|
( أقول أنســى .. وتصيــــر الذكرى من يومي ..!!
بسم الله الرحمن الرحيم السلام عليكم ورحمة الله وبركاته والصلاة و السلام على اشرف الخلق والمرسلين مسآء/ صبآح الورد و الفل و الطمأنينه ... أنا هنا يالغالين لأني حبيتكم حبيت هالمنتدى الراقي وحبيت أنكم تعيشون معي خيالي في روايتي هي محاوله روائيه .. خربشات قلم .. وأفكار كاتبه .. أتمنـــــــــــــــى تنال اعجابكم وتكون بمستوى ذوقكم الراقي (أقول أنســــــى .. وتصير الذكـــــــرى من يومي ..! وتصير الذكرى من همي .. ولا أقوى على النسيان ..&) ّّّّّّّّّّّّّّّّّ وش تسوي لو عشقت انسان ماهو من نصيبك؟؟ لا لك بهالوضع يد .. و لا له بهالوضع سبه !! وشهو ذنبك لو غدى من بين خلق الله حبيبـك !! تعرف إن قربه محال .. و قلبك مصمم يحبه ؟! و انته متأكد و عارف يب يجي يوم و يسيبـك يعني متوقع بأي لحظه يغيـب و تغتـرب بـه كل دربٍ يرحل بطيفه .. على وجهـك يجيبـك كل حرفٍ يُكتب لغيره .. تحسه منكتب بـه !! كن كل عيون خلـق الله عيـون ٍ لـه تذيبـك تنثر احساسك جمر ملح وْعلى جرحك تصبـه و اللي كاسر ظهر قلبك و بشقا الدنيا مصيبـك عارفٍ بانّك تحب .. و ما يعَرْف انّـك تحبـه ساكن ٍ بأصغر تفاصيلك و قلبه مـا دري بـك ساكن ٍ بأقصى معاليق الكيان اللـي لعـب بـه وش تسوي لو مرضت بعشق من وصله طبيبك و انتْ عارف لو ذبحك العشق ما داواك طبه !! الحب العشق الألم والجروح والسعادة والحزن والفرحه والندم والرضا كلها آحاسيس بتعيشونها مع كل شخصية ..ولكل حدث احساس مختلف بذوقكم طعم الفرحه والعذاب طعم الندم والحب المجنون بنزل جزء قصير تقدرون تعتبرونه تعريف باهم الشخصيات على فكــره هذي أول مشاركه لي فهالمنتدى فـ أن شاء الله تلقى أعجابكـــم .. وأن شاء الله ألقى ردود تثــلج الصــدر وبنزل الأجزاء بدايةً على حسب ردودكم وتشجيعكم .. وبعدها أحدد وقت ... دمتم برضى الرحمـن م ح ب ت ك م أنيــ الورد ــــن :c8T05285: |
تبدو القصة جميلة و شيقة و ممتعه
ننتظر الجزء الأول عشان نحكم عليها دمتي بود |
&.. الجــــــــزء الأول ..&
ياوحشة غيــــابك .. اللي تشبه الفرقا وياجور ذنب الزمان ان كانه يحسبني صبور في مكتب أحدى العمارات الفخمة كان واقف على الشباك ببدلته الرسميه ويناظر بعيد .. يشوف القمر وهو توه هلال صغير وباهت .. قبل اسبوعين كان كامل كان بدر والكل يحسده واللحين ولا شئ طلعت منه تنهيده قهر بعد ما سند راسه .. اللي يشوفه يشوف الحزن واضح بعيونه العسلية (كله مني أنا اللي ضيعتها من يديني غروري مانفعني وثقتي الزايده بنفسي .. خلتني أخسر أجمل مخلوقه سكنت روحي آآآه ياغلا ......) ,,,,,,,,,,, : لجين شفيك مانتي راضيه تفهمين قلت لك مافيني شئ :والدموع هذي شتسمينها ماقدرت تصمد أكثر ما كانت تبي تصيح بس دموعها مثل أقدارها دايم تخونها انهارت ونزلت راسها بين ركبها اللي ضامتهم وبكت .. وكل الذكريات صارت تمر بخيالهاومن شافت طيفه زاد بكاها قربت منها لجين وضمتها وعيونها تبكي على حال بنت خالتها حاولت تهديها بس قلبها مايتحمل ضلوا على هالحاله حول الربع ساعه بعدها بعدت عنها لجين وسحبت يدين غلا عن وجهها بقوة وصرخت فيها بس كفايه ماأحب أشوفك ضعيفه كذا غلا : تـ تــ .. تعبت مقدر أ أ أنــا.. لجين: أنتي أيش محد جبرك على شئ وهذا خيارك غلا : غصب عني وربي موبيدي لجين : كنتي تقدرين ترفضين قالت غلا بوهن : اللي صار صار لجين : ومشاري ؟ ابتسمت غلا بسخريه : طول عمره عايش بدوني رمت راسها لوراء وخذت نفس عميق ومسحت دموعها .. بعدين قامت ومدت يدها للجين بعد ماابتسمت بصدق وبصوت مبحوح :خلاص لجو قومي قومي وانسي كل شئ صار لجين : بس ... غلا : اشششش يلا قامت لجين وضمتها شوي وبعدها انفجروا بضحكه هستيريه وكل وحده تحمل للثانيه مشاعر تعجز الكلمات تعبرعنها لجين وغلا بنات خالات يدرسون مع بعض بالجامعه فنون تشكيليه عمرهم 21 سنه ,,,,, دخل ريان الصاله وشاف أهله جالسين رمى شماغه وراح لأمه .. حبها على راسها وجلس على الأرض تحت رجولها وهو يضم يدها :شلون الغاليه ابتسمت له امه بحب :بخير ياروح الغاليه ريفان :احم احم نحن هنا ريان : وإذا كنتي هنا ريفان : يمه مدري وش شايفه فيه أم ريان : هذا ريحة الغالي هنا تركت ريماس المبرد ولفت على أمها تمثل الصدمة : وحنا يمه أم ريان : كلكم عيالي و .. ريماس وتسوي نفسها زعلانه : ماتترقع يمه ريفان : ماهقيتها منك يا أم ريان أم ريان بعد مادمعت عينها لأن ريان ذكرها بزوجها ورفيق عمرها اللي فات .. نفس الملامح ونفس الأسلوب: والله كلكم غلاكم مثل بعض و... قامت لها ريفان وضمتها :أمزح يمه ش فيك يالغاليه صدقتي .. أم ريان :الله لا يحرمني منكم ريان : آآآآآه لفت امه بخوف :شفيك ريان : جوعااااان ضحكوا البنات وضربته امه بخفه : ماادري متى بتتوب عن حركاتك ريماس : بكرا تجي حبيبة القلب ونشوف ريان : هي خليها تجي أول ,,,,,,,,,,,,,,, بالليل وعالساعه 10 دخل مصعب الاستراحة وهو مبسوط ومشتاق للشباب له اسبوع مسافر وماشافهم كانت الغرفه حوسة وملياااااانة اللي عند التلفزيون واللي يلعب بلوت واللي بلاي ستيشن يعني زحمة والكل منسجم وماانتبه له ألا ريان اللي صفر لما شافه وكان بآخر المجلس لفوا كلهم يشوفون وقام ريان وضم صديق عمره ريان : والله اني مشتاق لك يالدلخ ضربه مصعب على كتفه : مالدلخ الا انت ريان : أقول لا يكثر وش جايب لنا معاك مصعب : وليه اجيب المدام على غفله ريان : اللي يسمعك يقول ميت على العرس مصعب : لا ان شاء الله مخلي العرس لك .. بعد خلني اسلم على الشباب طارق واقف وراء ريان : لا تونا كمل سواليفك مصعب : حبيبي أنت والله مانتبهت وقرب له وضمه مصعب وريان وطارق ثلاثي جمعتهم الاخوة الصادقه والمحبة عمرهم 25سنة ,,,,,,,,,,,,,,,, واقفه عند الشباك وعيونها تناظر في اللاشئ تفكر بحياتها مع خالد عمرها ما تخيلت أنها بتحب كانت تضحك على صديقاتها لما يقولون انهم يحبون كانت تقول الشوق مضيعة وقت والحب ضعف وانا مستحيل اكون ضعيفه بس خالد علمها ان الحب هو الحياة وهو القوة خلاها تشوف الدنيا غير ابتسمت لما جاء على بالها وسندت جنب راسها على طرف الشباك وهي تحس بلهفة شلت حركتها دخل خالد الغرفة بدون ماتحس وقف يتأملها لابسه فستان خربزي اكمامه سيور وفوق الركبة بشوي وفاكه شعرها الاشقر اللي يوصل للنص ظهرها مغمضه عيونها وعلى وجهها شبح ابتسامه ..قرب منها ولف ايديه على خصرها بخفة وهمس بأذنها (وحشتيني ) ملاك عمرها 24 خالد عمره 28 ,,,,,,,,,,,,,,,,,,,, انتهــــــــــــــى الجزء الأول أتمنى أشوف أنطباعاتكم على الجزء الأول وعالشخصيات وإذا عجبكم اسلوبي في التعريف عن الشخصيات ولا تبون أكتبها لكم دمتم برضى الرحمــن م ح ب ت ك م أنيــ الورد ـــن:c8T05285: |
همسة حالمه :ZlY04550:
تسلميـن حبيببتي على اطراءك وأتمنى تكون بمستوى اعجابك .. نزل الجزء الأول وأنتظـر تعليقك ورأيك .. دمتي برضى الرحمـن م ح ب ت ك أنيـ الورد ـــن :c8T05285: |
القصة جميلة وأسلوبك روعه فتابعي عشان نتعرف أكثر على شخصيات قصتك
تقبلي مروري |
هلا بك انون حياك الله ،، من زمان كل مااشوف اسمك اتمنى انك تطرحين روايتك عندنا ولولا اني ماابغى احرجك او اضغط عليك كان عملت لك دعوة خاصة .. ليلاس واهله يتشرفون بانتماءك لهم ككاتبة جميلة .. اتمنى ان تجدي ماسعيتي له ومن اجله .. وأرجو لك التوفيق والتألق بين اروقة ليلاس وقراءنا ...!! والف شكر على طرحك للرواية في منتدانا .. اضافة رائعه للقسم ان شاء الله تثمر عن استمرارية وحماس ..!! كل الود لروحك ،. |
هلا والله وغلا باحلى انونـه
نووووووووووووورتي ليلاس وانا متأكدة انج رح تلقين الي تبينـه هنـي قصـه تهبـل واسلوب رووعه* اعتبريني من متابعينج هني بعد هع عرفتيني:q |
السلام عليكم
كيفك انين؟ انا متابعه صامته لقصتك هناك والصراحه القصه اعجبتني مرررة اسلوبك رائع وسلس وطريقة سردك في الاحداث مشوق وان شاالله تلاقين اللي يسرك في منتدانا فمرحبا بك اختي لك حبي وتقديري |
http://www.liillas.com/up2//uploads/...5ecb1581ce.gif http://www.liillas.com/up2//uploads/...fb23374ab8.gif بــكــل حــب وإحــتــرام وشــوق نــســتــقــبــلك ونــفــرش طــريــقــك بــالــورد ونــعــطــر حــبــر الــكــلــمــات بــالــمــســك والــعــنــبـر أخيتي الفاضلة ، في البداية لا يسعني إلا أن أرحب بكِ وبحضورك المشرق البهيج بيننا ضمن كوكبة كتاب ليلاس يسعدنى ان اكون من اوائل الذي تشرفوا بالرد عليكى00واحجز مقعدى منذ الان لمتابعة رائعتك الجديدة اسلوبك واضح وسلس ويبدو انك تمتلكين موهبة جميلة .. تسلمين ويعطيك العافية |
شكرا من القلب
السلام عليكم ورحمة الله وبركاته
مسآء / صبآح الشوق و المحبـه :flowers2: همسـه حالمه تسلميــــن هموسه .. الجمال هو وجودكـ ياحبي لك بصراحه تحمسين الواحد يكتب لعيونك أقــــــدار .. الله يحييــك يامبـدعه .. تسلميـن ياقلبي وبعتـبر الدعوه وصـلت .. بصراحه من فترة قصيرة بس عرفت عن هـذا الموقع وماأدري ليه ترددت أني أنزلها هنا .. لكن بعد كل هالردود .. تمنيت لو أني نزلتها من زمان .. وأنا يشرفني ويسعدني انضمامي لكوكبة كتاب ليلاس المبدعيـن ومن خلال مروري على معظـم الرويات كـتصـفح اكتشفت جمال كتابها هنا وكأن هناك من ينتقي الجمال ليجتمع هنا بين أروقة ليلاس عزيزتي أقدار .. شاكره لك أمنياتك .. من القلب ويهمني جدا رأيك في الروايه من جميـع النواحي .. * أقول لك سـر .. فيه أعضاء بألم شبهوا أسلوبي على أسلوبك في ملامح << بغيت أطير من الفرح ورديت عليهم بكل حبور هذا أكبر شرف لي أقـدار .. أحبـك في الله :friends: bentel-q8 هلا وغلااااااا ياعيون أنونه *_^ منووووووووور بوجودكـ تسلميـن على اطراءك ياقمـر منوووووووووره هنا وهناكـ .. امممم لاتزعلين مني مو متأكده شاكّه من أنتي ( Q8- ) سوارفسكي وعليكم السلام ورحمة الله وبركاته أنا بخيــــــــــــر ولله الحمد .. أنتي شلونك ؟ مشكووووره ياقلبي .. اعجابك زادني شرف واللي يسرني لقيته من قريت ردودكم اللي تشرح الصدر همسه * ترا ما أحب الصمت .. رأيك دووووم يهمني .. العامريه وعليكم السلام ورحمة الله وبركاته وبكل سعاده ومحبـه انضم لكم .. ترحيبـــــــك زادني فرحه وبعث بنفسي آحاسيس عاجزه عن التعبيــــــر والشرف لي بمتابعتك .. البيت بيتك أخجلتي تواضعي .. الله يسلمك ويعافيك ... :liilas: لكل من رد هنا .. بصراحه تبعثون في النفس الحماس وتشجعون أني أنزل لكم وأنا متأكده بعد كل هالردود أني محظوظه لما انضممت لكم ومثل مافرحتوني بردودكم بفرحكم بالأجزاء .. وبما أني كاتبه عدة أجزاء منها ما أرح أتأخر بالتنزيل .. كونوا بخير ورضا .. دمتم برضى الرحمــن م ح ب ت ك م أنيــ الورد ــن :c8T05285: |
السلام عليكم ورحمة الله وبركاته &...الجزء الثاني...& في الصباح لجين واقفه قدام المرايا تعدل مكياجها اللي مايحتاج تعديل ناعم وبسيط يناسب ملامحها الحادة ( لجين بنت جميله وجمالها فاتن شعرها كستنائي بقصة الفراولة رشيقة وجسمها متناسق ومع الايام بتعرفونها اكثر .....) دق جوالها وكانت غلا لجين : ياصباااااااح الخيـــــــر غلا :صباح الحب والورد والجوري لجين : اوه المزاج رايق اليوم غلا : عالآخـــر ..وينك؟ لجين : عند البوابة غلا :أنتظرك عند الكافتريا ؟ لجين: اوكي باي لفت لجين وشافت ريماس لجين: رمووووووووس ضمتها :وحشتيني ريماس :وأنتي أكثر ياقلبي وشأخبارك لجين : بخير الحمد لله تعالي نروح لغلا قبل تعصب علينا ريماس : هههههههه يلا قامت غلا تسلم على بنت عمتها غلا :مرحبتين بالحلوين ريماس : هلا فيك لجين :بنات الساعه ثمان وعشر يلا لا نتاخر على المحاضرة ريماس : يلا أجل اشوفكم بعد المحاضرة (ريماس بنت حبوبه تملك براءة فملامحها تخلي الكل ينجذب لها جذابه وجمالها هادئ وهي بعمر لجين وغلا لكن تدرس رياض أطفال ....) ,,,,,,,,,,,,,,,,,,,,, الظهر الساعه 2 الا خمس مصعب: سلااااااااااااام طارق:وش طلعك من المكتب جلس بكل قوة على الكرسي وتنهد بتعب: كيفي طارق :ترى اعلم أبوي مصعب :ياعمي روووووح مابقى الا خمس دقايق قوم وصلني طارق : اشتغل عند ابوك ؟ مصعب بملل : أفف بتذلني على هالتوصيلة طارق :ههههههاي شفيك؟ مصعب : راسي بينفجر من كثر الاوراق والحسابات وربي ماعاد اشوف زين طارق : ههههههااي عندنا وعندك خير يلا مشينا دخل عليهم ريان :سلااااااام اوه مصعب هنا طارق : يبيني اوصله ريان :عالعموم أنا ماشي أشوفكم الليله.. مع السلامة الكل :مع السلامة ,,,,,,,,,,,,, طلعوا البنات من محاضراتهم غلا : اوف هالمصرية توجع الراس لجين: وانتي صادقه مابغينا نخلص غلا شوفي هناك ريماس تعالي نروح لها مشوا وكانوا مميزات بلبسهم كشخه ويدل على ذوق راقي غلا : مرحبا ريماس :أهلين وسهلين لجين : مين الحلوه ماعرفتينا : أنا نورة غلا : والنعم نورة : فيك ياحياتي وجلسوا يسولفون وبعدها افترقوا ,,,,,,,,,,, غلا وصلت البيت وعلى طول عالمطبخ وجلست على اقرب كرسي غلا : آآآآآآآآه أم بندر: بسم الله الناس تسلم غلا : جوعاااااااااااااااانه وتعباااااااااانه أم بندر : انتظري الحين يجي أبوك وأحط الغداء غلا باحباط: اهئ اهئ ماما تكفين أخاف يتأخر أبو بندر :ليه دلوعتي ماتبي تنتظر أبوها غلا استحت :هلا يبه مو قصدي وقامت ضمته وحبها مع جبهتها أبو بندر : روحي غيري ونادي أخوك غلا :أن شاء الله وعالغداء أم بندر : أقول يا محمد أبو بندر : سمي أم بندر : اليوم كلمتني ملاك أختي وتسلم عليك غلا : ومتى بتجي وحشتني أبو بندر : الله يسلمها عساها مرتاحة ام بندر : ايه الحمد لله شكلها مبسوطة وتقول بيجون بعد يومين غلا : ونااااااااااااسه والله البيت بدونها مايسوى بندر : وأبوك وأمك مو مالين عينك ((بندر عمره 14سنة)) غلا تفشلت بس قالت باحتقار :سكت دهرا ونطق كفرا بندر :نعم؟ عيدي ماسمعت أبو بندر :بس أنت وياها (أبو بندر طيب وحنون على عياله ومع كذا له هيبته ... ملاك تصير أخت زوجته لكن هو اللي رباها لما تزوج بدرية (أم بندر) كان عمرها سنتين يتيمة ومتعلقه ببدرية اكثر من باقي اخوانها حنون معها وكأنها بنته) أم بندر : أقول ياأبو بندر أبو بندر : سمي ام بندر : شرايك لو نسوي عزيمه يوم الجمعه عشان رجعة ملاك ابو بندر : تم يالغاليه وأنا عندي أغلى من ملوك وجلسوا يتكلمون عن العزيمه وغلا راخت بفكرها بعيد .. يعني بشوف مشاري على قد ماهي مبسوطه انها بتشوفه وبتروي ظما روحها اللي تعشق كل شئ فيه حست بالكآبه لأن مايحق لها تفكر فيه وهي مخطوبة ياااااااه ياما عشت احلم بهالكلمة وهاللقب لكني اللحين كرهته لأنه ربط اسمي بغيرك جاء على بالها ريان وكرهت نفسها لأنها ماقدرت تحب الللي يعشقها من كانوا صغار حتى قبل يعرفون الحب.. ابتسمت لنفسها بسخرية اللي يبينا عيت النفس تبغيه ...واللي بغيناااااه عيا البخت لا يجيبه ,,,,,,,,,,,, وفنفس الوقت كان مشاري جالس جنب لجين على طاولة الطعام ماسك الملعقه ويحوس بالصحن الاكل ماله طعم والدنيا كلها مالها معنى بعد ماخسرها وغصب عنه لف على لجين : : شخبارها لجين بغباء : مين ؟ ابتسم بألم : كملي أكل وقام أم مشاري :وين ياولدي ماأكلت شئ مشاري : الحمد لله شبعت لجين : ماعليك منه يمه يسوي رجيم يمكن يقصر شوي شوق: ههههه حرام عليك مو لهالدرجة مشاري : عن أذنكم ياسر :هيييييييه على وين ؟ (ياسر عمره 14 سنة) مارد عليه تركهم وطلع غرفته شوق : شتبي فيه؟ ياسر : مشبه عليه لجين : هاهاها بايخه شوق : مثل وجهك لجين : أنتي متى بتطسين لرجلك ونرتاح منك شوق :قااااااااااعده على قلبك لجين : ياسر بروح معك العصر بيت خالتي بدرية ياسر : خذي موعد قبل لجين : ياثقل دمك .. تسلم ايدك يمه الحمد لله غسلت وبعدين راحت غرفة أخوها لقته منسدح على السرير وسرحان جلست جنبه : لهالدرجه تحبها ؟ تنهد ومارد عليها لجين : ليه ماقلت لي من قبل مشاري :لأني ماكنت أحبها استغربت لجين : وشلون؟ ماله خلق يتكلم أكثر قام أخذ فوطته وراح جهة الحمام محتاج يغرق نفسه بماء باااااارد يمكن تبرد النار اللي فقلبه لجين : مشاري أحاكيك مشاري : وأنا ماأبي أسمع اطلعي برا وسكري الباب وراك وقفت لجين بيأس وحيرة وهي تشوف الباب اللي دخل منه أخوها مقهورة منه ومقهورة عليه وقالت بصوت عالي : انت فأي كوكب عايش تحسب الدنيا كلها على كيفك الشرهه مو عليك علي انا اللي ...ولا أقول الكلام معك ضايع اروح أكلم غلا أحسن وهي طالعه من الغرفه شافت شوق طالعه الدرج وتغني نادتها شوق ببرود : تكلميني ؟ لجين بصراخ: لا أكلم الجدار اللي وراك ؟ شوق : ههههه أنتي شفيك معصبه؟ لجين : أبي أفهم أخوك ليش مغرورويرفع الظغط ؟ شوق : امممم عطيني فرصة أفكر .! ناظرتها لجين بقلة حيله وقهر :ودي اذبحك شوق : هههههههاااي هونيها وتهون لجين : أنا الغبيه اللي واقفه معك ومشت عنها وهي معصبه دخلت غرفتها اللي كأنها جناح من كبرها خذت جوالها الوردي من التسريحه ودقت على غلا طلع لها انتظار اللحين عاد قفلت معاها شوي ودقت غلا لجين : نعم خير شتبين ؟ غلا : بسم الله الرحمن الرحيم شفيك ؟! لجين : من كنتي تكلمين ؟ وليش ماتردين علي ؟ غلا : كنت أكلم جوري لجين : لا والله حظرتك تكلمين وانا لاطعتني عالخط غلا : إذا روقتي تعالي كلميني .. باي وسكرت الخط بوجهها حست لجين انها مالها داعي أو بالأحرى محتاجه تتكلم ... حاولت تشغل نفسها بسالفة مشاري وغلا لكن ماقدرت الحلم فكل لحظه ينعاد قدام عينها خايفه والتفكير ذبحها فاتصلت على غلا ردت غلا :شوفي لجين اذا انتي معصبه وبتحطين حرتك فيني انا ماعندي استعداد لجين : انا اسفه غلا .. مو قصدي استغربت غلا صوت لجين المبحوح واستغربت ضعفها لجين اذا عصبت ماتعرف يمه ارحميني وتطلع عفاريتها عالي قدامها حتى لوماله ذنب ومو معقولة تهدا بسرعه غلا : لجو شفيك ؟ بدت لجين تصيح اللحين غلا انجنت غلا : لجو حياتي والله ان فيك شئ فيه احد مضايقك لجين : ماأدري ياغلا من قمت وانا حاسه اني مكتومه مخنوقه وضايق صدري غلا : طيب ليش ؟ لجين زاد صياحها ومو قادرة ترد غلا : حياتي ممكن تهدين .. اوووه لجو لاتعورين قلبي عليك ..قولي لا إله إلا الله لجين هدت شوي : لاإله إلا الله غلا : ألا بذكر الله تطمئن القلوب قومي اللحين توضي وصلي لك ركعتين وأنتظرك بعد صلاة العصر لجين بصوت مبحوح : ان شاء الله ,,,,,,,,,,,,,,, دخل مصعب البيت ونادى على أمه لكن مالقاها وقالت له الخدامه أنها عند الجيران طلب منها تحط له غدا وتروح تناديها شوي ودخلت أم خالد بعصاها اللي تعودت عليه ولقت مصعب على الطاولة ياكل وما صبر لها أم خالد :شفيك ياولد مافيك صبر لين أجي مصعب : أنتي لا رحتي الجيران نسيتي نفسك وانا ميت من الجوع أم خالد : لو أنك متزوج كان الحين لقيت اللي يستقبلك لا رجعت وماتظطر تنتظرني مصعب: يمه ماخلصنا من هالسالفه وبعدين هذاك زوجتي خالد كفايه أم خالد : خالد غير وانا ابي اشوف عيال ولدي مصعب : خالد ولدك أم خالد : خالد مثل ولدي تربيتي لكن انا ابي اشوف عيال اللي حملته ببطني تسع شهور وتعبت عليه مصعب بعناد : ماراح اتزوج لو تنطبق السماء على الارض ام خالد : انا ماادري ليه كاره الزواج مصعب : لأن مايجي من وراه الا النكد وضيقة الخلق قام عنها عشان مايقول شئ يزعلها أم خالد بعصبية : مو كل الحريم مثل مرت أبوك مصعب بسخرية :ليه هي جت على مرت ابوي بس حست بالاهانه وتغيرت ملامحها لحزن فظيع ماخفى عليه تمنى يروح يضمها ويعوضها عن الضيم اللي عاشته لكنها كابرت وهو حاول يتجاهل ويكسر الرحمة اللي خالجت احساسه لما شاف دمعة بعينها وهي تكابد عشان ماتنزل قدامه شال كابه بتوتر ويد ترجف وطلع من البيت جلست امه تبكي كانت تظن انه نسى وسامحها لكنه بكلمته رجع لها جروح قديمة ما قوى الزمن يمحيها رن التلفون قامت له بعجز من الم ركبها والم روحها اكبر رفعت السماعة ومن سمعت صوته تهللت اسارير وجهها وحلت الفرحه مكان الهم أم خالد وهي تصيح : هلا والله هلا بالغالي هلا يا كل هلي وناسي خالد والفرحه مو سايعته مشتاق لأمه ولحضنها :هلا ياتاج راسي وشلونك يمه ؟ أم خالد : بخير ياروح أمك _وبصوت متهدج_ متى بترجع؟ خالد : شفيك يالغلا ليه كل هالصياح انتي مريضه ولا مصعب زعلك بشئ ؟ أم خالد : لا ياولدي انا بخير ومصعب مو مقصر (قالت هالكلمه بألم) ...واستدركت .. بس فقدت حسك بالبيت ودخلتك علي كل يوم خالد : ههههههه الله يهداك طيحتي قلبي أم خالد : بسم الله على قلبك خالد :هانت كلها يومين والخميس احنا عندك أم خالد بفرحة : الله يجيبك بالسلامة ويفرحني بشوفة عيالك خالد :ههه آآآمين ..تامريني بشئ أم خالد : سلامتك خالد : مع السلامه أم خالد : فمان الله وعند خالد ,,, طلعت ملاك من الغرفه المقابله وهي بكامل اناقتها بتنورتها السوداء القصيرة والبدي النيلي وصندل يجع اللونين ملاك بابتسامه ودلع : هاي حبيبي أنا جهزت خالد كان مبحلق فيها ومو مستوعب ان القمر اللي قباله له وحده خالد وماشال عينه عنها :عيديها ملاك فهمت قصده لأنها كل ما قالت هالكلمه قال عيدي مشت وجلست على اقرب كنبه وبزعل : ما أبي خالد قام وجلس جنبها ويده وراء كتفها : وليه تقولينها بزعل ملاك انبسطت وحبت تحرق اعصابه أكثر :كيفي ماأحبك وصدت عنه خالد ابتسم وضمها له :فديت اللي يتغلون علي ملاك : الله لا يحرمني منك.. قلت لخالتي عن رجعتنا خالد : قلت لها ملاك : ماودي نرجع خالد حب يقهرها : بس انا مليت منك واشتقت لحضن امي بعدت عنه بدفاشه وصارت تناظره بذهول صدت ووقفت لكنه سحب يدها وجلسها خالد : هههههه أمزح هزت رجلها بعصبية ملاك : لاتحاكيني خالد : ان شاء الله ملاك :أقول لا تكلمني خالد كتم الضحكة : أبشري ملاك :ماأحبك خالد : طيب ملاك هزت رجلها أكثر : أكرهك خالد : تمونين ملاك : أنت حقير خالد وهو مستمتع : يجي منك أكثر لفت عليه بتصرخ وحاولت تكتم ضحكتها على شكله كأنه طفل خايف الاستاذ يعاقبه منزل راسه ويدينه بين رجوله بشكل طفولي وعلى وجهه شبح ابتسامه انبهرت فيه جلست تتأمله بحب وهو عاجبه الوضع شافها طولت لف عليها على طول قامت تصنعت العصبية :يلا قم ودني المطعم أنا جوعانه انفجرضحك لأنه حس باحراجها لما كشف نظراتها ملاك استغربت : شفيك تضحك ؟ وقف قبالها باس خدها وراح الغرفة ونظراتها الخجولة تتبعه خالد : بغير ملابسي وأجي ملاك بهمس : اوكي ,,,,,,,,, لجين غارقه بأفكارها والحلم اشغل بالها بشكل جنوني (ياربي مين أعرفه بس مين وين شفته ...) أفزعها صوت جوالها وضمت نفسها برعب ولما استوعبت هدت شوي وقامت للجوال بفكر مشوش لجين : أهلين غلا : هلا فيك حياتي وش أخبارك لجين : بخير غلا : هاه وينك لجين : بغرفتي غلا : لا والله وأنا جالسه أنتظرك لجين باستغراب : تنتظريني ؟ غلا : ايه الظهر لما كلمتك قلتي انك بتجيني العصر لجين : أنا ؟ غلا : لجو نسيتي لجين : خلاص اللحين أقوم ألبس وأجيك غلا :باي سكرت بدون ماترد مشت لحد ماوقفت عند الدولاب فتحته وطلعت لها بنطلون جنز مع بلوزة خضراء وسيعه بأكمام جبنيز وحزام أبيض وفهاللحظه دخلت شوق شوق: سلاااااااام وجلست على السرير شوق : سمعتي آخر خبر لجين لفت ببرود : ايش شوق : خالتي ملاك بتجي يوم الخميس لجين : ياحبي لها وحشتني .. شوق : شكلها مبسوطه .. لو أقول لك شقالت ماتصدقين جلست لجين جنب أختها وباهتمام : شقالت ؟ شوق تقلد صوت ملاك : آآآه ياشوشو أحبه أعشقه أموت فيه شلون كنت عايشه بدونه ههههههههههه لجين : لحظه شوي شوي علي .. مين اللي يقول كذا شوق : ملاك ضحكت لجين بصوت عالي : ههههه أحس مو لايق عليها الحب شوق : لا وتقول تخيلي ياشوق خلودي رومانسي لجين : وانتي سكتي لها شوق : لا والله طفشتها ونرفزتها خليها هذي اللي تستخف فينا قبل لجين : تذكرين كلامها .. أصلا الحب مضيعة وقت ومايحب ألا الأغبياء شوق : ههههه والله وطحتي بيدين لجين ياملاك لجين : ليه شفيها لجين شوق : ألا تعالي وين رايحه ناظرت لجين الملابس بيدها وحاولت تتذكر هي ليش بتلبس وين بتروح لجين بشرود : مدري شوق بتعجب :شلون ماتدرين لجين : نسيت افف شوق : أنتي اليوم ما أنتي طبيعيه شفيك ؟ تذكرت لجين الحلم وغلا ايه صح هي بتروح لغلا قامت لجين وسحبت شوق لبرا الغرفه لجين : كله منك تأخرت على غلا ماحست شوق بنفسها ألا وهي برا الغرفه شوق بصراخ : انتظريني وراحت بسرعة تجيب عبايتها ولجين توها طالعه من الغرفه شوق : وصليني السوق قبل لجين : لا أنتي وصليني وروحي للي تبين نزلوا ومالقوا السواق لجين : اهئ اهئ هذا وقته شوق : شنسوي اللحين طلع لهم مشاري : ماشاء الله وين رايحين شوق :اخوي حبيبي أبي أروح السوق مشاري : سوري مسسستعجل لجين : الله يخليك والله تذبحني غلا صار لها ساعتين تنتظر مشاري من سمع اسمها :يالله مشينا شوق : ايه الله لنا قرصتها لجين وهو حاول يخفي ابتسامته صح مابيشوفها بس بيكون قريب منها ركبوا السيارة لجين : ودني انا أول بيت خالتي بدرية بعدين شوق مشاري بتعجب: ليه شوق وين بتروحين شوق تكلم نفسها اللحين يبدأ فلسفته : أنا أبي صحارى مشاري : من معك شوق : هاه ولا احد مشاري عصب وصرخ : يعني لحالك شوق بخوف : وش بياكلني يعني مشاري :مافيه أنزلي بيت خالتك شوق : مشاري الله يخليك ناقصني اشياء ضرورية ولازم أشـ قاطعها : لاتناقشين أنا كم مرة قلت لك ماتروحين لحالك كتمت شوق غضبها وتمتمت بكلمات محد سمعها لجين ماكانت معهم الهواجيس تاخذها وتجيبها عم الهدوء السيارة وماقطع عليهم الا صوت جوال لجين : اهلين غلا : هلا وينك سحبت شوق الجوال : الو غلا : هلا شوشو شأخبارك شوق : حياتي غلا عمري انتي طلبتك غلا باستغراب: آمري شوق : أبي أروح السوق غلا : وأنا شدخلني شوق : أبيك تروحين معي غلا : ايه بس... شوق: تكفيييييين غلا : لجو معك شوق بكذب : ايه حتى هي ودها تروح السوق غلا باستسلام :اوكيه ..مين بيوديكم على طول شوق رفعت عينها لمشاري اللي كان يناظرها : مع السواق واحنا جايينك بالطريق غلا : اوكي باي مدت شوق الجوال لـ لجين اللي سرحااااااااانه بالمجهول اللي قلب كيانها شوق : لجين لجيــــــــن لجين : ها شفيك تصارخين فجرتي اذني شوق : شسوي فيك ماتسمعين لجين : اخلصي شتبين شوق: بنمر غلا ونروح السوق لجين : طيب وش الجديد ..ليكون تبينا نروح معك شوق : وهذا اللي بيصير لجين تضايقت لأنها لازم تقعد مع غلا لحالها لازم تقول لها : مو على كيفك أنا ماأبي أروح وسكتت لأنهم وصلوا وغلا عند الباب تنتظرهم جت غلا وعيون مشاري تراقبها مشاري ( آآآه يابعد هالدنيا وحشتيني ) ركبت غلا ومانتبهت له : هااااااااي بنات لجين على أعصابها خايفه من غلا لما تعرف السواق شوق بارتباك : هلا غلا شخبارك غلا : الحمد لله وينكم تأخرتوا لجين بجنبها بصوت واطي : بعدين اقول لك مشاري بصوت ضخم ورجولي :شلونك غلا انصدمت شوية عليها وين الاكسجين ليش ماعاد أقدرأتنفس معقوله يتهئ لي بس هذا صوته رفعت عيونها بخوف ولهفة والتقت عيونهم ماقدرت تفسر نظرته لأن الدموع اجتمعت بعينها وبصوت مبحوح يمكن ماسمعه غيرها : الحمد لله لجين حست أن الجو بدا يتكهرب :مشاري دريت أن خالتي ملاك بتجي يوم الخميس مشاري باقتضاب : دريت مايبي يتكلم بس يبي يسمع صوت انفاسها .. طول الطريق مانزل عينه عنها وهذا اللي زاد ألمها أكثر نظراته العاشقه زادت حزنها (ليه يامشاري .. توك تحس بعد ما يأست منك اللحين حبيتني بعد ما صرت لغيرك تذكرت ريان ونزلت دموعها تواسيها ) بكت بصمت وماحس فيها الا لجين اللي ظغطت على يدها مرت الدقايق عليها وكأنها دهر ماودها الوقت يمر عشان ما تفارقه وماتقدر تضل معه أكثر وبين أفكارها سمعت صوته يناديها :عالبركة الخطوبة يابنت خالتي بعد يبارك لها ردت عليه بسخرية وألم : عقبالك أما مشاري مايدري شلون طلعت هالكلمة منه لكنه ندم عليها وردها صحاه على حقيقة كان كل أمله أنه يصحى بيوم ويكون كل شئ حلم شوق : مشاري وين رايح مشاري : بوديكم السوق شوق : طيب ارجع لأنك تعديته مشاري : اللحين ارجع ما انتبهت انتهى الجزء وانتظروني بالجزء الثالث بكرا بعــد ما أقرأ رأيكــــم م ح ب ت ك م أنيـــ الورد ـــــنhttp://www.joroh.com/vb/images/smilies/cupidarrow.gif |
هاااااااااااااااااااااااااااي
الصراحة رووووعة بس حرام تفرقي بين مشاري وغلا...بلييييييييييييز رجعيهم لبعض ما عرفنا كم عمر مشاري؟؟؟ ننتظررررررررررررك لا تتاخري علينا |
هلااااااا قلبوووو
يسلمووو وجودك هو الروعه .. عمر مشاري 28 سنه تابعيني .. وماراح أتأخر باذن الله |
&....الجزء الثالث....&
لاجيــت انـا بـ سامــحــك .. تبكي { الجــــراح / مـاودهــا ", مشتــاق ", ودي اصــافحك وعيـــت يــــدي لا أمــدهــا .... نزل طارق من الدرج ولقى أخته جالسه عند التلفزيون :مساء الخير جوري :هلا والله طارق : أنا طالع ..تبين شئ ؟ جوري : سلامتك طلع طارق ورجعت جوري تشوف فلم هندي كانت تتابعه ,,,,,,,,,,,,,,,,,,, نزل مصعب من سيارته اللي كان يقودها بسرعة جنونية طول الطريق وهو يفكر بأمه وشلون رفع صوته عليها وليش ماحاسب على كلامه قبل يقوله ..! دخل الاستراحة وجلس مع الشباب لكن الضيق باين على ملامحه .. قام وطلع عن الغرفه اللي كلها فوضى وضحك محتاج يجلس بمكان هادئ لقى طارق عند الباب بيدخل طارق : هلا والله مصعب فتح سيارته ومارد عليه طارق : ياهووو نحن هنا حرك السيارة بسرعة ورجع البيت وطارق دخل الاستراحه وفكره مشغول بمصعب دخل الصالة مالقاها راح لغرفتها لقاها على مصلاها رافعه ايديها بخشوع تدعيله ولأخوه وقف لين حست بوجوده قرب منها حب راسها مصعب :تقبل الله أم خالد بابتسامه أم حنونه : منا ومنك يمه ليش رجعت بدري مصعب : ماطاوعني قلبي تنامين وأنتي زعلانه علي أم خالد : مقدر ازعل عليك لكني شلت بخاطري .. ياولدي أنت تدري أني مالي ذنب باللي صار أبوك هو اللي عافني مصعب : طيب ليش تزوجتي بعده وشردتينا نزلت العجوز راسها بأسى تتذكر حياتها عشان تقولها لولدها بالتفصيل لأن هالموضوع أول مره ينفتح مصعب : يمه لما جيتي ماحبيتي تقولين شئ بس أنا اللحين ابي أعرف كل شئ تكلمت أم خالد وكأنها تشوف حياتها قدامها : أنا تزوجت أبوك وكان زواج تقليدي كان أبوك جاف بمعاملته معي وقاسي بليلة زواجنا قالي :أنا ماتزوجتك ألا عشان تخدميني وبس.. من ذيك الليلة ماتت أحلامي كان يصبحني بخناق ويمسيني بضرب كان يشرب ويجيب أخوياه السكارى معه أحيانا لكني كنت أقفل على نفسي وهم اللي يتمشون بالبيت _وهلت دموعها_ جلست سنه ماحملت بعدها صرت ماأشوف أبوك الا بالأشهر وبعدأربع سنين حملت وكنت أنت أول ضناي وبعد ما كملت سبع شهور حمل جاب لي طفل صغير رماه علي وتذكرت ذاك اليوم لما دخل زوجها البيت يصرخ أبو خالد : تعالي ياحيوانه طلعت أم خالد من المطبخ تركض وتفاجأت بطفل عمره مايتجاوز الـ ثلاث سنين شكله يكسر الخاطر يصيح ويناظر ابوه برعب ومن شافها ركض لها ضمته وهو يبكي أبو خالد : هذا ولدي خالد امه ماتت ربيه انتي أم خالد تعودت على قسوته : وش اسمك حبيبي : أبي ماما .. وين ماما أم خالد : ماما راحت عند ربي فالجنة خالد يبكي : وينها الجنة وديني لها وكملت ..ضميته وسميت نفسي باسمه وأبوك طلع من عندي وماعاد شفته كان كل كم شهر يرسل لي مصروفكم لين كبرت أنت وصار عمرك 4سنين وبعدها انقطعت أخباره وجو خالات خالد خذوه مني عشان ورث أمه تذكر يامصعب مصعب بحزن : وأذكر أنك مامنعتيهم وتركتيهم ياخذون أخوي أم خالد : ماكان بيدي حيله مالي عزوة ولا لي سند ولا عندي اللي أصرف منه عليكم قلت خالاته الله معطيهم ومابيقصرون معه جلست أنا وياك لوحدنا محد يسأل عنا ولولا الله ثم اهل الخيركان متنا من الجوع مصعب : وعشان كذا خليتي ابوي ياخذني وتزوجتي أم خالد : تقدم لي رجال طيب من معارف جارتنا وخطبني كبير بالسن لكنه غني وهذا اللي خلاني أوافق كنت أبيك تدرس بأحسن المدارس وما ينقص عنك شئ لكن أبوك لما درى هددني ولما تزوجت خذاك عشان يحرق قلبي عليك وانقطعت عني أخبارك لين ذاك اليوم اللي كلمني فيه خالد وجابني لهنا وجيت لقيت عيالي اللي تركتهم أطفال صاروا رجال ماكبروا قدام عيني قرب منها مصعب وحط راسه على ركبها : أسف يالغاليه واوعدك لأعوضك عن كل اللي فات ’’’’’’’’’’’’’’’’’’’’’’’’’’’’’’’’’’’’’’’ وصلهم مشاري للسوق ونزلوا كلهم وكل واحد منهم له همومه دخلوا السوق لجين وشوق حاولوا يتجاهلون اللي صار وغلا ظلت ساكته محد يدري شاللي يدور براسها دخلوا كم محل وكانت شوق هي الوحيدة اللي اشترت راحوا للكافي يرتاحون وأول ماجلسوا طلعت غلا جوالها وعيون الثنتين ترقبها بخفية غلا :هلا ماما أم بندر : هلا حياتي غلا : ماما خلي السواق يجيني أنا بصحارى أم بندر : ليه حبيبتي وين سواق خالتك غلا : ماما شوق ولجو ماخلصوا وانا تعبانه ابي ارجع البيت أم بندر :خلاص اللحين ارسله لك غلا : اوكي .. باي شوق : غلا انا اسفه غلا ببرود مصطنع : على ايش؟ شوق : على ..امم مدري بس عن جد اسفه لجين لفت على غلا ومسكت ايدها :بروح معك اللحين شوق : انا ماخلصت لجين بعصبية : مو لازم غلا :لا مافي داعي خلك مع شوق شوق ماكان لها وجه تقول شئ لجين : ماراح اخليك غلا : لو سمحتي لجو محتاجة اجلس لوحدي لجين : بس انا محتاجه اجلس معاك رفعت غلا راسها وشافت لجين تناظرها بنظرة ترجي لجين : بليز غلا غلا : براحتك دق جوال شوق وكان مشاري شوق :الو مشاري :خلي السواق يجيبكم شوق :لجين بتروح مع غلا بيت خالتي تقدر توديني البيت بعد نص ساعة مشاري : ومن بيوديهم شوق : سواق خالتي ..بتجي ولا لا مشاري :أنا عند الباب اطلعي تبين اللحين ولا كيفك شوق : اللحين أطلع ,,,,,,,,,,,, طلعت شوق وركبت مع مشاري اللي ظل طول الطريق ساكت ولجين راحت مع غلا وصلوا البيت وعلى طول على غرفة غلا جلست لجين على السرير وغلا راحت تبدل ملابسها دق جوال غلا بنغمة مميزة كانت لتوأم روحها الجوري ..مشت غلا بكسل للتسريحه ورفعت الجوال غلا :أهلين مافاتت الجوري نبرة الحزن بصوتها لكنها قالت : هلا والله بالطش والرش والبيض المفقش غلا :هههه _وبصوت باكي _ وحشتيني الجوري : حياتي أنتي ..بالبيت ؟ غلا : ايه وعندي لجو الجوري : جد والله ونااااااسه غلا : شفيك تصارخين الجوري : قومي جهزي القهوة ولا أقول بيبسي أحسن غلا ببلاهة : ليش ؟ الجوري : لأني عشر دقايق وبكون عندك غلا وتغير مزاجها : يابعدهم والله أني أحبك الجوري : أقول لا يكثر ولاتجهزين شي انا عازمتكم غلا : اوكي ننتظرك الجوري : يالله باي لفت غلا على لجين وشكلها تغير من الفرحة يكفي أنها بتشوف جوري صديقة عمرها .. لكن الفرحه ماكملت صدمها شكل لجين جالسه على السرير وضامه رجولها بشكل يكسر الخاطر بس ليه وجهها شاحب كذا قربت منها ورفعت راسها بحنان : لجو حياتي شفيك ؟ لفت لها وبنبرة عتاب : توك تسألين شفيني ؟ نزلت غلا راسها : سوري لجو بس ..وجود أخوك ماخلاني انتبه لك .. لجو ياعمري لا تزيدين علي والله مو ناقصه مدري ألاقيها من مشاري ولا من ريان وآه من ريان لجين : شفيه ريان غلا : مو قادرة أحبه وهو اللي يموت بالتراب اللي امشي عليه مو قادرة أحبه والمفروض اني ما افكر الا فيه موقادرة حتى أتقبل وجوده بحياتي لجين : لهالدرجه تحبين مشاري غلا بحزن : مو مهم .. لجين بجدية: ألا مهم تكلمت غلا بصوت مكسور وكل الذكريات تتصارع بذاكرتها وهي تحاول تبعدها : وتتوقعين 4 سنين حب بقدر أنساها بيوم وليلة حاولت غلا تنفض الذكريات اللي براسها : تكفين لجو مالي خلق اقول شئ .... الحين قومي غسلي وجهك لأن جوري بالطريق بس ترى الليلة بتنامين عندي لجين : امممم اوكي بكلم امي واقول لها غلا : مين قدي جوري بتجيني ولجو بتنام عندي لجين : ههههههههه ,,,,,,,,,,,,,,,, دخل ريان على أمه المطبخ وضمها من ورا : مساء الخير أم ريان : ياهلا والله مساء النور ريان : الحلوة شتسوي ؟ أم ريان : العشاء يعني وش بسوي أنت غريبه ما طلعت ريان : قلت أمر عليك قبل ما أطلع أم ريان : وهذاك شفتني يالله مع السلامة لا تشغلني بعد عنها وسوى نفسه زعلان ريان : أفا يا أم ريان هذا وأنا جاي أفضفض لك فهاللحظه دخلت ريفان : ياشين اللي يتدلع على كبر ريان :وياشين اللي يغارون دق جوال ريان : هلا طارق :عند الباب ؟ خلاص اللحين اطلع .. ماني مطول .. قلت لك اللحين سكر الجوال ولف على أمه : شخبارك يمه أم ريان : الحمد لله ريان : وشخبار بيت عمي ريفان : اها السالفة فيها بيت عمي أم ريان : بيت عمك بخير .. يالله لا تأخر على خويك ريان : عادي خليه شوي ريفان : هههه أرحمك صراحة .. قول شعندك ريان : يمه .. كلمتي مرت عمي عن موعد الزواج أم ريان : قل كذا من اول أجل جاي تشوفني هاه انحرج ريان : احم احم انا طالع تبون شئ ريفان : هههههههههاااااي ريان : ضحكتي بدون سنون أم ريان : ماعليك منها ويوم الجمعة عزيمة ملاك بكلمها ان شاء الله ركض وحب راسها : بعد عمري يمه بس لا يأخرون الزواج ريفان :يابختك ياغلا ريان : يمه شرايك نملك الاسبوع الجاي والزواج بعد شهر أم ريان : اطلع اللحين لخويك وبعدين يصير خير ريان : بس ... أم ريان : اشش اطلع لا تلطع ولد الناس عند الباب عيب عليك طلع وريفان تضحك عليه ولقى طارق عند الباب ومعه مصعب ركب ورا مصعب : لا تو الناس قلت لطارق يمشي ويخليك بس دلخ وعلى باله طيب ريان : آآآآآآآآآه ظحكوا كلهم عليه وحرك طارق السيارة طارق : لا هذي طالعه من قلب .. شفيك ياحسرة ريان : وقسم بالله قهر محد حاس فيني .. كل ما قلت بتزوج قالوا يصير خير مصعب : وش مستعجل عليه طارق : والله مالومك مصعب : الحمد لله الذي عافانا ريان : اشوف فيك يوم يارب طارق : آآآمين مصعب : بالأحلاااااااااااااام ههههههاااااااي ,,,,,,,,,,,,,,,,, دخلت جوري على غلا وهي بكامل اناقتها الجوري : السلام عليكووو قربت غلا وضمتها : وعليكم السلام وحشتيني موت الجوري : وانتي أكثر ياقلبي .. شخبارك ووين لجين غلا : أنا بخير ولجين داخل تعالي دخلوا ((وكانت جوري جايبه معها ببسي وشوكولاتة باتشي مع فطاير وبطاطس وحب )) سلمت على لجين غلا: جواره وش هالاكياس كل هذا بناكله الجوري : انا عازمه نفسي على سهرة عندكم غلا : الله يحييك جوري : يقولون انه فيه فلم أمريكي رومانسي عالساعه 11 أنما ايه لجين : ههههه حبيبتي انتي دخلوا المجلس وخذتهم السوالف وقدرت جوري بروحها المرحة تغير مزاجهم المتعكر الجوري : أقول لجينوه .. وكانوا جالسين عالأرض وتاركين الكنب لجين وهي تاكل من الشوكولاتة: لجينوه بعينك يالدبا يالمعفنة شهقت جوري ورمت الفطاير اللي بيدها بالصحن : أنا دبا ومعفنة يالشينة غلا تاكل شيبس وتلعب بجوالها قالت تتطنز : لجين شينة حرام عليك جوري : أقول لا يكثر وخلي سواقكم يجيب ببسي اللحين يجي الفلم لجين : هيييه توك شاربه واحد كامل جوري ناظرتها بنص عين : ممكن تنطمين لجين وغلا : هههههههههه غلا ودمعت عينها من الضحك : والله وسعتي صدورنا الجوري : عشان تعرفين أني ماالعب ... أنتي لو شايفه أشكالكم اول مادخلت يمه منكم بغيت أهج بس مسكت نفسي لجين زاد ضحكها :ههههه أجل مسكتي نفسك الجوري : ايه وبقوة بعد .. قلت يابنت غمضي عيونك واقري على نفسك المعوذات ومابيصير الا الخير غلا : وليه ان شاء الله شايفه شياطين الجوري : الشياطين اسمح منكم اما انتم كنكم حفارين قبور من كوكب ثاني لجين : يلا عاد عطيناك وجه الجوري : شين وقواة عين ..اقول غلوه غلا : شتبين ؟ الجوري : ارمي الجوال لا اكسره لك غلا : أنتي شفيك علينا اليوم .. طاقه الميانه بزياده لجين : بالله شتسوين بجوالك غلا :يمه منكم هذاني قمت وطلعوا على غرفة غلا وهم بالدرج الجوري : أقول لجو .. وينها خطيبة أخوي ليش ما جت معك لجين : احنا مو مالين عينك الجوري : لا بس ابي اكشخ عليها شوي اني حماتها غلا : الله يخلف عليك امشي بس وصلوا الغرفة طفوا الأنواروكملوا سهرتهم على الفلم ,,,,,,,,,,,,,,,,, عالساعة 2 كانوا خالد وملاك يمشون بهدوء بأحد شوارع لندن وايديهم متشابكة بشكل رومانسي ملاك : حبيبي تعبت خالد : شوي ونوصل .. شفتي اللوحه الحمراء اللي هناك ملاك :وين؟ خالد :اللي بأخر الشارع ورفع يده يأشر عليها ملاك بصوت باكي: بعيــــــده خالد : ههههه تبيني أشيلك ملاك : لا واللي يعافيك يكفي فشيلة العصر خالد: ههههههه عادي زوجتي وحلالي ملاك بحيا : بس مو قدام الناس خالد : شسوي فيك كنتي خايفه تركبين اللعبه ملاك : مو لازم نلعب خالد : بالله عليك ماانبسطتي ملاك وطلعت منها تنهيدة حب : كثيــــــــــــر ..تدري حبيبي خالد :خير ياعمري ملاك : مو قادرة أصدق أن مر على زواجنا شهر خالد لف ايده على خصرها : وأحلى شهر بحياتي ملاك بخجل :حتى أنا .. وصلنا خالد : هههه جاك الفرج ودخلوا كان المطعم هادئ والاضاءة فيه رومانسية جلسوا متقابلين على طاولة بزاوية بعيدة وطلبوا من العاملة تحط لهم حاجز ولما راحت شالت ملاك نقابها وطرحتها وكأنه اول مرة يشوفها مسك خالد ايدها وبنظرات حالمة .. خالد: ماكذب اللي سماك ملاك ملاك حمرت خدودها : خالد خالد : ياعيونه ملاك : لا تناظرني كذا خالد : ليش؟ ملاك منزلة راسها : بس استحي خالد : فديت اللي يستحون ملاك بدلع : خاااااالد خالد : ياويل حالي خلاص اسف وش ودك تتعشين ملاك : على ذوقك بعد ما طلب العشاء .. خالد : على فكرة رحلتنا بكرا ملاك : بكلم أهلي يستقبلونا خالد : لا أنا قلت لمصعب أخوي ملاك : معليش كلهم يجون خالد : براحتك ,,,,,,,,,,,,,,, باستراحة الشباب كانوا مصعب وطارق يلعبون بلاي ستيشن دق جوال طارق شاف رقم اخته وعطى ريان يلعب عنه طارق :هلا والله جوري : اهلين طروق متى بتجي طارق ضرب جبهته : يوووووه نسيتك الجوري بزعل:لا والله طارق : خلك جاهزة ربع ساعه وأكون عندك مصعب : قوووووووول هدف هدف ههههههههاااي ريان : الله ياخذ هالحارس _ولف على طارق _ انت شهالفريق الغبي طارق :غبي بعينك أنت ماتعرف تلعب مصعب :يعني انت اللي تعرف موكأني جبت فيك هدفين طارق تفشل :صدفه مصعب :هههههههااااي تعال كمل بس طارق :لا انا طالع .. الأهل يبوني مصعب :ايه صرفها طارق : اقول ضف وجهك ...وبصوت عالي ..مع السلامة شباب الكل : مع السلااااامة ,,,,,,,,,,,,,, الجوري تلبس عبايتها غلا : ياشينك جوارة كان جلستي للفجر توها تحلى السهرة الجوري : عشان تذبحني امي وتعلقني للكلابة غلا : ياكذابة خالتي ماتسوي كذا الجوري :أمزح بس خلاص تأخرت الساعة 2 ونص لجين : نشوفك مرة ثانيه لا تقطعين الجوري : ان شاء الله بزواج طارق وشوق دق جوالها :هلا طارق اللحين اطلع .. يالله بنات مع السلامة لجين وغلا :الله يسلمك راحت جوري ودخلوا غلا ولجين الغرفة لجين : تكفين غلا ابي بيجامة غلا : من عيوني أبدل ملابسي وأجيب لك رمت لجين نفسها عالسرير من التعب تنتظر غلا اللي طلعت من غرفة الملابس بعد دقايق ببيجامه قطنية رمادي ورمت على لجين البيجامة الزهر وبعد عشر دقايق كانوا الثـنتين عالسرير غلا : واللحين بتقولين لي شسالفتك ؟ لجين وتغيرت ملامحها:السالفة ومافيها أني حلمت حلم غريب غلا : حلم ..! وشو هالحلم اللي قالب كيانك لجين : قبل أمس لما نمت بالليل حلمت أني كنت باستراحتنا وكلنا مجتمعين بغرفة الكبار والصغار فجأة كلكم اختفيتوا لكني ما اهتميت قمت ابي اخذ جوالي من على الطاولة اللي بأخرها ولماالتفت جهت الباب عشان اطلع شفت واحد ماأعرفه لكنه جميــــل جمال خرافي لابس ثوب دخل الغرفه وكان يمشي مشية مصاصين الدماء يدينه مرتخيه حوله ويسحب رجوله خفت منه وركضت على طول برى الغرفه ومشيت بسيب طويل ومظلم ودخلت غرفة بنهايته وأنا مرتاحه أني قدرت اهرب منه لكني ماوصلت نص الغرف الا وحسيت بوجوده لفيت وكان واقف عند الباب كنت خايفه ومرعوبة وبصعوبة قدرت امر من عنده واطلع برا وبعدين نزلت من درج والتفت وراي كان واقف ويبتسم ابتسامة خبيثة كانت لجين وهي تحكي الحلم لغلا ترجف وكأنها تعيش الحالة اللي عاشتها اول ماقامت ذاك اليوم أطرافها بردت وجسمها كله ينتفض وعيونها لما سكتت بدت تدمع .. استغربت منها غلا ..قربت لها وضمتها بخوف وحيرة غلا : بسم الله عليك ياحياتي ليش مكبرة السالفة لجين :خايفه ياغلا خايفة غلا : أن شاء الله خير بس أنتي هدي نفسك لجين : اللي مجنني انه مو مرة وحده بس غلا : شلون يعني ؟ لجين : صحيح أني قمت مرعوبه لكن قلت مجرد حلم ولما رجعت من الجامعة أمس ونمت الظهر شفت نفس الشخص بنفس الغرفة كنت جالسة دخل علي وكان هالمرة طويل وملامحه مو باينه حيل أعطاني هدية كانت صندوق وفيه اشياء مادري وش هي غلا بحماس :وبعدين لجين :قال هذي غاليه حافظي عليها وطلع غلا : غريبة ! لجين : حاولت ما أشغل نفسي بالتفكير لكن لما نمت بالليل حلمت فيه مرة ثانية غلا بذهول : بعد .. لجين : وبنفس الغرفة جالسة ألعب مع بنوتة حلوة جاء أخذها مني بهدوء وقعد يلعب معها غلا : طيب ماتذكرينه ..امممم تعرفينه طيب لجين : بالحلم كنت أعرفه وكأنه قريب مني لكني أول مرة أشوفه غلا :طيب فكري مايقرب لنا لجين بتفكير: لا ... غلا : طيب فسري الحلم لجين :مستحيــــل غلا :ليه لجين : بس ما أحب لجين حست أنها ارتاحت بعد ماقالت لغلا :اللهم اجعله خير غلا : آآآآمين سمعوا صوت المؤذن يردد عبارات تشرح الصدر وتنزل على الروح السكينة والراحة رددوا مع المؤذن وبعده الدعاء لجين قامت جهة الحمام : قومي حبيبتي نصلي قامت غلا تركض وسبقتها : بتوضى قبلك لجين بعصبية : ياسخيــــفة ..لا تطولين ورجعت تضحك على خبال غلا دخلت أم بندر عليهم : ياللا بنات الصلاة لجين : صباح الخير خالتي أم بندر : صباح النور ياعمري قمتوا لجين :لا سهرانين أم بندر : الله يهديكم طلعت غلا : هلا يمه وحبت راسها صباح الخير أم بندر بابتسامة : صباح النور ..وش أخبار جمعتكم أمس عسى استانستوا غلا : ايه يمه الحمد لله أم بندر:وشلون جوري غلا : تسلم عليك أم بندر : الله يسلمها ...هاه لجو عسى ماغثتك غلا لجين : لا شدعوى خالتي أم بندر : قبل ماأنسى اليوم توصل ملاك وبنروح كلنا نستقبلها غلا بفرحة: واحنا معكم أم بندر :أن شاء الله لجين : ههههههه شوي شوي لا تجيك سكتة من الفرحه غلا : مو شغلك أم بندر : ياللا صلوا وناموا غلا ولجين : أن شاء الله ,,,,,,,,,,,,,,,, وش رايكم بالجزء والغموض اللي بدا ينفك توضحت بعض الأسرار وظهرت أسرار جديدة وشخصيات ما راح أسئل أبيكم تعلقون مثل ماتحبون ** يوم الجمعه بالليل فيه 3 أجزاء دمتم برضى الرحمـن م ح ب ت ك م أنيـــ الورد ـــن:c8T05285: |
الصراحة روووووووووووووووووووووووووووعة
أكثر شي انشديت له الاحلام هههههههههههههه بدي اعرف شو تفسيرهم...بلييييييييييز هههههه ياااااااااااااااارب يصير شي وما يملكو ريان وغلا...ياااااااااااارب ترجع لمشاري ننتظرررررررررك يا عسل |
السيده ملعقه
هلا وغلااا والله ياختي انتي الروعه .. على فكره احس اسمك فلّه لاخلا وعدم دمتي برضى الرحمن م ح ب ت ك أنيــ الورد ــــن |
يـ هلا والله بـ مبدعتنأ أنين الورد .. نورتي بـ روايتك الروعـــــه .. بـ أنتظر التكمله .. لا تتاخري عليـــنا :friends: |
السلام عليكم بقية المحافظة على القصص ،،تم وضع قانون جديد للروايات الغير مكتملة بقسم من وحي قلم الاعضاء يرجى زيارة هذا الرابط http://www.liilas.com/vb3/t134089.html ولفتح القصة لتكملتها يرجى ،،وضع طلب بهذا القسم الخاص http://www.liilas.com/vb3/f30/ تغلق الرواية من تاريخ وضع الرد نرجو التعاون ،،موفقة |
متوقفه من 2009
تنقل للارشيف لحين عودة الكاتبه |
| الساعة الآن 05:41 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية