|
حلمنتيشيات مرفوضة .....
صباح الفل على احلى قراصنة عاملين ايه ؟ كويسين يعني الحمد لله ؟ طيب .... الحمد لله ندخل في الموضوع اللي جايلكم عشانه .... اتعودت منكم نتناقش حول كل موضوع بنطرحه هنا و نعرف الاراء و نحترم اراء بعض علشان كده انا هتكلم و انا قلبي جامد الشعر الحلمنتيشي !! اكيد كلنا سمعنا بالنوع ده , و اكيد معظمنا سمع عن الشاعر الحلمنتيشاوي اللي فاز بالمركز الاول في برنامج ( للعرب مواهب ) الموسم الاول ..... و برضه معظمنا سمع قصيدته اللي فاز بيها و اللي اتكلم فيها عن ثورة مصر عامة اللي مسمعهاش ممكن يسمعها .... اتفضلوا http://www.youtube.com/watch?v=XR4Bu...eature=related [COLOR="rgb(65, 105, 225)"] طيب ..... سؤال كمان قبل ما اوضحلكم انا عاوز ايه حد فيكم يعرف حاجة عن الشعر الجاهلي افخم انواع الشعر و اكثره ثراءا بالادب ؟ طيب حد يعرف الشعر النبطي ذلك النوع الصعب من الشعر و المميز ايضا بالثراء الادبي ؟ حد يعرف قصايد قوية في الهجاء .... المدح .... الفخر ؟ حد يعرف القصيدة الهمزية لأمير الشعراء احمد شوقي ؟ هو دا اللي عاوز اتكلم فيه ...... الحلمنتيشيات اللي هتهدم لغتنا العربية ..... طبعا حد هيسأل دلوقتي ... ايه دا يا عوبد ...... تكونش رافض الشعر الحلمنتيشي ؟ هقول لا طبعا مش رافضه ..... لانه نوع من انواع التعبير .... لكني ارفضه كنوع من انواع الشعر ..... حراااام ياجماعة اللغة العربية تتعدى الزجل كمان .... احنا قلنا ان الشعر العامي بيعبر عن مشكلات المجتمع المعاصر و بيتحدث الى عوام الناس راااائع و موافق جداااا و بأيد النوع دا من الشعر لكن يا جماعة متوصلش اننا نضحك على نفسنا و نقول ان فيه حاجة اسمها شعر حلمنتيشي ....... صدقوني غلط ...... احنا لغتنا العربية الفصحى فيها اللي مكفيها ...... مش ناقصة ابداعات زائفة تقتل الابداع الحقيقي في لغة الضاد ..... ايه المانع اننا نعبر بالفصحى ..... دا مفيش اقوى من اللغة دي في العالم ..... لغة القرآن ..... هتقولولي عادي تنويع ....... هرد و اقولكم تنويع ازاي ...... هو الشعر الحلمنتيشي ده فيه اي نوع من الادبيات او اللغويات او النحويات ؟! عارفين لو فيه اهتمام بالجوانب دي مكنش بقى فيه مشكلة ..... لكن كون اننا نصبح شعب يجعل الموهبة الاولى في ممثلي مواهب العرب قصيدة كده تبقى كارثة حقيقية ..... ليا واحد صاحبي - و انا اسف اني بكلمكم بالعامية المصرية - جالي بيقولي : " عوبد ..... انت مش بتألف ؟ " . قلتله : " ايوه .... ليه فيه حاجة ؟ " . قاللي : " ايوه ياجدع ..... فيه واد جديد معانا في الشغل اسمه سعيد بس ايييييييييه موهبة صح " . بيني و بينكم فرحت وقلت اروح اتناقش معاه و يارب اتعلم منه .... رحتله و و الله العظيم الحوار اللي هقوله اشبه كتيييير الى الحوار اللي حصل بس مش هو نفسه لاني مش فاكر الحوار الاصلي لكنه قريب جدا منه ..... انا : سلام عليكم ..... ازيك يا سعيد . سعيد : صبح يا عوبد ...... عامل ايه يا برنس . انا : الحمد لله يا سيدي ..... انت ايه اخبارك .... صحيح انت بتألف ؟ سعيد ( متفاخرا ) : يعني ..... حبه كده على قدنا يا بوب ..... تحب اسمعك حتتين حلوين ؟ انا ( مبتسما ) : ياريت . قعد سعيد يقول كلماته ....... كلها خواطر ليها وزن و قافية يعني تقترب الى الشعر الحر ...... و لكن النحو و البلاغة و الادب - سامحوني - ضاربهم السلك فعلا ..... فمثلا ليه جملة قالها : " انتي كسمكة تسبح في السماء " !! سألته : ثواني يا سعيد ...... تقصد ايه سمكة تسبح في السماء ...... انت بتشبه حاجة بحاجة مستحيلة و دا غلط . قال ( مدافعا ) : " لا يا معلمي ..... هشرحلك يا به .....اانا عاوز اقول ان حبيبتي بلطية بترفرف قدامي . بيني و بينكم حسيت اني بكلم سباك مش شاعر فسألته : يا سعيد ...... انت من امتى و انت بتكتب . رد : يعني من قيمة تلات سنين كده ....... اول ما الحب خبط على باب قلبي . زمايلنا ( يهتفون ) : الله عالتعبير ...... يا ابن اللعيبة ..... جبتها ازاي دي . انا ( هطق من الحسرة ) : طيب انت ازاي بتألف ..... يعني بالوحي كده و لا عندك قدرة تستحضر وحيك ؟ سعيد : انا الحمد لله و الشكر ليك يارب بكتب لما احب اكتب ...... بقوم لاقط ايها قلم و حتة ورقة صغيرة كدهون ...... وانظم افكاري و اعيش اللحظة يا معلمي . انا : مين مثلك الاعلى يا سعيد . سعيد ( بفخر ) : انا الحمد لله مثلي الاعلى نفسي .... مش بقلد حد .... انا ملك نفسي . انا : يا ابني افهمني ...... لازم تكون قريت لحد او عاجبك مدرسة حد ..... هو دا مثلك الاعلى . سعيد : آآآآآه فهمت ...... يبقى الباشا فاروق جويدة و حبيب قلبة نزورة ( يقصد نزار قباني طبعا ) . احد الزملاء : طيب ايه رأيك يا عوبد تألفوا خاطرة مشتركة دلوقتي ارتجالي كده . سعيد : ارتجالي و لا ارتحريمي خخخخخخخخخخخخخخخخخ ( بيني و بينكم مزحة ظريفة عجبتني ) ........ يالا انا مستعد ..... ابدأ يا عوبد . انا ( مفكرا ) : طيب نألف عن ايه طيب ؟ سعيد : حاجة في العواطف كده ...... عاوزين بوقين يكهربوا العاطفة في قلبنا . انا : طيب ...... نقول مثلا ( يا من رحلتي عن دنياي الغادرة ..... اراك دوما في حلمي كفراشة طائرة ) . سعيد ( مفكرا ) : هل تعلمين انك عندما سافرتي ...... ملأني الشوق و جلست بنفس حائرة ) بيني و بينكم بداية عجبتني من سعيد .... مش فاكر انا قلت ايه بعد كده لانه كان ارتجال لكن فاكر جملة سعيد اللي صدمتني ..... سعيد : ستتبقين ( منخششة ) في ( نافوخي ) ايتها المسافرة . انا : منخششة ايه يا سعيد ..... ايه ده ياعم . سعيد ( باقتناع ) : ايه يا عوبد ..... دا نوع من انواع الحلمنتيشي .....دا اسمه تنويع في القصيدة . في الحقيقة بعدها سعيد حاول يقنعني بعمرو قطامش و شعره الحلمنتيشي الرائع ...... لكني بكل اسف لم اقتنع . هل انتم مقتنعين بهذا النوع من الادب الذي يهشم الطريق المستقيم للغويات العربية ؟ عامة انا كتبت خاطرة حلمنتيشية علشان تشوفوا الكارثة الفنية اللي فيها ...... " هل تعلمين اني لا مؤاخذة تركت قلبك على مضض ؟ ..... لما لا تعودي ..... ارجوكي عودي فانا بأمانة قد مللت ...... عودي الي يكفيكي شر المرض ........ يا شمعة تضئ عمري ...... لما رحلتي هكذا ....... قد مات قلبي ممزقا عليه العوض و منه العوض ...... ترى هل وجدتي ضالتك ؟ ...... هل صار حبي ذكري حلوة عندك ...... ام ان غيري ثبتك و حور عليكي ...... ام انك نويتي استخدام عندك ....... ام لنك تخفين في نفسك غرض ...... انا احتضر ...... و غلاوتك عندي احتضر ...... اشعر بنكد جارف يسري في دمي ....... و لموتي حقا انتظر ........ سيصنعون بعد موتي لي تمثال ...... يكتب عليه هذا بني ادم قتل بحبها ...... و في ساحة العشاق سوق ينعرض " طبعا انا مش قوي في الحلمنتيشيات و الحمد لله ...... لكن شوفوا كارثة الخاطرة و منتظر رأيكم اسف للاطالة ^_^[/COLOR] |
ههههههههههههههههههههههههههههههههههههههههههههاي
عوبد ربي يسعدك يارب إنتي والحلمنتشيات تبعك هههه أما صاحبك سعيد فعلا منه العوض وعليه العوض بقس عارف لولا الحلمنتيشي اللي مأثر بمخه وإلا أموره كانت حتمشي كويس وماعنده مشكلة لكن الله المشتعان فيه بالنسبة للأشعار الجاهلية أنا بقرأ لكن لأكون صادقة أنا مالي في الشعر أيوة بقرأها وبعرفها لكني ماأحفظ لمين ومين وماأدري أيه لكني ماأويد الشعر الجديد وحتى لما فاز الحلمنتيشي انقهرت صراحة برغم إنها موهبة إلا إني ماأعتقد إنها تستحق المرتبة الأولى أحس إنه اللي كان يرسم العجوز يستحق أكثر وحتى البنت اللي كانت بتستخدم الرمل الكويتيه كانت برضوا تستحق أكثر منه شكرا عوبد على طرحك المواضيع وفتح المجال للحوار الجاد بيننا ومعرفة الآراء المختلفة ووجهات النظر للقراصنة تحياتي |
مرحبا بك بيبو مش شرط يا بيبو تكوني عارفه الشعر دي بتبقى اهتمامات ..... انتي مثلا موهوبة بالكتابة فانتى كاتبة موهوبة و رائعة مش شرط بقى تعرفي الشعر بس المهم اننا منعترفش بالنوع دا من الشعر انه وسيلة ادبية لكننا نقدر نقول انه وسيل للتعبير زي الكلام و اللهجات المختلفة لكن و الله العظيم حراااام نقول انه موهبة و اللي كان يستحق الفوز بالمركز الاول فعلا هو الرسام من وجهة نظري لانه فعلا انسان موهوب و موهبته تحترم فعلا لكن لو كانت لجنة التحكيم ناس بتفهم في الفنون المختلفة اكيد كانوا هيقدروا صح بكل اسف اللجنة تضم اعلامي و مغنية و شخص لا اعرفه فما المنتظر ؟ اقول لاحول و لا قوة الا بالله و انا حزين فعلا على لغتنا اللي بيتم دفنها يوما بعد يوم بكل اسف الله المستعان مشكورة بيبو على زيارتك و بكرر لك انتي انسانة كلنا بنعترف بموهبتها فعلا لانك بتقدري اللغة فعلا انا عن نفسي معترف جدا بقلمك تحياتي لك |
السلام عليكم و رحمة الله اشكرك على اثارة هذا الموضوع لانه مهم جدا جدا بالنسبه لى .. انا متعصبه الى اخر مدى لللغة الفصحى بلا جدال و افضلها عن اى نوعيه اخرى مهما كانت المسميات زى ما قلت قد لا اكون جيدة في الشعر و الخواطر و لكن عندما اقرأهم احب استشعار جمال اللغة و كلما انسابت بمعانيها استمتع اكثر حتى فى القصص عندما تكون بلهجة عامية افقد نصف استمتاعى .. الفصحى هى التى تجمع جميع اللهجات و توحد الفكرة بحيث تصل للعقل مباشرة مهما كانت دولة القارىء الشعر الحلمنتيشى قد اسمعه مره و اضحك عليه و لكن خلاص انتهى .. زى ما اسمع نكته تضحك اول مره و بعدين خلاص تبقي قديمه لغة القرآن بتراكيبها و محسناتها البديعة عندما اقرأ الجملة اشعر بالموسيقي تنساب منها .. يا سلام و ذلك يشمل كل المجالات يعنى مثلا هل تستوى الاغنيه العادية مع القصيدة بكلماتها طبعا لا حبيت اشارك و اؤيد الحفاظ على اللغة العربية الفصحى من العبث بها |
السلام عليكم ورحمة الله وبركاته
مساء الياسمين موضوع مهم جدا الشعر الحلمنتيشي ممتع لكن نكهته فقط عند سماعه للمرة الأولى وبرأيي الي فاز بمسابقة العرب رغم انه متمكن لكن ما يجوز ان تفوز هذه الموهبة على تلك المواهب الافضل وما يجوز ان تفوز موهبة تعتمد على لغة عامية في حين ان المسابقة هي للعرب يعني لابد من لغة عربية فصحى مثل ما قلت اما الشعر الجاهلي فانا بحكم دراستي قرأت منه وحفظت ايضا رغم اني الان لااذكر اي قصيدة او اي معلقة من المعلقات التي كنا نحفظ منها خخخخ لكن الان ان سألتني عن ايهما افضل فسأقول بقتناع اني افضل الشعر الحر الحديث (طبعا الفصيييييييييييييييييييح) على شعر الجاهلية والعصر العباسي فالشعر منذ العصر الحديث اخذ مساحة اوسع للتعبير ولا تنسى ان الالفاظ التي كان يستخدمها الجاهليون الان هي غريبة وصعبة ... بعض الالفاظ على الاقل والشعر لكي يكون مستساغ لابد اننا نفقه معنى كلمات البيت بصورة فورية عند قرأته حتى نستمتع بقراءته اما عن الشعر الذي قلت عنه .. عن نفسي من الممكن ان استمتع من حييين الى حييين بما يسمى الشعر الحلمنتيشي ولكني سأمل إذا استمتعت اليه بصورة مستمرة وعلى فكرة لماذا سمي هكذا؟! لا فكرة لدي بصراحة بالمناسبة تحدثت عن التغيير احيانا نبحث عن التغير سواء ككاتب او كقارئ انا احيانا احاول ان ارفه عن نفسي بكتابة خواطر .ممم خلي نسميها من خفيفة وفكاهية ممممم مثلا كان يا ما كان .. في قديم الزمان كان لدي يدان ِ ناعمتان وأظافر مطلية .. بألوان دافئة وردية أو خطوط أنيقة بيضاء على الطريقة الفرنسية وكانت أصابعي لا تفارق رقيق الخواتم إلا عندما تتدثر بهناء تحت ريش الوسادة كان يا ما كان في قديم الزمان كان شعري شارع صراعات اوبسسس اقصد مشروع صرعات موضة فيوما طويل والآخر قصير يوما ارفعه نحو الشمال ويوما نحو اليمين وقد ابعده برقة عن الجبين كان يا ما كان في قديم الزمان كنت اعلق برقبتي الراديو واهرول في الساحات احم .. اقصد ما ببيتنا من ممرات و اختبئ تحت السرير واقرأ روايات عبير و احلام و اناور بمهارة لأشتري صورة رشدي أباضة دون أن ينتبه آخي الكبير والآن !! ذكروني رجاءً .. .. من هو رشدي أباظة ؟ وعلى فكرة على الرغم من محبتي اللامتناهية للعربية الفصحى فبالطبع لابد من اللهجة العامية احيانا .. في التعامل على سبيل المثال وانا تعجبني اللهحة المصرية جميلة و دمها خفيف |
السلام عليكم
هههههههههههههههه هههههههههههههههههههههه بجد والله مافهمت شي .. انا ما اعرف بالشعر وبالذااااااااااااااااااااات هذا مدري وش اسمه خخخخخخخخخخخ بس بجد صاحبك ليه مستقبل في الزمن اللي بنعيشه ^^^ سامحني عالتقصير بس بجد ماني عارفة ايش اقول وانا مابفهم بالشعر نهائياً ووقفت متنحة قدام نص اللي كتبته انت ^^ |
اقتباس:
عوبد أنا ضدك في إنه مش موهبة بالعكس هو موهبة لأنه وصل قضية بشكل راائع والدليل اللي هو وصل له لكن معاك في إنه مش شعر ولا شيء أدبي هو فقط وسيلة للتعبير عن الذات لاأكثر وهذا ماهو عليه أنا معاك إن لجنة التحكيم أفشل لجنة وإنت لو تلاحظ المقطع اللي إنت حطيته عن قضية مصر كان بيقصد فيه الإعلامي اللي موجود من لجنة التحكيم نسيت إسمه لأن له مقطع في اليوتيوب عن رأيه قبل وبعد سقوط مبارك قبل السقوط كان يعارض المظاهرات وبعدها صار يتكلم على اللي مايتظاهروا والمشكلة والمصيبة إنه هذا الإعلامي جلس يضحك لما سمع الحمنتيشية بيتكلم عن هذه النقطة ولا كأنه نفسه هو المقصود ماعلينا ياعوبد أنا اللي أحاول أقوله إنه هو وسيلة للتعبير لكن حتما مو شعر واللي يخلي الناس بتتعلق بهذا النوع هو نفسه اللي يخليهم يتعلقوا بالأغاني السافرة الجديدة اللي المغنية لا تملك أي صوت وكل ماتملكه هو جزء جذاب تستعرضه أمام الشباب لإثارتهم لا أكثر وأنا معاك لغتنا فعلا بتندثر وهذا اللي إحنا شايفينه وعارف من كم يوم والله كنت أفكر جديا متى بدأ هذا الأمر متى بدأنا نتخلى عن اللغة العربية الأصيلة لغة القرآن وتحولنا للعامية بل وللهجات كمان مثلا في المغرب هم عرب لكن لما يتكلموا بلغتهم الأم صعب جدا إنه الشخص يفهمهم <<مع خالص إحترامي للأخوان المغاربة لكن هذا مجرد سؤال خطر في بالي ونفسي ألاقي له جواب متى بدأت لغتنا تندثر ومتى انتقلنا لعامية لا أكثر عوبد شكرا لثقتك بإني كاتبه موهوبة شكرا جزيلا لكن سؤالي الأخير كيف إنت متأكد إني كاتبة موهوبة ؟؟؟ بجد نفسي أعرف ولاتقلي أنافقط أعرف لأني ماحأقتنع تحياتي وأتمنى ماأكون طولت عليك |
هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه واضح عبووودى ان سعيد فررررررررسك بشكل مبالغ فيه عشان يخرجك من هدوءك وتكتب الموضوع ده عامة انا برأيى هو ينفع ينزل فقرته ف برنامج ربع مشكل ولا اى برنامج من اللى بيطلع علينا اليومين دول على كوميدى واستغربت ان هشام الجخ مش فاز كمان برغم ظاهرة كاظم الساهر مثلا على سبيل المثال انا شايف ان نجاحه راجع لعمونا نزار قبانى انا بحب اوووى السجع والشعر التقليدى جداااااااااااااا ولا اقبل حتى بلفظ عامى فيه واحد فصحى حتى الصميم اما كافة انواع ما تلقبه بشعر خلاف ذلك القبها باجتهادات على الطريق ولا احسبها على قوائم الشعر ومعلش اشرب ليمون ولا ينسون وهدى اعصابك كل واحد دماغه مريحااااااااااااااه مش هنربى الناس يا ولدى العيب على اللى سمعله وقال الله وعلى اللى شجع الناس دى وقال موهبه وعلى اللى افسد العقول والثقافه ومستوى الفن الراقى م الاخر وعلى راى الست ام كلثوم العيب فيهم يا ف فصحاهم اما الشعر يا رووووحى عليه يا روووحى عليه هههههههههههههههههههههههههههههه |
أولا أنا عايزة أقولك انا استمتعت بقراءة موضوعك جداااااااااااا
ايه يا عبد الله؟؟ انت مش بتسيب حاجة خواطر وقصص رومانسية وقصص اثارة غموض وكمان في الكوميدي هههههه بجد انت لك أسلوب وانت بتحكي بيجذبني جداااااااا ما شاء الله عليك ثانيا انا اول مرة أسمع عن حاجة اسمها حلمنتيشي دي وأكيد هي مش شعر دي زي ما انت قلت أسلوب تعبير وأشوفه حاجة ظريفة كوميديه ولا يمكن حد يأخدها محمل الجد بالعكس انا اما قرات الحلمنتيشات اللي انت كاتبها فكرتني بمحمد هنيدي في مسرحية يا زواوي لما كان بيقول قصيدة أممكن؟؟ وانا مش هأنكر ان فيه ناس كتير رغم انها متعلمة الا انها غير مثقفة لكن حتي دول يقدروا يفرقوا بين شعر أحمد شوقي وفاروق جويدة وحتي الشعر العامي لصلاح جاهين عن ال... أنا كل شوية أنسي اسمها وأطلع أول الصفحة أشوفها فاسمح لي مش هأعيدها انت فاهم أنا أقصد ايه بس حقيقي أنا استمتعت بالقصيده اللي كتبتها وانا شايفة انها موهبتك الكبيرة اللي خلتني أستمتع بيها وليس الشعر نفسه يعني برده النوع ده محتاج موهبة يعني انا مش استمتعت خالص بالجزء بتاع سعيد ومع ذلك لا أعتبر ما كتبته خاطرة ولكن زي ما قالت أوان أحيانا الواحد بيبحث عن التغيير وأنا مدمنة لأي حاجة تجلب الضحكة شكراااااااااااااااا عبد الله علي الموضوع اللي أكتر شيء مميز فيه هو كاتبه |
اقتباس:
و عليكم السلام و الرحمة يسلم فمك زعيمة و الله عندك حق هنحكم ازاي بالابداع الا لو سمعنا تشبيه جديد او تعبير عن فكرة برقي و اختيار ادبيات رااائعة اعجاز القرآن مش جه من تحديه لعمالقة اللغة ؟! فعلا اللغة العربية افضل لغات العالم بلاش نلوثها ارجووووووووووووووووووكم تحياتي زعيمة واحسنتي قولا |
اقتباس:
مرحبا اوان مساء الكاردينيا التي يبثها ردك دوما ^_^ انا طبعا متفق معاكي ان الشعر الحديث اكثر تعبيرا يعني الجاهلي كان لا يخرج عن نطاق ( مدح - ذم - غزل - فخر - هجاء ) دلوقتي ممكن نعبر ..... ممكن ننصح ..... ممكن نشارك احزان دولة شقيقة او نشاركها فرحتها ممكن نمدح و نهجو في نفس القصيدة و لنفس القصيد لكن الجاهلي فيه ثراء ادبي كبير جدا وبنتعلم منه كتير بنتعلم اكتر من معنى لكلمة واحدة و دا ممكن يساعد في قصيدة محتاجة قافية الكلمة التانية و بالنسبة للتنويع فيه فرق بين التنويع للاستفادة و التنويع الترفيهي يعني انتي لو كاتبة شعر حلمنتيشي بس مكنتش هحب اقرالك بجد انا بحاول اكتب خواطر و شعر و قصص رومانسية وروايات و قصص بوليسية و الغاز و مقالات و زجل لكني مش بنفس القوة في كل حاجة لكن ممكن كمان اكتسف اني موهوب في حاجة جديدة بالمحاولة و رأي الاخرين انا عن نفسي بعتبر اني موهبتي في كتابة الخواطر اكبر من اي غصن اخر للادب لكني بتمنى ابقى كويس في كله السبب الرئيسي لكده عشقي للفصحى فعلا اللهجة المصرية خفيفة لكن انا عن نفسي ربما لاني مصري احب كمان اعرف لهجات جديدة اتعلمت كلمات كتير من هايين عن الجزائر و حافظها بعشق السعودية بمختلف فئاتها لكن تبقى اللغة العربية الفصحى الاصل و حرام نشبه اللهجات الاصلية لكل دولة باللهجات الدخيلة زي الحلمنتيشيات اللي انا كمان معرفش ليه سموها كده نورتيني اوان ^_^ |
اقتباس:
ههههههههههههههههههههههههههه الله يسامحك بيرو ليه كده بس بس عامة انتي اصلا اعمالك بتتحدث نيابة عنك ماشاء الله عليكي على فكرة كنت هقرأ وردة لقلبك و الكهربا طفت حظك وحش معايا بس وعد اقرأ نورتيني والله ^_^ |
مرحبا شبحنا الشاعر
بصراحة انا كتير بحب الشعر بس الجاهلي ما بفهم منه شئ كلماته كبيرة و بدها فهم باللغة العربية و احنا العامية هلكتنا و بالنسبة للشعر الحلمنتيشي انا ما بحبه يعني بوجهة نظر عنجد ييجي واحد يتغزل بيا بشعر حلمنتيشي كله كلمات غريبة لاهفة باقرب مزهرية هههههههههههههههههههه و لا ييجي يقلي الحلزونة يما الحلزونة خبيني يما يا حلزونةههههههههههههههههههههه فظيع هالشعر ما بعرف مين اخترعوا ما تحاول تكتب فيه لاني هتبرا منك و ما راح اعترف بيك كاخو اعذرني علي ردي الحلمنتيشي |
| الساعة الآن 02:33 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية