|
عيال العم للكاتبة شيطونة راك
بسم الله الرحمن الرحيم عيال العم للكاتبة شيطونة راك عايله بو محمد مكونه من 4 أفراد محمد وزوجته فطيم وبومحمد وأم محمد وفهد وأختهم عاليه محمد يشتغل بشركه أبوة وفطيم مدرسه بمدرسه فبوظبي وأم محمد قاعدة فالبيت وبو محمد يداوم بشركته كل يوم صباحي ومسائي أما فهد فيشتغل بلاتصلات وفي بعض الأحيان يسير يشتغل ويا أبوة مسائي بما انه عنده مكان بشركه أبوة عاليه تدرس سنه أولى جامعه بجامعه زايد ... عايلة بو عبدالله مكونه من 5 أشخاص بنتين و3 أولاد واحد منهم كبر محمد ولد بو محمد وجاسم إلي يدرس بجامعه الإمارات رابع سنه وبيتخرج بعد كورسين ان شاء الله يعنى تقريبا سنه و منصور الي بعدة ثاني ثانوي أما البنات فهم نوف إلي تدرس بجامعه زايد ويا بنت عمها عاليه بس نوف اكبر من عاليه ب 3 سنوات يعنى تقريبا خريجه هالسنه بعد و حصة الي بدش هالسنه الجامعة وهي من عمر عاليه بو عبدالله يشتغل ويا أخوة بو محمد بنفس الشركة وهم تقريبا يملكون الشركة النص بالنص أبوهم متوفى بس أمهم بعدها حيه وتقريبا محد يروم يرفض لها طلب ابدا حتى عيالهم الي من صغرهم متعلمين ان كلمه يدتهم فوق كلمه أبوهم وأمهم .... عاليه وحصة ربع من الخاطر وتقريبا بكل خطوة تلاقيهم مع بعض اما نوف فعندها ربيعه اسمها ريم وهي دوم وياها من أيام المدارس ما يفترقون عن بعض فهد عنده ربيع اسمه فيصل وفيصل يكون اخو ريم ربيعه نوف فهد وفيصل ويا بعض دوم فيصل مستواه المادي اوكى بس مش حاله فهد إلي أبوة معروف بعالم السوق ودوم ربع فهد يحاولون بيعدون بينه وبين فيصل بس هو ما كان يصدق أي شي ويعرف أنهم ربع مصالح إلي يحاولون يسوون هالشي .. بعطيكم شوي عن الموضوع عشان ما أطول عليكم فهد جاف ريم مرة عند نوف وعيبته واااااااااايد وخبر نوف بهالشي ونوف استانست وااايد انه ولد عمها بياخذ اعز ربيعه حقها وبتكون دوم وياها وريم تعرف ان فهد يباها وهي نفس الشي تباه بس ما تقدر تقول هالشي طبعا حتى حق نوف اعز ربيعاتاها أما بالنسبة لفهد فهو كل مرة يحاول يلمح لفيصل وفيصل فاهم هالشي بس ما يبا يعطيه فرصه لان فيصل يفكر بعقله قبل قلبه فيصل إنسان فاهم وعارف الدنيا عدل اما فهد فإنسان طايش الي بقلبه علسانه ما يعرف يخفي شي بس وقت الجد جد اما بالنسبه لفيصل فهو مب جايف نوف بس من كثر ما أخته ترمس عنها عنده فضول إن يعرفها أو يجوفها على الأقل ومن كثر ما تزن ريم فوق أخوها عشان يخطب نوف وتحاول تمدح أخوها جدام نوف عشان نوف تفكر فيه مب لشي بس لأنها تحب أخوها واااايد وتعرف ان نوف بتروم تسعده وفعلا قدرت تأثر على عقل نوف بأنها تعرف هلانسان بس ما تحاول تفكر واااايد بهالموضوع لانها ما تبا تشغل عمرها بشي ما منه فايدة بنظرها .. عاليه وحصة بالجامعة عندهم بريك وقالوا أنهم بيسيرون الكافتيريا عشان يتريقون وجافوا بالصدفة ريم ونوف قاعدين فساروا يقعدون وياهم : نوف: هلا وغلا حصة: هلا مرحبا الساع اشحالج ريم ريم : بخير الحمدلله علومج انتي ريم: تمام يسرج الحال اشحالج عاليه شو مسوية عاليه: بخير يسركم الحال شو تسون ما عندكم كلاسات نوف : لا عندنا بريك وقلنا بنقعد ويا بعض شوي تموا يسولفون شوي بعدين ساروا عنهم عاليه وحصة لان كلاساتهم بتبدا جريب وما يبون يتأخرون بأول يوم عليهم وخصوصا حصة نوف : احم احم جفتي حميتج اشقايل حلوة .............. نوف ما رامت تكمل لان ريم عطتها بالكتاب الي بيدها على ظهرها ... نوف : ااااااااخ ويعه ان شاء الله بلاج دفشة ريم : ههههههههههههههه انطبي عيل شو هاي الرمسه بعد نوف : اشفيج انزين انا ما قلت شي غلط اوف منج تقهرين ريم: ايواا قلتيلي ما قلتي شي غلط تصدقين عاد فيصل اليوم فدييييييييييييته اخويي كاشخ ريم ما كملت لان نوف سوت فيها نفس الحركة بس هالمرة يا الكتاب على راس ريم وحليلها نوف : ههههههههههه تصدقين مب منج مني انا الي معطتنج سالفه وياية ارمسج ريم : ههاهاهاي تتمنين أنتي أصلا تحصليني خخخخخخخ تموا يسولفون شوي وبعد شوي رن تلفون نوف وكان المتصل فهد لأنة يعرف إن ريم دووووووم ويا نوف نوف : مرحبا السااااااااااااااع هلا بولد العم ريم من سمعت هالكلمه ما حست غير أنها شلت عمرها وسارت اونها بتطلب لهم أكل عشان يتغدون نوف : هههههههههههههه وحليلها استحت خخخخخخ فهد: فديتها والله الله يغربلج أنتي لازم يعنى تقولين ولد العم أحينه شو بيبها هاي نوف : ههه لا ما عليك أحين بتيي أصلا هي وين بتحصل شراتك هاكي ها ييت فهد : قولي والله وافدييييييييييييتها ياربي اقولج أم كشه حطي سبيكر وقوليلها إهداء نوف : ان شاء الله بس لا ترمس ما فيني البنات يسمعون وتستوى خبصه فهد : عادي ما بيقولون شي يعرفونج أم كشه هبله خخخ نوف : لا والله اوكى هاذا ويهي جان قلتلها شي يالله باي فهد : لاااااااااااااااااا نوافه فديتج والله بنت عمي محد شراتج شيخه الحريم ريم : تسمع رمستهم وناقعه من الضحك عليهم لأنها تعرف علاقة نوف وفهد وأنهم أكثر من إخوان مب جنهم عيال عم وبنفس الوقت مستحيه ومب رايمه ترمس نوف : يالله بحط سبيكر حطت نوف التلفون على الاسبيكر وسمعت أغنيه وصارخت نوف اهدااااااااااااااااااااااااااااااااااااااااااااااا ااء أنت عندي حاجه غير هذى ما فيها كلا عمري وحبي الكبير ما نته واحد والسلام يعنى خذ مني ظماك باختصار وكلمتين أنت حاجه بهالزمن ما تكرر ما تكرر مرتين ما تكرر مرتين استحت ريم من الحركة وكملت نوف سوالفها ويا فهد وهي يقولها قوليلها تعطيني إهداء بس نوف مب راضيه لأنها تعرف ربيعتها وما تبا تعرضها للإحراج ... في بيت بو عبدالله عالساعه 2 الظهر الكل ياي من الدوام ونوف يايه من الجامعة ... دشت نوف البيت على يلسه ابوها وامها وأخوها عبدالله ومنصور وحصة أما جاسم فما كان وياهم لأنه يسير ببداية كل أسبوع العين وما ايي إلا على نهاية الأسبوع نوف : السلااااااااااااااام عليكم يا قوم الكل : وعليكم السلام والرحمة منصور : شخبارهم ( برمسته يقصد ريم ونوف عرفت قصده بس طنشت ) نوف : اماااااااااااااااااااااااااااايه أبا أسير بيت ربيعتى هلاسبوع منصور : انا بوديج افا عليج من بعد اذن الوالد والوالدة طبعا ابو عبدالله : ومنو هاي ربيعتج الي يسيرين حقها نوف : أبويي وأنا من عندي غيرها ريموووووووووووووووووووووووووووة منصور : هيه أبويي هي أصلا ما ترابع غير هاي البنت فديتها أختي وفديت ربيعاتها عبدا لله : منصور حشم شعندك على ربيعتها ترى الكل ملاحظ عليك أم عبدا لله : خلكم بعيدين عن ريم أنا أباها لجاسم فديته ولدي نظر عيني منصور : شووووووووووووووة جيه وآنا مالي رب شوه وعصب وسار عنهم بس قبل لا يظهر من الصالة صارخت نوف وقالت لا تنسى أنها اكبر منك وهي أصلا ما تفكر فيك ولا بجاسم أخوك بو عبدا لله تم يضحك عليهم وعبدا لله معصب من تصرفات أخوة إلي مالها معنى وخصوصا ان ريم اكبر عنه تموا يسولفون ويظحكون لين ما سار كل منهم غرفته . في بيت بو فيصل ريم قاعدة تفكر بلاهداء الي سمعتها ياه ربيعتها نوف وتعيد الاغنيه أكثر من مرة فبالها وتم تدعي وتقول ان شاء الله يكون من نصيبي بس انا لازم اخلي اخوي يفكر بنوف على الأقل لو ما خذته أكون جريبه منها ودش عليها أخوها فيصل وجافها سرحاااااانه فيصل : السلاااااااااااااام عليكم اشحالها الحلوة ريم : وعليكم السلام هلا بأخويي هلا وغلا ييت والله يابك تونى أفكر فيك فيصل : اخرررررررررررررررررررررط على إلي ما تعرفه قولي والله تفكرين فيني ريم : اووووووووووووة جب جب اسمع تعرف منو بيي بيتنا اليوم ان شاء الله فيصل : امممممممممم هيه واحد بيي يخطبج خخخخخخخخخخ ريم: شووووووووووة فيصل شو تخربط أنت انا ما أفكر بالزواج فيصل : ههههههههههههههههههههههه عبيطة والله انج عبيطه منو بيي نوف !! ريم : وعلامات الاستفهام على ويهها شدراك أنت لتكون ساحر خخخخخخ فيصل : هههههههه لا ساحر ولا وشي بس من كثر ما ترمسين عنها توقعت أنها هي إلي بتيي واصلا أنتي ما عندج ربيعها غيرها ريم : هيه والله فديتها أصلا انا ما أحب أسير إلا وياها فيصل : ويغمز بعيونه ما تحبين اسيرين وياها ولا لأنه محد يعطيج وية غيرها زين منها يوم متحملتنج خخخخ شلت ريم المخدة وكانت بتفرها عليه بس هو شرد من الغرفة وصارخت عليه أباك تكون موجود يوم تكون موجودة ....... ظهر فيصل من غرفتها وهو يفكر حلوة أنى أجوفها ولا ماله داعي هم ناس كبار وانا ما أتوقع أنهم بيرظون فيني بس ليش ما يرضون تمت الأفكار تاخذة وتييبه لين ما أخر شي قرر انه يجوفها ويعرف منو هلانسانه الي ريم حاشرتنه فيها وما صحى من تفكيره إلا وتلفونه يرن فيصل : السلاااام عليكم فهد: وعليكم السلام والرحمة هلا بالنسيب هلا بشيخ الشيوخ فيصل : ههههههههههههههه ويا ويهك جم مرة بقولك لا تقولي يالنسيب ماتفهم أنت فهد: يا حيه والله نسيبي خخخخخخ فيصل : وبعدين وياك أنت لا تحاول ما بيوزك أختي محجوزة فهد : افا يالنسيب ادري أنها محجوزة لقلبي فيصل : بتصطلب ولا أبند التلفون بويهك فهد : افففففففف حشا أنت ما تنعطى ويه وينك ابا أجوفك تولهت عليك خخخخخ فيصل : عنبو من ساعة ياي من عندك مسرع ما تولهت علي فهد : شو أسوي مشتاق أنا مشتاق تدفع بي الأشواق ما تدري ان الشوق في غيبتك حراااااااااااااااااااااااااااااااااااق فيصل : الحمد لله والشكر أنت وين خلصني بييك فهد: لازلت في بيتنا وعندما اخرج سأمر عليك علم فيصل : هههههههه اجا بابا فهد عمرة ما يفكر بعقل ماخذ الدنيا لعب وسوالف عمرة ما فكر بجديه وأي موقف يستوي حقه يحاول ان يتعامل وياه بطريقه حلوة ومرحه فبيت بو محمد محمد وابوة كانوا سايرين الدوام لأنهم يداومون على فترتين صباحي ومسائي وجافوا فهد وهو طالع فزقرة بو محمد وتموا يسولفون شوي بو محمد : فهد أنت ما تلاحظ انك ما تيي الشركة وايد هلايام أنت شوه كل حياتك لعبان خلك ريال شرات أخوك كم مرة بقولك هالشي واسمع عندك حل من 2 يا انك تهد الاتصالات وتيي تشتغل ويانا أو انك تهد الشغل إلي ويانا وتم بلاتصلات وأنا مفكر أعطي منصبك حق جاسم ولد عمك أنت الصراحة ما منك فايدة بو محمد كان معصب وهو يكلم فهد وفهد حس بهالشي بس ما علق على شي لين ما محمد رمس محمد : أبويي هد أعصابك وفهد أكيد فاهم هالشي بس خله مدة على ما يفكر بو محمد : أنت تدري انك مخسرني المرة إلي طافت 15 ألف درهم وسبت إهمالك بتقدير الميزانية فهد صخ من سمع هالرمسه وحس على دمه شوي وقال حق أبوة أنة بيفكر بالي قاله .... ظهر فهد من البيت وهومظايق من رمسه أبوة وما حس بعمرة إلا بمحمد أخوة ماسك جتفه محمد: فهد لا تضايق من أبوي تراك تعرف انه ما يحب شي كثر هالشركه وما يبانا نخسرها لأنها ورثه الوحيد حقنا وما يبينا نعيش اقل من عيشتنا أحينه فهد : والله عارف يا محمد ومب مضايق بالعكس أحس أنى صج مقصر وياة محمد: خلاص انا بسير عنك أحينه أخاف يعصب علي بعد سار محمد عن فهد وتذكر فهد انه مواعد ربيعه فيصل ولازم يمر عليه داخل بيت بو محمد عاليه كانت قاعدة بروحها دورت أمها ما حصلتها سألت الشغالة عنها قالتلها أنها سارت بيت جيرانهم ..... جافت عاليه عمرها فاضيه قالت بدق لبيت عمها تسولف ويا حصة شوي عاليه : السلام عليكم عبدا لله: وعليكم السلام والرحمة عاليه : حصة موجودة عبدا لله: بس منو أقولها عاليه : انا عاليه بنت عمها محمد عبدا لله : هلا عاليه اشحالج انا عبداللة ما عرفتيني شوه عاليه : هلا عبداللة اشحالك سوري ما عرفتك على بالي أخوك منصور الغلس عبدا لله : هههههههههههههه حتى أنتي مفوله منه عاليه : هي بعد شوه والله يقهر ما يحشم عبدا لله : هاي حصة ييت بخليج وياها حصة : هلا بنت العم اشحاااااااااااااااااااااااااالج يالبطة عاليه : الله يغربلج لا تقولين بطه جدام اخوج ما يصدقون اخوانج أنتي حصة : هههههههههههههههههههههههههههههههههههههههههههههههههه حلوة يا بنت بو محمد عاليه : افففف منج اقولج تعالي بيتنا انا ملانه بروحي وحليلي حصة : عرسي وفكيني من حشرتج شعنا أنتي ما تيين بيتنا كله انا الي ايي بيتكم عاليه : ويا ويهج وانا أروم ايي من اخوانج ياكلونى أكل عفانا الله اثنين مترصديلي فديتني حساسه ما أتحمل خخخخخخ حصة : ويا راسج صج والله تعالي نوف بسير بيت ربيعتها تعالي حبيبتي علايه عاليه : خلاص بدق لامي وبخبرها وبرد ادقلج جم حصوص عندي انا حصة : فديت روحج والله صكرت عاليه عن حصة وعلى طول دقت لامها أم محمد : هلا عاليه شعندج انا بالجمعية خلصي عاليه : امايه انا ملانه بسير بيت عمي شوي بقعد وياهم ام محمد : قعدي ذاكري وسيري حقهم أخر الأسبوع عاليه : امايه دخيلج عاد لا تسوينها سالفه امايه حبيبتي أم محمد : خلاص سيري بس دقي لفهد خل يوديج الدريول وياي عاليه : اوكي باي حياتي صكرت عاليه عن أمها ودقت لفهد بس فهد ما رد عليها واتصلت مرتين نفس الشي فهد كان ويا ربيعه فيصل عالبحر وناسي تلفونه بسيارته حصة وعبداللة كانوا ياسين بالصالة ويطالعون تلفزيون حصة جافت عاليه ما ردت عليها قالت بدق حقها بجوفها حصة: السلام عليكم عاليه : وعليكم السلام هلا حصوص حصة : وينج ما رديتيلي خبر بتيين ولا عاليه : اسمحيلي حصوص حبيبتي مرة ثانيه ان شاء الله حصة : لييييييييييييييييييييييييييييييييييييش يالبطه عبدا لله نقع من الضحك على هالكلمه حصة : اسكت اسكت أنت فديتها بطه حلوة خخخخخخخ عاليه : أنجبي انزين قلت بييج أول أحينه لا تحلمين اطب بيتكم ويا راسج اصلا امي ماخذة الدريول وفهد اخوي ادقله ما يرد اففففف منج ومن اخوانج ما بيخلوني بحالي حصة تمت تضحك عليها من الخاطر حصة : خلاص جهزي عمرج انا وعبدالله بنييج أحينه بنييبج بيتنا عاليه : لا والله مابيي قتلج قلبي ويهج بييج أخر الأسبوع وصكرت التلفون بويهها حصة ناقعه من الضحك عليها ولأنها كل مرة تحاول تغايظ فيها............ حصة : وحليلها والله أنا وجسوم طايحين فيها من الخاطر حتى منصور هو إلي يخلينا نزيد من تعليقاتنا عليها خخخخخخخخ عبدالله : ويا راسج بنت عمي ما ارظى عليها تعالي هي صف كم ؟؟؟ حصة : فجت حلجها يوم سمعت رمست اخوها هييييييييييييييييي انت هاي كبري واكبر عني بشهرين تقريبا وانت تقولي صف كم عبدالله : قولي والله من صجج انتي ولا تتمصخرين بس شكلها صغيرة ما يبين عليها حصة : جوف بقولك شي عنها هي واايد طيبه وحبوبه وحساسه زيادة عن اللزوم ودلووووووووووووووووووووووعه بالقووووووو عبدالله : اكيد بتكون دلوعه وحيدة امها وابوها هاي شيخه الحريم على قوله عمي حصة : ونا بعد فديتني دلوعه وشيخه الحريم عبدالله : اقولج شو احينه بنسير نييبها ولا حصة : لا قالت بتيي على نهايه الاسبوع لانه محد وياها احينه ومن رمستي حقها بطنقر وبسير تغلق موبايلها وما بترد علي خخخخخخخخخ عبدالله : خلاص عيل نجوفها نهايه الاسبوع والله انها كبرت بسرعه حصة : هي على نهايه الاسبوع جسوم بيكون هني يعني بظحك من الخاطر عبدالله : ليش بلاة جسوم وياها بعد حصة : جسوم وعليو ما يدانون بعد مع انى اشك بالعكس خخخخخخ عبدالله : كيف يعنى ما فهمت حصة : مادري بس احس جسوم يبا عليو ويوم يغايظها بالرمسه مب قصدة شي بس هي ما ادانيه عبدالله : ليش تتوقعين هي تحب حد يعنى حصة : ههههههههههههه مستحيييييييييييييييل هاذا أخر شي تفكر فيه هالمصريه الحب عبدالله : انزين ممكن تقلبين ويهج وتسويلي شاي على ذوقج حبوبه حصة : من عيوني لحظاااات سارت حصة عن عبدالله إلي تم يفكر بكلام حصة هو لو تزوج بيخلي إلي وراة يفكرون بسالفه الزواج وخصوصا انه اكبر واحد بينهم ومن بعدة تيي نوف وجاسم حصة وأخر شي ايي منصور فبيت بو فيصل دشت ريم الميلس عشان تبطل لربيعتها نوف الباب الي توها واصله من بيتهم ريم : مرحبا ملايين ولا يسدن نوف بنت بو عبدالله ويانا توة ما نور المكان نوف : احم احم لو سمحتي شوي شوي ترانى ما أتحمل أذوب ادري أنى منورة المكان ما يحتاي تقولين هالشي ريم : مالت عليج مب منج مني انا الي معطتنج سالفه يالخقاقه نوف : هههههههه فديتج والله وين أمج بسير اسلم عليها ريم : احم احم بعدها ما صارت عمتج صبري عليها نوف : ايييييييييييييه يا حماره شو قصدج انجبي انزين ويا راسج مصيرج بتيين بيت عمي جوفي شو بسو فيج استحت ريم من كلام نوف وتموا يسولفون ودشت عليهم أم ريم وتموا ضحك وسوالف وسارت عنهم أم ريم وخلتهم براحتهم ..... عالبحر بالضبط على الكاسر الي فبوظبي فيصل وفهد كانوا قاعدين يسولفون وخبر فهد سالفه أبوة وعن الهواش الي صار بينه وبين ابوة اليوم العصر حق فيصل ..... فيصل : تبا الصراحة أبوك وياه حق فهد أنت مول ما تيي صوب الشركه يا بالاتصالات يا وياي او ويا الشباب واذا بسير الشركة تسلم ع المهندة الي هناك وترد فهد : جب جب مهنده هايلا يسترون عليه مب اسلم عليهم ع الفاظي فيصل : ههههههه جم يأخذون منك بالشهر يا فالح فهد : مب واااايد بس 2000 درهم فيصل : بل عليك 2000 ع المهندة خيبه تخيبك فهد : شفيك هاذا مبلغ رمزي ويا راسك فيصل : المهم نرد لسالفتنا شو بسو أحينه فهد : ماعرف والله محتار ولو ادري بيي أجابل ويهك أحينه فيصل: اسمع يالذكي ودر الاتصالات وداوم بشركه أبوك وبسك لعبان هالبيزات الي تحصلهم من الاتصالات يسيرون ع المهندة مالتك يعنى أنت جيه جيه مب مستفاد منهم بشي فهد : اممممممم تبا الصراحه بنات واايد بالاتصالات ياخي خسارة خخخخخخ فيصل : فهــــــــــــــــــــــــــــــــــــــــــــــــ ــد (وبلهجه صج معصب منها) فهد : خييييييييييييييييييييييبه هد أعصابك والله اسولف تبنا من سوالف البنات خلاص فيصل : انت احينه ياي بترمسني بسالفه ولا تستعبط علي كالعادة فهد : خلاص تدري بودر الاتصالات شكلي فيصل: أحسن لك فهد : وانت ليش ما تييي تشتغل وياي مسائي فيصل : مادري والله بفكر بالسالفه فهد : اوكى عيل خل نسير ترانى مدوخ وابا ارقد وانت وين بسير فيصل : ماعرف والله فبيتنا ضيوف بحوط بعدين بسير البيت فهد : لا والله منو ضيوفه ( ويغمز له ) فيصل : جب جب ادريبها نغزاتك بنت عمك فبيتنا ارتحت فهد : قول واللــــــــــــــــــــــــــــــــــــــــــــــ ــــــــــــــــــــة فيصل : شفيك ليكون بتيي بيتنا فهد : أكيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ د ما يبالها رمسه هاي فيصل : لاااااااااااااااااا دخيلك سير ارتاح تراك تعبان فهد : أي تعب أي خرابيط قم خل نسير بنت عمي محد بيبها لازم انا أوديها فيصل : انا بوصلها لا تخاف فهد: جب جب قم خل نسير وسار فهد وخلى فيصل بروحه عالبحر الي ندم 100 مرة انه قاله ان نوف فبيتهم لانه بهالطريقه ما بيروم يجوفها فبيت بو فيصل ريم ونوف ياسين يسولفون بغرفه ريم لان نوف ما تحب تيلس بالميلس ومن طبعها أنها تحب تفتش باغراض ريم نوف ما تخلي شي ما تفتحه وريم اذا عرفت ان نوف بتيي بيتهم أي شي ما تحب حد يجوفه أسير تخشه بغرفه فيصل أو غرفه أمها ..... نوف : ريماني حبيبي ابا ماي ريم : أنتي بالدبه توج شاربه عصير نوف : بل صكيني بعين بعد سيري ريم : حبيبتي ادلين المطبخ سيري محد فالبيت كلنا بنات نوف : لا والله واذا يا اخوج ولا ابوج ريم : اوكى صبري بسير وبيي فيصل وفهد كانوا توهم واصلين وفيصل دش البيت حط اذونه على باب الميلس ما سمع حس دق الباب محد يرد قال يمكن سارت خسارة كله من فهد ... بعدها سار فيصل ودخل فهد الميلس ... فهد : أقولك أبا ماي بسرعه أحس قلبي يدق فيصل : فهد فيك شي تباني اسويلك شي أوديك المستشفى فهد : هههههههههههه يالغبي ترانى فبيت القلب لازم تتحرك المشاعر شوي متى بتتعلم أنت فيصل : اوهووووووووو وبعدين يعنى لا تخليني اشوتك برا احينه وتبا الصراحه انا ابا ارمسك بالموضوع فهد : انزين بس قبل سير يبلي ماي عطشاااااااااااااااان فيصل : اوكى بس اياك تتحرك من مكانك فهد : خخخخخخخخخ سير يالله ظهر فيصل عن فهد وانتبه ان في تلفون معقوق جريب منه على طول حط فباله انه تلفون ريم سار وعطى رنه حق تلفونه ومسح الرقم عشان محد يلاحظ هالشي فتح تلفونه عشان يجوف الرقم ويمسحه يمكن فيصل يمسك تلفونه ولا شي ولما فتح تلفونه لقاه رقم نوف فهد : الله يغربلج الي يقول احينه انا مول ماعرف رقمج ويا هالراس بغرفه ريم ..... نوف : ريماااااااااني تلفوني وينه ريم : أكيد بالميلس اقولج سيري المطبخ أنتي وانا بسير الميلس بييب تلفونج نوف : اوكى بس صبري خليني اييب وقايتي أخاف حد يدش بالغلط ريم : لا تخافين محد هني سارت ريم الصاله ونوف سارت صوب المطبخ وفيصل سار لامه وجافها قاعدة بغرفتها سألها عن ريم قالتله ان هي وربيعتها بغرفتها اطمن وسارالمطبخ اييب لفهد ماي ريم ما تدري ان فهد بالميلس ولا حطت فبالها هالشي وكانت كاشخه اكيد لان ربيعتها بتي وياها ريم شعرها طويل وحلو وناعم بشرتها بيضه وشفايفها صغار وعيونها وساع وعسليه ماشالله عليها قمر وكانت حاطه ايشدو خفيف بعكس نوف الي ماشالله عليها ترسم عيونها رسم يخلي كل الي يجوفها ما يروم يشل عيونه عنها ... دشت ريم الميلس وجافت واحد واقف ومعطنها الظهر يحاول انه يعدل التلفزيون حطت فبالها انه فيصل أخوها ودشت وهي مستانسه سارت صوب التلفون ولاقته محطوط على التلفزيون لان فهد شله وحطه هناك ... ريم : فيصل يالدب شو تسوي لا تخرب التلفزيون ما فينا أمي تعصب بعد ولا أبوي فهد من سمع صوت ريم تيبس مكانه ماعرف شو يسوي ولا كيف يصرف وما حس بعمرة إلا بريم ومعطتنه ظربه على ظهره ريم : فيصلوووووووووووووووو أرمسك انا لف فهد وييهه وجاف ريم وما رام يشل عيونه عنها لأنه كان جايفنها بعباة ووقايه وما توقعها بهالجمال بدون شي ولبسها كان وايد حلو ريم شهقت يوم جافت فهد عرفت انة هو تمت فاجها حلجها وهو نفس الشي وصرخت صرخه وركظت من الميلس أمها زاغت يوم سمعت صرختها وسارت على طول غرفتها ما حصلتها وجافتها يايه ركض مسكتها وسألتها شو فيج ريم من كثر ماهي زاايغة ماعرفت شو تقول أم فيصل : شفيج أمي شو بلاج تخبلتي ريم : هاة لا ما شي شو السالفه والله مادري مب قصدي أم فيصل : شفيج لا تخوفيني عليج ريم : لا بس اا اا ااا اانا ونوف نتراكض أم فيصل : الله يخسج من بنيه في ريال بالبيت سيري غرفتج وينها هي انا بسير اييبها ريم : منو ريال أم فيصل : اخوج وولد عمها فهد سيري الغرفه بسرعه ريم: ان شاء الله داخل المطبخ كانت نوف ياسه ادور كلاس ماي مب محصلتنه ودخل فيصل عليها فيصل ارتبك يوم جافها وكان ياي بيظهر من الميلس بس نوف كانت حركتها اسرع منه ...... ويوم كان يبي يظهر لفت نوف ويهها وجافته ما عرفت منو هاذا لانه كان لابس قميص وبنطلون نوف من العبط الي فيها توقعت ان الدريول لانه فيصل عليه سمار خفيف نوف : أي انت شو يسوي مني سير برا مب زين ادش فليل دريوليه اخر زمن فيصل : هههههههههههههههههههههههههههههههههه لا والله انتي منو ويا هالراس نوف صخت ولا عرفت تنطق ولا كلمه يوم سمعت لهجته نوف من صدمتها تمت اطالعه: ماشالله عليه حليو يالعبيطه انتي شو تفكرين فيه يا ويلي لو حد دش علي شو بيقول عني اتمشى فبيتهم على كيفي على طول وبدون ما تحس بعمرها حطت الغشوة على وييها دشت عليهم أم فيصل وجافت المنظر ما توقعت ان نوف بتكون بالمطبخ ام فيصل : اسمحيلي نوف نسيت اقولكم ان في حد فالبيت نوف : لا عادي خالو وسارت على طول اما فيصل فتم يابس مكانه شو هالجمال الي انا شفته شو هالعيون معقوله تكون هذي نوف لاااااااااا رحت فعينها يا فيصل ماشالله عليها وما حس بعمرة الا وامه ترمسه ام فيصل : فيصل شو فيك مب عيب عليك اتم تبحلق بالبنت جيه شو بيقولون عنك احينه فيصل : ها امي بسير فهد بروحه باي سار فيصل عن امه الي تمت متلومه من الي صار وقالت انها بسير حق نوف عشان تعتذر منها اما نوف فدشت الغرفه وجافت ريم تصييح استغربت منها وسارت صوبها نوف : ريم اشفيج ريم : اوى نوف سرت الميلس عشان ايييب موبايلج وولد عمج كان هناك تخيلي ظربته نوف والله حطيت فبالي انه فيصل نوف : شوووووووووووووووووة الله يغربلج ما تعرفين فهود يعني ما تفرقين من بينهم ريم : اسكتي تخيلي يقول حق فيصل شو بيستوي فيني اوى نوف دخيلج قوليله ما يقول حق فيصل والله مب قصدي نوف : انجبي انتي ما سويتي شي غلط اوكى واصلا فهد يتمنى انه يجوفج شو بيرقدة اليوم خخخخخخخخخ ريم : انجبي يا حمارة وين سرتي ليش طولتي نوف : جفت الدريول مالكم بالمطبخ خخخخخخخخخخخ ريم : أي دريول نحن ما عنا دريول نوف : ههههههه ادري جفت اخوج دش علي بالغلط الله يغربله تقولين هندي مب ريال مواطن على اللبس الي لابسنه ريم : ااوى قولي والله وبعدين تعالي ليش اعصابج باردة جيه انتي شوة ما تخافين نوف : ومن شوة اخاف حبيبيتي انا واثقه من عمري وبعدين امج دشت علينا ما صار شي ريم : اوى اكيد امي متلومه احينه نوف : عادي شفيج ما بخبر حد دونت وري بس الي اعرفه انى ما بطب بيتكم مرة ثانيه ريم : افا ليش شو تستهبلين انتي نوف : صخي لاة رمسته جنه الدريول لين ما هزبني الله يخسه دفش شرات اخته ريم : انزين بقولج ................................... ريم ما كملت رمستها لان ام فيصل دشت عليهم ام فيصل : اسمحيلي نوف والله انى متلومه منج هالشباب تعرفينهم من يجوفون وحدة... نوف : لا خالتي عادي لا تكملين وبعدين هو ما سوا شي انا الي حطيت فبالي انه الدريول مالكم وتميت ارمسه شرات الهنود عنبو خالو ولدج والدريول واحد بلاه جيه لبسه يفشل ريم : ههههههههههههههههههه عن اللغلط اخوي يحب الكشخه ام فيصل ارتاحت من سمعت كلام نوف لانها ما تبا المشاكل ونوف وحليلها متربيه فبيت عادي عندهم اشياء وايد يعنى ما يتحسسون من هلاشياء ذاك الزود وهي ماشالله عليها اجتماعيه بزيادة وتحب تسولف ......... اما فيصل فدش على فهد وهو بعالم ثاني عالم عمرة ما حس فيه عالم كله خيال بهلانسانه الي شافها ياربي شحلاها والله انها قمر ما الوم اختي يوم تقول عنها انها شيخه الحريم اما فهد فكان مستحي ومتلوم من االي صار هو كيف تم يطالعها بهالطريقه وليش ما قالها انه مب فيصل وليش خلاها تظربه اخ بس ياريتني رمستها وقلتلها والله احبج انا لازم ارمس هلي خلاص ما اروم اتحمل ............ كل واحد منهم في عالم غير عن عالم الثاني وما صحوا إلا على رنه موبايل نوف نش فهد وسار اييب الموبايل .... فيصل : موبايل منو هاذا فهد : موبايل بنت عمي رد فهد على التلفون فهد : الو مرحبا منصور : السلام عليكم فهد : وعليكم السلام منصور : السموحه اخوي شكلي مغلط بالرقم فهد : ههههههههه ويا راسك انا فهد انا بييب نوف لا تخاف ترانى فبيت ربيعتها ويا ربيعي منصور : لا والله ( منصور اتغصص من الموضوع يعنى هاذا لازم يخرب علي ) لا فهد مشكور انا بيي اخذها وانا شو خانتي اخوها ع الفاظي فهد: يا ريال ما قتلك شي بس سير خذ ليسن قبل خخخخخخ منصور : جب يالله ييبها بسرعه تراها تأخرت فهد : اوكى يالله ياي صكر فهد عن منصور وعزم انه يرمس فيصل عن السالفه فهد : فيصل بغيت ارمسك بسالفه بس مادري اذا انت عارفنها ولا لا فيصل : خير شعندك فهد : فيصل الصراحه انا ابا اخطب من صوبكم فيصل : والمطلوب فهد : شفيك ياخي سهل الموضوع علي شوي بلاك جامد جيه فيصل : تونى ظاهر من الثلاجه خخخخخخ فهد : افففففف منك ويا برودك اقولك الصراحه انا خلاص بييب الأهل يخطبون حقي أختك الأسبوع الياي فيصل : انزين ليش تقولي انا فهد : لا والله ليكون انا ياي اخطب الشغاله وانا مادري فيصل : ههههههههههه صج تباها فهد : اففففففففففففففففف والله انك متفيج فيصل : اسمع فهد بقولك الصراحه انت لازم ترمس ابوي بالسالفه او ابوك يرمس ابوي انا بقولها بس الصراحه لازم انت تتحرك قبل وبيني وبينك ما اظن ان ابوي بيوافق فهد : الله يبشرك بالخير ليش ما يرظى ان شاء الله شو ناقصني انا فيصل : هههههههههههههههه عنبو بلاه ويهك استوى احمر خخخخخخخخ فهد : ليش ما يرظى فيصل : لانى اتوقع انهم يبونى اعرس انا قبل فهد : بس جيه يالله قوم سير اخطب احينه فيصل : هههههههههههههههههههههههه بتصفع فهود والله عندك عروس حقي فهد : وين اييب لك عروس انا والله انك متفيج ياخي خل أي حد يدورلك على الاقل اخطب دخيييييلك فيصل : اممممممممممممممممم بخطب جريب ان شاء الله بس ما عندي المهر فهد : انا بدفعلك بس دخيلك اخطب فيصل: بدور بجوف يبالي 5 أو 6 شهور فهد : لا والله انت دومك عله يعنى .... فيصل سكت عنه شوي وقال بخاطره دام ياب السيره بنفسه خل ارمسه ........ فيصل : فهد شرايك اذا خطبت من صوبكم بتوافقون فهد من سمع هالكلمه صخ مكانه فيصل : بلاك أنا أرمس عن نوف فهد : أنت من صجك ولا تتمصخر فيصل: سألتك جاوب على سؤالي فهد : هاي صح انها ام كشه وما ارظي عليها انها تاخذك بس يالله فيصل : فهد لو سمحت هاي الف واحد يتمناها شيخه الحريم على قوله ريم لا تغلط عليها فهد : ام كشه استوت شيخه الحريم ههههههههههههههههههه فيصل : بخطبها شرايك بتوافق ولا فهد : تتمصخر صح فيصل : والله انى ارمس جد فهد : احبك يا ريال والله احبك فيصل : اخيييييييييييييييييك انت وهالكلمه ياخي ما ادانيك قم أحينه وسير وبنرمس بسالفه باجر اوكي فهد : اوكى فهد: فيصل لو سمحت سير خبر الأهل عشان تقولها انى بوديها فيصل : ان شاء الله لحظة بس سار فيصل حق امه وخبرها ان فهد هو الي بيوديها وهو يترياها برا دشت ام فيصل على ريم ونوف الغرفه وجافتهم يظحكون ام فيصل : يمه نوف ولد عمج يترياج برا ترى هو بيوديج نوف : ان شاء الله خالو الحين بيي ريم : افففففففففففففففف اغااااااااااااااااااااااااااااااااار نوف : وافديته ولد عمي هو بيوصلني تخيلي بكون وياة ريم : انجبي انزين جلبه اقولج يسي ورا انزين دخيلج نوف : ويا راسج اكيد بيلس ورا عيل بتفيزر جدامه شوة ريم : هههههههههههه قلت يمكن تسوينها نوف : جب جب اقولج اخاف اجوف دريولكم برا خخخخخخ ريم : جب جب والله ترى بخبرة تقوليله دريووول نوف : ماشي يمه لا دخيلج زغت ما اروم مسكيني قوليله خل يولي شو ابا به انا ظهرت نوف من عند ريم وفهد كان يترياها برا ركبت نوف ورا وريم توايج عليها ونوف ناقعه من الظحك ........ فهد : انزين انا اراويج مسودة الويه نوف من سمعت هالرمسه طاحح قلبها ع بالها ان فيصل خبره عن الموقف الي صار بينهم نوف : شفيك بلاك تتحرطم فهد : ام كشه ليش ما تقولين انج بتيين بيتهم ويا راسج نوف: جيه مسؤول عني وانا مادري وبعدين ياخي البنت ملت منك ما تباك انت متى بتفهم هالشي فهد من سمع رمسه نوف وأسلوبها بالرمسه كاان جاد تغير ويهه وحرك السيارة وتم صاخ طول الطريج ... نوف : فهود شفيك والله كنت اتمصخر فهد : نوف بصراحه هي تباني ولا لا نوف : فهد لا تعلقها فيك سبحان الله اهلها ولا اهلك ما رضوا منو الي بيتعب أكثر هي طبعا فهد : ومنو قالج انى ما باخذها غصبن عن اهلى باخذها لو شو ما صار نوف: انزين ولو اهلها ما رضوا فهد صخ وما عرف شو يقول فهد : تدرين انا رمست اخوها بالموضوع اليوم وقالي اني لازم ارمس ابوي عشان يرمس ابوها نوف : وهاذا الصح انزين فهد : انزين خلاص يعنى انا برتبط وداعا للعزوبيه خخخخخخخ نوف : هههههههههههه عقبالي قول امين فهد : لا تخافين انا وانتي بيوم واحد اوعدج بهالشي نوف : لا والله شو ماشي شغل بتهنى بيوم عرسي انا خخخخ فهد : ان شاء الله صدقيني انا الي بزوجج بعد نوف : اييييييييييييييييييه استحي فهد : طاع أم كشه تستحي خخخخخخخ نوف : جب جب تدري فهود انت رمسهم يوم الجمعه هاي شرايك بيوم اجتماع العايله كلها فهد : وهاذا الي بسويه وكملوا طريجهم لين ما وصلوا بيت عمهم عبدالله وجافوا منصور بوييهم فهد : خيبه اخوج بلاه اليوم نوف : ليش شو مسوي فهد : شدراني فيه اونه هو الي بيي يبيج نوف : هههههههه وحليله يحبني خخخخ فهد: امحق حب نوف : اص يالله تصبح على خير فهد : وانتي من هله باااااي نوف : باااااااااااي سارت نوف صوب الباب وسمعت منصور يرمس بالتلفون بس هو ما انتبه حقها أنها وراها منصور : لاوالله وانتي منو قالج يالحلوة منصور : اهاا خلاص مب مشكله انا بخبرة بس انتي لا تقطعينا عاد منصور : خلاص برايج عيل نوف: احم احم منصور : والعثرة شو تسوين هني نوف : سلامتك الغالي شفتك واقف قلت اسلم عليك وادش البيت منصور : دشي بسرعه نوف : باااااي سلم سلم منصور : ههههههههههههه جب جب دشت نوف داخل البيت وحصلتهم متيعمين كلهم بالصاله سلمت عليهم وسارت يست حذال حصه ام عبدالله : يالله ولدي جاسم بيي باجر والله وله وحشه نوف : هي صح باجر الاربعا كشخه يعنى بنطيح بعلايه هلاسبوع خخخخخخخخ عبدالله : أجوفكم تييون صوبها والله اراويكم حصه : ههههههه وانت من متى تقعد ويانا ويا راسك بو عبدالله : عيل منصور وينه ما أجوفه نوف : يرظع التلفون برا حصه : امي يالله زوجي عبدالله نبا عرس ياخي شفيج بو عبدالله : تصدقين تولهت لامي من زمان ما سرنالها العين ام عبدالله : خلها بلاجازة احينه مدارس عبدالله : اوة الحكومه العليا بتيي يعنى خخخخخخخخ ودش عليهم منصور تموا يسولفون وبعدين كل منهم سار غرفته يرقد ..... فبيت بو محمد فهد دش البيت لقى محمد اخو ه وحرمته فطيم قاعدين يسولفون قعد وياهم وتم يسولف ... فهد : السلام عليكم فطيم : وعليكم السلام فهد : اشحالك محمد محمد : بخير الله يسلمك فهد : شفيكم جنه حد ضاربنكم محمد : يعنى بالذمة حرمه وريلها وياي راز بويهك شو تباني استانس يعني فطيم : هههههههههههههههههههههههههههههههه فهد : ههههههههههههههههههههههههههههههههههه وانا أقول شو سالفته هاذا عنبو عندك ياها 24 ساعه خل نص على الأقل لآخوك وحليله إلا عاليه وين فطيم : بغرفتها ليش فهد : لا لانى جفتها داقتلي بس نا ما رديت عليها فطيم : هي كانت تبا تسير بيت عمك ومحد عندها يوديها فهد : جيه الدريول وانتوا وين فطيم : انا كنت فبيت اهلي وعمتي كانت بالسوق واخوك كالعادة بالشركه متى بيفظالنا مادري محمد : اقولج متى بفظالج ولكم يوم هالياهل يصطلب ويداوم بمكان واحد ويخفف علي الشغل فهد : ان شاء الله الاسبوع الياي ببدا دوام شغل بالشركه بقدم استقالتي باجر محمد : اخرط كل مرة تقول جيه فطيم : بس قال باجر جني سمعت كلمه بالغلط فهد : صج والله بس عندي شــــــــــــــــــــــــــــــــــــــرط محمد : وانا أقول هاذا ما اييب شي بالساهل فطيم : خير شتبي فهد : ابا توقفون وياي لانى قررت اعرس محمد : هههههههههههههههههههههههههه عجيبه النكته ضحكتني والله فطيم : ههههههههههههه هيه والله صدقك فهد : ايييييييي انتوا انا ارمس جد تراني ما اتمصخر فطيم ومحمد بعدهم مب مستوعبين السالفه فطيم : ومنو هاي الي تباها محمد : صبري ليكون وحدة من بنات عمك فهد : وابويي ناقصني ام كشه انا ولا اختها فطيم : خلصني قول ترى والله فولت خخخخخ فهد : الله يسلمكم ربيعه ام كشه اخت ربيعي فيصل محمد : ايوااااااااااااااااااااااااااااا فيصل ما غيره فهد : محمد لو سمحت هاذا ربيعي وعلى فكرة حط فبالك انى اذا ييت الشركه بيبه وياي محمد: لا والله جيه نحن مكلفين فيه فطيم : ريم ما غيرها ريم فهد : هيه ليش فيها شي فطيم : لا ما فيها شي حلوة وحليلها محمد : يالله مبروك بس ما اظن اني بحظر عرسك فهد : أحسن وسار عنهم محمد عنده فكرة عن فيصل انه مرابع فهد مصالح بس فيصل عكس تفكير محمد بالمرة .......... عاليه : تفضل فهد : مرحبا اشحالج خرابووه عاليه : ويييييييه شو يابك انت احينه بيعتفس حالي فهد : ويا راسج تتمنين انتي اصلا اقولج ابييج بسالفه مب ياي حقج ع الفاظي عاليه : خير شتبي فهد : ابا اعرس عاليه: لا والله انزين انا شسويلك سير خبر امي فهد : بلاج ما تنعطين ويه انتي سيري انتي رمسيها او اقتعيها عاليه : اصلا امي ما تروم ترفظلك طلب وانت تعرف هالشي الا اذا كانت البنت مب مني الي فبالي بالك فهد : لا حبيبتي انتي البنت تعرفينها عاليه : قول والله منو هاي ؟؟؟ فهد : ما بقول عاليه : منو فهد عاد قول فهد : ربيعه ام كشه عاليه : ريــــــــــــــــــــــــــــــــــــــــم فهد : هيه بلاها عاليه : واااااااااااو يعني بيصير عنا عرس عيل نوف الي بتتخبل فهد : ههههههههه هي ام كشه ادريبها عاليه : سير انت رمس امي وابوي بس تدري في مشكله فهد : شو بعد عاليه : فهد يدو ما فكرت فيها فهد : افا عليج يدو مستحيل ترفضلي طلب وانتي تعرفين هالشي عاليه : صح نسيت بس خلي نوفو تساعدك فهد : اوكى يالله انخمدي عاليه : باااااااي سار فهد غرفته وعاليه تمت منقهرة من عبدالله ورمسته حقها اليوم دشت النت شوي وبعدين رقدت ....... يوم الاربعاء الصبح فبيت بو عبدالله نوف نشت وحصه وياها نزلوا تحت جافوا عبدالله ويا بوعبدالله وام عبدالله ومنصور ... تريقوا ويا بعض وكل منهم سار بدربه منصور سار المدرسه نوف وحصه روحوا الجامعه ويا الدريول وعبدالله سار ويا أبوة الشركه ............ بجامعه زايد وتحديدا الساعه 11 الظهر حصه وعاليه ياسين ويا بعض عندهم بريك .... عاليه : حصوة تبين شي تراني يوعانه حصه : هي يبيلي بيتزا وبيبسي عاليه : اوكى صبري شوي سارت عاليه عن حصه ويت حقها بعد شوي وبايدها الاكل حصه : والعثرة يالجلبه ليش يايبتلج معكرونه بالبشاميل وانا لا عاليه : والله ما يخصني سألتج شو تبين قلتي بيتزا حصة : لا والله ويا هالراس كله تاكل عاليه : بتسكتين ولا لا ويا راسج من متني احينه وحليلي ما اجوفين نوف اختج شقايل حصة : جب لا تيييبين طاري اختي ع لسانج ترى تونى جايفتنها ويا ريموة مارين من دقايق بزقرها وبخليها تراويج شغلج عاليه : قولي والله يالله سيري ازقريهم بسرعه حصه : شعندج اول مرة يعنى تبينهم اييون ويانا عاليه : لازم اباهم اييون ويانا حرمه اخويي لازم اسأل عنها حصة : شووووووووووووووووووووووة منو حرمه اخوج يالدبه عاليه : كنت بقولج بس على كلمه دبه لو تموتين ما بقولج حصه : عليو عاد لا تستوين هبله منو هاي أي وحده فيهم عاليه : لا تحافين انا وانتي نعرف زين ان فهد ونوف شرات الأخوان قصدي فهد وريم حصه : وااااااااااااااااااااااااااااااااو يعنى بنكشخ عاليه : ههههههههههه هيه اسكتي والله انى مستانسه حصه : وافديت فهووووووود انا احلى شي سواه بحياته انه بياخذ ريم وتموا يسولفون شوي بعدين كلوا اكلهم وساروا كلاساتهم .......... اما بالنسبه نوف وريم فكانوا قاعدين بكلاس فاظي ويسولفون على ما تيي المس مالهم .. ريم : ويا راسج نوف : بقولج شي بس لا تزعلين ريم : والله ما ازعل شوة نوف : فهد خلاص قرر ان يرمس اهله ويوم الجمعه بينعلن خبر خطبتج ريم : اوى قولي والله نوف : فديتج والله بتستوين عروس ريم والدمعه قربت تنزل من عيونها : والله انى مب مصدقه نوف : وازيدج من الشعر بيت الكل مستانس وفهد رمس اخوج البارح بعد ريم : والله اذا صار هالشي نوف صدقيني انى ما بعرس غير يوم تملجين وبنعرس بيوم واحد نوف : هههههههههههههههههههههههه ويا راسج فهد البارح قالي نفس الرمسه ريم : فديت ريلي انا لازم ترانا واحد نوف : يالله يالله منو قدج ما راموا يكملون سوالفهم لان البنات دشوا والمس وصلت وبدا الكلاس .... ع الساعه 1 الظهر فهد وهو راد من الدوام دق لفيصل .......... فهد : السلام عليكم فيصل : وعليكم السلام هلا والله اشحالك فهد : بخير انت وين فيصل : موجود خير في شي فهد : لا بس قلت وين أجوفك اليوم أقولك انا العصر بسير الكاسر بتيي فيصل : شفيك فهد صوتك متغير فهد : قدمت استقالتي فيصل : اهاااا يعنى راحوا البنات افااااااااا وحليلك شو يرقدك انت احينه فهد : والله انك متفيج كم مرة بقولك خلاص البنات من بعد ريم ولا شي فيصل : بعد قال اسمها ياخي انت شفيك حشم انا اخوها والله اصكر فهد : ههههههههههه ويييييييو حرمتي مب كيفك وبعدين انا رمست نص الاهل وهم موافقين باقي السلطات العليا فيصل يوم سمع كلام فهد ارتاح باله وابتسم لانه ما كان يبي ان اخته تتعلق بإنسان وأخر شي يكون مش من نصيبها فيصل: لا والله ومتى بتقولهم فهد : اليوم ان شاء الله قررت هالشي يكون يوم الجمعه على لمه الأهل على راي ام كشه فيصل : هههههههههههه منو بعد ام كشه هاي فهد : بنت عمي منو غيرها شيخه الحريم فيصل : محد غيرك ام كشه يالبطريق فهد : عااااااااش شفيك انت ياخي حشم انا ولد عمها ترى والله اصكر بويهك ( بطريقه يقلد فيها اسلوب فيصل يوم يرمس عن اخته ) فيصل : هههههههههههههههههههه والله انك راعيها فهد : انزين اقلب ويهك انت احينه فيصل : يالله مع السلامه الظهرالكل قاعد يتغدا فبيت بو محمد ودش عليهم فهد ويلس وياهم .............. فهد : السلاااااااااام عليكم الكل : وعليكم السلام فطيم : اشحالك فهد فهد : يسرج حالي ام عبدالله : بلاك فهد امي شفيك احس ويهك متغير محمد : اكيد من الشغل ولا فهد : يبا بغيتكم بسالفه دام ان الكل موجود ودشت عليهم عاليه لانها توها يايه من الجامعه ويست تتغدا وياهم بو عبدالله : خير شعندك اول بسألك انت فكرت بالي قتلك فيه فهد : هي يبا وانا هاذا الي ياي ارمسك عشانه ام عبدالله : شو السالفه لا تخرعوني قولوا فهد : سلامتج يمه بس انا اليوم قدمت استقالتي من الاتصالات بو عبدالله من سمع هالكلمه استانس من الخاطر بو عبدالله : وهاذا ولدي الي ينشد فيه الظهر محمد : مبروك فهد ومن احينه اقولك مكتبك بيكون من احسن المكاتب بالشركه فهد : بس بعد بغيتكم بسالفه ثانيه عاليه : عااااااااااااااااااش فهدى : انجبي وكلي عاليه : هههههههههههههههههههههههههه بو عبدالله: شعندك بعد ام عبدالله : شفيك بعد امي فهد : سلامتكم انا ابا اعرس |
________________________________________
بو عبدالله وام عبدالله انصدموا من الي سمعوه ما توقعوا منه وهو بهالسن انه يفكر بشي اسمه زواج فهد عمره تقريبا 22 بس ما كمل دراسته على طول اشتغل بشركه ابوة وبعدين اشتغل بلاتصالات ..... ام عبدالله : فهد انت بعدك صغير صبر على الاقل لين ما تكمل 24 شرات اخوك محمد وبعدين انا بخطب لك الي تباها من عيوني بو عبدالله : لا شكله مفكر بالسالفه من قبل ما يحتاي ترمسين احينه ومنو هاي الي تباها ان شاء الله فهد : يا بو عبدالله انا فكرت بهالشي واظن انه شي طبيعي اني اتعلق بوحدة ام عبدالله : شوة ليكون وحده من هالمرغده الي تعرفهم وترمسهم فهد : افاااااا حشا يا امي وانتي تتوقعين مني هالشي بو عبدالله : بس انت تقول انت قلبك تعلق يعنى تحبها وتباها فهد : هي اباها ومستحيل اخذ غيرها فطيم : عموة انا اتوقع انكم يوم تعرفون البنت ما بترفضون بو عبدالله : ليش انتي تعرفينها ؟؟ عاليه : هي ريم بنت بوفيصل ربيعه نوفوة ام عبدالله : ريم بنت ام فيصل ربيعك فهد ؟؟ فهد : هيه هي وبعدين فيصل ربيعي يعنى ناس انتوا تعرفونهم زين بو عبدالله : انزين البنت جم عمرها ؟ فهد : هي كبر نوف ابويا وياها بنفس الجامعه بو عبدالله : ام عبدالله انتي تعرفين البنت ام عبدالله : الصراحه ناس ما عليهم كلام بو عبدالله : خلاص عيل مبروك يا فهد بس قبل لازم نقول حق بيت عمك يوم الجمعه ان شاء الله فهد استانس من الخاطر وعاليه تمت اونها بتزغرط وفطيم وياها والكل كان مستانس ذاك اليوم ومحمد ناقع عليهم من الظحك ............. فبيت بو عبدالله الكل كان يالس العصر يسولفون جاسم توة ياي من الجامعه وحصه ونوف ياسات وياه ويدش عليهم فهد ... فهد : هووووووود هوووووووووود نوف وحصه على طول شردوا فوق عشان اييبون وقيهم وينزلون تحت وجافوا منصور بدربهم ونزل وياهم ........ عبدالله : اقرب هلا والله اشحالك فهد : مرحب اخبارك شو مسوي عبدالله بخير يسرك الحال فهد: عيل وين ام كشه واختها ومنصور وينه عبدالله : احين بيووون ايلس انت بس ودشوا عليهم حصه ونوف ومنصور سلموا على بعض ويسوا ويا بعض شوي دقايق ورن تلفون فهد وظهر برا يرمس .... منصور : أكيد هاي وحدة من ربيعاته ههههههه نوف : جب انزين ولد عمي ما عنده هالسوالف حصه : وانتي ليش واثقه هالكثر نوف : ولد عمي وانا اعرفه ومستحيل يخون خطبيته منصور : شووووة فهد خاطب من متى؟؟ نوف: هي خاطب وبتشوفون بعد عبدالله : ليكون خاطبنج ؟؟ نوف : هههههههههههههه حلوة اول مرة اسمع واحد يخطب اخته عبدالله : ههههههههه اخوان بالرمسه بس ولا هو ولد عمج ويصير ياخذج نوف : لا ما يصير عندكم انتوا يصير عنا نحن ما يصير بالصوب الثاني فهد قاعد يرمس ربيعه بالتلفون ... فيصل : انت يا الجذاب شو تعلمت الخرط اجوفك فهد : ههههههههههههه شفيك فيصل :لا والله منو قالي تعال العصر ع الكاسر فهد : اوووووووووووووووووة تصدق نسيت فيصل : لا والله فهد : انزين جان دقيت تتخبر عني فيصل : شدرانى فيك وهالعبط مالك متى بتهدة فهد : جب جب اقولك انا فبيت عمي بس اخلص بدقلك وبييك اوكى فيصل : بنجوف فهد : يالله مع السلامه ورد فهد عند قوم عمه ويلس وياهم ......... منصور : ها ولد العم منو الحلوة الي كنت ترمسها عبدالله : شفيك انت حشم ياخي عنبو ريال اكبر منك متى بتعقل انت فهد : ههههههههههه خله لاة هاي كانت حبيبتي فيصل منصور : سخيييييييييييييييييييييييييييييف نوف وحصة نقعوا من الظحك عليهم وعلى تعليق فهد ......... منصور : ها فهد سمعنا انك خاطب صج الرمسه ولا كالعادة حش حريم فهد : هههههههههه أكيد أم كشه حصة : لو سمحت لا تغلط على اختي فهد : هي صج والفضل كله لام كشه نوف ارتبكت لانها تعرف ان اخوها منصور يبا ريم بس هي اكبر منه وريم تبا فهد نوف : انا ما يخصني انت الي تباها منصور : خلصونا عاد منو هاي ؟؟ حصة : ههههههه ريمو ربيعه نوف منصور من سمع هالكلمه حس جنه حط صب ماي بارد على راسه وبطل عيونه حتى فهد استغرب من رده فعله ...... عبدالله : هههههههه اونه وحليلها مو من شي مرابع فيصل عيل فهد : شو قصدك عبدالله : ما اقصد شي يا ريال بس اقولك خبرت اهلك فهد : هي واافقوا كلهم بس ناطرين ايي يوم الجمعه عشان يرمسون ابوك وتوصل السالفه للحكومه العليا خخخخخخخخخ منصور : انت شوة ياخي ما تحس شو كل شي تبا تاخذه ليش ريم ليش ما حصلت وحدة غيرها حرام عليك والله ( عيونه كان ادمع وهو يقول هالرمسه ) الكل انصدم من رده فعله واولهم فهد الي كان شرات الاطرش بالزفه مب فاهم شي اما عبدالله ونوف كانوا فاهمين زين هو شو يقصد ... فهد : شفيك انت شو ياك منصور : حرام عليك والله حرام نوف ادخلت لانها ما تبا اخوها يتعلق بوهم نوف : منصور بقولك شي ترى ريم تبا فهد وفهد يباها ورمستك واسلوبك وياها ما ينفع وانا خبرتها عنك وقالت انك ياهل وتفكيرك صغير اكيد على قدك فهد : شو السالفه منصور : انتي شو تخربطين ريم مستحيل تقول هالشي عني نوف : وليش ما تقول هي بحياتها ما رمستك ولا سلمت عليك حتى لانها تعرفك وتعرف عن سوالفك كلها وهي معتبرتنك شرات اخوها الصغير لا اكثر ولا اقل ظهر منصور عنهم وسار وياه عبدالله على طول عشان يهديه اما فهد فبعده منصدم من الي استوى حاولت نوف تخفف عليه نوف : فهد لا تزعل تراه ياهل وتفكيره على قده فهد : لا عادي ما عليج ما توقعت هالشي انا اصلا نوف : ليش ما تتوقع ريم حبوبه وكل واحد يتمناها وازيدك من الشعر بيت امي تباها لجاسم فهد : شوووووووووووووووووة شو ماشي بنات غيرها خلصن البنات يعني نوف : ترى الزين كل حد يباه وانا اقولك ريم ما بتكون الا حق ولد عمي ابتسم فهد بوييها وقالها :والله من دونج ماعرف شو اسوي صح انج ام كشه بس يالله خلاص عيل انا بترخص عنكم وسمحولي .. نوف : لا عادي افا عليك وسار عنهم بس حصه بعدها منصدمه من الي سمعته ومب مصدقه لين ما تغزتها نوف نوف : شفيج حووووووو حصة : الي استوى توة صج ولا فلم مكسيكي نوف : هههههههههههههههههه فلم هندي نشي يالله حصه : لا مستحيل ما اصدق سارت نوف عن حصه الي حست انها صج نايمه عن اشياء وااايد ............. نسير لبيت بو فيصل ... فيصل رد البنت لان فهد قاله ان بيتاخر فبيت عمه وحصل ريم قاعده ويامها سار وقعد وياهم .. ام فيصل : مرحبا الساع هلا فيصل اخبارك ريم: فيصلووووووووو اشحالك فيصل : بخير يسرج حالي انتي اخبارج ريم : بكون بخير يوم بجوفك معرس ام فيصل : هو بس خل يقول وانا الي بخطبله من عيوني فيصل : هههههههههههه خيبه ان شاء الله ليش لا ريم : لا مستحيل اخوي يقول جيه لا لا مستحيل ام فيصل : وليش مستحيل اصلا ابوج مستحيل اييوزج قبل ما يعرس فيصل ريم : لا والله يعنى مصيري متعلق فيه ياخي عرس وخلصني ام فيصل : عيب عليج بلاج جيه استحى على ويهج ريم : ان شاء الله ها بنطب فيصل : ههههههههه احسن يوم يسون فيج جيه ام فيصل : صج تعال تبا تعرس فيصل فكر انه يقول حق امه خصوصا ان فهد خلاص رمس اهله ويكون احسن عشان ما يخرب على اخته لان ابوه ممكن يردهم ..... فيصل : هيه افكر والصراحه البنت موجودة ريم فجت عيونها وفيصل يظحك عليها ........... ام فيصل : منو هاي ان شاء الله تكون بنت ناس بس فيصل : افا يمه شو تتوقعين مني يعنى بسير اخطب وحدة من الشارع ام فيصل : لا محشوم بس منو هاي ريم : نوووووووووووووووووووووووووووووووووووووف فيصل : هههههههههههههههههههههههههه حشا مب لسان عليج ام فيصل : نوف منو لتكون بنت بو عبدالله ريم : هيه في غيرها ام كشه فيصل : انتي بعد ليش تقوليلها ام كشه ريم : لان شعرها رهيييييييييييييييب فكلنا نعلق عليها فيصل : هههههههههههه ها شرايج امي ام فيصل : مادري شقولك والله فاجأتني الصراحه بس صبر خل اخبر ابوك واذا رظى يصير خير ريم : لازم ازوجونه حرام بعدين نوف بتاخذ الدريول على قولتها خخخخخخخخخخ فيصل : أي دريول ويا راسج ام فيصل : ههههههههههههههههههههه يالله انا بسير اخبر ابوك وبيي تراه هني فيصل : مسرع ريم : سيري امي الله وياج بس لا تبطين سارت عنهم ام فيصل وخلتهم بروحهم ............ فيصل : ها ام لسان شعندج منو الدريول ريم : هههههههههههههه انت بعد منو فيصل : لاوالله وليش تقولين عني دريول ان شاء الله ريم : هههههههههههه مب انا نوف الي تعلق عليك لانك تلبس بناطلين وقمصان فيصل : لا والله واحد متحضر ماشي ع الموظه ريم : تقول لبسك يفشل هي يجذبها الي يلبس غترة وعقال اكثر تحب اللبس العربي ما اداني هلاشكال حتى يوم اسير وياها مكان اذا جافت واحد شراتك تقول عنه مهنده خخخخخخخخ فيصل : لا والله ويا راسها انا اراويها اذا ملجت عليها بدش عليها ببنطلون جينز وكت وبشعري جل خخخخخخخخخ ريم : وابويي صدقني بتصارخ بويهك نوف حبوبه والي فقلبها علسانها ولسانها طوييل يعنى ما بتخلي شي صاحي فيك خخخخخخخ فغرفه ام فيصل دشت ام فيصل على بوفيصل الي حس ان شكلها متغير ... بو فيصل : شفيج ام فيصل صاير شي ام فيصل : فيصل قرر يعرس يا بو فيصل بو فيصل : وهاذا شي يخليج زعلانه الله يهداج الولد كبر ولازم يفكر بهالشي ام فيصل : بس هو يبا بنت بو عبدالله بو فيصل : شوة ليش انتي ما خبرتيه عن بنت عمه ام فيصل : ما قدرت ارمس يا بو فيصل شكله يباها من قلبه بو فيصل : لا حول ولا قوة الا بالله انزين بس هايلا ناس كبار ام فيصل : فيصل ولدي ما يعيبه شي ويا حظهم يوم بياخذونه واصلا انا اعرف اهلها مستحيل يرفظون هالشي بس بنت اخوك .. بو فيصل : دام الولد يباها ما نروم نسوي شي سيري قوليله انج بتتصلين فيهم اليوم وبتخبرينهم ام فيصل : ان شاء الله سارت ام فيصل حق عيالها وجافتهم يسولفون ويست وياهم ........... ام فيصل: مبروك يا ولدي ريم : واااااااااااااااااااااااااو وتمت تصارخ فيصل : الله يبارك فيج يالله قومي دقيلهم بسرعه ام فيصل : ههههههههههههههههههه هدا يا ولد اصطلب ان شاء الله برمسهم اليوم والاسبوع الياي بتسيرون حقهم ........ ريم : يالله باي وركظت فوق فيصل : سارت تنشر الخبر ادريبها بنتج وكاله انباء الجزيرة ام فيصل : ههههههههه وحليلها الله يرزقها بريل الحلال ان شاء الله فيصل : امين ركظت ريم غرفتها ودقت لنوف على طول اما فيصل فظهر مستانس من البيت وسار عشان يلاقي ربيعه فهد بستار بوكس المارينا ....... على ستار بوكس المارينا فيصل كان يتريا فهد هناك وتم يترياه فترة على ما وصل ... فهد : السلام عليكم اشحالك فيصل : وعليكم السلام شعندك تاخرت فهد : ماشي سلامتك كنت فبيت العم فيصل : اها زين والله فهد : الا اقولك كنت تباني بشي البارح ولا انا غلطان فيصل : هيه صح لا سالفه البارح نسيناها خلنا باليوم فهد : خير شعندك فيصل : الخير بويهك احم احم فهد : لا تقول اهلك ما رظوا فيصل : لا ما يخصه والله انك متفيج فهد : عيل شفيك هههههههههههههه بلاك شكلك يظحك فيصل : اوهوووووووو صخ خلني ارمس احم احم انا رمست اهلي فهد : لا والله ليش انت ما ترمسهم موووووول فيصل : فهد خلك ذكي ولو مرة بحياتك فهد : افاااااااا مخلي الذكاء حقك يالعبقري فيصل : الوالدة بدق اليوم حق بيت عمك وبتقولهم ان الاسبوع الياي بنكون عندكم فهد : لا لا لا تقوول تتمصخر صح فيصل : طبعا لا والله انها صعبه الرمسه ما تتطلع فهد : هههههههه حسيت فيني فيصل : هي والله حسيت بصوب ثاني دقت ريم لنوف على موبايلها بس نوف ما ردت وقررت انها ادق ع البيت ... ريم : السلام عليكم جاسم : وعليكم السلام ريم : نوف موجودة جاسم : هيه بس منو اقولها ريم : ربيعتها جاسم : ان شاء الله لحظة شوي جاسم : نوفوو تعالي تلفون نوف : منو جاسم : وحده هبله اقولها انتي منو تقولي ربيعتها ادريبها ربيعتج ريم من سمعت رمسته انصدمت هاذا كيف يقولي جيه ومنو هاذا اصلا ... نوف : الو مرحبا ريم : مرحبا ملايين نوف : هلا وغلا هلا بالطش والرش اشحالها العروس ريم : انجبي منو هالاهبل الي رد علي لازم يعرف منو انا يعني نوف : أي ما اسمح لا تغلطين هاذا الشيخ جاسم وافديته ما نجوفه غير بلاسبوع يومين جاسم : احم احم فديتج والله جان زين جيه لسانج حلو كل مرة نوف : هههههههههههه اشحالج ريم : يالدبه من ساعه ادقلج ع موبايلج وين فارتنه نوف : وين يعني اكيد بالغرفه ريم : سيري بدقلج ابا ارمسج بموضوع نوف : قولي احينه عادي ما فيني اركب فوق متعايزة ريم : انزين اخوج وياج الموضوع حساس نوف : لا عادي قولي شو السالفه ريم : اممممممممم مبروووووووووك حبيتبي نوف : هههههههههههه على شوة ان شاء الله ريم : ما وعدتج انا ونتي بنعرس بنفس اليوم نوف : شو تخربطين انتي ارمسي عدل ريم : الدريول بيي يخطبج هلاسبوع نوف : شوة انتي شو تقولين ريم : اممممم شرات ما سمعتي تراه رمس امي وامي بترمس امج اليوم وبييون بيتكم الاسبوع الياي نوف : ريم لا صبري بعدج انا ما افكر بهالشي احينه ريم : ليش ما تفكرين ان شاء الله نوف : اقولج خلاص بعدين بدقلج ريم : اوكى نوف اصفر وييها مب عارفه شو تسوي وجاسم لا حظ عليها بس هي ركظت غرفتها على طول ... تمت تفكر بكلام ريم وما حست بعمرها الا وهي ادق حق فهد ..... فهد : السلام عليكم نوف : وعليكم السلام هلا فهد اشحالك فهد : بخير يسرج حالي بلاج ام كشه نوف : جب جب ويا راسك فهوووووود الحقني فهد : شفيج اكيد دقولج وخبروج نوف : ليش انت تدري شوة فهد : اول خبريني عن شوة ترمسين نوف : ريم دقتلي اليوم فهد : يعنى الي افكر فيه نوف : فهد انا ما فكرت بهالشي صح انى ارمس بس انه يستوى صج ما توقعته وبعدين هلانسان انا ماعرفه فهد : جوفي نوف الصراحه فيصل ربيعي وما بتحصلين واحد شراته صدقيني انه طيب وغصبن عنج بتوافقين اصلا لان مصيري بمصيرة نوف : ما فهمت شوة تقصد فهد : ترى بعد ما هو يعرس اروم انا اخطب ريم لان اهلها قايلين اول فصول بعدين ريمو نوف : ريمو بعينك اصطلب يوم تستوى حرمتك ساعتها ارمس فهد : ههههههه ان شاء الله تدرين صلي استخاره احسن لج نوف : ان شاء الله فهد : هدى اعصابج يالله ما قتلج انا وياج بنفس اليوم انولدنا ونحن يهال ويا بعض نلعب ونسولف وبنكبر وبنعرس ويا بعض نوف : هههههههههههههههههه دامني وياك ووياها ما بخاف فهد : يالله سيري مشطي كشتج نوف : جب جب يالله باي وما عطته فرصه يقول باي صكرت التلفون بويهه .......... بنفس الوقت رن تلفون البيت وجاسم هو الي رد عليه لانه كان قاعد بالصاله ... ام فيصل : السلام عليكم جاسم : وعليكم السلام والرحمه ام فيصل : ام عبدالله موجودة جاسم : هي لحظة شوي خالو نادى جاسم امه ....( امي تعالي تلفون ) ام عبدالله : السلام عليكم ام فيصل : هلا والله ام عبدالله اشحالج ام عبدالله : مرحبا ام فيصل اشحالج وينج مالج حس ام فيصل : موجودة انتي الي وين ما تبينين ام عبدالله : وياج الشيخه بس تعرفين اليهال ومعابلهم لازم ام فيصل : أي يهال يا ام عبدالله وحليلهم كبار بسج عاد قولي ما تبين تييين ام عبدالله : افا ام فيصل ما هقيتها منج خلاص ولا يهمج انا باجر عندج ام فيصل : ههههههههههه حياج الشيخه ام عبدالله : مرحبا بج والله ام فيصل : مرحبا بج الا ام عبدالله بغيتج بموضوع ام عبدالله : امري ام فيصل : الصراحه ولدي فيصل قرر انه يعرس ام عبدالله : والله الف الف مبروك يا ام فيصل ام فيصل : الله يبارك فيج وعقبال عيالج ام عبدالله : وبتاخذون بنت منو ان شاء الله ام فيصل : هاذا الي بغيتج فيه ام عبدالله : ان شاء الله ولا يهمج انا ادورله العروس ام فيصل : تسلمين يا ام عبدالله بس البنت موجودة ام عبدالله : يالله الله يتمم عليكم بخير ان شاء الله ام فيصل : امين يارب والبنت الصراحه من صوبكم ام عبدالله :من صوبنا ؟؟؟ ام فيصل : هي بغيت بنتج نوف حق ولدي يا ام عبدالله وان شاء الله بييون الريايل حقكم الاسبوع الياي يوم الاربعا ام عبدالله : حياكم الله يا ام فيصل ام فيصل : ولا تحاتين يا ام عبدالله اذا تم ان شاء الله كل شي بسوي عرس لبنتج ما تنساه وبدللها مثل ما انتوا مدللينها واكثر ام عبدالله : ما بخاف على بنتي وياج يا ام فيصل كافي ان بنتي وبنتج ربع ام فيصل : عيل اسمحيلي انا بخليج اللحينه ام عبدالله : فوداعه الله ________________________________________ جاسم : شسالفه امي بلاج تظحكين ام عبدالله : وافديت بنتي انا والله واستوت عروس ( بهاللحظة دمعه عيون ام عبدالله ) جاسم : بلاج امي ؟؟؟؟ ام عبدالله : هاي ام فيصل تبا فيصل حق نوف جاسم : فيصل ما غيره ام عبدالله : هيه ليش بلاه فيه شي جاسم : لا ما فيه شي بس عبدالله احيده ما يدانيه ام عبدالله : واخوك عبدالله شو يخصه هي نوف الي بتاخذة ولا عبدالله بهاللحظة دشت نوف عليهم وكانت وييها احمر لانها سمعت الرمسه جاسم : طاع طاع ام كشه حمرة وحليلج ام عبدالله بهاللحظة لوت على بنتها وتمت نوف اتصيح بحظنها ام عبدالله : وافديتج انا الله يتمم لج بالخير ان شاء الله وافرح بجاسم وعبدالله من بعدج جاسم : لا نا مابا بعدني صغيرون ما يخصني ام عبدالله : هههههههههههه بييك يوم وحليلها زين يوم قربت منا نروم جيه نخطب ريم حق واحد من عيالنا نوف : لا يمه ريم يباها فهد ولد عمي ام عبدالله : وانتي منو قالج نوف : فهد قالي ورمس اهله بالسالفه جاسم : فهد فهد ولد عمي نوف : هيه شفيه ولد عمي وبعدين انت ما تباها خلها هو يباها جاسم : انزين كلتيني بقشوري ههههههههههه الله يعينك يا فيصل نوف : جب وشردت سارت عنهم فوق سارت نوف فوق وخبرت حصه اختها وانتشر الخبر بين العايله ومر الاسبوع ونوف صلت صلاة استخاره وارتاحت لفيصل ويا يوم الخميس وييوا قوم بو فيصل بيت بو عبدالله والكل متيمع ورمسوهم بسالفه وبو عبدالله وبو محمد وافقوا بس ما ردوا عليهم خبر اكيد قالولهم يعطيونهم فرصه عشان يقررون زين ويسالون عن الريال وفهد كان اكثر واحد منهم مستانس لانه اخيرا بيحقق حلم حياته وفيصل كان صج متشقق من الوناسه اما عبدالله فكان شوي يظحك شوي ينغز بالرمسه بس ابوة قاله دام البنت موافقه انت مالك راي هو عبدالله سالفته انه كان حاط فباله ان فيصل مرابع فهد مصالح بس لما خطب اخته حاول ان يستقبل هالفكرة الكل كان موافق على فهد وريم مستانسه ونوف نقس الشي وداخل البيت الكل كان يزغرط وفيصل من صج مستانس ويقول بنفسه والله وبتاخذين الدريول يا ام كشه انا اراويج ............ شله البنات ويا الحريم كانوا ملتمين داخل البيت ساروا قوم الرياييل صوبهم لان اليوم الجمعه ومتعودين انهم يتيمعون كل مرة بعد صلاه الظهر فبيت بو محمد او فبيت بو عبدالله ... جاسم : السلام عليكم الكل : وعليكم السلام بو عبدالله : اشحالهم حريمنا ام عبدالله : بخير يسرك حالنا عبدالله : بلاها العروس اليوم كاشخه نوف : تراك قلتها عروس بو محمد : قبل أي شي بعدنا ولا نسيتوا الوالدة فهد : وافديييييييييت يديتي انا برمسها خلوها علي بو عبدالله : فهد اصطلب خلي يدتك نحن بنرمسها ام محمد : يالله دقولها احينه بو محمد : ههههههههههه هدى اعصابج انتي الثانيه ام محمد : خل افرح بولدي مرة وحدة بعد بو عبدالله : ليش شعندكم ؟؟ بو محمد : سلامتك يهال العايله بيعرسون نوف +فهد : احم احم بو عبدالله : بلاه فهد بعد ام محمد : متى توكدون على نوف ان شاء الله بنتحرك نحن وبنخطب ريم اخت فيصل حق فهد ان شاء الله بو عبدالله : لا لا مبروك الف مبروك عيل خلاص عرسهم بيوم واحد عاليه : لااااااااااااااااااااااااااااااا ما يستوى جاسم : رمست أم عقصين شعندج عاليه : جب انت بو عبدالله : عيل ليش قلتي لا حصة : شو ليش بعد نبا اعراس منفصله عشان نلبس ونكشخ اكثر من مرة عبدالله : لا والله والله انكن متفيجات بو عبدالله : انا بدق للوالدة احينه وباخذ شورها ام محمد : احس لو تسيرون تييبونها يكون أحسن ام عبدالله : ترى عمتي اول ما تسمع الرمسه على طول بتيي بتخلي حد من عيال ريلها اييبها ام حمدان هي يدتهم مزوجه من بو عبدالله ولما توفى ازوجت واحد ثاني بس ما يابت وياه عيال بس هو كان عنده ولدين سهيل وحمدان وتموا وياها وهي الي مربتنهم والكل يعتبرهم شرات اخوانهم لانهم صغار مش كبار وايد سهيل عمرة 25 وحمدان عمره 22 ... بهاليوم نوف كانت صج كاشخه من الخاطر ومتعدله بطريقه تلفت الانتباه خاصه رسمة عيونها وعيونها الي كانت حلوة بدون شي صارت احلى ... فهد : ام كشه الله يخسج اطيحين الطير من السما نوف : احم احم جب استحي منصور : طاع منو يستحى حصه : صخو ابوي ياي جاسم : ها عاليه اشحالج كم مرة بقولج بسج اكل فهد : ما يخصك بعنقودتني خلها جاسم : بتستوي درام بسها عاليه : افففف منك اكره الييه يوم تكون موجود نوف : احيده لسانج طويل شعنه ما ترمسين يوم يطيح فيج عبدالله : بلاكم جاسم وخر عنها لا تقولها شي اخوها هني يوم بسير بعاونك عاليه : لا والله ناقصتنكم انا الي يقول احينه معلي انا اراويكم ما بسكت عنكم بو محمد : بلاك بو عبدالله ويهك متغير شو قالت الوالده بو عبدالله : مادري والله اول مرة استغرب من تصرفاتها ام عبدالله : جيه شو قالت بو عبدالله : ما قالت شي بس قالت انها اليوم بتيي بوظبي ام محمد : بسم الله عليها ليكون صاير شي فهد : بلاكم يمكن من الفرحه خخخخخ نوف : فديتها يدوتي انا حصه : اونج احنيه منو قدج وساروا البنات ويا بعض فوق وتموا الحريم يسولفون تحت اما الشباب فظهروا برا يتمشون ... بو عبدالله : والله ان امي فيها شي يوم قتلها الخبر احسها ناويه على شي ام عبدالله : مثل شو يعنى لا تقولي هب راظيه ام محمد : حتى لو هب راظيه البنت تباه وارتاحت له يعنى مافي شي بيغير الموضوع بو محمد : لا في اذا امي مب راظيه يعنى مافي شي بيستوى ام عبدالله : لا الله لا يقول بنقنعها بو عبدالله : سمعن وقولن حق بناتكن هالرمسه اذا الوالدة هب راظيه لا حد منكم يفكر يوقف بوييها نحن بنحاول نقنعها بس اذا قالت كلمه محد بيغيرها فاهمين ولا بو محمد : هي وهالكلام موجه حق بنتج وولدج ام محمد : الله يستر ام عبدالله : انتوا ليش مستعيلين بعدها ما قالت شي ولا عرفنا شي ام محمد : متى بتوصل بو عبدالله : قالت اليوم ع المغرب بتوصل .... اما فيصل فدق ع العصر لفهد وواعده ع الكاسر ....... وصل فهد لفيصل وجافه متوتر .... فهد : هههههههه شكلك يظحك والله فيصل : صخ شو قالوا اهلها فهد : سلامتك الكل موافق ومستانس وباقي اليدة العوده فيصل : ومتى بتخبرونها فهد : خبرناها وبتيي اليوم المغرب ان شاء الله فيصل : فهد طلبتك فهد : تم افا عليك فيصل : جوف اول ما يردون على ابوي عطني الجواب فهد : ان شاء الله وانت بعد لا تنسى ازرني بمحنتي يوم بكون شراتك خخخخ فيصل : هههههههه انت رمس اهلك اول فهد : جب جب مرمسنهم والكل موافق بس يتريون يرمسون يدو وبيخبرونها بسالفتي وابوي قال بنعرس انا ونت بيوم واحد فيصل : اخ يع مابي شو مينون انا فهد : عنلاتك يالخام شو قصدك تصدق محد يعطيك ويه انت فيصل : ههههههههههه اونك احينه بيخترب يوم عرسي فهد : هاهاهاي انت خذ ام كشه اول بعدين ارمس فيصل : شيخه الحريم ام كشه حرمتك فهد : تهبي الا انت فديت حرمتي فيصل : بتصخ ولا لا احينه فهد : عيل انت ترمس ما قتلك شي فيصل : انا خاطب رسمي انت ولا شي فهد : انزين حشرتنا فيصل : ابا كابتشينو فهد : انا بعد على حسابك فيصل : من عيوني فهد : اوه اوه تصدق اليوم جفت ام كشه والله انها حلوة يا بختك فيها فيصل : مع سكر زياده فهد : ههههههههههههههههههه ان شاء الله ........... اليده وصلت ع المغرب وشكلها كان ما يطمن وعلى طول سارت بيت بو عبدالله وهي متعوده انها تسير بيت بو محمد وتفعد وياهم لان عيلتهم صغيرة بعكس بيت بوعبدالله واول ما وصلت جافت جاسم بويهها ...... جاسم : مرحبا الشيوخ هلا وغلا اليدة : مرحبتين وين ساير جاسم : افا بلاج يدوه منو هالحمار الي مزعلنج اليده : حشم بلاك انت وين ساير جاسم : بسير العين بعد وين اليده : وشعنا ما تيي تزورني دامك متفيزر بالعين كل اسبوع جاسم : تصدقين يدو شكلي بسويها حياه السكن مطفرتبي اليده : حياك بس جوف ما تسير قبل ما ارمسكم جاسم : خير يدوه في شي اليده : سلامتك في عرس جريب فبيتكم بيستوى جاسم : ههههههههههههه اها زين ندري بعدها يدوه ما ردينالهم خبر اليده : ادري ما رديتوا عيل لو رديتوا بتلاقيني هني سير ازقرهم بسرعه اباكم من كبيركم لصغيركم جاسم : ان شاء الله سلم جاسم على حمدان الي كان يايب يديته وياه قاله يقعد بس حمدان قال انه بيسير لان عنده شغل ..... وهو ظاهر من البيت جاف نوف بالحديقه ياسه عرفها بس كمل دربه حمدان : يالله شو حلوة هالبنت ماشالله عليها خساره طارت من ايدي الله يهنيها اما جاسم فدق لابوة وخبره بالموضوع وابوة دق لاخوه وجاسم كملها ودق لشباب العايله واتفق الكل انهم يتيمعون بعد صلاه العشا فبيت بو عبدالله ..... فغرفه نوف دشت حصه عليها وجافتها مظايقه ويبين بويهها ان فيها شي .... حصه : بلاها عروستنا الحلوة نوف : مادري يا حصه احس بيستوى شي حصه : شي شرات شوة نوف : احس فرحتي ما بتكتمل حصه : فال الله ولا فالج ليش جيه تقولين نوف : مادري والله عندي احساس حصه : نوف حبيبتي توكلي على الله وان شاء الله ما بيصير الا كل شي اوكي اذكري ربج انتي بس نوف : الله يسمع منج حصه : يالله قومي يدو يايه وتبانا نتيمع كلنا مادري شو عندها نوف : ان شاء الله الحين بيي بعد صلاه العشا الكل كان متيمع فبيت بو عبدالله وناطرين يدتهم تيي ...... جاسم : عليو شكلها يدو بتوديج وياها هناك هههههههه عبدالله : بسك حشم شعندك عاليه : ويييييييييييييييييييييو هزبوه جاسم : لا والله فرحانه حظرتج محمد : جسوم شعندك على اختي ما يخصك فيها جاسم : هههههههههه حزب مجمعه ماشالله عبدالله : بنت عمي ما ارظى عليها جاسم : لا والله وسكت الكل لان يدتهم دشت وشكلها كان يبين ان فيها شي ............. اليده : سمعوني كلكم انا ميعتنكم اليوم لان عندي شي وابا اقوله ومحد بيناقشني فيه مثل ما تعرفون ان نوف انخطبت ولا انا غلطانه بوعبدالله : هيه نعم امي بس محد يروم يقول شي لان رايج فوق كل شي اليده : وانت يا بومحمد شو قولك بو محمد : ما عندي كلام ازيده على رمسه اخوي اليده : وانتوا يا الحريم والبنات حد منكم يبا يخالف شوري بشي الكل : لا يدوه محشومه نوف بهالحظة حسن ان الرمسه موجهه حقها اليده : عيل سمعوني قولوا حق خطاب نوف انكم مش موافقين وان نوف مخطوبه وعرسها جريب ( الكل من سمع هالرمسه تموا صاخين ونوف شوي وبدمع وفهد تم ساكت مب عارف شو يقول ) ام عبدالله : أي مخطوبه عمتي نوف مش مخطوبه اليده : سمعوني كلكم دامني حيه هاذا الي بيستوى واذا غمظت عيني ساعتها ترومون تسون الي تبونه بو محمد : بسم الله عليج امي اليده: ( وبصوت صج ينقال عنه صوت قوي ) نوف لفهد ولد عمها وفهد لنوف بنت عمه فاهمين ولا لا ( فهد من سمع هالكلمه وقف على طول ونوف مب مستوعبه بعدها الي تسمعه وبوعبدالله وبومحمد بعدهم مب فاهمين شي ) فهد : يدوه انتي شو تقولين مستحيل نوف شرات اختي وازود اليده : ماحيدك يا ولد بو محمد تبدي الغريب عليك وانا عرفت انك ناوي تاخذ اخته اسمع هالرمسه انقالت جدامكم كلكم وحظر نفسك الاسبوع الياي ملجتك على نوف وعندكم 6 شهور تحظرون للعرس دامك نويت للعرس محد بيظويك غير بنت عمك فاهم ولا لا ... وظهرت عنهم لانها شكلها كان صج تعبان نوف تمت اصيح من الخاطر ومحمد وعبدالله وحصه وعاليه وجاسم صاخين مب عارفين يرمسون .. بو عبدالله : بو محمد قم نرمسها انا مستحيل اخليها تسوي هالشي بو محمد : شو بنقولها بو عبدالله : قم وياي وتموا هني محد يتحرك من مكانه ( فهد تم يطالع نوف وهي غارقه بالدموع فحظن امها هو بنفسه شوي وبيدمع وما حس بعمره غير يوم امه ييت حذاله ) ام محمد : لا تخاف ان شاء الله ابوك وعمك بيرمسونها بو عبدالله وبومحمد ساروا صوب غرفه امهم دقوا الباب ودشوا عليها لقوها قاعده على الشبريه وشكلها كان صج تعبان بو عبدالله : امي الله يهداج ليش تسوين جيه العيال ما يبون بعضٍٍ الزواج مب غصب اليده : ها يا بو محمد شعندك غير عن رمسه اخوك بو محمد : امي رمستج على عيني وراسي بس بعد اقولج الي تقولينه مستحيل يستوى اليده : والله وكبرتوا وتميتوا اطولون لسانكم عليا بو عبدالله : ماعاش من يطول لسانه عليج بس ليش تسوين جيه اليده : سمعوا دامني حيه هاذا الي بسويه واذا الله خذ روحي قبل عرسهم سوا الي بتسونه بو محمد : الله يطول بعمرج امي بس الولد يبا غيرها ربيعتها اليده : سمعوني ترا هالقرار انا قلته مب من نفسي والله اني حاسه فيهم انا خذيت بو حمدان غصب عني وما كنت ابيه بس مع العشرة والله عشت احلى ايام عمري وياه وهاذا الي انا ابا اسويه ترى وصيه ابوكم الله يرحمه قبل لايموت قالي يا فاطمه زوجي عيال عيالج لبعض وهاذي وصيتي لج قبل لا اموت بو عبدالله وبو محمد ماعرفوا شو يقولون وهم يجوفون امهم تصيح جدامهم فاطمه( اليده) ما حست بعمرها وهي ادمع لانها تذكرت ابوهم اما بو عبدالله وبو محمد ظهروا من غرفه امهم وحاطين براسهم ان وصيه ابوهم فوق كل شي ...... الكل كان يترياهم بالصاله وعندهم أمل انهم يقدرون يغيرون راي يدتهم ... ام عبدالله : بشروا شو قالتلكم بو عبدالله : فهد ملجتك الاسبوع الياي على نوف بو محمد : جهزي عمرج بعد 3 اشهر عرسج على ولد عمج ومحد منكم يرمس فاهمين ولا لا نوف من سمعت الرمسه ما حست بعمرها الا تركض فوق ومن صياحها ركظوا عاليه وحصه وراها .. فهد : لا لا حرام عليكم والله حرام شو تخربطون انتوا نوف مستحيل اخذها مستحيل حرام عليكم والله حرام مب كيفكم نحن كبار ونعرف شو نسوي انا ما بزوجها والي بسونه سوه ... بو محمد : جب قتلك فاهم ولا لا شفيها بنت عمك ما تاخذها ولا جايف بنت الناس احسن عنها خلك ريال ..... بو عبدالله : شفيها بنتي يا فهد تراها الف من يتمناها فهد سكت وما علق .. لانه اذا رمس بيجرح بيت عمه والكل موجود ام عبدالله : حرام عليكم ليش جيه تسوون بو محمد : هاي وصيه الوالد ما نروم نسوي شي فهد من سمع رمستهم وعرف ان مصيره خلاص تقرر ظهر من البيت واول شي سواه انه سار ع البحر وغلق تلفونه وتم بروحه ع البحر ودموعه كانت اقوى منه وما رام يمسك عمره .... تسلمين حبيبتي برنسيسه نجد ع المرور ونا بحط التكمله لخاطر عيونج محمد حاول يلحق على اخوه بس ما رام يوصله وعلى طول دق لفيصل وقاله ان فهد سار عنهم مظايق وما يعرفون وينه بس فيصل قاله انا اعرف مكانه لا تخاف فيصل كان يعرف ان فهد اذا كان مظايق اول مكان ممكن يسير حقه البحر وصل حقه وجافه ودموعه على خده بالبدايه استغرب منه وسار صوبه ...... فيصل : الدنيا ما تسوى ياريال فهد: مب كيفهم والله حرام عليهم والله حرام فيصل : هاي الدنيا وكل انسان لازم يرظى بالواقع فهد : منو خبرك ؟؟ فيصل : انا للحين مب عارف شو السالفه فهد : عيل ليش ترمس جيه وكأنك عارف كل شي فيصل : عادي انت الي بتقولي احينه فهد : حددوا مصيري يا فهد رتبوا كل شي حلمي وحلم نوف خلاص صار رماد فيصل من سمع اسم نوف حس بظيقه بصدره وقام عنه وسار صوب البحر فيصل : شو اكيد اليده رفضت صح فهد : يا ريتها رفضت بس هاي قررت مصيري بكامله فيصل : عادي يدتك وغصبن عليك تحترم رايها فهد : انت لو تعرف شو قررت فيصل : ما يهم غصبن عنك بسويه فهد : فيصل قررت انى الاسبوع الياي بملج على نوف نوف اختي بتصير حرمتي كيف يا ناس كيف فيصل اول ما سمع رمسه فهد حس وجنه حد ماسك راسه نوف لفهد كيف ريم لا ريم الله يعينج يا اختي ربيعتج للي تمناه قلبج فيصل : وانت ما حاولت تقول شي فهد : شو تباني اقول وابوي وعمي وياها فيصل : غريبه عيل يوم ييت اخطب ما قالوا شي فهد : هي يوم يت قررت كل شي بثانيه غيرت مجرا حياتنا فيصل : بقولك شي واباك تسمعني زين فهد : قول فيصل : انت غبي حد يخلي هالجمال الي بنوف لواحد غريب والله انك عبيط فهد : انت اللي تقول هاي الرمسه فيصل وانت الي تباها فيصل : انا ربي ما كتب اخذها والصراحه انت تاخذها ولا غريب ياخذها لانى اعرف انك قدها فهد : وريم ريم يا فيصل عمري كله الانسانه الي قدرت انها تسكن قلبي الي خلتني اهد بنات الدنيا والٍتلفت حقها كيف اسوي فيها جيه ونوف كيف اعيشها وياي وهي بالها وياك وبالها ويا ريم اختك ربيعتها اعز انسانه عندها كيف نطعنها ننحن الاثنين مع بعض اااااااااااااااااااه يا ريم ااااااااااه ليش ليش حلمي الي حلمت فيه طول عمري يطير من ايدي بثانيه وحده ... فيصل : ريم خلها علي وانت سير البيت احينه وخلك من هاي الرمسه واسمع انا ربيعك وبتم على طول ربيعك وانا بقول حق ابوي انها مخطوبه لا تخلي اهلك يقولون شي عشان ابوي ماحب احطه بموقف محرج فهد : بهالسهوله تتخلى عنها فيصل : لانى اعرف انى ما اقدر اغير شي سار فهد عن فيصل الي تم بدوامه كيف يخبر اخته بهالشي بس نوف كانت اسرع منه لانها دقت لريم على طول وكانت ميته من الصياح وخبرتها كل شي ........ ريم من صدمتها ما حست بعمرها غير انها مصكرة التلفون بويه نوف الي كانت حالتها ما تساعدها انها ترمس وزادت على نوف همها نوف احينه عرفت انها خسرت حلمت حياتها وخسرت اعز انسانه عندها ............ فيصل وصل البيت وجاف امه وابوه ياسين خبرهم بموضوع بيت بو عبدالله وانهم ردوة ام فيصل استغربت لانها تدري ان الكل موافق بس خبرهم عن قرار يدتهم الي كان صدمه لام فيصل وسألهم عن ريم قالوله انها من العشا ما ظهرت من غرفتها استأذن منهم وسار صوبها ..... دق الباب وفتح الباب لقاها لاويه على عمرها بالمخده ودموعها كانت مبلله المخده بالكامل ... فعرف انها عرفت ........ فيصل : ريم حبيبي بقولج شي ريم : لا تقولي شي اكرهها اكرهها نذله خانتني فيصل : وهي شو ذنبها ريم : ليش ما قالت لا ليش سكتت فيصل : اذا فهد الريال ما رام يقول شي كيف تبينها هي البنت تقول شي ريم : انت كيف ساكت كيف بياخذ منك نوف ربيعك بياخذ حبيبتك فيصل : ريم انا ريال واتحمل وبعدين لازم بغار عليج سمعيني زين انا ماحب اجوفج تطرين اسمه شرات ماحب اخليه يطري اسمج جدامي ريم تمت تصيح ومب عارفه شو تقول حق اخوها بس هو قالها كلمه وظهر عنها فيصل : ريم حبيبتي لو كان الموضوع بأيدهم صدقيني ما بيختارون غيري وغيرج بس الاهل فوق كل شي يعنى اذا ابوي ولا امي رفضوا فهد شو كنتي بسوين ريم تمت ساكته وحطت نفسها بموقف نوف وفعلا قدرت تتحدى نفسها وهمها واتصلت حق نوف نوف اول ما جافت الرقم على طول ردت : نوف : ريم والله مب كيفي جبروني ريم دخيلج لا تزعلين مني ريم : سمعيني زين نوف انتي خذتي مني حلم حياتي سرقتي مني قلبي الي احلم فيه الي انتي خليتني احلم فيه دخيلج لا ترمسيني ولا ابا ارمسج انا من اليوم ما اعرفج فاهمه ولا لا وعلى طول صكرت التلفون بويها.... |
________________________________________
مر الاسبوع ثقيل على نوف وفهد الي كل ما يقترب موعد يوم ملجتهم وهمهم يزيد.... اما حصه وعاليه فكانوا صج مستانسين ولا حاسين بعمرهم يجهزون للملجه ويدتهم فرحانه اكثر منهم اما محمد فكان معصب من قرارهم لين ما فطيم حرمته حاولت انها تفهمه انهم ان شاء الله بيتعودون على بعض وجاسم وعبدالله يحاولون يغيرون رايي يدتهم ويفهمونها ان الي تسويه غلط بس ما كان لهم أي فايدة .... حصه : تصدقين اخاف نوف تسوي بعمرها شي عاليه : اسكتي انا خايفه اكثر منج واذا تزوجوا احس انهم ما بيكملون مع بعض لانهم على قولتهم خوان حصه : ههههههههههههههههه على كيفهم استووا اخوان الله يعينا على باجر .... عاليه : تعالي فستاني باجر بيبه حصه : هي ترانا بنسير انا ونتي الصالون اما نوف بتييها وحدة تعدلها وفطيم بتم وياها عاليه : حلو اخوي معرس خخخخخ حصه : عقبالج حبيتبي عاليه : اااااااااااااامين حصه : عفانا الله قولي عقبالج انتي بعد عاليه : ههههههههههههههههه عقبالج حصه : جب جب وتمول يسولفون وبعدين كل وحدة منهم صكرت عن الثانيه لانهم يبون يرقدون لان باجر بيكون يوم ملجه فهد على نوف ....... نوف نشت الصبح جافت الفستان جدامها كان لونه تركواز رهيب خذت نفس وسارت تسبح يت حقها امها وقالتلها انهم بيبون الملاج يملج العصر وفليل بتكون الحفله .... اما فهد فما كان راقد طول الليل يفكر بريم وكيف هو سوا فيها جيه ونوف كيف بتعيش وياه وما حس بعمرة الا وتلفونه يرن فهد اول ما جاف الرقم استغرب ....... فيصل : مرحبا بالمعرس فهد : والله انك متفيج لو كنت مكانك بكسر الدنيا على راسك فيصل : جب جب يالله اتجهز بيييك بعد شوي فهد : وين بنسير فيصل : انا بييك وبتجوف جهز فهد عمرة ومر عليه فيصل ووداه الحلاق وخلاه يتعدل وفهد كل ما فيصل يسوي شي يعصب منه ويقوله انا ما باخذها واذا خذتها باخذها على ورق بس وفيصل كل ما يسمع رمسته يعصب منه بس يمسك عمره .... لين ما يا وقت العصر سار فيصل ويا فهد بيت بو عبدالله والكل كان متيمع هناك كان فيصل مخلي فهد يبين صج انه معرس ونوف كانت توايج من فوق وجافت فيصل ويا فهد .. نوف : ياريت ريم شراتك يا فيصل يا حظ الي بتاخذك والله انى خسرتك وين بلاقي واحد شراتك دشوا داخل وبو عبدالله وبو محمد كانوا خايفين ان فهد يسوي شي ويفشلهم جدام الملاج بس فهد اعتذر منهم وظهر .... وقال انى بيي بعد شوي فيصل على طول ركض وراه فيصل : وين ساير فهد : خلني يا فيصل والله مب رايم انا عادي بس نوف حرام فيصل : بقولك شي انت تدري انا ليش ياي وياك فهد : ليش لانك طيب ومحد شراتك فيصل : لا لانى اعرف انك بتروم تنسي نوف فيصل فهد : كيف فيصل : مثل ما سمعت لانى اعرف انك بتروم تسعدها ياخي والله حرام عليك والله انها احلى من ريم لو تلاحظ هالشي فهد : اااااااااااه يا فيصل ماقدر صدقني ماقدر قطع رمستهم عبدالله الي يا صوبهم وقالهم لازم يدشون داخل عبدالله : يالله فهد ترى ابوي وعمي معصبين عبدالله جاف فيصل وسا ر صوبه ... عبدالله : مشكور فيصل ما تقصر واسمحلي على أي شي يا من صوبي غلط بحقك فيصل : افا عليك نحن اخوان يالله خل نسير تراه معرس دلوع دشوا داخل وملج فهد على نوف وساروا الملاج وسأل نوف وهي وافقت لانها مب رايمه تسوي شي ويدتها وياها رد الملاج لهم وقالهم مبروك بهالحظة فيصل دمعه عيونه وفهد لاحظ هالشي ... كل شي جاهز والبنات جاهزات والعروس نفس الشي نوف بطلت شعرها لانه كان قصير وقاصتنه مدرج وحاطه ميك اب على لون فستانها ومحددة عيونها بطريقه حلوة بس تعابير وييها هي الي مخربه عليها ع الساعه 10 نزلوها تحت والكل تم يسمي عليها ماشالله عليها حلوة وجميله والكل لاحظ انها مب مبتسمه وكل ما يسألون حد من الحريم البنات او امها تقولهم مستحيه مب عارفه شو تسوي بس نوف كان فكرها ويا ربيعتها ريم لانها تمنت انها تجوفها بهاليوم وياها بس ريم كانت فبيتهم وما يت الملجه وفيصل فضل هالشي عشان فهد ما يجوفها ....... دخل فهد على انغام هاديه ودخل وياه عبدالله وجاسم ومنصور والكل كان ملاحظ اان جو المعاريس متكهرب من العايله طبعا وصل عندها فهد وحبها على راسها على طول تموا الحريم يزغرطون وام عبدالله تمت تصيح وام محمد حاسه فيهم سلموا على اختهم وساروا عنها فهد ونوف تموا قاعدين محد منهم رام يرفع راسه عشان يجوف الثاني وصلت الاطقم وحاول فهد يلبس نوف بس مب رايم يمسك ايدها حاس بايده ترتجف نوف كانت حاسه فيه بس ماسكه عمرها من الصياح ام محمد ساعدت ولدها ويدتهم كانت صج مستانسه لانها حققت حلم ريلها وريحت عمرها من الوصيه .... حصة وعاليه حبوا انهم يسون جو حق نوف وفهد سارت عاليه جدامهم وتمت ترقص والبنات يصقفون حقها وفهد ناقع عليها من الظحك اول مرة يجوفها جيه ونوف كانت تجوفها وتبتسم عاليه تقربت من اخوها وعطته بوسه على خده وابتعدت نوف لفت ويهها عشان تجوف فهد طاحت عينها بعينه رفعت عينها على طول ياربي كيف فهد ريلي فهد الي كنت اعتبره اخوي واكثر كيف بعيش وياه على اساس انه ريلي ...... كملوا قعدتهم لين ما يات الساعه11 قصوا الكيك وشربوا العصير وساروا فوق عشان يتصورون والمصورة عصبت منهم محد منهم راضي يظحك وحركاتهم كانت وايد بارده ..... عدت اول ليله على خير عبدالله قالهم اذا كانوا يبون يقعدون ويا بعض بيخلونهم ع راحتهم بس محد منهم كان يبي هالشي بو عبدالله حس بالذنب كيف سوا فبنته هالشي ... اليدة : بو عبدالله صدقني بيكونون احلى اثنين اصبر عليهم بوعبدالله : يمه هايلا ما يبون بعد نحن غصبناهم وانا بنتي ما ارظى عليها اعطيها لواحد ما يباها اليده : فهد عاقل اصبر عليه انت بس بو عبدالله : الله يسمع منج عدت اول ليله على خير نوف كانت مب رايمه ترقد طول الليل من كثر ماهي خايفه من رده فعل ريم فقررت انها اطرشلها مسج .... ( تمنيتج تكونين وياي هاليوم ريم انا مالي ذنب والله انى مظلومه شرات فهد دخيلج خلينا ربع ) ريم قرت المسج وانصدمت يعنى شوة تباني اكون وياها بهاليوم على طول بدون تفكير دقتلها نوف : الو ريم : شقصدج اكون وياج بهاليوم ليش شو فيه اليوم نوف : ليش انتي ما تدرين ريم : شو ادري نوف : بس فيصل كان موجود ريم : لا تيبين طاري اخوي ع لسانج شو صار اليوم ارمسي نوف : ملجت على فهد اليوم ريم : لاااااااااااااااااااااا لاااااااااااا نذله اكرهج اكرهج وعلى طول صكرت التلفون نوف من كثر صدمتها بهالكلمه ما حست بعمرها الا وهي داقه على فهد فهد انصدم من جاف رقمها تردد يرد ولا لا شو اقولها كنت اتمصخر وياها احينه شو بقولها ياربي تردد بس قبل لا تصكر رد عليها : فهد : الو نوف : فهد حرام ريم فهد فهد : شفيها ريم نوف : انا نذله والله اني نذله كيف اخذ منها قلبها كيف فهد : نوف هدى انتي مالج ذنب نوف : ليش ما رمسنا ليش ما وقفنا ضدهم ليش فهد : هاي رغبه يدتي نوف ونحن ما نروم عليها نوف : فهد انا ماقدر اعيش وياك دخيلك افهمني فهد : والله انى حاس فيج ولا تخافين انتي حرمتي جدام الناس بس نوف انا ما اروم اغصبج على شي انتي ما تبينه نوف : ليش نحن فهد ليش فهد : الله يعين الي بعدنا يا نوف ما ندري شو مخطط لحصة وعاليه نوف : لا ما بخليهم يسون شي بأختي لو الموت فهد : هدى اعصابج انتي احينه نوف : شو احينه شو بنسوي يعنى بنسكت فهد : عندج راي ثاني نوف : جبان جبان اكرهك وصكرت التلفون بويهه .................................................. ..فهد انصدم من رمستها اول مرة نوف تقوله هالشي عذرها بس خذ بخاطره منها ................. مرت الايام والشهر الاول مضى على خير فهد ما رمس نوف فيها ولا مرة ولا جافها اما نوف فنشغلت بدراستها عاليه وحصه وفطيم كانوا متكفلين بكل شي من تجهيز حق نوف ويدتهم فاطمه ما سارت العين من يوم الملجه قالت انها بتم فبوظبي ليوم العرس وحمدان يصر عليها وكل يوم تقريبا يدق لها ويقولها تيي تولهنا عليج بس هي كانت ادخل الرمسه من الاذن اليمين وظهرها من اليسار خايفه انهم يسون شي بغيابها اذا سارت عنهم لانها لاحظت ان فهد ونوف بعاد عن بعض بشكل هي ما كانت تتصوره بعد ما كانوا اقرب الناس لبعض بو عبدالله حاول يقنع امه برايي عياله بعد ما أثروا فيه وكان باوقات يعصب منها ومن برودها وهي تسوي فيه شرات ما تسوي بحمدان وتقوله كلمه تسكته ( وصيه ابوك هاي )........... نوف حصلت حقها ربيعه معرسه بالجامعه وتسير وتيي وياها اما ريم دوم بروحها ادش كلاساتها وتظهر من الجامعه على طول ................. تحدد موعد العرس بيكون شهر 6 بعد الامتحانات على طول ............... فبيت بو عبدالله كان اليوم الاربعاء دش جاسم البيت جاف يدته قاعده بروحها وسار وييلس صوبها ...... جاسم : اشحالج يدو اليده : بخير يسرك حالي حمدلله ع السلامه جاسم : الله يسلمج اليده : جاسم طلبتك جاسم : تم يدو افا عليج بس لا تقوليلي سوق دخيلج اليده : ههههههههه امبونك ما تيلس فالبيت تودي منو السوق من ورانا جاسم : يدوووووووووووووو انا ما افكر بهالسوالف لا تفهميني غلط اليده : صخ انزين دق حق فهد ولد عمك ابا ارمسه جاسم : ما يحتاي هو بيي احينه بيمر علي بسير وياه اليده : عيل قوله يدش اباه بسالفه جاسم : شعندج يدو ان شاء الله غيرتي رايج اليده : اسمع جسوم هاذي وصيه يدك تفهمون انتوا شو يعني وصيه يعنى محد يروم يغير هالشي اليده كانت ترمس على دخلت فهد الصاله .......... فهد : محد يقول شي يدو وصيه يدو بتتنفذ اليده : ادريبها بتتنفذ بس الي يجوفكم انت وحرمتك ما يبشر بالخير كل واحد منكم بصوب عنبو على الاقل احترموا وصيه المرحوم .......... جاسم : فهد ايلس بسير ازقر نوف فهد : بس بنتأخر اليده : لا تسير شكله ما يستاهل ظفرها عنبو حد يودر بنت عمه حق الغريب جاسم : جوف انا ماحب اعق اختي على واحد ما يباها تراها اختي على عيني وراسي اليده : شيخه الحريم هاي نوفو دشت نوف على هالموقف لانها توها يايه من الجامعه كان عندها تسليم بروجكت وتاخرت بالدوام .... نوف : السلام عليكم فهد انتبه انها لابسه الدبله وما حاطه شي ثاني بايدها لانها كانت متعوده انها تلبس خواتم اشكال والوان على حسب لون بدلتها .......... ويهها متغير 180 درجه عن اول ........ اليده : وعليكم السلام شعنه متأخرة حبيبتي مب من عوايدج نوف : كان عندي شغل يدو ولازم اخلصه تدرين كورس تخرج هاذا جاسم : خلاص سيري غرفتج احينه نوف : ان شاء الله فهد : لا صبري ابا ارمسج اليده : توه ما افتكرت جاسم : شو تبا تقولها ؟؟؟ نوف انتبهت ان لهجه جاسم وايد متغيره وشكلهم كانوا يظاربون لانه كان صج معصب فهد : من بعد اذنك يعني جاسم ... جاسم : ما يحتاي تستاذن تراها حرمتك نوف : نسير الميلس فهد فهد مسكها من ايدها وخذها نوف استغربت من هالحركه بس هي تدري ان فهد قصده شي ثاني او عشان اليده ....وساروا بروحهم ... اليده : هاذا اول الخير جاسم : الله كريم يالله يدو انا بسير عنج بترياه برا اليده : الله وياك بالميلس فهد دخل الميلس ودشت نوف وراه اول شي سوته هي انها بعدت ايدها عن ايده .... فهد : نوف انا مالي ذنب بالي استوى بينج وبين ريم نوف : ما الومك انت ما يخصك فهد : اسمحيلي ادري انى مقصر نوف : لا عادي اصلا انا فاهمتنك فهد : خلاص عيل خلينا نتفق من احينه انا ونتي بنكون شرات الاخوان حتى بعد ما نعرس .. نوف من سمعت هالرمسه استانست من خاطرها وفهد حس فيها ........... نوف : اللي يريحك ومن ظهر عنها ذاك اليوم ما جافته خير شر ولا سمعت صوته ............ مر الوقت طويل على عاليه وحصه لانهم كانوا يتريون هاليوم أكثر من أي وقت بكشختهم واناقتهم ... نوف انشغلت بدراستها لانها خريجه وفطيم تكفلت بكل شي وام عبدالله وام محمد بتجهيزات العروس الي كانت ما تحس ان عرسها قرب ........... اما ريم فهي تعد الايام عشان تتخرج وتفتك من شي اسمه دراسه وتبا تشتغل وتنسي عمرها فهد وتنتبه لحياتها ......... (22-6) اليوم موعود للكل يوم زفه فهد على نوف الكل كان مستانس الا فهد الي حاس ان هاليوم اخر يوم بحياته ....... عاليه وحصه كانوا سايرين دبي عشان يكشخون اما فطيم فتمت ويا نوف وياتهم راعيه الصالون الصاله ....... فهد كان يالس ع البحر وفيصل وياه .............. فهد : دنيا والله انها دنيا فيصل : ههههههههه كشخه والله انت معرس فهد : هههههههه نكته حلوة يا برودك ياخي فيصل : تعال بسرعه من شهر العسل تراني بملج فهد : بذمتك فيصل : هيه والله فهد : بتاخذ منو فيصل : بنت عمي فهد : مبروك فصووووووول والله وكبرت افا عليك وريم ؟؟ فيصل : امممممممم هي ما تبا تعرس تقول بتكمل دراستها وبتشتغل فهد : زين اروم اخذها الثانيه يعنى فيصل : هههههههههههههه حشم يا ريال فهد : متفيج تراك فيصل : وانا شو قلت احينه فهد : قم خل نسير يبالي اكشخ معرس اوني فيصل : يالله قم واحلى معرس بعد فهد : جب جب فيصل : صلوا على محمد صلوا على محمد فهد : هههههههههههههههههههههه سخييييييييييييييييف جو الصاله كان خبال عاليه وحصه كانوا احلى من الحلا كله ماشالله عليهم ولا ملكات الجمال يترقصون ويسولفون ويا ربعهم .... فطيم كانت بعد حلوة لدرجه ان ريلها محمد مب راظي يخليها تنزل من السياره ..... دشت ام عبدالله على بنتها نوف الي كانت قمر 14 كانت بنت ولا كل البنات عروس قمر ماشالله نوف كانت حاطه مكياج مخلنها احلى من قمر 14 وتمت امها تسمي عليها ..... ع الساعه 10 و 45 دقيقه قرروا انهم يدخلون العروس على انغام حلوة وهاديه نوف كانت حاسه الدنيا مسوده يوبهها وحاسه بفهد الي انظلم وياها الكل كان عارف ان نوف مب مستانسه ولا فهد ..... على انغام هاديه وموسيقى ولا اروع كانت خصيصا للمعرس والعروس دشت نوف وكانت قمر 14 الكل تم يطالعها ويسمي بالرحمن عليها .......... حتى ربيعتها الي تعرفت عليها بالجامعه اول مرة ما عرفتها لان شكلها كان متغير وااااااااااااايد دشت نوف وركبت ع الاستيج وابتسمت للناس وكان تقول بخاطرها على الاقل هاليوم ما بيتكرر مرة ثانيه خلني افرح حتى ولو حق نفسي ..... يست نوف ع الكوشه والكل قام يسلم عليها ويسمي بالرحمن وكذا حرمه قالوا حق ام عبدالله وين كنتي خاشه هالقمر عنا وام محمد تقولهم سموا بالرحمن بتحسدون حرمه ولدي ويظحكون واليده كانت قاعده بعيد محد حس بغيابها لانهم كانوا مرتبشين .......... ع الصوب الثاني الكاميرا كانت تصور يوله الشباب بقاعه الرياييل جاسم ومنصور ايولون من خاطرهم وفيصل دش وياهم ونوف من جافت فيصل نزلت راسها بلارض ... وبعدها بدقايق حصلوا فهد يرزف وركظت حصه حق نوف تخبرها ونوف رفعت راسها وتمت اطالع الشاشه من خاطرها لاول مرة تتأمل فيه لهاي الدرجه .... نوف : حصة دخيلج سيري ازقريلي اسما دخيلج حصه : اسما منو نوف : ربيعتي بتحلصلينها قاعده ع الكورنر هناك ( وتأشر حقها ) اسما حست انها نوف ترمس عنها اسما هي ربيعه نوف المعرسه الي تعرفت عليها بالجامعه بس ما تعرف الي صار بينها وبين ريم اسما كانت دوم وياها اسما ما تعرف سالفه فهد ويا نوف بس هي كانت حاسه ان نوف مغصوبه على هالشي لانها ما حصلت ولا مسج بتلفونها من ريلها فهد ولا حتى اتصال بعكسها بفتره خطبتها تلفونها ما وقف من اتصالات ريلها ......... سارت اسما صوب نوف ويست حذالها ............ نوف : سوري تعبتج اسما : لا عادي افا عليج نوف: اسوم خايفه اسما : من شوة نوف : من كل شي من سالفه اسمها عرس اسما : بتتعودين صدقيني نوف : انتي ما تعرفين شي عشان جيه الكلام سهل تقولينه اسما : تريتج تخبريني بشي طول فترة ملجتج ما قلتي ما حبيت اضغط عليج نوف : خلاص باجر بدقلج ترييني اسما : هههههههههههه بتكونين مشغوله صدقيني نوف : لا تحااتين هالشي بس انتي تريي اتصالي اسما : ان شاء الله مبروك حبيبتي وباستها وسارت عنها ................ ع الساعه 12 قالوا انهم بيدخلون المعرس انطفت الانوار وعاليه كانت مسويه جو على دخلة اخوها . الجو كان ظلام غير ليتات زرقا ظاهرة من ورا كوشه نوف ... فهد كان نازل من على الدري ووياه منصور وجاسم وبو عبدالله وبو محمد وعبدالله اخوها ... فهد ماشالله عليه حليو البنات اول ما جافوة اتخبلوا كل وحده منهم فجت عيونها على جمال فهد واخوان نوف ....... ساروا صوب الكوشه سلم فهد على نوف وحبها على راسها حط عينه بعينها فهد لاول مرة يتأمل بملامح نوف ونوف حست بنظراته بس كانت منزله راسها وساروا اخوانها صوبهم وسلموا عليها وتصوروا وياهم .... وما صارت دقايق وكانوا الشباب بيظهرون يت حقهم يدتهم وعيونها كانت غرقانه بالدموع .... اليده : احينه اروم اقول اني ربيتكم صح بو عبدالله وبو محمد حضنوا امهم وباسوها على راسها وتصورت وياهم وقفت بالنص بين نوف وفهد ومسكت ايد كل واحد منهم ......... قبل ما تسير عنهم هدت ايدهم وحطت ايد نوف بأيد فهد وسارت عنهم نوف اول مرة تحس برجفه بأيدها وجسمها كله وأول ما سارت عنهم فهد هد ايده عنها ........ نوف اظايقت من حركته بس هو كان يردلها الحركه الي كانت مسوتنها فيه من فترة يوم مسك ايدها وهي هدته ايده عنها ..... جاسم ومنصور ما قصروا تموا ايولون من خاطرهم وعبدالله يالس يجوفهم من بعيد ويضحك عليهم حاولوا انهم يدخلونه وياهم بس ما رضى .... ________________________________________ ظهر بو عبدالله من الصاله وسار وراه بو محمد ومنصور وجاسم وعبدالله وياهم بس تأخر عبدالله شوي لانه سار يسلم على امه وعمته الي لحقوا عليه وما رام يلحق الباقين لانهم ظهروا على طول .......... ام عبدالله : عقبالك يا ولدي عبدالله : بعدني امايه صبري عليه ام محمد : وين بعدك اختك الصغيرة عرست ونت شو تتريا ان شاء الله عاليه وحصه ساروا صوبهم ......... عبدالله اول ما جاف حصه وعاليه اييون صوبه ما انتبه لهم وايد ....لانه ماعرف عاليه ...... حصه : مرحبا الساع ممكن نتعرف عبدالله : بسم الله الرحمن الرحيم هلا بأختي هلا بالقمر حصه : بس عاد استحي عبدالله ما عرف عاليه لان شكلها كان صج متغير ............... عاليه : من زينها خخخخخخ عبدالله : ها لا شوة اختي حلوة حصه : ههههههههههه شكله ما عرفج عبدالله : ليش منو الشيخه عاليه : هههههههههه هيه والله ما عرفني حصه : بطتي هاي عبدالله : عاليه ؟؟؟ عاليه : لا بطتها خخخخخخخ رفع عبدالله راسه عشان يجوفها ومن جافها انصدم طاحت عينه بعينها كانت صج متغيره ومحلوه بزياده ابتسم حقها هي لاحظت ان نظرته حقها غير على طول شلت عمرها وسارت بعيد عنهم ....... حصه : ههههههههه استحت وحليلها بطتي عبدالله : يالله بترخص عنكم ظهر عبدالله برا وجاف منصور بروحه يظحك سار صوبه ........ عبدالله : اوة اوة يعلها دوم هالبسمه منصور : ههههههههههه عرس اختي لازم افرح عبدالله : الله يدوم هالفرحه علينا دوم منصور : مب عشان جيه بس عبدالله : ليش شو عندك بعد ... منصور : شو بعد فهد اتزوج يعنى ريم ما بياخذها وانا الي باخذها عبدالله : ههههههههه خلص دراستك انت اول منصور : بخلص وبشتغل وباخذها عبدالله : لين ما تخلص البنت عرست منصور : لا ما بتعرس بتترياني عبدالله : ليش ترمسها ؟؟ منصور : يا ريت عبدالله : البنت ما عندها هالحركات لا اتم تيي صوبها حشيمه البنت عن حركاتك منصور : احبها والله احبها عبدالله : هي ما تباك فكر بهالشي منصور : خلاص صكر السالفه وسار عنه ........... بالصاله نوف وفهد كانوا قاعدين محد منهم رايم يرفع راسه عشان يجوف الثاني قعدوا لين الساعه 1 تقريبا بس ساروا فوق بعد ما قصوا الكيك ........... ساروا فوق دخل فهد ويا نوف الغرفه عشان يصورون ................. بس نوف حست ان فهد مستانس هاليوم اكثر من يوم الملجه .... فهد : ما يخصني ابا اصور بروحي كم صوره نوف : خذ الصور كلها حقك انا مابي اصور فهد : احسن شي تسوينه نوف : لا والله بنجوف منو بيصور أكثر فهد : لا تحاولين انا اكثر نوف : وييييييييييييو انا صورت قبل اكثر عن 100 صوره فهد : بل عليج بيزاتي كلهن خلصن ع الصور نوف: ههههههههه محد قالك عرس دشت عليهم الحرمه بهالوقت عشان تصورهم وفهد خذا اكثر من وضعيه بروحه ... سلمى : لو سمحتوا ممكن توقفوا قدام بعض وقفوا هم الاثنين بس هي مسكت ايد نوف وخلتها على جتف فهد وحطت ايد فهد على جتف نوف وخلت عيونهم تتلاقى مع بعض .... هاي ثاني مرة فهد يحط عينه بعيونها ونوف نفس الشي نوف حست باحساس غريب داخلها اول مرة تحس فيه وعلى طول نزلت عيونها ....... فهد ابتسم من حركتها بس سلمى قالتله انها لازم ترفع راسها ... فهد مد ايده ورفع راسها نوف انصدمت من حركته ورفعت راسها وجافته مبتسم ابتسمت بويهه وكملوا التصوير وخذوا اكثر من 50 وضعيه ويا بعض ..... ع الساعه 2 فليل سلموا على اهلهم وساروا كل واحد منهم بصوب اما فهد ونوف فساروا دبي على طول لانهم بيسافرون بعد ما تطلع النتايج ...... وهم بالطريق نوف حست بالملل فقررت انها تشغل الراديو بس كانت مستحيه انها ترمسه .. "نوف" ياربي هلانسان شكله ما يدانيني حتى كلمه مبروك ما قالي متى ايي باجر ابا ارمس اسوم واقولها كيف اصرف .... "فهد" شو اسوي كيف اصرف وياها هي ما تباني مغصوبه علي كيف بتتحمل العيشه وياي ما اقدر اعودها علي .... مدت ايدها نوف عشان تشغل الراديو بس ما عرفت كيف تصرف وياة .. فهد : ههههههههههههه يبالج كورس شلي ايدج بتخربينه نوف سكتت وما قالت أي شي وهو حس بعمره انه قال كلمه ممكن تجرحها بس بدون قصد ..... وصلوا الفندق بعد ساعتين نوف حست برجفه بجسمها اول ما ادشوا الغرفه .... فهد : ام كشه بسير اسبح تبين اييب لج شي من تحت ولا ..... نوف : لا مابا احس عمري تعبانه بسبح وبرقد فهد : احسن شي تسوينه نوف : ادري فهد : خلاص سيري اسبحي وانا بسير تحت وبيي نوف : اوكي فهد : نوف نوف : هلا فهد : لا تخافين انتي بتظلين اختي شرات ما كنتي .... نوف صخت وما قالت شي .... سار فهد عنها تحت وهي سبحت ورقدت على طول ويوم يا كان متوقع انها اتم واعيه تترياه بس جافها راقده سار صوبها ويهها تأمل فيه حس باحساس كان يبا يتقرب منها بس مسك عمره ونش عنها وسار يسبح ورقد ........... فبيت بو عبدالله كانوا ياسين بعد ما ردوا من العرس يسولفون .... اليده : يالله باجر ابا حد يوصلني البيت عبدالله : افا يدو تمي ويانا اليده : بيي يوم انت بتعرس عبدالله : ههههههههه ما عندج عروس حقي انا بعد اليده : هههههه يا ولدي انا الي سويته بفهد ونوف غلط انا عارفه هالشي بس وصيه يدك ما اروم اردها وانتوا عاد براحتكم سوا الي تبونه عبدالله : بس نا ابا عروس من صوبج ام عبدالله : جيه ونا وين رحت عبدالله : نتي ع العين والراس اليده : امممممممممم ما عندي يا وليدي عبدالله : افاااااا حصلتي حق فهود وفريتيني بحر اليده : هههههههه ماعاش منو يفرك حصه : وانا يدو ابا معرس جاسم : انطبي نتي عيب عليج هالرمسه اليده : بتاخذون شوري عبدالله : افا عليج يدو من ايدج هاي لايدج هاي بو عبدالله : بس امايه اذا بغوا زين اذا ما بغوا لا تجبرينهم اليده : شعندك انت تتحرطم صخ مكانك عبدالله : ههههههههههههههههههههه اليده : امممم عبدالله بياخذ عاليه عبدالله : والله اليده : جوف ما تباها قول حصه : عليو البطه عبدالله : جب انتي اباها يدو جاسم انصدم من رمستهم وما رام يعلق جاسم يبا عاليه داشه بخاطره بس ما رام يقول شي ... منصور : وانااااااااااااا جاسم : وانااااا حصه : وانااااا يدتهم يودت راسها وسارت عنهم وخلتهم بروحهم .............. الكل تم يظحك عليها رمسوا شوي وبعدين ساروا يرقدون .......... ف اليوم الثاني نوف نشت من الصبح استغربت من المكان الي هي قاعده فيه واستوعبت انها عروس ..... سارت سبحت ويوم ظهرت حصلت فهد ناش .... نوف : صباح الخير فهد : صباح النور الساعه جم ؟؟ نوف : الساعه 12 الظهر فهد : وييه تأخرت بالرقاد نوف : محد بيقولك شي لاتخاف انت مش ف البيت فهد : متفيجه تنكتين بعد نوف : .......................... انا ليش اسكت عنه ليش ما اتحمل رمسته شرات قبل ليش كل كلمه يقولها حقي احس انه يجرحني فيها .... سار هو يسبح واستغلت هالفرصه ودقت لربيعتها اسوم .. اسما استغربت من اتصالها لانه صج اتصلت ..... اسما : السلام عليكم نوف : وعليكم السلام اشحالج اسومه اسما : تمام اخبارج انتي مبروك يا عروس نوف : أي عروس الله يهداج اسما ابا مساعدتج اسما : بشوة ؟؟ نوف : بقولج شي بس اباه يكون بيني وبينج اسومه انا انجبرت على هالزواج شرات فهد .........الخ ( خبرتها السالفه بالكامل وباختصار ) اسما : يعنى انتوا الاثنين ما تبون بعض نوف : بقص عليج لو قتلج ما اباه قبل هي كنت ما اباه بس من البارح ماعرف احس بشي غريب اول مرة احس فيه اول مرة احط نفسي بمكان الزوجه حق فهد اسما : هو يحبها نوف : هي وانا متاكده من هالشي تدرين في اوقات افكر انه اقوله يعرس علي وياخذها اسما : اياج تحاولين هالشي اسمعي ريلج حقج انتي وبس فهد انسان طيب حاولي تكسبينه صدقيني بتكونين سعيده بحياتج يدتج لو ما تعرف هالشي ما كانت بتسوي الي سوته نوف فكري بعقلج ليش تخلين الغريب ياخذ منج حقج فهد حقج انتي وبس حطي هالشي فبالج واذا هو ما يحبج خليه يحبج غصبن عنه .... نوف : واذا ما قدرت اسما : مافي شي اسمه ما قدرت حاولي بس بدون ما تبينين حقه هالشي واول شي تسوينه اكشخي واذا قالج شي قولي عروس ومن حقي ..... نوف : ان شاء الله خلاص احينه يمكن يظهرمن الحمام اذا حصلت فرصه بدقلج باي اسما : باي صكرت نوف عن اسمها وبراسها الف كلمه وخطه من كلام اسما حقها ... فهد بدا يميل حقها ونوف نفس الشي بس كل واحد منهم حاط فباله ان الثاني ما يبيه ....... تكشخت نوف ولبست احلى ما عندها وحطت ميك اب خفيف طالعه قمر ماشالله عليها كعادتها ظهر فهد من الحمام وجافها مسويه بخور وريحته معطره الغرفه بالكامل ... فهد : يالله يالله اونج احينه تبين تقولين انج شاطره نوف : انت شعليك انا عروس وكيفي بسوي الي اباه فهد : لا والله أي عروس أي خرابيط انتي تسمين هاذا عرس نوف : هيه ليش انا كم مرة بزوج بحياتي فهد : ههههههههههههه ويا راسج ام كشه نوف : مالت عليك اسكت بس الله يخليك فهد : يالله اللبسي بنظهر نتمشى نوف : صج وااااااااو فهد : توج تقولين عروس لازم نخليج تصدقين عمرج هلاسبوع خخخخخ نوف : غصبن عنك سارت نوف وتلبست وكشخت وهو نفس الشي نوف تلف الوقايه بطريقه حلوة حتى فهد يعيبه لبسها وتم يراقبها وهي تلبس وهي ملاحظه هالشي بس ما قدرت تقول شي ............ ساروا تغدوا بمطعم وهي كل ما تنزل راسها عشان تاكل يحط عيونه عليها ( يالله محلاها انا ويني عنها كل هالسنين ) تصرفاتها شرات اليهال واسلوبها حلو ................. خلصوا ع العصر تمشوا صوب بحيره خالد بالشارجه وقالت نوف حق فهد انها تبا تسير المول تتشرى اغراض حقها ... فهد : ويا ويهج واغراض العرس وين وديتيهم نوف : انا اصلا ما اشتريت شي فطيم وامي الي اشتروا كل شي فهد : ههههههههه نوف : قول انك بخيل وفك عمرك فهد : تهبين الا انتي مشي وياي ساروا صوب وافي سيتي دشت نوف المول وكل ما تجوف محل تسير تشرى ذوقها ماشالله وايد حلو وكانت تتشرى لشهر العسل لانهم بيسافرون بعد اسبوعين فرنسا ..... تعبت نوف من المشي ..... نوف : فهد تعبت ابا شي عطشانه فهد : اوكى ترييني هني بسير اشتريلج شي وبيي نوف : اوكى سار فهد ياخذلها عصير واستغلت هالفرصه وسارت باريس غاليري خذتله ساعه ومجموعه عطور ..... وظهرت بسرعه من المحل ... يوم ردت جافت فهد ياي صوبها وكانوا شله شباب متجدمينه في واحد منهم جاف نوف ما رام يخوز عينه عنها لانها محدده عيونها بطريق تخلي أي واحد يلتفت حقها ولبسها كان مرتب وطالعه حلوة .... يا صوبها واحد من الشباب هي ما كانت منتبهه لان نظرها كان مركز على فهد وكشخته الي مالي عليها الدنيا بنظرها ... االشيخه التفتت صوبه بدون قصد يوم سمعته وقط عليها الرقم وتم وراها فهد من جاف المنظر عصب من خاطره وسار صوبها على طول ..... هي من النوع الي ما تخاف من شي وبكل برود ردت عليه نوف : ما اتنزل اخذ رقم واحد شراتك بايع عمره وشرفه بتذلف عن ويهي احينه ولا اييبلك الشرطه ....: افا حبوبه والله ان عيونج تذبح نوف : حشم نفسك ترى ريلي وياي الولد انصدم يوم سمعها تقول ريلي وما حس الا بأيد فهد عليه .. فهد : لو تكمل طريجك يكون احسن ...: السموحه اخوي وسار عنهم فهد كان صج محرج من الموقف .. فهد : تغشي نوف : ليش فهد : قتلج تغشي نوف : ليش انا مب متعوده اتغشي فهد : عيل قومي خل نرد البيت نوف : اوكي يالله قهد انقهر من برودها وياه .......... وهم بالسيارة نوف قررت انها تفتح الموضوع وياه ... نوف: فهد ملل شغل المسجل فهد : مالي خلق نوف : انت ليش محرج انزين فهد : كل الي استوى وما تبيني اعصب نوف : ليش تغار ؟؟ فهد : شو قصدج نوف : جوف انت بيي يوم وبنفترق عني فيه صح ولا لا فهد : .................. نوف : لا تقولي تغشي وتفرض علي شي تروم تسوي هالشي حق حرمتك مب حقي فهد : ليش انتي شوة نوف : بس انا ما عطيته مجال ورديتله بالمثل لا تحسبني شرات هالبنات فهد : محشومه سكتت شوي عنه وقالت الطف الجو احسن من ازيده ...................... نوف : فهود انا يوعانه فهد : ابتسم يوم سمعها تسولف شو تبين ؟؟ نوف : ابا سلطه فهد : بس نوف : هي بس تحسبني شراتك دبه ما اصدق اجوف اكل فهد : هههههههههههههههه ويا ويهج وصلوا الفندق واول ما نزلت نوف من السياره تغشت فهد استغرب منها ما توقع انها ممكن تسمع رمسته .... وصلوا الغرفه .... فهد : نوف ليش تغشيتي نوف : عشان ريلي قالي تغشي فهد : هههههههههههه اونج تسمعين الرمسه نوف : شسوي لازم اخليك اصدق عمرك شوي فهد : ههههههههههه ملسونه ما اروم عليج بس تصدقين مالوم الريال يوم لحقج نوف : ليش فهد : لاني لو مكانه بسوي نفس الشي استحت نوف وتمت تبتسم ,... نوف : يوعانه سير اطلبلي اكل فهد : من عيوني بدق احينه اتصل فهد بالرسبشن وطلب منهم اوردر . تعشوا ويا بعض ... وتموا يسولفون شوي وبعدما خلصوا سارت نوف تغسل ايدها .وهي كانت بالحمام تغسل ويهها ................ فهد : نوف وين اغراظي نوف : ماعرف شدراني في شنطتين تحت ما فتحتهم فهد : وين أي صوب نوف : صوب الكبت مناك فهد جاف شنطتين ثنينتهم نفس اللون .. فهد : أي وحده منهم مالتج نوف : ماعرف افتح أي وحدة فهد : مالتج وحده منهم صح ؟؟ نوف : ماعرف هاي عاليه وحصه حاطينها يمكن يبوني احط لهم هدايا فيها فهد : ههههههههههههههههههههههههههه تعالي اخاف ابطل شنطتج سارت نوف صوب فهد وكل واحد منهم بطل شنطه من الشنط بس نوف مسكت شنطه فهد وفهد مسك شنطه نوف ............ نوف اول ما فتحت الشنطه جافتها شنطه فهد رفعت راسها عشان تجوفه لقته ساكت وعيونه على الشنطه .... نوف : فهد شفيك هاي شنطتك فهد : ........................ سارت نوف صوبه واول ما جافت الي بالشنطه ويهها استوى احمر وفهد تم يظحك عليها............ الشنطه كانت عباره عن ثياب نوم للعروس ومكتوب بطاقه عليها من فوق بعد ما تخلصين منها ااترسيها هدايا ورديها لاصحابها .... التوقيع ( حصوص+ علايه ) نوف ما رامت تمسك عمرها وعلى طول نشت وسارت صوب التلفزيون وشغلته فهد تم يظحك عليها وشل اغراضه وسار يسبح .... نوف : الله يغربلكم ان شاء الله شو هالموقف البايخ الي انحطيت فيه فهد تأخر بالحمام ملت من التلفزيون وسارت صوب الشنطه فتحتها مرة ثانيه وطلعت الي فيها كانت متروسه ملابس حلوة ورقيقه اذكرت كلام اسما لما قالتلها ريلج حقج دافعي عن حقج شلت بجامه من داخل كانت حلوة لونها ابيض ورقيقه ..... بخرتها وعطرتها وفضت الشنطه وحطتهم كلهم بالكبت ........... اول ما ظهر فهد من الحمام دشت هي وراه فهد كان تعبان قاله انه بيرقد تم يتقلب ماياه رقاد يفكر بنوف وبالموقف الي استوى وياه بالمول ........... ماشالله عليها احلى من ريم بوايد والكل يتمناها حتى الغريب يوم جافها سار صوبها ليش انا الوحيد الي مب رايم اسعدها انا لازم ارمسها وتم يترياها لين ما تظهر حط راسه ع المخده وتم يفكر لين ماحس انها ناويه تظهر من الحمام ..... ظهرت نوف شوي شوي لانها كانت حاطه فبالها انه راقد سارت صوب المنظرة تعطرت ونشفت شعرها وسارت صوب الكرفايه عشان ترقد وقبل ما تقعد حست بفهد انه واعي ....... ارتبكت ف البدايه بعدين خلت عمرها عادي ......... نوف : ليش مب راقد فهد : ما يايني رقاد نوف : ليش بشو تفكر فهد : افكر بالدنيا الي تجبر الانسان على شي هو ما يباه نوف : فهد اذا انت تبا ريم انا ما بمنعك من هالشي فهد : ههههههههههه ادري اصلا باخذها الثانيه وانتي بترحبين فيها نوف : شووووووووووووة تخسي الا انت اول طلقني بعدين خذها فهد : لا والله ليش اطلقج بخليج تشتغلين حقها نوف صج عصبت من رمسته ... نوف : اسمع تباها انا ما بمنعك من هالشي بس انى انا اكون وياها لا يا انا يا هي فهد : لا والله هههههههههههه شفيج اسولف نوف : هاي ما فيها سوالف فهد : ليكون تغارين نوف : وليش ما اغار ان شاء الله ( فهد من سمع رسمتها ما صدق عمره نوف تقول هالرمسه نوف بنت عمي ) فهد : تتمصخرين صح نوف : كيفك تصبح على خير فهد : صبري نوف ابا ارمسج نوف : شتبي ؟؟؟ فهد : انتي للحين ما تبيني نوف سكتت ما عرفت بشو ترد .............. فهد : دخيلج قولي تبيني ولا لا نوف : اسمع فهد بالبدايه بقولك الصراحه كنت اكرهك بس احينه ماعرف احس عمري ما اقدر اقولك او ارفظلك شي .............. فهد : جاوبي على سؤالي تبيني ولا لا نوف : ولد عمي ما اروم اردك فهد : يعنى انتي مغصوبه علي ؟؟ نوف : لا مش مغصوبه فهد : نوف الصراحه اليوم عصبت عليج لاني اعترف انى غرت من الريال نوف : غصبن عنك اصلا ما تقول اختك انا فهد : ههههههههههههه اختي قبل احينه حرمتي نوف : ................................... فهد : فديت الي تستحي انا نوف : جب جب ضحك كل واحد منهم للثاني فهد تجرأ ومسك ايد نوف وباسها استحت ونزلت راسها بلأرض وبهاليوم اكتمل زواج فهد من نوف مب بس على اوراق .......مثل ما كانوا يتوقعون .... مر اول اسبوع على خير وكل واحد منهم يتعلق بالثاني اكثر من قبل نوف قدرت تخلي فهد يحبها وينسى بيوم انه كان يحب ريم .............. ونوف حست ان فهد مالي عليها الدنيا ما كانت تجوف ريال ممكن يسعدها قد ريلها فهد ..... الكل فبيت بو محمد وبيت عبدالله عن الوناسه الي ردوا فيها هم الاثنين البيت وشقد كانوا صج متعلقين فيعض مستغريبن معقوله هلاثنين الي كانوا مب رايمين ينسجمون ويا بعض ... بو عبدالله اتصل بامه وهو مستانس من الخاطر من قرار امه ...... اما فهد اول ما ظهرت النتايج على طول خذ نوف وسافروا فرنسا وعاشوا احلى ايام حياتهم ... اما بالنسبه لعبدالله ملج على عاليه بعد فترة قصيره من زواج نوف وفهد وجاسم كمل دراسته وما فكر بشي اسمه زواج من بعد عاليه ................ منصور نسى ريم بعد ما اتخرج من الثانويه ولا فكر فيها ...... وكمل حياته ويا ربعه وسوالفه البطاليه ........... حصه خطبتها يدتهم حق حمدان وافقوا اهلها حصه كان متردده فالبدايه بس اول ما جافت حمدان ارتاحتله لانه قدر يملك قلبها باسلوبه الحلو ...... بعد سنه نوف يابت ولد صغيرون سمته عبدالله على اسم اخوها ......... اما ريم فكملت حياتها وتعرفت على اسما لانهم يداومون بنفس المكان وكانت تعرف اخبار فهد ونوف من اسما ........ ونوف اول ما يابت ولدها عبدالله زارتها ريم المستشفى واعتذرت منها على تصرفها وردوا ربع شرات اول .......... فيصل عرس من بنت عمه وعاش وياها وعلاقته بفهد شرات اول ما تغيرت ....... فهد ودر الاتصالات واشتغل بشركه ابوه وعاش احلى ايامه ويا نوف وعياله ............. تمت بحمد الله |
| الساعة الآن 08:26 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية