|
بعد الغياب
بعد الغياب القصة المختلفة التي عانقت أختلافكم
هاهي روابطها بين أيديكم والشكر طبعا لايوفي حق الغالية جدا جدا (إرادة الحياة) التي أغرقتني بكرمها وهي تضع الروابط وتجددها بنزول كل جزء جديد ألف ألف شكر كل الشكر لايوفيك حقك أم أحمد الله لا يحرمني منك ولامن ذوقك وكرمك من الجزء الأول للجزء الثامن في الصفحة الأولى من الجزء 9الى 17 بعد الغياب الجزء 18 الى 21 بعد الغياب 22و23 بعد الغياب 24 الى 26 بعد الغياب الجزء 27 بعد الغياب الجزء 28 بعد الغياب الجزء 29 بعد الغياب الجزء 30 بعد الغياب 31 الى 32 بعد الغياب الجزء 33 بعد الغياب الجزء 34 بعد الغياب 35 و36 بعد الغياب الجزء 37 بعد الغياب 38 و39 بعد الغياب 40 و41 بعد الغياب الجزء 42 بعد الغياب 43 و44 و45 بعد الغياب 46 و47 بعد الغياب 48 ,49 بعد الغياب 50 ,51 ,52 بعد الغياب الجزء 53 بعد الغياب 54 ,55 بعد الغياب 56 بعد الغياب 57 و58 بعد الغياب 59 ,60 بعد الغياب 61و62 بعد الغياب 63و64 بعد الغياب 65و66 بعد الغياب 67و68 بعد الغياب 69و70 و71 بعد الغياب 72و73 بعد الغياب 74و75 بعد الغياب 76و77و78 بعد الغياب 79و80 بعد الغياب 81و82 بعد الغياب مساءات الورد وصباحات الإشراق لكل رواد ليلاس وقراءه أنا #أنفاس_قطر# اسمحوا لي أن أمد يدي لتصافح مشاعركم وافكاركم وأدعوكم لقراءة روايتي الأولى (بعد الغياب) أعلم أن هذه الدعوة غريبة ولكن أنا أريد الاحتفاظ بالرواية كما بدأت على يد ناقلتها مذهلة وهأنا أكملها لكم متمنية أن تستمتعوا بها وان تعطروها بعبق مروركم ضع بين أيديكم تجربتي الأولى في كتابة الرواية.. أعتقد أنها تجربة مختلفة جدا..والرأي الأول والأخير لكم.. أنشرها بنفسي في عدة منتديات بالتزامن معا.. ولكن في حال رغب أحد القراء الأفاضل في نقلها لا مانع لدي، ولكن أتمنى ألا ينسى اسمي فقط #أنفاس_قطر# منتدى ليلاس بعد الغياب الجزء الأول - أوووووف..البنات اليوم جننوني.. كانت هذه هي جملة الدكتورة جواهر اللي قالتها، وهي تطلق تنهيدة طويلة، وتحط شنطة لابتوبها على طاولة مكتبها بيد، وتخلع نقابها باليد الثانية، وتعلقه على الشماعة القريبة من مكتبها. ردت عليها زميلتها وصديقتها المقربة الدكتورة نجلاء اللي قاعدة وراء مكتبها، وتقلب أوراق في يدها، وهي تبتسم بإرهاق: ليه عسى ماشر؟؟ لفت جواهر وجلست على كرسي المكتب، وهي تحرر شعرها الأسود الناعم والكثيف اللي يوصل طوله لتحت أكتافها بشويتين من الشيلة ومن الشباصة وتنثره على أكتافها ليرسم سواد شعرها الحريري المسترسل مع صفاء بشرتها المصقولة الشفافة لوحة مبهرة يعجز أعظم رسام عن رسمها لأنها من صنع الخالق، وسبحانه جل شانه ما أبدع ما صنع في هذه الأنثى الاستنائية. (لا أميل مطلقا إلى فكرة البطلات الخارقات الحسن، وكأنه لا يوجد في عالم القصص عاديات الجمال، ولكن لجمال جواهر هنا ضرورة قصصية ملحة ستعرفونها لاحقا/ #أنفاس_قطر#) وتقول جواهر وهي تعدل جلستها: محاضرتين ورا بعض والبنات كلهم يقولون: تكفين دكتورة الجو حلو ومغيم، خلينا نأخذ المحاضرة برا في الحديقة، أو طلعينا بدري، دخلوا في مخي، حنانات درجة أولى، الله يعين أهلهم عليهم. ردت نجلاء وهي ترتب الأوراق وتدبسهم ببعض: هذا عشان أنتي معطتهم وجه، ومدلعتهم. كشرت جواهر بابتسامة: إذا أنا مدلعتهم أنتي شنو؟؟ ، أنا أحترمهم وهم يحترموني، أمسك العصا من النص.عشان عمر التدريس الجامعي ماكان كبت وكسر لشخصية الطالب الجامعي، وفي نفس الوقت موب تسيب وفلتان. نجلاء بصوت مرهق: خلاص عمتي جواهر فتحت موضوعها المفضل، من بيسكتها؟! ابتسمت جواهر ابتسامة واسعة بينت أسنان رائعة في بياضها وتناسقها من خلف شفتين ناعمتين مكتنـزتين..ابتسامة ساحرة تجسد الفتنة الأنثوية في أوجها، الأنوثة الناضجة الممتزجة بملامح براءة غامضة تصنع سحرها الخاص بها هي فقط: يا قلبي يا نجلاء، التدريس الجامعي أنه إحنا نصنع شخصيات واثقة وملتزمة واستقلالية في ذات الوقت، أعرف إنها معادلة صعبة بس موب مستحيلة. - واللي يخليج جيجي ماني ناقصتج اليوم. حمادة مسهرني البارح حرارته 40، واضطريت أنزل وأخليه عند عمتي عشان امتحان البنات اليوم، وجايه مواصلة بدون نوم. - تدرين نجلاء إنج بايخة، وثقيلة دم، وماعندج سالفة. - وليه كل هذا يا دكتورة؟.(قالتها نجلاء وهي تبطل عيونها بكسل) - تطلعين وتخلين حمودي تعبان، عشان امتحان وأنا موجودة!! كان أرسلتيه مع السواق لي، وأنا برسم الخدمة: أحضر بدالج المحاضرة وأوزعه عليهم. - فديت عمرج يا جواهر، بس إذا كان حبيبك عسل، ما أبي أثقل عليج، كفاية محاضراتي اللي حضرتيها بدالي الأسبوع اللي فات، مالي وجه، وجهي طاح، ياوجه استح. - والله ثم والله تقومين تروحين لبيتج الحين، وإلا هذا أخر ما بيني وبينج، قومي طسي لبيتج، وهاتي الامتحان. - بس يا جواهر...... - مافيه بس..هاتيه.. يعني أنا وش وراي أستعجل عليه...(وتنهدت جواهر بحسرة) - كله منج، لو تبين كان تزوجتي من زمان، واليوم قبل بكرة، وبكرة قبل اللي بعده.. أخوي مخلي خطبته مفتوحة. وصحيح أخوي مافيه منه، بس ألف غيره يتمنونج. ضحكت جواهر ضحكتها الصافية اللي تشبه رنين أجراس الكريستال الفاخر، واللي لو كان رجّال هو اللي سمع رنين ضحكتها كان تكهرب220 فولت وضربه زلزال بقوة 8 درجات على مقياس ريختر: عدااال.. اللي يسمعج تقولين خطاب، يقول بنية أم 18، أنا عجّزت ياقلبي، بعد كم شهر بيصير عمري 31، يالله حسن الخاتمة بس. قالت نجلاء وهي تجمع أغراضها عن المكتب وتلبس عبايتها: أنتي والله اللي قليلة خاتمة، شنو 31، يعل 31 جاموسة تترفس في بطنج يمكن ترجع لج عقلج، أنتي قمر يا بنت، تعرفين شنو قمر، أنتي ماعندكم مرايا في بيتكم، وعادج في عز شبابج وأنوثتج...... الحين ماني متفرغة لج، بكرة نتفاهم، خذي الامتحان، وتراهم مجموعة 2 اللي محاضرتهم بعد ربع ساعة. تنهدت جواهر: لا بكرة ولا بعده، روحي لحمودي، وانا بأمر عليج العصر، أتطمن عليه. خذت جواهر الأوراق من نجلاء، ورجعت تجلس وراء مكتبها، وهي تراقب بهدوء ومودة نجلاء، وهي تلبس عبايتها وتشد شيلتها على رأسها وتثبتها عدل..تدخل شعرة طايرة، وتلبس نظارتها الشمسية، كانت ملامح نجلاء الهادئة الحنونة تذكرها بملامح أمها الله يرحمها، صدق إنها ملامح يمكن ما تلفت انتباهك ببساطتها وكونها تمر عليك كل يوم، لكن لما تعرف أصحابها ينقشون أنفسهم في القلب نقش، بحضورهم الإنساني المتسع اللي على قد امتداد الكرة الأرضية. حست جواهر بنغزة جامدة في عمق قلبها، مو قادرة لحد الحين تتجاوز وفاة أمها رغم مرور أكثر من سنة. تكره الرجعة للبيت لأن كل زاوية من زواياه فيه ريحة أمها وذكراها وهمساتها، لولا وجود أخوها اللي أصغر منها عبدالعزيز في حياتها، كان يمكن جنّت بعد وفاة أمها مع الذكريات القديمة اللي مو راضية ترحم قلبها وكيانها، واللي كانت أمها تلهيها عنها شوي.. عبدالعزيز البلسم الشافي الحنون، بقلبه الطاهر، بروحه المرحة.. لاشعوريا ابتسمت وهي تتذكر تنكيت عبدالعزيز عليها: ما يسميها إلاَّ الزرافة، عشان طولها 173، بينما هو قصير شوي، طول طفولته كان يتمنى يكون طويل طويل مثل........ هزت رأسها بعنف وكأنها تحاول نفض ذكرى "الطويل" من رأسها.. لكن غصبا عنها ذكرى "الطويل" حضرت بعنف، مثلها مثل كل أحزانها اللي ما تغادرها ولا لحظة. رجعت ذكراها لحوالي 18 سنة ورا، وبنات المدرسة يضحكون عليها ويقولون: صدق يقولون إنج بتاخذين واحد (مرت بباي).. ضحكت من مصطلح (مرت بباي).. لكن الضحكة الميتة الـمُنتزعة من خواء قلبها أعقبها شهقات وشهقات وبكاء عنيف. قامت جواهر تقفل بسرعة باب المكتب، لا يدخل عليها حد من زميلاتها أو الفرّاشة، استعاذت بالله من الشيطان الرجيم، ومسحت وجهها بمناديل المكياج اللي معها بشنطتها، وقربت الزبالة منها ومسحت وجهها بماي بارد، بعدها طالعت في المرايه اللي بمكتبها وحطت ماسكرا على السريع على رموشها الطويلة الكثيفة، وحطت غلوس في محاولة أنها تخلي شكلها فريش وتخبي أثار البكاء، بعدها لبست شيلتها ونقابها، وخذت امتحان طالبات نجلاء وطلعت بعد ما قفلت باب مكتبها هي ونجلاء من برا. ************** في بيت نجلاء، كانت عمتها (أم زوجها جاسم) جالسة في الصالة اللي تحت، وفي حضنها ولد ولدها، الولد مريض وحرارته مرتفعة، وينادي أمه، و وأم جاسم حاضنته بحب وتقرأ عليه آيات من القرآن، وتنفث على وجهه، وتمسحه بماي بارد، دخلت عليهم نجلاء مثل الصاروخ، دنقت على رأس عمتها وباسته، وشالت الولد من يدها، وهي تقول بقلق: أشلونه يمه؟ هزت أم جاسم رأسها: تعبان يمه، فديته ما نزلت حرارته كلش ويناديج، قومي وديه المستشفى.... إيه قبل أنسى ترا جاسم كلم ويقول بيتأخر كم يوم.. انتفضت نجلاء: عسى ما قلتي له شيء عن تعب حمودي، ما نبي نخرعه بدون سبب. ردت أم جاسم بهدوء: لا ما قلت له شيء، بس هو خنت حيلي كأنه حاسس بشيء، كل شوي يقول أنه أنتي مو عوايدج تكلمينه باختصار ومستعجلة كذا. - يوووه يمه، تدرين أنا ما أعرف ما أخبي، أكلمه بسرعة، أخاف يشدد في السؤال عن حمد أخورها، وأهل الأولي والتالي، ويزعل أنه صار له كم يوم تعبان وأنا ما قلت له. يالله أنا طالعة للمستشفى... ثم نادت نجلاء بصوت عالي ومستعجل:ماريا يالله نادي السواق وأمشي معاي نروح المستشفى. التفتت نجلاء تكلم عمتها: مسكينة ماريا توها جابتني من الجامعة، يمكن مالحقت تأكل شيء. - ابتسمت عمتها ابتسامة مرهقة: يالبي قلبج يا نجلاء، مالوم جاسم في حبج، شايلة هم خلق الله. - هذولاء في ذمتنا يمه ومسؤلين عنهم يوم الحساب. اللهم ثبتنا يارب وخلي لي وليدي وعافه يارب العالمين. - آمين..أي مستشفى بتروحين يمه؟؟ - ما أدري يمه، يمكن عيادة الدوحة، وإلا طوارئ السد، بأشوف. ****************** في نفس اليوم في قاعة من قاعات جامعة قطر، البنات يدخلون القاعة باقي على المحاضرة دقايق، 3 بنات يمشون مع بعض ثنتين لابسين عباياتهم ونقاباتهم والثالثة بعباية وشيلة، دخلوا مع بعض للقاعة وهم يسولفون، وجلسوا في الصف الأول، خلعوا البنتين نقاباتهم ودخلوها في الشنط، وطلعوا المرايا يتأكدون من أشكالهم، وضبطوا الغلوس على شفايفهم. سحبت فاطمة المراية من مها: عطيني أشوف شكلي. رجعت مها مرايتها في الشنطة: وقالت: مهوب حولي، يا أنااا ياااو، تبين تشوفين شكلش، مفرعة 24 ساعة وكاشفة الخشة الشينة، وش اللي بيخرب شكلش. ردت فاطمة عليها وهي تمد لسانها لها: محترة مني ومن خشتي الحلوة، ياالقردة. ردت عليها مها: القردة جابتها أمش مع احترامي لخالتي أم صالح. - أنا قردة يالسحلية. - سحلية يالضب. - شنو ضب هذا، صج بدوية. قبل ما ترد مها اللي كانت تجهز الضربة القاضية، مسكت منيرة إيديهم: تايم آوت، الحكم وصل، عقب المحاضرة، نكمل الجولة، لا ألب كل وحدة منكم على علباها. قالت فاطمة: إلا صج الحكم العود وينه، وين الدكتورة ما وصلت للحين؟؟ منيرة: إيه والله!! مهوب عوايد عين السيح. مها: أنتي وعين السيح!! صايرة دواس على أخر الزمن، باقي مانع وخطر ونكمل مسلسل الحيالة. منيرة: هذا حنا كملنا، مانع أنتي وخطر فاطمة. فاطمة: بسم الله علي، مالقيتي إلا خطر. ضحكت مها: ايه والله فيها منش لمحات، بس حرام.. أمش تكرم عن حكيمة. ضحكت فاطمة: زين حشمتي أمي. مها: أفا عليش كله ولا الكبير، أحطه على رأسي، بس أنتي وخويتش اللي وراش حثالة مجتمع، ماتستاهلون الاحترام. منيرة: رجعت مها أم لسانين علي.. مو منس إلا من بلاوي الريجيم اللي تشربينها ياالدبة، أنتي وراس ما تحترمين عمتس منيرة؟ مها: عمت عينش، قولي آمين.... إلا صدق تأخرت دكتورة جواهر، نطلع وإلا نتناها؟؟ فاطمة: شنو نتناها هذي؟؟ منيرة: نتناها نتناها ؟؟سبع سنين مخاويتنا وماحفظتيها، خلينا نسوي ترجمة:أمممممممم يعني ننطرها..ياالمسبهه على قولتكم. فاطمة:هاه ننطرها، مافيه داعي ننطرها لأنها كاهي وصلت، ومافيه مسبهه غيرج. فاطمة ومها ومنيرة صديقات من أيام الأعدادية، وفي الجامعة دخلوا نفس التخصص، كانوا مثل روح توزعت في ثلاث أجساد، كل وحدة منهم تفهم الثانية بدون كلام، وكل وحدة منهم تكمل شيء ناقص في الثنتين الباقين، كانوا نموذج نادر للصداقة الفريدة. دخلت جواهر القاعة بعد تأخير عشر دقايق، دخلت مستعجلة وهي تحط لابتوبها على الطاولة وتخلع نقابها، وتقول: السلام عليكم بنات، آسفة جدا على التأخير، طالبات دكتورة نجلاء تأخروا وهم يحلون الامتحان، وأنا ما حبيت أعجلهم، ودكتورتهم موب عندهم. همست منيرة لفاطمة: يا لبا قلبها.. حنينة من يومها، يا جعلني فدا لسبدها وعيونها اللي تذبح. مها همست لفاطمة اللي جالسة في النص: قولي للي جنبش تلايط وتسكر حلقها المخنـز، تدرين الدكتورة ما تحب الكلام الجانبي على قولتها. فاطمة لمنيرة: تقولج مها تلايطي وسكري حلقج المخنـز، وماعلى الرسول الا البلاغ. منيرة: زين شغلها عندي.رفعت منيرة صوتها: احم احم دكتورة دكتورة. التفت عليها جواهر: نعم منيرة تبين شيء؟ ابتسمت منيرة بخبث: مو أنا اللي أبي، هذي مها تشرب على الريق شاي ريجيم، وشكله بدأ مفعوله، ومستحية تستأذن. ضحكت جواهر ضحكة مكتومة وقالت: اطلعي مها لو تحبين. مها مثل اللي صبوا على رأسها ماي بارد، وجهها صار إشارة مرور، مها على طولة لسانها مع صديقاتها، إلا أنها تستحي موت وخصوصا من اللي أكبر منها وخصوصا الدكاترة. بصوت فيه البكية: لا دكتورة مافيه شيء. والله ما أبي أطلع. ابتسمت جواهر لها برقة: خلاص براحتج، نبدأ درسنا. شبكت جواهر اللابتوب بجهاز بروجكتر/الداتا شو ووجهته على الوايت بورد، في الوقت اللي كانت مها تخز منيرة وتتوعدها. وتأشر لها الاشارة الشهيرة وهي تمرر يدها على حلقها. في نفس اليوم بالليل، وفي بيت من بيوت الدوحة، كانت الأضواء والكشافات تضيء الحديقة الواسعة المنسقة بذوق رفيع، وخلفها تظهر الواجهة الرخامية للفيلا المتوسطة الحجم والتي يظهر فيها هي أيضا ملامح الذوق الشديد الرقي والخصوصية.. في الحديقة على كرسي خيزران تجلس بهدوء ووداعة وعيونها مسكرة، وهي تضع شال صوف على أكتافها، ما حست فيه وهو يقترب بحذر، ويجلس على الكرسي المقابل لها.. يتأملها بهدوء، حاس بحزنها ويأسها مثل السكاكين اللي تنغزر بقلبه بدون رحمة، يحاول دائما أنه ينسيها حزنها، بس عارف إنها حتى لو مثلت عليه السعادة، أن حزنها أصبح جزء من تكوين شخصيتها. كانت العلاقة بينهم علاقة فريدة: كانوا أشبه بالتوأم حين، أب وبنته حين، أم وولدها حين ثالث، كان الفرق بينهم ست سنوات. تنحنح بهدوء، وقال وهو يهز ذراعها بحنية: أم عبدالعزيز، أم عبدالعزيز.. قومي فديت قلبج أنا، الجو بارد عليج. قامت جواهر وهي مفزوعة وتسمي بالرحمن: خرعتني الله يقطع أبليسك، وألف مرة قايلة لك لا تناديني أم عبدالعزيز. قالتها وهي تضربه ضربة خفيفة على كتفه. تصنّع الحزن وقعد يمسح دموع وهمية: أفااااا.. ما تبين أقول لج أم عبدالعزيز، عيل من أمي؟؟ تنهدت جواهر: لا تفتح جروحي واللي يرحم والديك، أنت عارف أنا وش أقصد، إذا رجع عبدالعزيز، قول يا أم عبدالعزيز. تنهد عبدالعزيز تنهيدة أطول، وهو يمسح لحيته المتوسطة الطول، اللي تزين وجه لطيف الملامح: ليه هو جروحك تسكرت عشان أفتحها. ما أدري أنتي متى بتنسين وتكملين حياتك طبيعي، لمتى وأنتي تنطرين عبدالعزيز وأخته؟؟ طالعته جواهر بحدة: ياه على هالموال اللي ما يخلص، ومن قال أني ما كملت حياتي طبيعي، هذا أنا كملت دراستي وعوضت فترة الانقطاع، ومو بس دراستي إلا خذت ماجستير ودكتوراه وفي زمن قياسي، وكاني أستاذة جامعة، يعني حياتي ما وقفت بعد اللي صار. ابتسم عبدالعزيز بضعف: جواهر مو علي هالكلام، لو تخبين على الدنيا كلها أنا لا.. لمتى هالحزن؟؟ مو أنتي أول أم تفقد عيالها؟ الدنيا لازم تمشي، والبقاء لله، وأنتي إنسانه مؤمنة ومصلية. الموضوع صار له سنين طويلة، كل شيء في الدنيا ييدأ صغير ويكبر، إلاَّ الحزن يبدأ كبير ويصغر، وأنتي حزنج شاب بقلبج. كانت جملة عبدالعزيز القشة اللي قصمت ظهر البعير، من بعد وفاة أمها -اللي كانت شاغلتها بمرضها وحاجتها للعناية الدائمة- وإحساسها بفقد عيالها متضاعف، وكانت تتجنب فتح حوار من هالنوع مع عبدالعزيز اللي كان طول عمره مرايتها، اللي تشوف نفسها فيها. انهارت جواهر فجأة على الأرض كأنها كانت تحمل جبل على كتفها ينتظر انهيارها، انتحبت بعنف: أبي عيالي يا عبدالعزيز، أبيهم، أبيهم،لو هم عند ربي أبي أموت أبي أشوفهم. ليه ياربي ما خذتني معهم، ليه ما خذتني مع أمي؟؟ نزل عبدالعزيز على ركبه وهو يحضنها بقوة ودموعها غرقت كتفه: جواهر ياقلبي استعيذي بالله من الشيطان، وش هالكلام؟؟ وأنا بتخليني لمن؟؟ يهون عليج حبيبج عزوز. مسحت جواهر وجهها بظهر كفها: أنت بتتزوج قريب، وبيكون لك حياتك، بس أنا خلاص مالي حياة. شدها عبدالعزيز من يدها وقومها وهو يدخلها للبيت: شنو مالج حياة،جامعتج وطالباتج وطموحاتج، وقبل كل شيء أنا وانتي.. بنظل طول العمر مع بعض، وإذا ما تبين تتزوجين خلاص بكفيج، أحسن، هذا الله يحبني، رزقني أنا ونورة (بيبي ستر) تربي عيالنا ببلاش،، لا وخوش بيبي ستر، مزيونة ومعاها دكتوراة، وين نحصلها ذي إلا في الأحلام. سوبر ناني جات برجولها. ضحكت جواهر ضحكة قصيرة مبحوحة، ابتسم عبدالعزيز: جعلني ما خلا من هالضحكة، قولي أمين. مسحت جواهر وجهها، وهي تجلس على الكنبة: ولا يحرمني منك، ومن شوفة عيالك، تعال تعال أجلس جنبي وأنا أمك. جلس عبدالعزيز جنبها وهو يحط غترته اللي بدون عقال على الكرسي. حاولت جواهر بفشل أنها ترسم ابتسامة وهي تسأله: شأخبار شغلك؟؟ - يسرك الحال - والعرس.. متى نويت إن شاء الله؟ ترانا طولنا على الناس. صار لكم متملكين سنة ونص، من يوم ألغي زواجكم بعد وفاة أمي ما حددنا موعد جديد. - متى ما بغيتي أنتي؟ - خلاص خلني أشوف القاعات وحجوزاتها، وأشوف رأي خالي وأم فهد. - أنتي خيطي وأنا ألبس، بس أنتي أكيد عارفة أني ماراح أدخل عند الحريم وهالسوالف التعبانة؟؟. - أكيد أدري بدون ما تقول. - بس الشيء الثاني أني ما أبي نورة تجلس قدام الحريم بعد. - أنت وفهمناها، ونورة ليه بعد (قالتها جواهر وهي تخزه باستفهام) - لأنه جلسة العروس قدام الناس ماهوب في الشرع، وأنتي عارفة. - بس صار عادة، وأنا ما أحب أكسر بخاطر بنت خالي. - أنا بعد ما أحب أنه ينكسر خاطرها، قولي لها هذي رغبتي، ولو هي تبي تجلس خلاص براحتها. - ياقلبي عليك يالحنون، يا حليلك يا عزوز، والله أنك بتصير عريس الموسم. - وليه يعني؟؟ - عريس لابس ثوب شانيل؟؟ وضحكت ضحكة ناعمة مازالت رنة البكاء واضحة فيها. - شنو شانيله بعد؟؟ - خلاص عديها، الله يثبتك على طاعته. - آآآآآآآآآآمين، وياج. هاه أشلون النفسية الحين؟ - خلني أنسى ياعبدالعزيز يومي قبل يومك. - المشكلة أنه أنتي ما نسيتي، واللي أنا خايف منه أنه أنتي تكتمين بصدرج، فضفضي لي وانا أخوج، ليش كل شيء تكلميني فيه بارتياح، إلا لما نوصل لموضوع عيالج، 20 سنة وانتي صاكة عالموضوع في صدرج. - 17 وشهرين يا عبالعزيز، 17 وشهرين يا خالهم. قالتها جواهر والغصة أكبر من أنها تبلعها، حاسة أنها بتختنق فيها، وكملت وعيونها هايمة بالسقف،" قبل شهرين كملوا 17 سنة" حاول عبالعزيز أنه يفرفش الجو: (حد يقول أن هالغزال عنده عيال شباب) لكنها كانت محاولة فاشلة، وندم على الجملة اللي قالها. لأن جواهر انخرطت في بكاء حاد وهي تشهق: أبيع شبابي المزعوم وعمري وعيوني، عشان أشوفهم مرة.. بس مرة، ليه ياربي قسيت علي كذا، والله ما أذنبت في شيء أستحق عليه هالعقاب؟؟ انتفض عبدالعزيز: استغفري ربك استغفري ربك. انتفضت جواهر مثل اللي لدغتها حية: اللهم أني أستغفرك وأتوب إليك، آلهي لا تآخذني أنك تعلم بثي وحزني.... أنا أم موجوعة يا عبدالعزيز.. موجووووووووعة موجوووووعة، مو قادرة أنساهم أو أتناسهم، إلا مستحيل، ولا تقول ليه واشلون،والله أحس بريحتهم في الجو، ملمس بشرتهم الناعمة والله بعده بين أصابعي. قاطعها عبدالعزيز بحدة: أكيد ماراح تنسين، وأنتي كل ليلة ما تنامين إلاَّ على ثيابهم مفروشة على سريرك. تفاجأت جواهر: وأنت إشدراك؟؟ تنهد عبدالعزيز: يعني بتدسين علي هذي؟!! تنهدت جواهر تنهيدة حارة منـزوعة من أعمق أعماق قلبها: تدري عبدالعزيز، أنا لو متأكدة أنهم صدق ربي خذ أمانته عنده، كان احتسبتهم عند رب العالمين، وأنت أكثر واحد عارف إيماني بالله، بس هذا التأرجح، الأمل والشك يقتلني، كل ليلة أنام وأنا أحلم أني يمكن يجي بكرة أتصبح بوجيههم. يمكن أضمهم لصدري وأشم ريحتهم..آه ياعبدالعزيز آه ..انحرمت من شوفتهم يكبرون قدامي، انحرمت اسمع أول كلمة، وأشوف أول خطوة، وأتحسس أول سن، وأكلهم أول وجبة أكل، انحرمت من كل متعة تنتظرها الأم بلهفة مع عيالها..انحرمت حتى من أبسط حق، أسمعهم يقولون لي ماما.. آآآآآآآآآه ياعبدالعزيز آآآآآآآآه..انحرمت من طفولتي ومراهقتي، وكان والله ثم والله إنه عندي عادي وأكثر من عادي عشان عيونهم اللي حسيت كأني ملكت الكون لما شفتها بعد ولادتهم، حسيت لحظتها وتيقنت أنهم هم طفولتي وشبابي وكل اللي باقي من حياتي، أنه ربي كأنه خلقني في الدنيا عشانهم،حسيت كأني أطير في السما والله أطير.. آآآآآه ياأخوي وسندي آآآآآآآه، انحرمت منهم ، ونزلت من السما لسابع أرض، الله ينتقم من اللي حرمني منهم، الله يأخذ حقي منه يوم نتقابل أمام وجهه الكريم. الله ينتقم منه. - جواهر لا تدعين على....... قاطعته جواهر بعنف بنبرة تنضح بالكراهية: لا تقول اسمه، لا تقول اسمه قدامي. قال عبدالعزيز بلين: أنتي مثل اللي يمسك في القشور ويخلي اللب، ولو ما قلت اسمه، هو بشخصه حاضر، لأنك كل ما تذكرتي عيالك لازم تتذكرينه معهم. ابتسمت جواهر ابتسامة خفيفة وهي خلاص تبي تنهي الموضوع اللي استهلك كل طاقتها وانفعالاتها: تعشيت يا قلبي؟؟ تفهّم عبالعزيز رغبتها في انهاء الموضوع مع أنه كان حاب أنهم يتكلمون عشان تفضفض عن اللي بداخلها، لأنه هذي من المرات القليلة اللي تكلمت عن عيالها، قال بحنية: تعشيت ياعلني ما خلا منك، طلعنا أنا والشباب من الدرس، وحلف علينا راشد نصلي في المسجد اللي عند بيته ثم نتعشى عنده، وتوني الحين جاي من عنده. ابتسمت جواهر وهي تتذكر راشد أكبر شيطان في الفريج وهو صغير ما حد سلم من شره، كان مفلع كل عيال الفريج، بس هو كان بذرة طيبة الله يرحم أمه، ورغم أنه مو مطول اللحية ولا مقصر الثوب مثل عبدالعزيز، إلا أنه شديد التدين والتفقه في الدين مع أنه أصغر من عبدالعزيز ب3 سنين، نفضت الذكرى عنها وهي تقول لعبدالعزيز: يوه كنت بأنسى، بكرة الأثنين أكيد صايم؟؟ - إن شاء الله. - خلاص بأحط لك سحور في حافظات في الصالة، عشان لا قمت تصلي التهجد تتسحر. - يا جواهر ماله داعي، توني متعشي. - إلا لازم.. ليل الشتاء طويل وبتجوع ************** هذا اليوم كان يوم شبه اعتيادي من حياة بطلة روايتنا.. عجبتكم الرواية أكملها أو أنسحب بكرامتي أحسن؟؟؟ #أنفاس_قطر# بعد الغياب/ الجزء الثاني/23/12/2008 في نفس اليوم بالليل. جواهر بغرفتها، تأكدت أنها سكرت الباب بالمفتاح. بأصابع مرتجفة، فتحت الدولاب، وطلعت صندوق خشب صغير فاخر جدا أول مافتحته فاحت منه ريحة عود قوية وساحرة. مسكت الصندوق وهي حاضنته كأنها خايفة حد يأخذه منها. جلست على السرير، وفتحت الصندوق بحنية كأنها تلمس مخلوق حي. طلعت منه قطع ملابس مختلفة لمواليد صغار باللونين الأزرق والوردي. طلعتهم بشويش وهي تتأكد من كل زاوية فيها أنها سليمة، ما فيها نتش أو قطع. ظلت تمسح على الملابس وتشمهم وتهمس لهم بكلمات غير مفهومة كأنها تمسح على عيالها نفسهم وتكلمهم بعدها حست أنها خلاص مو قادرة تستحمل الانفعال حطتهم على السرير وحطت رأسها عليهم وبدأت دموعها اللي ما تجف تسيل بهدوء، في تكرار لمسلسل ليلي لا توجد له حلقة أخيرة. وهي على هذا الوضع، رن موبايلها. انتفضت بعنف ورنين الموبايل ينتزعها من عالمها الخاص. مسكت الموبايل تشوف من اللي يتصل هالوقت. كانت نجلاء، حاولت جواهر أنها تتماسك وردت: - ألو.. - هلا والله بصادقة الوعد.. (نجلاء بعيارة) - أسفة والله نجلاء بس صار اجتماع في القسم وماطلعت من الجامعة الا المغرب، ودقيت عليج، لقيت موبايلج مسكر. (جواهر بصوت حاولت أنه يكون متماسك. - ماصار إلا الخير.. إلا صوتج وش فيه؟ - فيه إنج مزعجة وصحيتني من النوم. - نعنبو.. نايمة الساعة 10 يالدجاجة؟؟ - ليه فيه مانع نجلاء هانم؟؟ - فيه إنج وعديتني تمرين علي ما جيتني، أنا عادي وأدري مالي خاطر عندج، بس حمودي المسكين، أنا قلت له إنج بتجين، والمسكين قاعد متزهب. - صج كلاكة كذابة، أبو سنة وقاعد يتزهب، لاصار عمره خمس سنين، بيجي يأخذني من البيت على سيارته اللي يسوقها بنفسه. - أكيد!!! هذا حمد بن جاسم على سن ورمح. - يا حليلج يانجلاء، زين ينفع أمرج الصبح، ما عندي محاضرات إلا الظهر. - ينفع ونص، بس تعالي لي بدري، أبي أسولف معج شوي. - الله يستر منج ومن سوالفج. - أنتي بس تعالي ويصير خير، والحين تصبحين على خير. - وأنتي من أهله. سكرت جواهر من نجلاء ورجعت تسند رأسها على ملابس عيالها وتشمها بعمق ماعاد فيها إلا ريحة العود اللي هي تبخرالثياب فيه على طول بس حاسة أنه فيهم ريحتهم وملمس جلدهم بتموت من الحنين والشوق واللهفة والوجع.. الوجع اللي يمشي في عروقها مجرى الدم، حتى امتلت كل مسامات جسدها فيه.. نبهت منبهها على الساعة 3 عشان صلاة التهجد، وحطت رأسها على ملابسهم، وهي تحاول تنام. ********* ثاني يوم..الصبح الساعة 9.. في بيت نجلاء.. جواهر ونجلاء قاعدين بمجلس الحريم. نجلاء بترحيب صادق: ياهلا والله بالشيخة جواهر. - حياج الله وأبقاج.. هاه وينه حمودي. - نايم - وإذا هو نايم أنا جاية عشان من؟؟ - يمه منج، زين احترمي مشاعري الرقيقة شوي، جامليني، حرام كسر الخواطر. - أنتي شبعانة منج في الجامعة. - بس أنا ما شبعت منج، أنا الفضول بيقتلني، واليوم صدتج، في الجامعة ما أقدر أسالك براحتي، أخاف البنات يدخلون ، يقطعون السالفة وما ترضين تكملين لي عقب.. وعندي عمتي دايم موجودة بس هي اليوم عند بنتها... وعندج ما أزورج إلا بنات خالج ناطين لنا، اليوم ماراح يفكج مني شيء. - وش هالموضوع المهم اللي بتموتين وتعرفينه؟؟ - أممممم بصراحة هم موضوعين مو واحد، الأول سالفة زواجج من طقطق للسلام عليكم، أنا بس أعرف إنج تزوجتي وعمرج 12 سنة في سنة الـ 90، بس حتى هذاك الوقت ماعاد الناس يزوجون بناتهم في هالسن الصغيرة، يعني ما كنا الستينات ولا الخمسينات........ الموضوع الثاني: دراستج، أنا أعرف إننج تركتي المدرسة 3 سنين بعد زواجج، أشلون قدرتي تكملين بهالسرعة، وتأخذين الدكتوراة وأنتي عمرج 27، يعني خلال فترة قياسية جدا. جواهر بتوتر: أشرايج أحكي لج الموضوع الثاني وبلاها الموضوع الأول واللي يخلي لج حمودي. نجلاء بإصرار: لا لا لا .. الموضوع الأول أهم من الثاني، يا حبيبتي يا جواهر، احنا صديقات وخوات، صح؟؟ جواهر بصدق: والله أكثر من خوات.. نجلاء بحنان: افتحي قلبج يا جواهر ..لازم تتكلمين عشان تتجاوزين حساسية هالموضوع، لو قعدتي مسكرة عليه بهالطريقة، عمرج ماراح تتجاوزين الموضوع.. جواهر بألم: بس الكلام عنه يجرح كل شيء فيني، أنوثتي، أمومتي، وحتى إنسانيتي.. نجلاء بصدمة: لهالدرجة؟؟ جواهر تفرك إيديها ووتتنهد: وأكثر يا نجلاء وأكثر، بس تدرين أنا خلاص بأحكي لج كل شيء، والسالفتين مع بعض زواجي ودراستي، لأنهم مرتبطين.. تنهدت جواهر ومرة ثانية، وخذت الكوشية من جنبها، حطتها بحضنها وتسندت عليها بتعب وهي تقول: توفى أبوي الله يرحمه وأنا عمري 12 سنة ووقتها كنت مخلصة ثالث إعدادي وفي إجازة الصيف مو في أول إعدادي مثل ما كانوا البنات اللي بسني. نجلاء باستغراب: أشلون؟؟ جواهر وعيونها تحاكي بحيرة من الألم: تذكرين أنه كان عندنا في قطر من زمان، وما أدري لو عاده موجود أو لا، نظام يتيح للطالب المتفوق أنه يدرس مواد سنة كاملة في الصيف، ويقدم اختبارات مع طلبة الدور الثاني، ولو نجح، يختصر سنة، وينتقل للسنة اللي بعدها. - ايه صح أذكر.. - أنا كنت شاطرة كثير في المدرسة، ولما كنت في رابع، مدرستي الله يذكرها بالخير، هي اللي أصرت أني أقدم صف خامس في الصيف وأطلع على سادس، لأنها حست مستواي أعلى من مستوى باقي البنات، وفعلا سويتها بمساعدتها ونجحت، وبعدها عجبتني الحكاية، ورجعت سويتها لما خلصت أول إعدادي، ونجحت في ثاني إعدادي في الصيف، وطلعت لثالث، وتوفي أبوي الله يرحمه بعد يومين من اخر اختبار لي في ثالث إعدادي - والله سالفتج سالفة، وعقب؟؟ نجلاء بتلهف وترقب. - أبوي كان عنده ولد خالة اسمه محمد، كانوا مثل الأخوان، ومحمد كان مريض الله يرحمه بعد، فأصر على ولده اللي كان توه راجع متخرج من أمريكا، وعمره 23 أنه يتزوجني. - تكلمين جد؟؟ نجلاء باستغراب - والله جد.. (جواهر بألم أرجعته الذكرى لها) وكملت جواهر: تخيلي فرق 11 سنة بيني وبينه، هو كان رجّال وأنا طفلة، بس أبوه أصر، لأنه ماكان لنا حد من القرايب، ومحمد كان خايف علينا، أنا بنت صغيرة وأمي وقتها بعدها بنص عمرها، وعبدالعزيز طفل عمره سبع سنين. قاطعتها نجلاء: وخالج أبو فهد وينه؟؟ أدري انه اللي تكفل فيكم؟؟ جواهر: انطري علي جايتج في الحكي، خالي أبو فهد، جلا برا قطر وأنا عمري سنتين ، في قتل خطأ، وخاف من أهل القتيل يقتلونه، ولا حد كان يعرف طريقه. نجلاء: صراحة فيلم هندي.. جواهر بابتسامة حزينة: بعدج ما سمعتي شيء نجلاء بترقب: كملي بليز كملي. جواهر: فولد خالة أبوي أصر على زوجي سابقا أنه يتزوجني، عشان يكون مصدر حماية جعل أمحق حماية، شوفات وبزر على قولة ولد خالة أبوي. نجلاء باستفهام: إلا صدق عمرج ما قلتي لي اسم زوجج، اقصد سابقا. جواهر بحقد: ما أحب أقول اسمه، موب لازم. ولو تبين موب لازم أكمل خلاص.. نجلاء: لا لا واللي يرحم والديج ..كملي كملي بليز. جواهر بتأمل وهي تعصر الكوشية بين يديها: أمي اقتنعت مع ولد خالة أبوي إن هذا هو الحل الوحيد.. لأنه كنا محتاجين رجّال معانا.. المهم تزوجت بعد وفاة أبوي بشهر واحد،وطبعا بدون طقطقة ولا حتى معازيم، لانه أمي كانت في الحداد، وكان إصرارهم على الزواج في هالوقت، عشان حد يقدر يدخل بيتنا ويجيب طلباتنا.. وأنا كنت مو مصدقة نفسي... طفلة، مبسوطة بالثوب الأبيض، وإنها صارت عروس... جواهر رجعت ذاكرتها لـ18 سنة ليلة زواجها وهي تشرك نجلاء معاها في الذكرى كأنهم يشاهدونها معا: جواهر جالسة في غرفة نومهم وجهها ملطخ بمكياج ما يتناسب مع عمرها وهو جالس في الزاوية البعيدة وجهه مدفون بين إيديه، ظل على هالوضع لأكثر من ساعة، كأنه أسد حبيس، ينتظر إطلاقه من القفص بعدها وقف فجأة ارتعبت جواهر عمرها ما شافت حد بهالطول والنحافة كان بالنسبة لها كأنه عمود نور، خافت وانكمشت على نفسها. سمعت صوته بدون ما تشوف وجهه كان صوت رجولي شديد العمق فيه بحة حزن واضحة: لا تخافين جواهر، ماراح أذيج ولا أسوي لج شيء، أنا مثل اخوج الكبير، أو أبوج لو بغيتي. بعدها التفت لجواهر بتثاقل قدرت تشوف ملامحه بوضوح كان وجهه نحيف.. بس ملامحه حادة مرسومة بإتقان مثل ملامح تمثال أغريقي.. دار في الغرفة عدة دورات ورجع يجلس على كرسيه وهو يرجع يدفن وجهه بين ايديه.................. قطعت نجلاء سيل الذكريات وهي تقول: يعني كان أخينا إياه مزيون والموت الحمر.. وبعدين شنو سالفة أخوج وإلا أبوج ذي ، والعيال منين جاو، من الهوا؟؟ ( نجلاء بعيارة وخبث) جواهر بخجل ممزوج بالحزن: صج قليلة أدب، يعني هذا اللي هامج من الموضوع؟؟ نجلاء بابتسامة: تدرين عاد.. أنا دكتورة جامعة، ولازم كل شيء يمر بمنطقية قدامي عشان أقتنع.. اقنعيني والا مافيه شيء بيفكك من يدي.... قاطعتها جواهر: كل شيء جايج بالحكي، اليوم أنا أنفكت عقدتي الكلامية.. رجعت جواهر تتذكر، وهي تشرك نجلاء معها في ذكرياتها........ جواهر الصغيرة جالسة تشوف التلفزيون مع أمها بانتباه كانت أخبار اجتياح العراق للكويت معبية التلفزيون، وجواهر اللي كان عقلها أكبر من سنها، كانت مهتمة جدا بالاخبار.. دخل زوج جواهر عليهم، وهو شايل أكياس كثيرة، دخلها للمطبخ ونزلهم، ورجع دنق على رأس عمته بعد ماسلم عليهم. أم جواهر: جهيّر.. قومي يمه رتبي الأغراض اللي جابها رجلج، يا علنا ما نخلا منه. هو: ولا منج يمه.. قامت جواهر ترتب الأغراض، ولما تأكدت أمها إنها دخلت المطبخ وخلاص ما عادت تسمعهم، التفتت عليه، وهي تسأله باهتمام: - يمه.. صار لي مدة أبي أسألك عن شيء.. بس مستحية.. رد عليها بجدية: أفا يمه تستحين مني أنا مثل ولدج.. أم جواهر: واغلى من ولدي والله عالم، ودي أسألك عن شيء وجاوبني بصراحة. - تفضلي يمه.. - من يوم تزوجت جواهر وأنا شايفتك تنام بالمجلس، جواهر مزعلتك بشيء، لو مزعلتك قل لي، جواهر ياهل، وأنا بأعلمها لو هي مقصرة في حقك، مع أني ملزمة عليها ما تقصر فيك. - كح (هو) متفاجيء من السؤال، وتنحنح: لا يمه جواهر ما سوت شيء، بس على قولتج جواهر ياهل، وأنا أحب أعطيها حريتها شوي، واخليها تتعود علي قبل.. ردت أمها بجدية وتفكيرها تفكير حريم أول: بس جواهر مره كاملة.. وأنت فاهم قصدي.. كح مرة ثانية، وهو يحس أنه بيموت من الإحراج، وحاول يغير الموضوع: إلا حبيبي عزوز وينه؟؟؟ مع إنهاءه لجملته، كان ظهور عزوز المزعج طوق النجاة له من أسئلة عمته المحرجة نط عبدالعزيز على ظهره وهو يقول: كاني جيت، يالله قوم شيلني خلني ألمس المروحة.. (هو) بمرح: حاضرين كم عزوز بو تمبة عندنا.. عزوز بزعل طفولي: أنا موب بو تمبة، وإذا كبرت بأصير طويل مثلك، لا أطول منك بعد... جواهر اللي دخلت في هالوقت: إيه إحلم إحلم أنك بس بتصير طويل.. قالتها وهي تمد لسانها له عزوز وهو راكب على ظهر زوج أخته ويلمس المروحة بانتصار: إيه بأصير طويل مثل (....) وأنتي مو ربي، ربي بيخليني طويل إن شاء الله مو قصير مثلج....................... رجعت نجلاء تقاطع سيل الذكريات وهي تقول باستغراب: شنو حكاية قصيرة أنتي كنتي قصيرة يالزرافة..؟؟ ضحكت جواهر ضحكة مبحوحة: إيه والله كنت قصيرة وقصيرة وايد بعد.. أنا اصلا كنت توني بلغت قبل زواجي بثلاث شهور، وما طلت هالطول كله إلا بعد ما جبت عيالي... نجلاء باندهاش شديد: يعني زوجج الطويل ما عرفج الا وانتي قصيرة؟؟ جواهر بابتسامة حزينة: إيه والله، تصدقين كنت يا دوب يوصل طولي نص صدره، تقريبا يمكن كنت 150 او 155 سانتي.. نجلاء بتمعن: تدرين جواهر سالفتج كل مالها تصير مثيرة أكثر... بليز كملي لي.. وأهم شيء العيال منين جاو يوم إنه الأخ متكي في المجلس؟؟..كملت نجلاء بخبث رجعت جواهر تتذكر.. وتكمل لنجلاء.. #أنفاس_قطر# |
مرحبا مذهلة ,, ((بعد الغياب )) ..... قصة راائعه ومميزه كثير عن بقية القصص وخصوصا ان بطلة القصه عمرها 30 سنه كثير عجبتني فكرتها وانا واصله لحد الجزء الخامس صراحة مميزه ودائما اقول كاتبات قطر مميزات بالاسلوب الراقي والافكار المميزه والمختلفة ضحكت من نجلا اللي ماهمها من قصة جواهر الا العيال كيف جوا لدنيا ..!!! ما ابغى اتعمق اكثر عشان مانخرب على القراء يعطيك العافية مذهله متابعة معاك باذن الله |
اقتباس:
هلا والله بالحلوه ريما تسلمين ياقلبي وتكفيني شهادتج ان القصة تستحق القراء ومنقلتها الى العيون البناااات مذهلة |
اقتباس:
ميثااان تسلمين لي ياقلبي وان شاء الله اشوف تعليقج على كل جزء ومفصل بعد وهذي نجلا رهيب بتشوفين بعد في الاجزء الجاااية وش يكون هامه من السالفة كلا الناااس في وادي وهي في وااادي خخخخخخخخخخخخخخ مذهلة |
بعد الغياب/ الجزء الثالث/ 23/12/2008 في مبنى النشاط الطلابي/بنات/ جامعة قطر الساعة 10 صباحا مها وفاطمة ومنيرة جالسين على الكنبات.. توهم خلصوا من محاضرة، وينتظرون محاضرتهم اللي بعد ساعة.. فاطمة ويدها على بطنها: يووه.. حدي ميتة من اليوع.. قوموا نتريق.. مها بعيارة: يا ملا الشقاق.. أنتي ما تشبعين 24 ساعة زط متواصل.. ريحي كرشش شوي.. فاطمة وهي تضحك: الشقاق يشق كرشج أنتي يا أم كرش مها وهي تحسس على بطنها: كله ولا كرشي المصون، هذي أم الشحم واللحم.. العزيزة الغالية اللي ما تبي تفارق مع كل محاولاتي الدؤوب.. منيرة وهي ميتة من الضحك: حلوة الدؤوب ذي.. منين جبتيها مس مهاوي؟؟ مها بضحكة: سرقتها .. من ربعنا قسم اللغة العربية.. منيرة: وخذي ذي.. سرقتها عشانس: عيون المها بين الرصافة والجسر...جلبن الهوى من حيث أدري ولا أدري مها وفاطمة: الله.. الله.. صح لسانش/لسانج منيرة: بس لا جيتي للصدق، صحيح اسمس مها، بس مافيس من المها إلا اسمه وبس، أشلون انخطبتي ما أدري، أكيد أهل المسكين غاضبانين عليه، ويبون يعاقبونه فيس.. مها تصنّع الزعل: تهبين أنتي ووجهش.. قومش تبين نظارة وإلا كان شفتي زيني الفضّاح.. منيرة تفرك عيونها، وبعدين تحط يدها على جبين مها، وتصنّع لهجة القلق: من اللي زينه فضّاح؟؟ بسم الله عليس الرحمن الرحيم.. مسخنة؟؟ فاطمة وهي تضحك: مهاوي ماعليج من مناري، في هالجامعة ماعندها حد زين إلا الدكتورة جواهر.. مها وهي تمد لسانها لمنيرة: أنا أزين منش ومن دكتورتش أم عيون.. منيرة بعيارة: كله ولا عين السيح، مافيه في الدوحة بكبرها من يسواها.. فاطمة اللي ما كانت منتبهة معاهم كانت تطالع في بنتين مروا عليهم.. عقبه التفت لمنيرة ومها: بسبس.. بسبس مها: بسبس تخرق عيونش وش عندش تبسبسين لنا شايفتنا قطاوة.. فاطمة بهمس: طالعوا البنت اللي راحت تجلس هناك.. مها ومنيرة وهم يطالعون ناحية ما أشرت، وبهمس: أي بنت؟؟ فاطمة: البنت اللي عبايتها فيها تطريز فضي، وشايلة شنطة فضية.. مها: وش فيها؟؟ فاطمة: مو تشابه دكتورة جواهر؟؟ منيرة باستنكار: من هذي اللي تشبه الدكتورة جواهر؟؟ مها: البنية صدق حلوة.. بس مافيه مجال للمقارنة، لاجينا للحق دكتورة جواهر صاروخ مهيب مره.. فاطمة: صج ما تعرفون للشبه.. طالعوها عدل.. صدق مو بنفس جمال الدكتورة.. بس فيه شبه.. مها ومنيرة: ما ندري يمكن.. كملت منيرة.. خلونا نقوم نشرب كوفي قبل المحاضرة.. مها وفاطمة وهم يلقون نظرة أخيرة على البنية اللي كان فيها فعلا لمحة شبه من الدكتورة جواهر: يالله بعدها شالت منيرة ومها نقاباتهم اللي كانت مطوية على الطاولة، ولبسوها متوجهين كلهم للكافتيريا اللي في كليتهم يشربون هناك كوفي قبل المحاضرة... ************* في بيت نجلاء الساعة 10 ونص الصبح بعدها جواهر تكمل لنجلاء حكايتها غير المعقولة اللي تشبه أفلام السينما وأغرب جواهر تتذكر.. بعد شهرين من زواجها.. زوجها بعده ينام بالمجلس، وهي مبسوطة من هذا الترتيب اللي أعفاها من واجبات زوجية هي أصلا مو فاهمتها.. كانت نادرا ما تشوفه، إلا لو هو جايب لهم أغراض وفي الليل يجي ينام في المجلس، ويطلع من الصبح بدري لشغله، وملابسه في دولاب صغير مسكر في المجلس.. عمره ما وجه لها سؤال أو كلمها.. كلامه القليل كان مع أمها.. بس كان يحب عبدالعزيز كثير ويدلعه، ويحاول يعوضه عن حنان الأب، كان حنون كثير على عبدالعزيز، لأنه بعده صغير على اليتم... (الأحداث اللي تجي.. أنفاس قطر تحكيها لكم، لأن جواهر ماعندها خبر فيها، بس هي مرتبطة بالذكريات اللي كانت جواهر تحكيها لنجلاء، عشان تكتمل الصورة عندكم، على أمل أنها تكتمل عند جواهر يوم) في يوم جمعة: صار الوقت ضحى، وهو كان نايم بالمجلس مابعد صحا لأنه ماعنده دوام اليوم.. وكانت المفاجأة أنه أبوه دخل عليه يتوكأ على عصاه ويسنده سواقه الباكستاني (أفضل) اللي كان أبوه مربيه من وهو صغير.. طالعه الشايب بغضب و نغزه في بطنه بالعصا.. صحا من النوم وهو مصدوم، نط واقف وهو يحب خشم أبوه: هلا يبه حياك.. والله أني صليت الفجر ورأسك الغالي الشايب بلهجة غضب واضح: ما سألتك عن الصلاة، أدري أنك مصلي الله يثبتك على طاعته.. ولده: عجل وش اللي مزعلك مني، جعلني ما خلا من ذا اللحية الغانمة.. الشايب: وش مرقدك هنا؟؟ أنت زعلان من مرتك؟؟ ولده وهو توه ينتبه لورطته: لا يبه جعلني فدا خشمك، بس أنا انسدحت هنا بعد صلاة الفجر، تبيني أجيب جواهر تسألها؟؟ الشايب: مافيه داعي.. بس والله لا أدري أنك مزعل بنت منصور اليتيمة وإلا زعلان عليها، أنه زعلي عليك دنيا وآخرة.. ولده برعب: لا جعلني ماذوق حزنك، كله ولا زعلك.. الشايب بعد ماقرر المواجهة: توني البارح مكلم عمتك. هو يبلع ريقه: عمتي؟ اشتكت لك مني؟؟ وإلا أني مقصر عليهم بشيء؟؟ الشايب: إلا تشكر فيك وفي شيمتك وكرمك.. تنفس براحة: عجل وش فيه يبه؟؟ الشايب وهو يطالعه بنظرة لها معنى: فيه اللي أنا وأنت عارفينه.. هو بحذر: شنو يبه؟؟ الشايب مثل اللي كأنه بيفجر قنبلة: فيه أنك من يوم عرسك وأنت تمسي في المجلس.. وش فيك أنت؟؟ منت برجال؟؟ هو حس أنه خلاص بينفجر: أعتقد أن حياتي الخاصة شيء خاص فيني.. وما لحد حق يتدخل فيها.. الشايب وهو ينتفض من الغضب: أمحق تربية ربيتك وأحسب أني اربي رجال، وأمحق تعليم يوم خليتك تروح لبلاد الكفار.. هذا اللي علموك إياه.. تطول لسانك على أبوك.. هو.. وهو يركع ليد أبوه يحبها ويحطها على رأسه: طالبك يبه ما تزعل علي.. طالبك طلبة وقتها (أفضل) اللي كان مثل أخ له وولد لابوه ما أستحمل وطلع من المجلس ينتظر في السيارة وهو يبكي.. أبوه بغضب: قوم الحين ما أبي أشوفك.. عقب صلاة العشا تعال لي البيت أبيك بسالفة.. قوم سند لي أروح للسيارة، بأروح المسجد أقعد هناك لين الخطبة. ********** جالس في سيارته، بعد أقل من ساعة من لقاءه مع أبوه، كان يكلم خالته، اللي أكبر منه بأربع سنين، واللي تركها وراه في أمريكا تدرس طب، يكلمها من تلفون السيارة (هذي كانت الموضة قبل الموبايلات).. مع أنه في بيت أبوه خط دولي، بس ماكان يبي أبوه يسمع وش بيقول.. - صباح الخير عيوش.. خالته بصوت فيه النوم : عيوش في عينك، تدري كم الساعة؟؟ ما أعتقد أنك لحقت تنسى التوقيت؟ هو بصوت حزين: أدري عائشة أنه الساعة وحدة بالليل. عائشة: ويوم أنت تدري.. وش له متصل هالحزة؟؟ لا تقول شفقان؟؟ ماني مصدقتك؟؟ هو بألم واضح: تعبان خالتي تعبان.. عائشة اعتدلت من نومها وبققت عيونها عدل: أفا.. تعبان.. كملت بحنان: وش فيك يا قلب خالتك؟ - تزوجت هالبزر عشان خاطر الشايب.. وحاطها هي وأهلها في عيوني، ومو مخلي عليهم قاصر.. وبعد مو عاجب.. - وش صار جديد حبيبي، توك قبل أسبوع مكملني وكنت ممشي الموضوع. - والله مستحي خالتي، ما أدري شأقول لك؟ - السالفة فيها مستحي.. أنت تعرف السحا أنت!! يالله اعترف بدون تعذيب.. تنهد بصوت مسموع حست خالته اللي كانت هي صديقته وأمه بألمه: وش فيك ياروح خالتك لا تعذبني معك، تدري ما أستحمل شيء عليك.. انفجر وقتها من الغضب: يبوني أعيش معها مثل الأزواج.. عائشة بصوت هادئ بعد ما أنطفأ توترها: وهذي كل السالفة؟؟ هو بغضب: شنو عيوش؟ أحر ما عندي أبرد ما عندج؟؟ عائشة: أنا أشوف الموضوع عادي، زوجتك ومافيها شيء.. - خالتي أنتي أكثر وحدة فاهمتني، شنو زوجتي؟؟ هذي طفلة عمرها 12 سنة، ما تخافون الله فيها.. - يعني شنو؟؟ بتقعد تنطرها لين تكبر؟ - ما أدري خالتي؟؟ ماعاد عندي مخططات لأي شيء.. هالزواج قلب كياني.. - هي شنو مو مره بالغة؟؟ - بلى خالتي مره بالمعنى اللي تقصدينه، بس موب هذي السالفة؟؟ - خالته بخبث: خلاص أنا عرفت: أكيد مو حلوة؟؟ لو حلوة كان جذبت على الأقل رجولتك. - لحول خالتي.. وش هالكلام؟؟ - جاوبني أول: حلوة وإلا لا؟؟ - عادية بس هذي موب قضيتي؟؟ - ايه قول إنها عادية وأنت مزيون وحاس أنك خسارة فيها؟ - خالتي حرام عليج، والله البنية ماعليها قاصر، وعليها شعر سبحان اللي خلقه حرير لحد ركبتها.. بس طفلة خالتي.. طفلة.. أنا خايف ربي فيها.. - - والحين وش تبي تسوي؟؟ - ما أدري.. بس حبيت أفضفض لج.. رخصي لي الحين.. بأروح ألحق صلاة الجمعة.. - مرخوص ياقلبي وطمني عليك.. - أكيد عيوش.. من لي غيرج.. ******** نرجع لجواهر ونجلاء.. وهم بعدهم يسولفون.. نجلاء باستفهام: تقولين أنه أنتي ما كنتي حلوة وأنتي صغيرة.. ما أصدقج.. من وين جبتي هالحلا كله.. طلع بين يوم وليلة.. نمتي قبيحة.. وصحيتي حلوة مثل الرسوم المتحركة. جواهر تضحك: موب كذا يالغبية؟؟ - عيل فهميني؟؟ - تعرفين البنات في مرحلة البلوغ.. أبشع مرحلة يمرون فيها، وأنا بعد كنت بزود بزود.. الخشم كان وش عرضه.. والبشرة داكنة ومحفرة حب شباب تحفير.. الشيء الوحيد اللي حلو فيني كان شعري.. كان طويل.. - صج ووين راح؟؟ - قصيته؟ - نجلاء بتحسر: وليه حرام عليج؟ - جواهر بحزن: حسيت ماله قيمه بعد عيالي، وحتى اني ماعاد اعتنيت فيه.. فأول مرة أقصه قصيته بوي.. تخيلي.. - بوي؟؟ من جدج أنتي؟؟ (نجلاء ياستغراب) - إيه والله.. الحين أطول مرة أخليه بدون قص. - ايه واللي يعافيج جواهر لا تقصينه.. يجنن عليج كذا.. ويالله كملي لي قصتك/ أو فلمك الهندي..... بعدني ما عرفت العيال من وين جاو.. ومافيه تهربين من هالسؤال.. - جواهر بابتسامة: خلاص أنا بأقول لج سالفة العيال أشلون جاو.. عشان تريحين بالج.. وتخليني أكمل السالفة..... رجعت الذاكرة بجواهر لنفس يوم الجمعة اللي أبو زوجها زاره فيه.. بس في الليل متأخر كانت جالسة بغرفتها تقرأ في منهج أولى ثانوي اللي خذته من بنت جيرانهم.. استعدادا للسنة الجديدة اللي باقي عليها شهر.. رغم أنها مابعد تكلمت مع زوجها، عن هالموضوع، ولا حتى يعرف هي أي صف فوجئت بزوجها يدخل غرفتها مثل الأعصار لأول مرة بعد ليلة زواجهم.. ووجهه محتقن وأحمر وباين عليه الغضب الشديد.. #أنفاس_قطر# بعد الغياب/ الجزء الرابع/24/12/2008 مواقف البنات/ جامعة قطر الساعة 11 صباحا مواقف البنات في جامعة قطر لمن لا يعرفها، مبنى طويل شوي تدخل السيارات من تحته، من عدة بوابات، والبنات بقدرون يشوفون طوابيرالسيارات من فوق، من خلال زجاج عاكس كانت البنت -اللي لابسة العباية بالتطريز الفضي والشنطة الفضية اللي كان كانت ماركة باريسية معروفة- توها واصلة المواقف وتسولف مع صديقتها. صديقتها: ياليتج قعدتي معاي شوي؟؟ البنت: كفاية عليج الساعة اللي قعدتها معاج.. أبوي حافظ جدولي، وما يحبني أطول في الجامعة إلا لو عندي سبب وجيه. البنت وهي تنفض يدها بحماس: يوووووووه على أبوج بس، يوم شفته معاج هذاك اليوم على الكورنيش بالسبورت تريننغ الأسود..عذاااااب.. شنو هالأبو.. والله فكرته أخوج.. شنو.. كأنه نجم سينما وإلا بطل كمال أجسام وإلا ملك جمال، وإلا الثلاثة في واحد..أنا خقيت من قلب البنت بزعل: الله وأكبر عليج هنودة، أذكري الله.. لا تطسين أبوي بعين.. هند تضحك: لا تزعلين نوف.. ماشاء الله لا إله إلا الله.. نوف تضحك: ذكريتني بأيام أمريكا.. الأمريكيات إذا مر أبوي من جنبهم يصفرون له.. تخيلي؟.. يموتووون في المعضل.. ولازم يعبرون عن إعجابهم.. ما يقدرون يكبتون في نفسهم ياعلهم الماحي.. وأنا أموت من القهر.. وأتمنى لو أنه قعد نحيف، ولا رفع الأثقال والرياضة اللي يسويها، وخلته معضل بهالطريقة. هند: شنو تغارين على أبوج يعني؟؟ نوف: أكيد أغار عليه.. وأخاف تجي وحدة تخطفه منّا، هو أمي وأبوي.. الله يخليه لي. هند باستفسار: إلا قولي لي نوف: أنتو كم سنة قعدتوا بأمريكا؟؟ نوف بصوت هادئ: حوالي 12 سنة.. مارجعنا فيها الدوحة كلش.. هند بدهشة: معقولة؟؟ وأهلكم ما تشوفونهم.. نوف: مالنا قرايب إلا خوال أبوي.. وهم كان عندهم شغل ومصالح في أمريكا، فكانوا يزورونا دايم.. وأبوي كان دايم مشغول، أول في دراسة الماجستير والدكتوراة، وعقب شغله في السفارة، ولو ماطلبت منه الدولة يرجع عشان محتاجينه هنا، ما أدري.. يمكن كنا لحد الحين هناك. هند بعيارة: على طارئ أبوج: من بيجي بيأخذج اليوم؟؟ لو أبوج تراني خويتج اليوم.. نوف تضحك: لا بيجي عمي أبو محمد ومعاه الشغالة.. هند: أنتي من جدج تنادين هالباكستاني عمج. نوف بزعل حقيقي: هند.. كله وإلا أنج تجرّحين في عمي أبو محمد.. أبو محمد عمي وأكثر من عمي.. هند وهي حاسة بغلطتها: خلاص نوف أنا أسفة مو قصدي. نوف بعدها متضايقة: ماصار إلا الخير، وكاهو عمي أبو محمد وصل ما أحب أتاخر عليه.. قالتها نوف وهي تشدد على كلمة (عمي) ************ في منزل نجلاء الساعة 11 وعشر دقايق.. نجلاء وهي تشرب حليب الكرك ومبققة عيونها، كأنه تخاف تسكرها يفوتها شيء من السالفة: هاه وبعدين؟؟ جواهر تتنهد، وهي تتذكر: صحيح أمي كانت مفهمتني ومعلمتني وشارحة لي الطبخة كلها، بس الكلام غير، والتجربة غير.. جلست أبكي بانهيار، وهو جنبي كان يرتعش مثل مريض حرارته 40 صبوا عليه ماي مثلج.. بعدها نط للحمام في قفزة وحدة.. ما ادري كم قعد في الحمام، وقت طويل مر.. وأنا أبكي وأسمع صوت الدوش ومعاه صوت ضربات مكتومة، أعتقد أنه كان يشوت الطوفة أو يضربها. بعدها طلع.. لابس روبه المعلق في الحمام ماحد لمسه من يوم زواجنا، كان الروب ملفوف على جسده النحيل شعره مبلول وعيونه حمراء وفيها حزن غير مفهوم قرب مني.. كنت حاسة كأنه قرفان مني.. فانكشمت بخوف.. حسيت أنه انكماشي جرحه.. وقف قريب مني، مسكني من عضودي بيديه الثنتين.. ووقفني.. وقفت جواهر عن الكلام وهي ترتعش.. نجلاء بترقب وكأنها بتضرب جواهر: واللي يرحم والديك.. مو وقت انفعالاتك.. كملي لي.. جواهر تبلع غصتها: حضني بقوة.. وقال بصوت مليان حزن: سامحيني جواهر.. سامحيني.. أدري أنه غلطتي أكبر من سماحج.. بس أنا ما كنت في وعيي، غضبي سيرني.. أدري أنج موب فاهمة علي.. وأدري أنج تكرهيني عقب الشيء الحقير اللي سويته.. بس أوعدج أني ما أخليج تشوفين وجهي الكريه مرة ثانية.. نجلاء بترقب قاتل: وعقب؟؟ جواهر وهي تلمس شفايفها، كأنها تتحسس مكان قبلته الوحيدة: نزل قامته الطويلة و باسني، وراح.. كانت أول وأخر مرة يلمسني، يحضنني.. ويبوسني.. وراح.. نجلاء بتلهف: وين راح؟؟ جواهر وعيونها كأنها تراقب شيء غير مرئي: أخر مكان ممكن يخطر ببالك؟؟ نجلاء بنفاذ صبر: وين يعني؟؟ جواهر برنة حزن: الجبهة / للخفجي ************ في نفس ليلة الجمعة الشهيرة، قبل صلاة الفجر بساعة في الدوحة والساعة 6 مساء في الولاية اللي تسكن فيها عائشة.. تلفون شقتها يرن، التقطت السماعة، وردت بصوتها الرزين المعتاد: هالو صوت بكاء مكتوم على الطرف الثاني عائشة بقلق:who's that?? يرد بصوت باكي: أنا يا خالتي عائشة حست أن قلبها انتزع من مكانها بكل قسوة، وحد داس عليه بوحشية وبدون رحمة، عمرها ما شافته أو سمعته يبكي، حتى يوم ماتت أختها قبل كم سنة، مع أنه كان مراهق صغير، ماشافت له دمعة، كانت تدري أنه يبكي بغرفته، بس ماسمح لأحد يسمعه أو يشوفه شنو هالشيء الكبير اللي صار، وخلاه يبين ضعفه قدامها لهالدرجة، عائشة بصوت خانقته العبرة: حبيبي وش فيك؟؟ أبوك صار له شيء؟ - هو بحزن: لا - عيل ليش تبكي يا قلبي؟؟ - انخرط في بكاء حاد، خلا قلب عائشة يموت ألف مرة في الدقيقة: أنا حيوان يا خالتي، حيوان وحقير، وأستحق الذبح.. ما أستحق أكون إنسان يمشي على الأرض.. الحيوانات أحسن مني عائشة مو قادرة تستوعب سيل الشتائم اللي هو قاعد يشتم نفسه فيهم: حبيبي قل لي وش فيك، حرام اللي تسويه فيني.. بصوت حزين: أنا حيوان وهمجي ومنحط، وش تبين أقول لج أكثر من كذا.. أنتي أصلا لازم تتبرين مني، لأنه حرام وحدة عندها أخلاق عالية مثلج، يكون ابن اختها إنسان منحط مثلي.. عائشة وهي خلاص بتنجن: لا تجنني، أنا أكثر وحدة تعرف أخلاقك وتدينك، أدري أنك ماراح تسوي شيء غلط.. هو بغضب: لا سويت، كله من أبوي الله يسامحه، استفزني بانتقاصه لرجولتي، باتهاماته اللي ماقدرت استحملها... وإلا ليش أحط السبب على أبوي، كلام أبوي حرر بس الحيوان اللي داخلي عائشة ارتاحت شوي وكأنها بدت تستوعب الحكاية: أنت لمست جواهر؟؟ هو بغضب ناري: شنو لمستها؟؟ هذي كلمة إنسانية راقية.. أنا اغتصبتها، اغتصبت طفلة.. قلت لج أنا حقير ونذل وحيوان.. أكيد إنج تكرهيني الحين.. عائشة وهي تبتسم لأفكار ابن أختها المثالية زيادة عن اللزوم: يا حبيبي..هذي زوجتك، ليس سويتها قضية أكبر من اجتياح العراق للكويت هو وهو يتنهد: على طارئ الكويت، أنا طالع بكرة الجبهة. عائشة بصدمة حقيقية: أنت مجنون؟؟ هو بغضب: أنا مجنون من يوم وافقت أبوي على هالمهزلة عائشة: فديتك أنت، وغلاتي عندك، حرام عليك أبوك الشايب، أبوك ماعنده غيرك، وفي أخر أيامه، وزوجتك وأهلها مالهم غيرك.. وأنا... هو بحسرة: خلاص خالتي والله مو طايق نفسي، أنا أصلا من بداية الحرب، وأنا أبي أنضم للمتطوعين، بس أبوي و أهل جواهر هم اللي كانوا مربطين يدي، بس الحين خلاص ما أقدر أحط عيني بعين حد. وأنا وصيت أفضل عليهم كلهم، وأدري أنه بالشوفة، ويسد مكاني.. وأنتي يا خالتي.. ماشاء الله عليج ما تحتاجين حد، وجدي وخوالي موجودين الله يخليهم لج.. عائشة بحزن: هذا قرارك النهائي؟؟ هو بحزن أكبر: إيه عيوش.. أستودعك الله الذي لا تضيع ودائعه.. *********** عودة لبيت نجلاء ومسلسل الأسرار اللي بدأته جواهر نجلاء باستغراب: الجبهة مرة وحدة؟؟ جواهر بحزن: تخيلي لهالدرجة كان قرفان مني وموب طايقني.. مستعد يرمي نفسه تحت دبابة عشان يخلص مني..ومن مجرد فكرة أنه تنازل ولمسني..كأنه لمس حشرة قذرة مو إنسانة.... ياليته داسته دبابة وقتها وارتحت منه.. يمكن وقتها كنت حزنت عليه.. وظلت له بقلبي ذكرى طيبة..ومأساة حياتي ماصارت.. نجلاء باستفهام: ليه شاللي صار عقب؟؟ جواهر بحسرة: المهم هو اللي صار عقب؟؟ #أنفاس_قطر# بعد الغياب/ الجزء الخامس/24/12/2008 #أنفاس_قطر# الساعة 11 وربع صباحا المكان/ البنك العالمي الإسلامي(على فكرة مافيه بنك بهالأسم) من أكبر بنوك الشرق الأوسط، وله فروع في كل العالم/ لحكومة قطر نسبة كبيرة من أسهمه، عشان كذا الحكومة هي اللي اختارت المدير العام له في مكتب المدير العام في الفرع الرئيسي للبنك كان المدير يتصل من موبايله: - هلا أبو محمد - ..... - جبت نوف؟؟ - ...... - مشكور مشكور، ولا عليك أمر إذا وصلتها البيت، أبيك تمر علي في البنك شوي - ...... - في أمان الله سكر تلفونه، ورجع لأشغاله اللي ما تنتهي، بس اللي عمرها ما شغلته عن الاهتمام بعياله ******* في نفس البنك، في مكان ثاني/ كان عدد العملاء خفيف، وموظفتين قاعدين يسولفون مع بعض، في انتظار لحضور أي عميل، وحدة منهم لابسة عباية وشيلة، والثانية تايور البنك الرسمي مع حجاب من نفس اللون الثانية تقول: الله.. هو مافيش عملاء النهاردة، غريبة.. الأولى: تدرين، يوم جذي ويوم جذي.. - بلاش حكاية شذي وشذي، أصلي مابهزمهاش.. - اشربي وراها ماي وأهضميها - بايخة أوي.. - وأنتي أبيخ.. - يا وحشة.. - يالسنكيحة.. - الله الله ..ماقلنا مابلاش الضرب تحت الحزام ده.. - والله إنج عسل يا نادية (تضحك) - وانتي تئلاية بصل وتوم (تضحك) - أفا.. أشوف الصحبة خربانة اليوم - أنتي اللي ابتديتي.. - زين خلاص أرفع الراية البيضا، راضية؟؟ - راضية.. شفتي المدير النهاردة؟؟ - أي مدير؟؟ مديرنا؟؟ - لا الراس الكبيرة.. - آه.. لا.. تدرين نادر ما نشوفه.. - وإيه حكاية التنهيدة دي يا بت يا فوزية؟؟ - ما أدري من يوم أسمع طاريه، أعتفس، يخرب بيته ما يعطي وجه بالمرة، شلع قلبي... وبعدين أنتي أول من سأل.. ليش تسألين؟؟ - بأسمع أنه هيمسك منصب كبير، وهيترقى، وربنا يرحمه من أشكالنا. - فوزية بخوف: الله لا يقوله يشيلونه من عندنا - يعني هو أنتي طايلة حاجة، دا حتى ما بنشفوش إلا فين وفين. - عادي المهم أنه نشوفه وبس دخل عميلين للبنك، ورجعوا نادية وفوزية لشغلهم باهتمام. ************ في بيت نجلاء الساعة 11 ونص جواهر تطالع الساعة: نجلاء فديتج بأروح عندي محاضرة الساعة 1. نجلاء حست أنها بتموت: طالبتج طلبة جواهر، اتصلي في السكرتيرة قولي لها تعلق إعتذار، أنتي نادر جدا ما تغيبين، خلي البنات يكيّفون اليوم، وبعدين أنتي ما عندج إلاّ محاضرة وحدة. جواهر برفض: لا ، مافيه سبب أعتذر نجلاء بإصرار: طالبتج، وغلاتي عندج، وغلاة حمودي، وغلاة أخوج عبدالعزيز، اقعدي تغدي عندي اليوم، وكملي لي سالفتج. جواهر باستسلام: الله حسيبج، ماخليتي لي مجال، زين خليني أتصل بالسكرتيرة أقول لها تعلق إعتذار للبنات عند القسم وعلى باب القاعة. قامت نجلاء تطلب من الشغالة تجيب لهم كيك وعصير، وجواهر تسوي الاتصال. لما رجعت كانت جواهر خلصت اتصالها، ووجهت كلامها لنجلاء: زين نجلاء أنا أبي أتوضأ عشان الظهر بيأذن الحين، وعقب أوعدج أقول لج كل اللي تبين.. ***************** في البنك/ بعد صلاة الظهر كان المدير في مكتبه، يجري اتصال مع مدير أحد الأفرع للبنك، دخل عليه سكرتيره، أشر له المدير بيده أنه يسكت لحد ما يخلص اتصاله. أول ما خلص التفت عليه، وسأله بنبرة هادية: شنو فيه خليفة؟؟ - هذا بو محمد يقول أنك طالبه، وقاعد ينطرك برا. - خليه يدخل، وبعدين مافيه داعي تخليه ينطر برا، دام ماعندي ضيوف ولا عملاء، خله يدخل على طول - إن شاء الله .. دخل أبو محمد المكتب الكبير البالغ الفخامة، وسلم على الرجال اللي جالس ورا المكتب، واللي لما شافه، قام من ورا المكتب لتكشف وقفته الرشيقة الواثقة عن طوله الفارع وعرض صدره وعضلاته البارزة بتناسق من تحت الثوب الناصع البياض المكوي بدقة.. وجلس هو وياه على الجلسة الصغيرة الموجودة في الزاوية. بومحمد: سم بوئبدالعزيز، آمرني (هو) بنبرة صوته المؤثرة اللي كانت أحد أسلحته في اجتماعاته مع خصومه في السوق: فيه موضوع بأكلفك فيه، وطبعا سر بيني وبينك لحد ما أقرر أيش بأسوي. - أكيد يا (.....) أنت ئارف (عارف) أنه اهنا (إحنا) أخوان.(بو محمد بنبرة واثقة بلهجته المميزة ببقايا لهجته ألأصلية) - أدري يا أفضل جعلني ما خلا منك ولا من نفعتك. - تيب.. آمرني.. - سكت (هو) فترة، وبعدها قال بتعب: أم العيال يا أفضل.. - وقتها أفضل حس كأن كل الهوا اللي في الغرفة انسحب مرة وحدة، وسأل بحذر: وش فيها؟؟ - تنهد (هو) : أبيك تشوف وين مكانها،وشنواللي صار لها، وتبلغني، وعقب أنا بأقرر أيش أسوي.. - أفضل بنبرة لوم: إيش اللي زكرك بأم العيال عقب كل هالسنين. - ومن قال أني نسيتها؟؟ - فئايلك (فعايلك) اللي ما يسويها صاهي (صاحي) - أفضل.. ((هو) نبرة تهديد ولوم) - أفزل وإلا ما أفزل.. انت ئارف (عارف) أني ما كنت مقتنع باللي سويته من البداية، والله لولا كلاك وكلا أبوك (غلاك وغلا أبوك)، وجميلكم اللي في رقبتي ورقاب عيالي، أني ما كنت أشترك مئك في اللي سويته. - أفضل.. خلاص اللي راح راح، واللي سويته أنا كنت ومازلت مقتنع أنه كان في مصلحة العيال وأمهم. اللي أبيه منك الحين تسوي اللي طلبته منك. - وأيش اللي زكرك فيها ئقب (عقب) هالسنين؟؟ماجاوبتني - يا أفضل، أنا والله مانسيتها، من يوم خذيت العيال وأنا على طول كنت أحلم حلم مرعب، أنها متعلقة بالعرش، وتطلب من الله سبحانه، ينتقم لها مني، الحلم هذا كان يجيني على فترات متباعدة، وكنت أستعيذ بالله من الشيطان.. بس خلال الشهور الأخيرة، الحلم صار يجيني دايم، والله يا أفضل أني لا عاد ليلي ليل، ولا نهاري نهار، خايف أنه ربي يكون غضبان علي، طالبك يا أخوي، أنك تعرف لي مكانها. - آسف.. (أفضل بإصرار) - شنهو؟؟ ( هو بغضب) - فيه شيء ما تئرفه (تعرفه) يا بو ئبدالعزيز، ويمكن يزئلك (يزعلك) مني لأني سويته من وراك. - وش هو؟؟ قل لي.. وأوعدك ما أزعل.. - تزكر قبل خمس سنين لما جبتكم من المطار وأنتو راجعين من أمريكا، تزكر أني وصلتكم للبيت، وئقبه (عقبه) استأذنت، وقلت لك ئندي(عندي) مشوار زروري (ضروري) لازم سويه. - (هو) بهمس: إيه أذكر، شنو كان المشوار؟؟ - أفضل بهدوء: رهت لبيت أم العيال؟؟ - (هو) بغضب: أشلون يطاوعك قلبك تسويها من وراي؟ - - أفضل بغضب أكبر: إلا أنت اللي أشلون طاوئك قلبك تهرم أم من عيالها. - (هو) بحزن: واللي يرحم والديك أفضل، أنت كنت عارف أسبابي وقتها ومقتنع فيها. - أفضل بحزن: بلاك ما شفتها يوم بلغتها الخبر، والله تمنيت الأرض تنشق وتبلئني (تبلعني)، تمنيت أني مت قبل زاك اليوم، تمنيت... - (هو) يقاطعه، مو قادر يستحمل بقية الوصف: خلاص أفضل خلاص...... قل لي شنو صار يوم رحت لبيت أم العيال؟؟ - أفضل بحزن عميق: ما لقيته.. - (هو) بصدمة بالغة: شنهو؟؟ #أنفاس_قطر# بعد الغياب/ الجزء السادس/ #أنفاس_قطر# في مكتب (...) استكمالا لحواره مع أفضل - (هو) يقاطعه، مو قادر يستحمل بقية الوصف: خلاص أفضل خلاص...... قل لي شنو صار يوم رحت لبيت أم العيال؟؟ - أفضل بحزن عميق: ما لقيته.. - (هو) بصدمة بالغة: شنهو؟؟ - المنطقة كاملة انشالت، وانبنى مكانها مدارس وملائب(ملاعب) وئمارات(عمارات)، مالقيت هد (حد) أساله، زليت (ظليت) أدور مسل(مثل) المجنون في المنطقة، إحساسي بالزنب يزبهني (بالذنب يذبحني) من اللي سويته قبل 12 سنة، قلت خلاص جات اللحزة(اللحظة) اللي أكفر فيها عن زنبي. بس الله يبي يئاقبني (يعاقبني) على اللي سويته.. - خلاص يا أفضل خلاص، الله رايد كذا، لو فيه نصيب بنلاقيها، مع أني خايف على عيالي، أدري أكيد إنها تزوجت وعندها درزن عيال، وما أبي أدخل عيالي في دوامة.. بس اللي الله كاتبه بيصير..... - وأنت شدراك أنها تزوجت؟ (أفضل بتشكيك) - أنا متأكد، وحدة مثلها لا تعليم ولا شغل وش بتسوي غير إنها تتزوج. يعني بتقعد 17 سنة بدون زواج (هو بلهجة واثقة) اللي أنا كنت خايف منه، أنه لو احنا لقيناها، أشلون أقدم لعيالي أمهم الجاهلة اللي عندها درزن عيال غيرهم.. أنت أكثر واحد عارف أني حرمت نفسي من كل شيء عشان عيالي، وعشت حياتي ناسك، ومارضيت أتزوج عشان ما أدخل عليهم مرت أبو، وحكاية أنه أمهم اللي يظنونها ميتة تطلع لهم هي وزوجها وعيالها، شيء بيأثر في نفسيتهم وبيربك حياتهم ويعقدها، ما أدري الله وش كاتب، بس الله لا يكتب إلا خير. ********* في بيت نجلاء/ بعد صلاة الظهر بشوي جواهر جالسة وعلى رجلها حمودي تلاعبه باللعبة اللي هي جايبتها له. نجلاء بحماس: هاه حجية، حطي حمودي جنبج وكملي لي. جواهر تحضن حمودي بحب: لا خليه بحضني وأنا بأسولف لج، يالموذية. نجلاء بلهفة: وراح أخونا رشدي أباظة للجبهة.. وش صار عقب؟؟ جواهر بحزن: في ذيك الليلة، طلع بدون ما يقول لي شيء، وغاب يومين، وكنت أحسب أنه لما قال لي أنه خلاص ماراح تشوفين وجهي أنها كلمة ساعة غضب، بس لما مر يومين مارجع بدا القلق ينهشني، وينهش أمي.. اللي كانت تسألني كل شوي: هو قال لج لما كان بغرفتج أنه بيروح مكان، وانا أقول لا ومستحية أقول إنها هرب عشان اللي صار، وأمي ماتبي تكلم أبوه، تخاف تخرعه. بس ثالث يوم، جانا أبوه... الشايب يتسند على أفضل اللي دخله المجلس، وجلسه في مكانه، ينادي أفضل بصوت عالي: يا أهل البيت، ئمي(عمي) بو(...) يبيكم. جواهر من اسمعت اسمه، نطت من مكانها، لبست جلالها، وركض للمجلس.. لقت عمها جالس في الزاوية، وفي وجهه ملامح حزن عمرها ما شافت مثلها، حزن الكِبر والوجيعة واليأس والفقد - تعالي يا بنتي، اجلسي جنبي (حست جواهر كأن صوته صوت إنسان ميت، خالي من الحياة، وحست كأن قلبها انعصر بيد هائلة) - نعم عمي (بصوت خافت) - أنتو عليكم قاصر؟؟ - جعل عمرك طويل، ماخلنا علينا (...) قاصر. الشايب من سمع اسم ولده، كأن الحمل الثقيل اللي على ظهره كسر ظهره، بدأت دموع صامتة تسيل على خدوده اللي حفرتها تجاعيد سنينه الطويلة.. جواهر لما شافت دموع عمها، حست انه خلاص قلبها وقف، شنو اللي صار خلا عمها يبكي، يكون (...) صار له شيء؟؟ نفضت جواهر رأسها، كأنها تحاول تحميه حتى من مجرد أفكار شر صابه. جواهر بقلق: وشفيك يا عمي فديتك؟؟ عمها بأسى عميق: (....)راح الجبهة.. جواهر مو قادرة تستوعب: الجبهة ؟؟وين قلت؟؟ عمها: حدود الكويت يا بنتي. جواهر حست انه قلبها انتزع من مكانه وكأنها تيتمت للمرة الثانية، وبشهقة هائلة قالت: راح عشان يموت يا عمي.. لهالدرجة يكرهني.. بعدها انخرطت جواهر في بكاء طفولي حاد، وانكبت على يد عمها تحبها: تكفى يا عمي تكفى، خلاص خله يطلقني، بس لا يروح هناك يموت. عمها بهدوء مرير: يا بنتي قل لن يصيبنا إلا ما كتب الله لنا، و(...) لو مات بيكون شهيد وكلنا بنفتخر فيه.. جواهر بين شهقاتها: ما أبي أفتخر فيه ميت..أبيه حي، تكفى عمي، خلاص قل له يطلقني... عمها بغضب: ما أبي اسمع كلمة طلاق على لسانج يا بنت منصور، انتي بتظلين مرت (....) لين أخر يوم بعمري. والحين رخصي لي أروح.. أفضل بيمركم كل يوم، خلي عزوز يطلع عليه، ويقول له كل طلباتكم، وميرة البيت كاملة بتوصلكم. طلع عمها، وجواهر جالسة وحيدة في المجلس، دموعها على خدها، وإحساس جديد باليتم يتضاعف في قلبها نجلاء تقاطع سيل الذكريات باستفهام: يعني وقتها جواهر الطفلة، كانت تحب أخينا إشارة المرور، مو مثل الحين، اللي حتى اسمه مو طايقة تقوله؟؟؟ جواهر بتأمل: تدرين وقتها كنت مراهقة صغيرة، قلبي طري، مثّل هو لي الأمان والزوج والحبيب والأبو اللي راح، كانت شخصيته جذابة، وشكله حلو،يعني ينفع حق حب مراهقات.. وأكيد لقيت أنه أحتل جزء كبير من تفكيري... والقدر راد أنه يكون الأول والأخير بحياتي. نجلاء بجدية: مو القدر اللي راد، أنتي اللي تبين، برفضك لكل اللي تقدموا لك.. جواهر: وشرايج أكمل لج.. وبلاها سالفة العرسان.. نجلاء بحماس: إيه كملي كملي بليز جواهر ونظرها يروح بعيد: مر أكثر من شهر على روحته الجبهة، وعمي مو مخلي علينا قاصر، وسواقه كان يجيب لنا كل اللي نبيه، ويودي عزوز للمدرسة ويجيبه بس أنا أمي مارضت تخليني أرجع المدرسة، قالت لي زوجج ما ندري حي ولا ميت، وموب زينه بحقنا وحقه تطلعين من البيت. حسيت الدنيا تضيق فيني، والحزن عشش في قلبي الصغير، حزن اليتم، وفقدان الحبيب، والحرمان من الدراسة. وفكت أمي الحداد والغايب بعده غايب، وسوينا لها عشاء، وأنا أركض بين الحريم ، أقهوي هذي، وأقعد هذي.. على أخر الليل، حسيت خلاص موب قادرة، وطحت مغمى علي على طريقة الأفلام المصرية. أمي تخرعت، أتصلت بعمي، عشان يرسل سواقه لنا، وودتني للمستشفى، كشفت علي الدكتورة، وسوت لي تحليل دم وبول، والدكتورة وجهها معتفس، وكل شوي تقول عيدوا التحليل.. بعد كم ساعة، نادت الدكتورة أمي، وقالت لها بصوت غامض، فيه رنة خوف: أنا مش عارفة أئول لك إيه يا حجة، أصلو حاجة ما تتئالش. أمي بخوف: بنتي وش فيها يا دكتورة؟؟ الدكتورة بنفس النبرة المرتبكة الخائفة: أنتي ئلت لي عندها كم سنة؟؟ أمي: يعني قدها بتكمل 12 وتدخل 13.. الدكتورة برعب: حسبي الله ونعم الوكيل، حسبي الله ونعم الوكيل.. أنا والله مش عارفة أئول لك إيه، بس أنا لازم أئول وانتي تتصرفي براحتك..........بنتك حامل.. أمي من سمعت الدكتورة تقول أني حامل، نطت عليها تبوس فيها، وهي تقول الله يبارك فيج الله يبارك فيج، والدكتورة مبققة عيونها مو مصدقة اللي يصير.. أتصلت أمي على طول في عمي المسكين اللي كان قاعد سهران قلق عند التلفون، وبشرته.. (ابتسمت جواهر للذكرى اللي مرت ببالها) الله يرحمه ويغمد روحه الجنة ويجعلها منزله وداره..عمري ماشفته مبسوط مثل ذيك المرة، كانت عيونه تلمع بفرحة غريبة وكأنه رجع عشرين سنة ورا، دخل علينا ثاني يوم، ومعاه بشارة أمي.. وش ظنج أنها كانت البشارة؟؟ نجلاء بحماس: شنو؟؟ ذهب؟؟ جواهر بابتسامة صافية: لا –الله يرحمه- سوبربان أسود موديل السنة الجديدة 91، وقفه قدام البيت، عطا أمي مفتاحه، وقال لها: أدري أنه ما عندكم حد يسوقه.. بس خلوه واقف قدام البيت، خل الناس كلهم يشوفون بشارتي في حمال بنتي.. والبشارة الأكبر يوم تبشريني بالولد وبسلامتها نجلاء بتموت خلاص من الحماس: وصدق شنو عطا أمج بشارة في التوأم، يعني مو واحد، اثنين ماشاء الله؟؟ جواهر بحزن حقيقي وعميق: الله يرحمه، مات بعدها بشهر، لا شاف ولده، ولا عيال ولده. شهقت نجلاء بحزن: حرااااام والله حرام.. الله يرحمه، والله أني حبيته من كلامج عنه.. وأنتو وش سويتو عقبه؟؟ جواهر بألم: حسيت أني تيتمت للمرة الثالثة، الحزن وقتها يا نجلاء عبا قلبي وروحي، كنت تعبانة نفسيا وجسديا، الحمل كان تاعبني جدا، حجمي صغير، والحوض عندي وقتها كان صغير، ووزني قليل.. بس الله ما ينسى عبيده.. سواق عمي ظل يمون البيت بكل شيء، الله يجزاه خير، كان يقول أنه عمي وصاه علينا لين يرجع اللي في الجبهة، وأن الخير وايد، وعمي ترك فلوس وايد عنده.. بس المفاجأة الكبيرة صارت بعد حوالي 3 أسابيع من وفاة عمي..... نجلاء قاطعتها بلهفة: حرام عليج جواهر هالأكشن اللي تسوينه فيني.. جواهر بهدوء: يعني خلاص كفاية عليج اليوم. نجلاء بحماس كبير: شنو خلاص، اليوم مافيه إفراج لين تكملين لي القصة... شنو اللي صار عقب وفاة عمج بثلاث أسابيع؟؟ كانت الساعة 12 في الليل، وكنا نايمين، سمعنا صوت دق قوي على باب الحوش الخارجي، خفنا كلنا، وأمي خذت التلفون واتصلت على سواق عمي، بس ما حد رد.. قلت لأمي: خلينا ندق على 999. بس أمي قالت بعد تفكير: لو حرامي أو واحد نيته شينة ماكان دق الباب، كان نط من فوق السور. أنتو اقعدوا هنا وأنا باروح أشوف من.. بس أنا وعبدالعزيز مارضينا، ورحنا كلنا معاها. وكانت المفاجأة الحقيقية في الشخص اللي كان واقف عند الباب...... #أنفاس_قطر# بعد الغياب/الجزء السابع #أنفاس_قطر# على باب مصلى البنات/النشاط الطلابي/بنات فاطمة ومنيرة ومها، خلصوا صلاة الظهر، ويلبسون جزمهم (أعزكم الله) .. وراحوا يجلسون على كنبات قريبة من المصلى منيرة: أشرايكم بنات نروح نتغدى، قبل محاضرة الساعة 2؟؟ مها: أنا اسمحوا لي، جدول ريجيمي اليوم غير قابل للخربطة بتاتا.. فاطمة: عدال أشوف الأخت قالبة فصحى. مها بعيارة: عشان تعرفون عن مستواي الفكري يتجاوز محدودية عقولكم التافهة. منيرة تصنع الخوف: هالبنية من صبح وأنا أقول مسخنة، مسخنة، وأكيد سخونتها في مخها. مها وهي تضرب منيرة على رأسها : والله مافيه حد مخه مفوت في الدوحة كلها مثلش، مفوت على سرعة 220، ولاقطته كل رادرات الدوحة من الخور لمسيعيد. منيرة: أنا ما أدري أنتي متى بتعقلين وتركزين، بكرة الرجّال بيأخذس بيته بيتروع من خبالس. مها: ماعليش منه، إزهليه.. يروع بلد.. فاطمة باستفهام: تايم آوت.. ترى فيه وحدة مسكينة بينكم مو قادرة تلحق على سرعتكم في الحكي، نعنبو.. بالعين روادو (جمع راديو) مها ومنيرة يضحكون، منيرة: ماعليه سماح، المرة الجاية نجيب لس مترجم.. فاطمة: زين عقب المحاضرة بتروحون وإلا قاعدين.. منيرة: أنا بأنتظر أختي، وعقب بنطلع معا، أنا وياها.. مها: أنا ما أدري عن زام أخي متى يخلص اليوم، وهو اللي قايل أنه بيجيبني.. (الزام/ الدوام العسكري) فاطمة: زين خلاص أنا أوصلج.. مها برفض: لا فديت عينش، تبين أخي المحترم يقص رقبتي.. فاطمة بزعل: ليه يعني، تذكرين السنة اللي فاتت، يوم رجعت معاج أنتي وأخوج المحترم، وإلا يعني أني ما أستحي؟؟ منيرة بهدوء: لا فاطمة عاد هذاك الموقف غير.. يعني لو كان أي وحدة منّا هي اللي صار لها نفس موقفس، كان راحت معاس. الموقف اللي صار: أنه سيارة فاطمة اللي كان فيها السواق والشغالة، تعطلت على شارع قريب من الجامعة وهم طالعين قبل المغرب بشوي.. مها عرفت السيارة، وطلبت من أخوها يوقف، وحلفت على فاطمة وشغالتها يركبون معهم، والسواق يصلح السيارة براحته.. وأخوها أصلا كان عارف بيت فاطمة، لأنهم ساكنين تقريبا بنفس المنطقة، وكثير كان يودي أخته لبيت فاطمة. فاطمة تتذكر بضحك: وإلا أخوج اللي مسوي روحه مستحي ويطالعني من تحت لتحت.. مها بضحك: حرام عليش كله ولا سعود، هذا مثل القطار، لا يلف يمين ولا يسار، أموت وأدري هو مر بمرحلة مراهقة مثل باقي خلق الله، من يوم عرفته وهو جد ومكشر. فاطمة بخبث وعيارة: أنتي بس زوجيني إياه، وإلا لا أفكك كل عقده.. مها تمد لسانها لفاطمة: ليه خلصوا بنات الدوحة، أزوج أخي أشين وحدة في قطر.. فاطمة تتصنع الزعل: عشتوا.. يعني أنا وحيدة أمي وأبوي الدلوعة اللي بأوافق على أخوج المقرود.. أجاملج بس.. منيرة بملل: يا شينكم يالبنات لا جا طارئ العرس، تضيعون السنع.. مها بخبث: إيه هذا مهوب عندش إذا جا طاري سالم.. قام قلبش يرقع مثل طيران طقاقة.. منيرة بخجل مفاجئ: انطمي يا الوقحة... فاطمة بفرح طفولي: إيه عفية مهاوي، صدتيها اللي مسويه روحها أم الثقل.. منيرة بزعل: لا يكثر حكيكم قوموا نتغدى قبل المحاضرة يا ملا الماحي.. ************ في بيت نجلاء ..مازال مسلسل الذكريات المثيرة مستمر.. وقلب نجلاء بيوقف من الإثارة اللي تتزايد.. كأنها تشوف مسلسل أكشن من العيار الثقيل..... نجلاء بشوق: ومن اللي كان عند الباب.. أكيد بطل الجبهة؟؟ جواهر بابتسامة: لا ........ كان خالي بو فهد، هو وزوجته الإماراتية اللي ما كنا نعرف أنه تزوجها، وعياله فهد وطلال ونورة وموزة، وكانت أم فهد حامل بحصة، وعشان كذا حصة غالية عندي وايد، لأنها عمرها من عمر عيالي. نجلاء بحماس: وش كان إحساسج وقتها؟؟ جواهر بصوت هادئ: إحساس مرتبك، وقلق، خليط من الفرحة والتوجس، أنا ما كنت أعرف خالي فديت عمره وقتها، كان سر مجهول بالنسبة لي، كل اللي أعرفه أنه قتل واحد بالخطأ، وهله رفضوا الدية، فهرب برا قطر. نجلاء باستفهام: طيب أشلون رجع، ماخاف من أهل القتيل؟؟ جواهر بنفس النبرة الهادئة المتأملة: جايتج في الحكي.. نسباء خالي الإماراتيين كانوا ناس واصلين وفيهم خير، سووا اتصالاتهم مع أهل القتيل لحد ما وافقوا على الصلح، وخالي ما أتصل بأمي أو بلغها بشيء، لحد ما يقدر يرجع، ما حب يعيشها في أمل على شيء يمكن ما يصير.. نجلاء بتفهم: صراحة حكاية غريبة وش صار عقب؟؟ جواهر بحزن: حزن خالي وايد على وفاة أبوي وعمي محمد، وعلى اللي صار لنا... وصار هو اللي متكفل فينا.. وسكن معانا لحد ما يبني بيته اللي بناه كبير وايد ..عشان نسكن معاه فيه.. واشترى جنب بيته عدة أراضي، لعياله، ولأمي ولي ولعبدالعزيز، الله يطول في عمره، وعلى أرض أمي بنى لنا البيت اللي إحنا ساكنين فيه، لما كبر عبدالعزيز شوي.. وبعد ما خلاني أصمم وأرتب كل شيء فيه على ذوقي.. خالي جاب لنا معاه الأمان، وبعض الفرح.. نجلاء تقاطعها باستفهام: أشلون يعني، نقلتوا قبل يرجع بطل الجبهة؟؟ جواهر: صج إنج مسبهة.. فيه بيت يخلص في أربع شهور، إحنا ما نقلنا للبيت الجديد إلا يمكن بعد سنة ونص.. تقريبا شهر 6 سنة 92.. نجلاء: طيب وأبو عيالج متى رجع من الجبهة؟؟ جواهر: بعد تحرير الكويت، في بداية شهر 3 سنة91..ويمكن ماكان رجع لو أن (أفضل) سواق عمي ما خبره أني حامل.. (كملت جواهر بحقد) رجع عشان يأخذ عيالي ويحرق قلبي عليهم، الله يحرق قلبه لو هو حي وإلا ميت... نجلاء بدهشة: عمري ماسمعتج تدعين جواهر.. جواهر والدمعة خلاص بتنزل: حرق قلبي يا نجلاء حرق قلبي.. نجلاء قامت حبت تعطي لجواهر فرصة تأخذ راحتها، وراحت تسوي قهوة وشاي جديدة... ************ شهر 12 سنة 1990/ في معسكر المتطوعين على الحدود السعودية الكويتية البرد كان قارص وحاد بشكل غير طبيعي، والمجندين كانوا لابسين فراو (جمع فروة/عباية ثقيلة) وطاقيات صوف على اللبس العسكري.. وأكثرهم في الخيام.. عدا الموكلين بالحراسة الليلية، واللي كان ممنوع عليهم إشعال النار، حتى ما ينكشف موقعهم.. مجندين اثنين قاعدين جنب بعض، وكل واحد منهم مسند رشاشه على كتفه، ويفرك إيديه ببعضهم عشان يتدفا.. الأول للثاني: أبو محمد الثاني: لبيه الأول: لبيت في منى.. أنت دارس؟؟ الثاني: توني مخلص دراسة من 6 شهور وجاي بقراطيسي من أمريكا.. الأول: ووش اللي رماك هنا؟؟ الثاني بحزن: الواجب أولا.. والهم الثاني.. يافرج فرج باستفهام: الواجب وفهمناها، الهم وشو له توك صغير على الهم يا أبوك.. (هو) بحزن عميق: الهم ما يعرف صغير وكبير.. فرج في محاولة للابتهاج: إذكر ربك يا ابو محمد، الله يرزقك بمحمد، الأخوان قالوا لي أنك توك عريس مالك إلا كم شهر.. (هو) بانقباض ذكره بمأساته: إيه طال عمرك، لي خمس شهور متزوج.. فرج متفاجئ شوي: يعني ما قعدت عند عروسك إلا شهرين، وجيت تتطوع، الله يكتب لك الأجر، والله اللي مثلك قليل، وأنا أشهد أنك رجّال ولد رجّال.. (هو) بابتسامة: ماعليك زود.. وهم في حوارهم، دوى صوت انفجارات من بعيد فرج يقفز ومعاه (...): وش إزعاج تالي ذا الليل ذا، قم قم ياولدي خلنا نقوم كتيبتنا من النوم ونستعد.. ************* في قصر فخم جدا في منطقة من أرقى مناطق الدوحة، كانت نوف جالسة في الصالة الواسعة اللي مفتوحة على صالات ثانية بارتفاعات مختلفة، كل صالة فيها طقم جلسة مختلفة، وكل جلسة تمثل قمة الذوق والتفرد بتناسق متميز.. تنتظر أبوها وأخوها يرجعون عشان يتغدون سوا.. كانت نوف تحط الكوشية ورا وظهرها وتعدل جلستها..كانت تعبانة شوي، كانت تشتكي من اضطراب في الدورة الشهرية متعبها، ما تقدر تقول لأبوها، وكانت تنتظر خالة أبوها الدكتورة عائشة ترجع من مؤتمر طبي في تورنتو، عشان تطلب منها توديها للدكتورة.. نوف تهمس لنفسها بحزن: مو لو عندي أم مثل باقي البنات، كان ما أحتست هالحوسة، وقعدت أنطر خالتي عائشة اللي مشتغلة لي أم بربع دوام.. موبايلها يرن برنة أبوها الخاصة، تلقط التلفون بسرعة، وترد بحب واحترام: هلا يبه.. ............ طيبة فديت عمرك .......... لا مابعد وصل.. ............ يمكن شحن موبايله فاصل كالعادة ............ أبي سلامتك طال عمرك سكرت الاتصال مع أبوها، وبالها مع أخوها عبدالعزيز الطيب والمهمل لأبعد حد.. *************** في بيت نجلاء /بعد الغدا اللي جواهر تقريبا ما كلت منه شيء نجلاء بحنية: شنو جيجي ماكلتي شيء،، الطبخ ماعجبج؟؟ جواهر بنعومة: لا والله.. بس من الصبح وأنت تزغطيني، خلاص والله مافيه مجال أكل شيء نجلاء بجدية: والله ماكلتي شيء.. جواهر: والله موب مشتهية.. لو أبي أكل بأكل ماني مستحية منج.. نجلاء رجعت لها حالة الحماس: يالله كملي لي، وش صار لما رجع حسين فهمي من الجبهة؟؟ جواهر بهدوء: من يوم التحرير 28/2/1991 ، وأنا عايشة في حالة ترقب قاتل، كل حد يدق الباب عندي أنه هو، وأنه دقايق ويدخل علينا وقتها كنت في بداية الشهر السادس، كنت أبيه يشوفني وأنا حامل، أبيه يشوفني وأنا مره/ أنثى كاملة، وكانوا قالوا لي في السونار أني حامل بتوأم.. كنت مبسوطة وايد مبسوطة، مبسوطة رغم حالتي الصحية المتدهورة.. كان يوم 7/3/1991 ..بعد صلاة العصر.. جا أفضل لخالي في المجلس، وبلغه أن بطل الجبهة على قولتج وصل، وبيجي يزورنا بعد ساعة، جاء عزوز ركض وبلغنا، حسيت وقتها أنه قلبي بيوقف وأني مو قادرة أتنفس، وكانت هالساعة كأنها قرن.. مو راضية تمر، حسيت أني بأجن من الانتظار.. بعد ساعة نادانا خالي في المجلس.. دخلت المجلس وأنا قلبي يرقع.. كنت متوقعة أي شيء.. أي شيء.. إلا اللي أنا شفته... #أنفاس_قطر# بعد الغياب/ الجزء الثامن #أنفاس_قطر# كان جالس في الزاوية.. في نفس المكان اللي كان أبوه جالس فيه، لما بلغ جواهر بروحته للجبهة لما شاف جواهر وأمها دخلوا، قام وقف انصدمت جواهر صدمة عمرها من شكله.. كان أخر شيء تتوقعه أنه يكون تغير كذا شعره طويل ولحيته طويلة غير مشذبة.. وإزداد نحافة، عظام وجهه بتبرز من خدوده.. شكله مريض ومريض جدا.. كأنه شخص ثاني، غير اللي راح حست جواهر بألم عميق يحفر في قلبها من شكله.. باس رأس أمها، وحط يده على رأس جواهر، كأنه يداعب طفلة صديقه: وسألها بحنان متعب: تعبانة جواهر من الحمل؟؟ جواهر بكذب: لا الحمدلله، كل شيء تمام (وهي تتمنى لو أنه حضنها، حسسها بالحنان اللي هي محتاجته، وبتموت عطش له) (هو) بحنان بالغ: لا تخافين من شيء، أنا باكون جنبج على طول... وجه كلامه لأبو فهد: يا عمي، أنا بأخلي جواهر عندكم الحين، لين أرتب وضعي، أنا توني جيت قبل يومين وانفجعت بموت أبوي..اليوم توني قدرت أمسك وعيي وجيتكم..بس فيه أشياء وايد تبي اهتمام.. أبوي ترك حلال وايد.. ومو عارف لحد الحين اشلون أتصرف... أبوفهد بتفهم: أكيد يا ولدي أنا فاهم كل شيء، والأحسن أنك تخلي جواهر عندنا وعند أمها لين تولد.. (هو) يتنفس بارتياح، وكأن اقتراح أبوفهد أنقذه من حمل ثقيل طلع من عندهم، بعد ما حط في يد أم جواهر ظرف كبير فيه فلوس ************* (هو) كعادته كل ما تضيق به الحال، وما يعرف لمين يشكي بعد ربه.. اتصل بخالته عائشة، اللي كانت مبسوطة جدا من رجعته، وكانت خايفة عليه كثير من معرفته بخبر وفاة أبوه، اللي كانوا أخوانها بلغوها فيها. (هو) بحزن: خالتي، جواهر حامل.. عائشة بفرح: زين وشفيك تقولها وأنت محزن، أعرفك تموت في الأطفال.. المفروض أنك الحين أسعد واحد.. (هو) بحزن أكبر: شفتي أنه ربي زعلان علي.. عائشة بهلع: استغفر ربك.. وش هالكلام؟؟ - أستغفر الله.. بس ربي راد يعاقبني على غلطتي بحقها، عشان أتعذب لما أشوف عذابها.. - وش هالكلام يا قلبي.. الأطفال نعمة.. - بس هي بروحها طفلة.. طفلة.. لو شفتي أشلون شكلها مع بطنها، صارت هيكل عظمي جلد على عظم، بس البطن اللي كأنه كورة صغيرة هو الشيء الوحيد البارز فيها.. حاس بذنب ما تتخيلنه.. خايف يصير لها شيء في الولادة.. - لا تفاول عليها.. - أنا ما أفاول أنا رحت لدكتورتها، واستفسرت منها عن وضعها الصحي بالتفصيل، لو شفتي أشلون الدكتورة تطالعني كأني مجرم، تمنيت لو الأرض تنشق وتبلعني.. - خلك من حركات الدكتورة البايخة، أنت اللي حساس بزيادة، قل لي وش قالت لك؟؟ - قالت لي أنه وضعها صعب، ومستحيل تولد طبيعي، لأنها مابعد استكملت نموها الطبيعي، والحوض عندها صغير، عدا أنه عندها فقر دم حاد.. وطبعا عطتني الدكتورة محاضرة.. أنه ياليت لو الله قوم المدام بالسلامة، أنه نأجل أي حمل جاي لحد ما تكمل 18 سنة وخصوصا أنها بتجيب لي تؤام، يعني يترسون عيني اللي ما يملاها التراب، عشان أرحمها وأعتقها من شري.. - عائشة بانفعال: لا تتضايق من كلام الدكتورة.. - (هو) بحزن حاد: أنا موب مهم، المهم هالمسيكينة الله يقومها بالسلامة.. - إن شاء الله أنت بس لا تحاتي وطمني عليك - إن شاء الله.. *************** في بيت نجلاء صلاة العصر باقي عليها شوي وجواهر مازالت مسترسلة في سرد حكايتها: كنت تعبانة وايد وايد، ماعدت قادرة أمشي، ودخلت المستشفى من بداية السابع.. وقررت الدكتورة أنه لازم أبقى تحت الملاحظة، ولو كل شيء مشى طبيعي راح تولدني قيصيرية بعد أسبوع أو أسبوعين من الثامن.. وهو كان يجي يزورني كل يوم.. كان حنون جدا.. بس كنت حاسته بعيد بعيد.. وفي عيونه حزن كل ماله يزيد ويتجذر ويتعمق.. أمي كانت عندي على طول، وعزوز كان عند مرت خالي وعيالها اللي كانوا يزوروني كل يوم... عزوز كان يلزم يجي عشان يشوفه (هو)... عزوز كان يحبه وايد.. ولحد الحين أحس أن عزوز موب قادر يكرهه مثلي.. هو كان يمثل لعزوز أب وأخ وصديق، بس (هو) غدر بكل شيء حلو مثله لنا.. المهم.. من الأشياء الطريفة اللي أتذكرها وقت قعدتي في المستشفى، أنه جاء مرة يزورني الصبح، وكانت أمي تعبانة، فأصر عليها أنها تروح للبيت مع خالي اللي كان موجود عندنا، وهو بيقعد عندي لحد العصر.. وحتى لما قعد عندي ماكان طايق يكلمني حتى، قعد يقرأ في جريدة جايبها معاه، شافني قاعدة أطالعه، فسألني سؤال سخيف قال شنو : تعرفين تقرين؟؟؟ بلفيت يعني يفتح حوار هو ووجهه.. يسألني أعرف أقرأ؟؟!!! أنا من عباطة السؤال كان ودي أخبطه بكأس الماي اللي جنبي، يعني شنو شايفني، عايشين في القرن التاسع عشر، يعني لو سألني أي صف كان السؤال أكثر واقعية.. المهم أنا رديت عليه باستهبال: لا ما أعرف أقرأ بس أشوف الصور، ممكن تعلمني أقرأ؟؟ ما أدري ليش حسيت وقته أنه ردي اللي كنت أعتقد أنه مضحك، جرحه.. حسسه بحزن.. هو هذاك الوقت، كنت أحس أنه كل شيء يحيب له حزن.. تدرين أني عرفته وراح.. وأنا عمري ما شفت له ابتسامة، والله العظيم شكل أسنانه ما أعرفها.. نجلاء باستغراب: جد؟؟ جواهر بهدوء: والله العظيم.. نجلاء باستفهام: وهو صدّق حكاية إنج ما تعرفين تقرين ذي؟؟ جواهر: ما أدري.. يمكن صدّق الأهبل.. المهم: بعد أسبوع ونص من الثامن ولدتني الدكتورة.. ولدت بعملية قيصرية طبعا كنت تعبانة كثير.. وبموت.. قعدت في العناية المركزة يمكن أسبوعين بعد الولادة الضغط نازل كثير، ومعاي نزيف، وكنت محتاجة نقل دم على طول.. وهو تبرع لي مرتين، مع أنه وزنه ما يسمح بالتبرع، بس أمي قالت لي أنه تخانق مع كل اللي في المستشفى، لما عرف أنه الدم في بنك الدم قليل، وهم موب راضيين يأخذون منه دم للمرة الثانية عشان وضعه الصحي.. ودخل هو المستشفى يومين بعد.. نجلاء بإعجاب غلفته بالسخرية: يا أختي يا أختي على فرسان العصور الوسطى.. جواهر بحزن: تدرين أني أكره دمه اللي يجري بعروقي، ليته خلاني أموت وقتها.. ليش يتبرع لي بدمه، إذا كان ناوي ينتزع قلبي مني.. نجلاء بحزن: أذكري الله يا جواهر أذكري الله.. جواهر بإيمان: لا إله إلا الله.. نجلاء باستفهام: والتوأم..أشلون وضعهم الصحي كان؟؟ جواهر بحب وعيونها تلمع: عبدالعزيز ونوف..كان وضعهم مستقر، صحيح وزنهم قليل.. بس صحتهم كانت زينة.. قعدوا في الحضانة أسبوعين، لحد ما طلعت أنا من العناية.. نجلاء باستفسار: إلا اشمعنى اخترتو اسم نوف وعبدالعزيز؟؟ جواهر بتأمل: أخوي عزوز بهباله وطفولته قال لأبو العيال، تكفى وطالبك تسمي الولد باسمي، مع أني كنت عارفة أنه كان يبي يسميه محمد على اسم عمي، وعنده حق، بس ماحب يكسر بخاطر هاليتيم.. ونوف أنا سميتها، كنت حابة الأسم ومعناه وايد. ************* التلفون في شقة عائشة يرن، كانت الساعة 3 الفجر في المنبه اللي جنب تلفونها.. عائشة بتثاقل: مافيه حد مزعج يتصل هالوقت غير ابن أختي المحترم... ها وش عندك شكاوي هالمرة؟؟ (هو) بنبرة فرح غامرة عمرها ما سمعتها: جواهر جابت ولد وبنت يجننون، يجننون يا خالتي، ملايكة ملايكة... عمري ماشفت مواليد حلوين مثلهم... عسل يا خالتي عسل.. ودج تأكلينهم.. عائشة والدمعة بعينها فرحانة لفرحته: زين شوي شوي، خلني أقول لك مبروك ويتربون بعزك.. هو: الله يبارك فيج الله يبارك فيج.. عائشة: هاه وجواهر راضي عليها؟؟ (هو)بفرح جنوني: إلا راضي وراضي، اللي جابت لي هالملايكة باحطها فوق راسي.. تدرين؟؟ انا اكلمج الحين من السيارة رايح مجوهرات المفتاح.. بأجيب لها أكبر وأحلى وأغلى طقم ألماس عندهم.. عائشة بفرح: الله يهنيكم يا قلبي الله يهنيكم.. (هو): كاني وصلت عيوش.. بأكلمج بعدين *************** نجلاء باستفهام: وكان حلو الطقم اللي جابه لج؟؟ جواهر بحزن: وقتها شفته أحلى شيء بالعالم ..(وكملت بكراهية شديدة) بس الحين مخليته قدامي عشان كل ما أشوفه، أتذكر حقدي عليه.. وايد قال لي عبدالعزيز بيعيه.. بس أنا مارضيت.. أبيه وقود لحقدي وكراهيتي له.. نجلاء بدهشة: عمري ما تخيلت أنه قلبج الطيب ممكن يحقد بهالطريقة المرة.. جواهر بحزن: بلاج ما جربتي يا نجلاء، وياعلج ما تجربين، بأسألج: لو حد خذ منج حمودي، وحرمج منه، وش بتسوين له؟؟ نجلاء برعب: والله أقطعه بسنوني.. جواهر بحزن: يا علج ما تجربين يا علج ما تجربين.. ************ بعد الإتصال الأول بحوالي 3 أسابيع، (هو) يتصل بخالته وهو في حالة غضب شديد.. خالته باستفسار: وش فيك يا قلبي؟؟ أنت ما تعرف تفرح وترتاح مثل باقي خلق الله؟؟ هو بعصبية شديدة: أشلون أرتاح وأنا عندي هالمرة البزر الجاهلة الخبلة؟؟ عائشة بتعب: ليه شاللي صار حبيبي؟؟ هو بغضب: بتذبح عيالي يا خالتي، والله بتذبحهم، قبل أسبوع في المستشفى، البنت طاحت منها، ولولا أني لحقت عليها، وإلا كانت البنت طاحت عالبلاط وما أدري وش صار لها.. واليوم توها طلعت البيت، دخلتني أمها عليها، لقيتها نايمة وهم معاها على السرير..تخيلي؟، والولد كان بيختنق لأنها مرقدته جنبها، وجهه كان أزرق، لولا أني سحبته من تحتها... والله بأذبحها وبأموت لو صار لحد من عيالي شيء.. خالته بقلق: إذكر الله حبيبي..اذكر الله.. جواهر بعدها صغيرة، بكرة تتعلم.. وأمها معاها بتساعدها هو بقلق أكبر: يعني تتعلم في عيالي يا خالتي؟؟.. وأمها ما كانت معها في الموقفين اللي صاروا.. وكمل بحزن: أنا أدري أن جواهر طفلة.. والله حرام تبتلش.. هي واحد يالله تقدر عليه، اشلون اثنين.. عائشة تصبره: اصبر حبيبي.. ما يصير إلا خير.. (هو) وفي باله ينرسم موال مجنون: إن شاء الله ما يصير إلا الخير ************* جواهر تكمل لنجلاء بحنين وحب: كنت مبسوطة فيهم يا نجلاء وايد وايد وايد، كنت أحس أني ملكة لما اشيلهم، وكنت ألزم إلا أشيل الاثنين معا مع أنه حضني صغير، لدرجة أنه نوف طاحت مني مرة، والله حسيت أنه قلبي وقف واني بأموت، لولا ستر الله وأنه (هو) كان قاعد قريب مني، ولقطها بسرعة قبل توصل الأرض، ما أدري شنو كان صار لها.. وأتذكر يومها أنه عصب علي بشكل عمري ما شفته، ظل يصارخ ويصارخ ويصارخ.. وأنا قعدت أرتعش وأبكي.. عقبها اعتذر مني وطلع.. قضيت مع عيالي 3 أسابيع بس يا نجلاء، أسبوع في المستشفى، وأسبوعين في البيت.. كانوا كأنهم حلم.. حلم.. ما كنت أنام إلا دقايق من خوفي عليهم.. لاني مرة نمت وعزوز جنبي، وكان بيختنق، بعدها حرمت أنام..أبي بس أشوفهم وأهتم فيهم.. صحيح كنت أرتكب أغلاط كثيرة، بس كل أم جديدة لازم تمر بهالأغلاط.. بس هو كان مزودها، كان يعسكر عندي بالساعات، ولولا الحيا كان رقد عندي، كنت أحس أنه يخاف عليهم مني.. أعترف أني عمري ماشفت أبو يحب عياله مثله.. تدرين الرياجيل عندنا مايحبون يشيلون المولود الصغير، هو كان على طول شايلهم.. كانت عيونه تلمع وهو يناظرهم، بس حتى هذاك الوقت ماشفت ابتسامته.. كنت احس فيه قلق وهم وخوف.. نجلاء باستفسار حذر: طيب أشلون أخذهم؟؟ جواهر بحزن: الله لا يرد هذاك اليوم الله لا يرده.. نجلاء بحذر: أشلون #أنفاس_قطر# |
بعد الغياب/الجزء التاسع #أنفاس_قطر# قبل 17 سنة (هو) وأفضل في بيت العم محمد، في مجلس الرجال.. غارقين اثنينهم في الصمت..(هو) باين عليه الهم والتوتر، وأفضل على وجهه ملامح حذر.. قطع أفضل حبل الصمت: سم بوئبدالعزيز، تقول تبيني في موزوع زروري (موضوع ضروري) (هو) بهم كبير وتأمل: والله فيه شيء سويته وشيء أبي أسويه، وأبي رأيك ومساعدتك وقبل كل شيء كتمانك.. أفضل بشهامة: أكيد بو ئبدالعزيز، على رقبتي والله هو بحذر: أنا أبي أسافر بعيالي بكرة لأمريكا.. أفضل باستفسار: زين ليش ما تنتر (تنطر) كم يوم، أم ئبدالعزيز، ئقب خمس أيام بتخلص النفاس..مو زين تسافر وهي نفاس، مافرقت كم يوم، ونسوان يهبون (يحبون) هالسوالف.. هو يلقي الخبر كالقنبلة: أم عبدالعزيز طلقتها اليوم.. **************** اليوم/ ومازال الحديث الحزين والموجع مستمر في بيت نجلاء.. ومازالت مواجع جواهر تسيل بكل ألم الكون ووجعه.. جواهر بحزن: بعد أسبوع من طلعتي من المستشفى، فوجئت أنه جايب مصورة للبيت عشان تصور العيال، كنت خبلة وماعندي شك فيه.. قال لي أنه يبي يسوي لهم جوازات، قلت له بدري على الجوازات، قال وإحنا وش ورانا.. جواهر تكرر بحزن: إيه وش ورانا.. تركوا وراهم قلب محطم وأم مفجوعة، ودمعة ما تجف.. نجلاء باستفهام: طيب والعيال أشلون خذهم ؟؟ أشلون خليتيه يطلع فيهم من البيت بروحه.. جواهر بحقد: ثقتي العمياء فيه، من بيخطر على باله، أنه الطيب الملاك، بيخطف عياله.. قال لي أنه فيه تطعيم ضروري يبي يودي العيال له، قلت له بأروح معهم أو خل أمي تروح معهم، قال مافيه داعي، بتجي معاي ممرضتين بتأخذهم..كلها ساعتين وراجعين.. وأنا من هبالي كنت مبسوطة من اهتمامه فيهم ************** في نفس المكان، في بيت العم محمد، قبل 17 سنة الحوار الناري مازال مستمر بين (هو) وأفضل: أفضل بغضب: أنت مجنون، هذي وصات ئمي محمد لك (هو) بحزن: يا أفضل افهمني، أنت عارف أن أبوي فرض علي هالزواج، وان جواهر طفلة.. بس أنا قلت مالهم حد.. ومايصير نخليهم.. وتزوجتها عشان أقدر أدخل وأطلع عليهم. بس بعد مارجع خالهم أبو فهد، أنا شفت بعيني اهتمامه فيهم، كأنهم أكثر من عياله، يعني السبب اللي أنا تزوجت عشانه جواهر خلاص ماعاد موجود.. أفضل بغضب: شنو هزي خربطة.. فيه ئبدالعزيز ونوف بينكم.. (هو) بحزن: وأنا سويت هالشيء عشان نوف وعبدالعزيز، أنت ماشفت يا أفضل أشلون هي تتعامل معهم.. طفلة ابتلت فيهم، يمكن مرة تذبحهم وهي مو قاصدة، وانا حكيت لك على المواقف اللي صارت.. الأحسن لها ولهم.. أني أخذهم وأربيهم بروحي هم يتربون تربية زينة وآمنة بعيد عن أم طفلة جاهلة.. وهي بتحزن شوي وبعدين بتنسى، تكبر مثلها مثل غيرها من الأطفال، وعقبه تتزوج، بدون مايكون عندها عيال يقللون فرصتها في الزواج.. أفضل بتردد: بس هزي أم ..أم مها كان.. (هو) بتأمل: أنا بس أبيك تنفذ لي اللي أنا أبيه منك على مرحلتين: بعد سفري ب3 ساعات: تروح وتعطيها ورقة طلاقها، لو سألوك عني أو عن العيال، قل ما عندك خبر عن شيء.. عقب ما نوصل بالسلامة: روح لها وقول، أنه إحنا رحنا بريطانيا، وسوينا حادث سيارة وإحنا طالعين من المطار، وأنه كلنا الله خذ أمانته ،بعيد الشر عن عيالي. أفضل بصدمة: وليش تسوي هزا كله.. هو بحزن: أنا ما أبيها تقعد تتحسر طول عمرها، أبيها تظنهم ميتين وتبكي شوي وتنسى، لكن لو أنا خذتهم وبس، بتظل حزينة عليهم طول عمرها ومتشفقة على رجعتهم.. فاهمني أفضل فاهمني *********** اليوم بعد 17 سنة وفي بيت نجلاء، عن نفس الموضوع، لكن من زاوية مختلفة جواهر بحزن متوحش قاتل: بعد ما مرت ساعات من يوم خذ العيال وراح.. أنا صرت مثل المجنونة، أبكي وأضرب في وجهي، نتصل على تلفون سيارته ماحد يرد.. على تلفون البيت ماحد يرد.. خالي راح بنفسه لبيت عمي محمد، لقى البيت مقفول ومطفية أنواره.. أنا خلاص استخفيت، جنيت، كنت أبكي بهستيرية.. وأدور بين البيبان مثل المجنونة.. وأمي تراكض وراي وتبكي، وتقول حسبي الله ونعم الوكيل، البنت استخفت.. حد يجيب لها عيالها.. تكفى يا أخوي دوره، شوف وين راح بالعيال.. خالي المسكين تقطع قلبه علي، راح يدور في المستشفيات، وبلغ الشرطة، اللي قالت انطروا شوي يمكن يظهر.. بعد ست ساعات ، جانا أفضل، أنا من سمعت اسمه نطيت للمجلس ما أهتميت من حد، ومسكت في جيبه وأنا أصيح: وين عيالي يا أفضل وين عيالي؟؟ أفضل اللي كان مصدوم: ما أدري يا أم ئبدالعزيز.. ما أدري أنا جيت بس أسلمكم هزي.. وسلم ورقة كانت في يده لخالي، خالي فتحها بحذر، وعقب قال بصدمة: ورقة طلاق، ليش يا أفضل، هذي فعايل عيال الناس.. يبي يطلق بنتنا يجي يطلقها مثل مايسوي الرياجيل موب بالخش والدس عقب ما يأخذ عيالها، والله حتى اللي ماله أصل مايسوي كذا.. أنا كنت في حالة صدمة وموب قادرة أستوعب اللي يصير، عقبها مد أفضل لخالي ورقة شيك، وقال بحزن: هذي منه لجواهر، ويطلب سماهها (سماحها).. خالي اللي كان خلاص وصل أخره من الزعل، خذ الشيك وقطعه، وقال: وصل له هالحكي، علمن يوصله ويتعداه: العيال بنجيبهم من ورا خشمه، والحركة اللي سواها، والله ما أخليها تطوف وأنا بوفهد وولد فهد.. هو مفكر جهير مالها والي ولا سند يسوي فيها هالفعايل.. أنا توني قدرت أستوعب اللي يصير، رجعت أنط على أفضل وأمسك في ثيابه وأصارخ بهستيرية: هو بالقلعه اللي تقلعه، خله يطلقني، يذبحني، بس قله يرد لي عيالي، ما أبي منه شيء، بس يرد لي عيالي، أدري أنه يكرهني، بس عيالي مالهم ذنب.. ************ اليوم/ بعد صلاة العصر بشوي (هو) قاعد في مجلسه الخارجي اللي واجهاته كلها زجاج وعلى زاوية تطل على شارعين ويبدو كأنه قصر صغير مستقل عن باقي البيت، كانوا قاعدين في الجلسة الداخلية، وعنده أفضل.. هو بمودة: ها يا أفضل وش عندك؟؟ قلت لي اليوم في البنك أنه فيه موضوع مهم تبي تكلمني فيه.. أفضل بحذر: إيه تال ئمرك (طال عمرك)، واللي شجعني ئقب (عقب) هالسنين، الموزوع (الموضوع) اللي أنت فتهته(فتحته) اليوم.. موزوع أم العيال (هو) بحذر أكبر: تكلم أفضل تكلم.. أفضل بحذر مشوب بخوف: تزكر أنك كلفتني بمهمتين يوم سفرك قبل 17 سنة.. -أذكر - الأولى سويتها مسل(مثل) ماقلت لي، بس السانية(الثانية) - وش فيها الثانية (هو بفجيعة) - خربتت (خربطت) فيها (مثل اللي يلقي قنبلة كان لها دوي هائل) ************ بيت أهل جواهر قبل 17 سنة، أفضل جاي ينفذ الجزء الثاني من مهمته، وهو يقدم رجل ويؤخر الثانية، لحد الحين صراخها البارحة في أذنه، حاس بألم كبير.. بس شيسوي هذي وصية الغالي ولد الغالي.. دخل المجلس ولقى أبو فهد جالس عند دلاله يسوي قهوته، وعنده عياله فهد وطلال وولد أخته عبدالعزيز سلم أفضل وجلس وهو مسوي حاله حزين عشان يضبط السالفة، وكان أبو فهد يحاول يكتم غضبه، ويقول في نفسه هالمسكين وش ذنبه؟؟ أفضل تنحنح بحزن مرسوم: ئمي ئندي خبر لكم في نفس الوقت العيال راحوا داخلوا يبلغون جواهر أن أفضل جاء..رغم أن أفضل كان يتمنى يقول الخبر بدون مايواجه جواهر.. بس لقافة البزران.. وحكم ربي قبل كل شيء.. لأنه لولا جية جواهر كان مشى المخطط مثل مارسمه (هو) أبوفهد بحذر: شنو عندك يا أفضل بعد؟؟ أفضل بحزن جزء منه مصنوع وجزء حقيقي: الئيال (العيال) سافروا مع أبوهم لبريتانيا..وهم تالعين (طالعين) من المتار (المطار)..سووا حادس سيارة.... وأفضل يتكلم،، قاطع كلامه دخول جواهر اللي حالتها حالة، وجهها منفوخ من البكاء وشعرها منكوش، وهي تسمع أخر جملة يقولها... رجعت تمسك في جيبه، وهي تصيح صياح ألم عمره ماسمع شيء مرعب و موجع ومخيف مثله: عيالي وش صار لهم؟؟ عيالي ماتوا؟؟ أفضل ابتلش وتخربط: إيه.... لا ..لا ... ما أدري... أبوفهد بغضب: أنت وشفيك تخربط.. العيال وش صار لهم؟؟ أفضل بارتباك: سووا حادس سيارة بس ما أدري ئنهم ميتين أو لا... جواهر من سمعت جملته أغمي عليها.. وخالها يلمها ويشيلها وأفضل استغل الفوضى اللي صارت وانسحب.. *********** اليوم / في مجلس (هو) (هو) بألم: ليش يا أفضل ليش؟؟ الحين عرفت ليش هالأحلام تجيني.. أكيد أنها تدعي علي.. أكيد كل يوم تتذكر وتدعي علي، حتى لو كانت تزوجت وعندها عيال، الأم ما تنسى عيالها..أنا كنت أبيها تقتنع أنهم ماتوا، عشان تكمل حياتها طبيعي... ليش يا أفضل ليش؟؟؟ أفضل بحزن: سامحني يا بوئبدالعزيز، أنا هكيت(حكيت) لك السالفة كلها.. (هو) بحزن قاتل: وش أسوي الحين وش أسوي؟؟ أفضل وهو حاس بتأنيب ضمير، في نفس الوقت بالراحة لأنه ارتاح جزئيا من الهم اللي كان شايله: الشور شورك هو مثل اللي لمعت في باله فكرة ذهبية، بنبرة فيها رنة فرح مختلط بخوف: أنا عرفت أشلون ممكن أجيبها.. عرفت أشلون أفضل بحذر: قل لي شاللي تفكر فيه؟؟ # أنفاس_قطر# بعد الغياب/ الجزء العاشر #أنفاس_قطر# في بيت نجلاء /الوقت صار قبل المغرب بشوي ورحلة الذكريات قربت على نهايتها.. بس رحلة الوجع والألم مستمرة في قلب جواهر نجلاء باستفسار: طيب وأنتو وش سويتوا عقب هالخبر المفجع؟؟ جواهر بحزن عميق: خالي فديته ماخلا شي ماسواه.. بس المشكلة أن أبو العيال ماكان له قرايب.. عدا خواله، اللي ماكنا نعرف أسمائهم، أبوي بس كان يعرفهم، أمي كانت تعرف أمه بس ماتعرف اسم عايلتها ولا خطر ببالها تسأل لأنها يمكن شافتها مرتين بس.. لأن أمه كانت مريضة وتسافر برا كثير مع أخوانها.. وأفضل فص ملح وذاب.. أول كنا نقدر نكلمه على مجلس عمي.. بس بيت عمي لقاه خالي انباع.. يعني (هو) كان مخطط لكل شيء.. وأنا قلبي كان يقول لي أنهم عايشين.. واللي أكد لي أنه لما رحت لبريطانيا عشان الماجستير والدكتوراة، رحت وسألت في السفارة، إذا كان فيه قطريين توفوا في ذاك التاريخ، السفارة أكدت لي أنه ماخرج من عندهم شهادات وفاة بهالاسماء في ذاك التاريخ.. وهذي هي حكايتي يا نجلاء.. حزن وجع وألم وبحر دموع ماينشف نجلاء باستفهام حذر: باقي جزء بسيط عشان تكمل الصورة عندي.. دراستك متى كملتيها؟؟ جواهر تتنهد تنهيدة طويلة مسحوبة من أقصى وريد في قلبها: بعد اللي صار مرت علي شهور، مو حاسة بشيء، مثل المجنونة، إلا كل الناس اعتبروني مجنونة بشكل رسمي.. إلا عبدالعزيز هو الوحيد اللي وقف وجنبي، حنون يومي قبل يومه من يوم وهو طفل.. كان كل يوم يجي يقعد عندي، يسولف علي، ويمشط لي شعري، ويحكي لي عن المدرسة، شوي شوي صار يجذبني لعالمه.. وعقب صار يطلب مني أساعده في واجباته مثل ماكنت أسوي قبل.. في البداية ما كنت أتجاوب معه.. بس شوي شوي.. صرت أتداخل معه.. وأحل له واجباته، وأشرح له دروسه أمي وخالي ماكانوا مصدقين تحسني.. وعقب حصة الصغيرة كان لها دور في تحسني، عوضتني شوي عن فقد عيالي، كانت أم فهد تخليها معاي طول اليوم.. أنا أأكلها وأشربها وأغير لها.. عقب سنتين من قعدتي في البيت، خالي أصر أرجع للمدرسة وكنا نقلنا منطقة جديدة، فرجعني هو لمدرسة عادية، لأنه أنتي تعرفين أنه المتزوجات أو اللي كانو، مايدخلون مع بنات الصباحي بس خالي قال بعدها صغيرة..وماحد يعرفها في المدرسة هنا.. حرام ندخلها مع حريم كبار.. خليها تعيش سنها رجعت المدرسة صف أولى ثانوي وأنا عمري 15.. مع دخولي 18 دخلت الجامعة، وخلصت وأنا 21 بتقدير امتياز.. رحت بريطانيا، سنة لغة وبعدين درست الماستر والدكتوراة بنظام الفول تايم، سنة ماستر وسنتين ونص دكتوراة.. على ال26 مو 27 مثل منتي مفكرة كنت مخلصة دكتوراة.. نجلاء صفرت بإعجاب: صراحة أنتي معجزة ياجواهر... جواهر بحزن: لا معجزة ولا شيء.. بس كان لازم ألاقي شيء يشغلني، وإلا كان ذبحني الهم والتفكير.. نجلاء باستفسار: طيب وأمج أشلون خلتج تروحين تدرسين برا؟؟ جواهر بابتسامة حب صافي: عبدالعزيز يومي قبل يومه وقتها عمره 15 سنة، هو اللي أقنع أمي وخالي اللي كانوا مترددين، أني أروح، قال إحنا بيتنا لاصق في بيت خالي، وماراح نحتاج شيء، وانا رجال البيت يعني ما أقدر أسد مكانها؟؟ فديته عبدالعزيز هو ولدي وأخوي وكل شيء في حياتي.. نجلاء بحذر: طيب ويوم أنه عبدالعزيز له كل المكانة ماقدر يعوضج عن غياب عيالج؟؟ جواهر بحزن: لو عندج 3 عيال، هل واحد منهم بيعوضج عن الاثنين الباقيين؟؟ نجلاء بإحراج: لا طبعا.. جواهر بحب وحزن: لو كان عبدالعزيز بسم الله عليه هو اللي صار له اللي صار لعيالي، وعيالي ظلوا عندي، صدقيني كان صار لي نفس الشيء، ووقتها يمكن مالقيت حد يطلعني من جنوني، مثل ما عبدالعزيز سوا.. نجلاء بإيمان صادق مع ارتفاع إذان المغرب: اللهم ياعزيز يا قوي ياجبار.. مع أذان المغرب هذا، أنك تريح قلب جواهر، وترجع لها عيالها.. جواهر بلهفة وإيمان ووجع: آآآآآآآآمين يارب آآآآآمين....... كملت جواهر بصدمة: يوه نجلاء تأخرت وايد.. بأصلي المغرب وأتصل بعبدالعزيز، جنني اتصالات.. تدرين أنه مايرضى أسوق السيارة بعد المغرب.. الحين بأتصل له يمشي وراي نجلاء بحنان: لا تزعجينه، أنا بأمشي وراج بسيارتي مع السايق والخدامة.. جواهر بنفي: لا لا عبدالعزيز ماراح يرضى، لازم هو بنفسه، السواقة بكبرها يالله وافق عليها.. *************** في الليل/ في بيت جواهر جواهر قاعدة تتعشى مع أخوها عبدالعزيز.. اليوم الطويل اللي قضته عند نجلاء في سرد ذكرياتها المؤلمة، استنفذ كل طاقتها الجسدية والنفسية، فكانت ساكتة وسرحانة.. والشوكة تقلبها في الصحن بدون ما تأكل شيء.. عبالعزيز بمرحه المعتاد: ياناس ياهووه.. نحن هنا جواهر بدون ماتنتبه: تقول شيء حبيبي.. عبدالعزيز بعيارة: أفا.. ولا حد داري عنا.. وينج يا نوير.. تجين تشوفين بعلج الهمام، وهو مأخذ تسفيهه محترمة.. جواهر بابتسامة دافئة: الدنيا كلها تنسفه إلا أبو منصور، بس تعبانة شوي فديتك.. عبدالعزيز بابتسامة: إيه من صبح لبعد المغرب عند نجلاء، أكيد خلصت كل الحكي اللي عندك، أمانة أمانة.. وش الكلام اللي يأخذ عشر ساعات متواصلة؟؟ جواهر بغموض ممزوج بالحزن: بلاك مادريت بالسوالف.. كملت بلهجة خاصة بعد ماتذكرت شيء: تراني كلمت خالي وأم فهد الليلة.. عبدالعزيز اللي كان توه يبلع لقمة، غط فيها وقعد يكح، جواهر قامت وهي تضحك تضرب ظهره وتعطيه كاسة ماي وهي تقول: نعنبو، قلت لك كلمت خالي بغيت تموت، لو قلت لك عرسك بكرة وش بتسوي؟؟ عبدالعزيز بلهفة: بلاعباطة جواهر.. وش قال لج؟؟ جواهر بهدوء: قال حددوا الوقت اللي يناسبكم، تدري أن البنية لها كم شهر متخرجة، يعني ماوراها شيء خلاص.. عبدالعزيز بلهفة أكبر: وطيب؟؟ جواهر بحب: يعني كلها كم شهر، على حسب حجز الصالات وتكون نورة في بيتك.. ************* في نفس الليلة/ وعلى العشاء/ في بيت ثاني يجلس ثلاث أشخاص على الطاولة واحد منهم كان شاب صغير في السن، طويل، نحيل، شعره طويل شوي ومتلفلف، له شنب خفيف، ملامحه هادية مثل هدوءه، يلبس تريننغ رياضة قطن واسع لونه رمادي، ويلبس نظارة طبية كان يعدلها بأصابعه النحيلة كل شوي في حركة تدل على توتر خفي.. الثانية كانت بنت أمورة شعرها الأسود الناعم مقصوص قصة الفراولة اللي معطيه لوجهها الدائري لمحة حسن خاصة، وكانت لابسة بيجامة حرير خليط من الوردي والتركواز تحمل اسم ماركة معروفة جدا وكان أبوها هو اللي شاريها لها مثل أكثر ملابسها.. الثالث: كان رمز الغموض والرجولة والهيبة، اللي يخبي خلف نظرة عيونه الحادة الآسرة الكثير من الأسرار، كان هو اللي فتح باب الحوار: شباب، نوف، عبدالعزيز نوف وعبدالعزيز: لبيه يبه.. (هو) بلهجة هادية: عندي لكم خبر أبيكم تسمعونه مني، قبل تقرونه في الجرايد بكرة مع التهاني اللي أتوقع أنها تملأ الجرايد.. نوف بفرح حماسي: شنو يبه شنو قول بسرعة؟؟ وعبدالعزيز بنفس هدوء أبوه: خير إن شاء الله يبه؟؟ (هو): أنا ترقيت ترقية كبيرة، ومسكت منصب جديد أكبر.. نوف نطت من كرسيها، وتعلقت في رقبة أبوها، وهي تبوسه عشرين بوسة على رأسه وخدوده: مبروك يبه، مبروك ياقلبي، تستاهل، والله تستاهل، أصلا مافيه حد يستاهل في الدنيا كلها قدك.. عبدالعزيز قام بهدوء، طبع قبلة هادية على رأس أبوه، وقال بفرح هادئ لكن صادق يشبه شخصيته: مبروك يبه عقبال المنصب الجاي إن شاء الله (هو): الله يبارك فيكم ياعيالي، ولا يحرمني منكم، وعقب احتمال تسمعون خبر أهم بوايد.. نوف وعبدالعزيز : شنو يبه؟؟ (هو) بلهجة فيها غموض وحزن:مو وقته الحين.. في وقته..في وقته ياعيالي. عبدالعزيز قال: إن شاء الله.. ورجع مكانه بكل هدوء بدون مايهتم... لكن نوف انشغل بالها وصارت تفكر: شنو الموضوع اللي أهم عند أبوي من ترقيته..(بخوف مدمر) لا يكون يبي يتزوج؟!!!! ********** ثاني يوم /في البنك كان خبر ترقي (هو) واستلامه منصب المدير الأقليمي للبنك لكامل منطقة الشرق الأوسط مو قطر بس، معبي الجرايد تهاني له.. وكانت الاتصالات تنهال عليه من كل مكان، بس هو تفكيره كان بمكان ثاني، وبشيء ثاني.. ضغط زر الاتصال الداخلي، بصوته الهادئ الواثق اللي تعود استخدامه مع موظفينه: خليفة، لو سمحت، لا تحول أي اتصال خلال الساعة الجاية.. خذ نفس عميق..ألتقط موبايله، ودور على رقم معين في القائمة: - ألو.. - ........ - هلا والله حيالله أبو سعد - ......... - الله يبارك فيك. - ........... - أبوسعد طال عمرك.. أبيك في خدمة ماراح أنساها لك طول عمري.. - ........... - تسلم أدري أنك ما تقصر.. فيه اسم بأعطيك إياه أبيك تشوف لو فيه موبايلات باسمه.. - .......... - يا بو سعد الله يرضى عليك، السالفة بسيطة، والله أنه من الأهل بس أنا مضيع أرقامه.. - ......... - تسلم .. اسمه عبدالعزيز منصور حمد الـــ - ........ - معاك على الخط (قالها وهو حاس أنه قلبه بيوقف) - ........ - تقول رقمين، عطني إياهم طال عمرك - ......... - الاول ******5، والثاني******5 - ......... - مشكور مشكور، الله يقدرني على رد جمايلك - ......... - مع السلامة حط (هو) الرقمين قدامه، متوتر.. خايف..قلق..يكلم نفسه: وش فيك يا(... )عمرك ماصعب عليك شيء، عمرك ماحطيت شيء برأسك وماحصلته، كلها اتصال، أنت اللي ترج السوق رج خايف من اتصال ، قول بسم الله وتوكل على الله، بياكلونك يعني، ماحد يقدر يهز شعرة من رأسك..ماحد بقدر يأثر فيك، ولا يأثر على عيالك أو محبتهم لك.. قول بسم الله.. لازم تريح ضميرك..كفاية عليك عذاب السنين اللي فاتت وكوابيسها، أطوي هالصفحة من حياتك وارتاح، قبل تواجه وجه الكريم.. خذ (هو) نفس عميق.. وبيد ترتعش غصبا عنه دق على الرقم الأول منها... #أنفاس_قطر# بعد الغياب/الجزء الحادي عشر #أنفاس_قطر# قبل 4ساعات ونص من محاولة اتصال (هو) على الرقم اللي خذه من أبو سعد.. في بيت منيرة اليوم الخميس هي وصديقاتها اليوم ماعندهم جامعة بس هي صاحية من الساعة 6 الصبح ما تحب تفوت لمتها مع أهلها الصبح قبل كل واحد يروح لدوامه... قاعدة هي وأختها سارة اللي أكبر منها بسنة، في الصالة اللي تحت، مشغلين الدفاية، ويشربون حليب زنجبيل.. ويسولفون. سارة بتأفف: يوم الخميس هذا أنا صرت أكرهه ذا الفصل، وش معنى أنتي ماعندس شيء.. وأنا اللي أروح في ذا البرد.. منيرة بعيارة: دنيا حظوظ.. دنيا حظوظ.. سارة الخبيثة قلبت السالفة على منيرة اللي كانت تبي تغيظها فطاحت هي في الحفرة: زين كمليها: والله رمى حظي معاك (سارة بخبث) منيرة عصبت جد: صدق وحدة ما تستحين..لولا إنس أكبر مني، ومحترمة شيباتس، وإلا كان وريتس شغلس.. سارة بعيارة: قومي وريني، كان فيس خير.. بكرة يأخذس سلوم لبيته (بيت الرعب) وهو اللي بيوريس الشغل .. ويأدبس يوم لسانس يلوط أذانس.. منيرة بزعل حقيقي: سارة أصبحي وأفلحي واللي يرحم شيبانس.. أخوهم علي بطوله الفارع وجسده الأقرب للإمتلاء يدخل عليهم بلبس كلية الطيران، بابتسامة: يالله صباح خير، الناس قايمين يذكرون ربهم وانتم تهادون من صباح الله... سارة بعيارة: شوفوا من اللي جا.. أبو كرافتة.. أنت أول عدل ذا الكرفتة اللي على صوب.. وعقب تفلسف.. علي بنفس الابتسامة: العقال مهوب على رأسي عشان أكوفنس فيه.. والكرافتة قد لي ساعة أزين فيها.. وإلا كان فكيتها وخنفتس فيها.. سارة وهي تضحك: أنت وأختك الملسونة تبون لكم أدبن مهوب ذا.. ماكني بأختكم الكبيرة.. منيرة وهي تحاول تنسى زعلها من سارة: خل اختنا الكبيرة تعطف علينا عشان إحنا نحترمها.. علي بعيارة: إيه والله إنس صادقة.. كن حن ذابحين أمها وإلا أبوها.. وعلى طاري أمها وإلا أبوها ليت حن ذاكرين مليون ريال.. أبو علي وأم علي يدخلون في نفس الوقت، وأبو علي يقول: صدق إنك خسارة، ودك بالمليون ملا أمك وأبوك.. علي يقوم يحب خشم أبوه: جعلني فداك.. أتعيير على سارة الموذية.. وإلا أنت وأمي تسوون عندي مليون وخمسين ألف، مليون وواحد وخمسين أفكر أبيعكم.. وأعطيهم سارة هدية مجانية.. أم علي بحب: يا كثر حكيك الفاضي، قوموا تريقوا وكلن يسرح لدوامه.. ***************** في بيت (هو)... نوف ماعندها محاضرة إلا الساعة 10، فكانت نايمة.. بس عبدالعزيز اللي كان في ثاني ثانوي أو (Grad-11) كان لازم يقوم عشان المدرسة.. ولتأخر عبدالعزيز عن نوف في الدراسة حكاية. لما رجعوا من أمريكا، المدرسة الانجليزية اللي دخلوها، عملوا لهم اختبار مستوى، نوف طلعت أعلى من مستواها بسنة، بينما عبدالعزيز طلع أقل من مستواه بسنة، فمن هنا طلع بينهم فرق سنتين في الدراسة.. وهالموضوع لحد الحين مأثر في نفسية عبدالعزيز رغم إنه مايبين، لأنه مثل ماهو معروف: التوائم بينهم ارتباط كبير، فلما صارت بينهم هالفجوة، نوف طالبة جامعة، وهو بعده في المدرسة، حس عبدالعزيز بنوع من العزلة. قاعد هو وأبوه على السفرة يتريقون، أبوه يشرب قهوته ويتصفح الجريدة بهدوء: يبه عزوز تريق بسرعة أو صلك على طريقي، عشان اليوم بأستلم منصبي الجديد ولازم أكون هناك بدري، إلا لو تبي عمك أفضل يوصلك. (ويقول في نفسه: موبس المنصب اللي شاغلني، فيه شيء أهم بكثير بأسويه اليوم) عبدالعزيزفي خاطره شيء يبي يقوله من زمان، يقول في نفسه :ماشاء الله عليها نوف، اللي تبيه تحصله على طول، ماتتردد تطلب، ليش ما أكون مثلها، بعدها حاول يتجرأ بس ما قدر، يـتأتئ ويسكت.. أبوه يطالعه: تبي شيء عزوز؟؟ عبدالعزيز بنبرة حزن: سلامتك يبه، نمشي طال عمرك؟؟ ************* في بيت مها/ الساعة صارت عشر الصبح ومها بعدها ماصحت/اليوم ماعندها جامعة مها تفتح عيونها بشويش وهي تمد يديها لأخر حد: الله ياحلاة التصفيرة (التصفيرة:نومة الضحى) ياليت كل يوم أرقد لذا الحزة.. تلف على يمينها، تلاقي حد نايم في سرير أختها الجازي اللي في صف ثاني ثانوي.. تنقز متخرعة.. وتسحب الغطاء عن النايم، تبي تشوف من هو أوووف.. وش هالأزعاج.. خلوني أنام (الجازي بصوت نعسان) مها بغضب: الجويزي.. الجازي يالعلة.. قومي .. قومي.. وشفيش مارحتي للمدرسة اليوم ياعلة الكبد أنتي؟؟ الجازي تسحب الغطاء وتغطي نفسها: لحوووول.. لو أدري أنش اليوم ماعندش جامعة، كان أجلت غيابي يوم ثاني، عشان أخلص من حنتش.. مها ترد تسحب الغطاء منها: أمي تدري عن غيابش ؟؟ الجازي بنعاس وزعل، وهي تسحب الغطاء عليها مرة ثانية: إيه، تدري، وخلي السناح من يدش، بيمزع منش ياالدبة.. مها بعصبية: أنا الدبة..وتكمل بخبث: زين وسعود يدري أنش غايبة؟؟ الجازي تنط واقفة كأنه كبوا على رأسها ماي بارد: لا فديتش، خلاص توبة.. انا الدبة والخايسة واللي أستاهل الخنق.. كله ولا سعود، تكفين تكفين.. مها بخبث: قومي حبي رأسي أولا، وجيبي لي نسكافيه ثانيا، وعقب بأفكر أقول له وإلا لا.. الجازي نطت تحب رأسها..ثم ركض تنزل الدرج ركض عشان تجيب لمها نسكافيه.. وخيال سعود في رأسها، مع أنه عمره ماضربها ولا حتى عصب عليها، بس تخاف منه موت. ومن كلمته القوية. مها تطالع الباب اللي طلعت منه أختها بحنان: ياحبي لها ذا البنية.. الجازي هي أخر العنقود في بيت مها..دلوعة وطيبة ونحيفة جدا عكس مها اللي كان جسمها مليان شوي وذابحة نفسها ريجيمات.. توفى أبوها وهي عمرها (الجازي) سنة، تحب سعود وتخاف منه مثل لو كان أبوها.. عندهم أخ أصغر من سعود وأكبر من مها (محمد) أخر فصل في الجامعة بعد سبع سنين قضاها فيها، الدنيا عنده ضحك وربع وكشتات وابتسامته ما تفارق وجهه ، تعتقد إنها جزء من تركيبة وجهه.. على عكس سعود الجدي اللي شال الهم من وفاة أبوه وعمره12 سنة، رغم أن أعمامهم وخوالهم ماقصروا معهم، إلا إن حس سعود المتزايد بالمسئولية عن أمه وأخوه وخواته حرمه يتمتع بمراهقته وشبابه.. *********** الساعة 10 وربع صباحا/ في مكتب جواهر ونجلاء نجلاء تقلب أوراق في يدها بملل، ثم ألتفتت لجواهر تسأل: كم باقي على محاضرتج؟؟ جواهر ترد بهدوء وهي تقرأ كتاب في يدها: ساعة إلا ربع نجلاء بمودة: جيجي حبيبتي، طلبتج.. جواهر تخلي الكتاب اللي بيدها، وتلتفت لنجلاء: نعم يالأذوة أنتي.. وش تبين؟؟ نجلاء تصنع الزعل: أفا.. إذا هذا أولها.. خلاص ما أبي شيء. جواهر بابتسامتها الحلوة: موب علي هالفيلم، تبين شيء قولي، ماتبين موفرة أحسن.. نجلاء: بلى أبي، أبي.. وقامت نطت لمكتب جواهر وحطت الأوراق عليه: راجعي لي بس الدرجات وتأكدي من الجمع، شغلة ماراح تاخذ منج نص ساعة.. من الصبح جايبة الجريدة، ما قدرت أفتحها، أبي أتصفحها قبل محاضرتي. جواهر وهي تقلب الأوراق: هذا أنتي ماطلبتي إلا فرضتي علي يالموذيه.. الله يعين عليج، أنتي عقوبة من ربي لي.. نجلاء وهي تقلب الجريدة: عادي قولي اللي تبينه، المهم تراجعين لي الدرجات. جواهر وهي منهمكة في تدقيق الدرجات، رن موبايلها، خذت الموبايل طالعت الرقم الغريب والمميز جدا، ترددت ترد.. نجلاء بدون ماترفع رأسها من الجريدة: ردي على تلفونج المزعج.. جواهر بدون اهتمام: رقم غريب ومميز جدا جدا.. نجلاء بإهتمام: يالهبلة رقم مميز جدا جدا بعد، ردي لا يكون حد مهم.. جواهر جات ترد سكت الموبايل، هزت كتوفها، ورجعت تدقق درجات طالبات نجلاء.. بعد خمس دقايق رجع الموبايل يرن نفس الرقم.. جواهر اللي بدأ يتسلل لها شيء من الاهتمام: نجلاء نفس الرقم.. أرد؟ نجلاء ورأسها في جريدتها: ردي.. بياكلج يعني.. جواهر بنبرة هادية وواثقة: ألو - مافيه رد، صوت نفس خفيف على الطرف الثاني - ألو (جواهر بصوت أعلى) - مافيه رد..نفس صوت النفس بس هالمرة بصوت أعلى شوي.. - ألو من معاي.. لو سمحت رد.. - صوت نفس أعلى - جواهر هنا عصبت وبنبرة غضب: قليل أدب ووقح وماتستحي.. وقفلت الخط بوجهه.. نجلاء تسأل: من؟؟ جواهر وهي ترجع لأوراق نجلاء: واحد قليل أدب ************ في بيت الزكاة/ مكان شغل عبدالعزيز راشد جاي يزور عبدالعزيز، وعبدالعزيز مبسوط كثير من هالزيارة: يا حيالله أبو ناصر، تو ما تبارك شغلي يوم شرفت مكاني.. راشد بابتسامة ودودة: يا حياك الله، جايين نسلم عليك، وترا الزيارة موب لله.. عبدالعزيز: أفا.. من أولها مصالح.. زين خلها لين الزيارة الجاية.. راشد بابتسامة: اطرق الحديد وهو ساخن عبدالعزيز بمودة: آمرني وتدلل راشد: طال عمرك في الطاعة، انا وربعي اللي في الجامعة نبي نسوي معرض صغير لجمع التبرعات باسم اتحاد كليتنا لأهالي غزة المحاصرة، ونبي مساهمتكم.. عبدالعزيز: حاضرين أسوي كتاب ونعرضه على المدير، وإن شاء الله أنه تم.. وغيره.. راشد: جعلك سالم يابو منصور، رخص لي الحين، عادني أبي أمر على جمعية قطر خيرية، وجمعية الشيخ عيد بن محمد، والهلال الأحمر.. عبدالعزيز: والله ماتقوم من مكانك، أنا بالتلفون أسوي لك اتصالات معهم كلهم، ومع هيئة الأغاثة بعد.. الأرقام كلها عندي، وحنا بين تعاون.. مافيه داعي تتعنى راشد بارتياح كبير ونبرة صداقة وود حقيقية: جعلني ماخلا منك.. ماتدري وش كثر ريحتني.. ************** في البنك/ في مكتبه (هو) جالس غارق في التفكير، وفي يده موبايله.. تفكيره مشلـــــــول.. وأعصابة شبه فالتة منه.. وش فيك يا(...) وش فيك؟؟؟.. عمرك ماكنت جبان، ليش ما تكلمت، كأنك مراهق خايف.. أول مرة يسمع صوت أنثى!!!!! صوت أنثى؟؟!!!! بس صوتها مايقال عليه (مجرد صوت أنثى)، صوتها هو الأنوثة المجردة.. صوتها ضربه في الصميم.. في الصمـــــــــــــــــــيم.. عيب عليك يابو عبدالعزيز..عيب ، مو أول مرة ولا اخر مرة تسمع صوت حريم، في شغلك تكلم كل يوم 100 مره بس صوتها غير، غير.. غـيـــــــــــــــر.. صوتها لمس شيء مدفون تحت الرماد في عمق أعماقي، مكان عمر مره ما قدرت توصل له... صوتها يرن: من إذني مكان ما دخل، إلى أقصى وريد وشريان فيني مكان ماسكن واستقر.. كل كلمة.. كل حرف من الألو الأولى اللي كانت ماس الكهرباء، إلى (ماتستحي) اللي كانت الصاعقة اللي صابتني.. أول مرة أنشتم وأكون طاير بالشتيمة.. من تكون؟؟ من تكون؟؟ من تكون؟؟ تكون زوجة عبدالعزيز.. (ابتسم) معقول عزوز يكون تزوج؟؟ ياحظه لو زوجته عندها هالصوت العذب الأنثوي اللي يسكر.. لو زوجتي عندها مثل هالصوت..ماكان خليتها تسكت.. بس تتكلم وتتكلم وأنا بس أسمعها.. وأتلذذ بهمسها ورنين صوتها.. أعوذ بالله من الشيطان الرجيم أعوذ بالله من الشيطان الرجيم.. استغفر ربك يابو عبدالعزيز.. مافكرت هالتفكير وأنت مراهق.. تفكره الحين تكون جواهر؟؟... لا لا لا لا.. مستحيل.. جواهر أذكر صوتها، كان مخنوق شوي وفيه خنة.. معقول يكون عبدالعزيز راعي خرابيط، ويكون مطلع رقم لصحيبته؟؟؟ لا لا عزوز ما يسويها.. وأنت أشدراك؟.. تركته وهو طفل عمره 7 سنين.. ماتدري عنه الحين.. ياربي وش هالحيرة؟؟ أتصل على الرقم الثاني؟؟ لا لا.. بأنتظر شوي.. كفاية علي الضغط اللي أنا حاسه.. (أبتسم) ومابي أسمع صوت عقب صوت الملاك اللي سمعته، خل صوتها يتربع في أذني شوي.. ************* الساعة 10,25 في بيت فاطمة فاطمة بعدها نايمة.. أمها تتعب من طلعة الدرج، بس تتحامل على نفسها.. عشان تطلع.. رغم أن فاطمة عمرها20 إلا أن أمها عمرها 59، لأن أمها وأبوها ظلوا يعالجون 18 سنة بعد زواجهم لحد ماجابوها، وماعندهم غيرها.. فهي دلوعتهم، الهوا اللي يتنفسونه، مصدر فرحتهم وبهجة حياتهم.. أم فاطمة تتسند ومعاها الشغالة، لحد ماوصلت لغرفة فاطمة، دخلت الغرفة ولقتها مظلمة وفاطمة بعدها نايمة، طلبت من الشغالة ترفع الستاير،فدخل النور للغرفة الواسعة اللي كل شيء فيها يدل على أن صاحبتها بنت لأقصى حد.. اللون الوردي في كل شيء.. الدباديب بكل الأحجام معبية الغرفة. أم فاطمة جلست على السرير وهي توخر الدبايب اللي في كل مكان.. و تصحي فاطمة بشويش، كانها خايفة تكسرها: يمه فطوم.. فطوم.. قومي حبيبتي الظهر باقي عليه ساعة، قومي كلي شيء قبل الصلاة.. فاطمة بصوت نعسان، وهي حاضنة دبدوبها: يمه فديتج خليني أنام لين يأذن.. أم فاطمة باستسلام سريع: زين يمه، بأرجع أصحيج، إذا أذن.. ورجعت أم فاطمة تنزل الدرج، رغم أنها بترجع تطلع بعد نص ساعة.. **************** الساعة 10 ونص في مكتب جواهر ونجلاء نجلاء بعدها تقرأ في الجريدة، وجواهر تدقق درجات طالبات نجلاء.. نجلاء بنبرة هادية فيها نبرة فخر خفيفة: ماشاء الله فيه، واحد قطري أخذ منصب المدير الأقليمي للبنك العالمي الإسلامي لكل منطقة الشرق الأوسط، بعد ماكان المدير العام للبنك في قطر بس.. جواهر بهدوء وعيونها مركزة في الورق: الله يزيده، ولكل مجتهد نصيب.. نجلاء: ماشاء الله الجرايد متعبية تهاني له بالصفحات الكاملة.. جواهر بدون اهتمام: وش اسمه أبو تهاني هذا، على الاقل نعرف اسم المدير العود للبنك اللي حسابي عندهم.. نجلاء بنبره هاديه: اسمه....... #أنفاس_قطر# بعد الغياب/ الجزء الثاني عشر #أنفاس_قطر# الساعة 11 في مكتب نجلاء وجواهر نجلاء بقلق قاتل: جواهر يا قلبي، وش فيج، صار لج نص ساعة وأنتي على هالحال، مثل اللي فاقد الذاكرة.. ياجواهر ردي علي.. حرام عليج اللي تسوينه فيني.. محاضرتج بدت.. منتي برايحة للبنات؟؟ جواهر لو تسوين فيني مقلب، ترا المقلب قلب جد.. جواهر.. جــــواهر..... جــــــــــواهر......... جواهر ساكتة، عيونها جامدة ما ترمش، كانها مخلوق انسحبت منه الحياة فجأة.. ونجلاء تحاول تصحي فيها بدون فايدة.. بعد عدة محاولات من نجلاء تكلمت جواهر بصوت هامس كأنه طالع من قبر: أبي أشوفه..أبي أشوفه..... ثم كملت بصوت مختلف 180 درجة أشبه بصرخة فيلم رعب: أبي أشوفه.. أبي أشوفه نجلاء بخوف: منهو اللي تبين تشوفينه؟؟ جواهر في حركة وحدة قامت تلبس نقابها، وفي لهجة آمرة: قومي نروح له الحين الحين.. نجلاء بدهشة شديدة وعدم فهم: بسم الله عليج.. منهو اللي احنا بنروح له.. جواهر بسكون مخيف: مدير البنك هذا.. نجلاء باستغراب: جواهر أنتي أشفيج؟؟ استخفيتي؟؟ جواهر وهي مصممة إنها ما تبكي أو تتهور أو تقوم بتصرف تندم عليه لحد ما تتأكد من شخصيته: هو يا نجلاء، هو.. نجلاء وفي رأسها علامة استفهام كبيرة: هو من؟؟ جواهر بهدوء متربص.. حذر.. غامض: أبو العيال... ******************* في بيت أبو فهد / كانت أم فهد قاعدة عند دلالها تتقهوى بروحها: الله يرحمج يا أم عبدالعزيز، والله أن مكانج بين.. يجعل الجنة مثواج، عقبج مابه من يحاكيني ويرادني الصوت. نورة اللي توها تدخل سمعت أمها وش تقول: أفا وأنا وين رحت؟؟ ماسد مكان سميتي.. أم فهد تهز راسها بحزن: الله يرحمها ليتج ربعها.. نورة تهز رأسها: الله يرحمها ويجعل الجنة مثواها.. وشفيج مصبحة محزنة.. حد يتصبح بوجه النوري العسل ويكتئب؟ أم فهد بحزن عميق: جهير يا نورة جهير كاسرة ظهري.. نورة بمودة: وش فيها جواهر؟؟ ليت كل الناس مثلها.. أم فهد بنبرة حزينة: بلاكم ما تحسون بوجيعتها.. أنتي كنتي صغيرة، يمكن ماتذكرين وش صار فيها.. بس فهد وطلال وموزة يذكرون.. كانت بتموت على عيالها، أمها كانت مصبرتها وملهيتها.. بس عقب ماراحت نورة، أنا خايفة على جهير من التفكير.. خايفة عليها من الهواجس اللي تسري على الواحد تالي الليل، هواجس التوحاد والوحش.. نورة بمرح: عاد على التوحاد والوحش هذي سويتي فيلم رعب، دلعيها يمه، قولي وحدة ووحشة، بتصير أذرب؟؟ أمها : بلاج مخج فاضي ومصدي، الله يعين عبدالعزيز عليج.. عبدالعزيز الثقل والركادة والعقل، مايطيحه حظه الردي إلا في وحدة خبلة.. نورة بمرحها اللي ما تخليه: إلا يا حظه.. عمتي نورة دعت له كل ليل أكيد عشان حظه يصيدني.. أمها: قصدج يطيح فيج يالحفرة من ردى حظه نوره بابتسامة: لحول أم فهد ماكلة علينا حصى....وين البشكارة على قولتج، أبيها تسوي لي حليب كرك؟؟ أم فهد: تنظف غرفة حصة..قومي سوي لروحج.. نورة بعيارة: إيه تنظف غرفة دلوعتج أنتي وجواهر.. أبي أعرف هالبنية وش مسوية لكم..ماكلة مخكم؟؟ أم فهد بحب: مسوية الزين والسنع.. مو مثل خبالج.. نورة تصنع الزعل: أفا رجعتي علي.. (تغير السالفة) عيالج المعاريس أكيد بيشرفونا الليلة هم و شواذيهم، بما أن الليلة الجمعة؟؟.. (الشواذي: القرود، تقصد عيال أخوانها) أم فهد بحب: الله لا يحرمني شوفتهم وشوفة عيالهم.. وكملت بزعل: مافيه شاذي ربي بلاني فيه غيرج.. نورة: قصدج الغزال بس غلط مطبعي ماعليه صلحته لج بس لا تعودينها يا المزيونة.. والله يعينا على الأزعاج الليلة بس ******************* نجلاء بهدوء حذر ومصدوم: أنت تقصدين أن مدير البنك هذا هو أبو عيالج أبو عيالج اللي ما كنتي راضية تقولين لي اسمه؟؟ جواهر بنبرة غامضة: الاسم كامل هو نفسه، من اسمه لاسم أبوه لاسم جده لاسم العايلة.. قومي نروح البنك أبي أشوفه بنفسي عشان أتاكد.. ما أبي أعطي نفسي أمل.. ويطلع مجرد تشابه أسماء.. نجلاء بحذر: وبأي صفة وباي طريقة بنقابله؟؟ واحد مثل هذا أكيد جدول مواعيده مزحوم.. جواهر بانهيار ماقدرت تمسكه: تكفين نجلاء دوري لي طريقة، أنا موب قادرة أفكر.. حاسة قلبي وعقلي بيوقفون من الخوف..والتوتر.. والرعب.. لازم أشوفه الحين.. ما أقدر أصبر، طالبتج دوري لي حل.. تكفين.. تكفين.. وغلا حمودي عندج.. نجلاء مثل اللي لمعت في رأسها فكرة: انتظري دقيقة... مسكت موبايلها ودقت رقم بسرعة: هلا والله بأخوي حبيبي ............ أبيك في خدمة فديتك ........... تعرف مدير البنك العالمي الإسلامي؟؟ ............ مو الفروع، نبي الرئيس نفسه..تعرفه؟؟ ......... زين تكفى نبي نقابله اليوم.. ........ ليش مستحيل؟؟ مو قايل لي الحين أنه صديقك الروح بالروح.. نبي نقابله 5 دقايق بس.. ......... أدري أنه ماسك منصب جديد.. واكيد مشغول بزيادة.. بس أنا أبي أشوف غلاي عندك.. شغل علاقاتك اللي قاعد تشلخ علي فيهم شوي عشان أختك حبيبتك.. .......... يعني خدمة بخدمة؟؟.. الحين أنت أخدمني.. وموضوعك خله بعدين.. ........... نبي نسوي معرض وظايف لطالبات الجامعة، ونبي نقنع بنكه أنهم يشاركون فيه.. .......... طالبتك طلبة.. مو تحاول.. أنا طالعة الحين من الجامعة متوجهة للبنك، عشر دقايق ونكون هناك..نبي نوصل يكون عنده خبر بجيتنا.. .......... أنا وجواهر... .......... موب شغلك.. لا صارت مرتك تحكم فيها.. ........... ماعليه.. نتفاهم.. مع السلامة طول وقت المكالمة وجواهر كانت في عالم ثاني.. ثاني.. ألف فكرة توديها.. وألف فكرة تجيبها.. حاسة أنها ضايعة.. مثل ريشة وسط إعصار، حاسة أنها مقبلة على شيء خطير..أخطر منها ومن أعصابها ومن تفكيرها.. حاسة إنها على وشك الانهيار.. تعودت على حياتها الرتيبة، اللي بدون طعم، المليانة حزن ودموع.. اللي مافيها شيء مفرح غير عبدالعزيز.. تعودت على سهر الليالي مع الذكريات واليأس والوجيعة.. تعودت على الحياة الصامتة مثل قبر خالي.. لو كان هو جد أبو عيالها..ياترى بتشوف عيالها أخيرا؟؟؟ معقولة؟؟ معقولة؟؟ نوف وعبدالعزيز أخيرا؟؟ أكيد شباب الحين.. كيف صارت أشكالهم؟؟ وكيف؟؟ وهل؟؟ وكيف؟؟ وهل؟؟ وألف كيف وهل وليش ؟؟ هل قلبها اللي تشبع بالحزن ممكن يعرف طعم الفرحة؟؟ .. طيب ولو هو أنكر معرفته فيها.. طيب لو أصلا ما كان هو في الأساس.. وكان مجرد تشابه أسماء.. ولو؟؟ ولو ؟؟ ولو؟؟ حست رأسها بينفجر وهي خلاص مو قادرة تفكر، مع إنهاء نجلاء لمكالمتها الثالثة: يالله قومي بنروح.. جواهر مثل الجسد اللي من غير روح، قامت تسحب روحها مع نجلاء، وهي تطلع بارتباك مفتاح سيارتها.. قالت لها نجلاء بثقة، وشخصية أستاذة الجامعة القيادية تظهر بوضوح: رجعي السويج لشنطتك.. أنا مجنونة أخليج تسوقين وأنتي بهالحالة.. أنا كلمت دكتورة تهاني، سايقها واقف برا، توه جايبها.. وهي ماراح تخلص قبل المغرب.. هو بيوصلنا البنك، وبعدين يرجعنا للبيت، وكلمت السكرتيرة وطلبت منها تعلق اعتذرات عن محاضراتنا اليوم، وسيارتك خليها هنا لحد يوم الأحد ماراح يجيها شيء. جواهر كانت تهز رأسها بدون تفكير لكل شيء تقوله نجلاء اللي كانت تسحبها من يدها وتركض فيها لمواقف أعضاء هيئة التدريس. ************** في البنك/ مكتب المدير مازال (....) في حالة الذهول المنعش و الخدر اللذيذ اللي اجتاح خلاياه، من بعد الصوت اللي سمعه.. قاطع حالته السكونية الغريبة والممتعة، دخول سكرتيره خليفة عليه: أنا أسف بو عبدالعزيز، بس (أبو فيصل الـ ) مصر إلا يكلمك ضروري..يقول يدق موبايلك مسكر.. تنهد (هو) تنهيدة طويلة وهو آسف على الظروف اللي أجبرته على الخروج من الصومعة اللي كان مستمتع فيها: حوله لي لقط سماعة مكتبه: هلا والله بابو فيصل. وينك يالقاطع.. يا أخي ما كأنا بربع، وينك أسبوع ما سمعت صوتك؟؟ .............. الله يبارك فيك، عقبال ما أبارك لك في زواجك من اللي منشفة ريقك.. ............. أفا.. انت تآمرني أمر.. ............. وش هالأحراج يا بو فيصل..زين بأخليهم يقابلون رئيس الموارد البشرية.. هو المسئول عن سوالف فرص العمل والتوظيف.. .................. تقول جايين في الطريق، ويمكن على وصول.. لحول يابو فيصل.. مالقيت تبلشني إلا في عجايز الجامعة.. الله يسامحك.. ............. زين عشان خاطرك أنت بس.. بس تراني بأدفعك ثمن هالخدمة غالي.. ............... في أمان الكريم مع إنهاء (هو) لمكالمته، كان خليفة يدخل عليه، ويقول: فيه برا دكتورتين من الجامعة، يبون يقابلونك.. ويقولون أنهم من طرف أبو فيصل.. (هو) بنفاذ صبر: هو حد وداني في داهية غير أبو فيصل، خلهم يتفضلون.. واسمعني عدل.. بعد 7 دقايق بالكثير تدخل وتقول أنه الموظفين ينتظروني عشان الاجتماع.. أنا اليوم مشغول وايد.. وماني فاضي لقرقرة حريم.. الله يبلش أبوفيصل.. خليفة: إن شاء الله طال عمرك.. خليفة يفتح الباب على أخره ، ويأشر بيده للداخل وهو يقول: تفضلوا لو سمحتوا، سيادته ناطركم......... #أنفاس_قطر# بعد الغياب/ الجزء الثالث عشر #أنفاس_قطر# طول الفترة اللي تفصل بين الجامعة ومقر البنك الرئيسي اللي في منطقة الأبراج على الكورنيش، جواهر ونجلاء قاعدين جنب بعض متلاصقين على الكرسي اللي ورا، و كانت جواهر ترتعش في حضن نجلاء، اللي كانت حاضنتها بقوة.. كانت جواهر حاسة أنها مو قادرة تسيطر على نفسها ولا حتى على حركة جسدها..كانت ترتعش بعنف كأنها تقف بدون ملابس حافية على جليد القطب الشمالي.. كانت متوترة متـــــــــــــــوتــــــــرة إلى أبعد حد.. حست إنها يمكن استعجلت في قرارها إنها تروح تشوفه، كان مفروض إنها انتظرت لين تقدر تسيطر على أعصابها..لو كان هو فعلا (......) ما تبيه يحس أنها أضعف منه.. أو إنها منهارة، تبيه يشوفها قوية.. وأقوى منه..ما تبيه يحس بطعم الانتصار عليها..ويشوفها عاجزة توقف في وجهه.. تبيه يحس بحقارته وإنه مخلوق تافه حقير ما يستحق توترها.. مليون مليون سيناريو رسمته للحظة اللي بتشوف فيها عيالها، اللحظة الأولى، واللقاء الاول ، والحضن الأول لكن عمر السيناريو، ماكان كذا، كانت تتمنى تشوف عيالها أولا، لكن هو لا لا .. عمره ماكان موجود في السيناريوهات الي رسمتها في بالها سنين وسنين.. كانت تحاول تمسحه من ذاكرتها وخيالها.. حتى اسمه ماكانت تحبه ينذكر قدامها لكن والآن..في سيناريو اليوم هي خايفة تتهور في البنك قدام العالم، تصارخ عليه، أو حتى تشيل جزمتها من رجلها، وتخبطه بالكعب على رأسه. أو حتى تشيله (أبو عظام) وترميه مع الشباك. كل ماقربوا من البنك، ارتعاشها يزيد، وتوترها يتعاظم ويتعاظم، حاسة قلبها بيوقف، والتنفس عندها صار ثقيل ثقيل..النفس صعب إنها تأخذه أو تسحبه أو حتى تزفره، كأنها تسحبه من بير بدون قرار، وتنفثه في حفرة من لهيب يحرق وجهها.. نجلاء اللي حاسه بارتعاشها في حضنها، تكلمها بحنان بهمس: جواهر تحبين نرجع البيت ونقابله يوم ثاني؟؟ جواهر مثل اللي لسعتها حيه: لا لا خلاص هذا إحنا وصلنا. وفعلا ..كانوا وصلوا لمقر البنك الضخم اللي محتل برج من 17 طابق.. دخلوا للبنك، ونجلاء هي اللي تولت مسئولية كل شيء في الوقت اللي كانت جواهر تصلب طولها، وتحاول تبعث أكبر قدر من الثقة في نفسها: خلاص يا جواهر، أنتي ماعدتي طفلة أمس تخافين، أنتي مره ناضجة، وأستاذة جامعة، حطي رأسج براسه، وعينج بعينه. لازم تدفعينه ثمن غدره وخسته ونذالته غالي.. بس اشلون؟؟ نجلاء بلغة جدية بعد ما أنهت استفساراتها من الأستقبال: مكتبه في الطابق 17.. يالله.. جواهر تأخذ نفس عميق: بسم الله، توكلت على الله وهو حسبي. وتوجهوا للمصعد طالعين للطابق 17 *************** في مكتبه مع دخلة الدكتورتين للمكتب وقف عشان يرحب فيهم، كما يستلزم الذوق.. نجلاء تبلمت غصبا عنها، لما شافته يقوم برشاقة من ورا مكتبه، عشان يرحب فيهم.. عمرها بحياتها كلها كلها كلها ماشافت رجّال كذا، لا في الحقيقة ولا حتى في التلفزيون ولا حتى في الأحلام، كل شي فيه مرسوم بالمسطرة.. بالسانتي.. بالملي : الهيبة الكاسحة.. الحضور المسيطر.. الطول الفارع.... العرض الاسثتنائي .. الرجولة الطاغية.. الوسامة المذهلة.. المغانطيسية الآسرة.. جواهر دخلت وهي تحس أنه قلبها بيوقف، مو قادرة تتنفس، مو قادرة تطالعه، كانت تطالع في كل شيء بالغرفة إلا ناحيته.. (هو) كان يقول في نفسه وقت دخلتهم: يالله خل نخلص منهم بسرعة، يفارقون.. طالعهم بنظرة اعتيادية، كانوا ثنتين: وحدة لابسة عباية وشيلة.. وطولها عادي.. ووجهها الهادي المتوسط الجمال كأنه مألوف بالنسبة له.. الثانية لابسة عباية ونقاب، ولفت انتباهه طولها الفارع، كأنه طول عارضة أزياء، استغرب.. لأنه نادر ماشاف قطريات بهالطول.. هو يرحب ويأشر على الكراسي اللي قدام مكتبه: يا هلا ومرحبا والله بجامعة قطر كلها، شرفتوا مكانكم، تفضلوا، مين فيكم أخت أبو فيصل؟؟ نجلاء من سمعت صوته الواثق ارتبكت مرة ثانية غصبا عنها، في نفسها كانت تقول: وش هالصوت والثقة، سبحان اللي خلق هالرجّال؟؟ جواهر من سمعت صوته انقلب حالها، هو.. هو.. هو.. هـــــــــــــــــــــــــــــــو عمرها مانست هالصوت، من أول يوم سمعته ليلة زواجهم قبل 18 سنة.. نفس الصوت.. نفس الصوت.. نفس الصوت.. واثق أكثر.. وأنضج .. وأكثر رجولة.. بس هو نفس الصوت.. هو.. هو.. هو هــــــــــــــــــــــــــــو حست بكره غير طبيعي وحقد يطلع إشعاعات إشعاعات من جسدها، جلست هي ونجلاء على الكراسي، ما تكلمت نهائي ولا بحرف، ومارفعت عينها عن يديها المشبكة في حضنها.. في الوقت اللي كانت نجلاء عرفته عن حالها وإنها أخت أبو فيصل، وقعدت تشرح له باختصار فكرة معرض الوظايف ،اللي هو على فكرة كان معرض حقيقي، بس نجلاء طبعا مالها علاقة فيه، وقررت تعطيه رقم العلاقات العامة في الجامعة عشان ما تتورط وفي نفس الوقت يبين صدقها، على أساس أنها جايه وسيط بس.. كانت جواهر بس تسمع الصوت، ومع كل حرف وكل كلمة، كانت تتأكد أنه هو ..هو..هو.. وكانت تحس بكره السنين يتجمع ويتجمع ويتجمع: ناجح وواثق من نفسه ومبسوط وسعيد وعيالي معه، في الوقت اللي أنا فيه أعاني وأعاني وأتعذب.. و(هو) كان مستغرب، من صمت الدكتورة الثانية الغريب، فقرر أنه يبادر من باب اللياقة والذوق: زين دكتورة نجلاء.. ماعرفتينا على حضرة الدكتورة الثانية؟؟ لحظتها نجلاء ارتبكت وجواهر قررت ترفع عينها وتحطها بعينه هو انلسع.. تكهرب.. احترق من نظرة الكره النارية غير الطبيعية. وهي انصدمت لجزء من الثانية: كان شكله متغير متغير كثير، وين الوجه النحيف والجسد النحيل؟؟ وبعد نظرة الصدمة اللي دامت أقل من ثانية وحدة، رجعت نظرة الكراهية تطل من عيونها اللي ركزت في عيونه هو..هو.. هو.. نفس العيون.. نفس الوجه.. نفس الأنف والشفايف.. هو.. هو .. هو هــــــــــــــــــــــــو هو ارتبك.. وماقدر يبعد عيونه عن العيون اللي كانت تتحداه، وترسل له نظرات كره عمره ماشاف أحدّ منها: هاه دكتورة نجلاء ماعرفتينا على الدكتورة الثانية، إلا لو هي موب حابة تعرف عن نفسها؟ هو بنبرة غامضة فيها لمحة ارتباك ماتعود عليها.. وقتها جواهر وقفت فجأة (وهو) استغرب من وقفتها المفاجئة الحادة افتحت شنطتها، وطلعت شيء يشبه بطاقة دعوة انحنت ناحيته وهي تحط عينها في عينه بكل قوة حطت البطاقة بقوة على مكتبه قدامه مباشرة وهو كانت عينه تنتقل من عيونها اللي كان فيها خليط سحر وكره عمره ماشاف مثله، ليدها اللي كانت تثبت البطاقة على المكتب وظلت على البطاقة للحظة من الزمن كان يطالع في يدها بتمعن غصبا عنه.. يدها ناعمة وشفافة كأنها مصنوعة من الكريستال (هذا كان اللي يدور برأسه) أظافرها مقصوصة بنعومة لأخر حد، ومايدري ليش انبسط من هالنقطة. مايدري أشلون راح تفكيره المجنون ليدها، جاه هاجس مجنون أنه يثبت يدها الناعمة بيده بقوة على مكتبه، مكان ماهي حاطتها الحين فوق البطاقة وكان بيسويها بدون تفكير في العواقب اللي يعرف إنها بتكون خطيرة لو هو سواها، بس هو حس إنها تتحداه، وهو ما تعود يخسر تحدي وكان خلاص بيسويها.. لولا إنها سحبت يدها، وعطته ظهرها وتوجهت مباشرة للباب في ثقة مصطنعة. نجلاء ارتبكت من موقف جواهر، سلمت عليه وشكرته، وطلعت وراها، بعد أقل من 5 دقايق من دخلتهم عليه. و(هو) كان مصدوم من اللي صار قدامه، وش فيها هالدكتورة؟؟ مجنونة؟؟ أكيد مجنونة؟؟ ليش سوت كذا؟ تذكر البطاقة فتحها بحذر: الزميل الفاضل/عضو هيئة التدريس بجامعة قطر أتشرف بدعوتكم إلى حفل إطلاق كتابي المرجعي الثالث بعنوان (.......) وسيكون الحفل في مبنى النشاط الطلابي/ بنات الساعة 9 صباحا تاريخ.... (هو) لحد الحين مو مستوعب: وش هالغباء؟؟ تعطيني بطاقة مخصصة لجامعة قطر، وفي مبنى البنات بعد، لا والتاريخ فايت صار له شهر.. (هو) مثل اللي لمع في راسه شيء، رجع يفتح البطاقة على اسم الداعي في أخر البطاقة: الدكتورة: جواهر منصور الـ هو مثل اللي صبوا على راسه مو ماي بارد، إلا ماي مثلج وبعده ماي مغلي.. حس أنه مخه انشل، وأطرافه انشلت معقولة؟؟ معقولة؟؟ معقولة؟؟ حاول يسيطر على نفسه، بشخصيته القيادية اللي هو تعود يتصرف في إطارها..وقام ركض يبي يلحق الدكتورات اللي طلعوا من دقايق. ********** قبل دقايق على باب مكتبه، جواهر من طلعت من باب مكتبه، كل القوة اللي كانت متسلحة فيها انهارت رجولها مو قادرة تشيلها، سندتها نجلاء، وهي حاسة أنها مو قادرة عليها، جواهر أطول منها، وجسمها منهار بين إيديها، سحبتها سحب وجلستها على الكنبة الطويلة في مكتب سكرتيره.. وخليفة السكرتير مستغرب من اللي قاعد يصير قدامه.. بس ظل ساكت من باب الذوق.. وعقب سألهم لو كانوا محتاجين شيء.. فطلبت منه نجلاء يتكرم يجيب لهم ماي.. نجلاء بقلق واستفسار: جواهر هو هو.. صح؟؟ وإلا ما كان صار لك كذا.. جواهر بصوت مسحوب منه الروح، كأنه يأتي من عالم ثاني: إيه.. إيه.. إيه..هو.. هو.. هـــــــــــــو هــــــــــــــــــــو هــــــــــــــــــــــــــــــــو عــــــــــــــــــــــبــــــــــــــــــدالله #أنفاس_قطر# يالله يابنت شوفو نزلة لكم اكثر من جزء وصلنا الى الثالث عشر يالله ميثااان وزارا وباااقي البنااات ابغي ردوووووووووود مذهلة |
السلام عليكم
شكرا لك مذهلة يا قلبي على الدعوة واختيار موفق ورائع و هذي القصه ثاني قصه غريبه وجديدة اقراها بعد سحابة دخان والاسلوب واضح وسلس ابدعة الكاتبه في الوصف جواهر:: بنت ما عاشت طفولتها وانتقلت من مرحلة الطفوله الى الامومه حتى ما اعطاها زوجها (هو)حقاها في ممارسة امومتها بعدين هي طفله كيف تربي اطفال واثنين بعد ... وانا كذا مرة سمعة قصص انه تصير هالحوادث للرضع مع امهات جدد لان ما عندهم خبر حتى لو كانوا كبار صحيح ان الام لازم تكون حذرة .... بس ما على جواهر شرهه والمفروض ان زوجها يوجهها ويعلمها ويحذرها ويقف معها ويشرف عليها مو يغدر فيها ويسرقهم ولا بعد .... يقول انهم ماتو مهما كان ماراح يكون ارحم عليهم من امهم ...... مذهله تسلمين عالنقل ويعطيك العافيه لك حبي و تقديري |
السلام عليكم ورحمة الله وبركة هــــــــــــــــــــــــــــــــــــــــــلا ووغـــــــــــــــــــــــــــــــــــــــــــــــــــــلا مـــــــــــــــــــــــــــــــــــــــــــذهــــــــــــــ ــــــلــــــــــــــــــــــــــــه اولامـشكرا لك يا قلبي على الدعوة ثانيا القصه انا من قرها واعجبتني مررررررررر وفرحت انك ناقلتيه اللمنتد الله يسعدك يارب واختيار الموفق يارب الجد هذه القصه مختلفه ختلف كلين عن كل القصص لي قريتها من عمر البطل الي اخر فصل وصلت لها الكاتبه ماابي اغرب علي القارئ جواهر : وش كبر صدمتهااا لما تعرف عن عيالها وانهم معها بنفس الديره ولااا وان بنتهاا تكون طالبه من طالبات الجامعه اللي تدرس فيهاا تدرين احب شخصيه المرأه القويه اللي تتحدى الصعاااب وتااصل للي تبي وانتي ربي يوفقك ان شااء الله وتقهرين هذه زفت هو والله اسم علي مسم هو ولا ستاهل تكون ابو عبد العزيز مافروض يسمونك حقووود 17 سنه حاارمها من عيالهاا. انو لم يشوف كيف انها صار لها شان وصيت في المجتمع ويتحسر علي الجواهر لي كانت بين يدينها ويسلموووووووووو ولي ان شاء الله تعليق في الجزء القادم اكثر تفصيل |
بعد الغياب/ الجزء الرابع عشر
#أنفاس_قطر# في غرفة مها والجازي عقب صلاة الظهر كل وحدة منهم متمددة على سريرها مها ماسكة لابتوبها وتفرفر في المنتديات عن ريجيمات جديدة.. الجازي حاطة سماعة الأي بود على أذنها تسمع أغنية راشد الماجد الجديدة.. دق الباب دقة هادئة بس قوية، مها بدون اهتمام: ادخل.. وكانت الصدمة لهم كلهم إن اللي دخل سعود، اللي نادر جدا جدا يدخل غرفتهم مو مثل محمد اللي يحب يحوس في أغراضهم.. نطت كل وحدة منهم من سريرها واقفة، مها قفلت اللابتوب، والجازي رمت الأي بود وهي تقول في نفسها: ياويلي بيقتلني، أكيد جاي يهادني بسبة غيابي، ليتني ماغبت، ليتني ماغبت.. سعود اللي كان بعده بلباسه العسكري اللي يكشف بنيته المتناسقة بالنجمتين المعلقة على كتفه، قال بلهجة هادئة: السلام عليكم.. وتوجه وجلس على سرير مها.. ردوا السلام وكل وحدة منهم بالها يودي ويجيب.. سعود كمل بنفس الهدوء: الجازي لو سمحتي، اطلعي إنزلي لأمي وقفلي الباب وراش.. الجازي: حست أنه انزاح عن صدرها حمل: الحمدلله ما انتبه أني مارحت للمدرسة.. ونزلت ركض على الدرج بعد ماسكرت الباب، خايفة يغير رأيه ويناديها. مها هنا حست روحها بتطلع، سعود ماقفل عليها هالقفلة إلا يوم خطبتها بس.. يعني القفلة هذي وراها شيء كايد.. سعود: إجلسي مها.. أبيش في موضوع .. مها بحذر: سم فديتك.. سعود كمل بهدوء وبساطة، كأنه يتكلم في سالفة عادية جدا: أبيش تسألين رفيقتش فاطمة، لو ماعندها مانع تتزوجني.. خطبتها من أبوها أبو صالح.. مها حست كأنها انضربت على رأسها بحديدة : سعود وفاطمة، فاطمة وسعود.. وماقدرت تفتح ثمها بشيء.. سعود بنفس نبرته الهادية: أشفيش مها، ما أعتقد إن طلبي صعب لذا الدرجة.. مها وهي تسحب نفس عميق: الأحسن إنك تصرف نظر عن فاطمة، وأنا بادور لك بنفسي غيرها.. **************** في البنك/ في مكتب خليفة جواهر مو قادرة تسحب نفس، حاسة إنها بتختنق، ونجلاء تناولها الماي عشان تشرب.. وخليفة مستغرب من الفيلم اللي قاعد يصير قدامه.. جواهر بصوت مو باين: عبدالله يا نجلاء عبدالله.. هو يا نجلاء هو.. أرجوج نجلاء قومي خلينا نروح قبل يطلع ويشوفنا بعدنا هنا.. أرجوج.. أرجوج.. أموت ولا يشوفني مو قادرة أوقف.. نجلاء بخوف: انتي فعلا مو قادرة توقفين، أنا بأتصل بالاسعاف.. جواهر بحدة ما تتناسب مع حالتها: أرجوج نجلاء أفهميني، أبيه يعرف أني أقوى منه، أنه ماهز شعرة من رأسي.. قومي أرجوج.. ارجوج أحب على يدج..وهو الحين اكيد عرف إنها أنا.. قومي قبل يطلع.. نجلاء سندت جواهر وتوجهوا للمصعد ، مع انغلاق أبواب المصعد عليهم.. كان عبدالله يطلع من مكتبه.. سأل خليفة بلهجة حذرة: وين راحو الدكتورات اللي طلعوا من عندي قبل شوي؟؟ خليفة بلهجة محايدة: نزلوا (بدون ما يقول له على سالفة أنه وحدة منهم تعبت وجلست في مكتبة دقايق ترتاح، لأنه حاس إن السالفة محرجة وفيها شيء غير مفهوم، فحب يلتزم حدوده) عبدالله وقف على الباب دقيقة وهو يفكر بشيء، بعدها رجع لمكتبه وقفل الباب.. **************** في سيارة تهاني نجلاء حاضنة جواهر اللي ترتعش بشكل غير طبيعي، نجلاء مرعوبة عليها وخايفة.. نجلاء توجه كلامها للسايق: حسين روح للمستشفى الأهلي.. هو أقرب مستشفى من هنا.. بسرعة.. جواهر اللي توها تستوعب: ليش المستشفى؟؟.. نجلاء بخوف: ما تشوفين حالتج، خلهم يعطونج إبرة مهدئة على الأقل.. جواهر بصوت واثق مختلف عن حالتها: مافيني شيء نجلاء والله أنا الحين أحسن.. وجهت كلامها للسواق: حسين روح لبيتي.. نجلاء بحذر: أنتي أكيد أحسن؟؟؟ جواهر بلهجة مطمئنة: والله أكيد.. نجلاء بترقب: يعني ممكن أسال؟؟ جواهر بهدوء: عن شنو؟؟ نجلاء باستفسار: ليش ما كلمتيه؟؟ ليش ما طلبتي تشوفين عيالج؟؟ يعني سحبتينا للبنك.. واخرتها تحطين ورقة على مكتبه وتطلعين؟؟ جواهر بهدوء غامض: يعني وش كنتي تبين أسوي له، أضربه، أنا بصراحة كان نفسي أقتله مو أضربه بس، بس غلبت تفكيري المنطقي.. ووش كنتي تبين أقول له؟؟ قوم قدامي ودني لعيالي؟؟ كأننا في فيلم قديم ماله طعم.. الحياة شيء ثاني.. أنا لو علي: أبي أشوف عيالي الدقيقة هذي قبل اللي بعدها وخصوصا بعد ما عرفت أنهم خلاص صاروا قريب.. بس أنا خايفة عليهم.. أنا ما أدري هو اشلون برر غيابي لهم.. خايفة من ردة فعلهم.. تأثير معرفتهم بوجودي.. تعرفين هم في سن حرجة الحين.. وهم اللي لازم يكونون في المقام الأول، لا لهفتي عليهم، ولا كرهي لأبوهم لازم أفكر عدل، قبل أقدم على أي خطوة..وأنا خفت أفتح الموضوع معاه في البنك أسوي له فضيحة.. لكن الحركة اللي أنا سويتها في البنك أنا متاكدة أنها خلته يفر حوالين نفسه.. وياما جاي لك يا عبدالله.. إذا خليتك تفر.. ما تعرف رأسك من رجلك.. ما أكون جواهر بنت منصور.. نجلاء بلهفة: وش ناوية تسوين؟؟ جواهر بحقد غريب: أشياء وايد بس خليني أرتب أفكاري.. أهم شيء أنه خلاص زمن الدموع راح وولى، مستحيل أشمته فيني أو أخليه يحسني ضعيفة قدامه.. وهم يتكلمون، رن موبايل جواهر، طلعت جواهر موبايلها تظن إنه عبدالعزيز، كان نفس الرقم المميز: نفس الرقم اللي دق علي الصبح يا نجلاء.. أنا ناقصته هذا.. خلني أرجع للبيت وأعطي الرقم عبدالعزيز يتفاهم معه.. نجلاء بحدة: وليش عبدالعزيز، هاتيه أنا أأدبه ردت نجلاء: شوف يا أبن الناس، إذا ماعندك حريم تغار عليهم، إحنا لنا رجال يغارون علينا، يا أما إنك تنسى هالرقم، وإلا خليناهم ينسونك إياه.. ............. ملامح صدمة حقيقية على وجه نجلاء: إيه أنا الدكتورة نجلاء.. من معاي؟؟ وهي تحس إن هالصوت المميز سمعته قبل.. ............ دكتور عبدالله ، آسفة ما أعتقد إنها تقدر تكلمك الحين.. جواهر بدهشة وحدة: عبدالله؟؟ وليش ما أقدر أكلمه، خايفة منه يعني.. هاتيه.. ************ في غرفة مها/ الاجتماع المغلق بينها وبين سعود مازال قائم سعود بلهجة فيها شوي انفعال، تخلى فيه عن قناع البرود: ليه؟؟ أنتي شايفة على البنية شيء؟؟ مها برعب: لا والله، حاشا.. أنا أشهد انها حشيمة، ومتربية وبنت ناس.. سعود يرجع لبروده: زين ليش ما تبيني أتزوجها؟؟ المفروض إنها صديقتش، وأنا أخيش، يعني تفرحين لنا.. مها بحذر: ولأنها صديقتي، وأنت أخي.. أقول لك إنكم ما تصلحون لبعض، ولا واحد في المية سعود بهدوء: يعني عشانها حضرية وأنا بدوي، ما أشوف هذا سبب.. أو لأنها ما تغطي وجهها، عادي المره تمشي على شور رجّالها.. وما أعتقد إن تغطية وجهها بتكون مشكلة لها.. مها بنفس الحذر: لا مهوب ذا السبب ولا ذاك، فاطمة دلوعة أهلها، أقل شيء ممكن يكسرها، تحسها أحيانا مثل اللعبة من الدلع والنعومة والرفاهية ، وانت بصراحة جد بزيادة، واعذرني على ذا الكلمة: دفش وفيك شوي قسوة، يعني هي الشرق، وأنت الغرب.. سعود بنفس هدوءه اللي يقتل: يعني بس هذا السبب؟؟ مها وهي نفسها تخنقه: إيه.. سعود وهو يوقف متوجه لباب الغرفة، بلهجة آمرة: أنتي بس إسأليها.. وردي لي خبر مها وقفته بخوف وقالت بتردد: سعود أنت اللي تنفع لك وحدة مثل دانة بنت عمي هادي.. سعود طالعها بغضب وقال لها: مهوب شغلش، نفذي اللي قلته وبس.. مها وهي نفسها لو أنه مو أخوها الكبير عشان تفش حرتها فيه: إن شاء الله.. سعود، اللي تبيه *************** في مكتب عبدالله، بعد ما رجع لمكتبه وقفل عليه الباب، رجع لكرسيه، وهو يفكر.. ويفكر معقولة تكون الدكتورة جواهر هي نفسها جواهر زوجتي السابقة وأم عيالي؟؟ معقولة تكون درست وخلصت لا وخذت ماجستير ودكتوراة وكل هذا خلال 17 سنة؟؟ مستحيل.. مستحيل.. لو هي أينشتاين القرن 21.. مستحيل.. من وحدة ماتعرف تقرأ وتكتب، لدكتورة جامعة، لا ومؤلفة كتب علمية في تخصص علمي صعب بعد.. مستحيــــــــــــــل.. لا وهـــــالـــطـــول.. من وين جابته كله؟؟ من قزمة لوحدة بهالطول... أنا بأتجنن..بأتجنــــــــــــن لا والصــــــــوت؟؟ بس هي ما تكلمت ولا قالت كلمة.. أقصد الصوت اللي سمعته في التلفون ودوخني.. يكون صوتها بعد؟؟... اللي خلاها تتغير هالتغيرات كلها، عادي يخلي صوتها يتغير.. جات على الصوت يعني؟؟ طيب أشلون أتأكد؟؟ أشلون أتأكد؟؟ إنه جواهر هي جواهر.. الرقم.. الرقـــــــــم بأرجع أتصل على نفس الرقم، بيد ترتعش حاول إنها تكون واثقة، رجع يتصل على نفس الرقم: رن كم مرة، قبل ماينرد عليه، حس قلبه بيوقف من الترقب مع انفتاح الخط بس.. بس مو نفس الصوت.. وحدة تهزئ فيه.. بس مو نفس الصوت.. صوت هو سامعه، وتوه سامعه، عرف صاحبة الصوت.. وخلاص تأكد من اللي يبيه.. ورجع يسيطر على زمام الأمور: دكتورة نجلاء؟؟ بكل ثقة وهدوء .................. أنا عبدالله، مدير البنك العالمي الإسلامي، ممكن أكلم الدكتورة جواهر؟؟ ................ وبعدها سمع حس ثاني يتكلم معاها، ثم جاءه صوتها الغامض الغاضب الملتهب المتجمد، الصوت العامر بالمتناقضات: - نعم يا دكتور عبدالله؟؟ أو أقول زوجي السابق أحسن؟؟ أو أقول خطاف الأطفال أحسن واحسن؟؟ أو أقول الخاين النذل الخسيس أحسن وأحسن وأحسن؟؟ (جواهر بصوت غلفته بالبرود مع إنها كانت تغلي من داخل) - عبدالله كان مصدوم من هجومها البارد الحاد عليه، لكنها ماراح تغلبه في لعبة البرود اللي هو بطلها: هلا بالدكتورة جواهر؟؟ أو أقول زوجتي السابقة أحسن؟؟ أو أقول الأم المهملة اللي كانت بتقتل عيالها بجهلها أحسن وأحسن؟؟ أو أقول الباردة والوقحة وطويلة اللسان أحسن واحسن وأحسن؟؟ - أنت بأي حق تهاجمني؟؟ (جواهر بذات اللهجة الباردة اللي تحتها نار تشتعل) - بنفس الحق اللي عطيتيه لنفسج.(عبدالله بنفس برودها) - أنا لي ألف حق وحق، ما اعتقد أني حرمتك من عيالك 17 سنة بكل وحشية، كأني حيوان سادي مجرد من الإنسانية. (بذات البرود الخشن) - أعتقد أني عندي أسبابي، وأنا غير مجبر بمناقشتها مع أستاذة جامعة قليلة أدب . (بلهجة فيها شوي حدة) كمل: انا عندي الحين شغل، وأفضل أني أتفاهم مع عبدالعزيز مو معاج. (مع أنه كان يكذب، كان يبي يتفاهم معها، ومعها هي بس، صوتها بعث فيه حيوية غير طبيعية، أشعلت بركان خامد في أعماقه، عمره في حياته ماسوت فيه أنثى كذا، صوتها و روح التحدي اللي عندها جننوه) - وأنا بعد أفضل إنك تتفاهم مع عبدالعزيز (بس هي كانت صادقة، ماكانت تبي تسمع صوته أو تشوفه مرة ثانية).. أنا أبي أشوف عيالي في أقرب وقت، فياليت أنكم تتفاهمون على الطريقة الأنسب.. تحب أعطيك رقمه؟ - عبدالله بلهجة واثقة مستفزة: مثل ماجبت رقمج، أقدر أجيب رقمه، مع السلامة.. (الله لا يسلم فيك عظم) ..جواهر بلهجة غضب وحقد ويأس، بعد ما سكر الخط.. نجلاء بلهفة ودهشة وترقب: عمري ماسمعتج تتكلمين بهالطريقة الحادة، وإلا المسبات اللي قلتيها له.. واااااو ..عمري ما تخيلتها في قاموسج.. جواهر بحدة: وقح وبارد بشكل ما تتخلينه، عقب اللي سواه فيني كله، ما كأنه سوا شيء.. لا ويقول إني الوقحة الباردة بعد. نجلاء بخبث: بس الحق ينقال، الحين عرفت ليش ما تزوجتي عقبه، ليلة وحدة مع رجّال مثله، تكفي عن ألف عمر، ماعدلتي صراحة في وصفه، شنو هالرجّال القنبلة؟؟ جواهر بغضب: شوفو تفكيري وين، وهي وين راح تفكيرها، الله يأخذه ويأخذ الألف عمر معاه.. نجلاء وهي تضحك: خلاص وصلنا بيتج، بأنزل معاج، وبأخلي سواقي يجيني هنا.. من ناحيته عبدالله سكر الخط، هو في عالم ثاني، تسند على كرسيه، وغطا عيونه بيده: شنو هالنمرة المفترسة؟؟ معقول هذي جواهر الطفلة الوديعة؟؟ ابتسم وهو يقول لنفسه: لو كنت قدامها يمكن كان قطعتني ببرود، وكلتني بشوكة وسكين بكل هدوء.. بس أنا اللي أعرف أربيها، واعرف أشلون أكسر رأسها.. إذا ما أدبتها على تطويلها لسانها علي ما أكون عبدالله ابن محمد.. # أنفاس_ قطر# بعد الغياب/ الجزء الخامس عشر #أنفاس_قطر# عبدالعزيز طالع من شغله وتوه يركب سيارته، رن موبايله، طالع الرقم، رقم غريب ومميز جدا عبدالعزيز: من ياترى اللي يدق: السلام عليكم ورحمة الله وبركاته.. ........................... إيه طال عمرك في الطاعة، أنا عبدالعزيز بن منصور .......................... الله يسلمك ويبقيك ....................... الحمدلله يسرك الحال.. من معاي لاهنت؟؟ ....................... باستغراب كبير: مدير البنك العالمي الإسلامي؟؟ بأيش ممكن أخدمك؟؟ .................... الحين الحين؟؟ ................... طيب.. المشوار من مكان شغلي في شارع السد، لين منطقة الأبراج، في هالزحمة ووقت طلعة الناس من دواماتهم، يمكن ياخذ ساعة.. فيه مشكلة؟؟ .............. نتقابل بعد ساعة.. السلام عليكم ورحمة الله وبركاته.. سكر عبدالعزيز تلفونه، وهو مستغرب أيش يبي فيه مدير البنك هذا؟؟ وتوجه بسيارته لمنطقة الأبراج. *************** جواهر في بيتها ونجلاء بعدها عندها، نجلاء بلهجة قلق خفيف: أكيد أنتي الحين تمام؟؟ قولي لي الصراحة؟؟ جواهر بلهجة هادئة فيها رنة فرح غريبة: والله تمام، ومبسوطة يا نجلاء والله مبسوطة، أول مرة أكون مبسوطة كذا من سنين.. خلاص بأشوف عيالي يا نجلاء، تضحك بصوت عالي، تدرين مبسوطة وايد... بس في نفس الوقت خايفة ومتوترة.. جواهر بنبرة خليط من الخوف والرهبة والتوتر والفرح: ما أدري أشلون بيكون تقبل عيالي لي، تدرين 17 سنة مو شوي ومثل اللي لمع في راسها فكرة: ولو كان أبوهم متزوج، ما أدري أشلون دور مرت أبوهم في حياتهم........كملت بخوف: تعتقدين تكون عذبت عيالي أو جننتهم؟؟ يمكن يكونون متعقدين الحين يا قلبي يا عيالي؟؟ نجلاء بابتسامة حب وهي تسمع كلام جواهر: يا حبيبتي شنو هالأفكار؟ ومن قال لج أنه تزوج؟ .......غمزت نجلاء بعينها وكملت بخبث: يمكن عايش على الاطلال وذكرى الليلة الوحيدة مثل بعض الناس.. جواهر بغضب: صدق ما تستحين، بس خلينا في موضوعنا.. إذا جينا للحق زواج عبدالله مني ماكان يعتبر زواج، وأنا ما كنت مره، وكان مغصوب على السالفة كلها، يعني ماحد يلومه لو بغى يتزوج، وخصوصا أنه بعده شاب، واعتقد مثل ماشفتيه، ماعليه قاصر.. نجلاء بلهجة استنكار: هذا ماعليه قاصر.. هذا ... قاطعتها جواهر: والله لو رجعتي تمدحين لي في شكله الغلط، باطردج من بيتي الحين.. آوت نجلاء باستفزاز مرح: عادي اطرديني، أصلا أنا أبيج تطرديني أروح لبيتي، وثانيا: أنا كلمة الحق ما أخليها ببلعومي بعدين أغط فيها، وثالثا: سايقي برا ينطرني، خليني أروح.. وكملت نجلاء وهي متوجهة للباب: ورابعا: سبحااااااان ربه اللي خلقه على هالرجولة كلها.. وخامسا: قبل ماتكمل خامسا، كانت جواهر ترميها بالكوشية اللي ماصابتها، لأن نجلاء طلعت وقفلت الباب وراها ***************** وصل عبدالعزيز لمقر البنك، وقف سيارته في المواقف اللي بدت تفضى، واتصل بجواهر عشان يقول لها أنه يمكن يتأخر عشان ما تحاتي لو تأخر.. وطلع لمدير البنك وهو يفكر بالسبب الللي ممكن يكون مدير البنك هذا طالبه عشانه، خطر له الف فكرة، أكثرها متعلق بالشغل، وانهم يمكن يبون يقدمون تبرع لبيت الزكاة، لكن ولا فكرة منها كانت الفكرة الحقيقية.. وصل لمكتب المدير في الطابق 17 لقى خليفة قاعد ينتظره في مكتبه: أستاذ عبدالعزيز منصور - نعم.. - المدير ينطرك، وانا قاعد أنطرك، أبي أدخلك أروح.. دوامي خلص من 10 دقايق.. تفضل.. تفضل.. دخل عبدالعزيز بحذر، وخليفة دخله وقفل الباب وراح.. كان في المكتب شخص واحد واقف، معطي الباب ظهره، ويطل مع الشباك الزجاجي الضخم اللي يطل على الكورنيش، ومحتل الواجهة كاملة.. لما سمع صوت الباب انقفل، الواقف فر جسمه بالكامل لناحية الباب، عبدالعزيز لما شافه، حس إحساس غريب، وكان قلبه بينط من مكانه.. الواقف مشى خطوات واسعة وواثقة ناحية عبدالعزيز، وهو مبتسم ابتسامة سعادة حقيقية تطل من عيونه.. مد عبدالعزيز كفه له، فتفاجئ عبدالعزيز أنه يجذبه من يده ويحضنه، ويطول وهو حاضنه بكل قوته، حس عبدالعزيز بالإحراج،أولا من هالحضن من هالشخص الغريب ، ولأنه كان أطول منه بكثير ثانيا.. بس بعد ثواني حس عبدالعزيز أن هالحضن مو غريب عليه، وكأنه ياما رمى نفسه فيه.. لكنه حاول يخلص نفسه بلباقة.. عبدالله بعد ماعبدالعزيز خلص نفسه من حضنه، بقت إيديه على أكتاف عبدالعزيز، وهو يطالع في وجه عبدالعزيز بتمعن كأنه يبي يحفر ملامحه في مخيلته، بعدها رجع يحضنه بقوة، وهو يقول: والله وكبرت ياعزوز، والله وكبرت يا أبوي.. عبدالعزيز ورأسه مدفون غصبا عنه في صدر عبدالله، سمع الصوت، الصوت.. الصـــــــــــوت.. خلص نفسه بقوة وهو مصدوم: عبدالله؟؟؟؟ عبدالله بنبرة خليط من الفرح والخوف: إيه عبدالعزيز.. عبدالله ياعبدالعزيز.. عبدالعزيز بنبرة غضب بس خالية من أي كراهية: وين عيال أختي يا عبدالله؟؟ وينهم؟؟ عبدالله بحزن: زين قل لي اشلونك.. الحمدلله على السلامة.. عبدالعزيز بإصرار: وين عيال أختي؟؟ عبدالله بحزن أكبر: موجودين وطيبين وبخير، شباب ماشاء الله.. عبدالعزيز بحزن: وإن شاء الله إنك مبسوط يوم خذتهم وحرقت قلب أختي.. إن شاء الله أنك كنت مبسوط خلال هالـ17 سنة، اللي كانت أختي تموت فيها في اليوم ألف مرة وهي تتذكر غدرك فيها وخطفك لعيالها. عبدالله بوجع: لا تقول كذا ياعبدالعزيز، اقبلها من العالم كله إلا أنت.. عبدالعزيز بألم جارح: ما تنقال غير كذا.. مالك عذر يابو عبدالعزيز مالك عذر. عبدالله يمسك بيد عبدالعزيز، ويتوجه فيه للجلسة اللي في الزاوية: تعال نجلس وأنا أقول لك كل شيء من الأول للأخير.. وعقب إحكم علي وأنا راضي بحكمك. ************** قرب آذان العصر، حصة نازلة الدرج تنط السلالم ثنتين ثنتين، وعقب نطت في حضن أمها.. وتمددت فيه: يمه طالبتج أمها بغضب مخلوط بالحب: نقزتيني الله يصلحج بنية، نعم وش تبين؟؟ حصة: طالبتج طالبتج، تكفين قولي تم.. أمها بحب: تم نورة بعيارة: زين يمه أعرفي السالفة، يمكن حصة عضوة في جماعة إرهابية، وبتلبس حزان ناسف، وتروح تفجر نفسها في فيلاجيو وإلا ستي سنتر.. وأنا أقعد أبكي، مو عليها، إلا على المجمعات.. أمها بغضب تمد عصاها وتضرب نورة على فخذها: طرم طرم.. نورة تضحك: لحول يمه نمزح نمزح، وإلا دلوعتج مكتوب عليها: ممنوع اللمس والاقتراب والتصوير؟؟ أمها تخزها بغضب.. ونورة ميتة ضحك (نورة مافيه شيء يزعلها أبدا) أم فهد توجه كلامها لحصة بحنان: وش تبين فديتج قولي؟؟ حصة بخجلها اللطيف: صح بكرة الجمعة؟؟ نورة وهي بعدها تضحك: بلا هالمقدمات الفاضية، أدخلي في الثقيل.. أمها: أنا ماقلت لج طرم.. خليها تتدلع وتحط مقدمات، أنا أبي اسمعها.. توجه كلامها لحصة: صح حبيبتي بكرة الجمعة.. حصة تكمل بنفس نبرتها الخافتة: وماعندي مدرسة؟؟ أمها وهي تبتسم وهي عارفة وين تبي توصل: وماعندج مدرسة.. حصة بضراعة ورجاء: زين طالبتج خليني أنام عند جواهر، زمان مانمت عندها. نورة بعيارة: استحي يا بنت، لا تكونين ترسمين على عزوزي ؟؟ مافيه روحة. انطقي أم فهد عصبت على نورة وشاتتها بالنعال اللي في رجلها بس النعال ماصابتها، وراحت تركض للطابق الثاني وأمها تتوعدها توريها شغلها: صدق ماعرفت أربيج، أنا أوريج الشغل يا نوير؟؟ نورة تطل من فوق درابزين الطابق الثاني: أم فهد.. أم فهد، خذي هذي، وترسل لها بوسة طايرة من فوق: امسكيها يمه لا تجي براسج.. أم فهد تبتسم من خبال بنتها، وترجع توجه حديثها لحصة: مايصير حبيبتي تنامين هناك، إذا سافر عبدالعزيز مثل المرة اللي فاتت خليتج تنامين عندها.. حصة بحزنها الطفولي: يمه شفقانة عليها، ماشبعت من قعدتها.. أمها بحب: روحي إجلسي عندها من الحين، لحد بالليل، وفي الليل تعالي أنت وياها وأسهروا عندنا، حريم أخوانج واختج كلهم بيجون الليلة. بين بيت جواهر وخالها باب في السور المشترك بين البيتين، فيقدرون ينتقلون بين البيتين بحرية. حصة تنط تبوس أمها: زين يمه.. مشكورة مشكورة، ممكن أتصل عليها أشوفها فاضية؟؟ أمها في نفسها: فديت الذربة... : كلميها يمه ************* آذان العصر على وشك/ عبدالله خلص كلامه حكى لعبدالعزيز كل شيء حتى عن أحلامه.. وعن الرقم اشلون جابه، وعن جية جواهر اليوم لمكتبه حكى كل شيء بصراحة وبدون تلميع..... ثم قعد ساكت ينتظر رد عبدالعزيز بلهفة.. عبدالله بحذر: عبدالعزيز وش فيك ساكت؟؟ ريحني.. قول شيء يا أخوي.. عبدالعزيز بحزن: وش تبيني أقول؟؟.. برافو عليك.. يالأبو الحريص اللي خفت على عيالك من أمهم، فخطفتهم وحرقت قلبها، لا وكنت مخطط أنها تظنهم ميتين وإنها بتنسى وتتزوج؟؟ كمل عبدالعزيز بغضب: ياقو قلبك يا أخي!!! من عطاك الحق إنك ترسم مسار حياة إنسان غيرك، لا لا (عبدالعزيز باستدراك ساخر حزين): لا مو ترسمها إلا تدمرها، وتهدمها حجر حجر.. قاطعه عبدالله بحزن: مافيه داعي تبالغ، كاهي جواهر درست وكملت ولا.. دكتورة بعد.. يعني حياتها ما تدمرت مثل ما أنت تحاول تصور لي، هذا إذا كانت ماتزوجت وعندها عيال ثانين (قال الجملة الأخيرة وهو يحسها ثقيـــــــــــــــــــــلة على قلبه ولسانه، بدون مايعرف السبب).. بدون مايريحه عبدالعزيز ويوصله للمعلومة اللي هو يبي: شوف يا عبدالله، عشان نتجاوز نقطة الخلاف اللي بيننا، الشيء اللي سويته قبل 17 سنة ماله مبرر، ومستحيل يكون له يمكن أنت كان عندك أسباب، أنت شفتها مقنعة ذاك الوقت، بس مستحيل أن خطف العيال وإبعادهم عن أمهم كان هو الحل الوحيد، لازم كان فيه حلول ثانية، بس أنت فكرت في الحل اللي يريحك بكل أنانية، بينما جواهر بالقلعة.. ولا همتك..(عبدالعزيز بغضب) (كمل وهو يحاول يسيطر على أعصابه): خلنا ما نتناقش في اللي فات، لأنه مثل ماقلت لك مستحيل حد يقتنع بمبرراتك، خلنا نتناقش في اليوم، بما أنك شفت جواهر اليوم، نكون قطعنا نص المسافة، النص الثاني هو شوفتها لعيالها.. أشلون ممكن تشوفهم؟؟ وشنو الطريقة الأنسب واللي ماتأثر في نفسيتهم؟؟ تنهد عبدالله تنهيدة طويلة: أنا باقول لك....... #أنفاس_قطر# |
بعد الغياب / الجزء السادس عشر #أنفاس_قطر# جواهر تطوي سجادتها عقب ما صلت العصر بالها مشغول مع عبدالعزيز: اشفيه تأخر؟؟ وأنا اللي اليوم بالذات أبيه عشان أحكي له على المفاجأة اللي صارت اليوم.. رن تلفون البيت، نطت ترد تظنه عبدالعزيز، في الكاشف باين رقم بيت خالها: ألو.. حيالله ام فهد.. ............ بنبرة حب: هلا والله بحصوصتي، هلا بقلبي.. ........... أكيد يا قلبي، أنتي ما تستأذنين، أنتي تجين بدون أستئذان، بعدين عندي لج هدية جبتها لج قبل كم يوم ونسيت أعطيج إياها.. .............. إذا جيتي تعرفين وسكرت التلفون، ونزلت للصالة، وهي تطلب من الشغالة تسوي حليب كرك، حصة مدمنة حليب كرك.. بعد دقايق، كانت حصة تدخل مثل الإعصار العذب: شنو هديتي؟؟ شنو هديتي.. جواهر بحب: زين تعالي عطيني بوسة وسلمي الأول.. جواهر كانت قاعدة على الكنبة، جات حصة وحصنتها من ظهرها، وعطتها بوسة كبيرة على خدها: يالله هديتي.. هديتي. جواهر وهي تضحك: صدق إنكم جيل مادي.. حصة بحزن وخجل: والله ما أقصد جواهر، بس أنتي الوحيدة اللي تعرف أنا وش أحب بالضبط، وتجيبه، موب قصدي.. حصة حساسة وطيبة وشفافة بزيادة.. تحس إنك تشوف قدامك مخلوق كرستالي ماعنده أسرار أو شيء يخبيه، وفي نفس الوقت تخاف عليه أقل حركة تكسره.. جواهر بحب كبير: يا قلبي أنتي، أنا اللي ما أقصد، أمزح معاج بس.. يالله تعالي تعالي، قالتها جواهر وهي تطلع كيس من وراها. حصة: تمد يدها بخجل رجعته جواهر وراها وهي تقول: لا لا.. أبي ابتسامتي الحلوة.. أيوه كذا.. يالله خذي.. فتحت حصة الكيس بحذر وطلعت اللي فيه: واااااااااااو.. وااااااااو.. وااااااااااو... تجنننننن تجننننننن والله تجنن. ورجعت تنط على جواهر وتبوس فيها.. حصة بفرح طفولي: أنتي شنو هالذوق اللي عندك.. والله تجنن. جواهر بابتسامة صافية: الحلو للحلو.. كانت جواهر جايبه لحصة بيجامة (هالو كيتي) الكوليكشن الجديد، كانت عبارة عن بنطلون بنتاكور ماسك لنص الساق معاه تيشرت طويل لنص الفخذ واسع، ومعاها شبشب ينربط بخيوط طقم معاها، وبعد ربطة وشباصات شعر وحتى الصدرية والبانت، كله طقم واحد.. وكثير كانت جواهر تشتري هالأشياء لحصة اللي كانت تنبسط فيهم... حضنت جواهر حصة.. وهي تقول في نفسها بسعادة صافية: بكرة بأشتري لبنتي نفس هالاشياء، ولا تظنين أني خلاص ماراح أشتري لج يا حصة، بأشتري لكم ثنتينكم، كلكم بناتي.. ************* عبدالعزيز طالع من المسجد هو وعبدالله بعد ماصلوا العصر، كل واحد ركب سيارته، وتوجه في طريقه.. وكل واحد منهم غارق في تفكيره الخاص.. عبدالعزيز يفكر بأخته، وعبدالله يفكر بعياله.. عبدالعزيز يفكر في أخته وخايف عليها، عبدالله موب سهل وهذا الشيء اكتشفه من حواره الطويل معه، شخصيته قوية زيادة عن اللزوم، وأخته طيبة زيادة عن اللزوم، أشلون بتقدر عليه؟؟ بس يا سبحان الله أشلون أني ماقدرت أكرهه طول هالسنين.. معزته كانت مغروسة في قلبي غصبا عني.. سبحان الله الله يا جواهر وأخيرا بتشوفين عيالج!! كان شعور عبدالعزيز خليط من مشاعر متضاربة، خوف وفرح وقلق وتوجس، خايف على أخته، وفرحان عشانها، وحاس بشوي حزن غير مفهوم، إن أمه وأخته اللي ماكان فيه شيء شاغلها غيره بيشاركه فيها عيالها. بس الشعور الطاغي كان التوجس: وش بيصير؟؟ وش بيصير؟؟ وش بيصير؟؟ عبدالله تفكيره كان منصب على عياله، أشلون بيتقبلون الوضع، وجواهر هذي حسيتها فيها قوة شخصية غير طبيعية، أشلون بتعامل عيالي، أخاف تقسى عليهم، والله أقطعها لو قالت لحد منهم شيء.. وإلا يمكن يحبونها أكثر مني؟؟ لا لا.. شنو يحبونها أكثر مني.. 17 سنة وأنا أمهم وأبوهم، تجي تبي تاخذهم على الجاهز.. الله يستر بس، الله يستر. وإلا لو تكون متزوجة.. أشلون زوجها؟؟ (حس بكره غير طبيعي لهذا الزوج المفترض اللي يسمع رنين صوتها كل يوم) الله يأخذه زوجها، يمكن يكون ملعون جدف ويجنن عيالي.. الله يستر الله يستر.. *************** في بيت هند رفيقة نوف.. كانت هند قاعدة في غرفتها، تطقطق على النت، دق باب غرفتها، فصلت الكمبيوتر ماتبي حد يشوف أيش اللي كانت تسويه.. دخل عليها أخوها الكبير فايز الطويل الشديد الوسامة اللي بينه وبين أخته هند تشابه كبير في الشكل وفي الشخصية: هاه هنودتي، شاخبارحبيبة أخوها اليوم؟؟ هند وهي ترفع حواجبها دهشة: غريبة.. وش عندك يا فايز؟؟ موال الحب هذا مو علي جيب من الآخر.. فايز: فديت اللي فاهمني.. من الآخر الأخر: رفيقتج نوف.. هند باستغراب: وش فيها؟؟ فايز بخبث: أبيج تظبطينها لي.. هند باستفهام: أشلون أضبطها لك، مافهمت.. فايز بخبث ثعلب: خليها تحبني يالغبية، أبي أخطبها، ولو رحت لأبوها أدري أنه بيرفض، إلا لو كانت هي تحبني وجبرته يوافق. هند وهي فاهمة على أخيها الخبيث: بس نوف بعدها صغيرة، نوف أصغر مني بثلاث سنين، يعني على كل الأحوال مستحيل يوافق يخليها تتزوج قبل تخلص جامعة على الأقل، وهي الحين توها سنة أولى. فايز: أنتي بس نفذي اللي أقول.. لازم كومة الفلوس والنفوذ هذي تدخل في جيبي.. ربي ما خلقني جذاب ووسيم كذا إلا لسبب.. هند تستمع لمخطط أخوها الشيطاني، وتفكر في نفسها: وليش أنا بعد ما أضبط الرأس الكبيرة، وأكوش على كل شيء. ************** قبل المغرب بشوي مها ومنيرة متجمعين في بيت فاطمة وفي غرفتها بالتحديد فاطمة بفرح: غريبة أنكم قدرتوا تجون أول ما كلمتكم، بالعادة تنشفون ريقي من كثر الترجيات، لين تتكرمون وتجون.. منيرة: إحنا اصلا كنا طالعين لبيت خالتي، فقلت لامي وسارة خلاص نزلوني عند فاطمة شوي، وعقب عليان يجيني ويجيبني عندكم بيت خالتي.. مها بعيارة: سعود اليوم لو قلت له أبي المريخ بيوديني، كيف لو قلت له بأروح بيت فاطمة؟؟ فاطمة بدهشة: وليه عسى ماشر؟؟ لا يكون مريض؟؟ مو عوايده الأخ.. مها بغموض: جايتش في الحكي بس مهوب الحين، بعدين وجهت كلامها لمنيرة بعيارة: أشلونه حبيب القلب؟؟ منيرة بزعل: لحول مها، خلي يومس يعدي، قدام أدبغس.. مها وهي تضحك: الدبغة الهينة.. إبلعي العافية أحسن لش، لا أقوم أقعد فوقش، أخليش تزوعين غداش.. فاطمة بجدية: لا جد مناري إنتي لمتى بتظلين على هالحال، سالم ريلج، يعني مو خطيبج عشان تتدلعين.. منيرة بغضب: لحول أنتي الثانية.. لو أدري إنكم بتستلموني كان رحت مع أمي أحسن، أنا طقيت من بيت خالتي عشان ما حد يكلمني في ذا الموضوع ، جيتوني أنتو.. أمحق خويات.. مها بحب: فديت قلبش مايصير اللي تسوينه في روحش، والله أخرتها بتستخفين، قولي لأبيش وإلا أخيش يقولون له أنش منتي بداخلة بيته، خله يبيعه ويشتري لش غيره، وهو ماعليه قاصر ماشاء الله منيرة بحزن: استحي أولا، وبعدين هو مستحيل يسويها لا عشاني ولا عشان غيري، ارتباطه في بيته غريب.. فاطمة: وش حببه في بيت الرعب هذا؟؟ منيرة بحزن وخوف: وهذا اللي مخوفني أكثر، مو البيت بس، سالم شخصيا أحسه مجنون ويخوف.. مها بنفي: لا عاد حرام عليش، سالم رفيق أخي محمد، ومحيميد يمدحه مدح العزاير، يقول أنه رجال مافيه منه اثنين.. منيرة بحزن: يعني أنتي تشوفين اللي يسويه تصرفات إنسان طبيعي، مصر أنه يسكن في نفس البيت اللي أهله ماتوا محترقين فيه، لا وغرفتهم بعدها محترقة، مارضى أنه حتى يصلحها.. عقبه منيرة ما أستحملت وبدت تبكي، مها وفاطمة تقطع قلبهم عليها.. بس ماعندهم كلام يقولونه، أيش يقولون أنه هذي فعلا تصرفات واحد مجنون.. حكاية سالم لما كان عمر سالم ست سنين، كانت جدته أم أبوه جاية تزورهم، لما جات ترجع بيتها، أصر سالم يروح معها، فقالت خلوه يروح ينام عندي وبكرة بأجيبه لكم.. في الليل كانت أم سالم مشغلة الدفاية عشان إذا قامت تبدل لولدها اللي عمره 5 شهور يكون الجو دافي شوي، بس قدر الله نفذ، احترقت غرفة أبوه وأمه، فماتوا الله يرحمهم هم وأخوه الصغير وأخته اللي كان عمرها 3 سنين، كانوا كلهم مع أمهم وأبوهم في نفس الغرفة. والبيت ما أحترق فيه إلا هذي الغرفة بس. طبعا هم ماخلوه يرجع البيت، وعمه خذه عنده، البيت ماحد جاه عقب اللي صار، لأن أبوعلي كان مايقدر يستحمل يرجع البيت أو يشوفه عقب ماشال أخوه محترق منه. سالم ماعرف هله وش صار لهم إلا لما صار عمره 15 سنة، كان يبي يعرف ليه كل ماسأل هله أشلون ماتوا، الكل يرتبك.. هرب وصار يتوصف الناس من البيت لين دله.. وليته مادله ************* في بيت جواهر كانت جواهر في غرفتها مع حصة، انطق الباب ، عدلت حصة حجابها على راسها.. تأشر لها جواهر أنه أنا بأطلع خليج براحتج.. لأنها عرفت إن اللي يدق عبدالعزيز.. طلعت جواهر لعبدالعزيز اللي كان واقف في الصالة اللي فوق، عبدالعزيز حس إنها متغيره، عيونها فيها لمعة غريبة، وهي حست أنه متغير، في قلبه اضطراب غريب.. بدون كلام.. بالخيط الرفيع الممدود بينهم.. بالصلة القوية اللي تربط بينهم.. جواهر رمت نفسها في حضن عبدالعزيز، وبكت.. عبدالعزيز يلمها بحنان، ودمعته في عينه ويحاول يمنعها تنزل: قبل 3 أيام بكيتي في حضني تبين عيالج، الحين ليش تبكين؟؟ ما تبينهم؟؟ عبدالعزيز بمزح لطيف شفاف.. جواهر بصوت باكي: متوترة متوترة يا قلب أختك.. وانت أكثر واحد فاهم الأسباب، لأنك تفهمني بدون كلام.. عبدالعزيز بحنانه البالغ: فاهمج ياقلب أخوج، والله فاهمج، بس خلاص هالدموع مالها سبب، أنتي بتشوفين نوف وعبدالعزيز، بكرة بعد المغرب.. جواهر وهي حاسة أنه الخبر مثل قنبلة ذرية تفجرت في قلبها وانتشرت في كل جسمها، عشان تنثرها أشلاء: شــــــــــــــنو؟؟ مــــــــــــــتــــــــــى؟؟؟؟؟ #أنفاس_قطر# بعد الغياب/ الجزء السابع عشر #أنفاس_قطر# قبل حوالي 11 سنة في بيت أبو علي المكان مقلوب، الكل يدور على سالم اللي اختفى من البارح عقب رجعته من المدرسة، ولا حد يعرف وين راح.. والحين صار الوقت عقب صلاة العصر. جدته أم مبارك بتستخف (مبارك أبو سالم) واقفة في الحوش بعصاها وتدور : جيبو لي وليدي، ماني بداخلة لين تجيبون لي سالم.. ياحسرة قلبي، أبوه راح مني، والولد بيروح.. أبو علي بقلق وحزن: يمه أذكري الله.. أذكري الله.. أمه بعصبية وحزن قاتل: جيب لي سالم يا فالح، قدام أطلع أدوره بروحي في الشوارع. أبو علي بقلق وهو يكذب عليها يبي يهديها: بنلاقيه يمه وين بيروح.. أكيد عند حد من ربعه وعلى وصول.. سيارة جارهم أبوفاضل اللي كان يدور معهم على سالم توقف قدام باب حوش البيت المفتوح، ويوم لمح حرمة واقفة مع أبو علي، ضرب هرن لأبو علي، اللي طلع عليه، وقال له بلهفة: عرفت شيء يا بو فاضل؟؟ بوفاضل بلهفة غامضة: اركب اركب يا بوعلي.. وكمل أبو فاضل عقب ماركب ابو علي جنبه: فيه واحد قال لي إن سالم كان يتوصف من مكان بيت هله.. أبو علي مثل اللي لسعه كهرباء: وشو؟؟ وش تقول؟؟ يالله سترك يالله سترك..كن الولد راح هناك وقاعد هناك من البارحة ، عز الله أنه استخف.. وصل أبو علي وأبو فاضل للبيت، ولقوا الباب الخارجي مفتوح، وأبو علي مو قادر يدخل، يتذكر المنظر البشع اللي شافه أخر مرة دخل هالبيت: تكفى يابو فاضل تكفى، أنا ما اقدر أدخل، أدخل وشوف لو الولد داخل طلعه، طالبك ما تخليه.. أبو فاضل دخل وهو متوتر، البيت كبير جدا، دور في غرف الطابق السفلي، وصالاته، مالقى حد، طلع الدور الثاني، يسحب رجله على الدرج، دور في كل الغرف، وهو يتجنب الغرفة اللي شايف بابها المفتوح جزئيا محترق ومتآكل.. بس مالقى حد، سمى باسم الله ودخل للغرفة المحترقة.. تمنى الأرض تبلعه ولا شاف المنظر اللي شافه ************** في بيت جواهر جواهر بعدها مو قادرة تستوعب اللي قاله لها عبدالعزيز: شنو؟؟ ايش؟؟ بكرة؟؟ تتكلم جد.. أشلون وافق عبدالله بهالسرعة؟؟ أنا توقعت أنه بيماطل في الموضوع.. عبدالعزيز بهدوء: هذا كان اقتراحه.. جواهر بصدمة: غريبة.. أشلون؟؟ عبدالعزيز: عبدالله قال لي، أنه الليلة بيقول الخبر لعياله، هذا أولا.. ثانيا: هو عنده يوم الأحد الجاي اجتماع في القاهرة، مع المدراء الأقليمين للبنك في كل منطقة الشرق الاوسط، عشان يتعرف عليه، والبنك مسوي احتفال كبير بهذي المناسبة يوم السبت في القاهرة وهو بيجلس هناك 3 أيام ثم بيرجع، بيسافر يوم الجمعة بالليل، ويرجع يوم الاثنين بالليل، ويبينا نروح نقعد عند العيال لين يرجع.. جواهر وهي تحاول تحلل اللي يقوله عبدالعزيز: نقعد عندهم؟؟ وعقب؟؟ أنا أبي عيالي عندي يا عبدالعزيز، كفاية عليه الـ17سنة اللي هو خذهم.. عبدالعزيز بهدوء وحب: ياقلبي يا جواهر هذا كلام سابق لآوانه، لا تنسين العيال 17 سنة ما يعرفون إلا أبوهم تجين تبين تأخذينهم منه، تحذري يا جواهر.. كوني حذرة في كل خطوة.. لا تنقلب عليج السالفة.. جواهر بقلق: محتارة عبدالعزيز والله محتارة.. ما أدري وش أسوي أخاف ما يتقبلوني.. عبدالعزيز بمرح: عندج الليلة ترسمين استراتيجيتج الحربية، وعقب تجهزي أنه نجلس عندهم 3 أيام.. جواهر بصدمة وهي توها تستوعب: تبيني أقعد في بيته؟؟ لا لا.. خل عيالي هم اللي يجوني.. لا وأنام تحت نفس السقف اللي هو ينام تحته.. مســـــتحــــــــــيــــــــــــل عبدالعزيز بهدوء: يا قلبي يا جواهر، لا تعندين مثل الصغار.. أنتي عارفة أنه هذا عشان مصلحة عيالج.. يعني تبينهم يشوفونج في مكانهم اللي هم متعودين عليه؟؟؟ وإلا يشوفون أم غريبة عليهم في مكان غريب عليهم؟؟ جواهر بحيرة: زين عبدالعزيز خلني أفكر خلني أفكر، المهم أشوف عيالي حتى لو في الصومال.. عبدالعزيز وهو يضحك: لا مافيه داعي نروح الصومال، وترا بيته موب بعيد من هنا، الحين خليني أروح أصلي المغرب.. وقولي لحصة اللي مسوية روحها مستحية وقاعدة تطل مع فتحة الباب: من متى هالحيا؟؟ يعني إنها كبرت، وخليها تسلم لي على نورة.. وهو يضحك.. ****************** فاطمة ومها ومنيرة بعد ما صلوا المغرب، ومنيرة هدت شوي بعد موال الدموع اللي ريحها شوي وقالت منيرة بعيارة فيها حزن: الله يرحمها أم سالم، ليتها ما أرضعت أختي سارة، وصارت أخت سالم، كان سارة الحين اللي مبتلشة فيه، بس على قولة سارة: (الله رمى حظي معاك) اللهم لا اعتراض.. فاطمة باستفسار: إلا أنتي كم كان عمرج، لما ماتوا أهل سالم؟؟ منيرة بهدوء: كانت أمي حامل فيني.. مها وهي تحاول تغير الأجواء وتوصل للسالفة اللي هي تبيها، بس مو قادرة تطلع من لسانها: خلونا نغير السالفة، كلنا الحين عندنا رياييل على قولة فاطمة، إلا فاطمة.. المفروض ندور لها معرس.. فاطمة بمرح: إيه والله تكفين.. يدي على كتفج.. مها بمرح خبيث: تنقي واحد من أخواننا، حاضرين..أنتي صرتي تعرفينهم من كثر ما حنا نتكلم عنهم.. منيرة وهي تضحك: إيه تكفين إخذي عليان الدب خليه يصدعس.. فاطمة وهي تضحك: لا لا.. علي أصغر مني بسنتين، ما أبيه.. شأسوي به؟؟ أخذه أربيه.. مها وهي خلاص بتوصل: زين محمد وإلا سعود؟؟ وشدت على اسم سعود وهي تقوله.. فاطمة مسوية حالها تفكر: أمممممم محمد على قولتج يا مها خريش، وفالها 24 ساعة.. شنو يعني أقعد أدور له في الشوارع.... وسعود؟؟ لا لا.. حبيبتي ماني بايعة عمري.. مها بحزن حاولت تخبيه: ليه أشفيه سعود؟؟ والله أنه رجّال مامثله.. فاطمة وهي تضحك: والله خوش ريال وحلو وطوله يجنن.. بس ماني بايعة عمري، خليني عند أمي.. مها فجرت القنبلة لانها حبت خلاص تخلص من الموضوع اللي هي في الأساس ما كانت مقتنعة فيه: فاطمة، أنا أتكلم جد، سعود طلب مني أسألش لو كنتي توافقين عليه.. فاطمة ومنيرة قعدوا يطالعون في مها ..وهم مو مستوعبين هي وش قالت.. ********************** دخل أبو فاضل الغرفة المحترقة وهو متوتر.. يتلفت يمين يسار، شاف منظر تمنى أنه مات ولا شافه.. سالم قاعد في الزاوية حاضن ملابس محترقة وضام رجوله لصدره.. أبو فاضل قرب منه بهدوء، ومو شبه متأكد أنه الولد أكيد تجنن، ولد صغير عمره 15 سنة يقضي الليل في مكان ماتوا فيه أهله محترقين لا والبيت بدون كهرباء، يعني قضا الليل في ظلام دامس.. وعقب خاف أبو فاضل أنه يكلم الولد بروحه، يهرب أو يرمي نفسه من الشباك.. فنزل لأبو علي وسحبه، أبو علي اللي كان بيموت وهو يدخل يسحب نفسه ويتذكر نسى كل شيء وكان بيجن لما شاف ابن أخوه على هالحالة نزل عليه بالراحة وهو يهزه بشويش: سالم سالم، قم يا أبوك خلنا نروح البيت.. سالم رفع رأسه بهدوء وألتفت لعمه بهدوء وتكلم بهدوء وهو يطالع عمه بعيون ميتة: مالك لوا.. أنا في بيتي وبأقعد فيه.. عمه وهو يعتقد أن كلام سالم من تاثير الصدمة: زين يا أبوك جدتك ورانا بتستخف عليك.. أراحك معنا لها، طمنها عليك.. وعقب بكيفك.. راح معهم سالم.. واللي في رأسه في رأسه، بعد ماسلم على جدته، راح جمع ملابسه، وراح لبيت هله بدون مايقول لاحد.. صار عمه كل ما يرجعه، يروح، لما تعبوا منه ومن عناده، جدته راحت سكنت معه في بيت هله بعد ما جددوا البيت كامل إلا الغرفة المحترقة اللي مارضى سالم يخلي حد يقربها و رغم إن أم مبارك كانت حالفة ما تدخل بيت أبو سالم عقبه، بس ماقدرت تخلي سالم بروحه.. وظلت ساكنة مع سالم لحد ما توفت من سنة.. سالم بعد ما خلص الثانوية، قرر إنه يستلم حلال أبوه..وصار رجل أعمال ناجح، لكن في نظر منيرة مجنووووووون.. ومخيف.. ومرعب.. وما تنلام..... ماكانت تبيه.. ولا تبي سيرته.. لكنها استحت من أبوها اللي كان يترجى فيها.. أملها الوحيد في الحياة أنه سالم يطلقها قبل زواجهم. **************** في بيت عبدالله بعد العشاء، كانوا جالسين في الصالة الخاصة بأبوهم والتابعة لغرفته: نوف جالسة لاصقة في أبوها مثل عوايدها.. عبدالعزيز جالس على كنبة ثانية، ويلعب في موبايله.. تنحنح عبدالله اللي من رجعته للبيت بعد ماشاف عبدالعزيز خال العيال، وهو متوتر.. مو عارف أشلون يفتح الموضوع للعيال: نوف عبدالعزيز.. أبيكم في موضوع.. عبدالعزيز نزل موبايله جنبه، ونوف ركزت مع أبوها اللي هي حاسة أنه له كم يوم متغير.. عبدالله سألهم بهدوء: عمركم تمنيتوا يكون لكم أم..؟؟ عبدالعزيز بهدوء فيه رنة حزن ماحد لاحظها: أكيد كل واحد يتيم يتمنى لو كان عنده أم.. نوف راح تفكيرها بعيد بعيد بغضب مجنون نطت وهي تبكي: تبي تتزوج يبه.. تبي تتزوج..؟؟ ماسويتها واحنا صغار تسويها الحين، وش الأم اللي نبيها عقب ماصرنا شباب؟؟ أنا كنت حاسة حاسة، قلبي كان يقول لي إنك فيك شيء..وإنك متغير صار لك كم يوم.. عبدالله ضحك وهو يحضن بنته: إجلسي يا المجنونة، حد جاب طاري زواج.. نوف خذت نفس ..وقالت بفرح مختلط بدموعها: صج يبه؟؟ صج؟ وعبدالعزيز قاعد يطالع اللي يصير قدامه كانه يشوف مشهد في التلفزيون ماله علاقة فيه: طيب يبه قل لنا: أنت وش تبي تقول بدون مقدمات طال عمرك.. ؟؟ قالها باحترام وهدوء خذ عبدالله نفس عميق وقال في كلمة وحدة مثل اللي يرمي قنبلة: أمكم.. نوف وعبدالعزيز باستغراب ودهشة: وش فيها أمنا الله يرحمها؟؟ #أنفاس_قطر# |
اقتباس:
تسلمين ياقلبي واتمنى من كل قلبي تكونين متبعة لي القصة ومع كل بااارت شوفي اليوم نزلة لكم الى غاية ماوصلت الكاتبة بس لاتردوني خايبه ابغي تفعالكم وكل كلمج شوفي اليوم وشوفيعبد الله وش صااار فيه بعد ماعرف جواهر خخخخخخخخخخ تسلمين على المرور ياقلبي |
اقتباس:
هلا والله بي احلى ام لولو في الدنيااا >>>خليني اقهر بو لو لو خخخخخخخخخخ تسلمين ياقلبي ويالله وريني ابداعج في التعليق لانج وصلتي الى اخر جز خلنا نشوف ردودج العسل ياااعسل مذهلة |
بعد الغياب: الجزء الثامن عشر #أنفاس_قطر# منيرة وفاطمة قاعدين يطالعون في مها صار لهم عشر دقايق وهم ساكتين.. مها وهي خلاص وصلت حدها: والله أني قلت لها يصرف نظر، بس هو أصر.. فاطمة اللي أخيرا تكلمت بعد الصمت الطويل: أصر علي؟؟ مها: إيه عليش أجل على جدتي.. فاطمة باستفهام: ليه أصر علي؟؟ مها بنفاذ صبر: وش دراني، أقول له يصرف نظر؟؟ ونخلص من ذا السالفة؟؟ وعلى فكرة، لا تظنين ذا الشيء له تأثير على صداقتنا، أنا أصلا كنت متأكدة من رفضش، بس حبيت أبري ذمتي.. فاطمة مثل اللي يلقي قنبلة: ومن قال لج إني رفضت؟؟ أنتي تألفين كلام على لساني.. مها: يالعيارة.. مهوب أنتي توش تقولين، ليه أنا بايعة عمري أخذ سعود؟؟ فاطمة بلهجة جدية: هذاك الوقت كنا نمزح، بس لو أنتي تكلمين جد.. لازم أنا أفكر جد.. مها بجدية: جد الجد.. هو فيه شيء يتعلق بسعود مهوب جد.. فاطمة بدلال: زين أنا خليني أفكر، وهو إسأليه ليش هو مصر علي، وردي لي خبر، وعقب أنا أجاوبج.. مها وروح العيارة ترجع لها : ياشين الدلع عليش يالعنز، لا وتبين تأخذين أخي، وتجين بملاغتش عندنا في بيتنا، تبينا نهج ونخلي البيت لش، وإلا أقول.. خلاص.. هونا من الخطبة.. ******************** في بيت عبدالله عبدالعزيز ونوف: وش فيها أمنا الله يرحمها؟؟ عبدالله بلهجة جدية: المشكلة إنه الله مابعد رحمها.. عبدالعزيز نط واقف وبلهجة غضب: وش هالكلام يبه؟؟ الميت مايجوز عليه إلا الرحمة.. أبوه بلهجة هادئه وهو يأشر له يجلس: هذا أنت قلتها، الميت.. الميت.. وأمكم بعدها حية ما ماتت.. عبدالعزيز ونوف اللي أنصدموا صدمة عمرهم: شنو يبه ؟؟شنو؟؟ ********************* جواهر راحت مع حصة لبيت خالها عشان جمعتهم الأسبوعية شمسة زوجة فهد(بنت خاله)، والعنود زوجة طلال، وموزة ،وعيالهم ،ونورة، وأم فهد، وحصة الكل كانوا يسولفون ومبسوطين بجوهم الأسري الحميم لكن جواهر كانت في وادي.. والعالم كله في وادي.. حاسة أحيانا إنها طايرة، واحيانا إنها تحت الأرض، متخوفة ومتوترة بس الأهم إنها شفقانة ومشتاقة وبتموت من اللهفة.. واخيرا يا جواهر أخيرا بتشوفين نوف وعبدالعزيز وتضمينهم لصدرج.. الموجودين كلهم كانوا حاسين إنها متغيرة، إسألوها ، قالت مافيه شيء كانت ماتبي تقول لأحد لين تشوف عيالها وبسبب شدة توترها، وإحساسها إنها مو قادرة تتفاعل مع الموجودين.. أستاذنت على طول بعد العشاء رغم أنهم كلهم مسكوا فيها تسهر معاهم وخصوصا حصة، بس هي تعذرت بالتعب، وراحت لبيتها ************* عبدالعزيز بهدوء قلق: أشلون أمنا حية يبه؟؟ هذا فيلم عربي قديم وإلا شيء؟؟ نوف اللي قامت وجلست جنب أخوها عشان تواجه أبوها في الجلسة قالت بتخوف: يبه لا تكون تبي تتزوج ؟وتبي تقص علينا وتقول أنه زوجتك أمنا؟؟ عبدالله وهو يضحك: أختك هذي اللي مخها فيلم قديم.. وش هالهبال يا بنتي الله يهداج.... وبعدين كمل بهدوء وهو مبتسم: أنتي تعرفين اسم أمج صح؟؟ مكتوب في شهادة ميلادج اسمها الخماسي.. لا جات أمج بكرة خذي بطاقتها وقارني الاسمين عشان يتطمن قلبج.. نوف وعبدالعزيز لحد الحين مو قادرين يستوعبون.. شنو هالفيلم .. أم تطلع بعد 17 سنة.. لا وبتجيهم بكرة.. كان عبدالعزيز اللي بدأ بالكلام بأسلوبه المهذب الهادئ: عفوا يبه: بس أمنا وين كانت طول هالـ17 سنة، وانت ليش قلت لنا إنها ماتت؟؟ نوف مثل المصدومة، اللي لمعت في رأسها فكرة: يبه أمنا كانت مسجونة وتوها طلعت من السجن؟؟؟ عبدالله وهو ميت من الضحك رغم توتره: يا ابنتي انتي اشفيج الليلة متأثرة بالأفلام، لا أمج ما كانت مسجونة.. وكمل عبدالله بلهجة فخر خفيفة طلعت غصبا عنه: أمج دكتورة في الجامعة، في جامعتج.. نوف بحزن واستغراب: معاي في الجامعة ولا أدري عنها، وليش كانت مختفية طول هالسنين، وليش خلتنا.. فيه أم ترمي عيالها وعقب ترجع تدور عليهم عقب 17 سنة.. عبدالله هنا حس بعمق الجريمة اللي ارتكبها: أمكم ما تركتكم بكيفها، كان فيه ظروف... وإحنا صار بيننا طلاق.. قاطعه عبدالعزيز بغضب: أي ظروف تخلي أم تترك عيالها؟؟ لا طلاق ولا غيره.. وش هالقلب اللي عندها، وجاية تدورنا عقب ماصرنا شباب، قل لها خلاص مهمتها انتهت.. خلها تكمل حياتها اللي كانت عايشتها ومستمتعة فيها ولا سائلة عنا.. عبدالله صار بين نارين: يبه عبدالعزيز، الحين أنا ما أقدر أشرح لكم الأسباب بالتفصيل، بس اللي أقدر أقوله أن الذنب كله ذنبي، وأمكم مالها ذنب.. نوف بغضب: لا يبه لا تحمل نفسك مسؤولية شيء أنت ماسويته.. لا تغطي على تركها لنا.. قل لها أنه إحنا ما نبي نشوفها.. على قولة عبدالعزيز خلها بحياتها السعيدة اللي هي عايشتها بعد ما تركتنا نعيش أيتام نتحسر على شوفة الأطفال مع أمهاتهم واحنا عندنا ام ما درت عنا.... هنا نوف بكت وارتمت على صدر أخوها عبدالعزيز يأكد على كلام أخته وهو يضمها لصدره: قل لها الأم اللي عافتنا صغار جاء دورنا نعيفها كبار..بلهجة قاسية.. عبدالله حس إنه ضعيف قدام عياله، ممكن يستحمل أي شيء إلا أنهم يكرهونه أو حتي يزعلون زعلة كبيرة عليه.. حس خلاص إنه مو قادر يكمل، بصوت متعب: خلاص يا عيال.... كل واحد منكم يروح لغرفته..... بنتكلم بعدين.. نوف وعبدالعزيز طلعوا مع بعض وبداخلهم مشاعر متضاربة غضب وحزن وفضول غضب من أمهم لأنها تركتهم بظنهم طول هالسنين وحزن أنهم عاشوا أيتام مع أنه عندهم أم وفضول أنهم يعرفون هالأم.. بس هيهات يضعفون أو يتراجعون... ***************** جواهر بعد مارجعت من بيت خالها، لقت عبدالعزيز جالس في الصالة يتابع برنامج على قناة الرسالة سلمت وجلست، التفت عليها عبدالعزيز بعد ماقصر صوت التلفزيون.. وقال لها بمودة: أعتقد الحين أقدر أقول لك يا أم عبدالعزيز.. جواهر بسعادة وبحب: تقدر يا قلبي تقدر.. عبدالعزيز: هاه شنو استعدادتج لبكرة؟؟ جواهر بقلق: متوترة.. متوترة ..متوترة.. عبدالعزيز بهدوء وثقة: أنتي ما ينخاف عليج.. جواهر خطر ببالها خاطر، سألت عبدالعزيز بحذر: إلا عبدالله قال لك عن السبب اللي خلاه يأخذ العيال ويهرب فيهم بهالطريقة؟؟؟ أطلق عبدالعزيز تنهيدة طويلة: إيه قال لي.. جواهر بغضب: قل قوله آمين... وانت عسى اقتنعت بخرابيطه عبدالعزيز بعتب: لا تدعين يا جواهر.. وثاني شيء طبعا ما اقتنعت ولا راح اقتنع.. بس هو كان مقتنع باللي سواه..تدرين أنه كان مفكرج لا تقرين ولا تكتبين، عشان كذا خاف على عياله منج..ومن جهلج.. جواهر بدهشة وغضب: أنا ؟؟ عبدالعزيز وهو مبتسم: إيه أنتي، لا وكان يبيج تتزوجين وتنبسطين.. وحكى عبدالعزيز السالفة كلها لجواهر مثل ماسمعها من عبدالله بالضبط.. ************ عبدالله كان متمدد على سريره، الهم راكبه من ساسه لرأسه، حاس إن ساعة حسابه على الجريمة اللي ارتكبها بحق جواهر جات خلاص.. ياربي وهالسفرة اللي جات في هالوقت.. أيش اللي ممكن يصير وأنا غايب ياربي؟؟ آآآآآآآآآه يارب سامحني يارب إني ماقدرت أقول لعيالي الحقيقة؟؟ وش أقول؟؟ وش أقول؟؟؟ أني خطفتكم من أمكم وحرقت قلبها عليكم؟؟؟ إني كنت أناني ولا همني إلا نفسي؟؟ بس والله أني سويت كل هذا عشانهم؟؟ كنت مفكر إن هذا هو الأصلح لهم.. ياربي.. ذكره الهم هذا بالهم اللي كان يعانيه أخر أيام زواجه من جواهر بس الهم هذا غير.. غير.. الهم هذا حاد وقاسي ومليان خوف.. هالمرة هو مو خايف على عياله مثل ذيك المرة هالمرة خايف من عياله، لو عرفوا الحقيقة؟؟ أشلون تصرفهم معه. وقف عبدالله وقعد يدور في الغرفة محتار ومهموم ومو عارف أشلون يتصرف: الحين بكرة وجواهر وأخوها بيجون هنا، المسكينة أشلون العيال بيقابلونها؟؟ يعني خذت العيال منها 17 سنة، ويوم تجي تشوفهم، تشوفهم حاقدين عليها وهي ماسوت شيء، والذنب كله ذنبي بروحي.. وعبدالله وهو يكلم نفسه طاحت عينه على موبايله اللي منزل جنب سريره.. فكر دقيقة.. راح جلس على سريره، وخذ الموبايل، ودق على رقم معين وقتها عبدالعزيز كان خلص من سرد السالفة لجواهر، اللي كانت مفولة على عبدالله لأخر حد: يعني شين وقوات عين، خطف عيالي ويبي يسوي نفسه بطل وشهم، وسوى كذا عشاني وعشان عيالي، صدق ما يستحي، بس لاجا العيب من أهل العيب مايكون عيب.. الشكوى لله.. ودخلت غرفتها وهي تحلطم عليه وغسلت ولبست بيجامتها وتمددت على سريرها وهي تتحلطم عليه كان نفسها يكون قدامها عشان تفش غلها فيها، وتخنقه وتضربه.. المهم تفش خلقها وبس.. وهي تفكر هالتفكير، رن موبايلها، قالت في نفسها: أكيد نجلاء، هذا وقتها. شالت الموبايل، الرقم المميز إياه، شالته بسرعة وهي تقول لنفسها: كاهو جاني بروحه، ربي ماهان عليه أنام وأنا مابردت حرتي فيه، بس صدق وش يبي قليل الأدب هذا متصل؟؟ جواهر بحدة: نعم.. مافيه ذوق صراحة.. أي حق عطيته لنفسك الليلة عشان تتصل علي؟ عبدالله اللي كان أصلا منحرج من الاتصال، لقى في حدتها دافع خلاه يسيطر على زمام الأمور، ورد عليها ببرود: أنتي ما تعرفين شيء اسمه فن محادثة الناس بأدب؟؟ لو تبين كورس عطيتج؟؟ جواهر ببرود: أولا الادب مع اللي يستاهل الأدب، ثانيا: لو على فرض إني احتجت دروس في الأدب، اكيد ماراح تكون على يد واحد ماعنده أخلاق أصلا، عشان يكون عنده أدب.. عبدالله بنفس برودها وهو حاس إنه بينفجر: الظاهر إني كنت على حق يوم خذت عيالي، شنو بتعلمينهم؟؟ قلة الأدب يا دكتورة.. جواهر بهدوءها المشتعل: إذا ماكنت أنت خلاص ربيتهم على إنعدام المشاعر والكذب والخيانة والخسة الصفات الرفيعة اللي حضرتك أكبر خبير فيها، تكون قلة الأدب خلاص تحصيل حاصل.. عبدالله وهو حاس إنه بينفجر منها.. بس مسيطر على أعصابه لأخر حد.. لأنه مستمتع بسماع صوتها: الظاهر إنج محتاجة حد يربيج من جديد.. جواهر وهي تمثل البرود.. مع إنها من قد ماهي معصبة صارت تدور في الغرفة.. مو قادرة تجلس: أنا متربية من قبل أعرفك.. عبدالله بهدوء: أنا تزوجتج فترة بسيطة ماكانت كافية أأدبج، بس العتب يكون على الأخ اللي انتي متزوجته الحين لأنه فشل يسوي كنترول على لسانج اللي متبري منج. (سأل هالسؤال وكأنه غير مهتم، مع أنه بيموت ويعرف لو هي متزوجة أو لا، كل ما يسمع صوتها أكثر، كل ما يزيد تولعه بهالصوت، ولو هي مره متزوجة المفروض أنه هو اللي يسوي على نفسه كنترول) جواهر ببرود: أنتي يعني مكلمني هالوقت عشان تسبني وبس؟؟ عبدالله وهو حاس بخيبة أمل أنها ماجاوبت على سؤاله: لا طبعا.. ليش معتقدة أنه لج هالأهمية، أضيع وقتي عشان أسبج؟؟ .... أنا متصل عشان نوف وعبدالعزيز.. جواهر غصبا عنها أطلقت تنهيدة طويلة مشبعة حب وحنان لما سمعت أسماء عيالها وهو حس إن كل خلية في جسده ذابت مع هالتنهيدة... وبلم ماعرف شيقول جواهر توها انتبهت لروحها حست بحرج كبير، تنحنحت وقالت: وش فيهم نوف وعبدالعزيز؟؟ هو بدوره سيطر على أعصابه.. وقال بهدوء وهو يلقي الخبر القنبلة: يظنون إنج أنتي اللي تركتيهم ومايبون يشوفونج.. جواهر حست إنها مثل اللي انطعنت في عمق قلبها، وقالت بصوت مشبع بالحزن: أنا تركتهم؟؟ ومايبون يشوفوني؟؟ عبدالله حس إن نبرة الحزن بصوتها تذبحه، ماقدر يتكلم، كان برودها وتحديها له هو اللي يعطيه دافع يرد عليها، بس الحزن في صوتها خلاه يحس نفسه صغير صغير، فسكت.. جواهر بذات النبرة الحزينة: ليش عبدالله؟؟ حرام عليك والله حرام عليك.. عبدالله حس إنه خلاص موقادر يستحمل.. وهي تنطق اسمه بهالطريقة اللي كلها يأس وحزن رد عليها بحزن: سامحيني جواهر سامحيني، والله العظيم أني حاولت، ورب الكعبة إني حاولت أقول لهم، بس لما شفت أشلون عصبوا، خفت جواهر، خفت.. أنتي ماتدرين وش كثر أحب عيالي.. أنا أموت والله أموت ولا يكرهوني، أو يحتقرونني وش تبين أقول لهم: أني خطفتهم من أمهم.. يعني أجيب لهم أمهم، وأبعد عنهم أبوهم.. أنتي قولي لي شأسوي.. قولي لي.. جواهر كانت ساكتة تسمعه، وهي تحس كل كلمة تطعن قلبها ألف طعنة، حاولت تسيطر على نفسها، بس ما قدرت، كل اللي قدرت عليه أنه صوتها خرج هادئ فيه بحة من يحاول أن يمنع نفسه من البكاء: عبدالله اتق الله.. خاف ربك، خطفت عيالي مني 17 سنة وحرمتني منهم.. عشت حياتي كلها على أمل رجعتهم، تعذبت عذاب ماشافه إنسان، ويوم حسيت خلاص أني بأفرح وأشوف عيالي، حتى فرحتي بشوفة عيالي استكثرتها علي، إلا تخربها علي، خاف ربك، خاف ربك، أشلون تبيني أشوفهم وأنت خليتهم هم يظنون أني أنا اللي تركتهم، لا ومايبون يشوفوني بعد.. ( وكملت بعصبية) أنا عمري ما شفت واحد نذل وخسيس وأناني مثلك.. عبدالله بحزن وعصبية مماثلة:رجعنا لقلة الأدب.. المهم شوفي جواهر أنا مسافر بكرة وما اقدر أأجل سفري، لو تحبين تأجلين شوفتهم لحد ما أرجع، يمكن وقتها أكون فكرت وتشجعت أقول لهم.. جواهر بغضب: وأنا بقعد طول عمري أنتظر يصحا ضميرك الميت، لا عبدالله.. أنا بكرة بأشوف عيالي، يعني باشوفهم.. مايبون يشوفوني، مايبوني، مايهمني، المهم أنا أشوفهم.. عبدالله وهو يطلق تنهيدة: مثل ما تبين، أنا بس بغيت أقول لج عشان ما تنصدمين من ردة فعلهم بكرة.. جواهر بعد ما سيطرت على نفسها... وببرودها اللي يجننه: لا.. صراحة ما قصرت، ماقصرت.. وش هالرجولة والشهامة كلها، بعد ماذبحت الشاة جاي تسلخها.. عبدالله بنفس برودها: ياجواهر لا تستفزيني، أنتي منتي قدي.. جواهر بذات البرود المشتعل: أعلى مافي خيلك اركبه، واللي ما تطوله بيدك طوله برجلك، يعني وش بتسوي أكثر من اللي سويته، أنا ماعدت طفلة يا عبدالله، أنا الحين مره لها شخصية مستقلة، لا تقدر تفرض علي شيء، ولا تأخذ مني أكثر من اللي أنت خذيته.. وأعتقد إن المكالمة هذي انتهت، مع السلامة.. عبدالله ببرود غاضب: أعتقد أني أنا اللي متصل وأنا اللي أنهي الاتصال، مو أنتي.. كان رد جواهر عليه: إنها أنهت الاتصال.. عبدالله حس إنه ولع من الغضب، حس أنه فيه دخان يطلع من أذنه من العصبية: هذي وش مفكره نفسها، عمري ماحد خلا أعصابي تفلت مثلها، بس أنا أوريها شغلها، أوريها شغلها.. كان فيه موال مجنون من موواويله ينرسم في مخه، مسك موبايله وسوى إتصال ثاني، كان فيه شيء يبي يتأكد منه، وعلى ضوء تأكده، بيكون المخطط اللي هو يرسمه.. #أنفاس_قطر# بعد الغياب/ الجزء التاسع عشر #أنفاس_قطر# الساعة 10 نص بالليل مها واختها الجازي جالسين في الصالة اللي تحت يتابعون فيلم على mbc2... وأمهم راحت تنام محمد مستحيل يرجع قبل ما يفطر هو ربعه في مطعم بيروت، بما أنه بكره الجمعة.. وسعود؟؟ سعود كان يدخل لحظتها عليهم.. سلم عليهم.. وجلس بهدوء خلع غترته وبين من تحتها شعر رأسه المقصوص على الطريقة العسكرية ووجه كلامه للجازي: الجازي قومي ودي غترتي فوق لغرفتي.. الجازي نطت، كأن أمر سعود لها أمر عسكري، ألتفت سعود لمها اللي كان قلبها يرقع، وعارفة أنه ماصرّف الجازي إلا عشانه يبي يسألها.. بعد لحظة صمت.. سعود بهدوءه اللي يذبح: أنا أنتظر.. مها بحذر: وش تنتظر؟؟ سعود ببرود: أعتقد أنه عندش كلام لي.. وأنا قاعد أنتظره، وحركات البنات هذي مانيب فاضي لها.. مها بتردد: أنا ٍسويت اللي علي وقلت لها.. سعود بتسائل بارد: طيب؟؟ مها بتردد وريقها ناشف مو قادرة تطلع الكلمة: هي تسأل تقول ليش أنت تبيها هي بالذات.. سعود رفع حاجب ونزل الثاني وهو يطالع مها بنظرة خلتها تجمد في مكانها: هي تسأل؟؟ مها هزت رأسها بدون ماتقول كلمة سعود كمل ببروده الشهير: قولي لها أسبابي تخصني أنا، وفي الجانب اللي يخصها هي: إنها تكون موافقة علي، أو رافضة لي كشخص، ومالها علاقة بأسبابي.. مها تبلع ريقها: زين باقول لها، بس لا تلومني إذا مارضت.. سعود قام مع رجوع الجازي وكمل بهدوء: لا ألومش ولا شيء.. بس أنتي وصلي كلامي مها تقول والجازي تجلس جنبها: إن شاء الله فديتك.. بعد ماطلع سعود، الجازي تهمس لمها بفضول: أنتي وش بينش وبين سعود؟؟ مها: مهوب شغلش، يا شين اللقافة.. الجازي: لحول ما حد يفتح ثمه عندش يعني.. أشوف الفيلم أحسن لي.. **************** في غرفة نوف الساعة 11 بالليل اجتماع مغلق بين نوف وعبدالعزيز اللي كانوا جالسين على الجلسة اللي في الزاوية بغرفة نوف وكل واحد منهم حاضن كوشيه ويفكر.. حسوا أن حياتهم مقبلة عل منحنى خطير، كانو متوترين وخايفين ومتلهفين: معقولة أم وعقب هالسنين؟؟ نوف بتوتر: وشرايك باللي صار عزوز؟؟ عبدالعزيز بتوتر مماثل : ما أدري نوف.. ما أدري.. مخي مشلول.. نوف بلهجة خليط من اللهفة والغضب: تخيل عزوز يطلع لنا أم.. أم مثل كل العالم؟؟ عبدالعزيز بحزن: إيه.. ام قطتنا كل هالسنين وعقب جات تدورنا.. نوف بحذر: ما تدري عزوز عن ظروفها، أبوي كان يقول إنها مالها ذنب، بس إحنا ماخليناه يكمل كلامه.. عبدالعزيز بغضب حزين: أبوي كان يحاول يغطي على الجريمة اللي هي سوتها بحقنا.. نوف بلهفة: لا تزودها عزوز، لاجيت للحق خلك من بربرتنا على أبوي، أنا باموت وأشوفها، يا سبحان الله الدم مايصير ماي، من يوم دريت أنه عندي أم، وأنا مثل اللي نمل يمشي بجسمي من الترقب.. عبدالعزيز ما يبي يقول إنه عنده نفس الاحساس: وعلى هالأم أكيد أنها شينة مثلج.. نوف بابتسامة: إذا تشبهني أكيد مزيونة... عبدالعزيز بمرح: إيه عجوز ومزيونة؟؟ نوف وهي تبتسم: حرام عليك إذا أبوي شباب، ليش أمي عجوز؟؟ عبدالعزيز يمد لسانه لها: عشان الحريم يعجزون قبل الرياجيل.. نوف بلهفة: تدري عزوز، عجوز؟ شينة؟ اللي هو.. المهم نشوفها.. تدري حاسة أني مو قادرة أصبر لبكرة عبدالعزيز بحذر: بس نوف خلينا نتفق على شيء إذا جات بكرة.. نوف باهتمام: كلي أذان صاغية.. عبدالعزيز: إذا إحنا بكرة بينا لها إنه إحنا مبسوطين بشوفتها، بتحس كأنها ماسوت شي، لكن لازم نبين لها إنه إحنا زعلانين منها، عشان تعرف إنه سالفة تركها لنا ماعدت على خير.. نوف بحماسة: المهم نشوفها، واللي تبيه بأسويه فيها.. إن شاء الله تكون تبي نطلع لها قرون.. وقعدت نوف وعبدالعزيز يرسمون مخططاتهم لحد أذان الفجر.. *************** محمد وربعه طالعين من المسجد عقب ماصلوا الفجر، كانوا 3 كلهم في سيارة محمد، واحد جنب محمد وواحد ورا، محمد وهو يشغل السيارة: وش ذا البرد اللي مهوب صاحي، ليتني جبت الفروة.. جبر بمرح: أفا.. شوي برد خلاك اتكتك.. محمد يضحك: جانا الحضيري بمصطلحاته اللي كنها وجهه، وش اتكتك ذي؟؟ من أي قاموس جبتها؟؟ خالد اللي ورا ميت من الضحك: يتنافض يا بو سعيد يتنافض.. عدها الله يرحم شيبانك.. (خالد يكون ولد عم محمد، أصغر من محمد بسنتين بعده طالب جامعة) محمد : جبير ذا يبي له كورس مكثف عندي، ست سنين واحن ربع وهو عاد لسانه ملتوي.. ماني بابو سعيد، كان ماخليته يصطلب، الجمعة الجاية بأروح النعيرية، وتراك معي يا جبر.. جبر بابتسامة: لا يا أبوي وين النعيرية في ذا البرد؟؟.. خلني في الدوحة محمد بجدية معها ابتسامته المعهودة: مالك لوا، تراك رايح رايح، ودك بكيفك، وإلا قلصتك في ظهر النيسان.. جبر: غصيبة هي؟؟ محمد: اللي ودك.. بغيتها طرب صارت نشب.. جبر: زين خلني أفكر.. محمد بغضب: لا تكون تبي تشور أمك، تراني بأحولك الحين وأخليك ترجع بيتكم على سيارة كروة، وشوف لين تجيك سيارة كروة ذا الفجر، بيخيس ثناك في البرد ماحد جاك.. جبر يضحك: لحول.. خلاص بأروح معك.. محمد بابتسامة: كفو.. خالد: انتوا وذا البربرة، انا ميتن من الجوع، أراحكم نتريق.. محمد : يالله يالله على بيروت، ودبوها حمص وفول وبصل.. ************* الساعة 10 الصبح في بيت جواهر جواهر جالسة في الصالة اللي تحت..بعدها مواصلة من البارح مانامت، ماقدرت تنام، حاولت وحاولت، بس التوتر والتفكير واللهفة ماخلوها تنام.. مو مصدقة متى النهار يطلع من شوقها لشوفة عيالها.. عبدالعزيز توه ينزل مستعجل: جواهر فديتج صبي لي كأس كرك، تأخرت على الروحة للمسجد.. جواهر بحب: بالراحة ياقلبي، أنا بصراحة استغربت تأخرك في النوم، بالعادة من الساعة 9 في المسجد.. الله يكتب أجرك ويثبتك على طاعته.. عبدالعزيز: بلاج ما تدرين، البارح ما نمت إلا عقب ماصليت الفجر.. جواهر بدهشة: غريبة.. عمرك ماسويتها.. عبدالعزيز بهدوء: أبو عيالج الله يهداه سهرني البارح، اتصل علي الساعة 11 وقعدنا نتكلم لين الساعة 3، وبعدين قمت أصلي التهجد ثم قعدت لين صليت للفجر... جواهر بصدمة: 4 ساعات تكلم عبدالله، وش قلتوا كل هذا؟؟ عبدالعزيز بهدوء: كل شيء.. كل شيء، كان يبي يعرف كل شيء صار لنا بالتفصيل من يوم راح لحد اليوم، وهو بعد علمني بكل اللي صار لهم.. جواهر بغضب: بأي حق يسأل؟؟ وأنت ليش تعطيه أخبارنا؟؟ هو يعني وش هامه منا.. عبدالعزيز بهدوء: أنا والله أدري إنج عندج حق في زعلج من عبدالله.. وما ألومج عليه، بس أنا يا جواهر والله ما قدرت أكره عبدالله، عبدالله كان شيء كبير بالنسبة لي من وانا طفل.. أعرف أن اللي سواه بحقج جريمة، بس أنا ما أقدر أكرهه والله ما أقدر.. جواهر بحب: أدري إن قلبك مايقدر يكره، وكملت بحقد: بس أنا ممكن أكرهه نيابة عنا اثنيننا، ما أقدر أطلب منك تسوي شيء مو في طبيعتك وبعدين كملت بلهفة: طيب وش قال لك عن عيالي؟؟ عبدالعزيز باستعجال: أنا الحين بأروح الصلاة، بس باختصار واللي أعتقد إنه الأهم، أنهم كانوا في أمريكا 12 سنة ولهم 5 سنين راجعين، نوف في أولى جامعة، وعبدالعزيز في ثاني ثانوي.. وخليني أروح.. جواهر بصدمة: وقف وقف، أمريكا يعني مو بريطانيا؟؟ النذل الكذاب.. الكذاب يقعد طول عمره كذاب.... وبعدين شنو سالفة أنه نوف جامعة وعبدالعزيز بعده مدرسة ليش تأخر عنها.. عبدالعزيز وهو طالع: إذا رجعت قلت لج.. جواهر تصارخ عليه وهو طالع: وأنا شيصبرني لين ترجع.. ************* عبدالله كان بعده نايم، مانام إلا بعد ماصلى الفجر، الكل الليلة اللي فاتت الظاهر ماحد منهم نام.. رن موبايله، فتح عيونه على صوت الرنين، طالع الساعة، الساعة 10، من اللي يتصل هالوقت وفي يوم الجمعة، طالع الاسم اللي متخزن جديد عنده، وابتسم.. رد بصوت نعسان: هلا والله بأحلى صوت سمعته أذني.. أحلى صباح في حياتي هالصباح والله، لأنه بدأ بسماع تغريدج.. همسج اللي يشعلني من الوريد للوريد (الاخ خلاص خذ راحته بعد ماعرف أنه جواهر ما تزوجت بعده، وبدأ في تنفيذ مخططه لترويضها مثل ماهو مسميه) جواهر كانت مجهزة له كلام.. كل كلمة أكبر من الثانية بعد الكلام اللي سمعته من عبدالعزيز، ولانها ماقدرت تصبر لين يرجع عبدالعزيز قررت تتصل على عبدالله وتنكد عليه، لكنها ارتبكت من هالغزل الصباحي، وظنت أنه ماعرف هي من، ويفكرها حد ثاني، ردت ببرود: أنت يا أخ شكلك غلطان، أنا جواهر بنت منصور.. عبدالله بصوته النعسان المثير وهو يعدل المخدة تحت رأسه: أدري أنج جواهر بنت منصور.. وغيرها؟؟ جواهر انفجرت فيه: أنت يالكذاب ياللي الكذب بدمك: تقول إنكم رايحين بريطانيا وأنتوا كنتوا في أمريكا.. عبدالله وهو يتثاوب ويرد عليها ببرود: ماشاء الله عبدالعزيز عطاج الموجز، أكيد بتموتين تبين تعرفين أخباري؟؟ جواهر بصدمة وغضب: نعم أنت وش مفكر نفسك يا أخ أنت؟؟ أنت ماتخاف ربك... تدري أني مترت بريطانيا رايح جاي أدور عليكم، بينما أنت متكي في أمريكا؟؟ عبدالله حس بحزن عميق.. وتخيل شكلها وهي قاعدة تدور عليهم في مكان هم أصلا غير موجودين فيه، بس كتم حزنه بقلبه.. ورد عليها ببرود: زين ودورتينا ومالقيتنا وين المشكلة؟؟ هذا أنتي بتشوفين عيالج الليلة.. جواهر حست انها بتنفجر بس ردت عليه بنفس بروده: أنت وش قلبك يا أخي؟!! وش هالسادية اللي عندك؟!! على العموم أنت خلاص ما تهمني بشيء، انا بس متصلة أسال ليش عبدالعزيز تأخر عن نوف في الدراسة؟؟ عبدالله: يعني مهتمة؟؟ جواهر باهتمام: أكيد مهتمة، هذا فرق سنتين مو شوي عبدالله جاوبها باختصار وشرح لها السبب.. جواهر بغضب: أنت السبب، ليش مادرست الولد زين وبكثافة، وخليته يعيد الامتحان بعد شهر.. أو وديته مدرسة ثانية يعني تضيع سنتين من عمره على الفاضي.. عبدالله مثل المصدوم، ماخطر بباله هذا الحل رغم بساطته، خذ نتيجة الاختبار كأنها من المسلمات الغير قابلة للجدل، لكن ماحب يحسس جواهر إنها انتصرت عليه وإنها لو كانت موجودة كان تصرفت في الموقف أحسن منه: " والله يا دكتورة جواهر كلن وعقله، مو كل الناس عباقره مثلج، يختصرون سنين في الصيف، ويخلصون دكتوراة على 26 سنة.. ويألفون مراجع علمية دقيقة يأخذون فيها جوائز عالمية.." جواهر وهي ترفع حاجبها، وتقوم بلهجة فيها سخرية: هذا فيه ناس متتبعين أخباري..ومهتمين؟؟ عبدالله اللي حس إنها حكرته في زاوية، بس رد عليها بجرأة وهو يعتدل واقف ويهمس بلهجة رجولية خاصة لأبعد حد: مهتمين فوق ما تتصورين.. فوق فوق ما تتصورين... #أنفاس_قطر# بعد الغياب/ الجزء العشرين #أنفاس_قطر# الساعة 10 ونص صباحا غرفة مها، اللي صحت من شوي مها متوترة: الله يبلش سعود، أبلشني في ذا السالفة، مها تخطب!! أنا وش عرفني بذا السوالف.. تبي تدق على فاطمة وتسألها.. عشان فاطمة ترفض.. وهي تخلص من المسؤولية لكن الجازي بعدها نايمة وهي ما تبي تتكلم عندها تخاف تسمع شيء.. نزلت المطبخ، وقررت تكلم من هناك، الشغالة يعني بتدري هي وش تقول.. مها تدق على فاطمة، ردت فاطمة بصوت نعسان: يالمزعجة حد يتصل على الناس يوم الجمعة هالوقت.. مها: قومي أذكري ربش واقري شوي قرآن.. فاطمة بنعاس: أكيد أنتي ما اتصلتي علي عشان تذكريني أذكر ربي.. مها بتوتر: إيه أنتي وش وراش؟؟ ارقدي وخليني أنا أبتلبش بسعود.. فاطمة لما سمعت اسم سعود صحصحت: السالفة فيها سعود خليني أقوم أقعد.. وش قال لج.. مها: يقول لج مهوب شغلش.. فاطمة بصدمة: نعم؟؟ مها وهي تضحك: هو ماقالها بذا الطريقة بس هذي الزبدة.. فاطمة باهتمام: لا قولي هو وش قال بالحرف.. مها وهي تحاول تتذكر كلام سعود بالحرف: قال أن أسبابه شيء خاص فيه، وانتي لو تبين توافقين عليه أو ترفضينه يكون عشان شخصه مهوب عشان أسبابه.. فاطمة: أنتي وش هالمخ اللي عند أخوج؟؟ مها بابتسامة: والله هذا اللي الله عطاه.. ارفضيه بصريح العبارة وخلينا نخلص من هالسالفة... فاطمة اللي كان في رأسها تفكير يدور... قالت لمها بدلال: موتي حرة ماني بمريحتج، وكملت بخجل: قولي له، لو يبي يكلم أبوي، يكلمه.. ************ جواهر سكرت الخط بوجه عبدالله، ويبدو أن هذي بتصير عادة لها: ( صدق وقح وقليل أدب، ياربي هالرجال من شنو مصنوع مايحس ولا يفهم..) عبدالله اللي صحصح من نومه راح للحمام يتحمم قبل يروح للصلاة، وهو مبتسم: زين مردودة يا جواهر أنا تسكرين الخط بوجهي.. أعيدها وأقول أنا اللي بأدبج وأربيج.. عبدالعزيز ونوف أكيد بعدهم نايمين بعد ماقضوا ليلة طويلة في رسم مخططاتهم.. بعد ماخلص عبدالله حمامه ولبس ثيابه، راح يصحي عبدالعزيز أول شيء عشان يقوم يتحمم ويروح معه للصلاة عبدالله دخل غرفة عبدالعزيز بشويش، وكان يصحيه بشويش: قوم يبه عزوز، تسبح عشان نلحق الخطبة.. عبدالعزيز مد يده ومسك ذراع أبوه.. وعيونه مسكرة وهو على نفس وضعية النوم: صحيح يبه أمي بتجي اليوم؟؟ عبدالله بحنان: صحيح يبه.. عبدالعزيز وهو بعده على نفس الوضع: تدري يبه أن كلمة أمي حلوة وايد، أول مرة أدري إنها حلوة كذا.. الواحد وده يقولها ما يسكت.. عبدالله حس إنه بيختنق، كل ماله وهو يحس بمدى بشاعة جريمته (إذا عزوز اللي ما يبين مشاعره، يقول كذا، الله يعيني على نوف) كان يفكر هالتفكير وهو طالع من غرفة عبدالعزيز لغرفة نوف.. تفاجأ عبدالله وانصدم صدمة كبيرة لما دخل غرفة نوف..كان داخل بشويش مفكرها نايمة.. لكن لقى الغرفة معفوسة فوق تحت.. الثياب على كبر الحجرة، نوف واقفة عند الدولاب وتطلع الثياب وترمي.. عبدالله اللي دخل بحذر: بسم الله وش فيج نوف، كأن غرفتج مار عليها إعصار تسونامي.. نوف بطريقتها الدلوعة المحببة في الكلام: يوووه يبه ما أدري وش ألبس، أبي أمي تشوفني حلوة.. عبدالله بابتسامة: توج البارح تقولين ما تبين تشوفينها، اليوم قلبتي الغرفة عشان تلبسين شيء يخليج حلوة قدامها.. نوف وهي تتذكر اتفاقها مع عبدالعزيز، مادرت إن عبدالعزيز خارها قبلها، وتقول بارتباك: إيه مابي أشوفها، بس خلاص دامها جاية جاية أبيها تشوفني حلوة.. إلا يبه أمي حلوة؟؟ عبدالله ارتبك: ما أدري.. نوف بصدمة: أشلون يبه ما تدري، عيل من اللي يدري موب كانت زوجتك.. عبدالله بحرج: أمج وقت زواجنا كانت صغيرة وايد، وزواجنا مادام إلا فترة قصيرة، وصراحة أنا كنت أشوفها عادية، يمكن تغيرت ما ادري... وكمل بصوت خافت: بس الأكيد إنها عندها طول وصوت يأخذون العقل.. نوف باستفهام: شتقول يبه؟؟ عبدالله بهدوء: ولا شيء يبه.. وطلع عبدالله متوجه للباب نوف وقفته، هاه يبه وش ألبس؟؟ عبدالله بحب: أمكم ماراح تجي قبل المغرب، عندج وقت طويل تفكرين.. ************** في بيت منيرة سارة تصحي منيرة وتقول لها بخبث: قومي يالكسلانة، رجلس بيجي يتغدى عندنا، قومي أشرفي على الغداء عشان يدري إنه تزوج مره سنعة.. منيرة بنفس الضيق اللي تحس فيه كل ماسمعت سيرته: والله أنتي اللي أخته، روحي حطي له الغدا خليه يطفحه.. سارة بزعل: كله ولا سالم، ما أرضى عليه.. إحمدي ربس اللي أرسل لس واحد مثل سالم: زين وفلوس ورجولة.. منيرة اللي رمت الغطاء وجلست على سريرها وهي تقول بلهجة حادة: كمليها، وجنون وخبال وبيت الرعب اللي لازم أحمد ربي إنه بيسكني فيه بعد.. سارة حست بحزن منيرة، فسكتت، لانها فعلا ماعندها شيء تقوله.. يهدي خاطر منيرة المكسور.. منيرة وهي حست إنها سببت الحزن لأختها: خلاص سويره، ولا يهمس، أقوم الحين وأشوف غدا رجلي على قولتس، المهم يكون خاطرس طيب.. وكملت بعيارة: وخلني بالمرة أحط له فيه سم، يمكن الله يخلصني منه.. سارة برعب: بسم الله على روحه ************* محمد بعده نايم، سعود يصحيه: محمد قوم قوم الله يقطع إبليسك، أنت ما تخاف ربك، قم الخطبة ماباقي عليها شيء.. محمد بابتسامه حتى وهو راقد: وش فيه يا حضرة الملازم، ترا حن والله مهوب في ثكنتك، فكها، فكها الله في وجهك.. سعود وهو يرسم ابتسامه مصطنعة مضحكة على وجهه: هذا أنا فكيتها... قم، خل نروح للمسجد، وترا غدانا عند بيت عمي هادي.. عنده غدا رياجيل أجناب.. أخلص علينا http://www.liilas.com/up/uploads/liilas_13098563093.png محمد قام من نومه وتوجه للحمام يتوضأ ..وهو يقول بابتسامته الشهيرة: لحول من ذا الرجال، مايعرف يبتسم مثل باقي مخاليق ربي.. يطالع وجهه في مراية الحمام ويكمل : سبحان ربي اللي خلق ذا الابتسامة الساحرة، الله لا يخلي الدنيا منها. ************ بعد صلاة الجمعة منيرة تتصل على فاطمة، بعد ماسكرت من مها، بخبث: هاه وين اللي ماهيب بايعة عمرها وماخذه سعود؟؟ فاطمة بحيا: يمه من مهاوي، لحقت تقول لج.. منيرة تصنع الزعل: ليه أنتي كنت ناوية تدسين علي؟؟ فاطمة بخجل غير طبيعي: لا والله بس مادريت أشلون ممكن أقولها.. منيرة بعيارة: وأثر الأخت معجبة ومخبية علينا.. فاطمة وخدوها ولعت: استحي مناري عيب عليج.. منيرة بشوية جدية: لا جد جد قولي لي، شاللي غير رايج؟؟ فاطمة بدلال: ومن قال أني غيرت رأيي؟؟ منيرة ببعض استغراب: كلامس اللي كله متناقض.. تنهدت فاطمة تنهيدة طويلة: تبين الصج منيرة: أنا من يوم شفته السنة اللي فاتت بلبسه العسكري وهو ينزل عشان يشوف السيارة ليه خربانة، وعقبه مارضى يركب، لين إحنا ركبنا، وهو داخل مزاجي.. شكله ورزته حتى طريقته القوية في الكلام...وااااااااو.. شي عمري ما شفته.. منيرة بعيارة: حب هذا؟؟ فاطمة باستنكار صادق: استحي يا قليلة الادب، ممكن تقولين هو مجرد اعجاب، وانا والله العظيم والله العظيم إني عمري مافكرت فيه كزوج، لكن كشخصية أنا معجبة فيه... وأمانة ما تقولين لمها شيء.. منيرة بلعانة: أكيد.. وش بأقول لها يعني؟؟ فطوم ذايبة في هوى حضرة الملازم؟؟ فاطمة ولع وجهها: صج قليلة حيا، دواج سالم ياالكذابة و قليلة الأدب.. اتقي الله تكذبين علي نهار الجمعة.. ************** جواهر جالسة تستشور شعرها بعد الحمام.. مع إنه ما يحتاج سشوار من قد ماهو ناعم.. بس كانت تبي تسوي شيء تفش فيه توترها، ويقصر عليها الوقت.. حاسة الساعات القليلة الباقية على المغرب كأنها دهر.. رن موبايلها اللي كان محطوط على التسريحة قدامها، طالعت الاسم، بهدوء: هلا نجلاء - - وش فيه صوتج طالع من قبر، ماكأنه صوت وحدة بتشوف عيالها عقب غياب17 سنة. (نجلاء بمرح) - - متوترة نجلاء متوترة.. وملهوفة.. وخايفة.. - - ياه ياه.. وليش ذا كله؟؟ - - جواهر بحقد: الحقير ماقال لهم أنه هو اللي كان خاطفهم مني، خلاهم يظنون أني أنا اللي خليتهم.. تخيلي أشلون بتكون مقابلتهم لي الليلة وهذا ظنهم.. - - نجلاء بصدمة وحزن: صدق إنه نذل، ماكفاه اللي سواه..أنتي قولي لهم، ولا عليج منه الخسيس.. - - جواهر بنفي: ما أقدر نجلاء ما أقدر.. أنا ماأدري أشلون علاقتهم بأبوهم، اخاف يظنون أني أبي أخرب بينهم وبين أبوهم.. وأخاف هالشيء يأثر على نفسيتهم.. - - نجلاء بغضب: يعني تخلينها برأسج أنتي، يعني 17 سنة دافنة عمرج تنتظرينهم وبتموتين من اللهفة عليهم، ويوم تشوفينهم، تشوفينهم وبينج وبينهم حاجز - - لازم هو اللي يقول لهم يا نجلاء، هو اللي كان معهم 17 سنة ويعرف طبايعهم، ويعرف يقول لهم بالطريقة الأفضل ، هذا إذا كان بيقول لهم.. - - ليه هو موناوي يقول لهم بعد؟؟ - - يمكن يقول كفاية عليج شوفتهم، تبينهم يكرهوني يعني، ياربي وش كثر أكرهه هالأنسان.. كل يوم يبين لي خسته ونذالته أكثر.. - - نجلاء بتأييد: الله يعينج يا قلبي.. الله يعينج.. ************ على الغدا في بيت هادي (أبو خالد) عم مها، الضيوف اللي كان عددهم 5 قاموا على الغدا.. والشباب بعدهم قاعدين.. محمد يلف على خالد ولد عمه وصديقه ويهمس: من ذا الرياجيل الأجناب.. أول مرة أشوفهم.. خالد بهمس: علمي علمك، اتصلوا على أبي يقولون حن الأبو فلان ونبغي نجيك زيارة، فحلف عليهم يتغدون عنده يوم الجمعة.. محمد هز كتوفه: غريبة.. بعد ماخلصوا الكل الغدا، وقعدوا يتقهون، خالد ومحمد وسعود قاعدين جنب بعض.. أكبر واحد في الضيوف تنحنح: وقال : يا بو خالد أنت رجّال نادر في الرياجيل.. أبو خالد بحذر: ماعليك زود طال عمرك.. كمل الضيف بلهجة كلها احترام وثقة: ومثلك من الرياجيل ينشرى قربه.. وحن جايين اليوم نشري قربك ونخطب بنتك الكبيرة... محمد من سمع الخطبة... حس إنه فيه عرق في رقبته بينقطع من الحرة والغضب، وحس أنه فيه دخان يطلع من رأسه.. وعيونه تولع.. محمد تفكيره تفكير شيبان (أشلون بنت عمه يخطبونها ناس أغراب، لا وهو قاعد يسمع بعد) ..و سعود كان بعده مو مستوعب اللي يصير.. محمد ضرب أخيه بكوعه في جنبه.. وهمس بصوت واطي بس مشتعل نار: أنت تسمع وإلا ما تسمع.. الرياجيل يخطبون بنت عمك وانت ساكت يالرخمة .. لولا حشمتك وإنك أكبر مني وإلا كان قرعت أنا عليهم.. قوم إقرع لا تفضحنا في الرياجيل.. وتصغرنا قدام عمك وولده.. قبل ما حد منهم يتكلم، رد أبو خالد: عيال عمها هذا هم قعود، كانهم رخصوا لكم فيها.. أبشروا بسعدكم.. الرجال الكبير ألتفت على سعود ومحمد: وحن ماحن بمتعدين على عيال عمها.. وش تقولون يا عيالي؟؟ #أنفاس_قطر# الله ياحلوين هذا اخر جزء وصلت له الكاتبة ونطرو بكره الجزء الجديد ترى التنزيل يومي ابغي اشوف ردودكم ياحلوين اوكي ذهلة |
بعد الغياب: الجزء الحادي والعشرين
#أنفاس_قطر# في مجلس أبو خالد الرجال الكبير التفت على سعود ومحمد: وحن ماحن بمتعدين على عيال عمها.. وش تقولون يا عيالي؟؟ سعود اللي حس إن رجولته بوجهة النظر القبلية....... ونظرة عمه اللي مقام أبوه له.. وسلوم هله وعوايدهم على المحك، ومرتبطة في كلمة منه، وقف ورد بكل قوة وثقة: مالك لوا ياعم.. بنت عمي وأبيها تشرف رأسي ومكاني.. وأنت لك الحشيمة والقدر.. والله ثم والله إن عشاكم الليلة عندي.. سعود قال كلمته وقعد، محمد من وناسته، ميل على أخوه وحب خشمه وهمس له: كفو يا بو سعيد كفو.. جعلني ماخلا من ذا اللحية.. سعود بغضب وهو يهمس بصوت واطي: أنا رخمة يا محيميد.. زين دواك عندي.. محمد وهو حاس بغلطته على اخوه الكبير: سامحني يا سعود بس أنا كنت بولع.. وأنت قاعد ساكت.. سعود وهو حاس في داخله بحزن كبير على انهيار مخططاته اللي كان راسمها مع فاطمة: لا عاد... وما طيحني حظي إلا في بنت عمك المعقدة، لو غالية وإلا مزنة كان ماعليه.. بس الدانة عاد.. الله يعيني.. محمد بابتسامة: إحمد ربك اللي بتأخذ دانة، لو أنها مهيب أكبر مني ماكان خليتها لك، ومزنة مالك شغل فيها، هذي ممتلكات خاصة.. ************ في بيت عبدالله.. الوقت صار بعد صلاة العصر.. نوف تحوس في البيت، ماتدري وش تسوي بعد.. تنظيف: خلت الخدامات ينظفونه أكثر من مرة.. ضيافة : مابقى شيء ما طلبته من الحلو والموالح بكل الأشكال.. اللبس: عقب ما حاست الدنيا، استقرت على أنها تلبس تنورة وردية فاتحة لنص الساق، تحتها بوت بني طويل، وبلوزة هاي نك بنية.. وقبعة بيريه فرنسي وردية، مع حلق واساور وسلاسل وردي ماحطت مكياج نهائي، لأنها ما كانت ضامنة أعصابها.. وخافت إنها تخورها.. وحبت إن أمها تشوفها بشكلها الطبيعي، خافت إن أمها تكون من العجايز اللي ما يحبون البنات يحطون مكياج.. ورجعت تطلع لعبدالعزيز اللي ما طلع من غرفته، من بعد مارجع من صلاة الجمعة، حتى الغدا مارضى يتغدى.. نوف فتحت الباب بالراحة ودخلت: عزوز.. عزوز.. أنت من جدك نايم ؟؟ قربت على سريره.. كان مغطي نفسه، سحبت الغطاء تبي تشوفه، بس هو شد الغطاء على نفسه.. نوف قلبها عورها، حست فيه شيء: عزوز أنت تبكي؟؟ عبدالعزيز من تحت الغطاء بصوت مكتوم: لا ما أبكي.. ليش أبكي أصلا؟؟ بليز نوف اطلعي وسكري الباب وراج.. نوف ماحبت تزودها معاه، لأنها كانت متأكدة إنه يبكي، حست قلبها يتقطع ألف قطعة عليه، أخر مرة شافته يبكي كان عشان امتحانهم قبل 5 سنين.. الامتحان اللي خلاه يتأخر عنها.. بس ليش يبكي؟؟ طلعت نوف وتركته، لما تأكد عبدالعزيز إنها طلعت، شال الغطاء عن رأسه، وكشف عن وجه أحمر وعيون مليانة دموع عبدالعزيز كان حساس بزيادة بس ما يبين.. وكان متباعد وخجول ومايحب يعبر عن مشاعره..فكان عبدالعزيز يحس بفراغ عاطفي كبير وضياع مايعرف سببه.. وظهور أمه المفاجئ وتره ، ورفع درجة إنفعاله لاقصى حد ************** في بيت مها الوضع مقلوب بعد ماوصلهم خبر خطبة سعود للدانة اللي كانت مفاجأة حقيقية لهم.. سعود أكبر من الدانة بسنتين ، وماحد منهم يطيق الثاني من يوم كانوا صغار، والي زاد في الكراهية بينهم، إن سعود ما كان مقتنع إن بنت عمه تدرس طب أساسا (دانة طبيبة أسنان توها مخلصة دراسة).. وحاول سعود يفر رأس عمه ويقنعه مايخليها تروح رغم تفوقها في الدراسة، ومع إن الدراسة راح تكون في السعودية، وبتقعد في بيت خالها اللي ماعنده إلا بنات.. بس دانة كان لها مكانة كبيرة عند أبوها، هي أكبر عياله، وقدرت تقنع ابوها يخليها تروح. وماحد منهم نسى للثاني موقفه، هو مانسى لها إنها كسرت كلمته اللي يمشيها على الكل، وهي ما نست له إنه كان بيضيع مستقبلها.. هو يسميها المعقدة، وهي تسميه المتوحش.. مها كانت بين نارين، بين حزنها وفرحتها، حزنها عن النصيب ما تم بين سعود وفاطمة وهي مو عارفة أشلون توصل الخبر لفاطمة وفرحتها إن الدانة اللي هي تحبها كثير.. ماطلعت من عايلتهم وبتكون لسعود.. وخصوصا إنها كانت تحس إنه وحدة مثل دانة بشخصيتها القوية اللي تتحمل..... هي اللي تناسب شخصية سعود الصعبة.. وتتذكر مها دخلة سعود عليها بعد ما أتصل عليهم محمد وبلغهم بالأخبار: كانت مها في غرفتها بروحها، دخل عليها سعود، نطت تبي تبوسه و تبارك له، لكنه أشر لها إجلسي.. كانت ملامح وجهه غامضة جامدة ما تعكس شيء من مشاعره.. اللي كانت تموج في داخله كبحر من غير قرار.. سعود بهدوء وكأنه قاعد يفكر في كل كلمة يقولها: مها اعتذري من فاطمة، وقولي لها الله ماكتب نصيب بيننا، وهي اللي بيرزقها بنصيبها اللي احسن مني.. قال كلمته وطلع فورا.. ومها وراه بتوترها وخوفها وانفعالها وحيرتها.. ************** هند قاعدة في غرفتها تتعدل قدام المرايه، دخل عليها فايز، وقف متسند على الباب وهو يطالعها بهدوء هند وهي مستمرة في رسم الشدو على جفونها: مطول وانت واقف عندك؟؟ فايز بهدوء: شنو صار على الموضوع اللي قلت لج والمخطط اللي رسمته لج؟؟ هند بخبث: فايز حبيبي، موضوع مثل هذا ما يصير بين يوم وليل.. عطني وقت، وخصوصا إن نوف هالأيام مشغولة ما أدري بشنو؟؟ خلها تفضى لي.. ومايصير خاطرك إلا طيب.. فايز وهو يطلع: زين نصبر، نشوف اللي بيجي وراج.. *********************** قبل المغرب بشوي، جواهر وصلت أخرها من التوتر مثل بنتها، غيرت لبسها عشرين مرة.. لحد ما أستقرت على بنطلون شوال واسع حرير ثقيل أسود يبين طولها.. وبلوزة حرير خضراء تنربط من عند الرقبة ومن عند الخصر بشرايط حرير طويلة عريضة من نفس القماش الأخضر اللي كان لايق جدا على لون بشرتها المخملية، ووجزمة كعب أسود عالي أبرز طولها زيادة. واللبس اللي حطته في الشنطة عشرين مرة وهي تدخله وتطلعه، لحد ماأستقرت على اللبس اللي بتأخذه معاها، مع إنها نهائي غير مقتنعة إنها تنام في بيت عبدالله، بس لأجل عين تكرم مدينة.. المكياج احتارت وش تحط، كانت تبي تكون حلوة قدام عيالها، أخر شيء استقرت على ماسكارا ضد الماء استعداد للدموع، وروج لحمي فاتح من النوع الثابت..بعد ما توضت استعداد للمغرب.. ختاما: كان شكلها أكثر أكثر من خيال جمال وأناقة.. ******************* في بيت أبو فهد بعد صلاة المغرب مباشرة موزة نايمة عندهم هي وعيالها من يوم أمس.. ( موزة عمرها 25 سنة، وعندها بنتين: حلا 4سنوات ، وغلا سنتين.. ) موزة وفي يدها بيالة شاي: النوري قومي دقي على جواهر خليها تجينا، البارح كانت تعبانة وماقعدنا معها.. حصة نطت تقول: جواهر عندها مشوار ويمكن تكون راحت الحين هي وعبدالعزيز.. نورة وهي تخز حصة بعيارة: نعنبو، حافظة تحركات رجلي، تكونين أنتي مرته مو أنا هذا أولا، ثانيا موزة قالت النوري، ماقالت حصة يالملقوفة. حصة استحت ورجعت تقعد مكانها.. موزة خذت ماي من غسول البيالات والفناجيل ورشته على نورة : انتي اللي نعنبوا.. حاطة دوبج دوب هالبزر، كم مرة قلنا لج كلنا، حصوص مالج شغل فيها.. نورة اللي تمسح وجهها وتضحك: عادي رشيني بالغسول، عشان ما تنظلوني يا خواتي الجياكر، بما أني أحلى وحدة فيكم.. وبعدين نورة قامت قعدت جنب حصة اللي مكشرة، تدغدغها: حصوص أنتي زعلانة علي؟؟؟ قولي إنج زعلانة.. حصة اللي ميتة من الضحك: والله ما ني زعلانة، بس فكيني حرام عليج.. نوره بابتسامتها: بنات ما يجون إلا بالدغدغة.. عقب موزة ألتفت على أمها: يمه ترى جواهر البارحة قالت لي، إنها هاليومين بتكون مشغولة، بس على نهاية الأسبوع بأروح أنا وياها نشوف حجوزات الصالات، وبأجيكم هنا أول بأخلي البنات عندج، وعقب بنروح. نورة من سمعت طاري صالات وحجز، استحت وقامت.. موزة بعيارة: عدال شوفوا من اللي استحى.. وين اللي قبل دقايق مادة لسانها: رجلي ورجلي.. نورة هربت فوق.. وموزة تضحك وتقول: زين يامرت عزوز دواج عندي.. ****************** في بيت عبدالله بعد المغرب بشوي وقت وصول جواهر قرب.. العيال كانوا متوترين، بس مقررين الالتزام بالخطة اللي رسموها.. وابوهم كان متوتر أكثر منهم.. عبدالله كان خلاص مستعد للسفر، كان مجهز شنطته ومخليها عند الباب لابس بلوفر صوف أسود رقبته دائرية ماقدر يخبي تفاصيل عضلات صدره، وبنطلون أبيض تحسه مكوي بالمسطرة من قدم ماهو مستقيم ومرتب، وجزمة سودا جلد تلمع لمع.. كان شكله أقل ما يقال إنه استثنائي، اسثنائي في وسامته.. في رجولته.. في أناقته.. في حضوره.. نوف وعبدالعزيز اللي كان لابس ثوب جديد وغترة جديدة كأنه في العيد، قاعدين جنب بعض كل واحد منهم يفرك في يديه بتوتر.. رن موبايل عبدالله، نوف وعبدالعزيز نطوا من مكانهم واقفين، وعبدالله جاء بيرد طاح الموبايل من يده، لقطته نوف بسرعة ورجعته لأبوها وهي بتموت من الترقب.. عبدالله رد: هلا عبدالعزيز، تقول واقفين عند الباب الخارجي، أدخلوا أدخلوا الباب أصلا مفتوح، أقطع الطريق كامل لين توصل البيت، وقف سيارتك قدام باب البيت.. سكر ووجه كلامه لعياله: هذا خالكم، صاروا عند الباب خلاص.. نوف اللي خلاص موقادرة تستحمل من التوتر، شبكت ذراعها في ذراع أخوها اللي شد عليها عبدالعزيز يسوق السيارة داخل حوش القصر الضخم وبين باب البيت الخارجي والبيت نفسه حوالي 700 متر، وعبدالعزيز يسوق وهو يقول: ماشاء الله ماشاء الله.. الله يزيده من خيره جواهر نهائي ما كانت منتبهة للبيت ولا هامها، التوتر والترقب واللهفة كانوا بيذبحونها.. لما وقفت السيارة ، حست قلبها بيوقف مع السيارة، طفى عبدالعزيز سيارته، ونزل وجواهر بعدها ما نزلت، لأنها حاسة إن رجولها موقادرة تشيلها لف عبدالعزيز ناحية بابها وفتحه، وقال لها بلهجة حنونة: جواهر.. انزلي يا قلبي.. نزلت جواهر ومشت بخطوات مترددة ناحية باب البيت.. #أنفاس_قطر# أدري أنكم ودكم تذبحوني الحين... بس سماح .. هالمرة سماح.. ==> حضرت اللعانة وبقوة.. أوعدكم بكرة أوعدكم إنه بيكون فيه بارتين، 22، 23 بس اليوم حبيت يكون هذا البارت يكون بروحه.. بالنسبة لموضوع سعود وفاطمة.. أنا بصراحة ضحكت.. وأنا أقرأ كل التوقعات اللي كنت أدري إنها غير دقيقة===> الأخت أنفاس شكلها مخها متركب شمال... بس أنا من لما بديت القصة.. وأنا حسيت إني وأنا اكتب الرواية إن الرواية بذا الطريقة بيكون فيها أكشن عالي.. هذا أولا.. ثانيا أنا اصلا ومن البداية عطيتكم إشارة للموضوع.. بس ماحد لقطها منكم.. ثالثا: أنا أنفاس قطر شحصيا، اعتقد إن تحيير البنت، عادة جاهلية مقيتة، إذا جاءكم من ترضون دينه وخلقة فزوجوه، هذي هي القاعدة الإسلامية.. لكن انا حبيت أن ألقي الضوء على عادة مازالت موجودة.. ومن ناحية قصصية –وهذا اللي يهمني ويهمكم- راح تسوي لكم أكشن غير طبيعي غير طبيعي في القصة.. أنتظرونا.. أحبكم كلكم.. اخر جزء هذاااااااااااااااااا توى قبل اشوي نزل قراء ممتعة |
مذهله.. والله مااشاااء الله عليتس.. وصلتي للكاتبه.. يووه ياامذهله والله رووعه القصه.. والاحداث حلووه.. وهذا ردي على اخر جزء نزل اليوم..
السلاااااااام عليكم. بل عليــــــــــــــــــــــــــــــــــــج ياابنت قطر.. تف تف تف مااشاااء الله .. قلبتي توقعااااتي كلهااااا.. بس تدرين اناا وااثقه ان توقعااتي صح بس انتي اعتبرتي صحة توقعاتي ودقتهاااا صدمة كبييييييييييييييييييرهع لتس.ز فقلتي .. لااااا مستحيل اخلي ظبوووي تفرح بتوقعااتها وقلبتي القصه بكبرهاااا عشااان تصدميني بتوقعاتي ومااعاد يكوون لي ثقه فيهاا.. بس هيهااااااااااات حتى هنااا كشفتس.. هخهخهخخهخهنفووووسه يجنن الباارت كله ترقب.. والله لما شفت نوف وعبدالعزيز اني حسيت باطراافي صااارت ثلج من كثر التووتر. ايــــــــــــــــــــــــه ترااتس تكلميني الحين اكثر وحده تتتقمص ادوااار الشخصياات اللي تقراهاا... يعني بصريح العبااره ملقووووووووووفه وتحب تدخل بالجوو.. هخهخهخهخه سعود :: يااحماار لما كنت منت قد حركتك بانك تخطب بنت النااس ليش ترووح وتقول لاختك وانت عاارف انك من نصيب دانه.. يالمتوحش.. هخهخهخه..يااويلك من الله الحين فطوووم صارت تفكر فيك و وطلعت معجبه فيك... والحين اتوقع بيجي بخاطرها على مهااا.. لوو انها راافضه من الاول كان عادي.. بس انها توافق وانت اللي يجي منك الرفض هذي والله صعبه في حق البينت.. جواهر : والله لما شفت وصف انفاااس انهبلت عليتس اناا فماابالك لوو يشوووفتس عبوود.. انا اتوقع اصلاا انكم بتتلااقون عند الباب هوو يطلع وانتي تدخلين.. ويمكن مااتشووفين عياالتس وهو وااقف بينكم... >> مدري ليش ماا اتوب من سالفة التوقعات وانا عاارفه انها بتغير نكايه فيني .. هخهخخه عبد الله : اقوول احمد ربك اني موو بينكم.. والا كاان لطشتك والله تمووت انك تفكر بجوااهر.. ياالمزيوووووووووون.. وااااااااااي على ابوو البلووزه الهاي نك... تهبل ياا عبوود ياا الدب.. هخهخهخه.. اتوقع لوو شفت جواهر بتنهااار .. والله مالومك اذا انا من شفتها اعجبتني مرره مررره فري متش.. هخهخهخه هند وفايز : الله يشيلكم ياارب.. مجرمين صدق بدق.. عزوز ونوف: يااا ويل قلبي عليكم.. والله رحمتكم مرره مره.. بس كل تخطيطااتكم بترووح ادراج الريااح يااا قلبي... نفوووسه.. ماراح اتوقع اشياااء وانا متاكده انتي بتقوولين غلط. او هي بالاصل بس عاااااد غيرت الكاتباات من القااارئااات الذكياات اللي يكشفوونهم تخليهم يغيروون الاحداااث.. هخهخه تدرين كنت بقووول فتفووته ونمله.. بس ضربت بريك لما شفت الوعد بجزئين بكره.. هخهخه. يعني عر فتي تسكتيني اليووم ياا نفووسه.. تسلم ايدك ونستنى الجزء الجااي بكل شووق... مشكوووره على النقل مذهله.. تسلمين والله.. |
اقتباس:
زارا تسلمسن لس على المرور وهذا كان رد الكاتبة عليج وان شاء الله اشوف ردج كل يوم هنا طبية الشرقية طول ما أنا اقرأ تعليقك والابتسامة شاقة من الأذن إلى الأذن حماستك غير طبيعية وتجنن وروحك ماشاء الله مفعمة بالحياة تدرين يمكن لو أنا وأنتي نأخذ نفس الفكرة ونفس الشخصيات بنسوي روايتين مختلفتين تماما أحب توقعاتك رغم إنها دايما فشنك بس ماتدرين يمكن هالمرة تصيب انطرينا بارت بكرة بتعرفين انفاااس |
مذهله من جد اسم على مسمى اذهلتينا بهالقصه الخيااااااااال
قصه غييييير غيييييييير عن باقي القصص الي قريتهم ... تسلم يدينها انفااس على هالابداع .... وصفها لمأساة جواهر يخلي الواحد يعيش مشاعر الام الثكلى الي فقدت عيالها وهي في قمة الفرح ... حبيت احجز مكان بين دفتي قاربك الميمون الى ان يصل لبر الامان... بانتظااااااااارك ......فنتظرينا ...... |
صباااااااااااااااااح الورد والمسك والعنبر علي الغاليه مذهله
يؤؤؤؤؤ هذوله وصلتي علي قولت زوير للكاتبه بصراحه هذه القصه ستاهل التثبيت وبكل جدارها اقلبي علي الجواهر وياحبني لها صعب صعب جدا القاء بعد فراق 17 سنه والاصعب انها عرف ان عياالها مايبون يشفونها لانم يحسون انها هي لي سبتهم مدري بجد رح توقع نو لقهم رح يكون غير رح يكون خليط من الحب والشوق والحنان الكبوت من ام ان حرمت من عيالها ومن عيال عطشنين للحنان الام لي فقدوه وكان اعتقدهم انها ميته ام الاخ عبدالله ياكرهني لها والاسلوبهاوالله الا مروق وفاضي وحركاتها ترفع اظغط بله هذ وقت تغزل فيها وانت شيفها كيف محروق قلبها علي عيالها وش هذه جدا انك فاضي وتافها يارب رح موت قهر لو فكرت جواهر ترجع لها لو يموت ويطق مافكر رجع لها نذل هنود ياحبني لها هي خوفها نو امها تكون كبير ورح تنقد عليعا عشان لبسه هذهي يدل علي فرحتها وانها رح تشوف امها تسلمين انفاس قطرررررررررررررر بارتي روعه وتسلمين ياذهوله علي النقل |
اقتباس:
تسلمين على المرور ياقلبي واهم شي انها اعجبتج جد الوصف كان مره دقيق من ناحية الامومه الى في جواهر ويعطيج العافية على المرور ولا تحرميني من ردج اليومي على كل جزء يزل مذهلة |
اقتباس:
هلا والله ام لولو خخخخخخخخخخخ شفتي تراني اعجبج وش اسوي ابغي احمسكم وخليكم مع الكاتبة وتنزيلها لي كل جزء وبعدين وش ذا الكره لي عبد الله حرام عيلج ام لولو ماهو قادر يستحمل هذا بس صوته سوى فيه كذا اجل شكلها كيف خخخخخخخخخخخ بعدين ياااارب يرجعها بعد مايرجع من مصر برفع دعوه على نفوسه لازم تسويها عشااان تيكون في اكشن اكثر وتسلمين على الكلام العسل وياارب اشوف ردج يومي >>يعني لاتحرميني من مرورج ياعسل خخخخخ مذهلة |
يالله ياربي لاتصبح مذهله الا بكل خير ومسرة وتواااافيق .. وش تبيني اقول " الله يسامحك ولا الله يجزاك خير " بقولهم الثنتين ..!! سامحك الله يامذهله لأنك علقتيني في قصة مو مكتملة .. وجزاك خييير على المتعه والانسجام اللي صار بسبب هالقصة ..!! من امس بالليل وانا عليها اعيد بعض العبارات رغم بساطتها وسلاستها الا انها سحرتني اعيد المواقف .. مشاهد تصويرية كأن الكاتبة معاها كاميرا وتكتب اللي تشوفه بفلم .. او امام مسرح وتكتب اللي حركات وكلام الممثلين بدقه .. ابغى اعرف السر في القصص القطرية .؟؟؟؟ من جد ابغى اعرف ؟؟!!! لو احد يعرف خاصة زارا اللي تعتبر اكثر شخص علقني انا شخصياً فيها ياليت تقولون لي " وش سر جمال القصص القطرية وروعة الحبكة والأحداث " اما بعد الغياب ..!! من اعجب وأغرب القصص اللي قرأتها في ساحات الشبكة .. فكرة مجنونة ماتخطر على عقل كاتب عادي ..! طريقة التشويق حيكت بذكاء ممتع لاهي الكاتبة اللي تشوق القاريء بالغموض المرهق للأعصاب .. ولا هي اللي تشغل عقولنا بالتفكير وش قصدها ومتى توضح .. بالعكس كانت واضحة وطريقة التشويق في الأحداث ممتعة جداً ، وهذا اعتبره ذكاء من الكاتبة .. حمستنا لكل حدث .. قيدتنا امام الجهاز مو لغرض فك اللغز وبحيرة ..!! بل قيدتنا بالمتعه والأحداث الغير متوقعه والمفاجآت اللذيذة ،، وأجمل شيء في القصة ان اغلب الجزئيات فيها احداث قوية !! ،، الحوارات متقنه سواء بالكم او الكيف ..! ماهي طويلة ومملة ولا هي قليلة ونفتقدها ..! عبدالله الرجل الخارق .. ولو ان غلطته لاتغتفر الا انه بوسامته ووصف الكاتبة له وكأنه متمثل في شخص حقيقي وموجود ( وياليته موجود كان سافرت لقطر وحست ام الدنيا على البنك الاسلامي عشان بس املا عيني ) << تقول المشكله انه محجوز عند بعض الناس .. الله يستر .. على العموم مابي غير شوفته بس ..!! جواهر .. ياحلو شخصيتها ..! حتى جمالها الخارق تقبلناه ببساطة ماحسيناه مبالغه .. حزنها وردة فعلها تجاه عبدالله كان طبيعي جداً .. هنا يكمن ذكاء الكاتبة ماشاء الله عليها .. بقية الشخصيات محركين اساسيين للقصة .. وكلٌ له مكانه ودوره .. واجمل مافيهم ان حكاياتهم تمر بسرعه وبدون اسهاب يعني تنويع سلس وبسيط في القصة ..! لي مأخذ بسيط جداً هو لمن الكاتبة تتكلم عن عبدالله بصيغه ( هو ) تمنيت انها كتبت مثلاً في بيته .. في مكتبه .. بدال في بيت هو وفي مكتب هو .. لأن وجود الضمير واضح حسيت فيه تكليف .. لكن اخفاءه في البداية عجبني كثير .. كنتي ذكية جداً في اثارة حماسنا وتشويقنا ..! كمان في بداية القصة لمن دخلت الكاتبة وقالت انها انفاس قطر هي اللي توصف حسيتها اربكتني .. وانا كنت منسجمة مع الأحداث بعيد عن شخص الكاتبة .. فجأة لقيتها تدخل .. كان بإمكانها تخلي احداث عبدالله من خلاله هو .. كذا مانخرج من اطار الشخوص والأحداث لشخص الكاتب .. طبعاً ملاحظاتي ماتعني ان في اسلوب الكاتبة خلل او انها تسيء لها بالعكس ممكن هي احسن مني واسلوبها افضل بس مجرد ملاحظات من وجهة نظري المتواضعه جداً حبيت اطرحها ..! انا بصراحة من زمان عن القصص اللي باللهجة العامية .. والآن مااقرأ الا قليل جداً وتنعد على الأصابع .. بس فيه قصص باللهجة العامية تجبرك على التسمر امام الشاشه بانسجام وحب مثل بعد الغياب ..! مذهله بالله سلمي لي على الكاتبة قولي لها خسااااارة لمنتدانا لمن ماوافقت على انها تنتمي لليلاس لأن اصلاً ذائقة اعضاء ليلاس هي هذي النوعية من القصص ... ولو وافقت على الدعوة كان عملت عندنا جو مختلف !! اللي ارجوه انا نشوف اسمها في اعمال اخرى .. وارجو ايضاً ان قصة مثل بعد الغياب تجد صدى واقبال من قراء وأعضاء ليلاس الغالين ، وينصفونها بالمتابعة والردود والاهتمام ..! تسلمين لي مذهله .. الشكر مايوفيك حقك .. وذوقك ماعندي فيه شك ابداً .. وسبحان الله غالباً اذا مو دايماً اتفق معاك في الذوق .. ربي لايحرمني ولا ليلاس واعضاءه منك يالغاااليه ..! اقبلي الشكر يسبقه الود والاحترام |
بعد الغياب/ الجزء الثاني والعشرين
#أنفاس_قطر# قدام بيت عبدالله جواهر واقفة.. وهي تشد على يد أخوها عبدالعزيز: خايفة عبدالعزيز خايفة.. عبدالعزيز حاوط كتفها بحنان.. وقرأ عليها أيات من القرآن الكريم وعقب قالها: سمي جواهر بسم الله وادخلي، لا تخافين من شيء..أنا جنبج سمت جواهر بسم الله، ودفت الباب ودخلت، المكان كان فاضي.. لقت خدامة بس.. قالت لها: مدام جواهر؟؟ هزت جواهر رأسها، اشرت لها الخدامة على باب مسكر، وفتحته.. وقالت لها: تفضلي مدام هنا.. جواهر كل خطوة تحسها أثقل وتثبتها في الأرض وعبدالعزيز يمشي جنبها وهو ماسك يدها دخلو للغرفة اللي كانت عبارة عن جلسة صغيرة فخمة جدا وفيها روح عائلية حميمة.. ومحطوط على طاولة الضيافة الكبيرة اللي في نصها كل أشكال الضيافة وعدد من الترامس.. تنفست جواهر بعمق وجلست هي وعبدالعزيز.. بعد ما فسخت نقابها وعبايتها وطوتها كانت تبي عيالها يشوفونها بشكلها الكامل، بدون العباية ورسميتها طالعت شكلها في المرايه بعد ما مشطت شعرها ونثرتها على أكتافها وهي تشوف شكلها الخيالي الحسن في المرايه عبدالعزيز ابتسم: والله حلوة وملكة جمال، لا تخافين عيالج موب مغيرين رأيهم لو كنتي شينة.. توترها وصل حده مع فتحة الباب.. اللي كان انفتاحه كأنه انفتاح في قلبها.. مع انفتاح الباب طلع ولد وبنت حست قلبها بيوقف وهي تشوفهم ونطت واقفة، الولد لما شافها تراجع بسرعة، واخته لما شافته رجع رجعت معه.. جواهر خلاص... حست قلبها مــــــــــــــــــات، ليه؟؟ ليه؟؟ لـــــــــــيـــــــــــــــه؟؟ مثل العطشان اللي بيموت من العطش.. خلاص على أخر رمق ينازع ملك الموت من العطش، يخلونه يشوف الماي ويشفقونه عليه.. وعقب يكبونه قدام عيونه المتلهفة، عشان تنزع روحه من مكانها بكل قسوة: هذا كان إحساس جواهر عبدالله كان قاعد في مجلسه الداخلي بيموت من الفضول والترقب، يبي يعرف عياله أشلون بيقابلون أمهم لكنه فوجئ بعياله يرجعون عليه خلال أقل من دقيقة، عبدالعزيز أول.. ووراه نوف تصيح عليه: وش فيك يالمجنون؟؟ ليش سويت كذا؟؟ عبدالعزيز مارد عليها، وتوجه لأبوه وسأله بشكل مباشر: يبه المره اللي داخل أنت متاكد إنها أمنا؟؟ عبدالله بقلق: إيه متأكد.. بقص عليكم يعني في موضوع مثل هذا.. عبدالعزيز بلهجة محايدة: بس يبه المرة اللي داخل شكلها صغيرة وايد، بعدين يبه حلوة زيادة عن اللزوم وقاعدة متكشفة، خفت إنها تكون مرت خالي ومو حلال علي أشوفها.. عبدالله بتشكك: خالك متملك بس مابعد تزوج.. تدري.. أنتظر دقيقة أكلمه.. (حتى عبدالله تشكك: شنو سالفة حلوة زيادة عن اللزوم ذي، هذي شكلها تبي تجلطني، مو كفاية علي الصوت والطول اللي جننوني، تجيني سالفة حلوة بزيادة بعد) عبدالله دق على عبدالعزيز، اللي قلبه متقطع على منظر أخته اللي قاعدة متبلمة بدون كلمة، كأن الروح انسحبت منها.. عبدالعزيز بعصبية: عيالك وش فيهم يا عبدالله؟؟ عيب عليهم والله الحركة اللي سووها؟؟ عبدالله باستفسار: انت معك حد غير جواهر؟؟ عبدالعزيز بنفي: لا بس أنا وجواهر، وش السالفة يا بو عبدالعزيز؟؟ عبدالله بابتسامة: عزوز شايف أمه صغيرة وحلوة، وخاف إنها تكون زوجتك واستحى.. وكاهم جاينكم الحين، قالها عبدالله وهو يأشر لعياله روحوا.. عبدالعزيز يلتفت لأخته اللي كانت في عالم ثاني كانت متوقعة كل شيء، وأي شيء إلا إنهم يتجاهلونها بهذي الطريقة اللي ذبحتها من الوريد للوريد : جواهر جواهر: يا حليله ولدج من كثر ماهو شايفج حلوة وصغيرة فكرج زوجتي واستحى فهرب.. وكاهم راجعين تسللت ابتسامة صافية لشفايف جواهر وحست كأنها كانت مثل واحد مخنوق أرسلوا له الهوا على أخر نفس: فديته اللي يستحي.. *************** رجع الباب ينفتح بشويش ونوف وعبدالعزيز يدخلون جواهر من شافتهم.. رجعت تنط واقفة قربوا منها بشويش، وهم حاسين بالتوتر، شكلها أختهم مو أمهم.. وجواهر كانت تطالعهم بتمعن تبي تحفر ملامحهم بوسط عيونها وتسكر على صورتهم فيها لا حد يسرقها منها عبدالعزيز يسلم لي فديته على هالطول، بس ليش نحيف كذا ياقلب أمه، أكيد ما يأكل؟؟ نوف ياربي يخلي الحلوين، من وين جايبة هالحلا كله يا قلب أمج أنتي؟؟ قربوا بشويش وهم يطالعونها بتمعن معقولة هذي أمهم؟؟ صغيرة لهالدرجة وحلوة لهالدرجة كأنها عارضة أزياء مو دكتورة جامعة مثل ما قال أبوهم.. كانت جواهر تبتسم وعيونها تبتسم وقلبها يبتسم ويغرد وبيطير من مكانه حست أنه مستحيل يكون فيه إنسان سعيد في العالم كله، قد ماهي سعيدة في هذي اللحظة حست كأن حمل وهم السنين الي فاتت انزاح كله.. وإنها لو ماتت بعد ما تحضن عيالها لحضنها، بتموت وهي سعيدة لأنها خلاص ماعادت تبي شيء من الدنيا افتحت ذرعانها لهم: نوف كانت أول من قربت منها بحذر، شدتها جواهر وحضنتها بكل قوتها كل اللي كانت نوف مقررته: إنها بتكون باردة وبتعاقبها على تركها لهم حست إنه تبخر في الهوا.. وهي تحس بشعور عمرها عمرها ماحسته حست بأمان وحب عمرها ماحست انه ممكن يكون موجود على الأرض حست بإنفعال يهزها هز عنيف مثل الزلزال.. شدت على حضن أمها بكل قوتها وهي تبكي بحرقة ووجع: يمه ليش خليتينا؟؟ ليش خليتينا؟؟ جواهر بكت بدورها وهي تلم بنتها بقوة و تقول: أنا والله ما خليتكم.. والله ماخليتكم، أنا 17 سنة وأنا بأموت من لهفتي عليكم بعدها.. فلتت نوف اللي ماكانت تبي تبعد من حضنها بالراحة وألتفتت ناحية ولدها.. اللي كان واقف يراقبهم ودمعته حايرة بعينه مدت جواهر يدها له، وشدته لصدرها بقوة وحنان وهي تحضنه بكل قوتها وتبكي: والله صرت رجال يا عبدالعزيز، والله وصرت رجال يا قلب أمك.. عبدالعزيز اللي كان جسده متصلب شوي أول ماحضنته أول ماحس بريحتها الطبيعية تداعب أنفه، إنهار يبكي بشكل هستيري الشي اللي ماحد يعرفه عن عبدالعزيز، إنه كان دايما حاس إنه فيه شي ناقصه وضايع منه ومن وهو طفل في أنفه دايما رائحه يموت ويلقاها، أحيانا يصحا من النوم يبكي وهو يحس هالرائحة محاوطته.. مايعرف شنو هالرائحة ولا وش سرها بس لما شم ريحة أمه عرف شنهي، الرائحة اللي علقت في عقله الباطني واحاسيسه الدفينة وهو طفل مولود في حضن أمه.. حس إن حيرته اللي كان عايشها والضياع اللي كان ذابحه انتهى في حضن أمه.. من قد ماكان عبدالعزيز منهار.. نزل وجلس على الأرض وهو شاد على أمه مو قادر يفلتها، نوف صارت مثله تبكي بهستيرية.. أخوها عبدالعزيز حس إن الموقف كان أكبر منه.. وبدأ هو بعد يبكي غصب عنه طلع من الغرفة بدون ماحد ينتبه له، مع أنه كان يبي يسلم على عيال أخته بس قال خلاص خلهم يخلصون انفعالهم هم وأمهم.. وانا لاحقين علي طلع وسأل الخدامة عن مكان عبدالله وراح له ************** في مجلس أبو علي.. كان سالم قاعد متوتر شوي، مو عارف أشلون يفتح الموضوع اللي هو جاي عشانه.. أبو علي: حس أنه سالم عنده كلام، فحب إنه يقصر عليه الخطوة: سالم ، في خاطرك شيء يا أبوك.. سالم تنفس براحة إن عمه ريحه: يبه أنت عارف إن الفصل هذا خلاص قده بيخلص، وأنت عارف إنه صار لي متملك سنة، أنا بصراحة خلاص ماعدت قادر أصبر على الوحدة وعيشتي بروحي عقب جدتي الله يرحمها.. أنا أبي أعرس خلال عطلة نص السنة هذي، يعني بعد شهر بالكثير.. أبو علي انصدم: زين يا أبوك يومك تبي تعرس في ذا العطلة، كان قلتنا قبل كم شهر تجهز البنية..ويشوفون لهم حجز.. سالم بهدوء: يبه أنا معطيهم المهر من يوم تملكت، يعني أمداها اشترت سوق الدوحة كله، تكفى يبه تكفى، خلاص قدني باستخف من قعدتي بروحي.. أبو علي محتار وحس إنه بين المطرقة والسندان: خلاص يا أبوك مايصير خاطرك إلا طيب.. سالم: خلاص أنا بأتفق أنا وسارة، وبوديها بكرة تشوف حجز الصالة، بعد أذنك.. أبو علي وتفكيره مهموم: كيفك أنت وأختك.. ************* عبدالله اللي شوي يقعد.. وشوي يوقف.. وشوي يمشي حاس إنه بينفجر من الفضول والترقب لما شاف الخدامة تدخل عبدالعزيز عليه، حس كأن ماي بارد انكب عليه من الراحة، بلهفة: تعال عبدالعزيز تعال بسرعة قل لي وش صار؟؟ لما قرب منه عبدالعزيز وشاف عيونه المحمرة من البكاء، ارتعب، يعرف عبدالعزيز من هو صغير كان مستحيل يبكي، وش الشيء الكايد اللي خلاه يبكي؟؟؟ عبدالله برعب: عبدالعزيز وش اللي صار واللي يرحم والدينك؟؟ عبدالعزيز بحزن: اللي شفته اليوم شي عمري ماشفته.. عمري ماشفته.. ماشفت عيالها اشلون تعلقوا فيها يبكون بسهتيرية.. صدق إن الدم عمره مايصير ماي، وصدق يوم قالوا الدم يحن... الشيء اللي ماقدرت استحمله يوم شفت عبدالعزيز طاح على الأرض.. عبدالله وقف بحدة.. متخرع ومرعوب.. يبي يروح لهم يوم سمع إن عبدالعزيز طاح.. الخبر اللي خلا قلبه يوقف مسكه عبدالعزيز بحزم: وين رايح يا عبدالله، أختي متكشفة وموب حلال عليك تدخل عليها.. عبدالله حس إيديه تربطت: تكفى عبدالعزيز، روح لأختك قل لها تغطى، أو خل عبدالعزيز يطلع علي أتطمن عليه.. عبدالعزيز بابتسامة: تطمن يا ابن الحلال، عبدالعزيز ماعليه شر، كل السالفة إنه كان منفعل شوي.. أجلس إجلس، خل العيال يشبعون من أمهم.. جلس عبدالله وباله يودي ويجيب على عبدالعزيز اللي يعرف إنه مايعبر عن مشاعره.. اشلون صار له كذا ************** مها محتارة ومهمومة، تبي تتصل بفاطمة، موعارفة أشلون توصل لها الخبر، صحيح إنه ماصار شيء رسمي، والخبر ما تعدى سوالف بنات.. بس هي بروحها حاسة بفاطمة، وحاسة أشلون بتكون منحرجة.. بل ميتة من الحرج، يعني عقب ماهي وافقت عليه، يروح يخطب بنت عمه!! أخر شيء، تفكير مها هداها تتصل بمنيرة، وتقول لها كل شيء بالتفصيل الممل، منيرة طبعا كانت متفهمة هالعوايد.. وهي شخصيا مقدرة موقف سعود.. بس اشلون تشرح السالفة لفاطمة؟! أخرتها منيرة توكلت على الله لأن مها حطتها في وجه المدفع، والثنتين صديقاتها وأكثر من خواتها، ولازم هي تتدخل بلباقة عشان تضمن إنه مايصير حساسية بين فاطمة ومها.. بسم الله ودقت على فاطمة.. جاها صوت فاطمة المرح: هلا والله بمناري حرم أستاذ سالم.. منيرة بصوت هادي وجدي: هلا والله فيس.. فاطمة بحذر: عدال وش هالرسمية اللي عندج اليوم؟؟ منيرة بهدوء وحزن: فاطمة فيه عندي خبر لس، اسمعيني لين الأخير وخليني أشرح لس كل شيء فاطمة بخوف بدأ يتسلل لنفسها: شالسالفة منيرة؟؟ لا تخرعيني.. منيرة بحذر: سعود خطب بنت عمه اليوم.. #أنفاس_قطر# بعد الغياب/ الجزء الثالث والعشرين #أنفاس_قطر# المكالمة مستمرة بين منيرة وفاطمة، منيرة ماسكتت تشرح لفاطمة اللي كانت تسمع.. وهي ساكتة.. خلصت منيرة كلامها وهي خايفة من ردة فعل فاطمة. سألتها فاطمة بهدوء: خلصتي كلام؟؟ منيرة بحذر: إيه.. صوت ضحكة فاطمة الناعمة تتعالى منيرة مو مصدقة إذنها، كأنها سمعت فاطمة تضحك: فاطمة أنتي تضحكين؟؟ مافيه رد.. بس صوت فاطمة ميتة من الضحك انتظرت منيرة فاطمة لين تخلص ضحك، وهي بتموت من الاستغراب والدهشة.. فاطمة تتسائل: مناري بعدج معاي على الخط؟؟ منيرة: قاعدة أنتظرس تخلين ضحك يا ملا البط.. ممكن أعرف وش اللي يضحكس؟؟ فاطمة بابتسامة: خبالج أنتي ومها؟؟ منيرة باستغراب: ليه يالشيخة؟؟ فاطمة ببساطة: أنا بسألج سؤال؟؟ كلنا كبنات معجبين بشخصية محمد العريفي، وبطول رامي عياش، وبوسامة أحمد عز، وبجسم سلفستر ستالون.. هل إحنا نبي نتزوجهم كلهم؟؟ منيرة وهي موفاهمة فاطمة وش قصدها من السؤال: لا طبعا.. فاطمة بنفس صوتها الهادي المبتسم: عيل ليه سويتوها سالفة أنتي ومهاوي، يا قلبي أنتي وياها السالفة أبسط من كذا بكثير، أنا كنت معجبة بشخصية سعود ما أنكر، مثل ما أنا معجبة بشخصيات ناس كثير، بس عمري مافكرت فيه كزوج، لكن لما مها قالت لي إنه يبيني، حطيت السالفة في ذهني وقلت ليش لا؟؟ ولما هو الله كتب له بنت عمه، فأكيد أنه لا أنا نصيبه ولا هو نصيبي، ونصيبي بعده ياي في الطريق.. فليش أزعل على شيء مو لي.. منيرة ظلت ساكتة شوي متعجبة من تفكير فاطمة المنطقي العقلاني: الله يكملس بعقلس، ماشاء الله ليت الله يعطيني شوي من عندس فاطمة وهي تبتسم: وشوفي قدرة رب العالمين في نفس اليوم اللي أوافق عليه، وقبل ما يصير أي حكي رسمي كان ممكن يربطنا ببعض، يكون الحكي الرسمي هو خطبته لبنت عمه... هذا أكبر دليل إن الله سبحانه وتعالى يهدي الإنسان للاصلح.. وأن الله نهائي ما كتب نصيب بيننا... بينما النصيب الحقيقي كان بينه وبينها.. منيرة متعجبة: ماشاء الله وش ذا الدرر اللي تطلع منس اليوم.. فاطمة تضحك: أنا من زمان كلي درر..بس ماحد مقدرني، كله تقولون دلوعة ومخي فاضي.. ماعطيتوني فرصة أعبر عن إمكانياتي الفكرية.. منيرة بعيارة: ليتني ما مدحتس.. مشكلتس تصدقين بسرعة.. ****************** جواهر جالسة على الكنبة وعيالها محاوطينها كل واحد بناحية، وهي ضامتهم لها حاسة كأنها ماسكة القمر بيد والشمس بيد من قد ماهي مبسوطة وسعيدة وقلبها طاير فوق السحاب.. نوف ماسكة يد أمها كأنها خايفة إنها تهرب منها، خايفة حتى تسكر عيونها تفتحها ماتلقاها.. عبدالعزيز اعتدل في جلسته، وتوجه في جلسته لأمه وهو يطالعها، كان حاس بسعادة صافية صافية لأبعد حد، بعد ماكان يحس قبل إن سعادته دايما ناقصة وفيه شيء يخربها، حط يده على خد أمه كأنه يبي يتأكد إنها موجودة ومو حلم، جواهر خذت يده وحضنتها بكفها وباستها: في عيونك كلامك يمه؟ وش تبي تقول؟؟ انصدم عبدالعزيز.. أشلون عرفت إنه يبي يتكلم قبل يتكلم، ماحد كان يحس به بهالسرعة إلا نوف، اللي صار يحسها بعيدة عنه من فترة: إيه يمه عندي شيء أبي أسال عنه؟؟ جواهر وعيونها كلها حنين وصوتها يذوب حنان ولهفة وصدق: قل لي يمه بعد؟؟ اثنينكم قولوا لي يمه، لو أقعد أسمعها مليون سنة ما أشبع منها، يالله ما تتخيلون وش كثر ولهانة عليكم ومشتاقة لكم، أنا كل ليلة ما كنت أقدر أنام إلا على ملابسكم مفروشة على سريري.. أنا في بعدكم كنت أموت في اليوم ألف مرة.. وتعذبت عذاب ماشافه إنسان.. عايشة على حلم واحد هو اليوم اللي بأضمكم فيه لصدري نوف وعبدالعزيزسألوا السؤال في نفس اللحظة: زين ليه خليتينا يمه، مادمتي تحبينا كل هالحب؟؟ جواهر سحبت نفس عميق واللحظة اللي هي خايفة منها جات: أسمعوني يا عيالي، أنا والله العظيم 17 سنة ما أدري عن مكانكم أو أنتو ميتين أو أحياء بس قلبي كان يقول لي أنكم أحياء، كنت أحس إن نفسكم على الارض هو اللي معيشني وأني أتنفس نفسكم اللي مادني بالحياة وبالقوة وإلا يمكن كان انتهيت من زمان ، وأقسم لكم، إني ماعرفت أنكم موجودين هنا إلا أمس وعشان خاطري يا عيالي، مافيه داعي تستفسرون أكثر بيجي يوم وتعرفون كل شيء بدون ما تسألون.. بس الحين لا تخربون فرحتي بشوفتكم.. نوف وعبدالعزيز بعد ماشافوا أمهم.. وحسوا فيها.. وفي حنانها اللي حسوه مثل بحر يلفهم بإحساس عمرهم ماعاشوه ماكانوا بحاجة إنه حد يقول لهم أنهم يبعدون عن تفكيرهم أي شيء ممكن يخرب فرحتهم بأمهم لأن هذا كان قرارهم اللي كل واحد خذه في أعماقه..( أمنا بعد ما الله رجعها لنا مستحيل نفرط فيها أو نزعلها، كفاية عليها اللي هي شافته وإحنا بعيد عنها.. وكفاية إن الله رزقنا بأم) جواهر من ناحيتها كانت تفكر: (صحيح إني أنقذتك يا عبدالله، بس كان عشان عيالي مو عشانك، وأنتظر علي لين أفوق لك وأوريك شغلك بعيد عن عيالي) ************** في بيت أبو خالد دانة معصبة لأخر حد، وحاسة إنها بتنفجر: يمه الله يهداش وش هالخرابيط؟؟ شنو يحيرني؟؟ وولد عمي؟؟ وين عايشين؟؟ وفي أي عصر؟؟ ماتبون الرجّال اللي جا يخطبني؟؟ عادي.. أرفضوه.. مافيه داعي لحركات عصر الجاهلية، ويقوم الشيخ سعود اللي جاي على حمارته العرجاء، عشان يحيرني.. يمه سعود هذا أنا ما أبيه.. ما أبيه.. أقعد عانس في بيت أبي أشرف لي.. لو سعود أخر رجّال في الدنيا ما أبيه.. وماحد يقدر يغصبني عليه.. دانة وهي قاعدة تصارخ، دخل أبوها اللي سمع الجزء الأخير من كلامها كله، توجه لدانة بعصبية.. وعطاها كف بكل قوته على وجهها وهو يقول: اقطعي واخصي، والله طلع لش لسان يا بنت هادي.. دانة اللي طاحت على الكنبة من قوة الكف، حطت يدها على خدها وهي تطالع في أبوها بعيون كلها دموع ودهشة: عمرك ما سويتها ، عمرك مامديت يدك علي، تضربني الحين قدني مره.. أبو خالد اللي حاس في داخله بحزن كبير عشان مد يده على الدانة الغالية: وانتي عمرش ما كسرتي كلمتي، جايه تكسرينها الحين، وتصغريني قدام الرياجيل، يعني عشان صرتي دكتورة سنون، كبر رأسش على أبيش، الظاهر إن سعود كان عنده حق، والمفروض إني ماخليتش تدرسين ذا الطب اللي نفخ راسش .. دانة اللي كانت مجروحة ومصدومة ومكسورة، قامت ودنقت على يد أبوها وباستها ثم باست رأسه وقالت: ما يصير خاطرك إلا طيب يا بو خالد، وسامحني على قلة حياي، ولو تبي تذبحني أنا طوع يدك ما أردها.. ************* في مجلس عبدالله الداخلي هو وعبدالعزيز قاعدين، عبدالله بيجن من الفضول والترقب والخوف خايف تكون جواهر قالت لعياله على سالفة خطفه لهم عبدالعزيز قاعد بكل هدوء يتقهوى.. عبدالله بعصبية: يا أخي أحر ماعندي أبرد ماعندك، قوم شوف أختك وعيالها خلصوا الفيلم الهندي أو لا؟؟ عبدالعزيز بابتسامة: يا أخي 17 سنة وهم عندك، مستكثر على اختي ساعة؟؟ عبدالله بنفاذ صبر: أنت وبرودك، أنا طالع المطار، أبي اشوف عيالي وش أخبارهم؟؟ وعقب خل أختك تشبع فيهم.. لو تبي تسويهم سلطة وتأكلهم بكيفها.. عبدالعزيز يضحك: يا حليلك إذا عصبت.. عبدالله اللي ضحك غصبا عنه: يا أخي تقوم تشوفهم، وإلا قمت أنا، وماعلي منك، تسوي لي سوالف المطاوعة وأختي متكشفة، وما أدري شنو؟ مالي شغل.. عبدالله كان عنده سبب ثاني للهفته، في داخله كان بيموت يبي يعرف سالفة (حلوة زيادة عن اللزوم)ذي، يبي يصيد عياله يسألهم... وش فيك يابو عزوز، أنت بتخلي كلام ولد مراهق يشغلك، عزوز وش عرفه بالجمال، هذا جيل عندهم رزان المغربي الكويحة ملكة جمال؟؟ وانت بعدين ماعمرك اهتميت بالجمال ولا حتى بجنس الحريم كله.. وش فيك يابو عزوز؟؟ وش فيك؟؟ هذي مراهقة متأخرة.. أتق الله واستغفر ربك المره موب حلال لك............ زين يا ابن الحلال أبي أدري بس لو هي حلوة، موب عيب، بسأل نوف، هي اللي تعرف الجمال الصح موب عزوز.. ياسلام لو طلعت حلوة، مخططك اللي أنت راسمه بيكمل بشكل حتى أنت ما تخيلته ولا في أحلى أحلامك.. *************** خالد في الحمام في غرفته يتحمم، توه واصل من عشا سعود..كان تارك جواله وأغراضه على السرير.. دانة اللي خدها بعده مولع أحمر من أثر الضربة، دخلت الغرفة وهي تتسحب، وبرأسها موال بشويش جلست على السرير، خذت موبايل خالد، دورت بسرعة في القائمة، يوم وصلت الاسم اللي هي تبي حست قلبها بيوقف، وأصابعها ترتعش وهي تحاول تنقل الرقم لموبايلها نقلت الرقم بعد ما حست أنها ممكن تنشل أو يصير لها شيء من قد ماهي ماكانت متوترة وخايفة.. تركت الموبايل في مكانه، وطلعت بنفس الطريقة.. بسرعة ركضت لغرفتها، وقفلت الباب عليها، جلست على السرير، وخذت موبايلها بثقة وهي مقررة تنفذ مخططها.. وقتها سعود كان في غرفته متمدد على سريره بعد ماراحوا الرياجيل اللي تعشوا عنده، اللي كانوا جايين يخطبون دانة كان حاس بالقرف من الدنيا كلها.. حاس بالهم راكبه من ساسه لراسه، كان خلاص رسم له حياة مع فاطمة، اللي مثلت له بنعومتها ودلالها نسمة هوا كانت بتمر على صحراء حياته القاحلة: ( الظاهر إنه الهم مكتوب علي ، "كل ماقلت هانت، جد علمن جديد" ، دانة عاد.. وأشلون أبلعها ذي؟؟) سعود بالنسبة لعوالم الحريم يعتبر خام جدا.. حتى فاطمة لما كان يبي يخطبها، عجبه فيها رقتها ونعومتها في المرة الوحيدة اللي شافها فيها.. حس إنها ممكن تكون بلسم رقيق في حياته الجافة.. لكن الحب عمره ماخطر بباله الواعي.. ولا دق له قلبه.. ولا عرفه .. كان يفكر فقط بطريقة 1+1=2 سعود اللي كان بدا ينعس شوي ،رن موبايله، خذ الموبايل وهو ماله نفس يكلم حد، كان يبي يقفله، بس شاف الرقم غريب، خاف يكون حد محتاجه في شيء: ألو - ألو (صوت أنثوي) - - نعم أختي.. وش تبين؟؟ ( سعود بطريقته القافلة) - - أبي أقول لك كلمتين (الصوت الأنثوي بثقة) - - ومن متى تعرفيني عشان يكون بيننا كلام..؟؟ - - والله يقولون أنك بتصير زوجي، فبغيت أمنع المأساة قبل تصير (الصوت الأنثوي ببرود) - - دانة ؟؟ (سعود متفاجئ، لكنه حافظ على صوته البارد) - - نعم يا ولد عمي. (دانة بهدوء) - - وماعلموش هلش يا بنت عمي إنه عيب عليش تكلمين رجّال ما تربطش فيه علاقة (سعود ببرود غاضب) - - وإن شاء الله ما تربطني فيه علاقة، وهذا سبب اتصالي، أنا ما أبيك يا سعود، وما أعتقد إن رجولتك تسمح لك تأخذ وحدة مغصوبة عليك (دانة بهدوء) - - خلينا من شماعة الرجولة، اللي ياحبكم يا بنات للتمساح فيها، تتوقعين إنش إذا قلتي لي رجولتك وخرابيطكم ذي، إني بأحترق عشان رجولتي وأقول روحي يا بنت عمي، رجولتي ترفض اللي ترفضني......... وسكت شوي ودانة مو قادرة تتخيل إنسان عنده هالبرود اللي يقتل.. وكمل بذات البرود: وإلا تبيني أطلع روحي مضحكة قدام الرياجيل، عشان رجولتي تجي مفصلة على مقاسش.. اقصري الحكي يا بنت عمي، وروحي أمسي أحسن لش وإذا أنتي عايفتني مرة، أنا عايفش 20 مرة.. بس العرس بتأخذيني ورجلش فوق رقبتش.. والملكة بكرة كان ماعندش خبر.. دانة كانت مذهولة ومو قادرة ترد وهو كان رده عليها إنه قفل السماعة بوجهها ورمى موبايله جنبه بعد ما قفله، مفكر إنها بترجع تتصل له.. ما درى بالجرح العميق اللي سببه لكرامة دانة، اللي حست إنها بدت تنهان بقسوة مع بداية سالفة سعود معها.. ************* عبدالعزيز دخل على أخته وعيالهم، اللي كانوا قاعدين يسولفون بحماسة، كل واحد من العيال يبي يقول لأمه وش سوى في حياته كلها، وهي مو قادرة تلحق عليهم، وكل واحد منهم يتكلم شوي، وهي حاسة بالسعادة المصفاة.. عبدالعزيز بحب: هاه يا عيال ما تبون تسلمون على خالكم؟؟ العيال نطوا، كل واحد منهم يبوس خاله من ناحية، بس خالهم حضنهم بقوة وهو يقول: زين لقيناكم، أمكم كانت خلاص قربت تستخف.. قالها وهو يطالع جواهر بابتسامة وحب. جواهر تطالع الثلاثة بحب، عيالها الثلاثة كلهم قدامها، خلاص ماعاد تبي من الدنيا شيء.. عقب عبدالعزيز قال للعيال بمودة صافية: يا عيال روحوا لأبوكم، أبوكم بيطلع للمطار وناطركم يسلم عليكم العيال طالعوا أمهم، كأنهم خايفين يروحون تروح عنهم، أشرت لهم روحوا.. بعد ماطلعوا جاء أخوها وجلس جنبها، هي حطت رأسها على كتف عبدالعزيز اللي حضنها بيده، وبدت تبكي: لحول أم عزوز، ليش تبكين بعد؟؟ جواهر بفرح: هالمرة مبسوطة يا قلبي.. مبسوووووووطة.. العيال طلعوا لأبوهم في الصالة اللي ابتسم من قلبه لما شاف الفرحة في وجووهم.. وعيونهم تلمع بلمعة عمره ماشافها: هاه شباب.. كأنكم نسيتوا أبوكم؟؟ نوف وهي تحضنه بحب: ماعاش من ينساك بس مبسوطين بأمنا، واااااااااااو يبه أمنا تجنن تجنن، يعني أنا لو كنت بانقي لي أم على كيفي، ماكان وصلت في أقصى حدود خيالي لأم مثل أمي.. أبوهم بحنية: لهالدرجة ياقلبي؟؟ تكلم عبدالعزيز اللي حب خشم أبوه: واكثر من كذا يبه، والله أكثر.. استغرب عبدالله تعبير عبدالعزيز عن مشاعره، وحس بسعادة كبيرة جدا إن عزوز انفكت عقدته الكلامية.. وعبدالله بعد ما تطمن على عياله تذكر الشيء الثاني اللي كان هامه: هاه نوف، أمج ستايل، وإلا دقة قديمة..؟؟؟ نوف مثل الشلال وبنفس الطريقة اللي كان أبوها متوقعها ويبيها: وااااااو يبه واو، إلا ستايل ونص رفيقاتي كلهم بيموتون من الحرة يوم بشوفون أمي بيحسبونها أختي، ملكة جمال يبه والله ملكة جمال، عمري في حياتي ماشفت وحدة حلوة كذا.. عبدالله بخبث: عشانها أمج شايفتها حلوة.. نوف بدفاع: لا والله، والله تجنن يبه تجنن، أكيد أنت كنت اعمى يوم طلقتها وإلا هذي وحدها يطلقها زوجها....... نوف سكتت.. حست إنها تجاوزت حدها، وخصوصا يوم شافت أبوها يخزها بغضب كملت وهي تبلع ريقها: تروح وترجع بالسلامة يبه، باسته على راسه، تبي ترجع ركض لأمها.. ونفس الشيء سواه عبدالعزيز.. ناداهم أبوهم: أنتظروا وين رايحين، قولو لأمكم تتغطى، أبي أسلم عليها قبل أروح المطار... العيال جاو وقالوا لأمهم جواهر كان ودها تقول: خلوه يذلف في اللي ما يحفظه.. بس قامت تلبس عبايتها ونقابها، عشان تسلم عليه غصبا عنها عشان ما تجرح عيالها في أول لقاء لها معهم.. جواهر وقفت على باب الجلسة اللي هي كانت قاعدة فيها.. وعبدالله واقف قريب من باب البيت، بينهم كم خطوة أول مرة يشوفون بعضهم وجه لوجه وكل واحد منهم عارف الثاني.. وشتان بين نظرة جواهر ومشاعرها السلبية جدا ناحية عبدالله، ونظرة عبدالله ومشاعره الايجابية جدا ناحية جواهر.. عبدالله قرب كم خطوة وقال بصوته الواثق الرجولي وفي نبرة فيها اهتمام دافئ وحنون وهو يركز عيونه على عيون جواهر: مع السلامة يا أم عبدالعزيز، الله الله في العيال، وترى البيت بيتج.. جواهر اللي ما كانت تطالع فيه، كان نفسها ترد عليه رد يبرد قلبها فيه شوي بس اللي هي قدرت تقوله حفاظا على منظرها قدام عيالها: تروح وترجع بالسلامة... وقلبها يقول: إن شاء الله تروح ما ترجع.. عبدالله ظل واقف ساكت لدقيقة وهو يتمعن في جواهر، وهو حاس بتيار مشاعر غريب يجتاحه بعنف، بس أخيرا تمالك نفسه وهو يلقي نظرة خاصة على جواهر وعيالها ماسكين في يديها شال شنطته للسيارة اللي كان ينطره فيها أفضل السعيد جدا جدا بالأخبار والتطورات الجديدة.. العيال رجعوا لأمهم، بس هالمرة كان الحوار بينهم وبين خالهم، اللي كان يستفسر منهم عن كل شيء في حياتهم ودراستهم، وجواهر بس تسمع.. وتطالع.. وتستمتع.. حاسه بسعادة غير معقولة.. سعادة بدون حدود.. السعادة اللي هي كانت تنتظرها طول عمرها بعد دقيقتين.. رن موبايلها برنة مسج.. فتحت المسج بدون اهتمام فتحت عينها مو قادرة تصدق المكتوب مستحيل.. مستحيل.. كان المكتوب صدمة مدوية بكل معنى الكلمة.. #أنفاس_قطر# |
اقتباس:
يااااااااااااااااااويل حااالي قدوره والله ماتتصورين وش قد فرحة يوم شفت ردج الى يبرد الخاطر اقدار تبغين عبد الله مايغلى عليج واهم شي ان الى الان زارا مو محجوز عندها خخخخخخخخخخخخخخخ يعني في مجااال كلمج يجنااان ياقدار واتمنى ان الكاتبة تطلع على ردود البنااات هنا ومشكله عندنا البنااات بس يردون على قصص من وحي قلم الاعضاء اما هذا القسم ينقصة مشجعين >>>يبغيج تسوين دعاية لي القصة خخخخخخ تسلمين والله يقدار على الكلام الجنااان وان شاء الله اشوف ردج على كل جزء مذهلة |
ردي على الجزء 22 و23 ماشاء الله عليج يانفاااس قطر كل جزء تحسينا اكثر نبغي نعرف الجزء الى بعده وش صااار .....؟؟؟ كل جزء تعطينا حمااااس اكثر ان شاء الله مانشوف البرود في القصة ابد على فكره اليوم الشيخ سعود ارتفع عندي مرتبة تدرين بروده يفيد مررره يخليه يرد ردود رهيبه خخخخخخ دانه الله يعينج اكره شي رجل بااارد لان البااارد والهااادي يقولون دئما ((سكت دهرا نطق كفرا))ردود تكون سم خخخخخخخ بعدين صحيح انفاااس بالله بو خالد ابدوي واسمه هااادي كاينفع ابد غيروه >>امون صح خخخخ؟؟ مو جاااي ابد هذا سوري لبنااني اما قطري وبدوي وهااادي الله الله على ابو العبد اجل حلوه بزيااده ها الله يخلي لك عزوز لو ماجاء وقالك هالكلام وش يصبرك على ماتروح مصر وترجع الله يعين قلبك صراحة خخخخخخخخخخخخختحمل عااد هذا اخر الغباااء حقك خخخ فطوم يعيني على العقل الله يبدلج باحسن منه يااارب >>>دخل جو جواهر اخيرا برد خاااطري والحلو بو عبد العزيز مو يمج 3 ايااام بس حرام عليج ليه هذى الدعوي ترى ليه معجبين يزعلون خخخخخخخخخخخخخخخخخ شوفي شكل الرساله من عبد الله بس وش مهبب مادري هذا الوحد مايعرف اشلون تفكيره يعني صعب علي اعرف خخخخخخخخخخخخخخخخخخ وتسلمين لنا انفااااس ورحمينااا من الوقفة الى تجيب الجلط عند بعض القراء بعيد الشر عن الجميع مذهلة |
السلام عليكم ورحمة الله وبركاته السلام عليكم ورحمة الله وبركاته
i want to express my deep concern for the novel and the writer very lovely like akhutoowate bravo |
تسلمين يامذهلة على النقل وسوري ياقلبي ما علقت على الاجزاء السابقة خبرك بالاتصال وحركاته نجي للجزء الحماسي والمفعم بالمشاعر لقاء جواهر مع عيالها فوووق الوصف ومؤثر جدا ً , ابدعت الكاتبة ما شاء الله عليها والله حسيت عيوني دمعت معاها , , ,شوي احس اني جواهر اللي ماشافت عيالها من 17 سنه وشوي احس اني نوف المحرومة من حنان الام وصدرها وعطفها و اللي حزني اكثر عبدالعزيز احسه محتاج امه كثير يمكن حتى الخجل والتردد يرجع لفقدانه احساس مهم وضروري لاي شخص وبعدين الولد احسه في هذا السن يكون اقرب لامه من ابوه والعكس صحيح بالنسبة للبنت تكون اقرب للاب ما ادري كذا احس بحنانها وحبها الواضح في عيونها ولهفتها على عيالها قدرت تنزع النفور والبرود اللي كانوا حيتخذوه ناحيتها وبحبها الواضح لهم قدرت تنقذ عبدالله من موقف لابد من يوم ويحاسبوه ويعاتبوه عليه عياله , فاطمه , حلو تفكيرها الايجابي والمساله كلها نصيب وان الله ما كتب لها نصيب يجمعها بسعود فهذا خيره وكل انسان ما يعرف فين الله كاتب له الخير عبدالله ,, , ,وه ياناس فديت اسمه صار حوسه يابعدي بعد (( حلوة بزياده )), والفضول لعب بحسبته يحقلك ماهي كانت بين ايديك وشيء من ممتلكاتك مع (( تحفظي على الكلمه )) وذحين خارج نطاق مستحاقتك فا اكيد بياكلك الفضول ونفسك تعرف اشلون صارت بعد 17 سنه وانت خبرك فيها قصيره وجمالها مقبول بس شنو مخطاطاته لايكون ناوي يتزوجها تراه ماتحلله الا اذا اتزوجت من غيره الظاهر الاربعيني خرف من بدري لا والله ما خرف اهو المحتال يعرف يسحب الكلام من عياله , , يالله يادودي تروح وترجع بالسلامه يابعدي بس ياخوفي يكون خورها في الاخير ومشاعره سيطرت عليه وقام ارسلها مسج غزل وه فديت الناس الفاهمه ..(( رازن الكويحه ملكة جمال )) يامن بس يعرفها قدرها , اوف ذي الادميه مدري مين معطيها اكبر من حقها المشكلة اخذه في نفسها مقلب والمصيبة الاعظم انها عجزت وتحسب نفسها بنوته العشرين اتناقز يمين وشمال وصايره زي الخشب المتخلع مادة خشتها الله يعافينا بس >>كني انفعلت مرره منيره ما ادري كيف حتكون ردة فعلها على الزواج وهي متخوفة منه ومو متقبلته ..؟؟ دانه وسعود وكل واحد فيهم يملك الشخصية القويه احسهم ند بند وسعود عمر الحب ما دق باب قلبه بس الي يجذبه الرقة والدلال وان شاء الله يحصلها عند دانه طبعا بعد حروب عشواء مذهلة يعطيك العافيه يارب نقل مميز ورائع سلمت عزيزتي |
تسلم يدين الكاتبه والناقله جزئين خيااااااااااال
ابدعتي ثم ابدعتي ياأنفاس في وصف مشاعر الام وخاصه لما شافت عيالها يتراجعون عنها ....(جواهر خلاص... حست قلبها مــــــــــــــــــات، ليه؟؟ ليه؟؟ لـــــــــــيـــــــــــــــه؟؟ مثل العطشان اللي بيموت من العطش.. خلاص على أخر رمق ينازع ملك الموت من العطش، يخلونه يشوف الماي ويشفقونه عليه.. وعقب يكبونه قدام عيونه المتلهفة، عشان تنزع روحه من مكانها بكل قسوة: هذا كان إحساس جواهر...) ماشاء الله وصفك لكل الاحداث كوم ومشاعر الام الرأوم كوم ....>>الله يحفظك اتوقع ان الرساله من عبدالله بس وش يبي الله اعلم واتوقع انه راح يدور على طريقه يرجع فيها جواهر لعصمته وماراح يلاقي الاعياله يعني يمكن يسومهم عليها... (اذا تبغين تشوفينهم كل يوم ارجعي لي) ... ويمكن جواهر ترضى بشروط ....؟؟وكله عشان عيالها وعلشان تقدر تنتقم منه ... بس هل راح تقدر تسوي الي ببالها او تتراجع بعد ماتشوف تعلق اعيالها بأبوهم؟؟؟؟؟؟ احس هالقصه حمـــــــــــــــــــــــــــــــــــاسيه وتوقعاتنا فيها مالها حد >>ههههههه البركه بالكاتبه معيشتنا بجو خياااااااااااااااااااالي ... مشكووووووووووووره مذهلتنا الغاليه على هالدره الرائعه الي اتحفتينا فيها ... فعلا ذوقك لايعلى عليه ياعسل .... بأنتظااااااااار باقي المفاجأت ... |
هلا مذهلة كيفك؟
الصراحة القصة مذهلة صنمت عند الشاشة لما خلصت اخ قهررر من الحماس تمنيت اني ماقريته الا وهي مكتملة الصراحة خياااال.. جواهر ياعمري هي وأخيرا شافت عياله ترحم الصراحة بس عبودي يقهر على اللي سوو بس عجزت لااكره<<من يكرهه أصلاً عبد الله تصدقين عذرته انه اخذ عياله ووبعد حمقانة عليه بس شخصيته تجنن حتى و كبر وصار رجال من أول شاب ببداية العشرنيات مابوه ملح أزين شيء انه هو وجواهر كبار موب صغار يحومون الكبد.. نوف أهم شيء تنتبه من صديقته العدوه بس ما أتوقع تقدر عليه لان أتوقع اللحين نوف تقول كل شيء لأمه.. عزيز ولد عبدالله يااعمري هو يرحم بس اللحين ينفع يعاد له الامتحان والا لا؟! الثلاثي المرح ههههه يضحكوني لابدو يتهاوشون الحمدلله ان فطوم تقبلت الامر خفت على صداقتهم تأثر.. سعود ودانة الاعصار القادم الله يعينهم على بعض خخخخخ متحمسه للجزء الجاي ودي أعرف وش مرسل عبدالله لجواهر ووش قايل الله يصبرنا بس.. هلا ميثان.. اسمحي على المداخلة ملقوفة من يومي:YkE04454: اقتباس:
واما كانه مطلقه ثلاث تطليقات <وهذا مالا أظنه>فإنه لازم تتزوج رجل اخر بعدين تزوجه.. |
اقتباس:
هلا مها اسمحلك ياقلبي وليش ما اسمحلك وانا ملقوفة اكثر منك فاخذي راحتك عادي والكلام اخذ واعطى بس من غير هووشه خخخخخخ امممم اللي فهمته ان عبدالله مطلقها طلاق نهائي من غير رجعة بنية انها تتزوج واحد ثاني وتعيش حياتها كل اللي اعرفة انه الوحده اذا اطلقت والمهم انها خرجت من العدة ما ترجعله والله يامها اتمنى ان يكون حدسك في محله واحنا نكره نوفق راسين بالحلال وخصوصا عبدالله اللي اتلعب بحسبته ان شاء الله بس يتوفق في مؤتمره وما يحوس فيه تحيتي لك يامها |
يااااااااااااويل حاااااااالي تسلمووووون والله على الرود العسل حمستوني والله ان شاء الله ارجع لكم ونطرو بكره الجزء الجديد مذهلة
|
مهوووووي ياعيني على الناس الفاهمة دوبها الكاتبة راده علي وتقول نفس كلامك والطلاق كان طلقة واحدة ومو بائن برايفت مها عاد كانوا كاسرين خاطري ومحتارة شلون بتحلها الكاتبة وخيالي حتى الهندي سواقهم ما وفرة لحل القضيه:tongue: |
السلاام عليكم..
نفووووسه واااااااااااااي جنااااااااااااان .. تجنن الاجزاااء.. اهم شي ان عيال جواهر ..ماااا نفذوا اتفاقهم... والله ياانفووسه اني قعدت اصيح مع عزوز اكثر وااحد تاثرت بصيااحه.. يااقلبي والله حسااس وماا حد يدري باللي بخاطره فطووم .. الله يكملتس بعقلتس ياارب.. والله ان سعود هو الخسران.. الله يرزقتس باللي احسن من سعوود.. يعرف قيمتس ويهتم فيتس .. وبعدين الحمد الله ان السالفه للحين مو رسميه.. بس والله عجبتيني وانتي تقولين لمنيره مو كل واحد يعجب باحد يتزوجه والا كاااان اكثر وحده رجاااجيلها بالهبل انـــا.. هخهخهخه منيره وسالم : واخيرااااااا شفنااك يااسالم.. والله اللي شفته انك رجال منطوقك زين وعاقل ومافيه منك... بس الحين انتي ياامنوور وش بتسووين اذا عرفتي عن هالترتيبات..؟؟؟ بس ودي اعرف الحين ابووتس عارف انكم متملكين من سنه.. وشوله الحزن؟؟ وعلى من هوو حزين.. على روحتس لبيت رجلتس والا حزين لان اخوه ماارالح يشوف ولده بليلة عرسه.. والا حزين لانه خااايف عليتس من سالم؟؟؟؟؟ سعود ودانه : والله انك ارهاااااااابي ياا الثلااجه..هخهخه.. والله انك رهيب اجل موقفك قدام الرجال اهم من رجولتك.. واهم من هذاا انك ماتبي تكون مضحكه قدام العالم عشان رجولة المقاس هذي.. بل بل بل عليك.. بالله كيف جبت هالكلاام ياا الباارد.. بس والله انك رهيب وانت باارد.. بس عاد تدري لما شفت كلامك من سبب خطوبتك لفطوووم.. وانك تبيها تكون مثل النسمه بحياتك القاحله.. والله رحمتك لانك عاارف طبعك ومع هذاا ماتغيره عشان حياتك يجي فيها شووية عشب وترعى البهاايم منه.. أأأأ قصدي ترعى زوجة المستقبل منه.. هخهخخه والا انتي ياا دانه بعد رااس منتي سهله.. والحيااة بين اثنين اقوياااااء بتكون صعبه لان كل وااحد يبي راايه اللي يمشي.. والله شكلكم بتكسروون رووس بعض لين ينخ كل واحد للثااني.. بس بعد معااارك طاااحنه.. ويمكن هالنفوور يستمر لاخر القصه.. وينتهي بالطلاق ويكون طلاقكم رد على هالعادااااات الباليه اللي للحين الناس متمسكين فيها. وينفذها المتعلمين قبل الجاهلين... نوف وعزوز : والله ماادريت الا ودمووعي تسبق دموعكم بلقاااء الاحبه.. يووه عزوووز تدري والله اكثر وااحد رحمته انت.. اكثر من جواهر واكثر من نوف.. مدري ليش رحمتك؟؟ بس هذا من حظك اني اسبغت عليك شووي من رحمتي اليوم.. هخهخهخه..والا عااد وانت صاااير كلب بوليسي وتذكر ريحة امك.؟؟ والله خطير يااا لوسي.. هخهخهخه جواهر :: كلوووووووووووويـــــــــــش قرت عينتس بشووفت عياالتس .. الله لااايفرقكم يااارب.. والله ونعم ياا جوجو اعجبتيني وانتي توضحين لعااايلتس ان مالتس ذنب بهالبعد اللي صار وانتس كنتي تدوورينهم وتفكرين فيهم هالسنين.. وبنفس الوقت لما طلبتي منهم مااايذكرون الموضوع هالفتره.. هنا حليتي المشكله لحد مايرجع ابو عزوز.. بس الحين انتي وش مجهزه لابوو عزووووز... هخهخهخه.. جوجو.. ياا المزيوونه والله لوو تدرين انتس الحين لوو تقولين لابو عزوز جبلي القمر ان يطير ويجيب القمر ومعه ناسا بعد.. هخهخهخه.. وري ابو عزوز الويل ودعواتنااا معتس.. هع هع هع عبدالله..يااا ويلي على اللي رااح وطي وعلى يد جواهر... وبيكون مبسووط ومستااانس .. عبوود الحين عاد يله حل وضعك بتفكير شديد... الحرمه طوووول وزوووول وصوووت وجماااااااااااااااال.. وانت تخزبقت يااا عبوود..هخهخهخه ياا ويلي من المكر اللي عندك اجل بترووح تسلم عليهاااا..؟؟؟ والا مااعاد تدري باي طريقه تشووفها عقب كلام ولدك؟؟ هخهخه.. بس تدري والله تمنيت انك تدخل عليهاا وتشووف كيف وضعها هي وعيالها وتعض اصاابع الندم ويانبك ظميرك زووود وزوود... يا اللي ماتخاف الله...بس اتووقع انك بترجعهاا بدون علمهااا.. لان طلاقك يعتبر طلقه وحده.. وهي ماتزوجت.. اذاا فهي تحل لك لوو فكرت انك ترجعهاا.. هخهخه نفووسه مشكوره على الجزئين الحلوات.. وعندي احساااس يقوول انهم تمهيد لاحداااث قويه.. سالم ومنيره وبداااية حياتهم واحداااثهم...و الحين سعود ودانه قووه مستحيل واحد يرضخ للثاني وبيكوون بينهم حرب اتمنى مايجي فيها خسااير فادحه.. وجواهر وعبود .. بعد كل وااحد مجهز للثاني مفاجئااات .. وحناا عاد بنشجع فيكم.. هخهخه نستنى الجزء الجاي بكل شووق ... |
سلااااااااااااااااااااااااام يامذهوله بجد الباااااااااااااااااااااااااااااااااارت في قمة روائع والحماااس
هذي ثاني قصه تبكين بعد ملاااااااااااااااااااااامح جواهر ياحبني لهاولعقلها الناضج....وأنها دورت علي مصلحه أبنائها ورفضت تسيئ لأبيهم أمامهم رغم ظلمه ليها.... ياويلي قلبي تقطعت وانا ابكي عل جواهر ولقاءلي بينها وبين عيال صعب مر صعب علي الام تفراق عيالها وتبتعدن عنهم مو غصب ولا مجبور الا بغد وخياااانه ياجبي لها وهي تشم ريحتهم وستنشق ولا عزيز كيف كان يابي ريحتها ويحس انها ي ريحها يبي يشمه ولم حضن امها عرف وش ريحها الي يبه كيف رجال يبكي وينهر ويرمي نفسه مابين حضان امها والله بدعتي في الوصف ياقلبي انفاس اخخخخخخخخ كل لحظه بين جواهر وعيال احساس قلبي تقلين فيها خنجر يجلس ينزف معهم الله لايفرقهم العاشق الولهان.. مراهق الخمسين يااااااااااااربي يكرهي لك عبدالله والله كرهك كرها اوف مالت عليك ينذل الخااااااااااااااااايس الي ماتخااف الله كيف تفرق بينهم وبعدين بكل بسط بس تابي تعرف هي حلو والا مالت عليك من رجال محق من رجال يهبون اذا كانو رجااال مثل و اني متاكد رسال منك مثل وجهك بالها وتافه وكلاااااااااااااامك فيه مالها معنا يااااارب انك ماترجع ويسر علي حادث تموووووووووووووووووووووت تفوف تفوف توف ياحبني علي هنو وكلمها لم تكلم علي امه وفرحتها فيها ولا عزوز كيف بد يعبر علي مشاعر واحسايسها وحلوت امها فاطمة .. فديت قلبها ومخها الكبيــر ... يارب اييها اللي احسن واحن عن سعود .. منيــرة .. شكلها بتكوووون بركان ثاير في الاجزاءالقادمه.. والله يستر .. سعود ودانه ....وبدايه مثيره جدا ...وقويه .... ربما تؤدي لكراهيه دانه له في بدايه الزواج... سلمت يمناك مذهله علي نقل الله لا يحرمنا منك ياقلبي اقدار يااويلي قلبي عليك يااااااااااااااااااعمري الله يرزقك بلي يصونك ويخاف الله فيك ولا يحرمك من غاااااااااااااااااااااالي ويحط بين عيونه ويقفل عليه ويكووووووووون فيها كل المووصفات لي تبينها وكثر ولا يعطيك وحد مثل زفت هذه عبدالله بس شكل لكن قلبه ميت مايخا الله ويحرم ام من عياها القطو وهي القطو حيوان اذا قربتي من عيااالها تخاف عليهم مو نسان عنده دم وقلب وعقل والله المجنون وهي مجنون تخاف علي عيااااااالها ياويل ياقدار اسمع مر ثاني تقولين ابي مثلها `>>>>>>> امووووووووووون صح |
زارا قلبي خليتيني افكر في مسالة الطلق هاذي بالله يقدر يرجعه من غير ماتدري اذا يقدر معنها هذي هي >>>المسج بالله روحي تاكدي عشااان ناكد على الاخبااار ونقتحم نفوس ام لولو حدج عاد البنت معجبة في عبود ليه انتي عليه بالعكس يجنااان الله يرزقج بجماااله وقوته يااقدار يابنت ام اقدار خخخخخخخخخخخخخخخخخخخخ |
اقتباس:
اقتباس:
احم هلا والله بيج ميثان يجنااااان ردج مثلج يعطيج العافية على الرد الجنااان واحلى شي بعد ان شاااامل وانج مدحة عبود حبيب الجماهير خخخخخخخخخخ صحيح تصرفة طاااايشه بس حبوب خخخخ واحلى شي بعد تعليقج على رزااان والله رهيب وكل كلمة صااادق فيه اهم شي انج تاكدتي انها طلقة وحده خخخخخخخخخخخخ تسلمين لي وخليني اشوف ردج كل يوم اوكي مذهلة |
اقتباس:
تسلمين لي والله عل المرور والله كلامج عدل حنا كلنا نقول ان المسج من عبد الله بس هل صح من عبد الله او لا؟؟؟ هذا الى حنا ناطرينا الى بكره بكل شوق وحمااااااس عشااان نعرف ؟؟وان شخصينا اتمنى يكون من عبد الله لان بيكون فيه اكشن >>مجرمه خخخخخخخخخخخخ وانتي تسلمين لي على مرورج الجنااان وخليني اشوف تعليقج كل يوم يعسل مذهلة |
سلاااااااااااااااااااااااااااااااااااااااااااااااااااااااااا اااااااااااااااااااااااااااااااااااااام
مذهلة يعطيك العافية وش هذاااااااااااا قصة عجيبه من الذوق الرفيع والله شيء عجيب احدث من اول القصة الى مااا وصلت والاشن متوااصل ..... ملكة الجمال على كلام وشهادة نوف (جواااااهر) ج ماااااااااااااااا في شيء يكسر ظهر الام الا عيالها وهذا انتي مهما وصلتي وعجتي وحاولتي تمشي في حياتك ما زال شيء يعوقك (عيالك) زين ما انهبتي في بعض امهات ينجنون مجد ما يضيع ولدها او يموت الحم الله انك م وصلي للمرحله هذي وشيء اللي خالك تتمسكين فيهم يمكن ان كااان عندك امل انهم عايشين مقابلتها مع عيالهاواللهشيء يبكي يحزن (دموعي شلال اليوم) بس موقف ما راح تنسا واه ولا نوف ولا عبد العزيز ..... شوفي انا اتوقع ان عبد الله ناوي الاخ يرجعك بس اذا رجعتي له ترا انتي موووووووووووووو مره لازم يعرف ان اللي سواه شيء كبير ما رح يعدي بساهل خليه يشوف نجوم اليل بالظهر هههههههههه (((((هو))))) عبيدان الله لااااااااااااااااااااااااا يوفقك وش هبهب انت رجال انت ترا اللي سويته ما يسويه كافر تحرم ام من عيالها لااااااااااااا وصغيره بعد ياويلك من الله بع ان شخصيتك وشكلك جنتل بس اللي سويته خربت عليك (((زوير حلال عليك فيه بكره يخطف عيال ههههههه))) الحين سو اللي باقي باقي عليك وعلمهم الحقيقه :) يمكن يشفعلك واذا جيت تخطبها توافق عليك :) ههههههه يمكنمووو اكيد لاا تحط مل ............... نوف وعبد العزيز ناوين ماااااااااااااااا تعطونها وجه هااااااااااااا والله انكم تنرحمون الله يهنيكم فيها ياااارب وباقي البابا يتزوج الماما هههههههههه الاخ عبدالعزيز لو كل الاخوان مثلك كاااااااااااااااااااااااان الدنيا بخير مهاوفاطمة ومنيرة سكراااااااات القصة ياااااخي يموتون ضحك اللله يخيهم لبعض زوااااج منيره الله يعينك مع للي شفته ان سالم حبوب مااا عليه كلام خوف مها ان صديقتها تزعل لان ما صار نصب بينها وبين سعود خخخخخخخخخ طلعتصديقتك اكبر منك فاطمة ويييييييييييييييييييييييييييييين نصيبك ياااااااااااابنت سعود دااااااااانه ما اضن بعد اتصالك رااااااااااااااااااااااااااح يرتاح بالك غلط الفخلط اللي سويته مااا كان له دااعي تزوجيه نبي اكشن خخخخخخخخخخخخخخخخ ما شبعنا خخخخخخخخخخخخخخخخ مذهلة الف شر على النقل والقصة المميزة الي زي اااااااااااقلها يعطيك الف العافيه عليها والله لااااااااااا يحرمنا منك اختك اشتكي بصمتي |
اقتباس:
هلا بيج والله مهوي لا انش اء الله وليه اندم بالعكس كذا حماااس اكثر نتوقع ويطلع توقعنا مره غلط ومره صح ونحس بتشجيع وحمااس اتمنى تستمرين معنا الى النهاية وتتحفينا بردودج والله ردج يجناااان حمااااس مثلج هههههههه والله انج رهيب ودمج خفيف وبزعل لو ماشفت ردج على الجزء الجاااي >>>>وريني ردودج دئماااا اوكي مذهلة |
اسمحولي اتدخل مره ثانية <<جازت لي السالفة هههههههههه
اقتباس:
الرجل يرجع زوجته غصبا عنه وغصب عن ولي امره بعد اذا كانت بالعده.. أما إذا انتهت العده فلازم موافقته لانه يعتبر زواج جديد بعقد جديد.. باختصار ان عبودي مايقدر يرجعه غصباً عنه لان العده انتهت.. ميثان هههههههه زين أجل انتهت المشكلة خخخخخخ |
السلاام عليكم..
انا قلت في توقعاتي ان عبدالله ممكن يرجع جواهر وهي ماتدري لان طلاقه منها يعتبر طلقه وحده وهي ماتزوجت.. بس الصحيح انه مايقدر يرجعها الا بعقد جديد.. سالت ماما وهي اللي قالت لي.. يااقلبي تحسب عندي بحث للجامعه بهالموضوع.. ماادرت ان السالفه قصة وبنتها متحمسه لها على الاخر.. هخهخه..المهم ماما عطتني ذااك المجلد اللي وش كبره وداار راسي وانا اشوف احكام الطلاق والرجعه.. المهم انه مايقدر يرجعها حتى لو كان طلاقه منها يعتبر طلقه وحده لان الرجعه لازم تكوون بوقت العده.. وهي مخلصه عدتها من 17 سنه... يعني لاازم عقد جديد.. وانا فرحانه بنفسي واحسب اني جبت عبدالله من ذيله.. هخهخهخه |
اقتباس:
|
اقتباس:
اقتباس:
اول شي تسلميت ياقلبي ياريما على التفااااعل اقتباس:
|
اقتباس:
يسلملي المرووووووور ياقشطه والله انج تهبلين بردودج يام لولو الى وش اخبااار لولو بالله ومشكوره على المرور خليني اشوف تفاعلج دوم مذهلة اي صح بس لاتسبين عبود لاني قرارة اروح ادور البنك الاسلاني هذا في قطر لي خاطر قدوره خخخخخخخخ |
اقتباس:
وياعفيج ياقلبي تسلمين لي على ذا التفاعل والله فرحتي قلبي بردج ومرورج هنا قمة انقز تقولين بنت 4 سنوت شكلي صرت بنت ام لولو >>>بنت تراني لولو خخخخخخخخخخخخخخخخ بنت لاتدعين على عبود مره ثانية احساسي يقول بتنعجبون فيه في الاجزء الثانية وبترحون قطر تبحثون عنه بعد هههههههههههه مذهلة |
صبحك الله بالخير ...صباحا يليق بنفح مسكك و احساسك ورقي ذوقك ...ليس بغريب على وحده بمثل ذوقك الراقي تنقل تحفه فنيه في عالم القصص موفقه يا عسل بنقلك وسلمت يدك على هذا النقل الذى مهما قلنا لك لا يفيك حقك يا قمر بالنسبه للكاتبه ماذا استطيع ان اقول انتي مبدعه وفوق الوصف ...اسلوب رائع في نقل الاحداث مع التشويق الممتع من جزء الى اخر وبالنسبه لشخصيات..... جواهر : هل ابكي عليها ام احيها بجداره على اجتيازها هذا الظلم...الذى اجتاح كيانها كالاعصار المدمر ..ولم تقف مكتفه اليدين واكملت دراستها بكل جداره ...تعجبني شخصية المرأه القويه ..و مبارك عليك عودة عيالك ويالله راوينا شغلك في طليقك وحرقي قلبه عبدالله : ماذا تريد ان اقول لك حسافة العلم الي درسته يالمثقف مالت عليك الحين الجاهله ماتعرف تربي يالخبل من الي ربى ابوك وجدك علمني هااااه..... والله ياحسافتي في عالم حامله شهدات وعقول فاضيه أي خوف خايف على عيالك وانت يالظالم حارم أم من ضناها بس حلال فيك الي يصير معك من احلام مزعجه وانك تتعلق بجواهر وتشيب شعر راسك يالخبل ..وين شهادتك ماخبرتك ان البنت بسبع وجيه روح وسئل اعتل شايب طق فوق السبعين بيخبرك وهو مامعه شهاده خليك رجال مره وحده واعترف لعيالك بالي ساويته بس طول عمركم الرجال فيكم انانيه مهي في احد غيركم والمسكينه الحرمه تظل طول عمرها هي الي تتحمل نقص عقولكم ...صحيح اعجبتني في البدايه رفضك لها لانه طفله بس الي سويته بعد كذا ابد ما احد يسامحك عليه... واكيد ناوي تردها لانها طلقه وحده والشرع يسمح لك بس لازم عقد جديد ومهر جديد ...وياليت جواهر تطلب مهرها دفنك ياشيخ على التخلف الي انت فيه والحين يانبك ضميرك لا وقلبك صاير يرقع طبول يعله من هذا الحال وازود يارب سالم : والله انك رجال ونعم فيك الله يحقق لك كل الي تبيه و يسهل امورك موضي : يالخبله والله بتبدين حياتك مع سالم خطا وبتكتشفين حنيته وعقله بس بعد مهو يبعد عنك انتي بتصرين دورين عليه نوره : ياناس خبله هذى البنت وتجن سواليفها الله يعين عبدلعزيز عليها بيروح التزامه وطي من وراها ورا خبالها وبتهبل فيه سعد : والله انك انت البطل في هذى القصه هيك الرجال والا فلا ينشد فيك الظهر ...وحدك اذا شفت دانه بتروح علومك وطي وبيصير ارضك خضراء يسرح فيها الخيل وتصير من عشاق السهر و تامل القمر دانه : الله يعينك على صدمتك محد يلومك بس جد ما يليق بك غير سعود مناسبين لبعض وتراك انتي بتتعلقين فيه اكثر منه بس بعد كم صرخه منه عليك بيسطلب حالك يابنت عزوز ونوف : ياقلبي عليكم والله حرام الي سواه ابوكم الظالم ياقلبي عليك ياعزوز والله انك تقطع القلب اكثر من اختك مقيوله الولد عشق امه واحن من البنيه عليها في كثير احيان والبنت لأبوها ...تصدق عزوز عندي احساس انك بتحب حصه تراها مناسبه لك ورهيبه البنيه على ذوقك بعد نوف الله يكون بعونك وامك تنتبه لمخططات هند عساها المرض هي واخوها الله لا يفوزه ابد يؤؤؤؤؤه مذهله ودي اعلق على كل شخصيه وكل حدث بس الوقت ابد ما يسعفني ياقلبي وننتظر البارتات بكل شوق يا اهل الذوق تحياتي؛ سوسو |
الله يعين الى السبت اقتباس:
|
بعد الغياب/ الجزء الرابع والعشرين #أنفاس_قطر# بعد دقيقتين.. رن موبايلها برنة مسج.. فتحت المسج بدون اهتمام فتحت عينها مو قادرة تصدق المكتوب مستحيل.. مستحيل.. كان المكتوب صدمة مدوية بكل معنى الكلمة.. "حتى أبنائك ذاتهم أسكرهم جمالك فكيف برجل محروم مثلي كل خبرته في عالم النساء ليلة.. ليلة واحدة فقط لاغير.. . أسكريني.. أصيبيني بالجنون.. رغم أني مجنون بك منذ سمعت همستك الأولى.. . . . تزوجيني " ************* جواهر بعد وصلها المسج تضايقت شوي وبعدها قالت في نفسها: (الخسيس موب هاين عليه أنبسط مع عيالي، إلا ينكد علي، لكن والله ما أنوله اللي في باله، أنا الليلة ماراح أخلي شيء يخرب فرحتى بعيالي قال تزوجيني قال، تزوجه عزرائيل آمين عاجل غير آجل وقال مجنون فيني، يارب تستخف صدق وتصير من سكان قسم المجانين الخطرين وقال المسكين ماعرف من عالم النساء إلا ليلة، مفكرني بنت يومين يقص علي، خله ينقلع هو ووجهه.. الله يقلعه) وبعدها رجعت جواهر تسولف مع عيالها وهم يسولفون لها، كأنهم عندهم جوع للكلام، أو عمرهم ما تكملوا.. العيال كانت فرحتهم بأمهم، أكبر أكبر من كل تخيل تخيلوه.. بعدها تنحنح عبدالعزيز وقال: وشرايج جواهر بكرة بنسوي لعيالج عشاء عندنا في بيتنا، عشان خالي وهله والجماعة كلهم يعرفون برجعتهم.. بنسوي عشاء كبير بأعزم كل معارفي وانتي إعزمي كل اللي تبين، بنخلي عشا الحريم في بيتنا، وعشا الرياجيل عند بيت خالي.. عبدالعزيز قاطع كلامهم بهدوء: خالكم بنروح نسلم عليه لو بغيتوا، بس العشاء لازم تنطرون أبوي لين يجي، مايصير عشا للرجال وأبوي ما يحضره.. ابتسمت جواهر وعلى قد ما كانت متضايقة من سيرة اللي ماتطيق سيرته، كانت مبسوطة من لفتة ولدها اللي تدل على رجولته: تم يا أمك اللي تبيه، بننطر أبوك لين يجي.. بس بكرة لازم تروحون تسلمون على خالي، هذا في مقام جدكم، وما تخيلون وش كثر بينبسط بشوفتكم.. نوف وهي تبتسم: الظاهر إحنا ما كتب لنا ربي جدان غير خوال أبوي وأمي.. ***************** سارة قاعدة في غرفتها تدرس الامتحانات قربت، وهي معروفة بتقاديرها العالية، رن موبايلها، استغربت من اللي بيتصل عليها الساعة 11 بالليل.. لقطت الموبايل، كان سالم، استغربت: غريبة متصل هالوقت؟؟ - هلا سالم.. من وين الشمس طالعة تذكرت أختك المسكينة.. - - عن العيارة، توني مكلمس أمس - - زين ويومك كلمتني أمس ومستكثرها، ليش تكلمني اليوم؟؟ - - أبي أتزوج أختس.. - - عن الخبال، بتتزوجها مرة ثانية يعني؟؟ - - لا أبي أعرس العطلة هذي.. - - سالم انا ماني متفرغة لخبالك تالي ذا الليل، أذلف خلني أدرس.. - - احشميني يا قليلة الحيا، لولا أني أبغي خدمة من وراس، وإلا كان جيتس ودبغتس بالعقال.. - - زين تبي خدمة اطلب، مو تقول لي عرس وخرابيط - - زين إنه هذي هي الخدمة، ابي اروح انا وياس بكرة، وتنقي الصالة اللي تبينها، وسوي حجوزات كل شيء.. وابي العرس خلال شهر بالكثير مو أكثر.. - - سالم انت صاحي؟؟ - - انا بأمرس بكرة.. مع السلامة سكر سالم التلفون، وسارة بعدها مو مستوعبة اللي هو قاله، حسبته يمزح.. ************ الساعة صارت 2 بالليل وجواهر وعيالها بعدهم على جلستهم وسوالفهم بعد ماأستأذن عبدالعزيز منهم على الساعة 11، إنه يبي ينام شوي قبل صلاة التهجد، ووداه ولد أخته لوحده من غرف الضيوف، ورجع بسرعة كأنه خايف تفوته لحظة مع أمه.. نوف بحب: يمه تعبانة؟؟ تبين تنامين؟؟ جواهر وهي تمسح على شعر نوف: لا فديتج، بس أبي أقوم أخذ لي شاور، وأصلي ركعتين شكر لله اللي رجعكم لي.. وبعدين أصلي التهجد.. العيال كانوا متأثرين جدا، ومايبون يخلونها فسألوها بتردد: ماعليه إحنا بعد نأخذ شاور ونبدل، ونجي لج في غرفتج عقب ما تصلين..؟؟؟ جواهر بحب: أكيد ماعليه، الليلة أصلا ماراح تنامون إلا بحضني.. نوف اللي حضنتها بحب: إيه يمه إيه.. أبي أنام بحضنج.. عبدالعزيز تنحنح: لا ماعليه يمه، أنا بأسهر معكم شوي وبأروح لغرفتي.. جواهر بحب: مافيه تسوي علي كبير يا عزوز، بتنام عندي أو أنا بأنام عندك.. عبدالعزيز اللي يسوي حاله جدي وهو مبسوط برجوعه لطفولته وحضن أمه: حاضر يمه اللي تامرينه.. العيال وصلوا أمهم لغرفة الضيوف الكبيرة، وتركوها بعد ماقالوا إنهم بيرجعون بعد ساعة، تكون تسبحت وبدلت وصلت.. جواهر مثل اللي انضربت على رأسها تذكرت نجلاء، اللي قالت لها إنها ماراح تنام لين تكلمها، وإنها ماراح تتصل عشان ماتزعجهم بس تنتظر اتصال من جواهر.. جواهر اتصلت وهي شبه متاكدة إن نجلاء نامت بس عشان نجلاء تشوف الاتصال وماتحن عليها مالحق الموبايل يرن رنة وحدة إلا نجلاء رادة بلهفة: ألو يالخايسة.. من لقى أحبابه نسى أصحابه.. حواهر وهي ترمي نفسها على السرير: مبسوطة يا نجلاء مبسوطة مبسوووووووووووطة، حاسة إني أطير، والله اطير بكل معنى الكلمة.. نجلاء بنبرة فرح غامر لسعادتها بسعادة جواهر: والعيال أشلون استقبلوج؟؟ جواهر بصوت يغرد: ما تتخيلين، والله شيء فوق الوصف، بكرة بأجيبهم بيت خالي، تعالي هناك عشان تتعرفين عليهم، مع أني اشك عبدالعزيز يسلم عليج، يستحي وايد يا قلب أمه.. نجلاء بعيارة: بيسلم علي غصبا عنه، وبعدين كملت نجلاء بخبث: إلا ابوهم وش أخباره؟؟ جواهر بكره: سافر الله لا يرده.. تخيلي الوقح موب هاين علي فرحتي بعيالي، إلا يخربها علي، مطرش لي مسج كنه وجهه.. نجلاء بفضول: شيقول؟؟ جواهر: قل قوله، ما أقدر أقول وش قال قليل الأدب، تدرين بارسل لك المسج، اقريه وبعدين أمسحيه... جواهر أرسلت المسج لنجلاء اللي فتحته بسرعه تقراه وبعدين قالت على طريقة المسلسلات: اه .. الحقوني.. هيغمى علي.. جواهر بابتسامة: أغمت عليج طوفة .. نجلاء بلهجة فيها شوي جدية: زين تزوجيه.. (قالتها كأنها قنبلة).. جواهر : وأنتي صدقتي إنه يبي يتزوجني، هذا بس يبي يخرب علي، وحتى لو يبي يتزوجني على فرض، مستحيل إلا أبو المستحيل وأمه.. واحد أحس بالقرف وقمة الكره يوم أشوفه، تبين أتزوجه وأصير حلاله، يعععع.. ما أتخيل نجلاء: أنتي مو تبين تنتقمين منه، تزوجيه وسودي عيشته.. جواهر وهي تضحك: شكلج تشوفين أفلام وايد.. نجلاء وهي تضحك بعد: سوي نفس حركات روايات البنات اللي على النت، خذيه ولا تخلينه يلمسج، بس يشوفج ويتعذب ويتحسر على الجمال اللي يثيره وما يقدر يطوله.. جواهر وهي خلاص مو قادرة تمسك نفسها من الضحك: الله يرجج نجول، وأنتي تقرين هبال البنات تبين تطبقينه علي، هذولاء بنات مايعرفون شنو زواج، أنا تزوجت رجال، معناها تعهدت أمام الله أطيعه، وأنا مو مستعدة أخسر ربي عشان عبود الخايس، تلعني الملايكة إذا دعاني لفراشه وأنا امتنعت، عبود بأنتقم منه بطريقتي، وهو بعيد مني، وبدون مايلمس شعرة مني.. نجلاء بضحك: حلوة عبود كثري منها، دكتور ومدير بنك عالمي، وتقولين عبود.. جواهر بابتسامة: ووايد عليه عبود بعد، أول حتى اسمه ما أقوله ******************* جواهر تحممت وبدلت وصلت بإيمان كبير، وشكرت ربها من أعمق أعماقها على نعمته وفضله عليها وقعدت تنطر عيالها، من اللهفة كانت تبي تروح تدورهم بنفسها، لكن قالت لروحها: اعقلي أنتي في بيت عبدالله، التزمي حدودج. وهي جالسة تنتظر عيالها، رن موبايلها، استغربت من اللي يتصل هالحزة، شالت الموبايل تطالع الرقم، كشرت، لحول وش يبي هذا متصل هالحزة.. كان هو.. عبدالله.. #أنفاس_قطر# |
بعد الغياب/ الجزء الخامس والعشرين.. #أنفاس_قطر# وهي جالسة تنتظر عيالها رن موبايلها، استغربت من اللي يتصل هالحزة، شالت الموبايل تطالع الرقم، كشرت، لحول وش يبي هذا متصل هالحزة.. كان هو.. عبدالله.. ماردت عليه ـ خلته يرن لحد ما قطع، أقل من دقيقة: رنة مسج "أدري أنج صاحية.. ردي علي" (ويتشرط بعد الوقح) جواهر كتبت له مسج : "تبي تسأل عن عيالك؟ طيبين وبخير، كاهم نايمين بحضني، ما كلت حد منهم، ولا طيحته من السرير، ولا خنقته" رنة مسج بعد دقيقتين : " أدري أنهم طيبين وطايرين من الوناسة توني مكلمهم الحين الحين اثنينهم في غرفة نوف يا ماما كذابة إذا مشتهية حد ينام بحضنك تراني حاضر . . تزوجيني" جواهر حست راسها بينفجر من وقاحته: هذا وش ينقال له قليل الحيا اللي ما يفتهم؟؟ وش بلاني فيه على أخر عمري، الله يأخذه. جواهر الي كانت مفولة، راقت وبسرعة عجيبة لما شافت عيالها داخلين عليها يتسحبون.. فتحت ذرعانها لهم.. ثنينهم نطوا عليها على السرير الواسع.. حضنتهم.. وبعدها كل واحد منهم حط راسه على كتفها وهو حاضن ذارع.. *********** مع أذان الفجر، عبدالعزيز، اللي قام يصلي التهجد وقعد صاحي للفجر يقرأ ورده كعادته، كان يلف في البيت الكبير يدور الغرفة اللي فيها أخته عشان يشوفها قامت للصلاة أو لا.. اللي كان مطمن عبدالعزيز إن البيت مافيه مره غريبة، عشان كذا خذ راحته في تفتيح البيبان لحد ماوصل الغرفة اللي فيها جواهر.. فتح الباب بالراحة، حس بالعبرة تخنقه على المنظر اللي شافه قدامه، كانت جواهر نايمة ، وعيالها كل واحد منهم على يد، عيدالعزيز بالذات كان شاد على يدها بزيادة، حتى وهو نايم خايف لا تروح عنه.. قرب منها بالراحة ، وهز كتفها بشويش، جواهر لما شافته فوق رأسها، ابتسمت وهو قال لها: قومي يا قلبي صلي وصحي عيالج للصلاة، أنا كان خذت عزوز معاي للمسجد، بس انا بأصلي وبأروح لبيتنا.. جواهر اللي كانت سحبت إيديها من تحت عيالها وقعدت، قالت له برعب: بتروح وتخليني هنا بروحي.. في بيت عبدالله عبدالعزيز بابتسامة شنو بروحج؟؟ عيالج معج.. أنا بأرجع عليكم العصر أوديكم بيت خالي.. ************** جواهر صلت.. وصحت عيالها للصلاة، اللي كل واحد منهم صلى وراح ينام بغرفته لأنهم كانوا تعبانين من نومتهم كلهم متحاشرين على سرير واحد. جواهر قعدت في غرفتها، مو قادرة تنام، كان نفسها إنها في بيتها كان سوت الحين لعيالها أحسن ريوق.. بس الحين حاسة إنها مربطة، ومستحيل تاخذ حريتها في بيت قليل الأدب.. "أكيد العيال بينامون لين الظهر أنا وش أسوي ذا كله.." جلست جواهر تقرأ قرآن لحد الساعة ست، بعدها قررت تمدد على السرير مع إنها مو قادرة تنام.. موبايلها يرن خذت الموبايل بدون تشوف الرقم لأنها كانت متأكدة إنه ماحد بيتصل هالوقت إلا أخوها عبدالعزيز أكيد يبي يتطمن عليها، ردت بحنان: هلا يا قلبي.. صوته الساخر اللي فيه رنة أمل جاها من الطرف الآخر: والله تطورات، اليوم قلبي، وبكرة روحي، وبعده أنفاسي.. جواهر كحت يوم عرفت صوته الكريه على قلبها، لكنها ردت ببرود: والله منت بالمقصود يا دكتور عبدالله، أنا رديت بدون ما أشوف الرقم.. حسبته حد ثاني.. عبدالله من سمع ردها، حس إن عروقه بتنفجر عرق عرق من الحرة والعصبية: وممكن أعرف من حضرة اللي أنتي قاعدة تغازلينه الساعة 6 الصبح، بدون ما تحشمين البيت اللي انت فيه، ولا تحشمين عيالج.. جواهر ببرود رغم إنها تشتعل من أفكاره اللي ماعرفت أشلون خطرت بباله: والله موب شغلك.. أنت مالك حكم علي.. عبدالله وهو يحاول يتمالك إعصابه: جواهر لا تجربيني ولا تستفزيني.. أنتي ما تعرفين أنا ايش ممكن أسوي.. جواهر ببرود : وش ممكن تسوي يعني؟؟ عبدالله بنفس برودها: أقل شيء ممكن أسويه، إني أسحب قائمة مكالماتج كاملة، واتصل على الأرقام رقم رقم.. لحد ما أعرف الحبيب المجهول، إلا لو أنتي الله هداج، وقلتي لي من اللي كنتي تنتظرين اتصاله.. وتقولين له يا قلبي.. جواهر كان نفسها تقول أكلم حبيبي وش لك شغل، بس أخلاقها ماسمحت لها بهالتصرف والشيء الثاني إنها خافت إنه يستغل هذا التصرف ضدها ويحاول يحرمها من عيالها.. ردت عليه جواهر ببرود: أنتظر اتصال من عبدالعزيز إللي رجع بيتنا، إلا لو أنت عندك تحفظات إني أقول لأخوي يا قلبي.. عبدالله ببرود أكبر: ماعندي تحفظات.. جواهر وهو حاسة إنها بتولع من تطفله على حياتها، بس قالت بهدوء: ومن تكون عشان يكون عندك تحفظات أو لا؟؟، وثانيا أنت بأي حق تتصل علي هالوقت؟؟ عبدالله بنبرة غامضة: ماجاني نوم وكنت عارف إني لو اتصلت بلقاج صاحية.. جواهر: وعشان انا صاحية ربي يبتليني فيك، أنا بأنام خلاص.. عبدالله بهدوء وبنبرة رجولية عميقة جدا: جواهر.. تزوجيني.. جواهر اللي انصدمت من كلمته اللي أول مرة تسمعها منها بصوته بعد ما كتبها لها مسج مرتين: هذا أمر أو طلب؟؟ عبدالله بنفس النبرة الرجولية العميقة: اعتبريه مثل ما تبين.. جواهر بثقة: في كلا الحالتين، هو مرفوض، مالك حق علي تأمرني، ولا لك خاطر عندي تطلبني.. عبدالله بنبرة أعمق.. أعمق.. وكأنه ماسمع هي وش قالت: جواهر.. تزوجيني.. جواهر اللي بدت تفقد أعصابها، كان ردها عليه إنها قفلت الخط بوجهه.. عبدالله على الطرف الآخر اللي كان متمدد على سريره، قال ببرود وهو يبتسم: طيب يا جواهر طيب.. بتشوفين.. بتشوفين.. أوريج يا جواهر أوريج..إذا ما جننتج ما أكون عبدالله.. ****************** يوم السبت/ الصبح سعود صاحي من النوم مكتئب، اليوم ملكته، المفروض يكون أسعد يوم في حياة أي شاب طبيعي.. بس هو حاس كأنه مثل محكوم يُقاد للمقصلة.. مر على المملك واتفق معه... وعقب راح للبنك سحب فلوس أحتفظ بجزء منه معاه في ظرف وعطا أمه الباقي عشان يشترون لدانة شبكة ودبلة.. وطلب منها تأخذ مها معها عشان هي أعرف لذوق البنات، وطلب منها تشتري أحسن شيء وفي خاطره قال : حتى لو كنت ماأطيق دانة ذي، عشان خاطر انه اسمها بنت عمي.. وعقب ماخلص مهمته على الظهر، رجع يرمي جسده على سريره، وهو حاس بهم كاسر ظهره.. وهو على حالته ذي دخل عليه أخوه محمد بابتسامته المعهودة: حيا الله معرسنا.. سعود بنفاذ صبر: واللي يرحم شيبانك يا محمد مانيب متفرغ لهذرتك الفاضية.. محمد بابتسامته: أفاااا... معرسنا مخيس النفس علينا.. يا أخي لنا الله أنت تملك اليوم.. وحن الله بيرزقنا بكرة.. سعود ببرود مغلف بهم: أيه أنت تبي مزنة ماشاء الله عليها أدب وركادة، مهوب ذا المعقدة دانة.. محمد بجدية ما تناسب شخصيته: حرام عليك يا سعود.. لا تظلم حظك، ولا تخلي مواقفك القديمة مع دانة توقف في طريق سعادتك.. دانة مافيه مثلها في البنات ثنتين، ولولا إنك اكبر مني، وإلا ماكان خليتها لك حتى وإن كانت أكبر مني .. إحمد ربك، والله إن أمك داعية لك ليل نهار.. سعود يتمدد على سريره، ويغطي رأسه بالغطاء: محمد إطلع وسكر الباب وراك.. ************** عبدالعزيز صحا من نومه مرعوب وهو يشم ريحة أمه قال يكون اللي صار كله حلم.. راح يركض بجنون للغرفة اللي أمه فيها.. فتحها لقاها مرتبة.. وماحد فيها.. حس إنه بيجن.. أمه وين راحت.. يعني هذا كله كان حلم.. نط السلالم نط.. وهو ينزل تحت ..يحس إن قلبه بيطلع من مكانه.. لما شاف أمه جالسة تحت مع نوف يشربون شاي وأمه ترفع عيونها له وتبتسم، وعرف إن السعادة اللي كان عايشها أمس كانت حقيقة مو حلم.. حس إنه مايقدر يكمل نزول وإن رجوله ما تقدر تشيله.. فجلس على الدرج.. جواهر لما شافت عبدالعزيز قعد على الدرج، قلبها انخلع عليه، ركضت طالعة له وقعدت جنبه وهي تقول: حبيبي وش فيك؟؟ تعبان؟؟ عبدالعزيز حضنها بقوة وبكى بهستيرية: يمه لا تخليني لا تخليني.. جواهر قلبها انخلع على ولدها، الولد خوفه إنها تروح وتخليه غير طبيعي.. حضنته بحنان: ماراح أخليك لا تخاف.. عبدالعزيز وهو يبكي: إحلفي ما تخليني إحلفي.. أمه وهي تحصنه أكثر: والله ما أخليك يا قلبي.. قوم الحين لغرفتك غسل وبدل وتعال تريق معانا.. عبدالعزيز مسح وجهه وطلع.. وفي رأسه مخطط يبي يسويه كل هذا كان يصير ونوف تطالع بدهشة بدون ما تتدخل.. رجعت جواهر وقعدت جنب نوف، وسألتها بهمس: عبدالعزيز هذا طبعه، يعني عاطفي بزيادة كذا وانفعالي؟؟ نوف وهي بعدها مدهوشة: بالعكس يمه بالعكس، كان جدي وايد وما يحب يعبر عن مشاعره.. أنا من البارح وأنا مستغربة منه كأنه واحد ثاني، واليوم بزيادة بعد.. جواهر في نفسها: الله يوريني فيك يوم عبدالله، عقدت ولدي، حسبي الله ونعم الوكيل.. **************** العصر الملكة في بيت أبو خالد.. تمت الملكة على خير، والشهود كانوا محمد وخالد والكل كان مبسوط عدا اثنين سعود ودانة.. خالد راح يودي المملك، وعقب ماراحو، قام سعود وحط ظرف كبير في حضن عمه: يا بو خالد هذا مهر دانة، وهذا مهوب قدرها عندي، لأن قدرها عندي عالي ومهوب بالفلوس، وأنا يا عمي ابغي العرس في أقرب فرصة، لا أنا أدرس ولا هي تدرس، عشان ننطر العطلة، يعني بعد شهرين زين.. أبو خالد شال الظرف وقام داخل وهو يقول: مايصير خاطرك إلا طيب.. ابشر.. ومحمد ألتفت على سعود وهمس بصوت مرح: هماك ما تبيها، هماك مستعجل على العرس، وش ذا الخرطي؟؟ سعود ببرود: على تبن ومهوب شغلك.. وكمل سعود في نفسه: خلني أجيب الدانة ذي عندي أأدبها، يمكن الله كتب ذا الزواج عشان أبرد حرتي القديمة فيها، "ودامك فيها وش اتنيها" ابو خالد دخل على بنته اللي كانت مسكرة على روحها في غرفتها، بس كانت مصممة إنها ما تبكي: خلاص الفأس وطاحت في الرأس وش بتفيد دموعي يعني.. حط الظرف في حضنها، وقال بهدوء: ترى عرسش بعد شهرين.. تجهزي بسرعة.. وطلع.. دانة اللي كانت تحس إن كل صدمة أقسى عليها من الثانية، كانت تطالع في الفراغ مكان ماكان أبوها واقف.. (وش شهرينه بعد ذي؟؟) ونزلت ركض على الدرج ورا أبوها.. #أنفاس_قطر# |
بعد الغياب/ الجزء السادس العشرين #أنفاس_قطر# دانة نزلت الدرج تركض ورا أبوها.. لحقته وهو خلاص داخل مقلط الرياجيل المقلط كان فاضي/ والباب بينه وبين ومجلس الرجّال مسكر.. مسكت يد أبوها.. بحزن غاضب: يبه تكفى تكفى، شنو شهرين، أنا أبي سنة على الأقل.. (كانت تفكر إنه سنة مدة طويلة، ممكن سعود يغير رأيه فيها) أبوها بغضب: أنتي ما تسمعين؟؟ قلت لش شهرين يعني شهرين.. وعودي وراش.. دانة بصوت عالي: يبه يعني غصبتني عليه ، وبتغصبني على موعد العرس بعد.. أبوها وصوته بدأ يعلى بعد: وش فيه موعد العرس بعد؟؟ دانة بغضب: فيها إني أكره ولد أخيك هذا، وماني بطايقته، عطني سنة يمكن أغصب تفكيري عليه وأعصر على روحي ليمون.. قرفانة منه يبه والله قرفانة منه، ارحمني يبه حرام عليك.. قاطع كلام دانة المتدافع دخول سعود المفاجئ والأشبه بقنبلة عليهم في المقلط دانة من شافته أرتعبت، تدور شيء تستر فيه وجهها وشعرها لكن هو توجه ناحيتها بثبات وعطاها أقوى كف يمكن تتخيله في حياتها طاحت على الأرض وشعرها الطويل اللي كانت مرفوع بكلبس ينفك كله ويتناثر على كتفها، والدم يسيل من طرف فمها. عقب سعود كأنه ماسوى شيء وجه كلامه لعمه: يبه طال عمرك أنا أبي اخذ مرتي لبيتي الليلة، الزواج عقد وإشهار، وكلها صارت.. والحفلة خلاص مالها داعي.. الليلة بأسوي عشا رياجيل في البيت عشان يكتمل شرط الإشهار.. وبعد كم يوم أمي تسوي لدانة عشا.. عمه اللي تفاجئ من هذا كله، بس حب يأدب دانة على قولته رد: اخذها لا بارك الله فيها.. وبعدين وجه كلامه لبنته: قومي البسي عباتش وروحي مع رجالش.. دانة اللي كانت مصدومة ومرعوبة وقلبها واقف وترتعش من الصدمة كان ودها تترجى أبوها كل رجاءات الدنيا وتبكي عنده أنهار وتبوس رجله بعد عشان ماتروح مع سعود لكن مو قدام سعود، ماراح تشمته فيها: زين يا سعود دواك عندي، أنا تضربني يالمتوحش.. بعدين وجهت كلامها لأبوها وهي تدنق عشان شعرها يغطي وجهها: إن شاء الله يبه، خله يعطيني دقايق.. سعود ببرود: هذا اللي (خله) اسمه سعود ورجالش، إذا بغيتي شيء كلميني أنا.. دانة ماردت عليه ودخلت داخل.. قبل دقايق في المجلس محمد اللي لما سمع حس حريم في المقلط، طلع.. لكن سعود اللي عرف أن الصوت صوت دانه، أصر إنه يقعد لأنه كان يعتقد إنها ماجات للمقلط إلا لأنها تبيه يسمع فلما سمع كلامها اللي هي تقوله: حس بالنار تحرقه من أقصاه لأقصاه لأنه أعتقد إنها تبي توجه إهانة مباشرة له، فكان دخوله عليها واللي سواه.. دانة اللي دخلت على أمها وخواتها، اللي لما شافوا شكلها ارتعبوا، أمها برعب: وش فيش؟؟ دانة بصوت ميت: بأروح مع سعود لبيته الحين؟؟ أمها كانها حد ضربها على رأسها، وخواتها مو قادرين يستوعبون هي وش قاعدة تقول.. بعد دقيقة صمت كان أول حد تكلم غالية أصغر خواتها اللي قالت بصوت متقطع: دانة أنتي وش تقولين؟؟ بتروحين معه بدون عرس؟؟ دانة بنفس الصوت الميت: إسالي أبيش اللي أرخصني لولد أخيه..الدانة الرخيصة.. !!! بعدين وجهت كلامها لأختها مزنة: مزنة تعالي معي لغرفتي.. طلعت مزنة معها ودموعها في عينها والكلام ميت على لسانها في الوقت اللي أم خالد وغالية انخرطوا في بكاء حاد..لأنهم يعرفون أبو خالد إذا قال كلمة ما تصير ثنتين، وعلى طيبته إذا عصب، ماحد يقدر يوقف في وجهه. ************* جواهر وعيالها في بيت خالها.. اليوم كان يوم فرح غير طبيعي، موزة في الأساس كانت عندهم، وفهد وطلال لما عرفوا جاووا هم وحريمهم.. حصة ونوف أشبكوا على طول مع بعض، وكأنهم صحبة لهم سنين.. أم فهد بس تطالع جواهر وتبكي وتقول في نفسها: ليتج هنا يا أم عبدالعزيز، تشوفين فرحة جواهر.. والكل كان ملاحظ إشراق جواهر وفرحتها، كلهم فرحانين لها، ونجلاء طبت عليهم بعد، ولما شافت نوف، حضنتها بشكل غير طبيعي، وماكانت تبي تفكها.وكانت تسأل عن عبدالعزيز.. جواهر بفرحة حقيقية: في المجلس عند خالي.. نجلاء: خليه يجي أبي أسلم عليه.. جواهر بابتسامة: مارضى يدخل، مستحي، مع إن البنات قالوا بنتغطى بس نبي نشوفه ونسلم عليه من بعيد، بس هو مارضى.. نجلاء بابتسامة: عشتوا، حتى عزوز بيستحي.. وهم في سوالفهم وجو السعادة الغير طبيعي اللي كانوا فيها، جواهر ونجلاء كانوا قاعدين على جنب ويسولفون، نجلاء كانت تبي تعرف تفاصيل اللقاء بالتفاصيل الدقيقة رن موبايل جواهر رنة مسج، يوم شافت المسج من عبدالله توترت، وما كانت تبي تفتحه، نجلاء باستفسار: وشفيج؟؟ - جواهر بتوتر: عبدالله مرسل لي مسج - نجلاء بفضول: افتحيه.. - جواهر بقرف: ما أبي.. كلامه يغث.. - نجلاء خذت الموبايل من يدها غصبا عنه، وفتحته، قرته وحطت يدها على قلبها على طريقة الأفلام، وتنهدت بطريقة مسرحية وعطته جواهر تقراه: " في شرفة غرفتي بالفندق أجلس.. أجلس في جو بارد إلى درجة التجمد.. ولكن قلبي يستعيد ذكرى همسك فيشتعل نارا ترسل لهيبها في جسدي.. (الأذن تعشق قبل العين أحيانا) ما كنت أومن بهذا حتى اغتالني صوتك.. أيمكن للأنسان أن يعشق شيئا لم يتذوقه لم يمتلكه.. كوني لي إغتاليني بصوتك الملائكي المثير.. اكرهيني لو أردتي احرقيني ولكن كوني لي . . تزوجيني" جواهر لما قرت المسج مسحته وقالت لنجلاء: الله يأخذه قليل الأدب، قولي آمين ***************** سعود قاعد في سيارته، ينطر دانة تطلع عليه.. وهو قاعد ينتظر سمع صوت سيارة تفرمل بصوت قوي (كأنه صوت انفجار) توقف جنبه، كانت سيارة خالد، اللي نط بسرعة من السيارة..وغترته يسحبها في يده جاء.. ووقف جنب دريشة سعود وأنفاسه طايره ومشتعلة ووجهه أحمر، وقال لسعود وعيونه تطق شرار: وش أنت تتنى يا ولد عمي؟؟ (تتنى: تنتظر) سعود ببرود: أتنى مرتي ياولد عمي.. خالد وعيونه تولع بس محاول يمسك أعصابه: توكل على الله ياولد عمي، مرتك عقب شهرين مهوب ذا الحين.. سعود اللي بدأ يعصب: خويلد أنا ماني بأصغر بزرانك، أنا متفاهم مع عمي.. مالك شغل.. خالد وهو بدأ يعصب: أنت عارفني يا سعود، أنا فاسخ، لا تخلينا نتذابح هنا.. خلك العاقل وتوكل على الله.. والدانة كنك تبي تاخذها أخذها على جثتي.. مهوب كافي غصبناها عليك، تبي تاخذها غصب لبيتك بدون عرس، أنت شايف اختي سبيه.. توكل على الله يا ولد عمي.. سعود اللي خلاص فقد أعصابه، حول من سيارته: وإذا ما توكلت، ورني وش بتسوي، روح لأختك خلها تعجل علي يا خويلد.. خالد اللي شياطين الدنيا تنططت في وجهه: تهبى أنت ووجهك وتخسى وتعقب.. بتغصبني على أختي وفي بيتي.. أنت منت بشايفني رجال قدامك.. ودخل خالد للبيت بسرعة، في الوقت اللي سعود ظل واقف في الحوش وهو يولع من الغضب.. أم خالد اللي كانت قاعدة في الصالة واللي هي اللي اتصلت على خالد وعلمته بالسالفة، كانت تشوف كل شيء من الزجاج العاكس وكانت تبي تطلع عليهم.. ارتعبت يوم شافت خالد داخل عليها مثل الصاروخ ويطلع لغرفته.. وعرفت ولدها المجنون وش يبي يسوي راحت لأبو خالد في المجلس، وقالت له وهي تبكي: ألحق على العيال بيتذابحون في الحوش.. أبو خالد نط وراح للحوش، على طلعته، كان خالد طالع بالرشاش في يده، ويوم شاف أبوه قال له بصوت مولع نار محرقة يرتعش من الغضب: قل لولد أخيك يتوكل على الله، ماله مره عندنا إلا عقب شهرين.. وإلا الأحسن خله يطلقها، إلا ذا أوله ينعاف تاليه.. الدانة ماهيب طالعة من هنا إلا على جثته أو جثتي.. مهوب كافيه إن حن زوجناه شيختنا.. يبي يذلها ويقهرها.. سعود اللي شاف خالد طالع برشاشه، قرب منه بكل قوة، وحط رشاش خالد في صدره: اذبحني يا ولد عمي، أنا ماني بطالع من هنا إلا بمرتي.. #أنفاس_قطر# |
السلام عليكم... يسلم النقل مذهله ...والله ما تقصرين بسرعه نقلك للأجزاء من اول نزولها بس بجد الفصول قصيره جدا لو مهو تنزيلها اليومي مدري وش كان صار فينا يمكن نكون تحرقنا من الانتضار وصرنا مثل الرسوم المتحركه يطلع الدخان من اذوننا يؤؤؤؤؤه بارتات مسكته كل بارت يسكت الي قبله ياويلي عليها عبدالله : حلال فيك يا رجال الي يصير ومن هذا الحال و اردى يارب ...وش المراهقه الي صايدتك صدق من قال ان لكم مراهقه متاخره وهذا حنا شفناها فيك الحين عشان المره مهي متزوجه طايح فيها تغزل بس تعال من علمك الغزل هاااااه و طفح البير عندك مره وحده ونعمت العين بالمرود بسبب صوتها وطولها يؤؤؤه ودي بس اشوف شكلكل لمن تشوفها اخاف تنجلط ولا تصير مثل الطفل لا صق فيها ههههههههههههههههه اما عليك مسجات تجلط يارجال وبعد كل غزل.. تزوجيني خخخخخخخخخخخخ جواهر : يسلام جاتك فرصه الانتقام منه على البارد ياليتك تعرسين على غيره وتحرقين قلبه...بس مستحيل تسوينها ...والسبه عيالك وتفكيرك المنحصر فيهم وماراح يجيب راسك غير عزوز ولدك عزوز : يا بعد عمري ...الله لا يحرق قلبك و يخليلك امك يا نظر عين امك ...والله الحال الي وصلت له شكلك بتروح مع امك على بيتها وما راح تتركها تغيب عنك سعود : يؤؤؤه وش اقول عنك يارجال من جد انك وحش مثل ما قالت عنك بس عرفت انك انت الي بتادبها على طوالت السانها بس ماتخيلتها بهذى الطريقه كسرت خاطري والله الدانه وانحرق قلبها المسكينه من كلمة ابوها خالد : مالت عليك وش هالتعصب يالخبل مالت على رجال مثلك ما عندهم تفكير بالعقل كله بس تفكيرهم في مد اليد والقتل بس تعرف بتجيك دانه وتوقفك عند حدك وتروح معه ...لانها شافت عمرها رخيصه خلاص عند ابوها ما عد يهمها تروح الحين ولا بعدين لانها بتمشي مع المثل ((ما يضر الشاة سلخها بعد ذبحها )) مدري المثل صح ولا لا ننتظر ليوم السبت بكل شوق يا اهل الذوق (نفوسه / مذهله ) |
هلا والله بنفوس اجزء قمة في الروعة بردتي خاطرنا والله وحسبتهم حق كل يوم جزء عن الغياااب الجاي المفروض كل يوم نشوف جزء ونعلق عليه الى يوم السبت خخخخخخخخخخ تسلمين يانفوسه سعود والله مسكين صراحة دانه السانها فالت جد وتقط الكلمه من غير تفكير وبعدين كل شي يطيح على راسها من غير ماتدري ان هذا من خبالها وكلمها الى ياثر في النفس بعدين صحيح هالخويلد ذا نسخها من اخته مخبول يقط الرمسه من غير تثمين وينفعل ويطلع عضلتها على الفاضي مخبول الله يرجه رجنا في نهاية البارت ولازم ننطر الى يوم السبت حسبي الله على ابليسها >>>دعوتي له كلها من صالحها تراني احسن من جواهر خخخخخخخخخخخ نوف ...يعني على البنت الى مو قادره تستغني عن امها اي خلج كذا وقنعي الجلوه امج برجوع لي ابوج اوزعلي خخخخخخخخخخ لان بهاشكل تعتبرين تضغطين عليه ولا راح تقدر تردج خخخخخخ عزوز دخل امور سلبيه اكثيره قاعده تطلع مع الموقف الان هو اكثر واحد فقد امه وكان محتجه جنبه >>>ياترى جواهر راح تقدر تنقذ ولدها من الى هو فيه ...؟؟؟ عبود ...صادقه جواهر وش ذا الكلام ياقليل الادب اصلا مايجوز اعقل هي ماتحل لك صحيح 40 منتهي خخخخخخخخخخخخخخخخخ احلى شي حسبت ليلة وحده صراحة حتى انا شكية مو بس جواهر خخخخ ماسمعت المثل الى يقول((اعزوبي شهر ولا اعزوبي دهر))يعني بالله كيف ؟؟؟ بس لا طيعي وخلك على السليم لايحاسبك رب العلمين انت الى ضيعتها من يدك تزوجها اجباااري وعمل حركاتك النص كم هذي بعدين خخخخخخخخخخخ شوف شكل اولدك عزوز هو الى بيحلم هذا الامر لان بنفس شكل نوي على شي وجواهر يعني ماتدري ان الابو وعياله ناوين عليه نية شينه عزوز ونعمه الخااال والله الله يديمه لكم مذهلة |
سلاااااااااااااااااااااااااااااااااااااااااااااااااااااااام ياعسل
دمار .. البارتات دمار.. قنابل.,. متفجرات.. صواريخ ايش هذه يااااربي ثلاث أجزاء مدمرين ...قنابل ومتفجرات ابي ابد بالشحصيات الثانيه علشان مايحترق قلبي وعصابي من المراهق المتخلف سعوووود @ودانه واقسم باله انها قليلة اداب وتربيه انها تقول علي زوجه كذا ماهم كان وصار هو الحين زوجه ودام وفقت كان غص اوربرضها لاتزم تحرمها وماتكلم هذه الاكلام مهم صار وسعودر رجال والكلام لي قالتها مثل ماوصل لها اكيد وصل لي اوخوه وسمعها وهذ يقلل من رجولتها ول سوها فيها قليل عشان يرد اعتبرها وخالد اكيد رح يعرف لي سوتها اختها ورح يوفق علي انا ترح مع زوجها هنود ياحبني لها فرحتها في امها وتعبريها عن مشاعره لامها حلو الله يحفظها عزوز ياقلب امك والله انك تقطع قلبي علي حسبي الله ونعم الوكيل علي ابوك ثورلي عقدك وجاب لك مليووووووووووون عقد مخبول ماحدذ يشره علي مخبول نجلااااااااااء ياقلبي عليك والله انك ملح القصه جواهر ياااااااسعدتك تعلها دووووووم ودوم يارب ياقلبي عليك لم قلتلي لي عزو تسوي علي انك كبرت احساسك انها مشااااق ينام في حظنك ونومتكم وهم في احضاااااانك خلتني ابكي وفرحتك فيها وتحمساك علشان تعملين لهم فطور ماعليم من الخايس سوي لي تبين بالبيت مالت عليها من الااااااايب مراهق علي الخمسين الله يوفقك ويسعدك انتي وعيالك ماعليك منها طالعي عينها تطليع وخاليها يمشي وينام وهو يهوجس فيك عبدالله ياتافها الحقير انت الشااااااااااايب يااااااااتااافها ياثور لي مخبووووووول ياااربي علي تخلف وهمجيتك وقله ادابك والله اني كنت عرف نو رسال منك وانك رخ تقول كلام من كلامك هذه الا انك تطلب تزوجها يااتافه ولك عيني تبي تزوها بس احس برد قلبي فيك لم قفل سماااعها في وجهك والله لو انك بين يدين لذبتك سلمت يمناااااااااااااااااااااااااااااااااك يا انفاااااااااااااااس وسلمتي لنا ياذهوله والله لا يحرمنا منك ومن قلب ياااااااااااااااارب |
مسا الورد مذهلة ,,,, ثلاثة اجزاء رااائعة وحماسية اكثر مابين سعود ودانه ومسجات عبدالله الولهان وجواهر الكارهة عمرها منه يعطيك العافية مذهلة وهذا ردي على الكاتبة : انفاس جزء رائع يعطيك العافية جواهر وفرحتها كبيرة بعيالها حنيت عليها كثير وحنيت على عيالها اكثر مفتقدين الصدر الحنون , , ,وعطف الام وحبها لايمكن احد يعوضه او يحل محلة خصوصا عبد العزيز متأثر ومشاعره المدفونة قدرت تطلع بوجود امه حوله واكيد حيكون له دور كبير في جمع عبدالله وجواهر وما ادري كيف حتكون ردة فعلها اذا طلبها عبدالله رسمي للزواج حتكون في زاوية حرجة خصوصا امام اولادها فاما انها تخبر عيالها بفعلة ابوهم وحيوقفوا في صفها وبكذا تنتقم منه اشر انتقام وتحرم عياله منه برغبتهم او انها تجنب اولادها الالم النفسي وتضحي عشان يعيشوا في جو اسري لكن بتتعامل مع عبدالله بكل برود نجلا في وادي وجواهر في وادي ثاني , نجلا تعتبر نفسها عايشة جو عاطفي ورومانسي مع عبود وجواهر ومستمتعة بمسجات عبود ,,, وجواهر محترة من تصرفاته المراهقة ومسجاته الفاضحة برافوا عليك انفاس الزواج رباط مقدس مو يعني ما ابغاه ابقى ما يقرب , , ,,المسألة اكبر من كذا , المشكلة لما فتيات صغيرات يقروا مثل هالتصرفات بيطبقوها , , , اما لانها بجد مغصوبة عليه او انها بتختبر صبره وتشوف ردة فعلة لما تتمنع وما تدري ان عواقب مثل هالامور كبيره على الحياة الزوجية ولها عواقب وبصمة مشوهه في حياتهم ومن غير هذا كله لعنة الملائكة لها عبد الله , , , , المراهق الاربعيني ايش هالمسجات المعبره والله اتفـوقـت على نزار قباني والهوى والوله سيروك , , , ورغم انك عارف بصدها لك الا انك مستمر في فضح مشاعرك لها شكلة يستخدم اسلوب ((كثر الزن يفك اللحام )) ومع اصرارك لطلبها على الزواج تعتقد انها بترضى والاكيد انك بتستخدم عيالك للوي ذراعها سعود انجرح من كلام دانة وصعب انه يكون مفروض على شخص غير متقبلة لكن حب يذلها ويسقيها كاس المر بانه ياخذها لبيته بدون عرس , , , بالله كيف حيكون شكلها وهي داخلة بيت اعمامها مع سعود احراااج ودهس لكرامتها وهي كمان الله يهديها ترضى بنصيبها وتمسك لسانها شوية وتخلي اللي في النفس في النفس على الاقل عشان ابوها انفاس قطر ننتظر بكل شوووق الجزئية القادمة الله يصبرنا لـ السبت وقفت ِ عند موقف صعب وحياة وموت وكيف حتنل المسالة الشائكة مابين خالد الثائر والمتحيز لكرامة اخته , , , وسعود العنيد والمصمم انه ياخذها بدون عرس تأديبا ً لها انفاس موفقة يارب في امتحاناتك وطلعة حلوة وسعيدة مع الفاملي مذهلة سلمت ِ لنا على النقل ويعطيك العافية يارب |
سلمت يداكي مذهله علي النقل الرائع لهذه القصه
فهي متميزه جدا بأسلوب الكاتبه انفاس الرائع والمثير انا اتابعها في المنتدي الأخر ....وقد أجبرتني بأسلوبها الرائع علي الرد والمشاركه بالتعليق ......ولكني سأتمتع بقراأتها ثانيا معكى أنتي والأخوات الف شكر علي النقل ......وجزاكي الله خيرا لتعريف البنات لهذه القصه الرائعه وهذا هو تعليقي واووووووووووووووووووووووووووووووو رائع جدا جدا جدا جدا جدا جدا ثلاث أجزاء مدمرين ...قنابل ومتفجرات .....تسلم أيديكي يا قمر بصراحه أنتي موهوبه جدا .....ومتميزه لأقصي الحدود....كل بارت أحلي من الي قبله أبدأ .....برسايل عبدالله لجواهر ..... وكان واضح جدا فيها شوقه الشديد ولهفته عليها ...ورغبته لأعاده المياه الي مجاريها وبصراحه كان فعلا قليل الأدب ووقح ....ويذكرها بطريق غير مباشر بليلتهم سويا طلب الزواج ...عاوز ...يبرد ناره ...ويشفي غليله منها ويأدبها علي ردودها عليه ....وفي نفس الوقت يضرب عصفورين بحجر .....يتمتع بجمالها و يضمن أن أولاده ما يبعدوش عنه .... بصراحه عجبني أسلوبك جدا في الكتابه .... أسلوب واضح ومباشر وفي نفس الوقت ,,,مثير ....ويجعلك تنتظري القادم بشوق.... جواهر ....وفرحتها بعوده أولادها لأحضانها ....ونومهم طوال الليل بين ذراعيها بجد أشعرتني بلهفتها عليهم وحبها الشديد..... ربنا يخلي كل الأمهات ....فعلا حنيه الأم ماتتعوضش .... عجبني فيها ....قيامها لصلاه الفجر ....وصلاه التهجد.....وسجود الشكر ويقينها أن أمر المؤمن كله خير...... هتعمل أيه بعد ما حلفت لعبد العزيز ,,,أن عمرها ما هتسيبه؟؟؟؟؟ وهل يا تري سيستغل عبدالله....هذا الأمر لأجبارها للموافقه للرجوع أليه؟؟؟ سعود ودانه تطورات هايله وفظيعه وسريعه جدا .......له حق فعلا أنه يعند عليها وياخذها معه بعد ما سمع شتيمته بودنه......ولكنه غلطان بضربها ......هيبتدوا حياتهم سوا أزاي ؟؟؟؟؟...... دول داخلين علي حرب مش علي جواز.......أنتظر الموقعه الحربيه لقادمه بشوق شديد لأري ماذا سيفعل سعود مع خالد المتهور ....والذي أتوقع أن يوقفه أبيه عند حده وربما يجعله يغير رأيه ....لو عرف ماذا قالت الدانه عن سعود.... عزيزتي ....موفقه بأختبارك بأذن الله ,,,,,وربنا يسهل لك الصعب ... وتمتعي بوقتك في المخيم ....وأسعدي به .... وننتظر منذ الأن ونعد الدقائق والثواني ,,,,, البارت القادم بشوق شديد كل التحيه والود |
واو الاجزاء حماسية بس الله يعيننا وش بيصبرنا للسبت..
عبدالله ذا الرجل منتهي ههههه فسخ الحياء وابوه بعد وش هالرسايل ياولد اختش.. جواهر الله يعينك على عبود ورسايله خخخخ الا أتوقع يكون سبب زواجهم عزوز يصايح ما يبه تروح وينهبل لاراحت وكذا يعني بعدينهي توافق عشانه.. سعود: وووووووحش الله يعين دانة عليه اللحين من بيقنع خويلد وسعود كل واحد راك رأسه الله يستر.. نجلاء ياحبي له متأثرة بالقصص واجد خخخخخخخ مرة سالم ـ نسيت اسمه ـ لو تدري بسالفة الزواج بتنهبل بس عاد ما أحسه مجنون بس متأثر <<احلفي |
وااااااااااااااااو مذهـله قصـه مادري شقول عنهـا..
تهبـــــــــــــــل.. والكاتبه ما شاء الله عليها كلمـه مبدعـه قليل بحقهـا وصفهـا عجيب يخليج تشوفينهم مو تقرين.. تخليج تندمجـين عـدل مع القصة وتعيشج بالحدث.. تخليج تكرهينهم وتحبينهم جنهم ناس صجيـن مو قصـه وبس... ما اقول غير الله يوفقهـا ويوفقج على نقلج القصـه لهنـي... تسلم ايدج مذهـله... عـبد الله مالـه حق بالي سواه ابـدا... فهمنـا يحب عيالـه ويبي مصلحتهـم بس بعـد اهي امهـم احد يحمي عيال من امهم..!! مرات احـس اني ما الومـه اهو هذي وجهـه نظره وان امهم مو كفـو تربيهـم وانها جاهـله.. بس في اكثر من حـل يعلمهـا شلون تربيهم ويفهمـها ان الي تسويه غلط.. صج كانت صغيره بس تفهم انهـا ام وان هذيل عيالهـا واهي بشر مو معصومة من الغلط تغلط وتتعلـم والي صارله ممكن يصيرله اهو بعد... بس اهو دور اسهل حـل والي ما يتعبـه وبحجـة غبيـه بس بنظره انـه صح.. بس طلع فيـه الخير والله فكر فيهـا ويبي يوهمها ان عيالهـا ماتو وااي ودي اذبحه والحين شنو ياي يبي يأدبهـا.. ادب نفسـك اول هع مو كفايـه الي سويتـه فيهـا تبي تعذبهـا زيادة ليش... ما اقول غير حسبي الله عليك عبد العزيز الصغير:) غيـاب امـه عنـه.. وتأخيره عن اختـه بسنتيـن.. شعـوره بالنـقص.. كل هذا خلاه قليل الكلام والتعبيير عن مشـاعره.. بس برجعـه امـه صار غير وعكس قبـل كلش... ويخاف ان امـه تروح وتخليـه ويرجع نفس قبل او يخاف ان كل الي صارله حلـم وان امـه ميتـه.. بس الحمد لله الي تقبلوهـا لان مهما كان الدم ما يصير ماي والظفر ما يطلع من اللحم<<كشخة هع هنـد يؤ يؤ يؤ... انصدمــت منهـا..!! صج الصداقة بهالزمن صارت شي نادر.. والمصلـحة وحب الشهـرة والفلوس اهو الطاغي... ما اقول غير الله يهديج ويكفي نوف من شرج... فاطـمه انصدمـت حدي من تفكريـها.. بس ما شاء الله عليهـا عاقلـه وتفكيرهـا حده منقطـي.. الله يعوضهـا سالـم اهئ هئ مسكيـن.. صعـب ان اهله يموتون بيوم واحـد.. وصعب بعد انـه يخلي البيت الي فيه ذكرى اهلـه.. الوحـدة صعبـه خاصة بمكان كله ذكريات فما الومه يوم انه يبي يتزوج بالعطله الله يوفقـه منيرة اممم معاها حق بخوفهـا منـه.. عالاقل يسكنون ببيت ثانـي ويزوره كل يوم.. بس مو تسكن ببيت ماتو فيـه محترقيـن انا لو منهـا جان مت خوف هع سعـود اممم اوك الله ما كتب لـه نصـيب مع فاطمـة.. ويكره دانـه شالي حادك تاخذهـا وتقول انا اولى فيهـا.. اكره هالعادة مو يعني بنت عمي يعني انا اولى فيهـا وانا احب غيرها او كان ودي بغيرهـا.. اوك تحب بنت عمـك او تحسهـا مناسبة لك مو مشكلـه.. بس انك ما تطيقهـا واهي بعد شالي حادك تاخذهـا وانتي تدري ان حياتكم بتكون صعـبه ومافي تفاهـم كلـش..!! ومهمـا سوت مو حلو انـه ياخذهـا بنفس اليوم بعد بنت حالهـا حال البنات ودها بعرس.. دانـه ما الومهـا يعني لو انا مكانهـا بسوي الي سوتـه واكثر بعد.. يعني عادي انحاش من البيت هع... يعني فوق مو مغصوبة عليـه عشان لا تكسر كلمة ابوهـا.. يبي العرس بعد شهريـن خل تتقبل قبل وتحس روحهـا مستعدة... بس مو جذي الله يعينهـا خالد ما الومه بالي سواه اوك ولد عمـه وصديقـه بس بعد اهي اخته ومحد يرضاها على اختـه تكون رخيـصه جذي... نجـلاء ونعم الاخت والصديـقه والله.. الله يخليـها لجواهر جواهر 17 سنـه محرومـه من عيالهـا ما تدري وينهـم وشلون عايشين ميتين او لا..!! ما فارقو تفكـيرها كلـش ولا فارقو احلامهـا.. صج كانت صغيره وما قعدت معاهـم وايد.. بس تتم ام محرومـه من عيالهـا... متشوقة لشوفتهـم وانهـا تحضنـهم ينادونهـا يما وترد عليـهم.. صج كسـرت خاطـري.. والي متشوقة لـه اكثـر شلون تنتقم من الي خذا عيالهـا منهـا.. الي حرمهـا تنام مرتاحـه وحرمهـا تعيش سعيـده والي وبعد ما شافتـه شلون بتنقم منـه وترد له الي سواه فيهـا... عبد العزيز اخو جواهـر ونعم الاخو والصديـق والله.. اوك ماقدر يكـره عبد الله هذا شي خاص فيـه اهو وما نقدر نلومـه عليـه الواحـد ما يقدر يتحكم بمشاعره... آخر شي الف شكر لج مذهـله عالقصـه الحلـوة وان شاء الله انا من المتابعـين نفووسة التحرير كان 26-2-1991 مو 28-2-1991:) تقبلي مروري |
السلام عليكم
لقد تسألت اقدار عن سر القصص القطرية وعن سر تألق الكاتبات القطريات هنا اجاوب من وجهة نظري اعتقد ان المجتمع البدوي المتحفظ والذي يحوي على عقول مثقفة توجد لديها اوقات فراغ استطاع الاستفادة منها بنسج قصص غاية بالروعة واعطت فكرة واضحة ومشرفة عن مجتمع مثقف محافظ وعن الرجل البدوي الغيور وعن المراءة القيادية التي تستطيع ان تصنع من انتكاستها نجحا مذهلة قصة غاية بالروعة وغاية بالنضج وافكار مختلفة وثقافة عالية وتعبير عن المشاعر والمواقف لا تدل على ان صاحبته كاتبة مبتدئة بل انها كاتبة محترفة مذهلة الف شكر ومنك الى الكاتبة اوصلي لها تمنياتي القلبية لها بالموفقية لنأتي لاحداث تشعبت وتطورت عبر اجزاء لن امل من اعادة قرائتها لما تحوي من كلمات منتقات بدقة عالية جواهر بجمال فاق الوصف وبمشاعر امومة لم تمحها السنين ولامدة البعاد بقت مستعرة ومتقدة وانثوة دفنت لتحل محلها انسانة عملية تهتم بدراستها وعملها فقط وتهتم بتعزيز الام داخلها انها ام وام فقط انا من اشد المعجبين بالمراءة القوية التي تستطيع ادارة امورها والتي تستطيع اتخاذ قراراتها دون ان تتخلى عن حب من حولها لها رائعة شخصية جواهر ورائع رسمك لها هل تعرفين عزيزتي الكاتبة عنادها وبقائها مصرة على عدم القبول بعرض عبدالله سوف لن يستمر لانها بالتأكيد سوف تفكر بمصلحة اولادها وخاصة عبد العزيز الذي يخشى الافتراق عنها لذا سوف يكون سندا قويا لوالده في ارجاع والدته حتى يضمن وجودها في حياته >>وجهة نظر عبد الله لو كل واحد حس انو زوجة ليست الام المناسبة لاطفاله او لنقل ام غير مسؤلية وقرر ان يهرب بهم لوجدتي الكثير من الامهات قد اضناهن الالم والحزن لفراق اولادهن الحياة تجارب ومساعدة فهو لم يمشي مع جواهر خطوة خطوة حتى تتعلم كيف تعتني بأطفالها اختار الطريق السهل الهروب بالاطفال وترك تلك الطفلة التي تضيف له حمل فوق حمله لاطفاله بصراحة تصرف اناني بحت حتى وان برر لنفسه الامر كل التبريرات غير مقنعة ويستاهل كل التصرفات التي تتصرفها معه جواهر الصديقات الثلاثة مها وفاطمة ومنيرة رائعة جدا صداقتهن واجادت الكاتبة الوصف واجادت تقسيم عوائلهن ونوع العلاقات بين افراد العائلية وخلقت جو قصيصي مختلف لكل صديقة من الصديقات وجدناهن كل واحدة من بيئة مختلف تنوعت البيئات واختلفت الشخصيات وتناولت الكاتبة العديدة من المشاكل الاجتماعية من خلال الصديقات ابتداءا بمشكلة سالم والبيت المحروق ولغز الغرفة المحروقة ومرورا بخطبة سعود لفاطمة التي لم تتم والتي استغلتها الكاتبة في امرار رسالة معينة للبنات وهي الاعجاب والحب وتوابعه بصراحة احيها على الطرح واحيها على تناسق الافكار وانتهاءا بزواج سعود من دانة بطريقة قبلية اعتاداتها المجتمعات العربية وان قلت لكنها موجودة واخيرا فزعت خالد لاخته وكرامتها وتطور الامر بين اولاد العم الى شهر السلاح وللاسف الشديد هذا امر موجود عندما يفقد الانسان سيطرته على غضبه عندها يصبح الكبير صغير ولايرى امامه سوى غضبه وغضبه فقط رائع جدا انفاس قطر اولاد جواهر هنا اجد نفسي اقف وقفة احترام لكاتبة عرفت كيف تدخل اولاد جواهر الاحدث دون ارباك القراء ابتداءا من تهيئة القراء من خلال الصديقات الثلاثة وتعليقهن على شبيهة الدكتورة انتهاءا من تداخل الاحداث بين سرد جواهر تفاصيل زواجها من عبد الله وبين ترقية عبد لله واخبار اولاده بها الى ان ينتهي الحدث بمعرفة جواهر بوجود عبد الله حبكة قصيصة رائعة عندها يبدأ دور اولاد جواهر لنفاجئ ان لكل منهم قصة انطوائية عبد العزيز والمأمرة المحاكة لنوف كلها مواقف سوف يحتاجون بها لتواجد والدتهم ابدعت الكاتبة في ايجاد جو جميل بين الام واولادها وابدعت في خلق عناصر قوية لكي تزيد علاقة الام بأبنائها ابداع بصراحة مذهلة الكلمات تعجز عن وصف هكذا ابداع وعن هكذا قصة محبوكة بشكل رائع هنا لا املك سوى أن اقول تبارك الله مشاء الله ولمذهلة اقول لها الف الف الف الف شكر مختلفة دائما انتي وفقك الله |
السلاااااااام عليكم.. نفووووووووووووسه... تف تف تف مااشااء الله عليتس ياابنت قطر.. والله روووعه.. اكشن خطييييير.. وتعبت من كثر سرعة الاحدااث وخصووووووووصااااااا سالفة سعوود.. وبعدين وش سالفة انتس مااراح تنزلين شي يومين هذي بعد.. لااااااااا اناااا اتوقع انتس تقووولين كذا من بااب المزح معناا.. ههه ههه هههه.. حلوه حلوه ياانفووسه اجدتي المزحه بس لااتعيدينهاا.. هخهخهخه.. الله يوفقتس نفووسه.. تدرين والله جت على مزاجي انتس ماراح تنزلين شي هاليومين.. تراني بعد انا مزحوومه.. هخهخهه.. يعني هذا القرار من مصلحتي.. هع هع هع.. نوف وعزوز : يااقلبي والله من اشووفكم ارحمكم وخصوصاا انت ياا عزوز احس انك مرره مرررررره مااصدقت انك تلقاها..والله شكلك بتخلي الحذر اللي كنت فيه قبل .. وخلااص بتصير تبين مشااعرك ولاااهمك احد.. وياا حبي للي يستحوون.. اقووول احسن شي انك مارضيت تجي تسلم عند البنات .. خلهن ينقهررررررررن وهن بيمووتن على شووفتك بس انت صدق تجنن... سعود ودانه : ياارااااسي منكم.. والله انكم مخااابيل.. بالله عليكم هذي تصرفات اوادم.؟؟ سعوود بل عليك وش هذاا اوول لقااء بينكم وعلى طول كف.. يعني موو أي كف بعد .. الا كف مخمس على كيف كيفك.. الحين توووك مملك عليهاا مامدااك يطير تمليكك بالهوااء الا وانت جاااي وتقوول هاتوها الحين هي زوجتي.. والا عمكم الاهبل.. مااهظمناا اسمه للحين وجاي بمصيبه ثانيه مستحييل نهظمها وهي انك تاخذهاا عشاان تاذب..؟؟؟ وش هالابوو الاهبل هذا..؟؟ بنته تنظرب قداام عيوونه.. ويخليهااا تروح مع زوجها اللي تووه ماسح فيها البلاط ومعطيها ذاك الطراق عشان تتربى؟؟ يعني مااكفااك انك مزوجهاا غصب. الا بعد لاازم اهاانه.. والله رحمت داانه مرره... وانت يااسعود .. وش هالشراسه اللي فيك والله مالومهاا دانه لما سمكتك المتوحش.. اهبل انت ياا سعود متزوجهاا عشاان تاذبها بسبب علووم قديمه بينكم...؟؟؟ وقسم بالله الحين اقوول يمكن منيره مضيعه السالفه وان الالمجنون انت ياا اخو مهاا موو ولد عمهاا سالم... هخهخهخه شكلكم بتسووون لناا قصة وسط هالقصه.. الله يعينك يااسعوود على دعاااوي الحريم ان استمر وضعك كذاا..؟؟ اقوول موو يمكن انت مسووي هالموقف تمويه ومن تروح انت وداانه تطيح تحت رجولها تطلب منها السمااح؟؟ هخهخه بس قدامناا مسووي نفسك حمش وقووي ورجووله مفصله فوووق المقاس؟؟ هخهخهخه جواهر: جوووجووووووو.. ياا عمري وانتي مع عياالتس بسرير وااحد.. الله لااايفرقكم يااارب.. شوفي جوجو حااسه انتس بتتعبين مع عزوز بالاول بس بعدين الولد بيستوعب الوضع وبيكوون اوكي.. والا عاد عبود . تكفيييين سوووي زي ماقالت لتس نجلاا والله تجنن خطتهااا .. احرقي قلبه بالشووف بس.. هخهخهه.. ياا عندي احسااس ان عبوود هذااا لوو استمر شووي بهالاسلووووب وزااد الريس والضغط عليتس بهالكلاام بترووحين وطي.. يمكن بالاوول يكثر من هالرساايل وبعد فتره يقطعهااا وهناا انتي اللي بتصيرين تبينه يرسل.. هخهخهخه كشفتس >> بس نفووسه ادري بتقوول فشنك.. مع انها عارفه وانا عارفه اني اصيد الاحدااااث عدل.. بس هي حرمه غيوووور.. تغار لاني اجيب الاحداث عدل.. هع هع هع عبد الله :: عبوووووووود.. بل عليك ماااخليت قلة ادب مااقلتهاا.. بس تدري حلووه.. قلة ادبك عااجبتني جاايه على مزااجي.. هخهخهخه. والله رساايلك تجنن .. وترى كثر الدق يفك اللحااام.. يعني استمر بهالخطه وابشر باللي يسر قلبك.. هخههخهخهخه.. بس يااخوفي ان رسااايلك هذي تودي نااس مالهم دخل بسالفتكم بداهيه مثل نجلااا اللي اتمنى انها تمسح الرسااله على طووووووووووول.. الله يستر من هالرساايل.. تدري وش احلى شي ان موووضح شعوورك لجواهر وبنفس الوقت مسووي نفسك بارد.. بس والله انت يمكن اللي تنقلب خطتك عليك.. اعجبتني وانت مبين لجواهر الغيره.. هخهخهخه.. وتوك يااا عبود مااشفت شي.. هخهخه.. بالتوووفيق في خطتك.. هخهخهه.. نستنى القاادم باذن الله بكل شووووق .. أيـــــــــــــــــــــــــــــه صدق نفووسه عندي ملاحظه بهالاجزااء وهي لما قلتي اقتباس:
وبعد لما قلتي اقتباس:
وعلى ذلك ياا اخت انفاس جرى التنبيه ودمتي بكل الود.. هخهخهخه.. الفقره الاخيره هذي كاني مذيعه من حقات الاذاعه القديمات. هخهخهخه نفووووووووووووووووووووووسه.. مشكوووووره مليون مرره على هالاجزاء الرووعه .. نفووووسه.. اجاازه سعيده وممتعه يااقلبي.. استااانسي فيهااا لاقصى حد.. ولااتقولين البنات يضغطون علي.. هه تراني اسمح لتس بقضاااء الاجاازه .. لاااا وبعد اتمنى انتس تتمتعين فيهاا.. لله دري ماا اطيب قلبي.. هخهخهخه |
السلام عليكم ورحمة الله وبركاته
اهلييييييييين مذهله تسلميييين ياقلبي على الروايه وان شاء الله انا من متابعينك من اليوم وهذ1 حجز لمكاني بس قبل اعلق على الشخصيات (( ابي اسئل اهل قطر وش حليب كرك مررره ابي اعرفه وابي اعرف كيف اصلحه )) نجي لشخصيات (( عبدالله )) شخصيته حلوووووه صح الحركه الي هو سوها شينه واسبابه تافهه وهو حتى كان ينقصه نضووج والدليل اندفاعه لجوهره الأن (( الجوهره )) حبهاا لطفالهاا وغريزت الامومه كانت حلوووووووه شرستهاا مع عبدالله مسببه اكشن حلوووو بس اكيد راح توافق عشان عبدالعزيز ولدهاا وهو سبب رجوعهااا .. (( سعود )) اندفاعه لفاطمه لئنوثتهاا فقط بسبب جموده راح ياخذ دانه معه وهذ1 شي اكيد بس راح يخف عليهاا والله يصبرهاا .. ننتظر البارت ياقلبي بفارغ الصبر .. جـــــ,ـــــــ,ــــــودي |
السلام عليكم
تدرين مذهلتنا الغاليه لو نقعد نشكرتس على نقل القصه من هنا لبكره ماوفيناتس حقتس يالغاليه ....مشكووووووووووووووووووووره ياقلبي الاجزاء هذي خطييييييييره ولحظات الاكشن فيها وااااااااااااو سريعه خاصه سالفة ملكة سعود ولحظات الغضب الي جاي وشايلها معه الله يهداك ياسعود هذا تصرف كف مرة وحده ولا نافخ ريشه الرجال ويقول يالله اذبحني والله منت بهين ياطرزان اتوقع ان دانه بتشوف تصرفك ويمكن يجي بخاطرها ان كل هذا حب فيها يوم انه مستعد يموت في سبيل روحتها معه ...بس الله يستر مهبل واجتمعوا كل واحد اعند من الثاني والضحيه دانه الله يكون بعونها ... عبــــــــــــــــد الله مجنــــــــــون ليلى ....قيـــــــــس زماااانه والله وطحت وماأحد سلم عليك والمشكله كل كلمه والثانيه تتزوجيني ههههه الله يكون بعونك هذا كله من صوت اجل لو تشوف الصورة وش بيكون حالك حاسه ان حالتك بتطول ويمكن الطريق الي بيوصلك لملكه الجمااال هم عيالها اكيد راح تستخدمهم اداة للضغط ويمكن توافق مكرهه بس عشان عيالها ويمكن تهددها انك بتحرمها منهم في حاله ان العيال ماأثروا فيها ... الله يعينك عاشق ومفلس ....ههههه أنفااااااااااس لك باقات الحب الوانا ... سلمت الايــــــــــــــــــــــــــادي يامبدعة ... |
سااااااااااااعة تعلقي عليج على اول تعليق على القصة تسلمين ياقلبي على تعليقج الجنااان الله لايحرمني منج بس بالله سوسو طلبي لا تسبين عبود ولا تدعين عليه حرام عليج خخخخخخخخ
|
اقتباس:
ظبية الشرقية يا حبي لخبالك اللي منقطع النظير غريبة إنك هالمرة ماشطحتي ونطحتي في التوقعات.. موب العوايد سعود ودانة فعلا انطريهم في احداث أكشن عالي جدا عبدالله وجواهر تو الطبخة ما نضجت والاحداث جايه بالهبل بالنسبة للاسرائيليات فيه مفسرين للقرآن استعانوا ببعض الصحيح فيها وعزرائيل اسم يقال دائما لملك الموت.. وأنا دايما أقول إني أحب إن لغة القصة تكون قريبة للواقع وليست مجرد لغة منتقاة ومفصلة <= مثل رجولة سعود اللي انتي ماسكة فيها ومثلها مثل الله يرجك، وحاشا لله إن أكون اقصد إساءة الأدب مع الله وتعالى الله عن ذلك علوا كبيرا لكن الكلمة مقيولة.. والله قادر على كل شيء.. "إن الله لا يستحي أن يضرب مثلا بعوضة" لكن المشكلة تصير في المبالغة والتنطع الله لا يحرمني مرورك الغالي وطلتك الأحلى انفاس |
اقتباس:
إرادة الحياة أنا أشكر مذهلة التي سمحت لعقلية رائعة مثلك إنها تقرأ قصتي المتواضعة أنا في غاية السعادة وانا أقرأ ردك المختلف المليء بالتحليلات العميقة التي لا تصدر سوى عن عقل ناضج منفتح وعميق يسعدني كثيرا متابعتك لي وأتمنى ألا تملي يوما وتتركينا في منتصف الطريق فالرواية مازال بها طريق طويل سيمر بعشرات الأحداث المختلفة التي لم تحدث يوما في قصة على فضاءات الشبكة أهلا بك وألف ألف مرحبا انفااااس |
اقتباس:
يسلملي المرور وتفاااعل ياااارب اوف دوم هاطله ولا تحرمني منه يالغليه صحيح مبروك المولود الجديد ولقب عمه انا سبقتج فيه من زماااااااااااااااااااااااان من يوم كان عمري 6 سنوات خخخخخخخخخخخخخخخخخخ |
اقتباس:
ياهلا بالمرو الحلو بس بالله ام لولو اعقلي عن عبود بسج من السب عقدتي الرجاااااااااال خخخخخخخخخخخخ ويالله ياحلوه انطري الجديد بعد شوي ياعسل تسلمين والله لي |
مذهلة الخليج
يسلم لي التفاعل والتعليقات والحماس خفوا على عبود المسكين خنت حيلي كلكم دوبكم دوب هالمسكين شكلي أشلعه من القصة عشان ترتاحون منه الله لايحرمني منك انفاااس |
اقتباس:
ميثااان تسلمين لي على مرورج الجنااان ولا تحرميني من طلتج وردج على كل بااارت كلمج دئما عين العقل الله لا يحرمنا من هالعقل يااارب وشوفج دوم ان شاء الله مذهلة |
اقتباس:
تسلميني لي يايوسي على مرورج العسل وتعليقج الاروع وان شاء الله اشوف ردج دوم يالغالية مذهلة |
اقتباس:
مرحبا هل بيج مها كيفج باللله ليه تسبين في عبد الله ياختي ليه كلكم على الرجاااال من حر مافيه يقول كذا خخخخخخخخخخخخخ تسلمين وخلني اشوف ردج على كل جزء مذهلة |
اقتباس:
والله العظيم خجلتيني ويارب أكون عند حسن ظنك يارب وما أخيب ظنك الطيب فيني تحليلاتك ودقتك وتعليقاتك شيء وااااااااو فعلا مخ نظيف ماشاء الله بالنسبة لتحرير الكويت أنتي اللي صح والخطأ خطأ مطبعي لأنه مستحيل أنسى تاريخ تحرير الكويت لأسباب كثيرة شكرا يا قلبي على التصحيح ويابنات انتبهوا لتصحيح متابعتنا العسل الجديدة الله لا يحرمنا تكرار زيارتها وتعليقها انفاااس |
اقتباس:
ياهلا بيج والله فرحت يوم شفت ردج تسلمين لي والله وان شاء االله اخدمج في الافراح وليلي الملاح خخخخخخخخخ وان ساء الله اشوف ردج على كل جزء ياقلبي مذهلة |
اقتباس:
هلا والله بيج تدرين فقدتج قلت البنت معاده براجعه معلق بس فرحت من قلبي يوم شفت ردج تسلمين لي على المرور ياقلبي وحياااج دوم وبتعليقاااتج الجنااااااااااااان مذهلة |
هلا والله والف مرحبا
توني والله راجعة الحين عطوني بس مهلة أرد على اللي مروا من هنا أولا أنا مبسوطة وايد إنكم انبسطتوا بالأكشن في الرواية والله لا يحرمني تفاعلكم ومروركم قبل ارد على ردودكم خلونا نتكلم عن جزئية وحدة عامة غالبيتكم علقوا عليها عبدالله وحركات المراهقة الجريئة أولا معروف إن الرجل الكبير في السن يكون جريء في الكلام ومتحدث إنتوا لاحظوا الفرق بين شاب عمره 20 ورجل عمره40 يتكلمون ولاحظوا الفرق في الجرأة وقوة العبارة ثانيا: عبدالله المحروم طول عمره واللي كان مانع نفسه يتقرب من أي أنثى عشان عياله لقى أخيرا أنثى سحرته.. وعلاقته فيها راح تكون في مصلحة عيالها فكيف تتوقعون راح يكون تصرفه معها زين إنه ماكان أجرأ من كذا بعد وعلى العموم أنتظروا الأحداث اللي بتجي واللي بيكون فيها مفاجآت كثيرة بالنسبة لهذا الموضوع |
السلام عليكم
خيتو القصه شكلها حلو بس ممكن سوال كم باقى بارت وتخلص القصه اذا مابقى الا قليل راح اقراها الحين واذا باقى اكثير بقراها فى عطله الربيع ممكن ردك خيتو ويعطيك الف عافيه |
بعد الغياب/ الجزء السابع والعشرين
#أنفاس_قطر# سعود اللي شاف خالد طالع برشاشه، قرب منه بكل قوة، وحط رشاش خالد في صدره: اذبحني يا ولد عمي، أنا ماني بطالع من هنا إلا بمرتي.. دانة اللي كانت تسمع وتشوف مع دريشتها اللي تطل على الحوش، يوم شافت خالد طلع بالرشاش، نزلت وهي تركض بدون عباية وبدون غطا.. خالد اللي خلاص طاش تفكيره، وماعاد يشوف شيء قدامه، فلك الرشاش، وضغط على الزناد مع طلعة دانة اللي مسكت يد خالد بقوة ورفعتها فوق، طاش الرصاص في السماء.. خالد ارتعب يوم سمع صوت الرصاص،ورجع له تفكيره اللي ضاع من الغضب، شهق بعنف: ذبحت ولد عمي سعود رغم غضبه إلا إنه كان واقف في مكانه بهدوء، ما كأنه كان بيموت من ثانية وحدة.. أبو خالد، حس إنه قلبه وقف، ورجوله ما تشيله، حسب إن ولده ذبح ولد اخوه.. لأنه من شدة الموقف والتركيز ماحد منهم شاف دانة يوم طلعت عليهم.. أول حد تكلم كان دانة: اللي مسكت في ذراع أخوها: تكفى يا خالد تكفى، خلاص مافيه داعي لذا كله، أنا أصلا اللي أبي أروح مع سعود، وما بي عرس.. خالد بشك واعصابه فالتة منه: مهوب أنتي اللي أمس تبكين دم، ما تبينه، وأنا اللي أحاول أقنع فيش.. وش تغير اليوم؟؟ دانة بصوت حاولت إنه يكون واثق وهي تروح توقف جنب سعود وتشبك ذراعها بذراعه: أمس دلع بنات، واليوم سعود رجّالي وقبلها ولد عمي، والعرس خرابيط أنا اللي ما أبيها.. سعود اللي كان واقف بكل برود، حس بكهرباء عنيفة تجتاح جسده خلية خلية ووريد وريد وشريان شريان لما شبكت يدها بيده وحس بملمس عضدها على عضده: وش هالمره؟؟ وش هالقوة اللي عندها والثقة؟؟ سعود طول عمره مؤمن إن المره مخلوق عاطفي ناقص عقل.. أشلون هذي قادرة تسيطر على أعصابها، وتتصرف أحسن منهم كلهم.. سعود كان خاطره لما شاف موقفها النبيل، إنه خلاص مايقهرها (مثل ذا المهرة ماتقهر)، ويخليها تقعد في بيت هلها لين موعد العرس اللي كان مفترض بعد شهرين، لكن بعد ماطلعت قدام أبوها واخوها وشبكت ذراعها بذراعه قدامهم.. وصار اللي صار من خالد... خلاص ما يقدر يتراجع ****************** جواهر وعيالها قعدوا عند بيت خالها لحد ما تعشوا عنده، وودتهم جواهر لبيتها عن طريق الباب الواصل بين البيتين، بعد ما اتصلت على عبدالعزيز ولدها اللي قابلهم في الحوش، دخلوا مع الباب وجواهر تقول: سموا بسم الله نورتوا بيت أمكم... مع دخلتهم رن موبايل جواهر بمسج، جواهر في نفسها: لا يكون عبدالله بأنتحر عشان ارتاح منه، وفعلا كان عبدالله: " في حفل الليلة.. ألف امرأة حسناء.. ولكن عيني لا ترى أحدا.. ماذا فعلتي بي؟؟ تمددتي في شراييني وعقلي حد الامتلاء.. أحاول أن اصرف تفكيري عنك لأاجده يخونني ويعود إليك . . تزوجيني" قرت جواهر المسج ومسحته كالعادة وهي تقول لنفسها: مو علي حركاتك يا عبود نوف كانت تفر عيونها في كل شيء حواليها: واو مامي بيتج كيوووووت.. جواهر بابتسامة: أكيد مو قد بيت أبوكم، بس أعتقد إنه حلو.. عبدالعزيز اللي كان يفرعيونه في البيت، ابتسم ابتسامة مرتبكة، وقال: وليش يكون لكل واحد منكم بيت؟؟ جواهر وهي مو منتبهة لمقصد ولدها: ش تقول حبيبي؟؟ عبدالعزيز اللي استجمع شجاعته وهو مقرر إنه ما يخلي أمه تبعد عن عينه عقب اليوم، قال في قنبلة مدوية: يمه ليه ما ترجعين لأبوي؟؟ جواهر حست مثل اللي انخبطت على رأسها بمطرقة، ماقدرت توقف، فجلست، حاولت تخلي صوتها واثق وهي تسأله: أبوك اللي قال لك تقول لي هالكلام؟؟ عبدالعزيز بنفي صادق: لا والله، هذا تفكيري أنا.. وانا أتصلت فيه اليوم الظهر وقلت له، قال لي هو ماعنده مانع، وإنه هو أصلا تقدم لج بس أنتي اللي رافضة.. جواهر تقاطعه بهدوء: حبيبي أنا بيني وبين أبوك خلافات عميقة، والعشرة بيننا مستحيلة.. نوف اللي كانت قاعدة تسمع، جنت إعجاب بفكرة عزوز واستحلتها لأبعد حد (أمي وابوي مع بعض.. واو) نطت جنب أمها وامسكت يدها وقعدت تبوس فها: يمه تكفين، والله أبوي يجنن ومافيه أطيب منه، ليش تقولين العشرة بينكم مستحيلة.. عشاننا يمه عشاننا.. جواهر حست إنها بتنهار ومو قادرة تستحمل: مستحيل يا عيالي مستحيل.. (حاولت تتخيل الصورة في بالها: هي وعبدالله متزوجين؟؟؟) لا لا لا مستحيل.. لا تحاولون.. أبوكم لو أخر رجّال في الدنيا أنا مستحيل أتزوجه.. عبدالعزيز قعد جنبها بحزن، عبدالعزيز بالذات جواهر صارت ما تستحمل شيء عليه: يمه حرام عليج، والله حرام عليج.. إحنا ما نقدر نستغني عن أبوي، وفي نفس الوقت مستحيل نخليج عقب مالقيناج.. أمه تقاطعه: أنا ما أبي أتكلم على أبوكم في غيابه، بس أبوكم سوا شيء أنا مستحيل أسامحه عليه عمري كله.. عبدالعزيز قاطع أمه بحزن: مهما كان الشيء اللي ابوي سواه كبير، إحنا مستحيل نكرهه أو نتركه، وفي نفس الوقت أنا أأكد لج إنه أبوي إنسان رائع، يعني إحنا ما نستاهل منج شوي تنازل؟؟ ونوف نطت من عندها: والله أبوي يجنن قلبا وقالبا، رفيقاتي كلهم ميتين عليه.. يعني لا هو مشوه ولا متوحش عشان ما تقدرين تعيشين معاه.. ابتسمت نوف وهي تكمل: ضحي شوي عشاننا ووانتحري وأخذي أبوي الوسيم والجنتل والعسل .. جواهر حست خلاص إنها بترجع كل اللي في بطنها: خلاص يا عيالي خلاص عطوني فرصة أفكر (قالت كذا تبي تسكتهم بس).. جواهر حست إنها منهارة: ماعليه ننام هنا الليلة، أنا تعبانة شوي، وما أقدر أرجع لبيت أبوكم.. عبدالعزيز اللي كان أكثر واحد حاس فيها: بس يمه إحنا ماعملنا حسابنا ولا جبنا معنا غيار.. جواهر خلاص حاسة إنه بيغمى عليها: بس الليلة يمه بس الليلة.. نوف وعبدالعزيز بحب وحنان: خلاص يمه مثل ما تبين.. ***************** في غرفة منيرة وسارة... منيرة باستفسار: عدال وش هالحب اللي جاس من سالم.. من صبح وأنتي وياه تفرفرون.. سارة اللي كان قلبها متقطع على منيرة بس ما تبي تقول لها، إنها اليوم خلصت حجوزات كل شيء، عشان ما توتر منيرة وتصدمها قبل الامتحانات اللي باقي عليها أيام.. ردت عليها بصوت حاولت تبث فيه أكبر قدر من العيارة: لا تكونين تغارين على سلوم مني؟؟ تراني أخته والله أخته!!! منيرة: عشتو.. إكليه وأشبعي فيه، واشربي وراه سفن آب عشان تهضمينه، ولو أنه حضرته لو تشربين برميل سفن آب ما ينهضم.. دسم متكتل على الكبد.. سارة قامت من سريرها وتوجهت لمنيرة منيرة استغربت إن سارة ماردت عليها ردودها الحادة المعتادة والاغرب إن سارة قربت منها وجلست جنبها، وحضنتها بقوة وقالت والعبرة خانفتها: والله إني أحبس، وفراقس ما يهون علي.. منيرة حست عبرتها تنط لحلقها وإنها بتبكي فردت بعيارة باكية: سويرة وشفيس؟؟ بتموتين يعني؟؟ سارة ضربتها على كتفها: وهي تمسح خشمها: بسم الله علي، صدق إنس مدوجة.. رجعت سارة تتمدد على سريرها وهي تتذكر وش كثر حاولت اليوم تقنع سالم إنه يشتري بيت ثاني قبل موعد العرس اللي بعد حوالي 28 يوم.. لكنه مارضى أبدا، وأكثر شيء قدرت عليه إنه يحط لمنيرة غرفة في الطابق الأرضي عشان ما تضطر تطلع فوق. ************** بيت سعود... عشا الرياجيل خلص على خير.. الرياجيل كلهم كانو معجبين بالتمثيلية اللي سواها سعود، سعود قال للكل إن عمه أصر إنه يأخذ مرته بعد الملكة، لأنه يبي يسن سنة حميدة، هي إلغاء حفلات الزواج المكلفة اللي مالها داعي وكل رجّال كان يطلع من العشاء، كان يمر على ابو خالد ويحب خشمه ويقول: كفو كفو يا أبو خالد ليت كل الرياجيل مثلك.. حي ذا العين والله. خالد كان قاعد في الزاوية، عاده يدخن من الغضب، نفسه بس على الاقل يبرد حرته ويضرب سعود لين يقول بس، لكن دانة ربطت يده باللي سوته اليوم.. خالد سالفة العرس والحفلة كلها ماهمتها.. اللي هامه بس أخته الكبيرة دانة اللي يكن لها حب عميق.. ماهان عليه إنها تنهان بذا الطريقة.. محمد قاعد جنبه ويهدي فيه، بس بدون فايدة... يعد ماراحوا الرياجيل كلهم، سعود دخل داخل أول شيء مر على أمه، وسألها عن دانة وش أخبارها أمه ردت عليه بإنها قافلة باب الغرفة عليها وماطلعت ومارضت تفتح لأحد حتى عشا ما تعشت..سعود ماكان يبي حد يحس إنه فيه شيء غير طبيعي بينه وبين دانة سعود قال لاهله نفس الكلام اللي قاله للكل.. وإنه يمكن دانة تكون متضايقة من قرار أبوها.. تحسبا لو شافوا عليها تصرفات غير طبيعية.. سعود يتذكر طول الطريق من بيت أبوها لبيته وهي ساكتة ما نطقت حرف جابها دخلها لغرفته وهي بنفس صمتها، ومن عقب ما طلع من عندها قبل 5 ساعات.. هذي رجعته.. طلع سعود بخطوات متثاقلة لغرفته، غرفة سعود أساسا عبارة عن غرفتين غرفة نوم وصالة، لأن سعود له جوه الخاص اللي ما يحب حد يزعجه فيه.. باب الصالة هو اللي يفتح على البيت وباب غرفة النوم بفتح على الصالة.. سعود كانت مشاعره وهو واقف على باب غرفته متضاربة، صحيح مشاعره ناحية دانة مشاعر مضطربة فيها تحدي ونوع مجهول من الكراهية ورغبة أكيدة في أنه يكسر غرورها، بس ما ينكر إن الموقف اللي هي سوته اليوم كبرها في عينه.. كبرها كثير وهو يبي يدق الباب، فوجئ بأخته مها تطلع عليه من غرفتها اللي جنب غرفته، توجهت ناحيته وهي في عيونها كلام.. مها بهدوء وبنبرة عميقة: سعود.. أنا عمري ما تدخلت فيك أو في شيء يخصك.. بس اليوم اسمح لي أقول لك شيء.. وارجوك لا تعصب علي... دانة نفسها عزيزة واجد.. واللي سويتوه فيها أنت وعمي مهوب شوي.. أتقي الله فيها.. دانة ما تستاهل منكم كذا.. مها قالت كلمتها، وماعطته فرصة يرد عليها.. رجعت لغرفتها وسكرت الباب عليها.. سعود تنهد وألتفت لباب غرفته..دق الباب ما بطلت، بصوت واطي بس قوي: دانة افتحي أنا سعود فتحت الباب، ورجعت تجلس بهدوء على الكنبة كانت بعدها بعبايتها وشيلتها، بس نقابها مطوي جنبها.. وشنطتها بعدها مكانها مكان ما حطها سعود سعود باستفسار: أنتي على نفس القعدة قد لش 5 ساعات؟؟ دانة بكل هدوء وهي تطالع في سعود اللي كان شكله تعبان: سعود.. طلقني.. #أنفاس_قطر# |
بعد الغياب/ الجزء الثامن والعشرين
#أنفاس_قطر# نجلاء في غرفتها بعد ما نيمت حمودي في سريره ترتب ملابسها الجديدة اللي اشترتها اليوم في الدولاب.. استعدادا لجية جاسم بكرة : " وأخيرا يا بو حمودي، ما بغيت.. أسبوعين يا الظالم" وهي لاهية في شغلها، رن موبايلها، طالعت الاسم، وردت: - هلا والله بالغالي.. - هلا والله بعقال بيتها.. - ليه أنت جيت اليوم تزورني؟؟ - جيت.. ولقيت أم جاسم بس، وقالت لي إنج رايحة لجواهر.. هاه عسى قلبها حن علي، وبتوافق أخيرا على قيس بن الملوح اللي قلبه تقطع عليها؟؟ - نجلاء تضحك: يا حليلك يا مجود.. - - ماني بأصغر عيالك تقولين مجود، نعنبو دارك، أخوج الكبير وشعري شاب.. أبو فيصل لو سمحتي.. - - نجلاء تضحك: أنت عرست تجيب فيصل عشان أقول لك يا أبو فيصل.. - - ماجد بعيارة: خلي جواهر توافق علي، وعلى ضمان بعد إذن الله ومشيئته.. إنه 9 شهور يكون فيصل جاي.. - - نجلاء بحماس: بلاك ما دريت بالتطورات؟؟ - - ماجد باهتمام: شاللي صار؟؟ - - جواهر حصلت عيالها أخيرا.. - - ماجد بسعادة: وأخيرا.. خلاص مالها عذر الحين... خلها توافق علي، أول تعذر بعيالها، كاهي لقتهم.. - - نجلاء بلهجة من يلقي خبر خطير: بلاك ماتدري من أبوهم؟؟ - - من؟؟ - - رفيقك: عبدالله الـ - - ماجد بصدمة: أنتي تقصدين عيال عبدالله عزوز ونوف؟؟ - - نجلاء بصدمة عمرها: أنت تعرفهم؟؟ - - ماجد وهو بعده مصدوم: أكيد اعرفهم ومن يومهم صغار.. يا سبحان الله ما أصغر الدنيا.. ماجد وهو يتمالك نفسه: طيب وإذا كان عبدالله أبوهم وين المشكلة؟؟ الحين أحسن؟؟ العيال يعرفوني ويحبوني.. - - نجلاء بتردد: يمكن عبدالله يبي يرجع جواهر - - ماجد مثل اللي صبوا على رأسه ماي مغلي، حس بنار ويأس وحزن يجتاحه: زين نجلاء عندي اتصال ضروري لازم أسويه.. باكلمك عقب.. سكرت نجلاء من ماجد وهي حاسة بحزن عميق ينغرس في عمق قلبها: يعني من بين كل حريم الدنيا، ما بغيت إلا جواهر، اللي كانت زوجة صديقك، ويبي يرجعها الحين.. وقتها كان عبدالله راجع لجناحه في فندق غراند حياة القاهرة، بعد ما أنتهت الحفلة اللي كان البنك مسويها له في نفس الفندق خلع جاكيته وكان يفك الكرافته في الوقت اللي رن موبايله، طالع الاسم وابتسم، رد: هلا والله بأبو فيصل.. ماجد بصوت جامد غامض: هلا بك..عبدالله تذكر قبل 18 سنة الوعد اللي وعدتني إياه.. عبدالله نط واقف: أكيد يا بو فيصل هذا شيء ينسى.. ماجد بنفس الصوت الغامض: بس حبيت أشوف لو بعدك متذكر.. عبدالله بصوت كله ثقة ورجولة: ولاعمري أنسى يا ماجد، وانا حاضر.. ماجد بغموض: جعلك سالم يا بو عبدالعزيز.. ما أبي إلا سلامتك، والوعد يمكن احتاجه بعدين.. بعدين كمل ماجد بلهجة خاصة: تدري إن اللي أبيها ومنشفة ريقي يمكن خلاص تنفك عقدتها وتوافق علي.. عبدالله بسعادة: الله يبشرك بالخير، أشلون؟؟ وأخيرا ليلى وافقت على قيس.. ماجد بنفس اللهجة الغامضة اللي مايندرى هو وش يخطط من وراها: هي كانت رافضتني على كثر ماخطبتها لين تلاقي عيالها، وعيالها رجعوا لها عقب 17 سنة أخيرا.. يعني ماعاد لها عذر عبدالله من سمع 17 سنة توتر، حس إنه هذي تكون مستحيل صدفة وتذكر مثل اللي انضرب على رأسه، إن أخت ماجد هي اللي جات مع جواهر للبنك.. بحذر سأل: إلا أنت عمرك ماقلت لي اسمها؟؟ ماجد بنفس اللهجة المريبة: جواهر يا عبدالله ******************* سعود.. طلقني.. سعود اللي كان حاس أصلا بإرهاق شديد وإنه بينهار من التعب، مارد على دانة، ودخل لغرفته.. دانة اللي ودها تذبحه.. تزنطه.. حست إنها تحرقص مكانها، مو قادرة تصبر، تبي تقول اللي عندها وتخلص من هالسالفة كلها.. دخلت وراه بعد دقيقة.. تفاجأت إنه يبدل ملابسه.. دانة انكسر وجهها وهي تشوف صدره العاري.. في الوقت اللي كان فيه سعود يطالعها ببرود مستمتع بنظرة الصدمة الخجولة في عيونها.. رجعت دانة بسرعة للصالة وهي تلعن اللحظة اللي فكرت فيها تلحقه :"رجّال دخل غرفته.. تلحقينه ليه ياللي ما تستحين؟" سعود حس بسعادة داخلية من خجلها وانحراجها :" يعني مستحية الأخت؟ زين أنا أوريش" طلع سعود عليها في الصالة، ببنطلون البيجامة بس بدون القميص، لقاها فرصة يحرجها ويخليها تنسى سالفة "طلقني" اللي حاس داخليا بضيق غير طبيعي منها.. راح جلس مقابلها.. دانة من شافته طلع عليها بهالمنظر، ارتعبت وولع وجهها وجسمها كله حتى شعر راسها حست أنه وقف من الخجل.. ونزلت راسها بحضنها.. سعود ببرود : "نعم يا بنت عمي. تبين تقولين شيء؟؟ دانة ساكتة.. الكلمة مو راضية تطلع.. سعود : دانة تبين شيء؟؟ دانة تبي تتكلم بس مو قادرة: الله يلعنك يا سعود.. أنا.. عمتك دانة بنت هادي.. تخليني قاعدة قدامك مثل بزر كلمتها ناشبة ببلعومها.. سعود بهدوء خبيث:عادي أنا قاعد للصبح، براحتش سعود قال كلمته وتناول الريموت كنترول وشغل التلفزيون على الجزيرة يسمع الأخبار.. حط كوشيات ورا ظهره العاري ومدد رجوله على الكنبة.. دانة من سمعت سالفة (قاعد للصبح) رفعت عينها ورجعت تنزلها لما اصتدمت بمنظر سعود.. وبعدين قالت بصوت مخنوق: سعود تكفى.. تكفى.. قوم تستر خلني اتكلم.. سعود نزل الريموت واعتدل في جلسته وقابلها، ببروده المعتاد: ما أعتقد أني متفسخ عشان أتستر هذا أولا، ثانيا: أنا متعود أقعد كذا في غرفتي، ثالثا: أعتقد إني رجّالش ماني رجّال غريب عشان تستحين كذا.. دانة عيونها بحضنها وتقول لنفسها: يعني هو مفكر إنه كذا بيمنعني من الكلام... بعدها قالت بصوت واطي بدون ما ترفع عينها من حضنها: سعود.. طلقني.. سعود في نفسه: لحول ذي وهي وسالفة الطلاق اللي طلعت لي فيها سعود بتسائل بارد: ويومش تبيني أطلقش.. ليش حركة الأفلام اللي سويتيها اليوم؟؟ كان خليتي خالد يذبحني وصرتي أرملة أحسن.. دانة وعيونها بحضنها: عشان خالد مهوب عشانك، وإلا أنت قلعتك.. سعود ولع منها، وحس في داخله بنوع غريب من الحزن هو كان عارف إنها سوت كذا عشان أخوها في المقام الأول بس( في داخله وغصبا عنه ولسبب هو موفاهمه) كان يتمنى إنه كان له اهتمام ولو بسيط، يكلم نفسه: ( لا وانا اللي شايل لها جميل حركة الشهامة اللي سوتها اليوم.. زين يا دانة دواش عندي..) كمل بصوت عالي بارد: وإذا ماطلقتش.. وش بتسوين؟؟ بتغصبيني يعني؟؟ دانة بصوت هادئ وعيونها بحضنها: يا سعود، عيب عليك اللي تسويه، أنا وانت كبار.. ماحنا بزارين، عشان كل واحد يلعب على الثاني.. انت خذتني مضطر، وأنا خلاص بأحلك من ذا الأضطرار.. لا أنا أبيك ولا أنت تبيني.. وشو له نستمر في ذا المهزلة... سعود ببروده: نستمر لين يطيب خاطري أنا.. سعود قال كلمته، ودخل لغرفته، لأنه قال خلاص كفاية عليها اليوم اللي جاها.. سعود طبعا رافض فكرة الطلاق ومستحيل يفكر فيها ، عشان عمه، وسمعة بنت عمه، اللي أيش راح يقولون الناس عنها لو هو طلقها بهالسرعة.. والسبب الثاني: دانة شخصيا يبي يريبها على قولته، حرته القديمة مابعد بردت.. لا واليوم زادت (أنا تقول لي قلعتك) السبب الثالث: هو مايعرفه... بس فيه شيء يمنعه وبشدة من مجرد التفكير بتطليق دانة عقب ماصارت زوجته خلاص دانة ظلت جالسة في نفس مكانها، ودمعتها حايرة بعينها، وهي تحس بقهر عمرها ماشافته في حياته.. ****************** عبدالله سكر من ماجد وهو مولع من الغضب.. (هذي يعني رجعت تطلع في حياتي عشان تنكد علي).. حس كل ماله يولع ويولع وهو يتذكر السالفة اللي كثير قالها له ماجد عن لقائه الأول والوحيد بجواهر (اللي ماقال له اسمها بس كان يقول صديقة اختي).. اللقاء اللي خلا ماجد اللي كان مضرب عن الزواج عمره كله.. يجن بجواهر ويخطبها فوق 20 مرة خلال سنة.. قبل سنة ثاني يوم لولادة نجلاء.. الساعة 6 ونص صباحا.. نجلاء ماكان معها إلا الخدامة، مرت عليها جواهر الصبح قبل تروح للجامعة، بفطور كامل على أساس قبل أي حد يجيها.. وأكدت لها نجلاء إنه مافيه أي حد بيجيها قبل الساعة 10.. نجلاء كانت تبي تدخل الحمام.. طلبت من جواهر تغير للولد.. جواهر طلعت على سرير نجلاء بعد ما فسخت عبايتها وحطتها على جنب.. عشان تبدل لحمودي وقتها أخوها ماجد كان عنده نفس التفكير : خلني أمر نجلاء قبل أروح للدوام وقبل يجونها الحريم.. ماجد وصل لغرفة نجلاء فتح الباب بشويش يخاف نجلاء نايمة ويصحيها.. شاف ماجد مشهد انطبع في ذاكرته.. الذكرى اللي أصبحت احلى ذكرى بحياته.. ماقدر يتكلم أو يتنحنح أو يتراجع مثل ماكان مفترض يسوي شاف قدامه أحلى مخلوقة شافها بحياته ( مستحيل تكون هذي أنسية، هذي أكيد ملاك أو حورية.. مافيه بشر بهالجمال ) كانت حاضنة حمودي بحب، وهي موب حاسة بشيء حولها، كأن العالم هي وحمودي بس.. مر وقت وماجد بس واقف مثل اللي ضربته صاعقة، عينه تتابع بدقة وجوع ولهفة حركة جواهر وهي تمسك أصابع حمودي ..وترفع خصلات شعرها عن وجهها، يسمع همساتها لحمودي ومركز في ابتساماتها له.. كل شيء فيها فتنه، فتنه لأقصى حد.. الشكل، الشعر ، البشرة، الابتسامة.. حتى الكلام.. كان ماجد ساكت، جامد، حتى عينه ماترمش، يخاف ترمش عينه يفوته تفصيل من تفاصيلها.. جواهر اللي رفعت عينها فوجئت بالرجال اللي يراقبها فصاحت مرعوبة، فتراجع ماجد ورا الباب.. لكن بعد ما أصبح مجنون رسميا بجواهر.. اللي في نفس اليوم راح يخطبها من خالها.. هذي السالفة حكاها ماجد لعبدالله خلال السنة اللي فاتت يمكن مية مرة ومع كل مرة ألف تغزل بجمال وعذوبة وأنوثة اللي شافها، وعبدالله يضحك عليه، ويقول أنت أكيد مجنون، وكان ماخذ السالفة تعليقه على ماجد فكان مسميه قيس ومسمي محبوبته المجهولة ليلى.. وماعرف إن ليلى هي جواهر.. زوجته السابقة وأم عياله.. عبدالله حاس إنه بينفجر خلاص.. (سنة كاملة وهو يتغزل بزوجتي هالغزل الفاضح لا وانا قاعد أضحك .. ماترك شيء ما تغزل فيه من شعرها لوجهها لجسمها.. وانا أضحك من هبالي.. حدك يا عبدالله المرة مالك حق عليها ولا هي زوجتك..... لا بس بتصير زوجتي وغصبا عنها.. موب كيفها.. مستحيل تكون لغيري.. أو أسمح لغيري يفكر فيها حتى..) تناول عبدالله موبايله بكل غضب الدنيا وجنونه.. ودق على جواهر اللي كانت لحظتها متمددة تعبانة بعد الموقف العنيف اللي صار بينها وبين عيالها... جواهر اللي كانت ذراعها على عينها، ردت بدون ما تشوف الرقم بصوت متعب : ألو صوته الغاضب الملتهب الناري اللي تخلى فيه عن كل حواجز البرود اللي كان يتستر وراها كان يوصلها وكأنه يبي يحرق كل شيء قدامه: أنا أبي اعرف أنتي من شنو مصنوعة؟؟ انتي ما تستحين؟؟ ما في وجهج حيا؟؟ أشلون تقعدين متكشفة عند مره تدرين إنه ممكن زوجها أو أخوها يدخلون عليها في أي لحظة؟؟ أو يمكن أنتي قاصدة تتكشفين تبينهم يشوفونج؟؟ #أنفاس_قطر# |
هلا والله بي نفوسه >>تدرين خفت عليج عشااان كذا الحمد الله على السلامه اولا ويعطيج العافية على هذي البااارتاات الجنااان ثانية سعود والله انك كاسر خاطري تروح يمين تجيك دانه شمااال ونسية اقولك الحمد الله على السلامه كانت بينك وبين الموت شعره بس ربك لطف خخخخخخخ وضحكة لى المخبول خالد يوم قااال قتلت ولد عمي تعلم تسيطر على غضبك يالمخبول هذي المره ربك ستر بس مره ثااانية ........؟؟؟ دانوه الرجاال جاي ونويهيتعدل معاج تقومين تسوين كذا اجل تحملي الى بيجي منيره صراحه حرام عليج نفوسه زوجه بعد28 يوم وانتي ابد ماتبغين تبلغينها لو انا مكانها انتحرت .........تعاطفة معها مرررررررره ياحبي لكم ياعزوز ونوف ايو كذا خليكم شطااار خخخخخخخخ وضغطو على امكم لانها لاتلام صراحة بس لازم ترجع ل عبود جواهر لاتلومين عبود حطي نفسج مكانه والله صعبه اي رجاال عنده غيره على محرمه بيتصرف كذا هذا مجود قليل ادب دق على ارجااال يقوله ابغي مرتك صرحة ودي ذبحته تراني اليوم ابد مالمت عبد الله لان يعتبر مقهور وحد يتغزل ويقولها له وطول الوقت وهو مايدري والله مالومه عبود ان معك اليوم ولازم ترجع جواهر ولا عليك من كلامهم الفاااضي ونننتظر نفوس القصة كل جزء احلى من الى قبله تسلمين لنا يااارب مذهلة |
السلام عليكم..
تسلم ايدج نفوسـه عالبارتين.. الي لو بقعد امدح فيهـم من اليوم ليـن باجر مارح اعطيـهم حقهـم... عبد العزيز&نوف ما الومهـم على كلامهـم.. لان اول شي لقو امهـم بعد غيـاب وما يبونهـا تروح عنـهم واهما محتاجينهـا وبعد ما يبون يتشتتون بينها وبين ابوهم احسن شي يردونهم لبعـض.. غير جذي اهمـا ما يدرون عن ابوهـم وشنو سوا فيهـا قبل.. اهما شايفينـه ملاك رحمـه بريء هع.. اممم وممكـن لو رفضـت امهـم يكرهونهـا او يأثر عليهم ويرجعون اسوأ من قبل عبد العزيز يرجع لسكوتـه ونوف تتأثر بهنـد.. عبد الله وسالفـه الوعـد بينـه وبين ماجـد..!! حسـب الي فهمـته ان ماجد سوالـه شي واهو وعـده وعـد والحـين ماجـد بيستغله ضده عشان ياخذ جواهر.. فيا ان عبد الله يخلف بوعده او لا..!! وسالفه عبد العزيز الي عرضها على امـه شلون ممكن يستغلها..!! سعـود والسبـب الخفي الي يمنعـه يطلـق دانـه...!! يمكن لانهـا غيرت الصـورة الي راسمهـا عن الحريـم وشلون انهـم رقيقات ناقصـات عقل.. وغير كلش عن فاطمـه.. وبعد انـه يبي يأدبهـا ويربيهـا من اول هع.. وناسة بصير اكشن:) دانـه حلو تصرفهـا وشلون ما هان عليهـا اخوها يدخل السجـن عشان سعود.. او يمكـن عشان لا يقتل سعود هع.. اصرارهـا عالطلاق بتم متمسكـه فيـه او لا.. منيـرة والخوف من المجهـول وحياتهـا المستقبلية وشبصير فيهـا.. شي حلـو انـه بخليلهـا غرفة تحـت.. واعتقد شوي شوي لا ملت عليه حياتـه وانتشلتـه من وحدتـه.. بغير البيـت المسألة مسألة وقت وشطارتهـا:) جواهـر يعني فوق ظغط عبد الله الحين ظغط عيالهـا.. وشلون عبد الله ممكن يستغل حاجتهم لامهـم لصالحـه.. شرح تسوي بتشوه صورتـه وبتقولـهم.. او بتسكت وتاخذه وتكمل انتقامهـا منـه واهي متزوجتـه.. شرح يكون ردهـا عليـه واهو داق عليهـا بهالوقت يذكرهـا بسالفة صارت من سنـه واهو مالـه حق عليهـا اصلا.. آخر شي تسلم ايدج مرة ثانيـه بانتظار البارت القادم على احـر من الجمـر تقبلي مروري |
السلاام عليكم..
نفووووسه .. مرحباا ملااييييين حي الله الحااامل وحي الله المحموووول... عسى استاانستي بالكشته..؟؟ لوو سمحتي ممكن موقف طريف من كشتتكم؟؟ هخهخهه نفووسه ياااشيخه ايه اللي عملتيه فينا ده.؟؟. دنتي خديتينا عليكي يااشيخه.. والبنات الزوغيرين اللي هناا كانوا خلااص هيعيطوا من الخوووف عليكي .. وكل ده ليه ياا نفووسه ؟؟ لانك كونتي ست ادي كلمتك داايما معانا. فلوو انتي كنتي بتخلفي كلامك لينا ومادلعتينااش اووووي كداا وكنتي بتتاخري بتزيل الاقزاء مره ورا مره .. مااكنش حصل كوولي دا؟؟ بس نعمل ايه داا كولوا من دلعك لينا ياا حبيتشي.. ربيناا يخليكي لناا ياا البي.. هخهخهخهخهخه.. نفوووووووووووسه.. قلبي انتي .. وش هالجزئين الرهيبااااااات. رووعه.. ايه صح شفتي خرابيطي اللي فووق .. هذي الله يسلمتس بعد ماشفت حلقه من مسلسل لالهاام شااهين مدري وش صادرني من شفته وانا قاالبه مصري . وماما ودهاا تقطع رااسي بعد ماتقطع لسااني وتقوول وش اللي صاار لتس يووم الله قلب لساانتس..؟؟؟ وانا اقوول مااعرفشي ياامامي.. ؟؟ هخهخه نفوووسه.. تدرين الحين وحاالياااا واكثر من اي وقت راح قررت اني اكوون قلباا وقالبااا مع عبوودي.. بالله ماجد هذاا وين طلع عليناا منه؟؟؟؟ شووفي زواج جواهر من مااجد بااااطل ياارقااله.. هخهخه ماافيه الا جواهر مع عبوودي.. والحين عاد نجي للبارت الحلوو اللي بااين اثر كشتتكم فيه من حلاته.. هخهخهخه نوف وعزوز :: كفووووو كفوووو والله .. هذوولاا العياال الصااحين... خليكم كذاا كل ماشفتوا مامتك غثووها بهالسالفه ليـــــــــــــــن توافق.. وترى كثر الدق يفك اللحام وربع تعاونوا يااعيالي ماذلوا.. والولد الصالح اللي يرد امه لابووه... كل الحكم اللي بالدنياا لكم... خليكم كذااا اضربوا على الوتر الحساااس لامكم عشاان ترد لابووكم.. وتعيشوون ببيت واحد وتعيشوون حيااة مااعمركم ذقتوا طعمهااا .. فيالله يااعيالي شدوووو الهمه>>> هه وش رايكم فيني وانا احفزكم واعطيكم وقوود عشان تكثرون من الاصراار على امكم عشان ترد لابوكم... بس تدري عزوز انت اللي يمكن يكوون لك ضغط اكبر على امك.. اولها انك ولد وامك حااسه ان فيك ضعف بسبب بعدك عنهااا.. وغير كذاا يمكن يحصل منك شي يخليهاا فعلاا تقرر انها ترد لابوكم عشان عيونك؟؟ مدري بس اخاف تنحرف؟؟؟ >> هااه ياانفووسه استلمي فكره فشنك.. هع هع هع ماجد : تدري وش احسن شي بوجودك.. ؟؟ انك شفت جواهر وقدرت تاصفها لعبد الله بعيونك.. وهوو من الاول يبي احد يقووله عن الجماال المبهر اللي تخبل به ولده... بس ان هالتاكيد يجي من صديقه ويكون هو اللي شاف شي يعتقد عبوود انه من حقه هناا اتوقع انك ياا ماجد يمكن بديت تخسر عبدالله وكله لعيوون جواهر... داانه : ههههههه. والله رهيبه يااا دكتوره.. تصرفتس حلوو مره.. ضحيتي بنفستس عشاان اخوتس.. بس الحلو ان اثاار هذا التصرف لمست شي في قلب سعود البارد.. رووعه الخجل عليتس دانه واتوقع ان هذي صفه جديده اكتشفها سعود فيتس .. وهو يعرف انتس دااائما قوويه.. وماتهابين من احد بس انه يكتشف فيتس شي انثوي مثل الخجل فهذا شي حلوو.. تدرين دانه صح انتي اعجبتيني لما وقفتي مع سعود وقلتي لاخوتس انتس موافقه تروحين معه ودبرتي السالفه.. لكن صراحه لما قلتي له يطلقتس ابداا ماا اعجبتيني.. هناا انتي متسرعه مره وطلع سعود اعقل بكثييير منتس.. يعني مافكرتيس الا باللحظه هذي وبس اللي انتي فيهاا مافكرتي كيف انه ممكن يركب راسه هذيك الساعه ويحقق طلبتس بس عشاان يهينتس وش راايتس لوو انه طلقتس وبااول ليله من زواجكم وهوو ولد عمتس..؟؟؟ يعني مافكرتي بكل هذاا ..للاسف لما شفتس بعد الموقف اللي صار بين خالد وسعود والاعجاب اللي حسيته من تصرفتس .. رااح لما شفتيس وانتي بقمة الغبااء وانتي تطلبين الطلاق منه.. بس يمكن انتي كنتي متاكده انه ماراح يلبي هالطلب وقلتي بغثه زي ماغثني؟؟ هخهخهه سعوود : بل عليك صااير طرزان وانت تمشى بالغرفه .. احرجت البنت ياا طرزان... هخهخهخه امممممم سعود عندي لك خبر.. انت تحب دانه بس لانك عارف مشاعرها تجااهك وعارف كرهها لك .. غطيت هالحب بمشااعر ثاانيه منها الكره زي انت ماتحب تفكر ومنها الحره ومنها انك بتربيهاا.. بس كل هذاااااا غطااااء للشعووور الحقيقي اللي تحسه لهاا وهوو الحب.. ويمكن اصلاا هالحب جااا من بااب انك عارف انها لك من انتم صغار.. بس صدمتك ردات فعلهاا وشعورها ناحيتك وغير كذا فكرتها السيئه عنك وانك شخص متوحش..وقلت خلااص انا بدفن هالحب بدااخلي ومااراح ابينه لها لاا يكبر رااسها علي... بس الصراحه يااسعوود انك انت نفسك من داخلك مبسووط بسبب هالزواج ومااتبي تفرط في دانه لانهاا اخيراااااااا صارت ببيتك.. وهذا يمكن يكون حلم ماا توقعت حصوله.. بس الاكيد انكم بتكسرون روووس بعض قبل مااتبدون حيااة جديده... منيره : مدري ليش الكل متخووف من زواجتس. للحين سالم شخصيه غامضه.. الكل خااايف عليتس .. واستغرب ان شي اسااسي زي معرفتس بيووم زواجتس للحين مخبينه عنتس..؟؟؟ وش فيه سالم عشاان يكوون الجميع يحسوون بشعور العطف عليتس؟؟؟؟؟؟؟؟؟؟؟ جواهر :: جوجو شووفي عبوود بتااخذينه بتااخذينه الله لايعووق بشر.. ان ماخذتيه عشاان خشته بتاخذينه عشاان عيالتس... الا في حالة انتس وافقتي على ماااجد؟؟؟ اوووو مــــــــاااااااااي قااد جوجو دوونت دووو ذات... والله ان يمووت عزوز من القهرر .. وانا بموووت من الحره منتس ياا الدبيه لو تزوجتي مجود.. الحين يووم لقيتي عيالتس بتروحين وتتزوجين واحد ثاني غير ابووهم وتبتعدين عنهم مرره ثانيه؟؟ شوفي انا اقوول يمكن توافقين على ماجد .. ويمكن خلاااص تحددون وق الزواج ويمكن بيووم الزواج والا الملكه على مااجد يصير شي يقلب كل هالتحضيرات ويصير العريس بقدرة قادر هوو عبدالله بس العروس ثابته.. هخهخهخهخه"" وش رااايتس نفوووسه هذا اتوقع توووقع رهيب ويمشي مع سير الاحداااث.. هع هع هع.. عبد الله .. اقوول ياا عبدالله ابشر لك بحليف قوووي اسمه ظبوووي .. خلاص يااعبود انا كنت مع جواهر بس الحين لما شفت هالمتطفل اللي اسمه ماجد قررت اني اكون معك... ايــــــــــــــه انا احب ان العيال يربوون بحظن امهم وابووهم مع بعض.. وانت بس كثثثر من هالرساااايل.. وابشر بعزك ياا عبود... بس معليش تراك تسرعت لما اتصلت على جواهر عشان تهاااوشها على شي هي مالهاا دخل فيه... بس والله الغيره يااعبوود وماتسووي.. اجل تهااوشهاا على شي مر عليه سنين.. والله ان تفضح فيك جواهر وبتهزئك تهزيء بس انت اصبر عليهاا.. وخل عيالك يزيدووون بالضغط عليهاا عشااان يخلونها توافق.. بس تدري من ارجع اتذكر ماضيك اللي يسوود الوجه معهاا اقوول ماالها لاايم مااتبي تصبح بخشتك الزينه ... من القهر منك >> امحق حليف..هخهخهخه المهم عبود انت شكلك بترجع بسرعه من مصر عقب هالتطووور الكبير اللي صاار وبعد ماعرفت ان لك مناافس على جواهر فبترجع عشاان تكون بقلب الحدث وبقلب المعركه.. والله ينصرك ياا عبوود ويسدد خطاك... نفوووسه رووعه الجزء ماااقصرتي .. وبكره تكفيين اذا الله احيانا.. عطينااااا جزء يهبلل عن عبود وجوجو وعن سعوود ودانه.. وخليناا نستااانس بهوشان صقران الحب سعود ودانه.. وعجلي علينا بزواج منيره وسالم.. خلينا نعرف وش تحت رااس هالسالم الله يكفينا شره.. هخهخهخه مشكووره نفوووسه ونستنى القاادم بكل شووق.. مذهله تسلميين على النقل الرهيب.. والله مااشااء الله عليتس مشكووره على سرعة النقل .. الله يعطيتس الف عافيه.. |
مرحباااااااااااااا
اخبارك خيتووووو مذهلة السموحة منك يالغلا و الله انا بديت اقراء في القصة من قبل لا تجيني منك الدعوة و كنت ناوية ارد عليها من أول بارت بس وش اسوي في جهازي الي جاته افلونزة الحواسيب الله لا يرويكي و كانت بنت جيراني تنزل ليؤ البارتات و ترسلهم من غير لا تسجل دخول ترسلهم لي على الجوال بلتوث الله يجزيها خير يا رب و من شفت دعوة يالغالية و انا على نار بس علشان يخلص تصليح جهازي و اقدر احط رد احاول انه يكون كشخة خخخخخخخخ المهم انك ما تكوني عتبانة علي لتاخير لان القصة مررررررررررة حلووووووووووة المهم نجي للشخصيات أفضل: لا شك انه كان له دوووووور كبيييييير في الاحداث بس احس انه لسة له دور اكبر في الاحداث الجاية و الي اتوقع كلها اثاااارة فاطمة: با كبر عقلك يا بنت و الله عجبتيني و تصرفك كبيرك في عيوني و يارب يجعلك نصيب في الي احسن من سعود مها: يا ربي انا حساة ان في لك نصيب مو شوية في الاكشن و الاثارة مع مين الله اعلم منيرة: يارب عليك يابنت والله يعينك على سالم وعلى العرس نصيحة حاولي أنك تقنعينه أنه يغير البيت بعد الزواج وربي يوفقكم سارة: ياحلوك من اخت بس يا ريت تكوني حمامة السلام بين اختك و اخوكي خخخخخ<<<<حلوة صح خلووود: يا ولد وش فيك على والد عمك يا ولد انتوا مثل الاخوان و هالامور ما تنحل بالطريقة هذي حاول انك توفق بينهم و تقرب مو تبعد هدي يا ولدي هدي موكذا سعووود و داااانة : الله يهديكم و الله ان بعد هالعداوة حب جااارف بس تعملون افلام عند الله و خلقه اركدوا و ريحوا الي حوالينكم نورة و عزوز: يا ربي عليهم ثنائي حلوووة و ناعم ربي لا يغير عليهم هند و فايز: الله يكفي الناس شركم و جاهر انتبهي على نوف و خلي بالك عليها و حواطيها بحنانك المعروف حصة: والله و و جاكي من يزاحمك في حضن جواهر و اتوقع اكثر واحد راح يغير منك هو عزوز الصغير نوف: قرة عينك يمة و الله يجعله اخر الفراق بينكم و يا ربي يحفظك لمك و يحفظها لك والله فرحتوني و اللقاء كان جدا مؤثر و انتبهي من هند الله يبعد شرها عنكم و عن الجميع عزوز الصغير : يا ربي كل هذا شايله في قلبك يا ولد و الله اني توقعت كذا و اكثر بعد بس يا حلووو الله يعينك على دلوعت امك حصة شكل المهادات بينكم ما راح توقف و كلها على غلاكم عن امك جواهر نجووووول: يا ربي عليك و على ولدك الشيخ حموووود يهبببل هلاولد ربي يخليه لك و يخليك حق جواهر و تعينينها على مراهقة عبود المتاخرة خخخخخخخ بالله خلك على كذا تزيدي النار حطب لحد ما يروح الكره و يجي مكانه شي حلوووو علشان العيال مؤقتا خخخخخخخ جواهر : والله انك اخت ارجال الي خليتي من احزانك دافع ايجابي و قدرتي ترفعين راسك و راس ابوك بالعلم و تكون مصدر فخر لعزوز اخوك و عيالك مو بس بجمال شكلك لا و جمال عقلك يا قمررررررر بس عبود لا تعطينه وجه الحين خليه اشوي علشان يعرف هو وش ضيع من بين ايدينة و بعد كذا حني عليه لاني متاكد انتي لا زلتي تحبيييييييينه مووووووووووووووووووت لا تنكري يا بنت عبوووود: يا ولد و الله اني في البداية كان نفسي انك قدامي و العطيك كم ضربه على تفكيرك المحدود يا اخي وش هالسواة الي سويتها الله يهديك بس ما يصح الا الصحيح و العيال الحمدلله شافوا امهم و عرفوها و راح يعرفونها اكثر و اكثر و علشان ترضى عليك جواهر لازم تتعب و تتعب لحد ما ترضى عليك يا ولد مذهلة عيوني مرة ثانية السموحة منك على التاخير و ربي يعطيكي الف عافية على النقل الرائعة لقصة مميزة و راااااااااااااااااااااائعة خيتوووووو نفوسة: ربي يسلم الايادي الي تسطر لنا هالابداع و ربي يسلمك بصراحة القصة تجذب الواحد غصب عنه انه يقراءها من كثر ما هي حلوووووووووووووووووووووة |
السلام عليكم انفاس قطر
الحمد لله على السلامة كدت ان اقول انها علقتنا بالقصة وهجرتها ولكن الحمد لله وفت بعدها وانزلت اجزائها لنفي لها بوعدنا ونعلق على الاجزاء لابدأ بدانة طيب اذا كانت هذه المراءة المتعلمة الواصلة درجة من العلم تفعل ما فعلت وتطلب ما طلبت هل الزواج وعقده لعبة متى ما اردنا عقدناها واوهمنا الجميع بنجاحها ومتى ما اردنا فككناها بأعتقادي المسألة اكبر من ذالك بكثير لذا عليها وهي المراءة الواعية ان تكون اكثر مسؤلية منما ظهرت عليه ما حدث حدث وعقد زواج تم والرجل الذي تزوجته ابن عمها ورجل مسؤل من صغره والاهم انه انسان يعرف ربه يعني حتى وان لم يحبها فسوف لن يظلمها من قصتك اوجه كلام لكل بنت يفرض عليها الواقع زواج مثل هذا تريثي ودعي العشرة تعرفك من هو شريك حياتك وبعد ذالك اتخذي قرارك >>وجهة نظر سعود جدا رجل بكل معنى الكلمة وماسك اعصابه على الاخر ومتحمل كلام دانة برجاحة عقل اكتسبها من عمله اولا ومن مسؤليته اتجاه اهله ثانيا اعتقد ان رجل بمثل هذه الصفات سوف يكون زوج محب ومخلص ومقدر وكل تصورات الطفولة التي انطبعت داخل كل من دانة وسعود بالعشرة سوف تتكسر وربما بتكسرها تحل محلها صورة اكثر وضوحا واكثر نضجا >>وجهة نظر جواهر واولادها بصراحة موقف اولاد جواهر كان موقف متوقع, وجدو الام, و وجدوها بصفات رائعة امراءة جميلة ومثقفة وصغيرة و والدهم رجل يحمل كل الصفات الجيدة بنظرهم فمن يستحق الوالدة غير الوالد ورقة ضغط رابحة ورابحة جدا لن تستطيع جواهر ان تفلت من الحاح اولادها حتى وان افلتت من الالحاح لن تستطيع ان تهرب من نظرات التوسل والانكسار التي بعيونهم ولن تستطيع ان تتخلص من شعور الضياع والانكسار الذي سوف يعاني منه عبد العزيز اذا شعر ان والدته لاترغب بالرجوع الى والده وان هناك شخص اخر يريد ان يأخذ والدته منه اعتقد عبد العزيز سوف يعاني ازمة نفسية اذا علم بخطبة صديق والده لوالدته عبدالله وصداقة عمر على وشك الانهيار شوفي خل نفكر بواقعية من خلال الحديث الذي دار بين عبدالله وابو فيصل كونا صورة وهي انو ابو فيصل يطالب عبدالله بكلمة التزم بها سابقا طيب هو ممكن التزم معاه بكلمة ولكن اعتقد جواهر سوف تكون خارج هذا الالتزام هذا امر مفروغ منه خاصة بعد روئية تعلق اولاده بها لندع الحب جانبا هو اخذ اولاده وابعدهم عن امهم حرصا منه عليهم هذا ما قاله لذا اعتقد حرصه على اطفاله سوف يكون دافعه حتى يقف بوجه خطوبة جواهر من ابو فيصل او لنقل دافعه الضاهر الذي يستطيع ان يجهر به هذا اذا اعتقدنا ان جواهر سوف تقبل بهذه الخطبة ولو ان هذا الافتراض امر لايمكن ان يكون واقع لان جواهر تريد تعويض اولادها واذا تزوجت سوف لن تستيع تعويضهم كما ينبغي او كما هي تحب >>وجهة نظر انفاس قطر جزء اليوم جزء هادي جدا جدا واحداثه اسرية بحتة بشوق كبير ننتظرك شكرا مذهلة الخليج العربي |
مذهلة وصلتني دعوتك و اليوم خلصت البارتات .... النازله. ..بسبب النت الفاشل ....وبصراحه تعب قريتي ما راح خسارة شي من جد روعة ....وصف بسيط و معبر و أحلى شي اعمار البطلة و البطل و الوصف الواقعي.. مذهلة شكراً ...على الدعوة ...لانها فعلاً تستحق تسلم الايادي مذهلة على النقل.. وتسلمي أنفاس على الابداع ... |
السلام عليكم مذهلة ....... جواهر بين المطرقة والسندان حقدها القديم يتجدد على عبدالله كلما رائت اولادها وكيف انها حُرمت منهم واصرارهم انها ترجع لـ ابوهم فاكيد انها توافق ,, فقلب الام دائما ً يضحي ولو كان على حساب نفسها وخصوصا ً وهي شايفة حالته عبدالعزيز ومدى احتياجه لـها واحتياجه لكثير من عواطف الامومه المفتقده ونوف في سن حرجة جدا ً وتحتاج لوجود والدتها الان هي متواصلة معهم بحكم غياب عبدالله لكن مع تواجده ستجد في الامر كثير من الصعوبة والمشقة النفسية اولا ً والجسدية ثانيا ً ماجد وخيبة امل كبيره في ان جواهر تكون طليقة عبدالله رفيقة وحتى لو كان عبدالله ما يبيها , يكون هناك نوع من الاحراج بينهم وماجد من غير مايدري اثار غيرة عبدالله وجنونة ودفعة لان يتمسك فيها اكثر واكثر وتكون عواطفه هي المسيره لـ افعاله من غير يعبأ لكرامته اللي كل يوم يهدرها بتغزله لجواهر والمقابل منها الصد حالتة عبدالله ذكرتني بمقوله لمحمد علوان (( معظم كرامة الرجال تقدم قرابين للحب )).....خخخخخخخخخخ دانه , , وبكل شجاعة وحكمة استطاعت ان تحل الشباك بين خالد وسعود وتحقن الدماء والمفروض ان سعود بشهامة الرجال ان يتراجع عن قراره اكراما ً لها لكنه اتراجع في الاخير لحاجة في نفس يعقوب لكن بعد ما طاح الفاس بـ الراس تقوله طلقني ..ّ!!! وهذا انت ِ الناضجه والمتعلمة ايش خليتي لصغيرات السن لكن معذوره يمكن الى الان مو مستوعبة الصدمه وانها بين ليله وضحاها تجد نفسها في قفص الزوجية سعود وان كان اسباب زواجه في البدايه من دانه هو مجرد نخوة وانها بنت عمه والبنت لولد عمها الا انه مع الارتباط الرسمي سبحان الله يكون هناك موده ورحمة تنزل بين الزوجين وحتى ان كان هناك نفور يضل جانب خفي يجذب كل منهما الى الاخر ومع مرور الوقت يظهر الى السطح انفاس طرح رااقي عزيزتي وكاتبة ملتزمة تشكرررين من القلب |
سلاااااااااااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااام احلى شكر لاحلى مذهله بالكون على النقل الرائع
ما رديت على الجزء الاي فات لاني كتبت رد وش طوله وش عرظه بس مااا انتبهت ان الجهز مافي شحن وطفى على الجهز والله بغيت امووووت من القهر ومن الحره طارت الكلات الللي في راسي ههههههههههههههههههههه نجي للجزء هذا في تطورات اخ عبدالل صار مو بس يحب لا يغااااااااااااااااااااار لا ويبي يغصب الجوهرة من الزواج منه عن طريق عيالها الصراحه انا بغيت اموت يوم يتكلم ماجد عن الجوهره ويمدحها ما بالك هو اكيد طار مخه وهوما عرف حرمه غيرها لاااااااااااااااااااااااا زين ما كان قدانه ولا كان دااااس في بطنه خخخ المهم عبيدالله وش ناوي عليه ما اتوقع ا السالفه تظل مسجات اكيد في شيء اكبر منها وشووووو يا قيس ههههههههههههوالله انت اللي قيس مووو ماجد الجوهرة صاااااااااره تنقال ترحمين الجزء هذا قلت نقطة الضعف عيلها وها هم يظغطون عليها يبون يلمون الشمل لاكن للي بقلب الجوهرة اكبر من انها تتقبل معها في حياتها ما بالك تتزوجه ( مع اني احسها في شوي سمتي شوي حب له) مووووووووووووووووو له راااح تتزوحه وترضي عيالها ولا انها تحطمهم للمررره الثانيه وهذ مااااااا لا اتوقعه عبد العزيز ياخي كل يوم عن يوم تكبر في عيني الحين نااااااااااااااااوي تخلي امك وابوك يتزوجون ههههههههههههه ولا مكلم ابووووووووووك والله انك ما عندك وقت يمكن ما تبي تفقدها ولو ثانيه ما بلك انت بيت وهي بيت خخخخ نوف البنوته اللي ما في احد برقتها احسها اقوى من عبد العزيز يعني ماااا طرا على بالها ان امها وابوها يعيشون بيت واحد ولاااااااااااااااااااااااااا تمدح ابوها عند امها وبنت ترها تعرفه اكثر منك هههههههههههههه والله بنات سعود ودااااااااااااااااااااااااانه سعود بداية حب اول شيء دخل دانه وكبرها بعينه موقفها معه وقوفها قدام اخوها مع انه متأكد انه عشان اخوها مو عشانه بس كان فعل عجز هو ولا خالد يسوونه بنت لااااااااااااااااااكن تهز بطبعها رجال وهذا ما كسر سعود وصار يشوفها بعين اكبر صراااااااااااااااحه انا من اهل الشمال والسوالف هذي تصير عندنا كثير ........ دانه شوفي كبيره بكل شيء لااااااااااااااااااااااااااااااا يوم طلبتي الطلاق صغيرررره مرررره موعشانك فكري الحين بس تزوجتي من غير عرس وش صاااااااااااااااااااار الحين الطلاق راااح نقوم ذبايح ............... الله يستر عليك باين ان زوااااجكم رااح يكون اكشن وان شاء الله تحبون بعض مع ان سعود بااان عليه البدايه بس باقي اني ومشاء الله الحريم كلمه حلوه تقلب روسهم هههههههههههههه مع اني اشك انك كذا بس نتابع من نفوسه ونشوف الف الف الف الف الف شكر مذهله على النقل الرائع الله لايحرمنا منك امين |
السلام قبل الكلام ...السلام عليكم ورحمة الله
ماشاء الله عليتس ياأنفاااااس من جد احداث حلوه ومشوقه وخاصه الي بين سعود ودانه الله يعينهم قدامهم مشواااااار من التفاهم بس مادري بيتفاهمون والا.......؟؟؟ عبود الغيوووور والبراكين الي قاعدة تثور بداخله وتشتته بين حبه لجواهر وبين وعده لماجد بس هو وشو الوعد..؟؟؟ يمكن عبود يقطع اجازته ويرجع في الوقت الي ماأحد يدري عنه ويمكن لحظتها تكون جواهر ببيته ونشهد لحظه اللقاء المرتقب ههههه مشكووووووره مذهلتنا الغاليه على النقل المباشر والحي ... وبانتظاااار ك دائما.... |
صباااااااااااااااح الورد بانوعها
هذه البارت رائع وهادي جدا ويريح العصااااااااااب سعود وادانه راح يكون فيه مد وجزر بينهم بس بالاخير رح يكون بين اكشنات هنوووووووووود ياحبني لكي وربي من جد صدق من قاااااااال كل بنت بابيه معجبه ولا هذه في وحد ينعجب فيه عزوز ياقلبو عليك والله انك طيب وحبوب وشكل انت اكثر وحد متثر من هذه الموضوع ماجد الله يسعد يارب تاخذ الجواهر وتحرق قلب الخاااااااااايس هذ ه لي فقع مرارتي ولي شششكلها انها بي ينجح في زواج من الجواهر وهو ظغط علي عيالها الجوهر ياحبني لكي وانت مصدومه من كلام عيالك بس اعجبتني لم قولتي لهم نو ابوهم سوي شي لا يمكن ان يغفر له الخاااااااااايس استحي اول اعتذ علي لي سويتها واستحي علي وجهك الشااااااايب وعاااااااايب وتابي تزوج حوريه مالت عليك والله انك مستاهل ابد ويارب تزوج ابو فيصل السناافي ويظغط عليك بلي عندها ويحرق دمك ويصير فيك جنون ياحي ياقيوووووووووووم سلمت انمالك انفااااااااااس وسلمتي لنا ذهووووووووووووله علي النقل |
السلام عليكم ورحمة الله وبركاته
لكل محبي رواية انفاس قطر .......... الرواية على ملف ورد من اول جزء لاخر جزء وصلت له الكاتبة ......... مع احر تحياتي وتمنياتي لكم بقراءة ممتعة ................... http://www.4shared.com/file/80054188.../__online.html |
للكل
البارت الجديد 29 نازل الليلة بين العصر والمغرب راح يكون بارت واحد وبكرة بارت بس بعد بكرة 3 بارتات متتابعة المهم الليلة أنتو أقرأوا البارت وأنا بأختفي وأنفذ بجلدي عشان ماحد يزنطني قراءة ممتعة مقدما انفاااااس |
بناااات كلاكم تسلمون على المرور بنوته وزارا حبيت قلبي تعلقج اليوم يجنن بندقية وام احمد وريا وميثااان وام هليل ياهلا فيكم والله كلكم وشبيهة القمروام لولوEmomsa يعطيكم العافية مانحرم منكم يااارب اشوف رددكم على الجزء الجديد ان شاء الله لا تحرموني من شوفتكم يوميااا مذهلة |
مذهلة مشكوره على نقلك لهذه القصة الرائعة
|
بعد الغياب/ الجزء التاسع والعشرين
#أنفاس_قطر# تناول عبدالله موبايله بكل غضب الدنيا وجنونه.. ودق على جواهر اللي كانت لحظتها متمددة تعبانة بعد الموقف العنيف اللي صار بينها وبين عيالها... جواهر اللي كانت ذراعها على عينها، ردت بدون ما تشوف الرقم بصوت متعب : ألو صوته الغاضب الملتهب الناري اللي تخلى فيه عن كل حواجز البرود اللي كان يتستر وراها كان يوصلها وكأنه يبي يحرق كل شيء قدامه: أنا أبي اعرف أنتي من شنو مصنوعة؟؟ انتي ما تستحين؟؟ ما في وجهج حيا؟؟ أشلون تقعدين متكشفة عند مره تدرين إنه ممكن زوجها أو أخوها يدخلون عليها في أي لحظة؟؟ أو يمكن أنتي قاصدة تتكشفين تبينهم يشوفونج؟؟ جواهر اللي كانت منتهية من التعب جسديا ونفسيا لها يومين ما نامت، واللي سواه عيالها فيها الليلة فوق احتمالها، ماقدرت حتى تستوعب عبدالله وش يقول.. (معصب والسلام.. خليه يذلف) سكرت الخط في وجهه.. بعد ثواني كان المسج واصلها: " أنا سكت لج على كل المرات اللي فاتت اللي سكرتي الخط فيها في وجهي بس ذا المرة أقسم برب العزة اللي رفع السماء بدون عمد لو ما رديتي علي الحين لأكون راجع الدوحة الحين إن شاء الله على طيارة خاصة والله لا يوريج أيش ممكن أسوي لو رجعت وأنا معصب كذا" جواهر لما قرت المسج توترت عبدالله بكبره ما يهمها، ولا يهمها ايش ممكن يسوي فيها، بس المهم عيالها.. ما تدري المجنون ذا وش ممكن يسوي؟؟ ممكن يسوي شيء يبعد عيالها عنها.. جواهر يوم خطر الخاطر هذا ببالها.. جنت (يبعدهم عني عقب مالقيتهم.. مستحيل.. أنا أروح فيها.. أجن.. أموت..) كتبت له جواهر مسج: "عبدالله واللي يرحم والديك أنا تعبانة موت اعتقني لوجه الله الليلة بس بكرة أنا بأكلمك" عبدالله اللي كان معصب لأبعد حد.. لما وصله المسج.. استغرب...وهدأ أكيد جواهر فيها شيء كايد.. وإلا مستحيل تخاطبه بذا اللهجة الهادية المستسلمة المهادنة إلا لو كان فيها مصيبة... مو شيء كايد بس.. رحمها.. وقرر يعتقها الليلة من ملاغته.. بس من ناحية ثانية.. حس قلبه يغلي عليها غصبا عنه.." وش فيها؟؟ أيش اللي متعبها لهالدرجة؟" اتصل بعبدالعزيز ولده.. وسأله عنها، عبدالعزيز طبعا قال له إنه كلمها إنه ترجع لأبوه، وقال لأبوه كل شيء صار من البداية للختام.. عبدالله خلاص عرف ليش هي تعبانة لدرجة إنها تهادنه عشان تخلص منه: "لهالدرجة جواهر منتي طايقتني... أنا ما ألومج، أنا أستاهل أكثر من كذا... بس ياترى مافيه أمل تسامحيني، ونبدأ من جديد؟؟" *********** دانة قضت ليلة من أسوأ لياليها.. ماتحركت من الصالة اللي هي قاعدة فيها..ولا دخلت الحمام.. حتى ملابسها بدلتها بالصالة بعد ما تأكدت إن سعود أكيد نام... سعود بعد ما دخل غرفته ما طلع منها، وترك الباب بين الغرفة والصالة مفتوح، على فرض إنها احتاجت تدخل الحمام.. "أو يمكن تستخف وتجي تنام جنبي!!!" سعود قام لصلاة الفجر، كان يتحرك في غرفته بحذر، مايدري أشلون الوضع على الجبهة الأخرى/ في الصالة.. بعد ما توضأ طلع بشويش يتسحب للصالة متوقع بيلاقيها أكيد صاحية على نفس وضعيتها من البارحة وبعبايتها وعيونها تولع تنتظره تنط في حلقه وتقول له: طلقني.. لكن المنظر اللي شافه.. فاجأه.. هزه.. خلب لبه.. كانت دانة نايمة على الكنبة لابسة بيجامة بنفسجية حاضنه نفسها من البرد، وشعرها الطويل متناثر جزء على الكنبة وجزء على وجهها.. سعود تصارعت عدة مشاعر في نفسه: أولها: حس إنه ماعنده ذوق " يعني لو عندك ضيف في مجلسك ماخليته ينام بدون فراش وغطا، أشلون مخلي بنت عمك ومرتك اللي في غرفتك، كذا بدون غطاء في ذا البرد، صدق إنك ما تستحي ولا عندك ذوق ولا حتى إحساس" ثانيها: حس إن منظرها الأنثوي جاب له توتر، سعود كان متباعد جدا عن عوالم الحريم، خواته على محبته لهم عمره ماتدخل في خصوصياتهم، ولا يعرف أي شيء عن شغلاتهم الخاصة من ناحية ثانية كان مستقيم بزيادة، حتى مجرد النظر عمره ما رفع عينه بمره لا بمجمع ولا بغيره، حتى محاولات البنات اللي أحيانا يحاولون يلفتون نظره في المجمعات، عمره ما أنتبه لها لأنه أصلا ما يرفع عينهم لهم عشان ينتبه لحركاتهم.. فكون إنه يتفاجئ بين يوم وليلة وبدون حتى ما يهيء نفسه، بوجود أنثى بهذا القرب الحميم منه، كان شيء صادم له.. وبعنف كان يتمعن غصبا عنه في شكل دانة وهي نايمة ، في تفاصيل جسدها الأنثوية، واللي كانت أنثوية بزيادة!!!!.. والبيجامة الحرير تكشف بدقة عن انحناءات هذه التفاصيل.. وهو يتتبع بعينه هذه الانحناءات المثالية اللي مع كل منحنى تمر عليه عينه بتفحص، يحس بارتفاع درجة التوتر والحرارة عنده.. الشيء الثالث: واللي بدا يكتشفه من أمس أول مرة شاف دانة، إنها رغم جمالها الهادئ، إلا إنه حس إنها جذابة بشكل غيرطبيعي والحين أكتشف ناحية ثانية لجاذبيتها: مثيرة بشكل غير طبيعي!!!! الشيء الرابع: شعور غريب يجتاحه... يشبه شعور قديم منسي!!!!!!!!!!!!!! سعود هز راسه، وهو يحاول يطرد الأفكار هذي عن رأسه: " يارجّال روح صل واستغفر ربك" بس قبل ما يروح للصلاة، خذ غطا سريره، وغطاها فيه.. وهو يغطيها يده لمست كتفها غصبا عنه، فحس بمثل لسعة الكهرباء في يده: " لحول يا سعود، والله إنك عليمي وخام على قولت الربع في الثكنة، أقل شيء يوترك، إثقل الله يرجك" رجع سعود من الصلاة، لقاها مثل ماغطاها "يظهر الأخت نومها ثقيل" كان يبي يصحيها للصلاة بس ويا للغرابة والأعجوبة والخبر غير المسبوق سعود كان مستحي.. "أنا على أخر الزمن مستحي من دوينه المعقدة، خلاص خلها تنام، ومتى ماقامت تصلي براحتها".. تركها نايمة ودخل لغرفته.. بس ماجاه نوم، وكان كل شوي يطل عليها بشويش يخاف تنتبه له وتكشفه لو ماغطيتها كان أحسن.. كان لقيت لي شيء أتمقل فيه!!!" ************* صحت جواهر الساعة 8 الصبح.. وهي حاسة براحة جسدية كبيرة، بعد ما أشبعت جسمها نوم.. بس روحها كانت غارقة في القلق النفسي العاصف.. قامت مرعوبة لأن صلاة الصبح فاتتها.. عمرها ماسوتها.. "كله بسبتك يا عبدالله الله يوريني فيك يوم" بعد ماصلت.. كان اول شيء خطر ببالها تتصل بعبدالله، تعرف إنه فيه فرق ساعة في التوقيت الشتوي بينهم وبين القاهرة، يعني القاهرة الحين 7 ونص، يكون صحا أو لا؟؟ قالت لنفسها: أنا بسوي اللي علي.. وأتصل بارن رنة وحدة، ويارب يكون نايم، ويخلصني من كلامه اللي يغث.. مالحق الموبايل يرن رنة واحدة، كان صوته المليان لهفة يوصلها: هلا والله..وألف هلا وربي جواهر بهدوء: صباح الخير.. عبدالله بصوت مرهق وملهوف: جواهر أنا تعبان.. لي يومين ما قدرت أنام حتى نص ساعة.. جواهر ببرود: إذا خلصت شغلك، خذ حبتين بناول نايت، وأرقد لين تشبع.. عبدالله بهدوء فيه رنة حنين وحزن: والقلب والعقل شاللي بيرقدهم؟؟ جواهر بذات البرود: ما أعتقد إنك طلبت مني أتصل فيك عشان تشتكي لي من تعبك؟؟ عبدالله بصوت حاول يتمالك فيه نفسه: أشلون عبدالعزيز ونوف؟؟ جواهر بهدوء: أنت كل شوي تكلمهم.. أعتقد أن أخبارهم عندك.. مافيه داعي تسأل عبدالله يحاول يرد على برودها ببرود نفسه: أنتي كذا على طول نكدية؟؟ جواهر ببرود: على طول على طول.. نكدية وأجيب الكآبة.. عبدالله ببرود خبيث: حتى ولو.. نكدي علي..تزوجيني.. جواهر بهدوء وجدية بعد مادخل الحديث للموضوع اللي هي اتصلت عشانه: عبدالله.. زواج ماني بمتزوجتك.. وأرجوك عبدالله لا تدخل عيالي في هالموضوع، ولا تستخدمهم سلاح ضدي.. لأن هذا سلاح غير شريف.. أنت عارف أنا وش كثر شفقانة على عيالي ومستحيل أخليهم بعد ما لقيتهم.. فكونك تستخدمهم ورقة ضغط ضدي.. تكون تستخدم سلاح غير شريف أبدا.. عبدالله ببرود: أنتي أصلا مو تقولين أني واحد بدون اخلاق.. ومن ناحية ثانية المقولة القديمة تقول: كل شيء يجوز في الحب وفي الحرب فكيف لما يكون اللي يخوض الحرب والحب واحد بدون أخلاق مثلي، لازم يستخدم كل أسلحته، الشريفة وغير الشريفة.. ولمعلوماتج انا عيالي ما فتحت هذا الموضوع معهم نهائي، هذا كان اقتراح عزوز، وأعتقد إنه قال لج.. جواهر بصوت حزين بعد مافقدت قدرتها المعتادة على التماسك: عبدالله إتق الله فيني،حرام عليك.. مو ترجع لي عيالي، وتبي تجبرني أعيش معك كزوجة عشانهم.. عبدالله بهدوء ظاهري واشتعال داخلي: لهالدرجة تشوفني سيء؟؟ جواهر بحزن غاضب: أسوأ من كل شيء ممكن تتخيله.. تعتقد إني البارحة ماحاولت أفكر في الموضوع عشان عيالي.. كل ما تخيلت إني زوجتك.. وممكن يحصل بيننا ما يحصل بين أي زوجين طبيعين، حسيت اني أبي أرجع كل اللي في بطني.. عبدالله المصدوم صدمة موجعة في صلب رجولته: لهالدرجة جواهر ؟؟ لهالدرجة؟؟ جواهر بسخرية حزينة: مافيه داعي تستدرجني في الكلام، لأنه في كلام جارح اكثر من هذا بكثير.. أنا مستحيل أكون لك.. ويكون لك حق تلمسني.. أفضل أموت قبلها.. أنا أشعر بالتقزز من مجرد الفكرة.. فكيف بالواقع.. عبدالله لأول مرة يكون مايبي يسمعها ولا يبي يسمع صوتها اللي كان يتشفق على حرف منه كان خلاص يبيها تسكت، لكن ما يقدر يبين نفسه ضعيف قدامها لدرجة إنه مو قادر يستحمل كلامها قال لها بصوت بارد ميت منتزع من ذاته المجروحه: ولو أنا تنازلت عن هالحق برضاي.. تتزوجيني..؟؟ أنا خلاص عقب الكلام اللي قلتيه لي طابت نفسي منك.. خلاص.. أنا بس عشان عزوز اللي كلمني منهار يبكي، ووعدته إنه مايصير خاطره إلا طيب.. والبارح كلمتني نوف وترجتني عشان نفس الموضوع.. جواهر ببرود: هذا كلام مراهقين، مايدخل مخي، مافيه رجال يتزوج ويتنازل عن حقه الشرعي.. عبدالله ببرود: والله كنت متزوجج سنة، ومتنازل عنه، ولولا ظروف خاصة، ماكان صار بيننا شيء أبدا.. جواهر حست إنه يرد لها الطعنة في أنوثتها.. وردت ببرود: والله هذاك وقت، وهذا وقت... عبدالله وهو خلاص طابت نفسه منها، رجع استلم زمام الأمور بالكامل: أنتي مفكرة نفسج ملكة جمال الكون؟؟.. ومافيه رجّال يقدر يصمد أمام سحر حسنج وجمالج؟؟ ماعليه.. استعرضتي حالج قدام ماجد وجننتيه، بس هذاك ماجد مو أنا.. أنا لفيت الدنيا، وألف مره، أحلى منج بألف مرة، قطوا أنفسهم تحت رجولي.. وانا ماعبرت حد منهم، ولا حتى ألتفت لوحدة منهم، عشان أنهار تحت حرم جمالج الخرافي!! اصحي ياجواهر اصحي.. بأقولها لج كلمة وماراح أعيدها، تبين تتزوجيني، بيكون عشان عيالي، وأنا متنازل عن حقي الشرعي اللي حضرتج حاسة بالقرف منه، واحلج أمام رب العالمين منه....... ما تبين خلاص بكفيج، بس ما تدخليني بينج وبين عيالج.. لأنه اللي علي سويته.. وهالمرة كان عبدالله هو اللي قفل الخط في وجهها عبدالله المجروح حتى الصميم..الصميم.. المطعون بقسوة في رجولته.. وإنسانيته.. وحبه الوليد اللي كان بدأ ينمو في قلبه لجواهر "خلاص ياجواهر خلاص.. كله ولا كرامتي.. وصلنا أخر الخط.. الله يلعن أي شيء ممكن يذلني لج.. حتى لو كان قلبي.. أدوسه بدون ما يرمش لي جفن... كله ولا كرامتي.. كله ولا كرامتي" #أنفاس_قطر# |
هلا والله انفاااس يعطيج العافية على الباارت الحلو صحيح تعودنا على الاكميااات في الايام الى فاااتت بس ماشاء الله الجز اليوم لج حق في النحشها جنااااااااان خخخخخخخخخخخخخ اول شي الحلو عبود >>>اسمحلي جرحات انوثة جواهر بس يالله ماحد خسران من اول القصة الى الان غيرك ودئما الغباء الى مستوطن فيك هو السبب ههههههه اهم شي امتلك جواهر >>>حس فيك انا خخخخخخ جواهر هل فعلا بتوفقين على قرار عبد الله وبترضين بكل كلامه او لا راح تصرين على الرفض عزوز راح يكون سبب اساااسي لي رجوعج الى ابوه هل بيستمر هو السبب اولا ؟؟؟>>>ننتظر كل تسالتنا بي فااارغ الصبر سعود يعيني ياسعودي يازين الرجااال العلمي في امور الحريم اجل تندمات الى سترك لها خخخخخخخخخخخخخ والله ضحكتني واجل وش بسوي اذا عذبة قلبك دنو في الايام الجاية بدلعها خخخخخخخخ صراحة انطر شكل البااارتات الجاية بتكون اكشنااات من نوع قنبلي خخخخخ تسلمين على الجزء انفاااس عذبتي اقلوب البنات بي القصة الجنااان هذي ونطرين بكره بكل شوووق مذهلة |
السلام عليكم انفاس قطر
تدرين احنه ناس مننطي عين زين انتي عودتينا على اكثر من جزء ترة صعب نقر؟أ جزء واحد وقصير مشوق شوفي صرفة لحالتنا ترة مستعصية تماما نجي نعلق سعود يمكن البعض يستغرب وجود مثل هذا الرجل الناضج وهو بهذه الاخلاق وبهذا التدين لا كونو على ثقة يوجد منه الكثير ولكن المشكلة تكمن في قلة الدعاية فرجا مثله لايوجد من يعمل لهم دعاية لان حياتهم لايوجد فيها اكشن مثل حياة المقطعين السمكة وذيلها >>وجهة نظر عبدالله ووجواهر ومصلحة الاولاد شوفي انفاس يمكن عبدالله قمة الانانية فهو يقبل بزوج دون حقوق طييب الله يخليك اذا انت تقبل هاي المسكينة شنو ذنبها يعني كلامه بما هو معناها ادفني نفسك وانوثتك من اجل اطفالك وقرارا تهم عبدالله لو كان متعاون ويشعر بجواهر الانسانة لقال لها انا سوف اقنع الاولاد ويدي بيدك الى ان نقنعهم ان لافائدة ترجى من ارتباطنا مجدد الا ان الفكرة داخلة مزاجة وبقوة وعلى قولتة كل الاسلحة متاحة بالحب والحرب وبما فيها الخداع من اجل الوصول الى ما يريد انفاس قطر بشوق كبير انتظر كل سطر تخطين انتظرك شكرا مذهلتي |
السلاااااااام عليكم...
ياااربي الجزء قصير وفتوووفووته مرره.. ونمله بعد ..بس تبين الصرااحه يدووووووووووخ وخصووصا سعوود... والله العظيم لوو اظمن ان فيه رجال مثل سعوود صدق بدق اخذه وانا مغمضه عيوني.. سعوود: يااحظ داانه فيك.. رجاال خاام ... الله يحفظك ياارب.. والله احس اني اقرأ عن واحد من عصر ثاني مو من هالعصر.. مااشااء الله عليك يااسعود .. شوف يااسعود اللي يخاف ربه ودااائما يحط ربه قدام عينه.. ربي مااراح يخيبه ابداا لاا بالدنياا ولاا بالاخره... يااحبي لك.. اشووى بس اني صاادرتك.. هخهخهخه سعود اجل فيه احساااس نط من القديم احسااس منسي.. هخهخهخه.. هذاااا هوو اللي صدته ياا انفاااس.. هخهخهخه.. بس والله اعجبني مرره مره التحليل اللي انت مسوويه لروحك وانت قااعد تمقل بدانه.. اولا وثانيا .. وثاالثاا هذي مره اعجبتني.. هخهخهخه بس عاد احلى حاجه واللي مت عليك ضحك لما صرت كل شووي تناظر فيهاا وهي نايمه ومتحسف انك غطيتها لان مافيه شي تشووفه.. هههههههههههه.. والله بااين انه بيصير بينك وبين داانه عصوور من المعاارك الطاحنه.. دانه :: يااحمااره انتي يااخشية النووم قوومي وحسي على دمتس.. وحده مغصووبه على وضعهاا ومكبره المخده وناايمه.. وتقوول انا ماا ابي سعود. داانوووه .. قوومي شوفي سعوود وش سوى علشاانتس.. هخهخهخه ودي بس اشووف وش بتسووين اذا قمتي وشفتي الغطااا عليتس.؟؟؟ يااخوفي تقلبين الدنياا على رااس سعود.؟؟ وماتشكرينه على حسن تعامله معتس..ماالت عليتس.. والله قهرتيني.. جواهر : تدرين جواهر مع التطوور الاخير هذااا وتخلي عبوود عن حقه الشرعي اتووقع انتس بتوافقين تحت الضغط العااالي من عيالتس... وتبين شووري ياا جوج اخذي عبوود.. وتعرفي عليه من اوول ومن جديد وعطي نفستس فرصه تعيشيب حياة مااعشتيهاا قبل.. عبد الله : عبووود والله اني ارحمك.. صراحه صعب ان احد يقوول لي من اشوفك ابي ارجع كل اللي ببطني فما بالك ان هاللي يقول كذاا واحد احبه وارتجيه بهالدنيااا؟؟؟ بس انت مااعليك منها.. ترجع مره مرتين وبعدين تطيب.. خلك دااائمااا العنصر الاقوووى.. وكل اموورك بتكون تمام... والله رحمتك وانت متحطم ... وتبي تحافظ على كرامتك... بس تدري هذااا الاحسااس اللي تحسه. جزاااء لاحساااس جواهر بالحرمان اللي حرمتها منه كل هالسنين.. يعني فزعتك لكرامتك موو شي عند عواطف جواهر المجرووحه والمشااعر اللي انحرمتها من عيالهاا وسنين عمرهاا اللي راحت وهي صابره وتدوور على عيالهاا .. يعني اذا انت زعلان على كرامتك.. بجواهر زعلانه على حيااة كامله فقدتها من تحت رااسك..وانت للحين مازلت تنظر للامور بمنظاار اناني واهم شي انت وهي بجهنم.. نفووووووسه.. مااقصرتي.. وتسلم ايدك اللي كتبت هالباارت الراائع... ونستنى الجزء الجاااي بكل شووق.. ويااليت عاد تخلين سالم يقلط عندنااا.. خليناا نعرف وشوو من رجال...؟؟ نستنى الجااي بكل شووووووق يااكل الذوووق؟؟ |
السلام عليكم ورحمة الله وبركاته
هلا مذهلتنا كيفك ياقلبي تسلمين على النقل جواهر :: احس ان جرح جواهر عميق مو بسهوله انها تتناساه و تعفو عن عبد الله اللي غدر فيها حتى لو كان من اجل عيالها بتحتاج لوقت طويل حتى تصفي نفسها وتهيئها من جديد لتقبل حياتها مع عبد الله او انها تتعرض لظروف قاهرة تلجاء اثناءها له قد يكون لعيالها تاثير عليها مستقبلا عبد الله كان لازم ترخي معها مهما قالت جواهر وما اعتقد انه بيكون للكرامه محل بعد معرفتك برغبة ماجد فيها وعشان اولادك يعطيك العافيه انفاس والله لايحرمنا ابداعك مذهلتنا مشكوره ننتظر القدم بكل شوق |
السلام عليكم ورحمه الله وبركاته
انفاس .... أعطر الانفاس ....اجمل الأنفاس ....البديعه ...الرائعه .....التي ليس لها مثيل واووووووووووووووووووووووووووو بارت صاروخ ....أرض جو ,,,,,فرقع في السماء ...وضوي بحده ,,,وأنار السماء بضياء ساطع .... ويقول ..... انا فقط انير الطريق ...فأنتظروا القادم .... فهو أحلي ...واحلي .... وأنتي الحلوه القادمه ...ببارتتك الرائعه وبسم الله ابدأ التعليق جواهر ... عبدالله ....ماجد ذات حظ سيئ للأسف ....واقعه بين طرفي الرحي ,,, بين ضغط أولادها وشوقها ليهم ...وخوفها من أبتعادهم عنها... وبين عبدالله ,,,,الذي يسيطر عليهم تماما ....ويستغلهم لتحقيق اهدافه مشاعرها مشاعر ام عاشت طوال العمر في حرمان ....وهي ايضا مثل كل الأمهات تتجاهل مطالبها الشخصيه من اجل سعاده اولادها وراحتهم توقعت في البدايه انها اذا علمت بعلاقه ماجد بعبدالله ....بأنها ستوافق علي الأرتباط بماجد نكايه وعندا في عبدالله ...... ولكني تراجعت وخاصا بعدما لعب عبدالله الكره بذكاء شديد ....وأصبحت في ملعبها هي وحلها من كل ما يثير ضميرها ....وخاصا من الناحيه الدينيه ... صحيح عبدالله أناني جدا ...بتجاهله لأحتياجاتها ومطالبها الأنسانيه ,,, وبأدني حقوها ببدء حياه جديده ...مع الأنسان الذي تختاره بنفسها ربما كانت موافقته علي ترك حقوقه ...ليست لعبه منه ...في المرحله الحاليه ربما ...كان يريد تحقيق أمران ينغزان بداخله ....ويقضا مضجعه ويقلا راحته الاول ...هو ...اولاده .... لأنه من الممكن جدا لجواهر بكلمه واحده منها ....ان تبعدهم عنه ليس معنويا فقط ....ولكن أيضا ,,,كليا ...بتركه ...والعيش معها هي وخاصا أذا عرفوا الحقيقه المريره.... والأمر الثاني ,,,,لأشبع شهوته ,,, وحب تملكه ,,,كي لا تصبح لشخص غيره اعتقد ان جواهر ستضطر اسفه...للزواج منه .....بعد ضغط أولادها وربما كانت خطته كلها تعتمد ,,,,علي أن تستسلم هي أولا لحاجتها الجسديه ...وتطلب هي حقوقها ....بكل أذعان لست أدري ماذا يخطط ماجد ...ليلوي ذراع عبدالله....وليجعله يوافق غصبا عنه علي زواجه بجواهر .... ولكن ربما تخطيطه هذا يعجل تماما بزواج جواهر بعبدالله وخاصا أذا علم عبد العزيز ولدها ...بعريس الغفله... دانه وسعود واووووووووووووووووو رائع جدا هو وصفك لسعود وهو يتأمل جسد دانه..... كان كالمحروم الذي يشتهي الشيئ وهو أمامه.....او كالصائم الذي يتأمل مائده عامره بالخيرات .... اتعرفين ...نوعيه سعود ...هذه موجوده ......فعلا ,,, ووصفك له جعلني أتذكر شخصا بعينه ,,,,وكأني أراه أمامي ... يظهر القوه والصرامه ...وهو من داخله حنون وذي مشاعر عميقه خام جدا بأمور النساء ,,,لأنه مستقيم لأبعد الحدود,,,ولا يرفع عينه في أحدي النساء أبدا وهذه النوعيه ....تكون مغرقه في الطيبه والحنيه ...ولكنها للأسف تخفيها بداخلها بمهاره شديده كي لا يقال عنها أنها ضعيفه..... مما رأيته اليوم ...انا أخشي علي سعود من دانه ,,,لأنه بدء يقع بحبها ,,, وهي أذا عرفت نقطه ضعفه تملكته وتغلت عليه انتظر الموقعه الحربيه القادمه...وهل ستواصل دانه ...طول اللسان أم يضطر سعود لأستخدام العنف ثانيا ,,,كي يثبت قوته وتفوقه منيره وسالم ربنا يكون في عونها ....وساره فعلا غلطانه انها خبت عليها ميعاد العرس فستكون فعلاصدمه عمرها ..... وانا لو مكانها ,,,,كنت جريت واستخبيت منه ...واانا بقول ...يا ماما ألحقيني عفرييييييييييييييييييييييييييت لم اشعر بأن والدها يخشي عليها من هذه الزيجه .... هل يعرف شيئا عن سالم لا يعرفه أحد؟؟؟؟ أم أنه تورط غصبا عنه في هذه الزيجه ...ويخشي علي أبنته من المجنون وفقتي أنفاس بالبارت الرائع جدا والف شكر مذهله علي النقل الرائع وجزاكي الله كل خير وبأنتظار المزيد كي تمتعينا كل التحيه والود شكرا ايمومسا علي مجهودك وتعبك برفع القصه علي ملف ورد |
دانة: وش هالموقف يا بنت و الله انك طلعتي شي عجييييييييييييب ربي يكبر عقلك اكثر و اكثر و تقتنعين بنصيبك مع ولد عمك و يوفقك يا رب
سعووود: صحيح انتم نقهر منها و نفسك تادبها بس بعد ما تهون علي دانة بنت عبدالهادي بشوش على البنت يا سعود و خل الي في قلبك يكبر و يكبرلانه احساااس حلووووووووووو نجول: حمدلله على سلامة بوحمودي مقدما و الله يساعدك على الي راح يصير من اخوك ماجد ماجد: والله و طلعت ليلي مرت اعز اصدقاءك يا ترى وش هالخدمة الي طلبتها من عبود العصبي نوف و عزوز : والله شكل ما حد راح يجيب راس جواهر الا انتوا الثنين جواهر:الله يعينك يا جوجو شكله ما حد راح يجيب راسك الى التوئم عزوز و نوف ما لك الا ترضي و تتنازلي علشان ما تفقدين عيالك الي انتظرتيهم 17 سنة عبوود: انت يا ولد وش كنا نقول الصبر ثم الصبر ثم الصبر لا تستعجل على رزقك ياا رجال اذا هي من نصيبك ما راح تروح حق غير مو من شوي رسايل رومنسية و بعدها مكالمات قمة الغير و عدم الثقة كيف البنت تحن عليك يا ذكي اركد اركد و كل شي بصير تمام التمام مذهلة يا عيوني يسلموووو على النقل الرائع و ربي يوفقك يابنت على القصة الحلوووووووووووووووووة نفوسة يا مبدعة يسلم ربي فكرك و يوسعها لك و تتحفينا بالاحداث الرائعة جدا |
مذهلة ربي يعطيكي الف عافية كنت اركض و انا اكتب التعليق و اتفاجا بوجود بارت جديد لا شكل راح اركض اكثر علشان احط الرد قبل البارت الجاي
دانة : ياقلبي على الي تستحي و الله يا بنت لسعود هذا يذوب فيك ذوبان بس هو يكابر طنشية شوي بس و لا تراددينة و انسي سالفة الطلاق و راح تشوفين كيف يعاملك مثل الملكة سعوووووود:ايش الحركات هذي يا ولد و الله و نعرف نقز بعد خخخخخخخخخخخخخخخخ و انا قلت لك انه حب من الطفولة بس مدفون و شكل دانة راح تتطلع الحب هذا بجاذبيتها و حلاوتها من غير ما تحس و تجننك و ما تخلي فيك عقل خخخخخخ تستاهل حتى ما تكابر و تقول ما احبها و مغصوبا(ن) عليها جواهر : يا قلبي عليك يا بنت وش سويتي بالرجال خليتيه يكره نفسه شوي شوي و بعدين عطي نفسك فرصة اكبر و استخيري لو علشان عيالك عبووود: مو قلنا الصبر يا عبود و الله يعين قلبك و يصبرك لحد ما تقتنع جوجو فيك و يا اخي خلها تحس انها خذت حقها منك ثالث و مثلث يمكن وقتها توافق عليك و نفرح فيكم نفووووووووووووس يا عيوني و الله القصة تنقلنا من احداث حلووووة لاحداث احلى ربي يعطيك الف عافية |
نفوووووسـه خفي علينـا شوي...
ما نقدر على كل هالابداع احنا:) تسلم ايدج عالبارت... عبد الله هههههه سبحـان الله.. كانــت اهي تبيـه واهو لا.. والحين انقلبـت الآيـه... اهو يبيهـا ويترجاهـا ترجع لـه واهـي لا.. صـج صعـب ان احد يقولك انا ما احبـك ولو شفتـك تلوع جبـدي وبرجع الي ببطني والاصعـب يكون من شخـص عزيز عليـك تتمنى كلمـه حلـوة منـه.. لكنه يستاهـل الي يالـه خل يحـس بغلطه وبالجوهرة الي تركهـا.. ومو انـه ياخذهـا بالساهـل وباردة مبـردة... وبكلامهـا حطمـت اي امـل فيـه انها ممكن تحبـه.. وحطمـته اهو بعد ومشاعره الي ليلحيـن ما كبـرت.. لكن مع هذا يستاهل هع جواهـر ما الومهـا بالي قالـته.. لان بعد الي سواه فيهـا والحياة الي ضيعهـا عليهـا.. مو بالسهولة ترجعلـه وتنسى الي سواه فيهـا.. بس ممـكن عشـان عيالهـا تسوي اي شي ودامـه متنازل عـن حقـه ممكـن ترجعلـه... سعود ههههههههههههههه يحليلك.. كل هذا سوتـه فيك دانـه... الشعور القديـم الي رجعـله..!! معقولة حــب وانـه كان يحبهـا بس عنادهـا خلاه ينكر هالشـي.. وما يعترف فيـه لنفسـه ولغيـره... دانـه وردة فعلهـا لا شافت الغطا عليهـا.. بتشكـره ولا بتقوم الدنيـا عليـه..!! الله يستـر تقبلي مروري |
سلاااااااااااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااااااااااام
وش صاااااااااااااااااااااااااااااار ليش كذا رجعنا الحين للصفر كله من سخااافة الجوهرة وعبدالله الحين معقوله عبدالله ما يبي حقة بس زواجه من ام عياله مو هو يحبها بس الكثر هو حب التملك عنده انها له من اول مااااااااااا يبي ماجد ياخذها معقوله توافق وتتزوجه اذا تزوجة عشاااان العيال وهذا اللي راااح يصير الجوهرة وش اللي انتي مسويته قلنا تكرهه وما خذ عيلها بس ما يعطيك الحق انك تجرحينه خلاص اتوقع عبد الله فااااااض به الكيل هل راااح يسامحك وصدقيني رااح تندمين علي سويتيه................ سعود ههههههههههههههههههههه والله طلعة تستحي قلب الدور مررره دانه مررررررررره انت وبكره الاثنين هههههههههههههههههههه المهم انا امووووووووووووووت عليك رجال وماااااااااااااا عليك كلااااااااااااااام شوف انت من زماااااااااااااان تحب دانه بس جرحتك يوم كسرت كلمتك ورااااااحت درست بالسعوديه والحين حبيتها بشكلها وانوثتها والجاذبيه اللي مزينتها خخخخخخ الف مبروووووووووك عليك دانه دانه ما لك حس الجزء هذا الله يستر وش مخبيه لنا ولسعود.............................. مذهله الف شكر على النقل الرئع اشتكي بصمتي |
هلااااااااااااااا بمذهله تسلمييييين ياقلبي على الكلام الحلوووو
وانا والله ماجذبني اني اقرهاا الا لئنك انتي الي ناقلتهاا الزين ماينقل الا الزين الي مثله اووووووووووووووووووه انفااااااس وش الابد1111ع هذ1 بس البارت مررره قصير مذهله انا من امس ابي ارد وكتبت رد وعلق والله اني تعبانه ولا قدرت اعلق مره ثانيه ياقلبيي اعذريني ياقلبي والله ان القصه تستاهل تعليق احسن من هذ1 بس يعلق وكل شوي اكتب ويطير الرد .. عبدالله هع هع رحمته اي هين تصبر على الجوهره الحين من شكلها وصوتهاا طارت علومك تبي تصبر اي كثر منهاا الجوهره وحقدهاا على عبدالله راح يروح ان شاء الله مع المعاشره بس مره متحمسه على الاكشن الي راح يصير .. صاحبت نوف للحين ماصار عليهاا شي هي واخوها فواز مااتوقع يضرون نوف ان شاء الله .. سعود اخصصصص والله صار يستحي بس حلووو انه مال لدانه بس بتغفر دانه له على الي سواه مااتوقع ننتظرك بكل شوق ياقلببي لا تتئخرين عليناا ...... جـــ,ــــ,ـــــودي |
هلا مذهلة وشلونك؟ جزء رائع كالعادة..
عبود: شوي وأصيح رحمته وسع صدرك يا أخينا وش دراك يمكن بعدين تنقلب الايه صبرك عليه.. جواهر: خلاص ما عندتس عذر وافقي على عبيّد وحقه وتنازل عنه وش تبين بعد ارحمي عييالتس المساكين االلي ماصدقوا يلقون أمهم وإياني وإياتس توافقين على منصور الغثه.. نوف وعزوز: مسألة وقت وتكون أمكم عندكم بس ها زنوا عليه عشان تتطيع.. سعود: خخخخخخ الله يعينك على دانة مب راضخة لك بسرعة خاصة عقب اللي سويته عاد اللحين أنت اللي منهبل عليه بس ها ارفق عليه عشان أغديه تعقل وتشيل فكرة الطلاق من رأسه.. |
مذهلة الله يعطيك العافية... خليتيني اتابع قصة ماكملت ...وأنا كنت مصرة ماتابع الا للبنات الي أعرفهم ..لاني تعبت من القصص الي ما كملت .... أنفاس ...بصراحة أسلوبك مره خطير ..والبارتات حلوة جواهر ..معها حق في كل الي تسويه جرح عبدالله الكرامتها وهي مراهقة صعب تنساه بس يمكن علشان عيالها راح تضحي.... عبدالله ...معقولة تكون حبيتها بهذي السرعة و أنت الي درت العالم كله....وشفت اشكال والوان ولا كانت عندك مشاعر قديمة لها أو احساس بذنب سعود موقفه ....طبيعي جدا ...وخصوصا أن اول مرة يشوف بنت ... وصار الحين بين نارين ...العجب بدانة و الحرب بينهم ......بس ايش المشاعر القديمة الي كانت عنده ...يمكن كان يحب دانه ....أو معجب بها ... وموضوع دخولها الطب خرب الدنيا.. عموما أنفاس ابدعتي ....الله يعطيك العافية.. ومره ثانية مذهلة سلمت الايادي |
:55::55::55::55::55::55::55::55::55:
الله يعافيكي علي ها القصه الرووووعه تسلم أيديكي وربنا يعطيكي العافيه |
بالبدايه اشكر اختي مذهله على نقل هالقصة اللي اقل مايقال عنها
ابداااااااع بصراحه تلامس القلوب والواقع والشكر الكبير للأخت انفاس قطر الله يحفظها ويسلم لها كل غالي اجزاء تهبلللللل واحداث عجيبه كلها اكشن عبدالله صراحه يكسر الخاطر مسكين متحسف على جواهر لاهي عرفته عدل ولاهو عرفها مثل كل زوجين فحرام ياليت يعطون بعض فرصه !! سعود الله يحفظه ياحلو الأدب واللي يستحون والله ياليت دانه تحس وتعرف تكسبه ;) وننتظر البارت الجاي وتسلمين |
هلا اختي
الصراحه مااعرف ايش اقول امام جمال قصتك انا الصراحه علمتني وحده من الخوات عن القصه وجلست اقراها وماقدرت اقوم الا لما خلصت كل الاجزاء 00 اسجل اعجابي في روايتك وودي اعرف متى تنزلين يعني اي وقت علشان اكون اول الموجودين في انتظار الجزء ودي اعلق عن كل بطل في القصه مااعرف ابداء من عند مين لان كلهم ابطال انتظر الجزاء القادم بفارغ الصبر |
مساء الورد للكل
نداء عاجل نناشد جميع الدول المجاورة بسرعة إمداد الدوحة بالمزيد من الأمدادات العاجلة من علب الكلينكس والفاين بعد ازمة النقص الحادة التي تسببت بها أنفاس قطر جراء إصابتها بأزمة زكام حادة سامحوني ماراح أقدر أرد على اللي عبروا بعد نزول بارت أمس سامحوني والله تعبانة حدي مع أني والله العظيم متأثرة وايد وايد من تزايد البنات اللي مسجلين عشاني وكان نفسي أرحب فيهم ترحيب خاص بس سامحوني.. ويا ألف هلا ومرحبا فيكم نورتوا روايتي وزدتوها ألقا وحسنا وبهاء استلموا البارت الجديد الجزء الثلاثون وبكرة إن شاء الله أكون أحسن وأقدر أرد على الكل بس سواء كنت أحسن أو لا إن شاء الله بكرة نازل 3 بارتات 31 32 33 قراءة ممتعة مقدما انفاااس |
بعد الغياب/ الجزء الثلاثون
#أنفاس_قطر# يوم جديد.. ونهاية يوم فيه مشاعر تغيرت.. وقلوب تحطمت.. وقلوب ارتعشت.. وقلوب عرفت اللوعة.. وقلوب عرفت الحرمان.. وقلوب عرفت اللسعة الأولى.. غرفة سعود الساعة 9 الصبح.. سعود بعد ما تعب من مراقبة دانة النايمة.. راح تمدد على سريره وتغطى بفروته.. واللي يتغطى بفروة في يوم شتاء بارد، خلاص يروح في النوم، لو هو ما يبي ينام.. دانة اللي نومها ثقيل بدت تصحا من النوم، أول شيء حست فيه وهي بين الصاحي والنايم ريحة عطر رجالي قوية جدا ونفاذة............... وعذبة.. بعدها مو مستوعبة الريحة هذي من وين جايه، بدت تتوعى شوي شوي، وهي تحس بقوة الريحة، وإنها محاوطتها من كل ناحية لما فتحت عيونها لقت نفسها متغطية بغطاء سعود اللي كان متعبي بريحة عطره... رمت الغطاء عنها كأنها خايفة إنه ينجسها.. "عدال على كرم الضيافة عقب ماخلاني طول الليل باموت من البرد، غطاني........ بس غريبة من وين جايب الذوق المتوحش المتخلف... ريحة عطره حلوة" قالت هالكلام في نفسها، وعطست، كانت تحس ببوادر زكام.." أشوف فيك يوم يا سعود.. نيمتني في ذا البرد بدون غطا" شافت الدانة الساعة..برعب: يا ربي تأخرت على الصلاة.. دخلت تتسحب للغرفة، من أمس مادخلت الحمام.. حاسة إنها بتموت، طلت.. شايفته نايم.. ومتغطي بفروته.. رجعت جابت فوطتها وروبها وشبشبها.. كانت متعودة على الشاور الصباحي، ومستحيل تخلف عادتها، ولو كانت بتموت.. فكيف عشان سعود المتوحش.. "خلني ألحق أتسبح.. قبل يصحا.." دخلت الحمام اللي بدا لها خالي بالنسبة لحمامها،بس كان الموجود شامبو هيد أند شولدرز، صابونة، معجون حلاقة وأمواس، وفرشاة ومعجون وغسول فم بس.. "أشلون أتحمم الحين.. مافيه شامبو مثل العالم والناس، ولا بلسم، ولا شاور جل.. ولا أي شيء...... إذا أنا باضطر أقعد هنا، لازم أقول لمزنة تجيب لي شوي أغراض" اللي ماعرفته دانة اللي كانت فسخت بيجامتها وعلقتها.. ووقفت تحت الدوش، إنه السخان مطفي، وزراره من برا، سعود يشغله قبل يتحمم بخمس دقايق بس، ويظل طول اليوم مطفي، لأن سعود غالب الوقت برا.. في برد أخر شهر 12 وبرودة الصبح.. أكلتها دانة اللي ماعرفت من وين يتشغل السخان ومستحيل تصحي سعود تسأله ومستحيل تقعد ما تحممت.. تسبحت بماي أقل ما يقال عنه إنه مثلج.. مثلج.. مثلج.. حست دانة إنها صارت قالب ثلج خلاص، وبدت تعطس بشكل غير طبيعي.. لفت شعرها بالفوطة وجسمها بالروب ولبست شبشبها بصعوبة لانها كانت ترتعش بشكل هستيري.. كانت طالعة بشويش ما تبي سعود يحس فيها.. بس صوت عطساتها المتكررة وهي بعدها تفتح باب الحمام، صحت سعود اللي كان على عكسها نومه خفيف.. والحياة العسكرية دعمت هالصفة عنده.. سعود اللي سمع صوت عطسها المتتابع، رفع طرف الفروة يبي يشوفها بدون ما يحرجها.. شافها تتسند على الطوفة تبي تطلع للصالة.. ارتعب ونط واقف.. وراح صوبها وسألها بلهجة حاول إنها تكون باردة كعادته: أنتي أشفيش..؟؟ دانة ما قدرت ترد لأنها كانت ترتعش وتعطس قرب منها سعود وطالع فيها، كان خشمها أحمر كأنه دم.. وعيونها حمراء حط سعود كفه على خدها، حس إنه يلمس قالب ثلج.. دانة حاولت داخليا إنها تبعد وجهها عن مدى ملمس يده، بس ما قدرت تسوي شيئ غير إنها ترتعش.. سعود بغضب: أنتي وش سويتي يا مجنونة؟؟ دانة بصوت يرتعش ويالله ينسمع: الماي مثلج.. سعود بغضب أكبر: وليش ما صحتيني عشان أشغل لش السخان أو سألتيني عنه؟؟.. أو كرامتش ما تسمح لش تكلميني، بس نفسش تهون عليش، أنتي تبين تموتين علي أبتلش فيش؟؟ سعود قال كلمته، وقرب منها بثبات وشالها كأنه يشيل له طفل من الارض *************** عبدالله يستعد لاجتماعه اللي هو حضر عشانه للقاهرة كان يلبس ملابسه بآلية.. مو حاسس بشيء.. يحس مخه مخدر.. مخدر من الألم العنيف اللي يجتاحه.. عقد كرافتته ولبس جاكيته مو عارف أشلون سواها.. طلع من غرفته.. ونزل للوبي الفندق.. وهو مو عارف أشلون نزل.. كانت شخصيته العملية تقود عبدالله الإنسان المجروح.. ركب مع سواقه.. اللي شق بالسيارة شوارع القاهرة المزدحمة.. وتفكيره مثل أسطوانة مشروخة تعيد وتزيد في كلمات جواهر الجارحة.. " آه يا جواهر ..كان ممكن تكتفين برفضي.. بدون تجريحي وإهانتي بهذه الطريقة البشعة" " ليه أنت شايف إن اللي سويته فيها شوي.. 17 سنة خاطف عيالها.. وتاركها تتعذب" " بس جواهر غير عني.. غير.. جواهر أم حنون.. وأنا مجرد رجل أناني.. حُرمت من الحب والمشاعر ووجود أنثى إلى جانبي تكمل نقصي .. أعتقدت إن أنانيتي واحتفاظي بأطفالي لنفسي يمكن يعوض روحي الجائعة للعطف والمشاعر.. أعتقدت إن حنانها ممكن يشملني وينتشلني من الحرمان اللي عشته عمري كله.. لكن كنت غلطان .. غلطان.. وهي كانت أقسى من كل شيء تخيلته.. أو خطر على بالي في أبشع أحلامي.. يا ترى بيحكم علي ربي إني أعيش الباقي من حياتي في حرمان بجانب أنثى تشعر بالتقزز مني..." قاطع أفكار عبدالله المؤلمة والمتدافعة.. وقوف السيارة.. والسواق يفتح الباب: اتفضل يا عبدالله باشا.. احنا وصلنا اهو.. *************** سالم في مكتبه في شركته.. رن موبايله.. طالع الاسم وابتسم..رد: هلا والله بابو سعيد.. هلا والله بالغالي.. صوت محمد المرح المعتاد: سويلم جعل السلال يضرب بطنك.. عرسك عقب 27 يوم ولا علمتني.. أمحق خوه .. سالم يضحك: تركد .. داخل علينا بشراع وميداف على قولت جبر.. محمد المبتسم: أصلا جبير اللي معلمني.. يعني تعلم جبر ولا تعلمني يا خوي العازة.. سالم اللي مايقدر على محمد وعيارته: يا ابن الحلال جبر هو اللي جاني البارحة في الشركة..وأنت مسوي روحك طالب تخرج صدق..مانشوفك..شكلك بتأكل الكتب أكل.. والموعد والله العظيم توه تحدد أمس.. محمد بعيارة: تدري وش دواك.. أحرض أختي على مرتك.. عشان ثاني مرة تحرم تعلم حد قدامي.. سالم برعب: لا محمد.. تكفى.. محمد بجدية ورجولة: السالفة فيها تكفى.. أبشر..بس وش سبتك؟؟ سالم ببعض خجل: مرتي ماتعرف عن موعد العرس.. لا تقول لأختك شيء تروح تقول لها.. وتنصدم.. خلها لين تدري من أهلها.. محمد المصدوم: بتزوجون البنية وهي مادرت عن موعد العرس.. في شرع من ذا؟؟ سالم المنحرج: الحين هي عندها امتحانات، خلها لين تخلص وعقب يقولون لها.. محمد اللي حس إنه أحرج سالم، كمل بمرح: درت عن موعد العرس.. وإلا مادرت.. تحب يدها مقلوبة إنها بتاخذ أبو مبارك.. سالم بود: جعلني ما خلا منك.. محمد: ولا خلا منك.. بس تراني شارط عليك شرط.. سالم بثقة ورجولة: أبشر بعزك.. محمد بعيارة: تراني خويكم في شهر العسل.. سالم يضحك: يا زين مقفاك يا محمد *************** مها وفاطمة ومنيرة في الجامعة أول مرة يتقابلون بعد سالفة زواج سعود.. مها من شافت فاطمة، ماقدرت.. حضرت عاطفية البنات الزايدة.. ضمت فاطمة بقوة والعبرة خانقتها.. فاطمة بمرح: أنتي يالهندية.. وش فيج خنقتيني؟؟ هي بس قالت كذا... مها لقتها فرصة تخورها وتبكي لها شوي: أنا والله متفشلة منش فاطمة وولا لي وجه والله، أنا أسفة على الاحراج اللي سببته لش. فاطمة بمودة حقيقية: ياهبلة ..منيرة ما وصلت لج كلامي؟؟ انتي بس مشتهية تبكين شوي ولا لقيت لج سبب.. خلي شوي من دموع التماسيح لمتعب.. قصي عليه فيهم.. (متعب خطيب مها أو ممكن نقول زوجها، وولد خالتها الموجود حاليا في دورة لمدة 9 شهور في أستراليا.. مضى منهم 4 شهور ـ وباقي 5 ) مها اللي رجعت لها عيارتها، قالت بصوت باكي مرح: حي ذا الطاري، جعلكم كلكم فدا متعب.. منيرة اللي كانت بدت العبرة تخنقها: عدال تبين تحريني، بس أنا بأقول سالم فدا لكم كلكم.. فاطمة بزعل: لا حرام عليج منيرة، مو لهالدرجة تدعين على سالم وبعدين كملت بمرح: وأنتي يا مها أخوج العيار، يوم يبيني، ثاني يوم مالك على بنت عمه، لا وحتى ماخلا المسكينة تتجهز، ساحبها لبيته في نفس اليوم، صج ماعنده صبر.. الحمدلله ربي أنقذني منه.. مها تضحك: الله يحبش، الله يعين دانة عليه بس ************ دانة اللي ماتت من الاحراج، كانت تبي تخلص نفسها منه، بس هو ماخلاها، شالها بقوة ثم نزلها بالراحة على سريره وخذ فروته غطاها فيها.. وهو نزل للأرض وجلس على ركبة.. وهو يقرب وجهه من وجهها اللي هو الشيء الوحيد اللي طالع من الفروة، وسألها بعصبية بصوت واطي: بأيش حاسة؟؟ دانة بصوت يرتعش: بردانة.. سعود بعصبية : لحول... وش أسوي لها الحين؟؟ لو كان واحد من زملاء المعسكر كان سعود عرف يتصرف بسرعة بس هذي أنثى.. حس إنه محتاس.. وأي حوسة راح لغرفة البنات لقاهم راحوا دواماتهم وامه ما حصلها يظهر عندها موعد في المستشفى.. كان يبي حد يسلمه مسؤوليتها عشان يخلص منها.. بس مالقى حد.. "وش أسوي ياربي؟؟" راح للغرفة اللي أمه تخزن فيها مفارش البيت والبطاطين المغسولة، خذ بطانيتين وطلع لدانة.. دخل عليها بسرعة، ورجع يلمس خدها لقاها بعدها مثلجة، طلع البطانيتين من الأكياس وحطهم فوقها فوق الفروة.. "خلاص بكيفها، لو مادفت عقب ذا كله، تكون ماراح تدفي ولو وديتها خط الاستواء" جاب كرسي التسريحة، وحطه مقابلها وجلس عليه..وهو بس يطالع في وجهها وارتعاش شفايفها، كانت شوي تفتح عيونها وشوي تسكرها، ولما حست بالدفى نامت.. وأخرشي تشوفه وجه سعود المحايد في تعابيره.. سعود لما تأكد إنها نامت من خلال سماعه لصوت تنفسها المنتظم.. رجع يلمس خدها لقى حرارتها طبيعية.. قام لبس ملابسه وطلع، لأنه كان عنده عدة مشاوير.. يبي يطلع عقد الزواج من المحكمة بعدين يمر على رئاسة الجيش، عشان يقدم على إجازة الزواج: " مادمت اسمي تزوجت حتى ولو بالاسم، خلني استفيد على الاقل من إجازة ذا الاسبوعين" ***************** منيرة ومها وفاطمة واقفين قدام القاعة.. يقرون الاعتذار المعلق منيرة بخيبة أمل: عين السيح معتذرة اليوم بعد.. فاطمة باستفسار: مو المفروض نكلمها، مو عوايد دكتورة جواهر، تغيب محاضرتين ورا بعض، غابت الخميس اللي طاف، واليوم بعد.. مين تقدر تجيب رقمها عشان نتطمن عليها.. مها وهي تتذكر شي: نجيبه من دكتورة نجلاء، الثنتين طول اليوم روسهم بروس بعض، أو على الاقل دكتورة نجلاء تطمننا عليها.. منيرة: يالله خلونا نروح.. وتوجهوا الثلاث لمكتب الدكتورة نجلاء *************** جواهر مزاجها بعده متعكر من مكالمة الصبح مع عبدالله (الله يأخذه ويخلصني منه بس..) عيالها بعدهم نايمين، نوف كانت نايمة مع أمها، وعبدالعزيز نايم في غرفة الضيوف في الأساس عبدالعزيز ماعنده مدرسة لأنه في فترة إجازة الكريسمس التي تعطى لمدرسين مدرسته الأجانب، ونوف وأمها اليوم اتفقوا ما يرحون للجامعة، ويدامون الاثنين " الساعة صارت عشر ونص، خلاص بأروح أصحيهم" أول شيء دخلت على عبدالعزيز، قربت بشويش وقعدت جنبه على السرير هزت كتفه بشويش: يمه.. قوم حبيبي، الساعة 10 ونص عبدالعزيز بطل عيونه وابتسم ومد يده على الكومدينو جنبه يدور شيء امه عرفت إنه يدور نظارته.. فعطته اياها بحب وقالت له بحنان: اذا تميت 18 سنة عقب كم شهر، وديتك تسوي عملية ليزك، عشان ترتاح من النظارة عبدالعزيز وهو يلبس نظارته ويطالع امه: أبوي قال لي بعد.. جواهر من سمعت سيرة أبوه توترت وسكتت وعبدالعزيز طبعا ما ترك الفرصة تمر: وعلى طاري أبوي.. فكرتي في الموضوع اللي أمس؟؟ جواهر بارتباك: محتاجة وقت أطول للتفكير.. عبدالعزيز بعتب: الظاهر انه لازم نعرف حدودنا ومحدودية غلانا وما نتجاوزها جواهر برعب: لا عبدالعزيز ارجوك لا تقول كذا عبدالعزيز بلهجة فيها حزن حقيقي خلا قلب جواهر يذوب: لما تكونين محتاجة كل هذا الوقت، عشان تفكرين في موضوع تعرفين إن مصلحتنا وحياتنا متعلقة فيه، يكون لازم نشك في أهميتنا في حياتج جواهر وهي حاسة كلام ولدها سكاكين تقطع في قلبها: أرجوك حبيبي لا تقول كذا، أنا مستعدة أبيع عمري كله عشانكم عبدالعزيز باستنكار حزين: مستعدة تبيعين عمرج... لكن ترجعين لأبوي لا جواهر بغضب وهي تنط واقفة: بلاك ما تعرف أبوك وش سوى فيني.. عبدالعزيز بهدوء: ومن قال لج إني ما أعرف.. أنا أعرف كل شيء، ونوف بعد تعرف.. #أنفاس_قطر# |
مذهلة فديت عمرش والله
تسلمين لي ويسلم لي ذوقج الحلو شراتج القصه مو حلوه وبس الا تخبل تهبل وما خلت بعقلي بقايا ههههههههه ربي يسلم يدينش ويدين انفااس توقعات ماورا خشتي توقعات هههههههههههههه اسمحيلي مذهله |
اقتباس:
|
اقتباس:
تسلمين والله على مرورج وان شاء الله اشوفج دوم ولو كلمه منج تكفيني اول وحده متعطف مع عبد الله خخخخخخخخخخخخخخخخخخ |
اقتباس:
ياهلا فيج وهذا العجاب نشكر فيه انفاااس على جمال افكره الله يخليه لنا يااارب وتسلمين لي على المرور العسل مذهلة |
هلا مذهلة وشلونتس وش أخبارتس؟!!
والله يشفي نفوسة.. معقولة عبود قال لعياله ما صدقش وكان ماقالهم من وين دروا؟ والا عزيز يقط كلام مايدري وشو.. دانة مجررررررررمة من صدقه سابحه بدون سخانة انا لو اني منه أقوم وأقوم الحي كله بعد والله انه مهبولة بايعت عمره أتوقع لو اني مكانه كان مت سكتة من البرد بسم الله علي خخخخخخخخ شفت يادانة سعود ماشاء الله عليه لاحظي انه مب سيء لدرجة الطلاق*_^ سعود بعذره لاحمق من يلومه؟ أجل فيه أحد صاحي يسبح بدون سخانة بهالبرد..الله يازين النوم بالفروة شيء عجيب وعلى قولتك الواحد لو مابه نوم ينام غصب عنه.. عبوود المره صحت موب بغيت اهئ اهئ عارف انه أناني خلاااص رحمته ياجواهر اغدي مرة سنعه واعطفي على عبيد.. جواهر خخخخخ لامفر يسعدني أنا أقول لك انتس بتووافين على عبدالله عزوز يقنع اللي مايقتنع نياهاهاها.. سالم شكله طيب ما أدري وراه عليه منور الا على طاري منور اللي يعينا على صياحه لا قالوا له عن موعد العرس بتخرم اذاننا.. |
. السلااااااااام عليكم..
نفووووسه سلااامة قلبتس يااقلبي.. طهور ان شااء الله..و مااتشووفين شر.. وابشري بعزتس ..شحنه خاااااصه جدااا جدااا تلقينهاا بجماارك قطر برقم 12344556... خص نص لانفااااس قطر.. من مختلف المنااديل .. ان كانت فاين او كلينكس. وترى الغالي للغالي والنااعم للناعم والا هذووليك اللي يلووعون الكبد ويقطعن الخشم ماااصفطتهن لتس.. ماا حبيت لتس الا الزين.. المهم تروحين بعد مااتقرين هالمشااركه على طووووووول لمينااا امسعيد وتقوولين وين منااديل انفاااس قطر اللي من ظبية الشرقيه.. ابد تلقينهاا بالسفينه رقم 3443344 واللي اسمهاااا بعد الغياب.. ولوونها وردي كبيـــــــــــــــــــره وبتلقين المنااديل طااالعه من خشم السفينه مدري البااخره . من كثرهن.. وعهاا بعد هديه رولاات مناديل لليدين.. هخهخهخه.. ومااتشووفين شر.. ههههههههههه نفووووسه.. والله عااد قصير مررررره قصير . ماا امدااني اقرأ سطرين الا انتي كاتبه انفااس قطر.. لدرجة اني قلت يمكني تووني بالبدااايه ومااابعد قريت شي الا اسمها اللي باوول الصفحه؟؟.. هخهخهخهخهخه المهم الجزء على انه فتفوووووووووووته جدا ونمووووله جداا جداا...بس صرااحه رووعه.. وفيه شخصيه طلعت من زماان متمنيه انها تطلع اللي هي سالم ولاني من يووم عرفت بوجوده ودي انه يطلع ببدأ اليوم فيه... سالم :: مرحباا مرحباا مرحبااا.. ياامرحباا ملاااايين وين هالغيبه يااخي.. صااير مثل بيض الصعوو تنطرأ ولا تنشااف.. هخهخهخه.. تدرين سالم انا صح شفتك بمشهد بسيط بس الحين انا متاكده ان منيره البقره مااخذه عنك فكره غلط..تدري من وين عرفت هالشي؟؟ قل لي من ويـــــــــــــــــن؟؟؟؟ هخهخهخه .. اوول شي عرفته لانك صديق محمد.. ومحمد هذاا يجنن ويهبل ورجاال سنااافي وماايصااحب الا الشقرديه وانت شكلك شقردي .. وموو بس كذاا الا بعد شكلك تحب منيره.. والشي الثااني اللي خلاني اعرف انك حبووب.. انك مابغيت ان منيره تدري عن موعد الزواج قبل اختباراتهاا.. مع ان هالنقطه بنفس الوقت مخوفتني منك... بس اجمااالااا انت عجبتني انا مرتااحه الحين 80% من ناحيتك.. ادري بتقوول وش يدخلتس ترتااحين من ناحيتي.. بقوووول .. سلوووم عندي لك خبر.. يمكن يحصل لك الشرف قريباا جداا وتنظم لمجموووعة ظبووووي اللؤلؤيه.. هخهخهخهخه الصديقات الثلاااث.. فطوووم.. يااقلبي انتي .. والله انتس رهيبه وتجننين والله يرزقتتس باللي ابرك من سعود ياارب.. والله انتس عاقله وموو معناة انتس وحيدة اهلتس ومدلعينتس انتس خلاص ماتفكرين بعقلتس والا تعتبرين ان اي شي لااااازم يكون لتس .. تدرين من بعد موقفتس من سالفة سعود واناا اعتبر اعقل وحده بالصديقات.. شوفي انتي تفكرين بعقل ومنيره احس انها تفكر بقلبهاا ومشااعرها كثير. ومهاا بين الثنتين... والله لااااا يفرقكم يااارب.. ايه واعجبني بعد حرصكم على دكتوورتكم وكيف انكم تبوون تسألون عن اخبراهاا بسب غيابهاا... سعوود:: يااااي سعوودي وش سوويت بداانووه الهبلااا؟؟ والله انك رهيب وانت متخزبق مااتدري وين ترووح من الخرعه عليهاا.. والا لما نمت لان مااعاااااااااااااااااد فيه شي تشووفه.. هخهخهخه.. والله انك رهيب. بس عسى الله يهيدك وتسووي مواقف احلى من هذي مع الهبلاا بنت عمك... سعوود صدق اتوقع انك بتااخذ الاجاازه وبترووح تتمشى مع دانه .. بس على شكلك وهيئتك بترووح شهر عسل بالبر يعني يتخييييم بالبر.. هخهخهخه.. دانه :: والله ماتستحسن على وجهتس ياانااكره الجميل الحين هذا جزاه انه غطااتس .. قاعده تتمصخرين عليه .. طيب يختي احمدي ربتس انه افتكر فيتس ومااخلااتس لين قمتي وانتي بدوون غطاااا... صدق ماتستحين.. وبعدين ان سمعتس تقوولين عن سعوودي متوحش قطعت لساانتس يااحماره هذالا زوجتس الضاابط سعوود احترميه ... الا صدق هوو وش رتبته؟؟؟؟؟؟ وبعدين يااحماااااااره احد يتسبح بالماااي البارد بعز البرد.؟؟. حسبي الله عليتس اللي من قريت عن اللي سوويتيه وانا قااعده سنوني تكتك من البرد.. هخهخهخه.. وتستاااهين اللي صاار لتس.. خلي كرامتس تنفعتس اذا راحت صحتس.. هذاا وانتي دكتووره ..مالت على الدكتااره اللي انتي منهم.. وياااحظ المرضى الاقشر اللي يطيحوون بيد دكتووره عنيده مثلتس.. الا صدق دانه قولي لي الحين وش بتسووين بوظيفتس؟؟ انتي تشتغلين صح؟؟ طيب تتوقعين تستمرين والا بتجلسين بالبيت لان المتوحش مااايبيتس تشتغلين ولااا يشجع عمل المرأه بالطب.. والله انه دب صدق... بس تدرين والله اتوقع انتس بتمريضين هذيــــــــــــم المرضه بسبب خبالتس وعناادتس وهذيك السااعه عاااااااااااااد بتعرفين سعووود ثاااااانــــــــــــي غير هاللي انتي تعرفينه.. عزوز :: عزوووووووووز انت صاادق انك عاارف سبب زعل امك من ابووك والا بتسووي لهااا خطه عشان تعرف منهااا السبب الحقيقي؟؟؟؟؟؟؟؟؟ واذا عرفت من من عرفت هالشي ؟؟؟ يمكن لما كنت ببيت خال امك وكنت بروحك بالمجلس مع الرجال قالوا لك على اسااس انك عارف بالموضوع..؟؟؟؟؟ بس والله يااعزووز انك تعجبني.. ايـــــــــــــــــــــــــــــــه كذااا خلك ملحاااح.. لح على امك بالرده لابووك ليين ترضخ لك .. وكثر من هالكلاام اللي يضيق الصدر ويعبر عن الحاجه لهاا وانه هي موو متشووقه لكم زي شووقكم لهاا>> والله احس اني مجرمه وانا اقوول هالكلام .. بس وش اسووي مااا احب العيال يربوون بعيد عن والديهم... ايــــه لله دري ماا اطيب قلبي.. حنووون الله يحفظني.. هخهخهخه جواهر :: جووجووو حرااااام عليتس خلااااااااااااص بطلي دعاااوي على الرجاال .. الحمد الله ان الله مااايقبل دعااويتس والا كان الرجال مودعناا من زماان.. هخهخهخه شوفي يااجوجو عزووز هذاا هوو اللي بيجيب الموافقه منتس على ابووه ويمكن تكون المواافقه هاليومين.. ياا الله الله يكقووي عزوز عليتس ياارب.. والله اني اشووف انتس بديتي تستجيبين له.. ويمكن هناا تقوولين لعبد الله انتس موافقه بس بنااااء على التنازلات اللي قدمهاا قبل.. عبدالله :: مااراح اقوولك اكثر من الكلام اللي قلته لنفسك..بس والله رحتك وانت تفكر كذاا...؟؟ يعني انت حرمت نفسك من اي شي برغبتك .. بس جواهر انحرمت من كل شي بدون رغبتها وخاارج ارادتهاا.. فمازالت المقاارنه فااااااااااااشله وغير متكااافئه.. ومع هذاا بقوول اتتمنى انها توافق عليك.. عشاان تذوووق المر على اصوووله.. هع هع هع.. نفووووووووووسه.. ميرس خالص ع البارتي ده.. متشكرا اووي اووي.. وبلغيني يااحبيبتشي عن الهديه بتعتي ازا وصلت ليك ياا أمر.. هخهخهخه ونستى القي بكل شوووووووء.. هخهخهخه>> عاد الضحكه ماعرفت اكتبهاا بالمصري.. هخهخهخه |
السلام عليكم مذهلة ...... انفاس سلامتك وطهور ان شاء الله عاد هاذي ضريبة البرد والاجواء الحلوة دانة ياقلبي مو كفاية ليلتك اغلبها بلا غطا وكملت يوم استحميتي بالمويه البارده يحقلك والله اهم شيء الوحده تستحمى , , , بارده مو بارده , , اهم شيء الشاور الصباحي ورب ضارة نافعة اهو تشوفي حنية سعود وتشوفي قد ايش هو جنتل مان ورقيق الطباع وكيف نكبتي عفشه ومو عارف ايش يعملك والا من فين يبدأ وياعيني على الناس الي تقز من تحت الفروة سالم وكنه عارف بـ موقف منيره من الزواج منه , وعارف ردة فعلها اذا عرفت بموعد الزواج منيره عايشة الحظه بس , ومستبعده يوم الزواج فكيف حتكون ردة فعلها لما تجي الحظه الحاسمة ومعرفتها بقرب الزواج جواهر ياعمري عليها حرام الي يصيرلها ..., كثير عليها وعلى نفسيتها حتجن آخر شيء من ضغوط عيالها وخصوصا ً ان الكوره في مرماها , وهي الي بيدها القرار الي في نظر عيالها قرار السعاده والاستقرار وماهم عارفين مساوئ هالقرار المصيري عليها ,,يعني مو فاهمين الي خلف الكواليس , مو فاهمين يعني ايش ما طيق قربه والعيشه معاه تحت سقف واحد لكن حتوافق وتضغط على نفسها لان قلب الام يضحي ويتنازل حتى لو فيها غبن لها وحتى لو كان في تنازلات قدمها عبدالله لكن مستحيل ينفذها اذا هي بعيده عن عينه ناكبه عفشه كيف لو صارت في بيته تنهار كل الحصون وتخلف كل الوعود رغم ان عبدالله حليو ويستاهل تحطه تحت رمش عينها لكن بعد ما تاخذ العدالة مجراها انفااس تسلم يدين خطت هالابداع تعيشين يارب ويدوم نبض قلمك مذهلتنا مشكووره ياعسل على النقل الاكثر من رائع سلمت ِ |
السلام عليكم..
اول شي سلامات يا قلبي ما تشوفيـن شر.. واذا عن الامدادات الي طلبتيهـا فالبنـات ما كفو ووفو.. ههههههه اتغشمر طالعي وراج تلقيـن الي طلبتيه واكثر:).. بالنسبة للبارت مادري قصـير ولا من شوقي له ولهفتي اكل الحروف اكل واحس انـه قصـير..!! يسلمووو نفوس.. عبد العزيز امممم صراحة فاجئـني.. معقولة يعـرف الي سواه ابـوه..!! اممم شوفي يا انـه سمع ابوه بالصدفة يوم كان يكلـم فاضل مادري افضل:) وهالشي كان سبـب سكوتـه وانطوائيـته..!! او انـه قال هالشي لانـه حاس بامـه ويبيهـا تطلع الي بقلبهـا.. بس لو كان يدري بالي سواه ابـوه كان ما عاملـه عدل ولا كان ظغط على امـه.. حيرني هالعزوز..!! دانـه ههههههههههه بعنادهـا يابت المرض لروحهـا.. بس شكلهـا واهي ترجف ههههه عجيب<<مو قتلج تخلينا نشوفهم:) سعود هههههههههه واخيـرا سعود مختبـص ومو عارف شسوي.. والاجازة عليـنا تبيهـا عشان ترتاح ولا عشان تقعد مع دانـه:) حركاتك كاشفينها هع فاطمـه الحمد لله.. كلش ما توقعـت يكون هذا تفكيرهـا.. صج المظاهر خداعـه.. جواهـر وشرح ترد على ولدهـا.. هل بتفجر كل شي وتطلع الي بقلبهـا.. او انهـا بتشك بالسالفـه وتكلم عبد الله تتأكد.. عبد الله ما اعتقد انـه قايل لعبد العزيز مو معقـولة يشوه صورتـه الي راسمينهـا عياله بنفسـه.. يمكن قايل لهـم شي ثانـي ابسط من الي سواه..! مادري.. وارد اقولـه المفروض يكون متوقع هالرد منهـا.. عيل يبيهـا تقوله موافقـه وكأن شي ما صار..!! يلا خل يذوق شوي من الي ذاقتـه فبعده.. آخر شي سلامات مرة ثانية بانتظار البارت القادم بكل شوق.. تسلم ايدج مذهـله عالنقل تقبلي مروري |
السلام عليكم
ماشااااءالله عليك ياااااأخت أنفاس قطر والله ابداااع وافكاااار رهيبه وجديده،في البداااايه جذبني عنوااان الرواااايه وقلت بشوف اول جزء إذا اعجبني بأنتظرها تكتمل وبعدين بقراها وهي مكتمله لاني اكتفيت من القصص غير المكتمله ووعدت نفسي مااقرأ قصص غيرمكتمله مره ثانيه،ووالله من بدأت فيها وااانا داخله في عالم ثاني ماطلعت منه إلا بعد ماخلصت الجزءثلاثين وراح وعدي لنفسي خرطي. نجي لأبطال القصه اعجبتني طيبةوحنان عبدالعزيز أخوجواهر،ورجولةمحمد ،و نخوت خالد ،و ثبات وقوة دانه،وعقل وحكمت فاطمه،وقهرني قسوةوأنانيةعبدالله، وبرود وخشونةسعود، وخبث هند وأخوها فايز يعلهم الماحي ،وتفكير منيره السلبي يعني ماادري ليه كارهه سالم وكيف حكمت على الرجال بالجنون بهذي السرعه وبأسباب تافهه،وآاااخ من جواهر ومعانات جواهر الله يصبرك ويقويك على اتخاذ القرار المناسب. ونجي لتوقعاتي الجهنميه والتي نادرا ماتصيب وغالبا تخطئ ههههه: _عبدالعزيز ونوف مايعرفون باللي سواه ابوهم وعندي احساس بإن خالة ابوهم عائشه لها يد في الموضوع. _واتوقع ان جواهر بتتزوج ماجد. _دانه وسعود يحبون بعض من زمان بس كل واحد ماخذ موقف من ثاني وهذا اللي خلاهم يكرهون بعض. |
صباح الخير والورد والفل
بعيد عن الزكام والمرض سامحوني كلكم بليز لأني مو قادرة أرد عليكم والله بعدني تعبانة وايد<== أذلفي بس وش نبي بردودك، عطينا البارتات وورينا عرض مقفاك أنا والله قريت كل الردود وفيه ناس افتقدتهم وااااااااايد لما مالقيت ردودهم عسى مانعهم أحسن من مانعي وإنهم يكونون كلهم بخير وصحة تفضلوا وقراءة ممتعة مقدما انفاس |
بعد الغياب/ الجزء الحادي والثلاثون #أنفاس_قطر# عبدالله خلص اجتماعه .. كانت نفسيته في الحضيض.. حاس بحزن غير طبيعي متجذر بقسوة .. وبجرح عميق خلى روحه تغرق نزيف.. نزل من مقر البنك.. لقى السواق اللي معاه ينتظره تحت، عطاه عبدالله جاكيته وكرافتته، وخذ من السواق جاكيته هو(جاكيت السواق اللي كان لونه زيتي ومبين عليه القدم).. وقال له : روح أنا أبي أمشي وسط الناس شوي.. وما أبي يكون منظري لافت للنظر وأنا بجاكيت رسمي وكرافته.. ونزل عبدالله مشي.. متجه لميدان التحرير.. كان يبي يحس بالناس.. يمكن الزحمة والعالم يلهونه عن حزنه الحاد شوي.. "خلاص جواهر أنتي كذا انتقمتي مني وزيادة.. عمر ماحد كسر نفسي مثل ما أنتي سويتي" كانت الهواجس تاخذ عبدالله وتوديه.. الكلام اللي قالته له جواهر جرحه لأبعد حد.. وعمره ما تخيل وهو ابن السوق القوي الصارم الواثق.. إنه ممكن ينجرح بهالصورة من مجرد كلام.. كلام.. ومن من؟؟ من اللي كان يتشفق وبيموت على كلمة منها.. ألف هم يغرقه ويسحبه للهاوية.. استمر عبدالله يمشي، مشى ومشى كثير بدون مايحس بالساعات اللي تمر.. كان عبدالله يحفظ القاهرة مثل كف يده.. مشى في الميادين والشوارع العامرة بمئات الآلاف من البشر.. لكنه كان وحيد .. وحيد.. كأنه وسط صحراء قاحله عدد حبات رمالها يأسه وحزنه وجرح كرامته المهدورة.. وصل لكوبري قصر النيل ، وقرر يجلس شوي في مقهاه الشهير اللي هناك، رغم برودة الجو.. وهو جالس يشرب قهوته المرة كمرارته.. وصله مسج.. فتحه.. رغم إن المكتوب في المسج كان في غاية الأهمية.. إلا أن عبدالله قراه بدون اهتمام.. ورمى الموبايل على الطاولة.. وهو رجع يطالع الأفق.. ونظره يسرح بعيد بعيد.. ************* جواهر وهي مصدومة ومو مصدقة: أنت ونوف تدرون؟؟ من متى؟؟ ومن اللي قال لكم؟ عبدالعزيز بهدوء: أبوي اللي قال لنا.. خبرني امس الظهر لما اتصلت فيه؟؟ جواهر وهي بعدها مصدومة: قال لك كل شيء.. كل شيء.. مستحيل....... أكيد إنه غيّر في السالفة.. عشان يخليكم صافين معه بهالطريقة.. لا وتبوني أرجع له.. عبدالعزيز بذات الهدوء: شنهو اللي غيّره؟؟ عندج شيء ممكن تقولينه غير إنه طلقج.. وخطفنا.. وقص عليج عشان تخليه يطلع فينا من البيت .. وحرمج منا 17 سنة، وانتي ما تدرين عن مكاننا.. جواهر كانت مصدومة وصدمتها أكبر من أي كلام: يعني عرفتوا ذا كله.. وعادي عندكم.. ما كأن أبوكم سوا شيء؟؟ عبدالعزيز بهدوء ذكرها بأخوها عبدالعزيز: يمه اسمعيني فديتج قبل أمس لما جيتينا، أنا ونوف كنا معتقدين إنج رميتينا 17 سنة ومع كذا شوفي اشلون ارتمينا بحضنج وتقبلناج، وإحنا ما نعرفج....... فكيف بأبونا اللي معنا صار له 17 سنة؟!! ما أنكر إن اللي سواه أبوي جريمة، لكن هو سواها وهو يعتقد إن مصلحتنا في اللي سواه.. أكيد إنه كان غلطان وأكبر غلطان.. بس خلاص يمه اللي راح راح... وهذا احنا تجمعنا من جديد.. بتخلين حقدج على أبوي يخرب حياتنا...... أبوي ربانا ما نحقد ولا نشيل على أحد.. يمه أبوي عشاننا سوا اللي مستحيل أبو يسويه.. أنا عقب ما كبرت وصرت أعرف مشاعر الرجل أشلون.. حسيت بالمعاناة اللي هو كان عايشها.. تخيلي شاب في العشرينات ثم في الثلاثينات في عز شبابه وفتوته ووسامته.. دافن نفسه حفاظا على دينه أولا وعشاننا ثانيا... كنت أشوف الحريم لما كنا في أمريكا أشلون يقطون نفسهم عليه.. مدرساتنا.. دكتورة الاسنان حقتنا.. مدربة الرياضة في الجم.. في كل مكان كانوا الحريم يحاولون يلفتون نظره.. لكن هو عمره ما ألتفت لأحد.... كان يكثر من الصيام والصلاة والرياضة ورفع الأثقال... وقتها ما كنت أعرف ليش هالك نفسه بذا كله.. بس الحين عقب ماكبرت عرفت ليش.. واعتقد إنج فاهمة يمه.. جواهر اللي كانت قاعدة تسمع ولدها بانتباه.. لما وصلت هالنقطة، غصبا عنها حمر وجهها.. ولعنت الساعة اللي خلت ولدها يضطر يفتح معها موضوع مثل هذا.. وكمل عبدالعزيز اللي بدأ ينفعل وصوته يرتعش: كان ممكن إنه يتزوج، ولا حد يقدر يلومه، شاب في سنة محتاج أكيد لزوجة جنبه، لكن هو ضحى بكل رغباته عشاننا.. تعتقدين أبو مثل هذا..حتى لو كان خطفنا من أمنا.. إنه إحنا راح نتركه عقب ماضيع عمره علينا...؟؟ جواهر بحزن: وأنا يعني ماضاع عمري وأنا انطركم؟؟ على الأقل هو كان مستمتع بوجودكم معه.. بس أنا عشت الحرمان كله.. عبدالعزيز بحزم: بيدج تنهين الحرمان، وتخلينا كلنا نعيش مبسوطين.. يعني أبوي مو سيء لهالدرجة اللي يخليج مو قادرة تتخلينه زوج.. أبوي رجل رائع على كل المستويات.. جواهر باستسلام: طيب والمطلوب مني؟؟ عبدالعزيز بانتصار وشخصيته الجديدة القوية بدأت بالظهور: ترجعين لابوي.. جواهر وهي تحس إنها تحكم على روحها بالإعدام: وأنا موافقة.. عبدالعزيز ينط مبسوط يبوس في أمه، ويقول: خلني أبعث لأبوي مسج أبشره.. " يبه أبشرك أمي وافقت ترجع لك.. أرجوك تكتب عليها أول ما ترجع فورا" وكان هذا هو المسج اللي وصل عبدالله واللي هو تلقاه ببرود.. "لو كان هذا المسج وصلني قبل مكالمتي الأخيرة مع جواهر.. يمكن ماكان قدرت أنطر لين موعد طيارتي بكرة، يمكن كان رجعت فورا على أول طيارة.... بس الحين ما أبي أرجع الدوحة.. ما أبي اشوفها أو أسمعها.. كلامها في التلفون ذبحني.. اشلون لو قالته لي مباشرة" **************** سعود رجع البيت بعد صلاة الظهر.. أمه مابعد رجعت، وخواته الجازي بعدها في المدرسة ومها في الجامعة.. دخل غرفته يتسحب: "لحول.. الواحد حتى غرفته ما ياخذ راحته فيها.. أنا وش اللي خلاني أتهور وأجيبها لبيتي، كان خليتها لحد ما أتعود على فكرة مره في غرفتي.. أبوك ياللعانة، إلا تكسر خشم المسكينة، هذي هي كانت بتموت عليك" دخل الصالة، مالقى حد فيها.. على غرفة النوم.. لقى دانة بعدها على نفس النومة.. قرب منها.. حسبها تناديه.. لأنه متاكد إنه سمع صوتها.. قرب أكثر.. وجلس على الكرسي اللي هو كان قاعد عليه اليوم الصبح.. "دانة تبين شيء" قالت كلام كثير.. ما فهم منه شيء.. كان اسمه موجود في الكلام واسم مزنة أختها وخالد أخوها.. هذا اللي قدر يفهمه.. سحب كرسيه.. وقرب منها أكثر، وهو يقرب إذنه من فمها: دانة أنتي شتقولين؟؟ كانت تهذي.. والأخ بعده مو مستوعب.. وأخيرا قرر يحط يده على خدها.. أنلسع لما حط يده على خدها.. كانت مولعة نار.. سعود احتاس: " أنا وش أسوي الحين" كان وده يتصل بأختها مزنة عشان تجي تشوف وش فيها.. بس يخاف إنها تكون في الجامعة، وهو أصلا مستحي يسويها... " يعني زوجتي مريضة ماني بعارف أتصرف معها يعني؟ بأوديها للمستشفى " وقال لها بصوت هادئ:" دانة قومي ألبسي أوديش المستشفى" بس دانة اللي كانت تعبانة جدا.. ماكانت حتى قادرة تركز هو شيقول، ولا حتى حاسة فيه ولا نفسها.. شال سعود عنها البطانيات والفروة بسرعة، بس رجع يغطيها بذات السرعة بوحدة من البطانيات، عشانه تخرع لما شاف روبها منفتح شوي.. " لحول وش ذا البلشة..هذي عقوبة ربي لي.. وش أبي بالبنية أخذها من بيت أهلها؟؟" راح سعود للصالة يبي يطلع لها ملابس من شنطتها، فتح الشنطة ما قدر يمد يدها فيها يفتش... (أنا أخرتها أقلب في ملابس حريمية..) أخر شيء هداه باله يتصل بمحمد اللي كان توه طالع من الجامعة راجع للبيت، وطلب منه يجيب دكتورة معه ويجي بسرعة.. محمد برعب: دكتورة؟؟ ليه عسى ماشر؟؟ سعود بهدوء : دانة تعبانة شوي.. محمد بخبث: نعنبو.. وش سويت بالبنية يا المتوحش؟؟ سعود اللي توه ينتبه لرنة الخبث في كلام أخيه: محيميد أنا ماني متفرغ للعانتك، البنت بتموت.. عجل علينا.. محمد لما سمع سالفة بتموت ذي، قطع كل رادارات الدوحة من الجامعة.. لعيادة الدكتورة ..لبيتهم.. سعود بعد ما سكر من محمد.. نزل للمطبخ جاب ماي مثلج.. ورجع لدانة اللي كانت ترتعش وتهذي.. طلع فوطة من أدراجه.. حط غترته، وجلس على الكرسي وحط الماي على الكومدينو اللي جنب السرير.. وحط الفوطة في الماي عصرها وحطها على جبينها.. دانة أول ماحست ببرودة الماي، صارت تشهق بشكل غير طبيعي.. سعود احتاس، خاف يكون اللي يسويه غلط.. وإنه يكون يضرها.. لكنها بعد دقيقة هدت والفوطة على جبينها.. ولقاها سعود فرصة يتمعن في ملامح دانة، اللي غصبا عنه كسرت خاطره.. بدون ما يحس لقى أصابعه تمر على ملامح وجهها، وكأن أصابع يده المرتعشة تبي تحفظ ملامحها.. بدء من حاجبها.. لعينها.. لخدها.. لخشمها. ..... لشفايفها.. ومع وصول يده للمحطة الأخيرة .. لشفايفها.. كانت رعشته بلغت أقصى حد.. واللي زاد عليه إنه لما جاء يتماسك ويرجع يده.. دانة مسكت في يده، وهي تقول: مزنة تعالي جنبي.. وتشده من يده بضعف.. سعود قام وجلس جنبها.. هو بالكاد مسيطر على أعصابه.. دخل ذراعه من تحت رأسها.. و ضمها لصدره.. وبقوة.. سعود مايدري شاللي خلاه يحضنها.. الموقف اللي هو كان فيه.. والمشاعر اللي هو كان حاس فيها.. مالقاها تترجم إلا بهذي الصورة .. وماكان ممكن يكون لها ترجمة إنسانية غير هذي الصورة.. كان حاضنها بقوة، وهي كانت يد مرتمية ورا ظهره ويد مسكت فيها جيب ثوبه بضعف.. سعود كان حاس كأن اللي قاعد يتصرف واحد ثاني غيره، سعود ما يتصرف بهالعاطفية.. سعود الثاني كان شاد على دانة وحاضنها بقوة كأنه خايف حد يأخذها منها.. كان حاضنها بيد، ويده الثانية كانت تلمس خدها الملتهب حرارة بكل حنان.. عصبا عنه بدون مايحس، لقى نفسه يطبع قبلات ناعمة على شعرها اللي كان بعده مبلول.. كان يحس من حراره رأسها كأن الماء يتبخر من شعرها ويلفح وجهه.. حس بألم كبير يجتاحه، وهو يحس بضعفها بين إيديه.. "المهرة اللي كانت تصهل بكل عنفوان البارحة بس.. يصير لها كذا اليوم... والله انش مهرة أصيلة يادانة ومن يومش مهرة.. ومن وأنتي صغيرة مهرة حرة ما حد قدر يروضها" سعود مستغرب من المشاعر اللي كانت تجتاحه بعنف.. وهو شاد على دانة في حضنه.. وسعود على نفس جلسته اللي هو حاضن فيها دانة، رن موبايله، تناوله بيده الثانية كان محمد عند باب الغرفة.. سعود نزل دانة بالراحة، كان كم ثوبه كله مبلول، من شعر دانة اللي مابعد نشف.. طلع سعود عليهم ودخل الدكتورة ، الدكتورة فور كشفها عليها ارتعبت، درجة الحرارة كانت41.. : لازم ننئلها للمستشفى حالا.. البت تعبانة خالص.. سعود رجع يحتاس: طيب هي ماعليها ملابس الحين.. الدكتورة بعصبية : ملابس إيه أنت الأخر؟؟ أهي بروبها، لفها بعبايتها وشيلها.. أديك ئدامي ماشاء الله حصوة في عين الي مايصليش عالنبي تشيل اتنين.. سعود اللي عصب على الدكتوره بس ماقدر يرد عليها.. لف دانة بعبايتها وشالها محمد اللي كان واقف برا لما شافه طالع شايل زوجته، راح دخل غرفة خواته.. ونزل سعود الدرج يركض كانه شايل عصفور مو مره.. والدكتورة تركض وراه.. حطها على سيت السيارة اللي ورا,, والدكتورة وراهم بسيارتها وفورا لطوارئ مستشفى حمد.. *********** جواهر اللي كانت مهمومة لأبعد حد.. اضطرت ترجع مع عيالها لبيت أبوهم.. عشان رفيقات نوف كانوا يبون يجون يسلمون على أمها لما عرفوا الخبر.. ونوف عطتهم موعد بعد صلاة المغرب.. نوف أصرت على أمها إنها لازم تكشخ وتتعدل لأبعد حد.. عشان تحر رفيقاتها.. خصوصا هند اللي شايفة إنه مافيه أحلى منها ولا احلى من جسمها في كل الجامعة.. جواهر ماكان لها خلق تكشخ.. لكنها لبست عشان خاطر نوف.. لبست تايور بنطلون مع جاكيت لونه تركواز، الجاكيت القصة الرسمية لكنه ماسك شوي وقصير لتحت الخصر بشوي، وتحته اسكارف حرير.. درجات التركواز مع شوي أورانج.. ملفوف على الرقبة والصدر ومبين من تحت فتحة الجاكيت المثلثة الطويلة.. مع صندل كعب عالي لونه فضي مطفي.. وأصرت عليها نوف تحط مكياج، فحطت كحل وماسكرا وروج اورانج فاتح.. رفعت شعرها فوق ونزلت شوي خصل بشكل عشوائي.. نوف تطالع أمها، وجواهر تقول بنفاذ صبر: خلاص كذا زين؟؟ نوف قاعدة مبلمة.. جواهر: يمه.. خلصيني.. نوف عقب السكوت.. صاحت بصوت عالي: واو مامي تهبلين تهبلين.. تهبلين.. بيموتون كلهم حرة.. رن موبايل نوف.. يالله يمه.. كاهم وصلوا.. خلينا ننزل.. في نفس الوقت كانت سيارة فايز أول سيارة توصل.. بعد ما أصر إنه هو اللي يودي هند.. مع إنه عمره ماوداها ولا جابها.. وصل لمدخل البيت وكان يبي يطلع فوق يوقف عند مدخل الباب مباشرة.. بس حارس البيت الداخلي مارضى.. وقال له إن أبو عبدالعزيز مشدد إنه مايطلع فوق غير سيارات أهل البيت، وسيارات الضيوف توقف تحت، لأن اللي بيوقف فوق بيكشف مدخل البيت على طول.. اضطر فايز يوقف مكان ما قال له: يالله انزلي لا بارك الله فيج لا أنتي ولا العجوز اللي جاية تسلمين عليها.. هند بحرة: إيه والله هالعجوز وش اللي طلعها في ذا الوقت بالذات، عشان تخرب مخططاتنا..؟؟ فايز بخبث: مافيه شيء بيخرب.. بس أنتي خليج ذكية.. نزلت هند.. ودخلت داخل.. عشان تشوف المفاجأة اللي خلتها تولع لأبعد حد.. #أنفاس_قطر# |
بعد الغياب/ الجزء الثاني والثلاثون
#أنفاس_قطر# دخلت هند بهدوء.. وهي تفسخ عبايتها وتعطيها الفلبينية اللي استقبلتها عند الباب.. تعدلت في المراية الكبيرة اللي عند المدخل.. وعقب ودتها الخدامة للمكان اللي هم جالسين.. مجلس الحريم الكبير.. هند دخلت... انصعقت من جمال المره اللي هي شافتها.. سلمت على نوف وعلى المره الثانية.. وهي تسرق عيونها تتمعن في ملامحها وأناقتها ودقة تكوين جسمها.. بعدها على طول ميلت على أذن نوف وقالت بهمس: نوف وين أمج؟؟ نوف ضحكت ببراءة وهي تشبك ذراعها بذراع أمها، عشان تصيب هند بأقسى صدمة صابتها في حياتها: هذي أمي.. كأنها أختي صح..؟؟ هند المصعوقة مو قادرة تتخيل إن القمر الصاروخي اللي قدامها هي أم نوف : " وانا اللي أبي أرسم على عبدالله.. واحد طلق وحدة مثل هذي.. أشلون بيطالعني؟!!" هند بلهجة متكلفة جدا : هلا والله خالتي.. سامحيني ما عرفتج جواهر بود: لا حبيبتي عادي، هلا والله وحياج.. نوف جننتني من كثر ما تتكلم عنكم، فحبيت والله أتعرف عليكم استمر الحديث بينهم ووصلوا صديقتين ثانين لنوف، ريم وتماضر.. ريم وتماضر على طول ارتاحوا في القعدة وانفتحت نفسهم لأم صديقتهم.. اللي حسوها كأنها أختهم.. مو مثل الأمهات الكبار في السن، واللي دايما يسكرون على البنات في الحكي.. لكن هند ماكانت مرتاحة وكانت من داخل تغلي.. وحاسة إنها مولعة.. بعثت مسج لفايز يجي يأخذها... رد عليها إنه خلال أقل من نص ساعة بيكون عندها.. عقب هند بلهجة حاولت يكون دمها خفيف فيها: إلا نوف.. عبدالله متى بيوصل من السفر؟؟ كانت هند أول مرة تنادي عبدالله كذا باسمه، كانت دايم تناديه أبوج أو أبو عبدالعزيز.. بس من زود الخبث اللي ضرب أقصى حد عندها.. جواهر استغربت من إنها أشلون تنادي عبدالله باسمه المجرد.. نوف البريئة اللي ما انتبهت: من عبدالله؟؟؟ هند بمياعة: أبوج؟؟ نوف حست إنه فيه شيء غير مريح: بكرة إن شاء الله.. هند بنفس مياعتها: طيب قولي لعبدالله.. مافيه داعي يكلف على نفسه ويجيب لي هدية نفس المرة اللي فاتت.. نوف تحاول تعصر مخها (متى أبوي جاب لهند هدية؟ ماعمره سواها) بس نوف سكتت لانها ماحبت تحرج هند قدام البنات.. وجواهر تكلمت بتلقائية: موب من المفترض حبيبتي إنج تقولين عمي عبدالله أو حتى أبو عبدالعزيز.. عبدالله في مقام أبوج.. هند اللي شكلها استخفت: شنو عمي يا خالتي.. حرام عبدالله بعده صغير ليش أكبره... جواهر نهائي ما أرتاحت لذا البنت (يعني أنا اللي خالتج.. وعبدالله صغير على إنه يكون عمج!!!!!!!) هند :زين خالتي أنا بكرة طالعة شوي الكورنيش، خلي نوف تجي معانا.. أخوي بيودينا وبيرجعنا.. جواهر بهدوء: لا ماعليه حبيبتي.. أولا نوف ما تقدر تروح مع أخوج.. ثاني شيء أبوها بكرة جاي ولازم تكون في استقباله.. هند حست خلاص إنها بتنفجر: (متى بياتي فايز الله يأخذه) بعد دقيقة كان فايز يدق عليها، جات نوف تبي تروح معها توصلها للباب.. قالت لها جواهر: خليج مع صديقاتج أنا بوصلها.. فايز اللي وصل للبيت مالقى الحارس.. اللي شكله راح يصلي العشاء، فلقاها فرصة يطلع فوق، خصوصا إنه عارف إن عبدالله وعبدالعزيز ماحد منهم موجود... لحظتها كانت جواهر واقفة قدام الباب تودع هند.. في نفس اللحظة اللي فايز طلع فيها وشافت جواهر ليتات سيارته بوجهها.. تراجعت جواهر وهي معصبة.. وهي تعتقد إنه ماشافها.. وسكرت الباب بقوة.. وهند بعدها واقفة. هند بعصبية : الله يأخذها عجوز النار.. فايز اللي كان رايح في عالم ثاني، أول ماركبت معه هند، نط يسألها: هذي نوف؟؟ هند اللي ماكانت متفرغة له: أي نوف؟؟ فايز وهو مولع: هذي اللي وصلتك للباب؟؟ هند وهي تنافخ: لا أم نوف الله يأخذها هي وبنتها.. فايز وهو مصعوق: أنتي من جدج؟؟ هند بقرف: وليش أكذب عليك؟؟ فايز باستفسار محموم: ليه أم نوف كم عمرها.. هند بطفش: 30 فايز بدهشة ولهفة: معقولة؟؟ فرق 3 سنين بس بيني وبينها.. فايز في نفسه( هذي المره وإلا بلاش، شنو هالأنوثة كلها، شنو نوف البزر؟؟ أمها تمسحها...... وتمسح الحريم كلهم بعد!!! يسلم لي ذا الطول والطلة) ***************** سعود من الظهر لبعد المغرب وهو مع دانة في المستشفى.. ماحد درى عنهم غير محمد.. اللي كان كل شوي يتصل على سعود ويشوف اخباره.. الباقيين قالوا عرايس وأكيد طالعين يتمشون.. وسعود استحى يقول لأحد.. "شيقولون خذت البنت ومرضتها.. وإلا خويلد يجي ينط لي.. يقول لي وش سويت لأختي؟" سعود من أول ماوصلوا للطوارئ وهو جنبها ما تركها.. سووا له شوي سالفة على إنه مامعها بطاقة صحية.. بس وراهم عقد الزواج اللي كان لحسن حظه بعده في السيارة مانزله.. واللي يثبت صلته فيها، واللي موجود فيه رقمها الشخصي.. وعن طريقه طلعوا ملفها الصحي.. ولما عرفوا إنها زميلة لهم طبيبة معهم اهتموا فيها بزيادة.. بس سعود وبأصرار غريب.. رفض إنه يقرب جنبها أي طبيب رجال.. الغيرة شعور طبيعي، واي رجل طبيعي يحس بالغيرة على محارمه.. لكن الغريب اللي سعود حس فيه.. إنه عمره ماحس شيء ينتمي له مثل مادانة تنتمي له.. ماكان يبي عين أي رجال حتى وإن كان طبيب تشاركه في شيء هو له .. وله بروحه.. دانة كلها له.. "لي أنا وبس" سعود اللي كان قاعد على كرسي جنبها.. كان بيموت نفسه يمسك يدها.. بس لأن التعبير عن المشاعر في عرفه نقيصة.. كتم الرغبة هذي في نفسه.. وجلس جنبها متكتف وكل يد ماسك فيها الثانية.. دانة من لما وصلوا.. وهم مركبين عليها الجلوكوز.. وكل شوي وهم يكمدون جسمها كامل بالثلج.. ودرجة حرارة جسمها مو راضية تنزل.. وهي شوي تصحى وشوي تنام وشوي تهذي.. وكل مافتحت عينها.. ماتشوف حد قدامها غير سعود.. سعود كان واقف يراقب الجلوكوز ويشوفه قرب يخلص، كان يبي يروح ينادي الممرضة عشان تغيره.. حس بيد دافية تهز اطراف أصابعه كانت دانة تحاول تتكلم بس صوتها مو طالع.. قرب منها بالراحة.. كان صوتها مبحوح.. قرب إذنه من شفايفها لحد ماصار يحس بأنفاسها تداعب خده، فأرتعش غصبا عنه دانة بصوتها المبحوح: سعود تكفى، خل مزنة تجينني، وتجيب لي ملابس معها.. سعود تمالك نفسه، وطلب منها تعطيه رقم اختها: ملته الرقم.. واتصل فيها.. مزنة لما كلمها كانت بتموت على اختها من الخوف والرعب.. العلاقة بين دانة ومزنة علاقة استثنائية.. خلال أقل من نص ساعة كانت مزنة وصلت جايبها خالد، اللي كان يركض في ممرات الطوارئ ينافخ.. لين وصل سعود.. وقرب منه وحط عينه بعينه، وقال له بصوت حاد غاضب مثل الفحيح: سعود وش سويت في أختي؟؟ (نفس الجملة اللي كان سعود يبي يتجنبها) سعود ببرود: وش سويت لها؟ كليتها يعني؟؟ روح أسال ويقولون لك وش فيها .. خالد بصوت ناري: بسأل.. ووالله ثم والله لأدري إنه لك يد ولو بسيطة باللي صار لأختي.. إنه مايخلصك من يدي أحد الليلة.. سعود ببرود مع إنه بدأ يفقد أعصابه: روح إلعب بعيد يا خويلد.. وأعرف أشلون تحشم اللي أكبر منك.. وتكلم على قدك.. خالد مارد عليه، ودخل ورا مزنة عند أخته... بعد دقايق كان خالد يطلع عليه ووجهه أهدأ شوي وعليه بوادر خجل مايبي يبينه: دانة تقول إنك من بدري هنا.. خلاص تقدر تروح أنا ومزنة بنقعد عندها.. سعود اللي كان فعلا تعبان ومحتاج راحة.. كان حاب إنه يتطمن عليها قبل يروح.. بس حس إنه لو طلب يشوفها.. بيكون هذا بادرة ضعف منه.. وصى خالد عليها.. ومشى بدون مايطل عليها.. ************* أخر الليل في بيت عبدالله نوف وأمها في غرفة نوف.. نوف بحماسة: ها مامي.. وشرايج في صديقاتي..؟؟ أمها بود: ريم وتماضر يجننون.. وكملت بلهجة حذرة: بس هند هذي ما أرتحت لها.. نوف بحذر: والله هند حبوبة.. صحيح إنها مغرورة شويتين.. بس بالعادة حبوبة... اليوم جد أنا ما أدري وش فيها.. جواهر بحكمة: أنا ماأبي أفرض عليج صداقاتج.. بس اللي أبيه منج إنج تحذرين من هند هذي.... والحركة اللي سواها أخوها اليوم كانت وايد حقيرة.. اشلون يطلع فوق وهو عارف ان اهل البيت ما يرضون.. نوف ببراءتها ودلالها: ان شاء الله يمه اللي تبين.. بس لا تقولين لابوي على سالفة انه اخو هند وقف قدام الباب... والله بيسويها سالفة ويمكن يطرد الحارس اللي تحت.. جواهر بحب: ان شاء الله يا قلبي.. بعد شوي كان عبدالعزيز يدخل عليهم.. جواهر حست قلبها يغرد وهي تشوف الثنين قدامها.. (أنا مستعدة أعيش مع الغول نفسه عشان أشوف السعادة هذي في عيونهم!!!!!) بعد سهرة طويلة قضتها جواهر مع عيالها.. وكل لحظة تمر عليها مع عيالها.. تأكد لها إن قرار رجعتها لعبدالله مهما كان قاسي على نفسها، لكنه يظل أهون بكثير من إنها ترجع تفقد عيالها او حتى يبتعدون عنها .. نوف أول حد أستأذن على أساس إنه عندها جامعة بكرة، بعدها عبدالعزيز أستأذن لانه عارف إنه أمه عندها دوام بكرة.. بعد ما طلعوا.. جواهر اتصلت بنجلاء، وقبل ما تقول نجلاء أي شيء قالت جواهر: أدري أني سخيفة، وان ابو حمد أكيد على وصول.. نجلاء بعيارة: زين أنتي قلتيها بروحك.. جواهر بهدوء : أول شيء ابو حمد وصل أو بعد؟؟ نجلاء بلهفة: طيارته توها نازلة.. يبي له ساعة لين يوصل البيت بحفظ الله.. جواهر بهدوء غير محدد الملامح: عندي خبر حبيت إنج تكونين أول من يعرفه.. نجلاء بحذر: شنو؟؟ جواهر ببرود قاتل: بأرجع لعبدالله.. نجلاء بنبرة خليط من الفرح والحزن: مبروك يا جواهر.. بس شنو اللي غير رايك؟؟ جواهر بنبرة حزن: عيالي ضغطوا على وايد، وخصوصا عزوز.. ضغط علي بشكل ما تتخيلنه.. وانا خلاص صرت مؤمنة إن هذا هو الأحسن لهم.. حتى لو ماكان الأحسن لي.. أنا عشت أتعذب 17 سنة وهم بعيد.. ومستعدة أتعذب 100 سنة وألف سنة دامهم معاي.. #أنفاس_قطر# # |
بعد الغياب/ الجزء الثالث والثلاثون
#أنفاس_قطر# يوم جديد... عبدالله في القاهرة يستعد للعودة .. ونوف وجواهر لأول مرة يروحون مع بعض للجامعة نوف كانت بتجن من الوناسة.. كان اليوم عندها يوم خاص جدا وداهم أفضل، اللي أول ماشاف جواهر ركبت معه.. خنقته العبرة.. جواهر ما كانت عارفته.. كبر كثير في السن.. وماخطر ببالها إنه ممكن بعده يشتغل عند عبدالله.. أول ماركبت، فوجئت بالسواق يقول لها بلهجته المحببة اللي مو غريبة عليها: هيا الله أم ئبدالئزيز (حيا الله أم عبدالعزيز) جواهر بشوي استغراب: حياك الله.. أفضل بمودة كبيرة: أشلونك ؟؟ واشلون ئبدالئزيز، وئمي بو فهد؟؟ جواهر ابتسمت: أفضل؟؟ نوف بمودة: أبو محمد يمه.. عمي ابو محمد ماشاء الله عنده عيال وايد.. أكبرهم محمد.. اللي سماه على اسم جدي الله يرحمه.. جواهر طلعت محفظتها وطلعت منه مبلغ غير بسيط، وحطته بظرف.. وجاوبته: كلهم تمام والله؟؟ أنت أشلونك واشلون عيالك؟؟ أفضل بصدق ولطف: كلهم تيبين في خير أبو ئبدالئزيز.. جواهر بمرح: وانت وين أختفيت قبل 17 سنة؟؟ أفضل أنلسع وخنقته العبرة جد: سامهيني يا أم ئبدالئزيز انا ئبد مأمور.. والله أنا جيت أدوركم لما رجع ئبدالله من أمريكا قبل خمس سنين، بس أنا ما هصلت بيتكم والله.. جواهر بمودة: أمزح معك يا بو محمد الله يخلي لك محمد وأخوانه.. خلاص المهم إن عيالي بحضني الحين.. ظلوا يتحاورون شوي وجواهر تسأله عن عدد عياله وأسمائهم.. لحد ماوصلوا الجامعة.. لما وصلوا.. عطته جواهر الظرف اللي رفضه بإصرار كبير بس جواهر أصرت عليه أكثر.. وقالت: هذا هدية لمحمد وأخوانه.. وقالت له إنه مايرجع عليهم يجيبهم.. لأنها بترجع بسيارتها اللي موقفة في المواقف.. أفضل كان متردد: أخاف أبو ئبدالئزيز ما يرزى..(يرضى) جواهر بثقة: لا تخاف أنا سنين صار لي أسوق.. خوش دريوله.. **************** سعود ما قدر ينام من البارح لليوم إلا ساعات معدودة... أول مارجع البارح.. وشافته أمه راجع بروحه تخرعت.. وسألته عن زوجته.. سعود كان محرج وتعبان ومتضايق.. بس جاوبها بالصدق.. أمه بقلق :"عروس تسخن وتدخل المستشفى ثاني يوم عرسها.. وش ذا الفال الشين؟" سعود اللي كان متوتر.. طلع لغرفته.. دخلها يتسحب..كأنها بعدها موجودة فيها.. كل اللي قضته في الغرفة ليلة ماقالت فيها غير كلمات معدودة، ليش حاسس كأن الغرفة من غيرها فاضية كأنها قبر.. " تدري يا سعود إنك أنت منت بوجه حريم.. من أول ليلة خقيتها.. هذا وأنت تكرهها.. أجل لو تحبها وش كان سويت؟؟ كان انتحرت وراها" شنطتها بعدها موجودة في مكانها، ملابسها اللي خلعتها البارح محطوطة على الكنبة.. إحساسه بوجود أنثى كانت معه في غرفته بأغراضها الأنثوية.. ومو أي أنثى.. هذي كانت دانة.. كان إحساس مثير.. وغريب.. وموجع دخل لغرفته.. شبشبها بجنب السرير، وفوطتها بعدها على السرير، مسك الفوطة لقاها بعدها مبلولة، خذها معاه للحمام وعلقها هناك.. لقى بيجامتها البنفسجية معلقة بالحمام.. البيجامة اللي فتنته تفاصيل جسدها من خلالها.. غصبا عنه لقى نفسه يقرب من البيجامه ويقربها من وجهه ويأخذ نفس عميق من رائحة عطرها الناعم.. انتفض سعود وهو يستحقر تفكيره وين وصله.. " الله يخسك يا سعود شكلك استخفيت.. إثقل يارجال إثقل" توظأ وصلى ركعتين وتمدد على سريره.. بس النوم ماجاه إلا بعد وقت طويل.. كان كل شوي يبي يتصل بخالد يسأله عن دانة بس كان يتراجع.. من بعد صلاة الصبح ماقدر ينام.. ماصدق إن الساعة تجي ست ونص.. عشان يروح المستشفى.. أول ماوصل السرير اللي كانت دانة فيه في قسم الطوارئ، لقى عليه مريض ثاني.. سأل الممرضة المسؤولة عنها.. الممرضة بدون اهتمام: طلعت.. سعود باهتمام: وين لغرفة فوق، أو للبيت.. الممرضة بذات النبرة الباردة: للطابق السادس/ العناية المركزة.. *************** عبدالله في مطار القاهرة، طيارته بعد ساعتين.. كان فيه شعور واحد يسيطر عليه... الأســـــــــــــى كان الأسى يعبي روحه.. أقسى شيء على روح رجل حر إنه يضطر يعيش مع امرأة يعرف إنها تشعر بالقرف منه... كل ما يتذكر عبدالله كلامها: وإنها قرفانة منه لدرجة إنها تستفرغ اللي في بطنها... يحس إنه هو اللي يبي يستفرغ اللي في بطنه.. "الله يعينك يا عبدالله على الجاي من حياتك، الظاهر إن عقاب ربك على اللي سويته فيها جاك وعلى يدها" موب طايق يشوفها أو يسمع كلامها.. كل ما يتذكرها يحس بكآبة حادة.. وحزن حاد.. بالتأكيد هو ما كرهها ولا يكرهها ولا يقدر يكرهها.. لكن نفسه أصبحت ترفضها وبقوة.. ولولا عياله كان نهائيا مافكر يرجعها.. عقب الكلام الجارح اللي هي قالته له.. "لا وكان عندها كلام أكثر بس ماحبت تجرحني قال.. شنو أكثر من اللي أنت قلتيه يا جواهر شنو" تذكر عبدالله شيء.. خذ نفس عميق واتصل: -هلا عبدالعزيز.. صباح الخير.. ............................... عسى ماصحيتك من النوم؟؟ ...................... في الدوام.. زين.. تقدر تستأذن و تجيني اليوم المطار على الساعة 12 ونص.. ..................... تسلم يابو منصور.. مشكور ........................ مع السلامة ..الله يحفظك *************** سعود لما سمع الخبر.. حس إن رجوله مو قادرة تشيله.. سخونة وانفلونزا.. تستدعي العناية المركزة؟؟ تمالك نفسه وطلع ركض للطابق السادس على الدرج بدون تفكير باستعمال المصعد.. لما وصل عرف مكان غرفتها من التجمهر اللي قدامها/ عايلة عمه بالكامل.. عمه وخالد وأم خالد ومزنة وغالية.. سعود أشر لخالد اللي جا له سعود بلهجة قلق حاول يغلفها بالبرود بس ما قدر.. وفشل فشل ذريع فخرج صوته مليان قلق ولهفة: خالد دانة وش اللي صار لها لدرجة إنها تدخل العناية؟؟ البارح لما تركتها كانت حالتها مستقرة.. خالد بحزن كبير: درجة حرارتها قربت لل42 ، وماعادت قادرة تنفس.. الدكتورة أصرت إنها تنقل للعناية فورا، عشان يتركب عليها جهاز لتبريد الدماغ، لأن الحرارة العالية هذي خطرة تسبب تلف بالدماغ... بس الحين صارت أحسن الحمدلله.. درجة حرارتها الحين 39.. سعود حس إنه بيختنق.. وغصبا عنه حس بالذنب "كل شيء بأذن الله.. بس لو تركتها عند أهلها ما كان صار لها شيء من هذا.." سعود بصوت مخنوق: ممكن أشوفها.. خالد بمودة نسته زعله من سعود: أكيد تقدر تشوفها خالد رفع صوته: يا بنات درب.. خلو سعود يروح يشوف هله.. وقف سعود على باب غرفتها، خذ كمام ولبسه، وطهر يديه بالسائل المطهر اللي عند الباب، كان خايف يضرها بأي شيء.. دخل بشويش.. حس قلبه يتفتت لألف شظية وهو يشوف منظرها موصلة بالأجهزة والابر منغرزة في إيديها.. هذي الفتنة اللي كانت نايمة قبل أمس في غلالة سحر بنفسجية؟؟ اليوم تكون بهذا الشحوب في لباس المستشفى الكئيب؟؟ سعود حس إنه تعبان.. تعبان لأبعد حد من إدعاء القوة والبرود وقسوة القلب.. قرب منها.. سحب كرسي ووجلس.. مسك يدها اللي كانت مزرقة من محاولات إدخال الأبر الفاشلة.. مسح على أصابعها أصبع أصبع بكل حنان.. وبكل خفة يخاف يؤلمها بأي صورة.. سحب كمامة للاسفل ونزل راسه وهو يقبل أصابعها كل واحد على حدة.. وهو يحس إن روحة تذوب مع كل قبلة.. "شنو هذا يا سعود؟؟ أنت وش قاعد تسوي؟؟ تجننت؟؟" "اسكت مني.. ما أبي أسمعك.. أنا أحبها أحبها أحبها" " معقولة تكون تحبها ذا الحب كله، وخلال يوم واحد........ مافيه حب بذا العمق يا سعود يجي بين يوم وليل.." " وليش ما تعترف بالحقيقة يا سعود اللي أنت خبيتها حتى على روحك ودفنتها في أعمق نقطة في كيانك... إن دانة كانت حب حياتك اللي أنت حاولت تنكره من أيام طفولتك بإدعاءات الكره والصراع والمعارك الطفولية.. ليش ما تعترف إنك كنت بتجن عليها من الغيرة والخوف لما راحت تدرس، الدراسة اللي أنت اتخذتها عذر أخير، عشان تخنق مشاعرك العميقة لدانة وتطمرها تحت برودك وقسوتك.. القسوة اللي أعتقدت إنها بتكون وسيلتك للصمود بعد وفاة أبوك. إنها بتكون سلاحك لمواصلة المسير والحفاظ على هلك.. القسوة اللي كانت بتضيع دانة منك... دانة.. آآآآآه يادانة.. تكفين.. تكفين عشاني.... لا مهوب عشاني أدري مالي خاطر عندش.. عشان عمي أبو خالد وأمش وأخوانش.. تكفين أصحي.. لو صار لش شيء.. أنا والله أموت .. أنا ما أقدر أعيش من غير حسش في الدنيا من بعد مالقيتش.. أشلون فكرت في حياة ومستقبل أنتي ماكنتي شريكتي فيها؟؟ انا كنت غبي غبي سامحيني.. تكفين اصحي..تكفين" كانت هذه الحقائق الصادمة تتوارد لبال سعود لتثقل روحه المثقلة.. وهو مازال يمسك بيد دانة ويغرقها بقبلاته الناعمة الشفافة اللي يخاف أنها تجرح رقة أناملها.. انتفضت يدها بين يديه.. ارتعب، لكن يدها عادت للاستكانة في يده.. دخلت عليه الممرضة وطلبت منه يطلع.. كان وده يرفض ويظل جنبها لحد ما تصحا.. لكن كل الظروف ضده.. خجله... وصورته الباردة المعروفة عند الكل.. وجود أهل عمه.. . فأضطر إنه يطلع.. مر على عمه أول شيء وحب خشمه.. وقال بلهجة حاول إنها تكون هادئة: مالها شر الدانة ياعمي.. عمه اللي رفع عيونه له صدمه منظرها الغائم وهو يقول بصوت مرتعش: تكفى يا ولدي طلبتك.. سعود انتفض من الحمية وقال بنبرة رجولية: أطلب عزك يا عمي.. أبو خالد بنفس الصوت المرتعش: دانة إذا طلعت من المستشفى، أبيها ترجع لبيتي.. #أنفاس_قطر# |
هلانفوسة أجزائك به سحر عجيب.. حسافة خلصن الاجزاء قاعده أتمطمط بالقرايه عشان يطولن بس ماهنا فايدة خلصن:EWx04511:<<طماعة:YkE04454: سعود أتخيل عيونه تفقعن ياحرام رحمته يوم قال عمه أبخذ دانة وعمه بيأخذه كلش وإلا فترة مؤقته..كلنا معك ياسعود لاتبتئس<<من قده مها 175 بصفه >>اللحين بينسى دانة واللي خلفوه بعد*ــ^ دنو الله يشفيتس وإياني وإياتس تطلبين الطلاق ترى أبسطرتس.. عبود تصدق اني ما استنست بالخبر لانك أنت مااستنست به خلاااص وش رأيك تزوجن<<كان تذبحن جواهر عاد أكذب ما أبيك خلك لعييالك ومرك ده أنت كبير علي أوي أوي الا على طاري كبير هند من صدقه تبي عبد الله كبير عليه تصدقين أثري ياعمري بريئة كنت أحسبه تبي عزيز وأقول وشلون اصغرمنه أثره مخططه على الرأس الكبير.. أصلاً تساذبه تبي فلوسه والا ياهنيد.. دامه تبي فلوس وراه ماتعرس على شايباً غني مررره وكبير قوه عشان يموت بسرعة وتورثه<<ونفتك من خشته >>مفروض تعطوني جائزة خلصتكم منه.. جواهر وهـ هذيالام السنعه تحذر بنته من هند انتبهي على بنيتس ورجلتس لاتخربهم عقرب الرمل مير عبودي ماعليه خوف الخوف على نوف بس شكل أخو هند حول عليتس انتبهي على روحتس ياوخيتي.. وبعدين ليش تجرحين عبيد ياحرام.. شفتِ عبود صار شجاع وقال لعياله والله اني ما هقيته منه..ايه صح وعامليه زين لأقوم أعمل بوجهتس خرايط لاعاد أكذب عليتس أصلاً ماتهونين علي<<ياكثر ماتكذب عزوز ماشاء الله غدين رجل وش هالشخصية وش هالثقة مايمدينا ياولد.. نوف سمعي كلام واغدي مرة عاقلة واحذري من عقرب الرمل هندوه وبعدين وش رايتس تصدقين شلة المرح منيرة ومها وفاطمة والله أزين لتس من ذا الهبلى هند.. مذهلة مشكورة على النقل المذهل<<تسمع بالسجع خخخخ وسلام عليكِ ورحمة الله وبركاتة |
كالعادة نفوووس مبـدعه..
وحتى وانتي مريضة مو مقصـرة بتنزل الاجزاء... الله يعطيج الصحـة نفوس:) سعود هههههههههههه ما اصدق عيوني.. هذا مو سعود كلـش اعترفي نفوس شسويتي فيـه.. ولا دانـه شسوت فيـه..!! واخيرا اعترفـت لنفسـك انك تحبهـا.. بس بـعد شـنو يا خوفي ابوها يوم شاف انهـا مرضت يرجعهـا البيت معاه وتطلـب الطلاق واهو ما يقدر يردهـا..! الله يستـر لا وماخذ اجازة الاخ ههههههه.. صج تجري الرياح بما لا تشتهـي السفن... هنـد عبد الله هااااااااا... اصغر عيالج اهو.. صج وقحــة وقليله ادب وما تستحيـن على ويهـج.. وبما ان اخوج عجبتـه جواهـر وانتي حابة ترسميـن على عبد الله.. بتضربين عصفورين بحجر تخربين عليهـا وتاخذينه بس شلون..!! الله يستـر عبد العزيز ما شاء الله عليـه.. انا الي حاقدة على عبوود حدي وودي اذبحـه اقتنعت بكلامـه.. ما الومـه يوم شاف الي سواه ابوه شي عادي... بالنهاية الي صار صار واحنا عيال اليوم وبرفض جواهـر لـه رح يتشتتون بيـن امهـم وابوهـم يعني الحـل الانسـب انهـا ترجع لـه.. فايـز من اول وانا مو مرتاحـه لـه.. بس ما اقول غير الله يستـر منـه ومن اختـه صج بلوى كبيرة... جواهـر شي متوقـع انهـا عشان عيالهـا بتوافق.. ودامهـا عاشت 17 سنـه محرومة منهم وتنطرهـم فاكيد بتسوي اي شي عشان يتمون معاهـا ولو كان هالشـي بالنسبـه لهـا مثل اعدامهـا... بس شي حلـو انهـا عصـبت يوم هند قالت عبد الله.. صج عشانهـا قليلة ادب وبـعد لان في بقايا من حبـه بقلبهـا ومهما كان يظل ابو عيالهـا.. بس ياخوفي عليج من فايز المعفن والعقربة اخـته وشنو ممكن يسوون..!! قلبي ناغزنـي احس ان هند بتخرب علاقة نوف بامهـا بس شلون مادري.. نفوس انتي طيوبة ما تسوين جذي صح:) عبد الله ليلحيـن مو مقتنعـه بالي سواه حتى لو كان شايفـه صح من وجهـه نظره.. وكاهو قام يحصـد نتيجتـه.. بس لي متى.!! واذا من اول شي هذا حالـه.. الله يعينـه بس يستاهل هع... مذهلة تسلم ايدج عالنقل.. تقبلي مروري |
ياااااااااي بارتات اكشن صراحه
دانه وسعود حراااااام يوم تنازل سعود وبين مشاعره الغايبه دخله عمه عرض :mad: عبدالله يكسر الخاطر انجرح وأقسى شيء جرح الغالي على القلب جواهر بعدي والله يوم عرفتي مصلوح نفستس وتلاحقتي عيالس وتسلمين مذهله حبيبتي والشكر موصول لأنفاس قطر |
رائع رائع جدا جدا
أنتي متأكده أنك نزلتي ثلاث بارتات .....؟؟؟؟ طيب ليه أنا شعرت بيهم ربع بارت ....أو فتفوته بارت ...علي رأي ظبيه من كثر جمالها وحلاوتهم ,,,وأستمتاعي الشديد بيهم ..... ما حستش أبدا بالوقت .....وشعرت بالبارت خلص في ثواني بجد بجد تسلم ايديكي يا قمر جواهر .....حزينه ....وقد أستسلمت للأمر الواقع ...وضغوط أبنها عبد العزيز عليها أعجبني قدرتها علي الغوص بداخل هند ....وشعورها المريب تجاهها ,,,, وأعتقد أنها ستشجع نوف علي الأرتباط بمنيره وفاطمه ومها .... لأنها تطمئن لهم وتعرف أخلاقياتهم جيدا ..... وهذا هو دور الأم التي تخاف علي أولادها ....وتحميهم من أي شرور حتي ولو كانت بعيده ...وغير واضحه .... وما رأته من هند وأخوها ....جعلها شبه متأكده أنها لا تصلح أن تصادق نوف.... عبدالله ....الهموم أجتاحته من كل جانب ...لمجرد أن قالت له جواهر عن جزء بسيط مما تشعر به تجاهه...ماذا لو شعر بالنار التي أكتوتها طوال سبعه عشر سنه ... ولو كانت الأمور معكوسه ,,,وكانت هي من حرمه من أولاده وخطفتهم بعيدا ... فهل كان سيسامحها بمنتهي السهوله .....ويقبل بضغوط أبنائه عليه مجرد سؤال .....؟؟؟؟؟ سعود و دانه.....كل المخزون من المشاعر ظهر علي ملامحه .....وكاد أن يراه الجميع لولا تماسكه .....فماذا سيفعل أذا أفاقت دانه والتي أتوقع أنها شعرت بردود أفعاله وحنيته عليها ربما يوافق غصبا عنه أن تعود دانه مع أهلها .....ولكن هل سيكون لدانه نفسها رأي أخر وتطلب البقاء معه ؟؟؟؟ شكرا أنفاس علي البارتات الرائعه جدا ,,,,, وبصراحه أحنا طماعين جدا .,,,,,ونفسنا كل يوم عشر بارتات من كثر الجمال وروعه الكلمات ,,,, ألف شكر مذهله علي النقل الرائع ويا ريت تتوسطي لنا عند الكاتبه علشان تزود البارت كل يوم علشان ألقصه روعهههههههههههههههه تسلم أيديكي |
اقتباس:
مهوي على فكره بنسبه لي التمطمط والله حتى انا ونفجعات يوم خلصووووو بس يالله العوض كره خخخخخخخ تسلمين على المرور وعلى حبج لي عبد الله >>>اجمع معجبين له خخخخخخ مذهلة |
اقتباس:
ضحكتيني والله بنوته ياعيني عليج بس وعلى تعليقاااتج العسل تسلمين على المرور ياااقمر مذهلة |
اقتباس:
خخخخخ حلوه اكشن هذي وعجبني تعليق جواهر خخخخخخخخخ تسلمين نبع على المرور ان شاء الله دوم اشوف مررررررورج ياعسل |
اقتباس:
تسلمين على المرور بوسي بس بالله لو تطيعني جااااااااااااااااااااااان شي رائع بس للاسف ماقدر خخخخخخخخخخخخخخخخخخخخخخ >>>بس وش رايج نعمل عصااابه انا وانتي على الكاتبة يمكن توفق بس مسكين نفوس والله انها تتعب تنزل بشكل يومي مااااافي احد يسوي مثلها تسلمين مررره ثانية مذهلة |
الله الله الله والله من كثر ماانا متحمسه معهم ماحسيت بنفسي الا وانا اقراهم مره ثانيه
اخيراً يا سعود حبيت دانا والله انك رهيب بس ياخساره ابوها خرب كل شي اما عبدالله انسان مكسور وحزين او بالاصح حس بالذنب من اللي عمله مع جواهر اما هند ودي اذبحها هي واخوه العله وياقلبي عليك يا عبد العزيز والله انك رهيب وذكي قدرت على امك بكم كلمه وننتظر الاجزاء الجديد بفارغ الصبر والله يعطيك الف عافيه |
السلااااام عليكم...
مرحباا نفوووووسه ..للحين تعباااااانه؟؟ مااتشوفين شر يااقلبي... ومشكوره الف مره على هالاجزاء الرهيبه كل واحد احلى من الثااااني..وبانتظااار المزيد من هالاجزاااء اللي تهبل.. واليووم صرااحه ثنييييين يهبلون مررره وغير شخصياااتهم اللي دااائماا يبينوون فيهاا.. عزوز و سعووود.. عزووووز .. بسم الله عليك.. وش هالمنطق وش هالكلاام ؟؟؟ والله ان كلااامك يبين انك اكبر من عمرك بعشر سنين .. صرااحه كلااامك حكم يااعزوز... بس والله مالاتوقعت ان ابووك هوو اللي قالك.. استغربت انه قدر يقوولكم.. بس والله اعجبتني جداا... نوووف .. بس وهذاا اللي هامتس تقهرين هند بامتس..؟؟ يااختي اسمعي كلام امتس واقطعي علااقتس بهالسووسه.. والا مااراح احد يندم كثرتس..؟؟؟ داانه... ماتشووفين شر.. صحصحي عاد يالاميره النااائمه... والا اذا استمريتي كذاا بتروح شخصية سعود خرطي.... سعوود :: ياااويلي على الحنااان اللي طلع بلاا شعووور .. ويااويلي على اللي ضاعت علوومه .. وياااقهري منك وانت كل تصررررف الا لاااااااازم تهااوش رووحك اووو تحتقر نفسك اذا سوويته؟؟ ليش كذاا سعود ..يعني حتى تبي تخدع نفسك بهالحركاات... بس الحين وش بتسووووي ؟؟ ؟؟ بتوافق على طلب عمك وتخلي دانه تروح بيت اهلهااا والا ترفض وتسووي نفسك انك بتربيهاا وانت مااتبي فرقاهاا ولااا فرقى شوفتها؟؟؟ جواهر : اناا كنت واااثقه مااا احد مطلع هالموافقه منتس الا عزوووز.. وصدق تووقعي.. والحين وشلون بتقدرين تتعاملين مع عبوود.. ببيت واحد؟؟؟؟ الرجال الحين مجرووح ومنهاانه كرامته؟؟ واتوقع اذا الرجال تدخل الامر بكراامته خلاااااااص بيعاملتس مثل الحشره لوو هوو يمووت فيتس؟؟؟؟؟ بس الحين والله اناا خايفه عليتس من فااايز... الرجال حماار كبير .. بدأ يتطااول على اشيااء اخرى.. بس تدرين الخوووف انه يلعب عليتس وعلى بنتس بووقت وااحد؟؟؟؟؟ عبد الله...يااحراااااام والله رحمتك يااعبوود وانت مثل الاسد مجرووح.. بس اتووقع من تشووف جواهر بتنسى سالفة الكرامه.. ويمكن الحين بعد موافقة جواهر .. بتقوول لهاا عشان تقهرهااا مافيه بيني وبينتس أي اتفاااق.. موو انتي تحتقريني ومااتعتبريني شي.. خلااااص ماراح يأثر ولاا يملى عينتس اني متخلي عن حقووقي والحين بمارس كل حقووقي غصب عنتس.. وهذااك الاتفاااق كان اوول قبل المكالمه.. وبعد المكالمه كل شي تغيير.؟؟؟ نفوووووسه .. ننتظر الجااي بكل شوووق.. واعذريني على هالتعليق الموجز جداااا.. ترى شكلتس اعديتيني من على بعد مئات الكيلو مترات.. هخهخهخهخه مذهلة الخليج.. تسلمين على النقل الرهيب.. ماقصرتي والله |
السلام عليكم
ووواااااووو ثلاث أجزاء في يوم،عز الله ماندمت يوم قريتها،مشكوره اخت انفاس قطرعلى الاجزاءولاهتني،توني ادري إنك تعبانه الظاااهر من الحماااس ماانتبهت" واسأل الله الكريم رب العرش العظيم ان يشفيك ويعافيك." نجي لأبطال القصه:جواااهر خلاص عزمت ترجع لشايبها والله انه مايستاااهلها عساه بس مايبهذلها ويرفع ضغطها بأنانيته وبروده. دانه الله يقومك بالسلامه ورب ضاااره نااافعه،سبحان الله بمرضك هذا تغيرت اشياء كثيره ذوبتي قسوةسعود وخليتيه يهلوس مع نفسه في حبك ، وابوك صااار يحس بالذنب والندم على تسرعه في زواجك،وان شاء الله ترجعين لبيتكم معززه مكرمه. عبدالعزيز كنت اليوم نعم الأبن بعقلك وحكمتك اللي اخذتها أكيد من خالك ياليت تعطي ابوك شوي منها هههه. هند وفااايز ياليت يصير لهم حادث في الطريق ونفتك منهم ومن خبثهم. فاطمه ومها ومنيره فقدناااهم مااالهم حس في هالاجزاء. _وبالنسبه لتوقعااتي الحمدلله واااحد منها صار صحيح لم توقعت انا سعود يحب دانه من زماااان و دااانه بعد تحبه بس كل واااحد اخذ موقف من الثاني نفرهم من بعض،واتوقع ان عبدالعزيز ولد جواااهر بياخذ حصه والله يستر عليه من هند اخاااف تيأس من ابوه عبدالله وتخطط على الولد. ، |
[SIZE=""]سلاااااااااااااااااااااااااااااااااااااااااااااااااااااااااا ااااااااااام مذهلة لو اشكرلك على انقل لين بكرة ما يوفي حقك
ويااااااااااااااااويل وش5 هذا والله من كثر ما ني متحمسه باقرأة ماااااااااااا انتبهت اني خلصت الجزء نفوس هذي اكبر بوسه لك الجزء او ثلاث الجزاء كااااااااااااااااااااااااااانت تجنن تهبل تااااااااااااااااخذ ضمناااااااااااااات العقل عبدالله ليش والله الجوهرة خبله وماااااااااااااااااا عندها سالفة لا تاخذ بخاطر ( ما عد في وقت) حزنت عليه مررررررررررررره شعور مو حلو لما تحس ان شخص عزيز عليك وتحبه وتيبه طلع يكرهك ومااااااااااااااااااااااااااا يبي قربك كسر شيء داااااااااااخلك معقوله ما عاد تحبها يمكن اذا شفتها تنسى سالفة الكرامة هههههههههه ويمكن جمودك يلعب دور والله ياعبد اله كل شيء متوقع منك حتى لدرجه انك ما اهتميت للمسج للي جااك من عبد العزيز مممممممممم معقول تكون مجهزلها شيء بعد العرس .................. جواهرة والله انك عيالك قدرووووووووووو عليك بذات عبد العزيز يمكن تحسين انه هوو فاقدك اكثر من نوف ومتأثربعدك ..... شوفي انتي ماااااا تكرهين عبد الله ولا بس عبد الله يذكرك باليوم اللي فقتي به عيالك وهو كان اسبب فا كل ما شفتيه تذكرتي ذاك اليوم اللي كان كل المشاعر تتجمع فيك جنون انهيار كره وبكى وهستيريه كلها يوم تشوفينه تطري عليك .................. عبد العزيز والله انك رجال وقدرت على امك خهخهخه ماااااا يقدر عليها الا انت نوف والله احسدك على اشعور اللي حسيتيه وانتي داااومين بالجامعه شعور ما ينوصف حسيتي امك ملكتي الدنيا يوم هي جنبك ولاااااااا ام قريبه من عمرك ولا يوم تعرضينها على صديقاتك ههههههههه اونك تبين تشوفهم خخخخخ وتتكشخين فيها واحس شيء انها شاااااااااااااااااااافت هند وما رتاحت لها عشان تنبه نوف منها هند وجع وجع قلة حيا والله بنات اخر زمن عبدالله حاااااااااااااف والله عجبتني يوم ردت عيلها الجوهرة ان لازوم تحترم ام صديقتها وان بمكان ابوها وتقوللاعمي وبس وجها مغسول بمرق قلة ادب اجل لو تدري ان الجوهرة بترجع لعبد الله وش تنسوي ؟؟ فااااااااااااايز ياعليك ما تفوز بالي تبي قول امييييييييييييييييين انت واختك منييين جايين بصرااحه ناااااااااس غريبة سوالفكم اخ واخته بدور ينهم سوالف خبيثة انا لو اقول لاخوي كااااااااااااان سطني كف خلا معالم وجهي تتغير معقوله ساااااااااالفة شوفه جواهر تمر عادي عندة الله يستر وش ناوي عليه العلة فويز....... داااااااااااااااااااااااااانه الف سلااااااااااااااااااااااامة ما تشوفين والله القرادة رااااااااكيتك من ساسك لراسك اجل في وحده تطيه في العناية ثاااااااااااااني يوم عرسها خخخخخخ الف الف الف سلامه عليك هل شااااااااااافت سعود وهو يداريها او تحسبه حلم ....... سعود من اول وانا اقول انك تحباااااااااااااااااااااااااااااا مبروووووووووووووووووك الشيخ من المال ومنها العيال صراااااااااااحه انصدمت انك حنون وعندك مشاااااااعر هههههههههه سعود الجافر يخبي ورااااه مشاعر مكبوته انفجرت مجرد ما شاف دانه قدام عيونه هههههههههههههههه الله يهنك فيها ان شاء الله تطلع تحبك وي ما تحبها مع اني احس انهاىتحبك بس خلني اتأكد هههههههههههههه( لا ياشيخه) مذهلة الف الف شكر على النقل [/SIZE] |
بعد الغياب/ الجزء الرابع والثلاثون #أنفاس_قطر# كان عبدالله جالس في صالة الدرجة الأولى في مطار القاهرة كان جالس يشرب قهوته كأنه يشرب هم صافي.... سمع نداء رحلته.. النداء أشعل شيء خطير في أعماقه بعدها قطب عبدالله جبينه.. وموال جديد ينرسم في رأسه.. (أنا ماراح أرجع لعيالي بهالحزن والكآبة.. بأنسى الحزن والكآبة هنا.. على هالطاولة في مطار القاهرة.. وبأرجع أنا عبدالله اللي ما حد يقدر عليه طيب جواهر تبيني احلج من حقي الشرعي.. أبركها من ساعة.. فكة.. بس في غيرها أنا اللي بأوريج" ******************* عمه اللي رفع عيونه له صدمه منظرها الغائم وهو يقول بصوت مرتعش: تكفى يا ولدي طلبتك.. سعود انتفض من الحمية وقال بنبرة رجولية: أطلب عزك يا عمي.. أبو خالد بنفس الصوت المرتعش: دانة إذا طلعت من المستشفى أبيها ترجع لبيتي.. سعود حس كأن حد شق صدره بوحشية.. وأنتزع قلبه من مكانه بكل قسوة.. "يبون يأخذون دانة مني عقب مالقيتها.. إذا خذوا روحي أشلون أعيش بدون روح... قل لي أنت ياعمي.. أشلون ممكن أعيش بدون روحي اللي بين جوانحي.. وانفاسي اللي تردد في صدري.. وقلبي اللي ينبض بين ضلوعي.. قل يا عمي أشلون؟؟ أشلون؟؟ ليتها خلت خالد يذبحني.. كان مت بدون ما أتعذب.. قبل ما أكتشف أسطورة حبها اللي تغلغت في قلبي من سنين طويلة.. كان مت مرة وحدة قبل ما يجي عمي يبي يذبحني بالتدريج" هذا كان كلام سعود بينه وبين نفسه، لكن اللي هو قاله لعمه بصوت متماسك: أنت تأمر يا عمي، ما تطلب.. بس عمه ما أكتفى رجع ينظر لسعود نظرة كلها ألم ورجاء: ولو كانت دانة تبغي الطلاق.. تكفى إنك تطلقها.. بنتي بغت تروح مني يا أبيك.. هذي الدانة يا سعود.. الدانة عصابة رأسي.. وانت الله بيكتب لك أحسن منها.. بس أنا لو راحت مني وش بيعوضني عنها.. سعود حس إنه ممكن ينهار في أي لحظة، عمره ماحس إنه ضعيف مثل هذي اللحظة "ليش يا عمي ليش؟؟؟!! .. كان وافقت على الرجّال اللي جاك يخطب دانة، ومارديت الشور علي كان حب دانة ظل مطمور في عقلي الباطن لكن بعد ما قربها مني فجر كل مشاعري المدفونة مثل بركان.. تبغيني أطلقها؟؟ ... ومن قال إني أبغي غيرها.. ليتني قعدت أعمى، وتزوجت فاطمة وإلا غيرها.. زواج هادئ بدون طوفان المشاعر اللي ماعدت قادر أتحمله.. إذا الدانة عصابة رأسك.. فالدانة عندي هي أنا.. أنا خلاص ما أقدر أكون سعود من غير دانة.. تبيني أطلقها؟؟.. حرام عليك ياعمي تذبحني بذا الطريقة.. أنا ولد أخيك.. منيب عدوك.. " سعود رد بهدوء ظاهري رغم إنه كان يتمزق وينهار من الداخل: يصير خير يا عمي.. خل دانة تطلع من المستشفى أول.. واللي هي تبيه يصير.. لكن عمه ما تركه، مسك في يده برجاء وقوة: لا.. أبيك تعطيني وجهك.. إنك تطلقها لو هي بغت الطلاق.. "يا عمي حرام عليك.. أتق الله فيني.. تذبحني بذا الطريقة" سعود رد بهدوء المذبوح: لك وجهي ياعمي.. عمه حس براحة.. في الوقت اللي سعود رجوله خلاص مو قادرة تشيله، فجلس جنب عمه.. والف عذاب يحز في قلبه مثل سكاكين حامية.. ************* عبدالله يصل على متن رحلة الخطوط القطرية القادمة من القاهرة... وعبدالعزيز اللي كان يسمع نداء الوصول وهو داخل للمطار، كان ينتظر طلعة عبدالله عليه... بعد أقل من 10 دقايق كان عبدالله يطلع عليه بدون تأخير.. لأنه ماكان معه شحن.. بس شنطته اللي في يده.. كان طالع ببنطلون أسود و تيشرت أبيض عليه جاكيت شمواه أسود.. كان شكله متعب جدا.. وكان لابس نظارته الشمسية، مع إنه كان بعده داخل المطار.. سلم كل واحد منهم على الثاني بحرارة شديدة.. وطلعوا مع بعض.. لسيارة عبدالعزيز الواقفة في المواقف.. عبدالعزيز دفع ثمن الموقف، وطلعوا خارج المطار، في الوقت اللي كانوا خلصوا السلامات التقليدية والسؤال عن الصحة والحال.. بعدها ألتفت عبدالله ناحية عبدالعزيز.. وخلع نظارته الشمسية.. عبدالعزيز ارتعب لما شافه:.. وش فيك يا بو عبدالعزيز؟؟ شكلك تعبان وايد.. وش هالهالات كلها؟؟ عبدالله بابتسامة مغتصبة: مانمت من يوم تركت الدوحة.. عبدالعزيز بقلق: أنت أكيد منت صاحي.. خل أمر الصيدلية.. نأخذ لك بنادول نايت.. لازم ترتاح شوي شكلك بتنهار.. عبدالله بهدوء: فيه موضوع لازم أخلصه أول.. عبدالعزيز بود: حاضرين يابو عزوز.. عبدالله بجمود حاول إخفاءه ببرود: أنا يشرفني أطلب منك يد جواهر.. عبدالعزيز بابتسامة دافية: يا حليلكم والله.. خلاص تخطبها من ولدها مو مني.. جواهر كانت عطتني خبر بس هي تتمنى إنك تطلبها من خالي أبو فهد.. تقديرا له ولمكانته عندنا.. عبدالله بذات البرود: خلنا نروح له الحين.. عبدالعزيز بمرح: أصبر شوي على شنو متسرع.. العصر نروح له.. عبدالله بلهجة غامضة: أنا تعبان وايد.. وأبي أحط رأسي أنام.. وعيالي لو رجعت وأنا ماسويت اللي في رأسهم.. مستحيل يخلوني أرتاح.. تكفى عبدالعزيز خلنا نروح لأبوفهد الحين.. ونخلص.. عبدالعزيز بمرح: وبتروح تخطب وأنت متفرنج كذا بذا البدلة.. عبدالله بتعب: عادي يا ابن الحلال.. أبو فهد داري إني راجع من السفر.. خلني أسلم عليه.. واطلب جواهر بالمرة.. عبدالعزيز يغير طريقه من بيت عبدالله لبيت أبوفهد: حاضرين يابو عزوز..نروح لأبوفهد عشان تخطب أم عزوز.. ************ في مكتب جواهر ونجلاء.. نوف قاعدة عند أمها.. ونجلاء تسألها وتأخذ علومها.. وبينهم ثلاثتهم جو حميم جدا... جواهر: شاخبار بو حمد؟؟ أكيد كان مستانس إنه خلص منج ومن حنتج أسبوعين كاملين.. نجلاء بحب: لا والله.. خنت حيلي.. كان نحفان وايد.. وكملت بعيارة: من شوقه لي.. جواهر بعيارة: يمكن من شوقه لحمودي.. لكن أنتي أشك في ذلك.. لشنو يشتاق لغثاج وبربرتج.. نجلاء بابتسامة: يجي لج يوم أستلمج فيه.. نوف ببراءة: قريب خالتي نجلاء قريب تستلمينها.. جواهر خزت بنتها بتأنيب، ونوف حست بالخجل.. نجلاء بعيارة: نعنبو.. خرعتي البنية.. ماعليج منها، بنخلي أبوج يأدبها على كيف كيفه.. نوف ابتسمت، في الوقت اللي جواهر كحت، ونجلاء ماتت من الضحك انطق الباب، لقتها جواهر فرصة تتهرب من الموضوع وقالت بصوت هادئ: تفضل.. دخلوا مها ومنيرة وفاطمة.. وتوجهوا لجواهر وسلموا عليها: أسفين جدا على الأزعاج ..بس إحنا والله بس انشغل بالنا عشان غبتي يومين .. والبارح جينا نبي نتطمن من دكتورة نجلاء لقيناها في المحاضرة.. جواهر بمودة صادقة: شكرا على الاهتمام والسؤال... وخلوني أعرفكم على بنتي.. هذي بنتي نوف.. نوف هذولاء 3 من أفضل طالباتي وأكثرهم أدب مها وفاطمة ومنيرة.. البنات انصدموا وهم يشوفون نوف اللي قامت تسلم عليهم بمودة..معقول دكتورة جواهر عندها بنت هالكبر.. في الوقت اللي فاطمة ضربت كل وحدة منهم كوع وهي تقول بصوت واطي: مو قلت لكم .. موقلت لكم.. جواهر بمودة: وش فيكم بنات؟؟ فاطمة بأدب: بنتج شفتها قبل كم يوم في النشاط الطلابي.. وكنت أقول لمها ومنيرة، شوفوا هالبنية تشابه دكتورة جواهر.. بس هم قالوا لا.. نوف وهي تبتسم: الله يبشرج بالخير إذا أنا أشبه أمي.. جواهر اضطرب قلبها.. لذا الدرجة كانت بنتها قريبة منها.. وبينهم ناس مشتركين.. و كان من الممكن إنها ما تشوفها أبد... نجلاء بعيارة ذربة: أفا يا بنات السلام بس لدكتورتكم.. ودكتورة نجلاء مالها سلام.. البنات بحرج: لا والله سامحينا..... بس ماقدروا يرقعونها.. جواهر بود: وشفيج على بناتي خجلتيهم.. منيرة باحترام ود كبيرين: دكتورة إحنا نبي رقم تلفونس، عشان نكلمس عليه لو صار مثل هالموقف... جواهر بود: إن شاء الله حاضرة.. بس الرقم لكم أنتم الثلاثة بس.. ما تعطونه حد غيركم.. البنات: اكيد دكتورة مها لقتها فرصة تنتقم من منيرة على سالفة شاي الريجيم اللي صارت الاسبوع اللي طاف.. مها بخبث: بعد منيرة بالذات تبي رقم تلفونش عشان تعزمش على عرسها متى ماحددوه.. منيرة كان ودها تموت.. تنتهي.. الارض تنشق وتبلعها من الحرج.. جواهر بابتسامة ودودة: صدق منيرة.. إلا سعيد الحظ وش اسمه؟؟ منيرة وصوتها طالع من قبر: سالم جواهر بود: الله يوفقج أنتي وسالم ويجمع بينكم في خير يارب.. وأكيد ياقلبي متى ماحددتي موعد زواجج.. بلغيني وأنا بأحاول أجي.. منيرة كانت بس تبي تطلع عشان تفش حرتها في مها.. لكن مها اللي كانت خبيرة في ذا الحركات.. أستأذنت قبلهم.. البنات ودعوا الدكتورة جواهر اللي وصتهم يذاكرون زين، وخصوصا إنها ماعاد فيه محاضرات خلاص لموعد الامتحانات منيرة طلعت بسرعة تدور مها اللي كانت فص ملح وذاب.. .. وتتصل على موبايلها ماترد.... جاها بس مسج: "تستاهلين وهاردلك يا ام شاهي الريجيم" **************** الساعة 2 الظهر.. عبدالله راجع من بيت أبو فهد.. بعد ما أنهى مهمته اللي حسها ثقيلة جدا على قلبه.. عبدالعزيز وصله.. ورجع للبيت ينتظر جواهر عشان يبلغ جواهر بالأخبار.. حب يخبرها مباشرة مو عن طريق الموبايل.. في الوقت اللي كانت جواهر راجعة هي وبنتها.. كانت تبي توصل نوف لبيت أبوها عشان تسلم عليه لأنها عرفت من تحرقص نوف اللي كانت مشتاقة له إنه وصل.. في الوقت اللي كانت جواهر تبي ترجع لبيتها.. عبدالله دخل وراح لغرفة عبدالعزيز اللي كان قاعد على النت.. خلع جاكيته وحطه على سرير عزوز وقعد بالتيشرت النص كم.. وجاء يمشي بشويش من وراء عزوز اللي تفاجأ و انبسط وايد بشوفه أبوه .. وطبعا عبدالله بشره بالتطورات الجديدة.. اللي أهتز لها عبدالعزيز بعنف وفرح خرافي لا حدود لها.. ونط يحضن أبوه بقوة، الشيء اللي استغرب له عبدالله بشدة، عبدالعزيز بفرح مجنون: والله ماراح تندم أبد يبه.. أمي مره مافيه مثلها.. كأنكم انخلقتم لبعض.. عبدالله بحزن في نفسه: بلاك ماتدري إن امك عندها لسان سم حية.. عبدالله وهو نازل : الساعة صارت 2 وربع المفروض تكون نوف على وصول.. اتصل عبدالله على أفضل: هلا أبو محمد .............. الله يسلمك.. وينكم الحين؟؟ .............. أنت في البيت... ونوف وينها؟؟ (عبدالله برعب) ............ شنو؟؟ شنو؟؟ وأشلون أنت توافق؟ (عبدالله بغضب ناري) .............. خلاص خلاص هذا صوت سيارة توصل.. مع وقفة السيارة.. كانت نوف تنزل.. وعبدالله يفتح باب البيت بعنف.. نوف نطت تحضن أبوها: الحمدلله على السلامة.. عبدالله بحنية غاصبة: الله يسلمك.. في الوقت اللي جواهر كانت تشوفه واقف.. ماكانت تبي تعطيه فرصة يتكلم معها، فقررت إنها تمشي وتستغل إنه لاهي يسلم على بنته.. لكن جواهر فوجئت إنه يفلت نوف..ويلف ويوقف قدام السيارة اللي كانت على وشك التحرك.. ويخبط بكفه على كبوت السيارة الأمامي بكل قوة... جواهر ماكانت مستوعبة هو وش الجنون اللي هو قاعد يسويه.. لكن جنونه في رأيها وصل حده.. لما لف عليها وفتح بابها بكل قوة وهو يمد يده، ويقول بلهجة حازمة: عطيني المفتاح؟؟ جواهر اللي بعدها مو مستوعبة هو شيقول: أي مفتاح؟؟ عبدالله بحزم: مفتاح المرسيدس الفضية اللي حضرتج قاعدة تسوقينها الحين.. جواهر ببرود: وأشلون أرجع البيت يادكتور عبدالله؟؟ نوف بعدها واقفة مو فاهمة شيء من اللي يصير عبدالله بحزم أكبر: أنا بأرجعج... جواهر بغضب: نعم.. وليه ترجعني؟؟ سيارتي معي وبارجع بروحي.. عبدالله بغضب: السيارة هذي ماراح تسوقينها عقب اليوم.. ولا أي سيارة ثانية عبدالله قال كلمته وقرب منها أكثر انحنى ومد يده من قدامها.. وطفى السيارة وسحب مفتاحها بكل مهارة وخفة جواهر لما شافته مد ذراعه، ارتعبت،رجعت ورا بكل قوتها ولصقت ظهرها في السيت.. يده كانت على بعد ستيمترات من صدرها.. عبدالله خذ المفتاح.. وتراجع ورا خطوة في الوقت اللي جواهر نزلت وتوجهت ناحيته وهي تمد يدها لها وتقول بغضب: عبدالله عطني مفتاح سيارتي.. أنت مالك حق لي.. عبدالله قرب منها وهمس بصوت حرص إن نوف ما تسمعه: في اتفاق زواجنا.. أنا تنازلت عن حق واحد من حقوقي.. لكن حقوقي الثانية ماراح أتنازل عن ولا واحد منها... وبعدها كمل بصوت اعتيادي بارد: وأول حق إنج تطيعيني.. وانا ما أرضى إن زوجتي تسوق سيارة.. جواهر ولعت من الغضب: عبدالله أنا مابعد صرت زوجتك، أجل فرد عضلاتك علي لين أصير.. عبدالله ببرود : اليوم ما يفرق من بكرة، وبكرة بعد العصر ملكتنا وزواجنا خلاص #أنفاس_قطر# |
مشكوره نفوسه على الجزء الجنااان حسبي على ابليس عبد الله يخوفي جواهر تعند الان خخخخخخخخخخخخخخخ ويصير بكره المغرب خخخخخ سعود >>لا تخااف انا اضمن لك دندون مارح تطلب الطلق>>>واثقة وتسلمين على الجزء ويعطيج العافية على الجهود الى تقومين عليه وان شاء الله الان افضل من قبل؟؟ مذهلة |
انفاس صراحه كاتبه تخطف الأنفاس
لو مو الأجزاء يوميه كان متتتتتتتت:D سعود يالله يكون بعونه على أعصابه يخوفي الخبله دانه تطلب الطلاق !! بس اتوقع عقلها اكبر من انها تطلب الطلاق بهالوقت اكيد بتفكر بسمعتها والمصلحه العامه لها ولأهلها عبدالله هدي شوي الله يهداك تبي ترفع لجواهر ضغطها قبل تآخذها جواهر الله يعيينها احسن الضغط النفسي بيوصل حده سنين تعاني وبوقت قصير تتسارع الأحداث بحياتها وتبتلي برجعتها من عبدالله >>يازينها من بلوه يالخبله هههههههههه يسلمووووووو مذهله لاعدمناك عالنقل الممتع |
مشكوووره مذهله علي النقل ...... اتمنى لك التوفييق :flowers2: ومشكوره انفاسسس..... على الانفاس الحلوه ...... حفظك الباري ...:55: جواهر وبدايه حياة جديده ..... عبيد والتهووور ...بعناده رح يطفرر بجواهرر.. منيره ومها وفاطمه ..... صداقات نادره سعووود ودااانه ...لبعض ..يبون يقلعونها من الشرايين ... مايصيررر نجلا وعيارتها.....فلهههههههههه منتظرين انفاس اخرى...... بكل شووق:f63: |
يسلموووووووووووووا على الجزء
انقهرت علشان سعود ودانا يارب ان دانا ماتطلب الطلاق حرام علشان سعود وعبدالله بداء الحرب على الجوهره اتوقع ان عبدالله بجرد مايشوفها راح يغير كل مخططاته وحتى الجوهره احسها الى الان وهي تحب عبدالله بس تكابر لانه هو اول حب في حياتها وراح تتغير بمجرد ماتعيش مع عبد الله وثااااااااااااااااااااااااااااانكس على الجزء |
السلام عليكم.. تسلم ايدج نفووس عالبارت الي يهبـل مثـلج.. عبد الله هع عشان جذي قلت تستاهل..شفت شلون ندمت وتعدلت و اليوم رجعت نفس ما كنت.. بس بصراحة اقولك انت غبي يعني لو مخليها تسوق اليوم وباجر بعد الملجـه تحكم فيهـا اوك.. بس من قبل لا..لان ممكن تغير رايهـا عناد فيـك... والله وطلعـت منت هيـن يا عبووود..!! جواهـر وبعد الي شافتـه من عبد الله اليوم.. شرح تسـوي..!! ترفضـه وتزعـل عيالهـا او توافـق عليـه وتغصـب روحهـا.. موقف صعـب وخيارين مريـن... سعود كان غلطـان يوم خذاها غصـب عنهـا.. والحين قام يتحمـل النتيجـة.. صعـب بعد ما عطوه ياهـا واعترف لنفسـه بحبهـا يطلبون منـه يخليهـا بكل بروود.. شرح يسوي لا طلبـت الطلاق..!! بيطلقهـا او لا..مع اني ما اعتقد تطلبـه..بس مع نفوس اتوقع اللا متوقع:) مها&منيرة ههههههههههههههه موتوني ضحك يسلموووو مذهـله تقبلي مروري |
سلااااااااااااااااااااااااااام مذهلة الف الف شكر على النقل
اول شيء هجوم عبد الله على الجوهرة يمه حاااااااااااامي الرجال الله يعينها عليه ثانيا سعود وطلب عمه ان يطلق داااااااااااااانه وهو يحبها هم يمه معقوله يسويها سعود لا ان شاء الله عجبني تعلق عبدالله بعياله وتعلق عياله فيه واذا عاشت الجوهرة رااااااااح تحسدعبدالله على هذا التعلق هند وفايز مااااااااااالهم حس ياترا وش مخبين ورااااااااااهم من خبث ابو دانه صراااااااااااااااحه يبيله كف محترم والله نااااااااااااااااااس بعد ما صارت له تبي تتطلقها غريب الرجال هذا ....... نفوسه يعطيك الف الف عافية على الجزء اللي مثل راااااااااعيته ( ليت كل الكاتبات زيك) |
صباح الورد للكل
استلمو البارتين الجديدة 35 36 أكشن عالي جدا أتمنى يعجبكم وقبل البارت ملاحظة صغيرة فيه متابعات يفتقدون شخصيات معينة لما يمر البارت بدون مايطلعون حابة ألفت نظركم كلكم أنه أحداث الرواية كلها من البارت الأول لحد بارت اليوم حدثت في اسبوع واحد من يوم الأحد: أول حوار بين نجلاء وجواهر لحد يوم الأثنين: رجعة عبدالله من السفر عشان كذا طبيعي إنه ممكن يمر حتى 6 بارتات بدون ما تشوفون بعض الشخصيات ويالله استلموا وقراءة ممتعة يارب ولا حول ولا قوة إلا بالله انفاس |
بعد الغياب/ الجزء الخامس والثلاثون
#أنفاس_قطر# عبدالله قرب منها وهمس بصوت حرص إن نوف ما تسمعه: في اتفاق زواجنا.. أنا تنازلت عن حق واحد من حقوقي.. لكن حقوقي الثانية ماراح أتنازل عن ولا واحد منها... وبعدها كمل بصوت اعتيادي بارد: وأول حق إنج تطيعيني.. وانا ما أرضى إن زوجتي تسوق سيارة.. جواهر ولعت من الغضب: عبدالله أنا مابعد صرت زوجتك، أجل فرد عضلاتك علي لين أصير.. عبدالله برود : اليوم ما يفرق من بكرة، وبكرة بعد العصر ملكتنا وزواجنا خلاص جواهر اللي خلاص مو قادرة تمسك أعصابها ولا تجاري عبدالله في لعبة البرود أشرت لنوف... وقالت: نوف روحي ادخلي داخل.. نوف دخلت مع إنها تموت و تعرف وش اللي خلاهم شابين كذا.. جواهر ألتفت على عبدالله وقالت له بعصبية مولعة: أنت أشلون تسمح لنفسك تحدد مواعيد.. كأني جارية عندك.. ولا لي شور ولا أهل.. عبدالله ببرود: والله هذا قرار خالج موب كلامي.. جواهر بصدمة: نعم؟؟ خالي؟؟ عبدالله بهدوء وهو يحس بانتصاره عليها: إيه خالج يا دكتورة... اليوم خطبتج منه.. وكان يبي يتصل فيج.. بس أخوج عبدالعزيز قال مافيه داعي لأنج عطيتيه موافقتج خلاص... فخالج هو اللي قرر إن الملكة تكون بكرة بعد العصر.. وعشاء عائلي بالليل.. ونخلص من ذا الفيلم.. وتجين لبيتي.. صحيج جواهر كانت متوقعة ذا كله، بس مو بهالسرعة.. يعني خلاص بكرة بتصير زوجة عبدالله.... وع من التسمية (زوجة عبدالله) جاتها حالة الإحساس إنها تبي ترجع اللي في بطنها.. جواهر حاولت تسيطر نفسها وهي تسأله: وقبل مايصير أي شيء.. بعدك على الإتفاق والكلام اللي قلته لي؟؟؟... أنا وحدة مصلية ياعبدالله.. وكله ولا غضب ربي علي.. إذا أنت متنازل عن حقك برضاك وتحلني منه أمام رب العالمين أو قل لي وإحنا بعدنا على البر؟؟ عبدالله بقرف: أنا ما أتراجع في كلمتي.. بس بعدها لقاها فرصة يشفي غليله منه.. فكمل بخبث: إلا لو أنتي بغيتيني أتراجع ماعندي مانع.. جواهر ولع وجهها.. وكان نفسها تخبطه بالشنطة اللي بيدها.. قالت بهدوء تحته ألف انفعال: زين عبدالله اتفقنا.. زواجنا بكرة.. مثل ما تبون.. وعلى الاتفاق اللي بيننا.. بس طبعا أنا ما أبي عيالي يحسون بشيء.. عبدالله يأكد على كلامها، على نقطة اتفاقهم الوحيدة ..عيالهم: أكيد وبدون ما تقولين.. أنا اللي أرجوج إنه ما يبين منج أي شيء يحسس العيال إنه الحياة بيننا غير طبيعية.. إحنا مارجعنا لبعض إلا عشانهم.. مانبيهم يعيشون حياة متوترة بين أب وأمهم بينهم خناق على طول.. عبدالله تنحنح وكمل ببرود مع إنه كان يحترق من الداخل: وشيء ثاني؟؟ جواهر باستفسار: شنو؟؟ عبدالله ببرود تحته نار: أنتي ماقصرتي عرفتيني مكانتي عندج.. وأنتي أشلون قرفانة مني.. بس اللي أتمناه.. إنه مافيه داعي تذكريني بهذا الموضوع كل شوي.. خلي الاحترام بيننا ومافيه داعي للتجريح.. جواهر وهي منحرجة: اتفقنا... اللي تبيه يصير.. ويالله عطني مفتاحي.. عبدالعزيز اكيد قاعد ينطرني الحين.. عبدالله ببرود: أنتي مفكرتني ألعب، وإلا أقول كلام ما أقصده.. سواقه بعد اليوم مافيه... تبين ترجعين رجعتج أنا.. جواهر بهدوء مشتعل: أعتقد إن الكلام في القرارات الخطيرة اللي مثل هذي سابق لأوانه يا دكتور عبدالله.. عطني مفتاحي، أو بأظل واقفة هنا.. لين تعطيني إياه.. عبدالله لف وهو يبي يدخل داخل ..رد عليها ببرود : عادي اقعدي براحتج البيت أصلا صار بيتج.. وأحسن خليج هنا من اليوم ليش ننطر لبكرة.. جواهر اللي وصلت أخرها من طريقته في فرض نفسه وقراراته، مسكت عضد عبدالله العاري تبي توقفه وهي تقول من بين أسنانها: أنت يا أخ؟؟ وين رايح..؟؟ هات مفتاحي.. جواهر بنفس الثانية اللي مسكت فيها عضده فكته.. وهي تنفض يدها وترجع خطوة للورا، وعبدالله التفت عليها بحدة.. كلاهما انلسع.. وبقوة.. جواهر صدمها صلابة ملمس عضلات عضده المشدودة وهو صدمه نعومة أصابعها ورقتها ودفئها.. جواهر في نفسها: "كذا تخلينه ينتصر عليج ويستفزج لهالدرجة.. لهالدرجة.. إنج تمسكين في جسم رجّال غريب" جواهر بنبرة غامضة وهي مو قادرة تحط عينها بعينه من الخجل اللي اجتاحها غصبا عنها: بأتصل بعبدالعزيز يجيني.. أشبع بالسيارة والمفتاح.. عبدالله اللي بعده محافظ على بروده رغم التوتر اللي بعثته لمستها الخاطفة فيه، رجع لسيارتها وركب مكان السواق وشغل السيارة، وقال لها ببرود: اركبي، بأوصلج، وبأخلي سيارتك في بيتكم، وبأخلي أفضل يجيني هناك.. جواهر لما شافته ركب السيارة، دخلت داخل البيت، عبدالله طفا السيارة.. وخذ المفتاح.. ولحقها داخل وبدأ يفقد سيطرته على أعصابه من تجاهلها له.. كانت وصلت الدرج: عبدالله ببرود: أشلون تتركيني وأنا أكلمج؟؟ جواهر اللي حاولت تمسك أعصابها.. ردت عليه ببرود شديد: بأطلع لبنتي بعد إذن حضرة جنابك وسموك.. خلاص ما أبي أروح للبيت.. بعد صلاة العصر بنخلي أفضل يوديني أنا وياها لبيتي.. إلا لو عندك مانع بعد.. عبدالله ببرود مع إنه مولع من تكسيرها لكلامه: بكيفكم.. أنا بأطلع أنام.. وتجاوزها طالع لفوق.. وهو يلوح بمفتاحها قاصد يحرق أعصابها.. في الوقت اللي جواهر ابتسمت من تحت نقابها ابتسامة خبث كانت تطالع عبدالله وهو يطلع الدرج وهي بعدها واقفة عند أول درجة.. لما غاب عن عينها.. فتحت شنطتها.. طلعت سبير المفتاح.. وتوجهت لسيارتها.. ركبتها وحركت.. ******************** العصر مستشفى حمد/ الطابق السادس/قسم العناية المركزة سعود طالع يسحب رجله، ماكان يبي يفارق دانة ولا دقيقة.. خايف يصير لحالتها أي تطورات وهو مو موجود نفس ماصار البارحة وهو في البيت.. بس لما أذن الظهر راح يصلي الظهر هو عمه اللي طلب منه يوصله للبيت.. وعقب حلف عليه يتغدى معه.. سعود ماكان يبي غدا ولا شيء.. من دخلة دانة للمستشفى وهو ما يتذكر انه أكل شيء.. نفسه مسدودة عن كل شيء.. بعد غدا عمه.. اللي تأخر رجع للبيت.. تحمم وبدل ملابسه.. صلى العصر وبسرعة جا للمستشفى وصل لغرفة دانة: مالقى قدامها أحد.. استغرب، طل فيها لقى السرير فاضي.. سعود حس إن قلبه مات وروحه فارقته.. وينها؟؟ وينها؟؟ لاااااااااا.. لااااااااااااا لااااااااااااااااااااااااااااااااااااااا وأغمي عليه ************* عبدالله قبل يروح ينام.. مر على عياله اللي كانوا مجتمعين في غرفة عبدالعزيز.. يظهر نوف ماصبرت راحت على طول لعبدالعزيز تقول له على الأكشن اللي صار بين أمها وأبوها.. نوف بحماسة: واااااااو.. عزوز.. يغار عليها .. يجننون.. يجننون.. عبدالعزيز يضحك: الله يرجج أكثر منتي مرجوجة.. وهم يسولفون.. دخل أبوهم مبتسم: دايم هالضحك يارب.. نوف عندي لج خبر.. نوف بفضول: شنو يبه؟؟ عبدالله بهدوء: بكرة أمج بتكون عندكم.. عبدالعزيز طبعا كان عنده خبر ابتسم بفرحة صافية، بس ونوف نطت واقفة: صدق يبه صدق.. الله لا يحرمنا منكم اثنينكم عبدالله يكمل بذات الهدوء: بكرة العصر الملكة، وفي الليل بنسوي عشاء عائلي للحريم في بيت أمكم.. وللرجال في بيت خالكم..وعقب أمكم تجي عندكم.. وعلى طاري أمكم... نوف أمج ترا راحت لغرفتج.. نوف نطت رايحة لغرفتها.. وعبدالله قعد يسولف شوي مع عبدالعزيز لين يأذن العصر اللي مابقى عليه شيء.. شوي رجعت نوف وتقول لابوها بمرح: يبه وينها امي؟؟ تبي عزوز في سالفة ما تبيني أسمعها.. عادي قل لي وأروح مافيه داعي تسوي فيلم وحركات.... مو عوايدك يعني. عبدالله وهو متفاجئ: والله راحت لغرفتك، هي بنفسها قالت لي واحنا تحت.. نوف باستفسار: أنت شفتها تدخل غرفتي؟؟ عبدالله بتشكك: لا ونزل بخطوات سريعه على الدرج.. وعياله وراه.. عبدالله ألتفت حواليه في الصالات.. وطرا له شيء.. فتح باب البيت يبي يشوف سيارتها.. لقى مكانها فاضي.. الغضب وصل عنده حده الأعلى: يعني سوتها وكسرت كلامي... بس اشلون المفتاح كاهو بعده بيدي.. نوف ضحكت بصوت مكتوم.. وهي تقول: يبه اليوم كنت أفتش في شنطة أمي أبي كلينكس.. لقيت مفتاح سيارة سألتها عنده، قالت لي إنه السبير.. وإنها ما تطلع من غيره استعدادا لأي طارئ.. مثل إنها تقفل السيارة والمفتاح داخل... وبعدين ميل عبدالعزيز على أذنها وقال بصوت واطي: أو رجّال غيور يأخذ مفتاح سيارتها منها.. نوف وعزوز انفجروا من الضحك، في الوقت اللي عبدالله كان يطالعهم بغضب طلع الدرج ويدق على موبايل جواهر اللي لقاه مسكر.. "زين يا جواهر.. خلي العداد يحسب.. كل شيء مردود لج" ******************** سعود لما أغمي عليه.. الممرضين والممرضات شالوه ودخلوه الغرفة اللي كانت دانة فيها.. وحاولوا فيه يفوقونه وعطوه شراب أملاح.. لما قدر يتمالك أعصابه، سألهم بصوت ميت متدمر: وين راحت؟؟ وين راحت؟؟ الممرضة: أنت يقصد دكتورة دانة؟؟ سعود بنفس الصوت الميت وهو ينطر الإجابة اللي حاس إنها بتقتله: إيه؟؟ الممرضة بود: ينزل تحت غرفة عادية غرفة رقم الطابق الخامس.. سعود حس مثل النسيم البارد هب على روحه الملتهبة.. كان وده يقوم يبوس الممرضة.. ينط.. يرقص.. يغني.. أي شيء مجنون ممكن يعبر عن السعادة الخيالية اللي هو حاس فيها.. لكن سعود البارد أو المتبارد، ماسوى غير إنه قال لها ببرود: شكرا نيرس.. *************** سعود نزل من الطابق السادس للأول ركض يحاول يفرغ طاقة الفرح اللي عنده.. راح لمحل لاريسا اللي تحت.. أختار أكبر بوكيه ورد موجود واكبر سلة شيكولت.. طلب منهم يطلعونها لغرفة دانة.. البياعة: تفضل اختار الكرت.. سعود رجعت له حالة صورته الجامدة: طلعوها بدون كرت.. وطلع برا المستشفى متوجه لسيارته... في سيارته جالس.. قرر يتصل بمها.. عشان يروحون للدانة.. ويتطمن عنها بطريق غير مباشر.. سعود ببروده المعتاد اللي بدأ يهتز داخليا وبعنف: هلا مها.. مانتو برايحين للدانة بنت عمي؟؟ (ماقدر يقول زوجتي) ................. (سعود ارتعش غصبا عنه) لكنه كمل بصوت بارد: أنتو عندها الحين؟؟ من متى؟؟ ................... من ساعة..تنحنح: وهي أشلونها؟؟ .................. الحمدلله (سعود بصوت بارد يشتعل من الداخل لأن ردود مها عليه كانت باختصار) ................. طيب مع السلامة.. "سعود يا غبي.. أنت وش تبي تسوي بروحك؟؟ تبي تضيعها منك بجمودك اللي يقتل؟؟ ليش ما طلبت تكلمها؟ أو طلعت لها تزورها؟ هذا أنت قاعد في سيارتك مقابل المستشفى مثل الطوفة... ما أقدر ما أقدر... أهلي عندها وأهلها أكيد.. ويمكن عندها نسوان الجماعة بعد.. خلها وقت ثاني طيب كلمها بس.. قل لها الحمدلله على السلامة بس.. زوجتك هذي ياللي ماعندك مشاعر.. ما أقدر ما أقدر... لما كانت مهيب حاسة فيني.. كنت حاس إني ممكن أقول لها كل شيء... بس الحين هي وعت.. وأعرف إنها تكرهني كره العمى.. اخاف أكلمها تقول طلقني" سعود صار له ساعتين قاعد في سيارته اللي واقفة في مواقف المستشفى.. فكرة توديه وفكرة تجيبه.. والهم محاصره بكل عنف.. لحد ما أذن المغرب.. حرك سيارته.. وطلع لأقرب مسجد **************** قبل المغرب عبدالله نايم بغرفته في بيته جواهر نايمة في غرفتها في بيتها الليلة راح تكون الليلة الأخيرة لحرية كل منهم وعيالهم بدوا بالمخططات لبكرة وخصوصا نوف اللي اتصلت بحصة وبلغتها.. وأتفقوا على كل شيء يسونه بكره.. اتصالات لا تحصى سوتها نوف وعبدالعزيز قاعد جنبها ميت من الضحك وكل شوي يقول: الحمدلله والشكر.. العقل زينة.. وش ذا كله؟؟ نوف بحماس: يعني أمي وأبوي بيتزوجون بعض كل يوم.. أنت ووجهك.. كلها مرة وحدة.. نوف خطر ببالها أهم شيء، ونطت تمسك في ذراع عزوز: صدق إني غبية كنت بأنسى أهم شيء... تذكر الشغلة اللي اشتريتها الصيف هذا من باريس.. وأنت ما كنت راضي.. وشرايك موب هذا وقتها..؟؟ عبدالعزيز باستنكار مرح: لا لا لا حرام عليج.. اتقي الله في أبوي تبين تجلطينه . #أنفاس_قطر# بعد الغياب/ الجزء السادس والثلاثون #أنفاس_قطر# الليلة الأخيرة من حياة عزوبية اثنين لم يمر أي منهما بحياة زوجية حقيقية.. ومقبلين على حياة زوجية غير حقيقية.. عبدالله بعده نايم.. رغم أنه أولاده حاولو يصحونه كثير للصلاة.. بس بدون فايدة.. كان ماكل 3 حبات بنادول نايت.. وهو أصلا كان منتهي من التعب.. الوقت صار بعد العشا وهو بعده نايم.. نوف بتجن.. تبي فلوس منه...: ( زين ياعبدالله ارقد براحتك.. خلاص الحين كل شيء بيسكر.. بس إذا ما استلمتك من الصبح ما أكون بنتك نوف بنت عبدالله) جواهر صحت على صلاة المغرب.. وهي حاسة بهم كبير كاسر ظهرها.. قلبها مقبوض.. وخاطرها ضيق.. صلت المغرب بإيمان كبير.. ودعت الله سبحانه يشرح صدرها ويفرج همها.. عملت شوي اتصالات مهمة وضرورية لعدد من الناس اللي يهمها معرفتهم بزواجها بكرة: رئيس قسمها، نجلاء، موزة بنت خالها..وأم فهد.. رغم إن موزة وأم فهد كانوا يعرفون بالخبر.. بس هي حبت أنهم يسمعون منها.. ماحبت حد يشك إن رجعتها لعبدالله كانت غصبا عنها.. جلست جواهرفي غرفتها والهواجس تطحنها.. وبنتها نوف كل شوي تتصل عليها.. في راسها ألف مخطط.. جواهر حتى ما كانت منتبهة بنتها وش تقول وراسها عورها من حنتها.. كانت تبي ترضيها وبس.... قالت لها جواهر: أهم شيء ما تعزمين حد.. بس أبي يكون موجود بيت خالي ونجلاء وأنتي وبس.. وغير كذا سوي اللي تبينه بدون ما تستشيريني.. نوف بحماس: أكيد مامي.. موب عقب تسوين لي سالفة جواهر بحب: ماراح أسوي لج شي (في قلبها: أنا مارجعت لأكره إنسان على وجه الأرض الا عشانكم..فأي شي بتسوينه ويكون بيفرحج سويه) ****************** الساعة 9 مساء.. سارة تترك منيرة جالسة مع أمهم تحت.. وتطلع تتسحب لغرفتها وتقفل الباب عليها بالمفتاح.. وتتصل بصديقتها وضحى... بعد السلامات المعتادة.. سارة بعيارة حزينة: وضحى أنا أبيس تعرسين.. وضحى كحت: وشفيس يالمجنونة؟؟ وش عرسه ذا... توني تملكت الشهر اللي طاف.. سارة: يالغبية أبيس تمثلين أنس بتعرسين.. وضحى اللي مو فاهمة شيء: روحي نامي شكلس تخرفين.. سارة: يالغبية: تذكرين في ملكتس، لما مالقيتي فستان تلبسينه.. خذتي فستان أختي مناري حق عرس ولد خالتي وكان يجنن عليس.. وضحى: وطيب؟؟ سارة: أبيس بكرة تروحين معي أنا ومناري.. على أساس أنس تبين نروح معس، تاجرين فستان أو تشترين حسب المتوافر لأن عرسس تحدد بسرعة وما عندس وقت تسوين فستان.. وإنس تبين مناري هي اللي تقيس الفستان عشان تشوفينه عليها.. وتقررين.. والفستان اللي أنا بأحس إنه دخل مزاج مناري..بأشر لس عليه.. وأنتي صممي إنس تبغينه مهما كان سعره.. وضحى بدهشة: وليش ذا كله.. سارة بحزن: أنا باقولس.. ***************** الساعة صارت 11 بالليل.. سعود واقف بسيارته في مواقف المستشفى.. سعود صلى المغرب ورجع وقف في المواقف ، صلى العشا ورجع للمواقف.. على أساس إنه بيتشجع وينزل يزور الدانة.. كان واقف..كأن فيه مغناطيس يشده لذا المكان.. موب قادر يبعد عنه.. تلقى عشرات الاتصالات.. من ربعه..من أمه..من محمد.. الكل يسأل عنه.. وينه مختفي.. قال لهم في الشغل.. مع أنه في إجازة لمدة أسبوعين.. وهو غارق في التفكير: سمع حد يدق على شباك سيارته، ألتفت كان من أمن المستشفى، اللي قاله بنبرة احترام لكن بنظرة شك: يا أخوي.. صار لك ساعة واقف.. والزيارة انتهت من زمان.. ياليت تحرك سيارتك.. سعود ببروده الاعتيادي: مادريت أن الوقفة في ملك الحكومة ممنوع.. الأمن اللي ارتبك شوي من برود سعود: حرك حرك يا أخوي.. سعود كان في خاطره يفرغ التوتر اللي فيه في السكيورتي.. لكنه تنهد وقال في نفسه: وذا المسكين وش ذنبه.. حرك سيارته للبيت.. ولغرفته اللي صار يحسها قبر موحش بدون دانة، وخصوصا إن أغراض دانة القليلة المتناثرة في غرفته.. تثير في داخله جرح شديد العمق.. ************** جواهر موب قادرة تنام... الهم محاصرها.. متوترة وحاسة بجرح كبير في روحها.. عبدالله بعده نايم... نوف وحصة ما وقفت الاتصالات بينهم.. رغم إن الوقت تاخر.. عبدالعزيز الصغير هو الوحيد اللي كان ينام بعمق وسعادة بعد ماسوى اللي في رأسه.. **************** الساعة 4 الصبح عبدالله صحا مفزوع وهو يطالع الساعة: أعوذ بالله منك يا أبليس فاتني المغرب والعشا.. خلني أصلي قبل الفجر.. صلى الصلوات الفايته.. وعقب راح صحى عبدالعزيز وراح وياه المسجد.. كان ناسي موبايله في البيت بس ما أهتم..( مين اللي بيتصل فيني ذا الوقت يعني؟؟).. رجع للبيت وهو يحس بنشاط كبير بعد ماخذ نوم كفاية.. الموبايل بعده مرمي عالكوميدينو.. ما أهتم.. لبس تريننغ رياضة.. وراح يركض حوالين البيت كعادته بعد صلاته الفجر.. ويحاول يفرغ من التوتر اللي هو حاس به للحدث اللي بيصير اليوم.. وحاسه هم كبير كل ما يتذكر كلام جواهر اللي مثل السم رجع للبيت على الساعة ست.. دخل للحمام يأخذ شاور.. والموبايل بعده مرمي على الكوميدينو.. أول ما طلع من الحمام وهو بعده بالفوطة الملفوفة على خصره..ضرب عينه على الكوميدينو.. شاف موبايله يولع ويطفي دليل إن حد يتصل فيه.. استغرب من اللي بيتصل هالحزة.. مشى ناحيته وتناوله بقلق.. بس كان الاتصال سكت.. لينصدم عبدالله بعدد الاتصالات التي لم يرد عليها... 68 مكالمة لم يرد عليها.. 59 اتصال من رقم واحد.. وهو الرقم اللي كان يدق أخر شيء و9 اتصالات من أرقام مختلفة.. 59 اتصال من شخص واحد / من ماجد.. ***************** عبدالله يتصل بسرعة بماجد قلبه انشغل عليه، أو ماوصله صوت ماجد اللي يقول بلهفة : ألو.. رد عليه عبدالله بقلق كبير: عسى ماشر يا بو فيصل؟؟ اشغلتني.. ماجد بلهجة غامضة: أبي أشوفك الحين.. عبدالله رغم استغرابه رد بترحيب كبير: هلا والله تفضل في المجلس الخارجي، بأنتظرك هناك... عبدالله سكر من ماجد، اتصل في المقهوين اللي في المجلس الخارجي، وطلب منهم يجهزون القهوة.. وباله مشغول على ماجد.. **************** الساعة 7 صباحا: عبدالله وماجد في المجلس.. ماجد جالس يفرك ايديه ببعض.. شكله مهموم.. داخل على عبدالله متلطم.. بدون عقال.. عبدالله اللي حس بهم من منظر ماجد: أبو فيصل وش فيك جعلني ما خلا منك.. ماجد بلهجة حزينة: تذكر ياعبدالله قبل 18 سنة وإحنا على الجبهة.. عبدالله بنبرة رجولية فيها اعتزاز وكثير من الحزن: ومن ينسى ياماجد من ينسى؟؟ قبل 18 سنة كانوا خمسة متطوعين على مدرعة عسكرية.. ينقلون مؤن للمعسكر.. عبدالله هو اللي كان يسوق، وماجد جنبه.. و3 ورا مع المؤن.. عبدالله وماجد كانت بدت تربط بينهم علاقة حميمة زادها كونهم من بلد واحد ومن عمر متقارب.. لكن الثلاثة اللي ورا كانوا أول مرة يشوفونهم ماجد وعبدالله.. وهم يعبرون منطقة صحراوية للوصول للمخيم المعزول في الصحراء.. انضربت المدرعة بصاروخ.. الصاروخ ضرب الجزء الخلفي من المدرعة.. الثلاثة اللي ورا استشهدوا فورا، عليهم رحمة الله وغفرانه.. عبدالله تصوب إصابة شديدة في رجله..وجروح مختلفة.. ماجد كان مصاب بعدة شظايا.. ووضعه غير معروف.. عبدالله ما فقد الوعي مثل ماجد.. فزحف خارج المدرعة وسحب ماجد برا ومدده بعد ما تطمن إنه حي.. ثم توجه يبي يشوف اللي ورا.. تألم ألم عمره.. لما شافهم ثلاثتهم استشهدوا.. ما كان يعرفهم.. لكن الحرب والجرح.. تقرب الناس لدرجة تلاصق الأرواح.. سحبهم عبدالله برا المدرعة.. و رجله المكسورة تئن بألم خرافي.. لكنه كان يتحامل على رجله السليمة لحد ما طلعهم كلهم.. راح يبي يشوف ماجد ويتأكد من وضعه.. لكن ماجد توعى بروحه.. وكانت إصاباته بسيطة مجرد رضوض.. ماجد وعبدالله تساعدوا يسحبون الجثث لمكان بعيد من المدرعة، لأنهم كانوا عارفين إن النار إذا وصلت خزان الوقود.. بتنفجر المدرعة.. وفعلا خلال دقايق انفجرت المدرعة انفجار مدوي.. عبدالله خلاص كان منتهي ونزف كثير.. وبدأ يفقد وعيه.. عبدالله نزع شارته اللي عليها اسمه عن صدره.. وعطاها عبدالله لماجد مع شارات الشهداء الثلاثة... وقال له بصوت ضعيف لكن حازم: سلم الشارات للقائد، عشان يبلغون أهلنا.. وأرجوك يا ماجد ادفننا.. لا تخلينا كذا تأكلنا الطيور والذيابة.. ماجد رد بحزم: أنت واحد مجنون وماينرد عليك.. إحنا يا نعيش سوا يا نموت سوا.. قام ماجد وحفر 3 قبور، ودفن الشهداء فيهم.. وحاول يحط عليها علامات واضحة.. على اساس إن أهلهم يمكن يرجعون يبون يدفنونهم في اماكن ثانية.. بعدها سمى ماجد بسم الله.. وحمل عبدالله اللي كان فاقد الوعي على كتفه.. عبدالله كان أطول منه ، بس وقتها كان نحيف كثير.. ماجد شال عبدالله على كتفه.. ورجع يتبع أثار عجلات المدرعة.. وسار به لساعات.. وهو شوي يمشي.. وشوي يطيح.. وشوي يسحبه.. وشوي يشيله.. لحد ماوصل للشارع العام.... كان ماجد اللي يحركه الباقي من حلاوة الروح.. فأول ما وصل الشارع انهار بالكامل.. شافوهم سواقين السيارات اللي شالوهم للمستشفى.. والاثنين كان حالتهم صعبة.. بس ماجد تشافى أسرع.. لأنه كان اللي فيه رضوض وإرهاق.. بينما عبدالله رجله مكسورة ونزف كثير.. أول مافتح عبدالله عينه شاف ماجد، سأل بصوت ضعيف: أنا وين؟؟ ماجد بمرح: لا تستانس ما بعد رحت الجنة.. عادك في الدنيا لا وأنا معك.. تبي تخلص مني بس مافيه فكة.. عبدالله بضعف واستغراب: أشلون احنا كنا بعيد عن الطريق والمخيم بعده بعيد.. ماجد بنفس المرح: نعنبو خلعت كتفي.. شال نخلة موب آدمي.. عبدالله وقتها من التاثر حضن ماجد وبكى، كانت هذي من المرات القليلة جدا اللي بكى عبدالله فيها.. عبدالله بضعف وحزم ورجولة: جميلك يا ماجد في رقبتي.. أنت كان ممكن تخليني أنا كنت شبه جثة وماكان حد بيلومك.. في الحرب يا كثر الضحايا.. جميلك في رقبتي لأخر يوم في عمري.. ووعد علي أرده لك ولو على قطع رقبتي.. ماجد بمرح: خلك من البربرة أنت ووعودك.. أنا ماسويت كذا عشان ترده لي.. لكن عبدالله كان مصر.. و18 سنة وهو دايم يكرر الموضوع على ماجد.. اللي ما عمره فكر يطلب من عبدالله شيء.. لحد اليوم.. ماجد بصوت ميت: عبدالله أنت مستعد ترد لي ديني اللي أنت بنفسك كنت مصر ترده.. عبدالله بحزم كبير ورجولة بالغة: لو تبي روحي ماتغلى عليك.. ماجد بنفس اللهجة الميتة: ما أبي روحك.. أبيك تنسى سالفة الزواج من جواهر بالكامل.. #أنفاس_قطر# |
السلام عليكم...
وااااااااااااااااي قلبي قلبي قلبي... نفوسه حراام عليتس وش سووويتي فينااا يااا نفوووسه... يااخوفي عبدالله يسوووي لنا فلم هندي ويضحي بجواهر.. بس لااااا مااايسوويهاااا.. يمكن هوو يقووول لوو عيالي حلووني من الزواج بامهم بانا خلااص ماراح اخذهااا.. وان القرار بيد عيالي موو بيدي.. وانا ماااا رجعتها الا عشاانهم... بس ان ماجد يااخذهاااا لااااا ابداااااا موو موافقين.. .. وبعدين انت يااماجد هااللي سوويته مع عبدالله مشسوويه لله ولللدنياا وللمصالح؟؟؟؟؟؟؟؟؟؟؟؟ وبعدين الرجال له عيال من الحرمه .. والحرمه موافقه.. وشلووون جاااي الحين بالوقت الضاايع وتبيهااا ؟؟؟ والله مرات اقوول من تحت رااسك بيبطل عبدالله زواجه من جواهر .. واذا فكرت باللي بيصير بعياله اقووول لأ؟؟؟ ويمكن اصلاااا تكوون السالفه مرتبطه بيد جوااهر كلهاا.. وتقوول اذا ماارديت لابو عيالي مااراح اتزوج ابدااا؟؟؟ يعني فيه اعذار كثيره يتعذرون فيها لهالماجد اللي مدري من وين نط لنااا؟؟؟؟؟ وسعوود هذاا وقسم بالله ودري اسطره لين اشبع.. اهبل وغبي وثوووووووووووووووور وحمار كبير بعد... وش قااعد يسووي بالسياره بالسااعات .. وليت احد عرف عنه والا درأ انه منخش بهالسياره عشان داانه.. الا الكل قال مااا عنده اهتماام في البنت.. والحين يبي داانه ترد له مع خشته وهي مااشفت منه شي زين لااا قبل تدخل ولاا عقب ماادخلت المستشفى.. على اي اساااس يبيهاا تحبه وترد له ومااتبي الطلاااق.. صح شخصيته قوويه بس قوويه على الخيبه... شااطر بس بالهووش والتحدياات واذا جااات الفعااايل الزينه اللي بتمشي حيااته زين استحى ينفذهاا.. غبي ومتردد خليه دااايم في السيااااره وبالاخير يعرف قعدته بالسيااره وين بتوديه..؟؟ يااليت بس يسوووي خطووه جريئه وحده بس يعبر فيهاا عن حبه لبنت عمه مووولااازم يتكلم .. ماااانبيه يتكلم .. بس يحسس البنت انها تعني له شي.. والله ان الحريم خبلاات لوو يجي فووق رااسها ويقووول الحمد الله على السلاامه .. والله مااتدرين وش بغى يصير لي من شفتس بذاك الوضع ..ان ترجع معه لبيته على طوووووول وهي بقمة الوناسه.. بس هوو ثوووور ثوووووووووور.. مااايعرف الا يخبي مشااعره..... >> والله اني مثله اخبي مشااعري كثير يعني انا بعد بقره.. هخهخخه منيره وزواجهاا اللي بيكوون بالسر عنهاا.. الكل عاارف فيه الا هي .. والله مسكينه... والا عاد تمثيلية الفستاااان .. يااحرام ياامنيره والله انتس تنرحمين.. بس بعد مازلت اقووول ان سالم رجال شقردي.. نفووسه مشكوووووره على هالبارت.. ويااليت تطلعينا من هالمشكله اللي حطيتيناا فيهاا بسالفة ماجد هذااا.. نستنى الجاي بكل شووق.. |
حرام عليج نفوسة انتي والجزء الى يذبح والله انا لو من عبد الله ذبحة ماجد وفكيت اناااس من غبائها من الاساس مافي رجل خليجي يقبل حتى لو مطلق زوجته يجي يقول ابيها لا وهذا يقول لاتخذها انا ابغيها لا تقولين بيتاجل العرس اشوي عشااان خاطر ماجد >>>اصلا كل شي انتها الله نعد السعاات عشان موعد العرس >>>نفوسه ليه مطولتها بكره مافي احداث لي الظهر عى طول العصر>>>الى شكل ماجد اعفسها حسبي الله عليه بس ومشكوره على الجزء ونشوفج بكره >>>متحمسه يخوفي تصدميني مذهلة |
لااااااااااااااااااااااااااااااااااااااااااااااااا ااااااااااااا أنفاس لااااااااااااااااااااااااااااااااااااااااااااااااا اااااااااا حراااااااااااااااااام عليتس يالدبى اهئ اهئ ماأدري وش أكتب من الصدمة.. ياالله الحين من وين لنا مخرج بعدين ماجد مايفكر بعيال عبدالله حرام عليه.. ياربيه وش بيصبرنا لباتسر.. سعود شكله موب متحرك أبد حطني تلقاني لما تضيع منه دانة بس اللي يعافيتس دبري لنا حل مع ماجد وش السواة الحين ما أدري وش أسوي من الصدمة ودي أقوم وأقعد ههههه تذكرت عزوز والا رجال غيور فطسوني من الضحك بس قلب ماجد الاجواء من ضحك للحزن يعني قلن الحريم مالقيت غير جواهر ياربيه قاهرن ودي ادعسه الحين وشلون عبدالله بيرده وهو منقذ حياته والله البلشه |
لالالالالالالا من وين طلع لنا هذا ماجد
ياربي يقهر ودي امسكه وارميه خلف الكواليس اكثر شي حزني هو سعود يحزن يسلموووووووووووا |
السلام عليكم مذهلة ......... انفاااااااس يا انفااااس ياخطيرة عليك قفللات تقفل الانفاس وتحبسهااا وهذا انا طلعت ورجعت ولقيت بارتين كلها حرق اعصاب ماجد وش ذا التعلق بجواهر خلاص الرجال بياخذ طليقته وام عياله ايش الي حشرك في النص عيب عليك اقضب الباب بس واحفظ موية وجهك ولا تقعد تمن على عبدالله بس اشلون عبدالله بيتفاهم معاه صراحة مو قادرة اتوقع ردة فعلة هل بيعصب ويخرج من طورة والا يتفاهم مع ماجد بالهداوة وان السبب الرئيسي في الزواج هو عشان العيال والا بيترك القرار لجواهر ..؟؟ جواهر واه عليك ياجواهر والله ان كيدنا عظيم ياحبي لنا ولـ سوالفنا ولـ حركاتنا الارعة خليتي الرجال يلف حول نفسه وياحبي لها وهي تحن على عيالها ويسعدها الي يسعدهم وما تنكد عليهم خلااااص ببكي , يارب تخليلي امي سعود ياقلبي عليك يحقلك تنخش في السياره وتحور وتصور خايف انها تصدك والا تقلك طلقني ثم ينجرح قلبك وتحس بخيبة حبك خلك بعيد شوي واكل العنب حبة حبة نفوسه يعطيك العافية يارب وتسلم يمناك ومتشوقين لبارت بكرة اكثر من شوق عبدالله لجواهر :uJl04657: مذهلة :0041:.............. |
رائعة أنفاس قطر
ومشكوره مذهله على نقلك لهذه القصة الرائعة جواهر جاتك الفرصة عشان تخلصي من عبدالله بس اعتقد انه ذي المره انتي الي راح تصري على الزواج و ما راح تاخذي ماجد بعد ما لقيتي أولادك |
نفووووووووووووووووووووووس حرااااااااااااااااااام عليك يا عسسسسسسسسسسسسسسل
وأتشوووووووووووووو أتشووووووووووووووووووووووو الحمد لله الله اني خلاص لو ما انتهى البارت كان ذبحت ماجد مجوده و ياللي ماني قاليه وراك على الرجال تبغى دينك خله يسده بشكل ثاني اذا مو علشان العشرة الي بينكم علشان علياهم ارحمهم يا اخي و انت احتسب عن الله و ان شاء الله انه يعوضك عن جوجو الف الف خير يالله و بلا كثر هرج و مرج في السالفة و خل عبود يتجهز لعرسه سعوووووووووووووووود الله يصبر قلبك يالعاشق مو قلت لك حبها في قلبك من زماااااااااااااااااان بس انت تكابر و اقولك عندي احساس انه هي بعد عندها نفس الاحساس اذا مو اقوة بس انت عطها فرصة و روح زورها يا اخيه عليت قلبي ببرودك الصناعي خخخخخخخخخخخخخخخخخخخخخ دانة الله يقومك بالسلامة يا قلبي منيرة و العروس الي ما تدري بالدنيا الله يعينك على الي راح يصيرلك بعد الامتحانات نوف و عزوز ايوة كثرو من حركاتكم و ربي معاكم تخلون العلاقة بين امكم و ابوكم زواج حقييييييييييييييييييييقي عبود يا معرسنا وراك بلمت اقولك لا ترد على مجودو و قم استعد للعرس يا اخدي عليتو قلبي انتوا الاثنين جواهر يا بنت خلاص انتي قلتي موافقة الله يعينك على عبود و عياله و ربشتهم و صار فيه عضو جديد في فريق الربشة و هي حصة اللع يعينك و بقوة و هدي يا ماما عبود يبغاله بروووووووووود لحد ما تقدرون...................................... اكملي الفراغ نفوسة خخخخخخخخخخخخخخخخخخخخخخخخخخ نفوسة يسلموا على البارتات الحلوووووووووووووووووووة الحلووووووووو ما يجي منه غير الحلووووووووووووووووووووووو مذهلة يا قلبي تسلمي يا عيوني على نقلة التحفة الفنية لنا و يا ربي اشوفك على خير و ما عليش بس ما الحق ارد على كل البارتات من السرعة ربي يعطيكم الف الف عافية |
أنا كنت داخلة أبي أرد عليكم
لكن لما شفت حماسة بعض الناس قلت أحسن من ردي اللي مافيه فايدة بارت جديد صغنون يثبت غلاكم الغير صغنون في قلبي ومحبتكم المتزايدة في قلبي يالله استلمو البارت الجديد 37 وبكرة بارتين انفاس |
بعد الغياب/ الجزء السابع والثلاثون #أنفاس_قطر# مستشفى حمد/ غرفة في الطابق الخامس الصبح..الوقت كان بعده بدري بدري مزنة تناول دانة اللي تحسنت صحتها كثير كأس عصير... دانة تأشر بيدها ما أبي.. وهي تلف وجهها بحزن.. مزنة بتأثر: يا قلبي يادانة من لما طلعوش من العناية أمس لليوم ما كلتي شي.. ما يصير.. لازم تاكلين.. لازم دانة بهدوء: والله ما أبي فديتش.. لا تغصبيني.. وبعدين ابتسمت وكملت بمرح حزين: وإلا أنتو كل شيء عندكم يا عايلة أبو خالد غصيبة، الملكة غصيبة والعرس غصيبة وحتى الأكل غصيبة.. مزنة بتأثر أكبر: دانة يا قلبي بلاها توجعين قلبش.. دانة بحزن: هو أبوخالد وسعود بقوا لي قلب عشان أوجعه.. نحروني مثل الشاه.. مزنة بحزن مماثل: حرام عليش.. يعني سعود رجّال والنعم فيه.. أنتي بنفسش كنتي تقولين أشلون كان سعود مهتم فيش.. وماتركش لحد إحنا ما جينا.. دانة بأسى: باين الاهتمام.. لا طل ولا حتى سأل.. ما صدق تجون أفكه من شري.. على الاقل يا مزنة قدام الناس.. أنا أصلا ما ابيه ولا أبي شوفته... بس بما إنه صار اسمه رجّالي.. يحترمني قدام الناس.. مزنة بدفاع: حرام عليش..أمس الصبح جاء عندش في العناية .. وقعد مع أبي للظهر........... دانة قاطعتها باستنكار حزين: خلينا من سيرته.. جا أو ما جا الموضوع كله ما يهمني.. عطيتي خالد إجازتي المرضية.. يوصلها للدكتور سعد رئيس قسمي.. مزنة بمرح: وعقد زواجش بعد.. يمكن يعطونش شهر على كذا.. قاطع حديثهم رنين تلفون الغرفة، مزنة بتساءل: من تعتقدين يدق بدري كذا؟؟ دانة بثقة: أكيد أمي تقول تبون شيء أجيبه معي.. مزنة خذت السماعة وردت: ألو.. .......... مزنة بخجل :هلا والله.. حياك الله ............ مزنة بصدمة: تقول عند باب الغرفة.....زين.. دقيقة بس.. وانا بأدخلك.. مزنة نطت تلبس عبايتها ونقابها.. دانة اللي كانت قاعدة تطالعها مصدومة: من اللي عند الباب؟؟ مزنة في كلمة واحدة حادة: سعود **************** ماجد بصوت ميت: عبدالله أنت مستعد ترد لي ديني اللي أنت بنفسك كنت مصر ترده.. عبدالله بحزم كبير ورجولة بالغة: لو تبي روحي ماتغلى عليك.. ماجد بنفس اللهجة الميتة: ما أبي روحك.. أبيك تنسى سالفة الزواج من جواهر بالكامل.. عبدالله اللي كان مصدوم وموقادر يجمع أفكاره لو عليه هو، هو خلاص نفسه عافت جواهر، بس هو عشان عياله مستعد يسوي المستحيل.. أشلون يجي ماجد الحين عقب ما تقرر كل شيء ويطلب منه هالطلب.. أشلون يواجه العالم.. والأهم أشلون يواجه عياله... عبدالله بصوت خالي من المشاعر ومحايد: ماجد أنا لو علي.. وربك اللي جمعنا قبل 18 وجمعنا الحين.. إني ما أبي جواهر.. ولا أبي طاري العرس كله.. بس عشان عيالي يا أبو فيصل.. وأنت عارف غلا عيالي عندي.. عيالي هم الشيء اللي أنا عايش عشانه في ذا الدنيا.. عيالي مصممين علي أرجع أمهم.. ماجد بيأس: تكفى ياعبدالله.. ما عمري طلبتك غير ذا الشيء.. تكفى لا تقهرني.. قهر الرياجيل شين.. عبدالله نط واقف وقال بحزم ورجولة وأخوة: يخسا اللي يقهرك يا أبو فيصل.. يخسا..ماعاش ولا كان.. أبشر بعزك.. بعدها كمل عبدالله بتوتر: توكل على الله يا أبو فيصل ومايصير خاطرك الا طيب.. خلاص النصيب انقطع بيني وبين أم عبدالعزيز.. مثل ما أنقطع قبل 17 سنة.... ماجد حضن عبدالله بنفس روح الأخوة وتوحد الارواح اللي جمعت بينهم قبل 18 سنة.. ******************* دانة اللي كانت قاعدة تطالعها مصدومة: من اللي عند الباب؟؟ مزنة في كلمة واحدة حادة: سعود دانة بتوتر: عطيني جلال أحطه على رأسي.. مزنة بتوتر: أنتي وذا الجلال.. رجالش هذا مهوب غريب.. وانا ماني متفرغة أدور لش.. الرجال برا.. بادخله وبانتظر في الممر.. دانة برعب: مزنة لا تخليني معه بروحي.. بس مزنة ماردت عليها.. لأنها كانت طلعت برا.. بعد ثواني سعود دخل بخطوات مترددة.. دانة عيونها في حضنها وتفرك اصابعها بتوتر.. سعود بصوت هادئ وهو يحس إنه كان بيموت من شوقه لشوفتها: السلام عليكم.. دانة ردت بصوت واطي :وعليكم السلام..و رفعت عينها تطالعه.. غصبا عنها حست بخجل كبير من شكلها (أكيد شكلي مبهدل وشعري منكوش).. كان نفسها لو أنها تعدلت قبل يدخل.. لانها حست إن شكلها ولاشيء لما شافت أناقته الصاعقة.. الثوب الشتوي الأسود المنساب على جسده المتناسق بدقة.. غترة الشال الأنيقة.. وشكله كأنه توه جاي من الحلاق.. العوارض مرتبة.. والسوالف محددة باستقامة.. وريحة عطره سابقته.. رغم إنها مازالت تعاني من البرد.. وماتشم زين.. رجعت دانة توطي راسها بخجل ما تعرف سببها.. يمكن نظرة سعود المتفحصة..... أو المختلفة!!! سعود من ناحيته كان واقف بعيد شوي ويدقق نظره فيها.. كانت في نظره أحلى واعذب من أي شافه بعمره كله.. شعرها كان مرفوع ومتناثر منه خصل طفولية عنيدة على وجهها..وتلبس قميص نوم قطن لونه زهري كمه دانتيل طويل.. وله رقبة طويلة تربط بأزرار على كامل عنقها.. كان نفسه يقترب يحضنها بقوة.. يقبلها ألف قبلة.. يسوي أي شيء ممكن يعبر عن مشاعره الملتهبة ناحيتها.. وفرحته بسلامتها.. بس هو ظل واقف بمكانه كأن أقدامه مثبته في الأرض بمسامير، وقال بنبرته الباردة المعتادة: الحمدلله على سلامتش.. دانة بهدوء وهي تنظر في حضنها، في الوقت اللي سعود بيموت يبيها تطالع فيه يشبع من تأمل وجهها: الله يسلمك.. سعود بذات نبرته المعتادة: أشلونش الحين.. إن شاء الله أحسن..؟؟ دانة وهي ترفع وجهها مرة ثانية وتطالعه: الحمدلله.. احسن بكثير سعود كان مبسوط برفعها لوجهها، تقدم نص خطوة، لكنه رجع وتراجع خطوة، وقال ببرود تحته نار لاهبة: تبين شيء؟ قاصرش شيء؟؟ دانة وهي تهز رأسها، وخصلات شعرها تتماوج بشقاوة.. الحركة اللي ذوبت قلب سعود الذايب أصلا: لا شكرا.. سعود وهو يستعد للمغادرة: لو احتجتي شيء، دقي علي.. دانة بهدوء: لو أحتجت شيء خالد وابي موجودين.. سعود اللي كان على وشك الخروج، رجع عليها وفي عيونه نظرة عتب حنون.. دانة لما شافته رجع.. انكمشت.. وحطت يدها على وجهها بخوف غصبا عنها.. سعود لما شاف حركتها هذي حس قلبه انكسر مليون قطعة.. طلع فورا بدون ما يقول شيء.. مزنة دخلت بعد طلعته على طول: وش فيه الأخ طالع مشوت؟؟ دانة بنبرة محايدة: ما أدري.. ****************** اليوم مافيه جامعة... البنات يدرسون في البيت استعداد لامتحانات نهاية الفصل الأول اللي خلاص باقي عليها أيام بس.. غرفة منيرة وسارة.. سارة بلهجة غامضة: منيرة ممكن تجين معاي أنا ووضحى اليوم العصر.. وضحى تبي تختار لها ثوب لعرسها... منيرة وهي تضحك: نعنبو العرب وش فيهم هبوا في العرس المستعجل..وضحى مهيب توها متملكة الشهر اللي طاف.. بس أكيد بطل أسرع عرس سعود أخو مها..مستحيل حد يكسر رقمه القياسي.. تملك وخذها لبيته على طول.. سارة اللي كانت مهمومة، ماكانت قادرة تجاري مرح منيرة وضحكها.. سارة حاسة بالذنب (بس شأسوي؟؟) : المهم تجين معنا..؟؟؟ منيرة تهز رأسها: نو نو.. روحي انتي ورفيقتس أنا وش دخلي.. هذا أولا.. ثانيا : أبي أدرس.. سارة وهي تتنهد: تكفين لا تفشليني فيها.. هي تبي تشوف الفستان عليس لأنكم نفس المقاس.. وأنا قلت لها إنس بتجين.. منيرة بنفي: أستحي أقاوس فستان عرس.. والله استحي.. سارة تحاول تدعي العيارة: بروفة يا بنت الحلال.. عشان عرسس منيرة برعب: بسم الله علي.. سارة خلاص تحطمت: تكفين منيرة عشاني، وإلا اختس سويره مالها خاطر.. منيرة بتأفف: يا كثر حنتس.. زين بأروح معكم ******************** عبدالله ركبه هم جديد.. أشلون بيوصل الخبر لعياله.. أو الأصح أشلون يكسر قلوب عياله.. (آه ياماجد آآآآآه.. مالقيت تطلب مني الا ذا الطلب.. الحين العيال وش باسوي فيهم.. معي وإلا مع أمهم؟؟.. معقول أقدر أنام في البيت وهم موب موجودين.. أشلون أقدر أقعد فيه وحسهم ما يملاه.. أشلون أقدر أعيش الباقي من حياتي وهم مقسمين بيني وبين أمهم.. بس ماجد ما أقدر أرده.. كله ولا ماجد ياااارب.. يارب أعني على الجاي.. حاس أن الجاي أكبر مني.. يالله عفوك ومعونتك..) عبدالله موب عارف من وين يبدأ تنفيذ مخطط إلغاء الزواج اللي كان مقرر له يكون اليوم.. حس أن أول اتصال لازم يكون لجواهر لأنها صاحبة الشأن، اتصل بها وهو متوجه لمبنى البنك.. جواهر بصوت متعب: نعم عبدالله (كانت في نفسها تقول هذا يعني موب ناطر لين أصير مرته عشان ينكد علي.. بيبدأ من الحين) عبدالله بصوت متوتر: جواهر عندي لج خبر.. #أنفاس-قطر# |
نفوسه حرام عليج تبغين تذبحينا صح اهئ اهئ انا حطيت اقترح تاجيل الى المغرب مو يتكنسل مرررره وحده نفوسه ارحمو من في الارض ارحمينا تعبنا نبغي نعرسهم تقومين تجبين ماجد هالغثيث عشان يخرب كلشي >>>خلص يابنااات ذبح ماجد على يدي>>>بضخي وبنسجن بس عشان عبود يتخذ جواهر >>>وبعدين هالمخبول يقول مايلومها عشان الى سوه فيها بعدين ناااوي يعافها ومو من حقه يلغي الزوج وهو يدري ان جواهر ماتبغي ماجد من الاساااااااس >>>حرام عليج خربتي فرحة نوف ولي مسويتها عشااان تجلط ابوها انا الى ببكي بدالها خخخخخخخخخخخخخخ بيطلع دور عبد العزيز هنا بعد شكل بيجبر امه وابوه >>>الله رهيب صراحه خخخخخخخخخخخخخ سعود يالمخبول تبغيها ترجع لك وانت حتى مقبلتها على راسه حساسه بشوي حنااان بدل هالجفه تستاااهل اجل الى يجيك خخخخخخخخخخخخخخخخخخخخ منور الله يعينج كلشي غش في غش نفوسه بكره نبغي 3 مو ثنين لان شكل اليوم كل في 3 بااارتااات ههههههههههههههههه مذهلة |
نفووووسه والله انه احلى رد على الردووووود..هخهخهخه
اقوول عبوود انت ومااجد هذااا .. انتم هاللي تبيعون وتشتروون فيهاا متاكدين انها جواااهر والا عنز قااعد كل واحد يمدح الثااني على انه ادى الواجب فيها.. بذمتكم ماتستحوون على وجيهكم طووول بعرض ورجااجيل فووق الاربعين وقااعدين تسوومون في حرمه ام 30 سنه.. و هي صااحبة الشأن ماالهاا اعتبااار ياا الثيراااااااااااان.. وش هذاااا اللي انتم مسووينه؟؟؟ وقسم بالله لوو اني من جواهر وادري عن ساالفتكم هذي اني لاكنسل عرسي منك يا عبوود وانت ياامااجد احووووسك واهزئك لين اشبع.. وقسم بالله مااعندكم احساااس انتم اثنين.. وهي الحرمه مافكرتوا فيهاا كل وااحد فكر في مصلحته .. انت يااا البلوى اللي طلعت لناا واسمك ماجد .. الغيت التفكير في اي احد وماافكرت الا بنفسك.. لاافكرت بالعياال ولاا بالام ولااا باي احد ماااا فكرت الا بنفسك( اناا ومن بعدي الطوفان ) وانت ياا الاهبل الثااني يااعبوود.. ذاابحتك الشهااامه ورد الجميل وهالجميل مااراح تعرف ترده الا بانساان ثااني.؟؟ . جعل عياالك يااكلوونك اكل.. ومااعاد يكلموونك على هالموقف اللي سوويته .. والله بتكسر ظهوورهم عشاان وعد ودين من قبل مااينولدون... ادري انه مسوووي لك جميل عمرك ماتنسااه بس كان قلت له يقوول لعياالك.... والحين عاد وشلوون بتقووول لجواهر عن هالخطه اللي انت والعله ماجد مسووينها... وقسم بالله انك ماتستحي على وجهك بتروح وتقوول لها انك متنازل عنها عشاان جميل سواه لك ماجد.. اتووقع انها بتسكر التلفون بوجهك وبتتصل بنجلاا وبتحوووس اخوها لين تشبع.. وهذيك الساعه يفكر تقوول عليه قبووول.. مع اني والله خااايفه انها تنكبنااا؟؟؟؟؟ يمكن هنااا يطلع دووور عزوز بالخطه اللي قلت عليهااا قبل.. ويرجع يجبرهم مره ثاانيه انهم يرضخون لقرااراته.. والله انه احسن من هالعووده الثيران اللي يبون يلعبون بامه.. هخهخه نجي عاااد لسعوود .. ابوو الهووول هذااا قدام الناااس وفلنتينوا بينه وبين نفسه.. هخهخه.. والله انك مسكين يااسعوود.. والله انك تكسر خااطري مرره مرره مرره.. مشكلتك يااسعود انك ضحية تربية تربيتها وهالتربيه ربيتهاا نفسك اكثر.. وهي ان الرجوله مو فضح المشااعر وانها تكون على الملأ.. والله يااسعوود ان هالفكره غلط 100% مااتدري وش كثر تحرم نفسك بهالدنياا بسبب هالنظره... والله رحمتك وانت رااايح للدانه من الصبح واخرتهاا اللي بالقلب غير اللي باللساان... الله يعينك يااسعوود.. والله متعاطفه معك مرره.. وبماا ان داانه عرفت عن اللي سوويته معهااا... بهي باذن الله ماراح تفكر بالطلااق... يااليتها تكوون عاقله لمره وحده بسالفتكم وتفكر بعقلهاا مو بقلبهااا.... والله يااوفقك ياا سعوود... منيره .. هه اجل احمدي ربتس انتس احسن من داانه وان سالم احسن من سعود.. وانتس قعدتي ببيت اهلتس سنه.. هخهخهخه.. والله ودي اشووفتس وانتس تعرفين ان هالفستااان لتس انتي.. هخهخهخه..صدمه.. هع هع هع... نفوووووووسه ميرسي خاالص .. متشكرين اووووي اوووي.. على هالجزء الهديه الرهيب.. مااقصرتي والله.. واحيي فيتس هالالتزااام الكبييير واليوومي .. مااقصرتي والله... تدرين والله العظيم اللي محلي القصه انهاا يووميه وكل يوووم نتاااابع كم حلقه منهااا... الله يعطيتس العااافيه ياارب.. وياليييت تردين على ردوودناا هذي بعد برد حلوو مويكون الرقم 38 و 39 و 40. هخهخهخهخهه ومااتقصرين.. ادري بتقوولين طمااعه هالبنت.. واناا بقووول اي والله الحين اناا ام الطمع وابوووه بعد.. هخهخهخه نستنى الجاااي بكل شوووق يااا كل الذوووق.. مذهله الخليج.. عيني عليتس بااارده.. الله يعطيتس الف عافيه على سرعه النقل... |
الذين يشاهدون محتوى الموضوع الآن : 12 ( الأعضاء 9 والزوار 3)
مذهلة الخليج, كادية, أليــن, شوشو 11, الأميرة الواعية, زارا, مها 175, نور العرب, نوارا2 البااااقي وين الردود >>>>ناااااااااااااااااطرين خخخخخخ |
جاري قراءة القصة من اولها و من بدايتها رائعة بس ما بمنع انه اخذت نظرة على الشابتر الاخير :lol: |
لآلآلآلآلآلآ مايصير حراااااااام عليك
نزلي بعد شوي ثلآلآث اجزاااء تقطعين في جزززززززززء يقههههههههههر :D |
السلام عليكم.. يعطيج الف عافيــه نفوووس عالبارتات الي رووعه نفسـج.. ولو مزودتهم واحد كان احسن هع<<طماعه.. ماجـد ما عجبنـي تصرفـه وشلون كان بقمـة الانانيـه.. اولا لانـه استغل وعـد عبد الله وظغط عليـه عشان ينفذه لـه.. ثانيـا لان جواهـر رفضتـه مليون مرة واكيد بترفضـه.. ثالثا لانه لو كان يحبهـا صج كان احترم قرارها وانها تبي تعيش مع عيالهـا وما تدخل بهالشي... رابعـا لان جواهر انسانة مو بضاعـه ولا شي رخيـص يتكلمون عليهـا اهو وعبد الله وكأن مالهـا راي.. عبد الله غبـــــــــــــي.. وسخـيف بعد..اذا مو عشانك انت وانتك عايفهـا عشان عيالك بس.. الحين مجوود الزفت تفضله على عيالك.. حرام عليـك.. مو انت الي لوعت جبدها مسجات تزوجيني مو انت الي علقت الفكرة براس عيالك الحين تيي وبكل بساطـه تقوله خلاص ما ابيها خذهـا.. ما فكرت بعيالك ولا بموقفك جدام اخوها وخالهـا.. شبتقولهم عشان وعد وعدتـه ماجد قبـل 18 سنـه.. صج عذر اقبـح من ذنـب.. ما اقول غير الله يحنن قلب نفوسة عليـنا وتطلعنا من هالمشكلة وترجع عبد الله لجواهر:) سعـود يقهر ويكسر الخاطـر.. يقهر ببروده واخفاءه لمشاعره ورا قناع الجموود.. يقهر باظهار عكس الي داخلـه لي متى بتم جذي لما تروح منك يعنـي..!! يكسر الخاطر لانه شي تعود عليـه وعملـه كعسكري ساعده على هالشي واكيد ما يقدر يغير من طبـعه بيوم واحـد بس يبيله وقـت.. بس بعد لازم يحاول قبل لا تضيـع منـه.. بس انـه طالعهـا بنظرة "عتب حنون" وماراح وعطاها طراق شي يبشر بالخير هع دانـه ما الومهـا لو طلـبت الطلاق.. ما شافت منه الا البرود والحين المرض.. منيـرة تكسـر الخاطـر.. بس صج صدمـه لا درت ان الفستان لهـا هع.. جواهر هههههههههه عجبتنـي يوم ما سمعـت كلامهـا وساقــت هع.. ردة فعلهـا لا قالهـا عبد الله شرح تكون..! يمكن تستانس لانهـا افتكت منـه.. بس اكيد رح تزعل على عيالهـا وفرحتهم الي انكسرت..والاكيد الاكيد انهـا رح تعصـب عليه وعلى ماجد وشلون يتكلمون عليها جذي.. نوف&عبد العزيز كثر ما فرحت لفرحتكم كثر ما زعـلت لحزنكم لا دريتو عن ابوكم.. الله يعينكم.. تسلم ايدج مذهـله تقبلي مروري |
لالالالالالا أنا نفسيتي تعبتتتتتتتتت
ليييييش ياعبدالله انت وماجد الزفت حرام عليكم خربتو كل فرحتنا يامسكينه ياجواهر !!! وسعود صدق انك ابو الهول تحرك سو شيء الله يعين دانه عليك !! ويسلمووووو مذهله عالبارتات وتسلم ابداعات انفاس العزيزه |
نفووووووووسة يا قلبي عليك تسلم الايادي الي تبداع في الاحداث
سعووووووووووووووووود:ذبحتني ببرودك يا اخي اقلها بوسة على جبينها مو اكثر كرت مع الورد الشكولاتة والله اني زين ما انجلط منك يا اخي قلت لك مثل ما انت ذاااااااااااااااااايب في حبها هي بعد و لا ما كان همها غيبتك و عدم سؤالك ارجع المستشفى الحين و حاول معها مرة ثانية ياااااا .........................الله يعين دانة على برودك دااااااااااااااااااانة انتي بعد رفعتي ضغطي يعني تبين تفهميني انك ما حسيتي بحظن الاخ سعود قبل لا يجون اهلك عيني في عينك يا بنت عطي الرجال فرصة احسن لك لا اجيك اعلمك شغلك منيرة با قلبي عليكي بتقيسي فستان عرسك و انتي ما تدرين نفووووسة بالله عطيني رقم منتيرة انا ابلغها و اصيح معاها بعد على الربكة و الخوف الي بتصير فيه و منور عيوتي ترى سالم يموووووووووووووووووووت فيكي بس انتي عطيه فرصة و تقولين بندقة قالت عبووووووووووووووووووووووووووووووووود: انا وش قلت لك يالدب هذا و انا موصيتك امحق كذا تسوي في عيالك طلع مجوووووود اغلى منهم حرام عليك يا اخي الي سويته شقول بس غير الله يعين العيالعليك جواهر نوف و عزوزبعد ما يسمعون الخبر ..........................لا تعليق من جد ربي يعينهم على الي راح يصير مع اني ما توقع جوجو تفرح لان الشي هذا راح يزعل عيالها نوف و عزوز لا تقصرون في ابوكم نكدوا عليه لحد ما يرجع عن قراراه عزوز اذا تقدر لا تقصر في مجود العلة بعد و اقولك زوجع سارة اخت سالم خخخخخخخخخخخ و الله سوير ما تستاهل الغالية اغثها السموحة منك سوير مذهلة يا قلبي يسلموووو على مجهودك الرااااااااااائع يا قلبي |
بعد الغياب/ الجزء الثامن والثلاثون
#أنفاس_قطر# عبدالله بصوت متوتر: جواهر عندي لج خبر.. جواهر اللي ارتفع مستوى الأدرينالين إلى أعلى مستوياته، نطت واقفة: عيالي حد منهم فيه شيء.. عبدالله بنفي: لا والله كلهم طيبين جواهر وهي تحس كأنه انصب ماي بارد على لهيبها: الحمدلله.. زين وش عندك..؟؟ عبدالله وهو يبلع ريعه.. والكلمات تخرج متناثرة منه: أنا ما أقدر أتمم زواجنا.. جواهر باستفسار: تبي تأجله يعني؟؟ عبدالله بتوتر: لا.. أبي ألغي الفكرة نهائيا.. جواهر انفجرت فيه كطوفان هادر: يالخسيس النذل.. طول عمرك بتظل خسيس نذل.. يعني عقب ماقلت للناس.. ورئيس قسمي أكيد إنه بلغ السكرتارية اليوم.. والخبر انتشر في الجامعة.. وخالي وهله والناس اللي عرفوا.. تبي تصغرني قدامهم يالنذل تبي تبين إنك مثل مارميتني قبل 17 سنة تقدر ترميني مرة ثانية.. نذل وحقير وجبان مثل ما كنت طول عمرك ولا عمرك بتغيير.. وقبل أي شيء.. وأهم من أي شيء.. عيالي وعيالك.. أشلون وضعهم عندك..؟؟ وإلا تبي تنتقم منهم بعد..وتقهرهم..؟؟ عبدالله كان قاعد يسمعها والكلام القاسي ينهمر من بين شفايفها مثل رشاش مدفعي.. ظلت تسب وتتكلم وتتكلم.. لما تعبت من الكلام سكتت.. عبدالله باستفسار حزين: خلصتي؟؟ جواهر بقهر: تعبت من الكلام.. الكلام أصلا معك ضايع.. الكلام يكون مع إنسان عنده مشاعر أو قلب أو أحساس، مو مع واحد بدون إحساس مثلك عبدالله بيأس: جواهر اسمعيني مثل ماسمعتك.. واسمعي وش عندي.. جواهر بقهر بالغ: وش عندك يعني؟؟ ووش بتقول؟؟ عبدالله اللي كان وصل موقفه الخاص في مواقف البنك: طفا سيارته، وتنهد وقال: جواهر بأحكي لج حكاية صارت معي أيام الجبهة..اسمعيها.. عبدالله حكى لها حكايته كلها لحد ماجاه ماجد اليوم والطلب اللي طلبه.. جواهر كانت مشاعرها متضاربة، لكنها حاولت تتماسك وقالت بهدوء: عبدالله صديقك أنت وياه بكيفكم.. رد له جميله على كيفكم.. بس بعيد عني وعن عيالي.. أنا إنسانة لها كيان وشخصية مستقلة.. ماني بكورة بينكم.. أنت ترميني وهو يتلقفني.. كاني مالي شور أو رأي أنا لو أبي ماجد كان خذته من زمان.. والعرس كله فكرة أنا كنت رافضتها.. ولولا عيالي أنا كان مستحيل أوافق عليك.. (وكملت بحزم) وعشان عيالي زواجنا بيتم اليوم مثل ماهو مخطط له.. عبدالله بحزن: جواهر ما أقدر.. أنا وعدت ماجد خلاص.. جواهر بنبرة غامضة: ولو ماجد نفسه كلمك وحلك من الوعد.. عبدالله بثقة: نتزوج فورا.. جواهر بثقة: إجراءات الزواج بنستمر فيها مثل الاتفاق..وأنت انتظر اتصال من ماجد.. أكيد.. ************** عبدالله اللي كان توه واصل مكتبه..الساعة 8 صباحا موبايله يرن.. كانت بنته نوف.. عبدالله بهدوء: هلا حبيبتي.. نوف بصوت مليان فرحة: عبدالله ياحلو أنت.. طالع تتسحب من البيت هربان مني.. مافيه فكة.. عبدالله بابتسامه رغم الهم اللي ماليه (الله لا يحرمني من دلعها): والحلوة وش تبي من عبدالله المسكين؟ نوف: أفا يبه، أنت ناسي وإلا شنو؟؟ عبدالله باستفسار: ناسي شنو؟؟ نوف بفرح مجنون: أفا.. عرسك يبه.. عبدالله كح: عرس مرة وحدة.. نوف بحماس: يبه أنا ماعندي وقت.. أبي فلوس.. عبدالله باهتمام : أنتي عارفة سياستي في هالموضوع.. مافيه فلوس خارج مصروفكم.. لو تبين تشترين شيء.. أنا اوديج تشترين.. نوف بنفاذ صبر:يبه فديتك مافيه وقت.. الملكة العصر والعشا بالليل.. وأنت ماراح تجي من البنك قبل 2.. فيه أشياء وااااااايد أبي أشتريها وأسويها.. عبدالله اللي كان يبي يقول لبنته لا تسوي شيء لأن السالفة كلها يمكن ما تتم، بس ماحب يكسر بخاطرها ويخنق فرحتها اللي كان باين إنها من غير حدود: طيب كم تبين؟؟ نوف بصوت متخوف: وايد.. عبدالله بهدوء: وايد كم يعني؟؟؟ نوف بتخوف شديد: ما أدري، مابين 20 ل50 ألف.. عبدالله بعصبية: نعم.. تبيني أعطيج المبلغ هذا كله في يدج..؟؟ نوف بتحرقص: أعرف سياستك إنه فلوس في يد المراهق فساد.. بس اليوم غير.. لا تخاف ماراح أفسد اليوم.. ما عندي وقت.. بأفسد في يوم ثاني.. عبدالله بابتسامة (ياحبي لها) : اسمعيني بارسل لج الفيزا مع أفضل.. وافضل بيكون معج خطوة بخطوة لحد ما ترجعين البطاقة له.. وابي فواتير بكل شيء بتشترينه أو تسوينه.. مفهوم.؟؟. ريال واحد انصرف من البطاقة.. وماكان مسجل في الفواتير... أنتي عارفة اللي بيصير.. نوف بحماس: أعرف أعرف.. بانحرم من مصروف الشهر الجاي.. هذي مشكلة اللي أبوهم مع دكتوراة اقتصاد.. الله يعين عليك.. خلني أشوف أمي إذا ما روضتك شوي.. عبدالله في نفسه: الله يعيني على لسانها بس... وإلا الترويض بيكون مهمتي أنا.. نوف بحماس زايد: زين يبه لا تنسى شبكة أمي ودلبتها اليوم.. عبدالله باستفسار : أي شبكة؟؟ نوف بمرح: أفا.. أنت تبي تتزوج أمي بدون شبكة وبدون دبلة..؟؟ إذا طلعت من الدوام روح جيبهم.. واسمعني عدل.. الطقم يكون ألماس وأبي فيه زمرد أخضر..وأبي أشوف ذوق عبدالله الحلو..توصى أبوها بابتسامة: وش معنى أخضر.. نوف بغموض: بتعرف بعدين... والدبلة امي قياسها 12,5.. لا تنسى.. عبدالله با بتسامة: حاضر أي أوامر ثانية.. نوف بمرح: لا إذا تذكرت أوامر كلمتك.. وخل عمي أبو محمد يستعجل علي.. أنا والشغالة قاعدين ننطره.. بسرعة فديتك.. عبدالله حس في روحه بجرح عميق.. وهو يحس بفرحة بنته الكبيرة.. أشلون بيقدر يذبح هالفرحة.. لو ما كلمه ماجد.. وحله من وعده له.. مستحيل يتمم الزواج.. ياربي.. وش أسوي؟؟ وش أسوي؟؟ ****************** سعود في سيارته في مواقف المستشفى (شكل المواقف بتصير بيته الثاني!!!) قلبه مليان حزن عميق وحاد وموجع (لهالدرجة زرعت في قلبها خوف مني، أشلون ممكن نكمل حياتنا مع بعض، وهي خايفة إنه أقل نقاش بيننا.. يمكن ينتهي بضربها) "وأنت يا أخ مصدق من الأساس.. أنكم ممكن تكملون حياتكم مع بعض... أنت ناسي طلب أبوها منك دانة بتطلع من المستشفى لبيت أهلها.. ويمكن.. إلا أكيد أنها تبي الطلاق منك.. استعد من الحين لحياتك الباردة الموحشة والوحيدة" سعود اللي كان حاس إنه مخنوق لأبعد حد، اتصل بصديقه جابر: - جابر وينك؟؟ - ............ - في المخيم من البارحة.. تمام.. أنا أصلا كنت أبي اقول لك خل نروح للمخيم.. متضايق حدي.. أنا جايك.. المخيم مسويه سعود ومجموعة من ربعه في الثكنة قريب من روضة راشد، متقاطين فيه.. ويتجمعون فيه متى ماحصلوا فرصة.. ومخلين فيه 2 هنود عشان يحرسونه وينظفونه، ويخدمون الشباب متى ماجاووا.. *************** بعد صلاة الظهر... جواهر صلت وجلست في غرفتها مهمومة.. هم رجعتها لعبدالله اللي هي مو طايقته.. وهم ماجد اللي طلع عشان يخرب عليها فرحتها بعيالها.. عبدالعزيز دخل عليها: في عيونه فرحة وحزن.. فرحة لان لم جواهر انلم شملها مع عيالها.. وحزن عميق لأن جواهر بتخليه وتروح لبيت عبدالله.. جواهر كانت أخت عبدالعزيز وأمه وصديقته .. أشلون يقدر يقعد في البيت من غيرها.. أشلون البيت ينطاق من غير صوتها وخطواتها وأنفاسها.. حس قلبه يبكي حزن ووحشة وألم.. جواهر من دخل عليها ومن غير ما يتكلم حست بكل اللي فيه، رمت نفسها على صدره وبكت، عزوز بحزن حاول يخفيه بصوت مرح: أفا العروس ليش تبكي؟؟ جواهر بحزن: أحاتيك يا قلبي.. ومشتاقة لك من الحين.. تكفى تجيني كل يوم.. كل يوم.. عبدالعزيز يحضنها بحب: لا تخافين.. مامني فكة.. كل يوم بتشوفيني ناط عندكم... جواهر بابتسامة: خلني أخليك أنت ونورة تاخذون راحتكم.. عبدالعزيز بعيارة: ووينها نورة .. طاري بدون شوف.. جواهر بحب وبمودة: بتصير شوف وعندك في بيتك عقب ست أسابيع بس.. عبدالعزيز يضحك: خوش مزحة ذي.. جواهر بجدية: والله أتكلم جد.. لما انصدمت أمس إنه خالي وعبدالله حددوا الملكة اليوم.. وأني بأخليك.. كلمت خالي وأم فهد.. وقلت لهم أبي زواجك قريب.. قالوا ماعندهم مانع.. وأمس العصر.. موزة راحت وحجزت الصالة حبت تكفيني..وخلاص يا عريس 6 أسابيع وتدخل القفص.. عبدالعزيز اللي كان في راسه مخطط خطير، رد بشوي زعل: مو المفروض تقولون لي قبل ما تحدوون الموعد.. جواهر بحب: أنتي ياحبيبي بنفسك قايل لي اختاروا الوقت اللي يناسبكم.. تفكير يدور في رأس عبدالعزيز.. المشروع اللي راسي ممكن أسويه قبل موعد الزواج.. مو مشكلة.. *************** العصر قرب يأذن.. جواهر على أعصابها.. عبدالله ما كلمها..يبلغها لو كان ماجد اتصل فيه أو لا... وهي اتصلت في نجلاء من بدري وبلغتها كلام تبلغه لماجد.. نجلاء موبايلها مسكر.. وجواهر مخها بدا يودي ويجيب.. رغبة كبيرة إنه زواجها من عبدالله ما يتم..عشان نفسها ورغبة أكبر بكثير بكثير إنه يتم عشان عيالها دخلت للحمام تتوضأ لصلاة العصر.. مع طلعتها تفاجأت إن نوف وحصة في غرفتها وعلى السرير أكياس لا حصر لها.. البنات نطو يبوسون فيها.. وهي حست بسعادة صافية لشوفة الثنتين مع بعض.. هي كانت خايفة جدا إن حصة تغار نوف.. وتعتقدها خذت مكانها عند جواهر.. وكانت خايفة إنه بنتها تغار لما تشوفها تهتم ببنت ثانيه غيرها.. لكن العجيب إن الثنتين ربطت بينهم مودة غريبة.. جواهر وهي تطالع سريرها: بنات شنو هذا كله؟؟ نوف بحماس: أغراضج وأغراضنا.. جواهر باستفسار : أغراضكم وفهمتها أغراضي أنا ليه؟؟ نوف اللي طالعت حصة بخبث وابتسمت: مامي تكفين غمضي عيونج.. جواهر اللي ماكان لها أخلاق لحركات البنات، غمضت عشان ماتخرب على نوف مفاجأتها المفترضة.. نوف بحماس كبير: مامي بطلي عيونج.. #أنفاس_قطر# بعد الغياب/ الجزء التاسع والثلاثون #أنفاس_قطر# جواهر فتحت عيونها.. كانت نوف ماسكة في يدها فستان سهرة أخضر قصير موديله ماسك على الصدر بدون حمالات.. وقماشه خليط من الحرير والدانتيل بدون أي قصات أو خياطات.. فقط فستان ضيق منساب.. كان باين عليه الرقي الشديد والفخامة.. جواهر طالعته بتمعن، وبعدين ألتفت على نوف وقالت لها بهدوء: حلو وايد.. بس حبيبتي أولا ما يناسب سنج.. ثانيا عاري وايد.. اسمحي لي ما اقدر أخليج تلبسينه.. نوف بمرح: ومن قال إنه لي، هذا فستانج مامي اللي بتلبسينه الليلة.. جواهر بصدمة: مستحيل مستحيل.. مستحيل ألبس كذا.. نوف بحزن: يمه الفستان هذا له ذكرى عندي.. وصدقيني أني اشتريته من كم شهر عشانج أنتي وبس.. جواهر بصدمة: عشاني.. نوف كملت بحزن: الصيف اللي فات كنت أنا وعزوز في شارع أفينو مونتان في باريس.. شفت الفستان هذا معروض على المانيكان في الواجهة ومعاه شوزه.. أنا شفته قعدت قدامه موب قادرة أتحرك.. عزوز قال لي مستحيل أخليج تشترينه.. مايناسب سنج وعاري وايد نفس ما أنتي قلتي.. قلت أنا: تكفى عزوز الفستان هذا ماراح ألبسه بس خلني أخليه في دولابي.. عزوز ماكان راضي.. قال لي تشترين فستان بالقيمة عشان تحطينه في الدولاب.. قلت له: والله إنه هالفستان يناديني.. ماراح أخليه.. دخلت للمحل.. طلبته هو وشوزه كان قطعة وحدة بس ما انعمل غيرها.. وخليتهم يحطونه في الأكياس.. وطلبت من أبوي اللي كان في المحل اللي جنبنا يجي يدفع.. عشان مايشوفه.. جواهر باستنكار: ليه أبوكم معودكم يعطيكم فلوس وايد.. نوف بنفي: أبوي مايقصر علينا.. بس هو اللي لازم يدفع.. مستحيل يعطينا فلوس في إيدينا تتجاوز المصروف الشهري اللي ينحط في حسابنا.. ولو واحد منا طلب فلوس زيادة بيسوي لنا سالفة.. وبيسحب كشف الحساب وبيحاسبنا بالريال.. كلمة أبوي الشهيرة: مراهق وفلوس بيده يعني فساد.. جواهر باطمئنان: زين أنا كنت أحاتي وايد هالناحية.. نوف بتحرقص: خلينا من هالسالفة كفاية أبوي الصبح.. المهم الفستان.. تدرين مامي لما شفتج أول مرة بالبلوزة الخضراء عرفت ليش حسيت هالفستان كان يناديني.. كان يقول لي أنا ما أنخلقت إلا لأمج.. تعالي أخذيني.. حصة كانت قاعدة تسمع وتضحك، وجواهر ردت عليها بهدوء: يابنتي هذا عاري وايد.. شيقولون الناس علي؟؟ حصة نطت: في عرس طلال قبل كم شهر.. لبستي فستان قصة صدره نفس هذي.. جواهر بهدوء: بس ماكان قصير.. ولا مفتوح بذا الطريقة نوف نطت ترفع جلابية أمها: يمه خليني أشوف رجولج.. نوف طالعت رجول أمها بأعجاب كبير: وااااو مامي حد عنده مثل هالسيقان ويخبيهم. لو عندي سيقان نفسهم.. كان في كل مناسبة لبست قصير عشان أحر العالم.. تدرين على هالسيقان الناعمة يمه يمكن ثنتين من اللي جايبتهم مالهم داعي.. أمها توطي جلابيتها على رجولها وتقول لنوف: استحي يا بنت.. وأي ثنتينه بعد..؟؟ نوف توجهت للباب فتحت الباب وهي تقول: تفضلوا come in ************** سعود في المخيم هو وجابر بعد ما صلوا العصر.. سعود ولع النار وجلس قبالها يترنم بأشعار قديمه حزينة بطريقته المميزة في الإلقاء.. جابر اللي قرب وجلس جنب سعود وقال له بأخوة صادقة: ولعت الضو وتعوبل.. أجل متهيض.. وش فيك ؟؟ (يعوبل: يجر القصيد بصوت حزين) (متهيض: درجة خاصة من الحزن حين يكون مكتوم ووصل أقصاه) سعود بنبرته الاعتيادية: متضايق شوي بس جابر بلهجة مساندة: أفا ياذا العلم.. أبو سعيد يقول إنه متضايق.. أعرفك لو أنت بتموت ماتقول أنا متضايق .. فدامك تعترف وتقول متضايق شوي، تكون السالفة كايدة.. سعود وعيونه مركزة على النار اللي يحركها بعصا في يده: تكفى ياجابر خلني براحتي أنا ماجيت هنا إلا أبي أنسى.. جابر بمودة: يا أخي توك عريس مالك يومين.. وش لحق ينكد عليك؟؟ سعود سكت مارد عليه.. وجابر احترم صمته.. والثنين جلسوا يطالعون النار.. بعدها رجع سعود يجر القصيد بذات الطريقة الموجعة.. ************** جواهر صلت العصر وهي بعدها مفولة على بنتها نوف قامت وهي تطالع في الطاقم اللي مكون من ست خبيرات.. يلبسون بالطوات بيضاء.. وعلى صدورهم شعار مركز تجميل شهير جدا.. وقدام كل وحدة منهم شنطة ضخمة فيها عدتها.. جواهر بغضب: نوف.. 6 أنا وش أبي فيهم..؟؟ نوف بحزن: يمه لو أدري إنج بتعصبين كذا كان ماجبتهم.. أنا أسفة.. تبين ارجعهم الحين رجعتهم.. جواهر حست إن عيالها صاروا يعرفون يمسكونها من يدها اللي توجعها : ما أقصد يا يمه.. بس 6 وايد.. وحدة أو ثنتين يكفون.. نوف نطت بحماس: لا يمه ما يكفون.. هذا لو أن زواجج كان بعد كم يوم.. ولحقتي تخلصين .. بس الحين ماقدامنا إلا كم ساعة قبل الليل.. يالله الست يلحقون يخلصون ثنتين للواكس وحدة للحمام المغربي وحدة مونيكير وبوديكير وحدة مكياج وحدة شعر.. جواهر حست روحها بتطلع، هي الحين مو عارفة الزواج بيتم أو لا.. وحتى لو تم.. ماتبي تحسس عبدالله إنها تعدلت عشانه.. أو سوت شيء عشانه.. نوف برجاء: هاه يمه يبدون؟؟ جواهر اللي حاسة أنها مقهورة من سواة بنتها: خلهم يبدون.. نوف نطت تأشر لهم كأنها هي أم العروس.. و سحبت حصة وقالت: يمه إحنا بننزل تحت أكمل الترتيبات اللي تحت.. جواهر بخوف في نفسها: المجنونة ذي وش سوت بعد.. ليتني ماقلت لها سوي اللي في خاطرج.. ******************** سيارة خالد دوار مستشفى حمد.. دانة ومزنة على الكرسي اللي ورا.. مزنة مسندة لدانة.. خالد بقلق: يوم أنتي عادش تعبانة ليه تخلينهم يطلعونش..؟؟ دانة بلهجة هادية: والله أني أحسن.. وقعدتي في المستشفى مالها داعي.. كل السالفة الحين شوي إرهاق بيروح .. خالد بنبرة حب: إيه خلي أبيش يرتاح قلبه.. إذا شافش عنده.. صرعنا عليش.. كنش أنتي اللي بنته.. وحن عيال الشارع.. دانة بهدوء: ومن قال لك إني بأرجع معك لبيت أبي.. خالد بصدمة: ليه وين تبين تروحين؟؟ دانة بنفس النبرة الهادية: لبيت رجّالي.. خالد اللي بدأ يترفز: بس أبي قال لسعود إنش بتجين عندنا.. أشلون الحين تروحين له.. أنتي تبين ترخصين نفسش يعني.. دانة بذات الهدوء: خالد أعتقد أني أنا اللي أختك الكبيرة.. وأنا ابي أروح لبيت رجّالي.. خالد سكت مقهور وهو يوجه السيارة لبيت سعود.. مزنة همست في أذن الدانة: وش عندش، مهوب أنتي اللي تقولين لي إنه أنتي وسعود مستحيل تتوافقون.. وأنش تبين تتطلقين منه. دانة بهمس عشان خالد ما يسمعهم: وأنا عادني عند نفس كلامي.. مزنة باستغراب بنفس الصوت الواطي: زين ليه تروحين لبيته..؟؟ دانة بهمس: أنتي تبين الناس يأكلون وجهي.. طلعت من بيته للمستشفى لبيت هلي.. وش بيقولون؟؟ خليني أرجع لبيت سعود.. وبعد كم يوم باجيكم .. ************* قبل المغرب بحوالي ساعة... عبدالله يلعن الساعة اللي وافق جواهر على اقتراحها.. هذا هو قاعد في مجلس أبو فهد هو وعبدالعزيز ولده وعبدالعزيز الكبير.. وأبوفهد وولده فهد.. اللي قاعدين ينطرون الشيخ اللي راح طلال يجيبه.. حس عبدالله بضيق كبير.. (أنا غلطان اللي أصدق مرة.. كانت تبي تصغرني قدام الرياجيل.. لو من الصبح ألغيت السالفة، كان ما أضطريت أقابل أبو فهد وعبدالعزيز واقولها في وجيهم.. بس هذا اللي كانت جواهر تبيه.. تبي تجيبني في مجلس خالها.. وتهينني.. لما أطلع رجال ماني بقد كلمتي..) كان عبدالله يطالع في وجه ولده عبدالعزيز.. اللي كان وجهه ينطق بسعادة صافية.. وكأن قلبه يحلق بين جوانحه.. فيحس إنه مخنوق، مو قادر يتنفس.. (حرام عليج يا جواهر.. حرام عليج.. لو خليتني الغي اليوم الصبح.. كان الألم اهون علي وعلى عيالج وعلى خالج وأخوج.. ليه سويتي فينا كذا؟؟؟؟.. ليه؟؟؟..) عبدالله يطالع وجه أبو فهد الوقور السمح.. ويقول: الحين أشلون أهين الشايب في مجلسه ؟؟ رجع يطالع في عبدالعزيز الكبير اللي له معزة خاصة في قلبه: مستحيل عبدالعزيز يسامحني.. وبينقطع اللي بيني وبينه.. الحزن كان معبي قلب عبدالله وروحه.. كل دقيقة تمر تزيده توتر وقلق ويأس.. وهو غارق في أفكاره، صوت طلال: تفضل يا شيخ تفضل.. عبدالله حس قلبه نط لبلعومه.."الشيخ هنا.. وش ذا البلشة؟" الشيخ جلس بعد ماسلم : لو سمحتوا بطاقات الشهود.. فهد وطلال عطوه بطاقاتهم.. عبدالله خلاص حس إنه صار لازم يتصرف.. مستحيل يخلف وعده لماجد.. حتى لو صغر في عين الكل.. حتى لو أحتقره الكل.. وقف عبدالله فجأة.. الوقفة اللي تفاجأ منها الكل.. وقال بحدة وصوت جهوري: وقف يا شيخ لا تكتب شيء.. الملكة ذي ما أقدر أتممها... #أنفاس_قطر# |
السسسسلآم عليكم ورحممة الله وبركاته
أمممم قصه تفوق الوصف كل شخصيه فيها أحلى من الثانيه كاتبتها مميزه جديره بالأحترام ................. أتوقع ماجد يداهم عليهم المجلس< تفكير ختيير هع> ويسسوي إلي طلبته الجواهر وتتم الملكه على خير ونخلص > مسستعجله البنت خخخخخ |
السلاااااام عليكم..
واااااااااااااااي قلبي قلبي.. بذبحك الحييييين في التووو واللحظه بتموت ياا عبوود الدلخ..بس والله بنفس الوقت ماااقدرت الووووومك.. وشلوون هذي ماا ادري بس هذاا احسااااسي .. قاهرني بشكل ومع هذاا اقوول فعلاا هوو رجال عند كلمته صح ان كلمتك مثل وجهك ومرتبطه بانساان ثااني بس هه هي كلمه ونطقتها.. بس اناا اقوول ان مااجد بينط باذن الله عندكم وبيكوون وااحد من الشهووود.. عسى الله يهديه هالمااجد الدلخ الثااني ونرتااح من هالقصه ونخلص.. الخال عبد العزيز : اقوول وش المشروع اللي انت بتسوويه قبل الزوااج..؟؟ ياخوووفي انك ترووح تجااهد والا مدري وش بتسوووي؟؟؟ لاايكون شي خطير؟؟ تكفى ياا عزوز الكبير لاا تنكبنااا وتضيق صدوورنااا.. يااخووفي انك كنت بتسووي هالشي من زماان بس اللي راادك وجوود جواهر بروحها والحين يووم لقت عيالها و ورجعت لابو عيالهاا تسووي هالشي اللي برااسك؟؟؟؟؟؟؟؟ الله يستر منك ياا عزوز العوود.. داانه : خشمتس خشمتس ياا بنت الاجواد.. كفووووو كفوو ومليووووووون كفووووو.. هذي الحرمه السنعه الطيبه اللي تبي تحاافظ على نفسها وسمعتها وسمعة اهلهااا.. والله انتس احسن من ابووتس .. هاللي كل يووم برااى مره زواج غصب ومره بيطلق غصب.. هالهاادي هذاا اهبل... وطلعت بنته اعقل مليوون مرره منه.. المهم داانه تكفين عاد خفي شووي على سعوود ومو تقهرينه وتحرقين اعصاابه.. الرجال خجوول وانتي بعد خجووله ماا اقوول كوني قليلة حياا.. بس احترميه وموو تتطاولين عليه بالكلاام والله ان سعوود رجال وينشرى بالملااايين بس عاد هوو ثووور مااايعرف يطلع مشااعره . سااعديه انتي انه يطلعهاا.. وبتكسبين فيه اجر.. غير انتس اصلاا بتستفيدين شخصياا من هالتغيير اللي بيصير له.. سعود : شووف عااد هذي الدانه وصااارت بسم الله عليهااا عاااقله وتفكيرهاا كله صح .. موو تجي تنكبناا اذا شفتها في بيتها وتجيب العيد بكلامك اللي يسم البدن ويحرق الاعصاااب.. الحين يااا سعوود الكووره بملعبك انت.. فسجل قووووول.. هخهخهخه.. ونبي قوووووول بالقلب موو جنبه يعني خلك صوويب موو ترمي الكووره يمين وشمال كيفما اتفق بدوون انتبااه>>> متعوووب عليهاا هالكلمه.. هخهخخه فهمت ياا سعوود واللي يعاافيك واللي يسلم عمرك واللي يخليك لامك.. تكفى يااسعوود..و تكفى تهز الرجااجيل.. طاالبتك مااتنكد عليناااااااااا وتجيب لناا الهم.. واللي يرحم والديك .. اذاا شفتهاا قل لهاا كلام حلووو... واذاا فيه بووسه على الرااس مااحناااب مخالفين.. بس موو من تشووفها تستثوور وتصلب وترد ابوو الهووول بتصرفاتك اللي تجيب الجلطه... خلك مررن شووي.. وامدح فيهاا وقل لهاا كلمتين طيبات.. والله حااسه من تشووفها بتنهبل وتقوول لها وش جااابش هناا ليش مااا رحتي بيت هلش؟؟؟ .. والله كني اشووف ان هذاا اللي بيصير.. بس واللي يرحم واالديك طاااااااااااالبتك تفشلني وتفشل تووقعي.. واللي يعااافيك تقوول ظبوووي هالمره تووقعش فشنك والداانه بتكوون بعيووني.. هخهخهخه.. والله يااسعوود انت مشكلتك اني ماا ادري وش ممكن تسووي .. اشووفك برووحك وبهالواجيس وبجرة الصووت واقوول من يشووفها بيسكر البااب عليهاا وماراح يخليهاا تعدى بيته ابدااا.. ومن اشووفك وانت تصرف مع الناااس وكيف باارد .. اقوول هذاا بيجيب العيد قبل العيد بـ 8 شهوور.. هخهخخهخهخه نوووف :: يااااااااا خووفي ان كل هذا يرووح فااشوش.. بس انتي باذن الله ربي ماراح يفشلتس وبيجبر بخاطرتس انتي واخووتس .. جواهر : كفووو كفوووو والله ياا ام عزوز .. والله انتس حرمه وانتي مشيتي هالرجاال على كيفتس.. ياا حـــــبي لتس.. والله كلاامتس درر نفس كلاامي اللي قلته بالضبط.. هع هع هع.. لله دري ماااا اذكاني.. هخهخهه جوجو ياا قلبي انتي .. وانتي كل شي تسووينه عشاان عياالتس.. والله ماا الومتس ابدااااا.. بس الحين هل كل هالكشخه بترووح بعد فاشوووش والا بنستااانس اخيرااااااا بشووفة عبدالله لتس..؟؟؟؟ عبدالله : والله مااامسنعك الا هالجواهر.. والله حرمه .. واحسن شي انك مفكر انها بترد لك الصااع صااعين وانها تبي تحرجك عند الرجااجيل.. بس انت اهبل.. ماافكرت ان جواهر عيالها اهم منك ومن الانقاام منك ياا الدلخ... بس والله العظيم اني خاطري يتم هالزوااج كله عشاان ترووي فضوولك وتشووف جواهر كيف صاارت عقب 17 سنه.. الله يهدي ماجد .. من يووم طلع لناا وهوو عاافسنااا ... بس الله يهديه ويهوون عن اللي برااسه ويجي ويباارك لك وترد الاموور لنصاابها عندنا... مع اني خاايفه انك من يووم قلت هالكلام يقوووم عليك عبدالعزيز الخال ويدوووس في بطنك قدام خلق الله... صراحه لوو سواها مااله لاااااايم.. وترااني يمكن اسااعده بعد.. هخهخخخه نفووووووسه رووووعه رووعه.. وكل مالها هالقصه تحلوو اكثر واكثر.. الله يووفقتس ياارب.. واستااانسي بهالكشته ولااتخلين طعس ماارقيتي فووقه ولاااتخلين عرقوب ماا تزحلقتي عليه.. هع هع هع نستنى الجاااي بكل شوووووق |
جزء روعة مبدعة يا أنفاس قطر
ومشكوووووووووووووووووووووووووووووووووووووووووووووووووووووووو وووووره مذهلة على النقل جواهر اتصرفت تصرف أم وفكرت في أولادها قبل نفسها نوف يافلبي عليك أعتقد راح نشوف مواقف خطيره بين جواهر وعبدالله والسبب نوف وعزوز عبدالله تفكيره أناني أهم شي يرد الوعد وما يصغر قدام ماجد وما فكر في أولاده ماجد وينك لو أنت رجال من جد أطلع وحل المشكلة |
ونااااااااااااااااااااااااااااااااااسه جزء رووووووووووووعه مع انها اتفاعل معهم وانقهر علشانهم
ياربي على دانه والله انه رهيبه ومهره مثل مايقول سعود وسعود لازم يتحرك ويعبر عن اللي بداخله تجاه دانه علشان تعرف معزته بقلبك تحرك يا سعود اما اهم شي هم عبد الله والجوهره ماابي اتكلم لاني خايفه ماايمدي نفرح الا ويجي شي يخرب علينا بليز خليهم يتزوجون علشان نرتاح وهم يرتاحون وعيالهم بعد الف شكر لك |
مساء الخير والنوير للغالية ((( مذهلة ))
شفت ندائك قلت علامهاا مذهله تنادي جيتت اركض وغبرررررتي ورااي تنااديني واناا شايلة ثووبي بيد ونعالي بيد يووم قربت اذني <<<<عرفت هههه مذهلة قرايتي للقصة كان بسبب مدح البنات لهاااااااااااا واناا اشهد ماخابوا لماا مدحووهااا وتوني اليوم اخلص اخر جززززء اولا شكرااا كباار كبر التنااكر الماااي الصاافي العذب يااقلبي علي هل النقل <<< خوش مدح خخخ ثايناا شكرا محمل الورد للكاتبة ماشاءالله عليهااا تفننن وأفكاار ولا اروووع لي عوووووووووووووودة بعد مااا أهدي من حرتتتي من عبيدااااااااااان يااخااطري علي طقتة قااااااال دين علي رقبتي وش دخل جواهر بدينك ووعوودك هاااااااااا بتمون ريااجيل عقولوكم صغيره الواحد يطلق ويحلف بزوجته لاجل يكرم ضيف ولا يعزم حدااااااااا ومايدري انه بهل الشي تتدمر عوايل واسر ماقوول الا يااحيف علي الرجااااااااااااال راااااااااااااااااااحو <<<<<<<<لحظة انفعااااااااااااال خخخ < |
ريما _ظبية الشرقية
بااالله زارا طلبتج خلي الحلو الى مااافي مثله ولحظي نفوس تقول طيوب مره خذيه لي المجومه الفضية حقتج عشااان تمنعينا من تخريب زوج عبود ويكسر خاطر عزوزي ونوف >>>خخخخخخخخخخخخخخخ وش رايج تراج بتخدميالمجتمع كذا خخخخخ نفوسة الجزء حرق اعصااابي عشااان كذا قاعدة افكر ابغي اعلق ماعرفت وش بقول اذا بعلق بسب وانا صراحة بكون مادبة واسكت خخخخخخخخخخخخخ مذهلة |
اقتباس:
هههههههههههه تسلمين يتوم وحلوه هذي اناادي الحمد الله صااار بنتيجة خخخخخخخخخخخخخخخ تسلمين على المرور ولا تقولين عن عبود معجبه فيه من الاول بس قاااهرني هالفتره باذن الله يتسنع في المستقبل وتسلمين على المرور ياعسل وخليني اشوف ردودج دوووم |
لالالالالالالالالالالالالالالالالالالالالالالالالالالالالالا لالا
مذهله وش سويتي وش وقفك هنا حرام عليك يابنت مالي دخل احسسسس نفسي اتحقرص في مكاني ابي اعرف وش صار بعد والله ودي اعلق على كل بارت تنزلينه بس كنت اخلص من قصة موعد مع السعاده (( عبدالله)) وش الي سويته حسبي الله على بليسك وش راح ينفعك به ماجد اذ1 خسرت عيالك بس ان شاء الله يجي ماجد ويعدل الموقف الي سواه عبدالله ويرحم عياله (( جواهر )) بصراحه رحمتك على الي سوته فيك نوف عاد نبي نشوف الاكشن الي هو يا رفض عبدالله الزواج يابعد الزواج وانا عاد ماعندي صبر ابد .. (( نوف وعبدالعزبز )) رحمتهممم بصراحه على حماسهم بس الله يتمم عليهم ان شاء الله فرحتهم ولا يخربهاا ابوهم ننتظرك ياقلبي لا تطولين عليناا ... جــــــ,ــــــ,ــــودي |
واااااااااااااو بارت مذهل منك
بس وقفتي في المكان الغلط الله يعينك على جواهر لو درت ياعبدالله عزالله انتهيت |
السلام عليكم..
نفوووووووووس بذبحج..تخلينا نسابق الاحرف ونقراها بسرعه وتوقفيـن عند مكان خطير يشوقنـا للبارت الياي..ويخلي الافكار تلعب فينا..صج صج تصلحيـن مخرجة هع.. اول شي يا خووفي يطلع توقع زارا"القديمصح وان بس ان ماجد يكون المعرس بدال عبد الله مو العكس نفس ما قالت " هع شوفي انا اقوول يمكن توافقين على ماجد .. ويمكن خلاااص تحددون وق الزواج ويمكن بيووم الزواج والا الملكه على مااجد يصير شي يقلب كل هالتحضيرات ويصير العريس بقدرة قادر هوو عبدالله بس العروس ثابته.. هخهخهخهخه عبد الله الحين ماجد وكلمتـك لـه اهم من فرحة عيالك..اهم من عزوز وقدر خاله..اهم من جواهر والناس الي كلمتـهم والكلام الي رح يطلعونه عليهـا بعد ما تلغي الملجة..!! ما اقول الا مالــت عليـك.. ماجـد واختفاءه..ونجلاء وموبايلهـا المسكـر.. يا ان ماجد رفـض واهو الحين قاعد على شط البحر يبجي حبه هع.. او انـه قام يفكـر بين سعادتـه وسعادة جواهـر وبالنهاية يضحـي عشانهـا.. او انـه بالطريـج عشان ينهـي هالمهزلـه بنفسـه هع.. جواهـر هع زين سويتـي فيـه..وعرفتيـه انج مو كوورة يرمونهـا لبعَـض.. وانج بشر تقررين عن نفسـج..موقف جدا لا تحسـد عليـه..ظغط وتوتـر واعصاب تلفانـه ناطرة اي شي من نجلاء او ماجـد..تفكير بالي رح يصير وفرحة عيالهـا الي رح تنقلب لحزن او رح تستمـر.. صج الله يعينهـا.. نوف ما اقول غير ان شاء الله ما يروح حماسـج وتعبـج عالفاضي.. دانـه صج بترجـع البيـت عشان كلام النـاس ولا عشان سعود:) بس قرار حلـو منهـا وشي يبشر بالخير.. سعـود وردة فعلـه لا درى ان دانـه بترجع البيـت..بيرجع لبروده ولا بحاول يغيـر من نفسه عشانهـا خاصة انهـا قالت بتقعد جم يوم بس..يعني يا ينجح يا يفشل وساعدتهـا محد يقدر يغصـب دانه بعد الي صارلهـا..الله يستـر.. عبد العزيز والمشروع الي ببالـه..!! الف شكر لج مذهلة بانتظار البارت القدام بكل شوق تقبلي مروري |
سلااااااااااااااااااااااااااااااااااااااااااااااام
الحين أي افهم عبد الله وماااااااااااااااجد الدب اللي قاااااااااااااااااااااعدين يسوونه بجواهر هم صاحيين ولا لا نفوسه اذا ما تأدب اب الشباب عبيدالله لااكون ذاااااابحته ( تهدد الاخت ) خخخخخخخخ عافه انك مخبيه شيء حلووه عبدالله ان صاااااااااااااحي وين اللي يغاااااااااااااااااار على جواهر راااح كله بالبحر ما اقول الا ماااااااااااالت على الشوارب صدق انك رجال وبترد دين خويك بس موووو عند جواهر ههههههه والشيء اللي انا مأكدة منه انه لما تشوف ام عبد العزيز راااااااااااااااح تغير راااااااايك مااااااااااااااااااااجد الله لا يوفقك دنيا واخره قول امين مع اني حاسه انك بتدخل بالحظه الاخيررره و توقف في وجه عبد الله وتقوله تمم العرس ياااااااااااااااااارب توقعي صح ام عبد العزيز انتي بالجزء هذاااااااااااااااا ابدعتي وخلتي ابو شنبات عبيد الله صغيررر خخخخخ عليك فيه يجلط بس ابي اشوف ردتت فعل عبد الله يوم يشوفك بالفستان خخخخخخخ نوف وحصة الله وش كثر نوف مستااااااااااااانسه اكيد يحقلها امها وبترد البيت وماااااااااا عاد في احساس بنقص وحلووووووووووو اندماااااااااج حصة مع نوف دليل على انه التربيه صح عبد العزيز وش رااااح تسوي يوم تدري عن ابوك وماااااااااااااااااجد نفوسه والله كااااان ودي اني اكتب رد يشفي غليل بس عندي اختبار وماااااااااااا ذاكرت زين بس قلت لازم ارد يعطيك العافة على الجزء الله لايحرمناااااااااا من طلاتك مذهلة الف شكر لى النقل اشتكي بصمتي |
ياااعمري ياااحلوين ياعطيكم العافية على المررررووووووووووووووووووور الى يجنااان مثلكم ان شاااء الله اشوفكم بعد كم ساعة اذا الله ارد بجزء جديد ودسم من عند نفوسة >>>بس دعوتكم سالفة ماجد تنحل لارتكب جريمه في زارا عشانها طردتها من مجموعتهاااا بنت ي وحده تضيف لي مجموعتها وتريح العالم منه لان زارا فضلة سعود عليه ولولد تعقد >>خخخخخخخخخخخخخخخ مذهلة |
السلام عليكم
انفاس حرام عليتس قطعتي انفاسنا بوقفة عبود الله يستر لاتتبخر الفرحه وماجد العله مايحضر الملكه وينتهي كل شي قبل يبتدي ... وهالماجد ماعنده كرامه الحرمه ماتبيك هي بالغصب يعني ؟؟؟ كنت متوقعه ان جواهر بنفسها تكلم ماجد وترفضه وتقطع الشك باليقين بس هي جته عن طريق اخته نجلاء ...الا نجلاء وينها اليوم او متعاطفه مع اخوها النشبه الي صاير مثل العظم بالبلعوم ... نفووووووووووووس مشكوره حبيبتي اجزاء في قمة الرووووعه سلمت يداك ... مذهلتنا الغاليه يالبي قلبتس اعذريني كنت مشغوله هالايام وماقدرت ارد على الاجزاء الي فاتت ...بس من اليوم راح ارز خشتي الين ينزل الجزء الجديد من شان اعيونتس ياقمر ... بانتظاااااااااااارك ... |
بعد الغياب/ الجزء الأربعون
#أنفاس_قطر# وقف عبدالله فجأة.. الوقفة اللي تفاجأ منها الكل.. وقال بحدة وصوت جهوري: وقف يا شيخ لا تكتب شيء.. الملكة ذي ما أقدر أتممها... صوت مرح ورا عبدالله يكمل جملته: لأنه مافيه ملكة تتم بدون شاهد العقد الرئيسي.. سامحوني ياوجيه الخير على التأخير.. منكم العذر والسموحة.. كان الصوت صوت ماجد اللي دخل عليهم بكامل أناقته.. واللي لما شافه عبدالله حس بشيء يشبه الطعنة العذبة.. عمركم سمعتوا بهذه الطعنة.. ؟؟؟؟ الألم الجميل اللذيذ العميق اللي يهز الروح بعمق إنساني غير مسبوق.. هكذا كان إحساس عبدالله.. حس ماجد أقرب له من أي وقت.. أقرب حتى من أنفاسه.. يمكن عبدالله في جزء كبير من ذاته كان يتمنى إن هذا الزواج مايتم.. لكن في جزء أكبر واعمق واكثر غموض كان يتمنى إنه يتم.. وجاء ماجد ليحقق الرغبة الأغلى.. دخل ماجد بمرح ليحتضن عبدالله بعنف.. عنف الاثنين فقط كانوا يعرفون سببه.. ماجد همس في أذن عبدالله بتأثر: كفيت ووفيت يا بوعبدالعزيز.. خلاص عرفت قدري عندك وهذا يكفيني.. يكفيني إنك بديتني حتى على نفسك وعيالك.. عبدالله بذات التأثر في أذن ماجد: أنت راعي الأوله يابو فيصل.. وراعي الأولة ما ينلحق.. ماجد يفلت عبدالله.... ويتجاوزه عشان يطلع بطاقته الشخصية ويحطها على دفتر الشيخ : سامحوني يا شباب.. بس أنا الشاهد الأول.. الثاني بكيفكم.. طلال بمودة سحب بطاقته وترك بطاقة فهد.. في الوقت اللي ماجد ألتفت على الرياجيل اللي في المجلس وسلم عليهم واحد واحد.. أبو فهد وفهد وطلال وعبدالعزيز كلهم يعرفون كم مرة ماجد خطب جواهر..تأثروا كثير من حضوره.. وإصراره إنه هو اللي يكون شاهد العقد.. الشيخ بعد ماخلص: ياعيالي......... حد يوديني للعروس أسالها وتوقع على العقد.. جواهر اللي ما كانت تدري عن شيء.. لأنه كان ينعمل لها واكس غصبا عنها.. وتقريبا كانت خلصت لما رن موبايلها شافت اسم عبدالعزيز.. بذهن خالي تماما: هلا يا قلبي.. عبدالعزيز بصوت واطي: جواهر الشيخ معي طالعين من مجلس خالي، جاينج في البيت.. أنزلي في الصالة بسرعة.. جواهر قلبها طاح في رجولها..ماحد حتى بلغها إن الشيخ حضر.. وفي داخلها كان شعور يتمنى إن هالزواج مايتم.. شاللي صار؟؟ ماجد اتصل يعني في عبدالله؟؟ جواهر وهي حاسة إنها مو قادرة توقف.. وجسمها يتلزق من الواكس.. والشيخ تحت.. بسرعة راحت تغسل يدها على الأقل.. ولبست عبايتها ونقابها.. في الوقت اللي كانت نوف وحصة كانوا يدخلون عليها بسرعة.. نوف بحماس: يمه بسرعة خالي تحت معه الشيخ.. بسرعة بسرعة.. جواهر حاسة إنها مو قادرة تتنفس.. ماردت عليهم.. نزلت.. كانت ترتعش.. عبدالعزيز شافها تتسند على الدرابزين.. راح لها بسرعة وبقلق سألها: وش فيج؟؟ جواهر بصوت حاولت إنه يكون ثابت: مافيني شيء.. يومي قبل يومك.. الشيخ سألها بود واحترام: موافقة يا بنتي على عبدالله بن محمد الـ.....؟؟ جواهر لما سمعت اسمه، حست إنها تبي ترجع كل اللي في بطنها.. الشعور المستمر معها... ردت بهدوء تتمزق معه احشاءها: موافقة.. الشيخ بذات النبرة: عندج شروط؟؟ جواهر بذات نبرتها: لا.. الشيخ وقعي تحت اسمك يا بنتي.. جواهر وقعت مكان ما أشر لها الشيخ وهي حاسة إنها ما تشوف الورق.. حست إنها توقع على قرار إعدام روحها وإنسانيتها.. بس عشان عيالها كل شيء يهون.. ************** بعد المغرب.. محمد داخل بيتهم.. مار بالصالة بيطلع فوق لغرفته.. شاف مها جايه من المطبخ الخارجي شايله كاسات عصير.. محمد اللي خذ من الصينية كأس وشربه: من اللي عندكم؟؟ مها محترة عليه: الحين لازم أرجع اصب كأس بدل اللي أنت زطيته.. محمد بابتسامة: علي بالعافية.. من حلالش شيء.. جعل عمر أبو سعيد طويل.. إلا هو وينه مهوب مبين ذا الأيام..؟؟ مها بنفاذ صبر: ماني بفاضية لك.. بنات عمي داخل.. محمد بلهفة: من من بنات عمي..؟؟ مها اللي تبي تخلص منه: الدانة ومزنة.. محمد بطريقة مسرحية.. وهو يحط يده على قلبه: مزنة يا قلبي.. فديت الطاري.. مها ولع وجهها من الحيا: أنت ما تستحي ولا تنتخي.. عيب عليك يا قليل الحيا.. محمد وهو يضحك: هذي مشكلتكم يا عيال سعيد كتم المشاعر اللي موديكم في داهية وجايب لكم كآبة.. أنتي مثلا مشتحنة لمتيعب الدب.. ومن الشحنة كل مالش تمتنين.. واخيش العود ما ينعرف وش اللي وراه شكله عايش قصة حب مكسيكية مع المدام ولا حد درا عنه.. (الشحنة: الشوق) مها خلاص وجهها صار يضرب يقلب: تدري أنت الواحد أصلا مايتكلم معك.. رجعت للمطبخ عشان تجيب عصير ثاني.. في الوقت اللي محمد طلع لغرفته وهو يضحك... ********** العشاء قرب.. البنات نوف وحصة كل وحدة منهم تستشور شعر الثانية.. في الوقت اللي جواهر كانوا يبدون لها في المكياج بعد ماخلصوا السيشوار والبديكور والمنيكور... وقبله الحمام المغربي والواكس.. اللي تحممت عقبها.. باقي خبيرة الشعر واقفة.. تنتظر المكياج يخلص عشان جواهر تلبس فستانها وعقب تسوي لها الشنيون... والباقيات كلهم رجعوا للمركز.. جواهر مو حاسة بشيء.. كانت بس تبي تفرح بنتها.. وافقت على كل اللي كانت نوف تقرره في اللبس والمكياج والشعر.. لما خلصت المكياج .. قامت لبست الفستان المشكلة اللي هي ما كانت راضية تلبسه.. بس ماحبت تكسر بخاطر نوف وقصة الفستان الرومانسية .. نوف شافتها لبست الفستان.. نطت تجيب الشوز.. جواهر مثل الذبيحة اللي تُساق للمسلخ.. تبي ذا الليلة الكابوس تخلص على خير وبس.. *************** دانة في غرفة سعود هي وأختها مزنة.. مزنة تتلفت في الغرفة : والله ذوقه كلاس وراقي.. تبي شوي لمسات أنثوية وتصير روعة.. دانة بتأفف: وع هو و ذوقه.. صدق غرفة عسكري.. جامدة مثل راعيها.. أمانة روحي شوفي الحمام.. وشوفي التقشف اللي فيه.. مزنة راحت تطل داخل الحمام: أمممممممم يبي شوي لمسات بعد.. بس فخم.. أنتي اللي تنتقدين بس.. تدرين فيه شغلات رحت قبل أمس الصبح شريتها لش.. وكنت أبي أجيبها في الوقت اللي اتصل فيه سعود على وروعني.. أنا باتصل في خالد وبأروح للجمعية بأشتري لش شوي شغلات.. وعقب بأرجع للبيت وبأخلي السواق يجيب الأغراض كلها.. مع باقي ملابسش وعطورش ومكياجش وشغلة سبيشل انا حطيتها لش ببرواز.. بتلقينها مدعوسة داخل الشنطة الكبيرة دانة بحزن: وش ذا الاغراض كلها انتي بعد، كلها كم يوم وراجعة لكم.. مزنة تبتسم بخبث: ماتدرين يمكن يعجبش الوضع.. ؟!! وبعدين أنتي تبين تحرميني من إحساسي إني عندي أخت عروس.. مزنة قالت لها هالكلام وهي تلبس نقابها بتنزل.. مع وصولها للدرج، انفتح باب أقرب غرفة للدرج كان محمد طالع من غرفته غترته بيد وتلفونه بيد... يكلم بصوته العالي المرح: زين نعنبو.. مافيكم صبر.. جايكم جايكم.. مزنة وجهها انكسر.. مادرت وين تروح؟؟ ترجع وإلا تنزل.. محمد اللي جات عينه في عينها.. وعرفها.. يقول في خاطره: فديت الزول والله.. لو عليه كان قعد يناظر للصبح.. بس ماحب يحرجها.. فرجع لغرفته وقفل الباب عليه.. في الوقت اللي مزنة تأخذ نفس عميق وتنزل الدرج بسرعة طالعة لخالد... وهي تقول في نفسها: نعنبو هو... وش ذا الشعر كله.. شعر بنية.. مالت عليه هو وشعره.. *************** نجلاء أول الواصلين بعد صلاة العشاء على طول.. كانت تنتظر اتصال من ماجد يأكد لها إن الملكة صارت.. كانت خايفة إن ماجد يسوي حركة نذالة ومايتصل في عبدالله عشان يبلغه إنه يحله من وعده له.. نجلاء حاست على ماجد بالاتصالات من الصبح، موبايله مقفول.. وعقب هي بنفسها قفلت موبايلها لحد ما تلقى ماجد.. خايفة تتصل فيها جواهر وهي ما بعد لقته.. راحت له في بيته.. مالقته.. جلست تنتظره لحد صلاة العصر.. لما دخل عليها بشكله المرهق المبهدل.. نجلاء تأثرت وايد من شكله.. حست بحزن عميق على الحال اللي وصل له أخوها الكبير.. نطت نجلاء تحضنه، ماجد حضنها وهو منهار .. نجلاء بحب: ماجد فديتك حرام اللي تسويه في روحك..وفي الناس.. يعني أنت تبي تتعذب وتعذب عبدالله وجواهر وعيالهم معك.. ماجد بحزن: ليه يعني؟؟ نجلاء بحزن: لا تسوي روحك ما تعرف.. الوعد اللي انت طلبته من عبدالله.. حرام عليك.. جواهر طلبت مني اقول لك كلمتين: " عبدالله حرمني من عيالي قبل 17 سنة.. وانت تجي تبي تحرمني منهم بطريقة ثانية الباقي من عمري.. أتق الله أنت وصديقك فيني.. أنا ماني لعبة في إيديكم.. اتق الله ياماجد" وأنا أقول لك وش بتستفيد إذا منعت عبدالله ياخذ جواهر.. جواهر على كل الأحوال مستحيل توافق عليك.. وأنت بتخسر محبة عيال صديقك نوف وعبدالعزيز اللي أنت بنفسك تقول أنهم يحبونك.. وأنت ما تدري يمكن الله سبحانه شايل لك نصيب أحسن *********** نجلاء لقت البنات حصة ونوف قاعدين تحت.. الثنتين مطقمين لابسين فساتين ناعمة لونها زهري.. مع مكياج خفيف بدرجات الزهر.. نجلاء سلمت وقالت: وين جواهر؟؟ البنات: فوق بغرفتها.. نجلاء طلعت بهدواة لفوق، وفتحت الباب بشويش على جواهر.. عشان تنصدم وبعنف من شكل جواهر الخيالي.. رغم إنها شافت جواهر بفساتين سهرة وفي مناسبات عديدة.. كانت دايما أحلى الحاضرات.. بس الليلة غير.. غير.. غــــــــــــــــــــــير.. غــــــــــــــــــــــــــــــــــــــــــــــير. . #أنفاس_قطر# بعد الغياب/ الجزء الحادي والاربعون #أنفاس_قطر# لما شافت جواهر نجلاء وقفت.. نجلاء وقفت مدهوشة وبشدة.. كانت جواهر واقفة بفستانها الأخضر اللي طوله واصل تحت ركبتها بشوي و اللي لونه الأخضر العشبي كأنه مخلوق عشان يليق على لون بشرتها المخملية.. نحرها وصدرها وأكتافها وذرعانها كانت تلمع بنعومة وشفافية أبرزها امتزاجهم مع حدود اللون الأخضر.. الصندل الأخضر العالي الكعب كان لاف شرايطه الحرير بنعومة وفخامة على سيقانها لحد تحت طرف الفستان بشوي.. مكياجها كان ناعم ومثير في ذات الوقت.. الشدو السموكي اللي دخل فيه اللون الأخضر بنعومة.. الروج المشمشي الناعم المرصع بغلوس بغليتر يكاد يذوب رقة وإغراء على شفايفها الرقيقة المكتنزة.. التسريحة الستينية الشينيون العالي بغرة تنساب على الجانبين ومثبته أطرافها تحت الشريطة الحرير الخضراء المثبته بطريقة الستينيات على الرأس وأطراف الأذنين العليا.. نجلاء شهقت: وسمت بالرحمن وكبرت.. وقرأت ايات كثيرة من القرآن على جواهر: والله أخاف عليج من العين.. جواهر تبتسم: مافيه حد غريب.. أهل خالي وبس.. وانتي ونوف.. نجلاء بانبهار: حتى ولو.. أخاف عليج من عيني أنا شخصيا... جواهر بمودة: يا حبج للمبالغة.. نجلاء بنفس لهجة الانبهار: ليه أنتي ما طالعتي روحج في المراية.. وبعدين كملت بنبرة خبث: ووين اللي متفقة مع زوجها إنه متنازل عن حقه الشرعي.. شكلج غيرتي رأيج وتبينه يغير رأيه إذا شافج كذا.. لانه إذا ما غير رأيه و180 درجة.. يكون أكيد عنده مشكلة في رجولته وقبلها في مخه.. نجلاء هي الوحيدة اللي تعرف عن سالفة الاتفاق جواهر ولع وجهها خجل من كلام نجلاء: صدق إنج ما تستحين.. والله هذي فعايل نوف.. وماحبيت أكسر بخاطرها.. نجلاء وهي تلف حوالين جواهر: صراحة بنتج مذوقة.. مو بس مذوقة.. إلا ذوقها صاروح أرض جو بحر .. ************* أغراض دانة وصلت.. دانة تتصل بمزنة وتعاتبها: شنو هالأغراض كلها.. تركتي شيء في السوق..؟؟؟ مزنة وهي تضحك: بلاش ما تدرين.. دانة: بشنو؟؟ مزنة بمرح: الظرف اللي خليتيه على سريرش.. يسلم عليش.. دانة بصدمة: صرفتيه كله مستحيل.. مزنة بنفي: شنو أصرفه كله.. لمعلوماتش المبلغ اللي في الظرف كبير واجد.. أنا خذت جزء بسيط جدا منه.. والباقي حطيته بحسابش.. دانة بحزن: زين ماصرفتي منه إلا شوي.. لأني ابي ارجعه لسعود.. مزنة باستنكار: أنتي مجنونة كالعادة.. المهم.. تدرين أنا بنية أستحي.. ماقدرت أشتري شغلاتكم يالمتزوجات.. بس جبت لش شوي بجامات جديدة كل وحدة تقول الزود عندي.. دانة اللي حاسة بحب أختها لها مابغت تخرب عليها: جعلني ما ابكيش يا قلبي.. سكرت منها وهي تطالع في الأغراض والشنط اللي مالية الغرفة.. ثم ابتسمت.. (تدرين مزون أحسن.. خلني أطفش سعود.. يجي يلاقيني محتلة غرفته بالكامل ومغيرتها على ذوقي) وبدت في ترتيب الاغراض.. وتغيير مفرش السرير.. ونثر أغراضها الأنثوية في كل أنحاء الغرفة.. عطورها ومكياجها على التسريحة.. نقلت ملابس سعود بعناية لناحية من الدولاب بعد مارتبتهم من جديد وبعناية شديدة.. (عشان مايقول إني قليلة ذوق مثله) رتبت ملابسها في الناحية الثانية.. الحمام... عشرات العلب عبت الحمام.. طقم حمام كامل بأرواب وفوط مطرزة مختلفة الأحجام.. واستمرت دانة في الترتيب اللي خذ منها ساعات وساعات رغم إنها كانت بعدها تعبانة ومرهقة من أثر المرض اللي جاها *************** في بيت جواهر.. بيت خالها كلهم موجودين.. الكل يسمي على جواهر ويذكر اسم الله عليها.. أم فهد اللي جلست جنبها: مو كأن ثوبج يأمج متفسخ شوي.. جواهر ماتت من الحرج من أم فهد ( أنا الغلطانة اللي أرد على بزر) نوف ماخلت شيء ما سوته.. عشاء من الانتركونتنتال.. ضيافة من فوشون.. شيكولت من باتشي.. مع طاقم مضيفات خدمة فندقية فايف ستارز.. مصورتين على أرقى مستوى.. وحدة فيديو والثانية فوتغراف.. دي جي مع خبيرة محترفة.. الرياجيل تعشوا خلاص.. عزوز كلم أخته وقال لها.. نوف كلمت أبوها بحماس: مبروك يا معرس.. عبدالله اللي حاس بضيق كبير كاتم على روحه، رد عليها بصوت حنون: الله يبارك فيج يا قلبي.. نوف بذات الحماس: جبت الأغراض اللي أنا قلت لك.. عبدالله باستسلام: أكيد وأنا أقدر.. تاركهم في السيارة.. نوف: زين روح جيبهم وتعال أنت وعزوز.. عشان تلبسهم أمي.. عبدالله بصدمة: مافيه داعي يا أبوج.. نوف بحزن: ليه يبه؟؟ مايصير.. فيه عريس مايبلس عروسه شبكتها ودبلتها.. والا أمي ما تستاهل.. عبدالله في نفسه( لحول وش ذا البلشة؟؟) : زين بأجي بس بشرط.. قدام حريم ماراح أقعد.. أنتي وعزوز بس.. (أصلا أنا ماخذت لسان الحية إلا عشانج أنتي وعزوز، ومايهمني الا فرحتكم) نوف بفرح: زين يبه، لا صرت واقف برا.. أنا بافتح لك باب المجلس.. والحريم بيكونون في الصالة.. عبدالله راح وجاب علبة الطقم والدبلة من سيارته ولأنه مايدل... عزوز دخله البيت.. ووقفوا في الحوش مقابل مدخل البيت اللي فيه بابين: باب الصالة في الوجه، وباب المجلس على جنب.. عزوز اتصل على نوف: نوف بسرعة.. أنا وأبوي واقفين برا.. نوف جات بسرعة.. وشدت أمها من يدها: يمه قومي بسرعة أبوي واقف برا.. تعالي للمجلس.. جواهر من سمعت اسم عبدالله، حست رجولها مو قادرة تشيلها.. وأنفاسها كأنها غادرتها.. وإحساسها إنها بترجع يرجع لها بعنف.. قامت مع نوف وهي حاسة إنها ممكن تنهار بأي لحظة.. البنات موزة ونورة وحصة ومعهم نجلاء.. من سمعوا إن عبدالله واقف برا.. نطوا بسرعة راحوا يطلون عليه من الدريشة بدون ما ينتبه.. عبدالله كان واقف باستقامة بكامل أناقته وحضوره المتميز مايعرف عن العيون المتلصصة موزة بانبهار: نعنبو.. وين طاحت جواهر على ذا.. إيه الحين ما ألومها قعدت 17 سنة تنطره.. كل شيء فيه مركب تركيب نورة تكمل بعيارة: تركيب فول فول فول اوبشنز.. موزة تكمل عليها: لا والله هذا أبو الأبشنز وأمه.. نجلاء وهي تضحك: وينه غانم يسمعج.. موزة وهي تضحك: إن الله جميل يحب الجمال.. أم فهد تنادينهم: أنتو ما تستحون؟؟ نعنبو.. بتأكلون الرجّال بعيونكم يا علها البط.. البنات لاصقين على الدريشة يقزون عبدالله من فوق لتحت ويعلقون.. لحد نوف مانادت أبوها يدخل للمجلس.. جواهر كانت جالسة مكان ماجلستها نوف.. جواهر كانت حاسة بخجل غير طبيعي.. مو من عبدالله لكن من اللبس اللي هي لابسته.. كانت عيونها بحضنها كان عبدالعزيز أول من جاها.. وحبها على راسها.. وبارك لها وتراجع شوي.. جواهر حست قلبها بيوقف وهي تطالع في طرف الثوب الأبيض اللي صار خلاص واقف جنبها.. نوف بمرح: يبه وش فيك واقف؟؟ اقعد جنب المدام.. #أنفاس_قطر# أدري الحين ودكم تزنطوني أعرفكم يالحريم تموتون في طاري العرس بس خلاص هذا أنا ريحتكم وزوجتهم الباقي خلوه يجي على مهله <= حاسة بنعلة مرت من فوق رأسي (بوش ومنتظر الزيدي صرنا) نشوفكم بارت بكرة بكرة بارت واحد بس.. لا وقصير بعد <== شفتوا اللعانة على أصولها على قولة متابعة في المنتدى الثاني <== هذا المستخدم يحتاج شوي رحمة في قلبه <== بس لا رحمة لا تنازل لا تراجع بس بارت بكرة شي سبيشل (سبيسيال على قولت اللبنانيات العسل) وأخرته حرق أعصاب مضبوط بس بعد بكرة بأراضيكم ببارتين أو3 بارتات إن شاء الله انطرونا |
هلا نفوسه شوفي انا مااالي دخل ان وصل لي زارا الكلام الى هي(ظبية )على غيثاااني القلب >>خخخخخ تخاااف اجل صعيدي هههههههه وبعدين نفوسه انتي تحبين تحرقين اعصااابنا صح سعود ومارجع البيت وشاف لمسات دانه هو ثيبه بس في الغرفة وبيموت اجل اذا شاف الاشياء الجديده وش بيسوي ههههههههه دانه هذا وجهي ان طلعتي من البيت>>واثقة خخخخخخخخخخخ نوف يخطيره كلام عزوز عدل ابوه بنجلط اليوم بس للاسف خبل تنااازل عن حقة لو ان صابر اشوي بضغط عن عزوز كانت جواهر وفقة من غير تناازل عن اي شي ((الله يعيك عبود قلبي معاااك صراحة خخخخخخخخخخخخ جواهر صراحة انطر وش بيصير بكره بيفااارغ الصبر وشوق وتسلمين نفوسة بس انتي قلتي بتهين بكره على شي خطير شوفي مو نعلة جزمة رياااضية >>مثل الى ضربة بوش خخخخخخخخخخخخخ خليج عاااقل ولا تقهرينا في وقفااات تجيب الجلطه بدل عبود ههههههههههههههههههههههه مذهلة |
ايش هذا يانفوسه تحطييييييييييييم
وقفتي روحي هههههههههههه بس تكرمين عن جوتي الزبيدي خخخخخخخخخخخ تدرين اخاف جواهر ترجع صدق من شوفة عبدالله ثم عقب شيرقع السالفه :confused: سعود ودانه شكل السالفه بتزين وتحلو !! محمد ياحلو الشاب المرح ومؤدب بعد بس شكل مزنه مهي بهوينه ماجاز لها محمد :o ماجد جزاه الله خير مشى السالفه على خير والله يعوضه بالأحسن |
شكرا نوفي علي البارتات الرائعه جدا جدا
والمعذره منك اني انشغلت عنك ولم استطع التعليق ولكن كان عندي ظروف ولم استطع المتابعه معك بالأيام الماضيه المهم .....قصتك فعلا روعه جدا ومتميزه ...ومشوقه جدا وبجد ....عليكي قفلات خطيره ....بتحرق الأعصاب ..وترفع الضغط وبتخليني عاوزه أشد في شعري ...وأقول لسه هستني لبكره وخاصا ان التوقيت الي بتنزلي فيه البارتات بيكون في عز أنشغالي موعد اليوم كان مناسب جدا ...وعرفت استمتع بالبارتات بهدوء وووووووووووووووووووووووووووو بسم الله ابدا التعليق عبدالله وماجد ومشكله لم أتوقعها أبدا من ماجد ....ان تكون مدين لشخص ويطالبك بدينه فهو أمر صعب جدا وخاصا اذا كان الدين ليس اموال..فالمال في النهايه امره سهل ....ولكن عندما تكون مدين لشخص بحياتك كلها وعمرك القادم وسعادتك فهو امر يقسم الظهر ويهد الجبال .... صحيح انا أتغظت من عبدالله..هو وماجد لأنهم أتعاملوا مع جواهر كأنها كقطعه جماد ....أو كرسي أثري يتناقلوه بينهم ...ويزايدون عليه ,,,,ليروا علي من سترسي البيعه بدون أي رأي للكرسي ,,,,,أحم ,,,احم ,,, أقصد جواهر ...الذبيحه التي ذبحوها ,,بسكين تلمه ,,,وبدون أي شعور ,,, لأنهم يريدون رفع صداقاتهم فوق كل الغايات ...ولو حتي علي حسابها ,,, وبصراحه ,,,عبدالله الغبي ده يستاهل كل كلمه شتيمه قالته له جواهر ,,, لأنه بغبائه ,,,لو عرض الأمر علي جواهر ,,,وحكي لها الموضوع من البدايه .. كانت حلت الموضوع ببساطه ورفضت ماجد ثاني كما حدث اليوم ... المهم ....أخيرا أرتحنا ....والزواج تم ....وجواهر ....أروع من الروعه نفسها بفستانها المميز .....وعبدالله كمان ,,,,,البنات هتنهبل عليه من وسامته الشديده أعجبتني جدا هذه الكلمات ,,,,, نجلا لجواهر ....أعجابا بذوق نوف,,,, صراحة بنتج مذوقة.. مو بس مذوقة.. إلا ذوقها صاروح أرض جو بحر .. كلمات البنات علي عبدالله نورة تكمل بعيارة: تركيب فول فول فول اوبشنز.. موزة تكمل عليها: لا والله هذا أبو الأبشنز وأمه.. عليكي خفه دم ....فظيعه ...وزي العسل ,,,,, تسلمي ...وتسلم أديكي ,,,,الي كتبت البارتات الهايله دي دانا ...وسعود سعود ....ورجع لحاله كبت المشاعر ثاني ....لما خلاص هيجنني ياعم أتحرك شويه ...وخليك زي محمد أخوك ,,,وعبر عن مشاعر ك قبل ما تفوق وتلاقيها ضاعت منك .... وهو يعني فيه واحد عاقل وتكون حرمه المصون ,,,مريضه جدا وفي العنايه ولما تفوق ....ينتظرها في الباركنج ... صحيح راجل عسكري ,,,بس محدش قالك ...أن خير وسيله للدفاع الهجوم وأنك طالما بدأت تميل ليها .....ليه ما تخليهاش تميل ليك ليه ؟؟؟؟ بس عاوز شويه دلع وحبه حنان ....ده الستات دول غلابه وعقلهم طاقق وبشويه كلمتين حلوين ......تبقي زي الخاتم في صباعك ... لو عرفت المدخل الصحيح لقلبها ,,,, أنتظر رد فعلك لما ترجع البيت وتلاقيها محتليه غرفتك ,,,,ومحولاها لثكنه عسكريه بس ....ثكنه عسكريه علشان تحاربك ...وتدمر قلبك ,,,,بالمدفعيه الثقيله من رموش عينيها .... أخيرا نوفي ....الف الف شكر علي سؤالك الغالي علي ...والمعذره منك لو ما أقدرتش أنتظم بالرد ...ولكني هحازل علي قد ما أٌقدر اكون موجوده,, لأن قصتك أصبحت كالأدمان .....بالنسبه لي ومش عارفه هعمل ايه لما تنتهي ,,,, سلام يا جميل ...وأتوصي بينا شويه بالبارتات ...لنتفق عليكي كلنا ونكون عصابه ونهكر علي جهازك ونخطف البارتات ونساومك عليهم وأفراد العصابه موجودين من الأن ,,, وأولهم أنا والأخت العزيزه مذهله ,,,,, ولو أي حد من البنات يحب ينضم لينا أهلا وسهلا ,,,, لا ...لأأ ....لأأ........لأأ..... أوعوا تصدقوا ....أنا بهزر بس .... تحياتي لكي نوفي ....وأنتظر البارت القادم بشوق شديد من الأن ....أغلي سلام ....لأأحلي كاتبه شكرا مذهلتنا الغاليه علي البارتات الروووووووووووووعه تسلم الأيادي ويعطيكي العافيه لنقل القصه المتميزه ايه رايك ....,فكرتك لتكوين عصابه روعه...ولو زارا وافقت تنضم لينا شكرا |
واااااااااااااااااااااااااو تسلم الايادي يانفوووووووووووووس
من جد جزء خياااااااااااااااااال واحلى شي ان كل شي يمشي على حسب الخطه الي بروسنا هههههه جواهر وعبود واخيرا التم الشمل والله وطحت ياعبود وماأحد سم عليك ياترى وش ردة فعلك اذا شفت القمر قدامك؟؟؟ واخيرا دانه مشت في الاتجاه الصحيح هذا الكلام يادندن وريه شغل الله عدل خليه يذوب الجليد الي مغلف نفسه فيه قاهرني هالثلج....بعدي والله يابنت ابوها احس ان سعود بيصابفي مخه قبل قلبه اذا شاف دانه قدامه ولا جايبه معها كل اغراضها من قدك ياسعود بيصير عندك بدل العيدين ثلاثه ههههههه انتظر شوفتك لدانه اكثر من شوفة عبود للجوهره....تدري ليش لانها مفاجأه ماراح تكون ببالك ويمكن لشفتها يتغير حالك ياثلج محترق هههههه... نفوووووووووووووووووووووووس تسلمين يارب من جد القصه كل مالها وتحلى اكثر واكثر واكثــــــــــــــــــــــــــــــر ...الله يصبرنا لبكره هههههه مذهلتنا مشكوووووووره ياقلبي على النقل الحي والمباشر للقصه... بانتظااااااااااااااااااااااارك ... |
اقتباس:
الف شكر لج مذهلـه عالنقل ما قصـرتي |
مذهله.. اقووول تراني متناازله عن مااجد.. وسمعت انهم بيسوون له بهارات.. يعني انتي اوولى به من غيرتس.. هخهخهخه
|
السلااام عليكم..
بسم الله .. الله أكبر.. وين السكين بننحر احد الايووم.. من يشااركني يااجمااعة الربع؟؟ هخهخهخه نفوسه حسبي الله على شيطاانتس.. انتي ماااتعرفين تقرين عربي.. نقوول هالقفلااااااااااتـــــ مااانبيهاا فكيناااااا منهااا.. والله لان عااد عدتيهاا اني لافجر رااستس وعينتس ماااطبقت.>> قمة الاجراام.. وبنفس الوقت نموننه من اللي بيصير لتس اذا عدتي هالوقفه اللي تحرق الاعصااب.؟.هع. بالله عليتس حناا وش نبي بطرف ثوووووووووووبه. حنااا نبيهاا تااااصل لراااسه تااصل لعيوونه.. تاااصل لعقااله.. مدري وش يعجبكم ياا الكاااتبااات بطرف الثووب الابيض عشاان تااقفوون عنده..؟؟؟ . يعني هل مثلااا يعني بيكون طرف ثووبه مطرز بالخيووط الذهبيه وهي تقعد تفكر بنووع الخيط واالغرزه المستخدمه فيه؟؟ .والا مثلاا بيكوون طرف هالثوووب مخبون مقدااار شبر وهي مستغربه هالثوووب وشلوون صاار طبقتين من تحت لاازقات ببعض.؟؟. والا مثلاا مثلاااا طرف هالثوووب فيه كفرة واااطيه عليه وصاااير سواد تاااير السياااره واااضح جداااااا جدااااا وهي تطاالع فيه وتتسأل وشلووون اثاار التااااير وصلت لطرف الثوووووووب؟؟؟؟؟؟؟؟؟؟؟؟؟؟؟ شووفي هالمره تحذير لطيف اللهجه المره الجااايه ماارااح نتعاامل معتس الا بالفرفر.. يعني بالبندق... داام عاد انتي تعرفين اخوانا المصريين وش يسموون ..اكيد بتعرفين بعد وش يستخدموون من اسلحه؟؟؟ هخهخهخهخها لمهم نجي لهالجزئين واللي بااين فيهم درجة اللعانه عااليه جدااا اليووووووم؟؟ هخهخهخه محمد ومزنه : محمد يااليت من يمسكك ويسوووي لك اشترااك مع سعوود عشاان يفك شووي من هاللي هوو فيه.. بسم الله عليك ياا حموود والله انت اللي تبرد القلب.. وتعرف تطلع مشااعرك ومااتستحي منهاا.. الله يووفقك ياارب.. والله ان كلاامك درر.. والا عاد تعليقك على مهاا..هههههههههه.. والله عرفت لهاا.. خليهاا شووي تتلحلح.. وخصووصا انها الحين متمكله وهالرجال اللي هي مااخذته مااله طااااااري ابدااااااا... وانتي ياامزنه .. مااقصرتي مع داانه.. والله ونعم فيتس .. اشووي بس انتس تخلينهااا تقدر تتاقلم مع وضعهاا واحسن شي هالاغرااض اللي انتي مرسلتهاا لهاا.. الحين سعوود هالمسكين من بجامه وحده وشووية اغراض .. يحس ان المكان صاار فيه حيااة اجل الحين وش بيسوووي وهوو يشووف انها محتله المكاان كله بارضه ودولابه وتسريحته.. شكله مااراح يصدق ابدااا ابداالاى وبيحسب انه يحلم.. هخهخهخه.. المهم انتي الحين شفتي شعر محمد.. ؟؟ تدرين اتوقع انه بيكوون له قصه.. ويمكن لو جاااء يخطبتس بتقوولين انا موافقه بشرط يحلق شعره.. >> نفووسه يااا ويلتس ياااظلاااااااااااام ليلتس ان قلتي فشنك .. حد النفس للحين طيبة عليتس..>>> بسم الله. هذاا وهي طيبه اجل لوو هي خااايسه وش سوويتي يااظبوووي..؟؟ هخهخهخهخه داانه : شووفي ياا دانه اكثر شي يزهقني فيتس انتس تعجبيني مراات وتقهريني مررات أوخرى.. يعني تفكيرتس لما قلتي بارجع لبيت سعود .. ووش بيقولون الناااس .. ومن هالكلاام كله عجبتيني.. بس انتس ترجعين وانتي مبيته النيه على الطلاااق .هذاا اللي مهووب معجبني ابدااااااا ابداااا.. ليش طيب ماتفكرين تعطين سعوود فرصه.. ليش ماافكرتي وقلتي جلستي هذي مع سعود بتكوون اختباار له ولي . ونشووف حناا وشلون نقدر نتعاامل مع بعض؟؟؟ تعاملكم مع بعض قبل الزوااج شي.. والحين بعد زواجكم شي ثااني.. سوااء انتي راضيه والا مغصووبه الزواج حصل.. وانتي للحين مشيتي نص الطريق الصح.. وهي الرجعه لبيت زوجتس.. وبااقي النص الثااني.. هذاا بيعتمد عليكم اثنينكم انتي وسعوود.. والله يووفقكم ياارب.. بس موو من اووول مشكله تقوولين طلقني.. والا من يووم تشووفينه بتقووولين .. انا جااايه اجلس كم يووم عشاان كلام الناااس وابي ورقتي تعطيني اياها... انتي بعد كني اشووفتس تقوولين هالكلام؟؟؟ سعوود : والله مكاانك فاااضي بهالجزء.. وبعدين مااصاارت للحين بالبر.. ارجع وش وش المفاجأه اللي تستنااك.. بس واللي يرحم واالديك ماا تجلطنااا برد من هالردوود اللي تقهررر؟؟ ماجد : احمممم .. معليش ياا ابو المجد .. اسمح لي واستر مااوجهت.. بس عااد والله كنت تحرق الاعصاااب.. والحين عااد اهم شي تمت هالملكه وانتهينااا من هالسوالف اللي كل شووي طاالعه لناااا. واتمنى تفكنا عاد من سالفة الدين.. واحلى شي انك كنت اصيل وسمعت كلام جواهر ومااكنت انااني ... بس تدري يمكن نشوووفك قريب بشي يبرد القلب.. وهذيك السااعه اتحسف اني مااسمعت كلام مذهله وظميتك للمجمووعه.. وخصووصا ان فيه مشرووع تبهير وتعديل لك.. هخهخهخه.. بس الله يستر عليك والله يووفقك مع اللي بتختاارك.. هخهخه.. ترى يمكن تطلع انا.. هع هع هع.. نوف وعزوز : الف الف الف مبروك لكم ردت ابووكم لامكم.كلووووووووويـــــــــــــش... . صح انتم تدربوون رووسكم ومااتدروون وش اللي يصير من ورااكم.. بس اهم شي انكم مرتااحين.. وابرك لكم نكم مااتدرون عن اللي ندري عنه والا كان الحين وااحد في العناايه والثاني بالقسم النفسي من سوالف امكم وابووكم.. هخهخهخه نجلاا :: يااعمري انتي.. والله ونعم الصديقه .. الله يوفقتس ياارب.. ادري زعلاانه عشاان اخووتس بس باذن الله بيلقى احسن من جواهر .. وتقدر تنسيه جواهر.. وانتي واخوتس الله يخليكم لبعض.. جوااهر:: اووووووف اخيرااااااااااااااااااا ماااابغيتوااااااااااااااااا تردوون لبعض ونخلص من هالهم اعوذ بالله مخليناا مثل القطووو والفار كل مااقلنا مشت الامووور طلع لنااا شي يوقفها.. المهم جوجو .. ماااشاااء الله تباارك الله وش هالزين وش هالحلااوه ؟؟.. عيني عليتس بااارده.. الله يوفقتس ياارب.. وبعدين ياا جوجو وش هاللي كل ماسمعت اسمه ودي ارجع اللي ببطني.. خلااص جوجو عيب الحين هوو زوجتس رسميااا.. خلي عني خراابيط الحريم هذي من ترى ترفعين عينتس عن طرف ثووبه اللي بتقعد متعلقه فيه لين بكره.. بتشووفين شي بعيوونه مااراح تنسينه طووول عمرتس... مدري صرااحه وش اتووقع بس زي ماراح هو ينبهر فيتس انتي بعد بتنبهرين فيه.. والله يوفقكم ياارب.. ايه صح يااحلوو الحياااا على العرووسه.. هخهخه.. اما تعليق ام فهد.. صرااحه مهووب وقته ابدااااااا..يزيد الخووف خووف والارتبااك ارتبااك. ويخلي الوااحد يتحسف..هخهخه.. الله يخلي لنا عجزناا ياارب هن والله امهات الاخلاق.. عبدالله :: واخيراااااااا.. ماابغيت ياا ابو الشهاامه تتزوج وتخلصنااا.. والله اني بعد توقعت تسووي لنا سالفه قبل مااتدخل على جواهر.. الا يااخوفي ان طرف هالثووب اللي تطاالع جواااهر فيه من الصبح يكون لاخوها عبد العزيز وحناا تفكيرنا انه لك انت..؟؟خهخهخهخهخه.. شووف ياا ابو عبدالعزيز الحين اثبت انك قد كلمتك مع ماجد وانتهيناااا من سوالف الرجووله الا تبون غيركم يدفعهااا.. الحين جوجو عندك وانت قااطع لها وعد مدري وشلوون بتقدر تنفذه.. وانت تشووف كل هالزين قدااااااااامك..؟؟ بس يمكن واتوقع ان عيالكم متوقعين وطبيعي كاي زوجين يكون مكاانكم وااحد.. وهناااا عاااااااد بنشووف كيف بتنفذ الوعد يااا ابوو عزوم قوويه؟؟ هع هع هع... نفووووووووووسه.. يله عاد نبي باارت ارهااابي يناااسب اللي بسوويه فيتس .. هخهخهخه نفووسه تسلمين والله على هالباتين المدمرين.. واحب صرااحه وبعيد عن المزح ... اشكرتس كل الشكر على الالتزااااااام الكبييييييييير منتس تجاااه القصه وتجااهناا.. والله مااقصرتي والله يعيطتس الف مليووون عاااافيه.. ونشووفتس بكره باذن الله على خير.. الا اذاا عااد حبيتي ترد على ردوودنااا ببارت اليووم ترى عاادي مااعندنا مشكله ترانا موافقين.. يعني نسمح لتس تنزلين باارت اليوم بعد المغرب.. هع هع هع.. بحفظ الله نفووسه.. مذهله .. الف شكر يااقلبي. وماتقصرين على هالنقل ..يعطيتس الف عافيه.. |
أنفاس كان خيلتي عبدالله يجلس على الأقل بدل مايفضل واقف لبكره تعب عليه يكفي إلي راح يسير فيه لمى يشوف جواهر
ماجد ترى هذا ثاني جميل تسويه لعبدالله الحمدلله رجعلك عقلك وبطلت أنانية جواهر اتوقع الثلاث الأجزاء او الأربع الجزاء الجايه راح تنمغصي وتحسي بلوعة كثير الله يعينك ويعننا معاك دانه عفيه على الشاطره انتشري و تغلغلي داخل قسم سعود وأثبتي وجودك راح تكتشفي سعود ثاني غير إلي تعرفيه سعود جاتك الفرصه على طبق من فضه على قولتهم تلحلح وعبر عن إلي في نفسك لدانه مذهله مشكوره والله يعطيك العافية على النقل |
زين ماسويتي وزين انك وقفتي الجزء هنا<<أنتِ تقولين انبسط بالحقد عشان كذا الجزء حلو والوقفه أحلى عشان ماتنبسطين<<نذلة خخخخخخخ الجزء حلو واليوم راضية عنك هماك فكيتنا من ماجد فأنتِ عسل وسكر وقشطة وكل شيء حلووو ودي أشوف وش يسوي عبدالله لاشاف جواهر الأكيد انه بيفتح اثمه خخخخخخ نوف وعزوز يافرحتكم ههههه حركة يحضرون عرس أمهم وأبوهم.. سعود بينهبل لاشاف دانة والا دانة يقاله بتقهره لاشاف اغراضه ماتدري انه بيطير من الفرحة.. ماشاء الله محمد حافظن اخوانه خخخخخ لو اني مكان مها كان تبخرت ماعنده أحد هالمحمد مايستحي.. ومشكووورة نفوسة على الجزيئن الرائعات بس وراه باتسر بس جزء<<بدينا بالطمع هذا بدال ماأقول شكراً هع هع مذهلة مشكورة على النقل.. |
مشكلة الناس اللي قلبهم تيب زي حلاتي
بلاها المظاهرات والتهديدات مشكلتي أحبكم وما أقدر على أني أردكم عقب ما طلبتوني خلاص أنزل البارت 42 بعد صلاة العشاء والله لو أني قد راجعته كان نزلته الحين بس أمهلوني لبعد صلاة العشا واسمعوني أخر مرة لا عاد تعودونها قبضتكم الباب أوه نسيت الناس اللي يحبون الكورة بعد العشاء تكون المبارة خلصت سيا يا انفاس |
اقتباس:
لا ياازارا حرام عليج اختاااري لي شي عدل مو هالغثيث لولا انا عبود حجزتها لي اقدار ولا كان اخذتها رغم عيوبه طبعا ههههههههههههههههههه |
نفووووووووووووووووووووووووس ما اقدر انا على كذا وش هالابداع يا قلبي
ربي يسلم يمينك يا احلى نفوووووووووووووووس نووف يا قلبي الف الف مبرووووووووووووووووك و عقبالك يا عسسسسسسسسسسسسل انتي و عزوز نجوووووول ما قصرتي يا قلبي وما يجيبها الا حريمها خخخخخخخخخخخخخخخخ نوير تراني داقتن على عزوز و معلمته وش تسوين من مراها اثقلي يا بنت مزنة اها عاد يا بنت لا تدلعين وش فيه محمد فدية ادبه انا محمد يا عمري على المؤدبين و الخجولين يالله يعطيك على قد نيتك و يرزقك الي في خاطرك يا اخوي داااااااااااانة يا قلب عليك اي كذا البنت و ربي ما راح تندمين الا راح تولعين في عقل سعووووود حريقة ما تنطفى الا برضاك يا حلوووووووووووووة انا قلتلك عطية فرررررررررررررررررصة سمعتيني اخر نداء لدندونة فرصة وحدة و راح تكونون مع بعض احلى من العسسسسسسسسسسسسسسل <<<<<<<<<<<<<<<<<<<< ابو الثقة سعوووووووووود ورراك يا خوي جالس في البر قووووووووووم شوف الخيال الي سوته حبيبت القلب قوم قبل لا تنام دندونة قلبك خخخخخخخخخخخخخخخخخخخ جواهر يا قلبي عليك ربي يشرح صدرك و يصبرك على ذالعلة عبووودو و الله يستاهل هو و مجودوه الي جاهم و عساهم كذا و اكثر و عساك يا عبود تموت من الحسرة بعد ما تشوف الجوهرة جوجو و ما تقدر تلمسها عبووووووووووود و مجووووووووووووووودو و الله اني مجهز خيازرين منقعه بماي و ملح (عصيان ضعيفة مغرقة في ماء مالح جداو ضربها موجع بالمرررررررررررررررررررررررررررر) لولا عرس هدوووب الي انشغلت فيه امس و كان اشتغلت فيهم انا و معاي مجموعة من بنات المقلط و خليناكم كفتة و وزعنها على الفقراء و المساكين بس نفوس ارحمتكم و لا مخلين الحلوة كورة بينكم يا دلخان و الله برد قلبي يو انها وقعت بس جوجو و الي يخليلس عيالس لا تقصرين في عبوده طلعي عيونه من فوق و من تحت خخخخخخخخخخخخخخخخ مذهلة يا عيوني على النقل الي يخبلللللللللللللللللللللل و تقبلي مروري البسيط يا قلبي |
قبل أنزل البارت الجديد
42 تحذير بسيط البارت فيه شوي جرأة بس شوي وأنا والله العظيم لا أتقصد الجرأة لذاتها أو في محاولة رخيصة لجذب مشاعر المراهقات أنا أكتب مثل ما أحس أن الموقف يتطلب بمشاعره.. بزخمه.. بانفعالاته.. ببروده ..بجرأته ويمكن لاحظتوا هذا في البارتات اللي فاتت لو حسيتوا أن الجرأة في الرواية غير مقبولة أرجو تنبيهي.. لانه بعد فيه مواقف جريئة قادمة إذا ضايقتكم.. خل نمسحها من الحين أو نعدلها شوي رغم أني ما أحب أني أعيد صياغة مشاعري أو مشاعر الشخصيات لكن احتراما لكم ولمتابعتكم لي انفاااس |
مذهله والله بغيتي توهقيني..ههههههه
|
بعد الغياب/ الجزء الثاني والأربعون
#أنفاس_قطر# عبدالله دخل المجلس بخطوات مترددة.. كانت نوف تسحبه من يده.. لو عليه كان وده يعطي نوف العلب.. ويرجع.. ماكان يبي يشوف جواهر عقب ماصارت زوجته.. شوفتها تذكره بكلامها الجارح المر.. كانت نوف تشده من يده تبي تجلسه.. شاف خيال أخضر جالس على الكنبة، لكن الحرقة في قلبه كانت تمنعه من التركيز.. جلس على الطرف الاخر من الكنبة.. وعينه في الأرض.. غصبا عنه ورغم محاولاته لعدم الالتفات ناحية جواهر: عينه طاحت بدايةً على قدمين لامعتين مغلفين بخطوط حرير خضراء.. طالعها ببرود مصطنع بدءً من اظافرها الناعمة اللي معمول لها فرنش منيكور، وعلى طرف الظفر وردة خضراء صغيرة.. ارتفعت عينه شوي..لسيقانها وهو لحد الحين مو قادر يستوعب الصورة البالغة الفاتنة والروعة والبهاء اللي بدأ باكتشافها جزءا جزءا سيقان مصقولة.. مشدودة.. خالية من أي شائبة كأنها سبيكتين من ذهب صافي.. وخيوط الحرير الخضراء الملفوفة بنعومة عليها تبين لونهما الاستثائي بشكل بالغ الأثارة.. عيونه ترتفع أكثر.. وببرود أكثر.. ليديها المثبتة في حضنها.. يديها مازالت ذكراها حاضرة من أول مرة شافها فيها.. لكنها اليوم أنعم واكثر إثارة بالفرنش منيكور وبتلات الورد الأخضر المتناثرة بعشوائية على أظافر يدها المقصوصة كالعادة.. ولكن أظافرها نفسها طويلة في امتدادها داخل أناملها.. عيونه المتفحصة المدعية للبرود ترتفع أكثر لخصرها الملفوف.. لصدرها النافر.. (شنو هالمره كل شيء فيها مرسوم بدقة ومحدد بمثالية .. ولكن حتى ولو.. النفس عافتها خلاص.. ومن عافنا عفناه ولو كان غالي) وصلت عينه لحد تلاقي شاطئ الفستان الأخضر بساحل المخمل الأبيض.. امتداد نحرها المبهر في تلاقيه مع عنقها المرتفع بشموخ.. عينه مازالت تكمل رحلتها بذات البرود اللي حاول التمترس والاختباء خلفه: وصل لذقنها الناعم.. ثم.. لشفايفها.. حاول يكمل رحلته.. بس لقى نفسه مجبر غصبا عنه على التوقف عند هذي المحطة.. شفايفها :الجليد والنار.. إلتقاء اليأس والأمل.. انفراجة الحسن والاغراء.. حس كأن شفايفها من رقتها ممكن تذوب في أي لحظة.. ومن إغرائها ممكن تشعل حرائق لاهبة في قلب أي حد يوقعه حظه الحسن أو ربما العاثر في أسرها ( لكن موب أنا.. موب أنا) كمل رحلته بعد ما سيطر على أعصابه ورجع أعصابه تحت جليد جرح كرامته المهدورة لأنفها الناعم المنساب برقة حادة.. لعيونها... اللي سحرته من أول مرة شافهم عبر فتحات النقاب، (لكني اليوم خلاص محصن ضد السحر) مايعرف ليش عيونها بعثت في أوصاله رعشة قاتلة.. لكنها لم تتجاوز أعماقه لتظهر على محياه.. عيونها هالمرة كانت أكثر سحر وفتنة من أي شيء أرضي أو معقول أو متخيل.. شيء يتجاوز حدود أي خيال.. وكانت لتوها تتجرأ وتقدر ترفع عينها لعبدالله.. لتلقي عيونها بعيونه في عناق طويل.. طويل عيونه فيها برود قاتل مصطنع خلفه قلب يحترق.. وعيونها فيها يأس قاتل حقيقي خلفه قلب يرتعش.. كان عبدالله يطالع بذات بروده المصطنع في شكلها الكامل.. شعرها الأسود مثل ليل معتم يحتضن بدر مكتمل البهاء.. عبدالله حس بما يشبه وخزة الألم الحادة في قلبه وهو يطالع حسنها الغير طبيعي.. عبدالله في نفسه يقول: (صحيح عمري ماشفت مره بهذي الفتنة والجمال والسحر..وخلف الجمال شيء يشدني بعنف لروحها.. لكن قلتها قبل يا جواهر.. كله ولا كرامتي) جواهر كانت خايفة ومرتبكة.. لكنها كانت تتسلح بثقة زائفة، وهي تحاول ترفع رأسها بشموخ وتحط عينها بعيون عبدالله.. عبدالله الساحر المؤلم الجارح.. الموغل في رجولته وعنفوانه وهيبته.. بنظرة عينيه الآسرة.. وهالة الضوء غير المفهومة التي تحيط به عبدالعزيز بمرح: شنو ياعرسان بتقعدون ساكتين؟؟ نوف بمرح: يبه قرب شوي من أمي كانك خايف منها.. عشان التصوير يطلع حلو.. عبدالله باهتمام: وأنتي بتخلين المصورة تطلع بصوركم؟؟ نوف بنفي: لا لا تحاتي صور مرتك المزيونة بيعطوني السيدي، والميموري كارد قبل يروحون، وأنا بأظهر الصور على طابعتي.. يالله حبيبي قرب مامي.. عشان تلبسها الدبلة والطقم.. عبدالله قرب منها شوي ببرود.. كل هدفه يحرجها شوي دامه حصل غطا هو أوامر عياله له.. وربما يخفي حتى عن نفسه أهداف أخرى.. نوف فتحت علبة الدبلة : واو يبه، صراحة رووووعة.. كانت الدبلة دبلة من الألماس غاية في الفخامة والرقي والنعومة في ذات الوقت.. نوف بحماس: يالله يبه في بنصر اليد الشمال.. عبدالله مسك ببروده المعتاد يد جواهر اللي كان إحساسها إنها بترجع اللي ببطنها كان يهاجمها.. كانت تحاول إنها تتماسك.. بس غصبا عنها لما حست بيده الدافئة تمسك يدها الصقيعية المرتعشة.. ارتعشت يدها بعنف أكبر.. عبدالله اللي كان حاس بارتعاشة يدها كمل مهمته ببرود يستحق عليه جائزة الاوسكار لإجادته لتمثيل دور البرود بينما هو يكاد يذوب احتراقا.. يكاد لفرط النار في أحشائه أن يشعل نارا قد تلتهم كل ماحوله وفي الوقت اللي كان يلبسها الدبلة، نوف ميلت على أذنه وقالت له شيء.. هو تنفيذا لأوامرها.. بعد مالبس جواهر الدبلة شال يدها وطبع عليها قبلة باردة ظاهريا محرقة داخليا.. جواهر لما شافته يرفع يدها لشفايفه.. حست إنها خلاص بترجع.. لكنها تماسكت، وهي تدعي ربها ما يفشلها في عيالها ويكسر فرحتهم.. نوف بفرح: واو باباتي.. شاطر.. يالله الطقم.. جواهر اللي كانت اول مرة تتكلم من دخلة عبدالله عليهم، قالت بصوت مبحوح حاولت تبث فيه أكبر قدر من الثقة: خلاص نوف لا تلحين على أبوج.. (وهي تتمنى إن ربي يعتقها من تلبيس عبدالله الطقم لها) نوف بخيبة أمل: يبه .. ما تبي تلبس مامي طقمها.. عبدالله ببرود خبيث وهو يطالع جواهر اللي وجهها كان إشارة مرور: لا حبيبتي أنا يسعدني ألبس مامي طقمها (وشدد على كلمة مامي).. عبدالعزيز كان يطالع بهدوء وهو حاس بسعادة حقيقية وهو يطالع أمه وأبوه ويقول في نفسه(فعلا انخلقوا لبعض) نوف تفتح الطقم، تهتف بانبهار: جد بابي واو واااااااو وااااااااو... مذوق يابو عزوز.. كان طقم ألماس وزمرد مبهر وحصري في تشكيله، العقد ناعم، لكن الأسوارة عريضة، الحلق ناعم وطويل، والخاتم فخم ومتوسط الحجم.. عبدالله وهو يطالع جواهر بنظرة خاصة: الحين عرفت ليش أصريتي على طقم يكون فيه زمرد اخضر.. وعندج حق.. أول شيء ناولته نوف الخاتم، لبسها إياه في يدها اليمين... وبعدين الأسوارة لبسها إياه في معصمها اليمين.. ومع مسكه لمعصمها كانت جواهر تحس بتوترها يتعالى... في الوقت اللي عبدالله كان يتعامل مع الوضع ببرود شديد البراعة.. جاء دور العقد، قرب عبدالله أكثر واكثر منها.. في الوقت اللي حنت جواهر عنقها له.. وهي تلعن الساعة اللي خلتها توافق على فكرة تلبيس الطقم هذي.. كان عبدالله قريب منها كثير.. كانت أنفاسه الدافئة المعطرة تصدم بعنقها الطويل في الوقت اللي جبينها يكاد يلاصق كتفه.. طول عبدالله بتقصد غير مقصود ظاهريا وهو يلبسها الطقم واصابعه تلامس بنعومة عنقها.. لحد ما نجحت مهمته ولبسها .. يالله بابي الحلق.. (نوف بحماس) جواهر حاسة خلاص إنها انتهت: ماما نوف خلاص الحلق بألبسه بنفسي.. عبدالله ببرود يقتل: أنا أحب أكمل مهمتي بنفسي.. بدأ بالفردة اليمين.. جواهر لما حست بأصابعها على شحمة إذنها.. توترت وإحساس الترجيع واصل حده وحمدت ربها إنها ماكلت شيء من البارحة، او كان سوتها ورجعت على ثوب عبدالله.. الفردة الشمال.. وانتهت مهمته وجواهر تنهدت براحة لخلاص العذاب هذا.. وكانت تبي تنط تقوم.. لولا إن نوف قالت بفضول: بابا فيه علبة ثالثة ..وش فيها..؟؟ عبدالله بحب لبنته: افتحيها.. هذي هديتي أنا لمامي على قولتج.. فتحت نوف العلبة بسرعة: كانت ساعة ستايل جدا مرصعة كلها بالألماس.. وفيها زمرد أخضر ناعم جدا.. نوب بانبهار: واو بابي تجنن.. والله كلك ذوق.. عبدالله بهدوء: أنا شفتها حسيتها تلبق وايد مع الطقم.. وأمج تستاهل أكثر.. قالها وهو يطالع جواهر بنظرة غامضة.. عقب عبدالله خذ الساعة ولبسها جواهر في معصمها اليسار.. ورجعت جواهر تبي تنط.. على أساس أن التعذيب خلص بس نوف وقفتها وهي تهتف بحماس: يالله يا بابا خلصت التلبيس.. يالله البوسة عشان الصورة... وصارت تصفق وتقول : بوسه هوهوه. بوسة.. هوهوه وعبدالعزيز أخوها يضحك على خبال أخته.. ************* جواهر سمعت طارئ البوسة ، توترت.. وش بوسته بعد؟؟ بس لأنها تعرف إن البوسة اللي بعد تلبيس الطقم، تكون على الرأس.. فما اهتمت وايد.. (خله يبوسني على رأسي ونخلص من ذا السالفة.. وذا البنت اللي جننتني) جواهر قالت كذا ودنقت شوي.. على أساس تتيح لعبدالله فرصة يقبل رأسها.. لكنها فوجئت بأصبع عبدالله تمتد برقة/بقوة تحت ذقنها.. وترفع وجهها، وعينها تجي بعينه وعيونه فيها نظرة غامضة وعميقة قبل ما تستوعب أي شيء كانت تحس بملمس شفايفه على شفايفها، في قبلة عميقة.. ناعمة.. ومستحوذة.. عبدالعزيز كح.. وصد عنهم.. نوف قالت بتوتر في الوقت اللي كان عبدالله يسحب شفايفه بهدوء عن شفايف جواهر: يبه الله يهداك البوسة هذي في غرفتكم مو قدامنا.. المفروض تبوسها على رأسها عبدالله ببرود.. تحته بعض خجل لم يظهره للعلن.. وكثير من الانفعال اللي تركه احساسه بملمس شفايف جواهر الملهب: يا أبوج أنتي اللي صجتينا بوسة بوسة وماحددتي لي مكان.. وأنا أعرف الرجّال يبوس مرته كذا.. هي موب جدتي عشان أتوقع إنج تبيني أبوسها على راسها.. جواهر كانت في عالم ثاني.. كانت بتموت من الحرج من عيالها، وخصوصا من ولدها.. (الله يوريني فيك يوم ياعبدالله.. كذا تسويني فيني قدام عيالي) جواهر وجهت كلامها لنوف اللي كانت مشغولة مع المصورات تطلب منهم يمسحون المشهد والصورة اللي قبل شوي: يمه خلاص نروح داخل؟؟ عبدالله مسك ذراعها بقوة مستحوذة /برقة صارخة: أنتظري شوي.. أبي أقول لج شيء.. جواهر حست بلسعة نار من ملمس يده على ذراعها العاري بعدين وجه كلامه لعياله: عبدالعزيز انطرني برا، وأنتي يا نوف روحي داخل.. #أنفاس_قطر# |
زارا تراني متسحبهالي عيونكم هذا هم ينادوني بروح
يالله بنااات قراء ممتعة |
السلام عليكم ورحمة الله وبركاته
أخيرا وجدت قصة تحرك المشاعر الراكدة بعد توقف (قصة ليتني)ولكن حقا إنها قصة غيييييييييييييييير أولا بكاتبتها الرائعة بكل ماتحمله الكلمة من معنى ابتداء بأسلوبها في الكتابة ومرورا بوقفاتها التي (تشبه دورة في تعليم مهارات التفكير) وانتهاءًبأهم صفة تميزت بها عن جميع الكاتبات اللاتي قرأت لهن وهي الإلتزام بالموعد المحدد لكل جزء بل والكرم ايضا (الله لايغير علينا ) لك مني كل الشكر والتقدير كاتبتنا المبدعة تحياتي مذهلة على هذا الذوق الراقي في اتحافنا بهذه القصة وليس هذا غريبا عليك الست من اعضاء المجموعة الماسية بزعامة عالمة الأحياء من قلب وكبد واحشاء ونبات وزهور(زارا)؟إذن لاعجب ولكن حقا يدهشني ذلك الحقد والكره من معظم القارئات نحوالشخصية المميزة وصاحبة المبادئ (عبد الله)ارجعن الى القصة من أولها وأعدن قراءة الأحداث دون أن يؤثر عليكن عمره(40)وستجدن أنه يمثل قمة الرّقة والرومانسية والحنان والتضحية والرجولة والشهامةفي كل مواقفه:بره بوالده ،زواجة من طفلة ،تضحيته برغباته الطبيعية؛ خوفا عليها مع ملاحظة سنه وثقافته في ذلك الوقت ومع ذلك عاملها بلطف وإن كنت أعذر جواهر في اساءة فهمه فليس لكنَّ عذر لأنكن اطلعتن على وجهة نظره من البداية أما خطفه لاْطفاله(فقد برره من وجهة نظره وإن كان في ذلك قاسيا وأنانيا ولكنه لم يضيعهم بل حافظ عليهم والظاهر أنه حمل حبا دفينا لأمهم حال بينه وبين كل النساء سواها وسيتضح ذلك من خلال الأحداث التزام عبد الله بكلمته أمام ماجد يجعلني اتوقع التزاما منه بتنازله عن حقه في زوجته مهما كان ذلك مؤلما له وسيحاول ترويضها بطرقه الخاصة إلى أن تطلب منه بطريقة ما التراجع عن موقفه وقد اشار إلى ذلك أثناء عقد الاتفاق رواية رائعة ووقفات مذهلة تتوقف معها الأنفاس وكاتبة متدفقة جعلتني أحب ما اضافت نفسها إليه وأعلنت ما أنا واثقة منه أن الفتاة المحافظة تظل درّة قيّمة يتسابق أفضل الرجال من أجل امتلاكها ويتحسرون على فقدها ويغرقون في بحرحبها كلما زادت قربا وخجلاوكأن الشاعر يصفها بقوله إنّ التي زعمت فؤادك ملّها خُلقت هواك كما خُلقت هوىً لها بيضاء باكرها النعيم فصــــــاغها بلباقة فأدقها وأجلّهــا منعت تحيتها فقلت لصاحبي ماكان أكثرها لنا وأقلها كلي شوق لمتابعة هذه الفريدة من نوعها دمتم بود:55: |
ياهلا ويامرحبااابنفوسة ونذلة الى مصحبتها من اول القصة ولا ادري الى متى بستمر هاذي النذلة >>>بالله يابنات اذا في وحده عندها نصيحة عشان نشيل النذالة من عند نفوسة لانها باذن الله اذا انشالة منها راح تنشال من عند عبود خخخخخخخخخ ونرتح من هم النذلة بالله عبيد وش عنده في جواهر>>>>الى يعرف يقولي خخخخخخخخخ؟؟؟ نفوسة سمحي لي في هذا الجزء اهنيج نفوسة على اسلوب الوصف الدقيق بجد انت مبهر في هذا الجزء وابدا ماكان فيه شي فوق المنطق وش تسوين في عبيد الخبيث خخخخخخخخخخخخخخ في نظراتها وتصرافاتها وتسلمين على الجزء مذهلة |
نفوووس صج ان البارت مثل ما قلتـي قصير بس يالله كل شي منج حـلو وما قدرت أأجله لباجر اول ما شفت ان في بارت قريته قصتج لا تقاوم هع.. بالنسبـه للجرأة..في مواقف صج تستدعي هالجرأة بس بحد معقول..ودام المشهد طلع معاج جذي وحسيتي ان الجرأة مطلوبة هني ولو شلتيها بيطلع مو حلو خليهـا بس تذكري بحد معقول:) عبد الله يعيـني عالي عايفهـا والا كرااامتي..ويتحجج بعيالـه..مو علينا هالحركات..اممم اعتقد انـه بيحطمهـا بعد الي سواه وانـه بقولهـا انه لايعه جبده منهـا وما سوا جذي الا عشان عيالـه..طبعا كل هالكلام خرطي هع هع..بس صج طلع مو هيـن.. جواهـر هع صــج احراج ولوعة جبـد..بس يالله عشان عيالهـا كل شي يهوون..والله يستـر من ردة فعلـها لا طلعو العيال..يا بتكون مخدرة ومو مستوعبة يا انهـا بتعيد كلامهـا السم وبتزيد عليـه.. الله يستـر.. نوف هع احس امج ودها تذبحج :) بس ما تهونين عليهـا.. تدرين نفوس مادري ليش احس ان نوف بتقعـد برا عشان تسمع الي بقولونه هع عبد العزيز يعيني عالي يستحـي...وان شاء الله دوم الفرحـه مذهلـة ما قصــرتي تقبلي مروري |
هههههههههههههههههههههههههههههههههههههههه
والــــــــــلــــــــــــــــــــــــــــــــــــــــــــــ ه فـشــــــــــــــــــــــــله... بل بل بل عليك يااعبوود مااتلعب انت اليووم.. هههههههههههههههههههههههههههههه ووااي من الفشله من الموقف جتني هستيرياا ضحك.. بس والله انك رهيب ياا عبوود الدب..نفوووسه لاااااا تمسحين شي ولااا تسووين تعديل كله يهبببببببل.. ههههههههه>> والله اني مستحي بس وربي ياانفووسه وجهي الحين يبي له مطااافي.. بس رووعه الموقف فااجأنا قبل ماايفاجأ جواهر ويفاجأ عياله..ههههههههههههههههههه جوجو.. والله اليوم انتي صاايره ابوو الهووول بس ماتنلاامي .. ههههههه. وبعدين ترى انغثينا بسالفه برجع هذي بعد..؟؟ اشووى صراحه انتس مو مااكله شي والا كان هالمسكين من بينظف هدومه.. هخهخه...بس والله موقف محرج وقدام العيال.. الله لاا يفضحنا.. اما عزوز يجنن وهوو متخرع من ابووه..ههههههههههه ونووف الهبلااا وهي تحسب رووحها بملعب. هووه هووه.. الله يقطعهاا ذكرت المنتخب توو لما رااح منه الكاس.. أهي أهي .. المهم نرجع لمرجوعنا .. خهخهخه عبود: اليوووم وبهالجزء انت النجم..هخهخه.. والله ماااصدقت شكلك تسمع بووس الا وانت عاافس الدنيا..هخهخه بس صرااحه اكثر شي مت مت مت من الضحك عليه تعليقك على نوووف.. وانت تقوول لها.. اقتباس:
بس ودي اعرف وش تبي فيهااا وش تبي تقوول لهااا... يمكن ترقع هاللي سويته وتقوول انك بس عشان العيال مايحسوون ومدري وشوو؟؟؟ اقوول ياا نفوووسه تهقين لوو نهدد هالمرة بانقلااب بتنزلين لنااا الاجزااء اللي بعده على طووول..ههههههههه نفووسه والله ماااقصرتي يااقلبي.. والف شكر لتس عشاان ماا سفهتينا و خليتي برستيجناا يضيع قدام المعجبات..ههههههههه والله يعطيتس الف مليوون عافيه.. واشووى ان قلبتس رحووم ومااخليتيناا نقعد نفكر ونحلم ونقوول الحين وش بيصير .. وغير كذاا اشوى بعد انتس نزلتي الجزء اليوم عشاان عبود ماتكسر رجلينه من الوقفه وجواهر ماايجيهاا حوول وعيونها بالارض.. هخهخهخه بس المشكله الحين ياا اختي هي ان جواااهر بتعورهاا يدهاا من مسكة عبوود لهاا.. مااودتس ترحمينهم من هالالم اللي بيصير لهم وخصووصا ان كلهم بعد واقفين..هع هع هع... نفوووسه مشكوره يااقلبي الف الف الف شكر لتس على هالباارت اللي يجنن.. |
وااااااااااااااااااااااااااااااااو
وااااااااااااااااااااااااااااااااااااااااو نفووووووووووووووووووووووووووس الموقف امممممممممممممممممممم محررررررررررررررررررج اكثر ما هو جريئ طاح وجهي و ............................................... الحمد لله محد جنبي و انا اقراء خخخخخخخخخخخخخ مذهلة معاكي حق في كلامك عبوووووووووووووووووود و الله و ماقدرت تقاوم سحر جوجو يا بو الشباب و قدام عيالك يا اخي كان انتظر شوي الي قدامك مراهقين كذا تفتح عيونهم خخخخخخخخخخخخخخخخخخ شكلها بتربيك و ما راح تقدر تروضها الا شووووووووووووي عزوز ياقلبي عليك فديت الي يستحي يا ولدي مذهلة ربي يعطيك الف عافية يا رب على النقل الحلوووووووووووووو نفوووووووووووسة ربي يشرح صدرك اكثر و اكثر لتتحفينا بالاحداث الرااااااااائعة |
اقتباس:
مذهله عيب عيب يااقلبي.. وش نذالته هذي بعد...؟؟؟ عقب هالبارت الاخير وانه ماانزل الا مخصوووص عشاان عيوون ناااس كانوا بيسوون مظاهرات.. لااعااد اسمع كلمة نذله على نفووسه.. الا هي الكريمه بنت الاكرام.. الطيبه بنت الطيبين.. العسل بنت العسوولين... لانها يمكن مااتدروون ترحمناا بعد وتنزل البارت 43..هع هع هع.. تبين الصدق عااد مذهله.. والله ان عبوود يجنن ورهيب .. بس مرات احسه يسووي شي غلط.. يقلب الدنيا عليه.. والا هوو طيب واجودي.. وبعدين فيه وحده تقوول عن واحد بمجموعتهاا نذل؟؟؟؟؟؟؟؟ تعالي اعطيتس كووورساات على يديني اللي لوو اشووف واحد من مجمووعااتي مسووي نوون وماايعلموون ادوور له الف عذر وعذر ولاااا احطه غلطاان ابد.. وانا اكوون والله صدق مقتنعه انه برئ..هخهخهخهخه الله يرد فارس فرساان مجمووعااتي بالسلامه ياارب. |
اقتباس:
ولا يهمج يازارا وعشان خاطرج نفوسة نزلي جزء عشان زارا من زمان وهي تدفع عنج لازم تكرمينها بجزء مخصوص خخخخخخخخخخخخخخخخخخخخخخخخ مذهلة |
:55::55::55::55::55:
ياسلالالام جزء ولا احلى خطيررررررررررررررررر والله ان نوف خطيره عبد الله كان جرئ شوي بس رهيب ثاااااااااااااااااااااااااانكس |
تسلميييييييييييين مذهله على نقل البارت عاد الي قبله شفته مع نفووس بس قلت الجاي مااشوفه الا
مع مذهله .. بصر1111111111111حه موقف شيييييييييين طاح وجهي بصراحه كان انتظر مو قدام عياله بعدين وش جدته مدري امه هذ1 الي متعارف عليه الا قال مالي الا الوقة هذ1 ولا مراح اشوف شي بعد كذ1 هع هع جواهر الله يعينك ياعبدالله عليها اتوقع بتذبحك اليووم ... تسلمين ياقلبي على النقل.. جــــــ,ـــــ,ـــــودي |
مذهلة يابعد قلبي تسلمين على الأجزاء واجتهادك في النقل ..! عبدالله اليوم زودها وخربها بقووووة ههههههههههههههههههه قدام عيالك عاااد هههههههههههههههه لااا وماتدري وين تحط البوسة .. علينا يالشايب ؟؟؟ صدق عقول الشياب احياناً تضرب غلط ههههههههههههه !!!! مذهلتي .!! من قال لكم ان لي مجموعة << ماخلت زارا في الساحة احد عشان يصير لنا مجموعات بعدين انا قلت ابي اشوفه واملا عيني منه لأنه مزيون فقط وانفاس الله يعافيها وصفته بشكل رهيب .. ولا عبدالله كشخصيه تراه قاهرني بداية بأخذه لعياله مدري خطفه .. وانتهاءً بتصرفه مع ماجد .. لو غيره كان حط المسدس في راس ماجد وهو يقول تنازل عن ام عيالك لي .. لكني ااعتقد انه راح يبدع بتصرفاته مع جواهر بعد ماتجي في بيته ويمكن اقوووول يمكن يعجبني كشخص مو كشكل بس << بتطردها مذهله ههههههه المهم انفاس انتي كاتبه جميلة .. صحيح ترهقين اعصابنا حبة بس بسرعه نروق وتهدينا الله يسعدك هذي هي لذة قراءة القصص القطرية وازيد على كلام ام احمد عن القصص القطرية .. " كمية الحزن في بعض القطرية اللي قرأتها يحرصون انهم مايرهقون اعصابنا بالحزن والمواجع والاثارة المتعبه والغموض الممل .. وهذا اللي تعمله انفاس معانا .. التشويق يعتمد عندها على لذة القراءة والمتعه والانفعالات البسيطة " الله يعافيك يامذهلتي على النقل وربي يسعدك ياانفاس على البارتات الكثيرة حقيقة كل يوم بعد المغرب ادخل النت عشان بعد الغياب ماادري اذا مالقيتها في يوم اش بسوي ؟؟!!! ودي انها تطول وماتنتهي بصراحة .. موفقة مذهلة .. وموفقه انفاس تقبلوا تحياتي .. ! |
| الساعة الآن 05:13 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية