أعتقد كلامك صح أني شخصية زيزفون ووقاص ماعجبتنيش
وحني عندنا في ليبيا كاتر إنا لو الزوج مات أو إستشهد الخو يتزوج مرت خو خوفا من إنا أولادهم يتربو بعيد عنهم.
مع إنا ميش بالضرورة يصير هكي أني عمي مستشهد لي 3سنوات وعند 2أولاد أمرت عايشة في حوشها هي أولادها
وبلعكس إنحسها صايرة متحفظة أكثر من قبل مع عمامي
ومحتفظة بذكرة عمي وعايشة عشان تربي أولادها

رد: جنون المطر (الجزء الثاني) للكاتبة الرائعة / برد المشاعر
 

الله يحفظكم يا حلوات وأنا مقدرة
رأيكم ووجهة نظركم وغرضي ما كان
أبدا تشجيع هالشي ولا تزيينه وما وجود جمانة ونجيب إلا لتعقيد القصة
وربط الأحداث فوقاص يوم واجهه جده وأم نجيب بحقيقة دفاعه عنها قرر
إنه بيترك المنزل بس يطلقها منه فسلوكه دفاعي فقط حاليا لأنه ما يقدر
يسكت عن الظلم ولا وجود لأي علاقة حسية ولا جسدية بينهم ولا تنسوا إنهم
أبناء عم

أنا ما أحاول أبدا أدافع عن الخطأ لأن الرديلة وجدت مع وجود الإنسان لكن
بس أوضح لكم الأمر مثل ما كنت مخططة له من قبل كتابته لأني نفسي
ضد العلاقات المحرمة من هالنوع


شكرا لكم وشكر كبير لك خدوج بنت بلادي وربي يرحم عمك وايسكنه فسيح جناته وايعوض زوجته خير في أولادها منه ، هالنقطة ما هي منتشرة بكثرة في ليبيا لكنها موجودة ، في منطقتي خليط من 5 قبائل وحده منهم فقط تطبق هالقاعدة وإن السلف يرد مرت خوه


شكرا لكل البنات على الردود الحلوة سعدت بها جدا جدا جدا

رد: جنون المطر (الجزء الثاني) للكاتبة الرائعة / برد المشاعر
 

هلا حبيبتي برد المشاعر أنا عارفة إنا مو قصدك أو حتى كان
قصدك فهذا الشيء راجع لك إنتي صاحبة القصة وبالعكس إحنا في مدينتنا هدى الشيء كاتر ومرات توصل بالسلف إنا يطلق مرت ويتزوج مرت خو وهدى الشيء صار عند ناس عندنا بالمنطقة طلق مرت أهو عند منها10صغار شنو تبي كارثة أكتر من هكي وطبعا تختلف مدينة من مدينة.
بس حبيت إني إنضوي على نقطة معينة الحجاب يعني مارية غير محجبة وكذلك زيزفون يعني هو شيء أساس في القصة
والله عندك هدف معين لﻷن نحن في القصاص لازم إنشجع على التقرب من الله
وفي تلنهاية قصتك تهبيل وأني حنقعد إمتابعتك.
وبليز هل البارت الحاي يوم اﻹربعاء أولا::-(
ودمتي برعاية الله

رد: جنون المطر (الجزء الثاني) للكاتبة الرائعة / برد المشاعر
 

السلام عليكم يسلموو ايديك ع البارت اوخيتي برد ربي يحفظك من تقدم لتقدم وطبعا ماننساش فيتامين سي يسلمو ايديك ع النقل مشاء الله ع قد مانخمم وبنجيب الاحدات لكن ديما تفاجئ فبنا بالاحدات المرةههههههي مطر خاش بقوة الحمد الله طلع مش مطلقهاووو وبالنسبة لقاسم و تيما نااااار فيا نبي نعرف ردة فعلها ووو تيم اخر توقعاتي ان ايجي لمارية بجد ابداع اول مرة نتحمس لرواية هكي و زي ماقالت الاخت خدوجة كاترةهلبا عندنا ف ليبيا الحركة امتع الخو يخد مرت خوه ولا الاخت تاخد راجل اختها باش تربي ايتام لكن قاسم ف دفاعه عن زيزفون من باب ان هيا معندهاش سند تسند عليه من راي هكي وبجد فخورة بيك يابرد يابنت بلادي ربي ايزيدك ويارت ماطوليش علينا ف البارت الجاي

رد: جنون المطر (الجزء الثاني) للكاتبة الرائعة / برد المشاعر
 

خدوج يا عمري ربي يحفظك يا رب وأكيد هالحاجات اتصير في كل مكان لكن بنسب متفاوته وربك يهدي من خلق يعني احني في ليبيا الموت كل يوم وكل شوي راجل يطس ميت يعني لو يستمروا علي هالحالة بيتحولوا الليبيات اكلهم لسلفات ضراير ‏‏^_‏‏^ ‏

بالنسبة للحجاب فالأحداث حكمت عليا بهالشي لأن ماريه بتعيش بهوية ماري الايطالية لفترة وزيزفون الأحداث علي عينك صعب نوتي الظروف تلبس الحجاب كلما خش وقاص ‏


قطوف دانية شكرا يا عمري علي كل هالكلام الرائع وفخر ليا بنت بلادي يكون هذا رأيك ،‏ وبالنسبة لقاسم وتيما انبشرك بتشوفي كل شي بالتفصيل الممل ‏‏^_‏‏^‏