|
تـــربية الأطفال ...>>لاتخيبوا ظني وأدخلوا<< ..
:besm8dg4: أنا مثل كثير من الناس أعشق الهدوء وبعد النظام أحب أنه الأشياء يكون كل شئ في مكانه المناسب وأحب الطفل يكون مؤدب . لكن في أحيان كثيره من الإجتماعات العائليه تنعدم كثير من هذه الصفات أقصد الأجتماعات اللي تشمل الأعمام وأبناء الأعمام ففي الغالب يكون الإجتماع في منزلنا في العطل تكون شبه مستمره فينقلب البيت فوق تحت بل أحيان أدخل مثلا غرفتي فأجدها تحولت لحلبة مصارعه وهذا يبكي وهذا يلعب وهذا يخطط كيف يخرب أشياء على سبيل المثال واحد أعطيته بسكوت وطلع من عندي إلا ما خذ بيالة شاهي وجالس يدق البسكويت على الفرشه حتى صار طحين << قمة البثاره ونجي لوقت العشاء فتحصل كل واحد قرب ولده منه وجلس يتعشاء شوي يأكل وشوي يطلع الأكل ويحطه على السماط << أحس مافيه أحد ماعنده أولاد ألا هو والثاني تحصلينا منشدين في موضوع جاد وتحصل واحد جالس يدلع ولده ومو معنا في الموضوع << يخوي ولدك مو طاير إذا جيت في بيتكم سولف معه على راحتك وكله كووم وبعض الصغار تحصل يكلم والده بأسلوب أنا أشوف أنه مو مناسب . (( طبعا هاذي الإجتماعات العائليه وأغلب اللي يكون فيها أنا حبيت أصور لكم المواقف اللي تصير فيها سواء عندنا أوغيرنا )) اللي حبيت أناقشكم فيه هل الشئ هذا يصير عند الكل ؟ وش رايك باللي يقول الولد صغير الى اللحين إذا كبر في السن نبدأ نعلمه الأداب بس اللحين خله يعيش طفولته ؟ هل أنتم مع ضرب الأطفال في حالة الخطأ وحرمانهم من بعض الأشياء اللي يحبونها مثل قيم بوي وغيره ؟ والأخير واللي قاهرني وش رايكم باللي يعطي الطفل جوال \ أنا أذكر ما أخذت الجوال إلا في الجامعه . وهذا مايعرف يقول كلمتين على بعض ومعطينه جوال . موضوع جميل قرأته بمنتدى آخر وأعجبني كثيراً الطرح الرائع للفكرة أحببت أن ننقاشها هنا بموضوعية أتمنى لاتخيبوا ظني وتشاركوني الحوار:flowers2: تقبلوا تحياتي.. |
والله يا زهرة موضوعك بدو تفكير شوية
اصلا انا حتى بعاني شوية من حكاية الصغار عاملين دائما عصابات مافيا اروح ارتب افكاري وارجعلك |
بإنتظارك عزيزتي .. لاتطولي علينا .. مودتي وتقديري.. |
و عليكـــم السلام و رحمه اللــــــه و بركــاته
أنا الصراحه ما أعاني من هالمشكله .. لأنه بشكل عام .. عندنا فالعايله الصغار يوم يشوفون اي حد كبير يخافون يسوون حشره ... ويوم تصير تجمعات العايله نحن عندنا في كل بيت مكان ولا غرفه نحط فيها الصغار و نخليهم يلعبون و اتم وياهم امهاتهم .. ولو كانن مشغولات اتم بشكاره ولا هنتين وياهم .. يعني لا قدر الله يصير شي فيهم و نحن مب موجودين و هذا عكس بيت ربيعتي ... الي تكره يوم الجمعه لأنه خواتها و أخوانها كل واحد منهم ايي و ساحب عياله وراه ... و تقوول انها من كثر ما تلاحق هذا و تمسح ورى الثاني و تاكل الثالث اييها صداااع نصفي اسبووعي :lol: موضوع حلووو للنقاش ... و أشكرج أختي على طرحه :55: |
اقتباس:
مس دمار.. منورتي عزيزتي:flowers2: بالبداية بقول لك لهجتك أعجبتني مع انه فيه كم كلمة مافهمتهم بس لهجتك حلوة. حلوة فكرة الغرفة الخاصة بالاطفال أعرف ناس كثير تعمل كذا لكن بالنسبة لنا بيتنا صغير والصراحة انا اكره الامهات اللي ماعرفوا يربون اطفالهم زين احيانا يتهيأ لي البيت بعد مايروحون كنه تسونامي سير علينا ههههههههههه شكراً لكِ عزيزتي عالطله الجميلة :friends: |
ههههههه تعرفين حياتي في شويه فرق بين اللهجه الاماراتية و السعودية
بس ولا يهمج زهووره ... حددي الكلمات الي ما فهمتيها و أنا بترجملج اياها بالسعودي ... و فالج طيب الشيخه |
هلا زهرة كيفك بالنسبة باللي يقول الولد صغير الى اللحين إذا كبر في السن نبدأ نعلمه الأداب بس اللحين خله يعيش طفولته ؟ بصراحة اذا ما تعلم من هو صغير مش حنقدر نغيره لما يكبر عشان هيك لازم الاهالي يكونو حذرين من هذي الاشياء ولازم يكون عندهم شيء رادع هل أنتم مع ضرب الأطفال في حالة الخطأ وحرمانهم من بعض الأشياء اللي يحبونها مثل قيم بوي وغيره ؟ انا مش مع الضرب بس اذا كان عنيد وبتنفعش معه الحالات العادية لازم نبحث عن حاجة تاثر فيه اكثر من الضرب والبهدلة لانه اذا عملنا كدة راح يعاند وميسمعش الكلام رايي باللي يعطي الطفل جوال؟ كنو الراجل فاضي شو هذا انا مش معه هي الحكاية لعبة وتسلمي زهرة |
اقتباس:
تسلمين حبيبتي الله يسلمك يارب شوفي هذا الكلام مافهمته اقتباس:
ياهلا فيك عزيزتي.. |
لؤلؤة المحيط ..أشارككِ رأيكِ أشكركِ عزيزتي على الرد المتعقل ودي وتقديري.. |
هههههههه
شوفي ((ولو كانن مشغولات اتم بشكاره ولا هنتين وياهم )) يعني ... الأمهات اذا كان عندهن شغل تجلس مع الاطفال خدامه وحده و لا خدامتين ... ((ربيعتي )) يعني صديقتي شفتي .. لغه سهله و سلسه ههههه |
مرررررررررررررررررحب
كيفك زهره ؟ موضوع رائع تشكري عليه .. أنا بالنسبه لي الضرب للطفل ماأيده أبدآ ألا بعد الخمس سنوات . حتى لما تضربيه يفهم على أيش ضربتيه ويفهم خطأه علشان مايعود له مرة ثانيه . أما الطفل أصغر من هذا السن لو تضربينه كل يوم على الخطأ اللي يسويه بيرج مرة ثانيه ويسويه لأنه مو فاهم الخطأ من الصح . وبكذا يتعود على الضرب ويصير مايهتم للضرب اذا كبر . أنا أفضل العقاب وهو حرمانه للأشياء اللي يحبها . هذا افضل تربيه . حتى للي بسن المراهقة. طريقه مجربه خخخخخخخخخخخخ :lol: والأفضل أنه كمان ماتخلينه على كيفه وتضل الأم وراه دايمآ . وتحاول تلفت أنتباهه للعبه عن الحاجه اللي ما مفروض يلعب بها . حتى ينسى . والأفضل أن ماتنفذ رغبات الطفل دائمآ حتى لو بكا . لحتى يعرف أنه مره فيه نعم ومره فيه لا مو كل شي نعم .. بالنسبه للجوال هذا فعل خاطئ لأن الجوال خطر على الأطفال أقل من 15 سنه . وهذا تقرير طبي .. فأنا ماأيده أبدآ .. مع أن دودي كل يوم يحن علي يبي جوال وانا مخصصه له جوال خربان وبدون شريحه . بس علشان احط له الأناشيد والصور القرءانيه به علشان ارغبه بالحفظ . بس هذي السنه يقول لي اريد شريحه . مااريد جوال بدون شريحه .. خخخخخخخخخخخخ:lol: بس طبعآ ممنوع لأني اخاف على صحته .. وهذا رأيي ومتبعته مع اولادي لأني مااحب الضرب .. تقبلي مروري عزيزتي .. |
اقتباس:
××أشاركك الرأي في هذه النقطه ×× ×هي أفضل عقاب رادع لتمرد الأطفال × . . × وجودك أسعدني كثيراً كل الود لكِ.. |
الرجال مرتحاون من الصغار وكل هذا ههههههههههههههههههه
تحياتي زههره |
ههههههههههههههههههههه × وفرحان يعني لأن الست اللي شايله الحمل كله وساكته × يعطيك العافية أخي ودي وتقديري.. |
زهرة مشكوره وايد عالموضوع الحلو.. شفتي انا جيت لحقتك من "الخواطر" عشان ارد عليج هههه
الصراحه فتحتي موضوع صج حساس.. يعني الأطفال احباب الله بس في اماكن انا مقتنعه تماما ان وجودهم فيه المفروض يكون ممنوع ومحرم.. الحفلات , الإجتماعات العائليه, بيوت العزاء"الخلف" , الصالونات..الخ لكن للأسف احنا نعاني من عدم قدرة بعض الأهالي على التمييز بين الأماكن الملائمه لتواجد ابناءهم ونشوف الحكايه صارت" ملخبطه فوق حدر".. اتمنى ان يصير القليل من الوعي في هذي النقطه.. اما الأطفال الي يعطونهم موبايل ففعلا هذي ظاهره تبيلها نقاش مطول.. تسلمين زهرة عالموضوع الرائع تقبلي ودي |
اقتباس:
× ثلوج × . . × ××بالبداية ياهلا وياغلا فيك غلاتي ×× ××كلامك صحيح فعلاً ..وأنا أتفق معك أنه هناك أماك مناسبة لوجود الأطفال ..وأماكن لا ×× لكِ ودي ومحبتي :flowers2::flowers2: |
انابصراحة اشوف انه دلع الامهات والاباء على ابناءهم بهذا الموضوع تؤدي لمشكلة كبيرة.....
المهم احسن طريقة عندي عشان اربي عيالي ان شاء الله هي (كرسي الاجرام) وهو عبارة عن كرسي يوضع في اخر زاوية البيت ... كيف الطريقة : اول شيء التهديد بهذا الكرسي فنقول:اذا ما بتصطلب منوديك لها الكرسي الخربان اتم فيه طول حياتك .....)، فاكيد الولد بيتادب لانه متروع.....خخخخخ واهم شيء ..احنا بعد مثل مس دمار العيال عدنا مصطلبين واذا تكلمو اي كلمة (نظرة وحدة بس من ابوهم ) ويسكتون ساعة كاملة (عادونهم زعلانين)...خخخخخ اشكرج على الموضوع الحلو ...(زهرة)..^^ يا صديقتي الحلوة...^^ |
اقتباس:
×× منورة عزيزتي ×× . . × ××فكرة الكرسي خياليه ..أفتكرها ببرنامج السوبر ناني ههههههه بجد تجيب فايده ويا هالاطفال الأشقياء ×× ×لاتحرميني مرورك الرائع كروحك × ودي لكِ..:flowers2: |
ههههههههه بجد موضوع رائع..
زهره يسلموا حبيبتي..اكيد الاولاد الصغار مشاكسين..وبيقلبوا القعده فوقاني تحتاني ..بس القعده بس هم الي بحلوا القعده.. هدا بالنسبه الي ..انا اعشق الاطفال بشكل مو طبيعي.. بالنسبه للتعامل مع الصغار طبعا الضرب هي وسيله عنف ومالازم تستخدم معهم ولا حتى امامهم..الطفل من وهو صغير ممكن تبدا الام تغرس فيه مبادئ بطريقتها ..ولازم تكون ام مثقفه تراعي عمر طفلها وطريقه تفكيره الي بتكون مختلفه بين مراحله العمريه..وهدا طبعا يعتبر جهاد بمنزلها..كمان انتي أثرتي نقطه..انو بالوقت الحالي بنلاحظ انه اطفال صغار ومهم جوال..صحيح وحده من خواتي بالابتدائي ومعها جوال ..والوالد بغيرلها اياه مرتين وتلات بالسنه..هدا خطا كبير طبعا ..لانه الطفل لازم يعيش طفولته كما هي..وبكل مرحله بيحصل على الشيئ الي بيناسب طفولته..مممم. صحيح ولاد العيله لمن يجتمعوا بتصير مشاكل..وبتلاقي واحد بيبكي من التاني بيشكي ..والي نام على الارض من الزحمه..طبعا هدا شيئ طبيعي بس انا بمضيها ضحك على اشكالهم وكلامهم خصوصا اذا كانوا من سنتين فما فوق..واحلى ايام الاسبوع عندي يوم مابيجتعوا كلهم.. هههههههه شكرا الكم |
موضوع جميل زهرة
شوفي ياستي دوشة الاطفال والهيصة اللي بتحصل منهم لما بيتجمعوا مع بعض بحس فعلا زي ماقلتو انهم بيبقوا عصابة مافيا المهم رأيي ان التربية الصح لازم يشترك فيها الاب والام سوا, لان الام بطبعها بتغلبها الحنية والرقة لكن حزم الاب بينفع في اللحظة دي يعني لما حد فيهم يشد التاني يرخي شوية صغننين كمان انا مش مع الضرب الا ف اضيق الحالات ومش في السن الصغير ولو اضطروا ليه يكون ضرب غير مبرح وبعيد عن الوجه ومايستعملهوش الا عند الضرورة القصوى وزي ماقالت ام دودي افضل عقاب هو الحرمان من شيء يحبه لكن في شوية حاجات: اولا لازم التدرج في العقاب بمعنى الاول التنبيه بهدوء مانفعش يبقى التوبيخ مانفعش يبقى الحرمان وهكذا ثانيا ودي نقطة مهمة جدا: بلاش نعاقب الطفل قدام حد وخصوصا قدام اخواته او الاطفال اللي بسنه لان دة بيأثر على نفسيته كتير موضوعك مهم جدا |
الموضوع حلو كثير
الاعتدال ميزان الحياة يعني الضرب على طول مايعطي نتيجة لانه تروح قيمته وهيبته ولا الحرمان دايم لانه يعود على العناد ولا انك تتركيهم على هواهم لانهم يجيبون الضغط والسكر حتى ساعات اقول انهم السبب الاول للضغط والسكر بس ماقدر اقول كلهم يحليل البنات هاديات وتلاقيهم بركن عتيد يلعبون حريم او ضيوف او تشيك بها الفله والعرائس واناشيد طيور الجنةاما اللاولاد الصغار المشاغبين المشاكسين المفسدين خلوني اعبر فاقعين مرارتي البيت اما يصير ملعب كوره او حلبة مصارعه او كواليس سيرك خالةفلان ضربني عمة هذا طيحني ابلة هذا ماخلاني العب هذا غير اللي يستمتع بالتخريب و السادية ينكد عالبنات ياخذ العابهم والامهات طبعا مشغولات بالكلام والشغالات هذي فرصتهم للتكتل يعني اكره الويك اند اذا عندكم حل عطوني اغير اطفىء عليهم النور واشربهم شراب الكحة امزح :rfb04470: بس اتوقع ان فيه خلل في التربية يعني الحرمان والضرب المعتدل مع التوجيه الحنون ينفع في بيئة مغلقة كالبيت ولكن احتكاكه باي طفل ثاني راح يخليه يكتسب كل عادات الثاني لانهم في مرحلة التعلم بالتقليد والله اعلم :flowers2: |
اقتباس:
×ديمه× . . × ××يابختك على طول بالك ههههه×× ×بكره الإزعاج موووت ..بس برضه بحب الأطفال ..فمعلش لو نستحملهم شوية× منورة الموضوع غلاتي لكِ ودي وتقديري:flowers2::flowers2: |
اقتباس:
×أهلا عزيزتي× . . × ××كلامك جميل جداً خصوصاً عن ضرورة وجود الوعي والمشاركة بين الأبوين في تربية الطفل ×× ×أما العقاب فهذا يعتمد في إعتقادي أيضاً على نوعية شخصية الطفل بصورة ما× فالأطفال منهم الشرس والعنيد ومنهم الهادي المهذب فكل حسب شخصيته:rfb04470: لكِ ودي وتقديري:flowers2: |
| الساعة الآن 11:06 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية