حصري ولأول مرة نكات باللهجة المغربية
 

- هذا واحد الراجل شرا صباط كبير عليه وهو يحتارمو -

- هذا واحد الراجل توقف ليه القلب جاب ليه كرسي

-هذي واحد المرا بغات تدور الحريرة دّاتها للمدينة

-هذا واحد الراجل بغا يطلع للرباط ما لقاش سلّوم

-هذا واحد الراجل سرط برا جرحات ليه المشاعر ديالو

-هذا واحد الراجل كان مْريّح رجع سطيّح

هذا واحد لواحد وهوما يتعادلو

-هذا واحد الـ PC جاه البرد وهو يسد windows

-هادو واحد الجوج مشاو للحمام، واحد حك والثاني صندوق

-هادو واحد الجوج مشاو حتى هوما للحمام، واحد عام والثاني عامين

-هذا واحد الحنش سكر وهو يمشي نيشان

- هذا واحد الحمار شاف فمراية وهو يڭول: والله حتى أنا عَوْد

- هذا واحد الراجل شرا ستيلو خضر وهو يطيّبو

- هذا واحد الراجل مشا لراس الدرب وهو يلقاه صلع

- هذا واحد الراجل طاحت ليه فكرة فراسو وهي تفلّقو

- هذا واحد الراجل كيكتب، نقّزْ سطر وهو يتهرّس

- هذا واحد الراجل حلْ الپلاكار، لقا حوايجو معلّقين وهو يتبعهم

- هادي واحد المرا طلقات شعرها وهو يهرب ليها

- هذا واحد كان داخل للقهوة دخل فأتاي

- هذا واحد الشلح ( يعني بربري ) تحرق ليه الحانوت وهو يبيپي البومبية

- هادي واحد النكتة مخبّية مورا الباب باش ما تضحكوش عليها

- هذا واحد بغا يتلفت وهو يتخيزوّا

- هذا واحد قطّع الورقة ديال الطيارة ومالقاش باش يسافر

- هذا واحد جرات ليه كرشو وهو يجري موراها

- هذا واحد العزوة مشا يشري ستيلو كحل، جرّبو فيدّيه وردّو لمول المكتبة حيت ما كيكتبش

- هذا واحد الشفار خارج مع صاحبتو، شرا ليها پولو. واحد الوقت دازو من درب خاوي قالت ليه "ها حنا بوحدنا، غتانم الفرصة". وهو يخطف ليها پولو وهرب.

- واحد المكلخ( يعني غبي) وقّفو بوليسي فالسيارة ديالو وسوّلو:


- مالك ما دايرش السمطة ديالك؟


- نسيتها فالسروال لاخر


- آرا الوراق ديال الطوموبيل

مللي عطاه الوراق، البوليسي لقا البيرمي فيه الصورة ما بايناش (يمكن دايز فالماكينة ديال التصبين)، ڭال ليه:


- شفتك ما كتبانش


- والو أالشاف، غير من الخدمة للدار ومن الدار الخدمة


- كتْفلّى عليا؟ هاد الطوموبيل مسورية (يعني عندها التأمين)؟


- لا غير من المغرب (سحاب ليه يعني واش من سورية)


- مزوج نتا؟


- آه، بواحد المرا


- واش نتا حمق؟ كاين شي واحد كيتزوج براجل؟


- آه، ختي



علاش ما كنحلبوش القنية؟ حيت ما كاينش فين نحطّو السطل



هذا واحد شرا موطور 103 وهوما يشفروه ليه. عاودتاي مشا شرا موطور 103 وشفروه ليه حتى هو. مشا ديكلارا عند البوليس ڭال ليهم شفرو ليا 206.



"واحد ڭال لصاحبتو: يلات كتبغيني ڭوليها، ڭالت ليه: ها.



"واحد الرجل سوّل مرتوا: شحال من عام باش تزوّجنا؟

جاوباتو: 25 عام

ڭال ليها: كون قتلتك كون خرجت من الحبس



"واحد الراجل دار DVD (Départ volontaire). عطاوه 50 مليون. كيحسب فيها فالدار وهي تدوز من خداه مرا. ڭال ليها: "تاخذي 10 ديال مليون وتديري ديبار فولونطير".



"واحد الوليّد سول ماماه: "ماما، شكون عطاني الذكاء ديالي؟ أنتي ولا بابا؟". جاوباتو الأم: "أكيد أنه باباك، لأن أنا الذكاء ديالي مازال .

ههههههههه مفهمتش غير كلمة هذا واحد هههههه

وانا واحد ما فهمت شى

مين داه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


انا ما فهاش شي

ههههههههههه


يا ريت نزلي ترجمه


كخخخخخخ

ههههههه ريهام ترجمي الله يخليكي هيتوهوا انا مغربية و حاسة حالي تهت هههههههههههههههههه

تعرفي هون المغرب ما بنحكي عربي خخخخخخخخخ ضعنا على كده

ترجمي و اعملي جميل ههههههه يلا يسلمووو يا حبيبتي

الله يخليكي احبيبة