|
البارت السادس..
الجزء الثاني.. وفجأهـ شاف يدها تتحرك من الفرحه بسرعه امسك يدها:ترف تسمعيني ترف لو تسمعيني شدي على يدي واللي يعافيك تحركي قولي شي لحظه لحظه ابي اروح اقول للدكتور بس هاه استنيني لما اجي.. ركض للدكتور وخبره جاء معاه الدكتور ومثل ما توقع الدكتور ان حالتها في تحسن وانها قريباً راح تقوم.. ما قدر يتحرك بدر من الفرحه حس ان هم وانزاح عنه طول الوقت كان يحس ان سبب هالحادث هو لكن ما ضيع ربي دعائه وطلبه ان يرجع ترف مثل ما كانت واحسن رغم خوفه لان الدكتور يقول ان فيه نزيف داخلي وبدماغها تحديداً واحتمال انها تفقد الذاكره او تفقد أي عضو من اعضائها او او او احتمالات كثيره اعطاه الدكتور لبدر بس ما همه وش يقول الدكتور المهم انها تصحى وبس.. ---------------------------------- اما اللي في المزرعه.. وفي غرفة ياسمين وبدور واريج.. جابت ياسمين معها قهوه وحلى وجلسوا على الأرض يا كلون.. اريج:ما شاء الله عليك يا ياسمين توني ادري انك تعرفين تسوين حلى.. ياسمين وهي تحط يدها على خصرها:وش قالولك انا اصلاً اعرف اسوي ذبيحه.. بدور بخمول:كثري منها.. ياسمين:استري لا تفضحيني.. ابتسمت اريج:لا تخافين ماراح افضحك.. ياسمين:اروج ابي اسألك سؤال.. اريج:تفضلي.. ياسمين:لما اعلنوا عن خطبتكِ ليش رفضتي ادري سؤال شوي شخصي بس اعتبريني انا وبدور مثل خواتك وتكلمي بصراحه.. اريج:........... بدور وكان عندها فضول تعرف وش السبب:والله يا اريج اني فرحت لك بس لما شفتك متضايقه خفت انك لسى ما خذه منه موقف بس والله بدر ما قصده اكيد ما كان بوعيه هذيك الفتره بس إذا انتي ما تبين وما فيك أي ذرة تقبل له لا توافقين طالعي لي ولياسمين ترى كلنا ما كان لنا راي لما خطبونا يوسف وعماد وفي اللي توفق منا وفي اللي لا بس إذا انتي ما تبين قولي وراح نوقف معاك لأن المسأله مو لعبه.. اريج:بصراحه احس اني خايفه.. بدور:من وشو؟!! اريج:منه ومن حياتي الجايه من كل شي والله احياناً اتمنى ما يلقونه ولا يرفض انه يجي بس اخاف ينحط علي اللوم وانا اللي اروح فيها.. ياسمين:خوذيها مني بدر مستحيل انه يفكر يضرك ولا بشي بسيط انتي بنت عمه ولا تنسين هالشي.. اريج:ع العموم انا مالي كلمه بعد اللي قالوه والله حتى لو انتحر ما يقتنعون ومتى ماجى الله يسهل علي.. ياسمين:اروج بكون معاك صريحه و واقعيه انتي تدرين والكل بعد ان احتمال بأي لحظه يكون بدر هنا ولما سألت عمتي اقصد امك تقول انك ما جهزتي ولا شي طيب الحين انتي مو خايفه انهم فجأه يجون وانتي ما جهزتي شي.. اريج:إذا يبيني يا خذني كذا.. بدور:ما يصر لازم تكونين جاهزه ولا تنسين انتي عروس مثلك مثل غيرك ومن حقك تستانسين بهذي اللحظه.. اريج:خليها على اللــ طراااااخ انفتح الباب بقوووه.. نرجس وهي تجي وتجلس وتصب لها قهوه:تحاسبونا ما درينا عنكم ريحت القهوه واصله عندنا.. غلا وهي تأيد:وهي الصادقه خشمي سكر من قو الريحه<<يا عليك صواريخ.. سجى وهي تاخذ من الحلى:يوووه يهبل مين مسويه.. فجر:رايقه تسأل مين مسويه شني الهجوم ولا تسألين عن شي.. وسن بصراخ:نرجــــس وجع بقيلي من القهوه خلصتيها.. نرجس بنفس درجه الصوت:والله إذا تبينها تعالي صبي لك مو لا خلصت تفضحيني.. وضحى:بنااااااااااااااااااااات.. عمشاء من وراها:الشباب طلعوا يجيبون الغذاء والدبابات ورى البيت بسرعه هذي فرصتنا.. ما كملت كلمتها إلا والبنات كلهم طالعين.. نزلوا تحت وبترقب خايفين يكون واحد من الشباب موجود.. وسن وهي تلف الطرحه عليها وبصوت هامس:بنات غطوا وجيهكم لا يطلعلنا واحد من العيال.. نرجس وهي تلف الطرحه بطريقه حلوه وأفضل لطلعه مو لتستر عن جريمه:اخلصي وشوفي لنا الطريق.. وسن:صعبه والله اسمع صوت بنااااات هروووووب.. طق طع طب طررراخ دوووم دوب<<على فكره هذي كلها من البنات.. اما تحت77.. بندر وهو يطالع فوق:كأني اسمع اصوات.. حسام:كل هالأصوات وكأنك سمعت اكيد البنات يبون ينزلون بس لما دروا ان في احد هنا هربوا.. بندر:على قولتك.. وفوق^^^.. فجر وهي تطش طرحتها بعيد:وضحوووه عميشووه الله ياخذكم مو تقولون ما في احد واللي شفناهم الحين بيشكون فينا إذا سوينا أي شي.. غلا:الحمد لله والشكر مره ثانيه ما راح نسمع لكم.. من بين هذي الفوضه كلها كانت بدور بعالم ثاني وهي تناظر لوسن(الحين وش فيها زود عني عشان يبيها والله ما فيها شي مميز همجيه عصبيه مزاجيه ما من زين<<بدور كثري منها يا حلوه.. صموت لو سمحتي انا اكلم نفسي انتي وش عليك طالعيها زين ما فيها جمال ابداً<<حرام عليك وسن والله حلوه.. بسوي نفسي ما سمعتك ولا تدخلتي بكلامي خليك بعيد احسن لك<<خلاص لا تعصبين.. اااااف هذي هي يا يوسف اللي تبيها!!) بهذي الحظه لاحظة وسن شرود بدور فيها وحست ان ودها الأرض تنشق وتبلعها ولا تناظر لها كذا.. حاولت انها تطلع من الغرفه بأي طريقه:بنات انا ابي اروح اشوف مين اللي موجود واخبركم.. فجر:يكون احسن.. دقت على مازن وعرفت ان بندر وحسام اللي بقوا وراحت لغرفتها وما كان لها نفس انها تقابل بدور فضلت العزله على انها تقابلها وتحس بالذنب.. ----------------------------- في بيت الجد محمد.. صار لها كم يوم وهي ما تطلع من الغرفه طبعا الغرفه مشتركه بينها وبين خواتها سلمى وعلياء.. دخلت عليها سلمى:الحين انتي صار لك كم يوم مو عاجبتني وش بلاك.. عبير:مو ناقصني غير انتي اطلعي برا.. سلمي:مثل ما هي غرفتك تراها غرفتي.. عبير بنفاذ صبر:سلمى والله مو ناقصتك.. سلمى:طيب وش فيك ومنيره وش عندها كثرانه زياراتها لك.. عبير:وانتي وش دخلك.. سلمى:من باب الفضول.. عبير:اقول انقلعي ولا والله لا اعلم امي انك تطلعين مع عبود.. سلمى:علمي وشوفي وش يصير لك.. عبير:لا خوفتيني .. سلمى:انتي وش اللي حارك إذا طلعت معاه ولا لا.. عبير:اجل فيه وحده عاقله عمرها 17 تطلع مع واحد عمره 12.. سلمى:كيفي حره ما لك دخل فيني.. عبير:سلموه لا تخليني احطك براسي.. سلمى وهي قايمه:اقوم بكرامتي ابرك لي.. عبير:ايه احس.. {عائلته نوعاً ما ماديه وبالذات البنات مستعدات يذحـ(ن) انفسهـ(ن) ولا يحسن بالنقص احياناً الفقر يغير النفوس وينسي الأنسان كرامته وعزت نفسه} ----------------------------------- في المستشفى.. كان باسل كالعاده بالطوارئ يستقبل الحالات.. فتح الستاره وطلع منها بعد ما كشف على شخص وخلص سأل الممرضه اللي كانت معاه:انا اول مره اشوفك بهالقسم.. الممرضه:توني خلصت دراسه وهذا انا توضفت هنا.. باسل:اهاااا طيب يا سستر ايه صح وش اسمك.. الممرضه:منى فالح.. باسل وهو يتذكر:فالح مار علي هالأسم فالح ايش.. منى:فالح محمد.. باسل:يوووه الحين انتي بنت ابو عبيد.. منى وهي مستغربه شلون عرفها:ايه بس انت مين.. باسل:انا باسل حسن اللي عمي يصير ابو سيف.. منى:اهاااا توني ادري ان عندهم ممرض بالعائله.. باسل وهو مستغرب تجاوبها معاه وحاول ينهي الموضوع لأن على قولته ما ابي اتورط مع بنات الفقر<<ارحم حالك:اوكي انا عندي شغل استأذن.. منى:اذنك معاك.. (ما شاء الله توني ادري ان عندهم واحد اسمه باسل ولا ممرض بس ما ابي احتك فيه لأن ما ابي احتك بهالعائله كلها<<تعجبيني^_^وحده بوحده..) هزت راسها عشان تشيله من راسها وراحت تكمل شغلها.. ------------------------------------- في المزرعه.. كانت تتمشى لحالها ولأول مره تحس انها ناقصه عن غيرها اليوم الظر على الغداء سمعت سمر تتكلم مع وضحى وعمشاء.. نرجع شوي لوقت الغداء.. سمر:تخيلوا بنات كنت مره نازله للصاله وسمعت امي ومشعل يسولفون وكانت امي تقول لمشعل قبل لا يروح تبيه يخطب غلا عشان إذا رجع يخلون زواجه وزواج بدر مع بعض.. وضحى:ومشعل وش كان رده.. سمر وهي تشرب بيبسي:رفض.. هالكلمه هذي كانت لها وقع مرعب على غلا ما توقعت ان هاليوم بيجي طول عمرها ترسم احلامها مع مشعل حتى انها ماقدرت توقف وبعدت عنهم ولا عرفت وش سبب رفضه سمعت عن هذا الموضوع من قبل بس ما توقعت انه بيكون جدي حاولت تتماسك طول الفتره اللي كانت عند البنات بس لما نام الكل طلعت تشم هوا ولبست جاكيت رغم ان الجو باليل حلو ومو محتاج هالتدفئه بس كانت تبي تدفي الصقيع اللي بقلبها عمرها ما دق قلبها مثل كذا عمرها ما حست بنقص طول عمرها مقتنعه بنفسها بس هالمره تأكدت ان ما عندها ولو ذرة ثقه,صعب المرأه ترفض من رجل لأن ينتاب أي بنت انها مو كامله وهذا معناه ان رفضت من رجل يمكن ترفض من الكثير,حاولت كثير انها تنسى بس ما قدرت هذا مشعل مو أي واحد عشان تنسى هذا دنيتها هذا حياتها او موتها مستعده تضحي بأي شي عشانه بس ما يتركها لو موجود كان راحت لها وتأكدت بنفسها تدري ان هذي مغامره منها بس والله ما تقدر هذا مشــــعل.. أنا مو عادتي أسهر إلى هالوقت من هاللـيل ولا من عادة آهــاتي تعلَي صوتها فيــني ولا من عادة دمــوعي تجي من فوق خدي سيــل إليـن الله بـلاني بك وحطيتــك وسط عيني عشقتك وإبتدى بي ليل وشفتك وإنتهى بي حيــل ياعالم هالعشق إلى وين بعد رايح يوديــني؟؟ أحبــك من هنا للعمر وأحبــك من هنا لليــل أحبــك لو دروب الحــب تكتبني وتمحينــي تعـب هالقلب يتــألم تعب من كثر ماهو يشيــل تعبــت أتنهد الآهــات مابين أحزانـــي وبيني أنا ودي ولــو مــره عيوني يخــونها المنديــل عشــان تشوف كيف الشوق على لقيــاك يطويني انتهى.. انتظروني بالبارت السابع الجزء الأول.. تقبلوا تحياتي.. اختكمـ ومحبتكمـ/صموتـ..(ولصمتـ معانيـ كثيرهـ).. |
السلام عليكم ورحمة الله وبركاته مسي عا البارت الاكثر من رائع واللة يعطيك العافية نبدا نعلق عا الابطال بصراحة انا ماودي بدر يرجع ابية يتزوج ترف احس اهانة انطردواروح ووقت الي طقت في راسهم ارجع يبوني ارجع سوري واتزوجها قوية بصراحة مهما كان الواحد عنة عزة نفس اماترف شكلها بتنعمي او ما تتكلم لان لسانها طويل هههههههههههههه وكلامها كثير اما الباقي ما عندي تعليق عليهم شكرا لك واتمنى لك السعادة والتوفيق واستمري وعساك عا القوة |
تسلمين عالبارت حبيبتي<< الفيس راعي الورود
فرووب البنات الحينه من كم بارت اترايكن اتطبقن الخطة واخر شي.. ما تتاكد ان الشباب كلهم روحو<< فيس معصب.. شدن حيلكن.. ما باجي شي بتردن بيوتكن وانتن ما طبقتن الخطة<< فيس يبيهم يخلصون خطتهم غلا ومشعل ما عليج منه فديتج.. ولا تزعلين.. اللي ما يبيج لا تصيحين تبينه.. خلاص حبيبتي لج عليه ايوزج الاخير منه<< فيس خطابه.. وانته تعال.. ابي اعرف اشحقه رافض البنيه ها<< فيس يبي يعرف اسبابه بدر اتحركت.. زين الحمد لله على سلامتها.. وانته بعد تم اهين ام ابيك تتحرك<< فيس يخبر الشباب اللي هناك نترياج<< الفيس راعي الورود http://www.liillas.com/up3//uploads/...29afe633ce.gif |
بعيشـ منـ دونكـ..
ما ندريـ وشـ يخبيـ القدر لبدر.. ولا لترفـ.. بسـ لا تنسينـ هو حلمه يرجعـ لهم سنتينـ غربهـ مو سهله.. بسـ بالبارتاتـ الجايهـ بيتوضحـ كلـ شيـ.. بوحـ قلمـ.. بيجيكـ العلمـ بهذا البارتـ.. والبناتـ نفذوا وحدهـ منـ خططهمـ بهذا البارتـ والجاياتـ اكثر.. |
البارت السابع..
الجزء الأول.. في ارض الفضه.. وعند بدر.. اتجه للمستشفى اليوم دق عليه الدكتور وخبره انها صحت.. راح لغرفتها ومعاه باقة ورد دخل الغرفه ولقى الدكتور عندها كانت على حالتها ما تغير فيها شي حس ان الموضوع فيه انّا كان هادي وما حس الدكتور بدخوله.. بدر:احم احم مرحبا.. الدكتور:اهلا بك اراك قد اتيت مسرعا.. بدر:ما بها دكتور الم تقل لي انها استيقظت؟!! الدكتور:في الحقيقه لم استطع ان اقول لك ما بها عبر المخابره(المكالمه) لكن.. بدر:لكن ماذا؟!! الدكتور:بسبب النزيف الداخلي في الدماغ سبب لها شلل كامل كما تعرف ان الحادث اصاب مناطق كانت قد تؤدي الى عدة امراض كما اخبرتك ولكن للأسف كان الشلل هو المرض لا تقلل قد تشعر بوجودك وبحركتك ولكن لن تستطيع التجاوب معك.. طاحت الباقه من يده حس ان كل شي بجسمه تصلب نفسه بدا يصعب الصدمه اقوى من ما كان يتوقع خبراه الدكتور اكثر من مره ان احتمال يكون في مرض بس ما توقع شلل مره وحده حس بدوخه استند على الباب حتى جاء الدكتور وجلساه على الكرسي ناظر فيها بألم بحزن بنت بعمر الزهر يصير فيها كذا!! بصوت مبحوح:هل توجد نسبه حتى لو ضئيله بتغير حالها؟!!! الدكتور:للأسف الشفاء من الشلل صعب جداً وإن كان هناك امل فسيكون بنسبة 0,5 % الأمل جداً ضعيف.. اخر ما كان يتوقع انه بيسمعه نص بس!! توقع 5 او 3 ان قلّة بس نص مستحيل حس ان الجو بدا يضيق عليه وطلع وهو تارك وراه اول بنت يتعرف عليه اول بنت ابتسم بوجهها اول بنت قدرة تدخل عالم بدر دون أي حدود اول بنت تتكلم معاه بجرئه وبطلاقه.. طلع وما عرف وين يتجه مشى بلا مكان كان تايه ثالث صدمه بحياته اولها موت صديقه ثانياً طرده من عائلته وهذي ثالثهم حس ان الحمل كبر عليه وبدا يثقل لحد انه جلس على كرسي لأنتظار الحافلات.. دنياا غريبه فيها الحزن رافقني والروح تتحدث عن ألام وهموم القلب يتعذب وعبرات تخنقني حزن سكن في قلب صادق ومظلوم اصبح وامسى لذيذ النوم رافقني والمر ذقته أبكاس مسموم أخشى دموعي مع الناس تحرجني محد درى عن قصة أنسان محروم مدري متى الأيام تفرحني وتطربني أرجي أمل عايش على الحزن وهموم هل ياترى طير السعد بيلفي ويسعدني ولا أعيش باقي العمر محـــــــــــــروم -------------------------------------- في ربوع مملكتنا.. وفي المزرعه تحديداً اليوم الثلاثاء.. التاريخ 6/1/1428 هـ توهم قاموا البنات وقعدوا يتغدون.. قبل أي شي ابي اذكركم بعض احداث امس بالمزرعه بس بشكل مختصر طبعا اول ما رجعوا الشباب لعبوا بالدبابات وراحوا البنات واستغلوا الوقت ولقوا شنطه صغيره فيها كم غرض كبوا داخلها شطه وهربوا هذا يعتبر اول انتقام لهم..طبعا لسى ما اكتشف صاحب الشنطه لعبت البنات.. اما على الغداء.. وسن وهي تحط ملعقتها وتعلن انتهاء اكلها:بنات مين تتوقعون صاحب الشنطه؟!! شوق:هذي الشنطه مو غريبه علي اتوقع انها لواحد من اخواني.. نرجس:يمه يعني فيه احتمال تكون حقت هيثم.. فرح:بسم الله عليك وليش خفتي وش فيه اخوي؟!! نرجس:ابد مسالم واليف ما يسوي شي.. فرح:تستهبلين؟!! نرجس:قومي اضربيني احسن.. شوق:فرح خلاص ما قالت شي صادقه تخيلي لو انها حقت هيثم والله ما نطلع اليوم إلا وحنى قايلين مين صاحبة الجريمه.. وضحى:قولي والله يعني بتقولون انها انا!!!!! عمشاء:لا ياعمري اللي يعلم علينا ياويله.. وسن:شوفوا بنات والله والله وهذا انا حلفت اللي تنطق بحرف واحد يا ويلها وراح يكون عليها هي الدور والله لا اخليها تنسى مين هي ومين اهلها لا اخليها تفقد الذاكره.. فجر وهي تشرق وتشرب مويا:وسن حشى مجرمه مو انسانه.. وسن:عشان تعرفون عاقبة اللي بتفضحنا.. نرجس:لا محد فاضحنا وهاه يابنات ولا وحده تعلم فاهمات.. ياسمين:شايفتنا اطفال خلاص فهمنـ"وقبل لا تكمل كلمتها حست انها بتستفرغ وانتم بكرامه وقامت بسرعه" نرجس وهي تقوم وراها:بسم الله.. فجر وهي تلتفت لغلا:غريبه مو بالعاده انك تكونين هاديه لا يكون محزنه عشان اليوم بنمشي عادي يا بنت على الأقل نستانس يوم احسن من لا شي.. غلا:................. وسن:بنات في احتمال تكون الشنطه لهيثم؟!! فرح:ايه احتمال كبير لأني عمري شفت زيها عنده.. وسن: إذا هيثم مشكله.. فرح:وش فيه اخوي؟!! وسن:فرح كبري عقلك حنى مو كره فيه لكن احترام له ولا تنسين انه كبير ومو من حقنا اننا نلعب معاه هاللعبه وزي ما تعرفين انه عصبي واحتمال يسوي أي شي عشان نعترف.. نرجس جت وهي تركض وتصارخ:بناااااااااااات.. وسن:وجع قصري صوتك.. نرجس ما اهتمت لها:بنات البشاره.. وضحى:بيبسي مني.. عمشاء:وبطاطس مني.. سمر:وكيس مني عشان تحطين فيه البيبسي والبطاطس.. نرجس:سمسم حامل.. بهذي اللحظه ما اقدر اوصف حالة البنات لأن عندهم صراخ وازعاج وما ني قادره اخذ انطباع وحده منهم.. اما تحت.. سمعوا الصراخ وقاموا طبعا مو قادرين يصعدون وخلوا مازن يروح.. مازن:وجــــــــــــــــــــــــــــــــــــــع.. فجأة الكل سكت وقعد يطالع فيه.. مازن:اطفال وش عندكم؟!! وسن:مويزن ان ما ذلفت عن وجهي والله ثم والله لأدفنك<<ما شاء الله عليها مشتغله حلف وجرائم.. مازن:العيال كلهم تحت يقولون وش فيكم.. مزون:انقلع ما لك دخل.. مازن:بعدين مين كاب الشطه بشنطة بندر؟!! وسن:أي شنطه واي شطه!! مازن:لا تستهبلون رائد متوعد لكم لأن هذي الشنطه على قولته غاليه عليه.. فجر:اقول ظف وجهك.. مازن:هيه اصغر عيالك.. وضحى:احترمي نفسك رجال طول وعرض وظف وجهك!! فجر:وانتي وش دخلك؟!! عمشاء:دخلها الباب اللي دخلك.. مزون:اقول مازن على كم تبع البدي قارد حقك.. مازن: ها ها ها سخيفه.. فجر: والله لو ما تنزل وتنقلع لا اجي وافقع وجهك<< لا لا العائله فيها شي اليوم.. مازن:طيب يا فجر والله لا اوريك لا اقول انك انتي اللي كابه الشطه.. فجر فتحت فمها وما عرفت وش تقول.. نزل مازن وخبر بندر ان فجر هي اللي كبته.. فيصل: لا لا مستحيل اختي ما تسويها هي صح مجرمه ومتوحشه بس ما تسويها.. بندر بتوعد:قلت فجر هاه.. مازن بلعانه:ايه.. بندر:طيب الوعد بيننا.. اما فوق.. وسن:ياااااويلك وحطك بندر براسه.. فجر:..................... سمر:خخخخخخخخخخ اخوي هالكم يوم يدور على عروس هههههههههههههههه فجر استوعبت الوضع:وجع انقلعي يمــــــــــه.. وسن:ما عليك حنى نتصرف وبعدين انتي"تقصد نرجس"وش دراك انها حامل.. نرجس:طلعت محلله من كم يوم بس ما خبرتنا.. الكل بدا يبارك لها اول ما جت.. --------------------------- اما في ارض الفضه.. وعند الثلاثي.. الساعه تقريباً 9.. قعدوا يفطرون زياد:هاه وش رايكم نبدا الحين ولا شوي.. نواف:خلنا اليوم نرتاح والله امس ما قدرت انام من رجولي تكسرت ومن الألم احس أي حركه بتنكسر.. مشعل:انا اليوم ما راح اطلع إذا بغيتوا تطلعون بسلامتكم.. نواف:عسى ما شر تراك طلعت مره وحده ولا كل ما ضيعتك لقيتك جالس على كرسي.. مشعل:حاسدني!! نواف:وليش ما احسدك انا الصبح كله والعصر والمغرب والعشاء فرفره ودواره واني ما غير تجلس.. زياد:خلاص إذا ما تبون اليوم انا راح اروح لحالي.. نواف:لا والله رجلنا على رجلك.. مشعل:احلف على نفسك.. نواف تجاهل كلمة مشعل:مايصير حنى نرتاح وانت تدور لا نطلع لنا اليوم ونشم هواء وبكره وعد مني من الصبح نبدا ندور.. زياد:ما ابي اضيع الوقت.. نواف:يوم مو ظارك شي.. زياد:كذا قولتك!! نواف:ما يبغالها تأكيد.. زياد:اجل خلاص خلونا نقوم ونطلع نتمشى اعرف اماكن حلوه يعني مطاعم حدائق وإذا تعبنا في مكان يسوي مساج حلو نريح فيه شوي.. نواف:ايه دلعنا شوي كذا.. اكتفى زياد بأبتسامه.. ------------------------------------ في المزرعه.. نرجس:خبرتي عماد؟!! ياسمين وهي منزله راسها:لا.. وسن:وليش ما خبرتيه؟؟؟؟ ياسمين:استحي.. فجر:اقول امشي بس قومي فرحي رجلك احسن لك.. فوز بعد فتره تكلمت:لا مو الحين لا رحتي بيتك علميه ما اتوقع هذا المكان مناسب.. ياسمين:تتوقعين هناك احسن.. نرجس:ايه وهي الصادقه على الأقل هناك يقدر يعبر عن فرحته بطريقته مو محكور هنا.. ياسمين وهي تضرب نرجس:وجع عيب.. نرجس وهي تضحك:والله احسن هناك.. وسن:وش قالت صادقه هناك افضل.. ياسمين:اوكي بخبره هناك.. فرح بنفس مقطوع:بنااااااااااات عندي اخبار طاااازجه.. انتهى.. انتظروني بالبارت السابع الجزء الثاني.. معـ محبتيـ/صموتـ..(ولصمتـ معانيـ كثيرهـ).. |
| الساعة الآن 12:12 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية