|
شبيهى ......... و ........ الاخرين .......
السلام عليكم اخوانى واخواتى ........... راقت لى فكرة المدونة جدا ......... فهى تعطى لنا مساحة من التعبير و تتيح لنا مايسمى ببوح النفس والقلم ........ هنا يعترف الفرد لنفسه ولغيره بكل مايخالج صدره ........ز. سأجعل من مدونتى تلك بيتى الصغير الذى اضع فيه كل اشيائى ......... اليكم اولا البيانات : اسمى فى المنتدى : romantico triste اسمى الحقيقى : عبد الله القابى التى احبها : الرومانسى ....... ايطاليانو دولتى : ام الدنيا مصر عمرى : 22 عاما بداية التحاقى بليلاس : اسما منذ ايام قلائل وكيانا منذ خمس سنوات هواياتى : ادبيا كتابة الشعر والخواطر والروايات ........ رياضيا لعب تنس الطاولة ........... حياتيا الطبخ *_^ اصدقائى فى المنتدى : اعتقد انه تونى روبينهو وفيوليف مثلى الاعلى فى المنتدى : الاستاذ مصطفى والاستاذ محمد جلال اكتب فى هذه الصفحة بداية من اليوم الاحد 7 نوفمبر لعام 2010 م ....... والاول من ذى الحجة لعام 1431 هـ . اكتفى بذلك اليوم حتى ابدأ عن كتابة ذلك الشبيه الذى دمرنى تارة وقوانى تارة اخرى ........ لكم ولنفسى التمنيات بالخير والسير فى نور الله |
من خربشاتى قصيدة / نار و نور فاكرة زمان انا كنت عاشق للمطر ولو بكون عايش وحيد وكنتى نجمة منورة درب السما وشايفك انا امل بعيد وفى يوم فيه اشتد المطر ....... زاد الخطر شفتك بعند بتضحكى ....... فلاقتنى بضحك فى المطر واقف عنيد ولما جه فجر الشروق الكل صاحى بيبتسم وانا مش سعيد وازاى يا ناس انا هبتسم وانا مش معايا نجمتى ولا حتى من عزف المطر بسمع نشيد صوت الرياح والبرق احلى من السكوت دول احلى صوت ......... مبيسمعوش انسان شريد شايف قصادى نجمة عالية ونجم يسقط جنبها ........ فى بحور جمالها يموت شهيد وقت الغروب الزينة كانت مظهرى وكأنه عيد وبنظرة واحدة للسما حسيت فى قلبى بخوف شديد شايف قمر ونجوم كتير ونجمتى بتسقط بعيد وجريت عليها وقلت يمكن تبقى نازلة لرؤيتى ....... احساس جديد طلعت سراب راح و اختفى وبكيت لأنى بقيت وحيد بصيت بدهشة للنجوم ملقيتش فيهم شئ فريد النجمة دى نور فى السما عالأرض نار تحرق يادوب شيطان مريد الى النجمة التى احرقتنى |
http://4.bp.blogspot.com/_mK1uNpTxqf...8%B5%D8%B1.gif من خربشاتى / عارفة يا بلدى عارفة يا بلدى عارفة انا نفسى فى ايه من مدة نفسى يكون فيه بينا مودة نفسى اشوف فى عنيكى الفرحة ولا اشوفش دموعك فى الشدة عايزك تبقى قوية وصلدة عارفة يا ارضى قالوا عليكى ابويا وامى شريان حبك واصل دمى فيكى سمعت ادان محرابك فيكى سمعت الشيخ بيسمى عاوز انام انا بين احضانك افردى حضنك ليا مخدة عارفة ياوطنى شايف جدى بضهره المحنى عمال لنصايحة بيمنحنى لو يوم سيبت ترابك محتل بدعى ترابك دا يسامحنى ودموعى على ندمى دى شاهدة عارفة ياغالية عاشقك انا وبحبك جدا جندى رافع علمك وبيدن حبك ورث ورثته فى قلبى ورثه ياناس ابا عن جدا سامعك دايما شاكرة وحامدة الى امى مصر |
أغنية / جاتلى رسالة أغنية كتبتها لها انا جاتلى رسالة بتقولى اوام يا حبيب الروح ارجع وتعالى بتقولى انا قلبى حزين مجروح وفى اسوأ حالة وبلاقى القلب بكل كرامة يقولى انساها والروح تنايها والقلب حزين مكسور مش قابل يرجع ليها وصورتها فى حضنى عشت ايام بتصبر بيها والقلب يقولى انسانى لو هتروح وياها مبقتش حاسس فى الغياب ان انا شايف عذاب مش عالم لغرام حساب من غيرها عايش او حتى بيها مبقتش حاسس فى الغياب ان انا شايف عذاب مش عالم لغرام حساب من غيرها عايش او حتى بيها ايام فى الماضى عدت وخلاص قربت انساها وعايش عادى مبقتش اتأثر لو شفتها 100 مرة قصادى وسنين بحلوها وبمرها كده راضى انا بيها ليه رجعالى تانى مش برضه قالتلى فى مرة خلاص ابعد و انشانى وساعتها كلام الحب اتشال من طرف لسانى هنساها خلاص ولا عمرى فى ثانية هفكر فيها مبقتش حاسس فى الغياب ان انا شايف عذاب مش عالم لغرام حساب من غيرها عايش او حتى بيها مبقتش حاسس فى الغياب ان انا شايف عذاب مش عالم لغرام حساب من غيرها عايش او حتى بيها كلمة اخيرة : الحب لعنة .............. سرها لا يعرفه الا من يتعهد الا يعرفه ابدا ...... |
شبيهى ................. http://www.alaska-in-pictures.com/da...ction_6646.jpg شخص يشبهنى تماما الا انه لا يتشابه معى .................... يحب الخير لى ولا يمنع عنى الشر ................ ينصحنى دوما ولا يمد لى يد العون ..................... يبكى عندما ابكى ولا يحزن من اجلى ....................... يفرح عندما افرح ولا يكن لى السعادة ابدا .............. يشبهنى ................ ولا اعلم ان كان يقلدنى ام انا الذى اقلده .................. لا نتبادل الحديث ولا نكرره فقط نقول مثلما نقول ...................... اذا ابتسمت ابتسم هو الاخر فيسخر منى عندما اسخر منه ............... واذا طلبت مساعدته تصادف انه يطلب مساعدتى ........................ اذهب لأشكى له همومى فيشكى لى همومه .................... والعجيب ان همومه لا تزداد على همومى ابدا ............... هل هو دخيل يكرهنى اما انا الدخيل الذى اكرهه ....................... هل يدمرنى بنصائح لا تخالف افكارى ........................... هل يسعدنى ببسمات تصادف بسماتى .......................... اذا مت هل سيموت هو الاخر ام سيكون هناك يبكى ليدفننى ....................... هل اذا طلبت منه الانتقام من امرأة قهرت قلبى هل سيلبى ندائى ام ان شبيه تلك المرأة قهر قلبه هو الاخر ..................... انه يقتلنى ................ ياللسخرية .................... انه يتهمنى ايضا اننى اقتله ..................... وعندما قررت ان اتخلى عنه وعن صورته التى تظهر فى مكان واحد وهو المرآه البائسة حطمتها جزازا ......................... واطلقت لساقى العنان لأحتضن الطبيعة التى تريح قلبى ..................... ولكن .......................... هل انا سعيد الان وقد تخليت عن شبيهى ........................ اتسعت عيناى بفزع وغضب كبير عندما وجدت شبيه لى فى الماء يسألنى هذا السؤال فى نفس الوقت الذى كنت اسأله اياه .......................... وعجبا ...................... لن يموت شبيهى الا اذا مات واقع شبيهى .............................. فالحياة ماهى الا شخص يكافح ليعيش حتى يموت بموت شبيهه الغبى .................... الف سلام وتحية |
ابطال ظهروا فى مسلسل حياتى ............. احدهم حاربنى فقتلنى ................... والاخر عاونى ونصفنى ..................... والثالث عايرنى وذلنى ..................... واخرى دلتنى على طريق الحب فدمرنى ونحرنى ........... ابطال اسميهم الاخرين غير نفسى وغير شبيهى ....................... ساعات سعادة وسنوات حزن والنتيجة رومانسية حزينة بكل لغات العالم ............... احلام هجرتنى لاننى اخدع بها نفسى ................... وحقائق تركتنى لاننى تركتها وسعيت وراء الاحلام .................. اب يكافح من اجل اسعادى ................... وام تحنو على قلبى الشادى ................... واخ يبتسم ويأتينى فى سهادى ....................... واخت هى بكل المعانى رمز للحنان والحنين ................... فترات دراسية مختلفة وعجيبة .................. اولها نجاح واوسطها فشل واخرها نجاح ........................ صور لها معنى فى حياتى .................. كلمات تسعدنى وتغضب الاخرين وتزعج شبيهى .................. كل هذا واكثر ارويه فى صفحاتى القادمة بإذن الله |
أستطرد اليوم باذن الله البوح فى مدونتى |
رمضـــــــ كريم ـــــــــــــان |
ها انذا احن لمدونتي التي لم اكتب فيها اصلا سوى طيف كلمااااااااااااااااااات |
لا احب قطراتك يا مطر
يا بكاء تلك السماء ....... اشعر معك بكل الخطر ابكي كلما ذرفت سمائي بالدمعات قلبي انفطر كفكف يا رمزا للبرود و للفراق دمعاتك انت وحدك باردة ........ دمعات ثعلب عرف عنه كل النفاق عاهدني يا مطر بالاتفاق لا تمسني يوما و اجعل بيننا ميثاق ابتعد بقطراتك المؤلمة و لا تظهر لي ابدا في طريق لست ابدا من يطلق عليه صديق لا اطيق رؤيتك ..... لا اطيق قد تكون عند الناس كل خير اما عندي لا ارى فيك الرفيق انت عندي رمز حزن ..... رمز الم ...... رمز كل ملل و ضيق |
عهد ..... الحارة منورة باصحابها و الله ربنا يخليكي يارب الف شكر عالمباركة اختي ^_^ |
جريييييييييت على مدونتي اشكي و اقول
مخنوووووووووووووووووووق و زهقااااااااااااااااااااان محتاج كل صاااااحب و اخ و ياريت اللي تركوني كانوا معي الااااااااااااااااااااااان |
بحلم بلحظة حب صافية انشالله حتى تتسرق ....... بحلم بكلمة صدق كافية متكونش حبر على الورق ...... بحلم بطيف للحب هالل ....... بدل الحنين اللي اتحرق ........ بحلم و كل يوم بنفس الحلم بحلم ........ و الله اعلم ........ امتى الحقايق تتخلق ...... لكني هحلم ....... و في كل حلم هعرف معاني للفرح ........ معاني تفضل عايشة ليا و لا نفترق ........ هحلم بصورة شخص كامل ....... يعرف يعامل ........ علشان يكون سندي في حياتي ......... مركب يسير بينا في بحر من الالم ........ و بديل لمركبي اللي غرق ........ بحلم بصورة طيف يغير نبض قلبي ...... و كأنه نص للقمر شافني اتفلق ........ بحلم بحب بينتشر ........ بحلم بوصف بيتنشر ......... بحلم بشكل جديد يلازم كل البشر ....... زمن البشر الطيبين عدى و مرق ... |
http://www.betterphoto.com/uploads/p..._085_e_web.jpg عجبا ابي تحنو علي بطفولتي . . و تعلمني و انا صبي و ارد لك جميلك بتصرف طائش غبي عجبا يا لحنا اعزفه ببكاء يقابله الحنان عجبا يا رمزا للامان ننساك يا حبا غزيرا ملهما و اوصانا بك النبي احتاج لحضنك يا صديقي احتاج لنصحك يا رفيقي احتاج لصحبتك الجميلة عند الفجرِ و المغربِ |
http://www.lmada.com/vb/imgcache/2/22322lmada.jpg اماه طاب في قلبك مسكني احتضني جسدي البارد دمعاتي تحرق عيناي فان اخرجتها من مقلتاي فستحرق خدي هل ارتمي بأحضانك و اشتم عطر رأسك الذاكي ؟ هل انهياري ضعف يفوق كل القوى ام ان احضانك قوة لكل ضعف ؟ اماه كام تأففت من قولك لي كام كانت نصيحتك ثقيلة على قلبي كم كنت انفذ افكاري دون الرجوع لخواطرك كم التصق بي كابوس متجمل بهربي من حلم متأمل اماه في مرضي تركتي الدنيا من اجلي و في مرضك لم اخشى دنو اجلك طعنت بالاف الطعنات و ابكيتك بالاف الدمعات و نزف جرحك الغائر من بطشات لساني و لم يهتز كياني اماه انا نادم في رحابك و انتظر منك عقابك ترفعين كفك ليهبط بحنو على صدري فيزيل هم تجثم فوقه و تبتسمين لتغفري لي بنظراتك و تدمعين لتريحين عينيكي بدمعاتك لتخرجين حزنا تكتمينه من اجلي اتذكر ساعات ابتساماتك كم كانت حقا حانية كم كانت لمساتك زاهية و الان اين هي ؟!! اصبحت وحدي و احتسبك في جنات ربي العالية ! يا غالية |
النهاردة شوفنا اصعب ماتش كورة ماتش مش محسوب بوقت او بـ فوره ماتش اهدافه ضحايا بتتقتل و المشجع اللي يقتل ناس بطل لازم ناخد جنبه صورة و الحكم في الماتش غايب كل جون فيه مصاحب للعجايب و الحدود فيه بير عيوب مفتوح و سايب اسحبوا ارواح ولادنا و احنا دافعين الفاتورة ليه يا ناس معنى السعادة فينا مات ليه بنرضى بكل فتنه من سكات ليه عقولنا اتقلبت حالة من الشتات و مفيش ثبات بحر دم و اتفتح و بقى نافورة ليه بداية يومنا تبقى بسمة باينة و النهاية تكون قلوب عاصية و خاينة ليه الروح بقت رخيصة اوي وهاينة و مرة تانية نحلف ان بلدنا بينا يا ناس فخورة نفسي بس نبطل نحكي في الفضا نفسي ننسى كلامنا عن شئ انقضا مين في الدنيا يرضى يعيش بالذل ده ليه كده وضع بلدي مكنش ناقص ماتش كورة في مباراة كرة قدم يموت اكتر من 75 شخص و يصاب المئات ........ رايحة لفين يا مصر ؟؟؟!!! |
يا بلادي انا فيكي عايش ليه كده من غير كيان
غيري ليه 2000 مكان و انا لسه مش لاقي مكان ليه صراخك وسط خوفك كله متحول لسان صوته بس صداه في وسط الصحرا غطا على صوت الاذان انا نفسي يا بلدي مرة اعيش بعيد عن المجاري مش واخدها في حضني و القى ابني جنبي دمه جاري سم طعمك جوه حلقي و لسه طعم السم ساري خايف ابكي و اقول بحبك تهمتي تبقى الجنان اذا كنت عشان عيونك قمت هديت المظالم و في ثواني لاقيت في سجنك اي حد غير اللي ظالم ياللي شكل تراب ملامحك لسه مجهول المعالم وصفي ليكي بكل حزني شخص مهزوز او جبان طبعك انتي غريب يا ارضي لسه برضه واطيه راسك طيب بذلك ده بترضي . . مش في دمعك ده خلاصك اللي باس راسك يا بلدي يبقى ليه زي اللي داسك و اللي على شرفك محافظ زيه زي حد خان امي فيكي يا ارضي تايهة خايفة على عرض البنات و التعالب فيكي جايه تنهش الماضي اللي فات و القيم و الحب فيكي حاجة من وسط الحاجات نفسي ابطل ابكي مرة بس يظهر دمعي هان برضه هديلك تحية و ارفع الراية لفوق و ابقى متعشم في قلبك نفسي من نومته يفوق نفسي جو العتمه يمشي و القي جاي بعده الشروق نفسي وصفك جوه عيني يبقى صورة للحنان غربتي في مصر .... من اعمالي |
| الساعة الآن 02:58 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية