لكن في أحيان كثيره من الإجتماعات العائليه تنعدم كثير من هذه

الصفات أقصد الأجتماعات اللي تشمل الأعمام وأبناء الأعمام ففي

الغالب يكون الإجتماع في منزلنا في العطل تكون شبه مستمره

فينقلب البيت فوق تحت بل أحيان أدخل مثلا غرفتي فأجدها
تحولت لحلبة مصارعه

وهذا يبكي وهذا يلعب وهذا يخطط كيف يخرب أشياء على سبيل المثال واحد أعطيته بسكوت

وطلع من عندي إلا ما خذ بيالة شاهي وجالس يدق البسكويت

على الفرشه حتى صار طحين << قمة البثاره

ونجي لوقت العشاء فتحصل كل واحد قرب ولده منه وجلس

يتعشاء شوي يأكل وشوي يطلع الأكل ويحطه على السماط << أحس مافيه أحد ماعنده أولاد ألا هو

والثاني تحصلينا منشدين في موضوع جاد وتحصل واحد جالس يدلع ولده ومو معنا في الموضوع

<< يخوي ولدك مو طاير إذا جيت في بيتكم سولف معه على راحتك

وكله كووم وبعض الصغار تحصل يكلم والده بأسلوب أنا أشوف أنه مو مناسب .

(( طبعا هاذي الإجتماعات العائليه وأغلب اللي يكون فيها أنا حبيت أصور لكم المواقف اللي تصير فيها
سواء عندنا أوغيرنا ))

اللي حبيت أناقشكم فيه
هل الشئ هذا يصير عند الكل ؟ وش رايك باللي يقول الولد صغير الى اللحين إذا كبر في السن نبدأ نعلمه الأداب بس اللحين خله يعيش طفولته ؟ هل أنتم مع ضرب الأطفال في حالة الخطأ وحرمانهم من بعض الأشياء اللي يحبونها مثل قيم بوي وغيره ؟ والأخير واللي قاهرني وش رايكم باللي يعطي الطفل جوال \ أنا أذكر ما أخذت الجوال إلا في الجامعه . وهذا مايعرف يقول كلمتين على بعض ومعطينه جوال .