منتديات ليلاس - أعطني حريتي .. أطلق يديا

منتديات ليلاس (https://www.liilas.com/vb3/)

- - أعطني حريتي .. أطلق يديا (https://www.liilas.com/vb3/t116822.html)

السلام عليكم ورحمة الله وبركاته ‏..

//‏ البارت الثاني وألأربعوون //

‏"‏ جوزا "

انهارت تبكي .. جرح لأنوثتها .. وطعن في أمومتها .. وغدر من أقرب الناس لقلبهآ ..

سالم قعد جنبها وحضنها .. حاولت تبعده وتشيل جروحها بنفسها ..

بس ماقدرت ماقدرت .. هي أضعف من أنها تكتم ألم الخيانه بقلبها وتسكت ..

سالم .. ابكي ابكي .. طلعي كل اللي في خاطرس ..

البكي يغسل الهموم ويطهر النفوس .. وينظف القلوب ..

أهون عليس .. أهون عليس يالجوز عقب ذا العشره تخليني وأنا في حاجتس ..

جوزا .. من باعنا بعناه لو كان غالي يآ ابو مبآرك ..

وتغيرت نبرت صوتها .. ليه ليه ياسالم يومن في خاطرك عرس ورا ماجيت وقلت لي .. ليه خليتني علك في حلوق الناس ..

ليه أنا آخر من يدري .. ‏
وعقب ما أعرست وعيلت .. تجيبها عندي وفي بيتي .. تقول ذي طبينتس وتصدمني !!

خليتها عندي ورحت .. لاجبرت بخاطري .. ولا راضيتني .. ولا حتى شرحت لي أسبابك ..

سالم .. حكيت لها السالفه من مجلس أبو غدير ألى وفات أم عزيز ياجعلها للجنه ..

جوزا تمسح دموعها .. وتحاول تمسك نفسها .. أجل خلاص يوم أنه جالك عيال .. طلقني ..

وبكبريآء انثى مجروح .. أنا بعد ابتعالج وأعرس وأبي صيب ..

سالم بغضب .. وش ذا الحكي !!
أن كان ربي كاتبن لك صيب فهو مني .. والطلاق لآ عآد اسمعس تطرينه ..

بخليس عند أهلس لين يطيح مافي راسس وأجي آخذس .. وطلع ..

‏*‏ * *

‏"‏ نووف "

متردده .. تعيد وتزيد في الحكي اللي بتقوله له ..

مهوب يمرمطها في الشوارع .. ويسحبها توآلي الليول .. ويجعلها سآلفه يتندرون بهآ بين النآس ..

وآخر شي يآخذ اللي يبي .. ويسوى اللي على هوآه !! ..

بعد أنآ آبي هوآي وبكيفي .. مهوب بكيفه .. وتنهدت ..

آآآه يآسعيد .. عز الله مهوب آلعوض فيك .. عزالله جنسك قليل ..

فجعها بفتحته للباب بقووه .. تروعت .. يمكن خآفت يعرف أنهآ تفكر بسعيد .. صحيح أن السآرق علآ رآسه حصآه ..

عقاب .. هههههه بسم الله عليس ..
وش فيس أختلعتي ؟؟

استجمعت قوتهآ وشجآعتهآ ‏..
وقربت له بتحدي ..
كتفت يديهآ تحت صدرهآ .. وميلت وقفتهآ .. وحطت عينهآ بعينه بقووه ..

رفع حآجبه متعجب .. من وقفة التحدي هذي ..

حآكآهآ في حركآتهآ .. وقف نفس وقفتهآ .. وكتف يديه زيهآ .. ورد لهآ نظرت التحدي وهو يبتسم ..

..‏ خيرر وش عندس ؟؟
مآكلن حلآل أبوس أنآ ؟؟

نوف أنقهرت من تقليده لحركآتهآ ‏.. عآرفه قصده .. يتهزآ بهآ .. بس طنشته ..

..‏ اسمع يآعقآب ..
آللي صآر البآرحه .. مآبيه ينعآد أبد أبد ..

خذ فرآشك .. وأرقد علآ الرقه >> الأرض ..

قرب لهآ .. لف يديه علآ خصرهآ ..
يآملحس بس لآعصبتي ..
هي عنزس دوم كذآتآ هآدفه !!

كان ودس بالرقه .. ومآتعودتي على رقادن بالسراير .. وخآيفتن تطيحين لآقدس نويمه وتشخرين ..

مآعندي مآنع أحول معس ونرقد سوآ علآ الرقه ..

رفع ضغطهآ .. شآيفن عمره .. كنهآ هي آلبدويه آللي عآيشه عند أبلهآ وفي خيمتهآ ..

وهو آللي متمدن .. ويرقد على سراير وسآكنن قصور ..

مآكنه هو آلبدوي آللي يعفن عند أبله شهور مآشفنآه ..

حآولت تدفه من صدره .. وهي تقول ..

لآ أرقد لحآلك ..

آنا برقد على السرير وانت فارقني .. الرقه تبزآك ‏.. >> تبزآك يعني تحملك

عقآب وهي للحين بين يديه .. آآآه توني فاهمن مقصدس ..

تبين تعرفين ردي ..
شد علآ خصرهآ بقوه .. وأنحنى وشآلهآ لغرفتهم ..

وسط ضحكه .. واعترآضآتهآ .. وصيآحهآ .. وتهديدآتهآ .. وآخر شي دعآويهآ .. وآخر شي .. آعلنت استسلآمهآ مؤقتآ ..

‏"‏ يتبع "

" يتبع ‏‏"‏

..‏ ‏" بعد اسبوعين " ..

رجعو المعآريس من عسلهم ..

موضي وجآبر .. عودو من سيآحتهم الدآخليه ..

وهم في آلطرريق ..
جآبر بصوت نشآز يغني ..

نآقتي يآنآقتي .. لآربآع ولآسديس ..

.....
موضي سدت آذآنهآ .. يآرب رحمتك ..

يآشكوآي لله .. وش ذآ الصوت .. عسى ربي مهوب غآضبن علي ..

لآودي أفشله وحنا تونآ معآريس ..
وأنت سكت بتفجرر أذآني ..

وبلؤم الحرريم ..
جآبر استغفرر ربك ..
ترآ مهوب زين تنشد صفرت المغرب .. تخآطفك الشيآطين ..

ويدخل بك جن مخآمرر لآحآكوه مآيتحآكى .. يقعد بك لين تشيب ..

جآبرر .. خلس من ذآ التخآريف ..
ذي تخاريف عجيزآتنآ .. أمي وأمس ..

ورجع يغني بصوت أعلى ..
نآقتي نآقتي .. لآربآع ولآسديس ..

قاطعته موضي بطفش .. كود ينسى ..
جآاااااااااابررر .. آبي الحمآم ..
جآبر .. وجع مآبس صبرر ‏.. وين اجيب لس حمآم منه ..

أحولس في الخلآ !!
موضي .. في الخلآ آلخلآ ‏.. يآ الله .. في ذي القمرآ .. كلشن تشتهي تسويه !! ..
وبنفسها .. خل ترتاح أذينآتي .. وأمغط ظهري في البرآااد يآالله من برآد الجنه ..

‏*‏ * *

نوف وعقاب .. رجعوو من الأردن وسوريآ .. عشان يمر عقاب على طريقه .. مراعي الشمآل ..

وهو يحس حيآته جآ فيهآ حركه .. وزادت حلآوتهآ ..

ونوف .. مابين حرب واستسلآم ..
عصبيه .. وتخطيط فاشل ..

‏*‏ * *

بدر ومنتهى .. سفرهم داخلي بمآ أن منتهى لسا في الشهور الأولى .. وممنوعه من ركوب الطيآره ..

..‏ سالم وجوزا .. حالهم كما هو ماتغيرر ..

صقر وبتول .. تحدد زواجهم في الحج وبدا العد التنازلي لهم ..

مآجد ووضحى .. ‏

كبده غليله على تطنيش وضيح له ..
وتوعدهآ بضرب النسآ بالنسآ .. عشآن تسنع ..

وضحى .. فجر رآسهآ من كثرر مآيرد عليهآ ..

وملت من كثرر طريآه لعرسه ..
طنشت .. وحطت في بآلهآ ..
‏"‏ لآصرت رآيح سوو الفضآيح "

وراه أحشمه وأبديه على عمري .. وهو بيعرس وبينسفني أنا وبنيآتي ورآه .. مآفآدتني زود حشمته .. رآيح رآيح على كل حآل .. خلني على الأقل مآ أتحسف على شي ..

‏*‏ * *

‏"‏ بيت أبو بدر "
..‏ عزيمة منتهى وبدر ..

أختصروهآ علآ أهلهآ وأهله بنآءآ على أوامر بدر ..

منتهى .. احترت وش ألبس ..
جيت بسكر الدولاب بطفش .. كل شي ضيق ولآصق بيبين بطني ..

بس جت عيني علآ فستآن .. تووحفه .. كنت ناسيته بآلمره ..

فستآن حرير بيج فضفآض .. بدون قصآت ولآ كسرآت .. اكمآمه كت .. وقصير .. وله يآقه مشكوكه شك خفيف بني .. واسفله بعد شك بسيط .. لبست شوز بني بشرآيط بنيه سآتآن ملفوفه على سآقي ..

وتركت شعري مسشور ومفتوح .. أحس لون شعري عطى للفستآن حلآ ..

لبست اكسسوار نعووم ..وتعطرت ..
دخل بدر اللي جآ يستعجلني ..
صفرر بأعجآب .. وقرب ولفني له ..

يآااهوووه تسلم لي هآلطله .. وش هآلحلآااا ..

احررجني .. بس فجأه صرخ علي ..
منتهى .. غيري جزمتك ..

منتهى باستغراب .. ليش مو حلوه ؟؟

بدر ‏.. انتي نآسيه أنك حآمل ؟؟
تبين تطيحين بهآلجزمه !!
بعدين ظهررك .. تاعبك خلقه .. تروحين تزيدينه ؟؟

منتهى بعنآد ‏..
لأ مآرآح أغيره .. عآجبني .. ومنآسب للبسي ..

بدر .. منتهى بلآ عنآد مو وقته ..
منتهى تقعد ع السرير .. أن غيرته مآراح أروح للعشآ ..

قرب لهآ بقهرر من عنآدهآ .. ولو هو مو مستعجل كآن عرفهآ كيف تعآنده ..

خبطها بخفه ع رآسهآ ..
قومي البسي عبآتك .. انتي هآلرآس مآتخلين عنآدك ..

ابتسمت بانتصآر وقآمت ..
.

دخل لأهله ومنتهى ورآه ..
سلم على أبوه وأمه وخوآته ..

كتمت الجوهره شهقتهآ بنفسهآ ..
مسكت بدر على جنب .. وهمست له ..
بدر وش ذآ ؟؟
منتهى حآمل ؟؟

ابتسم باحرآج ‏.. وقرصهآ في خدهآ ..
آوووووص .. لآتحرجين البنت .. يآويلك أن قلتي لهآ شي ..

الجوهره .. يخرب بيتك على هالعمله .. مستغفلينآ أنت ويآهآ ..

بدر بعدم اهتمام دفها ..
انقلعي بس .. مآلك دخل فينآ ..

..‏ بدر .. مآ قدرت أنزل عيني عنهآ ..
حلآهآ يزيد يوم عن يوم ..

حركآتهآ .. ضحكتهآ .. بسمتهآ .. ملحهآ .. دلعهآ .. أنآقتهآ .. عطرهآ ..

كلهآ كلهآ على بعضهآ حلووه وتجذبني ..

الجوهره وهي تمد الفنجآل لبدر .. وهو مو يمهآ ..
يآهووه نحن هنآ .. أكلت البنت أكل ..

بدر .. هههههه غيرآنه عشآن أبو نآصر مآ عطآك وجه ..

سحبت نفسي بالقووه لمجلس الرجآل ..

‏*‏ * *

" فادي "

دخلت باخذ باكت سجايري من سيارتي .. اللي مبركنهآ في حوش الحريم ..

شفت دخلت ومعها سوزي اختها لحالهم .. أمهم مو معهم ..

شكلها انصدمت من شوفتي .. وقفت مكآنهآ .. وأنآ تقدمت لهآ ..

‏"‏ آنتهى البآاارت "
ليله سعيده للجميع ..

]

اقتباس:

المشاركة الأصلية كتبت بواسطة سعوديه وافتخر (المشاركة 2084235)

اشوى اللي لحقت ع البارت هههههههههه

والله بارت روعه وصقر ودلعه لبتول مو صاحي
وخلود وسالفتها مع فادي توها تبدا وشكل النهايه ماهي زينه الله يستر

وعقاب ونوف يايويل قلبي من هالبدوي الرومانسي ^.^

والجوزاء اكيد بتسمع كلام سالم وتعيد حساباتها

اما ماجد حلال اللي تسويه فيك اجل ناوي تعرس عليها هاه والله وعرفت تربيك ^.^
ههههههههههههه للحين اضحك على موضي وخبالها وجبور اللي مستمتع
بالحلم واكثر ما يضحكني دعاويها تفطس من الضحك

تسلم الايادي ام وسن

هههههههه الله يسلمك قلبي .. زين لحقتينآ ..

جوزا × سالم
صراحه انا حاقده على زوجها .. ان شاء الله ترجع له لانه يحبها بس بعد ما تنشف دمه ..
نوف × عقاب
تحفه هالاثنين .. بس عرف لها ابن ابوه وعرف وشلون يشكمها ..
موضي × جابر
ههههههههههههههه روعه بجد يجننون بعفويتهم وبساطتهم ..
ماجد × وضحى
احسسسسسسن العبي باعصابه ... << وحده متعقده من زوجها خخخخخخ
منتهى × بدر
هالعصافير .. يا رب يدوم استقرارهم وحياتهم بهالهداوة ..
فادي تركد شوي يا ولد ولا تتهور .. وااااااااااي قلبي شكله بجيب العيد بتصرفاته..

يعطيك العافيه ام وسونه ..
بانتظارك
تحيتـــــــــــــــــــي

الله الله الله عليك ام وسن وربي بارت ولا اروع
يجنن لي عوده بالتعليق ^.^