|
تخيل انك رئيس جمهورية؟؟!!!!
تعالى نتخيل
يا عم انت حتدفع حاجة من جيبك ؟ الحلم ده على حسابى غمض عينيك شوية واحلم انك بقيت رئيس البلاد متقولش ازاى .. مش مهم زورت الانتخابات ... او قلت للناس انتخبونى احسن ارمى نفسى من فوق البرج فصعبت عليهم قاموا انتخبوك .. او يكون لك واحد صاحبك امريكاوى بتكلمه على الياهوو وقال لبوش انك ولد مجدع ورجولة وكفاءة وانك من بتوع العولمة والعوالم والنظام العالمى الجديد لنج .. ومش من اللى بيصلوا الفجر جماعة ... فوافق بوش انك تقعد على ... الكرسى المهم انك بقيت دلوقتى رئيس البلاد مين قدك يا عم حتاكل طعمية مقلية بزيت فرنساوى وربنا حيتوب عليك من طعمية ""بوتو"" :You-make- المقلية بزيت العربيات وحتتعالج من انيميا الفول .. الفول الجديد بقه يا عم من غير سوس وابقى قابلنى لو لقيت اى مسمار فى العيش ... حتاكل عيش من ابو الرغيف بربع جنيه ... سخن وطازة وطرى .. تخيل .. طرى مش زى العيش اللى انت كنت بتاكله وانت بتشرب كباية ميه ورا كل لقمة علشان تنزل لا لا العيش ابو شلن ده اللى انت كنت بتجيبه من الفرن وعقبال متوصل بيه البيت يسلجم ويقفع ويعرقص ... وتعاقب عليه دوليا لأنه اصبح من اسلحة الدمار الشامل ... لا انسى الكلام ده خالص الاوضاع حتتغير خالص ياعم ... دا انت ربنا حيكرمك خالص والله العظيم طب بص دى ... حتاكل لحمة... متبرقش اوى كدة ... مش عارف يعنى ايه لحمة؟ ( هم حيقولولك ) وبعدين انته مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كدة من السودان واثيوبيا آه فاكر ؟ اهى هى دى اللحمة لا لا مش اللى انته كنت بتاكلها فى العيد ، بتاعت العيد دى اسمها كرشة ... متفضحناش بقه الله يسترك وحيبقى فيه كنتاكى .. متسألش .. دى فراخ يعنى حتودع عم لطفى الفرارجى اللى كان بيعين لك رجلين الفراخ وانته كنت بتقول له عشان الكلب وكان ساعات يفوت لك حتتين قنصة على حتتين كبدة من بتوع الزباين اللى بيستحموا بصابون اجنبى وحتشرب السيجارة كلها مرة واحدة .. يعنى مفيش تخميس وبعدين دى سجاير ستراكى سترايك من بتاعت الست مارى منيب .. جو تانى بس لما يخدوك علشان تحلف اليمين ياعم دا غير يمين الطلاق اللى انته مصدره فى كل حدوتة تحكيها اصحى معايا الله ينجيك لما تروح تحلف اليمين اوعى تروح بالبدلة بتاعت جوازك .. انته عارف ... دى بقت مكيفة الهواء من كل ناحية .. العربى جوز ام بطة عنده بدلة اخوه باعتهاله من بلاد بره ابقى استلفها منه وإقضى مصلحتك وبعدين رجعهاله ... ماهى الجيران لبعضها امال ايه ورجاء شخصي متروحش بالجزمة بتاعتك ... عشان خاطرى ابقى اشتريلك جوز جزمة من بيع المصنوعات دى رخيصة هناك .... لأن الحدوة اللى انته مركبها فى كعب الجزمة بتعمل صوت .... قلق برضه .. وبعدين ممكن الجهاز يصفر عليك تبقى حكاية .. فاهم ؟ اول يوم بس وبعدين همه بعد كدة حيتصرفولك فى جوزين جزم مستوردين عشان تقابل بيهم اصحابك بتوع الدول التانية وحتنام على سرير عليه مراتب .. المراتب دى بقه جواها قطن ... ايوة قطن ... والله العظيم قطن .. ايوه تمام زى القطن اللى انته جبته من الاجزخانة للوله حودة ابنك لما الواد شحته ابن ام بيسة لزقه بالطوبة فى نافوخه فتحهاله وجريت بيه على المستشفى قالولك هات لنا قطن وشاش وميكروكروم وصبغة يود وبلاستر وسرنجة وحقنة تيتانوس وكيس دم واقطع تذكرة بخمسة جنيه من شباك العلاج المجانى .... ايوه هو ده القطن .. فهمت ؟ حتحلم احلام نضيفة على السرير دا يا عم الحاج افرد طولك ... متخافش رجليك مش حتطلع برة الاوضة .... انته مش فى بيتكم دلوقتى .. افرد افرد ... غمض عينيك كده .. غمض ايه؟ ... انت نمت ؟ اصحى يا عم ... اصحى ... الباب بيخبط ... الحق .. موظفين الكهربا على الباب ... الحق دول جايين يشيلوا العداد علشان بقالك 3 شهور مدفعتش الفاتورة |
حلوة و جاااااااااااااااااااااااااااااااااااااااااااااامدة جدا
|
ياااااااااااااااسلام هى الاحلام بفلوس ههههههههههه
اللهم اجله خير هههههههههههههههههه شكراااااا ياسووووووووو |
بيبو
هههههههههه
مشكوره ياسو |
ههههههههههههههههههههههههههههههههه
احلم اصل الحلم ببلاش ياريت كان بنباع في الصيدليات حبوب الحلم تخلي الانسان ينسى الواقع |
ههههههههههههه هههههههههههه ههههههههههههههههههه هههههههههههههههههههه
وده حلم ايده الى يوادى الواحد فى داهيه انت مش خايفه من اخوانا اياهم الى بيطلعو فى الضلمه ياخدوكى خافى على نفسك ههههههههههه ربنا يجعل كلمنا خفيف عليهم ههههههههههههه :55: :55: :55: :rdd12zp1: |
لا لا بلاش رئاسة الجمهوريه انا راضيه برئاسة الوزرا اهى حاجه على مقاسى
ههههههههه الف شكر |
والله تستهليها يا أحلى هند
|
ندا حبيبتى يارب تحلمى حلم زى ده
|
سما القلوب والله يا حبيبتى نورتى وشكرا على النصيحة
لكن مصر فعلا فيها ديمقراطية وكل واحد يقدر يقول اللى هو عاوزه بدون خوف صدقينى |
شكرا يا كابتن بيبو على مرورك
|
شرفتى ساد جيرل والله بفرح بمرورك
|
لا لا بلاش رئاسة الجمهوريه انا راضيه برئاسة الوزرا اهى حاجه على مقاسى
ههههههههه الف شكر ههههههههههههههههههههههههههههه بس رئاسة الوزراء ياهند ليه التواضع ده يا بنتي ياسو ممكن سوال ليه انت كاتبة مصر _فلسطين انت منين بالضبط مع انه التنتين غليين على قلبي |
فلسطينية مقيمة فى مصر |
بجد طيب انت من فين بالضبط بفلسطين ؟
وسوال تاني عشان انا فضولية ياسو انت عندك جنسية فلسطينية ولا لا ؟ وكمان سوال عشان خاطري انت مقيمة فين بمصر ؟ اكيد راح تقولي عنى اني فضولية لكن انا بحب ارتبط بالفلسطنين على النت مش كفاية انا مشتتين بالعالم |
| الساعة الآن 02:17 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية