|
ليش انتم تحبون المظاهر وكل بنت تريد ان زواجها يكون مميز
عن صديقاتها والا قريباتها بالعربي هلكتوا الشباب بكثر طلباتكم قصور وطقاقات وديجيه وحركات ماليها داعي وحلويات اشكال والوان ووجبات سريعه وفواكه تقل جايات من مجاعه اللهم ياكافي وفي النهايه اغلبهم راح يكون مصيره معروف سلة المهملات .[COLOR="Magenta"] أخي المجنون فيه مثل مصري يقول ( اللي مامعوش مايلزموش ) الحين الشاب عنده يلبس ويتكشخ ويشتري سيارة كشخه وووووالخ وماعنده يسوي عرس معتبر لبنت الناس اللي متزوجها؟ فيه شغله انتو معشر الشباب مو عارفينها ، ان البنت من واهي صغيره تحلم ان ليله زواجها راح تكون ليله اسطوريه الكل يتكلم عنها ، تتخيلها بكل روعتها حتى قبل ما تتخيل شكل العريس لانها (( ليله في عمرها )) وماراح تتكرر يجي واحد وبكل بساطه ويهدم حلم مراهقتها ( صعب ) |
اقتباس:
تدرين بعض البنات او الاهل انفسهم يضطرون الزوج انه يقدم على قرض من البنك بقيمه 200 الف علشاان تقول الناس كان زواجهم كذا ...وكذا ..وبعدين من راح يدفع الثمن الا البنت نفسهاا لان زوجهاا ماراح يوفر لهاا سبل المعيشه المريحه ..وكل ماقالت شي قال انا وراي دين لازم اسدده .. لكن اللي ربي منعم عليه ..هذا اقل شي ممكن يسويه ..(اني احب ان ارى اثر نعمتي على عبدي ) شاكره لك مروورك يالغاليه .. |
هلا فيج يا قمر
مشكوره ع المرور بالنسبه انه مافيه وجه مقارنه بين السياره وتكاليف الزواج ترى بعض الشباب عندنا يشتري سياره يوصل سعرها ثلاثين الف دينار وأهو طرق المعاش ( ماعنده الا راتبه ) اما بالنسبه للي تقبل الزواج بواحد على قد حاله فالاكيد انها راح تقدر ظروفه وتطلب طلبات معقوله واهلها نفس الشي انا اتكلم عن البنت اللي مقبله عالزواج ويتقدم لها واحد ماراح اقول غني بس عالاقل مقتدر من حقها بهالظروف انها تطلب حفله وزواج وتحقق حلمها. انا بنت من حقي احلم بحفل زواج اسطوري دام النصيب ما وصل للحين خلوني احلم ، ما ادري شنهي الظروف بعدين ، بس الاكيد اني ما احلم اتزوج في (( استراحه )) |
خوخه نورتي بس أنا عكسك ودي أتزوج بأقل التكاليف ومابحب الزواجات
صحيح بحلم بالفستان الأبيض بس القاعه والمكان أبدا مايهمني ولو علي مايحضر زواجي إلا الأهل والأصدقاء المقربين . كنت ناويه أسأل معشر الشباب بس حزنت على المجنون . ع العموم بقول سؤالي لقيت منه الإجابه أو دورت سؤال ثاني . بصراحه نسيت أيش كنت ناويه أسأل . مممممممممم مارأيك بالفتاة التي تلبس العبايه المطرزه ويالليت بس تطريز لاء وكمان كشف الوجوه ؟ >>>> بقولكم شي سوالي الأساسي نسيته بس بدلته بهذا السؤال . |
مرحبا بك اخت هيلو
بصراحة موضوعك رهيب وشيق انا راح اجاوب على موضوعين الي هو العباية الي تقولين عليها مطرزة هذي فستان مهي عباية واللة شي يقهر هاذا واحنا مسلمين وش خلينا للغرب عافانا اللة بقولك سالفة صارت يوم رحنا السوق شفت وحدة لابسة عبابة مطرزة بلون قوشي واصفر فاقع وتمشي مشية اللة وكيلك تقولين قاعدة ترقص والي يقهرك اكثر انة زوجها مرتز جنبها مافي غيرة مافي مرجلة كيف ترضى لزوجتك تطلع بها الشكل شي محزن واللة والشباب يطالعونها من فوق لتحت واذا التفتت وشافتك تطالع فيها عصبت وقالت خير سلااااااااااااااااااامات وين احنا عايشين فية اللة يستر على اهالينا والمسلمين اما موضوع الزواج والاسراف قسم باللة رحت زواج مافية شي ناقصة من اكل وشرب وطقاقتين وراقصات ها اليومين طايحين فيها ومغطرفات عند الاستقبال غير الطاولة الي مليانة انواع الحلويات للزينة محد ياكلها والا العشا بوفية مفتوح غير الذبايح قمة الاسراف والاكل مثل ماهو لان المعازيم من الطبقة الراقية بس والفساتين مسكت طالبينهم من اشهر المصممين والكوفيرات جايبينهم من برة وجايبين مصمم للقاعات قلبها فوق تحت الورد منتشر فكل مكان والكوشة مسكت تحسين بقصة الف ليللة وليللة اخر شي بعد الزواج يوم الصباحية اهل العريس مسوين عشا فاخر ما لذ وطاب فمة الاسراف واللة بس تقولين الحمدللة على النعمة بعد كذا سمعت انة العريس علية ديون تهد جبال ههههههههههشي محزن ياناس واللة اللة بيعاقبنا يوم القيامة على الاسراف مد رجولك على قد الحافك بقولكم قصة ثانية هذا واحد من قرايبنا اتزوجاول مرة وسوا كل الي خاطرة فية وخسر ما وراة ودونة علية بس اللة ما وفقة المرة الجاية يوم تزوج سوى عرس بسيط في قاعة عادية كوشة عادية طقاقة عادية واسلامية من غير موسيقى دفوف اما العشا كان ذبايح واللة انة كان من احلى العروس الي حضرتة وكل يوم اقول ياليت نعيد زواج ام عبد الحكيم مافي اسراف كلشي بسيط حتى الحنة سويناها في البيت مع انة ها اليومين يسونها باستراحة والحمدللة عايشين ومرتاحين |
| الساعة الآن 12:21 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية