منتديات ليلاس - أعطني حريتي .. أطلق يديا

منتديات ليلاس (https://www.liilas.com/vb3/)

- القصص المكتملة (بدون ردود) (https://www.liilas.com/vb3/f571/)

- - أعطني حريتي .. أطلق يديا (https://www.liilas.com/vb3/t135400.html)

‏"‏ يتبع "

من قالها عن أتفاق منتهى معه وهي ماكلمته .. وسيلة أتصاله فيها .. هزت راسها باجابه أو نفي .. والا بأشاره بيدهآ .. آلا أن وصلوو المطآر .. التفت لها .. وسحب نقابها بهدوء .. وبدون لايطالعها ..
أذا شافووك كذا .. عطله بيسوون لنآ زحمه .. حطه بشنطتهآ .. ومشى قدامهآ ..

وأول ماركبو سيارة الاجره .. لبسته ..

وصلو شقته .. وفتح فهد الباب ودخلها .. سكر آلباب وراه .. ورحب فيهآ من قلب ..

حيآ الله أم عزوز .. اسفرت لندن وأنوررت

.تو مآ تبآررك المكآن ..

طآلعته بصمت ومآردت .. تأملت الشقه وأثاثها .. مبين حلو هادي .. بس وصخه مرره يبي لها ترتيب ..

منى بنفسها .. فرحآن .. أكيد فرحان .. كسرني مرره وهذي الثانيه .. والله يكفيني شرر الثالثه ..

حس بنظررت الحزن في عيونها ..

سألها : تبين نآكل هنآ وألا برآ ..

منى .. آنآ مآبي شي .. خذ عزوز معك .. ولاخلص خله يجي ينآم عندي .. ‏
..‏ وين غرفتي ؟؟

فهد باحرآج .. آعذريني .. الشقه مكركبه ..

..‏ بجيب بكره أحد ينظفهآ ..
تعالي أوريك غرفتك ..

تبين هذي " سرير نفررين " ..

عزوز بلقافه .. أبوي هذي غرفتك أنت وماما ؟؟
أجل وين غرفتي ..

عطته نظرره خوفته .. وهو مو داري وش خطأه ..

..‏ مسح فهد على راسه بعد مالاحظ نظرة منى .. وسكت .. وبداخله حكي وأمنيآت كثيرر .. وراح للغرفه الثانيه ..

وألا هذي .. سريرين مفرده ..

..‏ نزلت شنطة يدهآ .. بجلس هنآ .. طلع وسكررت الباب ورآه ..

بعد دقايق .. دق باب غرفتها .. لبسي عزوز بنزل أنا وياه لمطعم قريب .. وبنمر السوبر ماركت نقضى أغراض الثلآجه .. ‏

منى : طيب ..

واستغلت خروجهم بتنظيف الشقه .. ولهآ ذكرى مؤلمه مع التنظيف لمكان قعدت فهد ..

‏*‏ * *

بدر بعجله : اطلعي فوق .. جبت الغررض ..

..‏ انسحبت بهدوء .. وطلعت فوق ..
لحقها بدر بعد ماخبر خواته يفضون له طريق ..

فزت بخوف من سمعت فتحته للباب بقوه ..

طلع من جيبه كيسه بوسطها كرتون مستطيل .. مده لها ..
هذا هو ؟؟

منتهى وهي تطالع الغلاف الخارجي .. أظن ..

تأكدت .. فتحت شنطتها .. وحطتها فيه ..

سحب الشنطه بغضب .. آلحين مخلي الدنيا وراي ..
عشان تحطينه بشنطتك ؟؟

منتهى باستفسار : طيب وشفيها ..

بدر بطولت بآل .. وهو يطلع العلبه ويأشرر بيده .. قدامك الحمام .. انتظررك أنا ..

منتهى باحرآج ..
بدررررر أرجوووك ..

بدر بأصرار : أنا اللي أرجووك لاترفعين ضغطي واسمعي الكلام .. مالك طلعه من هنآ ألا وأنا عارف النتيجه ..

‏*‏ * *

جآبرر : يآووولد ..
نهآرر : أقررب أقرب حيه ..

جآبر بعد ماسلم .. وتقهوى ..
أقوول يآولد العم .. شف لي طريق بدخل .. أنا ودي أبارك لخويلتي بالشهرر .. ‏..

نهار : مآلك لوآ .. داخل محارمنآ .. خالتك بتجيك برجليها .. وبعدين الله أكبرر من متى البرر بالخاله .. خبري بك .. تملا كرشك وتطلع مامديت خشك لها ..

جابر بحمق : أجل بقولها لك على بطنها .. آبي اسلم على مضيووي ..

دخل ماجد على هالكلمه :

تهبآاا .. أقطع ذا الهررج .. لاقدها عندك سلم براحك ..

فز جابر زعل ويتحلطم :
جعل وضيح ترفس في بطنك ذا الليل .. كانك قاطعن رزقي ياقليل الفوود ..

//‏ آنتهى البآاارت //

السلام عليكم ورحمة الله ‏..

//‏ البآااارت الثآااامن والعشرون //

..‏ رآيح جآي .. جآي رآيح .. طفش من الانتظآااار .. طل بسآعته .. له ربع سآعه ينتظررهآ ..

..‏ دق آلبآب .. وماسمع رد ..
دقه بأقوى .. وهمس عند الباب لاحد يسمعه ..

..‏ منتهى افتحي .. ‏
..‏ لارد ..

..‏ منتهى وش صآر ؟؟
..‏ لارد ..

..‏ بعصبيه .. منتهى قسم بالله أن مافتحتي لاكسرر هالباب علآ راسك .. افتحي بالطيب أحسن لك ..

..‏ جالسه على الأرض .. وتبكي بصوت مو مسموع ألا لهآ ..

وكل شوي تطل بالتست .. وترجع ترميه .. وكأن النتيجه ممكن تتغيرر لو طلت عليه كل دقيقه ..

أزعجها دقه .. وخافت يفضحها أكثرر ماهي مفضوحه .. فتحت الباب بعد ماشآلت نفسها من الأرض شيل ..

..‏ بدر بلهفه ..
هآاا بشرري ..

..‏ بحقد رمت التست بصدره ..
وطآح على الأرض ..

..‏ رفعه وطالعه .. هز راسه بجهل .. خطين وش تعني .. حمل ؟؟

هزت راسها وأنهارت تبكي وتضرب يديها براسها وخدودهآ ‏..

يآويلي يآويلي .. بيدرون والله أن يدرون ..

مسكها من يديها .. وضمها بسعآده .. حآولت تقآومن بشرآسه .. بس حيلهآ أنهد .. مآفيهآ طآقه للعناد والمقآومه ..

بدر : مبررروك مبرررروك ألف مبروووك ..

مو كله لهفه وشوق للولد .. لكن لأن هذآ خيط بيربطهم ببعض غصب لو مآتصلح مآبينهم ..

لأنه يبيها له .. وحتى لو هي مآتبيه .. مستحيل تكون لغيرره ..

..‏ ضمها لصدره وسط شهقآتهآ ونوحهآ .. همس بأذنهآ ينهاها ويترجآهآ ..

منتهى منتهى منتهى .. أرجوك لاتنكدين علي أول فرحه لي ..

زواجنا هالعيد .. كلها هالشهر محد داري .. خليني استمتع بأحلى خبرر سمعته ..

رفع وجههآ وباس عيونها آللي ترطبت من دموعها .. وخدودها الحمرآ .. سكرر عيونه .. ودفن وجهه برقبتهآ ..

..‏ منتهى .. آحباط يلف روحهآ .. كأنه جمآد مو حآس بهمي ومصيبتي ..

بعدهآ عنه .. وأتجه للصندوق .. شآله ورجع لهآ ..

بدر : كنت أبيها عيديه و هديه بمناسبه شهر الخيرر ..

ونسيت أن ربي أكررم مني آللي أهدآني أحلى وأغلآ هديه بهآلشهرر ..

..‏ وسط سكونها .. فتح الصندوق ..

طلع تعليقه مكعبه من الكرستآل الشفآف محدد حواليها فصوص صغيره من الألمآس ..

وبدآخلهآ .. عبآره مكتوبه بالخط آلديوآني تعطي أنعكاسآت جذآبه .. " آحلى من آلعقد لبآسه " ..

لبسها آيآه بسعآده مآلهآ مثيل ..
بدر : تدرين والله لآبق لك ..

‏.. سحب يدهآ ولبسهآ الخآااتم ..
بآس رآسهآ ووقف .. بنزل قبلك ..

‏
..‏ طآلعت سآعتهآ .. أكيد الحريم قدخلصو متعشين وبتفقدهآ أمهآ .. أو خوآتهآ ..

وقفت بسرعه .. غسلت وجهها وتحس بعيونها جفاف وتحرقها من كثرر مابكت ..

..‏ أتجهت للتسريحه .. عآدت الميك آب .. بس بكثآفه ..
خصوصآ عند العيون .. ظل سموكي .. ومآسكرآ كثيفه ‏.. وكحل أكثف ..

بلآشر وروج .. تعطرت .. وألقت نظره أخيرره ..
وقبل لاتطلع انتبهت للتعليقه .. قلبتهآ علآ ورى ودخلتها تحت بلوزتهآ .. فصخت الخاتم وحطته بشنطتها وآلحلق اساسا بدر حاطه بشنطتها ..

طلعت .. تمثل انها على طبيعتها وكل خوفها تفشل وتنكشف ..

..‏ نزل بدر .. وهو رآيق ويغني ..
‏"‏ أحلآ من آلعقد لبآسه .. "

وافته امه شايله صينية البيآلآت .. سحبهآ منهآ وحطها على الطاوله القريبه ..

ابتسم لهآ .. ضمهآ وباس رآسهآ ..
وهو وده يصرح لها عن فرحته .. ويعبر للكل عن مشاعرره ..

بدر : الشهرر عليك مبارك يآأحلى ام محمد ..

أم بدر : علينآ وعليك يتبآرك .. وش فيك .. تو جآي معصب وألحين مستانس !!

بدر : مبسوط مبسوط ياأم محمد .. مآودك أنبسط ..

أم بدر : دوم مهوب يوم ..
وش عندك مخلي الرجال بالمجلس وطالع فوق ..

بدر : آنآ ماطلعت ألا عقب ماتقهوو الشاهي وماعآد فيه ألا عمآني وعيآلهم ..

نآدي لي عماتي وجدتي وخالتي أم حمد ببارك لهم بالشهرر ..

أم بدر : رح تعشآ أول شف بتول تحتريك في المقلط .. ولاجو عمانك يسلمون نآديتك ..

بدر : وهو كذلك ..

آتجه للمقلط .. وأرسل بتول تنادي منتهى تعشا معه .. عارفها مآراح تآكل شي .. وأذا ارسل بتول بتنحرج تردهآ ..

‏*‏ * *

..‏ أم صقر .. صقيرآن ودنآ نعتمرر أنا وأختي أم سالم .. وبنآخذ الجووز معنآ .. كود ربي يفتح على صدرهآ .. وتعوذ من الشيطان ..

..‏ صقر .. أبشري آنفدآس .. السياره تحت أمرس ومايدور كفرهآ ألا بشورس .. بس الشايب بيخاوينآ ..

أم صقر : لآ .. لاقدنا معودين .. بيتخآوى هو وشيبآنن معه ..

موضي نطت .. تكفين يمه بخاويكم .. قدني مشتهيتن الحررم وصلآتن فيه مع السديس جعل ربي يبارك فيه ..

أم صقر : وأبوس من نخلي عنده .. بعد نوف تبي المرآح ..

..‏ موضي في أذن أمها عن لايسمع صقرر .. مآلس لوآ .. نويفه كفررهآ مبنشرر .. وبتقعد عند ألشايب ..

ضحكت أم صقر .. أجل هاتي التلفون بكلم خالتس أعلمها ..

..‏ جآبر منسدح علآ رجل أمه .. وتلعب بشعرره ..

..‏ وقاط أذنه مع أمه اللي تكلمها ..

ام سالم : جزآس الله خير .. ‏
أجل أفطررو عندنآ .. ونتوكل سوآ ..

لآ مآمعي خوي .. أنآ لحآلي ..

ودعت أختها وسكرت .. نط جابرر قاعد ..

..‏ تصدقين يمه .. أحس بتكه في جوفي .. وودي اعتمرر من زمآن .. بس مآلقيت لي خويآ يلذون على الخآطرر ..

أم سالم .. ههههه ‏.. جويبرر .. مويضي بتخاوينآ .. وأخاف تهون لا درت عن خوتك ..

جآبر : هلآ والله ..
بتخاويكم بعد .. والله لاروح معكم لو أنبطح فوق التنده ..

ام سالم : خوينآ صقر .. وأخاف مايطيعيك ..

جآبر : الله لايهينه صقير .. يتحاكآ مع بنت الحظران .. ‏
وحآرمن جويبرر .. ياعيشتن قشررآ .. قد جنوبي بتطقق من الحكي .. أبي أفضفض قبل لآ يجيني أكتئآب .. أقطعها من حآله ..

أم سالم : الله يعين بنت أختي .. بتشيب عوينآتها من شرهآتك وطلآيبك ..

جآبرر : بنت أختس ذي بيض صعوو .. تذكر ولا تشآف ..

والله لو أنهآ ديآنآ ماخفروهآ هآلتخفرر .. كنهآ بتنقص يد والا رجل لآتحآكينآ ..

أم سالم ضربته بفصم التمره اللي معها ..
جعلني ماآكل لك حق .. عزالله منتب ستيرر حآل ..

‏*‏ * *

فهد .. طفشت .. مو معطيتني فرصه أبد أكلمها أو حتى أشوف ظلها .. كيف بنتفاهم ؟؟
صعب أستمرر بهآالحآله ‏..

حتى عزوز طفش .. من كونه مرسآل بينآ ..

..‏ أتصلت بأحمد الكويتي .. صديقي وقريب سكنه من سكني .. قلت له آبي أهله يجون يتعرفون على أهلي .. ‏

أبي أغيرر جوهآ شوي .. ونبفس الوقت .. أبي مرت أحمد تعرف عليها عشان يطلعون سوآ .. مو رآضيه تطلع معي أي مكآن .. ‏

وبعد ولد أحمد .. أصغر من عزوز بسنتين .. بس ماعليه بيسجمون ..

دقيت بابها سفهتني ماردت ..
تنهدت .. وقلت لها .. تجهزي .. مرت أحمد صديقي وأمه بيجوون بعد العشآ بيتعرفون عليك .. شوفي وش ناقص وقولي لي وتركتها ..
..
/‏ انتهى البارت /

السلام عليكم ورحمة الله ..

//‏ آلبآاارت آلتآاااسع والعشرون //

جآاابر : مآرضى الصقر يفطرون عندنآ .. بنمشي العصر قبل الفطور ومرونآ .. وأنآ نبهت على أمي ماتعلمهم آني خوي ..

صقر نزل من سيآرته : بتخآوينآ ؟؟
جآبر : أيه .. تدري أميمتي يبي لها من يداريهآ في الحرم .. وآنآ فآضي قلت ألحق البرر فيها قبل ماتتررب يداي ..

صقر وفهم المقصد بس استحى يرد خوته .. أن كان قصدك أمك ترآهآ أمي بعد .. بداريهن سوآ ..

جآبر : جعلك سآلم .. أميمتي ماتبي ألآ برري تقول طعمه غيرر .. وأنآ بعد .. آبي أدعي ربي يوفقني ويرزقني .. ويسخر لي اللي مقوا سخررته >> يقصد ماجد
ويسخر لي آلعبيد آلعآصيه وآلقلوب آلقآسيه والجبآل آلرآسيه .. ‏

كزه صقر من كتفه ..
آقول .. تراك ألى ذلحين عند بآب بيتكم منتب في الحرم ومقابل المقام ..

جآبر : هههههه وش أسوي ياخوك تحمست .. قاعدن ساعه أحآول أحفظها من أمي هالدعآت جآيزتن لي بالحيل ..

صقر : أركب بس .. بيذن الفجر وأنت تهذر .. وأتجه لجهة السواق بيركب ..

مسكه جآبرر : علي الطلآق محدن يسوق غيري ..

موضي كانت بالجيب ورا مرتبت االسايق تسمعهم ..

تحاكي نفسها .. جعلك السلال ياجويبرر .. ماقلنآ أعررسنآ ألا وأنت مطلق ..

صقر : أستغفر ربك يآرجال .. لآعآد تعيد هالهرجه .. تدري لو أنك قايلها لماجد كان عناد فيك ولعآنه ماخلآك تسوق عشان تطلق ..
ترآ مهوب كلن سمح .. لاقلت له " علي الطلآق " قال تم ..

جابر تحسف : يآخوك لسآني أقشرر .. وتووبه مالها نووبه ..

ركب بسرعه قبل لايلف صقر لمكانه بجنبه .. وكسرر المرآيه الأماميه لمهآ قبل لايشوفه صقيرر ..

ركبوو وتوكلوو على آلله ..

وبعد ماطلعوو من الريآض وعشان يشغل صقر عنه .. عطاه جوآله .. وقآله :
صقر .. بالله عليك اسمع هالقصيده لعايض القرني بصوت أبو نوره .. والله تخشع الصخرر .. ‏

خذه صقر وغطآ وجهه بشماغه .. والجوال بأذنه ودخل جوو مع القصيده ..

..‏ جآبر بنفسه ..
هم وطاح .. باقي ذآ آلعجيزات .. وش بيرقدهن .. أخاف اسوي شي واطيح في وحدتن منهن ..

يمه .. خاله .. أرقدن الطريق طويل ..
عشان لاوصلنا لينكن شبعآنآت نوم .. تعبدن بالحرم وترزقن الله ..

جاز لهم شوره .. غطن وجيهن عن النور وحاولن يرقدن ..

ناظر في المرايه .. شافها مهيب لمه .. تناظر جوانب الطريق ..

رص عمره على مرتبته .. وغامروهو يآخذ نظره سريعه لصقر ..

مد يده وراه من الجنب عشان ينبههآ ..

أرتاعت من حست بحركه حولهآ .. ‏
شافت يده تحاول توصل لها عشان تنبههآ .. أرتاعت ..

رفعت تلقآئي تشوفه بالمرآيه .. غمز لهآ ..

..‏ قرصت عيونها بغيض تحذره .. طلع لهآ لسآنه ..

..‏ فتحت عيونهآ علآ وسعهن .. رمى
لهآ بووسه بدون صوت ..

كسررت نظررتهآ ..
موضي بنفسهآ .. وجع .. شين وقوات عين ..

والله لو مجوود شآفه غير يتوطاه بالكفرر ..

قعد يغمز لهآ .. ويقط لها بوسآت .. ويستهبل عليهآ .. يبي يضحكهآ .. نآسي آللي حوله ..

وماحس باللي جنبه سكرر الجوال وماسمع بآقي القصيده ..

صقر أحترر له وقت يتابعه .. والأخ مطيح وعايش جوو ..

صقر بحده .. جويبررر
جابرر أرتبك وأثرت ربكته بشكل بسيط على سياقته مع رجة السيآره .. تنحنح ..

آلله يهديها أم سالم .. أشغلتني عن السياقه .. تمزح معي .. مآعرف يرقعها من الربكه ..

صقرر بغيظ .. عدل المرايه
أم سالم .. وألا أم مبارك ؟؟

حوول حوول بسوق أنآ بغيت تعدمنآ ..
جآبرر ركز شوفه على الطريق ..وبقوات وجه ..

أجل كان حطيت أم مبارك على الباب الايمن .. يومن أنك داري .. ‏

‏*‏ * *

منى .. أووف بلشه .. كيف بستعد لهم .. لازم أطلع ..

سمعت صوت الباب يتسكرر ..
طلعت .. نظفت الشقه بدقه ..

فتحت الثلاجه وتفقدت الناقص ..
طيب مدري .. بيجون اليوم وألا بكره ..

..‏ بيتعشون وألا لا .. يلعن أم الحاله ..

سويت حلا سريع بالكورن فليكس ..
مع سلة شوكولاتات مشكله ..
بس وهقه .. مافي قهوه ألا تركيه ..

هم خليجيين .. أكيد يبون قهوتنا العربيه ..

لزقت ورقة الأغراض بالكليب حقي في باب الثلاجه .. ودخلت أسبح ..

..فهد .. دخلت بعد ساعتين .. خليت عزوز مع فهود ولد أحمد .. بسبح والبس وأجيب الأغراض .. بعدها نطلع أنا وأحمد وعيالنا ..

مريت المطبخ .. شفت ورقة علآ الثلآجه .. سحبتهآ ..

..‏ جيك حليب
..‏ جيك عصير برتقال ومشكل
..‏ بطاطا جاهزه للقلي
زبده
ذره معلبه
..‏ ‏.. .. ..
1شآمبوو ..
1‏ معجون وفرشآه
1غرض نسآئي ..

ضحك بشده ههههههههه عارف قصدهآ .. وكغيره من الشباب مآبعمره فكر أنه يشتريها لو لزوجته ..

..‏ وكمل يقرا باقي أغراضها ..
‏"‏ ملاحظه "

ماعندنا قهوه عربي ..
وهم بيتعشون وألا لأ ؟؟
..‏ بيجون اليوم وبكره ؟؟

سرح بخطهآ ‏.. آللي رجعه خطها لذكريات ناسيهآ ..

..‏ لان خطها حلو .. يجيب لها كتبه تكتب اسمه عليها .. لانها كانت خطاطة العآئله .. وهو خطه مخربش ماينقرآ ..

شاله من سرحانه صوت بغرفتها ..
وبخبث مغلف ببرآءه دق بابها ..

ردت لانها شايله هم هالعزيمه ..
منى : نعم
فهد : ترآ ضيوفك بيجوون بعد المغرب .. ولاتسوين شي ..
جايبين لك قهوه بيقهوونك .. بس بجيب أغراض للعشا .. وأنتي لزمي عليهم يتعشون ..

منى .. آهآا طيب

ابتسم بخبث .. وتعمد اظهار الجهل والبلاهه في سؤاله ..

فهد : أم عزوز .. وشي أغراض نسائيه .. روج وكحل ؟؟ وألا ملابس داخليه ؟؟

وكتم ضحكته ‏..

منى : سبت نفسها ألف مرره على جرأتها .. عزوبي وش دراه ؟؟
بس كانت مضطره ..
وقالت بالمره دام قطيت وجهي .. خل اطلب أغراضي ..

لو طالعه معه وجايبتها بنفسي كان أهوون .. سكتت ماردت .. جدا جدا محرجه ..

فهد يرفع حاجبه باستمتاع :
هآ أم عزوز .. بطلع الحين ماقلتي لي ..

منى كحت بحرج ‏..
آآه خلاص خلاص لاتجيب شي ..
فهد بلؤم : طيب وشو آللي ماجيبه ..

منى : أووف نشبه ذا .. لا أنا قصدي الشامبو والمعجون بس ..

ضحك فهد بعد ماسكر باب غرفته .. سبح ولبس وطلع يجيب لها أغراضهآ .. وشرآ لها الأغراض الخاصه آللي تبيهآ .. يبي يحرجها ..
ويعرفها أنه فاهم بس يستعبط عليهآ ..

‏*‏ * *

بعد الفطور سنترن البنات عند التلفزيون .. والشباب طلعو لخوياهم ..

عدا بدر .. يبي يريح بعد الفطور ..
غمزت له أمه بعد ماشافت البنات لاهيآت .. عشان يلحقها فوق ..

استغرب بدر .. وش تبي ؟؟
توقع ياعريس لبدور .. وألا صدقه سريه لأحد من معارفها .. لحقها بعد ماطلعت ..

وجلس مقابل لها .. هي على سريرهآ وهو على الكنبه ..

بدر .. خير يمه ..
أم بدر وجهت سؤال مباشر كان كفيل بانه يبدل انفعالات بدر ..

أم بدر بصوت ثقيل :
انت ممسي مع منتهى حرمتك ..

كح بدر بحرج .. كح كح ..
يمه ليش تقولين كذا ؟؟

صدمته بسؤال أقوى من الأول ؟؟
منتهى حامل ؟؟

فتح عيونه بصدمه ‏..
وهي مازالت مركزه نظرآتها فيه ..

مافي فايده من الأنكار .. واضح أنها كاشفته .. بس كيف ؟؟

ابتسم بحررج .. وحك عارضه بتوترر ..

..‏ آيه ممسي معها .. ‏
وهي حامل ألحين ..

حس بخجل وسعاده لاعترافه لأمه .. على الأقل أحد يشاركه فرحته ..

كان ودهآ أنه ينكر ويكذب شكها .. بس مافي فايده من التمني الحين ..

شدت راسها تحوقل وتسترجع ..
لاحول ولاقوة ألا بالله ..
أنا لله وأنا إليه راجعون ..

ردت فعل أمه ضحكته أكثر مما زعلته ..

بدر باستنكآر : يممممممه وشفيك .. تراها حلالي ..

أم بدر بغضب : حلك بطنك .. حلالك مايخالف بس مهوب ألحين ..

والله لو يدري عمك أن يروح فيها ..

وهي راضيه ؟؟
بدر بنفي : لا لا .. وبحرج أنا غصبتها .. مره وبس ..

أم بدر : عيب وعليه شهود .. ذا اللي في بطنها كلن بسأل لاجابته .. كم مدت حمله ..

بدر يشغلها .. ألا ماقلتي لي وشلون عرفتي .. ومحد يدري ألا أنا ويآهآ ..

أم بدر بفراسه : لاحظت مشيتها .. وصدرها تغير .. ونظرت عينها ساهيه .. وهدبها متبررم ..

بدر يضحك : هههههه آلله كل ذا فيهآ ..

أم بدر : وش السوات الحين ؟؟

بدر : سوات الله أبررك .. خليهآ علآ الله ..

بس تكفين يالغاليه .. وسعي صدري .. ابي اسمع مبروك منك ..

أم بدر باستسلام ..

..‏ أمرر الله شق القرربه ..

..‏ مبروك .. وجعله عبدن صالح ..

باس يدها وراسها بدر .. آيه هذا ألحكي اللي يفتح النفس ويوسع الصدر ..

‏*‏ * *

جابر : ول ذا رادار مهوب رجال .. صقر علآ اسمه .. حتى لو بينزل البقاله نزلني معه ..

ياجعل تكررن الحررم يتخاطفنه .. كتم نفسي .. كني بمدرسه ..
بووص أودآآامك .. ماتبصش وراك ..
يابو عين زايغه ..

صقر : يمه ذلحين قدنآ على ظلم بنحول نتعشى .. ونصلي ونريح شوي عقب نمغطهآ للسيل ..

جابر : رحت استاجر غرفه وحده بالعآني باستراحه عشان نتعشا فيها .. وقلت لصقر .. مالقيت غير هالغرفه هي كلها ساعه أو حولهآ نتعشا ونمشي ..

صقر .. ماعليه .. نزل الفرأش من ورآ .. أنا وأنت بنتعشا قدام سيارتنا والحريم سوآ ..

جابرر .. ياليل ماأطولك ..
أجل مابي عشا .. بانثبرر وأرقد .. وانت تقلع تعشا مع النسوان ..

صقر : هههههه ماعليه هآنت ترا حلات الشي بقلته .. وتركه وراح

جابر يتهزآ به : هه طول الطريق وجواله يرزف برسايل .. ولاوقفنا دندن .. ويقول هآنت ..

بس والله والله لين كنت ولد مبارك .. لاطرب عمرري بشوفتها من ورا خشمك ..

//‏ انتهى آلبآااارت //

السلام عليكم ورحمة الله ‏‏..

//‏ البآااارت آلثلآثوون //

جوزآ اللي كانت العمرره قايمه عشآنها .. سوت فيهآ الدوره حركت نذآله كعآدتهآ في رمضآن ..

..‏ وهونت عن روحتها بعد ماكانت مجهزه شنطتهآ وسآبحه .. بس لله حكمه في ذلك .. وذكرت الله عليهم لأن نفسها فيهآ ..

بكت وبكت قهرر .. بعد ماطلعت مابخاطرهآ .. تعوذت من الشيطان ..

راحت تشغل نفسها .. وتدور شي يوسع صدرهآ ..

..‏ جهزت قهوه وشاهي ونعنعنآع .. وقلت سمبوسة جبن .. حطت باقي اللقيمآت بصحن .. والفطاير بصحن .. أمآ السمبوسه خلتها بالفرن عشان لاتبرد ..

دقت على حريم أخوانها ينزلن يتقهون معها .. وبلغت نوف تجي لاخلصت من صلآة التراويح ..

ولشيخه أختها آللي يوم عند أهلها .. ويوم عند أهله .. ويوم في بيتها ..

..‏ نظام بيتهم .. كان فوق مقسوم 3 أقسام .. شقه لماجد .. وشقه لنهار .. والنص الباقي تابع لبيت أبو صقرر .. وساعدهم في هالتقسيمه كبر مساحه البيت ..

..‏ نزلن البنآت .. وسوالف وجمعه وسعة صدر نستها غبنها شوي ..

..‏ دق جوال هيآ اللي علآ المركى .. ‏
تناولته جوزا .. وكان كأنه توأم لجوالها في نوعه وشكله ولونه .. وحتى النغمه .. نوكيا العاديه ..

شافت اسمه يبرق بالشاشه ..
‏"‏ سالم "
..‏ دق قلبها .. وأرتعشت يديها .. وجف حلقها بثوآني ..

درت أنه مهوب جوآلها ..
هي مخزنه اسمه ..

‏"‏ سلووومي "

سوت رفض للرد قبل لاحد ينتبه .. ورجعته مكآنه بهدوء .. ومزاجها تعكرر ..

هيآ اللي كانت نازله بكيسه فخمه معها .. حطتها ورا باب المقلط .. وطفت لمباته لايشوفونها البزارين ..

استدرجت نوف لين دخلت المطبخ .. بعد ماشافت البنات مندمجين بالسوالف .. ولحقتها تسحبها وتدخلها المقلط .. قفلت الباب عليهم .. وجلستها .. مدت لها الكيسه .. ‏

هيآ : هذي كسوة العيد .. لس من عقآب .. قالي أوصلها لس .. يخاف ينشغل مع ذوده وينسآ ..

نوف بخجل من هيآ .. وقهر من عقاب ..

هيوونه رجعيها له .. ماقاصرني شي .. قدني في بيت أبوي وهو اللي ملزوم بي مهوب حضرت جنآبه ..

شهقت هيآ وضربت صدرهآ .. من صدقس أنتي تبين أرجعهآ له .. عشآن يكفخني بها لين أفقد الذاكره ..

تبين ترجعينها رجعيها له بنفسس ..
أنآ ورآي عروس وعيد .. ورجآل أن تشوهت بيحذفني بهديمآتي ..

ضحكت نوف ..
يمه منس قومس مشوهه والله كنس خوآنس ..

كل أمرن عندس عظيم .. ألا كانس مهتويته صغرتيه ..

هيآ .. بلآس مآشفتي عوينآت العقآب لاقده مطنقرر >> معصب يعني

يقول ياشرر أشترر ..

نوف بتطنيش .. أنتم آللي رازينه على الفآضي .. موذي ومعطينه علم وقآله ومشيخينه لين ما أستقوى عليكم ..

هيآ بفزعه لاخوهآ .. والله هو آللي مشيخن حآله بافعآله ..
والعلم وآلقآله ماتعطى ألا للي هو قدهآ ..

ماردت نوف احترامآ لمرت أخوهآ .. ومدآرت لمشاعرهآ .. لأنها حست أنها خذت في خاطرها عليها ..

نوف .. بآخذهآ عشآن عوينآتس .. مهوب عوينآت أخوس .. ورأفتن بحآلس من الأصآبات المتوقعه ..

طلعتها فوق تفتشها .. وبنيتها كيف بتردهآ له .. ومع من ؟؟

‏*‏ * *

منى .. طلعت بنقآبها وطرحتها .. ولابسه شآل شتوي سآتر جسمهآ ..
خذت الأغراض .. يآالله يمديهآ ترتبهآ ..

فهد كان بيطلع .. بس من شآفهآ طلعت من صومعتها هوون ..

لحقها في المطبخ وشافها ترتب بذمه .. شآل الكيسه الثانيه وتعمد يطررح غرضها وهو يمد لها الكيس تآخذه ..

منى .. آووووف أحراج .. يعني ماطاح من بد الأغرآض ألآذآ ..

وكأن مخها نبههآ .. يآالحيوآااان .. يستغفلني ويضحك علي ؟؟

عطته ظهرهآ عشان ماينتبه للي طآح .. بس هو مصرر يحرجهآ ..

لقطه ومده لهآ .. هذا غرضك ؟؟
لقيته طآاايح ‏..

هنآ مآعآد استحملت الاحرآج .. دفته عن طريقها .. وطآارت لغرفتها ..

ضحك فهد وطلع ..

‏*‏ * *

موضي .. وصلنآ السيل وخذينآ غرفه .. عشان نتسحر سحور خفيف .. ونتقهوى .. ونريح .. ثم نحرم وننوي ..

حطيت ترامس القهوه .. والمقاديع ..
وباقي الكنافه والبسبوسه اللي جابها صقرر ..

..‏ ويله من ربه صقير أن طرد جوويبر .. ماتعشا بعد بيحرمه من السحور وآلقهوه ..

مامداني أكمل هرجتي بخاطري .. ألاوصقر يتنحنح .. يآولد ..
تغطوو جابر بيدخل ..

نزلت برقعي .. وأضفيت عبآتي .. وتواسيت جنب أمي ..

سلمو وقعدو .. صبيت لصقرر فنجآل ومديته ..

صقر مده لجابر .. أللي حلف ..
علي بالحرآاام ماذوقه .. في يدك .. أنا باخذ آلثاني ..

صقر بغضب .. انطم طمك الله .. ذلحين أنهآك من الطلآق تجيب الحرام بعد ..

والله لولا حشيمت هالعجيزات لكب فنجآلي في وجهك ..

جآبر بسعت صدر ..
آسفين أستاذ .. ماعاد نعودها ..
كان ودي أقولك أمسحها بذآ آللحيه بس ماعندي غير هالشنب .. ينفع ههههه

موضي .. ياوسع حلم صقور عليه .. لوه ماجد كان قدهم متذابحين ..

صبيت ثاني ومديته لصقرر .. بس ..
يمه وش ذآ آليد .. يآطووولهآ كنهآ عصآ مكنسه ..

جآبر .. مديت يدي قبل صقرر .. وأنا أطبق علآ أطراف أصابعها مع الفنجآل ..

وتكلمت .. عآد آنآ شهوتي للقهوه .. من صبآبهآ .. وآ...
قطعه صقر يكزه برجله ويتوعده ..

قسم أن ماأستعدلت ياجويبر لعدلك ..

وأن أشتلك بخلآقينك وأحذفك في آلخلآ ..

جآبر يستعبط .. يآلعررب وش فيكم علي .. ماشين في دربي .. وتنآكدوني على ذا الفنجآل .. ونزل فجآله .. مآعآدهوب حآدر وأنت منشبه في زوري ..

..‏ انفضت جلست القهوه ..
طلع جابر للبقاله يجيب بارد وخبز وجبن ومويه قبل لايذن ..

وصقرر دخل يسبح لانه ماسبح في ظلم ..

والعجيزات .. كبررن يصلن وتررهن ..

وموضي تقرآ قرآن لين يخلصن أمها وخالتها من السجاجيد ..

دخل جابر محمل بالاغراض .. شاف العجز يصلن .. سألها بأشاره عن صقرر .. أشرت له .. بأنه يسبح بالحمام ..

بسرعة البرق .. نزل مابيده بهدوء .. يستغل الفرصه قبل لايسلمن العجيزات .. وقبل لايطلع صقير وينآكده ..

قرب لها بثواني .. تراجعت بخوف من سرعته ..
رفع برقعهآ .. وطبع بووسه علآ شفآيفهآ .. بردت خآطرره .. بس ولعت قلبه ..

أمه اللي كانت تصلي .. حاسه بدخوله .. شآفته من طرف عينها بعد ما أشغلها عن صلآتها .. طقت يدهآ بفخذها مرات ورا بعض تحذره وتنهآه .. وهي قاعده تقرا التشهد الاخير .. وكل شوي تعيده من قلة تركيزهآ ..

أختها أم صقر كانت تقرا بصوت عالي شوي .. ومتقدمه عن أختها ماحست باللي حولها ..

سلمت أمه .. وفي نفس الوقت طلع صقرر ..

دنق جابرر علآ راس أمه يحبه وهمس بأذنها .. أستري علآ وليدس ربي يستر عورآتس في دنيآس وآخرتس ..

ابتسمت أم سالم وقرصت ولدهآ في يده .. ‏

حاكاها صقر .. وشفيس ياخاله .. تطقين رجلس تبين شي ؟؟

ام سالم ‏.. آبد أبيكم تسحرون قبل لايذن ..

جابر اللي وقف ورا صقر وكأنه بدي قصد .. أشر لموضي ينبهها .. حط يده على شفايفه .. بعدها رجعها لقلبه وهو يمثل لها أنه ذآاايب ..

نزلت أمه اللي تشوفه برقعها .. خوف أن ولدها ينفضح من ضحكها المكتوم ..

التفت صقر فجأه لجابرر اللي وراه .. بيسأله عن الشاحن .. شآفه مسكرر عيونه ويديه على قلبه ..

موضي هنآ طاح قلبها .. خافت لايتهمها صقر أن تغازله بعد ..

بسرعه فتحت مصحفها ونزلت نظرهآ فيه ..

صقر باهتمام .. وش فيك ؟؟
تنس شي ؟؟

جابرر أنصدم من الصوت الخشن آللي قاطع أحلآمه ‏.. وبتمثيل ..

أبد ياخييك .. حسيت نغزه بقلبي ..
حاولت آكل مسكن وزاده وجعه وجع ..

ام سالم فهمت قصده ..
ذكرت آلله عشان تغطي حرجها من سوآيا ولدهآ ..

لآ أله ألآ الله .. وببتسامه من تحت برقعهآ جابر يمك .. تسحر وأسبح وأن شآء الله بيرتاح قليبك ..

.صقر باهتمام وحسن نيه وهو ماخذ الامر على ظاهره ..
اجل خل نمر بك مستشفى فيذا .. أخاف ماتحمل تعتمرر ..

بس من متى تنسه ؟؟ ماخبرتك راعي قلوب ؟؟

جابر بنفسه ‏.. ياليل أم البعارين .. بدا التحقيق ..

تربع في الأرض وهو يفتح كيسة الخبز .. ويحشا له ساندويتش جبن مع شطه ..

هو كذا يجي ويروح حسب النفسيه ..

‏*‏ * *

بدر : منتهى تجهزي .. أنا جآي باخذك .. عشان تتابعين حملك عند طبيبه ..

منتهى .. لأ لأ .. يآخي ماله داعي ..
أخاف يشوفنا أحد بالعياده ويعرفنآ ..
تكفى بدر ..

بدر بغيظ وسلطه .. وأنا ماعندي استعداد أضيع ولدي عشان نآس ماهمهم ألا نقل الحكي ..
مالأحدن عندي شي .. تجهزي بس .. وسكر بدون لايودعهآ حتى ..

//‏ آنتهى آلبآاارت //

السلام عليكم ورحمة الله ..

//‏ آلباااارت آلحادي وآلثلآثون //

جابر .. الله حفيك ياصقيرر .. أنت تسعى بمطرق الريحآن .. ‏
وآنآ أسعى بذآ آلعجيزآت ..

بس وكآد أنهآ عقوبتي .. طاريني أزحلقهن مع صقور .. وأنا اسعى بمضيوي علآ عربه عشان نقضآ بسرعه قبل لايدرون .. ونروح نتقهوى سوآ .. وألا نتسوق سوآ ..

بس ربي دقمني .. مالي غير أبر بذا العجيزات من ورآ آلخشم ..

نوف .. تفتح الهديه .. وهي لآويه خشتهآ .. خل نشوف وش جآب " يآمآ جآب الغرآب لامه "

وأول حاجه صادفتهآ .. ضرف صغير أحمرر .. رفعت حاجبها تزرآ عليه ..

يآوجه آلله .. وش ذآ بعد ..
ههههه لآيكون كاتبن غزل بس !!
فتحت الظرف .. طلعت خمسميآت جدد .. عدتهن باستغرآب 4 آلآف ..
حطتها على جنب وفتحت آللي تحتهآ .. طقم ذهب عيار 24 من الذهب الخآلص عدآ فصوص ملونه متدليه بسلآسل من آلعقد آللي يطوق رقبتهآ ..

ومعه توابعه من خاتم وحلق وسوآره .. بهرهآ نعومته وذوقه وفخامته بنفس ألوقت .. تحاكي نفسهآ ..

..‏ بيطلع خيال مع الجلآبيآت .. وفصوصه الملونه بتناسب أي جلابيه تلبسها معها ..

هه أكيد ذآ ذوق هويآ وألآ هو لو عنده ذرت ذوق ماسحبني بالسكيك قدام خلق الله ..

سكرت علبته وبجنب الظرف حطته .. ومابقا غير قطعتين حرير وحده ساده والثآنيه مشجره .. أحتارت بينهن من أحلى ؟؟
وتخيلت موديلآت تنآسب قماشهن ‏..

بس بالأخيرر تذكرت أنها بترجعهن قبل لايشوفهن أحد بس كيف ؟؟

سالم ‏.. هويآ وينس أمس بغيت أسير عليس وأتعشا عندس بس مآرديتي ..

هيآ .. غريبه ماشفت لك أتصال .. متى ؟؟

سالم ‏.. عقب التراويح ..
هيآ .. أيه .. عند الجوز عازمتنا للسهره عندهآ ..

تنهد سالم .. وش علومهآ .. آربهآ طيبه ..

هيآ .. بكت البآرحه لين صفى رآسهآ ..
سآلم عدل قعدته واستقآم ..
آفآااا .. وش قومهم عليهآ .. أحدن حآس خآطررهآ ..

هيآ .. لآ نفدآك .. مغير مشتهيتن العمرره ولا حصلت لها ..

سالم .. قومي أدعيهآ .. قولي لها بنمشي ذلحين لمكه والسياره وراعيها تحت أمررهآ ..

هيآ .. ريح عمررك .. السياره ماشيتن على حسابها .. غير ظروفها ماناسبت ..

سالم .. هويآ .. تحبين أخيس .. وودس تخدمينه ؟؟

سالم ‏.. آبي أشوف جوزآ وأحاكيهآ عندس في بيتس .. ولا أبي أحدن يدري ولآحتى هي ..

‏*‏ * *

جالس يتحررق .. يسمع حكي الدكتوره ولا يقدر يجي يشوف ..
مآحب يجي ويحرجهآ ..

تسطحت على سرير الكشف .. وسحبت الستاره ورآهآ ..

ضغطت النيرس آلجل آلبآرد على بطنهآ .. والدكتوره مررت جهآز الاشعه على بطنهآ .. وبدت تشرح لها عن وضعه .. وعمره .. وحجمه آلآن ..
وقفت فجأه الدكتوره .. أستاذ بدر ..
مآتبي تشوف ولدك ؟؟

ربي رأف بحآله ‏.. وجآه الفررج .. فز واقف وبخطوآت سريعه .. صآر عندهم وكأنه ماصدق أحد ينآديه ..
‏ ‏

سكررت منتهى عيونها بيده بحررج .. وصوت طنين بأذآنهآ شوش السمع عندهآ .. كآن ضغطهآ منخفض ..

لهآ أيام ضآغطه على نفسهآ .. وماكلت شي .. ترجع أي حاجه .. وحاولت تجلس بغرفتها قدر الأمكان عشان محد ينتبه لنفسيتها الزفت ..

..‏بدر .. كان بعالم ثاني .. فرحآن وصدره منشرح .. ومركز بكل كلمه تقولها الدكتوره ..

نزلت بعد مآانتهى الكشف .. وطآحت مغمى عليهآ ..

‏"‏ يتبع "

].