|
اقتباس:
عندك حق مش كل الحكومات بتقدر توفر اساسيات المعيشة وبالنسبة للعمالة الخارجية دي نقطة مهمة احييكي عليها دايما عندنا عقدة الخواجة ياترى لو انت صاحب عمل هاتوظف مين الاجنبي(لانه من بلاد برة) ولا ابن بلدك؟ |
أنا لما بقول يا إسراء إن وظيفة الحكومة توفير فرص عمل لست أعني بالمرة وظائف حكومية
ولكن توفير الجو المستقر الذي يشجع الناس إنها تفتح مصانع .. مع وضع قوانين تحمي العاملين بنفس الوقت لما يكون تنمية بلد و توفير فرص عمل للشباب و مساكن و تعليم و علاج حماية مواطن مش شغلة الحكومة بالذمة يبقى شغلهم إيه؟ الحكومات طلعت إشاعة إننا شعب إتكالي و عاوزين الحكومة تعمل لنا كل حاجة .. و إحنا للأسف أخذنا الكلمة و صدقناها بكل حسن نية دلوقت المواطن ما شاء الله بسم الله .. معتمد على نفسه في كل حاجة اسمنا عندنا تعليم مجاني .. و الفعل إن الأهالي بتدفع دم قلبها دروس خصوصية (مجهود ذاتي) اسمنا عندنا علاج مجاني و لو لا قدر الله ذهب أحدنا للمستشفى لازم يكون واخد كل حاجة معاه من أول القطن و الشاش مرورا بحد يتبرع له بالدم لو احتاج .. ناقص كمان ياخد الدكتور هههه (مجهود ذاتي) و النضافة مسئولية الشعب .. يمكن مطلوب مننا ناكل الزبالة علشان نخلصهم منها (جهود ذاتية) ههه الفقر يا جماعة و المشاكل مش قدر مكتوب على شعوب معينة لأ ....... ده نتيجة سرقة و فساد و فشل حكومي فيه دول قفزت من الصفر و أصبحت من دول العالم الأول في خلال سنوات قليلة فيه اليابات بعد الحرب ألمانيا ماليزيا الهند . . . . شكلي فعلا هودينا في داهية يا إسراء هههههههههههههه |
انتي فظيعة ياعلا مش بقولك زي لوزة ههههههههه
اعتقد ان عندك حق في اللي قلتيه ان توفير المناخ الملائم لكل قطاعات المجتمع لتوفير فرص العمل من مصانع وشركات وخلافه دي فعلا مسئولية الحكومة والفقر دة جزء من مشاكلنا الكتير اللي سببها الفساد وانعدام الضمير وسيادة نظام الواسطةوغيرها بس ايه الحل هانفضل نتفرج؟ ولا نعمل ايه؟ هو دة السؤال (احنا الاتنين هانعمل مشاكل كبيرة ياعلا ههههههههه) |
طبعاً .. أسباب البطالة عندنا مختلفة وحلولها مختلفة
لكن تخيلو بعض شبابنا عاطلين لم يجدو عمل وهم المسئولين عن لقمة عيش أسرهم وذلك بسبب 1- العمالة الأجنبية 2- عدم قدرة القطاع الحكومي على توظيف الخريجين 3- الهوة السحيقة في الرواتب بين القطاع الحكومي والخاص 4- عدم إغلاق الأقسام التي لا يتطلبها سوق العمل الحلول ::: 1- فتح معاهد مهنية حرفية في كل المناطق لتدريب المواطنين على الأعمال التي يتطلبها سوق العمل 2- تسخير المناهج الدراسية لخدمة سوق العمل 3-تحديد حد أدنى للرواتب في القطاع الخاص , وإجبارهم على التدريب والمتابعة 4- إغلاق التخصصات التي لايطلبها سوق العمل طبعاً .... هناك الكثير خاصة فيما يخص بطالة المرأة بالذات |
موضوعك عجبني من يوم ما نزلتيه يا دكتورة إسراء
و كتبت رد طوووووووويل و عرررريض لكن النت فصل و راح الرد نجي للمهم::::: بما إني واحدة من اللي بيعانوا من مشكلة البطالة و ممكن تعتبري داه بإختياري مش اجباري لأني عارفة مافيش وظيفة بتناسب ميولي و دراستي بحكم إنه مجالي صعب تلاقي أي وظيفة فيه (تغذية) إلا لو كان في مصنع أو مستشفى و زي ما انتِ عارفة عندنا في السعودية مش بيحبوا حكاية الإختلاط في الشغل يعني أنا ريحت نفسي و بطلت ادور شغل أحسن و حتى التدريس لو فرضا عايزة اكون مدرسة تدبير منزلي انا مش بلاقي نفسي فيه أبدا بحب يكون شغلي عملي و ليس مكتبي مش بحب أمسك قلم وورقة و اكتب طول الليل و النهار و داه اللي هيحصل في التدريس بالنسبة لحكاية المجالات أو كليات القمة انا في نظري سوق العمل مش محتاج معظمها يعني المفروض الحكومات تفتح مجالات جديدة في الجامعات علشان تلبي احتياجات السوق و المؤسسات من الايدي العاملة و الخبرات في شتى المجالات و مش عيب انه واحد فينا يكون مهندس ميكانيكا او حتى بشتغل يدهن الحيط انا في نظري كل حاجة يحتاج لها دراسة و فن و الكليات الفنية او التقنية هي اللي مفروض تكون كليات قمة و ليس الكليات المتعارف عليها لأنه هي اللي فعلا بنحتاجها على فكرة ماننساش نظرة الناس للي بيدخل الكليات الفنية و التقنية بيقولوا (ايه داه حد يختار كلية زي دي أكيد هو مش جايب مجموع كويس ) مع انه في كتير بيدخلوا الكليات دي بمحض إرادتهم الظاهر طولت عليكِ يا اسراء لكن الموضوع روووووووووووعة بجد أشكرك على الطرح المميز و لك مني تقييم |
| الساعة الآن 11:11 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية