|
طيب منرجع لموضوعنا صحيح انه عمري 22 سنة بس الحمدلله خاطب لاحلى بنت بالعالم و عذرا منكم ايتها الفتيات بس كل و احد عنده معايير بهي الدنيا هههههههههههه ان شاء الله رح اتجوز بس متى !!! الله اعلم لانه مثل ما انتم شايفين الحالة في الدنيا مو مساعدة لانه الازمة العالمية على الابواب و اللي عنده شغل خايف عليه وانه الواحد يطلب زيادة في الراتب كانه بقدم استقالته هههههههههههههه بس على فكرة انا تخرجت من شهرين على ما اظن ؟؟ المهم انا للان ما اشتغلت بشهادتي و شكلوا بحياتي ما رح اشتغل فيها و يا ريتني درست محاسبة احسنلي من الحكي الفاضي اللي درستوا ههههههههه قال شو الكمبيوتر لغة العصر و رحت انا من هبلي درستوه ههههههههههه المشكلة ما فكرت بهذا الكلمة من قبل لكن لما فكرت فيها لما تخرجت عرفت انه لما حكوا الكمبيوتر لغة العصر فصدهم ان كل الناس درسوا كمبيوتر حتى يشتغلوا بالكمبيوتر ههههههههههههه على كل حال انا حاليا مرمي تحت السيارات ميكانيكي يعني ؟؟؟؟ لا طبعا بلا هبل مش لهالدرجة هههههههههههه انا حاليا بتاجر بالسيارات في حواليكم سيارة للبيع بالاردن هههههههه اه ليش سالت في حواليكوا سيارة للبيع مو للشراء ؟؟؟ ما هي مبينة مثل الشمس " كانه يعني الشمس هالايام بتبين " ما حدا بشتري سيارة الايام هذه و اللي عنده خمسة الاف دينار بنام عليهم بخاف يطيروا مع الازمة العالمية بس يالله خلينا ساكتين بلاش نخبص بالحكي |
طيب وين صرنا كمان اه شو رايكم نحكي عن سيارتي امممممممممم طيب رح احكي عنها اول سيارة ركبتها و لسا عنا بالبيت هي ميتسوبيش لانسر موديل 2004 سوداء و انا بسميها بالجوهرة السوداء لانها من اروع السيارات لبطئها ههههههههههههه و توفيرها للبنزين http://i400.photobucket.com/albums/p...issapic025.jpg http://i400.photobucket.com/albums/p...issapic024.jpg بعدين اميتسوبيشي كبرت بيوم و ليلة و صارت ميتسوبشي باجيرو و كمان اسود هههههههههه http://i135.photobucket.com/albums/q...ion_2007-2.jpg و الحزين قعد عندي سنة و بعدين قلعتوا لانه الاخ مخالفته كثير و حوادثه اكثر يعني بالعربي السيارة انتحست من عيون الناس !! و الحمدلله انا هلا راكب احلى سيارة بالدنيا بوجهة نظري و هي jeep جراند شيروكي ابيض ( من شان الله كان لازم اغير اللون الاسود بحياتي هههههههه ) http://i50.photobucket.com/albums/f3..._SRT8_2006.jpg و هيك بكون حكيتلكم قصة حياتي مع السيارة |
حياتي و المدرسة يعععععععععععععععععععع بلا مدرسة بلا قرف خلينا محتفلين الليلة بكرة الاحد و يعني كلنا المفروض يكون عنده دوام الا اذا كنتم في بلد لي في البلاد العربية !! يعني بالعربي كيف انا شايف لسا ناس صاحية ؟؟ |
حياتي روووووووووووتين ممتع جدا ههههههههههههه الصبح بروح بداوم بالمنطقة الحرة للسيارات على بعد 70 كم عن منزلي ( سفر يعني اروح سوريا اقربلي هههههههه ) بعدين برجع على البيت و بتغدى و هون في ساعتين دائما بحياتي مفقودين ليش ؟؟؟ لانه بعد ما اتغدى بغمى علي من النعس و بتمنى بتمنى انه اصحى ساعة كاملة بعد الغداء بس مستحيل لازم انام مثل القتيل ههههههههههه بعد ما ااصحى بزبط حالي و بطلع انا و خطيبتي على مكة مول بنلعب Air Hokey http://i42.photobucket.com/albums/e3...z/IMGP0265.jpg بس بتعرفوا شو المشكلة ؟؟ انه دائما بخسر و انا بدفع الحساب هههههههههههه على العموم بكون مبسوط بعدين بروح الف بعمان كلها من الشمال للجنوب و الغرب للشرق بتكون صارت الساعة شوي متاخرة بوصلها على البيت و بعدين بتبدى حياة الشباب هههههههههه و بطلع مع صحابي كل يوم زي الله واحد على قهوة نلعب شدة حتى تصير الساعة 11:30 و بعدين home sweet home بحكي مع خطيبتي ساعة زمن و بعدين مرحبا يا ليلاس ابدء حياتي بليلاس و من منكم يراقب ليلاس نهارا لن يراني ابدا لانه مشغول ساكون ببرنامجي اليومي احكولي بدي احلى من هيك روتين !! |
شو سالتوني اشخاص اشتقت لهم اممممم خلينا نحكي جون و زهرة الكاميليا و لبيب و صوفيا و همسة ود و شهوودة و ميلودي و ساسوري و منى توفيق و كل اعضاء منظمة Revolution فردا فردا بلا استثناء طبعا اكيد انا نسيت حدا مو لانني ناسيه بس لانه انا شوي سطلت من كثر الحكي |
| الساعة الآن 09:14 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية