لحظـــه ترى ماجيت اقدم لك اعذار
 

لحظـــه ترى ماجيت اقدم لك اعذار :::::: لحظـــه وبعــدها سوي اللي تسوين

لحظــــه بصحح بيننـا بعض الافكــار :::::: واقـــول لك حــاجه قبـــل ماتقـــولين

لاتحسبنـــي بانثــر الـــدمع وانهــــار :::::: والا اتـــرجـــى واطلـــبك مـــاتروحيـن

روحي عسـى دربك بساتين وازهــار :::::: روحـي وغيــري بالمخــاليق تلقين

صحيح لك بالقلب حشمه ومقـــدار :::::: لكــن شســوي لك اذا مـــاتحسين

لي قلب لامنه عشق حيل مـــدرار :::::: ومن الغــلا عنــدي يكفــي ملايين

بس ان لقي صـد وجفـى صـار جبار :::::: واقدر افارق واهجــــرك لاتخــافين

يابنت انا لـي عزتي وباخذ الثار :::::: وابغي انصحك لارحت اصحي تنادين

ماني براجــــع لاتقــولين وش صـار :::::: لاتساليني ليــه وانتــي تعــرفين

غيــرك تمنـوني وبالعــب وبختــار :::::: واعشق بدالك الـف وحــده بيـومين

انتي رصيـدك بالغــلا عنـدي اصفار ::::::ماهو بذنبي ماعــرفتي تحبين

كل الذي لاجلك كتبتـه من اشعـار :::::: واللـه خسـاره فيــك ماتستحقين

حتى صـورك اللي من العـام تذكـــار :::::: بادوســـها وانتـي قبــالي تشــوفين

يامــا عطيتــك الـف انــذار وانـذار :::::: اقـدر افــــــارق قلـت لــك لاتحـــدين

واليـوم انا ليه اتعب النفس واحتـار :::::: دامــك جرحتينــي وكنتــي تســلين

ان كنت حــي ومن طـويلين الاعمـــار :::::: لاجــرح بدال الجـرح تسعـه وتسعين

والـحين بالله خلــي دمـــوعك امطـــار :::::: وباحاول اضحك طول مانتي تصيحين
قصيده راقتلي وان شاء الله تروقلكم:flowers2:

تسلمين ياقلبي على الرد الرائع بروعة كاتبته
فالك الجنه :f63:

حياك الله حفيدة الالباني انه لفخر لا يوازيه الا عبقك ان تمري من هنا وتتوقفي لتقطفي لي هذه العبارات التي زادتني فخرا
اشكرك عزيزتي على المرور