مازلت..
فكره حلوه اوى انى اكتب اللى حاسه بيه و ابقى عارفه ان ف حد ممكن يقرى الكلام ده
رغم وجود صحابى واهلى حاسه بوحده فظيعه ماعرفش الوحده دى بدأت معايا امتى بس من فتره طويله لدرجه انى مش فاكره |
رد: مازلت..
مقهوره
موجوده مجروحه كل الكلمات دى بتعبر عنى بجد تعبانه نفسيا مع ان حياتى ماشيه للافضل بس بجد ف حاجات مؤثره بتحصل ف حياتى تخلينى احس بده |
رد: مازلت..
اول حاجه حصلت ف حياتى تخلينى مضايقه انى حبيبت واحد ماحبنيش
صغيره!! عارفه بس متاكده انه حقيقى مفيش حب وهمى بيفضل سنين مازلت مستنيه انه يجى يقولى بحبك مع انى هارفض الرجوع عشان ارضى غرورى ..يمكن |
رد: مازلت..
اكتر حاجه مخليانى مقهوره بجد
موت بابا ..رحمه الله عليه مبسوطه عشانه كان تعبان اوى ف الاخر حاسه انها نهايه حلوه كان بيصلى و يصوم كان متدين جدا بس زعلى ع فراقه مات قبل ما اقرب منه كنت دايما بعيده عنه مرضه و موته جيه فجأه ف اقلل من اسبوع لقيت نفسى من غير اب موجعه جدا عدم وجوده حاجه لسه ماتعودتش عليها ...ولا هاتعود حاسه انى محطمه نفسيا حاسه بعدم اتزان ف حياتى حاسه كانى كنت بلف وفجأه وبطلت حاسه انى هافضل ف الاحساس ده كتير |
رد: مازلت..
بدايتى مع القرايه كانت مع ماما وانا صغيره كنت بلاقيها ع طول بتقرى عبير, انيس منصور , فتحى ابو الفضل
بابا كنت بلاقيه بيقرى كتب لعباس العقاد ,طه حسين عمرى انا وبابا ما اتفقنا ع كتاب ماما كانت دايما تحكيى قصص وانا صغيره وكانت بتعجبنى اوى عشان كده حسيت انى عايزه اقرى كل حاجه بتقراها اول كتاب قريته كان الغاز للمغامرين الخمسه كان اسمها البصمه السوداء كانت 128 صفحه فضلت فيها اسبوع ههههههه بس كانت جميله بجد انا فاكراها بس بعد فتره بدأت تمردى ع الالغاز بسبب انى لقيت ماما و اختى بيقروا عبير و انا بس اللى الغاز ماما وعدتنى انى هاقراها ف تالته اعدادى ف اخر يوم امتحانات ف تانيه اعدادى قريت اول قصه كان اسمها الفخ رائعه جدا |
رد: مازلت..
من عيوبى العصبيه والتسرع
من مميزاتى بيقولوا الطيبه كان عندى اب حنون الله يرحمه وعندى ام طيبه لابعد الحدود ربنا يخليهالى عندى اخت بالدنيا كلها ربنا مايحرمنيش منها |
رد: مازلت..
امبارح كان اول يوم ليا ف الكليه
لفيت كل حته فيها لغايه اما وصلت اخيرا كانت ماده اسمها تنظيم واداره مش فاكره حاجه فيها غير اسمها هههه مش عارفه اسم الدكتور ولا فهمت حاجه ...غالبا انا كنت داخله عامله حسابى مش هافهم فتحت الفيس وكلمت اختى وصحبتى ع الواتس ههههههههههه وسجلتلهم صوته هههههههه |
رد: مازلت..
كنت بكتب هنا وانا بسمع اغنيه بجد بعشها يا رب تعجبكوا
http://www.youtube.com/watch?v=Ri7-vnrJD3k |
رد: مازلت..
اول مره ادخل ف منتدى ليلاس كان عشان اقرى روايه خطوات متهوره
بس سجلت فيه عشان اكتب روايه القيد كنت ف اجازه الصيف اول مره اقول ده بس مش انا لوحدى اللى كتبتها ماما واختى ساعدونى كتير فيها هههههههههه كنت لسه بطيئه اوى ف الكتابه بس بجد حسيت بفخر اوى انى خلصتها |
رد: مازلت..
جالى برد اول ما قولت هاروح الكليه و بقيت انام اكتر و الفيس حاساه احلى كتير
ليه دايما كل حاجه حلوه بتيجى ف الدراسه بغض النظر عن البرد ده بس بجد لازم اتعب ف الدراسه الحمدلله انى مش بتعب ف الاجازه يعنى انا هاخرج و افتح نت ف الاجازه ولا اتعب ههههههههههه ماما بتقولى دلوقتى النوم هايبقى احلى معاكى عشان الدراسه... انا لمجرد انى بشوف الكتب ببقى عايزه انام المفروض ناخد مع الكتب منبهات عشان نقدر نصمد هههههه |
رد: مازلت..
سأل احدھم رجل مؤمن
آن کان ربک يرمينا بسھام القدر فکيف النجاة قال الرجل :کن بجوار الرامي لـ تنجوا |
رد: مازلت..
وَ أنتَ تَجُرُ خُطى آلرَّحِيل ؛ انتَظر قَليلآ
لَملمَ ذِكريآتك ثُم ارحَل خُذ إسمكَ عنْ لِسآنِي ثُم ارحَل إجمعْ ضِحكآتكَ / كَلمآتِكَ / دُموعكَ / جُنونكَ / ظُلمكَ / قَسوتكَ فَرحُكَ / طَرحُكَ / عِطركَ ثُمَ ارحَل إسرقْ عَينَآكَ مِن عَينآي ثُمَ ارحَل أعد لِي قَلبِي / روحِي / سَهري ثُمَ ارحَل رُدَّ لِي عُمري آلذِي إنقضَى ثُمَ ارحَل إسلَخْ نَفسَكَ مِني وَ إسلخنِي مِنكَ ثُم ارحَل ! |
رد: مازلت..
صباح الخير
فيروز عشق لا ينتهى ف نظرى مفيش اجمل من فيروز مع النسكافيه http://www.youtube.com/watch?v=rA20yj2FlTE |
رد: مازلت..
تظن بأنني قادرة علي أن أترك كل شئ خلفي وأن أمضي قدما
لكنني مازلت معلقة مازلت أتكئ علي جدارك الضبابي بانتظار أن تنزل سلالم النور إلي حيث لا أحتسب سلالم ترفعني إلي حيث لا أدري وتنتشلني من كل هذه اللجة.. قهرني هذا الحب قهرني لدرجة أنني لم أعد أفكر في شئ غيره أحببتك إلي درجة أنك كنت كل أحلامي .. لم أكن بحاجة لحلم آخر ..كنت الحلم الكبير, العظيم, الشهي, المطمئن..الذي لا يضاهيه في سموه ورفعته حلم أقاومك بضراوة ..أقاوم تخليك عني بعنف أحيانا وبضعف أحيانا أخري أقاوم رغبتك في أن تتركني لأنه لا قدرة لي علي أن أتقبل تركك إياي .. أصرخ في وجهك حينا.. وأبكي أمامك حينا آخر ومخالب الذل تنهش أعماقي .. مصلوب أنت في قلبي ..فرجل مثلك لايموت بتقليدية .. رجل مثلك يظل علي رؤوس الأشهاد لا ينسي ولا يرحل ولا يموت كباقي البشر |
رد: مازلت..
كتاب احببتك اكثر مما ينبغى من افضل الروايات اللى قريتها ف حياتى متهيألى مش هلاقى زيها
http://www.flickr.com/photos/wllo_h/6133740678/ عشان انا من مصر كان صعب اوى انى اجيبه حملته من ع النت استمتعت بيه جدا بس حبيته اكتر اما جيته حساه كنز عندى مش قادره استغنى عنه ابدا |
رد: مازلت..
لم ادرك الا الان انى ماكنت احبك
ولكن كنت اعشقك كنت اعشق كل تفاصيلك كلماتك ..تعبيراتك ضحكاتك لم يفوتنى شى غير.. ان اجعلك تحبنى اجعلك تعشقنى مثلما اعشقك كنت سأكتفى بحبك كنت سأكتفى باعجابك ولكن حتى هذا لم احصل عليه |
رد: مازلت..
دايما كنت بحلم ان ف ناس بتجرى ورايا بس ف حتت مش عرفاها وساعات كمان كنت بحس ان الارض بتقع
بس كنت بقدر امشى على الهوا كان نفسى اعرف بس متهيألى انى هاتقابلنى مشاكل وهاقدر اتغلب عليها (يا رب يكون كده) بس ف الاغلب اما بحلم ان ف حد بيجرى ورايا لازم يكون الشارع فاضى وكل المحلات مفتوح الباب بتاعها لنصها كل ما ادخل شارع مقفول بلاقى محل مفتوح و اول ما ادخله بشوف ماما قاعده واما ابص ورايا بلاقى الناس مشيت بس كنت برجع واطلع تانى وبلاقى ناس تانيه بتجرى ورايا واول ما ادخل محل الاقى ماما بتضحكلى وناس مشيت كان نفسى اعرف معناه ساعتها ... ع حسب اعتقادى الناس دول مشاكل ف حياتى ولمجرد ظهور ماما بتتحل او ماما نفسها اللى بتحلها حتى لو الحلم تفسيره مش صح بس ماما ف الحقيقه فعلا كده ماما عمرها ما خلت ف حياتى هم او مشكله ربنا يخليها ليا مش قادره اتخيل حياتى من غيرها هى واختى مهما كان ف حياتى مشكله حضن ماما بيحسسنى بامان مش طبيعى |
رد: مازلت..
عندى صاحبه بالدنيا كلها ربنا يخليهالى بجد كل يوم فعلا بحس انى احسنت اختيارى
عمرى ما لقيت صاحبه بتشجعنى كده و ترفع من معنوياتى و تزيد ثقتى فى نفسى بتسمعنى اما اكون مضايقه وتسامحنى اما اتصعب عليها وانا بجد بحبها اوى واما بتعصب عليها بيبقى غصب عنى زى ما قولت من عيوبى العصبيه بجد محتاجه شويه وقت عشان اتخلص من العيب ده وانا عارفه انها هاتستحملنى لغايه اما اتخلص منه بجد ربنا يخليهالى تفهمنى ف وقت اللى مابلقيش حد اتكلم معاه ..محسسانى انى مهمه ف حياتها بجد كانت احلى صدفه ف حياتى انى عرفتها ماكنتش مقتنعه بصحاب النت الا ما عرفتها ساعتها بس عرفت انهم بيبقوا اجدع صحاب بجد ربنا يخليكى ليا يا مياده :f63: |
رد: مازلت..
النهارده يوم روتينى جدا مفيهوش حاجه جديده :/
للاسف كنت هاخرج انا و صحابى و الخروجه اتلغت عشان ف مشاكل ف الكليه بتاعتى احلى حاجه ان الدراسه اتلغت فى كليتى انا بس لحد يوم 19/ 10 حاسه انى اخدت اجازه تانيه :peace: |
رد: مازلت..
عندمآ ترحل /
لن يَبقى خلفكَ سوى اغنيآت و عطركُ و كَلمآت ... و أمآ أنآ فلَن يبقى مني غير رمآد ! |
رد: مازلت..
متيمةٌ أَنا بهِ
شرفتى المدونه :55: |
رد: مازلت..
لست أدرى
نورتينى بجد :toot: |
رد: مازلت..
ام البنين
نورتينى بجد و و شكرا لاهتمامك جدا :liilas: |
رد: مازلت..
براعم
نورتى المدونه :8_4_134: |
رد: مازلت..
Metvirus
شرفت المدونه بوجودك |
رد: مازلت..
THE GHOST 92
نورت مدونتى و شرفتها :lol: |
رد: مازلت..
رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلانَا فَانصُرْنَا عَلَى الْقَوْمِ الْكَافِ
|
رد: مازلت..
مضايقه اوى بقيت اشوف اختى تقريبا بالصدفه :/ عارفه ان ده مش بمزاجها بس برضه انا عايزه اقعد معاها اول ما بتيجى من الشغل تنام واما تصحى بكون انا نايمه ممكن الوقت اللى بقعده مع اختى اقلل من ساعه مفتقده القاعده معاها و خصوصا اننا صحاب جدا |
رد: مازلت..
انا العاشق سئ الحظ
لا استطيع الذهاب اليك ولا استطيع الرجوع الى,,, تمرد قلبى على >>> محمود درويش |
رد: مازلت..
سبحان الله وبحمده عدد خلقة ورضا نفسه وزنة عرشه ومداد كلماته .
|
رد: مازلت..
you may go along with the right road . and he may take the left one, but after all , the two road could meet at the same point!!
|
رد: مازلت..
اقترب الشتاء
وحان موعد المﻼبس الثقيلة واكواب الشاي الساخنة اقترب موعد جلوسنا على النوافذ مراقبة المطر ورائحة التراب تغمر اﻻجواء حان موعد الحنين الليلي المؤلم ﻷشخاص كانوا وما زالو في أذهاننا |
رد: مازلت..
بعيدان نحن و مهما افترقنا
فما زال فى راحتيك الامان فتغيبين عنى وكم من قريب يغيب وان كان ملء المكان فلا البعد يعنى غياب الوجوه ولا الشوق يعرف قيد الزمان >>>> فاروق جويده |
رد: مازلت..
روى ابن عباس عن رسول الله صلى الله علية وسلم أنه قال:
اليوم الذى غفر الله فيه لآدم عليه السلام أول يوم من أيام ذى الحجة من صام ذلك اليوم غفر الله له كل ذنب. |
رد: مازلت..
النهارده عرفت ان الدراسه متأجلتش ومستمره عادى
اشمعنى ع دفعتى مفيش حاجه بتتأجل <<<< فيس مش بيحب الدراسه :Taj52: |
رد: مازلت..
اشتاق لِ نَفسي !!
القَديمہ التّي لآ تحملْ همّآ ولآ تبالي لآمرٱ .. |
رد: مازلت..
كل يوم بيزيد فخر ببلدى اكتر
بجد فخوره انى من مصر ومفيش احلى من انى اقول انا مصريه يوم سعيد بجد 6/10/2013 رحمه الله على الرئيس الراحل انور السادات |
رد: مازلت..
اليوم الثانى من ايام ذى الحجه
هو اليوم الذى استجاب الله فيه دعاء سيدنا يونس علية السلام وهو فى بطن الحوت من صام ذلك اليوم كمن عبد الله سنة كاملة ولم يعصه طرفة عين |
رد: مازلت..
ذنـــوب سنتيــن تغفـر بصيــام يــوم عــرفة ،، اﻷسبوع القادم يــوم اﻻثنين المـــوافق : 14/10/2013 ذكــر فـإن الــذكرى تنفـع المــؤمنين |
رد: مازلت..
بجد دلوقتى ف حاجه منتشره اوى مضايقنى
كتير بيتمونوا الموت عشان واحده حبيبتها سابها ماشى هى حاجه تضايق بس مش لدرجه انها تتمنى الموت بجد حاجه تحرق الدم وكمان لو فى حد قالها حرام تضايق >>>>> فيس محروق دمه |
رد: مازلت..
البدايات الجديدة ماهي إلا كذبة .. كذبة نكذبها و نصدقها ، لنخلق منها أملاً جديداً يضيء لنا العتمة ؛ فإدعاء إمكانية بدء حياة جديدة ليس سوى مخدر نحقن به أنفسنا لتسكن آلامنا و نرتاح |
رد: مازلت..
اللهم إني اسألك في هذا الصباح فرحاً لكل مهموم ، و شفاءً لكل مريض ، و مغفرة لكل ذنب ، و هداية لكل عبد، ورزقاً لكل محتاج |
رد: مازلت..
يـــآآآربَ فــىْ يـوْمـِ آلجمٍعــهَ ..
وْعــدِتنــآ بقبـــوْلْ دِعــوْآتنــآ فيـــهَ .. آللهَمْ آرزقنــآ مِــآ نريـــدِ وْآرزقَ قلــوْبنــآ مـآ تريــدِ .. وْآجعلنــآ لكَ كـمِـآ تـريـدِ آللهَمْ قـدِر لنـآ ذِلكَ قبــلْ آنَ تـآذِنَ لشمِـس آلجمِـعهَ بآلمِغيبَ. |
رد: مازلت..
نادته أمهُ يوماً .. يا أبا هريرة
فقال: لبيكِ ثمَّ شعر أنَّ صوته أعلى من صوت أمّه قليلاً وهو يقول لبيكِ فجلس يستغفر وذهب الى السوق واشترى عبدين مملوكين وأعتقهما لوجه الله توبة من هذه المعصية ... شتّان بيننا وبين أبا هريرة .. |
رد: مازلت..
بدايه عيد موفقه
1_6 دلوقتى عرفت احساس الخساره بجد بس ربنا يستر |
رد: مازلت..
أحبيه كما لم تحب امرأة وانسيه كما ينسى الرجال
احلام مستغانمى |
رد: مازلت..
|
رد: مازلت..
اللهم احسن خاتمتنا ... اللهم خفف عنا سكرات الموت
|
رد: مازلت..
وسام التميز :dancingmonkeyff8:
|
رد: مازلت..
ربي آنهآ ليله الجمعه فآرزقنآ فيها مآ تتمنآه قلوبنا
|
رد: مازلت..
النهارده يوم جميل جدا بجد
الحمدلله بجد قضيت وقت ممتع جدا مع صحابى ف كليتى خارجه تانى بكره معاهم يا رب يكون يوم حلو برضه |
رد: مازلت..
عندى شعور غريب اوى مش عارفه من ايه
مفيش حاجه مخليانى فرحانه انا مش زعلانه بس برضه مش فرحانه عايزه حاجه فعلا تفرح قلبى كل الحاجات اللى بتحصل فى حياتى بتفرحنى بس مش الفرحه اللى بجد محتجاها ربنا يستر و الحمدلله ع كل شئ |
رد: مازلت..
بدات امبارح قرايه روايه نسيان للكاتبه احلام مستغانمى
بجد اكتر من رائعه ليها اسلوب جذاب اوى اسلوبها بيخلينى مش عايزه اضيع دقيقه بعيد عن كتابها بدأ مشروع البحث عن روايه جديده اسمها فلتغفرى لاثير عبدلله يا ريت الاقيه بسهوله لان فعلا كتاب اكثر من رائع ويعتبر جزء تانى لكتابها الاولانى "احببتك اكثر مما ينبغى " |
رد: مازلت..
متيمه انا به
المدونه منوره بمرورك |
رد: مازلت..
Rehana
نورتى المدونه حبيبتى بمرورك الجميل |
رد: مازلت..
وجع !!
ربنا يستر بجد تعبانه اوى |
رد: مازلت..
واحشنى حضن بابا
واحشن اكتر من اى وقت تانى واحشنى ايام وجوده جانبى حاسه ان ف جزء منى مش موجود مهما فرحت مش بفرح من قلبى زى لو كان موجود " رحماك يا ساعه العذاب انى بلهبين اكتوى لهيب يوم الفراق و لهيب ان لن نلتقى" مفتقداك لابعد الحدود رحمه الله عليك |
رد: مازلت..
مؤلم اوى فراق الاصدقاء و خصوصا المميز منهم
اشد الم من خصامهم يا رب صبرنى :( |
رد: مازلت..
موجوعه اوى حاسه باحساس كنت نسيته بقالى فتره يا رب
الحمدلله ع كل شئ مضايقه جدا عمدى مشكله كل ما اخرج لازم يجيلة بعدها حاله اكتئاب لانى رجعت لحياتى الروتينيه تانى نفسى اخلص من الموضوع ده ربنا يستر باذن الله |
رد: مازلت..
عندى شعور غريب اوى
مش عارفه ده فرحه ولا زعل الحمدلله ع كل شئ |
رد: مازلت..
سعيده اووووى النهارده بس بجد مش عارفه ايه السبب الحمدلله
|
رد: مازلت..
عندى امتحان بكره ربنا يستر بجد مرعوبه 😭😭
|
رد: مازلت..
بعيد عن العين بعيد عن القلب
ماعرفش مين كتب الجمله دي بس اللي اعرفه انه غلطان عرفت بنت من لبنان بقت ف وقت قصير صاحبه ليا جدا ع امل ان تحصل المعجزه و واحده تقدر تسافر للتانيه ف يوم من الايام باذن الله نقدر نتقابل و نعمل الحاجات اللي كنا بنتمني اننا نتشارك فيها |
رد: مازلت..
النهارده ف حد من صحابي خالها اتوفي
الله يرحمه و يحسن اليه يا رب و يغفرله بجد مضايقه جدا عليه مع اني ماقبلتوش شخصيا |
رد: مازلت..
فاضل ايام قليله و اتم 19 سنه
حاسه اني لسه مكمله ال 18 امبارح!!! حاسه اني كبرت فجأه السنين بتمر بسرعه اووي حاسه احساس غريب ان عندي 18 سنه و بقول العمر بيعدي امال اللي ف ال 30 يعملوا ايه ؟؟؟ يا رب خليني انجز حاجه ف حياتي اكون فخوره بيها يا رب حققلي امنيتي اللي بجد بتمناها من كل قلبي يا رب يكون فيه خير ف اللي بتمناه |
رد: مازلت..
|
رد: مازلت..
كان امبارح افضل يوم ف الاجازه من اول اجازه ماكنتش بخرج و امبارح كان اول خروجه ليا روحت اتفرجت ع فيلم رعب مع صحابي ف السينما
و بعديها كمان خرجت مع واحده نشتري ليها حاجات وكانت خروجه حلوه امبارح الصبح اتكلمت مع امنيه و رحاب صحابي و كمان مياده كتييير كلامي معاهم خلي نفسيتي حلوه اووي بس كالعاده فرحتي ماكملتش و حصلت حاجه ضايقتني و خلت نفسيتي تبقي اسوء من الاول :/ :/ :/ الحمدلله ع كل شئ :( |
رد: مازلت..
ﻻ يوجد شئ اقسي علي النفس من رائحه الاحلام و هي تتبخر !!
|
رد: مازلت..
و الدراسه اتأجلت تاني مش عارفه افرح ولا ازعل
فرحانه عشان الامتحانات هاتتأخر شويه زعلانه عشان عايزه اخرج عشان حاسه بملل رهييييب بس فرحانه اكتر و الحمدلله :D |
رد: مازلت..
في انتظار النتيجه ربنا يستر خايفه اووي
|
رد: مازلت..
مبسووووووووووووووطه اوووي الحمدلله النتيجه طلعت بعد معاناه والحمدلله نجحت :D :D
|
رد: مازلت..
امبارح كان عيد ميلادي ال 19
يوم 13/3 بجد بحب اليوم ده مش عشان عيد ميلادي ع اد ما بحسه مميز ف تاريخه مبسوووطه اوي وخصوصا ان ليا واحده صحبتي كانت مسافره يوم عيد ميلادي بس قدرت اني اقضي معاها الليل كله كلام وضحك رغم انها مشيت امبارح بس وراجعه كمان اسبوعين بس احسن اني مفتقداها جدا ربنا يرجعهالي بالسلامه فكرت اني اكتب عندي علي الفيس كلمه لكل اهلي واصدقائي وخصوصا الشخصيات المؤثرت في حياتي لقيت نفسي محظوظه بوجود مجموعه كبيره و مميز ف حياتي ربنا يخليهم ليا بجد علي قد ما كنت بوصف لصحابي مشاعري كنت بوصفها لنفسي انا كمان اول مره اكتب حاجه واكون قصدي كل كلمه فيها بجد وكل كلمه من قلبي لدرجه ان عيوني دمعوا ماما قالتلي كلمه جميله وتأثرت بيها وماكنتش عارفه ترد تقولي ايه و اكتفت باني شوفت دموعها وخلاص مع ان ماما دمعت مش من حزن بس قلبي وجعني ... دموع ماما بتوجعني اوي و بقهرني بجد ربنا يخليها ليا وماشوفش دموعها تاني |
رد: مازلت..
Z a H e R
الله يبارك فيك معلش لسه شايفاها دلوقتي :D |
رد: مازلت..
Metvirus
شكرا ليك والحمدلله يا رب نجحت وكان الانتظار اخره خير معلش والله لسه شايفاها دلوقتي |
رد: مازلت..
سعيده بوجود ماما ف حياتي
بجد ربنا يصبر اللي مامته اتوفت ويرحمهم باذن الله ربنا يخليكي ليا يا ماما وتفضلي معايا ع طول |
رد: مازلت..
النهارده كان عندي خالي و عيلته بجد فرحاااانه
كان يوم جميل بجد يا رب بكره كمان يبقي كده الحمدلله ع وجود اهلي وعيلتي كلهم بخير وحواليا |
رد: مازلت..
لحظات الجنون ، العقل ، الشقاوه ، المغامرات ، الدراسه ، الحزن ، الفرح ، التوتر ، الامل ، الضحك اللي من القلب ، الهبل
متلخصه ف شخصيه واحده اللي هي مستحيل اتصور حياتي من غيرها قضيت معاكي احلي ايام حياتي صعب تكرر قادره اشوف نغسي معاها عجوزه بنفتكر ايام الدراسه وجودها جانبي مفرحني ربنا يخليها ليا بجد الحمدلله ع وجودها مش هايتعوض ماحدش هايعيشني نفس الايام دي تاني السعاده تتلخص فيها الضحك معاها من قلبي ف الحزن معايا ف الفرح هي ف الاغلب سببه ذكرياتي معاها احلي ذكريات |
رد: مازلت..
لم يعد لدي القدره ع تحمل فراق اخر :/
|
رد: مازلت..
كتير بيقولوا ان زياره القبور بتريح الاشخاص جدا
اما انا قلبي بيوجعني وبترجعلي ذكريات بحاول محاولات شبه مستحيله اني انساها بس بترجعلي بقوه مش بقدر اعيط بس بتعب نفسيا اكتر كنت عند بابا النهارده مر اكتر من سنتين وحاسه بوجع ف راسي و قلبي مش قادره استوعب فكره موته ولا انه بعيد عني بكام متر ومش قادره ولا اكلمه ولا اشوفه ولا اسمع صوته حتي ... فكره اني ماشيه وسيباه تعباني حاسه اني مشيت وسيبت حااجه جوايا هناك يا رب ارحمنا برحمتك وارحمه واغفرله واحسن اليه يا رب العالمين |
رد: مازلت..
امتحاناتي فجأه بقت يوم 3/5 ربنا يستر بجد و الامتحانات تعدي ع خير
الغريب ان عندي مادتين محاسبه واحده عربي وواحده انجليزي .. وحبيت الانجليزي اكتر المهم انهم هما الاتنين يعدوا ع خير |
رد: مازلت..
عملت كيكه انا واختي بجد سعيده بالنتيجه
مش سعيده اني عملها ع قد ما انا سعيده اني شاركت اختي ف حاجه ربنا يخليها ليا يااا رب |
رد: مازلت..
سجلت ف منتديات ليلاس يوم 16/6/2011
اكتر من تلات سنين !!! الوقت مر بسرعه اووى ومريت خلالها انا بكذا مرحله ف حياتي ومريت بشخصيات مختلفه وبقيت شخصيه مختلفه جدا عن الشخصيه اللي سجلت من تلات سنين يا رب يكون للاحسن |
رد: مازلت..
في وداع عام مضى وعلى أعتاب عام جديد ..
نسألك اللهُم عفوك عما فات .. وحُسن تدبيرك لما هو آت .. وكل عام والبسمة تغمُر مُحياكُم . 1437 هـ |
رد: مازلت..
ماما واختي و عمي
يا رب ديمهم نعمه ف حياتي |
الساعة الآن 08:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية