|
أبوس راسك يازمن ماعاد فيني للجراح للكاتبة مـ ع ـزوفة الحزن
احبتي اقدم لكم اول روايه من تأليفي واتمنى منكم الدعم والنصح والنقد البناء ابوس راسك يازمن ماعاد فيني للجراح روايه تجمع في طياتها (الظلم والطمع _ الحب والقسوه_ السعاده والمعاناه) / \ / \ ابوس راسك يازمن ماعاد فيني للجراح خلاص يكفيني اسى ابوس راسك يازمن يامكثر ذنوبك معي ماكل ذنب لك يباح لامن زعلت اش تستفيد وش مكسبك من هالزمن استسلمي ياعزتي لاصارت ايامي سلاح كان نفسي اسعدك بس الليالي طولن انا حاولت اشعل شمعتي بس المصيبه بالرياح لاهي باللي نورن ولاهن باللي انطفن اخترت فالدنيا ثلاث الستر وانصاف وصلاح وكرهت بالدنيا ثلاث لا , ولايمكن , ولن / \ / \ تعريف بالشخصيات الاساسيه الجد عبدالرحمن (ابوعبدالعزيز) شخصيه قويه جدآ وقياديه عنيد واللي فراسه لازم يسويه على كل قسوته الا ان فيه طيبه وخصوصآ للاشخاص اللي يحبهم صار له اربع سنوات يتعالج في المانيا اولاده اولآ : عبدالعزيز وكان احب اولاده له توفي هو وزجته من 24 سنه في حادث سياره ماانجبو غير ولد واحد اسمه فيصل اللي رباه جده عبدالرحمن وخاله الوحيد فيصل عمره 29 سنه (طويل _ عريض _ جسمه رياضي جدآ بسبب ممارسته لرياضة رفع الاثقال مايقارب الـ 6سنوات _ حنطي يميل الى البياض _ وسيم جدآ بكل ماتعنيه الكلمه _ شخصيه غامضه _ عنيد _ خطواته كلها مدروسه _ عيبه انه صارم ونادرآ مايبتسم مع ان ابتسامته تضيف لوسامته الشي الكثير) سلطان الولد الثاني لعبدالرحمن (ابو تركي) عمره 52 سنه وزوجته حصه (ام تركي) عمرها 46 سنه راح تتعرفو على شخصيتها هي وزوجها مع الاحداث تركي عمره 26 سنه طويل نحيف ملامحه فيها شي من الجاذبيه عصبي جدآ يشتغل مع ابوه في شركتهم الخاصه خالد عمره 24 سنه طويل عريض تقاسيم وجهه حلوه فيه وسامه وجاذبيه لكنه مغرور ويحب المظاهر ميزته انه هادي منال عمرها 21 سنه ثالث سنه بالجامعه طويله جسمها حلو ورشيق عيونها واسعه لونها عسلي خشمها طويل سمراء شوي بس سمارها محليها اكثر بصفه عامه جميله رنيم 19 سنه طويله لون عيونها بني ملامحها حلوه هاديه جدآ تختلف بكل شي عن اختها منال ليال عمرها 15 سنه همها كله دراستها عزام عمره 10 سنوات يارا عمرها 6 سنوات ابراهيم الولد الثالث لعبدالرحمن عمره 50 سنه (ابو راكان ) زوجته سعاد ام راكان عمرها 45سنه راكان عمره 23 سنه طويل صدق نحيف شوي بس عرض كتوفه يغطي على نحافته وسيم ابتسامته حلوه واللي يزيدها حلاوه غمازته اللي بخده اليسار لمى عمرها 21 سنه طويله تميل للسمنه شوي على طول شعرها قصير لانها يعطيها ملامح طفوليه بيضاء صديقة منال ومعها بالجامعه التؤام لين وليان عمرهم 19 سنه صحيح تؤام بس مافيه أي شبه بينهم لين (طولها عادي رشيقه عيونها بنيه بيضاء وجهها بيبي فيس تسحر الواحد من تبتسم واللي مزود ابتسامتها حلا غمازاتها) ليان مافيها شبه من احد (طويله جسمها رشيق حيل بيضاء شعرها طويل الى اعلى الفخذ واسود ناعم حيل وكثيف مولانها ماتبي تقصه بس لانها على طول مشغوله واخر ماتفكر بنفسها جميله جدآ فمها صغير بشفايف ورديه ريانه خشمها سلة سيف حواجبها مرسومه رسم رموشها كثيفه لون عيونها غريب جدآ بنفسجيه محاطه بالسواد ينادونها راكان ولين بالفاتنه إليزبيث) ملاحظه(الفاتنه اليزابيث ذات العيون البنفسيجيه لقب اطلق على الفنانه إليزابيث روزموند تايلور بس إليزابيث كان لون عيونها بنفسجي فاتح بعكس بطلتنا بنفسجي غامق قليلآ محاط بالسواد) يزيد عمره 14 سنه راما اصغر العائله والدلوعه عمرها 8 سنوات العمه نوره ام ماجد البنت الوحيده عمرها 48 سنه ارمله من 10 سنوات اكبر اولادها محمد توفي وعمره 3شهور بسبب عيب خلقي بالقلب وتكون ام فيصل لانها ارضعته مع ولدها ماجد عمره 23 سنه صديق راكان مملوح طويل يدرس طب في الخارج ندى عمرها 20 سنه ثاني سنه جامعه مملوحه وفيها جاذبيه وخفت دم حياتها ضحك وناسه على طول انتهينا من الشخصيات المهمه فيه شخصيات راح تظهر مع الاحداث نبتدي اول جزء في بيت ابراهيم (ابو راكان) ....... : لينوووووه وصمخ ماتسمعين انتي ليان : عن الصراخ وقولي وش عندك ........ : امي تقول جهزي القوه والشاي والفطاير والحلا والعصاير والبخور بيجونها جاراتها بعد المغرب ليان : لمى حرام عليك ارحميني شوي وتعالي ساعديني وربي تعبت بروحي لمى : والله لو تموتين ماساعدتك بروح اتجهز منال بتمرني بعد المغرب ليان : لين بتروح معكم؟ لمى : لاطبعآ لان رنيم مو رايحه ليه تسألين؟ ليان : طيب ياعمري اقدر اطلب منك اشياء تشترينها لي محتاجتها ضروري لمى : اقول فارقي صدق عطيتك وجه طلعت لمى الدرج وطنشتها ليان تكلم نفسها : ( ياربي اللي يشوفها يقول مو انا اختها وش سالفتهم على ماعندهم غيري يحطون حرتهم فيه ليان سوي ليان جيبي ليان نظفي وربي قهر) في نفس اللحظه ولكن في مكان بعيد وبالتحديد في ألمانيا (فرايبورغ) ....... : اشوف إن كلامي مو عاجبك؟ فيصل : ياجدي الله يرضى عليك من جد احس اني كرهت هالبنت من كثر ماتمدح فيها الجد عبدالرحمن : ياولدي انا اعرف منك باللي تناسبك وتتفهمك فيصل : جدي تكفى طلبتك ماابي اتكلم في هالموضوع بالنسبه لي الموضوع منتهي وزواج ماراح اتزوج الجد عبدالرحمن : هذا جزاتي عندك يافيصل لكن انا الغلطان مو انت اطلع برااا ماابي اشوف وجهك وارسلي امين مالي قعده في هالمستشفى لو يوم واحد امين (المرافق الشخصي له وكاتم اسراره) فيصل : ياجدي الله يطول بعمرك انت اهدى ومالك الا طيبة الخاطر اللي تبيه يصير الجد عبدالرحمن : شايفني اصغر عيالك تسكته بكلمتين (وبصراخ) قلت لك اطلع برا وارسلي امين فيصل يقرب من جده ويبوس راسه : ياجدي والله ثم والله ثم والله اني اتزوجها اذا ربي كتب وهذا انا حلفت لك بدال المره ثلاث وانت تعرف فيصل اذا وعد اجل اشلون وانا اوعدك واحلفلك خلاص اهدى يالغالي أهم ماعندي رضاك وانا متأكد انك ماراح تختار لي الا الشي الزين الجد عبدالرحمن بصراخ بس اهدء من قبل : ليان ماهي شي فيصل وهو ضاغط على سنونه : ليان شيخة البنات ولاتزعل في بيت ابو تركي بالمطبخ ليان تحضر الضيافه لجارات امها وتغني بصوتها الحلو دير بالك على حالك عسى دنياك تحلالك واذا بتطول الغيبه فال الله ولا فالك امانه خلنا نشوفك عساها تسمح ظروفك آ آ آ هـ ياجدي اشكثر اشتقت لك .............. : لينوه ووجع خلصتي جاراتي على وصول ليان : ايه يالغاليه ثواني ويكون كل شي جاهز بالمجلس ام راكان : لاتطولين وبعدها اغسلي الملابس ليان : يمه وربي تعبت من الصباح ماارتحت وعماتي الشغالات وينهم والا راحمتهم على حسابي ام راكان : قص السان اشوفك قمتي ترادين بالكلام ليان : لا يالغاليه ماعاش منو يرادك بالكلام ومن عيوني الحين اغسلهم ام راكان : خلى عيونك لك واخلصي بسرعه وطلعت وتركتها بالمطبخ ليان : ( ياربي اموت واعرف ليه امي وابوي مايعاملوني مثل اخواني لا بسم الله علي ماابي اموت خلاص هونت ماابي اعرف) واخذت صواني الحلا والفطاير للمجلس ام راكان : غسلتي الملابس؟ ليان : لا يمه القرين حقي مسوي اضراب ورافض يغسلهم ام راكان : (بعصبيه ) تستهبلين ؟ ليان : يالغاليه سامحيني بس شايفتني توني خلصت الضيافه لجاراتك متى امداني اروح اغسلهم ام راكان : تحركي روحي اغسليهم وقولي للين ولمى يلبسون وينزلون يستقبلون معاي الضيوف ليان : لمى طلعت مع منال والحين بقول حق لين تنزل (ابتسمت) وانا يمه ماانزل استقبلهم معكم ام راكان بحده : والملابس من يغسلهم قرينك بسم الله علي ليان : لا انا غير راحمه قريني من التعب كافي انا ام راكان : وش تقصدين ناويه تشتكين عند جدك مو انتي دلوعته ليان : مااقصد شي يمه وجدي الله يشفيه ويرجعه لنا سالم ومو انا اللي اشكي عند احد عن اذنك يمه وطلعت من المجلس وراحت فوق لغرفة لين في غرفة لين ليان : امي تقول قومي البسي وانزلي استقبلي معها الضيوف لين : منو الضيوف ؟ ليان : منو يعني جاراتها وصاحباتها لين : انزلي انتي استقبليهم معها ياقلبي مو فاضيه للعجز المتصابيات بكلم صاحباتي ليان : لا انا بروح اغسل الملابس لين : هههههههههههه ليه شغالاتنا انقرضو او انحاشو هروب جماعي ليان : لا عماتي طال عمرهن تعبانات وصدر مرسوم سامي اني اريحهن واشتغل بدالهن لين : ههههههههههههههههههه حلوه عماتي قصدي عماتك ليان والدموع تجمعت بعيونها وفكها يرتجف وبصوت فيه البكاء : لاتنسين تنزلين لين تقوم من سريرها وترمي الاب توب على جنب : عمري اشفيك ليه هالدموع ليان : مقهوره يالين نفسي اعرف ليه امي تعاملني غير عنكم نفسي اطلع والبس وتكشخ واعزم صحباتي واكلمهم حالي حالكم نفسي لما اناديها ترد علي مثل ماترد عليكم مو انا خير ؟ نعم ؟ هاه ؟ وشعندك ؟ لين : ياعمري انتي انا مااكفي انتي تؤامي احبك واحس فيك ليان بفرحه : صدق لين تحسين فيني واللي بنفسي؟ لين : اكيد احس فيك واعرف اذا كنتي متضايقه او لا بس مو مثل مااسمع من صديقاتي اللي عندهم تؤام يقولون انه يحسون ببعض واذا تألمت وحده الثانيه تتألم معها بس انا وانتي تؤام غريب مختلفين بكل شي حتى الشكل مافيه أي تشابه بينا انتي حتى ماتشبهي احد من اهلنا ليان : جدي يقول اني اشبه جدته بالمره لين : ياخال ابوي حك ظهري .. ماعلينا علشان كذا جدي يحبك اكثر من الكل ليان : لاتظلمين جدي هو يحب الكل المهم لاتنسين تنزلين وانا بروح اشوف قريني غسل الملابس او ينتظرني لين : شنو قرينك ؟ مو فاهمه ليان : كل انسان له قرين من الجن وانا قلت يمكن قريني رحمني وبيغسل الملابس عني لين بخوف : يمه بسم الله حرام عليك خوفتيني ليان : وليش الخوف حافظي على فرضك ولاتهجري قرآنك وحصني نفسك بالاذكار وماراح يضرك شي بأذن الله لين : مطوعة بريده اقلبي وجهك خليني ألبس ليان : ههههههههه يقولون النصيحه بجمل لين : ماعندي غير بقره واقفه قدامي غثتني بسوالفها تنفع ؟ ليان تسوي نفسها معصبه : انا بقره يالعنز وقامت بينهم حرب بالمخدات مافك الاشتباك غير صراخ ام راكان وهي معصبه في بيت العمه نوره (ام ماجد ) ندى تناقز مع الدرج وتصارخ : يمه يالغلا ماما ماماتي ماميتو ميمو ام ماجد وهي جايه من جهة المجلس للصاله ام ماجد : ميمو بعينك ياللي ماتستحين وش شايفتني قطوه عندتس تناديني ميمو ندى : والله من قرادة حظي ماسمعتي كل اسامي الدلع اللي ناديتك فيها غير ميمو ام ماجد : اخلصي وش عندتس على هالمصارخ تحررت فلسطين؟ ندى : لا ام ماجد : ماتو اليهود؟ ندى : لا ام ماجد : اذبحو قليلة الحياء كندره رايس ؟ ندى وهي تمسك ضحكتها : لا يمه بس اتوقع تنتحر من نفسها اذا اسمعت انك غيرتي اسمها بس يمه ماقلتيلي كم مقاسها هههههههههههه ؟ ام ماجد : تطنزين على ياللي ماتستحين اخلصي وش عندتس ؟ ندى : ابد بس اشتقت لك وينك يالغلا بالعاده تترصدين لكل تحركاتي ام ماجد : كنت بالمجلس عند راكان ندى : راكان عندنا يامرحبا يامرحبا ام ماجد : اقول ماودتس تروحين تخمينه بعد ؟ ندى : يابعد عمري انا عارفه انك ديموقراطيه ومن مناصرين الحريه الشخصيه ام ماجد : ياقلية الحياء صدق اني ماعرفت اربيك ندى : يمه وانتي على طول تصدقين امزح يالغلا اصلا انا اكرهه تبين اروح اقتله علشان تقتنعين ؟ ام ماجد : والله انا اللي بذبحتس ندى : ايه صح نسيت انه حبيب القلب رقم ثلاثه ام ماجد : ومرقمتهم بعد ؟ ندى : يس افكورس فيصل رقم واحد ومجودي رقم ثنين وراكان رقم ثلاثه وانا واسفابي طايحتن بكبدك كااني بنت البطه السوداء مو بنتك خزتها امها بنظره ولا ردت عليها ندى وهي تتصنع الجديه : تصدقين يمه اليوم وانا اتابع برنامج عن الاشاعات وتأثيرها على المجتمع تكلمو عن الاشاعه اللي تقول ان فيصل ابتسم واللي انكرتهاكل وسائل الاعلام الـمـ قطعت كلامها من شافت امها تناظرها بنظرات ناريه وناويه عليها قامت تركض للدرج بس ماسلمت من علبة الكلنكس اللي جت بظهرها ندى وهي تحك مكان الضربه وهي تكلم نفسها : يقولون القناص ياسر مادرو عن امي في السوق منال وهي تدلع بمشيتها بعبايتها المخصره ولثمتها اللي تزين اكثر منها تستر منال : لمى تصدقين سمعت من ابوي ان فيصل بيرجع بعد يومين لمى : انتي الى الآن عندك امل انه يتزوجك؟ يابتي اصحي فيصل يكره ابوي وابوك كره العمى اشلون بيناسبهم منال : لمى حرام عليك لاتحطميني خليه يكرهم براحته اهم شي يتزوجني انا احبه تفهمين وش معنى احبه ومستحيل اتزوج غيره لمى : منال ترى ماتسوى علي من تشوفيني غثيتيني بسيرته اصحي ياماما انتي توهمين نفسك انك تحبينه انتي تحبين فلوسه شكله مركزه الاجتماعي صح لكن انك تحبينه لشخصه فلا اصلأ متى عمرك شفتيه علشان تحبينه غير مره او مرتين في بيت عمتي نوره وبدون مايشوفك منال بعصبيه : كيفي احبه واحب كل اللي قلتيه ولاتقلبين علي ترى اخوي ألف وحده تتمناه لمى خافت من زعلها وانها ممكن تضيع عليها حب حياتها اخوها خالد لمى : منال ياعمري عارفه انتي عارفه اني احبك ومااتمنى احد يتزوج فيصل غيرك انا بس كنت ابي اناقشك واوضح لك ... منال تقاطعها : لاتناقشيني ولا اناقشك تعالي خلينا نجلس بالكوفي الساعه 10 في غرفة لين لين تحط من هالالوان على وجها وتمسح تحب تجرب بالميك اب رن جوالها انصدمت وهي تشوف ان المتصل جدها ماعمره سواها لين : الوو (وسكتت ) الجد عبدالرحمن : ماتعرفين السلام عليكم ماعندك غير ها الالوو لين وهي تخاف من جدها وهو مروق اجل اشلون وهو معصب لين : هلا جدي السلام عليكم هلا وغلا طمني عنك وشلونك عساك بخير الجد : هو انتي ماعندك حل وسط يالوو وتسكتين ياتصفين كل الكلام اللى انتي حافظته مره وحده لين وهي شوي وتبكي: جدي لاتعصب قول وش تبيني اقول وانا اقوله الجد يضحك : هههههههه الى الآن وانتي دميعه دمعتك دوم جاهزه لين : ....... الجد : يبه لين اسمعيني بطلب منك طلب لين : هلا جدي امرني الجد : ابيك تاخذين الجوال وتروحين عند ليان أبي اكلمها بس احد يدري بالموضوع فاهمه لين : ليه جدي ؟ الجد : من غير ليه نفذي وانتي ساكته لين : ابشر جدي خلك معي ثواني طلعت لين من غرفتها وماشافت احد راحت على طول لغرفة ليان دقت الباب ومحد رد فتحت الباب ولق تليان نايمه لين : ليان قومي أبيك ضروري ليان وهي الى الآن مافتحت عيونها : لين حرام عليك خليني انام وربي توني حطيت راسي مو كافي كرف من هالصبح فالبيت لين : ليان جدي يبيك على الجوال ليان قامت بسرعه وخايفه ليكون جدها سمعها ليان بعد مااخذت الجوال : الوو هلا جدي الجد سمع كلامها من شوي ومثل ماكان متوقع انها من يغيب عنها يعاملونها بقسوه وهالشي زاده اصرار ينفذ اللي بداه الجد : هلابك يبه اشلونك عساك بخير ليان : الحمدلله ياجدي انا بخير ماناقصني غير شوفتك الجد : لين عندك ؟ واذا عندك خليها تطلع ابي اتكلم معك لوحدنا ليان وهي محرجه من لين : لين ياقلبي ممكن شوي بس لين : بدت الاسرار اوكي ياقلبي اذا خلصتي انا بغرفتي طلعت لين وسكرت الباب ليان : هلا جدي خلاص طلعت شلونك يالغالي ومتى بتجي؟ الجد : انا تعبان ياليان وابي اشوفك قبل لا اموت ليان بدت تبكي : بعيد الشر عنك ياجدي تموت وتتركني لمين ابوس يدك قول انك تكذب علي قول انك بخير وراجع قريب الجد : يبه لاتبكين اذا تحبيني بتجين وتزوريني ان شاء الله ليان : جدي اشلون اجيلك حتى لو اقول لابوي هو بيجلك صح لكن ماراح يرضى ياخذني اشوفك الجد : ابوك وعمك ماهميتهم مت او لا كل همهم كم بترك لهم اسمعيني يابنتي انا بطلب منك طلب ان وافقتي ونفذتيه بتجين وتشوفيني واذا رفضتي طلبي بتعوض الله فيك مثل ماتعوضته في عيالي ليان وهي بحيره من كلام جدي : هلا جدي امرني يالغالي واوعدك بسوي كل اللي اقدر عليه الجد : تقدرين عليه ان شاء الله بس ابي قبل تفهمين شي واحد ان جدك مايرخص فيك ولولا حبي لك وخوفي عليك ماكان خيرتك بين الموافقه او تنسين أن لك جد ليان وهي خايفه من اللي تسمعه : اسمعك جدي الجد : اسمعي بكره بيجي يملك عليك فيصل ولد عمك واذا على ابوك بيكون موافق وبعدها بيومين بسوي حفل عائلي وياخذك وتجوني ليان مصدومه من الكلام اللي تسمعه وماهي عارفه بأيش ترد الجد بعد فترة صمت : اشوفك ساكته يابنتي افهم من سكوتك انك موافقه كنت عارف ان بنتي ماراح ترفض طلبي ولا تعصي كلامي ليان وهي مازالت مصدومه ومذهوله من كلام جدها ومالقت عذر تقوله غير ليان : بس ياجدي اشلون اتزوج واختي لمى اكبر مني ماتزوجت الجد : تزوجت والا بكيفها ماهو اكبر همي اذا ربي كاتب لها بيجيها نصيبها المهم يالغلا ماابي احد يعرف بشئ حتى تتم الملكه فاهمه ليان مالقت شي تقوله غير : ان شاء الله الجد : الله يريحك يابنتي ويفرحك مثل مافرحتيني يله يالغلا مع السلامه وانتبهي لنفسك ليان : مع السلامه جدي والله يحفظك لي من كل مكروه قفلت من جدها وهي الى الآن مصدومه من اللي سمعته وانها ماعارضته هالشي مستحيل يصير ( معقوله اتزوج كذا وين احلامي بفارس الاحلام والحب واحلامي بأيام الخطوبه وأيام الملكه والزفاف الاسطوري وشهر العسل بجزيره من جزر هاواي كل هذا تبخر كلها انجمعت بيوم واحد ملكه من شخص مااعرف عنه أي شي غير ان اسمه فيصل ويكون ولد عمي عبدالعزيز الله يرحمه واكبر مني بعشر سنوات واللي اسمعه من ندى انه يخوف حتى الابتسامه عمره ماابتسم ) الله يسامحك ياجدي خيرتني بين امرين احلاهم مر (قفل الجد من ليان واتصل على فيصل يطلب منه يحجز على اول رحله للرياض لأن ملكته بتكون بعد بكره) مر ساعتين على ليان وهي مو قادره تتأخذ قرار هل توافق على كلام جدها او لا ولما تعبت من كثر التفكير قررت تستخير قامت واغتسلت وصلة الاستخاره بس ماحست بأي شي انتبهت انها نست تعطي لين جوالها اخذت الجوال واتصلت على ندى اول ما رن التلفون ردت ندى بدون ماتعطيها فرصه تقول الوو ندى : لين من وين طالعه الشمس اليوم قصدي من وين غاربه وش سر هالاتصال الغريب ليان : ندى انا ليان مو لين ندى : ليان سندريلا بيت خالي مانمتي الى الآن ليه ياعمري أعفوك اخيرآ من قومت الفجر وتنظيف البيت قبل لايصحون عماتك الشغالات وتضيق صدورهن لشافوه وسخ؟ ليان : خلصتي هذره والا توك ؟ ندى : لاياعمري ماخلصت بس اخلص لعيونك ليان : ندى اسمعيني انا استخرت وماحسيت بشي وش معناتها ؟ ندى : طيب ياعمري أنا بسألك وانتي جاوبيني بـ ايه يا لا اوكي ليان : ياخطيره والله وصرتي تعرفين يله اوكي ندى : انتي قررتي تنحاشين ؟ ليان بستغراب : لا ندى : طيب قررتي تقتلين احد ؟ ليان وهي معصبه : لا وبعدين انا اكلمك جد ندى : وانا بعد اكلمك جد يله جاوبي قررتي تسوين اضراب وماتشتغلين ؟ ليان : مع اني ماادري ليه هالاسئله بس لا ندى : اجل مافيه غيرها اكيد قررتي تشتركين بمسابقة ملكة جمال العالم ؟ ليان وهي ضاغطه على اسنانها من القهر : الشرهه مو عليك علي انا اللي أسأل وحده خبله مثلك ندى : اجل ياحظي دام كل اجاباتك لا على شنو أستخرتي ؟ ليان : شي خاص عندك جواب قولي او ضفي وجهك ندى : ول دام السالفه فيها تعصيب وسهرانه لساعه وحده اكيد تحبين ... ياقردي ليكون اعدوك الشغالات وصرتي تحبين السواق والا سواق الجيران ؟ ليان من قهرها سكرت التلفون في وجه ندى ورمت نفسها على سريرها اتصلت ندى اكثر من مره بس ماردت عليها بعد شوي وصلت رساله ترددت تفتحها او لا تخاف تكون للين وبعد تفكير فتحتها اكيد انها من ندى وفعلا طلعت الرساله من ندى تقول فيها ( ياقلبي اللي اعرفه انه مو شرط تحسين بشي على طول وبعد مده يومين او ثلاثه اذا ماحسيتي بشي صلي مره ثانيه ) مسحت الرساله واخذت الجوال وحطته بغرفة لين اليوم الثاني العصر فيصل طالع من المطار واصل للرياض تعبان ومهدود حيله مانام طول الليل راح على طول لبيته ودخل غرفته واخذ شور ورمى نفسه على السرير ونام وهي يدعي على ليان وحاقد عليها من كل قلبه في غرفة منال منال تكلم لمى على التلفون : انا لازم اشوفه يالمى بس المشكله انه مايجي لبيتنا ابد مايروح غير عند النسره عمتى لمى : هذا انتي قلتيها اجل اشلون بتشوفينه ؟ منال : لقيتها .. امس ابوي قال انه بيجي بعد يومين يعني بكره صح ؟ لمى : طيب منال : بتصل على العله ندى واعزم نفسي عندها اكيد هو لازم يزور عمته وبدور طريقه اشوفه فيها لمى : ياغبيه انتي ماتدرين متى بيوصل بكره يمكن متأخر واكيد ماراح يروح لبيت عمتي على طول اكيد بيروح يرتاح في بيته واليوم اللي بعد بيروح يزور عمته منال : صح معك حق اجل بخلي زيارتي لهم بعد بكره وان شاء الله اشوفه .. اسمعى انا بطلع للسوق اشترلي لبس حلو علشان اروح فيه امرك او لا لمى : اكيد مريني انتظرك باي منال : باي |
الجزء الثاني
(الفصل الاول) صحى فيصل من النوم الساعه 8 اخذ له شور وصلى اللي فاته وتصل على صديقه وليد (فيصل ماعنده اصدقاء ماعدا طلال ولد خاله الوحيد و وليد صديقه واقرب له من روحه) وليد : هلا والله بالنسيب فيصل : اللي يسمعك يقول عندك خوات ومبتلش فيهن مايدرون ان كل اللي عندك اختين ومتزوجات وليد بخبث : مايندرى يمكن انا اللي اناسبك فيصل : اذا صرت خطابه بقولك تقدم ملفك وليد : عاد توصى فيني فيصل : وليد ترى والله الدنيا ضايقه فيني خلك من هالهذره وقولي وين اقابلك وليد بقلق : سلامات يأخوي وش فيك فيصل : اذا شفتك اقولك وليد : طيب انا عازمك على العشاء نتقابل في مطعم الريف اللبناني فيصل : لا مزحوم على طول وازعاج نتقابل في الجلوب في الفيصليه وليد : صار على خير ان شاء الله قفل فيصل من وليد واتصل على المطعم علشان الحجز وطلع من بيته وهو يفكر بجده والقرار اللي اجبره عليه بعد ساعه في المطعم وليد : عسى ماشر وش اللي مضيق صدرك؟ فيصل : جدي ياوليد وليد: ليه عسى ماشر زاد عليه شي؟ فيصل : لا حالته مثل ماهي بس قرر يزوجني وليد : الله يرجك ياشيخ وانا على باللي سالفه كايده وليه ماتبي تتزوج باقيلك سنه وتصك الثلاثين اللي متى ماتبي الزواج؟ فيصل : المشكله ماهي بالزواج المشكله بالبنت اللي بتزوجها وليد بأستغراب : ليه وش فيها ؟ فيصل : فيها انها بنت عمي تعرف وش معنى اني اناسب واحد من اعمامي وليد : يافيصل لاتظلم البنت يمكن تختلف عن ابوها ... الا هي بنت مين فيهم؟ فيصل : بنت عمي ابراهيم وليد : على الاقل اهون من عمك سلطان فيصل : كلهم مثل بعض مااخس من هذا الا هذا وليد : طيب انت شوفها بفترة الخطبه والملكه يمكن تغير رايك بالبنت وتكتشف انها غير عن ابوها فيصل : ههههههههههههههه ضحكتني قال خطوبه ياوليد ملكتي عليها بكره وبعدها يومين الين اجهز جوازها واخذها ونروح ألمانيا عند جدي وليد بصدمه : ملكتك بكره ومتى خطبت ومتى شاورو البنت كل هذا صار بدون مدري ؟ فيصل : انت الوحيد اللي يدري الى الآن (وقاله فيصل كل السالفه) وليد : والله غريبه وايش سبب اصرار جدك واستعجاله ؟؟ وايش معنى هالبنت بالذات مع انه فيه اللي اكبر منها ؟؟ فيصل : لاتسألني كل اللي اعرفه ان بكره العصر ملكتي وبس آ آ آ هــ ياوليد اخر عمري اناسب عمامي اللي من طلعت على الدنيا وانا ماشفت منهم غير الكره والعداوه وليد : مستحيل انهم يكرهونك يافيصل انت ولد اخوهم بس يحز بخاطرهم انك تمتلك اكثر من النص في شركة ابوهم فيصل : ياوليد انت عارف ان مالهم شي عندي والخير اللي عندي ورثي من ابوي وامي وليد : يافيصل انا عارف كلها هذا بس هم مو مقتنعين يحسون ان ابوهم عطاك اكثر من حقك فيصل : الا قول انهم طماعين ومايملا عينهم غير التراب ويكفى اني ساكت عن بلاويهم عمى سلطان بعد ماشبع من اختلاساته فتح له شركه خاصه وفتكيت منه هو وولده تركي صار يحاول يسرق مناقصاتنا وعمي ابراهيم على نفس خطاه كل يوم اختلاس وساكت لهم بمزاجي كله علشان انهم عمامي وعلشان مضيق صدر جدي وليد : يافيصل انا عارف كل هذا والله يهديهم بس المهم ماقلت لي وش معنى هالبنت؟؟ فيصل : علمي علمك يقول انها هي اللي تناسبني وتفهمني وليد : جدك يحبها والا مثل البقيه ؟ فيصل بسخريه : ههههههههه قال يحبها احيانا اشك انه يحبها اكثر مني ومن امي ام ماجد وليد : خلاص يافيصل ليه مضيق صدرك دامه يحبها كل هالحب معناها البنت تختلف عنهم وتستاهل انك تزوجها ولاتنسى ان جدك ذكي وكاشف عمامك فيصل : فكرة في كل هذا بس مايمنع اني ماابي هالزواج واحس اني مغصوب عليه وليد : يافيصل انت مو بنت علشان تنغصب فيصل : بس خيرت بين رضى جدي وبين حريتي المهم قفل على هالموضوع وخلنا نتعشى الساعه 10 في غرفة ليان خلصت ليان من صلاة الاستخاره للمره الثانيه وحطت راسها على مخدتها ونامت حست بيدين تهزها وتحاول تجلسها فتحت عيونها لقت لين ماسكتها وتسمي عليها لين : ليان عمري اشفيك وش هالحلم اللي خلاك تصارخين وتنادين على جدي كانت ليان ساكته وترتجف من الحلم اللي شافته وتحس بالالم في كل جسمها ماكانت تبي تقول لين اللي شافته : لا بس كنت اتحلم بجدي يمكن من كثر تفكيري فيه وشوقي له .. كم الساعه؟ لين : الساعه 2 ليان : صحيتك من نومك؟ لين : لا ياعمري ماكنت نايمه وحسيت بجوع ولما جيت انزل تحت سمعت صوت صراخك ليان : طيب ياعمري روحي كلي بالعافيه عليك وانا بقوم اصلي لي ركعتين ورجع انام لين : اوكي ياقلبو ولو بغيتي شي ناديني وطلعت وقفلت الباب وراها جلست تفكر بالحلم اللي شافته وايش بيكون تفسيره حلمت انها بمكان مهجور بس تحس انه مو غريب عليها سمعت صوت جدها يكلمها بس بدون ماتشوفه كان يوصيها على نفسها ويقولها مهما قالو فيك ومهما سوو لا تضعفين كوني دايم قويه حاولت اني احميكي منهم وجاء دورك تحمين نفسك صارت تدور عليه بس اللي لقتهم اهلها مو جدها كانت وجيهم غريبه عليها حاولت تهرب وتدور على جدها سمعت نباح كلاب وكل ماله الصوت يقرب وفجاءه هجمو عليها كل ماهجم واحد نهش من لحمها كانت تصرخ وتنادي على جدها وتناظر في اهلها بس كانو واقفين ويتفرجون عليها قامت من سريرها وغتسلت وصلت ركعتين وجلست تقراء قران لعلها ترتاح وهي كلها اصرار انها تنفذ كلام جدها في بيت فيصل صحى من نومه الساعه 8 الصباح اخذ شور ولبس وطلع للشركه صدق انه الخميس بس مايمنع انه يروح يشوف شغله دخل الشركه شاف اغلب الموظفين مداومين طلع فوق لمكتبه شاف راكان وخالد مداومين لما شافهم تذكر معارضته لجده في انهم يشتغلون في الشركه بس طلع تركي وراكان غير ماتوقع صدق انه مايستلطف خالد لانه مغرور وشايف نفسه بس اثبتوا انهم مخلصين ونشيطين بشغلهم فيصل يكلم نفسه ( الله يحفظك ياجدي كل مره تثبت لي ان قراراتك حكيمه بس ان شاء الله يكون قرارك بزواجي من ليان صح مثل البقيه وماتكون كبوة حصان وغلطة الشاطر بألف وانا الي بدفعها) الــــــــــســــاعه 10 قامت ليان من نومها نشيطه اخذت شور ولبست ونزلت تحت كان وجهها صافي ومشرق لانها المره الوحيده اللي تنام الى هالوقت بالعاده تصحى من الفجر شافت امها جالسه تفطر لين بعد ماباست راس امها : صباح الخير يالغلا ام راكان : صباح النور اشوف انك مثل الحصان اجل ليه لين تقول انك تعبانه ليان : سلامتك يالغاليه بس البارح تعبت شوي والحين الحمدلله بخير ام راكان : دامك بخير خلصي فطورك وقومي شوفي شغلك ليان : ان شاء الله يالغاليه خلصت فطورها واستلمت شغل البيت كالعاده الـــــــــــســـاعه 1 ونص على الغداء في بيت ابو راكان ابو راكان : كيف كان الشغل اليوم ؟ راكان : مثل مايسرك وعلى فكره فيصل داوم اليوم (ارتجفت ليان وهي ماسكه الملعقه نزلتها بسرعه قبل لا احد يحس) ابو راكان : وش جايبه اليوم عمك يقول انه ماهو جاي غير الجمعه او السبت؟ راكان : والله يالغالي علمي علمك ابو راكان : عمك درى عنه انه مداوم؟ راكان : مدري والله بس اكيد تركي بيقوله ابو راكان : ايه زين .. انا قايم انام لااحد يزعجني طلع ابو راكان لغرفته اول مادخل غرفته الا جواله يرن ابوراكان وهو يناظر جواله (الله يستر وش عنده داق ليكون العله فيصل كاشف شي وقايله) ابو راكان : حي الله هالصوت وراعيه ابو عبدالعزيز: تحيا وتدوم وينك فيه ؟ ابو راكان دام السالفه وينك فيه على طول اجل رحنا فيها : في البيت وشلونك عساك طيب؟ ابو عبد العزيز : ليه يهمك؟ ابو راكان: وشلون مايهمني انتي تدري بغلاتك عندي بس مدري منهو اللي مغيرك علي؟ ابو عبدالعزيز : ايه ادري انك تغليني وانا اغير ماتغير.. عندك احد ؟ ابو راكان : لا انا بغرفتي فيه شي صاير شي ابو عبدالعزيز : مافيني غير العافيه .. اسمعني ونفذ اللي بقولك عليه وماابي مخلوق يدري بالسالف هالا لما يتم كل شي ابو راكان : ابشر باللي يسرك ابو عبدالعزيز: فيصل خطب مني ليان وانا وافقت وقلت له انك موافق وبيجي اليوم بعد العصر ومعه الملاك والشهود ابو راكان بعصبيه : وليه وانا مالي كلمه وبعدين لمى اكبر منها وماتزوجت ابو عبدالعزيز : لمى اذا ربي كاتب لها بيجيها نصيبها ابو راكان : دامك بتخطب له ليه ماخطبت له وحده من بناتي لمى او لين مالقيت غير ليان ابو عبدالعزيز بعصبيه : وليان بنتك بعد ولاتحدني ياابراهيم على شي مابيها لا والله واللي رفع سبع وخفض سبع اني لا اقسم كل حلالي بيع وشراء بين فيصل ونوره وليان ومترك لك انت واخوك ريال واحد ابو راكان : يايبه الى متى وانت تتحكم في حياتي مايكفي اللي راح ابو عبدالعزيز : عمري ماتحكمت في حياتك ياابراهيم غير مره وحده وخذت كثررر مقابلها وحتى هالمره ماراح ابخل عليك وبكلم المحامي بعد مايتم كل شي مثل ماابي يحول بحسابك 20مليون ويسجل الارض اللي بمكه اللي مناشبني عليها بسمك كل اللي ابيه منك تتصل على فيصل الحين وتقوله انك تنتظره العصر ويجيب معه الملاك والشهود ابو راكان : مايصير خاطرك الا طيب بس لمتى ماتبي احد يعرف بالموضوع ابو عبدالعزيز : بعد ماتم الملكه سو عشاء واعزمهم عليه وذا سالوك عن المناسبه قولهم بمناسبة ملكة فيصل على ليان ابو راكان : يصير خير ان شاء الله قفل ابو راكان من ابوه وهو معصب بس اللي مهون المبلغ على قيمة الارض على الفلوس اللي عنده بتدخله شريك بالنص في شركة اخوه اخذ جواله واتصل على فيصل واتفق معاه |
(الفصل الثاني)
بعد صلاة العصر في بيت ابو راكان ابو راكان : جهزو القهوه والشاهي بيجوني ضيوف الحين ام راكان : منهو ضيوفك ابو راكان : بعدين اقولك اخلصو جهزو اللي قلته وارسلوه لي بالمجلس اكيد الضيوف على وصول راح ابو راكان على المجلس وفعلآ بعد 10 دقايق وصل فيصل ومعاه وليد والملاك والمحامي في المطبخ جلست ليان بعد ماارسلت القهوه والشاهي للمجلس ياربي منو الضيوف اللي عند ابوي معقوله يكون فيصل لا اكيد مو هو ابوي الى الان ماقال لي أي شي ولا حتى امي تعرف منو ضيوفه سمعت صوت ابوها يناديها .... قامت وطلعت له بالصاله ليان : هلا يبه ناديتني ابو راكان : تعالي معاي اخذها معه للمجلس الثاني وتركها وراح لمجلس الرجال وبعد دقيقتين رجع لها ومعه دفتر ابو راكان : يله وقعي ليان : شنو هذا وعلى ايش اوقع ؟ ابو راكان بحده : ملكتك على فيصل اخلصي وقعي ليان بصدمه : وشلون اوقع يبه وانت ماشاورتني ولا حتى قلت...... ابو راكان يقاطعها بصراخ : هذا انا قلت لك ويله وقعي سمت بسم الله و وقعت بقلب مقبوض ويد ترتجف طلع ابوها وراح لمجلس الرجال وهي مازالت واقفه ومصدومه من تصرف ابوها فوق انها فقدت حقها كأي بنت في انه يقولها ويشاورها وفي ان هاللحظه تكون اجمل لحظه بعمرها طلع من عندها حتى كلمت مبروك ماقالها لها نزلت دموعها قهر وحزن ماعمرها عصت له كلمه ولاعمرها رفعت صوتها بحضوره كانت طول عمرها البنت الباره له حتى طلبات مثل خواتها ماتطلب علشان ماتزعله والفلوس اللي كان يعطيها لها جدها بالسر كانت تأخذها وتعطيها ابوها على امل انها تشوف منه ابتسامه او تسمع كلمه حلوه لكن كل هذا ماغير شي وكان هو وامها يعاملون الخدم بأفضل من معاملتهم لها بكثير وجود جدها هو الشي الوحيد اللي يخليهم يحسنون يعاملتهم معها في المجلس طلعو الرجال ومابقى غير فيصل وعمه فيصل : يله انا أستأذن وبخصوص العشاء انا تكفلت بكل شي وبيجون يجهزون بعد المغرب بس انت قولهم وين يحطون البوفيه فيه ابو راكان (ايه كريم من مال غيره) : خير ان شاء الله في غرفة منال منال تكلم لمى بالتلفون منال بفرحه : لمى فيصل جاء سمعت تركي وهو يقول لابوي اليوم انه مداوم ودامه داوم اليوم اكيد الليله انه بيروح لعمتي لمى : ادري سمعت راكان اليوم يقوله .. قررتي تروحين؟ منال : ايوا وبتصل على ندى بعد المغرب وبقول لها اني طفشانه وبجي اسلم عليها وعلى عمتي وش رايك تروحين معي يمكن احتاجك؟ لمى : خلاص بقول لامي ومري علي منال : اوكي سي يو طلع فيصل من بيت عمه وهو يحس ان كل هموم هالدنيا فيه اتصل على جده علشان يقوله ان كل شي صار مثل مايبي فيصل : الووووو هلا جدي ابوعبدالعزيز : هلا بولدي مبروك يالغالي فيصل بضيقه : الله يبارك فيك هاه ارتحت الحين ابو عبدالعزيز : طول عمرك مريحني الله يرضى عليك ويرحم ابوك اللي ماعمره عصى لي كلمه فيصل : الله يرحمه ويغفرله ابو عبدالعزيز : ومتى بتجون؟ فيصل : اخذت جوازها من ابوها بس الفيزا تأخذ وقت لكن ان شاء الله اني بقدر اخلصها في يومين او ثلاثه وبعدها نجي ابوعبدالعزيز : على خير ان شاء الله وانا جدك ولا تنسى يوم السبت تفتح لها حساب وتحط مهرها فيه فيصل : ان شاء الله ابو عبدالعزيز: شريت لها شبكه وهديها تقدمها لها الليله؟ فيصل : لا نسيت ابو عبدالعزيز : ياولدي ترى مايجوز هذي بنيه يكفى انها مافرحت مثل البنات بملكتها وحتى زواج منت مسوي فيصل : والله ياجدي انت المستعجل ابوعبدالعزيز : ابي أتطمن عليها قبل لا اموت الواحد منا مايدري متى تجي ساعته فيصل : الله يطولنا بعمرك ويحفظك لنا وابشر يالغالي ماطلبت شي الحين اروح واشتري ابو عبد العزيز : الله يرضى عليك يله بحفظ الرحمن وطمني عليك فيصل : ان شاء الله بحفظ الكريم في بيت ابو راكان ابو راكان : سعاد .... سعااااااااااااااااد ام راكان وهي نازله مع الدرج : خيررررر وشفيك تصارخ ابو راكان :ترى عندنا عشاء الليله وانا اتصلت على سلطان ونوره وعزمتهم شوفي اذا بتعزمين احد غيرهم ام راكان :صاحي انت ؟؟ جايني الحين تقول عندنا عشاء متى اجهز لكل شي ابو راكان: كل اللي مطلوب منك انتي وبناتك انكم تجهزون وتقولين وين تبين البوفيه حق الحريم وكل شي بيكون جاهز ام راكان :اذا على كذا مايخالف والبوفيه حطه في الحديقه اللي وراء ابو راكان : طيب وبخصوص ليان خليها تلبس وتجهز مثل البنات ام راكان : خيرررررر وش الطاري ابو راكان : بعدين اقولك ليه وايش سبب هالعزيمه انا الحين مستعجل عندي شغل وتركها وطلع ام راكان : لياااااااااااااااان .. لياااااااااااااان وصمخ كانت لياااااان في المطبخ تبكي سمعت صوت امها قامت غسلت وجهها وراحت لها ليان : سمي يمه ام راكان : نادي لمى ولين وانزلي معاهم طلعت نادتهم ونزلو لامهم ام راكان : اليوم عندنا عشاء وبيجون بيت عمكم سلطان وعمتكم وبعض معارفنا لمى : شنو سر هالعزيمه المفاجـأه ؟ ام راكان : مدري عن ابوك وبعدين انا بطلع للمشغل اذا فيه احد بيروح معي لمى : يس ماما انا بروح لين : لا انا بجهز نفسي ماراح اروح ليان : اجل انا بروح ام راكان بحده : دام لين مو رايحه وشهوله تروحين خليك في البيت سكتت ليان وماحبت تعارض امها وطلعت مع لين فوق والدموع بعيونها لين بعد مانتبهت لها : ياقلبي لاتزعلين واذا علشان الروحه للمشغل اوعدك ياقلبي اخليك ملكة جمال ناسيه ان اختك خبيره في الميك آب والشعر ليان : الله لايحرمني منك وانا بتجهز بنفسي لاتشغلين نفسك فيني لين : قال اشغل نفسي ياغبيه هذي موهبه يعني انا المستفيده وبعدين بربك وين بلاقي احلى منك اتفنن فيها بالميك آب ليان : ههههههه اوكي اذا على كذا سوي اللي تبين لين وهي تناظر شعر ليان : انا طالعه لصيدليه القريبه من البيت على ماتخلصين شورا كون جيت ليان : ليه طيب لين : سوي اللي اقولك عليه وماابي أي معارضه تركتها وراحت تلبس عبايتها وتطلع بعد ربع ساعه في غرفة لين دخلت لين الغرفه وبيدها كيس ومعاها قصدير ليان : وش شريتي وليه هالقصدير وش ناويه تغلفين؟ لين : هههههههههه ناويه اغلفك انتي عندك مانع ؟ ويله خلينا نبدى قبل لايخلص الوقت علينا وحنا ماسوينا شي ليان : مااقول غير الله يستر اخذت لين المقص وبدت تقص شعر ليان في بيت ابو تركي منال بغرفتها تكلم : شوف ياسعود مو كل مره تفتح لي هالموضوع طلعه ماراح اطلع معاك ولاتخليني اعصب منك ترى انت اللي بتندم سعود : طيب انا اطلع معاك للمطاعم انتي وصديقاتك وش فرقت لو طلعنا بروحنا؟ منال : هذا انت قلتها مع صديقاتي يعني انت بس منظر ديكور قدامهم ولاتطمح لااكثر من كذا سعود : والله مشتاق لك ونفسي اشوفك مو ذنبي اني حبيتك منال :::: ههههههههههههه ضحكتني يابابا على مين تلعب سعود انت عارف اني مااحبك وانت ما تحبني اللي جمع بينا المصلحه انتي تبي فلوس وعز وانا ابي واحد حلو اتفشخر فيه قدام البنات بس (سعود شاب وسيم وجسمه رياضي ويحب المظاهر والكشخه بس وضعه المادي مايساعد ومنال وفرت له السياره الكشخه واللبس الماركه والمصروف والاكل في افضل المطاعم مقابل انه ينفذ كل طلباتها ) سعود : كل ماكلمتك لازم تجرحيني يامنال وتحسسيني بالنقص منال : اشوف قمنا نقول كلام كبير لااجرحك ولا انقصك اللي بينا بيزنس تو بيزنس ويله باي بقوم اتجهز وراي طلعه (لبست وطلعت للمشغل لانها كنسلت روحتها لبيت عمتها بعد ماعرفت من امها عن عزيمة عمها ابراهيم وان عمتها بتحضر) في بيت العمه نوره (ام ماجد ) طلعت ندى من غرفتها تركض لغرفة امها وهي تصارخ : يــــــــــــــمــــــــه يــــــــــــــمــــــه لــحقي مالقتها بغرفتها جت بتنزل تحت الا امها طالعه الدرج ركض على قدر ماتقدر ام ماجد بخوف : وش فيه وش صار ندى : يمه لحقي بيت خالى ابراهيم عندهم عزيمه يله خلينا نروح ام ماجد وهي تحاول تمسك نفسها لاتذبح بنتها : حسبي الله عليك من بنت اللي منتي مرتاحه الين تخليني الحق ابوك ندى ببراءه : بسم الله عليك يمه ليه؟؟ ام ماجد وهي تشد شعر بنتها : كل هالصراخ زين اللي ماوقف قلبي واخرتها علشان العزيمه وانا اللي على بالي فيه مصيبه ندى وهي تتألم : أي يمه فكي شعري يعني مابعد عرفتيني اذا صارخت اعرفي ان ماعندي غير ماعند جدتي البلا اذا شفتيني لابده وساكته اعرفي ان وراي مصيبه ام ماجد انتبهت ان الجوال بيدها وتذكرت انها كانت تكلم فيصل قبل صراخ المهبوله بنتها ام ماجد : هلا يمه سامحني فيصل بخوف : يمه وشفيه ؟ ام ماجد : ماصار شي ياولدي هذي اختك المهبوله السلك الوحيد اللي بمخها فصل فيصل : هههههههههههههههههههه ماتعقل هالبنت ام ماجد : ايه انت تضحك وانا بيتوقف قلبي هاليومين ندى فتحت فمها : ياكبرها عندي ربي فيصل ضحك ام ماجد : بسم الله على ولدي وليه مايضحك ندى تسحب الجوال من امها ندى : فيصل فيصل : الحين انتي متى بتعقلين وترحمين امي من فعايلك ندى : ايه هذا فيصل اللي اعرفه ... فيصل اسألك بالله من شوي ضحكت؟ فيصل : ايه ضحكت ليه ؟ ندى بجديه : فيصل انت وينك؟؟ وعندك احد ؟؟ فيصل : في البيت ومااحد عندي ليه ؟؟ ندى بفرحه : يااااااااااااااااي لاتقول لاحد انك ضحكت اخاف يطير مني السبق الصحفي فيصل بحده : الظاهر الكدمات اللي بيديك طابن ومشتاقه لغيرها؟ ندى بخوف : لا واللي يرحم والديك ماصدقت راحو انت اللي يمزح معك لازم قبل يكتب وصيته خذ امي .. ورمت الجوال على امها ام ماجد : هلا يمه وش انت قايلها ومنها خافت فيصل : لا بس ذكرتها بالكدمات ام ماجد : ههههههههههههههههه اجل بعذرها ومنها خافت فيصل : يمه حرام عليكم سويتوني دراكولا ام ماجد : والله يمي مااعرف ديكلا اللي تقول عليه اللي اعرفه الرجل الاخضر وانت ماتباعده بسم الله عليك فيصل : ههههههههههههههه يمه مالقيتي غير الرجل الاخضر تشبهيني فيه ام ماجد : وانا عند ربي صادقه وانا امك ارحم نفسك من هالحديد اللي تشيله كل يوم فيصل : ابشري يالغاليه يله فمان الله بروح اخلص لي كم شغله ام ماجد : في حفظ الله ياولدي ندى : يمه يله خلينا نروح الحين لبيت خالي ابراهيم ابي لين تسويلي ميك آب ام ماجد :مافيه روحه غير بعد صلاة العشاء وشهوله لين تسويلك ليه ماتسوين لنفسك ندى : يمه لازم تحرجيني تعرفيني اني مااعرف اسوي وبعدين لين الميك آب اللي تسويه روعه ام ماجد : هذا البنات السنعات مهو انتي اللي ماتعرفين غير للبلايستيشن والا الكوره وخلاص لاتصدعين راسي نروح قبل صلاة العشاء بشوي قبل صلاة العشاء بص ساعه فتحت ندى غرفة لين وهي مقطوع نفسها من الركض على الدرج لين : خير وشفيك طايره؟ ندى : وخري من قدامي خطر اشفطك لين : طيب اجلسي وخذي نفس لاتنكتمين علينا انتي ناسيه ان معاك الربو ندى : الله تخيلي انكتم واصير مقدر اتنفس ويغمى علي (ورمت نفسها على السرير غمضت عيونها) ويجي فارس احلامي وينقذني بقبلة الحياه ويشيلني بين يديه في هاللحظه طلعت ليان من غرفة الملابس وسمعت كلامها ليان : هي لين اكتميها بمخده او أي شي هذي وصلت للقبله الله يستر من الباقي ندى وهي تقوم من السرير: وش اسويلكم اذا تفكيركم دايم غلــ..... قطعت كلامها لما شافت ليان وقعدت تطالعها وهي فاتحه فمها ليان بخوف: ندى سكري فمك وقولي لي وش شايفه شكلي غلط هالمجرمه محلفتني مااشوف أي مرايه الين تسمحلي ندى وهي الى الان منصدمه : منو اللي سوا فيك كذا؟؟؟؟؟؟؟ (كانت ليان لابسه فستان بنفسجي ناعم مره بدون اكمام الى تحت الركبه وفيه من تحت الصدر شريطه عريضه شوي فيها نقش ناعم بالبنفسجي وجزمه (عزكم الله) فضيه بشرايط تلتف على الساق ونفس الشي منقوشه الشرايط بالبنفسجي والاكسسوار كان عباره عن سلاسل فضيه ناعمه مره معلق فيها نجوم صغيره ونفس الشي الحلق والسواره _ وشعرها مقصوص تدرج على نفس طوله ومسويه لين لها خصل بنفسجي باذنجاني _ والميك آب طلع عيونها خياااااااااااال كانت دامجه الوان الابيض والازرق والبنفسجي والوردي _ يعني بختصار كانت مبهره بجمالها مسمى ملكة جمال شويه عليها) <<< مااعرف اوصف خخخخخخخخ بس ان شاء الله تكونو فهمتو علي ليان : منو يعني اكيد المجرمه اللي وراك ندى : لــــــــــــــــــــــــيــــــــــــــــــــــــ ن لين : ايه انا ليه مو عاجبك ؟ ندى بوجه يكسر الخاطر : لين انتي تعرفين ان ابوي ميت؟ لين وهي تحاول تستوعب اش دخل ابوها بالسالفه : ايه ياعمري اعرف صار له عشر سنين ليه انتي توك تدرين ؟ ندى : يعني انا يتيمه واكسر الخاطر؟ لين : هو انتي تحملين مسمى لاحظي مسمى بس يتيمه لكن غيره لا ندى قلبت فجأه : اقول ترى عطيتك وجه المأسي اللي بحياتي كلها قلتها وشوي وعصر لك دمعتين وانتي لاحياه لمن تنادي زبدة الهرج بتسوين لي مثلها بالطيب والا بالغصب ليان : ههههههههههههههههههه مايحتاج كل هالمقدمه ياعمري انتي بس استخدمي الكلمه السحريه حطي لي ميك وقبل لاتكملينها بتلاقينها مجلستك وتحوس فيك لين : تطنزين هذي موهبه يالغبيه ليان : طيب قبل لاتنغمسين في موهبتك تسمحين لي اشوف المرايه؟؟ لين : ههههههههههههههههههههه تصدقين نسيت اني محلفتك واقول هالخبله ليه الى الان ماشكرتني ..ايه ياعمري مسموح لك وقفت لين قدام المرايه وظلت 5 دقايق تحاول تستوعب اللي تشوفه هي صدق كانت تسمع من الكل انها حلوه وجمالها غريب لكنها اول مره تحس انها حلوه فعلا .. انحرمت من شغلات كثيره عمرها ماحست انها مثل باقي البنات مسموح لها تلبس وتكشخ وتشتري اللي تبيه حتى بليلة ملكتها محد اهتم فيها ولولا الله ثم لين ماصارت كذا كل اللي عليها للين والميك والشعر هي اللي سوته لها بدون ماتحس بنفسها سحبت لين وضمتها وهي ساكته كانت عارفه انها لو تكلمت بتنزل دموعها ولين كانت حاسه فيها وحترمت سكوتها ولا تكلمت بعدها بساعه كان كل الضيوف وصلو ... وليان الى الان بغرفتها خايفه تنزل اخيرآ تشجعت ونزلت اول مادخلت عليهم كلن سكت ويناظرونها اول من تكلم عمتها نوره (ام ماجد ) ام ماجد : بسم الله ماشاء الله تعالي يمي سلمي علي راحت وسلمت على عمتها ام ماجد تكلم ليان بصوت واطي : قريتي على نفسك يمي ليان : ايه عمتى ام ماجد : روحي سلمي على الضيوف وتعالي اجلسي عندي راحت ليان وسلمت ورجعت عند عمتها اللي حطت يدها على راسها وصارت تقراء عليها في غرفة لمى لمى بطفش : منال حرام عليك صار لك اكثر من ساعه وانتي حابستنا في هالغرفه وتناظرين مع الشباك لو بيجي كان جاء من بدري منال : لمى ابي اشوفه وربي مشتاقتله حيل لمى : ههههههههههههههههههههههه اللي يسمعك يقول انه يحبك منال : يحبني او مايحبني ماراح يتزوج غير فاهمه فيصل لي انا لمى : منال افرضي سمعتي في يوم انه تزوج وش بتسوين؟؟ منال بعصبيه : وربي لا اقتل أي وحده تفكر تأخذ مني فيصل والله لا اقتلها واشرب من دمها لمى : حشى سفاحه هذا وانا اقول افرضي ماقلت تزوج منال بصراخ : انتي ماترتاحين الا اذا نكدتي علي لمى : انكد على نفسي ولا انكد عليك ياقلبي ويله روقي وتعالي نشوف الاوضاع تحت وبعدها نرجع نزلت منال ولمى تحت اول مادخلو لفت نظرهم شكل ليان منال بحقد : متأكده انها تكون اختك ؟؟؟ لمى وصدمتها بشكل ليا ن مو اقل من منال : ههههههههههههه ايه متأكده انها اختي شهادة ميلادها تقول انها بنت امي وابوي وتؤام لين بعد منال : قهر تخيلي لو بس فيصل شافها والله ولا حتى يفكر ينظر فيني مو يتزوجني لمى : لاتحقرين عمرك حتى انتي ماشاء الله عليك مو ناقصك شي منال : بعد اللي شفته بديت اشك ... خليني من اختك العله وتعالي فوق ابي اكمل مراقبه لمى : روحي انتي وانا بروح اشوف لي طريقه اعرف فيها اذا فيصل جاء او لا طلعت منال فوق وراحت لمى لامها لمى : يمه ماسالتي ابوي وش سبب هالمناسبه ؟ ام راكان : الله يذكرك بالشهاده بروح اساله احرجني الحريم وانا مو عارفه وش اقول لمى : وشوفي من جاء ومن ماجاء (بكذب ) لان عمتي نوره سالتني اذا احد جاء من الرجال غير عمي سلطان وعياله وقلت لها بشوف ام راكان : وعمتك هذي مدخلتن عمرها بكل شي .... (وهي تقوم) انا رايحه اشوف ابوك وانتي اجلسي مع الضيوف الين اجي انتظرت لمى الين راحت امها للمجلس الثاني ولحقتها بهدوء تبي تسمع اذا فيصل جاء او لا في المجلس الثاني ام راكان : ماقلت لي وش سر هالعزيمه ؟؟ ابو راكان : بقولك بس لاتعصبين الين تفهمين السالفه ام راكان : قول خوفتني ابو راكان : العزيمه بمناسبة ملكت فيصل على ليان ام راكان : نـــــــــــــــــــــــــــــــــــــــعـــــــــ ــــــــم ومتى كانت الملكه ؟ ابو راكان :اليوم العصر كنت مجبر اني اوافق ام راكان : وشلون تسوي كذا وبدون ماتقولي ودامك بتزوجه ليه مازوجته وحده من بناتي لمى والا لين احق بخيره منها ابو راكان : وليان بنتك وبعدين اللي سويته من مصلحتنا واذا راحو الضيوف بفهمك كل شي وبتعرفين ان اللي سويته هو الصح رجعت لمى قبل لاتحس عليها امها اول ماشافت امها جايه راحت لها لمى : يمه منال تعبانه شوي وهي بغرفتي الحين وترى بروح اوديها لبيتهم ام راكان : سلامتها وشفيها؟؟ لمى : يعني صداع ودوخه المهم لاتقول لخالتي ام تركي الا بعد العشاء علشان ماتخاف ام راكان : طيب بس اول ماتوصلين طمنيني لمى : ان شاء الله يمه طلعت لمى فوق عند منال لمى والضيقه واضحه عليها : منال فيصل مو جاي وبعدين انا حاسه اني بنفجر وتعبانه ماابي اجلس هنا ابي اطلع اغير جو وقلت لامي وهي موافقه منال : اشفيك وش صاير لمى وهي شوي وتصيح : منال بتطلعين معي والا اطلع بروحي منال : ول شكل السالفه كايده يله طلعنا وش بيجلسني دام فيصل مو جاي لبسن وطلعن من الباب الخلفي علشان محد يشوفهن في السياره لمى : منال لو لي خاطر عندك تعالي نروح بيتكم منال : خلاص ياعمري اللي تبين ارسلت لمى رساله على جوال سحر ( سحر تعالي بسرعه على بيت منال فيه موضوع خطير يخص منال ومحتاجه وجودك معي ولاتتصلين لانها عندي وماقدر ارد ) ( سحر تكون صديقة منال ولمى ومعهم بالجامعه وهي رأس الشر والفتنه انسانه جمعة كل الصفات الشينه حكمتها في الحياه الغايه تبرر الوسيله حتى لو كانت هالوسيله تحمل من القذاره و الشر الشي الكثير) في بيت ابو راكان قالو لهم مناسبة العزيمه وردود فعلهم اختلفت فيهم اللي كان حاقد وفيهم اللي كان وقع الامر عليه عادي ومافرح للخبر غير ندى ولين وراكان بس صدمتهم لان الملكة صارة بدون مايدرون فيها او يحتفلون ام ماجد ماتفاجأة لانها كانت تعرف بالموضوع قبل لايصير وموقفها منه نفس موقف ابوها راحو الضيوف يتعشون ومابقى غير ليان ولين وندى لين : مبروك ياعمري صدق مافرحت فيك مثل ماابي وكل شي صار بسكات بس المهم سعادتك ليان وهي تضمها : يابعد عمري كافي اللي سويتيه لي اليوم ندى : ياللي ماتستحين ماتقولين عندي بنت خاله افرحها والله اني دايم اقول لامي لاتخافين الا من الساكت ليان : اللي يسمعك يقول اني كنت ادري ندى : ياحظي توك تدرين انك تزوجتي؟ ليان : صدق انك خبله اقصد اني مادريت غير لما جاب لي ابوي الدفتر العصر وقال وقعي ندى : قولو آمين ليان + لين : آمين ندى : آمين لين : حنا قلنا آمين انتي قول دعائك ندى : ايه صح نسيت اني مادعيت ارجعو قولو آمين ليان + لين : امين اخلصي ندى : يالله انك ترزقني مثل مارزقتها وماادري غير وامي ساحبتني من شعري وراميتني على عريسي يالله انت عالم بحالي ان مافيني صبر على خطبه وملكه وهالخرابيط ابي كل شي حامي حامي مثل هالخبله اللي جنبي ليان : يالخبله استغفري لا يستجاب دعاك ندى : والله مالخبله غيرك انا اقوم اصلي مع امي القيام كل ليله علشان ادعي هالدعاء ام ماجد : وانا اقول وش هالطواعه اللي نزلت على بنتي اثاريه علشان تدعي بالعرس ندى بخوف : يمه الله يهديك دعابه والا انا ماابي العرس اخاف اعرس ويفضالك البيت وتخربينها تعرسين عاد عجوز تسوينها وتكتبين البيت بسمه ام ماجد وهي تخز بنتها بنظره لها ألف معنى : ليان يمي تعالي راكان يبيك قامت معها ليان بدون ماتتكلم حاسه بخوف مو طبيعي وتدعي في قلبها ان راكان مايقولها تدخل عند فيصل في بيت ابو تركي رفضت لمى تقول وش فيها غير بعد مايبدلون ملابسهن ويلبسن شي مريح منال : يله قولي وش فيك وايش اللي قلبك فجأه لمى وهي تقراء رساله بجوالها : الحين اقولك بس خلينا ننزل تحت نشرب شي منال : يأكثر طلباتك الليله يله امشي اول مانزلو تحت كان جرس الباب يدق.... ودخلت عليهم سحر بعد مافتحت لها الشغاله الباب منال : سحر وش جايبك الحين ؟؟ وش فيه لمى تكلمي قولي وش صاير لمى بخوف : منال فيصل تزوج منال وهي تمسكها مع ملابسها من قدام : ياحقيره كم مره اقولك مااحب هالمزح؟؟ سحر وهي تحاول تبعدها عن لمى : منال اتركي البنت واهدي الين نعرف السالفه لمى بخوف وبصياح : منال وربي مااكذب اليوم العصر كانت ملكته كل هالضيقه اللي فيني عشانك ماردت منال بأي شي كل اللي سوته انا تناظر لمى بصدمه سحر : منال ياعمري ردي علي واذا على اللي تزوجها والله مايمر عليها السبت الا هو مطلقها وانتي تعرفيني زين منال بهدوء غريب : تكلمي مين اللي تزوجها فيصل؟ لمى بتردد : تزوج ليان منال (بصراخ ) : لاااااااااااااااااااااااااااااااااا سحر : من ليان اختك لمى : لاتقولين اختي انا مالي خوات الا لين وراما ومنال اللي اغلى علي من روحي سحر : اشلون يعني اللي تزوجها فيصل اختك او لا لمى : ايه بنت امي وابوي لكن ماعمري حبيتها اخذت اهتمام جدي كله بحضوره لازم نعامله كأميره والا تحل علينا اللعنه كأن ماعنده حفيده غيرها حتى امي وابوي مايحبونها سحر : يعني عادي عندك لو ضريناها لمى بخوف (صحيح ماتحبها لكن بالاخير تكون اختها) : شلون يعني تضرونها؟؟ سحر : اطمني ماراح نسوي لها شي غير ان فيصل يطلقها ومساعدتك مهمه لنا لمى : بس .... منال بحده : بدون بس حددي يامعي ياضدي ولاتنسين اني اعرف كل اسرارك وانا اقدر اسوي اللي ابي بدون مساعدتك لكن بضطر اني اضرك حتى انتي لمى : انا معك ياقلبي بس لاتنسين انها اختي ولو بيمس سمعتها شي بنضر منها انا ولين سحر : من هذي الناحيه اطمني ماراح يمسكم شي كل اللي بيصير ان فيصل بيطلقها لمى : اذا كذا انا معاكم سحر : تعجبيني دام كذا لك علي يامنال لا احرق قلبها واخليها تبكي بدال الدموع دم واذا على فيصل انا وعدتك انه مايمر عليه السبت الا وهو مطلقها ... لمى احكيلي عن ليان لمى : مافيه أي شي اقوله لك ماعندها أي خرابيط واغلاط الواحد يمسكها عليها مالها صديقات غير بحدود الجامعه بس حتى ماتكلمهم من البيت امى وابوي مايحبوها مثل ماقلت لك اللي يحبونها في البيت راكان ولين حياتها من البيت للجامعه ومن الجامعه للبيت وفي الاجازات مثل الحين ماتطلع من البيت حتى اسواق ماتروح لها سحر : وكيف عايشه؟؟؟ لمى : أسأل نفسي كثير هالسؤال بس شكلها تأقلمت لان امي مشغلتها في البيت مع الخدم طول الوقت سحر : وشلون بنورطها هذي لمى : قلت لك مافيه شي تقدر تمسكيه عليها سحر بتفكير : ماتدرين يمكن هالشي هو اللي بيضبط خطتنا ... قلتيلي اخوك راكان يحبها لمى : يحبها اكثر من الكل ودايم حرب مع ابوي وامي علشانها سحر : عندي فكره بس ماادري تأيدوني فيها او لا صراحه هي فكره قذره بس هالشي الوحيد اللي بيدنا وراح يدمرها منال : دام بتدمرها انا موافقه عليها بدون حتى مااسمعها سحر : وانتي يا لمى لان بدونك ماراح نقدر نسوي شي؟ لمى : قولي شنو خطتك واحكم وش هي الخطه اللي حتى سحر بكل قذارتها قالت عليها انها خطه قذره ومو متقبلتها؟؟؟؟ هل لمى راح تساعدهم في تنفيذها لانها هي اللي راح تلعب الدور الرئيسي بالخطه؟؟؟؟ ايش رايح يصير على مقابلت فيصل وليان وايش بيكون شعور كل واحد منهم؟؟؟؟؟ |
اتمنىى ان القصه تعجبكم
وهي من كتابت الكاتبه مـ ع ـزوفة الحزن انا من الخوف ان النت يفصل نسيت اكتب اسمها لا في العنوان ولا بدايت القصه ... انتظروني في الجزء الثالث .. جـــــــــــ,ـــــــ,ــــــودي |
بكل الحب اترككم مع (الجــــــــزء الـــــثاني) واتمنى ان يحوز على رضاكم
/ نـَـاداك قـلـبـي فــاسـتـمـِـع يــاسـيـدي .. قـبـل الـغـروب... فـلـيـس قـلـبي كـالـقـلـوب.. كـُـلّ الـقـلـوب بـِـها عـيـوب..!! وعـيـبُ قـَـلـبـي لايـُــذابُ ولـَـن يـــَـذوب.. إنـي أراك كــنـجـمةٍ تــسـمو بـعـيـدا لا تـــُطا ل.. وأنــا هــُـنـا فـي عـالـمي قـُـربـي مـُـحـال كـما الــمـُـحـال يـــَـاسـيـدي .. عــنـدي ســُؤال..؟ وأنــا جـُـبـلـت عـلى الـتـسـاؤل والـسـؤال.. فـــأجـِـب سـُـؤالي إن أردت تـواصــلي.. فــلـيـس من سـُـؤلي مــجال.. إن الــطـفولـة لـم تـزل تـلـهـو بـِـروحـي فـي إنـعـزال والحــُـزن يــرســمُ لــَـونـَـهُ كــَـظــِـلال عـيـنـي بـِـاخـتـيـال والــّـلـيـل طــــال والــصــّـبـر زال يــاسـيـدي هــل مـِـن مـــجـال؟ عـنــدي ســُـؤال.؟ عــنــدي ســُـؤال فــذاتُ ذاتـي فـي إرتــحــا ل والحــُـلـم أصــعــبُ مـِـن خــيـــــال..!! يــــاســيــدي.. إعــلـم بــأن الــشـّـمـس قـد بــدأت تــمــيـل نــحـو الــغـروب وأعــلـن القــومُ الــرحــيــل وأنـــا ودمــعي قــد عــقــدنا إتــفــاق أن نــســتـديم على الـوِفاق ..! فــلا فــراق فلا فــراق يــاســيــدي .. الآن قــد رحــل الـجــمــيع ووحـفُ روحي في الضــلـوع .. وبــردُ قــلـبي كــالصــّـقـيـع إجــمع حــروفــك فـي عــجـل واحــمـل دثــارك وارتـحــل..!! فــالـثــّــلجُ قـد غـطـى الــربــيــع والــنـفـسُ بــاتـت كـالــرضــيـع.. تــبـكي وتــضــحــكُ دون شئ وتــدور تـبـحثُ ذات فـئ.. يـــاسـيـدي .. قـد مــلّ صـبـري الإنــتـظـار والحــرفُ آلــمـهُ الـحـِـصـار أين الــجواب..؟ فــالـبـالُ طـــاب ولـَـم يـزل عــنــدي ســُـؤال والــلـيـل طــال ..والــصـّــبـر زال.! وكـــُّــل شئ فـي أفــول وإنــتــقــال وكـــل شئ لـلـزوال والله يــبـقى ذو الــجــلال يـــــاســـيـدي .. هــل مــن مــجــال ؟ عــنــدي ســؤال... عــنــدي ســؤال يـــــاسيــــّدي هل في ودادكـــ مـِن مَـجالــــ ..؟ * راكان : عمه انا قلت نادي لي ليان ماقلت ملكت جمال الكون ام ماجد :والله ياولدي انا قلت ليان راكان يبيك ومير تجي معي هالمزيونه راكان : هههههههههههههههه اجل معذوره ياعمه (ناظر بليان وفتح لها يديه)تعالي ياقلب اخوك اباركلك مو كافي ان حتى ملكتك ماعرفت فيها غير الحين راكان ضم ليان وباسها على راسها : مبروك يالغاليه ليان بخجل : الله يبارك فيك راكان : يله ياقمر تعالي سلمي على زوجك ليان بخوف : راكان الله يخليك مااابي ادخل ام ماجد : وش انتي خايفه منه ؟؟؟ راكان : خليها علي ياعمه وانتي ادخلي عند فيصل دخلت ام ماجد عند فيصل راكان : من ايش خايفه احمدي ربك ربي رزقك زوج يحسدونك عليه كل البنات ليان : ماادري احس انه يخوف راكان : ههههههههههههههههههههههههه هو من ناحية يخوف فهو جد يخوف ليان والخوف زاد عندها اضعاف اضعافه : راكااااااان من جدك؟ راكان بجديه : شوفي ياليان علاقتي بفيصل سطحيه بحدود الشغل. بس اللي شفته من كل الناس اللي يعرفونه سوا يحبونه او يكرهونه انهم ينقسمون لثلاثه ليان : وش هالثلاثه؟ راكان : ناس يحترمونه وناس يهابونه وناس يخافون منه ليان : الحين يقالك تطمني راكان : ليان صحيح فيصل محترم وهيبه ويخوف بس هذا بالشغل واي رجل مايعامل زوجته مثل تعامله بشغله عند ام ماجد وفيصل فيصل : يمه هذي بتجي والا شلون ؟ ام ماجد : يمي انت ماتترك عصبيتك بنيه وتخاف حرام (وقامت من عنده تشوف ليان ) راكان : يله ليان مو زينه نخلي الرجال ينتظر كل هالوقت ليان والدموع تجمعت بعونها تهدد انها تنزل : قول لامي تجي معي ام ماجد : والله من الام (مسكت يد ليان ) يله يمي تعالي (وبمزح) لا ارفسك الا انتي طايرتن عنده راكان : ههههههههههههههههههههه اسلوبك غريب بالاقناع ياعمه ام ماجد : راكان اخر الطب الكي امسك يد وانا يد وخلنا نجرها ليان بخوف : لا عمه واللي يرحم والديك خلاص بجي بس تدخلون معاي وماتتركوني ابد ام ماجد : بندخل معك وماحنا بتاركينك وبنوزيتس ورانا ولاحنا مخلينه يشوفتس بس امشي عـــــــــنــــــــد فيصل فيصل ( لا يرحم والديك انا اللي ميت على شوفتك ) طلع جواله وكتب لـ وليد رساله (ان ماتصلت عليك بعد ساعه اعرف اني ياقاتل احد يامرتفع ضغطي وطايحن بأحد هالمستشفيات) حس فيهم يدخلون بس مارفع راسه الين خلص ارسال الرساله فيصل وهو يرفع راسه وبحده شوي : وليه ما........ (قطع كلامه لما شافها كان بيقول وليه ماتبين تجين بس الحين مافي عقله غير ... شربت زمزم حسنها.. حتى سكرت من الجمال ....مثل الذى ما شاف خير..او شاف..بس استكثره ) راكان : وش اللي ليه يافيصل ؟ فيصل : هاه .. ايه على بالي امي كنت بسألها (والله وصرت تكذب يافيصل ) ام ماجد : ماودك تسلم يافيصل ترى حنا مستحين (وتشر برأسها على ليان) فيصل : السلام عليكم ليان : ............ (لا رد وهي تحس انها بيغمى عليها من كثر الخوف) فيصل : يمه ممكن تخلونا شوي راكان : يله ليان انا طالع شوي بس وراجع ليان وهي غارسها اظافرها في يد راكان من كثر مسكتها : الله يخليك لاتتركني (بصوت يالله ينسمع) ام ماجد وهي تفك ليان من راكان : تعالي يمي اجلسي ومحنا طالعين سحبت ام ماجد ليان تجلسها واشرت براسها لركان علشان يطبع فيصل بعد ماطلع راكان : قلنا السلام عليكم ليان : ........... فيصل : يمه هي طرما ؟ ام ماجد : ههههههه والله ياوليدي حنا زوجناك وهي سليمه اذا انطرمت الحين مدري فيصل وهو يجلس بجنب ليان : يمه ان ماردت السلام الحين اطلعي وانا بعرف اخلياها تكلم ليان بخوف ماتبي عمتها تطلع : وعليكم السلام فيصل (ياحلو هالصوت) : يله يمه اطلعي ليان بدون ماتحس بنفسها وبصوت فيه البكاء:بس انت قلت اذا مارديت تطلع وانا رديت ام ماجد : يمه ليان انا بروح انادي ندى وجايه لاتزعليني منك وخليك عاقله هذا زوجك من وش خايفه ماردت ليان وسحبت ام ماجد يدها منها وطلعت فيصل : خايفه مني ليان : ......... فيصل وهي يحاول مايعصب:اذا بتمين ساكته بتشوفين الوجه اللي يخوف ليان بخوف : وش اقول فيصل : ايوه كذا اذا سالتك ردي ... اخبارك؟ ليان (زفت) : الحمد لله بخير فيصل : دووم طيب ليه خايفه ليان بكذب : مو خايفه فيصل : اجل وش نسميه دلع وغرور ليان : لا والله فيصل : طيب بكلمك عن نفسي علشان تعرفيني بس قبل ارفعي راسك مااحب اكلم احد وهو مايناظرني ليان والدموع بعيونها : تكلم فيصل بشويت حده : قلت ارفعي راسك وناظريني رفعت راسها بخوف وناظرت فيه كانت اول مره تشوفه استغربت انا هالوسامه تكون لشخص قاسي كانت تتمنى يكون حنون ويعوضها عن قسوتة امها وابوها بدون ماتحس نزلت دموعها بكت على حياتها وعلى امنيتها بكلمه حنونه وصدر دافي اما فيصل كان مصدوم من اللي يشوفه ماتوقع انها بالجمال هذا هي لخبطت كيانها لما شافها وهي منزله راسها وشعرها مغطيه بس لما ارفعته شاف جمال ماعمره شافه لا وجه ولا خشم والا فم وشفايف كل شي ينطق بالجمال وعيونها آ آ آ هــ من عيونها ماعمره شاف مثلها استغرب ان لون عيونها بنفسجي بس توقع انها لابسه عدسات انصدم لما شاف دموعها اللي غطت هالوجه الملاك فيصل بحنيه : ليه هالدموع خايفه مني؟ لما ماردت قرب منها ومسح دموعها بيده وبدون مايحس قربها له وضمها وهو يقسم انه يكون شي حلو بحياتها ويحاول يسعدها لما شاف جمالها توقعها دلوعه ومغروره وكان يبي يكسر غرورها بس الحزن والخوف اللي شافه بعيونه اثبت له انه غلطان واذا على انها بنت عمه اللي يكرهه يمكن مثل ماقال وليد ان جده ماختارها له الا لانها غير ليان كانت خايفه وخجلانه من حركته لكنها لمست فيها الحنان اللي تدوره واستسلمت لدموعها وراسها على صدره فيصل وهو يبعدها عنه شوي ويرفع وجها:ماابي اسألك ليه هالدموع الحين بيجي يوم واعرف سببها لكن اللي ابيك تعرفينه وتتأكدين منه انك اذا كنتي الزوجه اللي بتحافظ على بيتها وزوجها وتدور رضاه ثقي اني بكون لك الزوج اللي يحبك ويسوي المستحيل علشان يسعدك ليان كان كلام فيصل مثل البلسم على جروحها وبصوت باقي فيه اثار البكاء:بدون ماتطلب مني او توعدني كنت بكون لك الزوجه اللي ترضيك فيصل ببتسامه زادت وسامته وسامه: هذا اللي اطلبه واتمناه ناظرت فيه ليان واكتفت ببتسامه حلوه فيصل بدون مايحس بنفسها : وش لون عيونك (ولما شاف ارتباكها هو بنفسه انصدم من سؤاله) اقصد ابي اعرف لون عيونك بدون هالعدسات ..وهو يكلم نفسها (مالقيت غير هالتصريفه الحين يقالي مرقعها) ليان برتباك : مو لابسه عدسات فيصل : هاه ليان وهو واضح عليها ان نوبة البكاء بترجع لها: مو لابسه عدسات هذا لون عيوني ادري انه غريب بس مو بيدي فيصل صح انصدم ان هذا لون عيونها الحقيقي بس استغرب من حزنها وخجلها من لون عيونها لو وحده غيرها كانت شافت نفسها وصابها الكبر والغرور فيصل بحنيه : وليه هالحزن صح انه لون غريب بس مميز وحلو ..وفي قلبه (الا تذبح) ليان بحزن : ماابي اكون غريبه او مميزه ابي اكون مثلي مثل اهلي فيصل : شوفي ياليان صح انه لون غريب عندنا يعني في وطنا العربي لكنه برا موجود ويعملون المستحيل علشان يحصلون عليه ليان : قلتها برا مو هنا فيصل : طيب انا عاجبني الا ماقلتي لي من تشبهين؟ ليان ببتسامه : جدي يقول اني اشبه جدته كثيررررر فيصل :هههههههههههههههههههههههههههههههه عشان كذا جدي يحبك بـــــــــــــــــــــــووووووووووووووووووووو اعترفو وش تسوون .. هـــــــــــــــــــــــا فيصل يضحك بسم الله عليك ياخوي اكيد فيك حراره او صكتك لينوه عين فزو اثنيناتهم على الصوت وناظرو الباب فيصل : حسبي الله عليك من بنت انتي متى بتعقلين ندى وهي تسوي نفسها مستحيه : اذا اعرست ليان : ههههههههههههههههههههههههههههه كنت حاسه انك بتقولينها فيصل : رحمك ربي كنت ناوي اطقك طق يسبب لك عاهه مستديمه بس دامك ضحكتي ليان سامحتك ندى وهي تمشي لنص المجلس : لينووووه طلعي اخوي وخذي النسخه التقليد اللي مدري من وين جايبتها فيصل : وليه وش شايفه فيني ندى : مدري تضحك وتقول كلام اول مره اسمعه فتأكدت انك منت فيصل فيصل : اقول لايكثر وتعالي سلمي علي والا ناويه ماتباركين لي ندى وهي تقرب منه : الا ابارك وابارك مرتين بعد على الملكه وعلى الضحكه فيصل وهو يشد اذنها : والله وطحتي بيدي ومحد ضربك على يديك جيتي بنفسك ندى وهي تتألم : اي فيصل اذني حرام عليك اذني بتطلع بيدك محد بيتزوجني وانا ماعندي غير اذن وحده فيصل وهو يشد اذنها الثانيه : والحين ؟ ندى وهي من جد تتألم بدل ماهي وحده صار ثنتين: الحين محد بيتزوج وحده صمخا.. فيصل صدق ألمتني فيصل وهو يفكها : الحين انتي ماهمك الا العرس ندى بجديه : ليه وهو فيه شي مهم في الحياه غيره ام ماجد : مااغفل عنك دقيقه الا وانتي طابتن عليهم فيصل : زين اللي جيتي يمه علشان البس ليان الشبكه فكت ندى الاكسسوار اللي لابسته ليان ولبسها فيصل شبكتها وبعد ماباركو لهم سحبت ام ماجد يد بنتها علشان تطلع معها ندى : يمه خليني ابي اشوف وش يسوون ام ماجد : فيصل يمي تعال بعد مانرجع البيت فيصل : ابشري يالغلا بس ماابي ااخرك عن نومك ام ماجد : لا ياوليدي فيه حره بكبدي ماتبرد الين تذبح لي هالبنت فيصل ببتسامه شريره : ابشري يالغلا ماطلبتي شي هذا المنى ... واذا مايتعبك يمه سويلي اي شي خفيف اكله لاني ماتعشيت ومالي نفس بأكل المطاعم ام ماجد : مافيه تعب من عيوني يمي طلعت ام ماجد وهي تجر ندى اللي ماودها تروح فيصل وهو يمد كيس لليان : بتلاقيني رقمي مسجل بالجوال اتمنى اسمع صوتك الليله واذا ماتبغين تستخدمين الشريحه ارسلي لي مسج من جوالك علشان اعرف رقمك ليان : لا بستخدم نفس الرقم لان ماعندي جوال فيصل استغرب كلامها بس ماحب يدقق ووقف وقفها معاه مسك يديها البارده بيديه وقرب منها وباس راسها فيصل : اشوفك على خير ولاتنسين تكلميني الليله ليان : ان شاء الله رفع يدها وباسها وطلع ........ وقفت ليان مكانها وهي تلمس بوست فيصل على يدها معقوله هذا الانسان اللي صوره لي ابوي بكلامه انه وحش معقوله هذا اللي كنت خايفه من الزواج منه ياما شاف ابوي دموعي ولا كأنه يشوفها وفيصل من شافها تغير لشخص كله حنان وطيبه ليه اتمنى ان الزمن وقف ولا طلع من عندي ليه كنت احس اني ابي اتم في حضنه على طول معقوله اكون حبيته بالسرعه هذي ماادري بس اللي انا متاكده منه اني ابي هالانسان بحياتي على طول ........ترى طلع منذو مبطي ليان بخوف : بسم الله من وين طلعتي ندى : من بطن امي ليان : بشري امك ويله وخري من قدامي ترى مشغوله ومو فاضيه لهذرتك تركتها وراحت للمطبخ في بيت ابو تركي (اتهمتن بالخيانة ... بنت عذرا في مهاد) لمى بصراخ : مجنونه انتي الا اكيد مجنونه والا شلون تقدرين تقولين الكلام هذا منال كانت مصدومه مثلها بس ساكته وتناظر في سحر سحر : عن الصراخ واسمعوني الين اخلص كل كلامي بس قبل ابيكم تعرفون متى حددو الزواج منال اخذت جوالها وتصلت على مرت عمها ام راكان منال : الوووو ام راكان : هلا منال شلونك يمي الحين طمنيني عنك منال ارتبكت بس عرفت ان لمى كاذبه عليها : الحمدلله ياخالتي الحين احسن بعد مرتحت ام راكان : الحمدلله ياقلبي منال : خالتي سامحيني توى اعرف من لمى عن ملكت ليان مبروك يالغاليه ام راكان بدون نفس : الله يبارك فيك منال : الا متى حددتو الزواج ياخاله ام راكان : اي زواج مافيه زواج بياخذها بعد يومين ويسافرون للمأنيا عند جدك منال حاولت تتماسك لاتنهار : طيب خالتي بس حبيت ابارك فمان الله قفلت من ام راكان وهي منهاره سحر: متى قالت؟ منال : بعد يومين بياخذها ويسافر قولي وش كنتي بتقولين سحر : اوكي بس تسمعوني بهدوء الين اخلص كل كلامي وبعدها شوفو اذا كلامي مقنع او لا لمى : قولي مع اني متأكده ماراح اقتنع سحر : الحين تقولون ان البنت محد يقدر يمسك عليها شي وحتى روحتها للجامعه يا مع اختها لين او مع اخت فيصل ندى وماعندها جوال والمصيبه العضمى ماعندها صور لنفسها ولا تطلع كل وقتها في البيت صح كلامي او لا لمى : صح سحر : اوكي الحين لو انك مديره وعندك موظف نشيط في شغله يجي اول الناس ويطلع اخرهم وجاك موظف ثاني وقالك ترى فلان مايداوم بتصدقينه او لا لمى : لا مستحيل اصدقه لان كل شي واضح قدام عيني واكيد انه يتبلى عليه سحر : حلو ولو جاك موظف وقالك تعرفين ليه فلان منضبط بشغله ويجي اول الناس ويطلع اخرهم كله علشان يغطي على وبلاويه ويسوي اختلاساته اللي يسويها بتشكين في هالموظف النشيط او لا لمى : ايه ببدء اشك فيه سحر : هذا انتي قلتيها يعني لو قلنا لفيصل ليان تكلم وتطلع مع شباب مليون بالميه ماراح يصدقنا بس لو سوينا خطتي وبعدها زرعنا الشكوك براسه بيصدق بسهوله لمى : مهما قلتي مستحيل اسوي كذا منال : سحر اتركينا شوي حبيبتي قامت سحر وتركتهم منال : بتوافقين يالمى ماراح احد ينضر غيرها لمى : وراكان منال : راكان ماراح ينضر ولاتنسين ان ابوك يحبه مو مثل العقربه ليان لمى : لا منال مااقدر منال : انا قلت قبل يامعي ياضدي وانا صادقه ولاتنسين اني اعرف عن الشباب اللي تكلمينه واحد منهم انا اللي اخذت لك منه صورك والشريط اللي مسجل فيه صوتك ويهددك فيهم وهالشريط والصور لسه عند ورغم كل هذا ماتمنيت ان اخوي خالد يتزوج غيرك ولا راح اسمح انه يتزوج غيرك لمى بترجي : تهدديني يامنال منال : مااهددك بس احذرك لاني احبك حددي معي او ضدي لمى بتردد : معك منال : اوكي انا قايمه انادي سحر في بيت ابو راكان في المطبخ طلعت ليان الجوال اللي جابه لها فيصل وشغلته رغم ان بيت عمتها وعمها ماراحو الى الان واتصلت على فيصل فيصل : هلا وغلا ليان : ............ فيصل : ليان ليان بتردد : هلا فيصل : هلابك متصله علشان تسكتين ليان : لا فيصل : اشتقتي لي بهالسرعه ليان كرهت نفسها انها اتصلت فيصل : خلاص اسحب كلامي اهم شي تكلمي ليان : فيصل انت طلعت؟ فيصل ( آآهـ ياحلو اسمي منك ) : ايه توى طالع الحين ليه بغيتي شي ليان بخجل : تقدر تجي للباب الخلفي دقيقه بس فيصل وهو مستغرب طلبها : ولا يهمك دقيقه واكون هناك قفلت منه واخذت السله وراحت ركض للباب الخلفي افتحته وحطت السله عند الباب وسكرته كتبت مسج وارسلته لفيصل جاء فيصل للباب الخلفي بس كان مسكر وعنده سله توه بيدق عليها يعرف وش السالفه الا جايه مسج (اتمنى تاخذ السله فيها عشى خفيف لك وطباخي مو اكل مطاعم) نزل فيصل واخذ السله وهو مو مصدق اللي صار اتصل على امه يقول لها انه بيسبقهم على البيت واتجه لبيت امه ام ماجد واتصل على وليد وليد : هاه طمن عسى ماقتلت احد فيصل : لا وليد : اجل طقيت احد فيصل : لا وليد : اجل اعترف وش سويت؟ فيصل : حبيت وليد بلم : هاه فيصل : بعذرك تقول هاه اذا انا بنفسي مو عارف وش صار لي وليد : فيصل قولي وينك جايك الحين فيصل : لا انا رايح لبيت امي وليد : اجل بسرعه قولي التفاصيل فيصل :شمسٍ تعرت (وستر الله) كاسيها ... جتني (تجر الظلام) بنور مطلعها خفت اتواضع .. ويسكرني تعاليها ... قلت اتعالا : كسر قلبي تواضعها كانت لي ابعد من "الدمعه لعاصيها" ... وصارت لي اقرب من "العبره لمدمعها" وليد : فيصل انت ناوي تجلطني من متى وانت تعرف تقول شعر لا وحبيت بعد فيصل : آآآهـ ياوليد ياخوفي اكون حبيت بس اللي اعرفه اني ماعمري حسيت بالي احسه الحين وكنت اتمنى ادفع كل مااملك بس مااطلع من عندها وليد بستهبال : اعوذ بالله مجنون انت تحب ومالقيت تحب غير زوجتك استغفر الله فيصل عصب : الخبل انا اللي اعطي امثالك اكبر من حجمهم يله طس وصلت للبيت وسكر في وجهه التلفون بدون مايسمع رد وليد دخل بيت امه ام ماجد طلع فوق لان له غرفه في بيت امه لانه احيانا ينام عندها بدل ملابسه ونزل تحت وراح للسله فتحها وهو يقول بنفسها مابي عشاء غيره ان شاء الله لو انه قطعت خبز اول ماذاق الاكل تأكد انه مو طباخها مو معقوله الملاك اللي شفتها تعرف تطبخ هالاكل في بيت ابو تركي سحر : فهمتي يالمى كل اللي مطلوب من انك تقولين الكلام اللي حفظناك لامك وسوي اللي قلنا واتركي الباقي علي لمى : احاول منال بعصبيه : مافيه تحاولين قولي ايه او لا من الحين لمى بخوف: خلاص بسوي اللي قلتي منال : تعجبيني سحر : يله انا طالعه واي شي يصير عطوني خبر فيه منال : اوكي ياقلبي سي يو بعد ماطلعت سحر لمى : يله حتى انا بطلع تأخرت منال : خليك شوي بس والا ماتبين تشوفين خالد لمى بلمت : هاه منال : من قال هاه سمع بتشوفينه او لا لمى بلهفه : ايه منال : اجل انثبري الين يجي في بيت ابو راكان بعد ماراحو كل الضيوف وطلع ابو راكان غرفته ام راكان : لين يله على غرفتك لين : ليه ماما بدا حضر التجول ام راكان بصراخ : قلت انقلعي لغرفتك لين وهي تمشي لدرج (بزعل ) : بدال مانجتمع وننبسط بملكة ليان مانسمع غير الصراخ والحبسه بغرفنا كانا اطفال ام راكان طنشت لين والتفتت على ليان : وانتي لا اشوفك طالعه لغرفتك الين ماتخلصين ترتيب كل البيت ليان بخوف اول مره تشوف امها عصبيه بهالطريقه : ان شاء الله تركتها وطلعت فوق واستلمت ليان شغل البيت بالرغم من رفض الشغالات وطلبهم منها تترك الشغل عليهم وتروح ترتاح في غرفة ام راكان وابو راكان ام راكان : ممكن تشرح لي اللي سويته ابو راكان : لو خيرتي بين 20 مليون وارض بمكه تساوي نفس السعر اذا مو اكثر وتوافقين او انك ترفضين وتنحرمين من الورث كلها ويصير من نصيب نوره وفيصل وليان واحتمال يزوجها له فوق كذا وش تختارين ام راكان : من اللي خيرك ابو راكان : ابوي ومن غيره يعني ام راكان : وابوك الى متى يدخل بحياتنا ابو راكان : والله روحي اساليه واذا على ليه مازوجته لمى او لين لاني عارف فيصل حتى لو ناسبته ماراح يتغير والا راح اضره خوفآ على لمى او لين اما الحين اقدر اضره عادي حتى لو تضررت معه دلوعت ابوي فهمتي اقتنعت اما راكان بكلامه مع ان لو بيدها تقتل ليان وجدها في بيت العمه نوره ام ماجد ندى : بــــــــــــــــــوووو خوفتك صح فيصل بسخريه: مررررررره حرام عليك اشلون بنام من الخوف والكوابيس (وبصراخ) اقول تعالي ضفي الاكل للمطبخ لا اقوم احوسك من قلب ترى حدي واصل منك ومعي توصيه ندى : اولا عندك الشغاله تضفه .. ولما انتبهت للاكل صرخة جريمه من وين جبت الاكل اعترف فيصل : مو شغلك ندى : هذي سندوتشات ليان اللي تسويها اعرفها من بين مليون بس قولي اشلون وصلت لك؟ فيصل : ليه هي تعرف تطبخ ؟ ندى : ههههههههههههههههههههههههههههههه ليان شغاله وطباخه مع مرتبة الشرف فيصل : اذا حلوه وتهتم في بيتها وطبخها روعه على كذا وش عيوبها ندى : قول بلاوي مو عيوب مستعد تسمع فيصل طاح قلبه : الله يستر قولي ندى : عد عندك ماتعرف تسوق لانها ماتروح للسوق واللي شفته عليها اليوم كله من لين ثانيا دمعتها اسرع منها مافيه وعندي احساس اذا مو متاكده انها من تقفل على نفسها باب غرفتها تبكي الين ماتطلع عيونها يعني اقولك من الحين استعد والافضل تدخل مساهمه في شركة كلنكس اوفر لك فيصل : انتي ماتعرفين تكونين جديه وتخلين الهبال ندى : وربي ماقلت لك غير الصدق ليان خارج محيط البيت والجامعه تضيع ماتعرف تدبر شي فيصل مصدوم من الكلام اللي يسمعه : وليه كل هذا؟؟ ندى : اساسا خالي وزوجته ام راكان مو ذاك بدلال عيالهم فيهم قسوه شوي دلوعتهم الوحيده لمى وطبعا راما بحكم انها اصغر من في البيت والباقين عادي بس اخذين حقهم وشخصيتهم قويه لكن ليان سبب اللي هي فيه جدي فيصل : وجدي وش دخله ؟ ندى : لانها حبيبته ودلوعته في حضوره يعاملوها كويس واذا غاب حطو كل حرتهم فيها فيصل : وهي ؟ ندى : هي تحبهم ومهما سوو فيها تسكت وتحاول تكسب رضاهم .. والحين لاتضيع الموضوع من وين لك هالاكل؟ فيصل وهو الى الان يفكر بكلام ندى : من ليان ندى : الحقيره الكذابه تقول لي اطلعي واسوي لك السندوتشات اللي تحبينها واخرتها تهربها لك فيصل : احترمي نفسك لا ادوس بطنك وكل هالاكل والبوفيه ماترس بطنك ندى طنشت كلامها واخذت التلفون تدق على بيت خالها ليان : الوو ندى بصراخ: يالحقيره ياللي ماتستحين تقولين لي اطلعي واسوي لك الاكل وتسوينه وتهربينه لفيصل ولما اسالك وين الاكل تقولين ماسويت ليان : ............ ندى عرفت ان ليان تبكي من شهقاتها اللي تحاول تكتمها ندى بترجي : ليان قلبي سامحيني والله مو قصدي ازعلك وابكيك انتي تعرفيني خبله والساني متبري مني ليان وصوت شهقاتها يزيد ندى وهي خلاص بتصيح : ليان عشان خاطري سامحيني انا الحقيره ومااسوى بس لاتصيحين ليان وكلامها يالله ينفهم من البكاء :مـ.. مو زعــ..ـلانه منك ندى بخوف : طيب ليه تصيحين ماقدرت يتحمل فيصل اكثر سحب التلفون من ندى فيصل : ليان ليه تبكين وش صاير ليان (ياربي وش بتقول عني يافيصل ماصار لنا ساعتين من شفنا بعض وكلها ابكي)حاولت تتماسك علشان ترد عليه فيصل بحنيه : عمري وش فيك اي محاوله من ليان انها تتماسك انهارت قدام صوته الحنون وكلمة عمري منه صارت تبكي بحرقه وصوت شهقاتها يقطع القلب فيصل : ليان بتقولين وش فيك او والله العضيم لا اجي الحين ليان : الله يــ.. يخليــ..ـك لاتجي فيصل : طيب اطلعي لغرفتك وكلميني من الجوال ليان : ما .. مااقدر فيصل : وليه ماتقدرين ام ماجد بجديه : عطني التلفون يفيصل فيصل تفأجاء بأمه بس عطاها السماعه لعل وعسى تعرف وش في ليان ام ماجد بعد مخذت السماعه: ليان يمي تسمعيني ليان : ايه ام ماجد بحنيه : لاتبكين يمي ماتكفيك فرحتي فيك؟ ليان ببكى : الله لا يحرمني منك ام ماجد : ولا منك يمي تعوذي من الشيطان وخلصي شغلك واذا طلعتي لغرفتك صلي ركعتين وكلمي فيصل طمنيه عليك ليان (الله لا يحرمني منك والا من جدي اللي محد يعرف اللي اعانيه غيركم): ان شاء الله ام ماجد : الله يرضى عليك ياقلبي يله يمي اخليك تخلصين شغلك فمان الله قفلت ام ماجد من ليان : الله لا يوفقها جعلها ماتربح فيصل : منو هذي يمه وش فيها ليان؟ ام ماجد : مرت عمك حسبي الله عليها (وهي تلتفت على ندى) حسابك بعدين على الكلام اللي قلتيه لليان ندى بخوف : يمه ماقلت لها شي كنت امزح ام ماجد : احد يمزح يقول حقيره وكذابه ندى :سمعتيني ام ماجد : ايه سمعتك ندى : يمه والله امزح معها وليان متعوده على مزحي وماعمرها زعلت مني ام ماجد : ولو اشلون صديقتها وماحسيتي فيها ماشفتي وجهها اليوم لو احد قال لها كلمه كانت انهارت وبكت قدام الكل يكفي انها ليلة ملكتها وماسمعت من اهلها غير من لين وراكان وابوها وامها اللي مافكرو يقفون معها ويدخلونها على زوجها من غير نظرات التهديد اللي اتشوفها بعيون امها كل مامرت من عندها ندى : يمه وربي من فرحتي بالملكه مانتبهت لشي فيصل وهو الى الان يحاول يصدق اللي يسمعه معقوله فيه اهل بالقسوه هذي فيصل : يمه ماقلتي لي اشفيها ليان ليه ماتبي تطلع غرفتها وتكلمني ؟ ام ماجد : ماتقدر تطلع الين ترتب البيت فيصل : ليه ماعندهم شغالات؟ ام ماجد : عندها بدال الوحده اربعه بس مايمنع تكون ليان خامستهم ندى : لا وانتي الصادقه قولي تريح الاربع وتشغلها بروحها فيصل : فيه ام بالقسوه هذي؟ ام ماجد : مرت عمك عمر الحنان ماكان من صفاتها .. خلنا من سيرتها وقولي وش رايك بطباخ ليان فيصل : والله ماكنت مصدق انه طبخها الا لما قالت لي ندى ام ماجد : ليان كامله والكامل وجهه سبحانه فيصل : عرفت سر جدي وليه يحبها كل هالحب ام ماجد بخوف : هاه فيصل : اقولك عرفت ليه جدي يحبها كله علشانها تشبه جدته ام ماجد برتباك :هاه .. ايه ابوي يقول تشبه جدته اخذت ندى الاكل وراحت للمطبخ فيصل اول ماشاف ندى قامت قرب من امه : تبغين الصدق يمه ماتوقعتها كذا واول ماشفت عيونها استغـ... ندى : ادعسسسسسسسسسسسسسسسسسسسسس وتسوي حركت تفحيط وترجع لهم فيصل : خير وش عندك؟ ندى : رادار اذني سمع كلمات غزل ومير اني ادعس فرامل ودق ريوس فيصل : الحمدلله والشكر ام ماجد : كثر من الحمدلله ياولدي لا الله يبالك باللي بلاني فيه ندى : قامو يبربسون اقولو اخلص وتغزل في بنت خالي كلي اذان صاغيه ياعلني اسمع زوجي وهو يتغزل فيني ام ماجد : اذا مت ذيك الحزه تزوجي قبلها لاتحلمين فيصل : ههههههههههههه تعجبيني يمه ندى : هي انت اتعليق على ضحكتك لاحقآ (التفتت على امها ) يمه حرام عليك تخيريني بين امرين احلاهم مر ام ماجد بصدمه : هذا بدال ماتقولين بقلعت العرس اهم ماعندي انتي ندى : يمه ماسمعتي بالمثل اللي يقول قطع الاعناق والا قطع الارزاق وبعدين وش فيكم قلبتو علي قومو خلونا نقحص بهالمناسبه السعيده فيصل : وش نقحص ؟؟ ندى : يعني ناخذ لنا فره بالسياره ونفحط شوي ونسوي خمسات وااااااااااااي فله فيصل : يمه انتي متأكده انها بنت؟ ام ماجد : مااحط بذمتي ياوليدي حنا قالو لنا بالمستشفى مبروك جالكم بنت وابوها اعتمد على كلام المستشفى وسماها ندى : ياويل قلبي عزالله مااعرست دام هذي سواليفكم عني ام ماجد : فيصل يمي ترى الحره اللي فـ كبدي مابردت الين الحين فيصل ببتسامه شريره: ابشري يالغلا حاولت ندى تنحاش بس كان اسرع منها مسكها وكتفها وقام يصفق فيها طبعا هو بمزح وهي بكل ماعطاه ربي من قوه تحاول تفك يدها وترد له لو ضربه لكن هيهات واستمرو حتى انهت ام ماجد الجوله<<<<مصارعه حره في بيت ابو راكان خلصت ليان شغلها وطلعت لغرفتها ومافيه عضله بجسمها الا وتألمها اخذت شور ولبست وصلت ركعتين اول ماجلست على سريرها مسكت الجوال متردده تتصل او لا خجلانه من نفسها ومن ضعفها قدامه اتشجعت بالاخير واتصلت عليه فيصل : هلا وغلا ليان : هلا فيصل : كيفك الحين؟ ليان بخجل : الحمدلله ..فيصل فيصل بدون مايحس بنفسه : عــــيــــونــه ليان ............. فيصل : ههههههه طيب خلاص نسحبها هلا ليان بتردد : فيصل انا اسفه على اللي صار اليوم فيصل : وش اللي صار ؟؟ ليان : ........ فيصل : علشانك بكيتي .. مو عيب ياليان ان الشخص يعبر عن مشاعره وحزنه انا ماابي اناقشك باللي صار علشان ماتنزل دموعك من جديد لكن تأكدي اني بكون دايم معك وماراح اسمح لااي شخص انه يزعلك بكلمه ليان وهي تحاول بكل قوتها انها ماتضعف وتنزل دموعها : الله لا يحرمني منك فيصل : ولا منك ... ليان انت تعرفين ان اتفاقنا يومين واخذك ونسافر ليان : ايه عارفه فيصل : عندي اقتراح بس ماادري بتوافقين عليه او لا ليان : اللي هو ؟ فيصل : اخذك بكره العصر ونجلس في بيتنا يومين وبعدها نسافر ليان حست بخوف صحيح لو راحت معه بترتاح من العذاب اللي هي فيه بس الى الان حاسه انها مو مستعده كل شي صار بسرعه ليان بتردد : فيصل بتزعل لو قلت لك خلها على الاقل السبت فيصل : وليش ازعل ؟؟ بالعكس من حقك انا عارف ان كل شي صار بسرعه بس اوعدك ماتندمين وخلاص ياقمر السبت السبت ليان بخجل : مشكور فيصل واستمرت مكالمتهم الين الفجر اغلب الوقت كان يحكيلها فيصل عن حياته ماكان يبغاها تتكلم عن نفسها لان اللي اعرفه اليوم ان حياتها كانت كلها معاناه ومايبي يفتح عليها جروح هي في غنى عنها (وفي غرفة لين على الفجر كانت مرتبه اخر شنطه لانها مقدره ان اختها ماعندها ملابس تصلح ومافيه وقت تروح تشتري لها فتحت دولابها من حسن حظها انها ولين نفس المقاس بس الاختلاف بالطول طلعت كل ملابسها من برمودات او تيورات وفساتين قصيره وبديات وبلايز وجزم وشنط وكسسوارات ولان لين هوايتها التسوق كان اغلب ملابسها جديده مااستخدمتهم كان باقي عليها شنطة المكياج جهزتها وصلت ونامت) يوم الجمعه العصر في بيت ابو راكان لين طلعت بعد العصر رايحه للسوق ... وليان بعد ماقامت الساعه 9 على صراخ امها وهي تكرف في البيت بدون اي راحه من غير الكلمات اللي تسم البدن اللي تسمعها من امها كل لحظه في الصاله لمى : يمه ممكن نطلع لغرفتي بقولك على موضوع بس ماابي احد يسمعني ام راكان : فيه شي مضيق صدرك ياقلبي لمى بضيقه : لا ماما بس محتاجه اقولك على سالفه حارمتني طعم النوم قامت ام راكان مع بنتها لما شافت الضيقه بوجهها وراحو لغرفة في السوق (اخذت لين مجموعة بناطيل وكم بالطو طويل ومناديل ملونه لانها تعرف ليان مستحيل تكشف شعرها برا واخذت فستان طويل فخم عجبها مره وفستانين قصار الى نص الفخذ وبقت عليها المهمه الاصعب وهي الملابس الداخليه لان ستايلها بناتي وهالشي ماراح ينفع ليان الحين) في غرفة لمى ام راكان : اكيد منتي صاحيه لمى : لا يمه هذي الحقيقه وانا ماكنت ابي اقول لك لكن الموضوع تعبني حرمني طعم النوم لدرجة اني اتصلت على شيخ استشيره وقالي لازم تصرفين او تقولين لااحد اكبر منك يتصرف ام راكان : مااقدر اصدق لمى : لا صدقي يمه واذا تبغين اثبات راح اثبت لك ام راكان : شوفي يالمى ان طلع الموضوع مو صدق والله لا اقتلك واشرب من دمك لمى : لا يمه صادقه وماتبليت على احد طلعت ام راكان ونزلت تحت وكل ماشافت ليان سمعتها كلام يفتت الصخر من قسوته في بيت العمه نوره ام ماجد بعصبيه: قرب يموت يالخبله عطيه اسعافات (ندى تلعب رزدنت ايفل 4 صار لها سنه مابعد خلصته وام ماجد مهمتها تراقب مستوى الصحه فاللعبه وتنبه ندى علشان تعطيه اسعافات) ام ماجد بعصبيه اكثر من قبل: تجمعو عليه بيذبحونه ..(بعد مامات) ساد جعلهم ينتفونه تنتيف لي ساعه وانا اصارخ قرب يموت جوه بيذبحونه وانتي ماتفهمين ندى وهي ترمي يد البلايستيشن: يايمه ماعندي اسعافات قضن من وين اجيبله وبعدين خلاص مليت من اللعبه تعالي نطلع الحديقه ابي العب سله ام ماجد : بدون مااشجع ندى : يمه عمرك شفتي لاعب بدون جمهور ومشجعين ام ماجد : اجل اقضبي ارضتس حلقي الين الحين يوجعني من صراخي على هالمسيكين اللي ذبحوه ماعندي استعداد اتعبه زود وانا اشجعك الساعه 11 في بيت ابو راكان نزلت لمى وراحت للمطبخ شافت ليان تحوس في المطبخ والشغل كله على راسها من الصباح بعد مااعطت امها الشغالات اليوم راحه طلعت لمى فوق ودخلت غرفة ليان اخذت جوال ليان وارسلت رساله على راكان وبعدها سجلت رقم فيصل بجوالها انتظرت شوي تشوف اذا راكان بيتصل او لا لكن مااتصل تطمنت ولما جت تطلع الا لين داخله الغرفه لين : لمى وش عندك بغرفة ليان غريبه تدخلينها؟ لمى بارتباك : هاه .. ولا شي بس كنت ادور ليان لين : وش فيك خايفه كانك مسويه جريمه لمى : لاخايفه والا شي والغرفه هذي هي عندك اشبعي فيها ... وتركتها وطلعت طنشت لين وراحت تفتح دولاب ليان تشوف فيه ملابس تستاهل انها تجهزها لها او لا ... اخذت بعض الاشياء البسيطه اللي حستها انها حلوه وطلعت في غرفة لمى لمى تكلم منال بالتلفون : خلاص قلت لك سويت كل اللي طلبتو انتظر بس جيت راكان منال : اوكي حلو ياقلبي وقولي لي شنو يصير اول بأول لمى : اوكي باي الساعه وحده بعد منتصف الليل دخلت ليان غرفتها وهي ماتشوف من التعب اخذت شور وتمددت على سريرها ناظرت في جوالها لقت ثلاث مكالمات من فيصل ورساله يطلب منها تطمنه عليها فيصل : ليان ليان : هلا فيصل : وينك فيه طول اليوم ادق عليك وماتردين ليان بتعب :كنت مشغوله وتوى اخلص شغلي ...فيصل فيصل : عيون فيصل وروحه ليان وهي تحاول ماتبين انها تبكي : متى بتجي تأخذني بكره فيصل : ليان اذا ماتبين اخذك بكره عادي خليك اهم شي راحتك يالغلا ليان وهي تبكي : لا ابي اروح معك بس اسأل اي وقت بتمرني علشان اكون جاهزه (صحيح صعب عليها تقول هالشي لكن بعد اللي شافته اليوم مو قادره تتحمل دقيقه وحده) فيصل : بعد العصر ان شاء الله اكون عندك ليان : اوكي انتظرك ... فيصل اقدر اقفل الحين لاني تعبانه وابي انام فيصل : لاتضيقين صدرك ياعيون فيصل وفكري في بكره وبس .. نوم العوافي قفلت من فيصل واستسلمت لنوبة بكاء تغسل فيها همومها وكلام امها اللي مثل السكاكين يقطع بقلبها طلع راكان من الاستراحه ناظر جواله شاف فيه مسج من ليان تطلب فيه اذا جاء البيت يجي لغرفتها محتاجته ضروري كان بيتصل بس هون وقرر انه يروح للبيت ويتطمن بنفسه اول ماوصل للبيت راح لغرفته على طول اخذ شور سريع لانه كله تراب من لعب الكوره ولبس وراح لغرفة ليان جاء بيدق الباب سمعت صوت بكاها وفتح الباب على طول شافها جالسه في سريرها ومنظرها يقطع القلب قرب راكان وجلس على طرف السرير: اشفيها حبيبة اخوها تبكي منو مزعلها لمى اول ماشافت راكان دخل غرفة ليان اتصلت على امها لمى : يمه روحي تأكدي بنفسك قفلت امها بدون ماترد عليها ابو راكان وهو يشوف عصبيتها : وش صاير تكلمي ام راكان بعصبيه : وش اقول سواد وجه ابو راكان : بتقولين والا شلون ام راكان ماقدرت تقوله كل كلام لمى لكنها وصلت له الخلاصه فز ابو راكان من مكانه وجنون الدنيا كلها بوجهه دف ام راكان من قدامه وراح لغرفة ليان ليان وهي تبكي : راكان انا وش سويت بدنيتي علشان يكرهوني كل هالكره راكان وهو يحاول يضمها يهديها كان دخول ابو راكان للغرفه مثل الصاعقه واول ماشاف راكان كان اثابت للشكوك اللي انزرعت براسه ابو راكان وهو يسحب راكان : تفوووو عليك ...طرااااااااااااااااااخ راكان كان الى الان مصدوم ويده على خده ومايدري ايش سبب تصرفات ابوه : يبه اشفيه ايش صاير كان ابراهيم يسحب ولده على برا :(بصراخ) لاتقول يبه من اليوم لا انت ولدي ولا اعرفك ولا اشوف وجهك طول ماانا حي ام راكان وهي تحاول تمسك زوجها وتبكي : لا يابراهيم الا ولدي اقتل اللي متخاف ربها بس اولدي لا يابراهيم تكفى ولدي لا ابراهيم وهو يدفها عنه ويضرب في ولده ويسحبه براا : اقولك اطلع من بيتي انا متبري منك ليوم الدين راكان اللي يسمعه من ابوه كان اكبر صدمه له كان يتمنى يعرف هو وش سوى ومن هذي اللي متخاف الله وامه تطلب من ابوه يقتلها ماكان قدامه الا يطلع وينفذ كلام ابوه الين يعرف سبب ثورته ناظر بأمه اللي تبكي وليان اللي تبكي بهستيريا والصدمه على وجهها من اللي يصير قدامها . مشى لباب الغرفه وشاف لين ويزيد وراما والخوف بوجيهم ولمى اللي تبكي بصمت وعيونها فيها نظره ماعرف يحدد معناها جر رجليه وطلع من بيت اهله وكل اللي في يدور في عقله وش الذنب اللي انا سويته علشان ابوي يتبرى مني ويطردني اما ابراهيم اول ماطلع ولده التفت على ليان وبكل مافيه من قوه انهال عليها ضرب كان يضربها بوحشيه وماكان على لسانه غير يابنت الحرام ماعرفت اربيك .. ليان استسلمت لضرب ابوها وكلامه اللي يقتلها اكثر من الضرب اذا راكان اللي يحبه مارحمه اجل اشلون يرحمها وهي فحياتها ماحست ان لها اي قيمه عند امها وابوها ولا لها اي محبه في قلوبهم طلع وتركها وراه مرميه على الارض مايدري حيه او ميته قفل باب الغرفه بالمفتاح وراح لغرفته اول مالين شافت ابوها دخل غرفته قربت من باب ليان تناديها بصوت واطي تبي تطمن عليها لكنها مالقت من ليان اي رد جلست عند باب اختها وهي تحاول تفك طلاسم هذا الغضب المفاجئ وتصرف ابوها الغريب تذكرت لمى وخوفها وارتباكها لما دخلت غرفة ليان وشافتها فيه قامت بسرعه وراحت لغرفة لمى وبدون ماتدق الباب دخلت على طول لقتها جالسه في سريرها وتبكي بصمت لين بعصبيه : قول لي ابوي ليه سوا كذا وش اللي صاير لمى بخوف : ماادري علمي علمك لين : ماادري ليه مو مصدقتك لمى وخوفها يزيد تعرف ان لين لو عرفت بشي ماراح تسكت : وليه ماتصدقيني لين بصراخ : شوفي يا لمى والله العظيم لو عرفت ان لك يد باللي صار محد راح يوقف بوجهك غيري فاهمه او لا وطلعت منها وراحت تجلس عند باب غرفة ليان لعل تسمع اي صوت يطمنها على اختها اما لمى كان الندم يقتلها على اللي سوته بس خلاص ماتقدر تتراجع لانه لو عرفو بكذبتها مو بعيد يقتلونها اخذت جوالها وارسلت رساله لمنال تقول فيها كل اللي صار راكان كان يلف الشوارع بسيارته مايدري وين يروح ويش سبب اللي صار مالقى عنده غير اعز اصدقائه ماجد بس ماجد بعيد عنه حيييييييييييييييييل .. اخذ جواله واتصل على ماجد لكن مارد عليه في غرفة منال منال تكلم سحر على الجوال : طيب والحين وش بتسوين؟ سحر : لا تسألين وش بسوي انتي ماعليك غير تعرفين بالنتايج والباقي اتركيه علي منال : ومتى بسمع خبر يبرد القلب سحر : بتسمعين ياقلبي مو انا وعدتك مايمر يوم السبت الا وهو مطلقها منال : لو صار اللي ابي ياسحر اطلبي عمري مايغلى عليك السبت الساعه 2 الظهر طلع فيصل من الشركه وهو تعبان من الشغل راح للبيت وطول الطريق وهو يفكر في ليان حمد ربه انه سمع كلام جده صدق انه الى الان ماعرفها زين لكن يكفيه اللي شافه منها طيبتها وتواضعها وجمالها حرام ان هالملاك يعيش في بيت عمه .. عمه اللي ماهمه غير الفلوس ممكن يبيع عياله علشانه الحزن اللي شافه بعيون ليان كان سبب انه يستعجل في اخذها وصل للبيت طلع لغرفته اخذ شور وبعدها تمدد على سريره يحاول ينام لو ساعه وبعدها بيروح ياخذها اول ماغمض عيونه الا جواله يرن ابتسم توقع ان اللي متصله ليان بس لما شاف الرقم استغرب لانه غريب قرر انه مايرد بس الاتصال تكرر ولما مارد للمرضه الثانيه وصل له مسج (الرجو الاتصال او الرد ضروري جدآ اخ فيصل ) اول ماجاء بيتصل الا الجوال يرن وبنفس الرقم رد على طول فيصل : الووو ... : السلام عليكم ورحمة الله فيصل استغرب منو هذي اللي متصله اكيد مو وحده تلعب صوتها وابتدائها بالسلام يقولون كذا : وعليكم السلام نعم مين معي ...(وبصوت جدي وخالي من اي دلع ) : اولا اسمحلي اخوي انت فيصل عبدالعزيز ال ... فيصل بحيره : ايه اختي وصلتي خير .... : اخوي فيصل الموضوع اللي بقوله لك خطير واتمنى تسمعني للاخير يشهد الله انه صعب علي اقول هالكلام لكن الساكت عن الشر شيطان اخرس ويعلم الله اني ماكلمتك الا برجاء انك تقدر باصلاح ماعجزت عن اصلاحه فيصل والحيره تزيد بنفسه من الكلام اللي يسمعه : قولي يأختي وان شاء الله اساعدك باللي اقدر عليه .... : احنا مجموعة بنات ماتربط بينا رابطت الدم ولكن ربطنا الاخوه والحب في الله انضمت لنا اخت .. فيصل وهو يقاطعها : عفوآ اختي بس انا ايش علاقتي بالكلام اللي تقولين .... : اخوي انا طلبت انك تسمعني للاخير واكيد لك علاقه لان هالانسانه مصلحتها تهمك فيصل اول ماخطر في باله ندى لانها قبل فتره انضمت لااحد الحلقات الدينيه : كملي اختي اسمعك .... : ارجو منك ماتقاطعني .. مثل ماقلت لك انضمت لنا اخت في الله كانت تحمل بداخلها كره لاهلها وللمجتمع كانت تسوى اشياء غلط وتجاهر فيها لاداعي لذكرها لما اكتشو اهلها تصرفاته حرموها من كل شي ماعدا الجامعه كنا نقابلها بالجامعه ونسمع لها ومانلومها ونحاول نصحح اخطائها ونقدم لها النصح بطريقه هاديه ومقنعه علشان ماتنفر منا اتصلت علي امس من رقم غريب وهي طايره من الفرحه وتقول انها تزوجت والرقم هذا جايبه لها زوجها وتكلمت عنه كثير بس بعدها صارت تبكي وتشكي من معاملة اهلها وانها بتحرق اقلوبهم مثل مااحرقو عليها فرحتها فيصل وهو عرف انها تتكلم عن ليان : كم الرقم اللي اتصلت عليك منه .... : لحظه اشوفه اخوي .. هذا هو 055******* فيصل تأكد من صدق البنت لان ليان قالت له انها ماعطت الرقم غير لراكان ولين حتى ندى الى الان ماتعرفه : كملي اختي اسمعك .... : واليوم الصباح اتصلت علي وكلمتني بصوت تعبان ولما سالتها وشفيها قالت لي ابوي ضربني لكن مو مهم المهم اني حرقت قلبه هو وامي حاولت استدرجها واعرف وش سوت اعترفت لي انها استدرجت اخوها راكان واغوته والعياذو بالله ولما عرف ابوها بالامر تبرى من ولده وطرده من بيته فيصل عقله وقف ماقدر يستوعب اللي يسمعه اجل اشلون يصدقه :(بعصبيه) اشلون تقولين الكلام هذا .... : لانها الحقيقه للاسف هالانسانه اعترفت لنا بخطاء كثير لكن غلطتنا اكتفينابالنصيحه وسترنا عليها لان من ستر على مسلم ستر الله عليه لكن بعد اللي صار ندمت اني مانبهت ابوها على بنته وتصرفاته او ماكانت وصلت الى هالامور فيصل وهو يتمنى الموت والا يسمع هالكلام : وليش تقولين لي انا ومن وين جبتي رقمي؟؟ .... : بخصوص رقمك هي قالت لي انها تزوجت فيصل ولد عمها عبدالعزيز ولمعرفتي بأسم العايله اتصلت على صديقه لي اخوها يشتغل بالاتصالات وقدرت تجيب لي رقمك .. اما ليه اقولك لانه من تصرف ابوها اللي اكتفى بضربها بس حسيت ان ماقدامي غيرك هالانسانه دام وصل تفكيرها للقذاره هذي فهي انسانه مريضه ولازم تتعالج وماتنترك كذا خطر على نفسها وعلى اللي حواليها قفل فيصل منها وهو مو قادر يصدق اللي سمعه اتمنى يرجع الزمن وراء ولا يرد على هالمكالمه كان بداخله صوت يصرخ كل اللي سمعته مو صحيح اخذ جواله واتصل على راكان وهو مايدري لو رد عليه وش بيقوله بس راكان مارد اتصل مرتين وثلاث ومارد تذكر ان راكان ماجاء اليوم للدوام وهو مو من عادته يتغيب اتصل على عمه ابو راكان (بعصبيه ) : نـــــــعــــم فيصل : هلا عمي شلونك ابو راكان : بخير بغيت شي يافيصل فيصل حاول يتحمل اسلوب عمه يبي يعرف صدق الكلام اللي سمعه : لا بس حبيت اسال عن راكان اليوم ماجاء للشغل واتصل عليه ابيه بشغله ومايرد ابو راكان بنفس عصبيته : مدري عنه وباللي مايحفظه ولااحد يسالني عنه فيصل يحاول يتماسك لان اللي يسمعه من عمه يثبت كلام البنت : ليه عمى عسى ماشر ابو راكان : من غير ليه تبي شي ثاني فيصل : ايه عمي اقدر اجي اشوف ليان ابو راكان بعصبيه اكثر من قبل : بكيفك انت وياها والحين مو هي زوجتك ليه ماتجي تأخذها وش تنتظر فيصل : انا بجي اشوفها الحين ويصير خير قفل من عمه ولبس ملابسه وطلع في بيت ابو راكان ابو راكان : متى بتوقفين المناحه اللي مسوتها ؟ ام راكان وهي تبكي : تكفى يأبراهيم لا تحرمني من ولدي ابو راكان : انسي ان لك ولد ولا اسمعك جايبه طاريه او والله مالك قعده في هالبيت فاهمه لما ماسمع رد منها دخل يده في جيبه ورمى عليها مفتاخ غرفة ليان ابو راكان :انا طالع للخرج وهذا مفتاخ غرفة بنت الحرام اذا جاء العله خليها تطلع له وعسى ارجع وهو مااخذها علشان اقلتها بيدي خلص كلامه وطلع في غرفة ليان حاولت تقاوم الامها جرت نفسها للحمام واغتسلت وصلت الفروض اللي فاتتها بعد ماخلصت حاولت تبدل ملابسها كان كل جسمها كدمات ومو متحمله يلمسه شي طلعت لها قميص قطني خفيف الى تحت الركبه البسته وبقت عندها المهمه الاصعب تمشيط شعرها كل مامررت الفرشه بشعرها كانت تضغط على اسنانها من الالم تحس كان فروة راسها انتزعت من مكانها من كثر ماشدها ابوها معه ماقدرت تلم شعرها ذيل حصان كالعاده من الالم فاتركته مفتوح وصل فيصل لبيت عمه مالقى قدامه غير يزيد وواضح ان لاعمه ولا راكان موجودين يزيد : هلا فيصل حياك فيصل : تحيا وتدوم وين عمي وراكان يزيد : ابوي طلع للخرج (وبرتباك ) وراكان مو فيه فيصل : طيب ممكن تنادي لي ليان يزيد : ان شاء الله طلع يزيد واتركه جلس فيصل وهي يدعي بقلبه ان تجي ليان ويتاكد ان اللي سمعه كل كذب ام راكان وهي تفتح باب غرفة ليان : قومي ياحقيره الله ياخذك ويريحنا منك ومن شرك قومي انقلعي لزوجك تحت وروحي معه وفكينا منك ليان كانت تبكي من كلام امها وتتمنى تعرف وش الذنب اللي سوته لكن خلاص فقدت الامل في ان امها تحن عليها في يوم كان كل املها في فيصل انه يعوضها عن كل اللي شافته طلعت من غرفتها ونزلت تحت وهي تجر نفسها جر من الالام اللي تقطع فيها دخلت على فيصل والدموع تغطي وجهها ماقدرت تاقف اكثر وجلست على الارض وهي تبكي : فيصل خذني معك ماابي اجلس هنا فيصل كان مصدوم من اللي شافه وجهها متورم وفيه كدمه كبيره وشفتها مجروحه مستحيل ان أب يضرب بنته هالضرب الا اذا فعلآ الكلام اللي سمعه جاء بيطلع من الغرفه وقبل لايطلع مسكة ليان يدها وهي الى الان على الارض ليان ببكى يقطع القلب ورجاء : فيصل وين رايح ابوس يدك خذني معك لاتتركني فيصل ماكان متحمل ينظر فيها او يتحمل مسكت يدها يحس انها نجسه وبتوسخه سحب يده منها بقوه وطلع من بيت عمه وهو مو متحمل ينتظر الين بكره عشان يروح للمحكمه ويرمي عليها ورقة طلاقها (القصه بمجملها خياليه ولكن فيها مشاهد من الواقع قد لانتقبلها بقلوبنا وعقولنا السليمه ولكن هذا لايمنع انها تكون موجوده) نهاية الجزء الثالث هل سيجبر الندم لمى على الاعتراف بجريمتها ام تستمر مع حزب الشر منال وسحر ؟؟ هل ستعرف ليان وكذالك راكان ماهو الجرم الذي ارتكبها يستحقان عليه كل هذا؟؟ وماهي ردت فعلهم هل سيطلق فيصل ليان وما مصيرها لو طلقها وكيف سيواجه جده؟؟؟؟ |
| الساعة الآن 02:00 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية