|
ظاهرة الزواج المتعدد
السلام عليكم ورحمة الله وبركاته شحالكم ؟؟؟؟؟؟ شخبااااااركم ؟؟؟؟؟ حبيت اعرض عليكم موضوع الصراحة هو في بالي من زمااااان ظاهرة الزواج المتعدد سؤالي للشباب : ليش تزوجون للمرة الثانية والثالثة والرابعة واحيانا اطلقون وحدة منهم علشان تزوجون الخامسة وهكذا .... (( ملاحظة : اذا كانت الاولى مافيها اي عيب ومريحتنك وملبية كل طلباتك )) والحين سؤالي للبنات : شو موقفج اذا ريلج عرس عليج وحط عليج وحدة ثانية وثالثة ورابعة هل بيكون الموافقة والسكوت او انج بتطلبين الطلاق ؟؟؟؟ وليش هالموقف اللي بتتخذينه ؟؟؟؟؟ لو سمحتوا كل واحد يقول لنا وجهة نظره من الموضوع م/ن |
عزيزتي ليس من واجب الزوج أن يقدم لزوجته مبررات زواجه عليها ,حتى لو كان مرتاح معاها ويحبها هو حق أعطاه الله للرجال ونعلم أكثرنا حكمته ....الرجال أحوج للتعدد أحياناً قوة بالمال والجسد ... وتعطيلنا لتعدد الزوجات أخرج لنا زواجات يمقتها المجتمع مثل المسيار والزواج السري إن بحثت المرأة عن سبب زواجه ...لن تجده لأنه تزوج ليتزوج ..فإن علمت زواجه تكظم غيظها وتربي أبنائها وتشكر ربها أنه لأن زواج زوجها ليس أكبر المصائب !! |
وي يا حليلكم عادي عندي اتوقع اذا تزوجت انا اللي اروح اخطبها
ولابعد واحضر عرسه احسن من انه اهله اهم اللي يخطبون ويفاجئني بهشىء يكون بعلمي احسن وتراني ايد الزواج من اكثر من وحدة لاني ما ادري مستقبلي وين والعلم عند ربي وهو عالم الغيب . انزين فكروا معاي جبتي عيال وين تودينهم عند اهلج احسن يكونون عند ابوهم ولاتقلون انه خلاص صار مثل اخوج لان تزوج عليج انتي ناقصة اخوان يمشي بالعدل احسن وصيري انتي اطيبة وملكية بالكلام الحلو . بس انا ضد ان يطلق وحدة من حريمه الاربع علشان الخامسة . بس لاتزعلون انا هذا رائي واختلاف الرأي لا يفسد للود قضية |
السلام عليكم ورحمة الله وبركاته التعدد شرع الله ...وليس لنا فيه اي اعتراض...ويرجع سبب كره المرأه لتعدد لرجل لعدم عدله..والاخفاق في معاملاته..ونقوله خل الي بالقلب بالقلب...وتعاملك خله طيب معاهم..حتى لاياتي يوم القيامه وشدقه مائل ..مهما كان ماتحب الوحده يشاركها احد في زوجها ..حتى الزوجه الثانيه تبغاه لها وحدها فقط... كان الله في عون الجميع.. بارك الله فيك .. |
| الساعة الآن 10:38 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية