منتديات ليلاس

منتديات ليلاس (https://www.liilas.com/vb3/)
-   القصص المكتمله من وحي قلم الاعضاء (https://www.liilas.com/vb3/f498/)
-   -   * ينابيع الراحلين * (https://www.liilas.com/vb3/t121838.html)

#أنفاس_قطر# 11-01-10 09:47 PM

شارمي ياقلبي
ماشاء الله تبارك الله
تبرير جميل ومقنع بالنسبة لفلوس سلطان
ولو أنه فتح الطريق لمعضلة جديدة
أبو ماجد أيش سوى بفلوس سلطان؟؟؟

بس تدرين أنا ماراح أتكلم في هالموضوع لأنه يبي له قعدة
وأنا مستعجلة شويتين
بس اللي خلاني لازم أعلق شيء أثار انتباهي واستغرابي بشكل كبير
إنه ناصر وغالية شقيقين
أنا ما قرأت تعليقات البنات.. فما أدري لو حد منهم تكلم عن هالموضوع

القضية إنه أنتي تكلمتي عن أبو ناصر وإنه موجود وعايش
وحتى عزام بلغ أبوه عشان يمسكه عنده في أول القصة بس هو هرب لو ما خانتني الذاكرة
وفهمنا من كلامك إنه أبوه كان شديد عليه
فكيف هذا الأبو الشديد لم يرد له ذكر مطلقا عند غالية
أولا تزوجت أمها وكانت في البيت بروحها.. وعزام جا وقعد عندها
وين أبوها؟؟ كيف تركها بروحها؟؟
حتى لم يأتي لمجرد اقتراح ذهابها عنده أي ذكر وكأنه غير موجود أبد
لذا أنا كنت أعتقد أن والد غالية متوفي وناصر هو من أب آخر
حتى في زواج غالية لم يرد له اسم مطلقا ولا ذكر

الأمر هذا أحدث لي لبس كبير في ذهني
سامحيني لو أنا شوشتك.. بس هي فعلا قضية مشوشة

شارمي يا أعذب من العذوبة
سلم لنا المخ الكبير والإبداع المنقطع النظير
.
.
.

ضحكتك في عيوني 12-01-10 09:53 PM



السلام عليكم و رحمة الله و بركاته

تسلمون على المشاركة و التعليقات اللي تخلق جو ثاني للقصة ... أحب أقرأ توقعاتكم و تحليلاتكم لأنكم أحيانا ترسمون قصه ثانية انا أستمتع في قرائتها ...

.
.
.

با النسبة لفلوس سلطان ووين وداهم و المسابقة اللي محد فاز فيها :lol: معوضة أن شاء الله ..

وصلتني توقعات كثيره منها المنطقي و منها الشاعري و منها اللي يضحك و لا يطري في بال أحد ...

مثل شرى يخت و إلا بيسوي أكبر مندي في العالم !

المهم أنا بعطيكم مسابقة ثانية بينتهي وقتها باجر الظهر ...

شراح يصير مع تهاني و فيصل بلقاء المخطط له ... يله عاد بدعوا بتوقعاتكم و اللي يصيب توقعها بهديها جزء إضافي ..

.
.
.

اللحين خلوني أستلم ردودكم ...


<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<


[QUOTE]
اقتباس:

المشاركة الأصلية كتبت بواسطة بوح قلم (المشاركة 2138501)
تسلمين حبيبتي عالبارت:flowers2:


الله يسلمج و منوره بتعليقاتج يا بوح دايما ..

اقتباس:

غالية

كنت متوقعه انج اتاجلين عرسج..انتي حددتي موعد عرسكم وانت حاسه انج خلاص انكشفتي.. وعسب جي الحينه يوم ردت فيج حاسيتج.. اتخذتي القرار.. وهالشاهين ما عنده الا انه يوافق خصوصا عقب ما خبلتي به.. وخليتيه يحبج

أقولج سر صغيرون ما أعتقد أن غالية خبلت بشاهين و لا هو اللي ذاب في هواها هو حب مره و أشتاق يحب مره ثانيه و يعيش من جديد و غالية أفضل الموجود .. حكايتهم للحين في أولها فا خلونا على بينه غاليه تحبه و هو يستلطفها ..



اقتباس:

ابرار وجاسم

سبحان الله وتستمر مسيرة الرفض.. طول عمره الانسان جان غلط ما يبي يشوف اللي يذكره بغلطه.. جاسم كان اقوى من نفسه وعرض عليها الفكرة اللي رفضتها.. والحينه يا دوره يرفضها.. صح هو غلطان من البداية.. بس الحينه تاب والله رضى عليه.. يعني مستحيل يقرن نفسه بوحده باعت عمره لغيره بدافع الانتقام
بلمت أول شي و أخيرا أستوعبت أنج تقصدين ناصر ...
فعلا هو اللي بدى الغلط و هي كملت الباقي بس في نظر الكل و نظرها غلطها أفضع هو في أعذار كثيره ممكن يتعذر فيها مثل عائلة مفككه و أصدقاء سوء ألخ .... بس الحقيقة هو رجل و هي أمرأه و غلطها دايما ممكن ينصلح ما غلطها ينهي حياتها حتى مع التوبة !


<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
اقتباس:

زارا



تدرين يا الظبية اني كنت خايفه منج .. قلت اللحين بيصيب توقعها و أسلمها القصه تكملها عني :lol: بس اشوى ما عرفتي و كملت قصتي بعد ماردت لي ثقتي بنفسي :dancingmonkeyff8:

.
.
اقتباس:

عزام وعذوب : يااااشيخ الحمد الله انك قضبت ارضك ومارحت لعم ابرار.. يوووووووه والله ان يدي على قلبي خااايفه انك تروح له وثم يقطهاىبرااسك بس اشوووى ان ربي ستر عليك وكانت غاليه معها القرار..
واللي اعجبني مرررره مررررررره مررررره سرعة استجاابتك لتلميحات وخطط منار.. هالبنت الحماره ماييمديني اكرهها الا ارجع اقدرهاا..هخهخهخهخه..
أصلا عزام أستوى و نضج .. بمنار و إلا غيرها كان راح يقدم على ها الخطوة و يمكن اللي صار بسالفة ابرار و كلام غنام له خلاه يخاف ان يصير اي شي حتى لو مو سالفة ابرار و يوقف عرسه من ست الحسن عذوب ..
يعني منو يضمن الظروف ؟!

اقتباس:

غاليه وشاهين : شكل زواجكم قريب ماراح تصبر انت يااا شاهيين لين تجيبها في بيتك .. شكلك مشتاق للزواج منها اكثر من شووقها لك..
مشتاق لأهتمام أنثى با الأصح ... و شلون لو كانت ها الأنثى مثل غالية تعشقه بجنون ... مثل ما تعرفون عليا على انها كانت تحبه إلا أن كبريائها كان أقوى ..
اقتباس:

ام جاااسم : ومااازلتي مختفيه من الاحداث شخص بلا قيمه الا انه عدد زااائد شخص هش . انااني لاا مبالي .. الى متى بتستمرين كذاا اناانيه وماتفكرين الا بنفستس وليش حااسه ان حياتس مع ابو شااهين قربت نهايتها..
أم جاسم ما تحتاج تكون موجوده لأن كل اللي نشوفه هي زرعته ..
في بعض الأشخاص على الرغم من غيابهم إلا أن تأثيرهم يمس كل اللي يرتبط فيهم و هذا حال كل اللي حوالينها ..
حتى أخت أم جاسم و الحياة اللي أختارتها كأرملة شابة و حيدة تربي طفلة من دون عائل كانت نتيجة لشخص أم جاسم .. أم ابرار خافت تكون حياة ابنتها تكرار لحياة أطفال معذبين بظل أم مزواجه !
حياة منار الحالية من دون وجود مسؤول و موجه ما هو إلا فعل أم جاسم و لا نحتاج لرؤيتخا لنعرف أنها اهملت منار و لم تبالي بها ..
أم جاسم لا نراها أم و لا نراها جده و لا حتى زوجه لأنها متوحده تغيب
في عالمها !


زارا كفيتي ووفيتي يا بنت بتعليقات الحلوه .. مميزه دايما :flowers2:

نوف بنت نايف 12-01-10 10:24 PM

السلام عليكم
هلا بك شوشو تدرين بلا حركات واكشن ونزلي الجزء واسبقيه بهديه للنوفي ونجمه على الجبهه (حركات ابتدائي

شوفي ياشوشو اللي متاكده منه ان فيصل ماراح يحاول يسوي لتهاني مثل شاهين وغاليه لاني اشوفه اعقل من كذا
لاكن ممكن يتكلم معها ويحاول يفهمها وجهه نظره او ممكن حتى يتقرب منها بطريقه او باخرى ويبين لها انه مستحيل يطلق
او ممكن يجيب زوجته تقابلها وبكذا ينتقم منها انها رفضته

يالله عاد قولي لي اذا صح والا خليني اتوقع توقع جديد
خخخخخخخخخخخ
متشفقه على البارت

ضحكتك في عيوني 12-01-10 10:31 PM

اقتباس:

inay
فديت العرب اللي في اليابان و مشاركاتهم ... إلا تعالي فعلا أنتي في اليابان ؟

.
.
.

اقتباس:

سلوى وجاسم الحمد لله ليس هناك حديث عن زوجة اخرى ..اممم بس مو كانه يضخم الموضوع سلوى لا تريده حصرا لها بتلك الدرجة لكن من جهتها هي الاخرى لم نرى منها خطوات فعالة في سبيل تغيير القناعة التي غرست في نفسه (وجهة نظر) يالله ننتظر جدييييدكم على ناااااااار
أنا مو اخصائية أجتماعية أو حتى عندي تجربة كا زوجة بس أنا أشوف أن سلوك سلوى و أبتعادها عن أهل زوجها سلوك متطرف و عقيم ما ينولد منه إلا مشاعر سلبية تكبر مع مرور السنين .. جاسم على الأكيد ماراح يقبل بسلوكها على المدى الطويل و عيالها يمكن يجي يوم و يحاسبونها على ضياع صلتهم بأهلهم .. تخيلي جاسم لو ما فيه خير و يتبع شورها أكيد أكيد جان اللحين هو بوادي و أخوانه بوادي ما بينهم اي صلة رحم !
يعني المعضلة من البداية من خلق أيدين سلوى مو من جاسم .. هي اللي بدت الحرب و حاولت تكسبها بس المشكله أن جنديها على ولائه الأولي و اللي تحاربهم ما دروا عنها !
.
.
.

اقتباس:

NoOoFy
حي الله الطالبة .. يله شدي حيلج و بشرينا بتخرج ..

اقتباس:

ياعيني على الحب عزام حامي حامي ولا ملاك مره وحده بس البطه مايندرى عنها هل بتوافق ولا بتسوي مثل المره اللي راحت بس اوتقع ان ابوها هو اللي بيطلب منها تاخذه خاصه انه يشوف عزام وشلون معتني فيهم ومراعيهم
تعتقدين فعلا البطوطه عذوب ممكن تبطر على النعمه و ترفض للمره الثانية ! .. عاد أن سوتها بتقاضى لعزام و أزوجه أحلى وحده في الكويت و هي أزوجها شايب طايحه سنونه تهرس له غداه و تسوي له هريسه تعشاها معه ^_^

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

اقتباس:

لا خلا ولا عدم
جعلنا ما نخلا من طلتج علينا يا بنت عمان

اقتباس:


غالية...... اممممممم تفكير منطقي تأجلين العرس... بس بصراحة في موقفش ذا ما انصحش.... الواحد مايضمن عمره لاي ثانية... فالمفرووض تحاولين تسهلين الامور على شاهين خاصة وان الرجال وده بالعرس بسرعة...... امممممممممم غالية لازلت اتمنى انش تفكرين ان ابرار حل مشكلتها بالعملية اكثر من انها تتزوج ناصر .....
فعلا موقف غالية يتطلب منها تعجل في مسألة الزواج بس من المنطقي أنها تبي الكل يفرح لها مو كلن في همه و يمكن حتى ما أحد من أهلها يحظر عرسها !
يمكن غالية تبي تفرح صح ولو لمره !
أبرار مشكلتها عويصة و تعدى الموضوع مسألة العذرية .. مدامها دخلت مخفر بجريمة أخلاقية تمس الشرف فتأكدي أن سمعتها صارت على كل لسان حتى لو تم التكتم على الموضوع لازم في واحد بيتكلم و ينقلها لثاني و الثاني يشاركها مع عشر و هلم جرا !..

اقتباس:

عاااد تصدق جاااسم.. اليوم بس فعلا اكتشفت انك سخيف ...... يعني مسوووي نفسك كووفي عنان وجاي تحل أزة هع.
شوفي يا خلوي أنا بطلت أتابع أخبار بس كأنه كوفي عنان الأفريقي صار صيني ^_^


ضحكتك في عيوني 12-01-10 10:34 PM

اقتباس:

المشاركة الأصلية كتبت بواسطة نوف بنت نــــايف (المشاركة 2139552)
السلام عليكم
هلا بك شوشو تدرين بلا حركات واكشن ونزلي الجزء واسبقيه بهديه للنوفي ونجمه على الجبهه (حركات ابتدائي

شوفي ياشوشو اللي متاكده منه ان فيصل ماراح يحاول يسوي لتهاني مثل شاهين وغاليه لاني اشوفه اعقل من كذا
لاكن ممكن يتكلم معها ويحاول يفهمها وجهه نظره او ممكن حتى يتقرب منها بطريقه او باخرى ويبين لها انه مستحيل يطلق
او ممكن يجيب زوجته تقابلها وبكذا ينتقم منها انها رفضته

يالله عاد قولي لي اذا صح والا خليني اتوقع توقع جديد
خخخخخخخخخخخ
متشفقه على البارت

ما عليه يا بنت نايف "حاول مره أخرى"


الساعة الآن 04:14 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية