|
+*+*+؟*(حب في الجمس)+*+*+*؟+* (قصة سعودية) مرة مرة خييييال ورووووووعة واتمنى تقرونها
:besm6jb3: السلام عليكم كيفكم؟؟ انشا الله بخير ندخل في الموضوع هذي قصة اسمها .:][حب في الجمس ][:. انا قريتها في احد المنتديات ودي اشكر اللي كتبتها لانها مرة مرة خياااااااااااااااال صراااااااااحة القصة مرة مرة تضحك فيها اشياء تصيح يعني واشياء ومواقف مرة مرة حلللللللللللوة انا قريت قصص بس مثلها ما قريت من دووووووووون مباااالغة واتمنى ان الكل يقراها واذا كنتوا تبغوني انزلها ردوا علي وماراح اطول عليكم في الاجزاء لانها موجودة عندي كاملة والله يعطيكم العافية وفمان الله |
هذا البارت الاول (حب في الجمس) اليوم الاربعاء نزلت نسايم وندى من الدرج ولقوا اخوهم فهد نازل وجلسوا يسولفون وكانت الساعه11ونصف وسلموا على امهم وكل واحد حب راسها وبعد ماجلسوا الام:وين نهى نسايم:اكيد نايمه ندى:امس دخلت عليهاالساعه2 وكانت قاعده على الكمبيوتر فهد:انا نفسي افهم شتسوي وقاطعهم دخول الوالد:السلام عليكم الكل وعليكم السلام ابوفهد:وين نهى؟ ام فهد:نايمه ندى:ايه ايه اسئل عن بنتك وانا خلني لي الله ابوفهد:انت تعرفين انتوا مثل اصابعي لي غاب واحد فيكم افقده بس القعده فاكهه البيت ندى: ما اقول لنا الله فهد يسال ببلاهه: يبه انا اي اصبع فيهم ابو فهد: انت وش ودك ؟ <<< يجاريه فهد: والله اذا ممكن اخر واحد لان اعز هل اصبع مدري ليه مع ان ماله فايده ابو فهد: وجع هذا وانت رجال تقول هل حكي نسايم: الا يبه غريبه رجعتك بدري ابو فهد: اشوا انك ذكرتيني الله يذكرك بشهاده ام فهد :خير ان شا الله ابو فهد:تو دق بو عبد العزيز ويقول الجمعه عندهم اليوم فهد: اجل خل ندق على شباب ونتواعد بمكان من زمان عنهم وطلع نسايم: واو وناسه اكيد كل بنات عمي بيجون وش البس ياربي وش البس<<<تكلم نفسها قطع عليها تفكيرها ندى:انا بلبس التيور اللي اشتريته من الامارات يوه ان شا الله يكون نظيف ام فهد: تقولين ان شا الله قومي شوفيه ترا انا بعد المغرب بمشي قامت ندى بتصعد الدرج ونادتها امها: تكفين ندوي قوي هل خيشه نهى ندى:ابشري وراحت وصحت نهى اللي بالموت صحت و الحمد الله التيور نظيف وعرفت عن العزيمه طبعا بدو بتخطيطات<<<< مجرمييين وبعد الغدى الام والابو راحوا يرتاحون والبنات راحوا يكملون خططهم وفهد اتفق و يا عيال عمه انهم يجتمعون بيت ابو حمد و يمر عبد العزيز بالجمس و ياخذهم الجد:الا يا فهد مانويت تعرس. فهد:تو الناس الجد: اي تو الناس اللي كبرك عندهم عيال. فهد: يصير خير تامر على شي انا بروح اريح الجده : مايامر عليك عدو بس و صلني بدربك الجد: هو يا مره كان قلتي لي اوصلك بعيوني. الجده:عيونك خلها لك مابيها انت شل روحك و انا خلني على فهد الجد: الحين ماعد نعجبك فهد: صلوا ع النبي يا جماعه بياذن العصر وانتم تطاقون يله ياجدتي قومي. ــــــــــــــــــــــــــــــــــــــــــــــــــ اما الوضع عند البنات غير نسايم وندى ونهى اتصالات واتفاقات ودنيا شغاله اللي تحط مناكير واللي تستشور وندى حاطه لفافات بشعرها وبفمها مصاصه وتكلم العنود بنت عمها بالجوال ودخلت امهم عليهم الساعه4 العصر الام: مابعد خلصتوا نسايم: ليش نهى: ياغبيه عشان العزيمه. الام: عيب عليك تكلمين اختك كذا نهى: ماقلت شي غلط الام: نهى اخلصي ترا ما بقي شي على المغرب ندى: على كيفك يمه بقي ساعتين الاربع الام: معليش خلصوا. راحت نهى عشان تلبس وماتحصل هوشه من امها فتحت الدولاب طلعت تنوره جينز سماوي تحت ركبه بشوي وبلوزه زهري وليموني<<<الوانها المفضله وتروشت ولبست وحطت لها شدو ناعم بلون زهري يدرج الين يكون اصفر وكحل اسود مبين جمال عيونها اللي مثل عيون جدتها وقلوس زهري وشعرها فالته ناعم اسود يوصل نص ظهرها ونزلت وفي الدرج ندى:واو شو ها الحلاوه بيشوفونك بيخطبونك قبلي روحي غسلي وجهك وانفشي كشتك نهى:لا عيوني ماراح اسوي شي موتي بغيرتك فهد:اسرعوا ورانا وراي ناس بوصلكم نسايم: وهي نازله ممكن اعرف ليش انت مطفوق نهى: يله ياندى ترى تاخرنا ترى فهد بيذبحك ندى:اصبري ماكله مصاص وماطاع يروح اللون من فمي نهى:مو شغلي انك بزر ندى: لاحبيبتي محد بزر غيرك وفي بدايه الدرج نسايم:وجع يالمبزره بس انتي وياها اللي يشوفكم ما يقول كل وحده كبر جدتي نهى:والله حبيبتي مالك شغ.... <<دخل فهد فهد: وجع لو انكم تفصلون العبايات ماطولتوا هالكثر ترى مب موديكم3 دقايق والله لو ما تجون بروح وطلع وصفق الباب وراه طبعا البنات ارتبشوا لانه سواها فيهم اكثر من مره. ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــ *تعريف بالعوائل* الجد: ابو عبد الرحمن(حمد) الجده:ام عبد الرحمن(ساره) الجد والجده عايشين ببيت ولدهم عبد الله ترتيبه الثالث(ابو فهد) يمكن تستغربون بس الجده ماتحب الا ام فهد و ماترتاح الا لها مع ان كل زوجاتهم طيبين بس عجايز وحركاتهم. ~~~~~~~~~~~~~~~~~~~~~~~~~~~~~~~~~~~~~~~~ ابنائهم: :عبد الرحمن ابو عبد العزيز:طبعا كبير العائله وله الشور بعد ابوه تهاني ام عبد العزيز:ام فاضله عبير:عمرها 26متزوجه ولد عمتها راشد وهي حاليا حامل عبد العزيز:عمره23متخرج قسم بترول ومعادن وهو حاليا يشتغل بشركه العائله رهف:21اخر سنه لغات وترجمه مشعل:عمره 17 ثاني ثنوي ~~~~~~~~~~~~~~~~~~~~~~ عبدالله ابو فهد:وشخص يتميز بحكمته وصبره شديد فاطمه ام فهد: الام المحبه والمعطائه فهد:25 سنه ويشتغل مع ابوه وعمامه نسايم:21تدرس تربيه خاصه ندى:19تدرس علم نفس رامي: 18 بثالث ثنوي نهى: القعده المدلعه 17 ثاني ثنوي ~~~~~~~~~~~~~~~~~~~~~ العمه لطيفه:ام نايف اللي ضحت بشبابها عشان تربي عيالها بعد موت ابوهم الله يرحمه نايف:28 و امنيه امه انه يتزوج بس عنده عقده من هالسالفه بتنكشف مع احداث القصه راشد:27 متزوج عبير بنت خاله وعنده احلام ومرته حامل مثل ما قلنا نواف:25 ولد فله موسع صدر وداييم طقاق مع العنود اخته العنود:21 دلوعه ماما ~~~~~~~~~~~~~~~~~~~ سلطان:ابوحمد نجاه:ام حمد حمد:22متخرج قسم محاسبه وبيشتغل بعد الباجازه في شركه العائله فهده:20سنه تدرس اداره اعمال مروان:18سنه اول جامعه متقدم سنه ~~~~~~~~~~~~~~~~~~~~~~ لعم سلمان:عمره 26 ويدرس بالخارج قانون وباقي له 6 شهور و يرجع وسط اهله ~~~~~~~~~~~~~~~~~~~~~~~~~~~~~~~~~~~~~~~~ وصلوا ولقوا الكل مجتمع وطبعا البنات سلموا وراحوا بمجلس ثاني وكل شوي جايه وحده من الحريم تعالوا تقهووا معنا... فهده: ياربيه من هل حريم مايدرون ان قعدتهم ممله وتطفش كل شوي عازمينا مايدرون اننا فتيات نبي نقعد بلحالنا نهى:والله انك صادقه اجل لين قعدنا هذاك مات وهذاك لاحيا وهذيك جاها مدري وشو والله ياعندهم حش موب صاحي نسايم:اسكتي ترا بيجي يوم ونصير حريم وبناتكم يقولون عنك كذا فهده+نهى: لا ان شاء الله استغفر الله وسكت الجميع لانه شغلوا المسجل ويرقصون فهده: نهووه تعالي ابيك بره نهى: مابي فهده باستغراب:لييش؟ نهى:لان وبصراحه اسمي مو نهوووه فهده : اسفين بنت العم نهى تفضلي نهى: اي كذا اطلع وطلعوا برى من دوون مايحسون البنات فهده: شلونك نهى: قطع الله ابليسك مطلعتني من الوناسه عشان كذا ... القول خلني ارجع فهده:لا هذي مقدمات يختي مو كل شي دفاشه نهى: خلصتي من مقدماتك تفضلي فهده وهي تدور بجيوبها : وينه ياربيه نهى : وشو فهده: الجوال انتظري بروح اجيبه وراحت فهده ونهى قعدت حوالي عشر ثواني وهي تنتظر بس سمعت صوت جاي من الباب الوراني حق الخدم وحست انه رجال وبالفعل كان مشعل بيروح وقرب من جهتها وهي كانت واقفه بزاويه يعني تقدر تحس بالخطوات وراحت تركض ولقته عبدالعزيز طالع من البوابه الرئيسيه خلاص ضاعت فيها دني وش تسوي كان الكراج مقابلها وكان جمس عمها موجود و ركبته وكانت تظن انه دقايق و بتطلع لكن المصيبه ان عبدالعزيز كان بيدخل المفتاح يعني بيركب انصدمت و بحركه خفيفه طمرت ورا بس الموضوع مايخلى من رعب ودموع وكانت تتحمد ان الجمس كان مفتوح ولا كان راحت فيها وجلست مطمنه راسها ودموعها منهمره وتدعى ربها انه مايشوفها ويعدي هل ازمه على خير ــــــــــــــــــــــــــــــــــــــــــــــــــ رجعت فهده ومالقت نهى فهده في نفسها: ماتترك حركاتها البايخه اوريها ورجعت جوا مع الجو والربشه والوناسه غاب الموضوع عن بالها ــــــــــــــــــــــــــــــــــــــــــــــــــ مشى عبد العزيز بالسياره ونهى ورا كاتمه الخوف والضحكه الضحكه على عبد العزيز اللي مصدق ان مامعه احد و ماخذ الراحه و يغني و يحاكي نفسه والخوف كيف بترجع للبيت وصل عند بيت عمه سلطان ابو حمد لا نهم متفقين اذا خلص عبد العزيز اغراض امه يمرهم عشان تكفيهم السياره طبعا اللي ركب قدام اهو فهد ولا عنده فيهم اما الباقين جلسوا يطاقون من يركب ورا وحمد اللي ماسك جواله ومشتغل فيه طفش وركب ورا اما نهى وما ادراك ما نهى وش صار لها كانت شوي ولا تموت بس هو لاهي بجواله لكن حس بانفاس كان احد قاعد جنبه وعلى امتداد النظر مالقى شي ولسى بيرجع عيونه عل الجوال وحس بحركه غريبه واللي هي ان نهى من طقت رجلها ورا من الخوف والتفت وشافها وقعد مبلم<<<لفظ سعودي يعني فاتح عيونه وفمه على الاخر ومو مصدق والاستيعاب وقف عنده. وقعد على هل الحاله يمكن خمس دقايق وش هذي وشلون جت بس ماشالله حلوه بس وش جابها وهو بين افكاره انتبه لدموعها اللي مغرقه عيونها وهو سرح بجمال عيونها الكبار وخصل من شعرها على وجهها و بعدين من الحيا نهى غطت وجهها بيديها وحس على نفسه و التفت وهو يقول انا وش جاني ما قد شفت بنات و التفت للشباب لقاهم يسولفون بس ماشاركهم اذا ضحكوا ضحك واذا سكتوا سكت وصلو للكافي وراحوا تحت بالمواقف لان مثل ماتعرفون الشباب مثل النمل القهاوي ونزلوا وراحوا قعدوا وحمد مو معاهم ابدا كان يفكر من هاذي معقوله تكون رهف لالالا شلون تركب مع اخوها كذا اجل مين ؟؟؟ ومن بين علامات الاستفهام تذكر انها بسياره وتحت بمواقف الكوفي وشباب كثار وهي بالحالها لازم يلقى حل قام يدق ويقطع على فهده عشان ترجع تتصل ومايحسون انه يتهرب واتصلت فهده وقالت:بخيييييييييل جدا قال:طيب ابي اعطيك ببيت عمي ابيك تفتحين الباب الكهربائي وراح خذى المفتاح من عبد العزيز بحجه انه فهده تبي غرض ووافق وراح للمواقف لقى شباب شوي قريبين من هناك وثارت اعصابه بس لما قرب حس انهم مايدروون عن شي وركب سياره وشغل من دون اي كلمه وهي كانت تبكي وماستحمل بكاها اللي شكله زاد وقال: خلاص الحين بوصلك نهى:ــــ ـ ـ ـ ـ ـ ـ احترم سكوتها اكيد هي مستحيه ومتفشله اما نهى:مشاعرها متضاربه خوف ورهبه وبنفس الوقت فرح بالمغامره بس الشي الوحيد اللي هي متاكده منه ان الدموع لازمه في هذا الوضع. وبعدين الصمت ساد وحمد ونهى متوترين ونهى ساكته وعيونها تتكلم وصلوا البيت واتصلت فهده فهده:الو هلا والله لحظه<<<وكان الجوال لسى عند اذنها فهده:نســــــــــايــــــــــــــم وين نهى لها نص ساعه مختفيه ومطلعتني برا وانا غبيه انتظر متى تجي <<<حمد خلاص هذي نهى صغيرونه والله يادنيا كبرت فهده :الو حمد ها وش تبي حمد:وش فيك طولتي سنه ماتردين فهده:وش اسوي بنت عمك نهى ضايعه حمد:نهى ضايعه هنا نهى خلاص ودها تموت عرفني ياربيه وش اسوي حمد:طيب افتحي لي باب كهربائي معي جمس عمي فهده:ليش وش تبي حمد: بس بعطيك غرض فهده:طيب وراحت وجابت ريموت وافتحت الباب حمد يفكر وش يعطيها واالله النشبه دخل السياره ونهى لما عرفت انها دخلت تطمنت وسكتت عن الصياح ونزل حمد: نهى اتنظري عشان اصرف فهده نهى كان ودها تقول ماله داعي بس ماقدرت ونزل ولقى فهده: ها وش تبي تعطيني حمد: جيبي لي كاس مويه وعلمك فهده:الحين جاي ومقطع شوارع عشاان كذا حمد: روحي ولا انت الخسرانه<< واشر على جيبه فهده صدقت وراحت فتح الباب: نهى انزلي قبل ماتجي فهده نهى:طيب <<وهي تقول بنفسها انزل كذا من دون عبايه وش هالمصيبه وكلت امرها لله لانها مضطره ونزلت وركضت تبي تروح جت فهده:خذ حمد و شرب منه شوي ورجعه فهده:الحين كل ها الصيحه عشان رشفه اه يا القهر اخلص وش تبي حمد: انقطع سرحانه وابتلش وقالها: دقيقه وراح للسياره وخذا شريط لعبد العزيز وعطاه اياه وقال: هذا اهدا لكم خذوه وشغلوه فهده بكل استغراب:طيب وطلع وشغل الراديو و طلعت اغنيه من فينا هالليله ينام والشوق صاحي ماينام كل من فينا حبيبي شايل بقلبه ملاااام من فينا هالليله ينام ــــــــــــــــــــــــــــــــــــــــــــــــــ ودخلت فهده:هاست نهى وينك نهى :وين يعني هنا فهده:هين حسابك بعديين<<وتلتفت على رهف:شغلي هذا شريط جايبه حمد يقول اسمعوه وشغلوه البداايه كانت هدؤ مافي شي وبعدين سعود يغني مقطع من اغنيه خالد عبد اللرحمن حبيبي اسف ازعجتك*حلو صوتك قبل ماتنام *سمعته وانشرح صدري *وكني شفتك بعيني وبعدين بدا هو ونواف يستهبلون ضحك وازعاج والبنات ماقصروا فقعوها ضحكه عليهم العنود:والله حراام صوته حلو بس نواف ها دعله ما يخلي احد من شره مخرب كلش ندى:حرام عليك بس عشانه يغايضك تقولين كذا وقاطعهم دخول نسايم اللي كانت سرحانه مووول وكملوا البنات سوالف وضحك وهم راجعين ام فهد: هاه وش اخبار عيال عمك فهد: بخير بس هذا حمد قاهرني اول مجلسنا راح وبعدين رجع ولا كانه معنا ونهى كنت ذابه اذنها ياحليله الله يجزاه خير<<طبعا هذا كله بنفسها ــــــــــــــــــــــــــــــــــــــــــــــــــ ووصلوا كل وحده راحت للغرفتها نهى مانامت تفكر بلي صار و حمد بعد ولا واحد منهم نايم فيه شخص ثالث يشاركهم اللي هي نسايم تبون تعرفون ليش؟ وهي بل عزيمه نادتها عمتها لطيفه وقالت لها عن موضوع مهم بحياه كل بنت طبعا عرفتوه الزواج وقالت لها انها تباها لولدها نايف اللي عنده عقده من الزواج بس نسايم ماتدري عن هالشي ومافاتحت احد بالموضوع غيرها لانها ماتبي تضغط على البنت لان ابوها مستحيل يرد ولد اخته وهي ماتبي البنت تنغصب عليه وقالت لها اذا كانت موافقه او لا هذا مستحيل يغير شي بينهم واذا كانت تبي ترد عليها تتصل عليهم. نسايم تفكر كل شي بولد عمتها مناسب الا شي واحد ان اخوه راشد اصغر منه متزوج وكان كل يقولها وافقي الا قلبها كان يقول ارفضي واذن فجر وهي على افكارها تعوذت من ابليس وصلت ونامت. نهاية البارت الاسئلة : تتوقعون وش بيصير على نهى وحمد ؟ ونسايم وش بترد وهل بتلقى احد يطلعها ن دوامه التفكير؟ واحداث كثيره وتطورات كبيره كلها بتكون بالجزء الثاني |
:besm8dg4: السلام أولاً ثانياً:مايصير كذا 66مشاهدة مافي واحد كلف عمره يقول مشكور كمل الظاهر كنت غلطان يوم فكرت أشارك بهالمنتدى |
يووووه ولايهمك ياخوي
إذا بتكملها مشكور وإذا لا هم مشكوور بعـد :) |
عاشق السراب ما عليش أصبر شوي لأن الأجزاء الي نزلت لس قليلها ما راح تحصل التفاعل المطلوب
عموما مشكور:Thanx: |
ياليت
ياليت ياليت تكملها ؟ أنتظر بفارغ الصبر.. وشكلها خطييره وشي . . مشكووور لجلبك الرائع ولا تنسى تنزل الباقي.. . . أختكم.. السحابة.. |
فددددددددديتك لاتزعل وخليك كريم وحنا نستاهل وبليييييييييييز عاد لاتغلى لان القصه ونااسه مرررررررررررررررة وحمااس وشكلها يجنن يالله عاد خلك بطل وكمللللللللللها يوم انها كامله وبلييز لاتثقيل مثل الباقيين يطق فينا عررق وهم ماكملوها ومايروح فيها الا حنا واعصااابنا.....بلييز تكفى كملها ومشكوووور على القصه وصدق شكل ذووقك حلوو بالقصص يالله عاد هذا انا مدحتك وش تبي اكثر ههههههههههههه يعطيك الف عافيه
|
مشكوريييييييييين على مروركم الغالي
معليشششششششش يعني راد بالجملة لأن النت عندي أحياناً يعلق عشان كذا رديت مرة وحدة مشششششششششششكووووووووووورييييييييييييين مرو ثانية على الردود الروعة |
البارت الثاني مر اسبوع ومافي تغيرات وفي الجامعه: رنا:هاه نسايم وش صار عليك نسايم:ولا شي من تفكير عميق الى اعمق رنا: طيب حسب كلامك ان كل شيok نسايم: والله مادري حالتي حاله ولا قدر اخذ راي احد رنا: افا مامليت عينك طيب نسايم:لا والله بس تعرفين انك مثلي وانامحتاره رنا:طيب صليتي استخاره نسايم:ايه بس ماحسيت بشي غاده وهي توها جايه:وش توك اللي ماحسيتي فيه لا يكون انا خلاص روحي انت طالق بثلاثه(وسوت نفسها بتروح) رنا:اقول يا الدجه ارجعي واعرفي السالفه و يصير خير غاده: لايكون بتسرقون بنك ترى انا وياكم نسايم: ليته كان مخلصين من زمان غاده و الاهتمام واضح على على شكلها: وشو اكيد بتسرقين دوله نسايم+رنا:هههههههههههههههههه رنا: لا هذا فيه واحد خاطب نسايم و صار لها اسبوع ماردت غاده: اسبوع كامل الله الله وللحين ينتظرك نسايم ماعرفت ترد رنا: اقول بنات باي هذا سواق جا وانت يا نسايم اي شي جديد خبريني نسايم: ان شاء الله باي ــــــــــــــــــــــــــــــــــــــــــــــــــــــــــــ ـــــــــــــــــــــ رنا هذي صديقه نسايم الروح بالروح من الابتدائي هم و يا بعض اما غاده تعرفوا عليها بالجامعه ودخلت معاهم في الجو لانها طيبه و حبوبه و تنحب ــــــــــــــــــــــــــــــــــــــــــــــــــــــــــــ ـــــــــــــــ سرحت نسايم شوي وقعدت تفكر بحالتها و بعد شوي هزت راسها تبي تبعد الافكار عن راسها والتفتت على غاده و انصدمت بشكل غاده وهي تبكي و ماسكه شنطتها مثل الطفل الصغير اللي يخاف لعبته تضيع منه نسايم: غاده اسم الله عليك وش فيك غاده:ــ ــ ــ ـــ لارد نسايم :غاده توك وش زينك وش صار لك غاده و هي تمسح دموعها : ولا شي بس تذكرت شي نسايم و بعيونها نظره ترجي: ممكن اعرف وش هو غادهـ:ـ ـ ـ ـ ـ ـ بعد لحظات صمت قالت:مثل ماتعرفين يا نسايم ان ابوي متوفي وانا عشت عند امي وخالي وعمي محيرني لولده اللي صايع وضايع ومافي منه امل وانا مربوط مصيري به ولما اشوف بنت زيك كذا تفكر اتمنى اكون مكانها موب وحده رايها مايقدم ولا يااخر واحمدي ربك اذا كان اللي متقدم لك واحد اخلاقه عاليه ومتربي صح وماعنده خرابيط هذي اليومين وسكتت ونزلت منها كم دمعه. نسايم:معليش كل الشباب كذا بس اذا جا وقت الجد يصيرون احسن الرجال غاده: بخيبه امل مااظن نسايم حست انها في نعمه عظيمه وشكرت باعماقها عمتها اللي مادخلت الرؤوس الكبار بالموضوع والا غصبوها نسايم: خلاص مو انتي دايم تقولين هونيها وتهون غاده ضحكت من بين دموعها نسايم وهي التطالع الساعه : يييووووه تاخرت يالله غاده: على ايش نسايم: على البنك بروح اسرقه قبل مايقفل غاده:هههههههههههههه نسايم: يله مع السلامه وخلي بالك من نفسك وارمي كل شي ورا ظهرك ــــــــــــــــــــــــــــــــــــــــــــــــــــــــــــ ـــــــــــــــــــــــــــــــ راحت ركبت السياره وهي تفكر بحال صديقتها الغاليه ودخلت من دون ماتقول اي حرف فهد: هيييه نحن هنا نسايم: نعم وش تبي فهد: لا شكل الاخلاق خربانه اليوم نسايم :اخلص والله فيني النوم فهد: تجهزي للقنبله نسايم بكل ملل: وشو فهد: بنجيب نهى نسايم: لالالا خلاص انا بنوم العصر بسياره معروف عن نهى انها اذا كانت بترجع معها فهده تتاخر عليهم لانهم بيسكتون وينطمون فهد: اليوم ثلاثاء و بتجي فهده وتكمل المصخره نسايم: الله يعيني ع الانتظار ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــ وصلوا للمدرسه ونادوت الين ملوا بس للاسف لاحياه لمن تنادي وطفش وحر وظهر زحمه يعني كل واحد موصل حده جت نهى ومعها فهده: انتوا للحين هنا فهد: لا هناك اركبي لا اخلي هالنعله تحوس بوجهك وركبوا فهده: سلام عليكم فهد+نسايم: وعليكم السلام وصلوا البيت وكلهم تعبانين ماعدا فهده و نهى وطيران رقوا لغرفه ندى لان دوامها يبدى الساعه يبدا سبع و يخلص عشر و دخلوا الغرفه ندى قومي وجع وقاموا يحوسون بالغرفه حاسوا اغراضها ازعجوها في النهايه نهى عطت فهده نظره خبيثه وضحكوا راحوا للمسجل وطولوا على اخر شي وبعدين حطت كست نوال زغبي وقوم البيت كله وندى المسكينه من الحمق قامت تطقهم ودخلوا في معركه كبيييره ودخل فهد عليهم: وهو ناسي ان فهده موجوده وفقعها ضحكه وطلع لان اصلا اشكالهم مب باينه كلهم ع السرير و يطاقون فهو المسكين لمادخل ماشاف الا كشش ومصارخ ونزل تحت لحمد لانه عازمه على الغدا حمد بقلق مصطنع : هاه وش صار فهد: ابدا ولا شي قامت الحرب بين السعلوتين نهى وفهده على الخنفساء ندى حمد لما سمع طاري نهى فز قلبه قال يمكن الحين طقوها مسكينه راحمها من جد<< مايدري انها كفختهم ابو فهد: والله مسيكينه هالندى ماتستانس بها اليوم الخفيف الا ونهى مخربته فهد: لا و اللعانه انه نهى وفهده من النجاسه ماخلوا جيتهم الاربعاء لا الثلاثاء بس يزعجونها حمد: فهد رحف كهم حراام فهد: نعم ....... الظاهر انك مستغني عني حمد وهو مستغرب: ليش فهد: مره دخلت ونهى وندى يتطاقون ورحت بفكهم مسوي كبير اسدحوني وقعدوا يتطاقون فوقي والله لو زوليه رحموها اكثر حمد وهي طايره عيونه: وانا قول فهده من وين جايبه حركات طقاق ابو فهد: يالله تعالو نتغدى فهد: حيااك ودخلوا يتغدون وصلت نسايم من الجامعه وهي تقريبا اخذت قرارها ودخلت سلمت و صعدت فوق و قالت انها بتدق على عمتها اذا صحت ــــــــــــــــــــــــــــــــــــــــــــــــــــــــــــ ــــــــــــ نهى وفهده: جالسين يلعبون بليستيشن وماخذين الراحه دخل ابو فهد: هاه بناتي شخباركم فهده: طيبه ابو فهد : دووم ان شاء الله فهده+نهى :اامين بوجودك قال: عندي لكم خبر ان شاء الله يعجبكم فهده ونهى قربوا من الشوق ابوفهد: تبون تعرفون نهى : يبه هذي يبيلها سؤال ابوفهد:بعد اسبوعين خالكم سعد بيسوووي عزيمه بمزرعته وانتوا اول الحاضرين نهى+فهده: التفتوا على بعض و مره وحده ضحكوا من الوناسه نهى: يبه لازم نروح للسوق ابو فهد: ان شاءالله فهده: خلاص نهى بكره نرجع مع بعض من المدرسه نبدل وبعدين نطلع نتغدى ونتشرى نهى: هاه يبه وش رايك ابوفهد: احلفي بس من بيررروح وياكم نهى : ناخذ فهد و فهده كملت : و حمد ابو فهد: خلااااااص ــــــــــــــــــــــــــــــــــــــــــــــــــــــــــــ ـــــــــ و مر اليوم عادي و راحوا للمدرسه وهم طالعين كانوا راكبين مع السواق وصلوا للبيت وكان فهد توه واصل وكان لابس نظارات شمسيه و يوم شافهم نزل النظاره فهد: احلفوا اتنوا بس فهده+نهى: اييييش فهد :تقررون تاخذوني وتودوني وتجيبوني وانا اخر من يعلم نهى: الله يقطع ابليسك موقفنا بالشمس عشان تقول كذا احسب عندك سالفه و دخلت و سفهته اما فهده قالت:فهد خلك فري وتعال معنا عاد انا عازمتك على حسابي فهد: اقول ادخلي ناقصين مجنن يصيعون مع عيال عمهم دخلت و هي تضحك و فهد ما استغرب من ميانتها لانها متربيه معاه وكل شي بينهم عادي وهي بالعربي الفصيح ما تستحي منه وراحوا بدلوا وكان حمد و فهد متفقين يسوون مقلب بالمهابيل دخلت فهده وقالت فهده:ماي برذر ار يو هير حمد:نو اي ام ان قوطي ببسي فهد فقعها ضحكه: وش هالانجليزي المكسر نهى وهي داخله: وت ايز سالفه حمد: هاه الله و اعلم من اللي انجليزيته مكسره و نهى ماتت حيا منه فهده :يالله يالحبيب حم السياره ورانا مشاوير حمد: اقول تقلعي سواق ابوك مانيب رايح للشيء فهده: مب لازم يالله فهد مشينا فهد: لاكون اخوك ضايع و انا مادري ولا زوجك يوم جالسه تطررين قالها بطنازه رفعت ضغط نهى نهى: اصصص بتودونا ولا بطقاق هي مذله فهد+حمد:لالالالالالالا قالوها بطريقه تستفز قامت نهى وقالت:مع السلامه وفهده راحت وراها: بااااااااي شباب وفهد وحمد: ضحكوا لان خطتهم انجحت وثواني ورجعوا البنات و معهم ندى : تششششااااااااو ياحلوين وحمد: لا على وين ندى قبل ماتدخل ماخذت جلال لبست عبايتها من جوا ندى:بنروح للسوق وهي تكلم نهى: قلتي للسواق يشغل سياره فهد: لا من سمحلكم ندى: انت عليت بهم ماودك توديهم فانا رحمتهم وقلت لامي وافقت نروح لاننا صبح فهد+ حمد:لااجل بنروح معكم<<< خربت الخطه هم كانو مأملين بترجي وشي من هذا ندى: منب رايحين وانتم معنا يله باي وطلعوا وماخلوا لهم مجال اما حمد تحسف لانه طاوع فهد ولانه ضيع فرصه يملي عينه من عيون نهى بس للاسف ماقدر وجلسوا شوي يسولفون وتغدى حمد بعدين طلع منهم راح لصديق عمره يوسف وقاله كل صار يوسف:تستاهل من قالك تبيزر حمد:حرام عليك ياشيخ لا تزيد همي الله يعافيك يسف: الله والهم لو انك خسران حلالك كان قلنا حمد: اقول باي بروح انا يوسف: فمان الله ولا تنسى تحلم فيها حمد: اقول ورى ما تسكت وراح ولاعبره ويوسف يضحك ــــــــــــــــــــــــــــــــــــــــــــــــــــــــــــ ـــــــــــــــــــــــــ كانت ماسكه التلفون و يدها ترتجف وحالتها حاله ودقت الرقم المتصل: الو نايف: الو المتصل:السلام عليكم نايف : وعليكم السلام المتصل: ممكن اكلم ---------- نهاية البارت الاسئلة: تتوقعون من المتصل ووايش يبي؟ وش بيصير على نهى وفهده بالسوق؟ وحمد وشلون بيلقى حل يعوض خسارته بشوفه حبيبته؟ ونسايم وش بتكون اخر التطورات على خطبتها؟ كل هذا بنعرفه بالبارت الجاي أتمنى ردود تشجع وتفرح راح انزل البارت الثالث بس على شرط انكم تردووون وترودن على الاسئلة |
هذا يسمووونه تعذيب بالقطاارة يعني حرام عليك اذا القصه كامله نززل اكثر من بارت واذا تبي تطيب خاطرنا نزلها كاامله ويعطيك الف عاافيه ولاتغلى من تغلى تخلى ههههههههههه مشكوور مرة ثانيه
|
وااااااااااااااااااو
روعه بس... ياليت تنزلها كامله ياليت ومشكوووووووور ربي يعطيك العافيه |
تنقل المشاركة للأرشيف |
| الساعة الآن 01:31 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية