|
( عـبـيـر )
|
(عـبـيـر) الجزء الأول الجيل الأول: أبطال هذا الجيل الأخوان : محمد فهد وسعد فهد أبناء محمد فهد : فضة و فهد ç أبناء فهد محمد: مريم وشيخه وعبير أبناء سعد فهد : نورة وفهد ومحمد وبدر وسعد البداية: سنة 1930 الكويت ..تركض الداية ومعاها أغراض الولادة قدر وفوطه واستقبلها الرجل الكبير فهد مع ولده محمد عند الباب وأمهم فضة داخل تولد والصراخ عالي ومحمد وأبوه واقفين عند الباب ينتظرون قدوم ولد جديد...! فهد: يالله يارب أن تستر يالله يارب يسر ولا تعسر محمد: يبه تبي ماي فهد: لا مشكور ياوليدي ان شاء الله امك بتولد وتجيب لك أخو محمد: إنشاء الله الداية طلعت تلطم وتبكي ( ياويلي ياويلي ) فهد: والرجفه في صوته شفيج الداية: المرة ماتت فهد: شنهو لا لااا دخل فهد يركض لزوجته ام محمد وعيونه مليانه دموع فهد: فضة فضة ردي شوفي ولدج شحلاته فضه لاتخليني بروحي ياافضه التفت فهد على الباب ولا محمد واقف يبكي محمد: يبه أمي ماتت فهد: ان لله وان اليه راجعون لاحول ولا قوة الا بالله ثاني يوم راح فهد وولده محمد عند المقبرة ودفنو فضة وصلو عليه صلاة الميت فهد: ماتغيب الشمس الا بأمر الله ولا يموت مسلم الا بأمرة اللهم لا أعتراض على حكمك يارب محمد عمره 20 سنة محمد: يبه شنو بنسمي أخوي فهد: اخاف نسميه اسم يحس انه مسؤل عن وفاة امه محمد: خل نسمية سعد فهد: سعد سعد لك السماوة يامحمد أجل عاش فهد بين تربيت محمد وسعد ولا حب يتزوج يظلم عياله وعلى رغم بعد زمانهم لكن أيضن تقدير شعور الناس لا يحتاج الى تباعد الأزمنه فهد: محمد ياولدي ماوصيك بكرة انا راح اروح برحلة للغوص خل بالك من اخوك سعد ولا تزعله وانا ابوك محمد: يبه بطول هالمرة فهد: الله العالم ياوليدي لكن ان شاء الله اذا رديت بتزوج لأن اخوك سعد محتاج من يقعد عنده محمد: اي والله يبه تزوج وعشانك انت بعد فهد: ان شاء الله ارجع وتزين الأمور خل بالك على اخوك في الصبح راح فهد للبحر ودع عياله محمد 26 سنه وسعد 6 سنوات وركب المركب وسافر للبحر في رحلة للغوص وكان رزق الناس على البحر لابترول ولا وظايف. مرت الأيام ومرت الليالي وطاف على سفرت أبوهم سنتين ومحمد مع اخوه بالديرة لا عم ولا خال ..!! جارهم حسن بن نفله رجل تاجر يحب الخير لناس جا وطق الباب على محمد بالبيت حسن بن نفله: يا محمد افتح الباب ياوليدي محمد: هلا عمي حسن ( وحبه على راسه) حسن بن نفله: اسمع ياوليدي اليوم عندنا عشاء وابيك تجي انت وأخوك سعد محمد: ابشر طال عمرك راح محمد وأخوه لعشاء حسن بن نفله وتعشو عندهم حسن بن نفله: اسمع يامحمد محمد: سم طال عمرك حسن بن نفله: بنتي جوزا لك ونبيك تعرس عليها محمد: مايردك الا المريد يا بن نفله بس ابوي مسافر واذا رجع ان شاء الله بالسلامة اتزوج من بنتك جوزا حسن بن نفله: لا يابوك أنت وأخوك تبون من يهتم فيكم ومافيه الا تعرس ياولدي الا كان بنتي جوزا ماتناسبك هذا شي ثاني محمد: لا يطويل العمر الا تناسبني لكن ابوي حسن بن نفله: انت متعزب روحك وأنا ابوك ولازم لك مرة وأبوك موهو معارض وانا اللي بتفاهم معاه محمد: انت وأبوي شين واحد واللي تشوفه طال عمرك حسن بن نفله : بعد بكرة عرسك يامحمد قول تم محمد: تم على بركة الهادي تزوج محمد من جوزا وجت جوزاء في بيت محمد وسعد . جوزا إنسانه ماتخاف الله وظالمه الى ابعد الحدود...!! محمد كان يشتغل عند محل حسن بن نفله ويطلع من الصبح ولا يرجع الا بالليل طلع الفجر ولبس محمد وراح لصلاة الفجر ورجع البيت يفطر عند جوزاء محمد: سعد قام جوزا: اخوك هذا اللسانه طويل ومايحترمني محمد: يابنت الحلال الولد توه صغير وأبوي مو هني جوزا : ولو لازم تربيه عشان مايتمرد بعدين قام سعد من النوم طالع فيه محمد وقاله شفيك على عمتك جوزاء سعد عمره الأحين 8 سنوات ماشاف لا امة ولا يتذكر ابوه سعد: مادري هي تهاوشني محمد: اكل تبن واحترمها هذي حسبت امك سعد: امي ماتت قام محمد وطق سعد بالعقال وسعد يبكي لو ابوي هنا ماطقيتني وداس على بطنه محمد وسعد المسكين يبكي وجوزا أي حيل هذا مايتربى الا كذا سعد : محمد الله يخليك بطني محمد : لاترادد ثاني مرة فاهم وجوزا عمتك وتسمع كلامها سعد: ان شاء الله محمد : حنا خوانك مو عدوانك نبي لك الخير سعد: ان شاء الله محمد: يالله قوم حب راس عمتك قام سعد وحب راس جوزا محمد: تأسف منها سعد: انا أسف جوزا: لاتعودها ولا راح يطقك محمد طلع محمد لمحل بن نفله وجوزا تكرف سعد بالبيت جوزا: يالله ياسعد قوم شيل الفطور المطبخ خل اغسلهم شنو اشتغل بروحي سعد: زين وظلت جوزا سلطه قاهرة بعين سعد المسكين الى ان جا يوم من الايام سعد 9 سنوات صلاة الجمعة وجا منادي ياهل الديرة السفينه اغرقت واللي فيها ماتو ياهل الديرة السفينة اغرقت واللي فيها ماتو محمد: ابوي مات وقام محمد يبكي سعد من كبر الصدمه صار يطالع الناس بخوف خيط الأمل الصغير اللي عايش عليه ضاع اعلن المصلى صلاة الميت بعد الصلاة على اهل السفينه اللي ماتو وصلو صلاة الميت بدون جثث ولا دفان كان عزاء غريب واعلنو الحداد عليهم ................ صارت حيات سعد مستحيله للسعادة وكأن اسمه عكس حاله مابين ظلم زوجت أخيه وقسوة حياة أليمة ظالمة لا يحل لدمع مقام مدام المقام دموووع يبه شلونك...ملل هالــكــون من دونك .. يبه شلونك ؟؟وتمضي رحلة الدنيا.. بليا طلة عيونك..؟؟!! يبه شلونك ؟؟وشلون المرض وياك؟؟ بعد ماهدك بدنياك..عساها تغمض جفونك ؟؟ تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟ .. يبه امي تخيلك دوم...تغني لك مع القمرا.. يبه واللي خذاك بيوم....خذا بنيتك بكرا.. خذا.. وياماخذا.. وياما..خذا ناس يحبونك يبه حنا صرنا كبار..توفقنا وتخرجنا.. يبه ماعاد فيه صغار..يموج بهالزمن كل شي.. وحنا ماتموجنا..على ذاك العهد نسري.. نبيع العمر والدنيا..ولا تخلف بنا ظنونك يبه شلونك ؟؟تبي تدري عن اخباري ؟؟ عن افكاري وتذكاري؟؟ اشيلك بداخلي جمره ..وبعيون الحزن عبره..تغرقني .. وتحرقني.. اشوفك نجمة تجبر..مراعيها .. يراعيها.. واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !! يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! .. و برجع اسألك وينك !! بس لازم تجاوبني .. ترى عندي امل للحين !! .. و لا كني اعرفك وين ..!! يبه شلونك ؟ ملل هالكون من دونك الشاعر مسفر الدوسري مرت حياة سعد في قساوة عند مرة اخوة جوزا وظلم الزمن الأقشر عليه وعلى أخوه.. محمد دايم يحس بالمسؤليه ويحاول يرضي سعد لكن للأسف هو يرضي زوجته وهو مو حاس بعد مرور 10 سنوات ...............!! محمد جاب بنت و ولد: فهد وفضة وسعد الأحين عمره 19 والعيون عليه وأخوه قاله بزوجك أخت جوزا مع ان سعد مو راضي يتزوجها بس بالغصب بن نفله يبي يزوجه مثل اخوه تزوج سعد شيمة أخت جوزاء وكانو في بيت واحد وبداء سعد يكون انسان قاسي مع شيمة رد على فعايل اختها فيه لما كان صغير وانتقام منها ..!! جوزا راحت مع عيالها لشمال عند اخوها شيمة جابت ولد لسعد سماه فهد موسم الحج : بن نفله قال لديرة انه بيروح للحج واللي يبي يروح يخاويه راح سعد لأخوه محمد سعد: بن نفله بيروح للحج وبروح معاه محمد: أي جوزا راحت لشمال مع عيالي عند خالهم وانت بتروح بعد سعد: بخلي شيمه عند اهلها وبخليها تجيب لك غداك وعشاك كل يوم محمد: مو مشكلة الله يستر عليكم أجل سعد راح جهز أغراضه ورتب نفسة يبي يروح مع قافلة بن نفله وراحو للحج والطريق طويل وكان الحج فيه بذاك الوقت مشقة أكثر من الأحين ..!! بن نفله الرجل الشايب تعب بالسفر واشتد عليه عناء السفر وافته المنيه ومات بالطريق وحلف سعد لو انه حاج من قبل لحج عن بن نفله تقديراً لهذا الرجل اللي وقف معاهم في مصايبهم اللي مرو فيها من بعد وفاة ابوهم ..!! تمت الحجه حمدلله وفرو الناس من عرفه وخلص الحج واستعدو للعودة إلى الكويت جت لسعد اخبار إن جوزا مع اخوها موجودين بنجد وانهم ينتظرون ابوهم بن نفله عشان يرجعون معاه ولما وصلو الى نجد لقو جوزا واخوها بأنتظارهم ولما سمعو بالخبر أنهارو وصار يبكون على فراق ابوهم بعد يوم مشو الناس من نجد متجهين الى الديرة سعد مرات بالغلط تجي عينه بعين جوزا وكأن عين سعد تنادي بالأنتقام ومازال غرور جوزا يستوحيها ورغم كسرتها بوفاة ابوها بعد ايام واسابيع وصلو لديرة وكانت معاهم مصيبة يحملونها لديرة خبر وفاة بن نفله..!! ولما دخلو الديرة إلى ريحة الديرة أشبة بالكهف الذي ماتت فيه 1000 قطه ريحة جيف لا يستطيع الأنسان أن يستحملها والكل يسأل وشنو هالريح في الساحة العامة وقف الجميع ينظر إلى هول المنظر العظيم الجثث مرمية على بعضها وأشكال الناس مرعبه أنه السل طغا مرض السل على الديرة ومحا من كان فيها جميعهم منهم محمد أخو سعد وشيمة زوجته وولده فهد ركض سعد لبيتهم يبحث عن أخوه وهو يصرخ محمد يا محمد وفتح باب البيت ولقى أخوه محمد في نص البيت ممدد يركض سعد محمد ياخوي الله يبيحك تكفى كلمني من لي غيرك يابعدي يابوي ويا أمي ياطوايف هالعالم أنا سعد ياخوي رد علي محمد أنا سعد أنا أخوك لاتروح وتخليني لا تروح مثل ماراحت امي وراح ابوي يامحمد أنا سعد رد علي يا محمد وضع رأس محمد على فخذه ويد سعد اليمين تحت راس محمد واليسار ماسك فيها ثوب محمد يجره ويصارخ ياخوي يابن الغايبين عني لا تغيب .........................................!! يابن الغايبين عني لا تغيب ........!! مصيبه بن نفله كانت اهون عليهم من مصيبه الديرة اللي كل مافيها ماتو ......!! التفت سعد على باب البيت لقا جوزا قاعدة على ركبتها وتبكي وعيونها تدمع وطالع بسعد وسعد عيونه تدمع على أخوه جوزا: محمد مات ياسعد سعد: راح غالي ياجوزا جوزا: ياسعد ابوي مات واخواني وهلي كلهم سعد: مات اللي يسواهم ياخوك جوزا: اختي شيمة زوجتك ماتت وولدك فهد مات سعد : مات اللي يسواهم ياخوك ابن الغايبين عني غاااااااااب ياجوزا طلع سعد على الباب ويشوف العالم تركض وتبكي على فراق اهلهم وسعد يبكي ويقول ابن الغايبين عني غاب يعالم. أنتهى الجزء الأول أتمنى اللقا ردودكم الى ان اللقاكم في الجزء الثاني على خير تقبلو تحيات اخوكم خالد الفهد |
السلام عليكم ورحمة الله وبركاته
حَياك الله أخوي خالد الفهد كاتب بين كوكبــة كتاب ليلاس أتمنى تلقى هنا اللي يسرك من تشيجع ونقد بناء من قراء ليلاس الأفاضل كل التوفيق لكَ |
كنت اشوف القصة بالم وتمنيت اقراها وان شاء الله اكون من المتابعين لك هنا
لي عودة |
السلام عليكم ورحمه الله وبركاته
قصه مؤثره جدا واحداث مؤلمه كلماتك قويه ومختلفه باحداث مميزه بدايه موفقه اخي تشدنا لنتابعها بقوه ونحن ننتظر القادم بشوق اهلا بك كاتب في رحاب منتدي ليلاس الرائع ومع صحبه اروع من كتاب متميزن بمزيد من التفوق وتحياتي انتظر المزيد من الاحداث الرائعه منذ الان |
حيااك الله اخوووي .. واهلاا وسهلااا فيك في ليلاااس...
والله يووفقك يارب.. |
اقتباس:
كم يشرفني الأنضمام إليكم متمني من ربي ان اوفق في طرح القصص ومشكورة اختي |
اقتباس:
واتمنى ان تعجبج اقتباس:
ومنورة البارت اقتباس:
اختي زارا يسلموو على المرور ومنورة البارت |
خالد الفهد بداية مؤثرة بموت ام محمد وفقدان سعد لاحبابه
لكن اعتقد ان سعد جاته الفرصة انه ينتقم من جوزا واللى سوته فيه اخي خالد اتمنى نزول الجزء ءالثاني باقرب وقت سلمت يداك |
اقتباس:
منورة البارت ان شاء الله الجزء الثاني اليوم |
الجزء الثاني الشخصيات الجديدة ناصر بن بندر وبنته حصه وبنت جيرانهم اليتيمة وسمية والدلال النشمي الدلال ( اللي يدور بيوت ويبنيهم نفس صاحب مكتب عقارات) بعد مرض السل اللي طغى الديرة تجمعو الناس بصلاة العصر عند المسجد وشالو الجثث وقالو مايصير نغسلهم لأن فيهم أمراض ولازم ندفنهم بعيد عن الديرة وحاولو أنكم ما تلمسون أي أحد ميت خوف من المرض ينتقل لكم جمعو أهالي الديرة موتاهم والبنات يساعدونهم بالتنظيف وصارت الديرة محتاجة للمساعدات الناس وظلو أهالي الديرة ينظفون الديرة ويغسلونها أيام عشان يتأكدون من خلوها من الأمراض ...!! في بيت سعد كانت جوزا وعيالها الأثنين فهد وفضه ... جوزا خسرت كل أهلها ومالها إلا سعد سبحان الله حكمة من رب العالمين ودرس لها سعد أخذ محل بن نفله وأشتغل فيه ومرات ينام بالمحل لأن جوزا بالبيت ومايقدر ينام عندها .. بعد شهور في واحد إسمه ناصر بن بندر هذا أمام مسجد الديرة..!! عرض على سعد إنه يتزوج بنته حصه وسعد وافق على طول لأنه يبي يستقر..!! ( لو تلاحظ انهم يزوجون بناتهم هذاك أول الناس تدور الستر مو المهر الغالي ولا البيت السنع والفخفه الزايدة يشترون الرجال لبنتهم ومايهمهم شي ) عدم ذكر حصة بأسماء الجيل الأول لأن سعد تزوج مرتين وعشان ماتتضح ملامح القصه. تزوج سعد حصه وجابها في بيتهم وأخيراً قدر سعد يدخل بيتهم بعد شهور حصة إنسانه بريئة ومحترمة وتخاف الله ( ولكن ) .!! ليلة الدخله سعد: اسمعي ياحصة أهم ماعلي طاعت الله واعيال أخوي حصة: ان شاء الله طال عمرك وكأن سعد يرى المستقبل ..!! استمرت الحياة عند سعد وحصة بشكل جيد وسعد مابين محل بن نفله الى المسجد والبيت..!! جوزا نصف عقلها قد ذهب وصارت تخور الكلام وماتجمع قدمت حصه لسعد نصيحة بأن يودون جوزا عند الشيخ يكويها عشان تطيب قال سعد لا أنا أعرف شنو اللي يطيبها ودخل عليها سعد وهي عند عيالها وضربها بالعصا وهي تصرخ وعيون سعد تدمع على ماضي مريب وأليم وضربها وهي تقول غاب محمد وطالت ايدك ياسعد وهو يضربها بقوة وبدون رحمة .. جوزا: غاب ابوي وانت أخذت محله وماقلت لك شي سعد: انتي انتهت الحياة بالنسبة لك انتي نصف عاقل والموت ارحم لك حصة: سعد تعوذ من بليس حرام عليك المرة تعبانه سعد: أنا أعرف من شنو تعبها جوزا: اضرب اضرب مو أنت مو رجال ويضربها سعد بقسوة وهي تبكي بعد هذا العقاب الشديد وداها عند الشيخ يكويها قال الشيخ: ياسعد المرأة تتوجع والكوي يمكن يذبحها سعد: ياليت تكويها ياشيخ مهاما كان الضرر وكواها الشيخ ونامت جوزا متألمه ( ويالها من خاتمه) ماتت جوزا بين رحمة وعذاب وتركت خلفاه فهد 10 سنوات وفضة 8 سنوات أي مأساة أستقبلها سعد ..!! ومرت الأيام وفهد وفضه عند عمهم سعد. وبعد شهور وسنين سعد جاب بنت ولد نورة وفهد توهم صغار العم سعد 35 سنة زوجته حصه 25 سنة ولد جوزاء فهد 20 سنة بنت جوزاء فضة 18 سنة سعد: ماتبينا نزوجك يافهد يا ولد اخوي ترى ابوك محمد هو اللي زوجني فهد: لا يبوي توني على العرس ابي اشتغل سعد: بغضب تشتغل والمحل اللي تبلع منه أنت وأختك طول سنينكم من يشتغل فيه فهد: قام حب راس عمه يبه يعني حنا بنظل طول عمرنا عايشين عندكم سعد: وليش شالمانع حصة مضايقتكم فضة: حشى لله يايبه حصة حسبت امنا حصة: عما بعينج انا حسبت اختكم توني شصغري سعد: والله يافهد لو تعرس الأحين ترى ابرك لك فهد: يا يبه انا افكر اطلع بروحي بيت وبعدين افكر بالعرس سعد: وإذا جبت لك البيت اليوم تتزوج فهد: أي والله على أيدك خالتي فضه تبي تاخذ راحتها لي متا وحنا عندها سعد : خلاص اليوم أكلم الدلال يدور لكم على بيت طلع فهد مستانس من خبر عمه وحس ان الدنيا انفرجت له ..! بعد يومين قامت حصه على طق الباب. حصه: منهو منهو عند الباب بن بندر: انا ابوج ياحصه حصه فتحت الباب بسرعه وحبت على راس ابوها حصة: تو مانور الدار يالغالي بن بندر: بأهله منور حصة : دقيقه يبه اجيب لك الشاي بن بندر: لا يبوك انا ابي أشوف سعد حصة: سعد طلع مع ولد اخوه فهد بن بندر: ماتدرين وين راحو حصة: الا أدري راحو يدورون بيت لفهد وأخته لأن فهد بيعرس بن بندر: زين على البركة اللي فرحنا بهاليتيم الضعيف حصة: أي والله يبه شتبي بسعد بن بندر: والله أنا كنت جاي لهم على شان هالموضوع حصة: أي موضوع العرس بن بندر: أي يبنيتي حصة: ليش شسالفه بن بندر: ابيه يزوج فهد لوسمية بنت جيرانا هم ضعيفة ويتيمه وماعندها أحد بالدنيا غيرنا يابوك ( حصة ماتحب وسمية ) حصة: لا الله يهداك يبه فهد خطبو له وبعدين وسمية ماتناسبه نجريه وملسونه بن بندر: بصوت الغضب حصة شهالكلام البنت يتيمة شلون تقولين عنها كذا قام بن بندر وطلع برى البيت بن بندر: إذا جا سعد خل يمر علي بالدكان ( المحل) حصة: ان شاء الله طال عمرك وسعد مع فهد داخل بيت جديد يطالعون فيه الدلال النشمي سعد: يا النشمي كم يوم يبنونه النشمي: والله أسبوع تقريبا سعد: ها ياوليدي فهد ان شاء الله البيت مناسبك فهد: أي الحمدلله بس اهم شي خل يحطون دار للأختي فضة سعد: ابشر اللي تبيه يصير يالنشمي كبر لنا الغرف فهد: والله مناسب مكانه يا يبه قريب عليكم سعد: قريب الا الطوفه بالطوفه يابوك لا تحاتي مدام حنا قراب فهد: أي اهم شي قربكم عشان فضة بعد سعد: يالله خل نروح بن بندر عشان نخطب لك بنته فهد: أي بنت بناته كلهم متزوجات وعليهن عيال بعد سعد: اقصد بنت جيرانهم وسمية يقولون خوش حرمة وتصلح لك طلع سعد وفهد وراحو محل بن بندر ولقوه قاعد سعد: السلام عليكم بن بندر: ياهلا يابو فهد سعد: ياهلا فيك يابن بندر بن بندر: ها بشر شصار ( قصده البنت اللي بيخطبها فهد) سعد: أبشرك الأمور حمدلله كل شي ماشي حسب الأصول ( قصده البيت) بن بندر: حمدلله سعد: حنا والله جايينك نبي بنت جاركم وسمية لولدي فهد ومثلك تعرف وسمية مالها غيرك يا بن بندر بن بندر: وليش شفيه فهد ياسعد ردوكم اللي خطبتو منهم وجيتني الأحين سعد: مو بهي يابن بندر احشمنا انا افداك حنا في محلك بن بندر: أي حشيمة وأنت معطيني كلمة وتروح تخطب من وراي سعد: والله ماخطبت والعلم اللي جاك كذب في كذب بن بندر: بنتي حصة ماتكذب علي سعد: وشهي قايله حصه بن بندر: اليوم العصر يوم كنت انت وفهد مع الدلال النشمي كنت في بيتكم وقلت لحصة إني بكلم سعد عن وسمية قالت لي ان فهد خاطب سعد: عصب... تعقب الا هي فهد: يبي ينقذ الموقف عمي انت فاهم غلط حنا قلنا لعمتي لا تدورين حريم وخطبنا وكان نيتنا الاتفاق اللي بينك وبين ابوي سعد بن بندر: إذا هذا علمكم ترى البنت من الأول لكم سعد: هدا شوي. استغفر الله يابن بندر لا تفهم الأمور غلط انا ما أعطي كلمتين بن بندر: العذر والسموحه لكن هذا اللي جاني متى تبون العرس سعد: لا خلص الدلال بيت فهد بن بندر: على بركت الله قام فهد قبل عمه سعد وأستأذن وطلع برى المحل وراح بيت عمه سعد ودخل البيت شافته حصه وطالع فيه وهو ساكت ودخل غرفته عند اخته فضة فهد: فضة ابشرج عمي سعد خطب لي وسمية فضة: الحمدلله ياخوي الف مبرووك وقامت تلولش جت حصه تركض فتحت الباب. حصة: شعندج تلولشين منهو ميت فضة: بسم الله على اخوي مادريتي اخوي فهد خطب وسمية حصة: واقردي ومتى وشلووون فهد: تو خطبنها من عمي بن بندر حصة: واقردي واقردي وشقال ابوي لعمك سعد فهد: ما ادري دخل سعد البيت وبصوت عالي حصآآآآه ...حصة يامال الجدري حصة: ترجف وطلعت من غرفت فهد وفضة نعم مسكها مع شعرها وضربها وسحبها لغرفتها وهي منسدحه يجرها مع شعرها وتصارخ وداخل يضربها سعد: ياملعونت الوالد تكذبين على ابوك وتفشليني معاه حصة: توبه والله ماقصدي اكذب عليه ويضربيها بخيزران ( عصا) سعد: لا أنتي ماجربتي الدلع أنا مادلعتج ذوقي من الدلع حصة: وهي تصارخ تكفى ياسعد ارضى عني اذبحني سو اللي تبي فيني بس لاتزعل مني. ( حريم أول ماعندهم مبداء الفراق) سعد: انا ما أزعل انا اربي وانتي تربيتي حصة: الله يرحم والديك توبه توبة والله ماعودها طلع سعد معصب وراح غرفت فهد وفضة سعد: فضة يافضة فضة: سم يبه سعد: حصة عمرها أذتج بشي فضة: حشا والحشا عن ألف يمين ماعمرها ضايقتني حتا طلع سعد برى البيت وهو معصب راح فهد الولد البار ورا عمه برى البيت يمشي سعد رايح للبحر فهد: يبه سعد: خير فهد: الله يرحم والديك لا تزعل على خالتي حصة والله ماتقصد سعد: يابوك الخيل من عسافها والمره من عسافها ان عسفتها عسف مشت على السراط المستقيم فهد: ولو ياعمي هذي ام نورة وفهد مايصير سعد: ادري يبوك بس المره لازم تشوف العين الحمرة عشان تتوب من الكذب فهد: الله يهداها يارب سعد: خلك منها يابوك مابقى عليك شي ونفرح فيك فهد: الله يعلم اني ماني متزوج الا عشان ترضى عني سعد: الله يبارك فيك ياليت ولدي فهد يطلع مثلك وبنتي نورة تطلع مثل اختك فضة فهد: لا إن شالله يطلعون أحسن منا رجع سعد مع فهد البيت وكأن سعد رضى شوي وتغيرت نفسيته دخلو البيت لقو حصة بالحوش قاعدة سعد: قومي جيبي لي ماي فضة: ان شاء الله عمي سعد: اقعدي يافضة قومي ياحصة حصه: ابشر وراحت مسرعة تجيب الماي سعد يطالع بعيال اخوه ويضحك وتضحك فضة وجا فهد ولد سعد وبنته نورة يلعبون مع ابوهم سعد. نورة اكبر من فهد ... بعد أسبوع طق الباب الدلال على بيت سعد النشمي: ترى خلصنا البيت ياسعد وتراه جاهز وحبيت ابلغك سعد: قواكم الله راح سعد يعلم فهد يالله يابوك مشينا نكلم بن بندر .... وراحو لبن بندر وبلغوه بانهم جاهزين للعرس. بن بندر: نبي جرتين وبقشة قماش سعد: ان شالله بن بندر: تعرف الزمن اختلف والبنات صارو يطلبون ولا حنا نهديها لكم سعد: حقها واقل من حقها بن بندر: أي ياخوك البنت فقيرة ودها تروح لزوجها بشين سنع سعد: اللي تبونه جاكم وبعد يوم تزوج فهد من وسمية ..!! وفي بيتهم الجديد ليلة الدخله تدرين أنا اليوم كل شي فيني جديد بشت وخنه وبيت وعروس الله يديمها علي فهد: ابيك راضيه وسمة: وابيك والد وعاش فهد في بيته الجديد مع عروسته وأخته فضة بعد شهر جو ناس من نجد لسعد يخطبون بنت اخوه فضة سعد ما منعهم وافق على ان تروح فضة معاهم لنجد العرس بعد يومين وفهد على البحر ايه يافضة والله يحن بقلبي فراقج ياخيتي ويوم تم العرس قبل لا تروح العروس دخل عليها فهد لقاها تبكي فهد: شفيج يافضة ليش تبكين فضة: ياخوي البعد عنك عذاب مو انت ابوي مو انت امي وشلون بعيش بدونك ومن دون شعور دمعت عيون فهد وصار يبكي فهد: والله لألغي العرس الأحين ولا تدمع دمعه من عيونج يالغاليه فضة: لا يخوي خلني هذا قدر ربي وش نسوي بالهم رضينا وما رضا الهم فينا ياخوي فهد: لا تبكين ألحين أطلع واقول لزوجك انك مو موافقه عليه فضة: ابوي سعد قال كلمته وانت تعرف ابوي مايرضى يسحب كلمته فهد: مو على حساب سعادتك فضة: ماتدري لو تكون هذي سعادي فهد: أي والله الخيره في ما اختاره يالله ياختي ابيك تضحكين اليوم عرسج فضة: يابختي فيك ياخوي فهد: الله يستر عليك وموفقه في دنياك ان شاءلله وراحت فضة عن عالم فهد وبدا على فهد ألم وحنين وفراق على أخته الغاليه ابشري يا اوخيتي الله ما يخيب رجى الصبور الرحووووووم صبرك بأعلىالجنان تنعمين به لأجل ما لقيتيه بدنياك من تعوب يااااااااااالله ياررررب الأرباب طلبتك تنسيني المواجع والهموم صحــــيح هـــــو هم ٍ صعب أنساه لكن ما أقول إلا مقدر ومكتوب إن طلبتوا الصدق غلاها في قلبي له مكانته محفور و مرسـوم لكـــن ما أقــــول إلا شاءت الأقـــدار ورحـل عني قليبها الحبـوب مرت الأيام والشهور جاب فهد من وسمية بنتين مريم وشيخة وسعد جاب ولد محمد فهد صار يشتغل بالمزارع وعنده سيارة يعبي ماء للمزارع وكانت كل مزرعة تعطية فلوس كان الوحيد بالديرة اللي عنده تنكر ماي هو فهد. طبعا كان هدية من بن بندر مرت الأيام مرت الأيام حلوة يتمناها كال سامع لها ما بين عزايم الديرة ومسؤليات الأهل كبر الأبناء وكثرت المسؤليات على أبائهم. وسمية كانت أفضل بنت في جيلها وكانت حصة دائم تغار منها طبعا البيت كان جنب البيت الطوفه بالطوفه ودايم ماتصير مشاكل بين بنات وسمية مريم وشيخة وعيال حصة نورة وفهد لو نطلع الشارع شوي نتفرج ايش حاصل نورة: تعالي مريوم بنت وسيمه ولا خايفه على شعرج يجيه التراب فهد واقف بس للفزعه وللمشاكل مريم: كلي تراب يالعوبه نورة: انا عوبه فهد شوف شغلك فهد مايعرف الا الضرب راح وضرب شيخه لان مريم دايم تنحاش بسرعة شيخة: وخر عن شعري يالمروح والله لا أعلم ابوي خل يرجع فهد: علمي ابوك خرعتيني يعني مريم راحت علمت امها وبسرعة طلعت وسمية من البيت وسمية: فهد وجع خل البنت مو كبرك يوم تضربها وانت ابو البنات بس قاعد تلعب مع البنات وراحت تفرق بينهم راحت نورة تركض تعلم امها حصة يمه وسمية وبناتها يطقون فهد أخوي طلعت حصة تركض حصة: يمال الكسر لج انتي وبناتج يام البنات وخري عن ولدي وسمية : ولدج هذا ابو النسوان مايلعب الا عند البنات ومايقعد الا عند النسوان تربيتج حصة: وسيمة عن الغلط لا أمد ايدي عليك وسمية: والله هذا اللي ناقص حصيصه طلع لها صوت وخري مناك عن بناتي يالله بنات ادخلو داخل الدلال النشمي شاف الموقف وراح يعلم سعد سعد جا مسرع وصفق حصة على وجهها وقالها داخل بالشارع يالمفضح هذي اخرتها هذا وانا عايش تسوين كذا شلون لا مت حصة دخلت البيت حصة: يعني استانست طقيتني قدام الرايح والجاي سعد: اكلي تراب ولا كلمة نعنبوك بالشارع وصلت فيك تصارخين بالشارع حصة: وسيمة ليش ماتهاوشها ولا جيد علي سعد: على تبن ( وقام وكفخها) يرع فهد واعلمه بسوالف مرته بعد مرور هذا اليوم فاجعة جديدة يتغير فيها مسار القصة انتهى الجزء الثاني اشوفكم بالجزء الثالث ان شاء الله |
الجزء الثالث فهد كان يرعا بتنكر الماء ويروي للمزارع ومرات يتأخر أسبوع أو اكثر ودايم تحدث مشكله مثل مشكلة اللي انتهت بالجزء الثاني تقريباً سعد : أنتي مالك خص في وسمية وأنا من يرجع فهد أقوله عن فعايل زوجته حصة: مو مشكلة مالي خص فيهم بس هي اللي تتحرش بعيالي وتسبهم وسمية كانت حامل ( طبعاً تعرفون حامل بمنو مابقى إلا عبير ) وما بقى عليها شي لا تحاتون عبير جايه ان شاءلله ولا يهمكم ..!! بن بندر: جا بيت فهد وعند الباب..!! بن بندر: يا وسمية وسمية: خلف الباب لبية بن بندر: ماتدرين متى يرجع فهد وسمة: والله ياعم ما أدري إن شاءالله هالأسبوع بن بندر: عندي اغراض لكم بخلي الحمالي يجيبهم وسمية: تسلم ياعم سعد مو مقصر علينا بن بندر: المهم إذا احتجتو شي بلغوني وسمية: أبشر طال عمرك وراح بن بندر... وسمية طلعت راسها تبي تشوف منو بالشارع ولا تشوف النشمي ( النشمي يحب وسمية من زمان وكان يتحرش فيها ) جا النشمي يركض النشمي: وسمية وسمية وسمية: سكرت الباب بسرعة وراك الله لا يراك ابو العيال مو موجود شتبي النشمي: انا قصدي السلام وسمية: ماقبلناه النشمي: الله وكبر يا وسمية نسيتيني عشان هالفهد مالج وسمية: الله يحسبي عليك روح لا تفضحني لا يشوفك سعد ويذبحك النشمي: خايفة علي ياحياتي من سعد لا تخافين انا عشرة من سعد وسمية: روح الله يخليك جا سعد يمشي سعد: النشمي وش عندك عند باب فهد النشمي: ها أي كنت ابي فهد بس اظاهر ما جا من الرعي سعد: اذا تبي تنشد عن فهد انشدني أنا ولا تدق الباب على النسوان النشمي: ابشر طال عمرك وراح مسرع النشمي من باب البيت. وجا سعد طق الباب على وسمية سعد: وسمية وسمية : نعم سعد: ليكون تفتحين الباب لأحد وسمية: ابشر طال عمرك سعد: من يسأل عن فهد غير النشمي وسمية: جاني بن بندر يسأل عن فهد اليوم سعد: بن بندر الأحين أروح له وراح سعد لبن بندر ولقاه في بيته جالس سعد: قوة ياعم بن بندر: هلا بك ياسعد سعد: يقولون انك تنشد عن فهد بن بندر: أي سعد: فهد مسافر ويمكن يطول خير وش فيه بن بندر: انا قلت ابي فهد ومن يرجع اكلمه سعد: يابن بندر لا تنسى اني عم فهد واللي يخصه يخصني بن بندر: واللي يخص زوجته يخصك بعد سعد: أفا وشهي مسويه هالذيبه علمني خل اربيها بن بندر: لا حول الا بالله وانت كذا على طول شراني سعد: علمني ولا رحت نفضتاها وخليتها تخر دلالها بن بندر: والله الموضوع مايبي الا فهد سعد: فهد بيقولي بن بندر: لاحول الا بالله خلاص بقولك سعد: أي قول شاي ياصبي بن بندر: ياوليدي الدنيا حيات وممات والواحد مو ضامن عمره سعد: الله يطول بعمارنا اختصر بن بندر: وسمية ياخوي ابوها تارك لها ورث عندي وانا شغلته لها بهالمحل وصيت ابوها اني ما اعطيها فلوس قالي استر عليها وزوجها ولد الحلال وبعدين عطها فلوسها سعد: الله يرحمه ويحسن إليه وليش تبي فهد بهالوقت بن بندر: انا ياوليدي دنى زوالي وحاس اني مفارق الدنيا وابي ارجع حلال المسكينه قبل لا أموت سعد: منو اللي ماسكك روح وعطها حلالها بن بندر: المرة عقلها صغير وتلعب بالفلوس ولا الناس يلعبون براسها والطماع واجد سعد: مالك الا تنطر فهد يرجع وتسجل كل شي بسمه بن بندر: مدام انك عمه انا اقولك اسجل المحل بأسمك وانت اذا رجع عطه سعد: تم واللي تبيه يصير بن بندر: بكرة تجيني عند الشيخ سعد : صار ولا يهمك طلع سعد مستانس من هالخبر وراح بيتهم ....!! سعد: حصة تعالي ابيج حصة: خير شفي سعد: طلع الحلال اللي عند ابوج مو له حصة: شنهو شتخربط انت سعد: اليوم كنت عنده وقالي ان هذا الحلال كله بأسم وسمية حصة: وسمية لا ابوي خرف سعد: اقولج بيروح بكرة الشيخ ويسجل الحلال بأسمي عشان لي رد فهد اعطيه حصة: واخواني بيضيع حقكهم سعد: والله حنا ماناكل حلال أحد ولا نحب ناخذ شي مو لنا حصة: ماتخذ شي مو لك وأنت تاكل وتدرع طول سنينك من حلال بن نفله (وصفكها كف) جب سعد: يالله قلبي وجهك عني ماني فاضي ادوس بطنج يالله حصة: وش بتقول وانت اللي ميتم عيال جوزا وماكل حلالها قام عليها سعد وكفر فيها وشاتها بطنها وقامت تزوع ( تطرش) دم راحت حصة لغرفتها وسكرت الباب عليها حصة: اذبحني ماني مخليتك تاكل حلال ابوي مثل ماسويت بجوزا سعد: يطق الباب افتحي احسن لك والله لأكسر الباب على راسك عيال سعد كانو واقفين يطالعون المشهد اللتفت عليهم سعد سعد: يالله انقلعو عن وجهي راحو يركضون من الخوف . ودخل سعد على حصه وربطها وسكر فمها سعد: اشوفك بكرة على خير حصة تبكي وتحاول تتحرك بس ربطها بقوة وراح سعد ينام وهو ينتظر بكرة ولما جا الصبح راح بسرعة لبن بندر سعد: ها ياعم بن بندر: مشينا عند الشيخ وراحو لشيخ وسجل الاملاك كلها بأسم سعد سعد: الله يجزاك الف اخير وماقصرت وان شاء الله اللي تبيه بيصير وراح اسجلها بأسم فهد بن بندر: الله يعطيك العافيه ولا تنسى الموضوع سر سعد: سرك في بير طلع سعد مستانس وهو يقول ايه الاحين فهد بيجيه كل هالورث ويعدل نفسه احسن له من تعب التناكر والرعي والمزارع ويكون عند عياله ابرك له ومر أسبوع وسعد بالمحل يحسب ونادا المنداي ياسعد ياسعد سعد: خير وش فيه يا ولد المنادي: ولد اخوك فهد سعد: شفيه المنادي: سوا حادث سعد: صار فيه شي المنادي: فهد مات سعد: لا حول ولا قوة الا بالله ان لله وان إليه راجعون المنادي: مكانهم بعيد ويمكن مايجيوبونهم الا بعد يومين سعد: فارق عن وجهي كان وجهك شر الله ياخذك.......... ان لله شقول لوسمية وبناتها الأحين راح سعد لبيت فهد يبي يقول لوسمية لقى الباب مفتوح والمرة بالحوش تبكي وتجر شعرها وسمية: قولو لي اني في حلم وين اودي عيالي ياعالم وليش هذي دنياي يارب سعد: تصبري يام مريم وسمية: راح ابو مريم ياسعد راح ولد اخوك مثل ما راح ابوه سعد طاح على الباب وقام يبكي وسمية كانت بنص الحوش قاعده على ركبتها وعندها بناتها مريم وشيخه وسمية: سعد قولي ان هالخبر كذب سعد: وهو يبكي ماعمر احد كذب علي بالموت ياوسمية جت حصة معاها بنتها نورة وطالعت سعد وخرت عنه لأنه طاقها أمس وأول مادخلت سوت نفسها تبكي وركضت عند وسمية حصة: واعليا تيتمو الصغار وماتهنا بشبابه ابوهم وسمية زادت حرقتها وقامت تبكي صارو يتشمتون فيها الحريم وقالت وسمية: ياونتي منها ظلوعي حطاما = على عشيرٍ بالهـوى مـات مغبـون شالوه من دار الحيا للعداما = ومن الحصى وتـراب قامـوا يكبـّــون من عقب مالفوه بقماش خاما = قاموا على بيض النصايب ينصـّـــون مات الحبيب ولا لحق له مراما = وبالله ياللي تدفنونه علـى الهـون حطوا نفق له عن سواد الظلاما = ودي ازوره مثل ناس يـزورون قل له عيون صويحبك ماتناما = يسهر وخلـق الله بقربـه ينامـون اما حياة في هنـا والتئامـا = والا ممـات اثنيـن بالعهـد يوفـون هيض عذابي ناحيات الحماما = ظنـي لهـم خـل بفقـده ينوحـون حياتنا غطى عليها الغماما = واجد اليا عشنـا مـع اللـي يعيشـون لا وحسافه غاب فهد التماما = تحت التراب احبيــّــب الـروح مدفـون راح سعد لبيتهم يمشي لقا بن بندر يركض بن بندر: دريت ياسعد عن فهد سعد: أي والله الديرة كلها درة راح ولد الغالي يابن بندر بن بندر: سعد واللي يرحم والديك الحلال اللي بسمك شتسوي فيه تراه برقبتك سعد: لا تحاتي بدبر له صرفه بن بندر: لا رجعه لي مرة ثانيه سعد: أي زين خل نخلص الدفان ويصير خير راح سعد البيت يفكر شسوي ارد له الحلال ولا أخذه بس شلون أخذه اخاف يشتكي عند الشيخ وبعدين اتوهق مافي الا حل وان شاء الله ما ألجئ له ...!! ثاني يوم جي بن بندر لسعد بن بندر: متى الدفان سعد: انت مو هامك الدفان انت تبي اروح معاك عند الشيخ بن بندر: أي يخوي هذا حلال أيتام سعد: أي خلاص بكرة ولقيت لك حل تصرف على وسمية من دون تعطيها الفلوس بن بندر: شنهو الحل سعد: بكرة قبل صلاة الفجر اجيك المحل واعلمك بن بندر: الدنيا ليل والعسس يمكن يجونا وياخذونا لشرطة سعد: ماراح نشغل الضو ولا أحد راح يحس فينا بن بندر: وشمعنا بهالوقت سعد: كانك تبي الحل مافي الا هذا الوقت بن بندر: خلاص بكرة قبل الصلاة ولما جا الوقت المحدد راح سعد للمحل وطق الباب وفتح بن بندر الباب ودخل سعد عند بن بندر بدون صووت وقاله بن بندر ها وشهو الحل ياسعد مخلينا مثل حرامية سعد: اش في صوت برى المحل منهو هناك بن بندر: مافي احد انت جايبنا بوقت غلط قام سعد واخذ اللفه اللي على راس بن بندر ولفها على رقبته وخنقه وبن بندر يطالع في سعد عين في عين وسعد بكل قسوة جر اللفة بقوة عشان يذبح بن بندر ويتخلص منه وهو لاف اللفة برقبته وخانقة شاف واحد يطالع فيهم من عند فتحت الباب ومايقدر يخلي اللفه لأن يمكن يقوم بن بندر وينحاش كمل عليه إلين مات بن بندر وأخذ اغراضة وطلع بسرعة وسكر المحل عليه ..!! وراح للمسجد بسرعة وقعد بالمسجد الى ان أذن أذان الفجر دخل أول واحد النشمي للمسجد وطالع في سعد عين في عين وفي عيون النشمي الحقد والصدمة خاف سعد شك أن النشمي هو اللي شافه وخلصت الصلاة وراح سعد البيت وهو يرتجف من الخوف ويطالع من حوله من الناس ودخل البيت وهو يطالع حصة حصة: بسم الله شفيك جنك شايف جني سعد: أي أي تصدقين شسمه شي مدري شنو دفني عند الباب فا تخرعت . وراح لغرفته بسرعة ونااام والعرق يتصبب منه..!! الصبح ...... حصة: سعد قووم سعد شنو منت رايح للمحلل سعد: انتي ليش ثوله ولد اخوي ميت امس شيوديني المحل حصة: أي نسيت سعد: اخذي فطور وروحي لوسمية تلقينها تعبانه وعشان انتي بعد ماتتعبين اليوم حصة: اتعب من شنو سعد: ها مدري عنك يالله روحي عني بس وطق الباب على البيت وقام سعد خايف منهو من عند الباب واحد يقوله جثت اخوك وصلت الظهر الصلاة عليه سعد: ان شاء الله ويسمع صريخ وصوت وطلع يركض عند الباب يشوف منهو ولا وسمية شافت جثة فهد وقامت تنوح على فراق زوجها راح الظهر عشان يغسل فهد قبل لا يدفنونه ولا يشوفهم جايبين جثه قال منهو جثته هذي الشرطي: هذي جثت بن بندر سعد تخرع بن بندر ماات الشرطي : أي مات واليوم راح نعرف من ذبحه سعد: وانت شدراك الشرطي: راح تعرف شلون شدراني سعد خاف وضاعت علومه ومايدري شسوي بس بلحظه قال لازم اخلي وضعي عادي عشان ما أنفضح عندهم وراحو وصلو على فهد وبن بندر ودفنوهم فالدفان سعد شاف النشمي يخزه ويطالع فيه بحقد قال مافي غيره هو اللي شافني مافي الا اروح له وأجس نبضه يمكن مايطلع هو وافتك منه ومن نظراته ..!! راح سعد لنشمي سعد: بصوت واطي شرايك أقص اللسانك. النشمي: عطني وسمية وأنا اللي أقص اللساني. انتهى الجزء الثالث اشوفكم بالجزء الرابع ردودكم وسام يتمناه كل كاتب |
يعطيكـ العافيه اخ خالد
جــــــ,ــــــــ,ــــــــودي |
السلااام عليكم..
انا عارفه ان القصه كامله في المنتدى الثاني.. وصراحه لما شفت اخر الجزء الثالث رحت بشوفها بالقصص المكتمله هناك واعرف وش سوى سعد للنشمي بعد كلامه؟؟ بس للاسف لقيت المنتدى مغلق.. اكثر شي يجذب بالقصه هو زمنها.. يعني مااقريت اي قصه في الثلاثينات ولا في الخمسينات الا قصه وحده بس.. وهذي الثانيه.. اوول شي استغربته من غياب ابو محمد بالغوص لمدة سنتين . اللي اعرفه انهم يغيبون شهرين ثلاثه بالكثير سته بس انهم يقعدون بالغوص سنين هذي اوول مره. ادري؟؟ بتكلم باكثر شخصيه شدتني هنا وهي شخصية سعد.. من طفل يتيم عانى على يد زوجة اخوه الى شاب حاقد والحين الى شخص مجرم وكله عشان الفلوووس.. بعض المرات احسه طيب وخصووصا في تعامله مع ولد اخوه فهد وفضه بنت اخوه .. والغالب عليه هي القسووه ومن خلال تعامله مع زوجته طوول الوقت بدون احترام.. ادري بتقوول كانوا كذااا يتصرفون... بس ماا اتوقع بالشكل هذاا ابداا كل كلمه والثاانيه يكفخون حريمهم ويدوسون ببطونهم لين يزوعون دم.. وش هالهمجيه؟؟ وين حسن العشره؟؟ والا سعد الشواذ من هالقاعده؟؟؟ احس اني اقرأ عن عالم ثاني .. سعد هذاا مجرم. وخاطري اعرف هل بيزوج وسميه للنشمي وخصووصا انه بيكون ثمن لسكوته ؟؟ والا اللي قتل مره بيستسهل المره الثانيه وبتكون اسهل من الاولى؟؟؟ صراحه لما قال سعد لبن بندر انه لقى حل.. توووقعت هالحل انه يتزوج من وسميه بعد مااتخلص العده... يعني بيكون هذا الحل الامثل اذا كان يبي تكو ن سيطرته على الحرمه و ورثها... بس انه يرووح باله لشي ثاني وقتل .. مافكرت فيها على طووول .. للحين باين ان سعد مسيطر على الاحداااث هنا.. وشكله بتكوون سيطرته هذي لااخر القصه؟؟ على فكره اخوي لما قلت انهم صلوا على اللي غرقوا بالغوص صلاة الميت وهم ماالقوا جثثهم ولا دفنوهم.. هذي يسمونها صلاة الغايب. مو صلاة الميت.. لانها بدون جثث.. طبعا هذا حسب معلوماتي وتقدر تتاكد من صحتها او خطئها.. بالاخير اخوي احب اقوولك اتمنى انك تنزل الاجزااء بفترات متقااربه.. لانها كامله وحنا ناس مانحب الانتظار.. نستنى الجاي بكل شوق.. |
اهلين....اخوي خالد .. احداث...ايام زمان..حلو الواحد يتعرف عليها.. سعد.. تقلب في شخصيته من معاناته.. اتمنى انك تنزل الاجزاء الاولى بسرعه....<<لان مايخفى شى على النسوان... ننتظر باقي الاحداث... |
اقتباس:
الله يعافيج ومنوورة |
يسلمو على الوصف اختي زارا ومنوورة
ومشكوورة اختي ناراتو |
الجزء الرابع سعد: بصوت واطي شرايك أقص اللسانك. النشمي: عطني وسمية وأنا اللي أقص اللساني. سعد: وسمية مو للبيع يا ولد النشمي: انتم في حالة عزاء والكلام في هذا الموضوع نفتحه بعدين سعد: اقلب وجهك عني انتها العزاء وظلت وسمية في بيتها لا ابو ولا ام ولا صديق ولا حبيب الوحدة مرات تكون قاتله وسمية حامل والعدة معروفة بفترت الحمال وبهذا الوقت حتى حصة كانت كانت حامل. سعد دايم يشتري اغراض البيت ويعطي بيتهم وبيت وسمية.. بنات وسمية :مريم 16 سنة وشيخة 10 سنوات وعيال سعد : نورة 18 سنة وفهد 16 سنة ومحمد 12 سنة مريم: يمه لا تسوين الغداء انا اللي بسويه وسمية: بارك الله فيج يابنتي مريم: شيخة تعالي نظفي الحوش وغسلي المواعين وسمية: يمه لا تعبين اختج مريم: يمه ارتاحي خلي شغل البيت علينا وفي بيت سعد نورة تركض ورا فهد نورة: ياملعون رجع اغراضي اللي سرقتهم فهد: أي اغراض انتي ماعندج شي يالله روحي عني نورة: يمه شوفيه حصة: فهد ويامال اليهد ليش هاللون على اختك فهد: هي اللي تحارشني حصة: روح عند ابوك لا تقعد عندنا يالله روح فهد: شبي في ابوي ابوي يخليني حمالي ويريح الحماليه حصة: أي اشتغل تعلم مثل ابوك فهد: مابي بروح اللعب بالسكيك عند العيال حصة: هذا انت مامنك نفعه لانت ولا اختك لابارك الله بالساعة اللي جبتكم فيها طلع فهد برى البيت وراح للعيال اللي يلعبون حصة: يمه نورة ساعديني شيلي المواعين خل اروح اسوي الغداء نورة: يمة ليش نسوي غداء خل حصة وبناتها يطبخون لنا مدام حنا اللي نعطيهم الأكل حصة: تصدقين والله فكرة ما طرت على بالي بكلم ابوج اذا رد من المحل اليوم. سعد في المحل .. سعد: ياهلا ومرحبا ياشليويح شليويح: هلا بك ياعم سعد: والله أبرك الساعات جيتك عندنا شليويح: أيامك أبرك سعد: والله ياشليويح انا ماعندي مانع بس باخذ راي الاهل تعرف الزمن تغير وأنا أخوك صار الحريم لهم كلمه شليويح: ههههههه حقها ياعم سعد: واذا على العرس نخليه بعد شهر ولا شهرين شليويح: اللي تشوفونه أنا حاظر أذن صلاة الظهر وراحو لناس لصلاة وبعد الصلاة شاف سعد النشمي واقف من بعيد وراح له سعد: انت شتبي وبعدين وياك وين ما اروح اشوفك قدام النشمي: والله انت اخبر انا ليش وراك وماله داعي اشرح سعد: المرة بالعدة خلها تفك وبعدين اكلمها لك النشمي: هذا انا ناطر وش ورانا ياخالي سعد: تخل خلت أعظامك يالله فارق وراح سعد البيت عند حصة........ سعد: ياعرب ياهل البيت وينكم حصة: موجودين الله حيه سعد: هلا يم فهد حصة: هلابك ازهب لك الغداء سعد: أي والله تراني خلاص بموت جوع وجت نورة وحطه الغداء قدام ابوها سعد: بعدي بنتي الشاطرة والله صرتي مرة يانورة وخطابج واجرد نورة: صج يبه حصة: نورة وجع يالله انقلعي مناك سعد: اليوم جاني شليويح يبي نورة وانا عطيته نورة: يبه شليويح كبير علي سعد: انجبي ولا كلمة حنا نعرف مصلحتج أكثر منج يالله حصة: اقول ابو فهد سعد: خير شفيكم صايرين حنه حصة: لا قلت مدام انت تجيب الماجله لوسمية وبناتها سعد: أي حصة: اقول شرايك الغداء يوم علينا ويوم عليهم سعد: لا ماتبينا نسكن عندهم بعد بنات وسمية بناتي وانا ولي عليهم حصة: انا ماقلت لك شي سعد: لا تفتحين هالموضوع ثاني مرة خلص الغداء سعد وراح ينام بغرفته بالمطبخ.........!! حصة: افكارج يالغبيه ابوج بغا يذبحني اليوم نورة: ليش شسالفة حصة: قلت له عن فكرة الغداء وما رضا وعصب نورة: مصيرة بيرضا لا تخلينه وزي براسة حصة: والله خايفة منه بيت وسمية مريم: يمة يالله تعالي الغداء زاهب وسمية: وين شيخه مريم: شيخه تعالي وقعدو على الغداء وسمية تغدي ياشيخه شيخه: يمه ابوي متى بيرجع هيض عذابي ناحيات الحماما = ظنـي لهـم خـل بفقـده ينوحـون وسمية: يمي ابوج مطول ماهو راد شيخه: يعني متى وسمية: الله العالم نورة: شيخة اكلي وبعدين اروح معاج لدكان عند البنات نلعب شيخة: زين حست وسمية بضيقة بالصدر وخلصت غداها قدام بناتها وراحت غرفتها وهي ماسكه بطنها عند الباب وسمية: يارب ترزقني بولد يضمني انا وبناتي وما يخلينا نحتاج لأحد يارب لا تخيب رجا من دعاك وبدت عيون وسمية تدمع وهي تقول يارب أستر علي وعلا بناتي من عيال الحرام يارب أنت الوالي لا تولينا لمن يظلمنا يارب لا تضيع رجاي يارب.... صلاة العصر طلع سعد وراح بيت وسمية وطق الباب سعد: ياعرب ياهل البيت مريم: منهو عند الباب سعد: انا عمج سعد مريم افتحت الباب وحبت على راس عمها مريم: حياك ياعمي تفضل ودخل سعد وقعد بالحوش وسمية راحت الغرفة وسكرت على نفسها الباب سعد: هلا بشيخة البنات هلا ببنيتي مريم: هاك عمي الشاي سعد: قواج الله يابنيتي سعد: ها يبنات قاصر عليكم شي تبون شي مريم: الله يرضا عليك ياعم ماقصرت نبي صابون سعد: وغيره شتبون مريم: سلامتك البيت مو ناقصه شي في بيت سعد نورة: يمه يمااااااااااه حصة: ومصمة تصمج شفيج نورة: لحقي ابوي رايح بيت وسمية يتعلل عندها وعند بناتها حصة: والله اللي مايستحي المرة في العدة رايح لها نورة: قايله لج زوجج هذا ينخاف منه حصة: انطمي وخل يرجع وانا اتفاهم معاه طلع سعد من بيت وسمية وهو ماشي بالطريق فتحت الباب حصة وشافها سعد حصة: ها شخبار وسمية سعد: تسلم عليج حصة: عصبت الله لا يسلمها لا هي ولا بناتها ليش رايح لها سعد: بشوف شنو ناقصهم حصة: وحنا لي متى بنكد عليهم سعد: لين اموت حصة: أي من حلال ابوي ولا حلال جوزا سعد: التفت وعصب اقول انقلعي لا أدخل واربيج حصة: خافت مايصير يعني تسئلنا وش ناقصنا بس عندها هي وبناتها سعد: سكري الباب حصة سكرت الباب بقوة ودخلت منقهره حصة: ياربي هذا بجنني نورة: يمه ماكو الا نخلي ابوي يدور لها على زوج ونفتك منها حصة: اهو هذا اللي يبي يصير ولا من صجج بنقعد على هالوضع... بعد شهرين وسمية تصارخ بالحوش وسمية: مريم يامرم مريم: هلا يمه شفيج يمه شيخة: تبكي وسمية: روحي نادي الداية شكلي بولد مريم : ان شاء الله طلعت مريم برى البيت تركض وهي تركض مرت على بيت سعد شافتها من الدريشة نورة نورة: شفيها هذي تركض وش منحاشة منه خل اروح اعلم امي لقت امها بغرفتها تتوجع نورة: يمه يمه شفيج حصة: مادري شكلي بولد ماقدر نورة: صج شكله حتى وسمية تولد حصة: وهي ماسكه بطنها وتتعصر ان شاء الله تجيب ذيبه مثل الذيبات اللي عندها نورة: يمة انادي ابوي حصة: نادي الداية ما اقدر بسرعة طلعت نورة ولقت مريم مع الداية يمشون راحت لهم نورة نورة: قوة الداية فاطمة فاطمة: هلا يبنيتي ترانا مستعجلين نورة: خاله امي تولد وتبيج فاطمة: وسمية تولد وشكل ولادتها عسرة بروح لها بسرعة نورة: عصبت وامي شنو تموت فاطمة: يابنتي البيت جنب البيت اجيكم طلعي قدر وحري ماي ليمن اجييج نورة تطالع في مريم وتخزها بص عين نورة: ان شاء الله امج تجيب ذيبه مريم: الذيبه تاكلج وراحو بسرعة لبيت وسمية وسمية تطلق وتعبانه وتبي تولدها سعد كان واقف برى البيتين وينطر مع ولده فهد.. سعد: ان شاء الله تجيب وسمية ولد يظفهم من هالدنيا فهد: وامي شتجيب سعد: اللي كاتبه الله حياه الله طلعت الداية فاطمة من بيت وسمية تركض لبيت حصة سعد: ها ياحجيه بشري فاطمة: والله وسميه شكلها مطوله بروح لحصة سعد: بسرعة الله يرضى عليج وسعد ينتظر برى البيتين طلعت من بيته وراحت بيت وسمية تركض وهي تركض معاها شيخه رايحه راده سعد: فهد ياوليدي روح اقعد بالمحل فهد: خلني معاك سعد: لا انا بطول هني لاني حاس بشي بيصير فهد: ان شاء الله يبه وراح للمحل سعد: مريم يامريم مريم: نعم عمي سعد: خلي الداية وطلعي روحي عند خالتج حصة طلعت مريم لبيت حصة وقعد بالحوش ينتظر طلعت الدايه سعد: ها بشري فاطمة : حمدلله ولدت وجابت بنت سعد: بنت فاطمة :حمدلله سعد:وشلون وسمية فاطمة: وسمية فاقدة الوعي وماتدري عن اللي حولها يمكن بتضل على هالحال اليوم كلها. سعد: لفي المولاود وعطينياه فاطمه : ليش سعد: عطينياه بسرعة ولا تعلمين احد وش جابت وعطته وراحت معاه لبيت حصة وقعد بالحوش وجو البنات عنده مريم: عمي امي ولدة سعد: أي الحمدلله مريم: عمي شجابت ولد ولا بنت سعد: روحو عند امكم وسمية تراها تعبانه وتبيكم روحي معاهم يانورة نورة: انا شكو سعد: طالعه بعين الغضب نورة نورة: ان شاء الله ورنحاشت تركض وراحو البنات يركضون لبيت وسمية ودخل سعد على حصة وهي تولد فاطمة: ياحجي خلني اشتغل سعد: منتي ميته اشتغلي ولدت حصة وجابت ولد اخذت الداية الولد بسرعة للحوش تغسله ودخل سعد على حصة حصة: وين ولدي سعد : ماشفتيه حصة: لا بدت علامات الخبث بين عيون سعد واضحة .....!! راح سعد لداية فاطمة وكان طول هالفتره شايل بنت وسمية معاه والداية كانت تلف الولد جا سعد واخذه منها وصار شايل البنت بيدة اليمين والولد بيدة اليسار...!! وقال لداية... سعد: كم تاخذين فلوس وتبدلن المواليد ومحد يدري...!! انتها الجزء الرابع اشوفكم بالجزء الخامس ردودكم ياحلوين |
الجزء الخامس الدايه فاطمه واخوها صقر 1965 بدت علامات الخبث بين عيون سعد واضحة .....!! راح سعد لداية فاطمة وكان طول هالفتره شايل بنت وسمية معاه والداية كانت تلف الولد جا سعد واخذه منها وصار شايل البنت بيدة اليمين والولد بيدة اليسار...!! وقال لداية... سعد: كم تاخذين فلوس وتبدلين المواليد ومحد يدري...!! فاطمة: وش تقول أنت سعد: اسمعي ولا ترفعين صورتج المواليد بنبدلهم ومحد راح يدري فاهمه فاطمة: اظاهر انت جنيت حصة داخل الغرفة حصة: سعد ياسعد جيب لي ولدي سعد: بصوت منخفض.. سمعي يافاطمة محدر راح يدري وبنبدلهم وبعطيج حقج فاطمة: بصوت عالي.. أي يافاطمة ولدج عندي اغسلة واجيبه لج طلعت حصة من الغرفة وشافتهم واقفين بالحوش مقابلين بعض وسعد ماسك بيده الأولاد الثنين حصة: وين ولدي سعد ضاعت علومه وجاها وعطها ولدها حصة: وهذا من ولده الثاني سعد: أي هذي بنت وسمية حصة: الذيبه ماتجيب الا ذيابه كفوها خذت حصة ولدها ودخلت داخل الغرفة والتفت سعد لدايه فاطمة وعيونه مليانه شر سعد: والله يافطمة الفقر لا أخليج تندمين طول عمرج على اللي سويتيه فاطمة: ماسويت شي سعد: اخذي هالبنت وديها عند وسمية وأنا أعرف شلون أتفاهم معاج اخذت فاطمة البنت وراحت تركض لبيت وسمية لقت البنات بالحوش نورة: ها بشري شجابت امي فاطمة: على البركه جا لكم ولد نورة : اشوى الا صج شجابت وسمية فاطمة: بنت نورة : أي عادي شبتجيب يعني غير البنات مريم: احترمي نفسج نورة: انتي شفيج ماقلت الا الصج فاطمة: نورة روحي لبيتكم خلاص الله يعطيج العالفية قعدت الدايه فاطمة عند بنات وسمية لأن امهم تعبانه ( الدايه فاطمة ) ارمله وماعندها عيال وساكنه في بيت ابوها مع اخوها صقر25 سنة صقر دايم يغيب بالشهور لحكم عمله على الحدود ونظام الحدود بالكويت كان وقتها جديد فا كانو العسكر يعسكرون بالشهر والشهرين على الحدود.. بعد يوم قامت وسمية من مرضها .. فاطمة: حمدلله على السلامة وسمية: الله يسلج فاطمة: جاتج بنت مثل القمر وسمية: الحمدلله مريم: يمه شنو بنسميها وسمية: والله مادري عن عمج سعد فاطمة: ليش ماتسمونه الزينه مريم: لا شرايكم باسم عبير فاطمة: عبير والله خوش اسم وسمية: جيبوها عندي .... وحضنت بنتها وصارت وسمية تبكي فاطمة: الله يهداج شفيج وسمية: يمه مريم قومي سوي شاي لخالتج فاطمه مريم: ان شاء الله يمه وسمية: والله كنت اتمناه ولد بس هذا النصيب فاطمة: هذي عطاي ربج حمدي ربج على ما عطاج وسمة: الحمدلله بس بناتي وانا حريم بروحنا ماعندنا رجال يضفنا فاطمة: بنتج مريم مرة تعتمدين عليها وعلى وجه عرس وسمية: وهالصغيرات منو بيرعاهم بعد عيني ماتغيب فاطمة: وكلي ربج والله ماينسا عبيده وسمية: والنعم بالله في بيت سعد نورة: الحمدلله يا يمه جبتي ولد حصة: الحمدلله نورة: وسمية جابت بنت حصة: أي ذيبه ماتجيب الا الذيابه مثلها نورة: يمه شبتسمون اخوي حصة: اكيد بندر على جدي الله يرحمه نورة: وابوي بيوافق حصة: مدري عنه الا هو وينه ما بارك لي دخل البيت سعد وهو متضايق سعد: نورة يانورة وثول نورة: سم يبه سعد :جيبي لنا شي ناكله نورة: ابشر الاحين ازهب لك الغداء دخل سعد على حصة وهي تسوي نفسها زعلانه سعد: مبروك ماجاك يابنت حصة: اللي جاني جاك يابو فهد سعد: وشتبين اسمه حصة: بندر على اسم جدي سعد: وشرايج في بدر مو ابرك حصة: اللي تشوفه راضين فيه طلع من الغرفة وراح للحوش وتغداء وخلص غداه وطلع برى البيت حصة: يانورة نورة: نعم حصة: وين اخوج فهد نورة: برى حصة: ومحمد نورة : على الباب يلعب حصة: روحي وخليه يلحق ابوه ويشوف وين راح نورة: زين طلعت نورة ولقت محمد يلعب عند الباب نورة: محمد تعال اسمع اللحق ابوي وشوفه وين بيروح محمد: ابوي دخل بيت خالتي وسمية نورة: لا تقول خالتي عما بعينك محمد: شقول نورة: قول وسمية ولا احسن قول الذيبه دخلت نورة عند امها نورة: تركض.... يمااااااااه حصة: ومصمه شفيج ازعجتي اخوج نورة: ابوي راح لوسمية وبناتها حصة: انا حاسة بس يتعلل عندهم نورة : أي شكله بيشوف بنتها الذيبه الجديدة بيت وسمية سعد قاعد بالحوش عند مريم وشيخة وكانت وسمية وفاطمة داخل الغرفة سعد: مبروك ما جاج يا وسمية وسمية: الله يبارك فيك سعد: شبتسمونها وسمية: انت ابوها وانت سمها سعد: استانس والله على كلمتج هذي ماني مسميها مريم: يبه سمها عبير سعد: عشانج بسميها عبير مع انه اسم مو عاجبني وزاد عدد افراد العايله عبير مع شيخة ومريم بنات حصه وبندر مع محمد وفهد ونورة عيال سعد وحصة ( عبير ) مثل القمر كل من زار وسمية يتكلم عن جمالها وعن بياضها وسمية مستانسه بجيت عبير اللي صارت الناس تعرفها من زينها وحلاوتها بعد اسبوع من ولادة عبير...!! بيت وسمية وسمية لابسه عباتها واقفه بالحوش وشايله عبير مريم: يمه زهبت لج الشاي والقهوة وحطيتهم عند الباب تبين شي بعد وسمية: بارك الله فيج شيخة: يمه بروح معاج وسمية: كلها ساعة بروح اسلم على خالتج فاطمة وارد مريم: كان خليتيها تجينا احنا بروحنا وسمية: والله هي اللي بروحها المسكينه واخوها مسافر عنها اخذت الاغراض وسمية وعطت عبير لختها مريم وسمية: ماوصيج يامريم ديري بالج على خواتج ولا تفتحين الباب الا لعمج سعد..!! طلعت وسمية من البيت وهي طالعه شافتها نورة من الدريشه نورة: وين طاسة لاحسيب ولا رقيب وسمية: والله انج ماتستحين نعنبوج انا مرة كبر امج تقولين هالكلام نورة: أي انثبري بيتكم بس تطلعين بالشوارع وسمية: الشرهه مو عليج الشرهه علي واقفه عند مجنونه نورة: تشهق .... ها انا مجنونه وراحت وسمية تمشي وهي بالطريق صادفت سعد يمشي وكأنه سارق شغله ومتلثم سعد: وين على الله وسمية: مستحية رايحه عند حريم سعد: خلج من الحريم وضفي بناتج ابرك لج وسمية: خايفه.. ابشر بس اودي الدلال سعد: لا تطولين وسمية: ان شاء الله.. راحت وسمية لبيت فاطمة تفاجأت الباب مفتوح طقت الباب ودخلت ومشت وكأن البيت فاضي وراحت فتحت الغرفه ولا تشوف فاطمه قاعة وتبكي وتطق ايدينها براسها فاطمة: بصوت عالي ... يااااويلي ياااااويلي وسمية: حذفت الأغراض اللي بيدها وراحت تركض... فاطمة شفيج فاطمة : تبكي وتشد شعرها ... يااويلي ياوسميه ياويلي وسمية: خايفه...... صقر اخوج فيه شي فاطمة: ياليت ياليت يااويلي يايمه ياااويلي وسمية: صارخت.. شفيج شصار علميني فاطمة: وكأنها قضي عليها... انا انتهيت يا وسمية ياليت اموت ولا يرجع اخوي وسمية: شفيج شصار ... وقامت تبكي وسمية ... قولي شفيج فاطمة: ولد الحرام تهجم علي في بيتي .... وقامت تطق ايدينها بوجها وسمية: ان لله .. وراحت حضنتها ... وقامت وسمية تبكي وسمية: ماعرفتي منهو فاطمة: ها .. خافت ... مدري منو وسمية: اكيد سعد يدري لأني شفته بالطريق أكيد شافه فاطمه: يوم سمعت اسم يعد قامت تبكي وتصيح بصوت عالي.... وسمية: مستغربه ومصدومه وخايفه...... سعد..؟ فاطمة: تبكي وبصوت حزين... أي يا وسمية سعد... وسمية: مو معقول مو مصدقة سعد يسوي هالشي..؟ فاطمة: تهجم علي وطقني ياوسمية.... وتبكي وتحضن وسمية وسمية: مصدومة .. زين ليش يغلط هالغلطه ومعاج انتي فاطمة: ها...وسكتت تذكرت تهديد سعد الأخير لها ( اذا درت وسمية وحصة اني كنت ببدل أولادهم راح اسوي شي اعظم من هذا ) خافت من الأعظم فاطمة: مدري بليس ما مات وسمية: لا حول لله ... خافت شسوي انا الأحين شلون أأمن بناتي عليه فاطمة: ما اتوقع بيضر بناتج هذا انسان لعبت فيه الدنيا وتربا على هوى كيفه وماعاد يميز الصح من الغلط ... لكن مرات يرحم عيال اخوه ومرات يظلم من حوله هذا شيطان بجسد ملاك....!! وسمية: لا يمكن ما اصدق هالكلام سعد طيب ويحب الخير شلون يارب والله مدري فاطمة: صدقي لكن والله لأفضح سعد وأخلي الكل يتكلم عن اللي سواه وسمية: تراه شراني انتبهي فاطمة: والله مدري شسوي وقامت تبكي وسمية : وكلي ربج ومايضع حقج عند ربه يلقاها هالظالم طلعت وسمية من بيت فاطمة خايفة وهي تكلم روحها وسمية: والله من اخلي عنده بناتي هذا عمهم وطلع شيطان من أأمنهم عليه والله مافي الا ازوجهم وارتاح من همهم... بعد يومين سعد راح لبيت وسمية وطق الباب مريم: منو سعد: انا عمج سعد مريم كانت تبي تفتح الباب وراحت وسمية تركض وسمية : لا لاتفتحين الباب قولي له امي نايمه بالحوش مريم: عمي امي نايمة بالحوش شبغيت سعد: بغيت امج وسمية: شهقت ... ياويلي شيبي هذا مني .. وخافت وراحت تركض حطت بناتها بالغرفة ونادت مريم وقالت لا تروحين قعدي معانا مريم: افتحت الباب.. تفضل ياعمي سعد: ياوسمية وسمية: بغرفتها خايفه.. نعم يابو فهد شبغيت سعد: تعالي بغيتج بكلمة راس وسمية: خافت ...ياويلي ياويلي شيخه: يمه شفيج... وسمية: سمعي شيخه لا تفتحين الباب زين يمه.... وطلعت للحوش سعد قاعد وقدامه مريم جت وقعدت بعيد عنهم وسمية سعد: يا مريم روحي عند خواتج بغيت امج بكلمة راس وسمية: متوتره وخايفة لا ماله داعي تروح خل تقعد سعد: روحي يا مريم ..... وراحت مريم و وسمية وقفت سعد : شفيج وسمية: اعذرني يابو فهد ماقدر اقعد انا وياك على الدوة بروحنا وانت منت محرم لي (الدوة: المنقل اللي يحطون فوقه غوري الشاي ودلة القهوة...!!) سعد: مو عشان هذا انا بكلمك وسمية: بشنو سعد: انا ابي اتزوجج على سنة الله وابي احفظ البنات من الضياع وسمية: الحامي رب العالمين وانا ماني موافقه سعد: ليش فيني شي وسمية: محشوم بس ما اقدر اتزوج سعد: انا رايح بس هالسالفة بنحلها بأسرع وقت وأتمنى ما تعيين وسمية: لا تعب روحك انا رافضه ولو بعد مية سنة انا رافضة سعد: ليش ...؟ وسمية: تلخبطت ... مابي اكون شريكت حصة سعد: ماعليج من حصة امرها سهل ان شاء الله وسمية: ولو بس مابي المشاكل سعد: عصب.. وانا مابي بناتي يضيعون وسمية: لاتخاف مانهم ضايعين سعد: اجل مريم بتتزوج فهد ولدي وسمية: لا مانبيكم ولا تبونا طلع سعد معصب وعند الباب سعد: لي تفاهم معاكم .... وسكر الباب وراح وقعدت وسمية على ركبتها تبكي مقهورة وقالت كنت تكذب ألين شفتك بالعيون في هواك الغدر خاين تحتفي لاتقول أشكوك عندي أو ظنون خافقي من كذبة أحلامك شفي ابتعد عني يكون اللي يكون آخر الشمعة تذوب وتنطفي أمس غير اليوم ياهاوي الجنون شمس ظلك عن عيوني تختفي وفر الدمعة ترى مثلك يهون عافك الخاطر عرفت المختفي طلعو البنات من الغرفة مريم: يمه شفيه عمي سعد معصب وسمية: ما ادري عنه الله يستر يابناتي انا حيه ولا ميته لا تتزوجون عيال سعد مريم: ليش يمه وسمية: بس يمه مو لازم تعرفين وخلي اسرار الزمن مدفونه..!! راحت غرفتها وسميه تبكي وتتذكر زوجها فهد وشلون محتاجه له بهالوقت الصعب.. حياتنا غطى عليها الغماما = واجد الي عشنـا مـع اللـي يعيشـون لا وحسافه غاب فهد التماما = تحت التراب احبيــّــب الـروح مدفـون مريم: يمه شفيج تبكين وسمية: تذكرت المرحوم ابوج مريم: الله يرحمه ...!! ظلت حيات وسمية معلقة بخيط من الرحمة عند سعد يوم يجيبون لهم اكل وعشرة لا وممنوع الطلعة وحاطين فهد ونورة جواسيس عليهم ... بعد شهرين رجع صقر ..! وراح لبيتهم فاطمة: كانت قاعدة وللتفتت ...صقر.. وقامت تبكي صقر: شفيج.. راح لها .. وهي هدت حيلها وقعدت تبكي فاطمة: ولد الحرام تهجم علي في بيتي بغيابك والناس غافله ياخوي صقر: لاحول الا بالله ومنهو الكلب الجبان اللي جاج فاطمة: والله ياخوي ماعرفته صقر: انا اروح واشتكي عند الشيخ ويطلعونه الكلب الحقير فاطمة: تبكي...لا لاتعلم الشيخ استر علي ياخوي الناس بتدري وبيفضحوني صقر: شتبينا نسوي فاطمة: ترجف انطر اذا ماحملت لا تبلغ عشان ما انفضح ياخوي صقر: ان شاء الله ماتحملين فاطمة: تبكي وبصوت عالي ياخوي سامحني صقر: المسامح رب العالمين وانتي مالج ذنب..!! فاطمة: مسحت دموعها .. انت نبي نزوجك ابي افرح فيك وابي زوجتك تقعد عندي اذا سافرت.. صقر: ولا يهمج انا بيجيني نقل للديرة واستقر عندكم ان شاء الله وما عاد اخليج بروحج..!! بيت سعد حصة: محمد يامحمد روح لبوك وجيب الاغراض منه بسرعة بيجوني حريم اليوم نورة: يمه شنو اطبخ حصة: اطبخي اللي تبين بس لا تزعجيني جيبي لي بدر خل ارضعه قبل لا يجون الحريم نورة: يمه هذول ما صار لهم حس حصة: منهم نورة: وسمية وبناتها حصة: وي قطيعه تقطعهم خل يولون احسن مانبي لهم حس في بيت وسمية وسمية: شيخه خليج عند اختج عبير بروح اسوي الغداء مريم: يمه خل انا اسويه وسمية: ليش تبين بناتي يحبونج اكثر مني مريم: ههههه والله ما أوصل مواصيلج وسمية: لا الحياة تغيرت يابنتي الأحين فيه التعليم والناس تقرا وتكتب والله زمانكم احسن من زمانا مريم: ماضن انا بروح عند الكتاب يمكن شيخه ولاعبير وسمية: عبير ايه يبنيتي شكثر احاتي هالبنت على الاقل انتي مابقى لج شي ونزوجج وحتى شيخة المدة مو طويله لكن عبير الايام طويلة عليها فهد برى البيت يطق الباب فهد: يا مريم وسمية: خير شعندك فهد: نبي الغاز وسمية: ماخلصنا طباخ فهد: والله امي قالت لج اطبخي غداج وعشاج مع بعض وسمية: لا خلصت جبته لكم فهد: أي عفية ترى ملينا واحنا نكد عليكم وراح فهد من البيت مريم: يمه بنظل طول عمرنا هذول يشحون علينا بكل شي وسمية: لا ان شاء الله انا بشتغل واصرف عليكم لأن هالوضع مو عاجبني راح فهد عند امه حصة حصة: ها وين الغاز فهد: يمه وسمية قالت ماخلصنا طبخ حصة: خل تولي كل يوم نعطيهم الغاز بالساعات وهم ماهمهم الا بطونهم يمالها البط نورة : يمه اروح لها اخذه منها بالقوة حصة: لا ابوج سعد مايرضى عليهم لكن انا اعرف شلون اربيهم. بعد 6 شهور طلعت فاطمة حامل من سعد وكل الديرة درت عنها وعن فضيحتها لكن محد يعرف بسالفة سعد الا فاطمة و وسمية في محل سعد وكان موجود النشمي عنده النشمي: ها يسعد ماصارت صبرت عليك وانت مارديت علي سعد: بشنو النشمي: شكلك نسيت عن وسمية سعد: أي الله ياخذ بليسك ذكرتني أي وسمية تقول ماتبي العرس النشمي : شلون ماتبي العرس سعد : والله هذا كلام المرة نغصبها يعني طلع النشمي من المحل معصب وراح بيت وسمية وطق الباب وسمية: خير منهو النشمي: انا النشمي وسمية: شعندك النشمي: تراني شاريج ليش تعيين علي عند سعد وسمية: سعد ماكلمني عندك وانا ماني موافقه حتى لو كلمني من البيت الثاني نورة تطالع راحت نورة داخل تعلم فهد نورة: فهد اللحق في واحد عن وسمية يسولف معاها طلع فهد يركض رايح لنشمي فهد: انت خير شتبي بالمرة النشمي : ابوك سعد موصيني فهد: ابوي موصيك وش موصيك عليه النشمي: مو شغلك وفارق عني وراح النشمي لمحل سعد وهو معصب النشمي: يطق على طاولة سعد...هذا مو كلام ياسعد سعد: خير يا النشمي شفيك معصب النشمي: ليش ما كلمت وسمية عني سعد: ضيع السلفة... ها الا كلمتها بس هي رافضه الزواج النشمي: ماقلت لك اني بسكت عن عمايلك بشرط تزوجني وسمية سعد: وانا عند وعدي بس وسمية صار راسها يابس النشمي: يعني شلون ولا عشان انك على استقبال ولد جديد ياعشيق فاطمة سعد: وش تقول انت شالخرابيط هذي النشمي: ربك فاضحك ياسعد انا شفتك لما طلعت من بيت فاطمة تقدر تقولي شتسوي عن مرة وفي بيتها وماعندها احد لا تحاول تبري نفسك من الموضوع سعد: انا.. توهق ... وانت شعليك بهالسالفه هذا جزا من يعصيني النشمي : وقف من الكرسي... اسمع ياسعد ماني مطولها وهي قصيرة الخميس الجاي عرسي على وسمية ولا بتزعل وأنا صراحة داريت على زعلك واجد لكن انتهت المدة.. وطلع النشمي من المحل ....!! راح سعد برى المحل متوجه لبيت وسمية ويفكر... سعد: يكلم نفسة شقولها يمكن ماتوافق .. تخسي انا اعرف شلون اخليها ترضى طق الباب علي بيت وسمية فتحت الباب وسمية ودخل على طول لا أحم ولا دستور سعد: شنو الي صاير من وراي وسمية: بسم الله شصاير سعد: مريم بنتي اخذي خواتج وروحو الغرفه....!! وسمية: شفيك نطيت علينا شصاير سعد: الناس يا وسمية كلوني الكلام عليكم واجد حريم وعايشين بروحكم وسمية: استغفر الله ماسوينا شي يغضب الله سعد: أي تبين يصير فيج مثل ماصار في فاطمة المسكينه وسمية: سكتت وخلتها بقلبها سعد: ماني ناطر للفضايح يكفي خذيتي حقج وزيادة وسمية: من الأخر زواج ماني متزوجة سعد: سمعي يابنت الحلال انا طول عمري رأف في حالج وعشان بناتج لكن هاا انا سعد وماتنقالي كلمة لا ..!! وسمية: خافت شنو المطلوب مني الأحين سعد: عرسج الخميس الجاي أختاري وسمية: وقفت وهي خايفة وتبكي... شتبي مني ياسعد سعد: يا تتزوجيني ولا تتزوجين النشمي وسمية: طاحت على رجلين سعد وهي تبكي ... الله يرحم والديك ياسعد بناتي وشذنبهم سعد: عرسج رضيتي ولا إنرضيتي الخميس الجاي اتوقع حددنا العروس باقي عليج المعرس يا أنا أو النشمي. انتها الجزء الخامس اشوفكم بالجزء السادس متمني قرأة ممتعه للجميع |
مشكورين على الردود الطيبة وانا جدا اسف على التاخير
وكان ودي ارسل رسايل لكن مشاركتي قليله وحصل خير ان شاء الله ومنوورين حبايبي |
يعطيكـ العافيهـ أخ خالد
وسميهـ راح تختار النشمي اتوقع تتجنب فيه سعد وعيالهـ مريم راخ تاخذ صقر << هذ1 اي قدرت اتوقعهـ جـــــــ,ــــــــ,ــــــودي |
السلام عليكم
جزء رائع انا اتوقع انها تختار النشمي عشان تحمي عيالها وفاطمه ما اعتقد تسكت لكن ليه سعد صار قاسي يمكن من اللى شافه من جوزا اعتقد ان وسميه تدري ان سعد ماكل حلالها وحلال عيالها وعبير راح يكون لها دور كبير في القصة نتظر البارت بفارغ الصبر |
مشكوررررررررررررررة اخ خالد القصة حلوووووووووووووووه بس ببدايتهاااااااااااااااااااا
ممممم سعد كرهته انسان مريض نفسي وسميه الله يعينك على العم المتخلف اللي عندك اتوقع تتزوج ممممم نشمي ليش لاسعد بعد سوالفه لايمكن تتزوجه اعرف انه رد بسيط بس ان شاء الله اتابعك واردلك رد يناسبك تقبل مروري اشتكي |
قصه غريبه انا اول مره اقرأ قصه عن زمان أول ...
موفق أخوي بس ياليت ماتطول علينا ... |
الجزء السادس نكمل ماحدث في بيت وسمية: وسمية: طاحت على رجلين سعد وهي تبكي ... الله يرحم والديك ياسعد بناتي وشذنبهم سعد: عرسج رضيتي ولا إنرضيتي الخميس الجاي اتوقع حددنا العروس باقي عليج المعرس يا أنا أو النشمي. وسمية راحت عند الباب تركض وقفت عليه تبي تمنع سعد من انه يطلع وسمية: وهي تبكي بشكل جنوني الله يرحم والديك يابو فهد بنتي صغيرة تبي من يرضعها سعد: اخذتي حقج وزيادة على حقج الكلام ماعندي كلام العرس الخميس وجرها من الباب وطلع وسكر الباب .... وسمية قعدت عند الباب وهو مسكر وشعرها نافش وعيونها دموع ونفس عيون المتخرعه وتبكي بصوت هستيري وكأن أحد يصير لها ميت..!! طلعت مريم وشيخة يركضون يماه يماه مريم: يمه شفيج يمه ليش طقج عمي سعد وسمية: وهي تبكي وبصوت حزين... ليش ياسعد تسوي فيني جذي حرام عليك ليش ياسعد تيتم بناتك المسكينات الله لايجزاك خير ياسعد... وصارت تبكي وقالت: لآ وآحسـآفــﮧ .. طآح من عيني ڪبير ! يـآ مقسى طيحـﮧ آلحر بعين البنـيـــﮧ ! مريم: يماه شفيج ليش تبكين وسمية: عمج سعد بيزوجني مريم: وليش تبكين يمكن خايف علينا وسمية: وهي تبكي ماضنتي عمج مايفكر الا بنفسه راحت وسمية غرفتها تبكي وشالت عبير وقعدت تبكي وكانت شيخه خايفه وساكته مريم: يمه تعوذي من ابليس وان شاء الله مايصير الا الخير وسمية: امنتكم الله يابنات اذا صار فيني شي ترى عبير في رقبتكم مريم: بسم الله عليج تعوذي من ابليس وسمية: اييه يافهد لو تجي وتشوف عمك وش سوى فينا من بعد عينك مريم: قامت تبكي ... يمه انا عند خواتي وبيت عمي جنبنا لا تحاتين علينا وسمية: انا مابي شي من الدنيا ابي اربيكم وبس مريم: الحمدلله انا كبيرة واقدر اشيل مسؤلية خواتي في بيت الداية فاطمة فاطمة حامل بالشهر السادس لكن منخشه عن الناس ومو مبين عليها الحمال.. فاطمة قاعدة بالحوش تغسل الملابس دخل صقر ..!! صقر: السلام عليكم فاطمة: وعليكم السلامة صقر راح قعد بالحوش وراحت له فاطمة فاطمة: تبي شاي صقر: لا تسلمين فاطمة: تبي اسوي لك شي تاكله صقر: من دون نفس .... والله مو مشتهي فاطمة: قامت تبكي ياخوي والله مالي ذنب باللي صار صقر: المشكله الناس كلوني بالحجي فاطمة: والله وقسم بالله ظالم وبن ظالم اللي جاني صقر: اخ لو أعرف منهو بس والله لأكله حي مثل مالناس كلت وجهي فاطمة: خل نروح نسافر نغير الديرة انا حامل وضيعت سمعتك بين الناس صقر: الناس كلها تدري ان مالج ذنب واللي حصل غصبن عليج فاطمة: والله ياخوي اتمنى الأرض تنشق وتبلعني صقر: لا وانا اخوج انتي منتي مذنبة واللي صار مو بكيفج فاطمة: بس كلام الناس والولد اللي جاي بالطريق صقر: هذا الولد رحمة من رب العالمين انتي ماعندج احد فاطمة: يالله يارب تغفرلي وتسامحني على اللي صار تضايق صقر من كلام اخته وراح لغرفته وانسدح على الفراش يبي ينام صقر: وهو يكلم نفسة... آآآآيه شمصير هالولد اللي جاي شبنقوله منهو ابوه والله خايف من اللي جاي ... يارب ان تستر علي وعلى أختي دخلت فاطمة على صقر فاطمة: صقر متى بتعسكر صقر: ليش...؟ فاطمة: مابيك تخليني بروحي صقر: ولا يهمج انا ماني رايح لين تولدين فاطمة: ياليت حتى لو ولدت ماتخليني صقر: قلت لج بس هالمعسكر شهرين وينقلوني عندكم ان شاء الله محل سعد النشمي: شصار ياسعد سعد: ماصار شي واتوقع المرة ماتبيك بس بحاول النشمي: لا تفكر بنفسك واجد وتنسى ان في غيرك يعرف عمايلك سعد: أي عمايل يالنشمي النشمي: انت تعرف اكثر مني وشهي عمايلك الأولى حنا في دكان بن بندر وعياله مايعرفون والثانية دكان بن بنفله وحفايده مايدرون *تذكير: بن بندر ابو حصة... وبالأساس المحل لوسمية بن نفله ابو زوجاء ... زوجاء أم فهد اللي زوجته وسمية سعد: اكل تبن وسكر حلقك هذا الحلال حلالي انا بروحي ومحد له شغل فيه النشمي: لا حبيت اذكرك ان مصايبك مو وحدة سعد: ياخي فكني ماعندي غيرك انا النشمي: سبق وقلت لك انا مابي الا وسمية ماني طماع مثلك اخذت كل شي سعد: سكر حلقك ولحد يسمعك وعرسك الخميس الجاي وفارق النشمي: لا أنا أجلت العرس بسافر وبرجع بعد شهر سعد: ابرك واسعد النشمي: لا حبيت اعرف كلمت وسمية ولا لا..؟ سعد: وسمية موافقة فارق عني .... بس هااا أن سمعتك تجيب لي طاري هالسوالف مرة ثانية قصيت لسانك النشمي: مابينا شي يا عمي سعد: عما بعظامك اللي تبيه بيجيك فارق عني ...!! بيت سعد فهد: يمه زوجيني مريم حصة: قطيعة تقطعهم يقطعون العرج هذوله خلها تولي شتبي فيها نورة: انت هي مالقيت الا هذي شفيك هذي ساحرة حصة: انت شيخ يافهد ومانزوجك الا بنت شيخ محمد: وانا يمه تزوجيني منو شيخه حصة: هو شفيكم انتم ما في بنات الا بنات وسمية نورة: ساحرة قايله لج يمه دخل سعد البيت سعد: ياحصة حصة: سم سعد: جيبي لي الغداء حصة: ابشر سعد: فهد وديت الغاز لوسمية اليوم فهد: لا امي عيت علي سعد: وقف وعصب ... ومن متى تسمع كلام الحريم فهد: امس هم خذو الغاز لين الليل سعد: حصة... حصة وجع حصة: تركض: خير شفيك تصارخ سعد: ليش ما وديتي الغاز للبنات حصة: اشوفك حان عليهم واجد هالأيام سعد: هذول بناتي شلون حان عليهم حصة: لا قلت يمكن تبي تتزوج امهم ولا شي سعد: على تبن انتي وأمهم,, ليش ماوديتي لهم الغاز حصة: امس كله عندهم ويوم قلنا لهم ردوه قامت وسمية ترفع صوتها علينا سعد: حرام عليكم هذول بنات يتيمات ومالهم أحد الا حنا تسون فيهم هالسوات نورة: بس وسمية .... سعد: عصب وقاطع نورة.... فلعنت وسمية انا أقولج البنات تقولين وسمية فهد: تبيني اودي الغاز لهم سعد: أي يابوك هذول من ريحة المرحوم لا تأذونهم حصة: الله يرحمه سعد: الغايب يا حصة.. وصار سعد يبكي..... غاب عني محمد الله يرحمه حصة: وفهد غاب بعد سعد: بس مو بغلات محمد اخوي قام سعد وراح اخذ الغاز وراح بيت وسمية سعد: يطق الباب....يا مريم مريم: فتحت الباب.. هلا عمي سعد: هاج الغاز ونادي امج مريم: يمااه يماااه عمي سعد على الباب يبيج وسمية: راحت وقفت ورى لباب وهي خايفه .... نعم..؟ سعد: اسمعي يا أم مريم أنا فكرة واجد وكسرو خاطري بناتج قلت خلاص بنأجل العرس بعد شهر عشان يمديج تاخذين راحتج عند بناتج وسمية: استانست... الله يجزاك خير يابو فهد سعد: والله كسرو خاطري ومانمت الليل افكر فيهم قلت اخليج هالشهر تنصحينهم وتنبهينهم عشان يتعلمون وسمية: الله يجزاك خير ... وسكرت الباب والتفت على البنات وكأن تمددت عندها الحياة...!! سعد راح يمشي وكأنه مسوي خير في هالعالم كله ومستانس لما سمع فرحت وسمية راح سعد لمحله لقى صقر واقف سعد: صقر شعندك هنا واقف صقر: والله ياعم ابو فهد بغيت عونك سعد: تفضل ادخل صقر: دام فضلك سعد: شعندك صقر: مثلك عارف يابو فهد انا حكم شغلي يبعدني عن اختي فاطمه بالشهر والشهرين سعد: أي صقر: بغيتك توظفني عندك لأن شغلي بيطول على ماينقلون هنا بالديرة سعد: والله مدري وش اشغلك فيه صقر: يا ابو فهد ولد الحرم تهجم على اختي في بيتها واغتصبها وانا مسافر وانا مابي اسافر عن اختي مرة ثانية سعد: أي ياحرام والله حزنت لسالفتها كسرت خاطر المسكينه ماتستاهل ... الداية فاطمة اللي ولدت نص حريم الديرة يصير فيها جذي صقر: عصب عيال الحرام واجد يابو فهد سعد: خلاص ياوليدي والله اني برحمك عشان اختك المسكينه صقر: الله يجزاك خير ماقصرت ... وراح صقر بيتهم يركض يبي يبشر اخته فاطمة ودخل البيت.... صقر: فاطمة يافاطمة فاطمة: وقفت وكان بيدها اغراض المطبخ ....هلا شفيك تركض صقر: ابشرج لقيت شغل في الديرة فاطمة: الحمدلله يارب صقر: العم ابو فهد بيشغلني عنده فاطمة: بدون شعور طاحت الأغراض اللي بيدها ..... سعد صقر: شفيج فاطمة فاطمة: لا استغربت سعد يوظفك انت صقر: أي اقولج .... وصار صقر يسولف عن اللي صار وفاطمة قعدت وهي ساهية في عالم ثاني وتفكر في عقلها ... الملعون يجرح ويداوي صقر: فاطمة فاطمة: هلا صقر: شفيج منتي على بعضج فاطمة: ها ... لا ماكو شي صقر: ومن باجر بشتغل فاطمة: الله يوفقك يارب بيت وسمية حرمة تطق الباب ومعاها بقشتها على راسها البقشة ( اللي يحطون داخلها الملابس ) الحرمة: ياهل البيت مريم: فتحت الباب الحرمة: سلام … هذا مو بيت فهد مريم: اي فهد الحرمة: فهد بن محمد بن فهد مريم: اي الحرمة: زين وسمية موجودة وسمية كانت بالحوش ومعاها قدور ومواعين المطبخ تغسلهم وسمية: اللتفت على الباب وشافت المرة ولا شعوري طاحت الاغراض اللي بيدها ………وقالت بصوت مصدومة.. فضة فضة: هلا بوسمية … وراحت حضنتها وقامو يبكون على بعض فضة غابت من زواجها عن الديرة وكانت تدري بوفاة اخوها ولما ذكرتها وسمية قامت تبكي فضة: اخوي مات وانا مو عنده الله يرحمه مريم: تعوذي من بليس عمه جذي اهون عليج فضة: الله يرحمه ويغمد روحه الجنه.. وتضايقت وقامت لغرفت فهد تطالع فيها فضة: خلوني بريح تعبانه من السفر…………. آآآيه ياخوي.. ڪـآنڪ آنت قبل تدري آني رآجــع ~ تحتريني ! وآللـﮧ آنـآ من قبل ترحل عن عيوني ~ آحتريڪ !تدري آني آدري آنڪ ميت فيني ~ وتبـيني ! وآدري آنڪ تدري آني ميت فيڪ ~ وآبيـڪ ! بس مشڪلتڪ مت ولو وحشتـڪ ~ مـآتجيني ! وهمـ آنـــآ مثلڪ اموت رغمـ شوقي ~ مـآ آجيـڪ ! الله يرحمك ياخوي بعد مانامت فضة وريحت قامت وراحت للحوش عند مريم وحصة فضة: والله المصايب تجي دفعة وحدة وسمية: وانتي شصار عليج شلون دنياج فضة: وبصوت حزين.. انا تطلقت من زوجي بعد ما تعذبت معاه وسمية: لا حول ولا قوة الا بالله ليش فضة: ام زوجي ظالمة تعبتني معاها وانا للأسف مافيني عيال وسمية: ربج الكبير فضة: ماشالله بناتج مثل القمر وسمية: آآآآيه يافضة عمج سعد بيزوجني الشهر الجاي فضة: ليش وسمية: عيال الحرام كثرو بالديرة وهو خايف على البنات فضة: والله ذكرتيني بروح اسلم على خالتي حصة وعمي سعد وسمية: تبين البنات يروحون معاج فضة: ترى ازعل عليكم بيعرفوني بديرتي انا اعرف مكانهم... وراحت فضة لبيت سعد ودخلت البيت ( علاقة فضة مع حصة كانت زينة من زمان وانتو تدرون بهذا الشي ) حصة: هلا وغلا تو مانورت الديرة فضة: بوجودكم ياخاله وراحت فضة وسلمت على حصة ونورة حصة: حيالله القاطعة وينج عنا ماتقولين لنا اهل نسأل عليهم ولا نسيتينا فضة: خالتي أنا تطلقت حصة: ويه ياغبره ليش .. فضة: ما ادري انا ربي ما رزقني بعيال وهذا نصيبي حصة: ولا يهمج يابنتي فضة: وين أبوي سعد ولهانه عليه بشوفه حصة: عمج بالمحل وبعد الصلاة بيرجع البيت نورة: شلونج يا فضة فضة: بخير يامال الخير ماشاء الله كبرتي وصرتي مرة حصة: أي والخطاب عليها واجد بعد فضة: ماشاء الله هذا الصغير منو حصة: هذا ولدي بدر فضة: ماشاء الله يتربا بعزكم ان شاء الله سعد رجع من المحل ودخل البيت مع فهد ولده سعد: ياحيالله من جانا فضة قامت وحبت راس عمها سعد فضة: من بعيد شلونك يافهد فهد: مستحي...... بخير يامال الخير سعد: ها يبنتي وشلون العرب اللي جيتي منهم فضة: الحمدلله طيبين حصة: مادريت ياسعد بنت اخوك تطلقت من زوجها سعد: شنهو...!! صحيح هالكلام يافضة فضة: أي ياعمي ... هذي سنة الحياة سعد: الله كريم يابنتي فضة: ونعم بالله سعد: اسمعي ياحصة انا عطيت شليويح كلمة والرجال يبي نورة حصة: يابو فهد لا تستشيرني بهالأمور أنت ابوها ادرا في مصلحتها سعد: المهم اذا جاني المحل بقوله الخميس عرسه شرايج يانورة نورة: انا مابي شليويح سعد: عصب ... نورة اذا جاني اليوم العرس الخميس شرايج نورة: خافت ... موافقة يايبه .... آآآوف .. وراحت غرفتها فضة: يالله ياعمي انا بسترخص سعد: وين يابنتي فضة: بروح عند وسمية حصة: عشتو شتبين فيها سعد: اللتفت على حصة ... جبي انتي ... يافضة قعدي عندنا فضة: لا ياعمي مشكور انا بروح عند حصة عند بيت اخوي فهد وبعدين المرة بروحها مع بناتها اونسهم بالقعدة عندهم سعد: اللي يريحج يابنتي سويه وقامت فضة وطلعت برا البيت.. حصة: عشتو عشتو غاسلة مخا ماتبيها تقعد عندك سعد: منهو اللي غاسل مخها حصة: وسمية أمها أول تكت الفال عليهم سحورة سعد: وأنتي شدراج..؟ بهالسوالف حصة: والله يقولون ماحطه بذمتي ... وتمسك دراعتها من عند صدرها وتتفل اسغفر استغفر الله منهم ومن عمايلهم سعد: يضحك ... الا استغفر الله من سوالفكم يالحريم ...!! وراح سعد للمحل فاطمة رايحه كان معاها غداء اخوها صقر جايبته لمحل سعد تبي تعطيه اخوها وشافت وسمية تمشي ولحقتها وشافت وسمية دخلت محل سعد وراحت ورا الباب تتصنت عليهم..!! سعد: خير..!! وسمية: أنا فكرت بكلامك سعد: شنهو وسمية: أنا وافقت أتزوجك يا سعد..!! انتها الجزء السادس اشوفكم بالجزء السابع |
مشكورين للكل اللي ردو واللي من خلف الشاشات
ومنورين القصة |
يعطيكـ العافيه اخوووووووووووووي فهد
بس مو فيه غلط من زواج وسميه من سعد لو النشمي عندي افضل لهاا وتتقي المشاكل كمان صقر امممممم ليششش ماياخذ مريم مووووووو احسن ..!!! يعطيكـ العافيه وننتظركـ |
مشكووور اخوي شكل القصه طوييييييييييييييييييله
ياليت ماتطول علينا بتنزيل الاجزاء علشان ماتفقد القصه روعتها.. لك مني كل التوفيق ... |
روااايه جيده
اتمني انك تكملينها وشكراااااااااااااااااااا الكل حلو |
تنقل للأرشيف بــ سبب تأخر الكاتب
.. .. .. |
| الساعة الآن 10:49 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية