رد: بات من يهواه من فرط الجوى، خفق الاحشاء موهون القوى
اقتباس:
مسا الجمال على طلتج الجميلة ام مروان ... يا حبيبة قلبي انتي .... تعبي يروح مع تفاعلكم وتشجيعكم الدايم يالغلااا ... الحمدلله البارتين نالوا على اعجابكم :) ... هيه والله الله يعينهم على بعض ههه ..... شو توقعاتج بالنسبة لهم ...... نار ولا جليد ...!!!! ناعمة .... موقفها من المواقف القريبة وايد من قلبي وتضحكككككني هههه :) ..... الله يعينها جد موقف ما اتمناه لـ عدوي ... :( ..... وحارب ما قدر يمسك عمره المسكين ..... ما كان متوقع ان ردة فعل ناعمة بتكون جيه .. وبهالقوة والعنفوان .... نورتيني يا بنت .... خلج جريبة منا دوم ولا تقطعين حبيبتي .... خالص محبتي/ودي .... |
رد: بات من يهواه من فرط الجوى، خفق الاحشاء موهون القوى
اقتباس:
مسا الفل شوشو ... يا قلبي عليج وعلى جمالج ... اسعدتيني بكلامج حبيبتي فوق ما تتصورين :) |
رد: بات من يهواه من فرط الجوى، خفق الاحشاء موهون القوى
اقتباس:
حبيبتي شوشو هاي اول رواية لي ... وما عندي غيرها .... ان شاء الله بيكون عندي غيرها بوجودكم وقربكم حولي :) ..... كلامج على راسي والله ... شرف لي ان كتابتي تنوول على اعجابكم الكبير ... اسعدتيني والله ... وبخصوص بارت السبت ... مابا اردج والله بس ما اقدر لسبب واحد فقط ... انا ابا احط مسافة كافية بين البارت اللي احطه في المنتدى وبين آخر بارت اكتبه الحين .. مسافة كافية بحيث اضمن اني ما انضغط واضطر عقب اكتب بارت واحطه على طول في المنتدى ... فهمتي علي ...!! الضغط هذا ما احبه ... احب اكتب بإريحية وبهدوء وما ادخل في معمعة الضغط النفسي وفي نفس الوقت اكون منظمة وقتي بيت البيت والمنتدى وكتابة خاتمة الرواية :) ..... ولين الحين الحمدلله انا منظمة هالشي وما اتمناه يتغير ... آسفة حبيبتي :( .... بإذن الله يوم انهي الرواية بـ دلعكم في البارتات وما ببخل عليكم بشي ... عيالي انتو :) نيي للأبطال ... العنود/سيف ..... ألمهم محتاج مصارحة .. مواجهة ... وقفة محترمة مع هالاثنينه .... تتوقعين متى بيحصل هذا كله ...!!!! بطي/آمنة ..... قدرت اخيراً تنطق بشوي من اللي فيها .... بس بيكتفي بطي "بهالشوي" ولا كيف ..!!! ناعمة .. هيه يا اختي ما تستاهل :( .... عورت قلبي ..... سلطان/شما .. شد وجذب ... ومد وجزر ... وعواصف :) ..... نصبر ونشوف شو القادم امبينهم ان شاء الله ... نورتيني شوشو ... خالص محبتي/ودي ... |
رد: بات من يهواه من فرط الجوى، خفق الاحشاء موهون القوى
اقتباس:
يا مرحبا الساع بـ بنت ليبيا الشقيقة ...... نورتينا ونورتي بات من يهواه .... :) اوه اوه اوه ... ماروم انا على الرمسة الغاوية .... اعترفي با بنت من وين تعلمتي رمستنا ... ما بخبر حد ههه ما شاء الله عليج ضبطيها عدل :) الله يسلمج يا قلبي الابداع منج وفيج ... اسعدتيني بطيب كلامج ورقي حروفج .... والحمدلله روايتي نالت على اعجابج ... هالشي شرف لي :) ... خلج مترقبة القادم يا سنسونا الحلوة .... خالص محبتي/ودي ... |
رد: بات من يهواه من فرط الجوى، خفق الاحشاء موهون القوى
اتمنى من المشرفات يحلون لي سالفة الروابط اللي مش مرتبة واضافة الروابط الايديده .. خالص شكري/تقديري :) |
الساعة الآن 02:38 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية