|
الى كل عشاق روايات احلام
بسم الله الرحمن الرحيم
الى كل عشاق روايات احلام او الروايات الرومانسية المترجمة بشكل عام .... بصراحة انا مش جايبة رواية جديدة للتحميل ولا حاجة زي معظم الاعضاء بس انا كان فيه كلمتين في نفسي عايزة اقولهم من يوم ما بدأت أعرف الروايات دي ... وقبل اي حاجة لازم اعترف ان انا كنت واحدة من مدمني الروايات الرومانسية المترجمة من نوعية احلام وعبير وخلافه بس انا بعد ماخدت كفايتي من الروايات دي وقرأت منها حوالي تلاتين عدد و اكتر اكتشفت حاجه مهمة جدا خلتني اتخلص من كل الروايات اللي كانت عندي واللي بتنتمي للنوعية دي ... الحقيقة ان انا عندي 18 سنة ولغاية فترة قريبة جدا كنت مش مرتبطة يعني تجاربي العاطفية في الحياة كانت زيرو وزي معظم البنات اللي زيي اللي بيلاقو في الرويات دي صورة وردية للاحلام اللي نفسهم يحققوها على ارض الواقع ووصف خيالي لفارس الاحلام اللي بيتمنوه ادمنت روايات احلام وشوية شوية اتعودت عليها وبقت شئ اساسي في حياتي اليومية بس انا عايزة اطلب منكو طلب واحد بس ... انا عايزة كل واحدة تقف مع نفسها خمس دقايق وتبص للمسألة بموضوعية وتفكر فيها بعقل ... انت يوم ما هاتختاري الانسان اللي هاتعيشي معاه بقيت عمرك وهاتأمنيه على نفسك وعلى ولادك هتختاريه عشان اخلاقه ورجولته وانسانيته وللا علشان عضلاته اللي هاتقطع القميص وشعر صدره اللي فاتح عليه الزراير وصوته اللي زي صوت طرزان ! الجواب طبعا معروف بس السؤال هنا ما دام كلنا عارفين ان كل الكلام اللي في الروايات ده كلام فاضي وان الاحداث الهايفة دي كلها ضحك ع العقول و كلام تهييس في تهييس بنقراها وبنضيع فيها وقتنا ليه ! انا صحيح خطوبتي بعد كام يوم -عقبالكو - بس صدقوني انا بطلت الروايات دي من زمان من قبل حتى ما اعرف خطيبي بس كمان بعد ما عرفته وحبيته اتأكدت فعلا ان الحب الحقيقي غير اللي بنقراه خالص وان العملية مش بنت مذة وواد عايش حياته في الجيم الحكاية غير كده خالص ... وبكرة تعرفوا وتقولو د\ساره قالت ... متنسونيش في ردودكو الحلوة :flowers2: سلام ..... |
حبيبتى اشكرك على مشاعرك النبيلة والرغبة الصادقة فى النصح وهو دليل على شعورك النبيل بس انا بحب اقلك انو الروايات مش ممكن تكون بديل عن الواقع ومش ممكن تخلق ناس تعيش فالخيال روايات احلام او عبير هى ممكن نعتبرها لحضات راحة من الواقع المرير:lol: يعنر كانك اخذت لحضات من وقتك وعشت الحلم والرومنسية واقعنا اكيد مختلف بس هى الروايات كيف ما يقولوا بوابة للاحلام الى ما راح نعيشها واحنا عارفين انو ما راح نعيشها بس احنا بنحب نقرا عنها انا عرفت روايات احلام ممكن منذ الطفولة وحتى لهاالوقت بقراها معا انو مرت عليا سنوات ما قريتهم بس برجع كل ما حسيت بالحنين
الى حصل معاك انك فقدت لذة الرواية بس احنا لسة بنحس فيها و ابدا ما زيفت الواقع بس بنحبها |
بسم الله الرحمن الرحيم
متشكرين ع الرد يا باشا ونردهالك في مواضيع جامدة ان شاء الله ... بس أنا عايزة أقول حاجة برده -معلش انا رخمة شوية - جايز تكون الروايات دي بالنسبة ليكي مجرد تسلية او نوع من انواع الترفيه بس صدقيني انا اعرف بنات كتير الروايات دي عملتلهم مشاكل كتيرة جدا ... مش كل البنات عارفة ان الكلام ده ما بيحصلش لان فيه بنات كتير بتتخيل نفسها انها ممكن تعيش احداث الرواية دي فعلا وبترسم في خيالها صورة شبه مستحيلة لفتى احلامها وبتتمسك بالصورة دي بدرجة كبيرة جدا ’’ وانا شخصيا اعرف واحدة معايا في الكلية الروايات دي وصلتها لحالة ميؤوس منها لدرجة انها بترفض العرسان لاسباب تافهة مالهاش دعوة بالشخصية او الاخلاق ... المشكلة موجودة ومنقدرش ننكرها وصدقيني حلها موجود برده بس احنا مش واخدين بالنا ... انا مش ضد الروايات الرومانسية خالص على فكرة ولغاية دالوقتي انا لسه بقرأها بس الاختلاف اللي حصل ان انا غيرت النوع :friends: يعني بقيت اختار روايات بتعتمد احداثها على الوصف الحسي اكتر من المعنوي وعلى المعاني الراقية اكتر من الرغبات الخارجة عن السيطرة ,, جربي تقراي حاجة ليوسف السباعي مثلا وهاتعرفي الفرق اللي انا باتكلم عنه ... ويا ريت ماننساش ان الناس اللي بتكتب الروايات دي مع احترامنا ليهم بيكتبو من خلال واقع حياتهم هما يعني الكلام اللي بيكتبوه ممكن يتحقق فعلا في حياتهم اللي هي مختلفة تماما عن حياتنا وديننا ... جربي تقرأي رواية رومانسية خالية من الاحضان والقمصان اللي زرايرها مفتوحة والفساتين الربع متر وفعلا هاتعرفي قصدي .. متشكرين ع الرد كمان مرة ... سلام يا باشا :flowers2: |
مرحبا يا باشا :lol:
حبيبتى انا متفقا معاك فى كل كلامك تعرفى انو اكثر كاتب عبر عن الومنسية واكتر واحد لما اقرا كتبو احس انى انا الى اكتب وهو احسان عبد القدوس بصراحة رهيب كمان يوسف السباعى و نجيب محفوط ويوسف معاطي كتاب عرب واحسن من كتب الرومنسية الاحساس الالم الخيبة الامل الصدمات عموما خلاصة التجربة الانسانية ومش حكذب عليك يا باشا انهم اثروا عليا واكثر حاجة نموا خيالى وخلونى كانى عايشة بمصر والحارة واخلاق اولاد البلد والمعلم ... احب اقلك انو الرومنسية مش حكر على الغرب فى كتاب يبهروكى اخر حاجة قريتها رواية خليجية لحمران النواظر اسمها نظرة حب رغم انى فى البداية اقيت صعوبة اني اقراها لانها مكتوبة بالخليجي بس روعة روعة روعة ياريت تشوفيها سلام يا باشا :peace: |
السلام عليكم
كانت بداياتي مع احسان عبد القدوس ونجيب محفوظ والسباعي وتوفيق الحكيم تعرفت على روايات عبير وغيرها من صديقاتي وكنت اقرا الروايه في 3 ساعات فقط مثل كل البنات كنت اعيش مع كل روايه وبعد ما انتهي منها انساها اكيد لها تاثير بس مش الكبير واعتقد ان قراءه الروايات والبحث عن المغامرات بيت الاسطر افضل بكثير من البحث عنها في الشارع او بين الاسلاك وانا متاكده ان قارئات الروايات لا بد في يوم ما ان يصلوا لمرحله النضج العقلي كما وصلت له الاخت شكرا على النصيحه |
| الساعة الآن 03:57 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية