|
الــشــحــاتــة الــصــريــحــة والــمــســتــخـبــيــة
**الشحاتة الصريحة والمستخبية** * * * فى زمننا هذا بتتسرب فلوسك من جيبك من حيث لا تدرى الى اين تذهب وفى هذا الموضوع سنتحدث عن احد الطرق التى تذهب اليها فلوسك وغصبا عنك ولو قدرت تقول لا لاحدهم فانك لن تستطيع ان تقولها للاخرين طب جرب كدة تقولهم كلهم لأ..مش هينفع تعيش وهيبقى شكلك وحش جدااااااااا ومش جنتل ابداااااااااا تعالوا ندخل فى الموضوع الشحاتة والشحاتة نوعين اولا: الشحاتة الصريحة المتسولون ودول برضه انواع -هناك شحاتين لحوحين ..يستعطفونك ويستجدوك بطريقة ملحة صعب ان تمتنع عنهم وفى الاخر تديهم الحسنة فقط للتخلص من الحاحهم ومنظرك الوحش قدام الناس -هناك شحاتين يستعطفوك ويوروك عاهتم المستديمة التى تمنعه من العمل وهذا النوع تجد قلبك رق لهم وعلطول الشهامة تاخدك وتديهم اللى فيه النصيب -هناك شحاتين يدعولك ربنا يطول فى عمرك ويستر ولاياك و.......... فميهونش عليك.. الشحات منهم نبح صوته فى الدعا ليك كمان لو مشيت من ادامه من غير ماتديه حسنة احتمال كبير يدعى عليك -وفيه بقى شحاتين على هيئة مندوبين من جمعية(...) للصم والبكم ويديك ايصال للتبرع للجمعية -الشحاتين فى اشارات المرور بيكونوا شايلين علب المنديل وبعد ماتديهم يمشوا من قدامك من غير ما يدوك علبة المناديل ولما تندهله وتقوله المناديل يبصلك بنظرة كلها استعطاف ويقولك بنبرة متمسكنة:عايز المناديل يا بيه..طبعا هتبقى مفترى لو قلت آه -الشحاتين اللى بيطلعوا فى الاتوبيسات والمترو ويوزعوا عليك اذكار الصباح والمساء وكروت بها ادعية وآيات قرآنية وبيلفوا عليك بعد كدة يلموها ومعاها الحسنة ..حتى مش بيسبوها ليك ثانيا: الشحاتة المستخبية ودى برضه انواع ومنتشرة جدااااااااا -parking man يعنى منادى السيارت فى اماكن ركن السيارات والذى ما ان يجد سيارتك متجهة للركن حتى يجرى عليك ويقولك يمين يا باشا ..اكسر شمال ..عجلة قدام ..........الخ وتجده واضعا على كتفه ممسحة لا يستخدمها ابدا لمسح زجاج السيارة مثلا ولما تنزل من سيارتك تجد كفه ممدود عايز خمسة جنيه ويعتبر هذا حق مكتسب -عامل محطة البنزين -عامل السينما اللى فى شباك التذاكر..عشان يحجزلك فى مكان كويس تشوف منه الشاشة -عامل السينما اللى بيرشدك لمكان كرسيك ويظل يردد (كل سنة وانت طيب) من غير مناسبة -عامل الحمام فى المطاعم والمولات والكليات و........ رغم انه يتقاضى مرتبا عن نظافة الحمام اللى غالبا لا يكون نظيف -الصراف الذى يصرفلك مرتبك -العامل الذى تجده واقفا لك بالمرصاد عندما تخرج من قاعة الامتحانات بالكلية وتجده يبتسم لك داعيا لك بالتوفيق والنجاح مين تانى ؟؟ حد يزود !! |
معاكي حق ميه في ميه
بس احدث انواع الشحاتة في البيوت انا في شحاتين بيخبطوا علي باب بيتي علشان يشحتوا الشحاتة في كل ركن |
آه نسيتها دى والله عندك حق يا محمد وهقولك كدة على حاجة حصلتلى واحدة جات وقعدت تبكى وتقول بنتى بتعمل عمليا عند الدكتور اللى ساكن فى العمارة اللى قدامنا واديناها اللى فيه النصيب وبالصدفة وقفت فى البلكونة لقيتها مشيت بعيد خالص والمفروض انها قالتلنا انها راحة للدكتور ولقيناها لا راحتله ولا حاجة كلها امور نصب بس احنا بنقول احنا بندى بنية المساعدة وربنا بيجزينا خير |
اه في مين دول كتير
انا الي جالي قالي انه بيته في بلد بعيدة ومش معاه فلوس الموصلات |
ايوة فعلا الموضوع دة بيحصل كتير خصوصا فى مواقف الاتوبيسات فى رمسيس والعتبة و...... كمان فى مواقف السيارات المتجهة الى الاقاليم زى موقف عبود مثلا واحيانا فى محطات القطار المشكلة انك مبتبقاش فعلا قادر تفرق يعنى دة فعلا محتاج ولا نصاب !!! |
| الساعة الآن 04:23 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية