رد: عشق بلا قيود للكاتبة شخصية خيالية
اقتباس:
الله يسعدك زارا مثل ما أسعدتينا بردك الراااائع وهذا أنا أنقل لك رد رشا على كلامك رد رشا وعليكم السلام ورحمة الله وبركاته.. يا مرحبا بك زارا وبفيتامينه يا لبى قلبك ولبى ردودك الحلوه من قال اني ماشوفها بالعكس تراني متابعه لكم والله مع قلّة دخولي المنتدى وانشغالي بالبيت والله حيل زادت المسؤليه ماهي مثل قبل <<فيس يصيح يختي توقعاتك فضيعه بشكل تعجبني والله لمعلوماتك انا اكتب جزء من البارت وعارفه وش بكتب، قبل اروح اشوف ردودكم وتوقعاتكم وانصدم للان انا ماتلقيت نكسه قويه بأن احد توقع شي انا كاتبته الا ان *بحر الندى* اذكر انها قالت ان توق بتروح لحاكم وهي الوحيده اللي ضبط توقعها معي علشان كذا اسمها عالق بمخي ،، توق هي مشكلتها مشكله يمكن اللي ماحبها راح يرحمها بعدين<<<انا اذا بديت اعلق بجديّه اخووور وافسد الاحداث<<<زين كذا يا زارا خليتيني اكب عشاي هههههه حاكم وبداية معرفته بتوق حرفياً حقيقيه بتصرف مني طبعاً ،، للامانه الشخصيات اللي اكتب عنها هي امتداد لاشخاص اعرف قصصهم وبعضهم اعرفهم شخصياً عناد شخصيه واقعيه 100٪ وماراح اضيف لها غير الوصف. وللامانه يستحق روايه لحاله.<<< صيته<<<ياكثر الضحايا اللي تزوجوا بنفس طريقتها سلهام<<<فيها من الواقع كثييير وبداية قصتها حقيقيه 100٪ منال <<الشر ملح الروايه الجد والجده هما قصه حقيقيه وانتم تعرفون وضع اجدادنا قبل الله يرحمهم () حبيت اني ابني عليها الروايه باكملها بارتكاز شيهانه المهمه بالنسبه لي وشخصيتها اللي اعتبرها من اجمل الشخصيات اللي عرفتها بحياتي يمكن سرد احداث الباديه منها هي شخصياً ..راح تكون معنا للاخير. زارا صدقيني ما اصلح للتعليق <<<ندمت انها كتبت الرد لاحظي اني اجيب كل الردود في رد واحد مابي صفحات الروايه تزيد بالنسبه لي شي مزعج ماظن ان فيه احد بيتصفح 500صفحه ...مع اعتزازي بردود المتابعين اللي تسعدني والله..واللي تجبرني أرد عليهم تقديراً لهم وهه كلكم الله يسعدكم في منتدى ليلاس والمنتدى الآخر سعيد بكوني ادخلت لو جزء من السعاده لقلوبكم بقدر ما اسعدتموني الله يسعدكم اضعاف مضاعفه❤️ ،،،،، اشكرك فيتامينه اولاً واخراً رشآ |
رد: عشق بلا قيود للكاتبة شخصية خيالية
لا لا كتبت رد وش طوله وطار بسبت جند هليل إلا عندي الله يصلحهم جند هليل يذي ولا يقبل
أول شي شكر وامتنان لام جمال ولرشا قسم ورجعت الحياة حسيت تسذا انتعاش في روحي عقب مابغيت اصير من الفاسدات وتتابع تركي بسس قحط الساحه الروائية متعوب على الكلمه اتوقع قصيدة الجد لها دور في سالفة توق إلا بتسويها شهاب إبليس منال رشا من الحين قلبي عورتي على توق عاوزة تعملي فيها ايه يامفتريه سلهام جاز لي اقتراح الزوري ليته صدق تزف عمرها رشا وفيتو قلوب تنبض من الشرقيه إلى عندكم |
رد: عشق بلا قيود للكاتبة شخصية خيالية
يؤ يؤ يؤيؤ من قدي رديت علي رشوووو..:dancingmonkeyff8:
ام جماااااااااااال قلبي انتي والله ردووودتس هي اللي مخليه للقصه حلا زود عن حلاها. وحنا مانستغني عن اللي عرفنا على الروايه .. وتعب وجابها هنا ويتعب بالردود عليها .. ماتقصرين يااا قلبي.. واحب اقووول لرشووو يااااا هلا ومرحبا فيتس وبردتس.. ماتقصرين يااقلبي عاد الحين لو انتي بهالرد معطتنا لمحه عن اللي بيصير كان قلنا ماتعرف تغبي وكبت عشاها.. مير بسم الله عليتس جيده وتعرفين تحفظين اسراااار ربعتس..ههخهخهخه ام جمااال تدرين الحين جاني تووقع.. يعني الدكان فتحته شووووي بس مو شرعت الباب لاا بس خليته مساايف شووويه.. المهم اتوووقع ان سلهااام بتتعب وبيجيها وجعها اللي يجيها داااايم عقب ماترقص وهي تعبانه يعني اتووووقع انها بترقص صدق وتميم يشوووف بعيووونه بس بتكون تعبانه وبتطيح عليهم وهو يشووفها وبيترك نوووير في محلهاااا ويفزع لسلهومه ونوووير تشوووف وحتى اتخيله يعطي نوووير البشت تمسكه عشان يشيل سلهام يوووديها للدكتر..هههههههههههه بالله وش رااايتس مهوووب توووقع جميل وحلووو ويبرد الاعصاااب عقب حرقتها من ام تميم.. هتووووون.. يااهلااااااااا ومليووووووووووون غلااا نووورتي السااحه.. والله صاادقه انتعشنا شوووي بهالروايه..بس عاد انا ولله الحمد مابغيت اتاابع التركيه واجي من الفاسدات.. لاني صرت منهم من يوم عرفت انجين المشهوور بكريم فااطمه..ههههههه |
رد: عشق بلا قيود للكاتبة شخصية خيالية
السلام عليكم يالله تحيي الجميع هتونه وزارا والنوري ماشاء الله يازين لمة الحبايب النوري مادام انك متواجده باسدح لك رد ي على رشا مثل ماطلبتي وراجعه إن شاء الله لردك هتونه والزوري السلام عليكم ورحمة الله وبركاته عدنا تسلم يمينك رشا بارت راااااائع كما تعودنا منك ذيب والله ماتوقعنا أنك المصاب لكن وش نسوي رشا أختارتك لكن توقعي الثاني صاب أنا قلت إن المصاب الإصابه راح تكون لهادور في سير حياته والحمد لله هذي شيهانه بعد ما إنصاب تغير تفكيرها وقبلت به شيهانه الحمد لله رجع لها عقلها وشافت إن ذيب رجال والرجال مواقف أكيد بتروح مع ذيب والله ذيب بيتفاجأ من تحولها رب ضارة نافعه حاكم مدري علامه أنهبل والا الضربه أثرت عليه هالحين كل هالزعل والطرده لاجل راحت لأهلها بدون أذنك الله يستروالله بدات أخاف على توق منك وماهي بعيده عليك تطلقها لو منال لعبتها صح واستغلت الصوره لتشويه سمعتها وأرسلتها لك بعد ماتتلاعب فوتشوب فيها أو يمكن ترسلها من جوال مجهول على أنه واحد عاشق لها أو من جوال سلطان توق الله يعينك على الجاي منال ناويه لك على نيه قشراء الخبيثه المشكله لو طلقها حاكم بتصير ضربتين موجعه لها أولها التهمه البشعه اللي إنظلمت فيه وثانيها أن حاكم صدق فيها وتخلى عنها وهي تحبه وتركت اهلها لأجله وأكيد أخوانها ماراح تلاقي ترحيب عندهم بعد خروجها عن رايهم وممكن يصدقون فيها الله يعينها سلهام خليك قويه قدام الكل وياجبل مايهزك ريح كأني أشوفك كاشخه ومغطيه على العروس وترقصين قدام العرسان تميم أظن إنك بتموت قهرشوف وحر جوف كأني بك تناظر في سلهام ونوره مدري نوير وكأنك بطلع الفروق السبعه اللي بتخليك تولع زياده لأنك مقهور من سلهام اللي ماهي معبرتك ولا همها والقهر الثاني من الشينه اللي بجنبك لأن مافيه وجه مقارنه بينها وبين سلهام نوره مدري نوير الظاهرطايحه في كبد أبوها وماصدق أحد يخطبها وافق على طول وهي ماصدقت وإن شاء الله نوير بتخلي تميم وأمه عقب ماهم نار نويرات وبيندم تميم وأمه على هذه الزواجه منال والجده وسطام الله لايوفقهم أشوف فيهم يوم إن شاء الله عجايب عسل هي اللي موسعه صدورنا وبتوسعها أكثر لو ولدها وهو يتعبث بالسلاح يطلق على مين أممممممم والله كثيرين اللي أبغاهم ينصابون أم تميم ونوير والجده ومنال وسطام لكن أقرب شيء أم تميم ونوير لأن الثاني ماهم حاضرين عرس تميم الجد تكفى وتكفى تهزرجال لاجاتك سلهام لاتردها لتميم لما تنشف ريقه وتذوقه العذاب حتى شوف أحرمه شوفتها وصايف وهزاع الله يكون في عون وصايف أكيد هزاع سبب لها عقده نفسيه وراح تحتاج وقت وتفهم من هزاع ويمكن تسبب مشكله بينهم ويمكن وصايف تروح لأهلها وترفض ترجع له منتظرين بقية الأحداث بفارغ الصبر يعطيك العافيه |
رد: عشق بلا قيود للكاتبة شخصية خيالية
السلاام عليكم
ياهلا والله بسيدة الشاشة الروائيه رشوو وياهلا بكل متابعين العشق وسلام خااص لماماتي الله يحييها ويحيي دكانها النت طير علي النجمه كنت متوقعه انه الذيب بس نعوض بالجايات ههههه منالووووه تكفون ياناااس احد يمسكها لي هالخايسه ماتستحي عويذا منها ومن شرها بس احساسي ان السحر بينقلب على الساحر اما ان ربي بيعاقبها في اخوها او بيجيها مرض او بيسحرونها داعش وتروح معهم ههههخ بس الاكيد انها موب سالمة من سواياها سطاام احساسي انه بيرتبك وبيجيب العيد في التحقيق وساعتها مااحد براد الدحمي عنه بيكسر ابو راسه حاكم والله شكل الضربه بتأثر عليه واااجد اليوم طرده من الغرفه وبكره الله يستر لايطردها من البيت كله عاد هنا توق بتحس انها خسرت كل شي اهلها وحاكم وكل الدنيا ويمكن تروح بغيبوبه من الصدمه شيهانه والله من قالوا خسر كليته توقعت انها تتبرع له بكليتها علشان تكفر ذنبها معه سلهام وتميم ملح الروايه يازينهم ويازين قصتهم اتوقع تسويها سلهام وترقص بعرسه وبتشغل تفكير تميم فيها وبدل مايدخل على نوير يدخل على سلهام ولحظتها بيكتشف انه ظلمها وهذا اللي تبيه سلهام بس فرحة تميم ماراح تكتمل لانه بيصبح الصبح وسلهام هاجه لجدها اللي بيوفي بوعده ولا يرجعها لتميم اللي بتحفى رجلينه وبيمرض من المطارد وراء سلهام علشان ترجع له ماماتي.. نفس الشعور حتى انا توق ماحبيتها بالحيل لانها ضعيفه عكس سلهام اللي تبرد القلب يازينها ياناااس فيتووو تسلمين ياقلبي رشوو ياهلا فيتس يابعدهم والبيت بيتس هنا والا هنااك |
الساعة الآن 07:45 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية