|
طال صبري.... متى تحبني؟؟؟ الكاتبة كراميل
بسم الله الرحمن الرحيم
طال صبري.... متى تحبني؟؟؟ للكاتبة كراميل الجزء الأول الشخصيات الرئيسية: محمد: عمره22 سنة ،شخصية قوية، ودايما يتطنز ، يشتغل ويه ابوه في الشركة ويدرس محاسبة. فاطمة: اخت محمد وعمرها 20 سنة ، تعصب في اغلب المواقف لكن مع ذلك حبوبة و حلوه وتدرس ادارة اعمال. هناء: رفيجة فاطمة وعمرها 20سنة، وتحب الضحك وايد ودايما مرحة وتدرس مثل فاطمة إدارة اعمال. علي: اخو هناء ورفيج محمد وعمره 22 سنة،واثق من نفسه والي في باله لازم يسويه،واهو مثل محمد يدرس محاسبة،ويشتغل ويه ابوه في الشركة. حسن: ولد خالة محمد و فاطمة، عمره 21 سنة، اهو لزقة وحشور لكن ظريف ،ويدرس ماركتينق. صفاء:عمرها 20 سنة وايد مغرورة ودلوعة وجايفه روحها، وتدرس إدارة اعمال. ريم: رفيجة صفاء وعمرها20 سنة ، رزينة، و تدرس إدارة أعمال. خالد: رفيج علي وعمره 22 سنة،جاد ورزين، ويدرس محاسبة. عايلة بو محمد(ناصر) إلي يشتغل شغله محترمه يعني مستواهم الإجتماعي اوكي واهو صاحب شركة مقاولات وعنده اربع عيال بنتين و ولدين، اكبرهم اسمه محمد ، وعقبه اخته فاطمة، وبعدين ساره وعمرها 15 سنة واهي في ثالث اعدادي ، وآخر العنقود محمود وعمره 11سنة في الصف السادس، والأم اسمها نادية، اما بيتهم فهو وايد كشخة و على مستوى وعندهم خدم وطباخ وسواق. العايلة الثانية : عايلة بو يوسف(سلمان) ونفس الشي مستواهم الإجتماعي اوكي وعنده شركة مقاولات ينافس فيها بو محمد ، وزوجته اسمها نورة ودايما عداوة مع ام محمد في كل شي يغارون من بعض هههههه، وعندهم اربع عيال اكبر واحد اسمه يوسف وعمره 25 سنة ويدرس بره ومسافر من ثلاث سنوات ،وبعدين علي رفيج محمد معاه بالجامعه،وعقب اخته هناء رفيجة فاطمة اخت محمد ، وآخر شي الأخت الصغيره مريم وعمرها 14 سنة اصغر من سارة بسنة. محمد وعلي ربع من يوم اهم صغار ونفس الشي فاطمة وهناء وفوق كل هذا جيران لكن بومحمد و بوعلي ما يشتهون بعض لأن كل واحد ينافس الثاني وأم محمد وأم يوسف يغارون من بعض وكل وحده مسويه روحها أحلى من الثانية ههههههه، اهم صح اغلب الوقت هواش بس قلبهم طيب وبسرعة يتصافون وصيرون سمنه على عسل ههههههه . الساعة كانت 4 العصر، وفاطمة منسدحة على السرير تفكر وطالع الدريشة، شلون من يوم اهي صغيرة تحلم توصل لهالمرحلة بالجامعة وكانت امنيتها انها تدرس بره وعقب ما نجحت بتفوق واخيرا بيتحقق الحلم ، انصدمت برد اهلها، ما خلوها تسافر، كانوا يخافون عليها ويومها قعدت اتصيح وسوت اضراب عن الأكل، لكن كانت فاطمة طموحة وما خلت اليأس يتسرب لنفسها وقالت ماعليه ما خلوني اسافر، بدرس اهني فالبحرين وبحاول انسى السالفة، والحين اهي من درست بالجامعة مرت عليها سنتين وتقول في خاطرها صح انه ما درست بره بس الحين بين اهلي و ربعي احسن من الغربة و الحمد الله اني متفوقة في دراستي ومو مقصرة بالشي . اعتدلت فاطمة وقعدت على طرف فراشها... واخذت تكلم روحها: اف ملل شاسوي الحين، من ييت من الجامعة وانه احاول ارقد مب قادرة، امممم خلني افتح الماسنجر اقضي وقت ويه ربعي. فتحت فاطمة الماسنجر، محد كان اون لاين ، وقعدت تتحلطم : بعد محد اون لاين يعني شاسوي ملل حده . قامت تتمشى بغرفتها ودور واطل من الدريشة، وعقب خمس دقايق سمعت صوت الماسنجر، سيده دارت وجافت انه احد دخل اون لاين ركضت للكمبيوتر علشان اجوف من إلي دخل اون لاين وطلع "عاشق الظلام " وهذا اسم مستعار اسمه الحقيقي ما قاله لها و لا اهي قالت له اسمها الحقيقي كانت امسميه روحها "دمعة الأحزان" واهي متعرفه عليه من الجات من 6 أشهر، وكانت بعض الأوقات تلاقيه اون لاين وتكلمه ،وبسرعة دخلت عليه تكلمه. دمعة الأحزان:هااااي عاشق الظلام:هلا وغلا دمعة الأحزان:شخبارك؟؟ عاشق الظلام:انه بخير شخبارج انتي؟؟ دمعة الأحزان:الحمد الله تماااام عاشق الظلام:دوووووووم يا رب دمعة الأحزان:تسلم عاشق الظلام:الله يسلمج دمعة الأحزان:ها شمسوي في هالدنيا؟ عاشق الظلام:والله ملل تعرفين الحالة دمعة الأحزان:أي والله انه متملله حدي عاشق الظلام:انه بعد، انتي ما عندج شي اتسوينه اليوم برنامج ولا شي؟ دمعة الأحزان:لا ما عندي شي متملله لو كان عندي شي ما دخلت الحين اون لاين عاشق الظلام:اها دمعة الأحزان:وانت عندك شي؟ عاشق الظلام:انه لا بس يمكن اطلع ويه الربع نفتر بالسيارة دمعة الأحزان:اكيد طالعين تغازلون بنات هههههههههههه عاشق الظلام:هههههههههههه لا و الله انه ما عندي هالسوالف يمكن ربعي أي لكن انه بعديني عنها. دمعة الأحزان:ليش ؟ عاشق الظلام:بس انه ما احب اضايق بنات الناس خلهم في حالهم احسن دمعة الأحزان:أي احسن لك و لهم زين ما تسوي تموا فتره جذي ساكتين محد يتكلم إلا يرن تلفون فاطمة، ردت فاطمة على التلفون كانت رفيجتها هناء متصلة فاطمة:هلا والله هناءوو هناء:هلا فيج ها شخبارج ؟؟ شمسوية؟؟شلونج؟؟ فاطمة : بل اشفيج اشصاير هناءوو ام لسان تسأل عني، من وين طالعة الشمس اليوم؟توني معاج بالجامعة هناء:ما فيها شي عادي انتي رفيجتي وحبيت اسأل عنج ولهت عليج فاطمة : هههههههههه اشك انه وراج شي يلا شالسالفة؟ هناء:هههههههه انتي كل اطلعين وراي سوالف، يبه مافي شي بس متمللة قلت خلني اتصل بفطووم اسولف معاج، انتي شسوين الحين. فاطمة : ولا شي بس قاعدة على الماسنجر متملله. هناء:اها وانه شاسوي قاعده بروحي فاطمة : ما ادري عنج، أي بسألج حليتي واجب الأكاونت إلي قالت لنه عنه الدكتوره أم كشة؟؟ هناء:ههههههه إنتي تعرفيني انه ما احل شي كل كوبي تبين الحل؟ فاطمة : أي، عيل الحين بايي بيتكم علشان انقله من عليج اوكي؟ هناء:أوكي يلا تعالي انه انطرج. فاطمة : باااااي هناء:بااااااااي توها بتقوم فاطمة إلا انتبهت لصوت الماسنجر، كان عاشق الظلام يكلمها و اهي نسته... عاشق الظلام:الووووووووو وينج ،وين رحتي ؟؟ دمعة الأحزان:سوري بس كنت اكلم رفيجتي بالتلفون عاشق الظلام:لا عادي، بس قلت يمكن ما تبين تكلميني، يعني مشغوله الحين؟؟ دمعة الأحزان:اي بروح لرفيجتي انشاالله بكلمك وقت ثاني عاشق الظلام:أوكي دمعة الأحزان:باااااااااي عاشق الظلام:باااااااااااي بسرعة بندت فاطمة الكمبيوتر وقامت اطالع ثيابها وتقول: الحين شالبس؟؟ ما بغيت احصل فرصة علشان اروح بيتهم علشان..........آخ قلبي ما أقدر من اتذكره، امممممم بلبس تنورتي الجينز وهذي الفانيلة الوردية وشيلتي أم الورد. تابعوا معاي شنو بصير في الجزء الثاني........ |
الجزء الثاني
بسرعة بندت فاطمة الكمبيوتر وقامت اطالع ثيابها وتقول: الحين شالبس؟؟ ما بغيت احصل فرصة علشان اروح بيتهم علشان..........آخ قلبي ما أقدر من اتذكره، امممممم بلبس تنورتي الجينز وهذي الفانيلة الوردية وشيلتي أم الورد. بعد شوي نزلت فاطمة من غرفتها فوق إلا اجوف امها في ويها وتسألها: وين رايحة فطوووم؟؟ فاطمة:بعد وين بيت رفيجتي هناءوو ام محمد:انه مب قايلة لج لا تروحين لهم مرة ثانية فاطمة:اوه يمه ما خلصنا من هالسالفة عن إذنج راحت فاطمة تركض لبيت جيرانهم بيت هناء، وسيده دخلت بدون ما ترن الجرس ولا شي إلا اجوف في ويها أم يوسف إلا تقولها:إنتي ما تستأذنين لين ادخلين بيوت الأوادم؟؟ فاطمة:و الله عادي انه كل ايي اهني و هناء تدري اني بايي ، انتي بس تبين تسوين هوشه ادري، وطلعيني انه الغلطانه صح؟ أم يوسف:ما ادري شقول عنج والله، بس شكله اهلج ما علموج شلون تردين على إلي اكبر منج. فاطمة:عن الغلط لو سمحتي و انه آسفه اذا ضايفتج بشي، وهالمرة انشاالله بستأذن وبرن الجرس قبل لا أدخل. علي سمع لصراخ ونزل بسرعة إلا يقول:اشصاير صراخ عندكم؟؟ فاطمة من جافته ما عرفت تتكلم وقامت تقول: لا لا لا ما ما في شي وصار ويه فاطمة احمر من الفشيلة مو عارفة تتكلم وتوها ام يوسف اتصارخ عليها يعني شنو بقول عنها علي الحين وتمنت ذيك الحزه انه الأرض تنشق و تبلعها... قام علي يضحك عليها وقال:عيل هالصراخ على شنو؟؟ أم يوسف: ما تدري فيها بعد كل تدخل بدون استأذان. علي: عادي يمه، هذيلا ييرانه و اهي تدخل بأي وقت ليش معصبة جذي، ليش توج تدرين انها ادش بأي وقت، فاطمة ما عليج منها تفضلي دخلي. فاطمة ما عرفت شتقول ، ابتسمت و نزلت راسها الأرض. أم يوسف:اوه كيفكم مالي خلق سوالفكم. ونفس الشي سمعت هناء لصراخ ويت تركض قالت: فطوووم انه انطرج من زمان ليش ما ييتي لي غرفتي؟ فاطمة: بعد ما تدرين امج وسوالفها ما خلتني ادخل هناء: يمه شهالحجي ما تخلين فطوم تدخل بس لأنج متهاوشه مع امها اليوم الصبح، يلا فطووم تعالي ماعليج. وسحبت هناء فاطمة لغرفتها وصكت الباب، إلا تقول فاطمة: فشلتني امج جدام اخوج علي. هناء: هههههههه ادري مو يايه حق الواجب. قامت فاطمة ودزت هناء على السرير ويودت رقبتها يا زعم بتخنقها وقالت: اذا ما سكتي عني بزنطج. هناء سوت روحها خايفه إلا تقول واهي تصارخ:يمه تعالي لحقيني اكا فاطمة بتخنقني ، لحقيني تعالي طرديها. وبعدين قاموا يضحكون ثنتينهم، إلا تدخل أم يوسف عليهم وتقول: اشصاير ليش اتصارخين هناء؟؟ هناء طالعت فاطمة مستغربة وقامت تضحك وقالت لأمها واهي تصك الباب: لايمه ما في شي بس نمزح مع بعض ، طالعتهم أم يوسف مستغربة وطلعت من الغرفة و اهي شاكة في السالفة. بعدين عقب ما نقلت فاطمة الواجب قالت لهناء:الحين شنسوي ملل ما عندج شي اليوم ؟؟ هناء: الحين ما عندي شي بس في الليل بروح بيت خالتي سعاد. فاطمة: انزين شنسوي الحين؟ هناء:شرايج نطالع الفلم إلي شريته امس يقولون وايد حلو للحين ما طالعته فاطمة:اوووه مالي خلق افلام الحين هناء:عيل شنو تبين اكيد في بالج شي يلا قولي فاطمة: لا مو في بالي شي،امممممم اشرايج نروح مجمع السيف؟؟ هناء:قولي جذي من البداية، تلفين و دورين ليش؟ فاطمة:يلا عاد عن الدلع تبين اتروحين و لا شنو؟؟ هناء:أي اكيد ابي اروح فاطمة:انزين من بودينا؟ هناء:بعد من يا سايق بيتنا او سايق بيتكم فاطمة:متأكده سايق بيتكم اهني؟ هناء:أي ليش؟ فاطمة:لا بس جذي، انزين روحي تأكدي هناء:اهني ليش شالسالفة؟ فاطمة:لا ولا شي هناء:اوكي بروح اجوفه وبرجع يمكن اعرف شالسالفة راحت هناء تتأكد ورجعت إلا تقول لفاطمة:فاطمة اشدراج ان السايق مو اهني؟ فاطمة:صج مو اهني؟ هناء:اي و تسوين روحج ما تدرين، راح السايق يوصل امي الصالون فاطمة:احسن هناء:ليش احسن؟ فاطمة:لا و لاشي هناء:اكيد انتي عندج سالفة في شي في بالج يلا قولي فاطمة:قلت لج ما في شي هناء:على العموم عيل الحين بوصلنا سايقكم ،والله لو عدنا ليسن ما احتجنا سايق و لا شي انجان نطلع و ندخل على كيفنا فاطمة:اي و الله بعد شنسوي مو راضين خلونا ندرب يخافون علينا ،وكل رفيجاتنا خذوا الليسن إلا احنا هناء:انزين يلا روحي قولي لسايقكم يجهز روحه فاطمة:سايقنا لا، اي اي اصلا بوصل اختي لبيت رفيجتها وبودي امي السوق و الصالون وما ادري وين يعني كلش كلش مشغول ما يقدر يوصلنا هناء:اوهوو عيل من بوصلنا؟ ردت فاطمة بسرعة: اخوج علي طالعتها هناء مستغربة وقامت تضحك وقالت: الحين عرفت شالسالفة ، اي هذا إلي تبينه من البداية قولي جذي واكيد السايق مالكم مب مشغول ولا شي صح؟ فاطمة:اوهو انتي اشفيج اليوم حاطه علي، كل ما اقول شي تطنزتي علي بس خلاص هونت ما ابي اروح هناء:افا ليش تقولين جذي امزح معاج الحين بروح اقول لأخوي بس لحظه فاطمة: لا لا تروحين و لاشي ما ابي اروح خلاص هناء: وتسوي روحها زعلانه بعد يلا بروح اقوله جهزي روحج و اذا ما تبين تروحين كيفج انه بروح وانتي الخسرانه وراحت هناء تقول لأخوها ، وفاطمة كانت مستانسة وايد اخيرا بوصلهم علي، وقامت تعدل روحها جدام المنظره وتحط في هالمكياج وترش في هالعطر ما خلت شي ما حطته في روحها ، اما هناء يوم رجعت قالت لها و اهي تضحك: توقعت انج بتيين وياي مستحيل تفوتين هالفرصة، وبسج عاد صرتي كأنج مهرج من هالمكياج ترى اخوي بهون اذا جاف مهرج بيركب ويانا بالسيارة ولا بوصلنا هذا اذا تبينه يوصلنا المجمع قالت فاطمة بسرعة : صج اخوج ما يبي مكياج وايد بروح اغسله لأني ابي اروح المجمع و ما بغينا نحصل احد يوصلنا قعدت هناء تضحك على فاطمة و اهي اطالعها تغسل ويها عن المكياج ، وبعد ما غسلت فاطمة ويها قالت لهناء: ها شرايج جذي زين؟؟ ضحكت هناء وقالت:اي جذي زين يلا بسرعه ترى اخوي ما بينطرنا وايد فاطمة:شفيج اليوم كله اضحكين علي، و انتي ما بتحطين لج مكياج انه بحط لي خفيف؟؟ هناء:امبله باحط لي، بس يلا انتي ما تيوزين لازم تحطين حتى لو خفيف؟ فاطمة:ما عليج مني ، يلا ترى اخوج ما بينطرنا وايد وقعدوا يضحكون على بعض......... تابعو معاي شنو بصير في الجزء الثالث احداث وايد مهمة........ الجزء الثالث بعدين ركبت هناء وفاطمة السيارة حق يوصلهم علي ، واهو طالع من البيت إلا هناء اجوف سايق بيت فاطمة واقف عند باب بيتهم،قالت لفاطمة:إي و الله صج سايق بيتكم مشغول ما يقدر يحك شعر راسه ها؟؟ طالعتها فاطمة بنظرة حق تسكت هناء، بس هناء ضحكت وقالت: عادي شفيج امزح معاج و ادري ترى كل شي في بالج ههههههه. فاطمة: اوهو والله مو حاله وياج اليوم كل اضحكين علي، فيني شي اليوم؟؟ علي:على شنو اضحكين هناء ضحكينا معاج؟ فاطمة:ها جفتي هناءوو بعد تبين تفشليني جدام اخوج مرة ثانية مو كفاية امج من شوي؟ وبدل ما تسكت هناء زادت في الضحك و لا سكتت ، قامت فاطمة و ضربته ضربة خفيفة وقالت: سكتي عاد بس لا ينبط بطنج ههههههه وتموا ثنتينهم يضحكون و علي مستغرب ، وكل ما يسألهم شسالفة و لا وحده فيهم عاطته ويه كل طايحين تطنز على بعض ، و اهو مثل الأطرش بالزفة. عقب نص ساعة وصلوا السيف مول ،سألت فاطمة علي:ما بتنزل معانا؟؟ علي:لا و الله مشغول،إذا خلصتوا اتصلوا فيني مو انه الحين صرت السايق مالكم. هناء:ما عليك منها. ودارت لفاطمة تكمل:يلا انتي ما عليج امشي دخلي و لا بتمين واقفة هني؟؟ فاطمة: كل اتحبين تفشليني لكن انشاالله اردها لج. قام علي يضحك على كلام فاطمة، استحت فاطمة ونزلت راسها وسيده مشت عنه واهي تقول في خاطرها: ياربي اشهالفشله كل ما اكلحلها عميتها. دخلت هناء و فاطمة المول، وقعدوا يدورون ويشترون أغراض و ثياب و أي شي يعجبهم ،وأغلب الأوقات ياخذون مثل بعض،عقب ساعة قالت فاطمة:اشرايج نطالع لنا فلم حلو؟؟ هناء مستغربة:ها شصاير توج تقولين في البيت مالج خلق افلام، شلي غير رايج؟؟ فاطمة:بس... الحين صار لي خلق افلام كيفي بروح اطالع آخر الأفلام وخلج تولين. وسيده مشت بدون ما تنتظر هناء هناء:لحظة من قال ما بطالع فلم عاد انتظريني وراحت هناء و فاطمة يطالعون لفلام ويختارون واحد منهم علشان يجوفونه،إلا فاطمة تقول لهناء بالعدال:هناء جوفي مو هذي صفاءوو المغرورة وياها ريم؟؟ هناء: اي امبله هذا اهمه فاطمة: انه ما اشتهي صفاء جايفه روحها وايد وبس كملت هالحجي إلا صفاء و ريم ملتفتين لهم،وعاد لوجوفون صفاء ما خلت مكياج ما حطته في ويها ولا إكسسوار ما لبسته،وثيابها القصيرة و الفانيلة إلي لابستها بدون أكمام،ولا عاد تسريحة الشعر مكشكش كله حق تلفت الإنتباه ويازعم كشخة وستايل على آخر موضة، واهي وايد ادلع في صوتها و حجيها،وبس جافت فاطمة و هناء سيده راحت لهم وقالت: هاي يالحلوين طالعوها فاطمة وهناء باشمئزاز وردوا عليها: هاي هناء كانت منقهرة حدها على صفاء إلا تقول لفاطمة بالعدال:صبري جوفيني شبسوي بسوي مثلها وبتدلع ريم: سلام فاطمة وهناء: عليكم السلام صفاء تدلع:How are you?? هناء بدلع زياده وصوتها مسويته وايد ناعم ورقيق:Fine thank you ,what about you?? صفاء مستغربةohmy.gifh my dear،من متى قمتي تتكلمين English؟؟ هناء انقهرت كلش وقالت واهي ما سكة اعصابها:كيفي و الله بتكلم انقليزي بأي وقت يعجبني، ليش احنا ما نعرف، انتي مب احسن منا ضحكت صفاء بدلع و قالت:اوه sorry مو قصدي بس مستغربة اول مرة اجوفج تتكلمين انقليزي هناء بعصبية:و الله عاد مب شغلج انه حره وكيفي ومن اليوم ورايح بتكلم انقليزي و بسوي إلي يعجبني زين اوكي؟؟ طالعتها صفاء باستغراب وقالت بدلع:اوه sorry على راحتج حبيبتي سوي إلي يعجبج ما بقول لج شي....اوكي حبيبتي؟؟ طالعتها هناء بعصبية و لا ردت عليها،قالت فاطمة بسرعة:بسكم عاد هواش خلاص مو جدام الناس. ريم:انزين انتوا ليش يايين اهني؟؟ فاطمة: بس نتسوق والحين بنجوف فلم...وانتوا؟؟ ريم: احنا بعد يايين اهني نشتري شوية اغراض وقالنا بنطالع فلم،شرايكم نختار فلم ونطالعه مع بعض؟؟ فاطمة:اوكي،شرايج هناء؟؟ هناء:اوكي يلا عقب ما اختاروا لهم فلم قعدوا في القاعة ينتظرون لين يبتدي،إلا تسأل ريم فاطمة:اقول فطوووم،شخبار ولد خالتج حسن، من اتذكره في عيد ميلادج اقعد اضحك كان وايد خفيف دم. فاطمة:اهوه زين ما فيه شي,انتي ليش تسألين عنه؟؟ ريم مرتبكة:ها.... لا ما في شي بس جذي اسأل اقول يعني خفيف دم ويضحك فاطمة :اها ريم: ما بروح حفلة عيد ميلاد رفيجتنا أماني و اخوها التوأم وليد؟؟ فاطمة: ما أدري ،وليش اروح؟؟ ريم: مو حسن رفيج وليد المفروض يعزمه، و أماني عزمتنا وقالت لنا عزموا إلي تبون، ما عزمتكم؟ فاطمة: لا ما عزمتنا. ريم: صج ما عزمتكم؟؟ اهي بتسوي عيد ميلادها ويه اخوها يوم لربعا لسبوع الياي صفاء: احنا اليوم الصبح بالجامعة قالت لنا تعالوا و عزموا إلي تبون، اصلا شكلها ما تبيكم، احسن فكه منكم مانبيكم، بنستانس عنكم في الحفلة وانتوا خلكم . انقهرت هناء من كلامها ويودت اعصابها و قالت:عادي مب لازم تعزمنا شنو بصير يعني لين ما رحنا ما فيها شي. صفاء: شفيج هناء عصبتي، امزح معاكم، بالعكس احنا ما بستانس إلا لين ييتوا الحفلة، بس صراحة شكلها ما بتعزمكم ريم:لا..يمكن بعدها ما تعزم احد، احنا يوم جافتنا قالت لنا ولو جافتكم اكيد بتقول لكم ، او يمكن بتتصل فيكم وبتعزمكم وبتقول لكم بعد عزموا إلي تبون...... انه بصراحة ما بعزم احد صفاء: انتي كل جذي و الله انه ما علي من احد باعزم إلي ابي كأنه عيد ميلادي خلهم يستانسون funny ههههه وكلهم سكتوا عقب ما ضحكت صفاء لأن الفلم ابتدى......... الجزء الرابع فيه تطورات وايد مهمة تابعوها......... الجزء الرابع في الوقت إلي كانوا فيه البنات يتابعون الفلم في السيف مول، كانوا الشباب علي و رفيجه خالد و راشد و أحمد قاعدين يتمشون في الدانة مول. راشد: تكسر ظهري البارحة و انه اكتب رقمي في اوراق صغار علشان أرقم البنات الحلوين. علي: انت ما تيوز عن سوالفك كل مغازل؟؟ خالد:راشد ماعليك من علي روح رقم إلي تبي خلنا نتسلى شوي راشد:الحين من دخلنا اهني صار لي مرقم 18 بنية علي يتطنز: الحين إلي يجوفك يقول سوبرمان منقذ 18 بنية ، لا وجان زين إلي مرقمهم حلوين ،إلا مرقم لي الجيكرة وإلي ريلها مكسورة ،وإلي تعرج و إلي ما ادري شنو أحمد:هههههههه خله يبه يتسلى واسلينا عن الملل دار خالد على يمينه وقال لهم: جوفوا، جوافوا ذيك لبنية الحلوه،طالعوا ويها القمر أحمد:جوفوا عيونها لكبار، كأنهم عيون المها راشد:أي و الله شحلات هالبنية، خلاص انه قررت اروح لها مو بس برقمها بتكلم معاها علي: هييييييي انت لايكون صدقت عمرك ، لا تسوي لنا سوالف راشد: انه ما علي منك بروح وإلي فيها فيها أحمد: اي يلا روح راونا شطارتك راح راشد للبنية و ابتسم لها،طالعته لبنية باستغراب وابتسمت،قال لها:هاي ردت عليه: هاي راشد:شحلات هالصوت الناعم وبس كمل هالكلمة إلا يفتر وراه وجوف واحد ضخم بوحديد يقوله: شعندك اهني؟؟ خاف راشد و ارتبك ما عرف شنو يقول وبسرعة رد: لا ما عندي شي بس ما ادل المكان وييت اسأل، الحين خلاص عرفت المكان الضخم:انزين يلا عيل ليش واقف اهني ، يلا فارج عن ويهي و لا تكلم خطيبتي مرة ثانية اهني راشد قام يضحك على السالفة شلون هالبنية القمرخطيبة هالوحش إلي جادمه،لكن هالصبي الضخم عصب من جاف راشد يضحك وقام بطقه، خاف راشد وبسرعة قام يركض وان شاء الله واهو يركض تزلق ريله ويطيح جدام الأوادم وقعدوا يضحكون عليه......... وصل راشد عند ربعه و اهو يعرج ولقاهم ميتين ضحك عليه، قال لهم :كل منكم انتوا إلي شجعتوني اروح للبنية أحمد: بالعكس وناسة ، غيرنا جو راشد : أي تغيرون جو على حسابي وقاعدين اهني اضحكون و انه اتبهدل علي: و الله حذرتك وتستاهل راشد: لكن ما عليه خالد:بمناسبة هالموقف الحلو باعزمكم على العشا اشرايكم؟؟ راشد: اي انه موافق ، عيل كل مرة بسوي مواقف جذي علشان تعزمنا خالد+علي+أحمد:ههههههههههههههه ومن جهة ثانية عند البنات....... عقب ما خلص الفلم راحوا قعدوا في واحد من المطاعم يتعشون،لكن صفاء كانت وايد تدلع و تسوي حركات بايخه، و كالحين تقوم من كرسيها وتتمشى و ترجع، إلي يجوفها يقول تعرض أزياء،قالت فاطمة لهناء بالعدال:إشفيها هالدليعة جذي وايد مصختها؟؟ هناء معصبة: تسأليني عنها تعرفينها و حركاتها، بروحي ما اشتهيها دارت فاطمة وراها إلا اجوف شلة صبيان متيمعين على طاولة وقالت لهناء: الحين عرفت السبب دوري وراج دارت هناء وراها وقالت: صج جليلة حيا خلنا نقوم احسن لنا، بتصل في اخوي بقول له ايي لنا فاطمة استانست وقالت: اي يلا بسرعة طالعتها هناء و الإبتسامة على ويها، إلا تقول فاطمة:ليش تبتسمين جذي؟؟ هناء: لا مو شي... موشي، انه لازم ارجع البيت بسرعة لأني بروح بيت خالتي سعاد وقامت اتصلت في اخوها عقب ربع ساعة وصل اخو هناء واتصل فيها وقالها انه واقف بره ينطرهم.قامت هناء وفاطمة ، واستأذنوا من صفاء و ريم، قالت صفاء: عيل بنطلع معاكم شنسوي نقعد لمتى هني يلا خلنا نقوم together ........ طلعوا مع بعض بره المجمع، وكان علي واقف مع رفيجه خالد،وبس جافت صفاء علي ورفيجه قامت تدلع واتسوي حركات بايخة و قالت لهناء: ممكن انسلم على اخوج علااااوي ، من زمان ما جفته. طالعتها هناء بدون ما ترد عليها،بس صفاء ما اهتمت وراحت سلمت على علي و رفيجه وقعدت اتسولف معاهم،لكن علي ما كان عاطنها ويه وسأل ر يم: ها ريم شخبارج؟؟ طالعته ريم مستغربه وقالت: اوكي بخير وكان علي طول الوقت يطالعها ويبتسم لها و لا شال عيونه عنها، كالحين يسألها عن الدراسة و عن بيتهم وعن اخبارها... وكانت صفاء تضحك وتدلع فانقهرت هناء حدها من هالموقف وقالت لأخوها:يلا شقاعد تنطر تمللنا من الوقفه ، يلا خل نمشي ودخلت السيارة وسحبت معاها فاطمة إلي كانت معصبة، بعد شوي دخل اخوها علي ورفيجه السيارة وقالت له لهناء و اهي تزفه: شقاعد تسوي بره ،ما عمرك جايف بنات من قبل؟؟ علي: و الله ما علي منج كيفي هناء: ما ابيك تكلمهم مرة ثانية زين؟؟ علي: انتي ليش معصبة جذي،هذيلا رفيجاتج ما تبيني اكلمهم؟؟ هناء: مب رفيجاتي كلش بس جفناهم وسلمنا عليهم ، وقعدوا معانا شوي علي: زين عاد بلا هواش انه اخوج العود واحترميني سكتت هناء و لا تكلمت،كانت تبي تصارخ عليه بس اجلت الموضوع للبيت، تموا ساكتين فتره ، وقطع سكوتهم صوت خالد رفيج علي يسأل هناء: ها هناء شخبارج ... شمسويه؟؟ ابتسمت هناء وقالت: بخير الله يسلمك، نسأل عنك، انت شخبارك؟؟ خالد انه: انه بخير دامج بخير وحست هناء ذيك الحزه انه ويها صار احمر بس اشوه انه ما كان يجوفها خالد لأن كان قاعد جدامها،وعقب فتره لا حظت هناء انه فاطمة صار لها فتره و اهي ساكته ما تكلمت فسألتها: فطوووم اشفيج ساكته؟؟ طالعتها فاطمة و اهي معصبة شوي بس يودت روحها وقالت: لا ما فيني شي هناء: امبله فيج شي قولي؟؟ فاطمة قلت لج ما فيني شي خلاص سكتت هناء و اهي حاسة انه فاطمة فيها شي ، فأجلته للبيت لأن ما تبي تحرجها جدام اخوها و رفيجه. لما وصلوا البيت سحبت هناء فاطمة من يدها وقالت: لها تعالي معاي فاطمة: وين؟؟ بروح بيتنا تعبانه هناء: تعالي معاي اشوي انتي ما عليج ودت هناء فاطمة لغرفتها،قالت فاطمة: ها شتبين الحين؟؟ هناء: قولي لي شفيج؟؟ احسج معصبة و كله ساكته شصاير؟؟ فاطمة: قلت لج ما فيني شي، بس جذي يمكن من التعب هناء: لا انه اعرفج ومتأكده فيج شي يلا قولي ،انه صديقتج ، لا تخشين عني شي فاطمة:لا ما فيني شي ....... يلا بروح بيتنه هناء: لا ما تروحين لين ما تقولين لي اشفيج يمكن اقدر اساعدج، يلا قولي لا تخافين فاطمة:لا لا و لا شي صدقيني هناء: اووه مو علي هالحجي ، اهي السالفه عن امي؟؟ فاطمة: لا مو امج و لا شي انه متعوده على سوالف امج هناء: انزين انتي كنتي اوكي معانا، يوم انطالع الفلم وبعدين في المطعم ، بس من ركبنا السيارة سكتي ،صار لج شي يعني و انه اكلم اخوي ما كنت منتبهة لج ، كنت منقهرة حدي من صفاءوو ، جفتيها شلون تدلع و تسوي حركات بايخة مثل ويها المهرج؟؟ ردت عليها فاطمة بدون نفس: اي جفتها هناء: يلا عاد الحين قولي لي اشفيج انه رفيجتج فاطمة متردده: بصراحة تعرفين إن انه.... هناء: اي انتي شفيج كملي؟؟ فاطمة:اووه عاد لا تحرجيني فهميها بروحج هناء: مو فاهمتج شنو قصدج؟؟ فاطمة:علينا هالحجي.. انتي كل تقولين انج فاهمتني الحين يات على هلمرة ما تفهميني؟؟ هناء: و الله مو فاهمتج عاد و إلي يسلمج قولي لي يلا فاطمة:انزين بقولج كل شي وبصراحة مع اني ادري انج فاهمتني و مسويه روحج هبله هناء: انه اسوي روحي هبله الله يسامحج فاطمة:اي اتسوين روحج هبله و آسفه هناء: زين ما علينا يلا قولي لي شنو السالفة حرقتي اعصابي فاطمة:انتي تدرين اني احب اخوج علي صح؟؟ ولا بعد شنو؟؟ هناء: اي ادري زين كملي يلا فاطمة:اليوم بصراحة انقهرت لما جفته يكلم ريم ، كان عاطيها اهتمام وايد و شكله يحبها هناء: اها الحين فهمت كلشي يعني تغارين هههههههه؟؟ فاطمة:لا تطنزين علي ، انه كلمتج بصراحة وابيج تساعديني وتخلين اخوج يحبني هناء: انزين بس اهو ما يدري انج تحبينه فاطمة:اي ادري ، بس اهو اول خله يقول لي انه يحبني بعدين بقوله كل شي هناء: لا تخافين ترى ريم ما تدري انه اهو يحبها فاطمة:شلون ما اخاف، اكيد بقولها و بتدري هناء: لا لا لا ترى ريم تحب و لد خالتج حسن ما اجوفينها تسأل عنه و تبيه ايي حفلة عيد ميلاد أماني و اخوها وليد؟؟ فاطمة:اي صح كلامج هناء: لا يفوتج بعد، ترى ولد خالتج حسن يحبج صح؟؟ فاطمة:اي اشفيها يعني؟؟ هناء: ههههههه للحين ما فهمتي شصاير؟؟ فاطمة:لا شنو صاير قولي لي؟؟ هناء: انتي تحبين اخوي علي، و علي يحب ريم، وريم تحب حسن، وحسن يحبج، يعني صاير مثل الدائره كل واحد يحب شخص و هالشخص ما يحبه و يحب واحد ثاني ، يعني جذي فهمتي؟؟ طالعتها فاطمة مستغربه وقالت: اي صح توني منتبهه لهشي ، صج شي غريب!! هناء: يلا مسابقة إلي يغلب، من يقدر يخلي الطرف الثاني يحبه فاطمة:يلا بلا تطنز علي، تدرين لو تعزمنا اماني الحفلة بخلي ولد خالتي حسن ايي معاي لأن رفيج أخو اماني وليد، و اهو اكيد ما برد لي طلب، ويمكن هناك تخليه ريم يحبها و افتك منه و منها. هناء:اي فكرة زينه، جفتي انتي حصلتي حل لروحج بدون مساعدتي فاطمة:لا باقي شي واحد بعد هناء: شنو بعد؟؟ فاطمة:اخوج علي لازم ينساها و يحبني، يلا دوري لي حل هناء: انزين، اشرايج تقولين لحسن انه اخوي يبي ايي معاك الحفلة، وهناك روحي قعدي مع اخوي فاطمة:لا، اخاف اخوج لين جاف ريم بروح يقعد معاها وبخليني هناء: اشدعوه ريم بتعطيه ويه، اصلا بتنساه اذا جافت و لد خالتج، و عاد انتي و شطارتج لازم تخلينه كل معاج ولو راح يسلم عليها باعديه عنها فاطمة:اوكي بحاول قامت هناء تضحك إلا تقول لها فاطمة : اشفيج اضحكين؟؟ هناء: لا بس احنا قاعدين انخطط و اماني ما عزمتنا لحفلتها ههههههههه فاطمة:اي صج هههههههه سكتوا فتره إلا تقول فاطمة:و انتي تعالي من اول ما وصلنا صدتيني و تبين تعرفين سالفتي وانه قلت لج كل شي بصراحة ، وتبين تخليني انسى سالفتج؟؟ هناء: أي سالفة بعد؟؟ سالفة هواشي ويه اخوي، هذي خليها لبعدين لين اطلعين بتفاهم معاه فاطمة:لا مو هذي السالفة، لا تغيرين الموضوع اتسوين روحج ما تدرين؟ هناء: اوووه أي سالفة بعد قول لي؟؟ فاطمة:انتي اليوم اشفيج كل اتسوين روحج ما تدرين عن شي؟؟ هناء:اوه يلا عاد لا تلفين و ادورين يلا قولي؟ فاطمة:اوكي.. انتي طول الوقت تتصيديني و تبين تخليني اعترف لج اني احب اخوج، و انتي تخشين سالفة حبج لرفيجه خالد ها... يلا اعترفي؟؟ هههههههه هناء: انه احبه؟؟ من قال؟؟ فاطمة:ما يحتاج تقولين، تصرفاتج جدامه و طريقة كلامج و اسلوبج معاه و شوية الدلع ، ترى المكتوب امبين من عنوانه هناء: يلا عاد تبين اتلصقين فيني أي واحد عقب ما اعترفتي بالحقيقة فاطمة:انه ما بجبرج على الإعتراف مع اني ادري بقلبج و الأيام اليايه بتثبت هالشي ، و انه ماشيه الحين بروح البيت، اجوفج باجر بالجامعة ، و على العموم شوي شوي عاد على اخوج ، لا تهاوشينه ههههههه هناء: هههههه، لا تخافين عليه ترى ما اقدر اسوي له شي و لا اقدر عليه فاطمة واهي مبتسمة:اوكي بااااااااااي هناء: بااااااااااااي ان شاء الله عجبكم الجزء...... تابعوني في الأجزاء اليايه احداث اكثر إثاره خخخخخخخخخ( يا زعم أكشن) |
الجزء الخامس
يوم ثاني الصبح في الجامعة، كانت هناء وفاطمة طالعين من المحاضرة يتمشون بروحون مجمع المطاعم إلي بالجامعة، ولما دخلوا كل وحده راحت بصوب عند المطعم إلي بتشتري منه،وكانت هناء واقفة تنتظر دورها علشان تطلب لها، إلا ايي لها واحد كان معاها بالسكشن من شوي اسمه فهد ويقول لها: لو سمحتي اختي ممكن اكلمج شوي؟؟ هناء استغربت منه لأن اول مرة ايي يكلمها وردت عليه: خير انشاالله!! فهد: ممكن تعطيني اسألة المحاضرة إلي فاتت لأني ما حضرت آخر مرة؟؟ استغربت هناء من طلبه و قالت في خاطرها( ليش ايي لي انه و ما يروح للصبيان إلي معاه بالسكشن!!) ردت عليه:اوكي اخوي بس دفتري خليته على الطاوله إلي هناك، تعال معاي بعطيك اياه. وبالصدفة كان هناك محمد و علي قاعدين بالمطعم، ويوم جاف محمد هناء مع فهد ، حس بشي داخله ما يدري شنو هالشي هل اهو الغيره عليها؟؟، توه بقوم يروح لها بس تالي قال شلون يروح لها ،يعني اهو شنو بالنسبة لها؟؟ فكر و قال مالي إلا اقول لأخوها و اهو بيتصرف ، كان علي عاطي ظهره للمكان إلي واقفه فيه هناء يعني ما يجوفها، بس محمد تردد شوي خاف انه علي يسوي لها سالفة جدام الأوادم، لكن ما يصير يسكت عن السالفة و قرر اخيرا يقول لأخوها وإلي بصير خله يصير. محمد: علي مو هذي إلي مع لصبي وراك اختك و لا انه غلطان؟؟ علي: شنو؟؟؟ اختي مع صبي؟؟ محمد: ما ادري مب متأكد طالع وراك وجوف دار علي و راه وقال لمحمد: اي امبله اختي ، بس منو هذا إلي معاها ، وليش اهي واقفه تكلمه، انه لازم اروح لها و اعرف السالفة محمد: علي لا تتهور و تسوي لنا سالفة جدام الأوادم علي: لا تخاف انه بتصرف محمد: بايي معاك علي: لا...خلك اهني قام علي وراح عند هناء و فهد، كانت هناء تعطي فهد الدفتر يوم وصل لهم علي وسأل هناء: اشعندج واقفة مع لصبي؟؟ تفاجأت هناء، ما كانت متوقعة انها تنحط في هالموقف وقالت بتردد: ما عندي شي بس فهد معاي بالسكشن ويبي من عندي المحاضرة علي يكلم فهد: اخوي انت ما لقيت إلا اختي تاخذ من عندها المحاضرة ، ليش ما قلت للصبيان إلي معاك بالسكشن؟؟ فهد: آسف مو قصدي، كنت ناسي و يوم جفت هناء اهني تذكرت قلت باخذ من عندها المحاضرة قبل لا أنسى علي: دور لك هالمرة على صبي تاخذ من عنده المحاضرة ولا تقرب صوب اختي مرة ثانية فهد: انه آسف ويكمل فهد واهو يكلم هناء: مسامحة على الإزعاج أختي ،و هاج دفترج ما عرفت هناء شتقول، كانت خايفة تقول شي و يعصب عليها اخوها فرد عليه علي: اوكي اخوي ماصار إلا الخير ومشى عنهم فهد، و اهني صارت هناء مع اخوها، كانت متوقعة انه يهاوشها ، قال لها علي: هالمرة لا تكلمين أي صبي، حتى لو يبي محاضرة ، لا تعطينهم ويه هناء: انشاالله، بس شاسوي اهو إلي يه لي علي: قولي له ما اقدر، احتاج دفتري، أي شي هناء: اوكي علي: هالمرة محمد انتبه لج و قال لي، مرة ثانية انتبهي لروحج هناء استغربت من محمد ليش يسوي جذي، يعني يبي يسوي لي مشكلة مع اخوي، وتمت سارحة تفكر علي: ها اشفيج سرحتي؟؟ هناء: لا ولا شي بروح اطلب لي نسيت علي: اوكي و انتبهي لنفسج راحت هناء و طلبت لها ، ولما رجعت على الطاولة لقت فاطمة قاعدة تاكل ، قالت فاطمة: ها اشفيج تأخرتي جذي، انه مب جايفه زحمة على المطعم علشان تتأخرين؟؟ هناء: انتي ما تدرين اشصار فاطمة: شنو صار؟؟ قالت هناء لفاطمة السالفة كلها، قالت فاطمة: بل كل هذا صار و انه ما ادري ، ليش انه وين كنت ما جفتكم؟ هناء: ما ادري عنج، بس انه إلي يهمني في الموضوع ليش اخوج سوى جذي؟؟ يعني يبي يسوي لي سالفة، وشنو مصلحته من هالشي؟؟ فاطمة: لا ما اعتقد هناء:عيل شنو؟؟ فاطمة: اخاف اقولج وتزعلين هناء: لا ما بزعل قولي فاطمة: يمكن سوى جذي لأن يغارعليج هناء باستغراب: يغار علي!!!! يعني تبين تفهميني انه اخوج يحبني؟؟ فاطمة: يمكن ما ادري هناء: مو معقوله فاطمة: ليش مو معقوله هناء: لا موشي وكانت هناء تبي تغير الموضوع ، فطالعت ساعتها وقالت: يلا بسرعة اكلي ترى ورانا محاضرة الحين وشكلنا بنتأخر عليها......... الساعة 5 العصر كانت سارة قاعدة اطالع التلفزيون على الأغاني وكان الصوت وايد مرتفع، يت لها أمها( أم محمد) وقالت :سارووه ما تقومين تحلين واجباتج وتدرسين ما جوفج تدرسين، كله لعب و تلفزيون وكمبيوتر. سارة :أووووووووووه يمه جم مرة قلت لج محد له شغل فيني و في خصوصياتي انه لين أبي أدرس بدرس ام محمد: شنو بعد هالحجي؟؟ هذي إلي بتينني، حتى الدراسة سويتيها خصوصيات؟؟ جوفي مريم بنت الييران شلون تدرس ومقطعه الكتب و إنتي خلف الله عليج. سارة :أوووووووه كل اليوم هالسطوانة مليت يمه إنتي كل مرة تقولين لي هالحجي، يعني اجوفيني اخلي التلفزيون وأقوم أدرس؟؟ ام محمد:لا، ما اجوفج اتقومين ادرسين سارة : يعني ما في فايده من كلامج،و ما يحتاي تعيدين هالسطوانة انتي تعرفين شنو رايي . ام محمد: صج ما منج فايدة ، انه بطلع عقب شوي واذا تبين شي قولي للخدامة اتسوي لج سارة: وين بتروحين بايي معاج ام محمد: مو شغلج وقعدي اهني درسي احسن لج قعدت سارة تتحلطم وتكلم روحها بالعدال: يعني كأني لين قعدت اهني بدرس، نفس الشي قعدت و لا طلعت ما بدرس ام محمد: اشقاعده تقولين سارة: لا يمه و لا شي ان شاء الله بدرس و بقطع الكتب تقطع ههههههه وعقب نص ساعة دخلت هناء بيت فاطمة،إلا اجوف في ويها ام محمد متكشخة، سلمت عليها،إلا تقول ام محمد:ها هناء، اشرايج فيني؟؟ توني من شوي يايه من الصالون امسويه شعري، واشرايج بثيابي مو حلوه؟؟ قولي لي الصراحة ما ابين اصغر؟؟ هناء ياته الضحكة على كلام ام محمد بس يودت روحها و قالت: ليش متكشخة جذي؟؟ ام محمد:اليوم معزومة عند صديقة اختي وهذي وحده هااي، وكل شي عندها ستايل وعلى آخر موضة ، فلازم اطلع جادمها حلوه وكشخة، ما قلتي لي اشرايج في صبغ شعري مو حلو؟؟ هناء: اي حلو ام محمد: ابين اصغر صح؟؟ هناء: اي، انزين وين.... وقاطعتها ام محمد:انه احلى من امج صح؟؟ عاد اهني هناء تفاجأت، ما توقعت هالسؤال و لا عرفت شنو ترد لأن بصير سالفة، إلا تقول اخيرا: ثنتينكم حلوين ام محمد:لا ، قولي لي الصراحة بدون مجاملة ما بزعل توهقت هناء، شتسوي الحين و تمنت انه اتيي فاطمة و تنقذها من هالموقف، إلا سمعت احد يقول من وراها:لا انتي و لا اهي حلوين، هناء احلى دارت هناء وراها إلا اجوف محمد، وابتسمت له لأن انقذها من هالموقف ،وصاروا خدودها حمران، ونزلت راسها الأرض وتمت ساكته مب عارفة شتقول محمد: بس عاد يمه ذبحتي لبنية من الأسئلة ، خليها تروح لرفيجتها ام محمد: انت ما يدخلك بين سوالف الحريم وكانت فاطمة ذيك الحزه نازلة على الدرج و جافتهم،وقالت: شصاير متيمعين اهني؟؟ ردت عليها هناء بسرعة: مو صاير شي بس سوالف، يلا خلنا نروح غرفتج ويودتها من يدها و راحوا فوق، و في غرفة فاطمة، قالت فاطمة لهناء:شفيج كنتي مبتسمة خدودج حمران؟؟ طالعتها هناء مستغربة وقالت:من انه ؟؟ صج و الله؟؟ وراحت عند المنظرةاطالع ويها وقالت في نفسهاsad.gifيعني لهدرجة بين على ويهي جذي بسرعة تأثرت؟) فاطمة:لا عيل انه، اي انتي ، شنو صار تحت؟؟ هناء: لا ما في شي ، بس امج كانت متعدله وتسألني أي احلى اهي و لا امي؟ ضحكت فاطمة وقالت: شنو رديتي عليها؟؟ هناء: ما رديت لأن يه اخوج و قطع السالفة بعدين انتي ييتي وبس فاطمة: اي صج اخوي كان واقف تحت و انتي مبتسمة له ، اي الحين عرفت من شنو خدودج حمران ، اكيد مستحية منه، شنو قالج؟؟ هناء: ما قال شي بس قال لأمج انها غربلتني بالأسئلة فاطمة: اوه ، يدافع عنج بعد،شكله يحبج و انتي بعد تحبينه صح؟؟ هناء: اووووه ، بدينا.... امس تقولين لي احب رفيج اخوي و اليوم اخوج ما يندرى باجر منو؟؟ فاطمة:لا لا خلاص ما تحبين اخوي بس انه متأكده انج تحبين خالد رفيج اخوج هناء:بس يلا عاد خلنا من هالسوالف ، غيري الموضوع ، انه ياية لج لأني متمللة و قاعده بروحي وقلت بايي ادرس معاج فاطمة، اوه اشصاير ، نازل عليج الوحي يايه تدرسين، اكيد اخوج زفج على سالفة اليوم وخلاج تدرسين هناء: اصلا اخوي و لا كلمني في هالموضوع، ولا تنسين إن باجر عدنا كويز فاطمة : اي صج نسيت ، اشوه ذكرتيني الجزء السادس في الليل الساعة 9 ، كانت فاطمة في حجرتها قاعده تفكر، في الأحداث إلي صارت لها امس بالمجمع وتمنت من قلبها إن تعزمهم أماني لعيد ميلادها، ومدام اهي قاعده جذي تفكر،رن تلفونها و كانت هناء المتصله، ردت عليها فاطمة: الو ها شعندج بعد؟؟ هناء: بل بل اشفيج عاد جذي معصبه، للحين ما نمتي مو انتي تقولين انج تعبانه؟؟ فاطمة: اي الحين بنام بس كنت قاعده افكر هناء:تفكرين في شنو؟؟ فاطمة:مو شي ، يلا قولي شعندج متصلة؟؟ هناء:علينا هالسوالف ، يلا اعترفي و قولي انج تفكرين في اخوي؟؟ فاطمة:اوووووه، هناء مالي خلقج الحين يلا قولي اشعندج و خلصيني هناء:زين بس لا تعصبين و تكسرين التلفون في يدج، ترى الدنيا ما تسوى فاطمة:انزين خلاص، يلا قولي هناء:توقعي من اتصل فيني من شوي؟؟ فاطمة:انه اشدراني؟؟ هناء:اوه ، بل شكلج صج معصبة اخاف اتيين تذبحيني عيل خلاص ما بقولج شي الحين باااااي فاطمة:اف،الحين متصلة تقولين لي جذي صج انج مملة و لا عندج ذوق يلا قولي لي شنو صاير؟؟ هناء:الله يسامحج، لكن بقولج، من شوي اتصلت فيني أماني تعزمنا على عيد ميلادها باجر وقالت لي اقولج، وتقول بعد عزموا إلي تبون استانست فاطمة وقالت: صج و الله؟؟ هناء:اي صج، اشفيج استانستي توج معصبة من شوي، اشوه انج استانستي احسن من العصبية مب زينة لج، يعني ما كنتي متوقعة انها تعزمنا؟؟ فاطمة: لا بس كنت اتمنى ، وتحققت امنيتي هناء:اي عرفت ليش علشان اخوي صح؟؟ فاطمة:ردينا... لكن ما برد عليج لأني ما ابي اعصب ويلا بااااااااي هناء:اشفيج ؟؟تبين تفتكين مني، بس ابي اقول لج إذا جفتي باجر بالجامعة صفاء و ريم لا تقولين لهم إن أماني عزمتنا، خلها مفاجأه لصفاء علشان تحتر ، مو اهي تقول إن اهي بتستانس عنه ، فخلها تتفاجئ، اوكي؟؟ فاطمة:اوكي، بس لحظه يمكن اقول بس لريم علشان تعرف إن حسن بيي الحفلة و تستعد له هناء:لا مب لازم، اهي اصلا بتروح من غير شي ، ولين قلتي لها يمكن تقول لصفاءو ، و انه ما ابيها تدري ، اوكي؟؟ فاطمة:اوكي هناء:يلا تصبحين على خير فاطمة:و انتي من اهله وفي الصبح قعدت سارة كالعادة متأخرة من النوم وركبت السيارة وكانت بنت ييرانهم مريم تنطرها بره لأن يوم يوصلهم سايق بيت بومحمد ومرة سايق بيت بو يوسف، جذي كانوا متفقين من يوم اهم صغار، و كانت أم كل وحده فيهم تبعد بنتها عن الثانية بس ما في فايده كل يعاندونهم ويركبون مع بعض. المهم ركبت سارة السيارة و قالت لها مريم: انه من نص ساعة واقفة انطرج ظنيت انج مابتيين المدرسة لانج اوقات تسوينها . سارة: بعد شنو اسوي امس البارحة ما نمت إلا الساعة 2 اتابع فلم على الشوتايم إينن . مريم: الله يغربل بليسج إنتي متى راح تيوزين عن سوالفج وأكيد كالعادة ما درستي؟؟ سارة تضحك: ههههههههههههه انه تعودت على هالحياة ولو تسوين شنو ما راح أغير طريقة حياتي . وعلى بال ما كانوا يسولفون وصلوا المدرسة متأخرين والجرس رن من ربع ساعة و يعني أكيد إبتدت الحصة الأولى و كل وحدة منهم راحت لصفها، دخلت سارة الصف ، وكانت المعلمة هناك توزع أوراق، قامت تفكر سارة هذي أوراق شنو؟؟ قالت المعلمة :يلا سارة قعدي مكانج وطلعي لج قلم علشان تحلين الإختبار اهني تذكرت سارة إن عليها إختبار وما درست،قالت سارة في خاطرها :يلا ما عليه يعني حتى لو كنت أدري إن علي إختبار ما بدرس كانت سارة في كل إختبار تعتمد على الغش وبس، سلمتها المعلمة الورقة وقعدت تسوي روحها تحل علشان لا تشك المعلمة في شي ، وكانت تنتظر البنات لما يحلون ويخلصون علشان تنقل من عليهم. قالت المعلمة : بنات أمس عطيتكم واجب أبي الدفاتر، و طبعا تعرفون شنو أسوي في إلي ما يحل الواجب، يلا كل وحدة تخلي الدفترعلى الطاولة وانه بلمهم . اهني سارة ما عرفت شنو اتسوي و انشغلت عن الإختبار بالواجب، و أخيرا وصلت المعلمة لسارة وقالت : وين الدفتر؟ سارة : في الشنطة . المعلمة : وشنو يسوي في الشنطة طلعيه. طلعت سارة الدفتر من الشنطة وعطته المعلمة، فتحت المعلمة الدفتر علشان اجوف إذا حلت سارة الواجب أو لا . سألت المعلمة سارة: وين الواجب ؟ سارة :أي واجب ؟ المعلمة:و بعد تسوين روحج ما تدرين؟ سارة: ما حليت شي . المعلمة :هذي مو أول مرة تسوينها بس هالمرة ما راح أسكت عنج لأنج الوحيدة إلي دايما يتكرر اسمها وراحت المعلمة عن سارة تلم باقي دفاتر البنات، وتمت سارة دقيقة تفكر في إلي صار، إلا يقطع تفكيرها صوت المعلمة تقول: الأوراق يا بنات، سلمو الأوراق . الحين شنو تسوي سارة ما حلت شي ،و المعلمة تعد لثلاثة والكل سلم الأوراق إلا سارة مو عارفة شنو تكتب، وأخيرا سلمت الورقة وإهي تدري إنها بتاخذ صفر في الإختبار. الساعة 4 العصر، راحت فاطمة بيت هناء، ويوم وصلت عند الباب كانت توها بتدخل سيده بدون استأذان، بس تذكرت كلام ام يوسف, ورنت الجرس ، فتحت لها الخدامة الباب، و لما دخلت جافت امها و ام يوسف قاعدين يسولفون ويضحكون ، ابتسمت لهم لأن اهي تعرف انه امها و ام يوسف دايما يتهاوشون ويردون يتصالحون، التفت ام يوسف لفاطمة وراحت عندها و قالت: هلا فيج حبيبتي فطوووم، شخبارج؟؟ فاطمة: بخير الله يسلمج، شخبارج خالتي ام يوسف ، اجوفج مستانسة ويه امي؟؟ ام يوسف:اي بعد تعرفين سوالف الحريم،على فكرة ليش رنيتي الجرس ترى البيت بيتج ، وحياج الله بأي وقت، مب لازم تسـأذنين قبل لاتدخلين ضحكت فاطمة على حجي ام يوسف لأن توها ذاك اليوم مهاوشتها على هالسالفة، وقالت: انشاالله خالتي ام يوسف: انزين روحي فوق ، ترى هناء قاعده تنطرج راحت فاطمة فوق عند حجرة هناء، توها بطق الباب ،إلا اجوف علي طالع من حجرته، اهني فاطمة حست بحرارة في جسمها، وقلبها قام يدق بسرعة، يوم وصل علي صوبها قال: هلا فاطمة شخبارج؟؟ ما توقعت فاطمة انه يسلم عليها، بس قالت يمكن سلم لأن ما يصير يطوف صوبها ويتجاهلها، ردت عليه: بخير، شخبارك؟ علي: الحمد الله تمت فاطمة ساكته تفكر شنو تقوله، واخيرا قالت: حسن ولد خالتي يعزمك على حفلة عيد ميلاد رفيجه وليد يوم لربعا، بتيي؟؟ علي: ما ادري ، بس انه مو كلش كلوز مع ولد خالتج و ما اعرف احد هناك ، يعني بصير بروحي فاطمة: انزين قول لرفيجك خالد ايي معاك، وبقول لولد خالتي ان علي بييب معاه رفيجه علي: ما ادري و الله شاقولج ، بقول لرفيجي وبجوفه شنو برد، وبعدين برد عليج خبر فاطمة اوكي علي : اوكي ، عيل يلا اخليج الحين، باااااااااي فاطمة: بااااااااااي عقب ما راح علي ، حست فاطمة إن روحها بطير من الفرح لأن كلمت علي، وتمنت من كل قلبها ان يوافق و ايي معاهم الحفلة، كانت تفكر و نست روحها انها يايه حق هناء، وعقب فتره حست لروحها انها واقفة بس جذي اشوه محد جافها ، وقامت بطق باب حجرة هناء بس قالت لا خلها تخرعها شوي، قامت و فتحت الباب شوي شوي، وجافت هناء قاعده على الكمبيوتر، دخلت فاطمة بدن ما تحس هناء ، لأن هناء كانت شكلها وايد مندمجة على الكمبيوتر ، وراحت وقفت وره هناء وصرخت، هناء نقزت من على الكرسي ودارت وراها و اهي متخرعه و جافت فاطمة وقالت: بسم الله الرحمن الرحيم خرعتيني الله يغربل بليسج ضحكت فاطمة وقالت: ههههههه تستاهلين قامت هناء وطقت فاطمة على جتفها طقة خفيفة وقالت: انتي و لا تيوزين عن سوالفج كل مرة اتسوين فيني شي فاطمة: هههههههه أي لأنج تستاهلين، ما قلت لج بردها لج ، تذكرين يوم اتفشليني جدام اخوج هناء: هههههههههه يعني صج انتي ما تنسين، بس هالمرة اشوه، انه انقهرت ذيك المرة يوم تدخلين علي و انه راقده و تصبين الماي على ويهي فاطمة: ههههههههه ، اخاف تردينها لي ، و اتسوينها فيني هناء: احاول اسويها فيج هالمرة ههههههههه فاطمة: بعد..... بتحاولين، عيل ما بخليج اتيين بيتنه هناء: عيل بقول لأمي تطردج الحين فاطمة: مستحيل، عقب ما تصلحت امي وامج هناء: زين و الله تصالحوا، والله تعودنا على سوالفهم يوم جذي و يوم جذي فاطمة: انزين بقولج، و انه يايه جفت اخوج وقلت له انه حسن عزمه على الحفلة هناء: وشنو قال؟؟ فاطمة: قال انه ما يعرف احد هناك، فقلت له خل يعزم رفيجه خالد هناء بفرحه: صج بيعزمه؟؟ فاطمة: اشفيج استانستي، اهو قال بيسأله و برد لي خبر هناء: اها فاطمة: يلا اشتبين بعد، الحين اخوج بيعزم حبيب القلب ههههههه هناء: وانه اشعلي منه؟؟ فاطمة: تسوين روحج بعد مب مهتمه هناء تغير الموضوع: انزين ما عزمتي اخوج؟؟ فاطمة : وليش تبيني اعزمه، لا يكون بعد تحبينه؟؟ هناء: مو هذا قصدي، بس لين قلتي لحسن إن علي و رفيجه بيوون، شنو بقول حسن او اخوج، خليتي اخوج و عزمتي الغريب؟؟ فاطمة:آه منج تعرفين تخلصين روحج من هالمواقف لين اصيدج ، عيل بقول لأخوي انه هناء تبيك اتيي معانا الحفلة هناء: إن قلتي له باذبحج فاطمة: انزين، بسألج ما بتشترين هدية لأماني؟؟ هناء: اي صج ذكرتيني، ما ادري من وين اشتري لها؟ فاطمة: اشرايج نروح مارينامول نشتري هدايا و ثياب حق العيد ميلاد هناء: اي و الله خوش فكرة، عيل جهزي روحج، وانه بروح اقول لسايق فاطمة : اوكي الجزء السابع الساعة 5 المغرب في بيت بو محمد، نزل محمد بيطلع إلا يجوف ابوه قاعد في الصالة ،راح وقعد عنده وقال: هلا يبه شخبارك؟؟ بو محمد: الحمد الله بخير محمد: شخبار الشغل و الشركة؟؟ بو محمد: و الله ماشي الحال الحمد الله، انت وينك يا بوك ما اتيي اداوم معانا بالشركة صار لك فتره؟؟ محمد: بصراحة اوقات اتملل لين ايي الشغل و ابي ارتاح ، يعني دراسة و شغل ما اقدر بو محمد: لازم تتعود يا ولدي على التعب ، علشان تقدر تتحمل المسؤولية بعدين لين تزوجت محمد: مني لذاك الوقت يصير خير،انزين ومو بس انه إلي ما اداوم حتى علي ولد ييرانه مو دايما يداوم في شركة ابوه بو محمد: وانه شعلي منه داوم و لا ما داوم محمد: يبه قولي الصراحة شنو إلي بينك وبين بو يوسف، إلي يخليكم عداوة مع بعض جذي ، مو معقولة المنافسة بينكم توصل لهلخلاف ؟؟ عصب بو محمد وقال: مو شغلك وهذا شي بينه وبينه وما يدخلك انت فيه محمد: على راحتك يبه ، و لا تعصب اهم شي راحتك، و انه الحين استأذن تامرني بشي؟؟ بو محمد وشوي هدأ: لا سلامتك، و الله يحفظك محمد: مع السلامة بو محمد: الله يسلمك الصبح في بيت بو يوسف كان يوم اجازه، وكانت ام يوسف قاعده بالمطبخ مجابلة الخدم ، وذاك اليوم كانت عازمة رفيجاتها و ام محمد على العشى، وكانت مشغولة وايد تنظف و تطبخ و ما تدري شتسوي، إلا تسمع واحد يتكلم وراها ويقول: ها يمه اشفيج مشغوله وايد؟؟ استغربت ام يوسف من الصوت، مو متذكرة صوت منو، دارت و راها وجافت ولدها يوسف، كان على ويها علامات الإستغراب و الفرح وقامت تيبب وقالت: هلا يمه ، هلا بوليدي الحمد الله على السلامة، متى رجعت من السفر و ليش ما خبرتنا؟ شخبارك عساك بخير؟ شنو امسوي هناك؟ و شخبار دراستك؟ ضحك يوسف وقال: شوي شوي علي يمه،كل هالأسئلة ما اقدر اجاوبهم مرة وحده، انه توني راجع من السفر وحبيت اخليها لكم مفاجأة وبس كمل كلامه ، دار و راه وجاف اخوه علي و اخته هناء ومريم ، سمعوا صوت اليباب وبسرعه نزلوا يعرفون شسالفه، ويوم جافوا اخوهم يوسف استانسوا وتحمدوا له بالسلامة، و قعدوا مع بعض يسولفون يبون يعرفون اخبار اخوهم، حتى ام يوسف خلت الشغل و قعدت معاهم. يوسف: الحين عرفتوا شخباري و شمسوي، والحمد الله خلصت دراستي و ييت لكم اهني خلاص الحين على طول بكون معاكم ام يوسف: الحمد الله اهم شي رجعت لنا بالسلامة يوسف: انتوا شخباركم بعد، والله وحشتوني واايد هناء: احنا هذا احنا ما زدنا و لا نقصنا ههههههههه يوسف: هههههههه حلوه منج، للحين ما تغيرتي كله تحبين اضحك علي: يمه ما قلتي لأبوي انه يوسف رجع؟؟ ام يوسف: لا يمه ، اشوه ذكرتني نسيت، كنت فرحانه برجعة يوسف ،بقوم اتصل له وقامت ام يوسف تتصل في بو يوسف ، قال يوسف لمريم: ها مريوم شخبارج حبيبتي و شخبار الدراسة؟؟ مريم: بخير و الحمد الله انه من اشطر الشطارههههههههه هناء: صج ترى كل تدرس و الدراسة ما خذه وقتها، عكس بعض الناس يوسف: ان شاء الله دوووم مريوم ابيج كل فوق وتصيرين اشطر وحده مريم: انشاالله علي: هناءو تقصدين منو بعض الناس؟؟ ضحكت هناء و قالت: بعض الناس علي: تقصديني؟؟ هناء: و الله إلي على راسه ريشة يتحسسها مريم: لا تتهاوشون اصلا تقصد بنت ييرانه سارة، كلش ما تدرس هناء+يوسف+ علي: ههههههههههههههه وفي بيت بو محمد كانت الساعة 6 المغرب ومحمود بعده ما رجع من اللعب بره، طرشت أم محمد الخدامة علشان تييبه، وبعد خمس دقايق ردت الخدامة، سألتها أم محمد :وين محمود ما جفتيه؟ الخدامة :بره يلعب مايبي يجي أم محمود: أووووووووووه ،و هذا لمتى بتم على هالحال ،روحي قولي له أمك تبيك وإذا ما ييت ما بتاخذك معاها باجر علشان تشتري لك ألعاب للبليستيشن الخدامة : إنشاالله ماما وبعد عشر دقايق ردت الخدامة بدون محمود ، سألتها ام محمد: وينه ما رد معاج؟ الخدامة: يقول ما يبي يجي، يبي يكمل لعب أم محمد :أوكي لكن انه أراويه، بس خله يرد وشغلي معاه . وبعد ساعة كاملة من الإنتظار رد محمود وكان مبهدل و وصخ ماسح بثيابه الأرض، و لما جافته أمه جذي عصبت حدها وقالت له : أناديك وأقول لك تعال ما ترد؟؟!! محمود: أولا مو إنتي إلي ناديتيني الخدامة إهي إلي نادتني،وثانيا كنت مشغول ما قدرت أترك المباراة كنا غالبين 3ــ 0 أم محمود: وهذا إلي شاغل بالك المباراة واللعب ،بس انه لازم أوقفك عند حدك الدراسة وما تدرس وقعده في البيت و ما تقعد على طول برة في الشارع، إسمع من باجر مافي طلعة من البيت. محمود: إسمع شتقول باجر المباراة النهائية ماتبيني أروح. أم محمود معصبة : لا مباراة نهائية ولا شي ما في روحة يعني ما في روحه مفهوم؟؟ محمود: أوووووه أنا أروح أطالع التلفزيون أحسن أم محمود : و التلفزيون بعد ممنوع وروح الحين تسبح . محمود: ما بتسبح يعني ما بتسبح وانه حر في إلي اسويه قالها وراح يركض حجرته وصك الباب وراه أم محمود : ما ادري شسوي مع هالولد بينني، لكن براويه ، بس خله أبوه يرجع وبجوف وبعد ساعتين يا بو محمد وكان حامل معاه أوراق وخرايط وأغراض الشغل، خله الأغراض على الطاوله وقعد على الكرسي أم محمد: هلا بو محمد: هلا وغلا أم محمد :الله يعطيك العافية بو محمد : الله يعافيج أم محمد: باين عليك تعبان بو محمد: إي والله اليوم تعبت وايد من الشركة للمخزن ومن المخزن للوزارة ومن الوزارة للشركة يعني اليوم ما ارتحت أم محمد : عيل تبي أجهز لك العشا ؟؟ بو محمد : لا ما ابي عشا أنا بس أبي أرقد و أرتاح أم محمد : ما يصير جذي يا بو محمد ترقد بيوعك؟؟ بو محمد: لا انه ماكل شوي في الشغل، ومالي نفس الحين أم محمد: على راحتك بو محمد : بالإذن عيل أم محمد : إذنك معاك صعد بو محمد الدور الثاني، و تمت أم محمد تحت ،وتذكرت ولدها محمود وإلي سواه اليوم و قالت : ما قلت لبو محمد عنه ، شكله تعبان ما بيقدر اكلمه اليوم خله يرتاح احسن ،وباجر ما بقدر أقول له لأن بيطلع من الفير وعلى بال ما اهي قاعدة تفكر، إلا بدخلت ولدها محمد وقالت :يه والله ياباه محمد: هلا يمه شحالج؟ أم محمد : بخير الله يسلمك محمد: بقولج يمه، ما درتي و لد ييرانه يوسف رجع اليوم من السفر ام محمد: صج و الله؟ اهو صار له جم سنة يدرس بره؟؟ محمد: ثلاث سنوات ام محمد: زين و الله ، كمل دراسته و خلص مو انت قلنا لك بنوديك بره تدرس و ما رضيت محمد: عادي يمه، بس انه و رفيجي علي اتفقنا ندرس اهني احسن في ديرتنا عن الغربة ام محمد: انزين يمه باقولك شي محمد: خير انشاالله؟؟ أم محمد :ابي اقولك عن محمود محمد: وشنو فيه محمود؟؟ قالت أم محمد لمحمد عن سالفة محمود وإلي قاله وسواه اليوم ،وعلى فكرة اهو مو اول مرة يسوي جذي، كل مرة و كل يوم هالسالفة بس كانوا ساكتين عنه محمد: ويعني شنو تبيني اسوي له ؟؟ أم محمد: أبيك تتفاهم معاه لأن يسمع منك و مايسمع مني محمد :انشاالله يمه راح محمد فوق ودخل حجرة اخوه محمود ،وكانت معفوسه فوق تحت وحالتها حالة ،ومحمود كان قاعد قبال التلفزيون يلعب بليستيشن وطبعا ماتسبح محمد: شنو قاعد تسوي محمود: مثل ماجوف محمد: اترك إلي عندك وقوم تسبح محمود: أووووووه كله أوامر وبس،إنت ترضى أحد يآمرك بشي ويقول لك سو جذي وجذي ؟؟ محمد: إذا أهو شي فيه مصلحتي اكيد بطيع وبسويه محمود : بس انه ما أحب احد يتحكم فيني محمد : إسمعني زين، ترى اذا ما طعت أمي في إلي تقوله بتحرمك من كل شي ، ومن باجر ما في طلعة برة علشان تلعب ويه لصبيان، وما بتخليك حتى اطالع التلفزيون او تلعب بلستيشين، ويمكن بعد تحرمك من المصروف ، انت تبي يصير لك جذي؟؟ محمود : اكيد لا محمد:عيل طيع امي و قوم تسبح وتعشا و ادرس لك شوي وبعدين ارقد محمود: انزين ما يصير كل يوم طول الوقت ادرس جذي بتملل ، انه ابي العب و اريح شوي محمد: انزين انت اذا رديت من المدرسة حل واجباتك و ادرس لك ساعتين، و بعدين تقدر تطلع وتلعب على كيفك واهم شي لا تتأخر وايد، يعني لازم تنظم وقتك محمود: وأمي جذي ما بتعصب علي؟؟ محمد: لا ما بتعصب عليك، لأنك بتهتم بدراستك و تخلي جزء من وقتك حق اللعب، وانه بقنعها بالهشي، و يلا قوم الحين و تسبح محمود: انشاالله في الليل الساعة 9 كان يوسف قاعد مع ابوه يسولفون، قال بو يوسف: الحين يا ولدي عقب ما خلصت دراستك وين تفكر تشتغل، ما تبي تشتغل معانا بالشركة؟؟ يوسف: انه بشتغل معاكم مؤقتا لين الاقي لي شغل في مكان ثاني؟ بو يوسف: وليش ما تشتغل معانا ، بدل ما تعب نفسك وادور على شغله ثانية؟؟ يوسف: لا يا يبه، انه ابي اعتمد على نفسي و اكون روحي بروحي بو يوسف: بارك الله فيك يا ولدي، الحين احس انك ريال و ينشد الظهر فيه، و مو ناقصك إلا بنت الحلال يوسف: انشاالله قريب بو يوسف: يعني في بالك وحده؟؟ يوسف: تقريبا بو يوسف: شلون تقريبا، وانت اصلا صار لك فتره بره البحرين من وين تعرف هالبنية؟ يوسف بتردد: رفيجي إلي درس معاي هناك ، قال لي عن بنية وبيسأل عنها بو يوسف: ان شاء الله الله يوفقك و تكون من نصيبك يوسف: ان شاء الله ، الله يسمع منك تابعوني في الجزء الثامن............. |
الجزء الثامن
يوم الأربعا الساعة 4 العصر، كانت سارة قاعدة اطالع التلفزيون و قالت : أف ملل ما في شي في التلفزيون أقوم أقعد على النت أحسن . وتذكرت إن كمبيوترها معطل صاير له يومين قالت: عيل أقوم أتصل بمريم أسولف معاها ولو إني أعرف إن إهي ما راح تعطيني ويه لأن إهي مشغولة بالدراسة،بس يا الله اجرب ما بخسر شي. قامت سارة و إتصلت بمريم سارة: ألو مريم؟ مريم :ألو، هلا سارة : هلا فيج،أكيد قاعدة تدرسين؟ مريم: تقريبا باقي علي شوي وأخلص مراجعة و أكيد إنتي ما راجعتي ولا درستي صح؟؟ سارة : إي وشنو دراج؟ مريم: بعد اعرفج وسوالفج سارة:ههههههههههههه ، انزين عادي لو قعدنا نسولف خمس دقايق لأني متملله مريم : إنتي بس تسولفين خمس دقايق ما أصدق هذا إذا مو ساعة قعدتي لج سارة :بس شوي عاد مريم :أوكي سارة : شنو آخر الأخبار عندج؟؟ مريم :ولا شي سارة : ما قلتي لي شنو ياب لج أخوج يوسف من السفر ؟؟ مريم: شوية أغراض عطور و إكسسوارات وثياب سارة : بس؟ مريم : اي بس بعد شنو تبينه إييب لي، اهو رايح يدرس مو سياحةعلشان يخم المكان وييب لي أشياء وايد سارة:أمممممممم واهم يتكلمون في التلفون سمعت سارة عند مريم صوت هناء تكلم مريم وتقول : مريم ..وين القميص الأزرق إلي شريته ذاك اليوم من مارينامول مو لا قيته؟؟ ردت عليها مريم : مو انتي أمس عطيتيه الخدامة تكويه هناء: إي صج نسيت قالت سارة لمريم: إختج بتطلع ؟؟ مريم : إي بتطلع بتروح العيد ميلاد سارة : عيد ميلاد منو؟ مريم: ما تدرين ؟ إختج بعد بتروح ما قالت لج؟ سارة : لا ما أدري، ما قالت لي مريم: عيد ميلاد رفيجتهم أماني و أخوها التوأم وليد، أخوي بعد بروح لأن أصحاب العيد الميلاد قالو لهم عزموا إلي تبون وعزموا أخوي ورفيجه ويمكن أخوج يروح بعد سارة : وإنتي أختج ما عزمتج؟؟ مريم : اهي قالت لي تعالي معاي، بس انه قلت ما ابي اروح بقعد ادرس احسن لي سارة: وانه اختي فاطمة ليش ما عزمتني اهي تعرف اني احب الطلعات و الوناسة؟؟ مريم : عاد أنه ما أدري سارة : أوكي عيل أنه بروح أكلمها وأجوف شالسالفة، بااي مريم: باي سكرت سارة السماعة وإهي معصبة وتقول شلون يعزمون أي ناس يبون وأنا ما تعزمني، و راحت لغرفة إختها إلي كانت تجهز ثيابها علشان العيد ميلاد سارة: شنو تسوين؟؟ فاطمة: قاعدة أعدل أغراضي سارة :و ليش تعدلين أغراضج شنو عندج؟ فاطمة : ما يدخلج سارة : ما تبين تقولين لي ؟ فاطمة: أوووووووه طلعي برة مالي خلقج سارة : قولي ما تبين تقولين لي إنج طالعة بتروحين عيد ميلاد فاطمة : وإنتي شنو دراج؟؟ أكيد أمي قالت لج سارة : لا أنه إتصلت بمريم وإهي قالت لي ،وقالت إنكم تقدرون تعزمون إلي تبون ليش ما عزمتيني فاطمة: و الله عاد كيفي أبي اعزم إلي ابي و ما ابي احد يضايقني سارة: انزين ليش تعزمين اخوي و انه لا؟؟ فاطمة: وشنو دراج إني قلت لإخوي إنه إيي؟؟ سارة : مريم قالت لي إن أخوها بروح ومعاه رفيجه وأخوي يمكن يروح فاطمة: صج؟ سارة :اي صج، ليش؟؟ فاطمة: لا ولا شي سارة : ياالله انه رايحه أجهز ثيابي علشان ايي معاج فاطمة: أووووووه، ساروه ما أبيج اتيين معاي لأنج مزعجة سارة : بس انه أبي أروح معاج فاطمة : وأنه ما أبيج سارة : مدام قالوا لج عزمي إلي تبين فعادي عزميني ولا إنتي ما تبيني أستانس؟؟ فاطمة : إي ما أبيج تستانسين زين سارة: إي مو إنتي بس تبين وناستج وبس أنه لا، صج يعني إنج أنانية فاطمة: أنا مب أنانية بس مايصير أعزمج كل إلي بروحون كبار ومن عمرنا إنتي شي إلي يوديج سارة: عادي أتعرف عليهم ثانيا إهم ما يدرون أنه أي كبر بقول لهم إن عمري 18 سنة فاطمة: لا تحاولين مافي روحه يعني مافي روحة سارة : لا فيه روحه يعني فيه روحه فاطمة: جم مرة أقول لج هذي العزيمة للكبار بس وعلى بال ما هم يتكلمون دخلت أم محمد على هواشهم وقالت: شنو صاير؟ بسرعة قالت سارة السالفة لأمها..... أم محمد تكلم فاطمة: إي وشنو فيها ليش ما تآخذين إختج معاج ؟؟ فاطمة: يمة أنه ما أبي أدير بالي على أحد و أبي آخذ حريتي سارة : إخذي حريتج أنه ما راح أضايقج في شي أم محمد: إي سمعتي ما راح اضايقج فاطمة : أووووووووه يمه، ما ابيها أم محمد : ياالله بدون دلع سارة : عيل انه بروح أجهز لي ثياب وطلعت سارة من الحجرة و وراها أمها ظلت فاطمة في الحجرة تفكر : الحين شنو تسوي في هالبلوة، انه ما أبيها، أعرفها دايما تسوي لي مشاكل وما بقدر أتحرك بحرية لأن إهي تراقبني وكل شي أسويه توصله لأمي بالحرف الواحد كانت فاطمة في غرفتها تفكر، و التلفون إلي بصالة كان يرن فردت عليه الخدامة المتصلة: ألو الخدامة: نعم المتصلة :وين ماما الخدامة : لحظة شوي وبعد شوي يات أم محمد وقالت : ألو المتصلة : ألو سلام عليكم أم محمد : عليكم السلام المتصلة:انه المشرفة الإجتماعية أم محمد: هلا خير إنشاالله المشرفة: بصراحة أنه متصلة علشان أتكلم بخصوص بنتج سارة أم محمد: اشفيها سارة؟ المشرفة : و الله ما أدري شنو أقول لج، بس بصراحة اتيينى شكاوي وايد على بنتج وحبينا نخليكم مطلعين على السالفة،وآخر شكوى يتني إن إهي متهاوشة مع وحدة وكاسرة يدها هذا غير الشكاوي على الواجبات إلي ما تحلهم والإنتباه في الصف ودايما تسولف مع ربعها وقت ما تشرح المدرسة، وهذي مب أول مرة يوصلني إسمها ودايما نهددها إن إحنا راح نخبر ولي أمرها ، ونخليها تكتب تعهد علشان تيوز بس ما في فايدة ،وبعد ما وصلني اليوم الصبح إلي سوته مع البنية إلي كسرت لها يدها قلت لازم أخبركم علشان تحصلون لها حل أم محمد: كل هذا مسويته وإحنا ما ندري المشرفة : أي و الله هذا إلي صار، ويوم السبت خل اتيي ومعاها ولي أمرها، احنا كل مرة نقولها ييبي ولي أمرج بس شكلها ما تبلغكم وكنا نتساهل معاها شوي ، بس هالمرة زادت عن حدها و قلت لازم ابلغكم بنفسي أم محمد: انشاالله بخبر أبوها واخليه ايي لكم يوم السبت المشرفة: اوكي عيل مع السلامة أم محمد: الله يسلمج سكرت أم محمد السماعة ونادت بنتها سارة واهي معصبة سارة: نعم يمه أم محمد: خلاص مافي روحه للعيد ميلاد سارة: وليش عاد، شنو قالت لج فاطمة عني علشان تفر مخج؟؟ أم محمد : مو فاطمة إلي قالت لي، المشرفة إهي إلي قالت لي سارة مرتبكة: ها... المشرفة؟ أم محمد: إي المشرفة و قالت لي عن كلشي سويتيه، ليش متهاوشه مع لبنية؟ سارة : أي بنية؟ أم محمد: لا تسوين روحج ما تعرفين ، لبنيه إلي كسرتي يدها اليوم سارة: صج إنكسرت يدها أنا ماكنت أقصد إني أكسرها سمعت فاطمة صوت امها وسارة ، كان صوتهم وايد مرتفع وطلعت من حجرتها اجوف شنو صاير أم محمد : عاد كان قصدج ولا لأ ،ومهما كان السبب بعد إلي سمعته ما راح أخلي مجال للتسيب فهمتي؟؟ ومن اليوم و رايح لا فيه تلفزيون ولا كمبيوتر ولا طلعات جذي أو جذي فهمتي؟؟ سارة: بس لأن المشرفة إتصلت وقالت لج جذي بتمنعيني من كل هذا ؟؟ أم محمد: بس من اليوم ورايح لازم أوقفج عند حدج وطلعة اليوم ماكو فهمتي؟؟ قالت سارة أوووووووووه ، يعني لازم كل تهاوشوني ما تخلوني استانس شوي قالتها وراحت فوق حجرتها إهني فرحت فاطمة وايد وقالت: الحمد الله أشوه ما بتيي معاي، افتكيت منها الساعة 5 العصر، راحت هناء بيت فاطمة، ولقتها تعفس في ثيابها قالت لها هناء: اشفيج تعفسين في ثيابج؟؟ فاطمة: ادور لي شي يناسب التنورة إلي شريتها معاج من مارينامول هناء: مو انتي شريتي معاها قميص؟؟ فاطمة: اي بس يوم جربتهم اهني في البيت ما عجبوني، و الحين متوهقة ما ادري شالبس؟ هناء:لبسي أي شي يخليج ستايل و حلوه فاطمة: و انه لاقية شي علشان اقول لا هناء: انزين ما علينا، انه ييت اهني علشان البس ثيابي معاج ونتعدل و نطلع مع بعض فاطمة: اوكي هناء: انزين و من بوصلنا؟؟ فاطمة: ما ادري، اي تعالي.. نسيت اسألج شنو قال اخوج بيي معانا و لا شنو؟؟ هناء: اهو في البداية ما وافق ، بس انه اقنعته و قلت له إن محمد بيي، وتعال معانا وناسة ، احسن من القعده جذي على الأقل تغير جو، واخيرا وافق فاطمة بفرحة: اشوه هناء: ههههههه اي هذا إلي تبينه فاطمة: مو شغلج، انتي ما تيوزين عن سوالفج، انزين ورفيجه خالد بيي؟؟ هناء: و انتي ليش تسألين عنه؟؟ فاطمة: ولاشي بس جذي اسأل، و اذا ما بيي مب لازم هناء: شلون مب لازم، غصبا عنه ايي جان اذبحه فاطمة: ههههههه كشفتج ، جفتي انج تحبينه، وشكله بيي صح؟ هناء: اي بيي، بس يعني اقصد انه لازم ايي تالي مسكين اخوي يصير بروحه فاطمة: هههههههههه، مب لازم ، اخوي بروح يعني ما بيقعد بروحه هناء: نسيت إن اخوج بروح، والحين خالد بيي و خلاص فاطمة: كلشي بنعرفه هناك هناء: شنو قصدج؟؟ فاطمة: ما اقصد شي، هههههههههه احداث وايد مهمة في الحفلة في الجزء التاسع................ الجزء التاسع في الليل تجهزت فاطمة وهناء، و كانت فاطمة وايد ثيابها بسيطة وانيقة و طالعة فيهم حلوة، كانت لابسة تنوره وردية و وقميص وردي ناعم، اما مكياجها فكان خفيف و يناسب ملامح ويها وكان مكياجها وردي على لون ثيابها، وطبعا كانت لابسة شيلة سوده فيها فراشات وردية تناسب ثيابها. وبالنسبة لهناء، كانت لابسة تنورة زرقة فاتحة(Ice blue) وقميص نفس اللون، ومطلعنها وايد ستايل وكشخة، وكانت حاطه مكياج فاتح ،وفوق عيونها حاطة لون ازرق على لون ثيباها، وطالع شكلها برئ ( بيبي فيس)، و الشيلة كانت سوده و فيها اشكال بلون ازرق فاتح. نزلت فاطمة و هناء تحت علشان ينطرون محمد حق يوصلهم، ويوم نزلوا تحت في الصالة جافوا حسن ولد خالة فاطمة قاعد بروحه، قالت فاطمة لهناء: اوهووو هذا شيفكني منه الحين؟؟ هناء: شوي شوي على أعصابج ترى اهو وايد خفيف دم وما تشتهينه، هذا لو ثقيل دم شنو بسوين ههههههه فاطمة مضايقة: يحبج للضحك، احر ما عندي ابرد ما عندج يوم وصلوا عند حسن سلموا عليه، وكان وايد فرحان لأن فاطمة كانت تبيه ايي الحفلة معاها ، واستانس اكثر يوم جافها، وقال لها: ها شخبار الحلوه فطوووم؟؟ ردت عليه و اهي مضايقة: اوكي حسن: تدرين فطووم انج اليوم طالعه مثل القمر ، وايد حلوه وبدل ما تقوله شكرا او اتجامله قالت له: ليش يعني انه مب حلوه علشان تقول لي هالكلام؟؟ حسن: لا و الله بالعكس انتي دايما في عيوني حلوه وما عاش من قالج مب حلوه، بس بصراحة انتي اليوم منوره وطالعه قمر تهبلين قالت بعصبية اكثر: انه طول عمري حلوه هناء: بس عاد فاطمة شوي شوي على لصبي ذبحتيه طالعتها فاطمة بنظرات وقالت لها: هذا إلي قاصر بعد ادافعين عنه، وايد شكلج و الله تحبينه، وايد زين حسن: اشفيج فطووم اليوم معصبة؟؟ بس هدي شوي فاطمة: انه مب معصبة وإذا سكت انت انه بكون بخير قاطعهم صوت محمد إلي توه داش، وقال: اشفيكم اصارخون، اشصاير؟؟ ردت فاطمة بسرعة: مو صاير شي حسن: ما عليك منها شكلها معصبة شوي، يلا خل نمشي يمكن تهدى اعصابها قال محمد و اهو يطالع هناء: ها شخبارج هناء؟؟ طالعة قمر اليوم مو مثل اختي حاطه مكياج وايد ابتسمت هناء و صاروا خدودها حمران، وقالت و اهي اطالع فاطمة:شكرا، انه بخير، انه قلت لفطووم لا تحطين مكياج وايد بس اهي كانت مصره ما ادري ليش؟ عصبت عليها فاطمة و قالت: انه قلت جذي يالجذابه ، لكن ما عليه اراويج قال حسن بسرعه: و الله بالعكس فطوووم طالعة حلوه، اصلا اهي القمر اليوم سكت شوي وكمل: انزين محمد يلا خل نمشي قبل لا تصير سالفة عوده و يتهاوشون محمد: اي عيل يلا خل نمشي احسن وكمل و اهو يطالع هناء: انزين هناء، واخوج وينه ما بيي معانه؟؟ هناء: اي امبله بيي، بس اهو بيي ويه رفيجه خالد يقول بيمشون وراكم بالسيارة لأن ما يدلون محمد: اوكي ، عيل خل ننطرهم شوي وصلوا الحفلة الساعة 9، و اول ما نزلوا من السيارة راح حسن يمشي مع فاطمة واهي مضايقة منه، وشوي وتعطيه كف على ويهه، وكانت فاطمة معصبة منه وماتبي علي اجوفها معاه، وحسن ما يدري انه اهي مضايقة منه ودايما يبي يخليها تضحك، بس اهي ما تعطيه ويه، وكل ما قال شي علشان تضحك تقعد تطنزعليه وتعصب اكثر، واخيرا جافت فاطمة ريم وبسرعة راحت لها وسلمت عليها، وريم من جافت حسن استانست وايد ، وقعدت تكلمه و تسأله ، و اهو ولا على باله مدام فطوووم معاه، لا و إلي زاد الطين بله إن علي جاف ريم وراح يكلمها، واما حسن لقاها فرصة علشان يفتك من ريم ويقعد مع فطوووم ، ومو بس جذي إلا اتيي الدلوعة صفاء لهم يوم جافت فاطمة و هناء وقالت:Hi, how are you?? ، شلون ييتوا اهني ، أماني ما عزمتكم!! فاطمة كانت واصلة حدها، صرخت في ويه صفاء وقالت لها بصوت عالي بس محد التفت لها لأن الأغاني كانت تشتغل و الصوت كان وايد مرتفع: انتي شيدخلج فينا مو ناقصينج إلا انتي بعد؟؟ طالعتها صفاء مستغربة، وردت عليها هناء: من قالج ما عزمتنا، أماني اتصلت فيني وعزمتني انه و فاطمة بس صفاء ما اهتمت، و خصوصا من جافت حسن قامت تدلع وقعدت اتكلمه، ويوم جافت فاطمة إن صفاء مستلمة حسن قالت في نفسها: فكه منه خل يقعد مجابلنها انه بقوم وقالت لصفاء: خليه عندج، تعرفي عليه كثر ما تبين طالعتها صفاء مستغربة من تصرفاتها اليوم، بس ما اهتمت لكلامها و لا شي. قامت فاطمة ادور هناء إلي قامت عنهم عقب ما جافت صفاء تدلع لأن ما تشتهي حركاتها السخيفة،وإلا المفاجأة جافت هناء قاعده تتكلم مع خالد، و انقهرت اكثر من قبل ،وقالت في خاطرها: وتقولي بعد ما تحبه، إلا تحبه و نص لكن براويها بخليها تعترف لي احسن لها، و الحين اهي فرحانه تكلمه و انه قلبي يحترق، ياريتني ما ييت الحفلة و لا جفت إلي جفته، قعدتي في البيت احسن لي من هالقهر، الناس ايون الحفلة و يستانسون وانه العكس، خلني استانس شوي وانسى الموضوع، عيل بروح آكل لي شوي من الأكل إلي محطوط في البوفيه حطت لها فاطمة اكل وقعدت على وحده من الطاولات، وقبل لا تاكل أي شي، جافت على الطاولة إلي صوبها علي وريم قاعدين اسولفون ويضحون وياكلون، واهني فاطمة ما قدرت تستحمل خلت كل شي في يدها ، و انسدت نفسها عن الأكل ، وطلعت بره تركض ودخلت سيارة اخوها وصكت عليها الباب وقعدت اتصيح و تقول: إي اتقول هناءوو الشلاخة إن ريم اتحب حسن، إي اجوفها راحت تركض ورى حسن وتغارعليه، و الحين علي و ريمو مستانسين، اكيد قالها إنه يحبها ، و حتى لو ريم تحب حسن يمكن الحين بتحب علي، وهناءو شنو وراها تقول بتساعدني، وين بتساعدني و اهي من جافت حبيب القلب نستني و نست كل شي، و انه لي الله. وتمت فاطمة تصيح لين ما حست روحها تعبانه و نامت بالسيارة. وفي هالوقت كانت هناء واقفة تكلم خالد خالد:شخبارج هناء؟؟ هناء: بخير خالد: ان شاء الله دوووم تكونين بخير، ومدام انتي بخير انه بعد بكون بخير ابتسمت هناء واهي مستحية من كلامه وقالت: اوكي انه اخليك الحين بروح لرفيجتي خالد: وين رايحة؟؟ خلج معاي شوي ماتكلمنا مع بعض ابتسمت له هناء واهي مب عارفة شنو ترد عليه، قال لها خالد: هناء بسألج سؤال و جاوبيني بصراحة اوكي؟؟ طالعته هناء مستغربة وقالت: اوكي خالد: انتي تحبين ؟؟ تفاجأت هناء بسؤال وما عرفت شنو ترد عليه، قال خالد: لا تفهميني غلط بس ابي اعرف واتأكد هناء: تتأكد من شنو؟؟ خالد: انتي بس جاوبيني وما عليج فكرت هناء شوي وقالت له: اي احب خالد: صج؟؟ تحبين منو؟؟ هناء: احب أمي و أبوي هههههههههه خالد: هههههههه حلوة منج، بس قولي لي الصراحة صج تحبين؟؟ هناء: آسفة خالد ما اقدر اطول معاك اكثر، بروح لرفيجتي تأخرت عليها، و اخاف اخوي اجوفني معاك و يسوي لي سالفة، عن اذنك ومشت عنه هناء، و اهي بالها مشغول فيه، يعني ليش يسألها هالسؤال؟؟ هل اهو يحبها ويبي يتأكد اذا اهي تحب احد، انه ليش ما قلت له الصراحة، اخاف يروح مني و يحب وحده غيري صج يعني إني غبية، لا بس خلني جذي احسن ابين له اني مب قاطة روحي عليه ومن صوب ثاني كان علي وريم قاعدين على الطاولة ياكلون ويسولفون علي: ها ريم ما قلتي لي شخبار الدراسة معاج؟؟ ريم: الحمد الله، ماشي الحال علي: انشاالله دوووم، ابيج دايما من المتفوقات ريم تضحك: هههههه بل عاد مرة وحده من المتفوقات، انه زين امشي حالي علي: ابيج تصيرين احسن ريم: انشاالله علي: ريم، ابي اقولج شي بس مو تزعلين مني؟؟ ريم: قول خير انشاالله؟؟ علي: بصراحة...... انه معجب فيج ريم: شنو هالكلام إلي قاعد تقوله؟؟ علي: ريم ارجوج مو تزعلين مني بس هذي الصراحة ريم: آسفة علي، بس بقولك شي، انه معجبة في واحد غيرك ولا يمكن اكون لك قالتها و قامت رايحة عنه، وتم علي بروحه يفكر و يقول في خاطره: ليش انه من احاول اتقرب من وحده تبتعد عني، بس ياريت إلي احبها من قلبي تحبني , بس وينها؟؟ عقب ساعة في سيارة محمد كانت فاطمة راقده، حست في احد يهزها وينادي: فطوووم فطوووم اشفيج؟؟ قعدي فتحت فاطمة عينها وحست راسها يدور ، ويوم اوتعت جافت هناء يالسة يمها.. هناء: ها.. فاطمة اشفيج ما كملتي الحفلة؟؟ انه قاعدة ادورج خفت عليج، مرة وحده اختفيتي؟؟ ما ردت عليها فاطمة ودارت عنها الصوب الثاني هناء: يلا عاد قولي اشفيج شكلج صايحة صح؟؟ فاطمة: اتسوين روحج ما تدرين بعد، اي اكيد اشدراج انتي، اصلا من جفتي حبيب القلب نسيتي كل شي في هالدنيا هناء:بس عاد و لا يهمج ، لا تزعلين روحج ولا تسوين في نفسج جذي ترى الدنيا ما تسوى فاطمة: اي انتي اشهامج؟ هناء: ترى انتي يمكن ما جفتي اشصار عقب ما طلعتي فاطمة: ويعني شبصير اكثر من إلي جفته؟؟ يعني تبني اقعد و اموت قهر؟؟ هناء: جان نسيتي شوي هالسالفة، لأن استانسنه وايد بعدين، قامت أماني و أخوها وليد طفو لشموع و وزعت أماني هدايا على البنات و وليد وزع على لصبيان، و سألت عنج بعد قلت لها انها طلعت و بترجع عقب شوي، و جفت هديتج إلي بتعطينها أماني على وحده من الطاولات خذيته وعطيتها اياه نيابة عنج وعطتني هدية لج هاج فاطمة: لو تعطوني الف هدية ما بطفي النار إلي في قلبي هناء: و ازيدج من الشعر بيت، ترى ريم مو طول الوقت كانت قاعده مع اخوي علي، هذا في البداية بس، وحتى يوم كانت مع اخوي كانت عيونها على حسن وانتي شكلج ما لاحظتي هالشي لأنج مشغوله في علي و لا انتبهتي لها ترى اهي ما تحب اخوي ، اتحب حسن، و بعدين طول الوقت كانت معاه و لا خلته ، مع إن حسن قام يدورج وسألني عنج ، و اهي شكلها تغارفكانت تغير الموضوع قالت فاطمة بسرعة و شكلها استانست شوي: صج و الله و ليش ما قلتي لي جذي من البداية تفرحيني؟؟ هناء: يلا اكا قلت لج الحين ارتحتي؟؟ فاطمة: لا للحين لأن علي للحين يحبها و لازم اخليه ينساها هناء: هذا انتي و شطارتج، اليوم ما قدرتي عليه، بتقدرين عليه مرة ثانية انشاالله، و الحين اهو قاعد بروحه عقب ما خلته ريم، تبين تروحين له؟؟ فاطمة: لا انه تعبانه الحين و ما ابي اجوف اكثر من إلي جفته، خل نرجع البيت احسن هناء:اوكي عيل بروح اناديهم فاطمة:ما سأل عني اخوي او أحد غير؟؟ هناء: لا، الكل كان مشغول و لاهي في روحه، ما عدا حسن إلي كان يدورج وريم مو مخليته. ضحكت فاطمة على ريم وحسن هناء: اي جذي ضحكي احسن من الكدر و عوار القلب، وهذي هديتج من عند أماني ، ولا للحين ما تبينها بعد؟؟ ابتسمت فاطمة: لا اكيد ابيها عيل اتصير عندج هديتين و انه و لا شي هههههههههه وقعدوا ثنتينهم يضحكون تابعوني في الجزء العاشر............ الجزء العاشر يوم ثاني الصبح الساعة 11:30 قعدت فاطمة متأخرة وكان يوم الخميس يعني إجازه، ولا تريقت و لا شي كانت مو مشتهية شي ، و حتى على الغدا ما كلت وايد، سألها ابوها : ها فطوووم ما كليتي شي؟؟ ردت عليه ابرود: لا يبه بس مو مشتهيه شي الحين، بعدين لين صرت يوعانه باكل أم محمد: لا يمه ما يصير جذي ، اكلي لج أي شي ، انتي ريوق وما تريقتي و حتى غدا ما تبين إلا يقول أخوها محمد و اهو نادرا ما يقعد معاهم على الغدا، لأن دايما يطلع مع ربعه:ما عليج منها يمه هذي اكيد فيها شي من امس البارحة كانت معصبة والحين ما تبي تاكل مو مشتهية شي، اشك انها مسويه جريمه و خاشتها عنه ههههههههه طالعته فاطمة بنظرة خلته يبلع ضحكته وقالت: انت لو تطلع مع ربعك ولا تقعد معانا على الغدا ابرك لنا، انه بقوم احسن لي قبل لا اتهاوش معاك ام محمد: وين رايحة يمه، قعدي كملي غداج ما عليج منه فاطمة: لا يمه بس شبعت ما ابي شي و اذا يعت بقول للخدامة تسوي لي أي شي قالتها و راحت فوق غرفتها سارة: احسن خلها تعصب هذا يزاها لأنها ما ودتني معاها الحفلة أم محمد: انتي سكتي ما ابيج تتكلمين مو كفاية إلي مسويته بالمدرسة؟؟ بو محمد: وشنو مسوية؟؟ أم محمد: امس اتصلت المشرفة تقول انها متهاوشة مع بنية و كاسرة لها يدها وتبي ولي امرها يروح لهم يوم السبت بو محمد: كل هذا سارة تسويه ما اصدق؟؟ سارة: يبه انه ما اسوي شي ، انه بريئة بس اهم كل يتبلون علي أم محمد: ما عليك منها هذا غير الواجبات إلي ما تحلهم و ولا تدرس ودايما تتكلم في الصف محمد: اي يبه، انه ولا مرة جفتها فاتحة لها كتاب وقاعده تدرس، يا اطالع التلفزيون او على الكمبيوتر او في بيت ييرانه سارة: لا تصدقهم يبه بو محمد: انه بروح للمشرفة يوم السبت وبجوف شنو سالفتج سارة: لا تعب نفسك يبه، انه مو مسويه شي محمد: ما عليك منها، حتى محمود إلي اصغر منها قام يدرس و صار احسن منها بومحمد: عفيه على ولدي محمود محمود: اي يبه انه الحين قمت ادرس وصرت شاطر ما اخلي امي تعصب علي بو محمد: بارك الله فيك ياولدي، و يا سارة انه لازم اروح للمدرسة و اجوف سالفتج ما عرفت سارة شنو ترد على ابوها و كانت خايفة من إلي بصير عقب ما دخلت فاطمة حجرتها قعدت اتكلم روحهاوتقول: اف شنو هالملل، يوم رحت اقعد على الغدا معاهم قعد اخوي يتطنزعلي، يا ربي شاسوي االحين؟؟.......ما ادري اتصل في هناءوو ، اممممم لا ما بتصل فيها بتقعد اتعور راسي و بتطنز علي مو كفاية اخوي من شوي، احسن لي اقعد ادرس شوي علشان اضيع وقت. اخذت لها كتاب و فتحته حق تدرس، وبس عشر دقايق وصكت الكتاب وقالت: اوهوو مالي خلق دراسة ، امس بروحي كنت تعبانه و حالتي النفسية ما ادري شلون من البارحة، المفروض اليوم اكون مفرفشة و فرحانه لأني يايه من حفلة البارحة، لكن شاسوي إلي جفته امس مب شويه ، خلني انسى هالموضوع احسن لي و لا اشغل روحي فيه لأني بتعب اكثر، انزين عيل شاسوي؟؟ ما ادري اطلع ويه هناء انروح لنا أي مجمع انطالع لنا فلم و لا شي؟؟اممممم توني امس طالعة وأمي بتزفني لأني ما اقعد ادرس ، اقعد في البيت احسن لي من عوار الراس ، بس لازم افرفش شوي و اغير جو ، ابي اشغل روحي في شي ، بس في شنو؟؟ .....اي خل افتح الماسنجر من زمان ما فتحته يمكن اجوف احد اون لاين و اشغل روحي معاه. في هالوقت كان يوسف قاعد في حجرته يفكر يقول في نفسه: انه من رجعت من السفر للحين صار لي اسبوع ، و انه للحين ما عرفت عنها خبر و لا شي، و لما اتصل لها دايما جهازها مغلق، يعني ليش اتسوي فيني جذي ، قطعتني مرة وحده بدون ما اعرف عنها شي، و ليش خلتني، انه لازم اعرف السبب. كان يوسف يحب وحده من قبل لا يسافر، اسمها منى، وكانت اهي بعد تحبه، و كانوا دايما مع بعض و لا يقدرون يفترقون عن بعض دقيقة وحده ، وكان كل يوم يتصل فيها و لازم يسمع صوتها قبل لا ينام و اهي بعد مثل الشي و كان مقرر يخطبها، بس الظروف اهي إلي خلتهم يبتعدون عن بعض، كان على يوسف انه يسافر علشان يدرس بره، و عقب ما سافر كانوا كل يوم على اتصال مع بعض كل واحد يعرف عن الثاني اخباره، و تموا على هالحال سنتين بس عقبها انقطعت عنه اخبار منى و اذا يتصل فيها كان جهازها دايما مغلق، حاول انه يعرف السبب بس ما قدر، قام يطرش لها رسايل بس ما في رد، و حتى يوم سأله ابوه عقب ما رجع من السفرعن لبنية إلي بيرتبط فيها، تردد انه يقول له سالفته معاها، كان يبي يعرف السبب إلي يخليها تنقطع عنه جذي مرة وحده ،يعني وين الحب إلي كان بينهم ؟؟و وين الشوق؟؟ كل شي راح!!!؟؟؟؟ قرر يوسف آخر شي إن يروح بيت منى وجوف شنوالسالفة، طلع يوسف من بيتهم الساعة 4 العصر، ولما وصل عند بيت منى حس إن قلبه قام يدق بسرعة وتذكر كل شي بينهم وكل لحظة حلوة قعدوا فيها مع بعض، تردد يوسف في البداية إن يطق الباب ، إن خاف يسبب لها مشاكل مع اهلها، و قرر إن يرد بيتهم، بس رد و رجع قال: لا إذا ما دخلت الحين و عرفت شالسالفة بتم طول عمري متعذب، خلني ادخل و إلي بصير خل يصير. رن يوسف الجرس، وقف ينتظر بدون محد يفتح له الباب و رد مرة ثانية رن الجرس، هالمرة فتحت له الباب اخت منى ( مها) قالت له: نعم أخوي؟؟ يوسف: سلام عليكم مها: عليكم السلام يوسف بتردد: منى موجوده؟؟ مها: انت منو؟؟ يوسف: انه يوسف مها: يوسف إلي مسافر بره يدرس؟؟ يوسف: إي انه وتوني راجع من السفر، بس شلون عرفتيني؟؟ مها: اختي منى كانت تقولي كل شي بينكم ،انه قلت له حرام إلي اسوينه فيه يوسف: انه ياي ابي اعرف السالفة مها: تفضل داخل بقولك السالفة، ما يصير نتكلم وانت واقف عند الباب دخل يوسف و مها الميلس ، راحت عنه مها دقيقة ورجعت قعدت معاه يوسف: بصراحة انه ابي اعرف شنو صاير لأني من عقب ما سافرت كنت اكلمها كل يوم لمدة سنتين و عقبها انقطعت عني و انقطعت اخبارها مها: ما أدري شاقولك يا خوي ، بس انه قلت لها حرام إلي اسوينه فيه، على الأقل خبريه شنو السالفة علشان لا يحاتيج بس إهي كانت مصرة انها ما تقولك، يمكن كانت خايفة يوسف: تخاف من شنو؟؟ مها: ما ادري يمكن خايفة من ردة فعلك ، او إن يصير فيك شي لما تعرف، لأن اهي كانت وايد تعزك يوسف: حرقتي أعصابي، قولي لي شنو شالسالفة؟؟ اشصاير؟؟ مها: بصراحة...... دخلت الخدامة عليهم حاملة صينية فيها الجاي و شوية مكسرات، خلتها على الطاولة و طلعت، قامت مها وصبت ليوسف جاي وعطته و اهي تقول: تفضل يوسف: مشكورة بس انه مو ياي اهني على شان اشرب جاي ، انه بس ابي اعرف السالفة و خلاص مها: انزين بقولك كل شي، خلال هالفترة إلي كنت مسافر فيها تعرفت منى على واحد من الشباب ويقول إن يحبها، بس اهي ما كانت تعطي ويه في البداية، وشوي شوي بدى يتقرب منها لين ما حست إنها تحبه، وتقدم لها وخطبها و وافقت عليه، انه قلت لها على الأقل قولي ليوسف السالفة علشان لا يفكر فيج ويتعلق فيج اكثر بس ما وافقت، وكانت تبي تقطع كل شي بينك وبينها، فغيرت رقم تلفونها يوسف انصدم من كلام مها و حس إن الدنيا الدور فيه يعني بعد سنين هالإنتظار تسوي فيه جذي وتخونه، و اهم إلي متواعدين إنه عقب ما يرد من السفر بيتقدم لها، مستحيل منى اسوي فيه جذي مستحيل، قال لمها: انزين ابي اعرف يعني اهي ما كانت تحبني من قبل ، كانت تخدعني؟؟ مها: ما ادري بصراحة يوسف: انزين ممكن اتناديها؟؟ ابي اكلمها شوي مها: لكن ما في فايدة اذا كلمتها ،إلي صار صار يوسف: اعرف، بس ابي افهم منها بعض الأشياء مها: اوكي بس دقيقة راحت مها تنادي اختها منى وجافتها قاعده في غرفتها مها: منى ، ترى يوسف إلي كنتي تحبينه عندنا بالميلس ويبي يكلمج تفاجأت منى و قالت: من يوسف؟؟ شلي يابه اهني؟؟ مها: اهو توه راجع من السفر، ويه يسأل عنج، وانه قلت له سالفتج كلها منى: وليش تقولين له، انه ما ابيه يعرف مها: و الله حرام عليج تخلينه يتعذب جذي، انه كسر خاطري و قلت له كل شي، و الحين روحي تفاهمي معاه منى: وشنو بيستفيد خلاص كل شي بينه انتهى مها: ما ادري انتي روحي له وجوفي شنو يبي عقب خمس دقايق دخلت منى الميلس و جافت يوسف، واهني بس في هاللحظة من جافته تذكرت كل شي كا ن بينهم وكل لحظة، وحست بالحب إلي نسته من زمان، وحست روحها في هاللحظة انها ندمانة على إلي سوته، بس حاولت انها ما تبين له هالشي. ويوسف من جاف منى وقف ، وقلبه قام يدق بسرعة حس إن كل شي رجع مثل قبل ، حبه القديم رجع له، قال يوسف: منى ، ليش سويتي جذي؟؟ منى:بصراحة حبيته، واهو تقدم لي و وافقت يوسف: بس هذا مو سبب إلي يخليج تنسيني بهالسهولة؟؟ منى: انه بصراحة خفت يوسف: خفتي من شنو؟؟ منى: خفت انك تنساني ،خصوصا و انت صار لك سنتين و انت مسافر ، وانه خلال هالفترة ما جفتك، قلت يمكن انه معلقة نفسي في وهم ، وإن اهو لو يبيني جان يه وتقدم لي من زمان ما انتظر لما يسافر ويرجع، فوافقت عليه من تقدم لي يوسف: بس لو كنتي تحبيني من قلبج ما فكرتي هالتفكير، انه حبيتج يا منى و لا عمري فكرت انساج في أي لحظة، حتى عقب ما قطعتيني كنت افكر فيج في كل دقيقة و كل ثانية واقول اشفيها؟؟ ووينها الحين؟؟ ما اعرف اخبارج؟؟ خليتين يا منى وجرحتيني جرح كبير منى: بس الحين هالكلام لا يودي ولا اييب، وإلي فات فات، وانتهى كل شي بينه يوسف: انتي إلي انهيتيه بيدج، وخليتيني بروحي أعاني، وانتي اخترتي هالدرب إن كل واحد يروح في طريجه ، انه من طريج و انتي من طريج قالها يوسف وحس إن الدمعة بتنزل من عينه وبسرعة طلع برة وركب سيارته وراح عنها، أما منى فقعدت تصيح ، وتندمت ندم على إلي سوته ، وكانت غبية يوم فكرت جذي، بس الحين مستحيل يرجع كل شي مثل ما كان. وبالنسبة ليوسف ركب سيارته و راح على البحر يفكر و الدمعة نزلت على خده، يقول: ليش يا دنيا جذي يصير فيني؟؟ اتعذب علشانها طول هالمدة ثلاث سنين وكانت اهي إلي امصبرتني على هالغربة، على أمل إني ارجع في يوم وتكون من نصيبي، لكن عقب هالتعب و هالغربة ارجع و الاقي كل شي ينهدم بحياتي، و انه إلي ما تخيلتها تخوني مرة او تسوي فيني جذي!! ليش يا دنيا؟؟؟...ليش يا دنيا؟؟؟ في هالوقت كانت هناء قاعده في غرفتها تدرس، رن تلفونها وجافت رقم غريب ، قررت في البداية انها ما ترد لين ما خلصت الرنة، ومرة ثانية رن تلفونها على نفس الرقم، استغربت من السالفة وقالت خلني ارد و اجوف منو يتصل فيني، يمكن هذي فطوووم تبي تسويني مقلب اعرفها، ردت هناء: الو المتصل كان صبي وقال: الو، هلا فيج ، هلا بهالصوت هناء: نعم أخوي؟؟ بغيت شي؟؟ المتصل: بغيتج انتي عصبت هناء وردت: احترم نفسك احسن لك المتصل: صدقيني و الله بغيتج انتي قامت هناء بتسكر الخط في ويهه، بس سمعته يقول: مو انتي هناء صح؟؟ استغربت هناء وقالت: انت اشدراك؟؟ المتصل: شكلج ما عرفتيني هناء: و انه اشعرفني بأشكالك السخيفة؟؟ المتصل: الله يسامحج يا هناء، الحين انه صرت سخيف؟؟ هناء: انه ما عندي وقت اضيعه مع واحد مثلك، باااااي المتصل: لحظة هناء، انه خالد ما عرفتيني؟؟ هناء مستغربة: خالد؟؟ أي خالد؟؟ خالد: انه خالد رفيج اخوج علي في هذي اللحظة حست هناء قلبها يدق بسرعة، واستحت من الكلام إلي قالته له، وردت عليه: هلا فيك خالد، مسامحة على الكلام إلي قلته لك من شوي خالد: ولا يهمج، من حقج اتهاوشين أي واحد ما تعرفينه، بس الحين عرفتيني خلاص لازم ما تهاوشيني ههههههه هناء: هههههههههه خالد: تسلم لي هالضحكة ابتسمت هناء وماعرفت شنو ترد عليه، بس قالت له: الله يسلمك خالد: ما قلتي لي شخبارج؟؟ هناء: بخير الحمد الله خالد: دووووم مو يووووووم هناء: شلون عرفت رقمي؟؟ خالد: بعد هذي ما يبي لها سؤال، اخذته من تلفون اخوج بدون ما يدري هناء: هههههههه، الله يغربل بليسك، بس لا تقول لأخوي إنك كلمتني ترى بيذبحني خالد: انه اقول له؟؟ مستحيل، في احد يفتن على روحه هناء: شنو تقصد؟؟ خالد: للحين ما فهمتي؟؟ هناء: افهم شنو؟؟ خالد: هناء.... بصراحة انه احبج حست هناء راسها يفتر، مو مصدقة الكلام إلي تسمعه، وقلبها يدق بسرعة، ومب عارفة شنو ترد عليه، قال خالد: هناء وينج؟؟ ما رديتي علي؟؟ انتي معاي؟؟ هناء: خالد مو عيب عليك تقول هالكلام؟؟ خالد: ليش انتي زعلتي؟؟ هناء: آسفة خالد انه مشغوله الحين، باااااااااي خالد: اوكي بخليج الحين، بس برد اتصل لج مرة ثانية، بااااااااي حست هناء روحها بطير من الفرح، يعني صج خالد يحبها، بس اهي ليش ما اعترفت له بالحقيقة وقالت له انها تحبه؟؟ يمكن مو وقته الحين اقوله،لازم اول اتأكد من حبه لي، بعدين بقوله إني احبه،ما ادري اقول لفاطمة عن سالفتي مع خالد؟؟........ لا ما بقولها تالي بتزعل و بتقول إني امس خليتها في الحفلة علشانه و لا اهتميت لها وخصوصا الحين اهي مضايقة من سالفة علي وريم وبتقعد تقارن بيني و بينها، خل لوقت ثاني بقول لها أما خالد فكان فرحان وايد لأن كلم هناء و سمع صوتها،و كان حاس انها اتحبه، لأن من يكلمها في هالموضوع تتهرب من الرد عليه، لأن يمكن تستحي اتقوله انها اتحبه، وقرر في نفسه إن يخلي هناء تعترف بحبها له الجزء الحادي عشر يوم السبت الصبح الكل طلع من بيت بو محمد ، بو محمد راح الشركة ، و محمد وفاطمة راحوا الجامعة،وسارة ومحمود راحوا المدرسة،وكانت أم محمد تبي تروح السوق فقالت لسواقهم يوصلها الساعة 9، ويوم ساق السواق السيارة وصل عند باب بيتهم من برة وتعطلت السيارة، نزل السواق اجوف شنو السالفة، ورجع لأم محمد عقب خمس دقايق إلي كانت تنطر بالسيارة وقال لها: ماما هزي سيارة وايد خراب لازم يودي كراج أم محمد: انزين عيل دخل السيارة داخل وطلع السيارة الثانية السواق: زين ماما نزلت أم محمد من السيارة،و وقفت تنطر السواق لين ما يدخل السيارة ويطلع السيارة الثانية، وعلى بال ما اهي واقفة جافها بو يوسف إلي كان توه طالع من بيتهم علشان يروح لشركته، نزل بو يو سف من سيارته وراح عند أم محمد، جافته أم محمد واستغربت منه ليش ياي لها، قال بو يوسف: هلا أم محمد ، شخبارج؟؟ أم محمد: بخير الله يسلمك بو يوسف: ها اشصاير؟؟ عسى ما شر، اجوف السيارة خربانة أم محمد: اي، كان السواق بوصلني السوق وتعطلت اهني بو يوسف: ما تبين مساعدة؟؟ أم محمد: لا مشكور وما تقصر بو يوسف: انزين ما تبيني اوصلج؟؟ أم محمد: لا مشكور، السواق بوصلني الحين بييب السيارة الثانية بو يوسف: و الله عاش من شافج أم محمد: عيب هالحجي يا بو يوسف، انت مو ياهل علشان اعلمك بو يوسف: ما اقدر يا أم محمد اجوفج وما اقول لج شي،وانه من زمان ما جفتج أم محمد: هذا كان أول ، الحين كل شي تغير يا بو يوسف، وانه وحده متزوجه وعندي عيال، وانت بعد متزوج وعندك عيال، على الأقل احترم زوجتك بو يوسف: يا ريت أيام أول ترجع، علشان أغير كل شي، وأخلي إلي صار ما يصير أم محمد: بو يوسف ، حرام عليك، شنو بتقول زوجتك عنك لو اجوفك اتكلمني؟؟وهذا إلي صار شي فات وانتهى و إلي انكسر ما يتصلح، عن إذنك قالتها وبسرعة ركبت السيارة إلي يابها السواق ومشى عن بو يوسف إلي قعد يفكر في كلام أم محمد. و في المدرسة وصلت سارة متأخرة كالعادة و كان الجرس ران من فترة، وإبتدت الحصة الأولى دخلت الصف والمعلمة قاعدة تشرح، قعدت سارة مكانها وكان بالها مشغول في إلي راح إيصير، ومثل ما تعرفون إستدعوا ولي أمرها و اليوم راح إيي المدرسة والله يستر، وما قطع تفكيرها إلا صوت المعلمة تقول: سارة........ سارة قومي حلي السؤال سارة:هـاااااا..... أي سؤال ؟؟؟ المعلمة :بعد في سؤال غيره إلي على اللوح سارة: ما أعرف المعلمة: وإنتي من متى تعرفين شي؟؟؟..... كان مفروض من البداية ما أقومج قعدي قعدي خلني أكمل الشرح أحسن سارة تقول في خاطرها : أشوه مرت على خير وما زفتني نفس كل مرة ورجعت سارة تفكر وظلت جذي لين ما خلصت الحصة وإهي كانت متوقعة إنهم يستدعونها في أي وقت، يات معلمة الحصة الثانية وكان عندهم إنقليزي وكانت سارة تحب حصة الإنقليزي أكثر شي، و إندمجت سارة في الحصة واهي ماتدري إن بعد شوي راح يستدعونها، المهم أخذت المعلمة تشرح الدرس والبنات متفاعلين معاها وما قطع هذا كله إلا صوت أحد يطق الباب وكانت المشرفة يايه ونادت سارة إلي كانت متوقعة هالحظة، قامت سارة من كرسيها وإهي مرتبكة و البنات يطالعونها بنظرات، و طلعت من الصف وراحت تمشي يم المشرفة إلي قالت :أكيد تدرين انه ليش مناديتج ؟ سارة: أنه ؟؟.....لا ما أدري المشرفة: لا سوين روحج ما تدرين سارة: لا صدقيني ما أدري المشرفة: على كل إذا كنتي ما تدرين الحين بتعرفين و وصلوا حجرة المشرفة إلي كان أبوها قاعد فيها دخلت سارة الحجرة وقالت :يبه إنت اهني؟؟ بو محمد:ما اجوفيني جدامج سارة مرتبكة: و و ليـش ياي ؟؟؟ بو محمد :وتسوين روحج ماتدرين؟؟!! المشرفة: أعتقد إن زوجتك قالت لك بسالفتها بو محمد : إي قالت المشرفة : وأعتقد إن سارة تدري بو محمد: إي تدري المشرفة: إحنا يبناك اهني علشان نخليك تحت الأمر الواقع وتعرف شنو تسوي بنتك في المدرسة، وكان مفروض إنكم تدرون بشنو تسوي من زمان، لأن المدرسة اتسوي اليوم المفتوح بس للأسف ما تيون لأن مثل ما قالت بنتك إن عندك أشغال وايد وإحنا نقدر ظروفك، بس الحين عقب إلي صار قلنا لازم تشوف لها حل بو محمد مستغرب : يوم مفتوح؟؟ المشرفة: اي يوم مفتوح..... ما اظنك ما تدري بشي إسمه يوم مفتوح؟؟!! بو محمد : بس انه دايما أسأل سارةإذا يسوون لهم يوم مفتوح وتقول لي ما في لأن إحنا كبار وما نحتاج يوم مفتوح المشرفة: وهذا دليل على إلي تسويه بنتك في المدرسة......... شنو ردج سارة؟ سارة مرتبكة: ما أدري شنو أقول بو محمد: بعد شنو تقوليين كل شي واضح جذب وهواش ومشاغبات ولا تدرسين سارة: يبه أنه آسفة بو محمد: شنو يفيد الأسف، لكن شغلي معاج في البيت مو هني المشرفة: والحين بعد ما وصل سلوك بنتك لهدرجة لازم نخليها توقع على تعهد سارة وفي عيونها دمعة: تعهد ؟؟؟ لا لا ما أبي ما أبي المشرفة: إحنا ودنا إن ما نعطيج تعهد بس علشان لا يتكرر إلي صار لازم تعهد سارةوإهي تبجي: يبه قول لها شي ................ ما أبي أوقع بو محمد: انه مع المشرفة لازم توقعين علشان تيوزين عن سوالفج وما تكررين إلي صار وبعدين إنتي ليش خايفة؟ عادي وقعي ولا إنج ناوية تكررين إلي صار؟؟؟ سارة: لا يبه ما راح أعيدها وبعد وماراح أسوي أي شي بس ما بي تعهد المشرفة: توعديني؟ سارة: وعد المشرفة: إنزين روحي الحين الصف طلعت سارة من عند المشرفة واهي تبجي المشرفة: مسامحه لأن إحنا أخرناك عن شغلك بو محمد: لا عادي بنتي أهم من شغلي قالها وأهو قايم بيطلع يروح الشركة......... في بيت بو محمد الساعة 2ونص الظهر قعدوا كلهم عل الطاولة علشان يتغدون بس سارة نزلت متأخرة وساكته.... طالعها أبوها بنظرة وأهو ساكت خلت سارة ترتبك أكثر وتوقعت سارة إن أبوها يكلمها على الغدا بس ما صار وقالت: أشوه يمكن ما حب يذكرني بالموضوع مرة ثانية وخلصوا الغدا ولما قامت سارة قال لها أبوها: خليج سارة أبيج سارة: انه ؟؟ بومحمد: إنتي تدرين ليش انه ابيج؟ سارة: اي يبه بو محمد: انه ما أبي أزيد شي بس كل إلي أبي أقوله لج إنتبهي لدروسج وحطي بالج زين سارة: إنشاء الله يبه بو محمد : ما أبي أسمع عنج مرة ثانية شي مب زين سارة: أوكي راحت سارة حجرتها و إهي مرتاحة و إن الموضوع مرعلى خير.......... يوم الثلاثه الساعة 5 العصركان راشد و أحمد ربع علي قاعدين يدورون بالسيارة، رن تلفون راشد وكان رفيجه نواف متصل.. نواف: الو راشد؟ راشد: هلا نواف نواف: راشد، الحق ترى علي امسوي حادث ، واهو بالمستشفى معاي وحالته وايد خطيرة راشد: شنو تقول؟؟ نواف: انه كنت معاه بالسيارة بس انه صادني شوية كسور، وعلي حالته كلش، ويمكن يروح فيها راشد: انزين و خبرت اهله؟؟ نواف: لا ما خبرتهم لأني ما اعرف رقمهم من جذي اتصلت فيك علشان تبلغهم لأنك تعرف وين بيتهم راشد: اي اعرف ، عيل الحين بروح لهم اخبرهم سكر راشد الخط من عند نواف ، وسأله أحمد: شنو صاير؟؟ قال راشد لأحمد كل السالفة ، وراحوا اثنينهم لبيت بو يوسف ، عقب ما فتحت لهم الخدامة الباب وقعدوا في الميلس ، يا لهم بو يوسف وقال: السلام عليكم راشد+ أحمد: عليكم السلام بو يوسف مستغرب: ها شسالفة يات لي الخدامة تقول إنكم تبوني ضروري؟؟ راشد: ما أدري شلون أقولك، بس بصراحة ولدك علي امسوي حادث والحين اهو في المستشفى وحالته خطيرة بو يوسف متفاجئ: شنو تقول؟؟ ولدي امسوي حادث، والحين اهو في حالة خطيرة!!!!!! راشد: اي ، واحنا الحين رايحين له المستشفى بو يوسف: عيل لحظة نطرونا بنيي وراكم...... بروح اخبر ام يوسف راح بو يوسف يخبر أم يوسف إلي انصدمت وقامت تصيح ، وعقب شوي البيت كله عرف بالسالفة، قالت أم يوسف واهي تصيح: يلا بسرعة بو يوسف خل اروح اجوف ولدي بو يوسف : يلا خل نمشي، وانت يوسف تعال معانا يوسف: ان شاء الله ، وانه إلي بوصلكم هناء: يبه، ابي ايي معاكم مريم: حتى انه بو يوسف: لا انتوا قعدوا في البيت احسن وطلع بو يوسف وأم يوسف ومعاهم يوسف و راحوا المستشفى، وتمت هناء ومريم إلي قعدوا يصيحون على أخوهم خايفين عليه، هناء كانت تفكر وقالت انها لازم تخبر فاطمة عن السالفة، قامت هناء و اتصلت في فاطمة.. فاطمة: الو ، هلا هناءوا، شخبارج؟؟ سمعت فاطمة صوت هناء و اهي تصيح وحست إن صاير شي وقالت بخوف: هناء اشفيج اتصيحين، في شي صاير؟؟ هناء: اخوي، اخوي علي من سمعت فاطمة اسم علي طاح قلبها وقالت بخوف اكثر: اشفيه علي، قولي لي؟؟ هناء: امسوي حادث و الحين اهو في المستشفى في حالة خطيرة اهني فاطمة حست الدنيا ادور فيها و إن الكلام إلي سمعته مب صدق يمكن حلم او شي، قال لهناء: لا مستحيل، اكيد انتي تمزحين معاي هناء واهي تصيح: والله صدقيني، ليش بمزح معاج و بقول عن اخوي جذي، ما اجوفيني اصيح؟؟ ذيك الحزه قامت فاطمة تصيح وقالت: انزين و انتي ليش ما رحتي له المستشفى؟؟ هناء: ابوي قالي اقعد اهني مع اختي مريم، ما خلانه انروح معاهم فاطمة: انزين عيل تعالي معاي انتي و اختج مريم بقول لسواقنا يوصلنا، انه لازم اروح له واجوفه هناء: انه بعد ابي اجوفه، بس انتظريني عشر دقايق وبكون عندج فاطمة: اوكي، بس بسرعة هناء: اوكي عقب عشر دقايق راحت هناء ومريم لفاطمة ، وكانت في غرفتها تصيح مو قادرة تسكت.. هناء: ما يصير فطوووم تروحين جذي ،وايد حالتج حاله فاطمة: لا ما اقدر، انه لازم اروح يلا خلنا نقوم هناء: بس شكلج وايد تعبانه وما تقدرين تستحملين فاطمة: ما عليج مني، يلا قومي لا نتأخر هناء: انزين ما عندج حبوب مهدأه يمكن ترتاحين شوي؟؟ فاطمة: لا ما عندي، ويلا قومي، اذا ما تبين تروحين انه بروح بروحي هناء: انزين خل اييب لج من بيتنا بروح بسرعة وبايي فاطمة :قلت لج ما ابي هناء: اذا ما خذيتي بازعل منج قالتها وطلعت راحت بيتهم، وتمت فاطمة تصيح ومريم تحاول تهديها وفي المستشفى كان الكل هناك متوترينتظرون الدكتور لين ما يطلع من غرفة العمليات، لأن علي كانت وايد حالته خطيره ويمكن يحتاج عملية. وأم محمد كانت طول الوقت تصيح ما توقف و يوسف يحاول يهديها بس ما كو فايده قال يوسف لأمه: يمه ، اهدي شوي هذي إرادة ربج، ويبي يمتحنج أم محمد: ونعم بالله يوسف: وهذا قضاء و قدر، وإلي الله كاتبه بصير أم محمد: يارب اتييب العواقب سليمة يوسف: انشاالله يا رب وبو يوسف كان اروح وايي في الممر مو عارف شنو يسوي ، ويقول في خاطره (إذا بسوون له عملية انه لازم اوديه بره يسوونها له هناك احسن). وأما راشد وأحمد ومعاهم نواف كانوا خايفين عليه ويدعون له إن يطلع بالسلامة. وعلى بال ما كل واحد يفكر في شي ومشغول بهمه، طلع الدكتور من غرفة العمليات، وبسرعة كلهم التموا عليه، وكان ويه الدكتور ما يسر الخاطر، وكل واحد فيهم كان متردد يسأل الدكتور عن النتيجة ، أخيرا قال بو يوسف: ها دكتور بشرنا، خير انشاالله؟؟ الدكتور: والله ما اعرف شنو اقول لكم ، بس هذا قضاء وقدر، وعلي وصلنا متأخر وكانت حالته وايد تعبانه وماقدرنا نعطيه الأسعافات الأولية في الوقت المناسب سكت الدكتور شوي والكل كان يطالعه، وأخيرا قال: البقية في حياتكم واهني من سمعوا ذي الكلمة، كل واحد حس روحه في دنيا ثانية، قام يوسف يهواش الدكتور و يوداه من ثيابه وقال: لا اكيد انت جذاب، مستحيل علي يموت، مستحيل الدكتور: هذي ارادة ربك قام راشد وأحمد يهدون في يوسف إلي قام يصيح، وبو يوسف حس انه الدنيا ادور فيه ، وبسرعة قعد على اقرب كرسي يمه وحط يده على ويهه و اهو يصيح على ولده إلي خسراه. وأم يوسف من سمعت الخبر أغمى عليها، وبسرعة شالوها الممرضات و ودوها لوحدة من الغرف علشان ترتاح. تابعوني في الجزء الثاني عشر بتصير مفاجأة.................. الجزء الثاني عشر راحت هناء بيتهم تييب لفاطمة حبوب مهدأه، و كانت نازلة على الدرج يوم اجوف المفاجأة جدامها، طاحت لحبوب من يدها وبطلت عينها مب مصدقة إلي اجوفه ، تدرون جافت من جدامها؟؟؟؟ جافت اخوها علي، انصدمت هناء و مو عارفة شتقول، طالعاها علي باستغراب وقال: اشفيج هناء؟؟؟ وين امي وابوي ؟؟ ييت من شوي ادورهم ما لقيت احد؟؟ تمت هناء ساكته فتره وبعدين قالت: اذا انت اخوي علي اهني، عيل منو إلي بالمستشفى؟؟ علي مستغرب: شنو قاعده تقولين ؟؟ فهميني اشصاير؟؟ هناء: يعني انت مو مسوي حادث و لا في المستشفى؟؟ علي: أي حادث و أي مستشفى؟؟؟ فهميني اشقاعد يصير؟؟ هناء: من شوي يه رفيجك راشد وقال انك امسوي حادث، وانك بالمستشفى في حالة خطيرة علي: شنو تقولين؟؟ وأمي وأبوي وين؟؟ هناء: راحوا المستشفى علي: هذا اكيد مقلب امسونه راشد، انه لازم اروح لهم المستشفى الحين بسرعة واجوف شالسالفة طلع علي وراح المستشفى، اما هناء حطت يدها على قلبها و قالت: اشوه اخوي ما فيه شي الحمد الله، بس شنو السالفة؟؟ خلني اروح ابشر فاطمة قبل لا يصير فيها شي...... وفي المستشفى، لما وصل علي لقى ابوه و راشد و أحمد و أخوه يوسف وكل واحد فيهم حالته حالة ، مرتبكين مو عارفين شيسوون و كان ابوه يصيح و أخوه يوسف يهديه، راح لهم علي وقال: يا جماعة اشصاير؟؟ طالعوه كلهم باستغراب، حتى ابوه مو عارف يتكلم من الصدمة، و اول واحد تكلم كان يوسف: علي؟؟؟؟ انت بخير وما فيك شي الحمد الله على السلامة، بس شسالفة؟؟عيل منو إلي كانت حالته خطيرة؟؟ علي: انه ما ادري شنو السالفة، رحت البيت مالقيت احد وقالت لي هناء انكم اهني بالمستشفى لأني امسوي حادث، و راشد اهو إلي خبركم طالع علي راشد، اهني راشد خاف و ارتبك وقال: نواف اهو إلي اتصل فيني و قال لي انك امسوي حادث، انه مالي شغل نواف: راشد؟؟ انه ما كنت اقصد رفيجك علي، انه اقصد واحد ثاني اهني الكل انصدم من الموقف، و فرح بو يوسف للخبر، يعني ولده بخير و ما صار فيه شي وقام حظن ولده كأنه مو جايفه من زمان..... علي: انزين وين أمي؟؟ بو يوسف: أمك من قال الدكتور انك توفيت اغمى عليها علي: الله يغربل بليسك يا راشد، جفت شنو سويت في أمي هذا من عدم تركيزك، و انت ما تسأل أي علي إلي امسوي حادث، بسرعة حطيتها علي راشد: انه اشدراني، نواف ما قال لي نواف: وانه من وين لي اعرف رفيجك علي هذا، انه اول مرة اجوفه راشد: بعد شاسوي الحين إلي صار صار نواف: لا، الحين عليك تبلغ اهل علي راشد: بل ، لا ما بروح اخبرهم اخاف تصير لي سالفة نواف: لازم تروح انه ما اعرفهم راشد: اول بتأكد أي علي اخاف اغلط بعد هالمرة بويوسف+ علي+يوسف+أحمد+نواف: ههههههههههههههه اخيرا رجع بويوسف و يوسف وأم يوسف و علي البيت عقب ما اوتعت أم يوسف ،و كانوا فرحانين وايد لأن علي ما صار فيه شي، وخلاهم يعرفون قيمة علي و حبهم له، و هالموقف ما بينسونه طول حياتهم. وأما هناء و فاطمة ومريم كانوا قاعدين في بيت بو يوسف ينطرونهم علشان يعرفون شنو السالفة، و ذاك اليوم كانت فاطمة وايد فرحانة لأن علي ما صار فيه شي وحست انه حبه له زاد و عرفت انها ما بتقدر تتخلى عنه، بس اهو لو يعرف شنو صار فيها على شانه، وذيك الليلة تعشت معاهم و سهرت مع هناء و بعدين رجعت البيت. يوم الأربعا الساعة 6 كانت فاطمة قاعدة بغرفتها فاتحة الماسنجر، وكان عندها ثلاثة اون لاين و هالثلاثة هم: حسن ولد خالتها و ريم وعاشق الظلام ، عاد فاطمة يوم جافت ريم و حسن اون لاين استانست وقالت في نفسها اكيد الحين مع بعض طاقينها سوالف، ما بقاطعهم احسن خل ريم تتولى المهمة وتفكني من حسونوه.......... بس اخاف يكلمني............ اي عيل بحط (Away) علشان لا يكلمني يوم الأربعا الساعة 6 كانت فاطمة قاعدة بغرفتها فاتحة الماسنجر، وكان عندها ثلاثة اون لاين و هالثلاثة هم: حسن ولد خالتها و ريم وعاشق الظلام ، عاد فاطمة يوم جافت ريم و حسن اون لاين استانست وقالت في نفسها اكيد الحين مع بعض طاقينها سوالف، ما بقاطعهم احسن خل ريم تتولى المهمة وتفكني من حسونوه.......... بس اخاف يكلمني............ اي عيل بحط (Away) علشان لا يكلمني ولين كلمني ما برد عليه، وما لحقت حطت (Away) إلا حسن يبي يكلمها....... قالت فاطمة في خاطرها: اوهووووو هذا اشيبي ، خلني اطنشه احسن و خله يولي.... ليش ما يجوف اني (Away) عمي؟؟ طالعت فاطمة لسته الإيميلات الباقي إلي مو اون لاين وقالت في خاطرها:ياريت عندي إيميل علي علشان اكلمه، على الأقل تصير عندي جرأه شوي لين اكلمه على الماسنجر...... بس أخاف لين اخذت ايميله من عند أخته هناء شنو بقول عني ، اكيد بيستغرب ليش انه ما خذه إيميله ........آخ يا قلبي وينه؟؟؟ ويقطع حبل افكارها صوت الماسنجر وجافت إن صفاء دخلت اون لاين، واصلا هذي صفاء ما تكلمها على الماسنجر بس جذي عندها ايميلها ، و الحين ما بتكلمها لأن اهي يازعم (Away)ِِ، وعقب دقيقة دخلت بنت خالتها مي بس مو اخت حسن واهي كبر فاطمة عمرها 20 سنة وتدرس بالمعهد، توها فاطمة بتكلم مي وبتسأل عن اخبارها لأن من زمان ما جافتها و لا كلمتها إلا عاشق الظلام يكلم فاطمة....... عاشق الظلام: هااااااااي عاشق الظلام: هلا و غلا بدمعة الأحزان دمعة الأحزان:هلا فيك..... شخبارك؟؟؟ عاشق الظلام:انه بخير دام انتي بخير، انتي شخبارج؟؟ دمعة الأحزان:انه اوكي تماموووووووو عاشق الظلام:دوم مب يوم انشاالله دمعة الأحزان:تسلم عاشق الظلام:الله يسلمج عاشق الظلام:ها شفيج جم يوم ما ادخلين اون لاين؟؟ دمعة الأحزان:لا ما فيني شي بس مشغولة شوي هاليومين عاشق الظلام:في الدراسة يعني؟؟ دمعة الأحزان: اي شاسوي بعد عاشق الظلام:الله يوفقج دمعة الأحزان: ويوفق الجميع...... انت ما قلت لي شخبارك بعد شمسوي؟؟ عاشق الظلام:انه والله شاقولج؟؟....... احس روحي تعبان دمعة الأحزان:سلامتك... من شنو؟؟ عاشق الظلام:الله يسلمج... جوفي انه بقولج كل شي لأنج صديقتي و واثق فيج دمعة الأحزان:اوكي، يلا قول وبساعدك اذا اقدر توه عاشق الظلام بيكتب شنو سالفته، قامت تتكلم مي مع فاطمة، كانت فاطمة بطنش مي لأنها حاطة(Away) بس قالت :يلا خليني اكلمها من زمان ما تكلمت معاه... وقالت لعاشق الظلام انها بتروح وبترجع عقب شوي (برب) مي: هاااي فطووووووم فاطمة: هاياااات ميو، ها وينج ما تبينين؟؟ مي:انه موجوده بس انتي العمية ما اجوفيني هههههه فاطمة:الله يغربل بليسج هههههه مي: انزين شخبارج فطوووم شمسويه؟؟ فاطمة: الحمد الله مشتاقتلج، شخبارج انتي من زمان ما جفناج؟؟ مي:انه بخير و اسأل عنج، ومن ادخل اون لاين دايما ادورج فاطمة:صج عيارة و الله اذا تبيني تقدرين تتصلين فيني لا؟؟ مي:ههههههه، لكن صدقيني وحشتيني فطووووم فاطمة: انزين عيل اشرايج اتيين بيتنا باجر الخميس؟؟ مي:الخميس؟؟؟ اممممم افكر ومني لباجر ارد لج خبر فاطمة:لا لا لازم الحين تقولين لي علشان استعد لج ، يلا عاد ميووو وافقي و إلي يسلمج مي: افكر فاطمة: اوووه ، يلا عاد تعالي انتي و اختج منال وبيتوا عندنا بعد عن الملل ، ها اشرايج؟؟ مي: اي و الله فكرة حلوه، موافقة فاطمة: يلا عاد انه انطرج باجر تعالي من الصبح مي: اللاااااااااااي انه مستانسة بروح اقول لأمي وبرجع فاطمة: هييييييي وين رايحة لحظة شوي بكلمج بعدين روحي لأمج مي: ها اشتبين؟؟ فاطمة: شخبار منال؟؟ مي: الحمد الله بخير فاطمة: انزين سلمي عليها واااااااايد وقولي لها إن رفيجتي هناء دايما تسأل عنه مي: ها اشتبين؟؟ فاطمة: شخبار منال؟؟ مي: الحمد الله بخير فاطمة: انزين سلمي عليها واااااااايد وقولي لها إن رفيجتي هناء دايما تسأل عنها و ودها إن تلاقيها مرة ثانية من عقب ما جافتها آخر مرة في خطوبة اخوج، وتقول عنها انها وايد حبوبه مي: الله يسلمج، اوكي بقول لها ما تامريني بشي ثاني؟؟ فاطمة: سلمي على خالتي واااااااااااااااااااااااااااااايد مي: انشاالله، بعد ما تبين شي؟؟ فاطمة: لا سلامتج مي: بااااااااااي فاطمة: سي يو........باااااااااااااااااي ورجعت فاطمة تكلم عاشق الظلام...... دمعة الأحزان: باااااااااااااك عاشق الظلام:احلى ولكموووووو دمعة الأحزان: سوري تأخرت عليك شوي عاشق الظلام:لا عادي اخذي راحتج دمعة الأحزان:اوكي... انزين كمل لي قولي شنو سالفتك؟؟ عاشق الظلام: بصراحة مو انه قلت لج إني احب وحده صح؟؟ دمعة الأحزان: اي قلت لي عاشق الظلام:انزين انه الحين فكرت إني ابتعد عنها و ادور غيرها دمعة الأحزان:ليش عاد؟؟ عاشق الظلام: لأن شكلها ما تحبني و تحب واحد غيري دمعة الأحزان:اهي قالت لك انها تحب واحد غير؟؟ عاشق الظلام:لا ما قالت بس انه حاس بهالشي ويبين من إلي اسويه دمعة الأحزان:انت قلت لها انك تحبها؟؟ عاشق الظلام:لا ما قلت خايف انصدم وتجرحني ، و الحين خلاص قررت انساها و ادور غيرها بس وين القاها؟؟ دمعة الأحزان:اها عاشق الظلام:انزين انتي ما تعرفين وحده تقدرين تعرفيني عليها؟؟ دمعة الأحزان:لا ما اعرف، كفاية إلي صاير عاشق الظلام:شنو صاير؟؟ دمعة الأحزان:لا مو شي... عاشق الظلام:انزين انتي قلتي لي انج تحبين واحد بس ما قلتي له انج تحبينه صح؟؟ دمعة الأحزان: اي صح عاشق الظلام: شنو صار عليكم الحين؟؟ دمعة الأحزان: للحين ما صار شي و القهر إن يحب وحده ثانية ، ومو عارفه اخليه شلون يحبني عاشق الظلام: الله يعينج دمعة الأحزان:والله مو عارفة شنو اسوي عاشق الظلام:انزين انه عندي حل لمشكلتنا اثنينه، بس اتمنى انج تساعديني وانشاالله بتنحل اوكي؟؟ توها فاطمة بترد عليه إلا صفاء تبي تكلمها تقول: هااااي قالت فاطمة في نفسها: اوهووووو هذي اشتبي بعد اول مرة تكلمني على الماسنجر، عجب اشصاير؟؟....... انزين ما اجوفني (Away)؟؟ صفاء: How are you?? بس فاطمة ما ردت عليها.... صفاء: ها فطوووم ما قلتي لي استانستي في الحفلة يوم لربعا، شكلج كنتي معصبة، قولي لي من شنو حبيبتي معصبة ؟؟ههههههههه ذيك الحزه عصبت فاطمة و قامت بترد عليها، بس تالي قالت: لا انه (Away) خلني احقرها احسن..... صفاء: فطووووم بسألج شخبار اخوج حمووودي انشاالله اوكي؟؟ ما قدرت فاطمة تستحمل يعني اشتبي هذي في اخوها جليلة الحيا؟؟ صفاء: وينج فطوووم ما تردين؟ بس ممكن طلب؟؟...... ممكن يالحلوة فطووووم تعطيني ايميل اخوج؟؟ قالت فطوم في نفسها: اهااااا الحين عرفت ليش تكلمني و اهي من عمرها ما كلمتني على الماسنجر يعني تبي ايميل اخوي، انه بخليها تولي و لا برد عليها........ لا احسن شي اعطيها بلوك وافتك منها.. قامت فاطمة وعطتها بلوك، بعدين انتبهت انها نست سالفة عاشق الظلام وسمعت صوت الماسنجر إنه قاعد يكلمها و اهي ناسيته ، ولما رجعت له لقته كاتب..... عاشق الظلام: الوووووو عاشق الظلام:وينج؟؟؟ عاشق الظلام:معاي؟؟؟ عاشق الظلام: ها اشقلتي بتساعديني او لا؟؟ دمعة الأحزان: آسفة بس كنت مشغولة شوي ..... ها قولي شنو الحل و انه بحاول اساعدك اذا اقدر عاشق الظلام: اوكي بس ابيج اتساعديني بصدق مب مجاملة؟؟ دمعة الأحزان:اوكي احاول عاشق الظلام:انزين.... مدام انتي مو قادرة تخلين إلي تحبينه يحبج و انه مو قادر اخلي إلي احبها تحبني، اشرايج نحب بعض؟؟ دمعة الأحزان: نحب بعض؟؟؟؟؟؟؟!!!!!!!!!!!!!!!!!!! عاشق الظلام: اي ليش لا؟؟ يمكن نقدر جذي ننسى إلي نحبهم ، لأن احنا جذي بنتعذب اكثر دمعة الأحزان: لا بس انه احبه وما اقدر انساه مستحيل عاشق الظلام:لا، ارجوج حاولي وبقولج اسمي و كل شي عني و بكل صراحة دمعة الأحزان: لا مستحيل اتخلى عنه، انه عندي أمل إن يحبني في يوم من الأيام وبظل متمسكة بهالأمل طول حياتي لين ما يحبني عاشق الظلام: ما ادري والله شاقولج، انه كل ما ادور لي على طريج القاه مسدود ما ادري ليش دمعة الأحزان: دور غيري وبتلقى احسن مني عاشق الظلام: ما ادري و الله شاسوي دمعة الأحزان: الله يساعدك عاشق الظلام: اوكي انه بخليج الحين، واذا غيرتي رايج ترى انه انتظرج بأي وقت دمعة الأحزان: لا مستحيل اغير رايي، ولا تعب نفسك و تنتظرني دور غيري احسن لك عاشق الظلام: اوكي..... بااااااااااااي دمعة الأحزان:بااااااااااااااااااي صكت فاطمة الماسنجر وقعدت طول الوقت تفكر في كلامه، يعني اهي صج اذا تمت جذي بتتعذب اكثر بس مستحيل تفكر في غيره و اهي عندها أمل انه يحبها في يوم من الأيام، مستحيل تتخله عنه....... وحتى يوم على العشا نادتها أمها كانت سرحانه.. أم محمد: اشفيج اليوم فطوووووم الصبح مالج خلق و الحين سرحانه؟؟ فاطمة: لا يمه سلامتج ما فيني شي بس افكر في الدراسة عندي شي مب فاهمته بخلي هناء تشرحه لي، ما عليج مني. محمد: فاطمة ابيج شوي بعد العشا اوكي؟؟ طالعته فاطمة مستغربه: وانت اشتبي بعد؟؟ محمد: لا لا تفميني غلط ترى ما ابي اتهاوش معاج و لا اتطنز عليج ، بس ابي شي .... بعدين بقولج. وعقب العشا راحت فاطمة حجرتها و قعدت تفكر في كلام عاشق الظلام و أفكار توديها و أفكار اتييبها، ومدام إهي تفكر دخل اخوها حجرتها، طالعته فاطمة مستغربة وقالت: شلون تدخل بدون استأذان؟؟ محمد: انه طقيت الباب قبل لا ادخل بس شكلج ما سمعتي يمكن سرحانه تفكرين في منو ها؟؟؟ قولي لي يلا انه اخوج ههههه فاطمة معصبة: اوهوووو انت بعد يلا قول اشتبي و خلصني؟؟ محمد: زين زين لا تعصبين ، عاد انه بقولج وبدون مقدمات ابي ايميل صفاء ممكن؟؟ فاطمة مستغربة و امبطلة عيونها: شنو؟؟ ايميل منو؟؟؟ محمد: ما سمعتي ايميل صفاء فاطمة: وليش تبيه؟؟ محمد: بس صداقة لأني تعرفت عليها في الحفلة فاطمة: و ليش ما اخذته من عندها؟؟ محمد: نسيت اقولها... انزين يلا عطيني وبلا أسئلة فاطمة: غريبة اليوم يوم افتح الماسنجر اهي بعد طلبت ايميلك محمد مستانس: صج و الله؟؟؟ وعطيتيها؟؟ فاطمة: لا اصلا ما كلمتها ، طنشتها ، اشتبي فيها اتحبها؟؟ محمد: انه لا...... قلت لج صداقة فاطمة: لكن انت تحب هناء صح؟؟ محمد: انه ما احب احد ولا تكثرين اسئلة... يلا بتعطيني و لا شنو؟؟ فاطمة مبتسمة و شكلها فهمت السالفة: انزين هذا ايميلها وكتبت ايميل صفاء في ورقة و عطته اياه ، وطلع من حجرتها و اهو فرحان.. قعدت فاطمة تضحك وقالت: اشوه إنه حب وحده غير هناء لا تصير سالفة ، بس عاد ما دور إلا صفاءوو هذي ،بس اهم شي انها اتحب اخوي مثل ما اهو يحبها مو دلع و بياخة......... ولو تدري هناء بتغار وبتنقهر حتى لو ما كانت تحب اخوي بس بتقول عاد ما دور إلا ذي احسن مني علشان يحبها ، شنو يحب فيها ههههههههه، و الله انها ما تستاهل اخوي |
الجزء الثالث عشر
يوم الخميس الصبح قعدت هناء و تريقت وبعدين راحت حجرتها، وقعدت تفكر في خالد.... هذي حالتها كل يوم تفكر فيه من ذاك اليوم يوم يتصل فيها و يقول لها إن برد يتصل مرة ثانية و لا اتصل، و اهي الحين تنتظر هالإتصال على أحر من الجمر وتقول في خاطرها : ليش ما اتصل فيني للحين؟؟ يعني يتوقع مني إني اتصل له...... لا أخاف يقول إني خلاص ما احبه وبدور غيري.... يا ربي انه ليش سويت جذي ليش ما كلمته برقة شوي حتى لو ما قلت له إني احبه على الأقل ابين له إني مهتمه فيه علشان لا يفكر في غيري..... و على بال ما اهي تفكر رن تلفونها و جافت الرقم ، كان رقم خالد و اهني نقزت هناء من الفرحة و قلبها يدق بسرعة ، ومرتبكة ومو عارفة شتسوي متردده انها ترد عليه و خايفه بس اخيرا ردت عليه.... هناء: الو خالد: هلا و الله .... هلا بعمري سكتت هناء و قلبها قام يدق بسرعة مو قادرة تتكلم او تقول حرف واحد خالد: شخبارج؟؟ تكلمت هناء بصعوبه: بخير خالد: تصدقين انج وحشتيني وبعد هالمرة هناء ما عرفت شنو تقول له خالد: قلت بتصل فيج من الصبح ابي اسمع صوتج و اصبح عليج هناء كانت فرحانه وايد بس ما كانت تعرف شنو تقول له وتمت ساكته خالد: الو وينج هناء؟؟ هناء: معاك خالد: انه مضايقج باتصالي؟؟؟ هناء بسرعة: لا بالعكس اهني هناء تمنت إن الأرض تنشق و تبلعها ، مو عارفة اشلون قالت له جذي خالد: يعني فرحانة؟؟ هناء بتردد: اي خالد: يا بعد عمري هناء: ارجوك خالد لا تقول لي هالكلام خالد: ليش يضايقج يعني؟؟ هناء: آسفة خالد ما اقدر اطول معاك بااااااااي خالد: تحملي في روحج حياتي هناء كانت تبي تسكر بسرعة قالت له: باااااااااي خالد: باااااااااي حبيبتي بسرعة سكرت هناء عنه و قلبها يدق من الوناسة و انسدحت على السرير سرحانه فيه، وتفكر إن تكون عندها جرأه علشان تقول إلي في قلبها له ما يصير تخليه جذي، لكن الحين تأكدت إن للحين يبيها وما دور غيرها ،وأخيرا ارتاحت أما خالد فكان كل يوم يتأكد أكثر من قبل إن هناء تحبه بس ما عندها الجرأه علشان اتقوله بس متأكد إن مع الوقت راح اتقول له، و على بال ما اهو يفكر اتصل فيه علي، خالد من جاف الرقم خاف و قال : لا يكون هناء قالت لأخوها عني علشان يهاوشني...... لا مستحيل انه اعرف هناء اتحبني مستحيل تسوي جذي...... انه ليش افكر جذي خلني اكلمه و اجوف شنو السالفة خالد: الو علي:هلا خالد..... شخبارك؟؟ خالد:الحمد الله بخير علي:............. خالد:اشفيك علي؟؟؟ متصل لي وساكت ما تتكلم؟؟ علي:ما فيني شي خالد:لا انه حاس إن فيك شي، يلا قولي علشان ترتاح علي:بصراحة احس روحي تعبان خالد:تعبان؟؟ من شنو؟؟؟ علي:ما ادري.... يمكن من التفكير خالد:في شنو تفكر؟؟ علي:في إلي احبها خالد:اي انت قلت لي مرة انك تحب وحده، ليش شنو صار بينكم؟؟ علي:ما صار شي بس شكلها ما تحبني خالد:انزين انساها، دور لك غيرها علي:لا ما اقدر انه احبها بصراحة، فكرت مرة إني احب غيرها بس ما لقيت إلي تحبني خالد: حاول تكلمها وتبين لها مشاعرك اتجاهها علي: حاولت اتقرب منها مرة بس حسيتها ما تبيني خالد: انت شكلك إذا تميت جذي بتتعب أكثر، عيل بمر عليك الحين علشان نطلع و تغير جو علي: لا ماابي اطلع بس خلني بهمي خالد: لا ما يصير لازم تطلع ترى بزعل منك علي: انت ما تدري يعني شنو انك تحب لأنك ما جربت الحب خالد: من قال لك إني ما احب؟ علي: يعني الحين انت تحب؟؟ خالد:اي علي:اتحب منو؟؟ سكت خالد مو عارف شنو يقوله، لو قال له إن إلي يحبها إهي اخته اكيد بهاوشه فقال له: احب وحده ما تعرفها علي: اهي اتحبك؟؟ خالد: شكلها علي: ليش ما قلت لها انك تحبها؟؟ خالد: امبله قلت لها بس اهي شكلها مستحية اتقول لي انها تحبني، مع إني حاس إنا صج اتحبني علي: يا بختك، ياليت انه مثلك خالد: انزين ما علينا من هالسوالف، الحين انه ياي عندك علشان نطلع اوكي؟؟ علي: اوكي خالد:بااااااي علي: بااااااااي في بيت بو محمد الساعة 2 الظهر، كانت فاطمة قاعده مع مي واختها منال يسولفون ومعاهم سارة.... مي بنية حلوة و مرحة و تحب الوناسة واهي كبر فاطمة، وأما اختها منال وحده رزينة و عاقل واهي اكبر منهم وعمرها 23 سنة مي: اللاااااااااااي ياريت كل يوم نقعد عندكم جذي احسن من بيتنا ملل واااايد، اقعد ما اسوي شي فاطمة: حياكم الله بأي وقت، واحسن لو تيين كل يوم لأني انه بعد اقعد متملله بروحي مي: ليش ما تروحين بيت رفيجتج هناء او اهي ما اتيي عندج؟؟ فاطمة: امبله اوقات اروح لها واوقات اهي اتيي عندي، بس بعض الأحيان اقعد بروحي اتملل منال: شخبار رفيجتج هناء؟؟ فاطمة: بخير ودايما تسأل عنج منال: الله يسلمها مي: ليش مو انتي قلتي بيت هناء ييرانكم؟؟ فاطمة: اي ييرانه مي: انزين ليش ما تقولين لها اتيي تقعد معانا؟؟ فاطمة: اي صج نسيت اقول لها سارة: انه بروح اتصل فيها بقول لها اتيي فاطمة: لا ما ابيج انتي تقولين لها ، انه بقول لها بنفسي سارة: انه بقول لمريم اتيي عندنا، ابيها تقعد معاي لأن سوالفكم مملة فاطمة: و الله إذا سوالفنا مملة قومي لا تقعدين معانا سارة: و هذا إلي بسويه، بروح اتصل في مريم و بقول لها اتيي تقعد معاي فاطمة: قولي لهناء اتيي تقعد معانا سارة: اوكي وقامت سارة وراحت تتصل في مريم........ وعقب عشر دقايق يات هناء و مريم بيت بو محمد ، وقعدوا مع بعض يسولفون لين الساعة 8 في الليل..... فاطمة: اشرايكم انغير جو شوي؟؟ هناء: يعني شنو انسوي تبينا نطلع؟؟ فاطمة: لا بس نقعد نتمشى في حديقة بيتنا ترى وناسة هالوقت مي: اي يلا خلنا نروح بره احسن وطلعوا كلهم بره الحديقة، فاطمة و هناء ومي و منال يتمشون مع بعض و سارة ومريم مع بعض لكن بعدين سارة ومريم دخلوا البيت يطالعون فلم... مي: و الله حديقتكم وايد حلوه و واسعة فاطمة: اي هذي امي وايد تهتم فيها و دايما تييب فيها انواع يديده من الأشجار منال: انه بعد احب اهتم بحديقة بيتنا، دايمن اعدلها و انسقها مي: اي منال فنانة في هالسوالف منال: مو لهدرجة عاد فاطمة: زين و الله ياليت انه عندي وقت اهتم لهسوالف مي: انزين بسالج فطوووم .... الليلة اذا سهرنا شنو بنسوي بنطالع فلم و لا شنو؟؟ فاطمة: ما ادري و الله ، شنو رايكم انتوا؟؟ منال: انه عادي أي شي تبون اسوونه بكون معاكم فاطمة: هناء.... نسيت اقولج إن مي ومنال ببيتون عندنا الليلة إشرايج تبيتين إنتي و اختج معانا؟؟ هناء: والله قعدتكم ما تنمل بس انه بطلع ويه أمي بنروح بيت خالتي سعاد بنسهر عندهم هناك وما بنرجع إلا متأخرين مي: خسارة و الله واهم كانوا يتمشون جافوا محمد توه راجع من بره، ولما جافهم يه يسلم عليهم.... محمد: هلا و الله، اهني بنات خالتي و انه ما ادري؟؟؟ شخباركم؟؟ مي+ منال: الحمد الله مي كانت تحب محمد من يوم اهم صغار بس صار لهم فتره طويلة ما جافوا بعض ، وهالفترة خلت مي تنسى محمد بس الحين من جافته حست إن قلبها يدق بسرعة .... محمد: شخبارج هناء؟؟ هناء: بخير فاطمة: من وين ياي؟؟ محمد: كنت ويه الربع بس برد اطلع عقب شوي، تامريني بشي؟؟ فاطمة: لا سلامتك محمد: الله يسلمج، اوكي يلا الحين اخليكم ومشى عنهم محمد، واهم قاموا يتمشون ويسولفون لكن مي كانت سرحانة وتفكر في محمد، وعقب فتره رن جرس بيتهم واهم كانوا جريبين من الباب، قامت فاطمة وفتحته وجافت يوسف اخو هناء واقف.... يوسف: هلا فاطمة شخبارج؟؟ فاطمة: الحمد الله يوسف: انه ياي اخذ هناء و مريم علشان اوصلهم بيت خالتي فاطمة: اوكي تفضل..... اكا هناء واقفة يمي وبروح انادي مريم من داخل راحت فاطمة داخل تنادي مريم، ويوسف دخل عند باب الحديقة و جاف هناء ومي ومنال... يوسف: هلا شخباركم؟؟ هناء+مي+ منال: بخير يوسف: هناء من هذيلا؟؟ رفيجاتج بعد؟؟ هناء: هذي منال و اختها مي، يصيرون بنات خالة فاطمة يوسف من جاف منال حس إن يعرفها من زمان وكان فيها شبه وايد من البنت إلي حبها قبل (منى)، وتم طول الوقت يطالعها ويتخيل فيها حبيبته منى، وحتى يوم اتيي اخته مريم تناديه ما سمعها كان سرحان يطالعها.... مريم: اشفيك واقف؟؟ يلا خل نمشي هناء: يوسف يلا لا نتأخر، أمي تنطرنا التفت يوسف لهم وقال: إي يلا ترى إهي بسيارة بره وطلعوا من عندهم لكن تفكير يوسف كان عند منال................ الجزء الرابع عشر يوم الأحد الساعة 4 العصركان محمد في غرفته قاعد يفكر في صفاء، كان اول مرة يحب وحده جذي، اهو في البداية كان معجب في هناء بس لاحظ إنها ما تعطيه أي اهتمام، بس من جاف صفاء في حفلة العيد ميلاد حس إنها جريبة منه وبدى قلبه يحبها و خصوصا عقب ذاك اليوم إلي طلب في إيميلها من فاطمة وعرف إن اهي بعد طلبت إيميله فعرف إنها اتحبه و قام كل يوم يكلمها على الماسنجر و أوقات يقابلها في الجامعة.............. قرر محمد إن يتصل في صفاء ويقول لها كل شي بصراحة ، لأن اهو من أول ما كلمها للحين كان إلي بينهم على اساس صداقة........ اتصل محمد في صفاء......... صفاء: الو محمد: هلا فيج يالغالية صفاء: هلا فيك محمد: شخبارج؟؟ صفاء: I'm fine محمد:دووووووووم يا رب صفاء:شخبارك انت؟؟ محمد:انه بخير دامج انتي بخير صفاء:دوم انشاالله محمد: صفائي يالحلوة ابي اقولج شي.... بس مو تزعلين مني صفاء: قول و لا يهمك ، انه مستحيل ازعل منك يالغالي محمد:صج و الله انه غالي عندج؟؟ صفاء:اي و الله لو مو انت غالي ما كلمتك محمد: تسلمين لي والله صفاء: الله يسلمك محمد: انزين صفاء انه..... صفاء:انت شنو؟؟ كمل!! محمد: انه احبج صفاء:.............. محمد:الو وينج صفائي لا يكون زعلتي انه آسف، لا تفهميني غلط بس صدقيني انه احبج من قلب و الله صفاء: لا ما زعلت بس متفاجأة، ما توقعت محمد:ليش؟ صفاء:لأني........ محمد:لأنج شنو؟؟؟ صفاء:تبي الصراحة؟؟ محمد:اكيد صفاء:لأني انه بعد حبيتك محمد مو مصدق عمره وطار من الفرح.... محمد: صج و الله حبيبتي صفاء؟؟ صفاء:اي و الله محمد: والله مو مصدق احس روحي في حلم، ما ادري شلون!! صفاء:هههههههه محمد:تسلم لي هالضحكة صفاء: تسلم لي انت محمد: الله يسلمج يا بعد عمري صفاء: بس ابي اقول لك كل شي عني بصراحة علشان انكون صريحين من البداية محمد: اي قولي انه اسمعج صفاء: بصراحة انه قبل لا احبك كنت اتعرف على صبيان غيرك بس و لا واحد فيهم حبيته، بس انت غير عنهم كلهم ما ادري ليش، حبيتك من اول مرة جفتك فيها في الحفلة ومن ذاك اليوم كنت دايما افكر فيك، و حتى ما قمت اكلم صبيان مثل قبل صرت انت بروحك في حياتي، وما حبيت اخونك لأني حبيتك بصدق من قلبي محمد: يا بعد عمري يا صفاء، وانه بعد ما بخونج، تدرين انج بكلامج هذا و بصراحتج فرحتيني علشان لا انصدم فيج بعدين صفاء:انه كنت ابي اقول لك هالكلام من زمان بس مب عارفة شلون اقول له لك و الحين صار الوقت المناسب علشان اقوله لك محمد: امووووووت فيج صفاء صفاء:.................. محمد:وينج حبيبتي؟؟ صفاء: استحي لا تقول لي هالكلام ههههههههههههههه محمد: هههههههههههه صفاء: تدري اني من عقب ما حبيتك حسيت اني صرت وحده ثانية مو مثل قبل محمد: و انه ابيج تصيرين غير عن البنات لأنج احسن و احلى وحده عندي صفاء: تسلم لي يا حبيبي محمد بفرح:شنو ما سمعت عيديها مرة ثانية؟؟ صفاء:لا ما قلت شي محمد:لا بليييييز يلا قوليها مرة ثانية صفاء: هههههههه ما اقدر......... يلا انه بخليك الحين محمد: لا وين تروحين عني تخليني بروحي، انه مالي غيرج صفاء: لا احسن علشان لا تمل مني محمد:افا.... انه امل من حبيبة قلبي مستحيل صفاء: ههههههه اوكي تحمل في روحك حياتي محمد: اللااااااااي بعد انه حياتج يلا قوليها مرة ثانية صفاء:لا بس خلاص ههههههه.........باااااااااي محمد: اوكي حبيبتي اكلمج باقرب وقت........ بااااااااااااي سكر محمد التلفون واهو ميت من الفرح وقاعد يفكر في صفاء، جان يوصله مسج ولما فتحه كان من عند صفاء كاتبه فيه (جالسه لوحدي أدور كلمة (تسليك)...... احترت أي نوع من الكلام (اهديك)......... اهديك عيوني تحرسك وتداريك........ او روحي اللي ما همها إلا تلاقيك....... (احبك...احبك)........وما دمت حي بقلبي بخليك.....) قام محمد وطرش لها (عذري إني احبك لو تموت الأعذار..... وعذرك إنك تحس وتدري إني ابيك...... المهم إن غيرك ماله أي اعتبار...كل قلبي خذيته و إنت مالك شريك.... صرت من زود حبك من محبتك اغار.....شفت وش كثر احبك وأموت فيك....) الساعة 9 في الليل كانت هناء قاعده في غرفتها سرحانه تفكر في خالد وتكلم روحها: انه لمتى بتم جذي ما بقول له إني احبه؟؟؟.......... لازم اتصير عندي جرأه شوي علشان اكلمه واقول له إلي في قلبي........ يا ربي شاسوي؟؟......... ما ادري اتصل في فاطمة و اقول لها سالفتي لأني بصراحة ابي احد يساعدني و يقول لي شنو اسوي....... اهي كل شي يصير تقوله لي بكل صراحة و انه هالشي ما قلته لها.... بس اخاف تزعل....... لا اصلا بتزعل اكثر لين ما قلت لها.......عيل بتصل لها و بقول لها كل شي صار بينا وبجوف شنو ردها........... اتصلت هناء بفاطمة........ فاطمة: الو.... هلا بهناءووو هناء: هلا فيج يالغالية فاطمة: اوووه بعد غالية اشصاير؟؟؟ هناء: هههههه لا مو صاير شي...... بس انه متصله لج اقولج سالفتي بكل صراحة فاطمة: أي سالفة بعد؟؟..... شنو خاشة عني يلا قولي لي بسرعة لا اذبحج ههههههه هناء: اوكي بقولج كل شي بس لا تقاطعيني فاطمة:اوكي يلا وقالت هناء لفاطمة السالفة كلها من يوم تكلمت مع خالد بالحفلة للين ما كلمها آخر مرة بالتلفون فاطمة: كل هذا يصير وانه ما ادري؟؟؟....... ليش ما قلتي لي من قبل هناء:بصراحة خفت تزعلين فاطمة: وليش ازعل ؟؟؟ عادي هذي حياتج و انتي حره فيها حبي إلي بتحبين هناء: لا مو هذا قصدي بس بتقولين اني ما اساعدج لأني مشغولة و احب واحد فاطمة: لا عادي........ بس لو قلتي لي يوم الحفلة جذي جان بزعل لأني كنت معصبة بس الحين عادي هناء: عيل اشوه ....... كلشي ولا زعل فطوووووووم حبيبتي فاطمة:هههههه تسلمين لي هناء:الله يسلمج............. انزين انه الحين ابي اسألج اتصل في خالد و اقول له انه احبه او لا؟؟ فاطمة: تبين الصراحة لو انه مكانج اتصل له و اقوله........ يعني لو مثلا علي متصل فيني ويقول لي إن يحبني و انه احبه اكيد بقول له بكل صراحة إني احبه، و مدام إنتي تحبين خالد واهو قالج إن يحبج فقولي له إنج تحبينه هناء: يعني جذي رايج؟ فاطمة:اي جذي يلا تشجعي و لا تخافين ما بصير شي هناء: اوكي عيل الحين بسكر عنج وبتصل فيه فاطمة: اوكي... بس لحظة بقول لج شي هناء: شنو؟ فاطمة: تدرين اخوي محمد طلع يحب من؟؟ هناء: من؟؟ فاطمة: يحب صفاء هناء باستغراب: صفاااااء ما غيرها؟؟؟؟!!!!! فاطمة: اي صفاءوو هناء: عاد ما دور إلا ذي، ليش ما في احسن منها؟؟ فاطمة: اشدراني عنه هناء:انزين اشلون عرفتي إن يحبها؟؟ فاطمة: لأن قالي يبي ايميلها و اهي بعد قالت لي على الماسنجر تبي ايميله هناء: و عطيتيه؟؟ فاطمة: اي عطيته بس ما عطيت صفاءوو هناء: احسن....... لكن صفاء اتحب محمد؟؟ فاطمة: هذا إلي ما اعرفه...... انتي ليش تسألين وايد لا يكون تغارين عليه؟؟ هههههههه هناء: ترى بازعل منج فطووووم توني قايلة لج سالفتي، بس انه ما احب صفاءوو واهي بصراحة ما تستاهل اخوج فاطمة: اي والله هناء: اوكي عيل الحين اخليج فاطمة: اوكي هناء: بااااااااااااااي فاطمة: باااااايااااااات وقررت هناء اخيرا تتصل في خالد................... الجزء الخامس عشر اتصلت هناء في خالد........ والتلفون كان يرن عند خالد و كل رنة تزيد من دقات قلبها، وخلصت الرنة بدون ما يرد عليها، استغربت هناء ليش خالد ما يرد عليها......... يعني خلاص ما يبيها....... نساها بسرعة......... وتمت هناء تفكر طول الوقت ...... ليش يسوي فيها جذي؟؟؟ و حتى يوم حاولت ترقد ما قدرت، دايما تتقلب في فراشها تفكر فيه........ وصار لها ساعتين و اهي على هالحال لين ما رن تلفونها وبسرعة جافت الرقم و كان رقم خالد وطارت من الفرح ..........ردت عليه هناء.... هناء: الو خالد: هلا بحياتي و عمري هناء مستحية: هلا فيك خالد: شخبارج حبيبتي؟؟ هناء: بخير خالد: دووووووم انشاالله هناء:.............. خالد: اشفيج ساكته حبيبتي ما تتكلمين؟؟ هناء: ما فيني شي خالد: انتي اتصلتي فيني من شوي صح؟؟ هناء: اي خالد: مسامحة حبيبتي لأني ما رديت عليج لأن التلفون نسيته في البيت و كنت طالع مع الربع ويوم رجعت وجفت رقمج على طول اتصلت فيج ارتاحت هناء يوم سمعت هالكلام لأن تفكيرها وداها بعيد... خالد: شنو قلتي عني يوم ما رديت عليج، اكيد قلتي عني إني ما ابي اكلمج صح و لا انه غلطان؟؟ هناء مستغربة: اي صح اشدراك؟؟ خالد: ههههه، لأني احس فيج يا حياتي هناء:.................. خالد:تدرين إني مو مصدق إنج متصلة فيني، انه فرحان من الوناسة هناء: هههههههههه خالد: تسلم لي ضحكتج هناء: الله يسلمك خالد:انزين ما قلتي لي ليش متصلة فيني، تبين مني شي؟؟ هناء: لا بس اسلم عليك، و اسأل عنك خالد: الله يسلمج.......... بس تدرين انه احس انج متصلة علشان تقولين لي شي صح؟؟ هناء: لا بس اسلم عليك صدقني خالد: امصدقج بس بعد تبين تقولين شي ثاني صح؟؟......... قولي وانه اسمعج لا تخافين هناء كانت متردده اتقول له بس تذكرت كلام فاطمة و تشجعت شوي وقالت: بصراحة انه متصلة فيك اقولك........ خالد: اي كملي علشان تقولين شنو؟؟ هناء: علشان اقولك إني......... إني.........إني احبك قالتها هناء بسرعة وسكرت الخط في ويه خالد، وقلبها يدق بسرعة من إلي سوته واهي تكلم روحها: يعني الحين شنو بقول عنها خالد........ انه ليش سويت جذي صج انه غبية، ومدام اهي جذي رن تلفونها و كان خالد متصل، ترددت هناء انها ترد عليه و كانت خايفة من إلي بقوله لها بس اخيرا ردت عليه.... هناء بخوف: الو خالد: هلا حياتي...... ليش سكرتي الخط..... انه ما صدقت انج تقولين لي تحبيني علشان تسكرين الخط في ويهي هناء:.................. خالد:اشفيج ساكته، انه ما بسوي فيج شي بالعكس انه فرحااااااان وااااااااااايد لأنج تحبيني بس كلميني هناء: انه آسفه لأني سكرت في ويهك خالد: لا عادي حبيبتي انه مسامحج، بس اهم شي انتي ما تضايقين مني هناء:لا انه مستحيل اضايق منك خالد:يا بعد عمري........ تدرين انه كنت متوقع إنج تقولين لي احبك في يوم من الأيام هناء مستغربة: ليش اتعرف إني احبك؟؟ خالد: اي هناء:شلون انه ما قلت لك؟؟ خالد: مب لازم تقولين، قلبج قال لي، طريقة كلامج و اسلوبج و عيونج كلهم قالوا لي هناء: هههههههههههه خالد: فديتج والله هناء: تسلم لي......... اوكي انه الحين بخليك لأني ابي ارقد خالد: انتي ليش دايما تتهربين مني؟؟ هناء: لا انه ما اتهرب منك بس باجر وراي جامعة و الحين تأخرت لازم ارقد خالد: اوكي حبيبتي اهم شي راحتج، بس الحين كل يوم بكلمج اوكي؟؟ هناء: اوكي خالد: تصبحين على خير يا عمري هناء: وانت من اهله خالد: ما بتقولين لي ياعمري هناء:ههههههههه خالد: يلا قولي قبل لا اسكر عنج هناء:يا عمري حست هناء ذيك الحزه إن خدودها صاروا حمران مع إن خالد ما يجوفها، وكانت تبي تسكر عنه بسرعه خالد: فديتج والله يا عمري وحياتي هههههههه هناء: ههههههه..... اوكي باااااااااااي خالد: بااااااااااااي يا عمري واخيرا رقدت هناء و بالها مرتاح.............. و في هالوقت كان يوسف بغرفته يفكر في منال ويقارن بينها و بين منى، منى الإنسانة إلي حبها من كل قلبه بس اهي اختارت طريجها بروحها و قررت انها تخونه و تتركه يتعذب بروحه، واهو للحين يفكر فيها ما نساها كل يوم يذكرها في كل ساعة في كل دقيقة و في كل ثانية، بس من جاف منال حس إن فيها وايد شبه من منى، يعني منال تقدر تخليه ينسى منى و يحبها؟؟؟؟!!.......بس اهو ما يعرف منال ولا كلمها بس كان متأكد إن في شي قريب يربط بينهم، وحتى نظرات منال له حس إن فيهم شي يجذبه لها........ بس اذا ما حاول يحب منال بتم طول عمره يتعذب في التفكير في منى و اهي و لا على بالها......... ومنال البنت الوحيده إلي من جافها حس بشي قريب بينهم من عقب ما تركته منى، وعلى بال ما اهو يفكر سمع بره صوت اخوه علي إلي توه راد من بره يكلم أمه، فقرر يكلم علي في هالموضوع يمكن يقدر يساعده لأن محد يدري بموضوعه مع منى............. عقب عشر دقايق طلع يوسف من غرفته رايح غرفة علي، وطق الباب ودخل... كان علي توه بيرقد..... علي: هلا يوسف... تفضل ادخل يوسف: انه ياي اكلمك في موضوع يخصني علي باستغراب: موضوع يخصك؟؟!! شنو هالموضوع؟؟ يوسف: بصراحة انه يايك لأني محتار ومو عارف شاسوي و ابيك تساعدني....... و هالموضوع صاير من زمان قبل لا اسافر ادرس بره علي: والله حيرتني شنو هالموضوع خير انشاالله؟؟؟ وقال يوسف لعلي سالفته من اول ما حب منى لين ما سافر و شنو صار و شنو عرف من عقب ما رجع من السفر لين ما جاف منال و حس إنها جريبة منه........ علي: كل هذا يصير و احنا ما ندري؟؟ يوسف: مو مهم الحين... إلي صار صار ، بس الحين انه محتار مو عارف شنو اسوي ابيك تنصحني و تساعدني علي: والله ما ادري شاقولك....... بس لين تميت جذي بتتعذب اكثر يوسف: انزين انه عندي حل و قولي شنو رايك فيه علي: قول.... شنو؟؟ يوسف: اخطب منال علي: تخطب منال؟؟ يوسف: اي لأني احس انها بتنسيني منى علي: بس مب اهني المشكلة يوسف: عيل شنو؟ علي: منال اتصير حق بيت بو محمد ، و ابوي و بو محمد دايما على خلاف مب متفقين، يعني الحين تتصور إن بو محمد يوافق إن يخليك تخطب منال يوسف: بس إحنا ما بنخطب منال منه بنخطبها من ابوها علي: اكيد من ابوها بس شلون بتقدر توصل لأبوها و انت ما تعرف حتى وين بيتهم، يعني لازم تقول لأبو محمد اول يوسف: انزين ابوي وبو محمد شنو سالفتهم؟؟ علي: ما ادري والله، كل ما اسأل ابوي يعصب علي ويقول لي لاتييب هالسالفة مرة ثانية يوسف: لازم نحل هالخلاف بينهم انه اذكر من اول ما انولدت و اهم على هالحال علي: شلون بتحله اذا انت ما تدري شنو السبب اصلا يوسف: انه بكلم ابوي باجر في هالموضوع وبحاول اعرف منه شنو سالفتهم تابعوني في الجزء السادس عشر..................... الجزء السادس عشر يوم ثاني الساعة 2 الظهررجعت سارة من المدرسة............... أم محمد: يلا سارة روحي تسبحي وتعالي تغدي، أبوج الحين بيي سارة: لايمه أنه ما أبي غدا أم محمد: و ليش ماتبين غدا هذا مو من عوايدج أكيد امسوية شي في المدرسة؟؟!! سارة : لا يمة بس إحنا اليوم امسوين في المدرسة حفلة وأكلنا لين شبعنا أم محمد : وما قلتي لي إنكم بتسوون حفلة؟ و لا قلتي للطباخ اسوي لج شي؟ سارة: انه قلت للطباخ يسوي لي طبخة على ذوقه و وديتها اليوم أم محمد: صج؟؟!! ما قالي الطباخ!! سارة: والطباخ شنو دراه إنج ما تدرين ؟؟ انه الحين بروح حجرتي لحد يزعجني وتركت سارة أمها وراحت حجرتها ونامت لها ساعتين لأن كانت وايد تعبانه....... وعقب ما قعدت سارة من النوم قامت تفكر في شي اسويه وتكلم روحها :أف ملل شنو اسوي خلني أروح أطالع التلفزيون..............لا لا هالحزة التلفزيون ما فيه شي..... اي خلني أدخل النت سويت لي أمس إيميل يديد خلني أدخل عليه . قامت سارة و فتحت الكمبيوتر إلي كان خربان و صلحه لها أبوها إلي كان ما وداه في البداية حق يصلحة علشان لا تنشغل فيه وتترك دراستها بس لأن إهي محتاجته في الدراسة فأضطر إنه يصلحه لها . فتحت سارة الماسنجرعلى إيميلها القديم ولقت عندها مريم أون لاين، تعجبت سارة إن مريم تدخل النت بس تذكرت إن المعلمة طالبة منهم تقرير باجر فقالت: أكيد داخلة علشان التقرير؟ خلني أسوي فيها دقة أتسلى شوي............. قامت سارة وضافت مريم على إيميلها اليديد و بعد شوي قبلتها مريم........ سارة: سلام عليكم مريم:................................ سارة: ألوووووووووووو وينج مريم: ................................ سارة : مشغولة ؟ مريم: عليكم السلام مريم : اي شوي مشغولة.... بس منو إنتي؟؟!! سارة : انه صبي مو بنية مريم:.................................. سارة : انه إسمي طلال وعمري 18 سنة و ودي أتعرف عليج ولو إني أعرف كل شي عنج مريم:.................................. سارة : شنو فيج ساكتة؟؟ مريم:وشنو تعرف عني؟؟ سارة: اسمج مريم وعمرج 14سنة وعندج إخت وأخوين صح؟؟ مريم:.................................. سارة:وينج؟ مريم:.................................. سارة : شنو فيج؟؟ مريم : من وين لك إيميلي؟ سارة: انه أخذته من رفيجتج ميساء مريم:.................................... سارة: مو مصدقة؟؟ مريم: اي مو مصدقة... أكيد مقلب سارة: بشنو أأكد لج إن مو مقلب، أنه صبي تبين اجوفين صورتي؟؟ مريم:................................... سارة: أوكي الحين بخليها لج قامت سارة وخلت لمريم صورة واحد من النت سارة: اشرايج فيني؟؟ مريم : إسمعني زين عاد صج لو مو صج أنه ما لي خلق هالسوالف وأنه مشغولة وبعطيك بلوك ودليت الحين سارة: وقفي وين رايحة أنه للحين ما كلمتج وما سولفنا مع بعض مريم : مب لازم سارة : سمعيني زين بمهلج دقيقة وحدة تفكرين فيها يا أما انج تواصلين وياي ونكون صداقة أو إني أفضحج في النت وأطلع عليج كلام وعلى فكرة أنه أعرف رقم تلفونج وعندي صورج مريم: ..................................... سارة: أنه ترى هكر و أعرف كل شي عنج من زمان مريم: ..................................... سارة: تدرين...... أنه الحين بايي بيتكم بعد ربع ساعة أكون عندج مريم: لا لا أنه ما أعرف شي عنك ولا تسوي لي سوالف سارة : لا نورعيني أنه أبي أكلمج فيس تو فيس مريم : أقول لك لا اتيي لا تسوي مشاكل سارة: باي مريم: وينك ألوووووووووو سارة:...................................... طلعت سارة من الماسنجر و اهي ميتة ضحك على المقلب إلي سوته ولو إنه مقلب مكشوف بس مريم اكلتها..... وبعد ربع ساعة طلعت سارة وراحت بيت مريم علشان تكمل المقلب ورنت الجرس، وما لحقت إلا فتحت مريم الباب عبالها طلال ياي....... سارة : هلا قوة مريومة مريم وإهي تتلفت برة في الطريج: قققوة سارة: إشفيج اطالعين يمين ويسار؟؟!! مريم: هــــــا لا لا ولا شي سارة: إمممممممممممم مريم : نعم شنو إلي يايبج إنتي أول مرة اتيين هالحزة؟؟ سارة : مليت بروحي قلت أيي أجوفج وعلى الرغم من إني أدري إنج قاعدة تدرسين وما بتعطيني ويه مريم : ها........ إي أقصد لا بعدي ما بديت مراجعه سارة: عجب اشصاير؟؟ إنتي أول مرة تتأخرين لهالوقت ولا ابتديتي تدرسين!!! مريم: إي إي لأن رقدت شوي والحين توني قاعدة سارة : عيل الحين بتدرسين ؟ مريم: إي سارة:على فكرة إنتي تعرفين واحد إسمه طلال؟؟ مريم مرتبكة: طلال طلال لا لا ما أعرف ليش تسألين؟؟ سارة: لأني وأنه يايه بيتكم لقيت واحد عند الباب و قال إن يبيج و إسمه طلال قلت له إنه بيتكم مو اهني فمشى وراح مريم : ............................. سارة :شنو فيج؟؟ وقامت مريم وقالت لسارة السالفة كلها من يوم مادخلت النت للحين و اهي تنتظره وإهني سارة تفرقعت من الضحك....... مريم مستغربه : إشفيج؟؟!! و قالت سارة لمريم السالفة............ مريم معصبة: يالخاينة تسوين فيني هالدقة لكن أراويج عبالج الناس فاظين مثلج، أنه من ييت للحين ما درست ولا سويت شي والسبب إنتي ومقلبج البايخ سارة: ههههههههههههههه مريم :وتضحكين بعد! سارة : بس المقلب حلو هههههههههههههههههه مريم : بايخ مثل ويهج سارة:ههههههههه أوكي أنه بروح بخليج تدرسين وعقبال المقلب الياي مريم: المقلب الياي أنه أرده لج وطلعت سارة وراحت بيتهم وإهي ميته ضحك.............. الساعة 5 العصر كان يوسف بغرفته يفكر شلون يفاتح ابوه في الموضوع و اخيرا قرر إن يقول له و إلي بصير خل يصير يعني لمتى بتم اهو جذي متعذب......... راح يوسف لأبوه و لقاه قاعد مع أمه في الصالة يطالعون التلفزيون، قعد يوسف معاهم، سألته أم يوسف: تبي اصب لك جاي؟؟ يوسف: لا يمه ما ابي جاي وتموا ساكتين فتره و يوسف مو عارف شلون يبتدي في الموضوع، لاحظ بو يوسف إن يوسف عنده شي ومب عارف يقوله فسأله: يوسف قول إلي عندك انه ابوك لا تخاف استغرب يوسف من ابوه شلون عرف إن في باله شي فقال: لا يبه ما عندي شي بو يوسف: قول إلي في خاطرك يعني إذا ما قلته لنا بتقوله لمنو؟؟ يوسف: بصراحة يبه........ انه ابي اخطب أم يوسف بفرح: هذي الساعة لمباركة، وتبيني اخطب لك وحده؟ يوسف: لا يا يمه انه لقيتها بو يوسف: بنت منو؟؟ احنا نعرفها؟؟ يوسف: يعني تقريبا بو يوسف: شلون تقريبا ما فهمت؟؟ يوسف: هالبنت إلي ابي اخطبها تصير حق بيت بو محمد ييرانه، و اسمها منال بنت خالة فاطمة طالع بو يوسف أم يوسف باستغراب و قال: وانت وين جايفها؟؟ يوسف: في بيت بو محمد لما رحت آخذ خواتي من عندهم علشان اوصلهم بيت خالتي بو يوسف: بس انت تعرف إني على خلاف مع بو محمد وما اقدر اخطبها لك يوسف: وانه ابي اعرف سبب هالخلاف إلي بينك وبينه، من يوم انه صغير وانتوا على هالحال وللحين مو عارف السبب؟؟؟ بو يوسف: تعرف بعد الشغل و المنافسة يوسف: مومعقوله يا يبه المنافسة بينكم تخليكم جذي ما تكلمون بعض طالع بو يوسف أم يوسف و قال لها: انه بكلم يوسف في الموضوع ونبي نكون بروحنا، ابي افهمه شنو صاير بينا أم يوسف: على راحتك يا بو يوسف ، انه بخليكم و بروح فوق وقامت أم يوسف رايحة فوق.... يوسف: ليش يعني ما تبي أمي تدري بالموضوع بو يوسف: تعال معاي مكتبي علشان افهمك السالفة بالضبط ونتكلم بهدوء راح بو يوسف و يوسف المكتب وقعدوا يتكلمون في الموضوع...... يوسف: يعني أمي لها علاقة بالموضوع؟؟ بو يوسف: اسمعني يا ولدي..... هذي سالفة طويلة ومن زمان صايرة قبل لا اتزوج أمك و طول هالفتره انه خاش السالفة عنها و عنكم ودايما اقول لكم سبب الخلاف اهو الشغل، بس الحين يه الوقت المناسب علشان اتعرف شنو سبب الخلاف الحقيقي إلي بيني وبين بو محمد، بس اهم شي إن أمك ما تدري بالسالفة يوسف: إنشاالله ما بقول لها بو يوسف: اول شي إلي لازم اتعرفه إن بو محمد يصير ولد خالتي يوسف باستغراب: يعني احنا انصير لهم و احنا ما ندري؟؟ بو يوسف: اي اتصيرون لهم يوسف: انزين وشنو علاقة هذا بالسالفة؟؟ بو يوسف: من يوم كنا صغار... كنا انه و بومحمد ربع على طول مع بعض يوسف: انزين بو يوسف: بس يوم كبرنا وصار كل واحد فينا عمره 20 سنة، شوي تغيرت علاقتنا مع بعض يوسف: شلون؟؟ بو يوسف: لأن انه و بومحمد حبينا بنية وحده، وكان كل واحد فينا يبيها له يوسف: و تالي شنو صار؟؟ بو يوسف: لبنية إلي انحبها ما كنت مهتمه في أي واحد فينا، بس انه و بو محمد نحاول نتقرب منها يوسف: ومن هذي لبنية، اتصير لكم؟؟ بو يوسف: لا، بس هذي لبنية كانت اهي نفسها أم محمد زوجة بو محمد الحين يوسف باستغراب: أم محمد ما غيرها؟؟ بو يوسف: اي ........... اهو قدر ياخذها مني .......... ومن ذاك الوقت للحين واحنا مقاطعين بعض يوسف: و ما حاولتوا انكم تردون لبعض مثل اول؟؟ بو يوسف: لا.... كل واحد منه راح في طريجه وصارت عند كل واحد فينا مشاغله الخاصة إلي خلتنا نبتعد عن بعض اكثر يوسف: انزين وشنو الحل؟؟........ ليش ما تحاولون تصالحون؟؟ بو يوسف: بصراحة انه ما اقدراذل روحي له يوسف: لا يا يبه من قال إنك بتذل روحك له، بالعكس صير احسن منه وابتدي إنت بالصلح بينكم بو يوسف: ما ادري شاقول لك ياولدي يوسف: يعني إنت للحين اتحب أم محمد وتفكر فيها مع انك متزوج أمي؟؟ بو يوسف: لا لا هذا اول الحين كل شي تغير و أم محمد ما عادت تهمني مثل قبل، الحين عندي أم يوسف الغالية يوسف: انزين عيل خلاص..... جذي المشكلة محلولة وانتهى سبب الخلاف إلي بينكم بو يوسف: لكن اخاف بو محمد يردني و يجرحني مرة ثانية يوسف: لا يا يبه اكيد الزمن بخلي بو محمد ينسى إلي صار وانه متأكد إن اهو بعد يبي يرد لك بو يوسف: اتهقى جذي؟؟ يوسف: اي و اذا ما رحت له تخطب منه منال انه بروح له بروحي و بتفاهم معاه بو يوسف: لا يا يوسف مو انت إلي تتفاهم معاه، انه بروح له بنفسي و بكلمه يوسف بفرح: صج و الله؟؟!! بو يوسف: اي صج يوسف:انزين ومتى بتروح له علشان استعد و اروح معاك بو يوسف: اليوم بعد العشا بروح له، لازم انهي هالموضوع بسرعة يوسف: انشاالله على خير وبعد العشا قال بو يوسف لأم يوسف إن رايح بيت بو محمد علشان يخطبون منال ويتصالحون، و أم يوسف المسكينة صدقت السالفة و عبالها إن كل إلي بينهم بس مشاكل الشغل و لا اهتمت في الموضوع بس فرحت من قلبها لأن بيتصالحون وهذا بخليها جريبة أكثر من أم محمد مع إنهم يتهاوشون بعض الأوقات على اسباب تافهة............... راح بو يوسف و يوسف بيت بو محمد وقعدوا في الميلس ينطرونه لين ما تناديه الخدامة، و بو يوسف كان يكلم يوسف: والله انه خايف من إلي بصير يوسف: ما اعتقد يا يبه إن هالشي يخوف إنت ياي اتصالحه مو اتهاوشه بو يوسف: بس إذا ما وافق بنتفشل جدامه و بننحرج و انه ما احب اذل نفسي لأي احد يوسف: ما عليك يا يبه من هالكلام انه من متأكد إن بيصالحك وبيرجع كل شي مثل قبل و احسن انشاالله بو يوسف: انشاالله راحت الخدامة اتنادي بومحمد إلي كان قاعد يشرب الجاي في مكتبه...... الخدامة: بابا.... في ضيوف في الميلس تحت يبونك بو محمد: ما قالوا لج من؟؟ الخدامة: يقول واحد اسمه بو يوسف استغرب بو محمد، يعني بو يوسف يارهم ياي له هالحزه؟؟؟....... ليش اشصاير و اهو من زمان ما كلمه........ اكيد السالفة جايده ومن جذي ياي الحين..... بسرعة نزل بو محمد وراح للميلس و دخل.......... بو محمد: سلام عليكم بو يوسف+ يوسف: عليكم السلام ما عرف بومحمد يتكلم لأن مستغرب ومنصدم من المفاجأة ما توقع ابدا إن في يوم من الأيام إيي له بو يوسف................ واما بو يوسف ما كان عارف شلون يبتدي و يدخل في الموضوع إلي ياي علشانه.......... و يوسف جاف إن الجو شوي متوتر و محد راضي يتكلم، فتكلم اهو وقال: بصراحة يا بو محمد احنا ياين لك ورافعين الراية البيضة استغرب بو محمد من السالفة وقال: خير انشاالله يوسف: انه عرفت السالفة إلي صارت بينكم، وهذي سالفة قديمة و المفروض تنسونها وتبتدون من يديد و الحين انه و ابوي ياين علشان انحل هالمشكلة واتمنى انك ما تردنا طالعه بو محمد واهو يفكر في كلام يوسف واهو عمره كله ما فكر في هالموضوع لأن نسى سالفته من زمان، كان يفكر إذا بصالحه او لا....... بو يوسف: بو محمد انه يايك واتمنى انك ما تردني، و السالفة إلي صارت بينا سالفة من زمان صارت و انتهت وما بيدنا شي الحين نقدر انسويه غير إن احنا نرد حق بعض و ننهي هالمشكلة إلي بينا، ترى الكل يتكلم عنا وعن سبب خلافنا إلي مو عارفين شلون ابتدى او شنو سببه بو محمد: والله ما ادري شاقول لك يا بو يوسف، وانه بعد ودي إن احنا نرجع مثل قبل و احسن و ننسى إلي فات بو يوسف: صج و الله يا بو محمد بو محمد: اي و الله صج وقام بو يوسف حظن بو محمد وعيونه دمعت من الفرح، ونفس الشي دمعت عيون بو محمد، واخيرا انحلت مشكلتهم ورجعوا خوان مثل قبل و احسن، واما يوسف فكان فرحان لأنهم تصالحوا و انحل كل شي بدون مشاكل و الحين صار يقدر يخطب منال...... يوسف: و الله احنا يا بو محمد ياين لك في موضوع ثاني ونتمنى إنك ما تردنا فيه بو محمد: خير انشاالله، انه مستحيل الحين اردكم لأنكم مني وفيني يوسف بفرح: تسلم لنا يا بومحمد بو محمد: الله يسلمك يا ولدي بو يوسف: بصراحة احنا طالبين القرب منكم بو محمد: هذي الساعة لمباركة بو يوسف: ولدي يوسف يبي يخطب منال بنت خالة فاطمة بو محمد: هذي الساعة لمباركة، بس لازم انكلم لبنية اول و اهلها وبعدين نرد لكم خبر يوسف: اكيد من حقهم بومحمد: عيل على خير انشاالله.......... اشرايك يا بو يوسف بالهمناسبة الحلوة اعزمكم على العشا باجر مع زوجتك وعيالك بو يوسف: مشكور و ما تقصر بو محمد: عيل انطرك باجر على احر من الجمر بو محمد+بو يوسف+يوسف:هههههههههههه وبعدين عرفوا بيت بو يوسف و بيت بو محمد إنهم تصالحوا و الكل فرح لهالخبر الحلو، بس محد يعرف سبب الخلاف الحقيقي غير يوسف وبو يسف وبو محمد و أم محمد، وكانت أم محمد اكثر وحده تتمنى انهم يتصالحون من زمان لأن ما تبي تكون سبب خلاف أي احد و هالمرة اهي سبب خلاف ولاد خالة، و لما عرفت انهم تصالحوا ارتاحت وايد و هم وانزاح عنها.............. الجزء السابع عشر يوم الثلاثة إلي اهو يوم عزيمة بيت بو يوسف عند بيت بو محمد، كانت فاطمة قاعده تدرس بغرفتها يوم دخلت عليها أم محمد........... أم محمد: ها فطووووم شخبار الدراسة وياج؟؟ فاطمة طالعت امها مستغربة لأن امها ما اتيي لها وايد غرفتها، وقالت: الحمد الله يمه أم محمد: انزين فاطمة.... ابيج تتصلين في منال وتعزمينها مع اختها مي الليلة على العشا فاطمة: انشاالله يمه....... بس ليش تبيني اعزهم يعني العزيمة لبيت بو يوسف ويمكن ابوي يتضايق لما يعرف إني عزمت منال ومي أم محمد: اصلا ابوج اهو إلي قال لي عزميهم فاطمة:ليش؟؟ أم محمد: لأن امس يوم يتصالحون ابوج وبو يوسف، طلب يوسف يد منال فاطمة باستغراب: صج و الله؟؟؟!!! أم محمد: اي بس ما ابيج تقولين لمنال إن اهو يبي يخطبها، بس نخليهم يجوفون ويكلمون بعض بدون ما تدري فاطمة: ليش بدون ما تدري؟؟؟ أم محمد: احسن علشان تتصرف منال على طبيعتها فاطمة:اوكي أم محمد: بس انه إلي ابي اعرفه من وين يوسف يعرف منال؟؟ فاطمة: اي اهو جاف منال مرة وحده يوم اتيي اخر مرة البيت وتبيت عندنا، كان اهو ياي ياخذ خواته وجافها أم محمد: انزين عيل اتصلي فيها و قولي لها ..... اي قبل لا انسى عزمي خالتج بعد خلها اتيي احسن علشان يتعرفون على أهل العروس هذا إذا خطبوها رسمي فاطمة: اوكي واتصلت فاطمة في مي وعزمتهم على العشا..................... و في الليل الساعة 8 كان الكل موجود في بيت بو محمد، البنات كانوا قاعدين في غرفة بروحهم، و الرياييل في الميلس، و ام محمد و ام يوسف وام منال في الميلس الثاني، وكان الكل فرحان و مستانس .......... كانوا البنات قاعدين يسولفون مع بعض............ مي: بصراحة وناسة جذي ياريت كل مرة تصير عزيمة فاطمة: اي فننن جذي، اشرايج مرة عزيمة عندنا و مرة عندكم ومرة عند هناء؟؟ مي: اي و الله هناء: انه موافقة سارة: انه اول وحده لازم تعزموني، ولا بتصير العزيمة بدوني و لاشي مريم+هناء+فاطمة+مي+ منال:هههههههههههههه مي: إلا بسألج فطوووم......... وين راح اخوي عماد من شوي كان اهني؟؟ فاطمة: يمكن راح مع محمود يلعبون بره منال: انه قلت له لا اتيي معانا بس اهو اصر إن ايي يقول يبي يلعب مع محمود من زمان ما جافه فاطمة: احسن إن يه معاكم علشان يقعد مع محمود و نفتك من حنته مي: اقول ساروونه..... ما عندي ايميلج،ممكن تكتبينه لي؟؟ سارة: اي اخذيه بروحي انه ابي ناس وايد عندي على الإيميل لأن اتملل اذا محد اون لاين وكتبت سارة الإيميل و عطته مي.. مي: وانتي بعد هناء عطيني ايميلج هناء: اوكي وكتبت هناء الإيميل و عطته مي... هناء تكلم منال: اقول منال انتي ما عندج ايميل؟؟ منال: امبله عندي بس ما ادخل عليه وايد، انه ما احب اقعد على الماسنجر بس ادخل اجوف الرسائل عندي و اطلع، بس اذا تبينه بعطيج اياه هناء: اي عطيني اياه احسن يمكن اكلمج مرة من المرات عليه وكتبت منال ايميلها و عطته هناء... مي: فطووووم عطيني ايميل اخوج محمد؟؟ فاطمة: و انتي ليش تبين ايميل اخوي؟؟ مي: بس جذي عندي ايميلاتكم كلكم ما عدا اخوج، وانه احب يكون لي معارف وايد، واحب اسوي مقالب في الأوادم يمكن اسوي مرة مقلب في اخوج هههههههه فاطمة: اوكي بعطيج بس لا تقولين له إني عطيتج ترى بيذبحني مي: افا عليج انه مستحيل اقول له من عطاني ايميله، بس يلا بسرعة كتبيه هناء: ليش مستعيلة تبين ايميله؟؟ مي مرتبكة: انه... لا مو مستعيلة و لاشي وكتبت فاطمة إيميل محمد و عطتها اياه......... ومن صوب ثاني كانت ام محمد و ام يوسف وام منال يسولفون ويضحكون مع بعض، وفي الميلس عند الرياييل كانوا قاعدين يسولفون ويتناقشون في سوالف الشغل وحتى بو محمد و بو يوسف اتفقوا انهم يوحدون شركتهم ويتعاونون مع بعض، و اما الشباب لما جافوا الشياب يتكلمون في سوالف الشغل طلعوا بره الحديقة يتمشون........... والساعة عشر اجتمع الكل على العشا ، و الكل كان يسولف و يضحك و فرحاااان... بو يوسف يتكلم مع بو محمد عن سوالف الشغل إلي ما تخلص، و ام محمد و ام يوسف و ام منال يتكلمون في سوالفهم إلي مالها اول من تالي، و محمود وعماد قاعدين مع بعض ياكلون و يضحكون( و عماد في نفس عمر محمود)....... و يوسف كان قاعد ياكل و عيونه على منال إلي ما تدري إن يطالعها و اهي كانت تسولف و تضحك مع هناء وفاطمة و مي، ويقول في خاطره: صج و الله انج حلوه يا منال وينج عني من زمان علشان تنسيني همومي......... وأما سارة كانت مجابلة يوسف على الطاولة تسولف مع مريم، و في شي ما تعرفونه عن سارة.... سارة معجبة في يوسف وتحبه ( حب مراهقة)، و كانت طول الوقت قاعده اطالع فيه و اتسوي حركات علشان تلفت انتباهه بس اهو ما يدري عنها، وسارة لاحظت نظراته لمنال و حست بالغيرة تحرق قلبها..... ومن صوب ثاني كانت فاطمة وهناء يسولفون و يخططون، شلون يخلون منال و يوسف يقعدون مع بعض ويتكلمون بروحهم........ و أما مي فكانت تتكلم و تضحك وعينها على محمد، إلي ما كان مهتم في أحد، وبس قاعد يفكر في حبيبة قلبه صفاء........ وكانت فاطمة و اهي تكلم هناء اطالع علي، و حست إن علي فيه شي، لأن كان هادئ و ساكت طول الوقت و لا تكلم......... وعقب العشا طلعت فاطمة و هناء و منال و مي بره الحديقة يلعبون شطرنج................ هناء: والله ما اقدر عليج يا منال صج ذكية، ما اقدر اغلبج مي: منال شاطرة في هاللعبة محد يقدر عليها منال: ههههههه يلا من تتحداني فاطمة: انه بلعب معاج، اتحداج تغلبيني ههههههه هناء: لا تسوين روحج عنتر، ترى بتغلبج بتغلبج فاطمة: ما عليه انه بلعب و بجوف انه ولا اهيه منال: يلا بنجوف هناء: و انتي مي ما تعرفين تلعبين؟؟ مي: لا انه ما اعرف و لا احب العب هاللعبة وقعدوا منال و فاطمة يلعبون، وفي هالوقت طافت صوبهم سارة و مريم و محمود و عماد ، وكانت سارة حاملة كرة سلة وقالت لهم: و الله صج انتوا مملين كل بس قاعدين و تسولفون و العابكم سخيفة فاطمة: و الله مو شغلج و اذا مو عاجبج لا تقعدين معانا سارة: ومن قال انه بقعد معاكم انه بروح ويه مريم ومحمود و عماد نلعب كرة سلة فاطمة: و انتي ما دورتي إلا هالحزة اطلعين قدراتج وتلعبين سلة سارة: والله مو شغلج فاطمة: انزين عيل قلبي ويهج مي: تعالوا بايي معاكم ، انه صح ما اعرف العب شطرنج بس محد يقدر علي في لعب السلة سارة: عيل تعالي وانه اتحداج مي: اوكي وراحوا مي ومريم وسارة يلعبون كرة سلة في صوب ثاني....... فاطمة: ما شاالله عليج يا منال محد يقدر يغلبج هناء: جفتي ما قتلج ما تقدرين عليها منال: انه ودي العب مع احد يتحداني و يعرف يلعب عدل ما اقدر اغلبه بسهولة هناء: صج تبين احد ما تغلبينه بسهولة؟؟ منال: اي اذا في بلعب معاه انه اتحداه طالعت هناء فاطمة وقالت: اخوي يوسف يعرف يلعب عدل محد يقدر عليه، بروح اناديه لج وقامت هناء بسرعة وراحت تنادي اخوها.... منال: وين راحت هناء لا تفشلني جدام اخوها فاطمة: ما عليج ترى اخوها وايد حبوب و ما بقول شي منال: لا بس يمكن ما يبي يلعب فاطمة: عادي اذا ما يبي يلعب ما بيي ورجعت هناء و معاها يوسف، و اهم في يتمشون رايحين لمنال و فاطمة قال يوسف: انه اشعرفني العب شطرنج، حتى قواعد اللعبة ما اعرفها هناء: ما عليك انت بس حرك أي شي وبتمشي اللعبة عادي، اللعبة سهلة ما يبي لها شي يوسف: انزين غششيني هناء: اوكي ، انت ما عليك و لا تحاتي وصل يوسف وهناء عند فاطمة و منال........... يوسف: ها من إلي تبي تتحداني، ترى محد يقدر يغلبني طالعته هناء و اهي تبي تضحك على كلامه وقالت: منال اهي إلي تتحداك، و بنجوف من إلي بيغلب انت و لا اهي فاطمة: يلا تعال العب، بنجوف اذا قدرت عليها منال وشكلها تشجعت من كلام فاطمة و هناء: يلا يوسف اذا قدرت تغلبني يعني تطلع صج بطل في الشطرنج يوسف: ههههههههههه عاد مب لهدرجة، بس ترى انه يمكن ناسي قواعد اللعبة لأن من زمان مالعبتها من قبل لا اسفر ادرس بره منال: اوكي ما عليه، بذكرك فيها وقعدت منال تشرح ليوسف قواعد اللعبة و اهو يحاول يركز و ما ينسى علشان يعرف يلعب و يطلع بطل جدامها، و بعدين ابتدوا اللعب و كانت هناء و فاطمة يساعدون يوسف ويغششونه، و عقب خمس دقايق قالت فاطمة: انه بروح اييب لكم عصير وبايي هناء: لحظة بايي معاج اساعدج وقامت هناء و فاطمة عنهم، قال لهم يوسف: تعالوا وين بتروحون و بتخلوني؟؟ منال: ليش تبيهم؟؟....... يعني خايف اغلبك؟؟ يوسف منحرج: لا بس انه.......... اصلا انه محد يقدر يغلبني وكان يوسف يقول في خاطره( وين رحتوا عني و خليتوني بروحي انه شلون الحين بلعب معاها ما اعرف شي) منال: ههههههه اوكي عيل العب بدون مساعدتهم يوسف: انه اصلا اعرف العب بدون ما يساعدوني منال: انزين عيل يلا راوني يوسف: اوكي ومن صوب ثاني كانت سارة و مي و مريم يلعبون كرة سلة.......... مي: جفتي ما قلت لج محد يقدر علي، صرت امدخلة الكرة في السلة 27 مرة و انتي بس 12 مرة سارة: انتي بس عطيني الكرة و براويج واخذت سارة الكرة و رمتها بس ما دخلت، و اخذت مي الكرة... مي: ها جفتي اصلا انتي ما تعرفين ادخلينها داخل سارة: انتي كل تاخذين الكرة عندج ما تعطيني اياها وايد، لو تعطيني جان دخلت الكرة اكثر منج مريم: انزين بس عاد لا تتهاوشون ، اكا انه ما دخلتها إلا 5 مرات و لا اقول شي مي: هههههههه انتي يا مريم على نياتج طيبة و ما تحبين لهواش مو مثل بعض الناس سارة: اشقصدج؟؟ مي: ههههههه ما اقصد شي محمود: يلا ما علينا من سوالفكم خلنا نكمل لعب عماد: اي يلا بسرعة ترى تمللنا سارة: انزين عطيني الكرة مي: لا ما بعطيج اياها سارة: قلت لج يلا عطيني الكرة مي: اذا تبينها تعالي لحقيني وقامت مي تركض و راها سارة، لين ما صادت سارة مي و طاحوا على الأرض و تلعوزت ثيابهم، و خذت سارة الكرة... مي: انزين الحين عطيني الكرة بعلمج شلون يرمونها عدل داخل السلة سارة: لا ما بعطيج، اكيد بتقصين علي و بتاخذينها و لا بتعطيني اياها مي: لا صدقيني بس ابي اعلمج سارة: عيل اول لحقيني واذا صدتيني بعطيج الكرة مي: انزين يعني و حده بوحده.... ما عليه اراويج وقامت سارة تركض و وراها مي ، يركضون مثل اليهال و يدورن في حديقة البيت ويركضون من مكان لمكان لين ما ضيعت مي سارة و اهي تركض ادورها، وتمت مي بروحها تركض ادور سارة لين ما حست روحها انها دعمت بشخص و طاحت على الأرض........ لما رفعت مي راسها جافت جدامها محمد إلي دعمت فيه و طاحت، وذيك الحزه حست مي إن ويها صار أحمر مثل الطماط من الفشلة، الحين شنو بقول عنها محمد، بقول هذي وحده ما كأن عمرها 20 سنة و قاعده تركض مثل اليهال وثيابها وصخة حالتها حالة...... بسرعة قامت مي من على الأرض و نظفت ثيابها.... محمد مستغرب: ها مي عسى ما شر؟؟ ما صار فيج شي؟؟ مي: لا ما فيني شي الحمد الله، و مسامحة ما جفتك جدامي محمد: لا عادي بس ليش تركضين جذي، يعني صاير شي؟؟ مي: لا بس هذي اختك سارة الله يغربل بليسها ما خذه الكرة ومو راضية تعطيني اياها، قالت لي اذا تبينها تعالي لحقيني محمد: هههههههههههههههههه حست مي بالفشيلة لأن محمد قعد يضحك عليها، يعني الحين اكيد بقول عنها ياهل و ما افتهم... محمد: انه اعرف اختي ما تيوز عن سوالفها ههههه مي: هههههه أي و الله عليها سوالف بس سارة وايد حلوة و حبوبة وقعدوا مي و محمد يسولفون............ ومن جهة ثانية كانت فاطمة و هناء يتمشون من عقب ما قاموا عن يوسف و منال، و اصلا اهم تعمدوا يخلونهم بروحهم و لا راحوا يسوون لهم عصير و لا شي علشان لا يقاطعونهم، و اهم يتمشون جافوا محمد قاعد يكلم مي.... هناء: ما لاحظتي شي على مي؟؟ فاطمة: مثل شنو؟؟ هناء: إن اهي اتحب اخوج محمد؟؟ فاطمة: اتحب اخوي؟؟؟!!!.......... شلون؟؟ هناء: ما جفتيها يوم اتقول تبي ايميله ، و بعد على العشا انه لاحظتها إن اهي كانت حاطة عيونها على محمد و الحين قاعده تكلمه فاطمة: اي صج انه ما انتبهت لهشي هناء: ادري انج ما بتنتبهين لهشي لأنج تفكرين في اخوي صح؟؟ فاطمة: اي تعالي بسألج.... اشفيه اخوج علي انه لاحظت على العشا انه ساكت و ما يتكلم؟؟ هناء: والله ما ادري عنه بس انه ملاحظة عليه هالشي من فتره، حتى في البيت كله ساكت فاطمة: انه متأكده إن فيه شي هناء: انزين خلنا من هالسالفة، بس الحين إلي ابي اعرفه يعني محمد يحب مي و لا شنو؟؟ فاطمة: ما اعتقد هالشي انه قلت لج من قبل إن يحب صفاء هناء: لكن انه حاسة إن مي اتحبه فاطمة: يمكن......... انزين ما قلتي لي شنو صار بينج و بين حبيب القلب؟؟ هههههههه هناء: ما بقولج .......سر ههههههههههه فاطمة: افا يعني اتخشين عني اسرارج و انه صديقتج إلي ما اخش عنج شي الله يسامحج هناء: ههههههه امزح معاج، و بقول لج كل شي وقعدت هناء و فاطمة يسولفون لين ما وصلوا لسارة و مريم إلي كانوا يلعبون سلة........ سارة: اخيرا تمللتوا من لعبتكم المملة فاطمة: والله مو شغلج سارة: عيل تعالوا لعبوا معانا فاطمة: ما نبي نلعب سارة: انزين وين منال ما اجوفها معاكم؟؟ هناء: منال قاعده تلعب مع يوسف شطرنج ومن سمعت سارة هالحجي حست بالغيرة و قررت انها اتسوي شي في بالها، و قالت لمريم: مريم اشرايج انغير المكان ، تمللت من اللعب اهني مريم: وين تبينا نلعب؟ سارة: تعالي معاي عماد: وين بتروحون و بتخلونا؟؟ مريم: تعالوا معانا سارة: اي احسن تعالوا وراحوا كلهم مع سارة إلي راحت صوب المكان إلي قاعدين فيه يوسف و منال ومن جافتهم مع بعض قاعدين يلعبون ويضحكون مندمجين مع بعض قررت انها تخرب بينهم..... وقاموا كلهم يلعبون بالكرة و كل واحد ياخذها من الثاني ، لين ما وصلت سارة جريب من يوسف ومنال خذت الكرة و رمتها على لعبة الشطرنج، وتنثر كلشي على الطاولة............. يوسف و منال تفاجأوا من الكرة إلي يتهم و اهم مو حاسين لها و طالعوا سارة إلي سوت روحها منحرجة و قالت: آسفة ما كان قصدي، كنت العب مع مريم والكرة يت صوبكم بالغلط منال: لا عادي ويوسف يقول في خاطره( زين ما سويتي يا سارة ، احسن خربتي اللعبة علشان لا تغلبني منال و اتفشل جدامها) قال يوسف لمنال: اوكي انه الحين بقوم بروح داخل و ما في وقت انعيد اللعبة مرة ثانية منال: اوكي، عيل مرة ثانية لين جفتك اتحداك تغلبني يوسف: هههههه انشاالله مرة ثانية وقام يوسف رايح داخل و اما منال قامت تتمشى ادور هناء و فاطمة ومي، و اما سارة ارتاحت لما جافت إن يوسف قام عن منال............ وذيك الليلة سهروا بيت بو محمد وبيت بو يوسف لساعة 1 في الليل و اهم مستانسين و فرحانين......... تابعوني في الجزء الثامن عشر....................... |
الجزء الثامن عشر
يوم الأربعا العصر راحت هناء غرفة اخوها يوسف ولقته منسدح على فراشه يطالع السقف و يفكر، و لما جاف هناء داخلة عليه اعتدل و قعد على طرف لفراش........... هناء: هلا بأخوي ....... هلا بالمعرس ههههههههه يوسف:هههههههه شنو بعد معرس و انه للحين ما خطبت هناء: انشاالله بتخطب جريب يوسف:الله يسمع منج هناء: انزين ما قلت لي اشرايك في منال انشاالله عجبتك؟؟ يوسف: بصراحة منال وايد حلوة و حبوبة هناء:يعني انقول مبروك يوسف:ههههههههه..... اول خل توافق هناء: انشاالله بتوافق يوسف: انزين انه الحين شلون بعرف رايها فيني؟؟ هناء:اممممم......... انه عندي حل يوسف:شنو؟؟ هناء: بتصل في فاطمة و بخليها تتصل في منال و تعرف منها رايها فيك...... ها اشرايك؟؟ يوسف: اوكي بس بشرط انها ما تعرف إن انه بخطبها هناء: اوكي وقامت هناء رايحة غرفتها واتصلت في فاطمة و قالت لها السالفة........... عقب ما اتصلت هناء في فاطمة راحت فاطمة ادورأمها علشان اتقول لها السالفة ولقت سارة قاعده بالصالة اطالع التلفزيون فسألتها...... فاطمة: سارة وين أمي دورتها فوق و مالقيتها؟؟ سارة: انتي ليش تبين أمي؟؟ فاطمة: مو شغلج في سالفة بيني و بينها سارة: و شنو هالسالفة؟؟!!..... لازم تقولين لي فاطمة: انتي مالج دخل فيها سارة: ليش انه مو بنتها علشان ما تقول لي فاطمة: هالسالفة مو مالت يهال سارة: و انه ابي اعرف فاطمة: اووووووه مللتني انه بس سألتج وين أمي طلعتي لي سالفة سارة: ابي اعرف شنو السالفة بعدين بقولج وين أمي فاطمة: مب لازم تقولين لي انه بدور أمي بروحي وراحت فاطمة ادور أمها و لقتها بالمطبخ، ويوم جافت سارة إن فاطمة تكلم أمها قررت إنها اتعرف السالفة و راحت وقفت عند باب المطبخ من بره بدون ما يجوفونها علشان تسمع السالفة إلي صايره و اهي ما تدري عنها........... فاطمة: الله يعطيج العافية يا يمه أم محمد: الله يعافيج فاطمة: انزين بقولج يمه عن سالفة يوسف و منال ومن سمعت سارة اسم يوسف استغربت اشفيه يوسف مع منال وكانت حاسة إن في شي بينهم من البارحة يوم اجوف نظراته لها......... ام محمد: خير انشاالله شنو صار عليهم؟؟ فاطمة: هناء سألت يوسف عن رايه في منال وقال إن معجب فيها وبس باقي إن منال اتوافق عليه و خلاص ومن سمعت سارة هالجملة حست بالقهر و الغيرة وعرفت إن يوسف يبي يخطب منال، و ما قدرت توقف و تسمع اكثر من جذي وبسرعة راحت غرفتها تركض و اهي تصيح....... ام محمد: اي انه بكلم ام منال الليلة و بجوف شنو رايها فاطمة: بس يوسف يبي يعرف راي منال فيه قبل لا يتقدم لها رسمي، انه اقول يعني لو اتصل فيها و اسولف معاها و اعرف منها رايها في يوسف يكون احسن، علشان اذا ما عجبها ما يحتاج يروح يتقدم لها ام محمد: اي و الله صح كلامج، عيل اتصلي فيها بس لا تبينين لها إن اهو يبي يخطبها فاطمة: اوكي وراحت فاطمة غرفتها واتصلت في منال............ منال من جافت الرقم استغربت لأن فاطمة ما تتصل فيها ودايما تتصل في مي يعني شلي يخليها تتصل فيها الحين؟؟.......... و ردت عليها.......... منال: الو....... هلا فطووووم فاطمة: هلا و غلا فيج... شخبارج؟؟ منال: الحمد الله فاطمة: انزين انه متصلة اسألج عن الزراعة لأني ابي ازرع ورد ومب عارفة شلون ازرعه؟؟ منال: اسهل شي انج تزرعين ورد بس اهم شي تتبعين التعليمات المكتوبة ويه البذور مالت الورد، و تخلين كل شي مناسب لزراعة الورد من درجة الحرارة و الضوء فاطمة: بعد ما يبي له شي؟؟ منال: لا بس هذا اهم شي وجوفي الوقت المناسب إلي لازم تسقين فيه الورد فاطمة: اوكي منال: بعد ما تبين تسألين عن شي؟؟ فاطمة: مشكورة حبيبتي بس انه متمللة يصير اسولف معاج و لا ما عندج وقت لي؟؟ منال: افا عليج...كل وقتي لج فاطمة: تسلمين لي......... انزين بسألج اشرايج في العزيمة البارحة انشاالله استانستوا؟؟ منال: اي بصراحة واااايد كانت حلوة و ياليت كل مرة تصير عزيمة جذي فاطمة: انشاالله كل مرة بنسوي.......... اي تعالي بسألج من غلب امس بالشطرنج انتي و لا يوسف؟؟ منال: هههههه تدرين إن شكل يوسف ما يعرف يلعب فاطمة: ههههههه صج و الله؟؟ يمكن ناسي اللعبة لأن يقول من زمان ما لعبها منال: يمكن، بس انه اشك في هالشي لأن قواعد اللعبة ما يعرفها اصلا فاطمة: هههههههه، انزين ومن غلب تالي؟؟ منال: اصلا ما كملنا اللعبة للنهاية لأن سارة و مريم و محمود و عماد يو صوبنا يلعبون و رموا الكرة بالغلط على الطاولة و تنثر كلشي وقامت فاطمة تضحك و تقول في خاطرها اشوه إن العبة اختربت علشان لا ينكشف يوسف على حقيقته مع إن منال شاكة فيه ما يعرف يلعب........... فاطمة: انزين بس اهم شي إن يوسف ما مللج يوم قمنا انه و هناء و خليناج بروحج معاه؟؟ منال: بالعكس يوسف كان وايد طيب و خلوق وحبوب وما عليه قاصر فاطمة: يعني يوسف عاجبنج؟؟ منال: شنو هالسؤال يا فاطمة؟؟ فاطمة: مسامحة بس فضوول اسأل........ اوكي عيل انه بخليج الحين منال: اوكي فاطمة: بااااااااي منال: بااااااااااااااي ومن عقب ما سكرت فاطمة التلفون من عند منال اتصلت في هناء و قالت لها كل شي قالته منال عن يوسف، وبعدين راحت حق امها و قالت لها إلي قررت انها تتصل في أم منال و وتخطب منال حق يوسف........... وأما هناء فراحت ليوسف و قالت له الكلام إلي قالته منال عنه، و هالكلام خلاه يفرح وايد و يصير عنده أمل إن يمكن منال اتحبه ويمكن توافق عليه و بتخليه ينسى منى............ وعقب جم يوم ردت أم منال على أم محمد الخبر إن منال اموافقه على يوسف، ويوم عرف يوسف بالخبر طار من الفرح وما صدق عمره وحس إن روحه ردت له مرة ثانية......... وبجذي حددوا يوم الملجة و الخطوبة، و الكل بدا يستعد لهالمناسبة.................... وكانت حفلة الخطوبة بتصير عقب اسبوع يوم لربعا ليلة الخميس، و خلال هالفترة كانت فاطمة وهناء و منال ومي و مريم دايما مع بعض ويطلعون يروحون المجمعات علشان يشترون لهم أغراض و ثياب حق الخطوبة، ما عدا سارة إلي كانت منقهرة و لا طلعت معاهم و كانت كل بروحها قاعده تفكر في يوسف و الكل مستغرب منها يعني ليش ما تجهز روحها و تطلع تشتري لها أغراض... بس خلوها على راحتها و لا قالوا لها شي، حتى إن اهي قررت ما تروح الخطوبة............. ويوم الخميس كان الكل مستعد ومجهز نفسه............. يات أم محمد لفاطمة وقالت لها: يلا فطوووم خلينا نروح الصالون ما في وقت فاطمة: اوكي يمه الحين بايي بس بخلي لي كريم أساس أم محمد: عيل ليش إحنا رايحين الصالون مدام بتتعدلين؟؟ فاطمة: لازم اتعدل شوي مو احنا في طريجنا لازم بجوفونا الناس، ما يصير يجوفوني مو حلوة ههههههه أم محمد: يلا خلصينا بسرعة اأنه بروح أجوف إختج سارة وبايي لج..... أبيج بارزه فاطمة : اوكي راحت أم محمد لغرفة سارة ولقتها اطالع التلفزيون و لا على بالها أم محمد: سارووو؟..... شنو قاعدة تسوين؟؟!! سارة: ما اجوفيني..... أطالع التلفزيون أم محمد: يلا قومي بنروح الصالون سارة: أي صالون أي خرابيط؟؟؟ أم محمد: ما تبين تسوين شعرج؟؟ وما تبين تتعدلين؟؟ سارة : لا..... أو لا انه راسي يعورني وثانيا مالي خلق أسوي شعري واتعدل أم محمد: الحين تروحين أعراس كل الناس و تسوين شعرج حالج حال أهل المعرس والعروس والحين عرس بنت خالتج ما تسوين شعرج؟؟؟ سارة: قلت لج يمه راسي يعورني ومالي خلق..... أصلا العرس كله على بعضه مب حابه أروحه بس شاسوي غصب عني بروحه أم محمد: إنتي تقولين هالكلام ما أصدق!! سارة: وليش ما أقوله؟؟ أم محمد: على الأقل مب تسريحة بس ستشوار سارة: انه بسويه في البيت أم محمد: على العموم على راحتج إلي تبينه سويه ومادام إهم يتكلمون يات فاطمة وقالت: يمة كاني جاهزة خلنا نروح أم محمد إطالعها بإستغراب : وين نروح العرس ولا الصالون؟ كل المكياج إلي حاطته وبتروحين للصالون عيل شنو خلتي لهم؟؟؟ هههههههههههههههه فاطمة: يمـــــــــــــــــــــــه وركبت أم محمد وفاطمة سيارتهم رايحين الصالون و تمت سارة قاعدة في البيت بروحها وقعدت تقول: أف انه مب طايقه منال بنت خالتي أخذت مني يوسف وقعدت تفكر في مقلب أو شي علشان تمنع أمها من الروحه للعرس و أخيرا حصلت شي، قامت سارة وراحت حجرة أمها وقامت ادور عن الفستان إلي بتلبسه أمها وأخذت المقص وسوت فتحه في الفستان بحيث إن إهي تبين مو من فعل فاعل وقالت : الحين أمي إذا شافت فستانها اليديد فيه هالفتحة مستحيل تروح........ وراحت بعدين اطالع التلفزيون فرحانه........ بعد أكثر من ساعتين رجعت أم محمد وفاطمة من الصالون كانت الساعة 8 ونص، دخلت فاطمة حجرتها تجهز نفسها ونفس الشي أم محمد أما سارة فكانت اطالع التلفزيون ولا على بالها وكأنها ضامنه إن إهم ما بيروحون العرس، بعد مدة جذي يمكن نص ساعة طلعت أم محمد من حجرتها وإهي لابسة فستانها و قالت لسارة : ها سارونه قولي لي شنو رايج فيني؟؟؟ تعجبت سارة لأن الفستان إلي لابسته أمها مو أهوه الفستان إلي خربته وقالت: إي إي يمه حلو بس إنتي متأكدة إن هذا الفستان أهو إلي راح تلبسينه؟؟!! أم محمد: إي هذا أهو ودخلت سارة حجرة أمها وراوتها الفستان إلي خربته وقالت عيل هذا الفستان؟ أم محمد: إي هذا الفستان إلي لبسته في خطوبة بنت إختي ندى بس الفستان صار ضيج علي مب عاجبني وكنت أبي أقطه إهني سارة تذكرت إن هذا الفستان أمها لبسته من قبل وقالت في نفسها: أوووو خسارة بس لو ذاكرة الحين..... راحت علي يعني لازم أروح الخطوبة علشان أغث نفسي ....... وقطع سلسلة أفكارها صوت إختها فاطمة تقول : ها يمه جوفيني مو طالعة أحلى من العروس؟؟ ههههههههه أم محمد: الله عليج يا فطوم قمر 14 هههههههههه فاطمة : إنتي بعد يمه طالعة حلوة وتبينين أصغر ههههههه أم محمد مستانسة: صج؟؟!! فاطمة: إي صج يمه وإهم يتكلمون إلتفتت أم محمد لسارة وقالت : سارة إشفيج شنو تنطرين روحي لبسي سارة : ما شريت لي ثياب أم محمد: بلا عيارة لبسي لج أي شي طلعت سارة من الحجرة تفكر في حل علشان ما تروح العرس و ما حصلت إلا غير إن إهي تروح العرس وترضى بالأمر الواقع . الجزء التاسع عشر و في الليل الكل كان مستعد لهالليلة و فرحان، ما عدا سارة إلي كانت مضايقة لأن منال بتاخذ يوسف منها، ويوسف ما يدري عن مشاعر سارة اتجاهه، وطبعا هناء و فاطمة عزموا ريم و صفاء............ البنات كانوا متجهزات و كل وحده فيهم طالعة احلى من الثانية................ فاطمة كانت لابسة فستان بني و بيج امطلعنا وايد انيقة و ستايل، و حاطه لها ميك اب بني فاتح على لون ثيابها امخلنها وااايد حلوه وناعمة....... اما هناء فكانت لابسة فستان ماروني ومطلعنها جريئة و حلوه، وحاطه لها ميك اب وردي فاتح ناعم وطالعة فيه واااايد كشخة......... و مي كانت لابسة فستان لونه أزرق بدرجات وامخلنها تلفت الإنتباه، و نفس الشي كانت حاطة ميك اب ازرق يناسب لون فستانها وطالعة واااايد روعة........ ومريم لابسة فستان لونه ابيض و وردي و الميك اب إلي حاطته بعد وردي و طالع شكلها وااايد بريئة و حلوه..... وبالنسبة للعروس منال فكان فستانها واااااااايد روعة و كشخة لونه بنفسجي غامج، ومنتشر على الفستان ورود وردية امطلعة الفستان واااايد ستايل، و الميك اب إلي حاطته كان تدرجات من الوردي و البنفسجي وطالعة كأنها أميرة من قصص الف ليلة و ليلة........ و الحفلة امسوينها في واحد من الفنادق الكشخة، و الكل هناك كان فرحان و مستانس والبنات قاموا يرقصون على الأغاني و كل وحده اتنافس الثانية في جمالها و طريقة رقصها، ما عدا سارة إلي كانت قاعده بروحها على الطاولة و معصبة، و كانت تبي ترجع البيت بسرعة.... قعدت سارة على طاولة بروحها بعيدة عن أهلها علشان لا تسمع شي يغثها ، و كانت تحاول تلهي نفسها بالتلفون، بعد أكثر من ساعة إمتلى المكان تقريبا ويات حرمتين وياهم ياهله قعدوا على نفس الطاولة إلي قاعدة فيها سارة وخلت الحرمة الياهلة على الطاولة وراحت تسولف مع إلي وياها، أما سارة فكانت مضايقة لأن الياهله قاعدة قبال ويها وتلعب و تسوي حركات وسارة متحملتها بس الياهله زودتها، قامت تلعب في شعر سارة وسارة تطالعها بنظرات علشان تهدها بس مافي فايدة ياهله ما تفهم . نزلت الياهله من على الطاولة تحت في الأرض و سارة عبالها إن إهي تخلصت منها بس الياهله ما خلتها، نزلت في الأرض وراحت تلعب في ريول سارة ،عصبت سارة وقالت خلني أروح الحمام و ارد يمكن تقوم عن ويهي و غابت سارة خمس دقايق وما ردت إلا الياهله قاعدة مكانها على الكرسي قالت سارة: هالمرة ما راح أسكت لها سارة تقول لأم الياهله: هذا مكاني الحرمة: إنزين سارة: شنو إنزين أبي أقعد الحرمة تقول لبنتها: قومي حبيبتي تعالي الياهله: لا الحرمة: قومي الياهلة: لا الحرمة لسارة: ما تبي تقوم شاسوي لها سارة : شنو تسوين لها بعد.... ها سوي لها جذي قامت سارة أخذت الياهلة وحملتها بقوة وعطتها أمها وقعدت على الكرسي والأم ولا عليها أخذت الياهله وخلتها على الطاولة............ بعد مدة من الشغب إلي تسويه الياهله في سارة صار شي ما توقعته سارة، قامت الياهله تلعب بالقهوة المشكلة مو هني المشكلة إن الياهله أخذت القهوة وكتته على سارة بدون ما تدري سارة بعد مدة حست سارة للبلل وتوقعت إن يكون ماي و قالت: خله الحين اكيد بينشف بعد شوي.. ونست طبعا سارة الموضوع..... وكانت مريم طول الوقت تروح لسارة تحاول تفهم شنو فيها وتقول لها تقوم ترقص معاهم بس لو كانت مريم تكلم الطوف يمكن يرد عليها بس سارة أبدا ولا كأنها تسمع أو تهتم كانت تتهرب من الموضوع مرة اتقول لها إن راسها يعورها و مرة بطنها ومرة ما ادري شنو...... وعلى الساعة 10 ونص دخلت العروس و المعرس على اغنية راشد الماجد بدر، و كان كل واحد فيهم شابك يده بيد الثاني، و مشوا اثنينهم لين ما وصلوا للكوشة و قعدوا فيها وقاموا الحريم ايببون و يصفقون، و الكل قام يبارك لهم.................. و عقب نص ساعة دخلوا الرياييل علشان يباركون للعروسين، و كانت هناء و فاطمة و مي واقفين يم العروس و لابسين الشيلة و العباة............. وصل ابو العروس وبارك لهم و مشى و بعدين يه بو يوسف ونفس الشي بارك لهم ومشى، و كلحين ايون رييال يباركون لهم من اهل العروس اواهل المعرس ما يعرفونهم، ويوم يه دور خالد بارك لهم و يوم بيمشي تعمد إن يمر صوب هناء و قال لها بالعدال و اهو ماشي: والله قمر وحست هناء إن ويها صار طماط مو عارفة شتسوي وقامت فاطمة تضحك عليها لأن سمعت خالد شنو قال لها........... ومع هذا كانت عيون فاطمة طول الوقت تراقب علي إلي ما كان مهتم لأحد، وبس بارك للعروسين و طلع بسرعة، واستغربت فاطمة هالشي لأن ريم كانت قاعده جريب من المكان إلي طاف عليه علي بدون ما يبتسم لها او يعطيها أي اهتمام، و حست إن في شي صاير بينهم.... أما حسن من بارك للعروسين ، جاف فاطمة و ابتسم لها و اهو رايح عند ريم، واستغربت فاطمة منه، بس قالت احسن يمكن حب ريم فكه منه.... وقف حسن يكلم ريم إلي كانت قاعده على وحده من الطاولات....... حسن: هلا ريم ..... طالعة واااايد حلوه و قمر اليوم ريم كانت امعصبة لأن حسن واقف يكلمها جدام الناس، يعني شنو بقولون عنها الحين، بس حاولت ما تبين للناس انها معصبة فرسمت ابتسامة على ويها و اهي تكلمه: انزين بعدين قولي إلي تبي اتقوله مو قته الحين حسن: عادي ما فيها شي ريم: اشفيك انت ما تفهم..... شنو بقولون عنا الناس لين جافوك اتكلمني.... روح الحين و انه لين رديت البيت بتصل فيك حسن: اوكي انه انتظرج.... بس مو تتأخرين في الإتصال ترى بذبحج هههههههه ريم بدت تعصب شوي: انزين انت روح الحين وبعدين يصير خير حسن: اوكي حياتي ريم بعصبية: يلا روح بسرعة واخيرا مشى عنها حسن و ريم قامت تتلفت حواليها اجوف من كان يطالعها........... و مي كانت طول الوقت عيونها على محمد من أول ما دخل للين ما طلع....... وأما محمد فبارك للعروسين و اهو طالع من القاعة إلا يجوف عند الباب صفاء إلي كانت واقفة من فتره تنتظره وقام يكلمها و يضحك معاها و بعدين طلع........ فاطمة جافت إلي صار بينهم و قالت لهناء إلي جافت إلي صار....... فاطمة: ها ما قلت لج إن محمد يحب صفاء هناء: انه إلي يهمني ابي اعرف صفاء اتحبه و لا شنو؟؟ فاطمة: و ليش هالشي يهمج لا يكون اتحبين اخوي؟؟ هههههههههه هناء: ههههههه لا مو هذا قصدي بس صفاءو من عمرها ما حبت واحد بس كله تتلعب، وما يستاهل اخوج اذا كانت اهي اتقص عليه او بس تتلعب فاطمة: اي صج انه لازم امنع صفاء عنه، و اقول له كل شي عنها هناء: اي احسن قولي له.......... بس مو وقته هالموضوع خلج الحين مستانسة بالحفلة لكن مي من جافت محمد واقف مع صفاء حست بالغيرة تحرق قلبها، و هالشي خلاها حزينة طول الوقت و ما خلاها تتهنى بالخطوبة و تفرح مثل باقي البنات............. وعقب ما طلعوا الرياييل قاموا باقي الأهل يسلمون على العروس و المعرس ويصورون معهاهم إلا سارة إلي كانت معطتهم الظهر يات لها أم محمد وقالت : سارة قومي سلمي عليهم. سارة: راسي يعورني أم محمد: عيب ما تسلمين عليهم قومي تحملي شوي إذا مو علشانهم علشان أمج ما أبي الناس يقولون أنج قليلة ذوق سارة : و الناس شنو دراهم إن انه بنتج أنه لا قربت يمج ولا ييت صوبج أم محمد: أنه ما أتكلم عن الغرب أنه أتكلم عن الأهل خالاتج وعماتج سارة: أووووووف أم محمد: يلا حبيبتي قومي سارة: حسبي الله ونعم الوكيل... أمري لله أقوم ولو أني مو راضية قامت سارة و راحت للعروس وإهي معصبة ولما وصلت للعروس سلمت عليها وقالت بجفاف : مبروك وما لحقت سارة تكمل كلامها إلا يوسف يضحك وأهو يطالع فستان سارة ضربته منال ضربه خفيفة خلته ايود روحه عن الضحك إهني سارة طالعت الفستان وإهي معصبة تقول في خاطرها : شنو فيه يضحك علي فيني شي غلط ؟ وما التفت إلا فستانها كله متلعوز قهوة وتذكرت البلل إلي حست فيه وعرفت منو السبب وقالت أكيد الياهله إهي إلي لعوزتني وخلتهم واهي واصلة حدها وقالت : جذي انه يصير فيني؟ ولا في عرس منو؟ عرس منالوا؟؟!!! وبجذي خلصت الحفلة على الساعة 3 ونص و الكل رجعوا بيوتهم تعبانيين وناموا لظهر يوم ثاني................ الجزء العشرون يوم ثاني الخميس الساعة 2 الظهر كان علي يكلم محمد على الماسنجر.............. محمد: ها علي شخبارك؟؟ علي: بخير محمد: انه بصراحة اجوف حالك هاليومين مب عاجبني؟؟!! علي: ليش اشفيني؟؟ محمد: ما ادري اجوفك دايما بروحك و حزين ليش؟؟ علي: لا ما فيني شي بس متملل محمد: انه متأكد فيك شي علي:لا صدقني بس ملل مب عارف شاسوي محمد: انزين اتيي معاي نطلع نروح أي مجمع؟؟ علي:لا مالي خلق مجمعات محمد: انزين عيل خلنا نفتر بالسيارة و نروح لنا مطعم علي: لا لا ما ابي محمد: اوهووووووو انزين قولي وين تبي تروح؟؟ علي:ما ابي اروح مكان بقعد فالبيت احسن محمد: جفت ما قلت لك فيك شي علي: لا و الله ما فيني شي محمد: انه امس بالعرس لاحظت انه فيك شي ما كنت فرحان علي: لا بس امس البارحة كان راسي يعورني شوي محمد: انزين عيل ابيك تثبت لي انك ما فيك شي علي: شلون؟؟ محمد: تطلع معاي، اشرايك نطلع ريس؟؟ علي: لا ما ابي اطلع ريس الحين محمد: علشان خاطري يلا اطلع معاي اذا صج ما فيك شي و قول لربعك خالد و راشد و أحمد ايوون معانا علي: اوكي بس علشانك بطلع محمد: انزين عيل انه انطرك الحين برع و لا تنسى تقول لربعك علي: اوكي محمد: باي علي: باي و في هالوقت كانت هناء قاعدة مع فاطمة بغرفتها يسولفون........... هناء: ها اشرايج بالعرس البارحة ما كان حلو؟؟ فاطمة: اي وايد كان روعة و منال طالعة قمر و حلوة هناء: اي والله حلوه وااايد، بس انه إلي مب عاجبني في الحفلة اخوج و صفاء فاطمة: اي صج انه بعد....... اشك انه صفاءو قاعده اتقص على اخوي هناء: لازم اتكلمينه و تقولين له عنها فاطمة:اكيد بقوله بس لين حصلت الوقت المناسب هناء:انزين ما لاحظتي بعد مي؟؟؟ فاطمة:مي؟؟....اشفيها؟؟ هناء:انه لاحظت انها تضايقت شوي يوم جافت محمد واقف يكلم صفاء فاطمة: لا و الله ما لاحظت هالشي بس اكيد مثل ما قلتي شكلها اتحب اخوي هناء: إلا اكيد اتحبه فاطمة: اشدراج اكيد؟؟ هناء: من كلامها وتصرفاته لين اجوفه امس كانت عيونها عليه طول الوقت من اول ما دخل لين ما طلع فاطمة: انتي شلون اتلاحظين هالأشياء انه ما التفت لها؟؟ هناء: ما بقول سر... هههههههههههه فاطمة: الله يغربل بليسج ههههههههههههه هناء: اكيد وين بتنتبهين و انتي قلبج مشغول في حبيب القلب ههههههههههه فاطمة: يعني انتي إلي ما تفكرين في حبيبج؟؟ هههههههههه هناء: لا بس انه مو مثلج فاطمة: اكيد مو مثلي انتي وين و انه وين........... انتي معاه اتحبون بعض بس انه شاقول؟؟ هناء: انزين ليش ما تقولين له و إلي بصير خله يصير؟؟ فاطمة:لا لا اخاف انصدم برده و بعدين يضيع مني............ انزين ليش مو انتي تسألينه عن رايه فيني؟؟ هناء: لا اذا سألته بشك في السالفة بقول اشصاير مرة وحده اسأله عن رايه فيج بقول اكيد في شي؟؟ فاطمة: اوهووو... عيل شاسوي شلون اعرف شنو رايه فيني؟؟ هناء: امممممممممم.... انزين انه عندي فكره فاطمة: شنو قولي بسرعة؟؟ هناء: اشرايج اضيفين ايميله عندج في ايميلج وتكلمينه على الماسنجر بس لا تقولين له انتي من؟؟ فاطمة: لا لا اخاف يعرف ايميلي و بعدين بعرفني هناء:لا اهو ما يعرف ايميلج اصلا من وين له ايميلج؟؟ فاطمة: يمكن جاف ايميلي عندج و بعدين بعرفني هناء: انزين عيل سوي لج ايميل يديد احسن و ضيفيه فاطمة: اوكي فكره حلوه يلا عطيني الإيميل وكتبت هناء لفاطمة ايميل علي و عطتها اياه... فاطمة: انزين شاقول له اذا كلمته، يعني اكلمه على أي اساس.. اقوله انه منو ومن وين حصلت ايميله؟؟ هناء: قولي له انج كتبتيه بالغلط عبالج ايميل صديقتج فاطمة: اوكي.............. بس خايفة يعرفني هناء: لا ما بعرفج لأنج ولا مرة كلمتيه على الماسنجر و لا يعرف اسلوبج فاطمة:انزين اهو متى يدخل اون لاين؟؟ هناء: بصراحة ما ادري عنه، بس بحاول اعرف متى و بقولج فاطمة:اوكي هناء: وانتي بعد حاولي اتكونين اون لاين على طول و خلي ايميلج مفتوح يمكن تلقينه فاطمة: اوكي، عيل يلا تعالي بسوي لي ايميل الحين بسرعة هناء:اوكي يلا الساعة 4 العصر كان يوسف متصل في خطيبته منال يكلمها بالتلفون........... يوسف: هلا حبيبتي شخبارج؟؟ منال مستحية: هلا فيك يالغالي، انه بخير واسأل عنك يوسف: سألت عنج العافية يا بعد عمري منال:هههههههههه الله يعافيك يوسف: وحشتيني حبيبتي وااايد منال: وانت اكثر يوسف: حياتي و الله منال: لا تقول جذي استحي ههههههههه يوسف: شلون ما تبيني اقول انتي الحين خطيبتي منال: هههههههههه تسلم لي يا بعد عمري يوسف بفرح: عيديها شنو قلتي ما سمعت؟؟ منال: هههههههههه يوسف: يلا عاد حبيبتي منال: بعد عمري والله يوسف: فديتج والله منال:هههههههههه تسلم لي يوسف: انزين حبيبتي ابي اعزمج الليلة على العشا في مطعم اوكي؟؟ منال: ما ادري والله يوسف: يلا عاد وافقي يعني مشغولة اليوم؟؟ منال: لا لا مب مشغولة يوسف: انزين عيل ما عندج سبب يخليج ما توافقين منال: اوكي موافقة يوسف: انزين عيل حبيبتي بمر عليج باخذج الساعة 9 بطلع معاج بنروح مجمع بعدين بنتعشى منال:هههههههه يعني تبي اتصيدني وتطلع معاي مو بس عشى؟؟ يوسف: هههههههههه اي مالج إلا جذي منال: اوكي حبيبي موافقة يوسف: فديتج والله منال: تسلم لي يوسف: اوكي اخليج الحين و مو تنسين الساعة 9 موعدنا منال: اوكي يوسف: بااااااااااااااي منال: بااااااااااااااي والساعة 5 كانوا الشباب محمد و علي و خالد و راشد و أحمد طالعين كل واحد بسيارته حق يتسابقون........... محمد: والله ما تغلبني و بجوف الحين راشد: انه ترى محد يقدر علي محمد: توك من شوي اتقول هالكلام و غلبك خالد راشد: اصلا انه كنت متعمد اخليه يغلبني محمد: لا و الله مو انه اتقولي هالكلام علشان اتقص علي علي: بسكم عاد لا تتهاوشون يلا تسابقوا و بنعرف من إلي بيغلب الثاني محمد + راشد: اوكي وبدأ السباق بينهم و في النهاية غلب محمد........... محمد: ها ما قلت لك ما بتغلبني راشد: انه تعمدت اخليك تغلبني محمد: مو علي هالكلام و الله اذا بتتسابق اتسابق عدل و الله انت الخسران أحمد: انزين خلونا الحين من هالسالفة....... يلا من بيتسابق معاي؟؟ علي: انه وبغلبك مثل ما غلبت راشد ههههههههه أحمد: اسكت لا يسمعك، ترى بقول إن كان متعمد يخليك يغلب و اهو ما يعرف شي ههههههههه علي: اي و الله هههههههههه وتموا على هالحال كل و احد يسابق الثاني لين ما رن تلفون محمد، و كان الرقم غريب.... محمد: الو المتصل: الو محمد؟؟؟ وكان المتصل بنية... محمد: اي نعم المتصلة كانت خايفة و تصيح و مو عارفة تتكلم: محمد انه ريم رفيجة صفاء محمد: لحظة ماسمعج شتقولين اهني عندي دوشة شوي وسيارات وتباعد عنهم محمد واهو يتكلم مع ريم........ محمد: نعم شنو بغيتي؟؟ ريم: انه ريم رفيجة صفاء وقعدت تصيح........ محمد: اشفيج ريم اتصيحين؟؟ ريم: الحق يا محمد......... صفاء .......... صفاء محمد حس بالخوف و إن صفاء فيها شي وقال: اشفيها صفاء تكلمي يا ريم؟؟ ريم: صفاء سوت حادث و توفت محمد انصدم و ما صدق عمره و قال بعصبية: شنو قاعده اتقولين انتي اكيد اجذبين علي ترى بذبحج ريم و اهي ميته من الصياح: صدقني و الله يا محمد صدقني و اذا مب امصدق تعال لها المستشفى بنفسك و تأكد محمد واهو يصيح: انه ياي بس والله اذا طلعتي جذابة بذبحج صدقيني وبسرعة سكر محمد وراح يركض لسيارته ومشى عن ربعه إلي كانوا يتسابقون و استغربوا منه ليش راح عنهم............ خالد: اشفيه محمد راح بسرعة؟؟ علي: ما ادري و الله علمي علمك، كان يتكلم بالتلفون و فجأة ركب سيارته و مشى راشد: انزين اتصل فيه جوف اشصاير؟؟ علي: اوكي اتصل علي بمحمد......... محمد و اهو يصيح: الو علي: اشفيك محمد مشيت بسرعة اشصاير؟؟ محمد: مو قته الحين ما اقدر اقولك بعدين بفهمك كلشي علي: خوفتني عليك في احد من بيتكم صاير له شي لا سمح الله؟؟ محمد: لا مو بيتنا لا تخاف... ما اقدر الحين اكلمك علي: اوكي عيل باااااااااي محمد: بااااااااااااي خالد: ها اشفيه محمد؟؟ علي: ما ادري اشفيه بس كل إلي قاله لي إن ما يقدر يقولي الحين شكله مستعيل راشد: خله يولي يمكن امسوين حفلة و خايف اطوفه الأكل هههههههههههه أحمد+خالد: ههههههههههه علي: لا انه حاس إن في شي صاير راشد: انزين ما عليك منه هالشي ما يخصنا خلنا انكمل ريس احسن وناسة........... يلا من يسابقني ترى محد هالمرة بيقدر علي هههههههههه علي+أحمد+خالد: هههههههههههههههههه الجزء الواحد و العشرون وصل محمد المستشفى و اهو ميت من الخوف على صفاء و على طول راح لريم إلي كانت قاعده تصيح و معاها أهل ريم......... محمد: وين صفاء بسرعة قولي لي؟؟؟ ريم و اهي ميته من لصياح: داخل روح جوفها تأكد دخل محمد الحجرة إلي اهي فيها صفاء و كانوا امغطينها، وبسرعة شال عن ويها و جافها و ما قدر يمسك روحها و على طول قعد يصيح بقوة عليها و مسك يدها و يكلمها: صفاء تكفين ردي علي ردي علي انه حبيبج محمد لا تخليني بروحي صفاء ارجوج انه احبج ما حبيت احد مثلج ليش خليتيني و رحتي عني ما صدقت اني لقيت إلي احبها و تحبني اتخليني جذي صفااااااااااء ردي علي وقعد يصيح مو قادر يخليها، فدخلوا عليه السسترات يهدونه وطلعوه بره و اهوا مو حاس بروحه في دنيه ، و على طول طلع بره وراح يسوق سيارته مب عارف وين يروح، وقام يدور بسيارته لين ما وقف عند البحر و اهو يصيح عليها و يتذكر كل كلمة قالتها له............. يوم ثاني الصبح الكل كان معتفس في بيت بو محمد يدورون على محمد إلي مارد البيت من أمس العصر يوم يطلع كل ما يتصلون فيه ما يرد............. أم محمد: وين راح ولدي دوروا عليه اكيد صار فيه شي بو محمد: هدي اعصابج يا أم محمد اكيد تلاقينه راح ويه ربعه و بيتوا في مكان و نسى يخبرنا أم محمد: لا انه حاسة إن ولدي فيه شي عيل ليش ما يرد على التلفون فاطمة: انه اخر مرة جفته أمس طلع و يه علي بس ما ادري وين راحوا بو محمد: انزين اتصلوا في علي يمكن يعرف عنه شي فاطمة: اوكي انه بتصل فيه وبسرعة راحت فاطمة غرفتها مستانسة علشان تتصل فيه>> احر ما عندهم ابرد ما عندها ههههههههه اتصلت فاطمة بهناء اول......... فاطمة: الو هناء بسرعة عطيني رقم اخوج علي هناء: بل بل اشصاير؟؟!! فاطمة: انتي ماعليج بعدين بقولج في الجامعة شالسالفة انتي بس عطيني الرقم و خلاص هناء: شكله السالفة جايده فاطمة: اووووووه يلا بسرعة هناء: اوكي.... انزين هذا رقمه............... فاطمة: اوكي باي هناء: باي وبسرعة اتصلت فاطمة بعلي و اهي فرحانة بتكلمه............. علي: الو فاطمة: هلا صباح الخير علي: صباح النور من معاي؟؟ فاطمة: ما عرفتني؟؟ انه فاطمة رفيجة اختك هناء علي: اي عرفتج هلا فيج فاطمة: انزين علي بسألك عن اخوي محمد اهو مو امس طلع معاك؟؟ علي: اي كان معانا طلعنا ريس فاطمة: محمد من أمس طلع معاكم و لا رد البيت ما تعرف عنه شي؟؟ علي باستغراب: ما رد البيت؟؟!! فاطمة: اي علي: اهو أمس يوم كان ويانا في احد اتصل له وعلى طول ركب سيارته و مشى ما ندري شسالفته فاطمة: وما عرفتوا منو المتصل؟؟ علي: لا والله فاطمة: اوكي مشكور علي: حياج الله فاطمة: باي علي: باي سكرت فاطمة الخط وراحت اتخبر أمها و أبوها بالسالفة......... فاطمة: اتصلت في علي و قال إن امس كان معاهم طالعين ريس و بعدين في احد اتصل له وعلى طول ركب سيارته و لا يدون شنو السالفة أم محمد: يمه ولدي أكيد صاير شي بو محمد: لا تخافين ولدج ما فيه إلا الخير بس اتعرفين انتي حركات الشباب هالأيام أم محمد: لا لا يا بو محمد روح بلغ الشرطة خل يدورون عنه بو محمد: محمد مب ياهل علشان يضيع و يدورون عنه أم محمد:انه بتصل فيهم ما اقد هذا ولدي بو محمد: انزين انه بقولهم بس بشرط إذا ما رجع مني للعصر بروح للشرطة سارة: اوهووووووووو فكونا من سالفة محمد ترى تأخرت على المدرسة و مريم تنطرني برع لأن سواقنا اليوم بوصلنا أم محمد: انتي روحي ما عليج منه سارة: إذا طردوني من المدرسة انتوا السبب لأنكم اخرتوني>> إلي يسمعها كلش و لا مرة تأخرت على المدرسة فاطمة: انتي اصلا كل يوم تتأخرين على المدرسة و اصلا اليوم بركب معاكم علشان يوصلني السواق لأن اخوي مو اهني علشان يوصلني سارة: لا و الله ما ابيج بتأخرينا أكثر فاطمة: مب على كيفج اصلا السواق بوصلكم اول بعدين بوصلني سارة: انه لو ادري جذي انجان خليت سواقهم يوصلنا اليوم على الأقل أم محمد: انتوا بسكم هواش اخوكم ما ندري وينه و انتوا تتهاوشون ما تحسون؟؟ سارة: و احنا اشعلينا منه خل يولي من قال له ما يرجع البيت ليش اتحاتونه اهو مب ياهل فاطمة: انتي يلا سكتي وامشي انه بروح اركب السيارة وما بنطرج على طول بقول لسايق يمشي سارة: تعالي وين رايحة اذا مشى عني باذبحج و في الجامعة................... كانوا هناء و فاطمة قاعدين في الكفتيريا......... هناء: ها فاطمة اشصاير شالسافة متصلة من الصبح تبين رقم علي؟؟ فاطمة: اخوي محمد من أمس يوم يطلع ويه اخوج للحين ما رد البيت هناء: ما رد البيت!! ليش وين اهو؟؟ فاطمة: و انه اشدراني علشان جذي اتصلت في اخوج اسأل عنه يمكن يعرف عنه شي؟ هناء: وطلع يعرف شي؟؟ فاطمة: يقول انه محمد كان معاهم و في احد اتصل له وعلى طول ركب السيارة ولا يدرون عنه هناء: انزين ليش ما قلتي لي اسأله فاطمة: هههههههههه لأني ابي اكلمة و حصلتها فرصة هناء: ههههههههههه اي جذي استغلي الفرص إذا حصلتيها فاطمة: ههههههههههههههه واهم جذي قاعدين يسولفون يات لهم رفيجتهم أماني إلي راحوا عيد ميلادها.......... أماني: هلا و الله شخباركم؟؟ فاطمة+ هناء: الحمد الله أماني: ما سمعتوا شنو صاير؟؟ هناء: لا شنو؟؟ أماني: تدرون إن صفاء أمس سوت حادث و ماتت فاطمة: شنو!!!! صفاء ماتت............ الله ريحمها أماني: اي الكل اهني يتحجى عن السالفة و مسكينة رفيجتها ريم قاعدة و اتصيح عليها هناء: وشلون صار الحادث؟؟ أماني: والله ما ادري انه سمعت الخبر من البنات و جفتكم اهني قلت اكيد ما تدرون عنه فاطمة: انزين الحين و ين قاعدة ريم؟؟ أماني: ما ادري وين بس يمكن قاعده في مبنى البزنس فوق فاطمة: انزين تعالي معاي هناء خلنا انروح اندور ريم، عن اذنج أماني وقاموا هناء و فاطمة........... هناء: ليش تبين اتروحين لريم؟؟ فاطمة: انه ما ابي اروح له بس عرفت شي و ابي اقوله لج هناء: شنو؟؟ فاطمة: انه متأكده إن اخوي امس يوم يتصلون فيه عرف إن صفاء توفت و من جذي خلاهم وراح هناء: اي صح مو اخوج يحب صفاء انه نسيت هالسالفة فاطمة: بديت اخاف على اخوي اخاف سوى في روحه شي لأن يتصلون فيه و لا يرد عليهم هناء: انزين عيل روحي سألي ريم عن اخوج يمكن جافته لأن اكيد اهي بتكون ويه صفاء و مو بعيده إهي إلي خبرته عن صفاء فاطمة: اي صج خلنا انروح لها وراحوا هناء و فاطمة يدورون على ريم و لقوها قاعده تصيح و البنات يحاولون يسكتونها..... فاطمة: هلا ريم شخبارج؟؟ عظم الله اجرج ريم: اجرنا و اجرج هناء: ممكن شوي ريم انكلمج بروحج؟؟ ريم: في شنو؟؟ هناء: تعالي شوي ويانه و بتعرفين قامت ريم معاهم بعيد شوي عن البنات و اهم يطالعونهم باستغراب و فضول................ فاطمة: بسألج عن اخوي محمد ما جفتيه أمس؟؟ ريم: اي جفته انه إلي اتصلت فيه و قلت له عن صفاء فاطمة: بس اهو من أمس ما رد البيت ما تعرفين و ين راح؟؟ ريم: لا و الله اهو بس يه المستشفى ودخل عند صفاء و بعدين طلع و لا أعرف وين راح هناء: اوكي ريم مشكورة انخليج الحين و مشوا فاطمة و هناء عنها............. وراحت ريم قعدت مع البنات و اهي اتصيح على رفيجتها صفاء، و جافت من بعيد حسن واقف يطالعها، فخلت البنات و راحت له.......... حسن: حبيبتي اشفيج اتصيحين قطعتي قلبي؟؟ ريم: رفيجتي صفاء توفت في حادث امس حسن: لا حول و لا قوة إلا بالله ريم: الحين راحت رفيجتي و خلتني بروحي حسن: لا تقولين جذي يا بعد عمري انه بكون معاج و لا بخليج ريم: تسلم لي حسن: الله يسلمج حبيبتي انزين يلا ابيج اضحكين بسج حزن ولا تكدرين خاطرج ريم: ما اقدر شلون اضحك و رفيجتي مب معاي حسن: يلا عشاني ضحكي ابتسمت ريم شوي.......... حسن: اي جذي ابيج على طول مبتسمة انزين يلا تعالي معاي الكفتيريا باعزمج ريم: الله يخليك لي ما ادري شنو كنت بسوي بدونك هههههههههههه حسن: الله يخلي هالضحكة دووم ريم: ويخليك لي وراحوا ريم و حسن للكفتيريا................ وفي بيت بو محمد الساعة 3 الظهر............ راحت فاطمة لأمها بغرفتها و كانت قاعده على أعصابها تحاتي و لدها محمد إلي للحين ما رد البيت........... فاطمة: يمه ابي اقولج شي عن محمد أم محمد بسرعة: شنو قولي تعرفين و ين محمد؟؟ فاطمة: لا ما اعرف بس في شي صاير و يمكن له علاقة بمحمد أم محمد: قولي بسرعة شنو؟؟ فاطمة: محمد يحب بينة اسمها صفاء من فترة و أمس سوت حادث و توفت و رفيجة صفاء خبرت محمد و على طول راح لها المستشفى و عقبها طلع و لا يعرفون عنه شي أم محمد: يعني تبيني اتفهميني إن زعلان على صفاء فاطمة: اي تعرفين يمه الحب و ما يسوي أم محمد: انه اخاف سوه في عمره شي علشانها فاطمة: انه بعد خايفة من هالشي أم محمد: انزين ليش ما قلتي لي من قبل عن هالبنية إلي يحبها فاطمة: ها.......... توني عارفة من مدة و ما حصلت و قت اقولج عنها أم محمد: انزين انه مو مهم عندي هالشي اهم شي ولدي يرد البيت بالسلامة فاطمة: انشاالله أم محمد: انه بروح تحت الصالة بنطر محمد فاطمة: بقعد معاج نزلوا أم محمد و فاطمة إلا يجوفون في ويهم محمد توه داش البيت، و على طول راحت أم محمد تحظن ولدها............. أم محمد: يمه ولدي شلونك شخبارك حرام اتسوي فينا جذي اتخلينا انحاتيك محمد: لا يمه ما فيني شي وكان محمد وايد شكله تعبان و ما رقد من البارحة و لا أكل............ فاطمة: محمد اشفيك اكيد ما رديت البيت علشان إلي صار في صفاء؟؟ محمد: انتي عرفتي السالفة؟؟ أم محمد: تعال يا ولدي ارتاح و أكلك شي بعدين قول اشصار لك محمد: لا يمه ما ابي شي مب مشتهي أم محمد: ما يصير انت شكلك ما كلت شي من أمس محمد: انه بس ابي ارتاح أم محمد: روح ارتاح و انه بسوي لك شي تاكله راح محمد غرفته و دخلت وراه فاطمة....... فاطمة: محمد احنا بصراحة انعرف سالفتك ويه صفاء و انك اتحبها محمد: و انتي اشدراج؟؟ فاطمة: انه عرفت و بس......... بس اهم شي انك افتكيت منها لأنها بصراحة وايد تتلعب و كله مع لصبيان كل يوم لها واحد و انه ما ارضى عليك انها اتقص عليكو انت شكلك اتحبها من قلبك و اهي بس جذي عصب محمد: انه ما اسمح لج اتقولين عنها جذي ترى اهي قالت لي كلشي عنها بصراحة و اعترفت لي انها من قبل اتكلم صبيان بس يوم عرفتني خلتهم كلهم لأنها حبتني بصدق فاطمة: اتلاقيها قالت لكل إلي كلمتهم جذي محمد بعصبية اكثر: انه غير عنهم و انه متأكد إن اهي كانت اتحبني و ما اتقص علي دخلت عليهم أم محمد........... أم محمد: اشصاير تتهاوشون اصراخكم لبره واصل؟؟ فاطمة: لا يمه ا في شي أم محمد: انزين فاطمة طلعي بره خلي اخوج يرتاح مسكين ما اجوفينه ياي تعبان تتهاوشين معاه فاطمة: انشاالله يمه راحت فاطمة فوق حجرتها و اتصلت في هناء................ |
الجزء الثاني و العشرون
راحت فاطمة فوق حجرتها و اتصلت في هناء................ هناء: الو هلا فاطمة فاطمة: هلا فيج فاطمة: بقولج رجع اخوي اخيرا هناء: الحمد الله على السلامة فاطمة: الله يسلمج هناء: وين كان محمد؟؟ فاطمة:ما ادري بس طلع وره السالفة صفاء هناء: وشنو قال؟؟ فاطمة: انه واجهته و قلت له كل شي عن صفاء ما اجوفه إلا عصب في ويهي وقام يدافع عنها هناء: مسكين يكسر الخاطر اخوج فاطمة: اي والله انتي لو جفتيه اول ما رجع حالته حاله مو راقد من البارحة و لا ما كل شي هناء: الله يساعد اخوج شكله صج يحب صفاء من قلبه فاطمة: أي والله يحبها بس اشوه افتك منها بس الحين بتم كل يفكر فيها شلون بيقدر ينساها حتى مو راضي ياكل شي مب مشتهي هناء:امج تدري بالسالفة؟؟ فاطمة: اي انه قلت لها بسالفته مع صفاء قبل لا يوصل هناء: وشنو قالت؟ فاطمة: مسكينة امي ما قالت شي كانت حالة محمد كاسرة خاطر أمي هناء: ما عليه خلي اخوج جم يوم وبجوفينه مع مرور الوقت بينساها فاطمة: الله يسمع منج........... انزين بخليج الحين هناء: اوكي.... بااااااااااااي فاطمة: باااااااااي قعدت فاطمة بروحها متمللة و فتحت الماسنجر ما جافت احد اون لاين ، وفتحت ايميلها اليديد إلي ضايفه فيه ايميل علي و جافته اون لاين و نقزت من على الكرسي من الفرح وعلى طول راحت اتكلمه............. فاطمة: هلا علي: اهلين علي: من معاي؟؟ فاطمة: مو انتي سناء؟؟ علي: سناء؟؟ لا و الله يمكن اخوي غلطان فاطمة: انه مب صبي انه بنية وشكلي كتبت الإيميل بالغلط علي: اها فاطمة: انزين انه متمللة ومحد عندي اون لاين يصير اسولف معاك؟؟ علي: اخاف انت واحد من ربعي امسوي فيني دقة فاطمة: لا لا صدقني انه بنية علي: اثبتي لي هالشي فاطمة: شلون تبيني اثبت لك؟؟ علي: اممممممممممممم اشرايج اكلمج بالمايك؟؟ فاطمة: بالمايك؟؟ لا لا ما ابي علي: يعني اكيد صبي بتسوي فيني مقلب صح؟؟ فاطمة: والله بنية علي: عيل بس بكلمج بالمايك ابي اسمع صوتج مرة وحده و خلاص تالي ما بكلمج فكرت فاطمة شوي وقالت مالها إلا اتكلمه علشان تقدر توصل للي تبيه ما يصير اضيع هالفرصة من يدها و حاولت شوي اتغير من صوتها...... علي: ها اشقلت او اشقلتي؟؟ فاطمة: اوكي موافقة بس بسرعة علي: اوكي وشغل علي المايك.......... علي: الو فاطمة مغيرة صوتها شوي: الو علي: هلا فاطمة: هلا فيك علي: شسمج؟؟ فكرت فاطمة وقالت له: اسمي أشواق علي: عاشت الأسامي فاطمة: عاشت الأسامي انت شنو اسمك؟؟ علي: اسمي علي فاطمة: انزين خلاص الحين تأكدت إني بنية؟؟ علي: اي خلاص فاطمة: عيل بكلمك على الماسنجر علي: اوكي وصكت فاطمة المايك وقعدت تكلمه........... علي: حلو صوتج قام قلب فاطمة يدق بسرعو يوم سمعت هالكلمة لأن اول مرة يقول لها كلام حلو بس جان زين لو يعرف إن اهيه فاطمة........ فاطمة: شكرا على المجاملة علي: لا صج هذي الصراحة مب مجاملة فاطمة: انزين عرفني عن نفسك أكثر علي: قلت لج اسمي علي و عمري 22 وانتي جم عمرج؟ فاطمة: عمري 20 علي: العمر كله فاطمة: تسلم علي: الله يسلمج فاطمة: تدرس؟؟ علي: اي ادرس محاسبة و انتي؟؟ فاطمة اجذب عليه علشان لا يعرفها: ادرس هندسة علي: انزين ما قلتي لي شلون كتبتي ايميلي بلغلط؟؟ فاطمة: رفيجتي عطتني ايميلها بس شكلها كتبته بلغلط لأن مثل ايميلك تقريبا و طلع انت علي: انزين انتي من وين؟؟ فاطمة: البحرين علي: انه بعد من البحرين بس يعني معقولة إنج ضفتيني اطلع من البحرين و انتي بعد من البحرين؟؟ فاطمة: يمكن صدفة علي: اها فاطمة: يعني للحين شاك فيني احد امسوي فيك دقة؟؟ علي: لا لا بس مستغرب فاطمة:اها علي: بس انه احس من اسلبوج و كلامج إنج اتعرفيني فاطمة:و انه اشعرفني فيك يمكن اسلوبي يشبه احد من ربعك او شي علي: يمكن فاطمة: انزين انت اتكلم بنات على الماسنجر؟؟ علي: انه بصراحة في عندي بنات فاطمة: يعني يصيرون لك؟؟ علي: في يصيرون لي و في بنات اعرفهم من الجامعة فاطمة:اها علي: ليش هالسؤال؟؟ فاطمة: بس جذي فضول علي: انزين انتي عندج صبيان على الماسنجر؟؟ فاطمة: انه لا لا ما عندي احد غريب بس إلي يصيرون لي علي: اها فاطمة: انزين ممكن سؤال اجاوبني بصراحة؟؟ صح انه ما تعرفني و لا شي ويمكن ما تثق فيني بس ابيك اجاوبني بصرحة اذا ما عندك مانع؟؟!! علي:اوكي اسألي و بجوف فاطمة: انت تحب؟؟ علي: ليش هالسؤال؟؟ فاطمة:انت جاوبني بعدين بقول لك علي: بصراحة كنت احب بس الحين خلاص فاطمة:ليش ممكن اعرف السالفة؟؟ علي: لو سمحتي ما ابي اتذكر السالفة انه زين نسيتها فاطمة: اوكي براحتك علي: انزين ما قلتي لي ليش تسألين؟؟ قاطمة: لا بس يعني اقول اذا تحب حرام اتخون إلي اتحبها و اتكلم وحده غيرها مثلي فقلت ما ابي اخرب العلاقة بينكم علي: اها علي: انزين انه الحين بخليج و بقوم فاطمة: اوكي بس ابي اكلمك باقرب وقت علي:اوكي فاطمة: انت متى تدخل اون لاين؟؟ علي: اكثر شي هالحزه فاطمة: عيل اكلمك باجر اوكي؟؟ علي: اوكي علي: باي فاطمة:باي وقعدت فاطمة اتفكر في كلام علي وقررت اتقول له انها اتحبه بس بدون ما يعرف من اهي وبجوف شنو بسوي............ في الليل الساعة 9 كانت هناء قاعده تدرس، ويرن تلفونها وكان خالد متصل.......... هناء بفرح: الو خالد: هلا حبيبتي هلا فيج هناء مستحية: شخبارك خالد؟؟ خالد: وحشتيني مووت هناء: هههههههههههههه خالد: تسلم لي هالضحكة هناء:الله يسلمك خالد: شخبارج هنائي؟؟ هناء:ههههههههه بخير اسأل عنك يالغالي خالد:سألت عنج العافية هناء: الله يعافيك خالد: صار لي فتره ما كلمتج حبيبتي وحشتيني واااايد هناء: وانت اكثر خالد: بعد عمري والله هناء:............................ خالد: انزين حبيبتي يصير اجوفج؟؟ هناء:اجوفني!!!! خالد: اي ابي اطلع معاج هناء:تطلع معاي وين انروح؟؟ خالد: أي مكان يعجبج تبين انروح مجمع و لا مطعم و لا وين؟؟ هناء: لا لا خالد ما اقدر اطلع معاك خالد: انزين على الأقل ابي اجوفج من زمان ما جفتج هناء:.................... خالد: ها اشقلتي؟؟ هناء: سوري خالد ما اقدر خالد:انزين في الجامعة انتي وين تقعدين؟؟ هناء: انه اكثر شي اقعد في مجمع المطاعم خالد:الساعة جم اتكونين هناك؟؟ هناء: الساعة 11 اكثر شي خالد: اوكي عيل باجر لازم اجوفج هناك اوكي؟؟ هناء: اوكي خالد: انزين بعد في شي هناء: شنو؟؟ خالد: ابي اخطبج تفاجأت هناء وقلبها قام يدق بسرعة و ما عرفت شتقول له......... خالد: ها حبيبتي شنو قلتي؟؟ هناء مستحية: ما ادري خالد: ههههههههه عادي حبيبتي قول لي لا تستحين مني هناء:..................... خالد:اذا انتي اتحبيني اكيد بتوافقين صح؟؟ هناء: بصراحة انه احبك و اكيد موافقة خالد:هههههههههههه يا بعد عمر انتي و الله هناء: بس في شي خالد:شنو حياتي قولي؟؟ هناء: ابيك اتأجل هالموضوع شوي خالد: ليش حبيبتي في شي؟؟ هناء:لا بس الحين جريب لمتحانات واتعرف يعني ، فخله عقب ما نخلص امتحانات خالد: غالي و الطلب رخيص، عبالي في شي ثاني، بعد احسن عقب لمتحانات علشان اتفرغ لج هناء:ههههههههههههههه خالد: حبيبتي انتي و الله هناء:................... خالد: انزين الحين بخليج حياتي اوكي هناء: اوكي وتحمل في روحك خالد: وانتي بعد عمري هناء: اوكي خالد: تصبحين على خير حبيتي هناء: وانت من اهله خالد: بااااااااااي هناء: باااااااااااااي الجزء الثالث و العشرون يوم ثاني في بيت بو محمد كانت فاطمة قاعدة مع أمها بالصالة.......... أم محمد: فطوووم حبيبتي قومي ودي هالأكل لأخوج لأنه ما ياكل شي ما ادري اشفيه خليه ياكله يمكن يسمع منج فاطمة:انشاالله يمه راحت فاطمة و ودت الأكل لمحمد في غرفته، ويوم دخلت عليه كان متسطح على فراشه و اهو يطالع السقف و نازله على خده دمعة، و لا حس في أخته يوم دخلت............. فاطمة: محمد يلا قوم أكل لك شي أمي امسوية لك هالأكل علشانك محمد:.................... فاطمة: اشفيك محمد انت للحين اتفكر فيها؟؟ محمد:.................... فاطمة: يا محمد ما يصير جذي انت وراك دراسة و شغل جذي بضيعون عليك و الحين جريب لمتحانات محمد: فاطمة ارجوج خليني بروحي فاطمة: انزين بخليك بس لازم تاكل ترى أمي بتزعل عليك محمد: ما ابي أكل طلعيه بره فاطمة: انه بخليه و أي وكت اتيوع أكله وطلعت فاطمة رايحه لأمها.......... فاطمة: يمه محمد مو راضي ياكل ما يبي شي بس قاعد ساكت و يفكر أم محمد: ما يصير أكيد ولدي فيه شي انه لازم اوديه الطبيب يجوفون اشفيه فاطمة: محمد ما فيه شي بس حالته النفسية تعبانه وأكيد عقب جم يوم بينسى الموضوع أم محمد: اذا تم جذي بموت لأنه ما ياكل و كل حاكر نفسه بالدار، ما يصير اسكت و اخليه جذي انه بروح اجوفه راحت أم محمد لغرفة محمد، وفاطمة دخلت غرفتها وفتحت الماسنجر على ايميلها القديم و جافت حسن اون لاين و بسرعة طلعت علشان لا يكلمها و يمللها، فتحت ايميلها اليديد ما جافت احد اون لاين وقعدت تنطر و اتكلم روحها: اففف ملل كلش محد اون لاين ما في إلا حسووونوه و هذا إذا كلمته شيفكني منه، و ايميلي الثاني للحين ما دخل علي اون لاين اهو قايل بيدخل هالحزه خلني بانطره شوي....... وعلى بال ما اهي تنطر علي يدخل اتصلت فيها هناء.......... فاطمة: هلا هناءوو شخبارج؟؟ هناء: بخير......... اشفيج شكلج مضايقة؟؟ فاطمة: لا و لا شي بس أخوي هناء: اشفيه اخوج؟؟ فاطمة:هذا اهو حاله من أمس مب راضي ياكل او يطلع من غرفته وكل يصيح ويفكر وما يبي احد يتكلم معاه هناء: انزين ودوه الطبيب جوفو يمكن فيه شي فاطمة: أمي قالت بتوديه بس شنو الطبيب بسوي له اهو بس حالته النفسية تعبانه هناء: اكيد مع الوقت بينسى سالفة صفاء فاطمة: اي بس جذي يبيله وقت و الحين اتعرفين جريب لمتحانات هناء: اي صج فاطمة: ما ندري شنسوي معاه هناء: انه عندي فكرة فاطمة: شنو قولي؟؟ هناء: ريم فاطمة: اشفيها ريم؟؟ هناء: مو اهي اتحب اخوج؟؟ فاطمة: اي اتحبه وشنو يعني؟؟ هناء: انزين ريم ومحمد من يوم اهم صغار مع بعض و صار لهم فتره انقطعوا عن بعض بس أكيد اخوج للحين يعز ريم فاطمة: شنو تقصدين من كلامج؟؟ هناء:قولي لريم عن سالفة محمد صفاء و شنو صار له يمكن تقدر اتساعد محمد و تخليه ينساها فاطمة: بس ما ادري اخاف اخوي يعصب لما يعرف إن احنا قلنا لريم بالسالفة هناء: لا لا اهو ما بعرف بس خلي ريم ادير بالها عليه و لا تقوله انها تعرف سالفته خلي السالفة عادي فاطمة: اوكي بحاول هناء:انزين انتي شقاعدة اتسوين الحين؟؟ فاطمة: ما اسوي شي بس فاتحة الماسنجر متمللة محد اون لاين هناء: انزين ما كلمتي اخوي للحين؟؟ فاطمة: اي صج نسيت اقولج................ وقالت فاطمة لهناء السالفة كلها............. هناء: وللحين ما دخل علي؟؟ فاطمة: لا للحين قاعدة انتظره هناء: يمكن ما بيدخل اليوم لأن قال بيطلع مع ربعه فاطمة: ما يصير اهو قايل لي بيدخل هناء: يمكن صارت عنده ظروف ما يقدر فاطمة: ويعني انه اشدراني بالهظروف يخلني انتظره طول هالوقت على الأقل يطرش لي رسالة يقول لي انه ما بيدخل، انزين حبيبتي هناء روحي تأكدي جوفي اخوج اذا بيدخل اون لاين و لا شنو؟؟ هناء: لا ما بروح بيسألني ليش اسأله اذا بيدخل او لا اكيد بشك فيني امسويه شي فاطمة: عاد و لي يسلمج روحي هناء: لا تحاولين ما بروح فاطمة: اوكي اوكي خلاص اكا دخل بااااااااااااي هناء: هههههههههههههههه............... بس جفتي حبيب القلب بسرعة بتسكرينه في ويهي فاطمة: يلا روحي انه مب فاضية لج الحين هناء:هههههههههه شوي شوي على أعصابج بخليج الحين بس بعدين قولي لي شنو صار بينكم فاطمة: اوكي باي هناء: باي ومن دخل علي اون لاين على طول راحت فاطمة اتكلمه........... فاطمة: هلا و غلا هلا بعلي علي: هلا فيج فاطمة: شخبارك؟؟ علي: الحمد الله بخير......... شخبارج انتي؟؟ فاطمة: الحمد الله اسأل عنك علي: سألت عنج العافية فاطمة: الله يعافيك علي:.................. فاطمة:وحشتني واااااااااااااااايد علي: انه توني امكلمج امس شلون وحشتج و احنا ما نعرف بعض وايد؟؟ فاطمة: اي بس انه احس إني اعرفك من زمان علي: اها فاطمة: انزين علي بقول لك شي بس ما ابيك تزعل مني علي: اوكي قولي شنو؟؟ فاطمة ترددت انه تكتب له فتمت فتره ساكته.... علي: اشفيج وين رحتي؟؟ فاطمة: علي بصراحة انه احبك و الله علي: ؟؟؟؟؟؟؟؟؟؟؟؟؟؟؟؟؟؟؟؟؟ فاطمة: اشفيك؟؟ علي:شلون انتي اتحبيني و احنا بس انعرف بعض من أمس؟؟ فاطمة: ما ادري بس إلي احسه إني صج احبك صدقني علي: بصراحة انه شاك في السالفة أكيد في شي فاطمة: أمس قلت جذي و انت تأكدت بنفسك عقب ما سمعت صوتي علي: لا لا ما أقصد جذي على انج بنية او صبي انه اشك انج وحدة اتعرفيني بس ما ادري من فاطمة: انت شاك في أحد؟؟ علي: اي شاك في وحده يمكن اتكون اهي قام قلب فاطمة هالحزه يدق وخافت إن يكون عرفها........ فاطمة: ومنو هالبنية إلي شاك فيها؟؟ علي: انه اشك في لبنيةإلي معاي بالسكشن قالت فاطمة في خاطرها اشوه مو انه و لا جان ما اعرف شسوي او شاقول له........... فاطمة: وليش شاك فيها؟؟ علي: لأن دايما الاحظها اطالعني و تلحق وراي و اذا عندها شي اتيي تسألني ما تروح حق رفيجاتها وحتى مرة قالت لي انها معجبة فيني بس انه ما عطيتها ويه فاطمة: اهي اتعرف ايميلك؟؟ علي: لا ما تعرفه بس يمكن سألت ربعي و خذته من عندهم فاطمة:لا مو انه هالبنية إلي شاك فيها انه وحده ما تعرفني و لا اعرفك علي: انزين حتى لو افترضنه إنج ما تعرفني و انه ما اعرفج بس ما يصير من ثاني مرة اكلمج اتقوليني لي احبك هالحجي ما يدش العقل فاطمة: بعد شاسوي حبيتك و عجبني اسلوبك علي:...................... فاطمة: انزين ممكن سؤال؟؟ علي: تفضلي؟؟ فاطمة: انت اتحبني؟؟ علي: شكلج انتي وحده بس تبين اضيعين وقتي انه بقوم عن اذنج فاطمة: وين توه الناس وين بتروح خلك معاي علي: مشغول شوي......... باي توها فاطمة بترد عليه إلا طلع من الماسنجر و قعدت اتفكر بكلامه، يعني اهي اشسوت الحين خربت كل شي.... جذي ما بكلمها بصراحة و لا بقول لها كل شي عنه او يصير له و لا راح يصدقها اصلا، وبسرعة اتصلت في هناء............. هناء: الو هلا فاطمة فاطمة: هلا هناء:اشفيج شنو صار؟؟ فاطمة: كلمت علي على الماسنجر هناء: اي و شنو صار؟؟ وقالت فاطمة لهناء كل شي.............. هناء: هههههههههههههههههه فاطمة: اشفيج تضحكين؟؟ انه قلت شي يضحك.... انه ابيج اتساعديني و تقولين لي شنو اسوي قاعده تضحكين علي؟؟ هناء: هههههههههههه يعني في وحده مثلج تسأله اتحبني و اهي بس كلمته مرتين و لا جافها و لا جافته، يعني اشتبينه يكون رده يعني تبينه يقولج احبج و اموت فيج؟؟ هههههههههههه فاطمة: بعد شاسوي كنت ابيه يعرف إني انه فاطمة و احبه وابي اعرف رايه فيني هناء: اشك إن عطاج بلوك فاطمة: فال الله و لا فالج هناء:ههههههههههههههههه و الله تستاهلين انتي اصلا ما تعرفين تتصرفين المفروض انه اكون معاج فاطمة: شاسوي بعد هذا إلي صار هناء: انزين خيرها في غيرها......... حاول مرة أخرى ههههههه فاطمة: يا حبج للضحك انه غلطانة إلي يايه اشكي لج الحال هناء: انتي زعلتي فاطمة: اي و يلا عن اذنج بخليج هناء: لا تزعلين مني انه بس تعرفيني احب امزح وياج فاطمة: اوكي خلاص انه اصلا ما اقدر اخليج هناء: هههههههههههههه تسلمين لي و الله فاطمة: هههههه الله يسلمج......... باااااااااااي هناء: باااااااااااي في الليل الساعة 8 كانت فاطمة قاعده في غرفتها فاتحة لكتاب يا زعم تدرس و بالها مشغول في شي ثاني قاعده اتفكر في علي ، و مدام اهي جذي دخلت عليها أمها الغرفة.................. أم محمد: ها فطوم شسوين تدرسين؟؟ فاطمة متفاجأه: يمه؟؟؟ متى دخلتي حجرتي؟؟ أم محمد: توني من شوي شكلج ما حسيتي فيني فاطمة: اي و الله يمه ما حسيت فيج من التعب و الدراسة اتعرفين بعد جريب لمتحانات أم محمد: الله يوفقج يا بنتي فاطمة: انشاالله أم محمد: انزين فطوم انه يايتج في موضوع، انه ما حبيت اكلمج في هالحزه بس لازم اعرف رايج فيه على الأقل علشان اعرف شنو اقول للناس فاطمة: شنو يمه؟؟ اشصاير؟؟ أم محمد: انه اليوم رحت بيت يدج وهناك كانت أم جاسم ييران بيت يدج، وقالت لي إنها تبي تخطبج حق ولدها جاسم، اهي تقول كانت امفكره من زمان اتقول لي بس ما لقت الوقت المناسب علشان اتكلمني في هالموضوع.............. ها اشرايج؟؟ فاطمة:...................................... أم محمد: انه قلت لها الحين وقت امتحانات بعدين بكلمها عقب لمتحانات في هالموضوع بس اهي قالت على الأقل انعرف رايج و نحجزج حقه لين ما تخلصين امتحانات بعدين بحددون كلشي موعد الملجة و الخطوبة فاطمة: لا يمه ما ابي أم محمد: ليش عاد ترى لصبي خوش ولد وما ينعاب اهو عمره 24 و يشتغل مدرس بعد اشتبين اكثرمن جذي فاطمة: لا يا يمه انه ما افكر في هالشي الحين ابي اكمل دراستي اول أم محمد: عادي حبيبتي بس الحين بتصير خطوبة و عقب ما تخلصين دراستج تزوجوا... ها اشقلتي؟؟ فاطمة: لا لا يمه خل يدور غيري احسن.... ليش اخلي لصبي ينطرني طول هالمدة؟؟ أم محمد: انزين فطووم انه بخليج الحين و انتي فكري في الموضوع عدل انه قلت لأم جاسم بنرد لكم خبر عقب يومين.......... بس اهم شي انتبهي لدراستج و لا تشغلين بالج وايد فيه فاطمة: يمه انه شايلة هالفكرة من راسي و ما ابي افكر في هالموضوع و لا بفكر و قلت لج رايي من البداية ما بغيره أم محمد: انزين يمكن انتي الحين اتقولين جذي لأنج تفاجأتي بالموضوع فخذي راحتج لا تستعيلين بالرد فاطمة: يمه قلتج ما ابيه خلاص أم محمد: انزين يمكن لين جفتيه وقعدتي معاه و تكلمتي تغيرين رايج؟؟ فاطمة: يمه ما ابيه لا اهوه و لا غيره ......... اهو مب غصب و اذا مفتشلة اتردين على أم جاسم وتقولين لها لبنية ما تبيه انه بكلمها بنفسي وبقول لها أم محمد: شكلج امعصبه حبيبتي بخليج الحين واهتمي بدراستج فاطمة: انشاالله يمه وطلعت أم محمد من حجرة فاطمة إلي قعدت اتصيح و تفكر في علي ليش مو اهو إلي ياي يخطبني ، ليش الناس يبوني و علي ما يبيني اشفيني انه ما يحبني ، انه و الله احبه ليش يسوي فيني جذي ليش؟؟؟........................ و على طول اتصلت في هناء و اهي اتصيح و قالت لها السالفة كلها.............. هناء: انزين بس خلاص الحين ليش اتصيحين ما صار شي علشان اتصيحين جذي و أمج ما غصبتج عليه؟؟ فاطمة: اعرف بس انه احس إني انجرحت ما ادري شلون، يعني اقول ليش مو بدل جاسم يكون اخوج علي اهو إلي ياي يخطبني هناء: هههههههههه، انزين فطوووم حبيبتي ما صار شي الحين، على الأقل علي الحين ما عنده وحده يحبها علشان يروح يخطبها وانتي بعد حاولي معاه فاطمة: وهذا إلي مخوفني إنه يحصل وحجه ويحبها من عقب ما افتكيت من ريم ، بس اشك إن للحين يحبها هناء: لا لا ما اعتقد هالشي لو كان يحبها انجان حاول معاها و رد لها بس اهو شكله ما يبيها و يمكن إلي كان بينهم إن اهو معجب فيها بس فاطمة: انجان زين إلي تقولينه صج هناء: ههههههههه و الله فطوووم خرعتيني عبالي شي صاير لج اول ما سمعتج اتصيحين، الناس يستانسون لين اييون يخطبونهم انتي اتصيحين اول مرة اجوف وحده اتسوي جذي فاطمة: بعد اشتبيني اسوي ما ادري شلون راح تفكيري على طول لعلي هناء: هذا بس يبون يخطبونج و صحتي هذا لو علي اهو إلي رايح يخطب ابنية ثانية اشبسوين عيل؟؟ فاطمة: الله لا يقوله ان شاء الله هناء: انزين بس الحين خلاصلا تفكرين وايد واهتمي بدراستج فاطمة: هذا إلي احاول اسويه بس دايمن تفكيري في علي هناء: فطوووم خلي علي على صوب وقت لمتحانات ترى ما بفيدج، و الحين يعني تتوقعين إنه اهو قاعد يفكر فيج مثل ما انتي ذابحة عمرج عليه؟؟ فاطمة: جان زين يفكر فيني شوي بس هناء: هههههههههههههههه انزين خلي عنج هالسوالف ودرسي عدل فاطمة: اوكي هناء: يلا حبيبتي بخليج الحين بقعد ادرس فاطمة: اوكي ............ باي هناء:باي عقب يومين ، يوم الأربعاء الساعة 4 ونص كانت سارة قاعدة اطالع التلفزيون ((سبيس تون)) طقت أم محمد الباب عليها ، قامت سارة و نزلت صوت التلفزيون و قالت : من ؟ أم محمد : انه أمج وبسرعة بندت سارة التلفزيون و حملت كتابها تسوي روحها تدرس وراحت فتحت لأمها الباب . أم محمد: شنو قاعدة تسوين؟ سارة: مثل ما اجوفين قاعدة أدرس أم محمد: الله يوفقج حبيبتي بس انه يايه أقول لج إني بروح بيت يدج إنتبهي لروحج سارة :.................. أم محمد: سارة إشفيج؟؟ سارة : لا ولا شي انشاالله يمه أم محمد: يلا حبيبتي مع السلامة سارة : الله يسلمج قعدت سارة تفكر وتقول انه ودي أروح معاها بس شنو أسوي ما يصير أنه ممنوعة من هالأشياء فترة الإمتحانات بس يلا ما فيها شي أقعد في البيت على راحتي أطالع التلفزيون بدون محد يقولي شي ............. فتحت سارة التلفزيون وقعدت تبدل من قناة لقناة لين ما لقت لها فلم حلو فقالت بتروح تييب لها أكل علشان تاكل و إهي اطالع التلفزيون ........... نزلت تحت و كانت الخدامة قاعدة في المطبخ تنظف وتغسل المواعين قالت لها سارة: ميري أنه أبيج تسوين لي سندويج و تييبينه الحجرة أوكي ؟؟ ميري: أوكي بس انه في يغسل موائين أول سارة معصبة : أوووووه قتلج سوي لي يعني سوي لي مو تعاندين أبيج الحين تخلين إلي في يدج فهمتي؟؟ ميري: أوكي سارة: إنتوا ما تيون إلا بالعين الحمرة....... ييبيه فوق بعدين فهمتي يالخبلة؟ راحت سارة حجرتها وقعدت اطالع الفلم وبعد 10 دقايق يات الخدامة ويابت لسارة سندويجة وحدة بس . سارة: ليش تأخرتي ها؟ ردي؟؟ الحين عشر دقايق علشان تسوين جم سندويجة؟ أكيد كملتي شغلج بدين تفرغتي لي أنه بقول لأمي إنها تردج لديرتج ما نبيج . من زين شغلج عاد ولا نظافته ميري:....................... سارة معصبة: شنو فيج واقفة خلي الصحن على الطاولة وطلعي برة خلت ميري الصحن على الطاولة وقامت بتطلع سارة معصبة: شنو هذا أنه قلت لج سوي لي سندويج يعني مو بس وحدة ميري : سوري سارة: أووووف أنه ما أدري شلون أمي متحملتج؟ روحي سوي لي غيرها و ما أبيج تتأ خرين فهمتي؟؟ ميري: أوكي طلعت بعدين ميري وسكرت الباب وراها بقوة سارة بصوت عالي : يالكريهه عبالج ما راح أقول لأمي بس صبري لي أنه أراوييييج سكتت شوي سارة تاخذ نفس........... سارة : فوتت علي الفلم خلني أتابعه أحسن لي وتوها بترجع للفيلم إلا مخلين دعاية سارة: أووووووه الحين ربع ساعة دعاية...... أقوم أتصل بمريم أجوفها شنو قاعدة تسوي أكيد قاعدة تدرس فتحت سارة تلفونها إلا عندها مس كول قالت يمكن أمي تبي شي . فتحت سارة المس كول إلا رقم غريب ما تعرفه ،قالت يمكن داقين عليها بالغلط إتصلت بعدين بمريم.............. سارة : ألو هلا مريم شخبارج؟ مريم: تمام و إنتي؟ سارة: تمام بس لو ما عصبتني هالخدامة مريم : شمسوية لج ؟ أخاف إنتي إلي مسوية لها شي سارة : أنه أسوي شي ؟ لا بس تعرفين سوالف الخدم . هذي أنه................. مريم : لا تكملين أنه ما عندي وقت الحين سارة: أو نسيت إنج قاعدة تقطعين الكتب هههههههههههههههه مو مشكلة يوم السبت في المدرسة أقول لج مريم : لا ولا في المدرسة خليها غير وقت لين فظينه سارة: على راحتج خلج مع الدراسة مريم: إنتي ما بديتي مراجعة سارة: أنه؟ طبعا لا. عندي الخميس والجمعة.... ليش أراجع اليوم؟ مريم: بكيفج مع إني أعرفج ما راح تراجعين إلا الجمعة العصر سارة:هههههههههههههههههههه أريح لي مريم : أوكي خليني أراجع شوي سارة: أوكي أوكي أكا بدا الفلم مع السلامة مريم : الله يسلمج سكرت سارة السماعة وتوها بطالع التلفزيون إلا نفس الرقم إلي من ساعة داق دق عليها الحين..... سارة: ألو المتكلم: ألو كان صوت صبي سارة: نعم المتكلم: أنه إسمي حمد و إنتي؟؟؟ سارة: يه!!!! وإشلك بإسمي شنو تبي فيه؟؟ حمد: أبي أتعرف يا نور عيوني سارة : صج ما عندك ذوق حمد : ليش ؟ سارة: إسلوبك حمد: أنه أتكلم عن جد سارة:......................................... حمد: أحسج مب واثقة فيني أوكي أنه راح أعرفج على نفسي...... أنه إسمي حمد مثل ما قلت لج وعمري 18 سنة و بصراحة أنه أعرف عنج كل شي و إنتي عجبتيني ومن يوم ما جفتج وأنه أفكر فيج سارة: وين جفتني؟ حمد: قبال بيتكم كنت مار وجفتج وسألت عنج وعطوني رقم تلفونج سارة : ................................. حمد : شنو فيج ساكتة؟ سارة: .................................. حمد: بصراحة و علشان توثقيين فيني أكثر أنه كنت أحب وحدة وخانتني ومن ذاك الوقت ما حبيت أحد وتوني الحين يوم جفتج حبيتج سارة:انت اكيد قاعد تقص علي ؟ حمد : وليش أقص عليج ؟ أنه صريح وهذي الحقيقة سارة: ولو قلت لك إني أنه أحب حمد: .................................... سارة: شنو فيك؟؟ حمد: صدمتيني . ومنو تحبين؟؟؟ سارة : لا تخاف أنه كنت أحب و الحين إلي أحبه تزوج حمد: يعني إهو ما يحبج ؟ سارة: أهو ما يدري أصلا حمد: وأي كبر إهو علشان يتزوج؟ سارة: 25 سنة حمد : كبير عليج سارة : اي بس أنه أحبه حمد : ايصير لج؟؟ سارة: اي يصير لنا وييرانه بعد حمد:...................................... سارة: شنو فيك ساكت؟؟ حمد: لا و لا شي بس شنو إسمه أهوه؟ سارة: اسمه يوسف حمد: .............................. سارة : شنو فيك؟ حمد:ههههههههههههههههههههههههههههههههههه سارة : شنو فيك تضحك انه قلت شي يضحك؟؟ حمد : أعرف يوسف كبير عليج وايد سارة : وشلون تعرفه أهو عمرة 25 و إنت 18 حمد: لا بس أخوي رفيجة سارة: اها حمد : أوكي أنه بكلمج وقت ثاني .......مع السلامة سارة : مع السلامة وسكرت سارة السماعة قعدت سارة تفكر في الموضوع وعلى بال ما اهي تفكر إلا تسمع صوت أمها تناديها وبسرعة فتحت سارة الكتاب تسوي روحها تقرا أم محمد: سارة ؟ وينج؟ طلعت سارة من غرفتها وقالت: نعم يمه!! أم محمد: شنو امسوية؟؟ دارت الأفكار في مخ سارة وقعدت تقول في قلبها : شنو سويت ؟ لا يكون درت أمي عن سالفة حمد!! سارة: شنو سويت؟ أم محمد: عبالج ما دريت بإلي سويييتيه؟ سارة مرتبكة وخايفة: شنو سويت؟؟ أم محمد :ميري قالت لي كل شي سارة: وشنو قالت؟ سارة في قلبها: يعني ميري كانت تسمعني و انه اكلم حمد لكن براويها أم محمد: تقول إنج ما درستي و قعدتي اطالعين التلفزيون سارة: بل عليها الجذابة انه ما درست ؟ لكن براويها أهو صج أنه فتحت التلفزيون بس 10 دقايق وبس أريح عن الدراسة ولا ممنوع نرتاح شوي؟؟ أم محمد: لا مب ممنوع بس إهي تقول إنج من يوم طلعت للحين قعدتي اطالعين التلفزيون وسمعتج تتكلمين في التلفون سارة في قلبها: هذي يعني تنتقم مني يعني......... لكن أنه لها سارة: لا يمه ما عليج منها انه درست زين والكلام إلي سمعته وانه أتكلم في التلفون كنت متصلة برفيجتي أسألها كم سؤال عن الدرس ....و أنه عرفت الحين ليش اهي تقول عني جذي لأن أنه معصبة عليها فالظاهر حبت تنتقم مني وقالت هالكلام عني. أم محمد: اها انه أقول بنيتي شادة الهمة هالسنة أوكي حبيبتي أخليج تراجعين و أروح أجوف إختج شنو تسوي سارة : أوكي طلعت أم محمد من الحجرة ................ سارة في قلبها : أشوه مشت عليها الجذبة هههههههه الجزء الرابع و العشرون يوم الخميس الساعة 10 الصبح سارة كانت نايمة في سابع نومه و ما صحاها إلا صوت التلفون مالها يرن . سارة تتثاوب: آآآآلو حمد: ألو هلا سارة حبيبتي سارة : من؟ حمد: يه نسيتيني سارة : حمد حمد : إي سارة:........................... سارة : ما جفت رقمك حمد : مو مشكلة سارة:.......................... حمد: شكلج توج قاعدة من النوم سارة : ها لا أنه قاعدة من زمان حمد: عليج إمتحان يوم السبت سارة : إي حمد: راجعتي ؟ سارة :إي حمد: شنو فيج؟ سارة : ولاشي حمد: أوكي أخليج و أكلمج بعدين سكرت سارة السماعة ونامت ولا كأنها توها قاعدة من النوم ، و بعد أكثر من 3 ساعات لما صارت الساعة وحدة قعدت سارة من النوم و راحت علشان تتغدى و كانت الخدامة قاعدة تخلي الأكل على الطاولة......... سارة: شنو الغدا ميري : سمج سارة : أوووه أنه ما حب السمج سوي لي شي ثاني ميري: ما في سارة : شنو ما في؟؟ سوي لي أي شي فهمتي ؟؟ ميري: ......................................... أم محمد: تو الناس توج قاعدة من النوم؟ سارة : إي توني قاعدة بعد شنو أسوي أمس سهرانه أدرس لساعة متأخرة أم محمد: إي الله يعطيج الصحة و العافية سارة : الله يعافيج أم محمد : يلا بسرعة إكلي و روحي درسي سارة: يمه تدرين إني ما أحب السمج وهذي ميريوو امسوية لي سمج يعني شنو آكل ، تبوني أرسب ؟ أم محمد: أوكي حبيبتي بخلي الخدامة تسوي لج إلي تبين سارة : أوكي يمه وإهي تتكلم مع أمها إلا تلفونها يرن وكان حمد أم محمد: منو ؟ سارة: هذي رفيجتي تسألني عن الدروس وتركت سارة أمها وراحت حجرتها............... سارة:ألو حمد: هلا سارة: ................... حمد: أنه عرفت إيميلج وضفتج على الماسنجر دخلي وخلينا نتكلم يكون أحسن، علشان ما تضايقين و انتي تكلميني يمكن يكون يمج احد وما تبينه يسمع كلامنه سارة : أوكي حمد :مع السلامة سارة : الله يسلمك. وفتحت بعدين سارة الماسنجر، وجافت عندها إضافه يديده و قبلتها................. سارة : هلا حمد: هلا وغلا سارة: ............... حمد: أوكي أنه ما راح أضيع وقتج بنسولف شوي علشان تدرسين بعدين سارة : لا عادي خذ كل وقتك حمد :ما تبين تدرسين؟ سارة: لا بس مو الحين في وقت بعدين بدرس حمد: بس نصيحتي لج خلج من السوالف وروحي درسي وأنه إذا مضايقج في شي مب لازم نتكلم سارة : لا عادي أنه جذي جذاك ما راح أدرس حمد: أوكي على راحتج سارة:.......................... حمد: بصراحة أنه أموت فيج سارة: صج؟ حمد: إي عيل شلي خلاني آخذ تلفونج وإيميلج سارة: بس أنه ودي أجوفك حمد: راح تجوفيني جريب سارة: ...................... حمد: قلتي لي إنج كنتي تحبين واحد صح؟ سارة: إي بس كنت أحبه الحين لا، ما أدري شنو إلي خلاني أحبه بس الحين كرهته حمد: وليش كرهتيه؟ سارة: تزوج بنت خالتي ، و الحين انه ما أحبه لا اهو ولا إهي كرهتهم حمد: و الحين ما تحبين أحد سارة: لا بس يمكن احب أحد لأن قلبي خالي ما فيه أحد حمد: اها سارة : و إنت؟؟ حمد: أنه ما أحب أحد إلا إنتي سارة: ......................................... حمد: أوكي سارونة أخليج تدرسين شوي سارة: وين بتروح ما تكلمنا وايد؟؟ حمد: ما تبين تدرسين؟ سارة : إمبله بس مب الحين حمد: انه شوي مشغول الحين أرد لج بعدين سارة : أوكي و خلت سارة الماسنجر شغال و راحت اطالع مسلسل في التلفزيون و بعد نص ساعة لقت حمد على الماسنجر و رجعت إتكلمه بس أهو ما كلمها وايد و إستأذن منها لأنه بيطلع ..... الساعة 4 العصر كانت فاطمة قاعدة تدرس بس كان بالها دايما مشغول و تفكر.............. فاطمة تكلم روحها: والله تمللت من الدراسة من صبح للحين و انه ادرس و من زمان ما طلعت من البيت بس كله دراسة، افففففف شاسوي ابي اغير جو شوي خلني بفتح الماسنجر، وفتحت فاطمة ايميلها و ما جافت احد اون لاين ، و نفس الشي فتحت ايميلها اليديد و ومحد اون لاين......... فاطمة اتقول في خاطرها: اكيد محد الحين اون لاين كلهم قاعدين يدرسون، و انه شاسوي الحين........امممممممم اي تذكرت سالفة مي نسيت اتصل فيها و اقول لها عن سالفة اخوي خلني بتصل فيها احسن، مسكين اخوي مو قاعد يسوي شي و لا يدرس بس صاك على روحه الحجرة ويفكر......... و اتصلت فاطمة بمي........... مي: الو هلا فطووووووم شخبارج وحشتينا ؟؟ فاطمة: هلا ميووو انه الحمد الله بخير شخبارج انتي؟ مي: الحمد الله....... اشصاير متصلة فيني ههههههه فاطمة: لا مو صاير شي بس انه متمللة قلت بسلم عليج مي: الله يسلمج...... ها شخبار الدراسة وياج مستعدة للإمتحانات؟؟ فاطمة: افففف سكتي و الله هالدراسة فاره مخي ملل عدل مي: اي و الله فاطمة: شخبار خالتي انشاالله بخير؟ مي: الحمد الله بخير فاطمة: سلمي عليها وااااااااااايد وااااااااايد ههههههه مي: الله يسلمج فاطمة: انتي مشغولة الحين ؟؟ قاعدة تدرسين و لا شي؟؟ مي: لا مب مشغولة توني خلصت شوي من المراجعة قلت بريح شوي بعدين بكمل فاطمة: انزين انه بصراحة متصلة فيج ابي اقولج سالفة مي: سالفة شنو؟؟ فاطمة: السالفة اهي عن اخوي مي باستغراب: اخوج اشفيه؟؟ وقالت فاطمة السالفة كلها حق مي......... فاطمة: انزين و انه الحين ابيج اتساعدين اخوي مي: شلون يعني تبيني اساعده؟؟ فاطمة: بصراحة انه اعرف انج اتحبين اخوي محمد صح؟؟ مي بتردد: اي صح فاطمة: انزين و اخوي يعزج وااااايد من يوم كنتوا صغار فليش ما تحاولين اتخلينه يحبج و تنسينه صفاء، على الأقل يقوم ياكل او يدرس اتعرفين بعد الحين وقت امتحانات مي: اي و الله مسكين اخوج الله يساعده، بس للحين ما عرفت اشتبيني اسوي بالضبط فاطمة: اول شي ما نبي محمد يعرف انج تعرفين سالفته ويه صفاء لأن يمكن يزعل لأن قلنا لج السلفة مي: انزين وبعد؟ فاطمة: والحين بعطيج رقمه تتصلين فيه و تكلمينه اوكي؟؟ مي: انزين اكلمه شنو اقوله؟؟ اكيد بيستغرب اول مرة اتصل فيه!! فاطمة: ما ادري دبري روحج قولي له أي شي، قول له انج تبين اتسلمين عليه مي: بس اخاف يصكه في ويهي فاطمة: لا لا محمد ما يسويها و خصوصا إن اهوه يعزج مي: اوكي بحاول فاطمة: انزين هذا رقمه كتبيه عندج................ مي: اوكي فاطمة: عيل بخليج الحين......... باااااااااي مي: باااااااااااااااااااي عقب ما سكرت مي الخط قعدت اتفكر شنو اتقول لمحمد الحين و شلون بتكلمهو كانت خايفة إن يعصب عليها او يصكه في و يهي، و عقب فتره من التردد اتصلت فيه............. محمد: الو مي: هلا محمد شخبارك؟؟ محمد باستغراب: بخير........ من معاي؟؟ مي: ما عرفتني انه مي بنت خالتك محمد: هلا مي ، هلا فيج مي: انه بس متصلة اسأل عنك و عن اخبارك من زمان ما جفناك محمد:.................... مي: محمد اشفيك ساكت؟؟ محمد: لا و لا شي مي: انه مضايقتك باتصالي؟؟ محمد: لا لا بالعكس انه محتاج احد اتكلم معاه مي:شنو فيك محمد قولي انه اسمعك؟؟ محمد: انه احس روحي ضايع ما اعرف وين اروح، ابي احد اقوله إلي في قلبي بس ما اعرف اقول لمن مي: قولي انه واذا في شي بساعدك محمد: وبصراحة لو مو انتي عزيزة و غالية واحسج جريبة مني ما بقول لج حست مي بالفرح و قالت: تسلم... انزين قول شنو سالفتك؟؟ وقال لها محمد إلي صار بينه و بين صفاء.................... مي: الله يساعدك........ بس الحين لازم تنساها و تبتدي من يديد محمد: انزين شلون انساها قولي لي مي: لا تفكر فيها وايد و اشغل نفسك بأشياء ثانية و اهم شي الحين دراستك و تعرف الحين امتحانات محمد: اعرف بس و الله ما اقدر اهي شاغلة كل تفكيري مي: انزين خل تفكيرك فيها لعقب لمتحانات و اقعد ادرس الحين و كل ما طرت على بالك قول حق نفسك بعدين بفكر فيها لأن بكون عندك وقت اطول محمد: هههههههههههه شلون جذي ما اعرف مي: ههههههههه اي جذي اضحك و لا تكدر خاطرك محمد: اتصدقين اول مرة اضحك من عقب ما صار إلي صار مي: و انشاالله دوم هالضحكة......... و اذا صج اتعزني مثل ما تقول اقعد الحين ادرس و لا تفكر فيها و انه بتصل فيك كل يوم و بساعدك، هذا اذا ما فيه ازعاج لك محمد: لا لا لا ازعاج و لا شي بالعكس كل يوم اتصلي على الأقل احس إن في احد معاي مي: ان شاء الله من عيوني........ بس الحين بخليك تدرس و بتصل فيك بعدين محمد:اوكي مي: باااااااااي محمد: باااااااااااااي صارت الساعة 8 الليل و سارة ولا فتحت كتاب ولا درست شي كله تنطر حمد يكلمها على الماسنجر................ و توها سارة بتفتح كتابها لأول مرة يا زعم تبي تدرس إلا تلفونها يرن ،ظنت سارة في البداية إن حمد متصل فيها بس بعدين طلعت مريم............. مريم:هلا سارة: هلا مريم : شنو قاعدة تسوين ؟ سارة : أنه قاعدة أدرس مريم : ما أصدق إنتي تدرسين؟ سارة : شنو فيها؟؟ الحين امتحانات لازم ادرس مريم : سبحانه مغير الأحوال سارة: إنزين إنتي ليش متصلة؟ مريم: إي أنه بس حبيت أقول لج إن حمد يسلم عليج وايد سارة باستغراب: هاااااا حمد؟ أي حمد؟!!! مريم : حمد إلي تكلمينه في التلفون سارة : أنه ما أكلم أحد مريم: آه منج تجذبين علي؟؟ أصلا أنه أدري بكل السالفة سارة: أي سالفة!!! مريم : أوكي تنكرين أكا حمد يمي يبي يكلمج سارة: ........................ حمد: هلا سارونة سارة: حمد حمد: لا أنه مب حمد أنه علي بس قصيت عليج وسويت لج مقلب أرد فيه المقلب إلي سويتيه لأختي هههههههههههههههه سارة:....................................... مريم: ها سارة شنو رايج في المفاجأة الحلوة؟ سارة:........................................ مريم: شنو فيج لا يكون زعلتي ما توقعتج جذي تزعلين لهدرجة ضعيفة سارة: أنه ما زعلت لكن براويج يالكريهه سويتيها فيني بس مو أنه إلي يسوون فيني مقالب و يقصون علي ، لكن براويج إنتي و إخوج الخبل هذا مريم:ههههههههههههههههه سارة : وتضحكين بعد مريم : ههههههههههههه الموقف يضحك سارة: .................... مريم أوكي سارونة أخليج تدرسين يلا مع السلامة وسكرت بعدين سارة الخط وقعدت تفكر في الموقف إلي صار و الفضيحة إلي انفضحتها جدام مريم و أخوها علي انهم عرفوا انها كانت اتحب يوسف وتمت جذي لين ما رقدت........... الساعة 9 كانت فاطمة توها راجعة من بيت هناء لأن كانت تدرس معاها، و دخلت غرفتها، و عقب شوي دخلت وراها أمها.............. أم محمد: ها فطووم حبيبتي درستي عدل؟؟ فاطمة: اي و تعبت خلاص الحين برقد برتاح أم محمد: الله يعطيج العافية فاطمة: الله يعافيج أم محمد: انزين فطووم انه يايه اسألج عن الموضوع إلي كلمتج عنه، شنو قلتي؟؟ فاطمة: أي موضوع؟؟ أم محمد: مسرع ما نسيتي، موضوع جاسم إلي يبي يخطبج فاطمة: اووه يمه ردينا قتلج من البداية ما ابي و خلاص أم محمد: المره ردت سألتني عن رايج و قلت لها إنج تبين اتفكرين فاطمة: يمه انه بروح لها بنفسي و بقول لها ما ابيه أم محمد: انزين شوي شوي اعصابج عاد فاطمة: ترى أي واحد يتقدم لي ما ابيج اتقولين لي عنه على طول قولي لهم ابي اكمل دراستي اول أم محمد: فطوووم ما يصير جذي يمكن يتقدم لج واحد ولد ناس و ترفضينه و اضيعين عليج الفرصة فاطمة: انه و كيفي ما ابي الحين أم محمد: انزين على راحتج ، انه راح اقولها رايج بس ترى انتي الخسرانه فاطمة: مب خسرانه و لا شي، ليش ما في إلا اهوه في هالدنيا؟؟ أم محمد: و الله ما اري اشفيج ، يعني كل هذا من تأثير لمتحانات فاطمة: اي من لمتحانات أم محمد: الله يساعدج فاطمة:.................. أم محمد: إي إلا بقولج فاطمة: شنو؟؟ أم محمد: اشفيه محمد اجوفه اليوم صار احسن من قبل قام تعشى معانا يوم كنتي انتي في بيت هناء، وقام يدرس بعد فاطمة: صج يمه؟؟ أم محمد: اي و الله، شلي غيره جذي؟؟ فاطمة: ما ادري يمه ، بس يمكن بدى ينساها، احسن علشان ينتبه لدروسه أم محمد: اي و الله احسن بس اخاف يرد يفكر فيها يعني بس اليوم قام شوي جذي يتعشى، انه استانست يوم تغير جذي فاطمة: لا يمه انشاالله بصير احسن أم محمد: انشاالله، و خلج معاه على طول فاطمة: اوكي أم محمد: يلا تصبحين على خير فاطمة: وانتي من اهله استانست فاطمة لأخوها و بسرعة اتصلت في مي........... مي: الو هلا فطووووومي فاطمة: هلا ميووووووو شخبارج؟؟ مي: اوكي بخير فاطمة: مشكورة حبيبتي على إلي سويتيه ويه خوي مي:العفو ، بس شنو صار فاطمة: اتقول امي قام تعشى معاهم و قام يدرس شوي مي: هههههههه الحمد الله انه ما سويت شي بس نصحته فاطمة: بعد مشكورة على الأقل قام درس بدل ما اهو قاعد بس جذي مي: انه قلت له بتصل فيه كل يوم حق اساعده فاطمة: اي احسن خلج وراه علشان لايرد يفكر فيها لين ما يطلع من مشكلته و ينساها مي: اوكي فاطمة: اهو قالج بسالفته؟ مي: اي قالي كلشي بنفسه، وقال يبيني اساعده فاطمة: جفتي و هذا دليل على انه يعزج مي: هههههههههه فاطمة: انزين الحين عيل بخليج اوكي مي: اوكي فاطمة: بااااااااي مي: باااااااااي بسرعة سكرت مي الخط من عند فاطمة و اتصلت في محمد.............. محمد: الو هلا مي هلا فيج مي: هلا محمد شخبارك؟؟ محمد:انه بخير دامج بخير مي:ههههههههه، تسلم محمد: الله يسلمج مي: شخبار الدراسة معاك، ان شاء الله درست عدل؟؟ محمد: اي درست شوي ، في البداية كان مالي خلق ادرس بس بعدين قلت إني وعدتج ادرس وبعدين بتتصلين لي و بتسأليني شنو بقولج ما يصير اجذب عليج، فقلت بدرس احسن لي مي: يعني كنت تنطر اتصالي؟؟ محمد: ههههههههه يعني مي: هههههههههه محمد:................. مي: انزين مثل ما وعدتك كل يوم بتصل فيك اتطمن عليك ، وبجوفك درست و لا شنو اوكي؟؟ محمد: اوكي مي: يلا الحين ارقد و ارتاح علشان باجر تبتدي من الصبح تدرس عدل و تعوض الأيام إلي فاتت محمد: انشاالله مي: تصبح على خير محمد: وانتي من اهله مي: بااااااااااااي محمد: باااااااااااي وعقب ما سكرت مي الخط قعدت اتفكر في محمد يعني اهو صج كان ينتظر منها هالإتصال و يفكر فيها، بس تال ترد و تقول لا شلون يفكر فيها و اهو للحين يفكر في صفاء، بس اهو يمكن يبي احد يتكلم معاه و يشكي له اهمومه و يساعده............ و أما محمد فكان مستغرب من اتصال مي له في هالوقت بالذات إلي كان فيه محتاج مساعده احد يوقف معاه، و مستغرب منها لأنها تبي اتساعده و توقف معاه، بس يقول يمكن لأنهم دايما و يه بعض من يوم اهم صغار و يصيرون لبعض من جذي بتساعده.......... الجزء الخامس و العشرون يوم الجمعة الساعة 11 يات أم محمد تقعد سارة من النوم.............. أم محمد: سارة سارة يلا قومي سارة: أووووووه يمه خليني نايمة أم محمد: ما تبين اتذاكرين؟؟؟ سارة: أوووه يمه أنه أمس ما نمت إلا الساعة وحدة من المذاكرة أم محمد: كملتي ولا بعدج؟؟ سارة: بعدي أم محمد: يلا عيل قومي علشان تخلصينه سارة : أوووه إنزين يمه الحين بقوم طلعت أم محمد من الحجرة أما سارة فراحت في سابع نومه وما قعدت إلا الساعة ثلاث ولما درت سارة إن الساعة ثلاث إرتبكت وما عرفت شنو تسوي و إهي ما راجعت شي ولا فتحت كتاب وعليها وايد يعني شنو تسوي ؟؟........... قعدت سارة فترة تفكر في شي يخليها تراجع بسرعة وما لقت حل غير إن إهي ما تروح المدرسة باجر ، بس شلون تقنعهم بالهشي ، فقالت إن إهي بتسوي روحها أسنانها تألمها و ما تقدر تروح باجر المدرسة لأن ما كملت مراجعة ........... راحت سارة لأمها والدمعة في عينها و مخلية يدها على خدها .......... سارة و إهي تصيح: آآآخ يمه ضرسي يألمني ما أدري شنو فيه مرة وحدة ألمني آآآخ أم محمد: سلامتج حبيبتي الحين بخلي أبوج يوديج المستشفى سارة: هاااا..... لا مب لازم بس برقد شوي و بروح الألم أم محمد: لا حبيبتي ما يصير اخلي بنتي تتألم سارة تقول في خاطرها : يلا نروح المستشفى بقول للدكتور ضرسي يألمني وبدون ما يفحصهم بيعطيني مسكن و بقول له أبي إجازة و يكون أحسن أم محمد: بروح أقول لأبوج يوديج نادت أم محمد بو محمد علشان يودي سارة المستشفى............... بو محمد: ها بنيتي شنو فيج؟؟ سارة: ضرسي يألمني بو محمد: أي ضرس إلي فوق ولا إلي تحت؟؟ سارة: هذا إلي تحت بو محمد: وما تقدرين تتحملين الألم؟؟ سارة : لا بو محمد: عيل قومي المستشفى لما وصلوا عند الدكتور قعدت سارة على الكرسي............ الدكتور: ها شنو عندج؟؟ سارة: ضرسي يألمني و باجر علي إمتحان و ما عندي وقت أراجع فأبيك تعطيني إجازة حق باجر الدكتور :إنتي الدكتور ولا أنه؟؟ سارة:................... بو محمد: شوف شغلك دكتور ما عليك منها الدكتور: أي ضرس إلي يألمج؟ سارة: هذا و أشرت سارة على ضرس غير عن إلي راوته أبوها............. وقام الدكتور يكشف عليه و بو محمد واقف يطالع و بعد ما خلص الدكتور قال لها : مع إن الضرس مب مسوس بس ما أدري شنو إلي يألمج فيه!! بو محمد: مشكور دكتور ما قصرت تعبناك معانا بعدين طالع بو محمد سارة و قال لها : يلا قومي و كان الدكتور يطالعهم و أهوه مستغرب و سارة بعد كانت مستغربة من الموقف سارة: ها يبه بس ضرسي يألمني بو محمد: قومي أحسن لج و راحت سارة ورى أبوها وفي السيارة.............. بو محمد: تبين تقصين علي عبالج ما اعرف سوالفج قولي من البداية إنج ما ردرستس وما تبين تروحين المدرسة كنتي وفرتي علي الروحة للمستشفى؟؟ سارة: هاااااااا..... لا يبه انه صج ضرسي يعورني بو محمد معصب: بسج جذب في البيت قلتي لي إن ضرسج إلي فوق يعورج و الحين واحد ثاني إلي يعورج سارة: لا يبه بو محمد: بس ما أبي أسمع منج كلمة فهمتي و باجر بتروحين المدرسة يعني بتروحين و أنه ما علي منج راجعتي ولا لأ فهمتي؟؟ سارة:................. وصلت السيارة البيت وكانت الساعة 5 ونص العصر ونزلت سارة من السيارة وبسرعة راحت حجرتها وسكرت عليها الباب وراحت فتحت الكتاب علشان تدرس...................... و أم محمد مستغربة شنو فيها فقام بو محمد وقال لها السالفة............... راحت سارة يوم ثاني المدرسة وكان فيها نومه لأن نامت متأخرة وطبعا ما درست عدل وكانت معتمدة على الغش وقدمت الإمتحان وطبعا إلي سوته زفت..................... و عقبها بيومين ابتدت لمتحانات عند فاطمة و هناء و مي و محمد و علي، و كل واحد بدى يدرس بجد علشان اييب مجموع و يرفع معدله، ما عدا سارة إلي ما كانت تدرس عدل و تتلعب ، أما بالنسبة لمي فكانت طول فترة لمتحانات تتصل في محمد و اتشجعه حق يواصل الدراسة، و أما هناء و فاطمة فكانوا على طول يدرسون مع بعض..................... يوم من أيام الإمتحانات عند سارة........................ رجعت سارة من الإمتحان و دخلت البيت.............. أم محمد: يلا على غرفتج روحي درسي فهمتي؟؟ سارة: بدرس بدرس لا تخافين بس برتاح شوي أم محمد: خلني أجوفج فاتحه التلفزيون بجوفين راحت سارة حجرتها و إنسدحت على السرير و بعد أكثر من نص ساعة قامت علشان تدرس و كان عليها رياضيات و إهي طبعا ما تحب الرياضيات ومخليته في القائمة السوداء، المهم قعدت سارة تدرس طول الو قت لأن إهي متخوفة من الرياضيات...................... يوم ثاني الصبح راحت سارة المدرسة وفتحت كتابها يا زعم تدرس ويات رفيجتها سمر تسولف معاها و كانت رفيجتها حاملة كتاب الإجتماعيات تدرس ،قامت سارة تفكر ليش سمر تدرس إجتماعيات؟؟ يمكن حق باجر، اتسوي روحها شاطرة............. و إهي تفكر دخلت بنت بعد كانت تدرس إجتماعيات و بعد وحدة ثانية كانت تدرس إجتماعيات......... سارة تسأل رفيجتها: ليش تدرسين إجتماعيات؟ سمر: عيل تبيني أدرس شنو؟؟ سارة: رياضيات سمر باستغراب: ادرس رياضيات و اخلي الإجتماعيات إلي اليوم بنقدم امتحانه!!! سارة: شنو علينا اليوم إجتماعيات ؟؟!! لا تقولين؟ سمر : اي علينا إجتماعيات لا يكون درستي شي ثاني؟؟ سارة: اي درست رياضيات و بسرعة أخذت سارة كتاب الإجتماعيات من عند سمر علشان تدرس وتوها بتقرأ أول كلمة إلا الجرس يرن و الكل قعد مكانه ينطرون المعلمة توزع الأوراق و أما سارة فإهي كانت ترتجف من الخوف وكانت تحاول تقرأ شي بس مب قادرة................ يات المعلمة و طلبت من البنات يسكرون الكتب و وزعت الأوراق وكانت سارة ميتة من الخوف الحين شنو بتسوي ؟؟ يعني اكيد مالها حل إلا الغش، و كانت تقول في خاطرها على الأقل درست رياضيات و افتكيت منه بصير عندي يوم راحه............. وعقب اسبوعين تقريبا خلصوا امتحانات، اول شي محمود خلص امتحاناته بعدين سارة و مريم و عقبهم فاطمة وهناء و مي ومحمد و علي................. و اول يوم خلصت فيه فاطمة امتحانات رجعت بيتهم فرحانة مستانسة.............. أم محمد: هلا فطوووم ها بشري اشسويتي في الإمتحان؟؟ فاطمة: الحمد الله سويت زين، بس اهم شي الحين خلصت من الإمتحانات و افتكيت أم محمد: اي يلا الحين عاد ننطر النتيجة فاطمة: انشاالله يمه خير، و ببيض ويهج أم محمد: الله يسمع منج، مو مثل سارووو طايحة الحظ ما تدرس و لا شي، الله يستر بس فاطمة: إلا وينهي سارة انه طول هالفتره مشغولة بالدراسة ما اجوفها؟؟ أم محمد: اهي من خلصت امتحاناتها هاليومين و اهي ما تقعد في البيت كل يوم اتقول عازمتها رفيجاتها فاطمة: اهم شي إنها خلصت امتحانات و ما عليها دراسة ، خلها تطلع و تستانس اتغير جو شوي أم محمد: اي بس خلها تطلع نتيجتها مب زينة براويها شغلها عندي فاطمة: ههههههههههههههه ، انزين بسألج و محمد شنو اخباره ما رد البيت؟ أم محمد:لا والله ما جفته، بس الاحظه وايد مهتم بدراسته اكثر من قبل فاطمة: الله يوفقه أم محمد: انشاالله فاطمة: انزين عيل الحين انه بروح فوق ارتاح أم محمد: ما تبين اسوي لج شي؟؟ فاطمة: لا يمه مب يوعانه الحين ،يمكن بعدين أم محمد: انزين اذا تبين شي قولي لي او قولي للخدامة اتسوي لج فاطمة: اوكي راحت فاطمة فوق غرفتها إلا اجوف سارة قاعده على كمبيوترها................ فاطمة معصبة: ساروووه شتسوين اهني؟؟ سارة: هلا فطوووووووم حبيبتي خلصتي امتحانات مبروك هههههه فاطمة: ساروووه مو علي هالحجي اشقاعده اتسوين اهني فاتحه الكمبيوتر؟؟ سارة: و لا شي بس كمبيوتري امشير شوي قلت بقعد على كمبيوترج على بال ما اتيين فاطمة: اصلا من سمحج لج تقعدين؟؟ المفروض اول شي تستأذنين مني سارة: عادي انتي اختي فاطمة: حتى لو اختج لازم اتقولين لي، و اصلا مو توه ابوي امودي كمبيوترج من جم اسبوع يصلحونه؟؟ سارة: اي بس رد اخترب اصلا انه يبي لي كمبيوتر يديد فاطمة: مو علي هالحجي انتي كله اتخربين كمبيوترج و الحين يايه اتخربين كمبيوتري يلا طلعي بره، و هالمرة قولي لي اول سارة: اصلا اذا قتلج ما بترضين فاطمة: مو في كل وقت بخليج تقعدين عليه إلا اذا مب محتاجته سارة: انزين خليني اقعد بس شوي فاطمة: يلا قومي ما ابيج تدخلين حجرتي اصلا و انه يايه و راسة منتفخ من لمتحان مالي خلقج، يلا طلعي بره لا تعورين راسي سارة: اووووووه ما في احد في هالبيت يبني اقعد معاه كل ملل وبروحي، بروح احسن اجوف محمود اهو الوحيد إلي اقدر اقص بقعد العب معاه على البلي ستيشن فاطمة:احسن روحي له فكه منج سارة: ما عليه لكن براويج فاطمة: اففففففف مالي خلقج وطلعت سارة بره الحجرة، و توها فاطمة بتقعد ترتاح إلا تلفونها يرن و كانت هناء متصلة......... هناء: هلا فطوووومي شخبارج؟؟ فاطمة: ههههههههه توني كنت معاج اتعرفين بعد اخباري فرحانة واااااااااااايد هناء: ههههههههه اي و الله اخيرا ابتدت الإجازه و افتكينه من الإمتحانات فاطمة: الحين انه بقعد احاتي النتيجة هناء: اي صج الله يستر فاطمة: انشاالله خير هناء: انزين بسألج شنو بسوين اليوم؟؟ فاطمة: ما ادري للحين ما قررت شي هناء: اشرايج انروح السيف انطالع فلم صار لنا فتره ما رحنا هناك كل من هالجامعة و الدراسة؟؟ فاطمة: اي صج ، اوكي اموافقه هناء: اشرايج اتقولين لمي اتيي معانا؟؟ فاطمة: ليش يعني؟؟ هناء: بس جذي و خلي اخوج محمد يوصلنا، اتعرفين احسن علشان انقرب بينهم هههههههه فاطمة: ههههههههه و الله عليج افكار عجيبة هناء: انزين الحين بخليج....... بااااااااااي فاطمة: اوكي .... بااااااااااااي و اتصلت فاطمة بمي اتقول لها اتيي معاهم السيف، و طبعا مي ما صدقت خبر و خصوصا إن محمد بوصلهم، فعلى طول وافقت................. و أما هناء عقب ما كلمت فاطمة بالتلفون، رن تلفونها و كان خالد متصل فيها، و بسرعة ردت عليه من الفرح............ هناء: هلا خالد، هلا و غلا خالد: هلا حبيبتي شخبارج؟؟ هناء: الحمد الله بخير شخبارك انت؟؟ خالد:انه بخير دام حبيبتي دوووم بخير هناء:هههههههههههه خالد: تسلم لي هالضحكة هناء: الله يسلمك خالد: ها خلصتي امتحانات؟؟ هناء: اي خلصت توني من شوي راده من الجامعة خالد: وشنو سويتي ؟؟ هناء: اوكي زين خالد: الله يوفقج حبيبتي هناء: و انت خلصت و لا للحين؟؟ خالد: اي خلصت اليوم هناء: و سويت زين؟؟ خالد: الحمد الله هناء: انشاالله اتكون النتيجة زينة و اتبيض الويه خالد: انشاالله و انتي بعد حياتي هناء:......................... خالد: انزين حبيبتي الحين خلصتي امتحانات و انه ابي اخطبج هناء تمت ساكته مب عارفة شنو ترد عليه لأنها مستحيه:............. خالد: ايصير ايي اليوم اخطبج؟؟ هناء: ههههههههه ليش مستعيل تونا اليوم امخلصين امتحانات؟؟ خالد: ما ادري بس انه ابي كل شي بسرعة مستعيل ابيج اتكونين معاي هناء: هههههههههههه انزين تعال باجر ،على الأقل اتكون كلمت ابوك و قلت لأخوي علشان يكونون مستعدين خالد: اوكي حبيبتي براحتج.......... بس متى ايي باجر بسرعة ؟؟ هناء: هههههههههههههه خالد: فديت هالضحكة سمعت هناء امها اتناديها و اهي اتكلم خالد: خالد الحين لازم اخليك أمي اتناديني اخاف تسمعني و انه اكلمك خالد: اوكي عمري هناء: بااااااااااااي خالد: بااااااااااااااي وبسرعة سكرت هناء الخط و راحت اجوف شنو تبي أمها..................... و الساعة 4 العصر كانت فاطمة متجهزه و قاعده معاها هناء علشان يروحون السيف......... هناء: انتي متأكده اخوج بوصلنا؟؟ فاطمة: اي اهو في البداية ما وافق بس يوم قلت له بتيي معانا مي على طول غير رايه هههههه هناء:هههههههه انزين و مي متى بتيي؟؟ فاطمة: الحين المفروض اتكون اهني اهي قالت الساعة 4 انه عندكم هناء: اوكي عيل بننطرها و اهم قاعدين جذي إلا نزلت سارة تحت و جافتهم قاعدين و متكشخين........... سارة: ها اشفيكم متكشخين وين رايحين؟؟ فاطمة: مو شغلج سارة: شنو مو شغلي انه ابي اطلع متمللة، بروح معاكم فاطمة: ما نبيج اصلا احنا بنروح حق رفيجتنا مريضة بالمستشفى اشبتسوين هناك؟؟ سارة: بعد احسن من قعدة البيت بايي معاكم، بروح ابدل و ارجع نطروني فاطمة: لا اتعبين روحج ما بنخليج اتيين معانا و اهم جذي يتكلمون دخلت مي و معاها اخوها لصغير عماد.......... مي: سلام عليكم الكل: وعليكم السلام مي: قاعدين تنطروني؟؟ فاطمة: اي يلا خل نمشي مدام وصلتي بروح انادي اخوي مي: اوكي ، بس هذا عماد قال بيي معاي يقول يبي يقعد مع محمود من زمان ما جافه فاطمة: اوكي خل يروح له فوق اكيد بجوفه بغرفته يلعب بلي ستيشن مي: حبيبي عماد روح فوق محمود قاعد بغرفته عماد: اوكي وراح عماد يركض فوق................ سارة: ميوووو حتى انتي بتروحين معاهم المستشفى اجوف كأنها صارت عزيمة الكل بروح، و كل هالكشخة حق مستشفى؟؟ مي: من قالج بنروح مستشفى اصلا احنا بنروح السيف و طالعت فاطمة مي بنظره علشان تفهم انهم امجذبين على سارة بس عقب شنو........ سارة: يعني اجذبون علي، لكن انه خلاص بروح معاكم يعني بروح وبقول لمريم اتيي معاي ما يصير اتخلونها بروحها مسكينة فاطمة: اوهوووووووو روحي ذلفي فوق ما نبيج و طلع محمد من غرفته على صوت اهواشهم............. محمد: اشصاير تتهاوشون على شنو؟؟ سارة: جوف اختك ما تبيني ايي معاكم محمد: مرة ثانية بوديج سارة: لا انه ابي اليوم، انه مو ياهل علشان اتقصون علي محمد: اوكي خلاص روحي بدلي و تعالي سارة بفرح: صج؟؟ محمد: اي صج يلا بسرعة سارة: اوكي فاطمة: محمد ما نبيها ترى بتمللنا و الله سارة: بس خلاص مدام محمد قال بوديني انتي المفروض ما تتكلمين فاطمة: لا و الله؟؟!! سارة: صج و الله و بعد بتصل في مريم بقول لها اتيي معانا هناء: خلج من مريم بس تعالي انتي سارة: ما علي منكم و الله كيفي و راحت بسرعة فوق اتصلت في مريم و بدلت ثيابها......... محمد توه انتبه لمي إلي كانت واقفة و ساكته طول الوقت........... محمد: هلا فيج مي مسامحة ما انتبهت لج اتعرفين بعد من الفوضى مي: لا عادي........ شخبارك الحين؟؟ محمد: الحمد الله و مشكورة على إلي سويتيه معاي و ماقصرتي مي: انه ما سويت شي نزلت سارة من فوق................ سارة: يلا بسرعة خل نمشي و عن الهذره الزايده محمد: انتي مو شغلج ترى ما بوديج فاطمة: هههههههههههه احسن يلا خل نمشي بدونها سارة: انزين بس خلاص بسكت و لا بتكلم ودخلت عليهم مريم............ مريم: السلام عليكم الكل: و عليكم السلام مريم: يلا سارة انه جهزت سارة: يلا محمد وصلت رفيجتي خل نمشي الحين فاطمة: إلي يسمع إن رفيجتج اهم شي و احنا قاعدين ننطرها هههههههههه سارة: اي اكيد اهم وحده عندي محمد: يلا بسكم سوالف خل نمشي و طلعوا كلهم رايحين السيف مول................... وفي السيف راحوا اول شي يدورون على المحلات علشان يشترون اغراض و محمد يمشي معاهم و كان وايد مهتم بمي.............. محمد: ما تبون اشتري لكم آيسكريم؟؟ سارة: اي انه ابي على فراولة فاطمة: اي خذلنا كلنا نبي محمد: مي شنو تبين آيسكريم؟؟ مي مبتسمة: أي شي على ذوقك حلو محمد: ههههههههههه انتي تامرين أمر بس قولي على شنو؟؟ مي: فانيلا سارة: انه و مريم نبي على فراولة محمد: فاطمة و هناء؟؟ فاطمة: خذ لنا على كاكاو محمد: اوكي وراح محمد يشتري لهم آيسكريم و اهم راحوا صوب الأفلام يختارون لهم فلم يطالعونه........... فاطمة: اشرايج هناء انجوف فلم كوميدي، هالفلم يقولون عنه وايد حلو هناء: اي صج انه بعد خاطري اجوفه مي: انه سمعت عنه يقولون وايد يضحك فاطمة: اوكي عيل خلاص اتفقنا سارة: لا لا انه ابي اجوف فلم رعب فاطمة: انتي اصلا محد طلب رايج سارة: و الله كيفي انه ابي اجوف الفلم مب انتوا فاطمة: اصلا احنا ما نبيج اتيين معانا من البداية سارة: و الله غصبا عنج ييت و ما تقدرين اترجعيني فاطمة: و الله كيفج روحي جوفي الفلم بروحج احنا بنطالع هالفلم وصل محمد و اهو حامل الآيسكريم و عطاهم اياه.......... محمد: على شنو تتهاوشون؟؟ سارة: انه ابي اجوف فلم رعب و فاطمة اتقول تبي اجوف كوميدي بس تبي اتعاندني فاطمة: انه لا اعاندج ولا شي انه اصلا قلت قبلج سارة: انزين عيل خلنا انجوف فلم رعب اذا ما تعانديني محمد: اوهووو بسكم هواش، كل واحد يطالع الفلم إلي يبيه جذي زين؟؟ فاطمة: انه و هناء و مي نبي انجوف فلم كوميدي سارة: و انه و مريم نبي انطالع فلم رعب فاطمة: بس ما يصير انخليج بروحج، محمد روح اقعد معاهم محمد: شنو؟؟ لا لا انه بقعد اطالع الفلم معاكم ضحك احسن وناسة سارة: ما نبيك احسن بروح انه و مريم بنطالع الفلم مريم: بس انه اخاف ما احب اطالع افلام رعب بطالع الفلم معاهم سارة: شنو يعني بتخليني بروحي؟؟ محمد: عيل يلا سارة امشي معانا ما يصير بروحج على الأقل لو مريم معاج جان اشوه سارة: لا لا ما ابي فاطمة: و الله بكيفج فكه منج ومن هذرتج على الأقل نرتاح منج شوي محمد: يلا سارونه امشي و مرة ثانية بنجوف فلم رعب سارة: هذا اذا يبتوني اهني مرة ثانية هناء+محمد+فاطمة+مي+مريم: ههههههههههههههه سارة: على شنو اضحكون انه ماقلت شي يضحك؟؟ وراحت سارة اطالع الفلم معاهم و اهي معصبة لأن مب عاجبها الفلم و طول الوقت ما سكتت و قعدت اتخرب عليهم الفلم، وقالوا لها انها آخر مرة اييبونها اذا ما سكتت............. وعقب ما خلص الفلم تعشوا بالمجمع بعدين ردوا البيت الساعة 10.................... الجزء السادس و العشرون يوم ثاني الساعة 4 العصر كانت هناء قاعده على أعصابها تنطر خالد ايي يخطبها، و كانت اتفكر اذا تتصل له او لا و عقب تفكير اتصلت فيه.......... خالد: هلا حياتي هلا فيج يالغالية هناء: هلا و غلا شخبارك؟؟ خالد: الحمد الله انه فرحان ميت من الوناسة هناء: انشاالله دووم هالفرحة بس ليش؟؟ خالد: هههههههه و تسوين روحج ما تدرين...... بعد ليش لأني اليوم بايي اخطبج من ابوج هناء: ههههههه يعني كلمت ابوك و بيتكم في هالموضوع؟؟ خالد: ايي قلت لهم و وافقوا بعد، و مو بس جذي قلت لأخوج هناء: قلت لأخوي؟؟ و شنو قال لك؟؟ خالد: اكيد فرح لي و قال لي حياك الله بأي وقت هناء: و متى بتيون؟؟ خالد: الليلة احنا عندكم، اخوج قال بكلم ابوج في الموضوع و يمكن ايي يقولج بعد هناء: هههههههه يلا بسرعة وينه خل ايي يقولي علشان اقوله موافقة خالد: بعد عمري والله هناء: لا تقول جذي استحي هههههههه خالد: المفروض ما تستحين الحين بتصيرين خطيبتي خلاص هناء: بس للحين ما صار شي خالد: ان شاء الله بصير كل شي على خير هناء: انشاالله....... انزين حبيبي الحين بخليك بقول لرفيجتي عن هالخبر الحلو لأنها ما تدري خالد: شنو قلتي؟؟ عيدي إلي قلتيه من شوي؟؟ هناء: شنو قلت ما قلت شي....... بس بتصل في رفيجتي و بقولها عن هالخبر خالد: لا لا قلتي كلمة حلوة يمكن ما حسيتي و انتي اتقولينها هناء: ههههههههه اي عرفتها خلاص ما بقولها خالد: ما يصير حبيبتي قوليها تبين ازعليني منج؟؟ هناء: لا لا كلشي و لا زعلك خالد: عيل يلا قوليها مرة ثانية هناء: حبيبي و بعد عمري و حياتي و روحي بعد اشتبي اكثر من جذي ههههههه خالد:هههههههههه فديتج و الله هناء: اوكي عيل اخليك الحين خالد: اوكي حياتي باااااااي هناء: بااااااااااي وبسرعة من سكرت هناء الخط اتصلت في فاطمة............. فاطمة: هلا هناءوو شخبارج؟؟ هناء: الحمد الله مستانسة وااااااااااايد واااااااااايد فاطمة: انشاالله دووم هالوناسة قولي اشعندج فرحينا وياج؟؟ هناء: بصراحة بقولج بس ما ابيج تزعلين فاطمة: وليش ازعل؟؟ هناء: لأني ادري من زمان و توني بقول لج فاطمة: اوكي ما بزعل بس يلا قولي شوقتيني هناء: انه بنخطب فاطمة بفرح: صج و الله؟؟ الف الف مبروك حبيبتي هناء: الله يبارك في حياتج فاطمة: و منو سعيد الحظ إلي بياخذج؟؟ هناء: توقعي منو؟؟ فاطمة: امممممم ما ادري اهو يصير لج؟؟ هناء: لا لا انتي اتعرفينه و انه كلمتج عنه لا يكون نسيتي؟؟ فاطمة: لا يكون تقصدين...... هناء: اي اي هذا اهو إلي احبه خالد رفيج اخوي فاطمة: مبروووووك الف مبرووووك هناء: الفال لج انشاالله فاطمة: الله يسمع منج و اخذ إلي في بالي هناء:هههههههههههه ان شاء الله فاطمة: انزين عيل الحين اخليج بروح اخبر أمي هناء: تعالي وين رايحة يالخبلة ترى ما صار شي حتى أمي ما تدري لا تفضحينا فاطمة: ليش ما تدري أمج؟؟ هناء: ما تدري لأن خالد توه قايل لي انه كلم اخوي بالموضوع و بيون الليلة يعني حتى ابوي ما يدري فاطمة: اها ، بس تبين الصراحة اتمنى اني اكون مكانج و ايي إلي احبه و يخطبني هناء: هههههههههه الفال لج انشاالله جريب فاطمة: ياريت هناء: اوكي فطوووم الحين بخليج فاطمة: اوكي هناء:باااااااي فاطمة: بااااااااااي و توها هناء بتطلع من حجرتها إلا اجوف اخوها علي واقف جدام الباب بيدخل....... علي: هلا هناء شخبارج من عقب لمتحنات؟؟ هناء: بخير الحمد الله علي: انزين ممكن شوي ابي اكلمج في موضوع؟؟ هناء كانت عارفة الموضوع و ميته من الفرح بس سوت روحها ما تدري: خير انشاالله؟؟ علي: بصراحة في واحد خطبج مني هناء: خطبني ؟؟ و منو؟؟ علي: خالد رفيجي اتعرفينه؟؟ هناء: أي خالد؟؟ علي: بعد أي خالد رفيجي إلي دايما امشي وياه هناء: اي اي عرفته علي: اهو قالي إن يبي يخطبج و انه كلمت ابوي في الموضوع و اهم بيون الليلة هناء:........................ علي: ها اشرايج؟؟ هناء مستحية: بصراحة ما ادري انت شتقول عنه؟؟ علي: و الله انه إلي اعرفه إن خوش ريال و ما ينعاب بس عليج انتي ، و انتي اكيد جايفته من قبل و اتعرفينه هناء: اي بس إلي بقوله ابوي انه راضية فيه، خل يكلم ابوي اليوم و اهو إلي بقرر علي: اوكي وطلع علي من الحجرة و هناء ميته من الفرح، و دخلت عقب شوي أمها.......... أم يوسف: مبروك حبيبتي الف مبروك هناء: هههههههه يمه ما صار شي يمكن الريال ما يعجبني >> اتسوي روحها ما اتعرفه ههههه أم يوسف: لا انشاالله بيعجبج، اخوج علي كل يمدح فيه، و انه اعرف عايلتهم خوش ناس استانست هناء اكثر لما سمعت هالكلام عنه و عن عايلته.............. و في الليل ياو المعازيم خالد و ابوه و اخوه و عمه صوب الريايل، و أمه و خواته صوب الحريم....... و كانت هناء كاشخة و لابسة احلى شي عندها، و قعدت صوب أم خالد و امسويه روحها وايد مؤدبه و اتعرف الذوق، و كلحين اتييب لهم العصير و الأكل................ وعقب فتره نادت أم يوسف هناء بره الميلس........ هناء: شنو بغيتي يمه؟؟ أم يوسف: يقول أخوج علي إن خالد يبي يجوفج و يقعد معاج هناء متفاجأه: شنو يمه يبي يجوفني؟؟ أم يوسف: اي لازم يبي يجوفج يمكن ما تعجبينه الشغلة مب لعبة هناء: اي بس انه يمه........ أم يوسف: شنو بس يلا بسرعة لبسي شيلتج و عدلي روحج، بنخلي خالد يقعد في ذي الحجرة علشان تاخذون راحتكم طلع علي من ميلس الرياييل و يه لهم......... علي: ها يمه يلا المعرس يبي يجوفها أم يوسف: اوكي قوله ايي يقعد في ذي الحجرة على بال ما اختك اتعدل روحها علي: انشاالله يمه وبسرعة راحت هناء حجرتها تتعدل و تقول في خاطرها: ياليت معاي فطووم الحين اتساعدني شوي ، الحين انه شاسوي بروحي مرتبكة مب عارفة شلون بكلمه، ياربي شاسوي الحين؟؟ وعقب ما خلصت نزلت تحت و وقفت عند باب الحجرة متردده و خايفة تدخل، و تمت واقفة عند الباب خمس دقايق بس جذي لين ما جافها علي و اهو طالع من الميلس الرياييل........ علي: هناءوو شتوسين واقفة عند الباب بس جذي؟؟ هناء: هاااااااا لا و لا شي الحين بدخل و هالشي خلى ارتباكها يزيد عن اخوها جافها واقفة بس جذي........ علي: يلا بسرعة دشي ترى الريال ينطر داخل هناء: انزين الحين بدخل و فتحت هناء الباب و اهي منزلة راسها و دخلت، و بسرعة قعدت على اقرب كرسي صوبها و تمت ساكته و لا رفعت راسها........ خالد: هلا هناء شخبارج؟؟ هناء و اهي مستحية: بخير خالد: اشفيج جذي مستحية هههههههه يلا رفعي راسج لا تستحين مني ابتسمت له هناء بدون ما ترفع راسها.......... قام خالد من كرسيه و قعد على كرسي جريب من هناء، فزاد ارتباك هناء و تمت ساكته....... خالد: اشفيج هنائي بالتلفون اتكلميني عادي و فرحانة و الحين مستحية مني هناء: ما ادري احس روحي مرتبكة مب عارفة شاسوي خالد: يلا عاد حبيبتي رفعي راسج و كلميني رفعت هناء راسها و تمت اطالع فيه و اهي مستحية مب عارفة شتقول...... خالد: الله شحلاتج طالعة قمر ذيك الحزه صاروا خدود هناء حمران من المستحى و تمت ساكته بس مبتسمة، و عقب شوي حبت اتغير الموضوع......... هناء: انت ليش ماقلت لي انك تبي اجوفني، ليش مو جايفني من قبل؟؟ خالد: حبيت اخليها مفاجأه و ثانيا علشان اتصير الخطبة عدلة يعني علشان اقعد معاج و اتعرف عليج اكثر، و لو ما قلت ابي اجوفج بقولون اكيد احنا انعرف بعض، و ثالث شي انه اصلا ابي اجوفج و اقعد مع حبيبة قلبي ما حست هناء بروحها ذيك الحزه و بسرعة قامت و طلعت بره و اهي مستحيه و على طول راحت غرفتها............. و عقب ربع ساعة يات لها امها غرفتها و هناء قاعده اتفكر بإلي صار و مو حاسة لأمها......... أم يوسف: ها هناء اشفيج من طلعتي من عنده سيده ييتي على غرفتج شنو صار؟؟ هناء باستغراب: يمه متى دخلتي الغرفة؟!! أم يوسف: اشفيج اليوم مو على بعضج هناء: ههههههههه شاسوي يمه اتعرفين بعد أم يوسف: هههههههههه انزين ما قلتي لي اشرايج فيه؟؟ هناء: و الله اهو زين و ما جفت عليه شي أم يوسف: يعني موافقة؟؟ هناء: اشرايج انتي؟؟ أم يوسف: انه ما ادري عليج انتي، اهم شي رايج، و انه اقول بعد إن شكله خوش ريال، ها اشقلتي؟؟ هناء منزلة راسها و مستحية:......................... أم يوسف: تبين اقول لهم انج تبين اتفكرين و انرد لهم الخبر عقب يومين؟؟ هناء: لا لا يمه شنو عقب يومين انه موافقة أم يوسف: ههههههههههههههه، الله يغربل بليسج و ليش ما قلتي رايج انج موافقة من البداية؟؟ هناء: يــــــــــــمـــــــــــه استحي أم يوسف: ههههههههههه الله يهنيج، يلا عن اذنج بروح اخبرهم هناء: اوكي و طلعت أم يوسف وتمت هناء بالحجرة اتفكر في خالد، و عقب نص ساعة يات لها أمها......... أم يوسف: حبيبتي هناء مبروك الف مبروك هناء: الله يبارك فيج يمه و حظنتها أمها....... هناء: ها يمه اشصار الحين؟؟ أم يوسف: الحين اهمه طلعوا و حددوا كلشي هناء: و متى الخطوبة؟؟ أم يوسف: بتصير عقب اسبوعين تقريبا يعني يوم الثلاثة هناء: واااااااايد أم يوسف: و ليش مستعيله يا يمه، اخذي راحتج علشان تشترين لج أغراض و ثياب و لا ما تبين هناء: اي صح يمه نسيت أم يوسف: انزين يلا حبيبتي تصبحين على خير هناء: و انتي من اهله و بسرعة اتصلت هناء بفاطمة اتبشرها.......... فاطمة: هلا هناءووو ها اشصار اشسويتي؟؟ هناء: ههههههههههه شوي شوي علي بقولج كل شي فاطمة: يلا بسرعة قولي لا اذبحج هناء: اتفقنا على كلشي بتصير الخطوبة عقب اسبوعين يوم الثلاثة فاطمة: مبرووك هناء: الله يبارك فيج فاطمة: انزين و شنو صار كلمتيه قعدتي معاه هناء: هههههههه اي بس سكتي لو تدرين شنو صار؟؟ فاطمة: شنو صار؟؟ وقالت هناء لفاطمة كل السالفة....... فاطمة: ههههههههههه احسن تستاهلين لو كنت انه معاج ما صار لج هالشي جان بساعدج شوي هناء:ههههههههه يعني اشبسوين لي فاطمة: ما ادري بس بشجعج شوي هناء: ههههههههه هناء: اقول فطوووم بخليج الحين عندي مكالمة ثانية فاطمة: و منو هالمكالمة الثانية هناء: مو شغلج فاطمة: ههههههههه لا يكون حبيب القلب هناء: هههههههههه و الله كيفي ما بقول باااااااااي فاطمة: لكن براويج ههههههههه باااااااي وبسرعة سكرت هناء الخط عند فاطمة و ردت على المكالمة الثانية و كان خالد متصل....... هناء: هلا و الله هلا حبيبي خالد: هلا فيج حياتي شخبارج؟؟ هناء: وحشتني واااايد من عقب ما خليتك هههههههه خالد: ههههههههه من عقب ما خليتيني و لا شردتي؟؟ هناء: ههههههههه شاسوي بعد استحي خالد: افاااا تستحين مني هناء: هههههههههههه خالد: انزين حبيبتي دريتي متى الخطوبة؟؟ هناء: اي قالت لي أمي عقب اسبوعين خالد: اي وايد بس شاسوي ننطر هناء: احسن علشان اتجهز لك و اشتري لي اغراض خالد:ههههههه كل هذا علشاني هناء: اي عيل علشان منو؟؟ خالد: بعد عمري و الله هناء: ههههههههههههه خالد: احبج و الله احبج هناء: هههههه بخليك حبيبي الحين برقد خالد: ههههههه اشفيج استحيتي؟؟ هناء: اي ههههههه خالد: اوكي بخليج ترقدين بس الحين كل يوم بتصل فيج هناء: اوكي خالد: تصبحين على خير حياتي هناء:و انت من اهله و سكرت هناء الخط و طرشت له مسج( أمسيك و انت المساء لا غابت الشمس عن عيني و أبغليك لين يقول الغلا بس يكفيني) رد طرش لها( تفداك نفس شلها الشوق جدواك و يفداك قلب ما لقى مثلك ابد و تفداك عين ما تبى غير رؤياك و يفداك عمر ما فدى قبلك أحد ) و تمت هناء طول الليل و اهي تفكر في خالد و لا قدرت ترقد، و نفس الشي خالد......... يوم ثاني الساعة 4 العصر طلعت فاطمة من بيتهم رايحة بيت هناء، و يوم طلعت في حديقة بيتهم جافت علي واقف و استغربت منه ليش واقف اهني؟؟ و كانت تمشي و اهي اطالع علي، و اهو كان يطالعها و ابتسم لها، استغربت فاطمة من علي يعني معقولة علي يبتسم لها ليش؟؟.......... و راح علي يمشي لها و اهي واقفة اطالعة مبتسمة لكن مستغربة منه........... علي: هلا فاطمة شخبارج؟؟ فاطمة: الحمد الله بخير... شخبارك انت؟؟ علي: الحمد الله........ ها وين رايحة ما تبيني اوصلج مكان و لا شي؟؟ فاطمة باستغراب: لا و الله مشكور و ما تقصر، انه بس رايحة لهناء بيتكم علي: اي بتطلعين معاها يعني اهي لأن قالت تبي تشتري أغراض حق الخطوبة فاطمة: اي بنروح نشتري أغراض....... انت ليش واقف اهني؟؟ علي: لا بس انطر اخوج قال لي الحين بيي و صار له فتره داخل فاطمة:تبيني اناديه لك؟؟ علي: لا لا بس خلاص اكاه وصل فاطمة: اوكي عيل الحين بخليك محمد: ها فاطمة شتسوين اهني؟؟ فاطمة: لا و لا شي بس بروح لهناء و جفت علي واقف بروحه ينطرك ،و كنت توني بناديك محمد: اوكي عيل روحي انتي الحين مالج شغل بسوالفنا فاطمة: اوكي باااااااي محمد+ علي: باااااااااي راحت فاطمة بسرعة لهناء في غرفتها و اهي طايرة من الفرح................... هناء: هلا فطووووم ها اشفيج جذي طايرة من الفرح ، المفروض انه إلي اكون فرحانة الحين مو انتي هههههههه فاطمة: سكتي بس لو تدرين اشصار؟؟ هناء: ليش شنو صار؟؟ فاطمة: تدرين جفت منو؟؟ هناء: منو؟؟ فاطمة: اخوج علي واقف في حديقة بيتنا هناء: هههههههههه يعني بس جفتي اخوي استانستي ليش اول مرة اجوفينه؟؟ فاطمة: لا بس ابتسم لي بروحه و يه لي يتكلم معاي هناء: صج؟؟ و شنو قال لج؟؟ فاطمة: بس قعد يسألني شخبارج و اذا محتاجة احد يوصلني مكان قال إن اهو بوصلني هناء: يمكن حب يساعدج بس فاطمة: لا لا انه حاسة هالمرة غير، لأن اهو يه لي بنفسه هناء: وشنو قال لج بعد فاطمة: ما قال شي بس كان ينطر اخوي و بعدين يه اخوي و خرب علينا هناء: يمكن كان علي واقف بروحه متملل و حب يسولف معاج بدل ما اهوه كان واقف بروحه فاطمة: هناءووو لا تحبطيني خليني مستانسة، يعني تبين اتبيني لي إن اخوج كلمني بس جذي هناء: ما ادري يمكن فاطمة: لا لا بس انه احس غير، كان طول ما انه اكلمه مبتسم لي هناء: انشاالله يكون يحبج و نفتك من حنتج فاطمة: يا ريت الله يسمع منج هناء: ههههههههههه انزين يلا خل نمشي ترى تأخرنا و رانا نشتري أغراض وايد فاطمة: اي صج يلا و طلعوا هناء و فاطمة راحوا المجمعات علشان يشترون لهم أغراض حق الخطوبة........... و عقب اسبوع تقريبا من خلصت سارة الإمتحانات، و يه اليوم إلي لازم تروح سارة المدرسة علشان اجوف نتيجتها، يات أم محمد لسارة الساعة ثمان الصبح حق تقعدها................ أم محمد: سارة سارة يلا قومي اكا مريم إتصلت فيج تسأل إذا بتروحين معاها المدرسة؟ سارة: ها يمه أي مدرسة ؟ و ليش تروح المدرسة؟ أم محمد: تسوين روحج ما تدرين إن اليوم الشهادات سارة: إي صج و الله نسيت ، قولي لها بعدين أنه بروح أييبها بروحي أم محمد: و ليش ما تروحين معاها؟ سارة: لا بس توني قاعدة من النوم و ما أبيها تنطرني تدرين بتأخر وايد أم محمد: علشان جذي أو شي ثاني ؟ سارة: شي ثاني؟ شنو تقصدين؟ أم محمد: اقصد انج خايفة اجوف درجاتج الزفت ؟ سارة: لا لا يمه راح فكرج لبعيد ، ومنو قال إن انه مزفتة ؟ بالعكس سويت زين أم محمد: إنزين بنجوف أخرتها معاج وطلعت أم محمد من الحجرة و خلت سارة إلي كانت ناوية إن إهي ما تروح المدرسة بالمرة..................... صارت الساعة عشر و سارة ليحين ما قامت، يات لها أم محمد....... أم محمد: سارووه قومي ليمته بتظلين جذي؟ سارة: يمه انتي مستعيلة على شنو ؟ يمكن لحين ما برزو الشهادات هذي حالتنا كل سنة يقولون لنا اليوم الفلاني و بعدين يأجلونه، مب الحين يمه أم محمد: أوكي على راحتج وطلعت أم محمد.................. صارت الساعة ثنتين الظهر، و قعدت سارة من النوم و لما جافت الساعة فرحت وايد وقالت : مرت على خير الظاهر أمي نست الموضوع راحت سارة علشان تتغدى وجافتها أم محمد............. أم محمد: تو الناس جان ما قمتي بعد؟؟ سارة: .............. أم محمد: عبالج نسيت سالفة شهادتج؟ سارة: أوو نسيت يمه ليش ما قعدتيني؟ أم محمد: علينا هالسوالف ؟ أصلا لو تبين تروحين جان من زمان قمتي، اكا اخوج محمود شحليله قام من الصبح وياب شهادته و نجح بتفوق ماشاالله عليه، و نفس الشي مريم طالعة الأولى على المدرسة سارة: لا يمه بس صج نسيت أم محمد: بس ولا يهمج رحت أنه المدرسة و إستلمت شهادتج الحلوة سارة مرتبكة: ها رحتي متى ؟ أم محمد: لما جفتج ما بتقومين قلت أروح أستلمها أحسن سارة:............... أم محمد: ما تبين تدرين شنو مسوية؟ سارة: إذا ناجحة إي و إذا.............. أم محمد: كملي إذا راسبة لأ طبعا سارة:............... أم محمد: أحب أقول لج إنج ناجحة بس على الحافة سارة فرحانه : صج يمه؟؟ فرحتيني الله يفرحج أم محمد: إلي يجوفج الحين يقول طالعة الأولى سارة: أهم شي إني ناجحة أم محمد: بس أبوج ما يعجبه جذي و شغلج عند أبوج بعدين سارة: أبوي درى ؟ أم محمد: إي يعني تبيني ما أقول له؟ سارة: و شنو قال؟ أم محمد: إلي قاله بقوله لج بعدين سارة في قلبها : بيه الحين شنو أسوي؟؟ و هم يتكلمون إلا بو محمد داخل عليهم............. بو محمد: ها سارووه إنتي هني؟؟ سارة: هلا يبه قوة شلونك؟ بومحمد: تمام سارة: .................. بو محمد: أنه أدري إنج خايفة من إلي بقوله لج أم محمد: هذي تخاف لو تخاف جان درست من البداية بومحمد: بس الكلام إلي بقوله لج سارة أبيج تنفذينه فهمتي لأني هالمرة جاد في كلامي مب نفس كل مرة سارة:.............. بو محمد: هذي النتيجة ما أبيها تتكرر فهمتي؟؟ سارة: فهمت يبه بو محمد: ما أبيج تقولين فهمت و بس أبيج اطبقين إلي أقوله و ما أظنج غبية و ما تفهمين سارة: ................... بو محمد: أول ما تبتدي المدرسة ما في طلعه و مافي نت ولا كمبيوترو ما في تلفون تتصلين بربعج ولاتلفزيون ما فيه إلا كتابج وبس سارة: وايد جذي بو محمد: مب وايد سارة: بس ما يصير لازم أرتاح شوي و أفرفش بومحمد: هالسنين إلي لعبتي و إستانستي فيها ما فرفشتي؟ سارة:................. أم محمد: إلي يجوفج إيقول الحين بطبقين إلي قاله أبوج بو محمد: تطبقه غصبا عنها سارة: لكن ..... بو محمد: ما في لكن و لا شي ، وفي النهاية أبيج تيبين نسبة عالية فهمتي؟ سارة: فهمت بومحمد: أما بالنسبة لعقابج لأنج يبتين هذي النتيجة أهو ..... سارة : بعد فيه عقاب؟ كفاية إلي قلته أم محمد: إي لازم يعاقبج عيل يمر الموضوع جذي بو محمد: أولا ما فيه طلعه من البيت إسبوع كامل سارة و الدموع في عينها : يبه بو محمد: ومحرومة من المصروف الشهر الياي فهمتي؟ سارة و إهي تصيح: بس يبه وايد أم محمد: علشان تحرمين تعودينها مرة ثانية و إهم يتكلمون دخلت فاطمة اجوف شنو صاير........... فاطمة: شالسالفة؟ أم محمد: قاعدين نفهم في هالبنت إلي ما تفهم شمعناة تييب زفت في الشهادة فاطمة: زين تسوين فيها خلها تتأدب سارة و إهي تصيح: إنتي سكتي محد دخلج بو محمد: سكتي المفروض ما تتكلمين و لا تقولين شي سارة:........................ بعدين قام بو محمد وخلاهم................... أم محمد: يلا مسحي دموعج و تعالي تغدي سارة: ما أبي شي اكلوا إنتوا أم محمد: يلا عاد عن الدلع سارة: ما أبي شي وخلتهم سارة وراحت حجرتها تصيح............. أم محمد: سارة سارة تعالي وين رايحة فاطمة : خليها تولي الدليعة بتصيح شوي و بتيوع و بتنزل تاكل و لا كأن صاير شي |
الجزء السابع و العشرون
يوم ثاني كانت فاطمة قاعده بالصالة اتكلم امها و معاهم سارة............... فاطمة: يمه انه اليوم بطلع مع هناء بنشتري أغراض أم محمد: انتوا كل يوم تطلعون ما خلصوا هالأغراض؟؟ فاطمة: اتعرفين بعد مو كل شي انجوفه يعجبنا و للحين هناء باقي لها أغراض وايد تشتريها أم محمد: انزين اخذي معاج اختج سارة خلها تشتري لها ثياب ما عندها شي تلبسه، مع إنها محرومة من الطلعة بس هالمرة مضطرة اخليها تطلع سارة بفرح: صج يمه انه موافقة بطلع اشتري لي أغراض فاطمة: يمه ما نبيها ترى وايد مزعجة و تغربلنا مثل ذيك المرة يوم انطالع الفلم طول الوقت ما سكتت ما تقولين هذي وحدة عمرها 15 سنة أم محمد: لا هالمرة ما بتسوي شي لأن بس هالمرة بتطلع و لازم تاخذ أغراضها كامل اليوم لأن مافي طلعة عقبها سارة: يمه ما يصير جذي يمكن ما يعجبوني الأغراض أم محمد: انتي سكتي لا تتكلمين زين بخليج تطلعين اليوم فاطمة: يمه انتي طلعي معاها احسن علشان تشترين لها كل شي أم محمد: انه ما عندي ، و يلا فطووم اخذيها معاج احسن و فكيني منها سارة: اصلا كلكم ما تحبوني تبون الفكة مني فاطمة: جوفي سارة ترى هذي اخر مرة اطلع فيها معاج ، و مرة ثانية لو شنو يصير ما بطلعج سارة: مب مهم إلي تقولينه اهم شي الحين بطلع و بعد بقول لمريم اتيي معاي فاطمة: انتي كل ما بتروحين مكان تاخذين مريم معاج يمكن ما تبي؟؟ سارة: لا مريم بتيي معاي و اصلا ما عندها دراسة علشان تقعد في البيت، و اكيد اهيه بعد تبي تشتري أغراض فاطمة: و الله عاد كيفج و راحت فاطمة فوق غرفتها، و قعدت اجهز روحها علشان تطلع، جافت فاطمة تلفونها في 3 مس كول و استغربت من متصل فيها و لما جافت الرقم استغربت اكثر لأن الرقم غريب اول مرة اجوفه بس ما عطت السالفة أي اهتمام و قالت هذيلا اكيد ناس متصلين بالغلط و اذا يبوني بيتصلون فيني................ و عقب ساعة راحت فاطمة و هناء و سارة و مريم السيف مول علشان يشترون ثياب و أغراض............ سارة: اشرايكم ندخل هذا المحل وايد عاجبيني الفساتين إلي فيه؟؟ فاطمة: روحي بروحج انه ما ابي ادخله ييت ذاك اليوم بس ما عجبني شي سارة: مريم تعالي معاي خلنا ندخله هناء: تعالي فاطمة ندخل معاهم لأني بساعد اختي حق تشتري لها ترى ما تعرف تختار فاطمة: اوكي و دخلوا فاطمة و هناء المحل....... سارة: فاطمة ليش دخلتي مو توقلين مب عاجبج؟؟ فاطمة: مو شغلج انتي و دوري إلي يعجبج و انتي ساكته سارة: لا و الله اتعلميني بعد شنو اسوي؟؟ فاطمة: اوهووو ....... ساروه لا تخليني اصارخ في المحل، انه من جذي ما احب اطلع معاج و مدام فاطمة و سارة يتهاوشون رن تلفون هناء و كان خالد متصل، عاد هالحزه ارتبكت هناء و ما عرفت اترد عليه جدام اختها و فاطمة و سارة، و تم التلفون يرن لين ما خلصت الرنة................. فاطمة: منو متصل؟؟ هناء: هاااا بنت خالتي متصلة فاطمة: و ليش ما رديتي عليها؟؟ هناء: بس جذي اصلا اهي كل اتمللني و بضيع و قتي و انه ابي اشتري و رد يرن تلفون هناء، و نفس الشي خلته يرن.......... سارة: اشفيج هناء ما تردين على تلفونج ترى صدعتينا بهالرنة فاطمة: مو شغلج انتي روحي دوري لج ثياب، مريم اختها ما قالت لها شي الحين انتي اتردين عليها حست سارة روحها متفشلة و راحت عنهم........ فاطمة: يلا هناءووو اعترفي من ذي إلي متصل اكيد حبيب القلب صح؟؟ ههههههههههه هناء: سكتي فضحتينا جدام اختج لا تسمعنا........ اي هذا اهو فاطمة: انزين ليش ما رديتي عليه ترى عادي هناء: لا ما اعرف اكلمه جدامكم فاطمة: براحتج و عقب ثلاث ساعات اشتروا لثياب و الأغراض و سارة اشترت لها كل شي مع إن في أشياء وايد ما عجبتها، و بعدين عقب ما خلصوا ردوا البيت...................... في بيت بو يوسف............ أم يوسف: ها هناء اشتريتي لج أغراض و لأختج مريم؟؟ هناء: اي اشترينا مريم: بس انه بعد في أغراض للحين ما شريتهم أم يوسف: ما عليه يمه مرة ثانية بطلع معاج و بشتري لج إلي تبين و هالحزه رن تلفون هناء و نفس الشي كان خالد متصل فيها، و خلته يرن بدون ما ترد عليه......... أم يوسف: هناء اشفيج ما تردين على التلفون؟؟ هناء مرتبكة: هااااااااااا ........ اي برد عليه بس مو الحين أم يوسف: اشفيج هناء؟؟ ليش من إلي متصل؟؟ هناء: لا لا هذي رفيجتي الحين بتمللني و انه توني رادة تعبانة مالي خلقها أم يوسف: انزين على الأقل ردي عليها قولي لعا إنج بتكلمينها بعدين مو تخلينها جذي هناء: اي يمه بقول لها و توها بترد على التلفون إلا خلصت الرنة.......... هناء: جفتي يمه خلصت الرنة ، بس الحين خلها تولي لين اتصلت بعدين برد عليها أم يوسف: انزين براحتج مريم: يمه حتى و احنا نشتري اتصلت فيها و حده و لا ردت عليها هناء: انتي ليش تتكلمين محد سألج أم يوسف: و ليش بعد ما تردين؟؟....... هناء انه اعرفج زين اشصاير؟؟ هناء: لا يمه مو صاير شي بس قلت لج رفيجتي متصلة و مالي خلق اكلمها، انه كنت بالمجمع اشتري أغراض و اذا رديت عليها بالضيع و قتي طالعتها أم يوسف و اهي شاكة بالسالفة، بس سوت روحها مصدقة و قالت: انزين عيل روحي الحين غرفتج و ارتاحي هناء: انشاالله يمه و راحت هناء فوق غرفتها و اهي خايفة إن امها شكت بالسالفة و إن في شي، و بسرعة دخلت غرفتها إلا اموصلنها مسج، و فتحت المسج و كان من عند خالد كاتب فيه( هنائي بعد عمري اشفيج ما تردين علي؟؟ انه خايف إن صاير فيج شي او زعلانة مني الله لا يقوله........... ارجوج هناء ردي علي طمنيني قولي لي اي شي) و بسرعة من قرت هناء المسج اتصلت في خالد........... خالد: هلا هنائي هلا حياتي اشفيج اليوم ما تردين علي؟؟ هناء: هلا عمري، مسامحة ما قدرت ارد عليك لأن يوم تتصل لي كنت بالمجمع و معاي رفيجتي و اختي، و الحين يوم تتصل من شوي كنت توني رادة من برع و قاعدة اكلم أمي خالد: اشوه عبالي صار فيج شي او زعلانة مني، اشوه انج طمنتيني، اتصدثين خفت عليج وااايد هناء: ههههههه تسلم لي خالد: الله يسلمج يا بعد عمري........... بس انشاالله ما سببت لج احراج و لا شي هناء: لا لا ما صار إلا الخير، بس كنت خايفة من أمي إنها اتعرف السالفة خالد: و ما درت بشي؟؟ هناء: لا شكلها طافت عليها ههههههه خالد: اشوه ما صار شي، انزين عيل لين اتصلت فيج و ما تقدرين اتردين علي، على الأقل طرشي لي مسج اتقولين لي انج مشغولة او معاج احد علشان اتطمن عليج مو جذي اتخرعيني هناء: انشاالله و ما يصير خاطرك إلا طيب خالد: فديتج و الله هناء: حياتي انت خالد: اللاااااااااي يا حلو هالكلمة منج هناء: هههههههههههه خالد: انزين حبيبتي بخليج الحين ترتاحين شكلج تعبانة من لدوارة بالمجمع هههههههه هناء: ههههههه اوكي خالد: بااااااااي حياتي هناء: باااااااااي و سكرت هناء الخط و قعدت اتفكر في خالد.............. أما فاطمة من ردت بيتهم و اهي قاعدة اتعفس في أغراضها و اتعدلهم مب عارفة شتسوي، و دخلت عليها سارة........... فاطمة: انتي ليش داشة الحجرة بدون استأذان؟؟ سارة: ليش يعني لازم استأذن؟؟ فاطمة: إي لازم سارة: انزين مرة ثانية بستأذن فاطمة: اشتبين الحين؟؟ سارة: ابيج تقنعين أمي إني اطلع اشتري لي أغراض لأن بصراحة الأغراض إلي اشتريتهم اليوم مب عاجبيني فاطمة: لا عيوني ما بقول لأمي و اصلا انه مستحيل اطلع معاج مر ثانية سارة: و من قال بطلع معاج انه بطلع ويه أمي فاطمة: روحي قولي ليها هالكلام بنفسج سارة: انه إذا قلت لها أكيد ما بتوافق فاطمة: يعني اذا قلت لها انه بتوافق سارة: يمكن اتوافق فاطمة: ما بقول لها و لا شي اصلا انه مب فاضية لج سارة: انزين عيل إذا ما بتقولين لها، عطيني ثياب و أغراض من عندج، انتي عندج ثياب وايد فاطمة: لا و الله ما بعطيج شي و إلي صار لج لازم تتحملينه و حمدي ربج إنج طلعتي و اشتريتي أغراض احسن من و لا شي سارة: انزين بس عطيني هذا الخاتم وايد حلو عاجبني فاطمة: ما بعطيج اياه يلا رجعيه مكانه سارة: ما برجعه اول شي اتقولين لأمي فاطمة: ما بقول لها و يلا عطيني اياه بسرعة سارة: ما بعطيج و اذا فيج خير صيديني وبسرعة طلعت سارة من الحجرة تركض، و طلعت و راها فاطمة تركض من مكان ليمكان، و طلعت بره الحديقة تركض ادور سارة إلي اختفت عنها و ما اجوف في ويها إلا علي داخل بيتهم، و ذيك الحزة حست فاطمة روحها بتموت من الفشلة و خصوصا إنها ما كانت لابسة الشيلة و شعرها مفلل و كانت تركض يعني شنو بقول عنها اكيد مينونة، و زادت فشلتها لما طالعته و كان مبتسم و شكله يبي يضحك بس اميود روحه، وبسرعة راحت فاطمة داخل و على طول دشت حجرتها و اهي مو حاسة بعمرها ، و تمت قاعده بس جذي ساكته خمس دقايق و عقبها قالت: السبب كل من ساروه انه براويها الله يغربلها فشلتني جدام علي جان زين أي واحد غيره الحين شنو بقول عني......... و توها بتطلع من الحجرة إلا يرن تلفونها و قامت اتكلم نفسها: اوهوووو منو بعد متصل لي الحين يعني هذا وقته وراحت بترد عليه و جافت نفس الرقم الغريب إلي كان متصل لها من قبل 3 مس كول، ترددت فاطمة إنها ترد في البداية ، لكن عقب فتره ردت........ فاطمة: الوووو المتصل:................ فاطمة: الوووووو المتصل:.............. فاطمة: من معاي؟؟ المتصل:............... فاطمة معصبة: يعني ما بترد، و الله ناس فاضية و سكرت فاطمة الخط و طلعت من الحجرة راحت ادور سارة و لقتها قاعدة بغرفتها............ فاطمة: سارووووه وين الخاتم يالي ماتستحين؟؟ سارة: اولا من سمح لج تدخلين غرفتي بدون استأذان؟؟ فاطمة: ساروووه صدقيني و الله بذبحج الحين ترى انه موصله حدي من سخافاتج لا تخليني الحين اطقج سارة: لا عيوني ما يصير اتخليني استأذن قبل لا ادخل غرفتج و انتي ما تستأذنين فاطمة بعصبية: ساروههههه يالكريهة عطيني خاتمي لا اجوفين شي ما جفتيه في حياتج، مو كفاية فشلتيني جدام الأوادم، يلا عطيني اياه بسرعة دام النفس عليج طيبة سارة: ما بعطيج إلا لما تقولين لأمي إني ابي اطلع اشتري لي أغراض فاطمة: ما بقولها و للمرة الأخيرة اقولج ييبيه سارة: لا ما بعطيج اياه و توها فاطمة بتروح تاخذ الخاتم من عند سارة دخلت عليهم أم محمد الحجرة........ أم محمد: ها اشفيكم على شنو تتهاوشون؟؟ فاطمة: يمه جوفي بنتج سارة اخذت خاتمي و مب راضية اترجعه لي أم محمد: يمه ساروونه عطي الخاتم حق اختج سارة: لا ما بعطيها اياه إلا لما اطلعوني ابي اشتري لي أغراض أم محمد: سارة قلت لج مافي طلعة غير هالطلعة إلي طلعتيها اليوم و انتي اشتريتي لج كل شي على ما اعتقد سارة: اي بس مب عاجبيني أم محمد: و انه شسوي لج، يلا يبي الخاتم و لا تسوين لنا مشاكل سارة: يــــمـــه عاد ابي اطلع أم محمد مافي يعني ما في، و يبي الخاتم عطت سارة الخاتم حق فاطمة و كانت فيها الصيحة بس يودت روحها و ما صاحت جدامهم...... طلعت فاطمة من عند سارة و راحت غرفتها تعدل في ثيابها و جافت تلفونها في 5 مس كول، و كان الرقم نفسه الرقم الغريب، استغربت فاطمة من السالفة يعني منو متصل فيها هذا اكيد احد يعرفها بس منو، يعني وحده من رفيجاتها تبي اسوي فيها دقة؟؟ بس ما عطت الموضوع أي اهتمام و قالت اذا وحده من ربعها يعني اكيد بتكشف نفسها و بتعرفها في النهاية............ و عقب يومين طلعوا النتايج مال الجامعة................ فاطمة كانت فرحانة لأن نجحت و ارتفع معدلها، وبسرعة راحت اتخبر بيتهم إلي فرحوا لها و راحت تتصل في هناء اتبشرها............ هناء: الو هلا فطوووووم فاطمة: هلا هناء باركي لي هناء: مبرووووووك اكيد نجحتي صح؟؟ فاطمة: الله يبارك في حياتج ، نجحت و ارتفع معدلي هناء: حتى انه فاطمة: عيل مبروك هناء: الله يبارك فيج فاطمة: و شنو عن نتيجة علي نجح؟؟ هناء: ما ادري عنه اهو طلع من الصبح و للحين ما رد فاطمة: انزين عيل بس اتعرفين نتيجته خبريني هناء: اوكي، وشنو عن اخوج نجح؟؟ فاطمة: اي نجح ، اتصدقين كان فرحان وايد اكثر من كل مرة ما ادري ليش هناء: الله يدوم عليه الفرح، انه اقول يمكن لأن ما كان يدرس و بعدين ساعدته مي من جذي فرحان، ما كان متوقع ينجح فاطمة: ما ادري يمكن......... انزين انه بيي لج عقب شوي لأني متمللة بنفكر في شي انسويه او نطلع هناء: اوكي انه انطرج فاطمة: بااااااااااي هناء: باااااااااااي عقب خمس دقايق دخلت أم محمد على فاطمة غرفتها......... أم محمد: مبروك فطوووووم على النجاح فاطمة: الله يبارك فيج يمه أم محمد: اشوه انج بيضتي الويه انتي و اخوج مو مثل ساروووووه فاطمة: ما عليه يمه لين كبرت بتفهم و بتهتم اكثر أم محمد: انشاالله......... انزين انه يايه بقولج شي فاطمة: شنو يمه؟؟ أم محمد: ما دريتي إن ولد خالتج حسن خطب فاطمة باستغراب: حسن خطب؟؟ أم محمد: اي و باجر في الليل الخطوبة، توها من شوي خالتج اتصلت فيني تعزمني، و بعد عزمت بيت أم يوسف، و ابيج اتقولين لهم فاطمة: و منو اخذ؟؟ أم محمد: ما ادري يقولون وحده معاه بالجامعة اسمها ريم فاطمة: ريم؟؟ أم محمد: اي اسمها ريم اتعرفينها؟ فاطمة: اي اعرفها هذي رفيجة صفاء إلي يحبها اخوي محمد أم محمد: مسكين اخوج الله يساعده فاطمة: انزين يمه انه الحين بروح عند هناء و بقول لها أم محمد: انزين و سلمي على أم يوسف واااااااايد فاطمة: انشاالله عقب ما طلعت أم محمد من عند فاطمة، رن تلفونها و كان الرقم الغريب متصل فيها و ردت عليه......... فاطمة: الوووووووو المتصل:............... فاطمة: و بعدين معاك انت بتتكلم و لا شنو؟؟ المتصل: الووو و كان صوت صبي... فاطمة استغربت من هذا إلي متصل فيها: من معاي؟؟ المتصل:................. فاطمة: اوووه يعني ما بترد؟؟ وسكرت عنه الخط، بس رد اتصل لها و هالمرة ما ردت عليه، ورد اتصل مرة ثانية و ثالثة و رابعة و فاطمة حاقرته ما ردت عليه، بس كانت مستغربة منو هذا؟؟ و عقب فتره طرش لها مسج( إن سرتي يا رسالة يم هذاك الحبيب.. و ضحي له إنه الغالي و لا نسوى بلاه..بلغيه إن المحبة دون شوفه ما تطيب.. و إن لذة الأشواق في الجلسة معاه..) استغربت فاطمة يعني شنو السالفة و منو هذا، بس ما حطت هالموضوع في بالها وايد و قالت هذا أكيد واحد بس يبي يتلعب و يوم جاف إلي ردت عليه بنت قام يتصل فيني و طرش لي هالمسج، و قررت فاطمة إنها ما ترد عليه مرة ثانية خير شر لين ما يمل و يتركها..... أما هناء من عقب ما سكرت الخط من عند فاطمة اتصلت في خالد............ خالد: هلا و غلا هلا بعمري و الله هناء: هلا و الله حبيبي شخبارك؟؟ خالد: بخير دامج بخير شخبارج انتي؟؟ هناء: الحمد الله........ بارك لي خالد: الف الف مبروك بس على شنو؟؟ هناء:الله يبارك فيك.... انه نجحت خالد: مبروك حبيبتي مبروك هناء: و انت شخبار النتيجة؟؟ خالد: انه و الله ماشي الحال هناء: يعني شنو؟؟ خالد: الحمد الله نجحت بس المعدل مو ذاك الزود هناء: مبروك اهم شي نجحت خالد: الله يبارك فيج هناء: انزين حبيبي انه متصلة بس ابشرك و الحين بخليك لأن رفيجتي بتيي لي خالد: اوكي حياتي.... تحملي بروحج هناء: اوكي ........ باي خالد: باي و من صوب ثاني عند محمد عقب ما قال لبيتهم إن نجح على طول اتصل في مي......... مي: هلا و الله محمد: هلا فيج مي... شخبارج؟؟ مي: الحمد الله.... شخبارك انت؟؟ محمد: تمام بخير........ تدرين إني نجحت و ارتفع معدلي مي: مبرووك الف مبروك محمد: الله يبارك فيج....... بس انه اشكرج وايد لأن انتي السبب إلي خليتيني انجح و ترتفع النسبة مي: هههههههه بس انه ما سويت شي غير إني نصحتك محمد: و انه ما بنسى و قفتج معاي، لو ما ساعدتيني في الوقت المناسب جان انه ضايع الحين مي: الحمد الله إن ساعدتك بهالوقت محمد: انزين و شخبار نتيجتج؟؟ مي: انه بعد نجحت و الحمد الله محمد: مبروووك مي: الله يبارك فيك محمد: بصراحة ما ادري شلون ارد لج جميلج مي: هههههههه لا لا مب لازم اهم شي فرحتك و انك قدرت تطلع من الحالة إلي كنت فيها محمد: مشكورة و ماقصرتي مي: العفو محمد: بس انه ابي منج طلب مي: شنو آمرني؟؟ محمد: ما يامر عليج عدو....... بس كل إلي ابيه منج إنج ما تقطعيني و على طول نكون مع بعض مثل ما كنتي تتصلين فيني ايام لمتحانات و اتساعديني حست مي بالفرح ذيك الحزه، و حست إن محمد صار جريب منها أكثر من قبل و إن في شي تحس فيه، وقالت له: انشاالله ما راح اخليك لين ما تمل مني محمد: افاااا انه امل منج، مستحيل امل من إلي ساعدتني و وقفت معاي مي: تسلم محمد: الله يسلمج مي: انزين محمد بخليك الحين لأني شوي مشغولة اكلمك وقت ثاني محمد: اوكي مع إني ودي أطول معاج بس ما ابي اعطلج مي: لا عادي بكلمك مرة ثانية محمد: اوكي ... باااااااااي مي: بااااي حست مي روحها بطير من الفرحو قالت في خاطرها: يعني صج محمد يبي يكون معاي، بس ياريت يكون يحبني و ارتاح......... و في بيت بو يوسف الساعة 5 العصر، كانت هناء و فاطمة قاعدين يسولفون......... فاطمة: و الله ملل ما ادري شسوي هناء: انه بعد متمللة مثلج فاطمة: اي صج نسيت اقول لج هناء: شنو؟؟ فاطمة: ولد خالتي حسن خطب هناء: صج؟؟ مبروك فاطمة: الله يبارك..... بس توقعي منو اخذ؟؟ هناء: منو؟؟ فاطمة: ريم هناء باستغراب: صج و الله؟؟!! فاطمة: اي صج انه بعد مثلج استغربت، بس احسن افتكيت منه هناء: مسكين لو انتي عطيتيه ويه جان الحين اهو يحبج هههههههههه فاطمة: يه شسوي فيه زين فكتني منه ريم...... و على فكرة انتي و امج و اختج معزومين باجر في الليل على الخطوبة هناء: ما باقي إلا انتي يافاطمة كل إلي انعرفهم انخطبوا إلا انتي فاطمة: شاسوي بعد اتعرفين ظروفي و لا تذكريني فيها هناء: الله يساعدج فاطمة: اي و على فكرة أمي اتسلم على أمج واااااايد هناء: الله يسلمج فاطمة: ما قلتي لي نجح اخوج علي و لا للحين؟؟ هناء: ما ادري عنه للحين ما رد البيت فاطمة: انزين بقولج سالفة نسيت اقولها لج لأني ما كنت مهتمه فيها وايد بس الحين احس في شي هناء: شنو صاير؟؟ فاطمة: من فتره في واحد يتصل فيني ما اعرفه و اذا ارد عليه ما يتكلم بس كل إلي قاله الووو ، و لا قال شي ثاني و انه قمت احقره ما رد عليه هناء: يمكن واحد بس جذي يتسلى فاطمة: انه بعد اقول جذي لكن عقب ما حقرته طرش لي مسج جوفيه و راوت فاطمة هناء المسج....... هناء:يعني تتوقعين إن واحد يعرفج؟؟ فاطمة: ما ادري و الله بس قررت إني ما ارد عليه لين ما يمل مني هناء: اي احسن فاطمة: بس اذا زودها بقول لأبوي عنه بخليه يتصرف معاه هناء: و ليش ما تقولين له من الحين؟؟ فاطمة: لا لا ليش اسوي لي مشاكل يمكن يمل مني و تخلص السالفة على خير بدون أي مشاكل، بس اذا حسيته وايد امزودنها بقول لأبوي هناء: اي صح كلامج.......... انزين خلينا من هالسالفة اشرايج بدل ما احنا قاعدين جذي انسوي كيكة بمناسبة نجاحنا؟؟ فاطمة: اي صج خوش فكرة يلا نقوم هناء: يلا و راحوا فاطمة و هناء المطبخ يسوون الكيكة، و عق ساعة خلصوا منها.......... فاطمة: شنو تبيني احط فوقها كريمة؟؟ هناء: اي حطي انه بييب كاكو علشان انزينها من فوق فاطمة: اوكي و عقب ما خلصوا....... فاطمة: بودي الكيكة بره في الصالة هناء: اوكي انه الحين يايه وراج بييب العصير و طلعت فاطمة تمشي في الصالة و اهي دايره وراها تكلم هناء: لا تنسين اتييبين معاج البسكوت هناء: اوكي و ذيك الحزه فاطمة ما كانت منتبهه، و ما اجوف روحها إلا دعمت في واحد و طاحت اهي بالكيكة و تلعوزت ثيابها و ثياب إلي دعمت فيه، و لما رفعت راسها جافت علي، وحست روحها متفشلة.......... فاطمة: علي......... مسامحة ما كان قصدي بس ما جفتك علي كان ياي من بره و اهو معصب: شنو مسامحة لعوزتيني و تعتذرين لي شنو اسوي انه فاطمة من جافت علي معصب جذي يتها الصيحة و ما قدرت تتكلم، و نزلت الدمعة على خدها..... علي: اصلا انتي السبب انتي السبب في كل شي انه فيه قالها و راح فوق........... فاطمة من سمعت هالكلام دارت الدنيا فيها شنو يقصد انه السبب شنو يعني؟؟........ وما قدرت تستحمل أكثر و قامت تركض بيتهم و اهي تصيح.................... الجزء الثامن و العشرون فاطمة من سمعت هالكلام دارت الدنيا فيها شنو يقصد انهاالسبب شنو يعني؟؟........ وما قدرت تستحمل أكثر و قامت تركض بيتهم و اهي تصيح.................... راحت فاطمةغرفتها و صكت على روحها الباب و اهي ميته من لصياح و في نفس الوقت مستغربة ليش علي يسوي فيها جذي؟؟ و ليش يقول لها هالكلام يعني اهي شنو سوت له؟؟ كل هالأسئلة ادور في راس فاطمة و اهي تصيح لين ما رن تلفونها و كانت هناء متصلة.... فاطمة و اهي تصيح: الووو هناء: فطوووم اشفيج اتصيحين شنو صار لج؟؟ فاطمة: انتي ما سمعتي علي شنو قال لي؟ هناء: سمعته بس ما ادري شنو السالفة و ما جفتج إلا قمتي بسرعة تركضين، اهو شنو يقصد بكلامه؟؟ فاطمة: و انه اشدراني روحي سئليه،بروحي ابي اعرف ليش يقولي جذي هناء: انه رحت له و جفته مضايق، و لما سألته عن النتيجة ما رد علي، يمكن نتيجته مب ذاك الزود فاطمة: انزين و ليش يحط حرته فيني انه اشسويت له هناء: ما عليه فطووم لاتزعلين روحج اهو شكله كان مضايق و معصب و يوم دعمج و طاحت الكيكة عليه عصب اكثر من جذي قالج هالكلام و لا اهو ما يقصد شي فاطمة: لو كان واحد ثاني يمكن بنسى السالفة بس اتعرفين اخوج شنو بالنسية لي هناء: لا تخافين فطووم اكيد بيعتذر لج ما عليج منه، و انه بكلمه و بعرف منه شنو السالفة فاطمة:..................... هناء: اشفيج ساكته فاطمة: ما فيني شي بس ابي اقعد بروحي افكر شوي هناء: انزين بخليج الحين فاطمة: اوكي هناء: باي فاطمة: باي و عقب ما سكرت فاطمة الخط قعدت تفكر بروحها في كل شي صار بينهم تبي اتعرف السبب إلي خلاه يقول جذي لها و تقول في خاطرها: اهو ليش قال لي هالكلام؟؟ في الفتره الأخيرة حسيته وايد متغير و يبتسم لي و جريب مني ما كان في شي بينه يخليه يزعل مني و بالعكس كنت احسه يحبني و بدى يتقرب مني اكثر، بس فجأة تغير جذي مرة وحده؟؟ يعني على سبب تافه يعصب علي و انه مالي ذنب ما توقعته يكون جذي عصبي.............. و تمت اتفكر و الأفكار ادور فيها لين ما قعدت اتصيح مرة ثانية و اهي مب عارفة شنو السالفة............ أما هناء فراحت لأخوها علشان اجوف شنو سالفته و لقته قاعد بغرفته........... هناء: علي ممكن اكلمك في موضوع شوي؟؟ علي: لا انه ياي تعبان و مالي خلق هناء: لا بس الموضوع يتعلق بفاطمة علي: اشفيها؟؟ هناء: انت اتعرف شنو قلت لها الحين و مسكينة اكا قاعدة تصيح علي: و انه شسوي لها يعني؟ هناء: ابي اعرف شنو تقصد من كلامك لها( انتي السبب)؟؟ علي: ما اقصد شي بس انه تعبان و اهي خلتني اعصب اكثر هناء: بس هذا مو سبب يخليك تعاملها جذي علي: انزين إلي صار صار خليني بروحي الحين هناء: لا....... اول شي ابيك تعتذر منها علي: شنو؟؟ اعتذر منها ليش؟؟ هناء: لأن اهي ما سوت لك شي و انت جذي جرحتها علي: انه ما عندي وقت الحين و ارجوج خليني بروحي هناء: انزين اذا ما بتعتذر لها عطني عذر مناسب اقولها لها يبرر تصرفك هذا؟؟ علي: ما عندي سبب هناء: و النتيجة؟؟ علي: اشفيها النتيجة؟؟ هناء: يبت معدل زين و لا شنو؟؟ علي: مو شغلج هناء: يعني اكيد هذا السبب اهو إلي خلاك اتعصب عليها صح علي: لو سمحتي هناء خليني بروحي راسي يعورني هناء: اوكي بخليك بس اتمنى اتفكر بإلي صار و تعتذر لفاطمة و طلعت هناء من غرفته، و تم علي يفكر بكلام هناء و يراجع نفسه على إلي سواه في فاطمة بدون سبب.................. و في بيت بو محمد كانت سارة قاعدة بغرفتها تقرى مجلة، دخلت عليها أم محمد............... أم محمد: سارة شنو فيج صار لج مدة ما قعدتي معانا و سولفتي؟؟ سارة:.................... أم محمد: إشفيج ردي ؟؟ سارة: يمه لو سمحتي خليني بروحي أم محمد: الحين فهمت تسوين روحج زعلانه ها؟؟ سارة: انه ما أسوي روحي انه زعلانه صج أم محمد: بس تستاهلين إلي صار لج علشان تدرسين هالمرة عدل سارة : هذا بدل ما توقفين معاي واقفة مع أبوي؟ أم محمد:انه واقفة مع الصح و إلي سواه أبوج صح سارة: يعني عاجبج و ضعي جذي؟؟ أم محمد: انتي إلي اتسوين في روحج جذي و الله تقدرين تنزلين و تسولفين معانه و شوي شوي أبوج بينسى الموضوع سارة: يمه ما أبي أجوف أبوي أم محمد: ليش ؟ سارة: ما أبي أم محمد: خافي ربج هذا ابوج و ما سوه هالشي إلا علشانج سارة:...................... تركت أم محمد سارة و طلعت ولما رد بو محمد من بره كلمته بموضع سارة و إن لازم يخفف عنها شوي............ راح بو محمد لسارة غرفتها يكلمها.......... بو محمد: ها سارة شخبارج؟ سارة و إهي مستغربة:ها.... يبه!! بو محمد: إشفيج ما سمعتيني؟؟ سارة: لا لا سمعتك بو محمد: ادري أنه قسيت عليج شوي بس علشان تاخذين الموضوع مرة ثاني عن جد و لين قلت لج درسي تدرسين سارة: ...................... بو محمد: ما سمعت كلمة إنشاالله سارة: إنشاالله يبه بو محمد: إنزين قومي يا بنيتي قعدي معانا وباجر بطلعج و باخذج أي مكان تبينه سارة بفرح: صج و الله؟ بو محمد: إي يلا قومي تعالي قعدي معانا و غيري جو بدل ما حابسة نفسج بغرفتج سارة:و بعد باجر بتخليني اروح خطوبة ولد خالتي؟؟ بو محمد: اي بخليج اتروحين سارة: ممكن أطلب طلب؟؟ بو محمد: شنو؟ سارة: ما أبي فاطمة اتيي معانا بو محمد: ليش؟ سارة: لأنها ما تبيني اطلع معاها انه اعرفها بو محمد:ههههههههههه و لا يهمج ما يصير خاطرج إلا طيب استانست سارة و بسرعة راحت مع ابوها تحت تتعشى................ أما فاطمة فكانت حابسة روحها بغرفتها و لا طلعت منها و حتى ما نزلت تتعشى لأنها مب مشتهية شي وتمت طول الليل و اهي اتفكر بالسالفة لين ما رقدت................... و يوم ثاني الصبح قعدت متأخرة و نفس الشي ما نزلت تتريق و تمت طول الوقت حابسة روحها بغرفتها و اهي اتفكر: يعني علي الحين بيي يعتذر لي على إلي سواه و لا شنو؟؟ و اذا ما اعتذر شنو بصير فيني اشبسوي يا ربي؟؟ يعني هذا دليل على إن ما يحبني و انه كنت اتوهم إن بدى يتقرب مني................ قامت فاطمة و فتحت الماسنجر و مالقت احد اون لاين و فتحت ايميلها اليديد إلي ضايفة فيه علي و ما لقته اون لاين، و قررت انها تتاكد اذا عطاها بلوك او لا من الطريقة إلي علمتها اياها هناء ، و لما تأكدت جافته صج عطاها بلوك مثل ما توقعت هناء، و حست روحها بتموت يعني كل شي ينصك في ويها من كل صوب كل ما تفتح باب علشان اتكلمه ينصك في ويها و قامت اتصيح............. قررت فاطمة انها تتصل في هناء و تعرف منها شنو سالفة علي، اخذت فاطمة تلفونها و لقت فيه 6 مس كول و مسجين، و كان المس كول من الرقم الغريب إلي للحين ما تعرف رقم منو و كان متصل لها في الليل يوم كانت راقدة و طبعا ما سمعته لأنها امخليه تلفونها سايلنت، و حتى المسجين من عند صاحب الرقم الغريب نفسه و كاتب فيهم............ ( ماهو جفى لو شفتني عنك صديت عمر الجفى ما راود النفس يمك باسم الغلا ساكن و بالقلب حليت بأقصى خفوقي مسكنك يوم ضمك لا ما اتخلى لو غبت و ابطيت غلاك يسري بي مثل ما يسري دمك) ( لك سلام من قلب ( يحبك)........ و لك تحية من روح ( تودك)....... و لك رسالة من نفس (تعزك).... ) استغربت فاطمة من السالفة يعني شنو يبي هالصبي متصل فيها و يطرش لها مسجات و اهي لا تعرفه و لا اهو يعرفها، بس خلت الموضوع على صوب لأن بالها مشغول في شي ثاني، و اتصلت في هناء.............. هناء: هلا فطوووم شخبارج اليوم؟؟ فاطمة: ما ادري و الله شاقولج احس روحي مضايقة وايد هناء: بس خلاص اعتبري ما صار شي فاطمة: شلون ما صار شي اهو لو واحد ثاني ما بهتم بس اهو غير هناء: انزين لا تفكرين فيه وايد و بتنسين الموضوع بسرعة فاطمة: ما اقدر ما افكر فيه مستحيل... انزين ما سألتي علي عن السبب؟؟ هناء: امبله رحت له امس كلمته بس ما قال لي ، كل إلي قاله إن اهوه ياي من بره معصب و تعبان فاطمة:ما قالج من شنو معصب هناء: لا ما قال بس انه اتوقع مثل ما قلت لج إن معدله مب زين فاطمة: و اذا ماياب زين ليش يحط حرته فيني؟؟ هناء: ما ادري بس انه قلت له يعتذر لج بس ما عطاني ويه، اصلا ما كان يبي يكلمني فاطمة: لا يا هناء لا تقولين له يعتذر لي، انه ابي اهو بنفسه ايي لي يعتذر لي بدون محد يقول له، يعني لو قلتي له ايي يعتذر لي جذي بحس هالشي مو من قلبه هناء: اوكي براحتج بس انه ينت له انج زعلانه منه فاطمة: و كل هذا إلي قلتي له عني ما حس بالندم؟؟ هناء: و الله ما ادري عنه فاطمة: انزين عيل بخليج ابي افكر بروحي هناء: لا تفكرين وايد ترى بتتعبين فاطمة: ما عندي شي ثاني اسويه يعني تبيني اروح له و اقوله تعال اعتذر مني؟؟ هناء: لا ما قلت جذي بس انسي السالفة، و اليوم المفروض تستانسين لأن خطوبة و لد خالتج فاطمة: و من قالج بروح؟؟ هناء: يعني ما بتروحين؟؟ فاطمة: لا مب رايحة مالي خلق هناء: اوكي براحتج فاطمة:باي هناء: باي سكرت فاطمة الخط و قعدت اتفكر و اهي مب حاسة بالوقت لين ما دخلت ليها أمها الغرفة.......... أم محمد: فطوووم حبيبتي اشفيج؟؟ امس البارحة ما تعشيتي و اليوم ما تريقتي جذي بتموتين من اليوع فاطمة: لا يمه بس مو مشتهية شي أم محمد: انزين قومي تغدي الحين فاطمة: لا لا ما ابي شي أم محمد: اشفيج حبيتي احس فيج شي صاكة على روحج الغرفة من أمس، مع إن الصبح كنتي فرحانة بنتيجتج فاطمة: لا ما فيني شي بس راسي يعورني شوي أم محمد: اصلا المفروض اتكونين فرحانة اليوم اول شي لأنج نجحتي و رفعتي معدلج و ثاني شي لأن خطوبة و لد خالتج اليوم فاطمة: يمه ما ابي اروح اليوم أم محمد: ليش؟؟ فاطمة: لأني شوي تعبانة و راسي يعورني أم محمد: لا ما يصير هذا ولد خالتج مايصير ما تروحين له شنو بتقول خالتج عنج؟؟ فاطمة: قولي لها تعبانة ما قدرت اتيي أم محمد: يلا فطووم حبيبتي عن الدلع، امشي تغدي علشان انروح الصالون بعدين فاطمة: لا ما بسوي شعري و لا شي أم محمد: اشفيكم انتوا في هالبيت ذيك المرة يوم خطوبة يوسف و منال سارة ما كانت تبي اتروح و الحين انتي اشصاير؟؟ فاطمة:................... أم محمد: لا و بعد كانت سارة صاكه على روحها غرفتها و أمس البارحة طلعت منها مستانسة و الحين انتي، شنو السالفة فاطمة: يمه مافي شي صاير بس خليني بروحي أم محمد: لا يمه اول اتقومين تتغدين ما بخليج إلا لين تنزلين معاي فاطمة: انشاالله يمه بقوم علشان خاطرج أم محمد: يلا قومي حبيبتي نزلت فاطمة علشان تتغدى و كلهم كانوا قعدين ينطرونها.............. بو محمد: ها فطووم اشفيج من البارح ما تعشيتي؟؟ فاطمة: لا يبه ما فيني شي بس راسي يعورني شوي محمد: دلع بنات ههههههههههه فاطمة معصبة: انت مالك شغل انه اكلم ابوي أم محمد: فطووم ما عليج منه يلا اكلي سارة و اهي اطالع فاطمة علشان اتحرها: يبه وين بتوديني اليوم؟؟ بو محمد: اي مكان تبين اتروحينه بوديج؟؟ سارة: يصير اقول لمريم اتيي معاي لأن ما ابي احد غيرها؟؟ بو محمد: اي عادي قولي لها اتيي معاج أم محمد: سارة ليش ما تبين اتيين الصالون علشان اتسوين شعرج؟؟ سارة: مب لازم اسويه لين رديت البيت بسوي شعري أي شي أم محمد: انه عيل اروح الصالون بروحي شسوي محد بيي معاي سارة: ليش لبرنسيسة ما بتيي معاج؟؟ أم محمد: و من هذي بعد؟؟ سارة: بعد من غيرها فاطمة أم محمد: لا ما بتيي سارة: ليش؟ فاطمة: مو شغلج......... انه شبعت و قامت فاطمة بتروح فوق........ بو محمد: وين رايحة فطووم تعالي كملي غداج ما عليج منها فاطمة: لا يبه انه شبعت أم محمد: ما كلتي شي فاطمة: لا خلاص ما ابي شي و راحت فاطمة غرفتها و صكتها على روحها....................... أما محمد من خلص من الغدا راح غرفته و اتصل في مي..................... مي بفرح: هلا و الله محمد محمد: هلا فيج يالغالية... شخبارج؟؟ مي: بخير الحمد الله محمد: دووووووم يارب مي: شخبارك انت؟ محمد: بخير دام انتي بخير مي: انشاالله دووم محمد: انزين مي ابي اقولج شي بس لا تفهميني غلط حست مي بشي و قلبها قام يدق بسرعة و قالت: شنو؟؟ محمد: ابي اجوفج يصير؟؟ مي باسغراب: اجوفني؟؟!! .... ليش؟؟ محمد: بس جذي من زمان ما جفتج ههههههههه مي: هههههههههه محمد: شنو قلتي؟؟ مي: اليوم ما اقدر لأن اتعرف خطوبة ولد خالي اليوم محمد: اي صح نسيت.... انزين باجر؟؟ مي: امممممم ما ادري محمد: انه باعزمج على العشى في مطعم ها اشرايج؟؟ مي: ما اقدر اطلع معاك شنو بقولون عني الناس؟ محمد: عاد يلا مي وافقي انه ولد خالتج مو واحد غريب مي: بصراحة ما اقدر محمد: انزين انه ابي اقولج شي ضروري مي: شنو هالشي؟؟ محمد: لا ما ينفع اقوله لج بالتلفون لازم اجوفج و اكلمج مي: اوكي انه بحاول بس اهي مرة وحده ما بطلع معاك مرة ثانية محمد بفرح: اوكي عيل انطرج باجر مي: اوكي محمد: باااي مي: بااااي و في الليل الساعة 8 و نص تجهزت أم محمد و سارة و فاطمة، مع إن فاطمة ما كانت ناوية اتروح بس امها ما خلتها تقعد في البيت و حتى ما سوت شعرها راحت و اهي لابسة الشيلة............ و في العرس قعدت فاطمة و معاها هناء و سارة و مريم و أم محمد و أم يوسف على طاولة، و كانت فاطمة مضايقة و الكل كان فرحان و مستانس لا اهي........... هناء: فاطمة اشفيج مضايقة جذي؟؟ فاطمة: اتعرفين بعد السبب ، اصلا انه كنت ما بيي بس هذي امي خلتني ايي معاها هناء: انزين ما ابيج اتيين خطوبتي و انتي جذي ابيج مستانسة اتعرفين بعد ما باقي شي ما باقي إلا يومين بس هههههههههه فاطمة:..................... هناء: اشفيج فاطمة ساكته؟؟ فاطمة: ما فيني شي بس افكر هناء: في شنو اتفكرين؟؟ فاطمة: في بالي شي و ابي اسويه هناء: شنو في بالج؟؟ فاطمة: بعدين بقول لج مب الحين أم محمد: فطوووم اشفيج مضايقة قومي روحي رقصي استانسي فاطمة: يمه قلت لج تعبانة و انه اصلا ما ابي ايي بس انتي إلي خليتيني ايي معاج أم محمد: انزين براحتج، يمه سارة قومي روحي رقصي بدل ما انتي قاعده جذي سارة: اوكي، يلا مريم تعالي معاي و قامت سارة و مريم على المسرح يرقصون............. و عقب ساعة وصلوا المعاريس، و كانت ريم طالعة وايد حلوة بفستانها الوردي و مكياجها، و حسن كان وايد كشخة و حلو.............. و قاموا عقب فتره المعازيم يسلمون عليهم و يباركون لهم........... هناء: يلا فاطمة تعالي معاي بنروح انبارك لهم فاطمة: ما ابي اقوم روحي بروحج هناء: ما يصير هذا ولد خالتج على الأقل خل يجوفج إنج ييتي علشانه فاطمة: مب لازم يدري أم محمد: اشفيج فاطمة؟؟ يلا قومي معانا بنروح انبارك لهم فاطمة: بس بعدين بنطلع لأني ما ابي اطول اكثر ترى راسي يعورني أم محمد: انتي ماعليج بس يلا قومي و قاموا كلهم يباركون للعروسين، وفاطمة كانت مضايقة وايد، و طول الوقت ما سكتت كلحين ما تقول لأمها تبي ترد البيت بس اهم قاعدين و ما قاموا إلا الساعة 1............... يوم ثاني طبعا فاطمة طول الوقت بغرفتها ما طلعت و أما سارة فقامت تطلع و اتيي على كيفها و اتروح لرفيجاتها............. فاطمة كانت اتفكر في شي و قررت انها اتسويه، فتحت ايميلها و طرشت رسالة لعاشق الظلام اتقول فيها: (هاي شخبارك عاشق الظلام؟؟ بصراحة انه فكرت في كلامك و ابي اكلمك على الماسنجر باقرب و قت و طرش لي رسالة قولي فيها أي وقت بتدخل علشان نتفاهم و ابي اترد علي بسرعة ضروري) عقب ما طرشت له الرسالة اتصلت في هناء............ هناء: هلا فطوووم فاطمة: هلا هناء شخبارج؟؟ هناء: بخير... شخبارج اليوم انشاالله احسن؟؟ فاطمة: يعني..... احسن من امس شوي هناء: الحمد الله فاطمة: انزين انه بقولج شنو كنت افكر فيه البارحة و سويته هناء: شنو؟؟ فاطمة: انه من فترة طويلة شوي كنت اكلم واحد على الماسنجر متعرفة عليه بالجات واهو كان عنده مشكلة و قال لي اذا تبينا انحل مشكلتي و مشكلتج انحب بعض هناء: انزين و شنو سويتي؟؟ فاطمة: طرشت له رسالة قلت له ابي اكلمه علشان نتفاهم على هالموضوع هناء: شنو؟؟ أي موضوع؟؟ يعني اتحبون بعض؟؟ فاطمة: ما ادري بالضبط شنو بس انه خلاص ابي انسى اخوج و انه المفروض كان اسوي هالشي من زمان هناء: ليش عاد بتتخلين عنه جذي بهالسهولة؟؟ فاطمة: انه ما ودي اتخلى عنه بس اهو بتصرفاته يجبرني على هالشي و اهو لو كان يحبني او يبيني انجان قال لي هالشي من زمان، انه طول الوقت جدامه المفروض اعرف هالشي من زمان بس الحين اكتشفته متأخر عقب ما جرحني هناء: حرام عليج لا تتسرعين تالي بتندمين فاطمة: على شنو بندم اذا اهوه ما يحبني انه شسوي له، و اصلا شكله ما بيعتذر لي لو كان يبي يعتذر انجان اعتذر من زمان لأن رقمي عنده هناء: انه انصحج لا تتسرعين ترى بتندمين على هالشي فاطمة: خلاص هناء انه قررت و مستحيل اتراجع.... يلا بخليج الحين هناء: باااي فاطمة: باااي سكرت فاطمة الخط عن هناء و اهي اتصيح على إلي بتسويه اهي اتعرف إن هالشي غلط، بس شنو اتسوي ما بيدها شي، و كانت تبي اتسوي أي طريقة علشان تنساه........... في الليل الساعة 9 كان محمد و مي قاعدين بالمطعم.............. محمد: شخبارج مي؟؟ مي: بخير اسأل عنك محمد: سألت عنج العافية مي: الله يعافيك محمد: اتمنى اني ما ضايقتج لما قلت لج تعالي بنطلع مع بعض؟؟ مي: لا بالعكس انه فرحانه بس كنت خايفة إن اهلي يدرون بعدين بتصير لي سالفة محمد: لا تخافين و لا شي انه ولد خالتج يعني عادي ههههههه مي: هههههههه محمد: انشاالله استانستي بالعرس البارحة مي: اي كان وايد حلو، و قعدت مع خالتي و فاطمة و هناء شوي بعدين قمت عنهم، بس إلي لاحظته إن فاطمة كانت مضايقة شوي محمد: اي انه بعد املاحظ عليها هالشي بس ما عليج منها كله دلع بنات مي: ههههههههه محمد: انزين انه كنت ابي اجوفج علشان اكلمج في موضوع مي: شنو هالموضوع؟؟ محمد: بس اول شي ما ابيج تزعلين مني او تضايقين مي: ليش اهو يزعل؟؟ محمد: ما ادري بس يمكن يضايقج مي: انزين قول و انشاالله ما بتضايق محمد: بصراحة انه احبج حست مي بقلبها يدق بسرعة و ويها صار احمر و اهي ميته من الفرح بس ما عرفت شنو اترد عليه حست إن لسانها انربط مب قادرة تتكلم.............. محمد: ادري يمكن تفاجأتي بس هذي الصراحة احس إني احبج خصوصا من عقب ما ساعدتيني، انتي الوحيدة إلي قدرتي اتخليني انسى صفاء بهالسرعة و حسيتج إنج اتساعديني من قلب و للحين مب عارف شلون اشكرج مي بخجل: لا انه ما سويت إلا الواجب محمد: اتمنى إني ما ضايقتج بكلامي بس؟ مي: لا عادي، حلو الواحد يعبر عن مشاعره بصدق لليحبه بدون ما يخش عنه شي او يلفو يدور معاه محمد: يعني ما زعلتي؟؟ مي مبتسمة: لا محمد بفرح: اشوه انه كنت خايف من هالشي مي: ههههههههههه محمد: تسلم لي هالضحة مي: الله يسلمك مي كانت اتفكر في هاللحظة اذا اتقول له عن مشاعرها اتجاهه او لا، و اهي اصلا مب عارفة شنو اتقوله مستحية منه......... محمد: و بعد في شي ابي اقوله لج مي: شنو قول؟؟ محمد: بصراحة لأني حبيتج وما ابي اخسرج و ابي ابين لج إني ابيج بصدق، فأبي اخطبج تفاجأت مي بهالشي و حست بالفرح و ما عرفت بشنو اترد عليه:............. محمد: ها مي اشقلتي؟؟ مي: ما ادري و الله انت تحرجني جذي و انه تفاجأت، يعني مرة وحده اتقول لي اتحبني و تبي تخطبني مب مصدقة محمد: و ليش ما اتصدقين؟؟ يعني انه اجذب؟؟ مي: لا لا مو هذا قصدي محمد: عيل شنو قصدج؟؟ مي:..................... محمد: اشفيج مي تكلمي؟؟ مي: بصراحة ما ادري شقولك، بس انه ما كنت متوقعة هالشي يصير محمد: ليش يعني؟؟ مي: ما ادري بس لأن من يوم و احنا صغار مع بعض للحين ما بينت لي هالشي، مع إني كنت انتظره منك من زمان محمد مستغرب: يعني شنو افهم من كلامج؟؟ مي مستحية: محمد... لا تحرجني جذي افهمه بروحك محمد: يعني قصدج إنج كنتي اتحبين مي:.................. محمد: يلا عاد مي ردي علي و ريحيني مي بخجل: اي كنت احبك و للحين احبك محمد بفرح: صج و الله؟؟!! مي: اي صج هههههههههه محمد: بعد عمري انتي ، احلى يوم في حياتي هاليوم هههههههههه مي: انشاالله دووم فرحان محمد: معاج يارب مي: انشاالله محمد: انزين عيل مرة ثانية ما بنطلع مع بعض مي مستغربة: ليش؟؟ محمد: لأنج بتصيرين خطيبتي و بتكونين معاي على طول مي: هههههههههه خرعتني عبالي في شي ثاني محمد: هههههه انزين يلا شنو تبين تاكلين على العشا؟؟ مي: أي شي تطلبه انت اكيد بكون حلو محمد: تسلمين لي يا بعد عمري مي: هههههههههه أما فاطمة هالحزه كانت قاعده بغرفتها على الماسنجر تنطر عاشق الظلام يدخل او على الأقل يطرش لها رسالة، و مدام اهي جذي اتصل فيها صاحب الرقم الغريب، بس ما ردت عليه و خلت يرن لين ما وقف، ورد مرة ثانية و ثالثة، بس هالمرة قررت فاطمة إنها اترد عليه و اجوف اخرتها معاه و توقفه عند حده لأن وايد مللها............ فاطمة: الووو و سمعت فاطمة صوت أغنية و كانت اغنية راشد الماجد علمني ( دنياك دنياي... هو حد يسواك...في القلب وياي و في البال وياك... يالغالي و شلون...تظن ابنساك...كيف الهوى يهون..و القلب يهواك...علمني...علمني و شلون انساك و انام... علمني) فاطمة: نعم شنو تبي امشغل بعد أغاني؟؟ المتصل:................... فاطمة: صدقني و الله اذا اتصلت باشتكي عليك المتصل:.................... فاطمة: ما ترد علي بعد؟؟صج ما تستحي على ويهك شكلك انت ما تخاف لكن انه براويك و سكرت فاطمة عنه الخط و اهي اصلا ما كانت ناوية اتسوي شي بس تبي اتهدده و اتخوفه علشان لا يتصل لها مرة ثانية............... الجزء التاسع و العشرون يوم ثاني قعدت فاطمة متأخرة ويات لها أمها غرفتها.......... أم محمد: يلا فطووم جهزي روحج بسرعة علشان بنتغدى و بعدين بنروح الصالون و لا تقولين ما بتروحين بعد فاطمة: لا يمه بروح ما يصير هذي رفيجتي أم محمد: اي يلا بسرعة و قامت فاطمة مع إن اهي كانت للحين مضايقة و مو فرحانة كلش بس شتسوي لازم اتروح ما يصير اتخلي رفيجتها.............. و عقب الغدا جهزت روحها علشان اتروح الصالون و قبل لا تطلع فتحت ايميلها علشان تتأكد اذا عاشق الظلام رد عليها و لا للحين، بس ما لقت منه أي رد، فقامت و طرشت له رسالة ثانية كتبت فيها..... ( هلا عاشق الظلام وينك؟؟ ليش ما رديت علي؟؟ عسى ماشر؟ اتمنى اني الاقيك باقرب وقت علشان اكلمك و ارجوك رد علي ضروري) طرشت الرسالة و قامت رايحة الصالون..................... و في الليل تجهزت فاطمة و كانت وايد حلوة و ستايل، كانت لابسة فستان أزرق و كحلي حلو و مكياجها كان وايد روعة و تسرحتها حلوة شعرها صاير على صوب و فيه ورود بس كان إلي مخرب عليها فرحتها إن اهي مضايقة و أما سارة طالعة وايد انيقة كانت لابسة فستان رمادي و فيه فراشات وردية طالعة فيها وايد حلوة و مكياجها كان وردي ناعم و مريم نفس الشي كانت لابسة فستان لونه بني و بيج و مكياجها كان فاتح و حلو امطلعنا ( بيبي فيس) و أما العروس هناء طبعا ما عليها كلام كانت روعة كلشي فيها حلو فستانها فيه الوان وايد (وردي و اخضر و بيج) بس كان وايد روعة و حلو و مكياجها يناسب فستانها و طالعة فيه كشخة و حلوة و الساعة10 في القاعة كان الكل مستانس و فرحان ما عدا فاطمة إلي كانت مضايقة شوي..... مي: فاطمة اشفيج مضايقة؟؟ فاطمة: لا مب مضايقة ولا شي بالعكس فرحانة مي: انزين قومي رقصي او تحركي من مكانج خله يجوفون فستانج و يجوفون جمالج ههههههه فاطمة: لا لا ما لي خلق اقوم ارقص، قومي انتي مي: لا انه وين اقوم مب لابسة شي عدل و لاني متعدلة فاطمة: انه راسي يعورني شوي ما ابي اقوم مي: اوكي براحتج و طبعا سارة و مريم ما قعدوا في مكانهم يترقصون على المسرح او يتمشون..... و على الساعة عشر و نص دخلوا المعاريس، الكل كان يطالع هناء لأنها طالعة وايد حلوة و امغطية على الكل، و اما خالد فكان وايد كشخة و طالع حلو، كان يمشي و اهو اميود يد هناء إلي كان قلبها يدق من الفرح و اتقول في خاطرها اخيرا صرت من نصيبي........... و عقب فتره قاموا المعازيم يسلمون عليهم و راحت فاطمة اتبارك لهم و تمت فاطمة واقفة صوب هناء لين ما دخلوا الرياييل يسلمون..... دخل ابوها و بو يوسف و بعدين محمد و علي ، وفاطمة من جافت علي حست روحها مب قادرة و بسرعة راحت الحمام تركض و الدمعة في عينها و قعدت اتصيح...... جافتها مي و راحت وراها..... مي: فاطمة اشفيج اتصيحين؟؟ فاطمة: لا و لا شي انه ما اصيح مي: عيل هالدمع إلي في عيونج شنو؟؟ فاطمة: لا بس المكياج دخل في عيني مي: فاطمة مو علي هالحجي قولي اشفيج؟؟ فاطمة: مو شي ترى السالفة ما تسوى مي: انزين بس خلاص ترى المكياج بيخترب و تعالي معاي فاطمة: لا خليني اهني شوي ابي اقعد بروحي مي: لا ما يصير اخليج ترى امج بتستغرب بتقول شنو السالفة؟؟ فاطمة: ما عليج مني مي: اوكي براحتج طلعت مي عن فاطمة إلي تمت في الحمام اتصيح بروحها............... يوم ثاني الساعة 4 العصر اتصلت فاطمة في هناء................... هناء: هلا فطوووم شخبارج؟؟ فاطمة: الحمد الله شخبارج انتي من عقب البارحة هناء: و الله تمام فرحانه فاطمة: انشاالله دووم هناء: إلا ما جفتج البارحة بس ييتي سلمتي علي و شردتي؟ فاطمة: لا بس انه كنت مشغولة مع المعازيم و بعدين ردينا البيت بسرعة هناء: اها فاطمة: انتي في وين الحين مب في البيت؟؟ هناء: لا انه مع خطيبي نتمشى فاطمة: مسامحة هناء ما ادري خربت عليكم هناء: لا عادي لاتقولين جذي ترى بزعل منج فاطمة: اوكي عيل اخليج الحين هناء:اوكي فاطمة: باااي هناء: بااااي سكرت فاطمة الخط و قعدت اتصيح و اهي اتقول في نفسها: الحين هناء دايما بتكون مشغولة مع خطيبها و انه شسوي من بساعدني ياريتني كنت بدالها اتزوج إلي احبه ياريت.... فتحت فاطمة ايميلها و لقت فيه رسالة من عاشق الظلام و بسرعة فتحتها و كان مكتوب فيها... ( هلا و غلا دمعة الأحزان شخبارج؟؟ انه هالأيام ما ادخل وايد اون لاين بس عشان خاطرج بدخل الليلة الساعة 10 و انشاالله اتكونين موجوده) فرحت فاطمة للرسالة و اخيرا بتكلمه و بجوف شلون تتفق معاه و شنو يبي اهو بالضبط، و على بال ما اتفكر رن تلفونها و كان صاحب الرقم الغريب متصل لها، سكرت فاطمة الخط في ويهه بدون ما ترد عليه بس رد اتصل لها و نفس الشي ردت سكرته في ويهه، رد اتصل لها مرة و مرتين و خمس مرات بدون ما ترد عليه بس خلت التلفون يرن، اخر شي قفلت فاطمة التلفون بكبره علشان يتملل، و تمت اتفكر في الكلام إلي بتقوله لعاشق الظلام لين كلمته على الماسنجر، و طول الوقت كانت بغرفتها فاتحة الماسنجر على امل إن يدخل عاشق الظلام قبل الوقت إلي حدده لها، و ما نزلت فاطمة من غرفتها إلا بس حق تتعشى............... الساعة 9 فتحت فاطمة تلفونها لأنها قفلته، و جافت فيه مسج من عند صاحب الرقم الغريب كان مكتوب فيه( ممكن لو سمحتي اتردين علي ابي اقولج شي ضروري) استغربت فاطمة منه شنو هالشي الضروري إلي يبي يقوله لها و اهي ما اتعرفه و لا اهو يعرفها، بس قررت اذا اتصل لها انها اترد عليه علشان اتعرف سالفته و شنو يبي منها...... و عقب نص ساعة اتصل فيها و هالمرة ردت عليه.... فاطمة:الووو المتصل:......... فاطمة: وينك ما ترد؟؟ المتصل:........ فاطمة:مو انت بتقولي شي ضروري شنو هالشي؟؟ المتصل:....... فاطمة:افففف صج و الله ممل اذا ما قلت إلي عندك صدقني هذي اخر مرة ارد عليك فيها المتصل: لا لحظة فاطمة: اخيرا تكلمت... شنو بتقول؟؟ المتصل:......... فاطمة: اوووه ما بترد المتصل: احبج فاطمة باستغراب: نعم؟؟ شنو تحبني؟؟ المتصل:...... فاطمة: انت منو علشان اتقولي هالكلام؟؟ انت اتعرفني؟؟ المتصل:..... فاطمة: شكلك ما بترد و لا بتتكلم، انت واحد بس تتلعب و تبي اضيع وقتي و سكرت فاطمة الخط في ويهه و اهي مستغربة منه، بس تأكدت إن واحد ما يعرفها و حصل رقمها بالصدفة و قاعد يتسلى..... و على الساعة 10 بالضبط دخل عاشق الظلام اون لاين، و بسرعة راحت له فاطمة اتكلمه... دمعة الأحزان:هلا و غلا عاشق الظلام: هلا فيج دمعة الأحزان:شخبارك؟؟ عاشق الظلام: تمام.. شخبارج انتي؟؟ دمعة الأحزان: بخير الحمد الله عاشق الظلام: اخيرا فكرتي في كلامي؟؟ دمعة الأحزان: اي انه ابي اكلمك في هالموضوع و نتفاهم عليه عاشق الظلام:انزين انتي شنو تبين بالضبط؟؟ دمعة الأحزان: ما ادري بس انه قلت لك إني احب واحد وكنت حاطه امل إن في يوم من الأيام بحبني عاشق الظلام: انزين و شنو صار الحين؟؟ دمعة الأحزان: الحين خلاص تأكدت إن ما يحبني و لا يبيني عاشق الظلام: ليش؟؟ دمعة الأحزان:ما ادري و لا ابي اعرف ليش، و انه قررت إني انساه خلاص عاشق الظلام: يعني فكرتي إن انحب بعض؟؟ دمعة الأحزان: تقريبا عاشق الظلام: شلون تقريبا؟؟ دمعة الأحزان: يعني اول اجوفك و اتعرف عليك عدل بعدين بقرر لأن ما يصير جذي اقولك احبك و انه ما اعرف شكلك و لا اعرف عنك شي عاشق الظلام: صح كلامج دمعة الأحزان: بعد بقولك شي عاشق الظلام: شنو؟؟ دمعة الأحزان: اذا ما عجبتني ابيك تنسى كلشي عني و بكون كلشي انتهى بينا عاشق الظلام: اوكي.. انزين و ين تبين اجوفيني و اتكلميني؟؟ دمعة الأحزان: ما ادري وين؟ عاشق الظلام: اشرايج في السيف مول بمطعم......... دمعة الأحزان:اوكي بس متى؟؟ عاشق الظلام: عليج انتي انه أي وقت عادي، انتي أي وقت يناسبج؟؟ دمعة الأحزان:اشرايك باجر الساعة 8 في الليل؟؟ عاشق الظلام: اوكي دمعة الأحزان: انزين اشلون بعرفك؟؟ عاشق الظلام: انه بلبس فانيلة سودة و بانطلن جينز ازرق دمعة الأحزان:اوكي عاشق الظلام: وشلون بعرفج انه؟؟ دمعة الأحزان: بلبس قميص اخضر و تنورة خضرة عاشق الظلام:اوكي دمعة الأحزان:....... عاشق الظلام:انزين بس حبيت اقولج شي دمعة الأحزان: قول شنو؟؟ عاشق الظلام: بصراحة احس اني بحبج و بتعجبيني و انشاالله اعجبج دمعة الأحزان: ليش حسيت انك بتحبني؟؟ عاشق الظلام: ما ادري بس يمكن لأن ارتحت لج من البداية و احسج صريحة معاي في كل شي قلتيه لي دمعة الأحزان: انشاالله تعجبني علشان انسى إلي حبيته ههههههه عاشق الظلام: هههههه ان شاء الله دمعة الأحزان:...... عاشق الظلام: اوكي انه الحين استأذن تامريني بشي؟؟ دمعة الأحزان: لا سلامتك عاشق الظلام: الله يسلمج.. و لا تنسين الموعد باجر دمعة الأحزان: انشاالله عاشق الظلام: سي يو....باي دمعة الأحزان: باااي وصكت فاطمة الماسنجر و قعدت طول الوقت تفكر في عاشق الظلام و تتخيل اشلون شكله حلو و لا كريه، بتحبه او لا، بخليها تنسى علي و لا شنو، كل هالأسئلة كانت اتفكر فيها طول الليل لين ما رقدت............... الصبح الساعة 11 قعدت فاطمة من النوم، و تمت قاعده بغرفتها اتفكر اشلون اتقابل عاشق الظلام اهي حتى اسمه ما تعرفه و تقول في نفسها: ما ادري اقول لهناء كل شي و اخليها اتيي معاي، لا لا ما بقول لها اهي اصلا مشغولة ويه خطيبها و اصلا انه ما قلت للصبي إن بييب معاي وحده، انزين عيل شلون اقنع امي إني اطلع الليلة؟؟ و على بال ما اهي اتفكر دخلت ام محمد الغرفة.... ام محمد: فطوووم اشفيج قاعده بغرفتج ما نزلتي تتريقين الصبح؟؟ فاطمة:ما فيني شي و اصلا انه توني قاعده من النوم و متمللة ام محمد: انزين ما دريتي؟؟ فاطمة:شنو؟؟ ام محمد: اخوج محمد بيخطب؟؟ فاطمة باستغراب: صج و الله؟؟ ام محمد: اي صج فاطمة: و منو بياخذ؟؟ ام محمد: مي بنت خالتج فاطمة: من متى هالحجي ام محمد: امس صار كل شي و اليوم بنروح بيتهم فاطمة: شلون يصير كل شي و انه ما ادري؟؟ ام محمد: ما ادري عنج انتي امس طول الوقت حابسة روحج بغرفتج و انه ييت اقولج علشان اتجهزين روحج و اتيين معانا فاطمة: متى؟؟ ام محمد: الليلة الساعة 8 بنروح لهم فاطمة: ها... لا يمه ما اقدر اروح معاكم ام محمد: ليش؟؟ انتي كل ما تقدرين و ما تبين اتروحين مكان؟؟ فاطمة: لا بس بطلع الليلة ام محمد:وين بتروحين ما قلتي لي فاطمة: لا يمه كنت بقول لج توها رفيجتي متصلة فيني قالة لي ايي معاهم و مامداني اقول لج ام محمد: وين بتروحون؟؟ فاطمة: بنروح السيف مول بنطالع فلم ام محمد: انزين يمه اجلي طلعتج معاهم الفلم لاحقة عليه فاطمة: لا يا يمه اهم مب كل مرة بيطلعون جذي طلعة و انه بروحي مستانسة ابي اروح معاهم ام محمد: و شنو اقول لخالتج ليش ما ييتي معانا؟؟ فاطمة: قولي لها تعبانة و راسي يعورني او بطني يعورني او مريضة أي شي دبري روحج ام محمد: انزين و بتروح معاكم هناء؟؟ فاطمة: لا وين اتروح معانا هناء، هناء ويه خطيبها مب فاضية لنا ام محمد: انزين هالمرة بخليج اتروحين بس مرة ثانية ما ابيج تتهربين فاطمة: انشاالله طلعت ام محمد من غرفة فاطمة إلي استانست إن السالفة طافت على امها، و مو بس جذي الحين امها لين راحت تخطب حق اخوها بتنشغل بالسالفة و ما بتقعد اتحاتيها اذا رجعت البيت من وكت او ما رجعت، و بسرعة قامت فاطمة اتجهز ثيابها و اغراضها إلي بتطلع فيهم الليلة..... |
الجزء الثلاثون
في الليل الساعة 7 كانت فاطمة جاهزة علشان تطلع و راحت حق امها..... فاطمة: يمه انتوا بتخلون السايق يوصلكم؟؟ ام محمد: لا محمد بوصلنا فاطمة: انزين عيل بقول لسياق يوديني السيف مول ام محمد: و متى بتردين؟؟ فاطمة: ما ادري بس لين خلصت بتصل في السايق ايي ياخذني ام محمد: انزين بس لا تتأخرين فاطمة: انشاالله يمه و راحت فاطمة لسيارة علشان يوصلها السايق و اهي طول الطريق كانت اتفكر في عاشق الظلام و دقات قلبها اتزيد كلما حست روحها قريب بتوصل، و كانت خايفة متى تدري ليش هالشعور كان امسيطر عليها بس ما همها هالشي كان تبي اتسوي المستحيل علشان تنسى علي.... وصلت فاطمة السيف مول الساعة 7 و نص يعني باقي نص ساعة على الموعد و قعدت ادور في المجمع و تتمشى علشان اضيع وقتها، و عقب نص ساعة راحت فاطمة للمطعم إلي اتفقوا عليه و قلبها يدق بسرعة الحين شلون بتتعرف عليه بسرعة و لا شنو و اهو بيعرفها او لا، و كانت فاطمة خايفة و مترددة و تجر اريولها جر مب عارفة وين اتروح، لين ما وصلت للمطعم و قعدت اطالع الموجودين إلي قاعدين على الطاولات و إلي واقفين بس ما لقته، قالت في نفسها: وين راح يعني معقولة ما وصل للحين او يبي يقص علي يعني يبي يجوفني و اذا عجبه شكلي بكلمني و لين ما عجبته بيشرد؟؟.... انه متأكده إنه واحد من الموجودين بس لابس شي ثاني، انه بقعد اهني و بجوف اخرتها، و مدام اهي تتمشى بين الطاولات جافته قاعد على وحده من الطاولت وعاطي ظهره لها و كان لابس بانطلون جينز و فانيلة سوده مثل ما قال لها، و قام قلب فاطمة يدق بسرعة كل ما مشت خطوة صوبه و قالت في خاطرها: شكلي ظلمته و اهو موجود اهني شكلي ما دورت زين من شوي..... و يوم وصلت له استجمعت كل شجاعتها و جرأتها و قالت له:هاي التفت لها عاشق الظلام و جافت ويهه و جاف ويها انصدمت و حست الدنيا ادور فيها بس يودت روحها و قعدت على اقرب كرسي لها، و تم كل واحد فيهم يطالع الثاني مستغرب بدون ما يتكلم احد فيهم، و طافت عليهم خمس دقايق و اهم ساكتين، و فاطمة اتقول في خاطرها: لا انه اكيد احلم، انزين يمكن مب اهوه المقصود يمكن صدفة لابس نفس لثياب.... و اهو نفس الشي كان يقول في خاطره نفس الكلام، لين ما تكلم:انتي دمعة الأحزان؟؟ فاطمة استغربت و ما عرفت اترد عليه يعني اهو المقصود مو صدفة، و قالت له: اي انه دمعة الأحزان قعد يطالعها فتره و اهو منصدم، و قالت له فاطمة: و انت عاشق الظلام صح؟؟ قال لها: اي و قعدوا يطالعون بعض فتره، و بعدين قام عاشق الظلام يضحك و ضحكت فاطمة معاه... عاشق الظلام: كلش ما توقعت إن تكوني انتي!! فاطمة: و لا انه، صج صدفة غريبة عاشق الظلام: قولي مفاجأة، و طبعا ما يحتاج نتعرف على بعض احنا انعرف بعض صح؟ فاطمة: اكيد و هذي ما يبي لها كلام تدرون طلع من عاشق الظلام....طلع علي إلي اتحبه فاطمة ، مفاجأة و لا في الخيال من بين هالآلاف إلي تكلمهم طلع اهو و الله الدنيا غريبة... علي: انه للحين مب مصدق و فاطمة كانت مب مصدقة اكثر منه و اهي إلي إلي كانت اتفكر اتحب غيره طلع اهو يعني خلاص تقدر تخليه يحبها، و لو كانت مفكرة في خطة او اتسوي فيه مقلب ما بصير جذي و قالت له: انزين الحين شنو عن إلي قلته لي على الماسنجر؟؟ علي: تقصدين إن انحب بعض؟؟ ابتسمت فاطمة و قالت: اي علي: انه بقولج شي بس مب تزعلين وعد؟؟ خافت فاطمة إن علي يكنسل كل شي قاله لها و قالت غصبا عنها: وعد علي: انزين انه قلت لج إني احب وحده صح؟؟ فاطمة بسرعة: اي ريم علي باستغراب: اشدراج؟؟ فاطمة مرتبكة: لا انه ما ادري بس اختك هناء قالت لي علي: لا انه ما احب ريم و لا حبيتها، انه بصراحة احب وحده ثانية بس ما كانت تعطيني ويه و لا حاولت معاها لأن شكلها ما تبيني فتركتها و دورت غيرها لين ما جفت ريم بس ما حبيتها، كنت بس ابي انسى لبنية إلي حبيتها و لا قدرت انساها، و اصلا ريم ما تحبني و انه عرفت هالشي من تصرفاتها و اهي اتحب ولد خالتج حسن و الدليل إنها إنخطبت له فاطمة:............. علي: تدرين من لبنية إلي حبيتها و للحين احبها وما قدرت انساها؟؟ فاطمة: لا، و لا ابي اعرف ما ابي انصدم اكثر علي مستغرب: اوه ليش تنصدمين؟؟!! فاطمة:لا لا مب شي علي: تدرين إن هالبنية اهي انتي؟؟ طالعته فاطمة مصدومة و مبطلة عينها مستغربة و ما عرفت شنو اتقول له، و علي كان يناديها بس اهي ما كانت حاسة بشي، و عقب فتره حست له إن يناديها و قالت: من انه؟؟ من صجك!! علي:اي انتي.. اشفيج مب مصدقة انه حبيتج انتي و شكلي ما بحب غيرج لأني ما قدرت انساج ابدا، و ما قلت لج على الماسنجر اني حاس بحبج و بتعجبيني فاطمة: اي بس مستغربة علي:من شنو؟؟ فاطمة: انه بقولك كل شي بصراحة علي: قولي انه اسمعج فاطمة: بصراحة انه حبيتك من زمان و كنت دايما احاول اتقرب منك بس اجوفك تبتعد عني و تصدني و شكلك ما تبيني و تحب ريم علي يضحك: يعني احنا انحب بعض و مب داريين و كل واحد يبي يتقرب من الثاني و يحس إن الثاني ما يبيه و الله حاله ههههههه فاطمة: ههههههه صج و الله شي غريب انه اصلا ما كنت عارفة شلون اتقرب منك، و الحين انه قاعده اعترف لك بكل شي علي: و لا انه مب مصدق روحي فاطمة: انزين بسألك انت ايميلك غير و إلي اكلمك عليه غير يعني عندك ايميلين؟؟ علي: اي هذا إلي اكلمج عليه حق اسوي دقات في ربعي علشان لا يعرفوني ههههههه فاطمة: اتصدق انه اخذت ايميلك الثاني من عند هناء و ضفتك في ايميلي اليديد و كلمتك عليه علي: لا يكون انتي إلي اسمج أشواق؟؟ فاطمة: هههه اي انه علي: و ليش سويتي جذي؟؟ فاطمة: بس انه مثل ما قلت لك ابي اتقرب منك و كنت ابي اعرف رايك فيني بس ما قدرت لأن شكلك عطيتني بلوك و دليت علي: ههههه اي حذفتج لأن ما صدقت الحجي إلي قلتيه لي يعني وحده بس اكلمها مرتين اتقولي اتحبني ما اصدق... بس الحين برد اضيفج لأني صج احبج فاطمة: مب مصدقة إلي قاعد يصير بصراحة احلى ليلة في حياتي الليلة من يوم ما عرفتك ههههههه علي: هههههههه انزين و انه بعد بقول لج شي فاطمة: قول شنو؟؟ علي: في واحد يتصل لج ما تعرفين رقمه صح؟؟ فاطمة مستغربة: اي اشدراك؟؟ اتعرفه علي: اي اعرفه لأن انه إلي اتصل لج فاطمة: صج و الله؟؟! علي: اي صج فاطمة: و ليش اتسوي جذي؟؟ علي: انه خذيت لي رقم ثاني بس حقج، كنت ابي اوصل لج بأي طريقة بس ما ادري شنو يصير فيني من اسمع صوتج ما اعرف اتكلم فاطمة: ههههههههههه يعني مثل ما قلت كل واحد يبي يتقرب من الثاني بس مب عارف شلون علي: هههه اي و الله... بس تدرين قررت شي الحين؟ فاطمة: شنو قررت؟ علي: من باجر بايي اخطبج فاطمة بفرح: صج و الله؟؟ انه بحلم و لا بعلم علي: اكيد بعلم، لازم تصدقين لأني احبج و انه كنت امقرر بس اعترف بحبي لج بروح اخطبج على طول فاطمة: ما ادري شاقول و الله انه ميته من الوناسة علي: و انه بعد... و بهالمناسة الحلوة باعزمج على العشى شنو تطلبين؟؟ فاطمة: ما ادري أي شي على ذوقك حلو علي: اوكي و طاف عليهم الوقت من عقب ما تعشوا و راحوا يطالعون فلم و استانسوا و عقب ردوا البيت الساعة 12............ دخلت فاطمة بيتهم و لقت امها قاعده بالصالة تنطرها... ام محمد: وينج لهالحزه؟؟ فاطمة: كنت مع رفيجاتي ام محمد: و لهالحزه معاهم شتسوون؟؟ فاطمة: قلت لج يمه انطالع فلم و كان وايد طويل و لين ما خلص و تعشينا، من جذي تأخرت ام محمد: انزين ما عليه هالمرة بصدقج و بطوفها لج، و يلا روحي رقدي الحين فاطمة:اوكي يا احلى ام طالعتها ام محمد و اهي مستغربة منها..... راحت فاطمة غرفتها و بدلت ثيابها و قعدت اتفكر بكل شي صار لها اليوم و بكل كلمة قالها علي، و اهي فرحانة لين ما رن تلفونها و من جافت الرقم نقزت من مكانها لأن إلي متصل كان علي و بسرعة ردت عليه...... فاطمة بفرح: هلا و غلا علي: هلا و الله بحبيبتي فاطمة:ههههههه بعد عمري و الله علي: تسلمين لي يالغالية فاطمة: الله يسلمك علي: تصدقين حياتي مب عارف ارقد كل افكر فيج فاطمة: و لا انه من رديت للحين افكر في كل شي قلته لي علي: انه ابي ايي باجر بسرعة علشان اخطبج و اتكونين لي فاطمة: و انه بعد لأني ما ابي اضيعك مني علي: فديتج و الله فاطمة: تسلم لي علي: انه متصل فيج بس ابي اتطمن عليج و اسمع صوتج فاطمة: اتصدق كنت افكر اتصل فيك بس قلت يمكن اتكون راقد الحين علي: لا شلون ارقد و انتي في بالي فاطمة: هههههههه علي: الحين بخليج يا عمري و نطريني باجر علشان اخطبج فاطمة: انشاالله، انتظرك على احر من الجمر علي: تصبحين على خير حياتي فاطمة: و انت من اهله عمري علي: بااااي فاطمة: باااااي يوم ثاني قعدت فاطمة متأخرة لأنها ما رقدت طول الليل من التفكير، بس كانت فرحانة و قعدت اجهز روحها لين ما اتصلت فيها هناء......... فاطمة: هلا هناءووو شخباج؟؟ هناء: الحمد الله بخير، شخبارج انتي؟؟ فاطمة: بخير فرحانة ميته من الوناسة هناء: هههه الله يدومها عليج، بس ليش ما قلتي لي عن سالفتج ويه اخوي و إن بيي يخطبج اليوم؟؟ فاطمة: انه توني البارحة دريت و اصلا كل شي صار بسرعة هناء: شنو صار؟؟ فاطمة: مب وقته الحين بقول لج كل شي مرة ثانية بس الحين ابي اجهز روحي هناء: هههه اوكي عيل ما اعطلج.... و مبروك مقدما فاطمة:الله يبارك في حياتج هناء:بااااااااي فاطمة:بااااااااي و عقب الغدا دخلت ام محمد على فاطمة غرفتها........ ام محمد: شنو قاعده اتسوين اتعفسين في اغراضج؟؟ فاطمة: لا يمه ما اسوي شي بس جفت اغراضي امعفسين قلت بعدلهم ام محمد: انزين انه يايتج في موضوع حست فاطمة إن هالموضوع يخص علي و إن ياي يخطبها و قالت: خير يمه؟؟ ام محمد: انه اعرف رايج في هالموضوع و انتي قلتي لي من قبل بس على الأقل ابيج اتعرفين كل شي فاطمة: شنو يمه اشصاير؟؟ ام محمد: في واحد تقدم لج فاطمة فرحت وايد و عرفت إن المقصود علي و قالت: منو؟؟ ام محمد: علي اخو هناء اتعرفينه صح؟؟ فاطمة: اي اعرفه ام محمد: بس ما ادري اذا غيريتي رايج في هالموضوع، كل إلي بعمرج انخطبوا و حتى رفيجتج هناء انخطبت ما بقيتي إلا انتي فاطمة:........... ام محمد: ها شنو قلتي؟؟ فاطمة: لا يمه انه خلاص غيرت رايي ام محمد:يعني شنو موافقة؟؟ فاطمة: اي موافقة ام محمد: و شنو إلي غير رايج؟؟ فاطمة: ما ادري بس يعني مثل ما قلتي كل إلي بعمر انخطبوا بس انه يعني ما يصير اتم بروحي ام محمد: هههههههه اه منج يالعيارة، مع إن هالسبب مب داخل مخي بس بصدقج فاطمة: ههههههههه لا يمه صدقيني هذا اهو السبب ام محمد: انزين عيل جهزي روحج لأن الليلة بيون يخطبونج فاطمة: انشاالله يمه و طلعت أم محمد من عند فاطمة إلي كانت ميته من الفرح و قاعده اتفكر في علي و شلون بتقابله الليلة.......... و في الليل يات ام يوسف و هناء و مريم و بو يوسف و يوسف و علي علشان يخطبون فاطمة، و قعدت فاطمة مع الحريم و صوبها هناءو كانت مستحية.... هناء: اقول فطووم اشفيج مستحية انتي اول مرة اجوفينا؟؟ فاطمة: ما ادري بس احس روحي مرتبكة مب عارفة شاسوي هناء: هههههه عادي ترى انه بعد كنت مثلج يوم ايي خالد يخطبني فاطمة: اي بس انتوا غير و انه غير هناء: شلون بعد غير نفس الشي فاطمة: ما ادري ما ادري بس خليني الحين افكر هناء: تفكرين في شنو؟؟ فاطمة: مو شغلج هناء: ههههههه اعرف اتفكرين في شنو بس بخليج خلاص سارة: من قدج فاطمة بتنخطبين فاطمة: انتي سكتي محد طلب رايج سارة: اصلا القعده معاكم بروحها مملة، اقول مريم تعالي معاي غرفتي احسن من القعده اهني مريم: اوكي ام محمد: فطوووم تعالي معاي شوي فاطمة: انشاالله يمه وراحت فاطمة وره امها..... ام محمد: ترى علي قاعد بهالميلس بروحه ينطرج تدخلين و تكلمينه علشان تتعرفون على بعض اكثر فاطمة: ها.... ام محمد: اشفيج فاطمة؟؟ لا تخافين و لا شي ترى بكون خطيبج بعدين فاطمة: لا مب خايفة و لا شي بس ما اعرف شنو اقول له ام محمد: انتي روحي قعدي معاه و بتتكلمون عادي ما فيها شي فاطمة: اوكي وراحت فاطمة الميلس و دشت و علي كان قاعد ينطرها و مبتسم لها، دخلت فاطمة و قعدت على الكرسي إلي مجابله و اهي مبتسمة له........ علي: اخيرا فطوووم بتكونين لي فاطمة بخجل و منزلة راسها: اي علي: اشفيج فطووم مستحية مني، امس كنتي عادي معاي فاطمة: ما ادري اشفيني بس اتعرف لبنية تستحي لين ايون يخطبونها علي: فديتج انه فاطمة: هههههههههه علي: تسلم لي هالضحكة فاطمة: الله يسلمك.... انزين انه بقوم الحين علي: وين رايحة تو الناس ما قعدنا شي، خلنا ناخذ راحتنا بالحجي فاطمة: لا تالي بتمل مني و بكون معاك على طول علي: افاا انه امل منج امل من حبيبة قلبي فاطمة: ههههههه لا تقول جذي استحي علي:ههههههه فاطمة: يلا انه بقوم علي:اووه ما عليج بعد قعدي معاي فاطمة: ودي بس ما ابي اطول وايد، امي تبيني الحين اقعد مع امك و خواتك علي: مو علي هالحجي، يلا لا تتهربين مني فاطمة: هههههههههه علي: احبج ابتسمت له فاطمة و قامت طالعة رايحة عند امها......... و بجذي حددوا يوم خطوبتهم إلي بتصير في نفس اليوم ويه خطوبة اخوها محمد على مي يعني عقب ثلاث اسابيع، و خلال هالفتره كانت فاطمة و هناء و مي كله يطلعون مع بعض يشترون لهم اغراض و يتجهزن حق ليلة الخطوبة........... و عقب ثلاثة اسابيع في ليلة الخطوبة، كان الكل مستعد و فرحان، و اكثر وحده كانت فرحانة اهي فاطمة لأنها صبرت وايد على علي لين ما عرفت إن اهو يحبها و اخيرا بكونون لبعض... كانت فاطمة طالعة وايد حلوة و قمر لا بسة فستان لونه وردي ناعم و فيه تموجات من اللون البيج، و مكياجها كان ناعم وايد و مطلعنها حلوة و ستايل...... اما مي فكان فستانها ماروني و بني و مكياجها كان وايد جرئ بس طالعة حلوة واااايد.... و على الساعة عشر و نص دخلوا المعاريس كانت فاطمة تمشي جدام و معاها علي إلي طالع كشخة و حلو و راهم مي و معاها محمد........... و فاطمة كانت ميودة يد علي و اهي مب حاسة لروحها بس تمشي و قلبها يدق بسرعة من الفرح، و نفس الشي علي ما كان مصدق روحه إن فاطمة صارت من نصيبة.... اما محمد فكان فرحان إن حصل وحده اتحبه و اتخاف عليه من عقب ما خسر لبنية إلي كان يحبها بس الحين اهو يحب مي، و مي كانت طايرة من الوناسة ،ما كانت متوقعة إن محمد بكون من نصيبها في يوم من الأيام لأن ما كانت معاه وايد و بعاد عن بعض.... و عقب ثلاث سنوات خلصت فاطمة دراستها و اشتغلت و صار عندها ولد اسمه وليد عمره سنة و نص و بنت اسمها ندى عمرها 6 شهور........ و اما هناء نفس الشي خلصت دراستها و اشتغلت و صار عندها بنتين ريما و سناء و ولد اسمه رائد....... و مي خلصت دراستها بس ما اشتغلت و عندها ولد عمره سنتين و اسمه فراس و بنت اسمها هيفاء... و يوسف إلي تزوج اول واحد فيهم صار عنده 4 عيال بنتين و ولدين......... اما سارة اخت فاطمة فصارت تهتم بدراستها اكثر من قبل، و مريم كانت من المتفوقات على المدارس و دايما تطلع من الأوائل.......... و بجذي خلصت قصة فاطمة إلي عانت و صبرت لين ما حصلت على إلي تبيه، و عاشت بساعدة و فرح........... الـــــــــنـــــــهايــــة |
يسلموووووووووووووووووو بجد الروايه كتير كتير حلوه يعني يمكن في ناس هيك بكونوا يفكروا ببعض بس كل واحد فيهم مو حاس بالتاني ومفكر انه التاني ما بحبه واحيانا بنتيهوا لبعض بعد فوات الاوان شكرا حبيبتي لنقل الروايه بصراحه اختيراتك روووووعه للروايات
|
اقتباس:
وتسم ايادي صاحبة الرواية وتسلمي على كلامك الطيب عزيزتي |
| الساعة الآن 02:53 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية