|
كيف هي الحيآة بلا حب؟!...., يحدث نفسه دائمـاًَ بهذا السؤآل مملة طبعاً..., لاطعم فيها..., ولا لون فمن يذق طعــم الحب..., يجد الحيآة من بعده سماً أسوداً يـرى في عينيه لون الزهر غاتماً.., من بعد مآكآن يرى لكل ورقه منها لونـاً حتى الطعآم الذي كآن يتلذذ في أكله.., قد أصبح الآن يأكله ليعيش فقط! كل شيء تحول من حوله ..., ليصبح خشنـاً من بعد مآكآن نـآعماً حريرياً بحبه وحشــه تملئ حيآته أجهضت أملاً قبل ولادته..., وقلبه يقطر شوقاً لحب ينعشه أصبح مضطرب الوجدآن ..., يضطرم الفرآغ في صدره كعواء ذئب شرس يزيده هماً تلك الرسائل وحدها من حركت شيئاً في حيآته الرتيبة..., أشعلت من فضوله مقدراً لابأس منه أبتسم وهو يتذكر كيف أصبح مهتماً وبشده لمنظره الخآرجي قبل أن يخرج لنشرة الأخبار حتى أنه تعمد في كل ظهور له أن يغير من شكل حلاقه عارضه.., وكم كآنت المفاجأه حينما رأى الدقه لذالك الرسآم الذي صدمه هو الآخر بدقته الآمتنآهيه برسمه عند كل أطلالة ...., ليتذكر قول سعود ( خبرتكم انها بنت..., صدقونيه الريال مستحيل يدقق جيــه عنبو حتى بحلقة السكسوكه مسطرره تسطير تقول الا اهيه الحآلقتها) ولهذا الأساس أعتمد الجميع بأن هذه الرسـائل من فتاة مجهوله ينتظروا منها قبول الأضافه الذي طلبها ناصر ! تشتت هذه الأفكار بعيداً عن رأسه وهو يرى ذالك الحوار الذي يطبخ على نآر هادئه تزداد حرآرتها عند كل لحظه! أبتسم وهو يجآهد ضحكه كآدت ان تفلت لحآل اخيه الوآقع تحت شباك وآلدته في ألحآها عليه ♫♪●•════════•●♪♫ سيمفونية :حياة بلا حب الساعة :11 ظهراً عزفها:خــآلد ♫♪●•════════•●♪♫ : استغفرك ياربيه.., اخلص من موضوع الخطوبه ايني موضوع الشوفه..., بلاج الوالده عليه؟!.., تبيني اطيح عليج مجلوط؟! .., خبرنيه الصدق ؟ وضعت فنجآلها أرضاً لتلتفت بعدها بنآحيته: الصدق انيه أباك تعرس اليوم قبل بآجر.., ابا اشوف عيالك.., الواحد مايعرف متى نهاية عمره.., ويا خوفيه اموت وماطالع عيالك زفر بتذمر بعدما وضع هو الآخر فنجآله ارضا: اميه..., الحينه باسل مايسدج؟!..., شو تبي بالعيآل هاه؟.., وبعدينه تعالي.., انا ماخبرتج انه الموضوع لاتفتحيه فيايه عن يسمعج باسل ..., ولا تبي اتندم شرات ماتندمت يوم خبرتج بالخطوبه اشآحت بوجهها عنه وهي تقول بعتب: هيه هب انا استويت والعدم وآحد.., طول هاي الفتره دآس عنيه ملجتك.., والحينه هب طآيع تسمع ليه رمستيه وتسير تطالعها التفتت اليه من جديد وهي تكمل: صدقنيه ياولديه من تشوفا بتطلب ان العرس يتسوي بآجر ..., اخوها يوم طاع انك تملج عسب تسير عليها وتطالع شو تبا يوم اهوه هب موجود ..., هب تييلس جيه ترسل غزلان عنك نهض من مكآنه وهو يرفع طرف غترته بملل :امايه..., ريحي عمرج.., سيره هب ســآير..., وهالموضوع ماباه ينفتـــح مووووول ختم جملته وولنا ظهره خآرجاً...., غمزت لوآدلتي بشقاوه وأنا أستند برأسي على رجلها ومتمدداً ببآقي جسمي أرضاً : والله انج يا ام خلود سوالف.., طفرتيه من الخآطر لسعتني بضربه خفيفه على جبهتي: وانت يالحمارتعرف ان املج ولا خبرتنيه.., ولا هاييك اختك غزلان تعرف ولا تقول بتخبر امها..., مستويه عدكم انا والكرسي وآحد اجبتها بعتب وانا اسحب يدها الى شعري لتسدله لي بأصابعها: افا عليج انا شاهد العقد...,فديتج يالغاليه محشومه عن الكرسي ..., بس انتي روحج تعرفي سوالفج.., يوم خبرج الادهم بسالفه وصيه حمدان وانها مخطوبه حقه.., سرتي وخرتيها عدال باسل.., يعني الريال ماينلام يوم يدس عنج لاحت يدها الآخرى بلا مبالاة: ماكنت اعرف ان مايبا باسل يعرف بالموضوع..., اخاف الحينه بعد الكل يعرف بالمجله الا انا رفعت أنظاري اليها وإبتسآمة وسيعه طبعت على محياي: ههههههه لااء فديتج.., بس انا وغزلان ويديه ويدوه ماعرف عاده ان كان خبر حد ثآني .., بس هاه ام خالد ما اوصيج هب تخوريها بعد هاي المره عدال الكل .. : بس عاده كليتوا فواديه انت واخوك ..., مابخبر حد فكنيه من صدعتك.., يالله الحمدلله على الاقل ملج عليها يعني استوى ريلها : السلام عليكم ياعرب بني قحطفان التفتنا جميعاً لدخول غزلان وهي تحمل الاكيآس بيديها الاثنتين.., لتتبعها رهف من خلفها وهي تسحب جسدها بتعب : حشى شو هاه كله!.., خمن السوق خــم خسكن الله من بنيات هوت على الكرسي وهي تلهث بتعب: اويلي ياريولي انتفخن نفآخ هب صآحي على هالحوآطه....., وانت يالله جب مايخصك فينا خمينا ماخمينا هاي زهاب عروس لزوم يطلع جيه وآيد جاورتها الآخرى بوجهها المحمر لتسئلها وآلدتي بخوف:بلاه ويهج جيه ؟!!!!!..., يالمخبل شو سويتي بعمرج وانتي ماباجي على عرسج غير اسبوع أجآبتها بعدما فردت وشآح شعرها: مسويه تنظيف يامايه هاي من باجر كله بخوز.., بس لان بشرتيه حسآسه استوت حمره جيه : اخاف بس يظل جيه منفخ وتلوعي بكبد الولد من اول ليله مدت شفتيها بعتب وهي تحزم ذرآعيها الى صدرها بأعتراض:اماااايه..., شو هالرمسه بعد!.., انا هب اول مره اسوي تنظيف ..., وكل مره جيه.., يعني هالمره غصب مايخوز ؟! وبعدينه خلج من ويهي وسيري رمسي حذام.., ترانيه بموت قهر ان ماحضرت اليوآز.., هب طآيعه للحينه تسوي لها فستآن.., ولا بطآيعه تحضر .., أحسها وآيد مطآوعه عمرها ..., يدوه الاهيه يدوه بتحضر وانا لاء ..., احس عمريه مابعرس ان ماحضرت حذوم اجابتها وآلدتي بحمآس جعلها تشد شعري الواقع تحت يدها بلا شعور: شو اسوي بهـــا.., ماباجي حد الا ورمسها.., سيري انتي يمكن تسمع لج..., انا خلاص يأست منها .., حتى ريلها بتطلع روحه بسبتا وأهيه ولا شاله بال.., بتخرب بيتا بأيدها..,كلنا زعلنا على حمدان بس هب جيه الله يهداها انا ماعرف شو مسويه بهاي الدنيا عسب ربيه يبليني بعيال جيه.., وآحد رآسه حديد..., والثآني أخلاقه دوم بطرف خشمه..., والثالثه الي بتهدم بيتا بأدينها سحبت يدها بعيداً عن رأسي لأستوي جالساً وانا اردف بحزم: اسمعواااا عاااااده ..,حذاااام لحد يجيس الها على طرف...,ان ماتبا تحضر لحد يجبرها.., هاااي انا خبرتكم لاتضغطوا على البنت شخرت وآلدتي بسخريه قبل ان تقول: وأهيه شغايل استوت جيه؟ غير لان ماضغطنا عليها .., الكل عاطيها رآحتا بالموضوع.., انا اطبطب على كتفا.., وابوك يمسح عراسا.., ورعد يشلها بالأحضان من وين ماتطاوع عمرها...,كل يوم يالسه تموت.., استوت عظم يآبس حتى ويها ماتكلف عمرها تحط بعينها خط من الجحال....,الريآل يرد من دوآمه يطالع هالعيون منفخه...,والشعر كمبوعه ..., والله مالومه ان دبس فوق رآسها ثلاث حريم رفعت أصبعي مهدداً لهم جميعاً: يااااااوييلكم هآي ان اخبركن ان سمعت حد منكن رمس هالرمسه عداااالها...,ياوووووويلكن منيه ●•════════════════════•● تسبح في خيآلها دومـاً..., كمــآ كآنت معروفه عليه منذ صغرها... ترتب أحآديث ملفقه بسبب خيآلها الفسيح..., وكم من مشكله وقعت فيها بسبب أكآذيبها! لكن لم تتوقع يومـاً من الأيــام أن تعيــش هذه المغامرة التي لم تمر حتـى على خيآلها إنها تشعر بالنشوه والإثاره لهذا الحدث كما ذكرت ذالك في مدونتها ((شيء مثير أن يرآسلك ((شبح أسود)) أو إن صح التعبير بلهجتنا المحليه..((يني أسود)) شيء ممتع حقـاً أكثر مما هو مخيف!)) نعتها أحدهم بالجنون .., وفئة أخرى أتخذ الموضوع بسخريه!... فكيف لأحد أن يصدق هذا الجنون فعلاً؟!!! ♫♪●•════════•●♪♫ سيمفونية :إثــاره الساعة : 3 عصراً عزفتها: غـزلان ♫♪●•════════•●♪♫ : اويييه غزلانوه لو انا منج متت بمكآنيه قالتها شهرزاد وهي تهمس بأذني كي لايصل شيئا من ذالك الى مسامع والدتي..., لأجيبها بنفس النبره : انا بالبدايه صدق عاده تروعت..., بس الحينه بخاطريه اعرف امنوه : لاتتهوري يالمخبل وتراسليه..., اسميه بيي وبيسكنج : مالت عليج..., هاي آدمي ..., صدقتي يعني ان يني أزدردت لعآبها بخوف وقد جحظت عيناها ايضا: هيه يمكن صدق يني التفت بنآحية والدتي المنشغله في متابعه برنامج الميدان ...,لارفع صوتي قليلاً حتى يصل اليها : امااايه..., ابا اسألج..., الينون يستخدموا الفون؟! التفتت الي بعينيها الجآمدتين لتقول ساخره: هيه وانتيه الصادقه ويسوقوا مواتر بعد تقوست حآجباي على اثر ماقالته: صدق اماااايه!!!!! لوحت بيدها غاضبه: انا ابا اعرف متى تودري عنج هالخبال؟..., قديتي كبر البقره وانتي بعدج على الينون وهالخمبقه وسوالف اليهالوه مالت زوايا شفتآي بعتب: حشى .., مايسوى عليه من سؤال سئلناه عادت تنظر الى التلفاز وهي تأمرني قائله: خلي عنج هالضراط وتعالي طالعي ليه متى بيطلع ولد العامري : امايه هاي الميدان مال اليهال هب مال الكبار وولد العامري فيا لجنة التحكيم ضربتني شهرزاد على ركبتي وهي تردف بحنق هامس: هاي امج البتجلطنيه..., انا اقول لها الخاصوني واهيا الا العامري ماعرف شو تبابه .., نشي بس نشي نسير لحذام لااا افجر الحينه التيلفزون فوق راسا دفعتها امامي بعدما نهضت: حووه انتي احترمي عمرج هاي امـايه فتحت باب المنزل لنخرج متجهين لمنزل العم ابا رعد: بتخبرج....,تتوقعي رعد هنآك؟ : لااء.., حليله الريال طول الوقت بدوآمه زفرت بقوه قبل ان تقول: اكيد بينقع بدوامه.., استوت شوفه حذوم تييب الكاااائبه عيل شقايل اهوه الي دوم مجابلها..., أحسها وآيد تظلم عمرها..., ماتوقعنا يستوي بها جيه أهيه اقوى حد فينا واخرتا تستوي اضعف وحده!..., وآيد صعبه : الله يكون بالعون دلفنا الى داخل منزل العم.., وكان الهدوء هو الطابع في المكآن بإستثناء صوت الضحكات القادم من المجلس بالطبــع وكيف – لـشلة الفسق – ان تجتمع بلا ضحك : اسمعي ههههههههه ضحكه خلود اخويه تنقع...يااااطولها اجابتني ونحن نستقل المصعد: هيه والله اخوج ان ضحك ساعه على مايسكت : يالله جب.., عن تصكيه عين ضربت رأسي بخفه قبل ان تخرج امامي: الحينه امنوووه البصك بعين غيرج ويا هالويه وقفنا عند باب جنآح حـذام..., اطرقنــا الباب وماهي الا لحظات حتى سمعنا صوت هادئ متحشرج - ادخل - مرحباااااا السااااااااااااع بأم عيون سووود ووساااع هذا ما ألقته شهرزاد عند رؤيتها لحذام جالسه عند الأريكه يلفها الصمت والوحشه.. ويدها ممتده تلملم بها جسدها بوشاح قطني بني اللون لتجيبها بإبتسامتها الذآبله: المرحب باجي..., شحالكن جلست بجآنبها وانا ازفر بقوه: بخير ان كنتي بخير أومأت برأسها: الحمدلله على كل حال ربتت شهرزاد على ركبتها وهي تقول:طلبناج نحن والعروس فوقنا .., دخيلج لاتردينا التفتت اليها وقد انعقد جبينها بتسائل: فالج طيب.., ان بروم على طلبكن مابقصر اردفت انا لهذه المره: ترووومي...., مابكلفج وآيد اضافت شهرزاد: دخيلج حضري يواز رهف.., والله روحها متقطعه هناك ..., ولوما الحياا كان ياتج بنفسا بس تعرفي منقود حروب اهنيه أكملت ماقالته شهرزاد: هيه حذوم والله تكسر الخاطر هب عارفه راسها من خلاصها وقفي فياها أغمضت عيناها وهي تزفر بقوه: ماروم....., ماليه بارض على الحريم وحشره القاعه ..., رهف انا البدخلها لجنآحها.., وانا البرمسها قبل لايدخل حارب..., بس انيه اسير القاعه اهيه كلمه ومابردها...., لاااااااء! ●•════════════════════•● أخذ يمشي على الكورنيش البحــري.., هذا سبيله الذي يستقله بعد خروجه من الجامعه الى ذالك المنزل الصغير..., الذي قد استأجر فيه غرفة علويه صغيره تنآسبه نفخ صدره بعدما استنشق من ,يود, البحر لتتسع الشعب الهوائيه لرئتيه...,وهو يحمد الله على هذه النعمه كل يوم يمر فيه هنـا..., يقع فيها تحت انظار العجائز التي تحدق فيه مبتسمه..., ويستنشق بينهم عبق قهوة جمــيلة يملأ المكآن حميميه إنها بــيروت..., عروس الشـــرق إبتسآمه نآعمه علت محيآه بعدما رنت عيناه على تلك الصخره الكبيره المسماه بصخرة الروشه منظر يرتعش فيه جسده عند كل مره يمر فيها هنــا..., ترى صمود الصخور تقف متحـديه لأموآج البحر الهائجه ..., تقف لتشهد عن ثقافه لبنان وحضاره لبنان وحروب لبنان....,يتعلم منها عند كل صبآح ...,الصبر..., والعـــزم ..., والثـــبآت! ♫♪●•════════•●♪♫ سيمفونية : إشتيآق الساعة :4 مساءً بتوقيت لبنان عزفها: يــوسف ♫♪●•════════•●♪♫ بعدك على بالي يا قمر الحلوين يا زهرة بتشرين يا دهبي الغالي بعدك على بابي يا حلو يا مغرور يا حبق و منتور على سطح العالي مرق الصيف بمواعيدو و الهوى لملم عناقيدو و ما عرفنا خبر عنك يا قمر و لا حدا لوحلنا بإيدو بتطل الليالي و بتروح الليالي و بعدك على بالي . . : لك ييييه يأم فااادي شو بتحبيها لفيروز..., لك مابصير هييك., بدنا حسين الجسمي ليوسف أم فادي...., وفآدي هما أصحآب هذا البيت الذي أستأجر منه غرفه صغيره تكمن اعلاه ..., أم فادي..., هي الأم الحـنون التي تفني عمرها بخدمه إبنها الجـريح تحت تأثير حرب إسرائيل على لبنآن(( فـادي)) ليس بمقعد.., ولابمقطوع اليدين..., ولكن للأسف أعمـى العيــن..., بصــير القلب..., انضممت اليهم كفرد من افرآد العائله لا كامستأجر! هذا ما أشعره دائمــاً عندمـا أكون بينهم..., حتى إن ام فادي مؤخراً أصبحت تخجل من أن تأخذ مني مبلغ إيجار الغرفه الا تحت أصرار وإلحاح قويان مني : مش هــيك يوسف ؟!!!! ابتسمت بشرود: ها.., هيه سحب نفسه مقترباً مني في الأريكه المزدوجه: شو بيك يوسف صوتك مكركب هيك؟! اكمل بعدما مد يده.., يتحسس تضاريس وجهي برآحه يده.., ليقطب جبينه بعدها: شو بيك حايص ياولد؟!.. سحبت نفساً عميقاً لأزفره بعدها وبقوه : ماشي..., بس شويه متوله للبلاد ابتسم بخبث بعدما ضرب رأسي بخفه: لك ييه على المعتر المسكين.., سدأتك..., ولهآن للبلاد ولا الحبايب الجوات البلد : ههههههه ماتيوز عن سوالفك.., وين ياريال الحبابيب وودرونا..., ماعنديه غير اختيه ومتوله عليها.... . . بالفعــل..., كم أنــا مشتــآق لشــهد لا أعلم كيف قوى فيها قلبي وتركتها هنــاك..., كيف أنصهرت لإلحاحها على سفري كيف لقلبي أطاعها على الهجـرآن والبعد؟!....,كيف أستطآع حمدان اقنآعي وحثي على هذا الأمر؟!!! أكآن ذالك بسبب وقت العرض المنآسب؟!..., قد أختاروا التوقيت الصحيح فكم كنــت وقتها محــتجاً لرحيــل والبعـــد - لاترفس النعمه بريولك...., انت سير وادرس ويوم بتستوي دكتور انا واختك بنفرح لك - - انت شو يخصك بالبيزات؟!..., اعتبرها سلف ليما توقف على ريولك وبتردها ليه- - مابا منك الا حايه وحده...., يوم ايي اليوم الي تلبس فيه البالطو وأكون أنا ميت..., تدعي ليه بالرحمه- رحل قبل موعد السفــر ولكــن كآن وكأنه موجود بذالك اليوم كـل تكآليف السـفر قد دُفعت .., حتى عندما قدمت الى هنـا ..., وكل أحداً من معارفه لإرشادي الى منزل مريـح ونقي يسآعدني على صفاء الذهن لأرى كل شيء قد نُظم من قبل..., حتى في رسوم وتكآليف الجآمعه!!! رحمه الله عليك يآحمــدآن...., رجل رحل وخيره لم يرحل..! ●•════════════════════•● وقفت أمام الجدار الزجاجي لغرفة القيآس.., وهي تمرر يدها على جسدها الذي أكتسب لونـاً أرجونياً رائعاً لذالك الفستآن المصنوع من الستآن...,أحتضن طول جسدها.., والتف حول خصرها المنحني....,لتبرز فصوص سوادء عند فتحت الصدر..., أخذت تتلتف يمناً وشمالاً بجسدها... ليتهادى مع تحركآتها أطرآف الفستآن الذي طرز بزخآرف جآنبيه من اللون الأسود...! ♫♪●•════════•●♪♫ سيمفونية : رساله جديده الساعة :9 مساءً عزفتها: غــزلان ♫♪●•════════•●♪♫ : اوووووويلي علــــيج يااااااحرمه أخوووويه أسمييييج فـــن..., إبـــدآع..., تحفه فنيه..., شو اقول عنج شو اقول.., غير انج تطيري بالعقول ابتسمت بعدما أمرت إحدى عاملات البويتك بأخذ الفستآن مني لوضعه في كيس كبير بعد تغليفه: هههههههه اونه اطير بالعقول...., خبرينيه اهم حآيه الجيآسات مضبوطه؟!.. ماشي حايه وسيعه لو ضيجه؟ جلست على الأريكه الموضوعه بزآويه المحل: ابـــد..., ترتووووب في ترتووب : زين انا قلت بيستوي وآسع شويه لانيه احسج منزله وزنج اتسعت ابتسآمتي حتى بآن طقم اسناني بأكلمه: فديييييييييتج بشرج ربيييه بالجنننه قولي آآآمين..., يعني النادي سوى تأثيره هزت رأسها بأسف وهي تستوي جآلسه على الكرسي الواقع خلف مكتبها الصغير: يعني هآي بشاره؟!..., اسميج سوآلف : أنـــا خلـــصت التفتنا لشهرآزاد التي خرجت لتو من غرفة القيآس وقد حملت على يدها فستآنها المتطآبق في لونه مع فستآني : طاااااالع؟!!!.., شقايل فصختي؟!!!..., كان خليتيني اشوووفج اووول رفعت أنفها عآلياً بعدما سلمت الفستآن للعامله: انا خبرتج من قبل ماشي الا يوم العرس...وهب شهرزآد التبدل برآيها : والعــــثره مالت على هالويه لم تعير لكلامي أي ادنى اهتمام والتفتت الى شهد وهي تشكرها: يعل هاليدين محرمااااات عن النـــار..., فديتج الجيآسات والموديل واللون وكل حآيه كرسسستيم طرررررر فديتج انا ابتسمت لها بمرح وهي تجيب: مشكوره فديتج...., المهم غنواتيه هاي البطآيج حقكن للإفتتاح., وهاي لخالوه ام الادهم عطوها فياها تناولت البطآئق من يدها بفضول: اوووه وتطورت العزبه والله واستوت ام الادهم تحضر عروض ازياء .., متى الافتتاح ان شاء الله : مكتوب عندج تقريبا بعد زواج حارب بيومين وضعت البطآئق داخل حقيبتي المعلقه على كتفي: اوووكي..., نحن اول الحضور طبعا أستلمت الأكيآس من العامله لأكمل بعدها: يالله فديتج تآمرينا على حايه قبل لا نسير؟ وقفت لتقودنا الى باب البوتيك: سلامتكن.., بس سلموليه على حذام : سلامن يبلغ ان شاء الله.., ماتبي نسلم لج بعد على ناس ثانيه ختمتها بغمزه خبيثه من إحدى عينآي.., لتجيبني بعدما دفعتني بخفه الى خارج المحل : يالله سيري بس توجهنا نحن الاثنتين الى موآقف السيارات..., ليستوقفني صوت رسآله قآدمه على جهازي (( اكيد الفستآن بيطلع غاوي عليج... ياحافظ عليها بنت محمد اليني الاسود)) : بسسسرعه طالعي شي حد يطااالعنااا!!؟؟؟؟ قلتها لشهرزاد وانا اتلفت حول المكــآن أبحث عن أي شخص عآبر أو عن عيون أخذت ترآقبني من بعيد صررت على أسناني لأضرب برجلي أرضاً وبقهر : وووووووووووووووينه؟!!!!! ●•════════════════════•● يجلس خلف مكتبـه الفخم والأنيق.., يصدر أوآمره..,ويعطي قراراته.., بصوت صلب أجش يأمر ويوقع.., وينخرط بين كومه الاوراق الوآقعه أمامه..من بعد أن يلبس نظارته الطبيه المخصصه للقراءة فقط كآنت النآفذه الوآقعه من خلفه مفتــوحه...., جعلت من أشعه الشمس تخترق المكـتب .., لترسم ظله الشآمخ على الأرض تعطيه هيبة زآئده على هيبة شخصيته وبعينين مثقلتين مرهقتين أخذ يمرر عينه على الورق...., سحبه من هذا الجـو صوت هاتفه المحمول...., ليعلن لـه عن أسم كـم يثيــر غضبه واستفزازه أشار للموظف أن يذهب وتمتم بغضب هادئ وهو يرد على الخط قائلا (( صدق نآقصآت عقلن ودين))! ♫♪●•════════•●♪♫ سيمفونية :تفآهآت أنآث الساعة :12 ظهراً عزفها: الأدهــم ♫♪●•════════•●♪♫ : انا هب محذرج أكثر عن مره ان اتصال بهالوقت ماتتصلي؟..., انتي وين عقلج عنج؟!!! ابااا اعرف؟؟!! اتآني صوتها المتقطع عبر السماعه: آآآ...., ابا...... قاطعتها سريعاً وانا ازمجر بغضب: تبيييي شووووه؟!!!...., خلصي عليه هب متفيج لج!... اردفت بصوتها المهزوز مره واحده: ابا اخبرك ان امايه بتيني اليوم في الشقه زفرت بقوه قبل ان اقول على مضض : هب مشكله... ثم عادت تقول من جديد وبتردد: بس!!... آآآ احتقن صوتي وانا اردف لها من بين اسناني: حصوووه خلصي عليييه.... شو تبي بعــد أمج وبتيييج : لاااء بس ابا اخبرك انت غافل باب الشقه وماشي مفتآح عنديه تأففت بيأس وعيني عاودت الى مطرحها على الأوراق: شي مفتآح في الابجوره اليمين بالغرفه..., وياويلج ان اتصلتي مره ثآنيه.., حتى وان صابت الشقه بعمرا حريييقه مفهووووووووووم؟! بصوت منتفض: مفــ مــفهوم اغلقت الخط وانا ازفر بقوه..., مال النسـاء وقد أصبحن غبيآت تآفهآت من بعد شمه؟!!!! جمعت الأورآق على بعضها نويـاً الرحيل فمـزآجي قد تعكر بأكمله وضعتهم جآنباً بعدما خلعت النظاره الطبيه لاضعها فوق الاورآق.., وأغلقت القلم ليستقر هو الآخر في جيب ثوبي الأبيض . . : لحظــه طويل العمر..., بس شي كرت يآي مخصوص حقك كنت خآرج للتو من المكتـب.., ليستوقفني صوت السكرتير الذي مد الي الكرت وهو يحآول جآهداً كتـم إبتسآمه قد طفح نصفها على شفتيه؟! ما إن أستلمت الكرت حتى عرفت سر تلك الإبتسآمه! دعــوه من بوتيك الشهد والى عرض ازياء نســائي؟!!!!!!!!!!!!!! وتصلني إلى أين؟!!!..., إلى الوزآرة!!!!!!!!!! لأكون حديــث طــآزجـاً ودسمـاً لموظفيها !!! أي غبية هي هذه؟!!!!!!! أي أنثى أخرى ستحبس نفسها بقفص تعذيبي؟!!!!! أي مجنونه هي لتتجرأ على فعل هذا؟!!!!!!! تكورت قبضتي لتمتزج حروف هذا الكــرت..., ووجهه وآحده قد أتخذتها هــي إلى تلـــك الغبية الجديده!!!!!! ●•════════════════════•● ** الاقلب هنـا استنكر وضع حـذام!!! وأثنتين من هم صنفوا حالة حذام تنصــيف صحيح نوفــــــا ووحكــــومه الإكتــئــاب أعراضه كآنت وآضحه جـداً أمامكن * عدم الرغبه بإستمرار الحيـاة * رؤية الحيـاة بمنظور سلبي دائمـاً * البكاء بدون ســبب * انعدام الرغبه عن الطعــام كلها اعراض كآنت واضحه وجليـه ..., اما إن حذام شخصيه قويه ولم يُتوقع منها هذه الانتكآسه لها حديث آخر حذام تعرضت لصدمتين..., وليس صدمه وآحده فقط كالبقيه أولها :صدمتها عند رؤية حمـدان بعد عودتها من شهر العسل أفجعتها تمـاماً فقد رحلت عنــه بكآمل صحته كمـا كانت تعتقد.., وعآدت لترى تأثير الكيمآوي قد أتخذ مأخذه والجميع هنـا قد عاشو ذالك مع حمدان تدريجياً وليس كحــذام صدمه فعليه! الصدمه الثآنيه : هي وفـاة حمـدان.., وكما يعلم الجميع طاقه وثقه وقوه حذام كلها كآنت من حمدان نفسه كآنت تحتبس ضعفها وتفرقه عند حمـدان في إحدى الليآلي لتخرج بقوه تمثلها امام الجميع هي بالفعل حكيمه وواقعيه.., لكن ليس لنا ان نبعد عنها احتمال الإصابه بالإكتـئاب لإنها تبقى بالنهآية فقــدت أغلى البشر ممكن أن يشعر بحآلة حذام من شعر بالفقد حتماً..., سيرى السنه قليلة وصغيره جدا امام حجم الوجع ** ريمـــا ومآزال هنآلك من يستنكر وجود شخصيه كريـمــا أرجوكي لاتنظرني لريما كنظرتك لأختك!..., التفتن قليلاً وسترون الكثــــير من مثل ريمـــا ريما شخصيه حقيقيه بغــــــض النــــظر عن شخصية الفهــد انا نفسي لا أنظر لأختي التي تطابقها عمراً وأنا أكتــب ..., أنظر لتلك الشخصية تحركآتها وضحكتها وتصرفآتها وحتى مشآعرها التي لاتستطيع تخبأتها لقلة خبرتها! حتى انا لو أنحصرت نظرتي الى اختي فقط لاستنكرت ذالك فعـــلا .., هنــآلك فروق بين شخصيآت وآخرى هنآلك من يكتسبن عمراً أكبر من عمرهن وهنآلك من يكتسبن عمرن أصغر!!!! ** الفهـــد ..., قد تعمدت عدم أظهاره بروي مشآعره في هذا البــارت .., ليبقى مجهولاً الى البارت القادم ** البــارت القادم تتراطم فيه3 موجــــات مختـــــلفه لقـــــاء الفهـــد بريمــــــا لقــــاء الأدهــــم بشهــــد لقــــاء حـــــارب برهــف وكـــــــــــــل عــــــــــــــآم والجميع بخـــــــــــــير آعآده الله علينــــــا بالمســــــرآت وجمعنا في فردوسه الأعلـــــى كل عـــــــآم وأنتن الأقـــــــرب لقـــــــلبي كــــــــل عآم وروحي تعآنق أروآحكن الطــــــآهره كــــل عآم وألقــــآكم فيه بخـــــير |
مبدعه حبيبت قلبي تسلم يمينك ماقدرت اقاوم ومارد لو بكلمه كل عام وانتي بالف خير وجعله عيد مسره على جميع المسلمين
عور قلبي شهاب من جد وصفك فيه رائع ومعالجتك لشخصيته ودقتك فيها تعيشني غصب في جو هالشخصيه بالتوفيق وبانتظارك لاحرمنا الله من هالابداع |
لا لا لا لا لا لا لا لا لا ...
ليش ترنيمه تخليييين الفهد يعااامل حناااانوه بكل طيييبه ......هذي استعملت السحر ....يعني كبييييره من الكبااااير ...... المفروووووض تعااااقبينهاااااا ان الفهد يكوون قااااسي معهاااااا ومااااتشوووف منه رييييق حلووووووووو.......بعديين متى راااح يبداء مفعووول السحر اللي عملته للفهد عشااان يهج منهاااا ....وتصييير جنت على نفسهاااا برااقش صراااحه من الاسبوع الي فاات وانا انتظر معزووفه الفهد وقاااعده امني نفسي وانا اقراااهااا ان الفهد يصبح حناانوه بكف ويمسيهااا بكف ...صدق الريااجييل مالهم اماان ....لاني اللي شااايفته الرجاال عاااايش حياااته ومبسوووط ....ااااااخ ياااالقهررر ...... |
انا اعتقد ان الفهد يعاقب حنان بس لانها ثور الله في برسيمه فهي مفهيه ولم تتعرف علي حقيقه التصرف ومعناه وشكله حاله منتهيه وهو شكله عرف ان خويتها سوسه وارجو ان الفهد ماله علاقه فيها لان قلبي قارصني ان في علاقه مع ام السحر والفهد وخصوصا انها ما تروح الا قبل بشوي من جيته الفهد والفهد شكله عارف ان حنان مخفه ورحمها
|
السلااااااام عليكم..
ترنووووووووووومه شووو هااااااااا؟؟ ليش يوم جت اللحظه اللي نبيها سوويتي كـــــــــــت؟؟ اناا مخصمااااااااااااااااكي وماايرضيني الا بااارت بيوم العيدان الله احيانا منهانعييد مع عربنا ومنهاا نشووف علووم دهووووومي.. فديت عين السيييح وهوو راااايح بياااكل شهد بقشوورهاا..هخهخهخهخه ترنووومه اوول شي الحمد الله على السلاامه والله تخرعت عليتس دااخله بقرأ البارت الا ما القاه .. يااربي البارت وين رااح وين منخش وين ساار..؟؟ وبعدين شهقت شهقه تكسرت منها جدران البيت وقلت الباااااااااااااااااااااارت للحييين مانزل يااااويلااااتاااهــ علااموووهااا ترتر لم تقم بانزال الباارت عسى مااافيه شيؤن كاااايدون صاابها.. بس بعدين على طووووووول نطت فكره الاتصال اللي قبل شكيتي منها وهنا هدت نفسي المرتاااعه..>>فيس يسووي اكشن.هع.. حذاااام ورعد: لااااااا يااااا حذووم ماهكذا تورد الابل>>فيس حاط هالمثل بمناسبه عيد الضحيه وبمناسبه زواج البدوي حارب..هع ما ادري صرااحه ليش تاركينتس على رااحتس سنه كامله.. طلعتي مكتئبه>>فيس مستغرب كيف تكتئبين ورعوودي عندتس..؟ المهم يااا حذام يعني انتي تشووفين هالشي طبيعي؟؟ ماتتوقعين انتس محتاجه علاج..؟؟ وانت رعد ادري ماشفناك اليوم بس كيف تارك الحرمه بالشكل هذاا؟؟؟ كيف مالاحظت ان اللي فيها اكتئاب وضيقه.. يااشيخ ودها للدكتور قبل مااتنتحر و هذيك الساعه ماراح ينفعكم تساهلكم معها>>فيس يبي يخرعه.. رهف حارب: مبروك وربي يتمم لكم على خير. وليد واهل فرنسا: اوول شي الف مبروك التخرج.. تعال اشووف هالوثااائق>>فيس يطالعها.. ايه اهم شي تكون موقعه من رئيس الجمهوريه عشان مايكون لك رده مره ثاانيه لهناك..هخهخهخه وبعدين تعال انت كيف توافق هديل على خبالها وتمشي معها بسالفتها الماصخه ومسميها باسم ولد بعد.. عز الله ما اهبل منها الا انت>>فيس حمقان.. خلينا نمشي وراك لين نشووف وش هالطريقه اللي بتعالج فيها هالبنت..؟؟ الريم يااويلي عليتس بتطيرين من الفرحه وماتدرين ان العنكبوت شكلها مطيحه فهيدان بشباكها ..بس خاطري اشوف وش بيصير للفهد من يشوفتس هل بيحاول انه يشووفتس او لو شافتس بيكون كأنتس تووتس طالعه من عنده وماراح يتأثر بهاشووفه..؟؟ يابر وحرمته: انتم وين عايشين وشلون عادي عندكم وضع بنتكم بالطريقه هذي ومخلينها على راحتها؟؟؟ ابي اعرف ليييييييش مااااا جلستوا معها والا عرضتوها على طبيب نفسي هالوضع مووعادي ابدا وانتم مخلينه عادي وومافيه لكم أي تحرك تجاه هالموضوع الا انكم ماا تعطونها اللي تبي وتكلمونها على انها ولد؟؟ بس الوضع يبي له علااج من جذووره موو بس انكم ماتنفذون رغابتها؟؟ ياليت توقفونها عند حدها.. هديل: لاتعليييييييييييق بس مااحبيت وضعتس واتمنى انه مااايستفحل اكثر من كذا؟؟ هشام : ياااحليييييييييلك تبي المسيحيه تسلم.. صااير لي داعيه على غفله..>>فيس مقهور منه.. الدعوه لها اصوولها يا الحبيب مب جاي تبي تغفص هالفرنسه على الاسلام عشان حظرت جنابك تتزوجها لنا..>>فيس ناقد عليه.. شووف هشام لو بشوف الموضوع من نقطه حلوه بهو انك تبيها تكون على دينك والاحلى انها لما مااستجابت لك تركتها وماتبعتها ..يعني لك هدف معين منها وهوانها تسلم وتتزوجها... وباذن الله من ترجع للبلاد بتلقى اللي تناسبك وتناسبها وتنسيك كرستين وايامها.. الفهد وحنان: يااااااااااااااا الــــــــــــــــــدب ..كيف عايش مع ام السحووووووووور..؟؟ الفهد انت صدق خلاص خضعت لسحورها وطبوووبها والا لأ؟؟ وبعدين انت كنت مستااانس عشان ريما بترجع والا لأ؟؟ والاهم من هذا كله وضعك مع حنان كيف بيكون بعد ماترجع ريما؟؟؟ يعني هالصوره الجامده اللي انت الحين تظهرها للجميع هل بتكون هي السِمه الاسااسيه لك؟؟ حنان: جعل مامن حنااان يااا الدبيه . تدرين يمكن مااا يكشف وضعتس وعلوومتس الا هالموده يعني بيجي يوم وترفضين تعطينها فلوووس وبتهددتس ان ماعطيتيها بتروح تبلغ عليتس عند الفهد وتقووله كل شي.. وهنا بتكونين عبده عندها بسبب هالسحر اللي طحتي فيه..؟ اللي قاهرني صدق انتس للحين ماتبتي وللحين على ظلاالتس.. بس باذن الله ربي ينصر ريما عليتس.. يوسف : انت ارجع للبلاد وبتلقى الا تستاهلك وتستاهلها .ومازلت اقووووول انها شهرزاد.. وفاء: تعااااالي هااااااااااااتــــــــــــي بوسه. فديت ام الخطط والله.>>فيس بيتجاوز عن غزلتس بابو باسل للمصلحه العامه..هخهخهخه .مايحتااااااااج اقوول اننا وااثقين انتس انتي اللي ارسلتي البطاقه لعين السيح طويله العمر الادهم والاحلى انها بهالوزاره عشان يجي ..سواء يحظر الحفله والا عشان يهد على شهد و يهاوشها بس اهم شي يشووفها..>>فيس متبطح من الحين للقاااء المرتقب من يوووووووووووم بدت الروايه..هخهخهخه صدق وفاااء تدرين عاد بشي مدري ليش من شفت كلامتس عن الادهم وتغزلتس فيه تذكرت خالد. يعني اكيد انتي عارفه هالعلوم كلها عن الادهم اتووقع عارفه بعد ان خالد المذيع اخووه...يعني انتي عندتس موهبه الرسم هل انتي البنت اللي تراسل خالد ؟؟؟؟؟؟؟؟ تبين الصدق خالد هذاا يبي له وحده فرفووشه ورااعيه حركات ومقالب مثلتس ياليت والله تكونين له.. شهاب وجود : وهـ بس ياا شهووب موو اقوولك موااقفكم تعجبني وخصووصاا وانتي تسوووي كل شي عشان ترضي جود.. وابشرك ان طريقتك بدت تلقى لها صدى عندها اوول الغيث انشاااء الله انها تبيك تعيش وماتبيك تموت>>واااااااااي فديت الغيث وطااريه.. وهـ بس.. غزلاااااااان واليني الاسود: اوول شي ابي اعرف هالجني من وين يعرف ان انتي لابسه اسوود والا احمر والا اخضر لوفي بيتكم اقوول ممكن يشوفتس من الدريشه بس بمحل شهد هذا شلون يشووفتس؟؟؟ الا لو كان مقلب من شهرزاد والا أي وحده البنات.. ؟؟ شهد: من الاسود والدب يا الدبيه هاااااااااهــ؟؟؟هذاا الادهم المزيون اللي بحبه صابني جنون.. شهووده شووفي لما يجي الادهم بيشووفتس ايااااااااااااني وايااتس تمدين لسانتس عليه لااااا اقطعه لتس..فاهمه؟؟ خليتس مهذبه ولطيفه معه ولو حتى فجأتـ(ن) عطاتس كف عطيه الخد الثاني .. عادي يااقلبي هذااا زوج المستقبل ولا زم كل مايجي منه نتقبل.. هع عاد نجي للجد.. لقاائتس مع الادهم بيكون نقطه للانطلاق لخط النهايه ..يعني من اوول لقاء بنعرف كيف بتكون حياتكم.. على فكره اعجبني جدا جداا انتس خليتي عتيجه تشتغل عندتس منها تكون تحت انظارتس ومنها بعد تنكسر عينها وماعاد تممنن عليتس.. وسعوووووووووووووووووووووووواااااااااااااااااااااااا .. جاااااااااااااااااااااكم الزين مكحوووووووول العييييييييين .. دهوووووووووووومي يااا اللي احلى من السكر باللومي.. الادهم ضحكتك لقلبي بلسم.. فديت ابوو باااااااااااسل يااناااااااااااااااس.. وهـ بسم الله على عمرك من الجلطه يعلهااا باليهود ياااارب.. خذ فديت رووحك عصير وبرد على قلبك>>فيس يمدله العصير.. خالوووهـ ياا العجوووز بلاج انتي نكدتي على عين السيح.. يقوولج مااايبي يشوووف الا غصب يشووووف ..خليه على رااحته اصلاا انا بعد ماا ابيه يشووووف .. وش يشووووف يعني كله صفار بشقااااار خليها توولي بس>>فيس دبت الغيره باوووصااله.هخخهخهخه تدري عاد دهوومي ولااا هو احتقااار لاراائك وقراارتك.. لااا حشى عليّ اني اكون ضد قرار لك ..بس ماتشووف معي انك معطي باسل وجه بزياده؟؟؟ يعني اللي اعرفه ان الولد يتبع الابو مو الابو اللي يتبع الولد وان مخلي حياااااااااتك الخاااصه كلها يمشيها لك هالولد ..؟؟ ليش طيب؟؟ شوووف بتخليني اكره بااسل وانا والله ماااحبيته الا لانك ولدك والا هالبزر مالي فيه..بس لعيوونك الكحيله حبيناه ودعينا ان ربي يعافيه.. بس واللي يسلم عمرك خليه شووويه يبطل اناانيه. >>فيس اناني يبي مصالحه تمشي..هع المهم دهوومي لك علينا بهالعشر ندعي لولدك ان ربي يعافيه بس انت عاد تلحلح شوويه وخلينا نشووف جوك الرومانسي شوويه>>فيسي ابو المصالح ونعفني وانفعك.. المهم ياا الادهم شهد ترفق فيها ..يااخووفي راايح بتهاد معها وتووريها الويل ومن تشووفها تنقلب علوومك كلها خرطي ..وانت محشووم عن الخرطي..هع اهم شي عاد خلينا نشوووف كيف بتسووي مقارنه بينها وبين حصوووه؟؟ ترنومه تسلم الاياادي يااعسل.. وشووفي لانتس وقفتي على لقطه مهمه جداااااا جداااا وانا شخصياا كنت استنااهااا منذوووووووو مبطي ياليت يعني تسووين لنا عيديه حلووه وتنزلينها بالعيد يعني خلينا نعيد مع ربعنا هنا ونشووف علوم الادهم وهو راايح يحوووس مرير شهد لانها تجرأت وارسلت له الدعوه..هخهخهخهخه المهم نبي نشووف علووم تسر الخاطر والروح... ولو ماقدرت تنزلين لنا عيديه خلااص حيل الله اقووى بنستنى لين الخميس ااذاا الله احيانا بس خلي الجزء بدري شوويه ..وانتبهــــــــــــــــي على الاتصال لااااااا يوهقتس ويووهقنا معتس>>فيس يتشرط..هخهخهخه.. ترنوووووووومه كل عام وانتِ وكل القراء بالف خير..وتقبل الله منا ومنكم صالح الاعمال.. . |
| الساعة الآن 04:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية