|
السلام عليكم
الله يااااازمن رجعنا للجزء الاول ..فيااااض ولولوه ..>>كنت متأكده ان دورها ماخلص .. بس من شاارفنا على النهاايه ..يأست انها ترجع ...بس انها ترجع بالاخييير شي ماخطر على البال ..الحين لولوه وش عندها ..اكيد طاايحه بمصيبه ومالقت الا فيااض يساعدها الله يستر من الاكشن في نهاايه القصه .. نواااف ..كفوا والله هذا الرجاال والا فلا.. مو نايف..اللي راح عمره عزوبي ..ويوم جا قدامه الشعااع الاحمر ..تخربط وش يسوي ..اعقلها وتوكل ..خلك مثل السناافي نواافوه .. ناايف ..الحق على الحصي يبون يودونها لشيخ يقرأ عليها ..مادرو انك انت الشيخ اللي من تشوفه بيلبسها ستين عفريت ...ههههههه تكفين ضجوووي نبي نشوف موقف حصه اذا خطبها نااايف ..وقال ابي الشوفه الشرعيه ..يااااااااي... احسها بتنصدم ويمكن تهذي بالحكي و تقول هذا الجني جا يخطبني ...خخخخخخخ .. الله يثبت عقللتس يالحصي الين تشوفين نااايف انسي مو جني ...خخخخ ضجوووي ..مشكوووره ياعمري على الاجزااء اللي داايم تتحفينا فيها ..من جد استمتعنا واستاانسنا فيها ..بانتظااار النهاايه على خيييير .. لاتنسين نبي نشوف عياال ديمه وفيااض ..قبل تنتهي القصه .. وانتي واعدتنا تكشفين لنا سر كتاابتس لهذي القصه ..على مااعتقد فيها شي من الوااقع .. بانتظاااااااااااااااااااااارتس ضجة .. |
ممتعه انتي ضجه باحداثك كما عودتينا تحمل كل رائع احداث قصتك تنحني لنهايه ولكن مع اقتراب
النهايه كأني بقصه جديده واحداث مشوقه بتصال لولوه نواف وسلمى ونتهت على خير طحت وما احد سم عليك نايف بالحب يا بختها حصه الحمراء الون الحمراء راح يكون سر هالسعاده وحدث جديد مثير وترقب لفياض ولولوه وسر هذا الاتصال الغريب بعد الانقطاع ننتظرونترقب كترقب ديما الملهوفه عن حقيقة صاحبة الاتصال والغيره بات تدب بالقلب ديما كان الله بالعون بعتقادي ورى هالاتصال مصيبه كبيره راح يكون فياض ضحيتها وعندي توقع كبير ان راح يكون طفل في القصه يجمع لولوه وفياض وعندي احساس قوي راح تكون النهايه حزينه لــ ديما وفياض مجرد احساس همسه لك ضجه لا تحرمينا ابداعك بعد روايتك هذه نتوق دائما لمعانقة فيض احساسك فلا تغيبين وتقولين عدو لي فتذكري أن لك قراء ومحبين يشتاقون لك لقلبك كل الحب غ ـــسق |
تسلمين ضجة عالبارت:flowers2:
خلود وعايض وحليلج يا خلود.. اونج تستحين.. هب لايق عليج.. ولا وتقولين له لا تزعل.. راعيه واجب ما شاء الله عليج خخخخخ.. هي اهم شي انه ما يزعل.. والله انك هب هين يا عايض.. وانا اقول الريال وحليله ما عنده هالسوالف.. ومتصل يسال عن ورق الجدران.. اخرتها ما عليه الغالية؟؟ سيده ما عندك لف دوران.. على طول الغالية نواف وسلمى حشى بلاها امها خدية جي.. جلبت الدنيا اونها بدي اتاكد انكن بتحبو بعض وما اعرف الشو.. حبج دبي.. خلصينا.. نحن من سنه نترياه يخطبها.. اونتي يايه تتفلسفين علينا.. وامسويه لنا فلم عربي.. بحبك وعاوزاك.. وهالخربطان اقول صخي بس.. وانته يا نواف اموافق ها.. هي جي ابيك تثبت لها انك هب راعي سوالف وتبي البنت.. انتي عاد يبي لج حد يعطيج على راسج يمكن تستوعبين السالفة.. الحينه اموافقه وما خبرتي امج عن الخطبة.. احلفي بس.. شفتي شو هببت امج.. زين لج.. عاد زين اللي الله هداها.. ولا جان بتعطين ولد خالتج السوري عقابا لج نايف وحصة خير اخ نايف.. اليهال خطبوا وبيعرسون وانته بعدك مكانك ما تحركت.. اسمعني عدل جان تبي البنت.. روح اخطبها هب يالس مكانك.. لا تحلاكت ولا سويت شي.. شو نواف لو شراتك يشتغل جان الحينه عياله طابور وراه.. وحليلها هالحصة.. زين لك بيودونها للمطوع يقرا عليها.. هذا جان ما دشت المصحة النفسية عالبارت الياي بسبتك فياض وديما البارت الاخير بيكون اختبار لحبكم.. خصوصا انكم من رضيتوا على بعض.. ما ياكم شي يخرب عليكم حياتكم.. يعني ملح الحياة شرات ما يقولون.. عاد الحينه يا فياض لازم اتبين لديما هي شو بالنسبه لك لولوة انتي من وين ظهرتي.. الحينه من كم بارت مختفيه ولا لج حس واليوم ظهرتي فجاة شرات السكنية.. بس اتوقع انج اهتديتي ومتصلة اتبشرينه.. من ان اللي شراتج ما منهم فايده نترياج لا تطولين:flowers2: |
فياض وديما - وووووووووووويهـ لولوة ماصدقنا نودعها شعندها داقة يمكن فمصيبة وتبية يساعدها صراحه اتصالها غير متوقع واتمنى يعدي على خير بس هي طيبة وانصحتة يعني شاللي ممكن يخليها تدق علية
وديما اهو اكيد بيقولها اذا تأكد انها سمعتة بس انا خايفه لما يسكر يلقاها طلعت ويحسب انها ماسمعتة ويمشي الموضوع عادي واهي بتلعب فيها الوساوس نواف وسلمى - هههههههههه لاخر لحظة توقعت الموضوع بيتفركش او بيكبر وتوقعت يوم قالت ملكة واهو وافق ان الموضوع بيمشي ماتوقعت ان هالام ماعندها الا الحكي كنت اتمنى انها تصر على الملكة عشان تربطها فية بس بصراحه هالام تفضى الراس ههههههههههه الحمدلله انها عدت على خير والموضوع تم نايف – رحمتة وبنفس الوقت حقدت علية هههههههههه قهرني ياخي منت راضي تستقر ولاتخلي اخوك يستقر وزين اللي طنشوة عشان يتخذ قرار لنفسة متى تتحرك ياخي ارحم نفسك وارحم البنت التعبانة وتقدم لها فابيان – قهرتني شلون تاخذ سامي وتسافر والله قهر بس برضوا امة بس مابيها تبعده عن عمانة ماني فاقده الامل لين تركب الطيارة وسامي معها وقتها بقول خلااااص بصراحه بارت مشوووووووق بقوووة بأنتظار البارت الجاي ضجووو وعساك على القوة بارك الله فيك وفي قلمك ضجة دمتي بخير وصحه وعافية يارب الله يعطيك الف الف الف عافية لاهنتي ولاجف قلمك بانتظاااااااااااارك بشوووووووووووق رومنسية زمانها |
مبدعة أنت ورائعة وعسولة ...ياضجة ...آآآآآآآآآه الله يعينا على فرقاك .... ياربية من وين طلعت لنا هالعلة ..لولوه وأنت يالخبل فياض نطقت أسمها قدام ديمة كملت ...الله يعين وش بيصر
ننتظر الأبداع ....ياعسولة |
ضجووووووووووو .. وحشتيني .. ووحشتني قصتك .. ووحشني نايف .. << عاد هو وحشني من بينهم أكثر *_^وطلع ماله اثر مع حصحص بالبارت الأخير .. يالله ان شاء الله بالجاي .. متحمسه اعرف وش بيصير عليه ابو المبادئ .. آسفه على غيابي وآسفه بعد على دخولي السريع الآن .. بس مره مضغوطه هالفتره .. قريت البارت الأخير .. وعليك قفلات خطيره :toot: ياشين الماضي اذا رجع يكشف اوراقه في المستقبل .. بس مع هذا اتوقع ديما بتتفهم الموضوع وتكمل حياتها مع فياض .. يمكن تزعل حبتين بس مالها غير فياض *_^ حزنت لمن قلتي ان القصه على نهايتها .. والله بنفقدك ونفقد الأبطال وأجواء القصه .. بس ان شاء الله ما يطول غيابك وتطلين علينا بقنبلة زي هذي .. معليش ما اقدر اعلق عالبارت لانشغالي بس ان شاء الله بالبارت الجاي .. أطيب أمنياتي لك يا راقيه .. أسوار الماضي .. |
احساسي يكفيني ...حياااك الرحمن غاليتي .. العفو ،، وتسلميين على هالتفاعل والرد .. بالنسبة لقبل العطلة .. فأنا بصراحة ما أدري انتو متى بتعطلون .. فالراجح إني بنزله قبل نهاية الاسبوع الجاي عشان قبل سفري أنا ... إن أحيانا رب العالمين .. وإن شاء الله تنتهي معكم على خير ...الله يحفظك
شبيهة القمر .. مرحباا بك اختي الغالية.. نورتي من جديد .. اشكرك على هالتفاعل الاكثر من رائع .. وبالنسبة لحصة وناايف وطلبك .. ابشري هذااني قاعدة أعد العدة لهم =) وان شاء الله اكون عند حسن الظن لآآخر كلمة .. انتظروني ومعي كلام كثير بآخر بارت .. غسق .. ردودك وحدها إبدااع .. حياك الرحمن غاليتي غسق .. توقعاتك فيها القليل من الصحة ، لكن مو كلها =)...وبالنسبة للخطط الثانية فبعد النهاية بعلن عنها إن شاء الله .. في حفظ الرحمن غاليتي .. بوح قلم .. أهلا بك عزيزتي وبتعليقاتك التي تمتعني في كل مرة بخفة ظلها وظرافتها .. تسلمييين غاليتي على تعليقاتك الرااائعة وتواصلك الدائم ... جزيت كل الخير .. رومنسية زمانها ... أهلا بالغالية من جديد .. حيااك الرحمن ..عسااك بخير يارب وتكون أحوالك كلها تمام .. توقعاتك حلوة .. بس هل فعلا ديما بتعيد الكرّة وبتوسوس من المكالمة ؟؟ وونواف هل فعلا تم الموضوع على خير ؟؟ بنشووف .. غاليتي سلمت يمنااك على التواجدك الطيب كالعادة .. ودي لكِ .. ألما .. أهليين وسهليين غاليتي الحبيبة ألما ..لولوة لخبطت كل شي بظهورها الغير متوقع.. وش بيصير وراها من مشاكل ؟؟ انتظروا أحداث غير متوقعة .. وتسلمييين يالغلا على وجودك العطر .. لاحرمت منكِ ..حفظك الرحمن .. أسوار الماضي .. اهلييين بك غاليتي .. أنا من تترقب وجودك المختلف دوماً .. لا تعتذرين على الغياب ..يكفي حضورك..و كلنا يخضع لظروفه .. أسأل المنان لك التوفيق والسداد والتيسير في جميع أمورك .. وبانتظارك دومًا على خير .. , . . أحبتي وكما قلت لكم ،، إن شاء الله موعدنا بيكون خلال الأسبوع القادم وغالباً قبل آخر الأسبوع ,, ألتقيكم على خير إن شاء الله ولا تنسون تدعوون لي =) |
السلام عليكم ورحمة الله وبركاته
ana motabi"a min khalf el kawalisss hhhhh ou atmana açoul anou çisatak fih ibda" jmil ou saraha za"lna ana rah tikmal il osbou" ili jay lakin atmana ykoun fi jadid "an çarib inchalah موفق بإذن الله ... لك مني أجمل تحية . |
تسلمين ضجه ولتعلمي أني متابعه جميع البارتات خلف الستار ومتابعه بصمت
والبارتات الاخيره جونان ومتحمسه لحصيص ونايف وربي يحفظك يالغلا :) |
ألما .. وصلتني دعواتك حبيبة قلبي .. الله يجزيييك خير ولك مثلها بإذن الله .. تسلميين غاليتي
المرأة الزهرة ... حيااك عزيزتي وأسعدني كثيير رأيك ووجودك .. وان شاء الله تحوز النهاية على رضاك .. سعودية وأفتخر ... مرحباا بك غلآي من جديد .. وحشتيناا =) .. يسعدني اعرف انك مازلت متابعة للقصة .. وان شاء الله تتحفينا برأيك بعد النهاية .. ,, سفري وتأجل ، ومازلت ما أنهيت مخططي للـ نهاية .. والله للحين مو متأكدة إذا كنت بنزله بكرة أو بعده أو حتى بآخر الاسبوع .. اللي أقدر أقولكم إياه إني ما رح أتأخر إن شاء الله .. وبكل الأحوال راح أدخل باستمرار وأعلمكم بما يجد .. أشكركم مقدما ًعلى الانتظار .. |
السلام عليكم لم أجد العبارات الكافية لاشكرك على هذا الأسلوب الرائع، لفت انتباهي عنوان القصة لكني ذهلت بروعة الأسلوب وتناسق الأحداث وتناغم الشخصيات مما جعلني متلهفة لقراءة جميع البارتات حتى وصلت الى هذه الصفحة، بالنسبة لشخصيات القصة كلها رائعة وتعبر عن مدى احترافية الكاتبة في وصف أحاسيس ومشاعر كل شخصية في كل موقف . لا يسعني القول سوى أبدعت وتفننت وتستحقين وسام أكثر من وسام التمييز ، تسلم أناملك على هذه الحروف الرقيقة ويسلم إبداعك على هذه الكلمات الرائعة ويسلم أسلوبك على هذه الأحداث المتسلسلة وتسلمين انت لمن يحبك. :flowers2::flowers2::flowers2::flowers2: |
السلام عليكم اختي فكرة القصة فكرة روعةوحكاية مختلفة مبدعة انت يا ضجة الصمت
|
مسائكـ وردضجو.. :flowers2:
روايتكـ روعة متحمسة للنهاية ضجو بسألك فيه روايات لك غير هذي الرواية؟؟ مشاءالله اسلوبكـ مره خطير دمتي ودام ابداعكـ:55: |
السلام عليكم ورحمة الله وبركاته massak alah bil khair okhti nahnou fi intidar nouzoul ala part ra2i3
|
شـكــ وبارك الله فيك ـــرا لك ...
موفق بإذن الله شي مؤسف تكون النهاية قريبة ولكن بنفس الوقت مفرح المؤسف نهاية قصة جميلة قضيناها مع الكاتبة وقلمها والمفرح هو ان بعد المشوار الطويل والعناء للكاتبة تكون التتمه بارك الله فيك قووووووووووووهيييييييييد |
يؤيؤ
من وين طلعت لولوه ذي الله يعدي الموقف ع خير ضجه بانتظار إبداعكٍِ القادم :) |
بنات أفكاري ، اسمريا ، جومايما ، المرأة الزهرة ، شمعة الدار ، Jewely . . مشكورات غالياااتي على حضوركن اللي بالطبع اسعدني امتناني لكم . . بإذن الواحد الأحد الليلة بتنزل آخر فصول "شيء من الأحزان " سامحوني على تأخيري ، و أتمنى إنه يكون أفاد في رسم نهاية لائقة بانتظاركم وبمتابعتكم .. ودي و امتناني للجميع .. |
بسم الله .. أحبتي .. لولا إن فكرة إهداء الأجزاء غابت عن بالي لكان أمداني الحين أهديت أجزائي كلها لكم وعبرت لكم عن شيء بسيط من امتناني بها .. لكن للأسف ماجاتني الفكرة إلا بالأخير .. وأطلبكم جميعاً تسمحون لي إني أهديها لأختين لهم عندي من الامتنان الكثيــــــر الكثيــر .. وجودهم بجانبي ودعمهم لي ونقدهم من البداية كان مختـلف ، وساهم كثيراً في الرفع من مستوى القصة ... فلعلي بإهدائي أوفيهم ولو الشيء القليل ، . . أهدي وجودي الأخير في شيء من الاحزان ،، للغالية ~ أقدار و الغالية ~ زارا . . . الفصل الرابع والأربعين . . . حست بألم طفيف وهي تسمعه ينطق باسم المتصلة .. تعلقت أنظارها فيه بترقب .. ملامحه المتفاجئة صارت أهدأ .. رفع عينه لها وهو يتكلم بنبرة باردة : وش في ؟؟ سكت يسمع اجابة الطرف الثاني ..وتكلم بعد فترة قصيرة :....بشوف ..وبأتصل عليك .. سكر بعدها واتجهت أنظاره لها .. تكلمت بخفوت وهي عارفة إن الإجابة مارح تعجبها : ميـن ؟ كان حاس بتوترها ..قرب منها وتكى بظهره على السرير وهو يحاوطها بذراعه بلطف .. قال : مثل ما اتفقنا .. أي شي ، بنحله مع بعض .. مو ؟ التفتت تقابله بأنظارها وهزت راسها بموافقة .. قال بابتسامة هادئة : صدقيني لولا إن لها جميل كبير علينا ، كان سكرت من أول ما سمعت صوتها .. عقدت حواجبها وهي تكرر بحيرة : جميل ؟ تنهد وهو يتذكر : يمكن بيوم تعرفينه .. وكمل بجدية : ديما ... هي طالبة فلوس .. وحلفت إنها ما اتصلت إلا لضيقة شديدة تمر فيها .. هزت راسها بفهم .. قال بإحباط وهو يحس إنها مابي تتكلم : ماودك تشاركيني رأيك ؟؟ قالت ببرود : انت أدرى فيها .. مسح على شعرها برقة : حبيبتي .. رفعت عينها له وتداركت نفسها قبل تعيد نفس خطأها آخر مرة .. قالت وهي تلتقي بنظراته المحبة : طيب ..! ابتسم وهو يقول باستفسار : وشو اللي طيب ؟؟ قالت بصدق : مو طلبت رأيي ؟؟ قال وهو يناظرها بنص عين :ديما .. انتي عندك شك إني بساعدها لسبب ثاني؟؟ هزت راسها بلا بحركة سريعة : لا ... قال بهمس بطيء وهو يقرب منها : أجل ؟؟؟ وش فيك ؟؟.......غــيرانة ؟؟ أرخت نظراتها بارتباك وقامت من جنبه وهي ترجع خصلاتها ورا اذنها :و كيف بتعطيها الفلوس..؟؟ ابتسم براحة وهو يتأمل وقفتها المرتبكة .. قام لعندها ومسكها من يدها وهو يقربها منه : بتركها لها في مكان .. اعتدلت وهي ترفع وجهها له .. حست بانقباض غريييب بقلبها وجتها فجأة رغبة قوية إنها تحضنه .. خافت من هالشعور الغريب وابتعدت لخطوة ورا .. سألته وهي تشد على يده اللي ماسكتها : بتروح الحين ؟؟ تنهد بتفكير ..وقال بعد ثواني وهو يشوف قلقها اللي ما اختفى : ...حابة تجين معي ؟؟ فتحت عينها بدهشة .. وحبذت الفكرة كثير .. مو لأي سبب غير قلقها المفاجىء .. قالت بابتسامة : ايـــه .. قال وهو يشوف ارتياحها : يللا البسي انتي وانا بسألها عن المكان .. تحركت تطلع عبايتها وهي تتسائل مع نفسها بصدق عن سبب ضيقتها الحقيقي ..هل هي فعلا غيرة ؟؟ التفتت عليه وهي تشوفه يتكلم بلهجه رسمية باردة .. رجعت تلتفت بابتسامة وقلقها بدأ يختفي تدريجياً .. . . . . وصلوا للمستشفى المتفق عليها ،، ودار بالسيارة يدور مكان قريب يوقف فيه .. اقترب منه أحد العاملين وفتح فياض الشباك : باركن هنا ممنوع .. روح تحت .. وأشر له على المواقف السفلية .. وقف السيارة في المواقف والتفت على ديما وهو يقول : انتظريني هنا أفضل قالت : طيب .. ابتسم لها بحب واقترب يحب راسها من فوق الغطا : .. بودي الظرف ونروح نتعشى ... نزل ..واسترخت في مقعدها وابتسامتها عالقة بشفتها ... رجعت بأفكارها لورا متجنبة أي ذكرى حزينة .. تذكرت زمان ،، وكيف ماكانت متصورة إنها بيوم بتلتقي إنسان متفهم وحنون مثل عايض .. حطت يدها على قلبها اللي زادت دقاته ... كل يوم تحبه أكثر وأكثر .. بشكل جنوني .. فعلا الإنسان مايدري وين الخيرووين الشر له؟؟ يمكن لو كانت أصرت على الانفصال كانت بتعيش باقي حياتها مطلقة وماكانت بتشوف أو بتحس بكل هالمشاعر ... استغرقت في أفكارها أكثر .. لكن ، دقائق .. وقطع عليها استغراقها صوت فرملة قوية .. التفتت باستنكار وهي تسمّي بالله.. وشهقت بصوت عالي وهي تشوف الواقف أمام السيارة اللي فرملت بعيد عنها .. غمضت عينها بقوة وهي تحمد ربها إن ماصار لفياض شي .. وشافته يحكي مع سائق السيارة والشخص اللي بجنبه .. فجأة نزلوا الاثنين من السيارة وهم يقتربون منه بشكل مريب ... وتمنت لو تسمع وش يقولون .. حست من أشكالهم بانهم مو ناويين على خير ..وشافت فياض يتراجع لخطوات ورا ... توترت أكثر وهي تشوف نظرات الاثنين له ..واحد منهم كان موقف وراه وواحد قدامه ويحكي معه .. فركت يدينها وهي تتمنى لو تسوي أي شي وتستعجله ..! طلعت تليفونها وهي تفكر تتصل له ،، يمكن اتصالها يستوقف مشاحنتهم ..! لكن فجأة ،، تجمدت أصابعها على ازرار التليفون وهي تشوف فياض يتهاوى ويطيح من طوله .. صرخت صرخة مكتومة وفتحت بابها وهي تنزل من السيارة بلاشعور .. وقفت على جنب للحظة وهي تشوفهم يتحركون بسرعة ويحملونه داخل سيارتهم ويركبون .. هزت راسها باختناق ودارت حولها تشوف ليش الناس ساكتين ومحد تدخل ؟؟ لكن المواقف كانت خالية تماما من أي أحد .. استندت على السيارة بذهول وماعرفت وش تسوي ..مسكت تليفونها بسرعة وهي تتصل على عايض ..وعينها تدمع بخوف .. . . . . . فتح عينه شوي وسكرها لما تفاجأ بالاضاءة القوية في المكان .. تسللت لأنفه ريحة غريبة ومؤذية ... حاول يعتدل لكن أطرافه كانت مكبلة .. فتح عينه تدريجيا وهو يشوف ظهور بعض الاشخاص قدامه وماكانوا منتبهين له .. شاف الاحبال السميكة اللي تربط ذراعينه وأقدامه .. واخترق راسه فجأة صداع مؤلم بسبب عدم أخذه لأدويته ... حاول يتذكر اللي صار بالتفصيل ... وفجأة تذكر ديما .. !! مايدري لكم من الوقت كان فاقد وعيه ؟ ولكم من الوقت وهي لوحدها هناك ..!؟ وجاه خاطر مخيف .. إنهم يكونون عرفوها وتعرضوا لها .. !!! ماقدر يتحمل هالفكرة .. وحس بقهر فظيع ... صاح فيهم بصوت عالي : انتو ميــن ؟؟؟!! التفتوا عليه فجأة الثلاثة .. وجال بنظره فيهم في ثانية.. حس إنه شافهم قبل .. بس ما عرف أي واحد منهم .. واحد منهم كان يتكلم بصوت عالي وهو يقترب منه بخطوات سريعة : يعني مو عارف احنا مين ؟؟ عقد فياض حواجبه وهو يناظره : وش تبون ؟! ضحك الرجال باستخفاف وقرب وجهه من وجه فياض وهو يشد ياقة ثوبه بعنف : احنا اللي بتنذبح اليوم على يدنا ..!!! أشاح فياض بوجهه وهو يقول بلهجة قوية : فكني قبل .. وخلينا نتفاهم مثل الرجال ! قال الرجال بسخرية وهو يطوق عنق فياض بيده فجأة : خايف يا عيوووني ؟؟ كره أسلوبهم وحس بالاختناق من قبضة الرجل القوية على رقبته .. غمض عينه وهو يحس بدوخة خفيفة .. تركه الرجال بعنف والتفت على واحد من الانثين بجنبه وهو يقول بصراخ : جيب الابرة !! من داخله تطمن شوي لأنه شبه تأكد إنهم مايعرفون عن ديما .. بس الظاهر إنهم مو عاطينه أي فرصة للتفاهم .. سألهم من جديد بعصبية : وش تبون بالظبط ؟! مسكه الرجال من ياقة ثوبه مرة ثانية بقوة وصارخ عليه : انت لمتى بتقعد تستهبل علينا ؟؟ لا تحاول تنكر ..حنا ندري بكل شي .. انا بورييك شلون تعلم علينا ...!! ...مارح تفلت من يدي الليلة !! عقد حواجبه اكثر وهوي يقول بصوت عالي : مااعرفكم عشان اعلم عليكم .. الظاهر انكم غلطانين ..!! جا بهالوقت الشخص اللي راح من شوية وناول رفيقه الابرة المملوءة بمادة شفافة .. ترك الرجال ثوب فياض واخذ الابرة وهو يقول بتهكم : هااه .. من أي ذراع تحب نبدا ؟؟ وناظر الابرة بشوق وهو يكمل : مع إنك ما تستاهلها ... لكن،، بما إنك تتعالج .. فليش ما نطول مدة علاجك شوية ؟؟ زفر فياض وقال بعصبية : ابعد هذي عني !! قربها الرجال أكثر وهو يأشر لصديقه اللي قرب من فياض وشق أكمام الثوب من فوق وهو يتمسك بذراعه .. حاول يتحرك بس ماقدر لأن الاربطة كانت جداً سميكة .. حاول يهدي نفسه بالرغم من توتره الشديد .. قال بمحاولة : طيب اشرحوا لي الموضوع يمكن أفيدكم !!! أبعد الرجال الإبرة بعد ما كان مقربها وأشر لصديقه يقترب .. اقترب صديقه وسدد لوجه فياض ضربة قوية رجّت راسه .. غمض عينه بألم وضغط على اسنانه بقوة والصداع يتفاقم أكثر .. ما أمهله الرجّال وسدد له ضربة ثانية على فكه .. وحس بالدم يتجمع داخل فمه .. تفله بأكبر قوته على الشخص اللي حامل الابرة .. ثار الرجال ومسك ذراع فياض بقوة وهو يسب ويلعن ... وبكل قوته غرز الابرة في ذراعه : ورينا شلون بتتعالج من هذي ؟؟ إن ما جيتني زحف عشانها !!!!! غمض عينه بيأس وهو يحس بالمادة تسري بعروقه...ضغط على أسنانه بقهر .. .. كان باقي ايام معدودة على شفاءه وتخلص جسمه من سمومه ..!! رفع عينه بإرهاق للرجال اللي سحب الابرة من يده بعد ما حقنه بكل محتواها .. كان يضحك باستمتاع وهي يتبادل التعليقات مع اصحابه .. حس براسه صارت أثقل .. وبدأ يفقد تركيزه .. اقترب منه الرجال من جديد وهو يهزه بعنف .. لكنه أغلق عينه تماما وهو يستسلم لغيبوبة المخدر اللي سيطرت على عقله ..!! . . . . . شافت سيارة عايض اللي وقفت وراحت له بخطوات سريعة منهارة ... احاطها بذراعه وهو يحاول يهديها .. بكت وهي تحكي له اللي صار .. وأسرع هو بالاتصال بالشرطة اللي استغرقوا ربع ساعة في الوصول للمكان .. " لون السيارة كان أحمر ؟؟" سألها ظابط الشرطة وهم واقفين قدام السيارة وبنفس المواقف .. جاوبت بإيــه وهي متمسكة بيد عايض بقوة وواقفة وراه .. جاوبهم الشرطي المسؤول بعدها : تقدرون تروحون ترتاحون الحين .. واحنا لو في أية أخبار بنعلمكم فيها .. التفت عايض على ديما اللي تمسكت فيه أكثر : يالله يا ديما .. نروح البيت الحين .. هزت راسها وهي تمشي معه بثقل .. للحين مو مستوعبة اختفاءه فجأة من أمام عينها .. للحظة حست إنها حسدت نفسها على وجوده من كثر ما فكرت فيه بذيك اللحظة .. كانت ساكتة طول الطريق .. وصلوا بيتهم وفضلت تجلس مع عايض عشان لو بلغوه بأية أخبار .. دخلت وراه وهي ترمي نفسها على أول كنب صادفها .. جلس عايض بجنبها وهو يقول بلهجة مطمئنة : لاتخافين ، وتفائلي .. إن شاء الله بيطلع سالم منها .. هزت راسها بلا ومسحت دموعها وهي تقول : أنا كنت حاسة من قبل ما نطلع إنه بيصير شي .. ليتني منعته .. قال وهو يشد على يدها اللي جنبه : مو انتي اللي تقولين هالكلام..ادعيله يخرج منها على خير أفضل .. هزت راسها بموافقة وهي تمسح المزيد من الدموع : ان شاء الله .. تركها وراح المطبخ يسوي لها أي مشروب يهديها .. صحيح إنه قلق من هاللي صار وخايف على فياض منه .. لكن تأثر ديما البالغ يدل على تعلقها الشديد بفياض .. وهذا الشي مريحه كثير من بعد كل المرات اللي شك فيها بوضع ديما معه .. تنهد وهو يدعي من كل قلبه يرجع فياض لها سالم .. أخذ لها المشروب وماشافها بمكانها .. دورها ولقاها بغرفتها القديمة تصلي .. حط المشروب على الكمودينه وطلع من الغرفة وسكر الباب وراه عشان تدعي براحتها .. مر الوقت وطلعت ديما وشاركته الانتظار بالصالة .. وكل مامرت ساعة كان يزيد قلقها أكثر .. عايض بدأت عينه تغفو بسبب نظام نومه الدقيق وشغله .. وماحس إلا بيد ديما على كتفه .. قالت : خلي جوالك عندي وروح ارتاح شوي .. بصحيك لو جاك أي اتصال .. انسدح على الكنب وهو يقول : بخليني هنا .. انتي روحي ارتاحي بالغرفة .. هزت راسها بلا : مارح يجيني نوم .. جلست على الكنب الثاني بشرود ومرت الدقاائق عليها ثقيييلة وهي تنتظر .. . . . . فتح عينه ورفع ذراعه يحجب عن وجهه أشعة الشمس الحارقة .. اعتدل جالس وهو يرفع ذراعه قدام وجهه يتأكد من خلوها من أي رباط .. ناظر بالمكان حوله .. كان مثل الجراج الواسع والفاضي وسقفه مفتوح نصه عالسما.. قام واقف وهو يقاوم الالام الرهيبة اللي يحس فيها .. توجه للباب وفتحه .. ولدهشته كان مفتوح ... معقولة متعمدين يتركونه ؟!! خرج وهو يشوف عمال كثيرين متوزعين بعيد شوي عن المكان بلبسهم الموحد ..ويشتغلون في مختلف أنحاء المكان، اللي كان عبارة عن مجموعة من أسس لمباني في طور الإنشااء .. اقترب من اول واحد مر من قدامه وهو يسأله عن هوية المكان .. ناظره العامل من فوق لتحت باستغراب من هيئته ،،من اثار الدم والكدمات على وجهه ..ومن ثوبه المقطوع وأقدامه الحافية .. أعاد فياض السؤال .. وجاوبه العامل بلهجة مكسرة .. دور فياض تليفونه بجيوبه ومالقاه .. ترك العامل وتقدم من مخرج المكان بتعب ، يبي يطلع للشارع .. لحقه العامل وهو يعرض عليه تليفونه وكأنه متردد شلون يساعد .. ناظره فياض بتردد وأخذ لتليفون وهويقول : شكراً أول شخص جا بباله كانت ديما .. اتصل عليها بدون تفكير يبي يتأكد إنها بخير .. أفكاره مارحمته من اول ما وعى .. ومن جهتها ،، فتحت عينها بسرعة وهي تدور تليفونها .. مو مصدقة إنها غفت بمثل هالوقت الصعب اللي يمرون فيه .. لقته بشنطتها اللي حطتها بالغرفة ..وردت بسرعة على الرقم الغريب : ألوو ؟؟ زفر بارتياح وهو يقول : حبيبتي انتي بخير ؟؟ صرخت : فياااااض ؟؟؟؟؟ تمالكت نفسها وهي ترجع تقول بسرعة وبانفعال : فياض وش سووا بك ؟؟ انت وين ؟؟ انت بخير ؟؟ قال بلهجة حانية : أنا بخير .. اهم شي انتي وين الحين .. ؟ مسحت دموعها وهي تقول :أنا عند عايض .. الله يخليك قول الصدق ... انت بخير ؟؟ قال وهو يناظر بالعامل قدامه : ما اقدر اطول لأني ضيعت تليفوني ... أنا شوي وأكون عندك .. سكرت منه وهي تبكي من قلب .. وركضت لغرفة عايض اللي ماشافته من بعد صلاة الفجر .. لكن مالقته .. اتصلت عليه وكان بدوره يستفسر من جديد عند الشرطة ... حكت له .. وشوي وكان عندها بالبيت مع الشرطي المسؤول عن البلاغ ... ثلث الساعة مرت وكان فياض واصل عندهم بتاكسي .. وطلع عايض له على طول واسنده وهو يحاسب التاكسي .. تمسك فياض في عايض بانهيار وهو يحس إن كل جسمه متكسر ، زيادة على اثر المخدر اللي حقنوه به .. شهقت ديما وهي تراقبهم من بعيد وتشوف شكله .. ماقدرت تقرب لان الشرطي وعايض كانوا حوله وداخلين معه .. انسدح على اقرب كنب واتصل الشرطي على زملائه وطلب سيارة اسعاف لما شاف جروح فياض الكثيرة .. وخلال هالوقت طلب عايض من الشرطي يخرجون عشان يتيحون المجال لديما تشوف فياض .. . . . شافها تقترب منه بخطوات سريعة وتتوقف قريب منه وهي تطالع بآثار الكدمات على جسمه بتأثر.. مد لها يده بتعب : تعاالي .. قربت وهي تنحني قربه وتحتضن يده .. قالت بصوت باكي : ..وتقول بخير ..؟ سحبها بضعف لحضنه وهو يقول : كنت خايف عليك .. حطت يدها على خده المجروح تتحسسه وهي تقول : ليش سووا كذا ...؟؟ نسى آلامه للحظة وهو يتأمل ملامحها الدامعة واحتواء اناملها لوجهه .. قالت بمرارة وهي تمر باصابعها على اثار الدم المتجمدة على جبينه : حسبي الله ونعم الوكيل فيهم .. قال بصوت خافت : أنا بخير من عرفت إنك بخير .. ابعدت أناملها عن وجهه برفق ، لكنه مسكها وقربها من جديد وهو يغمض بارتياح .. قاطعهم صوت خطوات عايض اللي اقترب من الباب .. ناظرته ديما بتردد واقتربت وهي تطبع قبلة على جبهته.. وابتعدت للداخل وهي تشيعه بنظراتها .. ابتسم بارهاق وهو يحمد الله من اعماقه إنها بخير ... دخل عايض وسمح لرجال الاسعاف يدخلون بعد ما شاف ديما دخلت داخل .. ساعدوه يركب معهم وانطلقوا كلهم للمستشفى .. . . . تردد كثير قبل ما يدلي بتصريحاته للشرطة .. لأنه كان مصدوم بلولوة بعد ما اعتقد إنه كان ممكن يثق بها .. للحين مو متصور إنها ممكن تكون ورا كل هاللي صار وإنها استدرجته بهالطريقة .. وكان عنده خيارين فقط .. إما يقول عن كل شي ..من بداية إدمانه إلى الوقت الحالي .. أو يتكلم فقط عن تفاصيل الحادثة اللي صارت .. بالاخير رجح الخيار الثاني لأنه كان الاسلم له .. ولديما .. ولحياتهم الجديدة .. . . ناظر بالمحاليل اللي وصلها له الممرض بعد ما اعتنى بجروحه وسأله بضيق عن موعد خروجه .. وقال له إنه لازم يجلس عالاقل ليوم واحد عندهم للراحة .. على الساعة 8 الصباح دخل له نايف ونواف اللي كان موعد رحلته بعد ساعة .. والاثنين كانوا منصدمين من اللي صار معه .. ودعه نواف بحرارة وهو متمني لو إنه قدر يجلس مع اخوه فترة اطول بهالظروف .. وتركه نايف وراح يوصل نواف .. . . استرخى بظهره على السرير وهو يتسائل عن سر تأخر ديما عنه .. يبيها جنبه ويبي يستمد القوة من قربها .. ما صار يتحمل ابتعادها عنه ولو لفترة قليلة .. انتظرها بملل .. إلين ما دخلت عليه أخيراً .. وبيدها أكياس متنوعة .. اقتربت منه بعد ماحطت الاكياس على جنب : كيفك الحين ؟؟ قال وهو يناظر نقابها بانزعاج : الحمد لله افضل بكثير .. شالت غطاها واقتربت وهي تمد له أحد الأكياس : هذا جوال وشريحة من عايض .. وباقي الكياس فيها اكل .. اخذه منها وحطه عالطاولة بجنبه وهو يأشر لها على الحيز الفاضي عالسرير : تعالي اجلسي .. قربت وهي تجلس جنبه ورفعت أنظارها له ببهجة حقيقية .. قال وهو يلمس خدها باصبعه : خفتي كثير؟ دمعت عينها : ما تتصور شلون كنت خايفة ..الخوف شوي بالنسبة للي حسيت فيه .. اعتدل وهو يقربها من حضنه ويضمها بقوة .. قالت وهي تدخل بحضنه أكثر : الحمد لله إنك بخير .. ظلت متمسكة فيه لدقيقة وابتعدت بعدها وهي منزلة راسها .. . . كشف ذراعه وهو يشوف آثار الابرة .. وتردد قبل ما يتكلم : ديما ... ناظرته بابتسامة متسائلة .. قال وهو يأشر على ذراعه : ما قلت لأحد .. بس أظن إنهم حقنوني بنوع قوي من المخدرات .. غطت فمها بيدها من الصدمة .. وناظرت بذراعه وهي تشوف أثر الابرة عليه .. قالت بخوف وهي تقرب تشوف الاثر بعدم تصديق : فيااض ؟؟ قال : مو متأكد من اللي بيصير بس لازم أروح للمركز بأسرع وقت .. هزت راسها ومدت يدها لمكان الابرة بقلق شديد .. أبعد يدها بهدوء : ديما ناظريني .. رفعت عينها الدامعة له .. قال بابتسامة واثقة : كل شي بيكون بخير .. وكمل وهو يشد لى يدها برقة : دامك معي .. هزت راسها بتأييد .. وقربت جنبه وهي تسند راسها على كتفه بخفه .. طبع قبلة عميقة على جبينها وهو يدعي من أعماقه إن الله يستر .. . . . . . بعد فترة طويلة .. جاها اتصال فابيان القلقة.. وطمنتها بإنها راح ترجع للبيت في الليل .. رجعوا في الليل مع عايض ،، توجه بعدها فياض للمركز ، وديما نزلت لفابيان تقضي معها بعض الوقت ،، وبالرغم من إنها حزينة لأنها بتفارقها قريب، هي وسامي اللي تعودت عليه،، إلا إن بالها كان مشغول مع فياض اللي دخل في دوامة جديدة ماتدري هل بيقدر يطلع منها هالمرة بسلام أو بيعاني فيها أكثر من المرة اللي فاتت .. كانت متربعة عالكنب وسامي على حجرها وهي تهز رجولها من تحته .. رن جوالها وكان فياض متصل .. ردت عليه بلهفة : آلوو .. فياض كان يتكلم لكن ما سمعته بسبب سامي اللي تحرك وطيح الجوال من يدها .. رفعته بسرعة وهي تنزل سامي من على رجولها : فياض؟ ماسمعتك ..سامي طيح الجوال من يدي .. قال : انتي تحت ؟؟ قالت : ايه ..جلست مع فابيان شوي .. وش صار معك ؟؟ قال : طيب تعالي انتي وسامي .. من زمان ماشفته .. اشتقت له .. ابتسمت : اوكيه .. رفع حاجب من كلمتها وهو يقول : شكلك تأثرتي بفابيان .. ضحكت وهي تقول : ايه.. قال : يالله أنا أستناكم .. التفتت لفابيان وهي تشرح لها إن فياض يبي يشوف سامي ... وتركتها فابيان تروح بعد ما أكدت عليها تكلم فياض بموضوع الحجز بأسرع وقت .. . . . دخلت للجناح ومعها سامي .. وراحت للغرفة وهي تدور فياض .. شافته مستلقي على السرير بتعب واضح .. اقتربت وهي تجلس على طرف السرير من جهته.. حطت سامي على رجلها وهي تسأله باهتمام : ايش صار وياك ؟؟ اعتدل وهو يقترب ويشيل سامي ويبوسه : الحمد لله .. قال وهو يحضن سامي : اخبار فابيان ؟؟ قالت ديما بعبوس : قالت لي أذكرك بالحجز .. ناظر بملامحها العابسة ومرر اصبعه على خشمها وهو يقول : ليش التكشيرة ؟؟ التفتت عليه وهي تقول بصدق : تمنيت لو يجلسون معنا على طول .. قال بجدية : هذا اللي كنا مصرين عليه .. لولا إنها أثبتت لنا تغيرها بالفترة اللي فاتت، وإنها جديرة عن غيرها برعاية سامي .. يكفي اسلامها لوحده عن أي شي .. وابتسم وهو يكمل : والأكيد كانت بترجع لبلادها ولأهلها .. فلاتضايقين نفسك .. أكيد بنشوفهم من وقت للثاني.. ناظرته بامتنان : إن شاء الله .. وقالت بسرعة بعدها : ماقلت لي وش صار معك ؟؟ خلع ساعته اللي كان سامي يلعب بها وناوله اياها وهو يقول : ولا شي .. بستمر على العلاج ولا كأن شي صار .. يمكن بتعب شوي بسبتها وبتطول الفترة أكثر بس إن شاء الله بتتيسر .. كان يتكلم وعينه مثبتة على سامي .. حست إنه بسط الموضوع لها بزيادة عشان ما تقلق ،، لأن عيونه كانت تقول إن الوضع أصعب من كذا .. رجعت خصلاتها ورا اذنها وهي محتارة شلون تخفف عنه .. مدت يدها لسامي وهي تقول : يالله حبيبي تروح لماما ؟؟ قال فياض وهو يمسك يدها الممدودة بلطف : خليه شوي .. ليش مستعجلة .. قالت : لا بس انت تعبان ولازم ترتاح .. قال وهو يحمل سامي من جديد ويقربه منه : لاا خليه ..أنا مرتاح كذا .. تنهدت ورجعت تجلس بجنبهم وهي تناظر بفياض اللي كانت عينه على سامي بشرود .. دق جوالها وناظرته مستغربة من الرقم الغريب .. ردت بعد ثواني وعيون فياض تتبعها : آلو ؟ وصلها صوت أنثوي ،غريب عليها : انتي ديما ؟؟ زوجة فياض؟؟ قالت بعد ثانية من الصمت : مين معي ؟ قالت : أنا .. أنا مررة آسفة على الازعاج اللي سببته لكم .. وأترجاك ماتفهميني غلط .. كررت ديما وهي ترفع عينها لفياض : انتي مين ؟ قالت بلهجة صادقة : أنا لولوة .. فتحت عينها بدهشة وهي تنزل السماعة من على اذنها وتسمع فياض يسألها بجدية : ميين يا ديما ؟؟ قالت بتلعثم :تقول ... لـ ..ولوة .. سحب منها التليفون اول ماسمع الاسم .. قال بصوت عالي أفزع سامي : انتي وش تبين بالظبط ؟؟ وصله صوت شهقاتها وهي تقول : والله العظيم يا فياض ما تعمدت .. هم خدعوني وكذبوا علي ..قالوا لي مارح يسوون شي وانهم بيسألونك بس ..كانوا مهدديني بأختي .. وأنا مالي غيرها بالدنيا .. فياض ارجوك صدقني .. ارجووك .. انتبه لسامي الخايف وقال بنبرة أهدى لكن بتهديد غاضب:اخذي الفلوس اللي تركتها لك واطلعي من حيااتي .. وهالمرة نهاائي .. وياويلك إن شفتك متصلة على هالرقم مرة ثانية .. من حسن حظك إني ما جبت سيرتِك بالتحقيق .. ومازال بإمكاني أخبرهم عنك وعن اتصالك .. شهقت لولوة بألم : أنا عارفة إنك مو مصدقني وأستاهل .. لكن عموماً، أنا معي جوالك وبتركه لك مع المبلغ كامل مثل ماهو ..مع نفس الشخص اللي تركته معه بالمستشفى .. وتقدر تسترجعه بأي وقت من هناك.. سكت ومارد عليها... قالت : وأنا آسفة على كل شي .. وسكرت الخط .. حط الجوال من يده بضيق .. وناظر ديما اللي كانت مصدومة من اللي عرفته.. قالت : يعني .. هي اللي ... اللي ؟؟ رفع سامي ومشى باتجااهها وقال بصوت خافت: نزليه لامه ياديما .. أنا فعلا تعبان ومحتاج أرتاح.. شالت سامي ونزلت فيه لتحت بدون ما تعلق .. لأول مرة تشوفه معصب .. دايما كان بارد أوهادي ومبتسم ، حتى في أسوء الظروف اللي مروا فيها لحد الآن .. توقفت شوي قدام باب الجناح بتردد .. ودخلت وهي تتمنى لو تنجح في مشاركته همه .. شافته مستلقي على جنبه ومو باين الا راسه من تحت اللحاف .. بدلت بهدوء ولبست ملابس النوم .. سكرت أنوار الغرفة واقتربت وهي تدخل تحت اللحاف بهدوء .. حاولت تصغي لصوت أنفاسه تبي تعرف إذا صاحي أو لا .. واقتربت منه لما فشلت وهي تحط كفها على كتفه .. نادته بهمس : فياض ؟؟ رد عليها بهدوء : نعم .. سحبت نفس عميق وهي تقترب أكثر وتحضنه من ورا مثل ما تمنت قبل دايم.. قالت بصوت هادي : مثل ما قلت لي .. كل شي راح يكون بخير ...لا تشيل هم شي .. غمض عينه بقوة وهو يعترف لنفسه إن كل هذا من احباطه من مشوار علاجه اللي اخترب على آخر ايام فيه .. ناظر بأناملها الرقيقة اللي لفت عليه وهو يتذكر آماله القديمة في تلقي الحب منها .. التفت عليها وهو يلفها بذراعه بقوة وتنهد : إن شاء الله .. ابتسمت وهي فرحانة لأن خطوتها الجريئة جابت مفعولها وتجاوب معها.. ناظر بملامحها واقترب وهو يلثم بسمتها العذبة .. وغمضت عينها وهي تستكين باحضانه ... دقاائق وغرقوا في نوم ساكن وهادىء ... . . . . . . . . . في طريقه للشقة بعد ما وصل لبريطانيا .. انطلقت ضحكة وليد العالية وهو يسمع من نواف أحداث الخطوبة وموقف ام سلمى المضطرب .. وليد وهو يضحك : الله يعينك .. أنا المفروض عطيتك تلميحات على اللي ممكن يصير لك منها .....المهم .. وش سويت معها بعدين؟؟ نواف بابتسامة : الحمد لله اقتنعت بالاخير .. وتم الموضوع على خير مثل ماقلت لك .. أيمن بقهر : الله يسامحك ..توك تقول لي الحين وانا اللي اكلمك كل يوم ؟؟ ماتستاهل اصلا اجي استقبلك بنفسي بالمطار .. نواف بضحكة : كل شي صار فجأة ، أنا أمس بس قايل لاخواني وتبيني اقولك بعد ؟؟ وكملوا سوالفهم إلين ماوصلوا للشقة .. ولما انفرد وليد بنواف بالصدفة .. قال وليد لنواف : أنا حاسس إن أم سلمى مب عاجبها الموضوع ..وصدقني إذ ماظليت وراها راح تلعب براس سلمى ومو بعيد تضغط عليها عشان تغير رأيها .. نواف بإحباط : معقولة ؟ وليد وهو يهز راسه : كل تصرفات سلمى السابقة هي السبب فيها .. جلستها مع أمها كانت مأثرة عليها كثير .. ياخوفي ترجع تتغير .. نواف : لا إن شاء الله مارح تتغير .. يمكن جلستها هناك تفيدها اكثر .. وبالنسبة لأمها فخليها علي .. إن شاء الله كل ما روح بزورها وألين قلبها .. ضحك وليد وقال بمزح : الله ويااك .. واتمنى لك كل التوفيق .. ابتسم نواف لكن من داخله كان خايف من كلام وليد .. معقولة سلمى تغير رأيها أو تتغير هي نفسها ؟؟ حاول يكون متفائل أكثر مثل السابق .. ومن قلبه ، تمنى من الله إنه يثبتها ويوفقها ..ويجمعه فيها على خير .. . . . . . . يتبع التعديل يستغرق مني بعض الوقت .. فأعتذر مقدما لو تأخرت شوية بالتتمة وأنصحكم تنامون عشان ما أسهركم أكثر =) |
الفصل الخامس والأربعين والأخيــر . . . مرت الأيام .. فياض مر في اليومين التاليين بصعوبات كبيرة في التركيز وبآلام أكبر من السابق .. لكن ديما كانت بجنبه طول الوقت وهذا اللي خفف عنه .. وعدى منها على خير .... . . . . فابيان تحدد موعد سفرها بعد ما حجز لهم نايف هم الثلاثة لفرنسا ... وكان باقي يومين على سفرها .. . . خلود كانت تجهز للعرس لأن باقي عليه حوالي الشهر والنص ..والتواصل بينها وبين عايض كان قليل ، لكنه كان يتصل يسأل عليها من فترة لفترة .. . . نايف في هالايام وبعد عودته من سفرة فرنسا السريعة ، كان بيجن من الأفكار اللي تجيبه واللي توديه.. عقله يقول شي وقلبه يقول شي ثاني ، بالاخير الحيرة الشدييدة في اتخاذ قرار حاسم ومصيري راودته بقوة ، وللحين موقادر يقدم على خطوة معينة .. . . . حصة ماعارضت موضوع الشيخ وراحت مع امها وابوها والحمد لله قال إن مابها شي ، لكن شكك إنها تكون محسودة ، وأعطاها بعض التوصيات وشدد عليها من ناحية الاذكار وغيره .. ومن بعدها وهي متحسنة شوي لكن أمها وابوها كانوا مكبرين الموضوع ، وبالرغم من إنها بالعادة انطوائية إلا إنهم نسوا هالشي وصاروا يرجعون انطوائيتها لمرض مجهول فيها .. . . . نواف استأنف دراسته بجدّ وهو يحس نفسه متغير عن الأول ، هالمرة عنده هدف جديد حاطه نصب عينه يحثه على الاستمرار بقووة ، وحاسد نفسه من بين الشباب اللي حوله إنه كان الأول في هذا النوع من الارتباطات .. وماحس بيوم إنه تسرع أو ندم على أي شي سواه ، بالعكس يحس إنجذابه وإعجابه بسلمى أبداً ما تغير بل على العكس ، ما يدري وشلون بيكمل هالفترة الطويلة بدون ما يشوفها ولا مرة ولا حتى يتواصل معها ،، معتمد فقط على معلومات وليد الضئيلة وكلامه القليل .. . . . . . خلود كانت واقفة مع أمها في إحدى الأماكن لحجز قاعة الزواج .. حجزوا قاعة معينة ، وراحوا مع المسؤولة حتى يشيكون عليها .. وبعد ما اعجبتهم واتفقوا معها على نظام القاعة وموعد العرس وخدمات وغيره ،، ورتهم الدي جي الضخم اللي بيشغلون عليه الاصوات .. وهنا خلود طلعت سيدي من شنطتها وناولته للموظفة وهي تقول لها إنها منظمة عليه بنفسها ترتيب كامل لليلة بأغاني هي مختارتها بنفسها .. طلعت مع أمها بعدها راجعين البيت .. وفي البيت حصة كانت تكلم ديما .. حصة بهمس: هذي خلود رجعت .. ديما وش بتسوين ؟ ديما بتفكير :.. أخاف أكلمها مباشرةً تتضايق مثل ما قلتي .. بفكر في طريقة وأرجع أقول لك .. حصة بفهم : آهااا .. أنا قلت أقول لك لأني ما ابيك تتضايقين مثل المرة اللي فاتت بالملكة وبعدين حتى أنا معك بإنها ما تجوز ... . . سكرت ديما منها وهي محتارة بالموضوع .. حصة قالت لها إن خلود من أهم الاشيا اللي اهتمت فيها كان خطة العرس الصوتية ،وماقصرت في ملوها بالاغاني والموسيقى .. تعرف إن هالشي قبل ما يضايقها بيضايق عايض لو درا لأنه كان دايما ملتزم من هالناحية وأكيد إنه يبي عرسه خالي من أي محرمات .. قررت تأجل الموضوع شوي إلين ما تلقى حل مناسب .. . . . . خلال اليومين الباقين على سفر فابيان، وبعد تحسن فياض ، وداها مع ديما للسوق .. و تسوقت فابيان مع ديما لفترات طويلة تاركين سامي لفياض .... اشتروا أشيا كثيرة .. فابيان ومعظم اللي شرته كانت ألبسة وعُبي وحجابات مختلفة .. وديما أخذت لها بعض الحاجيات اللي كانت تنقصها وشرت لفابيان وسامي هديتين بالسر .. وأخذت هدية لفياض بعد شوية تردد .. وهم في طريقهم للخروج من أحد المحلات لفت انتباهها قميص نوم زهري رقيق أعجبها كثييير .. وقفت قدامه منحرجة من فكرة تخيلها للبسه .. لكنها تذكرت إنها ماقد اشترت لها شي مماثل .. وبنفس الوقت فياض يستاهل وهي بالفعل جداً مقصرة معه .. ما أمداها تفكر إلا و فابيان مفاجئتها من وراها : رااااائع جداً .. هل ستأخذينه ؟؟ اغمضت عينها بإحراج وتمشت بعيد عنه... سحبته فابيان من مكانه وهي تقول : يجب أن تأخذيه .. إنه فرصة رائعة .. وإذا أردتي مساعدة في اختيار المزيد سوف أساعدك .. أخذته من يد فابيان بحرج وحطته بسلتها وهي تمشي معها من غير ولاحرف.. جاهم فياض بعد ما خلصوا .. وكان شكله متوهق مع سامي ،، ركبت ديما بجنبه بعد ما ركبت فابيان وخذت سامي معها .. ورجعوا للبيت .. نزلوا الاكياس الكثيرة ... وشال فياض اكياس ديما وفابيان وهو يقول : خليهم لي بدخلهم انا .. وخذي انتي الاكياس هذي للمطبخ ..فيها عشا .. اخذت ديما الاكياس بآلية و بدون ما ترد .. ناظرها بشك وهي تتحرك من قدامه .. من اول ماركبت ماحكت ولا كلمة .. ترك الاكياس قدام حجرة فابيان .. لكن ديما جات مسرعة ودخلتهم كلهم لغرفة فابيان وسكرت الباب وراها .. رفع حاجبه مستغرب وطلع فوق وهو يفكر بسبب تغيرها .. كان نايف طالع من غرفته وأول ماشاف فياض ناداه يبيه في موضوع .. دخل فياض لحجرة نايف وباله منشغل مع ديما .. نايف : احم ... فياض أبي اصارحك بشي .. بس لا تضحك رجاءً .. فياض بابتسامة : أضحك ؟؟ نايف باختصار : أبي اتزوج .. فياض ناظره للحظة مندهش .. وضحك فجأة وهو يقول : قوول والله ؟؟؟ عبس نايف وهو يقول بعصبية : شفت كيف ..انا غلطان اني كلمتك .. قال فياض بسرعة وهو يكتم ضحكته : ياخي انت على طول تعصب .. كل ماحد قال شي هبيت في وجهه ..بعدين شلون ماتبيني اضحك .. انت من جدك والله؟؟ نايف بتهكم : لا من عمي ... !!! وهالموضوع ينمزح فيه يعني ؟؟ فياض: واشلون غيرت رأيك بهالسهولة ؟؟ توك تقول شبابي واستمتع فيه ؟؟؟ نايف بجدية : في وحدة أبيها واخاف تضيع من يدي .. وبس ..!! فياض بتساؤل : من هذي؟؟ نايف ببساطة : اخت زوجة عايض .. فياض بدهشة : وانت كيف عرفت عنها ؟؟ نايف بانزعاج : لازم التفاصيل ؟؟ عرفت عنها وخلاص .. المهم الحين أبيك تجي معي .. وبكلم عايض بعد لأنه يعرف أبوها زين وكانت علاقتهم واضح بالملكة إنها حلوة وقوية .. فياض وهو يحط يده على كتف نايف ويشد عليه بسرور : انت تاامر أمر.. حدد الوقت وشوف عايض متى يفضى وأنا مستعد .. نايف بامتنان : شكراااا .. طلع من عند نايف وهو يبتسم ومبسوط عشانه .. وكل ما تذكر اشلون لما كان يجيب طاري الزواج عنده يتقزز ويتكلم عن عزوبيته بفخر، ضحك .. دخل للجناح وهو يشوف بعض الأكياس موجودة بالصالة .. وعرف إن ديما طلعت من تحت.. دخل للجناح وشاف باب الحمام مسكر .. بدل على السريع وراح للمطبخ يشرب ماي مع ادويته .. رجع للغرفة ودخل وهو يمسح على شعره وو...... توقفت يده لثواني بالهوا .. ورمشت عينه عليها بذهول وهو يشوفها لابسة قميص فاتن وشعرها مغطي اكتافها العارية .. تنحنح بعدها وهو يتقدم لداخل الغرفة .. ورفعت عينها بخجل تواجه نظراته المتفاجئة .. قربت من السرير تحاول تفرغ توترها واخذت كيسة صغيرة كانت عليه .. وطلعت منها علبة متوسطة واقتربت منه وناولتها له ... نزل عينه عنها بصعوبة وهو يناظر بالعلبة باستغراب .. قالت بحيا والكلمات تخرج بصعوبة : هـدية ....! رفع عينه لها بدهشة أكبر وهو يتناول العلبة منها ويفتحها ... شاف داخلها ميدالية فخمة ، وبالرغم من بساطة الهدية إلا إنها اعجبته كثير لكونها منها .. رجع يناظرها مو مصدق كل هذا يطلع منها .. هالمرة مو بس أهدته اهتمامها وحنانها .. هالمرة أهدته قلبها ونفسها .. حط العلبة من يده وقرب منها وهو يسحبها لأحضانه ويشدد عليها :حياتي وعمري.. يا اغلى هدية ممكن احصل عليها بيوم .. أحبـك .. ابتعد وهو يمسك كتوفها برفق وعيونه غارقة في عيونها : تدرين إن مافي اي كلمة ممكن توفي احساسي او توصفه .. كانت تناظره بتأثر وكلماته تخترق قلبها اللي زادت دقاته .. شافته يوقف كلام .. وكانت بتشهق وهي تشوف عيونه تلمع بدموع.. معقولة اللي سوته أثر به بهالشكل ..؟؟ ابتسمت وهي تقول بهمس : مولازم تحكي .. مرر ظاهر يده على خدها بحب وهو يراقب الكلمات تتحرر وتخرج من قلبها لشفايفها أخيراً: حتى أنا لو بتكلم ...مابلقى كلمات مناسبة ... ورفعت راسها له بعد ماكانت منزلتها : بس خلك واثق إني .. من كل قلبي .. أحبك .. وأحس إن رضاك صار أهم غاية بحياتي .. وابتسمت وهي تنزل راسها : ..الله يشهد إن بقلبي كلام كثير بس ما اعرف اقوله .. وكل اللي قلته الحين قلته بصعوبة .. بس انا متأكدة انك بتفهمني .. قربها لحضنه من جديد وهو يقول : انا ما احلم ..صح ؟؟ ابتسمت وهي ترفع عينها له وهزت راسها بلا .. اسند جبينه على جبينها وهو يغمض عينه ويسحب نفس من رحيق انفاسها العطرة .. مال اكثر عليها وهو يطبع قبلاته الحانية على ملامح وجهها الناعمة .. . . وتجددت بدايتهم ،، بمشاعر ،، أكثر استقرارا وعمقاً وتبادلاً بينهم .. . . . . . . . . بعد مرور شهر ونصف .. فياض أنهى فترة علاجه على خير .. وفي هالمدة قدر يستقر ويرتاح أخيراً في حياته ، خصوصا بعد ما استدعوه الشرطة وبلغوه إن الاشخاص اللي تعرضوا له وقعوا في قبضتهم ، وتعرف عليهم فياض بسهولة عشان ينالون جزائهم بعدها من القضاء .. . . . نايف خطب حصة وأبوها فرح فيه كثير لأنه يثق بعايض جدا ودام إنه جاي من طرفه ومزوج ديما لأخوه فأكيد إنه ثقة وفرصة ذهبية .. وطبعا بعد السؤال عنه عرض الموضوع على ام خلود ،، واللي ذكـّرته وقتها بتعب حصة الوهمي في الاصل .. ومن هالمنطلق ترددوا يفاتحونها ، واستقروا بالاخير على إنهم يكلمونها وإذا وافقت بيعطون نايف فكرة عن الموضوع .. حصة ارتبكت لما درت لأنها كانت أول مرة تنخطب مباشرةً ،، وتوقعت إنه عايض رشحها لنايف بما إنها اخت خلود ، وماتوقعت أي شي غير كذاا .. أخذت كفايتها من التفكير ووافقت مبدئياً بعد تأييد الجميع من حولها وعلى رأسهم ديما اللي تعرف نايف من تصرفاته البسيطة حولهم لكنه فعلا كان من البداية مختلف حتى عن فياض نفسه .. وحكت لحصة عن مواقفه مع نواف وفياض ومن هالمنطلق استخارت حصة ..ووافقت .. . . . أما نايف فبعد ما أعلنت موافقتها جته حالة جنونية من الوناااسة ، وماهدت هالحالة إلا لما طلب أبو خلود يقابله وبلغه بموافقتهم بنفسه ، وصارحه بقصة تعبها قبل فترة ، لكن نايف ما اهتم للي انقال له ، وعشان كذا ماربط أبداً بين موقفه معها وبين هالموضوع .. . . . . . ديما بعد تفكير ،، كلمت عايض بالموضوع .. وقال لها إنه بيتصرف هو بنفسه .. ومن لحظتها وهو ضايق من موضوع الأغاني ،، الظاهر إنه للحين في أشيا كثيرة مايعرفها عن خلود ،، أو ما اهتم من قبل يعرفها .. اتصل عليها وهو يفكر بالكلام اللي بيقوله لها .. وبعد ما سلم عليها وسأل عنها .. ناداها بلطف : خلووود .. ممكن أطلب منك طلب .. قالت : أكيــد .. تفضل .. قال : يزيد فضلك يالغلاا .. مممم بالنسبة للعرس ، ياريت لو تستبدلين الأغاني بشي اسلامي ... سكتت وهي متفاجئة من طلبه .. ناداها وهو يلاحظ سكوتها : خلود؟ جست بضيقة وهي تسترجع حماسها للموضوع هذا بالذات .. قالت بتبرير : بس هذي الليلة مارح تتكرر والاغاني من اهم الاشيا الاساسية فيها ،انا مجهزة كل شي من زمان وحتى إني اعطيته للمسؤولة عن تنظيم القاعة .. عايض بنبرة لطيفة : معليش ياخلود .. عشان ما نبدأ حياتنا بمعصية ، وعشان ربي يبارك لنا فيها من البداية .. عبست وهي تقول : بحاول .. عايض : لا ، أبي آخذ منك كلمة عشان أتأكد .. قالت بضيق : إن شاء الله بحاول .. عايض وهو حاس بانزعاجها : خلاص اتفقنا يعني .. ؟؟ ما ردت عليه .. قال وهو متضايق من موقفها : طيب أنا بخليك الحين ،، وإن شاء الله نتكلم بعدين .. مع السلامة .. سكرت منه وهي تضرب السرير بجوالها .. راحت لمنى خالتها وهي معصبة وحكت لها عن الموضوع ،، منى أنبتها بشدة وقالت لها إن عايض معه حق والمفروض تسمع الكلام ، لكنها عاندت منى وارسلت له رسالة تقول له فيها إنها آسفة وماتقدر وطلبت منه يفهمها وإنها ليلتها وتبي تستانس فيها مثل ماتبي .. عايض على طوول اتصل عليها .. لكنها ماردت عليه لانها كانت معصبة .. وبالرغم من إنها كانت محرجة من مخالفتها لكلامه في أول شي يطلبه منه ، إلا إن هالاحساس اخفاه عنادها باللحظة اللي ردت عليه فيها بعد مارجع يتصل للمرة الثانية.. عايض بهدوء لما ردت بصوت خافت : خلود .. يعني يعجبك يحضر عرسنا الشياطين مثلاً؟؟ خلود أنا أتكلم عن مصلحتنا احنا الاثنين .. في سبب ثاني برأيك قاعد امنعك من الاغاني عشانه ؟؟ ماسمعت غير كلمة "امنعك" وجداً ضايقتها ..وتذكرت كلمات بعض صديقاتها المتزواجت واللي يحكين لها عن تحكم ازواجهن واوامرهن السلطوية .. ماتوقعت عايض من هالنوع اللي بيتحكم بحياتها ،، توقعته بس بيسمع لها وبيسوي اللي تبيه بالطيب.. صحيح هي جداً تحترمه وتحسه شي اكبر عنها بكثير بس ماتوقعت ينقلب الموضوع ضدها وإنها راح تكره صفة فيه مثل الحين .. قالت ببرود :حتى عرس ديما كانت فيه اغاني ، ليش بتقول لي أنا ولأختك لا ..؟؟ كره اسلوبها لما قالت " اختك"وقال بضيق :عرس ديما كان من فترة طويلة ، وتغيرت بهالفترة اشيا كثيرة .. لكن انتي وش قصدك بهالكلام ؟؟ قالت بنبرة عالية شوي : ماينفع تأجل هالاوامر شوي .. ماتوقعتك من النوع اللي يحب يسيطر ويفرض رأيه .. انصدم من ردها وقال بعد ثانية : خلوود .. أنا...فعلا مصدوم .. اشلون فكرتي بهالطريقة ؟؟ قالت بتبرير : لأن واضح إنك تبيني أنفذ وبس .. بدون ما تعطي لرغبتي اهمية .. قال وهو مازال مصدوم فيها : أنا فعلا ماتوقعتك بهالسطحية .. قالت باستنكار: سطحية ؟؟ قال ينهي النقاش وهو ضايق عالاخيير : برأيي نتوقف عند هذا الحد أفضل لأن شكلنا مارح نوصل لنقطة تفاهم دام هذا هو تفكيرك .. انا بسكر .. مع السلامة .. وسكر الخط قبل ما تقول أي كلمة .. حطت يدها على فمها وهي مو مصدقة اللي توه صار .. دفنت راسها بالمخدة القريبة وهي تعض على شفتها بقهر من نفسها.. " انا وش هببت ؟؟؟؟؟؟؟؟؟؟؟وش خلاني افتح فمي .. والله إني استاااهل قص لساااني ......" راحت لمنى تحكي لها وهي مخنووقة .. ومنى ماقصرت ، هزأتها بشدة وألحت عليها تتصل وتعتذر .. لكن خلود بالرغم من ندمها الشديد إلا إنها ما قدرت تتصل وتعتذر .. كبريائها يمنعها تعترف له بخطأها .. وبنفس الوقت مالها وجه تتراجع عن كلامها.. لكنها بالليل سهرت عالنت وهي تدور زفات اسلامية وجهزت بعد عناااء سيدي ثاني بدون ما تقول لأحد .. . . . أما عايض فكانت صدمته فيها ومن تفكيرها الطفولي كبيرة،، ماقدر يستوعب شلوون موقادرة تفهمه في هالامر البسيط .. فشلوون بباقي امور حياتهم ؟؟ حس إنه راح يتوهق معها بالمستقبل .. لكنه حاول يطرد هالافكار من راسه وكمل استعداداته للعرس وهو يصرفها عن عقله .. وموضوع الاغاني كلم خالته وترك لها التصرف فيه .. . . . . . يتبع نفس الشي .. باقي التعديل على الجزئية الاخيرة =) |
تابع الفصل الخامس والأربعون والأخير . . . يوم عرس خلود وعايض .. . . لبست عبايتها وظبطتها قدام المراية والتفتت عليه وهي تشوفه متنح يناظرها ... اقتربت وهي تمسك يده وتشدها بلطف عشان يقوم : يالله حبيبي .. بنتأخر .. رفع حاجب وهو يتجمد في مكانه : اوكي قلنا بتروحين بدري ومارح اشوفك قبل العرس ، بس بعده ؟؟؟؟؟ابي اعرف وشو له تباتين ؟؟ تركت يده وهي تتنهد : والله خالتي هي اللي طالبة مني وأصرت علي.. يالله عاااااد... تكلمنا بالموضوع كثير .. قام وهو يتقدمها : طيب والحل ؟؟ مشت وراه وهي تشيل شنطتها و الكيس اللي فيه فستانها.. وأغراضها : الحل إنك تخليني أبات بس الليلة وبكرة بلبس الفستان مرة ثانية عشان خاطرك .. نزل معها وهو ساكت يعني إنه زعلان ... وقفت قدام السيارة وهي تناديه برجااء : فياااض ..!! ما قدر يكتم ضحكته وقرب وهو ياخذ الاكياس من يدها :عيوونه .. ابتسمت وهي تشوفه أخيرا رضا : شكرااااَ َ قرب وهو يفتح لها الباب : بس بكرة بطلع من الدوام على عندك .. اتفقنا ؟؟ هزت راسها ببهجة : اتفقنا ..! . . . . . خلود من اول ما قامت وهي تحس إنها مو على بعضها ،، تدري إنه للحين زعلان منها أكيد .. بس حتى ولو .. ماحاول يرجع يتصل عليها ولا حتى يسأل عنها من بعيد .. مو معقولة نسى الموضوع ؟؟ ظلت طول الوقت تتأفف ، والكل مستغرب منها ، مو كأنها عروس وقاعدة تستعد في أهم يوم بحياتها .. ومع وصول ديما حست إن توترها خف شوي .. أعطت ديما السيدي اللي مجهزته عشان لما تسبقهم عالقاعة تعطيه للمسؤولات يستبدلنه .. ديما كانت مستانسة لان خلود بنفسها أقدمت على الخطوة هذي .. وماكانت عارفة بزعلها هي وعايض من بعض .. . . مر النهار بشكل سريع ،، وجا الوقت اللي بيطلعون فيه للقاعة .. ديما أول ما دخلت دورت عن المسؤولات وعطتهم السيدي .. وجاها بنفس الوقت اتصال عايض اللي كان يبي يتأكد من إن كل شي تمام .. وحكت له موقف خلود لكنه ما علق .. . . حصة كانت جالسة مع ديما على أحد الطاولات ينتظرن حضور خلود عشان يقومون .. مرت إحدى العاملات وقدمت لهم بعض العصائر ، ومدت حصة يدها عشان تاخذ العصير لكن كم الفستان علق بالكرسي ودفت الكاس بالغلط وانكب عليها شوي .. ناظرت فستانها بارتياع وناولتها ديما المناديل بسرعة .. مسكتها حصة وهي متوهقة لأن العرس مازال في بدايته .. وقامت متوجهة تلقائيا للحمامات .. وأول ما شافت الزحمة فيها استرجعت موقفها في ملكة خلود .. وارتجفت فجأة وهي تحس بتوتر فظيع .. اشلون يصادف إن الموقف يتكرر في العرس مرة ثانية ؟؟ دخلت الحمامات ووقفت عند وحدة من المغاسل الفاضية وبدت تغسل فستانها وهي تسترجع الموقف اكثر والضحكة .. تعوذت اكثر من مرة وهي موعارفة ليش الحين بالذات تتذكر هالاشيا .. . . خلود وصلت بعد فترة وتم العرس بشكل طبيعي لولا إنها كانت تحس بسعادتها نااقصة جدا ،، وإنها هي اللي جنت على نفسها هالتوتر والضيقة .. ندمت على تسرعها وعلى عنادها ، وتمنت لو إنها راسلة ولو حتى رسالة تعتذر فيها .. وفكرت إنها أول ما تشوف عايض راح تعتذر له .. حتى لو كان نسى الموضوع .. . . . . أما عايض فكان يفكر إنه هذا بيكون أسلوبها وتفكيرها في كل صغيرة وكبيرة في حياتهم فلازم إنه يسيطر على زمام الامور من اول ليلة .. وقرر إنه يتعامل معها بطريقة مختلفة .. خصوصا إنها ماحاولت تعتذر وأصرت على رأيها .. يمكن عدولها عن موضوع الاغاني خلاه يتردد شوي بقراره لكنه رجح إن خالته تكون هي المسؤولة عن الفكرة وإنها أجبرتها عليها .. . . . على منتصف الليل كانت القاعة خالية لأن الحضور توجهوا لقاعة ثانية للعشآ .. تبقت كل من ديما وخالاتها والبنات .. وكان دور عايض في الحضور ،، وكان الترتيب إنه بيدخل يجلس شوي ويطلع بعدها هو وخلود سوآآ .. تقدمت منى من البنات وديما : يالله يا بنات قوموا معي للعشا ، بيدخل ابو خلود وعايض .. طلعوا معها وتبقت خلود لوحدها مع أمها .. رفعت عينها لأمها بتوتر .. وتمنت لو في مراية جنبها تتأكد من شكلها .. دخل ابوها وسلم عليها وبارك لها ،، ومن بعده عايض اللي وقف بعيد شوي بدون مايرفع عينه.. مايدري ليش يحس شي انكسر داخله ومانع فرحته من الاكتمال .... يمكن لان احلامه كانت جدا مثالية .. والحين بس ، بدأ يكتشف إن مافي شي بهالمثالية اللي يتخيلها ... رفع عينه يناظر فيها .....أبهرته بجمالها وزينتها ، لدرجة إن معنوياته ارتفعت وحس إن قلبه لان وهدأ ..وأفكاره بدت تتلاشى بأعجوبة .. ابتسم بحرج وهو يشوف نظرات امها وابوها متركزة عليه .. قرب منها وهو يبارك لها بهدوء وسلم على جبينها .. واتجه لخالته وسلم عليها بود .. تركوهم بلحالهم بعد ماقاله ابوها إنه بيجهز لهم السيارة برا .. جلس بجوارها وهو ساكت يتأملها .. رفعت عينها له تبي تتكلم وتنفذ اللي نوت عليه ،، لكن نظراته ألجمتها ووترتها .. رجعت تناظر بحجرها مو عارفة تتكلم أو حتى تتنفس .. توها الحين تحس بخوف وتوتر العروس اللي ما حست فيه من الصبح بسبب انزعاجها من موضوع زعله .. تكلم وفاجئها بالرغم من صوته الهادي : عمي يتصل ،، يالله نطلع ؟؟ رفعت عينها شوي وهي تقول : لازم ماما تجي معها عبايتي وغطاي .. نزلت عينها وهي تناظر الباب اللي انفتح ، فكت لها امها طرحة الفستان وساعدتها تلبس العباية الكبيرة وعايض يناظرها بمشاعر مضطربة .. ركبت ودعوات امها تحفها وبعد ما طلعوا البنات بعباياتهم يسلمون عليها .. وتوجه عايض بها للفندق اللي حجزفيه لليلة .. . . . حصة مشت مع ديما ومناير ومنى راجعين للداخل ، لكن امها استوقفتها وسحبتها من بين البنات على جنب .. امها بود : كيفك اليوم ؟؟ حصة بابتسامة جاافة بسبب مللها من موال المرض الوهمي : الحمد لله انا بخييييييير والله .. امها وهي تتأملها من فوق لتحت : ممم والله يابنتي مدري وش اقولك .. حصة ناظرتها بتشكك وهي تتسائل : ليش ماما في شي ؟؟ امها بابتسامة : خيير .. بس ابوك يسألك اذا موافقة تملكين الليلة ... شهقت وهي تقول بصوت عالي : وشووو .. لاا لاا ...انتو من جدكم ؟؟ مسكت يدها وهي تسحبها للداخل شوية : وطي صووتك فضحتينا .. ليش لا يا حصة ؟؟ هو اصلا كان متكلم يبي الملكة بعد عرس خلود بشهر او اثنين .. مافرقت .. وانتي موافقة وهو رجال والنعم وش تبين تنتظرين .. حصة بخووف : لا يا ماما مو مستعدة والله .. انا باليالله استوعبت موضوع الخطوبة ..تبيني استوعب ملكة بعد والليلة ؟؟؟؟؟؟ امها بطولة بال: ابوك مارح يقتنع بهالعذر إلا لو كنتي حاسة بتعب .. حطت كفوفها على وجهها بوهقة : ماما ما أبي ... مسكتها من يدها ومشتها معها : انتي لو بعد سنة بتقولين ما أبي ..حصووه بلا دلع .. يالله بتصل على ابوك وبقوله إنك مستعدة .. وما استمعت لاعتراضاتها .. . . طبعا نايف كانت كلمة منه لكن لما شاف تقبل ابوها حولها لطلب ونجح في مهمته وماكان مصدق إن كل شي راح يتم الحين وإن أم أحمر بتكون ملكه هالليلة ........ مين قده بس ..! . . . . . . ديما جلست على أحد الكراسي بالقاعة الفاضية وحولها البنات واقفين .. فكت سوار صندلها وهي تتنهد بتعب .. اقتربت منها منى وجلست بجنبها وهي تسألها باهتمام : ديووم ماشفتك تاكلين ؟ اروح اجيب لك صحن يا بعدي ؟؟ ديما بابتسامة مرهقة : تسلميين ياخالتي والله ما اشتهي ..بس تعبت شوي من الوقفة .. مناير وهي تجلس بجنبهم : وين راحت حصوووه ؟ وماما ؟؟ دخلت حصة ووجهها متغير ، ومو منتبهة لأي شي .. جلست على اقرب كرسي وهي تفرك يدينها ببعض .. نادوها وناظرتهم بتيه وهي تروح لهم .. وجلسوا لفترة وهي معهم لكن شااردة بذهنها لبعييد .. دخلت امها بعد فترة وهي تعاتب منى : جالسة مع البنات وتاركتني مع الناس لوحدي .. قامت منى وهي تراضيها وتعتذر .. وسبقتها لبراا .. التفتت لحصة قبل ما تطلع : حصة خلك مستعدة المملك وصل يقول ابوك .. التفتوا عليها البنات وبصوت واحد : مملك؟؟؟؟؟! حكت لهم وحست ودها تبكي .. قامت ديما عشان تجلس جنبها وتشجعها ، لكن حست بهبوط حاد وهي تقوم من مكانها .. تمسكت في الطاولة وهي تجلس بجنب حصة .. قالت وهي تبلع ريقها : حصة سمي بالله ودامك مستخيرة اطمني .كل اللي بيصير خير لك إن شاء الله .. هزت حصة راسها وهي تزفر .. أما ديما فحطت يدها على قلبها بقلق .. ما تدري وش هالشعور اللي جاها .. راودتها بعض الهواجس ،، لانها مرت بهالشعور يوم حادث امها وابوها .. لكنها تعوذت وهي تحاول تتجاهله بالاخير .. . . . . . . دخلوا للجناح ، والصمت مازال مطبق بينهم .. عايض متوقع إنها مستحية وبس ، أما هي فكانت أكيد مستحية لكن شعورها بالذنب كان أقوى .. شالت عبايتها وغطاها ، والتفتت عليه ببطىء وشافته يدخل الشنط من برا .. كانت اول مرة تتأمله لأن نظراته ما تركت لها مجال قبل ،، وكان كاشخ عالاخير ووسامته اليوم غير .. دق قلبها وحست إن صوت دقااته راح توصله من قوتها .. التفت بعد ما سكر الباب وتفاجأ بها في وجهه .. ناظرها مستغرب من تقدمها منه .. قالت بتردد : عـ ..عايض أنا .. آسفة .. تفاجىء بصدق من اعتذارها اللي ما توقعه أبد .. قالت وهي منزلة عيونها : آسفة على الكلام السخيف اللي قلته من قبل .. ندم شوي لانه تسرع وحكم على شخصيتها بالكامل من هالموقف .. وحس بمشاعره الحلوة تجاهها ترجع له من جديد .. كملت بتوتر باالغ : سامحني .. تأملها بالفستان الابيض وهو يسترجع حلمه القدييم .. ابتسم بسعادة حقيقة وهو يتناسى وعوده لنفسه بإنه بيحاول يعدّل من سلوكها ..وقرر يركز على هالليلة بدون ما يخرب عليهم أي شي .. كانت بتتكلم لكن اقترابه منها لعثمها.. همس لها وهو يقرب اكثر: لا تحكين الحين ..مو وقته هالكلام .. رفعت نظرها له ،واستقبلت قبلته المفاجأة بذهول .. ابتسم وهو يتركها تفلت من يده : وعموما مسموحة ، وأشر لها بيده على باب الغرفة : هذي الغرفة خذي راحتك انا بستناك هنا .. التفتت وهي تركض باتجاه الغرفة بخجل مميت .. واول ما دخلت ابتسمت بسعادة وتحولت ابتسامتها لضحكة خجولة خافتة .. انصدمت وهي تشوفه يطل عالغرفة ويلمح ضحكتها .. حط الشنطة قدامها وهو يضحك : نسيتيها .. راقبته وهويخرج وهي تخبي وجهها تحت يدينها بخجل .. . . . . . . . . حصة بعد ما اعلنت موافقتهاووقعت حست إنها قامت بمجهود كبير .. وهربت من أمها ودخلت لمكان جلوس ديما.. رمت نفسها عالكرسي بجنب ديما ، وظلت متنحة لدقيقتين كاملتين تستوعب انها صارت مــ تـ زوجـ ـة.. اعتدلت بعدها وهي تناظر ديما بدهشة : أنا تعبانة لان اعصابي تعبت ..بس انتي وش فيك ؟؟ ديما باختناق : حصة جوالي بشنطتي مدري وين تركتها .. تقدرين تجيبينها لي ؟؟ دخلت بنفس الوقت خالتها وهي تنادي حصة وتستعجلها .. التفتت لديما باعتذار وراحت لامها ... تحاملت على نفسها وقاامت وهي تحس ان تعبها زاد .. تبي تروح لجوالها تطمن على اهم اثنين بحياتها .. عايض و فياض ،، بعد ما عجزت تطرد الوساوس وتبعدها عن تفكيرها .. دورتها بالقاعة وحست انها دايخة ومشتتة وموقادرة تجمع افكارها وتتذكر وين مكانها .. أخيراً شافت مناير وطلبت منها تدور معها .. . . . . . . " لاااااااااااا مستحييييييييل مستحيييل !!!" ضربت الارض برجلها ،، وهي تعترض على فكرة إنها تقابل نايف اليوم .. قالت برفض تاام : قلتوا بس ملكة ....ماقلتوا في شوفة .. حرااام !!! امها سحبتها من يدها بعيد عن الناس اللي طالعين : خليني الحين اعرف اسلم عالناس وبعدين اتفاهم معك .. بس الاكيد إن الرجال مارح يسافر إلا وهو شايفك .. مشت عن امها وهي تفكر بأي وسيلة تمنع فيها هالشوفة .. مسكتها فجأة خالتها منى من كتوفها وهي تكلمها بقوة : هدي اعصاابك .. ريلاااكس يا حلوة ليش كل هذا ؟؟ ومشتها معها وهي تقنعها بإن الموضوع منطقي وطبيعي وإن مافي فايدة من هروبها .. لكن قاطعهم منظر ديما اللي متمسكة في مناير بتعب .. راحت لها منى بسرعة وهي تسألها عن اللي فيها .. لكنها كانت تردد إنها تبي جوالها .. حصة قالت بقلق : طيب ارتاحي وانا بجيب شنطتك .. مناير بقهر : انتي وين وديتي الشنط وانا ادورهم من الصبح .. نهرتها منى بنظراتها وهي تسند ديما وتجلس معها .. طلعت جوالها من شنطتها بلهفة بعد ما اعطتها ايااها حصة وترددت وهي تشوف اسم عايض تدري انه مو مناسب تكلمه الحين .. واتصلت على فياض بالاول .. رد عليها وهو يقول لها انه سايق في طريقه للعودة .. كانت تترجاه مايسرع وينتبه للطريق زين ، لدرجة استغرب من الحاحها وتنبيهاتها الكثيرة.. قال بضحكة : وش رايك ارجع واخذك معي ؟؟مو احسن ؟؟ سكرت منه وقررت تتصل عليه كل شوي إلين ما يوصل .. أما عايض فأكدت عليها خالتها إنه وصل للفندق مع خلود ... ناظرت ساعتها وكانت وحدة بالليل .. استرخت في جلستها وهي تسمع لحصة ونقاشها مع منى .. . . . . . . كان قاعد على اعصابه والناس طلعوا ومابقى غير اخوان ابو خلود .. حس بإن جلسته بين الشياب موترته زيادة على توتره من معرفته إنه بيشووفها بعد شوي .. وأخيييييراً وبعد طول انتظار قام ابوخلود واستدعاه معه .. مشى معه بدون تركيز إلين ما وصلوا للباب اللي المفروض ان حصة موجودة من وراه .. فتح ابوها الباب وتقدم منها وهي قاعدة على اعصااابها .. تأملها للحظة مو مستوعب انه زوج بناته الليلة .. سلم عليها وهو يبرر لها قرارهم المفاجىء بعد ما رحمها وشاف توترها وخوفها .. هدت شوي بعد ما كلمها ابوها ، واستأذنها يسمح لنايف يدخل .. هزت راسها موافقة رغماً عنها .. اول ما دعاه ابوها ، تمنى امنية وحدة بداخله ... .......تمنى انها ما تكون لابسة احمر !!! دخل وعينه تدورها ،، وقلبه بدأ يرقع بقووة وهو يشوف ملامحها اللي عذبته لليال طوااااال .. قرب وهو يجلس على كرسي بعيد عنها .. حاول يتكلم : مبـ ـروك مارفعت عينها وظلت منزلتها وهي دايخة من الحياا .. تركهم الاب ووقف ورا الباب من برا .. رفعت حصة عينها وهي تسمع الباب يتسكر تتحسبه طلع .. لكنها انصدمت بجلوسه قدامها ونظراته المعلقة بها .. اشاحت بنظراتها لبعيد وفركت ايدها بتوتر .. قال بمحاولة انه يتكلم : كيفك حصة ؟ قالت بصوت خافت : الحمد لله .. ابتسم على نبرة صوتها النااعمة ، وتمنى لو يسمعها تتكلم بجملة اطول .. راودته فكرة سخيفة لكنه جازف ونفذها متحمس لفكرة إنه يسمع صوتها اكثر : تدرين إن .. احم .. إن هذي مو اول مرة نتقابل .. كانت ساكته تسمعه وحست إنه من توتره خبص بالحكي .. ولا معقولة يكونوا تقابلوا من قبل؟؟ ضحكت من داخلها على الفكرة .. قال وهو يحك راسه بابتسامة متوهقة : حتى كنتي .. لابسة أحمر ... ماجا على بالها ابد امكانية هاللي يحكي عنه .. وحست بضحكة تكبر بداخلها .. مو بس هي المتوترة..وشجعتها هالفكرة شوي ترفع راسها .. اول ما شاف عيونها تناظره خربها وكمل : و كنتي مفكرتني حد ثاني .. فتحت عينها بصدمة وهي شاكة .. بس ما اقتنعت ابد .. قال متفشل وهو مايدري ليش قال السالفة اصلا : آسف إني خوفتك يومها .. قامت من مكانها فجأة وهي تناظر فيه مصدومة : انت .. انت ... مع وقفتها بانت تقسيمات الفستان عليها وداخ على شكلها ... لكن ابتسامته اختفت لما وصل بنظراته لملامح وجهها الغاضبة .. كان متفاجىء منها ، ومن تحولها من الخجل المستميت للغضب الوااضح.. قالت وهي ترتجف : انت اللي كنت عند الكنب .. لما .. لما كنت ببيتكم ؟؟ رفع حاجبه متأثر وهو يلمح الدموع بعينها : إيه بس ... قاطعته ودموعها تنزل : اشلووووون .. اشلوون تسوي فيني كذاا ؟؟ حرام عليك !!! والله حرااام !!! قطعت قلبه لهجتها بالرغم من انه مو فاهم شي للحين .. كملت وهي تأشر بيدها بعد تصديق : كم مر علي وانا عايشة بوهم المرض ... وكم ليلة ماعرفت انام فيها من الخوف .. وبالاخير ...!! مسحت دموعها وهي تنتبه لنفسها وتتحرك باتجاه الباب .. كانت بتطلع ، لكنها التفتت عليه وهي تقول : مااا أبيييك .. أنا مستحيل اوافق عليك .. أبداًاااا ..أبدااااا .. أبداااااا .. وطلعت برا وهي تبكي من جديد .. شافها ابوها وهي طالعة وماأمداه يمسكها لانها طارت من قدامه .. دخل بسرعة لعند نايف اللي كان شارد بذهنه ويفكر كيف إنه ما جا على باله ولا مرة انها تأثرت بهالموقفين وكل تفكيره كان بتأثيرها عليه وبس .. ابوها اعتذر منه لما قال له نايف إنها كانت محرجة وطلعت بسرعة .. رجع للبيت وهو يعيد تفكير بكل الموقف اللي صار .. وطول الوقت وهو يسبسب على غباااءه اللي خلاه يفتح فمه وينطق عن هالموضوع بالذاات .. وفكر إنه لازم يعتذر منها بأسرع وقت .. . . دخلت غرفة خلود وسكرت عليها وهي تبكي من كل شي .. من فترة وهي كاتمة بقلبها واليوم تفجر كل شي مع معرفتها بالحقيقة التافهة بالنسبة لكل العذاب اللي عاشته .. هدت بعد فترة وهي تسترجع كلامها الغبي أمامه .. صحيح يستاهل بس بالرغم من كل شي احرااااج .. مسكت خدودها اللي صخنت من الاحراج وهي تتذكر جرأتها قدامه .. وتنهدت وهي تصمم على رأيها .. مع إنها تدري إن مابه جدوى لأن كل شي انتهى ومستحيل ابوها بيتراجع عن كلمته .. لكنها بتحاول تحل الموضوع عن طريقه هو أكيييد .. نامت بعدها على هالفكرة وماحست بشي حولها من التعب .. . . . . . ديما رقدت في غرفة مناير وحصة مع خالتها منى ، ومناير راحت تنام مع حصة .. كانت طول الوقت تتقلب ، وماسكة جوالها منتظرة اتصال فياض .. انتبهت لها منى وقامت تجلس بجنبها وهي تتأمل بوجهها الصافي .. منى بلطف : ديما .. وش فيك حبيبتي ؟؟ اعتدلت ديما وهي تحكي لخالتها عن شعورها الغريب .. هدأتها منى ونزلت تجيب لها عصير واجبرتها تشربه وهي تشوف شحوب وجهها بعد زوال المكياج من عليه .. سألتها عن اللي تحس فيه بالظبط وهي تبتسم ابتسامة لها معنى .. نامت بعدها منى وهي ترسم براسها على شي .. أما ديما فمانامت إلا بعد ما جاها اتصال فياض اللي طمنها على وصوله بالسلامة .. . . . . . . اليوم التالي .. العصــر .. لبست ديما عباتها لان فياض وصل وكان منتظرها تنزل .. سلمت على الكل واخذت شنطها ونزلت له بخطوات طايرة من الفرحة .. كان وده يستقبلها بأحضانه لكن طبعا ماكان ينفع بالشارع .... وطول الطريق وهو يعبر له عن اشتيااقه لها .. صارت مثل المااي والهواا بالنسبة له .. ما يقدر يتخلى عنها أبد أو يتخيل حياته بدونها ... ليلة وحدة بدونها صارت شي لا يطاااااق .. كان حاس بفرحتها وتوقع إنها مبسوطة هالكثر عشان عايض ..وأول ما وصلوا وطلعوا للجناح سحبها لحضنه ... فكت نقابها وساعدها تشيل عبايتها .. تركته يشيلهم وضحكت وهي تشوفه يرميهم على اقرب كنب .. ضمها له بحنان وقال بصوت هامس : وحشتيني .. قالت وهي تبعده بلطف : شوي شوي علي ... ناظرها باستنكار : لاا انتي فعلا غريبة .. من امس متغيرة .. اتسعت ابتسامتها وهي تقول : في فرق كبير من الامس واليوم .. قال يماشيها : آهاااا .. ممكن تشرحين لي موفاهم شي ..؟؟ ناظرت يده لثواني ومسكتها وهي تشده معها وتجلسه على الكنب .. جلست جنبه ولصقت فيه وهي مازالت ماسكة يده : احم .. بشرح لك .. امس تذكر لما كلمتك..؟كنت تعبانة شوي واليوم الصبح .. ممم .. خالتي اصرت علي اجرب شي .. و.. لف وجهها عليه وهو يشوف احمراره : ليش تلفين وتدورين ؟ ووش قصة التعب هذي؟؟ قالت وهي تأشر بيدها : صحيح تعبت شوي.. بس تعب حلو .. رفع حاجبه : تعب وحلو ؟! هزت راسها بإيه ، وهي تحاول تقولها له صريحة بس ماقدرت .. فكرت في مكان تخبي فيه وجهها وهي تنطقها ،، و قربت من صدره ودفنت وجهها فيه وهي تقول : أنا حــامل .. فتح عينه بصدمة ، ورفع وجهها له بسرعة .. تحولت صدمته لابتساااامة واااسعة ومسكها من كتوفها وهو يقول بصوت عاالي : احلفي ؟؟؟؟؟؟ قالت وهي تلمح قمة السعادة في عيونه : إلا إذا كان الجهاز مخترب .. مسك وجهها بين يدينه وهو مب عارف يتكلم من الفرحة :........ قومي نروح المستشفى .. لازم نتأكد .. وفعلا راحوا المستشفى وتأكد الخبر وكانت في الشهر الاول .. اول ما رجعوا البيت شالها طالع فيها الدرج الين باب غرفتهم .. لا هو ولا ديما كانوا مستوعبين ..ماكان عارف شلون يعبر عن فرحته ،، حجز على فرنسا عشان يقضون الاجازة فيها بمناسبة هالخبر السعيد ،، ومنها يزورون فابيان وسامي ويشيكون على احوالهم هناك .. وصار محور احاديثهم كلها عن الطفل القادم ، وتقريبا اشتروا له كل شي ممكن يحتاجه من هنا لثلاث سنين قدام ، وتجهزت الغرفة الثالثة له أفضل تجهيز .. . . . . . عايض وخلود ,, حياتهم كانت في البداية مستقرة ، لكن مع الوقت بدأت تظهر الاختلافات مابينهم كأي اثنين ،، عايض كان مثالي دائما ودقيق في كل شي ، أما خلود فعشوائية وماتدقق في كل شي مثله .. خلافات كثيرة ظهرت بينهم واختفت ، لكن مع كل خلاف يكتسبون معرفة جديدة وخصوصا خلود اللي بدت تحسن من اسلوبها ،، أما عايض فبالرغم من تذمره مع نفسه من هذا الاختلاف إلا إنه ماقدر ينكر إن حياته الهادئة الرتيمة تغيرت وصارت لها نكهة مختلفة بوجود خلود المرح فيها .. . . . نايف زار حصة لمرة ، وتقبلت هي هذي الزيارة بنية إنها تطلب منه يتخلى عنها ، لكنه عااااند طبعاً بعد ما رفضت إعتذاره وفاجئته بهالطلب السخيف .. ورفض رفض قاطع وهددها لو تكلمت في هالموضوع مرة ثانية .. استسلمت للامر الواقع ، وبما إن العرس كان قدامه شهور طويلة ، فبهالفترة بدأ غضبها منه يقل تدريجيا ... . . . نواف شاد حيلته بدراسته ،، ونفس الشي سلمى .. ما بين زن أمها عليها طول الوقت ، والمواقف الحياتية المختلفة اللي تمر فيها ،، لكنها ظلت ثابتة ،، ولقت صحبة طيبة تعينها في مسيرتهاا .. اخيراً كانوا الاثنين مترقبين للاجازة الكبرى ، لأن نواف بيسافر فيها عشان زواج نايف .. ومع انهم عارفين إنهم مارح يتلاقون لكن مجرد فكرة اقترابهم من بعض كانت محمسة الاثنين ... . . . . . ديما وجود خلود بقربها كان حدث جديد في حياتها وتغير لروتينها اللي صار ممل خصوصا مع الحمل .. وصاروا يتبادلون الزيارات كثيير .. ومرت الايام بهدوء ، وكل يوم عن الثاني يزداد شوقها هي وفياض لاستقبال الطفل المنتظر ،، مو مصدقة إنها بعد شهور بسيطة راح تصير أم .. حلم ثاني من أحلامها بيتحقق ، بعد ما ظنت مرة من المرات إنه اندفن تحت طياات المستحيل .. . . . . . . يتبع بقي القليل .. انتظروني.. |
. . . بعد سنة . . . ام سلمى اول ماعرفت إن نواف موجود في السعودية صممت توصل له ،،خصوصا بعد ما واحد من اقاربها اللي تعزهم اعترف لها إنه كان خاطره في بنتها ،، وحست بإنها مقهوورة من نوااف كثيير ومن تعلق سلمى فيه .. وبالفعل وصلت لرقم تليفونه وطلبت منه يترك سلمى وأوهمته إن سلمى تغيرت وإنها قاعدة تفكر تتراجع وتفسخ الخطوبة .. نواف كان مصدوم من كلام ام سلمى واستأذن وليد في إنه يتواصل مع سلمى .. واتفق على إنه بيزورهم وبيطلب يتكلم معها .. وبالفعل زارها بدون موعد مسبق بعد ما تأكد إن أمها بعيد عنها .. طبعا سلمى اول مادرت إن نواف ببيتهم كانت بتجن من الفرحة من إنها أخيراً بتشوفه بعد هالمدة الطويييلة ... لكن ما أمدا فرحتها تكتمل لما قابلها ،، إلا وهومفاجئها بكلامه ، أخبرها فوراً بإن لها كامل الحرية في إنها تختار اللي يريحها ... لكنها عصبت لأقصى درجة لانها كانت تظن بنفس الوقت إنه هو اللي غير رأيه ويبي يتركها .. قال كلامه ووقف بنيته يتركها ويمشي ، لكنها استوقفته بوقوفها المفاجىء .. وصراخها عليه : أكرهـــك !!! بعد كل هالوقت اللي انتظرتك فيه تجي تقول هالكلمتين وتمشي ؟؟؟؟ عموماً أنا برتاح أكيد وأنا عارفة إنك كنت اول من غير رأيه .......... وإييييه .. لا تروح ... في غرض عندي لك .. لازم تسترجعه قبل ما تروح .. ومابيظل لك عندي شي ابددا ..ابدااا ... تفهم ؟؟؟ رفع حاجبه مستغرب من عصبيتها وصراخها و دموعها اللي نزلت وهي طالعة من المكان وحاولت تخبيها بحجابها .. جلس على الكرسي وهو يفكر بموقفها الحين ،،، وبكلام امها .. معقولة تكون ضاحكة عليه ، وإن سلمى الحين صارت تظن إنه هو اللي أخلف وعده ؟؟ ومع فهمه لكل شيء ، وقف بسرعة وهو مصدووم .. وصار يتحرك في الغرفة بتوتر مو عارف إذا بتنزل مرة ثانية له او لا .. ضروري يفهمها كل شي ... !! وجاته الفكرة .. وسحب على طول ورقة وقلم من المكتبة اللي كانت قدامه .. وبدأ يكتب لها رسالة يوضح لها كل شي فيها .. دخلت فجأة عليه ورمت له علبة الطقم اللي اهداه لها .. وكانت بتلف وتطلع لولا انه استوقفها : سلمى .. ناظرت بالورقة اللي يكتب فيها ببرود .. قال وهو يمد لها الورقة : انتي فهمتيني غلط .. اقري هذي وبتفهمين .. اخذتها منه وطلعت .. اما هو فطلع من البيت وهو يتصل على وليد ويشرح له اللي صار .. وقال بعدها بجدية : وليد ...إن ربي أحيانا .. بالاجازة الجاية.. أبي أملك على سلمى !! . . . قرت الورقة ودمعت عينها وهي تضحك .. فرحانة لأنها فهمت غلط ،، لكن لما تذكرت امها واللي سوته عبست .. رجعت تقرا اخر سطر كاتبه وهي تبتسم .. " وياويلك إن ماوافقتي تكون ملكتنا بالاجازة الجاية ...." . . . . . . دخل للشقة وألقى السلام وهو يدورها بعينه .. واول ما سمعت صوته راحت له .. تأملها وهي في فستانها البيتي الاخضر .. وقرب وهو يقرصها مع انفها : موقلت لك اليوم البسي احمر .. رفعت عينها بملل : يكفييي احمر .. حرام عليك كرهتني في هاللون ..!! قال : انتي جبتيه لنفسك من اول مالبستيه هذاك اليوم ... قالت وهي تزفر: لو كنت ادري ماكان فكرت البسه بحياتي أبد ..... التفت عليها وهو معصب : وش قلتي ؟؟ خوفته نظرتها و قالت بابتسامة مهدئة: مو قصدي ... مسكها من كتوفها ومشاها قدامه للغرفة وهو يقول بعصبية مصطنعة: لو ماكان لبستيه بحياتك ابد .. ماكنا تزوجنا .. هذا قصدك ؟؟ هزت راسه بلا : انت عارف مو هذا قصدي .. قال وهو يوقفها قدام الدولاب : ما اعرف شي .. وفتحه وهو يطلع لها قميص على مزاجه .. ومده لها بدون ما يحكي.. اخذته منه وهي تبتسم بصبر: حاااضر .. حاااضر ..حاااضر .. ماقدر يتصنع اكثر وابتسم .. واول ما رفعت عينها له كشر بسرعة .. ضحكت عليه يعني إنها فاهمه لعبه عليها .. وابتعدت وبيدها الفستان .. شدها يرجعها مكانها ودفها قدامه على الدولاب وهو يقول في اذنها: فديييت الضحكة أنا .. . . . . . حط راسه على المكتب قدامه وصدااع مزعج يتردد فيها .. رن جواله ورد عليه بآلية : آلووو.. وصله صوت ديما : هلا حبيبي .. وينك تأخرت اليوم ؟؟ قال وهو يمسح على راسه : نامت ؟؟ ضحكت وهي تقول : إيه .. الأمن مستتب .. يالله تعال .. لا تقول توك بالشغل ؟؟ ابتسم وهو ينزل درجات السلم : أنا في الطريق .. وصل للبيت اللي من بعد زواج نايف وانتقاله منه وهو فاضي عليهم .. دخل وشاف ديما تمشي بعجل باتجاه إحدى الغرف اللي صدر منها صوت بكاااء الطفلة .. تنهد وهو يكلم نفسه : بديينااا !!!! دخل وراها وشافها وهي تحملها من السرير وتهزها شوي عشان تسكت .. مد يده لديما عشان تعطيه اياها ..لكنها ناظرته بشك ومارضت ... اخذها منها بصعوبة ووقفت وهي متكتفة تناظر وش بيسوي في البنت.. نزلها فياض عالسرير وبدأ يكلمها بصوت عالي : ترااك زودتيها ومصختيييها يابنت النااس.. لما اقول لك تستكتيين تسكتيين على طوول فاااهمة ؟؟ يكفيني امس مانمت بسبتك ،، ماااصااارت هذي!!! دفته ديما بعيد عنها وهي تشوف البنت انفجرت من البكااا وكأنها فهمت إن أبوها قاعد يهزأها .. قالت له وهي تاخذها بحضنها : حرااام عليك ياشريير .. شف كيف تأثرت ....؟؟ ظل ساكت شوي وماقدر بالاخير يستحمل صوت بكائها .. حن عليها وقام ياخذها من ديما ويحطها بحضنه .. جلست ديما بجنبه عالكنب وهي تناظره وهو يحاول يراضيها .. وابتسمت وهي تشوفها اخييييراً تسكت .. التفت عليها بابتسامة : ما اصدق .. سكتت !!! اسندت راسها على ذراعه وهي تقول : طالعة بكاااية .. ناظرها بنص عيين : على ميين ما أدري !! اعتدلت وهي تقول باستنكار : ياسلاام .. وش قصدك ؟؟ قال بثقة وهو يناظر بنته : عليك طبعاً .. ابتسمت باستنكار وسكتت وهي تاخذها منه .. قال وهو يطبع قبلة على خدها ويقوم : فكي هالتكشيرة .. اصلا ياريتها تطلع عليك .. قالت وهي تتبعه : وين رايح ؟؟مابتتغدا ؟؟ قال وهو يفرد اذرعته بتعب : مو الحين ... بروح انام شوي فووق وفي الدور الثالث تحسباً لو بكت مرة ثانية .. ضحكت وهي تتبعه بانظارها وهو يصعد لفوق .. والتفتت على بنتها وهي تحضنها بحب .. . . . . . . . النهــــــــــــــايــة . . . مرحبااً جميعاااً بصراحة كانت ببالي مخططات كثيرة للنهاية مثل إني أخصص إهداء لكل متابعة لكن والله إن ظروفي وضيق وقتي ما يسمحون أبد .. ياليت تقدرون هالشي وتثقون إني جداً أعزكم كل وحدة فيكم لها في قلبي حيز ومكاانة .. وخصوصا المتابعات المتواصلات على الدوام معي .. ما أبي أذكر أحد وأنسى أحد .. أبي من أعمااقي أشكركم جميعاً على الدعم المتواصل ..واللي فعلاً يمكن ما أستحقه مقابل تقصيري معكم وتواااضع القصة .. لكنكم أهل ليلاس فعلاً أثبتوا إنكم أهل للعطاااء والثقة ..ومن كل النواحي ..بوركتم وربي يزيدكم من فضله .. سامحوني إذا بيوم قصرت إو جرحت أحد منكم .. طبعا غير التأخيرااااااات المتواصلة والانقطاعات اللي صارت ، هذي لحالها مالي وجه اطلبكم تسامحووني عليها .. في ثلاثة أشياء أبي أقولكم إياها في هالمناسبة .. أولها سبب كتابتي للقصة .. لاني قد وعدت بإني بقوله .. كل الحكااية إن فكرة القصة استنبطتها من قصة واقعية ، لكني غيرت من قصتي في المنتصف تقريبا تجنباً للمآآسي .. وعموماً أنا لما بديت فيها كان الغرض فقط تقضية وقت في شيء أحبه وأستمتع فيه ، لكني بدأت أشعر بالتزامي نحوها لما تعمقت فيها .. لكن عموما أنا ما تعمدت أتكلف بالاسلوب ابد وكتبت بالظبط ماكان يخطر على بالي .. فلا تحسبون علي الاسلوب او اللهجة او اختيار الكلمات لاني ماتعنيت في هالامور .. أما بالنسبة للشي الثاني .. وهو بالنسبة للشعر الحر في بداية القصة ، هي خربووشة كتبتها يوماً ، وتفاجأت لما اختي قالت لي انها تكلمت مع وحدة ناشرتها بالمنتديات باسمها ومدعية بإنها لها .. عموما أنا ماحب انقل شعر بدون اسم كاتبته .. فحبيت أنوه على هالامر عشان محد يفكر إني أنا اللي ناقلتها منها .. وهي الله يسامحها خليها تاخذها وتنبسط فيها لانها مارح تضرني بشي .. اما اخر شي بقولكم عنه .. فبعطيكم اسم قصتي الجديدة ... مدري إذا انتو راح تكونون متحمسين تتابعونها أو لا .. بس أتمنى فعلاً إنها تكون بنفس قوة شيء من الاحزان وأكثر .. بكل الاحوال ماظن راح أطرحها قريب إلا لما تكتمل فكرتها .. عنوانها ..." غداً تشرق الشمس..! " أتمنى ألقاكم فيها على خير . . . لن أقول ودااعاً بل إلى اللقاء ... إلى اللقاء أحبتي .. . . أختكم المخلصة ضجة الصمت .. |
قبل ما أحد يرد =)
. . رد خـــــاص للغالية جداً جداً جداً على قلبي شموخ الصــــمت طبعا دعمها يفوق أي دعم وصلني حتى الآآن لانه كان وجهاً لوجه ... هي أختي وصديقتي الغالية فلها مني كل الشكر والتقدير والحب والامتنان الله لا يحرمني منها ياااارب اللي يقرآآ يقول آآمين =) |
السلام عليكم
ضجة الصمت اسم دائما أقف عنده كثيراا مبدعة للغاية يا الغالية والله ابداع فوق الحد مبرووك عليك اتام قصتك وأن شاء الله تكون هالقصة بداية لمشوار نجاح وتقدم وتميز مستمر ... ما حبيت أخرج قبل أن أضع ردي حتى لو كان بكلمات قليلة غير مرتبة بس الأكيد ان لي عودة بالتعليق ..بس حبيت ابارك .. وتراني الحين أكتب والله لا يوريك يعني لو لقيتي حرف طاير والا ثاني زايد لا تشرهين علي و حطي لي عذر .. المحبة لك .. زوزو اي صح نسيت ... فيس رافع يده ويقول آآآآآآآآآمين ربي ما يحرمك من الي تحبيهم يا رب |
يعطيك الف الف الف عافيه ضجوووي
وننتظرك في روايتك الجديده بكل شووق << وطلب صريييح جداً ماتنزلين بارت الاول الاول الا ثلاث ارباعها كامله وفي ثلاث اماكن مختلفه عشان ماتضيع عليك وكانت روايه جديده بفكرتها واستمتعنااا فيها جــ,ــ,ــودي |
روااايه قمه في الرووووعه ;)وننتظر جديدك .....شكرااااا
|
السلام عليكم ورحمه الله وبركاته
الي الأخت الغاليه .ضجة الصمت أهنيك وأبارك لك على هل الروايه الرررائعه جدا ً جدا ًً جدا ً لقد أستمتعت بكل كلمه كتبتها وستشعرعت عذوبه وحلاوة المواقف فيها لانها ببساطه روايه رقيق و سهله تدخل القلب بسروعه فلقد وصلتي الي قمة الأبداع ببساطة التعبير وهذا أن دل فأنه يدل على رقة مشاعرك وأحساسك العذب غاليتي ضجة الصمت شكرا ً لك على وقتك ووجهدك وفكرك وقلمك وأتمنى لك دووام التوفيق والنجاح . . . . . ملاحظه : لقد أنتظرت أسبوعان على نهايه القصة وحملت مع هل الأسبوعان كل الأثارة والتشويق لمعرفه أحداث النهايه وما ستحمله من مشاعر ومواقف رائعة مثل قصتك الرائعه التي عندما عودت وقرأتها مرة أخرى لم أمل منها أبدا بل زاد أستمتاعي أكثر وتشويقي للأحداث وكأني أقرأء روايه جديدة .. لكن النهايه لم تصل الي روعه الروايه لاأدري لم أحس بلأستمتاع بسرعة سرد الأحداث ... برغم من أن الفكرة كانت رائعه بأن تجعلي النهايه بها أثرة وتشويق وترقب مع ماحدث للفياض ...أعتذر عن صراحتي لكن كنت على أستعداد الأنتظار أكثر من شهر على أمل ين تكون النهايه بروعه الروايه كلها ولا أقول أن النهايه بايخه لا تفهمون غلط ... لو أحد سألني وش أفضل روايه قريتها لن أتردد بختيار هذه الروايه لما فيها من سهوله وحب ومشاعر فياضه وأحزااان لكن النهايه لم تصل الي جودة الروايه ومضمونها الحقيقي .. تصدقين أختي ضجه بين كل ص سطر وسطر أتوقعت تصدمينا بلأحداث وقلت أكيد راح تحقق أمنيتي .. عذارأ على التطويل أشكرك من كل قلبي على هل الروايه الرائعه أبداع أبداع أبداع أبداع أبداع أبداع أبداع أبداع أختك 2188 |
الف الف مبروك عليكي نهايه الروايه جد روايه بمشاعر صادقه الله يعطيكي الف عافيه حبيبتي |
روايه رائعه انتظرك بشوق مبدعه ضجو لك تقديري |
وانتهت "شيء من الأحزان" عنوان كان من أفضل العناوين التي اُختيرت لقصة
وسيليه عنوان آخر أكثر إشراقا سننتظره بشوق "غدا تشرق الشمس" غاليتي "ضجة الصمت" أعلم أني قصرت كثيرا في حقك وحق روايتك ولكن معك لا أخشى العتب.. لأني أعلم يقينا أنك تعلمين يقينا قربك الدافئ من قلبي وهكذا هي ضجة الصمت دائما : قريبة ودافئة ولطالما ثرثرت أن مايجمعني بضجة هو أكثر بكثير من مجرد تواصل قصصي فعلاقتي بضجة خاصة جدا صداقة ونبض متبادل وأفكار مشتركة انتهت شيء من الأحزان ورسى كل من ديمة وفياض على بر الأمان ومما يلفت فعلا في مسار الرواية: المنطقية في الأحداث فمعاناة ديمة بقيت حاجزا بينها وبين فياض احتاج وقتا طويلا لتقويض دعائمه حتى يصلان في النهاية إلى هذا الصلح المنطقي الجميل ألف مبروك غاليتي ضجة على انتهاء روايتك الرائعة وسننتظر روايتك الجديدة بكل شوق ولكن غاليتي لا تستعجلي في التنزيل حتى تكتبي عددا مناسبا من الأجزاء وتقومي بمراجعتها بدقة لان العمل ثاني معناه دائما الإستفادة من تجربة العمل الأول وحتى لا تعاني من الضغط الذي قد يجبرك على إنزال أجزاء أنت غير مقتنعة بها للمرة الثانية والثالثة والألف ألف مبروك ختام الرواية وأدعو الله عز وجل أن يوفقك في الحياة والدراسة والعمل ويكتب لك السعادة في الدارين أختك أنفاس . . . |
زوزو .. نورتي غاليتي والله يبارك في ايااامك يارب وانا بانتظارك بشوق . . . جووودي حياك غلآي .. مع إني تمنيت رأي موسع منك بالذات =) مشكوورة وماقصرتي في المتابعة والتواصل الله يعطيك الف عافية وبالنسبة لأي جديد فأكيد أنا تعلمت الدرس والتأخيرات اللي صارت إن شاء الله لازم أتلافاها في أي قادم .. مشكوورة على النصيحة اللي فعلا ممكن الواحد يغفل عنها .. الله يجزيك خير غاليتي . . ريماس 2007 حيااك عزيزتي وشكرا على رأيك اللطيف بالرواية . . . يتبع |
*rim*
الغالية ريم مرحباا بك مليووون يالغالية ورأيك أنا معك فيه وأأيدك ولو تصدقين .. كنت متوقعته ! النهاية حيرتني كثير ، لأني ماكنت أبي القصة تمتد ومقدر اسيطر عالاحداث ، وبنفس الوقت خفت أنهيها وأستعجل .. فكنت حاسة في شي من الاثنين بيصير .. =) عموما أتوقع إني بالاخير نزلتها وانا راضية عنها ولو مو بالكامل لأن ضيق وقتي بعد كذا كان بيخليني أتأخر عليكم أكثر وأكثر وهذا للي ما كنت أبيه .. وبعدين أتوقع إنكم بس تعودتوا على الاحداث المختلفة من جزء لجزء فعشان كذا يمكن هدوء النهاية كان مختلف ولأن الاحداث كلها جات ورا بعضها ... ما أدري .. بس أنتظر الآراء الثانية عشان أستفيد أكثر وأقدر أحدد وين العلة بالظبط .. بس والله إن رأيك اسعدني كثيير ما تتخيلي .. مو حلو أبداً تكون الردود كلها على وتيرة وحدة .. مشكوورة وروووعة و....الخ .. وين الاستفادة أجل ؟ أشكرك على رأيك الصادق وحضورك الأروع .. امتناني البالغ لكِ عزيزتي .. يحفظك ربي |
eng_saleh
الله يبارك فيك غاليتي ومشكوورة على متابعتك وحضورك المتواصلة . . . جومايما حضورك الاروع عزيزتي الله يعطيك العافية ومشكوورة . . . |
أنفــاس قطر
يا مرحبااا مليووووون ومااا يسدون حضورك وحده هذا الصبااح كان مفاجأة جميــلة ومبهجة أكثر مما تتصوري شكراً بلاا حدود على حضورك وكلماتك العذبة عني وأبداً ما منك أي قصوور غاليتي .. المفروض أنا أطلبك تسامحيني على تقصيري البالغ معك.. وأنتِ بعد والله لك مكانة مميزة تماثل مكانة الاخت في قلبي وتعرفين غلااتك عندي كيف عظيمة .. . . الرواية ... ضرب من الخيااال الذي توسّع ... لمن لا يصدق أن علاقة كهذه سترسو بين ديما وفياض .. لا يهمني ففي القصص كل شي ممكن .. وبالنسبة للعمل الثاني ، فصدقتِ .. ما رح أستعجل فيه بإذن الله .. أنا فقط تحمست للعنوان =) وإن شاء الله أنا ناوية ما أبدأ فيه إلا بعد فترة طويييـــلة .. الله يبارك لك في اياامك ويسعدك أختي الغاالية والحبيبة أنفاس .. صدقاً وجودك بالقرب يضفي نكهة مختلفة ويلف أرواحنا ببهجة طويــلة .. لا حرمتكِ غاليتي وفقك الإله ورعاكِ وحفظك لأحبابكِ |
السلام عليكم ورحمة الله وبركاته
مبارك عليكي انتهاءك من رائعتك الاولى وان شاء الله من متابعات الرائعة الثانية ..... ومن تقدم لاخر .... ان شاء الله ....... انتهت رواياتك نهاية سعيدة على كافة الاصعدة .... بعد ان امتعتينا بادب راقي ... وكلمة معبرة .... واحداث مشوقة وممتعة .... نشكرك يا احلى ضجة في المنتدى ..... وسننتظر بداية الرواية الجديدة .... همسة صغيرة .... خذي اجازة من الكاتبة المبدعة ضجة وعيشي بعيدا عن عالم الاحلام ..... ولكن لاتطولين يعني ساعة ساعتين لا اكثر ... ثم عودي الينا بالرواية الجديدة .... لاننا سننتظرها على احر من الجمر ...... دومتي لنا ودامت لكي موهبتك وجزاكي الله عنا خير الجزاء ...... |
ضجة الصمت ألف مبروك لك ولنا نهاية الرواية أمتعتينا وجعلتينا نبحر معاك بعالم الروايه المليئ بالراحة والهدوء والسكينه بارك الله فيك -------وناطرين روايتك الجديدة بشووووووووووق تقبلي مروري سارونه الحلوه من الكويت:flowers2: |
قصة رائعة :55::55::55::55::flowers2: |
|
السلااااام عليكم..
ضجووووووووو الف الف الف مبروك على نهاايه القصه.. الرووعه شخصياا معجبتني نهاايتها جداا جدااا وحبيتها كثييييييير. والف الف الف مليااااار شكر على الاهدااااء تفاجأت فيه مررررره بس تبين الصدق فرحت فيه مره مره مررررررره.. وصحيح انتس عوضتيني يااقلبي.. وتتسااهلين كل خير يااقلبي.. ولوولا انتس كنتي كااتبه تبي ترتقى للافضل ما اهتمتي باي نقد ولا أي توجيه..لكن يستااهل الناموس اللي تعب فيه>> فيس يقول شكلتس مضيعه طريق شاعر المليون..هخهخهخه لما اتذكر اوووووووووول القصه ونهاايتها يلفت انتبااهي التطوور الكبيييييييير اللي صار فيها وبعد ماكانت مقصووره على شخصين هم ديما وفياض دخلوا الابطال الثانين بشكل طبيعي وبدون حشوو فيها. حبيت العلاقه اللي وصلوا لها ديما وفياض وحبيت التطور الكبير اللي حصل في مشااعرهم..مع ان بداايتهم ابد ماكانت مريحه..الف الف مبرووك البنوته الحلووه..بس تعالوا ماقلتو اسمها>>فيس يقوول وش هالدقه اللي انتي فيها؟؟؟هخهخهخ نايف وحصه: الله يعينها يااااااارب كله احمر باحمر والله العيشه الحمراء اللي هي فيها ومااتنعطى وجه يانايف خف على الحرمه وش فيها ذاا لبست الاخضر تراه لون علمنا..هخهخهخهخهخه بس احلى موقف لهم وهو يشوفوها ويقول ترى مو اوول مره نتقابل..ههههههههههههههههه احس انه مبدل مو ناايف الرزين العاقل .. نواف وسلمى : انا وااثقه ان ام سلمى بتنكد عليهم عيشتهم بس هم بيتجاوزوون هالتدخلات منها>>فيس يقوول هيييييه انتي ترى القصه خلصت..هخهخهخه عايض وخلود: تدرين عاد ياا ضجوو بلحظه من اللحظات لما خلود رفضت تغير السي دي وتقوول ان عايض يبي يبدأ يتحكم فيها وقامت تتذكر كلام صديقاتها؟؟ تووقعت انه بيكون بينهم طلااااااااق وبيتزوج هذيك البنت اللي باوول القصه شافها بالطياااره وكانت متملكه وبعدين توفى زوجها... ضجووو والله بنشتااق للجميع هنا .. حبيناهم مررررره مررررره .. وحبينا التطوور اللي وصلوا له في حياتهم وكيف وصلوا لنقطه يتفاهمون عندها ويمشي مشوار حياتهم منها.. مثل ماقلت تطوورت القصه تطوور كبير واللي يقرأها وهي مكتمله بيكون عنده وضووح في التطوور اللي وصلت فيه والتغير اللي حصل من اوول القصه لنهايتها.. امتعتينا فيها ضجوو وبانتظااااار القصه القاادمه اذاا الله احيانا ومن الحين اقوولتس تراني عجزت مقعد فيها.. وتستااهلين كل التشجيع والحماس والدعايه اللي سويناها للقصه.. ومره ثانيه الف شكر على الاهدااااء وبالنياابه عن حبيبة قلبي اقدار اقوولتس تستحقين الافضل دائما.. بانتظااار انتاجتس الجديده ( غدا تشرق الشمس.) وكلي ثقه من الحين انها بتكوون اروع واجمل من( شيء من الاحزان) اللي كان عنواانها سبب في دخولي لها من شدة اعجابي فيه.. دمتي بكل الود ضجوو وخلينا نشووفتس داائما بين خواتس واللي يحبونتس في ليلاااس.. والله يسلم ايدينتس عن النار اللي كتبت لنا هالقصه الراائعه واللي تدل على احتراامتس الكبيييير للقراء بدون تجاوز للحدود. |
نتشوق لمعرفة النهايه ولكن عند النهايه نحزن لفراق من عشنا معهم ايام وتعلقنا فيهم كانت اكثر من راااائعه غيرت فينا اشياء ومفاهيم كثيره روايه تختلف عن غيره
الله يعطيك العافيه وبنتظار الروايه الجديده بفارغ الصبر |
السلام عليكم ..
ألف ..ألف ..ألف ...مبروووووووووووووووووووووووك .. ضجووي النهاايه السعيده .. اللي ختمتي فيها شيئ من الاحزاان .. قصه في منتهى العذووبه والرقه ..كـ كاتبتها .. بأنتظااار..ضجة الصمت .. في .. ( غدآ تشرق الشمس ..) كل الحب والتقدير اهديه لروحك الطيبه .. |
اميرتي ضجه يا نهايات البداية هُنا في أعماق قلبي المتلهف لنبض تلك الاحرف أفكار تأتي وتذهب .... وأحاسيس...قد تخون في وصف هذا الابداع يتملكنــي في هذه اللحظه إحـسـاس جـعـلني وابصم على صدق النهايه وإحـسـاس آخرى لحـب....كاتبة متميزه حملتنا حروفها لان نريد المزيد المزيد .. أبحرت بنا فى بحور من المشاعر و ايضا حقائق من الواقع يغلفها شئ من الرومانسية فأندمجنا معها و تعايشنا مع أبطالها و تجاوبت أحساسينا معهم و هذا الابداع ليس بغريب على أناملك أو فكرك ضجة ... لا اعرف كيف اصف احساسي ضجه فالحروف دائماً في وصف النهايات شحيحه ما أتمناه أخيراً أن يجعل ربي خطواتك مكللة بالنجاح و التوفيق أختك .. غـــ س ـــق |
ضجة
الف الف الف الف مبرووووك نهاية رائعتك فديتج<< فيس مستانس نهاية رائعه.. مع ان البداية عورت قلبي<< فيس عايش الدور نتريا يديدج فديتج ومبرووووووووووووووووووووووك<< الفيس بوو ورود |
السلام عليكم
الله يعطيك العافيه ضجه الصمت على نهايتك الرائعه اعجبتني النهايه بشكل كبير لان بصراحه اكره النهايات المفتوحه والحزينه انتظر جديدك بكل شوق الله يوفقك يارب |
. . . . . . . . . . . فقط .. أنني عآآجزه عن كلمة أصف بها ما بداخلي .. سعيده .. لنهآآية رآآئعة توجتِ بها {{ شيء من الأحزآآن }} .. وحزينه .. لأنني سوف أفتقد مشآآعرك الدآآفئه بين حنآيآ سطورك التي كانت تلامس شيئا ما في قلوبنا جميعاً وتملأه حباً ودفئاً .. فتأخذنا إلى عالم آخر .. أسطوري .. كنت أنتِ أروع من أبدع في جماله .. و ( ضجة الصمت ) روحا طيبه قبل أن يكون اسماً مستعاراً سيظل راسخاً بقلبي قبل عقلي .. فلك مني أسمى آيات الشكر والتقدير سأفتقدك .. ولكن .. إلى أجل مسمى !! ان شاء الله *ــ^ سلمت أناملك المبدعه يا راقيه .. وأتمنى لك مزيد من التفوق والتقدم .. :friends: وأنا بانتظار جديدك المشوق .. لا تطولين علينا *ــ^ أستودعك الله الذي لا تضيع ودائعه .. ودمتي كما تحبين :flowers2: أختك : أسوار الماضي .. |
Emomsa
سلمتِ يا غالية على مباركتك وعلى حضورك الذي لن أنسى روعته أنا من تشكرك من أعماااقها .. وسيشرفني حضورك في أي جديد .. لا حرمت منكِ أختي الغالية .. وتمنياتي لكِ بالتوفيق والسداد . . . سارونة الحلوة جزيت الخير عزيزتي على تواجدك ومباركتك أسعدني رأيك للغاية ،، بوركتِ ووفقك الرحمن . . . noreye ali الأروع هي بصمتك التي تركتيها جزيت الخير عزيزتي . . . |
زارا الله يبارك في حيااتك غاليتي أسعدني رأيك بالنهاية جداً ،، مع إني عارفة إنها ماكانت بالجودة اللي أتمناها ، واللي تليق بمتابعتكم ! وصحيح كلامك عن الاسلوب بالبداية وبالاخيير ،، ومثل ما قلت بالبداية كنت مجرد هاوية مقصدها متعة التأليف فقط لا غير ... وان شاء الله باخذ كامل وقتي للاستعداد للعمل الثاني متمنية إنه يكون أكثر جدية وإتقاناً واكتمالاً من الأول .. غاليتي زارا ... شكري وامتناني لكِ على تواصلك وعلى كل الدعم الذي قدمتيه حتى الآآن .. جزاك الله كل خير وسدد خطاكِ .. . . . |
سحر الحلال
تسلمين يالغااالية على حضورك وكلماتك العذبة وأنا الاكثر تأثراً بهذا الفراق ..لكن أملنا في أن يتجدد اللقاء بإذن الله مشكووورة والله يجازيك كل خير . . . شبيهة القمر الله يبااااااارك فيك أختي الغاالية ممتنة لمتابعتك الراقية ولحضورك ومباركتك بعد النهاية جزاك الله خير عني ... ودمتِ بكل الحب . . . يتبع |
غســق
دائماً ما كنت أقف على كلماتك أعيد قرائتها مرة تلو الاخرى لشدة تأثري بجمالها ورقتها أختي الغالية غسق ..إذا كان لنا بالابداع نصيب فأنتِ حتماً مبدعة وأكثر .. من عمق فؤادي اهديكِ كل الشكر والامتنان على متابعتك وإعجابك بمتواضعتي .. جزيت كل الخيرِ . . . بوح قلم بارك الرحمن ايامك غاليتي أنا كنت الاسعد بمتابعتك وردودك المرحة مازالت عالقة بذهني ، لن أنسى أبداً استمتاعي بقراءتها واندماجي معها من الاعماااق أشكركِ،، جزيت كل الخير . . . |
نوف بنت نايف
شكراً لكِ أختي الغالية على حضورك أسعدني رأيك بالنهاية ، وكماا ابتدأت بشيء من الاحزان حبذت الانتهاء بكثير من الفرح امتناني لمتابعتك القيمة وحضورك وفقك الرحمن . . . أسوار الماضي أســوار العذبة .. مشاعرك الدافئة لامست أعمااقي بصدق .. ودائمًا ماكان حضورك يدخل على قلبي بهجةً مختلفة ردودك في قصتي كنز ثمين أفتخر به ،، ووجودك متابعة فيها هو من محاسن حظي بلا شك فلكم أنا ممتنة لكِ جزاك الله كل خير |
. . . جزيتم الخير على حضوركم الذي أغرق روحي بالسعادة ومازلت بانتظار البقية الغواالي ...... . . . |
انهيكِ القصة الرائعه جداً
حقيقة استمتعت جداً وان اقرأ النهاية الله يعطيكِ العافيه أختي ذكرتي ان القصة واقعية ( قصة فياض وديمة انتي رسمتي لها نهاية سعيدة صحيح ؟ ) أناوالله عندي فضول كبير أعرف القصة الحقيقة لهم |
al7eeloh
يامرحبا غاليتي شكراً لتهنئتك العذبة وسعيدة لاعجابك بالقصة والنهاية بالنسبة للقصة الواقعية أنا بالفعل كنت راح أحكيها لكن بعد النهاية شفت إنه من غير المناسب إني أحكيها ، لعدة أسباب .. القصة باختصار ... (تبدأ بنفس المأساة ، شاب عاش كل أنواع الضياع ، ضياع يشمل به عائلة ابنة عمته ، ....وتنتهي بمأساة أعظم ... بعد زواجه من ابنة العم لمدة عامين ...) كانت تكرهه في البداية ولكنها بعد ذلك أحبته بالرغم من كل ما ارتكبه في حقها، وذلك في فترة حاول فيها الرجوع والرأفة بها قليلا .... ثم عاد لما كان عليه ، فصبرت على كل ما أذاقها من عذاب كان من ضمنه أن مات ابنها الرضيع بسببه.. في النهاية عندما يتسبب بمرضها ،، يعود إليها تائباً لكن بعد فوات الأوان وبالتحديد في ساعات احتضارها الاخيرة .. تقول كانت الفتاة سعيدة بتوبته حتى في تلك اللحظات ،أما هو فكأن فقدها كان الضربة القاصمة التي أعادته لوعيه .. هكذا كما حكتها لي قريبتي وتقول بأن صديقة ثقة حكتها لها .. بالنسبة فيما لو كانت سراً أو ماشابه فهي قد سمحت بنقلها لأخذ العبرة .. وعموماً لم أفعل سوى اقتباس الافكار .. . . |
آه ...ما أروعك وما أجملك ..
أه ياضجة لكم فتنتنى رائعتك (شئ من الأحزان ) آه ..فراق طلتك وقلمك صعب على جدا مبروك من أعماق قلب أختك (ألما)على النهاية الرائعة للرواية وأسأل الله أن يجمعنا فى جناتة أجمعين أختك المحبة لك |
السلاام عليكم ورحمه الله وبركاااته أهنيك أختي الغااليه على هذي القصه الأكثر من روعه وإلى الامام دوما وداائما وننتظر جديدك غاليتي Noode-179 |
ألف ألف ألف مبروك اختي ضجة الصمت
لنهاية قصتك الرائعة وان شاء الله نراك معنا مرة اخرى في ابداعك الجديد المنتظر انا احب النهايات السعيدة اختي لي فضول اختي ضجة الصمت انت ذكرت لنا من اول القصة ان قصة ديمة حقيقية وحدثت بالفعل لكن في نهاية الرواية ذكرت انك غيرت في احداثها حتى لا تظل حزينة بأستمرار فهل معنى ذلك ان بطلة روايتك الحقيقية لم تسعد في حياتها بعد ما حدث لها ولم تستطع الحياة بأستقرار وشكرا لك اخت ضجة |
اه اخت ضجة انا لم ارى ردك الي شرحت فيه القصة الحقيقية
الا الان بعد كتابتي الرد يا الله انتهت القصة الحقيقية نهاية صدمة فعلا توقعت من كلامك انها انفصلت عنه ولم تستسطع التأقلم معه لكن ان تنتهي بموتها وموت طفلها من قبلها وبسببه صدمه فعلا وصحوته المتأخرة جدا بعد فوات الاوان شكرا على الايضاح اختي ضجة |
وأسدل الستار على حكاية الشتات !! بأن التئمت الجروح وغفت العيون الساهرة !! وارتوى جفاف القلوب من ينابيع الحب !! ديما التائهةالخائفة من سيف الوحدة والشتات و" الفضيحة " وفياض التائه في الضياع .. اجبرهم الود ان يلتقيا رغم اختلاف الطرق .. فكانا الاستقرار و السعادة والراحة هم النتاج !! عايض وخلود .. واقعية تجسد حكايتهم .. وكأني اعرفهم ياضجة !! اما نايف العازب العاشق !! حكايتهم حكاية هو وحصة .. وادخال حكايتهم بهذا الاسلوب كان من فنون الحبكة .. بمنتهى الذكاء ماشاء الله تبارك الله ! نواف المثابر منذ البدء للنهاية .. يستحق سلمى العنيدة الرقيقة !! وفابيان وسالم .. نموذج للعبرة ، والعظة .. قصتهم بهدوءها واثارتها ووجعها وبلسمها ممتعه ومؤثرة .. الحكاية ياضجة طويلة وتحتاج مني لسيل من العبارات للثناء عليها والتحليل والتدقيق والنقد !! لكني سأختصر كل هذا وأقول بأنك الكاتبة الواعدة .. التي راهنت عليها منذ البداية وكنتي " قدها " صدقيني ضجة هذه القصة هي مجرد تعارف بيننا وبينك .. وليست هي المعبر الحقيقي عن اسلوب وفكر ضجة .. ! رغم جمالها الا اني اراك تمتلكين الأجمل .. سواء لغة ام فكرة .. ام اسلوب .. وطريقتك في السيطرة على توازن الأحداث مبهر حقيقة !!!! انتي الكاتبة المميزة بدون مبالغه .. والكاتبة الأنيقة في كل شي .. والكاتبة المسالمة .. اشعر هنا معك بالسلام والأمان .. لم تؤذي مشاعرنا بسلطة الحدث او الاسلوب .. وان كانت بعض الأحداث موجعه الا ان اسلوبك يحمل من الرقة والأناقة مايبعث فينا الراحة والأمان .. الكاتبة التي تأخذني بالمتعه والانسجام والواقعيه والتشويق والاثارة والافتتان بالحبكة .. منذ اول جزء للأخير لم تحيدي عن الابداع لحظة !! ماشاء الله لاقوة الا بالله .. حقيقة اتمنى ان تكون القادمة اجمل .. وان تعبر عن ضجة الصمت اكثر .. وان تخرج مكنونك الإبداعي بشكلٍ اوضح .. وان تحمل من الجماليات ماحملتها " شيء من الأحزان " وأكثر . لاادري حقيقة لم انتِ بالذات احرص بحماس بأن تكوني افضل وأن تتفوقي وتتميزي .. لربما كان شعوري هذا دخيلاً ومتطفلاً خاصة حين اشعر بأن نجاحك ينعكس عليّ مزاجياً ونفسياً ومعنوياً .. فالمعذرة !! شكراً على شرف الاهداء الذي رأيته امس صدفة وانا اتتبع اجزاءك الأخيرة .. زدتيني والله شرفاً فوق شرف متابعتي لكاتبة جميلة مثلك .. وداً يليق بكِ ياراقية .. اعذري الاسلوب والربكة والسرعه والوقت القصير لوجودي هنا !!! |
السلام عليكم ورحمة الله وبركاته
الغاليه ضجة الصمت اهنيك يا اخيه على نهاية قصة شي من الاحزان وجزاج الله كل خير اعجبني يا ضجه اسلوبج في القصه والمشاعر الحلوه الي رسمتيها مشاعر تشعر القارء وهو يقراءها بانه يعيش نفس المشاعر والاحاسيس كما ان القصه في منتهى الروعه والابداع خصوصا ان البدايه كانت تخص فقط ابطال القصه وانا نكون متابعين بداية حياتهم من بداية الماساه لين ماقدرت دينا تتاقلم مع فياظ...احب التركيز على تعاملاتهم اليوميه وكيف هم يتعاملون طول اليوم اعجبتني شخصيه فياظ ومحاولاته لاكتساب ثقة دينا وصبره عليها كله في سبيل انها تبعد الحاجز الي بناه بتهوره دينا تصرفت صح بانها ماخبرت اخوها الي اكيد كان بتسود الدنيا في ويهه وحتى لو تزوجها بعد ذالك فياظ بيتم الي سواه موضوع مؤلم كل ماتذكروه ويمكن الي حولهم مابيدرون بالمشاعر الحلوه الي انولدت بينهم وبعد ما استانست بالنهايه تكدر خاطريه يوم دريت ان القصه حقيقيه والنهايه كانت تعيسه ضجه اسمحيلي يالغلا على قصر ردي وتقصيري من زمان في الرد مع محبتي وتقديري وديمه العطا |
السلام عليكم ورحمة الله وبركاته
اسعد الله أوقاتك بأجمل ما ضجة قلبك من فرح واسعد ما رسمت بسمه على شفتاكي من صمت هل كلمت مبروك سوف تفرحك لنهاية شيء من الأحزان.. ؟ كم بارك بها الكثير لكِ لكني سوف ابارك لكِ شي اخر ابارك لكي الزفره التي تنهدتي بها يوم انهيتها فهنياً لكي نهايتها حملت الكثير من رقي التعبير معاناة بشر تجسدت على الورق لتشكل شخوصات تتراقص أمامنا وتسير كانها واقع ملموس فكم هو جميل ما صورته وظهرت من خلال شخصياتك نعومة ورقة أسلوبك بالطرح وشفافيتك وصدقك ونظرتك المتفائلة للحياة ادامها الله عليك غاليتي فمن بداية قصتك تحمل ابطالها صدمات متتاليه ليتجسد قوتهم وصبرهم أكثر ما لفت وجذب انتباهي ببداية قصتك تشتت الأخوه والبعد أربعة أخوه كل واحد منهما حمل فكر وشخصيه مختلفه كان البطن التي انجبتهم قذفت بكل واحد منهم كيان وفكر مغاير تشتت، ضياع ،قسوه وقوه ،ضعف ورقه ولين كان كل منهم يحمل صفه معينه هل كان سبب الضياع وصدى النفوس وتردد الصوت خلو البيت من الام والاب خلوه من الرابط خلوه من الحبل القوي من خلال القصه تجسدت المرأه هي الرابط من اعاد ضياع الشمل وتردد الصوت وانتعشت الحياه وسقيت البراعم وتفتحت فياض : شخصيه عانت الضياع وكان يكره ما يفعله وكان صمته اكبر دلليل على رفضه لواقع يجسده تحمل صعود المشاقة حين رحله تجسدت بالم انتزاع جذور واشواك السموم ولكن انتزاع سموم البشر من حلوه كانت كانتزاع الشوكه من البلعوم ..فعالم الرذيله حتى وان اراد الشخص التطهر منه يجد انه يتبعه وربما هذا ابتلاء لقياس مقدار صبره وتوبته عنه .. كم ابداعتي بتصوير عالم شائك انتزع منه شخص تائب ومعاناة انتزاع السموم ديما : خطفت من عالم الطفوله والاحلام المراهقه عنوه ..جسدت الفتاة الصابره المرابطه التي استطاعت ان تعالج مشكلتها برجاحة عقلها ونالت ما حلمت به ليتجسد بصبر وامل ليكون واقع جميل ليتجسد بسمتها بين يديها بطفلتها الجميه اعطيتي صوره علاجيه لمثل حالتها وخوفها من قرب زوجها صوره يستطيع تطبيقها من يعاني مثل حالها فما على زوجها سواء زرع بذور الثقه بداخلها وسقيها لتستطيع ان تتفتح بشكل سليم دون اشواك تجنى بالحاضر ... نهايه سعيده خطها خيالك ..ليفرح القراء.. لكن شعوراً كان يخالجني حين قلتي قصه بها جزء من الواقع ان بها الكثير من القسوة و العاناة لكنك انهيتها ببسمة أسعدت الجميع اسعد الله اوقاتك ودام مبسمك واتم مولودتك الثانيه لترى النور دمتي بخير وبحفظ البارئ |
السلام عليكم ورحمة الله وبركاته
اهلين اعذرينى على تاخرى بارد عليك لكن الظروف كانت اقوى والاتصالات متعبه شوى كنت اتمنى اكون من اوال المهنئين لك على انتهاء روايتنا الغاليه على قلوبنا لكن الحمد الله لحقت على الاخير يعطيك الف عافيه على الابداع وعلى النهايه السعيده لفياض وديما وبقيت ابطالنا بنتظار ابداعك الجديد ومتشوقين للقادم غدا تشرق الشمس واتمنى الغد يكون قريب وتنزل على خير بحفظ الله ورعايته |
شـكــ وبارك الله فيك ـــرا لك ... لك مني أجمل تحية .
|
ألما الغالية على قلبي ألما الله يبارك فيك يارب وحقيقةً وجودك بجانبي ومتابعتك ودعمك محفوورُ في داخلي ولن أنساه أبداً وبإذن الله لن يكون آخر عهدي بكم بل سيتجدد اللقاء كوني بالقرب دوماً غاليتي أسعدكِ الإله . . noode-179 جزيت الخير على مرورك الطيب العطر لك مني أعطر التحايا أختي الغالية . . أم عنان الله يبارك في أياامك غاليتي أم عنان الحمد لله أن راقت لكِ النهاية السعيدة وتأثرك بالقصة الواقعية يشبه تماماً تأثري بها جزيتِ كل الخير أم عنان على تواجدك الطيب وتهنئتك العذبة من قلبي أتمنى لكِ التوفيق حفظك المنّان . . |
أقــدار يامرحباااااا ملااايييين وملاااييين وملااييين ولا يسدوون حيااااااك ربي غاليتي أقدار لك وحشــة عظيــــــمة والله وأخيييراً أنرتي المنتدى بوجودك حتى ولو تواجدتِ لفترة بسيطة شرفني أنكِ كنتِ هنا كلماتك ألجمتني صراحةً مفعول غريب أحدثه مديحك فيّ أسكرني .. لا تتخيلي مدى سعادتي بهذه الكلمات وحرصك على نجاحي لهو شرف كبير لي ياغالية وبإذن الله ترين مني الافضل في القادم كما آمل ممتنة كثيراً كثيييراً لدعمكِ المختلف منذ البداية جزيتِ كل الخير ووفقك الرحمن لما يحب ويرضى لا تحرمينا عبق تواصلك مع محبتي لكِ يا غالية حفظك الرحمن . . . |
وديمه العطااء
ياهلاااا والله وغلااا بالغاالية وديمه وانا اقول وش سر هالنوور في ليلاس والله اسعدتيني كثييير بوجودك وفاجئتيني .. ويشرفني للغاية اعجابك باسلوبي وبقصتي المتواضعة وديمتنا الغالية ..امتناني العميق لكٍ على تواجدك وعلى تهنئك موفقة داائماً وأبداً بإذن الله .... اسعدكٍ الرحمن . . . |
ساعة بلا عقارب يا مرحباا يالغالية التي طال اشتياقي لها مرحباا بك وبوجودك المختلف دوماً غاليتي اقتباس:
تحمل من الفرحة ما يستحق المباركة وأكثر .. الله يبارك في ايامك ويملأها بالسرور والرضآآ .. اعجبني للغاية تعليقك الاخير المميز ... ممتنة لكِ على متابعتك ودعمكِ الراقي كشخصك .. تقبلي شكري وامتناني العميق ياغالية اختك المحبة لكِ |
النصف الآخر
يا حيااك الله اختي الغالية أعلم بظروفك يا غالية .. وكنت متابعة لأخبارك .. أحسن الله عزائكم ورحم ميتكم .. وصبركم على الفقد الموجع .. أن تأتي متأخراً خير من ألا تأتي أبداً .. ووجودك مهم جداً لي .. ومتابعتك دوماً كانت تميز أجزاء القصة .. الله يسعدك يا غالية وستسعدني بلا شك متابعتك لي في أي جديد شكراً جزيلاً لكِ وفقك الرحمن |
ملهمة شاعر
. . اشكرك على مرورك بوركتِ غاليتي . . |
غآليتي : روآيتكـ في منتهىآ آلجمـآل آبدعتِ فيهـآ بآنتظآر آبدآعآتكـ آلآخرى =) |
القصه حلوه وللحيني قاعده اقراها
بس لاحظت ان البطله تنام كثير يعني اغلبيه وقتها نوم وبس وتنقصها بعض الاحداث يعني كله سوالف....قربت للنهايه وللحين ماصارت احداث او مواقف قويه اعذريني على النقد البناء |
Я Ǿ N A
حياك الرحمن أختي الغالية اسعدتني اطلالتك شكراً لبصمتكِ هنا مع حبي . . . . داشة بالغلط (اعذريني غاليتي حطيت رد بالاول واما انحط بالكامل ... تم التعديل ) حياك الرحمن اختي العزيزة حقيقة اسعدني تواجدك المختلف بالنسبة للنقاط التي ذكرتيها امممم ... اتوقع قصة النوم هذي لان مواقف كثيرة بدأت احداثها من بعض الاستيقاظ من النوم او وقت النوم لكن ما اذكر اني كتبت انها طول اليوم نايمة او باوقات غير مناسبة >< انا اخذت مقتطفات من يومياتهم وما ركزت على احداث اليوم كله واغلب المواقف المحركة للقصة كانت في هذه الاوقات ما ادري .. يمكن انا ما بالغت لهالدرجة ويمكن اني بالغت وانتي المحقة عموما تبقى شيء من الاحزان تجربتي الاولى المليئة بالثغرات والتي مررت اثناء كتابتها باصعب ظروف حياتي لكنني دائما سأكون بانتظار القارئات النبيهات مثلك حتى ينتقدوني بوجهات نظرهم المفيدة بالنسبة لأنك قربتي من النهاية ومافي احداث للحين ما اتوقع انك اصبتي في هالنقطة يمكن هدوء الاسلوب وبطىء سير الاحداث اوحى لك بهالشي ويمكن بعد :عدم اتقاني للاحداث بشكل محبك لكن لو جربتي تعددين الاحداث اللي صارت بتلقينها كثيرة اشكرك بالفعل اختي على وجودك المميز واهلا بكل الردود الايجابية واهلا بكل نقد بناء اختك المحبة ضجة . . |
روآيتك رآئعه جداً وفي قمة التميز والإبدآع رآقت لي كثيراً..
من جد أبدعتي في السرد والحبكه مميزه مآشآء الله تبآرك الله .. *ضـجـة الصمت* يعطيك ألف عآفيه على ـآ الروآيه الأكثر من رآئعه.. شكراً بحجم السمآء غآليتي.. لآ هنتي.. إكليل الورد لقلمك الرآقي.. (ح ــــــــطــــــــــام ف ــــــــــتــــــــآة).. http://smiles.al-wed.com/smiles/65/91.gif |
حطام فتاة
جزيــتِ الخير على كلماتك العذبة غاليتي إنما الاروع هو تواجدك وإطلالتك البهية سلمتِ غاليتي وفقكِ الرحمن لكل خير . . |
••• ܓܨ•••
✖ • تسلمين يالغالية ع الرواية الحلووووووة كرووعت حضورك غناتي ابدعتي بجد وانا كنت متابعة لك بارت ببارت من خلف الكواليس كنت متعيجزة اسجل هههههههههه وبرضوو البارت الاخير كنت تنزلين جزء وبعد ربع ساعة جزء...وكنت بس ماغير احدث الصفحة وربي ^__^ بس بجد انتي مبدعة يالغالية فياض / من جد اعجبني بنص الاحداث .. وكويس انو مااستمر ع الضياع اللي هو فية وتأثر بديمة وحبها حب صادق وماقسى عليها ولا اجبرها ع شي ولا استعجلها وطلب الكثير كان جدا" صبور^^ .."وكسر خاطري بالبارت الاخير لما جاء بيساعد لولوه .........إلخ وديمه وخوفها علية يالبى قلبها^^ واللي شدني كثير تفكك اسرتهم من سالم وفياض ونايف ونواف<<ماكو ترابط بينهم ^^ وموتت سالم جدا" اليمة..**"..واستانست ع اسلام فابيان وتغيرها وبالبداية انقهرت من انتحاررها بس اهم شي انها تغيرت للاكوس ^^ ديمة / هالبنت مماادري تذكرني بالبطل الصامت ^_^ مستر بن .< خخخخخ قليلة كلام بجد وماالومها انا وحزنت عليها ع اللي صار لها مع فيااض ..وهي كانت تنرحم حتى ماتعرف اسمة وكويس راحت تبحث واكتشفت هويتة المجرم وعشت معها افراحها واحزانها.. واخوها^^عايض ..انا بالبداية راحمتة هالمسكينة طاح الحمل كله ع راسة وهو وحيد لاونيس ولا انيس وانا تصدقين بالبداية ماكنت ابغاه ياخذ اممم نسيت اسمها ذيك الملتزمة اللي بالطيارة ههههه الموهيم كنت راسمتله ع خلود وكويس اخذها وصدق انقهرت منها ع طريقة عنادها معه بس اهم شي زانت امورهم بالنهاية ..^^ونواف وسلمى هالبنت ماادري من بداية الرواية وماحبيتها ولا تمنيتها تكون من مصيب نواف كنت استنانس ع حركات نذالة ام سلمى ههههههه<<حاقدة وبقوة لوووووووووول وحصة ونايف عجبني مووقفة اجل احمر كل يووم ههههههه والبنت المسكينة اللي راحت فيها وع بالها جني ولا من هالقبيل ههههههههه.. ونحتريك بشووق بمولودتس الثانية... وتسجلني من متابعينك ^^..وتسجليني حضور بإذن الله موب خلف الكواليس بما اني سجلت هههههههههه لازم اترك يصمتي هههههه عوافي ••• ܓܨ••• ✖ • |
♪♪♪ وآإو .. توني مخلصصه الروآيه .. جنآن بمعنى الكللمه .. آبدعتـي يالغـلآ .. ~ بس آحسك آستعجلتي على نهآيتهآ .. يعني كآن ممكن تضيفين آحدآث زيآآده .. مثل آممممم .. زوآج حصة ونآيف .. وكيف فهمهـآ موقفه .. برضووو كآن ممكن تذكرين موآقف من حيآة عآيض وخللود وكيف مختلفين .. ونوآف وملكته على سلمى وزيارتهم لـ فرنسسآ .. وزيآرة ديمـآ و فيآض لـ فآبيآن وسسآمي .. ~ عالعموووم روآيتك وآسلووبك جنآإن .. دخلت جو مع الشخصيآت .. وتعآطفت معهم مرره .. لدرجة دمعة عيوني بـ بعض موآقف =( .. =) ننتظر جديدك عزيزتي .. ♪♪♪ |
ضجه صمت..
من جد انتي مبدعه.. ويعطيك ربي العافيه على هالرويه الرائعه.. والحمدلله سمعت كلام اختي وقريتها >>>مرره عاجبتها وننتظر بنوتتك الثانيه قريبا ان شاالله.. |
السلام عليكم ورحمة الله وبركاته بصراحة رواية رائعة وخطيرة تسلم يدينك على ها الرواية كاتبة مبدعة ننتظر جديدك شـكــ وبارك الله فيك ـــرا لك ... لك مني أجمل تحية . |
السلام عليكم ضجوة لاتعاتبيني الله يخليك اعرف اني قصرت في متابعتي لك بس ترا انتي غاليه والله حبوبة انا سعيدة من اجلك ومن اجل ابنتك لا بل اعتبرها جزءا من خيالي وكياني شيء من الاحزان استوطنتنا دائما وهي من اولى الروايات التي لفتت انتباهي الى منتدانا العزيز ليلاس ادامه الله علينا بالمسرات غاليتي الف الف الفر الف الف مباااااااااااارك لك يا قليبي يا قلب قلبي يا ضجوة قليل فحقك كلمة شكر ولكن تستحقين تتويج خاص على جهودك تستاهلين كل التميز يا قلبي والنجاح دمتي بود وسنشتاق بترقرق الدموع لابطالنا ولرائعتك الراقية شيء من الاحزان مشكورة ومـــــــــــــــــــشكورة ومشــــــــــــــــكــــــــــــــــــورة:) |
اسفة على تأخيري في الرد على كل من عقب على الرواية
لي عودة بالرد عليكم ان شاء الله همسة لجوهرتي الغالية : مامنك قصوور يالغالية .. اشتقت لك غاليتي والله .. وابدا ما في عتاب ولا شي كلنا له ظروفه يالغلا .. فرحت بوجودك والله .. تسلمييين الله عطيك العافية ما قصرتي معي ابد ومتابعتك كانت مهمة جدا لي ومميزة .. |
ضجة رووووووعه روووووعه الله لايهينك ومو مستغرب عليك الابداااع قممممة بصرراااحه واعتذر لتاخيري على الرد بس الظروف
دمتي بود قلبووو والله لايهينك وجعلها يدين ماتنشل ننتظرك بابداااع ثاني وتتحفينا برواية ثانية اختك رومنسية زمانها |
رررررررررروعة
ابدعتي أخيتي تستحقين التميز والتثبيت لابداااعك في اول رواية لكي ننتظرك في ابداع اخرمع قلمك الرائع تقبلي مروري |
البنت العنقليزية
. . فديتك بنوووتة .. تسلمين يالغالية على ردك الاكثر من رائع امتناني لمتابعتك وحضورك ..أنا الاسعد فيهم .. ويارب دايما اكون عند حسن ظنك .. محبتي لك غاليتي . . . . . معزوفة حنين يا حياك ربي يالغالية وفعلا النهاية يمكن انا استعجلت فيها الكاتبة المحترفة هي اللي ما تستعجل في الرواية ولا تمط فيها يعني تكون وسط وطبعا انا وين والاحتراف ويين .. يعني كتجربتي الاولى ولكوني مبتدئة في ثغرات كثيرة موجودة بالقصة .. و ان شاء الله احاول اتجنب هالثغرات في المرات القادمة اسعدني حضورك الراائع وتفاعلك البناّاء غاليتي .. تسلمييين والله يعطيك العاافية .. |
بعيش بدونك ..
مرورك الاجمل عزيزتي لا هنتي . . jawhara جوهرتي الغااالية .. تسلمين غاليتي والله ردك هذا لوحده كان كافي وانا مستحيل اعاتبك مكانتك بقلبي قبل القصة غاليتي .. وحتى بعد غيابك كنت لازلت اذكرك .. وتكفيني كلماتك الدافئة هذي .. الله يحفظك جوهرتي ويجزيك كل خير عني محبتك ِ =) . . |
رومنسية زمانها
ياااهلاااا باللي اشتقت لهاااا مرررررآآآ حيااك الرحمن أختي الغااالية .. والله افتقدك حييل .. ياعسى تتسهل امورك كلها يارب وتتيسر .. الله يفرج همك وينور دربك غاليتي .. والاكيد اني راح أنتظرك دائما بشوق متابعتك اللي افتخر فيها لك شكري وامتناني .. في حفظ الله ورعايته . . فديتني جنوبية انت الاروع غاليتي بوجودك أتمنى أنني استحققت ما نلته خلال رحلتي مع شيء من الاحزان من تميز وتثبيت ولمشرفاتنا الغاليات كل الشكر والتقدير على جهودهن انتظري جديدي وسأنتظر بدوري متابعتك شكري الخالص لك غاليتي يحفظك ربي . . |
من خلال الردود استشعرت بأنها الرواية الأولى لكٍ وإن كان كذلك فهي بداية موفقة ومخيلة تستحق الإشادة وإبداع لا يضاهيه إبداع فقد اتسمت الرواية بعنصر التشويق وترابط الأفكار وابتعدت كل البعد عن الإسفاف والإسقاطات وإستمالة الغرائز أو إثارتها فهنيئاً لكٍ هذه المخيلة وهنيئاً لنا بك ودمتــ كمــا أنتـــي |
شكر وبارك الله فيك
لك مني اجمل تحيه |
الله يعطيك العافيه على القصه الحلوه
ابدعتي بسرد الأحداث ووصفك لمعاناة ديما وفياض والحمدلله تجاوزا معاناتهم بكل حب وموده وتفاهم وعايض وخلود ماكنت متوقعه ان خلود بتكون كذا كنت متوقعتها ماتتغير واخير نايف وذات الفستان الأحمر حصه ههههههههه واحلي جني طلع بحياتها تسلمين وبالتوفيق |
السلآآآآآآآآآآآآآم عليكم ..
أخبارك ضجوو .. و أخبار إختباراتك .. و أخبار زوج المستقبل .. ؟! <<-- وجه ضجوو .. ^^" يآآآآآي .. مرت فترة طويلة من نزلتي روايتك .. قريب راح تكمل السنة .. والله فرحت موت يوم شفتها .. كاملة .. <<-- إنتي اللي مدري وين عايشة .. بس والله غصب عني ما كنت ماشية معك بالحبة لما كنتي تنزلينها .. أهم شيء أنك قدرتي تخلصينها رغم الظروف .. طبعا أنا جاية و كلي حمآآآس .. راح أعلق ع الرواية .. من آخر تعليق لي للنهاية .. تقريبا من بداية الجزء 21- لحد .. الـ 45 النهاية .. بسم الله .. فـ البداية عندي اعتراف صغنون .. صراحتن أنا من النوع اللي مايحب القصص البسيطة .. قصدي الـ اللي تجيك معتمدة على كذا سخصية يعني يجذبني التعقيد فـ الشخصيات و الاحداث .. لان القصص البسيطة غالبا ما تكون قريبة للسخافة .. لكن أنتي ياضجوو .. قلبتي الموازين .. و انا واثقة اني ما راح اقرا زي قصتك ابدا .. لان هالقصة علامتها المميزة احساسك .. ما راح اطول و بدخل فـ تحليل الشخصيات .. أول شيء طبعا .. .. فياض×ديما .. طبعا أنتي تعرفين موقفي من فياض .. أكره كرهـ الموت <<-- اوف حاقدة .. بس صراحة عقب سفرتهم لمصر تغيير فـ عيني .. مدري يمكن عشاني متأثرة بـ ديما .. فـ لما تقبلته هي تقبلته أنا .. و صراحة كآن إحسآسي نفس إحساسها بكل خطوة .. إعترافه بخطياها .. إعتذارهـ .. و الأحلى إعترافه بحبه لها .. ما تتصورين وش قد فرحت لهم .. يوم خلاص "طاح الحطب" .. بس انقهرت ع سالفة البنات اللي بالمجمع لو كنت مكانها كنت بموت قهر .. و حركة لولوة قهررررررررتني أكثر .. بس الحمد للة كل شيء عدى على خير وأحلى شيء فـ الموضوع لما تصالحووا خلااااص .. و الأحلى أكثر بنتهم البكاية .. ..نواف×وليد .. والله انقهرت .. من حركة وليد و أخوياه لما هجموا على أيمن .. وش دعوة حتى لو كان هالشخص اللي غلط به على أنه ايمن .. مبهذلة و مورية نجوم الليل بعز الظهر ما كان المفروض يهجمون عليه كذا .. فرضا تدخلت الشرطة و صرت بلبلة ما لها أول من تالي .. بس الحمد للة رب العالمين سترها <<-- دخلت جو .. بس عسى أن تكرهوا شيئا و هو خير لكم .. و التقى نواف بـ سلمى .. .. نواف× سلمى .. فـ البداية .. حسيت نواف مندفع و كنت مع سلمى .. مهما كان هي متأثر بالغرب و لو ما ربي سترها .. كان عندتها و ظلت على حالها و أردى .. بس الحمد لله الله هداها .. و رجعت لطريق الصواب .. والأجمل .. خطبتهم وملكتهم .. و أزمة أم سلمى عدت على خير .. ..خلود×عايض.. طبعا رحمت خلود يوم صرخ فيها أبوها و خلاها تأخذ فياض غصب .. خفت تكرهه و تظل للابد تكرهه .. بسبب أبوها .. بس الحمد للة كل الامور تعدلت .. و خبربتها فـ سالفة الاغاني ليلة عرسها .. بس زين جاها شوية عقل .. وتراجعت عن عناداها و غيرت مجرى حياتها كلها بإعتذارها لعايض .. .. حصة×نواف .. هههههههههههههه .. كل ما ذكرت يوم ملكة خلود و اللي صار معهم اموت ضحك .. والله مشكلة لـ صار كذا .. إحرآآآآآآآآآآآآآآآآآآآآآآآج .. لو كنت مكانها بنشب فـ الجدار .. خخخخخخخخ .. و كملتها فـ بيت فياض .. بس من جددد "يالبى الأحمر" .. بس أحلىآ نهاية صرااااااااااحة .. سآلم .. رغم توبته و رجعته لطريق الصح .. قبل ما تنتهي رحلته بهالدنيا .. إلا إني حسيته يستاهل .. <<-- إجرام وربي .. آريغتوووووووووـــو .. ع الستوري الأكثر من روووعة .. و يعطيك ربي الف عافية يالغلا .. <<-- جد كلمات قليلة بحقك .. أشوفك على خير .. ^^ |
السلام عليكم الله يعطيكم العافية على هالردود المفرحة .. سواء بالقصة هنا أو مو هنا .. والله لولا انشغالي الشديد عن كل شيء وقلة دخولي كان رديت عليكم بالتفصيل وكلمة كلمة السموحة منكم لكن الأكيد إن : تواجدكم بهجة تحفر ذكرااها فيّ لتتأصل بأعمااقي .. فشكراً شكــراً لكم . . ROoOnQ كلمة وحدة أقولها لكِ "أحــــبـــــك " وعسى الله لااا يحرمني منك وإن شاء الله فرحتي الكبييييرة بوجودك اليوم تتجدد بشوفتك في جديدي القادم في حفظ الرحمن غاليتي .. قلبي معك أينما تذهبين .. |
يعطيكـ العافية عـ القصة الرائعة
|
يااحبي لهالقصه احس اني انا اللي كااتبتها من كثر ماكنت مهمته فيتس>>فيس ام حنون..هخهخهخه
تدرين ضجوو ان هالقصه فيها ميزه عن بااقي القصص الثانيه وهي لقااء الابطال.. كيف كانت شووفة فياض لديما واللي صاار فيه.؟؟. هذي هي وقصه موعد مع السعاده للعيناويه فيها اغرب لقاءات للابطال.. وكيف اثر اللقااء الاول على مساار القصه كلها.. تسلمين يااقلبي.. بانتظااااااااار جديدتس بكل شوووووووووووق.. |
مرحبا ضجه صمت<<ترى خقيت ع النك نيم
اولا يعطيك الف عافيه ع الروايه لو متاخررره مررره ثانيا شى كان ودى اكون معكم بارت ببارت بس اعوضها ف روايه ثانيه لك كل اقر بارت ابي ارد بعض ردود البنات كانهم يتكلمون بنبايه عنى <<احلفى نرجع للروايه <<بدرى المهم فياض يانى حقدت عليك من قلب ف البارت الاولى بجد كنت اقول حقيرررررررر واطى بس الحمدلله عقلت وصرت رجال وديما يالبيه حبيتها بجد من بدايه الروايه يوم تبكى ع اهلها جعلكم ماتفقدون غالى وربي قلبى تقطع معها وكمان لما اغتصابها ولد عمها بس لما اتصلت ع الشيخ وقالها ع الفكره وراحت وطبقاتها اعجبتنى وحسيتها ترجع ديما الاولى<<ليه كنت تعرفينها انتى>>اقول ياليتك تسكتين المهم فياض لديما وديما لفياض عيااض وخلود تبين الصدق صح حبيت خلود بس كنت ابي له اختى احمد هديل بس عسى ان تكرهوا شى وهو خير لكم وليد ونواف وايمن والغربه كيف تعرفوا ع بعض وسلمى والحياه اللى كانت عايشه قبل ماتعرف نواف وكيف حبته وحبها وتزوجها رغم افكار امها المريضه نايف والاحمررر اخيرررررر تزوجتت يانايف وحصه عرفتى الجنى بسم الله ههههه امممم سالم رغم اللى سويته ربك غفور رحيم وانت عرفت ان اللى صار لك كله من الذنبوب والمعاصى الله يغفر الذنب بالتوبه النصوح والحمدلله انت مت وانت تايب من الذنب امممم ان شاء الله مانسيت احد<<احفلى انتى ضجه بجد اسلوبك ف القصه ف قمه الروعه واحداثك شيقه كانت يعطيك الف عافيه وننتظرك بروايه ثانيه واحداث اكشن انسى العالم كانت هنا |
روايه رائعه .. استمتعت بقرائتها
اهنيك على الاسلوب .. بانتظار روايتك الجايه ( تعليق بسيط ... ديما لو كان عمرها اكبر شوي كانت الشخصيه والاحداث تناسبها اكثر .. لكن هالشي ما أثر على روعة الروايه .. مجرد رأي اتمنى تتقبلينه ^_^ ) تحيتي .. خوخه |
الروايه ابداع وننتظر جديدك دمتي لنا:)
|
يا الله .. شكثر اشتقت لهالصفحة .. وشكثر اشتقت لحبآآيبي هنااا .. اشتقت لكل شي ، من ضغطة زر إضافة الرد الجديد ، لرهبة تنزيل الأجزاء ، لمتعة قراءة الردود ، لأصحآآآاااااآآآااااآآب الردوود .. اشتقت للكل .. الكـــل بلا استثنااء .. امتناني الخآلص لكل من ترك بصمة هناا ، صحيح تأخرت وماعلقت عليكم ، بس والله مازال كل رد يؤثر فيني للحين ويفرحني .. الله يجمعني فيكم عن قريب بعودة عاجلة ليست آجلة .. محبتكم دوماً وأبداً ضجــة |
اختي العزيزة ضجة متى تنزلين روايتك الجديدة؟
|
طيوبة ..
قريب إن شاء الله غلآي ، بس أنهي منها جزئية كبيرة ببدأ التنزيل .. ألقـآكم فيها على خير بإذن الله .. |
احنا بانتظارك ياالغاليه حدي متشوقه بس ها نبيها ابداع مثل الي قبلها واحسن بعد >>طماعه:)
|
السلام عليكم انا اول مرة اشارك بالمنتدى وعجبتنى قصتك اوى وبتمنالك التوفيق ومزيد من الابداع
|
طيوبة .. أن شاء الله ترقى لذائقتكم وتكون أفضل من سابقتها بمراحل اسعدك الرحمن غآليتي على تواجدك واهتمامك دمت بكل الود . . شقاوة طفلة حيآآك الرحمن غآليتي واهلا بك معنآ أختاً لناا في ليلاس الأحبة وجعل مشاركتك هذي فاتحة للمشاركات القيمة المثمرة اشكرك جزيل الشكر على ردك .. وانا ايضاً اتمنى لك التوفيق |
ما شاء الله عليك قصة رائعة جدا
جزاك الله الف خير |
أحآسيس مجنونه
، وإياااكِ حيآك الرحمن |
يعطيكي العافيه على الروايه الجميله
تقبلي مروري |
متميزة بطرحك
الرواية رائعه بكل ماتحمله الكلمه شكرا فشكرا ثم شكرا على هذا الابداع نلقاك على خير. لك ودي وخالص شكري. متابعك. رجا الاوهام |
يعطيك العافية رواية رائعه وفعلا مميزة
عجبني طرحك للعلاج المخدارت اتمنى اني اقراء لك مرة ثانية |
سلمـت أناملكـ وقلمكـ الراقيـ
رواية رووووووووووعه مميزه بجد انتيـ مبدعــــــــــــــــــــــه الله يعطيكـ العافيهـ وبانتظاركـ بإذن الله بروايه أخرى لكِ وديـ وتقديريــ لكـِ |
يعطيكـ العافية عـ القصة الرائعة
بانتظااااااااار جديدتس بكل شوووووووووووق.. |
اقدر احصل على الروايه في ملف وورد ؟؟
|
الله يعطيك الف عافية :toot:
ع القصة الرااااااااااااااااااااائعة بكل معاني الكلمة استمتعت وانا اقراها بصمت الا اني حسيت بالابطاااااااااااااال وبمشاااااااااااااااااكلهم وسلبياتهم وايجابياتهم تمنيت ان فيبياني تموت بعد اسلامها وسامي يتربى عند اهله تربية اصيله تسلم ايدك ضجة ونتتظر رووووووووووواية اخرى منك يالغالية تقبلي زيارتي المتواضعة لك مني كل التقدير والاحترام :flowers2: |
:55:رووووعه
|
روااايه تستحق قراائتهااا للمررره الثااالثه
|
السلام عليكم ورحمة الله وبركاتة
رواية رائعة ... الكاتبة مبدعة ...بحثت لها عن روايات اخرى لم اجد فياض استطاع ان يكسب محبتنا بعد ما تشبعنا كرهه وحقدة ديما طفلة استطاعت ترويض اسد...... |
كتير حلوي مشكورة عليها
|
رد: شيء من الأحزان ... !
وفقتِ في طرح هذه الرواية المختلفة عن ما هو متداول في عالم الروايات النتية
من أجمل الروايات التي قرأتها في المنتديات .. سلمتِ |
رد: شيء من الأحزان ... !
من اروع واجمل الروايات اللي قراتها
اسلوبك رائع ومميز وموضوع مختلف ومؤثر قمة الابداع تسلم ايدك حبيبتي ووفقك الله |
| الساعة الآن 11:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية