|
اشكركل اللي ردوا وتسلموون هلابك زوزو اسعدني تواجدك حبوبه لاعدمتكم جميع ولايحرمني من ماماتي زارا البارت الرابع(4) مطلق وهويسمع شله لقصيدة ابن فطيس <<ياهيه التفت لي واسمع دعاي لك ياهيه ترى عادك بتشبع من البعد وتواجه دعيتك بصوت(ن)ياصلك ليه ماتوحيه وانا اسمع ضلوعك من صدى الصوت لجاجه عليك الفواد اخلاجه مصمخن راعيه خف الله في راعيه ماتسمع اخلاجه ترى العفوقدجاك اوله واغتنم تاليه وترى الحلم بحرغير لاتأمن امواجه وترى الود ليل مظلم جيتلك ساريه سراجه وصالك والجفا ينفخ سراجه وترى قصرنا اللي كم سنه نجمع نبنيه هوى العذل طيح بابه العود واسياجه لي ايام مدري وين دارك و لا ادري ليه وانا خابر اني باب شفك ومزلاجه غياب(ن) بلاسبه هجادن بلا تنبيه جفا اغلى العرب نار(ن) على الكبد وهاجه نضج قلبي من البعد وش حاجتك تكويه جفاك الجمر والصبرفي بعدك الصاجه طبع حبك بقلبي والايام ماتمحيه هذا هجرك يحاول يموجه و لاماجه يموت الامل لكن ظنون الغلا تحييه عروق الوفا في الروح و القلب وجاجه خبرتوا حدن يبكي على واحد(ن) يبكيه وخبرتوا حدن مسجون مايبغي فراجه احبه ولا ابغضته على شي(ن) يسويه ولازالت رقاب الرجا فيه منعاجه عسى منزلن ضمه حقوق الوسم تسقيه وتضحك له الدنياوتضحك له حجاجه فقد خاطري شي(ن)من الضيقه مسليه وغدت روحي من الناس والليل هجاجه اروح لمكان خابره خابره ياتيه القدم صوبه وهي مالها حاجه مكان(ن) نزيه واول مواجهي له فيه وانا خابر ان مامثل رجله بدواجه لعل وعسى ماحدني للمجي يدعيه واشوفه وانا ماودي اسبب احراجه يحب الجريح اخر دروب اللقا ويجيه وتحب القدم جيت مكان اول مواجه>> سكرها وهو يتنهد من اعماقه :اييه ياقلبي الله يعينك بمابلاك اسلى ياقلب اسلى ونزل من السياره داخل لبيته @@@@@@@@@@@@@ محمد:وش علومس انتي ورجالس الريم:مابه علووم محمد:سمعت انس تبين الطلاق وتقدم في جلسته بسرعه وقال:يالريم ان كانس مضيومه تكفين لاتسكتين الريم:لافديتك الله الشاهد انه مهوب مقصر محمد:اجل وش قومس الريم:انت تشوف حالي انا ماهوب عاجبني وتعبت وانا (وهي تمسح دموعها اللي نزلت)كل يوم اجي من الشيخ كني خرقه طايحه محمد:عين ماصلت ع النبي الله يكتب مافيه اهدا وصالح استخيري ياخوس الريم:استخرت قالي فهد جعلني ماخلا منكم (ابوهم متوفي ) محمدبنظره يملأها الاهتمام :بشري وش حسيتي فيه الريم وتحس برعشه من الكلام اللي بتقوله بس خلوني ارتاح واريح:خلاص ياخوي الطلاق محمد وهو ضايقه قرارها بس راحتها تهمه حب راسها :الله يعافيس ويرزقه يارب @@@@@@@@@@@@@ في بيت مطلق دخلت مثل الاعصار وتصارخ:عموه فديتس في وجهس في وجهس بيضربني عبود جاي يركض وفي يده الخيزران لمى:لااااتكفين ياعموه بمووت وانفجرت تبكي شيخه:فديتك ياعبود ذا النوبه والتوبه خلها في وجهي عبودبصراخ:تخسي ام كشه تعيرني قدام العيال في الشارع مطلق دخل عليهم :وش بلاكم لمى تنط عند ابوها:يبه بيضربني واناماسويت له شي عبود:تهبين ياكشه لمى:شفت يبه شفت ابوها يقاطعها :ابد عبود مايكذب وش انتي قايله عبود :تقول لي الضفدع كامل مطلق يحبس ابتسامته:افا لولو هذا وانا اقول بنتي عاقل تحترم اخوها لمى:مهوب انا عموه تقوله كذا شيخه:شوفوا العوبه حطتني انا السبب طيب انا قلته كيفي ليش تعيدينها مطلق:خلاص هي اسفه صح لمى وهي شاقه الحلق والكشه منتفشه :صح عبود طلع بعصبيه وهويتحلف فيها @@@@@@@@@@@@@ في بيت ابوبداح في غرفة البنات قمزه وهي نايمه على جنبها:جويزي اقولس شي بس لاتضحكين علي الجازي وهي واقفه قدام المرايه تلعب بالمكياج:قولي وش علمس قمزه وهي تستقعد من بعد ماكانت منسدحه:صراحه انا حبيت راعي الرنج الجازي:تكفين اسكتي يابخت وضحى فيه قمزه:يابقره اقصد سعود الجازي وهي تنقز وتقعد جنبها وتمسك جبهة قمزه:انتي متأكده انس بكامل قواس العقليه قمزه وهي تدف يدها:احاكيس جد انا الجازي:وفهد قمزه:بكيفه وش علي منه الجازي:انابطلع لاتهبلين بي والا تقص رقبتي معس على قراراتس وتركت قمزه تحلم بفارسها الجديد @@@@@@@@@@@@@ وفي حوش ابوفالح كان يمشي وهو يكلم سالم:لاتقول ياولد سعود:ماجاك الا الصدق سالم:اناكذبت تركي طيب تهيدوا انا اسبوع وجاي سعود:زين خلاص تم سالم:اسمع ترى محد يدري اني بجي الا الشايب سعودوهويضحك :بقول بس لوحده ماهي بباقي احد ماهيب معلمته سالم :من وضيح اكيد والاسويره سعود:ههههاي معقداتك بقول لوضوح وفي هالوقت كان فيه عيون تراقبه وداخلها جوها قمزه وهي تشوفه يوم ضحك ورفع عينه لدريشتها وقعد يطالعها وطول وهويخزها قمزه طقت من الدريشه وتلحفت في فراشها وهي تول ول :ياويلي ياويلي بيقول بنات خوالي مايستحن يطلطلن على الرجاجيل اكيد شافني يووه ياخوفي لايقول لاحد البنات ورقدت من الخوف @@@@@@@@@@@@@ عند ام فالح تركي وهويغايض فهد:جدوه به واحدن مذيني من جيتكم يبيني اتوسط له عندس ام فالح :ومن ذا اللي يوسطك تركي:جدوه فهود يبي العرس ويقول انس عييتي عليه ام فالح وهي ملتفته على فهد فهد :ماعليس منه كذوب انا قايل لس قبل السنه لاتحاولون ام فالح بمجاراه لتركي:دام تركي اللي يقول فهوصادق وخلاص باقول لفالح تروحون تخطبون القابله فهد يستقعد:اخوالعيال غصب اعرس تركي:فهود عادي ليش تستحي فهد:ان كانه انت ودك بالعرس قول ماهوب تبلشني تركي ضحك وحك جبتهه:كانك كشفتني ام فالح بفرح:ياجعله مبارك يمك يومك تبي العرس كان قلت لي الريم وهي داخله :من ذا اللي بيعرس تركي بضحكه:انااللي بطلق العزوبيه ام فالح وهي تمسح دموعها بطرف شيلتها:الله يرحمس يامنيره قد تروك يبي العرس كلهم:الله يرحمها يارب تركي وهويوقف:ادعيلها ياجدوه ماتبي منا الا الدعاء فهد :تعال وين رايح تركي وهوطالع :بروح المجلس سعيد بيجي الريم تلف على امه:الله يهداس يمه كان مستانس ليه تجيبين طاري امه كلنا ودنا انها هي اللي تزوجهم ام فالح:والله انه ماكان ودي اضيق صديره بس طرت علي بنيتي وفرحة ان عيالهاقدهم رجاجيل يبون العرس @@@@@@@@@@@@@ وضحى:السوري عجلي تاخرنا على البنات ساره:خلصت بس وين صندلي النيلي وضحى وهي تطلع بسرعه عشان ماتنتبه لها ساره:انابستناس تحت ساره دورتها ومالقتها وخذت لها صندل اسود ونزلت ساره:يله وضوح وضحى وهي تمشي بشويش عشان ماتبان رجيلها:يله مابغيتي ساره وهي تمشي جنب وضحى وهم طالعين رايحين لبيت ابوبداح جنب بيتهم :من بيجي من بنات الجماعه وضحى:اللي اكيد بيجون شيوخ وغزيل وسلمى وخلود واناوانتي وقموز وجويزي ساره:وفلونه ليش ماهيب جايه وضحى وهي تضحك:فلونه تقول بيروحون لخالهم ساره بتسأل:الاليش تسمونها فلونه وضحى:عشان خدودها الحمر وبعدين الهبله تموت على فلونه انتي لوتشوفينهافي المحاضره الدكتوره تشرح وهي تفرج على فلونه في تلفونها ساره وهي تضحك:والله انها فاصله نويفه الخبل ودخلوا حوش بيت ابوبداح وضحى بصوت واطي وهي تشوف سيارة سعيد:سويره ودي افش تواير سيارة سعيدان بس اخاف يطلع علي ساره وهي تلفت :لااناقبل لاانزل عليس جيت بسكر الستاره عشان اذا اظلم الوقت ماتبان الغرفه الااشوفه داخل مجلس الرجاجيل حقنا وضحى بفرحه:زيين ابي عود اوشي افش به ساره وهي تدخل يدهامن تحت الشيله وتسحب بنسه من شعره:هاس فشيها وضحى وهي تفش شوي الاجايتها رفسه في ظهرها كتمت نفسها هادي:وش تسون ساره بتلعثم:ااااهلا هلا هدوي عاش من شافك هادي وهويقرب :عاشت ايامس وضيحه وش بلاس وضحى بخوف وتحاول تضيع السالفه:مرحباهدوي ادور خاتمي حذفته طويره هادي وهو ينتبه للكفر وداري انهاكذابه:اه الكفر مبنشر تو سعيد مغيره ياويل من فشه وضحى بتلعثم:هدوي ماتقول عندي اخت مزيونه اسمها وضوح تسلم عليها (هادي اخوهم بالرضاع راضع مع فهد) هادي:فديتس وش اسوي مشاغل الدنيا ساره وهي تسحب وضحى من يدها :الله يعينك يله تأخرنا على البنات ودخلوا داخل @@@@@@@@@@@@@ نجلا:مرحبا يالحب شحالك سعود:لبى ذا الصوت بخيروسهاله فديتس نجلا:ياجعلني فداك انا وشحال اخوك الصايع سعود:ههه يسرس حاله يسع سع في ذا المجمعات نجلا:ايها مالي به الاشخبار جدوه وخوالي سعود:بخير ماعليهم يسلمون عليس نجلاوهي تقلد البزران:ثعودي فديتت بديتم في التياله و اثتقبلني سعود:فديتس انتي اذا عطلوا دلول وعلوي جيناهم كلنا الا دفنه وينها ماجاتكم نجلا:توها رايحه جابرعنده عشا اخوياه متى بتاتون سعود:الاسبوع الجاي نجلابشوق كبير:سعود لاتكفى والله اشتقت لكم سعود:اناواعد سالم اني اقعد لين يجي هواخر الاسبوع بيجي احضرعشاه وامشي صوبكم نجلا :تجون بالسلامه يارب @@@@@@@@@@@@@ هادي فتح تلفونه وارسل مسج لسعيد(سعيد في وحده شنت هجوم على سيارتك وفشت توايرها خخخخخ) سعيد فتح المسج وانقهر بس قال اوريس ماحد مسويها غيرس وارسل مسج لهادي (وين راحت) هادي ارسله يستهبل عليه (من هي اللي راحت الله يرجعها بالسلامه) سعيد غثه هادي وارسله (هويدي لاتستهبل اللي فشت توايرموتري وين راحت) هادي ضحك بعدين ارسل (ماادري البست طاقية اخفاء هههههههههههههههههههههههه امزح دخلت عند البنات) سعيد قام من المجلس رايح لبيتهم سعود:على وين ياولد سعيد:قريب قريب وجاي تركي:بتطلع في السياره بروح معك سعيد:لابروح البيت وعقبها بدق عليك واطلع لي @@@@@@@@@@@@@ سعيد دخل البيت وراح المطبخ وهويصوت لقمزه:قموز قميز قمزه وهي طالعه من المطبخ :وراك وراك وضوح عندي سعيد وهويعلي صوته:ويلي على ناااس اكسريديهم قمزه:صدا منك وليه سعيد:بس عشان اذا شافوا سيارتي يبعدون منها100متر يله انابروح بابدل بطلع اناوتركي وراح فوق ورجعت قمزه وجلست ترتب الفواله في صحون عشان توديها المجلس عند البنات قمزه تلف على وضحى :وضوح روحي صوتي لجويزي تشل معي وضحى:مايحتاج عطيني صينيه وانتي وحده وبرجع اجيب الثالثه قمزه:يله اجل شل هاذي وطلعوا ودوها المجلس وضحى وهي راجعه الا سعيد نازل من الدرج وضحى شهقت ومسكت نقابها تتأكد انهامتغطيه سعيد:سم عليس يالشيخه مفروض ماتروعين لانس قويه تفشين الكفرات وضحى برعب:هاااه اي كفرات سعيد:ماعليه ياوضيح دواس عندي والله ان تعقلين وطلع وضحى انفجرت من الضحك :ياعزتي لك ياسعيدان @@@@@@@@@@@@@ موعدنا الجاي بعد 10ايااااام ان شا الله انتظروني .......... |
السلام عليكم...
غنووجه.. يااويلي قلبي انا من شفت قصيدة ابن فطيس خقيييييييييت عندها عدتها عشر مرات ونسيت اكمل قرااية الجزء>>فيس رومااانسي ويحب ابن فطيس..هخهخهخهخه اقووول لايكووووووووووون الريم تحب مطلق؟؟؟؟؟؟؟؟؟؟؟؟؟؟؟؟؟ اتووقع انها تحب مطلق... بس مطلق هذا عنده عيال.. ؟؟ يعني هوو ارمل والا مطلق؟؟؟ وبنت هالعوبا هذي كم عمرها ؟؟ يمكن 8 سنوات؟؟ احلى شي فيها صرااحه واللي حسدجتها عليه الكشه ابي كشه مثلها..>>فيس يحب الكشش ولا هو محصلها.. هخهخهخهخه وضحى يااويلهاا من سعيد اكيييييييييييد انه حطها في باله وبيريها الويل اتوقع بيتزوجها يمكن تتحداهاا لين تخليه يطلع من طووره ويتخبل ويخطبها..اقوول وضحى ليش تاخذين صندل سااره تراني شاايفته عليتس وهي مااتدري ..ماراح تشووفه الا وهو على رجلتس عند البنات..عهعهخهخهع قمزه يااحليلهاااا تحب سعود رااعي الرنج..هخهخهخهخه الله يووفقها .. غنوجه.. نشووفتس اذاا الله احيانا بعد 10 ايام.. بس ليش هالوقت كله؟؟ العطله خلصت وانتي شكلتس تووتس تعطلين..هعخهخهخه الله يوفقتس ياارب.وباذن الله بنكون على الوعد.. |
غنوج تسلمين عالبارت حبيبتي<< الفيس راعي الورود
قمزة تحبينه<< فيس مصدوم.. هذا شو اسمه الحب من اول موتر<< فيس ينكت وضحى وسعيد اعصابك يا ريال.. انا اقول حلوة سالفه انك تحطها في بالك<< فيس ناوي عالشر.. وانتي اشعنه اتفششين تواير موتره ها.. ما تستحين على ويهج<< فيس حاس بمعاناته نترياج فديتج<< الفيس راعي الورود http://www.liillas.com/up3//uploads/...29afe633ce.gif |
السلام عليكم ورحمة الله وبركااته
شخبارك يالغلاا؟؟؟ تسلم اناملك على البداايه الرائعه للروايه * * * اعتذر عن التأخير لكنك دارية بالظروف ^_^ * * * نبدأ التعليق بسم الله ^_^ * * * &ريم&بداح& اتوقع سبب البعد هذا والنفور سحر او عين ربي يكفينا شرهم.. لكن كمان اتوقع ان هذا مجرد احساس نابع من عقل ريم الباطني بسبب رفضها لـ بداح من البدايه يمكن هي تشوف انها بدت تتقبله لكن عقلها الباطني عكس كذا..فيمكن عشان كذا تحس بالنفور هذا و الكرهـ الزايد اما بالنسبه لبداح أفضل انه يوقف كل محاولاته في ان ريم ترجعله مو على طول..ولكن لفترهـ معينه عشان يخليها تجرب البعد عنه يمكن ماتقدر عليه لمن يختفي تماما عن حياتها..وترجع له بعدها وتصير امورهم زينه. * * * &وضحـى&سعيد& ياحليلهم احسهم ثنائي حلو..اتوقع انهم رح يحبون بعض ورح يجتمعون تحت سقف واحد لكن بعد عداوة بسيطه وخاصه بعد موضوع كفر السيارة ههههه * * * &سارهـ&تركي& هذول كمان اتوقع انهم رح يحبون بعض في النهايه لأن وضحى من أول تلمح لسارهـ او يمكن هذا مجرد حركه من وضحى عشان تلفت انتباهـ سارهـ لتركي * * * &قمزة&سعود& ياحليلك ياقموووز وتحبين راعي الرنج بعد..لكن اتوقع راعي الرنج في باله وحدهـ او انه يحسبك مثل اخته..لكن ان شاء الله يبادلك نفس الشعور..ولو إني بعد حاسه ان اللي انتي فيه مشاعر مراهقه لا أكثر ولا أقل ^_^ * * * الباقين الله يستر علينا وعليهم * * * بانتظار البارت الجديد على خير وعندي طلب زغيرون ياليت تكبرين الخط يالغلاا البارت الجاي بإذن الله تدرين عاد العيون لك عليها * * * بالتوفيق الدائم للجميع |
السلام عليكم
يقولون انلكل منا نصيب من اسمه فكيف لا و(الغنج)خير دليل على صدق هذه المقوله فلا تبخلوا عليها بدلالكم في الردود فانا المحامي الشرس لها,مبروك مولودتك الجميله (تتربى وتتدلل بعزك) ولكي مني كل التشجيع والتصفيق:55: بالنسبه للروايه: بداح:هل لي بسؤال؟ الا يفهم ان ما بهذه الريم لاعلاقه له بالعين؟ والدليل معاملتها سابقا له,ام هذا اللعين(الحب) هو ما يخفي عنا عيوب من نهوى؟بل ونسمح لهم بالعبث بمشاعرنا؟ الريم:لم افهمها بعد! مطلق:حقا عندك ذوووووق على اختيارك لابن فطيس ليعبر عن مشاعره فهو يحب بل يعشق,فمن هي فتاة احلامه اللتي ابتعدت عنه وما ادمى قلبي هوبيت الشاعر:((عليك الفواد خلاجه مصمخن راعيه خف الله في راعيه ماتسمع خلاجه)) ابدع الشاعر وابدعتي غنوجه الاختيار وضحى وسعيد:فاكهه موسميه لذيييذه نشتاق لقدوم موسمها لنقطف منهما البسمه (توم وجيري)هل تشبيهي في محله؟ سواره:انا امك وابوك ان بغيتي بس لا تزعلين ولي عوده مع البقيه |
| الساعة الآن 12:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية