حاليا بالاسواق
كدب وغش وغدر وقسوى وفى أزمه أخلاق


حاليا بالاسواق
ناس يكفينا الشر بتجرى تقطع فى الارزاق

والاحساس مابقاش له قيمه ... والاخلاص بقى موضه قديمه
وناس تسعى فالشر بتسعى
ولفين رايحين ... محناش عارفين
ضايعين - تايهين - مجاريح - مساكين
عايشين ومش عايشين
وجراح تجر جراح قوليلنا يادنيا فين رايحين

عالم رايحه وعالم جايه ... وعالم تايهه فوسط السوق
وفلوس والله ضايعه وضاله ... ناس حريفة اكل حقوق
اللى يحبك علشان عِزه ... واللى كأنو مسكلك زله
واللى بيغدر وياساتر أستر ... لو كان رزقك على مخلوق
ولا الصاحب اللى ملوش لزمه ... اللى يسيبك وقت الازمه
مهما أتهرب بكره يجرب ... مهو من نفس الكاس هيدوق

غيره وجرح وظلم يادنيا
دالى فى الاسواق

ناس بتخونك وتزيد جرحك ... وبتفتحلك جرح قديم
وتخون عيشك وتخون ملحك ... وأنت معاهم كنت كريم
كنت فاكرهم والله ملايكه ... لاكن دول طلعو مع الرايجه
يخطفوا حبك وتلاقى قلبك ... مابقاش فيه ولا جزء سليم
تدى حنان يترض اساوه ... تعمل خير يترد عداوه
ناس مش همه زى الغمه ... منهم يا رحمن يارحيم

غيره وجرح وظلم يادنيا
دالى فى الاسواق


ناس مخنوئه وناس متضايقه ... وناس مش طايقه لبعض كلام
ناس مرتاحه وفايقه ورايقه ... ناس تتحايل ع الايام
ناس جواها الشر بيرعا ... خلو الحب مجرد سلعه
عايز حب وشوق وموده ... ممكن بس هتدفع كام
حتى الحب خلاص راح زمنه ... غالى السعر وكلو بثمنه
تدفع أكتر تتحب أكتر ... والمسأله مش عايزه علام

غيره وجرح وظلم يادنيا
دالى فى الاسواق


خلق بتسرق عمرك سرقه ... وع القسوه ما يتوصوش
خيرا تعمل شرا تلقى ... ناس بصراحه ما يستهلوش
يخدو حنانك ويزيدو همك ... عايزين بس يمصو فى دمك
تفضل تدى وتدى وتدى ... يفضلو يخدو ومايدوش
يدخلو بيتك يكشفو سترك ... يطلعو بره يجيبو فى سرتك
ظهرك ظهرك وشك وشك ... دول ع السر ما يتأمنوش

غيره وجرح وظلم يادنيا
دالى فى الاسواق


احنا يا دنيا تعبنا يا دنيا ... وأستحملنا شهور وسنيين
ياما عاشرنا وعشنا وشفنا ... بنأدمين مش بنأدمين
شفنا اللى بيتباهى بجهله ... واللى مالوش خير حتى فى أهله
واللى بيحرم نفسه يادنيا ... علشان يسعد ناس تانيين
واللى محدش أبدا همه ... واللى بينكر لحمه ودمه
واللى مزعل فيها أبوه وأمه ... وعليه غضبو ليوم الدين

غيره وجرح وظلم يادنيا
دالى فى الاسواق

للاستماع


طارق الشيخ
فنان مصري مغمور بس جامد


وحشتوني اوي على فكره
metvirus