|
يللا حالا بالا حيوا ابو الفصاد !!
انا عارف انى باكتب مشاركة مخالفة للقوانين
لكن 00 والنبى تسيبوها شوية علشان خاطرى اخوتى وابنائى وبناتى رواد قسم الروايات العالمية 00 قفوا جميعا 000 وح نهتف جميعا يللا حالا بالا حيوا ابو الفصاد 0000 عيد ميلاده الليلة اجمل الاعياد حيوا ابو الفصاد 00 وابو الفصاد ده يبقى استاذنا المحترم ابراهيم الشهير بملولى الذى لم يجد يوما ليولد فيه الا يوم عيد العمال وعيد الاممية الدولية !! شيوعى من يومه كل سنة وانت طيب ياابراهيم واعواما مديده سعيدة مليئة بالحب والعطاء وممكن احط كتاب فى المشاركة علشان ماتمسحهاش بس انت مش ح تقدر تمسحها والا ح اشتكيك للادارة بتهمة استغلال السلطة !! يارب دايما منور ياابراهيم 000 ولك ياعم عندى تورتاية كبيرة قوى بس انت مش قلت كام شمعه !! تفتكر نحط 100 وللا 200 كفاية ؟؟ عموما انت تستاهل 500 مش خسارة فيك !! ياجماعة كلكم مغزومين الليلة عند ابراهيم وهو ح يقدم تورتايه عيد ميلاده غصب عنه لكل الاحبة ولازم يحلى بقنا كلنا بحاجة حرشه من حاجاته الجميلة 00 مش كده ياابراهيم ؟؟ عيد ميلاد سعيد ابا خليل 000 ياايها الامازيغى الجميل وايضا اقدم رسالة حب وتقدير لاخونا مصطفى على التحية الرائعة ( اللى مش ح اقول عليها احسن يضربنى !!) واقدر تمام التقدير حسن تفهمه لطلبى 000 ياجماعة فين ابو علاء 00 امال مين اللى حي يطفى الشمع معانا 00 لا ماليكش حق ياابو علاء لازم تيجى وتقدم هديه فى عيد ميلاد ابراهيم ولا ننسى ابدا حبيبة القلوب الساحرة نوارة المنتدى ليلاس كله 00 فرفوشة 00 عسولة 00بنت الجنوب الجميلة -- يارب يتمم ليكى الشفا وتيجى جرى وتقدمى هديتك لابراهيم يارب يامنال00 والله اشتقنا ليكى كتير يابنتى بس ربنا كبير وح يجبر خاطرنا بشفائك قولوا يارب !! محمد جلال |
عيد ميلاد سعيد وكل سنة وأنت بألف خير يا براهيم
وشكرا لجلال ، لست أجد أجمل من تعبيره لنقل التقدير والاحترام لمشرف هذا المنتدى ولجهوده الجبارة في خدمة القراءة والقراء كل عام و أنت أمير للكتاب وأهله يا ملولي |
اقتباس:
يااستاذ مصطفى 00 مشكور على المرور والتحية --- بس انا لى اعتراض !! ازاى تقلد ابراهيم امارة الكتاب واهله كمان من غير استفتاء !! وبعدين فين الديمقراطية ؟؟ هو ملولى مش امير للكتاب ولا لاهله بالعند فيك ملولى قصدى ابراهيم امبراطور مملكة الكتاب واحنا صبيانه بس مش ملاحظ انه تقلان علينا ومش عاوز يعدى علشان مايعملش عيد ميلاد ويغرم حق تورته !! اظهر وبان عليك الامان ياابراهيم !! تم تم ولازم كل واحد من اللى موجودين النهارده ياخد حاجة حلوة من دولابك مفهوم وللا اسحب منك التاج تاج الجزيرة !! محمد جلال |
شكرا لك أخ جلال علي هذه الالتفاتة الطيبة
ونقول كل سنة وانت طيب أخ ابراهيم وأدخل الله عليك هذه السنة الجديدة باليمني والبركة وموفور الصحة والعافية . |
والله أكبر تكريم وأعظم هدية هو تذكركم الجميل لي. كما أتقدم بخالص التهنئة لكل عمال العالم في عيدهم السنوي الذي يصادف يوم ميلادي.. اسمحوا لي.. ففي مثل هذه المواقف لا أملك حرية التعبير والاستطراد لأن لغتي تنضب ولا أستطيع الرد بما هو أحسن.. |
عيد ميلاد سعيد اخونا ملولي
كل سنة وانت بالف خير وسلام يا ابراهيم :birthday:
ويا رب السنة اللي جاية نكون كلنا بخير وماليين :coolll: بالكتب ... والاهم بالحب والتفاهم وكل الشكر لعمنا صاحب الواجب :flowers2: :flowers2: :flowers2: |
اقتباس:
الراجل ده ماله ؟؟ نقول له كل سنه وانت طيب 000 يقول تحية للعمال فى عيدهم !! ياعم انت مالك ومال العمال ؟؟ ثم هم فيه العمال دول 00 ياعم الناس كلها بقت راسماليه والاممية كل سنه وانت طيب الله يخرب بيته جورباتشوف خربها وقعد على تلها 00 بس احنا مالناش دعو بالاممية والشيوعية والمخلل دا كله 00 احنا جينا نهنى ونقول كل سنة وانت طيب 000 يبقى ياحلو حضرتك تفتح المحفظة وتنزل تشترى طورطاية كبيرة وكام قزازة بيبسى ودستين شمع وتعمل عيد الميلاد 00 ال مش عارف يتكلم قال 0000 امال عمك مصطفى عينك امير للكتب ليه 000 ؟؟ انا اشجب انا اعترض --- لاملولى بعد اليوم !! الا لو جاب طورطة! كل سنه وانت طيب ابا خليل محمد جلال |
يا عم جلال مش كفاية أنه يوم عطلة رسمية.. ولهذا السبب على الأقل يستخق العمال التهنئة |
كل سنه و انت طيب يا ابراهيم باشا يا نصير العمال بس يرضيك كده بابا جلال يعزم الناس كلها علي التورته و يسبني علي العموم انا هاجي برضه و ممكن اعملوكوا صنيه بسبوسه
|
كل عام وأنت بخير جيبن عيد العمال له ؟؟.. شو حنا في انجلترى مشهور فية تون بلر الثاني رئيس حزب العمال |
كل عام و انت بخير يا اخ ابراهيم و ان شاء الله في خلال هذه السنة تتحقق كل أمنياتك و أحلامك |
اقتباس:
يازهرة النرجس حرام عليكى 00 مش كفاية انى نازل فى الراجل تيجى تكملى عليه !! طيب شوية حنيه باعتباره عيد ميلاده ؟؟ انتى عاوزاه يطفش ويقفل لنا الباب بالضبه والمفتاح 00 وياخد المفتاح معاه ؟؟ روحى هاتى صينية كنافة وتعالى واهو كلنا ح ناكل منها وبعدين ماتزعليش ملولى عندنا اهم من تونى بليز وللا مش واخده بالك ربنا يجعل كلامنا خفيف عليه فى يوم عيده قصدى عيد العمال محمد جلال |
اقتباس:
فاتني أن أضع النقط على الحروف اذا كان الأخ ملولي أمير للكتاب وأهله ، فأنت بدون مجاملة طبعا ، ملك للدعابة والمزحة وخفة الروح وأنا هنا لم أخلع لقب أمير على ملولي من تلقاء نفسي بل هو استحقاق حازه عن جدارة عبر عمل جاد طويل ومتواصل في خدمة الكتاب ثم أنني في الأخير أناشد أعضاء ليلاس أن يخلعوا على صديقنا جلال لقب الملك ملك للكلمة الطيبة ، وللدعابة الذكية والمستملحة المفعمة بالدلالات صدقني اذا قلت لك أنني لا أستطيع أن أرى مشاركة لك بدون أن أتابعها ، وأتابع كل ردودك التي تزرع فضاء ليلاس بعطور من المحبة و الود والبهجة أما فيما يخص عيد العمال فأعتقد أن هذه المناسبة لا زالت تحضى في المغرب باحتفاء خاص ، ولا زالت النقابات العمالية تشكل ثقلا وازنا في المشهد السياسي المغربي وتوازناته الدقيقة . ومن هنا يمكننا أن نفهم انشغال الأخ ملولي بالمناسبة بالرغم من أنها تتزامن مع تاريخ ميلاده طوبى لك جلال وطوبى لك يا ملولي وطوبى لجميع عمال العالم ( وأنا واحد منهم ) وأخيرا طوبى للكتاب |
الحق استخبى ياابراهيم 000 مرمر وصلت !!
بجد ياابراهيم 00 كلنا كوم 000 ومرمر لوحدها كوم !! هى اصلا جاية وطمعانة -- ايوه انا عارفها الامريكانية دى هى قالت ايه اللمة دى ؟؟ قالولها عيد ميلاد ابراهيم قالت لما ادخل فى الزحمة يمكن اعرف اهبش حاجة كده وللا كده يااخوانى00 احترسوا من مرمر واللى معاه حاجة يخبيها 00 دى مابترحمش روايات تاخد 00 فلسفة 00 دين 00 كتب اطفال 00 كتب طبيخ حتى الكتب الطبية مش عاتقاها يابارهيم يللا بسرعه قطع الطورطة وفرق الله يخليك قبل ماتطب علينا وللا اقولك 00 معلش غلبانه 00 خللى لها حته على جنب لما تيجى تاخدها على فكرة المشاركة دى000 ولكل الناس الحلوة اللى طرقعت عيارين فى الفرح انا ح احلى بقهم اخر الليلة بس اللى يصبر للاخر محمد جلال |
اقتباس:
ياناس الحقونى 00 انا باينى ضيعت نفسى 00 صاحب الدكان ركب حصانه ونازل يدافع عن ملولى !! الغوث الغوث ياعم مصطفى انا مش قدك بصراحة 00 وبصراحة انا باتكلم على جنب واطلع اجرى 000 واذا كنت غلطت كده وللا كده انت الكبير برضه وراسك ابوسها وبعدين موضوع المملكة ده نتكلم فيه على جنب مش قدام الناس احسن تلاقى كام واحد طمعان فى الحكم يطخنى طلقة اروح فيها يبقى انت كسبت ايه ياعمونا !! انا نعملها بالليل والدنيا ضلمة 00 نرفع اعلام المملكة قبل ماالناس تعرف فيه ايه نكون راكبين ايه رايك ؟ عموما 00 انا فى خدمة الشعب وبرنامجى الانتخابى واضح ومحدد وصريح وحصرى وانفرادى كل كتبى ملك للشعب واولهم ملولى 00 ياعم مصطفى انا جاى ومعاى طورطاية ح تطردنى من الفرح وللا ايه ده حتى مايصحش؟؟ وربنا يجعل بيت المحسنين عمار وبعدين ايه اللى ودى المشاركة فى منتدى التهانى ؟؟ انا قلت ح احط كتاب هدية لعيد ميلاد ابراهيم 00 وعاوز المشاركة تفضل فى منتدى الروايات العالمية غصبا عن ملولى انا لسه لم استخدم سلطاتى كملك 00 فارجوك ياابراهيم لاتجبرنى على الصعود الى سطح القصر وانده على مسرور السياف يامســـــرور 000 وللا بلاش الطيب احسن 00 ح ترجع المشاركة مش كده ؟ علشان واحنا بنطفى الشمع احط لك كتاب هدية عيد ميلادك وعيد العمال كمان علشان عمونا مصطفى مايزعلش محمد جلال |
اقتباس:
هدية عيد ميلادك ياابراهيم 000 وعلشان المشاركة ترجع تانى لمنتدى الروايات العالمية وخوفا منك يامرمر 00 للكاتب الكبير 0000 اناتول فرانس الرائعة تاييس فاتنة الاسكندرية http://www.4shared.com/file/14927030/822acf2a/___.html وعلى التثبيت ياابراهيم عدل احسن اسحب سفيرى من المغرب واقطع العلاقات الدبلوماسية والكتبية واسحب السفير كمان تثبيت تثبيت تثبيت كل سنة وانت طيب ياابراهيم وكل اهل المغرب الحبيب بخير 000 احلى ناس فى امتنا العربية وتهنئة لكل عمال العالم اللى الانسان يتشرف يكون واحد منهم ودمعة على ثورة اكتوبر لكن بكره ح يكون احسن باذن الله محمد جلال |
اقتباس:
أناتول فرانس هذا كاتب كبير.. قرأت له من قبل "الآلهة عطشى" و"الزبقة احمراء"، وهما موجودتان في القسم على ما أظن.. كلي امتنان على حسن اختيارك وذوقك الرفيع |
كل سنة وأنت جميل
|
اقتباس:
كنافففففففففففففففففففففة واف هنا:57: حوديييييييييييييييييييييييك في دايييييييييييييييية |
الف مبروك لاخونا ملولي
و كمان لكل العمال اللي لولاهم ما كناش تمتعنا بيوم عطله ههههههههههه(عطله رسميه عندنا) و التورته على حسابيhttp://images.imagehotel.net/3ec31e756f.jpg |
رجاء حار الى مشرف منتدى التهنئة والاهداءات ==
اخى مشر ف هذا المنتدى الجميل توجد مشاركة لى باسم يللا حالا بالا هنوا ابو الفصاد بمناسبة عيد ميلاد ملولى مشرف منتدى الروايات العالمية ---- وقد وضعت فى المشاركة كتاب للاعضاء المشاركين فى منتدى الروايات العالمية --- الا ان الاخ ملولى بحساسيته الزائدة قام بتحويل المشاركة الى منتداكم هذا باعتبار انها تهنئة وق تسمحوا لى ان اعارضه فى ذلك رغم انه مشرف وانا حته عضو لاراح ولا جه الا ان المشاركة طالما بها كتاب فانها من حق منتداها الاصلى وهو الروايات العالمية ارجو والح فى الرجاء لاعادة المشاركة الى مكانها الطبيعى لان هناك الكثير من الاعضاء الذين يتلهفون على الكتاب الذى تم وضعه بالمشاركة شاكرا ومهنئا وسعيدا بالاستجابة الى طلبى ارجو لكم دوام السعادة والتهانى محمد جلال ليلاس نشط |
لسى مصطفى وبكل الحب 00
سى مصطفى000 وللى مايعرفش 00 كلمة سى فى عرف اخواننا المغربة لقب احترام مثل السيد والله كلامكم جميل وحلو يااهل المغرب ياعمونا مصطفى 00 انا طالبت تدخلك شخصيا لاعادة هذه المشاركة الى منتدى الروايات العالمية كونها تحتوى على رواية من اعظم الروايات وحتى لاتحرم اعضاء المنتدى من هذه الرواية اقترح عليكم اعاده المشاركة كلها الى منتدى الرروايات العالمية 00 انا مجهز شوية حاجات ياسى مصطفى -- لكن حلوة بشكل بس مستنى المجاملة الجميلة من شخصكم الجميل لاعادة هذه المشاركة علشان الليلة تبقى جميلة والنبى ياسى مصطفى تحيات وتشكرات وحب واحترامات 000 لك ولكل الاخوة المشرفين على تعبهم الجامد معانا بس والنبى ياسى مصطفى ماتكسر خاطر الراجل العجوز الله لايسيسئك محمد جلال |
الشكر الواجب00
تم بحمد الله استجابه الادارة لطلبنا واعيدت المشاركة سالمة غانمة الى ارض الوطن مبروك عليك ياملولى 000 مبروك عليكم يااعضاء الكتاب الجميل الله والكون عارفين لو مالقيتش 999340 مشاركة ح اعمل ايه ؟؟ ح اقول للادارة ترجع المشاركة للتهانى تانى وعنكوا ماقريتوا 11 شكرا للادارة بجد بجد حسن التفهم وسرعة الاستجابة ونحن نتمنى ان نكون ملتزمين بالقواعد والقوانين مثل اخونا ملولى اللى بييجى دايمامتاخر !! تحياتى واحتراماتى محمد جلال |
ان شاء الله العمر كله ومليون مبروك لك وللكادحين
|
ياعم جلال انا كان لي طلب عندك ممكن رواية نهاية فوستا لميشال زيفاكو وهذا من ثقتي بحضرتك وبجميع الاخوه بعدم التقصير والف شكر
|
اووووووو محتلفين بعيدميلاد ابراهيم بدوني له له كل عام وانت بالف خير ابراهيم باذن الله بتطفي شمعة فوق الكيكة وبتضوي الف شمعة بحياتك عقبال 100 شمعة |
| الساعة الآن 03:59 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية