منتديات ليلاس - قول عادي .. بالي الليله طويل ..

اقتباس:

المشاركة الأصلية كتبت بواسطة صدق المشاعر (المشاركة 1815048)

قول عادي .. بالي الليله طويل ..
شُوف لِك عذرٍ قديمٍ / وأقبِلَه !!

لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَه

" طيبتي " صارت مثل ( كف البخيل )
أيِّ شَي طايح .. تِشُوفه ؟ تحمِلَه

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَه

وعادي جداً .. إنِّي الليله ( عليل ) ..
الحزن : يحْسِبني واحد مِنْ هَلَه !!

ومو غريبه .. لو تِمَنِّيت الرحيل
البقاء أحيان , يعني .. البهذلَه !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَه

مِنْ يلاقي ل دنيتي هذي بديل ..؟
خل يجيني أي شخص .. أبَدِّلَه

وعيب راسي لا بغى شي " مستحيل "
يوصله مو طيب .. غصبٍ يوصلَه

ليه راجع ؟!
ليه ذاكر ..؟
ي الأصيل ..؟؟
إنت ضايق .. ؟!
في خطأ بالمسألَه !!

وليه تبكي مِنْ كلامي ي الدخيل ..؟
المشاعر .. ما لَهَا بقلبك صِلَه ؟!

و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!

مِن عرفتك .. ما بقى ب اليَد .. حيل
ولو بكيفي ..؟ [ قلبي ] محدٍ يدخلَه

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَه !!

فاقد الإحساس / ما يعطي القليل
وإن عطيته إحساس قلبك ؟ يقتِلَه !!

إيه ب أرحل والطريق أدري .. طويل ..
مشكله " قربك " .. وبُعدِك مشكلَه ..

وإن خذاني المُوت إترك قال وقيل ..
قول ه الجُمله .. وخطاك محلِّلَه :

[ ربِّي إلهَم أهله الصَبر الجَميل
وإرحمه يا رب وإحسِن مدخلَه ]

وحشتني مووووووووووووووووووووووووووت...بس انتي وحشتيني اكثر.....
صدووووووووقه ...يسلمووووووووو عالحس الرااااااقي...دوووووووووووم...حبيبتي....
الله يسلم قلبك ياااارب...