنفس الرحله امل: وانا ودي بعد بس تعرفين شغل سعود المفاجأ هو اللي اخرنــا..مو مشكله يومين ان شالله ونكون هنــــاك نوره: والله هاليومين هاذي اذا حصلتينا بعدها زيين امل: بسم الله عليكــم..لا تكفون لاتعملون مغامرات الا اذا جيناكـــم..اخاف جد تضيعوون سجى: لا وش دعوه بعدين مرام معنــا..وهي تعرف كل شي هنــــاكـ امل: كويـــس....يالله انـــا اسـتـأذن وراي اشغال كثيره لازم اخلصهـــا..اشوفكم بكرا ان شالله قبل تمشون سجى: حياك الله.... . . . . . . . . . . . : طيب انتي عطينياها ابغى اكلمهــــا ام سعد: والله بنتك معنده تقول رايحه رايحــه لو يربطوني بسلاســـل,, ام فهــد عصبت من بنتها اللي تسوي كل شي بدون اذن من اهلها: طيب حاولي تمسكينها لا تطلع مكان وانا دقايق واكون عندكــــم,, ام سعد: ان شاءالله.. مرام تناظر بجدتهــا: جدتي مو ملاحظه اهتمام اهلي ماجا الا لمـــا قررت اسافــر ام سعد تحاول تلين راس مرام: يابنتي اهلك ويخافون عليك وصعبه تسافرين بدونهـــم...وش بيضرك لو جلستي شهر وتسافرون مع بعض مرام: بس انا ابغى لندن وبابا مايبيهــــا..ودام السفره جت لعندي ماراح اضيعهــــااا... . . . . . . بالسيـــــــــاره.. ام فهــد: هالبنت بتجنني بس والله لأكسر راسهــا لو ماسنعت كلامي عبير: ماما خليها تروح وتفكني من وجههــــا ام فهد تناظر بنتها المغروره: وليش تفكك من وجها..مو كافي تاركه البيت لكـ عبير: لااا...انا اقصد تفارق بيت جدتي وتترك الجو لـــــي أنـــــــــاااا ام فهــد مو فاهمـــه علــى بنتهـــا كلامها كثير وع الفاضــي: والله مادري وش تقصديـــن.. عبيــر((ماتدرين ياماما بنتك السوسه رايحه لبيت جدتي تستعرض عند نايف...بس والله لأخلي نايف يموت فيني ولا يعطيها وجـــه حتى لو افضحها قدامه..ههههههه اصلا هو يبغى الصغيره والا هاذي مين يبغاهـــــا)) ام فهد تناظر بنتها: وش فيك تبتسميــــن!! صار لعقلكـ شي..!! عبيـــر: لا بس مبسوطه اني عطلت وارتحت من هــم الدراسه..على فكره ماما ودي اجلس ببيت جدتي اسبوع بس! ام فهد: بعد انتي بتكملين مع اخوانكـ..وش رايكم اجي انا وابوكم ونسكن عندهــم..! عبير: شدعوه...ماعارضتي الا لما قلت انـــا...بغير جو وش ورانــــا!! ... وصلت السياره لبيت ام سعــــــد>> عند الباب وكــان ناوي يطلـــع شاف الحريم نازلين من السياره ام فهد لابسها عبايه ونقاب وعبير بس عبايه ولافه الطرحه باهمال عبير اول ماشافت نايف فز قلبهـــا...قامت تتميلح قدامه عبير: هاااي نايف ناظرهــــا((وش تبي ذا البزر)):اهليـــن_ناظر بام فهد_ مساء الخير ياام فهـــد... ام فهــد وهي داخله البيت حتى ماسلمت عليــه:مساءالنور ناظرها باستحقار مايدري هالبزر متى بيخلص من حركاته ركب سيارته وحركــ عبير عفست وجهها ماعطاها وجه.... . . . . . . . . . . . . . . :أمـــل انــا آسفـــه...صحيح كنت واقفه معك من البدايه ورافضه فكرة الزواج بس بعد اللي سمعتــه انــا مضطره اغير موقفـــي... امــل : يعني انتــي مو مصدقه اللي قلته لكـ الهنوف: انــا اصدق اذنـــي..واتمنى تعذرينــــي ياامـــل...انتي اكثر وحده عارفه شكثر سعود محتاج يشوف عياله..مو معقوله طول هالعمر وتبغينه ينتظر اكثر! امـــل غرقت عيونها الهنوف الوحيده اللي كانت واقفه معهــا فجأه قلبت عليها بسبب سوء ضن فيها وقررت تخطب لزوجها وحبيبها وكل دنيتهــا اللي ماتعرف احد بهالدنيا الا هــو : طيب مالقيتوا الا هالبنـت!! الهنـــوف: بس زواج هالبنت من سعود لمصلحتكـ..على قولتك تعرفينها وتعرفكـ امــل بصوت مبحوح: انــا مستعده اخطبله بس الا سجـــى مستحيل ارضى سعود يتزوجها الهنوف فكرت ان امل غيرانه من سجى وهي عاذرتها بس مصره على هالبنت: وسجى الوحيده اللي تناسب سعود امــــل : مستحيييييل...حرااام انتي يالهنوف تخافين الله..خافي الله في هاليتيمه حرام تظلمونها مع واحد كبر ابوهـــا الهنوف بدت تتنرفز من امـــل اللي تحاول تخفي غيرتها من سجى وعلى حساب اخوها اللي ودها تضحي بأي شي بس تشوف عياله: امـــل كبري عقلك...اجل تبغيني اخطبله وحده بالثلاثين تجيبه ولد ولدين وتوقف!! امـــل انقهرت من الهنوف اللي فاهمتها غلط: الهنوف حبيبتي فكري معي شوي انتي ترضين واحد بالاربعين يتزوج وحده من بنات اختك الجوهـــره!!! الهنوف هنا ماقدرت ترد... امــل حست بشوية انتصار...هي رافضه فكرة ان سجى تتزوج واحد كبير بغض النظر اذا كان زوجها او لأ..بس المشكله الكل فاهمها غلط واولهــم سعود لأنه شاف سجى وعاذر زجته انها تغار منهــــا : ليش سكتي ردي قولي اي شي!! الهنـــوف تحاول تتهرب من الجواب: حتى لو كـــان احنا الحين بموضوع سعود...واعتقد مافيه سبب يخليه مايتزوج سواء سجى او غيرها ولا انتي وش رايكـ ننتظر لين يصير بأمي شي من حرقة قلبهـــا على ولدهــا واللي من كثر ماتفكر فيه نست تزوج خــالد... امـــل ودها تموت وترتاح من هالبيت اللي كل ماشافوها يفتحون موضوع الاولاد والزواج كأن مافي هالدنيا الا هالموضوع الهنوف لما شافت امل ساكته...حست انها رضت بالامر الواقـــع نزلت تحت تقول لأمها يتوكلون على الله ويخطبــون سجــى . . . . . . . . . . . . . . هاذي سابع مكالمه وللحين جوالهــا مقفــل زاد خوفه..ابوه مايرحــم ومو غريبه يأذون هالمسكينه ((يالله الحين وين الاقيهـــا...اذا اتصلت بابوي وش اقوله ادور على ملاك..والله لا تقوم القيامه علـــي....ياارب تعبت مافيه غيرها امــــــي...)) اخذ جواله واتصل بأمــــه ... ام محمد: هلا ومرحبـــا وليد: هلا فيك يالغاليه...كيفك وكيف صحتكــ...!! ام محمد: والله بخير مشتاقتلكـ وليد : تشتاقلك العافيه..يالله عاد نبي نشوف هالشوق متى بتجون! ام محمد: ان شالله الاسبوع الجاي يوم الاربعـــــاء وليــد: يابعــــده...دام فيكم السفره بدري تعالوا هاليومين والله فاضي ماعندي شي ام محمد: ليش ودراستكـ وليد: بس محاظرات يعني مابعد بدا الكرف....المهم يمه بغيت منك خدمه ام محمد: امر ياعيون امكـ وليد: تسلميلي والله....يمه انتي عارفه ان ابوي معين ناس تحرسني هنا صح! ام محمد: اي يايمه عشانك..الناس اللي عندك ماترحم والحراسه لابد منها وليد: هاذا مو مهــم..اللي ابغاه منكـ وياليت بدون علــم ابوي تجيبيلي عنوانهم او حتى ارقامــهم ام محمد خافت ان ولدها متورط بمصيبه او شي: ليه يايمه عسى ماشـــر!! وليد: لا بس محتاجهــم هاليومين ضرووري..ولا تخافين مافيه لا مشاكل ولا شي ام محمــد من بعد سالفة بنتها هنا ماتكلــم زوجها..بس هي ماتبغى تقول لوليد عشان ماتضيق خلقه اظطرت تمشي الموضوع ولو انها ماتقدر تفيده بشي: ان شالله اليوم بحاول وبكرا بأتصل فيكـ.. وليــد حس ان هالطريقه بتجيب فايــده : يعطيكـ العافيــه يمه..يالله فمان الله واكلمك بكرا ان شالله ام محمد : بحفظ الرحمن يمه وليد((ان شالله يايمه تقدرين على ابوي وتجيبين لي اي شي عن هالبودي قارد مادري وين ودوك ياملاك ولا وش سوو فيكـ.....الله يستر)) طلــع من شقته يتمشى ويحاول يدورهــا يمكن يلاقيهـــــا . . . . . . . . . . . . . . . . : خلاص مــامــا انا حجزت وجهزت كل اغراضي ودام ابوي موافق انا ماراح اهتــم لأحد ثــاني ام فهــد: وانـــا..امكــ مالي كلمه عليكـ مرام تعوج فمهــا: معليييش ماما اللي يسمعكـ يقول ابد عيونك ماتشلينها عنــي..خلينا واقعيين شوي انا لو اغيب اسبوع عن البيت مادريتي عني...الحين يوم جيت بسافر وبوسع صدري وقفتيلي..!! ام فهــد منصدمــه من بنتهــــا مو معقوله اللي تسويه مرام..تكسر كلامها وقدام اهلهـــا ام سعد: خلاص ياام فهد انتي ماعندك سبب مقنع لرفضكـ..خلي البنت تروح مع بنات عمها وتنبسط عبير: ايووه ماما خليها ترووح مرام اخذت شنطتهــا وطلعت... ام فهــد: ياربي انا وش سويت بحياتي عشان عيالي يبعدون عني واحد ورا الثـــاني عبير: ماما بلييز لا ترفضين اني اجلس ببيت جدتي بلييييز مامي ام فهد انقهرت من عيالهـــا وقفت: اجلسي ان شاءالله العمر كلــه..عن اذنك يمه بروح لبيتي عبير طاارت من الونااسه هي من زمان تبي الاجاز عشان تترزز قدام نايف.. ام سعــد: وانتي بتجلسين هنا اسبوع! عبير حست ان جدتها متضايقه منها: ليش ماتبغيني! ام سعد كاشفه حركات عبير من زمان وملاحظه اهتمامها بنايف: لا بس ماشوف معك اغراض.. عبير: اي اغراضي بترسلها ماما مع السايق...عن اذنكـ بطلع عند عبدالله فوق ام سعد: الله يستر عليكم يابنات شيخه... . . . . . . . . . . اول مادخلت بيتهــــا شافت ابو فهد معه كراتين واكياس كبيره : وش هاذا يابو فهد..وش هالاغراض المغبره! ابو فهد لف على زوجته: واخييراً شرفتي...تعالي اخذي هالاغراض انتي والشغاله وخبيها بأي مكــان اهم شي محد يقدر يشوفهـــا ام فهد استغربت هالاغراض الكثيره: طيب ممكن اعرف وش هاذي..! ابو فهد بطفش: هاذي اغراض اخوي وزوجته صورهــم وذكراياتهــم جبتها من البيت مابي احد يشوفها حتى عيالكـ فااهــمه!! ام فهـــد: غريبه يابو فهد توك تتذكر تجيبهـــا..._بشكـ_لا يكون فيه شي جديد سامعه!! ابو فهــد: الله يستر....المهـــم بسرعه خبيهــا قبل لا يجي احد.... ام فهــد: ان شالله وبعدين البيت فاضي مافيه الا سلطـــان... ابو فهــد: كويس..يالله انا طالع وراي شغل عند ابو محمد.. .. .. شالت ام فهد هي والشغــاله الاغراض ودخلتها المخـــزن... ام فهــد فتحت الاكيـــاس تشوف وش فيهـــا طاحت يدهــا على البوم صور مغبر وقدييم...وكان على الغلاف صورة نواف لما كان صغيير مرره فتحت الالبوم شافت صورة اكره انسانه عرفتها ام فهــد ســــاره ام نواف وبجنبها ابو نواف اللي عمرها ماشافت منه اذيه بالعكس كان يوقف معها اذا زعلها ابو فهـــد... دخــل سلطان وشاف امه جالسه بين حوسة اكياس : ماما وش تسوين وش هاذي الحوســه_قرب من امه شافها تناظر بالصور_مين هاذا..! ام فهــد ماكانت مع سلطان بس ردت عليه: هاذا عمك عبدالعزيز وزوجته سلطان : واخيراً شفتهــم_سحب الالبوم من امـــه_عطيني اشوفهم ام فهد انتبهت بولدها..سحبت الالبوم منه خافت لا يشوف شي: عيب ياولد مايصير تشوف الصور سلطان بأستغراب: وش فيها مو عمي وزوجته! ام فهد: لا هاذي صور صاحبتـــي وزوجها مايصير تشوفها يالله اطلع من هنا اشوووف سلطان هز كتوفــه وطلع... . . . . . . . . . . . : وش تبغى منكـ مرام..! سجى بحيره: والله مادري بس تقول ضروري اشوفكـ.. نواف: طيب خليها تجي هنـــا... نوره: ايوه صح ليش ماتجي! سجى: مادري والله قلتلها ومارضت..تقول ماتبغى تحكي هنــا.. يالله انا بطلع معها تنتظرني تحت وبالمره بكمل الاشياء اللي ناقصتنـــي نوره: طيب روح معك مرره طفشانه.. سجى لبست عبايتها: لا اجلسي مع نواف..لاحقه على الطلعات .. .. .. ((اووف منها تأخرت...كل هاذا تلبس عبايتهـــا...امم وش بقولها الحين ماراح ترضى)) _انتبهت بسجى اللي واقفه عند السياره فتحت لهــا البــاب: اهلين سجى دخلت سجــى وسكرت الباب: هلا فيكـ... مرام: يالله روح مجمع الــ.. سجى ناظرت بمرام: ان شالله خير..انا خفت من نبرة صوتكـ مرام:امم ان شالله..بس انا قلت نطلع منها تخلصين اغراضك ومنها نحكي سكتت سجــى حاسه ان مرام تسعى ورا شـــي...تصرفاتهــا صايره غريبـــه دق جوال مرام..ناظرت بالمتصل مــامـــا :اهليين ام فهد: وينك فيه؟ مرام ماتبغى امها تعرف ان سجى معهـــا: طالع للسوق.. ام فهد: وش عندكـ؟؟ مرام طفشت من اسألة امهـــا: ماما بعدين اكلمك واقولك وش اخذت انا الحين مشغوله ام فهد عارفه ان بنتها تصرفهــا...اكتفت بقطع الاتصـــال بوجهها مرام : اووف مادري متى بيريحوني من تحقيقهـــم سجى تناظر فيها سبحان الله عندها اهل ويسألون عنها ومو عاجبها مرام شافت سجى سرحانه : سجى فيك شي.! سجى: لا سلامتكـ مرام اكثر شي تكرهه في سجى هدوءهــا الزايــــــد.. .....وصلوا عند المجـــمع ونزلوا البنــــات . . . . . . . . . . . . . . . . . : مابغى اســافر معــكــم.. ام محمد تتكتف: لا والله جد انسه هنا...وش رايكـ تمنعيني من السفره بعد..!! هنــا رافضه تسافر مع اهلها لأن صاحباتها بيطلعون جده هالاسبوع واكيد زعيمة الشله حبيبة قلبها فوز وهي ماصدقت فوز تعطيها وجـــه: ماما السفر مو اجباري وانا قلتلك مابغى اروح بداية الصيف تونا معطلين مامدانا نتنفس... ام محمد بعصبيه : اسمعيني بس..جهزي اغراضـكـ يوم الاحــد رحلتنــا ومابغاك تعطليني فااهـــمه..!! هنــا ماردت على امهــا لأنها تفكر تكلم ابوها..بتستغل مشكلة امها مع ابوها يمكن يكون احن عليها من امها ام محمد طلعت لبنتها دانا تقولهــا عن السفره المفاجئه بالنسبه لهــــم.. هنــا على طول بعد ماطلعت امهــا راحت لأبوها بمكتبه .. .. .. : مرحبــا بــابــا.. ابو محمد رفع راســه: اهلين هنا بخوف : بابا ممكن اكلمكـ بموضوع ابو محمد مهما عصب على عياله الا انه مايردلهم طلب وطبعا يحط اللوم على امهــم عشان كذا يوقف معهم بكل مشكله : تعالي اجلسي وقولي موضوعكـ هنـــا جلست قدام ابوهـــا: بابا انت عارف ان ماما قررت تسافر لندن بهالسرعه ابو محمد مايكلم زوجته بس ماردهم عن السفر يبغاهم يكونون مع وليد ويريحون راسه من مراقب وليد : ايوه وين المشكله! هنــا: بابا وحده من صاحباتي بتتزوج هالاسبوع ومو حلوه اتركها واسافر مرره منحرجه منها ابو محمد: عادي قولي لأمك تأجل السفر لبعد الزواج هنــا: مو هنا المشكله..المشكله انو صاحبتي تحتاجني نجهز معها وانا ماراح افضا لتجهيز السفر كيف اسافر..! انا قلت لماما بجي معك بعد شهر..بس هي مو راضيه بلييز بابا كلمها ابو محمد: خلاص خلاص انتي روحي وانا اكلمها.. هنا انبسطت: يعني ماعندك مانع اجي معكـ...! ابو محمد: لا ماعندي مانع وروحي الحين انا مشغول شوي...وامك اتركيها علــي قامت هنــا بس انتبهت لصورة على المكتب مو واضحه مرره..حاولت تشوفها بس ابوها يناظرها اضطرت تطلـــع..وهي محتاره صورة مين اللي على مكتب ابوهـــا!! ابو محمد دخل الصوره بالدرج خاف ان هنا انتبهت لها... . . . . . . . . . . . . . . : معقووله ياسعود تفكر بالبنت اللي اعتبرتها مثل بنتكـ!! سعود: امل وش فيك انا اقولك مافكرت بالزواج..لا بسجى ولا بغيرها امـــل صارت فكرة ان سعود يتزوج تهون عندها ولا انه يتزوج سجــى : انا مستعده اخطبلك..بس تكفى الا سجى لا تفكر تتزوجها..انت عارف ان امك والهنوف حاطينها براسهــا..والله حراام تنظلم البنت..يكفي اللي عاشته عند عمها جايين بتزيدونها عليها وتدمرون حياااتهـــا سعود بعصبية: امل خلاص يكفي..انا حاالف ماتزوج علييك خلاص قفلي ع الموضوع وقف وطلع من غرفته الا امــه بوجهه ام سعود: وينك لي ساعه ادق على جوالك وانت ماترد!! سعود((كملت الحين ماعندها الا سالفة العرس..يارب الفرج )): هلا يمه ام سعود: ويين يمه وانت داري عن امكـ ولا معبرهاا!<<تعرف نقطة ضعف ولدها كل شي ولا ان امه تزعل يخاف عليها لا يصير فيها شي.. سعود مسك يد امـــه وجلسها على الكرسي اللي بالممر: ارتاحي انتي الحين وقوليلي وش كنتي تبغين ام سعود بدت الدموع تنزل من عيونها : يممه ياسعود طلبتك لا تحرمني من شوفة عيالك تكفى يايمه ودي بشوفتهــم قبل يومي سعود تضايق اكره شي عنده هالكلام: يممه الله يهديك وش لازمة هالحكي..الله يطول بعمرك وتشوفين عيال عيالي ام سعود قاطعته بسرعه: بس عيالك مالي حاجه باحفادكـ....بس ابي اشوف عيالك يايمه سعود باس راس امــه: شوفي يالغاليه انا اعطيك وعد للسنه الجايه اذا ماحملت امل صدقيني راح اتزوج وتشوفين عيالي مالين عليك البيت ام سعود: يووه ماندري نموت ولا نحيا ذاك الوقت سعود : يممه الله يخليك قفلي ع الموضوع هاليومين بس لأني مضغووط بالشغل وراسي مو قادر يجمع ضعت بينك وبين امــل..تكفوون ارحمونــــــي نزل تحت يهرب من هالجو المتكهرب بينه وبين امه وزوجته ام سعود مااكتفت بكلام سعود..._طقت باب غرفة امل_ فتحت امل الباب وعيونها منفخـــه من الصياح ام سعود: ممكن احكي معك امل تحترم ام زوجها مهما عملت معهـــا: تفضلي خالتي ام سعود وهي تدخل: ياليت ياامل تتفهمين الكلام اللي بقوله لكـ امل وهي عارفه وش بتقول ام سعود: عارف الكلام قبل تقولينه وانا ماعندي مانع سعود يتزوج..بس مو سجــى ام سعود نفس تفكير الهنوف ان امل تغار من سجى: طيب ممكن اعرف وش السبب! امل ماتدري كيف تفهـمهم تعبت وهي تحكي ولا احد راضي يفهمـهـــا...سكتت وماقالت شي ام سعود: وش فيك سكتي...ردي قولي وش اللي مخليك تعارضين على سجى! امل : خالتي والله لو احكي منا لبكرا ماراح تفهميني انتم مشكلتكم تفسرون الشي مثل ماتبغون.... ام سعود: امل عندك شي مقنع قولي..ماعندك لا تعطليني ابغى اشوف مصلحة عيالي مو كافي سعود تارك العالم كلها ورايح يركض وراك وواقف معك ايام مرضك ولما صرتي زينه رزك قدام العالم ووقف بوجه اهله كلــهم عشاانكـ..مو كافي هاذا كله..!! ماجا الوقت اللي تخلينه يشوف مصلحته ويرضي امه!! امل ماتعرف وش تحكي هي خلاااص اقتنعت بزواج سعود بس ماتدري ليش ماتبغاه ياخذ سجى وقفت ام سعود: ع العموم بكرا السبت ان شالله بنروح نخطب البنت وان شالله توافق واذا ماوافقت بندور غيرها من هالبنات الصغااار اللي تقدر تجيب لسعود عيال... امل ماردت عليها..لأنها عارفه ان بكرا الصباح بدري سجى واخوانها بيسافرون وام سعود ماتدري عن هالشي . . . . . . . . . . . . . . . . : انتي وش تقولييين...من جدكـ تبغيني اوافق!! مرام : سجى الله يخاليييك وافقي تكفيين لا ترديني.. سجى: مرام من جدك عبدالله يكون معنــا..مستحيل انا ونوره ماراح ناخذ راحتنا مرام ماتقدر تسافر الا بعبدالله لأنه مضبط كل شي لهــا حتى ابوها حاول فيه لين وافق وقايلها ماراح تسافرين الا وانا معكـ طبعاً عبدالله كل همه سجى يبغا يكون معها يمكن تح عليه وتوافق تتزوجه هو متعلق فيها من كانوا صغـــــــار بس هي ماتعطيه وجه : سجى انتي عارفه عبدالله قايل لأبوي انه بيكون معي ولا ماكان وافق ابوي على سفرتي معكم بلييز سجى لا ترفضين عبدالله يقول اذا وافقت سجى سافرت معك واذا ماوافقت ماراح نسافر كلنا والله اني متضايق وودي اكون معكم الله يخلييك لا تردينه سجى محتاره ماتدري هو اللي قاعد يصير صح ولا لأ...وجود مرام وبعدها سجى وماتدري من بيكون بعد معهــم هنـــاك : مرام انا ماقدر ارد عليك الحين خليني افكر شوي.. مرام: بس ياسجى مافيه وقت انتي عارفه بكرا رحلتنا.. سجى : والله مادري وش اقول..بس انتي ماقلتيلي من اول لما قررتي تسافرين مرام: انا لما قلت لعبدالله قال خلاص راح تسافرين وخلي كل شي علي اليوم فاجأني لما قال انه بيكون معنا والله مادري وش اسوي سجى حست ان مرام مالها ذنب بوجود عبدالله اللي مضايقها ماحبت تكسر بخاطر بنت عمها قررت توافق وهاذا اللي بيدها: اوكي...بس بشرط مايكون معنا بنفس الفندق مرام: لييش..ماراح يوافق يكون بعيد عني..هو وعد ابوي انه يكون معي على طول وينتبه لي سجى الله يخلييك لا تعقدين الامـــور سجى بطفش خلاص هو بيكون معهم بنفس المكان جت على الفندق: اوكي اوكي..يالله مرام انا تأخرت على اخواني لازم نمشي الحين مرام ارتاحت ماصدقت ان سجى توافق..لأن لو ماسافر عبدالله ماراح تسافر هي وبعدها ماراح تشوف وليد اللي من زمان ودها تشوفه وتتعرف عليه بعد ماعرفت انه ولد ابو محمد رجل الاعمــال وهذا كل هم مرام انها تعيش بعز بدل العيشه اللي هي فيهـــــــــا . . . . . . . . . . . . . . . . . تمشي بدلــع وكبريــــــاء جمالها طاغي مع هالميك اب الصارخ الكل يناظر فيها مبهور من شكلهــا طبعا يمكن لأنها البنت الوحيده اللي بهالمكان مع شوية بنات بس هي اللي ماخذه الجــو بشكلها الســـاحر ماسكه يده والابتسامه مافارقت وجهها....هي ماتحبه بس ماخذه علاقتها فيه تقضية وقت طالعين للسيـــاره يتمشوون بعد ماشربوا القهوه .. .. وقف مصدووووم : حصصصصه!!! لفت مفزوعــــــــــــه_صرخت وحطت ايدها على فمهــــا: لاااا...خااااااالــــد!! . . . . . . . . . . ## نهـــــــــاية الفصل الســـــــــابع ## >>آسفـــه ع التأخير وع الـبـــارت القصيير بس ان شالله اعوضكــم بالبارت الثـــــامن اتمنى لكــم قراءه ممتعــــه :) |
السلام عليكم..
الف شكـر لج عالبارت حوري..قفلة عجيـبه..ومشوقة..مادري شنومني اليوم:).. هنـا وشلون تذل نفسها لفوز..وتعصي امها عشانها..لهدرجة مأُثرة فيها..يمكن عشان غياب امها وانشغال ابوها ما لقت غير فوز..بس مو لهدرجة..صدقيني هنوو بتندمـين.. حصـه امج واختج وقدرتي تضحكين عليهم..بس خالـد..شرح تقوليلنه..هاا..مافي اي حجة..تقدر تبرر وجود مع واحد غريـب..الله يستـر شرح يسوي فيج.. ابو محمـد والصورة الي على مكتبه..يا لمرته ام ملاك..او لملاك وهي صغيره..او لملاك بعد ما كبـرت طلب منهم يصورونها مادري..لمتى بتم خاش عنهم الحقيقة..وانها بنته..ولي متى بتم مراقب عياله..ومشدد عليهم..اعتقد انه درى عن زياد وشلون إإتمنه على بنته..وشنو كان بسوي فيها..وهالشي بشدد المراقبة عليها..الحراس وين ودوها..كلش ما اعتقد انهم أذوها..لكن ودوها لمكان بعيد عن وليد..! وليد واهتمامه بملاك..خاصة بعد الي سواه زياد..الحمد لله الي مااذاه زياد..هالمرة..امم..حتى لو يارب الرقم ما اعتقد انه يقدر يسوي شي..دام ابوه معطيهم اوامر.. امـل مسكيـنه..محد راضي يفهمها..صعب عالمرة..يقولولها بنخطب لريلج وافقـي..حتى لو كان فيها عيـب..ومنو بياخذون له سجى..لي هو كبر ابوها..والي هي بحسبة بنتها..صج صج صعب عليهـا..الله يعينهـا.. سعود وحيرته..بين امل وامـه..شرح يسوي..! سجى ما اعتقد انها توافق..على سعود..اولا عشان امل..ثانيا عشانه كبـر ابوها..ووجود عبد الله معاها..خاصة انها تدري انه يحبها..بكون صعب عليها تاخذ راحتها.. عبيـر الحمد لله والشكر..اذا وهي بهالعمر جذي تفكيرها لا كبـرت شرح تسوي..بس اهم شي ان نايف مو شايفها غير بزر هع..الله يهديهـا.. مـرام وتغير معاملتها لهم..وسفرها معاهم..وانها تبي تشوف وليد..الي ما اعتقد انه رح يعطيهـا ويه..بعدين صعب عليها تشوف هناك..واهما معاها..الله يهديها هي الثانية.. ام فهد مااقول غير اللهم لا شماتة..تستاهل الي يصير فيها..اذتهم وعاملتهم معاملة زفت..ويو عيالها جذي..وحدة تكسر كلامها..والثانية مو هامها شي..امم الصور وانها ما تبي سلطان يشوفها اكيد فيهـا شي..! بنووتة |
حوريتي الحلوة.. مثل ما تقول بنت خالتي أم خراط وايد (أن تأتي متأخر خير من ألا تأتي أبدا) وهذا أنا جيت..
تحية لبنوتة اللي فوق رأسي معلقة.. والله إني أحبج في الله يا بنوتة نجي للبارت.. ماشاء الله تبارك الله.. شخصيات جديدة واحداث جديدة.. بس قبل التعليق عندي اقتراح.. البارت كان طويل وايد.. وانا بصراحة انبسطت من طوله... بس لو تقسمينه نصين وتنزلينه مرتين في الأسبوع.. يكون أحسن.. وطبعا هذا مجرد اقتراح.. ما أعجبج قطيه ورا ظهرج فديت عينج ملاك... أكيد بنت أبومحمد <<< خخخخ ترا ما سرقته من بنوته.. الفكرة طارية علي.. من لما أول ما وليد شاف ملاك.. إلا أبوه ناط يتصل عليه.. لأنه مسوي كنترول على الأثنين نوافوأمل.. تدرين بطني عورني من الضحك.. يوم تقولين ماجبت طاري نايف.. يا النصابة العسل.. وش له اثنين في القصة نايف ونواف وياترى أيش اللي جمع نواف بأمل؟؟ << هالمرة قلته صح خخخخخخخ مرام مليغة الله يأخذها.. وعبير قليلة حيا.. عايلة عاهات سجىوعبدالله يا ترى بيصير بينهم سالفة أو لا... أو سجى ينتظرها وليدوه المعفن في لندن؟؟ بصراحة ماحبيته ذا العبدالله ولا دخل مزاجي.. بس نشوف حوريتنا وش ناوية عليه حصة الله ياخذج بس يا عجوز النار.. تستري وقولي يالله حسن الخاتمة ماشاء الله عليج حورية..يعجبني فيج إن كتابتج تدل على ذكاء في حبك الأحداث... وناطرينج يالغلا.. بنت الخالة |
اهلين والله الروايه بجد حلوه
والله انى اتمنى سجى لسعود مدرى ليش بس كذا حبيتها تاخذه عبدالله ما حبيته احسه داخل غلط عليه اخرتها بتضيع مرام وعبير والسبب حوبت هالايتام والله هالحصه ميب سهله هالعجوز متصيبيه كملى نستناك يالغاليه لا تقطعين النصف الاخر |
اشكرك اختي حورية على الرواية الرائعة
بس ابى الفصل الثامن والتاسع يا ريت تفيدوني تحياتي راكان |
ممكن تقولولي وين القى الفصل الثامن
|
قصة مهملة
تنقل للارشيف . . مشرفات القسم |
| الساعة الآن 11:41 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية