|
مراااحب ضجة..اول شي سوووري عالتأخير..والتقصـير..بس كنت مضغووطة حدي:s..ثاني شي..الف شكر لج ضجة عالبارت..كلش ما يي قصوور منج..اي وترا البارت..حلو مرررة:pنفسج :)..
فياض والحادث الي صارلـه..وان ما طلع منه غير بجرح..يمكن كان خيرة له..وانه تنبيه من الله..عشان يصلي..ويرجع لربـه..ويحاسب نفسه على كل الي سواه..من قـبل..وانه كان ممكن يموت واهو على هالحالة..الحبوب ما يقدر يتركها مرة وحدة..لازم بالتدريج..حلو حنان اخوه وخوفه عليه..وحلو بعد..انه يدري انه مقصر بحق اخوه..وكان ناوي يعوضه بأنه يودعه..بس قدر الله وما شاء فعـل.. ديمـا غيرت رايهـا..وقررت تقعد معاه..يمكن..لانها تعودت عليـه..او لانه كان برووح منهـا..بغمضة عين..نفس ماراحو اهلهـا..الحمد لله الي خلود كلمتها..وخلتنا نسمع ضحكتها:)..عقبال ما ايي اليوم الي يضحكها فيض :).. نواف وسفـره..شرح يصير معاه..بيقعد نفس اخوه..او انه بكون احسن منه.. بنووتة |
السلام عليكم.. ومساء الخيرات.. قصة بالفعل مختلفة.. اجتمعت فيها غرابة الفكرة مع قوة الأسلوب ومعقولية الأحداث..^^ ملاحظين اني قلبت معلق شاعر المليون ،تعرفونه.. نسيت اسمه بس انه شامي، ماشاء الله نقده خطيييير^^ فيها من المصداقية الشيء الكثييير.. العفوية مع الابتسامة.. القوة مع الضعف.. روعة المشاعر مع التردد والخوف..... وبيني وبينك مرة مبسوطة اني طحت عليها.. وبالعادة ماأعلق على أي قصة بس اصابعي هالمرة ماشاورتني وانا عاذرتهم وبقوة بعد.. معليش طولت عليك هذا والرد سريع اجل الله يستر لو انا مروقة وفاضية.. يالله الجايات اكثر ان شاءالله.. بس اللله يخليك ويسعدك ارحمينا ولاتطولين علينا :) دمت بالخير والصحة.. |
جوودي
زارا لمياء بنت خالة انفاس قطر(وراجعي اخر الرد عندي لك كلام ياغالية) شمس المملكة بريق البرد ألما waxengirl مذهلة الخليج شبيهة القمر Emomsa ام عنان اشتكي بصمتي شموخ الصمت روح مغليها Bent El-Q8 كان حلما ورحل (على فكرة حيااك الله معنا فرحت كثيرا لوجودك ) عزيزاتي .. كم كنت أتمنى أن أرد على كل كلمة قلتموها اتعلمون أنني أستغرق وقتا طويلا في قراءة ردودكم ،؟ اقرأها لمرة او اثنتين بل وبعض الردود اعيد قراءتها لاكثر من ذلك .. ما قصرتووووا ابدا والله .. بل انا التي قصرت كثيرا معكن..!! اتمنى أن تسامحوني على تقصيري الدائم.. واعذروني لانني ارد عليكم بهذا الاختصار .. بنت الخالة * قرأت ردك الاخير بعمق كنت محقة بشأن ما ذكرتيه في الملاحظتين لا اعرف كيف اشكرك على ملاحظاتك التي نبهتني بالرغم من كل شيء واؤكد عليك ان لا تحرميني من هكذا ملاحظات كلما طرأت لكِ بالنسبة لسائق التاكسي بلندن .. صحيح المفروض ما كان لازم اعمم وما انتبهت لهذه النقطة ، لكن كحل الآن ..ممكن نفترض انه هالسائق مثلا حالة استثنائية وان مجتمعات الطلاب هي اللي تتكون فكرة عندهم عن العرب اكثر من بقية مناطق بريطانيا ؟؟ > عشان كذا اكره اتكلم عن بلدان ما شفتها وما اعرفها لكن لزوم الاحداث اما عن خروجي عن نمط كتابتي .. انتي قصدك على ايمن ؟ اممم الصراحة انا ما كنت مخططة لادخال شخصيات جديدة غير الموجودة الحين في القصة .. بس نواف اللي يدرس برا لازم اذكر شي عن رفقته .. ويمكن المغزى من ادخال رفيقه يتضح اكثر فيما بعد .وان شاء الله ما يكون الا لصالح القصة ..كما اتمنى .. أخيراً .. أحبتي ..اراكم على خير في الفصل القادم بإذن الله |
الفصل العشرين حاول يركز بالمحاضرة بس اكثر من شي شغل باله وشتت تركيزه .. اولهم تفكيره في اتصال فياض به بالامس وموضوع الحادث اللي منعه من جية المطار .. حمد ربه على هالمكالمة اللي لولاها لكان للحين حاقد عليه .. اهم شي انه بخير الحين وانه كان مهتم فعلا انه يشوفه .. والدليل مكالمته اللي اعتبرها اعتذار منه .. . . خرج من الجامعة وهو مستغرب من ايمن اللي ما جا اليوم ولا حضر أية محاضرة معه من الصباح.. تذكر لما تركه قال له راح يتأخرعلى اساس انه شوي وراح يلحقه ، بس للحين ما شافه .. !! رجع للسكن ودخل للشقة الصغيرة ومالقا ايمن .. !! جرب يتصل عليه ونفس الشي ما يرد .. تنهد وهو يبدل ويرتمي على سريره بتعب .. وفكر .. يمكن انه حضر بس ما لاحظه ..؟؟ اهم شي انه تعباان الحين وفيه نوووووم ايمن لو صار معه شي فهو يعرف يتصرف اكثر منه ..!! . . و ما لحق يكمل نومه بهدوء .. ما مضت عشر دقائق الا ويسمع صوت انفتاح الباب ، فتح عيونه وهو ينادي بارهاق : ايمن؟؟انته جييت ؟ دخل ايمن للغرفة بخطوات ثقيلة .. انتفض نواف وقام بسرعة وهو يشوف وجه ايمن اللي تلطخ كله بالدم .. صرخ فيه : ايش صار فيك ؟؟ انته وين كنت يالمجنون ؟؟ ايمن وهو يجلس بالارض من التعب : نواف ساعدني .. احس جسمي كله متكسر .. نواف بهلع وهو يتقدم منه ويرفعه ويساعده يرقد على السرير : مين سوا لك كذا ؟ ايمن وهو يبلع ريقه بصعوبة : ما اعرفهم ..والله .. نواف : لأننّا ما كملنا 3 ايام هنا اكيد ما راح تعرفهم ..بس ليش ؟؟ ليش يأذونك كذا... ايش السبب؟؟ ايش سوييت ؟ ايمن :ما سويت ..شي ... ناولني الموية .. بعدين احاكيك .. مو قادر اتكلم ..!! قام نواف وهو حاس انه اثقل على صديقه بهالاسئلة اللي مو وقتها .. جاب له موية ومنشفة يمسح فيها الدم .. ونظراته المحتاارة تراقب ايمن والكدمات اللي بوجهه وجسمه وهي تعلن في داخله ألف سؤال وسؤال .............. . . . . . . مضى يومييين هااادييين ما فيهم اي احتكاكات بين ديما وفياض ،،ما عدا كلمات بسيطة او عابرة .. ديما تخلصت من قلقها تدريجيا .. وفياض ارتااح نسبيا لهدوءها والتطور الملحوظ عليها .. . . لبست بسرعة لان فياض قال انهم بيتغدون برا ، نزلت معه وركبوا السيارة كالعاادة .. لكن لما وصلوا للمطعم ونزلوا، انتبهت للشخص اللي يخرج من السيارة المجاورة لسيارتهم ،، كان عاايض يتقدم ناحيتهم بابتسامة .. صافحها وهو يقوول : كيفك ديوووم؟ قالت وهي تلتفت على فياض بدهشة : بخير الحمد لله .. ورجعت تطالع بسرعة في اخوها ببهجة.. ابتسم فياض وهو يقول : عايض عازمنا عالغدآآ اليوم قالت لعايض بدهشة : ليه ما قلت لي ؟ عايض لف على فياض بضحكة : انت ما قلت لها ؟ فياض بابتسامة بعد ما احتار ايش يقول : خليتها مفاجئة ! عايض وهو يتقدمهم من المطعم : و عجبتك المفاجئة ديماا ؟؟ ديما بلهجة صادقة : احلى مفاجئة.. . . حجز لهم غرفة من بعد ما اختار اطباق الغدا على ذوقه .. ولما قربوا يخلصون.. قالت ديما لعايض برجااء : ابي اروح لبيتنا ناظرها فياض بقلق وما قدر يمنع نفسه يسألها : ليــش ؟ التفتت عليه وحست بقصده.. قالت بتوضيح : في اشياء ابي اخذها من هنااك .. فياض : آهاا ..وليش لأ ؟ نروح بأي وقت! عايض : حياكم الله بس تراني بسافر بعد بكرة .. اذا بتجون فاليوم افضل او بكرة .. فياض يسألها : اجل بالليل نجي ؟ ديما ببهجة : ان شاء الله عايض وهو يناظر ساعته : يووه العصر بيأذن حالاً .. فياض وهو يوقف : اجل الحين بنروح انا وديما ونشوفك بالليل ان شاء الله عايض : اووه ما لحقتوو ؟؟وين بتروحون ؟؟؟ ديما ناظرته باستغراب وهو واقف ..ليش فجأة يبيهم يرجعون.. من كثر ما جلستها معه بالبيت حلوة ولا من كثر ما تشوف اخوها يعني؟ ظلت جالسة مكانها بعند وقهر .. فياض يتحجج : عندي مشوار مهم ..! عايض باقتراح : اجل وش رايك تخلي ديما معي ,,و انته روح لمشوارك ولما تخلص مر عليها في بيتنا؟؟؟ ديما بفرحة : ايه ايه.. فكرة حلوة فياض بمحاولة :يمكن أتأخر لين الليل .. عايض : وايش المشكلة ؟؟ وانت راجع تمرها ..!! ديما برجاء مختلط بالضيق: الله يخليك ..! قال لما سمع نبرة الرجا بصوتها : خلااص.. بمر عليكم بعد المغرب .. وناظر ديما نظرة اخيرة وهو يقول : مع السلامة نزلت ديما شوكتها وهي تطالع بأخوها اللي ضحك فجأة بعد ما طلع فياض.. قالت بدهشة: ليش تضحك ؟ قال بمزح : ما اقدر على اللي ما يستغنون ... حست بوجهها حار من الارتباك .. والتفتت للجهة الثانية وقالت : يللا نروح للبيت ..؟؟؟؟؟؟ عايض وهو يكمل قطعة الكيك اللي قدامه : لحظة ما كملت اكلي قالت بارتباك: اوه.. ما انتبهت .. رجع يضحك مرة ثانية ، قالت ديما بجدية :صحيح .. وين راح تساافر ؟ قاال : الهنــد .. قالت بدهشة : الهند ؟؟ قال : عندي شغل هناك .. تبيني اجيب لك شي معي ؟ قالت :لا شكراً .. بس استغربت .. الله يعينك قال : آمين ..صحيح ان الشغل متعب .. بس احيانا يكون ممتع! قالت بابتسامة : ممتع ؟ قال بتأكيد: ايه ممتع.. ووقف وهو يكمّل : يللا نروح ؟؟ . . . . . . اعصابه تعبت وهو يفكر الف مرة مع نفسه .. كيف تركها بهالسهولة ومشى من غيرها ؟؟ حاول يهدي نفسه بس مو قادر .. جاته حالة غريبة وهو يحرك السيارة كل شوي ويوقفها .. ساعات ويرجع ياخذها من بيتها ..يعني الموضوع بسيط وما في داعي لكل هذذااا؟؟؟؟؟؟ لكن بدون فاايدة!! .. ماقدر يهدي اعصابه الا لما حرك السيارة فجأة وهو متجه لبيتها .. ناظر ساعته بالطريق .. باقي ساعة على المغرب .. قدر يقنع نفسه انه يروح لمحل شوكولاته يجيب منه شي وياخذه معه .. اي شي يشغل به هالساعة عالاقل !! . . . . اول ما فتح عايض باب البيت دخلت بسرعة قبله وهي تدور على ازرار الاضااءة اللي نست وين مكانهم . عايض راح لغرفته وهي راحت لغرفتها وشالت عبايتها رمتها على الكرسي مع شنطتها ، وقفت شوي بعد ما القت نظرة سريعة شاملة على الغرفة.. وفتحت دولابها وهي تمسك اغراضها واحد واااحد .. دباديبها القديييمة ودفاترها وملابسها وهداياها .. ياااه كأنها في حلم وراح تصحى منه بعد شوي .. رجعت وارتمت على السرير وهي تتنهد بعمق .. الايام اللي فاتت كانت اغرب من الخيااال .. كيف عاشت في حزن وكبت وخوف مع اكثر انسان كرهته في حياتها و طوال اسبوعين او اكثر تقريبا ؟ للحين ما هي مستوعبة .. يمكن ما عادت تخاف منه مثل الاول او تكرهه بنفس الدرجة ،، لاعترافها بانه زوجها اولا واخيرا ...!! وانها مصيرها بترجع له .. وبعد لانها مستحيل تكمل حياتها في عزلة تامة،، ان كانت هي بتتحمل فهو مارح يتحمل .. ! نفضت راسها وهي تتقلب على السرير..حتى وهي في بيتها وغرفتها رجعت تفكر فيه .... !!! قامت للدولاب مرة ثانية ولبست قميص نوم مريح زهري قريب من الركبة لكن مو قصير مرة .. فلتت شعرها وتركته ينسدل على ظهرها براحة وانسدحت على سريرها بالعرض وهي تتأمل السقف بابتساامة وااسعة .. ياااااااه محلى الراااحة اللي تحسها الحييين .. وما استوعبت إلا والنوم مسيطر عليهاا .. . . . بعد ما بدل طلع من غرفته يدورها .. اكيد جلست تحوس بالبيت اللي ما شافته من زماان .. ما سمع لها اي صوت ولا حس ، راح لغرفتها واستغرب لما شاافها نايمة بهالوضعية الغريبة .. حاول يناديها بهدوء : ديمااااا ؟؟ ....ديووم ؟؟ لكن ماردت عليه .. طفا النور بغرفتها وسكر الباب .. راح للمطبخ وهو يبتسم ... وجا بباله خاطر مفااجىء .. احتمال كبير انه يشوف ديما قريب أم .. وانه يصير خاال ؟؟؟ ما يتخيلها ام ابدددا .. للحين ما استوعب انها متزوجة .. يا الله !!! دعا من قلب ربه يرزقها الذرية الصاالحة .. ويسعدها ...وما نسى يدعي لنفسه بنفس الدعوة .. .. للحين ما يدري ايش كان يسوي طول الفترة اللي مضت بحيااته من دون زواااج ..؟؟ استنكر على نفسه هالتأخير .. لكن هاانت .. كلها فترة وبيخطب .. ان شاء الله .. التفت على المطبخ وابتسامته تتسع من الافكار اللي تجيه ورا بعض .. وقرر يسوي قهوة عشان فياض لو جا يضيفه..! . . . ادخله عايض للمجلس لما جا .. ضيفه من القهوة اللي سواها ، ومد يده من جنب فياض واخذ الكيس اللي كان معه وهو يسأل : ايش هذا ؟ فياض يلتفت حوله وهو يترقب دخول ديما : مريت واخذته قبل شوي .. عايض : ايش هي بالظبط ؟ فياض : هدية .. عايض فتح الكيس وهو يقول بمزح : لي انا ولا لديما ؟؟ فياض بابتسامة :.. لك انت .. شوكولاته .. عايض بضحكة :ههههههه شكرا .. تصلح مع القهوة ..لاني ما اعرف اسوي حلا .. وكمّل وكأنه تذكر شي : صحيح .. ذقت الحلا اللي تسويه ديما ؟؟ فياض بهدوء : لا .. عايض : يووه لازم تذوقه .. مع القهوة طعمه شيييي !!! قام فياض وهو يسأل : وين ديما ؟ عايض وهو يبتسم : بغرفتها .. فياض وهو يخرج من المجلس :انا بروح لها ... عايض وهو يفتح حبة شوكولااه وياكلها : اظن انها نايمة .. ما سمعه فياض اللي خرج يدورها .. تقدم من الغرف المفتوحة ولما ما شافها في أي وحدة منهم عرف انها اكيد بالغرفة المتبقية المغلقة .. دق الباب وناداها ، ولما ما ردت ،، دخل وهو شبه متأكد انها مو بالداخل .. لكنه وقف منصدم لما شافها مستغرقة بالنوم على سريرها .. رفع عينه من عليها بصعوبة وهو يناظر بالغرفة بدون تركيز .. رجع يسكر الباب وتقدم من ديما وهو يناديها مرة ثانية برجاء عشان تقوم .. قرب منها اكثر وهو يناظر ملامحها اللي بدت اجمل من أي مرة .. تمنى لوتصحى وتتحاشاه افضل من اللي يحسه الحين وهو يناظرها بهذي الطريقة .. سحب القميص المرفوع وغطا رجولها فيه ، ورفع شعرها من على وجهها ببطىء ، وما قدر يرفع يده اللي كانت مثل المغناطيس .. مسح على شعرها مرة وفي المرة الثانية رفع يده بسرعة لما حس بحركتها .. قال بارتبااك وهو يشد من قبضة يده : ديما ؟؟ فتحت عيونها بثقل وهي تقول: نعم ؟؟ قال بابتسامة : قومي .. اعتدلت وجلست ببطىء وهي تفتح عيونها وتنصدم بفياض اللي واقف قريب منها .. غطت رجولها اكثر بالقميص وهي تقول : أيش صار ؟؟ قال بلطف : ما صار شي .. بس يالله قومي عشان بنرجع للبيت .. قالت فجأة بحزن : لااا... رفع حواجبه بدهشة : ايش اللي لااا ؟ قالت : ما ابي ..الله يخليك .. قال بضيق : وشلون ما تبين ؟ قالت برجاء اكبر : خليني شوي ؟؟عالاقل .. قال : ديما .. انتي ... ناسية كلامك لي؟؟ قالت وهي تفرك عيونها : مو قصدي شي .. بس .. بس .. التفتت للجهة الثانية باحباط .. ثواني و حست بيده على ذقنها، كانت بتسحبها بقوة بس ما تدري ليه اطرافها تجمدت بمكانها .. لف وجهها ناحيته بخفة وقال :ليه دايما تقولين كلام انتي مو قده ؟؟ قرب وجهه منها ، انكمشت للداخل ونزلت راسها وهي تحاول تبتعد عن وجهه ويده اللي قابضة على ذقنها ، طبع بوسة خفيفة على شعرها، زلزلتها ! بعد عنها وقال بحنان : شفتي ؟ صار شي ؟ ليه كنتي خايفة ؟ رفعت راسها وهي تسمع دقات قلبها القوية بوضوح.. كمّل بنفس اللهجة وهو يأشر على راسها باصبعه : مشكلتك هنا ... معلقة حياتك على شي انتي تبين تنسينه اصلا .. وكمّل بجدية : ديما .. للمرة الالف راح اطلب منك تنسين .. و هالمرة يارييت نهااائياً .. !! ولك مني اللي تبينه .. ماعدا الانفصال طبعا .. قالت بصوت خاافت : مارح ترتاح.. صدقني .. ما ... قصدي انـ .. تلعثمت وحركت راسها بحيرة وبان على وجهها الاحراج .. قال : مين قال اني مارح اكون مرتاح ؟؟ ولو على بعدك عني كزوجة...... فأنتي حقك علي بعد اللي جاك مني اني.. اني ما اطالبك بأي شي ولا افرض عليك شي .. ولو ما المسك لاخر لحظة بحياااتي .. يكفيني انك عندي .. جنبي واشوفك كل يوم .. سكت شوي وهو مندهش اكثر منها من كلاامه اللي خرج من اعمااقه ورااا بعضه ، وبكل صدق .. وكمّل وهو يرجع خصلة من شعرها لورا : ايش رايك نصير .. مثل الاصدقااء ؟ رفعت راسها بحيرة وهي تكرر : اصدقاء ؟ قال : وهو يجلس مقابلها على السرير : ايه اصدقااء .. وش رايك ؟ هزت راسها وهي تقول : طيب .. قال وهو يمد يده لها :اجل .. اتفقنا ! مدت يدها ، وصافحها .. وهي مازالت مأخووذة بكل اللي سمعته منه .. ابتسم وخرجوا لعند عايض اللي اكل ربع الشوكولاته وهو ينتظرهم.. . . . . . . . :ابي افهم ليش ما تبينا نبلغ الشرطة ؟ ايمن وهو يعتدل بجلسته :صدقني .. ماراح يوصلون لشي .. اقولك ما اعرف عنهم ولااشي .. ولا حتى اوصاافهم اذكرها .. ايش تبيني اقول للشرطة ؟؟؟؟ نواف : يعني يهربون بفعلهم كذا بلا عقاب ولا حساب؟؟ ما ينفع ؟؟ ايمن : خلاااص .. ترا هنا تصير بلاوي اكثر من كذا.. احمد ربك اني رجعت حي عالاقل.. نواف : وعشان المحفظة يسوون كل هذا ؟؟ لو كان اعطيتها اياهم ولا قاومتهم ؟؟ ايمن : والله ما قاومتهم .. هم اللي فاجأوني بالضرب واخذول كل شي معي .. خلاص يا نواف ..لا تضايق نفسك ... اهم شي هذا انا بخير .. والمحفظة ماكان فيها فلوس كثير ولا اشياء مهمة .. الحين خليني اشوف وش سجلت و ايش كتبت .. خسارة ما كنت ابي اضيع محاضرات اليوم بالذات !! ساعده نواف باستسلام .. بالرغم من قلقه اللي ما اختفى لحد الآن .. . . . . . . . اقترب من مكان جلوسها ، وهي مندمجة في شي قاعدة تطالعه بالتلفزيون .. ناظر بالشاشة وكان برنامج مسويين مقابلة مع احد الشخصيات المشهورة ،، جلس قريب منها ..وسألها : ايش هذا ؟ التفتت وهي تجاوبه باختصار : برنامج! قال : مين هذا ؟؟ قالت :اظن انه ممثل .. كان يتكلم وهو يناظرها ، بدون ما يناظر التلفزيون .. قال :ديما ؟ عادي اطلب منك طلب ؟ التفت وهي من داخلها قلقة .. الله يستر من طلباااته الغريبة .. !!!!!!!! قالت :اي طلب ؟ قال بابتسامة : ابي حلى .. قالت بهدوء : ايش ؟ قال لما شافها ما استوعبت : عايض يقول انك تسوين حلى حلوة مع القهوة .. وقال لي لازم اذوقه .. لفت لعند التلفزيون بارتباك ورجعت تقول بعد تفكير : بس .. ما عندي اغراضه .. مو كلها موجودة ... قال بابتسامة اوسع : بسيطة .. قولي لي وش تحتاجين واروح اجيبه ..؟ قالت بدهشة : الحين ؟ قال : ايه ليش لا ؟؟ ما في شي ورانا ؟؟ قالت بحرج : طيب .. قالت له على الاشياء اللي تحتاجها وراح يجيبها .. واول ما خرج ،،، لقت نفسها تطلق ضحكة طويييييلة .. . . . . . . . وقفت بالمطبخ وهي تفتح الكيس اللي فيه الاغراض بعد ما جابهم ورجع .. ولقته جايب ضعف الكمية اللي طلبتها .. بدأت تطلعهم وتجهز الادوات ، دقائق ولقته واقف يراقبها وهو مبدل ولابس تيشيرت بيج وبرمودا .. بدأت ترص البسكويت في العلبة اللي طلعتها وتخلط المحتويات في صحن كبير .. وبالاخير بعد ما جهزت الحلى ..فتحت الثلاجة وحطت العلبة فيها .. قال بتململ : لمتى لازم تجلس بالثلاجة ؟؟ قالت بعد تفكير : ممكن ساعة ..عالاقل .. قال وهو يخرج: طيب تعالي نتفرج على برنامجك الين ما تخلص هالساعة .. قالت وهي تبدأ ترتب الاغراض بأماكنها : البرنامج انتهى ....انا بسوي قهوة .. قال : ايه صح .. نسيت القهوة .. !! والتفت وهو يرجع يوقف بمكانه ويقول : اجل يللا بهالساعة علميني عليها لاني ما اعرف اسويها ..وما اذكر اني مرة سويت قهوة بحياتي ..!! . . . . . . . . . . . |
ضجوه فديت عينج.. بارت ولا أروع.. عذب ورقيق وشفاف.. بس هو خلص؟؟ إلا له تكملة؟؟
اليوم ضرب إيمن.. هذا أقول لج عادي... لندن كلها حرامية.. واللي صار لإيمن شيء عادي جدا هناك.. بس يا ترى وش بيكون تأثير هالشيء على مسار القصة.. بيخاف نواف؟؟ بيصير لهم أعداء؟؟ انسرق شيء مهم من محفظة أيمن؟؟؟ ديمة وفياض... خخخخخخخ غمضني فياض وهو ما يبي يخلي ديمة تروح مع عايض.. بس وش أخرتها بين الأثنين.. ما تشوفين إنهم تعذبوا كفاية... وكل واحد فيهم يعذب روحه ديمة وهي تتذكر فياضوه المعفن وش سوى فيها... وفياض بالمخدرات اللي ياكلها وحبه لديمة اللي ماله تقدير عندها عايض متى بيخطب أخت صديقه؟؟ ورحلته للهند رحلة عادية أو وراها شيء؟؟ اليوم نقدر نقول إن البارت فيه حركة إيجابية بين فياض وديمة... بس بعد نبي أكثر فاجائينا فديت قلبج... نبي انقلاب في الأحداث... ناطرينج غلاي لا تطولين علينا بنت الخالة |
| الساعة الآن 04:56 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية