|
شــبــح من المـاضي
مساء الخير
كيفكم هذي اول قصه انزلها بالمنتدى هنا امنى تعجبكم لو عجبتكم رح اكمل ولو ما عجبتكم بانسحب لا تبخلون علي باراءكم ஐشــبــح من المـاضي ஐ الفـصـل الاول ابسميها مها حلو اسم مها شرايك بدر انسميها مها ولا بدور ولا شهله مها احسن اكشخ ولا بس شهله حلو امممممممممم خلاص نسميها مها بدر:هههههههههه الله يهداك حتى بالاسم تبين الكشخه لا ماهو اكشخ بالعكس مو كشخه ابد تبين الكشخه سمي خزنه ههههههههههه ساره : مو مهم انا عاجبني اسم مها احسه دلع وانا ابي بنتي تصير دلوعه ابيها تصير اميره لا لا ملكه ابيها تعيش احسن عيشه تجمعت الدموع بعينها وهي تقول اوعدني بدر اوعدني انك تحبها وتعيشها حياه ماتتالم فيها وتقول ياليت امي فيه بدر: سارونه شهالكلام ليش تقول كذا وين بتروحين انتي ساره : ما عليك انت بس اوعدني ريح قلبي ابي اطمن بدر وهو متخرع على زوجته ساره يبي يطمنها باي شكل ابشري انا اوعدك بتصير مها بعيوني ولا تدرين بتصير مكان عيوني ساره: ههههههههههه تدري بدر انا واثقه انها بتصير بعيونك بس مو مكانها بس جد بدوري ما اوصيك على مهاوي ههههههههههه ابيك تروح الحين تسميها مهاوي عارفتك انا بكره بتطلع لي باسم مدري شيبي قال بدر ينرفزها سارونه شرايك نسميها خزنه والله حلو الاسم وكشخه شهقت ساره بدرررررررررررررر من جدك خزنه بتموتني انت وبعدين كفايه خالد سميته خلني اسمي بنتي على كيفي بدر: بسم الله عليك جعل يومي قبل يومك دمعت عيونها وقالت بدر لا تدعي على عمرك انا استحمل كل شي الا اني افقدك ولو مت ما اوصيك على نفسك ابيك تصير قوي ابيك بدوري اللي اعرفه لاتتغير خليك بدر اللي احبه واموت فيه بدر انت زوجي وابو بنتي وولدي وحبيبي ابيك تدعيلي اذا صارلي شي بدر خاف عليها سارونتي ماله داعي هاحكي ساره: خلني بدر هالكلام بقلبي وبقوله اوصيك بنفسك حبيبي لا تنساني وربي بنتنا وولدنا زي تربيتك وخلهم يصيرون باخلاقك والحين اطلع برى ابي ارتاح من الولاده هدت حيلي بدروهو عارف انها تمزح معه: تطرديني ياسارا هين اوريك وراح لها وقرصها من خدودها وهي تضحك وتصارخ ضحك بدر وهو حاس انها اخر ضحكه له مع زوجته سارا ضحك على كل شي واي شي يبي يضحك يبي يعيش اخر لحضه سعاده مع سارا قلبه يعوره عليها وهي توصيه على بنتهم وعلى نفسه تعوذ من ابليس وودعها وراح لبيته ينام من ضيقته ما راح حتى لبنته يشوفها هلا بك يابعد عمري ياقلبي انت ياالغالي ........................ تهلي بي عيون الحب من اخر ليالـــــيها تقول ارجوك لاتهتم انا في احسن احوالي ........................... تبسم لي وهي تمسح دموع العين بيديها تقول الدنيا وش تسوى اذا ماشفتك اقبالي ........................ ابيع الكون لعيونك لجل لحظه معي فيها تموت من الالم لكن تبي ماينشغل بــالي ....................... الا ياناس ياعالم وربي من يســــــاويها وهلت دمعة عيوني بعد ماضاق بي حالي ...................سجدت ادعي بدون شعور الا يارب تشفيها وقالت لو يشيلوني وعنك شدو ارحالي ......................... امانه يابعد روحي ابي روحك اوصيها الاياطـــيبة الدنيا الا يا شـمسي وظــــلالــي ....................... نهاية روحي من قبلك عسى ربي يبديها وراحت تنتظر رجعه ودمع العين همالي ........................ الا لو العمر يعطى قسم بالله لاعطيها وطاحت وردة من كفي وانا ماشي على فالي ..................... لقيت الشال في يدي يضمه قلب مغليها جلست اراقب الساعه واانا ادعي ربي الوالي .................... عسى ياربي يارحمن ياقادر تنجيـــــهــــا انا من لي بالهدنيا اعيش اشلون بحالي ............... . .بعدها ماابي نفسي وحتى الـناس مابيها قسم بالله لو موتي يجيني قبلها اشــــوالي ............... ولاابي تبعد و تـــرحل وانا مــااقدر اوفيــها ولاكني بهالدنيا صرخت بصوتي العالي ......... الا يامصعب الفرقى وروحي من يواسيـــها عسى الرحمن يشفيها ويغفر اول وتالي .........وعسى ياربي بالجنه بعد موتي الاقــــيـــهــا] وصل بندر الصبح لقسم التنويم وراح على طول لغرفه سارا لقاها فاضيه والشراشف مشيوله حس بكئابه بس تعوذ من ابليس وقال يمكن غيرو الغرفه ايه اكيد غيروها سارونه امس ما كانت مرتاحه هنا اروح للدكتور اسئله احسن وصلت للدكتور ودقيت الباب طلعتلي النيرس سالتها عن سارونتي قالت لي ادخل للدكتور بصراحه قلبي عورني اكثر خفت مابغيت ادخل يقولون الرجل قوي عند الشدائد وانا للغرفه ماني قادر ادخل خايف يقولي انها راحت انتو فاهميني هاذي سارونتي زوجتي ام عيالي .............. بنتي صح تذكرت بنتي وينها ما شفتها امس دخلت للغرفه وسلمت وقف الدكتو وسلم علي سالني انت قريبها قلتله زوجها نزل راسه وقالي اخ بدر انت شخص مؤمن وعارف ان الموت حق الموت حق الموت حق وقف عقلي عند هالكلمه الموت حق ايش يقصد مين مات |
السلام عليكم ورحمة الله وبركاته
مرحبا بكي في منتدى ليلاس الالماسي ....... ومرحبا بكي ضمن كاتبات ليلاس المتميزات والواعدات ......... حلوة ......... واسلوبك جميل ............... كملي حتى نتواصل معكي من خلالها ................. |
صباح المسك والعنبر
miss ez3ag... اهلين فيك ضمن كاتبات ليلاس واتمنى تلقي الي يسرك بدايه حلوه ساره وكانها حاسه برحيلها بس ليه وايش السبب هل كانت مريضة ولا مجرد شعور وتركت حمل كبير على بدر ياترى كيف راح تكون رده فعله بفقد زوجته هل بيتحمل هالصدمه ولا بينهار وبيهمل اولاده دمتي بود دفى الكون |
السلام عليكم ورح الله وبركاته
اشكر تفاعلكم معاي واتمنى اكون عند حسن ضنكم اتركم مع الجزء الثاني لا تبخلون علي برئيكم |
الفـصـل الثــاني
وهو جالس يكمل كلامه اللي ما فهمته ولا ابي افهمه وانا كلنا ماشين بهاذا الطريق اسئل الله ان يثبتها عند السؤال وارضى عنها ارضى عنها ياخ ابدر لان المرءه اللي تموت وزوجها عنها راض تدخل الجنه تدرون بغيت اقوم واصفقه يقولي ارضى عنها ارضى عليها ليش ما ارضى عليها هي بلسم حياتي انا ربطت عمري بسارونتي غصب عني ماعندي غيرها بحياتي اصلن هي حياتي عمرها مازعلتني بشي ازعل بس علشان بس تجي تراضيني احب اشوفها تجي وتسكر عيوني بيدها وتقولي بدوري مين مزعلك اقولها ناس ما تستحي توقف وترفع كمومها وتقولي علمني من هم واوريك فيهم اموت عليها لاسوت كذا انا موبس راضي عليها انا احبها احبها تفهم شلون احبها بس ما قلتله تدرون ليش لان سارونتي ماترضى اتكلم عنها عند احد ولا هي تتكلم ني عند احد تغارعلي وتستحي تتكلم عني كانها بنت تحب بس تستحي تعلم عن حبيبها مو حرمه متزوجه تتكلم عن زوجها حبيبتي خجوله تستحي وخوافه بعد تخاف حيل بعد عمري ياني مشتاق لها صارلي تسع ساعات ما شفتها انتبهت من ذكرياتي على يد الدكتور يهز كتفي بدر عضم الله اجرك سكت وناضرته وانا مسيغرب شيقصد هالغبي امس سلمت ضحكت معها لمس قالتلي سم بنتي امس كنت العب معها امس ماسك خدودها بيديني وقارصهم امس كل هذا صار امس بس قلتله مين مات مها تدرون كنت بقلبي اتمنى تكون مها بس ما تكون سارا عارف تفكير حقير بس هذي سارونتي ناضرني وهز راسه قال لا زوجتك توفت اليوم الساعه سبع قبل ساعتين بس انا ودعت حياتي انا انتهيت بموتها سارونتي كانت حياتي كيف الحين بعيش كانت هواي كانت سعادتي وتعاستي كانت كلي كنا زي الروح بجسدين نفهم بعض بنضره ما كنا نتخاصم ابد ما اذكر قد زعلتني يمكن انا ازعلها بس ما كانت تزعل كنا شي جميل سوى ما اتخيل اقدر اصير لحالي بدونها اااااه كنـــــــا من الحين يابدر كنــــــا شلون انا حقير خليت حياتنا على طول ماضي سامحيني سارونتي زله وما اكررها ابي اسلم عليك ابي اودعك واحضنك ابي املي عيوني منك ما ابي انساك ما ابيك تروحين عني ابيك جنبي تحاكيني وتضحكين لي ابيك تشوفين بنتنا ابيك تعلمينها تقول ماما قبل بابا وانا اعلمها ماما قبل بابا ابي اموت وانتي جنبي قدام عيوني الهم لا اعتراض لهو ما اعطى ولهو ما اخذ يارب ارحمني وصبرني على فراقها يارب اجمعني فيها بالجنه يارب يارب يارب ياااااااااااااااااااارب اجمعني فيها بالفردوس الاعلى من الجنه يارب اني راضي عنها يارب ارضى عنها ياكريم يارب طهرها واغفرلها سارونتي ماتت ماتت وانا ما ودعتها ما سلمت عليها سارونتي راحت مني سارونه ولدت صح ماماتت اللي خلف ما مات صح انا عندي ولد و بنت اسمها مها امس سميتها مها وينها وين راحت ابيها هذي سارونتي الصغيره تذكرت وصاه سارونتي واسغفرت ربي على تفكيري شلون ابيها تموت هذي نعمه من ربي اسبحان الله اخذ واعطى هذي ريحه الغاليه مهاوي بنتي وبنت سارونتي طالعت الدكتور اللي جالس يناضرني مستغرب رجال طول بعرض يصيح سالته وين بنتي اخذني للحضانه و وراني سارونه تهبل ياناس شلتها بيديني وهي تحرك رجولها تهبل ودي اكلها عيونها عيوني والباقي ماخذته من سارونه ههههههههههههههه تذكرت سارونه وهي تقول يارب تطلع عيونها عليك عاجبتها عيوني اكبر من عيونها فديت سارونتي كل شي فيها صغير حتى عيونها عكسي انا اللي عيوني كبار وينك سارونه تشوفين مهاوي شلون تهبل لفيت للدكتور سالته متى اخذها للبيت قالي بعد ثلث ايام حبيتها على عيونها وحطيتها وطلعت رحت اسلم على سارونتي واودعها حاولت اتماسك مو عشان نفسي علشان سارونه كانت دايم تقولي =انت سندي انا لو صار شي ابنهار بس انت لا تنهار علشاني علشان سارونتك منت منهار صح بدوري وكنت اضحك وارد عليها قلب بدورك اقوى من الصخر لا تشيلين همه = انا الحين منهااااااار منهار بالحيل سارونتي انا اسف قلبي ماهو صخر سامحيني كذبت عليك سامحيني انهرت بس لازم اتماسك لازم اسوي اللي تبيه سارونه انا كذا احب اسوي أي شي يسعد سارونتي سارونتي كانت قوتي كنت استمد منها قوتي تذكرت لما توفى ابوي كيف كنت صابر كنت بس اشوف عيونها الصغار العسليه انسى حزني والمي واصير اقوى ااااااااااااااه سارونه صرتي من الماضي مين غيرك رح يساندني الحين وقفت عند الثلاجه ومسحت دموعي ما ابها تشوف دموعي ابيها تشوف اني قوي ويعتمد علي بس الدموع مو راضيه توقف رحت وغسلت وجهي ومسحته ورجعت عند ثلاجه الموتى فتحتها وشفت جسم مغطى بشرشف ابيض شلت الشرشف وشفتها شفتها شفتها ياناس شفتها كانت ميته ميته ميته سارونتي ميته ما تتحرك ما تضحك ما تناضرني اصلن يااااااااااااااناس سارونه ميته بارده رماديه كانت بيضى كانت دافيه كانت تضحك كثير كانت اذا جيت تناضرني وما تنزل عينها تقول ابشبع منك اااااااااااااه سارونتي ياترى شبعتي مني انا ما شبعت لمست يدها ابيها تمسكها ابيها تسلم علي زي امس قبل ما اطلع بس كانت بارده وقاسيه وين نعومتك وين رقتك راحت كلها راحت سبحان الله الموت يغير ابن ادم كذا يااااااااااااااااارب يااااااااااااارب تجمعني فيها بالجنه يارب تبدلها خير مما كانت فيه يارب ارحمها سارونتي نلتقي بالجنه يارب اجمعنا بالجنه سلمت عليه وبست راسها وطلعت رحت لسمجد الراجحي واتفقت معهم جزاهم الله الف خير سهلو علي الله يسهل عليهم واخذوها الحريم وجت امها واختها وغسلوها وصلينا عليها وشلناها ووديناها للمقبره ودفنتها بيديني وانا ادعيلها ولي الثبات لا تبخلون علي بارائكم |
ماشاء الله عندج اسلوب حلو في الوصف حتى في الحوار >>بس الجزين يعتبرون وصف احساااس وبدعتي صراحة في هذي النقطة لان وصفج لي احساااس بدر كان مره حلو وننطر بكل شوق عشان نعرف احساااس بدر كيف راح يكون بعد موت سااارونتا وكيف راح يتعيش مع الحياة من غيرها اتمنى لج التوفيق وناطرينج بكل شوق مذهلة |
هلا ومرحبا حياك الله كاتبة ظمن كواكبه في ليلاس البداية قوية .. والاسلوب اكثر من رائع وان شاء الله رح تلقي كل التشجيع من اعضاء ليلااااس اتمنى لك ايضاً التوفيق وتحقيق اهدافك من خلال طرحك للقصة في ليلاسنا الحر .. اقبلي الأمنيات الطيبة |
مساء العود والعنبر اهلين miss ez3ag هالبارت اقتصر على رده فعل بدر وشعوره لفقده الى ساره الللي كانت كل حياته ابدعتي بوصف مشاعره ..وخليتينا نعيشها معاه .. وياترى شبيصير فيه بعد رحيلها وعد ماتركت وراها حمل ثقيل وامانه تربيه عيالها ؟؟ دمتي بود دفوووووو |
صباح الخير
شكرا لكم دفئ الكون Emomsa مذهله الخليج العامريه على تفاعلكم يمكن تحسون اني بالغت بوصف احساس بدر لفقد زوجته بس انا ابي ابين كثر حب بدر لزوجته وصدمته لفراقها اخليكم مع الجزء الثالث وتاكدو ان تعليقكم يسعدني ويهمني |
الفـصـل الثــالــث ماني متخيل شلون بضرف ساعات تنتقل ساره من عالم الاحياء الى عالم الاموات الله يرحمك ويغمد روحك الجنه مرت ايام العزى كئيبه ما رحت لبيتي وسويت العزى ببيت ابوها ما اقدر ادخل البيت بدون سارونه , قلبي مايطاوعني بعد ايام العزى ماخلصت رحت للمستشفى علشان اخذ بنتي اللي كل يوم اجيها واقعد عندها بالساعات وسافه العزى . ياما ابو زوجتي قالي لازم تقعد تاخذ عزى زوجتك , الله يجزاهم خير بس زوجتي بقلبي حيه ومقابل بنتي اولى من مقابلهم اخذت سارونه الصغيره ورحت لبيتي . اول مره ادخله من ما ماتت سارونتي وصيت الوالده تشتريلي سرير صغير لمهاوي وملابس صغار واشياء البيبي حليب وحفايض وغيره حطيت السرير بغرفتي جنب سريري ,غيرت جهت نومي صرت انام بمكان سارونتي قمت من النوم وانا مبتسم اليوم حلمت بسارونتي ياحلوها وياحلو الحلم اللي فيها قمت رحت للدولاب ادور ملابسي فتحت الدولاب طاحت عيوني على ملابس سارونتي محد لمسها شفت فساتينها وقمصانها ريحتها للحين فيها ماراحت اخذت فستان وشميته حلوه ريحته بس ليش يافستان بارد وين راح دفاك ليش يافستان صرت ميت وين حياتك........ راحت بعد ما راحت سارونه ااااه ياساره مشتاقلك بالحيل ..... ذبحني شوقي لك .... الله يغفر لك ويرحمك كلنـــــا...نسأل عليك.! كلنـــــا...نوله عليك... مابقي بالدنيا ورده..ماذبحها الشوق فيك.! آه..لوتدري حبيـــــبي,, كلنـــــا.... نسأل عليك... كل هالدنيـــــا وأهلها... آه يا ماكبر زعلهـــــا. !! وقت ما ترحل حبيبي , في غياااابك وش تكون ?! غير تعتيــــــــــيم...وسكووون ! وصـــــارت الدنيـــــا موااااااااجع ! كلهاااا... تشـــــكي تبيييييـــك... وصـــرنا بغيـــــابك حبيــــــــــبي كلنـــــا...كلنـــــا..... نسأل عليك ! ألــزهر... بعدك يموووت!! والعمر... كلـــه يفوووت!! حتى أصـــــوات الشوارع.. يعتريها في غيـــــاااابك.. كل...لحظـــــات السكوت!! والـــدروب الـــلـــي بــدوونك... كيـــــف أبمشــــيها بـدوونك?! والمكـــــان الـــــلـــــي جمعـــنا مــــا رضـــــي مره يخونـــك بس لو تدري...حبيـــــبي أنا...وعيـــــوني...وقلبي! منهو مــايســـــأل... عليــــك.! منهو مــايــــــوله... عليـــــك.! كلنـــــا... يانــــور عينـــــــــي كلنـــــا...كلنــا...نسـأل عليك..! رجعت الفستان مكانه ابي اشياء سارونه تكون حولي ابي اصبح بفستانها وامسي على عطرها وانام على مخدتها ابي اعيش مع اشيائيها مدامني ما اقدر اعيش معها ناضرت الدولاب لقيته حوسه لازم ارتبه اليوم بس مو الحين الحين مهاوي قامت الحين لازم اغيرلها اخذت مهاوي وغيرتلها ولبستها ورحت اسويلها الرضاعه وشربتها يحلوها هالبنيه هاديه وماتسوي ازعاج طلعت انا وياها ورحت للمطبخ لقيت الوالده مسويه فطور امي اصرت انها تجي عندي تقابلي انا وبنتي وولدي خالد وتشوف حاجتنا رتبت غرفه لها كانت موجوده سارونتي كانت حاطتها لامي لانها كانت تبيها تعيش عندي بس امي ما كانت راضيه جلست على الطاوله افطر بس يدي ما طاوعتني , اكل شلون وساره ماهي قبالي لفيت على خالد جلست أفطره وامي جلست تفطر بعدين انتبهت اني ماكنت اكل - بدر ياوليدي ليه ما تاكل - مالي نفس ياميمتي - ياولدي حالك مو عاجبني لا تاكل ولا تشرب نومك بالحليل قليل ماهي حاله هذي ياولدي برقبتك عيال انتبه على عمرك اذا مو عشانك علشان عيالك - ان شاء الله يصير خير ...خذ خلود الحليب اشربه - اقول بدر ترى بنقل فراش مها لغرفتي - لاااا لا يمه ليش تنقلينه - وشفيك انفجعت بس اقول اخليها حولي احسن لك وش تبي بازعاج هالبزر - لا يمه هالبزر هي ريحه ساره ما هي نايمه الا بغرفتي وترى ناوي اجيب لها دولاب احطه عندي - براحتك انت اللي بتتعذب - اذا كان العذاب من مهاوي انا راضي فيه المهم خليت مهاوي عندي بغرفتي ما اقدر ابعدها عن عيوني لحضه هذي خلف سارونه هذي بنتنا انا وياها وصرت نومها على يدي وءأكلها بنفسي واذا داومت اخذتها امي تعلقت فيها حيل وتعلقت هي فيني وخالد عند امي بغرفتها مو من قله غلاه بس امي حلفت علي تبيه معها اول حفيد لها زي ما تقول....... بيوم دخلت غرفتي ورحت ابغير فتحت دولابي ابي اخذلي لبس شفت دولاب ساره محيوس اكيد خويلد الله يهداك بس حرك هالولد مسكت ملابسها ارتبهم ما ارضى احد يمسكهم غيري يالله هالولد منبش فيهم بذمه حايسهم كلهم نزلت الملابس كلها وجلست ادخلهم واحد واحد شفت بينهم شنطه استغربت هذي شنطه ساره اللي اخذتها للمستشفى لما ولدت ايش جابها هنا شكلها اختها ولا امها حطتها ....... ايه ما لينا المهم ان الشنطه موجوده مسكتها وفتحتها لقيت فيها تقرير طبي فتحته ...... انصدمت نزيف .... نزيف سارونتي ماتت بنزيف بسبب ضعف في انقباض الرحم بسبب طول فتره الولاده مين جاب التقرير هنا ... ليش ما علموني ليش ادري بالصدفه المشكله انا كنت مشوش ما اذكر مين خلص اجراءاتها رحت للصاله وناديت امي - سم يا وليدي - يمه مين جاب هذي الشنطه - هذي شنطتي شجابها عندك - لا يمه مو حقتك هذي حقت سارونتي - قاطعتني امي الله يرحمها - ايه الله يرحمها المهم مين جابها عندك - مدري ما اذكر من زمان - يمه - طيب طيب جابها ابو ساره وخليتها عندي - ليش خليتيها عندك ليش ما عطيتينيها ليش مخبيه التقرير فيها - بدر افهم ساره ماتت مـــــــــــــــــــــاتت لو خليت شنطتها عندك ماهي براده لك اللي يموت ما يرجع افهم ياوليدي - يمه افهميني ســـــــــــــــاره كانت حاسه كانت تعاني كانت مريضه ومحد علمني محد سوى شي - ياوليدي مقدر ومكتوب محد يقدر يسوي شي - اااااااه يمه الله يسامحكم - بدر كفايه وقف هالحزن اللي معيش عمرك فيه ساره ماتت وانت لا عيش حياتك تزوج شوف حالك لاتعيش بالماضي - اتزوج !! تبيني اتزوج !! - ايه تزوج - يمه انا تزوجت ساره - وساره مااااااااااتت - ولو انا تزوجت مره وعشت احلى سنين عمري ولا ابي اعيش بغير طيف ذيك السعاده ...... يمه ارجوك لا تجيبين طاري الزواج مره ثانيه مابي عيالي يسمعونك - ياوليدي ريحيني الله يريحك ابي اشوفك مرناح ابي اشوفك سعيد - اانا مرتاح وسعيد وعيالي مملين دنيتي - بكيفك ياوليدي راحت امي وهي تمسح دموعها بشيلتها زعلانه بس موبيدي طلبها كبير ما اقدر عليه انا متزوج ساره ولا ابي اتزوج غيرها ابد ********************** بعد سنه اليوم اول يوم لخالد بالمدرسه اليوم اللي كنا ننتضره انا وحبيبتي وديته للمدرسه دخلت معاه ووديته لفصله حضرت الحصه الاولى والثانيه بعدين طلعت رحت لدوامي رجعتله الضهر اخذته وسالته كيف المدرسه حبيبي - مره حلوه المدرسه بابا كل يوم ابي اجي - هههههههههههههه طيب خلاص كل يوم اجيبك - بابا تصدق جابولنا خروف - هههههههههههههه خروف - ايه بابا والله جابولنا خروف ههههههه ركبت فوقه بابا اشتريلنا خروف علشان مهاوي تركب فوقه - طيب بابا اليوم اشتريلكم خروف - لا بابا الحين - طيب رحنا لسوق الغنم وشريت خروف صغير وجبته للبيت ودخلناه بالحديقه طلعت امي وهي تضحك وشايله مها اللي مدت يدينها لي وهي تحاول تقول بابا رحت لها وشلتها درت فيها وهي تضحك تهبل ياناس - بدر شجاك على الخروف - هههههههه والله هذي طلبات خلودي - ايه مادام انه خلودي ميخالف - ايه لو انه انا كان صارت علوم ثانيه - بدر! تغار من ولدك - هههههههههه ايه ليش لا - هههههههههه والله ياوليدي ما اغلى من الضنى الا ولد الضنى - يله يمه حطو غداكم تراني ميت جوع وحتى البطل خالد صح خالد - ايه صح بابا انا جوعااااااااااااااااان مره اقدر اكل خروف - ههههههههههه - ابشر ياوليدي بس انت رح بدل ويكون الغدا جاهز...... وانت يا خالد رح بعد بدل علشان تتغدا وانا باخذ الحلوه هذي ونسبقكم |
السلام عليكم
الله الله وش هاالبداع مسز ازعاج <<<<<<<<وبدت تحلو>>>>>>> متابعه من البدايه ولي حق التكويش على الابطال الحلوين يمكن خالد بعد كم سنه ولااقووول ماعنده خال بدر شكله عايش على الذكرى<<<<<<<<< |
ماشاء عليج عندج وصف حلو لي شعور بدر يمكن العادة وصف شعور الزوجه الى فقدة زوجها هنا صار العكس وهو وصف نشوف حال الرجل من غير زوجه هل رح يقدر يتحمل من غير مساعده وحتى لو كانت امه موجوده صار عندي حماااس اعرف وش بيكون من احداث ننطر تطورت القصة وين بيودينا خيلج يااازعاااج خخخخخخخخ مذهلة |
اقتباس:
هههههههههههههههههههههه خلاص ابشري خالد لك :ANF049099::ANF049099: ولو اني انصحك ببدر انسان وافي يعجبني:c8T05285: |
اقتباس:
تسلميـــــــــــــــــن يا مذهله يمكن وصف شعور الزوج اصعب لان الرجل مفروض ما يضهر مشاعره وانا عانيت بهالشي ابيه يطلع مشاعره بس ما ابيه يكون ضعيف اتمنى اني قدرت اوصل هالشي مذهله ردودك دائما تذهلني اتمنى ان تبقي متابعه لقصتي :flowers2::flowers2: :c8T05285::c8T05285: |
الفـصـل الرابـــع
اليوم صار على وفاه ساره ثلاث سنين ثلاث سنين مرت علي بسرعه للحين اذكر اليوم اللي ماتت فيه كانه امس ثلاث سنين تعودت فيها على موت سارونه بس ما تعودت على فراقها للحين اصبح على صورتها وامسي عليها للحين اسولف معها واشكي لها غربتي بدونها للحين اشم ملابسها واعطرها بعطرها سارونتي عطرك خلص ..... بس شريت واحد مثله .... لا مو واحد بس...... شريت درزن المهم ان ريحتك ما تختفي , اشمها اول ما ادخل واخر ما اطلع تعلق بثيابي خشمي ما يشم غير عطرك سارونتي عشقه من عشقي لك عيالنا كبرو بعيد عنك بس ما نسوك ....... ما خليتهم ينسونك تدرين ايش اول شي قالته مها قالت ماما علمتها تقول ماما قبل بابا علمتها تحب عطرك زي ما انا احبه علمت خالد يدافع عن اخته علمته شلون يكون رجال علمتهم اشياء كثيره بس اهم شي علمتهم علمتهم مين تكون امهم دلعتهتم وربيتهتم زي ما تبين خليتهتم ملوك وهم ملوك قلبي ما استغني عنهم يوم ثلاث سنين عشتها ومهاوي وخلودي مملين علي دنيتي اليوم ان شاء الله مسافرين للشرقيه يغيرون جو قبل المدارس بياخذهم اخوي مع عياله وامي بتروح معهم وانا بلحقهم بعد ييومين عندي شغل بدبي اخلصه والحقهم وصلت لدبي ورحت للفندق صعدت لغرفتي ارتاح <<<<< يتبع |
نمت ساعتين بعدين رحت احضر الندوه خلصت الندوه طلعت ادور تكسي ركبته وحطيت شنطتي الصغيره جنبي وحنا بالطريق ولعت الاشاره حمرا وحنا كنا بنهايت الشارع والتكسي كان مسرع وما امداه يوقف ناضرت يميني شفت سياره جايه مسرعه حاول يتفاداها بس ما قدر نطيت من مكاني ورحت للجهه الثانيه بسرعه صدمت السياره فينا وصارت الدنيا سودا
هذا اخر شي اتذكره ************************************************************ **************** راسي احسه ثقيل فتحت عيوني بس رجعت سكرتها بسرعه قوه النور عورت عيوني فتحتها شوي شوي علشان تتعود على النور لقيت دكتور فوق راسي يسألني باللي أحس فيه - أحس راسي يعورني وثقيل - لأنك تعرضت لضربه بسيطة براسك بس خطنا الجرح ولا عليك شر الحين - طيب دكتور كم لي هنا - صار لك أسبوع - اوووف أسبوع طيب ممكن تلفون اكلم أهلي - طبعا ممكن بس على فكره أحنا خبرنا أخوك وهو موجود بره - ابي أشوفه - طيب طلع الدكتور ودخل اخوي سلم علي وسألته عن عيالي حسيته ارتبك بس ما حطيت ببالي - كلهم بخير ينتظرونك ترجعلهم - صالح اذا ا عليك امر اسئل الدكتور متى اقدر اطلع - سألته وقالي تقدر تطلع بعد يومين - اجل أبيك ترتب أموري هنا ما ابي أطول مشتاق لعيالي الا ليش ما جبتهم معا - الله يهداك وين أجيبهم معاي الوضع ما يسمح - أي صادق بعد ثلاث ايام وصلنا للشرقيه ورحنا للفندق بعد اصرار صالح ولا انا ودي اروح للرياض على طول دخلت وشفت امي قاعده ومعها خالد من شافتني قامت تصيح وجت حضنتني وهي تقول - والله ماكان القصد والله ما توقعت بيصير كذا - وشو يمه وشو اللي ما توقعتيه ناضرت صالح اللي هز لها راسه بلا - اقعد ياوليدي خلني اقولك السالفه - طيب خالد تعال سلم حبيبي مشتاق لك انت ومهاوي الا يمه وين مها ما شفتها صاحت امي وقالت مهااااااااااااااااااااااوي ضاعت <<<<<< يتبع |
- انهبلت شلون ضاعت شتقولين يمه متى هالكلام - كنا رايحين للكورنيش وراحت مع بنات أخوك تلعب ومدري شلون انفصلت عنهم واختفت ولا عاد شفنا لها اثر - شلون اختفت شلووووووون بنتي اختفت علموني فهموني تكلم صالح وقال ياخوي اغلب الضن أنها مخطوفة وحنا بلغنا الشرطة وان شاء الله خير مسكت صالح من ثوبه وصرخت خير بنتي ضايعه وتقولي خير - بدر استهدي بالله صراخك ماهو نافع صار لنا أسبوع وحنا ندورها بس مافيه امل تقول فص ملح وذاب ما يصير شلون اسكت هذي بنتي ماني متخيل اللي قاعد يصير لفيت على خالد وحضنته أبيه يصير جنبي ما اثقب احد تركتهم اسبوعين و شوفو شصار ماني قادر اتخيل قعدت شهر ولا فيه فايده ما لقوها دورت بكل مكان ولا فيه نتيجه يقولون المسئله تاخذ وقت بس الأكيد انه مهاوي راحت مهاااااااااااااااوي اختفت مهااااااااااااااااااااااوي ضاعت سارونتي الصغيره اختفت بنتي مهاوي بنت سارونتي ضيعتها شلون خليتهم ليش سافرت استغفر الله بدر اصبر احتسب الأجر مالي إلا الاحتساب الله يرجعك لي سالمه و يحفضك من الشر ************************** To be continuo |
صباح الخيرات يامزعجه
مسكين بدر والله رحمته خفي عليه شوي خربتي علي فرحتي انكم بشرقيه بقيت اسويلكم برنامج سياحي <<<<<<<<<معليه اقول عطيني صوره لمهاوي عشان ادورها معاكم مزعجه ليه اخترتي ثلاث سنوات الحين بيقولون غاشين من بعض<<<<<<<خخخ مصدقه عمرها ابي رايج في شمس وسحاب يازعوجه |
لا حرام عليج قلبتي القصة فوق تحت وين راااحت مهاااوي بالله هالبدر وبعدين وين مايطقه عوجه تضيع سااارونه بدون رجوع وتجين الان وتكملينها وتضيعين مهاااااوي يااااحرام يالله قاعدين ننطر بشوق ونشوف وين ممكن تكون يمكن وحده مجنونه خذتها بس مومعقوله ماقعدت تدور اهلها مذهلة |
اقتباس:
خخخخخخخخخخخخخـ لا بيقولون توارد افكار <<<<< مسويه مثقفه ابشري حبيبتي من عيوني كم عندي احب الليل وحده بس :friends: |
اقتباس:
معليش استحملو ان شاءلله تكون نهايه الشر هههههههههه مدري يمكن بكره اموت بدر :lol::lol: لا حرام ما يستاهل خلاص هذي بتكون نهايه احزانه:lol: |
السلام عليكم ورحمة الله وبركاته
الى صديقاتي والناس اللي قرت ولو حرف من روايتي اعذروني رح اتاخر بتنزيل الجزء الخامس لان ضروفي الحين ما تسمح لي اكتب بنات اتمنى تدعون لـ اخوي الله يشافيه محتاجين دعاء ولو بس كلمه الله يشافيه ويقومه بالسلامه محبتكم مس ازعاج |
وعليكم السلام ورحمة الله وبركاته اسأل الله العلي القدير ان يشفي اخوج ويقومه لكم بالسلامه وان شاء الله تكون اخر الاحزان يارب |
الفصل الرابع
الجزء الثاني مهااااااااااااااااااااااوي ضاعت - انهبلت شلون ضاعت شتقولين يمه متى هالكلام - كنا رايحين للكورنيش وراحت مع بنات أخوك تلعب ومدري شلون انفصلت عنهم واختفت ولا عاد شفنا لها اثر - شلون اختفت شلووووووون بنتي اختفت علموني فهموني تكلم صالح وقال ياخوي اغلب الضن أنها مخطوفة وحنا بلغنا الشرطة وان شاء الله خير مسكت صالح من ثوبه وصرخت خير بنتي ضايعه وتقولي خير - بدر استهدي بالله صراخك ماهو نافع صار لنا أسبوع وحنا ندورها بس مافيه امل تقول فص ملح وذاب ما يصير شلون اسكت هذي بنتي ماني متخيل اللي قاعد يصير لفيت على خالد وحضنته أبيه يصير جنبي ما اثقب احد تركتهم اسبوعين و شوفو شصار ماني قادر اتخيل قعدت شهر ولا فيه فايده ما لقوها دورت بكل مكان ولا فيه نتيجه يقولون المسئله تاخذ وقت بس الأكيد انه مهاوي راحت مهاااااااااااااااوي اختفت مهااااااااااااااااااااااوي ضاعت سارونتي الصغيره اختفت بنتي مهاوي بنت سارونتي ضيعتها شلون خليتهم ليش سافرت استغفر الله بدر اصبر احتسب الأجر مالي إلا الاحتساب الله يرجعك لي سالمه و يحفضك من الشر ************************** بمكان ثاني بحي فقير من احياء الحسا دخل رجال يلهث ومعرق من الربكه قعد ينادي بصوت علي - فهيمه وينك - هذاني هني قاعده شتبي - تعالي اقولج جت فهيمه وناضرت زوجها بكره نعم شتبي هذاني يت مدلها البنت اللي لافها بشرشف - جبتها يا فهيمه جبت بنت مثل القمر - انهبلت انت شنو يبت بنت شنسوي فيها - شنو بعد نربيها عندنا - ليش الدنيا سايبه تاخذ عيال خلق الله وتقول نربيها و بعدين وين اهلها - ما لج شغل - شف عاد انا ما اربي عيال خلق الله ردها محل ماجبتها - أيل تربين عيال مين هااااه قولي اللي يسمعج يقول البيت متروس يهال - شف عاد يا علي هالحجي مو علي وهالبنت تردها - انتي ما تفهمين ما تبين ياهل يملي عليج حياتج - الا ابي بس مو من الناس ابي ياهل مني - طيب اذا ما تقدرين تحملين هذاني يبت لج ياهل جاهز - مالي شغل ما ابي مشاكل البنت تردها محل ما جبتها بعدين شفيها لي ما تتحرك لا يكون سويت فيها شي - شبسوي فيها بس نامت بعد ما هبلتني من الصياح - علي اسمعني احنا مو ناقصين مشاكل رد البنيه ربي بيعوضنا - اوووووف اقول سدي الموضوع وهاج البنت اذا قعدت وكليها ابروح انام تعبان ماسك درب من الخبر لين هني - طيب شقلت تردها لهلها لا يحاتون - يصير خير مني للصبح راح علي ينام وهو حاط بباله انه ماهو مرجع البنت شلون يرجعها وهو بيموت علشان يحصل ياهل يربيه ويضمه تحت اسمه لاكن عقمه مانعه هو يدري ان فهيمه تبي يهال اكثر منه علشان كذا خلاها تاخد البنت لانه متاكد انها بتتعلق فيها اكثر منه وهو بيختلقله سالفه علشان يسكتها ************************ بعد اسبوع قامت فهيمه من النوم وشافت مها نايمه جنبها بكل براءه حن قلبها عليها كانت تتمنى بيوم تحمل وتجيب بيبي تربيه وتهتم فيه بس ربي ما كتب لها عيال كاسره خاطرها هالبنيه وتحاتي امها هي مره وتعرف شعور الفقد خاصه لو كانت بنتك بس علي مو راضي يردها وهي بعد حن قلبها عليها وتتمنى تخليها عندها عارفه ان هالشي غلط بس مشاعر الامومه طغت عليها قررت اخليها عندي واربيها زي بنتي ******************************* عاشت مها عند فهيمه ثلاث شهور تعودو فيها على بعض وبطلت البنت تسئل عن اهلها اليوم بنروح للرياض نعزي ولد عمنا ميته بنته رحنا للرياض وخلص العزى علي بروح للسوق اشتري هدوم لمها -طيب وين تبين تروحين - مدري بس ابي سوق شعبي علشان بشتري حنا وديرم وعبايات لمي - طيب بعد المغرب اوديج بعد المغرب رحنا لسوق طيبه سوق شعبي وشريت اغراضي اللي ابيها ودخلت مصلى النسا اصلي العشا وخليت مهاوي يمي خلصت صلاه ولفيت لها ادورها ما لقيتها انهبلت قعدت ادور بكل مكان كني مجنونه ما حصلتها ************************* بمكان ثاني من سوق طيبه عجوز قاعده تحاسب على قماش سمعت صوت بنت تصيح راحتلها سالتها - شفيك يابنيتي - وين امك والبنت تصيح ولا ترد عليها اخذتها ووديتها للسكيورتي قعد ينادي مين ضايع له بنت ************ فهيمه شفت مها بايد الشرطي تخرعت خفت اروح لها يسئلني عنها وانا ما اعرف الا اسمها ولا عندي شي يثبت انا بنتي دقيت على علي ابه يجي يتصرف - شنو شرطه - ايه شرطي ما سكها وهي قاعده تصيح - لايكون رحتي لهم - لا ما رحت - أي زين بسرعه خل نطلع - والبنت - كيفها شسوي فيها لانسجنت ترى هذا خطف مو شي سهل - توك تحس انه مو سهل صج انك حقير - فهيمه جب وانطرج عند السياره بسرعه ولو ما جيتي بروح واخليج رحت وانا قالبي قابضني شلونا خليها تروح من ايدي بهالسهوله بس شسوي حكم القوي ******************* عند مها واقفه العجوز مع الشرطي يدورون - ياخاله يمكن راحوا هلها صار لنا ثلاث ساعات ندور ما فيه فايده - طيب ياوليدي شبتسوي فيها - باخذها للمخفر - هوو ليش المخفر - علشان نسوي محضر - طيب ياوليدي تسمح لي اخذها عندي الليله وبكره اجيبها لكم - لا ياخاله ما ييصير مسؤليه هذي - طيب ياوليدي اكتبلك تعهد واللي تبي بس لاتبيت هالبنت بالمخفر اليوم - ماهي نايمه بالمخفر بنوديها لدار الايتام - ياوليدي سعيد اخي مبارك ما اردى من هذا الا خذا خلني اخذها اليوم واجيبها لكم بكره - لا ياخاله اسمحيلي ما اقدر دقت العجوز على ولدها الضابط وقالتله فتفاهم معهم على انها تروح مع امه للبيت ويرجعونها بكره |
معليش اعذروني على الجزء الصغير بس يارب يعجبكم |
مس أزعاج لا أعلم ماذا تكفي أحرفي لتسطر لكِ ما قراءة من أبداع صغتي روايتكِ بأسلوب الراوي المتمكن والمبدع سطرتي لاءلاء التألق هنا اتمنى ان تكتمل سلسلة روايتكِ اللهم أشف أخيها يارب شفاءً عاجلا يارب العالمين نحن في أنتظار أبداعكِ الشيق ولا زلت أنتظر ماحدث لـــــ مها أسجل أعجابي بما سطر هنا |
تنقل للأرشيف بسبب توقف الكاتبة فترة طويلة مشرفات القسم |
| الساعة الآن 12:18 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية