|
انتقام انثى
صباح الخير :liilas:
اخواتي الغاليات حبيت اطرح لكم روايتي الجديده الي اتمنى من كل قلبي انها تعجبكم واتمنى فعلا انكم ماتبخلون علي بردودكم وانتقاداتكم شاكره ومقدره لكم قراءتكم للروايه اختكم رونق انثى |
الفصل الاول
:::::::::::::::::::::::::::::::::::::::::::::::::::::::::::: ::::::::::::::::::::::::::::::::
كانت هاللحظه مؤلمه بالنسبه لها,لحظه تمنت انها تكون حلم او خيال, تمنت انها ماانخلقت ولا شافتهم في مثل هذا الوضع, وفي هاللحظه داست وبكل قوه على قلبها واقسمت بكل اصرار انها تنتقم منه راح تدمره مثل دمرها راح تحرق قلبه مثل ماحرق قلبها على أمها وأبوها هزها جدها بكل هدوء ودموعه تنهمر على وجهه الي كساه الحزن والقهر وبصوت ممزوج بعبره ...الجازي اسمعيني وانا ابوتس حاولت تقوى وتكتم حزنها وحسرتها داخلها ...ماتت صح ؟؟؟؟؟؟؟؟لحقت ابوي ماقدر يتكلم دموع الفراق كانت اقوى منه مسحت بأصابعها المرتجفه دموعه ....لاتبكي يبه راحوا لمكان احسن واطهر من الدنيا راحوا عند رب العالمين الي صابهم تكفير يبه صدقني تكفير من رب العالمين متأكد انها تكابر وتحاول تكون قويه ومتيقن ان الالم والعذاب والقهر والضيم يحرق قلبها حرق لايمكن لأي شي انه يطفيه حظنها بكل قوته ومسح على راسها بكل حنان .......ابكي وانا ابوتس ابكي لاتخلينها في قلبك :::::::::::::::::::::::::::::::::::::::::::::::::::::::::::: ::::::::::::::::::::::::::::::::: بعد 7 سنوات بمستشفى العالي الطبي بقسم المحاسبه والاداره العامه جالسه على الكرسي بمكتبها وسط الغرفه الي تتشارك فيها مع زميلاتها شارده وسرحانه بأفكارها الجنونيه وذكرياتها الحزينه الي ماراح تتخلص منها الا اذا خذت بثأر امها وابوها وشافت العذاب بعيونه وقتها بس راح تعيش حياتها بسعاده مثل ماكانت قبل بس متى بيجي هااليوم يا....... انتبهت لنفسها وتنهدت بصوت عالي ورمت بعصبيه كاس المويه باالارض وتناثر القزاز بسهوله عليه والله بكسرك مثله وانثرك متحطم مثله بالضبط ياحمود العالي مااكون الجازي الأيام بينا ....اقطع يدي يامنور هالبنت يامريضه نفسيا والا فيها علة او بلاء شفتي كيف تتصرف لنا سنه كامله معها ماعمرها سولفت أوضحكت معنا وكل كلامنا داخل حدود الشغل مادري هالبنت كيف عايشه ...احمدي ربك على الصحه والعافيه وقصرتي صوتك لاتسمعك بعدين بالطقاق الي يطقها جعلها ماتتكلم معنا ليوم الدين.اصلا هالشخصيات هذي مااحبها تجيب الهم والكآبه استغفر الله العظيم ..تصدقين منور يقولون الأذكياء مره كذا يصيرون منعزلين عن الي حولهم سمعت انها متخرجه من الجامعه معدلها 4,95 قسم محاسبه غير دبلوم الكمبيوتر الي دارسته ...بس الغريب انها توظفت هنا براتب قليل بالنسبه لشهادتها مع اني سمعت ان كذا بنك عارض عليها الشغل معهم بس رفضت ...اخخخخ يالقهر والله لو اني بدالها تركت المستشفى بأقرب فرصه بس تلوميني ان قلتلك انها معقده ومريضه الله يخلف علي بس كل كلامهم وصل لمسامعها بكل وضوح ومع ذلك ماأثر ولا حرك فيها شعره بالنسبه لها شغلها بالمستشفى مسألة وقت لين مايصير الي تبيه وبعدها بتتركه بدون رجعه ............................................................ ........................................... في بيتهم الصغير ماتتجاوز مساحته الـ 350 متر بالمطبخ بصوتها الطفولي وببراءة وجهها : خاله ا لله يخليك العبي معي بابا سليمان نايم بقلة صبر ردت عليها :سحووور بعدي عن وجهي مالي خلق ثقالة دمك ماتشوفيني مشغوله بعفويه واصرار منها :بس شوي الله يعافيك ماقدرت تتحملها اكثر من كذا وبصوت عالي: ماتسمعين صمخاء قلتلك لا يعني لا مخك تنك ماتستوعبين قاطعها الصوت الي جاهم من بعيد سحوووره حبيبتي روحي جيبي عروستك انا بلعب معك طلعت تركض تضمها بفرحه : هياااااااا خالتي سوسو اخيرا احد بيلعب معاي نزلت لنفس مستوى طولها وباستها على خدها وبابتسامه حنونه: في احد مايحب يلعب مع احلى بنت بالدنيا روحي بسرعه جيبي عروستك راحت لأختها بالمطبخ وباانزعاج منها: صيته وش فيك على البنت حرام عليك تصرخين عليها ماتبين تلعبين معها بكيفك بس مهوب بهاالأسلوب ترى الاطفال احباب الله باستهتار: وعليكم السلام يااختي! الناس يدخلون يسلمون مو يلقون محاضره على طول وبعدين معصبه بلاها ناشبه فيني العبي معي والعبي معي فاضيتلها انا خلقه راجعه من الجامعه حايمه كبدي وتعبانه وعل طول نصيت المطبخ اصلح الغدا مالي خلقها ترفع الضغط ...: بلى حركاتك معها ترفع الضغط حرام البنت يتيمه صيته: لا ياشيخه احلفي! الي يشوفك الحين يقول جالسه اتقهوى مع امي وابوي والله حبيبتي كلنا ايتام مهيب هي لحالها هي على الأقل عندها ابوها المحترم خليه يلتفت لها ويهتم فيها شوي مهوب راميها علينا انا الي نتحملها و نهتم فيها ساره:اولا ابوها زوجك قبل لايكون ولد عمك ثانيا اتذكري يااختي الكبيره انه ماقصر معنا بشي ومم... قاطعتها صيته ببرود : خلاص خلاص لاتبدين اسطوانتك المعروفه عنه واذا كان معجبك وجايزلك لهاالدرجه خذيه حبيبتي متنازله فيه لك ماعندي مانع اكون مطلقه للمره الثانيه ساره بعصبيه: هذا ردك عي صدق الكلام معك ضايع الا ابوي سليمان غريبه نايم ماتغدى..وبخوف.. لايكون بس تعبان صيته: مافيه الا العافيه يقول اذا جت ساره من المدرسه نتغدى جميع روحي قوميه على مااجهز الغدا واحطه لكم ساره بنص عين: وانتي؟؟؟ صيته: مااشتهيته الحين اذا رجعت الجازي من دوامها تغديت معها ............................................................ ........................................ بالمستشفى .... استاذه الجازي الدكتور محمد طالبك بمكتبه وطلب تجيبين معك كشف عن دخل قسم المحاسبه عدلت نقابها وخذت الملف وطلعت وبدت ترسم ملامح الحب الوهميه بعيونها وصلت لمكتبه طق طق طق ... تفضل وبصوتها الانثوي الي يعشقه:نعم دكتور طالبني؟ طالعها بنظرات عشق صادقه : الجازي وبعدين لين متى هالبرود الي محتويك ادق عليك امس وماتردين ليه مااشوف الا الجفا منك الجازي:امس كنت مشغوله و... قاطعها وقام من كرسيه وراح لها ووقف قبالها وبتنهيده طالعه من قلبه: انتي بس علميني وش تبين يا الجازي انا مالفيت ودرت عليك انا صارحتك بكل صدق بشعوري لك تدرين اني احبك وانتي بعد تحبيني ليه نعذب انفسنا اكثر من كذا قلتلك بخطبك من جدك بس رفضتي افهميني ابيك لي بالحلال ابي اشوف خلق ربي الحسن فيك بس بالحلال بمشاعر كذابه رسمت بكل اتقان مشاعر الحب والعشق بعيونها: تدري اني احبك ليتني بس احبك يامحمد الا مكانك بقلبي تعدى الحب بس انت اصبر علي شوي عطني وقت لين تتحسن ظروفي عندنا كذا مشكله بالبيت متى ماانحلت صدقني انا الي بقولك يالله تعال اخطبني ذاب من كلماتها له كل شي فيه يعشقها حس انه ماراح يقدر يمسك نفسه اكثر من كذا ........حبي روحي بحفظ الله لمكتبك وانتظري اليوم اتصالي وباستغباء منها: طيب والكشف الدخل الي طلبته راح لمكتب:مجرد عذر فهمت حركته وطلعت طلعت والحقد بداخلها بدا يكبر ويكبر وبضحكة سخريه منها هه ادري مالك ذنب يامحمد بس ذنبك الوحيد ابوك وقفت فجاءه بعد مالفت نظرها من بعيد تأملته وهو يتكلم مع موظف بالقسم واقف بشموخه وهيبته بمظهره اللي ينطق بكل معاني الرجوله والسلطه والسيطره طويل و ملفت للنظر غير ملامحه الخشنه المعروف فيها تدري وواثقه انه غير محمد اخوه هو بالنسبه لها العقبه الصعبه بطريقها تعرف انه من النوع الرجال الغامض الي تصعب معرفته ومعروف عنه انه مايحب ولايطيق استغفال غيره له الدور جايك يافهد قريب صدقني قرب :::::::::::::::::::::::::::::::::::::::::::::::::::::::::::: :::::::::::::::::::::::::::::::.. حفيداته بالنسبه له روحه وحياته ودنيته تحمل فراق زوجته وعياله بس عشانهم عشان يبقى لهم ويحميهم ,غرقهم بحنانه وبعطفه وبكرمه عليهم صار بالنسبه لهم هو امهم وابوهم وصديقهم كل وحده فيهم تشكيله اسرارها يسمعهم بتفهم وباانصات عمره مابنى بينه وبينهم حاجز الخوف والرهبه منه ....جعل يدياتس وانا ابوتس ماتعرض على النار ماقصرتي على الغداء الزين بس كان ماتعبتي عمرتس وانا ابوتس جايه من جامعتس تعيبانه ترى لو تسويلي شي خفيف منيب اخالف عنه بااكله باست يده و بحب كبيرله : ان ماتعبت لك اتعب لمين يبه اهم شي بس جازلك باابتسامته الحنونه: وشلون مايجوزلي وانتي ياصيته الي مصلحته وين يجيتس الردى معه طالعه سنعه على امتس الله يرحمها ساره تقاطعه بترجي : يبه سليمان خلاص لاتزعل انا بس الي قهرني ليه تدق عليك وش دخلها فيك انا حاطه عندهم رقم الجازي لا وتهددني تقول ترى بلغت جدك عن استهبالك بالفصل ابوي سليمان بتفهم: انا مازعلت بس وانا ابوتس صرتي حرمه في التوجيهي مهيب زينه المشرفه تدق علي وتشتكي منتس قربت من جدها :سلومي والله ماقدرت امسك نفسي من الضحك الفصل كله ضحك عليها انت بس تخيل الموقف معي التفتت ابلة التاريخ تكتب على السبوره وشفنا تنورتها من ورا منشقه فقالت لها وحده من البنات استاذه دكانك طالع وبابه مفتوح جلسنا نضحك وهي طلعت من الفصل تبكي فنزلونا الاداره وخيرونا يانكتب تعهد او يتصلون بااهلنا انا قلت اتصلوا على بالي بيكلمون الجازي مهوب انت حب انه يجننهم ويمزح معهم: والله وانا ابوتس عندي نيه اخطب مشرفتكم الي اتصلت علي ماشاءالله صوتن حلو شكلها مزيونه صيته وساره بصوت واحد:لللللللللللللللللللللا ساره مصدقه وخنقتها العبره: لاااااااااااه انت سوها بس والله لااموت نفس تبي تتزوج عشان تاخذك منا وبدت تصيح صيته بجديه: اذا بتتزوج خذلها بيت لحالها مااتحمل اشوفك مع غيرنا بعدين لو لك نيه تتزوج المفروض اتزوجت من زمان مهوب الحين ساره وهي تبكي: تبي تحضر عزاي وتوقف عند قبري تزوج ابوي سليمان بضحكته الي ملت البيت:ههههههههه صدقتوا اني اعرس هههههههههههه اجل بتموتين ياسوير هههههههه ساره ماصدقت: احلف انك تكذب علينا ابوي سليمان: هههه والله العظيم مهبول انا اعرس ياحليلكم ههههههه صيته باابتسامه : اشوى طاح قلبي ساره وهي تحظنه: لاتفكر بس انك تبعد عنا ترى مالنا بالدنيا غيرك تبي تخلينا انت بعد ابوي سليمان يمسح عل شعرها: انتي اعقلي بالمدرسه عشان مشرفتس المزيونه ماتتصل علي المره الجايه ماضمن نفسي الشيطان شاطر صيته باانفعال:ييـــــــــــــــــــــــــــــــــــــــــــــــــ ـــه خلاص كل منك يا سوير انتي ساس البلا ابوي سليمان: خلاص ياورداتي عشان دموعكم الغاليه علي ابعشيكم اليوم برا :::::::::::::::::::::::::::::::::::::::::::::::::::::::::::: ::::::::::::::::::::::::::::::::: واقف بسيارته برا المقبره تحت سورها الكبير متردد بخوله جوا ومستغرب اكثر كيف جاء معقوله فكر يجي قبرها ويسلم عليها ويدعي لها طبعا لا جلس يتمتم بكلمات تعود سور المقبره انه يسمعها خاينــــــــــــــــــــــــه خاينـــــــــــــــــــــــــــــــــه رفع صوته اعلى واعلى بهاالكلمه يصاحبها تنهيده نابعه من اعماق نفسه مسح الدموع الي حاولت تنزل من عينه كانت في ال20 سنه لما تزوجها منحته من حياتها سنتين عاشها معها بحب وسعاده وبغلطه منها غيرت حياته وحولته من رجال منح قلبه وعواطفه لها بدون تحفظ لرجال قاسي ماله قلب وبوقفته عند المقبر تجدد غضبه وحقده القديم من تحت الرماد حامل معه ذكريات كان يعتقد انه دفنها من سنتين مروا على وفاتها ذكريات كانت ومازالت حيه في نفسه ومؤلمه بنفس الوقت حرك سيارته بعد ماتعوذ من ابليس ورجع للبيت بعد دقائق وصل ودخل بهدوء مايبغى احد يحس فيه خصوصا بنته سحر فأجاءه صوت من وراه .....مشعل جمد بمكانه لما سمع صوتها الناعم صوت يحاول يحمي اذنه منه وبدون مايلتفت عليها وبصوت عنيف سبته ظهورها الي فأجأه ..نعم فيه شي حاولت تمسك اعصابها من ردة فعله وبصوت حاولت يكون هادي ..ابوي سليمان سمع صوت باب الشارع يتسكر فعرف انه انت وقالي روحي ناديه ومشت بمشية الشموخ والثقه الي معروفه فيها وتعدته عشان تطلع فوق وقبل ماتطلع لفت عليه وبنضره تستفز وبصوت السخريه صاغيه فيه: على فكره ياابو سحر ياريت تهتم ببنتك شوي لاتتكل علينا حدنا انفسنا وابوي سليمان مو ناقصين غيرنا!!!!!!!!!!!!!!!!!! :::::::::::::::::::::::::::::::::::::::::::::::::::::::::::: :::::::::::::::::::::::::::::::: |
السلام عليكم ورحمة الله وبركاته
اتمنى اني اقراء ردودكم ورايكم بالقصه الي اعتبرها فعلا تشجيع لي على اكمال الروايه وتنزيلها لكم :) |
هلا بك يارونق انثى حياك الله كاتبة جديدة ومن اهل المحل .. البداية جداً مشوقة واسلوبك جميل وواضح ،، خطوط البداية تنم على انك ستخرجين لنا قصة جميلة .. اتمنى لك التوفيق وأن يكون ليلاس محطة انطلاق لك نحو النجاح والتألق .. موفقة يارب |
السلام عليكم.. بداية حلوة ومشوقة..اسلوب سلس..ووصف جميل..تسلم ايدج عالبارت.. الجازي الي فهمته ان ابوهـا مات وامهـا لحقته يمكن من الزعل عليـه..السبب بموتهم ابو محمد..الي اهي تشتغل بالمستشفى عنده..والي اوهمته بحبهـا..رغبة منها بالانتقام..وتحال ترمي شباكها على اخوه فهد..مع ان تدري ان مالهم ذنب..بس الحقد اعمى قلبهـا..بس ياخوفي تحبـه صج وينقلب السحر على الساحر هع.. الله يستر صيته شخصيتها ما عجبتني...وشلون قاسية..معاملتها لسحر مو حلوة.. صج مو بنتهـا..بس مهما كان تعاملهـا احسن..شكل مشعل معطيها طاف..ومتزوجها عشان بنته وبـس..لو كان داري عنها اساسا.. وشكلها تعودت على معاملته وصارت تعامله بالمثل..الله يعينهـا مشعـل الظاهر مرته خانته..وخيانتها حيل اثرت عليـه..كان يحبهـا بس كرههـا..او تم يحبهـا بس حاقد عليهـا...لدرجة انه مو قادر ينسى الي سوته..امممم انه ما يبي سحر تحس فيـه..ولا يبي يشوفهـا..امم يمكن لانهـا تذكرها بامهـا..ومعاملته لصيته تعني انه كره الحريم بعد مرته..!! بانتظار البارت القادم على احر من الجمرر تقبلي مروري |
السلااااام عليكم.. هلاا وغلاا ومنووره اختي... والف مبروك هالقصه واتمنى انتس تااصلين فيهاا بر الامان وتنهينهاا على خير..
بس ودي اسأل القصه كامله والا تووتس تكتبين فيهاا؟؟ |
تكملة الفصل الاول
.................. الكل يغبطهاعلى عيشتها عيشة العز والنعيم بالنسبه لهم منبهرين بالقصر الي ساكنه فيه والرفاهيه الي عايشه فيها وبنظرهم متأكدين وجازمين طبعا راح تحصل كل شي بما انها زوجة حمود العالي الدكتور المليونير وبنظرهم جازمين ومتأكدين باأنها اسعد زوجه بالوجود ليه لا وكل مقومات السعاده بنظرهم كامله عندها زوج دكتور ومليونير الكل يهابه واولاد ترفع فيهم الراس و حاصلين على اعلى الشهادات والكل يتمنى يكون نصيب بنته لواحد مثلهم وبنات الكل يطلب قربهم جاهلين عن خفايا حياتها خفايا الليمه تعاني منها مايعرفون ماتعانيه من الم ووجع واحزان كاتمتها بقلبها الضعيف جالسه بسجادتها ملاذها الوحيد كل ماضاقت فيها الدنيا وزادت الهموم بقلبها تشكي حالها لخالقها تدعي الغفور الرحيم يستجيب دعائها هو الوحيد العالم بحالها ..انتضرتها لما خلصت أمها صلاتها : تقبل الله منك يمه حبيبتي انزلي تغدي معنا رسمت على وجهها ابتسامة مجامله:عليكم بالعافيه وانا امك انا اليوم صايمه روحي كملي غداك لايبرد ...طيب يمه الله يعافيك روحي معنا المزرعه مع ابوي ....مالي خاطر بالطلعه ياعهود روحوا انتم وانبسطوا انا بروح لحصه اختي بالمستشفى ....يمه انتي زعلانه مع ابوي ترى والله ابوي طيب و.. قاطعتها بسرعه...لا وانا امك مازعلت على ابوك بس لازم اروح لااختي روحي تغدي واذا خلص فهد غداه ناديه لي ......ان شاء الله آه ه ه وانا امك مااقول الاحسبي الله ونعم الوكيل هه طيب والله محد يعرف معدنه غيري لا اله الا انت سبحانك اني كنت من الظالمين :::::::::::::::::::::::::::::::::::::::::::::::::: ::::::::::::::::::::::::::::::: طلعت من المستشفى راجعه للبيت طول طريقها تفكر اخيرا يا محمد تمكنت منك وقدرت عليك مثل ماغرقت بحبي بيغرق اخوك فهد بعد والله والله بصدمكم ببعض بخلي كل واحد منكم يحقد على الثاني ويأخذ ثاره منه بشبها بينكم لين ماتحرقون بعضكم بحقدكم ابي اشوف الصدمه بعيونه ابيه يتمنى الموت ولا يشوف عياله الي رافع فيهم الراس تفرقهم مره و هالشي ان شاء الله بيصير قريب وقتها بس بعيش حياتي مرتاحه ابتسمت بخبث وفتحت جوالها وارسلت له رسالة حب وغرام متأكده انها بتزلزله بكلماتها وبكلمات حب كتبتها تدري اني موت أحبك و ان مالي غير حبك والي ينبض في ضلوعي..... ماهو قلبي هذا قلبك تدري يا فرحي وهمي..... من كثر مانت في دمي كل ما تنظرك عيني ...... عيني من عيني تسمي تدري من عشقي لشفوك..... ما تفراقني طيوفك صرت انا مثل المرايا..... ما أرى نفسي وشوفك :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::: في قصر العالي على سفرة الاكل يأكل وهو يتأمل عياله واحد واحد فخور فيهم وفخور بسمعتهم الي الكل يثني عليها حبه كبير لهم هالحب والعطف هو الحسنه الوحيده الي تعتبرها زوجته فيه فرحان انه عرف يربي وعرف كيف يخلي كل واحد فيهم قلبه على الثاني قطع عليه تأمله لهم صوت بنته عهود ...... الله الله مين الحلو الي فيكم جاه مسج يالله يفتحها ويقراها علينا ضحك بضحكته المحبوبه عند خواته: الله يخلف علي تلقينها ياعزيزي العميل او بليز كوول مي والا من ... قاطعته اخته الصغيره نجود....والا من ايش محمد اعترف وافتح المسج الي سامعته ان الممرضات على اخوي المزيون بالهبل طلع جواله من جيبه بيقرا المسج لهم مستبعد كل البعد ان محبوبته ترسله...وهذا الجوال طلعته..وضغط على زر الرساله..وهذي الرساله فتحتها.... انــــــــــــــــــــــــصدم بأسم الحب الي اعتلى شاشة جواله ارتيك واحمر وجهه علقت عليه العنود اخته......اوه اوه اوه الدكتور راح فيها صفقوله خوانه بحماس عشان يقرا الرساله عليهم وعيون ابوهم تناظرهم بفرح حمود العالي بصوته القوي: يالله وانا ابوك اقرا الرساله على خواتك اذا شي ولاااش سماح هالمره عشانهم تلعثم الكلام بفمه ..هاااا لا هذي ايه هذا.. قاطعه فهد اخوه بهدوء:عطني اشوف"وغمزله" اوووه كل هالربكه عشان فاتورة جواله خواته بصوت واحد وباحباط:لااااااااااااااااااااااااااااااااا خساره نجود : والله خسااره كنت مفكرتها معجبه وانبسطت ان راح يكون فيه اكشن ياللللللللللللللللللللللله حمود العالي باابتسامه:ولايهمك وانا ابوك بيجي خالد اخوك وابشري بالاكشن على قولتك الا يافهد وش صار على الحجز للندن خالد كل يوم يكلمني يقول حجزتزا والا لا ههههه ياحليله يقول اذاماحضرتوا حفل تخرجي ترى والله مااحضره وانسوا اني ولدكم بهدوء الكل متعوده منه فهد...كل شي جاهز الله يرضى علي والحجز يوم الخميس الجاي حاول مايشغل تفكيره بالرساله قدامهم وبحب كبير لخوانه محمد: والله يالحلوين انا مانسيتكم كنت بسويها لكم مفاجأه واحجزلكم بس خالد عيى يقول لاتجيب خواتي معك عارف اني بجيبكم عشان مايبغى اخوياه يشوفونكم نجود بقهر: هالولد صدق يقهر متخلف ايش فيها يعني اذا حضرنا تخرجه نفشل يعني ؟؟بعدين الحمدالله بحجابنا وين المشكله فهد بحزم: نجود فيه اسلوب افضل من كذا تتكلمين فيه على اخوك الكبير وهالموضوع قفلي عليه مفهوم ردت عليه بخوف: طيب مفهوم خلص غداه ووقف حمود:الحمدالله يالله يابنات مشينا.. والتفت لعياله::ها يافهد انت ومحمد تخاونا بنروح للمزرعه فهد:اعذرني يبه عندي اجتماع بالموظفين بالمستشفى خيرها بغيرها محمد:حتى انا يبه بحضر الاجتماع مع فهد :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::: هو الوحيد الي حاس بمعاناة امه حتى لو من غير ماتتكلم تمنى تكون سعادتها بيده وقتها ماراح يتردد لحظه باانه يمنحها لها امه بالنسبه له شي غالي واغلى شي بحياته دخل عليها وشافها مازالت على سجادتها مدده رجولها ومسنده ظهرها على السرير قرب منها وحبها على راسها وجلس عند رجولها ورفع رجولها بحظنه وجلس يهمزها فهد بنظرة حنان وحب كبيره لها: عساك دعيتي لي يالغاليه محتاج دعواتك لي حبها كبير له امي ساره....:ادعيلك وانا امك من غير ماتقول انت غلاي انت الغالي يابعد عمري ضم كفوفها بيده فهد:غلاي عندك مهوب اكبر من غلاك عندي يمه يمه سولفي علي ::وبترجي::طلعي الي بخاطرك لي مستعد اشيل عنك همومك انتي بس تكلمي حطت كفها فوق يده وبكل حب الدنيا قالت له امي ساره...تدري يافهد اول ماحملت بنوره اختك ودريت اني حامل مع انها بكري انبسطت بوقتها بس بعدين كان الوضع بالنسبه لي عادي ماهتميت بنفسي وقتها اطبخ وانظف واشيل ثقيل ماكني حامل كانت امي الله يرحمها دوم تهاوشني عشان منيب اهتم بس يوم حملت بعدها فيك كان هالحمل عندي غير كني اول مره احمل مع ان ماكنت ادري الي فيني بنت والا ولد تصدق كنت اخاف انوم على جنب ماكنت ابي يجيك شي و احيانا كنت انوم وانا قاعده في هالحمال اهتميت بنفسي لااطبخ ولا انظف كانت امي الله يرحمها تضحك علي كانت تقولي الي في بطنك ياساره بنت والا ولد بيطلع احن وابر عيالتس فيك ::وابابتسامه حنونه::وصدق كلام امي يافهد بنظر تساؤل بعينه :يعني راضيه علي يمه امي ساره: راضيه عليك ليوم الدين وأنا امك ابيك بموضوع فهد: انت تامرين امر سمي؟؟ امي ساره: وانا امك ابيك تنبه لـ أخوك محمد حاله مهوب عاجبني ابد متغير مدري وش الي فيه دايم يهوجس وسرحان مدري وش علته حاول انه يبدد مخاوف امه: مافيه يمه الاالعافيه معي طول الوقت بالمستشفى باصرار منها: لا وانا امك انا ابخص وادرى ولدي واعرفه زين عمر احساسي ماخاب فهد: مالك الا طيبة الخاطر يمه بحاول اعرف وش الي فيه مع اني متأكد مافيه الا العافيه امي ساره:ياليته يمه ياليته والله ان قلبي مهوب مرتاح ابد لحاله الي تغير الله بس يستر حاول انه يغير الموضوع: الا يمه مريت امس على خالتي حصه وشفت فحوصاتها الحمدالله طيبه بس السكر هو الي اثر عليها امي ساره: الله يشفيها ويعافيها ابروح لها اليوم بعد ماافطر واصلي المغرب . منيب مأخرتك عن شغلك وانا امك توكل على الله فهد: تامرين على شي امي ساره: لا سلامتك استودعتك الله انت ووخيانك الله اذي لاتضيع ودائعه ....طلع من عندها وعيونها تتابعه لين ماطلع من غرفتها و تنهدت بصوت عالي عشان عيالها بس تحملت عيشتها معه وضحت بشبابها واحلى ايام حياتها عشانهم ماتتذكر انها عاشت لحظه حلوه معه بدت تكبر وبدأ الشيب الابيض يحتل مكانه بشعرها وبدت تجاعيد الكبر تأخذ مكانها بوجهها كبرت بسرعه كبرها الهم وضيقات الصدر وكل ماتكبر تزيد اهاناته لها متجاهل وبكل قوه فعلها الطيب معه متناسي كيف كانت نعم الزوجه ماسوى اعتبار لها بما انها ام عياله ورفيقة دربه الي صبرت عليه وتحملته ومع كل هذا مااستغربت منه هالشي من يوم يومه ماحبها ولاقدرها وماحشمها وواثقه انها لولا عيالها وحاجتهم لها والا من زمان طالعه من هالمكان :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::: في صالتهم الي فوق .....السلام عليكم ساره بترحيب: هلا والله بالطش والرش والبيض المفقش الجازي: هلا فيك وش عند على هالترحيب اليوم ساره:ماعندي شي الا اذا كان حرام ارحب واهلي بحبية قلبي الجازي فهذا شي ثاني الجازي: وين صيته وسحر ساره: صيته بغرفتها وسحر تشوف توم وجيري الجازي: ابوي سليمان وش فيه اليوم؟؟ ساره: مافيه شي ليه؟ توني طالعه من عنده جالس هو ومشعل الجازي: لا ولا شي بس اسأل المهم وانا بطلع فوق لقيت مشعل في المطبخ وين صيته عنه؟؟ ساره: قويه وين صيته عنه منسدحه بغرفتها ولاجابت خبره ..تدرين ابروح احمي له غداه مسيكين تلقينه حايس بالمطبخ الجازي... روحي بس انتبهي مهوب تحرقين غذاه مثل كل مره خذت جلالها ونزلت للمطبخ على طول بالنسبه لها لمشعل معزه خاصه بقلبها تحترمه وتقدره و تعتبره اخوها الكبير اكثر من اعتبارها له كولد عم ماعمره قصر عنها يدلعها ويراعيها مثل سحر بنته بالضبط صح بعد ماكبرت تتغطى عنه بس ماعمرها خلت هالشي يكون حاجز بينها وبينه ... هههه انتبه تكفى لاتحرق علينا المطبخ ...قالها متورط بالحوسه الي سواها مشعل: جيت يالسوري بوقتك تعالي دبريني ردت عليه بعتب ساره....يووووه يامشعل مية مره اقولك انا اختك الصغير وش فيها يعني اذا قلت لي جهزي غداي شكلك تستحي مني ضحك عليها من قلبه: ههههههه انا استحي منك لاوالله ماهقيت بس يعني قلت جليه من المدرسه تعبانه ماحبيت اني ازعجك ساره: طيب ياباشا انت اطلع الحين ودقيقه يكون غداك جاهز يا ان صيته مسويه مثلوثه بتأكل اصابعك وراها بس اهم شي القدر لاتاكله خفق قلبه من سمع اسمها وحاول يتجاهل ..بس بسرعه اليوم انا ميت من الجوع...الا اقول السوري ..مد يد لجيبه وطلع بوكه..خذي هالفلوس ومتى مارحتوا لسوق اشتري ملابس لسحر انا والله ماعرف لبس البنات وسحر ماتحب الاذوقكم انتم وتكفين ساره متى ماشفتي ان سحر ناقصها شي بلغيني انا ماعرف ترى بهاالامور وكلتك انتي ..ومد يده لها بظرفين..هذي لك انتي وصيته كان ودي اني معطي الجازي بس هي الله يهديها من توظفت عيت تأخذ مني شي انحرجت من كرمه عليهم: مشعل والله ماتقصر ظرف صيته بعطي هياه بس انا والله الحمدالله معي لاابوي سليمان ولا الجازي قصروا معي مشعل:افاااااا يالسوري هالمره بسوي نفسي ماسمعتك ::وبأبتسامه::نسيتي يوم كنت صغيره ماتجين تسلمين علي الا وتأخذين الي في بوكي ساره:ههههههه لاتذكرني الله يكثر خيرك ماقصرت :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::: في غرفة صيته منسدحه على سريرها تفكر فيه ماقدرت تنساه ولاتنساها كانو اغلى اثنين عندها بعد جدها وخواتها حبتهم من كل قلبها وفي الاخير خانوها .......صيتــــــــــــــــــــــــــــــــــــــــ ـــــــــــــــــــه ارتاعت من الصوت: بسم الله الجازي!متى جيتي الجازي:من عشر دقايق دخلت عندك وماحسيتي صيته: تتغدين؟احميلك غداك الجازي:مالي نفس ياصيته المهم كيف اختبارك اليوم صيته:يعني وانتي كيف يومك الجازي:ملل مثل كل يوم الا وش فيك سرحانه لايكون فيك شي صيته و الحزن بعيونها....القهر ماقدرت انساه يالجازي والله ماقدرت اشوف كل دقيقه قدام عيني تعبت يالجازي والله مااقدر اتحمل ليه يصير فيني كذا انا وش سويت لهم خانوني استغفلوني تفهمين وش معنى زوجك يخونك مع صديقتك الروح بالروح الجازي بتفهم: ادري الي مريتي فيه صعب وادري انك تحبينه وماقدرتي تنسينه بس ياصيته مثل ماباعك برخيص بيعيه بتراب هو وياها كيف الى الان تحبينه بعد الي سواه فيك والله مهوب كفو الواطي لك لين متى بتفكرين فيه زواجك مع احمد صار من الماضي خلاص انتي تطلقتي واتزوجتي مشعل هو الحين زوجك وهو المفروض تفكرين فيه صيته بااستهزاء: هه مشعل ليتني ماتزوجته ولاوافقت على شروطه متندمه ياالجازي:وباانفعال: اكرهه اكرهه الجازي: ياما قلتلك لاتوافقين وانتي بهالظرف ماامدا احمد يطلقك الا وافقت تتزوجين مشعل انا فاهمتك ياصيته ماتزوجتيه ووافقت على شروطه الا عشان تقهرين احمد مدامك تحبين أحمد ليه طلبتي الطلاق ليه يوم جاء يعتذر منك ويطلب انك تسامحينه ماسامحتيه ليه يوم بكى عند ابوي سليمان وقال ان الي صار نزوه والشيطان غلبه لما درى عن خطوبتك لمشعل ماعذرتيه وتقبلتي اعتذاره الي راح راح ياصيته خلاص انتي الحين زوجهة مشعل صدقيني مشعل رجال وكفو بس انتي حاولي تفهمينه صدقيني بتحبينه صح شروطه كانت قاسيه شوي بس احس انها بسبب شي في نفسه افهميه وحاولي تكسبينه في الأخير هو زوجك صيته:مايحس بالنار الا واطيها لما تحبين احد وتخلصين له ولما يجمعك معه حب سنين وتتزوجينه وتعيشين معه احلى ايام حياتك وفجاءه تشوفينه في فراشك مع صديقتك وش بتسوين يالجازي علميني وش بتسوين يالجازي صح اني احبه بس ماقدرت اسامحه ولا انسى مااقول الاحسبي الله ونعم الوكيل عليها وعليه قاطعهم دخول ساره عليهم ساره تمد الظرف لصيته.خذي من مشعل يقول عطيها صيته والجازي ترى ابوي سليمان يبيك تحت الجازي: نكمل كلامنا بعدين صيته بنزل لاابوي سليمان ساره : وش عندكم تراني اختكم لاتنسون هالشي تسولفون من وراي واذا سالتكم وش فيه تقولون مافيه شي شايفيني سحر تلعبون علي صيته: تكفين مالي خلقك اطلعي وسكري الباب وراك ساره بقهر: هين ياصيته انا اوريك اذا انتي حرمه تعالي لغرفتي فالليل واسهري معي واترجيني احط لك فلم هندي ماكون ساره ان ماطردتك هين اذا جت الجازي انتي معها سوالف واسرار واذا نامت جيتي عندي تسهرين اوريك صيته تضحك: ههههه والله انك بزر انتي وافكارك الغبيه مثلك ههههه اتوكلي اطلعي برا روقيني يالله طـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــخ صيته بصراخ: يالبـــــــــــــــــــــــــــــــــزر كسرتي الباب يارب يارب يارب ياربي ياكريم انك ترحمني وتغسل مودة احمد من قلبي يارب سالت دموعها من عينها دموع ماجفت عليه ابد دموع على حب راح بلمحة بصر مسحت دموعها بسرعه وذكريات خيانتهم ماراحت من بالها ابد و سرحت لبعيد لهذاك اليوم كان مسافر لتبوك واصر تنوم عند اهلها عشان ماتجلس بالبيت لحالها اسبوع مروا على سفره اشتاقة له وكلها لهفه وشوق لرجعته تفاجئت برساله وصلتها كان مكتوب فيها من رقم غريب " حبي هذا رقم صديقي جوالي خرب وصولي لرياض اليوم تعالي للبيت استنى شوفتك على نار" فرحت لجيته مع انها كانت مكلمته ومابلغها عن حظوره صيته بفرح: ياي الجازي وش رايك اليوم أحمد بيوصل في اليل ودي أروح المشغل واقص شعري واصبغه ابغى اسويها له مفأجاه وامممم بروح السوق بشتري قميص جديد الجازي بابتسامه: فكره حلوه ياجوليت زمانك قولي لاأبوي سليمان يوديك صيته:ياربيــــه بس احراج اخاف اتأخر عليه في المشغل وبعدها بيوديني السوق ابتعبه الجازي: عادي قولي لساره تروح معك وتجلس مع ابوي سليمان بتصك راسه بسوالفها لين تخلصين راحت متحمسه لردة فعله اذا شافها صبغت وقصت وسبحان من خلقها زادها جمال على جمال وقررت تروح بدري لبيتها تنظف وترتب فبل مايجي جاهله عن المفاجأه الي كانت تنتظرها وصلت وفتحت الباب الشارع ودخلت تفاجئت بالانوار المفتوحه مع انها كانت متأكده انها قفلتها واتفاجئت اكثر لما شافت سيارته متغير مكانها بالكاراج ركضت فرحانه لجو الفله اكيد انه جوا دخلت وطلعت فوق بعد ماتركت اغراضها تحت ولما وصلت لغرفتها الي شافت بابها مفتوح دارت فيها الدنيا واسود كل شي قدام عينها حاول تصرخ تتكلم تمشي بس الصدمه والي شافته كان اقوى من انها تتحمل |
اسلوب مميز وبدايه قويه انتظر القادم بشوق
فشكرا لكي اختي علي اسلوبك الرائع جزاكي الله خيرا ويعطيكي العافيه |
السلام عليكم ورحمة الله
عزيزتي رونـــــــــق أنثى انتقام انثى.. وكيف تكون الإنثى عند الإنتقام.. هل ستكون لبوة جارحة.. لتنتقم بكل شراسة أم ستكون أفعىتنتقم على حين غفلة من فريستها.. أم أسلوب جديد في الإنتقام.. رونق أنثى أسلوب جميل في السرد بداية جميلة ..وموفقة..غاليتي بانتظار الإنتقام بشوق دمتي في حفظ الرحمن |
السلام عليكم..
يعطيج الف عافيـه عالبارت الي ابدعتي فيـه.. فهـد حلوة حنيته على امـه..وشلون يفهمها وحاس فيهـا..اممم مااعتقد ان الجازي تقدر تضحك عليـه بكل سهوولة..اممم يوم شاف المسج يعني يدري عن اخوه معاها.. الجازي شكلهـا مخططة عدل..وشلون انهـا بتنتقم منه بانها تحرق قلبه على عياله الي افنى عمره وهو يربيهم..وانه يخلي قلوبهم مع بعض..وهي بالي بتسويه بتغير كل شي..محمد وقدرت عليه..بس فهد امم ما اظن.. حمود من الي فمرته..فاهو انسان كلش مو زين..والي سواه باهل الجازي شي كبيـر..حيل.. صيته الخيانه شعور مر..شلون لو كانت من اغلى ناس على قلبهـا..بتكون صعـبه حيـل..وافقت على مشعـل عشان تحرق قلب احمد..مع انهـا ليلحين تحبـه..ومو قادرة تنساه..ولا تنسى الي سواه اهو وصديقتهـا..وهالشي صاير حاجز بينهـا وبين مشعـل..غير شروطه القاسية..الله يعينهـا مشعـل حلوة معاملتهـا لبنات عمه..ووقفته معاهم..امم شكله يحب صيتـه.. من هالكلام: خفق قلبه من سمع اسمها وحاول يتجاهل..بس ما يبين هالشي..بسبب خيانه ام سحر..وبسبب برود صيته معاه.. تقبلي مروري |
نهاية الفصل الاول
:::::::::::::: بالمستشفى ....مشيعل اركدي شوي تر مهوب زين ترمين نفسك عليه يالخبله ..مشاعل بكل حب: آه يارنا احبه احبه رنا:خبلووه انتي ماسمعتي اغنية محمد عبده يامدور الهين ترى الكايد احلى اثقلي تلقينه الحين داري عنك وعن حركاتك السخيفه ومطنشك ولا عبرك مشاعل: طيب وش تبيني اسوي ماتحمل تدرين شكلي بصارحه بحبي له والي فيها فيها رنا: اللهم اني لااسألك رد القضاء ولكني اسألك الطف فيه ربي بلاني فيك تدرين انك اغبى واسخف وحده شفتها بحياتي والله انك بزر مشاعل: ياربيه والحل غصب اذا شفته اتدوده و ماقدر اوخر عيني من عليه "وبلهجه لبنانيه "يئبرني مااهضمه رنا: والله لويدرون اهلك بفعايلك ان مايخلونك تشوفين الشارع طول عمرك مالقيتي تحبين الا هو استحي على وجهك ياقليلة الادب مشاعل: احترمي نفسك اسمه مروان مهوب هو بعدين تراه ولد بنت خالة امي صح انه ياخال ابوي حك ظهري بس ولو بعدين وش فيها لافرق بين عربي واعجمي الا بالتقوى رنا بعصبيه: والكوبه والله هذي الي بترفع ضغطي مشيعل ياانك تعقلين وتركدين والاابعدي عن وجهي اذا دروا عنك اهلك انك تحبينه بروح فيها قبلك مشاعل تنغز يد رنا و بصرخه : هااااااااذا هو جا شوفيه يئبرني يالبا قلبه وروحه شوفيه هذا الي يفتح النفس يازينه حطت يدها على فم مشاعل تسكتها: جب جب فضحتينا يالرقله لايسمعك احد ونروح بخبر كان مشاعل توخر يدها: بعدي يعني حرام اعبر عن مشاعري ياربي من عرفت نفسي وحظي ردي اف وش فيها اذا تزوجت لبناني امي لبنانيه يعني شي عادي اني اخذ من اهل امي والله انه احسن من هالخايس تريـــك عسى الله ياخذه ويفكني منه وش ذنبي يحيروني له والله حرام وياليتهم حيروني على واحد سنع ماحيروني الا على هالمنتف الشين قولي امين عس.. قاطعتها رنا: عادي عندك مو عند المجتمع بعدين الرجال هو الي عادي ياخذ اجنبيه محد بيعلق عليه مهوب سعوديه تاخذ لبناني حتى لو كان من قرايب امك بعدين الي ابيك تستوعبينه ان حتى ابوك طلق امك لما زعلت عليه امه تبينه عاد يسمحلك تتزوجين لبناني بعدين تراك مولمه العصابه قبل الفلقه ماتدرين هويحبك والا لا مع اني ماتوقع انه يحبك ابد فهمتي ويالله خلصيني خلينا نروح مشاعل: وين نروح ؟؟وش ذا المستشفى والله لولا وجود مروان والا تلقيني طالعه من زمان ماستفدت من دبلوم التمريض الا الجلسه مع هالفلبينيات خخخخ زميلاتي بالعمل خخخخ والله نكته ومقابل خشتك الشينه لازم ادورلي على موظفه غيرك اتصادق معها رنا : امشي بس ماصير عليك الا خشتي خلينا نروح للمريضه غرفه 22 ياملحها هالبنت تهبل ودك تاكلينها تدرين عمرها 8 سنين مشاعل: روحي انتي عندها بروح اترزز عند طير شلوى الاطخم مروان لعل وعسى يعطيني وجه رنا: سؤال واحد قبل لا تروحين؟شفتي عيونك بالنقاب يالحولا؟؟ مشاعل:لا وش فيها؟تهبل مركبه عدسات زرقاء لايكون غايره مني ترى مالي خلق اوخرها امسكي نفسك لين تروحين البيت وبكره منيب لابستها مراعاة لخاطرك بس رنا: قولي امي جعل الحولان مايكثرون الله لايعميك ترى للمعلوميه عين لونها ازرق والثانيه اسود احولت عيوني وانا اشوفك مشاعل بروعه: اماااااااااااااااااااااااااااااااااانه نسيت البس العدسه الثانيه رنا بضحكه ملت المستشفى:ههههههههههههههههههههههههههههههههههههههههه هههههههههههههههههههههههههههههههههههههههههههه :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::: بصراخ وانفعال: اه ياالقهر ليه عمي واخوانها سمحولها تتوظف بمكان مختلط لا وممرضه قلت بيوافقولها شهرين وبس مهوب الحين صارلها 7شهور والله لااطلعها من المستشفى واجرها بكشتها مااكون تركي امه تحاول تهديه: اذكر الله ياتركي هذا وانت ماتبيها وابوك غاصبك عليها وسويت كذا خل البنت في حالها ارخصها لغيرك وشوله العناد وبعناد: كيفي انا حر بتزوجها ثم اطلقها بالثلاث محد في هالدنيا يقهرني مثلها اه بس اليوم انا لازم اكلم عمي بخليه يعجل بزواجي منها وبعدين انا الي بربيها والله لااخليها تحلم تشوف هالمستشفى مره ثانيه امه: واذا توظفت وش فيها الحمدالله محتشمه بلبسها و مشاعل عاقله مهيب صفق هوا وانا امك تركي: هههها تعلميني في ام جبهه يمه ابو طبيع مايجوز عن طبعه من تشوف واحد زين الا وهي خاقه عليه البلا ان عمي والعيال عارفينها ومخلينها امه بابتسامه: لاانهم عارفين اخلاقها زين بعدين وانا امك مشاعل انا اعرفها تخرط وتتكلم تراها تاخذها مزح وضحك مثل ماتقولون تستهبل بس اذا جيت بالجد مافي اعقل ولا اسنع منها بعدين ان سمعتك تقولها ام جبهه مره ثانيه زعلت عليك انتبه لنفسك تركي : هين ياام جبهه انا اوريك امه بعصبيه:تــــــــــــــــــــــــــــــــــــــــــ ـــــــركي :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::: بالبيت ابوي سليمان ابوي سليمان بعتب: الجازي لاتحسبيني غبي منيب افهم الي يدور في راسك تغيرتي واجد منتيب الجازي الي اعرفها من 7سنين من ماتو امتس وابوتس لين متى بيكون هذا حالك من ترجعين من دوامك وانتي يا في غرفتك والا معنا بجسمك بس خلاص انسي الي صار والتفتي لعمرتس واحمدي ربك واشكريه ان محد يدري بسبب وفاتهم الا انا وانتي ومشعل ربي برحمته ولطفه عليهم ستر عليهم على بالتس انتي بس الي متأثره بوفاتهم حتى انا في قلبي ضوء شابه ماهيب ساكنه عمري كله بس المفروض الواحد يحاول ينسى الماضي ويعيش حياته قاطعته بهدوء عكس الي داخلها:الله يرحمهم مين قال اني مانسيت الماضي نسيته من زمان ابوي سليمان بعدم تصديق: متأكده الجازي :ايه ابوي سليمان:طيب وانا ابوتس فيه موضوع ثاني ابتكلم معتس فيه موضوع العرس لين متى تبين تجلسين على هالحال صيته اختس اصغر منتس واعرست مرتين وساره ربي بيرزقها وانت تردين كل من جاتس ترى الكفو وانا ابوتس مايجي دوم الجازي بأنفعال: لوسمحت يبه زواج مابي اتزوج وهالموضوع قفل عليه تكفى قمت من مكانها وطلعت قبل لاتنهار قدامه وبطريقها لغرفتها صدمت بجسم صغير.......ااااااااااااااااااااااااااااااااااي خالتي جازي عورتيني الجازي ارتاعت: بسم الله مين وين طلعتي !!عورك شي سحر بخوف: خالتي الله يخليك بتوزى عندك خالتي صيته بتجي تضربني الجازي:تضربك؟؟؟؟؟ليه وش سويتي سحر: ماسويت شي بس انا احبها وهي ماتحبني رحت عندها بغرفتها ابغى العب معها طردتني بعدين توزيت بالدولاب حقها ولما سمعتها جالسه تبكي طلعت من الدولاب عشان اعطيها منديل حراااااااااااااااااام صيته نازله معصبه: سحيـــــــــــــــــــــــــــــــــر والله لااضربك يالحماره تعالي الجازي: صيته خلاص ماصار الا الخير مايستاهل هالصراخ منك صيته بعصبيه: هالبنت بتذبحني لازقه فيني 24 ساعه وفي الاخير تتوزى بغرفتي الجازي بأبتسامه :سحوره روحي العبي سيكل بالحوش يالله راحت تلعب وكملت كلامها مع صيته: هالبنت صدق تحبك على انك تهاوشينها وتتكلمين عليها الا انها تحبك غريبه؟صح صيته:حبتها هي وابوها القراده قولي امين هالمره مسكت نفسي المره الثانيه والله محد بيفكها مني الجازي: منتيب صاحيه تحطين عقلك بعقل بزر صيته: امحق بزر هالبنت ملكعه تدخلك مع كم وتطلعك من الكم الثاني المهم وش فيك وجهك احمر؟؟؟ الجازي : عادي ولا شي انا بروح انوم اذا جيتوا تطلعون قوميني طيب صيته: طيب انا بعد بروح اذاكر بالحوش علي اختبار بكره الجازي بتحذير: انتبهي سحر تلعب بالحوش سيكل مهوب تنزلينها هي الي رايحه قبلك طلعت الجازي لغرفتها وقفلت الباب وجلست على سريرها وبين يديها صورتهم صورة امها وابوها مبتسمين من ماتوا تكتفي انها تشوف الصوره وماتتكلم معها بس بهاالحظه حست انها تبي تتكلم معهم لاول مره بعد ماماتوا تبي تشكيلهم تعلمهم وش صار لهم بعدهم سالت دموعها بغزاره وخنق صوتها عبراتها ليه تركتوني اشتقت لكم ودي احظنكم واشم ريحتكم مـ ما كنتم تخلوني من تعبتوا احظنكم والله اني بعدكم تايهه ماعرف وش ابي بالضبط يبه محتاجتلك وا لـ له محتاجه لك رحت عني بلمحة بصر بس لاتخاف ولايضيق صدرك باخذ بثارك منه " وباتسامة حزن"تدري يبه شماغك لين الحين عندي ماانوم الا وانا لابسته عارفه انك تبي تعرف اخبارنا ابوي سليمان بخير وطيب من رجعنا من مصر بعد بــ عــ د مامتوا سكنا ببيته ومثل مانت عارفه حنون وكريم وطيب تدري مانعتبره انا وخواتي جد بعدكم صار لنا امنا وابونا وصديقنا وصيته طيبه انت عارفها سنعه وعسل والله يبه لو تشوفها هي وسحر بنت مشعل ان تضحك توم وجيري صايرين ايه صح من سنتين تزوجت صيته احمد ولد جارنا ابو سعد بس تطلقت من عشانه خانها مع سلوى صديقتها وبعدها تزوجت مشعل ولد عمي متعب توفت زوجته وعنده بنت تهبل والله يبه هالمشعل رجال طيب وكريم بس فيه شي غريب ماقدرت افهمه تدري انه شرط على صيته انها تكون زوجته بالاسم بس مايجمعهم أي شي هو فغرفه وهي في غرفه وايه تذكرت مشعل جا هو وبنته وسكنوا عندنا وباع بيته يقول انه خايف على سحر تكون لحالها تدري يبه ارتحت من سكن عندنا انت عارف أبوي سليمان رجال كبير احيانا يتعب علينا فليل ومانعرف كيف نتصرف وجود مشعل معنا امان هههه عارفه انك تبي تسمع اخبار السوري صارت حرمه بثالث ثانوي وعليها لسان نسخه من لسان صيته بس الحمدالله زانت تذكر لما كنا نضحك عليها وعلى شكلها الحر يزكي يبه صارت الحين تهبل اما اخباري انا لاتسأل عني ابد خلها في الجرح تجرح ولا تطلع برا وتفضح سلملي على امي مااقدر اسولف معها على الاقل مهوب الحين عارفه انها زعلانه علي ولا اوفيت بوعدي لها بس غصب عني والله الي سواه فيك ماراح من بالي ابد ليه هو الي يتهنى وانتم الي تعذبتوا ليه دمرك وهو يسرح ويمرح ولا على باله سامحوني تكفون سامحوني :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::تحت عند صيته صيته: سحير اذلفي جوا علي اختبار بذاكر ومابي ازعاج سحر: بس خالتي انا جيت قبلك صيته: اللهم طولك ياروح بتذلفين والا وشلون سحر جت وجلست جنبها على الزوليه بالحوش: بروح بس بسألك اول سوال ممكن صيته من غير نفس: خير غردي وش عندك سحر: خالتي انا احبك مره بس ليه انتي ماتحبيني خالتي الجازي وساره وبابا سلمان يحبوني الا انتي ليه انا ايش سويت خالتي؟؟ انصدمت بكلامها واستغربت من سؤالها: لااااا يعني انا احبك بس سحر: بس وشو خالتي؟؟ ماتوقعت ان سؤالها بيأثر فيها صيته بمكابره: ولا شي يالله روحي العبي بعيد مابي اسمع صوت سحر: ان شاء الله يااحلى ام بالدنيا بابا مشعل يقول خاله صيته مثل ماما تجمدت بمكانها كلمة ماما كان لها تأثير كبير عليها ماما ومشعل قالها بس بس هالشي مستحيل يصير مستحيل اكون امها :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::: بالمستشفى بمكتب فهد محمد : واخيرا خلص هالاجتماع يجيب الهم اعوذ بالله انا طالع الحين بروح لااخوياي تبي شي فهد:اجلس ابيك بموضوع محمد مستغرب: موضوع خير وش صاير فهد : اسمع محمد عارف انك رجال وما يحتاج انصحك بس الي صار اليوم والمسج الي جاك ابيك تنتبه منه مافي بنت محترمه ترسل هالرسائل لرجال ماتعرفه ولا بينهم لاخطوبه ولا زواج بعدين من هي هالبنت لو انها بنت حموله ومتربيه كان ماسوت هالشي محمد يحاول يمسك اعصابه وبصوت هادي: البنت متربيه احسن تربيه يافهد ومااسمح انك تتكلم عنها بهاالاسلوب وان شاء الله كلها فتر قصيره وبخطبها فهد بحزم: من هي بنته يامحمد وشلون تبي تخطب بنت مثل هاذي ومن متى علا قتك فيها؟؟؟ محمد: اذا رحت اخطبها وقتها بس بتعرفها ورجاء هالموضوع لاتتدخل فيه ابد يافهد طلع من مكتب اخوه بهدوء واول شي سواه اتصل عليها الو الجازي بصوت ناعم وحلو: هلا حبي كيفك محمد بحنيه: نايمه الجازي: توني بنوم بس عادي محمد: نومي نوم العوافي ومتى ماصحيتي اتصلي علي اتفقنا الجازي :ابشر محمد: في حفظ الله الجازي: مع السلامه مكالمته لها خلته يطير فوق نسى كلام اخو وراح مبسوط لااخوياه :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::: في نفس المستشفى مشاعل ورنا رنا: اقول شعوله هههههه كيف عينك الحين مشاعل بقهر: تقهرين يارنا وش بيضرك اذا قلتيلي من اول اني نسيت البس العدسه الثانيه وش بيقول الحين عني مروان الاطخم رنا: كلن على همه سرى هذا اذا شافك اصلا المهم انا بروح البيت متى بتروحين اليوم لامناوبه ولاشي مشاعل بسرعه: هاااا انتي روحي انا بنتظر لين يجي السواق بيتأخر شوي رنا : لا خلاص ابجلس انتظرك لين يجي سواقك اخاف اروح وتروحين تتميلحين على حبيب القلب مشاعل : لا لاتخافين انتي روحي مدري عن السواق متى بيجي والله منيب رايحتله ههههه الابكره اذا لبست عدساتي الخضر رنا بضحكة محبه:ههههههه تدرين مشاعل مااتخيل نفسي من دونك يالله باي اشوفك غدا مشاعل : وداعا اخيتي هههههه راحت رنا وجلست مشاعل في غرفة الممرضات كان عذر تأخير السواق مجرد عذر ماتبي تروح البيت بسرعه ماتبي تتعرض للاهانه والذل مثل كل يوم من خواتها ومرة ابوها ومن الجميع وضيفتها هي المتنفس الوحيد لها تضحك وتمزح تحاول تبين انها سعيده و لكن للاسف ب داخلها بقايا انثى محطمه |
خواتي الغاليات:flowers2:
اولا احب اشكركم جميعا على قراءتكم للروايه اتمنى أنها فعلا عجبتكم واتمنى ايضا انها تعجبكم للاخير شاكره ومقدره لكم واحب اشكر كل الاخوات الي ردو وعلقوا على القصه ردودكم حمستني وشجعتني واتمنى هالردود تستمر لنهاية القصه واخص بالشكرالأخوات الغاليات اقدار غربه زاراَ <<<اسفه على التأخير بالرد القصه تقريبا كامله بس باقي الجزء الاخير وحاليا جالسه اكتبه BENT EL Q8 hna وبأذن الله راح انزل الفصول الباقي كل سبت واثنين واتمنى انكم تعذروني على التقصير كان ودي انزل لكم كل يوم بس الظرف ماتساعد وشكرا |
السلام عليكم.. يعطيج الف عافيـه عالبارت..الحلو.. مشاعـل واعجابهـا بمروان لوين بوصلهـا..!! تدرين كلش ما توقعت ان هالي تضحك..وتغشمر..فيها كل هالحزن..الله يعينهـا صراحة..اممم الظاهر ان ابوهـا تزوج امهـا على وحدة..وعنده منها عيال..اهله يووم درو زعلو عليـه..فطلقهـا..بدون اي ذنب..والحين مشاعل تعاني من ذل اخوانهـا ومرت ابوها لهـا..الله يعينهـا.. تركي شكلـه حاقد عليهـا من قلـب..وناوي عليها نية شيـنه..ما اقول غير الله يستـر صيته وتأُثير كلام سحـر عليهـا..!! الجازي خلاص الحقد تمكن منهـا..واعمى قلبهـا..وهمها بس تشوف تحرق قلب الي حرق قلبها على اهلهـا..كسرت خاطري واهي تكلمهم... محمد وعدم اقتناعه بكلام فهد..بيي اليوم الي يندم فيه.. فهد قمة العقلانية..ان شاء الله يقدر يقنع محمد تقبلي مروري |
السلام عليكم ورحمة الله
مشعل.. لا أعرف صراحة ماهي أسبابك بأن يكون الزواج من صيته على ورق... هل ذلك لأنك قد جرحت من أنثى سابقة و حكمت على جميع الإناث بأنهن مثلها.. ومع هذا أنت بحاجة لأم لإبنتك فلم تجد أنسب من صيته لتوافق على شروطك؟؟؟ أم لأنك تحب صيته وأنت تعرف بأنها لاتحبك وتريدها مع الأيام أن تتعرف عليك ومن ثم تنمو مشاعر جميلةبينكما ولهذا أنت تصبر على تجاهلها لك وعلى كل مايصدر منها؟؟ صيته ..لما أنت مصرة على العيش في الماضي لما لاتتركينه وراءكِ فهو يعرقل خطواتكِ ويكبلكِ مدي يد المصافحة للحاضر وابتسمي للمستقبل بمحبة.. الجازي ... حزنكِ كبير وألمكِ أكبر.. وهذا الألم هو ماجعلكِ تلعبين بالنار ونسيتِ بأن اللعب بالنار لايترك إلا الحروق.. فهد .. مازلت بالنسبة لي شخص غامض سحووورة... كم جميلة هي البراءة التي في الصغار وكيف لكلمات قالتها ببساطة استطاعت أن تقلب كيان صيته وتهزها من الأعماق.. رونق أنثى لكِ كل الشكر على هذا الجزء الجميل.. في أمان الله |
اخواتي الغاليات
ماكنت حابه اخلف الوعد معكم بس الظروف اجبرتني اني اخلفها اعذروني ولكن الوالد في وضع حرج وانشغلت معه وبكره بأذن الله متوجهين لاالمانيا للعلاج اتمنى تتقبلون عذري وتسامحوني <<<ولاتنسونا من الدعاء وهذا الفصل الثاني نزلته لكم وبأذن الله اذا سمحت لي الفرصه هناك اني انزل لكم تكملة القصه بنزلها على طول بس انتظروا علي شوي لحد ماترتب امورنا هناك وشكرا من كل قلبي لكل من قراء الروايه ولكل من رد <<<ادعولي تتسهل اموري باالمانيا بليز اختكم: رونق انثى |
الفصل الثاني
مشاعل بالسياره ...الو هلا هههههه والله بالسياره وش فيك مشتغله علي اليوم محقق كونان تبين تتأكدين عطيتك محي الدين تكلمينه رنا: لا خلاص يالله باي ...الى اللقاء سكرت منها ههههه ياحليلك يارنا والله محد مصبرني غيرك انتي وظيفتي يووووووه الله يعيني الحين عليهم راسي خلقه بينفجر يااااارب تعيني يارب السواق مستغرب: ماما مساعل انتي كلام مع انا مشاعل:لا مع نفسي انتبه لطريقك بس بعد دقايق وصلت للبيت ودخلت ....بدري ياطويلة العمر كان نمتي بالمستشفى احسن مشاعل ببرود : لاحوووووووول انتي وش تبين بالضبط قلتي مابي اشوف وجهك بالبيت قلت حاضر صرت اجلس طول الوقت بغرفتي وش تبين اكثر من كذا مااقول الا اعوذ بالله من الشيطان الرجيم طرفه مرة ابوها معصبه: ايا قليلة الحيا انا شيطان!!!هين يابنت الكافره انا اوريك امجاد اخت مشاعل تتدخل: اسفهيها يمه مهيب هي الي تجي من الدوام مبسوطه الله اعلم مع مين وانت الي تتنرفزين هذي ماينفع فيها غير ابوي طرفه بحقد: والله لاخليك تتمنين ربي مااخلقك انقلعي عن وجهي عسى الله يأخذك وافتك ....خير خير صوتكم واصل لشارع ماتخلون الواحد يرتاح بهاالبيت طرفه تتصنع البكي: مهوب مني يامساعد من بنتك قليلة الحيا حتى الاحترام ماتحترمني بمكانها تحس دمها يفور قهر جواتها وببرودها المصطنع: يبه انا..... سكتها كف قوي على خدها وبقلب خالي من الرحمه شد شعرها وقربها منه: اسمعي زين بكره ملكتك على ولد عمك تركي سامعه انتي بلا عسى الله يأخذك وافتك منك مسكت نفسها قد ماتقدروتصنعت الابتسامه: ابشر يبه منيب لاقيه احسن من تركي ولد عمي طلعت بعد ماتأكدت انها تركتهم مصدومين كانوا متوقعينها تنهار تبكي تترجاهم مايزوجونها تركي بس ردة فعلها صدمتهم امجاد والدموع متجمعه بعينها: يمه سمعتي وش قالت يمه قولي شي تركي لي يمه هو بنفسه قال يبيني كيف يتملك بكره عليها كيف يمه وطلعت تركض لغرفتها طرفه: مساعد بس تركي مايبيها وانت عارف هالشي مساعد : وانا وش يدريني عنه مشيعل محيره له من زمان وهو واخوي كلموني اليوم وقالوا يبون الملاك بكره قلت طيب تبيني ارد اخوي طرفه وبكل سيطره : وامجاد انت تدري انهم يحبون بعض تصرف سو شي مساعد باستسلام لها: يابنت الحلال تركي واعرفه زين بيتملك عليها ثم بيطلقها انا اعرفه اخوي هو الي غاصبه طرفه:ومتى ان شاء الله بيطلقها لين ماتت بنيتي امجاد من الحسره الله يخلف على قلبي قل امين ماتزوجت رجال متزوجه رخمه مساعد: طيب وش اسوي انتي كلمي تركي وتفاهمي معه واذا بيطلقها بعدين زين ارسلها عند امها وش تبين اكثر من كذا طرفه بتهديد: انا بكلم تركي بس والله ثم والله ان ماطلقها ان تندم ومايردك انت وبنتك الا الشارع وبيتي مالك دخله فيه ودكاني تطلع منه فهمت مساعد: فهمت بس انتي لايضيق صدرك تركي انتي خالته مهوب رادلك طلب فوق عند مشاعل قفلت عليها باب غرفتها الصغيره واتوجهت لشي غالي بالنسبه لها شي تعود انه يسمع احزانها لدفتر مذكراتها وبدت تكتب وتعبر عن الي بداخلها دفتري الغالي اليوم بالذات ابيك تسمعني اول شي لا تخاف علي مثل ماوعدتك ولادمعه نزلت مني مسكت نفسي وقويتها.. حتى الحين وانا اكتبلك ماسكه نفسي مابغى دمعتي تنزل على ناس ماتستاهل كلهم مايستاهلون لا امي ولا ابوي ولااي احد تدري احيانا ادعي على نفسي بالموت ودي ان الله يأخذني وافتك بس على طول ارجع استغفر ربي وش اسوي من الي في قلبي تعبااااانه تعباااانه مره مااقدر اتحمل اكثر من كذا مليت وانا اتظاهر بالقوه مليت وانا اتصنع البرود اضحك وانا حزينه اسمع مشاكل غيري واحلها لهم مع اني محتاجه مين يسمعني ومالقيت غيرك ابي افهم ليه حظي ردي ليه مايفارقني ابد صدقني مابي شي من هالدنيا ابد الي ابيه بس راحت البال مابي لا امي ولا ابوي ابي بس ارتاح لو يوم ودي انوم مبسوطه من غير مايذبحني التفكير ودي ادخل لو مره البيت من غير مااسمع كلام يغثني ومع هذا كله متحمله وصابره بس لين متى سلاحي الوحيد معهم ومع الكل برودي الي اتصنعه هالبرود هو الي ينرفزهم ويقهرهم هالبرود هو الشي الوحيد الي اقدر اتعامل معهم فيه وامي امي الي اتحسف اقولها هالكلمه كلمه ماتستاهلها تدري اني اكرها مافي فقلبي لها محبه ومع هذا احاول اتقرب لها واكلمها بس مافي فايده طماعه انانيه همها الفلوس وبس لاااا وصار لها شهر ماترد على مكالماتي كل هذا لاني رفضت ارسلها راتبي طيب هي بخير ونعمه هي دكتوره وزوجها دكتور مهيب في حاجه لراتبي ليه اعطيها وهي ماعمرها عطتني انا مااحاسبها بس من حقي افكر في نفسي من حقي اجمع رواتبي واضمن مستقبلي لاابو يعطيني ولا اخوان ومحد بينفعني اذا احتجت شي يكفي الي الايام الي راحت قبل ماتوظف ياما ذليت نفسي لخواتي عشان اشياء بسيطه وردوني يكفي اني اقل وحده فيهم لالبس ولاشي ومع هذا الحمدالله احسن من غيري اصلا انا مستغربه ان ابوي موافق لي اشتغل وماعمره طلب راتبي او حتى سألني عنه ولا حتى طرفه مرته شي غريب ..وامي بكيفها الي علي سويته خلاص ماعندي استعداد اهين نفسي لها اكثر من كذا وابوي احيانا ارحمه ضعيف شخصيه تمشيه طرفه على كيفها لو تقول رح لنار راح كانه هو الحرمه وهي الرجال ناقصها بس شنب وتكمل خخخخخ ياربيــــــــــــــــــــه استغفر الله والله مهوب قصدي اتريق عليه بس تصرفاته تنرفزني مايقدر يقولها لا اصلا ماعمري سمعته يقولها هاالكلمه زين منه انه اقنعها اعيش معهم مع ان البيت بيتها بس ولو ارحمه واحبه اكثر من أمي وطرفه وبناتها اقصد خواتي باختصار يادفتري حقودات منافقات قمة المتعه عندهم يأذون غيرهم محد يهمهم اهم شي انفسهم حتى راكان اخوي صاير مثل ابوي ما عنده شخصيه مع انه هو الكبير ماادري كيف اصلا عايشين حالتهم غريبه مايبغون احد احسن منهم مابيغون يسمعون كلمة لا من أحد شي غريب ماقدرت انسجم معهم وخصوصا امجاد تدري احسها الحين بتنفجر لان بك.... أيــــــــــــــــــــــه صح نسيت اقولك بكره ملكتي على تركي تخيل!!!!!! ملكتي على شخص يكرهني ويحب اختي دائما اسمعه يقول لطرفه خالته انه مايبيني وانه مغصوب علي وعمي جابره علي طيب انا وش ذني مهوب انا الي قلت حيروني له مهوب انا الي قلت تملك علي بكره اصلا هو عمره ماحبني بالعكس اول ماعرف من6 سنين اني محيره له بدا كرهه لي يظهر ياما ذلني وأهاني قدام الي يسوا والي مايسوى خلاني مضحكه للكل مايناديني الا ياأم جبهه مايقولي الا يابنت المسيحيه صاروا كل بنات عمي وعمتي وخواتي ينادوني مثله حتى الحرق الي بيدي من 2 سنتين سبته هو كنا بالمخيم وقالت لي عمتي اروح اصلح لهم شاهي على الحطب تغطيت وطلعت وانا اصلحه جاء سأل من اكون قلت انا مشاعل سكت وراح والشاهي خلص ولما رحت اودي ماحسيت الا بخشبه تعكر طريقي وطحت وانكب الشاهي على يدي موقف عمري كله مانساه موقف حسسني اني فعلا وحيده مالي سند احتمي فيه محد قام لي مع انهم شافوني اطيح محد سمى علي هالحظه بغيت اموت من الم يدي من حرارة الحرق احس انها وصلت قلبي قمت ورحت اركض للخيمه الي انوم فيها عرفت ان مالي غير نفسي دورت على معجوني وحطيته على الحرق نمت من الالم واناابكي تمنيت لحظتها اني اموت ولما صحيت الفجر وغسلت وحطيت المعجون مره ثانيه والكل كان نايم وطلعت برا وانا متغطيه اجيب لي مويه كنت عطشانه ومخنوقه ابي اطلع اشم هوا شفته بوجهي خفت وكنت برجع للخيمه بس مسكني من يدي وقالي شفت الخشب كيف عكر طريقك انا بكون اعظم منه وحياتك كذا بتكون معي الم في الم ودفني على الارض وراح هذا هو الي بتملك عليه بكره هذا الي بكون حرمته شفت حظي كيف بس لا تخاف علي والله العظيم لاعلمهم من تكون مشاعل اولهم تركي وطرفه بعلمهم كيف يجربون الالم والجرح بعلمهم من تكون مشاعل :::::::::::::::::::::::::::::::::::::::::::::::::::::::::::: :::::::::::::: بالمستشفى بمكتب فهد متعب ولد عم فهد: الله يهديك يافهد محمد رجال عمره 28 سنه ماله داعي تتعامل معه بهاالاسلوب والله لو يدري ان يعصب محمد انت عارفه مايحب احد يدخل في خصوصيته هو حر مهوب اول ولا آخر واحد يكلم بنت فهد ماسك اعصابه: افهمني يامتعب ادري محمد رجال ونعم بس انا اكثر واحد يعرف تفكيره.. محمد ماتفرق معه من تكون بنته مايهمه اسم العائله الي بيناسبها هذا يامتعب نسب محسوب علينا عندي خوات عندي بنات عم ومحمد بالنسبه له انه اهم شي يحبها مايهمه وش تصير او مين تكون ...والبلا انه تعلق فيها حبها يامتعب ..كيف تبيني اسكت ومااتدخل ابوي لو درى وش بيسوي امي اذا درت امي بس لو تدري انه خذها عن طريق علاقه والله ان يصير فيها شي متعب :ادري يافهد بس ولو اتركه على راحته يمكن البنت تكون بنت حموله و.... قاطعه فهد:أي بنت حموله لو انها بنت حموله ومتربيه مارضت تكلمه مارضت يسمع صوتها هذي وين دينها واحترمها لنفسها قلبي قارصني منها يامتعب انت تعرف محمد قلبه طيب وطاهر يتعامل مع الناس بكل صدق وعلى باله الناس مثله وش يدريك انها ماتلعب عليه وانها تبي اسمه وفلوسه واذا حصلت الي تبيه رمته وقتها وش بيصير بأخوي قلبه رهيف وحساس مهوب متحمل انا اعرفه كيف تبيني اسكت كيف متعب: والحل؟؟ فهد: وصيت مسعود يجيب لي نسخه من فواتير جوال محمد وبعدها انا بتصرف متعب الله يعينك على نفسك يافهد حارق عمرك على اخوانك وناسي نفسك هذا وهو محمد اجل لو خالد وش بتسوي: قم بس يارجال خلنا نطلع نغير جو فهد بابتسامه: لااااا خالد غير قلبه مهوب خضر مثل اخوه يالله مشينا :::::::::::::::::::::::::::::::::::::::::::::::::::::::::::: :::::::::::::: في نفس المستشفى بغرفة المريضه حصه الراهي ....الحمدالله يااوخيتي اليوم وجهك زين اللهم لك الحمد حصه بعتب:ورى مافطرتي عندي ياساره والله اني جالسه احتريتس من صليت العصر ساره: وش اسوي ماكنت ابي اطلع وبناتي بالبيت بس يوم راحوا مع ابوهم للمزرعه جيتك حتى نوره بتروح معهم حصه بقلق: وابوهم على حالك انتي وياه الله يكون في عونتس ياوخيتي هالرجاجيل ماعاد فيهم خير ساره :لاااا مهوب كلهم عيالي وسلطان ولدك فيهم الخير كله المهم غيري هالسالفه سلطان مكلمني امس هو وخالد ولدي ياحبيني لهم هالاثنين عسى الله مايفرقهم من يومهم صغار وهم مع بعض لاويقولون يبون زواجهم بيوم واحد ويبون خوات وبيبنون بيوتهم جمب بعض الله يلحقهم خير يارب ويسوون الي يتمنونه بأذن الله حصه:هههههه اجل سليطين يقول تعالي لحفل تخرجي هلي مايستحي لاهههههه ويقول سوي مكياج وتسريحه واجلسي بالصف الاول عشان تطلعين بالتلفزيون وتحرين مرة ابوي ساره :الا على طاري ابوه عبدالمحسن ماجا يشوفك حصه بتنهيده: لا ماجاء سافر هو ومرته لمغرب عند اهلها هانت عليه العشره وانا اختس الله يالدنيا وين المحبه والغلا راحت بغمضة عين وين الي يقوله جعل يومي قبل يومتس وين كلامه لي انا الغاليه وانا العزيزه حتى مكالمه ماكلم دنيا وانا اختس الله يكفينا شرها ماتدوم لاابن آدم اليوم تضحكين وبكره تبكين ساره: الحمدالله الذي بحمد تدوم النعم اهم شي طلعنا من هالدنيا بعيال يسوون الدنيا ومافيها ياوخيتي وطلعت فيك يالغاليه هذا اهم شي عندي حصه تغير الموضوع: وش اخبار عيال نوره الله يكوون بعونها بتدخل الجنه بسبتهم هههه شياطين الله يصلحهم مدري على مين طالعين نوره وسعد هادين ساره:يابعد قليبي هالنوره تنرحم مسيكينه اليوم تكلمني تصيح منهم تقول تعبت معاد تقدر عليهم حتى ابوهم ماقواهم حصه: انا اشهد ان سعد رجلها رجال والنعم فيه متحملهم ومتعاون مع نوره والله لوواحد غيره طفش وطلع من البيت ساره: الحمدالله والله اني ارحمهم عسى مايجيهم ضغط وسكر من عيالهم اجل تدرين من يومين قالت نوره انها تبي بهارات من عندنا وانها بترسل سواقها ياخذه قلت لطباخ يجهزها واذا جاء سواقها يعطيه البهارات ودخلت غرفتي ارتاح ماوعيت الا بصراخ نجود والله ياوخيتي اني قمت مرتاعه قلت بس هذا اكيد حرامي لاقدر الله طلعت اركض برا من خوفي على بنياتي وماشفت الا فيصل وحمود وفهد وسعود عيال نوره ماسكين نجود وضاربينها وعهود والعنود يفكونهم بغيت انهبل البنت قاعده تصرخ وتصيح تبيهم يوخرون عنها يالله اني فكيتهم هههههه لا ويوم سألتهم وراهم ضاربينها قال فيصل انه مسكره التليفون في وجهي وضاربينها عشان تتأدب حصه:ههههههههه ههههههههههه الله يخس شيطانهم ساره: اللهم لك الحمد والشكر يارب انت بس شدي حيلك واطلعي بالسلامه وان شاء الله بنسوي يوم الجمعه عزيمة عشاء كبيره بعزم اهلي وعمانهم وعمانسلطان عندي بالبيت يستاهلون وش رايك ودي اجيبلهم هديه ومدري وش اجيب ودي بسياره لكل واحد منهم حصه: بستانسون اجل انا من راي عطيهم فلوس السياره وهم يختارون الي يبون وانا بعطيهم على مية الف هدية تخرجهم خليهم ينبسطون مساكين لهم 7سنين بلندن والحمدالله تعبهم مارح خساره رجعوا لنا بشهاداتهم الي نرفع فيها الراس من قدي باساره ولدي مهندس طيار الحمدالله يارب الله بس يقر عيني برجعتهم ان شاء الله :::::::::::::::::::::::::::::::::::::::::::::::::::::::::::: :::::::::::::: بمزرعة حمود العالي نجود بفرح: وااااااااااو بابا المزرعه خطيره تأخذ العقل متى بس تخلص بسوي بارتي وراح انادي كل صحباتي عهود: ابداع المزرعه بابا واحلى شي البحيره وملعب التنس انا قررت بعيش فيها العنود تحب راس ابوها: الله يخليك لنا يبه ماقصرت جعل عمرك طويل تعبناك يالغالي حمود العالي: كل هذا عشانكم من عندي اغلى منكم الي تبون تسوونه بالمزرعه علموني لايردكم الا لسانكم نوره: ياربـــــــــــــيه ياليت عيالي معي كله منك يانجود نجود بعصبيه: لاتجيبين لي طاريهم عسى الله يكسر يدينهم ورجولهم ان شاء الله نوره بعتب: نجيــــــــــد حرام لاتدعين على عيالي نجود :الا بدعي عليهم وبدعي وجع ضربوني ضرب الويل شوفي جسمي كيف مزرق من سبتهم ورجاء لاتجبينهم بيتنا الا اذا كنت مو موجوده ظلهم مابي اشوفه هالحقيرين عهود:ههههه والله قبل امس يوم ماينسي ابدا صورناهم وهم يضربون نجود بالفيديو محمد لما شافها مات من الضحك حمود العالي: وانا ابوك يالنوري الي سووه عيالك اكبر غلط وشلون يمدون يدهم على خالتهم والله اني يوم شفتها في اليل ارتعت جسمها زرق عيالك مايحترمون ولايخافون من أحد ابد مافي احد ماضربوه حتى الخدامين متأذين منهم مايبون يوم الاربعاء يجي من يطلعون من البيت والسواقين والحارس والمزارع جايني يشتكون الحق وانا ابوك ماينزعل منه لعد يجوون عندي الا يوم الجمعه عشان فهد يكون موجود وعيالك يخافون منه وبيجلسون هادين نوره بضيق: والله تعبت يبه منهم ماادري وش اسوي فيهم ضرب وضربناهم عقاب وعاقبناهم تفاهم مانفع فيهم اسلوب حلو معهم ماجاب معهم نتيجه وش اسوي المدرسه تشتكي الجيران يشتكون حتى شغالاتي ماجلسوا عندي وش اسوي يبه امس عاقبهم ابوهم وحبسهم جوا الغرفه وقفل الباب مادريت انا وابوهم الاهم قدام عينا بالصاله قدر الله ولطف ماجاني جلطه من الروعه وشلون طلعوا اثرهم ناطين من الشباك على الحديقه عبدالمحسن من القهر دخل ينوم وانا جلست اصيح وكني جدار قدامهم بدال مايعتذرون قالوا عطينا فلوس بنروح نشتري لنا فول العنود:هههههههههه ههههههههههه عيالك تحف نكته الله يصبرك عليهم يارب نجود بحقد: ادعي ان الله ياخذهم وتفتكين منهم وتفكين خلق الله من شرهم نوره بزعل: نجيد حرام عليك تبيني ادعي على عيالي يومي قبل يومهم ان شاء الله حمود العالي: يالله يابنات تأخرنا مشينا بيجوني رجاجيل بعد صلاة العشا نوره: يبه الله لايهينك وصلوني لبيتي على طريقك قايله لعيالي بروح ازور حرمه والده وبرجع عندهم بكره اختبار بروح اراجعلهم شوي نجود: لا كان جلستي ببيتك ليه تطلعين وهم عندهم اختبار عسى الله لايوفقهم ان شاء الله اكيد بنلقى العصابه عند الباب مالي خلق اشوفهم عهود: نجود عادي خلي عندك روح مرحه واذا ضربوك عادي محد قالك سكري الخط في وجه الاقشر فصول واذا وصلنا بيت نوره سكري الستاره ماراح يشوفونك نوره تحاول تراضيها: نجيد طيب انا وش دخلني ماقلتلهم يضربونك هذا وانا اختك الكبيره تزعلين مني نجود تحظنها: لاتزعين النوري بس قهروني ودي اجلدهم لين ابرد حرتي فيهم العنود: خلااااااااص بلافلم هندي يالله نروح بالسياره العنود: مانقصنا الا امي ليتها معنا حمود العالي من غير نفس: والله هي الي حارمه نفسها سكتوا البنات حاسين وعارفين بكبر الفجوه الي بين امهم وابوهم نجود: بابا بطلب منك طلب حمود: اطلبي الي تبينه وصلك نجود:يابعد عمري يابابا نبي الصيف نسافر تركيا صحباتي يمدحونها نوره تتدخل: ماعليك منها يبه هالزايغه تبي تروح عشان تشوف يحيى ومهند واياد عهود: نوره صادقه بابا تركيا مانبي نروح لها نبي باريس ولندن نجود :وع انتم ماتملون كل سنه نفس المكان خلونا نغير بعدين واذا كنت ابي اشوف يحيى ومهند واياد عادي وش فيها يعني بابا ماعليك منهم التغير حلو مو كل مره نفس المكان مليت حمود: كلكم قلتوا رايكم الا عنودي ساكته وين تبين تروحين وانا ابوك كانت سرحانه بأمها تمنت تكون معهم وتشاركهم رايها نجود: عنيد عنيد ابوي يكلمك انتبهت لهم: هاااا اسفه يبه ماسمعتك عهود:بابا يقول وين تبين تروحين هالسنه العنود:الي تبون انا عادي بس اهم شي لندن وباريس لا مليت منهم نجود بفرح: هذا الكلام الحلو خلاص تركيا يعني تركيا نوره: اجل من الحين انا وعيالي بنروح معكم البنات بصوت واحد:لاااااااااااااااااااااااااااااااااااااااااااااااا نجود شوي وتبكي: خلااااص مافي داعي نسافر بنجلس بالبيت :::::::::::::::::::::::::::::::::::::::::::::::::::::::::::: :::::::::::::: ببيت ابوي سليمان ساره بترجي: ياااالله منكم يالجازي بس محلين مهوب ضارك يعني من اروح معه الجازي بدون نفس: ساره توني صاحيه من النوم مالي خلق اطلع مرتين مهوب ضروري اليوم خليها بكره او خلي صيته توديك ساره: لاوالله يعني صيته الحين بتوافق مافي امل بعدين ادق على بابها وسافهتني ماردت علي الجازي: ليه هي مهيب تحت قبل مانوم قالت انها بتذاكر بالحوش غريبه طلعت غرفتها!! ساره: مدري عنها جلست شوي بعدين طلعت على طول اكيد متهاوشه مع سحر الجازي:يووووووه نسيت اصلي المغرب اطلعي بصلي وصلحي قهوه تكفين راسي بينفجر ساره :يعني مافي سوق اليوم؟؟؟ الجازي:بالنسبه لي لا بس حاولي بصيته يمكن توافق توديك :::::::::::::::::::::::::::::::::::::::::::::::::::::::::::: ::::::::::::: في غرفة صيته ياربيــــــــــه حسبي الله على بليسك ياسحر صدق مهوب وقته كيف اذاكر الحين اشغلتي تفكيري والله احبك بس غصب عني اتعامل معك كذا مابيك تتعلقين فيني ماابيك تحبيني مابيك تعتبريني ام لك لاني مابيك تنصدمين بالاخير وتفقدين امك للمره الثانيه ياربيـــــــــــه بعد وش قصد هالسخيف يقولك ناديني ماما اشغل تفكيري حسبي الله عليه اف انا الغبيه انا الي استاهل ليتني ماتزوجته يبي يورطني فيها والله تحلم يامشعل لازم اكلمه واخليه يطلقني احسن شي ماقدر اتحمله كأني حشره قدامه حتى النظره متحسف يناظرني انا الي جبته لنفسي ليه هنت نفسي ووافقت على شروطه حتى ماسألني ليه وافقت عليه هاالمهزله ماله داعي تستمر اكثر من كذا والطلاق عادي مايهمني اكون مطلقه مره ثانيه خسارة مشعل ماتعنيلي شي ابد ابد ابد ........خير وش تبين تراك ازعجتيني مارديت عليك معناها افهمي مابي اشوف احد جالسه اذاكر ماتفهمين والا لازم الواحد يتكلم يعني ساره عند الباب: صيته افتحي تكفين ابيك ضروري صيته: لا وضفي وجهك ساره: وش هالاخلاق الزفت الي فيك اليوم افتحي ابيك بلانذاله صيته صيته: لاحووووووول وش تبين تكلمي من عند الباب ماله داعي افتح الباب اسمعك ساره: وديني السوق الله يعافيك صيته: ليه ماراح نطلع مع ابوي سليمان نتعشى برا؟؟ ساره: الا بس ابوي يقول بنطلع الساعه 10 والحين الساعه 6 بيمدينا نروح ونرجع واذا مامدانا اذا طلعنا من السوق نروح للمطعم الي هم فيه وش قلتي تكفين بكره ماقدر اطلع عندي الاربعاء اختبار تكفي صيته وديني جعل امي وابوي بالجنه صيته باستسلام: آمين يالله طيب بلبس عبايتي وبجي ساره بفرح: ياعمري يصيته يلوموني فيك محد ينفعني غيرك جعلك ان شاء الله تودين عيالك قولي آمين :::::::::::::::::::::::::::::::::::::::::::::::::::::::::::: :::::::::::::: بغرفة الجازي غريبه مايرد علي وش فيه برجع ادق عليه يمكن يرد الو... اخيرا حبي رديت بصوت محب لها: عمري كنت مشغول مع اخوياي والحين انا بالسياره ياهلا بهاالصوت والله اخيرا دقيتي علي عساك نمتي زين الجازي: الحمدالله المهم انت كيفك غريبه مو بالمستشفى؟؟ محمد: حبي المستشفى خليته لفهد اخوي انا غير وقت دوامي مستحيل اجلس فيه الجازي: محمد محمد بوله: روح وقلب محمد ياحلو اسمي على لسانك الجازي بحيا مصطنع: ترى بسكر كذا تحرجني محمد: اجل لو اقولك اني من شوي شفت بيت معروض للبيع تدرين دخلته وعجبني وش رايك ناوي اشتريه لنا ديكوره رائع وتصميمه اروع الجازي: طيب بس مو كنك مستعجل شوي محمد: لاحبي لااستعجلت ولاشي بيت زي كذا مستحيل اتركه صاحب البيت مصممه لنفسه سباكة البيت وتصريفه ممتاز وصاحبه يبغى يبيعه لأنه خسر بالاسهم وهذي فرصه لازم استغلها بكره بكلم ابوي وبطلب منه يشتريه لي وش قلتي الجازي: الي تشوفه حبيبي يكفي انه عجبك الله لايحرمني منك محمد: ياعمري على اللسان الحلو يلوموني فيك "وبحسن نيه"تدرين اليوم فهد اخوي شاف المسج الي ارسلتيه لي الله يهديه من خوفه علي رفض اني اخطبك بس ماعليك طلبت منه مايدخل في خصوصياتي ذكره لأسمه هزها خافت يقدرعلى محمد وان الي خططت له يفشل وبترجي كاذب:محمد اوعدني انك ماتتخلى عني ابد مهما يكون لاتسمح لأحد يفرق بينا الله يخليك محمد بوعد صادق لها:قد سمعتي من قبل احد يتخلى عن روحه انتي روحي يالجازي انتي الغلا والحب لافهد ولاغيره يقدر يفرقني عنك حست انها ماتتحمل اكثر من كذا: حبيبي لازم اسكر الحين ابوي سليمان ينادي علي تأمر على شي محمد:سلامة قلبك اشوفك بكره اتفقنا الجازي: محمد المكتب لا خلنا على التليفون ماابغى احد يشك بشي محمد :محد شاك بشي لاتخافين بعدين باب المكتب مفتوح ماعمرنا سكرناه او سوينا شي غلط الي ابيه شوفتك لو 5 دقائق بس :::::::::::::::::::::::::::::::::::::::::::::::::::::::::::: ::::::::::::: بالسياره بطريقهم لبيت نوره نجود: انزلي على طول يانوره قبل لايطلعون لنا عيالك حمود العالي: نجود وشفيك على اختك اليوم؟؟؟ خليها على راحتها نوره: لاتخافين بنزل على طول انا اصلا مابيهم يشوفونكم لو شافوكم بيعرفون اني كذبت عليهم وانا مالي خلق قرقرتهم فوق راسي بعد دقايق وصلوا لبيت نوره نجود بخوف: لااااااااااااااااااااااااا المجرمين عند الباب حمود يتهرب :وانا ابوكم بسوي نفسي نايم قدامهم عشان ماينشبون لنا عهود: يــــــــمه نوره شوفي نظرات عيالك تخوف شكلهم والله اعلم بياكلونك نجود: جعفر "السواق" اول ماتنزل مدام نوره قفل الباب على طول بسرعه انتي بعد انزلي نوره تنزل بسرعه: طيب مع السلامه يبه باي بنات اول مانزلت هجموا عيالها على السياره فيصل : هلا هلا هذي الي بتروح لوحده والده وبتجي تكذبين علينا يمه طنشته نوره ودخلت البيت بسرعه نجود ميته خوف ومتمسكه بالعنود: لو سمحت انزل ابوي نايم فيصل: جب انتي شكلك ماتأدبتي من الضرب الي جاك "ويكلم اخوانه" شباب تعالوا اركبوا عهود بأدب خايفه: فيصل حبيبي ابوي نايم تعبان مسكين نبغى نروح بعدين كيف تركبون السياره ماتكفي تكفى انزل العنود بصرخه: شوي شوي كسرتوا رجلي من نحفكم الحين انزلو ايييييييييييييييييييييييييييييييييي سعود فتح الباب على جده:اوه الشايب نايم "يهزه"يبه حمووود يبه شكل نومه ثقيل ماحس حمود الصغير بتريقه: هههه يلعب عليك مانام اضربه على راسه اذا قام معناته يكذب واذا ماقام فهو نايم هالشايب موب سهل ابد عهود معصبه:سعود سكر الباب على ابوي بعدين عيب عليكم وش الي اضربه رجاء انزلوا من السياره فهد الصغير:امانه حمووود انا بظربه تكفى فيصل: حمووود بعد عن فهيد خله يضرب ابوي حمود ونشوف هو يلعب علينا والا لا العنود:فيصل لو سمحت خذ اخوانك وادخل بيتكم بسرعه سعود: عنوووود يازينك ساكته ترى لين الحين نحبك لاتخلينا نقلب عليك فيصل يتحرش بالسواق: يازول انزل من السياره وعطني المفتاح باخذ فيهم لفه وبرجعهم انزل خلصني سعود يستهبل على جده وياخذ نضارته:والله هالشايب مهوب سهل يلبس نظاره شمسيه"ويجربها" شباب وش رايكم فيها علي البنات ساكتين من الخوف حمود متظاهر انه نايم فهد الصغير: وع ياشينها عليك اصلا النظاره شينه اكسرها احسن هالشايب عليه ذوق مثل خشة جعفر الشينه السواق جعفر معصب:يالله بسورعه وخرووا عن السياره والا راح اكلم العم فهد حالا فيصل: يمه خفت سعووود تكفى تعال انفث علي فيني الروعه حمود الصغير مستعجل: فصول اضربه الحين والا وشلون فيصل: لاخلاص لاتضربه بنمشيها له هالمره "ويكلم السواق: اصمخ انت يازول ماتسمعني اقولك انزل يالله خلصني فهد الصغيريكلم خالاته:تبونا ننزل؟؟ نجود بخوف: ايه حموود: انتي جب يالبثره فهيد يكلم عهود والعنود انتي انكتمي سامعه والا لا فيصل بخبث: شكلها صمخه "ويقرب منها ويأشر باصبعه على وجهها" الحين ليه ياالكافره ماتتغطين وش رايك اشيل عيونك باصبعي نجود ميته من الخوف: بـ بـ بتغطى بس انت بعد سعود بعد ماكسر نظارة جده وبقشاره: اول قولي اسفه ياعمي فيصل ياتاج راسي وحبي يده وراسه تحركي حمود الصغير : وافتحي شنطتك وعطينا بوكك نبي فلوس اذا تبينا نتركم وندخل البيت نجود باستسلام تحب يده وراسه : اسفه ياعمي فيصل وياتاج راسي وبوكي والله مو معاي نسيته يالبيت والله فهد الصغير: ماعلينا الحين تطلعون لنا فلوس محتاجينها ضروري عهود: انا والعنود ماجبنا شنط والله حتى تأكدو اذا تبون فيصل: والحل يعني سعود يكلم نجود: انتي يالنتفه خذي بوك الشايب وعطينا منه فلوس غير 500 مانقبل العنود تحاول تتفاهم معهم: مايصير ناخذ بوكه وهو نايم ما... قاطعها حمود الصغير: مالك دخل يصير ونص تأخذونه يالله يالنتفه خلصينا والا اشتقتي لضرب امس نجود خانقتها العبره: لا خلاص "خذت بوك ابوها وفتحته" مافيه الا 400 تبونها فيصل: مو مشكله جيبيها والميه الباقيه بنأخذها منك بعدين "ويكلم خوانه:" يالله شباب دخلنا البيت نزلوا نجود بسرعه: جغفر تحرك بسرعه بسرعه بعد ماتحركوا حمود العالي بعد مافتح عيونه: اشهد ان لااله الا الله حشى مهوب عيال هذولا شياطين نجود تصيح: شفت بابا وش سوووا فيني "وجلست تصيح" العنود: هههههه اليوم عاد يعتبرون هادين ماستهبلوا اجل لو كانوا رايقين وش بيسوون الحمدالله الله فكنا عهود: عمى يخوفوون الله يعينك يانوره هههههه سمعت بابا كيف ينادونك حمود العالي معصب: هالملااااا**** كسروا نضارتي وخذوا فلوسي هالحميـ***** عهود وعنود:هههههههههههههههههههههههه هههههههههههههههه نجود بقهر: جعلهم الموت الله ياخذهم وافتك الله يأخذهم :::::::::::::::::::::::::::::::::::::::::::::::::::::::::::: ::::::::::: ببيت ابوي سليمان ساره تنادي صيته من تحت بصوت عالي:صيته يالله خلصي هذي الي بتلبس عبايتها يالله بنتأخر صيته من فوق: لاتصرخين بنزل الحين نزلت وتفاجئت بوجود مشعل بالصاله مشعل بدون مايناظرها وعينه على الجريده الي يقراها: على وين ان شاء الله ؟؟؟ ساره بأدب: على السوق استأذنت من ابوي سليمان ووافق مشعل وعينه على الجريده: انتي استأذنتي من ابوي سليمان فهمت بس صيته من مين استأذنت ان شاء الله طنشته ماردت عليها وفي داخلها تغلي من القهر منه بأي حق يحاسبني مصدق نفس انه زوجي صدق اوريه والله لااحقره بخليه يعرف قيمته صدق صيته:يالله ساره مشينا انا وانتي بس! وسحر خليها عند الجازي مافي داعي تروح معنا سحر بترجي: خاله صيته لو سمحتب ابغى اروح معك والله اصير هاديه ومؤدبه الله يخليك صيته بكل قوه: قلت لا واذا تبين تروحين يوديك ابوك ..يالله ساره ساكت ويسمع كل كلمه قالتها يحاول يمسك نفسه قد مايقدر مايبغى يرفع صوته قدام بنته او ساره وبصوت واضح فيه انه معصب: صيتـــــــــــــــــــــــــــــه توها بتطلع ووقفت من غير ماتلفت له حبت تردله حركته الي سواها فيها الظهر .خيــــــــــر تقدم لها ومسكها من يدها ضغط عليها بكل قوه وهمس بأذنها .........ارجعي بكرامتك احسن لاتخليني ارجعك بالغصب بعد عنها ورجع يقرا الجريده وقفت بمكانها من غير ماتتحرك حست بقرف من لمسه لها من غير شعور نفضت بكفها مكان لمسته وبصوت ثابت: ساره خذي سحر واطلعوا فوق بعد ماطلعوا قربت منه :لو سمحت ابي اتكلم معك بس مهوب هنا بالغرفه مشت من غير ماتسمع رده لغرفته كانت تتمنى تصرخ عليه تسبه تضربه تسوي أي شي اهم شي تفرغ غضبها الي كاتمته عليه نزل الجريده وعيونه تتبع مشيتها بهدوء حس بالم كبير داخله الم وحزن سيطر عليه في هاللحظه حس انه كان قاسي في معاملته معها بس هاللحظه اختفت بسرعه ..مستحيل اضعف كلهم واحد خاينات مايستاهلون المحبه والاحترام هز راسه بعنف واتعوذ من الشيطان وتبعها للغرفه جالسه على الكرسي تنتظره واول ماشافته ...ادري اني انا الغلطانه والمفروض ماوافقت على زواجنا من البدايه وابغى اصحح غلطتي يامشعل طلقني مسند جسمه على الباب وبكل هدوء يذبح: وبعدين اذا طلقتك بترجعين له حاولت تستفزه: واذا رجعت هذا شي مايعنيك الي ابيه منك تطلقني بنفس الهدوء وبكبرياء رجل:ماعندي مانع اطلقك في كل الحالتين انتي ماتعنين لي شي سواء انتي في ذمتي او مطلقه بس ليه من البدايه وافقتي علي وعلى شروطي كلامه جرحها تدري انه مايحبها والدليل معاملته معها بس ماتوقعت انها لهالدرجه رخيصه عنده صيته...وليه انت اخترتني انا بالذات ليه ماخترت الجازي او ساره مشعل من غير مايرد على سؤالها: الي تبينه بيصير بس مهوب الحين اصبري لين احصل لي بيت وامهد الموضوع لسحر سحر طفله ومتعلقه فيكم وفي ابوي سليمان حتى نفسيتها اتحسنت من عاشت معكم مابي اصدمها بطلعتها من هالمكان فجاءه وبعدها بطلقك مثل ماتبين وارجعيله ياصيته طلع بسرعه وتركها ركب سيارته وبداخلها انفجر براكين الغضب الي بداخله كله منك يبه كله منك انت الي حرمتني منها انت انت ورجع بذاكرته لايام ماقدر ينساها قبل 8 سنين بمصر بفترة تعب عمه وزوجته كان الكل منهار جده والجازي وصيته كان عمرها 16 سنه وهو24 ساكن معهم بنفس الشقه كان يعتبرهم خواته شال حملهم مع جده صار يخاف عليهم يلبي طلباتهم كان حنون وعطوف عليهم خاصة مع صيته وساره الي كان عمرها بهالوقت 11 سنه ماكان يقدر يتحمل فكرة انهم بيتتمون قريب حاول يعوضهم عن غياب امهم وابوهم قد مايقدر وفي لحظه ماعملها حساب ملكت قلبه حس بشعور ثاني ناحيتها ويوم بعد يوم زاد هالحب بقلبه لها قدر يكتم شعوره ويتعامل معها مثل تعامله مع خواتها بالضبط مع ان كل شي فيها يجذبه او بالاصح يعشقه كانت حاضره بأحلامه بقوه يتمنى اليوم الي يجمعه فيها وبعدها بفتره توفى عمه وبعدها بأسبوعين توفت زوجة عمه ورجعوا للرياض وبعدها بسنتين ماقدر يتحمل بعادها عنه اكثر من كذا وقرر انه يتقدم لها بنظره صارت بسن الـ18 سن الزواج وفي نفس البيت ...يبه الله يرضى عليك ابيك بطلب ابوي سليمان: تأمر امر وانا ابوك اطلب مشعل: يبه انت عارفني زين وعارف اخلاقي والحمدالله عندي مؤسسه صغيره في بدايتها والحال انت عارفه الحمدالله زين وعندي بيت وابي اتزوج ابوي سليمان بفرحه: هذي الساعه المباركه وانا ابوك انا مستعد أروح اخطبلك الي تبي الله يفرحك مثل مافرحتني مشعل: مايحتاج تروح يبه الي ابيها عندك في بيتك ابي صيته بنت عمي يبه تغير وجهه وبضيق رد عليه: بس وانا ابوك صيته مخطوبه وانا عطيت ابو أحمد كلمة شرف ان صيته بتكون لولده وصيته موافقه على أحمد وهالكلام من اسبوع كنت ببلغك بس انت توك واصل من جده امس انصدم وتفاجاء من الي سمعه تمنى وقتها موته ولاسمع هالخبر تماسك قدام جده وبصوت جامد: الله يوفقها يبه قطع عليه ذكرياته صوت دق على شباك سيارته .....يالاخو مهبول انت الاشاره ولعت من 5 دقايق ساد علينا الطريق ماتسمع انت صوت البواري الي وراك تحرك خلنا نمشي :::::::::::::::::::::::::::::::::::::::::::::::::::::::::::: :::::::::::::: جالسه بنفس مكانها ماتحركت عينها على الباب الي طلع منه تنهدت بقوه مايستاهل حتى اني افكر فيه مايستاهل ....ياسلاااااام جالسه هنا والحل يعني مين بيوديني ؟؟ بتحدي له وبقهر منه: انا يالله قبل لايرجع وخذي سحر معنا :::::::::::::::::::::::::::::::::::::::::::::::::::::::::::: ::::::::::::: في قصر حمود العالي ...امي تأخرت كل هذا عند خالتي حصه العنود معصبه :صدق انكم قليلات ادب من دخلت خالتي من يومين المستشفى مازرتوها نجود: شوي شوي لاينط لك عرق جو المستشفيات مااحبه اذا طلعت لبيتها رحت سلمت عليها عهود:وانا نفس نجود العنود:كيفكم انا بروح الحين لهم عهود بعد ماراحت العنود: لين الحين وانا منقهره من خويلد هالسخيف لي ماوافق نحضر حفل تخرجه هذا الجزاء نجود: والله عين خوانك محمد ياحبي له تكفين اتمنى ربي يرزقني بزوج مثله متفهم وطيب وحبوب مو مثل خويلد وفهد عهود تتريق وتقلد فهد: فيه اسلوب افضل من كذا تتكلمين فيه على اخوك الكبير.. هههههههه وينا فيه ياعم عادي وش فيها اذا تكلمت كذا لازم يعني المثاليه بكل شي نجود: المهم وش رايك نجرب الارقام الي عطتنياها غاده امس خليت السواق يجيب لي كرت سوا بدون اسم خلينا نكلم وناسه بس عهود: لاوالله لويدري فهد ان يقطع رقبتي قطع وخالد بينحرني لا تكفين ابعد عن الشر وغنيله نجود:وكيف بيدري اصلا محد يبدري احنا مين تكفين نغير جوا زهق عهود: طيب يالله بس تعالي بغرفتي عشان محد يسمعنا واهم شي العنود ماتدري :::::::::::::::::::::::::::::::::::::::::::::::::::::::::::: :::::: |
السلام عليكم اخت راونق الراويه حلوه وفيها حماس بس ياليت تقولين متى راح تنزلينه واذا قدرتي تنزلينه كل يوم اكون دعايتلك مادمه جاهزه عندك000000000000000000000:)
|
بداية حلوة ومشوقة..اسلوب سلس.. سلمت اناملك المبدعه |
السلاام عليكم ورحمه الله وبركااته
بدايه موفقه عزيزتي تمنياتي لك بالتوفيق والنجااح الملاازمين لك Noode-179 |
مرحبا..........
عزيزتي رونق تسلمين على الروايه الروعه تحمست وااااااااااااايد متى بتكملينها انا على نااااااااااااااار .............;) |
تنقل للأرشيف بــ سبب تأخر الكاتبة
.. .. .. |
| الساعة الآن 09:57 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية