|
طلبتج لاترديني ... للكاتبه : جواهـر
طلبتج ..لاترديني للكاتبة: *جواهر* ***الجزء الاول*** احب ابدأ بأبطال قصتنا واولهم غالية وهي البنت الوحيدة بين ولدين, عمرها 22سنة خلصت الدراسة وتنتظر الشغل وتخصصها ادارة اعمال، وتتميز غالية بابتسامتها الدايمة وعندها اسلوب حلو ومؤثر في الاقناع اما صفاتها الشكلية فهي متوسطة الطول ومليانه شوي وبيضا و لون عينها عسلي وشعرها بني طويل وجمالها متوسط لكن اللي يميزها فيها شي يجذب. بطلنا الثاني هو خالد اخو غالية ,هو بجر العايلة عمره 25 سنة يشتغل مبرمج كمبوتر في الاتصالات يحب البحر والسيارات ويتميز بالصدق وكلمة الحق علشان جذيه ربعه قلة اما صفاته الشكلية فهو طويل وضعيف ولون بشرته حنطي فاتح . اما باقي افراد العايلة فهم :عبدالرحمن (بو خالد)ريال متقاعد وامهم متوفية من 18 سنة ماتت بسبة الضغط المرتفع المفاجئ وبعد 5 سنوات تزوج من بنت خالته مريم ويابتله بس ولد واحد سموه سلطان . وعايلة بوخالد يعيشون في الراشدية بدبي من 3سنوات بعد ماانتقلوا من عجمان. والحين ابتدي القصة: غالية في غرفة خالد يالسة عالنت وخالد في الصالة يتصفح المجلة وبعدها قرر انه يرقد لان واره عرس اخ ربيعه عبدالله. دخل خالد غرفته شاف غالية مكانها عالنت، غالية طنشته ولا كأنه موجود . خالد : ابغي ارقد وغالية ولا كأنها موجوده في الدنيا وقف خالد ورا الكرسي اللي جالسة عليه غالية وفجأة صرخ:غليووووووووووووووووووووه غالية وبكل برود: ان شاالله اخويه لحظة شوي خالد: غليوه قومي من على النت تراني صبرت عليج وايد غالية: خمس دقايق بس ,والله ما اجذب عليك خالد: بعد للعشرة وبعد العشرة بفرج من الكرسي ،واحد، اثنين غالية: حرام عليك أنا ملانه وظايجة ،وانت مو حاس فيني خالد: عن هذي الحركات، زين مني مخلنج تلعبين بكمبيوتري غالية: لا تتمنن عليه باجر كمبيوتري بيوصل وبشرفنا وفيه برامج يديدة احسن من هذا الكحيان خالد: هب كمبيوتر هذا، وزير....،اقول قومي لاتطولين السالفة وهي قصيرة قامت غالية من على الكرسي وصدت صوب خالد (بنظرة شرسة):نوم العوافي خالد(بسخرية): آنسة غالية ،لاتنسين تصكين الباب وراج لكن برقة لوسمحتي غالية: شو شايفني دفشه شراتك؟ خالد: انتي ادرى بعمرج. خالد كان يعتبر غالية امه اللي توفت بعد يومين من ولادة غالية ، وكانت هي مصدر التوجيه والنصايح اذا مر بمشكلة . على طاولة العشا كانت العايلة تتعشى ام سلطان: بو خالد ما تعشيت؟ بوخالد: ما اشتهي ام سلطان: ما من شر؟ شي يعورك؟ بوخالد: لا الغاليه بس ما اشتهي سلطان: ابويه..... تسوي رجيم؟ اشوف كرشتك زايده هاليومين بوخالد: خسك الله شوف كرشتك قبل يالبعير ام سلطان: حرام عليك يا بو خالد تتوحى الولد بو خالد: هيه ما خفتي عليه خفتي على ولدج ام سلطان: يا ربي.... هذا ولدك مثل ما هو ولدي غالية: يا أم سلطان الوالد يتغلى دلعيه ، تراه يستاهل ام سلطان: اسكتي انتي يالسوسه, انا اللي تبغي حد يدلعها بوخالد: كبرتي يام سلطان على هالسوالف ام سلطان: جان انته كبرت كيفك , بس انا بعدني شباب بوخالد: كله منج ياغليوه, اسميج سوسه غالية: انا....حرام عليك انا شو سويت؟كله تعقونه عليه بوخالد: بس بس , خلصي عشاج وتعالي غالية: ليش شو السالفة بوخالد: انتي تعالي وبتعرفين قام بوخالد من عالكرسي وراح غرفته سلطان: باين السالفه جايده، شو مسويه يا غليوه غالية: اسكت انت انا واثقة من عمري ، بس انت خل بالك على دروسك سلطان: الحمدالله انا متفوق وشاطر مو شرات بعض الناس ما عندهم شغله غير الرقاد ام سلطان: اخ عليك يا سلطان تراد اختك وانا يالسه غالية: احسن لي اروح عند ابويه بدل ما احصل لي تعليق من ياهل مشت غاليه لغرفة ابوها ودقت الباب بوخالد: ادخلي الباب مفتوح غاليه: كيفك بابا؟ بوخالد: منيح بابا غاليه: اوه اوه بدينا نرمس لبناني، شوالسالفة؟ بوخالد: خلينا الحين من هذي الخرابيط غاليه: نعم ابويه بوخالد: تدرين اني ما اجبرج على شي انتي ماتبينه ، صح؟ غاليه: (وبدا قلبها يدق بسرعة) صح بوخالد: ابغي اعرف سبب رفضج لحميد بن راشد, لانهم كلموني مرة ثانية وباين انهم متمسكين فيج غاليه: يعني شو اقولك يابويه ،الصراحة مافيه شي ينعاب لكن انا مو مرتاحة إلهم بوخالد: يعني ما بتغيرين رايج؟ غاليه: احم ....لا بوخالد: على خير ان شاالله... خالد في غرفته يتسفر ويتعدل حق عرس اخ ربيعه عبدالله (حمد) خالد:يا الله وين فريت موبايلي؟ سلطان يالس في الصالة يشوف فيلم(Home Alone)على قناة 2 خالد:سلطان شفت موبايلي؟ سلطان:لا خالد:سلطون اتصل فيني سلطان:متى الحين؟ خالد:يالغبي ،اكيد الحين يعني بعدين! سلطان:خليت الذكا الخارق لك يا اخويه الكبير العاجل خالد:عن الفلسفه الزايده الحين ،اتصل وفكني خالد:سلطان سمعت صوته؟ سلطان:هيه الصوت قريب مني بس ما اشوفه خالد:هيه صدق سلطان :احس بشي تحتي........هذووه خالد:الله يخسك يالس فوقه اكيد اخترب سلطان:صدق اني متين لكن مو لهذي الدرجة راح خالد غرفة غاليه ودق الباب غاليه تتصفح المجلة في غرفتها :الباب مفتوح خالد :ابغي عطر شانيل وينوه? غاليه:بسك خلصته شلك في عطر الحريم؟ خالد:يالبخيلة والله بشتريلج غيره هاتيه ورايه عرس غالية:من 3 شهور تقولي نفس الرمسه بس ماعليه خذ خالد: حشى مو طالب عطر طالب مليون انا.. راح خالد العرس في مركز دبي التجاري, وغالية ما خلت مجلة ما قرتها وبعد دقايق رن الموبايل غالية:الوو اليازيه:الوو..السلام عليكم غاليه:وعليكم السلام ورحمة الله وبركاته..وينج؟ماينسمع حسج؟؟ اليازيه:موجودة انتي اللي وينج؟المهم شحالج؟شو اخبارج؟ غاليه:الحمدالله بخير ويسرج الحال،واخبارنا تعرفينها اليازيه:شحال عمي؟ غاليه:الحمدالله بخير،الا اقول شحال المعرس؟؟ اليازيه:الحمدالله بخير ،بس انتي شلج تسئلين؟ غاليه:اووووووه،بدينا نغااار؟ اليازيه:لاحبيبتي امزح معاج بس هالفترة هو مشغول بتجهيزات العرس. غاليه:الله يوفقكم ويسعدكم. اليازيه:آمين ،وان شاء الله نفرح فيج عن جريب. غاليه:حبيبتي انا مو مستعيلة شرات بعض الناس،اول شي بشتغل وبظهر قيمة الشهادة وتعب السنين اللي مرت و بعدين بفكر بالعرس. اليازيه:شو تقصدين ؟انا مطيرة عالريل؟ غاليه:شدراني فيج؟ اليازيه:اقول...مع السلامة غاليه:السموووحة الشيخة ماروم على زعلج اليازيه:احلفي بس انتي؟اقول.. غليوه غاليه:نعم،قولي اليازيه:بخليج الحين،الوالده تناديني غاليه:سلمي عليها اليازيه:الله يسلمج ،يبلغ.. وبعد ساعتين خالد وصل وبوخالد يالس مع العايلة في الصالة يشرب حليب زعتر خالد:السلام عليكم بوخالد+ام سلطان:وعليكم السلام ورحمة الله وبركاته بوخالد:شواخبارالمعرس؟ خالد:بعد شو؟طاير من الفرحة ام سلطان:متى نفرح فيك ونشوف عيالك؟ بوخالد:آآآآآآآآآآآآآه متى ايي هذا اليوم؟يالله بالحياة خالد:ابويه انا مو مستعيل اول شي خلني اكون نفسي وبعدين يصير خير بوخالد:افااا نسيت اني موجود اعين واعاون؟ خالد:ماتقصر يا بويه بس بوخالد:بس شو؟؟ خالد:بالمختصر المفيد انا مالي خاطر بالعرس في الوقت الحالي وبعدين لازم ارقد الحين ورايه دوام اضافي باجر بوخالد:روح روح عن ويهي لاتتعلث لي، حشى هالعيال لا الولد ولا البنت يبون العرس عنبووه تقولين يام سلطان حد عامي عيونهم عن العرس ام سلطان: يا عبدالرحمن الزواج قسمة ونصيب واللي الله كاتبنه بصير. **الجزء الثاني** ثاني يوم تحديدا الساعة سبع وربع نشت غالية، صلت الضحى واظهرت من غرفتها. خالد يالس يتريق بروحه:منوه؟؟غليووه ناشة من فيرالله، غريييييييبة!!! غالية: اي فير ،بتستوي ثمان. خالد:ادريبها ثمان ،بس ظاري هالوقت انتي في سابع نومه غالية:ادري بس اليوم بسير مع ابويه عند يدتيه خالد:خير شوفيها ؟شو صاير؟ غاليه:مافيها غير العافية،بس هي متصلة ببويه من ايام، تتشره عليه من مدة ما زارها. خالد:غريبة ،ابويه ماخبرني غالية بخبث:متى يخبرك ،وانت طول الوقت ظاهر مع ربعك خالد: يام لسان ،انا مو شراتج لاشغله ولامشغلة ،انا ورايه اشغال ومسؤوليات غالية:اوه..الساعة ثمان ،الحين بيخصمون من معاشك. خالد (وهو ماد ايده صوب غالية وشال الصحن):اقول..اغرفي لي بلاليط غالية:شو؟بتاكل خالد:هيه باكل الا هي ربع ساعة ،محد بلاحظ غاليه:كيفك رجعت غالية لغرفتها وفتحت كبتها ،تختار الها شي تلبسه غاليه:شو البس؟؟اممممم احسن شي البس مخورة اومغربية عشان تستانس ام عبدالرحمن. بس اي وحده؟؟؟الحمرا او الخضرا آخر شي استقرت غالية على مخورة ،القطعة فيها الوان ربيعية فاتحة ومطرزة بكازوات صغيرة ورقيقة،وبعدها اتسبحت وادخنت ويابت عباتها وشيلتها وعطرتهم بدهن العود ودخنتهم وعلجتهم وراحت اتشوف ابوها. بو خالد يالس في الصالة يقرا الملحق الاقتصادي وحس بحد ياي صوبه يوم صد شاف غالية جان يبتسم الها غالية ردت له بابتسامة:صباح الخير(وحبته على راسه) بوخالد:صباح النور ،اتجهزتي؟ غالية:ايوة يا بابا انا جاهزة امتى حنروج لتيته بوخالد:ماحيدني مخلف مصرية غالية:هههههه بوخالد:ان شاء الله عقب ساعة غالية:بابا بوخالد:مااحب اقرا الجريدة وحد يكلمني غالية:بسم الله علينا بوخالد:نعم آمري ،تدللي شو تبين؟( وفر المجريدة عالطاولة اللي جدامه) غالية:شرايك،ناخذ ليدوه هديه بوخالد:انا مومتفيج امر على مكان غالية:عنبوه هذه امك اللي ربتك بوخالد:لا حول ولا قوة الا بالله..شوايبلها كاكاو باتشي؟ غالية:هيه.. ليش لا بوخالد:عيل سيري عند عمرو قولي له يمر اول على وافي وياخذلنا باتشي وبعدين يوقف السيارة جدام الباب. غالية:ان شا الله (والبست غالية شيلتها وراحت له) في هذي اللحظة اظهرت ام سلطان من المطبخ وفي ايدها صينية القهوة والفنايين. ام سلطان:ماشاالله جهزتي؟ غاليه:هيه وبعد ساعة بنروح الهم ام سلطان:كان بخاطري اظهر معاكم، متولهة وايد على خالتي ،بس شواسوي سلطان بتم بروحه في البيت غالية: اسميج مدلعتنه ام سلطان:بعد جيه مادلعه ؟ولديه ،حشاشة يوفي غالية:احسن لي ادخل ام سلطان:آه يا الغيرة غالية:اناا اغار من سلطون؟هالياهل ام سلطان:فديتتت روحة غالية:آآآآآآآآآآآآآه عالحب،ماعليه بسير عند يدوه بخليها تعطيني جرعة حنان ام سلطان:ههههههه وبعد ساعة اظهروا من البيت واركبوا سيارة الرنج وراحو بيت اليدة الموجود في عزرة بالشارجة،وهم في السيارة بوخالد:شوي شوي ،شوبلاك مسرع عمرو:بابا انا امشي مية بوخالد:جذاب تتحراني ماشوف الكيج عمرو:بابا هاذا شارع فاضي مافي مشكلة بوخالد:شو ماشي مشكلة امش ستين غالية:اذكر الله يالوالد بوخالد:لا اله الا الله غالية:محمد رسول الله،وبعدين صدقة ،الشارع فاضي والناس في دواماتهم،فعادي اذا سرع بوخالد:شدراج بالشارع وعلومه غالية:آآآآه متى اسوق وارتاح بوخالد:في الاحلام ... غاليه:جيه ابويه ؟الكل يسوق؟تعرف ربيعتي اليازية؟...تسوق بوخالد (صد لغالية بنص عين):انا شليه بفلان وعلان،بعدين ماشي سواقه يعني ماشي سواقه. صخت غالية وهي معصبة وشلت مجلة معقوقة في السيد الوراني للسيارة. بعد ربع ساعة وصلوا ونزلت غالية ونزل ابوها وادخلوا البيت. بوخالد وهو يفتح باب الصالة:هود..هود ام عبدالرحمن كانت يالسة عالقنفة البيج تشرب قهوة فالصالة:هدا هدا بوخالد وهو يتجدم غالية:السلاااام عليكم ام عبدالرحمن:وعليكم السلام والرحمة بوخالد:شحالج الوالدة ؟عساج طيبة ام عبد الرحمن:والله طيبة ولا موطيبة،انته يهمك؟ بوخالد:اوووه باين انج ماخذه على خاطرج مني،كله ولازعلج يا ام عبدالحمن. ويت غالية وحبت يدتها على راسها:شحالج يدتيه؟ ام عبدالرحمن:الحمدالله بخير ويسرج الحال بوخالد:جيه يعني ماهزبتيها شراتي؟ ام عبدالرحمن:والله يقولون ...اغلى من الولد ولد الولد بوخالد:جذيه يعني،الحين انا الزعلان وماخذ بخاطري منج ام عبدالرحمن:وينهم الباجيين؟مااشوفهم بوخالد:عندم دوامات ام عبدالرحمن:الحين خالد في الدوام وسلطان في المدرسة ،وام سلطان وين؟تداوم في ميلس الحريم؟ بوخالد:الله يهديج يا امي سلطان محد عنده في البيت والاجان يبناها معانا غالية (بدلع):كفايه وجودي... ام عبدالرحمن:ههه وزود بعد غالية:وينها عاشه بنت عمي سالم؟ ام عبدالرحمن:في بيتهم،(اشرت بايدها صوب التلفون):اتصليبها،تتغدى معاج. بيت سالم عم غالية ملاصق بيت اليدة غالية (وهي تنش):ان شا الله بوخالد:امي يبتلج باتشي ام عبدالرحمن:شووو؟ بوخالد:باتشي،هالكاكاو ام عبدالرحمن:تعرف فيني سكر،ناوي تذبحني بو خالد:استغفر الله العظيم،كلي شويه لاتكثرين ورجعت غالية يلست حذال يدتها بوخالد:كله منج ياغليوه غالية:بسم الله،جيه ان شو مسويه؟ بوخالد:العيوزتتحراني ناوي عليها بهالكاكاو غالية وهي تضحك:ههههه ام عبدالرحمن:انا اقول عبدالرحمن متى افتكر فيني؟ بوخالد:ياربي... في هذي اللحظة انفتح باب الصالة والكل صد صوب الباب،والا يظهر واحد شاب، طويل لابس كندوره لونها بيج ونظارة شمسية. غالية من شافته لفت الشيلة عدل على راسها وماعرفت شو اتسوي!!!!!! **الجزء الثالث** الشاب مشى صوب بوخالد:مرحبا عمي عبدالرحمن فوقف له بوخالد:مرحبتين...شحالك احمد؟ احمد(وهو يحب راس عمه):الحمدالله بخير ويسرك الحال،ويلس حذال عمه على القنفة اللي مجابة لغالية وغالية مب عارفه وين تحطي عينها. غالية(في خاطرها):هذا احمد؟الحفيد الغالي؟ احمد ولد سالم يسكن مع يدته في نفس البيت من هو صغير،واحمد اكبر عن غالية بسنة ،احلى واحد في عايلته،ابيضاني،اللي يشوفه يقول سوري ،طبعه هادي غير عن اخوه سلطان اللي دوم ينكت ويسولف. بوخالد:مرة ثانية يوم تتدخل هود او دق الباب احمد:ان شا لله لكن انا قبل شوي كنت مع يدوه في الصالة ورحت المطبخ اشرب لي ماي ومالاحظت انه فيه حد دخل البيت بو خالد:هيه..تقهويت؟ احمد:لا بعدني بوخالد:يلا قهوينا يا بو شهاب احمد:ان شاالله غالية(في نفسها):بعد!!السالفة فيها يلسه غالية نادر ماتشوفه لان كل مرة تزور يدتها يكون هو موجود في ميلس الرياييل . بوخالد:شو اخبار الشغل؟ احمد:والله ماشي الحال بو خالد:غالية ...هاتيلي كاس ماي غالية:ان شا الله راحت غالية المطبخ ورجعت وبيدها كاس ماي ام عبدالرحمن:عافانا الله عنج طلعتي بخيلة غالية (منحرجة):ليش يدوه؟ ام عبدالرحمن :انا موجودة واحمد موجود،جان يبتي جيك ماي وكاسين غالية(فخاطرها):يعني لازم تهزبني جدامه؟ احمد:ماعلية يدوه توني شارب ماي بوخالد:احمد..ابويه اذن الظهر؟ احمد:عقب خمس دقايق باذن بوخالد:عيل بنروح جماعة احمد:ان شا الله واظهروا من البيت وبعد عشر دقايق وصلت عاشة بنت عمها وهي اصغر عن غالية بسنة واختها اللي اصغر عنها سلامة. ويلست عاشه مع غالية في الغرفة اللي حذال الصالة،مصبوغة باللون المشمشي وفيها قنفات حمرا. عاشة بنت سالم،بنت ضعيفة ،عود ،طويلة وعيونها عسليات صغار بس حلوين،وشعرها يوصل لنص ظهرها. عاشه:غليوه ...متغيرة غالية:انا؟؟ عاشه:ليكون انخطبتي من ورانا غاليه:الله يخس بليسج،اذا انخطبت انتي اول من يعلم عاشه:هيه..هالناقص تنخطبين وانا ماعرف بس غليوه خذي واحد عنده اخوان غالية:جيه عاد؟؟ عاشه:يعني جيه؟ ..حتى آخذ اخوه غاليه:خسج الله صدق ماتستحين على ويهج....ماعليه بخبر عليج ام عبدالرحمن تعرف دواج عاشه(قامت وحبت غاليه عل راسها):اسولف معاج وكله ولا ام عبدالرحمن غالية:تستاهلين وبعد شوي سمعت غالية يدتها تزكرها ام عبدالرحمن:غالية..يو..غالية ومشت غالية بسرعة صوب يدتها غالية:نعم امي ام عبدالرحمن (والمدخن فايدها):بتحصلين دخون فوق التسريحة اللي فحجرتي غالية :ان شا الله غالية وهي راده صوب يدتها سمعت حس احمد فوقفت وقلبها يدق وبعدين مشت شوي شوي غالية بصوت واطي: تفضلي احمد:شحالج فاطمة؟ غالية لا اراديا صدت صوبه وكانت متفاجاة لانه اول مرة يكلمها ام عبدالرحمن:بسم الله عليك الرحمن..هذي غالية بنت عمك عبدالرحمن مب فاطمة احمد:ماشاالله ...من كثرهن ما عرف اساميهن ام عبدالرحمن:الله اكبر ..بتاكلهن احمد:ههههههه غالية ساكته ولاانطقت بحرف ام عبدالرحمن:نسيت غالية اللي تركض وراك بعرس خالك محمد وتقولك خطيبي خطيبي غالية انصدمت من كلام يدتها وغدا ويهها شرا الطماطة غالية(فخاطرها):انا الغيبة ..شو اللي يابني،هذي كلها حوبات خلووود احمد:هههههه كان عمري 7سنين غالية (بارتباك وقلبها يدق بالقو):عن اذنكم ام عبدالرحمن:اذنج معاج وارجعت غالية لعاشه في الغرفة عاشه:شو بلاج؟ غالية:هذا..اخوج الغبي عاشه:منو احمد؟ غاليه:هيه..على باله اسمي فاطمة عاشه:ههههه..اكيد بقولج فاطمة غاليه:جيه عاد؟؟؟ عاشه:باله عند حبيبة القلب غاليه:شوتقصدين؟؟؟ عاشه:من ايام مكلم امي يبغي يعرس غالية انصدمت من كلام عاشه:يعرس؟؟ عاشه:هيه.. غالية:اخوه سلطان اللي اكبر عنه ماعرس عاشه:موشرط الاكبر يعرس قبل غالية:منو هاي اللي يبغيها؟ عاشه:اسمها فاطمه بنت راشد من بوظبي غاليه:وشدراه فيها؟ عاشه:اخوها ربيعه الروح بالروح. غالية والغصة في قلبها:الله يسعدهم عاشه:آمين غاليه:يدتيه تعرف؟ عاشه:ما اظن غالية:لكن اذا عرس وين بسكنها؟ عاشه:تقصدين يدوه؟ غاليه:هيه...من هو صغير وهو عايش عندها عاشه:هو حاط شرط للعروس، اذا تبغيه لازم تسكن معاه عند يدته غاليه(في خاطرها):ان شا الله ترفض غاليه:اتظنين انها توافق؟ عاشه:مادريبها.... خالد مع ربيعه عبدالله في السيارة وحاط اغنية فيروز..ويخرب بيت عيونك يا عليا شو حلوين. خالد:شو الموضوع المهم اللي بتخبريني عنه عبدالله :يوم بنوصل المطعم بخبرك خالد(وهو يزيد السرعة):انا ما احب هالحركات عبدالله:عن الخبال..لاتسرع خالد:بتقول...والا؟ عبدالله:قصر عالاغنية خالد:يا اخي انا هالاغنية اموت فيها عبدالله:لاحول ولاقوة الا بالله،انا جيه راكب معاك؟ خالد:ان شاالله يا مطوعنا..قصرت ،يلا قووووول عبدالله:..وصلنا المطعم الجزء الرابع في مطعم القصر الهند اللي مجابل سيتي سنتر عبد الله :آآآآآآآه شو ابغي خالد:انا ابغي كباب سلطاني،لوسمحت ابغي صحنين كباب سلطاني وعصير ليمون عبدالله:الصحنين بتاكلهم بروحك؟ خالد:هيه..انا ميت من اليوع عبدالله:امم ابغي... خالد:يلا عاد الريال يترياك عبدالله:هيه..ابغي برياني لحم وكوكتيل خالد:راح الريال ..يلا اتكلم قول شوعندك عبدالله:الصراحة.. خالد(بابتسامة):الصراحة انت لي راحة عبدالله:خالد..كم عمرنا؟ خالد:ههه...الحين الموضوع المهم اللي تكلمني عنه من الصبح،طلع كم عمري؟ عبدالله:لا طبعا...اقصد لين متى بنظل عزابيه خالد:او اوه تطورات يديدة ماشاالله عبدالله:انا ما اسولف خالد:انزين..شو تبغيني اسوي عبدالله:الصراحة انا خطبت والخميس هذا بملج خالد(متفاجئ):نعم...وحضرتك الحين اتفيجت وخبرتني وانا اللي معتبرنك ربيعي الروح بالروح.... عبدالله:صل عالنبي خالد:اللهم صلي وسلم عليه عبدالله:الرسول عليه الصلاة والسلام قال اقضوا حوائجكم بالكتمان وانا لما اتأكدت موافقتهم خبرتك خالد:اذا الملجة هذا الخميس العرس متى ؟الاسبوع الياي؟؟ عبدالله: عن الطنازه بدل ماتبارك لي،تعلق خالد(من دون نفس):الف مبروك ..منك المال ومنها العيال عبدالله:وصل الكباب خالد:الله ..محلات ريحته ي الجرسون وحط الاكل وروح، وعبدالله يالس يتأمل خالد وهو ياكل خالد (انتبه لعبدالله): نعم..جيه ما تاكل والا هذي اول مرة تشوفني عبدالله:هههههه...لا ،بس بتوله عليك وعلى خبالك وخاصة سواقتك خالد:عرفنا انك بتعرس، بس هالكلام مو يعني تنسانا،لاتخاف كل يوم بسمعك صوتي عبدالله:لا الغالي ..مشكور ،شهر كامل بخلي موبايلي مغلق خالد:خيبه...اسميك طحت من عيني،من اولها اثرت فيك.. عبدالله:هههههه بنشوف يوم بتعرس شو بتسوي خالد:بيظل خالد مثل ماهو عبدالله:بنشوف غالية مكانها في بيت يدتها وبوخالد يالس مع ربعه في الميلس . عاشه:اففف متى بفتك من الدراسه غاليه:هانت كلها كورس واحد ويعدي وبعدها بتملين من يلسة البيت بس انتو الثنتين ماكان عندكم دوام اليوم؟ عاشه:كنت ظايجه اليوم فما رحت غاليه:عدااااال واذا عطوج انذار؟ عاشه:لا تخافين انا حاسبتنها عدل غاليه:الله يعين،وانتي يا الاميرة ليش غايبه سلامه :تعرفين هذي ثانويه عامه والدرجات مو محسوبه بس اللي ينحسب آخر الامتحانات غاليه:ما شا الله عليكم بنات سالم حاسبينها عدل.. سلامة:انتو اللي يا حظكم مب شراتي ..ثانوية عامة ولوعة جبد غالية:السنة بتمر مثل لمح البصر سلامة:ان شا الله سلامة انسانه هادية وخجولة بعكس اختها عاشه وهي اللي يميزها انها سمرا بس سمارتها حلوة وتجذب وعيونها وساع ظاهره على خالاتها. عاشه:انا يعت غالية:حتى انا عاشه:قومي نسير بيتنا عدنا بفك غاليه:ههه انتي مال قبل بس الصراحة شهيتيني سلامة:يلا قوموا كل وحده لبست شيلتها بس،لان البيت حذال البيت وتغشن،يوم دخلن شافو سيارة سلطان موقفه في الكراج غاليه:حد عندكم عاشه:لا هذي سيارة سلطان غاليه:عجيب اللون الاصفر عاشه:محد يروم يلمسها غاليه:لهذي الدرجة هي غاليه على قلبه عاشه:واكثر ..هو اللي ينظفها ومسولها كراج خاص فيها غاليه:سبحان الله سلامة:عاشه ...الباب مقفول عاشه:افففف،شو انسوي الحين،امي اظهرت ،ابويه في ميلس يدتي سلامه:نرجع بيت يدوه؟ عاشه:طبعا لا غاليه:يلا يا حكيمة زمانج ...دبرينا عاشه:امممممممممممم،يمكن سلطان في البيت غاليه:يا ذكية،كيف سلطان في البيت والباب مقفووول؟ عاشه:يمكن هو في الملحق غاليه:في الملحق سلامة:امسوي لعمره غرفة رياضة عاشه:ههه يتمنى تظهر له عضلات سلامه:عاشو اسكتي عن يسمعج غاليه:اخوج اهتماماته غريبه سلطان اكبر عيال سالم عم غاليه اسمراني وعيونه وساع اللي يشوفه ويشوف احمد مايقولون عنهم اخوان عنده هوايات غريبة ويحب يهتم بنفسه وبسيارته لابعد درجة. عاشه:لحظة شوي بسير ادور على سلطان في الملحق مشت عاشه صوب الملاحق وشافت سلطان يالس يتمرن ويوم شافته فكرت تزيغه عاشه(بصوت عالي):اوووووووووووووووو سلطان(وقف في مكانه):عاشوه اطلعي احسن لج عاشه:ياخسارة سلطان:بتشوفين شو بسوي فيج عاشه:سلطان ابغي مفتاح البيت ..تعرف مكانه؟ سلطان:اظن مع الخدامة بس امي شلت الخدامة معاها ..هيه لحظه عندي مفتاح سبير اظن في السيارة عاشه:الحمدالله ...عطني مفتاح سيارتك وانا بظهره سلطان:لا الغالية انا بدور عليه عاشه:يلا انزين ..بسرعة قام سلطان وراح صوب سيارته وعاشه ما قالتله انه غاليه موجوده وتفاجأ سلطان لما جاف وحده متغشيه حذال اخته سلامه وغاليه كانت متغشية من الشمس المهم فتح باب سيارته ويلس دقيقتين وبعدها طلع من السيارة وبحركة سريعة فر المفتاح على سلامه وراح غاليه وهي تساسر سلامه:السلام لله سلامه:ههه ..يمكن ماانتبه غاليه:مااحيد وزني وزن اريشه..الحمدالله طلع خالد احسن عنه بوااايد عاشه:شوتقصدين حبيبتي؟سلطان يسوى خالد وزود غاليه:نعم؟شو قلتلي سلامه:تبغون تاكلون بفك؟والا؟؟ عاشه وهي تنشع المفتاح عن يد سلامة:هيه،بس الدبب مب زين الهم غاليه:شو تقصدين يا ام لسان طويل عاشه:ههههه اللي فهمتيه خالد وهوواقف بسيارته جدام البحر يتأمل منظر البحر فلليل وانعكاس القمر ويسمع صوت الموج خالد:سبحان الله......... وفجأة سمع صوت وحده جان يتعوذ من الشيطان ،فسمعه مره ثانيه فلما التفت وراه شاف سيارة مغرسه واللي تسوق وحده، فنزل من سيارته وراح صوبها... نهاية الجزء |
الجزء الخامس لما وصل خالد لسيارتها الكادلاك خالد(وهو صاد صوب البحر):نعم اختي ..... الشابه:لوسمحت اخويه السيارة مغرزه خالد:لحظة شوي حاط خالد حوالي السيارة وشاف التاير المغرز ،وقام يزيح الرمل باييده وهي اظهرت من السيارة مب عارفه شو اتسوي ،فوقفت وراه خالد لما خلص شغله التفت صوبها فانصدم بالجمال اللي يشوفه كانت جميلة بكل معنى الكلمة،بياض،عيون وساع وفيها حور وزيادة على هذا كانت حاطة ميكاب رقيق يبرز جمالها،ولابسه عباه مطرزه والشيلة على الجتف ورافعه شعرها. خالد: لو سمحتي .....بغيت احرك السيارة عسب اتاكد الشابه:تفضل ركب خالد سيارتها ،فلما حط عينه عالمنظرة الامامية للسيارة لاحظ اسم عليا معلق فعرف اسمها، ولما تأكد ان السيارة اتحركت طلع. الشابه:مشكور اخويه تعبتك معايه خالد(بارتباك):لا...(وهو في نفسه):شو اقول ؟تعبج راحة عليا(بابتسامة راحة):مع السلامة خالد:مع السلامة،وركب سيارته،وطول الدرب يفكر فيها،ولما حط عل اف ام اظهرت له اغنية فيروز:ويخرب بيت عيونك ..ياعليا شو حلوين خالد(وهو حاط كف يده ع راسه):هيه والله..شوحلوين يا عليا خالد وهو بفتح باب الصالة :مرحبااا سلطان يالس يلعب بلاي ستيشن:مرحبا بك خالد(يفر موبايله وسويج السيارة ع الطاولة ):شحالك بو مايد؟ سلطان(فخاطره غريبة ما هزبني):الحمدالله بخير ويسرك الحال خالد:وين الوالد وصل والا بعده سلطان:وصلوا من ساعة بس جيه جذيه كندورتك ؟ خالد:شو فيها؟ سلطان:كلها رملة خالد:هيه ،كنت في البحر سلطان:الله ...جان خذتني معاك خالد:ان شا الله المرة اليايه وراح خالد صوب حجرته يريح ونسى موبايله والسويج مثل كل مرة،ومن التعب رقد من غير ما يغير ثيابه او يصك الليت. وفي هذا الوقت غالية فغرفتها تجلب المجلة وبالها في شي ثاني غاليه في خاطرها: لهذي الدرجة هو ناسني، وهذي فطيمه شودراه فيها...اكيد شافها..كيف شكلها؟..احلى عني؟..انا ليش افكر فيه ..وانا اساسا ليش افكر في واحد حتى اسمي مايعرفه...آآآآآآه...اكيد هذا واحد مافيه نظر وفرت المجلة وارقدت وفي ثاني يوم الساعة 12الظهر راحت ام سلطان صوب حجرة غالية توعيها من الرقاد،شافت الباب مفتوح ام سلطان:غاليه...قومي الساعة 12الظهر وغاليه مو في الدنيا ام سلطان(وهي تهز جتف غاليه):غليوه بعد شوي باذن قومي تسبحي افففف غاليه،حشى نشي (راحت صوب الستارة وفتحتها وفتحت الدريشه عسب تهوي الغرفة) ام سلطان التفتت صوب غاليه،ولاحظت انها ماتتحرك..وقف قلب ام سلطان واظهرت من الغرفة....بو خالد بوخالد يالس في الصالة حاط قناة الدانه،يشوف اغاني ميحد ام سلطان(بخوف):بو خالد.. بوخالد(من دون ما يلتفت صوبها):نعم ام سلطان:عبدالرحمن...بنتك ماتجاوبني بوخالد:جيه سالتيها؟ ام سلطان:بنتك ما تتحرك بوخالد وهو صاد صوبها:شو؟ ودخل غرفة غاليه بوخالد(وهو يصفع ويه غاليه بقوة):غليوووووووه غالية(وهي متروعة):ها ..شو؟..شو صاير بوخالد وهو يتشاهد:خسج الله ..مره ثانيه ارقدي من وقت وانتي يام سلطان مرة ثانية اذا ما وايبتج رشي ماي على ويهها..تسمعين ام سلطان:حسبي الله ونعم الوكيل..وقفتي قلبي،واظهرت من الغرفة ،وغالية مب عارفه شو اللي صار المهم نشت غالية وتسبحت وسحت شعرها وصلت وهي تسلم وصللها مسج،لفت شيلتها .....موبايلها محطوط تحت المخدة....... "حلفت" باللي خلق هالكون واحصاه،، انك على بالي ولاتغيب لحظااات،،،، غديت مثل "الدم" تجري بمجراه،، لوغبت ينقص نبض قلبي بنبضات،،،،، في خافقي "وحدك" ولاغيرك اهواه،، أفرح بقربك وأرفض الهجر لحظااااات غاليه:خطيييير،بس منو المرسل؟ عند المرسل مو محطوط اسم او حتى رقم وهذي الحركات خدمة توفرها الاتصالات غاليه:اكيد هذا خلوود،بطرشه لعويش في هذا الوقت عاشه مكانها في كلية الشارجة عندها كلاس والاستاذ يالس عالنت ،وهي مخليه موبايلها سايلنت وعالهزاز،واصلا هي يابته بالدس لانه ممنوع في الكليه ...وفجأه حست بموبايلها يهتز،صدت يمين ويسار،تتاكد انه محد يشوفها وفتحت جرار الشنطة شوي شوي عسب تشوف المسج عاشه:يالله يالله،بدقلها وبحركة سريعة حطت السماعة تحت اذنها وغطته بشيلتها غاليه فهاللحظة يالسه ترتب سريرها وتفرشه بفرش يديد الموبايل محطوط على رنة افتح ياسمسم غاليه:افتح يا سمسم ابوابك نحن الاطفال غاليه:هذي عواشه...الو عاشه:الو ..مرحبا غاليه:مرحبا بج عاشه(بصوت خفيف):ازيك يا حبيبتي؟ غاليه:كويسه..بس جيه جذيه صوتج ماينسمع عاشه:الاستاذ مكانه في الكلاس غاليه:شو؟وانتي جيه متصله؟ عاشه:ظايجه غاليه:عن يشوفج،وتستوي سالفه عاشه:لاتخافين حبيبتي انا مسيطرة ع الوضع تمام غاليه:هههه...اليوم الاربعا شرايج تزوريني عاشه:.......... غاليه:الوو عاشه:it doesn’t work غاليه:الله يستر الاستاذk go to another computer عاشه:اوكي عاشه:مع السلامة غاليه:تستاهلين اغلقت غاليه موبايلها واظهرت من حجرتها وشافت ابوها يالس في الصالة يجلب المحطات بوخالد:حشى ..على كثر القنوات مافي شي يتشاهد غاليه:صدقت غاليه فخاطرها:هذا احسن وقت اكلمه فموضوع الشغل وراحت صوب المطبخ وعصرت 3برتقالات وصبته في كاس زجاج من كاسات الضيوف وراحت صوب ابوها غاليه:تفضل ابويه بوخالد:ماشا الله شوهالزين هذا حقي؟ غاليه:هيه...تفضل بوخالد:الله يبرد قلبج مثل ما بردتي قلبي غاليه:اشوفني كل يوم بسويلك عصير عسب اسمع هالكلام الحلو بوخالد:الحمدالله غاليه:ابويه بوخالد:نعم غناتي غاليه:ابويه...شرايك بحالتي بوخالد:ماشالله عليج..مرتاحة غاليه:ابويه ايامي استوت مثل بعضها ابغي اكسر هالروتين بوخالد:وين تبغيني اوديج؟ غاليه:ماقصدت جذيه,يعني اكيد اذا رحت السوق في النهايه برجع البيت لكن انا ابغي احس بكياني بوخالد:أي كيان هذا؟ غاليه:بالمختصر المفيد ابغي اشتغل بوخالد(ويهه اتغير): من البدايه قلتلج مافي شغل،انتي محتايه فلوس..بعطيج غاليه:لا،بس لين متى بظل اخذ مصروفي منك لازم اعتمد على نفسي بوخالد:نعم؟انا المسؤول عنج وعن مصاريفج ..عيل شخانتي ابو غاليه:ابويه انته ماقصرت لكن انا احس شبابي يروح وانا ما انجزت شي في حياتي بوخالد:شوفي انا قايلج شغل مختلط مابخليج تشتغلين وخيرتج بين المدرسه والمستشفى ،عندهم اقسام خاصة للبنات بس غاليه:ابويه انا بزنس شليه بالمستشفى وريحته اللي تمرض والمدرسه اللي ماصدقت متى اظهر منها بوخالد:خلاص عيل،لا تناقشيني غاليه:ابويه حتى المدرسه لازم اجابل الرياييل بوخالد:بس غير غاليه:شو الفرق،الموجه ريال والمزارع ريال والاباء رياييل بوخالد:اقول ذليتينا بالعصير نشت غاليه من على القنفة:يزاك الله خير بوخالد:والله محد قالج ترفضين حميد بن راشد غاليه:والله؟يعني انت تبغي الفكة مني بوخالد:مافي ابو يبغي الفكة من عياله لكن ادور مصلحتج غاليه:والحين مصلحتي اني ايلس في البيت وارقد واسكت بوخالد:ادخلي المطبخ وي خالتج غاليه:بس هذا هو ...هم الريال بطنه بوخالد:مب جنه التلفون يرن غاليه(من دون نفس): الو المتصل:الو غاليه:نعم المتصل:....... غالية:الوو المتصل:ااا..سالم موجود؟ غاليه:لا خويه،انته مغلط ف الرقم المتصل:اسمحيلي اختي غاليه:مسموح وفي هذي اللحظة وصل سلطان البيت،وبعدها تغدوا وبعد ما خلصو بوخالد:سلطان سلطان:نعم ابويه بوخالد:لاترقد سلطان:ليش ؟ غاليه يالسه تشرب ماي بوخالد:اليوم بنروح انخطب وباخذك معايه الابو ما خلص كلمته الا ويسمعون غاليه تنشرق بالماي بو خالد:حلال ..حلال قام سلطان ودق ظهر اخته غاليه:...الحمدالله سلطان(بابتسامه عريضة):ابويه ،خالد قرر يتزوج خالد:هههه،لا يا حبيبي بوخالد:ياريت ..بنخطب لولد عمك سالم غاليه(بانفعال):تقصد احمد او سلطان؟ بوخالد:لاحمد سلطان:وناسه غاليه:..ومنو بياخذ؟ بوخالد:قوم راشد ال...من بوظبي ام سلطان:والنعم بهم ناس اجاويد غاليه:جيه تعرفينهم؟ ام سلطان:شفت امها فعرس بنت سعيد بن محمد من شهرين،طيبه..واخلاق،عز الله العرب. غاليه(وهي تحس بحرقه فقلبها):على خير ان شا الله خالد:وين فبوظبي؟ بوخالد:اظن فالمشرف خالد:الله يعينه عالدرب يوم بياخذها ام سلطان:اللي يبغي الزين يصبر على مره غاليه فخاطرها:آآآآه العصر ام سلطان:غاليه غاليه فغرفتها راقد تحاول تهرب من الصدمة اللي صابتها ام سلطان:غاليه...بسج رقاد،رقاد العصر منهاي عنه غاليه:ظايجه..شو اسوي؟ ام سلطان:غاليه،انا واعده اختي موزه نزور يارتنا ام مانع ،بنتها مربي،وابوج واخوانج اظهروا ومحد بتم ف البيت غيرج غاليه:ماعليه،بتصل في اليازي بشوفها ..اذا في البيت ام سلطان:هيه..اتصليبها غاليه تدور رقم اليازيه، مخزنتنه باسم زوزو اليازيه هالوقت يالسه في الصاله مع اهلها واخوها سيف يالس حذالها يتابعون مسلسل الحقيقة والسراب، ويرن موبايلها غاليه:الو ،السلام عليكم اليازيه:وعليكم السلام والرحمة غاليه:شحالج؟ اليازيه:الحمدالله بخير غاليه:انتي في البيت؟ اليازيه:هيه..اريح هاليومين غاليه:عيل افرشي البساط الاحمر اليازيه:الله...احلفي انج يايه جان يلتفت سيف صوب اخته ومن داخله يبغي يعرف منوهذي؟ غاليه:خلينا نشبع من شوفتج اليازيه:فديييتج والله غاليه:يالله عيل مع السلامة،خليني اتجهز اليازيه:مع السلامة سيف(بلهفه):حد بزورنا اليازيه:هيه..غليوه ام اليازيه:استسمحيلي منها،بظهر بعد شوي اليازيه:ان شا الله امي سيف:شي محتايه..قولي؟ اليازيه:لا مشكور ماتقصر سيف:سيري شوفي المطبخ يمكن ناقصنه عصير اواي شي اليازيه:هيه..ماعليك اماره اخويه..بغيت عصيرفواكه وكيك و.... سيف:من عيوني الحين بسير اسبنس وبتصل بج هناك يمكن تتذكرين اشيا ثانيه اليازيه:صدق..زين اتسوي ام سلطان:غاليه..امي بتأخريني غاليه وهي تظهر الدخون من الغرشه:ان شا الله الحين بجهز ام سلطان:يلا عاد غاليه:عندج دهن عود ..خلص اللي عندي ام سلطان:من شهرين شارتلج مسرع ما خلص... غاليه:هههه...اتسبح فيه ام سلطان:جايز اتسوينها يا بنت عبدالرحمن غاليه:سونيا...سونيا سونيا:نعم ..مادام غاليه:اندوج هالعطر ،عطري السيارة سونيا:زين ..مادام ام سلطان:هذا عطر يديد،شله تعطرين السيارة غاليه:احسن،عن يروحني الدريول،بكبري عطر ام سلطان وهي تركب السيارة:غليوه اركبي من صوب اليسار،انا ماعرف الا لليمين غاليه(وهي تغطي ويهها بالغشوة):ان شا الله وبعد ربع ساعة وصلت غاليه بيت اليازي فمردف ام سلطان:سلمي على ام سيف غاليه(وهي تنزل من السيارة):الله يسلمج ،يبلغ فهاللحظة وصل سيف ومعاه اكياس شكثرهن:انا فحلم والا فعلم مشت غاليه صوب باب الميلس وماتدري انه في عيون وراها يالسه تراقبها. سيف ما شل عينه وتم واقف وراها ،شال الاكياس،وفجأة طاح كيس من الاكياس اللي في يده وفيها زجاجة فيمتو فانكسرت:طااااخ لا اراديا التفتت غاليه صوب مصدر الصوت شافت واحد متسفر،وعليه وسامه وطول ماشفتها فحد قبله سيف:ااا..اسمحيلي غاليه:......... سيف:ايفيلين..تعالي شلي الاغراض غاليه تفتح باب الميلس(فخاطرها):وهو ليش يعتذر غاليه وهي تظهر موبايلها من باكيتها.. غاليه:الو..انا وصلت،انتي وينج؟ اليازيه وهي تفتح باب الميلس بيد والموبايل بيد ثانيه:مرحبا الساع غاليه:يا مرحبا بج...بس انتي شومسويه فعمرج؟ اليازيه:شو؟؟ غاليه:محلووة اليازيه:احم احم شكرا ع الاطراء غاليه:جهزتي كل شي؟ اليازيه:الحمدالله ،كل شي جاهز غاليه:والفستان؟؟؟؟ اليازيه:عندي فغرفتي غاليه:خليني اشوفه..الله يخليج اليازيه:لا حبيبتي، بتشوفينه عليه وانا ع الكوشه غاليه:حرام عليج تحرقين اعصابي اليازيه:لا تحاولين ما بخليج،وبعدين ماتم شي ، العرس بعد اربع اسابيع غاليه:هيييييه،وبعدين مابروم اشوفج أي وقت ابغيه اليازيه:حرام عليج،روحي ما انزاد غاليه:شو انسوي هذي سنة الحياة اليازيه:صدقتي اليازيه وهي تنش من ع القنفة غاليه:وين رايحة اليازيه:بروح ايبلج العصير غاليه:لا حبيبتي لا تعبين عمرج توني شاربه ماي اليازيه:انا عطشانه،انتي شلج؟ غاليه:والله؟ اليازيه:بزكرلج حد من خواتي الصغار يتيلسن معاج،وخلت الباب مفتوح وغاليه مجابله الباب غاليه(بصوت واطي):استغفر الله ..سبحان الله وفجأة حست بحد يمر جدامها،ارفعت راسها شافت كندورة بيضا...قلبها وقف،لكنهاحسسها قلبها انه نفس الشخص اللي شافته وهي داخله البيت اليازيه(بصوت عالي):الشربات وصل غاليه:ههههه اليازيه:وينها ريموه؟ غاليه:ما يت الريم:مرحبا غاليه:مرحبتين شحالج؟ الريم :الحمدالله بخير غاليه:ليش ماتحنيتي اليازيه:توه الناس الريم:اصلا انا ما بتحنى غاليه:ليش؟ الريم:ما احب ريحته اليازيه:وفرتي غاليه:حرام عليج وفجأة رن موبايل غاليه رنة مسج غاليه:لحظة بشوف تفاجأت غاليه انه ماوصلها مسج لكن فيه حد مطرشلها ملف عالبلوتوث غاليه(فخاطرها):انا ماحيدني فتحت البلوتوث،اكيد هذا سلطون واظغطت ع موافق حتى ما تنحرج غاليه(فخاطرها):منو اللي .. اليازيه:اذا نكته ..خبرينا غاليه:لا.......ااا هذا خالد يبغيني اسجل له مباره الوحده والنصر غاليه(فخاطرها):استغفر الله...بس منو ممكن يكون غير سيف اليازيه:شحال ابوج وخالتي مريم؟ غاليه:الحمدالله بخير،ما خبرتج شو اللي صار؟ اليازيه:شو؟؟؟ غاليه:اليوم العايلة رايحة تخطب لولد عمي سالم اليازيه:ما شا الله..لسلطان؟ غاليه(فخاطرها ياريت):لا..لاحمد اليازيه:احمد الاصغر...صح؟ غاليه:هيه اليازيه:عقبالج يا رب غاليه(بحزن):عقبالي غاليه كان بخاطرها تفتح قلبها لليازي لكن وجود الريم هو اللي كان عائق اليازيه:غليوه،انتي شكلج ضعفانه هالمرة غاليه:الصراحة نفسي منسده عن الاكل هالايام اليازيه:ليش؟عسى ماشر غاليه:الشر ماييج،بس مليت من يلست البيت وخبرتها الموقف اللي صار بينها وبين ابوها اليازيه:شوفي ..اللي الله كاتبنه بصير وفي النهايه كله خير غاليه:والنعم بالله اليازيه:غليوه........كنت اتمنى ان عرسي وعرسج يكون في يوم واحد غاليه:هههه...لا احسن جذيه اليازيه:ليش؟؟ غاليه:حتى اشوفج وانتي ترتجفين عالكوشه اليازيه:يا شرييييرة غاليه:اناا؟؟ اليازيه:هيه غاليه:فديييييتني وبعد ساعة حطوا العشا وراحو يميع لطاوله الطعام اللي في الغرفة اللي داخل الميلس سيف هالوقت يالس فغرفته مخلي الباب مفتوح،وشاف الريم ظاهرة من عندهم سيف(بصوت خفيف):الريم..الريم الريم:نعم سيف:غاليه روحت؟ الريم:لا،يالسه تتعشي مع اليازي سيف:وانتي وين رايحة الريم:انا تعبانه،بروح انام سيف فخاطره:هذا وقته؟ نهاية الجزء |
**الجزء السابع** مشى سيف صوب الميلس وبخفة وايج اذا حد موجود ولما اتاكد انه المكان خالي يلس يدور على أي شي يخص غاليه وحصل باكيتها،فر فيه وردة حمرة ورد الباكيت مكانه وشرد. سيف فخاطره:ممكن اتشك فيني غاليه:اكرمكم الله اليازيه:غليوه..ماكلتي شي غاليه:ماشا الله عليه،وين ماكلت وانا غاسله الصحن اليازيه:انا ما شوف غير صحن الفتوش الماكول منه غاليه:ماتبغيني البس فستان فعرسج؟ اليازيه:مافينا...ههه غاليه:يا الله......... اتأخرت خالتي مريم اليازيه:ليش توه الناس غاليه:شو توه الناس...بتستوي 11 اليازيه:خليني اشبع من شوفتج غاليه:آآآآه لا تذكريني غاليه:بتصل فخالتي....وين باكيتي؟ اليازيه:اظنج خليتيه ع القنفة.....اندوج موبايلي غاليه:اشكرج........الو ام سلطان:الو غاليه:وينج ؟استوت 11 ام سلطان:عشر دقايق واظهري عند الباب غاليه:اووكي اليازيه:وصلت؟ غاليه:لا ..بعد عشر دقايق بتوصل اليازيه:شرايج نمشي في الحوي على ماتوصل . غاليه:اوكي... الجوحلو اليوم اليازيه:يلا قومي غاليه:بغيت باكيتي اليازيه:اغسلي يدج وانا بييبلج اياه غاليه:متشكرة يا حبيبتي..نخدمك في الافراح والليالي الملاح اليازيه وهي تفتح الباب الخارجي:يلا بينا سيف هالوقت يالس فسيارته يدورموبايله الثاني وصاك الباب،وفجأة يسمع حس بنات،صك ليت السيارةوخلى الدريشه مفتوحة, غاليه:وريلج موافق انج تسوقين؟ اليازيه:هيه،ماعنده مانع حتى انه يشجعني عالشغل غاليه:ماشا الله،لايكون بس يبغي يستفيد من وراج اليازيه:غليوه مستويه سوسه غاليه:هههه سيف فخاطره:انا اللي اسويه صح والا خطا؟بس اذا ظهرت من السيارة بيخافون واذا.... اليازيه:اصلا الخير فوقهم وتحتهم وما اظن انه محتاج،وبعدين انا بشتغل من الملل غاليه:صح ...آآآه متى بفتك من الملل؟ اليازيه:غليوه....شو لون فستانج؟ غاليه:فيه لونين...وردي واخضر اليازيه:ياااي ،احب الوردي غاليه:انا قايله،بسوي رياضة هالايام حتى يطلع الفستان حلو عليه اليازيه:انا بعد كنت مفكرة العب رياضة غاليه:وليش من الاساس تلعبين رياضة؟ناويه تنقرضين اليازيه:حبيبتي...الرياضة صحة وهم يمشون وصلوا حذال كراج البيت وسيارة سيف مجابلتنهم غاليه(تغني):الجو جميل..جميل الجو سيف:يا عيني اليازيه: مو احسن لج تذكرين الله ونحن عند الشير غاليه:هيه،صدق...استغفر الله وفجأة صدت غاليه صوب السيارة،وحست براس يتحرك،في هاللحظة دمها وقف في كل عروقها اليازيه:اسمع صوت سيارة يايه غاليه:............ اليازيه:غليوه سيارتكم تضرب هرنات غاليه:م مع السلامة ومشت غاليه صوب الباب من دون ما تسلم على اليازي غالية وهي تركب السياره:صباح الخير،اقصد السلام عليكم ام سلطان:ههه...وعليكم السلام والرحمة،اكيد فيج رقاد غاليه:جايز غاليه وهي في السيارة تذكرت الملف اللي وصلها عن طريق البلوتوث وفضولها ماخلاها تصبر لتوصل للبيت غاليه(وهي تظهر موبايلها من جيب الباكيت الامامي):وين خزنته؟ غاليه وهي تفتح الصور:اظن هذا واظهرت الها صورة قمر غاليه(فخاطرها):قمر؟شويعني؟.......بس،بس منو اللي ممكن يكون طرشها؟ سعيد؟سعيد عمره عشر سنين،مستحيل يكون هو...بس كل شي جايز،واذا سيف،ليش يطرش لي صورة قمر؟؟ سيف في هذا الوقت فغرفته يفكر بالمواقف اللي صارت سيف:معقوله،شافتني؟.....ما ظن...شافت الورده والا بعدها؟افففف بس انا ليش حطيتلها الورده؟اكيد بتشك فيني....شو بتقول عني؟ غالية هاللحظة فغرفتها تسترجع شريط اليوم اللي مر هذي السيارة سيارة سيف...ليكون...هواللي يالس ف السيارة لاااا...مستحيل،ليكون سمعنا...يالفضيحة **الفجر** خالد راقد فحجرته في سابع نومه وفجأة يرن موبايله خالد:افففف..........وين الموبايل؟منو يدق هالوقت خالد(من غير مايشوف الرقم):الو عبدالله:الو..خلود خالد:منو انته؟ عبدالله:قوم صل خالد:اصلي؟انته منوه؟؟ عبدالله:هههه انا عبدالله خالد:عبدالله؟منوه عبدالله؟ عبدالله:يا ولد الحلال قوم صل،كفايه انك في البيت خالد:اوووكي عبدالله:الله يعيين **الصبح** سلطان يدق باب غرفة غاليه سلطان:غليوه..غليوه غاليه(وهي ع الفراش):نعم...شو تبغي؟ سلطان:غالية الغالية.. غاليه:الله يستر...خير سلطان:خير ان شا الله....تعرفين اني انا اخوج الصغير المسكين غاليه:المختصر ،ابغي ارقد سلطان:بغيت مئة درهم عدا ونقدا غاليه:نعم؟قول لابوك او لامك ،انا شليه سلطان:اووه،الصراحة انا ماخذ موبايل يديد ومتسلف من ربيعي وتم اللي ادفع مية درهم واذا عرف ابويه بيذبحني غاليه:ما شا الله...من الحين تتسلف..عيل يوم بتكبر تبغيني اسلفك نية الف سلطان:غليووه حبيبتي،اوعدج هذي اخر مرة غاليه:اخر مرة،واذا عدتها بخبر ابويه او خالد سلطان:والله العظيم اخر مرة غاليه:عطني بكيتي اللي ع التسريحه سلطان:فدييييت غليوه الغاليه غاليه:خلك من هالخرابيط سلطان:تفضلي غاليه وهي تظهر بوكها،طاحت الوردة الحمرا غاليه:ورده؟ سلطان:غليوه بسرعة اسمع حس ابويه غاليه:اندوك غاليه:من وين هذي الوردة؟امس ماكانت موجوده.......بسم الله الرحمن الرحيم غالية:اتذكرت...انا خليت باكيتي ع القنفة ورحت اتعشى..بس من بيتجرا وبيفتح باكيتي؟انا ليش مكبره السالفه يمكن هذي زوزو بعد سالفة الوردة وسلطان النوم راح عن غاليه وقررت انها تستغل وقت الفراغ الطويل وتروح مكتبة مجرودي تاخذلها كتب تتسلى فيهم،اشترت اربع كتب ورجعت البيت بوخالد وام سلطان يالسين في الصالة وغاليه يالسه حذالهم تقرا كتاب بوخالد:ما شا الله شو تقرين؟ غاليه(وهي تقرا العنوان):اقرا شوربة دياي بوخالد:شو؟شوربة دياي؟ غاليه:هيه بوية بوخالد:جان سالتي خالتج مريم كيف يسوونها غاليه:هههه بوخالد:جيه تضحكين،قلت شي يضحك يا مسودة العين غاليه:اسمحلي ابويه،هذا كتاب شوربة دجاج لحياة المراهقين ،فيه قصص كثيره عن حياة المراهقين في امريكا بوخالد:شرايج يام سلطان انسوي كتاب عن حياتنا. ام سلطان:عاد شو بتكتب؟ غاليه:هههه..شرايكم اتسوون كتاب عنوانه شوربة عدس لحياة المسنين ام سلطان:محد مسن غيرج بوخالد:شو تقصدين يام السان الحمدالله انا بعدني شباب غاليه:ههه..هيه ما شالله ،الله يديم شبابك فهذي اللحظة وصل لغالية مسج غاليه:اخيرا حد تذكرني ان غبت عنكم يرجع العقل بأفكار"" فكري وحالي ماااذكر انه نساكم"" حتى بديت اشك في النفس واغار"" وارجع على نفسي واخاطب رضاكم"" هذا غلاكم مابقى عندي اسرار"" ولافيه من نغليه يشبه غلاكم"" لاحظت غاليه انه هذي المرة بعد اسم المرسل مو موجود،فتحت المسج اللي وصلها قبل شافت انه وصلها الساعة وحده،ورجعت فتحت المسج الثاني واستغربت انه في نفس الساعة...الساعة وحده غاليه(فخاطرها):يمكن هذي حركات خلود،يبغي يخوفني،بس الغريب انه حد متعمد يطرش لي الساعة وحده،مايندرى يمكن صدفه. خالد وعبدالله يشتغلون في نفس المكان في الاتصالات وهذا اللي كان يقوي صداقتهم اكثر واكثر عبدالله:خلود...صليت الفجر؟ خالد:لا..امس نسيت ما شغلت المنبه عبدالله(متعجب):مافيه حد وعاك خالد:لا عبدالله(وهو يحطي يده على يبهة خالد):بسم الله عليك انا اتصلت فيك،ماتذكر؟؟؟؟ خالد:لا،انته تنكت عبدالله:انته اللي تنكت،روني موبايلك خالد:خ عبدالله وهو يفتح المكالمات المستلمة:وهذا شو؟؟؟ خالد:والله العظيم ما اذكر عبدالله:الله يعين عقب عشر سنين،اظن بتفقد الذاكرة خالد:هههه..لا ان شا الله ،ان شا الله تخرف قبلي عبدالله:عوذ بالله،يالله بطولة العمر خالد:عبود ما اتخيل شكلك وانت معرس عبدالله:ليش يعيني، انا مو مثل باقي الخلق؟ خالد:لا ،بس اتخيل شكل البشت عليك عبدالله:منو قالك اني بلبس بشت؟ خالد:احلف انت عبدالله:ما احب هالاشيا،انا ساعة ما البس خالد:مريح عمرك عبدالله:الحمدالله خالد:انا عندي فكرة انا بلبس بشت فعرسك حتى يشكون اني انا المعرس مو انت عبدالله:لا والله وبعد دقيقتين سمعوا حد يدق الباب عبدالله:تفضل الشخص:......... عبدالله:الباب مفتوح ورد الشخص مرة ثانيه يدق الباب خالد:نعم الشخص:................ الجزء الثامن قام عبدالله من مكانه وراح صوب الباب،وخالد عينه ع الباب عبدالله:هههه..سلطان ماتيوز عن حركاتك سلطان:مرحباا عبدالله وخالد:مرحبتين خالد:ماتبغي بعد نفرشلك سياده حمرا سلطان:هههه ...شحالك عبدالله؟...شحالك ولد عمي؟ خالد:الحمدالله بخير،طاب حالك عبدالله:شو مشتهي تشرب يا بو مايد؟ سلطان:كابتشينو عبدالله:محي الدين جيب 3 كابتشينو خالد:حي الله ضيفنا سلطان:الله يحييك.........الصراحة فيه سالفه مستويه وانا مب عارف شو اقول خالد:خير..شو صاير؟ عبدالله:اسمحولي سلطان:لا يا ريال انت مو غريب عبدالله :تسلم سلطان:الصراحة انا ابغي مشورتكم خالد:يلا ..قول شو صاير؟؟؟ سلطان(وهو يتنهد):الوالد ظهر انه متزوج خالد:شوووو؟؟؟ سلطان:متزوج من 3 سنين خالد:حسبي الله ونعم الوكيل....ومنوه هاي اللي ماخذنها؟ سلطان:آآآآآآآآآآآآآه....تتذكر واحد ابيضاني هادي،دوم يتيلس في ميلسنا خالد:ما اذكر سلطان:اللي اسمه عبدالوهاب خالد:هيه عرفته،اذكر انه مرتين زارنا في البيت سلطان:هذا الهادي سلمك الله،طلع ميوز الوالد من اخته....عنده 4 خوات ويبغي الفكة منهن خالد:اشوف الوالد يتغير ويهه كل مازارنا ،اتاريه يلعب براسه سلطان:اتخيل كم عمرها؟ خالد:كم؟ سلطان(بقهر):20 سنه خالد:جيه،نحن رجعنا لزمان قبل الميلاد سلطان:لا والقهر ،مسكننها في فيلا خالد:وامك عرفت؟ سلطان:حتى الساعة ما تعرف شي عن الموضوع خالد:لازم اخبر ابويه،حتى يتصرف سلطان:ما اظن انه يطلقها العصر...... عاشه وسلامه وغاليه راحو مركز البستان يتشرون قطع حق فستان عرس احمد غاليه:عنبوه هذي القطع كلها وماعيبج شي عاشه:حبيبتي ابغي شي اسبشل سلامه:تدرين انج انتي اللي اماخرتنا عاشه:ابغي قطعة عجيبة اللي على بعد ميل يشوفها غاليه:خيييييييييييييييييييبه،بيظهر الفستان دفش عاشه:انتي مو فاهمتني سلامه :انتي اصلا منو يفهمج؟ عاشه:فديتني انا وفديت ذوقي غاليه:عاشه..4 محلات دخلنالهن ،معقوله ماعيبج شي عاشه:انتي مرتاحه شعليج،فستانج جاهز غاليه:الله اكبر عليج اخاف يحترق والسبه عيونج عاشه:الحمدالله عيني ما تصيب البياع:شو رايك اختي بهيدا عاشه:ماشي حاله البياع:هي الاطع اليوم الواصلين،شو رايك فيهن؟ عاشه:هذا التور التركزازي يجنن غاليه:امم حلو عاشه:اي حلو ،هذا يخبل البياع:هي الاطعة الوار ع 500 درهم لعيونك 450 عاشه:شو؟حرام عليك انا باخذ عنك 3 وارات البياع:والله يا عيني ما بقدر،هيك بيخسر المحل سلامه وهي تساسر اختها:عويش،ابويه عطا لكل وحده فينا 5000 درهم ، للقطعه والتفصيل فالله يخليج فكري عاشه(بعصبيه):اقول..قص لي 3 وارات من التور الاحمر البياع:هي الاطعة والا التانيه؟؟ عاشه:هذي اللي وارها ب 250درهم البياع:تكرم عينك غاليه وهي تصد صوب سلامه:حبيبتي جيه مو متغشه؟ سلامه:صراحة..انا قررت اتغشى بعد الثانويه غاليه:شو الفرق بين هالسنه والسنه اليايه؟ سلامه:بالنسبة لي فرق كبير...شاسع غاليه:سبحان الله غاليه فخاطرها:والله وكبرت يا احمد .....هيه.. نصيب خالد في السيارة يفكر بالسالفه اللي صارت وكيف راح تواجه العايله هذا الخبر،وعبدالله في السوبرماركت اللي حذال شيشة البترول خالد(وهو يتصل بعبدالله):يلا يا بويه تاخرنا عبدالله(وهو عند الكاونتر يحاسب):ياي ياي عبدالله وهو يركب السيارة:ذليتنا يا خويه خالد:من متى وانا واقف ماصار عصير اشوف سوبرماركت بحاله الهندي وهو يركض صوب عبدالله:بابا انت نسيت 10 درهم زياده عبدالله:خلها حقك الهندي(بابتسامة عريضة):مشكور بابا خالد:مسكين عبدالله:يلا ودني لوكالة السيارات خالد:جيه ناوي تاخذ سيارة يديده عبدالله:لا طبعا رايح اخذ سيارتي ،خلصت من التجييك خالد:شو رايك اخبر ابويه بالسالفه وهو يتصرف عبدالله:كيفك بس هو الكبير وهو ادري خالد:توكلنا على الله واللي فيها فيها المغرب غاليه وبنات عمها توهم داخلين البيت غاليه:الحمدالله ع سلامتنا....تفضلوا عاشه:غليوه الغاليه انا ميته من العطش سلامه:آآه يا ريلي عاشه:محد قالج تلبسين كعب سلامه:والله انتي اللي هلكتينا،الله يعيننا فعرسج،اظن اني بتخبل غاليه (وفي يدها 3 كاسات ماي):اكيد بنتخبل عاشه:حبايبي انا انسانه ذويقه مو شراتكن غاليه:ليش الغاليه...وهذا الخاتم اللي فصبعج لمنوه؟ عاشه:حشى ،عرفنا انه مالج سلامه:ههههه في هذي اللحظه دخل خالد:السلام عليكم عاشه وسلامه اتوقن عدل واتغشن عاشه:وعليكم السلام والرحمة خالد(مشى بسرعة صوب الميلس وبخاطره يقول):يا غافلين... لكم الله غاليه(باستهزاء):سلموه..اشوفج اتغشيتي؟ سلامه:والله ...ادرب غاليه:والله؟؟ خالد وهو يدخل الميلس:السلام عليكم بوخالد:وعليكم السلام والرحمة خالد:ما اشوف حد عندك؟ بوخالد:قبل شوي ظهر عمك سعيد بوخالد:شي فيك شي يعورك؟ خالد:لا.. بوخالد:ويهك متغير ،هذا كله من اكل المطاعم خالد:جايز خالد:...........ابويه بوخالد:نعم خالد:شحال عمي بو سلطان؟ بو خالد:الحمدالله بخير خالد:صدق اللي سمعناه بوخالد:خير؟؟ خالد(بتوتر):ظهر متزوج...من 3 سنين بوخالد وهو يبتسم:صحيح خالد:يعني تعرف وما خبرتنا بوخالد:هو خبرني ولزم عليه اني ما اخبر اي مخلوق خالد:والحين،الخبر بدا ينتشر واكيد خالتي وعيالها راح يعرفون بوخالد:هو مو اول واحد ولا اخر واحد خالد:بس هذي كبر بناته بوخالد:مايخصك بالموضوع واللي صار صار وقام بوخالد وظهر من الميلس،ورد مرة ثانية الميلس بوخالد:بنات عمك مكانهم داخل خالد(باستغراب):هيه خالد(فخاطره):معقولة يخبرهم؟؟ غالية وبنات عمها يالسين في الصالة يشوفون القطع ويتخيلون الفستان اللي راح يصممونه. غالية:عويش شو رايج بذيل طويل؟يناسبج انتي طويله عاشه:فكرة حلوة بس انا ابغي شي مبتكر سلامة:انا ابغي اسويلي ارقبه في الفستان غاليه:حتى انا مسويه ارقبه بو خالد:هود هود عاشه:هدا هدا عمي غاليه:جيه ماتسلمون ع ابويه خالد:مسلمين عليه قبل لا تسيرون السوق غاليه:هههه،ظلمتكم سلامه:انتي دايما جيه بو خالد:فيه موضوع مهم ابغيكم تعرفونه مني قبل لا تعرفون من غيري عاشه:خير ..عمي بو خالد:ابوكم ...مقصر معاكم في شي؟؟ عاشه:لا ..ابد سلامه:بالعكس...ابويه مو مخلي علينا قصيرة بوخالد:الحمدالله....يا بناتي ابوكم ..اتزوج عاشه وسلامة (بذهول):شو؟؟؟؟؟؟؟؟؟ غاليه:عمي ..متزوج عاشه(بصوت عالي):ليش؟؟امي ما تستاهل بو خالد:.......... سلامه:شو اصلها؟ بوخالد:وحده من سنتين محصله الجواز عاشه:ماشا الله بوخالد:باختصار ..انتو لازم تتقبلون الموضوع عاشه(بانفعال):نحن ممكن نتقبل،لكن امي .. سلامه:كم عمرها بوخالد:اعتقد في اول العشرينات عاشه:ما حصل غير ياهل يتزوجها بو خالد:عيب عليج هذا مهما يكون.. ابوج عاشه بغت ترد على عمها ،لكن خافت غاليه:حسبي الله ونعم الوكيل عاشه(وهي تاكل ظفرها):عنده عيال منها؟؟ بوخالد:لا.. عاشه:الحمدالله سلامه:تخافين ع الورث غاليه:سلموه..هذا مو وقت نكت عاشه:انتي ولا كانج مهتمه للموضوع سلامه:لاني صراحة شاكة في الموضوع من سنتين عاشه:خييييبه من سنتين وما خبرتيني سلامه:ماكنت متاكده عاشه:عمي.. بوخالد:نعم عاشه:عمي ..ابويه من متى متزوج بو خالد:من...3سنين عاشه:ما شا الله...الوالد مرتب اموره غاليه:الحين عرفت عويش على منوه ظاهره عاشه:امي لازم تعرف بالموضوع بوخالد:شو رايكم عقب عرس اخوكم عاشه:واذا عرفت من حد غريب....شو راح يصير فيها؟؟؟ سلامه:انا عندي فكري عاشه:شو هي؟؟؟ سلامه:نخبر يدوه بالسالفه وهي تخبر الوالده بوخالد:انتي جذيه راح تشعيلينها اكثر من انج تهدينها غاليه:انا اشوف خالتي مريم هي احسن وحده تخبرها بوخالد(بابتسامه):اشهد انج بنت ابوج غاليه:ههههههه عاشه:ما عرف كيف اجابل امي...احس اني مرتكبه جريمه غاليه:انتي بتخربين علينا عاشه:الله يستر... عبدالله وخالد في المسيد ينتظرون الامام حتى يصليبهم العشا خالد:نحن جيه يايين من وقت عبدالله:احسن حتى نصلي في الصف الاول خالد:بس هذي صلاة العشا مو الجمعة عبدالله:احسن حتى نكون من السباقين دايما خالد:استغر الله استغفر الله عبدالله:موبايلك ع السايلنت خالد:متعايز اظهره...بس ما اعتقد حد بيتصل بي عبدالله وهو يوقف:السلام عليكم الريال:وعليكم السلام عبدالله:شحالك يا ناصر؟ ناصر:الحمدالله بخير شحالك انته عبدالله:الحمدالله(ورد يلس) خالد:منو هذا؟؟ عبدالله:اخو العروس خالد:ههه عبدالله:جيه تضحك خالد:اقول انا هذي الابتسامه العريضة لمنوه عبدالله:ماتيوز عن حركاتك..وانا الحمدالله انسان مبتسم في كل الاحوال خالد:الله يدوم الابتسامه الامام وصل واقام الصلاة،في الركعة الاخيرة وتحديدا عند التشهد الاخير رن موبايل خالد على رنه (انا جايه اقول لك)لشرين،خالد هاللحظة ما عرف كيف يكمل صلاته،ماصدق الامام سلم حتى يظهر موبايله ويغلقه عبدالله ماسك ضحكته والناس كلها عيونها ع خالد الامام:اخويه مره ثانيه اغلق موبايلك لو سمحت..او خله ع الصامت خالد(والويه احمر):.....ان شا الله عبدالله:هههه خالد:تضحك؟؟انا خلاص ما بصلي فهالمسيد عبدالله:تستاهل ..قلت لك خله ع السايلنت ما سمعت كلامي خالد:توبه ما عيدها عبدالله:هههههههههه بعد يومين بوخالد خبر مريم بالسالفة وباللي راح تقوله لام سلطان مريم وهي تنتظر حد يشل السماعة مريم :.......الو ام سلطان:الو مريم (بتوتر):السلام عليكم ام سلطان:وعليكم السلام والرحمة مريم:شحالج يا ام سلطان؟عساج بخير ام سلطان :الحمدالله بخير..ويسرج الحال ام سلطان:شحالج وشحال بو خالد والعيال؟ مريم:الحمدالله كلهم بخير ام سلطان:شوفيه صوتج متغير مريم:انا...ما فيني شي ام سلطان:يقولج الزجمه منتشره هالايام مريم:هيه..فايح......ام سلطان ام سلطان:نعم مريم :فيه سالفه ابغي اخبرج عنها ام سلطان(وهي ترجع فنيان القهوة للصينيه):خير..شو مستوي مريم:.............. الجزءالتاسع مريم هاللحظة ماعرفت بأي طريقة ممكن انها تخبر ام سلطان مريم:تعرفين يام سلطان ان رياييل هالزمن مالهم امان ام سلطان:صدقتي مريم(وهي تهمز ريلها):شورايج بالريال اللي يتزوج على حرمته بعد عشرة عمر؟ ام سلطان:مايستاهلها...وهو الخسران اما هي فما خسرت شي مريم:...شو اقولج يا ام سلطان...ريلج...بوسلطان طلع متزوج ام سلطان:........... مريم:الوووو؟؟؟ ام سلطان:معاج.....ادري مريم:تدرين؟؟؟؟؟منو خبرج ام سلطان:يا مريم مثل ماتعرفين الوحدة فينا تحس اذا ريلها ناوي ع العرس وانا مثل ما تعرفين مالي ابو ولا ام اشتكيله او ارجع له وبيت العايلة مأجر ،وانا مافيني قوة ع المشاكل،والريال اذا حط في باله انه بيعرس فبعرس ،عشان جذيه قلتله يكتب هالبيت باسمي ويشتري لي ارض مريم:وافق ام سلطان:اكيد وافق مريم:وكيف تحملتي هالمدة كلها؟؟ ام سلطان:آآآآآآآه يا مريم الوحده فينا مالها غير الصبر مريم:صحيح.... غاليه فغرفتها تجلد كتاب اخوها سلطان،وفجأة يرن الموبايل غاليه:سلطان..قوم هاتلي الموبايل سلطان:اندوج غاليه:الو اليازيه:الو...مرحبا غاليه:مرحبتين بالعروس سلطان(بابتسامه):هذي اليازيه؟؟ غاليه:شو اخبار عروستنا؟؟ اليازيه:آآآه مشغولة طول الوقت ،الحمدالله حصلت وقت اكلمج فيه غاليه:من الحين انشغلتي عني اليازيه:ياربي...المهم وصلت بطايق العرس غاليه:لا..ماسمعت الجرس اليازيه:يمكن بعد 5 دقايق بتوصل ...المهم بتحصلين عشر بطايق وزعيها ع الاهل غاليه:ان شا الله ...من عيوني اليازيه:تسلم لي عيونج سلطان:سلمي عليها غاليه(بدون نفس):اليازي... سلطان يسلم عليج اليازيه:الله يسلمه ويسلمج...يالله الغاليه اسمحيلي بخليج غاليه:مسموحة حبيبتي سلطان(بصوت عالي):غليوه غاليه:شو؟؟؟؟؟؟ سلطان:هذا الطابع فيه صورة باربي...تبغين ربعي يعلقون عليه غاليه:ههههه...بس انا جلدته سلطان:اتصرفي غاليه:شورايك احطيلك طابع فوق هالطابع وجلده سلطان:بتجلدين الكتاب مرة ثانيه؟ غاليه:لا..بس بجلد الطابع سلطان:اوكييي بوخالد ومريم في الصالة يتقهويون بوخالد:كلمتي ام سلطان؟ مريم:هيه..نعم بوخالد(وهو يحرك عصاته ):وكيف كانت؟ مريم:طلعت تعرف بالسالفه قبلي وقبلك بوخالد(مصدوم):تعرف؟؟؟بس بو سلطان ماخبرني مريم:كتب الها البيت باسمها واشترالها ارض بوخالد:ماخبرني.... مريم:سبحان الله ...الكتمان صفه مشتركة بينهم خالد:يعني سكتها بالارض مريم:انت ع بالك اذا الريال اتزوج ع حرمته ،حرمته ترضى عليه بكم ارض بوخالد(وهويبتسم):بعد شو تبغي اكثر من جيه مريم(بعصبية):لو عطاها مليون ماترضى... بوخالد:يعني ما بترضى الا اذا طلق الثانيه مريم:لا.. بوخالد:عيل شو الي يرضيكم يا الحريم مريم:يا عبدالرحمن ..القلب مثل الزجاج اذا انكسر ما يرد مثل ما كان بوخالد:اقول...صبيلي فنيان ثاني مريم(وهي تشوفه بنظره):بسك هب زين لك بوخالد:مايخصج سلطان وهو ياي صوبهم:تعوذوا ..تعوذا من الشيطان بوخالد:نتعوذ من الشيطان والشيطان جدامنا؟ مريم:ولدي ملاك..وافديته سلطان:الحمدالله ..عندي محامي فهالبيت بوخالد:ههه..محامي ببلاش ومرت الايام بسرعة ويا يوم العرس المنتظر...يوم الخميس في بيت بوخالد حجرة غاليه في حالة يرثى لها،الفستان ع الكرسي والعباة والشيلة ع السرير اظهرت غاليه من غرفتها رايحه عند خالتها مريم غاليه بتوتر:وين سونيا؟ابغيها تكويلي طقم العباة مريم:فغرفتها غالية:خالو..خبرتي ابويه اني بروح بيت اليازي مريم:من العصر بتروحين؟ غاليه:هيه...لازم اكون معاها فهالحظات ،اكيد راح تحتاجلي مريم:وانتي ما بتروحين الصالون ؟ غاليه:خالو ..الماكييرة هي راح تسير بيت اليازيه ،بتعدل العروس وبتعدلني مريم:سلمي ع العروس وما وصيج اقري عليها المعوذات غاليه:ان شا الله..يبلغ رجعت غاليه غرفتها اتجهز اغراضها،ويرن موبايلها غاليه:مسج...اكيد هذي اليازي اشتياقي صارع امواج الهجر... وانهزم في رحلة فراقك طعين... احسب الساعات في غيابك دهر... وانتظر مرسولك الغالي سنين... كم كتمت الجرح كم قلبي صبر... وانكتب اسمي على صفحة حنين... "خاص للغالين" غاليه:اففف..متفيجين سونيا وبيدها طقم العباة:مدام..فيه يريد شي؟ غاليه:ابغي فحم سونيا:اوكي ..مدام غالية وهي سايره صوب الصالة:ام سلطان مريم:نعم ..يلا انا ظاهره مريم:الله يحفظج...غاليه غالية وهي تلبس شيلتها:نعم مريم:شليتي طقم ذهبج؟ غاليه:لا..اصلا انا مااحب الذهب بلبس اكسسوار مريم(بعصبيه):اخخ...تخلين الغالي وتلبسين الرخيص غاليه:ياربي...فيه وايد بنات يكرهون الذهب مب انا الوحيده مريم(بسخريه):وان شا الله يوم بتعرسين بتلبسين هالاكسسوار؟؟ غاليه:طبعا لا..ههه..لازم اخسره مريم:انتي...الله يحفظنا من شرج يا غليوه غاليه:انا؟؟؟انا مسكينه مريم :هههه بعد ساعة اركبت غاليه السيارة وقلبها يدق بالقو جنها هي العروس هب ربيعتها. في ليلة العرس غاليه تتامل ربيعتها ورفيقة الدرب الطويل قبل لا تظهر للمعازيم،كانت تحس بشعورين امتزجوا مع بعض شعور الفرحة لفرحة صديقتها وشعور الحزن لانها راح تبتعد عنها اليازيه(بخوف):غليوه اقري عليه..انا خايفه غاليه :توكلي على الله..لا تركزين في وجوه المعازيم ومشت اليازيه ع الممر جدام المعازيم ومشت غاليه صوب طاوله خالتها مريم وبمجرد انها يلست ع الكرسي مارامت تتمالك نفسها وهي تشوف ربيعتها ع الكوشه فغبنت عينها... الساعة 3 الفجر عاشه:الووو غاليه:الو عاشه:يلا بسرعة ابغي الموجز غاليه:جيه ما ييتي؟ عاشه:انا زجمانه غاليه:اتعلثي عاشه:والله العظيم اني زجمانه غاليه:ماله داعي تحلفين عاشه(بحماس):كيف كان الفستان؟؟ غاليه:بسم الله الرحمن عاشه:يلا قولي غاليه:انا ما اعرف كيف اوصفلج اياه بالتحديد، لكن اللي يميزه رسمة امواج البحر اللي ع القطعة عاشه:اهاا...الله يسعدها غاليه:آمين عاشه:غليووه غاليه(وهي تتثاوب):الله يخليج انا هلكانه ابغي ارقد ،بكلمج باجر عاشه:اوكيي..تصبحين على خير غاليه:الا قولي صباح الخير عاشه:ههههه...صباح النور يوم السبت الكل في الدوام ماله خلق يكلم اللي حذاله خالد وعبدالله في مكتبهم ،كل واحد لاهي بشغله وفجأه يدخل واحد جاسم:السلام عليكم خالد:وعليكم السلام عبدالله(وبيده سماعة التلفون):محي الدين ..جيب قهوة...وعليكم السلام ،شحالك جاسم؟ جاسم:بخير ولله الحمد...خالد خالد:نعم جاسم:روح عند عقيل ،فيه كم شغله موفاهمنها.......لاتنسى خالد(بضيج):ان شا الله..ما بنسى وظهر جاسم من مكتبهم خالد:افف هذا الانسان معقد،ما ارتاح له عبدالله:جاسم؟؟ خالد:هيه جسوم عبدالله وهو يصد صوب الباب:اسكت عن يسمعك خالد:خله يسمع ،ما يهمني عبدالله:استغفر الله العظيم ظهر خالد من مكتبه بخطوات سريعة والشرار يطلع من عينه....وهو رايح الدور الثاني قرر انه يركب اللفت،ولما انفتح باب اللفت اتفاجأ باللي واقف جدامه نهاية الجزء |
الجزء العاشر خالد بخاطره:عليااااا؟؟؟؟ عليا:مرحبا اخويه خالد(بارتباك):مرحبتين عليا:شو ياي تدفع فاتورة النت شراتنا؟؟؟ خالد:لا..انا اشتغل في الاتصالات عليا:اهااا..انا يايه ادفع وسايره اشوف ربيعتيه..يعني، مرة عن مرتين خالد:.اهاا.... عليا:اسمحلي اخويه خالد:مسموحة اختي خالد وهو رايح مكتب عقيل خالد(بابتسامه):وين عقيل عقيل:مرحبا خالد خالد:مرحبتين....يقولون فيه شي مو فاهمنه،ترانا في الخدمه نعين ونعاون عقيل:تسلم يا بوالوليد غاليه في البيت يالسه عالنت،فاتحة المسن غاليه:افففف،عنبوه محد اون لاين؟؟آآآه يايزوي ...ولهت عليج ومن الملل راحت المطبخ تشوف شو مسوين غدى مريم كانت في المطبخ تقلب الصالونه غالية وهي تدخل المطبخ:شو غدانا اليوم؟؟؟ مريم:غريبه ..شو تسوين في المطبخ. غاليه(بدون نفس):شو غدانا؟؟ مريم:صالونه سمج غاليه:الله...تدرين شو بخاطري بعد مريم:شو؟؟ غاليه:شوربة ذرة..يممم مريم:سويها روحج....والا يدج مكسورة غاليه:لاحول ولاقوة الا بالله مريم:العلي العظيم غاليه:ابغي اظهر مريم:ويين؟ غاليه:أي مكان ..ما عدا السوق لاني مليت امنه مريم:اسمع موبايلج يرن غاليه:الحمدالله ..اخيرا حد افتكر فيني...يمكن يزوي غاليه وهي تركض صوب الموبايل..عاشه غاليه(وهي تناهي):الووو عويش عاشه:مرحباااا غاليه:مرحبتين عاشه:شبلاج تناهين؟؟؟ غاليه:يايه ..اركض عاشه:غليوه غاليه:نعم؟ عاشه:ار يو بزي؟؟؟ غاليه:آآآآآه..اكيد لا عاشه:شرايج اتيين بيتنا لمده اسبوع غاليه:بس اليوم السبت وانتي تداومين عاشه:لا..عادي هاي ايام امتحانات غاليه:بعد؟؟؟ عاشه:ماشي ساعتين ..وبعدها ارجع البيت غاليه:بشوف اهل البيت وبردلج خبر..بس انا مالي خص ان رسبتي عاشه:حبيبتي انا عبقريه لاتخافين عليه غاليه:بنشوف عاشه:اصلا امتحاناتنا ما يبغيلها مذاكر غاليه:اهاا..صحيح..صحيح عاشه:يلا..فكري ورديلي خبر وبعدين انا امتحاناتي السبت والاثنين والاربعا وبس غاليه:ان شا الله ع الغدى الكل يالس ع طاولة الطعام حتى خالد،صالونة السمج في الوسط وحذالها طاسه فيه تمروطاسه الحرارة فيها العيش بوخالد:يلا ..سموا الكل:بسم الله سلطان:وين السلطة؟؟؟ مريم:اسال ابوك من يومين وانا اقوله ماشي سلطه بوخالد:ذكريني باجر اييبلكم خالد:ام سلطان مريم:آمر ابويه خالد:مايآمر عليج عدو..عدنا اجار؟..بخاطري آجار همبا مريم:هيه..عدنا..خسى الله سونيا نسته...سونيا..سونيا غاليه:ابويه الغالي بوخالد:نعم يا غاليه الغاليه سلطان:عشتووو غاليه(ببطء):ابغي اسير...بيت..عمي ...سالم بوخالد:ارمسي عدل غاليه:ابغي اسير بيت عمي سالم لمده اسبوع،شو رايك؟؟؟ بوخالد:سيري سلطان:اسبوع كامل؟؟؟جيه سفر هو؟ غاليه تشوف سلطان بنظرة:الراي راي ابويه انت مالك دخل بوخالد:بتردين الجمعة غاليه(في خاطرها: نسى الوالد انها ايام دراسه):ان شا الله بوخالد:سلمي ع عمج غاليه:يبلغ الغالي ورحات غاليه غرفتها وظهرت شنطة سفر ....مو الشارجه لندن غاليه(فخاطرها):من السبت للجمعة سبع ايام=سبع لبسات بعد شو؟؟امم ..بعد كم شيله...اوو كيف نسيت وظهرت غاليه من غرفتها رايحة عند ابوها اللي يالس يقرا جريدة البيان في الصالة غاليه:ابويه مو جنك نسيت شي؟؟ بوخالد(بصوت عالي):شو بعد؟؟ما احب حد يقاطعنا وانا اقرا غاليه:اسمحلنا ما ابغي شي بوخالد:عن الدلع..شو تبغين غاليه:ابغي كم فلس اذا سمحت بوخالد:شورايج بخمسين فلس غاليه:ابويه اتكلم جد سلطان يالس ع القنفة اللي مجابلتنهم:جت والا بصل...ههه غاليه:سخيييف بوخالد(وهو يظهر محفظته من جيبه):هذي خمسميه غاليه(وهي تحب راس ابوها):اشكرك يا والدي العزيز بوخالد:آآآه منج ..خليني اكمل القرايه اخيرا انتهت غاليه من تجهيز نفسها وماخلت صغيرة ولاكبيرة الاخذتها معاها حتى الدخون شلته مهاها العصر ظهرت غاليه شنطتها ووصلتها لباب البيت غاليه:سونيا...سونيا يت سونيا تركض :نعم مادام؟ غاليه:ودي الشنطة للسيارة سونيا:..مدام ماما مريم سيري سوق مع عمرو غاليه:شو؟؟؟؟؟؟؟ياربي خالد وهو رايح يحر سيارته:شبلاج مبوزه؟ غاليه:كنت ابغي اسير بيت عمي لكن خالتيه مريم اظهرت مع الدريول خالد:انا الحين رايح لسلطان غاليه(وشوي يتطير من الفرحة):قول والله خالد:والله..سونيا ودي الشنطة لسيارتي سونيا:اوكي سير غاليه:فديت اخويه الغالي خالد:عشر دقايق وبظهر غاليه:انا جاهزه وركبت غالية سيارة اخوها وانطلقوا للشارجه غاليه:بسم الله توكلنا ع الله الواحد الاحد..الفرد الصمد خالد:عنبوه..ماعندج شنطة اصغر عن هاي غاليه:كنت مستعيلة ومالي بارض ادور خالد:اسميج هيزه ..قولي الحمدالله يوم دخلت السيارة غاليه:الحمدالله وبعد ربع الساعة وهم ع شارع الامارات رن موبايل غاليه رنه مسج لكنها كانت برنه اخبار الامارات خالد(باستهزاء):هذي رنه غاليه:عايبتني..شو اسوي المسج: ياللي بعيد الدار مسيت بالخير... عساك تسلم في مسا كل ليلة... أرسلك اشواقي مع النجم والطير... وعيني تمنى شوفتك لو مستحيله... اضحك مع الناس لكن ضحكي معك غير... الروح تنتشي وتطيب لوهي عليلة... استغربت غاليه من المسج وظلت دقيقة تشوف الموبايل وتشوف اخوها غاليه(فخاطرها):منو اللي مصلحته يطرشي هالمسجات من دون رقم خالد:شبلاج ساكته غاليه:فيني رقاد في الشارجه،خالد لاحظ ان السيارة اللكزس اللي جدامه بطيئة وحس بغصة فقلبه،فتم لاصق فيالسياره اللي جدامه..والمشكله انه الشارع خط واحد غاليه:حسبي الله ونعم الوكيل ع هالسالفه...افف خالد (ببرودة اعصاب):هذي اخر مرة اركبج فيها سيارتي غاليه على اعصابها وبحركة سريعة من خالد اتجاوز السيارة اللكزس اللي جدامه وفهاي اللحظة كان جدامه دوار وكانت شاحنه يايه صوبه فرد يمين بلمحة عين،وغاليه طول هالوقت فاتحه عينها تنتظر شي يستوي. غاليه(وقلبها يدق بسرعة):انته شو استفدت من هالحركات...عنبوه ماتعتبرون من الحوادث اللي مجتله خلق الله خالد(بعصبية):ارمست العيوز غاليه:هالفالح فيه خالد:انتي ماشفتي سواقة سلطان...انا ارحم عنه غاليه:شو نسوي كل واحد اخبل عن الثاني...الله يعين قلب امه عليه خالد:هيه..انا عادي، مالي ام تحاتيني.. غاليه:لكن لك اخت تحاتيك خالد:الله يرحمها غاليه:الله يرحمها برحمته...الله يخليك ابغي ماي..ريجي نشف من حركاتك اللي ماتخلص. خالد:بعد شوي بنوصل..لاحجه غاليه:اسميك بخيل ظهر خالد دبة مسافي كان حاطنها فجيب الباب خالد:اندوج غاليه:انا ما اشرب من دبه مشروبه خالد:وي هالويه..انا اخوج غاليه:مابغي خالد:كنت بمر اشتريلج ..بس الحين عناد فيج مابمر غاليه:الله لاحاجني لك خالد:عافاااانا الله وطول الوقت محد يكلم الثاني،غاليه تحذف المسجات البايخه وخالد عينه ع الشارع،وبعد عشر دقايق غاليه:مو جنك نسيت تلف يمين خالد ساكت ومتجاهلنها غاليه:اففف وقف خالد سيارته عند سوبرماركت صغير خالد:خمس دقايق وراجع غاليه(فخاطرها):الحين اتفيج يشتري لي ماي رجع خالد ومعاه العامل اللي يشتغل في السوبرماركت خالد وهو يفتح الباب اللي ورا غاليه:حط الكرتون هنيه ورجع خالد وركب السيارة غاليه:شوهذا؟ خالد:ماقلتي تبغين ماي غاليه:قلت دبة هب كرتون خالد(بابتسامه عريضه):المهم ..رضاج ..تعرفين اني ماقدر ع زعلج غاليه:آآآه منك..حركاااات وفجأة يرن موبايل غاليه وهو فيدها غاليه(بصوت عالي):مستحيييييل خالد:بسم الله الرحمن..شبلاااج؟؟؟؟ غاليه:الووو اليازيه:الووو ..مرحبا غاليه:مرحبتين....شحالج يا العروس؟؟ اليازيه:الحمدالله بخير شحالج انتي؟؟؟ غاليه:الحمدالله...وينج ؟ولا نسيتينا؟؟ اليازي:افاا ..انا انساج؟انسى روحي وما انساج غاليه:ادري ..رمسه لسان اليازي:لاحول ولاقوة الا بالله غاليه:ههههه اليازي:اسمحيلي..بخليج غاليه:بس ..ليش كلفتي على روحج اليازي:بعد شوي بظهر.. عسب جيه.. غاليه:وين بتسيرين؟؟ اليازي:اظن..الشانزلزيه غاليه:يا سلام..اوكي حبيبتي...حطي بالج ع روحج وع ريلج اليازي:ان شا الله ..وداعة الله غاليه:مع السلامة خالد:هذي ربيعتج اللي عرست؟؟؟ غاليه:هيه...فديتها خالد(وهو يحاول يتذكر):عندها اخو...اسمه سيف؟ غاليه(باستهبال):..هيه..ع ما اعتقد خالد:شفته من ايام ...ههه.. غاليه:جيه تضحك؟ خالد:اتذكرته..كنت ماخذ عنه فكره انه انسان متكبر وخقااق ومغازلجي درجة اولى..لكن طلع عكس اللي ظنيته غاليه:شو اللي خلاك تحكم عليه انه متكبر و.......... خالد:تعرفين ان الانسان يحكم عليه من الظاهر ...فشكله وحركاته تبين هالشي..لكن الجمعه اللي طافت شفته يصلي فمسيدنا وسلم عليه،ماشا الله عليه الكل يعرفه..واسميه يسولف لدرجة الواحد مايمل منه غاليه(وهي تتذكر البلوتوث اللي وصلها):اهاا خالد:فيه شي غريب هالانسان غاليه(بفضول):شو؟؟؟ خالد:يحب التغيير ..يخبروني انه كل اسبوع فمسيد غاليه:ههه...سبحان الله خالد:الحمدالله وصلنا غاليه:يزاك الله خير خالد:يلا انزلي غاليه:اصبر بتصل باهل البيت خالد:ماله داعي ..انا بظهر شنطتج وانتي ازقري شغالتهم غاليه:ان شا الله اطلعت غالية من السيارة وراحت صوب المطبخ الخارجي وازكرت الشغالة وبعدها دقت ع باب الصالة ودخلت ،هاللحظة سلامة كانت يالسه في الصالة ماسكه كتاب العربي ،وجدامها عصير ليمون مثلج سلامه(بذهول):غليووووه غاليه:لوسمحتي ..اسمي غاليه...السلام عليكم سلامه(وهي تفر الكتاب):وعليكم السلام والرحمة...شوهالمفاجئة غالية:ههههه...اكيد حلوة وبعدها ادخلت الخدامة ومعاها الشنطة سلامة:اشوف الشنطة...واااو يعني بتباتين غاليه:يقولون سلامه:ييتي في وقتج غاليه:ليش؟ سلامه:نحن محتاجين تغيير هالايام غاليه:وين العاش ...ماشوفها؟ سلامه:تعرفينها...ماتقر..راحت عند اسوم بنت خالي..هي وامي، وبترجع بعد ساعة غاليه:ما شا الله عليها سلامه:اتصلبها؟؟؟؟؟؟؟؟؟ غاليه:لا...ابغي اسويلها مفاجئة..شورايج..انسويلها مقلب سلامة:كيف يعني؟؟؟؟ غاليه:المهم انتي الحين خلصي المذاكرة وخلينا نسير فوق..وندخل غرفتها سلامة:انا خلصت مذاكر ..لكني اراجع غاليه:خلينا نصلي المغرب وبعدها بقولج شو بنسوي..تم سلامة:ههههه..تم الجزء الحادي عشر راحت غالية غرفة عاشه ،صلت المغرب،ويلست ع سرير عاشة ،تفكر بالمقلب اللي راح تسويه في العاش غاليه:سلامه...سلامه سلامة وهي تركض صوب غرفة عاشه:نعم.. غاليه:عندج مكياج.. سلامه:انا ضاريه اخذ عن عاشه ...هي اللي تعرف فهالسوالف غاليه:انا بس يايبه الجحال وناسية الباجي...عيل وين مكياجها؟؟؟؟ سلامة:اظن في سدة التسريحة....هذوه غالية:الحمدالله...ووو..وشو بعد...هيه..عندج باروكة؟ سلامة:هههه.لا....بس اروم ادبرلج اياها غالية:كيف؟؟؟؟ سلامة:بنت يرانناربعيته..اسمها نورة ،وهي تحب تسويلنا مسرحيات في المدرسة ،فكل مسرحية باروكة غاليه:وين بيتهم؟ سلامة:اللي ملاصق بيتنا غالية:عيل اتصليبها،وخلي خدامتكم تسيرالهم سلامة:اوكي راحت سلامة صوب التلفون المحطوط في صالة الطابق الثاني،واتصلت ف نورة غالية:سلامة...وصلت الباروكة سلامة:قولي بواريك...بس انتي متغيرة غالية:حاطة عدسات خضرا..وكريم اساس برونزي،ومكثفة الاي شدو الاسود سلامة:طالعة غريبه غالية(وهي تحطي الباروكة ع راسها):شورايج بالباروكة الشقرا عليه سلامة:هذي شقرا بزياده...خذي هاي المايلة للبني غالية:اوكي سلامة:امي..شكلج انسانه ثانية غاليه:هذا المطلوب سلامة:شو تدورين غاليه:ابغي شيلتي والعباة سلامة:هذي..الحين خبريني..شو بنسوي؟ غاليه فهمت سلامة المقلب اللي راح يكون،بحيث ام سلطان ماتدري بالسالفة سلامة:اسمع صوت باب الصالة ينفتح غالية:روحي الها ..ولاتضحكين سلامة(وهي تضحك):انا هذا الخيفانه منه غاليه:سلامه...بلييييييييييييز سلامة:اوكي اوكي ..خلاص بحاول واظهرت سلامة من الغرفة ونزلت تحت تشوف اختها عاشه،وشافت امها يالسه في الصالة سلامة:السلام عليج امي ام سلطان:وعليكم السلام والرحمة سلامة:عيل وين عاشه ام سلطان:نست موبايلها في السيارة وراحت تييبه ودخلت عاشه البيت عاشه(وهي تركب الدري او السلم):انا تعبانه...فيني رقاد سلامة وهي تلحقها:عاشه عاشه:شو؟؟؟؟؟؟؟ سلامة:بقولج شي خطير عاشه:صرصور في غرفتي؟ سلامة:لاااااااا في الطابق الثاني قبل لاتدخل عاشه غرفتها سلامة:فيه وحده تترياج من فترة عاشه وهي تلف صوب سلامة:شو؟؟وحده؟وينها سلامة(وهي تساسر اختها):هي فغرفتج عاشه:انتي شبلاج ؟اذا يايتلي ضيفة بتكون في الميلس ،شوييبها غرفتي سلامة:انا خبرتج..وانتي كيفج عاشه:انتي تتكلمين بجد..والامصخرة سلامة:افتحي الباب وبتشوفينها عاشه:جيه تساسريني؟وليش ماوديتيها الميلس يا ذكية؟ سلامة:اخاف امي تعرف عاشه:وامي شدخلها؟ ام سلطان:سلامة...يووو سلامه سلامة:ان شا الله امي يايتلج عاشه:وين رايحة؟ سلامي:ماتسمعين عاشه علامات الاستفهام في ويهها..راحت بتوتر تفتح الباب:اللهم اجعله خير،وفتحت وخلته مفتوح وشافت وحده بعباتها يالسه ع سريرها وعاطتنها ظهرها غاليه(وهي تلف):مرحباا عاشه:مرحبتين غاليه:انتي عايشه؟ عاشه:هيه..وانتي: غاليه:انا جومانا بس اذا ممكن تقفلي البااب؟ عاشه(بخوف):اوكي..عفوا ماعرفتج غاليه:ممكن تعدي ميشان نحكي؟ عاشه(وهي تيلس حذالها):اوكي غاليه:اكيد ماراح تعرفيني..لانو خيكن ماخبركن عاشه:اخويه؟؟؟ غاليه:اييه خيكن سلطان عاشه:شوفيه سلطان..شواللي ماخبرنا؟ غالية:انا مرته عاشه:شو؟؟؟؟؟ غالية:متل ماسمعتي عاشه:انتي جذابه وسلطان اغلب وقته في البيت.. غاليه :بتكزبيني؟ عاشه: وين الاوراق اللي تثبت؟؟؟ غاليه:للاسف خيك اخد الورق كله.. عاشه:انتي الحين شوتبغين؟ غاليه:بدي ياكي تنصحي خيك انه يعترف انو اتجوزني ادام اهله والناس كلها لازم تعرف عاشه:جيه انتي ما تقوليله هالكلام؟ غاليه:انا عجزت معه...وانا ...ومارامت تكمل اونها تصيح عاشه:انتي شو؟؟؟ غالية(وهي تمسح دموعها):سلطان لما تجوزني وعدني ببيت،وصحيح فتحلي بيت،لكن كان بالايجار...ميشان هيك بابا سافر وتركني بعد ماطمن وصفيت وحدي بالبلد...وهلا صاحب البيت بدو مصرياتو وانا هلا ماعندي شي ولما بتصل بخيك مابرد،وصفيت بالشارع عاشه:كل هذا يطلع منك يا سلطان غاليه:انا مابدي اعمل مشاكل بالبيت ميشان هيك قلت لاختك تجيبني هون لغرفتك ومابدي امك تنصدم فيي عاشه:لاحول ولاقوة الا بالله ...انا اقول ليش متغير هالايام غالية:شوبدك تعملي عاشه(وهي تتأمل ويه غاليه):تعرفين انه ويهج موغريب..مشبهتنج على حد غاليه:يخلأ من الشبه اربعين....ههههههههه عاشه وهي تقوم من مكانها رايحه صوب موبايلها المحطوط ع التسريحة غاليه(بتوتر):مع مين راح تحكي؟ عاشه:لازم اكلمة عسب ايي الغرفه ونحل المشكلة بهدوء.. بدخلة سلامة الغرفة عاشه(وهي تشوف غاليه الميته من الضحج):شو اللي يضحك غاليه(وهي تفر الباروكة من راسها): الله يخليج لاتفضحيننا .........هههههههههههههه عاشه:شو؟؟؟؟؟؟غليوووووووووووووه سلامة:هههه صادووووه عاشه:اوكي برويج يا غليوه...انا انا كيف صدقت؟ غاليه:لانج ذكيه.....هههههه عاشه(مكانها مصدومة):تتحريني بسكت....انا عواش..الكل راح يعرف واولهم سلطان يا حرمة سلطان غاليه:وهي تحب راس عاشه:هههه...انا اسفة ..سامحيني عاشه:لا حبيبتي اعتذارج مرفوض....غليووه صرصور ع ثيايج غاليه:ماترومين تجذبين عليه وبحركة سريعة ركضت عاشه تبغي تخبر امها ،والحقتها غاليه غاليه:عاشوه ..اصبري وهم رايحين صوب الدري..ظهر سلطان ف ويههم وهو راكب الدري اتجمدت غاليه فمكانها وعينها شوي بتظهر برع سلطان كمل مشيه وراح صوب غرفته وهو متفاجئ باللي شافه عاشه:هههههههه...تستاهلين يا غليوه اللي ياج سلطان وهو يفتح باب غرفته:غاليه؟؟؟هههههههههه سلامه وعينها ع خوها:عرفج ياغليووه غاليه:حسبي الله عليج يا عاشه عاشه وهي ميته من الضحج:الحين برد قلبي فغرفة عاشه غاليه تمسح المكياج اللي حاطتنه:يا الفشلة...يا الفضيحة عاشه:من حفر حفرة لاخيه وقع فيها غاليه:توبه..توبه اسوي مقالب مرة ثانية...اصلا انا جيه يايه عاشه:تستاهلين..يا جومان غاليه:من عين سلطان اخويه...استويت اكره هاالاسم عاشه:اشله اخويه..وااا فديته غاليه:ماسلمت على امج...عاشوه اوعديني ماتخبرينها عاشه:اوكي ..مابخبرها اليوم بس يمكن اخبرها في المستقبل غالية:بلييييز...كفايه اخوج شافني..امج شوبتقول عني..متخبلة ع ولدها عاشه:انتي وين راح تفكيرج...اوكي ما بخبرها غالية:وعد عاشه:وعد ونص عالعشا ام سلطان:سلامه..اغرفي حق بنت عمج من هالسلطة غاليه:خالو...ماحب السلطة ام سلطان:شو؟؟؟السلطة مفيدة...يلا انا ماحب هالحركات عاشه:امي..اصلا هي ماتحب المفيد..بس تحب الجبس والكاكاو غاليه:منو قال؟ ام سلطان:انتي شرا سلطان ولديه..شرايج ايوزج اياه غدا ويه غاليه شراالطماطة:خالو... عاشه(وهي تغمز لغاليه):ههههههههه...الصراحة يناسبج غاليه:ممكن تغيرين هالسالفه وقامت ام سلطان من ع الطاولة ام سلطان:انتو كملوا اكلكم..والبيت بيتج ياغاليه،انتي هب غريبه غاليه:تسلمين خالتيه غاليه وهي تصد صوب عاشه،وعاشه سرحانه غاليه:امج ماكلت شي سلامه:هاي حالتها غاليه:ماتعرفون شو السبب؟ عاشه:اظن الوالد..هو السبب غاليه:بس هالموضوع من سنين سلامة:صحيح انه من سنين،لكن الوالدة انسانه حساسة وماتحب تظهر اللي فقلبها سلامه:انا خيفانه عليها غاليه:خلاص..انا قررت اني ماعرس عاشه:شو؟حبيبتي اصابع ييدك هب وحده سلامه:عواش اول وحده بتعرس عاشه:شو نسوي هاي سنة الحياة غاليه:صدق انج لاتستحين ولاتخيلين عاشه:حبيبتي نحن الحين في العصر الواحد والعشرين..وكل شي تغير غاليه:الله يعيننا في صباح ثاني يوم عاشه فغرفتها مع غاليه،غاليه في سابع نومه،وعاشه طايحة ع السرير سرحانه وبعد نص ساعة قامت غاليه غاليه:صباح الخير عاشه:صباح النور غاليه:يلا حبيبتي اليوم ذاكري عاشه:مالي نفس غاليه:انتي شوفيج..احسج متغيرة عاشه:انا؟؟ غاليه:امس يلست اسولف مع سلامة وانتي ولا كأنج موجوده عاشه(وهي تشوف ساعتها):يمكن متملله من اجواء الامتحانات غاليه:عواش ..انتي جيه طلبتي مني ازوركم والوقت وقت امتحانات؟ عاشه:ثرني اقولج متملله من اجواء الامتحانات غاليه:اهااا عاشه(والدمعة ماليه عينها):انا ظايجه..انا ظايجه ياا غاليه غاليه:من شو؟ عاشه:انا طحت في مصيبه غاليه(وهي تمسح دموع عاشه):روعتيني...قوليلي شو اللي صار عاشه:اوعديني انه الموضوع اللي بتسمعينه محد يعرف عنه حتى سلامه اختيه غاليه:اوعدج..يلاخبريني شو صار نهاية الجزء |
الجزء الثاني عشر عاشه:تعرفين ان الكلية تاخذنا فرحلات ،وفي رحلات تكون ترفيهية غاليه:وبعدين عاشه:فمرة سرنا حديقة الممزر ،والبنات يحبن يتصورن ،وتعرفين بنت عمج يحبها للصور والتصوير،فوحده من ربيعاتي اللي احبهم واثق فيهم صورتني... غاليه:كملي... عاشه:وبعد هالرحلة باسبوعين طلبنا منها الصور،وعطتنا اياهن بس... غاليه:بس شو؟؟؟؟ عاشه:ظهر انها خذت النيكاتف وظهرت صورتي مرة ثانية غاليه:شو اسمها عاشه:ليلى... غاليه:شو سوت بالصورة عاشه:ليلى بنت عادية ومافيها جمال،اتعرفت ع واحد في النت وطلب منها صورتها،فهي خافت يرفضها ويتغير عليها غاليه:الحقيييرة..طبعا خذت صورتج وعرضتها له عاشه:.......... غاليه:انتي ليش يا ذكية خليتيها تصورج عاشه:لانها وحيدة امها وابوها وماعندها خوان غاليه:انتي شدراج بالسالفة؟؟؟ عاشه:اخته تدرس عدنا و يت عندي وقالتلي انه اخوها يبغي يخطبني غاليه:خبر اخته ؟ عاشه: ورواها صورتي بعد غاليه:حسبي الله عليهم عاشه: ست الحسن قالتله اني ادرس في الكلية غاليه:شو قلتي لاخته ؟ عاشه:خبرتها اني ما عرف اخوها واني ولامرة شفته او كلمته،بس ماصدقتني غاليه:شو قالت؟ عاشه:قالتلي انه اخوها متخبل فيني ويبغيني والمشكلة انه محتفظ بصوري وانا خيفانه اذا رفضت يفضحني وينشر صوري،وقلتلها تعطيني مهلة حتى افكر غاليه:بتفكرين؟؟؟ عاشه:بس حتى اماطل وانا الحين مب عارفه شو اسوي غاليه:حسبي الله ونعم الوكيل عاشه:الله يخليج...ابغي حل...ابغي انام وانا مرتاحة هالوقت ادخلت سلامة الغرفة سلامة:السلام على اهل الدار غاليه:وعليكم السلام والرحمة سلامة:عاشووه..وينج؟وين سرحانه قامت عاشه من سريرها...وراحت صوب التسريحة مسكت المشط ويلست تسحي شعرها سلامة:بسم الله...هاي شبلاها؟؟؟؟ عاشه:.................. غاليه:ماعليج منها...شرات اليهال اول ماتنش ماتحب حد يكلمها عاشه:مالي نفس للغدى روحو تغدوا غاليه:ع راحتج يلست غاليه ع طاولة الاكل تاكل لقمة وتسرح ف بنت عمها ام سلطان:حبيبتي..تغدي ..والا ماتشتهين الاكل من دون العاش غاليه:لا ..عادي.. ام سلطان:صارلها فترة ع هالحال ماتتغدى ونادر ماتتعشى...تعرفين شوفيها؟ غاليه:....مادري يمكن تعبانه من الدراسة غالية وسلامة وعاشه في الصالة ،عاشه يالسه تشوف برنامج اوبرا غالية:عاشه...لازم تعرفين وين بيت سميرة عاشه:منو سميرة؟ غالية(وهي تغمز بعينها):سميرة ..زميلتج ...لازم تعرفين وين بيتها عاشه:ليش عاد(بعد مافهمت المقصود) غالية:تعرفين انه زيارة المريض واجب عاشه:صح كلامج....من باجر بشوف اختها ونعمل اللازم قامت سلامة من مكانها وراحت صوب المطبخ التحضيري تشرب ماي غاليه:عواش..باجر عقب ماتظهرين من كليتج دوري سيارة اخته والحقيها عاشه:شو يدور فراسج؟ غاليه:بتعرفين هالوقت دخل سلطان البيت،وبدخلته عطس سلطان:اتشووووووووووووووووووو انكزت غالية من مكانها:بسم الله(ولفت شيلتها ع راسها) سلطان:الحمدالله عاشه:يرحمك الله غاليه(وهي تضحك):اخوج غير عن الناس عاشه:جيه غاليه:الواحد اذا بيدخل البيت يهود ...واخوج يعطس عاشه:ههه سلطان وهو رايح صوب المطبخ التحضيري سلطان:سلموه سلامة:نعم سلطان:شرايج نظهر سلامة:عيد عليه اللي قلته سلطان:شبلاج انصميتي.......قلت شرايج نظهر سلامة(ميته من الفرحة):انا جاهزة...بس وين؟؟؟ سلطان:بحوطكم بالسيارة شويه...وبوديكم باسكن روبنز سلامة تركض صوب اختها عاشه:شبلاج؟ سلامة:سلطان ...بظهرنا عاشه:احلفي سلامة:بحوطنا شوي في الشارع وبعدها بودينا باسكن روبنز عاشه:هلم بنا....البسوا عبيكن غالية:انا مابسير...استحي عاشه:اسمحيلي اقولج غبية...انا ما صدق انه اخويه بظهرنا...حبيبتي هاي الظهرات نادرة غاليه:اوكي...انا بعد ابغي اغير جو عاشه وهي تغمز لغاليه غاليه:جيه تشوفيني جذيه؟ عاشه:يمكن لانج عدنا قرر يطلعنا غاليه:خلاص..انا مب رايحه سلامة:غليوووه...لاتكونين بزيه غاليه:قولي لاختج تعتذر عاشه:اسفين...وهذي بوسه غاليه:خوزي عني عاشه:مايصير لازم ابوسج سلطان وهو يفتح باب الصالة:يلا..مابتريا اكثر عن جيه غاليه:جيه العرض محدوود سلامة:ههههههه والبسن البنات عبيهن واركبن السيارة،وهم فنص الشارع شغل سلطان الاف ام واظهرت له اغنيه (هات القلم بكتب وصية مماتي) سلطان وهو ياشر ع سلامة:هاتي القلم بكتب وصيت سلامة:سلطان عن هالحركات..شوف الشارع سلطان:كيفي مابشوف سلامة:ياربي غاليه:عفانا الله خبالكم واحد سلطان:منو تقصدين؟ غاليه:منو بعد..خالد بن عبدالرحمن سلطان:ههههه...اخوج مطرب؟ وفجأة يرن موبايله سلطان:الو...مرحبا منصور..شحالك؟...شو؟...لا انا الحين ظاهر مع الاهل عاشه(فخاطرها):منصور؟ سلطان:لا يا ريال..لاتقول...هذي اصلا ماتستاهلك عاشه(فخاطرها):الحمدالله.....آآآآآآه يا منصور سلطان: ..انته مية وحده تتمناك عاشه(بخاطرها):هي والله سلطان:اوكي يا الحبيب اكلمك بعدين سلطان:الان تبدا جولتنا سلامة:ارجوك يا سلطان عن السرعة سلطان:منو اللي يتكلم غاليه هالوقت ع اعصابها عاشه:سلموه العميا..الشارع شبه فاضي.. سلامة:بس ممكن اي سيارة تظهر فجأة فويهنا عاشه:وناااسه...سلطان بليز زيد السرعة سلطان:من عيوني غاليه هالوقت ماسكه قبضة السيارة بالقو تذكر الله بداخلها سلطان لاحظ يد غاليه ع القبضة فغمضته وخف السرعة غاليه فخاطرها:الحمدالله سلطان:الحين بنسير باسكن روبنز سلامة:يعني لازم تحرق اعصابنا وبعدين تبردها باسكريم عاشه:انا ابغي ملك جيك جوكلت..غالية شو تبغين؟ غاليه:اسكريم جوكلت وفوقه سوس جوكلت سلامة:انا ابغي اسكريم فراولة سلطان:اوكي.....مابتاخر سلامة:شرايج يا غاليه بالطلعة؟ غاليه:الله يخليج اسكتي....جبدي لايعه رجع سلطان وبيده كيس الاسكريم سلطان:عاشوه...لا توصخين السيارة عاشه:جيه شايفني ياهل جدامك؟؟ سلطان:نسيتي المرة اللي طا... عاشه:غليووه....شبلاج؟؟؟؟؟؟؟ غاليه وهي مب رايمه تتكلم بس حاطة يدها ع ثمها عاشه:بترجعين؟ سلطان لا اراديا صد وراه:شو؟ عاشه:رجعنا البيت سلطان وهو متظايج:ان شا الله غاليه طول الطريج مفتضحة من سلطان كونها رجعت فسيارته ووصلوا البيت بالسلامة سلطان:اسمحيلي غاليه:انته اللي اسمح لي عاشه:حصل خير حصل خير ياجماعة عاشه وهي تساسر غاليه:بردتي قلبي غاليه:بردت قلبج؟ عاشه:يموت ع سيارته تقولين حرمه هب حديد غاليه:خلاص ..انا مااقدر اجابله عقب هاليوم سلامه:كان مشهد مؤثر غاليه:اسكتي انتي يا.. سلامة:غاليه..تبغين اسكريمج والا اكله عاشه:صدق ماتستحين ع ويهج غاليه:هههه...لا ابغي اكله خاطري باسكريم سلامة:مب زين لج..انتي اشربيلج سفن اب مفيد لج غاليه:اوكي باكله باجر انتي شعليج اليوم الثاني عاشه وغاليه كانو في السيارة متوترين ينتظرون اخت الريال تظهر من الكلية. غاليه:انتي متاكدة ان هذي سيارتها؟ عاشه:هيه ..واليوم سالت ربيعتها عن رقم السيارة غاليه:اففف ..مليت عاشه:هذي هذي..اخيرا وصلت غالية:هذي اللي شعرها اشقر؟ عاشه:هيه...الحمدالله...ايوب ايوب (الدريول):نعم ماما عاشه:الحق هالسيارة الحمرا ايوب:زين ماما غاليه:اخيرا وقفت عاشه:والحين شو بنسوي؟ننزل؟ غاليه:لا طبعا عاشه:عيل متى؟؟؟ غاليه:ورا باجر... اخر يوم امتحانات عاشه:ليش نطولها وهي قصيرة غاليه:ما ابغي اخته تكون موجودة عاشه:وكيف بكون معاج وانا عندي امتحان؟ غاليه:عواش..لاتخافين وفكري بدراستج عاشه:بحاول وهم واصلين شافو سيارة سلطان في الكراج عاشه:ههه ماشا الله وصلت من المغسله غاليه:الحمدالله عاشه:شرايج اليوم نظهر غاليه:انا حلفت ما اركب سيارة اخوج بعد اللي صار عاشه:ههههه...عادي صومي 3 ايام غاليه:سخيييييييييييييييييييييييييفه عاشه:انتي اسخف وهم نازلين من السيارة وصل مسج لغاليه الجزء الثالث عشر المسج: في داخلي لك حب تضيع الدنيا فيه....حب يغطي الارض ويحجب سماها حب بروحي اشيله ومن دمي اسقيه...حب مايبدله لين الايام وقساها أهديك قلبي وهذا أقل شي اهديه...خذ الافراح منه ورد الحزن للي هداها وكل العاده من دون رقم او اسم غاليه(فداخلها):يالله... عاشه:شبلاج؟ غاليه:ماشي دخلوا البيت وشافو ام سلطان يالسه في الصالة ترمس في التلفون ام سلطان:فمان الله عاشه وغاليه:السلام عليكم ام سلطان:وعليكم السلام والرحمة..تعالو بخبركن ع سالفة عاشه:شو؟ليكون حد خطبني غاليه:صدق انج ماتستحين ام سلطان:فضحتينا يا عويش..السالفة تخص احمد اخوج عاشه:أحمد؟ليكون طلقها ام سلطان:عوذ بالله..تفاءلي بالخير غاليه:........ ام سلطان:اهل العروس يبغون يأجلون العرس للسنه اليايه عاشه:خيييبه..سنه ام سلطان:عم العروس تعبان فبسافروبه والعروس ماخلصت دراستها عاشه:ما قالوا هاي اخر سنه ام سلطان:هيه..لكنها مانجحت عاشه:اهاا غاليه:كل تأخيرة فيها خيرة يوم الاربعا غالية يالسه في الصالة بعباتها تتريا عاشه تنزل عاشه:صباح الخير غاليه:يلا بسرعة ماشي وقت على امتحانج عاشه:انا يوعانه ...بخاطري خبز جباب غاليه:باقي ربع ساعة ياحلوة عاشه:شو؟؟؟؟؟؟؟؟؟؟ساعتج مخرفه حبيبتي غاليه:انتي اللي ساعتج مخرفة عاشه(وهي تشل 3خبزات):هي والله...يلا يلا غاليه:بسم الله عليج ...اللي يشوفج يقول ميوعه عاشه:يوم اكون متوترة آكل وايد غاليه:ماشا الله ...مايبين عاشه وغاليه في السيارة عاشه:بطني يعورني غاليه:من الخبز عاشه:لااااا..من الخوف غاليه:هذي اول مرة احس انج مهتمة بالامتحان عاشه:اي امتحان اي بطيخ ..انا خيفانه من اللي بتسوينه غاليه:اسكتي..انا اكثر عنج...ماتشوفين اطرافي تترراقل عاشه:ههههه غاليه:شو اسم الرياال؟ عاشه:مانع..بس جيه تسالين؟ غاليه:تغارييين عاشه:غليوووه ما اسمح لج غاليه:مجرد فضول عاشه:اهاا وصلوا للكلية غاليه:اذكري الله.. عاشه:لا اله الله ..محمد رسول الله ونزلت عاشه من السيارة ودخلت كليتها غاليه:ايوب.. ايوب:نعم ماما غاليه:تعرف هذا بيت اول امس في ايجي ايوي:هذا سيارة احمر فيه اوقف غاليه:هييه..عليك نور ايوب:زين ماما غاليه(فخاطرها):يا رب سهل..يارب سهل..لا اله الا الله محمد رسول الله غاليه(وهي تشوف البيت):ايوب ..انزل دق جرس نزل ايوب واظهرت الشغالة غاليه وهي تنزل الدريشه:ماما موجودة؟ الخدامه:هيه موجوود ونزلت غاليه من السيارة ،وخذتها الخدامة للميلس(مجلس) غاليه هاللحظه تذكر الله وتسبح ومب عارفة شو بتقول بعد عشر دقايق دخلت حرمة شكلها في نهايه الاربعينات اام مانع:السلام عليكم غاليه:وعليكم السلام والرحمة ام مانع:تفضلي غاليه:دام فضلج ياخالتي ارتاحت غاليه للحرمة من اول نظرة غاليه:اكيد مستغربه اني يايه هالوقت ام مانع:الصراحة...هيه غاليه:وانا بصرااحة ...اتعمدت اني ايي هالوقت حتى تكونين بروحج ام مانع:ليش يعني؟ هاللحظة ادخلت الخدامة وبيدها صينية العصير ام مانع :تفضلي غاليه:دام فضلج ام مانع:ماجاوبتيني غاليه (عينها بكاس العصير اللي في يدها):الموضوع اللي يايه عشانه يخص ولدج وبنت عمي ام مانع:ولديه؟؟ غاليه:اتمنى انج تسمعين السالفة من اولها لاخرها وبعدها تحكمين..اذا صدقتيني خير وبركة..واذا ماصدقتيني شهادة رب العالمين تكفيني ام مانع:تفضلي..واوعدج اني ما اقاطعج كملت غالية ربع ساعة وهي ترمس وماخلت شي الا قالته غاليه:والحين ..ابغيج تتخيلين انه هالسالفة صارت ع بنتج ..كيف بتتصرفين؟ ام مانع(وهي مصدومة باللي سمعته):لاحول ولا قوة الا بالله شو اقولج يابنيتي...تبغيني ادور صورها غاليه:انا يبتلج صورها حتى تعرفينها، هم ثنتين واتمنى انج تدورينها ام مانع:اسمحيلي بتاخر شويه غاليه:خذي راحتج خالتي حست غاليه براحة عقب ماظهرت اللي فقلبها،وبعد دقايق سمعت صوت سيارة تدخل البيت غاليه:يالله ..ليكون مانع بعد نص ساعة ادخلت ام مانع الميلس وبيدها الصورتين ام مانع:الحمدالله ...حصلتهن غاليه:توني سمعت صوت سيارة ام مانع:هذا الدريول غاليه:الحمدالله..يزاج الله خير...لكن فيه شي ثاني ام مانع:شي ثاني؟ غاليه:اكيد هالصور وصلت عن طريق الكمبيوتر عسب جيه..ممكن اخذ الكمبيوتر وامسح كل الملفات اللي وصلت؟ ام مانع:انتي بتمسحينه؟ غاليه:لا..بوديه عند محل الكمبيوترات..وبعطيج اسم المحل حتى ترجعونه ام مانع:بس مانع يستخدم الكمبيوتر الصغير غاليه:تقصدين اللاب توب ام مانع:هيه غاليه(فخاطرها):الحمدالله ..وزنه خفيف ام مانع:تدرين وانا يالسه ادور حصلت موبايل ولديه غاليه:نسااااه؟ ام مانع:هيه ...اول مرة ينساه غاليه:خالتي اذا ماعند ماعندج مانع ممكن اشوفه؟ ام مانع :اكيد يلست غاليه تدور اي صورة تخص بنت عمها واستغربت انها ماشافت اي صورة ام مانع:حصلتي شي؟ غاليه:لا ولله الحمد ام مانع:لحظة شوي بييبلج هذا التوب غاليه:ههه..لاب توب خالتي ام مانع:كله وااحد وقبل لاتركب غاليه السيارة غاليه:بغيت رقمج خالتي..حتى تعرفين اسم المحل ام مانع:سجلي عندج:55... غاليه:الصراحة انا مب عارفه كيف اشكرج ام مانع:انا المفتشله منكم...اسمحولنا غاليه:مسموحة ام مانع:الله يستر ع بناتنا غاليه:آآآمين..يلا خالتي مع السلامة ام مانع:مع السلامة واركبت غاليه السيارة والفرحة ماليه ويهها غاليه:ايوب..تعرف محل يصلح كمبيوتر ايوب:هيه ماما غاليه:رجعني البيت وبعدها خذ الاب توب للمحل وقوللهم يسوون فورمات...فهمت ايوب:هيه ماما وصلت غاليه البيت واول مادخلت غرفة عاشه استسلمت للنوم بعد ساعة وصلت عاشه البيت وركيض صوب حجرتها عاشه:غليووه العنز..اتصل بج وماتردين غاليه وهي تنش:انا العنز؟عيل مابخبرج شو صار عاشه:الله يخليج اعصابي فايره وماحليت عدل في الامتحان تفكيري كله عندج غاليه(بويه حزين):شواقولج يابنت عمي...مالي ويه اجابلج فيه عاشه:جيه؟؟؟؟؟؟ غاليه وهي تظهر الصورتين:حبيبتي انا غاليه قدها..وقدوود عاشه وهي تنشع الصور من يد غاليه:ما صدق... غاليه:وعنده لاب توب خذته وسويتله فورمات...يعني ياحبيبتي ابدي حياتج من يديد وانتي مرتاحة عاشه(والدمعة ماليه عينها):شكرا غاليه(بابتسامتها):بس عاشه:والله لو تبغين عيوني ماتغلى عليج غاليه:شواسويبها...بس ابغيج تخليني ارقد..وانتي قومي صلي ركعتين شكر عاشه:ان شا الله...والله ياغليوووه انتي مو بس بنت عمي..انتي بنت عمي واختي وصديقتي وحبيبتي غاليه:وااضح عاشه:فديتني انا...... اموت فيج غاليه:لا الغالية لاتموتين بعدج ماعرستي عاشه:هههه..صدقج الظهر عاشه وغاليه يالسين في الصالة جدام التلفزيون سلامة وهي يايه صوبهم بعباتها عاشه:وين سايرة يا الساحرة...توج يايه من المدرسه سلامة:انا بظهر مع امي عاشه:على وين؟ سلامة:بنروح بيت خالي..خالي شوي مب صاحي عاشه:الله يعافيه ويشفيه..سلمي عليه سلامة:يبلغ ام سلطان وهي تنزل من الدري اللي يطل ع الصالة :تبغون شي يا بنيات؟ غاليه:لا خالتي مشكورة ام سلطان:غاليه حبيبتي اتصلي بمريم ،تسأل عنج قبل شوي غاليه:ان شا الله واظهرو من البيت عاشه:انا ملاانه غاليه:مي تووو عاشه:شرايج نسوي حفلة غاليه:حفله شو؟ وفجأة سمعوا باب الصالة ينفتح سلطان وهو يتجدم صوبهم:السلام ... عاشه وغاليه:وعليكم السلام والرحمة سلطان وهو صاد صوب غالية(بصوت عالي) :وين كنتي اليوم؟ غاليه وهي مستغربه من نظراته:انا؟؟؟؟ سلطان:هيه انتي؟ غاليه وهي صاده صوب التلفزيون:ظهرت شوي ورجعت...اظن ان مافيها شي سلطان:مرة ثانية اذا بغيتي تظهرين خذي معاج الشغالة غاليه من دون نفس:ان شا الله سلطان:ماعدنا بنات يظهرن رواحهن مع الدريول...وانتي أمانه مادامج فبيتنا غاليه وهي تلتفت صوب عاشه:لاتخاف ورا باجر برجع سلطان:هذي الرمسه لج ولعاشه ..تسمعين وخطف جدامهم وظهر من البيت وصك الباب بالقووو عاشه:بسم الله الرحمن غاليه:انا اخويه مايكلمني بهذي الطريقة...اخوج منو يتحرا عمره؟ عاشه:اسفة غاليه ؟؟كله مني غاليه:اصلا هذي اول مرة اظهر مع دريول بروحي عاشه:انسي السالفة..سلطان شرا اخوج غاليه:لو نصحني بطريقة ثانيه جان رضيت لكن ماتشوفين عيونه كيف غدن.. شوي بتظهر برع عاشه:لاتزعلين..باين انه يعزج غاليه:حبيبتي..ماعاش اللي يزعلني وفجأة سمعو صوت غريب هز البيت هز... |
الجزء الرابع عشر غالية:شو هالصوت؟؟؟ ركضت عاشة صوب الباب وافتحته غالية:شو؟؟ عاشوه وين رايحة ومخلتني؟ سلطان (في الحوي):ادخلو داخل عاشه:باب بيتنا اختفى غاليه(واقفه مكانها متجمده):اختفى؟؟؟؟ سلطان:عاشه عاشه:نعم..اخويه سلطان:خذي غاليه وروحي حجرتج واقفلي الباب عاشه:ليش؟ سلطان:الحين الشرطة بتي تشوف الحادث عاشه:الله يخليك اخويه خلني اشوفهم سلطان:عاشوه اسمعي الرمسه احسنلج عاشه(من دون نفس):ان شا الله غاليه:فهموني ..شو صاير سلطان:واحد مسرع بسيارته بدل مايلف دعم باب بيتنا غاليه:وهو بخير سلطان:تقصدين راعي السيارة غاليه:يعني منو بقصد؟ سلطان:بخير ..جروح بسيطة غاليه:جيه ماخذته للمستشفى؟ سلطان:ولد يراننا شله نظرات غاليه كانت تتكلم وتقول :عفانا الله عنك سلطان:تبغوني اوديه المستشفى وخليكن روحكن في البيت؟ ولا بعد .. بيت من دون باب..حلوة هاي استغربت غاليه منه كيف عرف اللي في بالها عاشه:غليوه ..يلا نسير غرفتيه..هههه غاليه:شو اللي يضحك؟ عاشه:ويهج خير علينا غاليه:غصبا عن ويهج ويهي خير في الغرفة غاليه:افف ابغي اظهر عاشه:لو سلطون محد جان ظهرنا وفجأة يرن موبايل عاشه عاشه:الوو ...مرحبتين شحالج يا نوير؟...شو؟اخبار عاجلة؟جيه شوصاير...شو؟؟؟؟؟؟؟؟؟؟؟احلفي غاليه وهي تأشر :شو صاير؟؟؟ عاشه:اوكي مع السلامة غاليه:شو قالت ربعتج؟ عاشه:مابتصدقين غاليه:شو؟؟؟ عاشه:بيت ليلووه احترق غاليه:منو ليلى؟ عاشه:ليلى اللي صورتني غاليه:عرفتها...وشو استوالهم؟ عاشه:نورة تقول ان الطابق الثاني هو اللي احترق مو كل بيتهم غاليه:اهاا عاشه:قولي شو السبب غالية:شو؟؟ عاشه:ظهرت من البيت ونست المدخن حذال كمبيوترها غاليه:احلفي عاشه:اللهم لا شماته غاليه:سبحان الله عاشه:سبحان الله انا نسيت ان صوري مكانها عندها لكن الحين مالها لزمة غالية:اوووه ...نسيت ما اتصلت في خالتيه مريم عاشه:اتصليبها غاليه:اظن اني نسيت موبايلي في الصالة عاشه:خذي موبايلي غاليه(وهي تتصل):خسج الله يا عواش.. عاشه:ليش؟؟ غالية:مافيه رصيد عاشه:وانتي شوخانتج اخت الاتصالات؟ غاليه:خليتي اخويه خالد الاتصالات بكبرها عاشه:هههههه غاليه:بسير تحت عاشه(وهي توايج من الدريشة):راحت الشرطة..خذي راحتج غاليه:اخيرا بينطلق سراحنا عاشه:غليوه ...انا باخذلي شور غاليه:اوكي وظهرت غالية من غرفة عاشه وراحت صوب الصالة غاليه(وهي تغني بصوت خفيف):ليتني غيمه بسماكم...دوم بمطر في حويكم...بروي الارض وفلاكم...لا ولابالشمس تيكم سلطان فهاللحظة في المطبخ التحضيري :ماشاالله ..صوتج حلو بنت عمي غالية (مصدومة من الصوت):انت من متى واقف؟ سلطان:قبل لا تنزلين غاليه متجاهلتنه ويالسه تدور موبايلها سلطان:شو تدورين؟ غاليه:موبايلي سلطان:عطيني رقمج حتى ادقلج وتسمعين صوته غاليه:لا..مو مهم بتصل من تلفون البيت سلطان:ع راحتج بنت عمي..بس بغيت اقولج شي غاليه:الحمدالله ..حصلته سلطان:انا آسف غاليه:... ظهر سلطان من البيت وراح صوب الملاحق يسوي تمريناته المعتاده غاليه(فخاطرها):يمكن كان معصب من شي وظهر حرته فيني...يجوز غالية وهي تتصل بخالتها:الووو مريم:الو غاليه:مرحبا خالتيه...شحالج؟ مريم:مرحبتين..وينج انتي؟مختفيه لاحس ولاخبر غاليه:اتغلى مريم:عارفين غلاتج من قبل غاليه:شحال ابويه؟ مريم:الحمدالله بخير...غليوه الحين حريم عندي..فبغيت اقولج باجر اخوانج بمرون عليج غاليه:متى؟ مريم:مادري..انتي تجهزي غاليه:ان شا الله مريم:مع السلامة الغاليه غاليه:مع السلامة...وداعة الله غاليه بعد ما قفلت موبايلها:آآآه فديتك يا بويه عاشه(وهي تنشف شعرها):شو..مليتي منا غاليه:لاطبعا..بس اتولهت ع ابويه عاشه:انا متولهة ع ابويه اكثر عنج...من اسبوعين ماشفته غاليه:هي صح..انا من ييت ماشفته عاشه:حبيبتي ...عمج مسافر مع ست الحسن والدلال غاليه:وييين؟ عاشه:لبنان غاليه(بسخريه):شهر عسل ؟ عاشه:عساه ان شا الله شهر بصل غاليه:استغفر الله العظيم عاشه:خلينا نغير السالفة ما حب اتكلم عنها غاليه:ههههه ...اوكي عاشه:متى اسافر؟؟؟؟ غاليه:تقريبا من 8 شهور مسافره.. عاشه:اقصد ..متى اسافر مع زوج المستقبل؟ غاليه:شوفو هاي...لاحجه ع الهم عاشه:غليوه في ظنج وين بكون فشهر العسل؟؟ غاليه:في الهند ان شاالله عاشه:الله..بنسير تاج محل مع بعض شرات ديانا وتشارلز غاليه:احلفي بس شهر العسل في الهند عاشه:شوفيها الهند..حلوة غاليه:الناس تسير ايطاليا ،فرنسا مو الهند عاشه:الله...بشوف شاروخان وسيف خان وزايد خان غاليه:قولي جيه من الاول..القلب عندهم عاشه:لا طبعا...اوه مو جنه صوت امي غاليه:هيه عاشه(بصوت عالي):نعم..يايه ام سلطان:الله سلمكم..فديتكم عيالي عاشه:شفتي الباب؟؟؟ ام سلطان:هيه شفته...جاسم ولد خالج خبرني بالسالفه سلامة:ياخسارة طافني الحدث غاليه:من زينه عاشه:شحال خالي؟ ام سلطان:الحمدالله ..احسن الحين سلامة:هي صح...خالي يسلم عليج عاشه:الله يسلمه سلامة(وهي تساسر عاشه):وجاسم بعد يسلم عليج عاشه(بصوت واطي):الله لا يسلمه سلامة:حرام عليج غاليه:شو تقولون؟؟؟ عاشه:بعدين اقوولج ام سلطان:اليوم بسويلكم عشا ملكي سلامة:يا سلاام ام سلطان:شرايكم بالفريد؟ عاشه:هذا الملكي؟؟ ام سلطان:شو؟موعايبنج؟ عاشه:افاا يا الوالده ..انا امووووت بطباخج ام سلطان:آآه منج ..الله يعين جسووم عليج غاليه وهي تصد صوب عاشه(بابتسامة خبث) عاشه:امي ..رجاءا لاتطرين اسمه ام سلطان:جيه شبلاه... عاشه:والله ماخذته ام سلطان:اصلا هو يترياج تخلصين من الكليه عاشه:عساني ارسب ان شا الله ام سلطان:عووذ بالله عاشه:خلاص انا ما اشتهي الاكل ام سلطان:انتي شبلاج ماتتحملين السوالف غاليه:اللي يسمعج الحين مايقول قبل شوي بشو كنتي تحلمين عاشه(بخبث):امي شرايج نيوز سلطان لغاليه؟ غاليه وهي تقرص يد عاشه ام سلطان:خير وبركة ..بس لو توافق عاشه:شرايج امي من باجر نخطبها..هي لاتدرس ولاتشتغل غاليه:حبيبتي ..انا ما ببعد عن ابويه عاشه:مصيرج تبعدين ام سلطان:بسكن ظرابه..انا بسير المطبخ وانتن سيروا تلبسوا عاشه:جيه؟ ام سلطان:فيه ناس بيزورونا سلامة:منو؟؟؟ ام سلطان وهي تمشي صوب المطبخ:نااس عاشه:منو يعني؟؟؟؟ غاليه:يمكن ان جاسم عاشه:غليوووه غاليه:شو تقصدين بالرمسه اللي قلتيها؟؟؟ عاشه:بس بغيت اغير السالفه غاليه :ع حسابي عاشه:سلااامي سلامة:الله يستر اكيد تبغين شي عاشه:حبيبتي..سويلينا فحم سلامة:بشرط عاشه:وشو شرطج؟ سلامة:ابغي ادَخن من دخونج عاشه:مايغلى عليج..انتي بس سيري سويلنا فحم سلامة:ان شا الله بعد صلاة العشا الكل يالس في الصالة يتريون الضيوف،وبعد نص ساعة انفتح الباب عاشه:ابويه؟ بو سلطان:السلام عليكم عاشه+سلامة+غاليه:وعليكم السلام والرحمة بوسلطان:ماشاالله غاليه عدنا غاليه:من اسبوع عمي بوسلطان:ماشاالله بوسلطان وهو يالس حذال عاشه:شحالكم يا بناتي؟ البنات:الحمدالله بخير بوسلطان:وين امكم؟ ام سلطان :موجوده...شحالك بوسلطان؟ بوسلطان:الحمدالله بخير ام سلطان:العشا زاهب ..تفضلوا بوسلطان:يا فوقته..انا ميت من اليوع عاشه وهي تساسر غاليه:عشتوو غاليه:ههه سلطان فهالوقت يحوط بسيارته ويسترجع شريط اليوم اللي مر عليه ام سلطان:انت ليش ماتفرحني وتعرس سلطان:ان شا الله بس مش هالسنه ام سلطان:شرايك اخطب لك هالسنه والسنة اليايه العرس سلطان(يساير امه):اوكي ام سلطان:شوف..انا بخاطري تاخذ ميره بنت خالك المرحوم علي سلطان:شو؟؟ميره ام سلطان:هيه ميرة ...تخرجت هالسنه وانا اخاف حد ياخذها قبلك سلطان:بس هاي دلوووعة ام سلطان:ماعليه..يوم بتتزوج بتعقل سلطان:عيال خوالها شكثرهم ختاخذ واحد منهم ام سلطان:هذي يتيمه ..وابوها موصني عليها سلطان:امي ارجووج..ما ابغيها ام سلطان:بخاطري حد يراضيني ولو مرة في العمر سلطان:امي ...هذا زواج مب لعبان ام سلطان:انت وابووك واحد سلطان:ام سلطان..تعرفين انج غاليه فقلبي وروحي ام سلطان:جذب سلطان واقف جدام الاشارة وماانتبه انها خضرا وفجأة يسمع هرنات سلطان:ان شا الله ...حشى كلتوني يا الله ..شو اسوي ؟؟؟الله يسامحج يا امي مالقيتي غير ميرووه الدلوعة ...بس انا ليش حاط امل فغاليه،مستحيل توافق عليه...قلبي يقول انها ماتحبني..بس انا شوفيني؟؟؟؟؟؟؟ ريح فؤادك ما معي حد يسواك...حتى عيوني تحسدك من غلاتك ماهمني لو نظرة الناس تهواك...مادمت انا كل الغلا في حياتك كل العيون اللي تسافر بدنياك ...تحسد غرامي بك و تحسد حلاتك مالومهم والشمس طلعت محياك...والبدر تخجل طلعته من بهاتك شفاف يجرح خدك الريح لوجاك ...وان لامس رموشك تجرَح وفاتك سبحان من صورك فتنه لمظناك...واهداه قلبك والمشاعر بذاتك من يشبهك غيرك ومن به مزاياك...كل من نظر حسنك تمنى صفاتك ... (للأمانه الادبية القصيده لعلي الخوار) يوم الجمعة عقب الصلاة سلطان :امي ...ام سلطان سلامة:شبلاك ؟ سلطان:وين ام سلطان سلامة:يالسه في الصالة ام سلطان وعاشه وغاليه في الصالة يشوفون خطبة الجمعة فقناة دبي سلطان:امي بغيتج بموضوع ان سلطان:شو موضوعه؟ سلطان:موضوع خاص ام سلطان:محد غريب..قول شعندك؟ سلطان:انا موافق تخطبين لي ميره بنت خالي علي ام سلطان(بفرحة):فدييتك ابويه..كنت حاسه انك ماتخيب لي ظني عاشه(بدهشه):سلطون بتاخذ ميرووه غاليه:الف مبروووك سلطان(والغصة ماليه قلبه):الله يبارج فحياتج سلامة:صدق انها كبرك ..لكن اللي يشوفها يقول بعدها في الثانويه عاشه:بس هاي دلوووعة ام سلطان:انتي مالج دخل..فديتها بنت اخويه سلطان:عن اذنكم..ابويه يبغيني ام سلطان:اذنك معاك يا الغالي.. عاشه:ياالله ..هالكثر تعزينه ام سلطان:اكيد اعزه...فعمره ما عصاني..الله يوفقه ويحفظه سلطان(فخاطره):لهذي الدرجة تكرهني... عقب المغرب سلامة:غاليه..خالد وصل غاليه:اوووه ...مانزلت الشنطة سلامة:بعدهم مو من الحين بتروحين غاليه:شدراج؟ سلامة:توني شفت اخوج سلطان قالي بعد صلاة العشا بترجعون دبي غاليه:سلطان اخويه ياي؟؟؟ سلامه:هيه عاشه(وهي توايج من الدريشه):وااااااااااااااااااااااااااو غاليه:شبلاااااج؟ عاشه:سلطان اخويه يالس يشوح بالسيارة في الحوي واخوج خالد معاه في السيارة غاليه:خوووزي شوي خليني اشوف عاشه:شرايكم نوايج من البلكونه غاليه:اخاف يشوفوننا عاشه:ماعليج..انا بلبس غترة سلامة:غليووه عطيني وقايه الصلاة اللي حذالج غاليه:اندوج عاشه:غليوووه بيطوووفج ..رهيب غالية(توايج من بعيد):شوهالخبااال هااللحظة سلطان اخ غاليه ساير عند اخته سلطان:غليوووه غاليه:بسم الله الرحمن..من وين ظهرت عاشه وهي تصك الجامه:شحالك سلطان؟ سلطان:بخير الحمدالله...بقولكم شي غاليه(وهي ميته من الخوف):شو؟؟ سلطان:خالد شافكم ومحتشر غاليه:احلف عاشه(برعب):جذاااااااب سلطان(وهو يبتسم):سيروه عنده وبتشوفون غاليه:بس انا كنت بعيد ماوايجت سلطان:.... عاشه:كيف شكله؟؟معصب؟؟؟؟؟؟؟؟؟؟؟؟؟؟ سلطان:.......هههههههههه...اقص عليكم غاليه:الله ياخذك ان شا الله عاشه:حرام عليك يا سلطان اطرافي اتجمدت سلامة:الله يخس بليسك سلطان:يالله غليوه ..البسي عباتج غاليه:ان شا الله ..بس خلني اشرب ماي لانك نشفت ريجي سلطان:هههههه عقب صلاة العشا غاليه:مع السلامة يا بنات عاشه:مع السلامة...استانسنا معااج وااااااااااااااااااااااايد غاليه:المرة اليايه..ابغيكم تباتون عندي شهر كامل سلامة:خيييبه..شهر غاليه:هيه صدق..اخاف تخلصون اكلنا كفايه اسبوع سلامة:طلعني بخيلة يا بنت عبدالرحمن غاليه:يزاج الله خير عاشه:اشكرج غناتي ع الخدمة غاليه:عواش..لاتنسين تسلمنلي ع سميرة عاشه:هههه..الله يسلمج..بس ما اظمن اوصل السلام سلامة:منو هاي سميرة عاشه:وحده الله يستر عليها خالد:يلا سلطان بن سالم:شوي شوي ...لاتسرع خالد:شوفو منو ينصحني سلطان:هههههه خالد:بالبركة عليكم الباب اليديد سلطان:شفت عاد..هذا احدث باب اسمه الباب المخفي خالد:سبحان الله خالد :يلا مع السلامة سلطان:مع السلامة سلطان فهاللحظة كانت عينه ع السيارة الى ان اختفت فخاطره:ودعتكم يا ليت ماكان..يوم الوداع القلب ممحون..تسالني وش اللذي كان ..المفارج احبابه..وش يكون الجزء الخامس عشر بوخالد وخالد وغالية يالسين جدام التلفزيون يشوفون قناة الواحة بوخالد:ماظهرت ام حسين غاليه:لا بعدها خالد:شوالوالد عايبنك طباخها؟؟؟ يوخالد:هيه ..عايبني اكثر الشي المكان اللي تطبخ فيه ...صوب النخل غاليه:تسوي اكلات شعبية بوخالد:وانتي جيه ماتدخلين المطبخ؟ غاليه: ان شاالله يوم بتسافر سونيا بدخل المطبخ بوخالد(بعصبية):اسمعيني..من باجر اشوفج في المطبخ غاليه:بسم الله الرحمن...شبلاك ابويه؟ بوخالد:نحن دلعناج وايد وسكتنا عنج غاليه:خلاص خلاص لاتعصب خالد:هيه والله غاليه:انته شلك... راز ويهك؟ بوخالد:غليوووووووه...هذا اخوج واكبر عنج ..احترميه غاليه:اووكي بوخالد:قولي ان شا الله غاليه:ان شا الله .. بوخالد:ع وين؟ غاليه:سايرة انخمد بوخالد:ماحيدج ديايه تنامين من وقت غالية: مادري شبلاكم عليه اليوم بوخالد:اييلسي..فيه موضوع ابغي اكلمج فيه غاليه:نعم ابويه بوخالد:فيه ناس خطبوج غاليه:شووو؟؟؟؟؟؟ بوخالد:اللي سمعتيه..والصراحة هم ناس والنعم فيهم وانا مابغي اردهم غاليه:بس.. بوخالد:بس شو؟انتي لاتشتغلين ولا تدرسين فليش الرفض؟ خالد:صدق ابويه غاليه:انت لاتتدخل..اول شي عرس وبعدين يصير خير خالد:جيه شايفتني ياهل تترييني ادخل الروضه غاليه:ههه..سخيف بوخالد:غاليه.. غاليه:.... بوخالد:اكيد تعرفين منو اللي خطبج غاليه:اعرفه؟؟؟وانا شويعرفني؟ بوخالد:جيه...ربيعتج اليازيه ما خبرتج؟؟؟ غاليه:ويزوي شلها؟؟؟ خالد:لانه اللي خطبج اخوها غاليه(باندهاش):سييييف؟؟؟ بوخالد:هيه ..سيف غاليه(وهي مصدومه):اليازيه بعدها مسافرة وما ظن انها تعرف بالسالفة بوخالد:الصراحة هو ريال والنعم فيه غاليه:بس انا ما ابغيه خالد:اكيد ماتبغينه..لانه احلى عنج غاليه:نعم؟؟؟ اصلا انت كيف تقارن بين وحده وواحد؟؟؟ بوخالد:شوفي...ابغي اعرف سبب وحيد يخلييج ترفضينه غاليه:لأنه... بوخالد:اسمعيني..ولاتقاطعيني غاليه:..... بوخالد:الرسول عليه الصلاة والسلام قال (اذا جاءكم من ترضون دينه وخلقه فأنكحوه،إلا تفعلوا تكن فتنة في الأرض وفساد) غاليه:عليه الصلاة والسلام بوخالد:وهو ريال مصلي عارف ربه والناس كلها تمدحه وهو من عايلة والنعم فيها وماشا الله عندهم الخير والله يزيدهم ....فابغيج قبل لا تقررين، تعرفين شي واحد انه نحن ما بندوملج غالية:الله يطول بعمركم ويخليكم ذخر النا بوخالد:خذي راحتج ومتى ماتقررين خبريني غاليه فغرفتها يالسه ع الكرسي الهزاز تفكر بالموضوع وعينها في السقف ام سلطان وهي تدق الباب:غاليه غاليه:الباب مفتوح ام سلطان: ما شربتي حليبج؟ غاليه:ما اشتهي ام سلطان(بابتسامه):تفكرين فيه؟ غاليه:عرفتي؟؟ ام سلطان:تقريبا من اربع ايام زارونا وكلمونا عنج غاليه:انا ماابغيه ..لكن المشكلة شو اقول لابويه ام سلطان:بصراحة يا غاليه...انتي ليش ماتبغينه؟؟؟ غاليه:بس جيه ام سلطان:هذا مب سبب غاليه:انا ما اتخيل اني بخلي هالبيت وبترك ابويه واترككم ام سلطان:عيل خليتينا اسبوع غاليه:كانت مدة مؤقته..لكن الزواج مدة دايمه ام سلطان:الزواج سنه الحياة وانتي اذا تزوجتي اكيد بتزورينا ومابتقطعينا... وبيتهم مو من بعده غاليه:اوكي انا بسالج سؤال بس ابغيج تجاوبيني بكل صراحة ام سلطان:الله يعين غاليه:انتي ليش وافقتي ع ابويه بالرغم انه عنده عيال ؟ليكون حد جبرج(وهي تغمز بعينها) ام سلطان:لا..محد جبرني..بقولج شي محد يعرفه غاليه:وااو ام سلطان:ابوج له هيبه وله وزن بين الناس فكان كل مرة ايي بيتنا افرح واستانس ويوم عرفت انه بيتزوج فرحت له.. غاليه:وبعدين ام سلطان:اخطبوني وايد لكني كنت ارفضهم لاني كنت اقارنهم فابوج غاليه:يا سلام ام سلطان:وظليت عهالحال..ابويه كان مدلعني وماكان يجبرني ع شي..فلما خطبني عبدالرحمن رفضته في البدايه.. غاليه:لانه عنده عيال ام سلطان:لا...بس جيه من دون سبب لكن فقلبي كان عايبني غاليه:ياسلام ام سلطان:وبعد خمس شهور ابويه طاح مريض فقام ابوج ووقف معاه وعالجه على حسابه وبعد ماتشافى ابويه راح لابوج وعرض عليه انه يوزني له..وهاي السالفة غاليه:وانتي ليش وافقتي ام سلطان:لاني استحيت ارده بعد كل اللي سواه واعمامي عندهم الخير ولاهتموا فابويه غاليه:اهاا ام سلطان:بس شفتي ..الله كاتبلي اخذه يعني اخذه غاليه:تقصدين اني لو رديته يمكن يرد ويخطبني مرة ثانيه واوافق عليه؟ ام سلطان:اللي الله كاتبلج اياه هو اللي بيصير غاليه:هو...مافيه شي ينعاب...بس..مادري ام سلطان:استخيري غاليه(بابتسامه):ان شا الله....شكرا ام سلطان:على شو؟؟؟ غاليه:لاني كنت محتاجه لحد افضفض له ام سلطان:فضفضي ياحبيبتي غاليه:هههههههه اليوم الثاني خالد وعبدالله وسلطان ولد عم خالد فصالة البلياردو خالد:ماتم شي على عرسك سلطان:كم تام؟؟؟ عبدالله:باااجي ..8 ايام خالد(وهو يضرب الكرة بالعصا):يالله..اففف ..ادخلي عبدالله:هههه خالد:ليش تضحك؟؟من زين لعبك عبدالله:اضحك ع شي ثاني خالد:على شو؟؟ عبدالله:اتخيلك بعد ما اعرس ..بتلعب مع منو؟؟ خالد:يعني مافي غيرك فهالدنيا؟وبعدين كلهم شهر وبترجع عبدالله:لا اله الله خالد:محمد رسول الله سلطان:باين انكم حذفتوني من القايمه عبدالله:انت عايش في الشارجة يعني مو كل يوم بتجابل ويهه سلطان:الحمدالله خالد:شوتقصد ياولد العم سلطان:ههه...ماقصدت شي خالد(بابتسامه عريضة):فيه موضوع عجيب مستوي فبيتنا سلطان:خير خالد(وهويبتسم):اكيد خير عبدالله:خطبت؟؟؟ خالد:قربت سلطان:يلا عاد.. خالد:تعرفون سيف بن عبدالعزيز ال... سلطان:ماعرفه عبدالله:هيه ..عرفته ،اللي شفناه في المسيد خالد:هيه..عليك نوور سلطان:شله في السالفه خالد:خطب اختي سلطان(مو في الدنيا):...... عبدالله:بالبركة...الصراحة ريال والنعم فيه سلطان فخاطره:مستحيل ...مستحيل تكون لغيري خالد:بس الى الان مجرد كلام...ماصار شي سلطان(بعصبية):سألتو عنه؟؟ خالد(وهو يركز ع الكرة):اكيد..والكل يمدحة عبدالله:لو شفته يا سلطان اكيد بتحبه ..خفيف ع القلب سلطان(فخاطره):ما ابغي احبه خالد(وهو يضرب الكرة بالعصا):الحمدالله ...اخيرا دخلت سلطان(بويه متكدر):اسمحولي ..بخليكم عبدالله:توه الناس يا ريال خالد:ع وين؟؟ سلطان:تعبان شوي وراسي مصدع خالد:ع راحتك سلطان:مع السلامة عبدالله:لاتنسى يوم عرسي سلطان:بتشوفني اول واحد يباركلك عبدالله:ههههه..مع السلامة خالد:مع السلامة عبدالله:ابغي اخذ رايك بشي؟ خالد:شو؟؟ عبدالله:ابغي اخذ هديه للعروس ..بس موعارف شو؟ خالد:ياعيني عبدالله:شو آخذلها؟؟؟ خالد:اممم...اشترلها ورد عبدالله:لاااا ..شي ثاني خالد:شو رايك تاخذلها سيارة؟؟؟ عبدالله(بنظرة حاده):عن الاستهبال..انت ماتنفع خالد:اوكي ..اوكي..شو رايك بخاتم الماس راهي؟ عبدالله:تعال معايه خالد:اصلا انت ياي معايه عبدالله:المهم..الحين ابغي اشتريه خالد: الحين عبدالله:هيه وبعد مااشترى عبدالله الخاتم اذن العشا وراحو يصلون وسلطان فسيارته راجع للبيب،و مو مصدق اللي سمعه ومو متخيل انه غاليه راح تضيع من اييده ابعتذر ,,عن كل شي,, الا الهوى ,,ماللهوى عندي عذر ابعتذر,, عن أي شي,, إلا الجراح مالي الجراح إلا الصبر,, إن ضايقك اني على بابك أكر,, ليلة ألم ,, واني على دربك مشيت عمري وانا قلبي القديم,, أبعتذر,, ابعتذر كلي ندم عن كل شي الا الهوى,, ماللهوى عندي عذر,, اتصدقي,, ما اخترت انا احبك,, ما احد يحب اللي يبي سكنتي جروحي غصب,, ياحبي المر,, العذب,, ليت الهوى وانتي,, كذب كان اعتذرلك عن هواي,, وما اقول انا كوني معاي,, ان ضايقك اني على بابك امر,, ليلة الم,, واني على دربك مشيت عمري وانا قلبي القديم,, ابعتذر ,,ابعتذر,,كلي ندم,, عن كل شي ,,الا الهوى ماللهوى عندي عذر,, الله كريم,,حبك يكون همي القديم,, وجرحي القديم,, والله عليم,,يا أحلى العيون,, ان الفراق ,,جزا الفراق,, ابوعدك,, كان الطريق بيبعدك,, بامشي بطريق,, وكان الحجود بيسعدك,, مالي رفيق,, ابجمع اوراق السنين,,واودعك كان الفراق اللي تبين,,الله معك (قصيدة الامير بدر بن عبدالمحسن) كــل شــئ بوخالد وام سلطان يالسين يتعشون رواحهم بو خالد:سيف يبغي يشوفها ام سلطان:يشوف غاليه؟؟؟ بوخالد:هيه..من حقه ام سلطان:بس غاليه مستحيل توافق تشوفه بوخالد:الا هي نظرة ام سلطان:انا اعرف غاليه ..مستحيل توافق تشوفه بوخالد:ماعليه ..بتشوفه من دون ماتعرف ام سلطان:شو؟؟؟ بوخالد:بتشوفين... بعد ثلاث ايام...الساعة 8 ونص ليلا.. ام سلطان:حبيبتي غاليه.. انا بروح عند يارتنا صفيه غاليه:سلمي ع بنتها مها ام سلطان:يوصل سلطان راح عند ربيعة وخالد من راح يصلي المغرب غاليه ماشافته فيلست ترتب حجرتها وفجأة سمعت ابوها يزكرها بوخالد:غاليه غاليه:نعم..ابويه بوخالد:قومي غيري ثيابج غاليه:ليش؟ بوخالد:بسير بيت عمج وبوديج معايه غاليه:من ايام كنت عندهم..جيه هم ما يووون؟ بوخالد:محد في البيت وانا مابخليج بروحج غاليه:متعودة ايلس في البيت بروحي بوخالد:لاتناقشيني...يلا بسرعة غاليه:ان شا الله..عطني ربع ساعة غاليه(فخاطرها):شبلاه هالايام ..متغير عليه تلبست وتعطرت وتجحلت بكحل اخضر برز عينها العسلية، ولفت الشيلة ع راسها وظهرت لابوها اللي يالس في الصالة يترياها بوخالد(بابتسامة):جهزتي؟؟ غاليه:هيه بوخالد:ابغي ادخن بعوده غاليه:ان شا الله ...الحين بسير اسوي فحم بوخالد:لا ماله داعي ..بتحصلين المدخن في الميلس..هاتيلي اياه غاليه:ان شا الله... فهاللحظة سيف يالس مع خالد في الميلس،جدامهم الفاكهه والمكسرات والحلوى والقهوة ،وصوب الباب سلة باتشي ..سيف يايبنها لغاليه.. خالد:وين تشتغل؟ سيف:مع ابويه فشركته خالد:اهاا.. سيف:الجو حلو هالايام ..يبالنا نسير البحر خالد:باين.. تحب الحداق سيف:واايد فجأة انفتح الباب.... غاليه (بصوت عالي):باااااتشي..ويوم ارفعت راسها لاحظت كندورة بيضا خالد هاللحظة نزل راسه مب عارف شو يقول سيف(بابتسامة):السلام عليكم غاليه(وهي تشوف اخوها)بصوت واطي:وعليكم السلام...انا انا اسفه،وبحركة سريعة اظهرت من الميلس وصكت الباب بالقوو خالد(فخاطره..خسج الله ياغليوه):...ماكلت الخبيص؟؟غاويه وهي حارة سيف(بابتسامه عريضة):اكيد غاويه نهاية الجزء |
الجزء السادس عشر في بيت سالم (بوسلطان) ام سلطان:سلطان.. جهز نفسك باجر سلطان:ليش؟ ام سلطان:باجر الخطبه..والا نسيت سلطان(وويهه بدا يتغير):هيه صح.. ام سلطان(بابتسامة):اخيرا بشوفك معرس سلطان:امي انا الحين بظهر ويمكن اتاخر شوي ام سلطان:والعشا؟؟؟ سلطان:بتعشى برع..يلا مع السلامة عاشه:افااا..كنت ابغيك تظهرنا سلطان:جيه الدريول وينه؟ عاشه:ابويه محتاجنه سلطان:وجيه ماتتصلين باحمد؟ عاشه باستهزاء:الله يخليك..هذا متى ظهرنا؟ سلطان:انا الحين مواعد الربع بنتعشى مع بعض..وان شاالله باجر اظهرج عاشه(فخاطرها):اكيد بيتعشى مع منصور سلطان:يلا مع السلامة عاشه:مع السلامه..بحفظ الله... غالية فغرفتها مصدومة باللي صار واخر شي كانت تتوقعه ان ابوها يسويلها هالمقلب غاليه(والدموع تنزل من عيينها):اكيد بيقول عني ميوعة...ماشافت خير بوخالد(وهو يفتح باب غرفتها):شو الاخبار؟.. غاليه(وهي تحاول تلهي عمرها بالمجلة):..... بوخالد:يعني اذا قلتلج انه يبغي يشوفج بتوافقين؟؟؟ غالية(بانفعال):طبعا لاااااااااا بوخالد:شفتي.. غاليه:كان موقف فظيع بوخالد(بابتسامة):خالد خبرني باللي صار غاليه:اكيد..وكالة رويتر بوخالد:المهم..هو رايدنج والحين منتظرين نسمع رايج فيه غاليه(وهي فاتحة عينها):شو؟؟؟ فخاطرها:عقب اللي صار يبغيني؟ بوخالد:شوفي..بعطيج مهلة 3 ايام تفكرين ع مهلج،وظهر من الغرفة عقب ساعة اظهرت غاليه من غرفتها ويلست مع العايلة ولا كأنه شي صار ولا استوى خالد:اللي يشوفج مايقول ترعين في البيت 24 ساعة غاليه:انت اخر واحد تتكلم..تسمع خالد:فشلتيني يا غليوووه..ماعرفت وين اودي ويهي من ولد الناس غاليه:بنشوف هالغزال اللي بتاخذها خالد:حبيبتي اللي باخذها بنت شايفه خير هب شراتج غاليه(وهي تخزه بنظره):....وقامت ورجعت لغرفتها ام سلطان:مو جنك بالغت خالد:هي مستويه حساسه هالايام ام سلطان:سير راضها خالد:ان شا الله بس بعد ما ارجع ام سلطان:ع وين ماشاالله؟ خالد:بتعشى مع الربع...يلا مع السلامة ام سلطان:فمان الله..لاتسرع خالد:ان شا الله.. سلطان بن عبدالرحمن:احس بشي مستوي وانا ما عرفه ام سلطان:اختك انخطبت سلطان(باندهاش):من متى؟ومنوه؟؟؟ ام سلطان:اليوم زارنا وشافها سلطان(بنص عين):اذا غاب القط العب يا فار ام سلطان:منو الفار؟ سلطان:ماعلينا..ومنوه هذا اللي يبغي اختنا الغالية غاليه؟ ام سلطان:سيف اخ اليازيه سلطان(باندهاش):اخ ربيعتها؟؟؟ ام سلطان:هيه سلطان:ياحظها ام سلطان:ليش؟ سلطان:تعرفين يا امي شو نوع سيارته؟سيارته ...مايباخ ام سلطان:انا قلت بتقول شي يسوى...وين رايح انت الثاني؟ سلطان:بروح اباركلها...هيه ياغليوه سايره بالمايبخ وراده بالمايبخ منو قدج الساعة تسع ونص خالد وعبدالله ومنصور يالسين في المطعم ينتظرون سلطان خالد:تأخر بومايد عبدالله:اذا يوعان اطلب شي خفيف على مايوصل خالد:لا بالعكس توني ماكل خبيص في البيت منصور:يا البخيل..جان يبتلنا منه احسن عن اكل المطاعم خالد:ههههه...انا بخيل؟محد قالك تعزمنا يا الحبيب منصور:افااا...ماتوقعتك تظن فيني ظن السوء عبدالله:ان شا الله المرة اليايه العزيمة عليه منصور:شورايكم نطلب عصاير؟ خالد:اوكي انا ابغي كوكتيل عبدالله:وانا ابغي عصير مانجا منصور وهو يأشر للجرسون الجرسون وهو ماسك ورقة وقلم:يس سير منصور :2كوكتيل وواحد مانجا الجرسون:اوكي سير منصور:يا شباب ..تدرون شوهي مناسبة العزيمة؟ خالد(باستهزاء):يوم ميلادك؟ منصور:جيه شايفني ياهل جدامك؟ عبدالله:مممم...رفعوا رتبتك؟ منصور:ياريت...ظهرتلي دورة 9 شهور في امريكا عبدالله:الله يوفقك خالد:ههههه منصور:شواللي يضحك؟ خالد:اخاف ترجعلنا بدل الشهادة بأمريكية منصور:انا منصور اودر بنت البلاد واخذ اجنبيه؟جيه متخبل خالد:بنشوف منصور:انا بصراحة قررت اخذ بنت الحلال واسفرها معايه عبدالله:هذا الراي الصحيح خالد:عبدالله ليكون انت اللي مدخل سالفة العرس فراسه عبدالله:لا والله منصور:اصلا انا من فترة خطبت وما الله كتب خالد:ومتى السفر؟ منصور:ان شا الله عقب 3 اسابيع خالد:بهالسرعة ومتى بتلحق تعرس منصور:انا بخطب قبل ما اسافر وبعد 3 شهور برجع بعرس وباخذها معايه خالد:واذا ما وافقت؟؟؟؟ منصور:فال الله ولا فالك.. خالد:ههههههههه عبدالله(وهو يرد ع المتصل):الو...والحين كيف حالته؟؟اوكي اوكي ..عشر دقايق واكون عندج خالد:خير ان شا الله عبدالله:سعيد ولد اختي فيه حمه وزايده عليه الحساسية فبوديه المستشفى خالد:طمنا عليه عبدالله:ان شا الله خالد وهو صاد صوب منصور:هالايام منتشرة الامراض منصور:هذا بسبة تغير الجو خالد:يوم كنا يهال ما كنا نمرض هالكثر منصور:هيه والله خالد:سلطوون وين راح؟ منصور(وهو يشل موبايله من ع الطاوله):بدق له....الو...وينك؟؟ سلطان:نص ساعة واكون عندكم فهاللحظات غاليه حاطه راسها ع المخدة وفجأة يرن موبايلها غاليه(بدون ماتشوف منو المتصل):الو.. اليازيه(والفرحة ظاهره فصوتها):الووو....الف الف الف مبروووك غاليه:بسم الله ..يزوي؟متى وصلتي؟ اليازيه:من يومين واليوم عرفت الخبر السعيد غاليه:بس الى الان ماصار شي اليازيه:ان شا الله يصير... سيفوه طلع هب هين .. غاليه:طالع ع اخته اليازيه:حرام عليج..المهم شو قررتي؟ غاليه:الموضوع صعب اتريي علي شوي اليازيه:المهم أي سؤال عن زوج المستقبل نحن حاظرين نجاوبج عليه وماعليج الا تدقين ع الرقم:...55 غاليه:هههه..انتي اخته يعني اكيد بتمدحينه اليازيه:بس انتي اعز صديقة ومستحيل اخبي عليج غاليه:اوكي..خبريني شو سلبياته؟ اليازيه:اممم غاليه:شفتي اليازيه:حبيبتي من كثرهم ابغي اتذكرهم غاليه:ههههه...خيبه اليازيه:هيه..مبذر،هادي لكن اذا عصب مايعرف اللي جدامه غاليه:الله يعين اليازيه:ويحب اكل المطاعم غاليه(فخاطرها):هالمطلوب اليازيه:مايحب يقر في البيت غاليه:امم اليازيه:المهم خبريني ...شوانطباعج عنه عقب ما شفتيه؟؟؟ غاليه(فخاطرها):اكيد خبرها ..يالفشلة :لا تعلييق اليازيه:غليووه اخويه من شافج وهو متخبل ..اتخيلي يبغي يملج بأسرع وقت غاليه(بخجل):لا تبالغين اليازيه:والله العظيم اني ما ابالغ غاليه:شو اخبارج انتي اليازيه:اونج عاد...تبغين تغيرين الموضوع غاليه:يا ربي اليازيه:اوكي اوكي لاتعصبين كله ولازعل مرت اخويه غاليه:من الحين صرت مرت اخوج؟ اليازيه:اتفاءل بالخير غاليه:المهم انتي شواخبارج ان شا الله استانستي في السفر اليازيه:هيه والله استانست وايد..بس اتولهت ع الاهل بس تدرين عقب ماشفت اهلي بخاطري اسافر مرة ثانيه غاليه:الله يسعدج ان شا الله اليازيه:يسعدنا جميع غاليه:يا ربي اليازيه:غليوه كان بخاطري ازورج لكني باجر بروح بوظبي غاليه:لاتقولين اليازيه:بسكن بشقه غاليه:احلفي اليازيه:مؤقتا..بس حلوة وشرحه غاليه:اهاا اليازيه:اوكي حبيبتي اقصد(مرت اخي الحبيب) بخليج الحين بسير اتيلس مع الوالده غاليه:اوكي سلمي عليها اليازيه:يبلغ..بس ماتبغيني اطرش سلامات ل.. غاليه:افففف..مع السلامة اليازيه:اسمحيييييلنا خلاص بس انتي لاتتحيرين غاليه:ان شا الله غاليه عقب ما صكرت عن اليازيه شافت انه مسج واصللها ياكثر منهو عن العين غاب... وياكثر منهو اتعبنا غيابه... البعض له الشوق غلاب ... والبعض متى ما جا ياهلابه... إلا انت غيابك مثل جرح الاحباب ... نتعب كيف نلقى علاجه... ماينساك القلب يا أعز الناس... حتى يحضنه القبر بترابه... غاليه:معقولة يكون....؟؟؟ عقب نص ساعة وصل سلطان خالد وهو يشوف سلطان ياي من بعيد :مابغيت توصل؟ منصور :الحمدالله ع السلامة سلطان:الله يسلمك خالد:جيه اتأخرت؟ سلطان:وانا ياي شفت جدامي حادث فالحركة كانت بطيئة شوي خالد:لاحول ولاقوة الا بالله سلطان:وين عبدالله؟ماشوفه خالد:ولد اخته مب صاحي ..سار يوديه المستشفى منصور:يلا يا شباب شو طلباتكم سلطان:اكيد ..كباب سلطاني خالد:نفس الطلب منصور:حاظرين للطيبين عقب عشر دقايق وصل الطلب سلطان:يمممممممم ريحة تجنن خالد:تجنن..قول جنااان منصور:هههه..عيل كل يوم بعشيكم جان هاي حالتكم خالد:تسوي خير سلطان:خالد موبايلك يرن خالد:اووه...الوعبدالله...نعم ..انت منو؟ المستشفى؟؟؟ سلطان ومنصور نظرات الخوف والاندهاش فعينهم خالد(بويه متغير):هذا موبايل عبدالله صديقي...ليش؟عبدالله فيه شي؟؟ الطبيب :بصراحة هو عمل حادث فياريت تعطينا رقم بيته خالد(بصوت متردد):سجل عندك .....289 بس ماقتلي عبدالله بخير؟ الطبيب:الصراحة عبدالله في حاله خطره خالد(بتوتر):فأي مستشفى نقلتوه؟؟ الطبيب:مستشفى راشد سلطان:لاحول ولا قوة الا بالله منصور:يلا شباب نروح له خالد:انا ما اقدر اسوق اعصابي تعبانه منصور:انا بوصلكم سلطان وهو يشل غرشه الماي:اشرب يا خالد خالد:مالي نفس سلطان:اشرب واذكر الله..ان شاالله مافيه غير العافيه خالد وهو يتنهد:الله يستر... الله يستر في السيارة خالد:سلطان انت شفت الحادث...كيف صار؟ سلطان:شفت سيارتين وحده فرويل والثانيه صالون .. خالد:عبدالله سيارته صالون سلطان:اظن ان السيارة الفرويل هي اللي صدمت عبدالله منصور:من أي جهة سلطان:من الدبه منصور:وصلنا خالد وقلبه يدق بالقو:انزلوا انتو وانا بلحقكم سلطان:ع راحتك منصور:يلا سلطان خالد وهو حاط ييده ع راسه: خالد هذا كله حلم ..لاتصدقهم ..اكيد هذا مو عبدالله وبعد عشر دقايق نزل من السيارة وراح قسم الطوارئ وقبل لا يروح قسم الاستعلامات شاف سلطان خالد وهو حاط ييده ع قلبه وعينه تقول تكلم يا سلطان سلطان (بويه محمر):........ منصور وهو يظهر من غرفة الطبيب وريله تتحرك ببطء:حسبي الله ..حسبي الله ونعم الوكيل خالد(وهو يصرخ):وين عبدالله..سلطون انت ماتسمع..وين عبدالله؟؟؟ منصور:انت انسان مؤمن يا خالد..اترحم له خالد(بابتسامة باهته):بس سلطان يقول الضربه كانت في الدبة يعني تأثيرها مش قوي..صح؟ منصور:راسه ارتض بالقو فاستواله نزيف في المخ سلطان(والدمعه تنزل من عينه):الله يرحمه خالد ركض باسرع ماعنده..طلع من المستشفى وراح البحر خالد وهو يناهي :جذب..مامات ..جذب ..مستحييل ماحس بعمره وطاح ع الرملة ونام من التعب الجزء السابع عشر خالد وهو يحس بيد تهز جتفه الريال:يا الاخ’ خالد وهو يفتح عينه بتعب:نعم الريال:شكلك تعبان..روح البيت..(قال هالكلمتين وراح عنه) خالد وهو يتأمل الريال:اروح البيت؟ وانتبه انه ع الرمله وحس بآلام فظيعة فظهره خالد وهو يظهر موبايله:خيبه 17 مس كوول و4 مسجات فتح اول رسالة وهي من منصور:بيصلون عليه عقب صلاة اليمعة في المسيد اللي فمنطقتهم..لاتنسى خالد وهو يسترجع اللي صار:إنا لله وإنا اليه راجعون...يارب ترحمه وتغفر له يا رب وقف ومشى بخطوات ثجيله وركب تاكسي ووصل البيت،شاف سيارته موقفة جدام البيت ،ودخل بوخالد وهو طايح ع القنفه اللي في الصالة وانتبه لدخلة خالد:عظم الله اجرك .. خالد(بارهاق):الدوام لله بوخالد:وين كنت؟نتصل بك وماترد خالد:ماحسيت فيه..عن اذنك بوخالد :اذنك معاك دخل خالد غرفته واتسبح وصلى ورجع رقد من شدة التعب غاليه (طول الليل مارقدت قلبها عند اخوها):ابويه بوخالد:نعم الغاليه غاليه:خالد وصل؟ بوخالد:هيه ..قبل شوي داخل البيت غاليه:الحمدالله...الله يرحمه ويغفر له بوخالد:امين... غاليه:شاب ماتهنى بشبابه بوخالد:الموت مايعرف صغير ولا كبير غاليه:صحيح...اسمحلي ابويه طول الليل مارقدت بسير ارقد بوخالد:مسموحة قبل صلاة اليمعه اتصل منصور بخالد منصور:مرحبا خالد:مرحبتين منصور:تبغيني امر عليك خالد:يكون احسن منصور:انا في الطريج خمس دقايق وبتشوفني عند باب بيتكم خالد:ان شا الله وبعد ماركب مع منصور منصور بابتسامة:لا..اليوم شكلك احسن خالد: الحمدالله وعقب صلاة اليمعة صلوا ع عبدالله خالد وهو يتأمل عبدالله وهو ملفوف بالجفن(فخاطره):هاي اخر مرة اشوفك فيها..آخر مره... وماتحمل المنظر ونزلت دمعه حاره من عينه وصلوا عليه وادفنوه رجع خالد البيت ودخل غرفته وماله مزاج يكلم حد وبعد ساعة دقت غاليه باب خالد غاليه:عظم الله اجرك اخويه خالد:الدوام لله غاليه:شحال ابوه واخوانه خالد:الحمدالله...صابرين غاليه:رحت مع خالتي مريم العزا خالد:زين سويتي غاليه:امه تعبانه.. خالد:الله يعينها غاليه:شفت زوجته...تكسر الخاطر خالد:الله يلهمهم الصبر...غاليه غاليه:نعم خالد:عندج بندول غاليه:هيه....لحظة اخذ خالد اجازة لمدة شهر من دون راتب يحاول يحصل شغل ثاني في مكان ينسيه عبدالله ام سلطان يالسه مع بوخالد ام سلطان:انت ليش ساكت عن ولدك بوخالد:شوتبغيني اسويله؟ ام سلطان:عايبتنك حالته..لاشغل ولامشغله بوخالد:الولد يالس يدور شغل وبعدين هو ادرى بصلحته ام سلطان:استغفر الله العظيم بوخالد:انا اعرف ولدي..انسان حساس وصعب يتألقلم مع الوضع اليديد ام سلطان:هاي الدنيا ..حياة وموت بوخالد:وين غاليه؟ ام سلطان:فغرفتها بوخالد:ازكريها ام سلطان(بصوت عالي):غاليه..يو غاليه غاليه:نعم ام سلطان:ابوج يباج غاليه :يايه بوخالد:تعالي ايلسي حذالي غاليه:نعم ابويه.. بوخالد:انتي مارديتيلي خبر غاليه:عن شو؟ بوخالد(باستهزاء):عن شو؟شورايج بسيف؟موافقه عليه؟ غاليه(والويه بدا يحمر):مادري بوخالد:انا عطيتلج 3 ايام والحين صارو 3 اسابيع ...شورايج؟ غاليه(بخجل):....... بوخالد(بابتسامه):السكوت علامة الرضى غاليه:عن اذنك ابويه بوخالد:هههه...ع بركة الله وانتشر خبر خطبة غاليه في العايله بعد يومين في بيت سالم بوسلطان رن تلفون البيت وسلطان في المطبخ التحضيري فقام ورد ع التلفون سلطان:الو غاليه:الو السلام عليكم سلطان(بطير من الفرحة):وعليكم السلام والرحمة..شحالج بنت عمي غاليه:الحمدالله بخير ...شحالك وشحال الاهل؟ سلطان:الحمدالله بخير ويسرج الحال غاليه:عاشه موجوده؟ سلطان:نعم..لحظة سلطان(بصوت عالي):عواش...عاشه عاشه(وهي تركض صوبه):شو؟ سلطان:غاليه تبغيج عاشه:اوكي...بس لحظة شوي بسير اشرب ماي ريجي ناشف من الرياضة سلطان:الوو غاليه:نعم سلطان:بنت عمج هاليومين تسوي رياضة اونها تبغي تحافظ ع جسمها غاليه:ههه..اخاف تختفي سلطان(اتذكر انها مخطوبه):.....هذي عاشه عاشه:الف الف مبروووك غاليه(بخجل):الله يبارك فحياتج عاشه:وااااو...وناسه اخيرا بتعرسين ياغليووه غاليه:عقبالج ان شا الله عاشه:آآآآآآآآآآآآآآآمين غاليه:ههههههه...ان شا الله يشوفونج فعرسي ويخطبونج عاشه:شو؟؟؟؟اترياج لين ماتعرسين! غاليه:بسم الله...هالكثر مستعيله عاشه:هههه...اسولف معاج هالوقت رجع سلطان للمطبخ التحضيري وعاشه في الصاله اللي مجابله المطبخ سلطان فخاطره: لاتزيد المواجع خلني جد نسيتك****لاتقلب بقلبي صفحة الذكريات انته الحب وانته من حياتي انتهيت****وكل منا تخير له طريج الحيات ما اريد اتذكر ماضي به شقيت****منيتي بس انسى ماتعدى وفات لاذكرتك حبيبي من فؤادي بكيت****وامطر الدمع الاحمر وجنتي والشفات ليتني ماعرفتك،ليتني ماهويتك ولارسمتك بعيني اجمل الامنيات عاشه:غليوووه...ماقلتيلي غاليه:عن شو؟ عاشه:عن زوج المستقبل...شويشتغل؟شونوع سيارته؟ فهاللحظة انتبه سلطان لعاشه وكان ماسك كاس العصير فحطه ع الطاوله غاليه:انا ماتهمني هالسوالف...المهم اخلاق الريال ودينه عاشه:عدااال...يعني انا تهمني هالسوالف؟ غاليه:اسالي عمرج عاشه:انزين...شفتيه غاليه:اففففف عاشه:غليوه..اخر سؤال..حلو؟ سلطان هاللحظة في قمة القهر غاليه:ماعرف عاشه:علينا؟ هاللحظة ظهر سلطان من البيت وصك الباب بالقوو عاشه:بسم الله غاليه:شوهالصوت؟ عاشه:سلطون ودفاشته غاليه:هيه صدق..خطبتوله؟ عاشه:هيه..بس احس انه مايبغيها غاليه:اذا مايبغيها لاياخذها عاشه:ماشفتيها يا غليوه كيف متخبله عليه.. غاليه:اسمها ميرة..صح؟ عاشه:هيه...تصدقين اني ماابغيه ياخذها غاليه:ليش؟ عاشه:مادري احس انها دلوعة وماتنبلع غاليه:يمكن تتغير عقب العرس عاشه:اتمنى...شواخبار خالد؟...سلطان يقولي انه وايد متاثر بوفاة ربيعه غاليه:وااايد...والحين يبغي يغير شغله عاشه:لهذي الدرجة؟؟؟غليوه اخوج حساس...ياريت هذا اخويه غاليه:انا وين؟وانتي وين؟ عاشه:غليوه برد ع الخط الثاني، بتصل بج بعدين..يلا مع السلامة غاليه:مع السلامة سلطان عقب ماظهر من البيت راح بيت يدته سلطان :هوود هوود ام عبدالرحمن طايحه ع الارض ومتلحفه:هدا هدا..اقرب ابويه سلطان:السلام عليج امايه ام عبدالرحمن:وعليكم السلام والرحمة...زين ذكرتني سلطان:افاا..انتي دايما ع البال ام عبدالرحمن:باين سلطان(وهو يحب راس يدته):كيف ارظيج ام عبدالرحمن:تزورني كل يوم سلطان:ان شا الله ام عبدالرحمن:هيه..خذني ع قد عقلي..ياهل جدامك سلطان:ياربي.. ام عبدالرحمن:يقولون خطبت سلطان(بويه متكدر):هيه ام عبدالرحمن:شواسمها بنت خالك؟ سلطان:ميره ام عبدالرحمن:هيه...كان بخاطري تاخذ بنت عمك..بس شونسوي ..نصيب سلطان(فخاطره):آه..نصيب ام عبدالرحمن:شواسمه اللي خاطب بنت عمك؟ سلطان(من دون نفس):سيف ام عبدالرحمن:سعيد؟ سلطان فيه ظحكة(بصوت عالي):...سيف ام عبدالرحمن:سيف... وبعد ربع ساعة دخلت حرمه من سناين ام سلطان الحرمة:مرحبا ام عبدالرحمن ام عبدالرحمن:يامرحبا وسهلا بام محمد سلطان هاللحظة قام من القنفة اللي كان يالس عليها ام محمد:والله ماقمت من مكانك سلطان:لاتحلفين..خالتي ام محمد:ايلس سلطان(وهو يرد مكانه):ان شا الله ام عبدالرحمن:انتي شحالج ؟شحال محمد وديمه؟ ام محمد:الحمدالله كلنا بخير وسهاله ام عبدالرحمن:ولدج وين يشتغل؟ ام محمد:في البحريه ام عبدالرحمن:الله يوفقه.. ام محمد :امين ام عبدالرحمن: هو معرس؟ ام محمد:هيه..من سنتين وعنده بنت ام عبدالرحمن:ماشا الله ...الله يبارج فيهم ام محمد(وهي تصد صوب سلطان):انته احمد؟ سلطان:لا..سلطان ام عبدالرحمن:هذا بجر سالم ولديه ام محمد:سلطان!!..تعرف اني راظعتنك مع ولديه محمد ام عبدالرحمن:راظعتنه؟ ام محمد:هيه..اذكر يوم هو ولد 9 شهور انه 8 شهور امه تعبت فيابولي اياه وانا اربي محمد ولد 8 شهور ام عبدالرحمن:قوم حب راس امك سلطان(بابتسامه):ان شا الله ام محمد:فديتك ابويه...اذكر يومها كنت فبيت يدك ابو امك ورضعتك انت وبنت خالك ميره ام عبدالرحمن(مصدومة):ميره؟ ام محمد:هيه..ميره بنت المرحوم ام عبدالرحمن:متأكده ام محمد:هيه..ميره ..امها كانت مع ام سلطان في المستشفى ومخليه بنتها عندي ام عبدالرحمن:نحن خاطبين سلطان لميره ام محمد(باندهاش):شو؟اخوان..كيف تخطبونهم لبعض؟ سلطان(مو مصدق اللي يسمعه):اختي؟ ام عبدالرحمن:لاحول ولاقوة الا بالله ...شوهالسالفه؟ سلطان:ميره تصير اختي؟ الجزء الثامن عشر سلطان عقب اللي سمعه استأذن وظهر من البيت ،وام عبدالرحمن ع بالها انه زعلان رجع سلطان البيت وشاف عاشه يالسه تشوف برنامج (بالصراحة احلى) سلطان:عواش عاشه وهي مندمجه:انت من وين تظهر؟ سلطان:قومي سويلي فحم عاشه وهي تشوف الساعة:جيه..ورالك عرس؟ سلطان فخاطره:هيه عرسي ان شا الله :قومي ولاتطولين في الرمسه عاشه:الحين بيخلص البرنامج خلني اشوف البنت كيف بتظهر سلطان:شوتشوفين؟؟ عاشه:بالصراحة احلى سلطان:شورايج تشتركين فيه ؟ عاشه:الحمدالله..مب ناقصني شي كل شي فيني حلوو سلطان وهو يغير القناة:قلت قومي عاشه:تصدق انه عدنا خدامه سلطان:وانتي شو خانتج؟؟؟ عاشه بحواجب معقده:احلف انت وبدخلة سلامة:شوفيكم؟ عاشه:ابغي اشوف بالصراحة احلى وهو مومخلني سلامه:لاتخافين كل شي ينعاد عاشه وهي ترد ع القناة من الرسيفر سلامة:عاشوه ..غيري القناة عاشه:جيه بعد؟؟ سلامة:تشوفين هالبرنامج جدام سلطان؟ سلطان:لاتخافين حبيبتي انا هالاشكال ماتجذبني،انا باخذ وحده من قبل تعرف الحلاة عاشه:ياعيني سلطان:قومي احسن لج قبل لا افلعج بالريموت عاشه:سلامه..قومي سويله فحم..حشرنا سلطان:انا قلت عاشه يعني عاشه سلامه تبتسم عاشه:ان شاالله سلطان:انتو ماينفع معاكم الا هالاسلوب...سلموه سلامة:لبييييه سلطان:سلامة الغاليه سلامه:الله يستر..نعم؟ سلطان:ابغي عوده وعطر يشل البيت شل سلامه:جيه؟شوعندك اليوم؟ سلطان:مايخصج اليوم الثاني من صباح الله غاليه تتمشى في حوي او حوش بيتهم تتأمل الشير والورد والنخل وعايبنها الجو الربيعي والغيم المنتشر في مساحات واسعه في السما،وبعد ربع ساعة شافت اخوها خالد طالع يحر سيارته خالد(والعين منتفخة):صباح الخير غاليه:صباح النور والسرور خالد:شوعندج اليوم ناشه من وقت غاليه:ماشي...صليت الفجر وماياني رقاد خالد:هوا الصبح مفيد للرئه غاليه:هيه...هوا منعش ويرد الروح خالد وهو يتأمل التربه:سبحان الله اليوم ندوسها بريلنا وباجر بتدوسنا غاليه وهي تصد صوب اخوها:..... خالد(بابتسامه خفيفة):سمعتي اخر الاخبار؟ غاليه:لا...سمعنا اياها خالد:تعرفين انه سلطان خطب بنت خاله غاليه:هيه..ميره..ليش؟ خالد:خلاص انتهى الموضوع ..ماراح ياخذها غاليه(باندهاش):شو؟؟؟ليش ..سلطان غير رايه؟ خالد:هههه غاليه:شو اللي يضحك؟ خالد:ولد عمج طلع خاطب اخته غاليه(بصوت عالي):اخته؟؟كيف يعني؟ خالد:طلعو مرضوعين مع بعض غاليه:سبحان الله...كنت متأكده انه ماراح ياخذها خالد:ليش يعني؟ غاليه:مادري...مجرد احساس ورجعت غاليه لغرفتها وشلت موبايلها المحطوط ع التسريحه غاليه وهي تدق للعاش:مايندرابها جانها واعيه هالوقت :الوو عاشه(بكسل):الو غاليه:صباح الخير عاشه:حد يتصل بخلق الله هالوقت؟ غاليه:هيه..انا.....المهم صدق اللي سمعته عاشه:شو سمعتي؟ غاليه:عوووش صدق ميرة مرضوعة مع سلطان؟ عاشه:هيه..ههههه غاليه:شوفيج؟ عاشه:طافج اللي صار البارحه غاليه:شوصار عاشه:امي ماصدقت وراحت لعند اللي راضعته...مادري شواسمها ام محمد ..ام احمد غاليه:وبعدين؟ عاشه:وخلتها تحلف انهم مرضوعين مع بعض غاليه:انزين.. عاشه:ويقولج ميرووه صابتها صدمه...هههههه غاليه:تضحكين يا الهبلة عاشه:اللهم لا شماته..ماتعرفينها هاي اكبر دلوعه غاليه:وسلطان شحاله عقب الخبر؟ عاشه:سلطان!سلطان بطير من الفرحة غاليه:احلفي عاشه:اتخيلي..امس دخن غرفته بعوده ،وراح يفصل له 5 كنادير من عند المدني غاليه:ليكون بيخطب غيرها؟ عاشه:اشك فيه.. سلطان عقب ما خلص الدوام قرر يروح لولد عمه خالد فنص الطريج غير رايه ورجع للبيت وهو رايح صوب غرفته زكرته امه ام سلطان:ابويه الغالي ..انجب لك الغدى؟ سلطان:لا امي..ماشتهي ..تعبان وفيني رقاد ام سلطان لاحظت من ويه انه تعبان فخلته ع راحته دخل سلطان غرفته و طاح ع القنفة المتعود يرقد عليها سلطان فخاطره:ميره وافتكيت منها،لكن العله سيفوه كيف افتك منه؟؟باقي شهرين ويملجون....(حس بظيجه فقلبه وهو يلفظها فقلبه...الملجه) سلطان وهو حاط اييده ع يبهته:انا لازم انساها...بس كيف؟ "قلت اوقفيني وارفعي البوشية ... خليني اروي ضامي العطشان..قلت اوقفيني وارفعي البوشيه... وبعد لحظات سمع حد يدق ع الباب.. عاشه(بابتسامة عريضة):مساء الخير ياخويه(بالمصري) سلطان:مسا النور...ماروم اظهرج عاشه:منو قال اني ابغيك تظهرني؟ سلطان:غرييبه عاشه:يايه اسولف معاك سلطان:انا تعبان وفيني رقاد..حرام عليج عاشه:هذا الشيطان..عشر دقايق ويأذن العصر سلطان(فاتح عينه بكسل):اففف..اسكتي خليني اريح ولو خمس دقايق عاشه:بقولك شي حتى ماتكون غيبه.. سلطان(وهو صاك عينه):جيه ..شوقلتي عني؟ عاشه:ماشي اليوم يالسه اسولف مع غاليه عنك سلطان(فج عينه عقب ماسمع اسم غاليه):عرفت سالفة الرضاعة؟ عاشه(بابتسامة):ههه..هيه ،خالد خبرها سلطان:وشو قالت؟ عاشه:سألتني عنك وكيف كان موقفك..يلا اخويه بخليك ترتاح سلطان:انتي شوقلتيلها؟ عاشه:قلتها انك فرحان بالخبر سلطان:... عاشه:هههههههه سلطان:جيه تضحكين؟ عاشه:شكت لتكون بتخطب غيرها سلطان(بابتسامه خفيفة):ياريت عاشه:شوقلت؟ سلطان:اقول اطلعي وصكي الباب وراج عاشه:ان شا الله...سلطان سلطان:نعم عاشه:ممكن توديني البحر؟ سلطان(وهو يفر المخده اللي راقد عليها):دريولج انا؟؟؟؟ خالد قرر انه يتغدى في القصر الهندي اول مادخل شاف الطاولة المتعود يتغدى فيها مع عبدالله،شاف ثلاث رياييل يتغدون عليها فيلس ع الطاوله اللي ع الزاويه..كالعاده طلب لحم سلطاني..يلس لدقايق ينتظر ماعرف شويسوي فاتصل بسلطان لكن سلطان غالق موبايله..لكن فيه شي غريب حس فيه خالد..حس بعيون متجهه صوبه كان شاب يالس ع الطاوله اللي مجابلتنه،لاحظ انه هالشاب يبتسم له وماخازت عينه بالرغم انه خالد صد صوبه خالد فخاطره:يمكن يبتسم لحد يالس ورايه..بس محد ورايه...عفانا الله الحمدالله وصل الغدى ..حصلت شي التهي به وبعد لحظات وخالد حاط اول لقمة فحلجه،شاف الشاب ماسك صحنه وياي صوبه خالد وعلامة الاستعجاب فويهه:.... الشاب:ممكن اتغدى معاك؟ خالد:تفضل الشاب:انا ما احب اتغدى بروحي..اتصدق مرة كنت بروحي في البيت فاتغديت مع الدريول خالد:هههههه الشاب:تتريا حد؟ خالد:لا الشاب:بسم الله خالد(بابتسامه خفيفة):بسم الله الشاب:لا اليوم شكلك احسن خالد:عفوا اخويه..انا مااعرفك ..اظنك مشبه عليه الشاب:بالعكس اعرفك..انت اللي ذاكرتك شي فيها خالد:ذكرني الشاب:انت اللي كنت راقد ع الرمله..صح؟ خالد:انت..عرفتك الشاب:اعرفك ع نفسي..اسمي عمران خالد:والنعم الشاب:الله ينعم بحالك عمران:احس اني اعرفك من فترة طويييلة خالد:سبحان الله.. عمران:شوتشتغل؟ خالد:لوساءلني من شهر جان جاوبتك لكن الحين مااشتغل عمران:وين كنت تشتغل؟ خالد:في الاتصالات عمران:امم...يعني انت الحين ماتشتغل خالد(فخاطره):هذا غبي والا يستغبى؟ :مااشتغل..لكني مقدم فكذا مكان وانتظر ردهم عمران:شوف ..بصراحة من غير لف ولا دوران انا ارتحت لك خالد:تسلم اخويه عمران:بصراحة انا من بوظبي وعندي اشغال فدبي..يعني فاتح كذا محل اترزق الله فيهم خالد:نعم عمران:وانا تعبت من الطريج..كل يوم ماسك خط بوظبي دبي دبي بوظبي خالد:الله يعينك عمران:وهالايام ادور ع واحد امسكه الشغل وارتاح خالد:ليش ماتحطي اعلان في الجريده؟ عمران:مافكرت فيها..المهم شرايك انتاللي تدير الشغل؟ خالد:انا؟؟ عمران:هيه..إنت خالد:وشو اللي يخليك واثق فيني لهذي الدرجة وانت توك تتعرف عليه؟ عمران:شوف انا انسان اثق باحساسي من اول نظرة لاي شخص اشوفه خالد:بس انا ماعرف للبزنس و..هههه كيف تامن شخص ماتعرفه ع خيرك عمران:شوف البزنس بس يباله ممارسه ومن البدايه بس بخليك تمسك محل واحد وبعدها بخليك تشرف ع المحلات كلها خالد(وهو مب مستوعب الموقف):محلات شو؟ عمران:محل اثاث ومحل الكترونيات والثالث في الطريج خالد:ماشا الله عمران:كلهم فشارع زايد خالد(فخاطره مايبين عليه):موقع استراتيجي عمران:هذا العنوان وهذا رقمي خالد(باستهزاء):وكم المعاش؟ عمران:من البدايه 7تالاف درهم خالد:بس..في الاتصالات كنت احصل فوق العشرة عمران:هذا بس اذا مسكت محل واحد خالد(حس ان الريال يتكلم جد):بفكر في الموضوع وبرد لك خبر عقب يومين عمران:الغالي مايبالها تفكير خالد:انت ليش مستعيل؟ عمران:خير البر عاجله خالد:انت بصراحة ..عجيب عمران:ههه خالد:عندي سؤال واحد عمران:تفضل خالد:جيه ماتنتقل وتعيش فدبي عمران:والله بودي ..بس الوالده هب طايعه خالد:اهاا عمران:يلا..شوقررت؟ خالد:ومنو بيعلمني اصول الشغل؟ عمران:انت روح محل الاثاث هذا اول محل بتشتغل فيه وراح تشوف واحد لبناني اسمه انطوان،انت روحله وهو بفهمك خالد:وشعرفه فيني؟ عمران:لاتخاف،انا بتصلبه خالد وهو يفكر:ماعرف شواقولك...شي غريب وعجيب عمران وهو يمد يده لخالد:نقول ع بركة الله خالد(فخاطره):يلا مابنخسر شي : ع بركة الله. خالد عقب ماظهر من المطعم ركب سيارته وهو واقف جدام الاشارة شل موايله الثاني المحطوط في السده واللي كان يستخدمه بس في الشغل خالد:خيييبه 5مس كووول...رقم غريب فكر انه يتصل بالرقم لكن فكره طول الوقت كان مع عمران والكلام اللي دار بينهم ففر موبله ع السيت الخلفي وكمل طريجه.. نهاية الجزء |
الجزء التاسع عشر بعد ماوصل خالد البيت اكتشف انه سلطان هو اللي داق عليه كذا مرة،فاتصل به سلطان:مرحباا خالد:مرحبتين..وينك ياريال؟ماتنشاف هالايام؟ سلطان:انت اللي وينك؟ خالد:خير متصل خمس مرات سلطان:مغلط خالد:خمس مرات ومغلط سلطان:كنت بتصل باحمد فاتصلت بك.. خالد:المهم،شورايك نتعشى اليوم فاي مطعم تختاره؟؟ سلطان:اكيد انا اللي اختار لانه الحساب انا اللي بدفعه خالد:نعم؟ليكون ع بالك اني فلست سلطان:ههه..اسولف انت ماتحب حد يسولف معاك؟ خالد:المهم..موافق؟ سلطان:أكيد..بس وين؟ خالد:شورايك بعشا في السفينه سلطان:هيه والله الجو روعة هالايام..بس انا وانت خالد:منصور مسافر لوفي البلاد جان بتحصله اول واحد يركب السفينه سلطان:هههههههه ..ولهت عليه خالد:الساعة 9 بشوفك سلطان:ان شاالله سلطان عقب ما كلم خالد راح لغرفة عاشه سلطان:عاشه عاشه:ادخل..الباب مفتوح عاشه يالسه ع النت تكلم ربيعتها ميسون ع المسن سلطان:شو تسوين؟؟ عاشه:اكلم ربيعتي سلطان:انا ساير دبي تبوني اوصلكن بيت عمي عاشه:اف كوووورس..بس اصبر عليه شوي توها ادخلت المسن سلطان:وانتي سلامة ؟ سلامة :لا مابسير سلطان:جيه مبوزه؟ سلامة:اف ..عندي امتحان وبذاكره سلطان:جيه تذاكرين وهو مب محسوب عاشه:ونعم الاخ سلامة:مااقدر لازم اذاكر الامتحانات قربت سلطان:ع راحتج..عويش عندج نص ساعة بس وبعدها بروح عنج عاشه:اوكي ..سلامة حبيبتي سلامة:كأني سمعت اسمي عاشه:سلموه ..الله يخليج ودي عباتي عند ايفلين ختكويها سلطان:ماحيدها تشتغل عندج عاشه:اسكت الله يخليك..وبعدين هذا يسمونه احترام الكبير سلطان:اهااا....المهم ،لا تتاخرين عاشه:حشى..خلاص طلعت عنها سلطان:احسن عاشه:اووه اول شي بتصل بغاليه، يمكن اظهرت سلطان(فخاطره):غاليه عقب نص ساعة في سيارة سلطان سلطان:اتصلتي بغالية؟ عاشه:لا بخليها مفاجأة سلطان:يا سلام..أحلى مفاجأة عاشه:اكيد.. وفجأة سمعوا صوت مسج مرحبا باللي ابيه وقلبي يوده.. واللي غلاته عندي محدن وصلها.. طلبتك طلب وعسى ماترده.. "لاتتركني وحيد"وصحبتي لاتملها.. سلطان (مستانس ع المسج):من يملك يا منصور عاشه بخبث:هذا المسافر سلطان:نعم هو بعينه عاشه:هههه ..درس عربي ومتى بيرجع؟ سلطان:احتمال عقب شهر بيتم في البلاد اسبوعين وبيرجع عاشه:بس اسبوعين ؟؟ سلطان:اتخيلي فهالاسبوعين بيملج وبيعرس عاشه(مصدومة):بيعرس؟ سلطان:هيه ..احسن له..يحصل له حد يتونس معاه ويهتم فيه عاشه:وهو خطب مرة ثانيه؟ سلطان:هيه..اظن بنت يرانهم عاشه والنار تشتعل فقلبها:بنت يرانهم؟وهو متى لحق يخطب؟ سلطان:قبل لايسافر خطبها..تصدقين؟ عاشه:شو؟ سلطان:تصدقين ماشافها ولا يعرف شكلها عاشه:غريبه؟عيل منو خطبها له سلطان:امه عاشه:واذا ماعيبته مابياخذها سلطان:اصلا منصور مايفكر بالشكل كثر مايفكر بالاخلاق خاصة عقب خطبته الاولى عاشه:اهاا سلطان:تدرين ليش اعزه عاشه(بضيق):ليش؟ سلطان:لانه يملك شخصية قوية عاشه(بفضول):كيف يعني؟ سلطان: هو الوحيد اللي يعرف شويبغي وما يوقف عند اول عقبة تواجهه عاشه فهاللحظة كانت تحس بالغصة من كلام سلطان اكثر من خبر خطبته لانها فهاللحظة كانت محتاجة لكلمة تذم منصور حتى تنساه مب تكبره فعينها سلطان:تفضلي الشيخة وصلنا عاشه:يزاك الله خير سلطان:سلمي ع الموجودين عاشه:الله يسلمك...يبلغ سلطان عقب ما شاف اخته تدخل البيت يلس دقيقة كاملة يتأمل البيت . سلطان:مع السلامة ياالغالية وراح وعقب ماوصل سلطان للسفينه اتصل بخالد سلطان:وصللللت..انت وينك؟ خالد:بتشوفني عند اخر طاوله ع ايدك اليسار سلطان:اوووكي ركب سلطان السفينه ومشى صوب الطاولة اللي حاجزينها تفاجأ باللي جدامه قبل لايشوف اللي جدامه كان مزاجه حلو لكن الحين العكس تماما سيف:مرحبا اخويه سلطان:مرحبين خالد:اتاخرت عشر دقايق سلطان:المهم وين الاكل خالد:بسم الله عليك اصبر شوي سلطان:حبيبي انا مش شراتك لاشغلة ولا مشغلة ورايه دوام خالد:بدينا بالمعاير سيف:سبحان الله رغم انكم عيال عم لكن ماتتشابهون خالد:الحمدالله سلطان:انت تتمنى.. سيف:ههههه خالد:المهم اعرفكم ع بعض سلطان ولد عمي سالم و سيف خطيب اختي غاليه سيف:والنعم سلطان:الله ينعم بحالك خالد:سموا سلطان+سيف:بسم الله سيف:خالد خالد:نعم سيف:بعدك تدور شغل؟ سلطان(فخاطرة):هذا شله؟ خالد:بصراحة ..انا حصلت شغل وان شاالله ببدا باجر سلطان:وين خالد:واحد من بوظبي يبغي يتشارك معايه سلطان:كيف يعني؟ خالد:يبغيني ادير شغله لانه مب متفيج سلطان:اهاا.. سيف:شو اسمه؟ خالد:عمران هذا اللي اعرفه سيف:عمران..عمران بن عبدالله خالد:تعرفه سيف:هذا تاجر معروف..والحين فاتح كم مشروع فدبي..تعرف ياخالد رغم انه مش كبير في السن لكنه تاجر شاطر والكل يرتاح في التعامل معاه خالد:الحمدالله سيف:كيف تعرفت عليه؟ خالد:القدر سيف:القدر؟ خالد:القدر جمعني فيه سلطان:الله يعطيك خير هالريال ويبعد عنك شره سيف:خالد.. خالد:نعم سيف:بصراحة..انا ابغيك تقنع الاهل بأن نقرب يوم الملجه سلطان(وهو يحاول يبلع اللقمة بصعوبه):... خالد:متى يعني؟ سيف:عقب اربع اسابيع خالد:ان شا الله..بحاول سيف:يزاك الله خير خالد:الله يوفقكم سيف:اجمعين ان شا الله..وانت يا خالد متى بتتزوج؟ خالد:هههههه...خلني اشتغل اول وايمع لي كم فلس وبعدها يصير خير سيف وهو يلتفت لسلطان:وانت يا سلطان ماتفكر بالزواج ؟ سلطان فخاطره:انت السبب :افكر بالزواج...لكن كل شي فوقته حلو كانت الدقايق تمر مثل الساعات على سلطان،وكان باين ع ملامح ويهه انه ظايج لدرجة انه خالد حس انه مو على طبيعته..وبعد ساعة من لمتهم سلطان:اسمحولي يا جماعة خالد:ليش..بعدها ماستوت عشر ونص سلطان:راسي مصدع،وبعد ورايه درب خالد:الشارجه جريبه..أي درب هذا سيف:عندي حبة بندول في السيارة جان تبا بييبلك سلطان:لا..مشكور خالد:ع راحتك سلطان:مع السلامة خالد+سيف:مع السلامة خالد:لاتسرع سلطان:انت آخر من يتكلم سيف:ههههههه ركب سلطان سيارته بعد عشر دقايق كان عند بيت عمه ..اتصل بعاشه حتى تظهر له عند الباب عاشه(وهي تفتح باب السيارة):بنرجع البيت؟ سلطان:شوهالسؤال الغبي؟هيه بنرجع البيت عاشه حست انه معصب فسكتت عنه طول الطريج مانطق باي حرف وعاشه قلبها بدا يوسوس عاشه(بتوتر):تبغي ماي؟ سلطان:عاشه عاشه(بابتسامة):نعم سلطان(بهدوء):ليش كبرنا؟ عاشه باستغراب:نعم؟ سلطان:كنا مرتاحين..لاهم،لا حزن.. عاشه:هاي الدنيا..مثل الامتحان سلطان:امتحان صعب عاشه:بس فيه اشيا حلوة فهالحياه..لكن الانسان هو اللي عامي عينه عنها سلطان:شوتقصدين؟ عاشه:يعني ..عندك مثلا الصحة، الوظيفة، الام، الاب،السيارة اللي تسوقها كثير من الناس ماعندهم اللي عندك سلطان(وعينه ع السكان):الحمدالله عاشه:الانسان هو اللي بيده انه يكون سعيد او حزين سلطان:صحيح سلطان(فخاطره):انا لازم انساها..لازم دخل خالد البيت الساعة 11 ونص والبيت هادي الكل راقد الا غاليه راح لغرفة اخته ودق الباب خالد:غليوووه غاليه:نعم؟؟ خالد:تعالي ابغيج شوي غاليه:خير خالد بابتسامة خبيثة:اليوم تعشيت مع المعرس غاليه:سبحان الله خالد:هههه..طلب مني شي وانا مابرده غاليه:شو؟ خالد:انا قلت اقولج اول وبعدها اخبر الوالد غاليه:افففف خالد:هههههه غاليه:حرقت اعصابي خالد:سيف يبغي يجدم يوم الملجه غاليه(بصوت عالي):شو؟؟؟؟ خالد:بسم الله غاليه:لا ماابغي خالد:انتي شبلاج؟شوالفرق بين اليوم وباجر؟ غاليه:هذا ليش مستعيل؟ خالد:هذا؟هذا له اسم غاليه:متى يعني؟؟ خالد:عقب اربع اسابيع غاليه(بدا بطنها يعورها):شو؟؟ شاور ابويه.. خالد:مااعتقد انه ابويه يرفض غاليه:خالد خالد:نعم..آمري غاليه:يعني انته تحس انه الريال المناسب لاختك؟ خالد:بصراحة يا غاليه..سيف اعتبره شرا اخويه واكثر غاليه بابتسامة راحة:ريحتني الله يريحك دنيا وآخره خالد:يعني ..موافقه ؟؟ غاليه هاللحظة احمر ويهها وقامت من ع القنفة وادخلت غرفتها خالد:آه منكن يا البنات دخلت غاليه غرفتها وظهرت البوم الصور اللي حافظتنه في السده ويلست تجلب الصور وتتذكر المواقف الحلوة اللي صارت وفجأة طاحت عينها ع واحد يلست تتأمل الصورة لمدة طويله كانت صورة احمد ولد عمها سالم كانت متصوره معاه جدام البحر ظهرت الصورة من الغلاف ،كانت بتاريخ 1993 غاليه:اللي مايبغيك لاتصيح تبغيه..ودر هواه ويوز عنه اليوم الثاني انطلق خالد للشغل اليديد وكله امل وتفاؤل،بركن سيارته ودخل خالد:صباح الخير انطوان:صباح النور..ممكن ساعدك؟ خالد: انا اسمي خالد انطوان:تشرفنا خالد:الله يخليك..انا ياي من طرف الاخ عمران انطوان:انت الشب اللي راح تشتغل هون خالد:نعم انطوان:يا اهلا وسهلاا..تفضل ..من هون المكتب خالد:بغيتك تساعدني .. انطوان:من عيني خالد:تسلم..(ودخل المكتب ويلس ع الكرسي) :مااشوف الملفات؟ انطوان:في المكتبة..لحظة...تفضل خالد:هذي الحسابات؟ انطوان:لا..هذي اسامي الشركات اللي عم نتعامل معهن خالد:اهاااا يلس انطوان يعلم خالد اصول الشغل حوالي ساعتين وطبعا الشغل محتاج ممارسة اكثر من النظر للملفات والبحث فيهم الساعة 2 الظهر سيف يالس فمكتبه متملل تام ع الدوام ساعة،شل موبايلة من ع الطاولة واتصل بربيعه سيف:مرحبا بوخالد..جيف حالك؟ وليد:الحمدالله بخير ويسرك الحال سيف:شورايك تمر عليه الشركة؟ وليد:اسمحلي سيف..ريلي تعورني سيف:عسى ما شر؟ وليد:الشر ماييك..اتخيل كنت اركض فحديقة الممز(الاخ رياضي) وبحركة سريعة التوت ريلي سيف:هههههه..يمكن حد ظربك بعين وليد:ههههه..اشك فيك سيف:حرام عليك..إنت في البيت؟ وليد:نعم..حياك سيف:عقب ساعة ونص بتشوفني عندك وليد:حياك الله سيف:الله يحيك سيف ووليد اصدقاء من ايام الاعدادية، صحيح ان وليد على قد حاله لكن هذا الشي مافرق مابينهم بل بالعكس سيف يرتاح فبيت وليد رغم صغر حجمه. عقب ساعة ونص سيارة سيف واقفة جدام البيت سيف:مرحبا الساع..جيف حالك؟ان شاالله احسن وليد:الحمدالله..مثل ماتشوف،امشي بالعكاز سيف:الله يعينك وليد(بابتسامة):شو اخبار معرسنا؟ سيف:بعدني..لين الحين ماملجت وليد:ياريال لاحج ع العرس وصدعته سيف:اللي يسمعك يقول ماخذ اربع وليد:ههههههه سيف:وين رايح؟انا ماابغي شي وليد:والله انا يوعان وابغي اتغدى سيف:ما اقدر اقول شي..خذ راحتك ظهر وليد من الميلس وراح لاخته عليا وليد:عليوه ..انجبيلنا الغدا عليا:اففف..انا هب متفيجة وبعدين وين لاتوه وليد:تعرفين انه اليوم لاتا فبيت عمي.. عليا:مب حاله هاي..عنبوه مايرومون ييبولهم شغاله وليد:عن الرمسه الزايده،سيف في الميلس..لاتفشليني عليا:سيف..جيه ماتقول من الصبح وليد:عليا استعيلي شوي عليا:ان شا الله ان شا الله سيف:جيه معذب نفسك يا ريال انا ياي اطمن عليك مب اتعبك معايه وليد:تعبك راحة سيف:اممم..اروح ريحة المجبوس وليد:ههه..توك تقول ماتبغي شي سيف:شو أسوى،مجبوسكم لايقاوم عليا هالوقت طايره من الفرحة وراحت المطبخ انجبتلهم الغدا وسوتلهم عصير برتقال طازج وحطت الصينية عند الباب ودقت الباب ورجعت للمطبخ اللي مجابل الميلس تنتظر طلعت سيف من الميلس بس فهاللحظة عمتها زكرتها عليا:افففف..هذا مو وقته...يايه عمتها انسانه طيبة لكنها مريضة ،صحتها تدهورت عقب وفات اخوها من 3 سنين،وهي عايشه معاهم عقب طلاق امهم وابوهم من 18 سنة ،فامهم من جنسية عربيه عقب طلاقها سافرت بلادها وتزوجت،وعمتهم رفظت الزواج من كل اللي تقدمولها حتى تربي عيال اخوها. عليا:نعم؟ العمه:منو في الميلس؟ عليا:هذا سيف ربيع وليد العمه:اهاا..الله يحفظة وبعد عشر دقايق دخل وليد غرفة عمته عليا بنبرة حزن:راح؟ وليد:هيه عليا فخاطرها:ياخسارة وليد:ياي يطمن عليه العمه:فيه الخير..متى عرسه عليا(بدقات قلب سريعة):هو بيعرس؟ وليد:هيه..ان شا الله عقب اربع اسابيع ملجته العمه:الله يسعدهم وليد:آمين عليا(فخاطرها):مستحييييييل.. واظهرت من غرفة عمتها معصبه والشرار بيظهر من عينها قبل اذان العصر بساعة خالد ظهر من مكتبه اليديد وركب سيارته يبغي يوصل البيت باسرع وقت ويحطي راسه ع المخده ويروح فسابع نومه خالد(بصوت عالي): لله يا وقت مضى وأيام مرت وين ..أيام عهد الوفى ويقال ياعونك...تغنم زمانك وأكسبه دام وقتك زين...تراى العمر يفنى مثل زرعاً يحشونه ووقف عند الاشارة حوالي دقيقة كامله خالد:يلا ارجوج يلااا ..احسن لي اذكر الله ويلس يستغفر وطاحت عينه على شي تحت الكرسي..شو ممكن يكون؟؟؟؟ الجزء العشرون كانت مثل العلبة طايحه تحت الكرسي اللي حذال خالد،حاول خالد ان يمسكها لكن الهرنات اللي وراه مارحمته خالد:الحين تفيجتي وانتظر الى ان وصل البيت،شاف كيس مجوهرات منخش تحت الكرسي وحذاله علبه،فتحها خالد،شاف داخلها خاتم رقيق خالد وهو يتذكر اليوم اللي اشترى فيه عبدالله هالخاتم (وهو يتنهد):الله يرحمك..الله يغفر لك صك الباب وشل الكيس،ودخل البيت وسلم بوخالد:تغديت؟ خالد(فعالم ثاني):لاا ام سلطان:انجبلك الغدا؟ خالد:ياريت ام سلطان:ان شاالله بوخالد:انا بعد ..اغرفيلي شوي ام سلطان:توك متغدي بوخالد:الله اكبر عليج..قبل شوي غرفتيلي ملاس واحد بس ام سلطان:انت اللي قلت ..ماتشتهي بوخالد :الحين اشتهي سلطان:يالله الحين بتسوون سالفة ع غدا؟الله يستر هذي بوادرالشيخوخة بوخالد:شيخوه تاخذك ان شاالله سلطان:هههههههههههه... ام سلطان:استح ..خيل،هذا ابوك سلطان وهو يحب راس ابوه:سامحنا بوخالد بوخالد:روح ذاكرلك كلمتين تنفعك سلطان:ان شاالله بوخالد:يلا خالد ،قوم نتغدا خالد:ان شاالله.. ع الغدا بوخالد وخالد بس يالسين ع الطاولة قام خالد وبلح لابوه ولعمره السمج وجدم صحن التمر لابوه ويلس بوخالد وعينه ع الصحن:انا زعلان منك خالد باستغراب:ليش يابويه؟ بوخالد:اسمع من الناس انك اشتغلت وانا ياغافلين لكم الله خالد:انا ماقصدت بوخالد:الحين عرفت معزتي عندك خالد:يابويه لاتكبر السالفه..انا قلت اذا عيبني الشغل واستقريت عليه بخبركم اخاف افرحكم وبعدها اطلع من الشغل بوخالد:كم صارلك وانت فهالشغلة؟ خالد:هذا الاسبوع الثاني بوخالد:مرتاح؟ خالد:الحمدالله بوخالد بابتسامه خفيفه:الله يوفقك خالد:امين اجمعين..بعدك ماخذ ع خاطرك مني؟ بوخالد:لاا..بس كنت اتمنى اني اكون اول واحد يعرف خالد:والله يابويه كل شي صار فجأة بوخالد:اخافك تعرس من ورانا وتقول صار فجأة خالد:هههههه..لاعاد ماتوصل لهذي الدرجة..باين انه بعدك زعلان بوخالد:لا انا هب زعلان خالد وهو يقوم من كرسيه:وهذي بوسه ع الراس بوخالد:بعيد عني..ريحتك هسس خالد:ههههه دخل خالد غرفته وظهر الخاتم ويلس يتامله ودي اموت اليوم واعيش باجر.. واشوف منهو بعد موتي فقدني.. ومنهو حملني لين ذيج المقابر.. واشكر كل من كرمني ودفني.. شخص تعنالي مع انه مسافر.. وشخص قريب للأسف ماذكرني.. ومنهو يرتب غرفتي والدفاتر.. وان شاف صورة لي صاح وحضني.. عقب صلاة المغرب خالد و غاليه يالسين ع الطاولة ياكلون بقسم مع حليب غاليه:شواخبار الشغل اليديد؟ خالد:ماشي حاله غاليه:شو سالفتك اليوم؟كله سرحان خالد:انا؟؟؟ غاليه:هيه ..انت..اللي ماخذ عقلك يتهنابو خالد:آآه ..انا وين وانتي وين غاليه:ههههه خالد:اليوم صارلي شي عجيب غاليه:شو؟ خالد :اليوم وانا واقف عند الاشارة شفت ....الخ غاليه:سبحان الله!! خالد:شو اسويبه؟كيف اوصل الامانه لمرت عبدالله غاليه:احسن شي تسويه انك تروح لاخوها وتعطيه الامانه خالد:بس انا ماعرف رقم اخوها غاليه:اسال مايد اخ عبدالله خالد:هيه والله..كيف راح عن بالي غاليه بخبث:اقولك انا... اليوم بالك مب عدنا خالد:هههه...اقول...صبيلي حليب غاليه:خلصت الحليب كله ...ماتم شي في الدله خالد:الله اكبر عليج..سلطون شارب كوبين بدخلةام سلطان البيت:شبلاه سلطان؟ خالد(قلبه وقف):ما مافيه شي..اقصد سلطان ولد عمي ام سلطان:هييه غاليه:هههههههه بعد اسبوعين عليا: الو...سبيت سبيت بدون نفس:نعم... شو تبغين؟ عليا بدلع:سبيت بليييييز ابغيك فخدمة سبيت:اففف..هذا مب وقته انا في البيت بعدين بتصل فيج عليا:اوكي..لاتنسى سبيت:اوكي اوكي..باي عليا:باي عليا فتاة في 23 من عمرها ،متوسطة الجمال عقب الثانوية يلست في البيت لانها مش فالحة في الدراسة ،حاول معاها اخوها تكمل دراستها لكن ماشي فايده،عنيده وراسها يابس.. فيوم الجمعه الكل تجمع فبيت ام عبدالرحمن...البنات وام سلطان بن عبدالرحمن وام سلطان بن سالم... عاشه وغاليه يالسين فغرفة ام عبدالرحمن يسولفن..غرفة اليدة غرفة بسيطة مفروش فيها سجاده خمريه حرير واثاث خشبي من الزين وتنتشر في الغرفة ريحة العود والطيب.. عاشه:غليوه غاليه:نعم عاشه:متى ملجتج؟ غاليه:الخميس الياي عاشه:يالله..قريب غاليه:لاتذكريني عاشه:اونج عاد مب مستعيله غاليه:عاشوه..اقبظي لسانج احسن لج...بنشوفج شوبتسوين؟ عاشه:فديتني انا..اصلا خطبتي وملجتي كلها فيوم واحد غاليه:ههههههههه..خسج الله انتي المستعيله ع العرس هب انا عاشه:اسولف حرام حد يسولف؟ غاليه:خذي راحتج حبيبتي عاشه:شو بتلبسين في الملجه..فستان جاهز او تفصيل؟ غاليه:انا اتفاجأت يوم جدموا الملجه عسب جيه اشتريت جاهز عاشه:ماخذتيني معاج..الله يسامحج غاليه:ان شا الله يوم بفصل فستان العرس باخذج معايه..كله ولازعلج يا الشيخة عاشه بابتسامه عريضه:وناسه اسمينا بنحوط حواطه غاليه:هذا اللي هامنج عاشه:بالعكس ..آخذ خبرة سلامة (بابتسامه):غليوه..محلوة غاليه:اووه..جان استحي سلامة:ههههه..غليوه متى العرس؟ غاليه:ان شاالله عقب شهرين سلامة:امسات عقب صلاة الفجر ييتي(جئتي) فبالي غاليه:عسى دووم اطري ع البال عاشه:ياللي على البال تطري وانت ماتدري...وش ذنبه اللي يحبك وانته خليته سلامة:متفيجه..غليوه عقب ماتعرسين لاتقطعينا غاليه:ههههههه..جيه انا وين سايره؟ ام عبدالرحمن: قوموا يابنيات الغدا زاهب الكل:ان شا الله امي... ام عبدالرحمن(وهي تصد وراها والبنات يسولفن ):ماشبعتوا من هاللغوة الزايده؟ عاشه(وهي حاطه ذراعها ع جتف غاليه):نتشبع من العروس يام عبدالرحمن ام عبدالرحمن:فديتها وفديت ريحتها غاليه وهي تحب راس يدتها:فديت روحج.. ام عبدالرحمن:حبيبتي عاشه(وعينها ع السقف):آه ..متى اعرس ؟وشوف هالحب ام عبدالرحمن:خسج الله ياعويش صدق مافيج خير..على منو بتظهرين ؟ابوج جدامج عاشه:ههههههه...بخبر ابويه ام عبدالرحمن:خبريه.. سلامة:شو مسوين غدا؟ ام عبدالرحمن:مالح وصالونة دياي سلامة:واااااااو..يلا يلا قوموا غاليه:قمنا يوم الملجة فبيت بوسالم عاشه فغرفتها يالسه تتزهب بتروح عند غاليه سلامة(وبيدها الكتاب):ياحظج.. عاشه:ذاكري احسن لج الحين الرياييل يبون وحده تشتغل وتكد عليهم سلامة:الله ياخذ الثانوية عاشه:تعرفين شو احلى شي في الثانويه سلامة:شو؟ عاشه:الهدايا اللي بتحصلين عليها سلامة:آآآآآه..هذا اللي مصبرني عاشه:سلموه..وين حلقج اليديد؟ سلامة:أي واحد؟ عاشه:الأزرق.. سلامة:داخل الصندوق عاشه:الحمدالله ..اتجهزت قبل الوالده سلامة:امي بتسير؟ عاشه:اكيد سلامة:حرام عليكم..كلكم بتستانسون الا انا عاشه:افففف...اذا سرتي شو بتسوين؟بتغرفين العيش؟ ام سلطان:عاشه...عاشه عاشه(بصوت عالي):يااايه ونزلت عاشه وراحت غرفة امها عاشه:انا زاهبه ام سلطان:اخوج في البيت؟ عاشه:مادري..ليش؟ ام سلطان:التاير فاش.. عاشه فخاطرها:كله من عينج ياسلموه فهاللحظة دخل سلطان البيت ام سلطان:سلطان سلطان:نعم ام سلطان:الغالي ..بغيتك توصلنا بيت عمك ام سلطان:التاير فاش سلطان:انا ماروم..اتصلي بولدج سيارة موقفة عند بيت يدتي عاشه:هذي امك اللي ربتك ..تردلها طلب؟ سلطان:انتي اسكتي يالسوسه..مافيج خير ام سلطان:عطنا مفتاح سيارتك بخلي الدريول يوصلنا سلطان:عطيني عشر دقايق وبوصلكم عاشه:نفسي اعرف شوهالحب للسيارة ام سلطان:صخي..ماصدقنا في السيارة ام سلطان:الله يوفقج يا غاليه ويسعدج عاشه:آمين سلطان(فخاطره):بحظر زفافك ياحبيبي ..بحظر زفاف اللي هويته سلطان:وصلنا ام سلطان:مابتنزل؟ سلطان:لا ام سلطان:عمك بيفرح ان شافك سلطان:راسي مصدع مااقدر ام سلطان:ع راحتك سلطان هالوقت حس بظيجه فقلبه،نزلهم وراح الريف مول يلس فأحد المطاعم وطلبله عصير ليمون يبرد ع قلبه عاشه:غليوه...الفستان يجنن عليج غاليه:شكرا حياتي عاشه:بس مكياجج وايد خفيف غاليه:احسن...حتى اكون مختلفه وانا عروس عاشه:ياعيني غاليه:ههههه عاشه:اليازية يايه معاهم؟ غاليه:لا..اتصلت فيني قبل ساعة واتعذرت عاشه:غريبه؟ملجت اخوها وماتحظر غاليه:ريلها امريظ عاشه:الله يعافيه...مادام جيه خلها تيلس مع ريلها غاليه:هههههه..انتي داهيه عاشه:حرام عليج فهاللحظات مريم وام سلطان في المطبخ يزهبون العشا مريم:شو يام سلطان...ماخطبتي لولدج؟ ام سلطان:لا والله..كان بخاطري ايوزه لميره..لكن الله ماكتب مريم:الله يفرحج فيهم... في بيت بوسيف بوسيف وهو يعدل سفرته:وين ولدج؟اتأخرنا عن العرب ام سيف بتوتر:ممكن تيلس حتى افهمك؟ بوسيف:شو اللي صاير يا فاطمه؟ ام سيف (وهي ماسكه طرف شيلتها بالقوو):ولدك مايبا يعرس بوسيف وهو غير مستوعب:نعم؟شوقلتي؟ ام سيف:الزواج قسمة ونصيب بوسيف(بصوت عالي):سيف..سيف..سيفوه ام سيف:ولدك مو في البيت بوسيف:الجبان..وين شرد؟..ارمسي(بصوت عالي) ام سيف(وهي تبلع ريجها):ماعرف؟ بوسيف والشرار بيظهر من عينه:وين ولدج؟؟؟؟ ام سيف:والله العظيم ماعرف وين مكانه بوسيف:الله ياخذك الله ياخذك...وين اودي ويهي عن العرب ام سيف:لاتدعي عليه..حرام بوسيف:حرمت عليه عيشته ام سيف وهي تصب له كاس ماي بارد:اشرب..برد ع فادك بوسيف:مالي نفس...حسبي الله ونعم الوكيل..اتصلي بولدج ام سيف(السماعه ع اذنها):...مغلق عقب ثلاث دقايق من الصمت بوسيف:فاطمه ام سيف:نعم؟ بوسيف:انتي جبرتي الولد ع غاليه؟ ام سيف:لا والله ابد..هو بنفسه مختارنها بوسيف:انتي شرتي عليه يجدم يوم الملجه؟ ام سيف:لا.. بوسيف:عيل ليش مايباها؟هو ع باله بنات الناس لعبه؟؟؟ ام سيف:اكيد فيه سبب بوسيف:هذا اصعب موقف اواجهه فحياتي...كيف ابلغهم بهذا الخبر السعيد؟ولديه خلاص مايبا بنتكم.. ام سيف:لاحول ولا قوة الا بالله العلي العظيم بوسيف(وهو يشل موبايله من ع الطاوله الزجاج):مب عارف بشو انطق؟... فهاللحظة بوخالد واخوه سالم وخالد يالسين في الميلس ينتظرون بوسيف وسيف سالم:صلينا العشا وهم بعدهم ماوصلوا بوخالد:الغايب عذره معاه... وبعد خمس دقايق رن موبايل بوخالد بوخالد:مرحبا بوسيف بوسيف:مرحب باجي...شحالك بوخالد؟ بوخالد:بخير ونعمه...عسى ماشر وينكم؟ بوسيف وهو حاط يده اليمين ع يبهته :.......... فغرفة غاليه عاشه:اتأخروا.. غاليه:واايد عاشه:من الحين اتحاتينه؟ غاليه وهي تبتسم من ورا خاطرها:.... وفجأة سمعوا بو خالد يدق ع الباب:غاليه؟؟؟ غاليه:تفضل ابويه بوخالد وهو يبتسم لعاشه ابتسامه باهته:عاشه..امج تبغيج عاشه وقلبها مب مطمن:ان شاالله غاليه (بضربات قلب متسارعه):ليش واقف يابويه؟تفضل بوخالد:غاليه غاليه (وهي تبلع ريجها): نعم؟؟ نهايه الجزء |
الجزء الحادي والعشرين في المسيد وعقب صلاة العشا في الريف مول كانت عين سلطان ماتفارق هالشاب اللي يالس يذكر الله واللي البسمة ماتفارق ويهه رغم اعاقته اللي جعلته اسير للكرسي المتحرك.. سلطان وهو يتقرب للشاب:السلام عليكم(وهو ماد يده) الشاب :وعليكم السلام والرحمة سلطان بابتسامه:عندي سؤال اذا ممكن؟ الشاب:تفضل.. سلطان:تقدر تقول اني فضولي لكني بسالك الشاب:هههه..تفضل يا الغالي..شو ...سؤالك؟ سلطان:شو سر هالابتسامة اللي فويهك؟حتى اكون صريح معاك..انا انسان ولله الحمد كل شي متوفر لي لكن ..مش سعيد ،وانت رغم اعاقتك سعيد؟ الشاب:تبغيني اقولك اياها وباختصار؟ سلطان:ياريت الشاب:الامل.. سلطان : الامل؟؟ الشاب:نعم..الامل وفجاة وصله مسج من عاشه يقول: تعااال حالا سلطان:دريول ابوج يا عويش سلطان وهو يوقف سيارته جدام بيت عمه حذال سيارة ابوه:الوالد موجود!! واتصل باخته عسب تطلع سلطان هالوقت يحاول يلهي عمره حتى مايتذكر غاليه ،فيلس يلعب في الموبايل...لكن سلطان فخاطره:لين متى بتظل كابت ؟لين متى؟؟؟خلاص يا سلطان غاليه راحت ..راحت الى الابد بصوت عالي:مستحيييييل..مستحيل(وضرب السكان بييده). وحرك السيارة ورجع للشارع العام مرة ثانية،بس هالمرة بسرعه جنونية وطاف الاشارة الحمرا عاشه وهي تفتح باب الحوي:وين راح؟ قبل شوي متصل بي يقولي اظهري ام سلطان:اتصلي به مرة ثانيه.. عاشه:ان شاالله... سلطان (بعد ما ارتاحت نفسيته):اوووه..عاشه عاشه:اخيرا وصل ام سلطان:وين رحت؟ سلطان:خذتلي لفه ورجعت في السيارة سلطان فخاطره:الله ياخذك ياسيفووه..الله ياخذك فهاللحظات كان سلطان مستغرب من امه وعاشه،طول الدرب محد رمس فيهم،بس عقب دقايق لاحظ من المنظرة العاكسه دموع تنزل من عين العاش.. فخاطره:هذي دموع الفرح يا عاشه..بس انا دموعي حزن وقهر ع فراق الغاليه.. قطع هالصمت صوت الام المتحسر : حسبي الله عليه..مايستاهلها هالخايس سلطان من سمع هالكلمة ضرب بريك :شو؟؟؟ عاشه(قلبها وقف):شبلاااك؟جيه وقفت السيارة؟؟؟ سلطان وهو يصد لامه اللي يالسه حذاله: شواللي صار؟ ام سلطان :ماصار نصيب سلطان بذهول:كيف ..يعني؟ عاشه:الاخ..هون..مايباها سلطان:.............. وحرك السيارة بكل برود وعقله في عالم ثاني... ثاني يوم الكل عرف بالسالفة وتلفون بيت عبدالرحمن ماسكت واليدة طايحه سب بسيف واهله وغاليه صاكه ع نفسها الباب وماتبغي حد يكلمها بوخالد وحرمته يالسين في الصاله عقب الغدا بوخالد(وقلبه حزين ع بنته):نحن تسرعنا..ماسالنا اكثر عن الولد مريم:لاتقول جذيه ..انت سويت اللي عليك وزياده وهذا نصيب بوخالد:بس .. مريم:انت ماتدري وين الخير الله حاطه..ويمكن اللي صار خير لغاليه والنا جميع بوخالد:الحمدالله على كل حال خالد وهو يفتح باب الصاله:السلام عليكم بوخالد ومريم:وعليكم السلام والرحمة خالد بابتسامه:وين غاليه؟ بوخالد:فغرفتها مريم:ماتغدت خالد:ليش؟ مريم:مب طايعه تاكل ولاتشرب خالد:عن اذنكم بسير الها مريم:ارجوك اقنعها تاكل ولو لقمة خالد:ان شا الله ..بحاول توجه خالد صوب غرفة غاليه ودق الباب ثلاث مرات ودخل خالد:السلام عليج.. غاليه(بصوت واطي):وعليكم السلام والرحمة خالد:شكلج يقول خسرانه في الاسهم غاليه وهي تصد بويهها للصوب الثاني:افف خالد:ليكون خسرانه مليون؟؟؟ غاليه:مالي نفس لسوالفك البايخة خالد:افااا..اصبحت انسان بايخ غاليه:..... خالد:بسالج سؤال وجاوبيني بصراحة غاليه وهي تلبس ساعتها الزرقا:نعم؟ خالد:انتي خسرانه شي؟ غاليه(بنظرة استغراب):... خالد: غيرج عنده عيال وتطلقوا شوتقولين عنهم؟وانتي لاملجتي ولاعرستي.. غاليه بعصبيه:بس اهان كرامتي خالد:بصراحة اسمحيلي اقولج انتي انسانه غبية وبايخة و.. غاليه:نعم؟انت الحين ياي تخفف عني والا تزيدني؟ خالد:شوفي يلستج فهالحجرة من البارحة وعدم اكلج يدل على شي واحد وهو انج تبينه ومتمسكه فيه غاليه(بصوت عالي):يخسي الا هو..بنت عبدالرحمن ماتنزل عمرها لها المستوى خالد:اذا تبغين تقنعيني بكلامج قومي تغدي وتيلسي معانا في الصالة غاليه:اوكي..بس بغيت حبة بندول لهالصداع خالد:اليوع مسولج صداع ..قومي تغدي غاليه:ان شاالله خالد وهو يفتح باب الحجرة:تفضلي الشيخة غاليه:ههههه...دام فضلك بوخالد من شاف بنته قام وحبها ع راسها:فديت ابنيتي خالد:هيييها ..منو قدج يا غليووه...الكل مدلعنج مريم:تغار؟؟؟ خالد:جيه ماغار؟ ..تراني انسان حالي حالكم مريم:انت عرس وان شا الله حرمتك بتدلعك خالد: ع خير ع خير ...يلا بخليكم بحطي راسي وبرقد مريم:عفانا الله من يسمع طاري العرس يشرد بوخالد:عفانا الله سلطان من سمع بالخبر وهو طول الوقت سرحان ومب عارف كيف يعبر عن فرحته ولكن اخته سلامه قطعت عليه سرحانه سلامه: شو رايك باللي صار؟ سلطان: مايستاهلها سلامة:واايد عليك سلطان:المهم .. عرفناه ع حقيقته ..وهي تستاهل اللي احسن عنه سلامة:اكيد..بس..بخاطري اعرف شي واحد..شو سر رفض سيف لغاليه فآخر لحظة وهو اللي جدم يوم الملجه؟ سلطان:تصدقين هالسؤال مايا في بالي..بس يمكن الاخ معرس وحرمته الاولى هددته سلامه: افكارك عجيبة..تنفع محلل اجتماعي سلطان:هههه..اقول سيري ذاكري..ماتم شي ع الامتحانات سلامة:لو سمحت انا اعرف مصلحتي اكثر عنك سلطان:نعم؟؟؟هذا ويهي ان ظهرتج مكان مرة ثانيه يا سلموووه سلامة:الحمدالله عدنا دريول سلطان:دريول؟؟الحين صار عندج دريول؟؟ماعليه ياسلموه ..براويج سلامه:عن اذنك سلطان:اذنج معاج..بنشوف عاد كم نسبتج؟يا عبقرينو زمانج سلامة:ان شا الله 99 و9 من عشرة سلطان:اتحداج... محد فيكم وصلني الى الان..عويش1. 78%واحمد 67% وانا اعلى نسبة فيكم سلامة:ذكرني بنسبتك؟ سلطان:88.4% سلامة:خلاص عيل بدا التحدي وبتشوف اني بطوفك سلطان:بنشوف ولج مني 1000 درهم سلامة:اوووكي..جهز الالف من الحين سلطان:جاهزه من الساعه تركته سلامه وخلته يرجع مرة ثانيه بفكره لغاليه..ونزل للصالة وشاف امه ترمس يارتهم ع التلفون فيلس جبالها سلطان فخاطره:هالمرة لازم اتشجع واقول لامايه ان قلبي اختار غاليه ،غاليه وبس.. بعد 3دقايق والام بعدها ترمس وماصكرت عن الحرمة سلطان(فخاطره):يلا عاد..بسكن رمسه واخيرا انتهت المكالمه سلطان:اممم..ام سلطان ام سلطان:نعم.. سلطان:ابغي اكمل نص ديني ام سلطان:الحممممدالله..اخيرا نطقت..من باجر اقصد من اليوم بدور لك سلطان:امايه..ماله داعي انا حاط فبالي وحده واتمنى انج تخطبينها لي ام سلطان:ماشاالله..يلا ريحتني ومنو سعيدة الحظ؟اقصد..اعرفها سلطان:البارحة كنتي فبيتهم ام سلطان(صابتها حالة من الذهول): تقصد ..غاليه؟؟؟ سلطان:هييه..غاليه بنت عمي..وانا اولى بها من الغريب ام سلطان:صحيح..بس سلطان:بس شو؟؟ ام سلطان: استحي اكلمهم من الحين والبنت ماصارلها يوم من فجة خطوبتها سلطان:انزين...شورايج بالاسبوع الياي؟؟؟ ام سلطان:يصير خير..بكلم ابوك عسب يكلم اخوه...واللي ايي من الله حياه الله سلطان:بس شورايج باختياري يا ام سلطان؟؟؟ ام سلطان:هذي جوهرة يا سلطان..جوهرة غاليه سلطان:وهي غاليه.. (هذا كله كان تخيلات وبمجرد الام انتهت من مكالمتها الهاتفيه اكتفى سلطان بالصمت) سلطان فخاطره:لا لا..انا احسن شي اسويه اخبر العاش اللي فبالي وهي تسال الغلا عن رايها عسب مااحرجها ولااحرج نفسي جدام عمي والاهل في المسا غاليه ماسكة قلم حبر جاف ودفتر مذكراتها الوردي ويالسه ع المريحانه اللي فآخر حديقة بيتهم... غرور انا شخصٍ كبير ماني من اصغر العرب والانذال انا شخصٍ عزيز ومستحيل انزل لمستواك ياصغير الشان.. انا لاجلي القمرة تهين الليل ولاجل عيني تذل الذليل وحتى الكرامة نفسها تنسى عمرها وتنهان..بس من ينطرى اسمي بأي مكان.. وانت تجي تتقرب لي وتبيني بحبك انهان..لاحشى لا انت ولا عشرة من امثالك يا فلان.. قول عني مغرورة ..قول عني اللي بتقول.. والله لاانته ولا الكرامة وبجنبها العزة ولا حتى الغرور..تسوون التراب اللي تحت رجلي منثور... (بقلم صديقتي (... بعد يومين في مكتب خالد خالد بصوت عالي:انطوان..انطوان انطوان:نعم استاز خالد:شو اخبار الشغل اليوم؟ انطوان:الحمدالله ...ماشي حاله خالد: كم واحد يشتغل في المحل؟ انطوان:خمسه..لا سته..ايه سته خالد: انا صممت ثلاث تصاميم وابغيك توزعه ع الموظفين واكثر تصميم يعجبهم راح ننشره في الجريده انطوان:فكره كتير حلوة خالد:هو عباره عن عروضات للبضاعة اللي في المخزن ..مب اليديد انطوان:حلوو خالد:بس في البدايه ابغيك تبعث لي الخبير المالي حتى اعرف مقدرتنا للنشر انطوان: حاضر..شي تاني استاز خالد؟ خالد: لا شكرا خالد فخاطره:كيف اتصرف بفلوس المحل؟لازم اشاور عمران في البدايه.. وقام خالد من مكتبه وراح يدور انطوان خالد:انطوان انطوان:نعم؟ خالد:عندك رقم عمران؟ انطوان وهو يظهر موبايله من جيبه:ايه..لحظة ..رقمه ......442 خالد:شكرا.. ورجع خالد لمكتبه واتصل بعمران خالد:الوو عمران:الو خالد:السلام عليكم عمران:وعليكم السلام والرحمة خالد:معاك خالد من محل الاثاث عمران بصوت مستعجل:نعم خالد فيه شي؟ خالد:ااا..والله بغيت اخذ رايك بموضوع عمران:واللي هو؟ خالد:ممكن ناخذ مبلغ من ربح المحل عسب انزل اعلان في الجريده؟ عمران:اللي تشوفه في مصلحتنا سوه ..يلا مع السلامه خالد:مع السلامه خالد فخاطره:شبلاه؟؟؟انسان غريب..يمكن مشغول..يمكن؟ غاليه يالسه مع مريم (ام سلطان) يشوفون المسلسل السوري ليالي الصالحيه الحلقات الاولى لما رجع المخرس للحاره ع قناة سما دبي وفجاة يرن موبايل غاليه ومن شافت اسم المتصل ماحبت ترد ام سلطان:جيه ماتردين؟ غاليه:ابغي اشوف المسلسل مالي نفس اكلم حد ام سلطان:حالات عجيبة فهالبيت غاليه:الله يخليج خالتي علي عالصوت ومرة الثانيه رن الموبايل ام سلطان:لاحول ولا قوة الا بالله غاليه من دون نفس:ان شا الله برد وشلت غاليه موبايلها وراحت حجرتها غاليه(بصوت متظايج):الو اليازيه:اهلين غاليه..شحالج؟ غاليه:الحمدالله بخير ويسرج الحال اليازيه: ادري انج متظايجه... وتقولين فخاطرج هاي بعدها إلها ويه ترمس غاليه:اكيد اللي صار مو شوي بس ماتوصل لهالدرجه اليازيه:غاليه غاليه:ماله داعي تتكلمين في الموضوع وانا خلاص نسيت السالفه اليازيه:ادريبج..قلبج ابيض غاليه:شكرا ع الاطراء اليازيه:بس انا بغيت اقولج شي ولازم تسمعينه... غاليه:نعم؟؟؟ اليازيه: انا ماابغي ادافع عن اخويه ..لكن بغيتج تعرفين.. غاليه:اعرف شو؟خلاص مااعاد يهمني امر اخوج ولا غيره اليازيه:غاليه..نحن كلنا متفاجئين باللي صار..وسيف متغير وايد غاليه:... اليازيه:اتخيلي كله ظايج وماله نفس يكلم حد ومستوي عصبي..حتى الشغل تركه غاليه:وشو المطلوب مني؟ اليازيه:غاليه..سيف اخويه مش طبيعي والاعراض اللي فيه تقول ان مسوايله عمل غاليه:ههه....هاي مشكلتكم من يغلط الواحد تقولون عنه مسحور اليازيه:ماقص عليج وابويه حاول يوديه عند المطوع يقرا عليه وهو هب طايع...غاليه غاليه:نعم اليازيه:ابغيج تصبرين عليه شوي.. غاليه:نعم؟ اليازيه: ارجوج ..سيف يحبج ويباج غاليه باستهزاء:بااين ..ع العموم حتى لو رجع و طلبني مرة ثانية انا مابغيه..خلاص النفس عافته..بس اتمنى ان هالشي ماياثر ع صداقتنا اليازيه بنبرة حزن:اكيد..اطلب منج طلب اخير غاليه:آمري... اليازيه:ادعيله..مع السلامه غاليه(وقلبها متقطع): مع السلامه عقب اسبوع وصل المسج العجيب لغاليه ومثل كل مرة من دون رقم ياروح روحي هزني الشوق مابات... غلاك سكن في الجوف ظاهر وخافي.. مهما تباعدنا وطالت مسافات.. وافي ورب الكون مازلت وافي.. عندي تراك اغلى من العمر والذات.. اهديت لك "قلبي"وهذا اعترافي... غاليه من شافت المسج على طول حذفته ومااهتمت بعد منتصف الليل في بيت سالم وبالتحديد فغرفة البنات،عاشه يالسه ع النت وتقرا قصة وسلامه راقده ويدخل سلطان.. سلطان :عاشه عاشه:شووو؟ سلطان:ابغيج شوي عاشه:افف..ماتشوفني مندمجه في القصة اللي اقراها سلطان:من البارحه وانتي تقرين ..لو مصحف جان ختمتيه عاشه:استغفر الله العظيم..نعم طلباتك؟؟ سلطان: ابغيج فموضوع مهم.. عاشه:تفضل.. سلطان:فحجرتي احسن عاشه فخاطرها: ليكون حد خطبني ودخلوا الحجرة ،يلست عاشه ع القنفة وهو يلس ع السيكل الثابت سلطان:عاشه.. عاشه والرقاد واصل حده:شوووه؟ سلطان:انا قررت اتزوج عاشه:نعم؟؟؟..ههههه سلطان:شواللي يظحك؟ عاشه:وهي تتذكر اللي كان فبالها..لاماشي..هذي الساعة المباركه سلطان:اكيد بتسالين نفسج ..ليش خبرتج باللي فبالي عاشه:ليش؟ سلطان:ابغيج تسالين البنت اللي ابغيها عن رايها وان رفضت محد يعرف بالسالفه فلا احرجها ولاتحرجني عاشه وهي مندهشه من الكلام اللي تسمعه:صعبه..استحي..الا اذا كنت اعرفها سلطان بابتسامه:تعرفينها عاشه والفضول بياكلها:صدق؟؟ سلطان:واقل من شهر كنت فبيتهم عاشه:منو هاي؟؟؟ وشهقت شهقه عاليه:غليوووووووووووووه؟ سلطان:تقصدين ..غاليه عاشه:احلف..تبغي غليوه سلطان:اقولج غاليه عاشه:وااااااااااااو..احلى خبر سمعته فحياتي..سلطان انت انسان ذويق وتعرف تختار بس.. سلطان:بس شو؟ عاشه:حرام تاخذك ..اشفق عليها سلطان:نعم؟؟ عاشه:غاليه يناسبها واحد رقيق المشاعر...مو مثلك دفش سلطان:قومي قومي احسلج ..بغيتج عون صرتي فرعون وبعدين يالحبيبة انتي ماتعرفين من يكون سلطان عاشه:يا عيني .. سلطان:شورايج من باجر اوديج عندها وتسالينها؟؟؟ عاشه:لا ...مااقدر.. سلطان وهو عاقد حواجبه:جيه؟ عاشه:ربيعتي ميسون عازمتني فبيتهم سلطان:اتولي..بوديج باجر بيت عمي...اوكي عاشه:امري لله..كله ولازعلك سطان:فديت العاش ..اختي الغاليه عاشه:آآآآه ..الحين استويت غاليه.. سلطان:يلا يلا وايد دلعناج...اظهري ونيمي الباب عاشه:ان شا الله ...يامعرسنا سلطان:الله..محلات الكلمه..معرس اليوم الثاني ..الساعة ثنتين الظهر عمران:مرحبا خالد خالد:مرحبتين..ياهلا وسهلا..تفضل عمران:دام فضلك خالد:ماخبرتني انك ياي حتى نستقبلك بالورود والياسمين عمران:ههههه...اول مرة ادري انك مسولفي خالد: بعدك مااكتشفت شي...شوتشرب؟ عمران:عصير لومي خالد(وهو يهوس ع الجهاز):جميل جيب اثنين عصير لومي عمران بهدوء:يوم الخميس اللي طاف مريت ع المحل خالد:.... عمران:واكتشفت انك اهل للثقة ويعتمد عليك خالد بابتسامه:اشكرك ع ثقتك بي وان شاالله اكون عند حسن ظنك عمران:اكيد... لاحظ خالد ان عمران في عالم ثاني وباله مب معاه خالد:شورايك اعزمك ع الغدا؟ عمران:مالي نفس خالد:ليش؟عسى ماشر عمران:انا تعبان ..تعبان ياخالد خالد:سلامتك..شو اللي متعبنك؟ عمران:مشاغل الحياة وهمومها خالد:الكل تعبان... مافيه حد مرتاح عمران: انت متزوج؟ خالد:ههه..لا بعدني عمران:ليش ماتزوجت لين الحين؟ خالد:والله ..مالي خلق لعوار الراس عمران:هههه... خالد:وانت متزوج؟ عمران:لا خالد:غريبه؟ عمران:وشو الغريب؟ خالد:يعني..واحد مثلك بهالعمر وعنده خير(ماشاالله) ومب متزوج ...غريبه؟ عمران:لا تستغرب ..شورايك نتمشى بالسيارة؟ خالد:اوكي.. عمران:باخذك بسيارتي وبرجعك للمحل مرة ثانيه ركبوا السيارة عمران وهو ماسك السكان ومن دون مايصد لخالد:خالد خالد:نعم؟ عمران:انا قلبي ارتاحلك خالد:ههه..نفس الشعور عمران:تدري ليش اخترتك من دون الخلق؟ خالد:ليش؟ عمران:تذكرني فعمري خالد:كيف يعني؟ عمران:حسيت في اشيا مشتركه..مثل نظرة الحزن اللي فعينك خالد:اهاا.. عمران:قبل تسع سنين لما كنت فبدايه العشرينات خطبت بنت عمي وكنت اعتبرها اغلى مااملك وهي كذلك كانت تبادلني نفس الشعور وانتظرتها سنتين حتى تخلص دراستها وبعد ماخلصت دراستها ملجنا وبعدها كنا نجهز ترتيبات العرس ..نصبنا الخيمة وماتم غير يوم ع العرس واتخيل شو اللي صار خالد:شو اللي صار؟ عمران: يوم العرس امها سارت توعيها لصلاة الفجر لقتها ..(وهو يتنهد) ميته خالد (وهو مصدوم):ماتت؟ عمران:هيه..ومن يومها قررت اني ماتزوج خالد:هالكثر تحبها؟ عمران:تدري ليش خالد:..ليش؟ عمران:هي اللي شجعتني اكمل دراستي واكون نفسي واللي انا فيه الحين هو بفضل الله ومن ثم هيه خالد:بس اللي اعرفه عنك انك تاجر ولد تاجر عمران:صحيح بس مو كل تاجر غني يكرم اهله انا ابويه ما ساعدني بشي وبدايه هالخير هو مهرها خالد:من مهرها؟؟؟ عمران:هذا الشي الوحيد اللي ساعدني فيه الوالد وهي رجعتلي نص مهرها وبالسر والى الساعه محد يعرف حتى اهلي عبالهم سلفه من البنك خالد:بصراحة ماكنت اتوقع ان في ناس فيهم هالصفات الاصيلة عمران:الله يرحمها خالد:الله يرحمها..ويرحمنا اذا سرنا اليهم وفجأة رن موبايل خالد.. غاليه:الو خالد خالد:نعم؟ غاليه: تعال بسرعه خالد: ليش ؟؟شومستوي؟؟؟ نهاية الجزء |
الجزء الثاني والعشرين غالية بكل بروود:شبلاااك؟بغيتك تولع لي الكز..هذا مافي الامر خالد:شوووو؟ غاليه بدلع:خالتي مريم اظهرت مع الشغالة ومحد غيري في البيت...بليز تعال..هاي اول مرة اسوي كيك.. خالد بعصبية:فاااضيه..وصك فويهاا عمران لاحظ عصبية خالد عمران:هدِ اعصابك...وظهر من ثلاجة السيارةغرشه ماي خالد:هههههه عمران:تخبل الريال...شبلاك؟ خالد:ع بالي شي صاير في البيت...اتاري الاخت مسويه كيكة و تبغيني اولع الها الكز عمران:ههههههه...هييه يا ريال صرنا نعيش ع اعصابنا خالد:صدقت... وبعد مدة من الحواطة اذن العصر وادخلو اقرب مسيد فطريجهم وهم ظاهرين.. عمران:شو رايك اوصلك البيت؟ خالد:فكرة حلوة...منها تجرب الكيكة ومنها تعرف موقع البيت عمران:تصدق ،انا بخاطري أغير جو لذلك..يلا دلني ع البيت خالد:توجه الى الراشديه عقب عشر دقايق وصلوا.. ودخل عمران سيارته داخل البيت باوامر من خالد خالد:حياك الله عمران:الله يحييك ويبجيك وادخلوا الميلس وعقبها ظهر خالد وراح لاخته في المطبخ غاليه:اتاخرت ..خلاص ولعت الكز خالد:اصلا انا مب ياي عسب كيكتج..بغيت اخبرج..ربيعي عمران في الميلس غاليه:منو ها بعد؟ خالد:انتي شلج؟عمران اللي مشغلني معاه غاليه:هههه..قول ارباب..حتى افهم خالد وهو يشوفها بطرف عينه:باايخه..بسرعة زهبي القهوة والعصير و الكيكة بعد غاليه:خيييبه..كل هذا؟ خالد:اللي يسمع يقول مشاوي..وين سونيا؟ غاليه:خالتي مريم خذتها معاها.. خالد:وين؟؟تونا مصلين العصر غاليه:اصلا هيه من الضحى ظاهره..امها تعبت شوي خالد:هيه..الله يعافيها غاليه:امين خالد:يلا عاد..استعيلي.. غاليه:ان شا الله..من حظكم الحلو انكم راح تاكلون اول كيكة بيد الشيف غاليه خالد:هههه.. غاليه:شواللي يضحك؟ خالد:انتي بنت يعني شيفه مب شيف غاليه:ه ه ه ضحكتني..الشيف تقال للبنات بعد خالد:كيكة شو هاي؟ غاليه:كيكة نيدو خالد:اهاا..يلا خمس دقايق وراجعلج غاليه:اوكي..عرفنا الساعة خمس العصر سلطان اتجهز ولبس اعربيه بيج وسفره بيضا وشغل سيارته ودخل البيت مرة ثانيه وتوجه لغرفه البنات سلطان:عوييييش..يوو عوشه وشاف باب الغرفه مفتوح وعاشه يالسه اتمشط شعرها عاشه:اففف...اصبر شوي مااتجهزت سلطان:حسبي الله ع بليسج ..الساعة 5 ..متى بتخلصين؟؟؟ عاشه:عطني نص ساعة سلطان:خيييبه..ثرج وين سايره؟ البسي عباتج وشيلتج ..يلاا عاشه:حرام عليك ..توني قايمه من الرقاد وعيوني منتفخه..اصبر عليه شوي سلطان:تستاهلين..حد يرقد العصر؟ماتعرفين انه منهاي عنه..يخلي الواحد يتخبل عاشه:مرة في الاسبوع ماياثر سلطان:يلا بسرعة ما روم اصبر زياده عاشه:اوكي اوكي..هد اعصابك سلطان(وهو يتلفت يمين ويسار):وين سلموه؟؟؟ عاشه:راحت تذاكر عند ربيعتها سلطان:جيه..ماعندها بيت تذاكر فيه؟ عاشه: ربيعتها يايبه مدرس وراحت تستفيد سلطان:اهااا..سلموه تعرف عن السالفه؟ عاشه(بنظرة استخفاف):طبعا لا سلطان:مجرد سؤال وي هالعين في السيارة سلطان:عاشه... عاشه:نعم سلطان:ليش معصبه؟ عاشه:ماتلاحظ انك زودتها..من ظهرت من البيت وانت ماسكت؟ سلطان:المهم..عرفتي شوبتقولين؟ عاشه:هييه..عرفت سلطان:يلا تفضلي...عقب صلاة المغرب باخذج عاشه:فمان الله سلطان:فمان الكريم غطت عاشه ويهها بالغشوة ونزلت من السيارة وتحرك سلطان سلطان(من خاطره):يااااااااااااااارب عاشه كانت تمشي حذال اليدار متوجهه للباب وفجاة اظهرت سيارة فويهها عاشه وهي حاطه ايدها ع ويههاامييي) عمران تفاجا وقلبه وقف .... بينه وبين عاشه شعره عمران وهو ينزل من السيارة:سلمتي...شي يعورج؟ عاشه(ولسنانها متلعثم هالساعه):ل لا عمران:تبغيني اوديج المستشفى؟استوالج شي؟ عاشه:........... كملت عاشه طريجها ولاعبرته عمران عينه ع الغشوة اللي طايحة ع الارض:الله ستر هالوقت غالية في المطبخ ترجع الادوات اللي اسنخدمتها لمكانها عاشه وهي تدخل المطبخ: وين الماي غاليه:بسم الله ...متى ييتي؟؟ عاشه وهي تناهي:الحقيني بكاس معاي بسرعة غاليه باستغراب:ان شاالله ان شا الله..انتي بس تفضلي جيه واقفة عاشه(وهي تشرب الماي):السلام عليكم غاليه:الحين تفيجتي..وعليج السلام..شبلاج تناهين؟ عاشه:منو كان عندكم؟؟؟ غاليه:هذا عمران ..ربيع خالد عاشه: كان بيدعمني..بيني وبينه شعرة غاليه :كيف؟؟؟ عاشه: آآآآه..كنت امشي حذال اليداروبدخل البيت..وفجأة ظهر هذا فويهي غاليه:الحمدالله ع سلامتج عاشه:الله يسلمج من كل شر غاليه:الله يابج عاشه:ليش..شوصاير؟ غاليه: اليوم سويت كيكة نيدوو عاشه:سبحان الله !!غاليه تدخل المطبخ ماصدق غاليه:لاحبيبتي صدقي..يلا حبيبتي نشي خلينا ندخل الفيلا عاشه:اه ..مارووم قلبي لين الحين يدق بالقوو غاليه:قومي يا بنية..قومي عاد..الحمدالله جت سليمه...ههه عاشه:تضحكين؟؟انتي مافيج احساس غاليه: حرام عليج بس شكلج يضحك عاشه:يزاج الله خير انا مادري شواللي يابني عندج غاليه:عفانا الله الواحد مايقدر يسولف معاج....يلا عاد قومي عاشه:حشى..قمت غاليه(وهيه شاله صحن الكيك لعاشه):افتحي باب الصالة عاشه:ان شا الله .. غاليه:افتحي باب حجرتي عاشه:موجنج مصختيها احيدني انا الضيفة ؟ غاليه:لاحبيبتي نحن الضيوف وانت رب المنزل عاشه:ياسلااام غاليه:وبعدين مابتاخذين راحتج الا فحجرتي..خلود في البيت عاشه:اهااا... غاليه بابتسامة:يلا شو اخر الاخبار؟انخطبتي ؟سلموه انخطبت؟؟ عاشه:تخسي سلموه تعرس قبلي غاليه:ههه... كلتيني.. عاشه(فخاطرها:هذا وقته): انتي شو اخبارج؟ غاليه:والله مثل ماتشوفين..انش الصبح اتريق وعقبها اقرا الجريدة و.. عاشه:تقرير يومي غاليه:آآآآه...هذي اخباري يا عاشه..لا جديد عاشه:مب ناويه تشتغلين؟ غاليه:بصراحة احس انه الوالد راح يغير رايه فموضوع الشغل..بس تدرين حتى لوقالي اشتغلي مابشتغل عاشه:مسالة عناد؟؟ غاليه:لا طبعا..بس انا فبالي فكرة وابغي انفذها عاشه:وشو هيه؟ غاليه:فكرتي ماتحتاج اني اظهر من البيت ..بس تحتاج خياط وغرفتين صغار عاشه باستغراب:خياط؟؟ غاليه:هيه ..انا عندي افكار حلوة للعبي وان شا الله تنجح عاشه:ومن متى بدت هالهوايه؟ غاليه:من سنتين..بس كنت ارسم ع الورق عاشه:اهاا..بس تحتاج في البدايه لميزانيه غاليه:ههههه...الله يخلي بوخالد وخالد عاشه:فديت عمي غاليه:فدييته عاشه:وبس هاي اخبارج؟ غاليه:شوتقصدين؟ عاشه وحركاتها:احم احم.. غاليه:لاتخافين محد خطبني واذا حد خطبني انا برفض عاشه:ليش ترفضين؟؟؟ غاليه:كيفي.. عاشه:بكل صراحة في ناس موصيني غاليه:شو؟؟ عاشه:ربيعتي جميلة انتي ماتعرفينها ..تبغيج لاخوها غاليه:هههه..والله ؟؟وهاي ربيعتج متى شافتني؟ عاشه:مو المهم وين ..المهم انها شافتج غاليه:قوليلها مشكورة ويزاج الله خير وانا مابغي اخوها عاشه:انتي جيه مستعيله؟؟اصبري بخبرج مواصفاته وصفاته غاليه:افف عاشه:انتي شوخسرانه غاليه من غير نفس:تفضلي... عاشه:شوفي حبيبتي ..اخوها فاواخر العشرينات،يشتغل موظف في احدى الوزارات،راتبه عشرتالاف وشي.. ويحب السيارات و هو انسان رياضي غاليه:ماخليتي شي عاشه:اما عن مواصفاته ...فهو اسمراني طويل و بعد شو؟ غاليه:خلصتي عاشه بابتسامة عريضة:هيه.. شورايج؟ غاليه:شوفي حبيبتي،انا عقب سالفتي مع سيف اتغيرت وايد عاشه:كيف يعني؟ غاليه:تغيرت افكاري ...الحين اصبح همي هو كيف ابني غاليه عاشه:شوهالخرابييط بعد؟؟ غاليه:انتي تشوفينها خرابيط بس انا لااا عاشه:اللي يسمعج يقول مطلقة.. وبعدين لاتنسين انج صغيرة غاليه:انتي مب فاهمتني عاشه بعصبية:ولا ابغي افهم غاليه باستغراب:انتي ليش معصبه؟ عاشه:انتي مب غاليه اللي اعرفها استويتي مثل هذولا اللي يطالبون بحقوق المراة غاليه:حقوق المراة؟؟؟ عاشه:حبيبتي البنت مصيرها بيت ريلها ولا اذكرج بكلام ام عبد الرحمن غاليه:لا حبيبتي حافظتنه..بس مب شرط.. فيه وايد بنات عوانس فالبلاد عاشه:بس.. غاليه:بس شو؟الله يخليج عواش غيري السالفة عاشه:مالت عليج ..لا مالت عليه انا اللي افكر فيج وانتي ماتستاهلين غاليه:اقول..كلي هالكيك عاشه:شبعت..كلامج شبعني غاليه:والله تاكلين والا بزعل عاشه بمزاج متعكر:اوكي بس لقمة عن خاطرج في المسيان عاشه يالسه مع غاليه في الصالة يشوفون مسلسل درس خصوصي على قناة فنون وبعد لحظات يرن موبايل عاشه عاشه:الوو سلطان: عاشه عاشه: انت عند الباب؟؟ سلطان: لا ...بغيت اقولج انتي مابيي باخذج..فارجعي مع الدريول عاشه:شو؟؟ليش؟؟ سلطان: منصور رجع من امريكا ..وقررنا نتعشى مع بعض اليوم عاشه:ماشا الله ..متى رجع؟ سلطان:البارحة...المهم انا قلت لايفيلين تاخذج مع الدريول عاشه:اوكي سلطان:يلا سلاااام... عاشه: مع السلامة وبعد ما اظهرت عاشه عن غاليه الساعة ثمان ونص، ادخلت غاليه الميلس حتى ترتب المكان وتشل صينية القهوة والفناييل، ولحظتها تذكرت غاليه الموقف اللي صارالها مع سيف ..فابتسمت غاليه ابتسامة باهته... وهي تشل القهوة تذكرت الكلام اللي قالته عاشه عن الريال اللي رايدنها....وفجأة نزلت صينية القهوة بالقو ع الطاولة غاليه (بدقات قلب سريعة):مستحييل فخاطرها: كل كلمه نطقتها عاشه تنطبق ع سلطان...موظف في الدايرة الاقتصادية...وفاواخر العشرينات ورياضي ....ويحب السيارات...........هذاا سلطان ومن ساعتها وغاليه متلخبطة وفكرها فعالم ثاني لانها مااتخيلت في يوم من الايام سلطان يخطبها ولما اجتمعت العايلة ع العشا بوخالد: عاشه كانت عدنا؟ غاليه:هيه ابويه بوخالد: سلطان يايبنها؟ غاليه بصوت متغير: هيه بوخالد: من فترة طويلة ماشفت سلطان غاليه وهي حاطه يدها ع قلبها:.....(فخاطرها:ليكون الوالد يعرف بالسالفه..) بوخالد بحزم: خالد خالد: نعم ابويه بوخالد:اعزم ولد عمك ع الغدا هالاسبوع خالد:ان شا الله غاليه باستعجال:الحمدالله مريم:ماكلتي شي غاليه:اليوم ماكله كيك وغاث ع جبدي وفي الحقيقة غالية خايفه يكون ابوها عارف بسالفة سلطان فقررت تنش عنهم ،قبل لا يطيح الفاس بالراس.. في اليوم الثاني ماقدر سلطان يصبر وقبل لاتظهر عاشه من البيت زكرها ووقف معاها عند سيارته سلطان:عوااش عاشه:صباح الخير سلطان باستعجال:صباح النور والسرور..بشري عاشه فخاطرها:هذا شواقوله؟ سلطان:تبغي وقت تفكر؟ عاشه:بصراحة...هي ماتفكر بالزواج حاليا سلطان وضربات قلبه بدت تتسارع:شو؟؟ عاشه:هيه مارفضتك..وبعدين انا ماقلتلها سلطان يبغيج سلطان:عيل شو قلتيلها؟ عاشه: قلتلها اخ ربيعتي حتى امهد للموضوع سلطان وهو يحس بغصه فقلبه:يمكن تبغي تاخذ فترة راحة نفسية عقب اللي صار عاشه:يمكن.. سلطان وهو مافقد الامل:شورايج بعد شهر تكلمينها عني؟ عاشه:مادري يا سلطان..بس هيه شكلها ماتبغي تتزوج ابداا سلطان:شو هالتشاؤم؟ عاشه: مادري...حسيت من كلامها انها تبغي تعتمد ع نفسها سلطان باستغراب:كيف يعني؟؟ عاشه:تبغي تكون بزنس وومن وهي في البيت؟ سلطان:ياسلام..واذا وافقت تاخذني انا مابمنعها عاشه:مثل ماقلت.. يمكن محتايه وقت تفكر وترتاح سلطان وهو متظايج:يالله....اللي فعمري متزوجين وعندهم 3من العيال عاشه:ههه..اتخيل... انت عمرك ثلاثين وولدك سنة فيوم يستوي عمرك ستين ولدك ثلاثين..اسميك شيبه سلطان:خسج الله يا عويش...انا روحي مهموم وتزيديني هم عاشه:هههه...انت الحين روح دوامك واللي الله كاتبنه بصير سلطان:صح كلامج..يلا مع السلامة عاشه:مع السلامة الشارع مزدحم والسيد مايتحرك سلطان:ناقصنكم اناا...لوامشي بريلي بوصل الدايره وعقب ربع ساعة وصل الدوام حمدان(زميل سلطان في الشغل):وينك يا ريال ؟؟؟اتاخرت سلطان:تعرف الشارع كيف زحمة..سنة لاوصل حمدان:يا ريال اظهر من وقت سلطان:الرقاد حلو يا حمدان..ماتعرف المثل اللي يقول النوم سلطان؟ حمدان: سلطان بعد!!!...بس الراتب احلى يا..سلطان وعقب ساعة المدير(بوعوظ): مرحبا سلطان وحمدان:مرحبتين.تفضل بو عوظ: دام فضلكم..بغيت اسالكم...الموظف اليديد وصل والا بعده؟ حمدان:موظف؟؟لا بعده وفجأة ظهر واحد واقف ورا المدير ابيضاني وعيونه صغار الموظف:مرحبا بوعوظ بوعوظ:مرحبتين...وينك؟من اول يوم متاخر؟؟ الموظف: لا انا وصلت في الوقت المحدد بس ماكنت اعرف أي مكتب بوعوظ:حصل خير(والتفت لسلطان وحمدان):اعرفكم ع بعض ..سلطان،حمدان...وزميلكم يوسف حمدان:يامرحبا وسهلا سلطان من اول ماشافه وهو مو بالعنه سلطان فخاطره: يالله صباح خير واول مايلس هالموظف اليديد ماسكت من الاسئلة،وحمدان يجاوبه..حمدان من النوع اللي يطول باله بعكس سلطان اللي يالس يشتغل ع الكمبيوتر ولاعاطي ويه ليوسف وقبل ماينتهي الدوام بساعة ظهر حمدان من الدايره عسب ياخذ بنته من المدرسه فاضطر سلطان انه يكلم يوسف يوسف وهو يقوم من مكتبه واقف حذال كرسي سلطان يوسف:أي فولدر تفتحونه؟ سلطان وهو ياشر فكمبيوتره:افتح الديكيومنت وبعدها بتحصل فولدر مكتوب عليه.. Bc يوسف:مشكور اخوي سلطان:العفو والمسالة ماتحتاج شكر..ع فكرة..كلنا كنا شراتك في البدايه حريصين ع العمل ومازلنا لكن دايما في البدايه نكون متحمسين ولكن مع مرور الشهور والسنوات ..الواحد منا يحس بالروتين والملل.. يوسف:ان شاالله كل الايام اللي اداوم فيها احس بهالحماس سلطان بابتسامة:ان شاالله وانتها الدوام ورجع كل واحد لبيته سلطان:انا يوعان با ام سلطان ام سلطان:غداك جاهز ياالغالي سلطان:شومسوين؟ ام سلطان:مالح تحت العيش سلطان:يا سلااام ام سلطان:بالعافيه عليك سلطان:ع قلبج ام سلطان كانت متغديه مع البنات لكنها يلست مع سلطان ع الطاوله وصبت لولدها عصير ليمون بارد سلطان وهو يشرب عصير الليمون:الله...بارد ع القلب ام سلطان:آآه ياالغالي متى افرح فيك واشوفك يالس تتغدى مع حرمتك سلطان فخاطره:هييه يا الولده..خليها ع الله :جريب ان شاالله..جريب ام سلطان:ان شاالله... فبيت بوخالد مريم (ام سلطان)يالسه تشرب شاي مع غاليه غاليه وهي ترجع الاستكانه مكانها ع الصينية:خالتي مريم مريم بابتسامة:نعم غاليه الغاليه؟ غاليه:انعم الله عليج ...شورايج نروح السوق؟ مريم:شوتبغين من السوق؟ غاليه:ماعندي شي محدد بس ابغي اغير جو مريم:هييه..وين تبين تسيرين؟ غاليه بابتسامة:امم ابغي اسير مول الامارات مريم:مول الامارات؟ريلي تعورني ماروم ع المشي فهالمول غاليه:الله يخليج ابغي اسير...اوكي.. بس بدخل ثلاث او اربع محلات ونرجع ..شورايج؟ مريم:ع راحتج غاليه:فديت ام سلطان مريم:ههه..فديت روحج غاليه:شورايج نصلي العصر ونظهر مريم:يكون احسن واذن العصر وصلوا واركبوا السيارة مريم وعينها ع عباة غاليه مريم:شوهالعباة؟ غاليه:شوفيها خالوه؟ مريم:وايد لافته غاليه:لافته؟؟؟شواسوي العباة الساده مقرفصة يبالها كواي وسونيا راقده مريم:عنبوه....وهالعبي اللي مصطفه في الكبت وين راحن؟ غاليه:خلاص خلاص..بغيرها وبرجع ورجعت غاليه ولابسه عباة فيها تطريز خفيف باللون البني الغامج مريم:هيه..جيه غاليه:ههه..انا ماصدقت اظهر فلبست اللي جدامي مريم:فديتج..احلى مافيج انج تسمعين الكلمة مو شرات شمسوه بنت اختي موزه من تقولها امها كلمة البقت شرا الظو غاليه:الله يهديها ويهدينا اجمعين مريم:امين..محي الدين محي الدين:نعم..ماما مريم: روح مول الامارات غاليه:هالايام احسن ايام الواحد يظهر فيها مريم:ليش؟ غاليه:الناس لاهيه في الامتحانات مريم:ذكرتيني ماوعيت سلطان يذاكر غاليه:ماعليج الاولاد يفتحون الكتاب فدقيقه ويصكونه وهم حافظينه صم، مو شراتنا نذاكر ونحفظ كل كلمة وماشي فايده نشوف ورقة الامتحان فننسى كل شي مريم:قولي ماشاالله ...بتاكلين ولدي غاليه:من زين ولدج..ماااشاالله وعند الباركنات مريم:محي الدين...الساعة 6 تعال محي الدين:زين ماما وادخلو المول غاليه:ابغي اخذ لي بدلة من محل حلو اسمه اكسناكا مريم:يلا.. وفي هالوقت خالد ومنصور وسلطان يالسين مع بعض في ميلس بيت بومنصور منصور:وهاي اخباري..وانت ياخالد شومسوي فشغلك؟؟ خالد: ماشي حاله..مرتاح منصور:عسى دووم خالد:وياك..الا ماقلتلي متى بتعرس؟ منصور:هالخميس الملجه والثلاثا العرس خالد:الف مبرووك منصور:الله يبارك فحياتك..وانتو الاثنين متى ناوين تعرسون؟ خالد:جريب منصور:متى ؟؟ خالد:عقب ثلاث سنين منصور:هذا جريب؟؟؟ خالد:هههه منصور وهو صاد صوب سلطان:وانت يا حكيم زمانك؟متى ناوي اشاالله؟ سلطان:لاتزيد المواجع يا ريال خالد:ههه..خله ...يوم بغى يتزوج اطلعت العروس اخته بالرضاع...هههه منصور:ههه..لاحول ولاقوة الا بالله سلطان:اظحكوا..شو وراكم... منصور:لا جد..متى ناوي يا بومايد؟ سلطان:يوم اللي ابغيها... توافق منصور:يعني حاط فبالك وحده؟ خالد:ومنو هاي..تعيسه الحظ سلطان فخاطره :اختك ياالحبيب : تقصد سعيدة الحظ...وبعدين انت مايخصك في المول غاليه:الله يخليج يا خالتي مريم ..اخر محل مريم:بسج عاد غاليه:بليييييييز مريم بيأس:اخر محل اخر محل ويرن موبايل غاليه غاليه وهي تحاول تظهر موبايلها بصعوبة من الشنطة لانها شاله ثلاث اكياس:وينووه؟ :الوو سلطان بن عبدالرحمن:الو غلويه غاليه:نعم سلطان:انتي فالامارات مول؟ غاليه:هيه.. سلطان:سالت سونيا عنكم قالتلي انكم في المول غاليه:شو المطلوب الحين؟ سلطان:ماعليج امارة..ابغي ماكدونالد غاليه:مارووم..شاله يميع الاجياس سلطان:الله يخليج ..ارئفي باخوج غاليه:مع السلامة مريم:منو هذا؟ غاليه:ولدج مريم:شو يبا؟ غاليه: يبغي ويبه كاملة من ماكدونالد...وانا مارووم اروح واشتريله مريم:حرام عليج..قومي ناخذله غاليه:اكيد هذا ع قلبج .. مريم:صدق مافيج خير ياغليوه ..يايه معاج ولاتشكرين غاليه:اسولف معااج..يلا عيل بتصل بمحي الدين وبنروح لماكدونالد مريم:ليش تتصلين انا قايلتله 6 والحين 6 وعشر غاليه:اوكي يلا نسير وعند ماكدونالد..صوب الكافيهات مشت غاليه بخطوات ثجيله وهي شاله الاكياس لكن في شي خلاها توقف وتتجمد مكانها ...ويطيح جيس من يدها ع الارض.. نهآية آلجزء |
الجزء الاخيييييييييييييييييييييييييييير خالتها مريم:شبلاج؟؟؟بسم الله عليج غاليه:ماعرفت كيف تتصرف واظهرت من المول بدون ماتلتفت لخالتها مريم مريم:غاليه ...غاليه وفي السيارة مريم:شبلاااج؟مااشترينا ماكدونالد لاخوج غاليه:..... مريم ماعرفت شوسالفتها..بس ما رامت تسكت....يعورج شي؟ غالية:لااا....محي الدين محي الدين:نعم؟ غاليه:مر ع ماكدونالد فطريجك مريم: لاحول ولاقوة الا بالله ومن وصلو البيت ادخلت غالية غرفتها واقفلت الباب غالية فخاطرها:ما صدق اللي شفته...مستحيل..مستحيل يكون... وطاحت ع السرير ونامت من الصداع الشديد اللي صابها وويهها كله دموع مريم يلست في الصالة تتنظر وصول بوخالد او خالد حتى يعرفون شو فيها.. ولما دخل خالد البيت زكرته مريم وسلم عليها مريم:وعليكم السلام والرحمة ..ابويه بغيتك بسالفه خالد:خير؟ مريم:اليوم وانا رايحة مع غاليه مول الامارات .....الخ خالد:ماعليه الحين بسير بشوفها وبطمنج...لا تحاتين مريم:هيه بويه قوم وشوفها وتوجه خالد لغرفة غالية ودق الباب ولما دخل كات توها قايمة من الرقاد غاليه:نعم خالد خالد: ياي اعرف شواللي صارلج اليوم؟ غالية:خالتي مريم خبرتك؟ خالد:تحاتيج غاليه: ماصار شي خالد:لا ..صار..قولي احسن لج غاليه:شفت شي وانصدمت منه خالد:شو؟؟ غاليه:شفت ...حتى ماحب اطري اسمه خالد؟سيف؟؟؟ غاليه:هيه خالد:وشويعني؟ غاليه: معاه وحده خالد:اهاا.. غاليه:كانو يالسين مع بعض في المطعم... والوناسة باينه فويهه خالد:انتي بعد ان شالله تتزوجين ولد الحلال اللي يسعدج غاليه:.... وبعد مرور عدة اسابيع سلطان توجه الى شغله ولما وصل يوسف:اتاخرت سلطان بدون نفس:تعرف الزحمة يوسف:سو مثلنا..اظهر من البيت من وقت سلطان(مااتحمل اسلوبه الجاف):والحين شوالمطلوب مني حمدان صد صوبهم:يالله صباح خير ويلس سلطان ع مكتبه وبدا شغله ، وبعد ربع ساعة المدير مر حذال مكتبهم متوجه للمكتب اللي حذالهم ويوسف من لمح المدير سار صوبه سلطان وهو يلتفت لحمدان:بدينا.. حمدان:طنشه يا سلطان..ولاتاكل قلبك سلطان:انا المنقهر منه... انه شاطر وهو مايستاهل حمدان:انت اشتغل ومالك شغل فغيرك سلطان:آآآآه..طنش تعش حمدان:واشرب ميراندا وانتعش سلطان:هههه..شهيتني فيه وقبل لا يخلص الدوام بساعة طلب المدير سلطان فمكتبه سلطان(فخاطره):ان شاالله ترقيه عقب خمس سنين شغل فنفس القسم وفي مكتب المدير سلطان:مرحبا بوعوض بوعوض:مرحبتين...تفضل يا سلطان سلطان:دام فضلك بوعوض:سلطان سلطان:نعم؟؟ بوعوض:من كم سنة وانت موظف عدنا؟ سلطان فخاطره :الترقيه :من خمس سنين بوعوض:خمس سنين ماشاالله...يعني نحن عارفينك وانت عارفنا سلطان:..... بوعوض:قصدت...فهالخمس سنين يا سلطان كسبنا واحد من احسن الموظفين عدنا سلطان:تسلم بوعوض:ولاني اعزك وابغيك دايما تكون في الصدارة... عندي ملاحظة وحده بس حتى تكون مثال للموظفين سلطان:..... بوعوض:لا تتاخر...الدوام يبدا 8 وانت توصل 8 ونص كل يوم...واذا تقول زحمة فكلنا نواجه نفس المشكلة والحل بسيط ..اظهر من البيت من وقت سلطان فهااللحظة عينه ع الارض..وفخاطره:سويتها فيني يا يسوووف.. وظهر سلطان من مكتب المدير من دون ما يسلم قبل لا يظهر...وفهاللحظة سلطان نسى ان الدوام ماخلص فظهر من الدايره وركب سيارته ومثل كل مرة ظهَر عصبيته ع السيارة وساق بسرعة جنونية ولكنه ماراح للبيت مباشره لكنه توجه لخالد في المحل... سلطان:السلام عليكم خالد:وعليكم السلام ورحمة الله وبركاته ..يا مرحبا و سهلا فبومايد..نور المحل...اليوم مريت ع بالي يا ريال سلطان وعينه ع يده اللي تتراقل من العصبية:عندك عصير خالد:حاظرين للطيبين...جميل هاتلنا اثنين عصير مانجو سلطان:......... خالد:شبلاك اليوم..مو ع طبيعتك سلطان:واحد حرقلي اعصابي خالد:خله يولي سلطان:اتخيل عقب خمس سنوات وانا اشتغل في الدايره ايي واحد ماكمل شهرين يتكبرعليه خالد:لاتحرق اعصابك واشرب هالعصير سلطان:اتخيل يا خالد انه كل يوم يروح للمدير يواشي علينا خالد:افف..هذا داهية سلطان:الغصة انه يوصل من الوقت ويخلص شغله من وقت وهو عفريت في الشغل..هالقاهرني..مااقدر امسك عليه شي خالد:اصبر يا سلطان..مالك غير الصبر سلطان:اصبر؟تعرف اني صبرت عليه وايد ..تصدق انهم شهرين لكن بالنسبة لي كانهم سنتين..اتخيل من ثاني يوم وهو في الدايره ينتقد شغلي ويظهر لي اخطاء وكل يوم يخبر المدير اني ياي متاخر واليوم المدير طلبني عسب هالسالفة خالد:وانت الله يهديك ويصلحك ضروري تتاخر..انت هالمرة اسمحلي اقولك اياها..انت غلطان سلطان:ادري اني غلطان لكن لو المدير مكلمني من دون مواشاة الاخ كانت بتفرق..والله اني بتقبل الموضوع خالد: الحل انك اداوم من وقت حتى مايقدر هالموظف يمسك عليك شي سلطان:انا خلاص بفنش خالد:ليش؟انت ع بالك كل يوم بتحصل وظيفة سلطان:عادي..بشتغل معاك خالد:احلف انت سلطان:آآآآه..ياخالد استويت اكره اسير الشغل واجابل ويهه خالد:تعوذ من الشيطان سلطان:هو بكبره شيطان خالد:ههههه...استغفر الله العظيم..ياخذ اجرك سلطان: حسبي الله عليه مغصص عليه دنيا واخره وفجاه يسمعون صوت الموظفين اللي بدا يعلى بالسلام خالد:اكيد هذا عمران سلطان:عمران؟؟ في نفس الوقت كانت غاليه تكلم ربيعتها اليازيه ع الموبايل ومافيه قلب غاليه لليازيه الا كل خير اليازيه:انتي مشغولة هالخميس؟ غاليه:ابدا.. اليازيه:عيل انا يايتنج غاليه:حياج الله..متولهة عليج وااايد اليازيه:ياربي احس اني من سنة ماشفتج غاليه:نفس الشعور اليازية بصوت حزين: آآآه ياغالية انا ظايجه واحس حياتي كئيبة غاليه:بسم الله عليج..ليش عاد اليازيه:امي غامظتني حالتها...... تعبانه من الهم غاليه:لاحول ولاقوة الا بالله اليازيه:ادري انج بتتظايجين لاني بفتح موضوع سيف لكن مالي غيرج اظهرله همومي غاليه:لا..عادي..انا ...خلاص نسيت الموضوع اليازيه:بخبرج بخبر مركالصاعقة ع بيتنا.. غاليه:... اليازيه:سيف فاجئنا وتزوج من دون علمنا غاليه وهي تتذكر الموقف اللي مرت فيه في المول:حسبي الله ونعم الوكيل اليازيه:تقريبا من شهر و نص...اتخيلي لايزورنا ولاحتى يكلمنا في التلفون...بس شواقول غير حسبي الله عليها..كله منها هي السبب غاليه:وانت شدراج؟ تحطين فذمتكج اليازيه:حبيبتي نحن سالنا عنها ..وبالتحديد سالنا عمتها وطلعت اللي ماتنذكر مسويه عمل لاخويه حتى عمتها سمعتها مرة تكلم واحد عن العمل غاليه:اعوذ بالله ..اعوذ بالله..ليش ماتقرون عليه..تصرفوا اليازيه: مانقدر ..بالله عليج يعني نسحبه ونوديه عند المطوع مثلا..هو هب راضي غاليه:مالج الا الدعا ادعيله اليازيه:والله ياغاليه من اصبح لامسي وانا ادعيله وبعد ماانتهت المكالمة يلست غاليه ع الكنبة وهيه تفكر باللي يصير فخاطرها:معقولة اكون ظلمته؟الله يعافيه ويرجعه سيف الاولي واحسن وفي مكتب خالد وبعد السلام وكل واحد اتعرف ع الثاني عمران: انا ياي اشوف الكشوفات خالد:دقايق وبتكون جاهزه صد عمران لسلطان: وين تشتغل يا بومايد؟ سلطان:في الدايره الاقتصادية عمران:مرتاح؟ سلطان:الحمدالله.. فخاطره:اسميني مرتاح!! عمران:شكلك مرهق سلطان:واايد ودخل خالد وبيده الكشوفات:تفضل سلطان:اسمحولي..بسير البيت بريح راسي شوي خالد:ع راحتك سلطان:مع السلامة.. عمران:مع السلامة.. ورجع سلطان للبيت من دون مايتغدى وصرط حبتين بندول ورقد من التعب والاعصاب في المكتب خالد:هههه...محد خبرني بالسالفه عمران:تضحك؟اقولك وقف قلبي ...زين مادعمتها خالد:الحمدالله ع كل حال عمران :هيه اختك؟ خالد:لا..بنت عمي عمران:اهااا خالد:اخت سلطان عمران:بصراحة يا خالد..انا مب عارف شو اقولك..بس مثل ماتعرف انا انسان مايحب اللف والدوران...لذلك..انا ...انا حب اناسبكم خالد بذهول:بهالسرعة؟ عمران:هيه بهالسرعة...خير البر عاجله خالد بابتسامة:فاجأتني... عمران بصوت متفاعل:هيه تدرس او تشتغل؟؟حد متقدم الها؟ خالد:شوي شوي يا ريال..البنت بعدها تدرس فاخر كورس..ولاتخاف محد متقدم الها عمران:واذا عمك عنده أي سؤال عني انا جاهز للاجابه خالد:والله يا عمران ما ظن يلاقي احسن عنك عمران:تسلم العصر نش سلطان من النوم وهو يحس بدوخة قوية ودقات قلبه متسارعة واول ماقام من السرير حس بدوره فيلس دقيقتين وبعدها قام مرة ثانية ..فنزل تحت وراح صوب امه سلطان بصوت مرهق:ام سلطان ام سلطان:عيونها سلطان:انا تعبان ام سلطان:سلامتك..كله من اليوع..تبغيني انجبلك الغدا سلطان:لاا مو مشتهي ام سلطان:قبل شوي سويت خبيصة غاوية تبغيني اغرف لك منها؟ سلطان:هيه..خبيصتج لاتقاوم ام سلطان:بالعافية الغالي سلطان:ع قلبج..عيل وين البنات؟ ام سلطان:سلامة تذاكر في الميلس باجر اخر يوم في الامتحانات و عواشه فبيت خالك..ميرة عازمتنها سلطان بابتسامة:مانخطبت؟ ام سلطان:هيه... خطبها واحد من العين لكنها مابغته سلطان:نصيب.. ام سلطان:صدقت .. بعد اسبوع... الساعة 3 ونص الفجر سلطان:غاليه..هالصيف عرسنا فتحت غاليه عينها بالقوو غاليه وهيه تبلع ريجها:كان حلم... غاليه سمعت صوت سلطان في الحلم من دون ماتشوفه ومن لحظتها ماقدرت ترقد..فظهرت من السدة ورقة وقلم ازرق جاف ورسمت خط راسي فنص الورقة، وكتبت ع الناحية اليمين اسم سلطان وعلى الناحية اليسار اسم سيف وقررت تكتب ايجابيات كل واحد،وبدت بسلطان كريم..يصلي..يزور ارحامه..مرح وفيه روح النكته والسوالف..يعين ويعاون..راحم امه..يحب خواته ومايردلهم طلب..خلوق..فيه وسامه..اجتماعي اما سيف فكفايه انه جرح مشاعري..ادري انه مش طبيعي لكني اصبحت مااشوف فيه الا ايجابية وحده ..انه عايش قريب من بتنا..وتركت مساحة سيف فاضية غاليه فخاطرها:ولد عمي شوفيه..مايعيبه شي..بس انا طول عمري اشوفه ولد عم وبس ومعزته مثل معزة خالد...يالله ...احسن شي استخير وصلت صلاة استخارة وبعدها رجعت لسريرها ونامت وهي موكله امرها للوكيل في وقت الظهيرة فبيت بو سلطان.. سلامة:انا مو مصدقة...am free عاشه:اللي يسمعج مايقول من اسبوع مخلصه وبعدج حبيبتي باقيلج سنوات الجامعه سلامة:المهم..انا ارتحت من مسمى يطلق عليه المدرسة...الحمدالله الحمدالله انا افتكيييت..بس ان شا الله اييب نسبة اعلى من نسبة الاخ اللي حذالج سلطان:بنشوف يا عبقرينوو سلامة:انت بس جهز اللي اتفقنا عليه سلطان:هيه جاهزة بس انا متوقع الف بالميه انج مابتيبين نسبة اعلى من نسبتي سلامة:يبق آبلني سلطان:ههههه...نشوف وبعد ساعة اظهروا من البيت وراحو بيت يدتهم سلطان دخل ميلس الرياييل والبنات وامهم ادخلن البيت واتفاجؤو بغالية اللي كانت يالسه في الصالة فحظن يدتها وحذالها خالتها مريم تشرب استكانة شاي ويالسه تتصفح الجريده عاشه:شوهالمفاجأة الحلوة؟؟ غاليه:شفتي عاد..شفنا الغدا زهب من وقت قلنا نشله ونتغدا جماعة سلامة:شوغداكم؟ غاليه:كشري سلامة:يا سلاااام ام عبدالرحمن:وانا مسوتلكم صالونة دياي ومشواي عاشه:الله!!!..شوالغدا الفاخر.. ام عبدالرحمن: غاليه..امّي..قولي للبشكارة تنجب الغدا حق الرياييل غاليه:ان شا الله ام سلطان:خليج انا بزكرها غاليه:لا والله ..ارتاحي خالو ام سلطان:فديتج ام عبدالرحمن: غاليه حبيبتي..بتحصلين في الثلاجة رطب ..اغسليه وخلي البشكارة توديه للرياييل غاليه:ان شاالله... ام سلطان:ماشا الله طاح الرطب؟ ام عبدالرحمن:هذا ميوب من عمان ام سلطان:هيه..ما شا الله وفي ميلس الرياييل العايله ملتمة ع السماط(السفرة) الدائرية من اليمين أحمد وخالد وبوخالد وسلطان وحذاله يالس بو فيصل يارهم من سنين بوخالد وهو يوجه الكلام لسلطان: وين ابوك؟من اسبوع ما شفته؟ سلطان:مسافر..من يومين تقريبا بوخالد:وين ماشا الله؟ سلطان:ساير قطر بوخالد:شوعنده؟ سلطان:عازمينه ع عرس... بوخالد:اخاف الا ابوك ماخذله الثالثة ويقول انه ساير قطر سلطان:ههههه..لا ..لاتخاف عمي بطاقة العرس موجودة فبيتنا بوخالد:الله يهديه ويصلحه بوفيصل:شورايك يابوخالد نسير العمرة؟ بوخالد:تصدق يا بو فيصل يبالنا نسير ونريح اعصابنا سلطان:خذوني معاكم..بريح اعصابي شوي خالد:بعدك تعاني؟؟ احمد:من شو؟ سلطان: من هالعنز اللي عدنا في الدايره احمد:توك تلبي بالعمرة والحين تسب الريال سلطان:استغفر الله العظيم..لاتذكروني فيه وبعد ماتغدوا الرياييل وكلوا اليح و البطيخ المقطع يلسوا الشواب يسولفون اما الشباب يلسوا يلعبون ورقه ودلةالشاي حذالهم احمد:منو يتحداني خالد:انا اتحداك احمد:بنشوف...ههه ربحت خالد:اففف سلطان:بسكم عاد.. خالد:شبلاك..اذا مزاجك متعكر فلا تعكر مزاجنا سلطان:خلوود... خالد:نعم سلطان:من يومين خذت لي حدايد يديدة..لكن شو؟ثجال(رفع الاثقال) خالد:ابغي اشوفهم سلطان:تعال بيتنا احمد:انتو سيروا... انا فيني رقاد خالد:يلا..مشينا وفي ملحق سلطان الرياضي سلطان:شورايك؟؟ خالد:اشوفني كل اسبوع بمر ادرب عندك سلطان بابتسامة خبيثة:الغالي مافي شي ببلاش هالايام خالد:ياالبخيل..مادري ع منو طالع سلطان:اسولف ياريال خالد بجدية:سلطان...فيه موضوع ابغي اكلمك فيه سلطان:شو؟؟ خالد:تعرف عمران؟عمران اللي شفته في المكتب سلطان:هيه ..شبلاه؟ خالد بابتسامة عريضة: الريال وده يناسبنا سلطان(مصدوم):عمران؟؟ خالد:هيه ..ريال والنعم فيه... سلطان(فخاطره): مالي امل فيج..ياغاليه خالد:انا ابغيك تكلم اختك في الموضوع وان وافقت خبر ابوك بالموضوع ..مافينا يجبرها ع واحد ماتبغيه سلطان بحيره:واختي شلها بالسالفه خالد:سلطان..اقولك عمران يبغي يناسبنا ..الريال يبغي يخطب عاشه سلطان:الحمدالله..اقصد وهو شعرفه انه عندي اخت؟ وخالد ماقصر قال لسلطان كل اللي صار سلطان:بصراحة مابنلاقي احسن عنه..يلست معاه مره وحده لكن كأني اعرفه من سنين..ريال واضح خالد:متى بتشاور اختك؟ سلطان:اصبر خلني اسال عنه في البدايه..صح نحن نعرفه لكن بعد بنسال ثاني يوم بعد اذان الظهر غالية يالسه في الصالة اتجلب القنوات ادخلت ام سلطان الصالة بعد ما القت نظرة ع الغدا: غاليه غاليه:نعم خالو ام سلطان: الغاليه سيري وعي اخوج سلطان عن اتطوفه الصلاة غالية:ان شاالله واتجهت غاليه لغرفة اخوها ودقت الباب مرتين وادخلت غاليه:سلطان...سلطان..قوم اذن الظهر سلطان وهو يغطي راسه: شووو؟؟ غاليه:اذن الظهر..قووم سلطان:اطلعي برع غاليه:بدت الاجازة وبدا الفساد سلطان:افففف... غاليه:قوم احسن لك سلطان:قمت قمت..كلتيني غاليه:هذا يزاتي؟ سلطان من دون نفس:يزاج الله خير...رضيتي غاليه:قوم اتسبح ..قوم سلطان:ان شا الله ودخل سلطان عزكم الله الحمام يتسبح ويلست غالية ترتب غرفته..افتحت الدرايش(النوافذ) ورتبت السرير وهي ترتب المخده طاح موبايل سلطان ع الارض غاليه:الله يستر وشلته من ع الارض ولله الحمد ماصار ع الموبايل شي غالية فخاطرها: يمكن عنده مسجات حلوة..بطرشها ع موبايلي ويلست غاليه ع الكرسي تنتقل من مسج للثاني غاليه:ظهرت هب هين يا سلطان شوهالمسجات الرهيبة..كله حلوو ولما وصلت للمسج الواحد والعشرين:هذا مش غريب عليه...واصلي ولما وصلت للمسج السته والعشرين:هذا بعد قارتنه.. اظهرت غاليه من غرفة سلطان وراحت للصالة وشلت موبايلها من ع الطاولة ويلست تدور ع نفس المسج اللي واصللها غاليه:هذوو..بس هالمسج ماله اسم..انا ماحيدني طرشته لسلطان ويا فبالها تشوف المسجات اللي توصللها من دون اسم هيه صحيح حذفت كذا واحد لكن فيه مسجات نست تحذفهم.. وظهر سلطان من حجرته:غاليه..شفتي موبايلي؟؟؟ غاليه بنظره حاده:............. سلطان:شبلاج..بتاخر عن الصلاة..شفتي موبايلي؟ غاليه:هيه..بس مابعطيك اياه سلطان باستغراب:ليش؟؟ غاليه:عقااااب سلطان باستغراب:ليش..انا شو مسوي؟ غاليه:ماتعرف شومسوي؟ سلطان:ههههههههه...افاااا صدق المثل اللي يقول حبل الجذب قصير غاليه:يا...شواقول عنك..طول هالمدة وانت اتجذب عليه.. سلطان:ههه..بس حلوو غاليه:انت من وين متعلم هالحركة؟ سلطان:من رباعتي غاليه:رفقاء السوء.. سلطان:لا حرام عليج...بس انتي ليش ماحاولتي تعرفين اقصد ليش ماخبرتي خلود غاليه:خفت تصير مشكلة... ياالسخيف سلطان وهو يمد يده:عطيني اياه.. غاليه:انا قلت عقاب وهذا يعني شهر كامل مابتشوفه سلطان:بلييييييييز غاليه:اذن الامام الاذان الثاني..روووح سلطان:افف..لما برجع باخذه غاليه:ههه..في الاحلام يا حبيبي سطان:بخبر عليج امايه غاليه:عادي..انا بخبر ابويه ..بخليه يطيح فيك ظرب بالعقال سلطان:لا لا ..كله ولا العقال..يلا سلام غاليه:مع السلامة..يا ..يا خطير..بس ليكون مسوي هالحركة فغيري بعد؟ سلطان:بس انتي بغيت اسويها فربيعي بس ماقدرت عرفني من ثاني مرة.. غاليه:اهاا..يلا ابويه ..توكل فخاطرها:حسبي الله ع بليسك..فعمري ماشكيت فيه..صدق اللي قال تحت السواهي دواهي.. اما في الشارجة وبالتحديد عند سلطان في الشغل حمدان:شكلك تعبان ومرهق..سير بيتكم وارتاح سلطان:لا انا بخير ومافيني شي..وبعدين ماتم ع الدوام غير ساعه يوسف:اذا عندك شغل وما خلصته عطني اياه انا بسويه عنك سلطان:لا شكرا..تاملي شغل بسيط وبعد ماخلص الدوام ظهر سلطان من الدايره وركب سيارته وفنص الطريج وبالتحديد امام الاشارة الحمرا،سلطان ماقدر يتحمل الصداع الشديد الفظيع اللي صايبنه.. سلطان وهو يفتح سدة السيارة: وين البندول؟؟؟وينووه؟ لما ظهر ورقة البندول ماحصل فيه ولاحبه... سلطان:حسبي الله ونعم الوكيل وصارت الاشارة خضرا ، لكن سلطان ماتحرك..هالمرة ريله (رجله) مو مساعدتنه..ودقات قلبة متسارعة..ويحس بدوخة قوية.. بصوت خيفان:يارب ...مااقدر اسوق .. الهرنات ماسكتت لحظة شوي..ياناس ..لحظة..الهرنات ماوقفت..ودقات قلبه تتسارع وتتسارع...نزل الدريشه...لااله الا الله..لااا اله الله محمد رسول الله ..ابغي ماي..ريجي ناشف.. طلع واحد من سيارته وراح لسيارة سلطان.. الريال :ياالاخ..يالاخ وسلطان مايرد...... الساعة اربع ونص فبيت بوخالد العايله مجتمعه ع الكيكة النسكافيه اللي يايبنها خالد باستثناء ام سلطان(مريم) اللي رايحه بيت اختها خالد بدون صبر:يلا عاد استعيلي..قصي بسرعة غاليه:مب يووع هذا؟ خالد:يلا عاد..ان ميت من اليوع بوخالد:وين القهوة؟؟هذا وقتها غاليه:اصبر ابويه بقطع الكيك وبصبلك القهوة ويرن موبايل خالد خالد:الو...نعم خالتيه...شو؟؟فأي مستشفى؟؟شوفيه بالضبط..يلا يلا ياي..انا في الطريج بوخالد:شو صاير؟؟ خالد:سلطان ولد عمي في المستشفى؟ بوخالد وهو يقوم من ع الكرسي: بسم الله عليه..شوصايرله؟ خالد:ماعرف..الحين بسير له بوخالد:ثواني وبلبس ثيابي..اترياني خالد:ان شاالله..بسير اشغل السيارة غاليه وقلبها يدق بالقوو:سلطان..شي فيه؟ خالد:والله ماعرف..امه ماقالتلي شي غاليه:لاحول ولا قوة الا بالله وادخلت غاليه غرفتها وشلت موبايلها من ع السرير ويدها ترتجف من الخوف..واتصلت بعاشه غاليه:الو...عاشه؟ عاشه بصوت تعبان:الو غاليه:خير..شو فيه سلطان؟ عاشه:حصلوه مغما عليه في السيارة غاليه بهلع:لا تقولين عاشه:والدكتور بعده ما يا يطمنا غاليه:الله يبشركم بسلامته عاشه:امين...غاليه..ادعيله وبدت تصيح غاليه:عاشه..شبلاج؟؟اذكري الله ..الصياح ماينفع عاشه:انتي ماتعرفين شكبر معزة سلطان فقلبي غاليه:حسبي الله ونعم الوكيل عاشه:بخليج الحين الدكتور ياي غاليه:طمنيني..لاتنسين عاشه:ان شاالله وبعد نص ساعة اتصل خالد غاليه بلهفة:الو خالد.شو قال الدكتور؟؟ خالد:يقول استواله هبوط شديد في الضغط،وسببت له دوخة ودقات قلب سريعة.. غاليه:لاحول ولا قوة الا بالله..والحين؟ خالد:الحمدالله..الحين هواحسن...راقد وحاطيله مغذي غاليه:متى بيظهرونه؟؟؟ خالد:اتوقع باجر...الدكتور يقول هبوط الضغط اقل ضرر من ارتفاعه غالية:الحمدالله خالد:خالتي مريم رجعت البيت؟ غاليه:لا بعدها ..وانا ماخبرتها خالد:احسن.. وبعد ما صكرت عن خالد شلت المصحف من ع الطاولة ويلست تقرا سورة مريم وبعد ما خلصت قرايه رجعت المصحف مكانه ويلست ع الكرسي وحطت راسها ع الطاوله..واتذكرت ايام الطفولة وبالتحديد فبيت ام عبدالرحمن كانو كل جمعه يجتمعون فبيت يدتهم من الصبح لبعد صلاة المغرب..اتذكرت الدكان اللي كانو يسيروله كل عصر ويشترون منه بفك وكاكاو هوبي...كان سلطان هو اللي ياخذهم للدكان يحسب عددهم قبل لايظهرون من البيت وبعد مايرجعون.. واتذكرت غاليه موقف مر عليها وهي تقريبا بنت 8 سنين،لما عاشه طلبت من الدكان ونسوا يشترولها بفك ولما وصل راعي الدكان كل واحد خذ اللي له ويلست غاليه بعيد عنهم والدمعه فعينها فسارلها سلطان وعطالها البفك اللي كان شارنه لعمره،وراح لعاشه ونشع اذنها وقال:مرة ثانية لاتنسين غالية طاحت دمعه من عين غالية وهيه تتذكر الموقف..فتحت سدة الطاولة وحصلت عشرين درهم ...مباشرة شلتهم وراحت لشغالتهم سونيا ..بنية دفع بلا عن سلطان ثاني يوم ظهر سلطان من المستشفى ومباشرة راح بيت ام عبدالرحمن اللي حلفت انه يرتاح فبيتها...ولما دخل البيت ام عبدالرحمن:فديت الغالي..يالله عسى فعدوينك ولا فيك احمد:آآآه لو ادري جان مرضت عمري ام عبدالرحمن:خسك الله مافيك خير...خوز عني سلطان:انا يوعان...ام عبدالرحمن وين رايحة؟ ام عبدالرحمن:بسير انجب لك الغدا سلطان:خلي الشغاله تنجب الغدا انتي ارتاحي ام عبدالرحمن:لا والله..مسويه صالونة لحم اللي تحبها سلطان:الله!!! ام عبدالرحمن:بس الحين اشرب هالكاس سلطان:شوهذا بعد؟ ام عبدالرحمن:ماي وشكر سلطان:بعدين..بعدين بشربه ام عبدالرحمن:عن الدلع..اشرب سلطان:ان شاالله ان شا الله..وين ام سلطان؟ احمد:ابويه بيرجع اليوم فراحت البيت اتجهز الغدا ام عبدالرحمن:اقرب سلطان:بسم الله ام عبدالرحمن: لا والله انا بغديك بيديه احمد:سلطان..لاتطول اليلسه سلطان:هههه..تغاار عبدالرحمن:كلكم واحد..وبعدين هذا مب وقته تغار..ماتشوف اخوك كيف غادي احمد:هيه ..اشوفه..حبيبتي ام عبدالرحمن..انا بعد لقميني عبدالرحمن:عندك ييد..كل ابها احمد:وشمعنا سلطان السي سيد تغدينه؟ عبدالرحمن:حشى..افتح حلجك انت الثاني سلطان:خلاص انا مابغي اتغدى...انا ما كل ورا حد ام عبدالرحمن:اللهم طولج يا روح وبعد صلاة العصر قرر خالد يزور سلطان في بيت الجدة وغالية راحت معاه حتى تونس عاشه وسلامة وفي بيت الجدة البنات يالسين في الغرفة اللي حذال الصالة ..سلامة يالسه ع اعصابها لان النتايج باجر..وعاشه وغاليه ياكلون بفك الامارات ويشربون كندراي الاسود خالد وسلطان واحمد واليدة يالسين مع بعض واليدة يالسه ترمس يارتها عالتلفون خالد:شوقررت تسوي في الشغل؟انا اقول خذلك اجازة احسن سلطان:لا ..شوف مافيه شي فالدنيا اهم من صحتي وانا قررت انافس هاليوسف واكون احسن عنه وان شا الله يرقوني.. وفي الجهة الاخرى.... سلامة:ياحظكم مرتاحين عاشه:الله اكبر غاليه:انتي شوتحاتين ؟ سلامة:احاتي النسبة... غاليه:حبيبتي اخرتها بتدرسين في الجامعه وتحصلين الشهادة وتيلسين في البيت تتريين ولد الحلال عاشه:جيه حبيبتي انتي ع بالج كل الناس مثل عمي...نحن ابونا عادي عنده نشتغل بس عاد مايكون المكان مختلط غاليه:هههه..ضحكتيني حتى ابويه نفس الشي لكن الغالية وين هالمكان اللي مافيه اختلاط؟خبريني واذا فيه فمافيه شاغر عاشه:عادي..انا اصلا ماافكر بالشغل..انا ابغي ارتااااااااح سلامة:مالت عليج...انتي انسانة بلا طموح عاشه:خليت الطموح لج وفجأة يسمعون ضحكة قويه غاليه:بسم الله..منو هذا؟ سلامة:هذا اكيد احمد ويسمعون صوت اليدة اللي تفاتن ع الشباب ام عبدالرحمن:وانتو متى بتعرسون؟ خالد:ان شاالله قريب ام عبدالرحمن:قريب؟؟وانت يا الغالي متى ناوي تخطب؟ سلطان:انا؟؟والله شو اقولج يا ام عبدالرحمن؟ اشورايج انتي تخطبين لي ام عبدالرحمن: وشله اتعب عمري والبنت موجوده...خذ بنت عمك غاليه..ماراح اتلاقي احسن عنها وغاليه كانت بتاكل البفك الثاني لكنها من سمعت الرمسه اتيبست وويها غدا احمر، وعاشه وسلامة يشوفونها ويضحكون سلطان: والله اذا بتوافق انا ماعندي مانع(وكان متعمد يعلي صوته) خالد سكت واكتفى بابتسامة سلطان فخاطره:طلبتج ياغالية لاترديني.........طلبتج غاليه بعصبية :سلموه..قومي افتحي التلفزيون هذا وقت مسلسلي عاشه:اونها عاد مستحية غاليه:عواش..اسكتي احسن لج اليوم الثاني الساعة عشر الصبح سلامة يالسه حذال عاشه اللي اتحاول اتظهر نتيجة اختها لكن الزحمة ع الموقع مخلية الموقع بطيء سلطان وهو يدخل الحجرة...شو الاخبار ؟ سلامة بتوتر:بعدني ماشفتها .. عاشه:فتح..فتح سلامة:بطني يعورني...ما بشوف...بشري عاشه:انتي خمني سلامة:عواش..قولي عاشه:84و6 من عشرة سلطان:هههه...قلت لج محد يقدر يطوفني..انا اشطر واحد فيكم عاشه:سلموه..تصيحين؟؟اعلى عني يا ذكية سلامة:مب حلوة النسبة سلطان:ياالعنز غيرج يتمنى ينجح..قولي الحمدالله سلامة:الحمد الله سلطان وهو يقترب من اخته اتفضلي سلامة(وهيه تمسح دموعها ):شوهذا؟ كان ظرف ابيض عاشه:يلا عاد افتحيه سلامة:هذي الفين درهم..بس انا سلطان: اصلا في كل الاحوال كنت بعطيج اياها سلامة:شكرا بس الاتفاق كان الف سلطان:شو اسوي ؟اخوج راهي عاشه:شمعنا؟؟وانا يوم نجحت يبتلي مسجل مع dvd بخمسمية درهم بس سلطان:اففف..اوه اتذكرت شي مهم..يلا مع السلامة سلامة بابتسامة: شكرا ..ماتقصر يا بومايد عاشه :انا بعد عندي هديه...(قامت من ع الكرسي وحبتها ع خدها) هذي هديتي سلامة: تصدقين هذي احلى هدية حصلتها(بسخرية) عاشه:ادري ويرن موبايل عاشه غالية:بشري عاشه:84 و6 من عشرة غاليه:الف الف مبروك...عطيني اياها بباركلها عاشه:اندوج سلامة:الوو غاليه:الف مبروك حبيبتي سلامة:الله يبارك فحياتج غاليه:خالو حذالج بباركلها سلامة:ام سلطان اظهرت من البيت راحت الجمعية غاليه:اكيد تشتريلج كيكة سلامة:هههه..يمكن.. عاشه:غليوه صكري بنبشر امنا غاليه:يلا مع السلامة عاشه:عطيني مو بايلي سلامة:اندوج عاشه:الو...ام سلطان..بنتج انجحت ام سلطان:الحمدالله..بشري كم النسبة عاشه:60 وصفر من عشرة سلامة بصوت عالي:اتقص عليج لا تصدقينها ام سلطان:عطيني سلموه سلامة:الو ..يبت 84 و6 من عشرة ام سلطان:الف مبروك حبيبتي الف الف مبروك..الحمدالله الحمدالله وفي بيت بوخالد ...ع العشا غالية حست بشي غريب ..الكل ياكل وهو ساكت وعينهم ع بو خالد بوخالد:خلصي عشاج وتعالي غرفتي غاليه:ان شاالله خلصت غالية عشاها وراحت لابوها..دقت الباب وادخلت بوخالد:غاليه غاليه:نعم ابويه بوخالد:تعالي حذالي غالية بابتسامة:ان شا الله بو خالد :تتذكرين حميد بن راشد؟ غاليه:هيه ..شو سالفته بعد؟ بوخالد:مازال عنده امل..شوتبغيني ارد عليه؟ غاليه:نفس الرد اللي دايما يسمعه بوخالد وهو يمسك ييد بنته:فيه شخص ثاني متقدم لج غاليه وقلبها بدا يدق بسرعة:.......... فخاطرها ليكون... بوخالد:شوفي مهما يكون ردج فأنا بكون معاج غالية:... بوخالد:سلطان ولد عمج رايدنج..شورايج ؟ غاليه :لاا بوخالد:لا؟ليش لا؟عطيني سبب مقنع للرفض..غالية حبيبتي ..البنت مو كل يوم بيخطبها ريال متربي واخلاقه عاليه..وانا ماامدحه لانه ولد اخويه...لكن عارفينه وعارفين اطباعه والكل يمدحه ويشكر عليه...واذا عندج سبب مقنع فأنا معاج غاليه:هيه ..عندي سبب بو خالد:وشو هو السبب؟ غاليه:انا ماركب الا فرويل واضحكت..واظهرت من غرفة ابوها بوخالد:خسج الله..هذا سبب؟هههه سلطان يالس حذال التلفون ينتظر الرد ع احر من الجمر وعاشه يالسه حذاله تجلب مجلة لها ام سلطان:سلطان..قوم هات سلامة من بيت خالك سلطان:ماقدر.. ام سلطان:انت ع بالك الرد يكون فنفس اليوم؟...اصبر شوي.. سلطان:محد كثري صبر.. ام سلطان:يلا عاد رووح سلطان:ان شاااااااااا الله راح سلطان لسلامة وماكمل عشر دقايق الا وهو راجع البيت ام سلطان:بسم الله..مسرعك سلامة:طار فيني سلطان:بشري..اتصلوا؟؟؟ سلامة:منو؟ عاشه:رفضت سلطان:جذابه ام سلطان:عاشوه..حرام عليج....وافقت العروس سلطان:عيدي اللي قلتيه...انا ماسمعت؟ عاشه:وااافقت سلطان:ام سلطان..قوليلهم هالخميس الملجة ام سلطان:اتخبل هذا؟ سلطان:ياالله...يالله..ماعرف شواسوي..(شوي وبيطير من الفرحة) عاشه:بسم عليك...وين رايح؟ سلطان:بروح اشتريلي نعال من انطونيو بشيوتي وبفصلي ست كنادير من عند الغواص..يا سلاام..انا مو مصدق....مو مصدق غاليه رفضت تكون الملجه عقب اسبوع فملجوا بعد شهر..وسلطان من ملج وهو يوميا يطرش لها وردة بيضا بعروق حمرا اما عاشه فخذت مدة طويلة حتى تفكر لكنها في النهاية وافقت ع عمران واشرطت يكون عرسها بعد رمضان..اما خالد فظل ع حالته بدون عرس هو صحيح عيبته عليا لكن مستحيل يخطبها لانه مايحب الا البنت الحشيم اللي تستحي اما الجمال فهو مش كل شي..وخالد فعمره مانسى صديق عمره عبدالله وقرر هالسنة يحج عن ربيعه عبدالله.. وسيف ظل ع حالته وحرمته احملت لكن بعد محاولات من الام انها ترد ولدها مثل ماكان استغلت سفرهم في الصيف فدخلت بيتهم وحصلت العمل اللي مسواي له ولله الحمد بقدرة الله رجع سيف لطبيعته ولما عرف المكيدة اللي مسوتنها حرمته فيه طلقها وبعد ماربت خذا بنته لانها ماتستحق تكون ام لكن امه اقنعته انه متى ماحبت عليا تشوف بنتها تقدر تزورها فاي وقت... هذي كانت نهاية القصة اللي استمرت قرابة سنة دراسية كاملة اتمنى انها تكون اعجبتكم واتمنى انكم تراعوني لانها اول قصة طويلة اكتبها في حياتي والحمدالله اللي قدرني اكمل القصة ...وايضا حبيت اشكر كل اللي ساعدني اولهم اختي و صديقاتي واخص بالذكر (مدريدية للابد او ميمي7) والحمدالله الذي بنعمته تتم الصالحات... سبحانك اللهم وبحمدك،أشهد أن لا إله إلا أنت،أستغفرك وأتوب إليك.. تحيآأإأتــي .. فرآشـة المـدينـه |
| الساعة الآن 04:51 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية