ولو بكيفي .؟ ( قلبي ) محدٍ يدخلَهـ
قول عادي .. بالي الليلهـ طويل .. ............ شُوف لِك عذرٍ قديمٍ / وأقبِلَهـ !! لا تحاتي ... قلبي مِتعَوِّد يشيل .. ............. ( الجُروح ) اللي تجي له مُقبِلَهـ .. " طيبتي " صارت مثل ( كف البخيل ) ......>...... أيِّ شَي طايح .. تِشُوفـه ؟ تحمِلَهـ و " عزِّتي " تقدر تِسَمِّيها : النخيل ............ لأني شامِخ .. والعواصف قاتِلَهـ وعادي جداً .. إنِّي الليله ( عليل ) .. .........>... الحزن : يحْسِبني واحد مِنْ هَلَهـ !! ومو غريبه .. لو تِمَنِّيت الرحيل ...........>.. البقاء أحيان , يعني .. البهذلهـ !! في غيابك .. ما لَهَا الضيقهـ مثيل ..! ............. وربِّي اللِّي .. ما يشاءهـ , يفعلَهـ مِنْ يلاقي لـ دنيتي هذي بديل ..؟ .............. خل يجيني أي شخص .. أبَدِّلَهــ وعيب راسي لا بغى شي " مستحيل " ............>.. يوصلهـ مو طيب .. غصبٍ يوصلَهـ ليه راجع ؟! ليه ذاكر ..؟ يـ الأصيل ..؟؟ .............>... إنت ضايق ..؟! في خطأ بالمسألَهـ !! وليه تبكي مِنْ كلامي يـ الدخيل ..؟ ............... المشاعر .. ما لَهَا بقلبك صِلَهـ ؟! و( البلا ) .. إن حَبْ شخص " ثقيل " .........>...... ينسى مِن حُوله ويفكر ( بالمُذهلَه ) !! مِن عرفتك .. ما بقى بـ اليَد .. حيل .............. ولو بكيفي .؟ ( قلبي ) محدٍ يدخلَهـ ومِن عرفتِك .. حظِّي العاثر يميل .. .............. أعترف لِكْ إنِّي ( عاجز ) أعدِلَهـ !! فاقد الإحساس / ما يعطي القليل... ............... وإن عطيته إحساس قلبك ؟ يقتِلَهــ !! إيه بـ أرحل والطريق أدري .. طويل .. ................. مشكلهـ " قربك " .. وبُعدِك مشكلَهـ .. وإن خذاني المُوت إترك قالٍ وقيل .. ........... قول هـ الجُملهـ .. وخطاك امحلِّلَهـ [ ربِّي ألهَم أهلهـ الصَبر الجَميل ..>>> ............ وإرحمـهـ يا رب وإحسِن مدخلَهـ ].! |
وعادي جداً .. إنِّي الليله ( عليل ) .. .........>... الحزن : يحْسِبني واحد مِنْ هَلَهـ !! ومو غريبه .. لو تِمَنِّيت الرحيل ...........>.. البقاء أحيان , يعني .. البهذلهـ !! رووعه انتقائك قصيده بجد كلمااتها كلها احاسيس والاحلى انها منك دوومك مميزه موودتي |
مرورك الأروع أسعدني كثيرآ أشكرك غاليتي دمتي في رعاية الله |
قصيدة رائعه
تسلم يمناك لا خلا ولا عدم عساك على القوة |
مرورك الاروع تسلمي عليه وياك عزيزتي |
الساعة الآن 06:35 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية