|
أولا امسحوا الردين اللي فوق... وش فيه المنتدى معفوس كذا
أحسب أني الرد1000 سبقتني بنوتة عليها بالعافية..بس هذا أنا افتتح الصفحة 200 من بعد الغياب..عقبال 100 سنة من عمر أنفاس في الخير والطاعة مساكم خير ياوجيه الخير بارت اليوم واااااااااااااااااااو.. جنان.. مت صياح من لقاء عبدالله وعياله.. خلصت الكلينكس ووجهي انتفخ.. مبروك مجودي جعله الله من مواليد السعادة مبسووووووووووووووووووووووطة أنه توقعي عن أن دانة بترفض المعرس طلع صحيح... ننتظر بارت بكرة وكشف سر غياب عبدالله اللي ما أدري أشلون أنفاسوه بتبرره ودي أتكلم أكثر بس أنا أصلا الليلة كنت سهرانه عند أنفاسوه الدبة والتعليقات خلصتها اونلاين ماشاء الله تبارك الله لا حول ولا قوة إلا بالله بنت الخالة |
واااااااااااااااااااااااااااااااااااااااي يجنن يجنن خلاص انااااااااااا ابي اتزوج مثل عبد الله دوريلي عندكم
بقطر واااااااااااااحد يشبهله ههههههههههههههههههه اخوك عمك خالك ان شء جاركم او راعي البقاله هههههههههههههههههههههههههههه نفوس وش الي وش اقول بموت من اقصة اليوم تهاوشت مع خواتي ابي اقرا البارتات وهم يقولون لااا ابي الظيوف عيب ما يصلح وانا جلس م الظيوف وانافيني الصيحه :( :( :( حتى هم يقولو وش فيك متغيرة ليش ساااااااااااااا كته وانا ودي اصرخ ابي اقرا البارت وووووووووووووووووووواي عبدالله الف الف الف مبروووووووووووووووووووووووووك عليكم مجودي وجيته بالسلامه انا بعد ابي اعرف وش صاااااااااااااااااارلك بالعراق صراااااااااااااه ما الوم جوهر لو مماتت من رومسية عبدالله ماااااااااااافي مثل اثنين واااااحد عبدالله اد مبووووووووووووووووووك جيت سميك ههههههههههه نفوس الف شكر على البارتا اللي لما اقراهم احس انى ارتاح نفسي هههههههههههه اقولكم مدمنه ههههههههههههههههه |
السلام عليكم
انفاس انت عن جد كاتبة بمعنى الكلمة لك طريقة خيالية في وصف المشاعر والاحاسيس انا لي يوم كامل مسمرة على الشاشة اقرا الرواية ودوبي الحين وصلت الجزء الاخير مشكلتي اني كنت غايبة فترة طويلة واول ما رجعت وشفت كل هذا الانبهار بك فتحت الرواية وبصراحة ما قدرت اسيبها الا بعد ما قريتها كلها تخيلي بس تسلم ايديك نفوووووووووس و الحمد لله اني قريت البارتات الاخيرة مع بعض لاني ماكنت راح اتحمل غياب عبودي ده الفترة وانتظر البارتات اللي تقولي شنو اللي حيحصل يعني هذي الفايدة الوحيدة من تأخري في قراءة الرواية ههههههه احس ان روايتك فيها اكثر من قصة كانها ثلاث قصص في بعض قصة عبد الله وجواهر يجننو الاثنين مع بعض وحركات عبودي تخبل يجنننن والله انا الحين صرت امووووت عليه بس احترت اتزوج واحد اسمه عبد الله يطلعلي مثل عبودي ولا اسمه مثل سعود اللي احبه كمان بس يوجع لي قلبي مثل ما وجع قلب دانه امانه يا انفاس ترجعيهم لبعض ما يصير يتعذبوا بدون سبب غير الغباااااااااااء و عناد الاثنين والقصة الثالثة قصة سالم ومنيرة صراحة منيرة في البداية كانت تقهرني من تصرفاتها ودعاءها بس عقب موقفها مع سالم عجبتني مرررررررة والله انها بنت اصيلة والحين بعد ما رجع لسالم بصره راح تكون حياتهم غييييييير كلها رومانسية ودلع لان سالم شكلوا طيب ويحبها حييييييل وراح يغرقها حنان وحب و عزوز يا قلبي عليه احب تدينه و حبه للخير واحب كمان حبه لنورة بس لاتخليها ما تجيب عيال ترى بعدين ازعل والله عصافير الحب هدول خليهم في حالهم امانه لا تخربي عليهم اما عزوز الصغير والله لو انه كان كبير شوي كنت مو بس حبيته كان دبت فيه بس انا ياحليلي الاخ يحب لا ويموووووت فيها بعد والله وكبرت يا عزوز ههههههههه نوف تخبلين والله بدلعك . يا حليلها بعد ولادت ماجد تحسب روحها امه مو اخته الكبيرة ههههههه كان والله هذا احساسي لاختي الصغيرة كمان كنت اخاف عليها من الهوا الطاير بس وين الحين العيال كبرت خخخخخخخخخ شنو اقولك بس غير ما شاء الله وتبارك الله عليك يا انفاس لانك مبدعة مبدعة مبدعة منتظرة بارتك الجاي على احر من الجمر اموووت واعرف شنو الحصل لعبودي حياتي في العراق و شنو سالفة عبد الله البصراوي تراني تعودت على الاحداث ورا بعض وما ادري كيف راح انتظر محبتي لك يا انفاس اتمنى تقبليني بينكم متابعة ومحبة ل بعد الغياب linons |
صباح الخير لكل القلوب العذبة
حبايب قلبي الأروع والأغلى والاقرب جمعة مباركة للجميع وتقبل الله طاعتكم أسفة جدا على التأخير هالشوية كنت تعبانة والنوم غطني وهذا أنه جيت عشان أتبجح وأقول أن تأتي متأخرا خير من إلا تأتي أبدا ليلاس الغالين أهني نفسي وأهنئكم بتجاوز القراءات للمئة ألف قراءة والصفحات للـ200 والرودود للـ1000 اللهم زيد وبارك.. ماشاء الله تبارك سعيدة جدا بكم الله لا يحرمني منكم ولا من غلاكم بارت اليوم مختلف جدا.. وغير الأحداث اللي خضيت بأكبر نسبة توقعات ليه أختفى عبدالله؟؟ ووين؟؟ أنا مثلكم تعبت وأنا ادور سبب فقدان الذاكرة؟؟ كان مستحيل أخلي هذا السبب.. لأنه فكرة عبيطة مستهلكة غيبوبة؟؟ فكرة غير منطقية.. لأن أي مريض بيظل في غيبوبة لسبع شهور لازم أنه بيتبلغ عنه ويكتشفون أنه فيه واحد مفقود في نفس التاريخ والوقت تم التبليغ عن فقدانه طيب.... شنهو السبب؟؟ السبب في بارت اليوم.. أعلم أنه مهما كان.. واي قصة لابد أنه يعتورها جوانب نقص وأعلم أن السبب الذي اخترته قد لا يخلو من ثغرات ولكن تمنياتي العميقة أن يكون على الاقل مقبولا ومثيرا وصادقا في حدوده الدنيا خوفي طبعا من المتابعات العراقيات لأن أهل مكة أعرف بشعابها وخصوصا من السوبر متابعة حبيبة قلبي أم أحمد أنا حاولت قدر جهدي إن السبب يكون محكم وعميق وأتمنى أنه كان كذلك وأنتظر آرائكم طبعا الحين بارت واحد فقط 107 وانتظرونا الليلة في بارتين ثانين 108 109 في تمام الساعة 9 ونص إن شاء الله يالله استلموا 107 قراءة ممتعة مقدما ولا حول ولاقوة إلا بالله . . . . |
بعد الغياب/ الجزء 107
جزء اليوم إهداء خاص جدا
للعميقة المذهلة المبهرة في بوحها المبهرة في صمتها غاليتي شبيهة القمر وهي من القمر أعلى وأعذب بعد الغياب/ الجزء المئة وسبعة #أنفاس_قطر# بغداد قبل حوالي تسعة أشهر.. عبدالله نزل من فندق فلسطين لشارع السعدون اللي الفندق فيه كان تارك محفظته عند عبدالعزيز.. ومعه موبايله وشوي فلوس في جيبه بس.. وقف تاكسي وطلب منه يأخذه للشورجة (منطقة الأسواق الشعبية في بغداد) كان مقرر ياخذ له لفة سريعة.. ويمر مقهى القدوري الشهير مقهى المقامات العراقية ويشتري شغلات تراثية خفيفة ويرجع خلال ساعة على الأكثر.. في السوق كان منبهر بالأجواء القديمة الحميمة.. وكان يستفسر من الحرفيين اللي هو شافهم عن كثير من الأشياء.. شاف العبابجي.. والمغازجي.. والكندرجي..والأطرقجي.. وغيرهم.. أشياء كان يسمع عنها من راوي اللي كان محتفظ ببقايا ذكرياته عن بغداد مثل حلم شفاف مرتبط بشباب مهدور.. أشياء عشقها وتمنى يشوفها من قد ماشوقه راوي لها.. بعد شوي مر عليه جماعات متراصة من الرجّال اللي كانوا يمشون مع بعض وكلهم لابسين ثياب وغتر مثله سأل عنهم.. قالوا له البياعين انه هذولاء من العشائر اللي من منطقة الهوير قريب البصرة.. وأنهم جايين عشان يجتمعون مع شيوخ عشائر ثانية هنا في بغداد.. يتفقون على من يرشحون يخوض انتخابات مجلس النواب.. عبدالله كان يمشي جنبهم وهو يستفسر عن مقهى القدوري يبي يعرف من وين ممكن يطلع له.. وصار التفجير الانتحاري وقتها.. وتصوب عبدالله.. وتحطم موبايله.. التفجير كان بسيط.. والمصابين كانوا 13 ومو 10 مثل ماعبدالعزيز كان يظن.. 3 كانوا من رجال العشيرة اللي أمر شيخهم إنه لو اصاباتهم بسيطة.. أنهم يشيلونهم معهم على الباص الكبير اللي هم جايين عليه ويرجعون فورا للبصرة.. ووفي الربكة والاضطراب الهادر اللي بعد الانفجار.. رجال العشيرة شالوا مصابينهم الثلاثة ورجعوا فيهم للبصرة.. لأنهم شافوا إن الاصابات كانت بسيطة وماتستلزم أنهم يدخلون مستشفيات بغداد ويعنّون أهلهم عشانهم.. الاحسن يرجعونهم لمستشفيات البصرة عشان يكونون قريب من اهلهم في الهوير.. ولأن عددهم كان كبير.. وماكانوا يعرفون بعض بشكل كامل.. فهم حملوا الثلاثة اللي كانوا ملاصقين لهم ولابسين ثياب نفسهم.. اثنين من المصابين كانت اصابتهم جرح في اليد والثاني في الوجه... أما الثالث كان مغمى عليه اغماء عادي مثل ماهم يظنون.. بينما طريقة حملهم غير الاحترافية والطريق الطويل بإرتجاجه الدائم وهو ممدد على أرضية الباص أدى لتدهور حالته اللي كانت ارتجاج في المخ أدى لذهابه في غيبوبة لعدم تلقيه العلاج بالسرعة المطلوبة... وصلوا العشيرة للمستشفى العسكري الحكومي شمال البصرة.. ودخلوا مصابينهم.. الأثنين الأولين كانت إصاباتهم طفيفة احتاجت مجرد ضمادات.. الثالث راح في غيبوبة عميقة.. رغم انه كان خالي من أي إصابات.. العشيرة تجمعوا حوله.. وهم يسألون هذا ولد من؟؟ لكن ماحد عرفه.. وأكتشفوا الخطأ الكبير اللي هم سووه..!! أنهم خذوا لهم واحد من أهل بغداد بالخطأ...!!! بلغوا إدارة المستشفى بخطأهم.. وإنه هذا المصاب جايبينه من بغداد بالخطأ.. المستشفى العسكري في البصرة من أسوأ مستشفيات البصرة لايوجد أسوأ منه إلا مستشفى ابن غزوان للنساء والأطفال الموجود بمنطقة الرابع عشر من تموز.. المستشفى العسكري تأخروا في إبلاغ عن مصاب محضر من بغداد بدون أوراق ثبوتية.. وبعدها لهوا من كثر المرضى والداخل والخارج.. وهم يأجلون التبليغ كل يوم.. لكنهم مانسوا التبليغ.. فقط كانت الفكرة مؤجلة لحد مايتفرغون من ضغط مشاعلهم.. بعد أسبوع ونص بدأ عبدالله يستعيد وعيه.. حاول يتكلم بس ماقدر.. لأن أنبوب الإطعام مع ادخاله لفمه واخراجه جرح البلعوم عنده فكان بلعومه مجروح بشدة وصوته مايطلع.. عبدالله كان شايف بنفسه.. أنه الممرضين والممرضات مايقدرون يحكون رووسهم من الانشغال وكثرة المرضى.. فماحب يشغل حد بمشكلته وخصوصا أنه ماكان عارف الوضع أشلون..؟؟ أو أيش اللي جابه هنا؟؟ أو كم صار له هنا؟؟ فقرر أنه يكون حذر.. وأنه يصبر لحد مايقدر يطلع.. أو صوته يطلع ويتصل في فاضل .. بعد كم يوم استعاد نشاطه.. وكان قادر أنه يمشي.. وبنيته القوية ساعدته على استعادة عافيته بسرعة.. كتب للممرضة على ورقة انه يبي يطلع ويشوف حد ممكن يوصله لبغداد.. سألته: أنته عارف أهلك وين؟؟.. كتب: نعم.. بس عطوني ملابس.. الممرضة جابت له ملابسه اللي كانت عليه لما وصل.. بس قالت له بتحذير: لا تطلع هسه... وماقالت له السبب.. عبدالله التعيس الحظ ما اهتم من تحذيرها لأنه ماكان عارف الأخبار عن الاضطراب الهائل اللي كان يموج في البصرة وقتها كان الوقت الأسبوع الأخير من شهر مارس/ آذار 2008 حملة نوري المالكي المسماة (صولة الفرسان) ضد ميليشيات جيش المهدي.. وكان فيه حظر تجول عام في كل المدينة.. بس عبدالله قاده حظه العاثر للاصتدام مع قوات الأمن اللي استغربت خرقه لحظر التجول.. دفعوه على الارض وحاولوا تثبيته.. فتعارك عبدالله معهم.. اللي كان عاجز عن إخراج صوته بشكل واضح.. فانتهى به حظه العاثر في المعتقل.. ولم يكن أي معتقل.. كان معتقل "الجدر"!!!! وهكذا هي الأحكام العرفية حين تسود وقت الاضطرابات يؤخذ البريء بذنب المسيء الأحكام العرفية التي ماعرفها غير بلدان العالم الثالث في أزماتهم المتلاحقة.. بينما في أي بلد من بلدان العالم الأول والثاني يعتبر إقرار الأحكام العرفية من أخطر القرارات التي قد تتخذها حكومة ما.. والتي قد تؤدي إلى اسقاطها.. *************** الساعة 9 مساء دانة في غرفتها..متمددة على سريرها الهم يملأها حتى الثمالة ويحز في عروقها حتى النخاع وهي تقرأ مسج سعود للمرة الألف "ريحتي قلبي الملتاع من البارحة ماجاني نوم كأني أشوى على أسياخ حديد محمي" (زين ياسعود.. وارتاح قلبك الملتاع وأنا قلبي متى بيرتاح؟؟ متى بيرتاح؟؟ متى بيرتاح؟؟) انتفضت برعب على رنة موبايلها.. اللي أخرجها من عوالم حزنها الآسر..وكآبتها المسيطرة اللي تخفيها عن الكل وتكتوي هي بنارها وحيدة في وحشتها وغربة روحها.. تماسكت وهي ترد بصوت هادئ: هلا تهاني. تهاني بغضب: أنتي مجنونة... فيه وحدة ترفض الدكتور سعد.. (للتذكر: د سعد كان رئيس قسم دانة لما كانت تشتغل في الرميلة) دانة بهدوء وهي تتنهد: الزواج قسمة نصيب.. وأنا جربت قسمتي خلاص.. تهاني وهي تحاول تتماسك: يادندون يا حبيبتي.. بدون حساسيات أنتي الحين مرة مطلقة.. مين بيخطب المطلقة إلا مطلق وإلا أرمل وعندهم بزران بعد.. بينما دكتور سعد رجّال عزابي.. صحيح أكبر منج بأكثر من 13 سنة.. بس بعده في عز رجولته ولا تزوج قبل.. معاه دكتوراه.. ووضعه المادي والاجتماعي ممتاز.. يعني مستحيل يجي لج أحسن من كذا.. هذا البنات مايحلمون فيه.. أشلون مرة مطلقة!!! (تهاني قررت توجعها شوي أو تفوقها على رأيها.. لأن سعد اللي يقرب لزوج تهاني من بعيد.. طلب منها تحاول تقنع دانة وهو بيرجع يخطبها مرة ثانية) دانة بنفس الهدوء ووجع مر في داخلها: أنا عقب سعود مستحيل أتزوج.. تهاني بعصبية: أنا أبي أعرف سعودوه وش فيه زود.. فر مخك عن الكل.. دانة وهي تسرح وكأنها تشاهد شيء غير مرئي أستولى على بصرها وهمست بصدق شفاف مؤلم: فيه أنه خذ القلب والعقل وحبسهم في يديه وحناياه.. أشلون أكون عند رجّال وقلبي وعقلي عند غيره.. أنا من عقب ماسعود طلقني.. وأنا حاسة أني عايشة مجرد جسد بدون روح.. والله ياتهاني.. جسد بدون روح.. تهاني شهقت: تحبينه ليما الحين؟؟ دانة بهمس: ولين أموت.. ******************* الساعة 9 وربع في غرفة جواهر... جواهر شهقت برعب مؤلم: المعتقل؟؟!! ونوف بدت دموعها تنسكب بصمت وغزارة وحرارة.. عبدالله ونظرة غامضة ترتسم على وجهه.. وعبدالعزيز وعزوز مشاعرهم وأفكارهم كلها وعيونهم مع عبدالله: وماكان أي معتقل كان "الجدر" أو القدر على قولتنا.. في البصرة فيه 3 معتقلات.. واحد للقوات الأمريكية في صحراء أم قصر جنوب البصرة اسمه "بوكا" والثاني هو سجن "المطار" للقوات البريطانية والثالث هو سجن "المعقل" لقوات الأمن العراقية.. الثلاث معتقلات يمكن فيها 20 ألف معتقل.. وأنا رماني حظي في "الجدر" أو "جدر موحان" اللي كان شيء ثاني.. ثاني.. ماكان فيه إلا 200 معتقل صار حظي أني منهم.. سموه جدر موحان على اسم "موحان حافظ" اللي كان قائد العمليات وقتها.. وفعلا كان "الجدر" قدر.. بس قدر مفتوح على فوق بدون غطاء.. عزوز بتوتر: أشلون؟؟ عبدالله بهدوء عميق فيه نبرة حزن واضح: كان عبارة عن حوطة اسمنت مكشوفة.. كان المطر يضربنا.. والشمس تصقع في روسنا.. ومافيه إلا دورة مياه وحدة... أكثر المعتقلين صابتهم الأمراض والأوبئة.. عبدالعزيز بتوتر بالغ: وأنت ليش ماقلت أنك موجود هناك بالغلط.. وأنك مواطن قطري.. عبدالله تنهد: أنا لين قدرت أتكلم عدل.. كان صار لي أسبوع في المعتقل.. ومتخانق مع الحراس كلهم.. مين اللي بيسمع لي يعني؟!! جواهر وبنتها كانوا عاجزين عن الكلام.. والحزن والعبرات خانقتهم بمرارة وألم محرق غائر في القلب.. عزوز بحدة متوترة: وانت ليش تتخانق مع الحراس..؟؟ ماسمعت المقولة اللي تقول: ياغريب كن أديب.. عبدالله خذ نفس عميق وكمل: يا أبوك القضية ماكانت قضيتي بروحي.. معاي العشرات.. ناس صابتهم الأمراض وناس ضعاف.. ومو أنا بروحي اللي كانت أتخانق.. المعتقلين كلهم كانوا في خناق دائم مع الحراس.. وش عندنا غيرهم نفش حرتنا فيهم.. رغم أنهم مجرد عبيد مأمورين.. كنا ننضرب بأعقاب الرشاشات.. نتعذب أحيانا.. رغم أن وجودنا في "الجدر" كان بروحه هو العذاب.. وإحنا مثل حيوانات في زريبة.. حاولت أشرح للحراس أني أبي أكلم في التلفون وأني موجود هنا بالغلط.. بس ماحد عبرني قالوا لنا أنه وجودنا هنا مؤقت .. لحد ماتنتهي التحقيقات في عملية (صولة الفرسان).. وقعدت في "الجدر" من أخر شهر 3 لين أخر شهر 8.. عزوز برعب: وأشلون قدرت تستحمل؟؟ عبدالله بإيمان عميق جدا: إن الله مع الصابرين.. كنت أقضي الوقت في الصلاة والدعاء وقراءة اللي أنا حافظة من القرآن.. ومساعدة المعتقلين اللي تدهورت حالتهم الصحية بسبب سوء وضع المعتقل وتعرضهم للاضطرابات الجوية بشكل مباشر.. عبدالعزيز باستفسار مر: وأشلون طلعت زين..؟؟؟ #أنفاس_قطر# . . . . . |
| الساعة الآن 12:03 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية