اتوقع عياض راح يصير له شي بالهند يخليه يطول وراح ياثر على ديما وفياض انهم يقربون لبعض اكثر


نواف وايمن اتوقع الحادثة راح يكون لها تاثير على نواف اكثر


بارت رائع سلمت يداك





قووووووووهييييييييييد

السلام عليكم ورحمة الله وبركاته ..

ياالله كم اشتقت لصفحتج يا ضجة الابداع ..
كنت متابعة لج بصمت من فترة .. واعذريني لاني ما قدرت اعلق على الاجزاء الي طافت
باذن الواحد الاحد برجع اعلق على الاجزاء الياية .


عايض ..
شكله ناوي على فكرة الزواج واعتقد انه هالشي مناسب لوضعه الحالي وخصوصا بعد ما تزوجت ديما وعايش بروحه .. حسيت فيه يوم فكر بشعور الاخ الي فكر في اخته وانها صارت لها حياتها المستقله وكونت اسرة وبيكون لها عيال في المستقبل .. شعور حزين على مفرح .. حزين لانها يفتقدها ومفرخ لانها صارت مسؤلة عن بين وزوج .. بس الي ودي اعرفه الحينه هل راح يكتشف في يوم ان زواج فياض من ديما ما كان صدفه ولا كان مجرد زواج عادي لتكوين اسرة وانه زواج لتصليح غلطه هالشي الي جوابه بيكون في الاحداث الياية .



فياض ..
احساسه بفقدان ديما باي وقته والخوف انها ترفض الاستمرار وياها .. هالشي نابع عن حبه لديما الي تكون في قلبه من قبل لا يتزوجها هل راح يقدر يخلي ديما تزيل الحاجز الي بينهم وتحبه بدل ما تكون متقبله بس له وتعامله معامله عادية .. وخصوصا بعد التغير الي طرى عليه وعلى تصرفاته والي مستمر هذا التغير من كل النواحي والافضل لديما واعترافه انه يحبها ما يقدر يستغني عنها لانها صارت جزء من حياته .



ديما ..
بدات تتقبل فياض وسامحته على الي سواه فيها وهذا الشي بسبب تصرفاته وياها وطريقة معاملته الي كل يوم عن يوم تكتشف فيه شي حلو وان خوفها وكرها لها كان بسبب الي سواه لاغير .. ويمكن هالشي يخليها تحبه في المستقبل وهذا الشي اكيد الا اذا طرى على حياتهم شي يغير مسار الاحداث والاتفاق على انهم يكونون اصدقاء .. يمكن هالانتفاق راح يقربهم لبعض ويزيل بعض الخوف الي تحس فيه من مستقبلها مع فياض وحياتها الي ارتبطت فيه ولا يمكن انها تغير هالشي لانه صار واقع ولا مفر منه .




نواف ..
كبداية لحياته في الخارج اكيد بيواجه عقبات ومخاوف لانه يديد على بلد غريب عنه ومختلف عنه بلده بكل شي .. هل راح يقدر يستمر في وجوده بالخارج ولا بيصير شي يخليه يرجع لديرته .. وحادث السرقه الي حصل لايمن هل هو حادث مثل الحوادث الي تصير في بلاد الغرب الي اعتداية والكل لازم ياخذ حذره منها ولا لا ..؟؟؟؟


ضجة .. تسلم ايدينج لا على هذا الجزء فقط لا على كل الاجزاء السابقه الي فعلا ابدعتي فيها من كافة النواحي بطريقة السرد والحوار وحبكة الاحداث المتسلسله .. شي رائع كاول قصة لج واتمنى انج تستمرين للاحسن والافضل باذن الله ..
موفقه يالغلا .. بأنتظار الجزء القادم بكل شوق .